See in Reader
156 lines
13 KiB
Plaintext
156 lines
13 KiB
Plaintext
\id PHP
|
|
\ide UTF-8
|
|
\h ABAFIRIPO
|
|
\toc1 ABAFIRIPO
|
|
\toc2 ABAFIRIPO
|
|
\toc3 php
|
|
\mt ABAFIRIPO
|
|
\c 1
|
|
\cl Essula 1
|
|
\p
|
|
\v 1 O' Pawuulo no Timosewo, abeiru ba Kurisito Yesu, edi abeikiiri bonna omu Kurisito Yesu abali omu Firipi amwei nabakabnonna na baweereza.
|
|
\v 2 Ekisa kibbenge gyemuli nemirembe ebizzwa edi O'nyamwanga oito weiswe no Mukama weiswe Yesui Kurisito.
|
|
\p
|
|
\v 3 Nkwebalya O'nyamwanga wange buli ni mbeizukiira
|
|
\v 4 Buli lwembasabiira nywenna nsaba nga nyizwire okusemerwa,
|
|
\v 5 Olwakubba nga okuzwa omukusoka nokwikya ati bunni muli amwei nangye omu mulimu gwa kusasanya enjjiiri.
|
|
\v 6 Era nkakasiire kacarumwei nga oyo eyatandikiire omulimu ogusei omunywe aligwikiirya okwikya okulunakku olwa Yesu Kurisito.
|
|
\v 7 Kisei munno njje okubalowooza ntyo nywenna, kubba mundi mu mutima gwange, kubba nywenna mugabaniira amwei nangye omu kisa, omu kusibibwa kwange era no mu kuwolerezeranga enjjiiri no kugigumyanga.
|
|
\v 8 Kubba O'nyamwnga niye mujjurwa wange, kubba abonna nke bwe mbayayaaniira nokwendya kwa Kurisito Yesu.
|
|
\p
|
|
\v 9 Era kinni nikyo nkusabba okwendya kwanywe kweyongerenge nga kulimu okutegeera no kwawuula kwona,
|
|
\v 10 Leke musiimenge ebikusinga obusei, mubbenge abalongokki era abataliikku kyakunenyebwa okwikya oku lunaku lwa Yesu Kurisito.
|
|
\v 11 Nga mwiizwiire ebibala ebyabwiikiiri ebyakala omu Yesu Kurisito olwa kitinisya no kutenderezebwa okwa Nyamwanga.
|
|
\p
|
|
\v 12 Naye nkwendya nnywe okutegeera, abaluganda nga ebyambeirekku byeyongeire mbbe okubunyisa bunyisa njjiiri.
|
|
\v 13 Era kinni kireiteire abasirikaale abakuuma Okabaka, amwwei nabandi bonna okutegeera nti nasibiibwe olwa Kurisito.
|
|
\v 14 Nabalugaanda beingi olwa kusibibwa kwange kwongeire okubagumya, era beiyongeire okuffuna obuvuumu okubuliira ekigambo cca Nyamwanga nga tibakutiina.
|
|
\p
|
|
\v 15 Abandi babuuliira O'krurisito olwa bwiiiya nokuvuganya, naye abandi babuuliira lwa busei.
|
|
\v 16 Banni ababuukiira olwa kwendya, nga bakumanya nga natekeibwewo lwa kuwolerezangga njjiiri.
|
|
\v 17 Naye badi ababuuliira O'kurisito olwa kwawuula, ti mu bwesiigga, nga beyongeranga okundeteera enakku oum busibe bwange.
|
|
\v 18 Naye nekyo kyansonga? Omungeri zoona oba zabubeyeggi, obba za mazima, O'kurisito abuliirwa, njje nomwekyo nkusemerwa mbbe,
|
|
\p
|
|
\v 19 Ddala ntekwa okusemerwa kubba mmeite nti olwa kusabba kwanywe, no lwa mwoyo waa Kurisito ndisindabuliibwa.
|
|
\v 20 Kini nikyo ndubiriira era nikyo nkusubiira nti tindikwatiibwa nssoni omukigambo kyonna, naye nkwiizza kuba mumaliiri nka buliizo, Kurisito, ogulumizuubwe omu mubiri gwange.
|
|
\p
|
|
\v 21 Kubba njje mbba mwommi olwa Kurisito ate nebwenffa niggo magoba.
|
|
\v 22 Naye okubba omwommi omu mubiiri, nikyo ekibala ekya kuffuba kwange, kale timeite kye nkuloowooza.
|
|
\v 23 Naye nkunyiigiiriiziibwa oluda no noludda, nga nkwegomba okwabba okubba no Kurisito, kubba ekyo nikyo ekikusiinga obunyakasei.
|
|
\v 24 Naye okubba omu mubiiri nikyo ekisiinga okwendyebwa oku lwa nnywe.
|
|
\v 25 Kinni nkikakaasa kubba ntegereire kuccarumwei nga nkwizza kubba nkyaliiwo mbbe nnaywe, leke mweyongerenge okukola, no kusemererwa omu kwiikiiriiza,
|
|
\v 26 Nendiira mwona ate jjemuli, leke mweyongere okwenyumiriiza O'kurisito Yesu oku lwange.
|
|
\p
|
|
\v 27 Naye kyonkei embeera eza bwommi bwanywe ziibbe nke bukikusaaniira enjjiiri ya Yesu Kurisito, nendiiza okubabonakku oba nga tinddiwo, ale leke mpuure ebikuuffa jjemuli, nga mugumiire omu mwoyo gumwi nga mukulwaniranga okwikiiriiza kwa njjiiri no mwoyo gumwi.
|
|
\v 28 Era nga temukukangiibwa baziggu omu kigambo kyona, kubbe akamanyisyo jjebali aka kuzikiiriira, naye edi nywe kabulokoozzi, obuzzwa edi O'nyamwanga.
|
|
\v 29 Kubba mwaweireibwe oku lwa Kurisito ekisa, ti kya kumwikiiriiza kwonkei, era naye nokubonabonaanga oku lwamwei.
|
|
\v 30 Muli mu lutaalo lwe mwabweine nga nkulwaana, era lwe mwawuuliire nga nkyaluliikku.
|
|
\c 2
|
|
\cl Essula 2
|
|
\p
|
|
\v 1 Kale obba waloowo okubeiryamu amaani kwonna omu Kurisito obba okusiikiiriiza kwona okwa kwendya, obba okwikiiriiza amwei kwonna omu mwoyo, obba okwendya kwangeri yona.
|
|
\v 2 Mukiirye okusemerwa kwange, mulowoozenge bumwei, nga mulina okwendya kumwei, omwoyo gumwei, nga mukulowooza bumwei.
|
|
\v 3 Temukolaanga kintu kyona olwa kweyendesya kwanywe nnywenkei, obba omu bukunsa, wazira omu bucculiiri buli muntu agulumizenga omwiira wamwei okusinga niyegulumizanga yenkei.
|
|
\v 4 Buli muntu taloleranga byamwei yenkei naye bulyomwei naye buli omwei nga akufaangayo no kubandi
|
|
\p
|
|
\v 5 Nnywe mubenge nolulowooza okwo okwabeire omu Kurisito Yesu.
|
|
\q
|
|
\v 6 Yee wade nga yabeire mukifanaanyi kya Nyamwanga, teyeeroweize kwenkanankanna na Nyamwanga,
|
|
\q
|
|
\v 7 Naye, yeiyiirekku ekitinisya niyatweire engeri ya mwiiru, nabyalibwa nko muntu.
|
|
\q
|
|
\v 8 Era niyabonekeire omu mutindo ogwa buntu, ni yewuumbekka, nga mucculeri okwika okuffa era okuffa okwa kumusalaaba.
|
|
\q1
|
|
\v 9 Era O'nyamwanga nikyo yazwiire amugulumiiza omunno namuwa eibara liddi eikusiga amabara goona.
|
|
\q
|
|
\v 10 Nti olwiibara lya Yesu, buli kujwi kufukamiire eddi abbao abali omwi iguru nabali oku nsi nabali ansi wansi.
|
|
\q
|
|
\v 11 Era buli lulimi lwatulenge nga O 'Yesu niye Mukama weiswe, O'nyamwanga oito weiswe awebwe ekitinisya.
|
|
\p
|
|
\v 12 Kale, abendebwa bange, nka nimubeire abacculiiri bulizzo nga nddi nannywe, naye ati nga tindiiwo, mwiyongere okubba abacculeeri. Mwikiirenge obulokoozzi bwanywe benyenere nokutina nokukankkana.
|
|
\v 13 Kubba O'nyamwanga akora muniinywe, yabatakiisiirye era nabasobolesya nokukola, byasiima.
|
|
\p
|
|
\v 14 Mukolenge byona byonna nga ndoowo kwemulugunya ne mpaakka.
|
|
\v 15 Mulemenge kubbakku kyemukunenyebwa, wadde eitiima, abanna ba Nyamwanga abatalina nzziro agati wa mirembe ejjaccamire ezikakanyali, jjemubonekeramu nke taala omu nsi.
|
|
\v 16 Nga mugumirye ekigambo ekya bwomi; leke mbbe nokwenyumiiriiza oku lunaku lwa Kurisito, okulanga nti tineirukiire bwereere, ate tinekambiire bwereere.
|
|
\p
|
|
\v 17 Naye wade nsukiibwe oku ssaddaaka nokuwereeza okwakwikiiriiza kwanywe, nsemerwa era nnsemerwa amwei nanywe nnywenna.
|
|
\v 18 Era nnywenna mutyo musemerwe era musemerwe amwei nanje.
|
|
\p
|
|
\v 19 Naye nkusuubira omu Mukama weiswe O'yesu okubatuumira amangu O' Timoseewo, nnjjenna leke nguume omwoyo, nga mmare okumanya ebifa jemuli.
|
|
\v 20 Kubba tendiina muntu woondi alina omwoyo ogukwenkanna nogwooyo, aligendera ebyanywe omumanaannu.
|
|
\v 21 Kubba abbo bbona beetorya bwabwe ku lwabwe, ti bya Yesu Kurisito.
|
|
\v 22 Naye O' Timoseewo mmeite nke bwasaniira, kubba yawerezanga amwei nanje olwa njjiiri nko mwana edi oito wamwei.
|
|
\v 23 Kale oyo nigwo nkusuubira okubatamira amangu aggo nga ntegeire embeera nke buyabba jjendi.
|
|
\v 24 Naye njjenna nkusuubiira Omukama weiswe nti ndiiza mangu.
|
|
\p
|
|
\v 25 Era mbwiine nga kisaaniire okubatumiira Epafuloddito omuganda wange, era mukoozzi mwiira wange, era mulwanni mwiira wange, naye yee mutuume wanyweera omuweereza owa bintuu byenyendya.
|
|
\v 26 Kubba yabalumiriirwe omu mwoyo nnywenna nnywenna, ni yeralikiira muno, kubba mwawuulire nga yalweire.
|
|
\v 27 Ddaala okulwaala yalweire era yabeire alimpii okuffa, naye O'nyamwanga yamusasiire; ate tiniiye yenkei, naye nanjje, obujjune nebutaneyongera.
|
|
\v 28 Nikyo nnzwa nyendya omunno okumutuma, nemulimubona mulyoke musemerwe nanje nkenderye obujjune bwange.
|
|
\v 29 Kale mumwaniriize omu Mukama weiswe no kusemerwa okiwingi, era abeisana nko yo mubatengemu ekitinisya.
|
|
\v 30 Kubba yaburuku kadyoli okuffa olwa mulimu ogwa Kurisito, niyaweireyo obwommi bamwei nga akukoola ebyo bye mwandinkoleire singa mwali nanjje.
|
|
\c 3
|
|
\cl Essula 3
|
|
\p
|
|
\v 1 Ekyankango, abaluganda musemererwenge O'nyamwanga weiswe okwiiramu okubandiikira ebyo byenandikiririrye tikuunkeresya njje, naye kisei edi nywe.
|
|
\p
|
|
\v 2 Mweerindenge obweene, mwerindenge ebibbi, mwerindenge abakomola omubiri.
|
|
\v 3 Kulwakubba niiswe abakomole abeikiiri abalamya O'nyamwanga omu mwoyo, era abenyumiirirya omu Kurisito Yesu abatesiga mubiri.
|
|
\v 4 Newankabbeire nga njje nsoobola okubba nensonga okweesiga omubiri, omuntu owondi yeena nalowooza okeesiga omubiri, njje mba nkumusinga.
|
|
\p
|
|
\v 5 Njje nakomoleibwe ku lunnaku olwa munanai, awo mwiiyanga lya Isiraeri, owa mukika kya Benyamini Omwebbulaniya wawu, omu mateka ndi Mufalisaayo.
|
|
\v 6 Omukunyikira, nga nkuyiganya ekanisa omubwikiiri obuli omu mateka, Nabonekanga nga tindikku kunnenyezebwa.
|
|
\p
|
|
\v 7 Naye byona ebyali nga magoba jeendi ebyo nabiroweize nko kufeerwa olwa Kurisito.
|
|
\v 8 Naye era nebintu byona mbirowooza nga kufeerwa olwa muwendo ogwingi ogusinga oguli omu kutegeera kurisito Yesu omu Mukama wange okwebyo nafeereibwe ebintu byona era mbirowooza okubba nga kasasisiro nsobole okutanga amagoba niye Kurisit.
|
|
\v 9 Era nsobole okubonekera omu ye nga tiinina bwikiiri bwange obuzwa omu mateka, wabula obwikiiri obuliwo olwa kwikiiriiza O'kurisito, okuzwa edi O'nyamwanga omu kwikiiriiza.
|
|
\v 10 Ndyoke mmutegeere ye nobuyinza obwakuyimbooka kwamwei era nokubagana okubibaraazi nga mukwisana nko kuffa kwamwei.
|
|
\v 11 Era nikyabbanga kikusoboka nffune okuyimbokera omu bafiire.
|
|
\p
|
|
\v 12 Tikukoba nti mmare okukitunga oba mmare okwikiiriiza naye nffuba oku kitunga, kulwakuba O'kurisito Yesu yanfiire omwanna wamwei.
|
|
\v 13 Abaluganda, tinkulowooza nga mmare okukitunga, naye ekintu kimwei kyenkola, nikwo okwerabira ebyo ebiri emabega, nkusuungerya ebyo ebiri omu meiso.
|
|
\v 14 Nkulubiiriira okwika awakayanirwa awali empeera eya kwetta kwa Nyamwanga okwa iguru mu Kurisito Yesu.
|
|
\v 15 Ale iswena abakuure omu mwoyo, tulowozenge ebyo naye oba nga mukulowooza bundi, nakiini O'nyamwanga alikibaswekuura.
|
|
\v 16 Naye ka tugumiire okwekyo ekitwikiirekku.
|
|
\p
|
|
\v 17 Abaluganda, mwikiiriize okumboneraku, era munsengerye abo abatambula nkweiswe bemulina nke kyakubonerakku.
|
|
\v 18 Kubba bengi abatambula be nakobeirekku emirundi ezingi, nati bunni mbakobera nga nkukuunga amaligga, nga nibo abazziggu aba musalaaba gwa Yesu Kurisito.
|
|
\v 19 Enkango yabwe nikwo kuzikiiriira, O'nyamwanga waabwe niyo endda, era ekitinisya kyabwe kiri mu nssonni zabwe, balowooza bya nsi.
|
|
\v 20 Kulwakubba iswe eweiswe mwiguuru, era niijo tulindirya omulokooli okuzwayo, Omukama weiswe Yesu Kurisito.
|
|
\v 21 Aliwanyisa omubiiri ogwakutowazibwa nko omubiiri ogwa kitinisya kyamwei. Nkokula okwo nikuli okumusobolesya nokutta ebintu byona ansi wamwei.
|
|
\c 4
|
|
\cl Essula 4
|
|
\p
|
|
\v 1 Kale, abaluganda abayendeibwe bendumirwa omwoyo okusemerwa kwange era engule yange, mwemerenge mutyo omu kuguma omu Mukama weiswe, abatendeibwe.
|
|
\p
|
|
\v 2 Nkwegayiira Ewodiya, era nkwegayiira Suntuke beikiirizangana omu Mukama weiswe.
|
|
\v 3 Ati buuni nawe, omwiiru omwiira wange daaladaala, nkwegayiiriire yamba abakazzi abbo, kubba bakora amwei nanje omulimu gwa njjiiri nga tuli no Kulementi, nabakozzi abeira bange abandi, amabaara gabwe gali mu kitabo ekyabwommi.
|
|
\p
|
|
\v 4 Musanyikirenge Omukama weiswe enakku zona ate mwonna nkubazza nti, musemerweng.
|
|
\v 5 Abantu bonna babonenge obuguminkiiriza bwanywe Omukama weiswe ali amppi.
|
|
\v 6 Temwerarikiranga kigambo kyona nga mukusaba no kwegaira amwei nokwebalya, byemukwendya bikoberwenge O'nyamwanga.
|
|
\v 7 Nemirembe gya Nyamwanga ekisinga okutegerebwa kwona jakumanga emitima jannywe na magezi ganywe omu Kurisito Yesu.
|
|
\p
|
|
\v 8 Ekyankango, abaluganda oba nga waliwo ebya mazima byona ebisaniire ekitinisya byona, ebya bwikiiri byona, ebisimibwa byonna, ebirongokki byona, ebyendebwa byoona, ebisimibwa byoona; oba nga waliwo obuusei era oba nga waliwo eitendo, ebyo mubirowoozenge.
|
|
\v 9 Bye mwayegere era ne muweebwa ne muwuura ne mubona jjendi, ebyo mubikolenge, no Nyamwanga owa mirembe yabanga nanywe.
|
|
\p
|
|
\v 10 Nsemereirwe munno omu Mukama weiswe, kubba ati bunni oluvanyuma lwa kasera mwiremu okulowooza oku byange; naye ekyo nkulowooza mwakirowoozanga, naye temwalina ebanga.
|
|
\v 11 Tenkubazza kini olwa kubba ndikku kinategere, kubba omu buli mbeera jembamu negere ekikumala.
|
|
\v 12 Mmeite okubba omwooro, era mmeite okubba ne bintu ebingi omubuli kigambo ne bigambo byona negere ekyama ekiri omu kwikuutta no kulumibwa enzaala, okubba nebingi era nokubba omubwetavvu.
|
|
\v 13 Nnyiinza okukola byona omwoyo ampa amaani.
|
|
\v 14 Naye mwakore kusei okulumawa amwei nanje omu bibonyobonyo byange.
|
|
\p
|
|
\v 15 Era nnywe Abafiriipimmeite nke nazwire e Makedoni nga twakatandika okubuliira enjjiiri, nddowo kanissa ayakanyiire amwei nanje omu kigambo ekya kugaba no kuweebwa, wabula nnywe nywenkei.
|
|
\v 16 Kubba era nninnali omu Ssessaloniika mwampeireze ebyakunyamba emirundi ebiiri.
|
|
\v 17 Tenkubbaza kinni olwa kubba olwa kubbankwendya kufuna, naye atolya ekibala ekyeyongera oku muwendo gwanywe.
|
|
\p
|
|
\v 18 Naye ati bunni nfuuniire bingi byenkwendya olwebyo Epafilodito byeyaletereebyazwire jemuli, bikwisanna kawoowo akasei. Essadaaka eikirizibwa, esimibwa O'nyamwanga.
|
|
\v 19 Era O'nyamwanga wange yeikiryanga buli kye mukwendya nko bugeigei bwamwei obwingi obwa kitinisya nibwo budi obuli omu Yesu Kurisito.
|
|
\v 20 Era O'nyamwanga weiswe era oito weiwse awebwenge ekitinisya emirembe ne mirembe. Amiina.
|
|
\p
|
|
\v 21 Mlamukye buli mwikiiiri omu Kurisito Yesu. Abaluganda abali nanje babalamukiirye.
|
|
\v 22 Abeikiiri bona babalamukiirye, naye okusinga abamunyumba eya Kayisaali.
|
|
\p
|
|
\v 23 Ekisa ekya mukama weiswe Yesu Kurisito kibbenge nomwoyo gwanny
|