See in Reader
211 lines
17 KiB
Plaintext
211 lines
17 KiB
Plaintext
\id EPH
|
|
\ide UTF-8
|
|
\h ABEEFESO
|
|
\toc1 ABEEFESO
|
|
\toc2 ABEEFESO
|
|
\toc3 eph
|
|
\mt ABEEFESO
|
|
\c 1
|
|
\cl Essula 1
|
|
\p
|
|
\v 1 OPawulo, omutumwa wa Kuristo Yesu olwa kwenya kwa Nyamwanga, nedi abayikiiri abaali omu Efeeso na bayikirizira omu Kristo Yesu
|
|
\v 2 Ekisa kibenge gyemuli emirembe ezizwa edi ONyamwanga oito waiswei no Mukama waiswei Yesu Kristo.
|
|
\p
|
|
\v 3 Yebalibwe ONyamwanga oite wa Mukama waiswe Yesu Kristo, eyatuwereire buli mukisa gwona ogwa Mwoyo mu Kristo Yesu oguzwa omubifo ebya muyigulu;
|
|
\v 4 Kuba kuba yaturodire nke nsi ekyaali kutondebwa, iswei okuba abayikiiri era abatalina kya kunenyezebwa.
|
|
\v 5 Yatwawiire era omukwendya kwaamwe okuba abaana baamwe okwakala omu Yesu Kristo, nke bweyeyikirize olwa kuteesa kwaamwei.
|
|
\v 6 Ekitinisa ekya kisa kyaamwe kiryoke kitenderezebwe, kitwawereibwenge omwoyo omuganzi
|
|
\p
|
|
\v 7 Omuyee tulina okununulwa okwakala omumusayi gwaamwe, okuganyirwa ebibbi byaiswei nko obugaiga obwa kisa kyamwei nka bwekili.
|
|
\v 8 Kyayakaririrye gyetuli mu magezi goona no kumanya kwoona.
|
|
\v 9 Kuba yamanyisirye omumagezi nokutegeera ekyama ekyakwendya kwaamwe. Nkebweyayikirize yenkai, okusinziira okuntekateka zeyategekeire omu Kristo.
|
|
\v 10 Entegeka ezaikirire omukiseera kyaazo okugaita ebintu byoona omu Kristo, ebiri omuyiguuru ne ebiri omunsi.
|
|
\v 11 Mu oyo isweena nimo twafuukire abagweeta, nkewe twayaweirwe era omukumaliira okwa oyo akola byoona nkebwayendya omukuteesa kwaamwe.
|
|
\v 12 Iswei abasokere okusuubira omu Kristo, twategekeibwe no kulondebwa, tulyooke tubeewo olwo okutendereza ekitinisa kyaamwei.
|
|
\v 13 Omu oyo nanywe abawura ekigambo ekya mananu, enjiri eya bulokole, nokwiikiriza nimweikirize, mwatekeibweku envumbo eya mwoyo omuyikiire eyabasubiziibwe.
|
|
\v 14 Oyo niye musiingo obwa bugweetwa bwaisei, okwikya nzuma ya Nyamwaga ni yalinunulibwa, ekitinisya kyaamwe kitenderezebwe.
|
|
\p
|
|
\v 15 Ninawura okuikiriza kwa Mukama waiswei Yesu okuli omunywe, no kwendya kwemulanga abeyikiiri boona.
|
|
\v 16 Nikyonzwa tindekayo kubebarya nga nkubabazaku omukusaba kwange.
|
|
\v 17 Nkusaaba ONyamwanga wa Mukama waiswei Yesu Kristo oito waiswei owakitinisya, abawe omwoyo ogwa magezi no gwa kuswekurwa mu kumutegeera ye.
|
|
\v 18 Emyooyo gyanywe nijaswekurwanga, mulyoke mumanye esuubi eryakweeta kwame nkebwe buli. No bugaiga obwa bitinisya ekyakugwetwa bwamwe omubaikiiri nke bwebuli.
|
|
\v 19 Era nobukuku obwa maani gamwe agasinga omuno eddiswe abeikiriza nke bwebuli, nko obuyinza bwa manyi gaamwe nke bwe bukola.
|
|
\v 20 Agogeyakoleserye omu Kristo, bweyamuyimboyire omu baffu, namuyikarya okumukono gwamwei oguryo omubifo ebya muyiguru.
|
|
\v 21 Igguru muno okusinga okufuga kwoona nobuyinza na maani nobwomi eibara eryaturwa ate ti mumirembe zini zonkai nomwenzo ezikwaaba okwiiza.
|
|
\v 22 Nkwaaba kuteeka byoona hansi wa magulu gaamwei nkwakumuteekawo okuba omutwe okubyoona edi ekanisa.
|
|
\v 23 Niiwe mubiri gwaamwe, okwiikiira okwooyo ayikiriza byoona mu byoona
|
|
\c 2
|
|
\cl Essula 2
|
|
\p
|
|
\v 1 Era nanywe yabayimbokerye nimwaali nga mufiirire omukusiisa ne bbibi byanywe,
|
|
\v 2 Byemwatambuliramu eirai nga emirembe eza nsi eni nizili, okugobeerera omukulu wa buyinza obwa mwibanga, omwoyo ogukola atibuni omu baana abajemu.
|
|
\v 3 Naye iswena abo nitwatamburangamu eirei omukwegomba kwa mubiru gwaiswei, nga ttukolanga omubiri ne birowozo bikukwendya, nitubaanga olwa buzariranwa, abaana aba busungu, nka bandi.
|
|
\p
|
|
\v 4 Naye ONyamwanga kubanga niye mugaiga owa kisa, olwa kwendya kwaamwe okuyingi kweyatwenderye iswei.
|
|
\v 5 Bwetwali nga tufiriire omukusiisa kwaiswei yatufiirire abomi omu Yesu Kristo. (Twalokoleilwe mu kisa)
|
|
\v 6 Yatuyimboyire amwei naye, natwikarya amwe naye omu bifo ebya iguru omu Kristo Yesu.
|
|
\v 7 Nimwo atyo mumirembe ezaakaire okwiiza alyoke alange obugudda obusinga omuno obwa kisa kyamwei ekisai obuli jetuli omu Kristo Yesu.
|
|
\p
|
|
\v 8 Olwakuba mwalokokere lwa kisa lwa kwikiriza; naye titwazwe gyemuli, nikyo kirabo kya NNyamwanga,
|
|
\v 9 Titwazwire mu bikolwa, omuntu yeena aleme okwenyumirizanga.
|
|
\v 10 Okulwakuba iswei tuli mulimu gwamwei, abamantibwe mu Kristo Yesu olwabikolwa ebinyakasai. ONyamwanga biyasokere okuteekateeka iswei okubitambuulamu.
|
|
\p
|
|
\v 11 Ale mwizukire nga eirai nywe, abaali Abanamawanga omu mubiri abakomoirwe nibo bakara abatakomoirwe, mu mubiri okukolebwa ne mikono.
|
|
\v 12 Nga omubiro bidi mwali nga muli arai no Kristo, mwalinga mubooleibwe omukika kya Israeli, era mwali Banamawanga edi endagano eza kusubiiza, nga temulina kusubiira, nga temulina Nyamwanga omunsi.
|
|
\v 13 Yeni atubuni omu Kristo Yesu nimwo abaali alai eirai musembezebwe olwa musaayi gwa Kristo.
|
|
\p
|
|
\v 14 Olwakuba ye niye mirembe zaiswei, eyafuula byoona ekimwei, namenyawo ekisenge kya akati ekyawula,
|
|
\v 15 Niyamara okumwiyawo omubiri gwa obulabe, obwali okubipande ebya biragiro na mateeka; alyoke amante omuntu okumwiiya omukifo kyeebyo byoona, okuleeta emirembe.
|
|
\v 16 Era atyo alyoke atabaganye byoona edi Onyamwanga mu mubiri gumwei olwa musalaba, nimwe yayitiire obunyanzigu okuggwo.
|
|
\v 17 Nayiza nabakobera emirembe nywe abaali alai, era ne mirembe abo abaali ampi;
|
|
\v 18 kulwakuba kubyona naiswei tusobola okusembera edi Oito waiswe omu mwoyo ogumwe.
|
|
\p
|
|
\v 19 Ale nimwo mutyo ti mukyali Banamawanga nabetere, yeni muli ba kika kimwe nabeikiiri, era bamunyuba ya Nnyamwanga.
|
|
\v 20 Kulwakuba mwayombokeibwe ku musingi gwa baatumirwe na banabbi, OKristo Yesu omwenyini nga niryo eibbale erikonto erya kunsonda.
|
|
\v 21 Omu ye buli nyubba yoona, negaitibwa okusai, ekula okubba eyekalu eikiriire omu Mukama waiswei;
|
|
\v 22 era omu ye nanywe mwombekebwa amwe okubbanga ekisuro kya Nyamwanga mu Mwoyo
|
|
\c 3
|
|
\cl Essula 3
|
|
\p
|
|
\v 1 Olwa nsonga eni, njje OPawulo, omubbwe wa Yesu Kristo okulwanywe Abanamawanga.
|
|
\v 2 Nkusubiranga mwawulire obuwanika obwa kisa kya Nyamwanga kinaweweibwe okulwanywe.
|
|
\v 3 Nengeri ekyama ekyo gyekyantegezeibwemu omukusweekurwa nkaninawandikire eirai omubigambo ebidyooli.
|
|
\v 4 Nimwasoma bini mumanya okutegeera kwange okwa kyama kya Kristo.
|
|
\v 5 Ekyo ekitagezeibwe abana ba bantu, omumirembe egya eirai nga nanti kiswekuriirwe obutumwa bwaamwe abeyikiiri na banabbi ba mwoyo.
|
|
\v 6 Eni nigyo ngeri Abanamawanga gyibabeiremu abasikira amwei, era abamubiri ogumwe, era abaikiriziganyanga amwe omubyasubiziibwe omu Kristo Yesu olwa njiri.
|
|
\v 7 Olwa njiri eni nafuulibwe omuwereza wagyo, nka ekirabo ekya kisa kya Nyamwanga nikiri kinawebweibwe nkokukola kwa maani gaamwe nikuli.
|
|
\p
|
|
\v 8 Ningye omuto akusinga abato abamubayikiiri boona, nabweweibwe ekisa kini, okubuuliranga Abamawanga obugaigai obwa Kristo obutaswaganikika.
|
|
\v 9 Nokumulekeranga boona babone enteekateeka ya kyama neri, ekyakurekeibwe okuzwa eirai neirai omu Nnyamwanga ewangaire byoona.
|
|
\v 10 Ati nga okwakaara omukanisa, ONyamwanga akwendya ayakaare omumagezi gaamwe againgi edi abamasaza nababuyinza omubifo ebya muyiguru.
|
|
\v 11 Ekyo yakitegekeirei okuzwa eirai nairai nakiyikiriirya omu Kristo Yesu Omukama waiswei.
|
|
\v 12 Omuye nimo twiiya amaani no bugumu, okumusemberya olwa kumwiikiriza.
|
|
\v 13 Nikyonzwa nsaaba muleme kwiirira olwa bibarazi byanga okulwanywe. Ebyo nibyo kitinisa kyanywe.
|
|
\p
|
|
\v 14 Nikyonzwa nfukamira oito wange,
|
|
\v 15 buli kika kya muyigulu nekya kunsi nikyo kiya eibara ryamu.
|
|
\v 16 Abawe nywe nka obugaiga bwa kitinisya kyamwe nikiri. Okunywezebwa okwa maani mu mwoyo gwaamwe omu muntu wa munda.
|
|
\v 17 Okristo ayikaarenge omumitima zaanywe olwa kuyikiriza mubenge ne mizzi, munywezebwenge omukwendya.
|
|
\v 18 Mulyooke muweebwenge amaani, okukwaatanga na magezi amwei na abayikiiri boona obugazi nobulayi, no bugulumivu nokwaaba ensi ni kuuli.
|
|
\v 19 nokutegeera okwendya kwa Kristo okusinga okutegeerwa. Mulyooke mujuure kaakimwei, nokwiira kwona okwa NNyamwanga.
|
|
\p
|
|
\v 20 Ale oyo ayinza okukola omuno kakyimwe okusinga na byetusaba oba byetukulowooza, nka amaani agakola omuyiswei nke bwegali.
|
|
\v 21 Awebwenge ekitinisya omu kanisa no Mukristo Yesu okwica emirembe ne mirembe egitawaawo. Amina
|
|
\c 4
|
|
\cl Essula 4
|
|
\p
|
|
\v 1 Nikyo nazwiireku okubegayiira nje omusibe mu Mukama waisyei okutambulanga nka nikisaanire okwetebwa kwemwayeteibwe.
|
|
\v 2 No bukyureri bwoona nokugumikiirya, nga akuzibiirya mu kwendyangana.
|
|
\v 3 Mukunyikiiranga okwewuuma obumwe na ba mwoyo nomukubweebwa ne mirembe.
|
|
\v 4 Omubiri gumwei, no Mwoyo gumwei, era nka nimwayeteibwe omukusubiira okumwe okwa kweteebwa kwanywe.
|
|
\v 5 ONyamwanga waisei omwei akwiikiriza kumwei nokubatizibwa kumwe.
|
|
\v 6 Nnyamwanga omwe Oite wa boona, afuga byoona mu byoona, era ari mu byoona
|
|
\p
|
|
\v 7 Yeeni buli muntu omuiswei yawebweiwe ekigera kya kirabo omu Kristo bwekiri.
|
|
\v 8 Nikyo yazwiireku okubaza nti “Niyamimire aigulu, nanyaga okunyaga, nawerya abantu ebirabo.
|
|
\p
|
|
\v 9 Naye ekyigaambo eekkyo nti, “Yanyagire,” kyimanyisya kki? wazira okukoba nti yaniinukire omuunsonda za nssi.
|
|
\v 10 Eyaniinukire niye oyo eya niinire aiguru omunoo okusiinga aiguru lyoona aizulye byoona.
|
|
\v 11 Era nooyo naawa abandi okuba abatume, abaandi banabii, abaandi okuba ababuliizi, nabandi okulisya, na bandi abegesya.
|
|
\v 12 Olwakubaza obwikiiri olwa kuwereeza nokwomboka omubiri gwa Kristo,
|
|
\v 13 Okuyica isweena isweena bwetuliika okubumwei obwa kwiikiriza, nobwakutegeera Omwana wa Nnyamwanga, bwetulika okuba omuntu omukulu mukwiika ekigeera ekya bukulu obwakwiikirira.
|
|
\v 14 Tulemenge okubba abana abato bato ngatukutagaratagara nga tukutwalisibwa buli mpungo owa kwegesya omububeyegi bwa bantu omu nkwe, olwakusengerya obubeyegi.
|
|
\v 15 naye nitubaza amazima omukwendya kyandibaire kisai tulyoke tukule okwiika omukama waiswei omu byoona niiwwe mutwe Kristo.
|
|
\v 16 Omo oyo omubiri gwoona nigugaitibwa okusai niguguma amwe buli nyingo nga ekuleeta buli byajo, nka okukola omu bipimo okwaabuli kitundu bwekiri omubiri gweyongere okukula olwa kweyomboka omu kukola.
|
|
\p
|
|
\v 17 Nikyo nzwa mbaza nti nintegeeza omukama waiswei, nywe mulemenge okutambula era nka Abamawanga nibatambula omubirowoozo byaabwe ebitalumu.
|
|
\v 18 Ngabalina ekirikiirya mu magezi gaabwe, nga bakuboolebwa okuzwa omu bwoomi bwa Nyamwanga olwa butategeera obuli omubo. Obuletela okukanyara kwa mitima zaabwe.
|
|
\v 19 Bafuuka bakakanyari, nibewaayo omu bwenzi, okukolanga ebya bugwagwa obundi no mukwegomba.
|
|
\p
|
|
\v 20 Yenywe timwayegere mutyo Okristo;
|
|
\v 21 Nsuubira nga mwamuwuliire, nimwegesebwa omuye nigo amananu nigali omu Yesu.
|
|
\v 22 Mweyeku omuntu owairai asengerya embeera za bwoomi bwamwei obweirai, eyasinsikaire olwakwegomba okwa bubeyegi.
|
|
\v 23 Era muyiribwe buyanka omu mwoyo gwa birowoozo.
|
|
\v 24 Muzwaale omuntu omuyaka eyatondeibwe omukisani kya Nyamwanga no bwikiiri bwa mananu.
|
|
\p
|
|
\v 25 Kale, mweyiyemu obubeyegu mubazenge amananu buli muntu no mwiira waamwe. Kubaanga tuli bitundu bya baira baiswei iswenkai na iswenkai.
|
|
\v 26 Mugongerenge naye mutasinsanga isana leke litagwa nga okyalina obusungu.
|
|
\v 27 Naye mutawanga sitaani ibanga.
|
|
\v 28 Eyaibanga alekerao okuyiba, naye akiri, afubeenge nga akola ebisai ne mikono zaabwe alyoke abe ne kyakumuwa akweetaga.
|
|
\v 29 Buli kigambo ekigumbi kireme kuzwa mu minwa zaiswe naye ekisai nikyabangawo olwa kwomboka omuntu bwakwendya, abakuura kibenge ekisa.
|
|
\v 30 Naye mutanakuwalyanga myoyo omwikiiri owa Nnyamwanga, olwebyo biyabatekeseryeku akamanyisyo okwiita olunaku olwa kununulibwa.
|
|
\v 31 Okusala kwoona, no busungu, no bwandi, nokukayana, no okuzuma, bibazwengeku, hamwe ni mitima zoona.
|
|
\v 32 Era mubenge no busai nywenkai na nywenkai abakwatibwa ekisa, nga musasirangananga, era nga ONyamwanga niyabasasire
|
|
\c 5
|
|
\cl Essula 5
|
|
\p
|
|
\v 1 Kale mwisanenge ONyamwanga, nkabana abaganzi;
|
|
\v 2 era mutaambuurenge omukwendya, era nk'okristo niyabenderye nywe, niiyewaayo okulwaiswe okubba ekisembo kya kawowo akakunya okusai era saddaka edi ONyamwanga.
|
|
\v 3 Naye obweenzi n'obugwagwa bwoona n'okwegomba n'okubazibwaku tebibazibwangaku munywe, kubanga ebyo tebisanira abaikiiri.
|
|
\v 4 Tewabangawo bya nsooni, nebwewakubaire ebinyimibwa ebya'busiru, kabe okugayala, ebitasana, naye wakiri wabengewo okwe'balyanga.
|
|
\v 5 Kubanga ekyo'mukitegerera kyimwi nga ndowo mweenzi oba'omugwagwa, oba eyegomba niye oyo asinza ebifaanayi, aliina obusika omu'bukama bwa'Kuristo no'Nnyamwanga.
|
|
\v 6 Omuntu yiina tababeyeganga ne bigambo ebitalimu, kubanga olwe'byo obusungu bwa'Nnyamwanga bwiza okubana abatawuura
|
|
\p
|
|
\v 7 Kale temutesanga kimwei nabo;
|
|
\v 8 Kubanga eirai mwaali mulikirya, naye ati muli esaana omukama waiswe, mutambulenge nka'baana baisana.
|
|
\v 9 Kubanga ebaala byaisana birimubusai bwoona no bwiikiri na mananu.
|
|
\v 10 Nga mukeberanga omukama waiswe kyakwendya niimwo kiiri.
|
|
\v 11 Temuukanyanga kimwei nabiikolwa ebiitabala abatali bya baikiiri naye wakiri mubiburengembe.
|
|
\v 12 Kubanga kya nsooni no kukibazaku ebyo byebakolre omukyama.
|
|
\v 13 Naye ebigambo byonna, ni byabulirirwanga, eyisana ribibonesye,
|
|
\v 14 Kubanga buli kibonesebwa ni ryo eyisana. Nikyo azwa abaza nti “Ayiimuka, we abbasirye, ozukiire omu baffu, O Kristo yakwakira”
|
|
\p
|
|
\v 15 Kale mubonenge ni mwatambulanga, tinka batalina amagi, naye nka abalina amagezi.
|
|
\v 16 Nga mukweyiguranga eibanga, kubanga enaku zini zibi.
|
|
\v 17 Kale temubanga nka basirusiru, naye mutegerenge Omukama weiswei kyayendya nimwo kiri.
|
|
\p
|
|
\v 18 Kale temutamiranga mwenge, kubanga omwo alimu okwedanda, naye mwiizurenge Omwoyo.
|
|
\v 19 Nga mukubaziranga omuzaburi ne nyembo, nebisukire Omwoyo, nga mukwembanga, nga mukubiranga ennanga omumitima zanywe Omukama waiswei.
|
|
\v 20 Mwebalyenge ONyamwanga waiswei enaku zoona muyibara rya Mukama waiswei Yesu Kristo.
|
|
\v 21 Muwulilienganenge olwa kutekamu Okristo ekitinisya.
|
|
\p
|
|
\v 22 Abakazi muwuliliyenga abasiza baanywe, nkebwemuwulilya Omukama waiswei.
|
|
\v 23 Olwakuba omusaiza niye mutwe gwa mukazi wamwe, era nka Okristo nali omutwe ogwa kanisa, omubiri gwamwe eranga niye mulokozi waayo.
|
|
\v 24 Naye nge kanisa bwewura Okristo, na bakazi botyo bawurenge abaiba baabwe mu buli kigambo.
|
|
\p
|
|
\v 25 Abasaiza mwendyenge abakali baanywe, era nko Kristo niyenderye ekanisa, niyewaayo okulwayo.
|
|
\v 26 Alyoke ajeryenga male okugirongoosa no kujinaabya na mayizi omu kigambo.
|
|
\v 27 Alyoke ajeretere ye omukama wa kanisa eya kitinisya, ngandooku Nyamwanga kabe obweyizingi bwona, kabe kyona ekisani nkakini; naye ebe jeru eteliku bulema.
|
|
\v 28 Era nikibagwaniire mutyo abasaiza okwedyanga abakazi baabwe benyini nke mibiri zaabwe zenyini.
|
|
\v 29 Kubanga ndoowo muntu yaali akyawire mubiri gwamwe ye, naye agulisya, agujanjaba, era nko Kristo najanjaba ekanisa.
|
|
\v 30 Kulwakuba tuli bitundu bya mubiri gwaamwe.
|
|
\v 31 “Omuntu nikyo yazwaanga naleka oyito bwaamwe, no nyina bwaamwe nibegeita no mukali waamwe, boboona babanga mubiri gumwe”
|
|
\p
|
|
\v 32 Ekyama kini kikulu, naye nkubaza ku Kristo ni kanisa.
|
|
\v 33 Naye era nanywe buli musaiza ayendyenge omukali wamwe nkebweyeyendya, no mukali atekengemu oiba wamwe ekitinisya
|
|
\c 6
|
|
\cl Essula 6
|
|
\p
|
|
\v 1 Abaana abatobato, muwulenge ababyaire baanywe Omunyamwanga waiswei, kulwakuba kini nikyo kiyikire.
|
|
\v 2 “Otengemu ekitinisya otata no maama waamu” (nilyo eiteeka elikusooka elirimu ebisuubizo).
|
|
\p
|
|
\v 3 “are obenge kusai, era owangalenge enaku zoona za kunsi.”
|
|
\p
|
|
\v 4 Nanywe, abataata baabwe, temusunguwalirwanga baana banywe, naye mubagingirenga mukubakangavula nomukubabuuliranga ONyamwanga waiswei.
|
|
\p
|
|
\v 5 Abayiru, muulenge abakama baanywe abamubiri nga muyina okutiina nokukakana, omutima gwanyu nga tigwiina bulyaki nko Yesu.
|
|
\v 6 Mukuweereza kwa kulugulu, nga bakwendya kusiima bantu, naye nka bayiru ba Kristo nga mukukola no mwoyo ONyamwanga byayendya.
|
|
\v 7 Mwerezenge no kwendya nka bawereza ONyamwanga waiswei baitu ti bantu.
|
|
\v 8 Nga mumaite nti buli muntu ekisa kyakola, nikyo kyakwiza okufuna mwona edi ONyamwanga waiswei, oba mwiiru oba wa mirembe.
|
|
\p
|
|
\v 9 Naanywe, abakama baabwe, mubakolenge mutyo nga mukulekaanga okubatinisya nga munaite Onyamwanga waabwe era owanywe ali ayigulu, nolwekyo ndoowo mu bantu gyaali.
|
|
\p
|
|
\v 10 Ekikusembayo, mubenge na maani omu NNyamwanga waiswei, no mubuyinza olwa maani gaamwe.
|
|
\v 11 Muzwaalenge ebyakulwanisya byoona ebya Nnyamwanga mulyoke musobolenge okugumira edi enkwe za sitaani.
|
|
\v 12 Kulwakuba tetunyolangana no musayi no mubiri, wabula nabamasaza, nobusobozi, nabafuga ensi abamunzikiriza ezindi, nemyoyo eza bibbi omubifo ebya iguru.
|
|
\v 13 Ale mutwalenge ebyakulwanyisa byoona ebya NNyamwanga, ale musobolenge okuguma okulunaku olubbi, ate nemulimara okukola, musobole okwemeera.
|
|
\p
|
|
\v 14 Kale mwemeerenge, nga mwesibire omunkende zaanywe amananu, era nga muzwaire eza mukisuba ekiikiri.
|
|
\v 15 Era nga mumwekatikire omumagugulu okwetegekera enjiri eyamireembe.
|
|
\v 16 Eranga byona byona nga mukwaatiireku engalo eya kwiikiza, eyaba ssobolesyaanga okulikirya obussaale bwona obwa muuro ogwa mubbi.
|
|
\v 17 baaba wairye no esepeewo eya bakoli, ne'mpirima yamutima nikyo kyigaambo kya NYamwaanga.
|
|
\v 18 Muramyeenge buli kaire omuMwooyo no'kuramya no kwegayiira kwoona muboneenge nobugumikiriza nga mukusabiranga abayikiri boona boona.
|
|
\v 19 Nanje munsabirenge buli nayasamyanga omunwa gwange nsobole okuweebwa okubazanga, nokutegezanga na maani ekyama ekya njiri.
|
|
\v 20 Nje eyo jemba Omukama waayo walujegere, mbazenge na maani nkabwekikusaanira okubazanga.
|
|
\p
|
|
\v 21 Naye nywe musobole okutegeera ebikulu ebikufa jendi nkani biri. Tuliku, owakika omusai era omuwereza omunyakasai Omunyamwanga waiswei alibakibera byoona.
|
|
\v 22 Mutumisenge jemuli olwa nsonga eni, musobole okutegeera ebikufa jemuli era musagarukye emitima zaanywe.
|
|
\p
|
|
\v 23 Emirembe zibenge edi abaluganda no kwendya amwei no kwikiriza ebikuzwa edi ONyamwanga Oito waiswei Onyamwanga waiswei Yesu Kristo.
|
|
\v 24 Ekisa kibenge naabo boona abakwendya Onyamwanga waiswei Yesu Kristo no kwendya okutakanga.
|