ruc_reg/48-2CO.usfm

\id 2CO
\ide UTF-8
\h 2 Abakkolinso
\toc1 2 Abakkolinso
\toc2 2 Abakkolinso
\toc3 2co
\mt 2 Abakkolinso
\c 1
\cl Essula 1
\p
\v 1 Opawulo nga akubaaza okubuweza bwamwei nkomutumwa Okulamukya beyawandikire abbalwa. Opawulo omutumwa waa kristo yesu olwakwendya kwamwei ONnyamwanga no 'oTimosewo awoo owaluganda, edi ekanisa Yanyamwanga edi omukoliso, amwei nabakiriri boona abaali omu Akaya yoona.
\v 2 Ekiisa kibeenge jyemuli nemirembe zizenge edi ONnyamwanga oitoowaiswe nomukama waiswe oyesu kristo. OPawulo atendereza ONnyamwanga.
\p
\v 3 Yebalibwe ONnyamwanga era otaata wamukama waiswe oyesu kristo, Oitoowaiswe owakusasira era ONnyamwanga owakusanyusa kwoona.
\v 4 Atasanyusa mubiri kubonana kwaiswe, eiswe tulyoke tusobolege okusanyusanga abali omukubonana kwoona, Nosanyusa eiswe kwetusanyusibwa ONnyamwanga.
\v 5 Kubanga tetugabanamuno 'mubibonobono byakristo, era tutyo omukristo mwetugabanira muno esanyu.
\v 6 Naye netubonabona, tubonabona olwakusanyusibwa nokulokoka kwanywei; era bwetusanyusibwa, tusanyusibwa olwakusanyusibwa kwanywe, kuleeta ogumiinkiriza ebibonyobonyo ebyo eiswena byetubonyabonyezebwa.
\v 7 Esuubi ryeiswe ryamani jemuli kubanga tukumanya nti nkabwetugabana okubibonyobonyo byaiswe era mutyo nobutagabana nokusanyu ryaiswe.
\p
\v 8 Kubanga aluganda tekukwendya nywe obutategera, okubonyabonyezebwa okwatwikirweku omu Asiya bwetwalemerairwe omuno okusinga amaani gaiswe era netutasubira kubba boomi.
\v 9 Iswe lwaki twawulire nka basalirwe ogwakufa, ekyo kyaliwo, tuleke kwesiga maani gaiswe wabula twesige Nnyamwanga aimboola abafiire.
\v 10 eyatuwonyere omukufa okukoto okukwenkana awoo era yatuwenjanga, era oyo nii ye gwetuyinamu esuubi eryakutuwonyanga.
\v 11 Nanywe mutuyambe omukusaba. mutyo baingi bebalyenge onyamwanga okulwaiswe, olwamikisa ezituwewebwe olwakusaba kwabaingi.
\p
\v 12 Kubanga okwenyuminkiriza kwaiswe nikwo mwoyo gwaiswe ogukutukakasa nti omunsi muni npokusingira kimwei omunywe. tubaire tukweyaalya mubwikiriri no'mazima ga'Nnyamwanga, timumagezi gamubiri wabuia mukisa kyanyamwanga.
\v 13 Kubanga tekuwandikira biindi wabula ebyo byemukusobola okusoma nokutegera nokusabiira nga mubitegeire kimwei.
\v 14 Era nka bumwategeireku ekitundu, musobola okwenyumikiriza mweiswe. era nkaiswe netukwenyuminkiriza munywe okulunaku lwa mukama weiswe oyesu.
\p
\v 15 Olwakubanga naali nkwekakasa omwekyo, nayendyanga muno kusoka okwiza jymuli mulyoke muwebwe omukisa gwa emirundi ibiiri.
\v 16 Nayendya mbakyere nga nkwaba Emakedoni, era nkwira jyemuli nga nkuzwa Emekedoni muilyoke mumbwere, nga nkwabba Ebuyudaya
\v 17 kale bwenali nkwendya okukola ekyo, nabalaganye? oba byekuteesa, nkubiteesa okulwamuntu owansi, okubba nti weewayo, weewayo, ate nti teweewayo, teweewayo?
\v 18 Naye nka ONnyamwanga bwaali omwesigwa, ekiga mbo kyaiswe jgemuli tekirinti nimwo ate tinimwo.
\v 19 Kubanga omwaana wanyamwanga oyesu kristo eiswe gwetwabulire omunywe, nje no Sirwano no Timosewo, tekyali nti nimwo era tinimwo, naye omuye bulinkya m ulimo nimwo.
\v 20 Kubanga omubyonabyona o Nnyamwanga byeyasubize, omumwo nimwo muli nimwo; era oyo nikyo azwaleeta amiina, ONnyamwanga atereezebwenge okulaiswe.
\v 21 Naye atugumirye amwei nanywe omu kristo, era eyatusukireku amafuta, eyee ONnyamwanga;
\v 22 era yattekereku akamanyisyo, natuuwa omusiingo gwamwoyo mutiima jyaiswe.
\p
\v 23 Naye njee nkweeta ONnyamwanga okubba omujjura wamwoyo gwange, era nikyo nazwire obutaiza ombukoliso, kubanga nabasasiire.
\v 24 Kubanga tukufuga okwiikiriza kwanywe, naye tuuli bakoli barabanywe abasanyu lyanywe; kubanga muli bagumu.
\c 2
\cl Essula 2
\p
\v 1 Naye namaliriire omumwoyo Neekyo nakiwandikiire nenaliiza ndeeme okunakuwalgwange obutaiza nnanaku jyemuli.
\v 2 Kubanga njee nembanakuwalya, kale asanyusa naani okwiyaku njee gwenakuwalya?
\v 3 Nekyo nakiwandikiire nenaliza ndeeme kunakuwaaly aboo abasaniire okusanyusa; kubanga nkubesiga nywenanywena, era essanyu ryange niryo ryanywe nywena.
\v 4 Kubanga omukubonabona okwiingi nokulumwa omumwoyo nabawandikiire namaliiga gaingi, tilwakubanakuwalya, naye mumanye okwendya kwendiina jyemuli nikuuli okwiingi omu
\p
\v 5 Naye niiwabawo omuntu akuleeta okunakuwala, abaa tanakuwairye nje, wabula nywenanywana, ate tinywena, ndeeme okubazitowerya omuno.
\v 6 Kubanga aliatyo ekibonerezo ekyo kyawereibwe baingi kikumala.
\v 7 Nikyo kizwa kibagwanira nywe okusonyiwa kwonkai nokumusemerya akwiisana atyo mpozi alemwe kumiirwa nnaku zamwei nga zimusukireku obwiingi.
\p
\v 8 Nikyo nzwa mbegaira okugumya okweendya jyali.
\v 9 Kubanga nikyo nazwire mpandiika, ndyoke mbagezesye ntegeere, obanga muli Buli gwemukusonyiwa ekigambo, nanje musonyiwa; kubanga nanje kyensonyiwire; obanga nsonyiiwire, nkisonyiwa kulwaninywe omaiso gakristo.
\v 10
\v 11 Ositaani alemenge kutwekudumbaryaku; kubanga tutetuli nka abatakutegeera nkwe zamwe.
\p
\v 12 Naye ninaizire omu Tulowa olwangiri yakristo, era olwiige nilwanyigulirwewo ONnyamwanga waiswe,
\v 13 omutiima gwange tigwatereire kubanga tinasaangireyo Tito omuganda wange. nikyo nazwiire mbasiibula ninyaba omu Makedoni.
\v 14 Naye ONnyamwanga yeebalibwe, otutwaala bulinkya nka abawanguli omukristo, era natukolesya okumumanyisya omubantu boona nka akawoowo akasasanira woona.
\v 15 kubanga tuuli kawoowo akasai aka kristo edi ONnyamwanga omwabo abalokoka nomwaabo abaabula.
\v 16 Edi aboo ababula tuuli kawoowo akazwa omukufa akaleteera okufa; naye edi aboo abalokoka tuuli kawoowo akazwa omubwomi era akaleeta obwoomi. Era ebyo naani abiisobola?
\v 17 Kubanga tetuuli nkabaddi abakusiinga obwiingi, abatabangula ekigambo kyanyamwanga, naye nka bantu bamaziima era abatumiibwa ONnyamwanga, nimwo tuutyo omaiso ganyamwanga nituubaza omukristo.
\c 3
\cl Essula 3
\p
\v 1 Tutandiikire era okwetendereza iswenkai? oba tukwendya ebaluwa nkabaandi, ezikutusemba jyemuli, oba nywe zemuwandikiire nga zikusemba?
\v 2 Nywe muli baluwa jaiswe etusemba ebiwandikiibwe omumitima jaiswe, abantu boona jyebakweteja, jyesooma.
\v 3 Era mweranga okuba abaluwa yakristo, iswe jeetwaletere etaayaandikirwe nabwino, wabula omwoyo gwa Nnyamwanga omwooomi, tikubiipande byamabale, wazira okbipande ebya mwoyo jabantu.
\p
\v 4 Obwo nibwo bwesigwa bwatuuyina okwakala omukristo edi ONnyamwanga,
\v 5 tikubanga nywe abaina obusoboozi okulowoza ekigambo coona nkekuzwa jetuuli naye obusoboli bulugga wa Nnyamwanga.
\v 6 oyo niye yatusoboleserye okuba abbaweereza abandagaano egiyaaka; tibawereza abba nyunyutta wazira abamwoyo; kubanga enyugutta eitta, naye omwoyo; guletta obwoomi.
\p
\v 7 Naye obba nga okuwereza okwakufa okwabaire omunyuguta, okwasalibwe okumabaale kwaiziire mukitinisya enkeekyo nbaana ba Isiraeri nokuyinza netayinza kwetegeerya maiso gaa M usa olwakitinisya caamaiso gaamei ekyali kikwaaba okuwawoo.
\v 8 okuwereza okwa mwoyo tekulikira muno okubba nekitinisya?
\v 9 kubanga obba okuwerezza kwamusango nikyo kitiniisya, okuwereza okwabwiikiri kweyongera muno okusinga ekitinisya.
\v 10 Ddala omunsonga eyo ekyaali kirina ekitinisya luddi ati tekikyaalina kitinisya, olwakitiinisya ekikusingirawo kimwei,
\v 11 Kubba obanga ekyabairewo kyaaliina ekitinisya, kyalubeerera ekitatekwa kusinga omuno okuba nekitibwa. omu kristo ekikweeka kizwawo
\p
\v 12 kale nkabwetulina esuubi erikwenkana awo, tukusimola nokwekirizamu kwingi.
\v 13 So tinka omusa eyesweekanga okumaiso gamwei, abaana baisiraeri balemenge okwegendereza enkango yekyo eccaali kikugwawo.
\v 14 Naye emyoyo jaabwe jakakanyaliibwe; kubanga nokwika eleero nibasoma ndagaano eyairai ekyakusweeka kiidi kikyaliiwo; ekyakusweekaku ekyo kizwawo mukristo.
\v 15 Naye nokwiika olwaleero ebya Musa nebisomwa, ekyakuswekaku kiiri kumyoyo jyabwe.
\v 16 Naye omuntu nacukiirii ONnyamwanga waiswe, ekyakusweku kiyiibwawo
\v 17 Naye ONnyamwanga waiswe niigwo mwoyo, era owaaba omwoyo gwa Nnyamwanga waiswe niwo wabaa emirembe.
\v 18 Naye iswe sweena, nituyibwaaku ekyakusweka okumaiso, nga tukubona ekitinisya kyanyamwanga waiswe, tucusiibwe okwiisana nkaye, okuzwa okumutendera gumwei ogwakitiniisya okwika okugundi`, kubanga kiini kizwa edi ONnyamwanga nigwo omwoyo
\c 4
\cl Essula 4
\p
\v 1 Kale, nka netuliina okuwereza kuuni, olwakusaasira kwanyamwanga, tetwiirira.
\v 2 Naye twagaine ebyansoni ebiikwekebwa, nga tetukutambuura mubukumpanya, kale tetukyamya kiga mbo kyanyamwanga; naye olwakubonesya amazima tuleka bulimuntu natulowozaku nka omyoyo gwamwei neguli omumaiso ganyamwanga.
\v 3 Era wadde engiri yaiswe 'swekebwaku, eswekebwaku edi abo ababuure.
\v 4 Nibo bataikiriza, ositani afuga emirembe ziini beswekere emitima zaabwe, nabayiyiza okuboona eisaana ryangiri eyakinisya kya kristo, oyo nikyo kyisani kyanyamwanga.
\v 5 Kubanga tetwekobera iswenkai, okwiyaku okristo yesu nga niye Nnyamwanga waiswe, naiswe nga tuuli bairu banywe okulwayesu.
\v 6 Kubanga ONnyamwanga balize nti, “leeka eisaana lyake omundikiirya,” eyayakire omitima zaiswe, okuleeta isaana lyakutegera ekitinisya kyanyamwanga omumaiso ga yesu kristo.
\p
\v 7 Naye obuguuda obwo tulinabwo omubittabu byaibumba, amaani againgi omuno gasobole okuzwa edi ONnyamwanga so teedi niiswe.
\v 8 Batubonyabonya omubuli engeri, naye tetumalibwawo; tusoberwa, naye tewamu kusubira.
\v 9 Tukuyiganyizibwa, naye tetukulekebwa; tuwangulwa, naye tetukuzikiira.
\v 10 Bulinkya tutambula nga tulina mubiri okwitibwa kwayesu, era nobwomi bwayesu bulyoke bubonekenge omubiiri gwaiswe.
\v 11 Kubanga iswe obwomi tuwebwayo ebiiro byoona edi okufa okutwolekya oyesu, era nobwomi bwa yesu busobole okubonekanga omubiiri gwaiswe ogufa.
\v 12 Nimwo kityo okufa kukoorenge omwiswe, naye obwomi munywe.
\p
\v 13 Naye nga tulina omoyo gudi ogwakwikiriza, nka bwekyawandirwe nti, “Naikirize nikyo nzwa mbaaza” era naiswe twikiriza, era kyetuzwa tubaaza.
\v 14 Nga tumaite oyo eyaimbokyerye omukama waiswe yesu, era esweena alitwimbokya amwei noyesu, era alitwanjula amwei naye.
\v 15 Kubanga byoona birikubwanywe, ekisa ekyo nka nikyeyongeire okubuuna omubantu banyamwingi, kyongera kuleta kwebalya Nnyamwanga nokuweesya kitinisya.
\p
\v 16 Kyetuzwa tulemwa okwirira; naye wade omuntu waiswe owakuruguru awaawo, naye omuntu waiswe owamunda afuuka omupya buliinkya nabulinkya.
\v 17 Kubanga okubonabona kwaiswe okutalemeera, okwakiseera kini, kwongeramuno okutukora ekitinisya ekikulemeera ekyamirembe nemirembe.
\v 18 Iswe nga tekukulolera bintu ebikuboneka, wabula ebitakuboneka, kuban ga ebikuboneka byakasera; naye ebitakuboneka byamirembe namirembe.
\c 5
\cl Essula 5
\p
\v 1 Kubanga tukumanya nti, oba nga nyuba yaiswe eyakasisira akamunsi kalyatiibwa, tuliina akayombokeibwe okuzwa edi ONnyamwanga, enyuba etayombokeibwe namikono, eyamirembe nemirembe eyamwiguru.
\v 2 Kubanga tusindira emwei, nga tukwegomba okuzwalikisibwa enyuba yaiswe 'rizwa omwiguru,
\v 3 netulizwalikisibwa, mpozi tuleme kusangibwa nga tuuli bwereere.
\p
\v 4 Kubanga iswe abali omunsisira enii, nga tuzitowereirwe, tikubanga tukwendya okwambula, wazira okuzwalikisibwa, ogwo ogufa gumirwe obwomi.
\v 5 Naye eyatukoleire ekyo niye Nnyamwanga, eyatuwaire omwoyo okuba omusiingo.
\p
\v 6 Nikyo tuzwa tuguma ebiiro byona, era tumanya netubba omubirai tuba aalai omukama waiswe.
\v 7 Kubanga tutambula olwakwiriza, so tikubona.
\v 8 Tuguma, era kyini nikyo tusinga okwendya, okuzwa omumubiri guni, nokuba omukama waiswe jaali.
\v 9 Era nikyo tiuzwa tufuba, obanga tukyali muni, obanga tuli aalai, okusiimibwa yee.
\v 10 Kubanga iswe swena kitusaanire okwolekebwa okristo walisaara omisango buuli muntu aweebwe ekikumusaanira okubisai oba okubiibi byeyakoore nga ekyaali mumubiri.
\p
\v 11 Nolekyo nitumanya okuttina omakama waiswe, tusendasenda abantu, naye oNnyamwanga amaite netuli, era nkusubira nywena mumaite omyoyo jaanywe.
\v 12 Twetendereize era jemuli, wazira okubawa nywe kyemwasinzirangaku okwenyumirizanga okulwaiswe, mulyoke mubenge nekyakubairamu abenyumiriza olwebyo ebiboneka so tiimukama.
\v 13 Kubanga abo tulalukire, edi oNnyamwanga, kubanga tukwegendeza, twegendereze okulwanywe.
\v 14 Kubanga okweendya kwa kuristo nikwo kutufuga, nga tukulowoza tuuli nkomwei ayabafiiririre, nikyo bazwa bafa.
\v 15 Naye yafiiririre boona, aboomi baleme kubanga boomite okulwabwe bonkai, wazira okulwoyo eyabafiririre nayimbooka.
\p
\v 16 Okusoka eleero nikyo tuzwa tulemwa okumanya omuntu yeena okusiigira okumbona yamuntu, newankabeire okusoka twatwaire okuristo omukubona kwabuntu, naye atiibuni tetukyamumanyate tutyo.
\v 17 Nelekyo omuntu yeena nabba omukuristo, abba kitonde kiyaka, ebyairai nga biweirewo, bona, nga bifuukire biipya.
\v 18 Naye byoona bizwa edi ONnyamwanga, eyatutabagainye naye okulwa kuristo, natuwa iswe okuwereza kwakutabagana.
\v 19 Nikwo okoba nti oNnyamwanga niye ali omu kuristo ngatabaganya ensi yee mwenyini, nga tabaliira biibii byabwe, era nga yatubikisirye iswe ekigambo ekyakutabagana.
\v 20 Nikyo tuzwa tuuba abakwenda omukifo kya kuristo, oNnyamwanga naisana akubegaira okwakala omwiswe, tubegayira omukifo kyakuristo mutabagane noNnyamwanga.
\v 21 Atamaanya kusisisara, yefiire ekiibi okulwaiswe; iswe tulyoke tufuke obwikiiri bwa Nnyamwanga omu yee
\c 6
\cl Essula 6
\p
\v 1 Era nitwakoora amwei no Nnyamwanga, tubegayiira obutaweebwa bwereerekisa kya Nnyaamwanga.
\v 2 Kubba oNnyamwanga okobba nti, “omubwiire ebyokukkirizibwamu nakuuwulire, no kulunaku lwabulokozi nakuyambire, boona atti nibyo ebiseera ebyokwiririzamu; boona, atti nilwo olunaku lwa bulokozi.”
\p
\v 3 Tetutekaanga nkoonge yoona muunzira yamuntu yeena okuweereza kwaiswe kulemeenge okunenyezebwa.
\v 4 Naye nkabaweereza ba Nnyamwanga. twetenderezenge mu byoona, omukugumiinkiriza okwiingi; omukuboonaboona, omukwendyangana, nomunaaku.
\v 5 Omukubwa, omukusibibwa, omukukaayana, omukugezaku, mukuboonia, nomukusiiba.
\v 6 omubuloongoki, mukutegeera, mukugumiinkiriza, omukisa, omwoyo mwiikiri, no mukweendya okutalimu bukiweweita.
\v 7 Omukigambo ekyamananu, omumaani ga Nnyamwanga; nolwebyo ebyakulwanisya ebyabukiiri omukono ogulyo nogumoso.
\v 8 Olwakitinisya nokunyomebwa, olwakuzumibwa nolwakusimibwa. Twetebwa nka ebabeyeegi naye nga tuuli bamazima.
\v 9 Nka batategeerwa, naye abatategeerwa muno; nka bafa, era bona, tuuli boomi; nka abbabonerezebwa, naye netutaitibwa.
\v 10 Abanakuwala, naye asemeerwa bulizo; nka booro, naye abagaigawalya abaingi; nka bataina kintu, era naye abayiina daala byoona.
\p
\v 11 Omumwa gwaiswe gwasamwirwe jebali, Abakoliso, omutima gwaiswe tegubaswekulire.
\v 12 Iswe tetukubanyigirya, naye mukwenigirya nywenkai omumyoyo jaanywe.
\v 13 Nkubaza nanye nka baana, mutuswekuure emitiima janywe
\p
\v 14 Temwegaitanga nabataikiriza kubanga temukwenankana; kubanga obwikiiri bwiimba butyai nobujeemu? obba isaana ryegaita rityai nekirikiirya
\v 15 Era okuristo ayiimba atyai no Beriyali? oba omwikiiriz' agabaana kigambo ki natali mwikiiriza?
\v 16 Era eyeekalu yaNnyamwanga yegaita etyai nebifaananyi? kubanga iswe tuuli yeekalu yanyamwanga omwomi; nka oNnyamwanga niyakobere nti, “Nabanga munibo, nintamburanga munibo; nanje nabanga Nnyamwanga wabwe, boona babanga bantu bange.
\p
\v 17 “Kale” muzwe akati mubo, mwewugule, nimwo akubaza ONnyamwanga, ate temukwatanga kukintu ekitali kironggoki, nanje ndibasemberya,
\v 18 Era nabanga oitoowanywe jemuli, “Nanye mwabanga jeendi abaana babwojo nabwaala, nimwo akubaza omukama omuyinza wabyoona.”
\c 7
\cl Essula 7
\p
\v 1 Abendebwa nka netwiina ebissubizo ebyo, twenabyengeku obugwagwa bwoona obwa mubiiri no mwooyo, nga tukwikiirya obwikiiri omukutiina oNnyamwanga.
\p
\v 2 Mutuswekurenge emitima zanywe; tetusisanga muntu yeena, tetwiguranga muntu yeena, tetulyazamanyanga muntu yeena.
\v 3 Timbazire kubanenya, kubanga nabalize erai nga mulii mutima zaiswe okufiira amwei nanywe nokubba aboomi amwei naye.
\v 4 Nkubaza nobuvumu bwingi jemuli, nenyumiriza muuno okulwanywe; nyuzwiire muno amasanyu, nsukirire okujaguza omubibonobono byaiswe byona.
\p
\v 5 Kubanga era nitwaizire omu Makedoni, omubiiri gwaiswe negutabono kuwumula nakadyoli, naye netubonabona eludanoluda; enzai waliyo ntaalo, omunda waliiyo okutina.
\v 6 Naye asemerya abasobeirwe, niye oNnyamwanga atusanyusa iswe, olwa kwiza kwa Tito.
\v 7 naye tilwakwiiza kwamwei kwonkai, era yeena olwakusemeerwa kwemwamusemerye nitukobere okwegomba kwanywe, nokunakuwala kwanywe, nokunyiikira kwanywe okulwage; njeena nikyo nazwaanga nsanyuka.
\p
\v 8 kubba wadde nga nabanakuwairye nebaluwa yange, tinejjusa wadde nga namaare okwejjusa; mboine ebaluwa eyo yabanakuwairye, wadde nga yabanakuwairye akaseera.
\v 9 Ati nsanyukire, tinsanyukire kubanti mwanakuwaliibwe, naye kubba nti mwanakuwaire nokwenenya nimwenenya: kubanga mwanakuwaire edii onyamwanga, muleme okufiira omukigambo kyoona okulwaiswe.
\v 10 kubanga okunakuwala eddi onyamwanga kuleeta okweenenya okwabulokozi okutaijjusibwa: okunakuwaala okwa munsi kuleeta okufa.
\v 11 kubanga, bona, okunakuwaala okwo eddi oNnyamwanga kwaleetere okufuba kwiingi, era nokuwoza ensonga zaanywe, era nokusuunguwala, era nokutiina, era nokwegomba, era nokunyiikira, era nokuwalana eiwanga! omubyoona mukwetegeeza nka nimuli abalongoki omukigambo ekyo.
\v 12 Kale nebwewankubaire nga nabawandikire, tinawandikire kulwoyo eyakore okubbi, wabula nkunyinkira kwanywe okulwaiswe kulyoke kubonasebwe omumaiso gaNnyamwanga.
\v 13 Nikyo twazwiire tusemeerwa; nomukusemeerwa kwaiswe, nitweyongera muno okusemeerwa olwasanyu lyaTito, kubanga nywe nywena mwawumwiire omumyoyo gwaamwei.
\v 14 Kabba obanga nenyumiriiza omukigaambo kyanywe okulwanywe edi oyo, tinakwatibwe nsoni; nayenga nitwakobeire byoona omumazima, era otyo nokwenyumiiriza kwaiswe edi Otito kwaali kwamazima.
\v 15 Nokweendya kwamwei okwamunda kweyongera munno okubba jeemuli, yaizukira ongonda kwanywe nywena, nemwasemberye nokutina, nokukakana.
\v 16 Nsemeereire kubanga omubyoona ninna okwesiga omunywe.
\c 8
\cl Essula 8
\p
\v 1 Mwoona tukubamanyisya, abalugaanda, ekisa Nnyamwanga kiyatakire ekanisa ezamekedoni.
\v 2 Mugezesebwe kwaabwe, esanyu lyaabwe eryayakaliirirye, nobwooro bwaabwe obwakalirirye, byazuliibwe okubaga kwabwe okwanzulukuki.
\v 3 Kubanga nkimanyisya ntini boo, bakweendya okusinziira okubosobozi bwabwe, era nkukasa nga basingawo, naye betakire boonkai.
\v 4 Baatusabire nokwegaira okwiingi baikirizibwe okwegaita nabo abajuna abaikiri.
\v 5 Era baakoore tinkebwe nalowaize, naye baasookereokweewaayo eddi oNnyamwanga Oitoowaiswe neddi iswe omukweendya okwaNnyamwanga.
\v 6 Nikyo twaazwiire tusaba Otito, nkebweyatandikire eire omulimu ogwo ogwa kisa, aize agumaliirye nomunywe.
\v 7 Nayenga nimwaakaliirya omubyoona, nomukweendya kwaanywe eddi iswe, era mwaakaliiryenge nomulimu guni ogwakisa. nu.
\p
\v 8 Tinkubaza nga nkubalangirambe, wazira nkukakasa nti olwakufuba kwa abaandi okweendya kwaanywe kwoona kwa mananu.
\v 9 Kubangamumaite ekisa kya Nnyamwanga waiswe Yesu Kristo, nti niyaali omuguuda nainduka okubba omwooro okulwaanywe obwooro bwanywe bulyoke bubaguduwalye nywe.
\v 10 Okunsonga eni mbawerya amaagezi, kisingaku ati buni okumaliirya bye mwatandikire ogumwei ogwayakaire.
\v 11 Nimwo butyo obumaliiri bwaanye obwakukyeendya obwakwendya bwenkane nokumaliirya, mukkolesye ebyo bye muliina.
\v 12 kubanga nimwaabanga mulina kyemukweendya okukola kiikirizibwa oksiiinzira okumuntu kyaattana baitu tikyaliina.
\v 13 Kubanga timbazire ntyo, abndi bawumulibwe, naaye mugadibwe.
\v 14 wazira olwakwenkanankana, Nywe mulina ebingi mubiro biini, bibajjuneku omukwetaga kwabwe, Ate'byaabwe bye baalibba nabyo ebingi biribajuna nywe omukweendya kwaanywe okweenkanankana kubeewo.
\v 15 Nkebwekyawandikibwe nti “eyakuumbania nga eziingi tiyasigalyengawo: akumbania eziddooli tiyeetaagen ge.
\p
\v 16 Naye ONnyamwanga yeebalibwe, eyawaire Otito omutima ogukubalumiirwa.
\v 17 Okulwakubba tiyakangire kwiikiriza kwoonkai kye twam usabire, naye omukufuba naiza jituli ye omwenyenere okulwaamwei.
\v 18 Era tutuma amwei naye owalugaanda, atendebwe okwakubba enjiri omu makanisa goona.
\v 19 Mwoona tinikyo kyaabwe baitu ye oyo niye yakoonaibwe ekanisa okutambula naiswe olwakisa ekyo, kyetuwaireza iswe, oNnyamwanga waiswe aweibwe ekitinisya, era tulaange okweendya kwaiswe.
\p
\v 20 Ndoowo muuntu yeena obutatunenya olwa kirabo kini kye tuwereza.
\v 21 Kubanga tutenkaniize ebisai, timumaiso ga Nyamwanga mwonkai, baitu no mumaiso ga baantu.
\v 22 Era tutuma omwei nabbo naba omugaanda waiswe gwe twakemanga emirundi eziing omubibuzo ebiingi ngataina kusiinga, olwakwesiga okwiingi kwa liina jjemuli.
\v 23 Ebya Tito ye, akunyumya kimwei naange, era. yamukolimiire omubuweereza bwaanywe, era ebyabagaanda baiswe abo, nibbo abakweendya abakanisa abbo nikyo ekitinisya kya kristo.
\v 24 Kale omu maiso ga kanisa mubaleenge ekikakasa okweendya kwaanywe nokwenyumiriza kwaiswe kulwaanywe.
\c 9
\cl Essula 9
\p
\v 1 Kubanga tekikwetagisya kubaandiikira kubya birabo ebyeebwayo okujjuna abeeruki.
\v 2 Kubanga amaite nga muli beetegeki okujjuna, ekyo mbenyumirizaamu eddi abamakedoni kulwaanywe, nga mbakobba nti, “Abbomu Akyabetegeki okuzwiira kyaarumei omumwaaka ogwayakaire"Era obumaliiri bwaanywe bwakubiriize banyamwiing omubbo.
\v 3 Naye nkutuma abalugaanda, jjemuli okwenyumiriza kwaiswe oku lwaanywe kuleme okubba okwabweerere omukigaambo ekyo, wabula mube betegeki nka bwembazire.
\v 4 Tikulwa nka abamakedoni abaliiza naanje, balisabaanga nga temwetekeretekere, iswe, nebwentabaze kukuswaala kwaanywe, nitukwaatibwa ensoni olwa bweesige bwetwairwe.
\v 5 Nikyo nzwiire ndowooza nga kigwaniire okweseengerya abalugaanda bankuleembere okwiiza jjemuli, bateeketeke ekirabo ekyo kye mwasubiize, kisangibwenge kitegekaibwe olwa kweyendesya, tikuwalirizibwa.
\p
\v 6 Naye kye mbaziire kinni nti siga ekidooli, alikungula kidooli, era asiga ebiingi, alikungula biingi.
\v 7 Buli muuntu akoleenge mubumaliiri mumutima gwaamwei, tilwanaku, kaabe okuwalirizibwa, bubaalnga oNnyamwanga ayeendya oyo agaba nesanyu.
\v 8 Era oNnyamwanga ayinza okuwerya ekisa kyoona jjemuli, nywe nga mulina ebikubaluma byoona enaku zoona omubigaambo byoona mulyoke mwaakaliiryenge omubikolwa byoona ebisai.
\v 9 Nka kyawandiikibwe nti, “yasasaa; nye, yagabiire abooro; obwiikiiri bwaamwei obwalubeerera emireembe joona;”
\p
\v 10 era oyo aweerya ensigo omusigi emeere yakulya, yabaweeryanga, yaboongerangaku obusigo bwaanywe, era yeeryanga obusigo bwabibala byaanywe.
\v 11 Mwagudiwalibwa omubyoona nomugaba omuno, okwaakal; a omwiswe oNnyamwanga yebalibwenge.
\p
\v 12 Kubanga okuweryaayoka kuweereza tikwiizulya izulyambe kigero kyebyo abeeruki kye ba kweendya, era ate okwaakaaliirya lwa kweebalya okwiingi eddi oNnyamwanga.
\v 13 Kubaanga olwa kemwa kwaanywe omukuwereza kuni bateendereza oNnyamwanga lwa kuculeera, kwaamwei no kwiikiriza enjiri ya Kristo, nolwa bweenda bwaanywe jjebali ne eddi abaandi boona.
\v 14 Era bobonkai bakulumiirwa amwei nanywe nokubasabira olwa kisa kya Nnyamwanga ekitakusiingika omunywe.
\v 15 ONnyamwanga yeebalibwe olwa kirabo kyaamwei ekitabazibwaaku
\c 10
\cl Essula 10
\p
\v 1 Naye njje omwenyini Opawulo mbegayirire olwa bugoondu nobuwuumbeki bwaKristo. Njje omwetawaaze neemba nanywe, ate nga omuzira nga tendi nywe.
\v 2 Kale mbegaira mbe, nenaabanga nga ndi nanywe, ndekeenge okubala obuzira bwa kolesya eddi abaandi abalwooza nti iswe tutambula okusengerya omubiri.
\v 3 Kubanga niwankubaire nga tutaambuura mumubiri, tetulwaana kuseengerya mubiri.
\v 4 Kubanga ebya kulwaanisya ebyantalo zaiswe, tebya mubiri, naye birina amaani agazwaeddi oNnyawmwanga olwa kusonyibwa ebiigo.
\v 5 Tukusaanyawo empaka nabuli kiintu ekiguluumiiri ekigulumbaziibwe okulwaana nokutegeera kwa Nnyamwanga, era tujjemulula buli kirowoozo okugoondera oKristo.
\v 6 Twetekerekerenge okubonereza obutagoonda bwoona, okugoonda kwaanywe nekwaaliikiira.
\p
\v 7 Muloleere ebiintu nke bwebiri omuuntu yeena nka bwakwekakasa okwisanana oKristo yerowooze kiini nati yenkai nka bwaali wa Kristo, era naiswe tutyo.
\v 8 Kubanga nebwendyaakaliiryanga okwenyuminkiriza olwa buvunanyizibwa bwaiswe, mukama waiswe bweyatuwaire olwakubwoomboka, nti olwa kubonaanga byoona tindikwaatibwa nsoni.
\v 9 Tenandyenderye kwiisana nka bakunisya nebalwowooza njje.
\v 10 Kubanga babaza nti; “Ebaluwa zaamwei zizibu, zamaani naye nobaawo omumubiri gwaamu gunaki no kubaza kwa nsi ekiintu,”
\v 11 Okulowooza kiini ategeera nti byetukukobba omubaluwa nga tetuliyo era bye tukukola nga tuli amwe nannywe.
\p
\v 12 Kubanga tetwaagaine kwebalya kumuwendo gwaabo abatendereza bonkai newankubaire okwegeregeranya nabo bonkai nga bakubaza bonkai nabonkai, era nga bakwegerageranya bonkai nabonkai, tebalina kutegeera.
\v 13 Naiswena tetwalyenyumirizanga okusinga ekipimo kyaiswe wabula omukipimo ekyansalo eddi oNnyamwanga jjeya tugabiire okubba ekipimo era nokwiika jjemuli.
\v 14 Kubanga tetukwerairya okusinga nke kipimo nka abatakwiika jjemuli, kubanga era twaiziire nokwiika jjemuli mu njiri ya Kristo.
\p
\v 15 Tetwenyumiriza kusiinga kipimo kyaiswe omumirimu zabaandi nayenga tukusubira, okwiikiriza kwaanywe bwekukula okugulumizibwa omunywe kensalo yaanywe nke bweri okwaakaaliirya.
\v 16 Olwo twalisobola okubuulira enjiri omubifo ebiri alai nokusiinga ewaanywe nga tetukwenyuminkiiryanga olwa mulimu ogukolaibwe omukifo kya baandi.
\v 17 Naye eyenyumiriza yenyumiinkirizenge omumukama waiswe.
\p
\v 18 Kubanga omuuntu eyeteendereza yenkai tiniye asiimibwa wabula oyo omukama waiswe gwateendereza.
\c 11
\cl Essula 11
\p
\v 1 Nandyenderye munguminkirize omubusirusiru bwaange obudyooli, era ddala munguminkirize.
\v 2 Kubanga mba kwatirwa owiiya bwa Nnyamwanga; kubanga basweirwe oibowaabwe omwei oKristo, ndyokai mbaleete jjaali nka omwaala omulongooki.
\v 3 Naye ntinire, nti nka onjooka niyabeyegereirye oKaawa omubukujjukujju bwaago, mpozi ebirowoozo byaamwei biyiinza oku kyamiibwa muleme okweweryayo ddala omumazima eddi oYesu Kristo.
\v 4 Kubanga omuuntu naiza nabakobera Oyesu owoondi gwe tutabakobaire, obba nimwaibwe omwooyo owoondi atabawairwe abbo enjiri ejjindi jjemutaikirize, mwaanguwa okubikiriza.
\v 5 Kubanga ndowooza nti omubutono bwaange tinsiingibwa munno abatemu abbo abakulu.
\v 6 Naye newankubaire nti tendimumanyirivu omukubaza, naye tendiintyo omukutegeera; naye omubyoona nomubulingeri eyo twakibagire.
\p
\v 7 Nasisire bwenenenyere njenkai nywe muguluminyizibwe kubanga nababuuliire enjiri ya Nnyamwanga ewatali kubasasulisya.
\v 8 Nayenga ekanisa eziindi, nga nkuweebwa empeera okuzwa jjebali olwakubawereza nywe;
\v 9 era nke nabakobaire nywe nga nkweendya, tenazitoweerwaanga muuntu yeena; kubanga abalugaa nda abaazwa omu makedoni bandetaire buli kimwei kyenendyanga. omubyoona neekumire era okwiiza kwekumaanga obutabazitoweryanga omungeri yoona.
\v 10 Nka mazima ga Nnyamwanga negaali omunjje, ndoowo ali siinga okwenyumirizaamu okwo omubisolo bya Yakaya.
\v 11 lwaki? kubanga timbeendya? oNnyamwanga amaite nti mbeendya.
\p
\v 12 Naye nkaniikola, nkwiza okweyoongera  okukolaanga ntyo, leke nziize aboo abenyumiriza omumutumwa bwaabwe, nga mbakoba nti bakoleenge nka bwetukola
\v 13 Kubaanga abaisanaabbo nibbo batumwa ababubeyegi, abakoli, bakupya, abaisanisiirya abatumwa ba Kristo.
\v 14 Ate nga tekyamagero; kubanga ositaani yesanisirya omalaika wa isana.
\v 15 Kale tekitalo eranabawereza baamwei nimo baisanisirya nka baweereza abaikiiriire. enkomeero yabwe eriba nke bikolwa byaabwe okubonabona kwa mutumwa.
\p
\v 16 Nkwiiramu okobba nti omuuntu yeena alemwe okulowoozaanga nti musirusiru; naye okulowoozaanga bwe mundowooza nimo mutyo, kale musemberyanga nkomusirusiru, naanjje nenyumirizeengeku akadooli.
\v 17 Kye nkubaza, tekukibaza nka ekigaambo kya mukama waiswe, naye nka omubusiru, omubuvumu bunniobwa kwenyumiriza.
\v 18 Kubanga baingi abenyumiriza omumubiri, naye njje nenyumiriza.
\v 19 Kubanga muguminkiriza nesanyu abasiru, olwakuba nywe muli bagezigezi.
\v 20 Olwa kuba muguminkiriza omuuntu, nabafula abairu, nabaamira, nawaamba, nimo okwegulumiza, nga nimo akuba okubbo omumaiso.
\v 21 Mbazire olwa kweswaaza, nga nkubanakuwaara, naye omuuntu yeena kyagulumirya [nkubaza mubasiru], njjeena nguma.
\v 22 Boo Abebulaniya? nanjje. Boo Abaiziraeri? nanjje zaade rya Iburayimu? nanjje.
\v 23 Boo abawereza ba Kristo? (nkubaza nkomugwairalu) njje mbasiinga; omu kufuba ambakira, omukusibwa ambakira. Omukitiibwa mbaingirira munno, omukufa emiruundi jjingi nga nkubulwaaku kadooli okufa.
\v 24 Eddi Abayudaaya nebakubibwa emiruundi eitaanu emiigo amakkumi asatu na mweenda.
\v 25 Emiruundi eisatu, nakubibwaanga, omuruundi gumwei nakasukirwa amabaale, emiruundi eisatu eryaato rya tikire, nasuure neensiiba omubizibu bya nyanja.
\v 26 Omukutaambulaanga emiruundi ejjingi, naikiibweku obulabe okuzwa omumigera, obulemu okuzwa omubanyajji, obulabe okuzwa eddi abaiyaanga ryaange, obulabe okuzwa eddi abamaanga, obulabe okuzwa ombyangabuga, obulabe okuzwa omwiiru, obulabe okuzwa omunyanja, amwei nobulemu okuzwa omubalugaanda ababubeyegi.
\v 29
\v 27 Omukufula nokukerwa, nokubonniyanga emiruundi ejjingi, munzala nenyoota, mukusiibaanga emiruundi eziingi, omuloombe nokuba obweereere.
\v 28 Okubaza okwebyo waaliwo ekizitoowa bul; iizo nobuliizo, okwelariikiiraanga okwa kanisa zoona.
\p
\v 30 Obanga kinsanira okwenyumiriza, nenyumirizeenge olwa bya bunaki bwaange.
\v 31 Nnyamwaanga taata wamukama waiswe Yesu, eyebalibwa emireembe jjoona, amaite nga tembeyega.
\p
\v 32 Omu Damasiko oweeserye aleeta omukama eyategaire ekyangabuga ekya abaDamasiko, alyooke akwaate:
\v 33 Nibanyakalya omudirisa nga ndi mukigega okugwa, ndokoke okuzwa omikono zaanywe.
\c 12
\cl Essula 12
\p
\v 1 Kisaaniirye okwenyumoirizaangaamu, wadde nga tekikusaana, naaye kanyambe omu kuleetebwa nomukuseekurwa kwa mukama waiswe.
\v 2 Mmaite omuuntu omuKristo emyaka eikumi naine eza akairewo eyatwaalibwe omwiiguru ery kasatu, obba omulya kabiri, obba timumubiri, timaite, oNnyamwanga niye amaite.
\v 3 Era nku manya nti omuuntu oyo obba owa mubiri, oba timumubiri, temaite, oNnyamwanga niye amaite,
\v 4 niyatwaaliibwe omulusuku lwa Nnyamwanga, nawuura ebigaambo ebitabazibwa, ebitasaana muuntu kwaatula.
\v 5 Olwa muuntu ali atyai newesiimisyanga, wabula ebyabunaki byaange.
\v 6 Lwakubanga nasiinga ataikire okwesimisya, tinaandibaire m usirusiru; kubanga mbaza mananu; naye mbireka omuuntu yeena aleme okulowooza okunjje okusiinga kyakuba bonamu oba kyakuura jjendi. Opawulo abaza okubunaki bwa mubiri bwe yaalina.
\v 7 Naye olwa kundemesya okwegumiliza omunno lwe ebyo ebya swekuliibwe, nikyo mba mpeebwa ekiya kya mubiri, mu baka wa sitaani okunboonyabonya, nindemaanga ogulumizibwa omunno.
\v 8 Eruutu eisatu ninegaiira omukama ekigaambo kiddi kinzweeku.
\v 9 Nakoba ntini ekisa kyaange kikumala; kubanga amaite agaamwe gakwiikira omu banaki. nikyo nva nenyumirizamu esanyu eriingi olwa bunaki bwaange, namaani ga Kristo galyooke gasisire
\v 10 okunje kale olwa Kristo, kyonva nkusanyukira obunaki, okolebwe ekyejjo, okwetaasanga, otooolebwaanga, okuteganaanga, okulagibwaanga oKristo: kuba neemba omunaki nimo mba owamaani. obweraliikiiri bwa pawulo.
\p
\v 11 Mbaire musirusiru; nywe mwampalirize; kubanga nasaaniire nywe okuntendereza, kuba waddenga tindi kiintu naye abakweendya oba abakulu omuuno, tebaansiinga mukigaambo kyoona.
\v 12 Mazima obumanyisyo obwa bakweendya bwa kolebwaanga ewaanywe omukuguminkiriza koona, omubumanyisyo ne byamagero ne bya maani.
\v 13 Kubanga kiki ekanisa eyindi kyezabasiingiremu, okuyaku njje njenkai obutalemeerwanga? musonyiwenge olwakibbi ekyo.
\p
\v 14 Bona, omuruundi gwa kasatu nti netegekere okuyinza jjemuli, naye tendibalemeerya, kuba tinkutoolya bwaanywe, wabula nywe, kubanga tekingwaanire abaana okubikiira abakaire, naye abakaire okubikra abaana.
\v 15 Ndiwaayo ebyaange, era naanjje ndi ewaayo kakyarumwei oku lwaanywe nga ndi musanyuki. kale nembeendya munno, nywe mugwaanira okunyeendya kadooli
\p
\v 16 Mukwikiriza nti njje tinabazitowererye, naye ninaali omugerageranya, nabataanga omulukwei nimbakwatisya
\v 17 Waliwo amagoba goona genafunire okuzwa jjemuli okwaakala omwaabo benatumire?
\v 18 Nkwegaira oTito okwaaba era nentuma owalugaanda owoondi omwei naye; oTito yafunire amagoba goona okuzwa jjemuli? naye njje tetwakoleere omumwooyo gumwei? tetwatambuliire omu kikaranzira kimwei?
\p
\v 19 Obwaire, mulowoozeenge ngeri iswe netukuwolereza omumaiso gaanywe? omumaiso gaNnya mwanga tubazirenge muKristo. naye byoona, abakweendebwa, tukubaza ebikuboomboka nywe.
\v 20 Kuba ntinire ndiiza, mpozi nndeme okubasanga nga mukweisana ngeri nitakwendya, nanje nnywee muleme okusanga nga nkwiisana ngeri nimutakweendya, mpozi niwabawo oku lwaana, obwiiya, o bukaambwe, empaka, okuyoyoma, okugeyeengula, okwegulumiza, nokujeema.
\v 21 Era nkutina ntini ni ndiiza neera, Nnyamwanga waange aliira obupya omu maiso gaanywe, njena ninakuura abaingi abasisire eyiere ni bateenenya obugwagwa nokweendaguza nobubaka bwe baakoore.
\c 13
\cl Essula 13
\p
\v 1 Guni nigo omuluundi gwakasatu nga akwiiza jjemuli omumunwa gwa bajjuurwa ababiri oba abasatu buli kigaambo kyaaliikiira.
\v 2 Nalalika era kyankoba, nkabwenakoore nenaaliba eyo omuluundi gwa kabiri, era naati nga tiindiyo, nkubakoba abbo abasisire aire nabaandi boona, ntini ninaliira ate, tendisaasira.
\v 3 Kubanga mukutoolya ekikakasa nti oKristo akubazira muniinje, oKristo oyo temunaki nga akolagana nanywe, naye alina amaani omunywe;
\v 4 kubanga yakomeirwe, mubunaki, naye mwoomi olwa maani ga Nnyamwanga.
\p
\v 5 Mwekebere nywenkai obbanga muli mukwiikiriza, mweekume nywenkai obba temukutegeera nywenkai nga oYesu Kristo ali muniiswe? kandanga ekibulyo ekyo kibalemere!
\v 6 Naye nkusubira nga mulitegera nkaiswe tetulemeerwsa.
\v 7 Era tukusaba oNyamwanga nywe muleke okolaanga obubbi bwoona; teniswe abakuboneka nkabakusiimibwa, wabula nywe okukolaanga kwaiswe iswe tulibaanga nbatakusimibwa.
\v 8 Kubanga tetusobola kukaanja manaku, wabula okugayaamba.
\v 9 Kubanga tetusanyuka iswe netuba abanaki nywena nemuba abamaani era nakinni tukisaba nywe okwikiira.
\v 10 Nikyo nzwiire mpandiika ebyo nga tendiyo eyo nembeeyo ndeme okuba omwaandi nkobuyinza nebbuba omukama waiswe bwe yampaire olwakomboka, naye telwakumenya.
\p
\v 11 Ekyankonkomerero abalugaanda mweeraba. mwiikiire musemeerenge; no Nyamwanga bwaksweendya ne mireembe zaabanga nanywe.
\v 12 Mulamukyenganenge nokugwaangana omukisuba omubwiikiiri.
\v 13 Abaikiiri boona babalamukirye.
\v 14 Ekisa kya mukama waiswe oYesu Kristo, no kweendya kwa Nnyamwanga, no kwiikiiriiziganya no mwooyo omwiikiiri, kibeenge nanywe nyweena.