ruc_reg/47-1CO.usfm

\id 1CO
\ide UTF-8
\h 1 Abakkolinso
\toc1 1 Abakkolinso
\toc2 1 Abakkolinso
\toc3 1co
\mt 1 Abakkolinso
\c 1
\cl Essula 1
\p
\v 1 Opawulo, eyayeteibwe okubba omukwenda wa Kristo olwa kwendya kwa Nyamwanga, n'OSosene owaluganda,
\v 2 endi ekanisa ya Nyamwanga endi Kkolinso, edi abo abeyikirirye omu Kristo Yesu, abeyeteibwe okubba abatukuvu amwei nabonna abakowola eyibara lya Nyamwanga weyiswe Yesu Kristo mu buli kifo, niye omukama wabwe era oweyiswe.
\p
\v 3 Ekisa kibenge gyemuli ne mirembe ebizwa edi Nyamwanga weyiswe no Mukama weyiswe Yesu Kristo.
\p
\v 4 Nebalya ONyamwanga wange bulizo kulwanywe; olwa kisa kya Nyamwanga ekyabaweyibwe omu Kristo Yesu
\v 5 kubanga omu buli kigambo mwagunduwalire omu ye mukubaza kwona nomu kutegera kwonna, n
\v 6 kokutegera okwa Kristo ni kwanywezibwe omunywe.
\v 7 Naye obutaswala mu kirabo kyona; nga mukubenderya okuswekurwa kwa Mukama weyiswe Yesu Kristo.
\v 8 Era alibbanyweza okwiika oku nkomerero, obutabbako kyakunenyezebwa omukama weyiswe Yesu Kristo.
\v 9 Nyamwanga mwesigwa eyabetere okwingira okweyikirya ekimwe kwona wamwei Yesu Kristo Omukama weyiswe
\p
\v 10 Naye mbegayirire, aboluganda, olweyibara lya Mukama weyiswe Yesu Kristo, mwikiriziganye nywekai na nywekai, okwawukana kulemenge okubba omunywe, naye mubbe no mutima gumwei nokulowoza kumwei
\v 11 Kubanga nako beyibwe ebiffe gyemuli, baganda bange, abo aba munyumba ya Kuloowe, nga aliyo okulwana omunywe.
\v 12 Kye mbazire nikyo kini nti buli muntu omunywe abaza nti, “gyendi Pawulo,” “nanje wa Apolo,” “nanje wa Keefa,” “nanje wa Kristo.”
\v 13 Kristo ayawulibwemu? Pawulo yakomereyibwe kulwa nywe? oba mwabatizwe okwingira omwibara lya Pawulo?
\v 14 Nabalya ONyamwanga kubanga timbatizanga ku muntu yenna omunywe, wabula Kulisupo no Gaayo
\v 15 Omuntu yenna alemenge kubaza nga mwabatizibwe okwingira mwibara lyange.
\v 16 Era nabatize ne nyumba ya Sutefaana. Era timayite nga nabatiza owondi yenna.
\v 17 Kubanga OKristo tiyantumire okubatiza wabula okubulira enjiri- ti magezi ga bigambo, omusalaba gwa Kristo gulemenge okubba o gwabwerere
\p
\v 18 Kubanga ekigambo kya musalaba nibwo busirusiru edi abo abazikirire. Naye edi mwe abalokweyiibwe, amani ga Nyamwanga
\v 19 Kubanga kyawandiikibwa nti “Ndizikiriza amagezi ga bagezi no bukabakaba bwa bakabaka ndibuyawo”
\p
\v 20 Kale omugezi alayi? Omuwandiki alayi? Nyamwanga tiyaffire magezi ga ensi eni okubba gasirusiru?
\v 21 Kubanga Nyamwanga mu magezi gamwei, yabweyine ge ensi teyinza kumumanya gekwekala amagezi gyayo, Nyamuhanga nikyo yazwire najuma okwakala omubusirusiru bwa kubulira enjiri okukola kwa abo abeyikirize.
\v 22 Kubanga Abayudaya basaba obumanyiso na Abayonaani baswagana amagezi
\v 23 Naye yiswe tubulira Okristo eyakomeneyibwe, edi Abayudaayankonge nedi abamawanga obusirusiru.
\v 24 Naye edi abo abatte Abayudaaya era n'Abayonaani Kristo amayite mani ga era magezi ga Nyamwanga.
\v 25 Kubanga obusirusiru bwa Nyamwanga businga abantu amagezi; no bunaki bwa Nyamwanga businga abantu amani.
\p
\v 26 Kubanga mulolere okwetebwa kwanywe, abaluganda, nka bamagezi ga mubiri ti bayingi aba yeteyibwwe, abakitinisyo abamani ti beyingi.
\v 27 Naye Nyamwanga yalondere ebisirusiru bya ensi akwatisya abagezigezi ensoni, era Nyamwaanga yalondere ebinaki bya ensi, akwatisye abamani ensoni.
\v 28 Ne bikopi bya ensi nebinyomebwa Nyamwanga yabironderera nebitaliiwo, ayewo ebiriwo.
\v 29 Waleme okubbawo omuntu yenna okwenyumiza omu meyiso ga Nyamwanga
\v 30 Naye okubwoyo nimwo muli Kristo Yesu, eyafukire amagezi gyetuli, okuzwa edi Nyamwanga, era no butukirivu, nokutukuziibwa, no kununulibwa.
\v 31 Nke bwe kyawandikibwa nti “Eyenyumiriza yenyumirizenge mu Mukama
\c 2
\cl Essula 2
\p
\v 1 Njeena abaluganda, bwe naizzire gyemuli tenaizzire nammani gaingi agabigaambo obba amaggezzi gembakobeera kyaama kya Nyamwanga
\v 2 Olwokubba nasaarewo obutamaanya kigaambo ommunnywe abbula Yesu Kristo oyo eyakkomereibwe.
\v 3 Njjenna nabbaanga nannywe mu bunnaki ne kutiina ne mukukankana okwiingi
\v 4 Era mulubazzo lwaange ne mukubuuliira kwaange mwaali ndoomu bigaambo byammaggezzi ebisendasenda, naaye byaali mukkulaga kwa myooyo n'ammannyi,
\v 5 Okuikkiriza kwannywe kulemenge okubba mu maggezzi g'abbantu, wabbula mumanyi ga Nyamuhanga
\p
\v 6 Naaye eddi abbo abakuure mu myooyo, tukubazza abbyamaggezzi, naayette amaggezzi agataali ga mulembe gunni, obba agabanabyabuffuzi abbammulembe guuni.
\v 7 mulembe Naaye tukubbazza ammagezzi ga Nyamwanga agakyaama, aggaali gabbisibwe, Nyamwanga ge yalagiire era ensi zikyaali n'okkubaawo olwekyitiniisya kyaisye
\v 8 Ndoowo n'ommwei ku baffuzzi abbo mumuleembe guuni abakugetegya, obba ossaanga bagetegyerye, tebandimukkomeibwe Omukkama ow'ekittiniisya.
\v 9 Naaye nga bwekyawandiikiibwa ntti, “Eriiso byeritaboona ngaku, n'okkutwi bye bitawuurangaku, mu myooyo gwa mmuntu, byoona Nyamwanga bwe yategekeire abamweendya.
\p
\v 10 Naaye Iswe Nyamwanga yabituswekurire mu Myooyo olw'okubba Omwooyo attolya byonnai era nebitakutegerekeka ebbya Nyamwanga.
\v 11 Olwo'kkuba mmuuntuki eyetegya ebyomuuntu wabula omwooyo gwa mmuuntu ogguli muniiye? Era biityo ne bya Nyamwanga siwali abbyetegya wabbula myooyo gwa Nyamwanga
\v 12 Naaye Iswe tetwaweibwe mwooyo gwa nsi, wabbula omwooyo ogukuzzwa eddi Nyamwanga, tulyooke tweetegye Nyamwanga byatuweerya mbe.
\v 13 Nokubbazza tubbazza ebbyo ttimubigaambo ammageezi ga baantu bwegegesya, wabbula omwooyo byegwegesyai bwetugeregeranya eby'omyooyo.
\v 14 Naaye ommuuntu atali wa Mukkama taikirrizza bya myooyo gwa Nyamwanga, olwo'kubba bya busirusiru ggyaali, era tiinzza kubyetegya, olwo'kubba bikeeberwa na myooyo.
\v 15 Naaye ommuuntu o'womyooyo akeebera byoonna, naaye ye yeenkai takebeerwa muuntu yeena.
\v 16 “Olw'okubba nanni eyaali eyetegerye okulowoozza kwa Omukkama waiswe, alyooke amwegesye?” Naye iswe tuliina endowooza ya Kristo.
\c 3
\cl Essula 3
\p
\v 1 Nangye, aboluganda, tinasoboire kubazza nanywe nka bomwooyo, naye nka bomubiri, enkeremba mu Kristo
\v 2 Nnabanyweesya matai, naye timmere, kubbanga muli mukyali kusobola, naye natti mukyaali kusobola.
\v 3 Kubbanga mukyaali ba mubiri, kubbanga munywe nga bwe mukyali obwiiya n'okuyomba, temukyaali bbamubiri era temutambula nka bantu buntu?
\v 4 Kubbanga ommuuntu bwakoba nti “ngye nddi wa Pawulo” nonddi ati “nangye nddii wa Apolo” mubba bantu buntu
\p
\v 5 Kale Apollo nikyoki? no Pawulo nikyoki? Bonna baweereza ababakirizisya, nka buli muntu nka mukama weiswe bweyamuweire
\v 6 Ngye nasimbire, Apollo nasuukiira naye Nyamwanga yakulizze.
\v 7 Kale kityo asigga tikintu, newankubbeire asuukirya, wabula Nyamwanga akyizza
\v 8 Naye asimba nasuukiyira benkanankana, naye buli muntu yenna alibonna empeera okusinziira ku mulimu gweyakoole.
\v 9 Kubanga iswe tukola omwe na Onyamwanga. Nanywe mubba musiri ya Nyamwanga. Muli nyumba ya Onyamwanga.
\p
\v 10 Okusiinziira okukyissa kya Nyamwaanga nikyiri kinaweibwe, nko'mwomboki omukugu nasaka omusiingi, yeni atibuni owoondi agwoombekaku. Yeni buli muntu yeegendeeryanga nagwoombekaangakku.
\v 11 Kubaanga ndoowo asobola kutaawo mu mussiingi guundi okwiiyaku ogwo ogwa Yesu Kuristo.
\v 12 Naye omuntu yeena nayombokanga okumusingi ogwa zaabu, feeza, amabaale agamuwendo ogwingi, emisaale, eisubi, ebisasiro;
\v 13 omulimu ogwa buli muntu bulibwonebwa, kubanga kulunaku luddi omuuro guligulanga, nomuuro gwenyini gulikema omulimu ogwa buli muntu bwe guyisana.
\v 14 Omulimu gwa buli muntu gweyayombekireku bwe bwalisingaku, alifuna empeera.
\v 15 Omulimu ogwa buli muntu ni guliyokyebwa, alifiirwa; naye kenyini alilokoka, naye nimu atyo, okwakara omumuuro.
\p
\v 16 Timumaite nga muli eyekaalu ya NNyamwanga, era nga omwoyo gwa NNyamwanga abamu mu niinywe?
\v 17 Omuntu yeena bwazikirizanga eyekaalu ya Nnyamwanga, ONyamwanga alimuzikiliza oyo; kubanga eyekaalu ya Nyamwanga gyiikiiri, niinywe.
\p
\v 18 Omuntu yeena tiyebeyeganga. Omuntu yeena bweyerowoozanga okuba omugezi omunywe omumirembe zini, afuukenge musirusiru, alyooke afuuke omugezi.
\v 19 Kubaanga amagezi ga munsi muni nibwo busirusiru eddi ONyamwanga. Kubaanga kyawandiikibwe nti, “akwatira abagezi omunkwe zaabwe.”
\v 20 Era ni te “Omukama ategeera empaka za bagezi nga ndoomu.”
\p
\v 21 Omuntu yeena nikyo azwa alema okwenyumiriza mu baantu. Kubaanga byoona byanywe;
\v 22 Oba OPawulo, oba Apolo, oba Kefa, oba nnsi, oba obwomi, oba okuffa, oba ebiro ebiriwo, oba ebikwaaba okubbaawo; byona byona byanywe.
\v 23 nanywe muli ba Kristo; no Kristo wa Nyamwanga.
\c 4
\cl Essula 4
\p
\v 1 Omuntu asaanire otutwarenge nga bakuwereza aba Kristo era abawandika ebyama bya Nyamwanga
\v 2 Era kigwanira abawanika okubanga abessigwa
\v 3 Naye gyendi kintu kidoli mono nywe okusala omusango oba omuntu yeena, era njjena nyenkai tenesara musango
\v 4 Kuba tena maiti ku kigambo, naye ekyo tekimpesa bwikiri naye asaala omusango niye Mukama waisya
\v 5 Kale temusalanga musango gwa kigambo kyona, ebiro nga bikyali kwikya lwaliza alimulisya ebikwekebwa ebyo mundikilya, alibonesya okuteesa kwa mumitima buli muntu alyoke aweebwe ettendo lyamwe edi Nyamwanga
\p
\v 6 Naye aboluganda, mbagereire okunje na Apollo okulwange, mulyoke mwingire okusye “obutasinganga oku byawandiikibwa.” omuntu yeena alemenge okwegulumiza
\v 7 Kubanga okwawula niye nani? era alina ki kyatawebweibwe? Naye okuwebwa obanga wawebweibwe ki ekikwenyumiliiza nga tekuweebwa?
\p
\v 8 Mumare okwikuta okuguduwala, mwefuga nga abamukama awatali iswe era mubanga kufuga nnandiyendere era naiswe tulyoke tufugire amwe nanywe.
\v 9 Kubanga nkulowoza ONyamwanga iswe abatume yatutekere ku nkango nga abaasibe abakulindilira okwitibwa kubanga twafukire ekisungibwa endi ensi endi bamalaika nedi abantu.
\v 10 Iswe tuli basirusiru kubwa Kristo naye nywe muli bagezigezi omu Kristo iswe tuli banaki, naye nywe muli bamaani. Nywe muli bakitibwa swe tuli bakunyoomebwa
\v 11 Era nakwikya ekiseera kini tulumwa enzala era ne nyoota era tuba bwereere, era tukubibwa nebikonde era tetuli ku baiswe.
\v 12 Era tukola emirimu nga tukutegana nemikono jaiswe abantu zuma tubasabire omukisa bwe tuyiganyizibwa tugumikiriza
\v 13 Bwe tuwayirizibwa twegaira; twattukire nka ebisasiro byansi, ekyemunyurwa kya byona okwikya nati.
\p
\v 14 Bini timbiwandika kuba swaza wabula lwa kubaburira nk'a baana bange abendebwa.
\v 15 Kuba nenkubaire nga muli ebigesya mutwalo mu kristo, naye temulina abaite banywe baingi, ku banga njje nattuukire itewanywe mu kristo yesu olwanjjiri.
\v 16 Nikyo nzwa mbegaira mubonere okunjje.
\v 17 Nikyo nzwa ntuma otimoseewo jjemuli niye mwana wange ayemdebwa omwesigwa omukama waiswe ayabaizukilya amazira gange ayali omu kristo nga nimo nkwegesya yona omubuli kanisa.
\p
\v 18 Naye waliwo abandi abeegulumiza nga bakulowooza nga njje tikwaba kwiza jjemuli.
\v 19 Naya ndiiza jjemuli mungu omukama waiswe lwaliyendya ndimanya amani gabye abeegulumiza naye timu bigambo obugambo.
\v 20 Kubanga obwakabaka bwa nyamwanga tebuli mubigambo wabula mu manyi.
\v 21 Mukwendyaku ki? Nyiizejjemuli no'mwiggo, oba omukwadya n'o mumwoyo ogwobuwombeefu?
\c 5
\cl Essula 5
\p
\v 1 Ddala kikobebwa nti mulimu obwenzi omu nnywei, ate obweenzi obutyoo obutali ne mubanamaanga: Omuuntu okubba no mukaitoo waamwe.
\v 2 Nnyweena mwegulumiza! so temwandinakuwaire kunakuwala? Oyo eyakoore ekikolwa ekyoo mu muye akatti mu nnywe.
\v 3 Newankubaire tindinaanywe omumubiri, nddi naannywe mu mwooyo, mmaare okusaara omusaango oyo eyasiisire atyoo.
\v 4 Omwiibara lya Mukama waisye Yesu, nnywe nga mukumbaine naanye nddi naanywe omu mwooyo n'amaani ga mukama waiswe Yesu nga gaali naanywe,
\v 5 muwengeyo omuuntu nk'oyo eddi setani omubiiri guziikiire, omwooyo gulyooke gulokoloobwe kulunnaku lwa Mukama waiswe Yesu.
\p
\v 6 Okwenyuumiriiza kwannywe te kusai. tetumaitye ng'ekizimbuulukusa ekiddoli kizimbuluukusa ekikoole kyoona?
\v 7 Muyemu ekizimbulukusa ekyeime, lekke mubbe ebikole epipya, nga ndoomu kizimbuluukusa kubba Kristo niye ntaama ey'akwaakalaku kwaiswe eyaitiibwe.
\v 8 Kale tusuumbe embagga etalimu kizimbulukusa ekyaire, ekyaitima n'obubbi. Wabula, tuulye omugaati ogutaalimu kizimbulukusa ogwa bweesigwa n'amananu.
\p
\v 9 Era tukola emirimu nga tukutegana nemikono jaiswe abantu zuma tubasabire omukisa bwe tuyiganyizibwa tugumikiriza
\v 10 Bwe tuwayirizibwa twegaira; twattukire nka ebisasiro byansi, ekyemunyurwa kya byona okwikya nati
\v 11 naye atti nkabawandikiira obuteeigeitanga naye omuuntu yeena ayetabwa ow'olugaanda n'aba nga mweenzi, obba mulwaani, obba aramya bifaananyi, obba mulwaani, obba aramya bifaananyi, obba muzumi, obba mutamiire, obba munyagi, ali atyoo n'okuulya temulyaanga naye.
\v 12 Kubba tinkufaayo okusaara omusaango abaali enzai? naye abbo abba munnyumba tenibbo be mukusaana kusaara omusaango?
\v 13 Naye ab'enzai, Nnyamwanga niye abasaana omusaango. “Omubbi oyo mumuye munnywe.
\c 6
\cl Essula 6
\p
\v 1 Omuntu yenna omuu nywe nibba be nsonga okumwira wamwei awangula okujjura ensonga abatali baikiiri naye eddi etali baikiiri?
\v 2 Oba temumaite nga abaikiiri nibbo balisara ensi omusaango? Kaale kuba nywe mulisara ensi omusaango temusobola kusala emisaango ejjidyoli ejjiri omu nywe?
\v 3 Temumaite nga tukisara abamalaika omusaango? Tulemwa tutyei okusala emisaango ejjo mubulamu buni
\v 4 Kaale nimweba no kusala emisaango ejjobulamu bunii, lwaki mujitwaala edi abo abaanyomeeibwa omukanisa?
\v 5 Nkubazza kini kubaswaza. Ddala omu nywe temuiinza kuzuuka omunywe mugezi ayinza okusara abaganda bamwei omusaango?
\v 6 Naye owamukaggo awore owa mukaggo, era no mumaiso gabo abataali abaikiriiza.
\p
\v 7 Naye era mutyo mumare okubaku akabbi kubba mulina emisaango nywenkai na nywenkai. Lwaki, obutamala gokolebwanga bubbi? Lwaki obutamala galyazamanyizibwanga?
\v 8 Naye nywe nywenkai mukola obubbi, mulyanzamanya, era na bamukaggo!
\p
\v 9 Oba nga temumaite nga abatali baikiriri tebalisikira bukama bwa Nnyamwanga? Temulibeyeyebwanga, newankubeire abaramyo ebifananyi, kabenga abenzi, kabenga abafuka abakali kabenga abolya ebisyaga,
\v 10 kabenga abeibbi, kabenga abeegomba, kabenga abatamire, kabenga abazuma, kabenga abanyaggi tebalisikira bukama bwa Nnyamwanga.
\v 11 Era abamwei oku nywe mwali ka abo era mwanabibwe era mwayeere, era nimubweebwa abwikiiri olwaeibara lya Mukama waiswe Yesu Kuristo no bwomwoyo ogwa Nnyamwanga waiswe.
\p
\v 12 “Ebintu byoona bisei jeendi” naye byona tebingasa. “Byonai bisai jjendi” naye nje tekwaba kufugibwa kintu kyonai.
\v 13 “Ebya kulya okwa nda ne nda ya bya kulya” naye byonai ONnyamwanga alibiyaawo. Naye omubiri ti gwa bwenzi naye gwa Mukama waiswe, no Mukama waiswe avunana omubiri.
\v 14 Era ONnyamwanga yayimbaire Omukama waiswe naiswe ali tuyimboola olwa manni gamwei
\p
\v 15 Temumaite nga embiri janywe bitundu bya Kuristo? Kale nyirirenga ebitundu bya Kuristo mbifule ebitundu ebya mwenzi? Kitalo
\v 16 Temumaite nga eyeigata no mwenzi nigwa omubiri gwamwei? Kubba abaza nti “Boonai baakwiiza kwiisana omubiri guumwei.”
\v 17 Naye eyeigaita n'omukama waiswe baafuuka omwei omuu mwoyo
\p
\v 18 Mwewaalenge obweenzi. Buuli kiibi kyonai omuuntu kyakola kiiri aigulu kuu mubbiri, naaye eyeendeguza akoola ekiibi okuu muubiri gwamwei.
\v 19 Oba temuumaite ngaa omubiri gwanywe niiye yeekalu yaa Mwoyo Oguikiri, alii munywe, gwemulina ezwiire ewa Nnyamwanga? Nywenai temuli kuulwanywe?
\v 20 Kuuba mwaagulibwe naa beeyi. Kaale mugulumize ONnyamwanga omuu miibiri janywe.
\c 7
\cl Essula 7
\p
\v 1 Awoo okweebyo bye mwapandikire: “Kisaai omusaaiza obutakwatanga okumukaali”
\v 2 Naye olwo bwenzi, buuli musaaiza abeenge na mukaali wamwei, na buuli mukaali abeenge na ibaa wamwei.
\v 3 Omusaaiza asasulenge mukaali wamwei ekyo ekimusaanire ngo mufumbo, era ni mukaali.
\v 4 Kubanga omukaali atakuuma omubiri gwamwei, waabula oibaa wamwei, era no musaaiza atyo ataafuga mubibiri gwamwei, wabula omukaali wamwei.
\v 5 Buuli omwe alemwenge okkumma omwirawamwei wabula okuyaaku nga mukanyire ebiseera. Mulyoke mubenge neibaanga erya kuusabiramu, ate mulyoke mubenge amwei, siitani alemwe kubakeema obutezziza bwaiswe.
\p
\v 6 Naye ekyo nkukibaaza omu ngeeri ya kwiriziganya, nolyekyo tinteka etteeka.
\v 7 Naye nnandyendere abantu boona okubaanga nanje. Naye buli muntu alina ekisembo kyamweikizwa edi onyamwanga, owondi kini nowondi nkiddi.
\p
\v 8 Naye abatafumbiriganwa na banamwandu nkubaa akoba nti kisaai abo kubanga nanje.
\v 9 Naye oba nga tebayinza kwewaala, batumbirwe ngane kubange nikyo kisaai okutumbirwa okusinga okwakang.
\p
\v 10 Naye abaamare okufumbirwagana nko baakoba nilyekyo tinisa wabuula mukama waiswe omukaali obutanobanga okwibawamei.
\v 11 Naye singa anooba, abeerewo obutatumbirwa, oba tinimwo kityo batereganenge naiboowamwei omusaaiza atapekanga mukkaali wamei.
\p
\v 12 Naye abaanddi mbakooba njje tii mukama waiswe, olwa lugganda n'omukaali ataikiriza, omukaali nataikiriza kubba naye, tamupekanga.
\v 13 Omkaali bwa tabenga naibaawamwei ataali mukwiriza okubba naye, tamunobangaku.
\v 14 kubanga omusaaiza atekiriza bwikiri na mukaali wamwei, n'o mukaali atekiriza bwikiri na ibaawamwei singa tekiri kityo, abaana nanywe tebakubaire balongook nolyekyo okweera.
\p
\v 15 Naye abaikiriza nimwo byayeendya okwawukana, baakuwukaine musonga eyo owa lugganda omusaaiza oba mukaali taali mu bairu omu bigambo ebiri bityo kubanga onyamwanga yatweire mirembe.
\v 16 Kubanga we mukaali, omayiite otyai nga tolokoola ibaawo? Oba we musaaiza, omaaite otya nga tolokoola mukaali wamu.
\p
\v 17 Kini kyonkai, buli muntu nga mukama waiswe bwe yamugabire buuli muntu nga onayamwanga bwe yamwe terye, atambulenga atyo. Ekyo nikyo kiraagiro ekkanisa zoona zoona.
\v 18 Omuntu yeena ayeetebwa nga mukomole? Tatolyanga kukomulebwa.
\v 19 Okumolwa ti kintu, no bukomole bwa tikintu wabule ekikolu kukwatanga biraggiro bya Onyamwanga.
\v 20 Buuli muntu abeenga mu kwetebwa kwe yaiterwemu.
\v 21 Wete byanga nga ali mwiru tokyirarikiranga, naye niwaabawo omukisa ogwa kuffuna emirembe gukolesye toguffirwa.
\v 22 Kubanga omu mukama waiswe yetebwanga mwiru, aweebwe omukama waiswe emirembe nimwo atyo yete bwanga waiddeembe affuka mwieu wa kristo.
\v 23 Mwagutibwe na beeyi, temu tukanga bairu babantu
\v 24 Aboluggaanda buli muntu abeenge mumbeera gye yalimu aggibeemu amwei no nyamwanga obutatumbirwagana tii kiragiro ca mukama waiswe.
\p
\v 25 Naye kubikwaate oku butafumbirwagana tindiina kiraggiro ca mukama waiswe, naye mbaakoba njje ngomuntu omukama waiswe we yassasire okubba omwe twaaze.
\v 26 Njje nkulowooza nga kisaai olwa kuboonaboona okwa tii omuntu okubbanga bwaali.
\v 27 Wasibibwe no mukaali? Totolyanga kusindabulwa wasinda bwire oku mukaali totolyanga mukaali.
\v 28 Naye okuwaasa bwo waasanga, nga tosisiire: Onyabweze bwa fumbirwanga nga tassisire. Naye abaali batyo abalibaanga nemitawaana jansi gye nayenderye mwewaale.
\p
\v 29 Naye kini nkyekubaaza, aboluggaanda, nti ebiro biipimpire, okuzwa ati abaalina abakaali baabe nga abatayina.
\v 30 Era na'bo abakukunga baabe nga abatakukunga na'bo abasemerarwe baabe nga abatesemerarwe: nabo abagula baabe nga abayinna.
\v 31 N'abo abakolyesya ebyo munsi baabo nga tebabikolyesya kubanga muni ekuwaawo
\p
\v 32 Naye nkwenda nywe abetelarikiranga ntaali mufumbo yeerakirire bya mukama waiswe, bwalisemerwanga mukama waiswe.
\v 33 Naye omufumbo yeerarikirire bya munsi bwalisanyusa mukaali wamwe.
\v 34 Era waaliwo enjawulo okumufumbo no'nyabweze atatumbirwa teerakirira bya mukama waiswe abeenga mwikiriri omubiri n'omwoyo, naye afumbirwa yeerakirire bya munsi, bweyasemerwa oyi baa wa mwei.
\v 35 Mbaazire ekyo olwa kubagasa nywe byenyini ti lwakubba nga kyambika, wabula olwa busaai era mulyoke muweerezenge mukama waiswe obutekanasanga.
\p
\v 36 Naye omusaiza bwalowoozanga nti ataakole kusaai obutawasa nyabweze gwa kubembereza ate nga tayinza kweziza, akolenga bwa kwendya bafumbirwengane abi batasisire.
\v 37 Naye oyo aliina omwoyo aggumu, nasaalawo awaatali kuwarizibwa nti onyabweza takwiza kumuwaasa aba abaaserewo okusaa.
\v 38 Kaale oyo awaasa onyabweze gwasenda senda abe koole okusaai, naye oyo atamutunga yaba asingire okukoola okusaai, Nnmwandu atayinza okufumbirwa nera.
\p
\v 39 Omukaali omufumbo asibibwa naiboowamwei nga kaali mwoomi. Naye ayi baawamwe bwaffa, olwo ayinza okufumbirwa omusaaiza owondi gwe kwendya, kyonka mukama waiswe
\v 40 Naye aba musemerwi okussiggala nka bwaali, nga njee nikolowooza, era nkuloowozanga nanje nina mwoyo gwe Nnyamwanga.
\c 8
\cl Essula 8
\p
\v 1 Naye okwe ebyo ebiwebwa edi ebifaananyi; tumayite nga tulina yiswena okutegeera. Okutegeera okuleta kuleeta okwekulumbaza, naye okwendya kwomboka.
\v 2 Omuntu nalowozanga ngaliiku kyetegeire abba akyali kutegera nga nekimugwanire okutegera.
\v 3 Naye omuntu nayendya ONnyamwanga, amanyibwa Nnyamwanga.
\p
\v 4 Kale okulyanga ebiwebwayo edi ebifaananyi; Tumeite nti nke kifaananyi tikiintu munsi era nga ndowo Nyamwanga wondi wabula omwei.
\v 5 Kuba newakubeire nga waliwo abetebwa banyamwanga ba mwiguru oba abo munsi (nka bwe waliwo “banyamwanga” abeyingi na “baami” abeyingi)
\v 6 Naye gyetuli waliwo Nnyamwanga omwei, oyitto weiswe, omuzwa byonna naiswe tuli kulwoyo, no mukama weyiswe omwei, Yesu Kristo, abesyawo byonna era atubesyawo yiswe.
\p
\v 7 Naye, okutegera okwo tekuli mubantu bonna. Naye abandi, kubanga bamanyirire ebifaananyi okwikya ati, balya ekiweweibwe edi ekifaananyi. Emyoyo gyaabwe kunnaki gusigalamu okusisa.
\v 8 Naye ekyokulya tekitusimisya edi Nnyamwanga. Netutalya ndowo kyetusubwa, era netulya ndowo kye tweyongeraku.
\v 9 Naye mwekuumenge eddembe ryange lireme okufuka enkonge edi abannaki.
\v 10 Kubanga omuntu omunaki na kubona we olina okutegera ngayikeire okumere omwiisabo lya kifaananyi okulya. Omwoyo gwamwei nimwo kubba munnaki tegwaliguma kulya biwebwa edi ebifaananyi?
\v 11 Kale owoluganda oyo omunnaki Okristo gwe yafirire, abula olwa kutegera kwamu
\v 12 Era otyo, nimwa sisanga abaluganda era ne musumuta omwo gwabwe, bwe gubbanga munnaki nga mukusisa Okristo.
\v 13 Kale, oba ngekyokulya kyesitaza omuganda wange, tinalyenge nnyama emirembe gyonna nemenge kwesitazza muganda wange.
\c 9
\cl Essula 9
\p
\v 1 Ttendi wai iddembe? Ttendi mutumwa? Ttenaboine O Yesu omukama waiswe? Nywe temuli gwange omu mu mukama waiswe?
\v 2 Oba nga tendi mutumwa eddi abandi, naye ndi mutumwa eddi nywe. kubanga ninywe kabonesya kabutumwa bwange omukama waiswe.
\p
\v 3 Nimwe mpoza ntyo eddi aabo abankemereza:
\v 4 Ttetuyina buyinza okulyanga no kunywanga?
\v 5 Ttetuyina buyinza okutwalanga omukazi waluganda amwei naiswe, era nka abatumwa abandi, nabaganda bamukama waiswe, no Keefa ne bakola?
\v 6 Oba OBalunabba nanje iswe iswenkai ttetulina buyinza okulekeraawo okukola okweyemeeryawo?
\v 7 Naani akkola ogwabusirikale na banga akwesasula empeera? Naani asiimba olusukku natalya kummere yamwo?
\p
\v 8 Ebyo nkubisimoora kulwange? Ekiragiro tenimwo risimoora?
\v 9 Kubanga kyawaandikiibwe amu biragiro bya Musa nti “Ente tojjisibanga munwa nga ekuwuula.” Mukulowooza ONnyamwanga affa kubya nte zonkai?
\v 10 Oba abazza kulwaiswe iswenkai? Kubanga kyawandiikibwe kulwaiswe: kubanga omulimi kimusaine okulima nga akusuubira, era nakuseggenya engaano akusuubira okumuwaku.
\v 11 Oba nga iswe twaabasiimbiremu ebya mwoyo, kyaibanno ne tulikungula ebya nywe ebyamubiri?
\v 12 Obanga abandi balina obuyiinza obwa okunywe iswe ttetukusinga boo? Ttetwakoleserye buyiinza obwo naye tuguminkiriize byoona, tulemenge okuleeta ebikukanja enjiiri ya Kuristo.
\v 13 Ttetumaite nti oba abaweereza abyabwiikiri balya oku bya mukanisa, naabo abaweereza oku kyoto bagabana ne kyoto?
\v 14 Era no Mukama waiswe nimwo atyo yalagiire ababuulira Enjiiri balisiibwenge olwa njiiri.
\p
\v 15 Naye nje tendiku nakimwei oku ebyo bye nkole seryeku. Era tenkuwandiika bini amale bikolebwe. Kubanga wakiri nje okuffa okusinga omuntu yeena okucuusa okwee manyiira kwange okwabweerere.
\v 16 Kubanga ne mbuulira enjir, ekyo tekineenyumirisya, kubanga nkuwalirizibwa okubuulira. Zinsaangire nentabuulira enjiri.
\v 17 Kubba obanganenkola ntyo nokwendya, mba nempeera. Naye ne bwe mba nga tenkola no kwendya, nkikola lwa kuba nga nabikisibwe mbe omulimu ogwo.
\v 18 Kale mpera ki je niina? Empeera yange nijjo eni, okwe buulirira Enjiri okujifuula eyabweerere ndeme okukolesya obuyinza bwange omunjiri.
\p
\v 19 Kuba yadde nga ndi waiddembe eddi boona neefuula mwiiru eddi boona, mmale nfune abaingi
\v 20 Needi Abayudaaya, nafuukire nko Omuyudaaya, nfunenge Abayudaaya. Eddi aboo abafugibwa ebiragiro, nafuukire nka'fugibwa ebiragiro, nje omwenyini nga tenfugibwa biragiro, nfunenge abafugibwa ebiragiro
\v 21 Eddi abatayina biragiro, nafuukire nkaatalina biragiro, ti butabba nabiragiro eddi ONnyamwanga, naye nkuura ebiragiro eddi Okukristo.
\v 22 Eddi abanaki nafuuka munaki, nfunenge abanaki. Eddi bonna nfuukire byoona, mu byoona ndeke ndokolenge abamwei.
\v 23 Era nkola byoona olwanjiiri male nyikye kimwei omuyo
\p
\v 24 Tetumaite nga bairuka mu mbiro omu mpaka nga boona bakwiiruka, naye affuna ebitwoni aba omwei? Naanywe mwiirukenge mutyo nga mukufubiira okuweebwa ebitwoni.
\v 25 Buuli muzeenyi ateekayo omwoyo okweefuga omu byoona nga akuluubiira okufuna eengule ekusiisikala, naye iswe tulifuna etasiisikala.
\v 26 Nolweekyo tenyiruka nka atalina kigendeera nwaana naya tinka akubba eibbanga
\v 27 Naye mbonyabonya omubiri gwange era nengufuga, mpozzi nga mmaare okubuulira abandi, nje njenkai ndeme okubba atasiimwa.
\c 10
\cl Essula 10
\p
\v 1 Olwokuba tinkwenda kubategera abaluganda baziza baiswe bonna nibali ansi wakiguru, era bonna bayakaire omunyanja
\v 2 Bona bona nibabatiziibwe edi Omusa omukyiguru nomu Nyanja
\v 3 Era bonna nebalyanga emmere emwai eya mwooyo.
\v 4 Olwokubba banywanga mulwazi lwa mwoyo olwabakusengeryanga nga nolwazzi olwo lwali Kuristo
\v 5 Bingi okwabo ONnyamwanga teyabasimiire, olwokubba emirambo gyaabwe gyaasigaire omuirungu.
\p
\v 6 Naye byo byaali bya kurorako gyetuli, tulekenge okwengomba ebibi era nga bakipeka.
\v 7 Temubanga balamya ba bifanaanyi, nga bamwe. Engeri ni kyawandiibwe, “Abaantu nibaikara okulya no kunywa, nebaimuka okuzenya.”
\v 8 Era tetwendyanga nga bamwe okwaabo nebandyenganga nebaffa kulunaku lumwe abantu emitwalo ebiri mu enkumi esatu (23,000).
\v 9 Tetukemanga Mukama waiswe nka bandi, okwaabo nibamukemerya enjoka ezo nizibayita.
\v 10 Era temwemurugunyanga nka bandi okwaabo nibemurugunye nibazikirizibwa omuzikiriza
\p
\v 11 Naye ebyo byabaireku okubanga ebyokuboneraku. Era byawandikiibwe olwo kutubula eswa abaikiirweko enkomerero za mirembe.
\v 12 Alowoozanga ayemereire yekumenge aleke okugwa.
\v 13 Ndoowo okukemewa okubaikako okutaali kwa baantu. Naye ONyamwanga mwesigwa, atabaikiringe kukemebwa okusinga nimwiza mwe nikukemebwa era yasangirewo nobwirukiro, musobolenge okugumikirizanga.
\p
\v 14 Kale baganda bange, mwirukenge okuramya ebifanaanyi.
\v 15 Nbakoba nka balina magezi, mulowooze kyenkubaza.
\v 16 Ekikompe kya mukisa kyetusabira omukisa nikyo omwikiriza kimwe okwa musaayi gwa Kuristo.
\v 17 Kubanga iswe abaingi tuli mugati gwaamwe, omubiri gumwe. Kubaanga iswe ena tugabana omugati ogwomwe.
\p
\v 18 Mubon'oIsiraili. Obwa mubiri, abalya sadaaka tibayikiriza kimwe.
\v 19 Kale kiki kyengezaaku okutegeeza? Ekiweebw'edi ekissani kintu?
\v 20 Mbe kyekutezega nikyo kini ti Bamawanga, ni bawayo bawongedi daddayimooni naye tiwa Nnyamwanga njena tikwendya nnywe okubanga bakiino
\v 21 Timusobola kunyweera ku kinywero kya Mukama waiswe noku kinywero kya ddayimoni. Neera titusoboola kugabana ku meeza ya Mukama waiswe ne ku meenza ya ddayimoni.
\v 22 Tusone okugongerya Onnyamwanga waiswe? Iswe tukumusiinga amaani?
\p
\v 23 “Byona bisai,” ekusana tibyona. “Byona bisai” naye byekomboka tibyona.
\v 24 Omuntu yenna tatolyanga busai byamwei yenkai. Afengeyo nokubyabandikibwe.
\v 25 Buli kyebatundanga omukataale mukiryanga, nga temubwire kigambo olwo mwoyo.
\v 26 Olwakuba “ensi ya Nnyamwanga waiswe nokwizula kwayo”
\v 27 Omwei okwaabo abataikiriza nabeeta okulya emmere, era nolowooza okwaaba, lya buli kyeyakuteketekeire nga tobwiirye bya mwoyo.
\v 28 Naye omuntu niyalikoba nambu, “Kini kyaweyibwe okuba esadaaka” temukiryanga okulwoyo abakobere no mwoyo
\v 29 bayitu omwoyo, tigwamunage gwawondi olwakubba eddembe lyange lwaki okusalirwa omusango no omwoyo gwa wondi.
\v 30 Njenindye nokwebalya, kiki ekirumya olwekyo kyenkwebalya?
\p
\v 31 Kale ni mwambba mu kulya nga mukunywa, oba nga mukukola ekigambo kyona kyona, mukolenge byoona olwa kitiibwa kya Nnyamwanga
\v 32 Timuletaanga ekikwesitaaza eddi Abayudaaya niwakubaire Abayonaani, neddi ekkanisa ya Nyamwanga.
\v 33 Era njeena nimontyo nkugezako okusanyusa boona boona nga tikutolya magoba mangu njee wabula okubalabula leke balokoke.
\c 11
\cl Essula 11
\p
\v 1 Mundooreku nkanje nindoora oku kristo.
\p
\v 2 Nkubateendeza kulwubba munyizukira omubyoona. Era mugumya ebyabawebweirwe nka bwenabibaweirye.
\v 3 Naye nkwendya mutegere nti omutwe gwa buli musaaiza niye Kristo, no mutwe gwa mukazi niye musaiza, no mutwe gwa Kristo niye NNyamwanga.
\v 4 Buli musaaiza nasaba oba nabuliira, omutwe gwame nga guswekeirweku, aswaaza omutwe gwaamwei.
\v 5 Naye buli mukaazi nasaba oba nabuuliira, nga omutwe gamwei tiguswekeibweku, aswaaza oyiba waamwei. Kubbanga abanga akomoreibwe.
\v 6 Omukazi niyabaanga takwendya kusweeka mutwe gwamwei, kale asalenga ku eisoke, nikyabaanga kya nsoni omukazi okusalibwaku eisoke oba okulikomolaku, oguswekeireku.
\v 7 Kubanga omusaiza tikikumusaana okusweekanga omutwe gwamwei, kubanga niye kitina ne kitinisya kya NNyamwanga. Naye omukali yenie kitinisa kya musaiza.
\v 8 kubanga omusaiza teyazuire mu mukali, wabula omukazi ye yazwiire mu musaiza
\v 9 Era kubanga omusaiza teyatondeirwe lwa mukazi, wabula omukazi lwa musaiza.
\v 10 Nijo kizwa kigwanira omukazi okubangaku akamanyisyo nkokufugibwa okumutwe gwamwei olwa bamalaika.
\p
\v 11 Kyonkai, Omukama waiswei, omukazi tabaao awatali musaiza, era no muasiza tabaao awatali omukazi.
\v 12 Kubanga omukazi niyazwiire omusaiza, era no musaiza abyaalibwa omukali. Naye boona boona bazwa wa NNyamwanga
\v 13 Kale nywe musalewo: Obanga kikusaana omukazi okusaba ONyamwanga nga taswekereku mutwe?
\v 14 Obubyaire bwonkai tububegesyanga nti omusaiza nakulya eisoke bimuswaaza?
\v 15 naye omukali nakulya eisoke kiba kinisya kyamwei? Kubaanga yaweibwe eisoke nka ekyambalo.
\v 16 Naye omuntu yeena naba akwendia okuleeta empaka, iswei tetulina empisa nke ezo, niwakubaire ekanisa ya NNyamwanga.
\p
\v 17 Naye bini byenkwaaba okubakoba, ndomu kyakubatendereza. Okubaanga ni mukumbana, ebizwaamu biba bibbi.
\v 18 Kubanga ekikusokera kakyarumwei, nimukumbanira omukanisa, mpuura nti wabaawo okwawukana omunywe, era nkwiikiriza nti kiyiinza okubba kirikityo.
\v 19 Kubanga okwesalamu kigwanira okubaawo, abasimibwa babonekenga omunywe.
\v 20 Nimukumbana ekyo kyemulya, eba tekyaali mmere ya mukama waiswe.
\v 21 Kubanga nimuba mulya, buli omwe alya kulwamwe talinda baila baamwe. Abamwe basigara nzala, abaandi nga bamatiire.
\v 22 Temulina nyubba zemuyinza kuliiramu oba okunyweeramu? Oba omunyoma ekanisa ya Nnyamwanga ne muswaaza abatalina kintu? Nabakoba ntyei? Nabatendereza olwekyo? Tinabatendereze olwekyo!
\p
\v 23 Okubanga Mukama kyeyampaire nikyo kyembegesya, Omukama weiswe Yesu, kulunaku lweyaririrwemu olukwei, yatoire omugati.
\v 24 Niyebalya, nagumenyamu, nakoba nti, “Muyiku mulye, guno nikwo omubiri gwanga oguweweibwo okulwa nywei. Mukolenge mutyo olwakunijukiranga.”
\v 25 Era nokukyinyweero mutyo, nibamale okulya nabakoba nti “Eni niyo endagaano egyiyaaka omumusaayi gwange. Mukolenge mutyo buli lwemwaali kujinywangako olwa kunijukira.”
\v 26 Kubanga buli lwe mwaali kulyanga ku mugati nokunywa ku kinyweero omukwiikiriza kulanganga okufa okwa Mukama waiswe okwiika naliira.
\p
\v 27 Nikyo naazwanga, nyirya omusango gwa mubiri nomumusaai gwa Mukama waiswe buli eyaalyanga omugaati nga tasaine.
\v 28 Omuuntu yeekeberenge yenkai olwo nimwo alye omugaati n'okunywa oku kinyweero.
\v 29 Kulwakubba buli alya nanywa ngatategaaire mubiri abba yeisaliire omusaango okumussinga.
\v 30 Omunywe nikyo muzwa mubbaamu baingi abanaki nabalwaire, era baingi bafiire.
\v 31 Naye singa tusooka nitwesaala omusango iswei nkai, tetwandisaliilwe musango.
\v 32 Naye Omukama waiswe natusalaa omusango, atugyemwiire, tuleme okusingibwa omusango hamwe ne ensi.
\p
\v 33 Kale, baganda bange, nimwa'likumbananga okulya, mulindanga nanga.
\v 34 Omuntu naliwula enzala, alyenge enka, okumbaana kwanywe tikuba kwa kusaara musango. Nebindi byemwawandikire, nkwiiza kubisairya nga nyiire.
\c 12
\cl Essula 12
\p
\v 1 Anti mbiini ebikukwaata okubirabo bya mwoyo, aboluganda, tinkwendya obutabitegeera.
\v 2 Mukumanya nimwaali abakafiiri, mwakyamiziibwe eddi ebissani ebitabaza, nga mukukyamizibwa engeri yoona.
\v 3 Nikyonzwa mbategeeza ndoowo no omwe abaza Omumwoyo gwa NNyamwanga nakoba nti “Yesu okolimirwe.” wabulaa omumwooyo ogu kweera.
\p
\v 4 Waliwo ebiseembo byamirundi ziingi, naye omwooyo ogukweera.
\v 5 Waliwo engeeri ziingi eza kw'ereza, era ONnyamwaanga waiswe ommwai.
\v 6 Era wataayo okkola kwangeri zzingi, naye ONyamwaanga ali omwai, akola byoona omu byoona.
\p
\v 7 Omwooyo abonekera mubuli mmuntu olwakujuna buli omwei.
\v 8 Omwooyo aweerya omwei ekigaambo camagezi, nowoondi omwooyo niye omwei amu'weerya ekigaambo kya kweeteja
\v 9 Nowoondi omwooyo niye omwai namuweerya okwiikiriza, nowoondi namuweerya ekirabo kyakutamba.
\v 10 Owoondi namuweerya okkukanga ebya'magero, nowoondi okubuliraanga, no woondi okwa'wulanga emyooyo, owoondi kubaziranga ndimi, owoondi ku kwindulanga ndimi.
\v 11 naye ebyo byo'na omwooyo oyo ommwai niy'abikola, nga akugabira buli ommwai, nkebwa'kutaka.
\p
\v 12 Kulwakubba omubiri nigubba ogumwai nigubba n'ebituundu biingi, nebitundu byoona ebyamubiri, nebwecaabba nti biingi nigwo mubiri ogumwai, era no Kristo atyo.
\v 13 kulwakuba omwooyo gumwai isweena twabatiziibwe okwingira omumubiri gumwai, oba b Bayudaaya, oba Bayonaani, oba badeembe iswena nitu nywisibwa mumwooyo gummwai.
\p
\v 14 Kulwakubba omubiri tituundu kimwai, baitu biingi.
\v 15 Okugulu nikubaza nti, “Nkebwentali mukono, era tindi kyituundu camubiri,” ekyo tikiindula butabba kyituundu kyamubiri.
\v 16 Era nokutwi nikubaza nti, “kuba nga tindi riso, era tendi ekitundu kya mubiri,” ekyo tenfuula obutaba kitundu kya mubiri.
\v 17 Omubiri gwoona singa gubeire riiso, okuura kwandibairei? Byoona singa kibaire kuura, kuunyirya kwandibairei?
\v 18 Naye ate ONyamwanga yateekawo ebitundu buli kimwe okumubiri, nga kwegenderya.
\v 19 Era byona singa kibeire kitundu kimwei, omubiri gwandibairei?
\v 20 Naye ati ebitundu biri bingi, ate omubiri gumwei.
\v 21 Ne eriso telisobola kukoba mukono nti “we tinkwendya,” oba omutwe gukoba amaguru nti, “nywe timbendya.”
\v 22 Naye, ekikusinga omuno, ebitundu bini ebya mubiri ebirowozebwaaku okuba ebinaki byendebwa.
\v 23 nebyo ebya ku mubiri byeturowooza okuba ne kitinisya omuno byetuzwalikisya ekitinisa ekisinga obussei, ne bitundu bwaiswei ebitali ebinyakasei byetusinga okulabiirira.
\v 24 Naye ebitundu byeiswei ebikusinga obusei kyibitayendya atyo ONyamwanga nimwo yakobere omubiri, ebitundu ebyandibaire bitakufiirwaku na biweerya ekitinisya ekikusinga obusse
\v 25 Walekeenge kubaawo okwawula omubiri, naye ebitundu byeyombekenge amwe na byonka.
\v 26 Era ekitundu kimwe kyabonabonanga, ebitundu byoona bibonabonenge amwei, oba ekitundu kimwe nekitenderezebwa, ebitundu byoona bisanyukire amwei nakyo.
\p
\v 27 Naye nemwo omubiri gwa Kristo, ni bitundu byaagwo biri amwe.
\v 28 Era ONnyamwanga natekawo ekanisa, okusooka okutuma abatume, abakabiri abanabbi, abasatu bakwegesya, nekwiiraku abarina ebirabo bya kuwonya, abagambi, abakufuula endimi.
\v 29 Bona bona nabatume? Bona bona nabanabii? Bona bona begesya? Bona bona bakukola ebya magero?
\v 30 Bona bona balina ebirabo bya kuwonyanga? Bona bona bakubaza endimi? Bona bona bavunuula?
\v 31 Naye mwegombenge ebirabo ebikusinga obukulu. Era kambalange enzira ekusiinga omuno obunyakasai.
\c 13
\cl Essula 13
\p
\v 1 Ni mbaza ne ndimi za baantu neza bamalayika, nga tinina kwendya, mba kekidde ekyikutuuta, oba ekikutaasa okusala.
\v 2 Era nimba no bunabii nintegera ebyama byoona nokutegeera kwona, okusobolesya nokusigulula ensozi, naye tinina kwendya, tindi kintu.
\v 3 Era timpaayo bye nina byoona eddi abasege, era bwempaayo omubiri gwange okwokyebwa, naye tinina kwendya nga tindiku kyengasire.
\p
\v 4 Okwendya kugumikiriza era kulina ekisa, okwendya tikuba na bwiiya, okwendya tikwenkalambalya,
\v 5 tikukola bitakusaana, titutolya byonkai, tikugongolya mangu era tikusiba kibi kya mwoyo.
\v 6 Titusanyukira bitali bwa bwekiire, naye kusanyukira amwe na mazima,
\v 7 tugumira byoona, kugumikiriza byoona.
\p
\v 8 Okwendya tikuwaawo mirembe gyoona, naye oba obunabii, bulizwaawo, oba endimi, zirikaanga, oba okutegeera, kulizwawo.
\v 9 Ba tutegeerako kitundu, era no bunabii bwayiswei bwa kitundu.
\v 10 Naye obwiyikiiri nibwaliiza, ebya kitundu byalizwaawo.
\v 11 Ninaali omuto, nabazaanga nko omuto, nategeranga nko omuto, nalowoozanga nko omuto, ninakuure, nindeka ebya buto.
\v 12 Kubana nti tubonera mundabiso ebitakubona kusei, naye omubiro bibiri twalibonera kyarumwei kusei maiso ku maiso, nanti ntegera ku kitundu naye omubiro bibiri nditegeera kyarumwe era nkebwe nategeranga kyarumwe.
\v 13 Naye nti waliwo ebintu ebisatu, okwiikiriza, okusubira, okwendya, naye nkebyo ekyikusinga obukulu kwendya.
\c 14
\cl Essula 14
\p
\v 1 Musengerye okwendya, era mwengombenge ebisembo ebya mwoyo okusingira kimwe ekya kutegeeze ebya busei.
\v 2 Kubanga abaza omundimi tabaza na bantu, kubanga ndowo atabaza byabaza, naye aba abaza ebyama mu mwoyo.
\v 3 Naye oyo ategeeza abantu ebya obulangi eikya okubantu ebibazimba, ebibawa amaani era ebibakubagumya.
\v 4 Abaza endimi abayeyomboka yenka, naye ategeeza ebya bulangi, ayomboka ekanisa
\p
\v 5 Kale nyendya nywena mubaze endimi naye ekisinga kakimwe mutegeeze ebya bulangi, kubanga abaza ebya bulangi asingaku abaza omu ndimi, okwiiyaku nga waliyo okuvunuula ekanisa elyoke eyombekebwe.
\p
\v 6 Naye ati abaluganda, nindiza gyemuli nimbaza omundimi ndibagasa ntyai? Okwiiyaku ngabaleteire ebyo ebiswekurirwe, byemweta obulangi, oba okwegesya.
\v 7 Era nibivuga ebitalina bwomi nkendere oba enanga, bwebitavuga omumalaka agatakutegerekeka, omuntu amanya nti orworembo olukufuyibwa oba okukubibwa?
\v 8 Era singa eyigombe nga terikuzwamu eyiraka olikutegerekeka, nani alyetekeratekera okulwana?
\v 9 Kityo nokunywe nimwo kire, singa omuntu abaza omundimi ebitegerekeka, aliyinza atya okutegeera ebibaziibwe? Kubanga abazira omwiibbanga.
\v 10 Weewawo waliwo omuyiyanga endimi zingi, era ndoowo lutayina makulu.
\v 11 Naye nintamanya makulu ga rulimi oba mugwiira eddi okubaza naye oyira gyendi.
\v 12 Nimo olwonyweena kubanga mukwegomba ebya mwoyo mufubeenga muno okuba mubikomboka ekanisa.
\p
\v 13 Kale abaza omurulimi asabe okufuna amaani agaluvanyuma.
\v 14 Kulwakuba ninsaba omurulimi, omwoyo gwange gusaba, naye amagezi gange tegabyala bibala.
\v 15 Kale kikikyi kyemba nkola? Nasabanga no mwoyo era nasabanga na magezi, nayembanga no mwoyo era nayembanga na magezi.
\v 16 Kulwakuba nosaba omukisa mumwoyo, oyo atategeera kyokubaza yayirangamu atyai, nti “Amina” olwakwebalya kwaamwe, byatakutegeera nikyo abazire.
\v 17 Kulwakubawe oyinza okuba nga webalya kusai naye omuntu nga tibayombokeyirwe.
\v 18 Nebalya Onyamwanga, kulwakuba mbaza endimi okubasinga nyweena.
\v 19 Naye omukanisa nyendya wakiri mbaze ebigambo ebitanu ma magezi gaange, nga okunyengesya okusinga ebigambo omutwaalo omurulimi olutakutegerekeka.
\p
\v 20 Abaluganda, temubanga baana bato omukulowooza, mube bato mububi naye omukulowooza mube bakulu.
\v 21 Kyawandikiibwe omumateeka nti, “Ndibaza na bantu bani mu bantu abendimi ezindi no mundimi eza Banamawanga, era niwankubaire kirikityo nga tebakumpuura” nimwo abaza ONyamwanga.
\p
\v 22 Nolwekyo endimi nikyo zizwa ziba akamanyisyo tikwaabo abayikiriza, naye okutegeeza obulangi okwaabo abayikiriza.
\v 23 Kale ekanisa yoona nebanga ekumbayine hamwe boona nibabaza endimi hawo niwayingira abanzei oba abatayikiriza, tebalikoba nti muwonkere?
\v 24 Naye singa bona bona bategeera ebya bulangi niwayingira atayikiriza oba owanzayi, ebyabaziibwe bikwiiza okumuletera okwenenya, nga omubyona niye akweesara omusango.
\v 25 Ebyama ebya mutima gwamu biswekurwe, oryoke okakana okwitakali, oramye ONyamwanga nga okubaza nka ONyamwanga nali omunywe kaa kimwe.
\p
\v 26 Kale kiri kitya abaluganda? Nimukumbana buli muntu alina olwembo, alina okwegesya, alina ebimuswekulirwe, alina olurimi, alina okutegeeza, byoona bikolebwenge olwa kwomboka.
\v 27 Singa wabaawo omuntu abaza omundimi, babazenge babiri oba abatakusuuka basatu naye omumpalo, era omwe ahindurenge.
\v 28 Naye nga abo ndowo akwindura, asirikenge omu kanisa, abazenge okumutima gwamwei no Nyamuhanga wamwe.
\p
\v 29 Nabalangi babazenge babiri oba basatu nga abandi bakwenkanya okwebyo ebikubazibwa.
\v 30 Naye singa omwe okubayikaire alikuura ebigambo, asokenge asirikenge
\v 31 Kubanga nyweena muyinzanga okubeeranga muli hamwe, boona bayize, era boona basanyusibwenge.
\v 32 Nemweeyo gya barangi zifugibwa abalangi,
\v 33 Kubanga ONyamwanga tiwaluyogano, naye wa mirembe nka nikiri omu kanisa eza bayikiiri zona zona.
\v 34 Abakazi basirikenge omukanisa kubanga tebayikirizibwa kubaza, naye bafugibwenge nka mateeka nigakubaza.
\v 35 Era nibendyanga okweega ekigambo, babulyenge abayiba baabwe eka, kubanga kya nsoni omukazi okubazanga omukanisa.
\v 36 Kiki! ekigambo ekya Nyamwanga kyekyatandikire omunywe oba kyayikire eddi nywe nywenkai.
\v 37 Omuntu yenna niyerowoozanga okuba omulangi oba owa mwoyo, ategerenge byembawandikirenge, nga nikyo karagira ka Nyamwanga waiswe.
\v 38 Naye omuntu yenna atategeera amale okutegeera.
\p
\v 39 Abaluganda, mwegombenge okutegeeza ebya bulangi, era timulemesyanga kubaza omu ndimi.
\v 40 Naye byona bikolebwenge nke bwe kisaanire era omumpisa ezinyakasai
\c 15
\cl Essula 15
\p
\v 1 Ati buni, abaluganda, nkubaizukirya byenasinziiraku okubakoba enjirri, jemwafunire, jimweemereiremu,
\v 2 Jimulokooramu, banga, mujigumya, wabula nga mwaikiriziire b nabategeezere ekigambo ekikulu omuno nanje kinaweereiweerere.
\p
\v 3 Kubanga nabategeezere ekigambo ekikulu omuno nananje kinawereibwe, ng'oKuristo yafiire olwa bibbi byaiswe nke'byawandikibwe nibikoba,
\v 4 ngayaziikibwe, nga yayimbookeibwe okulunaku lwa kasatu nke'bya wandiikibwe nibikoba.
\v 5 Era nga yabonekeire OKeefa, nalyoka nabonekera eikumi nababiiri;
\v 6 oka nabonekera abalugaanda abakwaakala omubikumi ebitaanu [500] omuruunndi ogu mwai, era abaingi okubo bakyaali boomi wade nga abamwei baafiire.
\v 7 Olwo nalyoka nabonekera OYakobo ate nalyoka nabonekera abatume boona.
\v 8 Oluzwanyuma, lwaboona nabonekera naanje, nkomwaana omusowole.
\v 9 Nje ndimuto omutumwa atakusaana kweetebwa mutumwa okulwakubba nayasayasanyanga ekanisa ya NYamwaanga.
\v 10 Naye olwakisa kya NYamwaanga, niindi nimwo ndi kubaanga ekyisa kyaamwei tikyaali kya bwereere.
\v 11 Kale oba neigye oba abo, tutyo nimutyo tweikeire abafiire, naye lwaki abamu okunywe mukoba nti ndooyo kuyimbokebwa.
\p
\v 12 naye OKristo nabuuliranga anga ayembokere omu bafu, naye lwaki abamwe okunywe timwikiriza?
\v 13 Naye obanga ndowo kuyikiriza nti okuyimboka omu bafiire, era no Okristo teyayembokere.
\v 14 Era niyabanga Okristo tiyayombokeirwe, kale okubulira kwayiswe tekulimu, era nokuyikiriza kwanywe tikulimu.
\v 15 Nae tukuboneka nka bajjuulwa babugaigai bwa ONyamwanga, kubanga twategaiere ONyamwanga yayimbokerye OKristo, gwatayembokiire, oba nka abafu tebayimbokeirwe.
\v 16 Kuba abo bafu tebayombokeirwe, era no OKristo tiyayimbokere
\v 17 Obanga OKristo tim. okere, okwiikiriza kwanywe tekulina kye kugasa mukyali mu mubii wanywe.
\v 18 Era naabo abafiire omukristo bazikirrire,
\v 19 Obanga obwomi buni bwonkai mutubeire ne ssuubi omu Kristo, tulibakusasirwa okusinga abantu boona.
\p
\v 20 Naye kituuku nti Kristo yayembokeirwe omu bafiire, ebibala ebyasokerwe bwaabo abaafiire.
\v 21 Kubanga okuffa nikwaleteirwe omuntu, era nokuyimboka kwareteirwe muntu.
\v 22 Kuba bonna nka nibafiire OAdamu, era batyo omuKristo nimo batyo bafukiire aboomi.
\v 23 Naye buli muntu omukifo kyammwei nywe, Kristo yasookere okutwaala kwiikiriza kwame abamwe baireku.
\v 24 Olwo enkango nelyoka neyika, nimwo amwei, era no mwana omwenyini aliwaawo obwabukama endi ONyamwanga oyito waamwe, nalibanga amaliirwe okufuga kwona kwona na maani goona no buyinza.
\v 25 Kubanga kimugwanire okufuanga okwiikya naliteeka abanyanzugu baamwe hansi wa magulu gaamwei.
\v 26 Omunyanzugu alisembayo okuyikirizibwa nikwo kufaa.
\v 27 Kubanga “ONyamwanga atekere ebintu byoona hansi ha magulu gaamwe,” naye nikikobwa nti, “ebintu byoona byoona bitekeirwe hansi wa magulu gaamwei” kiba kitutegeeza nti oyo tiyatekere byoona byoona hansi wa magulu gaamwe.
\v 28 Byoona byoona nibilimara okuteekebwa wansi wa magulu gaamwe, era no'omwana omwenyini nalyoka natekebwa wansi waayo ayatekere hansi byoona wa magulu gaamwe, aale ONyamwanga abeenge byoona mu byoona.
\p
\v 29 Kubanga balikwebalya abatiziibwe okulwabafiire? Kubanga ayimbokeirwe abafiire kakyarumwei, lwaki mubatiza okulwaabo?
\v 30 Naye lwaaki mukuba omu kibbi buli kiseera?
\v 31 Abaluganda, mpakanisya okwenyumiriza kwenina omunywe, ndinakwo mu Kristo Yesu Omukama waiswe, njeena nfa buli lunaku.
\v 32 Obanga nalwayine ne nsalo omu Efeso, nk'omuntu omu buntu, nga sirwa ntyai? Oba nka baffu tebayimbokeibwe “tulye, tunywe tukufa emambya.”
\v 33 Timobeyegebwanga, “eminywanyi egibi nigisiisa empisa ezesai.”
\v 34 Mwiiremu amagezi, mutawura kusiisa, kubanga abandi tibamayitei Nnyamwanga, mbazire kubakwatya ensoni.
\p
\v 35 Naye omuntu asobola okubulya nti, “abafiire bahimboka batyai? era mubiri ki gwebayizire nagwo?”
\v 36 Musirusiru we, ensigo gyosiga temeruka be nga tefiire.
\v 37 Nojisiga mubiri oguliba, wabula mpeke zerere, mpozi ngano, oba yangeri gyindi.
\v 38 Naye ONyamwanga agyiweerya omubiri nokwendya era buli nsigo agiweerya omubiri gwaagyo yonkai.
\v 39 Enyama yona yoona tinyama emwe, naye egindi ya bantu, egindi ya bisoro, negindi ya binyonyi, negindi ya binage.
\v 40 Era waliwo emibwigya omuyigulu emibiri gya kunsi, naye ekitinisya kya mweiguru kindi, naye ekya kunsi kyona kindi.
\v 41 Ekitinisya kya isana kindi nekitinisa kya kwezi kindi, nekya munyenyezi kindi kubanga onyenyezi teyenkana nagyira yagyo kitinisya.
\p
\v 42 Era, nokuyimboka kwa bafiire kutyo kusigibwa mu kujuunda, guyimbokibwa mu kujuunda.
\v 43 Gusigibwa awatali kitinisya, guyimbokebwa mu kitinisya, gusigibwa omubunaki, guyimbokeebwa omu maani.
\v 44 Gusigibwa nga mubiri gwa buliizo, guzukiira nka omubiri gwa mwoyo. Oba nga waliwo omubiri gwa buliizo, waliwo n'omubiri gwa mwoyo.
\p
\v 45 era kityo kyaawandikiibwe nti “omuuntu eyakeereire Adamu yafuukire mukama mwoomi” oluzwanyuma yafookere mwooyo aleeta obwoomi.
\v 46 Naye ekya mwooyo tikyibaanza, wazira ekya mwiika, oluzwa nyuma ekya mwooyo.
\v 47 Omuntu eyabaandize, yazwiire mwiitakali, omuntu eyairiire nazwa omwiiguru.
\v 48 Nko'ni owa itakali niyaali, era nabaitakali nimwo batyo, era nko'ddi owamwiiguru niyaali, era batyo na'ba mwiiguru nimwo bali.
\v 49 Era nka nibaabbaire ekisani owaitakali, era tulitwaala ekisani kyodi owa mwiyigulu.
\p
\v 50 Naye kini kyenkubakuba, abaluganda, ngomubiri no musayi, tebiyinza kusikira bwakabaka bwa NNyamwanga, okwiiyaku okujuunda okusikira butajuunda.
\v 51 Bonna, kambakobe ekyama, Isweena titulina kufaa, naye iseena tulina kukyusiibwa.
\v 52 Amangu ago, nga akutemya ekikoowa, ekigombe ekya nkomererwo nikituuta, kubanga kivuga, nabafiirwwe nibaliyimbokebwa obutajuunda, naiswei tulikyuusibwa.
\v 53 Kubanga okujuunda kuni kikugwaniire okuzwara obutajuunda, nokufa kuni okuzwara obutafa.
\v 54 Naye okujuunda kuni nga kumaale okuzwaara obutajuunda, nokufa okuzwaara obutafa, ekigambo ekyawandikibwe nikiryoka nikibaza nti “Okufa kimiriirwe omukuwangurwa.”
\q1
\v 55 “We okufa, okuwangula kwamu kuliluddai? We okufa, okunena kwamu kuliluddai?
\p
\v 56 Okunena kwa kibi nikwo kufa, na maani ga kibi nigo mateeka.
\v 57 Naye ONyamwanga yebalibwe, atuwangulisya iswe okubwa bukama bwaiswe OYesu Kristo.
\p
\v 58 Kale, bamweiswe abendebwa, mugumenge obutatiina, leke mweyongerenge bulizo omumulimu gwa Mukama waiswe, kubanga mumaite ngo'kufuba kwaanywe ti kwa bwerere omu Mukama waiswe.
\c 16
\cl Essula 16
\p
\v 1 Ekikukwaata okumbaniya ebintu ebiikire byenalangire ekanisa eza Galilaya, nanywe mukolanga mutyo.
\v 2 Omukiro ekikusooka omusabiiti, buli muntu omunywe abeeko kya kubiika aamwe nga akusinziira ku bisuubizo ebintu bireme kukumbanirwa rwendiiza.
\v 3 Era bwendika nimo mulisiima ebaruwa nimbatuma okutwala ekisa kyanywe omu Yerusalemu.
\v 4 Era nimwokiriboneka nga kiryetangisa nanje okwaaba, balyaaba nanje.
\p
\v 5 Nkwaaba kuiza gyemuli bwendibaanga maale okwakala omu Makedoni, kubanga nkwaaba kwakala Mekedoni.
\v 6 Obbo oliawo ndiba nawe, oba okumalayo nanywe ebiseera ebyatitimbi boona, naanywe mulyoke munyambe omulugendo, buli amwei gyinkwaaba.
\v 7 Kubanga tinkwendya kubabona nga nkwakala bwakali naye nkusubira okumala nanywe ekiseera ekikukanya, omukama waiswe bwalisiima.
\v 8 Naye nkwaaba okusigala omu Efeeso mukwiika oku Pentekote.
\v 9 Kubanga oluyige lukooto era olwa mirimu ezindi lukiingurwawo, era nabalabe bayigi.
\p
\v 10 Naye OTimosewo bwaliiza, muboneenge omukujuuna abbe nanywe awatali kutiina; kulwakuba yeena akola emirumu za Mukama waiswe nkanje.
\v 11 Aale omuntu yeena tamunyomanga: naye mumwendesye mireembe okwiiza jeendi kulwakubba nkussuubira okukubona naba lugaanda.
\p
\v 12 Naye okubya Apollo owaluganda namwegayiira monno okuyiza gyemuli amwe na baluganda, natengerya kimwe okwiza omukiseera kini, naye aliiza bwalifuna ekiseera ekiingi.
\p
\v 13 Mulorelenge, mugumirenge omu kwiikiriza, mubenge omu kwikiriza, ba maani.
\v 14 Byona bimukukola, bikolebwenge mu kwendia.
\p
\v 15 Naye mbesengerya, abaluganda mumaani enyuba ya Stefani, nibo basooka okwiikiriza omu Akaya, era betekeretekere okuwereza obwiikiriri,
\v 16 Nanywe muurenge okwiisana nkaabo na buli muntu ataayo akola hamwe naiswe.
\v 17 Era nasemeerwa okwiiza okwa Stefano, Forutunato, ne Akayeko; kubanga ebyabole okulwanyu baabikiriirye.
\v 18 Kubanga bawumwiire omwoyo gwange no gwanye, kale mwikirizenge abaali nka abo.
\p
\v 19 Ekanisa eza mu Acia zibaramukirye muno omu Mukama waiswe, ne kanisa eri mu nyuba yaabwei.
\v 20 Abaluganda boona babaramukirye, mulamukyengane nokugura obwikiiri.
\p
\v 21 Njee OPawulo, mpandikiire okulamukya kuno no mukono gwange.
\v 22 Omuntu yeena bwataliendyanda mukama waiswe, akolimirwenge. OMukama waiswe akwiiza.
\v 23 Ekyisa kya Mukama waiswe Yesu Kuristo kibbenge nnanywe.
\v 24 Okweenndya kwange kubbeenge naanywe nywena omu Kuristo Yesu. Amiina.