ruc_reg/46-ROM.usfm

\id ROM
\ide UTF-8
\h ABARUUMI
\toc1 ABARUUMI
\toc2 ABARUUMI
\toc3 rom
\mt ABARUUMI
\c 1
\cl Essula 1
\p
\v 1 Pawulo omwiru wa Yesu kurisito eyeitebwe okuba omukwenda ne njawuulibwa okusasanya enjiri ya nyamwanga.
\v 2 Gye yasubiiriize eire omu banabbi bamwei nomubyawandikibwe ebikiiri.
\v 3 enjiri ekukwata okumwana wamwei eyabyaliomulubyalo olwa Dawuudi omubiri.
\v 4 eyalagirweokuba omwana wa nyamwanga omu manni no mwoyo ogwabwikiirino lwakwimboolibwa kwamei omubaffu O' Yesu kurisiito omukama weiswe.
\v 5 okwakala om ye tufuniire ekisa no kutumibwa tulete obugondu obwakwikiiriiza olweibara lyamwei omumawanga gonna.
\v 6 era nywena muli munibo abayeteibwe okubba aba Yesu kurisito.
\v 7 edi bonna abali omu Ruumi abatakiibwa onyamwanga abateteibwe okubba abeikiri ekisa kibbe nanywe nemirembe ebizwa ewa nyamwanga oito weiswe o' Yesu kurisito.
\p
\v 8 Okusooka, nkwebalya O' nyamwanga wange olwa Yesu kurisito okulwanywe nywenna, olwakubba okwikiiriiza kwanywe kubazibweku omu nsi zonna.
\v 9 olwakuba onyamwanga niye mujjurwa gwenperezza omwwoyo gwange omunjiiri yamwana, wamwei ntyo buli keire mbabazakku buli lunakku omu saala zange.
\v 10 nga nkwegayiira bulizzo omu kusaba kwange, onyamwanga nimwo ayendya, ndyoke ntambulibwe kusei okwizza gye muuli.
\v 11 kubba negomba okubabonakku ndyoke mbawe ebisembo ebya mwoyo mulyoke mugume,
\v 12 olwo swenna twombokwebwe omu manni olwa kwiikiiriiza kweiswe, okwanywe nokwange.
\v 13 era abamukaggo nkwendya mumanye nga emiruundi jingi nolowoozanga okwiiza gye muli, naye nenzizibwa okwikya ati, ndyoke mbekku nebibaala byenkufunna omu nywe era nomu mawanga agandi.
\v 14 Nnina obuvunanyiiziibawa okujjjuna Abayonaani era na banamawnga, abalina amageezi nabbo abasiirusiru.
\v 15 era nikyo nzzwa nyendya okubabuuliira enjiri nanywe abali omu Ruumi.
\p
\v 16 kubba enjiri tenkwatisya nsonni kubba niggo manni aga nyamwanga agalokoola buli eikiiriiza, okusookera oku Muyuudaaya era no Muyoonaani.
\v 17 kubba omu njiri obwiikiiri obwa nyamwanga buswekulibwa obuzwa omukwiikiiriiza okwikka omu kwikiiriiza nka bukyawandikibwe nti, “Naye omwikiiri yabanga mwomi olwa kwiikiiriiza
\p
\v 18 olwa kuba nga obusunga obwanyamwanga buswekulwa okuzzwa eiguru oku batatiina nyamwanga bona nobutabba nabwikiiri bwona obwa bantu abaziiza amazima omu batabba nabwiikiiri
\p
\v 19 kubba ebiyiinza okumanyikka ebya nywamwanga bimayibwa bibonekera kimwei gyebali; kuba onyamwanga yabibalangire.
\v 20 kuba okuzwira oku kutonda ensi, embeera yamwei etaboneka, nikwo oku koba ouyinza bwamwei obutawaawo no bwanyamwanga bwamwei biboneka nga bisei, nga bitegerebwa omu ebyo bye yatondere, batyo ni babenge nga tebalina kyakuwozza;
\v 21 kuba yadde nga onyamwanga bamumeite, naye tebamugulumizanga ye ko nyamwanga nowankubeire okumwebalya wabula nibasengeryanga ebitali omu mpaka zabwe, omutiima gwabwe ogusiirusiiru nga gwizire nzikiiza.
\v 22 Nibeyeta abamagezi ate nga basiiruweire,
\v 23 nibawanyisa ekitinisya ekya nyamwanga atawaawo okufunna ekifananyi ekya muntu awawo, ne kyabinyonyi ne bisolo ne byekokoto.
\p
\v 24 onyamwanga nikyo abawayo edi eri obugwagwa omu kwegomba okwa mitima gyabwe, okusisanga ekitinisya ekya mibiri gyabwe bonkei na bonkei,
\v 25 kuba amazima ga nyamwanga bageindulamu obubeyegi, nibalamyanga era nibawerezanga ebyatoindeibwe okusinga onyamwanga, yebalibwe emirembe ne mirembe. Amiina.
\p
\v 26 onyamwanga nikyo abwerayo edi okukwatibwa okwansonni; kubba babwe bawanyisa ekikolwa kyaabwe ekya bubyeire nebakifula ekitaali kya bubyeire,
\v 27 era nabaseiza nimwo batyo, bakeka ekikolwa ekya mukali ekya bubyeire, nebakanga omu kwegoomba kwabwe bonkei na bonkei, abaseiza na baseiza nga bakukolangana ebitaseine, era batyo niberetera ekibonerezo ekigwaniire okusiisa kwabwe,
\p
\v 28 era nga nibateikiiriiza okuuba no nyamwanga omu mageezi gabwe, onyamwanga niye abawayo edi omwoyo oguteikiiriiziibwa, olkukolanga ebitaseine.
\v 29 nga beizwirwe obutabba na bwikiiri bwona, obwibbi okwegomba, eitima, nga beizwire obwiya, obwitti, okulwanna, obunyaggi, obukumpanya, abageya,
\v 30 abalyolyoma, abakyawa onyamwanga, aba kyejjo, abamalaala, abeinyumiriza, abayiiya ebigambo ebibbi, abatawuura babyeire babwe,
\v 31 abatalina magezi, abaleeka endaganno, abatendyanganna, abatalina kusasira.
\v 32 yadde bameite nga onyamwanga asala omusang, era nti abakola ebyo baseine kuffa, tebabikola mbe, era basima ababikola.
\c 2
\cl Essula 2
\p
\v 1 Nikyo olema okubba otasonyiibwa we omuntu kyonna kyoli, nosaara omuntu owondi omusango kubba omukusaara abandi omusango, naawe obba ogwesaliire kubba bo bye bakola nawe nibyo byokola.
\v 2 naye tumeite nga ensala eya nyamwanga omu mazima eikira edi abo abakola ebintu kebyo.
\v 3 okuloowooza we omuntu asaaara abakola ebyo omusango okubasinga, nawe nga nibyo byokola okuloowooza nti oliwoona omusango gwalisala?
\v 4 oba ekisa ekya nyamwanga okwewumbeka, nokuguminkiiriiza byonyomere? tomeite nga ekiisa kya nyamwanga kiriwo olwa kukukleetera okwenenya?
\v 5 naye olwabukakanyali obwa mutima ogutenenya, webikirra obusungu obuliba okulunaku olwa busungu, obwikiiri bwa nyamwanga obakusala omusango kwe buliswekurwa.
\p
\v 6 alisasula buli muntu engeri ebikolwa byamwei nebyali.
\v 7 abo omu kugumikiiriiza abanyinkira okukoola ebisei bakulubilira okufuna ekitinisya, neitendo, nobutaffa alibasasuia obwomi abutawawo.
\v 8 naye abo abalwana nabatogendera mazima, naye abasengeerya obutali bwikiiri onyamwanga alibasuunguuwara, nabakambuwaara.
\v 9 walibawo okubonyabonyezebwa, nokulumwa okubuli muntu akola ebibbi, okusokera oku Muyuudaaya, no Muyoonaani
\v 10 naye ekitinisya neitendo, nemirembe okubuli akola okusei okusokera oku Muyuudaaya, no Muyoonaani.
\v 11 kubba onyamwanga tasosola mu bantu.
\p
\v 12 kubba bbona abasisaanga awatali mateka era balizikiiranga bakyali kuvunanibwa amateka, ate bbona abalisisaanga balisarwa omusango okusiinziira oku mateka.
\v 13 kubba abawuura mbe amateka tenibbo abeikiiriire edi onyamwanga, wabula abo abakola amateka ge byalagiire nibo abaliwebwa obwiikiiri.
\v 14 kubba abamawanga, abatalina mateka ne bakoora omu kutegera okwabubyale bwabwe ne beikirya ebya mateka abbo nibo babba bafuukire amateeka agabafuga nowankubeire nga tebalina mateka gandi.
\v 15 balanga nti amateka kye galagira kiwandikirwe omu mitima gyabwe, omwoyo gwabwe gukikaasa kubba ebirowoozo byabwe emirundi ejjimwei bibalumirya omusango, ate emirundi ejjindi bibawolelerya.
\v 16 Oulunaku olwo okusinziira okunjjiri yange, onyamwanga asaaara omusango ogwa byama ebya bantu okulwa Yesu kurisito.
\p
\v 17 naye neweyetta o' Muyudaaya, niwesigama okumateka, ni wenyumiriirirya omu nyamwanga,
\v 18 nomanya onyamwanga byakwendya, nosiima ebikusiinga obusei kubba wegeseibwe omumateka,
\v 19 era niwabba wekakasaokubba omulungurwa owa beigali bameiso, eisana lyabali mu ndikiirya.
\v 20 Omulangira owa batalina magezi, omwegesya wa banna abankeremba, kubba tulina omumateka ebya magezi ne byamazima, kini kikosa kityei omu bwomi bwamu?
\v 21 kale we oyegesya abantu abandi, lwaki we tewegesya weinkei?
\v 22 akoba abandi obutakola bwenzi okola obwenzi? owe akyawa ebifananyi, oiba omwikumbaniiro?
\v 23 Eyenyimiriirya omu mateka onyoma Onyamwanga nga okumenya amateka?
\v 24 Lubba eibara lyanyamwanga linyomeibwe omu ba mamawanga oku lwanywe, ngeri nikyawandikibwe.
\p
\v 25 nikwabanga okukomelebwa kubagasa, nokwata amateka, naye nobba omusiisi owa mateka, okukomolebwa kwamu kufuuka obutakomolebwa.
\v 26 Kale atali mukomolebwe nakwata ebiragiro ebiri omu mateka, obutakomelebwa tekulyetebwa kukomolebwa?
\v 27 Era atali mukomolebwe omububyalye neikirya amateka, talikusara omusango gwamwe! asobya amateka newankubeire nga alina ebyawandibwe omu mateka nga wakomeleibwe?
\v 28 Kubba O' Muyuudaaya owakwiguru tiniye Muyuudaaya eranokukomolebwa okwa mubiri tiniko kukomolebwa.
\v 29 Naye O Muyuudaaya owa munda niye Muyuudaaya, nokukomolebwa kwamwei okwamu mutima, omu mwoyo, naye tinikwo okwabuwandike atetenderezebwa bantu wabula onyamwanga
\c 3
\cl Essula 3
\p
\v 1 Kale Omuyuudaaya kiki kyasinga abandi? oba okukomolebwa kuyamba ki?
\v 2 Kugasa munno omu bigambo byona. okusoka kubba Abayuudaya babikisiibwa ebyo onyamwanga bye yabazire.
\v 3 Kubba kiba kiki abamwei nibatabba nakwikiiriiza, obuteikiiiriiza kwabwe kuliyawo obwesigwa bwa nyamwanga?
\v 4 Mbe, tekisoboka. Onyamwanga aba wa mazima, buli muntu nebwaba omubeyegi; ngeri nikyawankibwe nti “Obbe mwikiiri omu bigambo byamwu, osinge bwolisarwa omusango.”
\p
\v 5 Naye obutali bwikiiri bweiswe ni butendereza obwikiiri bwa nyamwanga, twabazanga tutyei?
\v 6 Mbe nakadyoli! kubba, nekibba kityo, onyamwanga alisara atyei ensi omusango?
\v 7 Naye amazima ga nyamwanga nigeyongera okuboneka olwa bubeyege bwange ye newawebwa ekitinisya, nje kiki te ekinsarwa omusango ogwa musiisi?
\v 8 Era kiki ekitugana okubaza nga tukuwayirya, era nga abamwei ni babaza nti tukobe tuti,” Tukolenge ebibbi, ebisei bilyoke biize?” Abo okusarwa kwabwe omusango kwa nsonga munno.
\p
\v 9 Kale kiiki? Nswe Abayuudaaya tulina kyetusinga abandi? Mbe, nakadyoli kubba tusokere okulanga nti Abayuudaaya ere na Bayoonaani bbona bafugibwe ekibbi,
\v 10 Engeri nikyawandikibwe nti, “Nddowo mwikiiri nomwei.”
\v 11 Nddowo ategera, nddowo atolya ononyamwanga;
\p
\v 12 Bbona bakyamire, bafukire abatasanire amwei. Nddow oakola obusei, nddowo nomwei;
\q
\v 13 “Omumiro gwabwe niyo entanna eyasamiriire; Babeyegi nendimi zabwe; obutwa obwa njjoka buli ansi wa ndimi zabwe:
\q
\v 14 Eminwa gyabwe jjizwire bikolimo amwei no kusaara”
\q
\v 15 “Amagulu gabwe ganguya okusuka omusayi.
\q
\v 16 Okuzikiira amwei no bunaaku biri munzira zabwe.
\q
\v 17 Era tibamanyanga nzira ya mirembe.
\q
\v 18 Nddowo kutina nyamwanga omumaiso gabwe”
\p
\v 19 Naye tomeite nga byona amateka bye gabaza, gakoba abo abalina amateka; buli munwa gwonna gwigalibwe nensi zona zibeku omusango edi onyamwanga.
\v 20 Kubba olwabikolwa amateka alina omubiiri yena teliwebwa bwikiiri omu maiso gamwei, kubba amateka nigo gamanyisya ekibbi.
\p
\v 21 Naye ati buni awatali mateka obwikiiri bwa nyamwanaga, obutegezeebwa na banabbi, bulijjurwa,
\v 22 nibwo obbo obwikiiri bwa nyamwanga olwakwikiiriiza O' Yesu kurisito edi bbona abeikiiriiza; kubba nddowo njawulo;
\v 23 Kubba bbona basiisa, ne bateika ku kitinisya kya nyamwanga,
\v 24 Naye bawebwa obwikiiri bwa buweire olwa kisa kyamwei olwakununulibwa okuli omu Yese kurisito.
\v 25 Onyamwanga gwe yateirewo okubba omutango, olwakwikiiriiza omusayi gwamwei, okulanga obwikiiri bwamwei, olwakuleka ebibbi ebyakolebwanga eire, Onyamwanga nga akuguminkiiriiza.
\v 26 Okulanga obwikiiri bwamwei omu biiro bini, alyoke abbe omwikiiri era nga akuwa obwikiiri buli eikiriiza O' Yesu.
\p
\v 27 Kale okwenyuminkiiriiza kuli luda ayi? Tekuliwo lwaki tekuliwo? Tekuliwo olwa bikolwa? Be naye, lwakiikiiriiza.
\v 28 Nikyo tuzwa tukakaasa nga omwana awebwa obwikiiri olwa kwikiiriiza naye ti lya kwikiirya bikolwa ebya mumateka.
\v 29 Oba Onyamwanga, Nyamwanga wa Batuudaaya bonkei? Ti Nyamwanga wa ba wamwanga bona? Weewawo, era nabamawanga bona wabwe.
\v 30 Olwakubba Onyamwanga ali omwei, aliwa obwikiiri abo abakomole olwa kwikiiriiza na batali bakomole olwa kwikiiriiza.
\v 31 Kale amateka tugayawo olwa kwikiiriiza? Mbe, nakadyoli. Naye tugagumyambe.
\c 4
\cl Essula 4
\p
\v 1 Ale kiki kye twabaza oku Ibulayiimu ozizza weiswe kyeyabweine omu mubiiri?
\v 2 Kubba O Ibulayiimu singa yaweibweibwe obwikiiri lwabikoolwa, singa ata nekimwenyumiriiza, naye tali namumeiso ga Nyamwanga.
\v 3 Kubanga ebyawandilibwe bibaza bityei? Ibulayiimu neikiriiza O' nyamwanga ne kimubalibwa okubba omwikiiri.
\v 4 Kale, omuloli empera yamwei temukwatisibwa nkekisembo, naye nga ekyo nikyo atekerwe okuwebwa.
\v 5 Naye atokola, kyonkei neikiriza oyo owa bwikiiri abatatina Nyamwanga, okwikirya kwamwei kubarwa okubba obwikiiri.
\v 6 Era no Dawuudi alangiira omukiisa oku muntu, Onyamwanga gwabara obwikiiri awanambula bikolwa, nti,
\q
\v 7 “Baweireibwe omukisa abayibweku obussissi bwabwe, ebibbi byabwe byaswekereku.
\v 8 Aweireibwe Omukiisa omuntu omukama gwatalibaara kibbi”
\p
\v 9 Kale omukisa ogwo guli kubakomole bonkei oba kanda nokwaabo abatali bakomole? kuba tukobere nti okwikirya kwamwei kwabalirwe Ibulayiimu okubba omwikiiri.
\v 10 Kale kwabalibwe kutyei? niyali nga akomoirwe, kanda niyali nga takomoirwe? naye nga akyali kukomolebwa!
\v 11 Nawebwe ekyakuroraku ekya kukomolebwa, akamanyisyo oka bwikiiri obwa kwikiiriiza nga akyali kukomolebwa, alyoke abengw ozizza wa bbona abeikiriize nga tibakomole, babaarwenge obwikiiri.
\v 12 Era niye zizza wa bakomole, naye tiwaabo abakomole obukomole naye abatambura omumagulu ebya kwikiiriizakwa zizza weiswe Ibulayiimu kwe yalina nga akyali kukomolebwe.
\p
\v 13 Kubba okusubiza tekwaweirwe Ibulayiimu kababbe eibyeire lyamwei omu mateka nti alibba muggwetta wansi zoona, wabula omu bwikiiri no kwikiiriiza,
\v 14 Kubba aba mumateka banga nibo bagwetta, okwikiiriiza banga kudibiire, era nga no kusubirya banga kuyibwewo.
\v 15 Kubba amateka galeeta obwandi; awatali mateka era tewabawo kusiisa.
\v 16 Kale ebyo onyamwanga byeyasubiize bisinzira mukwikiiriiza okusubiiza kubange kwakiisa, era kugume edi eibyeire lyonna, naye teddi abamateka bonkei, naye nedi abali omu kwikiiriiza kwa Ibulayiimu ye ozizza weiswe swenna,
\v 17 Kyawandikibwe nti, “Nkufiire zizza wa mawanga ageingi,” omumeiso goyo gweyeikiiriize, niye onyamwanga, eimbokya abaffu, era ayeta ebiriwo nkebiriwo.
\v 18 Ibulayiimu yeikiriize nasubira awatasuubirikiika, alyoke abbenge zizza owa mawanga ageingi, nke bukyabazibwe nti, “Eibyeire ryamu liribba rityo.”
\v 19 Natabba munaki omu kwikiiriiza niyaloweize omubiri gwamwei nga gukwisana ogufu, kubba eikirye emyaka kikumi (100), era no Salaa nga mugumba.
\v 20 Tiyalekereyo kwikiiriiza, era tiyabusirebusire omwebyo Onyamwanga bye yamusubiize, naye nafunna amanni olwa kwikiiriiza, nga nga akuramya Onyamwanga.
\v 21 Era nga akumanyira kakyarumwei byeyasubiize era ayinza nokubikola.
\v 22 Era nikyo kwekyazwire nekimubarwa okuba obwikiiri.
\p
\v 23 Naye tikyawandikibwe kulwamwei yeinkei nti, “kwamubalibwe”
\v 24 Naye era nokulweiswe, obakwaba okubarwa, abeikiiriize omuye eyayimboire O' Yesu omukama weiswe omubaffu.
\v 25 Eyaweibweyo olwakusiisa kweiswe neimboka olwakutuwesya obwikiiri
\c 5
\cl Essula 5
\p
\v 1 Alee nitwaweirwe obwikiiri olwakwikiiriiza, tulina emirembe no Nyamwanga omukama waiswe Yesu kristo.
\v 2 Omuuye mwetayakaire okufuna ekisa kiini kyetwemeereiremu era tusemerwa omukusubira kwamwei kwetulina okwakugabana oku kitinisya kyamwei Onyamwanga.
\v 3 Naye tinikyo kyonkei, era twenyumirizenge omukubonabona kweiswe nga tumeite okubonabona kuleeta okuguminkiiriiza.
\v 4 Ate era okuguminkiiriiza kuleeta empisa ezisei ne mpisa ezisei zileeta okusubiira.
\v 5 Nokusubira tekukukwatisya nsoni, kubba okwendya kwa Nyamwanga kusukirwe ddala emitima jeiswe, omu mwoyo ogwikiiri gwe twaweibwe.
\p
\v 6 NIitwali nga tukyali banakki omu kisa ekituufu okuristo nafiiriira abatatiina Nyamwanga.
\v 7 Kizibu omuntu okufiiriira omuntu omwikiiri; obba mpozzi omuntu aguma okufiiriira omuntu omusei.
\v 8 Naye O' Nyamwanga alanga okwendya kwamei jeetuli, kubba nitwali nga tukyalina ebibbi okristo natufiiriira.
\v 9 Alee okusinga omuno, eleero nitwaweibwe obwikiiri olwamusai gwamwei, okusiinga muuno alitulokola okutuya omu busungu Bwanyamwanga.
\v 10 Kubba nitwali tukyali banyanziggu, twatabagaine, no Nyamwanga olwa kuffa okwa mwana wamwei, ati buuni netutabaganyizibwe tulilokoo olwa bwomi bwamwei.
\v 11 Era tinikyo kyonkei, era tulijaguzzira amwei no Nyamwanga omukama weiswe Yesu kristo, atuweserye ati bunni okutabagana okwo.
\p
\v 12 Nolyekyo nke kibbi nikyeizzire omwiyanga olwamuntu omwei, era nokufa no kwingiira olwa kusiisa, nimwo kityo nekisansaana omubantu bbona, kubba bona basiisiire,
\v 13 Kitufu ekibbi kyaliwo omwiyanga nga amateka gakyali kuwebwa, naye ekibbi tekibalibwa, awatabeire mateka.
\v 14 Kyonkei okuffa kwafugire okuzwa oku Adamu okwikya oku Musa, era nokwabo abatasoberye nko kusiisa kwa Adamu eiyee niye kifananyi ekyoyo okwaba okwiiza.
\v 15 Naye ekisembo ekya bwereere tekisaana kusiisa. Kubba abbo olwakusiisa kwomwei abafiire abeingi, chikiira munno ekisa kya Nyamwanga nekisembo ekya bwereere omu kiisa kya Yesu kristo kyayakalilirye nekikanya omubeingi.
\v 16 Era ekisembo ekya bwereere tekisanna ekyazwire omu kusiisa kwa muntu omwei, kubba omusango ogwazwire omu kibbi ekiwmei kwaleteere okusingibwa omusango, naye ekisembo ekya bwereere ekizwa omukusiisa okwingi kireta okuyibwaku omusango.
\v 17 Kubba abbo, olwakusiisa kwomwei okuufa kwafuga kubwomwei, okusinga omunno abbo abaweireibwe ekisa ekisukiiriire ne kisembo ekya bwereere ekyabwikiiri balifugiira mu bwomi kulwoyo omwei, Yesu kristo.
\p
\v 18 Kale nimwo kityo olwa kusiisa kwomwei omusango nigwasingire abantu bonna, nimwo nolwabwikiiri bwomwei ekisembo kyali ku bantu bonna okuwesya obwikiiribwa bwomi.
\v 19 Kubba olwa butawuura bwa muntu omwei eddi abeingi nibafukiire ababbi, nimwo kityo no lwa kuwuura kwoyo omwei abeingi balifuka abeikiiri.
\v 20 Amateka geiziire, okusiisa kwakalilirye, naye ekibbi nikyasukiiriire, ekisa ne kisinga okusukiriirya.
\v 21 Era nke kibbi nikyafugire omukuffa, era nekisa ekya Nyamwanga nimwo kityo kyafugiire omu bwikiiri ne nekitakuwesya bwomi obutawawa, omu Yesu kristo omukama weiswe.
\c 6
\cl Essula 6
\p
\v 1 Kale twabazza tutyei? Tunyinkirenge okukoola ekibbi ekisa kyeyongerenge?
\v 2 Mbbe nakadyoli! Abaffa oku kibbi twabaanga tutyei abwomi omu kyo ate?
\v 3 Temumeite nti iswe swenna, ababatizibwe okwingira omu kristo Yesu, era twabatizibwe kwingiira mukuffa kwamwei?
\v 4 Nitwabatizibwe, twazikibwe amwei naye, nko kristo niyayimboirwe omu baffu olwa kitinisya ekya oito wamwei, nimwo ni tutyo neiswe tutamburenge omu bwomi obuyaaka.
\v 5 Kubba nga twageitibwe amwei naye omu kuffa kwamwei, era tuligeituibwa amwei naye no mukuyimbolwa kwamwei
\v 6 Tumeite nti omuntu weiswe oweire yakomeireirwe amwei naye, omubiri ogwa kibbi gulyoke guzikiriziibwe, tuleme okubba mwona abeiru ba kibbi.
\v 7 Kubba affiire abba takyafugibwa kibbi.
\v 8 Naye oba nga twafiiriire amwei no kristo, era tukwiikiiriiza nga tulibba bomi amwei naye.
\v 9 Tumeite nti nga O' kristo niyamare okuyimbolebwa omu baffu takya ate; okuffa tekukyamufugga.
\v 10 Kubba okuffa kwamwei yafiire okuffa oku kibbi omulundi gumwei, naye obwomi bwalina, ali nabwo edi Onyamwanga,
\v 11 Nimwo nanywe mutyo mwerowozenge okubba abafiire oku kibbi, naye obwomi edi Onyamwaga Kristo Yesu.
\v 12 Kale ekibbi kiremenge okufugga omu omubiri gwanywe oguffa, ne mugondera okwegomba kwagwo.
\v 13 Temuwangaayo bitundu byanywe edi ekibbi okubikolesya obutali bwikiiri; naye mwewengeyo edi O' nyamwanga, nka boomi abazwa omubaffu, ne bitundu byanywe okuba ebyakukolesya obwikiiri edi O'nyamwanga.
\v 14 Kubba ekibbi tikyabenge mukama wanywe; kubba amateka tinigo gabafugga, naye ekisa.
\p
\v 15 Kale tukole tutyei? Tukolenge ekibbi, kubba amateka tinigo gatufugga, wabula ekisa? Mbbe nakadyoli!
\v 16 Temumeite nga gwe mwewa okubba abeiru, mubba beiru booyo gwe muwuura, oba obakibbi okuleeta okuffa, oba obakuwuura okuleeta obwikkiri?
\v 17 Naye O'nyamwanga yebalibwe, kubba nnywe abali abeiru aba kibbi, mwawuuliire nomutima gwanywe gwonna, ebyo ebiri omu nyegessya gye mwaweibwe.
\v 18 Kale nimwaweibwe eddembe okuzzwa omu kibbi, mwafukiire beiru aba bwikiiri.
\v 19 Mbbazza omubantu olwa bunakki obwa mumibiiri gyanywe, kubba nimwawangayo ebitunddu byanywe okubba abeiru edi obwa mawanga nedi obujeemu, okujemanga, mutyo ni naati muwengeyo ebitunddu byanywe okubanga abeiru edi obwikiiri obotukuziibwa.
\v 20 Kubba nimwabanga abeiru aba kibbi, mwabanga ba ddembe edi obwikiiri
\v 21 Kale bibala byemulinna omubiro bidi ebya bigambo ebibakwatisya ensonni ati buunni? Kubba enkango yaabyo kuffa.
\v 22 Naye ati buuni nimwaweibwe eddembe okuzzwa omu kibbi, nemufukka ebeiru aba Nyamwanga, muliina ebibaala byanywe olwa kweruuka, nenkango bwomi obutawawo.
\v 23 Kubba nga ensasuulwa eya kibbi kuffa, naye ekisembo kuzzwa ewa Nyamwanga bwomi obutawawo omu Kristo Yesu omukama weiswe.
\c 7
\cl Essula 7
\p
\v 1 Oba temukumanya, abamukaggo kubba nkukoba abategeera amateka nga amateka gafugga omuntu engeri nali omwomi?
\v 2 Kubba omukazzi afugibwa eibamweinga akyali mwomi, naye eibamwei naffa nga asindabulibwe omu mateka agei bamwei.
\v 3 Kale nimo eibamwei nga akyali mwomi nalibanga nomuseizza owondi, yetebwanga mweenzi, naye eibamwei naffa nga asindabulibwe edi amateka, era nga afumbirwe omuseizza owondi olwa abba ti mwenzzi.
\v 4 Nimo kityo, abaganda bange, era mwafiire oku mateka olwa mubiiri ogwa Kristo, mubbe nogundi, niye oyo eyayimboleibwe omu baffu leke tubarenge O' nyamwanga ebindi.
\v 5 Kubba netwabanga omu mubiiri, okwegomba okubbi, okuliwo lwa mateka kwakolaanga omu bitunddu byeiswe no kubarwanga okuffa ebindi.
\v 6 Naye ati buuni twasindabulibwe omu mateka, ni twafire oku ekyo ekyabanga kitufugga, tuleme okuwerezza omunyukutta ezeire, naye tuwerezze omu bwomi obuyaaka obwa mwoyo
\p
\v 7 Ale twabazza tutye? Amateka nikyo kibbi? Mbbee nakadyooli! Naye tinalitegeire kibbi, wabula omu mateka, kubba tinalitegeire kwegomba, singa amateka ga tabaziire nti,” Tewogombanga”
\v 8 Naye ekibbi nikyabweine omukiisa omu mateka, kyaltere okwegomba omu njje okwa ngeri yonna. Kubba awatabba mateka ekibbi nga kifiire.
\v 9 Nanjje eire nabanga mwomi awatali mateka, naye ekiragiiro nikyeiziire, okusiisa no kuyimbolebwa, nanjje nenffa;
\v 10 Nekiragiiro ekyali ekyakuleta obwomi, ekyo ne kiboneka gyendi nga ekyakuleeta okuffa.
\v 11 Kubba ekiibbi ni kybweine we kikusinziira olwa kiragiiro, nekimbeyegga, era olwa kiragiiro nekinyitta.
\v 12 Nimwo kityo amateka ageikiriiri, ne kiragiiro ekikiiri, ekya mazima, era ekisei.
\p
\v 13 Kale ekisei kyaleteere okuffa jjendi? Mbee nakadyol! Kyali kibbi ekyaleteere omu omu njje nga kukwakala omu kisei, omungere nti ekibbi ekyo kirangibwa okubba ekibbi, era okwakala omu kiragiiro nfukke omusiisi ddaladala.
\p
\v 14 Kubbba tumeite nga amateka ga mwoyo; naye njje ndi wamubiiri natundibwe okufugibwa ekibbi.
\v 15 Kubba kyenkukoola, tenkimeite, Kubba kyenyendya tinikyo nkoola; naye kyenkyaawa nikyo nkola.
\v 16 Naye obba kyentayendya nikyo nkoola, nyikiiriiza amateka gasei.
\v 17 Kale ati bunni tininjje akikoola era, wabula ekibbi ekikala omu njje.
\v 18 Kubba mmeitte omu njje niggwo omubiiri gwange, temwikora kisei; nkuwuura nga nkwendya kukola ekisei.
\v 19 Kubba kyenkwendya ekisei tinkikola, naye kyentakwendya ekibbi nikyo nkola.
\v 20 Naye obba nga kyentakwendya nikyo nkola, tininjje akikola ate, wabula ekibbi ekikala omu njje.
\v 21 Nimwo kityo mbbonna eitekka nti, njje nemba nkewedya okukola ekisei, ekibbi kibba ampi nanjjje.
\v 22 Kubba nsemererwa amateka aga Nyamwanga omu muntu owa mundda omu njje.
\v 23 Naye mbbonna eiteka erindi omu bitundu byange nga likulwana neiteka elya magezzi gange era nga likundetta omu kufugibwa ansi weiteka elya kibbi eiiri omu bitundu byange.
\v 24 Njje nga ndi munttu munnakku! Nani alindokolo omu mubiri ogwa kuffa kunni?
\v 25 Nkwebalya Onyamwanga okwa bwa Yesu Kristo weiswe. Kale nimo kityo njje njjenkei omu magezzi ndi mwiru wa mateka ga Nyamwanga, naye omu mubiiri wa tekka elya kibbi.
\c 8
\cl Essula 8
\p
\v 1 Kale aati tibaaliku musango abaali omu Krisito Yesu.
\v 2 Kubba eiteeka erya mwoyo ogwa bwomi omu Kristo Yesu lyanfiire oweiddembe nirinyiya omwiteeka erya kibbi ne ryakuffa
\v 3 Kubba Onyamwaga yakoore amateeka kye gatayizza kukoola kubba ganakki olwa mubiiri, niyatumire omwana wamwei ye omukifanaanyii kya mubiiri gwa kibbi leke aale asare omusango omu mubiiri.
\v 4 Obwiikiiri bwa mateka bwikiiriire omiswe abatatambula kusengerya mubiri, wabula abakusengerya omwoyo.
\v 5 Kubba abasengerya omubiri balowooza mubiri, naye abasengerya omwoyo balowooza bya mwoyo.
\v 6 Kubba okulowooza okwa mubiri nikwo kuffa, naye okulowooza okwa mwoyo nibwo bwomi ne mirembe.
\v 7 Kubba okulowooza nibwo bulabe edi O' nyamwanga; kubba tegufigibwa mateka ga Nyamwanga era nokusolabola tegakusoboora kakyarumwei.
\v 8 Naabbo abali omu mubiri tibayinza kusemerya Nyamwanga.
\v 9 Naaye nywe temuli omu mubiiri, wabula omu mwoyo, niyabanga daala omwoyo gwa Nyamwanga eikara muninywe. Naye omuntu natabba namwoyo gwa Kristo oyo tiwamwei.
\v 10 Naye okristo niyabba nga ali muninywe, emibiiri gyanywe yadde neziffa olwa kibbi emyoyo gyanywe kibba gyomi olwabwikiiri.
\v 11 Naye obba omwoyo ogwoyo eyayimbokyerye O' Yesu omu baffu eikara omunywe, oyo eyayimbokyerye Kristo Yesu omu baffu, era nemibiri gyanywe egiffa aligiffula egyomi oku lwa mwoyo gwamwei gwikale omwinywe.
\p
\v 12 Kale ni abaluganda, tulinna eibaanzza: omubiiri tenigwo ogutubanjja, okusengeryanga omubiri.
\v 13 Kubba nimwasengerya omubiri, mukwaba kuffa, naye nimwafikiisyanga ebilolwa ebya mwoyo olwa mwoyo, mulibba boomi
\p
\v 14 Kubba bonna abemberwa omwoyo wa Nyamwanga, abbo nibo banna ba Nyamwanga.
\v 15 Kubba timwaweireibwe ate mwoyo ogwa bwiiru okutinna, naye mwaweireibwe omwoyo owakufuuka abaanna, gwe twetta nti, “Aba! oitoweiswe
\v 16 Omwoyo okenyinni amwei no mwoyo gweiswe ategeezza nga tuli baanna ba Nyamwanga.
\v 17 Nga nituli baanna, era tuli abaasika, abaasika ba Nyamwanga era abaasikiira amwei no Kristo; netubonerabonera amwei, era leke tuwerwe amwei ekitinisya.
\p
\v 18 Kubba engeri okubonabonna okwa u biiro binni ebyati tekukwenkanankana na kitinisya ekikwa okutuswekuurwa.
\v 19 Kubba ebitonde byonna biboonna nga bikwesunga okuswekurwa okwa baanna aba Nyamwanga.
\v 20 Kubba ebitonde bikwisanna ebitaliina mugasso, tilwakwendya kwabyo wabula oku lwoyo eyatakire bibbe bityo omu kusubiira.
\v 21 Kubba era nebitonde ebyenyinni byonna bireweebwa eiddembe okuzzwa omukufuugibwa okujjundda okwingiira omu ddembe erya kitinisya ekya bbanna ba Nyamwanga.
\v 22 Tumeite nga ebitonde byonna bitinda era birumwa amwei okwikyaa aati.
\v 23 Era tibitonde byonkei, naye era neiswe, abalina ebibaala ebyasokeere ebya mwoyo, era neiswe tutinda omunda yeiswe, nga tukulindirya abaanna, nikwo okununulibwa okwa mubiri gweiswe.
\v 24 Kubba twalokekeere olwa kusubira, naye ekisubirwa ekiboneka tikusubira, kubba nanni asubiira kyakubonakk?
\v 25 Naye nitusubiira kyetukubonaku, tukirindiirya no buguminkiriiza.
\p
\v 26 Era nimwo kityo Omwoyo atuyamba omubunaki bweiswe; kubba tetumeite kusaba nka ni kitusaanira naye omwoyo kenyinni atwegaira no kutinda okutabazika.
\v 27 Naye akebera emyoyo ameite okulowooza kwa mwoyo nka nikuli, kubba awozera abeikiri nko Nyamwanga nayendya.
\p
\v 28 Era tumeite nti eddi abbo abendya Onyamwanga era abeteibwe nko kutesa kwamwei nikubba, ebintu byonna abibakora amwei oku lwabusei.
\v 29 Kubba abbo bonna beyameite eire era yabawiire erei okubeisanisya eya mwanna wamwei, abenge akusooka omu bamukaggo abeingi
\v 30 Era abbo beyaawiire eirei abbo era, yabetere, era beyaweire obwikiir, ekitinisya.
\p
\v 31 Kale twabazza tutyei okwe byo? Onyamwanga nabba okulweiswe, omunyaziiguweiswe niye nanni?
\v 32 Atagganna mwanna wamwei y, naye namuwaayo okulweiswe swenna, era talitugabiira bintu byonna amwei naye?
\v 33 Nanni aliloopa abalondebwe aba Nyamwanga? Onyamwanga abbawa obwikiiri;
\v 34 Nanni alibasara omusango? Kristo Yesu eyafiire, obba okusinga eyayimbonkere, ali omukonno ogulyo ogwa Nyamwannga, era atuwoozeera.
\v 35 Nanni alitwaula no kwendya okwa Kristo? Kubona nnakku, oba kulumibwa, oba kuyiigibwa, oba nzzala, obza kubba bwereere, oba kabbi, oba kyabwoggi?
\v 36 Nka nikyawandikibwe nti, “Tutinibwa obwire okusweka, Twabalibwe ke ntamma ezakusalibwa”
\v 37 Naye omwebyo byonna tuwangwire nokusingawo okulyoyo eyatwenderye.
\v 38 Kubba ntegereire kakyarumwei nga nowankubeire okuffa, wadde obwomi, wadde abamalayika, wade abaffuggi, wadde ebiriwo, wadde ebikwaba okubawo, wadde amanni.
\v 39 Wadde okugulumira, wadde okwabba ansi, newankubeire ekitonde kyonna ekindi, tibyayinzenge kutwawuula nakwendya kwa Nyamwanga, okuli omu Krisito Yesu omukama weiswe
\c 9
\cl Essula 9
\p
\v 1 Nkusimoolo amannanu omu kristo, tinkubeyega, omwoyo nigwo mujjurwa omu mwoyo ogwikiiri.
\v 2 Nga nninna obujjune bwingi nokulumwa okutakuwawo omu mutima gwange.
\v 3 Kubba nandyenderye njje mwenyinni okukolimibwa O' Yesu Kristo olwa baganda bange abakiika ccange omumubiiri.
\v 4 Aba Isiraeri abaweibwe okufuuka abanna, ne kitinisya neiraganne, nokuwebwa ebiragiro nokuwerezzangga O'nyamwanga, nebyasubiziibwe.
\v 5 Abalinna Abazzuizza bwabwe, era omwazwire O'kristo omu mubiri affuga byonna, On'yamwanga atendebwe emirembe joona. Aminnza!
\p
\v 6 Nye tikubba nga ekigambo ekya Nyamwaaanga kikuzwawoo. Kubba abazzwa omu Isiraeri tiba Isiraeri bonabonna.
\v 7 Naye tikubba nga nilwo lubyalo olwa Ibulayiimu nikyom bazzwa babba abanna bonna; naye, “omu Isaaka olubyalo lwamu nimwo lwayakaraanga.
\v 8 “Nikwo kukoba nti abanna bamubiri abo tinibbo banna ba Nyamwanga naye abanna aba kusuubiza nibbo babalwa okubba ebyeire.
\v 9 Kubba ekigambo kinni nikyo kyakusubiza nti “Nkebisera ebyo ebiri ndiizza, no Salaa alibba nomwanna.”
\v 10 Naye tenikyo kyonkei; era naye no Lebeeka neyalinna enda eyomwei, Isaaaka ozizza weiswe,
\v 11 Kubba nga bakyali kubyalibwa, era nga tebakokoore kisei oba ekibbi, okutesa okwa Nyamwanga omu kukomya kulyoke kugume, tikulwabikilebwa wazira oku lwoyo akwetta.
\v 12 Nakobebwa nti, “omukulu alibba mwiru wa mutto.”
\v 13 Nkabwe kyawandikibwe nti, “O'yakobo namwendya naye Essawu namuccawa.”
\p
\v 14 Kale twabazza tutyei? obutali bwikiiri buli wa Nyamwanga? mbe nakadyoli.
\v 15 Kubba akoba O'musa nti “Ndiganyira gwe ndiganyira, era ndikwatirwa ekisa gwe ndikwatirwa.”
\v 16 Kale nimwo kityo tilwakwendya kwa muntu oba olwa kufuba kwamwei, naye lwa kuganyira kwa Nyamwanga.
\v 17 Kubba ebyawandikibwe bikoba nti O'falaawo nti “nikyo nzwire nkulekewo we ndyoke nkulange amaani gange era eibara lyange riryoke ribulirwenge omunsi zoona.”
\v 18 Kale nimwo kityo aganyira gwakwendya okuganyira era nakakanyalya gwakwendya okukakanyalya.
\p
\v 19 Kale wankoba nti, “O'nyamwanga kiki ekikumunnesya era?” kubba naani akanja byakwendya?”
\v 20 Naye ekikusinga, we omuntu niiwe naani akuwakanna no Nyamwanga? Ekibumbe kirikoba eyakibumbire nti “kiki eccakumbumbisirye oti?”
\v 21 Oba omubumbbi taina buyinza kubumba, omukitole ekimwei okubumbamu ekigwata eccakitinisya, nomukindi ektali cakitinisya?
\v 22 Kale lwaki, oba nga O'nyamwanga nimwo yenderye okulanga obusungu bwamwei nokumanyisya obuyinza bwamwe, yagumikiriize no kulindirya omuno ebigwatta byabusungu ebyatekeirwetekeirwe okuwawoo?
\v 23 Alyoke amanyisye obugeigei obwa kitinisya ccamwei okubigwatta ebyakuganyirwa, bye yatekeiretekeire eire ekitinisya?
\v 24 Ebigwatta ebyo niye iswe, nokweta beyeetere timu Bayuudaaya bonkei, era no mubamawanga?
\v 25 Era nkabwabazza omu Koseya nti ndibeeta abantu bange abataali, bantu bange era noyo atayendeibwe, ndimweta ayendebwe.
\p
\v 26 Awo omukikaaro ceebakoberwangamu nti nywe temuli bantu bange; nimwo balyeter
\p
\v 27 Era O' Isaaya abazira eiguru ebya Isiraeri nti, “wadde nga omuwendo gwabanna ba Isiraeri obba gulibba komusenyi ogwa nnyanjja naye kitundu butundi nikyo kilokooka,
\v 28 Kubba omukama alikola ekigambo ccamwei omunsi nga akwikiirya era nga akisalaku.”
\p
\v 29 Era nko Isaaya neyasookere okusimoola nti,” singa omukama oweiye teyatulekeirewo lubyalo, twandibeire nko Sodomu era twandiseine Ggomola.”
\p
\v 30 Kale twabazza tuyei? Nti abamawanga abataasengeryanga bwikiiri beikire okubwikiiri, nibwo obwikiiri obuzzwa omu kwikiiriiza.
\v 31 Naye Isiraeri, omukusengeryanga ebiragiro ebya bwikiiri, teyeikire oku mateka gadi
\v 32 Lwaki? kubba tebabusengeryanga nga bakusinziira omukwikiriiza wabula nga mu bikolwa. Nga bakwokoona okwibale eryo eryekwonebwakku,
\v 33 Nka bwecaawandikibwe nt, “Bona, nkuteka omu Sayuuni eibale eryakwekonakku no lwazzi olulibanagga; Era eikiriiza oyo talikwatwa nsoni.”
\c 10
\cl Essula 10
\p
\v 1 Abaluganda kye nkwendya omu mutima gwange era kyenkusaba O'nyamwanga okulwabwe nikyo kinni, balokooke.
\v 2 Kubba mbetegereize nga balina okunyinkiira O'nyamwanga naye ti mu kutegeera.
\v 3 Kubba nebatamanya bwikiiri bwa Nyamwanga, era ne bagezerekku outerezza obwikiiri bwabwe bbo benyinni, tebagondeire bwikiiri bwa Nyamwanga.
\v 4 Kubba O'kristo niye nkango yamateka olwakuwesya obwikiiri buli eikiiriiza.
\p
\v 5 Kubba O' Musa awandika nti, “omuntu akola obwikiiri obuzzwa omu mateka alibba mwomi omu bwo.”
\v 6 Naye obwikiiri obuzzwa omu kwikiiriiza bubazza buti nti, Tobazanga omu mutima gwamu nti, “Nanni alyema omwiguru? Okwo nikwo kuleta O'kristo ansi.
\v 7 Newankubeire nti, “Nanni alyabba emagombe? Okwo nikwo kininisya O' Kristo okuzzwa omu baffu.
\v 8 Naye bubazza butye? Nti, “ekigambo kiri ampi nawwe, omu munwa gwamu no mutima gwamu, nikyo kigambo ekya kwikiiriiza kutwegesya.
\v 9 Kubba noyatula O' Yesu nga niye mukama nomunwa gwamu, noyikiriiza omu mutima gwamu nti O' Nyamwanga yamuyimbokerye omu baffu, alilokooka.
\v 10 Kubba omuntu eikiriiza no mutima gwamwei okuwebwa obwikiiri, era ayatula no munwa gwamwei okulokooka.
\v 11 Kubba ebyawandikibwe bibazza nti, “Buli amwikiiriiza talikwatibwa nsonni”
\v 12 Kubba ndoowo njawulo ya Muyuudaaya no Muyoonaani; omukama wabwe bonna niye omwei, era awa obugeigei edi abbo bonna.
\v 13 Kubba alyetta eibara lya mukama alilokooka.
\p
\v 14 Naye balyetta batyei eibara elya gwe bateikiriiza? Era balikiiriiza batyei gewbakyali kuwuurakku? Era baliwuura batyei awatali akubakobera?
\v 15 Era balisomesya batyei nga tebatumibwe? Nka bukyawandikibwe nti, “Amagulu gabwe nka gasei abbo abaleta ebigambo ebisei!”
\v 16 Naye bbonna tebagondeire njjiri. Kubba Isaaya abazza nti, “Mukama nanni eikiriize ekigambo kyeiswe?”
\v 17 Kale okwikiiriiza kuzzwa mwekyo ekiwuulibwe, nekiwulibwe kizzwa mugwegesya Kristo.
\p
\v 18 Naye nkubulya, tebawuuranga? wewawo, omubutuffu, bawuuranga kubba, “Eyiraaka lyabwe lyawuulibwe omunsi zona nwbigambo byabwe okiikwa okunkango zensi.
\p
\v 19 Era mwonna te nkubulya, Isiraeri tantegeranga? O' Musa niye yasokere okubazza nti, “Nbibakwatista obwiiya edi abbo abatali eyanga. Era eiyanga eritalinna magezzi ndibasunguwalya”
\p
\v 20 Era Isaaya aguma munno nabazza nti, “Navumbulibwe abo abatatolyanga,” nerangiire edi abo abatambuliryangakku.
\p
\v 21 Naye eddi Isiraeri abazza nti, “Obwiire okswekka nagolora emikono gyange abantu abamputtu era abatawuura”
\c 11
\cl Essula 11
\p
\v 1 Kale nkubulya, O'nyamwanga yegeine abantu bamwei? Mbe nakadyoli! Nanje kenyinni ndi Muisiraeri, owa me ibyere lya Ibulayimu, owa mu kika kya Benyaminni.
\v 2 O'nyamwanga taganangga bantu bamwei beyameite eire. Oba temumeite ebyawankibwe oku Eriya nebibazza, oku ngeri gye yasabire O'nyamwanga oku Baisuraeri?
\v 3 “Mukamma, beitire abanabbi bamu, nebamalawoo ebyotto byamu, era ninjje asigeirewo njjenkei, era bakutolya obwomi bwange.”
\v 4 Naye O'nyamwanga yamwiremu nti, “Njje nekumiire abaseizza kasanjju (7,000), abatafukamiriraanga Baali.”
\v 5 Kale nimwo kityo era nomubisera bini waliwo ekitundu ekyafiikirewo abalondeibwe olwa kisa.
\v 6 Naye nikibanga lwa kisa, olwa kibba nti ti lwabikolwa; kubba olwo ekisa kibba tekikyali kisa.
\p
\v 7 Kale tukole tutyei? Isiraeri yalemereirwe okufunna kye yali akutolya, abalondebwe bakibbonna ate abandi bakakanyizibwe.
\v 8 Ngeri nikyawankibwe nti,” O'nyamwanga yabaweire omwoyo ogwa kuwoloobala, ameiso aga batabbonna, namatwi aga batawuura, okwiika oku lunaku lwaleero”
\v 9 Era O' Dawuudi abazza nti, “Emeenzza yabwe kebafukirre akateggo amwei nakitimba, Nekikonge ne nensasula gyebali.
\q
\v 10 Ameiso gabwe gasikirizibwenge obutabonia era obakutamyenge emigonggo gyabwe emirembe gyona.”
\p
\v 11 Kambulye, “bamala kwekonna ne balyoka nebaggwa?” Mbe nakadyoli. Naye olwa kusiisa kwabwe obulokole nikyo bweizire edi abamawanga, abba Isiraeri bakwatibwa obwiiya.
\v 12 Naye oba nga okusiisa kutegezza bugeigei bwa nsi, nokulebwa kwabwe kutegezza bugeigei edi abamawanga; okwikiira kwabwe tekulisinga munno?
\p
\v 13 Ati bunni nkubazza nanywe abamawanga, Kale njje olwakubba nta mutumibwa wamawanga ngulumizza okuwereezza kwange.
\v 14 Ndyoke nkwatisya A' Bayuudaaya abeira bange obwiiya ntyo ni ndokole abamwei okubbo.
\v 15 Kubba oba okuganna kwabwe kutegezza kutabaganya nsi, okusemberebwa kwabwe kutegezza ki, okuyakku obwomi okuzzwa omubaffu?
\v 16 Era ebibala ebikusooka nebibba ebikiiri ne kitole kibba kikiiri, era nekikolo nikibba ekikiiri, era namatabbi gabba geikiiri.
\p
\v 17 Naye oba nga amataggi agamwei gamenyebwakku nawe eyaali omuzeituunni ogwa mukisiiko, nosimbibwa omukiffo kyagwo, ogabanne okubugeigei obwa muzeituunni,
\v 18 Tewenyumirizanga oku mataggi ago. Niwabanga wenyumiriza, ezzukira nti tiniwe akwatiira ekikolo, naye ekikoolo nikyo kikuwaniira.
\v 19 Kale wabazanga nti, “Amataggi gamwnyabwekku njje nsobole okusimbibwakku?
\v 20 Weewawoo; gamenyeibwekku olwa bwiteikiiriiza, nawe ogumire lwa kwikiiriiza; Tewegulumizanga, naye tinanga.
\v 21 Kubba oba nga O'nyamwanga tiyasasiire mataggi aga bubyale, era nawe talikusasiira.
\p
\v 22 Kale bona obusei nobwanddi bwa Nyamwanga, eddi abagwa, bwandi; naye eddi we busei bwa Nyamwanga, niwabanga omusei bwamwei, naye niwatabenge omubwo, nawe watemebwangakku.
\v 23 Era naabo, nibatiliremera omu butakwikiiriiza kwabwe baliyungibwa okukikoolo, kubba O'nyamwanga ayiinza okubayungakku mwona ate.
\v 24 Kubba obba kaawe watemeibwekku oku muzeituunni ogwali ogwa mukisiiko omububyale, nosimbibwa omu muzeituunni ogusei obutasengerya bubyale, abo ababubyale tebalisinga munno kusimbibwa omu muzeituunni gwabwe bo?
\p
\v 25 Kubba tinkwendya nywe, abaluganda, obutamanya kyamma kinni, mulemenge okubba abamagezzi omu meiso ganywe nywenkei nga obukakanyali bwabeire oku Baisiraeri, okwikya Abamawanga nibalikka oku kwikiiri kwonna.
\v 26 Era nimwo kityo, Abaisiraeri bona balilokooka, nke bwekyawankibwe nti, “Omununuuli alizzwa mu Sayuunni; aliyawo obutatiina Nyamwanga omu Yakobo.”
\p
\v 27 Era enni niyo ndaganno yange nabbo, nendibayakku ebibbi byabwe.”
\p
\v 28 Okusinziira omu njjiri, baziggu ba Nyamwanga oku lwanywe; naye okusinziira omu kulondebwa, bayendyebwa oku lwa bazzizza babwe.
\v 29 Kubba ebisembo nokwetta kwa Nyamwanga tebikyusibwa.
\v 30 Era nkeirei nimwali abajjeemu edi O'nyamwanga, nayi ati musasiirwe olwa bujjeemu bwanywe.
\v 31 Nimwo batyo bonna ati bunni bajjeemu, balyoke basasiirwe nka nywe ni mwasasiirwe.
\v 32 Kubba O'nyamwanga yasibire abantu bonna omu bujjeemu, leke asasiire bonna.
\p
\v 33 Obunyamuleyi obwa bugeigei nobwa kumanya kwa Nyamwanga tomeite nebuli, emisango gyamwei nga tegikeberekekwa ne nziira zamwei nga tegizulibwazulibwa!
\v 34 “Kubba nanni ayali ategeire ebya mukama? Obba nanni yali amuweire amagezzi?
\v 35 Obba nanni eyali amuweire ekisembo leke amwirirye?”
\p
\v 36 kubba byonna bizzwa gyali, era byakala gyali era bikka gyali. Ekitinisya kibenge gyali emirembe gyona. Amiinza.
\c 12
\cl Essula 12
\p
\v 1 Nikyo nzwire nimbeegayire, abaluganda, olwa kusasiira kwa Nyamwanga okuwangaayo emibiri gyanywei, esaddakka ejjoomi, ejjikiiri, esemerya O'nyamwanga, niko okuwereezza kwamwei okwa magezzi.
\v 2 Kale temumanyisibwanga nke mirembe ginni; naye mukyusibwenge olwakufuula amagezzi ganywe agayakka, mulyoke mutegere ebyo O' nyamwanga byayendydya, ebisei, ebisemerya era ebituffu.
\p
\v 3 Olwa kisa kinaweibweibwe, mbegayiira buli omwi okunywe aleme okwerowooza ne kimusanira nga akwegenderezza, nka O'nyamwanga niyalagire buli muntu ekigero ekya kwikiiriiza.
\v 4 Kubba nke bwetulina ebitundu ebingi omu mubiri ogumwei, naye ebitundu tebirinna mulimu gumwei.
\v 5 Nimwo kityo iswe abengi tuli omubiiri gumwei omu Kristo, nabuli omuntu tuli ebitundu ebya beira beiswe iswenkei na iswenkei.
\v 6 Era nke tuliina ebisembo ebitenkanankanna nke ekisa kyetwaweibwe nekiri, tubikolesyenge tutyo, obba bulangi, tubulirenge omu kipiimo ekya kwikiiriiza kweiswe.
\v 7 Obba kuwereezza, tunyinkirenge omu kuwereezza kweiswe; obba kwegesya, anyinkirenge omu kwegesya kwamwei.
\v 8 Abuliriira, anyinkirenge omu kubuliiriira kwamwei; agabba, agabenge awatali kusosoola, afugga, afugenge nokwetegerezza munno, noyo asasiira, asasiirenge nokusemerwa.
\p
\v 9 Okwandya kubenge kwa manannu. Mukyawenge obubbi, mugumirenge oku kisei.
\v 10 Mwendyanganenge nokwendya okwa bwamukaggo, nga musukiriire omu okuwanganna ekitinisya.
\v 11 Mube banyinkiivu ti bagayavvu. Nga muli basemeeri omu mwoyo; nga mukuweerezza Omukama weiswe.
\v 12 Musemerwenge omu kusubira, munyinkiirenge omu kusaba.
\v 13 Mugabirenge abeikiiri byebakwendya. mwanirizenge abagenyi.
\v 14 Musabirenge ababayiiganya; mubasabirenge, naye temukolima.
\v 15 Muserwenge nabbo abakusemerwa, mukungenge amwei nabbo abakukuunga.
\v 16 Mubenge omu mirembe nywenkei na nywenkei. Temwegulumizaanga, naye mukoleganenge nabbo abatalina bukuulu. Temubanga bamagezzi omu mweiso ganywe nywenkei.
\v 17 Temuwalananga muntu kibbi olwa kibbi. Mwetegekenge okukoola ebisei omu meiso ga bantu bonna.
\v 18 Obba nga kikusoboka oku ludda lwanywe, mutabaganenge na bantu bonna.
\p
\v 19 Temuwalananga nywenkei, abendebwa, akiiri muzwerenge obusunggu. Kubba kyawandkibwe nti, “Okuwalaana kwange; njje ndisasuula, nimwo abazza; Omukama.”
\v 20 Naye, “omuzziggu wamu nalilumwa enzaala mulisyenge, nalilumwa enyontta, muwenge ekya kunywa. Kubba niwakolanga otyo, olimukumira amanda amandda gamurro okumutwe gwamwi.”
\v 21 Towangulwangga bubbi, naye wangulangga obubbi olwa busei.
\c 13
\cl Essula 13
\p
\v 1 Buli muntu awurenge abakuuli abakulemberra, kubba nddowwo bukulu obutazzwa ewa Nyamwanga, nabakuulu abaliwo batekebwawo Nyamwanga.
\v 2 Awakania obukuulu nikyo azzwa awakania okulagiira kwa Nyamwanga, era ababbawakania balyeretakku omusango bbo bonkei.
\v 3 Kubba abakufuugga tibakutinisya abbo abakola ebisei, wabula abbo abakola ebibbi. Era oyendya obutatiina mukuulu? Kola obusei, alikusiima.
\v 4 Kubba niye omuweerezza owa Nyamwanga edi we olwa busei. Naye nokola obubbi, tiina, kubba takwatira bwereere kyembe, kubba ye muwereezza wa Nyamwanga, awalanna obusuunggu okwo'yo akola obubbi.
\v 5 Nimwo kityo kibasaniire okuwuura, ti lwakwewala busuunggu bwa Nyamwanga bwonkei, naye era okulwa mwoyo gwanywe.
\v 6 Era nikyo muzwiire nanywe nemuwa omusolo. Kubba nibbo bawereezza ba Nyamwanga, nga bakujjumbira omu mulimu ogwo.
\v 7 Musasulenge bonna amabanzza gabwe, aba musoolo musolo, aba mppoozza mppoozza, aba kutiniibwa kutiniibwa, naba kitinisya kitinisya.
\p
\v 8 Temubanga neibanzza lyonna edi omuntu yenna. Wabula okwendyangananga, kubba ayendya omuntu omwira wamwei, eikiriirye mateka.
\v 9 Kubba amateka ganni nti, “Yendyanga omuntu omwira wamu nkebuwendya wenkei.”
\v 10 Okwendya tekukola kubbi muntu mwiraawo, okwendya nikyo kuzwiire nekwiikirya amateka.
\p
\v 11 Era mukolenge mutyo, kubba mumeite obwiire nga obwiire bwikire ati buni nywe okwimuka omutulo. Kubba ati buni obulokoozzi bweiswe buli ampi okusinga ni twiikiriizze.
\v 12 Ebisera byakeire, obwiire bwatera okukya, kale twambulibwe ebikolwa bya ndikikiirya, era tuzwale ebya kulwanisya ebyeisanna.
\v 13 Tutambulenge nga tuwomere nka bali omwisanna, ti mwi bintimo nomu mbagga ezakutamiira, ti mubwenzzi, timukulwanaganna no bwiiya.
\v 14 Naye muzwaale Omukama weiswe Yesu Kristo ate temutegekeranga mubiri olwa kwegomba.
\c 14
\cl Essula 14
\p
\v 1 Naye ataali mukakaati omukwikiiriiza musemberenge, naye temumusaranga musango olwansonga ezikubuusibwabusibwa.
\v 2 Owondi asiima nokulya nalya byonna, naye ataali mukakaati alya mukubo gwonkei.
\v 3 Aalya tanyomanga atalya, era atalya taasaranga musango aalya, kubba O'nyamwanga yamusemberye.
\v 4 Niwe naani asaara omusango omuwereeza wa bayiira bamwei? Omukama wamwei yeenkei ayemeera oba nagwa. Naye alyemeera, kubba Omukama weiswe ayinza okumwemeerya.
\p
\v 5 Omuntu owoondi alowooza olunaku lumwei okusinga olundi. Owoondi alowooza enaku zonna okwenkanankana. Buli muntu ategere omu magezzi gamwe yeenkei.
\v 6 Alowooza olunakku, alowoozza kulwa Mukama weiswe; noyo aalya aalya kulwa Mukama weiswe kubba yebalya Nyamwanga, noyo aatalya, talya kulwa MUkama era yebalya Nyamwanga.
\v 7 Kubba nddowo muntu omwiswe abba mwomi oku lwamwei yeenkei era nddowa eyefiira oku lwamwei yenkei.
\v 8 Kubba nittubba boomi, tubba boomi kulwa Mukama weiswe, obba netuffa, tuffa kulwa Mukama weiswe, kaale netubba aboomi obba netuffa tubba ba Mukama weiswe.
\v 9 Kubba O'kristo nikyo yazwire affa nabba mwoomi, alyoke abenge Mukama wa baffu era naboomi.
\p
\v 10 Naye we kikki ekikukusarya omusango omugandaawo? Obba weena kikki ekikukunyomesya omugandaawo? Kubba iswenaswena tulyemeera omu meiso ga ntebe eya misango eya Nyamwanga.
\v 11 Kubba kyawandikibwe nti,” nke bwendi mwoomi nimwo akubaza Omukama buuli kujwi kulinfukamiriira, era buuli lulimmi lulitendereza Nyamwanga.”
\p
\v 12 Kale nimwo kityo buli muntu omwiswe alibarwa omuwendo gwamwei yeenkei edi Nyamwanga.
\p
\v 13 Kale tulemenge okusaara baaira beiswe musango iswenkei na iswekei, naye akiiri musaale omusango guni, obutaleteranga owa luganda ebyakunyolwa obba enkonge.
\v 14 Mmeite era ntegereire kimwei Omukama weiswe O' Yesu nga nddowo kintu ekya muzizzo omu buwanga bwakyo wabula edi oyo akiroowooaza nga kya muzizzo.
\v 15 Kubba oba nko mugandawo naanyinkola olwa meere, nga tokyatambuura mukwendya tomusangangawo olwa mmere yamu oyoo O' Kristo niye guyafiriirire.
\v 16 Kale ekisei canywe kiremenge okuzumibwa.
\v 17 Kubba obukama bwa Nyamwanga tekulya na kunywa, wabula obwikiiri ne mirembe ne sanyu omu Mwoyo akwera.
\v 18 Kubba awereeza oku Kristo atyo asamerya muno O'nyamwanga nabantu bamusiima.
\p
\v 19 Kale nimwo kityo tusengeryenge ebyamirembe nebyakweyomokanga iswenkei na iswenkei.
\v 20 Tosisanga mulimu gwa Nyamwanga olwa meere. Byonna bisei, naye kyabanga kibbi edi oyo alya nga anyoorwe.
\v 21 Kisei obutalyanga nnyama wade okunuywanga omwenge wade okukolanga byona ebitinisya omuggandawo oba ebimugongerya oba ebimumalamu amanni.
\v 22 Okwikiiriiza kwolina, bbanga nakwo wenkei omu meiso ga Nyamwanga. Oyo alina omukiisa atasaara musango omu kigambo kya kwekakasa
\v 23 Naye oyo abusabuusa eirya omusango bwalya, kubba talya mukwikiriiza, nabuuli ekitazzwa omukwikiiriiza nityo kibbi.
\c 15
\cl Essula 15
\p
\v 1 Era iswe abalina amaani kitugwaaniire okwetiikanga obunaki bwaabo abatata namaani, naye tikwesanyusanga iswenkei.
\v 2 Buli omwei omwiswe asemeeryenge omwira wamwe omubusei olwakwombokebwa.
\v 3 Kubba era no Kristo tiyesemeryanga yenkei, naye nka nicaawandiikibwe, nti “Ebizuume byaabwe abakuzuumire byawereire ku niinje”
\v 4 Kubba byonna ebyawandikibwe eirei byawandikibwe kutweegesya tutyo omukuguminkiiriiza nolwakwiiribwaamu amaani tubbenge ne suubi.
\p
\v 5 Era O'nyamwanga wakuguminkiiriza no kusemerya abawerenge nywe okulowoozanga obumwei nnywenkei na nnywenkei omungeri ya Kristo Yesu.
\v 6 Mulyokenge muwerye O'nyamwanga ekitinisya, oito wa Mukama weiswe Yesu Kristo, nomwoyo gumwei neirakka limwei.
\p
\v 7 Ale musemberyenganenge nnywenkei na nnywenkei nko Kristo niyabasembeirye nywe olwa kitinisya cca Nyamwanga.
\v 8 Kuba mbbazza nti, “Kurisito yaali muweerezza wabaakomoleibwe olwa mazzima ga Nyamwanga, okugumya ebyasubiziibwe edi abazeiza beiswe,
\v 9 Era Abamawanga leke baweryenge O'nyamwanga ekitinisya olwa kusaasiira, nka nicaawandikibwe nti, “Nicco naazwanga nkutendereze omu bamawanga, era nayembanga okwi bara lyaamu.”
\v 10 Era mwoona akubazza nti, “musemerenge nnywe abamawanga, amwei nabantu bamwei.”
\v 11 Ate nera nti, “Mutenderezenge omukama, nnywe abamawanga, era ebika byona bimutenderezenge”
\v 12 Era mwonna O' Isaaya akubaza ati, “Waalibba ekikolo ca Yesu.” Era ayemeera okufugga abamawanga, omuniye nimo mwalibba essubbi lyabamawanga.”
\p
\v 13 Era O' nyamwanga owakusubira abeizulye nnywe okusemererwa kwonna ne mirembe olwa kwikiiriiza, m nnywe mwakaliryenge omu kusubira, omu maani gamwoyo ogwikiiri.
\p
\v 14 Era njeena ntegeire kaacimwe ebyannywe baganda bange, nga nnywena mwizwiire obusei, mwizwiire okwetejja kwoona, nga mukusobola nokubuulirangananga nnywwenkei na nnywenkei.
\v 15 Naye neyongeeire okuguma kadyooli okubawandiikira, nga nkubeizukiirya era, olwakisa cinaweibweibwe O 'nyamwanga.
\v 16 Njje okubbanga omuweereza wa Kurisito Yesu edi abamawanga nga nkuweereza omu bwakabonna enjjiri ya Nyamwanga, ssaddaaka ya bamawanga eryooke esimibwe nga ekutukuzibwa omwoyo ogutukuvvu.
\p
\v 17 Ale okwenyuminkiiriiza ndi nakwo omu Kurisito Yesu omu bwa Nyamwanga.
\v 18 Kubba tinaaligeezaaku kubaza kigambo coona okuleka O'krurisito bye yankoleserye olwa kuura kwa bamawanga, omu kigambo nomubikolwa.
\v 19 Omumaani aga mwoyo ogutukuvvu, kityo okuzwa omu Yeruusaalemi nokwetoolola okwiiza omu Iruliko, nabuuliira enjjiri ya Kurisito.
\v 20 Ntyo nkuruubiira okubuuliira enjjiri awoo eibara lya Kuristo nilitabazibweengekku, ndemenge okwomboka oku musinjji gwa muntu owoondi.
\v 21 Naye nke ni cawandiikiibwe nti, “Balibona abatakoberwanga bigambo byaamwei.” Era abatamuwuurangakku balyeteja entekateeka ya Pawuulo okuccara abe Ruumi.”
\p
\v 22 Era nico nazwaanga nzizibwa emirundi ezingii okwiiza jemuli.
\v 23 Naye ati bunni olwakubba tinkyalina kitunddu ekya kukoramu omunsi zini, era kubba okuzwa omu myakka zingi naali nkwendya okwiiza gye muli.
\v 24 Nkusubira okubobonaku nga nkwabba omu Supaniya era nokuunyamba nga nkwaaba omulugendo olwo.
\v 25 Naye ati nkwabba e Yeruusalem, okutwaara abeikiri obuyambi.
\v 26 Kubba abe Makedoni naba Akaya baasimiire okuweryayo ebintu edi abooro abamubatukkuvvu abali e Yeruusaalemi.
\v 27 Basimiire okucikola, era balina eibaanza jibali, kubba nkabanamawanga bagabana omukisa jja Bayuudaaya ejja mwoyo, bonna baseine okugabanna nabbo ebintu bya mubiiri.
\v 28 Ale ninaalimala eco, nimo nalibakwaatisya ebyo ebyaampeeweeibwe, naalizwaayo ni nnyakaara ewanywe okwabba e Supaniya.
\v 29 Era nkimeite nti ninaalizza jemuli ndizza nomukiisa gwa Kurisito nga gwikiriiriire.
\p
\v 30 Era mbegaayiiriire, abaluganda, okubwamukama weiswe O' Yesu Kurisito, nolwakwendya kwamwoy, okufubiraanga amwei nanjje omu kunsabira O'nyamwanga.
\v 31 Ndyoke mppone mwaaabo abatawuura omu Bayuudaaya nokuweerezza kwange kuntwaale e Yeruusalemi kusimwe abatukuvvu.
\v 32 Olwakwendya kwa Nyamwanga, ndyoke nnyize jjemuli nokusemerwa, mpuumuure amwei nanywe.
\v 33 Era O'nyamwanga wamirembe ne mirembe abbenge amwei nanywe nnywenna. Amiina.
\c 16
\cl Essula 16
\p
\v 1 Nkubajulira O' Foyibe muganda weiswe omuwereeza owa kanisa eya mu Kenkereya.
\v 2 Mulyokenge mumwanirizenge omu Mukama weiswe. Nke bukisanire abeikiri, mumujjune omukigambo kyonna kyalyendya okuzzwa jemuli, kubba yenna kenyinni yayambire beingi, era nangye kenyiniyinni.
\p
\v 3 Mundamukirye O' Pulisika no Aluka abakora amwei nangye omu Kurisito Yesu.
\v 4 Abawayo obwoomi bwabwe oku lwa bwomi bwange, bentebalya njje njjenkei era naye nekanisa zona eza bamawanga.
\v 5 Mundamukirye ekannisa eya munyuubba yabwe, mulamukywe O' Epayineeto, gwenyendya nikyo ekibala ekisooka ekya mu Ayisa edi Kurisito.
\v 6 Mulamukye O' Malyamu eyakore emirimu ejjingi.
\v 7 Mulamukye O' Anduloniiko no Yuniya abakikka kyange era abasibibwe amwei nanjje abameite omubuwereeza era abansokere okubba omu Kurisito.
\v 8 Mulamukye O' Ampuliyaato gwe nyendya omu Mukama weiswe.
\v 9 Mulamukye O' Ulubano akora amwei neiswe omu Kurisito, no Sutaku gwe nyindya.
\v 10 Mulamukye Apere eikiriizibwa omu Kurisito. Mulamukye Alisutobulo.
\v 11 Mulamukye O' Kerodiyoni, owakikka kyange. Mubalamukye obamunyuubba ya Nalusiko, abali omu Mukama weiswe
\v 12 Mulamukye Terufayani no Terufoosa abakoola emrimu omu Mukama weiswe. Mulamukye O' Perusi ayendebwa, eyakore emirime egingu omu Mukama weiswe.
\v 13 Mulamukye O' Luufo, eyalondeibwe omu Mukama weiswe, nomawei niye mange.
\v 14 Mulamukye Asunkulito, Fulegoni, Keremu, Patuloba, Kerema na bamukaggo bamwei abali amwei nabbo.
\v 15 Mulamukye O' Firologo, no Olumpa, nabeikiiri bonna abali amwei nabbo.
\v 16 Mulamukyenganenge nokunywegeeraa okwikiir. Ekkannisa zonna eza Kurisito zibalamukiirye.
\p
\v 17 Era mbegeiriire, abaluganda, mulolerenge abbo abaleta ebyakubawukanya nebibbi ebitali byakwegga kwemwegga, mubewalenge abbo.
\v 18 Kubba abbo abalingganna abbo ti beiru ba Mukama weiswe Kurisito, naye bandda zabwe bonkei, era nebigambo ebisei nabyakunyumya obusei babeyegabeyega emitima gyabbo abatalina kabbi.
\v 19 Kubba wadenga obuwuuliize bwanywe bumeitibwe bonna, ekindeeterra okubasanyukira nnywe; naye nkwendya nnywe okubanga abageezzi ommpwebyo bisei, naye abewala ebyo ebibbi.
\v 20 Era O'nyamwanga owa mirembe alisensebula O' Setaani ansi wamaggulu ganywe amangu. Ekisa ekya Mukama weiswe Yesu Kurisito kibenge amwei nanywe.
\p
\v 21 Timoseewo, akora amwei nangye, abalamukiirye; no Lukiyo no Yasooni no Sosipateri abakiika kyange.
\v 22 Ninjje Terutiyo, awandikiire abbaluuwa eni, mbalamukiiryeomu Mukama weiswe.
\v 23 Gayo, ansulisya njje nekkanisa yona, abalamukiirye. Erasuto omuwaniika owa kibugga abalamukiirye no Kwaluto, owa luganda.
\v 24 Ekisa ekya Mukama weiswe Kurisito Yesu kibbenge amwei nannywe nnywenna. Amiina.
\p
\v 25 Era oyo ayiinza okubagumya nkr njjiri no kukiberwa okwa Yesu Kurisito ne biri nke kyamma nekiswekwiirwe ekyasirikiibwe okuzzwa omu bisera ebya mirembe ne mirembe.
\v 26 Naye ati bunni kibonekere ne nekitegezebwa amawanga gona omu byawandikiibwe ebya langi nke bye yalagiire O'nyamwanga atawaawo, olwa kuwuura okuzzwa omu kwikiiriizza.
\v 27 O'nyamwanga owa mageezzi omwi yenkei awebwenge ekitinisya omu Yesu Kurisito emirembe egitawaawo. Amiina.