ruc_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Essula 1
\p
\v 1 Ne baali abaingi abatandiikire amakulu gakyigambo ebyakirinyizibwe omu iswe.
\v 2 nga bwe babhitukobere, aboo abasokere omkuzwa oku ntanndikwa okubba abajulirwa era abawereza bakyigambo.
\v 3 Awoo ne naliraine byonna byom, nna okuzwa okntandikwa, era njena nabweine nga kyisai okumuwandiikira oyoo, Teefiro omusai omunno, nga bweyaliraine;
\v 4 Olyoke omanye amakulu gakyigambko kyeweggeseibwe.
\p
\v 5 Awoo omubiro ubya Kerode, omukama wa Buyu9daaya, mwa liyo okabona, akwetebwa Zaakayo, owa mululandira lwa Abiya; era yayina onyabwezi omwara wa Alooni nga akwetebwa Erisabesi
\v 6 Nabo bombi baali baikyiri omu maiso ga Nnyamwanga, nga bukutamura omumateeka goona no mubyabwikiri ebya oNnyamwanga nga tebaliku nziro zoona
\v 7 Boo tebalina mwana, kubba Erazabesi yaali mugumba naabo bombi baali bakairikire omumyaka gyabwe.
\p
\v 8 Awoo olwailkire, nmga akukola emirimu gyabwa kabona omu maiso aga Nnynamwanga.
\v 9 Awoo akalulu ne kamugwaku nkempisa ezabwa kaboona bwe zaali okwingira omu kanisa eya Nnyamwannga okucukira obumanyisyo.
\v 10 Awoo ekyibiina kyoona ekyabantu kyali nga kiramirya nzai omu biiro ebyakucukirwamu.
\v 11 Awoo omalaika wa Nyamwanga namubonmekera nga ayemereire okuluda olwa bulyo olwa kyikoomi, kyokunyonkyza.
\v 12 Awoo oZaakayo bweyamubweine neyeralikira natiina.
\v 13 Naye omalaika namukoba nti totiina Zaakayo; kubba okwegaira kwamu kuwulilibwe, o nyabwezi waamu Erisabesi alikubyara omwana owabwojjo, olitumibwa eibaara Yokaana.
\v 14 olisemerwa, era olijaganya, era baingi abalisemerwa olwa kubyalibwa kwamwei.
\v 15 kubba alibba mukulu momu maiso aga Nyamwanga, talinywa mwenge newankubaire ekyikutamiza, era alizulibwa omwoyo ogwikiri, okuzwa omunda yanyina wamwei.
\v 16 Era baingi omubaana ba Isiraeri alibairya eddi oNyamwanga wabwe.
\v 17 Alikulembera omu maiso gamwei; omu mwoyo na maani aga Eriya okwirya emitima gya baziza eddi abaana, nabatakuwura okutamburanga omu magezi gabaikiri, okutegekera oNyamwanga abantu abateketekeibwe.
\p
\v 18 Awoo oZaakayo nakoba omalayika nti nakyimanya ntyai? kubbba njje ndii mukaire, no nyabwezi wange akairikire omu myakka gyamwei.
\p
\v 19 Awoo omalaika namwiramu nti ninje Gabulyeri alyemera omu maiso ga Nyamwannga era natumibwa okubaza naawe nokutambulya ebigambo ebisai.
\v 20 Ale bonna olisirika era nga tokwikiriza bigambo byange ebikirirwa omukwika kwayo.
\p
\v 21 Awoo abantu baali balindirirye oZaakayo, ne bewunaica nga bwalwire omukanisa
\v 22 Awoo neyawulukire teyabazire nabbo; ne bamanyisibwa nti afunire okwolesebwa omu kanisa; nalwawo.
\p
\v 23 Awoo olwaikire ennaku ezakuweereza kwa mwei nga ziweireyo, nairayo owa mwei ekka.
\p
\v 24 Awoo ebiro bwe byayakairewo omukali wamwei Erisabesi naba nendda; neyekwekera emyezi etaanu nga akoba nti
\v 25 Atyo oNyamwanga nimwo akoore omunnaku zamwei yandoleremu okunyiyaku ensoni omu bantu.
\p
\v 26 Awoo omu kwezi gwa mukaga omalaika oGgabulyeri natumwa oNyamwanga omu kyibuga ekya Ggaliraaya ekyikwetebwa Nazaaleesi.
\v 27 Eddi omwala eyaali tamaite musaizaeyali akwogerezebwa omusaiza akwetebwa Yusufu owamunnyuba ya Dawudi;
\v 28 Awoo naingira omunywe nabakoba nti Mirembe niiwe awereibwe ekyisa omuno o Nyamwanga ali naawe.
\v 29 naye ye natuntura olwe kyigambo ekyo, nalowoza okulamukya okwo nga bwekuli;
\v 30 Awoo omalaika namukoba nti totiina, omalaika kubba obweine ekyisa okuluga eddi oNyamwanga.
\v 31 Era bonna alibba nenda, olibyala omwana owabwojo olimwalika eyibara Yesu.
\v 32 Oyoo aliba mukulu, alyetebwa nti omwana wooyo ali ayigguuru omuno era o Nyamwanga alimuwa entebe ya Dawudi oziza wamnnywe
\v 33 Era yalamulanga ekka eya Yakobo ebiro, ate obwabbukama bwamwei tebuli wawoo.
\p
\v 34 Awoo omalm, yamu nakoba nti kyiriba kyityii ekyo, kubba timaite musaiza?
\v 35 Nomalaika namwiramu namukoba nti omwoyo ogwikiri namani agooyo agali ayigguuru omuno galikunirya, era ekyo ekyiribyalibwa nikyo kyirizwa kyetebwe ekyikirire, omwana wa Nyamwange.
\v 36 Bonna Erisabesi omuganda wamu, era niye yaali endda ya mwana wa bwojjo nga mukaire, guni nigwo omwezi ogwamwei ogwamukaagha eyayetebwanga atabyala
\v 37 kuibba ndowo kyigambo ekyizwa eddi oNyamwanga ekyiribula amaani
\p
\v 38 Omalyamu nakoba nti bonnma jendi omuzaana owa Nyamwanga; kakyibeki okunje nkabwokobere. Awoo omalaika nazwa aigguuru:
\p
\v 39 Awoo omubiro ebbyo Omalyamu nayimu nayaba namangu omu iyanga elyansozi, omukyibuga kya Yuda.
\v 40 Nayingira omu nnyuba ya maakayo nalamuca Erisabesi.
\v 41 Awoo olwikire Erisabesi ne yawulire okulamukya okukuzwa owa malyamu omwana na gulukaguluka jommunda yamwe, Erisabesa nayizulibwa omwoyo omwikiri.
\v 42 Nabaziira ayigguuru omwiraka erikoto nakoba nti oweweibwe omukisa gwamwei omu bakali, nekibala kyamunda yamu kiwereibwe omukisa.
\v 43 Njena ekyigambo kyini kyizwiri ayi omaawamukama wange okwiza jenddi?
\v 44 kubba bonna eiraka lyokulamukya kwamu bwe ringire omumatwii gange, omwana nagulukaguluk aomunda yange, olwakusemerwa.
\v 45 Awereibwe omukimsa eyayikkirize, kubba bikikrizibwe ebyo bye wakobeibwe o Nyamwanga
\p
\v 46 omalyamu nakoba nti ememe yange eguulumizze oNyamwanga
\q
\v 47 Nomwoyo ogwange gusemereirye o Nyamwanga omulokoli wange.
\q
\v 48 kubba abweine obumanyisyo bwamuzaana wamwei; kubba bonna okusoka olwaleero aba mirembe gyonna banyetanga awereibwe omukisa. 
\v 49 kubba omusoboli: ankoleire ebikulu, neyibara erikkiri.
\q
\v 50 Nekyisa kyamwei kyiri omu bamutina, ebiro ne biro.
\q
\v 51 Alangire amaani nokwendya kwamwei; Asaasanyiize abayina amalala omu kulowoza kwa mitima gyabwe
\q
\v 52 Agobere abafugi abakwekadamulya okuntebe zaabwe, amwicirye abaculeri.
\q
\v 53 Abayina ezaala okuramya ebisai Nabagaiga abagobere nti tebayina kintu.
\q
\v 54-55 Abeire Isiraeri omwiru wamwe ayizukire ekyisa kyamwe. 55. (nka neyakobere abaziza baiswe) eddi Ibulaimu nolubyalo lwamwei, ebiro byonna byonna.
\p
\v 56 Awoo omalyamu namalayo emyezi nke essatu, nayira ewamwei
\p
\v 57 Aeoo ebiro bya Erisabesi ne biika okubyala: nabyala omwana owabwojjo.
\v 58 Abaliranwa bamwei na bakiika kyamwei ne bawura nga o Nyamwanga omwizwirye ekyisa kyamwei, ne basemerwa amwei naye.
\v 59 Awoo alwaikire okulunaku lwa munanai, ne baiza okukomola omwana; baali bakwendya okumyalika eyibara lyaitewamwei Ozaakayo.
\v 60 omawamwei nayiramu nakoba nti bbe, naye yatumibwa Yokaana
\v 61 na kobanti ndowoo owamukyika kyamu aliyetebwa eyibara elya.
\v 62 ni bebulya oitewamwe, nkabwakwendya okumwalika.
\v 63 Nayendya ekiwande ekyakuwandiikaku, nawandiika nakoba nti eibara lyamwei niye Yokaana ni bewunyaganya boona.
\v 64 Amangu ago akanwa kamwei ne kaiguka, nolulimi lwamwwei ne lusindabumka, nabazza nga akwebalya o Nyamwanga.
\v 65 Boona abaali balirainewo ne batiina. Nebigambo ebyobyonna ne bizula omu iyanga lyoona eyansozi eya buyudaaya.
\v 66 Bonna bonna ababiwulire ne babiteka omumitima gtabwe, nmi bakoba nti kale omwana oyoo alibbaki?
\v 67 Oitewamwe oZaakayo naizzulibwa omwoyo omwikiri, naraguza nti,
\q
\v 68 Atenderezebwe oNyamwanga, ONyamwanga wa Isiraeri kubba akyalire abantu bamwei era abanunnwirwe.
\q
\v 69 Era atwimulire eiyembe lyabulokozi omunyuba ya mwiru wamwei o Dawudi:
\q
\v 70 (nka nabaza omu kanwa ka balangi bamwei abayikiri, abaliwo okulsokeranga eiyanga lini libawoo
\q
\v 71 okulollebwa omu baziggu baiswe, no mu mikono gyabbo boona abatanugwa.
\q
\v 72 okwikirya ekyi, sa kye yasubize abaziza baiswe, nokwizukiira eyiragano yamwei egyikiri.
\q
\v 73 okwikirya ekyirairo kye yalairire oziza waswe oIbulaimu.
\q
\v 74 okukyituwa iswe, iswe nimwo twakole bwa om mikono gya bazigu baiswe, olwo tulyoke tumwereze nga tetulina kutina.
\q
\v 75 omu kwera nomu bwikiri omu maiso gamwei naku zaswei zoona.
\p
\v 76 Nawe, omwana okwetebwa omulangi owoyo ali aiguuru omuno; kubba olikulembera o Nyamwanga okusairya amazira hgamwei.
\q
\v 77 okumanyisya abantu bamwei obulokozi, ebibbi byabwe bibaibweku
\q
\v 78 olwakyisa kya oNyamuwanga waiswe ekyisai, occibumbya nikyo azwayo nga etwakala okuzwa omwiguuru.
\q
\v 79 okumolekera abaikaire omu muwanda ogwa mirembe.
\p
\v 80 Omwana nakula, nayongerwamu amaani omu mwoyo, nabbo omu mairungu okwikya oku lunaku lwe yabonekerwa eddi Isiraeri.
\c 2
\cl Essula 2
\p
\v 1 Awoo olwaikire omubiro ebyo aitakali Lyazwiire eddi Kayisaali Augusto Abanamawanga boona okuwandiikibwa
\v 2 okwoo nikookuwandiikibwa okwasookere okubaawo nga Okuleniyo niyaali akufuga obusuuli.
\v 3 Boona boona baayabire kokwewandiikisya, bulyomwei mukibugga kyamwei.
\v 4 No Yusufu nazwa e Nazaalesi muki buga kya Gkgaliraaya naniina e Buyudaaya okwaba omukyibuga kya Dawudi ekyetebwa Beserekemu, kubba yaali amwei onnyuba era wakyika kya Dawudi,
\v 5 Yewandiikisirye no Malyamu, gweyaali akwaine nga ali ndda.
\v 6 Awoo olwaijkire, baali balieyo, ebiro bya kubyaala nebiika.
\v 7 nabyaala onmwana wamwei akusooka, namusweka omungoye ezabaana abato namuteka mukyiraalo kubba tebaboine kyifo kyaabagenyi.
\p
\v 8 waaliwo abalisya omunsi eyo abaikaaranga omukisiklo nga bakuuma ekyiraalo kyaabwe ekyaali omukibiinjja.
\v 9 Awoo omalayika wamukama nayemera okumabali nekyitinisya kyamukama nekyetoloola nga kyikupereketya
\v 10 Omalaika nabakoba nti temutiina, kubba mbaliteire ebisai ebyamasanyu againgi agalibba eddi abantu boona;
\v 11 kubba olwaleero abyaalibwe eddi nywe omukyibuga kya Dawudi, niiye omukama waiswe.
\v 12 kanni niko akamanyisyo eddi nywe, mukwabaku boona omwana omuto nga asweikwibwe omugoye bwa baana abato nga ateikeibwe omukiraalo
\p
\v 13 Awoo omulabuka okwoo waliwo no malaika oyoo, baingi okubamagyae agomwiiguuru nga bakuramya Nnyamwanga, nga abakocba nti,
\q1
\v 14 Ekyitinisya kyibbe eddi oNnyamwanga waigguuru omunno, nomunsi emireembe jibbe omubantu abasiimibwe.
\p
\v 15 Awoo olwaikire abamalaika nebazwiiragyebaali okwaba omwiguuru, Abalisya nebakoba nti twaabe e Beserekemu tuboone ekyigambo kyinni ekyibaire woo omukama kyatumanyisirye.
\v 16 Nebaiza mangu nebabona oMalaika no Yusufu nomwaana omuto nga atekeibwe omukyiraalo
\v 17 Awoo nebabweine, nebamanyisya ekyigambo kyebakobeibwe
\v 18 Boona boona ababawulire bewunyire ebigambo abalisya byebakobere.
\v 19 Naye oMalyamu nasirikiranga ebigambo byoona nga akubirowoozaku omumutima gwaamwei.
\v 20 Awoo abalisya nebeirayo, nga bakugulumiza nga bakutendereza oNnyamwanga olwabigambo byoona bye bawulire, ebya baboine nka bwebaawulire.
\p
\v 21 Awoo ebiiro omunaanai nebika ebya kumutaira nayalikibwa veibara lyaamwei Yesu, liddi eryabazibwe omalaika nga akyaali mundda
\p
\v 22 Awoo enaaku nezaikire, ezakutereeza amateeka ga Musa nigaali nebamutwaala nebamuninisya eYerusaalemi, okumwanjura omukama.
\v 23 (nka bwe kyawandiikibwe omubiragiro bya mukama nti buli kyisaiza ekyigaalanda kyailietebwa kyikiiri eddi omukama.
\v 24 nokuweeryayo esaddaka nka bwekyakobeibwe. omubirango bya mukama, obukaamukukulu bubiri, oba obungiwo obuto bubiri
\p
\v 25 Era bonnyiya, waliwo omuntu omwei eYerusaalemi eibaara lya Simoni, omuntu oyo yaali mwiikiri era atiina oNnyamwanga, okusemeerwa kwa Isiraeri: era omwooyo omwikiiri yaali kuniye,
\v 26 oyo yasweekulibwe omwooyo omwiikiri nambu taliboona kufaa ngakyaali kuboona ku kuristo wamukama
\v 27 Naizira omumwooyo omu yekaalo: abkaire baamwei nebaingira omwaana oYesu okumutairira nkeempisa yabiragiiroo,
\v 28 awoo yenamukwaata omumikoono gyamwei, neeyebaalya oNyamwanga ngaakoobba nti
\q1
\v 29 omukama wange, atii okusibula omwiiru waamu Emirembe, nkeekigambo kyaamu bwe kyaali
\q1
\v 30 kubba amaiso gaange gaabwoine obulokozi bwamu
\q1
\v 31 Niweteekateka omu maiso gabantu boona:
\q1
\v 32 okubba aisana ogwookimula amawanga, nokubba nekyitiibwa kyabantu baamu.
\p
\v 33 Oito waamwei no nnyina nebewunyanga ebigambo ebyo ebyaamubaziibweku;
\v 34 AwooSIimoni naabasabira omukisa, naakobba oMalyamu onnyina nti boona, onni ataikeibwewo baingi omu Isiraeri abaagwenge baimerenge, nookubba akamanyisyo akombokeibwe;
\v 35 Era weisumu lirikumutibwa omumutima; ebirowoozo ebyamitimaejjingi bilyooke biswekulwe;
\p
\v 36 Awoo waaliwo Anna omulangi omukazi, omwaarawa Fanweri owaamukyika kya Aseri (yaali yaakamala emyaaka jingi, yaabire noibawaamwei emyaaka musanjju okuzwa omubutoo bwaamwei.
\v 37 naye yaali naamwandu nga yaakamala emyaaka kyinaanai nenai) ataazwaanga omu yeekaalu, nga atendereza nookusiinga nookweegairanga obwiire nemisana.
\v 38 oyoo niyeizire omukaseera akko niyeeebalya oNnyamwanga, nabakkoba ebigambo byamweieddi boona boona abalinga balindiirirye okununulwa kwa Yerusaalemi
\p
\v 39 Awoo nebwebaamaare okwiikiirya byoona ebiri omubiragiro bya mukama, nibeirayo eGgaliraaya kyagabuga kyaabaabwe Nazaaleesi
\v 40 Awoo omwaana naakula, nayoongerwaku amaani naizulwa amagezi, ekisa kya Nnyamwanga nekibaanga kuniye.
\p
\v 41 Awoo ababeire baamwei bayabaanga e Yerusaalemi okumbaga yakwaakalaaku.
\v 42 Awoo niyaali yaakala emyaaka ikumi naibiri nebaniina nkabweyaali empisaa yaambaga;
\v 43 awoo neebeikirye ennaku zaabwe baali bakwiirayo omwaana oyoo oYesu nasigala om Yerusaalemi nababyare baamwei ne baatamanya
\v 44 naye nebaaloowozera nti yaali akubagoobera, ne baatambula olugenndo lwalunaku lumwei ne baamutoolya omubagande baabwei, nomubanwaani baabwe.
\v 45 nibaatambwire niibeirayo e Yerusaalemi, nga baakumutoolya.
\v 46 Awoo olweikire niwayakairewo enaaku issatu ne baamusanga mu Yeekaaio, nga aikaliire akaati omubagesebwa, nga kubawuliirya, ngaakubabuulya.
\v 47 Boona boona abaamuwuliire nebenyamira okulwaamagezigaamwei neinyiramu yaamwei.
\v 48 Awoo nibaamaare nebaasaamiira; omaawaamwe naamukoba nti mwaana waange, lwaaki otukoorekyini wee otti? bwoona oitoowo naanjje twaakutoolyanga nga tukweewuniikirirye.
\v 49 Nabakobba nti mwaantolyangaki? Temwamaite nga kingwaaniire okubba omubigambo byeitoo waange.
\v 50 Neebataategeera ekyigambo ekyo kyeyaakobeere.
\v 51 Nasiirimuka naabo naiza eNazaaleennsi, naabagonderanga omaawamwei nayeekumaanga ebigambo ebyo byoona mumutima gwaamwe,
\p
\v 52 Awoo oyesu ne yeeyoongeraku amaagezi nokukuula, noomukisa eddi oNnyamwanga needdi abantu.
\c 3
\cl Essula 3
\p
\v 1 Awoo omumwaka gwaikuminaitanu omumirembe gya Tiberiyo kayisali pontiya piraato bwe vyaali nga niiye wasaza lya Buyudaaya no Kerode bjwe yaali nga niiye akuffuga eGgaliraaya no Firipo omugande nga akufuga ituliya, nopinsi ye tiro ku niti nolusanire ne yaali nga akufuuga Abirrene,
\v 2 No Ana no kayaafa bwe baali nlga balisya abasinga opbukulu ekigambo kya Nnyamwanga ne kya Yokaana omwaana wa Zaakayo omwirungu.
\v 3 Nayiza omunsi yoona erirayine eYoludaani nga bakubulira okubatizibwa okwa kuibwaku ebiibi.
\v 4 nka nekya wandiilkibwe om ukitabo kya bigambo omulaguli oIsaaya nti eiraka lyamwei okubazira aiguru omwirungu nti musairye omuwanda gwa mukama mutereze amaziira. gaamwei.
\q1
\v 5 Nabuli lusozi nobmusozi bulisayiribwa; obya kyamire, birigololebwa namazira agataali masai galiterezebwa.
\q1
\v 6 Nabaalina omubiri boona balibona obulokozii bwa nNyamwanga.
\p
\v 7 Awoo nakoba ebibiina ebya wuulukanga okubatizibwa ntii nywee abaana abanjjoka nnaani alabwireokwiruka obusuungu obukwabaa okwiiza.
\v 8 kale mube ebibala ebisanire okwenenya naye temusoka kubaaza munda munywe nti tuliina oziiza waiswe niiyeIbburayimu; olwokubba nkubakoba nti onNyamwanga ayinza amabaale gani ogainduraamu Ibaraimu abaana.
\v 9 Naati empiisa eteekeibwe okukyikolo kyammisale ale buli musaale ogutaabala kusai gutemwengewo gunagibwe omumuuro.
\p
\v 10 ebibiina nebimubulya tukoole kii?
\p
\v 11 nabbakoba nti ainna ekanzu eibiiri, aweeku oyoo atalina nayiina emere akole ekyoo.
\p
\v 12 Nabawooza nebayizaa okubatizibwa, nebamukoba ntii omwe gesya tukole kii?
\p
\v 13 Nabakoba ntiitemusorozanga kyakalirirye okusingayo awoon bwemwalaibwe.
\p
\v 14 Nabasiirikale nebamubulya ntii naiswee tukoole kii? Nabakoba nti temujoganga mluntu ate temukakangamuntu empeera yanywe lebamarenge.
\v 15 Awoo abantu bwe baali nga bakusubiira era boona nga bakulowooza ebigambo bya Yokaana omumitima jabwe obba nga niiye kuristo
\v 16 OYokaana nairamu. nakoba mazima niinmje ababatiize namaizi naye akwiza akunsiinga amaani nanje tinkusanira nakusanddabula nalukoba lwa nkaito myamwei naye alibabatiza nomwooyo ogwikiri nomuuro.
\v 17 olugali lwamwei lulii omumukono gwamwei okusaira omu ekyingiro kyamwei nokubanilwa ongano ekyiddero kya mwei naye ebisusunku alibyokya nomuuro ogutalikira
\p
\v 18 Era na buulira abandii bingi nga abakoba ebigambo ebisai
\v 19 naye Okerode okwasaza bwe yamunenyeze olwa Kerodiya omuuka mugande nolwabigambbo ebiibi Okerode byeyakore.
\v 20 Ate okwebyo nabaza okukyini, nakwata oYokaana omwitta omukomera.
\v 21 Awoo olwakiire abantu boona lwe baali nga bakubatizibwa; no oYesu neyaamare okubatizibwa nasaba eyiguuru neriswekuka
\v 22 omwooyo omwikiri nagwa okuye omukyifananyi kya njjiwa ne iraaka nemriwuluka omwiguuru nti wee mwaana wange omusai nkusanyukire.
\v 23 era oYesu omwenyiini niiye yasokere okwegesya, yaliyakamala emyaka amakumi assatu nga mwaana (nka neyalowoize Awoo oYusufu baali mwikumbaniro ne bamusimbaku amaiso
\v 24 omwaaana waaMatthat, omwaana owaa Levi, omwaana owaa Melchi, omwaana owaa Yanayi, omwaana owaa Yusuufu
\v 25 omwaana wa Mattasiya, omwaana wa Amosi, omwaanawa Zerubbaberi, omwaana wa Seyalutiyeeri omwaana wa Neeri
\v 26 omwaana wa Maasi, omwaana wa Mattasiya omwaanawa semeyini, omwaana wa yoseki. omwaana wa Yoda.
\v 27 omwaana wa Yokannani, omwaana wa Lesa, omwaana wa Zerubbabel, omwaanawa Seyalutiyeeri, omwaana wa Neeri.
\v 28 omwaana wa Mereki, omwaana wa Addi, omwaana wa Kosamu omwaana wa Elmadamu, omwaana wa Eri
\v 29 omwaana wa Yesu omwaana wa Eryeza, omwaana wa Yolimu omwaaana waMattati, omwaana wa leevi
\v 30 omwaana wa Simoni omwaana wa Yuda omwaana waYusuufu omwaana waa Yoraamu omwaana waan Eriyakkimu.
\v 31 Mattasa, omwaana waNasana, omwaana wa Dawudi.
\v 32 omwaana wazYesu omwaana wa Obeddi omwaana waBowaazi, omwaana wa Salumooni omwaanaa wa Nakusonni
\v 33 omwaana wa Amminadabu, omwaana wa Alooni omwaana wa Kezulooni, omwaana wa Pereezi, omwaana wa Yuda
\v 34 omwaana wa Yakoobo, omwaana wa Isaaka omwaana wa Ibruyimu, omwaana wa Teera, omwaaana wa Nakoli
\v 35 Mwaana wa Serugi, omwaana wa Lewu, omwaana wa Peregi omwaana wa Aberi omwaana wa Nuuwa, omwana wa Iseraki
\v 36 omwaana wa Kayinaani, omwaana wa Alupakusaadi, omwaana wa Jemu omwaana wa Nuuwa, omwaana wa Lameki
\v 37 ommwaana wa Mesuseera omwaana wa Enoki omwaana wa Yaledi omwaana wa Makalaleeri, omwaana wa Kayinaani,
\v 38 omwaana wa Enosi omwaana wa Seezi omwaana wa Adamu omwaana wa Nnyamwanga.
\c 4
\cl Essula 4
\p
\v 1 Awoo oyesu niya zwire omwooyo omwikiri naira nga akuzwa oku. Yoludaani omwooyo namutwala omwirungu
\v 2 namalayo ebiro amakumi annai nga akemwebwa o setaani ate teyalyanga kyintu omunnakuezoo; awoo bwezaweireku, enzala nemuluma.
\v 3 Osetaani namukoba nti bwewaba nga olimwaana wa Nnyamwanga kobba eibaale riini rifuuke emmer.
\p
\v 4 Oyesu namwiramu nti kyawandiikibwe ntii omunktu tabba mwomi ne mmere yonkai.
\p
\v 5 Namuninisya, namulanga obwa Nnyamwanga bwoonna obwamunsii omukassera kaddoli.
\v 6 Osetaani namukoba nti Nnaakuwa wee obuyinza buuni bwoonna, nekitiibwa klyamu; kubba nnaweibwe njje; era agabiira buli gwe nkwendya.
\v 7 kale bwewansiiza omu maiso gaange, buuni bwoonna bwabba bwamu.
\p
\v 8 Oyesu namwiiramu namukoba nti kyawandiikibwe Osiinmzanga omukama oNnyamwanga waamu, gwokuweerezana yenkai.
\p
\v 9 Namutwaala eYerusaalemi, namutteka oku kyitikkiro ekya 'Yekaalo, namukoba nti bwewaaba nga oli mwaana wa Nnyamwanga, zwaani wesinziire ansii;
\v 10 kubba kyawandiikibwe nti Alikusiindikira abamalaika bamwei bakukumiire kyimwei;
\v 11 Era balikuwaniira omumikono gyabwe, oleme okwesittala okugulu kwamu okwiibaale.
\p
\v 12 Oyesu namwiiramu namukoba nti kyabaziibwe nti Tokemanga omukama Onnyamwanga waamu.
\p
\v 13 Osetaana bweyamare buuli kyikemo namulekawo ekyiseera.
\p
\v 14 Awoo Oyesu naira e Ggaliraaya ommu maani agga mwooyookwattikira kwamwi nekwaba nga kukubuna omunsii zoonna ezirirainewo.
\v 15 Nayegesya nga omumakumbaniiro gaabwe boona nga bakuumugulumiza
\p
\v 16 Naiza Enazaalensi gye yakulire; oku lunnaku olwa ssabiittinaingira omu kkutnaaniro nga bwe yali ne mpiisa nayemeera okusooma.
\v 17 Nebamuwerya ekyittabo kya nnabbi Isaaya, nasweekula ekittabo naboona ekyitunddu ekyawandiikibwe nti
\q1
\v 18 omwooyo gwa mukama guli ku ninjje, kubba yansuukireku amafuta okubuuliira abaseeggeebigambo ebisai: Atuumire okutendera abanyagi okusanddabulwa, Nokwiigula abaigali bamaiso, okubataisya abakubetentebwa,
\q1
\v 19 Okutendereza omwakka gwa mukama ogwakkirizibwe.
\p
\v 20 Nasweekaku ekitabbo, nakyirirya omuweereza naikara; abantu boona.
\v 21 Natandika okobakoba nti olwaleero mebyawandiikibwa bini bikirire omu matwii ganywee:
\p
\v 22 Boona nne bamwetegereza ne beewuunya olnwebipgambo ebyakyisa ebizwiire omukanwa kamwei: ne bakoba nti Onii tii mwaana wa Yusufu?
\p
\v 23 Nabakoba nti Temuliremwa klunkoba lugero lunni nti omusawoo, Weewonye wenkai: byoona bye twawuuranga nga bikolwe e Kaperunawumu, Bikoore Naani omukyalo kyannni.
\v 24 Nabakoba nti kamazi mbakoba nti Ndoowo nnabbi akwikirizibwa omu kyalo kyabbo.
\v 25 Naye kamazima nkubakoba nti Waliwo abanamwanddu baingiomu Isireariopm biro bya Eriya, eigguru lyaggalibwe emyaka essatu omu myezi mukagga, enzala ggingi bweyagwire okuunsi yoona;
\v 26 Eriya teyatumibibwe eddi omwei okkubbo wabuula eZalefasi, omnsii ya Sidoni, eddi omukali onnnamwandu.
\v 27 Era waaliwo abantu baingi abakwaba omu Isireari omubioro bya Eriya onnabbi; nddowo nomwei kubbo eyaasairibwe, wabulaNaamani yenkai omusuuli.
\v 28 Nebaizula obuusungu boona abaali omukumbaaniro bwe bawuulire ebigambo ebyo;
\v 29 ne baimuka, ne bamusindiika enzai wekyibuga nebamutwala okumabali galusozi lwe bakubireku ekyibuga kyabwe, bamunage ansii.
\v 30 Naye nabakalamu akaati nayaba.
\p
\v 31 Nasiriimuka e kaperunawumu, ekyibuga ekya Ggaliraaya: nabegesya okulunaku olwa ssabbitti:
\v 32 ne basirikiira olwa kwegesya kwamwei, kubbaekyigambo nikyo kyayina obuinza
\v 33 Awoo omummbaniiro mwaliimu omuntu eyaliku ekyimbe (dayimooni); nakuunga neiraaka
\v 34 nti woowe, okukuvunaana kii wee, Oyesu omunazaaleensi? oizzire okutulikirya? Nkumaittewe bwoli, omwikiri wa Onnyamwanga.
\p
\v 35 Oyesu namubwoiggora ngakoba ntiSirika, muzweeku. kyimbe (dayimooni) yamunagi akaati namuzwaku nga tamukore kyibbi.
\p
\v 36 okuwunikiira nekubakwata boona ne bebulyangana boonkai na boonkai nga bakoba nti kyigambo kii kyinni? kubbaakulagira nobuyinza namaani emizimu (abadayimooni) ne baamuzwaku.
\v 37 okwattikira kwamwei ne kuwuulikika omu buli kyifo ekya nsii erirainewoo.
\p
\v 38 Nayemeera nazwa omukumbaniro naingira omunyubbaya Simoni, Awooo nyiina wamwei omukali waa Simoni yalinga akwattibwe omusujja gwingi, nebamwegayira okulwamwei.
\v 39 Nayeemera waali, naboiggora omusaiza; neguwoona amangu aggo naimukka nabaweereza.
\p
\v 40 Awoo eisana bwelyali ligwa, boona abaalina abalwaire abenddwaire ezitali zimwei ne babamuletera, buli omwei okuboo namutekaku emiikono gyamwei
\v 41 ne mizimu (badayimooni nebabazwaku baingi, ne bakunga nga baakoba nti wee olimwaana wa Nnyamwanga: Nababoiggora, natabaikiriza kubaza, kubba baamaite nga niiye Kuristo
\p
\v 42 Awoo kobwiire niibwakeire, nazwayo nayaba omjukyifo ekyitalimu bantu: ebibiina nebimutoolya nlebaiza jjali, nebendya okkumugana alemme okubazwaku.
\v 43 Naye nabakoba nti kyiogwanire okubulira enjiri leyabwakabaka; bwaNnyamwanga nomubibuga ebindii kubba niikyo kyenatumibwe.
\v 44 Awoo nabuliranga omumakumbaniro eGA Ggaliraaya
\c 5
\cl Essula 5
\p
\v 1 Awoo olwaikire ebibiina byamunyigirirye ne bawuura ekyigambo kya onNyamwanga, ye yaali nga ayemereire okunyanja ya Genesaleeti;
\v 2 Nabbona amaato abiiri oku nyanja era abategi baali nga bagazwiiremu nga bakwooza ebitiimba byabbwe.
\v 3 Nasoomolaku ergyatoo rimwei eryali lya Simoni namumkoba alisemberyeyo kadyooli okuzwa okumuttala. Naikara nategesya ebmibiinja omulyatoo.
\v 4 Ni yaali nga amaare okubaza nakoba oSimoni nti sembera alaayi, muunage ebitimba byanywe mutege.
\p
\v 5 Osimoni nairamu nnti musaiza, twagadire okukeisya obwiire netutakwatisya nakyintu, nolwekyo olwakyigambokyamu kannage ebitiimba,
\v 6 Awoo nibakoore nikyo kimwei, neb akwatiisya enccuwii ziingi munno nyiini ebitiima byabwe nibyendya nokutemuka,
\v 7 Ne batemya nokubairababwe abaali omulwaatto eriindi, baize babaJjune nebaiza nebaizulya amaatto goona, negendya nokweibirya.
\v 8 Naye Osimoni Peteero niyabweine, nakakana ansii okumagulu ga Yesu, nakoba nti nganyiira, anti ninjje omuntu aina ebibbi, Nnyamwanga wange.
\v 9 Nolwekyo yawunikiirire nabairabamwei beyaalinabo olwabyenyanja ebinyamwingi bye bakwaitte.
\v 10 Oyakobo noYokaana boona batyo, abaana bazebedayo baali bakainye kyimwei no, Osimoni, Oyesu nabakoba ntiSimoni ototiina; okusooka anti okwakuteganga nabantu
\v 11 Awoo nibaleeta amaatto gabwe okulubalama, nebaleka ebyabwe nebamusengerya.
\p
\v 12 Awoo olwaikire niyaali nga aliku omukyibuga ekyimwei kwebyo, bonna waliwo omuntu eyaali azwiire ebijjeju, oyoo n, iyabweine Oyesu, namuloleera namaiso namwegaira, nga akumukoba nti Nnyamwanga waange, niwayendya, okusoobola okutereza.
\p
\v 13 Nagolola omukono gwamwei namukwataku nga amukoba nti nkkwendya, olongosebwe omlubwangu ebijjeju nebiwoona.
\v 14 Namulakasira obutakoberakumuntu yeena, naye yabba werange eddi oNnyamwanga oweeyo obujjulizi olwakuwoona kwamu, nka Omusa niyalagirwe okubba omujjulizi eddi jjebali.
\v 15 Naye ebigambo byamwei nebyeyongera kweyongera nkusaasaana, ebibiinja bingi nebikumbana okuwulirya nokubawoonya endwaire zabwe.
\v 16 Naye yee nabawukanaku nmayaba omumalungu.
\p
\v 17 Awoo olwaikiire olunaaku lumwei okwezo; yabaire nga akwegesya abFalisaayo na begesya amateeka baali baikaire awo, baali bazwiire mubuli kibuhgga ekya Ggaliraaya, nomu Buyudaaya no muYerusalemi namaani ga Nnyamwanga gaali naye okubatambula.
\v 18 Boona, abantu ne baleeta omuntu okukyitabu eyabaire akonnere; nebayiiya amagezi okumwingirya nokumutta omaiso gamwei
\v 19 Nebatabwoine wakumwakaarya olwakyiibinja, nebannina aiguru okunnyubba nebwamwakalya omubbuloka nebamwiirirya okukyitabu kyamwei akatii omumaiso ga Yesu.
\v 20 Awoo neyabweine okwiikiriza kwabwe, nakoba nti omuntu ebiibbi byamwei bikuttolebwaku.
\p
\v 21 Abawandiiki na Bafalisayo nebaloleera okuwakana nga bakoba nti naani oyoo akubaza okubyakuwoola naani ayinza okwiyaku ebibbi, okwiyaku oNnyamwanga yenkai
\p
\v 22 Nolwekyoo Oyesu niyeteegyerye okuwakana kwabwe nairamu nabakoba nti mukuwakannirakii omumittima janywei?
\v 23 Ekyikwanguya kyirai okoba n ti ebibbi byamu bitoibweku nokukoba nti yemeera otambule?
\v 24 Naye mumanyenge omwaana wamuntu ainna obusobozi okunsii okwiyaku ebibbi (nakoba oyoo eyaali akonere), nkukoba nti imuuka oimuule ekyitabu kyamu oireyo omunyubba
\v 25 Amanmgu agoo naimuka omumaiso lgabwe, naimula ekyo kyeyaali abasiireku, nayabs ewamwei, nga akutendereza oNnyamwanga
\p
\v 26 Okwewunukya nekubakwatta boona, nebasiinza Onnyamwanga, nebatiina amuuno, nga bakoba nti tubwoine ekyittalo olwaleero.
\p
\v 27 Awoo ekyairai olwebyo nazwaayo naboona omuwooziieibara lya Leevi, nga aikaire omugwakwoleka, namukoba nti yaakala nanjje.
\v 28 Naleka byoona, nayemera, nayaba naye.
\p
\v 29 Oleevi namusuimbiira omukolo ogukootto omunyubba yaamwei noljwekyo waliiyo ekyibinja ekyiikooto ekyabasoroori nekyabandi ababaire abaiaire nabbo okummeere.
\v 30 Abafalisaayo nabawandiiki baabwe bemulugunya abegesebwa bamwei, nga bakoba nti ekyikubaliisya nokubanyweesya amwei nabaasoroori nabantu abaalina ebibbi?
\p
\v 31 Oyesu nairamu nabakoba nti abbomi tebakwendya musaawu, okwiyaku abalwaire.
\v 32 Nje tenaizire kweeta baikiri okuyaku abantuabaina ebibbi okwetonda.
\p
\v 33 Bbona nebamukoba nti abegesebya baYokaana nga bakusiiba emiruundi gyingi era bakusaba, era naBafalisaayo batyo, naye abbamwei bakulya, bakunywa.
\p
\v 34 Oyesu nabakoba nti kale mukusobola okusobya abaana babugoole awasire omugole niyaba nga ali nabbo?
\v 35 Naye kenaku ziriiza awoo nga awasire omugol; e alibaibwaaku, nolwekyo balisiiba omunaaku azoo.
\p
\v 36 Era nabageera olugeero nti ndoowo muntu, ayonoola okulugoye olupya ekyiwero nakyitungira okulugoye olukaire era nekiwero kyoyonwoire okulupya tekisanangana nalukaire.
\v 37 Nolwekyo ndoowo muntu assukaa omwenge ogusai omunsawoo ezabisaato ebikaire, kubba omwenge ogusai gwatya ensawoo zabisaato, negusuka, nensawo ezabisaato.
\v 38 Naye kikwendya omwenge ogusai okgusuka omunsaawoo zabisaato ezipya.
\p
\v 39 Nolwekyo ndoowo muntu anywiirev okumwenge ogukulu nayendya oguuto kubba okooba nti oggukulu guusai.
\c 6
\cl Essula 6
\p
\v 1 Awoo olwaikire, okusaabiiti obweyali akwakala omundimiiro ya ngano, nebaalya, nga bakukunnya omungaalo zabwe.
\v 2 Naye Abafalilsaayo abamwei nebakoba ntii kikii ekyibakolesya ekyamuziro okukola oku saabiiti?
\p
\v 3 Oyesu nabairamu nabakoba ntii, era kyini temukyisoma ngaku, Odawudi kyeyakore, bwe yalumibwe enzala nabairabamwei,
\v 4 Neyegayira omu nnyubba yaNyamwezi naiyamu emiigaati egyo kubalanga nalya, era nagyiweryaku beyalinaabo.
\v 5 Nabakoba nti omwaana wamuntu niiye omukama wa saabiiti
\p
\v 6 Awoo olwaikire oku saabiiti egyiindi, naingira omu kumbanilyo nabegesya omulimu omuntu nga omukkono gwamwei ogulyo nga gukare.
\v 7 Awoo abawandiiki nabafalisaayo ne bamubonera obba awonyezenge oku ssaabiiti, balooke baboone nkumuwawabiira.
\v 8 Naye niiyamaite endowooza zaabwe, nakkoba omuntu eyaina omukkono ogumkkaire ntti imukka, oyemmere akaati, naimuka nayemeera.
\v 9 Awoo yesu nabakoba nttinkubabulya nywe, kyisai okusaabiiti okukola obussai oba okukkola ebbibi, o. kutamba obwoomi obba, okuzikirira?
\v 10 Neberuguurya omumaiso boona, nabakkoba, ntii yaniika omukono gwamuNakola atyo omukkono gwamwei neguwoona.
\v 11 Nayetta abalalukii, ne babazza boonkai naboonkaibyebakukoolam Oyesu
\p
\v 12 Awoo olaikire omu biiro cebyo nazwayo nayaaba oku lusozzi okulamya nakeisya obwiire nga akulamya o Nnyamwanga
\v 13 Awoo obwiire nibwakeire, nayeeta abegesebwa bamwei, ommubo nakoomyamu omwiikunababiiri, nokubeeta nabeeta abatuumwa.
\v 14 Osimoni era niiye gweyatumiire oPeteero, no Andereya omugandde, no Yakoobo no Yokaana; no Fiiripo no Battulimayoo.
\v 15 no Mataayo no Timosi, no Yakoba, omwaana wa Alufaayo, no Osimoni no simoni eyetbwanga Zerote
\v 16 no Yuda omwaana kwa Yakobo, no Yuda Isukariyoti eyamuliremu olukwei,
\p
\v 17 Naikirira Amosi naabbo nebemeera awacculeeri, ne kibuura ekikkokto ekyabegesebwa bamwei, abaantu baingi abakuzwa eBuyudaaya, Oyoonna waYerusaalemi, nabazzwiira okulu keito lwanyanja eye Ttuulo we Sidoni, abaizire okumuwuulilya nokutambibwa endwaire zabwe,
\v 18 nabaali okuboonesebwa edayimooni ne bawoonye zebwa.
\v 19 nekyibiina kyoona nekyisala amageezi okumukanja kubba amaani gazwiire omuyee negabataamba boona.
\v 20 Naimula amaiso agabegesebwa bamwei nakkoba nti mulina omukiisa abasege, olwokuba obwobukama bwea nnyamwanga niibyo bwnnye
\v 21 mulina omukiisa abalumibwe enzaala atii, olwo kubba mulikutibwa, muliina ommukisa abakungiire atii kubba muli basanyukii,
\p
\v 22 Muliina omukiisa, abaantu bakyairenge, babetantalanga, abazumwanga, bwe bagaddiranga eibara lyamwei nga riibbi, okubavuinanisya omwaana wamuuntu
\v 23 Mubeenga basanyukii okuulunaku olwo, mugulukanga olwa massanyu. kubba boona omugaabo gwanywe gwingi omwiiguru, olwakubba bazzizza baabwe nga bwe bakoranga a balangi nbatyo
\p
\v 24 Naye ziibasangire nnywe abbagguda olwokubba mummare okubba nveinmsanyu lyanywe.
\v 25 Zibasangiire nnywe abaimkutire akaadoli olwoo kubba mulinenebwa enzaala, Zibasangire ]nnywe abakuseeka naatii olwoo kubba muliyongoobera, mmulikunga
\v 26 Ziibasangire, abaantu boona bwe balibebalya olwo kubba nga bazzizza bannywe nimbakolanga abalangi abobubeyegi
\p
\v 27 Naye nkubakoba nnnywe abawulire nti, mwedye nge ababoni bannywe, mwakalyenmge kusai abbabakyalire
\v 28 musabiirenge omukiisa ababakoliimire, musabiirenge ababakurye kyejjo.
\v 29 Oyoo alikukuba olusaya omuteerangawoo nolwakabiiri! nakwiiya ngaku omunagiro ggwamu, nekanzuu togyimugananga.
\v 30 Buuli eyaakusabanga omuvweeryanga; nooyo eyakwiiyanga ku ebiintu ebyoo tobimusabanga.
\v 31 era nimwayendyanga abaantu okubakalya, nywenna mubakorenge mutyo.
\p
\v 32 alee bwee mwendya aboo abukubendya nnywe, mwebalibwa kii? olwoo kubba abaantu baba nebbibi olwakwendya abbo ababendya.
\v 33 Era bwemweyakalyanga okusai ababakoore okusai nnywe, mwebalibwakii? nolwokubba nabaantu ababbanga nebibbi nga bakukola batyoo?
\v 34 Era bwe mwabaziika aboo bemukusabira, okubaweerya, mwebaalibwakii? nabaantu abaliina ebibbi bakuzika abba nebbibi, era baweebwenge batyo?
\v 35 Naye mwenddye nge ababonni bannywe mubakalyenge kusai mwaziike nge naye temwiiyanga woo suubbi, ne empeera, yannywe eriibajjingi, muliba baana booyo ali omwiguru omuno; olwokubba yee musai eddi attebalya nabaabbi.
\v 36 mubeenge nekyisa, nka oitewannywe bwalina ekyisa
\p
\v 37 Era mutasalanga mussango, temulisarwanga nnywena, era temusingisyanga musango, nnywena temulisingisibwanga musango; mugannyirenge, nannywe muligannyiranga;
\v 38 Muggabenge, nnywena muliweebwa, ebiipimo ebisai, ekyigaitibwe, mugeere ekyiingi, kye bakubaweeryanga omukyikaranziira.
\p
\v 39 Era nabairamu omunggeero, ntii omwiigali wamaiso ayiinza okwebembera omwiigali omwiinne.
\v 40 Omwegesebwa tasiinga mwegesya. naye bulimuunyu gwaliikira alibanga mwegesebwa,
\p
\v 41 kiiki ekyikulolesya akantu akalikuliiso lyamuggandawo, naye tolowoozanga akasekere akalikuliiso lyamu?
\v 42 oyinza otyai okukooba nti omugandawoo, leeka nkwiiyeku akantu akakuli kuliiso lyamu, yeetenga okyali kubbona akaseekere akalii kulisolyamu wee nakyiweweita olyoke obbone kusai okwiiyaku akantu akalikuliso lyamugandawoo.
\p
\v 43 Olwoo kubba nddowoo musale guusai ogwayeere ebiibala ebiibbi, nowankubaire omusale oguubbi ogwala ebibala ebisai.
\v 44 Olwoo kubba bulimusale ogwetemgyera kubibala byagwo. olwoo kubba tebanokola ntiini kubugando, naye tebanookola mizabibu oku mweramaino.
\v 45 Omuuntu omusai ekyisai akyiyaa mwiibikiiro erisai ebyamwoyo gwamwei! nomubbi ekyiibbi ekyiiya mwiibikiro eriibbi; olwookubba ebyo ebiizulya omumwooyo akamwa kebikubaziibwa.
\p
\v 46 era munnyetera ngakyii Nnyamwanga wannywe, Nnyamwanga wannywe, yeete temukola bigambo byenkubaza?
\v 47 Buuli muuntu yeena ayigeera gyendi nawuura ebigambo byange nabbikola, nabalanga gwaisaine;
\v 48 Anyiisana nkooomuuntu ayoomboka ennyubba nassaka ansiimuno omusiingi nagyiteka omunyazi, awoo amaizi wee geyanzura, omwiiga negukulutira okunnyuba eyoo ogwamani okugyinaga, ngategukusoobola nakusoobola kujjitengetya; olwookubba yombokeibvwe kusai
\v 49 Naye oyoo aliwuura natoola ayiisana nkomuntu akwoomboka ennyubba okwiitakali nasaaka omusiingi, awoo omwiiga negukulukutiiraku. lwamaani newaa amangu aggo, nokugwa kwannyubba eyoo nekubba kukooto.
\c 7
\cl Essula 7
\p
\v 1 Awoo niyamare okubaza ebigambo byamwei byoona omubaantu, naingira eKaperunawumu.
\v 2 Awoo waaliwo omwaami wakyitoongole omwiiru wamwei gweyendyanga omuuno yaali nalwaire nga akwaba kufa
\v 3 oyoo niyawulire ebigambo byaYesu natuma okubakaire babaYudaaya jeyali nga akumusaba okwiiza okulokola omwiiru waamwei
\v 4 Boona nebaizire eddi oyesu, nebamwesengerya muuno, nebakoba ntii, “aggwaniire wee okumukora wee okumukora ekyoo;
\v 5 Kubba ayendya eiyanga lyaiswe, neinkumbairo niiye yaali twoombokeire.”
\p
\v 6 Awoo Oyesu nayaba naabo. awoo niyali nga talaalai nennyubba, omwaami oyoo natuuma abannywani bamwei jjali, nga akumukobanti sebbo, otegaddya kwiiza, kubba njje tiinyikiraine wee kwiingira ansii wakasolyai kange;
\v 7 Era niikyo nzwiire ngaana okweesanilya njjenkai, okwiiza jjooli, naye baaza kyigambo kyonkai, nomwiiru waange akwiizakuwoona.
\v 8 kubba najje. ndimuuntu alyansii waabiragiro, nga ndiina abasiibrikkale bentwala; nenkoba amwei ntii yaba, ayaba, nowoondi ntii izaa, ailzaa, nomwiiru waange ntii nkoola nyiini, akyikola.
\p
\v 9 Oyesu niyawuulire ebyoo niuyewuunya naindukiimra abaantu abanyaamlwiingi abamusengerya nabakoba ntii “Nkubakooba ntii tiimboonanga kwiikiriza kutoono nkakuni nebwaabavb omu Isiraeli
\v 10 Awoo abaantu abatumiibwe nebaira omunnyubba nebaajja omwiiru nga woonere.
\p
\v 11 awoo olwaikire newayakairewo eibaanga liddyoli nyaba omukyibugga ekyettebwa Nayiini; abegesebwa bamwei nekyibiinna ekyikoto nebaba naye.
\v 12 Awoo nyasembeire okwiirembo lyakyiibugga, boona, omutuun-mbi nga gukulukyibwa enzai, ggwali gwamwaana omwei owamwei gweeyabyaire omwei, nomwei oyoo nga namwaandu; nabaantu baingi abamukyibugga omwoo ngabaalyamwei naaye
\v 13 awoo omukama waiswee niiyamubweine namusaasira namukoba ntii otakunga.
\v 14 naigera nakanga okulukugiro; baddi abaali nibetiikire nibemeera. Nakoba nti omwojjo, okukoba nti imukaa.
\v 15 oyoo ayaali afiire naimuka, naikara natanddika okubbaza. namuweerya omawaamwei.
\p
\v 16 Obutiini nibubakwata boona, nibagulumilya ONnyamwanga; nga bakoba nti omulangi omukulu ayiimukiire muniiswe; era oNnyamwanga akyalire abaantu bamwei.
\v 17 nekyigambo kyamwei ekyoo nekyisaana omuBuyudaaya woona nomunsii yoona eriiraine woo.
\p
\v 18 Awoo abegesebwa baYokaana nebamukobera ebiigambo ebyo byoona
\v 19 Oyokaana nayetta abegesebwa bamwei babiiri nabatuma ewamukama waiswe; nabakoba nti niiwee oyoo akwiiza kanda tulindire owoondi?
\p
\v 20 Awoo abaanmtu baani nibaikire jaali, niibakooba nti oYokaana omubatiza atuutumire eddi wee nga akoba nti niiwee oyoo, abkwiiza kan da tulindiire owoo nddi?
\p
\v 21 Awoo omubwire obwo nawonia baingi endwaire nokubonabona no dayimooni, nabaigali bamaiso nabawa okubonia.
\v 22 Oyesu nairamu nabakoba mwabe mumukobere Oyokaana ebyo byemubweine, nebyemuwuliire; abaigali baamaiso bakubonia, abalema bakutaambula, nabawabigenge bakusaayiiribwa, abakyigara bakuwura, abaafu bakuimboka, aseegi bakubulirwa enjjiri.
\v 23 Era ainaa omukisa oyoo attaliswala kulwange.
\p
\v 24 Awoo abakwenda baYokaana nebamare okwaba natandiika okubaza ne bibiina bya Yokaana ntii kyiki kyemwayendyanga okubona omwiiruungu? olubiingo olubiingo olukutengetebwa ompuungo?
\v 25 Naye kyiki kyemwayabirire okubona? omuuntu azwaire engoye ezikupirikyitya? boona, abazwala engoye ezabukuni, abalya emeere ejjisai babba omukyikali kya mukama.
\v 26 Naye kyiki kyemwayabirire okuboona? omulangi? nimwoo, nkubakoba, era okusiingira kyimwei omulangi
\v 27 Oyoo niyee eyawandiibweku ntii boona, njje nkutuma omukwenda wange omumaiso gamu, ye alisaira omwanda gwamu jokwaba.
\p
\v 28 Nkubakoba nti. omwabo ababyaliibwe abakali, ndomu akusinga Yokaana bukulu; naye omuto omubukama bwanyamwanga yete mukulu okumusinga.
\p
\v 29 Nabantu boona nibawuulire nabaawooza nebaikiriza oNnyamwanga okuba omwiikiri, abatiizibwe omukubatiza kwaYokaana.
\v 30 Naye Abafalisaayo nabegesya bamatteka nibagana okuttesa kwa Nnyamwanga kubba tii babatiizibweniiye
\p
\v 31 Kale abaantu abamulembe guuni nabaisanisyaki? era baalinka kii?
\v 32 baali nka abaana ayikara omukatale, nga bakwetangana; abakoba ntii tubafuwiire omulere nimutabbina; tubakubire ebiiboobo, nemutakunga maliiga.
\v 33 Kubba oYokaana omubatiza yaizire nga takulya mmere ate nga takunnywa mwenge; nemukoba nti aliku dayimooni.
\v 34 Omwaana wamuunt yaizire nga akulya nga akunywa, niimukobanti boona, omuuntu omutubi, omutamire, omunnywani wabawooza era owabalina ebiibbi.
\v 35 Era amagezi gawebwa obwiikiiri okulwa baana baago boona.
\p
\v 36 Awoo om uFalisaayo omwei namwetta okululya nayee. naingira omunnyubba yamuFalisaayo oyoo naikara okummere.
\v 37 Kale, bonna, omukali eyali omukyibuga omwoo, eyaalina ebiibbi, niiyetegyere nti ayikiire okukyibulo omunnyubba yamuFalisaayo, naleeta eccupa yamafutta agamusutai,
\v 38 nayemera emagulu okumagulu gamwei nga akunga, natandiika okumutonyeryaku amaliiga okumagulu agamwei nagasusulisya eisoke elyakumutwe gwamwei, namukomba, amagulu gamwei nagasiiga amafuta ago.
\v 39 Awoo omuFalisaayo eyamwetere niiyabweine, nabaza omundda yaamwei ntii omuuntu onii, baanga abaire omulangi yakwetegyere omukali akumukwataku bwaali, era nkaa nakwisana nkanalina ebiibbi
\p
\v 40 Oyesu nairamu namukobanti Simoni, ninakye nkwendya okukobera. nakoba ntii omwegesya, baaza.
\v 41 Waaliwo omuuntu eyawoolanga, naye yaalina beyaabanjangababiiri; omwei nga akumubanjja oruupiiya biitanu, nowoondi ataanu.
\v 42 Awoo niibalinga tebayiina kyakumusasula, nabasasiilra bakali babiiri. kale okubabiiri aliisinga okumweendya naani?
\p
\v 43 Osimoni nairamu namukoba nti nkulowooza oyoo gyeyasasiire eziingi; naamukoba nti osaare kusai.
\v 44 naindukiira omukali oyoo, nakoba oSimoni ntii okubona omukali onii? nyiingire omunnyubba yamu, notompa maizi gamagulu gange; naye attonyesere amaliga okumagulu gange, nagasangulisya. eisoke lyamwe.
\v 45 Tewanywegeire wee; nayee onii nakaingiriranga akyali kulekerawoo kukoomba amagulu gange.
\v 46 Tonsiigire mafuta kumutwe gwange; nayee onii ansiigire amafuta gamusutai okumagulu gange,
\v 47 nikyo nkukooba ntii asasiirwe ebiibbi byamwei ebinnyamwingi kabbe okwendya kwamwei okwiingi.
\v 48 namukoba nti osasiirwe ebiibbi byamu.
\p
\v 49 Awoo alibaikalire naaye okukyibulo nebatandiika okubaaza boonkai naboonkai ntii onii naani akusasira nebiibi?
\p
\v 50 nakoba omukali ntii okwiikiriza kwamu kukulokoire; yabamirembe.
\c 8
\cl Essula 8
\p
\v 1 Awoo nibaikireoluzwanyuma, natambula omubiiga nomumbuuga nga akubulira engiri eyabwa bukama Onnyamwanga, bali ikuminababiiri nga balinaye.
\v 2 Nabakazzi abawonyezeibwe dayimooni, nendweyire, omalyamu eyeitebwe magadalena, eyazwireku dayimoni omusanju.
\v 3 no yowaana omuka kuza, omuwanika wa Kerode no Susaana, nabandi baingi ababawereza entu bye balina.
\p
\v 4 Awoo ekyibiina ekyikoto nekya kumbaine nabazwanga omubulikyibuga niibaizire weyaali nagera olugero ntii,
\v 5 omusiigi yawuulukire okusiiga ensiigo zamwei niyalinga akusiiga, ensiigo eziimwei neziigwa emabaali wanziira, nezemebwayemebwaku, ebiinyonyi ebyamwii banga nebiizilya.
\v 6 eziimwei neziigwa okulwazi; nezamare okumera nezottoka olwabutaba namaizzi.
\v 7 Eziimwei nezigwa ommakatti gamawa, amawa negamera amwei nazo negaita ebiimera.
\v 8 eziimwei neziigwa okwiitakali erisai omuuno, neziimera emiirundi kyikumi okusiinga ezasiimbibwe. niyamare okubaluiza ebigambo ebyoo, nabaliza aiguuru muno ntii alina amaatwii agakuwura awuure.
\p
\v 9 Awoo abegesebwa abamwei nebamubulya ntii olugero olwo kyikyi?
\v 10 nabairamu ntii nywe muweereibwe okumannya ebyaama ebyo bwabukamana bya nNyamwanga, naye abandii omungeero, era nibabonia baleme okubonia era nebawuura nga balemenge okuttegera.
\p
\v 11 era olugero olwo nilwoo luni, ensiigo nikyo kyigambo kyaNyamwanga.
\v 12 Ezoo zakumabali nga ziira, niboo ababoo abantu abawura, awoo Ositaani naiza natola ekyi gambo omumitima gwabwe leke boo baleme okwiikiriza nokulokolebwa.
\v 13 ezoo ezagwiire okulwazi, niboo abaantu abawuura nebaikiiriza era nebasemerwa, kyonkai nga bakwiikirizira eyibanga li dyooli era omubiro byakemebwa berabira mangumangu.
\v 14 Nezoo ezagwire omumawa niboo aboo abawuura ekyigambo, awoo nebaaba nebatangirwa okweralikiira nobugaigai nokusemerwa okwabwoomi bwabwe era nebatakula,
\v 15 Nezoo ezakwiitakali eriisai, niboo aboo abawuura ekyiigambo omumuttima ogusai nebakyilgumya nebabyala emmere nokugumikiriza.
\p
\v 16 Era ndowoo akoleerya tala nagyisanikira omukyiibo naye agyiteka kunnkondo abakwiingiramu babonenekwaka
\v 17 Kubba ndowoo kyiigambo ekyakyaama ekyiitali langibwa nebwewankubaire ekyakwekeibwe ekyiitalimanyiibwa nekyiibonekera omulwattu.
\v 18 Kale mwekumenge nga muwuulire, kubba buli alina, aliweebwa, era buli atalina nekyokyakulowooza ntii alina ekyiirimwiyibwaku.
\p
\v 19 Awoo onyina nabaganda bamwei nebaiza nebatayiza okumwikaku olwakyibiina.
\v 20 nakoberwa nti onnmyinawamu nabagandabamu bemereire zai bakwendya kuboona.
\p
\v 21 yeena nabairamu nti omaawange nabaganda baange niiboobani abawuura ekyigambo kyaNnyamwanxga era nebakyiikola.
\p
\v 22 Awoo olwaikire olunaku olumwei okwezo nsomoka omulyatto nabegesebwa bamwei nabakoba ntii tusale twabe okuluda ludedii olwannyanjja nebaaba.
\v 23 Awoo nibaali nga bakuseyeya, nabasya ottulo, ompungo omwiingi nawuunga okunyanjja, amaizzi negabanga gakwendya okwiizuula, nebaaba omumutawana muuno.
\p
\v 24 Nebaiza gyali nebamwiimula nga bakukoba nti mukama weisye, tukuffa. Neimuka, nabweigora ompuungo, nokuffukuka kwamaizzi, nibiikakana ne biiteka.
\p
\v 25 nabakoba ntii okwiikiriza kwannywe kulai? nibatiina era nebewunnya, nebabaza boonkai naboonkai ntii kale naani onii, kubba empeewoo na maizzi abiragire nebiiwuura.
\p
\v 26 Awoo nebaaba okunsii yabaGerasene eriiraine e Ggaliraaya.
\v 27 Awoo niyazwiiremu naika okunsii, nasanga omunttu nga akuzwa omukyibuga eyaaliku edayimooni, nga yakamala enakuziinnyamwiini ngatakuzvwala lugoye nomunnyubba nga takwiikaramu, naye nga abaa mumagoombee.
\p
\v 28 niyaboine oYesu nabaliza ayiiguuru, nagwa omumaiso gamwei nabaaza neiraka elyaiguru nti okugwiirakyi? oYesu omwaana wa Nnyamwanga oyoo ali ayiiguuru omuno? nkwegayirire tomboonereza.
\v 29 Kubba yalagire odayimooni okuzwaa okumuntu oyoo. kubba yaali yakamala ebiiro biingi nga amukwaite yabwebwanga kunjegere nomumasamba agakumimbwa nakutulanga ebyali bimusibire, dayimooni namupekeranga omwiirungu.
\p
\v 30 oYesu nam, ubuulya atii, eibaralyamu niiwenaani? namukoba ntii Liggyoni, kubba edayimooni baingi abamwiiniremu.
\v 31 nebamwegaira aleme okubalagira okuzwaku okwaba omubiina.
\v 32 awoo waaliwoo emberege eziinnyamwiingi nga ziikulya okulusozi aiguru nebamwe gayira abaikirize bazingiremu nabalagira.
\v 33 awoo abadayimooni nebazwa okumuuntu nebaingira omumberege eigana lya mberege nelifubutukira omwiibanga nizigwa omunyanja neziifa amaizzi.
\p
\v 34 awoo abalisya nibabweine ekyibairewo, nebairuka nebaaba omukyiibuga nibabiibaza nomukyalo.
\v 35 Abaantu nibazwayo okuboonaekyibairewo. niibaiza ewayesu, nibabona omuntu oyoo eyazwiireku edayimooni nga aikaire awaali amagulu agayesu nga azwaire olugoye nga okutegera kwamwei kumweiremu, nebatiina muuno.
\v 36 Naabo ababweine bakobera ne ya koleibwe oyo eyali akwatiibwe e dayimooni.
\v 37 Nabaantu boona abensi ya Abagerasene eyaali ampii awoo bamwegayiriire bazwejebaali kubba balibaizwiire obutiini, awoo nosomoka omulwatto nairayo.
\v 38 Naye omuuntu ayazwiireku edayimooni namwegaira abee naye.
\v 39 erayo omunnyuba yamu onyo nyoleebigambo onnyamwanga mbyakukolelire nebiiri ebikulu. nayabanga akubulira ekyibuga kyoona bwebiiiri ebikulu oYesu byeyamukoleire.
\p
\v 40 Awoo oyesu niyaire, ekyibina nekyimwaniriza okusemerwa, kubba boona bali bamulindirirye.
\v 41 kale boona omuntu eibara lyamwei Yayiro omukulu wai kumbaniro naiza nagwa ewali amagulu gayesu namwegayira okwingira om unnyabba yamwei.
\v 42 kubba yaali nomwaana wamwei emmyaka ikuminaibiiri era oyoo yaali nga kwaaba okuffa, naye niyali nga akwaaba ebibiina nebimunyigirya.
\v 43 nomukali eyali alwalire ekyikulukuto kya musai okumala emyaka ikuminaibiiri, eyaawanga abasawuu ebintu byamwei byonna natawonyezebwa muntu yeena.
\v 44 oyoo namuzwa emabega nakoma okulukugiro olwalugoyelwamwei. amanago ekyikulukutokyamwei nekyikala.
\v 45 oyesu nakoba nti naani annyikireku? awoo nibegaine boona, opeteero amwei nabairabamwei nebakobanti mukamawasye, ebiibina ebikvwetoloire bikumigiriye.
\p
\v 46 Oyesu yeena namuukobanti omuntu yeena ankonereku nkuba mpulire nga amaani gampeiremu.
\v 47 Awoo omukali oyoo niyabweine nga takwekeibwe naizanga akukankana namuffukamira namukoba omumaiso gabantu boona ensonga neyali emukomereku, nebwawonere amangu agoo.
\v 48 Namukoba ntii mwaana waange, okwiikiriza kwamu kukuwoonere yaaba mirembe.
\p
\v 49 Awoo yaali nga akyabaza newaiza omuuntu eyazwiire omunnyubba eyamukulu waikumba niiro nakoba nti omwaara wamu affiire, togada kumwegesya.
\p
\v 50 Naye oyoo Oyesu niiyawuulire namwiiramu ntii tootiina ikiirizambe, akwiizakuba mwoomi
\v 51 Awoo niiyaimkire okunnyubba nataikiriza muntu woondii kwiingira naye wabula oPeteero no yowaana no Yakoobono taata wamwala no mawamwei.
\v 52 Awoo baali nga bakukunga boona, nga bamukungira ebiwoobe, yenakobanti temukunga kubba tafiire naye abasiirye tuulo
\v 53 nebamusekera munoo kubba bamanyanga ntii affiire.
\v 54 yee namukwata okumukono nabaliza aiguuru nakoba ntii mwaala, imuka.
\v 55 Omwooyo gwamwei niigwira nayemera amangu agoo, nalagira okumuwa ekyakulya.
\v 56 ababyaire bamwei niibewuunya muuno yenabakutiira baleme kukoberaku muuntu ebibairewo
\c 9
\cl Essula 9
\p
\v 1 Nabettera amwei abegesebwa baamwei eikuminababiiri nabawa amaani nobuyinza okuba dayimooni boonasnokuwoonya endwaire.
\v 2 Nabatuma okubuliira obwakabaka bwa nnyamwanga nokluwoonya abalwaire.
\v 3 Nabakaba nti temutwala kyintu kyamunziira yaade omwiiggo, yaade olukobba yaade emmere yaade effeeza naye temuba nakanzu ibiiri.
\v 4 buuli nnyubba nnywe mwiingirenge, mubenge mumwoo, era nimwoomuba muzwanga era niijo muzwanga
\v 5 Era boona abatabaikirizenge, bwe mwabanga mukuzwa. omukyiibuga ekyoo, okyukyuwamagulu gannywe mumukunkumulyenge abbe obujulizi eddi boo.
\v 6 Awoo nibaaba nibetolola omubiibuga byoona nga bakubuliira enjiiri, nga bakutamba abaantu omubulikyi ffo.
\p
\v 7 Awoo okabaka okerode owaisaza nawuura byoona ebyakoleibwe; nabusabusa muuno kubba abaantu bakooba ntii oYokaana azuukiire omubafu.
\v 8 Abanddi nambu Eriya aboonekere; nabandi ntii obulangi abeira omwei okubbo ayimboopkere.
\v 9 Okerode nakoba ntii oYokaana niingye yamuteemereku omutwee; naye oyoo naani oyoo gwenkuwuuraku ebiigambo ebikweenkanawo? nayendya okumuboona.
\p
\v 10 Awoo abakweenda nimabare okwiira, nibamunnyonnyola byona byebakoore. nabatwala niyeyawulamu nayaba naabo mukyama omukyibuga ekyiikwetebwa Besusayida
\v 11 naye ebibiina nibyategeire nibimusengerya; nabbaaniriza, nabazanabo ebigambo ebyabwakabaka bwaNnyamwanga, nabaali bakwetaga okuwoonyezebwa. nabawoonya.
\p
\v 12 Awoo eisaana lyali likwaka; aboo eikuminababiiri nibayiza jaali nibamukoba ntii siibmula lekyiibiina babee omumbuga nomubyalo byaalo ebirampi basuule, batoolye ebyakulya; kubba anni tuuli mwiirungu lyerere.
\p
\v 13 Nabakoba ntii nnywe mubawe ebyakulya. niibamukoba ntii tetulina kyiintu wabuula emiigaati etaannu nebinage biibiri; kyonkai twabetubagure ebyakulwa abaantu baani boona.
\p
\v 14 Kubba baali abasaiza nka enkumii itaanu, nakoba abegesebwa bamwei nti mubaikalisye inyiiriri ataanu ataanu.
\v 15 Nibakola batyoo, nibabaikarya boona.
\v 16 nairira emigaati etaanu nebinaage bibiiri, naimukya amaiso aiguuru nabyebalya nabiimennyamu, naweerya abegesebwa bamwei okubitteka omumaiso gakyibiina
\v 17 Nibalya nebayikutta boona, nebulondebwa obukunkumuka bwebalemerwe, ebiibo ikumiina bibiiri.
\p
\v 18 Awoo. olwaikire niyaali nga akusaba yeenkai, abegesebwa bamwei bali amwei naye. nababulya ngabakoba nti ebibiina binyeta naani?
\p
\v 19 nibayiiramu nibakoba nti oYokaana mubaatiza; naye abandi ntii Eriya; nabandi ntii okubalangi abeira ayiimbokere.
\p
\v 20 Nabakoba ntii naye nnywe munnyeta naani? oPeteero nairamu namukoba ntii niiwe kuristo wa Nnyamwanga.
\p
\v 21 naye nabakutiira nabalagira baleme okukoberaku omuntu ekyiigambo ekyoo;
\v 22 Nga akoobanti kyigwanire mwaana wamuntu okubonyezebwa ebiingi, nokuganibwa abakaire nabakabona abakulu nabawandiiki, nokwiitibwa era nokulunaku olwakassatu okuyiimbokebwa.
\p
\v 23 Nabakoba boona ntii omuntu nayendya okunsengerya, yeffirize yenkai, yettikenge omusalaba bwamwei bulilunaku, anseengerye.
\v 24 Kubba buuli akwendya okulookola obulamubwamwei alibubulya; naye buli alibuulya obulamubwa mwei okulwange oyoo alibulokola.
\v 25 kubba kuliimugasakii omuntu okulya ensii yoona, nga akweebulya oba nga yetundire?
\v 26 kubba buuli ankwattirwa ensooni nebigambo byange, oyoo noomwaana wamuntu alimukwattirwa ensooni, lwaliziira omukyittibwa kyamwei nomukyaitowamwei, nomukyabamalaika abatukuvu.
\v 27 Naye nkubakoba mazzima ntii waliwo abemereire anii abataliloza kukuffa okwiikya niibalibona obwakabaka bwannyamwanga.
\p
\v 28 Awoo olwaikire oluzwannyuma olwabigambo ebyo nga wakairewo ennaku munaanai, natwala Opeteero, noYokaana no YAkoobo, naniina, okulusozi okusabba.
\v 29 Awoo niyaali nga akusaba, eklyiifananyi kyamaiso gamwei nikyiba kyindi, nekyizwalo kyamwei nekyiiba kyeru nga kyikupirikitya.
\v 30 ale, bonna, abantu babiiri nibabaza naye, aboo baali Musa ne Eriya;
\v 31 Ababooneka nkabalina ekyitinisya nebabaza okukuffa kwamwei kwakwabav okwikyira Omuyerusalemi
\v 32 Awoo oPeteero nebeyali naabo baali bakwatibwe otulo; naye nibabonerye, nibaboona ekyitinisya kyamwei nabantu babiiri abemereire waali.
\v 33 Awoo olwaikiri nibali kwaba okweyawuulamu naaye, Opeteero nakoba oYesu ntii mukama waange, kyisai iswe okubawoo anni; tukole obunnyuba bussatu, nga emwei yaamu, emwei Ya Musa, emwei yeEriya; nga takumannya kyakubazaaku.
\v 34 Awoo yaali nga akyabaza ebyoo ekyiguru nikyiza nekyibazikiriza; niibaingire omukyiguuru nebattiinas.
\p
\v 35 Eiraka niruluka omukyiguru nelikoba ntii oyoo niyemwaana waange gwe neelobolya; mumuwuliryenge;
\v 36 Neiraka elyo nilyaizire. Oyesu naboneka yenkai. boona nebasiirika, enaaku ezoo nebatakoberaku muntu kyigambo nakyimwei kwebyo byebaboine.
\p
\v 37 Awoo olwaikire okulunaku olwakabiiri nibazwiire okulusozi, ekyiibiina kyikoto nekyimwaja.
\v 38 era, bonna, omuntu wamukyibiina nabazira aiguru nga akobanti omwegesya, okwegayirire okubona okumwaana waange kubba namubyaire omwei;
\v 39 era, bonna, odayimooni amukwatta nakunga amangu agoo namutagula nokubiimba biimba eifuro, era amuzwaku lwampaka nga amumenyeremenyere muuno.
\v 40 nagye negairire abegesebwa baamu okumupekaku; nebatainza.
\p
\v 41 Oyesu nairamu nabakoba ntii nnywe abamirembe, egyitaikiriza era egyakyamiire, ndiikyai okuba nannywe nokubagumikiriza? leeta anii omwaana oyoo.
\v 42 awoo yaali nga akyaiza, odayimooni namunaga namutagula muuno. naye, oYesu naboigora odayimooni; nawoonnya omwoojo namwiirya eddi oitewamwei
\v 43 boona nebawuikanna olwabukulu bwannyamwanga, naye boona nebalinga bakwewunnya byona byavkore, nakoba abegesya bamwei ntii,
\v 44 ebigambo eyoo mubitteke omwattwi gannywe; kubba omwaana wamuntu akwaba okuwebwayo omumikono gyamuntu.
\v 45 Naye boo nmebatategera kyigambo ekyoo, erakyalikyibakwekeibwe baleme okutegera; nebattina okumubulya ekyigambo ekyoo bwekyiiri
\p
\v 46 Awoo niwabawoo okwawukana omubo oliba omukulu omuboo bwali.
\v 47 Naye oYesu niyabweine okuwakana omumitima jabwe, natwala omwaana omutto, namutteka okulusegere lwamwei.
\v 48 nabakobanti eyasemberya nga omwaana omuuto omwiibara lyange, yabba asembeirye niingye, nabuli eyasemberyanga ngye, ngaasembeirye eyantumire; kubba asiinga obuuto omunnywe nnywena oyoo niye mukulu.
\p
\v 49 Oyokaana nairamu namukoba ntii, twaboine omuntu nga agoba edayimooni omwiibaralyamu; netumugana, kubanga tayakala naiswe.
\p
\v 50 naye Oyesu nabakoba ntii temumugana; kubba ataali mulabbe wannywe, alii kulwannywe.
\p
\v 51 Awoo olwaikire enaaku zaamwei zakutwalibwa omwiiguuru nezaalizirampii okwiika, nasiimbira kyimwei amaiso gamwei okwaba eYerusaalemi,
\v 52 Natuma ababaka omumaiso gamwei; nibaaba niibaingira omubuga yaBasaamaliiya, okumutegekera.
\v 53 nebatamusemberya kubba amaiso gamwei gaali galangire okwaba Eyerusaalemi.
\v 54 Abegesebwa bamwei Oyakoobo no Yokaana nibabweine niibakoba ntii mukama waiswe okwendya ndagiire omuuro guzwe omwiiguuru gubaziikirize, nka Eriya niiyakore.
\v 55 Naye naccuka nabanennya na bakoba ntii temumaite omwooyo bweguuli gwemulina. kubba omwaana wamuuntu ti yaizire kuziikiriza bulamu bwabaantu, waabula okubulokola.
\v 56 Awoo niibaaba omumbmuga egyindi.
\p
\v 57 Awoo niibalinga bakwaba omunziira, omuuntu namukoba ntii nalikusengeryanga gyewayabanga woona.
\p
\v 58 Oyesu nairamu namukoba ntii ebiibe birina obwiina, nennyonnyi ezamwiibanga ziirina ebisuu, naye omwaana wamuuntu talina wasa mutwee gwamwei.
\v 59 Nakoba owoondi ntii nseengerya. naye namukoba ntii mukama wange, ndeeka maale okwaba nziike oitewange
\p
\v 60 Naye namukoba ntii leeka abaafu bazike abaafu bairababwe, nayewe yaba obuliire obwakabaka bwa Nnyamwanga.
\p
\v 61 Nowoondii namukoba ntii nakusengeryanga, mukamawa nge; naye sooka ondeke maale okusiibula abamumyuba yaange.
\p
\v 62 Naye Oyesu namukoba ntii ndoowo muntu akwaata kyoma ekyiriima nalorera emabega asaniire obwakabaka bwa nNyamwanga.
\c 10
\cl Essula 10
\p
\v 1 Awoo oluzwannyuma olwebyo omukama waiswe nalonda abandi nsanjuu, nabatimba omumaiso gamwei okwaba omubiibuga nomubuliikyifo gyebakwaba,
\v 2 Nabakoba ntii okungula kwamwei kwiingi, naye abakunguli bamwei badyooli; kale musaabe omukama wakungula okuttuma abakunguli omukukungula kwamwei.
\v 3 mwabe; bona, nkubatuma nywe nkabana bantama akati omisege.
\v 4 temutwala nsawo, wadde olukobba, nkeito; wadde okulamukya abaana omunzira.
\v 5 Buli nnyubba gyenaingrangamu, musookenge kukooba ntii emmirembe gyibe n ge omunnyubba ennii
\v 6 niiwabanga waaliwo omwaana waamirembe, emiirembe gyannywe gyibenge kuniiye nikyabanga tiinimwo kyiiri kyityo gyirange jemuli.
\v 7 Mubenge omunnyubba omwoo nga mukulya nga mukunnywa mukulya ebyawaabwe, kubanga omukozi empeera yamwei emugwaniira. teemuzwanga munnyubba enii okwiingira omugyindi.
\v 8 omubulikyibuga kye mwaikangamu, nebaabasemberyanga, mulyenge buuli kyebaabateijre omumaiso.
\v 9 Muwoonyenge abalwaire bomwoo, mubakobe nge ntii obwabukama obwa nnyamwanga busembeire ampii.
\v 10 Naye omunbuli kyibuga kyemwaikangamu, nebatabasemberyanga, muwuulukenge okunguddo zakyo, mubakobenge ntii
\v 11 No ccuccu wamukyibuga kyannywei atwiizwiire okumagulu, tugyibakubaigulya nnywe; naye mukyii tegere kyiini nti obwakaba bwa Nnyamwanga busfembeire.
\v 12 onkubakoba nnywe ntii Soodomu aliba nokubonyabonyebwa okuligumikiriika okulunaku olukusiinga ekyiibuga ekyo.
\p
\v 13 Ziikusangire, kolaaziini! Zikusangire, Besusayidal kubba, ebyamaani ebyakoleibwe ewwammwei singa byakoleibwe e Ttuulo ne Sidoni, singa beenenyere irai ngabaikaire omubibukutu neikoke
\v 14 Naye Ttuulo neSidoni biriba nokubonyabonyezebwa okuligumiikirizika okulunakulwamusango, okusiinga okunnywe.
\v 15 naawe Okaperunawumu, oli, tumbiira okwiika omwiiguuru? olisiibibwa okwiika emagoombe.
\p
\v 16 Awuura nnywe, bawuura niingye; era nnyoma nnywe annyoma niingye; naye annyoma njje abaa akunnyoma eyaantumire.
\p
\v 17 Awoo aboo ensaanju nibaira namasannyu nga bakoba ntii mukama waikswe, nabadayimooni batuwuura omwiibara lyamu.
\v 18 Nakoba ntii nabwoine oSitaani nga akuzwaa omwiiguru.
\v 19 Bonna, mbawaire obuinza okwemanga okunjoka ne njaba ezabusagwa, namaani goona agabulabe; era ndoowo kyinkukyikwiiza kubakolanga kubii.
\v 20 Naye ekyotemukyisannyukiira kubba abadayimooni bakubawuura, naye musannyuke kubba amabbara gannywei gawandiikibwe omwiiguuru.
\p
\v 21 Awoo okusawa eyoo nasanyukiira omwooyo ogukweera nakoba ntii nkwebaalya, Onnyamwanga, eyayangiire eiguuru ne nsii, kubba biini wabikwekere abaagezi nabakaba nobiswekura abaantu; weewaawoo Onnyamwanga niimwoo kyasiimibwe kyiityo omumaiso gaamu
\v 22 Byoona byoona byampeweibwe itoowange; ndowo muntu amaite omwaana nali, waabula oitoowaiswe, yade oitoowaiswe nali, wabula omwaana, noyo omwaana gwayendya okuswekura.
\p
\v 23 Naccukira abegesebwa nabakoba ntii Gaayina omukisa amaiso agakubona byemukubona
\v 24 kubba nkubakoba ntii aBannabbi baingi na bakabaka bakwendya nga okuboona bye muboona nnywe, ne batabiibona; nokuwuura bye muwuura nebatabiwuura.
\p
\v 25 Kale, mubone, omwegesya wamateka nayemera nga amukeema nga akoba ntii omwegesya, nkolengekii okusiikira obwoomiobutakuwawo?
\p
\v 26 Namukoba ntii kyawandiikibwe kityei omumateeka? osoma otyai
\p
\v 27 Nairamu nakoba ntii Yendyanga omukama oNnyamwanga waamu nomutima gwaamu gwoona, nemmeme yamu yoona, namaani gamu goona, namaagezi gaamu goona; nomulilwana waamu nkawe bweweyendya weenkai,
\p
\v 28 Namukoba ntii oiremu kusai; kolanga otyo wabaanga nobwoomi.
\p
\v 29 Naye ye obutendya kulanga ntii mwiikiri, nakoba oYesu ntii omulilwana waange niiye naani.
\p
\v 30 Oyesu nairamu namukoba ntii waaliwo omuntu ayali akuzwa eYerusaalemi nga akusiirimuka Yeriko; ngwa omubatemu, nebwamwambula, nebamukuba embooko, nebamuleka nga akubulaku kadyooli okuffa.
\v 31 Awoo Okabona eyaa, li akusiirimuka omunziira gyeyali tamanyirire; kale niiyamumbweine namwetantala nayakalawo.
\v 32 NomuLeevi atyo niyaikire omukyifo ekyo, namubona namweetantala nayakalawo.
\v 33 Naye omusamaliya niyali akutaambula nga akwiiza jaali; awoo niyamubweine namukwatira ekyiisa.
\v 34 namusembera, namubwa ebiirwaire byamwei, namusukamu amafuta nomwenge; namuteka okukyisolo kyamwei namuleta omuburaaro bwabagenyi, namujjanjaba.
\v 35 Awoo niibwakeire nattola eddinali ebiiri naziwa ommukamawannyubba namukoba ntii munjjanjjabe; nekyintu kyoona kyolyongera okwekyo nendiira ndikyikusasula.
\v 36 kale okulowoza otyai, okwabo abassatu naani yaali mulilwana wooyo eyagwiire omubatemu?
\p
\v 37 Nakoba ntii oyoo eyam, ukoleire ekyiisa. Oyesu namukoba ntii weena yaba okole otyo.
\p
\v 38 Awoo niibaali bakwaba, naingira omukyalo; omukali eibaralyamwei Maliza namusemberya omunnyjubba yamwei.
\v 39 Naye yaliina omugande akweetebwa malyamu, eyaikaranga ewalii amagulu agamukama waiswe nawuuranga ekyigambo kyamwei.
\v 40 naye oMaliza yabbanga nemiiteru gyakuwereza okwiingi; naiza waali, namukoba ntii mukama wange, tofayo nga omugandawange andekere okuweereza njjenkai? kale mukobe annyambe.
\p
\v 41 Naye omukama waiswee nairamu namukoba ntii Maliza, Maliza, okweeralikiira, olina mitawana gyabigambo biingi;
\v 42 naye ekyikwendebwa kyirikyimwei; kubba oMalyamu alondeerewonomugabo ogwo ogusai ogutalimwiiyibwaku.
\c 11
\cl Essula 11
\p
\v 1 Awoo olwaikire neyali nga alimukyifo nga akulamya, niyamare, okubegesebwa bamwei omwei namukoba ntii mukama waiswe, twegesye okusaba, era oYokaana bwe yegesya nga abegesebwa bamwei.
\p
\v 2 Nabakoba ntii bwe mwalamyanga mukobenge mutii itoowaiswe eibara lyamu lyerukibwe. nobwakabaka bwamu bwiize.
\v 3 Otuwenge bulilunaku emmere yaiswe eyaalunaku.
\v 4 Era otuganyire ebisisiryo byaiswe; kubba naiswena tusasira buli gwetukubanja naye otatuutwala mukukemebwa.
\p
\v 5 Nabakoba nti naani okuntwe ayina okwendya alyaba ewaamwei omwiitumbi, nanukoba nti munywaani wange mpola emigaati essatu;
\v 6 Kubba omunywaani wange aizire, akuzwa mulugeendo njeena tiindina kyakutta mumaiso gaamwai;
\p
\v 7 Nooddi omuunda nairamu nakoba nti; Tongaddya; atibuni olwiige lukiinge, abaana bange naje tumaare okubbasya, tiisobola kwiimuka kukuwa?
\v 8 kubakoba ntii yaade ngatakwezungulula namuwelya kubba omukono gwamwei, nayebolwakutteterwa kwamgwei niyezungulula namuweerya bulikyimwei kyiiyendyanga.
\v 9 Njeena nkubakoba, nnywe ntii mumbulye muliwebwa, munswagane mulimboona, mwebazeku muliguurwawo.
\v 10 Kubba bulimuntu; yeena yeena araamya baali muwa naswagana abonne nayebazaku aligurwawo.
\v 11 Era naani okumunnywe oitoowamwei owaa muntu omwana wamwei nalimusaba omugaati, alimuwa ibaale? oba ekyinage, namuwa onjoka omukyifo kyakyinage?
\v 12 Obaa naali musaba eiwuli, namuwa enjaaba?
\v 13 ale obanga nnywe ababii mumannya okuwa abaana baannywei ebirabo ennya kasai taliosinga bee muuno oitewanwei ali omweiguuru akumuwa omwooyo omwiikiri abamusaba.
\p
\v 14 Yaali nga akupeka odayimooni omusiiru. awoo odayimooni niiyamuozwiireku, omusiiru naabaza, ebiibiina nibyewunikira.
\v 15 yeeni abamwei nabakoba ntii apeeka odayimooni kubwa Beeruzebuli omukulu wadayimooni.
\v 16 Nabaandim, nibamwendesya akamannyiswo akazwa omweiguuru, nga baklumukema.
\p
\v 17 Yeeni ye, niiyamaite byebakulowooza, nabakoba ntii buli bukama bwoona bwebwawukanamu bwoonkai buziikira.
\v 18 noSitaana yawuukanamuyenkai, obukama bwamwei bulyemerawo butyai? kubba mukoba ntii mpeeka odazyimooni kubwa Beeruzebuli.
\v 19 Era obanga njee mpeeka odayimooni kubwa Beeruzebuli, abaana baannywei bazipeka kulwanaani? niikyobaalizwa baaba abalamuli bannywe.
\v 20 naye bwempeekesya odayimooni engalo yaNnyamwanga, kale obukama bwaNnyamwanga bubaiziire.
\p
\v 21 omuntu owaamaani nga aina ebyakulwanisya nakuma olubuga lwamwei ebiintu byamwei biibewwo omubusai.
\v 22 Naye amusinga amaani bwamwiizira namuwangula, amunnyagaku ebyakulwanisya byamwei byoona byeyesiga, nagaba ebiintubyamwei.
\v 23 Ataba nanje niiye omulabewange, era atakumbania amwei nanje asaasanya.
\p
\v 24 Odayimooni nazwaa okumuntu ayakara omubiifo ebitalumu maizzi nga akutoolya ewakuwumura: bwabulwa akobanti kanyiireyo omunnyubba yange gyenazwiire.
\v 25 Naiza, ajjiboona nga eyeyeibwe etiimbibwe.
\v 26 Kale ayaba, naleta abadayimooni abaandi musanjju ababbi okusinga yee, nebaingira nibaboomwo; kale ebyaluzwannyuma, ebyamuntu oyoo bibba biibi okusinga ebyasokere.
\p
\v 27 Awoo alwaikiire nasimoola ebyoo, omukali owamukyibiina naimukya eiraka ryamwei namukoba ntii Lulina omukisa endda eyakubyaire namnabeere gewayoonkere.
\v 28 Naye ye namukoba ntii ekyikusinga, baalina omukisa abawura ekyigambo kyaNnyamwanga, ne bakyekuma.
\p
\v 29 Awoo ebibiina bwe byaali nga bikumbaine awaali, natandiika okukoba ntii emirembe jiini mirembe jiibi; gyikutoolya akamannyisyo, naye tegyiriwerwa kamannyisyo waabula akamanyisyo kaYona.
\v 30 Kubba oYonanga bwetyaali akamanyisyo eddi owa Nineevi atyo nomwaana wa muntu bwaalibba eddi emirembe jiini
\v 31 Omukama omukali owabucciika owa bulyo alyeemera omusaango amwei nabantu abamirembe jiini, ali ba ramya omusango; kubba yazwiire okunkango ezansi olwa kuura amagezi ga Sulemaani; era, bonna, asinga o Sulemaani ali woona.
\v 32 Abantu aba Nineevi balyee meera omusango amwei nemireembe jjini, bali ramya omusango; kubba bakwenenya olwa kubuulira kwa Yona; era, bona, asiinga oYona ali mpani.
\p
\v 33 Ndoowo akoleerya etabaaza najjiteeka omubwiina, oba omunda wa kiibbo wabula okumpajji abakwiigira babone ne kwaaka.
\v 34-35 Etaala ya mubiri gwaamu niryo riiso ryamu; eriiso ryamu niribona okusai, nomubiri gwaamu gwoona gubba gwiizwiire eisana; naye neribba eribbi, nomubiri gwaamu nga gwiizwiire endiikiirya.
\v 36 Alee omubiri gwaamu gwoona nigwiizula eisana, nga tegulina kitundu kya kirikiirya gwoonja gwalizula iisana nka etabaaza ne kumolekera ne kitangala kyayo.
\p
\v 37 Awoo niyaali nga akubaza, omufalisaayo namweeta okulya emeere ewamwei; naingira naikaara okummere.
\v 38 Omufalisaayo niyaboine niyeewunya kubanga tasookere kunaaba nga tasookere kulya.
\v 39 Omukama waiswe namukoba nti nywe Abafalisaayo mu kunaabya kuruguru waki kompe no walu kyubya; naye omunda omunywe mwiizwire obunyaggi no bubbi.
\v 40 Nywe abasuru, oyo eya koore okuruguru tiniye yakoore nomunda?
\v 41 Naye ebiri omunda mubiweeryengeyo okubba ebyakusaasira; era, bona, byoona biruunguki jjemuli.
\p
\v 42 Naye zibasangire nywe, Abafalisaayo kubanga muweerya ekitundu ekyaikumi nnabbugira nokakubba nsiri nomukubi gwoona, naye omusango no kwendya oNnyamwaga mubyakala nzai: eebyo biba gwaanire okubikolanga nabiddi obutabirekangayo.
\v 43 Zibasangire, Abafalisaayo: kubanga mukwendta entebe ezamumaiso omumakumbaaniro no lamuccibwa omubutale.
\v 44 Zibasangire! kubanga mukwiisana amogombe agatakuboneka, abantu ge batambuuraku nga tebamaite.”
\p
\v 45 Awoo omwei okubeegesya bamateeka nairamu namukoba nti omwegesya, nokoba otyo naiswe okutuzuma.
\p
\v 46 Nakoba nti Nyweena, abeegesya bamateeka, zibasaangire! kubanga mukutiika abantu emiggugu ejjiteetikibwa, nywe abenyenere temukusobola kwiimula naluggalo lwanywe.
\v 47 Zibasangire! kubanga mwomboka amagoombe gabalangi naye abaizeiza baanywe nibo baabaitire.
\v 48 Nimwo mutyo mwaali jjuurwa era nemussima ebikolwa bya baziiza banywe: Kubba nibo baabaitire, nanywe mwomboke amalaalo gaabwe
\v 49 Namagezi ga Nnyamwanga nikyo gazwa gakoba nti ndi batumira abalangi nabatumwa; bamwei okubbo bali bayiiganya;
\v 50 Omusaayi gwa balangi boona, ogwa seesekere okuzwa okuku tondebwa kwa nsi gubbulibwe eddi emirembe joona;
\v 51 okuzwa okumusaayi gwa Abberi okwwika okumusaayi gwa Zaakayo, eyaitiibwe akati wa kyooto ne yeekalu; mazima nkubako nywe nti Guliibuulibwa eddi emirembe jjoona
\v 52 Zibasangire nywe abeegasya bamateeka, kubanga ekisumulizo ekya kutegeera; nywe abenyenere, temwaigire, nabaalibaiigire mwabataangiire.
\p
\v 53 Awoo niya zwiireyo, abawandiiki nAbafalisaayo nibatandika okumugadya omunno no kumukemeerya ebigambo ebinyamwiigi;
\v 54 nga bakumuteega, okuteega ekigambo ekyaazwa omukanwa kaamwe, bbamale bamuloope.
\c 12
\cl Essula 12
\p
\v 1 Omubiro ebyo abantu ba bibiinya enkumi, nenkumi, nibaali bakumbaine nokweemangana nga bakweemangana nasookera okubeegesya baamwei okubakoba mweekumenge ekizimbisya ekya Bafalisaayo nibwo obukiweiweita.
\v 2 Naye ndoowo ekyaaswekeibwe ekitali swekulwa kaabenga ekya kisiibwe tekiritegulwa.
\v 3 kale byoona bye mwaali mubazire omundikiirya byali wuurwa omwiisana nekyo kyemwabazire omukutwi omukiseenge kiriwuurwa okukasunku ka nnyumba.
\p
\v 4 Era nakoba nywe eminywaani jange, nti temutiinanga abo abaitire omubiri, oluzwanyuma lwa batalina kkigambo kya kukola okusingawo.
\v 5 Naye nabatemyaku gwe mwatiinanga: mutiinenge oyoo, namala okwiita alina obuyiinza okussulu omugeyeena, weewaawo, nkubakoba nti oyo nigwo mubba mutiinanga.
\v 6 Enkalyalubugga eitaanu tebazitunda mumapeesa abiiri? Naye ndoowo nemwei okuzo eyerabirwa omu maiso ga Nnyamwanga.
\v 7 Naye neisoke erya kumitwe jjaanywei zibaliibwe zoona. Temutiinanga nywe okusinga ekalya lubugga ezindi.
\p
\v 8 Era nkubakoba nti buli ali nyatuura omumaiso gabantu, oyoo omwana wamuntu alimwaatuura omumaiso gabamalaika aba Nnyamwanga;
\v 9 Naye ali neegaanira omumaiso gabantu, alyeegaanibwa omumaiso gaba malaika aba Nnyamwanga.
\v 10 Nabuli muntu akubaza ekigambo oku mwana wa muntu kiri musonyiibwa: naye oyoo awola omwoyo ogwiikiri talisonyiibwa.
\v 11 Era nibaabaleetanga omwiikumboniro neddi abamasaza, nabalina obuyiinza, temweeralikiiranga bye mwairamu oba kye mwairamu oba kye mwabaza;
\v 12 kubba omwoyo ogwiikiri gwabeegesya nga omukiseera ebyo ebibagwaanire okubaza.
\p
\v 13 Awoo omuntu wamukibiina namukoba nti omweegesya, koba omuganda wange agabane nanje ebyabusika byaiswe.
\p
\v 14 Naye ye namukoba nti omuntu, naani eyanyiiryewo okuba omulamuli oba omuggabi wamwei?
\v 15 Nabakobere nti muloleere, mwekuumenge okwegomba kwoona; kubba obwomi bwa muntu tinibyo ebyabintu ebiingi byabba nabyo.
\p
\v 16 nababera olugero nga akoba ntii waaliwo omuntu omugai gai, omusiiri; gwamwei nigwerya.
\v 17 Naloowoza omunda omuye nakoba ntii nakolantyai, tiindina wenakumbanirya ebiibala byange?
\v 18 Nakoba ntii nakolanti; namenyere ekyiitalikyange niinyoomboka ekyiingi ekyiikusanga obukooto niinkumbanirya omwo emmeereyange ejjikalu yoona, nebintu byange;
\v 19 niinkoba omwooyo gwange ntii omwooyo, oliina ebiintu bingi ebiibikibwe ebyannyaka eziingi, wumula olye, onnywe, osaanyuke.
\p
\v 20 naye oNnyammwanga namukoba ntii musiiruwe, omukyiiro kyiini omwooyo gwamu bagukwiiyaku, kale ebiintu byotegekere byababyanai?
\p
\v 21 Atyo mimwoo yali ategekere obugaigai, attenga tiimugaigai eddi oNnyamwannga.
\p
\v 22 Nakoba ebegesebwa bamwei niikyo mbakoba ntii temweeralikira nga obwoomi bwannywe kyemwalya kabbe emibiri gyannywe kyemwazwala.
\v 23 kubba obnwoomi busiinga emmere nomubiri busiinga ebyakuzwala,
\v 24 muloowoze abanamungoona, nebatasigire era tebakungula, abatalina ibiikiro, kabenge ekyitari, era oNnyamwannga abalisya, nnywe temusinga nnyonnyi mirundi eziingi.
\v 25 naani okunnywe niyeralikira ayiinza okwongera okubukulu bwamukono oguumwei?
\v 26 Kale niimutayinza ekyikusinga obudyoli, kyikyi ekyikuberalikiriza ebiindi?
\v 27 muboone amalanga nigamera, tigakolamulimu era tiigalanga lugooye; naye nkubakoba ntii noSulemaani omukyitibwa kyamwei kyoona tiiyazwalanga nkeerimwei okugo.
\v 28 Naye onNyamwanga nmazwalikisya attyo ekyisiko kyakwiirisiryo ekyiibawo olwaleero, emaambya ngabakyinaga okukoomi talisinga munoo okuzwalikisya nnywe abaalina okwiikiriza okudyooli.
\v 29 nnywena temutoolyanga kyeemwalya obaa kyemwannywa, era tiimubanga namyooyo egiiokubusabusa.
\v 30 Kubba ebiintu ebyoo biswaganibwa amawanga agansii naye oitoowannywe amaite ntii mwendya ebyoo.
\v 31 Naye muswaganev obukama bwamwei, nebintu ebyo mulibyongerwaku.
\p
\v 32 Tootinanga, niwee ekyisiibo ekyidyoli, kubba oitoowannywei asiima okubbawa obukama.
\v 33 mutunde ngebyemulinaabyo, muweengeyo ebyakusasiira, mwetungirenge ensaawoo ezitakairika, obugaigaa obutawawoo omwiiguru, omwiibi jatasembera nebiiyenje jebitasebera.
\v 34 kubba obugaigaa bwannywe buliyo, emyooyo jaannywe jeejiriba.
\p
\v 35 Mwesiibenge ebiimwe omunkende zannywei, netaalazannywei nga zikwaaka.
\v 36 nnywena beenyini mubbe nkabaantu abakulinda oNnyamwanga wabwe, waalirira nga akuzwa ombaga eyabugole, naaliza nakoona okulwiige bamwiigurewoo maangumaangu.
\v 37 Balina omukiisa abaiza aboo, oNnyamwanga wabwe naaliza balisanga nga bakubonnya, kangura mbakoba
\v 38 Awoo, naliza omukiisisiimuko kyakabiiri obaa omukyakasatu nabasanga otyoo, baaliina omukiisa abairu.
\v 39 Nayee mweetegye kyiini nka omukama wannyubbasinga amaanya ekyisera omwiibi kyeyaiziramu, yandii boonerye teyandiirekere nnyubba yaamwei kusakibwa.
\v 40 nannywe mweteketekenge: kubba omwaana wamuntu aiziire omukyisera kyemutakumulowoolezamu.
\p
\v 41 Opeteero namukoba ntii mukama waiswe, olugero luni olugereire niswee kanda boona?
\p
\v 42 Omukamma waiswe nakoba ntii kale naani oyoo omwanika omwesiigwa owamagezi, omukama waamwei gwalisigira abamunnyumba yaamwei, okubagabiiranga omugabo gwabwe ogwammere omukyisera kyajjo?
\v 43 Aliina omukisa omwiiru oyoo omukama waamwei naaliza gwalisanga nga akoola atyo.
\v 44 Mazima nkubakoba nga alim, usigbira byoona byaali nabyo.
\v 45 Naye omwiiru oyoo naali baaza omutiima gwamwei ntii mukama waange olwiire okwiiza; natabuka okubba abairu nabazaana, nokuulya nokunnywa nokutamiira:
\v 46 Kale omukama waamwiiru oyoo aliza okulunaku lwa tamaite, noomu kisera kyatamaite, aliimutematema alimuwa omuggabogwamwei amwei nabataikiriza.
\v 47 Nomwiiru oyoo ayamaite omukama wamwei kyakwendya, natategeka nataikya kyeyendyanga, alikubwa jiingi;
\v 48 Naye attamaite nakola ebiisaniire okumukubisya, aliikubwa jjidooli; nabuli eyyaweibwe ebingi, aliswaganibwaku biingi; nooyo gwebabikisirye ebiingi, nigwo balisinga okubulya ebiingi.
\p
\v 49 Naizire kunagga muuro okunsii; nagwoo obaa atii gukwaaka, nkweendya kii?
\v 50 Nayee ndiina obatizibwa kwe ndibatizibwa; nanje nga kuboonaabona okwiikya lwe mulyerukiibwa!
\v 51 Muloowoza naizire kuleta mirembe okunsii? Mbakoba ntii bee: wabula okwawukannya okwakwawukana;
\v 52 Kubbaokutandiika nattii waalibawoo abaatanu omunnyumba emwei nga bawukaine, abasatu nababiiri, era ababiiri nabasatu.
\v 53 Balyawukana, otaata no mwaana wamwei, era omwaana noitowaamwei; omaawamwei nomwaana wabwala waamwei, era obwaala no nyiina; era onyiibyala nomuka mwaana wamwei, era omukamwaana wamwei nonyiibyala wamwei.
\p
\v 54 Nakoba ebiibiina byoona ntii nimulibona ekyiiguuru ngakyiimukire omubugwaisana, amangu agoo mukobantii enjuura yatoonya; era nimwoo kyiiba kyiityo.
\v 55 Nimuboona ompungo nga akuluka obukiika obwagulyo mukoba ntii lyabba bbugumu; era nimwokibba.
\v 56 Abaananfusi, mumaite okukebera ekyifanannyi kyansii neigguru; naye kiiki ekibagana okumannya okukebera obwiire buni?
\p
\v 57 Era nannywei nnywenkai ekikubagana kiki okusaala ebyansonga?
\v 58 Kubanga nobba okwaba nakuwabiira eddi omulamuli, onyiikiranga, omwanda okutabagana nakuvunnana; aleme okukulundiirya ewakatiikiro, nokatiikiro nakuwa omusiirikale, nakunaga omukomera
\v 59 Nkukobantii tolizwaamu nakadooli, okwiikya lwoolisasura kyarumvwei empiiya.
\c 13
\cl Essula 13
\p
\v 1 Awoo omubiiro ebyoo waaliwo abantu abaaliwo nga bakumukobera ebyali eGgaliraaya Opiraato, beyatabulire omusai gwabwe nesaddaka zabwe.
\v 2 Nairamu nabakoba ntii mukuloowoza nga Abaggaliraaya aboo baali basiisi okusinga Abaggaliraaya boona, kubanga bababoinyeboinnye baatyo?
\v 3 Mbakoba ntii tinimwoo kyityoo; naye nimutenennye, mulizikira nnywena mutyo.
\v 4 Oba baddi eikumi nomunaanai, oluggo lwamusirowamu lwebagwireku niilubaita, mulowooza baali bakoozi babiibi okusinga abantu boona abaali omuYerusaalemi?
\v 5 Mbakoba ntii tiinimwo kityo: naye nimutenenye, mulizikiira nnywena mutyo.
\p
\v 6 Nabaaza olugero luni, ntii waaliwo omuntu eyaalina omutiini ogwaligusiimbibwe omulusuku olwamiizabbibu; nayiiza nga agutolyaku ebiibala natabiboona.
\v 7 nakoba omulumi ntii boona, ereero ennyaka esatu nga nkwiiza okuswagana ebiibala okumutiini guni, nintabiibona; gutteme; nokwemaara gwemaraki ekiifo obwerere?
\p
\v 8 Yee nairamu namukoba nti mukama wange, gulekemu omwaka guni era, ngutemeretere, ogutekeku obusai;
\v 9 Niigulibaala ebibaala oluzwannyuma, kyisai; naye obaanga tinimwo kyiityo, oligutema.
\p
\v 10 Awoo okulunaku lwasaabbiti yaali akwegesya omulimu okumakumbaniro.
\v 11 Era, bonna, omukali eyaali yakalwara odayimooni owabunaki emyaka ikumi namunaanai; nga agongobaire nga tayinza kwegolola nakadooli.
\v 12 Awoo oYesu niiyamubweine, namweeta namukobaanti omukali, osiindabwiirwe obulwaire bwamu.
\v 13 Namuttaku emiikono, amaangu agoo nabba mugolokoki, naramya oNnyamwanga.
\p
\v 14 Naye omukulu waikumbaniro niyagongeire kubanga oYesu awoonerye omuntu okusaabbiti, nairamu nakoba ekyiibiina ntii waaliwo ennaku omukaga ezisainevokorangamu emirimu; kale mwiizire okweezo okuwoonnyezebwa, naye tiikulunaku lwasaabbiti.
\p
\v 15 Naye omukama waiswe namweiramu nakoba ntii baananfusi, bulyomwei okunnywe okulunaku olwasaabbiti taimulanga ntee wamwei obaa ndogoyiwamwei omukisibbo, namutwala okumunnywesya?
\v 16 Era oyoo omwaana waIbraimu eyabweibwe oSitaani, bonna, emyaka ikumi namunaanai tagwaine kusindabulwa omubusiibe obwoo okulunaku lwasaabbiti?
\v 17 Awoo niiyaali akubaza ebyoobyona, abalabe bamwei boona nibaswala; nekyibiina kyoona nebasannyukira byoona ebyakiitinisya ebiikoleyibwe ye.
\p
\v 18 nikyo azwaa akoba ntii obukama bwaNnyamwanga bwiisanakii? era nabugeragerannya nakikii?
\v 19 Bwiisana akampeeke akakalidali, omuntu keyarore nakanaga omundiimiro yaamwei; nikakula, nikabba musale, ennyonnyi zamwiibanga nizikara okubitagi byagwo.
\p
\v 20 Ate nakoba ntii obukama obwaNnyamwanga nabwiisanisyakii?
\v 21 Bwiisaana kiizimbulukusa, omukali kyeyarore nakiita omubiibo bisatu ebyabwiita, bwoona nibuzimbulukuka.
\p
\v 22 Natambula omubiibuga nomumbuga nga akweegesya nga akwaba eYerusaalemi.
\v 23 omuntu namukoba ntii mukama wange, niboobadooli abalokoleibwe? yee nabakoba nti
\v 24 Mwekambe nge okweingira omulyango ogofundi kubanga okubakoba ntii baingvi abalitolya okwiingira nga tekikusoboka.
\v 25 Omukama wannyumba nalimala okwiimuka, naigalawo olwiigi, nimusoka okwemera enzai, nokonkona okulwiigi, nga mukoba ntii mukama waiswe, twiigurewoo; kale alibairamu nabakoba ntii timbamaite jemukuzwa;
\p
\v 26 Nimulyoka mimukoba ntii Twalyanga era twannywanga omumaiso gamu era wegesyanga omumyanda jaiswe;
\p
\v 27 kale alibakoba ntii nkubakoba ntii timbamaite jemukuzwa: muzwe wendi; nnywena abakore ebitali byabwikiri.
\v 28 Eyoo alibayo okunga nokulumwa obujjiji nimwoomwalibona Oibrayimu noIsaaka noYakobo nabalangi boona obukama bwaNnyamwanga, nannywenga munagibwe enzai.
\v 29 Baaliza nga bakuzwa ebuluka nebugwaisana, nolui olumoso nolui olwagulyo, baali kaara omubukama bwaNnyamwanga.
\v 30 Era, bonna, walowo abaluzwannyuma abaali ba abakusoka, era walowo abakusoka abaaliba abaluzwannyuma.
\p
\v 31 Omukisera ekyoo Abafalisaayo nibaiza, nibamukoba ntii zwaani, weyabiire: okerode akwendwa okwitta.
\p
\v 32 nabakobanti mwabe mwabe enkeretanyi eyo nti bona, nkupeka odayimooni mponya abantu elero nemambya, nokulunaku olwakasatu ndikiirya.
\v 33 Naye kingwaini okutamlaku erero nemambya nolwakabiri kubanga tikusoboka omulangi okuzikira enzai yerusaalemi.
\p
\v 34 We Yerusaalemi, Yerusaalemi, aitta abanabbi, okubba amabaale abatumibwe jaali!, emiirundi jingai nga nkwendya okumbannia abaana baamu, nkonkoko nakumbannia obwaana bwamwei omubiipapa byamwei, naye timwikirize!
\v 35 Boona, ennyumba yannywei esiigaire kifulukwa; era nkubakoba ntii timulimbona, okwiikya lwemulikoba ntii aweibwe omukisa akwiiza omwiibara ryamukama.
\c 14
\cl Essula 14
\p
\v 1 Awoo olwaikire niyangire okussabbiiti omunnyumba eyamukulu waBafalisaayo omukulya emmere nibamulaabirira
\v 2 Era, bonna, waaliwo omunyu omaiso gamwei eyaali alwaire entumbi.
\v 3 Oyesu nayiramu nabaza nabegesya abamateka naBafalisaayo nga akoba ntii kiisai okuwoonerya okussabbiiti, kanda kii tinimwo?
\v 4 Naye nebasirika. Namukwattaku namuwoonya, namusiibula.
\v 5 Namukoba ntii Naani okumwei alina endoogoyi yamwei obaa onte wamwei nga agwiire omwiiruba atamwiiyamu amangu agoo okussabbiiti?
\v 6 Nebatasobola atte okwiiramu ebyo.
\p
\v 7 Nagera olugero aboo abeteibwe niyabweine engeri jebakwerondya ebiifo ebyamaiso; nabakoba ntii
\v 8 omuntu bwakwetanga okumbaga eyabugole, toikaranga mukyifo kyamaiso, mpoozi waleme okubawoo akusiinga ekiitinisya gweyetere.
\v 9 noddi eyakwetere we yeena naiza nakukoba ntii zwaawo anii; notandika okutambula nensoni okufuna ekifo ekya mabega.
\v 10 Naye noyetebwanga oyabanga noikara omukiifo kyamabega, eyakweetere nalizanga, nakoba ntii munnywani wange, sembera enii omumaiso; nomala noba nekitiinisya omumaiso gaboona bwoikaire naabo okumere.
\v 11 kubanga buli muntu yeena eyetumbya ali kakannyizibwa; noyo eyakakannyiza balimutumbya.
\p
\v 12 Era nakoba noyo eyamwetere ntii nosumbanga emmere eyakyamisana obaa eyakyaigolo, toyetanga minnywani jaamu, wadde abagandabamu, wade abakyika kyamu, wade abaalilwanabamu obaa abagaiga; mpoozi baleme okweta atte boona, newabawoo okusasula.
\v 13 Naye nosumba nga embaga, oyetanga abooro nabalema, nabakuwonyera na baigali bamaiso:
\v 14 Era oliwerwa omukisa; kubanga tebalina kyakusasula: kubanga olisasurwa omukuimbolwa okwabaikiri
\p
\v 15 Awoo omwei okwaabo abaali abaikaire amwei naye okummere, niyawulire ebyo, namukoba ntii ayiina omukiisa aliira emmere omubwabukama obwaNnyamwanga.
\p
\v 16 naye namukoba ntii waaliwo omuntu eyasumbire embaga ejiikoto; nayeta baingi:
\v 17 Natuma omwiiru waamwei omubwiire obwambaga nga baikire okoba baddi abeteibwe, nti mwiize; kubanga bimare okutegekebwa.
\p
\v 18 Boona nomwooyo gumwei nebatandiika okwegayiira okugannyirwa. owaluberyeberye namukoba ntii ngure olusuku, kiinsanire okwiimuka okwaaba okulubona; nkwegayirire nganyira.
\p
\v 19 Nowondi namukoba nti nguure emigongo jante itaanu, nkwaba okuziireta; nkwegairire ngannyira.
\p
\v 20 Nowoondi namukoba ntii mpasiire omukali, nikyo nzwiire ndemwa okwiiza.
\p
\v 21 Awoo omwiiru oyoo naiza nabiikoba omukama waamwei ebyo. Awoo omukama wannyumba nalyoka nasunuwala nakoba omwiiru wamwei ntii wuuluka maangu oyabe omuwanda nomunziira agakiibuga, oleete anii abooro nabalema nabaigali bamaiso nabakuwonnyera.
\p
\v 22 omwiiru nakoba ntii mukama waange, kyolagire kikoleibwe, naye wakyaliwo obuggennyi.
\p
\v 23 Omukama wamwei nakoba omwiiru ntii wuluka oyaabe omyanda no mubwanda, obawalilize okwiingira, ennyumba yaange eyizule.
\v 24 Kubanga ankubakoba ntii baadi abayeteibwe, ndoowo nomwei alikomba okumbaga yange.
\p
\v 25 Awoo ebibiina ebikooto byali bikwaba naye; naccuka nabakoba ntii
\v 26 omuntu niyaizanga jeendi, natakyawa itewaamwei nomaawamwei nomukaliwamwei, nabana bamwei, nabaganda bamwei nabennyina, era nobulamu bwamwei yee, tiyasobolenge kubba mwegesya waange.
\v 27 Buli atagingenge musalaba gwamwei yee, naiza embabbega wange, tiyasobolenge kubba mwegesya wange.
\v 28 Kubanga naani okunnywe nabba akwendya okwomboka ennyumba, atasoka kwiikara nabalira ebyamirimu jaayo, obaanga alina ebyaajimala?
\v 29 Mpoozi nabbanga amaare okutekawo omusingi natayiza kujimalirya boona bakubona batandiika okumusekera,
\v 30 nga bakoba ntii omuntu onii yasokere okwomboka natasobola kumalirya.
\p
\v 31 Oba kabaka kii nabanga akwaaba omulutalo okulwana nokabaka woondii atasoka kwiikara nateesa ebigambo, obanga ayiinza nakakumi okasisinkana noddi akumwiizira noobukumi obubiiri?
\v 32 obanga tikiityo, oddi nabanga akyali alai muno, attuma ababaka nasaba ebyakutabagana.
\v 33 Kale nimwokyiityo bulimuntu yeena okunywe ateffirizenge byoona byaali nabyo, tiyasobolenge kubba mwegesya wange.
\p
\v 34 Kale omunnyu ogusai: naye nomunnyu niguwamu ensai, muliryamuki?
\v 35 Tegusanire ndumiro kabe olubungo, bagunaga nzai. alina amatwii agakuura, awuure.
\c 15
\cl Essula 15
\p
\v 1 Awoo abawozi boona nabaalina ebiibi bali nga bamusembereire okuwulirya.
\v 2 Abafalisaayo era nabawandiiki nibemulugunya, nga bakoba ntii oni asembeirye abalina ebibbi, era alyanabo.
\p
\v 3 Nabagera olugero luni, nga akoba ntii
\v 4 muntuki okunnywe alina entaama ekikumi, nabulwaku omwei, ataleka ziidi ekyenda nomwenda okukisiko, nasengerya oddi abuure, okwiicca lwamubona?
\v 5 Kale namboona, amuta okukibegabega kyamwei nga akusannyuka.
\v 6 Nayika eka, eyeta abannywani bamwei nabalirwana bamwei, nabakoba ntii munsannyukireku, kubanga mbweine ontaama wange abaire ambureku.
\v 7 Nkubakoba ntii nimwo kityo lyabanga saanyu omwiigguru olwoyo alina ebibbi omwei eyenenya, okusinga abaikiri ekyenda nomwenda, abatakwendya kwenennya.
\p
\v 8 oba mukali ki alina erupiya eyikumi, nabulwaku erupiya emwei, atakolerya taala nayeya enyumba nafuba okuswagana okwikya nagifuna?
\v 9 nagibona ayeta abanywani bamwei nabaliranwa bamwei nabakobanti munsanyukireku, kubanga nzwire erupiya eyali eburee.
\v 10 Nkubakoba nti nimwo kityo libba sanyu omaiso gabamalaika banyamwanga olwo alina ebibbi ayeneenya.
\p
\v 11 Nabakobanti waliwo omuntu eyalina abatanu bamwei babiri:
\v 12 omuto nakoba oitewamwi nti, mpa omugagabo gwabintu ebigwagwanire. kale nabagabira ebyabwomi bwamwei.
\v 13 Awo oluvanyuma lwanaku ezitali zingi, oyo mwana omunto nakumbania ebyamwei byona, natambula nayaba omunsi eyalai; nasasanyirya eyo ebintu byamwei omumpisa egibbi.
\v 14 Awo niyamare okubirya byona, enzala gingi negwa omunsi omwo, natanula okudagana.
\v 15 Nayaba niyegaitta nomwami owamunsi eyo; oyo namusindika omukyalo kyamwei okulisyanga empunu zamwei.
\v 16 Niye gombanga okwikutta ebissusu bya mberege byezalyanga: niwatabbawo muntu akumuwa.
\v 17 Naye niyeiremu, nakobanti abawereza baingai abampeera abaitowange abaikuta emmere nibalemwa, nanje nkufwera anii enzala!
\v 18 Naimuka ninyaba edidi oteewange, nimukoba nti taata, nsisire eddi eigguru; no mumaiso gamu;
\v 19 Tikyasaana kwetebwa mwaana waamu; nfuula nkomwei okubawereza baamu abempeera.
\v 20 naimuka naiza eddi oitewamwei. Naye yaali nga akyaali alai, oitewamwe namulengera, namusasira, nairuka embiro, namugwa omukisuba, namunnywegera muno.
\v 21 Oyoo omwana namukoba ntii iteewange, nsisire eddi eigguru neddi omumaiso gaamu ntikyasana kwetebwa mwaana waamu.
\p
\v 22 Naye oiteewamwei nakoba abairu bamwei ntii mwabe muleete mangu olugoye olukusinga zoona, mulumuzwalikisye: mumuzwalikisye empeeta okumukono, nme nkaito omagulu gamwei:
\v 23 muleete nonnyana omunoli, mumwiite, tumulye, tusannyuke;
\v 24 kubanga omwaana wange oni yaali afiire, aimbokere; yaali abuure, abonekere. nibatandika okusanyuka.
\p
\v 25 Naye omwaana wamwei omukulu yaali mukyalo; bweyaizire nga alampi okwiika okunnyumba nawuura engoma ne nkende.
\v 26 Okubairu nayetaku omwei, namukobera ebyo bwebibaire.
\v 27 Namukoba ntii omugandawo aizire: noiteewamu amwiitire onnyana omunoli kubanga amuzwiire nga mwoomi;
\p
\v 28 Naye nasunguwala, natendya kwiingira; oitewaamwei nawuuluka namwegaira.
\v 29 Naye ye nairamu nakoba oiteewamwei ntii boona, emyaka jjini ejingi nga nkuweereza, naye tinkusobyanga nakaddoli kyonda giire; njeena enakuzoona tompanga nakabuzi kakusannyuka amwei nabamwani bange;
\v 30 Naye omwaana wamu oyoo, eyalire ebyabwoomi bwamu amwei nabenzi, bwaizzire nomusara onnyana omunoli.
\p
\v 31 naye namukoba ntii mwaanawange, webulizo nkolamwei nanje era byoona ebyange nibyobyamu.
\v 32 Naye okujjaguza nokusannyuka kwansonga; kubanga omugandawo eyaali afiire, azukire; era eyali abure, abonekere.
\c 16
\cl Essula 16
\p
\v 1 Awoo nakoba abegesebwa bamwei boona ntii waaliwo omuntu omugudda eyaalina omuwanika wamwei; oyoo nibamulopa jaaali nga akusasaanya ebintu byamwei.
\v 2 Namweta namukoba ntii kiiki kyini kyenkuwuura okuwe? baala omuwendo gwabuwanika bwamu; kubanga tooyinza natii kubba muwanika.
\p
\v 3 Oyoo omuwanika nabaza omunda omuye ntii nakolantyi, kubanga omukamawange akunyiyaku obuwaniika bwange? tindina gakuluma; nokusabiryankukwatibwa ensoni.
\v 4 maitte kyenakola, bwenapekebwa omubuwanika, banseberye omunnyumba zaabwe.
\v 5 nayeta buli ayiina eibanza lyamukamawamwei, nakoba ntii eyasokere ntii mukamawange okuntonga ki?
\p
\v 6 nakoba nti ebiipimo byamafuta kikumi. namukoba nti twala ebbaluwayamu, oikare mangu owandiike amakumi ataanu.
\p
\v 7 Ate nakoba owoondi ntii nawe okubanjibwaki? Nakoba nti emitwalo jangano kikumi. namukoba nti twala ebbaluwa yamu, owandiike kinaanai.
\v 8 Awoo omukama wamwei natenda oyoo omuwanika omulyazamanya kubanga akore byamaagezi: kubanga abaana babiro biini bagezigezi omumirebe gyabwe okusinga abaana baisana.
\v 9 Nanje nkubakoba ntii mwekwanirenge emikwaano omumamuna atali mwikiri; naliwawo, baabasemberye omuwema ziidi ezitawawo.
\v 10 Abba omwesigwa omukintu ekidooli omuno, nokukikoto abamwesiigwa; era abaomulyazamanya okukintu ekitono, nokukikooto abba mulyazamanya.
\v 11 Kale nimutabenge beesigwa okumamona atalimwiikiri, naani alibabikisya obugguda obwamazima?
\v 12 Era nimutabenge beesiggwa okwekyo ekyamukama, ekyamwei naani alikibawa?
\v 13 Ndoowo muweereza ainza okuweereza abakama ababiri; kubbanga osanga alikyawaku omwei nayendya owoondi; obba aligumira okwoomwei nanyoma owoondi. Timuyinzakuwerezanga Nnyamwanga nomamona.
\p
\v 14 Nabafalisaayo abaali bakwendya effeza, nibawura ebyo byoona; nibamusekera.
\v 15 Nabakoba ntii nywe abakwefula abaikiri omumaiso gabantu; naye Onnyamwanga amaitte emiitima jaanywei; kubanga ekigulumizibwa omubantu kyamuziro omumaiso gaNnyamwanga.
\p
\v 16 Amateeka nabannabbi byabairewo okwiika okuYokaana; okuzwa olwo enjiiri yabukama bwaNnyamwanga ebulirwa, era bulimuntu abwingiramu lwamaani.
\v 17 naye kyangu eigguru nensii okuwaawo, okusinga enyuguta emwei eyamateeka okuwaawo.
\p
\v 18 Bulimuntu yeena eyapekanga omukali wamwei nawasa owoondi, nga ayeendere; nooyo eyawasanga apekeibwe oibuwamwei nga ayendeere.
\p
\v 19 Awoo waaliwo omuntu omugguda eyazwaalanga olugoye olwafulungu nebafuta egiisai, nga akusanyukanga bulizo omukwesima:
\v 20 Era waaliwo omuseege eibaralyamwei Laazaalo eyabasyanga okumulyango gwamwei, eyaali adomokeredomokere ebirwaire,
\v 21 nga akweggomba okwiikuta ebyagwanga okuzwa okummeeza yamugguda; era embwene zoona zaizanga nizimukombera ebiirwaire byaamwei.
\v 22 Awoo olwaikire omuseege nafa, naimulibwa abamalaika natekebwa omukisuba kya Ibrayimu. nomugguda nafa naziikwa.
\v 23 naimula amaiso gamwei omumagombe ngali mukulumwa, nalengera oIbrayimu alai, noLaazaalo nga limukisubba kyamwei.
\v 24 Nabazira aigguru nakobanti itowaange Ibrayimu, nsasiira otume oLaazaalo, ainike akasonda kalugalo lwa mwei omumaizi, ampoolye woolyeku olulimi lwange; kubaanga nkulumwa omuro guni.
\p
\v 25 Naye oIbrayimu namukoba ntii mwaana waange, izukira nga wawebanga ebiisai byamu omubwomi bwaamu, era noLaazaalo atyo ebibbi; naye atti niye akusanyusibwa, niwe okulumwa.
\v 26 Era okwebyo byoona, akatti waiswe nannywei walowo olukonko olunyamulai olwatekeibwewoo, abendya okuzwa enii okwiiza jemuli balemenge okusobola, era balemenge okuzwa eyoo okwakalawo okwiiza jetuli.
\p
\v 27 Nakoba ntii kale, nkwegairire, itowaange, omutume omunnyumba ya itowaange;
\v 28 kubanga ndina abaluganda bange bataanu; abategeze baleme okwiiza boona omukifokini akirimu okulumwa.
\p
\v 29 oIbrayimu nakoba ntii baali noMusa nabanabbi; baabawurenge aboo.
\p
\v 30 Nakoba ntii bbee, itowaange Ibrayimu; naye omwei okubafu naalyaba jebali balyenenya.
\p
\v 31 Namukoba ntii kambatawulire Musa nabanabbi, era kaba omwei okubafu nalizukira, talibaikirizisya.
\c 17
\cl Essula 17
\p
\v 1 nakoba abegesya bamwei nti tikisoboka ebikwesitaza obutayiza; naye zimusangire oyo akubireta!
\v 2 waakiri oyo okubwebwamu emengo omwikoti ryamwei, okunagibwa omunyanja, okusinga okwesitaza omwei okwabo abato.
\v 3 mwekumenge: omugandawo nasisanga, omubuuliranga; niyeneenyanga, omusonyiwanga.
\v 4 Era niyaalisisaanga emirundi musanju okulunaku lumwe era emirundi musanju namukyokira namukoba nti netondere; omuganyiranga,
\p
\v 5 Abantumwa ne bakoba amukama waisye nti atwongerngaku okwikiriza.
\p
\v 6 Omukama waisye nakoba nti singa mwaalina okwikiriza okudooli nk'ompeke wa kaladaali, mwandikobere omusikamiinigini nti siguka asimbibwe omunynja, era gwandibawulire.
\p
\v 7 Naye naani oku nnywe alina omwiiru nga aluma oba alisya entama, bwangira nga akuzwa omulusuku, alimmukoba nti iza mangu ago olye.
\v 8 Naye atamukoba nti ibula emmere ndye, weesibe, onyigereirye, mmale okulya n'okunywa, naawe olyooke olye era onywe n'okunywa.
\v 9 Amwebalya omwiru oyo olwakukola ebyalagiirwe?
\v 10 Era nanywe mutyo, nimwaalimala okukola ebyo ebyabalagiirwe, mukobeerge oti isye luli bbairu abatakusaana; ebyatugaaniibwe okukola niby tokoore.
\p
\v 11 Awo alwaikire nga bali munzira nga bakwaaba eyerusaalemi yaali nga akwakala mu maggali ga basamaliya n'Ggaliraaya.
\v 12 Awoo nibaingiira omumbuga amwei ne baitirana abantu ikumi abaggeenge, abayemereire alaai.
\v 13 ne babazira aigguru na bakoba nti Oyesu, omukama waiswe otusaasire
\p
\v 14 Niya baboine nga bakukoba nti mlwabee mweerange; eddi: abaisakabona, Awoo olwaikire nebaali nga bakwaaba nibalongosebwa.
\v 15 Awoo omwei kwaabo, niyaboine ngawonere, naira natendereza oNnyamwanga neiraka erikooto.
\v 16 Nacculeera awaali amagulu ggamwei, ngakumwebalya: era oyoo yaali musamaliya.
\v 17 Oyesu nairamu nakoba ntii eikumi boona tebakulongosebwa?
\v 18 Tebabonekere abakwiira okulungamya oNnyamwanga, waabula omugenyi ooni?
\v 19 Namukoba nti imuka, oyabe okwikiriza kwaamu kukuwonyere.
\p
\v 20 Niyabulibwanga abfalisaayo ntii obwamukama bwa Nnyamwanga bukwiiza ddi? nairamu nabakobba ntii obwamukama bwa Nnyamwanga tebwiiza nga bweyelekere.
\v 21 era balikoba ntii boonna, bbuli mpani! obba ntii bbuli mpaddi! kubba, boona, abweamukama bwa Nnyamwanga buuli munda zaannywe.
\p
\v 22 Nabakoba ntii abaggobeeri baamwe ennaku zikwiiza okwiika nga mukwegoomba okuboona olumwe oku nnaku za mwaana wa munyu, era temwaali mubona.
\v 23 Alee bbalikoba nti bbona, addi! bbona, anii! temwabbanga, eratemusengeryanga;
\v 24 kubanga okutangaala no kutangaala oku ludda olumwei olweigguru nka bwekutaangaire nokuludda oluundi olweigguru, otyo nimwo omwaana wamuntu bwalibba okuunsii.
\v 25 Naye ekiberyeberye kikumugwaana okbonyabonyebwa ebiingi, nokuganibwa abamirembe
\v 26 Era nka bwe byaali omunnaku za Nuuwa, atyo nimwo byalibba omunnaku za mwaana wa muntu.
\v 27 Baali nga bakunywa, bakulya, nga bakuwasa, nga bakuyiira, okwiika okulunaku oNuuuwa lweyaingiire omulyato, amataba ne gaaiza, negabalikirya boona.
\v 28 Era nka bwe byaali omunnaku za Lutti, baali nga bakulya nga bakunnywa, nga bakugula nga bakutuunda, nga bakusigga nga bakwambooka.
\v 29 naye okulunaku luddi olutti lwe yazwiire omu sodomu, omuuro nekibiriiti nebiiza okuzwa omwiigguru ne bibalikirya boona.
\v 30 nimwo bityo byaalibba okulunaku omwaana waa muntu lwalisekulibwa.
\v 31 okulunaku oiwo, alibba aigguru okunnyumba nebintu byaamwei nga bbiri aiguru oku nnyumba, taairanga ku bitoolamu, naali omulusuku tairanga ku bitoolamu.
\v 32 Mwizukire omuka wa Lutti
\v 33 Bbuli akutoolya okukola obwoomi bwaamwei yaali bubulya, nmaye bbuli abubuulya alibutaamba.
\v 34 Nkubakoba ntii omubwiire obwoo ababbiri bbalibba omku kitaanda kiimwei; nowondi yalirekebwa.
\v 35 Abakali babbiri bbaliba nga bakusyeera amwei; alitawaali bwa, nowoondi alileke bwaawo.
\v 36 Ababiri baaliba omu lusuku amwei alitwalibwa, nowoondi alilekebwa.
\p
\v 37 Nebairamu ne bamukoba nti bbe, omukama waiswe? nabakobba ntii awabba omulaambo eyoo nesegga nigyo zikumbaanira.
\c 18
\cl Essula 18
\p
\v 1 Oyesu naabagera olufumu nee kiibaasaasira okuusaabanga buuliizoo obutaakerwanga.
\v 2 naakoba ntii “waaliiwo omuulamuri omuukibuga kiimwei, ataatiinaanga nnyamwanga, era nga taateekamu muntu kiitinisyya.
\v 3 Era waaliwo onamwaandu omuukiibugha ekyoo eyaizaanga owaa mulaamuli oyoo, nga ko ntii ndamuula omuulabe waange.”
\p
\v 4 Omuulamuri nataasooka kwiikiriza naaye oluuzwanyuma nabaza omuunda yamwei ntii, “kabanga tiintiina Nnyamwanga, era nga tiiteekamu muntu kiitinisya,
\v 5 Naye olwa/kuungaadya onamwandu onii kwangadiirye naamulamula aleeke okuuteengerya nkaa akwiiza oluutaata.”
\v 6 Omuukama waiswe nakoba ntii muuwuliirye omuulamuri oyoo ataali mwiikiri kyakoba.
\v 7 kale Onnyamwanga taalilamula balonde baamwei abamukungira emiisana nobwiire, ngaa akuuliindirya?
\v 8 Mbakoba nti aliibalamula maangu. Naye omwana waa muntu naaliza, aliisanga okkwiikiriza.
\p
\v 9 Nabaandi baali belowoozaku boonkai okuuba abaikirire ngaa baagaya abandi boona, Oyesu naabagera olufumu luuni ntti
\v 10 Abaantu babbiri baaninnire omu Yeekalu okusaba oMuufalisaayo naayemeera nasaaba omufalisayo owoondiomuwooza.
\v 11 Omufalisaayo naayemera naasaba yeenkai ebigambobiini ntii Ayii Nnyamwanga, nkwebalyakubba tiindi nkaa abaantu abandi boona, abaanyagii, abaalyazamannya, abenzi, nabenga nkaa onni omuuwoza
\v 12 nsiiba emirundi ebiiri omusaabiiti, mpaayo ekitundu ekya ikumi okuu byoonai byenfunaa;
\p
\v 13 Naaye omuuwoza naayemeera alaai naatayendya naa kwiimuula maiso gamlwei omwiiguuru naaye niiyekuba omukiifuba ngaa akukoba ntii, Ayii Nnyamwanga, onsasiree njee alina ebiibi;
\v 14 Mbakoba ntii oyoo yeenkai okwiirayoo ommunyumba yamwei ngaa owereibwe obwiikiri okuusinga odii, kubba buuli eyeesanika alitowazibwa, nooyo eyetowaaza aliisanikiba.” Oyesu awoo abaana abato omuukiisa(mat
\p
\v 15 Awoo nebaleta abaana abaato owaa Yesu abaakwateku, naaye abegesya nibabweine nibabasengerya.
\v 16 Naye Oyesu nabeeta nga abakoba nnti muleke abaana abatto baize jeendi temubagananga kubanga abaali nkaabo obukama obwa Nnyamwanga, niibwo bwaabwe.
\v 17 Kaangura mbakoba ntii buuli ataikirizenge obukama bwaa Nnyamwanga nkomwaana omuuto tabwiingiramu nakaadoli.”
\p
\v 18 omusaiza omugaigai.” (mat Nomunyu omukulu omwei naabuulya nga ankkoba ntii, omwegesya omuusai, nkoole kii okuusikira obwoomi obuutakuwaawo?”
\p
\v 19 Oyesu namukoba ntiiokunnyetera ki omusai? ndoowo musai wabula omwei yeenkai, niiye Onnyamwanga.
\p
\v 20 Amateeka ogamaite ntii, toyendanga, toitanga, toibanga, towangiryanga, omaawo noiteewo obaa tekangamu ekiitinisya.”
\p
\v 21 Nakoba ntii, ebyoo byoona naabitwabimanyanga okuzwa omu buuto bwaange.”
\p
\v 22 Oyesu niiyawuliire ebyo nakooba ntii, “okubuulaka ekiintu kiimwe, tuuda byoolina byoonnia, obigaabire abasege kaale oliba nobugaigai omuigguru omale oize onsengerye.”
\v 23 naaye niyawulire ebyo nanakuwala muuno kubanga yaali mugaigai muuno
\v 24 Awoo Oyesu niiyabweine nakoba nti, “nga kiiziibu abaalina obugaigai okwiingira obwakabaka obwamwiigguru bwaa Nnyamwanga
\v 25 Kubanga cakwenyamira okwiingira omuunyiindo yaampiiti okusinga omugaigai okwiingira omubukama bwaa Nnyamwanga,”
\p
\v 26 Abawuulire ebyoo nibakoba ntii, “kaale ayiinza okulokoka?
\p
\v 27 Naye Oyesu nakoba ntii, “ebiitaasoboka eddi abaantu biisobooka eddi Onnyamwanga.”
\p
\v 28 Opeteero nakoba ntii boona iswe twaalekere ebyaiswe neetuusengerya,”
\p
\v 29 Kangura mbakoba ntii ndoowo muntu eyaalekere ennyumba, obaa omukali, obbaabagande obaa abaabyaire obaa baana olwaabukama bwaa Nnyamwanga.
\v 30 ataaweirebwe attee miruundi ziingi omubiiro biini, nomuu biini ebiikwakuiza obwoomi ouutawaawo.”
\p
\v 31 Oyesu akubaza omurundi ogwaakasatu. okukufa kwamwei. Oyesu natwaala aboo eikumi nababiiri(12) naakoba nnti, “Boona, tuukuunina Eyerusaalemi, neebyo byoonai ebyaawandiikibwe abannabbi oku mwaana owaa muntu biikire.
\v 32 kubba aliiwebwayo omuu baamawanga, aliduurwa, aliiswaazibwa, alicwiibwaku amaalusu;
\v 33 Baalimuba enkooba, baalimuita, eraa okuu luunaku olwaakasatu aliyimbokebwa
\v 34 Abeegesya baamwei nibateteja okkuebyoo nee kimwe nekigambo ekyoo, ekyalikiiba kwekeibwe, nee bateteja ebibaziibwe.
\p
\v 35 Awoo olwaikire Oyesu niiyaali alampi okwiika eYeeriko omwiigaali waamaiso yaali aikaaire okuu nziira nga akusabirya.
\v 36 Awoo niiyawulire ekiibinja ngaa kikwakaala, naabulya ntii, “kiki ekyo,”
\p
\v 37 Nebamukoba ntii, “OYesu omunazalensi akwakala.”
\p
\v 38 Nabazira aiguuru nakoba ntii, Yesu omwaana waa Dawudi, nsaasira,”
\v 39 naabo abaalibamukulembeire nibamuboigora okuusiirika, naaye yee niiye yoongera omuuno kuubaaziira aiguuru ntii, wee omwaana waa Dawudi onsaasire.
\p
\v 40 oyesu nayemera naligira okumuleta waali,” awoo bwe yasembeire ampii namubulya ntii,
\v 41 “Okwendya nkukoreki?” Nairamu ntii, “mukama wange nkwedya onyikule amaiso.”
\p
\v 42 Oyesu namukoba ntii, “bonnya: okwiikiriza kwaamu kukulokoire.”
\v 43 Amangwago nabonnya, namusengerya nga agulumiza oNnyamwanga; nabaantu boona bwe baabwoine, bateindereize oNnyamwanga.
\c 19
\cl Essula 19
\p
\v 1 Nayingira mu yeriko nabba nka kuja kalamu.
\v 2 Kale bona waliwo omuntu yayetebwanga ebaira Iyamwei zaakayo, naye yalimukulu omubakumbani era nga mugudda.
\v 3 Nasala amagezi okubona Oyesu nakwiisana, natasobola olwakiibina, okubbanga ekigero kyamwei yali mumpi.
\v 4 Nairuka nakulembera, nanina okumusale omusukamooli amubone kubbanga yali akwaba kwakala munzira eyo.
\v 5 Awo Oyesu niyeyikire mukifo jali, nalora eyiguru, namukobati Zakaakayo, ikka mangu kubbanga olwalero kikugwanire okukwikala omunyumba yamu.
\v 6 Neika mangu, namwaniriza nga kusanyuka.
\v 7 Niba bweine nibamwemulunya bonna ogabakobati ingire okubbasya ewa omuntu ayina ebibbi.
\p
\v 8 Zaakayo nayemera nakoba nyamwanga weiswa bonna nyamwanga wange ekitundu okubinto byange mbwiwa abasegge, oba eyalyazamanyanga omuntu yenna ekintu kyamwei ndimugeita emirundi enai.
\p
\v 9 Yesu nakobati olwalero okulokolebwa kwizire omunyumba muni olwokubba yena mwana wayi Ibulayimu.
\v 10 Kubbanga omwana wamuntu yeizire okuswagana nokulorola ekyo ekyabure.
\p
\v 11 Awo nibawuliire niyeyogera egera kubbanga yali ampi neyerusalemi, era kubbanga bali bakulowoza nga obukama bwa nyamwanga bukwakuboneka mangu.
\v 12 Nkyoyazwiire akobati waliwo omuntu omukulu eyabire omunsi eyalai, okulya obukama amale iyire.
\v 13 Nayeta abeiru bamwei eikumi nabawa empiya ebikumi bibiri nabakobati musubulyenge okwiikya nendira.
\p
\v 14 Naye abasaiza bamwei ni bamukyawa, nebatuma ababaka emabega wa mwei nga bakobati tetu kwendyayo kutufuga.
\v 15 Awo olweikiire niyeire ngamare okulya obukama, nalagiira okwetta abeiru aba be yawaire effeza, amale amanya amagoba ge baasuubwire.
\p
\v 16 Akusoka neiza ngakobati nyamwanga wange, empiya zamu amakumi abiri gakubbisyamu empiiya bibri.
\p
\v 17 Namukobati webale omwiru omusai kubbanga wali mwesigwa okukitu ekidyoli munno, ale bba nobuyiinza oku bibuga ikumi.
\p
\v 18 Neiza owakabiri nga kobati nyamwanga awange, epiya ezo abiri zakubisibwemu epiya kiikumi.
\p
\v 19 Noyo namukobati wenna bba kubibuga bitaanu.
\p
\v 20 Nowondi neyiza ngakobati nyamwanga wange, bonna empiya zamu zini eibiri nazibikire ngazisibwe mu kiwero.
\v 21 Kubbanga na kutinire kubbanga olimuntu mukakanyali okomya kyo tateirewo, okungula kyotasigiire.
\p
\v 22 Namukabati akananwakamu kalikusara omusango, we omuntu omubbi wali omaite ngagyendi muntu mukakanyali, ngankomya kyentate irewo, nga nkukungula kyentasingiire.
\v 23 Kale kiki ekyakuleme srye okuwa empiiya zange abasubuzi nanje ninandizire
\v 24 Nabakoba abali bemereire awoti mumuyeku empiya zamwei muziwe oyo alina empiiya ebikumi ebibiri.
\p
\v 25 Nibamukobati nyamwanga weiswe, alina empiiya ebikumi bibiri.
\p
\v 26 Nkubakobati buli alina alii webwa, naye oyo ataliina era ekyo kyali nakyo kirimuyibwaku.
\v 27 Naye abo abalabe bange abatayendya gyenfuge, mubalete ani mubeitire omumaiso gange.
\p
\v 28 Awo niyama okubaza ebyo nakulembera nanina Eyerusaalemi.
\v 29 Awo olwayikiire nga alampi okwiika Abesufaage na Bessaniya oku lwozzi olwetebwa okwa zeyituuni, natuma ku begesya bamwei babiri.
\v 30 Ngakobati mwabe omumbuga edi omumaiso ganywe, nimweingira omwo mukwakubona omwana wandogoyi nga gusibibwe oguteebangalwa ngaku muntu mugusindale mugulete.
\v 31 Era omuntu nababulyangati mukusindaburyakyi? Mukobenge mutyo ti katonda weiswe niye agwendya.
\v 32 Bonna abatumibwe nibaba, ni babona nke bwabakobere.
\p
\v 33 Awo nibali nga bakusindabula omwana wa ndogoyi abakama bandogoyi nibabakobati mukusindaburaki omwana wandogoyi oyo?
\p
\v 34 Nibakobati onyamwanga weiswe niye kwandya.
\v 35 Nibatete edi Oyesu ni baliira engoye okumwana gwa ndongoyi, nebabegesyaoku Yesu.
\v 36 Awo niyali akwaba ni baliira engoye zabwe omunzira.
\p
\v 37 Awo niyali nga alampi akwika omu kinamu kya lusozi lwa zayituuni, kibina kyona ekyabegesya ni batandiika okusanyuka no kutendereza nyamwanga ne yiraka elikotto olwabyamagero byona byebabweine.
\v 38 Ngabakobati awereibwe omukiisa okabaka ayizira omwibara lya nyamwanga emirembe omwigulu, nekitinisya eyigula emuno.
\p
\v 39 Abafalisaayo abamwei aba mukiibira nebamukobati omwegesya, ikanga ku begesyabamu.
\p
\v 40 Neiramu nabakobati nkubakobati aboni basirika, amabbale ga bazira eyiguru.
\p
\v 41 Ati niyasembeirye ampi, nabona ekibuga nakikungiira.
\v 42 Ngakobati singa amayite okulunakuluni, we ebigambo ebyamirembe! naye ati bikwekeibwe amaiso gamu.
\v 43 Kubbanga ennaku zalikwizira abalabe bamu nibalikwombokaku olukorogo, balikwetolola, balikwerugurya eruyi ne ruyi.
\v 44 Balikunaga ansi, nabana bamu abali mundayamu era tebali kule kamu ibbale eriri eyiguru okwibbale, kubbanga temaite bwiire bwakukyarwaku.
\p
\v 45 Neigira omu yekaalo, nasoka okugobamu abali bakutunda.
\v 46 Ngakobati kyawandikiibweti enyumbayange ya bbanga nyumba ya kusabiramu, nayenywe mujifire mpuku ya banyazi.
\p
\v 47 Awo nayesyanga omu yeekaalu buli lunaku naye abakabonna abakulu nabawandiki nabukulu babantu nibasala amagezi okumuzikiiraza.
\v 48 Nibatabonna kye bakola, kubanga abantu bonna bamuteiremu munno omwoyo nga bakumura.
\c 20
\cl Essula 20
\p
\v 1 Awo olwaikire okulunaka lumwei okweezo yaali nga akwegesya abantu omu kanisa nga kubuuliira enjiri abakabona abakulu nabawandiiki amwe nabakaire nebamwizira.
\v 2 Nibabaza nga bamukoba nti tukobere buyinza ki abukulesya bini? Oba naani eyakuwaaire obuyinza obwo?
\p
\v 3 Nairamu nakoba nti njeena kambabuulye kimwei munkobere.
\v 4 Okubatizibwa kwa Oyokaana kwazwire mwiiguru kaanda mu bantu.
\p
\v 5 Nibateesa boonkai na boonkai, nga bakoba bati nitwaakoba nti baazwire mwiiguru yakoba nti kiki ecabagaine okumwiikiriza?
\p
\v 6 Naye nitwaakoba nti kwaazwire mu bantu, abantu boona baatukubba amabbale kubanga baikiririza muno omu Yokaana okubba omulaguli.
\v 7 Nibaairamu nti tibamaite jikwaazwiire
\p
\v 8 Oyesu nabakoba nti ale nanje tinabakobere nnywe obuyinza obukunkolesya bini jibwaazwiire.
\p
\v 9 Nasookere okobera abantu olugero luni nti omuntu omwei yasimbire olusuku lwamizabbibu, nalusigira abalumi, nayaba omunsi ejindi nalwaayo.
\v 10 Awo omubiro byamwaaka abalumi nabatumira omwiru bamuweerye oku bibala bya mulusuku lwamizabbibu, naye abalumi nibamukubba ni bamuswaaza nibamusindika nga talina kutwi.
\v 11 Niyengera okutuma omwiru owondi, nooyo nibamukubba nibamuswaaza nibamusindika nga talina kutwi.
\v 12 Niyeyongera okutuma owakasatu, nooyo yeena nibamusumita ni bamupeka.
\v 13 Oyo Omukama walusuku lwamizabbibu namukoba nti nakola ntyai? Ka ntume omwaana wange ayendyebwa kaanda oyo baalimuteekamu ekitinisya.
\p
\v 14 Naye abalumi nibaamuboine, nibateesa boonkanaboonka ngabakoba bati nti oni niye musika tutamwiita, obusika bubbe bwaiswe.
\v 15 Nibamupeka omu lusuku lwamizabbibu, nibamwita. Ale yaalibakoba atyai Omukama walusuku lwamizabbibu.
\v 16 Aliiza amulewo obalumi abo, nolusuku lwamizabbibu, yaali luwerya abaandi. Nibaawulire, nibakoba nti bitabbaawo.
\p
\v 17 Naye ye nabaloleera nabakoba nti ale kiki kini ecaawandiikibwe nti eibbaale aboomboki libaagaine, eryo niryo lyaacuukiremu omutwe gw'ansonda?
\p
\v 18 Buli agwa okwiibbaale eryo yaliyendekayendeka, naye oyo gweryaaligwaaku lyaalimufuumuula nkocuucu.
\p
\v 19 Awo abawandiiki nebakabona abakulu nibasala amagezi okumutaaku emikono omu biro ebyo, nibatiina abantu, kubbanga beetejerye nti okwaabo niko agereirye olugeero olwo.
\v 20 Nibamubuuliira, nibatuma abakessi nga bakwefuula abaikirire balandire okubigambo byaamwe, balyooke bamuweryeeyo edi okufuga okwawassaza needi obuyinza bwaamwe.
\v 21 Nibamubuulya nga bakkoba nti omwegesya, tumaite ngobaza era ng'oyegesya byamazima nolweekyo tasosola mubantu naye oyegesya mazima enzira ya nnyamwanga.
\v 22 Kisai iswe okuweryaanga okayisaali omusolo, kaanda bbe?
\p
\v 23 Naye netejerye obukuusa bwaabwe, nabakoba nti mudange o eddinaali,
\v 24 “Ekifaanani ekiruku nobuwandikeku byanaani?” Bo nibakoba nti bya kayisaali.
\p
\v 25 Nabakoba nti ale ebya kayisaali mu bisasulenge nnyamwanga.
\v 26 Nibatasobola kwiiya nsonga mu kigambo ecoo omumaiso gabantu ni yewuunya cairemu, ni basirika.
\p
\v 27 Abasaddukaaya abamwe nibayiza jaali okubakoba nti ndoowo kuzuukira, nibamubuulya.
\v 28 Nga bakoba nti omwegesya Omusa yatuwandiikiire nti omuganda w'amuntu nafaanga ng'alina omukali naye nga talina mwaana omuganda waamwe abandule omukali oyo ailiryeewo omugaande ezzadde.
\v 29 Ale waaluwo abaluganda musanju, akusooka nabandula omukali, nafa nga talina mwaana.
\v 30 n'owakabiri.
\v 31 N'owakasatu namubandula era batyo abaali omusaanju ni bafa nibataleka baana.
\v 32 Olwamaale omukali nafa.
\v 33 Ale omukuzuukira mukanaani okwaabo kubbanga boona omusanju baamubandwiire.
\p
\v 34 Oyesu nakoba nti abaana bansi eni babandula, bafumbirwa.
\v 35 Naye badi aba saanyiziibwe okwiika omunsi eyo nomukuzuukira okwamu bafu tibabaandulenge ate tibafumbirwenge.
\v 36 Kubbanga nokufa tibayiinza kufa era, kubbanga baali nkabamaleiyika, era nibo baana ba nnywmwanga nka nibali abaana bakuzuukira.
\v 37 Okumanyamanyanga bafu bazuukira, ne Omusa yakirangire kukibira niyamweetere Omukama nnyamwa nga wa OIbulayimu, era nnyamwa wa OIsaaka, era nnyamwanga wa Yakobo.
\v 38 Naye yeti nnyamwanga wa bafu naye waboomi kubanga boona babba boomi ku lwaamwe.
\p
\v 39 Abawandiiki abamwe nibaairamu, nga bakoba bati omwegesya abazire okusai.
\v 40 Kubbanga tibaajjanganga kumubuulya kigambo coona era.
\p
\v 41 Nabakoba nti babaza batya nga Okristo niye mwaana wa Odawudi.
\v 42 Kubbanga Odawudi omwenyenere abaza omukitabo cazabbuli nti Omukama yakobere. Omukama wange nti ikaala okumuno gwange ogwaddyo.
\q
\v 43 Okwiica lwenaali cuusa abeilabe baamwe entebe yamagulu gaamu.
\p
\v 44 Odawudi amweeta Mukama wamwei. Ale mwaana waamwe atyai?
\p
\v 45 Awo abantu boona nibamuwuuraanga, nakoba abegesya baamwe nti.
\v 46 Mwekuumenga abawandiiki abakwendya okutambuuranga omungoye ezirai, abakwendya okulamucibwa nga omubatale, nentebe zampi omumakanisa ne bifo ebyakinisya okumbaga.
\v 47 Abawamba ennyumba za banamwandu, abasaba omuno omubunafuusi, abo baalisaalwa omusangu ogukusinga obukooto.
\c 21
\cl Essula 21
\p
\v 1 Awoo naimucca amaiso, nabona abaguuda abaali batkunaga ebitooni byabwe omwibikiro.
\v 2 Nabonaa onamwndu omwe omwooro nga akunaga ebituundu bya peesa bibiri.
\v 3 Nakoba nti onamwandu oni omwooro anagiremu biingi okusiinga boona.
\v 4 Kubbanga abo boonana abanagirewo okubifikirewo okubutwoni naye oyo omukwendya kwaamwe anagiremu byoona byalina nibwo bwoomi bwaamwe bwoona.
\p
\v 5 Era abamwe nibabbaire bakusimoola okanisa, niyakuniibwe namabbale agasai, nebitwooni nabakoba nti;
\v 6 Bini byemukubona, ebiro bikwaaba okwiiza, niwatali lekebwawo ibbalen eriri okwibbale ani eritalangibwa.
\p
\v 7 Nibamubuulya nga bamukoba nti omwegesya, kale ebyo biribbawo di? kamanyisyo ki akalibbawo ebyo nibiribanga bikwakubbawo?
\p
\v 8 nabakoba nti mubbenge muleme okukyamibwa; kubanga baingi baliiza omwibara lyange, nga bakusimoola nti ninje ngoni, era obwiire buliampi okeiika; timubasengeryanga.
\v 9 Era nimwawuuranga nebijugum, iro, timwerundukaanga: kubbanga ebyo kiibisaniire okusoka okwiiza, kubanga enkango teriika amangu ago.
\p
\v 10 Nalyoka nabakoba nti eiyanga liri luumba eiyaanga, nobukama buli luumba obukama.
\v 11 Walibbawo ebijugumiro ebikooto, nomubikaranzira ebiindi nzala no kuwumpuli, walibbawo nebikutiinisya nobu manyisyo obukooto obukuzwa omiiguru.
\v 12 Naye ebyo byoona nga bikyaali kubbawo, balibateekaku emikono, balibayiganya, nga bakubawayo omakumbanirono mbuduukulu nga bakubatwaala edi obukama.
\v 13 Kiribba mujuurwa edi nywe.
\v 14 Kale mukiteeke omitima jaanywe, obutasooka kulowooza byemuliramu
\v 15 Kubbanga nje ndibbawo omunwa gwa magezi, abanyanzigu baanywe boona bye bye baali sobola okuwakana nabyo wade okubigaana.
\v 16 Naye muliweebwayo ababyaire baanywe, nabaluganda nabakika, nabamikago gyaanywe okunywe bali baitisya.
\v 17 Nyeena muli kyayibwa boona olaibara lyaange.
\v 18 Nolusoke lwakumitwe jaanywe tiluli bula nakadyooli.
\v 19 Omukugumiikiriza kwaanywe muli funa obwoomi bwaanywe.
\p
\v 20 Naye bwe mulibona eYerusaalemi, ngayatoleibwe eiye nemigera nti okuwaayo kwako kuli ampi pkwiika.
\v 21 Omubiseera ebyo abaibbanga omu omubayudaaya bairukiranga kunsozi nababbanga akati wakyo bakiwulukangamu.
\v 22 kubbanga ebyo byabbaire biro bya kuwalana Eiwaanga; ebyawandiikibwe byoona bimalr bikiire.
\v 23 ZZiri basaanga abalibba nenda nabakwoonkya, omubiro ebyo, kubbanga walibbawo okubona obujune bwiingi okunsi nobwandi edi okuunsi no bwaandi edi abantu abo.
\v 24 Baliitibwa nobwiigi bwa kitala, balinyagibwa okutwaalibwa omumaanga goona; no Yerusaalemi asambatiirwe abanamaanga okwika ebiseera bya bana maanga nibiri ika.
\p
\v 25 Era wabbawo obumanyisyo okwisana no kweezi no ku nyenyenzi, nokuunsi amawaanga gali nakuwala, nga bakuwaniinkira ola kuvuuma kwa nyanja nebinyege.
\v 26 Abaantu nga bakuzirika olwa kikangabwa nokuloleera ebikwiiza okuunsi kubanga amaani ga mwiiguru gali jjugumira.
\v 27 Nibalyooka nibaebona omwaana wamuuntu nga akwiizira omukiiguru namaani ne kitiinisya ekikooto.
\v 28 Naye ebigambo ebya nibitaandikaanga okubbawo nimuloleeranga aiguru, mwimuleenge emitwe jaanywe: kubbanga okwibululwa kwaanywe kuliampi okwiika.
\p
\v 29 Nabakoba olugero, nti mubone omutima ne mitima joona.
\v 30 kale nijitabaza muboona nimutegeera nywenkai, nti ati amakuungula galyampi.
\v 31 Era naanaanywe nimwo mutyo, nimubonaanga ebyo byoona nga bikubbawo nimumanya ntim obukama bwa Nyamwanga buli ampi.
\v 32 mazima nkubakoba nti emireembe jini tijiriwawo nakadyooli okwiika ebyo byoona nibiribbawo.
\v 33 Eiguru nensi biriwaawo, naye ekigaambo kyaangetikiriwaawo nakadyooli.
\p
\v 34 Naye mwekuume emitima jaanywe gireme okulemeerwanga olwamairu nokutamiiranga nokwelalikiiranga ebya bwoomi buni, era ne kiro kidi okubaikaku nkekikangabwa.
\v 35 Kubaamga nimwo lutyo nililiika okubona abaali okuunsi yoona.
\v 36 Naye muboneenge ebiseera byoona musabeenge musobole okwika omumaiso gamwaana wamuuntu.
\p
\v 37 Awoo bulio kiro yegesyaanga omukanisa; nibwasweekanga nawuluka nasula okulusozi olwetebwa olwa Zayituuni.
\v 38 Abaantu boona nibakeeranga nibakeeranga okumaambya okubeegesya omukanisa okumuliirya.
\c 22
\cl Essula 22
\p
\v 1 Awoo embaga eyamigaati ezitakuzimbulukuka ekwebwa okwakalwaku yaali alampi okwiika.
\v 2 Abasuumba abakulu nabawaandiika nibasala amagezi nibamwiita, kuba baali bakutiina abantu.
\p
\v 3 Awoo ositaani nayingira omuyuda ayetebwa osukaliyooti eyaali okumuwendo ogwabo eikumi nababiri.
\v 4 Nayaba nateesa nabasuumba abakulu nabasaiza abasirikale niyamuwaayo jemuli.
\v 5 nibasanyuka nibaikirizaganya okumuwa effeza.
\v 6 Naikiriza naswagana elkiseera mweyamuwereire jebaali ekibiina
\p
\v 7 Awoo olunaku lwa migaati ezitazimbulukusa ni lwiika, olukwanira okusaaraku okwakala okwo
\v 8 Natuma Opeetero no Yowaana nakoba nti mwabe muteeketeke okwakalwaku tugirye.
\p
\v 9 Nibamukoba okweendya tutegekere ayi?
\p
\v 10 Nabakoba nti bona nimwsabbanga mwiingiire omukibuga mukwiiza okusanganga omuuntu akwiiza okubasangangs naanywe eyetikire ensuwa yamaizzi nomuseengerya omunybba.
\v 11 Mwakobanga omukama wa nyubba omweegesya okobere nti enyubba yabagenyi erai mwenaliiranga okwakalaku amwe nabakumuseengerya boona.
\v 12 Era oyo akwiiza okubalanga enyubba egikooto eyaali aiguru ekitimbibwe, mutekeretekere omwo.
\v 13 Nibaaba nibabona nka nabakobere naikaara nabatume amwe nate,
\p
\v 14 Awo ekiseera nikyaikire naikara okuumere okumere na batume amwe naye.
\v 15 Nabakoba nti negombere muno okuliira amwei okwakalwaku kuni nga nkyaali kubonabona.
\v 16 Kuba nkubakoba nti tiindikulya nakadooli okwiikya okwikiirya omubwabukama bwa Nyamwanga.
\v 17 Nairira ekikopo, niyebalya nabakoba nti muyeku ekyo nywenkai nanywenkai.
\v 18 Obanga nkubakoba nti tindineewa okusooka ebibala okumuzabbibbu okwiika obukama bwa Nyamwanga nibwaliza.
\v 19 Nairira omugaati niyebalya nagumenyamenya mu nabawa nabakoba nti guni nigwo mubiri gwaange oguwebwebweyo okulwaange; mukolenge mutyo okwizukira nje.
\v 20 Era nikikopom batyo nibamaare okulya nabakoba nabakona nti ekikopo kini niyo ndagaano egiyaaka omusayi gwange okwansekere okulwaiswe.
\v 21 Naye bona omukono gwooyo andyaamu olukwe guli amwe naanje okumeeza.
\v 22 Obanga omwaana wa muuntu akwwaba ayabe nga nikyakobwebwe, naye zimusaangire omuuntu oyo amulyaamu olukwe.
\p
\v 23 Nibatandika okubuulyagana boonkai naboonkai yaabba naani okwabo? akwakola ekyo.
\p
\v 24 Niwabbawo nempaka omubbo nti naani okubbo alowoozebwa okubba omukulu.
\p
\v 25 nabakoba nti abakama babasaiza abaaba okuleembera naabo abayinaobuyiinza kubbo bateebwa abakola obusai.
\v 26 Naye nywe timutyo; naye omukulu omunywe abba nkomuto noyo akulembera abeenge akuweereza.
\v 27 Obanga omukului naani? aikaire okumere oba aweereza? tiniye Oyo aikaire okumere.
\p
\v 28 Naye nywe bembaire nabo omukugezesebwa.
\v 29 Naanje nkubakuumira obukama nka otaata niya tegekere nje.
\v 30 Mulyooke mulye era munywere okumeenza yaange omubukama bwange. era miliikaara okuuntebe eza kitiinisya nga mukusaarwa emisaango ebika eikumi nebibiri ebyabaisireari.
\p
\v 31 Osimooni, osimooni, bona, yegairiire okubba okubakuunguta nke ngaano.
\v 32 Naye nje nkusabira, okwiikiriza kwaamu kuleme okwiira emabega. naawe nomalaanga okwiinduka ogumyaanga baganda baamu.
\p
\v 33 Opeetero namukoba nti mukama waange, netegekere okwaaba naawe nomukomera nokuffa.
\p
\v 34 Nakoba nti nkukobere we, oPeetero, onkoko olwaleero takwiiza kukooka nga akyaali kunegaana emiruundi isatu tomaite.
\p
\v 35 nabakoba nti ninagbatumanga timwiina nsawu, nibwewankubbaire olukobba, wade enkaito, mwalina kyemwendyanga? nibakoba nti mbe.
\p
\v 36 Nabakoba nti naye ati alina ensawu, agitwaale nowalukobba atyo. naye atalina kya kulwanisya atuunde olugoye akigule.
\v 37 Obanga nkubakoba nti kini ekyawandikkibwe kisaniire okwikiirya okunje yabalibwe amwei nabasobya: obanga kibasaniireb kina okwikiira.
\p
\v 38 Nimbakobaz nti mukama waiswe bona ebyakulwanisya bibiri mbini. nabakoba nti mwamala.
\p
\v 39 Nawuluka nayaba okulusozi lwa zeyituuni nkempisa zabwe nizaali, nabakumusengeeryanibamuseengerya.
\v 40 awoo niyaikire omukifo awo, nabakoba nti musabe mutingira omukemebwa.
\v 41 Yenabawukaku ebanga wakasukibwa eibbale, nafukamira nasaba.
\v 42 Nga bakoba nti otaata, nkobwokwendya nyiyaku ekikopo kini. naye kyo kwendya nikikolebwa,
\v 43 Malaika nabonekera nga akuzwa omwiguru nga akumuteekamu amaani.
\v 44 nafayo muno nga akulumwa niyeiyongera okusaba muno entuuyo zaamwe nizibba zidooli nko musaayi nga gukutoonya ansi.
\v 45 niyaimukire okusaba naiza edi abeegesya baamwe, nabasaanga nga babbasirye olwaanaku.
\v 46 Nabakoba ekibabasisirye kiki? mwiimuke musabe muleme okwiingira omukemebwa.
\p
\v 47 Yaali ak yabaza bona ekibina noyo aitibwe oyuda, omwe okwaabo eikumi nababiri nga akubakulembera, naseembera oYeesu okumugwa omukifubba.
\v 48 naye oYeesu namukoba nti oyuda, omwaana wamuuntu akumulyamu olukwe nga amugwire omukuiffubba.
\p
\v 49 Naabo beyalinabo nibabwoine ekikwaba okubbawo. nibamukoba nti mukama waiswe tuteme nebikala.
\v 50 Nomwe okubbo natema omubakazi wa kabona asiinga obikulu namusalaku okutwi kwaamwei okwa mukono ogulyo.
\p
\v 51 Naye oyeesu nairaqmu nakoba nti kaanga kweekyo kyonkai. nakwata okutwi namuwonya.
\v 52 OYeesu nakoba abasuumba abakulu, nabasaiza abomukanisa nakaire nibamwiiramu nti munyiizire nko mwiibbi ebyakulwanisya nemiigo.
\v 53 Ninaabbanga naanywe buliizo omukanisa timwangolorangaku bikono jaanywe, naye kini nikyo kiseera kyamwe nobuyinza obwa kizikiza.
\p
\v 54 nibatmukwaata nibamutwwala nibamwingirya omunybba ya musuuumba asiinga obukulu naye OPeetero naseengerya nga akuzwa alai.
\v 55 Awoo niyali nga bamaare okubbutula omuuro akati omulubuga nga baikaire amwei OPeetero aikaara akati omubbo.
\v 56 Awoo omwaala omwei niyamubweine nga aikaire owakabona, namulemeraku namukoba nooni yabbaire naye.
\p
\v 57 Niyeegana namukoba nti omukazi timumaite bbe.
\p
\v 58 Ekiseera niktyayakirewo nowoondi namubona namukoba nti weena oli kunibo, naye Opeetero namukoba nti omuuntu tiniinje.
\p
\v 59 waali wakairewo ekiseera kyasaawa emwei owoondi nalemeraku nga akoba nti ama zima nooni yabbaire amwe naye, obanga muli Galiraaya.
\p
\v 60 naye oPeetero nnamukoba nti omuuntu tinkumunya gwokubbazaku, awo amaangu ago niyaali nga akyabaza;
\p
\v 61 Awoo omukama waiswe nakyuuka naloleera Opeetero, OPeetero naizukira ekigaambo kya mukama waiswe, niyamukobere nti ereero onkoko yabbanga akyaali kukooka onii yaneegana emiruundi isatu.
\v 62 Nawuluka enzai nakuunga muno amaliga.
\p
\v 63 nabaantu abaali bakwaite Oyeesu nibamuduula nga bamukoba.
\v 64 Nibamusweeka amaiso nga nibamubuulya nga bakoba nti lagula: naani akubbire?
\v 65 Nebiinhdi biingi nibamubazaqku nga bamuzuma.
\p
\v 66 Awoo obwiire nibwakyere, abakaire nabaantu nibakuumbana, abasuumba abakulu era nabawandiiki nibamutwaala omulukiiko lwaabwe nga bakoba nti;
\v 67 Obanga wa krisito yakobere naye mbakoba nti nebwenabakobera timwikiriza nakadooli.
\v 68 Nibwenabulya, timwairemu nakadoolidooli
\v 69 naye ekikusookerwaku ati buni omwaana wamuuntu okumukono ogumoso.
\p
\v 70 Boona nibakoba nti kale we oli mwaana wa Nyamwanga? nabakobare nti nkanibazire niinje onii.
\v 71 Nibakoba nti tikwenderyakii obujuurwa obanga tuwuliire okuzwa jaali.
\c 23
\cl Essula 23
\p
\v 1 Ekibina kyona nikyimuka nikyimutwala ewaa Piraato.
\v 2 Nibasooka okumuloopanga bakoba nti onitwamubweine nga akubuulya Eiyaanga yaiswe, nga akubagaana okuwa Okaisaali omusolo, nga akubaza omwenyini okubba okurisito omukama.
\p
\v 3 OPiraato nabulya, nga amukoba nti niiwe mukama wa Buyudaaya? namwiiramu namukoba nti obalize.
\p
\v 4 Opiraato nakoba okabona omukulu nebibiina nti tiinkubona nsoonga yoona okumuuntu oni.
\p
\v 5 Naye bo nibeeyongera okubatairira nga bakoba nti okusasamalya abaantu, nga oweegesya omubayudaaya boona, yasookere Ogaliraaya okwiika naani.
\p
\v 6 Naye opiraato niyawuliire, nabuulya oba omuuntu oyo muGaliraaya.
\v 7 Niyategeire nga wamumatwaale ga kerode, namutwaala ewa kerode, kubbanga yeena yaali muYerusaalemi ebiro ebyo.
\v 8 Awoo okerode niyabweina oYeesu, nasemeerwa muno, kubbanga okuzwa eirai yayeenndyaanga okumubona kubbanga yawuura nga ebigaambo byamwei, nasuubira okumbanga akola akamanyisyo.
\v 9 Namubuulirya ebigaambo bingi, naye ye natamwiiramu kigaambo kyoona,
\v 10 Abakabona abakulu nabawandiiki nibemeera nibagumya akumuloopa.
\v 11 Awoo okerode nabasirikale nibamunyooma, nibamuduura nibamuzwalikisya ekizwaaro ekimunekyanekya nibamwiiryayo ewa Piraato.
\v 12 Kerode no Piraato nibalyooka nibatabagana okulunaku alwa kubbanga omukwekera baali baalibakyawangaire.
\p
\v 13 Opiraato nayeta abakabona abakulu nabakukunaali nabaantu,
\v 14 Nabakoba nti mundeteire omuuntu onii, nti yabuurye abaantu, era bona nje nimukemereirye omumaiso gaanywe timbweine nsoonaga yoona kumuuntu oniiokwebyo bye muloopere.
\v 15 Era, niwamkubbaire okerode, kubbanga amwiirye jetuli, era, bona, ndoowo kigambo kyakoore ekisaanire okumwitisya:
\v 16 Kale niyamaare okuumubonereza, namwiita.
\v 17 Kyamusaniraanga okubataisiryanga omubwe omwei okumbaga.
\p
\v 18 Naye ni bakayana bona amwe, nga bakoba nti twaala onii, otutaisirye balaba:
\v 19 Niye omuuntu gwe bateire omukomera olwabujeemu obwali omukibuga, nolwabwiiti.
\v 20 OPiraato nabaza nabo neera nga akweendya baite OYeesu.
\p
\v 21 Naye bo nibazwa aiguru nga bakoba nti akomeerwe.
\v 22 Nabakoba omuruundi gwa kasatu nti lwaaki onii, okoore kibbi kii? timbweine kuye nsoonga ekumwiitisya. kale niyamaare ]okumubonereza namwiita.
\v 23 Naye bo niba niba muzitoweeera namalobozi agaakoto nga akubegayiira amikomeere. amaloboozi gaabwe nigasinga okola.
\v 24 OPiraato nasalawo ebigaambo bye beegairire.
\v 25 Naita oyo ayanagiibwe omukomera olwa bujeemu nobwiiti gwe bamwegairire, naye nawaayo Oyeesu okumukola 'nka nibakwendya.
\p
\v 26 Awoo bali nga bakamutwala, nebakwata omukuleni Simoon, eyali akuzwa mukyaalo, nebamutiika omusaalaba, okugwetiika nga akuzwa emabegga wa Yesu.
\v 27 ekibiina kikooto nekimusengerya ekya baantu ne kyabakaali abamukungiira bamulirira.
\v 28 Naaye o'Yesu nabaindukira nabakoba nti nywe abaala baYerusaalemi, mutakungiiira njje, naaye mwekungiire nywenkai, nbabaana banywei.
\v 29 kubaanga, bonna, enaaku zikuiza, mwebalikobera nti mwina omukisa abaguumba, nabandda ezitabyaala na maabeere agatayonkya,
\v 30 Nibalyooka batandiika okukoba ensozzi zibagweeku; nobusozi mutubikiire.
\v 31 kubanga nibakola biini okumusaale ogubbisi, okugukaalu kiribakityai.
\p
\v 32 Era yatwaliibwe nabandi babiiri, abakola okubbi, okwitibwa amwei naye.
\v 33 Awoo nibaikire omukiffo kyetebwa Kiwanga, nebamukomeera awo, nebaddi akooli be ebibi, omwei okumukono ogulyo, omwei okukiimoso.
\v 34 Awoo oYeesu nakoba nti Oite waange, basonyiwekubanga tibamaite kyebakola, nibagabana ebuzwaaro byamwei, nga bakubba akaluulu.
\v 35 Abaantu nibemeera nga bakuloleera abkukunaali boonanibamusekeera nga bakoba nti yalokolanga baandi yerokole yenkai, obanga oyo niye kurisito wanyamwanga, omuloonde.
\p
\v 36 Abasirikale boona nibamuduura nga bakwiza waali nga bakumuwa omweenge ogukaatuki.
\v 37 Nga bakoba nti obaanga. niiwe mukama wa Bayudaaya, welokole wenkai.
\v 38 Niwabbawo nebbaluwa aiguru waamwe nti “ONI NIYE MUKAMAWABAYUDAAYA.”
\p
\v 39 Omwei okwabo abakola okubbi abawanikiibwe namura nga akaba nti tiniiwe kurisito? werokole weenkai naiswe
\p
\v 40 Naye owakabiri nairamu namunenya, nakoba nti nokutiina totiinaNyamwanga kubamga olikukibonerezo nikyo kimwe naye?
\v 41 Era iswe walanngiirwe enssonga, kubbanga ebisanizo bitwaakore nibyo bisasurwa; naye onii takolaanga kigaambo kitakusaana.
\v 42 Nakoba nti Oyeesu onyizukiraanga noliiza omubwabukama bwaamu.
\p
\v 43 OYeesu namukoba nti mananu nkukoba nti erero okwakubba nanje omilusuku lwa Nyamwanga.
\p
\v 44 Awoop obwire nibwaali bwikire esaawa komukaaga newabbawo ekirikiirya omuunsi yoona okwiika esaawa mweenda.
\v 45 Eisana obutayakka; neigigi erya muyeekaalu niryonoka mu akati.
\v 46 Awoo oYeesu nabaza neiraka erikooto, nga akoba nti otaange teeka omwooyo gwaange omikono gyaamu; niyamaare okubaza ekyo, nawayo obwoomi.
\p
\v 47 Awoo omwami wakitongole nigyabweine ikibbarewo, natendereza ONyamwanga nga akoba nti mananu oni abbaire muuntu mwiikiiri.
\v 48 Nebibiina byoona nibikuumbana okwebonera, nibabweine ebibbairewo nibaaba nga bakwekubba mukisubba.
\v 49 Nabanywaani boona, nabakali abazwiire amwe eGgaliraaya, nibemeera alai nga bakubona ebyo.
\p
\v 50 Kale bona, omuuntu eibara ryamwe Yusuufu eyali omukuungu omuuntu omusai era;
\v 51 Oyo tayakanyire kimwe omukuteesa kwabwe nawankubbaire omukikolwa kyaabwe, owe' Alimasayo, ekibuga kya Yudaaya eyali aliindirya obakabaka bwa Nyamwanga.
\v 52 Oyo nayaba ewa Piraato, nasaba omulaambo gwa Yeesu.
\v 53 Nagunokola naguziinga omulugoye lwa bbafuta namuteeka omuntaana eya baizzibwe omwibbale, omutateebwanga muuntu.
\v 54 Kale lwaali lunaku lwakuteekateeka, esabbiiti nga yabbawo maambya.
\v 55 Nabakali beyazwiire nabo naGgaliraayo nibaseengerya nibabina entaana, nomulaambo gwaamwe gyegwatekeibwe.
\v 56 Nibaira nibategeka ebyakaloosa namafuta agamusutai. nokulunaku olwio ssabbiti nibawumula nkeiteeka niryaali.
\c 24
\cl Essula 24
\p
\v 1 Awoo oku lunaku olwaluberyeberye okunaku omusanjuu, omukibbambya emambya, nibaizza okumbii nibaleeta ebyakawowo bya bateeketekere.
\v 2 Nibabona eibbale nga riringitibwa okuzwa okumbii.
\v 3 Nibaingiramu nibaatagyamu mutumbi gwamukama waiswe yesu.
\v 4 Awoo olwaikire nibaali baanamirire olwekyo, bona, abantu babiiri nibeemeera webaali, nga bazwaire ebizwalo ebikupirita.
\v 5 Awoo nibaali batinire, nga bainamye amaiso gaabwe, nibabakoba nti kiki ekikubaswaganisya omwomi?
\v 6 Taalowoani, naye ayimbokere: Mwizukire niyazire nanywe nga akyaali omu Galiraaya,
\v 7 ngakoba nti kigwanire omwana wamuntu okwewayo omungalo zabantu abalina, nokomerwa, nokukiro kyakasatu okuyimbooka.
\v 8 Awoo nibaizukira ebigambo byamwei,
\v 9 nibazwa okumbii nibairayo, ebyo byoona nibabikobera badi eikumbii nomwei, nabandiboona.
\v 10 Baali omalyamu magudaleene, noyowaana, nomalyamu omaawa Yakobo: nabakali abandi amwei nabo nibakobera abakwenda ebigambo ebyo.
\v 11 Ebigambo ebyo nibisaanangana omaiso gabwe nkekyabugwagwa; nibataikiriza.
\v 12 Naye Opeteero nayimuka okumbii; nainama nasungerya nabonamu ebiwero ebiwerobya bafuta, ngabiribyonkai, naira ewmweinga akwenankya ebibbairewo.
\p
\v 13 Awoo bona, okwoolwo, babiri okubo baalinga bakwaba mumbuga eibara lyakyo Emawo, ekyaali alaineyerusaalemi, sutaddiyo nkaaga.
\v 14 Nibbaza bonkai nabonkai ebyo byoona ebibbairewo.
\v 15 Awoo olwaikire baalinga bakunyumya nga bakwebulya, oyesu omweene nabasembera, nayaaba amwei nabo.
\v 16 Naye amaiso gabwe nigaigalwa baleke okumwetegya.
\v 17 Nabakoba nti bigamboki byemukwebulya nga mukutambula nibemeera nga botokere.
\p
\v 18 Omwei okubo eibara lyamwei kulyoppa nairamu namukobanti we osula wenkai omuyerusalemi atamaite ebyabbairemu omuunaku ezo?
\p
\v 19 Nabakoba nti bigambo ki? Nibamukoba nti ebya yesu omuzaaleesi, eyaali onabbi owamaani ombyeyakolanga nombyeyabazanga omaiso ganyamwanga nomaiso gabantu booona.
\v 20 Abakobona abakulu nababitinisya baiswe bamwaireyo okumusaara omusango ogwakumwita, nibamukomeera.
\v 21 Naye iswe twaali tukusuubira nti niye alinunula Oisiraeri. ati nokubiini byona, leero ziini ennaku eissatu ebigambo biini kasookanga bibbawo.
\v 22 Era nabakazi abamwei bawaiswe nibatwewunyisya, kasookanga bibbawo.
\v 23 nibatasangire mutumbii gwamwei, nibaiza nibakobabweine okwolesebwa kwe bamalaika abakobere nti mwomi.
\v 24 Nabamwei okwaboo ababbaire naiswe bayabire okumbii, nibasanga boona batyo nkabakazi nibakobere, naye nibatamu bona.
\p
\v 25 Alee ye namukoba nti nywe abagwagwa, abagarai mwooyo okwiikiriza byoona abalangi bye babazang;
\v 26 tikyaikiraine okuristo okubonerezebwa ebyo, ayange aingire omukitinibwa kyamwei?
\v 27 Nasookera okumusa nokubalangi boona, nabakobera ombyandikiibwe ebyo byoona ebyamwandirweku.
\p
\v 28 Nibasembera ampi nembuga gyebaali bakwabaa: yenabbanga akubakalya okwaba omaiso.
\v 29 Nibamwalirizanga bakobe nti ikaara naiswe: kubanga obwiire bukwaaba kusweka, neisana rigolooba atti, Naingira okwikaara nabo.
\v 30 Awoo olwaikire yaali aikaire nabo okummere, nakwataa omugaati nagewebalya, nageendamu nabeerya.
\v 31 Amaiso gaabwe nigalubbuunibamweteja, nabukawo nibata mubona.
\v 32 Nibabulyangana nti emwooyo jjaiswe tijjabenge jikututyemuka mundda ya iswe, niyabaire akubaza naiswe omunda, nga akutuswekura abyawandiikibwe.
\v 33 nibaimuka omukiseera ekyo nebaira e Yelusaalemi, nibasanga ikuumi nnomwei, bonna bayabanga nabbo, nga bakumbaine.
\p
\v 34 nga akubakoba nti mazzima omukama waisswe aimbokere era abonekeire o'Simooni.
\v 35 Bonna nibanyonyola abaandi ebya omuwaanda, nibweyategerekekere jjebali olwa kundamu omugaati,
\p
\v 36 Awoo bali bakyaali bakyabaza ebyo, yemwe nyini nayemera akati waabwe, nakoba nti emirembe jjibe nanywe.
\v 37 Naaye nebakenga nibatiina nabaloowoza nti bakubona mazima.
\v 38 Nabakoba nti ekibalikirya kiiki? no'kubuusa buusa kuzwiiraku kiiki mu myooyo jjanywe?
\v 39 Mulole engaalo zaange na maguulu gaange, nga ninjje ddala mwenyiini munkwateku mubonne, kubanga omuzimu ogunambula nyaama na maguumba, nka nimukumbonna njje niimwo ndinabyo.
\v 40 Niiyamaare okubaza ekyo, nibalaanga engaalo zamwei namaguulu.
\v 41 Awoo nibaali bakyaali kuikiriza olwa saanyu, nga bakwewuunya, nabakoba nti muliina ekikuuibwa anni?
\v 42 Nibamwirya ekituundu ekya ncwii ekitaliike.
\v 43 Nakikwatta nakirira omumaiso gaabwe.
\p
\v 44 nabakoba nti biini nibyo bigaambo byaange bwenabakobeire nga nkyaali nanywe, nkanikigwaniire byonna okwikiira, ebyampandikire okunjje, omumaateka ga Musa,
\v 45 Nalyoka naswekul; a amagezi gabwe, beteje ebyawanikibwe.
\v 46 Nabakoba nti otyo kyawandikire okuristo o kubonyabonyebwa nokwiimboka omufiire olunaku olwakasatu.
\v 47 Era amanga goonna okoberwanga okwenenya nokuyibwaku abiibi byabwe omwibara lyamwei, okutandikira oku Yerusaalemi.
\v 48 Ninywe bajuurwa babyo. Era nabo, mbawereza nywe ekisubizo kyaitowanga. naye mube mukyangabuga okwikya nimwalizwalikisibwa amaani agakuzwa aiguuru.
\v 49 Era bona okubeereza nywe okusuubiza kweiotowange; naye mubbe omukyangabuga okwikya lumulizwalikibwa amaani agakuzwa aiguru.
\p
\v 50 Nabatwaala enzai nabaica e Bessaniya: naimuca emikono zaamwai nabeerya omukisa.
\v 51 Awo olwaikire nigakyaaberya omukisa, na'besorooraku, natwaalibwa omuiguru.
\v 52 Bona nibamuramya, nibaira e Y erusaalemi namasanyu ganyamwingi.
\v 53 Nibabbanga omu o Yeekaalu buliizo nga bakweebalya o NYamwanga.