948 lines
74 KiB
Plaintext
948 lines
74 KiB
Plaintext
|
\id MRK
|
||
|
\ide UTF-8
|
||
|
\h Ommakko
|
||
|
\toc1 Ommakko
|
||
|
\toc2 Ommakko
|
||
|
\toc3 mrk
|
||
|
\mt Ommakko
|
||
|
\c 1
|
||
|
\cl Essula 1
|
||
|
\p
|
||
|
\v 1 Onkutandikwa ya ngiri ya yesu kristo, omwana wa nyamwanga
|
||
|
\v 2 Nka bweyawandiikibwe omumulangi o Isaaya nti bonna, nje nkutuma omukwendwa wange omu maiso gaamu, alisayiirya omwanda gwamu;
|
||
|
\q
|
||
|
\v 3 eiraka ryange okubazira aigguru omwirungu nti mutereeze omwanda gwa mukama
|
||
|
\p
|
||
|
\v 4 Oyokaana ayabatiize omwirungu yaizire na buulira okubatizibwa okwa kweiramu olwa kuyibwaku ebibbi.
|
||
|
\v 5 N'ensi yoona eya Buyudaaya nabayerusaalemi boona nibazwaayo nibaiza gyaali ne babatizibwa omu mwiigga Yoludaani nga bakwatula ebibbi byabwe.
|
||
|
\v 6 N'oyokaana yazwaalanga byoya bya nkaina, n'olukobba lwa kisaato omunkeende yaamwei, ng'akulya ensyenene n'ojjuuru wa bwoki obwa mukiisiko.
|
||
|
\v 7 Nakoba engiri nga akubakoba nti akwiiza emabega wange niye akunsiiga amaani.
|
||
|
\v 8 Nje nabatizire n'amaizi, naye ooyo ali babatiza n'omwoyo akwera.
|
||
|
\p
|
||
|
\v 9 Awo olwaikire omu biro ebyo o Yesu nazwa e Nazaaleesi ekya Ggaliraaya naiza okubatizibwa o yokaana omu yoludaani.
|
||
|
\v 10 Amangu ago niyazwiire omumaizi, n'abonna eigguru nga ly'onokere, n'omwoyo nga akwiiza ku niye nkkonkaiba
|
||
|
\v 11 N'eirakka ne rizwa omigguru nerikoba nti “niiwe mwana wange gwe nnyeendya, gwe nsemeerwa omunno.
|
||
|
\v 12 Amangu ago omwoyo n'amupekera omwirungu.
|
||
|
\v 13 Namalayo omwirungu ebiro amakumi'anai nga akusendasendebwa o sitaani; nabba amwei n'ebituggwa; abamalaika ne bamweereza.
|
||
|
\p
|
||
|
\v 14 Awo oyokaana nga amaare okuweebwayo, o yesu naiza e Ggaliraaya, nga okubuulira engiri ya nyamwanga.
|
||
|
\v 15 Nga akukoba nti obwire bwikire, obwa mukama bwa nyamwanga busembeire, mwikirize engiri.
|
||
|
\p
|
||
|
\v 16 Ni yaali nga akwakala oku peembeeni ga nnyaanja eya Ggaliraaya n'abona o Simooni n'Andereya omuganda wa Simooni nga bakunagga ekitiimba omu nnyaanja, kubba baali bateggi.
|
||
|
\v 17 O yesu naiza anbakoba nti “mwize museengeerye, ndi bafuula abateggi ba bantu”
|
||
|
\v 18 Amanguago nibalekawoebitiimba byabwe nibaaba naye.
|
||
|
\v 19 Ni yasenbeireku omumaiso kadooli, naona o Yakobbo omwaana wa Zebbedaayo n'oyokaana omuganda waamwei, abo boonaboona baali muryato nga ba kuyuunga ebitiimba.
|
||
|
\v 20 Amangu ago nnabeetta: ne baleka awo oite waabwe o Zebbedaayo omuryato nga ali naabo abapakasi nibamuseengeerya.
|
||
|
\p
|
||
|
\v 21 Ne baingira e Kaperunawumu, amangu ago okulunaku lwa ssabbiiti naingira omwikumbaniiro nayegesya.
|
||
|
\v 22 Nebawuninkiira olwa kwegesya kaamwei; kubba yabegeserye nga niye akukuura, naye tinkomuwandiiki.
|
||
|
\v 23 Amangu ago omwikumbaaniro ryabwe mwalimu omuntu eyaluuku o dayimooni omubbi, n'akuunga.
|
||
|
\v 24 nga akukoba nti akutujjunaana ki, yesu owa Nazaalesesi? Oizire okutuzikiirya? nkkumanya we, we oli mwikiiri wa Nyamwanga.
|
||
|
\p
|
||
|
\v 25 O Yesu n'amubwoigoora nga akumukoba nti bumbbaku, muzweeku.
|
||
|
\v 26 o Dayimooni namwonola n'akuunga eirakka erikooto namuzwaku.
|
||
|
\p
|
||
|
\v 27 Nibawuninkiira boona, nibabuulyangana nga bakukoba nti kiki kini? Okwegesya kuppya! abazza n'obuyiinza odayimooni namuwura.
|
||
|
\v 28 Amangu ago eirakka lyamwei neriwuurwa e byaalo byoona ebiggereire e Ggaliraaya.
|
||
|
\p
|
||
|
\v 29 Amangu ago nibawulukire omu kumbaaniiro nibaaba n'oyakobbo n'oyokaana omunyumba ya SSimooni, n'Andereya.
|
||
|
\v 30 Awo omawamwei omukali wa Simooni yaali nga agalamiriire nga alwaire omusujja, amangu ago ne bamukobera gyaali,
|
||
|
\v 31 naiza n'amukwata okumukono n'amwimula, omusujja neggumuwaako, n'abawereza.
|
||
|
\p
|
||
|
\v 32 Awo olwaigolo, eisana nga ligwiire, nebamuletera abalwaire boona, naabo abaluku o dayimooni.
|
||
|
\v 33 N'ekibugga kyoona nekikumbaanira oku wakaanki.
|
||
|
\v 34 Nawonia baingi abaali balina endwaire eziingi, napekka ezidayimooni baingi natabaikiriza kubazza kubba bamumaite.
|
||
|
\p
|
||
|
\v 35 Awo omukibbambya omuno, nga bukyakwaite, naimuka nayaba omwirungu, n'asabira eyo.
|
||
|
\v 36 O Simooni naabo beyaali nabo nibamusengeerya.
|
||
|
\v 37 Ne bamubona nibamukuba nti bonna bakutoolya.
|
||
|
\p
|
||
|
\v 38 Nakoba nti twabe ewandi omubibugga ebiri ampii mbuliire ne'eyo, kubba ekyo nikyo kyinaiziriire.
|
||
|
\v 39 Nayingira omu makumbaaniro gaabwe omu Ggaliraaya woona, nga akubuulira ng'akupekka ezidayimooni.
|
||
|
\p
|
||
|
\v 40 Omugongobali naiza gyaali, nga akumwegayiira nga akumufukamiira nga akumukoba nti “niwaabba nga okwendya, okusobola okunsayiirya”
|
||
|
\p
|
||
|
\v 41 Namusasira, nagolola omukono gwaamwei n'amukwataku namukoba nti nkwendya; longooka.
|
||
|
\v 42 Amangu ago ebigenge byaamwei nibimuzwaku nawona.
|
||
|
\v 43 N'amukuutira munno amangu ago n'amusindika.
|
||
|
\v 44 Namukoba nti bonna tokobera muntu; yaba werange eddi oisabakabonna, oweeyo olwa kuwona kwaamu kwe yalagiire okubba omujjuurwa gye bali.
|
||
|
\v 45 Yeena n'awuluka, nasooka okukyikobera munno n'okweruguurya ekigambo natayinza o yesu okwingira omukibugga mulwaatu, yeena yaali nzzai mu maruungu, ne baiza gyali nga bakuzwa woona woona.
|
||
|
\c 2
|
||
|
\cl Essula 2
|
||
|
\p
|
||
|
\v 1 Awo ebiro nibyayakairewo naingira omukaperunawuma, ne kiwuurwa ngali munyumba.
|
||
|
\v 2 Nibakumbaana baingi nokwikawo nibataikkawo newankubbaire omumulyango: nabuulira ekigambo.
|
||
|
\v 3 Niwaiza abaleetere omulwaire aseneenere nga bamweetikire banai.
|
||
|
\v 4 Naye nibalemerwa okumwigereera ampi olwakibiina ekikooto nibaswekula okukasolyai kanyumbu mweyaali nibateekawo ekituli, nibamuteeka okukitanda ayaseenereire kweyaali agalamiire.
|
||
|
\v 5 O yesu niyabweine okwikiriza kwaabwe nakoba aseenenere nti; “mwana wange ebibbi byamu bikwiyirweku.”
|
||
|
\p
|
||
|
\v 6 Naye waaliwo abakalaani abamwei nga baikaire nga bakulowooza omumyoyo gyaabe nti,
|
||
|
\v 7 oni kiki ekikumbazisya kityo? Akutujwooga: naani ayinza okuyawo ebibbi okuyaku omwei, niye Nyamwanga.
|
||
|
\p
|
||
|
\v 8 Amangu ago o yesu niyategeire omumwoyo gwamwei nga bakulowooza batyo omunda yaabwe nabakoba nti kiki ekikubalowoozesya kityo omumyoyo gyaanywe?
|
||
|
\v 9 Ekyaangu nikyo kiraiyi, okukoba akoozimbire nti ebibbi byamu bikwiyibweeku: oba okukoba nti nkkukoba imukka, weetiike ekitanda kyamu, oyaba?
|
||
|
\v 10 Naye mumanye nti omwana wamuntu alina obuyinza okuyaku ebibbi nakoba aseeneerere nti,
|
||
|
\v 11 nkukoba, imukka, weetiike ekitabu kyamu, oireyo omunyumba yaamu.
|
||
|
\p
|
||
|
\v 12 Naimukka, niyeetiika amaangu ago ekittabu, nawuluka omumaiso gaabwe boona, awo nebeewuunya munno nibatutumukya onyamwanga nga bakukoba nti tetukibonaangaku tuti.
|
||
|
\p
|
||
|
\v 13 Nazwaayo era nayaba okulukeitto lwa nnyaanja ebibinja byoona byoona nebaiza gyaali, nibegesya.
|
||
|
\v 14 Awo niyaali akwaakala, nabona o Leevi omwana wa Alufaayo nga aikaire omwiwoozero namukoba nti, “Nsengeerya.” Naimuka namuseengeerya.
|
||
|
\p
|
||
|
\v 15 Aawo niyaali nga aikaire omunyumba yooyo nga akulya, abawooza banyamwingi, nabaalina ebibbi, nebaikaara amwei no Yesu nabeegesebwa baamwa, kubba baali baingi abaayabire naye.
|
||
|
\v 16 Abakalani abambafalisaayo niibamubweine nga akulya amwei nabaalina ebibii, nabawooza, nibakoba abeegesebwa baamwei nti akuliira ate nannyeera amwei nabawooza nabalina ebibbi.
|
||
|
\p
|
||
|
\v 17 Awo o Yesu niyabawuliire nabakoba nti aboomi tibeendya basawu, wabula abalaire: tinaizire kwetta abaikirire wabula abalina ebibbi.
|
||
|
\p
|
||
|
\v 18 Awo obeegesebwa bayokaana nabafalisaayo baali nga bakusiiba, nibaiza nibamukoba nti “kiki abeegesebwa ba Yokaana na b'Abafalisaayo ekikubasiibisya nga abeegesebwa baamu tebakusiiba?
|
||
|
\p
|
||
|
\v 19 o Yesu nabakoba nti abaana babugole bayinza batyai okusiiba nga awasire omugole ali nabo? omubwiire bwoona ngabali n'awasire omugole tibayinza kusiiba.
|
||
|
\v 20 Naye ebiro biriika, awasire omugole nalibayibwaaku: nibaanga nibasiiba okukiro ekyo.
|
||
|
\p
|
||
|
\v 21 Ndoowo muntu attuunga ekiwero kyalugoye oluppya okukizwaalo ekikaire, nikibba kiyto kiddi ekyakuswekebwawo kikutula kiddi, ekikaire ekikwiiza ekituli nikyeeyongera.
|
||
|
\v 22 Era ndoowo muntu asukka mwenge ogusai munsawu zabisaato ebikaire: nikibba kityo omwenge gwaatya ensawu ezabisaato ate omwenge amwei nensawu ezabisaato byoona nobifweerwa. Naye omwenge oguppya gusukibwa omunsawu eziyaaka.
|
||
|
\p
|
||
|
\v 23 Awo alwaikire yaali nga okutambula omumusiri okulunaku olwa ssabbiiti, abeegesebwa baamwei nebataandika okwaaba nga bakunokola ebirume.
|
||
|
\v 24 Abafalisaayo niba mukoba nti bani kiki ekyikubakolesya ekitasaaniire okulunake olwa ssabbiiti?
|
||
|
\p
|
||
|
\v 25 Nabakoba nti timusomaanga ku Dawudi kyeyakoore, niyaali nga akweetaaga, nalumwa enzala ne beyaali nabo?
|
||
|
\v 26 Niyayingiire omunyumba ya Nnyamwanga, Abiyasaali niyaali nga niye omulisya omukulu, nalya emigaati egikweera egitasaaniire kuliiba okuyaku abaliisya abakulu, naguwa nebeyaali nabo?
|
||
|
\v 27 Nabakoba nti essabbiiti yaaliwo kulwa muntu, naye omuntu tikulwa sabbiiti.
|
||
|
\v 28 Nikyo kityo omwana wamuntu niye mukama wa ssabbiiti yoona.
|
||
|
\c 3
|
||
|
\cl Essula 3
|
||
|
\p
|
||
|
\v 1 Niyamaare naingira omwikiimbaniiro, mwalimu omuntu ayaalina ogukaare.
|
||
|
\v 2 Nibamuloleera oba yamuwonia okuro kya sabbiiti, era bamulooppe.
|
||
|
\v 3 Nakoba omuntu eyaalina omukono ogukaare nti yemeera akati awo.
|
||
|
\v 4 Awo nabakoba nti kisai oklunaku olwa sabbiiti okukola obusai oba obubbi okuwonia oba okwita? naye baasirikirembe.
|
||
|
\v 5 Naye niyabeetoolweire amaiso nobusuungu, nga anakuwaire olwa kukakanyala okwamyoyo gyaabwe, nakoba omuntu nti golola omukono gwaamu. Nagugolola: omukono gwaamwei niguwona.
|
||
|
\v 6 Amangu ago abafalisaayo nibazwamu nibeeteesa n'Abaerodi niye nani oku ye, nkanibamulikiirwa.
|
||
|
\p
|
||
|
\v 7 Awo o Yesu nabeegesebwa bamwei nibaaba okunyaanja ebibiina nga biingi nebamusengeerya ebyazwuire e Ggaliraaya ne Buyudaaya.
|
||
|
\v 8 Yerusaalemi ne'Idumaya enseeri wa Yoludaani, n'abaliraine e Ttuulo ne Sidoni, ebibiina bikooto nibawuliire byakoore nebaiza gyaali.
|
||
|
\v 9 Nakoba abeegesebwa baamwei nti eryato elridooli rimubbe ampi ebibiina bitamwinyigiirya.
|
||
|
\v 10 kubba yawonyerye baingi, nokuggwa abalaire nibamuggwaaku bamukwateku, boona boona baali balina obubonbono.
|
||
|
\v 11 Dayimooni ezibbi zoona nizamubweineku neziggwa omumaiso gaamwei nezikuunga nga zikukoba nti niiwe omwana wa Nyamwange.
|
||
|
\v 12 Nabakuutira munno baleke okumwatuukiirya. Awo nateemba okulusozi nebeeta gyaali, abakweendya: nibaaba gyali.
|
||
|
\p
|
||
|
\v 13 Awo nateemba okulusozi nebeeta gyaali, abakweendya: nibaaba gyali.
|
||
|
\v 14 Nayawulamu eikkumi nababiri okubbaanga amwei, era abatumeenge okubuulira.
|
||
|
\v 15 Nokubaanga nobuyiinza okupeekanga emizumu.
|
||
|
\v 16 Simooni namwaalika eibara Petero; n'oYakobbo omwana
|
||
|
\v 17 n'oYakobbo omwana wa Zebbedaayo, n'oYokaana, omugaanda wa Yakobbo, boona nabaalika amabara Bowanerege, ekyikutegeeza nti baana bakubbwatuka.
|
||
|
\v 18 no Andereya no Firipo, no Battulumaayo, no matayo, no Tomasi, no Yakobbo omwana wa Alufaayo, no Saddayo, no Simooni omukananaayo,
|
||
|
\v 19 no Yuda Isukalyoti, ayamuliiremu olukwe. Naiza omunyumba.
|
||
|
\p
|
||
|
\v 20 Ekibiina nekiramu nekikuumbaana nebatasobola nakulya mmere.
|
||
|
\v 21 Awo abamwei nibawuliire nibawuluka okumukwata, kubba bakobere nti agwiire eiralu.
|
||
|
\p
|
||
|
\v 22 Awo abawundiiki abaserengetere okuva e Yerusaalemi nibakoba nti alinaBeeruzebuli, era nti akupeka ezidayimooni lwabulu by dayimooni.
|
||
|
\p
|
||
|
\v 23 Nabeeta gyaali, nabakobereera onungeero nti ositaani appeka atyai ositaani?
|
||
|
\v 24 Obukama nibwawukanamu bwonkai na bwonkai, obukama obwo tebusobola kwemeera.
|
||
|
\v 25 N'enyumba enyawukanamu yoonkai, enyumba eyo tesobola kwemeera.
|
||
|
\v 26 Era ositani yeimukiireku yenkai, nayawukanamu, takusobola kwemeera, naye akuwawo.
|
||
|
\v 27 Naye ndoowo muntu ayinza kwingira munyumba ya muntu owamaani okwibba ebintu byaamwei nga tasokere kubbwa oyo owamaani, leke aibbe enyumba yaamwei.
|
||
|
\v 28 Amazuma nkubakoba nti abaana babantu balisasiirwa ebibbi byaabwe byoona, no kutyoboola kwabwe.
|
||
|
\v 29 Oyo yeena eyaalinyoomanga omwoyo ogweruki talibba nakusaasirwa emirembe n'emirembe,
|
||
|
\p
|
||
|
\v 30 naye yaliirya omusaango ogwa kibbi emirembe n'emirembe: kubba babazire nti alina odayimooni.
|
||
|
\p
|
||
|
\v 31 Awo omamwei nabagaanda bamwei ne baiza, nibamutumira nga bakumweeta nga bemeereire enzai.
|
||
|
\v 32 Nekibiina ekyaali kimaare eibbanga nga bamweruguriirye; nibamukoba nti bonna, omaama waamu n'abagaandaawo bali nzai bakukuswagana.
|
||
|
\p
|
||
|
\v 33 Nabairamu nga akubakoba nti omaama niye nani n'abagaanda baange?
|
||
|
\v 34 Nabeeruguryamu amaiso abaali nibaikalire embajju zoona nga bamweruguriirye nakoba nti bonna, Omowange n'abagaanda baange!
|
||
|
\v 35 Kubba omuntu yeena ayakukolaanga oNyamwanga byayeendya, oyo niye muganda wange, niye mowange.
|
||
|
\c 4
|
||
|
\cl Essula 4
|
||
|
\p
|
||
|
\v 1 Era natandika okwegeseryanga okulukeitto lwannyaanja, ekibiina ekikooto omunno nekikumbaanira waali, nokusomoka nasomoka omukaato, naikaara omunnyaanja; ekibiina kyoona nekyibba oku nnyaanja okumutala.
|
||
|
\v 2 Nabegesya bingi omungeero, nabakoba omukwegesya nti;
|
||
|
\v 3 muwuliirye, bonna omusigi yawulukire okusiga:
|
||
|
\v 4 awo olwaikire naiyaali nga akusiga, ezimwei nizigwa okuntaando wanzira, ennyonyi niziiza nizzizirya.
|
||
|
\v 5 Neziindi niziggwa awaali omwandaara awataali itakali liingi, amangu ago nezimera, kubba eittakali tiryaali rirai;
|
||
|
\v 6 eisana niryayakire, nizootoka, olwakubba nti tizaalina mmizi, nezikala.
|
||
|
\v 7 ezindi niziggwa awaali amawa, amawa nigaroka, nigaziita nizitabala bibala
|
||
|
\v 8 eziindi nizigwa okwitakali erisai, nizeera nibikula nibyeeyongera nizibyaala okwiikya amakumi assatu era okwikya enkaaga era okwikya ekyikumi.
|
||
|
\v 9 Nabakoba nti alina amatwi agakuura, awure;
|
||
|
\p
|
||
|
\v 10 olwo niiyaali yenkai, abo abaali bamwetooloire neikumi nababiri nibamubuulya okungeero ezo.
|
||
|
\v 11 Nabakoba ntii nnywe mwaawebweibwe ekyaama ekyabukama bwaNnyamwanga; naye baddi abanzai, byoona bibbenge byangeero.
|
||
|
\q
|
||
|
\v 12 Nibabona babona naye tibeetegereza; era nibawura bawura naye tebategeera; era baleke okukyuuka okusasirwa.
|
||
|
\p
|
||
|
\v 13 Nabakoba nti, temumaite lugero luni? ale mwaalitegeera mutyai engeero zoona?
|
||
|
\v 14 omusigi asiga kigambo.
|
||
|
\v 15 Bani nibo abakuntaando yaanzira, ekigambo nekisigibwa, olwo nibaawura, amangu ago o sitaani naiza naiyamu ekigambo ekyaasigiibwe omwaabo.
|
||
|
\v 16 Nabani batyo abaali basigiibwe eddi omwandaara, abo, nibawura ekigambo amangu ago baikiriza nokusemeerwa okwingi;
|
||
|
\v 17 nibatabba mmizi omu bo, naye baamaare obwiire budooli, awo niwabbaawo okubona obujjune oba okwaisaisainibwa olwa kigambo, amangu ago nibenyinyala.
|
||
|
\v 18 Nabandi abaalii basigiibwe awaali amawa, nibaawuliire ekigambo,
|
||
|
\v 19 awo emiteeru jansi n'obubeyegi bwabuguuda, n'okwegomba kwabindi byoona nebingira bizikya ekigambo ni kitayala.
|
||
|
\v 20 Naabo abasigiibwe ewaali eitakali erisai, abawura ekigambo, abakyiikiriza, abeerya ebibala amakumi assatu, n'enkaaga n'ekikuumi.
|
||
|
\p
|
||
|
\v 21 Nabakoba nti ettaala ereetebwa okutekebwa omunda wakiibbo, oba ansi wa kitanda netateekebwa aiguru okukikondo.
|
||
|
\v 22 Olwokubba ndoowo kibbisibwa, naye kiryetejebwa gonze ekyaabbisiibwe naye kyaaliboneka mu lwaatu.
|
||
|
\v 23 Buli alina amatwi agakuura, awuliirye.
|
||
|
\p
|
||
|
\v 24 Nabakoba nti mwekuume kyamukuura, mu kippimo jje muppimira naanywe nimwo mwaali ppimirwa era mulyongerwaaku.
|
||
|
\v 25 Kubba, alina aaliweebwa, natalina aliyiibwaaku neekyo kyalinakyo.
|
||
|
\p
|
||
|
\v 26 Nabakoba nti obukama bwa Nnyamwanga buli buti; nk'omuntu miisa ensigo okwitakali;
|
||
|
\v 27 nabbasya naimuka ebwiire n'omuiyangwe n'ensigo nemera nekula y'engatamaite niyameere.
|
||
|
\v 28 Ensi ebalya yonkai, okusooka kalagala, ate kirimbi ate engano ejikulu omu kirimba.
|
||
|
\v 29 Naye emmere neyengera, amagu ago ataaku olusolobyo, kubba amakungula gaikire.
|
||
|
\p
|
||
|
\v 30 Nakoba nti twabiisanisya tutyai obukama bwa Nnyamwanga? Nandi ki twabunyonyoora ku kifaananyi ki?
|
||
|
\v 31 Bukwiisana nka appekke aka kaladaali, ako nikasigibwa omwitakali, yadde nga niko kadyooli okusinga ensigoo zoona eziri omunsi,
|
||
|
\v 32 naye nikasigibwa nga kakulu, kabba kakooto okusiinga omukubi gwoona, kanaga amataagi agakooto kale era ennyonyi zamwibbaanga nezisobola okwiikaara ansi wakiituuru kyaagwo.
|
||
|
\p
|
||
|
\v 33 Nabakoba ekigambo omungeri ziingi nkeezo, nka nibayinza okuciwuura,
|
||
|
\v 34 tiyabazire nabo nga ndoowo ngeero, naye namanyisyanga abegesebwa baamwei niye byoona mukyaama.
|
||
|
\p
|
||
|
\v 35 Awo olunaku olwo nibwaali bukusweka, nabakoba nti tusomoke twiike enseeri weedi.
|
||
|
\v 36 Nibaleekere ekibiina, nibamutwaara omubwatto era nobwaato obundi bwaali naye.
|
||
|
\v 37 Awoo ekiwuungo kiingi nekiiza, amayengo gaingi negasenseka omu bwaato, nakaato kaali nga kakwaaba kwizula.
|
||
|
\v 38 Ye omwenyenere yaali abasirye omu kiwenda oku kigugu, nibamwiimula nibamukoba nti omwegesya tokufaayo nga tukufa?
|
||
|
\p
|
||
|
\v 39 Naimuka, nabwoigoora ompuungo, nakoba ennyaanja nti Sirika, weteeke. ompuungo naggwa, nebba jiteeki munno.
|
||
|
\v 40 Nabakoba nti kiki ekibatinisya? Mucaali kubba nakwikiriza?
|
||
|
\p
|
||
|
\v 41 Nibatiina okutiina okukooto, nibakkobangana nti ale oni ye niye nani, kubba ompuungo n'ennyaanja bimuura?
|
||
|
\c 5
|
||
|
\cl Essula 5
|
||
|
\p
|
||
|
\v 1 Nibaika enseeri wa nnyaanja omunsi y'Abagerasene.
|
||
|
\v 2 Niyazzwire omutulo, amangu ago omuntu ayaluku o dayimooni ayazwiire omumbi namutangarana.
|
||
|
\v 3 Eyasulanga omumbi nga ndoowo muntu akyasobola kumubbwa, newandibaire olujegere.
|
||
|
\v 4 Kubba emirundi jiingi yatekeibweku omu masamba no munjegere, enjegere nazikutula na masamba nagamenyawo: ne watabbaawo muntu wamaani akumusobola.
|
||
|
\v 5 Era buliizo, obwiire no mwiyangwe, yakungiranga omumbi no kunsozi niyeesala n'amabbaale.
|
||
|
\v 6 Bwe yabweine o Yesu nga akyaali alai, nairuka munno okumuramya, nakuunga neirakka rikooto.
|
||
|
\v 7 Nakoba nti “okundaaki, ali aiguru omunno? nkulaiyire Nnyamwanga, tomboneerya.”
|
||
|
\v 8 Obanga yamukobere nti Zwa oku muntu oni, we muzumu.
|
||
|
\p
|
||
|
\v 9 Namubuulya nti eibara ryamu niiwe nani? ngumukoba nti eibara ryange niinje Liigyoni; okubba tuli baingi.
|
||
|
\v 10 Na mwesengeerya munno aleke kubappeka munsi eyo.
|
||
|
\v 11 Awo okulusozi waaluwo eigana lya mberege nga ziingi nga zikulya,
|
||
|
\v 12 namweseengerya nga akumukoba nti tusindike omu mberege twingire omwo.
|
||
|
\v 13 Namwikiriza, o dayimooni nazzwa, naingira omumberege; eigana niribbubbuluuka nirisirituka mpaka omunnyaanja. Zaali nk'ebikumi bibiri, nezifweera omu nnyanja.
|
||
|
\p
|
||
|
\v 14 Awo abazirisyaanga nibairuka nibakobera abaali omukibuga, naabo omubyalo nebaiza okubona bibaireyo bwebibbaire.
|
||
|
\v 15 Nebaikka awali o Yesu nebabona eyaliku o dayimooni nga aikaire nga azwaire nga alina amagezi, oyo ayaaluku Liigyoni ne batiina.
|
||
|
\v 16 Abaabweine ni banyonyola ebimubaireku oyo eyaliku emizumu era ne byamberege.
|
||
|
\v 17 Nibatandika okumwesengeerya okuzawa omunsaro zaabwe.
|
||
|
\p
|
||
|
\v 18 Awo niyaali nga akusomokka omu lyaato, oyo ayaluuku o dayimooni namweseengeerya abbe naye.
|
||
|
\p
|
||
|
\v 19 Natamwikiriza, namukoba nti yaba eka omwabo, obakobere nka nibiri ebikulu o Nnyamwanga bya kukoleire ne bwakusasiire.
|
||
|
\v 20 Nayaba nga akubaza omu Dekapoli nkanikiri kikulu o Yesu bye yamukoleire abantu boona nibeewuunya.
|
||
|
\p
|
||
|
\v 21 Awo Oyesu niyasaare ennyaanja naika enseeri omulyaato, abantu baingi inbakuumbanira weyaali, niyaali okulukeito lwa nyaanja.
|
||
|
\v 22 Omwei okubakulu omukibiina ekye, eibara ryamwei Yairo naiza niyamuboine nafukamira okumagulu gaamwei.
|
||
|
\v 23 Namwesengeerya munno nga akumukoba nti omwano wange omutto alampi kuffa, nkwesengereirye oize omutekeku omikono gyaamu aire omumbeera zaamwei, ayimbooke.
|
||
|
\v 24 Nayaba naye; ekibiina ekikooto ne kimusengeerua nibamuninyigiirya.
|
||
|
\p
|
||
|
\v 25 Awo omukali ayaali alwaire ekikulukuto enka musaayi emyaka ikumi naibiri.
|
||
|
\v 26 Yetolwere munno omubasawu baingi nawangaoy byoona byeyaalina, natajjunibwa naye niyeyongerangambe okulwala.
|
||
|
\v 27 Neyawuliire ebigambo bya Yesu naizira omukibiina emabega waamwei nakwaata okuciizwalo kyamwei.
|
||
|
\v 28 Kubba yakobere nti nebweyakwaata okukizwaalo kyamweimbe yawona.
|
||
|
\v 29 Amangu ago ensulo yamusaayi nekala, niyetejja omumubiri gwaamwei ng'awonere ekibonobono kyamwei.
|
||
|
\p
|
||
|
\v 30 Amangu ago o Yesu bwetejerye omunda yamwei amaani agamuzwiiremu, nayinduka omukibiina nabakoba nti nani akwaite okukizwaalo kyange?
|
||
|
\p
|
||
|
\v 31 Abegesebwa bwaamwei nebamukoba nti boona ekibiina nekyikunyigiirya, n'okoba nti “Nani ankwaiteku?”
|
||
|
\v 32 Niyerugurya amaiso okubona oyo akoore ekigambo ekyo.
|
||
|
\p
|
||
|
\v 33 Naye omukali nga akutiina nga akukakana nga akumanya kyabbaire, naiza nakubba amajjwiomumaiso gaamwei, namukobera amannanu goona.
|
||
|
\v 34 Namukoba nti omwala, okwikiriza kwaamu kukuwonerye; weeyabire n'emirembe, owonere kimwei ekibonobono kyaamu
|
||
|
\p
|
||
|
\v 35 Awo niyaali nga akyabaza, abazwiire ewamukulu waikumbaaniro nibaiza, nga bakukoba nti omwara waamu afwiire; okugaddiryaaki omwegesya?
|
||
|
\p
|
||
|
\v 36 Naye oYesu natatekaku omwoyo okukigambo ekyabaziibwe, nakoba omukulu wa'ikumbaaniro nti “otatiina, we ikiriza.”
|
||
|
\v 37 Nataikiriza muntu yeena kwaba naye okuyaku o Peteero, no Yakobbo, no Yokaana, muganda wa Yakobbo.
|
||
|
\v 38 Nibaika omunyumba ya mukulu wa'ikumbaaniro, nabona okulaajana, n'abakukuunga, n'abakukubba ebiboobo ebiingi.
|
||
|
\v 39 Awo niyaingire nabako nti kiki ekikubalaajania n'okubakuunja? omwala tafwiire, naye abbasiryeembe.
|
||
|
\v 40 Nebamusekeera munno. Naye niyabawulukyirye boona, natwala oite wamwaala n'onyinawaamwei naabo abaali naye, naingira omwala waali.
|
||
|
\v 41 Awo nakwata omukono gwa mwaala, namukoba nti “Talusa kumi” ekimanyisya nti mwala, nkukoba nti “Imukka”
|
||
|
\v 42 Amangu ago omwala naimukka, natambula; kubba yaali yakamala emyaka ikumi naibiri. Amangu ago nibawuniinkiira okuwuniinkiira okukooto.
|
||
|
\v 43 Nabakuutira munno buli muntu yeena atakyetejja ekyo; Nabalagira okumuwa ekyakulya.
|
||
|
\c 6
|
||
|
\cl Essula 6
|
||
|
\p
|
||
|
\v 1 Nazwayo naiza omunsi yawabwe, abegesebwa nibaaba naye.
|
||
|
\v 2 Awo ssabbiiti niyaikire, natandika okwegesya. Omwikumbaaniro: abaingi nibamuwuliire nibewunaica, nga bakoba nti oni ebyo yabiyire ayi? are nti magezi ki gani geyaweirwe oni, era ebyamagero ebyenkaniire ani bikoleibwe omukono jaamwei.
|
||
|
\v 3 Tiniye oni omubaizi, omwana wa Maliyamu, muganda wa Yakobbo, n'oYose, n'oYuda, n'oSimooni? nabagande abaala tetulinabo ani ewaiswe? nibamwesittalaku.
|
||
|
\p
|
||
|
\v 4 Oyesu nabakoba nti omulangi tabulwa kitinisya okuyaku omwiyaanga yaabo, n'omukikka kyamwei, n'omunyumba yamwei.
|
||
|
\p
|
||
|
\v 5 Naye tiyasobweire kukolaye kyamagero kyoona naye yateekere emikono jjamwei okubalwaire abadooli n'abatamba.
|
||
|
\v 6 Niyewuunya olwabutaikiriza bwabwe. Niyerugurya omumbaju nembaju zoona nga akwegesya.
|
||
|
\p
|
||
|
\v 7 Nayetta jaali eikumi nababiri, natandika okubatuma babiri babiri, nabawa obuyinza oku dayimooni.
|
||
|
\v 8 Nabalabula obutatwala kintu kyoona kyoona omunzira okwiyaku omwigo gwonkai, timmere, wade ensawu, wade ekyikomo omunkobba zaabwe,
|
||
|
\v 9 Naye ngabananikire enkaito, era temuzwaalanga kanzu ibiri.
|
||
|
\v 10 Nabakoba nti buli nyumba yoona jemwakwingiranga mubeenge omwo okwikya lwemwaazwaayo.
|
||
|
\v 11 Buli kyiffo kyona ekyitalibaikiriza, obutabawura, nimwazwangawo, mukubbaigulyanga ocucu ali okumagulu gaanywe abibba omujjuurwa gyebali.
|
||
|
\v 12 Nibaaba nibakoberaabantu okweinenya.
|
||
|
\v 13 Nibappeka emizumu jiingi, nibasiiga amafutta okubalwaire baingi nibabatamba.
|
||
|
\p
|
||
|
\v 14 Awo omukama oKerodi namuwura, kubba eibara ryamwei ryatikiriire, nakoba nti oYokaana omubatizza ayimbookere omubafu, amaani goona jigazwiire gakoora muniye.
|
||
|
\v 15 Naye abaandi nibakoba nti niye Eriya, abandi nibakoba nti mulangi omwei okubalaangi.
|
||
|
\p
|
||
|
\v 16 Naye o Kerodi, niyawuliire nakoba nti o Yokaana gunatemereku omutwe nje, niye ayimbookere.
|
||
|
\p
|
||
|
\v 17 Kubanga o Kerode okenyini yatumire, nakwaata oYokaana, namubbwa, namuteeka omukoomera olwa Kerodiya, omukali wa muganda waamwei o Filipo: kubaanga yamuswoire.
|
||
|
\v 18 Kubaanga o Yokaana yakobere o Kerode nti kibba kyamuzizo gwamwei okubba n'omukka mugaande.
|
||
|
\v 19 N'oKerodiya ciyazwiremu namulaalika nayeendya okumwiita, natayiinza.
|
||
|
\v 20 Kubanga oKerode yatiinire o Yokaana, nga amumaite nti musai, mwikiiri namwetegekera. Yayendyaanga munno okuura byakubaza, nayete byamulekere nga takumanya calina kukola.
|
||
|
\p
|
||
|
\v 21 Awo olunakku olusai nilwaikire, oKerode nilwo yasuumbiire abakukunali bamwei; nabakukunali ba basirikale, nabaami ba Ggaliraaya:
|
||
|
\v 22 Awo omwaara wa Kerodiya omwenyini niyaizire nabina, o Kerode naabo beyaali aikaire nabo nga bakulya nibamusiima, awo omukama nakoba omwala nti nssaba kyoona kyokwendya nacikuweerya.
|
||
|
\v 23 Namulairira nti kyoona kyoona kiwasaba, nacikuweerya yade ekitundu kyabukama bwange.
|
||
|
\p
|
||
|
\v 24 Awo nawuluka, nakoba onyiina nti nssaabe kiki? namukoba nti omutwe gwa Yokaana omubatizza.
|
||
|
\p
|
||
|
\v 25 Amangu ago nalabuka naiza ewa mukama, nasaba, ng'akukoba nti nkwendya ompeere mpani ati okulusania omutwe gwa Yokaana omubatiza.
|
||
|
\v 26 Awo omukama nanakuwala munno, naye olwabirayiro byamwei, naabo abaali baikaire naye nga bakulya natayendya kumwiima.
|
||
|
\v 27 Amangu ago omukama natuma omusirikale omwambala nsaale, namulagira okuleeta omutwe gwamwei; nayaba namuttemaku omutwe omukomera,
|
||
|
\v 28 naleeta omutwe gwamwei okulusaniya, naguwa omwaala, n'omwaala naguwa omamwei.
|
||
|
\v 29 Awo abegesebwa bamwei nibawuliire, nibaiza nibatwaala omutumbi gwamwei, nibaguteeka omuumbi.
|
||
|
\p
|
||
|
\v 30 Abakwena nibakumbanire awali o yesu, nibamukoba ebigambo byoona byebakoore, nebyebayegeserye.
|
||
|
\v 31 Nabakoba nti mwize nywenkai nywenkai mukyaama omukifo omutali baantu muwumulemuku kadooli. Kubaanga waliwo baingi abakwiiza nibaaba, ate nibatabba naibaanga yade awakuliira.
|
||
|
\v 32 Nibaaba omuryato mukyaama omukifo awattali baantu.
|
||
|
\v 33 Nibabona nga bakwaba, baingi nibabamanya naabo abazwiire omubibuga byoona nibairuka nokulukalu nibabasookayo.
|
||
|
\v 34 Niyazwiire omuryaato nabona ebibiina nabasasiira kubanga baali nk'etaama ezitalina muliisya, natandika okubeegesya ebigambo bingi.
|
||
|
\p
|
||
|
\v 35 Awo obwiire nibwaali bwakaire abegesebwa bamwei nibaiza weyaali nibakoba nti ekifo kini irungu, naati obwire bwakaire:
|
||
|
\v 36 Basiibule, baabe omubyaalo n'omubibuga bya kumbajju zoona beguure emmere.
|
||
|
\p
|
||
|
\v 37 Naye nairamu nabakoba nti “nnywe mubawe emmere.” Nibamukoba “nti twabe tugule emigaati ja dinaali ibiri tujibaweerye?
|
||
|
\p
|
||
|
\v 38 Nabakoba nti mulina emigaati jiingai? mwaabe mubone. Nibaategeire nibakoba nti itaanu nebinagge bibiri.
|
||
|
\v 39 Nabalagira baikale boona bibiina bibiina okwisubi.
|
||
|
\v 40 Nibaikaara nyiriri nyiriri, ekikumi n'ataanu.
|
||
|
\v 41 Nakwaata emigaati etaanu nebinagge bibiri nalola aiguru niyebalya, namenyamu emigaati nawwa abegesebwa baamwei babiteeke omumaiso gabaddi nebinagge ebibiri nabigabira boona.
|
||
|
\v 42 Nibalya boona nibaikutta.
|
||
|
\v 43 Nibakumbaania obumulunguki nibwizula ebiibbo ikumi nabibiri, nebinage.
|
||
|
\v 44 Abo abaalire emigaati baali abasaiza enkuumi itaanu
|
||
|
\p
|
||
|
\v 45 Amangu ago nawaliriza abegesebwa baamwei okuseyeeya okuryato basookeyo enseeri wamitala e Besusayida leke ye amale okusiibula ebibiina.
|
||
|
\v 46 Awo niyamaare okubasiibula nayaba okulusozi nasaba.
|
||
|
\v 47 Awo nibwali bukuswekeerya eryato ryali akati munnyaanja yete ng'ali yenkai okulukalu.
|
||
|
\v 48 Awo niyabweine nga bakugadda okugiimba kubanga ompuungo yaali nga akuwuluka mumaiso, omukisusumuko ekyakanai naiza jebaali okunyaanja nga akutambula; yaali akwaba kubaakalya:
|
||
|
\v 49 naye bo nibamubweine ng'akutambuura okunyaanja, nibalowooza nti kifaanaanyi, nibakuunga;
|
||
|
\v 50 Kubanga boona boona baamubweine, nibatuntura naye amangu ago nabaza nabo nabakoba nti “Ninje oni, mutatiina.”
|
||
|
\v 51 Naniina omuryato mwebaali, ekiwuungo nikiffa nibewunaija munno omunda yaabwe;
|
||
|
\v 52 Kubanga ebyamigaati tibabitegeeranga naye emyoyo jaabwe jaali jikakanyali.
|
||
|
\p
|
||
|
\v 53 Awo nibasomokere nibaiza omuunsi eya Genesaleti, nibaika okulukalu.
|
||
|
\v 54 Awo nibaazwire omuryato amangu ago nibamutegera.
|
||
|
\v 55 Nibairuka niberuguryamu omwo mwoona, nibatandika okwimuura abalaire okubitaanda okubaleeta webawuranga waali.
|
||
|
\v 56 Nabuli jiyayabanga, omumbuga, oba mubibuga, abamubyaalo, basangire abalwaire mubutale nebamwegaire bakwateku okumudalizo gwalugoye lwamwei; naabo abamwikangaaku nibawona.
|
||
|
\c 7
|
||
|
\cl Essula 7
|
||
|
\p
|
||
|
\v 1 Nibakuumbaana awli Abafalisaayo n'Abawandiiki abamwi abaligiire eYerusaalemi nibeekumbanirya jeyaali.
|
||
|
\v 2 Era abandi nibabona abegesebwa baamwei abamwei nga bakulya emmere yaabwe nengalo ezitali zinaabe.
|
||
|
\v 3 okubba Abafalisaayo, n'Abayudaaya, nibataanabire munno mungalo zaabwe, tibaalyanga, kubanga bakwaata emikiirokiiro zabakaire.
|
||
|
\v 4 Era nibaazwa omukatale, nibatanaaba, tibalya: era waliwo nebindi bingi bibaweebweibwe okukwaata, okunaabyanga ekikompe; nebibya, nebinaga ebya bikomo.
|
||
|
\p
|
||
|
\v 5 Abafalisaayo n'abawandiiki nibamubuulya nti kiki abegesebwa baamu ekibalemeserye okutambuura omu mikiirokiiro obwabakaire, naye bagumya galya mmere n'engalo ezikwiiragura?
|
||
|
\p
|
||
|
\v 6 Nabakoba ntini “o Isaaya yalagwiire kusai eddinywe abannankwe, nkebwe kyaawandikiibwe nti abantu bani bateekamu ekitiinisya kyakuminwa, naye emitima zaabwe zindi alai”
|
||
|
\q
|
||
|
\v 7 Yeni bansinzira bwere nga bakwegesya amateeka gabantu byebaakwatanga
|
||
|
\p
|
||
|
\v 8 muleeka eitteeka lya Nyamwanga, nimukwaata emikiirokiiro jabantu.
|
||
|
\v 9 Nabakoba ntini mugaanira kakyaarumyei kusai eitteeka lya Nyamwanga, era mukwaata emikiirokiiro zanywe!
|
||
|
\v 10 Kubba oMussa yabazire nti attangamu oiteewo ekitiinisya n'omaawo; era nti eyalizumanga oite waamwei oba omaamwei, bamwittangambe.
|
||
|
\v 11 Yeni nywe mubaza nti omuntu nakoba oite wamwei, oba onyina wamwei nti kyoona kyenandikuwairye okkugassa nijo Kolubaani, ekimnyisibwa nti kitone kya Nyamwanga.
|
||
|
\v 12 Timukyamuganya okukoora ekintu oitaamwei obundi omawamwei.
|
||
|
\v 13 Mudibya ekigambo kya Nnyamwanga olwabukiirokiiro bwaanywe, bwe mwayegeserye; era mukkola ebigaambo ebiindi bingi nke'ebyo.
|
||
|
\p
|
||
|
\v 14 Ate nayetta ebibiina, nabakoba nti mumpuure nyweena, mwetejje.
|
||
|
\v 15 ndoowo kintu kiri enzai wamuntu nikiingira omunda mwamwei, kiyyinza okumusiisa, naye ebyo ebimuzwaamu ye, ebyo nibyo bisiisa omuntu.
|
||
|
\v 16 Buli ayina amatwi agakuura, awure.
|
||
|
\p
|
||
|
\v 17 Awo niyaingire omunyumba nga azwiire ombibiina, abegesebwa baamwei nibamubuulya olugero olwo.
|
||
|
\v 18 Nabakoba nti “nimwo mutyo nyweena timulina magezi? temwetejje nti kyona ekiri enzai nikiingira omuntu, tikisobola kumusiisa.
|
||
|
\v 19 Kubanga tikiingira mumutima gwaamwei: naye omunda yaamwei, nicakalla nikyaaba omukiigo? yaizire atyo nga akusaayirya ebiriibwa byoona.
|
||
|
\v 20 Nabakoba nti ekizwa omumuntu; nikyo kisiisa omuntu.
|
||
|
\v 21 Olwakubba omunda, Omumitima jabantu, muzwaamu ebirowoozo ebibbi, obwenzi,
|
||
|
\v 22 okwiibba, okwiitta, obweenzi, okwegomba; obubbi, obulyaaki, omwoloonko, erriso eribbi, okusekeeteera, amawoole, obusurru.
|
||
|
\v 23 Ebibbi ebyo byoona bizzwa munda nibisiisa omuntu.
|
||
|
\p
|
||
|
\v 24 Nagalabbuka, nazwaayo nayaba mu mbibi eza Ttuulo ne Sidoni, nayingira omu nnyumba natayendya muntu kweteja, ateni natasobola kweibbisa.
|
||
|
\v 25 Era amangu ago omukali eyalina omwara aliku o dayimooni, yamuwulire naiza nafukamira okumagulu gaamwei.
|
||
|
\v 26 Omukali yaali Muyonaani eiyanga lyaamwei Musulofoyiniiki namwesengeerya okuppeka o dayimooni okumwara waamwei.
|
||
|
\v 27 Namukoba ntini leka abaana bamaliirye okwikutta kulwakubba tikisai kwiriira mmere yabaana kujjinagira mbweene.
|
||
|
\p
|
||
|
\v 28 Yenite nairamu ng'akoba nti nimwo otyo mukama wange n'embweene ziriira nsi wameenza obukunkumuka obwabaana.
|
||
|
\p
|
||
|
\v 29 Namukoba nti okulwakigambo ekyaamu, weirireyo; o dayimooni azwiire okumwaara waamu.
|
||
|
\v 30 Nairayo munyumba yaamwei, nayajja omwara ngabamugalamirye oku kitanda, n'odayimooni ng'amuzwiireko
|
||
|
\p
|
||
|
\v 31 Ate nazwa omu mbibi eza Ttuulo, naiza nayakala omu Sidoni n'akati omu mbibi eza Dekapoli naika okunnyaanja eya Ggaliraaya.
|
||
|
\v 32 Nibaleeta okiigara, ate nga takubaza kusai nebamwesengeerya okumutaaku omukono gwaamwei.
|
||
|
\v 33 Namuiya omu kibiina mukyaama, namuttaaku emikono namatwi gamwei, nacwa ebicwantai namwikya okululumi.
|
||
|
\v 34 Narola aiguru omwiguru, natinda namukoba nti Efasa, nikwo okukoba nti ziguluka.
|
||
|
\v 35 Amatwi gaamwei nigaiguka nentandikwa yalulimi lwaamwei nelusandabuka nabaza kusai.
|
||
|
\p
|
||
|
\v 36 Nabakimirya baleme okukobera omuntu: naye nkebweyeyongeire okuumirya, nibeeyongere omunno okukibunisya.
|
||
|
\v 37 Nibaiwunaaca munno ni kini kakitalo nga bakkoba nti byoona akoore bisai; aiggula abaiggali bamatwi, era abazisya abakibbubu.
|
||
|
\c 8
|
||
|
\cl Essula 8
|
||
|
\p
|
||
|
\v 1 Awo omubiro ebyo, ebibiina nibyeyongeire obwingi, nibatabba nammere, nayeta abegesebwa baamwei nabakoba nti;
|
||
|
\v 2 Nkusasira ebibiina, kubanga eleero ebiro bisattu nga bali naanje, so tibalina mmere.
|
||
|
\v 3 ninabasiibula okwirayo nga basiibire nzala, bwakakusaanawo omwanda, nabamwe bakuzwa alai.
|
||
|
\p
|
||
|
\v 4 Abegesebwa baamwei nebamwiiramu nti omuntu asobola atyai okwikutisya, abantu bani
|
||
|
\p
|
||
|
\v 5 Nabuulya nti Mulina emigaati jiingai? nebamukoba nti musanju.
|
||
|
\p
|
||
|
\v 6 Naduumira ekibiina okwikaara ansi, nakwatta emigaati omusanju, niyeebalya, nagiwa abegesebwa baamweim okujiiya omumaiso gaabwe, bajiteeke omumaiso gakibiina.
|
||
|
\v 7 Era baabaire no bunage budyooli, nabwebalya nabalagira bwoona okubuteeka omumaiso gaabwe.
|
||
|
\v 8 NNibalya nibaikutta, nibakumbaania obumulungukire ebiggega musanju.
|
||
|
\v 9 baabaire enkumi inai, nabasiibula.
|
||
|
\v 10 Amangu ago naseeyeya okuryato n'abegesebwa baamwei, naiza enseeri wa Dalumanusu
|
||
|
\p
|
||
|
\v 11 Abafalisaayo nibawuluka nibaiza, nibatandika okumusosoidya, nga bakwendya akamanyisyo okuzwa omw'igguru nga bakumukema.
|
||
|
\v 12 Nasiinda omumwoyo gwamwei, nakoba nti nywe abamirembe jjini mukutooryaki akamanyisyo? Amananu nkubakoba nti abamirembe jjini tibakuweebwe kamanyisyo.
|
||
|
\v 13 Nbaleka, naseeyeya ate, nayaba enseeri weedi.
|
||
|
\v 14 Awo nebeebwa okutwalana emigaati, so tibabaire najjo muryato wabula omugaati gumwei.
|
||
|
\v 15 Nabanatira ng'akubakoba nti mugume, mweekume ekizimbulukusya eky'Abafalisaayo nekizimbulukusya kya Kerode.
|
||
|
\p
|
||
|
\v 16 Nibabuulyangana bonkai na bonkai nga bakukoba nti tetulina miggaati?
|
||
|
\p
|
||
|
\v 17 O Yesu niyategeire nabakoba nti kiki ekikubabuulyanganisya olwabutabba na migaati? mukyali kubona, so temukutegeera? emyoyo jaanywe jikakanyali.
|
||
|
\v 18 Mulina amaiso, temukubonia? mulina amatwi, temukuura? so temukwizukira?
|
||
|
\v 19 Ninamenyeire enkumi eitaanu emigaati etaanu, ebiibbo bimekai ebyaizwiire obukunkumukwa bwe mwakumbainie? Nibamukoba nti ikumi nabibiri.
|
||
|
\p
|
||
|
\v 20 “era ninamenyere omusanju enkumi inai mwakumbainie ebigegga bimekai?” Nibamukoba nti musanju.
|
||
|
\v 21 Nabakoba nti mukyaalikutegeera?
|
||
|
\p
|
||
|
\v 22 Nibaiza nibaika e Bususayida, nibamuleetera omwigali wa maiso nibamwegaiira okumukwataku.
|
||
|
\v 23 Nakwata omwigali wa maiso okumukono, namuwulukya enzai wambugga; awo niyacwiire ebicwantyai okumaiso gaamwei, namuteekaku emikono, namukoba nti oliku kyokubona?
|
||
|
\p
|
||
|
\v 24 Naloleera aiguru, nakoba nti “nkubona abantu, kubba nkubona bwakwisana emisaale, nga bakutambula”
|
||
|
\v 25 Ate namuteekaku engalo oku maiso gaamwei nagakundula okubona, nawona, nabona byoona kusai.
|
||
|
\p
|
||
|
\v 26 Namusindika ewaamwei, ng'akumukoba nti Toingiranga mu mbugga muni.
|
||
|
\p
|
||
|
\v 27 O Yesu naimuka nayaba n'abegesebwa baamwei omubyaalo bya Kayisaliya ekya Firipo. Nibaikire omwanda, nabuulya abegesebwa baamwei, nga akukoba nti abantu banyetta naani?
|
||
|
\v 28 Nibamukoba nti, Yokaana omubatiza; n'abaandi nti Eriya; naye abaandi nti omwei okubalaangi.
|
||
|
\p
|
||
|
\v 29 Ye nababuulya nti naye nnywe munyetta nani? o Peteero nairamu namukoba nti Niiwe Kristo.
|
||
|
\p
|
||
|
\v 30 Nabakanja obutakobera muntu bigambo byaamwei.
|
||
|
\p
|
||
|
\v 31 Natandika okubeegesya nti kimusaaniire omwana wamuntu okubonabonesebwa ebingi, nokugaanibwa abakaire, n'abakabona abakulu, nabawandiiki no kwitibwa no kwakalyawo ebiro bisatu okuyimbooka.
|
||
|
\v 32 Nabazira ekigambo ekyo kaangura. O Peteero namutwala, natandika okumunenya
|
||
|
\v 33 Naye nayinduka, nabona abegesebwa baamwei, nanenya o Peteero ng'akukoba nti ira emabega wange sitaani, kubanga tokulowooza bya Nyamwanga, wabula byabantu.
|
||
|
\p
|
||
|
\v 34 Nayetta ekibiina n'abegesebwa baamwei nabakoba nti, omuntu nalyendya okunseengerya, yeelekeerye, yeetiike omusalaba gwamwei, ansengeerye.
|
||
|
\v 35 Kubanga buli ayendya okununula obwomi bwamwei alibubulya, nabuli'omwei alibulya obwomi, bywaamwei okulwange nokulwa ngiri alibununula.
|
||
|
\v 36 Kubanga kimugasaki omuntu okulya ensi yoona, n'okufweerwa obwomi bwaamwei?
|
||
|
\v 37 Kubanga omuntu yakuwaireyo ki okununula obwomi bwaamwei?
|
||
|
\v 38 Kubanga buli akwatibwa ensoni, nje nebigambo byaange omumirembe jini ejja bweenzi are ejibbi, n'omwana wamuntu alimukwatirwa ensoni oyo niyaliizira omukitiinisya kya'Itowamwei n'abamalaika abaikiiri.
|
||
|
\c 9
|
||
|
\cl Essula 9
|
||
|
\p
|
||
|
\v 1 Nabakoba nti mananu nkubakoba nti kubani abemereire nai waliwo abamwei abataalirooza ku kuffa nakadooli okwikya bwebalibona obukama bwa Nyamwanga nga bukwiiza namaani.
|
||
|
\p
|
||
|
\v 2 Awo ebiro omukaaga nibyayakairewo o Yesu natwaala o Peteero, no Yakobbo, no Yokaana, nayaba nabo oku lusozi olulai bonkai omukyaama: nayindulwa omu maiso gaabwe.
|
||
|
\v 3 Ebizwalo byaamwei nebipirikita nibyeera munno; nga ndoowo omwozi okunsi ayinza okubyeeryaatyo.
|
||
|
\v 4 Awoo Eriya no Musa ne bababonekera; era baali bakubaza n'oYesu.
|
||
|
\v 5 OPeteero nairamu, nakoba oYesu nti Labbi, nikyo kisai iswe okubba anni; ale lekatwomboke obusiisira bussatu; akamwei kaamu, akandi ka Musa nakandi k'Eriya.
|
||
|
\v 6 Kubba yaali tamaite kyakubairamu; kubba baali batiinire munno.
|
||
|
\p
|
||
|
\v 7 Awoo eciiguru nekyiiza ne kyikingiirya; eirakka neliwuluka omu cciguru ngarikkoba “oyo niye mwana wange omugaanzi. Mumuwuliirye”
|
||
|
\v 8 Bwe baakengere amangu ago nibatabona muntu yadde wabula o Yesu yenkai nabo.
|
||
|
\p
|
||
|
\v 9 A woo bwe balibakusirimuka okulusozi, nabalumirya battakoberaku muntu byebabeine, okwikya omwana wamuntu lwaliyiimbooka omubafful.
|
||
|
\v 10 Nibakyekuuma ekigambo ekyo nga bakwebulyangana bonkai na bonkai nti okuyimbooka omubaffu kuliba kutyai?
|
||
|
\p
|
||
|
\v 11 Ne bamubulya nga abakoba nti Abawandiiki bakubaza nti kyigwaniire Eriya okusooka okwiza.
|
||
|
\p
|
||
|
\v 12 Nabakoba nti Eriya niye yalisooka okwiiza, nasayiira byoona byoona; era kyawandiikiibwe kyityai omwana wamuntu okwasaisainibwa omuno n'okunyoomebwa.
|
||
|
\v 13 Naye nabakoba nti Eriya yamare okwiza, era bamukoore bulikyebayeendyanga, nka nikyamuwandiikirwe.
|
||
|
\p
|
||
|
\v 14 Awoo bwe baikire eddi abegesebwabaamwei, nibabona ekyibiina nga kikooto nga kyibeetooloire n'abawandiiki nga bakubakemeerya.
|
||
|
\v 15 Amangu ago ekibiina kyoona nikyamubwoine, nibeewuunya munno, ne bairuka gyaali nibanulabusa.
|
||
|
\v 16 Nababuulya nti mukubakemeerya naki?
|
||
|
\p
|
||
|
\v 17 Omwei omukibiin namwiramu nti omwegesya, nkuleteire omwana wange, aluku o dayimooni atakubazza;
|
||
|
\v 18 buli jenkumutwala, amukubba ebiggwo; akwiiza eifuro, nannenna amaino, akoozimba; nkobere abegesebwwa baamu bamuppeke; ne batayinza.
|
||
|
\p
|
||
|
\v 19 Nairamu nabakoba ntiNywe abamirembe egitaikiriza, ndikyaai okubba naanywe? ndikyaai okubagumiinkirya? Mumundetere.
|
||
|
\v 20 Ne bamuleete gyaali; awo bweyamubweine, amangu ago o dayimooni namwonoloyonola munno; nagwa ansi, niyeekulungula, nga akwiza eiffuro.
|
||
|
\v 21 Nabuulya oite waamwei nti obulwaire buni kasokeranga bumukwata ibbanga kii? Nabakoba nti kuzwa mubuto bwamwei.
|
||
|
\v 22 Emirundi jiingi nga akumunagga omuuro nomumaizi okumwitta: naye obanga okusobola, tusasire, obenaiswe.
|
||
|
\p
|
||
|
\v 23 O Yesu namukoba nti niwabbanga okusobola! byoona bisoboka eddi akwikiriza.
|
||
|
\p
|
||
|
\v 24 Amangu ago oite waamwei nabazira aiguru, nakoba nti nyikiriize; ganyira obujeemu bwange.
|
||
|
\p
|
||
|
\v 25 Awoo o Yesu niyabweire ekibiina ekikumbaana mubwingi, nabwoiggoora o dayimooni nakoba nti “Wwe o dayimooni atakubaza, era omwigali wamatwi, nje nkkuduumira nti, Muzweeku, ate Ttomwirangaku wadde nolumwei.”
|
||
|
\p
|
||
|
\v 26 Awoo nakuunga, namutaagula munno, namuzwaku; naisan affwiire, nokukoba abandi baingi nibakoba nti afwiire.
|
||
|
\v 27 Naye o Yesu namukwata okumukono, namwimukya nayemeera.
|
||
|
\p
|
||
|
\v 28 Awoo niyaingire omunyumba, abegesebwa baamwei nibamubuulya omu kaama nti Iswe katutasobwoire kumuppeka?
|
||
|
\p
|
||
|
\v 29 Nakoba nti engeri jini tekusobola kuzwaku olwa kigambo wabula olwakusaba.
|
||
|
\p
|
||
|
\v 30 Nibazwayo nibakala omu Ggaliraaaya, natendya muntu yeena kumumanya.
|
||
|
\v 31 kubba yegeeserye abegesebwa baamwei nakoba nti Omwana wamuntu akuweebwayo omumikonom gy'abantu, balimwiitta; kale bwalimala okwitibwa, era waalyakalawo enaku issatu nayimbooka.
|
||
|
\v 32 Naye tibeeteegyerye kigambo ekyo, nibatiina okumubuulya.
|
||
|
\p
|
||
|
\v 33 Nibaika e Kaperunawumu; Awo niyaali nga ali munyumba nababulya nti mubaire mukuwakaniraki omunzira?
|
||
|
\v 34 Naye nibasirika; kubba baali bakuwakana bonkai na bonkai omuzira nti naani omukulu.
|
||
|
\v 35 Naikaara, nayeta eikumi nababiri, nabakoba nti omuntu bwayendya okuba akwekeera, akwiza kubbaanga akusembayo mubyoona, era omweereza waboona.
|
||
|
\v 36 Nabona omwana omutto namwemeerya akati waabwe; awoo namuvumbatira nabakoba nti,
|
||
|
\v 37 Buli ayakwikkirizanga omwei okubaana abatto abakwisana oni omwibara lyange, ng'akwikiriize ninje, nabuli muntu yeena aikiriza nje, takwikiriza ninje, wabula oddi ayantumire.
|
||
|
\p
|
||
|
\v 38 Awo o Yokaana namukoba nti Omwegesya, twabwoine omutto nga akuppeka o dayimooni omwibara ryamu; netugaana olwokubba tiyaakaire naiswe.
|
||
|
\p
|
||
|
\v 39 Naye o Yesu nabakoba nti temumulemeesyanga; kubba ndoowo muntu yakolaanga kyamagero mwibara ryange ate amangu ago nanzuma.
|
||
|
\v 40 Kubba atali muzuggu waiswe alibba naiswe.
|
||
|
\v 41 Kubba buli muntu yabanyweesyanga nywe ekikoompe eky'amaizi kuba muli ba Kristo, mananu nkubakoba nti talibulya mpeera nakadooli.
|
||
|
\p
|
||
|
\v 42 Nabuli muntu ayesittalanga omwei okwaba abatto ayanyikiriize, waakiri oyo okubbwebwa emeengo omwikoti anagibwe omunyyanja.
|
||
|
\v 43 Omukono gwaamu bwegukwesittalaanga, oguteemangaku; waakiri wee okwingira omubwomi, ng'obuureku ekibajju, okusiinga okwaba omugeyeena ng'olina emikono gyoona, omumuuro ogutakulikira;
|
||
|
\v 44 Eiggino lyaabwe gyeritafwiira, n'omuuro ogutalikira.
|
||
|
\v 45 Nakugulu kwamu bwe kukwesittalya, okutemangaku; waakiri we okwingira ongo obuuryeku okugulu, okusiinga okunagibwa omugeyeena, ng'olina amagulu goona;
|
||
|
\v 46 Eiggino lyaabwe gyeritafwiira, n'omuuro ogutalikira.
|
||
|
\v 47 Neriiso lyamu bwerikweisitalya, oriyangaamu; waakiri we okwingira omukama bwa Nyamwanga ng'oli wa riiso limwei, okusinga okunagibwa omugeyeena nga olina amaiso goona.
|
||
|
\v 48 Eiggino lyaabwe gyeritafwiira, n'omuuro ogutalikira.
|
||
|
\p
|
||
|
\v 49 Kubba buli muntu alirungibwamu muuro.
|
||
|
\v 50 Omunyu gusai; naye omunyu niguwaamu ensai muliryamu ki? Nywe mubbe n'omunyu omunda yanywe, mwirirenganemu nywenkai na nywenakai.
|
||
|
\c 10
|
||
|
\cl Essula 10
|
||
|
\p
|
||
|
\v 1 Awoo o Yesu naimuka nazwaayo, naiza obutundu bya'Buyudaaya n'enseeri wa Yoludaani; ebibiina biingi nebikumbaanira jaali era; nabeegesya nka niyakolaanga.
|
||
|
\v 2 Awo Abafalisaayo nibaiza jaali nibamubuulya nti “kisai omuntu okuppekaanga omukali waamwei?” (nga bakumukeentya).
|
||
|
\p
|
||
|
\v 3 O Yesu nabairamu nabakoba nti oMusa yabalagiire atyai?
|
||
|
\p
|
||
|
\v 4 Nibakoba nti oMusa yaikirize okwaandika ebbaluwa y'akwawukana nomala n'opeka omukali.
|
||
|
\p
|
||
|
\v 5 O Yesu nabakoba nti olwabukakanyali bwamyoyo jjanywe nikyo yazwiire abawandikira ekiragiro ekyo.
|
||
|
\v 6 Naye okuzwa omukusooka kwa kwaanga ensi oNyamwanga yatondere omusaiza n'omukali
|
||
|
\v 7 Omusaiza nikyo yazwanga aleka oitewaamwei n'omawamwei neyeegaitta okumukali waamwei!
|
||
|
\v 8 Abo boona babbaanga omubiri gumwei. Kale nga tebakyali babiri naye omubiri gumwei.
|
||
|
\v 9 Kale oNyamwanga kyeyagaitire amwei ndoowo muntu yakyaawulanga.
|
||
|
\p
|
||
|
\v 10 Awo ate nibaingira omunyumba baegesebwa nibamubuulya ekigambo ekyo.
|
||
|
\v 11 Nabakoba nti omuntu yeena ayagobaanga omukali nairamu nasweera owondi yaabaanga ayendere.
|
||
|
\v 12 Yeena niyanobaanga ewaibowamwei nattungwa owondi yabbaanga ayendere.
|
||
|
\p
|
||
|
\v 13 Awo abantu abamwei nibamuletera abaana okubateekaku emikono: abegesebwa baamwei nibacunga ababaletere.
|
||
|
\v 14 Naye oYesu niyababoine nagongera nabakoba nti mwikirize abatto baize gyendi: so mitabakanja, kubanga abakwisana nkabani obukama bwa Nyamwanga nibwo bwaabwe.
|
||
|
\v 15 Mazuma nkubakoba nti buli ataikirizenge bukama bwa Nyamwanga nk'omwaana omuto talibwingiramu nakadooli.
|
||
|
\v 16 Nabateeka omukisubba kyaamwei, naba omukisa, ng'akubateekaku omukono.
|
||
|
\p
|
||
|
\v 17 Niyaali nga akwaba omwanda omwei naiza jaali nga akwiruka namufukaamira, namukoba nti omwegesya omusai nakola ntyai okusikira obwomi obutawaawo?
|
||
|
\p
|
||
|
\v 18 o Yesu namukoba nti okunyeteraki omusai? ndoowo musai okuyaku oNyamwanga.
|
||
|
\v 19 Omaitte ebiragiro, toittanga, ttoyeendanga, ttoibbaanga, ttowangiiryanga, ttolyakkaanga, otengemu ekitinisya oiteewo n'omaawo.
|
||
|
\p
|
||
|
\v 20 Namukoba omwegesya ebyo byoona nabikwaite okuzwa omubutto bwange.
|
||
|
\p
|
||
|
\v 21 O Yesu niyamulolereire mawendya namukoba nti okwendya ekintu kimweikyonkai. Yaba otuunde byolinbyo ogabire abaseegi weena olibba n'obuggaigai omwiguru oleke oize onsengeerye.
|
||
|
\v 22 Omusaiza olwwawulire ekigambo ekyo yeena nawotoka, nayaba nga anakuwaire, kubanga yabbaire ng'alina ebiintu binyamwingi.
|
||
|
\v 23 Awoo o Yesu niyeruguurya amaiso nakoba abegesebwa baamwei nti nkanikyiri kizibu abagguuda okwingira omubukama bwa Nyammwanga.
|
||
|
\v 24 Abegesebwa nibewunaikya ebigambo byamweinaye o Yesu nairamu, nabakoba nti abaan, nkakizibu abo abeesiga obuguuda okwingira obukama bwa Nyamwanga!
|
||
|
\v 25 Kyangu munno onkaina okwakala omukatuli kampiiso, okusinga omuguuda okwingira omubukama bwa Nyamwanga.
|
||
|
\p
|
||
|
\v 26 Nibewunaikya munno, nibamukoba nti kale nani akusobola okuwona?
|
||
|
\p
|
||
|
\v 27 Awo o Yesu nabaloleera nakoba nti omubaantu tekikusoboka, naye tikiri kityo eddi o Nyamwanga kubanga byoona bisoboka edi oNyamwanga.
|
||
|
\p
|
||
|
\v 28 Awo o Peteero natandika okumukoba nti bona eswe twalekere byoona netukusengeerya.
|
||
|
\p
|
||
|
\v 29 OYesu nakoba nti mananu nkubakoba nti ndoowo ayalekere enyumba, abaluganda, oba abanyina, oba maama, oba taata, oba abaana oba endimiro okulwange n'olwangiri.
|
||
|
\v 30 Ataaliweebwa emirundi kikumi omubiseera bini ebyaati, enyumba, n'abaluganda, n'abanyina, n'abamaabwe, n'abaana, n'endimiro, n'okwaisaisainibwa n'omumirembe egikwa kwiiza omubwomi obutakuwaawo.
|
||
|
\v 31 Naye baingi abakwekeera abaalibba abaluvanyuma, n'abaluvanyuma abalibba abeekeera
|
||
|
\p
|
||
|
\v 32 Baali omwanda nga bakunianina eYerusaalemi n'oYesu yabbaire nga abebeimbeire, nibewunaikya, nabaandi abasengereirya nibatiina. Awo ate natwala eikumi nababiri, natandika okubakobera ebigambo ebikwaba okumubbaku nti;
|
||
|
\v 33 “bona tukuninanina eYerusaalemi; omwaan wamuntu aliweebwayo edi abakabona abakulu n'abawandiiki, baalimusaara omusango okumwitta, baalimuweeryayo eddi abamawanga.
|
||
|
\v 34 Baalimudduulira balimucweera ebicwantai, balimukubba, balimwitta; niwaalyakalawo ebiro bisatu aliyimbooka.
|
||
|
\p
|
||
|
\v 35 Awoo o Yakobbo no Yokaana, abaana ba Zebbedaayo, nibaigeera jaali, nibamukoba nti Omwegesya, tukwendya otukoore kyoona kyoona kyetakusaba.
|
||
|
\p
|
||
|
\v 36 Nabakoba nti mukwendya mbakoore ki?
|
||
|
\p
|
||
|
\v 37 Nebamukoba nti tuweerye twikale, amwei okumukono ogwabulyo owondi okumukono ogumoso, omukitiinisya kyamu.
|
||
|
\p
|
||
|
\v 38 Yeena o Yesu nabakoba nti temumaite kye mukusaba. Mukusobola okunywa okukikoompe kyenywaku nje? oba okubatizibwa kwembatizibwa, muunje?
|
||
|
\p
|
||
|
\v 39 Namukoba nti tukusobola. o Yesu nabakoba nti ekikoompe nje kyenywaaku mwaalikinywaku, n'okubatizibwa kwembatizibwamu nje mulibatizibwa;
|
||
|
\v 40 Naye okwibaara okumukono gwange ogwabulyo oba ogumoso, tiniinje nkugaba, naye okwabo be kwategekeirwe.
|
||
|
\p
|
||
|
\v 41 Awoo eikumi nibawuliire, nibatandika okugongeera o Yakobbo no Yokaana.
|
||
|
\v 42 o Yose nabeeta, nabakoba nti nkaabo abalowozebwa okufugga abamaanga babafugisya maani, nab'akulu baabwe babatwala kumppaka.
|
||
|
\v 43 Naye omunywe tekiri kityo. Naye buli alyendyaanga okubba omukulu munywe alabbaanga muwereza wanywe.
|
||
|
\v 44 Nabuli ayendya okubba akwekeera omunywe alibbaanga mwiru waboona.
|
||
|
\v 45 Kubanga mazuma omwana wamuntu tiyaizire kewereza, wabula okuwereza, n'okuweeryaayo obwomi bwaamwei okununula abaingi.
|
||
|
\p
|
||
|
\v 46 Awoo nibaika eYeriko: niyazwiire omu Yeriko n'abegesebwa bwamwei, n'ekibiina kikooto, omwaana wa Timaayo, oBatiimaayo, omusabiirya omwigali wamaiso, yabbaire aikaire okuntando wamwanda.
|
||
|
\v 47 Awoo niyawuliire nga o Yesu omunazaaleesi ng'oyo, natandika okubazira aiguru n'okukoba nti omwaana wa Dawudi onganyire.
|
||
|
\v 48 Baingi nibamubwoigoora okusirika: naye niyeyongera muno okubazira aiguru nti omwaana waDawudi onsasire:
|
||
|
\p
|
||
|
\v 49 Awoo oYesu nayeemeera nakoba nti mumweete. Nibeeta omwigali wamaiso nibamukoba nti guma omwoyo; imuka akweeta.
|
||
|
\v 50 Yeena nanaga olugoye lwamwei, naimuka naiza eddi o Yesu.
|
||
|
\p
|
||
|
\v 51 O Yesu namwiraamu nakoba nti okwendya nkukoreeki? omwigali wamaiso namukoba nti Labooni nkendya onyigule amaiso.
|
||
|
\p
|
||
|
\v 52 Awoo oYesu namukoba nti yaba; okwikiriza kwaamu kukuttambire. Amangu ago naiguka amaiso, namusengeerya omwanda.
|
||
|
\c 11
|
||
|
\cl Essula 11
|
||
|
\p
|
||
|
\v 1 Awoo nibaali nga balaampi okwikka eYerusaalemi nga baikire eBesufaage ne Bessaniya, okulusozi lwa Zeyituuni natuma abegesebwa bwaamwei babiri.
|
||
|
\v 2 Nabakoba mwaabe omumbuuga ebali omumaiso amangu ago nimwaingira omwo mukwaaba okubona omwana wa ndogoyi abbwebweibwe ataikarwaangaku muntu nakadyooli; mumusindabule mumuleete.
|
||
|
\v 3 Omuntu nabakoba nti mukukolaki ekyo? mukobe nti omukama waiswe akumwendya; amangu ago akwiza kumuweereza eni.
|
||
|
\p
|
||
|
\v 4 Nibaaba nibasaanga omwaana wa ndogoyi nga ayemereire okumulyango enzai okunzira; nibamusindabula.
|
||
|
\v 5 Abamwei okubaali beemeereire awo nibabuulya nti mukukolaki okusindabula omwana wa ndogoyi.
|
||
|
\v 6 Nibabakoba nka oYesu niyabakobere nibabaleka
|
||
|
\p
|
||
|
\v 7 Nibaleeta omwana wa ndogoyi ewa Yesu, nibagunagaku engoye zaabwe; naikalaku.
|
||
|
\v 8 Baingi nibaala ngole zaabwe okunziira; abandi nibaaliira ebikoola byamisaale bibatemere omundimiro.
|
||
|
\v 9 Abaali bekeereire n'abazwangaku emabega nibabazira aiguru nti Ozaana; oweewebeibwe omukisa aiza omwibara lya mukama.
|
||
|
\v 10 muwebweibwe omukisa obukama obukwiiza obwazeiza waiswe o Dawudi: Ozaana aiguru munno.
|
||
|
\p
|
||
|
\v 11 Naika eYerusaalemi naingira omuYekaalu; nayamaare okweruguurya amaiso okubona byoona, obwire bwali nga bukusweeka, nawuluka nayaba eBessaniya ne eikumi nababiri.
|
||
|
\p
|
||
|
\v 12 awoo nibwakeire okumambyamambya nibaali bazwiire omu Bessaniya nalumwa enzala.
|
||
|
\v 13 Awoo niyalengeire omutiini nga guliku ebikoola nagwikaku abone oba ayiinza okufunaku ekintu; awo niyagwikireku, natabonaku kintu wabula ebikoola kubanga tinibyo byaali biro bya ttiini.
|
||
|
\v 14 Nairamu nagukoba nti okuzwa eleero okwikya emirembe n'emirembe omuntu talaanga kubibala ebyo. Abegesebwa baamwei nibawura.
|
||
|
\p
|
||
|
\v 15 Awo nibaika eYerusaalemi, naingira omu yeekaalo nasooka okuppeka abaali bakutuunda n'abakuguura omu yeekaali, nagalamya emeenza eza baingiisyaanga effeeza, n'entebe zaabo abatuundanga engiiwa.
|
||
|
\v 16 nataikiriza muntu kwakalya kitaabbu omu Yeekaalo.
|
||
|
\v 17 Nayegesya, nakoba nti tikyawanddiikibwe nti enyumba yaange yakweetebwanga nyumba yakusabiramu amaanga goona? naye nywe mujifwiire mpuku ya banyagi.
|
||
|
\v 18 Abakabona abakulu n'abawandiiki nibakiwulire, nibasala amagezi aga kumwitta: kubanga baamutinire kubba ebibiina byoona byawuninkirire olwa kwegesya kwaamwei.
|
||
|
\v 19 Awoo buli kasweeko yawulukaanga ekibuga.
|
||
|
\p
|
||
|
\v 20 Awoo nibwakeire emambya nga bakwakala nibabona omutiini nga gukukala okuzweera okukyitina.
|
||
|
\v 21 Opeteero niyaizuukire namukoba nti Labbi, bona, omutiini guwaceenere gukaare.
|
||
|
\p
|
||
|
\v 22 O Yesu nairamu namukoba nti mubbe n'okwikiriza omu Nyamwanga.
|
||
|
\v 23 Mazuma nkubakoba nti buli alikoba olusozi luni nti kuuliibwa, onagibwe omunyanja; nga takugulukyagulukya mumwoyo gwaamwei, naye nga akwikiriza kyakubazza kikolebwe, yaalikiweebwa.
|
||
|
\v 24 Nikyo nzwa mbakoba ebigambo ebyo byoona byoona bye mukusaba n'okwegayiira, mwikirize nga mubibweirwe.
|
||
|
\v 25 Awoo niyeemeranga nga mukusaba, musonyiweenga, nimwabbaanga nekigambo okumuntu; n'oitowaanywe ali omwiguru abasasire ebibbi byanywe.
|
||
|
\v 26 Naye nywe nimutasonyiwenge, n'oitewaanywe ali omwiguru tiyasasirenge bibbi byaanywe.
|
||
|
\p
|
||
|
\v 27 Nibaika eYerusaalemi; awo niyaali nga akutambula omu Yeekaalo nibaiza jaali abakabona abakulu n'abawandiiki n'abakaire.
|
||
|
\v 28 Nebamukoba nti buyinza ki obukukolesya bini? oba nani ayakuwaire obuyinza buni okukola bini?
|
||
|
\p
|
||
|
\v 29 Awo oYesu nakoba nti Nanje kambabulye ekigambo kimwei, munyiremu, nanje nabakobera nywe obuyinza bwaamwei obukukolesya bini.
|
||
|
\v 30 Okubatiza kwa Yokaana kwizwiire mwiguru, oba mu baantu? munyiremu.
|
||
|
\p
|
||
|
\v 31 Nibeebulyangana bonkai na bonkai nti nitukoba nti kwazwiire mwiguru; yakoba nti kale kiki ekyabagaine okumwikiriza?
|
||
|
\v 32 naye nitwakoba nti kwazwiire mubaantu, batyai abantu; kubanga boona balowooza mazuma okubba omulaangi.
|
||
|
\v 33 Nibairamu o Yesu nti tetumaite. o Yesu nabakoba era njeena tinabakobere obuyinza bwaamwei obukunkolesya bini.
|
||
|
\c 12
|
||
|
\cl Essula 12
|
||
|
\p
|
||
|
\v 1 Natandika okubaza nabo omungeero. Omuntu yasimbire olusuku lwa muzabbibu, nalukubbirya olukorogo, nasakamu ekinyunkiro, nayombokamu olukorogo, naluppangisya abaluumi natambula omwiyaanga erindi.
|
||
|
\v 2 Omubiro ebyo omwaaka nigwaikire nasindika omwiiru eddi abalumi bamuweerya ebibala bya mizabbibu gyaamwei.
|
||
|
\v 3 Nibamukwata, nibamukubba, nairayo ngalo zeere.
|
||
|
\v 4 Ati nabatumira omwiru owondi, oyo nibamwatya olubbale, nibamuswaaza.
|
||
|
\v 5 Natuma owondi, oyo nibamwiitta: nabandi baingi, abamwei nga bakubakubba, abandi nga bakubaitta.
|
||
|
\v 6 Yaali nga alina omwei, omwaana gweyayendyaanga, oluvanyuma nasindika jebali, nga akukoba nti bateekengemu ekitinisya omwaana waamwei.
|
||
|
\v 7 Naye abalumi baddi nibakobangana bonkai na bonkai nti oyo niye omusika, ati tumwiite, n'obusika bwaalibba bwaiswe.
|
||
|
\v 8 Nibamukwaata, nibamwiita, nibamukasuka enzai walusuku lwa mizabbibu.
|
||
|
\v 9 Kale alibakola atyai omukama walusuku lwa mizabbibu? aliiza azikirize abalumi n'olusuku lwa mizabbibu aliluwa abandi.
|
||
|
\v 10 Temusomaanga nakadooli ekyo nikwawandiikibwe nti eibbaale abomboki libaagaine eryo ryafuulibwe omutwe gwa nsonda:
|
||
|
\v 11 ekyo kyazwiire eddi omukama, era kya kitalo muno omumaiso gaiswe.
|
||
|
\p
|
||
|
\v 12 Nibeewa amagezi okumukwaata, nibatiina ebibiina olwakubba balengeire ekyagereibwe okubbo olugeero olwo. Nibamuleka nibaaba.
|
||
|
\p
|
||
|
\v 13 Nibatuma jaali Abafalisaayo n'Abakerodiyaani okumutega omubigambo,
|
||
|
\v 14 awoo nibaizire, nibamukoba nti omwegesya, tukumanya we oli wamananu, ati ebigambo bya muntu yeena tobitekaku mwoyo: kubanga tosoloryaamu bantu, naye oyegesya enzira ya mukama omumananu: ate kisai okuweeranga o Kayisaali omusolo, oba tinikyo?
|
||
|
\p
|
||
|
\v 15 Tuweengeyo oba tutawaangayo? Naye niyategeire obukiweiweita bwaabwe, nabakoba nti mukunkemera ki? Mundetere eddinali njibone.
|
||
|
\v 16 Nibajira. Nabakoba nti ekifaanyi kiki nebiwaandiike bini bya nani? nibamukoba nti bya Kayisaali.
|
||
|
\p
|
||
|
\v 17 o Yesu nakoba nti ebya Kayisaali mubiweenge o Kayisaali ne bya Nyamwanga mubiweenge oNyamwanga.
|
||
|
\p
|
||
|
\v 18 Awo Abasadukayo, nabakoba nti ndoowo, nibaiza gyaali nibamubuulya nebamukoba nti,
|
||
|
\v 19 Omwegesya o Musa yatuwaandiikire nti omuganda wa muntu niyafwaanga, naleka omukali waamwei, nga talekere mwaana, omuganda waamwei atwaleenge omukali waamwei naireryawo omuganda waamwei eibyaire.
|
||
|
\v 20 Ati waluwo abaluganda musanju; akusooka nasweera omukali, naffwa, natalekawo ibyaire;
|
||
|
\v 21 owakabiri namusweera nafa, era yeena tiyalekerewo ibyaire, n'owakasatu atyo;
|
||
|
\v 22 boona omusanju nibatalekawo ibyaire. Olvanyuma boona nga baweirewo, omukali yeena nafa.
|
||
|
\v 23 Ate nibaliyimbooka alibba muka nani? okw'abo? kubanga
|
||
|
\p
|
||
|
\v 24 o Yesu nabakoba nti nikyo muzwa mwinduka olwabutamanya byawandiikiibwe nebwewakubbaire amaani ga Nyamwanga?
|
||
|
\v 25 Olwakubba nibaliyimbooka omubafu tebaaliwasa, ate tibaliwaangiirya naye bailbba nk'abamalaika ba mwiguru.
|
||
|
\v 26 Naye ebya bafu okuyimbookebwa; temusomangaku kukitabu kya Musa okwiisaka, oNyamwanga niyamukobere nti nje ndi Nyamwanga wa Ibulayimu, ate oNyamwanga wa Isaaka, ate o Nyamwanga ya Yakobbo?
|
||
|
\v 27 Ti Nyamwanga wa bafu, naye wa boomi: mukyaama muno.
|
||
|
\p
|
||
|
\v 28 Awo omwei okubawandiiki, naiza nawuliire nga bakwebulyangana bonkai na bonkai, namanya nga abairemu kusai, namubulya nti ye tteeka ki aryasokere okwago goona?
|
||
|
\p
|
||
|
\v 29 OYesu nairamu eryakereire niryo lini nti wuura Isiraeri; omukama oNyamwanga waiswe, omukama niye omwei;
|
||
|
\v 30 era yendyaanga omukama oNyamwanga waamu, n'omutima gwaamu gwoona, n'obulamu bwaamu bwoona, n'amagezi gaamu goona, n'amaani gaamu goona.
|
||
|
\v 31 eryakabiri niryo rini nti Yendyaanga omuliranwa waamu nkaniweyeendya wenkai, Ndoowo iteeka amazuma erisiinga ago obukulu.
|
||
|
\p
|
||
|
\v 32 Omuwandiiki namukoba nti mazuma, omwegesya obazire kusai nk'omukama omwei era ndoowo wondi wabula ye.
|
||
|
\v 33 Nokumwendya n'omutima gwoona, n'okutegeera kwoona, n'amaani goona, N'okwendya omuliranwa waamu nka niweyendya wenkai okusiinga muno ebiweebwayo byoona ebiramba ebyokyebwa nesadaaka.
|
||
|
\p
|
||
|
\v 34 Awo niyabweine nga amwireemu nk'omutegeeri, namukoba nti toli alai n'obukama bwa Nyamwanga. Awo niwatabba muntu ayagereku okumubuulya tte,
|
||
|
\p
|
||
|
\v 35 Yesu nairamu namukoba nga akwegesya omu Yeekaalo nti abawandiiki ekikubakobesya nti o Kristo omwaana wa Dawudi?
|
||
|
\v 36 o Dawudi omwenyini yakobere omu mwoyo akweera nti omukama yakobere mukama wange nti aikara okumukono gwange ogulyo okwikya ninaalifuula abazuggu baamu entebe y'amagulu gaamu.
|
||
|
\v 37 O Dawudi yenkai amweta mukama waamwei, abba'atyai omwaana waamwei? Abamikibiina nibamuwuura n'okusemeerwa.
|
||
|
\p
|
||
|
\v 38 Awo omukwegesya kwamwei nakoba nti mweekuume Abawandiiki abakwendya okutambula nga bazwaire ebizwaalo ebinyamulai, n'okulamucibwa omubutale,
|
||
|
\v 39 nobwikaaro bwa mumaiso omwikumbaaniro nomubifo ebyakitiinisya omumbaga;
|
||
|
\v 40 abalya ennyubba zabanamwandu, era abasaba omuno omu bukyiweiweta; abo baliirya omusango ogukusinga obukooto.
|
||
|
\p
|
||
|
\v 41 Naikaara nga akwaba omibikiro, nabona ebibiina nebikunagamu effeeza omwibiikiro; baingi abaali abaguuda abanagiremu ebiingi.
|
||
|
\v 42 Awo onamwandu omwei omuseegi naiza, nanagamu ebitundu bibiri, nikyo kodulante.
|
||
|
\v 43 Nayeta abegesebwa baamwei, nabakoba nti mazuma nkubakoba nti onamwandu oni omuseegi anagiremu biingi okusiinga abanagire omwibiikiro.
|
||
|
\v 44 Kubanga boona banagiremu kunsaagi; naye oyo omukwendya kwaamwei anagiremu byoona byalinawo; nibwo bwoomi bwaamwei bwoona.
|
||
|
\c 13
|
||
|
\cl Essula 13
|
||
|
\p
|
||
|
\v 1 Awo niyawulukire omu Yeekaalo, omwei oku begesebwa baamwei namukoba nti omwegesya, bona, amabbaale gani nigali n'enyomboka enni neri
|
||
|
\v 2 O Yesu namukoba nti okubona ennyomboka enni ejikooto? tewaalisigala ani ibbaale eriri okwibbaale eritalinagibwa ansi.
|
||
|
\p
|
||
|
\v 3 Niyali nga aikire okulusozi olwa Zeyituuni nga ayabire omu Yeekaalo, o Peteero no Yakobbo, no Yokaana, no Andereya nibamubuulya omukyaama nti;
|
||
|
\v 4 Tukobere, ebyo byalibbaawo di? nakamanyisyo akeebyo nga bikwakwikiira byoona.
|
||
|
\p
|
||
|
\v 5 o Yesu nasooka nabakoba nti, omuntu yeena tabakyamyaanga.
|
||
|
\v 6 baingi abaalizira omwibara lyange nga bakubaza nti, Ninje oyo era baalikyamya baingi.
|
||
|
\v 7 Awo nimwaliwura entalo n'okwatikiira kwantalo, temutunturaanga: kibisaaniire okubbaawo; naye enkomeero nga ekyaali.
|
||
|
\v 8 Kubanga eiyaanga ryalilumumba eiyaanga eriralyalyo, n'obukama obukama obwira bwabwo: walibbaawo ebiteengeeto omubifo bingi; walibbaawo enzala; okwo nikwo kwekeera kwakulumwa
|
||
|
\p
|
||
|
\v 9 Naye mwekuume nywenkai: kubanga baalibawaayo omu nkiiko: mulikubbirwa n'omumakumbaaniro; era mulyemeera omumaiso g'abamasaza n'abakama kulwange, okubba abajuurwa omu bo.
|
||
|
\v 10 Engiri kyigigwaanire okumala okubuulirwa amaanga goona.
|
||
|
\v 11 Era nibaalibatwala okubawaayo, temusokaanga kweralikiira nimwabaza: naye kyoona kyoona kyeliweebwa omukiseera ekyo, nikyo mubazenge, kubanga tiniinywe mwabazire, naye omwoyo akweera.
|
||
|
\v 12 Owaluganda yaliwaayo omugande okwittibwa, n'oite wamwaana yaalimuwaayo; abaana baalijemeraanga abakubabyaala, balibaitisya.
|
||
|
\v 13 Mwaalinobebwa boona olwa ibara lyange: Naye aligumiinkiirya okwikya okunkomeero oyo ye niye alirokoka.
|
||
|
\p
|
||
|
\v 14 Naye nimwaalibona ekyamuziro ekyikulikiirya omulaangi Danyeri kyiyabazireku kyemereire jekitakusaana (akusome ategeere) kale abali omu Buyudaaya bairukire okunsozi.
|
||
|
\v 15 Ali aiguru okunyubba taninukaanga, ate taingiraanga okuyamu ekintu omunyubba yaamwei.
|
||
|
\v 16 ali omulusuku tairaanga kutwala kizwalo kyamwei.
|
||
|
\v 17 Naye zaalibasaanga abalibban'endda; n'abakwonkya omubiro ebyo.
|
||
|
\v 18 Musabe bitalikka omubiro bya kyuwuungo.
|
||
|
\v 19 Kubanga ebiro ebyo byalibba byakubonoboneramu kibaraazi, nga tebibbaangayo nka bini kuzwa oNyamwanga atoonda ebyatondeibwe okwikya ati, ate tebyalibbaayo te.
|
||
|
\v 20 Nolwekyo, singa oNyamwanga tiyasaareku biro ebyo, tewakuwonere mubiri gwoona: naye okulwa ba bakomye beyakomerye yabisaareku ebiro ebyo.
|
||
|
\v 21 Omu biro omuntu nabakobaanga nti bona, Kristo ali mppani; oba ali ngeyo; temwikirizaanga
|
||
|
\v 22 Kubanga abaKristo babubeyegi n'abalaangi babubeyegi baalimuka, baalikola obumanyisyo n'ebyewuunyo, okubulya, oba nga kikusoboka, abakomye.
|
||
|
\v 23 Naye mweriinde nywe: bona, mbalabwiire byoona nga bikyaali kubbaawo.
|
||
|
\p
|
||
|
\v 24 Naye omubiro ebyo, okubona ennaaku nga kuweire, eisana lwaali likirwa n'okwezi tekwaryaka.
|
||
|
\q1
|
||
|
\v 25 n'obunyenyezi bwalibba nga bukuggwa okuzwwa omwiguru, namaani agamwiguru galitengeeta.
|
||
|
\v 26 Ale nibamala nibabona omwana wamuntu nga akuzwa omwiguru, n'amaani againgi n'ekitiniisya.
|
||
|
\v 27 Awo namala natuma; abamalaika baamwei, yaalikumbania abakomye baamwei omumppuungo einai okuzwa okunkango yansi okwiikya okukango yaigguru
|
||
|
\p
|
||
|
\v 28 Era mwegere okumutiini olugeero lwaggwo: eittaagi lyagwo niryaali geiza n'ebikoola nibaalitotoigerya mutegera nti omwaka gulappi.
|
||
|
\v 29 Era naywe nimwo mutwo, nimwalibona nga ebyo biikire; mwetejaanga nga ali amppi, kulwiige.
|
||
|
\v 30 mazuma nkubakoba nti meirembe jini tejaaliwaawo nakadooli okyikya ebyo byoona byoona nibyaalikiira.
|
||
|
\v 31 Eiguru n'ensi baaliwaawo, naye ekigambo kyange tekyaliwaawo nakadooli.
|
||
|
\v 32 Naye ebyalunaku olwo oba ekiseera ekyo ndoowo amaite, newankubbaire abamalaika abali omwiguru, yadde omwaana, wabula oitewange
|
||
|
\v 33 Mwekuumenge, mubonienge musabenge: kubba tetumaite biro webyalikiira.
|
||
|
\v 34 Nk'omuntu ayalekere enyubba yaamwei natambula omwiyaanga erindi yadde nga abairu baamwei obuyinza, buli muntu omululmu gwamwei nalagira omukuumi okubonia.
|
||
|
\v 35 Kale mubonie: kubba temumaite omukama wa nyubba waalizira, oba kasweeko, oba mwittuumbi, oba nga enkoko zikukooka, oba nga bukeire;
|
||
|
\v 36 alampi okwiza amangu ago n'abasanga nga mubasiirye.
|
||
|
\v 37 Era kyenkubakoba nywe mbakoba boona nti Mubonie.
|
||
|
\c 14
|
||
|
\cl Essula 14
|
||
|
\p
|
||
|
\v 1 Awoo niwali nga wakubulaku ebiro bbibiri, omukolo ogwokwakalaku nemigaati egitazimbulukukibwa ereke eikke; abakabona abakulu n'abawandiiki nibasala amagezi nkanibamukwaatamu omulukwe n'okumwitta.
|
||
|
\v 2 Kubanga bakobere nti tikulunaku lwa mbaga, leke watabbaawo kweikyaaka omubantu.
|
||
|
\p
|
||
|
\v 3 Awo niyaali omu Bessaniya omuntumba ya Simooni omugenge, nga aikire okummere, omukali eyaali ne kyuppa yamafutta aga musutai agabeei naiza, nayatya ekyuppa, amafutta nagasuka okumutwe gwaamwei.
|
||
|
\v 4 Naye waliwo omwaabo abagongeire nga bakukoba nti amafutta gaffiire gatyai otyo?
|
||
|
\v 5 Kubba amafutta gani bakusobwoire okugatuunda emppiiya ebikumi bisatu nokusingawo nokugabira abooro. Nibemulugunya.
|
||
|
\p
|
||
|
\v 6 Naye oYesu nabakoba nti mumuzweku, mukumunakuwaliza ki? ankoleire ekikolwa ekisai.
|
||
|
\v 7 Kubba abaseegi mulinabo buliizo; buli nimyeendya musobila okubakola okusai: naye nje temuli naanje buliizo.
|
||
|
\v 8 Akoore nkabwakusobola; asokere okusuka amafutta okumubiri gwange nga mukyaali kunziika.
|
||
|
\v 9 Mazima nkubakoba nti engiri buli jiyabuulirwanga omunsi toona, neekyo omukali oni kyakoore kiribazibwangaku okumwizukira.
|
||
|
\p
|
||
|
\v 10 Awo o YudaIsukaliyoti, eyaali omwei oku ikumi nababiri, nayaba eddi abakabona abakulu; okumuwaayo gyebali.
|
||
|
\v 11 Awo nibawuuliire, tibasanyukire, nibamusuubiza okumuwa effeeza. Nasala amagezi nka niyabona ekiseera kya kumuwaayo.
|
||
|
\p
|
||
|
\v 12 Awo okulunaku olwekereereire olwa migaata egitazimbisibwa, lwebetere Okwakalaku, abasengeeri bwamwei nibamukoba nti okwendya twabe ayii okutegeka jeewaalira okwakalaku?
|
||
|
\p
|
||
|
\v 13 Natuma abo okubaseengeeri baamwei babiri, nabakoba nti mwabe omukibugga, mwatangatangarana omusaiza nga yeetikire ensuwa y'amaize: mumuseengeerye.
|
||
|
\v 14 Yoona yoona jiyaingira mukobe omukama wanyubba nti omwegesya akobere nti enyubba eriruddaki mwenaliira Okwakalaku n'ebegesebwa baange?
|
||
|
\v 15 Akwiza okubalaanga ye omwenyini enyubba egikooto eyaiguru eyaliriirwe etegekeibwe: mututegekere omwo.
|
||
|
\v 16 Awo abegesebwa nibaaba nibaiza omukibuga, nebabona nka niyabakobere: nebategeka Okwakalaku.
|
||
|
\v 17 Awo nibwaswekere naiza ne ikumi nababiri.
|
||
|
\p
|
||
|
\v 18 Awo nibaali nga baikaire okummere, o Yesu nakoba nti mazuma nkubakoba nti omwei okunywe abakulya naanje yandyaamu olukwe;
|
||
|
\p
|
||
|
\v 19 nibaboneka okunakuwala n'okumukoba kyinoomwei ntiniinje?
|
||
|
\p
|
||
|
\v 20 Nabakoba nti omwei eikumi nababiri akukozya naanje omulucuba niyoyo.
|
||
|
\v 21 kubba omwana wamuntu akwaba nka nikyamuwandiikiibweku: naye zaalimusanga omuntu oyo alyamu olukwe omwaana wamuntu! kyakubbaire kisai eddi oyo singa tiyabyaaliibwe omuntu oyo.
|
||
|
\p
|
||
|
\v 22 Awo nibaali nga bakulya, nafuna omugaati, awo niyamaare okwebalya nagumenyamu, nabawa, nakoba nti Mukwaate; guno nigwo mubiri gwange.
|
||
|
\v 23 Nakwaata ekikoompe, awoo niyamaare okwebalya nabawa; nibakinywaaku boona.
|
||
|
\v 24 Nabakoba nti guni nigwo omusaayi gwange ogwa ndagaano, ogukuseenseka okulwa baingi.
|
||
|
\v 25 Mazima nkubakoba nti tinaalinywa te kubibala bya mizabbibi, okwikya okulunaku luddi lwendigunywa oguyaaka omubukama bwa Nyamwanga.
|
||
|
\v 26 Awo nibamaare okwemba olwembo, nibawuluka inbaaba okulusozi lwa Zeyituuni.
|
||
|
\p
|
||
|
\v 27 Awo o Yesu nabakoba nti mukwakwesiittala nyweena: kubanga kyawandiikibwe nti Nalikubba omuliisya, n/entaama zaalisaasaana.
|
||
|
\v 28 Naye ninalimala omuwumbuukibwa, nalibebeembera okwaaba omu Ggaliraaya.
|
||
|
\p
|
||
|
\v 29 Naye oPetero namukoba nti nebwekyabba nti boona bakwaba kwesittala, naye tininje.
|
||
|
\p
|
||
|
\v 30 O Yesu namukoba nti Mazuma nkukoba nti we eleero, obwiire buni, onkoko yaabba nakyaalikukooka emirundi ebiri, okwa kuneegaana emirubi esatu.
|
||
|
\p
|
||
|
\v 31 Naye nayongera okubazza nti nebwekyabba nga kyikusaana okufweera amwei naawe, tinakweegaane nakadooli. Era boona nibakoba batyo.
|
||
|
\p
|
||
|
\v 32 Awo nibaiza omukifo eibara lyaakyo Gesusemane: nakoba abegesebwa baamwei nti mwikaare anni mmale okusaba.
|
||
|
\v 33 Natwaala o Peetero, no Yakobbo, no Yokaana naye, natandika okwewunaikya n'okutuntura omuno.
|
||
|
\v 34 Nakoba nti omwoyo gwange guluku enaku jiingi, ekwakunyitta; mube ani mubonie.
|
||
|
\v 35 Natambulaku kadooli nafukamira nasaba, oba nga kikusoboka ekiseera kimwakaleku.
|
||
|
\v 36 nakoba nti Aba, taata, byoona bikusoboka gyooli; nyiyaku ekikoompe kini; naye tinkaanje nekwendya naye we nka nokwendya.
|
||
|
\v 37 Awo naiza, nabasanga nga babbasirye, nakoba o Peetero, nti Simooni obbasirye? nabbaire namaani gakubonia na saawa emwei etii?
|
||
|
\v 38 Mubonie, musaba, muleke okwingira mukukemebwa: omwoyo gwo gukweendya naye omubiri gwo gunaki.
|
||
|
\v 39 Nairayo te, nasaba, nabaza ebigambo bimwei nabiddi.
|
||
|
\v 40 Nairate, nabasanga nga babbasirye, kubanga amaiso gaabwe gaali gakulemeera muno: tibamaite nka nibamwiiramu.
|
||
|
\v 41 Naiza omulundi ogwakasatu, nabakoba nti mubbasirye kimwei ati muwumule: kyamala; ekiseerakyikire; bona, omwaana wa muntu akuwebwaayo omumikono gy'abalina ebibbi.
|
||
|
\v 42 Mwimuke, twabe, bona, akundyamu olukwe alampi okwiika.
|
||
|
\p
|
||
|
\v 43 Awo amangu ago, niyaali nga akyabazza, o Yuda, omwei okwikumi nababiri, naiza n'ekibiina amwei naye abaalina ebuso amwei n'emiigo, nga bakuzwa eddi abakabona abakulu, nabawandiiki n'abakaire.
|
||
|
\v 44 Era oyo ayamuliiremu olukwe yaali nabawaire akamanyisyo nti Gwenanywegera, nga niye oyo; mumukwaate, mumutwale nga mumugumirye.
|
||
|
\v 45 Awo niyaikire, amangu ago naiza jaali nakoba nti Labi; namunywegera muno.
|
||
|
\v 46 Nebamutekaku emikono gyaabwe, nibamukwaata.
|
||
|
\v 47 Naye omwei ku abo abaali bemeereire awo nayayo ekiso, natema omwiru wakabona okusiinga obukulu namusalaku okutwi.
|
||
|
\p
|
||
|
\v 48 Awo o Yesu nairamu nabakoba nti munyiziire nka nimwiziira omwibbi; n'ebisso, n'emiigo okunkwaata?
|
||
|
\v 49 Buliizo naabbaanga nanywe omu Yeekaalo nga nkwegesya, kamuttakwaite: naye kyini kikoleibwe ebyawaandiikibwe biikiire.
|
||
|
\p
|
||
|
\v 50 Awo boona nibamuzwaku nibairuka.
|
||
|
\v 51 Awo omwojo omutto namuseengeerya, ayaali yeswekereirye olugoye olwa Kitaani lwonkai okumubiri: nibamukwaata;
|
||
|
\v 52 naye nabalekera olugoye lwa Kitiini, nairuka bwerere.
|
||
|
\p
|
||
|
\v 53 Awo nibatwala o Yesu eddi okabona akusiinga obukulu: naibamukuumbaniraku abakabona abakulu boona n'abakaire n'abawandiiki.
|
||
|
\v 54 Awo o Pteteero namusengeererya alai, okwika omuluboga lwa kabona akusiinga obukulu; yaali naikaliire na beereza nga akwotta omuuro.
|
||
|
\v 55 Awo abakabona abakulu n'abamulukiiko boona nibatolererya oYesu abajuurwa abakumwitisya naye nibatabona;
|
||
|
\v 56 kubanga abamuwamgiriirye ebyabubeyegi baingi, ate n'okuwangiirya kwaabwe tikwaali kumwei.
|
||
|
\v 57 Awo abamwei nibaika nibamuwanggirya, nga bakukoba nti;
|
||
|
\v 58 swe twamuwuliire nga akukoba nti nje nalimenya e Yeekaalo eni eyakoleibwe nemikono, n'omunaku isatu nalyomboka egiindi etaalikolebwa namikono.
|
||
|
\v 59 ate n'okuwangiirya kwabwe okwo tikwwaali kumwei.
|
||
|
\p
|
||
|
\v 60 Awo okabona akusinga obukulu ayemeera akati, nabuulya o Yesu, nga akukoba nti We tokwanukula nakadooli? kiki kyebakulumiirya bani?
|
||
|
\v 61 Naye nasirikambe, natairamu nakadooli. Era okabona akusiinga obukulu namukoba nti We Kristo, omwaana woyo aya weirwe omukisa?
|
||
|
\p
|
||
|
\v 62 o Yesu namukoba Ninji oni; namwe mulibona omwana wa muntu nga aikaire okumukono ogwa ddyo ogwamaani nga akwiiza n'ebiiguru byaiguru.
|
||
|
\p
|
||
|
\v 63 Awookabona akusiinga obukulu nayonola ebizwaalo byamwei, nakoba nti tukwenderyaki abajuurwa?
|
||
|
\v 64 Muwuliire obuvvoozi bwamwei: mukulowooza mutyai? boona nibamusaara omusango nga asaine kuffa.
|
||
|
\p
|
||
|
\v 65 Awo abamwei nibatandika omucweera ebicwantai, n'okumusweeka omumaiso, nokumukubba ebikoonde, n'okumukoba lagula: abeereza nibamutwa nga bakumukubba emppi.
|
||
|
\p
|
||
|
\v 66 Awo o Peteero niyaali ansi omulubuga, omwei okubakali bakabona okusiinga obukulu naiza;
|
||
|
\v 67 Awo niyabweine o Peteero nga akwoota omuuro, namuloleera, nakoba nti Naawe waali n'omunazaalesi, o Yesu.
|
||
|
\p
|
||
|
\v 68 Naye ye niyeegaana nga akukoba nti timaite, ate tenkumanya kyokubazaku: nayaba enzai omu kusasi; onkoko nakooka.
|
||
|
\p
|
||
|
\v 69 Awo omukali namubona, natandika te okubakoba abaali nibeemeereire awo nti oni yeena waabwe.
|
||
|
\p
|
||
|
\v 70 Naye niyeegaana era. Awo niwayakairewo ekiseera kidooli, abaali nibeemereire awo nibakoba o Peteero era nti Mazuma oli waawabwe kubanga oli muGgaliraaya.
|
||
|
\p
|
||
|
\v 71 Naye natandika okuceena n'okulayira nti Temumaite omuntu oni gwe mukubazaku.
|
||
|
\p
|
||
|
\v 72 Amanga ago onkoko nakooka omulundi ogwa kabiri. Awo o Peteero naizukira ekigambo o Yesu kyeyamukobere nti Onkokoyaabba nga akyali kukooka emirundi ebiri, okwakunegaana emirundi esatu. Kale niyalowoize nakuunga amaliga.
|
||
|
\c 15
|
||
|
\cl Essula 15
|
||
|
\p
|
||
|
\v 1 Awo amangu ago nibwaikire emambya abakabona abakulu n'abakaire n'abawandiiki bamulukiiko boona nibateesa, nibabbwa o Yesu, nibamutwa, nibamuwaayo eddi o Piraato.
|
||
|
\v 2 Awo o Piraato namubulya nti niiwe omukama w'Abayuddaaya? nairamu namukoba nti Niiwe obazire.
|
||
|
\v 3 Awo abakabona nibamulooppa ebinyamwingi.
|
||
|
\v 4 Awo oPiraato namubuulya, era nga akukoba nti tokwiramu nakadooli? bona ebigambo biingi byebakuloppere.
|
||
|
\v 5 Naye oYesu natairamu kigambo; o Piraato niyeewuunya nokwewuunya.
|
||
|
\p
|
||
|
\v 6 Awo okubugenyi yabaataisiryanga obbwe omwei gwebabbanga basabire,
|
||
|
\v 7 awo waaliiwo omwei ayeteebwaanga o Balaba, ayabbwebweibwe naabo abajeemu abaittire abantu omukujeema okwo.
|
||
|
\v 8 Awo ekibiinja nekiiza nekitandika okukoba o Piraato nka niyabakooranga.
|
||
|
\v 9 Awo o Piraato nabairamu nga akukoba nti Mukwendya mbataisirye omukama wa Bayuddaaya?
|
||
|
\v 10 Olwakubba yategeire abakabona abakulu abamwiirye obuyaaka.
|
||
|
\v 11 Naye abakabona abakulu nibeeyayiira ekibiinja nti o Balaba niye gwebabbababataisirya.
|
||
|
\v 12 Awo o Piraato nairamu nabakoba, nti alle namukola ntyai gwemweeta omukama wa Bayuddaaya?
|
||
|
\p
|
||
|
\v 13 Awo nibabazira aiguru nti “mumukomeere!”
|
||
|
\p
|
||
|
\v 14 Awo o Piraato nakoba nti kibbi ki kyakoore? naye nibeeyoongerera kaakyimwei okubazira aiguru nti mumukomeere.
|
||
|
\v 15 Awo o Piraato niyaali akwendya okusemeerya ekibiina, nabataisirya o Balaba, nawaayo o Yesu okumukomeere nga bamaare okumukubba.
|
||
|
\p
|
||
|
\v 16 Awo abasirikale nibamutwala omunda omulubuga olwatwa Pulayitoliyo; nibeeta ekitongole kyoona okukumbaana.
|
||
|
\v 17 Nibamuzwalikisya ekizwalo kya ffulungu. Nibakamba engule yamawa nibagimutuuka.
|
||
|
\v 18 nibatandika okumulamukya nti mirembe omukama wa Bayuddaaya
|
||
|
\v 19 Nibamukubba olubiingo omumutwe, nibamucweera ebicwantai. Nibafukamire nibamuramya.
|
||
|
\v 20 Awo nibamaare okumuduura nibamwambula olugoye olwa Ffulungu, nibamuzwalikisya ebizwalo byamwei, nibamutwala nibamuwulukya omunkomyo.
|
||
|
\p
|
||
|
\v 21 Nibasindiikirya omuntu ayaali akwakala, Simooni owa Kuleene, nga akuzwa omukyaalo, oite wa Alegezanda no Luufo okwaaba nabo okweitiika omusalaba gwamwei.
|
||
|
\v 22 Nibamuleeta omukifo Gologosa, ekilutegeeza ekifo kya kyangala.
|
||
|
\v 23 Nibamuweerya omwenge ogutabwirweemu envuumbo, naye nagaana okugunywa.
|
||
|
\v 24 Awo nibamukomeera, nibeegabira ebizwalo byamwei nga bakubikubbira obuluulu buli muntu kyeyatwala.
|
||
|
\p
|
||
|
\v 25 Olwo esaawa nizaikire eisatu nibamukomeera.
|
||
|
\v 26 ebbalula yamusaango gwamwei newandiikibwa aiguru nti “Omukama wa Bayuddaaya”
|
||
|
\v 27 Era n'abaibbi babiri nibabakomeera amwei naye; omwei okumukono gwaamwei ogulyo nowondi okugumoso.
|
||
|
\v 28 Olwo ekyawandiikibwe nekiikiira ekikoba nti nabaliirye amwei nabaasiisire.
|
||
|
\v 29 Awo abayakalanga nibamizuma nga bakuteengetya emitwe jaabwe, nibakoba nti, niiwe okumenya e Yeekaalu nogyombokera ennaku issatu.
|
||
|
\v 30 Werokole, ozwe okumusaalaba.
|
||
|
\p
|
||
|
\v 31 Era abakabona abakulu n'ebamuduura batyo n'abawandiiki bonkai na bonkai nibakoba nti yalokoire bandi; tayiinza kwerokola yeenkai.
|
||
|
\v 32 O Kristo omukama wa Isiraeri azwe ati okumussalaba leke tubone twikirize. N'abaali bakomeereirwe naye nibamuzuma
|
||
|
\p
|
||
|
\v 33 Awo esaawa zaali mukaaga niwabba ekiiruma okunsi yoona okwikya esaawa mwenda.
|
||
|
\v 34 Awo omusaawa eya mweendai o Yeso nakuunga neirakka erikooto nti Eroi, Eroi, Lama sabakusaani? ekyikutegeeza nti Nyamwanga wange, Nyamwanga wange, kiki ekikundeserye?
|
||
|
\p
|
||
|
\v 35 Awo abamwei okwaabo abaali bemeereire awo nibakoba nti akweeta Eriya.
|
||
|
\p
|
||
|
\v 36 Awo omwei nairuka nainika ekisuumwa omu vviinyo egikaatuki, nakitta okulubiingo namuweerya okunywa nga akukoba nti Leka tubone oba Eriya yaiza okumwanula.
|
||
|
\v 37 Awo o Yesu nakuunga neiraka erikooto naweeryaayo obwomi.
|
||
|
\v 38 Awo olutiimbe olwa mu Yeekaalu nilwonokamu akati okuzwa aiguru okwika ansi.
|
||
|
\p
|
||
|
\v 39 Awoo omwami wakitongole ayaali ayemeereire awo nga amuliraine niyabweine nga awaireyo obwomi atyo, nakoba nti amazima omuntu onni abbaire mwaana wa Nyamwanga.
|
||
|
\v 40 Era waaliwo alai ku abamukali nga bakulengera: omwaabo mwaliimu n'oMalyamu Magudaleene, no Malyamu omaama wa Yakobbo omutto mutto no Yose, no Saalome;
|
||
|
\v 41 Abo nibaali omu Ggaliraaya nibo bayaabanga naye nga bakumweereza, n'abakali abandi baingi abaninire naye eYerusaalemi.
|
||
|
\p
|
||
|
\v 42 Awo nibwaswekere, kubanga lwali lunaku lwa kuteekateeka, nilwo lunaku olwekeera e Sabbiiti,
|
||
|
\v 43 oYusufu owa Alimasaya, omukulu ateesa owa kitiinisya, era yasuubiranga ye omwenyini obukama bwa Nyamwanga; naguma naingira ewa Piraato nga takutiina, nasaba omutuumbi gwa Yesu.
|
||
|
\v 44 Awo o Piraato niyeewunya nafwiire amangu, nayeta omwami wa kitongole namubuulya oba ekiseera kyakaaireku nga fiire
|
||
|
\v 45 Awo niyakiwuliire okuzwa eddiomwami, naweerya o Yusufu omutuumbi.
|
||
|
\v 46 Nagula olugoye olwa kitaani, namuyayo, namuziinga omulugoye olwo olwa kitaani, namutta omumbi eyasakirye omwandaara, nairingitya eibbaale okumulyango gwa mbi.
|
||
|
\v 47 Malyamu Magudaleene no Malyamu omaama wa Yose nibabona weyateirwe.
|
||
|
\c 16
|
||
|
\cl Essula 16
|
||
|
\p
|
||
|
\v 1 Awo e sabbiiti niyaweireku, o Malyamu Magudaleene no Malyamu onyina wa Yakobbo, no Saalome nibagula obuwoowo, baize bamusiige.
|
||
|
\v 2 Awo nibwakeire emaambya okulunaku olukwereera omusaande, nga eisana lyakazwayo nibaiza okumbi.
|
||
|
\v 3 Awo baali nga bakwebuulya bonkai na bonkai, nti nani yatujuna okwiringitya eibbaale okuriiya okumulyango gwantaana?
|
||
|
\v 4 Awo nibalolereire nibabona ebbaale nga riyiibwewo kumabbali, kubba ryaali rikooto muno.
|
||
|
\p
|
||
|
\v 5 Awo nibaingiire omuntaana, nibabona omwojjo nga aikaire okuludda lwa mukono gwa ddyo, nga azwaire ekizwalo ekyiikiiri.
|
||
|
\v 6 Nabakoba nti muteewuunya muno; Mukutoolya Yesu, Omunazaaleesi, ayakomeereire: Awumbuukire; taluwo ani bbe: bona, ekiffo webamutaire.
|
||
|
\v 7 Naye mwabe, mukobere abegesebwa baamwei no Peteero nti abakulembeiramu okwaaba eGgaliraaya.
|
||
|
\v 8 Nibazwa omumbi nga bakwiruka mangu mangu; kubanga okukankana no okwewunaikya byaali nibibakaite: ate nibatakoberaku muntu kigambo kubanga batiinire.
|
||
|
\p
|
||
|
\v 9 Awo niyamaare okuyimbooka oku mambya mambya okuluniku olwekeera omu nnaku omusanju nasoka okubonekera oMalyamu Magudaleene gweyappekereku ezi dayimooni omusanju.
|
||
|
\v 10 Oyo nayaba nakobera abantu abandi beyaakalanga nabo, nga banakuwaire nga bukukuunga.
|
||
|
\v 11 Awo bo, nibaawuliire nga mwomi, nga aboneibwe ye, nibataikiriza.
|
||
|
\v 12 Ebyo nibyaweire nabonekera abaira baamwei babiri omukifaananyi ekiindi, nga bakutambula nga bakwaba omukyaalo.
|
||
|
\v 13 Awo abo nibaaba nibakobera baddi abandi naye nibataikiriza.
|
||
|
\v 14 Oluvanyuka nabonekera eikumi nomwei nga baikaire okukyiobulo; nabannenya olwabutaikiriza n'obukakanyali bwa myoyo jaabwe, kubba tibaikiriize abamwei bona nga amaare okuzuukira;
|
||
|
\p
|
||
|
\v 15 nabakoba nti mwabe omunsi zoona mubuliire engiri eddi ebitoonde byoona.
|
||
|
\v 16 Aliikiriza nabatizibwa, yalirokoka, naye okataliikiriza omusaango gwaliimusiinga
|
||
|
\v 17 Era obumanyisyo buni bwakwaabanga naabo aibikiriza: bakwiza kuppekaanga emizumu omwibara ryange; bakwiza kubazaanga endimi eziyaaka;
|
||
|
\v 18 baalikwata okunjoka, nibakunywaanga ekiintu ekyikwitta, tikyabaakolenge kabbi nakadooli; bakwiza kuteekangaku emikono abalaire nibawona.
|
||
|
\p
|
||
|
\v 19 Awo omukama waiswe oYesu niyamaare okubaza nabo, natwaalibwa omwigguru, naikaara okumukono ogwa ddyo oggwa Nyamwanga.
|
||
|
\v 20 Baddi nibawuluka, nibabakobera woona woona, omukama waiswe akukoora amwei nabo era nga akugumya ekigambo mu bumanyisyo obwakyiriiranga. Amiina.
|