rmn-x-yerliroman_reg/54-2TH.usfm

\id 2TH
\ide UTF-8
\h 2 Солунция
\toc1 2 Солунция
\toc2 2 Солунция
\toc3 2th
\mt 2 Солунция
\c 1
\cl Шеро 1
\p
\v 1 О Павел, о Сила тай о Тимотей жи ки Солунско кангери андо Дел, амаро Отеци, тай о Дел о Исус Христос:
\v 2 Благодат тай мири те овел туменде таро Дел о Отца тай о Дел Исуса Христа.
\p
\v 3 Длъжна синям, пралален, винаги те благодаринас е Девлеске за туменге, сарто си прилично, соскето тумари вяра бариол твърде бут, тай и любов секоне иекескири тумендар карик околенде умножинел пес;
\v 4 чука кай коркоре аме хвалинас амен туменца машкар о Божия кангеря за тумаро зоралипе тай вяра паш о саворе гонения тай неволес, колато понесинен;
\v 5 ковато си доказателство за е Девлескере справедливоне съдоске, за те удостоинен тумен е Божие тагарипнаса, за колеске страдинен.
\v 6 Понеже си справедливо англал о Дел те въздел скръб колкенге, колато оскърбинен тумен,
\v 7 а туменге, о оскърбиме, те дел утеха сарто аменгеда, като явинел пес о Дел Исус таро небес Пере силноне ангеленца,
\v 8 анди пламенно яг те раздел възмездие колкенге, колато на пенджарен е Девлес, тай колкенге, колато на покоринен пес е благовестиеске амаре Девлескоро о Исус.
\v 9 Салка ка приеминен наказаниеске те овен анди вечно погибел, лишиме таро присъствие е Девлескоро тай тари слава Лескере силатар,
\v 10 като авел колке диесесте, за те прославинел пес анде Пере светиенде, тай те удивинен пес Леске саворе повярвала (соскето тумеда повервингиен амаре свидетелствоске).
\v 11 Далкеске винаги молинас амен туменге, дано амаро Дел сметнинел тумен достойна за тумаре призваниеске тай те перел силаса секо лачо желание тай секо делос в вяраке;
\v 12 за те прославинел пес анде туменде о алав амаре Девлескоро о Исус, тай туме анде Лесте според и благодат амаре Девлескири тай о Дел Исус Христос.
\c 2
\cl Шеро 2
\p
\v 1 А относно о пришествие амаре Девлескоро о Исус Христос тай амаро събиране паш Лесте, молинас тумен, пралален,
\v 2 тена разклатинен тумен лесно, нито те смутинен тумен, било таро духос, било таро словос, или таро послание уж амендар бичалдо, като кай вече ало о диес е Девлескоро.
\v 3 Никой тена хохавел тумен по нисаво начини; соскето давка нанай те овел, жи кай първо нана авел о отстъпление тай нана явинел пес о мануш е безехакоро, о осъдиме на погибел*
\v 4 ковато противинел пес тай превъзнесинел пес упрал всичконасте, ковато наречинел пес дел, или колеске отдел пес поклонение, за те бешел (сарто о Дел) андо Божие храми тай те представинел пес Девлеске.
\v 5 На помнинен ли, кай още като улом туменде, пенгиом туменге давка?
\v 6 Тай акана жанен со спиринел лес, за тена явинел пес несвоевременно.
\v 7 Соскето и тайна е беззакониескири вече действинел, но само жи кай на премахнингиол ковка, ковато акана спиринел ла;
\v 8 тай тогава ка открингиол о беззаконники, колес о Дел о Исус ка мударел Пе москере дъхоса тай ла изтребинел е блясъкеса е пришествиескоро Поро.
\v 9 Кавка, колескоро идване дължинел пес е действиеске е Сатанакереске, съпроводиме секоне силатар, знамения, хохавне чудеса
\v 10 тай целоне хохаибнаса е неправдаке, машкар колкенде, колато загивинен; соскето на приеминде те дехен и истина тай те спасинен пес.
\v 11 Тай далкеске о Дел бичалел заблуждение е действинел машкар ленде, за те верувинен е хохаибнаске,
\v 12 тай те овен осъдиме саворе, колато на повервинде анди истина, а дехинде и неправда.
\p
\v 13 А аме синям длъжна винаги те благодаринас е Девлеске за туменге, възлюбиме таро Дел прала, соскето о Дел отначало избирингяс тумен спасениеске чрез о освещение е Духоскоро тай е вяракоро анди истина,
\v 14 за коле спасениеске призвингяс тумен чрез амаре благовестиесте, за те получинен и слава амаре Девлескири о Исус Христос.
\v 15 Тай чука, пралален, бешен зоралесте тай икерен о предания, колато сиклилен било амаре словостар, било амаре посланиестар.
\p
\v 16 А коркоро амаро Дел о Исус Христос тай амаро Дел тай Отеци, Ковато възлюбингяс амен тай ки благодат диняс амен вечно утеха тай лачи надежда,
\v 17 те утешинел тумаре сърца тай те утвърдинел тумен андо секо лачо делос тай словос.
\c 3
\cl Шеро 3
\p
\v 1 Най-после, пралален, молинен тумен аменге, те напредвинел о Господно словос тай те прославинав ман, сарто туменде,
\v 2 тай те избавинас амен таро неразбрана тай нечестива мануша; соскето ма саворен иси вяра.
\v 3 Но верно си о Дел, Ковато ка утвърдинел тумен тай ка пазинел тумен таро лукавия.
\v 4 Тай уверена синям андо Дел за туменге, кай керен, тай ка керен давка, ковато заповединас.
\v 5 А о Дел те насочинел тумаре сърца анди Божие любов тай анди Христово твърдост.
\p
\v 6 Заръчвинас туменге още, пралален, андо алав амаре Девлеске о Исус Христос те странинен секоне пралестар, ковато живинел безчинно, а ма ко предание, ковато приемингиен амендар.
\v 7 Понеже коркоре туме жанен сар требе те подражинен аменге, соскето аме на живингям безчинно машкар туменде;
\v 8 нито даром халам маро декасте, а трудоса тай усилиеса кергям бути ират тай о диес, за тена овас анди тежест никаске тумендар;
\v 9 ма кай нанай амен о право, а за те представинас амен примериеске, за те подражинен аменге.
\v 10 Соскето като улам туменде, заръчинасас туменге давка: Ако декой на мангел те керел бути, на требе те хал.
\v 11 Понеже шунас, кай десаве постъпвинен безчинно машкар туменде, като на керен бути нищо, а ехминен пес чуждоне букиенге.
\v 12 Салкенге заръчвинас тай увещинас лен андо алав е Девлеске о Исус Христос те керен бути тихо тай те хан песке поро маро.
\v 13 А туменге, пралален, тена дотегнинел туменге те керен лачипе.
\v 14 Тай ако декой на покоринел пес амаре словоске чрез давка послание, забележинен лес тай ма киден тумен леса, за те лажал.
\v 15 Обаче ма сметнинен лес за неприятелеске, а наставлинен лес сар прал.
\p
\v 16 А коркоро о Дел е мириескоро те дел тумен мири винаги тай секак. О Дел те овел саворенца туменца.
\v 17 О поздрави мере собственоне вастеса, ковато си белеги андо секо послание, ме, о Павел, пищинав чука:
\v 18 И благодат амаре Девлескири о Исус Христос те овел саворенца туменца. (Амин).