See in Reader
123 lines
18 KiB
Plaintext
123 lines
18 KiB
Plaintext
\id 1TH
|
||
\ide UTF-8
|
||
\h 1 Солунция
|
||
\toc1 1 Солунция
|
||
\toc2 1 Солунция
|
||
\toc3 1th
|
||
\mt 1 Солунция
|
||
\c 1
|
||
\cl Шеро 1
|
||
\p
|
||
\v 1 О Павел о Сила тай о Тимотей - жи ки Солунско кангери андо Дел о Отца тай о Дел о Исус Христос: Благодат тай мири те овел туменде.
|
||
\p
|
||
\v 2 Винаги благодаринас е Девлеске саворенге туменге тай споменинас тумен андо молитвес амаре,
|
||
\v 3 като дасамен годи непрестанно англал амаре Девлесте тай Отеци о делос тумаре вяракоро, о трудос тумаре любовтаке тай о търпение тумаре надеждакоро анде амаре Девлесте о Исус Христос.
|
||
\v 4 Понеже жанас, пралален възлюбиме таро Дел, кай Ов избирингяс тумен;
|
||
\v 5 соскето амаро благовестване машкар туменде на сине само хоратенца, но силаса, е Святоне Духоса, тай баре увереностяса; сарто жанен саве докажисалам машкар туменде ашал туменге.
|
||
\v 6 Тай туме ачилен подражатела аменге тай е Девлеске, като машкар буте скърбенде приемингиен о словос лошаласа, която си таро Свято Духос;
|
||
\v 7 чука кай ачилен примериеске саворе вярващоненге, колато си анди Македония тай анди Ахая.
|
||
\v 8 Соскето ма само прогласисало о Девлескоро словос тумендар анди Македония тай Ахая, но разшунгяс пес тумари вяра андо Дел секате, чука кай нанай нужно тамте те пенас варесо за лаке.
|
||
\v 9 Соскето коркоре он оповестинен аменге, саво достъпи сине амен паш туменде тай сар ирисален таро идола карик о Дел, за те служинен е живде тай истинсконе Девлеске,
|
||
\v 10 тай те очаквинен Лескере Чавес таро небеса, о също Исус, Колес възкресингяс таро муле, Ковато избавинел амен таро идещо гневи.
|
||
\c 2
|
||
\cl Шеро 2
|
||
\p
|
||
\v 1 Соскето коркоре туме жанен, пралален, кай амаро идване паш туменде нана уло напразно;
|
||
\v 2 но като улам по-нангле пострадала тай поругана андо Филипи, сарто жанен, одързостисалам анде амаре Девлесте те проповединас туменге о Божие благовестие машкар баре борбате.
|
||
\v 3 Соскето анде амаре увещаниесте нана сине самоизмама, нито нечиста подбудес, нито лукавство;
|
||
\v 4 но сарто улам одобриме таро Дел те поверинел аменге о делос е благовестиескоро, чука хоратинас, ма за те угодинас е манушенге, а е Девлеске, Ковато изпитвинел амаре сърца.
|
||
\v 5 Соскето, сарто жанен, нисар на употребингям ласкателна хоратес или гаравдо сребролюбие (о Дел си свидетели);
|
||
\v 6 нито родингям слава таро мануша, било тумендар, било аверендар (ако те ащинеда те притежинас власт сар Христова апостола),
|
||
\v 7 но улам блага машкар туменде сар кърмачка, като грижинел пес пе чавенге.
|
||
\v 8 Чука, като сине амен горещо любов карик туменде, уло аменге драго те предас туменге ма само о Божие благовестие, но амаре души, соскето ачиленас аменге мила.
|
||
\v 9 Соскето туме, пралален, помнинен амаро трудос тай усилие, сар, керас бути о диес тай ират, за тена овас тежест ни иекеске тумендар, проповедингям туменге о Божие благовестие.
|
||
\v 10 Туме синиен свидетеля, тай о Дел също, сар свято, праведно тай безукорно икергям амен машкар туменде, о вярваща,
|
||
\v 11 като жанен сар увещинасас тай утешинасас всеконе иекес тумендар, сарто о дад - пе чадовиен,
|
||
\v 12 тай заръчвинасас туменге те живинен достойно е Девлеске, Ковато призовинел тумен анде Пере тагарипнасте тай славате.
|
||
\p
|
||
\v 13 Далкеске амеда непрестано благодаринас е Девлеске, соскето, като приемингиен чрез аменде о словос е Божие посланиеске, приемингиен лес ма сар манушескоро словос, а сар Божие словос, савото си наистина, ковато действинел машкар туменде, о вярваща.
|
||
\v 14 Соскето туме, пралален, ачилен подражателя е Божие андо Христа Исуса кангериенге, колато си анди Юдея, понеже тумеда претърпингиен о също тумаре сънародникиендар, сарто онда таро юдея;
|
||
\v 15 колато тай о Дел о Исус, тай о пророкия мударде, тай амен гонинде, е Девлеске на угодинен тай саворе манушенге си противна,
|
||
\v 16 като забранинен аменге те хоратинас е езичникиенге, за те спасинен пес. Чука он винаги допълнинен и мярка пе безехенгири; но о безгранично гневи ресло лен.
|
||
\p
|
||
\v 17 А аме, пралален, като осиротингям тумендар за хари време (кити за телесноне присъствиеске, а ма сърцеске), постараисалам още по бут, баре желаниеса, дано дикас тумаро муи.
|
||
\v 18 Соскето манглен те авас паш туменде (поне ме, о Павел) иек-дуи дрома, но о Сатана попречингяс аменге.
|
||
\v 19 Понеже коя си амари надежда или лошали, или венеци колеса хвалинас амен? На синиен ли туме англал амаре Девлесте о Исус паш Лескере пришествиесте?
|
||
\v 20 Соскето туме синиен амари слава тай лошали.
|
||
\c 3
|
||
\cl Шеро 3
|
||
\p
|
||
\v 1 Далкеске, като нащине вече търпинас, араклам за лачес те мукен амен коркоре анди Атина;
|
||
\v 2 тай бичалгиям о Тимотей, амаро прал тай Божие служители андо Христово благовестие, те утвърдинел тумен тай те утешинел тумен относно тумари вяра,
|
||
\v 3 за тена разколебинел пес никой калке скърбендар; соскето туме жанен, кай за далкеске синям определиме.
|
||
\v 4 Соскето, като улам паш туменде, пенасас туменге предварително, кай ка претърпинас беди; ковато ачилода, сарто жанен.
|
||
\v 5 Тай по дайка причина, като нащине вече те търпинав, бичалгиом те ахаловав за тумаре вяраке, тена изкусингяс тумен о изкусители тай амаро трудос те овел напразно.
|
||
\v 6 Но акана, като о Тимотей ало паш аменде тумендар тай ангяс аменге лаче вестя за тумари вяра тай любов, тай кай винаги иси тумен лаче споменя за аменге тай манген те дикен амен, сарто амеда тумен,
|
||
\v 7 тогава, пралален, паш савори амари нужда тай скръб, утешингям амен туменге ашал тумари вяра;
|
||
\v 8 понеже аме акана живинас, ако туме бешен зоралесте андо Дел.
|
||
\v 9 Соскето, сар ащи досдатъчно те благодаринас е Девлеске за туменге ашал и савори лошали, коласа лошанас за туменге англал амаре Девлесте?
|
||
\v 10 Ират тай о диес молинас амен най-усърдно те дикас тумаро муи тай те допълнинас давка, ковато на ресел тумаре вяраке.
|
||
\p
|
||
\v 11 А коркоро амаро Дел тай Отеци, тай амаро Дел о Исус дано опринел амаро дром карик туменде.
|
||
\v 12 Тай о Дел те керел те барион тай те преизобилствинен анди любов иек карик авересте тай карик саворенде, сарто амеда преизобилствинас карик туменде,
|
||
\v 13 за те утвърдинел тумаре сърца непорочно анди святост англал амаре Девлесте тай Отеци паш о пришествие амаре Девлескоро о Исус саворе Лескере светиенца.
|
||
\c 4
|
||
\cl Шеро 4
|
||
\p
|
||
\v 1 Тай чука, пралален, молинас тай увещинас тумен андо Дел о Исус, сарто сиклилен амендар сар требе те живинен тай те угодинен е Девлеске (сарто живиненда), чука те преуспеинен по бут тай по бут.
|
||
\v 2 Соскето жанен саве заръкес диням тумен таро алав е Девлеске о Исус.
|
||
\v 3 Понеже давка си и Божие воля - амаро освещение: те въздържинен тумен таро блудство;
|
||
\v 4 те жанел секой тумендар сар те лел песке ромня* анди святост тай почест,
|
||
\v 5 а ма анди страстно похота, сар о езичникия, колато на пенджарен е Девлес;
|
||
\v 6 тай тена престъпинел никой, тай те покваринел пе пралес анде калке варесосте; соскето са всичконаске далкеске о Дел си мъздовъздатели, сарто по-нангле пенгям туменге тай уверингям тумен.
|
||
\v 7 Соскето о Дел на призовингяс амен карик и нечистота, а карик и святост.
|
||
\v 8 Соскето, който отчивел давка, на отчивел е манушес, а е Девлес, Ковато дел тумен По Свято Духос.
|
||
\p
|
||
\v 9 А за е братолюбиеске нанай нужно те пишинав туменге; соскето коркоре туме синиен сикавде таро Дел те дехен тумен иек аверес,
|
||
\v 10 понеже чука керен саворе праленца ки цело Македония. Но молинас амен туменге, пралален, те преуспеинен анде далкесте по бут тай по бут,
|
||
\v 11 тай усърдно те стараинен тумен те живинен тихо, те керен тумаре букя тай те керен бути тумаре собственоне вастенца, сарто заръчингям туменге;
|
||
\v 12 за те икерен тумен благоприлично англал о авруне тай тена овел тумен нужда нисостар.
|
||
\p
|
||
\v 13 Нана мангас, пралален, те ачон андо неведение колкенге, колато мерен, или па те скърбинен сарто колкенде, колато нанай лен надежда.
|
||
\v 14 Соскето ако верувинас, кай о Исус муло тай възкресингяс, чука о муле андо Исус о Дел ка привединел заедно Леса.
|
||
\v 15 Соскето давка пенас туменге чрез о Господно словос, кай аме, колато ачовас живде жи ко Господно пришествие, нанай те изпреваринас е мулен.
|
||
\v 16 Понеже коркоро о Дел ка ухлел таро небес повелителноне викиеса, тай гласос на архангел тай и Божие тръба; тай първо ка възкресинен о муле андо Христа;
|
||
\v 17 после аме, колато ачилам живде, ка овас грабната заедно ленца андо облакя те посрещнинас е Девлес андо въздухи; тай чука ка овас винаги е Девлеса.
|
||
\v 18 Тай чука, насърчинен тумен иек аверес калке хоратенца.
|
||
\c 5
|
||
\cl Шеро 5
|
||
\p
|
||
\v 1 А за е брешенге тай е времеске, пралален, нанай нужда те пишинел пес туменге;
|
||
\v 2 соскето туме лачес жанен, кай о Господно диес ка авел сар чор ират.
|
||
\v 3 Като пенен: Мири тай безопасност! Тогава внезапно ка авел гибел, сарто е бянимнаскере дука камне ромнякере; тай он нанай те нашен.
|
||
\v 4 Но туме, пралален, на синиен анди тъмнина, кай те изненадинел тумен давка диес сар чор.
|
||
\v 5 Соскето туме саворе синиен чаве е светлинакере* тай чаве е диесескере*, на синям тари ират, нито тари тъмнина.
|
||
\v 6 Тай чука, тена совас, сар околенде, а те овас жангале тай трезвена.
|
||
\v 7 Соскето, колато совен, ират совен, тай колато макярен пес, ират макярен пес;
|
||
\v 8 а аме, като синям таро диес, нека овас трезвена, тай нека уряс за бронен нагръдник и вяра тай и любов, тай те товас шлемиеске и надежда е спасениескири.
|
||
\v 9 Соскето о Дел определингяс амен ма за гневиеске, а те получинас спасение чрез амаре Девлесте о Исус Христос,
|
||
\v 10 Ковато муло аменге, чука кай аме, живде или муле, те живинас заедно Леса.
|
||
\v 11 Далкеске насърчинен тумен машкар туменде тай назидавинен тумен иек аверес, сарто керен.
|
||
\p
|
||
\v 12 Тай молинас тумен, пралален, те признавинен калкен, колато трудинен пес машкар туменде сар тумаре настойникия андо Дел тай тумаре увещателя,
|
||
\v 13 тай те почитинен лен твърде бут с любов ашал ленгоро делос. Живинен мирно машкар туменде.
|
||
\v 14 Молинас тумен още, пралален, увещинен е безчиновиен, насърчинен е малодушнонен, поддържинен е слабонен, овен търпелива карик саворенде.
|
||
\v 15 Внимавинен никой никаске тена иринел зло за зло; а винаги роден о лачо иек авересте тай саворенде.
|
||
\v 16 Винаги лошанен.
|
||
\v 17 Непрестанно молинен тумен.
|
||
\v 18 Всичконаске благодаринен; соскето давка си и Божие воля за туменге андо Христа Исуса.
|
||
\v 19 О духос ма угасинен.
|
||
\v 20 О пророчества ма презиринен.
|
||
\v 21 Всичко изпитвинен; икерен о лачо,
|
||
\v 22 а въздържинен тумен таро секакво зло.
|
||
\p
|
||
\v 23 А Коркоро о Дел е мириескоро те осветинел тумен напълно; тай дано запазинен пес непокътната о духос, и душа тай о телос тумаро би порокиескоро, жи ко пришествие амаре Девлескоро о Исус Христос.
|
||
\v 24 Верно си Ковка, Ковато призовинел тумен, тай ка керел давка.
|
||
\p
|
||
\v 25 Пралален, молинен тумен аменге.
|
||
\p
|
||
\v 26 Поздравинен саворе прален святоне целувкаса.
|
||
\v 27 Дав тумен совела андо Дел те четинел пес давка послание саворе (святоне) праленге.
|
||
\p
|
||
\v 28 И благодат амаре Девлескири о Исус Христос те овел туменца. (Амин).
|