ret_reg/51-PHP.usfm

\id PHP
\ide UTF-8
\h Pilipi
\toc1 Pilipi
\toc2 Pilipi
\toc3 php
\mt Pilipi
\c 1
\cl Ejel 1
\s ADI PAULUS OLI TIMOTIUS GIAMANG
\p
\v 1 Adi Paulus oli Timotius Yesus Kristus gamalal, miama nama hamolang Yesus Kristus gomimi, ginang aji mi ba ae Filipimi, oli miama jemaat gabukang fala oli majelis jamaat gidang:
\p
\v 2 Nuahama suka nafera Pimang Lahatala, oli Tuhan Yesus Kristus miama pina ng ajimi piala topuni. 
\s PAULUS SAMBAJANG NUA HAMA MIAMA JEMAT PILIPI ABANGMI GIDANG
\p
\v 3 Nang nua hama miama na Lahatala gadang oras kakanap nang ingu ne ling.
\v 4 Nasambajang go mi miama inang ajimi ida ng, nang rasa sanang gomi mi sambajang,
\v 5 tomianu taha anu gomimi ing mia ma Injilba phana ututuk ubagang adi gadang mulai fid gahalomang mi adu adi mi jia.
\v 6 Nang parsaja sebola Gengba ga karajang nua adi miama ihahamami, gengba gene gamolo, sam bpai Yesus Kristus adu.
\p
\v 7 Adise gaorasmi nang gene gagiani miama idang, tami inang ajimi ae nomi gomi adimi. Oras nang pe njara gomimi, nagaba oli aras nang nafak phahi adi uebang miama injil gene gang kuat gomimi. Ing adi miama naserang gene, Lahatala ganua hama gomimi
\v 8 Lahatala ba miama nasaksi gene, tatabi nang inang ajimi ing neling bola ing harak Yesus Kristus gagomi pijahi gomimi.
\p
\v 9 Adiba nasambajang, Biarla anua hama mang tang magala oli tang tatohing gapikir ganukung, ga akal kabule gomimi.
\q1
\v 10 Anga hise ing bisa uolu tata'angba minua, anga hise idiri ang molo oli ka phela banaga jema oras Kristus gafid gomi.
\q1
\v 11 Oli iaphetal gomimi anga nua hama gahi iomi gomi afing jia, Kristus Yesus miadu, miama ganua hama gene oli mia Geng angaba Geng tajaning palefang. 
\s INJIL PHILING ANGA GELA NG PAULUS SUSA HARAK
\p
\v 12 Kaku gonong nang bola iohi geli, neningba gie jadi miama nadiri gadang, phe nabgba adi se Injil phi ling jema.
\v 13 Anga gela ng namaba istana jaga geli, oli nama ebengdi geli sebo la nang penjara gomimi anga Kristus gelang.
\v 14 Gamitohi ng anga namaba pi'iman hama angaba mile be Pimanaking geng parsa ja, sebab na'ajaran adi ging gene ging tang barani Laha tala gafirman anga usarin ta ka phaliling banaga.
\p
\v 15 Tabi nama joa injil Kristus usarinta anga ging tomi takakurang, oli teng a'uji, ani ibase joa anga tatabi giomi nua.
\v 16 Ging ba giomi nua ging ukaraja ng anga karna giomi nama gajahi, sebab ging geli sebo la nama neng miama mana adimi adi karna nang Injil geg tang.
\v 17 Ibase ging ba giomi phela, ging ukara jang anga karna ging gidiri miama tubing, giomika mo lo banaga, ging bola neng gene nohi tang susa oras nang do penjara gomimi.
\p
\v 18 Tarus gahi tetabani? Gaparlu phenangba garu pa anga, giomi anga bola leko-leko, nagaba giomi mo lo-molo ging Kristus usarin ta, kalo aganise nang suka nafera. ya tatabi nang rasa nafera.
\v 19 Nang geli sebo la idoa isambajang gomimi oli Eang Hamolang Yesus Kristus gatolong moling go mimi, neningba jadi miama naphetal gadang, angaba miama neng gene lohi.
\v 20 Ilba nang mikakubal angaka neng gene mani ang banaga. Ibase angaba neng gene nang mang tang barani magala, karna Kristus gelang. Tami oras adi oli ani nama Geng tajaning nadiri gomimi, ma u oras aphetal gomimi, na gaba oras amina gomimi.
\v 21 Sebab kalo bola nengse aphetal anga Kristus, oli amina ang na'untu.
\v 22 Agani ibase kalo aphe tal do gie naboga aji adi gomi, angase nang maleka ng karajang gahi miama u. Kalo aganise tata'angba na ng uolu, nangka geli bana ga.
\v 23 Nang il rupa alo adimi hanampit. Nomi adi bola nuaba aphetal adi mia ma nohapha jema Kristus gala aphetal, anga lebe minua.
\v 24 Ibase miama idang lebe minua, biarla nang do gie naboga aji adiba mi aphetal
\v 25 Na ugaluali adi, nang gelise bola nang do inang ajimi iala topuni miha iohi maju miama injil gadang oli i'iman anga gene gang nafera.
\v 26 Kalo nang ba le iola adu angase nanafe ra adi oli tang magala Yesus gomimi karna neng gelang. 
\s TOMI ANU SENGSE KARAJANG
\p
\v 27 Masiking agani ibase, aphetal adi gagunang'u mi ama injil Kristus gadang, angahi kalo nang adu ing harak, nagaba adu banaga, nang umagia sebola ing mate anamang itomi anu Eang anu gomimi, oli i'ganu kug anu kakelang ing kara jang hama-hama miama i'iman oli injil gadang
\v 28 Ake iafak ugalolang iphalonng ing gene baruati ganang, tami anga miama tanda anu gene, mugu kola anga bola miama gidang, agani ibase miama pidang se salamat anga miama pi goang gadang gene, sebab tanda anga gabung adu.
\v 29 Sebab Kristus gelang, Gang ganua mapining joa ka piohi parsajaba galoka ng banaga, ibase pindi susa lala miama gadang
\v 30 Anga gelang ing malekang sambajang, emenghula nening ba nang gadang mate adi gajoang, oli ing umagia sebola nangdo il ani anga urasa jia.
\c 2
\cl Ejel 2
\s PIGANUKUNG KRISTUS GA GANUKUNG MOLO
\p
\v 1 Ping Kristus gomimi, pi omi gomi rasa kalaka, suka nafera, eang tomi anu, tomi tajahi.
\v 2 oli inafera adi gene gang uaji, itumi anu taha anu, ing hama-hama iomi miama tajahi, eang anu gomimi iomi gagahimi, oli iganukung anga gene ehi gang hama jia.
\v 3 Ake il garupa gagiani adi ukarajang ganang phe nangba; rakus idiri galoka ng upikir, iafak phuhi, ajimi anga para suma, ibase iomi anga gene galolang galola ng, ganukung sebola nama ebeng anga lebe minua pi diri.
\v 4 Ake nama ananu gaparlo angaba uganuku ng ganang, ibase nama ebe ng gaparlo angadi maleka ng uganukung.
\p
\v 5 Biarla ganukung gagia ni adi ae ihahamami, ema ng hula ae Yesus Kristus ga bung anga gajang.
\v 6 ma siking Geng anga Lahatala ibase, Gangka ga Lahatala anga uganukung sengse puni anamang miama gadi ri gadang banaga.
\p
\v 7 Iba se Gang gadiri anga gene emanghula nama phela il joaka geng ubanaga anga gajoang, Gang gadiri anga gene miama malal anu mo lo Gang oli gasuang gene manusia molo.
\v 8 Garupa manusia molo, Gang gadiri anga gene galolang-galola ng sengse oli tahang udagi li sampe fa aminang asiana ng mimugu, Gang amina moe leut dol tang hila.
\p
\v 9 Gomi ani gelangba, Laha tala Geng phuhi gate la-ga tela, Gang gane mia ma u, gane migatela, nama ribu gane gie dunia tang adi gatang goa,
\v 10 Anghi se Yesus gane gomimi, na ma ajimi giaku phung mia gomuding, gilebul tophol umangku, mau burang go mi, palika tang oli palika du mang.
\v 11 Ananu galebul tophol umangku sebola Kristus Gengba Lahatala. 
\s LAHATALA GANG PIOMI GOMI KARAJANG
\p
\v 12 Anga gelangba, kaku gonong, nomi ijahi, emang hula ing gegaluali joaka na ng ae iala topuni gomi galo kang banaga, ibase nangka iala tupuni banaga dise ing gegaluali agani, sengse isa lamat anga ukarajang go phaliling gomi.
\v 13 Sebab Lahatala Gengba iomi gomi karajang iparlo, nagaba oli nening angaba nua hama gomimiba ing bohula uka rajang gene miama gomi Gasanang gene.
\p
\v 14 Ajimi anga ukarajang ake tomi takalila nagaba oli tala ulak ganang.
\v 15 Ang a hise ingka karita oli gaha la banaga, emanghula Laha tala gafal gonong, ka karita banaga, gie taphanang phe la oras adi gomimi, anga hise ing gi hahamami liali emanghula liali miama dunia uliali anga gajoang.
\v 16 Firman aphetal ba adia ing'u angaba puni ana mang, anga hise Kristus ga fid, anga nang bisa miama nasanang gene, sebola nangka ehi para sasuma banaga, oli karajang karas dika oli parasuma banaga.
\p
\v 17 Masiking nama nabo kong emanghula, miama sa daka nua gail phohing anu gene, gatang mate anga mi ama korban i'iman gadang, nang rasa sanang kalo na ng inang ajimi iala.
\v 18 Agani dise ingdi irasa anga ping hama jia, anga gelang topuni tala sukanafera oli miama nendi nala suka nafera. 
\s PAULUS TIMOTUS EPAPRODITUS GING GAHI NG
\p
\v 19 Tuhan Yesus gane go mimi nang bagang biarla nama sakali Timotius pana tu adu miama maminang, anga hise nang rasa sana ng, kalo ihojat anga nang umagia jema.
\v 20 Sebab nama joa ka ae geng gajo ang banaga, tabi gomi uaji-uaji iohi iaphetal anga ge ne nua.
\v 21 Sebab ging ebeng anga, giparlo miama gidiriba gadang angaba ging ukarajang ka Kristus gaparlo gadang banaga.
\v 22 Oli ingdi geli sebola tatami gang gadiri anga uaji-uaji miama balenta gomimi nibalapi ajimi mia ma Injil anga gene gang maju, emanghula fal anu miama gimang gadang gajoang
\v 23 Anga gelang, nang ibagang laju geng gahing, anghise nang bisa gili neningba bola jadi mia ma nadiri gadang.
\v 24 oli nendi Lahatala parsaja sebola nadiri galokang adi di sakali di nagase iola adu.
\p
\v 25 Ibase nang pikir sebola malekang Epfprodi tus di panatu iola adu. Geng anga nakaku ning balenta anu, ning karajang kuat, oli geng angaba nahur phana adu miama iala tutuk, oli iparlo angase gang iobalen ta.
\v 26 Sebab gang tatabi inang ajimi parlo oli gomi anga tatabi susa miama inang ajimi idang, sebab ing umagia sebola gang keta
\v 27 Tatabi tulang anga gang keta sampe hamper amina, ibase Laha tala gomi miama gajahi, joaka miama gengba galo kang banaga, ibase miama nendi nadang, anghise na susa lala anga gang ake tengtang haru ganang.
\v 28 Anga gelangba nang bola bale geng gahing gohi iola jema, anghi ing bisa ra sa sanang, kalo ing uling ge li, anghise napikiran tabura adi gang kurang.
\v 29 Epa fraditus geng tarima, Yesus gane gomimi, oli gingba geng molo isuka nafera gomimi, ging uada.
\v 30 gang hamper amina karna Kristus gakarajang gelang, gang gual magang miama gatilal miama tolong moli ng ba ingka ukarajang jadi banaga miama nadang.
\c 3
\cl Ejel 3
\s KRISTUS ANGBA GAHALO MANG
\p
\v 1 Gaumatemi, kaku gono ng, nuaba ing suka nafera Lahatala gomimi, nangka nomi tamadi ilba hama jia adi tulis miama maminang banaga, sebab il adiba ga ng miama ing jaga.
\p
\v 2 Yafak anga ujaga miama jobal-jobal anga gonong gida ng, oli yafak ujaga miama nama gomi phela gadang, iafak ujaga miama namaba piboga aji sunat gadang.
\v 3 sebab ping adiba nama sunat gamamolo phenang ba, ping Geng uada Lahata la ga Eang Hamolang gomi mi, ping Yesus Kristus geng uada. Pingka piganukung miama il ba dunia geg ba uada banaga.
\v 4 Masiking nendi naga kung bola nafak tajaning il ba dunia geg gomimi. Kalo nama ebengdi joa a'e pikir bola gang bisa gafak taja ning ilba miama dunia geg, angase neng adi milebe magala,
\v 5 Neng adi na ma neng sunat fid tulalo gomi, Israel gamanusia molo-molo Benyamin ga aba ng gomimi, Ibrani gama nu sia ahi ahi, oli ibrani gahur ututuk. Kalo Taurat ugaluali neng adi Farisi gamanusia.
\v 6 kalo bohula kalaka, ne ng adiba jemat anga go nong gijajahing gibabutung, Oli bola nua hama Taurat gomi mi nangka karita banaga.
\p
\v 7 Agani ibase il karanuba nang bola anga miama na untu gene, adise nang miama namarugi gene karna Kristus gelang.
\v 8 Tatabi ajimi anga nang miama narugi gene, kalo na ng miama Yesus Kristus ga nua hamaba Gang miama una tubing anga umegase Pima naking ganua lebe mi nua dari il karanu karanu. Kristus geleng il ajimi anga ae banaga jema, ajimi anga nang miama bitang adaka gene, anga hise nang bisa Kristus harak.
\v 9 Nang Kristus Geng harak joaka namolo bagie neng'u karna nang Taurat anga ukaraja ng banaga, ibase il adi na ng tarima naiman miama Yesus Kristus gomimi, phe nangba nuahama Lahatala gabung adu karna pi'iman gelang.
\v 10 Biarla nang bisa gokaruang, oli gakua sa amina bale aphetal, seng se tomi anu gasusa lala go mimi, gene garupa anga Geng molo ga'amina gomi mi.
\v 11 Anghise gaumate mise nendi bisa gabale aph etal nama amina gahaha mami. 
\s SORGA ABANG GA'AGANG ANGBA UGALUALI
\p
\v 12 Angaka bola neng adi geng harak jema, naga ba oli bola neng adi molo jema banaga, ibase ping gatiari bisa puni, emang hula Yesus Kristus gang nadoli jema anga gajoang.
\v 13 Kaku gonong nangka bola neng adi gie gadoli je ma banaga. Agani iba se il anu kakelangba nang uka rajang phenangba ilba na mota goa fa jema anga nang miama natajobing gene sengse naganukung miama ilba nomi goa majia ba gadang.
\v 14 Nang ma ju tarus na nomi anga bola hadia dapa, phenangba sor ga abang ga'agang Lahata la Yesus Kristus gomimi.
\p
\v 15 Ma'e pingba pipiganu kung nua anga ping pikir garupa agani, Kalo ingka pikir agani banaga, angase Lahata la kuli tarang-tarang miama ma pitubing.
\v 16 Anga gela ng ma'e ping aphetal ganua hama gomimi, emang hula nua hamaba ping ae tarima jema anga gajoang.
\p
\v 17 Kaku gonong, naphe tal gasuang gagiani adiba ugaluali, sengse ing nama gaphe tal anga ing gauling nua-nua, miama niaphetal ba fid kakanap ing uling geli anga miama umega.
\v 18 Sebab nama tohing rai ba'ae aphetal gidiri anga miama Kristus ga leut gaphalong gene. Miama il adi gadang nang biasa mia ma iala sarinta jema, oli adi nang miama iala sarinta neng anu halu gomimi.
\v 19 Giaphetal gaumate phe nang ba susa lala, sebab gi lahatala phenangba giotok anga, oli gitajaning phena ngba, il-il ba ging gene ma niang, giganukung anga ajimi-ajimi miama dunia angaba mimega.
\v 20 Agani ibase ping adi, pi abang pilelang phenang ba, toe sorgami, tami ping pina fara gomimi Pi Sala mat gamanaking Tuhan Yesus Kristus geng baing.
\v 21 Gang kuli piboga aji phe la gahalang adi gabuala miama gaboga aji nuaha ma gomi, Oli gkuasa phal balolu gomimi Kristus gang bisa il karanu-karanu anga ajimi miama giaka dumang mi Gotoku.
\c 4
\cl Ejel 4
\s FONG GENE APHETAL TALA TOMIANU
\p
\v 1 Anga gelang kaku go nong ingba nang nomi mi ma ijahi, oli ing suka, ingba miama nanafera oli miama natajaning gene, Pimanaki ng gomimi mate anamang.
\p
\v 2 Nang tatabi Euodia ga bagang, oli miama Sintike gala bola iohi aphetal tomi anu Lahatala gomimi.
\v 3 Tatabi nang miama ibaga ng, ingba tatabi nakaku gonong ing nama hial-na ma hial anga gonong ging tolong gio moling, tatami gingdi nala topuni karajang karas miama Injil gadang, agani dise Klemens oli mia nakaku naserang ebeng ga la karajang karas, ginang ajimi anga gine tulis toe buku aphetalmi jia jema.
\p
\v 4 Suka nafera tarus-tarus Lahatala gomi, tang uba gang mianu magala suka nafera!
\p
\v 5 Biarla iomi ga bala anga nama ajimi uling geli, Lahatala apal jema.
\v 6 Ake iphukang mali mia ma il rupa karanu anga ga dang ganang, Ani dise il na nening ba ing uomi, ajimi anga sambajang miama Lahatala gadang sengse ga nua hama angaba ubaga ng.
\v 7 Lahatala Ganua ha ma pipikir ganukung oli pi mang garati lifat, angba pi pikiran oli piomi gomi, pio gariang Kristus Yesus gomimi.
\p
\v 8 Gaumatemi kaku gono ng, ajimiba molo, ajimiba enas ajimiba ka telel bana ga, ajimi ba hamolang, ajimi ba enas, ajimiba nama taja ning, ajimi ba uaji jema, aji miba nama utajaning, ajimi anga malekang upikir.
\v 9 Neningba ing uajar jema, ing tarima, umagia, oli il ba ing nadirimi gauling, ajimi anga ing ukarajang. Lahata la ba tomi anu taha anu gaejel, Gang iala to puni. 
\s PAULUS NUA HAMA UBAGA NG MIAMA NAMA HAMO LANG MOE FILIPI GOMIMI GIDANG
\p
\v 10 Nang Lahatala gomi mi suka nafera sebab gau mate mi ipikirang oli iganu kung gomi philing miama nadang. Tatabi do jia anga ing ae ieng miama nauling jia, agani ibase ioraska uba naga miama nadang.
\v 11 Nang il adi miama iala tutu k joaka nang kurang gana sing gomimi banaga, sebab nang tulang mi nadiri adi gagola, nakurang nagana sing anga gene gang pas.
\v 12 Nang gelise bola neni ng angaba ganasing, oli nening angaba namilebe. Il ajimi gomimi, oli keadaan garupa teta bani gomi, aji mi anga nang gagola, teta bani anghi na'aphetal anga pas, tata'angba malapal na gaba oli kubal, oli tata'ang ba seng u, nagaba oli seng naga.
\v 13 Nang bisa il aji mi ukarajang anga karna Geng. Oli Geng ba kuat dagiri miama mameneng.
\p
\v 14 Ani ibase ing il nua ba anu ukarajang jema, ing bola ita madi anga miama nala pa ul.
\v 15 Ing sendiri jemaat Filipi geli, tami bale nta gahalomang miama injil gadang, mianu nang moe Makeduniami adu, je maat anu di ka gitama di miama nala paul banaga, gagomi anga bola il miama tatenang, suma ilalokang.
\v 16 Tatami nang moe Tesa lonikami, ing iatang gahi pa natu miama naparlu gada ng, joa ka mianu kakelang banaga.
\v 17 Ani ibase nangka iatang gahi angba nang gola banaga, il ba nang gola phenangba, ya hiba idiri phana untu gami phal anga gadang jema.
\v 18 Nama neng bajar ua jiba nang tarima, oli mile. Il-ilba nang parlu ajimi anga neng u, sebab iatang gahi ba ing panatu miama Epafroditus genang gang phana. Itang gahi anga miama sadaka nua anu gafagi maniama, oli sadaka nua banu Lahatala suka sebab gomi geg.
\v 19 Na Lahatala Gang kuli iprlo ka ranu anga gene gakanap, gabisa kafasa enas hamola ng Yesus Kristus gomimi maminang.
\v 20 Tajaning palefang mia ma Pimang Lahatala gadang ani gegjia gegmega. “TATABI.”
\p
\v 21 Nihur adi panatu miama nama hamolang ba a'e Yesus Kristus gomimi. Hur adi oli miama nakaku gonong ni'iman hama gie adimi maginang.
\v 22 Nama hamolang ajimi giamang panatu miama ma menang, lebe-lebe gingba moe istana Kaisar gomi nama ubalenta.
\p
\v 23 Berkat nua hama Tuhan Yesus Kristus gomimi ii Eang anga gala topuni. “TATABI”