ret_reg/50-EPH.usfm

\id EPH
\ide UTF-8
\h Efesus
\toc1 Efesus
\toc2 Efesus
\toc3 eph
\mt Efesus
\c 1
\cl Ejel 1
\s PAULUS HUR PANATU
\p
\v 1 Adi Pulus, Yesus Kristus garasul, Lahatala gaujali gomi Miama nama hamolang moe Efesus mi, miama namaba gaiman Yesus Keistus gomimi.
\p
\v 2 Berkat nua hama tomi anu, miama inang ajimi ida ng, toe Lahatala gabung hela, Yesus Kristus Pilahata la gomimi. 
\s BARAKAT PIUAL MAGANG YESUS GOMIMI
\p
\v 3 Tajaning palefang mia ma pimang Lahatala, pi Tuhan Yesus Kristus gena ng. Tami Gengba, berkat piual magang soga geg Kristus gomimi berkat mia ma mapining.
\v 4 Tatami Gengba ping uolu, halomang-halomang duniaka ae bado, Gang pinggene hamo lang, gomi pijahimi anghise pingka karita banaga, Gaho ndal hamolangmi.
\v 5 Geng ba ping utantu, halo mangmi, gang ping phuhi mi ama gafal gene, Kristus Yesus gomimi, gama u gaujali ugaluali.
\v 6 Gang ukarajang agani miama Geng tajaning, ganua hama ga'enas hamolang, kadula ngba Gang miama mapini ng para sasuma, Gafal gang gomi miama gajahi gomimi.
\p
\v 7 Gomimi anga pingdi bisa ampo anga harak, phe nangba gafee hamolang gomi, miama piphela piga halang gadang, ganua ha ma gabisa gakafasa ugalua li
\v 8 Lahatala Gang tohing rai miama pingtang gaha rung, akal ka bule, oli gabisa pintar gomi.
\v 9 Gang oli garahasia ru pa karanu anga miama pia la tutuk, ga gomi nua anga gelang. Garencana miama Kristus gomimi.
\v 10 oras gang mapining uaji, galala mal karanu-karanu Gang gene gitomianu Kristus go mimi pata jadi anu, mau toe surgami nagaba oli gie dunia tang.
\p
\v 11 Kristus gomimi, ping di miama gail phohing gapa saka gene, halomang mi gang utantu jema, mia ga dang. Ajimi-ajimi anga Gang ukarajang emanghu la ilba gang utantu jema anga gadang
\v 12 Anghise pingdi bisa jadi halomang, piganukung gomimi mia ma Kristus uphei, ganua ha ma gene oli miama Gane amba tajaning palefang.
\v 13 Gengmi anga, indi gahur molo-molo, phenang ba Injil salamat gafiak, ing Geng parsaja Gang Ga Eang Hamolang ba Gang miama palaki jema miama ing pata
\v 14 Eang Hamo lang angaba, miama pika fasa gene, Gang ping gene jadi hamolang, miama namaba Gang ging uolu, mia Lahatala gapasaka gene, phana Geng angba Gane tajaning palefang. 
\s PAULUS GASAMBAJANG
\p
\v 15 Anga gelang, nang uma gia i'imang Yesus Kristus mimate anga, oli iomi miama nama hamolang tohing rai gajahi,
\v 16 Anga gelang nang sambajang tarus-tarus miama idang, oras nang ing ueling nasambajang gomi.
\v 17 Nang sambajang anghi Lahatala pi Tuhan Kritus Yesus, Nuahama karanu-karanu Gimang, Gang Eang nua, bisa, oli gamanga rati Lahatala gomimi Gang mia ma maminang.
\v 18 Nang oli sambajang anghi i'iman ge' ng kafali anga tarang, ang hise ing bisa, geng mikaku bal, ga igang gomimi, oli ga kafasaba Gang usadia mia ma ipasaka gene miama nama hamolang gadang.
\v 19 Kuat dagiri phal phal ping ukur sudi jadi banaga, miama pingba parsaja ping tang, tatami gang miama pitu bing gakuasa phal balolu ga kuat gomimi.
\v 20 Gakuasa phal balolu oli gakuat gomi Gang miama matubing, oras Gang Kristus gohi bale aphe tal nama amina gahahami. Gang oli gohi mida Gimang gatang tane goa miha, toe sorga gomimi.
\v 21 Lebe mi phal, mibalolu, miama aturan ribu ratu, kuasa, kuat gagiri, parenta, Gane anga lebe miphal balolu dari il ribu ratu gie dunia tang adi gomi, kaoras adiba galo ka ng banaga, ibase oli orasba ae majia gomimi.
\v 22 Karanu-karanu anga Gang gala hela miama gia ka dumang mimega, Gang oli gafak phahi miama ka palang gene il rupa karanu gomimi mia jemat gadang,
\v 23 Jemat anga Gaboga, Oli Geng angba il karanu gomimi afing jia, Geng angaba migatela.
\c 2
\cl Ejel 2
\s SALAMAT GANUA HAMA GOMI
\p
\v 1 Tulang anga ing amina, igahalang oli idosa gelang
\v 2 Oras anga gomi ing lamal dunia gamau, oli kakua teke gakua sa, oli iblis burang go mi gakuasa angba ugaluali. Phenang ba eang phela ba oras adi, manuasia ba'ka Lahatala parsaja banaga giha hamami karajang.
\v 3 Tulang anga, ping aphetal pimanusia gomimi, piboga aji gamau, oli pikir ganuku ng phela angaba ping uga luali. Ubagang sebola ping adi nama phela nama gaha lang, emanghula, manusia ebeng anga gonong gajoang.
\p
\v 4 Ani ibase, Lahatala anga ba, tomitajahi mikafasa, oli Geng angba Gang gomi mia ma pijahi.
\v 5 Orasba ping bola ami na pigahalang gomimi Gang ping gene aphetal Kristus gomimi, ganua ha ma gomi Gang ping gene salamat jema,
\v 6 Gang oli ping gene ping bale Gala aphetal jema, Gang oli ping phana gala hama-hama miha toe sorga mi Yesus Kristus gomimi.
\v 7 Anga hise orasba ae majia Gang ganua hama, gakarunia, bi sa kafasa, anga ping ukur sudi jadi banaga, ping pha na ganua hama gomi, Gang miama mapining Yesus Kristus gomimi.
\p
\v 8 Oli Lahatala ganua gomi ping salamat jema, karna pi iman gelang, adika piusaha gaphili banaga, adi ganua hama
\v 9 Anga ka piusaha gaphili banaga, anga hise nama anu di ka gafak phahi phuhi gatela-gatela ganang.
\v 10 Ping adi Lahatalaba ping majadi Yesus Kristus gomimi, Gang pidiri usadia, ping phana Lahatala gakarajang nua anga gadang tulang mi, anga hise ping bisa gomi mi aphetal. 
\s MIAMA YESUS GOMIMI PATA JADI ANU
\p
\v 11 Anga gelang uieling, ing adi tulangmi phela go mi iogajali, ubagang sebola, “Gingba sunat banaga,” anga gingba ubagang sebo la, “gingba nama sanat,” su natba ging tarima giboga aji gadang anga manusia gatangba ukarajang,
\v 12 Ueling, oras anga ing tatabi aphetal Kristus gohapha, anga gelang ing Israel aba ng uhapha, oli palakiba mi ama iala palaki uhapha, ing miama nama geng aji gene anga gelang imikuat ubana ga, oli i'Lahatala ubanaga gie dunia tang.
\v 13 Agani ibase, adise ing Yesus Kristus gomimi, tula ng anga ing nuahama gale ta, ibase adi ing adu Yesus gabung ga fee gomimi.
\p
\v 14 Geng angaba tomianu anga ae gabung angami, anga gelang, ilba rupa alo tatara, kabisa tomi anu jadi banaga, oli hakaba ping mi ama taphalong gene tatara
\v 15 Gang gaphalong anga gajahing gabo ga'aji gomimi, phenangba Taurat gaparenta, gafiag ga'asal, anga gelang ga boga aji gomimi, nama alo tafelung ibase Gang gene anu, mia ma manusia haba gene, tomianu taha'anu.
\v 16 Gang ging phana tomi anu taha'anu Lahatala gomimi, giboga aji gene gang jadi anu, galeut gomimi, tarus gi ganukung tatara tegapa lang anga Gang gene tamina.
\v 17 Gang tomianu taha' anu nuahama phana adu, miama namaba apal-apal, oli nagaba gingba letami angadi ajimi giala tutuk,
\v 18 Sebab Gengmi angaba pibalapi pifiag buka balela ng mia pidang jema, Gang ping phana Pimang ugadu Eang anu gomi.
\p
\v 19 Anga gelang, ing adi joa ka miama nama geeng aji ge ne banaga, olika mia ma nama adu manang ge ne bana, ibase ping miama nama hamolang oli Lahata la ga'e gomi gamanusia ge ne.
\v 20 Miama rasul rasul, oli nabi-nabi, Yesus Kristus gomimi bakung nata sebab Geng angaba fal pasagi
\v 21 Kristus gomimi il ajimi gitomianu philing, miama Lahatala ga'e Hamolang gene.
\v 22 Gomimi angba indi nama ing bakung, mia ma Lahatala gamihang ma na gene ga Eang hamolang gomimi.
\c 3
\cl Ejel 3
\s PAULUS BALENTA MIAMA YAHUDI BANAGA GADANG
\p
\v 1 Fiag adi gelang, neng Paulus, nama neng miama bu bu emi sebab ingka Yesus Kristus geli banaga anga gelang.
\v 2 Ing ae uma gia sebola Lahatala gakara jang, Ganua hama ba Gang nohi gala lamal ututuk miama idang,
\v 3 Ganua hahama gomimi, masiking ilba taphuning, Gang mia natu bing emanghula do jiami nang ae tulis hingkul ede ng gajoang.
\v 4 Oras ing surat basa, ing naganukung adi mang garati jema, phe nangba Kristus garahasia.
\v 5 Gangka miama tapha nang ebeng gala tutuk ba naga, ibase Gang miama rasul oli nabi hamolang ga Eang Ha molang gomimi ugitubing.
\v 6 Gomi gagahi phenang ba Injil gomi anga, namaba Lahatala geli banaga di par saja Gang miama gafal gi dat gene, oli pikaku pisera ng ping gene anu, fomung palaki Yesus Kristus gomi mi.
\p
\v 7 Nang Injil ubalenta adi, Lahatala ganua hama ba Gang mia meneng gaku asa gomi, karajang gamau gaujali anga ugalu ali.
\v 8 Neng adiba, nama mi phela gie nama hamolang gahahamami, Lahatala ga nua hama adi nohi miama nama kafir anga gonong giala tutuk, gabisa gakafa sa ping u'ukur jadi banaga gomimi,
\v 9 Oli galiali pha na miama nama tohing rae giala tutuk, phenangba ra hasiaba tapbuning, tung je ma tung adu Lahatala gomi mi, gengba il ajimi ma jadi.
\v 10 Anga hise jemaat go mi anga, Lahatala gaganu kung nua hama ututuk uba gang, miama namaba pare nta, oli kuasa puni moe sorga abang mi.
\v 11 Adiba gomi gagahiba Gang tula ngmi usadia maiama Yesus Kristus pi Lahatala gomimi,
\v 12 Geng mi anga, ping bisa barani jema Lahatala harak, ping tatabi puni ana mang Kristus gakalaka go mi.
\v 13 Anga gagelang, nang ibagang iomi ake su sa ganang kalo susa lalaba nang gie urasa adi karna ing gelang. Susalala adi mia ma inua hama gene. 
\s JEMAAT EFESUS PAULUS USAMBAJANG
\p
\v 14 Il adi gelangba, nang Nimang ga hondal goa nia ka phung muding.
\v 15 Geng mi gelang, gingba toe surgami nagaba oli gie pali ka galolang tang ajimi ga ne anga tarima
\v 16 Nang sambajang anghi, Gang ga bisa gakafasa, ganua hama, ga kuat ga dagili, miama io mi gomi angami Gakuasa Eang Hamolang gomimi.
\v 17 Anghise Kristus gang bisa iomi gomi mi miha i'i man gomi, anga hise ingbi sa phling Gengmi anama ng, ga gomi ijahi gomi,
\v 18 Anga hise ing nama hamo lang tohing rai anga giala manggarati sebola, tatabi Kristus Gang gomi miama pijahi anga tatabi berang oli afening, talalu balolu, oli kula angaka il joa gajoang banaga.
\v 19 Anghise, ing Kristus ganua geli sebola, bisa pintar, hur geli dal ga dang, rupa karanu Gengba gatang goa, sebab Lahtala gomimi afing jia.
\p
\v 20 Geng angaba, Gang bisa il ajimi ukarajang, mi lebe miama il karanuba ping uganukung sengse phana bagang, anga karna ga kuasa ba'ae piomimi karajang jia
\v 21 Tajaning palefang mia Gadang nua hama jemaat gomi oli Yesus Kristus gomi mitapha nang ajimi giala hama ani gegjia gegmega. Tatabi.
\c 4
\cl Ejel 4
\s YESUS GABOGA JADI ANU
\p
\v 1 Anga gelang, neng adi nama neng hukung, sebab Yesus gane gelang, nang itomba, anghise ing aphetal Lahatala gamau ugaluali
\v 2 Nang ibagang iomi anga gene galolang-galolang, bala-bala, sabar, oli tomamoli ng, tomi tajajahi gomi.
\v 3 Iku at idagiri go mimi iafak anga ugape anghise, Eang tomianu, taha'anu anga Gang miama ingpata, isuka nafera gomimi.
\v 4 Piboga'aji suma anu kakelang, oli Eang di anu, Emang hula halomang mi nama i'agang fa miama imi kaku bal anu ugadu phena ngba,
\v 5 Pimanaking anu, Iman anu, jial mia anu.
\v 6 Pi Lahatala anu oli Gengba ajimi anga Gimang, Gengba migatela, ajimi anga a'e ge ngmi, oli ajimi a'e gomimi.
\p
\v 7 Agani ibase, nama ana nu, nuahama anga miama maginang, jema Kristus ga suding ugaluali.
\v 8 Anga gelangba a'e ubagang sebo la, “Oras Gang toe mana gate la mimida, Gang namaba, nama taha ng anga Gang gidoli, seng muse Gang oli ganua hama anga, miama manusia ge nang.” 
\rq Mazmur 68:19 \rq*
\p
\v 9 Tami oli ae ubagang sebola, “Gang mida,” anga se kalu boa, Gemba kalu poe dunia gadumang di mihela?
\v 10 Gengba hela, Gengba toe mida burang gamigatela anga gatang go ami, oli Gengba il karanu anga mimiha miaji.
\v 11 Gengba mau rasul na gaba nabi, oli namaba injil ututuk, terang fala, na gaba gingba nama ajar.
\v 12 Gang nama hamolang aji mi gidiri anga usadia, mia ma gakarajang phal hamo lang ukarajang, miama Kristus gaboga aji anga gada ng.
\v 13 sampe pinang aji mi pi'iman anga jadi anu, oli pimanggarati miama Lahatala Gafal gadang. Phe nangba manuasia gomi ga unang'u, sampe pi'iman adi philing Kristus ganua hama piomi mi afing-afing, gama u gaujali anga ugaluali
\p
\v 14 Anghise, pingka fal kakiri molo banaga, tami pi'iman adi ojang famate ajaran rupa-rupa gomi ba naga, oli eang phela gaka rajang, manusia ta'ali talale ko, oli gibisa pintar gomi phana lamal nama gala le ko.
\v 15 Ibase gamamolo angase nuahama, oli tomi tajajahi gomimi ututuk uba gang, anga hise ping bisa Gengmi philing, ganua ha ma rupa karanu gomimi. Sebab Gengba kapalang phenangba Yesus Kristus.
\v 16 Gomimi anga il karanu pata anodu jadi anu hama-hama teng puni teng hon dil, kalo nama ananu geg anga ukarajang, angase pi boga aji gang philing, anga hise tomi tajajahi adi gang bisa piomi gomimi philing. 
\s APHETAL GAMAMOLO KRISTUS GOMIMI
\p
\v 17 Anga gelang, nang iala tutuk nang oli tatabi tang miama iala tutuk magala, ake aphetal emeng hula, namaba Lahatala geli banaga anga molo, aphetal pikirang ka molo banaga.
\v 18 Gimanggarati anga mang kakua, anga gelang aphetal Lahatala uhapha, karna bodo kamuke anga ba ae giomi gomi angami, sebab giomi anamang ang a gelang.
\v 19 Giganukung nua anga amina, ging gidiri anga miama napsu phela angaba migamugu, sengse phela gahalang, karang kari ta rupa-rupa, karanu anga ba ujajari.
\v 20 Anga gelang, joaka aphe tal garupa agani seng hise, ing bisa Kristus geliba naga.
\p
\v 21 Ing kalo ae uma gia jema, oli gomimi nama ing ajar, bola nua hamaba ae Yesus gomimi anga ga enas tetabani.
\v 22 Angse nuaba imanusia fegeng phei, il anga ing tarima ima nusia fegeng gomimi, pada hal anpsu phela anga ae nua hama anga gene gaja hing jia, gang ia ali iala leko.
\v 23 Nuaba iganukung gabu ala ga Eang gomimi.
\v 24 Oli aphetal haba ang ba pake, gene gasuang Lahatala gasuang molo, hamolang kadulang, oli molo-molo gomi.
\p
\v 25 Anga gelang, nuaba ilba geng banaga anga phei, sengse ma, ilba nua hama angaba ututuk uba gang miama ikaku isasera ng gadang, sebab pinang ajimi adi piboga adi anuka kelang.
\v 26 Ing iomi kalila, ibase ake dosa anga ukara jang sampe jema fid mugu ganang,
\v 27 Oli ake ioras anga mia setang genang ganang.
\v 28 Gingba suka il ga phu ning, nuaba ake il gaphu ning ganang. Lebe minua gang karajang lebe kalaka magala, oli karajang nua angaba gang gatang mia ma ukarajang, anghise gang bisa berkat harak, sengse gang bisa miama namaba parlu anga mia maginang.
\p
\v 29 Ake iafak phahi anga ugalolang, hur phela-anga ake iagmi kalu ar ganang, ibase nua hama angaba parlu miama ugi tumba, anghise berkat mia ma gidang gingdi mate ana mang.
\v 30 Ake Eang hamolang gomi gene ga keta ganang Sebab Gengba bisa ampo gatanda anga miama ping tanda.
\v 31 Il ba rupa karanu gagu nang ubanaga anga phei, malma kitang, tohanu nggur, tomi takalila, hur te ga hala, tahula tamananti, oli phela gahalang rupa ka ranu, anga ajimi miama io hapha.
\v 32 Nua hama ang ba miama tatadang, mole ng bala angaba malekang ing u, oli teng auampo ema ng hula Lahatala, Yesus gang ing uampo anga gajoang.
\c 5
\cl Ejel 5
\p
\v 1 Anga gelang, ing Laha tala gafiag angba ugaluali, emanghula Gang gafal anu gomi miama gijahi, anga molo
\v 2 Aphetal tomi mia tajajahi, emanghula Kristus gomi miama pijahi, oli gadi ri miama mapining, miama sadaka nua anu, oli enas hamolang kadulang Lahata la gahondal goami.
\p
\v 3 Anga gelang phela adi ake a'e ihahamami ganang, ga rupa karajang phela ga halang, karang karita naga ba, il ujajari, mang ubagang di gajia, sebab nama hamo lang il garupa agani anga ake ae nama hamolang gi hahamami ganang,
\v 4 Oli hur karita, hur bodo, poha ng jahi, hur karas oli il ba geng banaga, ake ae ihaha mami ganang, ibase ing ga nua angba ubagang tarus
\v 5 Sebab ing geli tarang sebola nama kariata, hamo lang banaga, namaba il uja jari, parang gahi gamus ura kus, gingka manaba Kristus, oli Lahatala usadia jema anga mimaso jadi banaga.
\p
\v 6 Kalo nama joa hur lale ko angba phana adu mia ma ia'ali iala leko, oli ilba ga rupa agani angaba, Lahata la gang gomi miama nama ba phela gahalang karang karita garupa agani anga gikalila.
\v 7 Anga gelang ake giala aphetal ganang.
\v 8 Tulang anga ing kakua ga manusia, ibase adise ing lia li gomi aphetal jema, anga gelang ing malekang liali mi aphetal.
\v 9 Sebab liali gahi anga, ajimi nuaha ma, mang molo-molo, mi gahala banaga,
\v 10 Ging oli gola sebola il tata angba pimanaking gomi gene ga sanang
\v 11 Ake nama ga la, phela gahalang, kakua geg angaba milamal gana ng, sebab anga gagunang ka ubanaga, sengse phela anga, ajimi buka gabalela ng.
\v 12 Sebab il phelaba ging ukarajang anga, ping kakua gomi ubagang ang muse ping rasa maniang.
\v 13 Anga hise ajimi-ajimi ba, liali uliali anga gang kuli balelang, anga hise gang jadi tarang.
\v 14 Ajimi anga gang tarang, sebab iliali go liali jema. Anga gelang tami ae ubagang sebola, “Nuaba mate ingba ae ta jia anga! Nama amina gahahama mi mate, anga hise, Kristus Gang io liali 
\rq Yasaya 60:1 \rq*
\p
\v 15 Anga gelang, ing male kang gauling nua-nua, ing malelakang aphetal tetaba ni. Ake emang hula nama kamuke gajoang ganang, iba se akal kabule gomi aphetal.
\v 16 Oras adi pake nua-nua, sebab oras adi phela.
\v 17 Anga gelang ake bodo ganang, ibase Lahatala ga mau gaujali angaba ugaluali.
\v 18 Ake naboga anggur gelang ganang, sebab anga kanua banaga, gamamolo se malekang eang hamola ng angaba piomi gomimi afing-afing.
\v 19 Itomi anu i'tala tutuk miama tatada ng, idal phuhi gomimi, dal rohani angaba phuhi, iomi uaji-uaji miama Lahatala tajaning.
\v 20 Il karanu-karanu gomimi ing malekang tarima kasi ubagang mia Pimang Lahatala, pi Tuhan Yesus Kristus gane gomimi. 
\s NASIHAT MIAMA HIAL AMU GADANG
\p
\v 21 Ing malekang totoku, tenguada miama tatadang Kristus gahondal goa angami.
\p
\v 22 Hai ingba nama gahial, ing malekang inaming anga uada, emang hula Yesus uada molo.
\v 23 Sebab Ing hial ibi ang ba inaming, garupa Kristus mia ma jemat gabiang gene, oli jemat anga Yesus gaboga, sebab gengba galo kang salamat gaejel.
\v 24 Ibase, pingba jemat, ping malekang Yesus utoku, ani dise ingba nama gahial, ing malekang inaming uada il rupa karanu gomimi.
\p
\v 25 Ingba ginamaing, iomi anga mia ihial gajahi, ema ng hula Kristus gomi miama jemat gajahi anga gajoang, Gang gadiri anga miama jemat genang.
\v 26 Miama ging gene hamola ng, gafe hamolang oli jial Gahur gomimi.
\v 27 Anghi se Kristus gajemat ging ge ne hamolang mia gadiri ga dang, gakarang karita dika ubanaga, nagaba oli ka mi kurang, oli migabuala dina ga. Anghi jemat jadi hamo lang kadulang, oli ka karita banaga.
\p
\v 28 Oli ingba ginaming, ing malekang iomi miama ihial gajahi, emanghula abo ga aji molo. Namaba gomi mia gahial gajahi, angse ga ng gadiri amba gomi mia gajahi anga molo.
\v 29 Sebab nama anu gang go mi miama gadiri gakalila ja di banaga, ibase gang gadi ri ugariang oli usadaha. Aga ni dise Kristus di ukarajang miama gajemat gadang
\v 30 Sebab ping adiba gaboga aji.
\v 31 Anga gelang kalo nama amu anu gang Gifa gimang mia gio hapha sengse gang jema hial anu gala aphetal anghise gibala anga giboga jadi anu jema.
\v 32 Rahasia adi phal, adi miama Kristus oli ga jema at mimega.
\v 33 Anga ge lang, biarla nama ananu go mi miama gahial gajahi emanghula gang gadiri ga fak phahi gomi mia gajahi molo, agani dise oli ing hial di malekang inaming uada.
\c 6
\cl Ejel 6
\s FONG GENE MIAMA FAL OLI GIFA GIMANG GADANG
\p
\v 1 Fal gonong, ing maleka ng ifa imang ging uada La hatala gomimi, sebab anga ba il nua.
\v 2 Ifa imang ang a geng uada, adiba parenta gahalomang gang oli gapa laki di miama magala.
\v 3 Anga hise iaphetal jadi nua oli i'umur di afening gie palika galolang tang adi mi.”
\p
\v 4 Nimang naming, ake ifal anga gonong giomi ang a gene gakalila ganang, iba se Lahatala gomi gifong ge ne hise gi'iman gang phili ng. 
\s E'MANAKING, MALAL GALA GIFONG GENE
\p
\v 5 Ingba malal, ing i'itua ng anga uada, utoku, uphali ling, oli iomi anga uaji-uaji, emanghula ing ukarajang miama Kristus gadang gajoang.
\v 6 Ake karajang bola manusia gohi uling ge li giomi gene gang sanang ganang, ibase karajang Kristus gamalal molo miama Lahatala angaba gomi anga gene ganang
\v 7 Ing musti gio balenta iomi ang a uaji-uaji, ka miama manu sia gadang banaga, ibase miama Lahatala ba gadang
\v 8 Sebab ing gelise bola, mau malal, nagaba nama lohi, ging kalo nua hama amba ukarajang piaphetal gomi, Lahatala kuli ga phili gene miama mapining.
\p
\v 9 Ingba nimang naming, tadili betul miama imalal gadang, Ake iomi miama gikalila ganang, sebab mau imanaking, nagaba oli gima naking ajimi toe surga mi miha, Gangka nama giafaka l uolu banaga. 
\s LAHATALA GAKALANG ANGBA PUNI
\p
\v 10 Gaumatemi ing maleka ng kuat dagili, Gakuasa go mimi.
\v 11 Lahatala gakalang anga ba puni, anghise ing bisa tahang udagili mate, mia ma iblisba suka pia'ali piala leko anga lafang.
\v 12 Milil taliakang ba ping gie gadang mate adika, mia ma piaboga oli pi fee adiba miama lafang banaga, iba se miama eang phela, gapa renta, dunia kakua gakuasa, oli miama eang phela gaku at ba toe burang gomi ang ba lafang.
\v 13 Anga gela ng ing malekang Lahatala gakalang aphetal anga ba pake, anga hise ing bisa ta hang udagili mate, miama oras phela ba'ae ingtang adu ma jia anga gadang, anghise jema gaumatemi ing bisa dagili tahang mate.
\p
\v 14 Sengse mate anama ng nua hama gadeko hial anga gabikil, miama iaha phakang tang, oli ikondo faja molo-molo angaba pake,
\v 15 sengse oli injil to mianu taha'anu, suka nafe ra gasapatu angaba pake.
\v 16 Il rupa karanu gomi mi, pi'iman gabelong-belo ng angba pake, anghise ing bisa mate miama, setang gafot ad huling anga mia' ma gajahing gabutung.
\v 17 Nuaba salamat gaba loko anga pake sengse, Eang ha molang gakalang phenang ba Lahatala gahur hamolang.
\v 18 oli samba jang oras kakanap bagang ga Eang Hamolang gomi mi, Oli i'bagang gomimi anga, iafak phahi anga tata bi ujaga, miama Geng mi kuat, sengse ibagang anga gala mida miama nama hamolang ajimi gidang.
\p
\v 19 Oli bagang miama nen di nadang, anghise jema gao rasmi nang nag buka anga se, gahur angaba Gang miama nag tang, nang barani Injil gamau ba taphuning anga nang bisa ututuk.
\v 20 Oli Injil gelang ba nama neng miama tabu hang e'gomi mi. Bagang miama nadang, nang barani Injil adi ututuk gamau amba ugaluali. 
\s PALAKI GAUMATE
\p
\v 21 Tikikus, nakaku ni iman anu, nang nomi mia ma gajahi, oli Lahatala ga malal tabi kalaka Lahatala gomimi, gang kuli il rupa karanu anga miama iala tu tuk, anghise ing di bisa na suang adi geli, oli il ba nang oli gie ukarajang adidi geli.
\v 22 Tatabi nengba geng gahing gohi iola jema anga nomi bola, anghise ing bisa nahojat adi umagia oli geli, gang oli bisa iomi anga ge ne gang sanang.
\p
\v 23 Nua hama miama ping ba pi'iman hama adi pidang, oli tomi tajajahi Lahatala Tuhan Yesus Kristus gomimi.
\v 24 Nua hama miama nama ba gomi miama pi Lahatala oli Tuhan Yesus Kristus gajahi, tatabi tomi miama tajajahi gomimi ka phela banaga.