poy_reg/55-1TI.usfm

\id 1TI
\ide UTF-8
\h 1Timotheo
\toc1 1Timotheu
\toc2 1Timotheu
\toc3 1ti
\mt 1Timotheu
\c 1
\cl Sheni 1
\p
\v 1 Paulo, mbui gwa Yesu Kristo, kulinganira na amri ya Mlungu na mkombora gwetu Yesu Kristo yakawera mjasiri gwetu,
\v 2 kwa Timotheo mwana gwangu gwa nakaka mu imani: Neema, rehema, na ponga yairawa kwa Mlungu Tati na Yesu Kristo Mtua gwetu.
\p
\v 3 Ndambu ya nikugambiliti paniukiti kugenda Makedonia gusigali Efeso su guwezi kuwatagarira wantu na wafunda wa ntufurani na watunda mafundu ga gweka. 
\v 4 Viraa wapikanila hadithi na nasaba za ziwerandili na upereru. Haga hujega mabadilishanu zaidi kuriku kuwatanga na kuwendereza mpangu gwa imani kwa Mlungu.
\v 5 Su lengu la ligariru ali ndo ufiru wakumoyo guherepa, mviririherepa, na imani ya nakaka.
\v 6 Muwamu mwa wantu walikosalelu rihengu wagareka mafundu aga kugara mbukira mumatakura ga izigizigi.
\v 7 Wafira kuwera wafunda wa sheria kumbiti washimanandili sha watakula ama shawashishitiza. 
\p
\v 8 Kumbiti tujimana sheria heri handa muntu pakaitendera kwa nakaka.
\v 9 Tuvimana kuwera sheria itungwa ndiri kwa muntu ya katenda haki ila kwa waliya yawdega sheria na ugalambuka wantu yawana vidoda na waliya ya wawera Mlungu na wakondora. Itungwe kwa uliya ya walangwa wamau wau na watati wa, tozia walaga, 
\v 10 tozia wahumba na wantu wazinzi na kwa walii walopora wayauna kuwatenda kuwera wamanda, nakuwazyanga na kwa mashahidi wa uzyanga na yoseri yakawera mgarambukwa gwa matakulu gau waminika.
\v 11 Maelekezu aga galawana na shisoweru shana ukwisa wa Mlungu gweni utekelelwa gweni gwaminika gweni njimira.
\p
\v 12 Nimshukuru Mtua gwetu Yesu Kristu. Yakapanananiti makakara, kwa kuwera kani warangila neni kuwera mwaminika, nakuntula muhuduma.
\v 13 Weriti muntu gwa kufuru, mtesayi na muntu gwa kulikoma kumbiti mbatiti rehema tozia ntenditi kwa uzigizigi kwa kujimira ndiri.
\v 14 Kumbiti neema ya Mlungu gwetu imani na ufiru ya kuwera mu Kristu.
\p
\v 15 Ulagilagi huu ndo wanakaka wagufirua kwanka na woseli, kuwera Kristu Yesu kiziti pasipanu kukombola yawana vidoda. Neni namkondola zaidi ya woseri. 
\v 16 Kumbiti tozia ayi mbananitwi rehema mkati mwangu, kwapanja Yesu Kristu kurangazii uvumilivu waseli katenditi hangu handa kielelezu kwa waseri ya wamjimila yumberi tozia ukomu wa mashaka goseri.
\p
\v 17 Vinu kwa ufalme yakawendiri na upereru, yakahoa ndiri, yakaoneka ndiri, Mlungu gweka yakui iweri heshima na uheru wa mashaka goseri. Amina.
\v 18 Ndura ragariru ali kurongoru kwaku Timotheo, mwana gwangu. Ndenda hangu kuringanila na umbuyi yauraviiti makashu kwaku, su guweri mu ngongu weri.
\v 19 Gutendi hangu su guweri na imani na ntambu heri. Muwamu mwa wantu wagarero aga na kwagamizia imani.
\v 20 Ndambu ili Himeneyo na Alekizanda weni nawapananiti shetani su kawafundi na wiza kukufuru.
\c 2
\cl Sheni 2
\p
\v 1 'Awali kwa yoseri fira maruwa na sara na madaya na shukrani vitendeki kwa wantu waseli,
\v 2 Toziya ya wafalme na kwa waseli ya wakora mrima, situwezi kurikara makariru ga ponga na tuweri na kunyamara muutauwa woseli na ligoya.
\v 3 Ali ndo liheri na lakujimirika kurongoru kwa Mlungu mkombola ngwetu.
\v 4 Yomberi kafira wantu woseli wakomborwi sukapati kuimana nakaka ya Mlungu.
\v 5 Pakuwera pana Mlungu yumu na kwana mpatanishwi yumu pakati pa Mlungu na muntu mweni ndo kristu Yesu.
\v 6 Kajilavia mweni kuwera fidia kwa woseli handa ushuda wa mshoka usika.
\v 7 Tozia ayi neni na mweni ndenditi kuwera Mlungu na ntumi ntumi. ndakula nakaka. zyangandiri neni na mfunda gwa wantu gwa maisi gamonga mu imani na unakaka.
\p
\v 8 Hangu mfira waparu kira pahala warumi na kugolosia mawoku gau na manana gara pota maya na kusha shatika.
\v 9 Viraavi fira wadara wavari nguu ya zijimilwa na wantu za ligoya na kujizuiya. na wawela na mvili ya zisukwa na zaabu na lulu au mavazi ga galama nkuru.
\v 10 Viraa fira wavali nguu yazifiriziwa na wadara ya wajimira uchaji kupitira mirandu miheri.
\v 11 Mdara na kurifundi muhari ya uturivu na kwa ujimiru woseli.
\v 12 Njimira ndiri mdara kufundwa ama kamkoli mlima mpalu ila kakari pa kunyamala.
\v 13 Kwa kuwera Adamu kaumbiti kwanja shaka panu Eva.
\v 14 Adamu kazyangwa ila mdara kazyangwitwi na kamu mu ukondola.
\v 15 Hangu haka kombolwi kupitiiwa kulela wa na handa pawenderea muimamani na ufiru na muutakasu namumahara maheri.
\c 3
\cl Sheni 3
\p
\v 1 Shisoweru hashi ndo shanakaka paiwera muntu kafira kuwera mgorokera, kafiruziwa kutenda lihengu riheri.
\v 2 Su vinu mgorokera na kawera na lawama. lazima kuweri mparu gwa mdara yumu lazima kuweri nakiasi niweni busala yakawera na utaratibu, mkarimu, lazima kuweri na uwezu ngwa kufunda.
\v 3 Nakaranda nakawera mgomvi ala mpori, yaka na ponga. Nakafira senti netu.
\v 4 Kafiri ziwa kugorokera weri wantu ya wanumba yakui mweni. Nawana wakuyi wafiriziwa kumtii kwa lugoya toseli.
\v 5 Maana paiwera munfu kamana ndiri kugorokera wanfu wa numba yakuyi mweni hakagorokeri hashi kanisa la Mlungu?
\v 6 Nakawera mwamini gwa syayi su nakiza kuritumba mweni na kuguira mu utoza gambira mukondola yulii.
\v 7 Lazima viraa kaweri na sifanjema kwa waseli yawera kunja, su nakiza kangu ila musoni na mtegu gwa mkondora.
\p
\v 8 Mashemasi viraa wafiru ziwa kuwera na ligoya nawawera na matakuru mawiri na walanda kupita kiasi amakuwera na matamata.
\v 9 Yaweza kutunza kwa dhamiri heri ili Yanakaka ya imani yaigubu turitwi.
\v 10 Waweri wamanika kwanja viraa, Hangu wawezi kukara toziya wahera lawama.
\v 11 Wadara ntambu ilayi waweri na ligoya. Nawawela waongu. Waweri na kiasi na kwaminika na mabu goseli.
\v 12 Mashemasi lazima waweri waparu wa mdala yumu. Lazima wawezi kugolokela wali wana wau na numba yau.
\v 13 Kwa kuwera walii yawatindera wali kupata aganga mara na wahera vikambu waima ya iwera mu Kristu Yesu.
\p
\v 14 Nigaremba mambu aga kwa ku, na namatumaini ga kwiza kwaku pakwegera.
\v 15 Kumbiti paiwera nkawa, Nemba su mpati kuvima ndambu ya kugenda genda numba ya Mlungu yeni ndo likanisa la Mlungu ya kuwera mkomu, mpanda na mtanga gwa nakaka.
\v 16 Ipinga ndiri kuwera nakaka ya Mlungu yaigubuturitwi ndo nkuru. kawanekanika mushimba, karangaziwa na rohu, kawonekanikana malaika mu wamu mwa maisi na kuyi mirwa na pasu panu nakutorwa kupapindi mu ukwisa.
\c 4
\cl Sheni 4
\p
\v 1 Vinu rohu kazumba wazi wazi mumasiku gizawamu wantu awaileki imani kuwera makanisa kupika nira roho zizyanga namafunduga kipepu ga yanagafundwi.
\v 2 Mu uwongu na unafiki. Dhamiri zau azigalamulwi.
\v 3 Akawalewereri kuyuga na kwanka viboga vya kaumbiti Mlungu vitumiki kwa shukrani muwamu mwauna wajimila na wavimana nakaka.
\v 4 Kwa kuwera kira shintu sha Mlungu shakaumbiti. kwahera sha twanka kwa shukrani shi stahiri kubelelwa.
\v 5 Kwa kuwera shi takaswa kupitira shisoweru sha Mlungu na kwanjira ya maombi.
\v 6 Pagugatura mambu ago parongoru pa warongu, Aguweri ntumintumi guhelepa.
\v 7 Lakini gazilemi hadithi za dunia zawazifira wadara wazewi. Badala yakui, gulifunzi gamweni katika utaua.
\v 8 Kwa kuwera mazoezi ga shimba gafaa kidogu, utaua gufaa sana kwa mambu goseli. Hutuza ahadi mu maisha goseli.
\v 9 Ujumbi au ndo wakwaminika na gustahili na kuufila kabisa.
\v 10 Kwa kuwera na sababu ayi twamuku taabika na kutengu kwa makakala nantu. kwakuwera twanau ujasili mu Mlungu yakawera hai, yombeli ni mropola gwa wanta wantu woseli, lakini su kwa wajimila.
\v 11 Gugazumbi na kuga funda mambu aga.
\p
\v 12 Muntu yoseli nakazarau ujana waku. Badala yakuyi kaweri mfanu kwa woseli wajimira, kwa mu kwa mu kuzumba, mwenendu, ufiru, uaminifu, na uherepa.
\v 13 Mpoka paniza, dumu, mukusoma, mu uonya, na mu mafundu.
\v 14 Naguipuuza karama ya mnumba mwaku, yawa kupiti kupitira unabii, kwa kuturirwa mawoku wazewi.
\v 15 Gugajari mambu aga. gukali katika aga kukula kuweri dhairi kwa wantu waseli. guzingatii sana mwenendu gwaku na mafundu.
\p
\v 16 Gudumu katika mambu aga. Maana kwa kutenda hangu agulilopori gamweni na walii wa kupakanila.
\c 5
\cl Sheni 5
\p
\v 1 Nagumkaripila mwana mpalii mzewi. Bari gumtii moyu gambila tati gwaku. guwa tii moyu vikambaku wapalu gambila walongu waku.
\v 2 Guwaturi wana wadara wazewi gambira wamau waku, na wana wadara wahinga gambila wadada waku woseli waherepa.
\p
\v 3 Guwaheshimu wakonja, yawawera wakenja nakaka.
\v 4 Paiwera mkenja kana wana ama wazukuru, wareki kwanja warifundi karangazia heshima kwa wamtu wa numba yau weni, wareki wawauzilili walera wau maheri, kwakuwera ayi mfirizia nentu Mlungu.
\v 5 Kumbiti mkery nakaka ndo yulii yakarekiwitwi gweka yakuyi. Na yomberi katura litumbiri lakuyi kwa Mlungu mashaka goseri kawera musala na maluwa palwala na pashiru. 
\v 6 Hangu mdara yulii yakatenda utumbo kahoa tembera kawera mkomu.
\v 7 Naguyabweri mambu aga su nawera na lawama. 
\v 8 Ila paiwera muntu kawatunza ndiri warongu wakuyi hususani waliya yawawera mnumba mwakuyi, hususani waliya yawawera mnumba mwakuyi, karema imani yakui ndo mbaya kuliku muntu uliya yakaamini ndiri.
\p
\v 9 Su mdala karembwi muorodha ya wakeya pakawera na umri gwa miaka sitini, na ndo ndala gwa, paru yumu. 
\v 10 Lazima kamaniki kwa matendo maheri, paiwera kawarola wanawakuyi weri ama kawera mkari kwa wahenge, ama kagurula maguru ga waaamini ama kawatanga waliyawateswa, ama kalilavia mweni kwa lihengu liheri.
\v 11 Kumbiti kwa wakenja wali wamtemba, guremi kuwaremba muorodha wa wakenja. Pakuwera pawingira mu matamata za shimba zau dhidi ya Kristu wafirwa kuyugwa.
\v 12 Kwa ndambu ayi wingira muhatia pakuwera kuwadega kulavia weni kwanja.
\v 13 Na vinu wingira mu mazoea ga upweri. Womberi hutyanga numba hadi numba. Situkwamba wareri, ndo walaa wawera wasengenyaji na wirila mumambu ga wamonga wombeli walonga mambu ga yawapaswa ndiri kutakura.
\v 14 Neni nfila wadala vijana wayugwi, waleli wana wagolokeli numba zau, su nawampa mnkondu gwau nafasi ya kumshongera kwa ktenda vidoda.
\v 15 Toziya muwamu mwau wamugalambukila shetani. 
\p
\v 16 Paiwera mdala yoseli yakaamini kana wakenja su kawatangi ili likanisa na lyelemewa ili liwezi kuwatanga walii ya wawera wakemja nakaka.
\p
\v 17 su wazewi walii ya wakola mrima weri walangawiri kuwera wafirua ligoya nentu hasa walii yawatenda lihengu la kufunda shisoweru sha Mlungu.
\v 18 Kwa kuwera shisoweru saha Mlungu shironga,” nagumtawa ngombi mlomu pakawera kanguliya shiboga" na “mtenda lihengu kafiruwa kupananwa shisoweru motu shakuyi.”
\p
\v 19 Nagwenka mashitaka dhidi ya mzewi ila pakawera na mashahidi wawili ama watatu. 
\v 20 Guwaonyi ya wana vidoda kurongolu kwa wantu woseri su wamonga wasigala pamonga mewatili'
\p
\v 21 Nakuragalila kwa dhati kurongoru kwa Mlungu na kurongolu kwa Kristu Yesu, na Malaika wasagulwa kuwera gusturi lagariru azi pota kusagula shoseri na kutenda shoseri kwa upendereu.
\p
\v 22 Nagumtulila muntu yoseli mawoku kulongola. na gutenda madoda ga muntu yumonga. Ifirua guweri safi gamweni.
\v 23 Gufirua ndiri gulandi mashi gweka yakuyi badala yakui gulandi divai kwa mtima na marweli gaku ga mara kwa mara. 
\v 24 Madoda ga muwamu wantu gamanika kwa ulangala na kurongerela kutozwa. Kumbiti muwamu mwa vidoda giza kulongoru.
\v 25 Viraa muwamu mwa mahengu maheri gamanika kwa urangala, kumbiti hata zamonga zififika ndiri.
\c 6
\cl Sheni 6
\p
\v 1 Walii woseli wawera pasi panira gambira watumwa wawatoreli waparu wau gambira yawana ligoya loseli, wafirwa kutenda hangu ila litawi la Mlungu na mafundu na yigirwa.
\p
\v 2 Mtumwa gwa mtua yakaani na wamdharau tozia womberi ndo warongu badala yakui, wawatenderi nentu. Tozia watua wawatanga mahengu gau ndo waamini na wapendwa. Kugafunda na kugabwera mambu aga.
\p
\v 3 Paiwera muntu fulani kakufunda upotozia na kanka ndiri maelezu getu ga uwaminika, geni ndo visoheru vya Mtua gwetu Yesu Kristo, paiwera wajimila ndiri mafundu lya lyongera muutaua. 
\v 4 Muntu ayu karitumba na kamana ndiri shintu badala yakui, kana mtiti mu shisoweru. Shiweruru ashi shalela wivu, mtiti lijojaniru, shuku mbaya, 
\v 5 na mtiti gwa kila mara pakati pa wantu yawana mahala gaharibika waleka nakaka, walihora kuwera utauwa ndo njira ya kuwera warunda.
\p
\v 6 Vinu utauwa na kuvikuta ndo faida nkuru.
\v 7 Maana twizandiri na shoseli pasipanu apatutori shoseli kulawa pasi.
\v 8 Badala yakuyi, twikuti na shiboga na nguu.
\v 9 Vinu su yawawela na ulunda vhuguwa mu mayeru na katika ryambiku. Hugua mu uzigizigi uvua na matamata gadoda, na mushintu shoseli shiwatenda wantu wagamiri mu maangamizi na muhuaribifu.
\v 10 Kwa kuwera hufira sumuni ni kwaya kwa vintu vyoseli vya udoda. Wantu wamuwanamatamata aga, wapotoziwa kutari na imani na walisoma weni kwa huzuni zivua.
\p
\v 11 Lakini gwenga muntu gwa Mlungu, gugatugi mambu aga. Gufati haki, utauwa, uwaminifu, ufiru, ustaimilivu, na ugweka.
\v 12 Gukomi vita weri vya imani gukoleli uzima wa milele wa kushemitwi. yeliti ni kwa sababu ayi kwamba gulaviiti ushuhuda palongolu pa mashahidi wavua kwa shirii shiweriti weri.
\p
\v 13 Nukupa amri ayi palongoru pa Mlungu, yakasabvabisha vintu vyoseri virikali, na parongoru pa Yesu Kristo yakazumbiti nakaka kwa pontio pilato:
\v 14 gutunzi amri hii kwa uwaminifu, pota mashaka, mpaka kwiza kwa Mtua gwetu Yesu Kristu.
\v 15 Mlungu akalivunwi kwiza kwakui kwa wakati sahih-Mlungu, mbarikiwa, makakara ga gweka. 
\v 16 Gweka yakuyi kalikana milele na yakalikala palangala su wasegelela ndiri. Kwahela muntu yu kaweza kumwona na kaweza ndiri kumrola. Kwakuyi liweli ligowa na uwezu wa milele. Amina.
\p
\v 17 Guwagambiri matajiri mu ulimwengu au na walitumba mu na litumbiru ndiri na mirunda.
\v 18 Guwagambiri watendi uheri, watajiriki mu lihengu liherepa, waweri wakalimu na urunda wa kulavia.
\v 19 Munjira ayi hawaritulili misingi iherepa kwa mabu ga giza ili ndo waweri kukora maisha halisi.
\p
\v 20 Timotheo, gulindi shirii sha wakupananiti guliepushi na visoweru vya uzigizigi na mtiti wanakulipinga vinu vya uwongo hushemwa mahara.
\v 21 Mu wantu wamu hubwela mambu aga, na vinu su waikosa imani. Neema na iweri pamuhera neni.