poy_reg/50-EPH.usfm

\id EPH
\ide UTF-8
\h Waefesu
\toc1 Waefesu
\toc2 Waefesu
\toc3 eph
\mt Waefesu
\c 1
\cl Sheni 1
\p
\v 1 Palo, ntumuntumi gwa Kristu Yesu kwa ufiru wa Mlugu, kwa watura gweka toziya ya Mlungu yawaweriti Efeso na wamu ni waaminifu mu Kristu Yesu.
\v 2 Neema iweri kwa mwenga na imani irawila kwa Mlungu Tati gwetu na Mtua gwetu Yesu Kristu.
\p
\v 3 Mlungu na Tati gwa Mtua gwetu Yesu Kristu mumupi ukwisa. Na yomberi yakatubarikiti kwa kila libaraka la kirohu mu palaha pa mbindi mkati mwa Kristu.
\v 4 Pambeli pa kunyawa pasi panu, Mlungu katusaguriti twenga twa tuamini mu Kristu. Katusaguriti twenga ili tuwezi kuwa wananagara na tulaumika ndiri palongoru pakuyi.
\v 5 Mu ufiru wa Mlungu katusaguliti pa kwanja kwa kututora handa wana wakuyi kwa njira ya Yesu Kristu. Katenditi hangu toziya kafiriti kutenda shilii shakafiriti kutenda shilii kashifiri.
\v 6 Matokeo gakuyi ni kwamba Mlungu kakwiswa kwa uweru wakuyi. Ashi ndo shakatupaniti bila pila senti kwa njira ya mpendwa gwakuyi
\p
\v 7 Kwa kuwera mu mfiru gwakuyi, twana ulopola kupitila damu yakuyi, kulekaziwa udoda. Twanashi ashi tozia urunda wa uheru wakuyi.
\v 8 Katenditi uheru au kuwa uvua kwa ajiri ya twwenga katika hekima na mahara
\v 9 Mlungu katenditi ivimaniki kwa twenga kwa nakaka ili ya ilififiti ya mpangu, kulawira na hamu irangaziwitwi mukati mwa Kristu.
\v 10 Shaka pashisoka kwa utimirifu kwa mpangu wakuyi, Mlungu akavituri pamuhela kila shintu sha kumpindi na pasu panu mu Kristu.
\v 11 Mu Kristu tuweriti tusagurwa na kusudiwa pambeli pa lishaka. Ashiweriti ndo kuravirana na mpangu na mpangu gwa yakatenda vintu vyoseli kwa kusudi ya ufiru wakuyi.
\v 12 Mlungu katenditi hangu su kuweri uweru wa sifa yakui. Tuweriti wa kwanja kuweru na ugangamara kuwera mu Kristu.
\v 13 Iwera kwa njira ya Kristu kuwera mpikanira shisoweru sha nakaka, shisoweru sha ukombora gwenu mu Kristu. Iweriti kwa yomberi viraa kuwera mjimirana kuturwa muhuri gwa Rohu Mnanagara ya kuhaidiwiti.
\v 14 Roho ndo zamana ya uhala gwetu mpaka umirikipa upatikanika. Ayi iweriti kwa uweru wa ukwisa wakuyi.
\p
\v 15 Toziya ayi kwa njira ya lishaka lanipikaniriti kuhusu imani yenu kwa Mtua Yesu na ufiru wenu kwa walii waseli weru waturitwi gweka toziya yakuyi.
\v 16 Neleka ndiri kumushukuru Mlungu toziya yenu na kuwa kanta mu marua gangu.
\v 17 Ndua kuwera Mlungu gwa Mtua gwetu Yesu Kristu, tati gwa uweru akawapanani roho ya ligoa na ugumbuturu gwa mahala gakuyi.
\v 18 Ndua kuwera masu genu ga moyu gwenu gatuli ulangara kwa mwenga kuvimana ugangamara woshi wa kushemwa kwa mwenga.
\v 19 Ndua kuwera mvimani ukuru wa makakala getu geni tukajimira. Au ndo ukulu wa gulawilana na kutenda mahengu mumakaka gakuyi.
\v 20 Aga ndo makakala yagaweriti munkati mwa Kristu lishaka Mlungu yakamlaviiti kulawa mukuhoa na kumtula kulawa muliwoku lyakuyi kumlii kumpindi.
\v 21 Kamtuliti Kristu kutali na ukela, mamlaka, mkakala, enzi, na kila litawi la likantwa. Kamtuliti Yesu mulishaka ali ndili hera ila kwa lishaka liza vilaa.
\v 22 Mlungu kavituliti vintu vyoseri mumagulu ga Kristu. Kamtenda yomberi kuwera mtui gwa vintu vyoseri vya kanisa.
\v 23 Ndo kanisa kuwera shimba yakuyi, ukamilika wakuyi weni humemaziwa katika vintu vyoseri munjira zoseri.
\c 2
\cl Sheni 2
\p
\v 1 Gambila vilii mweriti muhoa mumakosa na mvidoda vyenu.
\v 2 Iweriti muaga kwanja mgenditi kulinganila na pasu panu. Mweriti mgendagenda kwa kufuata mkora mrima gwa mamlaka ga kumpindi. Ayi ndo rohu yakuyi yulii yakatenditi lihengu muwana wa kugalambuka.
\v 3 Twenga woseri panu kwanja tweriti muwamu mwawaaminiti ndiri. Tweriti tutenda kwa ndambu yamatamata gadoda ga shimba yetu. Tweriti tutenda mapenzi ya shimba na mahala getu.
\p
\v 4 Kumbiti Mlungu kavua na rehema toziya ya ufiru wakuyi ukulu wa katupenditi twenga.
\v 5 Shaka patuweriti tuhoa muvidoda vyetu katujegiti pamhera mumakaliru ga siyayi mu Kristu. Ndo kwa neema kakuwera mloporwa.
\v 6 Mlungu katufufuitin pamhera na kututenda kukala pamhera mu pahala pampindi mu Kristu.
\v 7 Katenditi hangu mumashaka gayiza su katulangazia urnda mkulu wa neema yakuyi, katuloliziya twenga kwa njira ya wema wakuyi Kristu Yesu.
\p
\v 8 Kwa neema mloporwa kupitila imani. Na ayi itosha ndiri kwa twenga. Ndo mafupu ga Mlungu.
\v 9 Itosha ndiri kwa matendu. Matokeo gakuyi, na pawera na muntu gwa kulikwisa mweni.
\v 10 Toziya twenga twalihengu la Mlungu, tuumbwiti mu Kristu Yesu kwa kutenda maheri. Ndo matendu aga geni Mlungu kapangiti kwa njira makashu kwa ajili ya twenga su tugendigendi mu nkati mwau.
\p
\v 11 Hangu muliholi kuwera makashu muweriti wantu wa maisi gamonga kwa ntambu ya shimba. Ushemwa “Yamwera ndira na tohara" kwa shilii shashishemwa tohara ya shimba yaitendwa mumawoku mwa muntu.
\v 12 Lishaka ali mweriti mtengwa na Kristu. Mweriti wahenga wa wantu wa Israeli mweeriti wahenga kwa lipatanu la ahadi. Mweriti ndiri na uhakika gwa shaka shiza. Mweriti ndiri na Mlungu pasu panu.
\v 13 Kumbiti vinu mu Kristu Yesu mwenga mukwanja mweriti kutali na Mlungu. Mjegwa pamuhera na Mlungu kwa mwazi gwa Yesu Kristu.
\p
\v 14 Maana yomberi ndo ponga yetu katendi wawili kuwera yumu. Kwa wawili wakuyi kabomora shibambazi sha utengano wenu uweriti kutenganisha ukondora hau.
\v 15 Kuwera kukomesha sheria na malagiri na kanuni ili kuwera kanyawi muntu gwa syayi munkati mwakui na katenditi ponga.
\v 16 Katenditi hangu su kwaupatanishu vipinga viwivi vya wantu kuwera njira yimu kwa Mlungu kupitila lipinjika kwa kawafunditi wankontu.
\v 17 yesu kiziti na kubwela ponga kwa twenga mwenga mweliti kutari na ponga kwa walii yawaweriti pakawera.
\v 18 Maana kwa njra ya Kristu twenga twoseri wawili twana nafasi kwa yulirohu yumukwingira kwa Tati.
\p
\v 19 Hangu suyi mwenga wantu wamaisi mdoda na wahenga vilaa. Ila weni kaya pamhera na walii yawatulitwi gweka toziya Mlungu nawalagitaji mnumba ya Mlungu.
\v 20 Mnyawa mulyanjiru mwa wambuyi na watambika. Kristu Yesu mwenu kaweriti libuyi likulu la pa kwegera.
\v 21 Muyomberi numba yoseri iyungamanisha pamhera na kuwera gambila hekalu mu Mtua.
\v 22 Ndo mkati mwakuyi mwenga vilaaa kunyawa pamhera gambira pahara pakulikara pa Mlungu mu rohu.
\c 3
\cl Sheni 3
\p
\v 1 Kwa ndambu ayi neni, Paulu ni mtawalilwa gwa Yesu Kristu toziya ya twenga maisi.
\v 2 Naamini kuwera mpikana kumpindi kwa lihengu la neema ya Mlungu ya kanupiti toziya mwenga.
\v 3 Niwalembera kulawirana na ugubuturu utubutulitwi kwa mwenga agu ndo unakaka ya kufifititi gweni nigulembiti kwa kifupi mu luhamba lwa monga.
\v 4 Pagusoma kuhusu aga aguvimani busara ya neni na unakaka au wagufifitiki kuhusu Kristu.
\v 5 Kwa viuku vyamonga mu unakaka au utendwa ndiri umaniki muwana wa wantu. Ila vinu kutulwa upaya hera kwa rohu kwa wambuyi yawatuliti gweka na matambiku.
\v 6 Unakaka au ufifitiki kuwera wantu wa maisi ndo washiriki pamhera na wayetu na waragiragi wayetu wa shimba. Ndo washirika pamhera na hari ya Kristu Yesu kwa njira ya shisoweru sha Mlungu.
\v 7 Kwa ndambu ayi ndendwa kuwera ntumintumi gwa lifupu la neema ya Mlungu yailaviiti ya kwa neni kupitila utenderu wa makakala gakuyi.
\p
\v 8 Mlungu kalaviiti lifupu ari kwa neni tembela neni na mdidika kwa woseri kwa walii yawatulitwi gweka toziya Mlungu. Lifupu ari ndo iwera impasa neni kuwabwerera maisi shisoweru sha Mlungu shanaurunda ya guchunguzika ndiri gwa Kristu.
\v 9 Ifirizia kuwaragarira wantu woseri kumpindi kwa mpangu gwau gwa Mlungu wa bada. Agu ndo mpangu gweni gufifitwi muvinja vivua ayipititi, na Mlungu mweni kaviumbiti vyoseri.
\v 10 Ayi iweriti kuwera kupitila likanisa wakola mlima na wakulu musehemu za kumpindi wapati kuvimana wega zosseri za asili ya ligoya lya Mlungu.
\v 11 Aga magalawiri kupitila mpangu gwa mashaka goseri gweni kaumaririti mu Kristu Yesu mtua gwetu.
\v 12 Kwa kuwera mu Kristu twana ugangamara na makakala kwingira kwa ugangamara toziya ya imani yetu kwakuyi.
\v 13 Hangu niwarua namtoka toziya ntambiku yangu kwa mwenga. Ndo uheri wenu.
\p
\v 14 Toziya ayi npiga magoti kwa tati.
\v 15 Veni kwa yomberi kila kaya mpindi ama mpasi panu lishemwa kwa litau.
\v 16 Ndua kuwera kawalekazii vidoda kulawirana na urunda wa ukwisa wakuyi kawatendi wagangamara kwa makakala kupitila rohu gwakuyi, mweni kawera munkati.
\v 17 Ndua kuwera Kristu kaweri munkati mwa miyoyu yenu kupitila imani.
\v 18 Ndua kuwera mweri na lishina na lyanjiru la upendu wakuyi. Muweri muupendo wakuyi su mpati kuvimana pamhera na woseri waaminio, ndambu ya upana, utali, na hekima na kina sha ufiru wa Kristu.
\v 19 Ndua mvimani ukulu wa Kristu weni uzidi mahara. Mtendi aga su mmemiziwi na ukamirika woseri wa Mlungu.
\p
\v 20 Na vinu kwakuyi yomberi kaweza kutenda kila jambu zaidi ya goseri gatugarua ama tugawaza kupitila makakala gakuyi yaitenda rihengu mnkati mwetu.
\v 21 Kwa kuyi yomberi guweri ukwisu gwa kanisa na mu Kristu Yesu kwa viuku vyoseli gwa mashaka goseli. Amina
\c 4
\cl Sheni 4
\p
\v 1 Kwa ndambu ayi, gambira mfungwa kwanyira ya mtua, niwasii mgendigendi sawa sawa na kushemwa iweriti Mlungu kawa shemiti.
\v 2 Mrikali kwa unanagala mkuuru na upole na kuvumilia. pamritorera mu ufiru.
\v 3 Mtendi juhudi kufunza umu wa roho mu shifangu sha imani.
\v 4 Kuna shimba yimu na Roho yumu, gambira ndambuya mshemitwi mu haki ya taraja yimu ya kushemwa kwa mwenga.
\v 5 Nakuna mtua yumu, imani yimu, ubatizu wumu.
\v 6 Na Mlungu yumu na tati gwa woseli, Nagoseli na mkati mwa goseli.
\p
\v 7 Kwa kila yumu gwenu kapananwi uwezu kurawilana na uwezu wa shipimu sha kristo.
\v 8 Ndambu ya visoweli ya vitakura; “Pakagulukiti kumpindi natu, kongeriti mateka mu umanda karaviiti vipawa kwa wantu.”
\p
\v 9 Mana yakuyi shishi, “kagurukiti kumbindi nentu", ila kasurukiti viraa mu wega la pasupanu? 
\v 10 Yakasakuliti yomberi ndo muntu yulaulii mweni viraa kagurukuti ma mpindi zoseli. Katenditi hangu viraa su uheru wakuyi uweri muvintu vyoseli.
\v 11 Kristu kalaviiti vipawa gambira avi, wambuyi, watambika, wainjiristi, wachungaji na wafunda. 
\v 12 Katendi hangu kawagangamizia waumini toziya ya lihengu na mashaka goseli, tozia ya kunyawa shimba ya Kristu. 
\v 13 Katenditi hangu mpaka twenga toseli tuweri na umuwera wa imani na mahara ga wana wa Mlungu katenda hangu mbaka tuwezi kukamara gambira walii ya wafikiriti kimun sha Kristu.
\v 14 Su natuwera kayi gumbila wana, natuuzurirwa kayi aku na aku. Su natutora kayi na upopu wa mafundu, kwahira za wantu katika ujanja wa uzyanga upotozizia. 
\v 15 Badala yakui atuweri kwa nakaka mu ufiru na kukula zaidi munjila zoseli mkati mwakuyizyeni ndo mtuyi gwa Kristu.
\v 16 Kristu katutuliti pamuhera mushimba zoseli za waumini muungamanishwa pamuhera na kila kiumbi su kuwera shimba zoseli zikuli na kurijenga weni mu ufiru.
\p
\v 17 Hangu ntakura alina wasii mu Mtua na mtenda kai gambira wantu wa maisi gamonga ntambu yawagenda genda mu ugalambuka gwa mahala gau.
\v 18 Mahara gau gaturwa mugiza wawinga kulawa muukomu wa Mlungu tozia ya uzigizigi yauwera nkati mwau na ukamara wa muyu gwau.
\v 19 Waona ndili soni walilavia weni kwa ukondora mamutendu gau madoda mu kira ntambu ya uwongu.
\p
\v 20 Kumbiti avi ndo mrifunda ndiri kuhusu Kristu. Nirihora kuwera mpikana kuhusu yomberi.
\v 21 Nirihola kuwera muhera mfundwa kwa yomberi, ndambu ya uwera unakaka mukati mwa Yesu.
\v 22 Lazima mvuri mambu goseri yakagendagenda na mwenga ga makashu. Ya ulela kwa matamata ya uzyanga genu.
\v 23 Mvuri utu wenu wa makashu su mtendi syai mu Rohu za mahara genu.
\v 24 Mtendi hangu su muwezi kuvala utu wa syayi ya kufiririzwa na Mlungu. Gunyawiwa muhaki na uheru nakaka.
\p
\v 25 Hangu, guturi kutali uzyznga. “Muyoweli unakaka kila muntu na pakagwera pakuyi.” Tozia tuwera washirika kwa kila yumu na muyaguyi.
\v 26 Muheri na maya ila na mtenda vidoda, “Mshenji na guzyera pamuhela na maya genu.
\v 27 Namumpa ibilisi nafasi.
\v 28 Yoseli na kiwa lazima kareki kuwiwa. Badala yakuyi katendi lihengu. Leni mota mumawoku gakuyi su kawezi kumtendera muntu yakawera na mahitaji.
\v 29 Visoweru vidoda na virawa mumromu mwenu. Badala yakuyi, visowelu lazima vilawi mumilomu yenu yakafiriziwa kwa mahitaji, kuwa pananamota wali ya wapikanila.
\v 30 Namu msonizia Rohu mnanagala gwa Mlungu. Ndonkwa yomberi mturirwa muhuri toziya ya lishaka la ukombora.
\v 31 Lazima mturi kutari kutama koseri, mtiti, maya, maakomangu na maigirangu pamuhela na kiloa ntambu ya ukondoru mweni waheri mwenga kwa mwenga.
\v 32 Muweri na lusungu mlekaziana vidoda na mwenga kwa mwenga. Gambira Mlungu mu Kristu. Ndambu ya kuwalekazia mwenga.
\c 5
\cl Sheni 5
\p
\v 1 Hangu muweri wantu wa kumsakura Mlungu, gambira wana wakuyi yakawafila.
\v 2 Mgendigendi mu pendu, viraa gambira Kristu ndambu ya katufiliti twenga, kajilaviiti mweni tozia ya twenga. Yomberi kawiti sadaka na matambiku, kuwera nunkiru ya kumfirizia Mlungu.
\v 3 Zinaa na udoda woseli na matamata gadoda navikatwa kayi, ndambu ya ifiriziwa kwa walii waamini tu, 
\v 4 pata makaliziu nagakatwa, matakuru ga uzigaziga ama mizaha ya kuaibisha geni gafaandiri, badala gakui iweri shukrani.
\v 5 Muweza kuwera na unakaka gwa kuwera na zinaa, udoda ama yakatamaniti, ayu ndo yakatendera shinyagu, kahera mahara woseli muufalme gwa Kristu Yesu na Mlungu.
\v 6 Nakakuzyanga muntu yoseli kwa visoweru tozia mambu aga, maya ga mlungu gakwiza kwa wana ya wajimira ndiri.
\p
\v 7 Hangu naguwera pamuhera nau.
\v 8 Kwa kuwrera mwenga makashu mweriti giza, kumbiti vinu muwera langata kwa mtua.
\v 9 Hangu mgendigendi gambira wana wa mlangala. Kwa kuwera bwaju gaulangala gajumuisha uherepa woseri, haki na unakaka.
\v 10 Gusakuli shilii sha shifurahisha kwa Mtua.
\v 11 Naguwera ushiriki mu lihengu la giza ziwerandiri na matunda, badala yakuyi gutuli mwaziu.
\v 12 Kwa kuwera mambu gatendeka na womberi mumafifu ndo soni natahata kugatula.
\v 13 Mambu goseli gapagubuturwa na nuru, kuwera mwaziu,
\v 14 kwa kuwera kila shintu shigubutula shiwera nuruni hangu uzumba ayi, “gwimuki, ya gugonja na gugoloki kulawa wafu mu Kristu akahelepi kumbini kwaku.”
\p
\v 15 Hangu muweri makini ndambu ya mgendela, su gambira wantu wahera mahara bali gambira werevu.
\v 16 muukomboi muda kwa kuwera mashaka ni ga vidoda.
\v 17 Namuwera wazigizigi. badala yakui, muvimani mwenga ufiru wa Mtua.
\p
\v 18 Namlewa kwa mvinyo, wongera mu maagakiziu, badala yakuyi mmemaziwi na Rohu mnanagara.
\v 19 Mtakuli na kila yumu gwenu zaburi na ukwisa, na nyimbu za rohoni. Mwimbi na kukwisa kwa moyo gwa Mtua.
\v 20 Daima gulavii shukrani mu mambu goseri muritawi la Kristu Yesu Mtua gwetu kwa Mlungu.
\v 21 Mlilavii maweni kwa kila yumu kwa mamonga kwa ligoya la kristu.
\p
\v 22 Wadala, muliusii kwa waparu wenu, gambira kwa Mtua.
\v 23 Kwa ntanbu ayi mparu ndo mtui gwa mdala, gambira yakawera mtuyi gwa kanisa. Ni mropola gwa shimba. 
\v 24 Gambira likanisa ndambu ya liwera pasi pa Kristu, viraa wadara lazima watendi hangu kwa waparu wau mu kila shintu.
\p
\v 25 Waparu, muwafiri wadala wenu gambira Kristu yakarifiriti likanisa mweni kwa ajili yakui.
\v 26 Katenditi hangu su liweri taifa kalitakasiti kwa kugulula na mashi mu shisoweru.
\v 27 Katenditi hangu su kwamba wawezi kujiwakilisha mweni likanisa tukufu, poti na lidoa wala waa au shintu shirifana aga, badala yakui ni takatifu liwerandiri na kosa.
\v 28 Kwa njila ilailii, waparu wafirua kuwafira wadara wau gambira shimba zau. yulii yakampenda mdala gwakuyi karifila mweni.
\v 29 Kwahera hata yumu yakakalalila shimba yakuyi. Badala yakuyi huurutubisha na kuufira, ntambu ya Kristu ya karifiriti likanisa.
\v 30 Kwakuwera twenga ndo washirika wa shimba yakuyi.
\v 31 “Toziya ayi mparu akawareki tati gwakui na mau gwakui na akaweri pamuhera na mdara gwakui na wawili awa awaweri shimba yimu”
\p
\v 32 Au hauweri ufifika kumbiti ntakula kuhusu kristu na likanisa.
\v 33 Kumbiti kwa yumu gwenu lazima kumfiri mdara gwakuyi gambira mweni, na mdara lazima kaweli na ligoya kwa mparu gwakuyi.
\c 6
\cl Sheni 6
\p
\v 1 Mwawana muwatii walela wenu mu Mtua, tozia ayi ndo haki. 
\v 2 “gumuheshimu tati gwaku na mau gwaku "(maana ayi ndo amri ya kwanza yeni ahadi),
\p
\v 3 “su iweri heri kwa mwenga na muwezi kurikala maisha gatangala kumpindi mu nchi.”
\p
\v 4 Na mwenga mwa watati, namuwakalalisha wana wenu na kuwasababishira maya, badala yakui, muwareli mu maonyu na maragalilu ga Mtua.
\p
\v 5 Mwe watumwa muweri watiifu kwa watua wenu pasi panu kuligoya ligoya nkuru na kashashatika kwalyoga ilawa mumoyo wenu. Muweri watiifu kwau ndambu ya mtila Kristu. 
\v 6 Unanagala wenu na uwera palia wapalu wenu ndambu yawalola ili kuwasekaziya. Badala yakui, iweni wananagala gambira wantumintumi wa Kristu. Mtendi ufiru wa Mlungu kulawa mumoyu yenu, 
\v 7 Muwatumikiri kwa mioyu genu goselikwa kuwera mumtumikia Mtiua na si binadamu,
\v 8 mfirua kuvimana kuwera mkila sitendu shiheru muntu yakashitenda, hakanki mafupu kulawa kwa Mtua paiwera mtumwa ama muntu huru.
\p
\v 9 Mwenga watua mtendi havi kwa watumwa wenu. namuwatizia pamvimana kuwera yomberi yakaweza kumbindi. Pamvina kuwa kwahela upendeleu nnumba mwakui.
\p
\v 10 Upereru wakui, muweri na makakala mu Mtua na uwezu wa makakala gakuyi.
\v 11 Mvali silaha zoseri su mpati kugoroka kumberi na hira za shetani.
\v 12 Kwa kuwera nkondu yetu ndo yamuazi ndiri na vinofu ila ndo zidi ya falmi na uklora urima wa Roho na ukola mrima wa pasu panu wa ukondora na giza zidi ya pepu mu pahara pandi.
\v 13 Hangu mvali silaha zoseli za Mlungu su mpati kugoroka zidi ya ukondora mushipindi ashi sha ukondora. Baada ya kumarila kila shintu, mgoroki kwaugangamara.
\p
\v 14 Uperuru wakuyi mgoroki kwa ugangamala. Mtendi hangu baada ya kuwera mtawi mkanda mu unakaka na haki kifuani.
\v 15 Mtendi hangu pamuhera namvali utayari mumaguru mwamu na kushibelwa shisoweru sha Mlungu kwa imani.
\v 16 Mokola hali pamtora ngau ya imani, yaiwera kunyamazia misali ya mkondora.
\v 17 Mvali kofia ya wokovu na upanga wa Roho, geni ndo Mlungu.
\v 18 Pamuwera na marua na sara. Mruwi kwa Roho kila shaka kwa uvumilivu woseri na marua tozia ya waamini woseli.
\v 19 Mrui tozia yangu, su mpanawi ulagiragi kwa niutata mlomu mwangu. Mruwi kwa kuwera namaniziwi kwa unakaka ya ufifitiki kuhusu shisoweru sha Mlungu.
\v 20 Tozia ya shisoweru sha Mlungu neni ndo balozi yantantirwa mu nyororu su kuwera munkati mwau ntakuli kwa uganga mara ntambu yafirua kutakula.
\p
\v 21 Kumbiti mwenga viraa mmani mirandu yangu na ndambu ya igenda, Tikiko mrongu gwangu ya nimfirua na ntumintumi mwaminika kwa Mtua, akawamkanizii kila shintu. 
\v 22 Nimlagalila kwenu kwa kusudi ali maalumu, su kuwera mvimani kuhusu twenga kawezi kuwakola maoku mu miyoyu yenu.
\p
\v 23 Panga iweri kwa warongu wangu na ufiru pamuhela na imani kulawa kwa Mlungu Tati na Mtua Yesu Kristo.
\v 24 Neema iweli pamuhera na woseri ya wamfila Mtua Yesu Kristo kwa ufiru ulaulii ya uhowandiri.