pnb_reg/63-1JN.usfm

\id 1JN
\ide UTF-8
\h ۱۔یُوحنّاؔ
\toc1 ۱۔یُوحنّاؔ
\toc2 ۱۔یُوحنّاؔ
\toc3 1jn
\mt ۱۔یُوحنّاؔ
\c 1
\cl باب۱
\p
\v 1 ۱۔او جیڑا شُروع تُوں سی جِنوں اِسی سُنیا جنہوں اِسی اپنی اکھاں توں ویکھیا، جدے اُتے اسی غور کیتا تے اپنے ہتھاں نال چھُو کے ویکھیا اے سب زندگی دے کلام بارے وچ اے۔
\v 2 ۲۔ تے اسی اُوس زندگی دی گواہی دینے آں جیڑی اُوس نے سانوں دِتی اے تے اے اوہدے ولّوں اے، اسی باپ ولّوں ابدی زندگی دا علان کر دے آں جیڑی اوہنے ساڈے تے ظاہر کیتی اے۔
\v 3 ۳۔ تے جو کُجھ اسی سُنیا تے وہکھیا اسی اوہ توانوں دَس دے آں تاں جو تُسی وی ساڈے نال رفاقت رکھو، کیوں جو ساڈی رفاقت باپ تےاوہدے بیٹے یسوع مسیح نال اے۔
\v 4 ۴۔ نالے اسی اپنی خُوشی نوں پورا کرن لئی اے گلاں اسی توانوں لکھ رئے آں۔
\p
\v 5 ۵۔ تواڈے اگے اسی اوہدے پیغام دا علان کرنے آں جو اسی اوہدے کولوں سُنیا اے کے خُدا(رب) روشنی اے، اوہدے وچ بلکل وی ہنیرا نئیں۔
\v 6 ۶۔ تے جے اسی ایہہ کہییے کہ ساڈی اوہدے نال رفاقت اے تے اسی ہنیرے وچ تُریے تے اسی جھُوٹے آں تے اسی سچیائی تے عمل نئیں کردے۔
\v 7 ۷۔ کیوں جے او نور اے تے اسی اوہدی روشنی وچ چلیے، اک دُوجے نال رفاقت رکھیے، تے اوہدے بیٹے یسوع دا لہو سانوں ہر گُناہ توں صاف کردے گا۔
\v 8 ۸۔ تے جے اسی ایہہ کہیے کے ساڈے وچ گُناہ نئیں تے اسی اپنے آپ نوں دھوکا دینے آں تے سچائی ساڈے اندر نئیں۔
\v 9 ۹۔ تاں جے اسی اپنے گُناہواں دا اقرار کرئے، تے او بھلا تے عادل اے، تے او ساڈے گُناہ معاف کرے گا، نالے سانوں بدکاری توں صاف کردے گا۔
\v 10 ۱۰۔ تے جے اسی کہیے کے اسی گُناہ نئیں کیا تے اسی اوہنوں جھوٹا بنا رہے آں تے اوہدا کلام ساڈے اندر نئیں۔
\c 2
\cl باب ۲
\p
\v 1 ۱۔ میرے بَچّیو! ایہ گلّاں مَیں تُہانوں ایس لئی لِکھنا ہاں پئی تُسیں پاپ نا کرو اَتے جے کوئی پاپ کرے تے باپ دے کول ساڈا اِک مدد گار ہَے وے مطلب کے یِسُوعؔ مسِیح جیہڑا راست باز اے۔
\v 2 ۲۔ اَتے اوہو ای ساڈے پاپاں دا کفّارہ اے اَتے نِرے ساڈے پاپاں دا ای کفارہ نئیں سگوں سارے جہان دے پاپاں دا وی اے۔
\p
\v 3 ۳۔ جے اَسیں اوہدے حُکماں نُوں مَنیئے تے ایس توں ساہنوں پتا لگ جاوے گا پئی اَسیں اوہنوں جان گَئے ہاں۔
\v 4 ۴۔ جیہڑا ایہ آکھ دا اے پئی مَیں اوہنوں جاننا ہاں اَتے اوہدیاں حُکماں نُوں نئیں مَن دا اوہ جُھوٹھا اے اَتے اوہدے وِچ سچیائی نئیں۔
\v 5 ۵۔ ہاں جیہڑا اوہدے کلام نُوں مَن دا اے، اوہدے وِچ رَبّ دی مُحبّت پُوری ہو گَئی اے۔ ساہنوں ایس توں پتا لگ جاندا اے پئی اَسیں اوہدے وِچ ہاں۔
\v 6 ۶۔ جیہڑا ایہ آکھ دا پئی مَیں اوہدے وِچ قیم ہاں تے چاہیدا اے پئی اوہ اوہدے وانگ ٹُرے جیِویں اوہ ٹُر دا سی۔
\p
\v 7 ۷۔ پیاریو! مَیں تُہانوں کوئی نواں حُکم نئیں لِکھ دا سگوں اوہو ای پُرانا حُکم جیہڑا شُروع توں تُہانوں مِلیا سی۔ ایہ پرانا حُکم اوہو ای کلام اے جیہڑا تُسی سُنیا اے۔
\v 8 ۸۔ فیر تُہانوں اِک نواں حُکم لِکھنا ہاں اَتے ایہ گَل اوہدے تے اَتے تُہاڈے تے سچ ہوندی اے کیوں جو ہنیرا مُک دا جاندا اے اَتے سَچّا چانن چمکن لگ پیا اے۔
\v 9 ۹۔ جیہڑا ایہ آکھ دا اے پئی مَیں چانن وِچ ہاں اَتے اپنے بَھرا نال وَیر رکھ دا اے اوہ ہُن تیِک ہنیرے وِچ ای رہندا اے۔
\v 10 ۱۰۔ جیہڑا اپنے بَھرا نال مُحبّت رکھدا اے اوہ چانن وِچ رہندا اے اَتے اوہنوں ٹھیڈا نئیں لگ دا۔
\v 11 ۱۱۔ پَر جیہڑا اپنے بَھرا نال وَیر رکھ دا اے اوہ ہنیرے وِچ اے اَتے ہنیرے وِچ ای ٹُر دا اے اَتے ایہ نئیں جان دا پئی کِدھرے جاندا اے۔ کیوں جو ہنیرے نے اوہدیاں اَکھاں اَنھیاں کر دِتّیاں نیں۔
\p
\v 12 ۱۲۔ بچّیو! مَیں تُہانوں ایس لئی پیا لِکھنا ہاں پئی اوہدے ناں توں تُہاڈے پاپ معاف ہوئے نیں۔
\v 13 ۱۳۔ بزُرگو! مَیں تُہانوں ایس لئی لِکھنا ہاں پئی جیہڑا شُروع توں وے اوہنوں تُسیں جان گَئے او۔ جوانو! مَیں تُہانوں ایس کر کے لِکھنا ہاں پئی تُسی شریر تے غلبہ پا لیا اے۔ مُنڈیو! مَیں تُہانوں ایس لئی لِکھیا اے پئی تُسی باپ نُوں جان گَئے او۔
\v 14 ۱۴۔ بُزرگو! مَیں تُہانوں ایس لئی لِکھیا اے پئی جو شُروع توں ہَے وے اوہنوں تُسی جان گَئے او۔ جوانو! مَیں تُہانوں ایس لئی لِکھیا پئی تُسی تگڑے او اَتے رَبّ دا کلام تُہاڈے وِچ قیم رہندا اے۔ اَتے تُسی اوس شریر تے غلبہ پا لیا اے۔
\p
\v 15 ۱۵۔ نا دُنیا نال مُحبّت رکھو تے نا اوہناں شیواں نال جیہڑیاں دُنیا وِچ نیں۔ جیہڑا دُنیا نال مُحبّت رکھدا اے اوہدے وِچ باپ دی مُحبّت نئیں۔
\v 16 ۱۶۔ کیوں جو اوہ سب کُجھ جیہڑا دُنیا وِچ اے مطلب کے جِسم دی خواہش اَتے اَکھّاں دی خواہش اَتے زِندگی دی شیخی، اوہ باپ وَلّوں نئیں سگوں دُنیا ولّوں اے۔
\v 17 ۱۷۔ دُنیا اَتے اوہدی خواہِش دونویں مُک دیاں جاندیاں نیں پر جیہڑا خُدا دی مرضی تے ٹُر دا اے اوہ سدا تیِکر قیم رہیوے گا۔
\p
\v 18 ۱۸۔ مُنڈیو! ایہ اَخیر ویلا اے اَتے جِینج تُسی سُنیا اے پئی مسِیح دا وَیری آؤن نُوں اے سو ہُن وی مسِیح دے بتھیرے وَیری اُٹھ کھلوتے نیں۔ ایس گلّوں ساہنوں پتا لگ دا اے پئی ایہ اَخیر ویلا اے۔
\v 19 ۱۹۔ اوہ نِکلے تے ساڈے وِچوں ای سَن پر اوہ ساڈے نئیں سَن۔ ایس کرکے پئی جے اوہ ساڈے وِچوں ہُندے تے ساڈے نال رہندے پر ایس لئی وَکھ ہو گَئے پئی پتا لگ جاوے پئی اوہ سارے ساڈے نئیں۔
\v 20 ۲۰۔ اَتے تُہانوں تے اوس قُدُّوس ولّوں مَسح کیِتا گیا اے اَتے تُسی سب کُجھ جان دے او۔
\v 21 ۲۱۔ مَیں تُہانوں ایس لئی نئیں لِکھیا پئی تُسی سچیائی نُوں نئیں جان دے سگوں ایس لئی پئی تُسی اوہنوں جان دے او اَتے ایس لئی پئی کوئی جُھوٹھ سچیائی ولّوں نئیں۔
\v 22 ۲۲۔ جُھوٹھا کون اے سوائے اوہدے جیہڑا یِسُوعؔ دے مسِیح ہون توں مُکّر دا اے؟ مسِیح دا وَیری اوہو ای اے جیہڑا باپ تے پُتر توں مُکّر دا اے۔
\v 23 ۲۳۔ جیہڑا وی پُتر دا اَنکاری ہُندا اے اوہدے کول باپ وی نئیں۔ جیہڑا پُتر نُوں مَن دا اے اوہدے کول باپ وی اے۔
\v 24 ۲۴۔ جو تُسی شُروع توں سُنیا اے اوہو ای تُہاڈے وِچ قیم رہوے۔ جو کُجھ تُسی شُروع توں سُنیا اے جو اوہ تُہاڈے وِچ قیم رہوے تے تُسی وی پُتر اَتے پئو وِچ قیم رہیو گے۔
\v 25 ۲۵۔ اَتے جِہدا اوہنے ساڈے نال وعدہ کیِتا اے اوہ سدا دی زِندگی ای اے۔
\p
\v 26 ۲۶۔ مَیں ایہ گلّاں اوہناں بارے لِکھیاں نیں جیہڑے تُہانوں دھوکا فریب دیندے نیں۔
\v 27 ۲۷۔ اَتے تُہاڈا اوہ مَسح جیہڑا اوہدے ولّوں کیِتا گیا تُہاڈے وِچ قیم رہندا اے اَتے تُہانوں ایس گل دی لوڑ نئیں پئی کوئی تُہانوں سکھاوے سگوں جیِویں اوہ مَسح جیہڑا اوہدے ولّوں کیِتا گیا تُہانوں ساریاں گلّاں سکھاندا اے اَتے سچّا اے تے جُھوٹھا نئیں اَتے جیِویں اوہنے تُہانوں سکھایا اونج ای تُسی اوہدے وِچ قیم رہؤو۔
\p
\v 28 ۲۸۔ سو بچّیو! اوہدے وِچ قیم رہؤو ایس کر کے پئی جدوں اوہ ظاہِر ہووے تے ساہنوں دلیری ہووے اَتے ساہنوں اوہدے آؤن دے ویلے اوہدے اَگے شرمندگی نا ہووے۔
\v 29 ۲۹۔ جے تُسی جان دے او پئی اوہ راست باز اے تے ایہ وی جان دے او پئی جیہڑا وی راست بازی دے کَم کردا اے اوہ اوہدے توں جَمّیا اے۔
\c 3
\cl باب۳
\p
\v 1 ۱۔ ویکھ خُدا نے ساڈے نال کِس قسم دا پیار کیتا اے، کے سانوں خُدا دے بچے کہنا چاہیدا اے۔ تے اسی ہیں وی۔ تے ایس لئی دُنیا سانوں نئی جاندی کیوں جو اوہنے اوہنوں وی نئیں جانیا۔
\v 2 ۲۔ پیارو ہُن اسی خُدا دے بچے ہاں۔ اے اجّے تک ظاہر نئیں ہویاکے اسی کی ہوواں گے۔ اسی جاندے ھاں کے جد مسیح ظاہر ہو وے گا تے اسی اودھے ورگے ھو جاواں گے، تے جداں دا اوہ اے، اسی اوہنوں اوداں ہی وہکھاں گے۔
\v 3 ۳۔ جِس کسے نے اوہدے تے ایہہ آس رکھی اے اوہ اپنے آپ نوں پاک رکھدا اے جداں (جیویں) کے اوہ پاک اے۔
\v 4 ۴۔ہر کوئی گُناہ کردا اے تے شرِع نوں توڑدا (بھن) دا اے۔ کیوں جو شِرع توڑنا (بھننا) ہی گُناہ اے۔
\v 5 ۵۔ تُسی جاندے اوہ کے مسیح دُنیا دا گُناہ لے جان واسطے آیا تے اوہدے وچ کوئی گُناہ نئیں۔
\v 6 ۶۔جو کوئی اوہدے وچ قائم رہندا اے گُناہ نئیں کردا تے جیڑا گُناہ کردا رہندا اے اوہنے نہ تے اُس نعں وہکھیا اے نہ جاندا اے۔
\v 7 ۷۔ پیارے بچو کِتےکوئی توانوں راہ توں بھٹکا نہ دیوے تے جیڑا راستبازی کردا اے، راستباز اے کیوں جو مسیح وی راستباز اے۔
\v 8 ۸۔جو کوئی گُناہ کردا اے اوہ شیطان ولّوں اے کیوں جو شیطاں نے شُروع توں ہی گُناہ کیتا۔ اسے وجہ توں خُدا دا بیٹا ظاہر ہویا تاں جو اسی شیطان اسی دے کمّاں نوں ختم کر سکیے (مُکا سکیے)۔
\v 9 ۹۔ جو کوئی خُدا توں پیدا ہویا اے اوہ گُناہ ہی نئیں کردا راہندا کیوں جو خُدا دا بیج اوہدے اندر قائم رہندا اے۔ اوہ گُناہ ہی نئیں کردا کیوں جواوہ خُدا توں پیدا ہویا اے۔
\v 10 ۱۰۔ ایس لئی خُدا دے بچے تے شیطان دے بچے ظاہر ہوے جو کوئی راستبازی دے کم نئیں کردا اوہ خُدا ولّوں نئیں تے نہ ہی اوہ جیڑا اپنے بھائی نوں پیار نئیں کردا۔
\p
\v 11 ۱۱۔ کیوں جو ایس سنیہہے دے بارے تُسی شُروع توں سُن چُکے او کے سانوں اک دوجے نال پیار کرنا چاہیدا۔
\v 12 ۱۲۔ اسی قائن وانگوں نہ بنیے جیڑا شیطان ولّوں سی تے اوہنے اپنے بھرا نوں قتل کیتا۔ اوہنے اس نوں کیوں قتل کیتا؟ کیوں جو وس دے کم بُرے سن تے اوہدے بھرا دے چنگے۔
\v 13 ۱۳۔ میرے بھراوٴ جے دُنیا تواڈے توں نفرت کرے تے حیران نہ ہو وہ۔
\v 14 ۱۴۔ اسی جاندے ھاں کہ اسی موت توں لنگھ کے زندگی وچ پہنچے ھاں کیوں جو اسی بھراواں نوں پیار کر دے ھاں تے جے کوئی اپنے بھرا نوں پیار نئیں کردا اوہ موت وچ قائم ہے۔
\v 15 ۱۵۔ تے جو کوئی اپنے بھائی توں نفرت کردا اے اوہ قاتِل اے، تُسی جاندے ہو کے کوئی قاتِل ہمیشہ دی زندگی نئیں رکھدا۔
\v 16 ۱۶۔ اسی مُحبّت نوں ایداں جانیا کے مسیح نے اپنی جان ساڈے بدلے دتی، تے ساہنوں وی اپنی جان اپنے بھراواں لئی دینی چاہیدی اے۔
\v 17 ۱۷۔ تے جے کسی کول دُنیا دا سامان ہو وے تے اوہدا بھرا وی ضرورت وچ ہوئے اوہ اپنے دِل وچ ہمدردی نہ رکھے تے کی اوہدے وچ خُدا دا پیار قائم رہ سکدا اے۔
\v 18 ۱۸۔ میرے پیارے بچو آوٴ اسی صرف زبان تے لفظاں دا پیار ای نہ کریے پر سچیائی اُتے عمل نال۔
\p
\v 19 ۱۹۔ ایہہ ایس طرح ھویا کے اسی جاندے ھاں کے اسی سچیائی ولّوں ھاں، تے اسی اپنے دِلاں نوں اوہدے اگے، اپنے دِلاں وچ اوہدا اقرار کراں گے۔
\v 20 ۲۰۔ کیوں جو، جے ساڈا دِل سانوں ملامت کرے، خُدا ساڈے دِلاں توں وڈا اے تے ساریاں گلّاں جاندا اے۔
\v 21 ۲۱۔ پیارو جے ساڈا دِل ساہنوں ملامت نئیں کرے سانوں خُدا تے بھروسا اے۔
\v 22 ۲۲۔اسی جو کُجھ کواں گے اسی اُہدے توں لواں گے۔ کیوں جے اسی اوہدے حُکماں تے عمل کردے ھاں تے اوہ کم کرنے ھاں جس تھوں اوہ خُوش ہُندا اے۔
\v 23 ۲۳۔ تے اوہدا حُکم ایہہ وے کے اسی اوہدے بیٹے یسوع مسیح دے ناں تے ایمان رکھیئے تے اک دوجے نال پیار کریئے، جس طرح کے اوہنے سانوں حُکم دتا اے۔
\v 24 ۲۴۔ جیڑا خُدا دے حُکماں وچ قائم رہندا اے خُدا اُس وچ وسدا اے، اسی طرح اسی جاندے ھاں کے اوہ سادے وچ اس روح دے ذریعے ساڈے اندر وسدا اے جو اوہنے سانوں دِتی اے۔
\c 4
\cl باب۴
\p
\v 1 ۱۔ پیارو ہر کسے روح دا یقین نہ کریو کیوں جو بُہت (کافی) سارے جھوٹے نبی دُنیا وچ نکل پئے نئیں،
\v 2 ۲۔ تے تُسی اہداں خُدا دی روح نوں پہچانوں گے۔ جیکر اگر کوئی روح اقرار کرے کے مسیح یسوع خُدا ولّوں جِسم وچ آیا،
\v 3 ۳۔ تے جے کوئی روح ایہہ اقرار نہ کرے کے یسوع خُدا ولّوں اے۔ اوہ مسیح دی مُخالِف اے جس دے بارے سُنیا سی کے آرہیا اے۔
\p
\v 4 ۴۔ پیارے بچو تُسی خُدا ولّوں تے تُسی اوہناں توں جِت گئے او کیوں کہ جو تہاڈے اندر ہے اوہ اس توں وڈا اے جیڑا دُنیا وچ اے۔
\v 5 ۵۔ اوہ دُنیا وچوں نئیں کیوں جو اوہ کہندے نےدُنیا ولّوں اے تے دُنیا انہاں دی سُندی اے۔
\v 6 ۶۔ جو رب نوں جاندا اے اساڈی سُندا، اوہ جو خُدا ولّوں نئیں اوہ ساڈی نئیں سُندا۔ سچیائ سی روح تے خرابی دی روح نوں جاندے ہاں۔
\p
\v 7 ۷۔ پیارو، آوٴ اک دوجے نال مُحبّت کرہیے کیوں جو مُحبّت خُدا ولّوں اے تے ہر کوئی جو مُحبّت کردا اے او خُدا ولّوں جمّیا اے تے خُدا نوں جاندا اے۔
\v 8 ۸۔ تے جیڑا بندہ (اِنسان) مُحبّت نئیں کردا اوہ کُدا نوں نئیں جاندا کیوں جو خُدا مُحبّت اے۔
\v 9 ۹۔اسی وجہ توں خُدا دی مُحبّت ساڈے وچ ظاہر ہوئی کے خُدا نے اپنے اکلوتے بیٹے نوں دُنیا وچ گھلیا کہ اسی اوہدے وسیلہ زندہ رہیے۔
\v 10 ۱۰۔ مُحبّت اس وچ اے کے اسی خُدا نوں نئیں بلکہ اوہ ساہنوں پیار کردا اے، تے اوہنے اپنے بیتے نوں گھلیا جو ساڈے گناہواں دا عوضی بنیا۔
\v 11 ۱۱۔ پیارو، جے کر خُدا ساہنوں اپنی مُحبت کردا اے۔ تے ساہنوں وی اک دوجے نال مُحبّت کرنا چاہیدا اے۔
\p
\v 12 ۱۲۔ خُدا نوں کدی کسے نے نئیں ویکھیا، جے اسی اک دوجے ال مُحبّت رکھدے ہاں تے خُدا ساڈے وچ وسدا اے۔ تے اوہدا پیار سادے وچ پورا ہوندا اے۔
\v 13 ۱۳۔ (اِس طرح اسی جاندے ہاں کہ خُدا ساڈے وچ وسدا اے) ایسے نال اسی جاندے ہاں کہ اسی اوہدے وچ قائم ہاں تے اوہ ساڈے وچ۔ کیوں جو اوہنے سانوں اپنی روح وچوں کُجھ دِتا اے۔
\v 14 ۱۴۔ اتے اسی وہکھیا اے تے گواہی دیندے ہاں کہ خُدا نے اپنے پُتراں نوں گھلیا کہ جہان دا مُکتی داتا اے۔
\v 15 ۱۵۔ جو کوئی مندا اے کہ یسوع خُدا دا پُتر اے، خُدا اوہدے وچ وسدا اے تے اوہ خُدا وچ۔
\v 16 ۱۶۔ تے اسی وی خُدا دی اس مُحبّت نوں جو اوہ ساڈے نال کردا اے جاندے تے اوہدے اُتے یقین رکھدے ہاں۔ خُدا مُحبت اے، تے جو کوئی مُحبّت رکھدا اے اوہ خُدا وچ قائم رہندا اے، تے خُدا اوس وچ قائم رہندا اے۔
\v 17 ۱۷۔ ایس لئی ایہہ مُحبّت ساڈے درمیان کامِل بنی، تاکہ اسی عدالت دے دِن تے یقین رکھیے۔ کیوں جِداں اوہ اے۔ اوداں ہی اسی اس جہاں وچ ہاں۔
\v 18 ۱۸۔ مُحبّت وچ ڈر نئیں پر سچّی مُحبّت ڈر نوں پراں سُٹ دیندی اے۔ کیوں جو ڈر د تعلق سزا نال اے۔ پر جو کوئی ڈر دا اے، اوہ مُحبّت وچ کامِل نئیں ہو سکدا۔
\v 19 ۱۹۔ اسی مُحبّت کردے ہاں کیوں جو پہلاں خُدا تے ساڈے نال مُحبّت کیتی۔
\v 20 ۲۰۔جے کوئی کووے میں خُدا نوں پیار کردا ہاں پر اپنے بھرا نال نفرت کرے اوہ جھوٹا اے۔ کیوں جو کوئی اپنے بھرا نوں پیار نئیں کردا جیویں اوہنے وہکھیا اے۔ اوہ خُدا نوں پیار نئیں کر سکدا جِنو اوہنے وہکھیا ای نئیں۔
\v 21 ۲۱۔ اوہدے اولّوں ساہنوں ایہہ وی حُکم اے، جو خُدا نوں پیار کردا اے، اوہ اپنے بھرا نوں وی پیار کرے۔
\c 5
\cl باب۵
\p
\v 1 ۱۔ جیڑا وی یقین رکھدا اے کے مسیح رب توں پیدا ہویا اے تے جیڑا وی اک پیو نوں پیار کردا اے اوہ اوہدے توں پیدا ہوئے بچے نوں وی پیار کردا اے۔
\v 2 ۲۔ ایدی وجہ توں اسی جاندے آں کے اسی رب دے بچیاں نوں پیار کردے آں، جدوں اسی رب نوں پیار کردےآں تے اوہدے حُکماں تے عمل کردے آں۔
\v 3 ۳۔ کیوں جے رب دا پیار اے کہ اسی اودہے حُکماں تے عمل کردے آں تے اوہدے حُکم سخت نئیں نیں۔
\v 4 ۴۔ جیڑا وی رب توں پیدا ہویا اے اوہ دُنیا تے غلبہ پا لیندا اے۔ ایہو ہی فتح اے جنے دُنیا تے غلبہ پا لیا اے، ایہو ای ساڈا ایمان اے۔
\v 5 ۵۔ دُنیا نعں مغلوب کرن والا کون اے؟ اوہو ہی جیڑا ایمان رکھدا اے کے یسوع رب دا پُتر اے۔
\p
\v 6 ۶۔ ایہہ اوہو ای اے جیڑا پانی تے خُون دے وسیلے آیا۔ یسوع مسیح اوہ نہ صرف پانی دے وسیلے آیا، پر خُون تے پانی دے وسیلے وی۔
\v 7 ۷۔ کیوں جے تِن گواہی دیندے نیں۔
\v 8 ۸۔ روح، پانی تے خُون، ایہہ تینوں مُتفق نیں۔
\v 9 ۹۔ جے اسی آدمیاں دی گواہیاں قبول کر دے آں، تے رب دی گواہی ایدہے توں ودھ کے اے۔ رب دی گواہی ایہہ وے کے اوہنے اپنے پُتر دی گواہی دتی اے۔
\v 10 ۱۰۔ جیڑا کوئی رب دے پُتر اُتے یقین رکھدا اے اوہ اپنے آپ وچ گواہی دیندا اے۔ جیڑا کوئی نئیں مندا، رب نے اوہنو جھوٹا بنایا اے، کیوں جے اوہنے رب دی گواہی تے یقین (اعتبار) نئیں کیتا۔
\v 11 ۱۱۔ تے گواہی ایہہ وے: رب نے ساہنوں ہمیشہ دی زندگی بخشی، تے ایہہ زندگی اودہے پُتر وچ اے۔
\v 12 ۱۲۔ جدہے کول پُتر اے اودہے کول زندگی اے جدے کول رب دا پُتر نئیں اے، اوہدے کول زندگی نئیں اے۔
\p
\v 13 ۱۳۔ میں تواہنوں ایہہ گلاں لکھیاں نیں تاں جو اِنوں پتہ لگے کے تواڈے کول ہمیشہ دی زندگی اے۔ تواڈے لئی جیڑے رب دے پُتر دے ناں وچ (تے) ایمان رکھدے نیں۔
\v 14 ۱۴۔ نالے ساہنوں اودہے سامنے جو دلیری اے، کے جے اسی اودہی مرضی دے مُطابق کُجھ منگنے آں تے اوہ ساڈی سُندا اے۔
\v 15 ۱۵۔ نالے، جے اسی جاندے آں کے اوہ ساڈی سُندا اے، جو کُجھ وی اسی اودہے توں منگدے آں۔ اسی جاندے آں کے جو کُجھ وی اسی اودہے توں منگدے آں اوہ ساہنوں مِل جاندا اے۔
\p
\v 16 ۱۶۔ جے کوئی اپنے بھرا نوں ایسا گُناہ کردا وہکھ دا اے جِدا نتیجہ موت ہو وے، اوہنوں دُعا کرنی چاہیدی اے، تے رب اوہنوں زندگی بخش سے گا۔ میں اوہنا دے بارے وچ گل کر رہیا آں جِدے گناہ دے نتیجے وچ موت نئیں ہوندی۔ اِک گُناہ اے جِدا نتیجہ موت اے، میں ایہہ نئیں کہہ ریا کے اوہ اودہے بارے وچ دُعا کرے۔
\v 17 ۱۷۔ ساری ناراستبازی (ناراستی) گُناہ اے، پر گُناہ ایسا وی اے جدے نتیجے وچ موت نئیں ہوندی۔
\v 18 ۱۸۔ اسی جاندے آں کے جیڑا رب وچ پیدا ہویا اے اوہ گُناہ نئیں کردا، پر جیڑا رب وچ پیدا ہویا اوہ اودہی حفاظت کردا اے تے شریر اوہنوں نُقصان نئیں پہنچا سکدا۔
\v 19 ۱۹۔ ساہنوں پتہ اے کے اسی رب ولّوں آں، تے ساہنوں پتہ اے کے پوری دُنیا اوس شریر دے قبضے وچ اے۔
\v 20 ۲۰۔ پر اسی جاندے آں کے رب دا پُتر ٓچُکیا اے تے اونہیں ساہنوں حِکمت دتی اے تاں جو اسی اوہنوں جان سکیے جیڑا سچا اے، ناے اسی اودھے وچ سچا رب تے ہمیشہ دی زندگی ایہو ای اے۔
\p
\v 21 ۲۱۔ وہکھو، اپنے آپ نوں بتوں توں دور رکھو۔