pnb_reg/62-2PE.usfm

\id 2PE
\ide UTF-8
\h ۲۔پطرس
\toc1 ۲۔پطرس
\toc2 ۲۔پطرس
\toc3 2pe
\mt ۲۔پطرس
\c 1
\cl باب ۱
\p
\v 1 ۱۔یسوع المسیح دے غُلام تے رسُول شمعون پطرس ولوں اوہناں دے ناں جنہاں ساڈے وانگوں ہی بہت مہنگا ایمان پایا ھَے ، یعنی ساڈے رب تے نجات دھندہ خداوند یسوع المسیح دی راستبازی وِچ ایمان
\v 2 ۲۔ساڈے خداوند یسوع تے خدا دی پہچان دے وسیلے فضل تے سلامتی وچ وادھا ہووے۔
\p
\v 3 ۳۔زندگی تے خدا پرستی واسطے خدائی قدرت دے بارے ساریاں گلاں سانوں خدا دی پہچان دے وسیلے دِتیاں گئیاں نیں جس نے سانوں اپنے کماں تے جلال دے وسیلے سدیا اے۔
\v 4 ۴۔ایہناں دے وسیلے اوہنے ساڈے نال بہت وڈے تے قیمتی قول کیتے۔ تاں جو بد خواہشاں دی وجہ توں جگ وچ موجود خرابی توں بچ کے خدائی ذات (کردار) دے حِصّے دار بن جاؤ۔
\p
\v 5 ۵۔ایس وجہ توں بہت زور مارو پئی اپنے ایمان وچ بھلائی دا وادھا کرو، تے بھلائی اُتے عِلم دا وادھا کرو۔
\v 6 ۶۔عِلم دے اُتے پرھیزگاری ودھاؤ تے پرہیزگاری دے اُتے برداشت دا اضافہ کرو تے برداشت دا اضافہ کرو تے برداشت اُتے خدا پرستی دا وادھا کرو۔
\v 7 ۷۔خُدا پرستی اُتے بھراواں والا پیار تے بھراواں والے پیار اُتے محبت دا ضافہ کرو۔
\v 8 ۸۔جے ایہہ گلاں تہاڈے وچ ھَین تے تہاڈی وچ ودھن تے تُسی ساڈے خداوند یسوع المسیح دی پہچان وچ بنجر یا بے پھل نہ رہو گے۔
\v 9 ۹۔پر جس وِچ ایہناں گلاں دی تھوڑ اے اوہدی دُور دی نِگاہ اینی گھٹ اے جیوں نابینا اے تے بُھلیا بیٹھا اے پئی اوہ اپنے ماضی دیاں پاپاں توں پاک کیتا گیا ھَے۔
\v 10 ۱۰۔ایس لئی بھراؤ۔ اپنے بُلاوے تے چناؤ نوں یقینی بناؤن لئی ڈاہڈا زور لاؤ۔ ایس لئی پئی جے تُسی ایہناں کماں نوں کرو گے تے ٹھیڈا نہ کھاؤگے۔
\v 11 ۱۱۔ایس طرح تہاڈے واسطے ساڈے خداون تے نجات دھندہ یسوع المسیح دی ابدی بادشاھت وچ بڑی فیاضی نال داخلہ مہیاکیتا جائے گا۔
\p
\v 12 ۱۲۔ایس لئی میں ہر ویلے تیار رہاں گا پئی تہانوں ایہہ گلاں چیتے کراندا رہاں۔ حالانکہ تُسی اوہناں نوں جاندے ہو تے بھانویں تُسی اوس سچائی وچ وی بہت تگڑے ہو جہڑی سچائی ھُن تسی پا چُکے ھو۔
\v 13 ۱۳۔میرے لئی ایہہ سوچنا بالکُل ٹھیک اے پئی جدوں تِیک میں ایس تنبُو وچ ہاں، یاد دھانی دے وسیلے تہانوں بیدار رکھاں۔
\v 14 ۱۴۔کیوں جو میں جاندا ہاں پئی میرے تنبو دا ڈِگنا نیڑے ھَے کیوں جو ساڈے خُداوند یسوع المسیح نے میرے اُتے ظاہر کیتا اے۔
\v 15 ۱۵۔میں سر توڑ کوشش کراں گا پئی میرے مرن پچھوں تُسی سدا ایہناں گلاں نوں یاد رکھو۔
\p
\v 16 ۱۶۔اساں تہانوں اپنے خداوند یسوع المسیح دے آؤن دی تے اوہدی قدرت دی خبر سناؤن وچ کوئی چترائی نال گھِڑیاں ہوئیاں کہانیاں دی پیروی نہیں سی کیتی۔ پر اسی اوہدی عظمت دے چشم دِید گواہ ھاں۔
\v 17 ۱۷۔کیوں جو اوہنے خدا باپ کولوں عزت تے جلال پایا جدوں عظیم جلال ولوں اوہدے لئی ایہہ فِدا آئی ’’ ایہہ میرا پیارا پُتر اے جس دے نال میں بہت خوش ہاں ‘‘۔
\v 18 ۱۸۔جدوں اسی اوہدے نال پاک پہاڑ تے ساں ، اساں آپ آسمان توں آئی ایہہ آواز سُنی سی۔
\v 19 ۱۹۔ اَتے ساڈے کول نبیاں دا اوہ کلام اے جیہڑا چوکھا بھروسے والا اے اَتے تُسی چنگا کردے او جدوں ایہ سمجھ کے ایہدے تے دھیان کردے او پئی اوہ اِک دِیوا اے جیہڑا ہنیری تھاں وِچ چانن کردا اے جدوں تِیک سویل نہ ہو جاوے اَتے صُبع دا تارہ تُہادے دِلاں وِچ نا چمکے۔
\v 20 ۲۰۔اَتے پہلاں ایہ جان لؤو پئی پاک کِتاب دی کِسے نبُوّت دا بیان کِسے دے ذاتی اِختِیار تے نئیں۔
\v 21 ۲۱۔کیوں جو نبُوّت دی کوئی گل بندے دے مرضی نال کدی نئیں ہوئی سگوں بندے پاک رُوح دی جُنبش نال خُدا وَلّوں بولدے سَن۔
\c 2
\cl باب ۲
\p
\v 1 ۱۔ اَتے جِیویں جُھوٹھے نبی اوس اُمّت وِچ وی سَن اینج ای تُہاڈے وِچ وی جُھوٹھے اُستاد ہون گے جیہڑے لُک لُکا کے ہلاک کرن والِیاں بِدعتاں کڈھن گے اَتے اوس مالک دی نفی کرن گے جِنہے اوہناں نُوں مُل لیا سی اَتے اپنے تئیں چھیتی ای ہلاکت وِچ سُٹّن گے۔
\v 2 ۲۔ اَتے بَتھیرے اوہناں دی لُچ پُئے پِچھے ٹُرن لگ پین گے جِنہاں دے سببّوں سچّیائی دے راہ دی بدنامی ہووے گی۔
\v 3 ۳۔ اَتے اوہ لالچ نال داء والِیاں گلّاں بنا کے تُہاڈا فائِدہ چُکن گے پَر جیہڑا پرانے ویلیاں توں ای اوہناں لئی سزا دا حُکم ہو گیا اے اوہدے آن وچ کوئی چِر نئیں رہ گیا اَتے اوہناں دی ہلاکت سوندی نئیں۔
\p
\v 4 ۴۔ کیوں جو خُدا نے جد فرِشتیاں نُوں وی نئیں چَھڈیا سگوں جہنّم وِچ گھل کے ہنیریاں غاراں وِچ سُٹّ دِتّا تاں جو نیاں کرن دے دیہاڑے تیِک اوتھے ڈَکے رہن۔
\v 5 ۵۔ اَتے نا ای پہیلی دُنیا نُوں چَھڈیا سگوں بے دِین دُنیا اُتّے طوفان گھل کے سِدھے راہ دی مُنادی کرن والے نُوحؔ نُوں سَت بندیاں سنہے بچا لیا۔
\v 6 ۶۔ اَتے سدُومؔ تے عمُورہؔ دے شہراں نُوں کالی سوا کر دِتّا اَتے اوہناں نُوں ہلاکت دی سزا دِتّی اَتے آن والے زمانے دے بے دِیناں لئی اِک مثال قیم کر دِتّی۔
\v 7 ۷۔ اَتے سِدھی راہ تے چَلن والے لُوطؔ نُوں جیہڑا بے دیِنیاں دے بھیڑے چال چَلن توں اَکیّا ہویا سی خلاصی بخشی۔
\v 8 ۸۔ (اَتے اوس بھلا مانس تے سِدّھی راہ چَلن والے دا دِل اوہناں وِچ وَسدیاں ہوئیاں اوہناں دے بے شرع کماں نُوں ویکھ ویکھ کے تے سُن سُن کے اجیہا ہوگیا سی جیِویں دِن راتیں شکنجے وِچ پَھسّیا ہووے ۔)
\v 9 ۹۔ تے خُداوَند دیِنداراں نُوں اَزمایش وِچوں کڈھ لینا اَتے بھیڑیاں نُوں نیاں دے دِن تیِک سزا وِچ رکھّنا جان دااے۔
\v 10 ۱۰۔ خاص کر اوہناں نُوں جیہڑے بھیڑیِاں خواہشاں نال جَسم دی پیروی کر دے نیں اَتے حُکُومت نُوں کُجھ نئیں سمجھ دے۔ اوہ گُستاخ تے اَڑی کرن والے نیں تے عِزّت والیاں نُوں طعنے مینے مارن توں نئیں ڈر دے۔
\v 11 ۱۱۔فرشتے لوکاں توں زیادہ مظبوط تے طاقتور نے پر اوہ خدا دے سامنے اپنی لعن طعن نیں لے آؤندے۔
\v 12 ۱۲۔پر اَے لوک بے عقل جانوراں وانگوں نے جیڑے پھڑے جان تے ہلاک ہون لئی بنے نے۔ اُنہاں نوں نئیں پتہ کہ اَوہ کِس دی بے عزتی کرن ڈکے نے۔ اُناں نوں تباہ کردتا جاوے گا۔
\v 13 ۱۳۔اُناں نوں اپنیاں بدیاں دا اجر ملے گا۔ اُوہ سمجھ دے کہ دن دیہاڑے عیاشی کرن وچ مزہ اَے۔ اَوہ داغی تے عیب دار نے جدوں اُوہ تہاڈے نال کھاندے نے اپنی دغا بازی دا مزہ لیندے نے۔ نوٹ: کجھ ترجماں وچ اِس طرح لکھیا اَے، ’’ جدوں اوہ تہاڈے نال کھاندے پیندے نے اپنے وَلوں محبت کرکے عیش و عشرت کردے نے‘‘۔
\v 14 ۱۴۔اُنہاں دیا اکھاں زنا کاریاں نال بھریاں نے تے اوناں دا دل بدکاری توں نئیں بھرادا۔ اور ڈولن والیاں تے جال سُٹ دے نے ۔ اُنہاں دے دِل لالچ نال بھرے نے تے اوہ لعنتی بچے نے۔
\v 15 ۱۵۔اُنہاں نے سیدھی راہ نوں چَھڈ دِتا اَے تے اُس تو بھٹک کے بلعام جیڑا بعور دا پُتر سی، دی راہ تے پَے گئے نے۔ جنے ناراستی دی مزدوری نال پیار کیتا۔ نوت: کئی ترجماں دے وچ اِس طرح لکھیا اَے، ’’ بلعام جوسر دا پُتر‘‘۔
\v 16 ۱۶۔پُر اُنے اپنے قصوراں تے ملامت بُھکتی کہ اِک بے زبان کھوتے نے انسان دی زبان بول کے اُوس نبی نوں اُہدے پاگل پن تو روکیا۔
\p
\v 17 ۱۷۔یہ آدمی بغیر پانی دے چسمیاں وانگو نے تے ایس کُہر جنوں ہنیری اُڑاندی اَے۔ اُنہاں دے لئی سخت ہنیرا رکھیا گیا ہَے۔
\v 18 ۱۸۔اُوہ بیہوداہ تے بکواس گلاں نال اُنہاں نوں جسم دی شہوت وچ پھسلاندے نے۔ جو گمراہ لوکاں وچوں نچ جاندے نے اوہ اُنہاں نُوں وی پھساندے نے۔
\v 19 ۱۹۔اُوہ آزادی دا وعدہ کردے نے پر اوہ آپ خُود وی بھیڑے کماں دے غلام نے۔ کیوں جو جس تے اُہدہ قبضہ اَے اُوہ اُسے دا غلام اَے۔
\v 20 ۲۰۔کیوں جو جیڑے خُداوند تے نجات دہندہ یسوع مسیح دی پچھان دے وسیلے رائیں ایس جہان دے گندمند توں بچ گئے تے پھر اُناں وچ پھر پھس گئے تے غلبے وچ آگئے۔ نہ اوناں دا حال پچھلے حال توں وی بُرا ہویا۔
\v 21 ۲۱۔اُوہناں لئی پاک حکماں نوں پاکے تے اُہناں توں پھر جان نالوں کہ اوہناں نے راستبازی دی راہ نوں جانیا ہی نہ ہُندا۔ جیڑا اُناں نوں دتا گیا سی۔
\v 22 ۲۲۔ کیوں جو یہ سچی مثال اُنا ں اُتے فِٹ آؤندی اَے کہ ’’ کُتا اپنی اُلٹی ول واپس آؤندا اَے‘‘، تے ’’ ناتی ہوئی سُورنی کیچڑ ول مُڑ دی اَے۔‘‘
\c 3
\cl باب ۳
\p
\v 1 ۱۔عزیزو اے دوجا خط اے جیہڑا میں تیانوں لکھیا اے اَتے چیتا کروان لئی دونواں خطاں نال تُہاڈے صاف دِلاں نُوں جوش دوانا آں۔
\v 2 ۲۔پئی تُسی اوہناں گلّاں نُون جیہڑیاں پاک بنیاں پہلاں آکھیا نیں تے خُداوند تے نجات دین والے دے اوس حُکم نُوں یاد رکھو۔
\p
\v 3 ۳۔پہلے یہ جان لوو کہ اخیر ویلے چے دُھوکا باز آؤن گے تے او اپنی خواہشات دے مطابق تینوں دھوکا دین گے۔
\v 4 ۴۔ او کہن گے واپس آؤن دا وعداہ کیتھے آ؟ جدوں تو ساڈے اباو اجداد مرے تے دینا دے شروع تو لگ کے سب کجھ اینج ہی اے۔
\v 5 ۵۔ اوہ تے جاندیاں ہوئیاں ایہ بُھل گئے پئی خدا دے کلام دی رائیں آسمان پرانے ویلیاں توں نیں اَتے زمِین پانی نال بنی اَتے پانی نال قیم ہوئی۔
\v 6 ۶۔اُس زمانے چے ساریاں چیزاں پانی نہ برباد ہویاں سن۔
\v 7 ۷۔پر ہن اوسے حکم نال اسمان تے زمین اگ نال تباہ کرن لئی رکھیاں گئے نے۔او عدالت دے دن تے بے دین لوکاں دی تبائی لئی رکھے گئے نے۔
\v 8 ۸۔اے پیاروں اے گل تہاڈے کولوں کِتے بُھلی چپی نہ رہ جائے کہ خداوند دے کول ایک دن اک ہزار سال دے تے اک ہزار سال اک دن دے دی طرح اے۔
\v 9 ۹۔خدا اپنے وعدایاں نوں پورا کرن چے دیر نئی کردا جیوں کجھ لوکی سمجھدے نے۔ بجائے اید او صبر کر دا اے تاکہ کوئی ہلاک (برباد ) نہ ہوئے بلکہ ہر اک نوں توبہ دا موقع ملے۔
\v 10 ۱۰۔پر خداوند دا دن چور دی طرح آئے گا تے اَسمان اِک گرج دار واج نال مُک جان گے۔ ہر چیز اگ نال سڑ جائے گی۔زمین تے اہدے اوتے کیتے ہوئے سارے کارنامے ساڑھ دیتے جان گے۔
\p
\v 11 ۱۱۔اینج ہی جدوں ساریاں چیزاں برباد ہون والیاں یں تے تہانوں کیویں دا ہونا چاہی دااے؟ تہانوں پاک تے دین داری دی زندگی گذارنا چاہی دی اے۔
\v 12 ۱۲۔ تینوں خداوند دے ایس دن دے چھیتی نال آؤن دی رہ تکنا چاہیدا اے۔اُس دن آسمان اگ نال برباد ہو جان گے۔ ہر چیز گرمی نال پگھل جائے گی۔
\v 13 ۱۳۔پر ایدے وعدے دے مطابق اِسی نویں زمین تے اسمان نو اڈیکن ڈئے آ جتھے سچیائی وسے گی۔
\p
\v 14 ۱۴۔ایس لئی اے عزیزو، کیوں جو تُسی ایناں گلاں دی اُڈیک وِچ او ایس لئی اوہدے اَگے سکون دی حالت وچ بے داغے اَتے بے الزام ہون کوشش کرو۔
\v 15 ۱۵۔ساڈے خداوند دے صبر نوں نجات سمجھو۔ ایس لئی ساڈے پیارے بھرا پَولُس نے وی اوس حِکمت دے مطابق جیہڑی اوہنوں مِلی تہانوں لِکھیااے۔
\v 16 ۱۶۔تے اپنے ساریاں خطاں وِچ ایہناں گلّاں بارے دسیا اے جِنہاں وِچ کئی گلّاں اجیہاں نیں جِنہاں دا سمجھنا مُشک اے تے جاہل تے ڈانواں ڈول لوک اوہناں دے مطلب نُوں وی حور حور صِحیفیاں وانگ کھِچّ کھِچّ کے اپنے لئی موت پیدا کر دے نیں۔
\v 17 ۱۷۔ایس لئی میرے عزیز جدوں تو اینا چیزاں نوں پہلو ہی جاننا اے تے اپنے آپ نوں ایناں بے شرع لوکاں دے دھوکے تو بچا کے رکھ تا جو تو اپنی وفاداری نوں گنوا نہ دیویں۔
\v 18 ۱۸۔پر اپنے نجات دہندہ خداوند یسوع مسیح دے فضل تے گیان چ وددا جا ۔ اوہنوں ہن تے ہمیشہ تک جلال ملے ۔ آمین۔