pnb_reg/59-HEB.usfm

\id HEB
\ide UTF-8
\h عبرانیوں
\toc1 عبرانیوں
\toc2 عبرانیوں
\toc3 heb
\mt عبرانیوں
\c 1
\cl باب ۱
\p
\v 1 ۱۔گُزرے ویلے رب نے کئی وری نبیاں دے وسیلے تے کئی ہور طرح کلام کیتا۔
\v 2 ۲۔تے ہن اخیر دِناں چہ، اوہنے اپنے پتّر دے وسیلے، جِنوں اوہنے ساریاں شیواں دا وارث مقرر کیتا۔ تے ایہہ اوہوی اے جدے وسیلے ایس جہاں نوں بنایا۔
\v 3 ۳۔تے اے خُدا دے جلال دا چانن اے تے اوہدے وانگر ای اے۔ تے ایہ اپنے کلام دی قدرت نال ساریاں شیواں سنبھالدا اے۔ تے پاپاں توں پاک کرن دے بعد اوہ سب توں اُتے حشمت دے سجّے ہتھ بیٹھا اے۔
\p
\v 4 ۴۔تے اوہ فرشتیاں وانگو ایسے طرح افضل ہویا ایس لئی کہ جیڑا اُنھیں میراث چ پایا اوہ سب توں اعلٰی اے۔
\v 5 ۵۔تے خُدا نے کدوں فرشتیاں وچوں کسے نوں وی کہیا کے ’’ تُو میرا پتّر اے، تے اج تو میں تیرا پیو آں‘‘؟ یا خُدا نے کیس فرشتے نوں کدی وی اے آکھیا کے ’’میں ایدا پیو ہواں گا تے اے میرا پتّر ہوے گا۔‘‘؟
\p
\v 6 ۶۔تے فیر جدوں خُدا پہلوٹھے نوں دُنیا چہ لیاندا اے تے کہندا اے کے ’’خدا دے سب فرشتے اُہنوں ضرور سجدہ کرن۔
\p
\v 7 ۷۔تے فرشتیاں لئی کہندہ اے کہ ’’ ایہ اوہ اے جیڑا اپنے فرشتیاں نوں روح تے اپنی خدمت کرن والیاں نو اَگ دے شعلے ‘‘ بناندا اے۔
\p
\v 8 ۸۔تے پُتر نوں کہندا اے، اے خُدا تیرا تخت ہمیشہ ہمیشہ لئی اے۔ تیری سلطنت دا عصّا، انصاف دا عصّا اے۔
\q
\v 9 ۹۔توں راستی نوں چاہنا تے ناراستی توں نفرت کرنا اے۔ ایس لئی خُدا تیرے خُدا تے خوشی دے تیل نال تیرے ساتھیاں وچوں بُہتا مسح کیتا۔
\p
\v 10 ۱۰۔تے شُروع وچ مالک توں ای دھرتی دی نیو رکھی۔ آسمان تیرے ہتھاں دی کاریگری نیں ۔
\q
\v 11 ۱۱۔اے برباد ہو جان گے پر توں قائم روہیں گا۔ اے کپڑے دے ٹکڑے وانگر پاٹ جان گے۔
\q
\v 12 ۱۲۔توں انہاں نوں چوغے وانگوں ولےٹے گا تے اے لباس وانگوں بدل جان گے۔ پر توں اُوسے طرح ای اے تے تیرے ورے نہ مُکّن گے۔
\p
\v 13 ۱۳۔تے کس فرشتے نون کسے وی ویلے خُدا نے ایہہ آکھیا کے میرے سجّے پاسے بہہ جدوں تیکر میں تیرے ویریاں نو تیرے پیراں دی چوکی نہ بنا دیاں۔
\p
\v 14 ۱۴۔سارے فرشتے خدمت گزار روحان نئیں جیڑے اوہناں دی خدمت لئی گھلے جاندے نیں جو نجات میراث چہ پاندے نیں۔
\c 2
\cl باب ۲
\p
\v 1 ۱۔ایس لئی سانوں ہور دھیان کرنا چہیدا اے اوہدے اُتے جو اسی پہلوں سُنیا اے۔ تاں جو اسی اوہدے توں مُڑ نہ جائے۔
\v 2 ۲۔جے فرشتیاں تھیں دِتا گیا سنہھا بھروسے والا ثابت ہندا تے ہر قصور تے حکم نہ منن دی سزا ہُندی۔
\v 3 ۳۔اسی کیویں بچ سکنے آن جے اسی وڈی مکتی تو غافل رہیے۔ اے او مکتی اے جیڑی پہلے خداوند نے دسی تے جنہاں نے سُنی اوہاناں نے (پکی کِیتی) ساہڈے لئی تصدیق کیتی۔
\v 4 ۴۔ایہدی خُدا نے نشانیاں، عجیب تے کئی زور آور کماں نال اہدی گواہی دِتی، تے اپنی مرضی نال روحِ پاک دے تحفے ونڈے۔
\p
\v 5 ۵۔کیوں جو رب نے آن والی دنیا فرشتیاں دے (قبضے) اختیار چ نہیں کِتی، جدے بارے اسی گل کر رہے آن۔
\v 6 ۶۔بلکہ کِسے ہور نے کِسے ہور تھاں ایدی گواہی دتی اے، اے کہہ کہ ’’ انسان کی اے، کہ تُوں اوہدے تے دھیان کریں؟ ‘‘ یا آدمی دا پُتر کہ تُوں اوہدا خیال کریں؟
\q
\v 7 ۷۔تُوں انسان نوں فرشتیاں توں ذرا جیاں گھٹ بنایا۔ تُوں اونوں جلال تے عزت دا جاف پایا۔ نوٹ:’’ تے اونوں اپنے ہاتھاں دی کاری گری دا ذمہ دِتا۔‘‘ کُجھ پرانیاں کتاباں چ لکھیا۔
\q
\v 8 ۸۔تُوں ہر شے اوہدے پیران تھلے کر دِتی۔ کیوں جو ایہہ اوہ اے جدے قبضے وچ رب نے ساریاں شےواں دِیتاں۔ اوہنے کوئی شے نہیں چھڈی جیڑی اوہدے تھلے تے اوہدی مرضی تھلے نہ ہووے۔ پر ہن اسی ہر شے اوہدے قبضے تھلے نہیں ویکھدے۔
\v 9 ۹۔پر اسی اوہنوں ویکھایا جنہوں تھوڑی دیر لئی فرشتیاں تو گھٹ بنایا گیا سی، یسوع، جنہوں دُکھاں تے موت دی وجہ توں جلال تے عزت دا تاج پوایا گیا۔ تاں جو رب دے فضل نال او ساریاں لئی موت دا مزہ چکھے۔
\p
\v 10 ۱۰۔پر خُدا لئی اے ٹھیک سی، کیوں جو سب کُجھ اوہدے لئی ای بنیا سی تے اوہدے وچوں ہی بنیا سی تاکہ بتھیرے پُتراں نوں جلال چ لے جا سکے۔اے اوہدے لئی ٹھیک سی کہ اوہناں دی مکتی جیڑی دُکھاں نال پوری ہوئی۔ اوہدا سردار اوہنوں بنائے۔
\v 11 ۱۱۔ کیوں جو اوہوں جیہڑا پاک کردا اے تے اور جیڑے پاک کئے گئے نے، اوہناں دا اِک ہی سوتا (منبع) اے۔ ایس لئی او اوہناں نو پرا کہن تو شرماندا نئی۔
\v 12 ۱۲۔ او (یسوع) کہندا اے ’’ میں اپنے پیراواں نوں تیرا ناں دساں گا۔ میں مجمع وچ تیرے گیت بارے گاواں گا۔‘‘
\p
\v 13 ۱۳۔تے فیر ’’ میں اوہدے تے یقین (بھروسہ) دکھاواں گا۔ تے فیر، ویکھو، میں تے جیڑے بچے رب (خُدا) نے مینوں دِتے نے ایتھے نے۔
\p
\v 14 ۱۴۔ایس لئی، جیویں خُدا دے بچے خون تے گوشت وچ نئیں، یسوع وی اوسی طرح اوہناں نال شے واں ونڈ دا اے، تاں جو موت چوں ہو کے اوجت سکے اوہدے کولوں جدھے کول موت او تے اختیار اے، تے او، شیطان اے۔
\v 15 ۱۵۔ایہ ایس لئی ہویا جو او (یسوع) اوہناں ساریاں نوں موت دے ڈر دی غلامی توں آزاد کرلے۔
\v 16 ۱۶۔بے شک اوہنوں فرشتیاں (نال کوئی سروکار) دی فکر نہیں، بلکہ، او ابراہام دے بیج نے، جدی اونہوں فِکر اے۔
\v 17 ۱۷۔ایس لئی اے ضروری سی کہ وہ ہر طرح نال اپنے پراواں وانگوں ہر طرح بنے، تاکہ او خدا دے سامنے اک رحم دل تے وفادار (کاہن) وڈا امام خدا دے کماں لئی بنے تے لوکاں دے پاپاں لئی معافی حاصل کرے۔
\v 18 ۱۸۔کیوں جو یسوع آپ آزمایا گیا تے اونے دُکھ جَریا، ایس لئی او اوہناں دی مدد کر سکدا اے جیڑے آزمائے جاندے نے۔
\c 3
\cl باب ۳
\p
\v 1 ۱۔ایس لئی اے مقدس بھراؤ تُسی آسمانی بُلاوے چہ شریک او۔ تے یسوع دے بارے وچ غور کرو جیڑا رسول تے مُغنی (کاہن) اعظم اے، جِدا اسی اقرار کردے آں۔
\v 2 ۲۔او خُدا دا، جِنے اوہنوں مقرر کیتا وفادار رہیا۔ اُسے طرح جیویں موسیٰ خُدا دے گھر وِچ وفادار رہیا۔
\v 3 ۳۔تے یسوع، موسیٰ توں ودھ جلال دے لائق ٹھیریا کیوں جو گھر بنان والے دی گھرتوں بُہتی عزّت ہوندی اے۔
\v 4 ۴۔تے ہر اک گھر نوں کوئی نہ کوئی بناندا اے پر ساریاں شیواں نوں رب (خدا) بناندا اے۔
\v 5 ۵۔تے خدا دے سارے گھر وچ موسیٰ وفادار خادم سی نالے اوہ ہون والی شیواں دا گواہ سی۔
\v 6 ۶۔پر یسوع پُتّر وانگوں وفادار اے جیڑا خُدا دے گھر دا اختیار رکھدا اے۔ اَسی اوہدے گھر ہاں جے اَسی اُہنوں جدے تے فخر کرنے آن دلیری تے اُمید نال پھڑ کے رکھیے۔
\p
\v 7 ۷۔ایس لئی، پاک روح ایس طرح فرماندا اے ’’ اج جے تسی اوہدی آواز سندے او،
\v 8 ۸۔تے غصے (نافرمانی) وچ اپنے دل سخت نہ کرو۔ جیس طرح اَزمائش دے ویلے غُصّے وچ بیبان چہ کیتے سن۔
\v 9 ۹۔اے اوس ویلے سی جدوں تہاڈے پُرکھاں نے مینوں آزمایا تے جدوں چالی سال تک اوہناں نے میرے کم ویکھے۔
\p
\v 10 ۱۰۔ایس لئی میں اُس پیڑھی تو خفا ہو کے کہیا (انسان دے دل ہمیشہ گمراہ) کہ اے اینے دِلاں چہ ہمیشہ برباد ہوئے نئیں، انسان نے میری راہواں نو نہ جانیا۔‘‘
\p
\v 11 ۱۱۔اے ایسے طرح ای اے کہ اپنے غُضّے چہ میں قسم کھادی کہ اے میرے آرام چہ داخل نہ ہون گے۔
\p
\v 12 ۱۲۔بھائیو ہوشیار روؤ کے تہاڈے وچوں کوئی وی بے ایمان تے دل چہ بدی رکھن والا نہ ہووے۔ اوہ دِل جیڑا زندہ خدا توں پِھر جاوے۔
\v 13 ۱۳۔پر تُسی ہر روز اِک دوجے دا حوسصلہ ودھاندے رؤو، جدوں تیک اَج کہلاندا اے، تا ں جو تہاڈے وچوں کوئی وی گناہ دے فریب دی وجہ توں ڈھیٹ (سخت دل) نہ ہووے۔
\v 14 ۱۴۔تے اسی مسیح دے ساتھی بن گئے آن جے اسی شُروع توں آخیر تک اوہدے تے اعتقاد رکھیئے۔
\v 15 ۱۵۔ایہدے بارے چہ ایہ کہیا گیا اے کہ ’’ اج، جے تُسی اُہدی آواز سُندے او تے آپنے دِل سخت نہ کرو جیویں تلخی تے اشتعال وِچ کیتے سن۔‘‘
\p
\v 16 ۱۶۔او کون سن جنہاں نے خُدا دی آواز سُنی تے اشتعال وچ آگئے؟ تے اے اوہ سارے نئیں سن جنہاں نوں موسیٰ نے مصر توں کڈھیا سی؟
\v 17 ۱۷۔ اَتے اوہ کیہڑیاں لوکاں توں چالی وریاں تیک رِنج رہیا؟ کیِہ اوہناں توں نئیں جِنھاں نیں پاپ کیِتا اَتے اوہناں دیاں لاشاں اُجاڑ وِچ پئیاں رہیاں؟
\v 18 ۱۸۔اَتے کیہڑے لوکاں بارے اوہنے قسم کھادی پئی اوہ میرے آرام وِچ داخل نئیں ہوسکن گے سوائے اوہناں دے جِنھاں نے اِک نا سُنی؟
\v 19 ۱۹۔سو اَسیں ویکھنے آن پئی اوہ بے ایمانی دے سببوں داخل نہ ہوسکے۔
\c 4
\cl باب ۴
\p
\v 1 ۱۔ ایس لئی بڑا دھیان رکھو تاں جو تہاڈے وچوں کوئی وی خدادے آرام چہ داخل ہون دے وعدے توں پچھے نہ رہ جاوے۔
\v 2 ۲۔تے اے خوشی دی خبر (دا پیغام) سانوں اوسے طرح سنائی گئی جیویں اوہناں نوں۔ پر ایہہ پیغام ایناں لئی جیڑے اعتقاد (تعبیاداری کرن) ایمان لیان والیا نال اک نہ ہوئے، بے فائدہ ای ریا۔ نوٹ: دوجیاں کاپیا ں چہ لکھیا اے؛ پر ایہہ پیغام اُہناں لئی بے فائدہ ای رہیا جناں نے بے اعتقادی نال سُنیا۔
\v 3 ۳۔تے اسی جیڑے ایمان لیاے، آرام چہ داخل ہوواں گے۔ جیویں اُہنے کیا اے کے ’’جیویں میں اپنے قہر چہ قسم کھادی ، کہ اے میرے اَرام چہ داخل نہ ہون گے۔‘‘ تے فیر وی ایس جہاں دی نیو رکھدے ویلے اوہدا کم مکمل ہوگیا سی۔
\v 4 ۴۔تے اوہنے کِتے ستویں دن دے بارے وچ وی کہیا اے؛ ’’ تے خدا نے ستویں دن اپنے سارے کمّاں توں فارغ ہو کے آرام کیتا۔‘‘
\p
\v 5 ۵۔تے فیر اوسے حصّے چہ اوہنے اے کہیا کہ اوہ میرے آرام چہ کدی وی داخل نہ ہون گے۔‘‘
\p
\v 6 ۶۔ایس لئی فیر وی تھوڑیاں لئی اوہدے آرام چہ داخل ہونا مخصوص کیتا گیا اے۔ پر بھیرے اسرائیلی جناں نے ایہہ خُوشی دی خبر سُنی داخل نہ ہوسکے کیوں جے اوہناں نے نافرمانی کیتی۔
\v 7 ۷۔خُدا نے ’اج‘ کہہ کے اِک خاص دِن مقرر کیتا، کافی دِناں بعد داؤد دے وسیلے اُہنے کلام کیتا، جیویں پہلاں کہیا سی، ’’اج جے تُسی اوہدی آواز سُندے او تے اپنے دل سخت نہ کرو۔‘‘
\p
\v 8 ۸۔تے جے یشوع نے اوہناں نوں آرام دِتا ہوندا فیر خُدا کِسے دوسرے دن دے بارے وچ نہ کہندا۔
\v 9 ۹۔ایس لئی اِک اَرام دا سبت خُدا دے لوکاں لئی مقرر اے۔
\v 10 ۱۰۔تے جیڑا خُدا دے آرام چہ داخل ہوندا اے، اوہ اپنے کمّاں توں وی آرام پاندا اے، اوسے طرح جیویں خُدا نے اپنے کمّاں توں آرام کیتا۔
\p
\v 11 ۱۱۔ایس لئی اسی وی آرام چہ داخل ہون دا چاہ رکھیے تاں جو (ساڈے چوں) کوئی وی اُس طرح دی نافرمانی نہ کرے جیویں اُنہاں کیتی سی ۔
\v 12 ۱۲۔کیوں جے خُدا دا کلام زندہ، موثر تے ہر ایک دو دھاری تلوار توں بوہتا تِکھا اے۔ تے اے روح تے جان تے بند بند (جوڑاں) تے گودے وچوں چیر کے لنگھ جاندا ے۔ تے اے دل دے خیال تے سوچاں نو جان لیندا اے۔
\v 13 ۱۳۔جو کُجھ وی تخلیق کیتا گیا اے اوہ خُدا توں لُکیا نئیں۔ اہدی اکھاں اگے جنوں اسی حساب دینا اے، ساریاں شیواں بے نقاب تے کھُلیاں نیں۔
\p
\v 14 ۱۴۔تاں جو ساڈے کول اک عظیم کاہنِ اعظم اے جیڑا آسماناں چوں لنگھ گیا، خُدا دا پُتر یسوع، آؤ اپنے ایمان نون مضبوطی نال پھڑ کے رکھیے۔
\v 15 ۱۵۔تے ساڈے کول اوہ کاہنِ اعظم نئیں جیڑا ساڈی کمزوریاں چہ ہمدرد نہ ہوئے۔ پر ساڈے کول اوہ اے جیڑا ہر طرح دی آزمائش وچ ساڈے وانگوں پیا پر فرق ایہ وے کے اوہ بے گناہ سی۔
\v 16 ۱۶۔ایس لئی آؤ اسی فضل دے تخت ول بھروسے نال چلیئے، تاں جو ساڈے تے رحم ہووے تے ضرورت دے وقت مدد لئی فضل ہوندا روے۔
\c 5
\cl باب ۵
\p
\v 1 ۱۔ کیوں جو، ہر سردار کاہن،لوکاں وچوں چُنیا جاندا اے، تے خُدا دے کماں لئی، لوکاں واسطے کم کرن لئی مقرر کیتا جاندا اے، تاں جو او پاپاں لئی قربانیاں تے (تحفے) نذراں پیش کر سکے۔
\v 2 ۲۔او اوہناں نال (دھیمی) چنگی طرح نبڑ سکدا اے جیڑے بے عِلم نے تے جیڑے دھوکہ کھا بیٹھے نے۔ کیوں جو او آپ وی کمزور اے۔
\v 3 ۳۔ایس وجہ توں (کرکے)، اونوں اپنے پاپ لئی قربانی چڑھان دی لوڑ اے۔ جیویں او دوجے لوکاں دے پاپاں لئی چڑھاندا اے۔
\v 4 ۴۔کوئی وی اے عزت آپنے آپ نیں لے سکدا۔ بلکہ، او خُدا ولوں بُلایا جاندا اے، جیویں ہاروں بُلایا گیا سی۔
\v 5 ۵۔ایسی طرح، مسیح وی اپنے آپ نوں سردار کاہن بنا کہ، اپنے آپ نوں عزت نئیں دیندا۔ پر جیہڑا اونوں کیندا اے، تُوں میرا پُت ایں اج میرا تیرا پیو بنا گیا۔‘‘
\p
\v 6 ۶۔ایہ اینج ای اے جیویں او دوجی تھاں آکھدا اے ’’ تُوں (ہمیشہ) سدا تیک کاہن ایں۔ ملکِ صدق دی طرح ۔
\p
\v 7 ۷۔ جسمانی زندگی (اپنے جسم) اپنی دے دناں وچ، مسیح نے وڈی پکاراں تے اتھرو واں نال، خدا کولوں بِنتیاں تے دعاواں کِتیاں۔ اوہی جیڑا اونوں خدا پرست زندگی دی وجہ توں اوہدی سُنی گئی۔
\v 8 ۸۔پاویں او پُتر سی، اوہنے اپنے دُکھاں توں حکم مننا سِکھیا (تعبیاداری کرنا سکھیا)۔
\v 9 ۹۔او کامل ہویا تے ہر کِسے لئی جو اوہدا حکم مندا اے، سدا (ہمیشہ) دی مکتی (دی وجہ) دا سبب بنیا۔
\v 10 ۱۰۔او خُدا (ربّ) ولوں ملکِ صدق دے (طریک) وانگوں (اوتے) سردار کاہن بنایا گیا۔
\p
\v 11 ۱۱۔ساڈے کول یسوع دے بارے دسن لئی بہت کجھ اے پر اے دسنا بڑا ہی اوکھا اے کیوں جو تُسی سُنن چہ ٹِلّے پے گئے او۔
\v 12 ۱۲۔کیوں جو ایس ویلے تک تانوں اُستاد ہونا چاہیدا سی پر تہانوں ہالے وی خدا دے پیغام دے بُنیادی اصول سکھان والے دی لوڑ اے۔ تانوں دُدھ چاہیدا اے، سخت کھانے نئیں۔
\v 13 ۱۳۔کیوں جو جیڑا خالی دُودھ ای پیندا اے او خدا دی سچائی دے پیغام بارے (بھولے نے) نہ تجربہ کار نے۔ کیوں جو اوہ ہالے نِکا بال اے۔
\v 14 ۱۴۔پر سخت کھانا وڈیاں واسطے وے۔ اے او نے جناں نے اپنے (پکے پن) بالغ ہون توں، چنگائی تے بُرائی وچ فرق کرنا سِکھ لیا اے۔
\c 6
\cl باب ۶
\p
\v 1 ۱۔ایس لئی، چلو مسیح دے شُروع دے پیغام نوں چھڈ کے پختگی (پکے) پن ول ویدیے۔ چلو ہن دوبارہ مردہ کماں تے خدا تے ایمان نال دوبارہ توبہ دی نیو نہ رکھیے۔
\v 2 ۲۔ہی ہی بپتسمے، ہتھ رکھن، مردیاں دے جی اُٹھن تے سدا دے انصاف دی تعلیم بارے نیو رکھیے۔
\v 3 ۳۔جے خدا اجازت دیوے تے اسی اے وی کراں گے۔
\v 4 ۴۔کیوں جو اے اوہناں (لئی ناممکن اے) کولوں نہیں ہوسکدا جِنہاں نوں پہلے (دسیا) ایہدے نال منور کیتا گیا سی، جنہاں (نعمتاں) نے آسمانی تحفے نوں چکھیا، جنہاں نے روحِ پاک اک دوجے نال ونڈیا۔
\v 5 ۵۔تے جنیاں نے خدا دے چنگے کلام (نوں) دا مزا چکھیا (پرکھیا) تے آن والے وقت دی طاقتاں نوں وی ۔
\v 6 ۶۔پر او جیڑے ڈگ گئے۔ اوہناں نوں ویر توبہ لئی تیار کرنا بڑا اوکھا اے(ناممکن)۔ایس لئی کہ فیر آپنے لئی خُدا دے پُتر نوں صلیب تے چڑھاندے نیں تے سرے عام اوہدی بے عزتی کردے نیں۔
\v 7 ۷۔مینہ جیہڑا اکثر دھرتی تے وردا اے، اوہدا پانی پیندی اے، تے اوہناں لئی جیڑے اوہدے تے کم کردے نے اوہنا دے دے فیدے لئی بوٹے اگاندی اے۔ اے اوہ دھرتی اے جیڑی خدا دی برکت لیندی اے۔
\v 8 ۸۔پر جے او اُٹ کٹارے تے کنڈے اُگا وے تے او بے کار اے تے لعنت دے برابر اے۔ (او آکر کار ساڑی جاندی اے) تے اوہدا انجام سڑنا اے۔
\p
\v 9 ۹۔پر، پیارے سنگیو، تہاڈے بارے سانون چنگیاں گلاں دا یقین اے، گلاں جیڑیاں مکتی بارے نے، پاویں اسی اینج گلا کریے۔
\v 10 ۱۰۔کیوں جو خدا بے انصاف نئیں جو تہاڈے چنگے کماں نوں تے تہاڈے پیار نوں جیڑا تُسی اوہدے ناں لئی وکھایا، پُل جاوے۔ کیوں جو تُسی ایمانداراں دی سیوا کیتی تے ہالے وی کرن ڈے او۔
\v 11 ۱۱۔ساڈی بڑی خواہش اے کہ تُسی سارے اخیر تک اپنی (آس) اُمید نوں یقین بنان واسطے، چُستی وکھاندے روَو۔
\v 12 ۱۲۔اے ایس لئی کہ تُسی سُسے نہ بنو، بلکہ اوہناں دی نقل کرو جنہاں نےایمان تے صبَر نال (اپنے وعدیاں نوں) وعدے نوں میراث چہ پایا (حاصل کیتا)۔
\p
\v 13 ۱۳۔ایس لئی جدوں خُدا نے ابراہام نال وعدہ کیتا، تے (اپنے ناں دی قَسم کھادی) اپنی قسم کھادی، کیوں جو اوہدے نالوں وڈا کوئی نئیں سی جدی اوہ قسم کھاندا۔
\v 14 ۱۴۔اوہنے کہیا، ’’میں ضرور تینوں برکت دواں گا۔ تے میں تینوں بہت ودھداواں گا۔‘‘
\v 15 ۱۵۔ایسے طرح، ابراہام نے صبر نال انتظار کرکے او حاصل کیتا جِدا اوہدے نال وعدہ کیتا گیا سی۔
\v 16 ۱۶۔کیوں جو لوکی اوہدی قسم کھاندے نیں جیہڑا اوناں نالوں (ودھ کہ) وڈا ہووے۔ ہر اک آڈے (جھگڑے) دے بعد (وعدہ اک پکی گل ہوندی اے) حلف لینا ضمانت ہوندا اے۔
\v 17 ۱۷۔جدوں خدا نے فیصلہ کر لیاکہ او اپنے مقصد دے نہ بدلن دی خوبی، وعدے دے وارثاں نوں وکھاناں چاندا اے، تے اونے وعدے دے نال اوہدا (ذمہ) لیا (گل پکی کیتی)، ضمانت دتی۔
\v 18 ۱۸۔اوہنے ایہ (کیتا تاں جو) نہ بدلن والیاں (چیزاں) شیواں نال ۔ کیوں جو اے نئی ہوسکدا کہ خُدا چوٹھ بولے۔ اسی جیڑے پنا لین لئی نسے ہاں، ساڈے سامنے (رکھی) دھری گئی آس نوں مضبوطی نال پھڑ (لئیے) کے رکھئیے۔
\v 19 ۱۹۔ تے ساڈی جان لئی، ساڈے کو محفوظ تے بھروسے، ایہو جیئی دا لنگے اے۔ اُمید (آس) جیڑی پردے دے پیچھے، اندرونی تھاں وچ داخل ہو جاندی اے۔
\v 20 ۲۰۔جھتے یسوع، جیڑا سیاہڈے توں پہلے گیا اے ساڈی (جگہ، ساڈی خاطر) اندر داخل ہویا اے۔ او ملکِ صدق دے (طریک) بعد اَتے سدا تیک (لئی) سردار کاہن بن گیا اے۔
\c 7
\cl باب ۷
\p
\v 1 ۱۔تے ایہہ سالیم دے مُلک دا بادشاہ ملکِ صِدق اے، جِنے ابراہام نوں برکت دتی سی جدوں اوہ مینگ توں بادشاہواں تو ذبح کر کے مُڑیا سی۔
\v 2 ۲۔تے ایہہ اوہ اے جِنوں ابراہام تے دسواں حصّہ دتا سی، ایھدے ناں ملکِ صدق دا مطلب راستبازی دا شہنشاہ اے تے ایہدا دوجا لقب سالیم دا بادشاہ یعنی امن دا بادشاہ اے۔
\v 3 ۳۔تے ایہدا پیو وی کوئی نئی تے ایہدی ماں وی کوئی نئی تے نہ ہی ایدے پُرکھاں پُرکھ نئیں تے نہ ایہدے شُروع اے تے نہ زندگی دا ختم ہونا۔ اے خُدا دے پُتر طرح اے کیوں جو ہمیشہ لئی کاہن رہیا۔
\p
\v 4 ۴۔ویکھو کے اے کِنا عظیم ہوے گا جنوں باپ ابراہام نے سازیاں شیواں دا دسواں حصّہ دِتا جیڑی اوہنے جنگ چوں لیاندیاں سن۔
\v 5 ۵۔تے شرع دے حکم دے مطابق لاوی دے پتّر دسویں حصّے دے حقدار سن، تے اے لوکی اوہناں دے ہی بھرا سن ۔ تے اسے سارے ابراہام دی نسل چوں سن۔
\v 6 ۶۔تے ملک صدق جدے ااباو اجداد دے پتہ ای نئیں اوہنے ابراہام توں دسواں حصّہ وی لیا تے اوہنوں برکت وی دتی جدے نال وعدہ کیتا گیاسی۔
\v 7 ۷۔ایہدے توں کوئی انکار نئیں کہ ماڑے بندے توں تگڑا بندہ ہی برکت دیندا اے۔
\v 8 ۸۔ایس معاملے چہ فانی انسان تے دسواں حصّہ لیا پر اُوس معاملے چہ ایہہ گواہی اے کہ اوہ غیر فانی اے۔
\v 9 ۹۔تے ایہہ گل انج اے کے لاوی جیڑے دسواں حصّہ لیندے نے اوہناں نے وی ابراہام دے وسیلے دسواں حصّہ دِتا سی۔
\v 10 ۱۰۔کیوں جو لاوی اپنے اباو اجداد دی آن والی نسل سن جدوں ملک صدق ابراہام نوں مِلیا۔
\p
\v 11 ۱۱۔تے جے لاویاں دی کہانت چہ کاملیت ہوندی (کیوں جو اہناں دے ماتحت لوکاں نوں شعریعت دتی گئی سی) تے فیر کی لوڑ سی کہ کوئی دوجا کاہن ملکِ صدق وانگوں آوئے تے اور ہارون دے رُتبہ دا نہ ہوئے۔
\v 12 ۱۲۔تے جدوں کہانت بدل گئی تے فیر شریعت وی ضرور بدلنی چاہدی اے۔
\v 13 ۱۳۔تے جدے بارے وچ ایہہ گلاں ہویاں نئیں اوہ کسی ہور قبیلے دا اے، تے ایہدے وچوں کسے نے وی قُربانگاہ تے خِدمت نئیں کیتی۔
\v 14 ۱۴۔تے ہُن اے صاف طور تے یہوداہ دا قبیلا اے جدے چوں ساہڈا خُداوند جمّیا۔ اے اوہ قبیلا اے جِدا موسیٰ نے کہانت لئی کدی وی نہ کیا۔
\v 15 ۱۵۔تے اسی صاف طور تے ایہہ کہتے اُن کہ کوئی وی دوجا کاہن جیڑا ملکِ صدق وانگوں آے گا۔
\v 16 ۱۶۔اوہ شریعت دے مُطابق جسمانی طور کاہن تے نئیں پر ہمیشہ دی زندگی دے زور دی بُنیاد نے۔
\v 17 ۱۷۔تے کلام اصحائف اُچوی گواہی دیندے نئیں۔ ملکِ صدق وانگوں تو ہمیشہ لئی کاہن ایں۔
\p
\v 18 ۱۸۔کیوں جو پہلی شریعت کمزور تے بے فائدہ ہون دی وجہ توں باطل ٹھہری۔
\v 19 ۱۹۔(ایس لئی کے شریعت نے کُجھ وی کامِل نئیں بنایا) تے خُدا دے نیڑے اُن دی اک ودھیا آس اوسیلہ مل گئی گیا۔
\p
\v 20 ۲۰۔تے ایہہ بغیر قسم (حلف) دے نئیں ہوندا تے دوجے کاہن بغیر کسے حلف یا قسم دے کاہن بنے۔
\v 21 ۲۱۔پر ایہہ کاہن بنیا جدوں خُدا نے انہوں کیہا کہ ’’خداوند نے قسم کھائی تے اوہ اپنا ذہن نئیں بدلے گا، توں ہمیشہ لئی کاہن اے‘‘۔
\p
\v 22 ۲۲۔تے ایس طرح یسوع نے اک جنگے (بہتر) عہد دی ضمانت دتی اے۔
\p
\v 23 ۲۳۔تے کافی سارے پیچھلے کاہن اپہلے کاہن موت دی وجہ توں اپنا کم جاری نہ رکھ سکے۔
\v 24 ۲۴۔پر یسوع جیڑا ہمیشہ لئی ای زندہ اے، اوہدے کول مُستقل کہانت اے۔
\v 25 ۲۵۔ایس لئی جِنے اوہدے وسیلے خُدا کول جاندے نئیں اوہ اُہناں نوں بچا سکدا اے، تے اوہ اُہناں دی شفاعت کرن لئی ہمیشہ زندہ اے۔
\p
\v 26 ۲۶۔تے ایس طرح دا کاہنِ اعظم (سردار کاہن) ساہون وارا کھاندہ اے۔ اوہ بے گناہ ، بے الزام، خالص گناہگاراں تو وکھرا کیتا ہوا تے آسماناں تو وی اُچا ہویا۔
\v 27 ۲۷۔اوہنوں سردار کاہناں وانگو پہلاں اپنی تے فیر دوجیاں لئی روز قربانی دین دی لوڑ نئیں۔ اُہنے ایہہ اکو وری اپنے آپ نوں قربان کر کے کر دِتا۔
\v 28 ۲۸۔کیوں جے شریعت جنہاں نوں سردار کاہن مقرر کر دی اے اوہناں چہ کمزوریاں نئیں۔ پر کلام جدے وچ قسم اے تے جیڑا شریعت دے بعد آیا اُوہنے پُتّر نوں مقرر کیتا جیڑا ہمیشہ لئی کامل بنیا۔
\c 8
\cl باب ۸
\p
\v 1 ۱۔ہن جیہڑے نقطے تے جہدے تے ایسی گلاں کرنے آن اُو اے ساڈا اک سردار کاہن اے جیڑا آسماناں تُوں حشمت دے تخت تے اَسمان تے سجھے ہتھ بیٹھا اے۔
\v 2 ۲۔او پوتر تھاں تے کاماں اے ۔ ودے منتری دا نالے تمبُودا جہنوں رب نے آپ کھڑا کیتا اے۔ کسے بندہ نے اُنوں نئیں بنیایا سی۔
\p
\v 3 ۳۔ایس لئی پئی جنہوں وڈیرا سیوک چہڑا وے تے قربانییاں لئی آکھ دا اے۔ اوہو ای کریگا۔ پر اے وی جروری اے اوہدے کول وہی کُجھ چہڑا وا چہڑون لِئے کجھ ہووے۔
\v 4 ۴۔جے یسوع (او) پُونوں تے ھندا تے کدے اُوہ ساراں دا سیوک نہ ہُندا ایس لئی اوتھے ہور ھین جہڑے مذبی قانوں نال تُونے دیندے۔
\v 5 ۵۔جیڑے عبادت گاہ وِچ خدمت نے او آسمان دیاں پرچھاوں دی نقل کر دے نے۔ اے بلکل اے طراں اے جیویں رب کے موسیٰ نوں آکھیا جدوں او ہیکل نبوان لئی تیار سی۔ رب نے اونوں آکھیا تینوں جہڑا نمونہ پہاڑ تے دیتا سی (وکھایا سی) تُوں انوں اُس نمونے وانگ بناوئیں گا۔
\v 6 ۶۔پَر ہُن یسوع ن اینی ودیاں تراں کم کم کرنا سِکھیا جہڑا وچائے ہون والا بنایا۔ جہڑا وَدیا وعداں دی جڑ بن گیا۔
\p
\v 7 ۷۔جے پَہلے قنون وعدے نُقص تھوں خالی ہوندے ویّر دوجے نُوں لبھن دی لوڑ نہ ہوندی اوہدے بھونڈے ہون نال وچا لبھن دی لوڑ پئی۔
\v 8 ۸۔وری اُنے اُناں نقص دس کے آکھیا۔ رب نے اکھیا ویکھ اَو دَن اُون والے نے جدوں میں انہاں لئی اک توان قنون بناوں گا۔
\q
\v 9 ۹۔اے اُوس قانون (عہد) وانگوں نا ہوئے گا جہڑا میں اُن دی اس پچھلی نسل نال بنیا سی۔ مصر وچوں جدوں میں اُونا نوں کڈ کے لیایا ساں۔ انا ں دے اگے اگے راہ وسدا ساں۔ پر اناں نے میری کسے گل نوں دھیان نال نا مَنیا۔ رب نے آکھیا ویر میں نے وی اُنا نال دا کھیڑا چھڈ دیتا۔
\q
\v 10 ۱۰۔قنوں اے ھے۔ میں اناں تو اسرائیل دا ویڑا بناوں گا۔ ویراے ویلد لنگ جاوے تاں رب آکھدا اے۔ میں اپنا قنون اناں دے دلاں (گدی) وچ رکھاں گا نالے اوناں دا دَلاں وچ لکھاں گا۔ میں انا دا رب ہوونگا نالے اوہ میرے اپنے لوکی۔
\q
\v 11 ۱۱۔او اپنے گوانڈی نوں نہ سکیھوں گے پر اپنے پیرا نوں آکھن گے ’’رب نوں جانو تے پہچانو۔ ایس لئی پئی او سارے مینوں جان جان گے گھٹ تُوں گھٹ تے وڈے تُھوں وڈا تے تائیں چھڈے تھوں وڈے تک (نائیں)۔
\q
\v 12 ۱۲۔میں اُناں دے پَیڑاے کماں تے وی ایم کراں گا نالے اناں دے گناہاں تو ویر یاد نہ کراں گا۔
\p
\v 13 ۱۳۔ایہو نواں ہوگے گا تے پچھلہ پرانا قنوں ہووے گا۔ پرانا قنوں چھیتی مُک جاوے گا۔
\c 9
\cl باب ۹
\p
\v 1 ۱۔ہن پہلے عہد چہ وی عبادت کرن تے قانوں سن تے زمینی مقدس وی سی۔
\v 2 ۲۔تے اک مسکن بنایا گیا سی جدے پہلے حصّے (کمرے) چہ عہد دا صندوق، چراغدان، میز تے نذر دی روٹیاں سن تے ایہہ پاک مقام (جگہ) کہلاندا سی۔
\v 3 ۳۔تے پردے دے پچھلے پاسے اک ہور (حصّہ) کمرہ سی، جنہوں پاک ترین مقام کہندے سی۔
\v 4 ۴۔اوہدے چہ بخور لئی سونے دی قربانگاہ سی تے اوہدےچہ عہد دا صندوق سی جِدے تے سونا چڑھایا گیاسی۔ اوہدے وچ مِن اک سونے دے مرتبان، چہ پاکے رکھیا سی، ہارون دا ڈوڈیاں والا عصّا جدے تے ڈوڈیاں سن تے عہد دی تختیاں ۔
\v 5 ۵۔تے عہد دے صندوق دے پاکیزہ ڈھکن تے کروبیاں تے سایہ کیتا ہوا سی، جدے بارے وچ اسی ایس ویلے تفصیل چہ دَسناں نئیں چاہندے۔
\p
\v 6 ۶۔انسان ساریاں شیواں نوں تیار کرن دے بعد، کاہن مسکن دے باہر والے حصّے (کمرے) چہ داخل ہو کے خدمت کرن لئی اندر آندے سن۔
\v 7 ۷۔پھر تے صرف سردار کاہن سال چہ اک وری دوجے حصّے (کمرے) چہ دے اندر جاندا سی۔ اوہ وی بغیر خون دے نئی اپنی تے لوکاں دے غیر ارادہ چہ کیتے ہوئے گُناہواں لئی۔
\v 8 ۸۔تے پاک روح ن امید وکھایا کہ جدو تک پہلا مسکن کھلوتا اے پاک مقام نوں جاندا راہ نئیں کُھلیا۔
\v 9 ۹۔تے ایہہ موجودہ زمانے لئی اِک تمثیل اے تے قربانیاں تے نذراں جیڑیاں چڑھائی جاندیاں نیں ایہہ عبادت کرن والیاں دا دل صاف نئیں کر دیاں۔
\v 10 ۱۰۔تے انسان دا تعلق صرف جسمانی کمّاں نال اے جیویں کھان پین، وضو کرنا یا ہتھ پیر دھونا۔ ایہہ اودھوں تک اے جدوں تک نوا حُکم نہ آوے۔
\p
\v 11 ۱۱۔مسیح چنگیاں شیواں دا سردار کاہن بن کے آیا۔ اوہ انسانی ہتھاں تے ایس زمین توں بنے ہوئے دی بجائے ایدھے توں ودھیا (اعلیٰ) تے کامل مسکن توں لنگھیا۔ [نوٹ: کُجھ دوجیاں ترجمیاں چہ لکھیا اے۔ ’’مسیح آن والی چنگیاں شیواں دا سردار کاہن بن کے آیا۔‘‘]
\v 12 ۱۲۔ایہ بکرے تے وچھیاں دے خون توں نئیں پر اوہدے اپنے خون توں جنہوں لے کے اوہ پاک ترین مقام چہ گیا تے اک او وری ابدی نجات حاصل کیتی۔
\v 13 ۱۳۔تے جدوں بکرے تے بیل تے بچھیا دی راکھ نال، اور جیڑے ناپاک تے جسمانی طور تے خدا لئی پاک ہوندے نیں۔
\v 14 ۱۴۔مسیح دا خون انسان توں کِنا وادھو ہوئے گا۔ جنے ازلی روح نُوں اپنے آپ نوں خدا لئی بے الزام (بے عیب) پیش کیتا، تے ساہڈے دِلاں توں مُردہ کمّاں توں صاف کر کے زندہ خُدا دی خدمت لئی تیار کیتا‘‘۔
\p
\v 15 ۱۵۔ایسے وجہ توں اوہ نوّے عہدے دے درمیانی اے۔ تاں جو موت دے ذریعے جیڑی پہلے عہد دے گُناہاں دی معافی لئی اے، اوہناں نون جیڑے بُلائے گئے نیں ابدی میراث حاصل کرن۔
\v 16 ۱۶۔تے جِتھے وصیت اے، اوتھے اُس شخص دا مرن ثابت ہونا ضروری اے۔
\v 17 ۱۷۔ تے وصیت اودھوں پوری ہوندی اے جدو وصیت کرن والا مر جاوے، ایس لئی کے وصیت کرن والا جدوں تک زندہ اے، اُہدے تے عمل نئیں ہوسکدا۔
\v 18 ۱۸۔تے پہلاں عہد وی خون توں بغیر نئیں سی بنیا۔
\v 19 ۱۹۔تے جدں موسیٰ نے ساریاں لوکاں نوں شریعت دے سارے پانی ،م لال اُں تے روفے نال صحائف تے ساریاں لوکاں تے چھڑکیا۔
\v 20 ۲۰۔تے فیر اوہنے کیہا، ’’اے عہد دا اوہ خون اے جِدا خدا نے تہاڈے لئی حُکم دِتا۔
\v 21 ۲۱۔ ایسے طرح اوہنے مسکن دے برتناں تے ساریاں شیواں تے اوہ خون چھڑکیا جیڑی خدمت لئی استعمال ہوندیاں سن۔
\v 22 ۲۲۔شریعت دے مطابق ساریاں شیواں خون نال صاف کیتیاں جاندیاں نیں۔ خون بہائے بغیر کوئی معافی نئیں ۔
\p
\v 23 ۲۳۔ایس لئی اے ضروری سی کہ اَسمانی شیواں دیاں نقلاں نوں جانوراں دی قربانیاں نوں صاف کیتا جاوے ۔ تے جیڑی آسمانی شیواں نئیں اوہناں نوں ایدھے توں وی ودھیا قُربانی توں صاف کیتا جاوے
\v 24 ۲۴۔تے مسیح ہتھاں دے بنے ہوئے پاک ترین مقام چہ داخل نئیں ہویا جیڑا اصل دی نقل اے۔
\v 25 ۲۵۔اوہ اُتھے ایس لئی نئیں گیا کے بار بار قربان ہوے جیویں سردار کاہن کر دے سن، جیڑے پاک ترین مقام چہ ہر سال کسے ہور دا خون لے کے داخل ہوندے سَن۔
\v 26 ۲۶۔تے جے ایہہ گل ہوندی تے ایس جہاں دے شُروع توں اوہ کئی وری قربان ہویا ہوندا۔ پر ہُن اوہ آخیر زمانہ چہ گناہ توں نبڑن لیئ آپئی قربان ہوگیا۔
\v 27 ۲۷۔تے جیس طرح بندے نوں اک وری مرنا مقرر اے تے فیر عدالت دا ہونا۔
\v 28 ۲۸۔تے ایسےطرح مسیح وی اکو وری بہت ساریاں دے گناہ اٹھان لئی قربان ہویا تے ہن اوہ دوجی وری گناہ نہ نبڑن لئی نئیں پر انسان دی نجات لئی جیڑے اوہدا انتظار کر رہے نے۔
\c 10
\cl باب ۱۰
\p
\v 1 ۱۔تے شریعت آن والی چنگیاں شیواں دا پرچھاواں اے نہ کہ انہاں شیواں دا اصل۔ تے جیہڑے خُدا ول رجوع لیاندے نیں انہاں سال بہ سال کاہناں ولوں گزرانی گئی قریانی توں کدی وی کام نئیں ہو سکدے۔
\v 2 ۲۔جے انج دی ہوندا تے ایہہ قربانیاں گُذارنا بند نہ ہو جاندا؟ تے عبادت کرن والے اِکو واری صاف (پاک) ہو جاندے تے انہاں دا ضمیر کوئی گناہ محسوس نہ کردا۔
\v 3 ۳۔پر انسان قربانیاں ہر سال گناہواں دا چیتا کراندیاں نیں۔
\v 4 ۴۔تے بیل تے بکرے دے خون توں گناہ دی خُلاصی نہ ممکن اے۔
\p
\v 5 ۵۔جدوں مسیح دنیا چہ آیا تے اُہنے کیہا، ’’نذراں تے قربانیاں نوں نئیں چاہندا، پر اوہ بدن جیڑا میرے لئی تیار کیتا گیا اے۔‘‘
\q
\v 6 ۶۔سوختنی قربانی بلن والی قربانی تے گناہ دی قربانی تینوں پسند نئیں۔
\q
\v 7 ۷۔تے فیر میں آکھیا، ’’ویکھ میں ایتھے آں۔ جیویں صحائف چہ میرے بارے چہ لکھیا اے۔ تاں جو تیری مرضی پوری کراں۔‘‘
\p
\v 8 ۸۔پہلاں اُہنے کیہا، ’’نہ تے قربانیاں، نہ نذراں نہ ساری بلن والی قربانیاں، نہ گناہ دی قُربانیاں توں چاہنا ایں۔ نہ تینوں اے پسند نئیں۔ اے اوہ قُربانیان نیں جیڑی شریعت دے مطابق نیں۔
\v 9 ۹۔تے فیر اُہنے کیہا، ’’ویکھ، تیری مرضٰ پوری کرن لئی میں ایتھے آں‘‘۔ اوہ پہلے کم نوں ختم کر دا اے تاں جو دوجے نوں قائم کرے۔
\v 10 ۱۰۔تے ایسے مرضی توں اسی یسوع مسیح دے بدن قربان ہوں دے وسیلے نوں اکو وری پاک کیتے گئے آں۔
\p
\v 11 ۱۱۔روز بہ روز کاہن خُدا دے حضور کھڑے ہو کے ایہہ کم کر دا اے۔ اور اِکو جئی قربانی بار بار پیش کردا اے۔ ایسی قربانی جیڑی گناہ توں چُھٹکارا نئیں دے سکدی۔
\v 12 ۱۲۔تے جدوں مسیح نے سارے وقتاں لئی اِکوئی گناہ دی قربانی دے دتی، تے اوہ خُدا دے سجے ہتھ بیٹھ گیا۔
\v 13 ۱۳۔اوہ اوس ویلے تک اوڈیک ریا اے جدوں تیکر اوہدے ویری اوہدے پیراں ہیٹھاں نہ آجان۔
\v 14 ۱۴۔تے اوہنے اکو قربانی نال،پاک ہون والیاں نوں کامل کر دِتا۔
\v 15 ۱۵۔تے پاک روح وی ایدی گواہی دیندا اے۔ پہلاں او کہندا اے کہ
\q
\v 16 ۱۶۔ایہہ اوہ عہد اے جیڑا میں انسان نال کیتا خُداوند نے کیہا، ’’ایہ اوہ عہد اے جیڑا میں انسان نال کیتا تے میں اپنی شریعت انسان دے دِلاں چہ پاواں گا تے انہاں دے زہناں تے لکھاں گا۔
\p
\v 17 ۱۷۔انہاں دے گناہ تے بھیڑے کم میں یاد نہ رکھاں گا۔‘‘
\p
\v 18 ۱۸۔تے ہن جدوں انہاں دی معافی ہو گئی تے فیر گناہ دی کسی وی قربانی دی لوڑ نئی۔
\p
\v 19 ۱۹۔ایس لئی بھراؤ اسی اعتماد (بھروسے۔یقین نال) یسوع دا خون لے کے پاک ترین مقام تے جا سکدے آں۔
\v 20 ۲۰۔تے اَے اوہ زندہ تے نوا راہ اے جیڑا پردے تھانی اُہنے ساڈے لئی کھولیا۔ تے ایہہ اوہد ے بدن توں (ایہہ) اے۔
\v 21 ۲۱۔ تے جد ساڈا وَڈا کاہِن اے جیہڑا خُدا دے گھر دا مُختیار اے۔
\v 22 ۲۲۔ تے آو اسی دلاں نوں بُرے ضمیر توں پاک کر کے تے بدن نوں صاف پانی نال دھوکے، سچے دل تے کامِل ایمان نال اگے ودھیے۔
\v 23 ۲۳۔تے اسی اپنی اپمید دے اقرار نوں مضطوطی نال ڈگماندے ہوئے نئیں پر پھڑ کے رکھیے کے خُدا جنے وعدہ کیتا اے اوہ وفادار اے۔
\v 24 ۲۴۔تے آؤ اسی اک دوجے نوں محبت کرن تے چنگے کم کرن دا حوصلہ دیئیے۔
\v 25 ۲۵۔تے آؤ اسی آپس چہ جمع ہونا بند نہ کرئیے جیویں کُجھ لوکاں نے کیتا اے۔ پر اِک دوجے دا زیادہ توں زیادہ حوصلہ ودھائیے۔ تے ایہہ انا سارا کریئیے جِس قدر تُسی اوسی دن نوں نیڑے آوندا ویکھدے او۔
\p
\v 26 ۲۶۔تے جے اسی شچیائی دا علم ہون دے باوجود جان بُجھ کے گناہ کر دے رہیئے تے فیر گُناہ وی قربانی قائم نئیں رہندی۔
\v 27 ۲۷۔ایہدی تھاں تے فیر عدالت دی ہولناک اوڈیک تے اگ دا غضب باقی رہ جاندا اے جیڑا خُدا دے ویریاں نوں کھا جاوے گا۔
\v 28 ۲۸۔جیڑا وی موسیٰ دی شریعت دا انکار کر دا سی اوہ کسے وی رحم وے بغیر دو، تن گواہیاں نال مر جاندا سی (قتل ) کر دیا جاندا سی۔
\v 29 ۲۹۔تے تُسی اے خیال کرو کہ جنے رب دے پتر نوں پامال کیتا (پیراں ہیٹھاں روندیا)، عہد تے خون نوں ناپاک جانیا جدے نوں اوہ پاک کیتا گیا۔ تے فضل کرن والے روح نوں بے عزت کیتا۔ تے اوہ بہتی سزا دے لائق کیوں نہ ہوے گا۔
\v 30 ۳۰۔تے اسی اوہنوں جاندے آن جنے کیہا اے کہ ’’بدلہ لینا میرا کم اے تے میں ہی حساب دواں گا‘‘۔ تے فیر ایہہ وی ’’خداوند اپنے لوکاں دی عدالت کرے گا‘‘۔
\v 31 ۳۱۔زندہ خُدا د ہتھاں چہ پینا وی اک ہولناک گل اے۔
\p
\v 32 ۳۲۔پر تُسی انسان پہلاں دِنا نوں یاد کرو جدو تُسی منور ہوے تے وڈے وڈے دُکھاں نوں برداشت کیتا۔
\v 33 ۳۳۔تے لوکاں نے لعن طعن تے بے عزّتی کیتی تہواہنوں، لوکاں بے عزت کیتا تے مارنا چاہا تے ایس طرح تُسی انساں نال ایس مُصیبت چہ شریک ہوئے جیڑے ایدھے توں لنگھے نیں۔
\v 34 ۳۴۔تے تُسی قیدیاں لئی ہمدردی رکھدے ہوئے اپنے مال لُوٹن نوں وی خُوشی نال قبول کردے اوہ۔ تُسی اے جاندے اوہ کے تہاڈے کول اک چنگی تے ہمیشہ رہن والی ملکیت اے۔ [نوٹ: کُجھ پرانیاں کتاباں چہ لکھیا اے، ’’جدوں میں سنگلاں چہ ساں تے تینوں میرے نال ہمدردی سی‘‘۔]
\v 35 ۳۵۔ایس لئی اپنے اعتماد (بھروسے) نوں نہ چھڈیو، جدا وڈھا اجر انعام اے۔
\v 36 ۳۶۔تے تہانوں صبر دی لوڑ تاں جو تہوانوں اور کُجھ ملے جدا خُدا نے وعدہ کیتا اے۔ جدوں تُسی اوہدی مرضی پوری کر لوہ۔
\v 37 ۳۷۔تے کُجھ ای دیر بعد اوہ جنے آنا اے، ضرور آوے گا تے دیر نہ کرے گا۔
\q
\v 38 ۳۸۔میرے راستباز ایمان نا جیئن گے تے جے اوہ ہٹ جان تے میں اہدے توں خُوش نہ ہواں گا۔
\p
\v 39 ۳۹۔پر اسی انہاں وچوں نئیں جیڑے ہلاک ہون لئی ہٹ جاندےنیں، پر اسی انہاں چوں اک جیڑے ایمان رکھدے آں کے جان بچائیے۔
\c 11
\cl باب ۱۱
\p
\v 1 ۱۔تے ایمان آس رکھی ہوئی گلاں تے نظر نہ آن والیاں چیزاں تے یقین رکھنا ہندا اے۔
\v 2 ۲۔انہاں گلاں دی وجہ توں ساڈے باپ دادا نے اپنا ایمان ثابت کِیتا۔
\v 3 ۳۔ایمان دی وجہ توں ہی اسی سمجھے ہاں کہ اے دنیا خُدا دے حکم نال بنی اے کیوں جو نظر آوندا اے او نظر نہ آن والی شے توں نیں بنیا۔
\p
\v 4 ۴۔ایمان دے نال ہی ہابل نے قائن توں ودہیا قربانی خدا نوں چڑھائی، جدھی وجہ تو او راستباز منیا گیا۔ تےاوہدی قربانی دی وجہ توں خدا نے اوہدے بارے چنگی گل کیتی تے ایمان نال ہی ہابل ہالے تک بولدا اے پاویں او مَر گیا اے۔
\p
\v 5 ۵۔ایمان کر کے ہی حنوک نوں چُک لیا گیا تاکہ او نہ مرے۔ ’’او نہ مِلیا کیوں جو خدا اونوں لے گیا سی‘‘۔ ایس لئی کہ اوہدے لین توں پہلاں اے گواہی دتی گئی سی کہ اونے خدا نوں خوش کیتا اے ۔
\v 6 ۶۔تے ایمان دے بغیر خدا تو پسند آ جانا ناممکن اے۔ کیوں جو اے لازمی اے کہ جوکوئی وی خدا دے کول آوے لازمی یقین رکھے کہ خدا ہے تے جو کوئی خدا نوں لبھدا اے او انوں بدلا دیندا اے۔
\p
\v 7 ۷۔اے ایمان نال ہی سی کہ نوح نے نظر نہ آن والیاں گلاں دے بارے مِلن والے پاک پیغام دا یقین کر کے خدائی عزّت نال وڈی کشتی بنائی تے اپنے گربار نوں بچا لیا۔ اے کر کے اوہنے دنیا نوں غلط ٹھہرایا تے آپ راستبازی دا وارث بن گیا جو ایمان دے مطابق سی ۔
\p
\v 8 ۸۔اے ایمان ہی سی جدی وجہ توں ابراہام جدوں او بُلایا گیا تے فرنبرداری کر کے اوس تھاں تے گیا جیڑی اوہنوں میراث طرح مِلن والی سی۔ او چلا گیا حالانکہ نئیں جاندا سی کے کِتھے جا رہیا اے۔
\v 9 ۹۔اے ایمان ہی سی جدی وجہ توں او وعدے دی زمین اُتے پردیسی ونگوں رہیا۔ او اضحاق تے یعقوب دے نال خیمیاں وچ رہیا جیڑے اوہدے ونگوں وعدے دے وارث سَن۔
\v 10 ۱۰۔کیوں جو اوس شہر دی چاہ وچ سی جِدیاں بُنیاداں ہون تے جدا کھڑا کرن والا تے بنان والا ربّ اے۔
\v 11 ۱۱۔اے ایمان ای سی جدی وجہ توں سارہ جیڑی بنجر (بانجھ) سی، تے حاملہ ہون دی طاقت پائی۔ اے اوہدوں ہویا جدوں او بہت ہی بڈّھی سی فیر وی او ایمان دارمَنی گئی جدے نال وعدہ کِیتا گیا۔
\v 12 ۱۲۔ایس لئی ایس بندے توں جیڑا تقریباً مُردہ جیا سی ۔ اسمان دے ستاریاں تے سمندر کنارے دی ریت جنے بے شمار اولاد پیدا ہوئی۔
\p
\v 13 ۱۳۔ایمان نال ہی اسے سارے لوکی وعدے نوں لئے (پُورا ہوئے) بغیر ہی مَر گئے۔ پَر اوناں نے دُور توں ہی ویکھیا تے سلام کِیتا تے اونہاں نے ایہ منیاں کہ او ایس دھرتی اُتے مسافر تے پردیسی نیں۔
\v 14 ۱۴۔کیوں جو او جو اے کہندے نیں پکا کر دے نیں کہ او ایک وطن تے گھر دی تلاش چ نیں۔
\v 15 ۱۵۔تے جے او اُوس مُلک دی گل کر دے نے جدے وچوں نکلے سُن تے اوہناں کول واپس مُڑن دی راہ ہے۔
\v 16 ۱۶۔پرگل اے وے کہ او چنگے مُلک وچ جانا چاندے نیں ۔ جیڑا آسمانی اے۔ ایس لئی خدا وی اوناں دا خدا آکھان نوں شرمانداں نیں بلکہ اوہنے اوناں لئی ایک شہر تیار کیتا اے۔
\p
\v 17 ۱۷۔ایمان نال ہی جدوں ابراہام آزمایا گیا تے اضحاق نوں پیش کیتا۔ او اوہدا اکلوتا پُتر سی جنوں اونے وعدے نال پایا سی۔
\v 18 ۱۸۔او ابراہام ہی سی جِنوں ایہ کیہا گیا سی کہ اضحاق توں ہی تیرے نسل جانی جاوے گی۔
\v 19 ۱۹۔ابراہام نے منیا کہ خُدا اضحاق نوں مُردے توں زندہ کر سکدا اے۔ تے سچی گل اے کہ اوناں کولوں ہی اونے اضحاق نوں واپس پا لیا۔
\p
\v 20 ۲۰۔آن والیاں گلاں تے ایمان رکھدے ہویاں ای اضحاق نے یعقوب تے عیسو نوں برکت دِتی۔
\p
\v 21 ۲۱۔ایمان نال ای یعقوب نے جدوں اون مَرن لگا سی، یوسف دے پُتراں نوں برکت دِتی۔ یعقوب نے اپنی لاٹھی اُتے جُھک کے سجدہ تے عبادت کیتی۔
\v 22 ۲۲۔ایمان نال ہی یوسُف نے جدوں مرن والا سی اسرائیل دے بچیاں دی مِصر وچوں نکل جان دے بارے گل کیتی تے اپنی ہڈیاں بارے اوناں نوں ہدایت کیتی۔
\p
\v 23 ۲۳۔ایمان نال ہی جدوں موسیٰ پیدا ہویا تے ایہ ویکھ کہ کے سوہنا بچہ اے، اونوں تن مہینیاں تک لُکا کہ رکھیا۔ او بادشاہ دے حکم توں وی نہ ڈرے۔
\v 24 ۲۴۔ایمان نال ہی جدوں موسیٰ جوان ہوگیا تے اُوہنے فرعون دی بیٹی دا پُتر کہلان توں انکار کیتا۔
\v 25 ۲۵۔اوہنے خدا دے لوکاں وانگوں بد سلوکی برداشت کیتی بجائے اہدے کہ او تھوڑی چیز واسطے گناہ دے مزے لَوے۔
\v 26 ۲۶۔اوہنے مسیح دی خاطر بے عِزّت ہون توں مصر دے خزانے توں بہتر سمجھیا کیوں جو او اَگے آن والے انعام نوں ویکھدا سی۔
\v 27 ۲۷۔ایمان نال ہی موسیٰ نے مِصّر چھڈیا۔ او بادشاہ دے غصّے توں نئی ڈریا تے اونے اینج برداشت کیِتا جیویں او کسی نظر نہ آن والے نوں ویکھدا اے۔
\v 28 ۲۸۔ایمان نال ہی اوہنے فسح منائی تے خون چھڑ کیا تاں جو پلوٹھیاں نوں مارن والا اسرائیلیاں دے پلوٹھیاں پُتراں نوں نہ چُھوئے۔
\p
\v 29 ۲۹۔ایمان نال ہی او سرکنڈیاں دے سمندر وچوں اینج لنگ گئے جیویں خشک زمین توں۔ جدوں مِصریاں نے پار لگن دی کوشش کیتی تے او سمندر اوہناں نوں ہڑپ کر گیا۔
\p
\v 30 ۳۰۔ایمان نال ہی ، یریحو دیاں کنداں جدوں اوناں دے گِرد سَت دن چکر مارے گئے تے ٹُٹ کے ڈِگ پیاں۔
\p
\v 31 ۳۱۔ایمان نال ہی راحّب طوائف، حکم نہ منن والیاں نال ہلاک نہ ہوئی کیوں جو اونے جا سوساں نوں سلامتی نال رکھیا سی۔
\p
\v 32 ۳۲۔میں ہور کی آکھاں ؟ کیوں جد ویلاں مُک جائے گا جے مَیں جدوّن،باراق، سمُسون، یافت، داؤد، سیموئیل، تے ہورنبیاں دیاں ساریاں گلاں سناواں۔
\v 33 ۳۳۔ایمان نال ہی اوناں نے بادشاہیاں، جیتیاں راستبازی پُوری کیتی تے وعدے حاصل کیتے۔ اوناں نے شیراں دے مُنہ بند کر دِتے۔
\v 34 ۳۴۔اَگ توں بچئے، تلوار توں بچئے، جدوں او کمزور سَن تے اوہدوں او طاقت ور بَنے۔ جنگ وچ زور آور بَنے تے پردیسی فوجاں نوں ہرایا۔
\v 35 ۳۵۔مورتاں نے قیامت توں اپنے مرّے ہویاں نوں زندہ پایا۔ کِییہاں نے آزادی قبول نہ کیتی تے ظلم برداشت کیتا۔ تاکہ اوناں نوں چنگی قیامت نصیب ہووے۔
\v 36 ۳۶۔کِیسیاں نوں لعن طعن تے کوڑے پئیے۔ حتیٰ کیہ زنجیراں تے قید وچ پئیے۔
\v 37 ۳۷۔اوناں نوں پتھر مارے گئے۔ اوناں نوں چِیریا گیا۔ اوناں نوں تلوار نال ماریا گیا۔ او بھیڑ تے بکریاں دِیاں کھلاں پا کہ نکلے ۔ او بے سہارا ہو گئے، مظلوم تے بدسلوکی اوناں نال ہوئی۔ [فوٹ نوٹ: کئی اہم تے یونانی ترجمے کہندے نیں کہ اوناں تے پتھراؤ ہویا، اوناں نوں چِیر کے دَور کردتا اوناں نوں آزمایا گیا۔ او تلوار نال مارے گئے۔]
\v 38 ۳۸۔دنیا اوناں دے قابل نئی سی۔ او ہمیشہ صحراواں تے پہاڑاں وچ آوارہ پھر دے رہے۔ تے غاراں تے زمین دے کھڈیاں وچ رہے۔
\p
\v 39 ۳۹۔بے شک اے سارے لوکی خدا دے منظور سَن اوناں دے ایمان دی وجہ توں فیر وی اوناں نوں وعدہ نہ مِلیا۔
\v 40 ۴۰۔خدا نے ساڈے لئی کجھ چنگا سوچیا اے تاں جو ساڈے بغیر او وی کامل نئی بنائے جان گے۔
\c 12
\cl باب ۱۲
\p
\v 1 ۱۔ایس لئی، جدوں سانوں اپنے وڈے گواہاں دے بدل نے سانوں کھیریا ہویا اے تے چلو اسی وی ہر ایک پار تے ہر اک پھسان والے گناہ نوں دُور کریئے۔
\v 2 ۲۔چلو ساڈے ایمان نوں شروع تے پکا (کامل) کرن والے یسوع تے دھیان کرئیے۔ کیونکہ جیڑی خوشی تے اوی نظرسی، اوہدی خاطر اونے صلیب دی ذلت تے دُکھ برداشت کیتا تے خدا دے تخت دے سجے ہتھ جا بیٹھا۔
\p
\v 3 ۳۔تے تسی دل چھوٹا نہ کرو تے نہ ہی ہمت ہارو بلکہ اوہدے (یسوع) دے بارے چ سوچو جن اپنے خلاف گناہ گاراں دی کِنی مخالفت برداشت کِیتی۔
\v 4 ۴۔تُسی تے ہالے خون بہان دی تیک گناہ دے خلاف کوشش کر کے اودا مقابلہ نئیں کیِتا۔
\v 5 ۵۔تے تُسی اوس دلیری (دلاسے نوں پُل گئے او جیڑی تانوں پُتراں وانگوں دتی گئی سی۔ ’’میرے پُتر خداوند دی تعلیم نوں ہلکا نہ جان تے جدوں تیری تربیت (صلاح) کیتی جاوے تے بے دل نہ ہو‘‘۔
\q
\v 6 ۶۔کیوں جو خدا جدے نال پیار کر دا اے اوہدی صلاح کردا اے۔ تے ہر کسی نوں سزا دیندا اے جنہوں او اپنا پُتر بنا دا اے۔
\p
\v 7 ۷۔دُکھ تکلیف نوں تعلیم ونگوں برداشت کرو۔ خدا تھاڈے نال اپنے پتراں وانگوں سلوک کردا اے۔ کیونکہ کیڑا پُتر اے، جدھا پیو اوہدی تربیت نہ کرے؟
\v 8 ۸۔پر جے توں بے تربیت پا بے صلاح ایں، جدوں ہور سارے لوکاں کول تعلیم اے، تے توں نا جائز ایں تے اوہدا پُتر نیں۔
\v 9 ۹۔اہدے علاوہ، ساڈے زمینی پیو نئیں جیڑی ساڈی صلاح تے تربیت کردے نیں تے اسی اوناں دی عزت کرنے آں۔ تے فیر کنی زیادہ سانوں روحاں دے خدا دا حکم مننا چاہیدا تے جیندے رہنا چاہیدا اے۔
\v 10 ۱۰۔ساڈے پیو تھوڑی دیر لئی، جنی چنگلی ہو سکدی اے ساڈی تربیت کر دے نیں۔ پر ساڈا خدا ساڈی بھلائی لئی ساڈی صلاح کردا اے تاکہ اسی اوہدی پاکیزگی وچ حصّے دار بنیے۔
\v 11 ۱۱۔کوئی وی تعلیم تے صلاح کسی ویلے چنگی نئیں لگدی بلکہ اوکھی لگدی اے۔ پر اخیر وچ جیڑے اوہدے توں سکھائے جاندے نیں اوناں لئی او سچائی تے راست بازی دے پر سکون پھل پیدا کر دی اے۔
\p
\v 12 ۱۲۔ایس لئی اپنے کمزور گوڈیاں تے ٹلے لمکیاں ہتھاں نوں مضبوط کرو۔
\v 13 ۱۳۔اپنے پیراں لئی رستے سِدھے کرو تاکہ جیڑا لنگڑا اے او تڑک نہ جائے بلکہ چنگا ہو جاوے۔
\v 14 ۱۴۔سارے رَل کے امن (سلامتی) دا پچھا کرو تے نالے پاکیزگی دا جدے بغیر کوئی وی خدا نوں ویکھ نئیں سکدا۔
\v 15 ۱۵۔بڑی احتیاط کرو کہ کوئی خدا دے فضل دے بغیر نہ رہ جاوے تے کسے وی کوڑ تن دی جڑ تہاڈے وچ نہ اُگے تے کئی اوہدی وجہ نال خراب نہ ہو جان۔
\v 16 ۱۶۔دھیان کرو تے تاڈے وچ کوئی وی حرام کار (بُرے لچھن) کرن والان تے بے دین نہ ہووے جنے اک روٹی ٹکر واسطے اپنے ورثے نوں ویچ دِتا۔
\v 17 ۱۷۔کیونکہ تُسی جاند دے او کہ بعد وچ اوہنے اپنی برکت نون حاصل کرن دی چاہ کیتی پر اوہنوں رَد کر دتا گیا۔ کیوں جو اونوں توبہ کرن دا موقع نہ مِلیا حالانکہ اونے اتھرواں نال منگی۔
\p
\v 18 ۱۸۔کیوں جو تسی ایہو جئے پہاڑ کول نئیں آئے جنوں ہتھ نئیں لایا جاسکدا، طوفان، ہنیرے، دُھند تے آگ دا پہاڑ۔
\v 19 ۱۹۔تُسی کسی نرسنگے دی پکار تے نئیں آئے۔ نہ ہی اوس آواز تے جدے سُنن والے کہندے نیں کہ اوناں نوں اِک لفظ نہ بولیا جاوے۔
\v 20 ۲۰۔کیوں جو حکم دِتا گیا سی او اوہدی برداشت نہ کرسکے، ’’ جے جانور وی پہاڑ نوں ہتھ لاوے اوضرور پتھراں نال ماریا جاوے‘‘۔
\v 21 ۲۱۔اور اینا ہولناک نظارہ سی کہ موسیٰ نے کہیا، ’’میں ڈرنا تے کمبدا ہاں‘‘۔
\v 22 ۲۲۔بلکہ تُسی زندہ خدا دے شہر صیون، آسمانی یروشلم، تے خوشی کرن والے ہزاراں فرشتیاں دے کول آئے ہو۔
\v 23 ۲۳۔تُسی پلوٹھیاں دی اُس جماعت چ جناں دے نال آسمان تے لکھے ہوئے نیں، دے کول آئے او۔ تُسی خُدا دے کول ، جیڑا ساریاں دا منصف اے تے راسبازاں دیاں روحاں کول آئے جنہاں نوں کامل بنایا گیا اے۔
\v 24 ۲۴۔تُسی یسوع کول آئے او، نئے عہد دا وچ کارلا (درمیانی) تے خون بہان والان جیڑ ا ہابل دے خون نالوں چنگا بولدا اے۔
\p
\v 25 ۲۵۔ویکھو کِتے تُسی اونوں جیڑا بولدا اے انکارنہ کر دیو۔ کیوں جو جدوں زمین تے بولن والے دی خبردار کرن تے وی او نہ نسے کہ بچ جان، کِنا کٹ اسی بچاں گے جے اسی آسمان توں ملی جھڑکی نوں نہ سُنیئے۔
\v 26 ۲۶۔اک ویلا سی کہ اوہدی آواز نے دھرتی ہلا دتی سی۔ پر ہن اونے وعدہ کِیتا اے کہ اک واری ہور میں زمین تے آسمان دونواں نوں ہلاواں گا۔
\v 27 ۲۷۔اے لفظ، ’’اک ہور واری‘‘ دا مطلب اے جیڑیاں چیزاں چٹکے نال مکیاں (ہٹیاں) جاسکدیاں نیں۔ او چیزاں جیڑیاں پیدا کیتیاں گیاں تاں جو جیڑیاں چیزاں چتکیاں نیں جاسکدیاں او بچیاں رہن۔
\v 28 ۲۸۔ایس لئی، او بادشاہی حاصل کرو جیڑی چٹکی تے ہلائی نئیں جاسکدی، چلو ایسے طرح شُکر گزاری کرئیے تے عزّت تے احترام دے نال خدا دی عبادت کرئیے۔
\v 29 ۲۹۔کیوں جو ساڈا خدا جلان (ساڑن) والی آگ اے۔
\c 13
\cl باب ۱۳
\p
\v 1 ۱۔تے برادری بھائی چارہ چلدا روے۔
\v 2 ۲۔اجنبیاں دی مہمان نوازی کرنا نہ بُھلیو۔ کیوں جو اینج کر کے کئیاں نے جانے بغیر فرشتیاں دی مہمان نوازی کیتی اے۔
\v 3 ۳۔قیدیاں نوں اینج یاد رکھوں جیویں تُسی اوناں نال بتے ہوئے ہو۔ اوناں نوں جِناں نال بد سلوکی ہندی اے یاد رکھو جیویں تہاڈے جسم نال بدسلوکی ہوئی سی۔
\p
\v 4 ۴۔شادی تہاڈے ساریاں وچ عزّت دی گل سمجھی جاوے۔ تے شادی دا بستر پاک روے۔ کیوں جو خدا بدکاراں دے حرام کاراں دا انصاف کرے گا۔
\v 5 ۵۔تہاڈا سلوک پیسے دے پیار توں پاک ہوئے۔ جو کجھ تہاڈے کول ہے اوہدے وچ خوش رہووں۔ ’’مَیں تہانوں کدی نہ چھڈاں گا نہ ہی مَیں تہانوں کلاں چھڈاں گا‘‘۔
\p
\v 6 ۶۔آؤ قناعت کرئیے تاکہ اسی ہمت نال کہیے، ’’ربّ میرا مددگار اے۔ مَیں نہ ڈراں گا۔ انسان میرا کی کرےگا؟ ‘‘
\p
\v 7 ۷۔اپنے راہنما واں تے جو خدا داکلام تہاڈے لئی بولدے نیں، اوناں اُتے غور کرو۔ تے اوناں دے عمل (کماں) تے غور کرو۔ اوناں دے ایمان دی نقل کرو۔
\v 8 ۸۔یسوع مسیح، اَج تے کل ہمیشہ اِکلو جیا اے۔
\v 9 ۹۔نویں نویں عجیب تعلیم ول کِچھے نہ جاؤ۔ ایہ چنگی گل ایہ کہ دِل فضل نال طاقت پاؤے نہ کھان والی چیز نال جیڑی اوناں دی مدد نئی کر دی جیڑے اوندے نال چلدے نیں۔
\p
\v 10 ۱۰۔ساڈی او قربان گاہ اے جیڑے ہیکل وچ خدمت کردے نے اوناں نو کھان دا حق نیں۔
\v 11 ۱۱۔کیوں جو گناہاں لئی مارے گئے جانوراں دا خون وڈا کاہن پاک مکان وچ لے کہ جاندا سی تے جانوراں دا جسم مجمے (لشکرگاہ) دے بار ساڑیا جاندا سی۔
\v 12 ۱۲۔ایس لئی یسوع نے وی شہر دے پھاٹک توں باہر دُکھ اُٹھایا تاکہ اپنے خون نال اپنے لوکاں نوں پاک کرے۔
\p
\v 13 ۱۳۔ایس لئی آؤ اوے کول خیمہ گاہ دے باہر چلئیے اوس بے عزتی نوں چک کے جیڑی اُنہے ساڈے لئی برداشت کِیتی۔
\v 14 ۱۴۔کیوں جو ساڈا کوئی پکا شہر نئیں بلکہ اسی اوہدی چاہ کرنے آں جیہڑا آن والا اے۔
\p
\v 15 ۱۵۔ایس لئی، اوہدے نال مِل کے آؤ اسی ہمیشہ تیک خدا نوں حمد دی قربانی چڑھائیے۔ حمد جیڑی بُلاں دا پھل اے جو اوہدا اقرار کر دے نے۔
\p
\v 16 ۱۶۔آؤ فیر رل مک کہ رہنا تے چنگے کم کرنا نہ پُلئیے کیوں جو ربّ نوں ایہوں جی قربانی پسند اے۔
\p
\v 17 ۱۷۔اپنے راہنماواں دی گل منوں تے اوناں دا حکم منوں۔ کیوں جو او حساب دین والیاں وانگوں تہاڈی روحاں دا خیال رکھدے نیں۔ حکم منوں تاں جو تہاڈے پیشوا (راہنما) خوشی نال اے خدمت کرن نہ کہ دُکھ نال جیڑی تہاڈے لئی بے کار ہووے گی۔
\p
\v 18 ۱۸۔ساڈے لئی دُعا کرو کیوں جو اسی مننے آن کہ اسی سچھے ہاں تے ہر چے وچ سچی راہ نال جینا چاہنے آں۔
\v 19 ۱۹۔میں تہانوں ہمت دینا واں کہ ہور وی دُعا کرو تاکہ میں تہاڈے کول چھیتی آواں۔
\p
\v 20 ۲۰۔ہن امن دا خدا جیہڑا یسوع مسیح ساڈے وڈے چرواہے نوں موت چوں واپس لے کہ آیا خون دے سدا دے وعدے نال۔
\v 21 ۲۱۔تہانوں ساریاں چنگلیاں چیزاں دیوے تاکہ تُسی اوہدی مرضی پوری کرو۔ ساڈے تے کم کرو جیہڑا اونوں خوش کرے۔ یسوع مسیح دی خاطر جہدا جلال ہمیشہ تے ہمیشہ تیک ہندا رہوے۔ آمین
\p
\v 22 ۲۲۔تے ہن بھراؤو میں تہانوں ہمت دینا واں کہ جیڑے تسلی دے بول میں تہانوں لکھے نیں اوناں دی برداشت کرو۔
\p
\v 23 ۲۳۔جان لوؤ کہ تیمیتُھیس آزاد ہوگیا اے تے جے او چھیتی آیا تے میں اوہدے نال تہانوں چھیتی مِلن آواں گا۔
\p
\v 24 ۲۴۔تہاڈے سارے راہنماواں تے خدا دے پاک لوکاں نوں سلام۔ اطالیہ (اٹلی) والے تہانوں سلام کہندے نیں۔
\p
\v 25 ۲۵۔تہاڈے ساریاں تے فضل ہندا روے۔ آمین۔