pnb_reg/48-2CO.usfm

\id 2CO
\ide UTF-8
\h ۲۔ کرنتھیوں
\toc1 ۲۔ کرنتھیوں
\toc2 ۲۔ کرنتھیوں
\toc3 2co
\mt ۲۔ کرنتھیوں
\c 1
\cl باب۱
\p
\v 1 ۱۔میں پولوس یسوع مسیح دا رسول تےساڈے بھرا تیموتھییس ولّوں خدا دی کلیسیاء جیہڑی کرنتھ وچ اے تے اچائیا دے خطّے دے سارے ایماندار،
\v 2 ۲۔ تہواڈے تے فضل ہوئے تے خُدا باپ تےخُداوند یسوع مسیح دا اطمینان تواڈے نال ہوے۔
\p
\v 3 ۳۔ تے خُدا تے ساڈے خُداوند یسوع مسیح دے باپ دی تعریف ہووے، اوہ رحم کرن والا باپ تے آرام (تسلّی) دین والا خُدا اے۔
\v 4 ۴۔ خُدا سانوں سب دُکھاں وچ تسلی دیندا اے کہ اسی اوہناں نوں تسلّی دے سکیئے جیہڑےکسی تکلیف وچ نیں۔ اسی اوسے تسلّی نال دوجیاں نوں تسلّی دینے آں جیہڑی خُدا نےساہنوں تسلّی دین لئی استعمال کیتی۔
\v 5 ۵۔ جِینج مسیح دے دُکھ ساڈے لئی چوکھے نیں ایسے طرح تسلّی وی مسیح وچ چوکھی اے۔
\v 6 ۶۔جے اسی دُکھ وچ آں تے اے تواڈے آرام تے نجات لئی اے۔ تے جے اسی آرام وچ آں تے اے وی تواڈے آرام لئی اے۔ تواڈا آرام اثردار طریقے نال اوہدوں کم کردا اے جدوں تُسی صبر دے نال اوس تکلیف وچ شریک اوہ جیہڑی تکلیف اسی جھلدےآں۔
\v 7 ۷۔ ساڈی آس تواہڈےبارے پکّی اے کیوں جے اسی مننے آں کے جینج تُسی تکلیفاں وچ سی شریک اوہ۔
\p
\v 8 ۸۔بھراؤ اسی نہیں چاہندے کے تُسی ساڈی مُصیبتاں توں ناواقِف رہوؤ، جیڑیاں ساڈے اُتے آسیہ وچ پئی سن۔ اسی اپنی طاقت توں ودھ کے کُچلے گئے کہ اپنی جند دی اُمید وی ناں رہی۔
\v 9 ۹۔ سچ مُچ ساڈے اُتے موت دی سزا داحُکم ہو گیا سی، اے ایس لئی سی کے اپنا بھروسہ اپنے آپ تے نئیں پر خُدا اُتے کرئے جیڑا مُردیاں نوں زِندا کردا اے۔
\v 10 ۱۰۔اوہنے سانوں ایہو جئے جان لین والے خطریاں توں بچایا تے اوہ ساہنوں فیر بچاوے گا، اسی اپنی آس اوہدے اُتے بنی اے کے اوہ ساہنوں خلاصی دیندا رہوے گا۔
\v 11 ۱۱۔اوہ اینج کرے گا، جینج تُسی سی اپنی دُعاواں نال ساڈی مدد کردے اوہ۔ تے فیر بتھیرے ساڈے لئی شُکر گُزاری کرن گے، ایس لئی کہ بتھیریاں دی دُعاواں دے وسیلےساڈے تے بھاری فضل ہویا اے۔
\p
\v 12 ۱۲۔اسی ایس تے فخر کرنے آں تے ساڈا ضمیر گواہ اے کہ اسی اپنے آپ نوں دُنیا وچ پاک تے خُدا وچ مُخلص رکھیا اے تے جسمانی عقل دے سِر تے نئیں پر خُدا دے فضل اُتے۔
\v 13 ۱۳۔اسی توانوں کُجھ اینج دی چِیزاں نئیں لکھدے جو تُسی پڑھ تے سمجھ نا سکو۔ میں ایس چیز دی توقع کرناں واں
\v 14 ۱۴۔ کیوں جے تُسی ساہنوں کُجھ تھوڑا بہت سمجھدے اوہ تے اسی اپنے خُداوند یسوع دے دِن نوں تواڈے لئی فخر دی وجہ ہو واں گے، ایسے طرح تُسی ساڈے فخر دی وجہ ہوؤ گے۔
\p
\v 15 ۱۵۔کیوں جے مینوں ایہدا یقین سی، میں پہلوں تواڈے کول آنا چاہندا ساں تاں جو تُسی دوؤں مُلاقاتاں توں فائدہ چُک سکو۔
\v 16 ۱۶۔میں مخدونیہ جاندے ہوے تواڈے نال مُلاقات دا منصوبہ بنا رہیا ساں، تے فیر میں چاہندا ساں کے تواہنوں مخدونیہ توں واپِس آندے ہوے مِلاں تے فیر تُسی مینوں یہودیا لئی رُخصت کرو۔
\v 17 ۱۷۔جدوں میں اینج سوچ دا ساں، کی میں چکدا ساں؟ کی میں انِہاں چیزاں دا منصوبہ انسانی معیار دے نال بنانا واں کہ اِکو ویلے میں ہاں ہاں تے ناں ناں کواں۔
\v 18 ۱۸۔پر جینج خُدا وفادار اے اسی ہاں تے ناں، دوویں نئیں کیہندے۔
\v 19 ۱۹۔ پر خُدا دا پُتّر یسوع جِدی منادی سلونیس، تموتھئیس تے میں تواڈے درمیاں کیتا اوہ ہاں تے ناں نئیں پر اوہ ہمیشہ ہاں اے۔
\v 20 ۲۰۔کیونکہ خُدا دے سارے وعدے اوہدے وچ ہاں نئیں تے اوہدے وچ اسی خُدا دے جلال لئی ” آمین“ کہنے آں۔
\v 21 ۲۱۔ ہُن اوہ خُدا ای اے جیڑا ساہنوں تواڈے نال مسیح وچ ہون دا یقین دواندا اے، تے ساہنوں مسح کردا اے۔
\v 22 ۲۲۔ اوہنے ساڈے تے اپنی مُہر لائی اے تے جیہڑا آن والا اے اُہدی ضمانت لئی ساڈے دِلاں وچ روح دِتا۔
\p
\v 23 ۲۳۔پر میں خُدا نوں اپنا گواہ بنا کے کہنا کہ میں کرنتھس توادے کول ایس لئی نئیں آیا تاں جو میں تواڈا لِحاظ کراں۔
\v 24 ۲۴۔ اے ایس لئی نئیں کہ اسی تواڈےایمان نوں قابو کرنا چاہندے آں کہ اوہ کِنج دا ہوؤے، پر اسی تواڈی خُوشی لئی توادے نال کَم کررہے آں جیویں تُسی اپنے ایمان تے کھلوتے اوہ۔
\c 2
\cl باب۲
\p
\v 1 ۱۔ایس لئی میں اپنے تائیں اے فیصلہ کیتا کے میں درد ناک حالات وچ تواڈے کول ناں آواں۔
\v 2 ۲۔جے میں توانون دُکھ دینا اے، تے مینون کون خُوش کرے گا تاں جے او اوه جناں نوں میں دُکھی کیتا۔
\v 3 ۳۔ میں توانوں ایس لئی سکھایا کہ جد میں تواڈے کول آواں تے اوہنا تے اوہناں کولوں دُکھی نا ہو واں جناں کولوں مینوں خُوش ہونا چاہیدا اے۔ مینوں تواڈے ساریاں لئی اے بھروسا اے کہ میری خُوشی تے تواڈے ساریاں دی خُوشی اِک ہی نئیں۔
\v 4 ۴۔ کیوں جے میں توانوں بڑے افسوس نال دل دی پریشانی تے بتھیرے اتھرواں نال لکھیا، میں توانوں تکلیف نئیں دینا چاہندا ساں۔ پرمیں چاہندا ساں کے تُسی میری مُحبت دی ڈُنگائی نو جانو جیڑی میں تواڈے لئی رکرنھاں واں۔
\p
\v 5 ۵۔ جے کسے نیں مینوں تکلیف دِتی اوہنے صرف مینوں تکلیف نئیں پر کسے حد تک بغیر سخت الفاظ استعمال کیتیاں توانوں سب نوں۔
\v 6 ۶۔ ایس شخص دی اے سزا جیڑی بتھیریاں ولوں اے چوکھی اے۔
\v 7 ۷۔ پر ہُن سزا دی بجائے اوہنون معافی تے تسلّی دے او۔ اینج کرو کہ اوہ دُکھ تھلے نا دبا جائے۔
\p
\v 8 ۸۔ اِسے لئی میں توانوں حلا شیری دینا سب دے سامنے، عوامی طور تے اوہدے لئی اپنے پیار دی تصدیق کرو۔
\v 9 ۹۔ میں توانوں ایس لئی لکھیا کہ میں توانوں آزما سکاں تے جان سکاں کہ تُسی ہر چیز وچ تعبیدار اوہ۔
\v 10 ۱۰۔ جے تُسی کسے نوں معاف کرو گے تےمیں اوس نوں وی معاف کراں گا۔ جو کُجھ میں معاف کیتا اےجے کوئی چیز معاف کیتی اے۔ اے تواڈے لئی مسیح دی حضوری وچ معاف کیتی گئی اے۔
\v 11 ۱۱۔ اے اسطرح ایس لئی اے کہ شیطان سانوں دا ن لاوے کہ اسی اوہدے منصوبیاں توں ناواقف نئیں۔
\p
\v 12 ۱۲۔ خُداوند نےمیرے لئی دروازہ کھول لیا تروآس دے شہر وچ مسیح دی خُوشخبری دی منادی کرن آیا۔
\v 13 ۱۳۔ میری روح وچ چین نئیں سی کیوں جے میرا بھرا طاطس اوتھے نئین سی۔ تے مین اوہنا نوں چھڈ کے مخدونیہ چلا گیا۔
\v 14 ۱۴۔پر خُدا دا شُکر ہورے جو سچ وچ سدا ساڈی جِت وچ قیادت کردا اے، ساڈے راہیں اوہ اپنے علم سی خشبو ہر پاسے پھیلاندا اے۔
\v 15 ۱۵۔ کیوں جو اسی کُدا لئی اوہناں وچ جیڑے نجات پا چُکے نئیں تے اوہناں وچ جیڑے مردے پئے نئیں یسوع مسیح دی مٹھی خوشبو واں۔
\v 16 ۱۶۔ جو لوک مردے پئیے نئیں اے موت توں موت دی خوشبو اے۔ تے جیڑے بچائے جا چُکے نےاوہناں لئی زندگی توں زندگی دی خشبو اےکون اہناں چیزاں دے لائق اے۔
\v 17 ۱۷۔ کیوں جو اسی اوہناں لوکاں وگرے نئیں جیڑے خُدا دا کلام نفع لئی ویچدے نے۔ پر ارادیاں دی سچیائی نال سچ بولے آں جینج خُدا ولوں بھیجے گئے آں خُدا دی نظر وچ،
\c 3
\cl باب۳
\p
\v 1 ۱۔کی اسی فیر اپنی نیک نامی دَسنا شُروع کر دتی اے؟ ساہنوں دوسریاں وانگوں نیک نامی دے خط تہانوں دین دی ضرورت اے نہ لین دی ـ ہے نا؟
\v 2 ۲۔ تُسی آپ ساڈے لئی نیک نامی دے خط جے ـ جیہڑے ساڈے دِلاں اُتے لکھے نیں۔ جناں نوں سارے لوک جاندے تے پڑھدے نیں۔
\v 3 ۳۔ تُسی وکھاندے اوہ کہ ٹُسی مسیح یسوع دا اوہ خط جیڑا ساڈے ولّوں دِتا گیا تے جیڑا تہاڈے دِلاں اُتے لکھیا گیا اے، اے سیاہی نال نئیں پر زندہ خُدا دے روح نال لکھیا گیا اے۔ اے پتھر دِیاں تختیاں اُتے نئیں لکھیا بلکہ تہاڈے انسانی دِل دیاں ٹختیاں اُتے۔
\p
\v 4 ۴۔ تے اے بھروسا ساہنوں خُدا ولّوں یسوع دے وسیلے نال مِلیا اے۔
\v 5 ۵۔ اسی اپنے آپ ایس قابل نئیں کے کسے طرح دا دعویٰ کر سکیئے۔ جیڑا ساڈے اپنے ولّوں ہووئے۔ بلکہ ساڈی قابلیت خُدا ولّوں اے۔
\v 6 ۶۔ اے صرف خُدا اے جس نے ساہنوں ایس قابل بنایا کہ اسی نوے عہد دے خادِم ہویئے۔ اے لفظاں دا عہد نئیں بلکہ روح دا اے۔کیوں جو لفظ مار دیندے نے تے روح زندگی دیندا اے۔
\p
\v 7 ۷۔ ہُن جِس خدمت نے موت پیدا کیتی، اوہدے حرف پتھراں اُتے کھودے گئے سن، ایسے جلال والے سن کے اسرائیل دے لوک موسیٰ دے چہرے اُتے جلال دی وجہ توں نظر نہ پا سکے۔ کیوں جو اوہدے چہرے دا جلال گھٹ دا جاندا سی۔
\v 8 ۸۔ اوہ خِدمت کِتنی زیادہ جلالی ہووے گی، جیڑی روحِ پاک لیاوے گا؟
\v 9 ۹۔ ایس لئی جے مُجرم ٹھہران والا عہد جلال والا سی، تے راست بازی دا عہد تے ضرور کِنا زیادہ جلالی ہووے گا؟
\v 10 ۱۰۔ یقینی طور تے جیڑا کسے وقت جلالی سی ہُن جلالی نئیں رہیا کیوں جو اوہدا جلال بے اِنتہا اے۔
\v 11 ۱۱۔ کیوں جو اگر مِٹ جان والی چیز وچ جلال سی تے قائم رہن والی چیز وچ کِنا زیادہ جلال ہووے گا۔
\p
\v 12 ۱۲۔ ہُن جدون ساڈے کول ایسی اُمید اے تے اسی بڑے دلیر آں۔
\v 13 ۱۳۔ اسی موسیٰ وانگوں نئیں، جنیں اپنے چہرے اُتے نقاب پا لئ تان جو اسرئیل دے لوک اُس گھٹدے ہوئے جلال نوں ختم ہوندیاں سِدا وہکھن دے قابِل نئیں سَن۔
\v 14 ۱۴۔ُہنان دے ذہن بند ہوئے سَن کیوں جو اَج دے دِن تک پُرانے عہد نوں پڑھدے وقت اوی پردہ اُنہاں دے دِلاں اُتے پیا اے۔ اے پردہ اجے تک ہٹایا نئیں گیا، کیوں جو صرف یسوع وچ اے پردہ اُٹھایا گیا اے۔
\v 15 ۱۵۔ پر اَج وی جدوں موسیٰ دی کتاب پڑھی جاندی اے اُہناں دے دِلاں اُتے پردہ پیا رہندا اے۔
\v 16 ۱۶۔ پر جدوں کوئی شخص خُداوند ول مُڑدا اے تے اوہ پردہ اُٹھ جاندا اے۔
\v 17 ۱۷۔ ہُن خُداوند روح اے ، تے جِتھے خُداوند دا روح موجود اے، اوتھے آزادی اے۔
\v 18 ۱۸۔ہُن اسی سارے بے نقاب چہریاں دے نال، خُدا دا جلال ویکھنے آں۔ خُداوند جیہڑا روح اے، اسی وی اوہدے طرح درجہ بہ درجہ اوہدے جلال ورگے ہوندے جانے آں۔
\c 4
\cl باب ۴
\p
\v 1 ۱۔کیوں جو سانوں اے خدمت مِلی اے تے ساڈے اُتے بڑا کرم ھویا اے ایس لئی ہمت نہ ہارئیے۔
\v 2 ۲۔حالانکہ اسی خفیہ (پوشیدہ) اَتے بے شرمی دے کَم دی راہ چھڈ دتی اے اسی مکاری نئیں کردے اتے خدا دے کلام نوں نئیں وگاڑ دے نئیں۔
\v 3 ۳۔ جے کر اساڈی خوشخبری اُتے پردہ پیا ے تے اوہ ھلاک ھون والیاں لئی پیا ہے۔
\v 4 ۴۔ اوہناں واسطے اس جہان دے خدا نے اوھناں دی عقل تے پردہ پا دتا ہے۔ تاں جو مسیح جو خدا دی صورت تے ہے اوہدے جلال دی روشنی اوھناں اُتے نہ پوّے۔
\v 5 ۵۔اَتے اسی اپنے بارے نئیں بلکہ مسیح یسوع جو خدا ہے دے بارے منادی کردے ھاں اتے یسوع ناں دے لئی اسی تہاڈے خادم آں۔
\v 6 ۶۔اتے اس اکلّے خدا نے کیہا کہ نور ہنیرے وچ چمکے۔ اوہی نور ساڈے دلاں تے وی چمکیا تاں جو خدا دے جلال دی پہنچان دا نور یسوع مسیح دِی حضوری وچ چمکے۔
\p
\v 7 ۷۔پر اسی اس خزانے نوں مِٹ دے برتناں وچ رکھدے ھاں جد کے ایہہ صاف ظاہر اے کے ایہہ بہت ساری طاقت ساڈے ولّوں نئیں بلکہ خدا دے ولّوں ھے۔
\v 8 ۸۔ساڈے اُتے ہر پاسیوں مصیبتاں آوندیاں نیں پر اسی گھبراندے نئیں۔ اسی شک حیرانی وچ پیندے ھاں پر مایوس نئیں ھُںندے۔
\v 9 ۹۔ اسی ستائے تے جانے ھاں پر اسی بُھلائے ہوئے نئیں۔ اسی گرائے تے جانے ھاں پر مَر دے نئیں۔
\v 10 ۱۰۔اسی اپنے جسماں وچ مسیح دی موت نوں رکھدے لئے پھر دے ہاں تاں جو مسیح دی زندگی وی سادے بدن توں ظاہر ہووے جو کہ مسیح ھمیشہ دی زندگی رکھدا ہے۔
\v 11 ۱۱۔اسی جو کہ زندہ ھاں ھمیشہ میسح دی موت نوں اپنی زندگی وچ رکھدے ھاں ۔ تاکہ اسی زندگی نوں وی اپنی زندگی وچوں ظاہر کر لیے جو اوہ رکھدا ہے۔
\v 12 ۱۲۔تاکہ جسطرح موت ساڈے وچ کم کردی ہے اُسے طرح زندگی تہاڈے وچ کَم کرے۔
\p
\v 13 ۱۳۔پر ساڈے وچ ایمان دی اوہی روح اے جدے بارے لکھیا ہے، ’’میں ایمان لیایا تاں جو میں بولدا ھاں‘‘ اتے اساڈا ایمان ایمان اے ایسے لئی اسی بولدے ھاں‘‘۔
\v 14 ۱۴۔کیوں جوں اسی جاندے ھاں کہ جنے یسوع نوں زندہ کیتا اے سانوں وی زندہ کرے گا تے تہاڈے نال اپنے سامنے حاضر کرے گا۔
\v 15 ۱۵۔اے سب کچھ تہاڈے لئی ہی ہے کیوں جو فضل سارے لوکاں وچ پھیلیا، اسی طرح شکر گزاری کرن نال خدا دا جلال ھور پھیلے۔
\p
\v 16 ۱۶۔ ساڈی ہمت گھٹ نئیں ھندی، باھروں لگدا اے کے اسی ضائع ھون ڈئے آں پر اندروں اسی روز روز تازہ دم ھندے آں۔
\v 17 ۱۷۔کیوں جو ساڈی تھوڑی جئی مصیبت سانوں بہت زیادہ تے بھاری ہمیشہ دا جلال پیدا کر دی اے۔ کیوں جو اسی اوہناں چیزاں نوں نئیں ویکھدے جو نظر آندیاں نیں بلکہ اوھناں نوں جو نظر نئیں آؤندیاں۔
\v 18 ۱۸۔کیوں کہ جو چیزاں نظر آندیاں نیں ختم ھون والیان نیں پر جو نظر نئیں آندیاں اوہ ھمیشہ رہن والیاں نیں۔
\c 5
\cl باب۵
\p
\v 1 ۱۔ ساہنوں پتہ اے کے اے زمینی مکان، جدے وچ اسی رہنے آں، برباد ہوجائےگا، تے ساڈے لئی خُدا ولوں اک عمارت موجود اے، تے گھر انسانی ہتھاں نے نئیں بنایا پر ایہہ آسمان تے غیر فانی گھر ہو وےگا۔
\v 2 ۲۔تے ایس خیمہ وچ اسی کراہندے ہوئےاپنے آسمانی مکان وچ جان دی آرزو رکھدےآں۔
\v 3 ۳۔ اہہداانتظار ایس لئی اے کہ انوں پان دے بعد اسی ننگے نہ راں گے۔
\p
\v 4 ۴۔تے اصل چے جدوں تک اسی ایس خیمہ وچ آں ساہڈا کرہنا بھار دی وجہ توں اے۔ اسی اے نہیں چاہندے کے بغیر کپڑیاں دے ہو یے پر اسی او کپڑے پانا چاہندے آن جیڑے فانی زندگی نوں نگل جان۔
\v 5 ۵۔ اے او خُدا اے جنے اے شئےساڈے لئی تیار کیتی اے، تے اُنیں آن والے ویلے لئی ضمانت دے طور تے روح دتا اے۔
\p
\v 6 ۶۔ ایس لئی ہمیشہ اعتقاد رکھو، تے یاد روے کےجدوں تیکر اسی ایس بدن دے آرام وچ آں، اسی خُداوند توں دورآں۔
\v 7 ۷۔ اسی ایمان دےنال چلدے (ٹُردے) آں، نہ کے نطر آن والی شیواں نال۔۔
\v 8 ۸۔ تے ساہنوں اے اعتقاد اے کے، اسی بدن توں دور ہو کےخُداوند دے نال آرام چے ہو واں گے۔
\v 9 ۹۔ خُداند نوں خوُش کرنا ای ہُن ساڈا مقصد تے بھاویں ایس گھر وچ ہویے یا ایس توں دور۔
\v 10 ۱۰۔ اے لازم اے کے سارے مسیح دی عدالت دے تخت اگے لیائے جان تاں جو اِنہاں نوں اِنہاں دے بھیڑے چنگے کماں دا اجر دتا جاوے، جیڑے ایس بدن چے کیتے نے۔
\p
\v 11 ۱۱۔ ایس لئی خُداوند دا خوف رکھدے ہوے اسی لوکاں نوں حوصلہ دیندے آں۔ اسی جو کُجھ وی آں او خُدا نوں صاف دِسدا اے، میں اہیہ توقع رکھنا آں کے تواڈا ضمیر صاف اے۔
\v 12 ۱۲۔ اسی ایہہ کوشش نہیں کرن ڈئیےکے توانوں اے منائیےپئی اسی سُچے آں۔ پر اسی توانوں او وجہ دینے آں کے تُسی ساڈے تے فخر کرو تے اُنہاں نوں جواب دے سکو جیڑے وکھاوےتے فخر کردے نے، نا کے اہدے تے جیڑا دِل وچ اے۔
\v 13 ۱۳۔تے جے اسی ہوش وچ نہیں آں تے اے خُدا لئی اے، تے جے ہوش وچ آں تے اے تواڈے لئی اے۔
\v 14 ۱۴۔تے مسیح دی مُحبت چے مجبور آں تے چنگی طرح جاننے آں کے اک جِنا سب لئی مویا تے ایسے طرح سارے موئے گئے۔
\v 15 ۱۵۔ او سب لئی مویا گیا تاں جو او جیڑے جیوندے نے، اپنے لئی نہ جئی ان پر اوہدے لئ (واسطے) جیڑا مویا تے فیر زنداہ کیتا گیا۔
\p
\v 16 ۱۶۔ایس وجہ توں ہُن اسی کسے نوں وی جسمانی طور تے نہیں پرکھدے گو کے اسی یسوع دے نال وی اک وری اینج ای کیتا سی۔ پر ہُن اسی کسے نوں ایس طرح نہیں پرکھدے۔
\v 17 ۱۷۔ ایس لئی ہُن جیڑا مسیح وچ اے او نویں مخلوق اے۔ پُرانیاں شیئواں ختم ہوگیاں۔ ویکھو سب نواں ہو گیا اے۔
\v 18 ۱۸۔ اے ساریاں شیواں خُدا ولوں نے، تے اُنہیں سانوں مسیح وچ اپنے نال مِلایا اے تے سانوں وی مِلان دی خدمت دتی اے۔
\v 19 ۱۹۔ اے اینج وے کے خُدا مسیح وچ دُنیا نوں اپنے نال ملا رہیا اے تے اُنہاں دے پاپ(گناہ) اُنہاں دے ذمہ نہیں لائے، تے اُنہیں سانوں مِلان دے سَنیا ( پیغام) دا ذمہ سونپیا اے۔
\v 20 ۲۰۔ تے مسیح نے سانوں اپنا نُمائندہ مُقرر کیتا اے، تےاے ایس طرح اے کے جیویں خُدا ساڈے وچوں ہو کے بول دا اے۔ مسیح دے واسطے اسی توانوں عرض کرے آں، کے خُدا نال مَیل کر لووٴ۔
\v 21 ۲۱۔ اُنیہں مسیح نوں ساڈے پاپاں (کُناہواں) دا فِدیہ بنایا، اے او اےجنے کدی پاپ (کناہ) نہیں کیتا، اُنہیں اے ایس لئی کیتا تاں جو اسی اُہدے وچ خُدا اگے راستباز بن جائیے۔
\c 6
\cl باب۶
\p
\v 1 ۱۔اسی اوہدے نال مِل کے کم کردے ہوئے تے تہانوں وی زور دینا آں یسوع مسیح دے فضل نوں نہ چھڈو۔
\v 2 ۲۔کیوں جو اوہنے کہیا اے” طرفداری دے وقت میں تیرے ول تیان کیتا تے نجات دے دِن میں تیری مدد کیتی “ ویکھو ایہی طرفداری دا وقت اے، ویکھو ایہی نجات دا دیہاڑا اے۔
\p
\v 3 ۳۔ اسی کسے دے سامنے ٹھیڈا لگن لئی روڑے نئی رکھدے تاں جو ساڈی خِدمت دا کم ضائع نہ ہو جائے۔
\v 4 ۴۔ بجائے اہدےاسی اپنے کماں توں ثابت کر دے آں کہ اسی خُدا دے خٓدِم آں۔ اسی رُوح القدس چہ بہت صبر نال، پیار نال، دُکھاں چہ، مُشکلات چہ،
\v 5 ۵۔ مار کھان چہ جیل چہ، پڑتال چہ، بڑی محنت چہ، راتاں نوں جاگنا، بھوکھ،
\v 6 ۶۔ نیک نییتی، علم، صبر، مہربانی، سچے پیار،
\v 7 ۷۔اسی خُدا دی قُدرت نال سچائی دے کلام چہ اوہدے خادِم ہاں، سادے کول سجے تے کھبے ہتھ سچیائی (راستبازی) دے ہتھیار نیں۔
\v 8 ۸۔ اسی عزّت تے بےعزّتی، تعریف تے بدنامی چہ کم کردے آں۔ سانوں دھوکے باز کیاجاندا اے پر اسی فیر وی سچّے آں۔
\v 9 ۹۔ اسی انجان بن کے کم کردے آں پر فیر وی اسی چنگےطرح جانے جاندے آں، وہکھو اسی کم کرن لئی مُردےہاں پر فیر وی اسی جیویندے آں۔ اسی ایس طرح کم کردے ہاں جیویں ساہنوں اپنی حرکتاں دی سزا دتی گئی پر اینج نئی کے سزا موت ہوئی اے۔
\v 10 ۱۰۔ اِسی غمزدہ دی طرح کم کر دے آں پر فیر وی خُوشی منانے آں۔ اِسی غریباں دی طرح کم کرنے آں پر دوسریاں نوں امیر کر دینےہاں، اسی اینج کم کرنے ہاں جیویں ساڈے کول کُجھ وی نئیں پر فیر وی اینج جیویں سب کُچھ رکھدے ہاں۔
\p
\v 11 ۱۱۔اے کرنتھیو اسی توانوں ساری سچائی دس دِتی اےتے،
\v 12 ۱۲۔ اسی تہانوں نئیں جکڑیا پر تہاڈے دِلاں نے تہانوں جکڑیا ہویا اے۔
\v 13 ۱۳۔ ہُن میں تہانوں بچے سمجھ کے ایمانداری نال ۰۰۰ کرنا اے کہ اپنے آپ نوں ۔۔۔۔ کُھلا رکھو۔
\p
\v 14 ۱۴۔ جے ایماناں نال نہ بنّو، سچائی دا تے بے شر دا کی تعلق ؟ روشنی دا ہنیرے نال کی میل ؟
\v 15 ۱۵۔ مسیح دا بالیعال نال کی میل جول (تعلق) ؟ یا ایمانداراں تے بے ایمان دا کی جوڑ ؟
\v 16 ۱۶۔ تے خُدا دی ہیکل تے بُت خانےچہ کی مُوہائدہ اے ؟ کیوں جو اسی زندہ خُدا دا مقدس ہاں، جس طرح خُدا نے کیا اے ” میں انہاں دے درمیان رہاں گا تے چلاں پھراں گا، تے او میرے لوک تے میں اُنہاں دا خُدا ہواں گا۔
\p
\v 17 ۱۷۔ ایس لئی خُداوند نے کیا اے، ”اوہدے وچوں نکل آؤ تے وکھرے روؤ۔ “ ناپاک چیزاں نوں ہتھ نہ لاؤ تے میں تہانوں جی آیا نوں کہواں گا۔
\v 18 ۱۸۔ خُدا قادرِ مُطلق کہندا اے میں تہاڈا باپ تے تُسی میرے دھِیاں پُتّر ہوؤ گے۔ “
\c 7
\cl باب۷
\p
\v 1 ۱۔میرے پیاریو کیوں جو ساڈے نال وعدے کیتے گئے نے، آؤ اسی اپنے آپ نوں ہر طرح دی جسمانی تے روحانی ناپاکی توں پاک رکھییے۔ تے آؤ خُدا دے خوف دے وچ پاکیزگی نوں لبھدے رہیے۔
\p
\v 2 ۲۔ساہنوں اپنے دِلاں وچ جگہ دو۔ اسی کسے نال زیادتی نئیں کیتی۔ اسی کسے نوں نُقصان نئیں پچایایا کسی نوں دغا نئیں دِتا
\v 3 ۳۔ میں تہانوں مُجرم ٹھہران لئی ایہہ نئی کہنداکیوں جو میں تہانوں پہلاں ہی کہہ چُکیا ہاں کہ تُسی ساڈے دِلاں وچ وسدے جے، کیوں جو اسی اِکھٹے مرنا تے اِکھٹے جینا اے۔
\v 4 ۴۔مینوں تہاڈے اُتے بہت عتماد اے۔ تے میں تہاڈے اُتے فخر کردا ہاں۔ مینوں پورا اطمینان ہو گیا اے۔ میرا دِل خُوشی نال بھریا اےحالانکہ ساڈے اُتے مُصیبتاں وی آؤندیاں نے۔
\p
\v 5 ۵۔ جدوں اسی مکدونیہ آئے، ساڈے جسم نوں آرام نہ ملیا، پر اسی مُصیبتان وچ ریے، کیوں جو باہر لڑائیاں سن تےاندر ڈر خوف۔
\v 6 ۶۔ پر خُدا جیہڑا تھکیا ہاریاں نوں آرام دین والا اے اُوس نےساہنوں طیطس دے آؤن نال تسلی دِتی۔
\v 7 ۷۔ تے نہ صرف اُہدے آون تے خُدا نے ساہنوں تسلی دِتی پر اوہدی اُس تسلی توں جیہڑی طیطس نوں تہاڈے ولّوں ملی۔ اُس نے ساہنوں تہاڈے بُہتےسارے پیار، تہاڈا غم، تے میرے لئی ڈھیر سارے فکر بارے دسیا، تاں میں ہور وی خُوش ہویا۔
\p
\v 8 ۸۔ گو میرے خط نے تہانوں غمگین کیتا، پر مینوں کوئی پچھتاوا نئیں، پر مینوں پچھتاوا ایئویا جدوں میں ویکھیا کہ میرے خط نے تہانوں افسُردہ کیتا، پر تہاڈی افسردگی تھوڑے وقت تک رہی۔
\v 9 ۹۔ ہُن میں ایس لئی خُوش نئیں کہ تہانوں غم ہویا، پر تہاڈی غمی تہانوں توبہ تک لے کے آئی۔ تہاڈا غم خُدا پرستی دا سی، ایس لئی ساڈے ولّوں تہانوں کوئی نُقصان نہ پہنچیا۔
\v 10 ۱۰۔کیوں جو خُدا پرستی دا غم ایسی توبہ لایندا اے جِدا نتیجہ ایسی نجات اے جِدا کوئی پچھتاوا نئیں۔ پر دُنیا دا غم موت لیاندا اے۔
\v 11 ۱۱۔ خُڈا پرستی دے غم نے تہاڈے وچ کِناں پکّا ارادہ پیدا کیتا، تے تہاڈا ایہہ پُختہ کنا اعلیٰ سی جس نے تہانوں بے قصور ثابت کیتا اے کِنا چنگا سی کہ تواڈے غضب، غُصّہ، تہاڈا شوق، تہاڈی سرگرمی تے تواڈی خُواہش نے چاہیا کہ انصاف ہو سکے۔ ہر چیز دے وچ تُسی اپنے آپ نوں ثابت کر دِتا کہ تُسی ایس معاملے وچ بے کُناہ جے۔
\v 12 ۱۲۔ اگرچہ میں تہانوں لکھیا، نا میں غلطی کرن والے دی خاطِر لکھیا تے نا ہی اوہدی خاطِر جدے نال غلط ہویا، پر ایس لئی کہ ساہڈے حق وچ تہاڈی ساکھ خُدا دی نظر وچ تہانوں پتہ چل جائے۔
\v 13 ۱۳۔ ایس لئی ساہڈا حوصلہ ودھیا اے۔ایسے دے نال ساہنوں ہورخُوشی ہوئی اے، جو طیطس دی خُوشی دی وجہ نال اے، کیوں جو تہاڈے ساریاں دی وجہ توں اوس دی روح نوں تازگی ملی اے۔
\v 14 ۱۴۔ پر جے میں اوس دے سامنے تہاڈے بارے فخر کیتا تے میں شرمِندہ نئیں ہویا۔ پر اوہدے اُلٹ جو گل وی میں تہانوں کہی سچ نِکلی، اوسے طرح جیہڑا فخر میں تہاڈے بارے طیطس نال کیتا اوہ سچ نِکلیا۔
\v 15 ۱۵۔تے جدوں اُنہیں تہاڈے ساریاں دی فرمانبرداری دی یاد کیتی کے تُسی کیویں ڈرے تے کمبدے ہوئے اُس دا اِستقبال کیتا، اُس دِی چاہت تہاڈے ساریاں لئی ہور زیادہ ودھ گئی اے۔
\v 16 ۱۶۔ میں بہت خُوش ہاں کیوں جو مینوں تہاڈے اُتے پورا اعتماد اے۔
\c 8
\cl باب۸
\p
\v 1 ۱۔ اے بھایئو تہانوں خُدا دے اُس بھاری فضل دے بارے دسنا چاہنا واں جیہڑا مقدونیہ دی کلیسیاواں تے ہویا۔
\v 2 ۲۔ کہ سخت مُصیبت دی آزمائش دے وچ وی اوہناں دی انتہائ غریبی تے بے انتہا خُوشی نے اوہناں وچ بہت سخاوت پیدا کیتی۔
\v 3 ۳۔ میں گواہی دیندا ہاں کہ اوہناں نے جناں وی دے سکدے سن دِتا تاں جو بہت ودھ کے دِتا تے ایہہ سب اپنی آزادانہ مرضی نال دِتا اے۔
\v 4 ۴۔ اوہناں نیں تے اس خدمت دے کم نوں ایمانداراں وچ پھیلان دے موقع لئی فوری درخواست کیتی۔
\v 5 ۵۔ ایہہ ایس طرح نئیں ہویا جیویں اسی توقع کیتی سی، پر اوہناں پہلاں اپنے آپ نوں خُداوند دے لئی فیر خُدا دی مرضی نال ساڈے سُپرد کیتا۔
\v 6 ۶۔ ایسے لئی اسی طیطس توں خواہش کرنے ہاں کہ جسطرح اوہنے ایہہ کم شروع کیتا سی اُسے طرح اس فضل دے کم نوں پورا وی کرے۔
\v 7 ۷۔ پر جِداں تُسی ہر کم وچ اگے ودھ گئے او یعنیٰ ایمان وچ، کلام وچ، علم تے اپنی ہر کوشش وچ تے ساڈے لئی اپنے پیار وچ۔
\p
\v 8 ۸۔میں تہانوں اے حُکم نئیں دیندا، تاں جو تہاڈی مُحبت دی سچیائی نوں دوجیاں دے جزبے نال آزماواں۔
\v 9 ۹۔کیوں جو تُسی خُداوند یسوع مسیح دے فضل نوں جاندے ہو کہ کس طرح اوہ امیر سی پر اوہ تہاڈے لئی غریب بن گیا، تاں جو اسی اُس غریبی وِچوں امیر بن جائیے۔
\v 10 ۱۰۔ ایس معاملے وچ میں اپنے وچار دیندا ہاں جو تہاڈی مدد کرن گے۔ پچھلے سال تُسی نہ صرف کم شروع کیتا پر اِس کم نوں کرن دی تہاڈی خواہش وی سی۔
\v 11 ۱۱۔ ہُن اہنوں ختم وی کرو، جداں تُسی ایہہ کم شروع کرن توں پہلاں سرگرمی نال خواہش کیتی سی ہُن اوسے سرگرمی نال، جناں زیادہ ہو سکدا اے، اہنوں اپنی حثیت دے مُطابق پورا کرو۔
\v 12 ۱۲۔جے تُسی ایس کم نوں دِل نال شروع کرنا چاہندے او، جو کہ چنگی تےمنن والی گَل اے۔ تے ایدی بُنیاد ایس تے ہونی چاہدی اےکہ جو کُجھ بندے دے کول اے نہ کہ اوہدے تے جو کول نئیں۔
\v 13 ۱۳۔ تے ایہہ کم تہاڈے تے بھار پان لئی تے دوجیاں نوں آرام دین لئی نئیں۔ پر ایس لئی کہ طرفداری نہ(غیر جانبداری) ہووے۔
\v 14 ۱۴۔ کیوں جو ایس ویلے تہاڈے بُہتے (کثرت) نال اوناں دی لوڑ (ضرورت) پوری ہووے، تے تہاڈی لوڑ (ضرورت) دے ویلے اوناں دی بہتات (کثرت) کم آوے۔ تاں جو سب ٹھیک ہوے۔
\v 15 ۱۵۔کیوں جو لکھیا اے ” جدے کول بوہتا سی اوہدے کول کُجھ وی نہ بچیا، تے جدے کول تھوڑا سی اوہنوں کُجھ کمی نہ پئی (ہوئی)۔ “
\p
\v 16 ۱۶۔ تےخُدا دا شُکر ہووے جنیں طیطس دے دِل وچ اوہوی سچّی فکر پائی جیہڑی تہاڈے لئی میرے دِل وچ اے۔
\v 17 ۱۷۔ تے اوہنے نہ صرف ساڈی درخواست منی پر اپنی مرضی تے سچّے دِل نال تہاڈی مدد کرن نوں اپنی آزاد مرضی نال آیا۔
\v 18 ۱۸۔ اسی اوہدے نال اک بھرا نوں وی بھیجیا اے، جدی تعریف، کلام دی منادی دا کم کرن دی وجہ توں، ساریاں کلیسیاواں وچ ہوندی اے۔
\v 19 ۱۹۔ صرف ایہو نئیں ایس فضل دے کم نو کرن لئی، اِنوں کلیسیاء نے ساڈے نال سفر کرن لئی وی چُنیا۔ اے خود خُداوند نوں عزّت دین لئی تے ساڈےمدد کرن دےجذبے لئی اے۔
\p
\v 20 ۲۰۔ اسی ہر طور تے اے کوشش کرنے ہاں کہ ایس فلاحی (بھلائی) کم دے کرن وچ کسے نوں وی ساڈے توں شکایت دا موقع نہ ملے۔
\v 21 ۲۱۔ اسی احتیاط کردے ہاں کہ اے صرف خُداوند دے اگے ہی نیں پر لوکاں لئی وی عزّت دے لائق ہووے۔
\v 22 ۲۲۔ اسی اِک ہور بھرا نوں وی گھل رہے آں، جنوں اسی کافی سارےطریقیاں دے نال آزمایا (پرکھیا) تے کافی کماّں وچ محنتی پایا۔ تے ہُن اوہ تواڈے تے اعتماد (بھروسہ) ہون دی وجہ توں اوہ ہور وی خواہشمند اے۔
\v 23 ۲۳۔ تے طیطس بارے اے وے کہ او میرا شریک تے تواڈا ساتھی اے۔ تے ساڈے بھراواں لئی، اوہناں نوں کلیسیاء نے گھلیا اے۔ اوہ مسیح دا فخر نئیں۔
\v 24 ۲۴۔ ایس لئی اوناں نال مُحبت نال پیش آؤ، تاں جو کلیسیاواں نوں پتا چلے کہ اسی کیوں تواڈے تے فخر کرنے آں۔
\c 9
\cl باب۹
\p
\v 1 ۱۔ ایمانداراں دی خِدمت دے بارے میرے لئی اے ضروری نئیں کہ میں توانوں لِکھاں۔
\v 2 ۲۔میں تواڈی خُواہشات دے بارے جاننا ہاں، تے میں ایہ مکدونیہ دے اگے تواڈے بارے فخر کردا ہاں۔ میں اوناں نوں دسیا اے کہ پچھلے سال توں اَخیہ اِس واسطے تیّار ہو ریا اے۔ تہاڈی گرم جوشی نے اُنہاں نوں اُبھاریا اے کہ عملی طور تے کُچھ کریئے۔
\v 3 ۳۔ ہُن میں بھراواں نوں گھلیا اے تاں جو ساڈا فخر تہاڈے بارے ضائع نہ ہو جائےتے تُسی وی تیّار ہوجاؤ، جیویں میں کیا کہ ہو جاؤ۔
\v 4 ۴۔ نئیں تے، جے میرے نال کوئی وی مکدونی آیا تے توانوں تیّار نہ پایا، ساڈے لئی اے شرم دی گل ہووےگی۔ میں تواڈے بارے کُجھ وی نئیں کہندا، تے مینوں تہاڈے تے پورا بھروسہ اے۔
\v 5 ۵۔ تے ایس لئی میں ایہ سوچیا کے بھرواں نوں تواڈے کول آن لئی قائل کیتا جائے تاں جو پہلاں توں تواڈے ہدِیے دا انتظام کیتا جائے جدا تُسی وعدہ کیتا اے۔ ایہہ ایس لئی اے کہ سب ہدیے خُوشی نال ہون نہ کے کسی دباؤ وچ۔
\p
\v 6 ۶۔ہُن گل انج اے، جیڑا گھٹ بوئے گا اوی گھٹ ہی کٹے گا، تے جیڑا برکتاں پان لئی بوئے گا اوہنوں برکتاں ہی ملن گیاں۔
\v 7 ۷۔ تے ہر کوئی اوناں ہی دیوے، جو اوہنے اپنے دِل وچ ارادہ کیتا اے، نا تےکسی بے دلی نال یا کسے دباؤ وچ، کیوں جے خُدا خُوشی نال دین والیاں نوں پیار کردا اے۔
\v 8 ۸۔ تے خُدا تہانوں اپنے فضل نال لبریز (بھر) کرسکدا اے تاں جو تہاڈی ضرورت دیاں ساریاں شیواں، تہوانوں ہمیشہ کثرت نال مِلن۔ ایہ ایس لئی ہوئے گا تاں جو تُسی ہر اچھّے کم نوں ودھا سکو۔
\v 9 ۹۔ اے ایس طرح اے، تے لکھیا اے،” اوہنے اپنے خرانے ونڈے نے تےاوہ غریباں نوں دِتے۔ تے اوہدی راستبازی ہمیشہ تیک قائم اے۔ “
\p
\v 10 ۱۰۔ اوہ جیڑا کسان نو بون لئی بیج دیندا اے تے کھان لئی روٹی، اوہو ای تہانوں دے وے گا تے تہاڈا بیج، بیجن لئی ودھاوے گا۔ اوہ تہاڈی راستبازی دی فصل(دے پھل) نوں وی ودھاے گا۔
\v 11 ۱۱۔تُسی ہر طرح نال مالدار ( خُوشھال) ہو جاؤ گے تاں جو تُسی سخاوت کرسکو۔ ایس طرح خُدا دی شُکرگزاری ساڈے وسیلہ ہو وے گی۔
\p
\v 12 ۱۲۔ ایس طرح دی خِدمت کرن نال نہ صرف رسولاں(مُقدساں) دی ضرورتاں پوریاں ہوندیاں نیں پر بہت سارے کماّں لئی خُدا دی شُکرگرازی دا سبب وی اے۔
\v 13 ۱۳۔ تہاڈا آزمایا جانا تے ایس خِدمت نال ثابِت ہوندا اے کہ تُسی اپنے اِقرار دی تابعداری جیڑی مسیح دی خُوشخبری بارے اے، اوہناں نوں تے ساریاں نوں تُسی اپنی سخاوت دے تُحفے نال وی خُدا نوں جلال دیو گے۔
\v 14 ۱۴۔ اوہناں نوں تہاڈی اُڈیک اے تے اوہ تہاڈے لئی دُعا کردے نیں۔ اوہ اے ایس لئی کردے نئیں کیوں جو تہاڈے اُتے خُدا دا بڑا بھاری فضل ہویا اے۔
\v 15 ۱۵۔ خُدا دا شُکر ہووے، اوہدی بیان توں باہر برکتاں لئی۔
\c 10
\cl باب۱۰
\p
\v 1 ۱۔ میں پولُوس مسیح دی عاجزی تے حلیمی نال، آپ تہانوں درخواست کرنا ہاں۔ میں تہاڈی رِفاقت وچ حلیمی نال رہنا ہاں پر میں تہاڈے لئی بڑا نڈر (دلیر) ہونا جدوں میں تہاڈے توں دور ہونا۔
\v 2 ۲۔میں تہاڈی منت کرنا ہاں کہ جدوں میں تہاڈے وچ موجود ہونا، مینوں خود اعتمادی نال نڈر (دلیر) ہون دی لوڑ نئیں ہووے گی۔ پر میرے خیال وچ مینوں نڈر (دلیر) ہون دی اوس ویلے لوڑ اے، جدوں میں اونہاں دی مخالفت کرنا جیڑے ایہہ خیال کردے نے کہ اسی جسم دے مُطابق زندگی گزار دے ہاں۔
\v 3 ۳۔ پر جے اسی جسم وچ وی چل رہے ہاں، اسی جسم دے مُطابق جنگ نئیں کردے۔
\v 4 ۴۔ پر ساڈے لڑن والے ہتھیار جِسمانی نئیں۔ پر اونہاں وچ الٰہٰی طاقت اے جیڑی قلعے برباد کردیندی اے۔اوہ گُمراہ کرن والے مُباحثے سوا کُچھ نئیں لیاندے۔
\v 5 ۵۔ اسی ہر اوس اُچّی شئے نوں وی برباد کیتا جیڑی خُدا دے علم اگے اُٹھدی اے۔ تے اسی ہر سوچ نوں قید کر کے مسیح دی تعبداری وچ لے آوندے آں۔
\v 6 ۶۔تے اسی نافرمانی دے کماں دی سزا دین لئی تیّار ہو رئے ہاں، جِنی چھیتی تہاڈی تعبداری پوری ہوجائے۔
\p
\v 7 ۷۔ تُسی ویکھو کے تہاڈے سامنے صاف طور تے کی اے۔ تے جے کسے نوں بھروسہ اے کہ اوہ مسیح دا اے، اوس نوں اے آپی یاد رکھنا چاہیدا اے کہ جیویں اوہ مسیح دا اے ایسطرح ای اسی وی ہاں۔
\v 8 ۸۔ پر جے میں اپنے اختیار بارے تھوڑا جِیا فخر کراں جیڑا خُدا نے ساہنوں تہاڈی بہتری لئی نہ کے برباد کرن نوں دِتا، تے مینوں کوئی شرمندگی نئیں۔
\v 9 ۹۔ میں نئیں چاہندہ کے تہانوں اینج لگے کے میں تہانوں اپنے خطاں نال ڈراؤناں چاہندا۔
\v 10 ۱۰۔یوں جو کُجھ لوک کہندے نے،” اَیدے خط سنجیدہ تے پُر اثر نے پر اے ذاتی طور تے کمزور اے۔ ایدا کلام ایس قابل نئیں کے سُنیا جائے۔
\v 11 ۱۱۔تےاوہ لوک جان لین کہ جدوں اسی موجود نئیں اسی اپنے خطاں دےکلام وچ ایس طرح آں کے جد اسی ہو واں گے تے کم کردے نظر آواں گے۔
\p
\v 12 ۱۲۔ اسی ایتھوں تک نئیں جاندے کے اسی ٹولیاں وچ ہو جائیے یا اسی اپنا مُقابلہ اُنیاں نال کرئیے جیڑے اپنی تعریف کردے رہندے نے۔ پر اوہ جدوں اپنے آپ دا اِک دوجے نال تولدے نے تے اِک دوجے نال موازنہ کردے نے، اُناں نوں کُجھ سمجھ نئیں آوندی۔
\v 13 ۱۳۔ پر اسی حد توں زیادہ فخر نئی کراں گے، پر اوس حد تیکر جیڑی خُداوند نے ساڈے لئی مُقرر کیتی اے، جِدی حد زیادہ توں زیادہ تہاڈے تک اے۔
\v 14 ۱۴۔تے اسی اپنے آپ نوں تہاڈے تک پُہنچن لئی حد توں بُہتا نئیں ودھایا، پر اسی یسوع دی انجیل دے نال تہاڈے تک پُہنچن والیاں وِچوں سب توں پہلاں پُہنچے سی۔
\p
\v 15 ۱۵۔ اسی حد توں زیادہ دوجیاں دے کمّاں اُتے فخر نیں کیتا، پر اسی توقع کر دے ہاں کے تہاڈا ایمان ترقّی کر دا جائے گا، تے سادے کم تہاڈے درمیان کافی ودھ جان گے۔
\v 16 ۱۶۔اسی ایہہ اُمید کر دے ہاں کہ اسی تہاڈے علاقیاں توں وی اگے تک خُوشخبری دی منادی کر سکئیے، اسی دوجیاں دے علاقے چے ہون والے کم تے فخر نئیں کراں گے۔
\v 17 ۱۷۔ پر جیڑا وی فخر کرے، اوہ خُداوند وچ فخر کرے۔
\p
\v 18 ۱۸۔ تے جیڑا وی اپنےآپ نوں منظور کردا (چُن دا) اے کے اوہدی تصدیق ہووے، اصل چےاوہدی تھاں تے اوہ وے جِنوں خُدا منظور کردا (چُن دا) اے۔
\c 11
\cl باب۱۱
\p
\v 1 ۱۔ میں چاہنا ہاں کے تُسی میری بےوقوفی دی برداشت کرو۔ تے بے شک تُسی کر وی ریے ہو۔
\v 2 ۲۔ کیوں جے میںنوں تہاڈے بارےغیرت اے۔ اے غیرت خُدا دی غیرت وانگر اے، کیوں جو میں وعدہ کیتا اے کے تہاڈی شادی اک لاڑے نال کرانواں گا۔ میں وعدہ کیتا اے کے تہانوں اک پاک کنواری وانگر مسیح نوں پیش کراں گا۔
\v 3 ۳۔ پر مینوں ڈر اے کے جیویں سپ نے مکاری نال حوّا نوں دھوکا دِتا، ایسے طرح تہاڈے خیال وی مسیح دی سچّی تےخالِص عقیدت توں بھٹکا نہ دیوے۔
\v 4 ۴۔ فرز کرو کوئی دوجا آ کےکسے ہور مسیح دی منادی کرے اوس مسیح دی تھاں جدی اسی منادی کرنے آں۔ یا فرز کرو تہانوں کوئی ہور روح مل جائے اوہدے تھاں جیڑی روح تہانعں مِل چُکی اے۔ یا فرز کرو تُسی کوئی دوجی خُوشخبری سنو اوہدی تھاں جیڑی تہانوں مِل چُکی اے۔ تُسی انہاں شیئواں دی واہوا برداشت کیتی۔
\v 5 ۵۔ کیوں جو میں سمجھنا یاں کے میں انّاں نام نہاد وڈّے رسولاں نالوں کوئی بُہتا کمتر نئیں۔
\v 6 ۶۔ حالنکہ میں تقریر کرنی نئیں سکھی پرانج وی نئیں کہ میں علم وی نئیں سِکھیا۔ اسی ہر طریقے نال تے ہر شئے وچ تہانوں سمجھا دتی اے۔
\p
\v 7 ۷۔ کی میں اپنے آپ نوں حلیم بنا کےکوئی گُناہ کیتا اے؟ تاں جو تہاڈی عزّت ودھے؟۔ کیوں جو میں خُدا دی خُوشخبری تہانوں مُفت سُنائی اے۔
\v 8 ۸۔ میں دوجیاں کلیسیاؤاں توں مدد لے کے لُٹ لیا اے تاکہ تہاڈی خِدمت کر سکاں۔
\v 9 ۹۔ جد مین تہاڈے نال ساں تے ضرورت مند ساں تے میں کسے اُتے بوجھ نئیں بنیا۔ کیوںجو مِیریاں ضرورتاں مکدونیہ توں آے بھراواں نے پوری کیتیاں۔ ہر کم وچ میں اپنے آپ نوں تہاڈے تے بوجھ نئیں بنن دِتا، تے میں آیندہ وی انج ای کردا رواں گا۔
\v 10 ۱۰۔کیوں جو میرے اندر مسیح دی سچیائی اے، تے میرا اے فخر اخیا دے کسی حصّے وچ چُپ نئیں روے گا۔
\v 11 ۱۱۔ کیوں؟ ایس لئی کے میں تہاڈے نال پیار نئیں کردا؟ خُدا جاند اے۔
\p
\v 12 ۱۲۔ تے جو میں کرنا ہاں اوہ میں کردا رواں گا۔ تاکہ میں تنقید کرن وجہ مُکا دیاں تے اوہ وجہ جدے تے او فخر کرنا چاہندے نے۔ تے اوہ وی اوہو ای کم کردے پائے گئے نے جیڑا سی کردے آں۔
\v 13 ۱۳۔ تے ای لوکی جھوٹے رسول تے دھوکے باز نیں۔ تے اوہ مسیح دے رسولاں دا روپ دھار دے نیں۔
\v 14 ۱۴۔ تے اہدے وچ کوئی بھلیکا نئیں کیوں جو شیطان وی نور دے فرشتے دا روپ دھار لیندا اے۔
\v 15 ۱۵۔ اہدے وچ کوئی اچھنبے دی گل نئی کہ اوہدے خادم وی راستبازی دے خادمان دا روپ دھار لیندے نیں۔ اوہناں دا مُقدر اُناں دے کمّاں ورگا ہووے گا۔
\p
\v 16 ۱۶۔میں فیر کہنا ہاں کہ کوئی وی میں نوں بے وقوف نا سمجھے۔ تے جےسمجھے تے میں وی تھوڑا جیا فخر کریاں گا۔
\v 17 ۱۷۔ جو کُجھ میں فخریہ اعتماد نال کہندا ہاں۔ میں انج نئیں کہندا جیویں خُدا۔ میں اک بےوقوف وانگر کہنا۔
\v 18 ۱۸۔ کیوں جے کافی لوگ جسم دے دے مطابق فخر کر دے نے، میں سی انج ای فخر کراں گا۔
\v 19 ۱۹۔ کیوں جو تُسی خُوشی نال بیوقوفاں نوں برداشت کردے اوہ، تُسی آپ سیانے اوہ۔
\v 20 ۲۰۔ تے تُسی اوہنوں برداشت کردے اوہ جیڑا تہانوں غُلام بناندا اے، جے او تہانوں مُکا دیوے، جے تہاڈا فایدہ چُکے، جے اپنےآپ نوں تہاڈے توں چنگا سمجھےتے جے اوہ تہاڈے منہ تے چنڈ مارے۔
\v 21 ۲۱۔میں اے شرم نال کہنا کہ اسی ایہ کرن وچ کمزور آں۔ تے فیر وی جو کوئی فخر کرے، تے میں بےوقوف وانگ کہہ ریا ہاں۔ میں وی فخر کراں گا۔
\v 22 ۲۲۔ کی اوہ عبرانی نیں؟ تےمیں وی آں۔ کی اوہ اسرائیلی نیں؟ تے میں وی آں۔ کی اوہ ابراہام دی نسل نیں؟ تے میں وی آں۔
\v 23 ۲۳۔ کی اوہ مسیح دے خادم نیں؟ (میرا اے کہنا انج اے جیوں میرا دماغ خراب اے۔) تے میں ودھ آں۔ تے میں ایس توں وی زیادہ سخت محنت کیتی اے، جیلاں کٹیاں نیں، بے اِنتہا مار کھادی تے موت دے خطریاں دا سامنا کیتا۔
\v 24 ۲۴۔ یہودیاں توں پنج وری اِک گھٹ چالی (۴۰) کوڑے پئے۔
\v 25 ۲۵۔ تِن وری ڈنڈّیاں نال ماریا، اِک وری وٹّے مارے، تِن وری جہاز تباہ ہویا، میں اِک دِن تے اِک رات سمندر تے گُزاری۔
\v 26 ۲۶۔ تے میں کئی وری سفر تے گیا، تےخطے وچ پیا دریا دے خطے چے، ڈاکوواں دے خطرے چے، اپنے لوکاں وچ خطرہ، دوجیاں قوماں وچ خطرہ، شہر وچ خطرہ، بیابان وچ خطرہ۔ سمندر وچ خطراہ، جھوٹے بھئیاں دا خطرہ۔
\v 27 ۲۷۔ میں کئی راتاں سُتا نئیں، بھُکا پیاسا، کئی وری روزے رکھے، ٹھنڈ وچ تے ننگے پن چے، سخت محنت کیتی تے سختی کٹی۔
\v 28 ۲۸۔ ہر شئے توں ہٹ کے میرےتے روزانہ کلیسیاء دے بارے فکر دا کافی دباؤ اے۔
\v 29 ۲۹۔کمزور کون اے، میں تے کمزور نئیں۔ ؟ اوہ کون اے جدی وجہ توں ٹھیڈا لگدا اے تے مینوں غم نئیں ہوندا۔
\p
\v 30 ۳۰۔ تے جے میں فخر کراں، جیڑا میری کمزوری نوں ظاہر کردا اے اوہدے بارے فخر کراں گا۔
\v 31 ۳۱۔ خُدا تے خُداوند یسوع مسیح دا باپ،اوہ جِدی ستائش سدا ہوندی اے، جاندا اے کے میں جھوٹ نئی بول دا!
\p
\v 32 ۳۲۔ دمشق وچ، آریتاس بادشاہ دے گورنر نے دمشق دے شہر دا پہراہ لایا سی تاں جو مینوں پھڑ لین۔
\v 33 ۳۳۔تے فیر مینوں دیوار وچ اک کھڑکی تھانی ٹوکری وچ تھلے نوں لٹکایا، تےمیں اوہدے ہتھوں بچیا۔
\c 12
\cl باب۱۲
\p
\v 1 ۱۔مَیں ضرُور فخر کرنا ہاں پَر اِس دا کوئی فائِدہ نئیں پر مَیں رویا تے خُداوند دے مکاشفہ بارے ضرور ذکر کراں گا۔
\v 2 ۲۔مَیں مسیح وچ اِک شخص نوں جاندا ہاں جیہڑا چودہ سال پہلے جسم سمیت یا بغیر جسم دے، ایہہ مَیں نیں جاندا، خداوند جاندا ہے، تیرے آسمان اُتے اُٹھا لیا گیا۔
\v 3 ۳۔تے مَیں جاندا ہاں کہ اَے آدمی جسم سمیت یا بغیر جسم ، مَیں نئیں جاندا، خداوند جاندا اَے۔
\v 4 ۴۔جنت وچ پہنچ کے ایسیاں مُقدس گلاں سُنیاں جیہڑیاں کہن والیاں نئیں۔
\v 5 ۵۔مَیں ایسے شخص تے ضرور فخر کراں گا پَر مَیں اپنے آپ تے اپنی کمزوریاں دے سوا فخر نئیں کراں گا۔
\v 6 ۶۔اگر مَیں فخر کرنا چاواں تے مَیں بیوقوف نئیں کیوواں گا کیوں جو مَیں سچ بولدا ہوواں گا۔ پَر، مَیں فخر کرن توں باز رہاں گا، تاں جو کوئی مینوں اُوس توں زیادہ نہ سمجھے جویں مینوں ویکھ دا اَے یا سُن دا اَے۔
\v 7 ۷۔تے مینوں فخر کرن توں باز رکھن لئی، مکاشفیاں دی زیادتی دی وجہ نال میرے پُھل جان دے ڈر نے میرے جسم وچ کنڈا چبو (چوب) دِتا سی یعنی شیطان دا قاصد مینوں تکلیف بچاوے تاں جو مَیں بہت زیادہ فخر نہ کراں۔
\v 8 ۸۔تِن واری مَیں خداوند نوں ایس بارے درخواست کیتی تاں جو اِس نوں میرے کولوں دُور لَے جائے۔
\v 9 ۹۔پَر، اُنے مینوں آکھیا، ’’میرا فضل تیرے لئی کافی اَے، کیوں جو قدرت کمزوری وچ پوری ہُندے اَے‘‘۔ ایس لئی مَیں اپنی کمزوری تے فخر کراں گا۔ تاں جو مسیح دی قُدرت میرے وچ ٹھہری رہے۔
\v 10 ۱۰۔ایس لئی، مَیں مسیح دی خاطر کمزوری وچ، بے عزتی وچ، مصیبت وچ، ستائے جان تے پریشانیاں وچ خوش ہاں۔ کیوں جو جدوں مَیں کمزور ہوندا ہاں اُس وقت مَیں زور آور ہوندا ہاں۔
\p
\v 11 ۱۱۔مَیں بیوقوف بنیا تے تُساں ای اس تے مینوں مجبور کیتا کیوں جو تادے ولوں میری تعریف کرنی چاہی دی سی۔ ایس لئی کہ مَیں اُناں نام نہاد وڈے رسولاں تو کِسے صورت دی کمتر نئیں سی حالانکہ مَیں کجھ وی نئیں۔
\v 12 ۱۲۔اِک رسُول دیاں سچی نشانیاں، کامِل صبر، نشان تے عجیب کماں تے معجزیاں دے وسیلے تہاڈے درمیان ظاہر ہوئیاں۔
\v 13 ۱۳۔ پھر تسی دُوسری کلیسیاؤں توں کیویں کمتر ٹھہرے۔ علاوہ ایس دے کہ مَیں تُہاڈے اُتے کوئی بوجھ نئیں پایا؟ میری ایس غلطی دے مینوں معافی دے دیو۔
\p
\v 14 ۱۴۔ویکھو، مَیں تہاڈے کول تیری وری آؤن لئی تیار ہاں۔ مَیں تہاڈے اُتے کوئی بوجھ نئیں بنا گا۔ کیوں جو مَیں تہاڈے حال توں نئیں بلکہ تہانوں چاہندا ہاں۔ کیوں جو بچیاں نوں ماں باپ لئی جمع کرنا نئیں چاہی دا بلکہ ماں باپ نوں بچیاں لئی جمع کرنا چاہی دا اَے۔
\v 15 ۱۵۔مَیں بڑی خوشی نال تہاڈیاں رُوحاں لئی خرچ کراں گا تے خود بھی خرچ ہو جاواں گا۔ اگر مَیں تہانوں بہت محبت کرداہاں تے کی تُسی میرے نال گھٹ محبت کروگے؟
\p
\v 16 ۱۶۔پَر ایویں لگدا اے کہ مَیں تہاڈے اُتے بوجھ نئیں پایا۔ لیکن مَیں مُکار ہُندے ہویاں تہانوں مکاری نال پَھسا لیا۔
\v 17 ۱۷۔کی مَیں، کِسے نُو ں تُہاڈے کول بھیج کے تہانوں دَغا دِتا؟
\v 18 ۱۸۔مَیں طیطس دی ہمت ودائی کیتی کہ تہاڈے کول جاوے، تے اوس دل نال اِک دوسرے بھائی نوں وی بھیجیا۔ کَی طیطُس نے تہانوں دُغا دِتا؟ کَی اَسی اِک ہی راہ اُتے نیئں چلے؟ کی اَسی اِکو جئے قدماں نال نئیں چلے؟
\p
\v 19 ۱۹۔کَی تُسی سارے وقت ایہو سمجھدے ھو کہ اَسی تہاڈے سامنے اپنیاں صفائیاں پیش کر دے رہے ہاں؟ خداوند نوں حاضر جان کے، مسیح دے وچ اُس ہر گَل تہاڈی مضبوطی لئی کہندے رہے ہاں۔
\v 20 ۲۰۔کیوں جو مَیں ڈر دا ہاں کہ جدوں مَیں آواں تے مَیں تہانوں اُس طرح نہ پاواں جس طرح میری خواہش اے۔ مینوں اے وی ڈر اَے کہ تُسی مَینوں اُوسی طرح نہ پاؤ جیوں تہاڈی خواہش اَے۔ مینوں ڈر اَے کہ تہاڈے وچ جھگڑے، حَسد، غُصے دے اُبال، تفرقے، بد گوئیاں، غیبت، شیخی تے فساد ہون گے۔
\v 21 ۲۱۔مَیں ڈر دا ہاں کہ مَیں جدوں پھر آنواں،میرا خداوند مینوں تہاڈے سامنے حلیم کرے۔ مَیں ڈر دا ہاں کہ مینوں بہت ساریاں لئی افسوس ہوے گا جہاں نے اس توں پیشتر گناہ کیتے ہَین، تے اُوہناں اپنی ناپاکی، حرامکاری تے شہوت پرستی، جیہڑی اُناں توں ہوئی۔ توں توبہ نئیں کیتی۔
\c 13
\cl باب ۱۳
\p
\v 1 ۱۔اے تیجی وری میں تہاڈے کول اُون ڈھایا واں ’’ہر تہمت (الزام) دے ثبوت دے دو یا تن گواہ ہون گے‘‘۔
\v 2 ۲۔میں پہلو ہی تہنوں اے دس چھڈیا اے جیڑے گناہ چے نے (گناہ کر چکے نے) تے باقیاں نوں دُوجی وری دسیا اے۔ اے میں تہانوں فیر دسن ڈھیا اے: جدوں میں فیر آونگا میں اوہناں نوں نئی بخشنا۔
\v 3 ۳۔اے میں تہانوں اس لئی دسنا اے کیوں جو تُسی سوچ دے آؤ کہ مسیح میرے ذریعے بول دا اے۔ او تہاڈے لئی کمزور نئیں بلکہ او تہاڈے لئی زور ٓاور اے۔
\v 4 ۴۔اُو کمزوری چے مصلوب ہویا سی تے خُدا دی قدرت نال زندہ ہویا اے۔ اسی اوہدے وچ وی کمزور آں پر خدا دی قدرت جیہڑی تہاڈے وچ اے اوہدے نال زندہ رہو گے۔
\p
\v 5 ۵۔تسی اپنے آپ نوں ویکھ لو کہ ایمان چے ہو۔اپنے آپ نوں آزما لو۔ کیا تسی ایہ محسوس کیتا اے کہ یسوع مسیح تہاڈے اندر آئے؟ جدوں تک تُسی امتحان چے ناکام ہو جابندے اؤ۔
\v 6 ۶۔تے مینوں بھروسا اے کہ تسی جان دے او کہ اسی امتحان چے ناکام ئیں ہوئے۔
\v 7 ۷۔ہُن اسی خدا کولوں دعا کرنے آں کہ تو کجھ وی غلط نہ کریں۔ میں ایہ دعا نئیں کردا کہ اینج ہوئے کہ اسی امتحان چوں پاس ہوئے بلکہ میں دعا کرنا اے کہ تسی اؤ کم کرو جیڑے ٹھیک نے۔
\v 8 ۸۔اسی سچائی دے خلاف کجھ کرن دے قابل نئیں پر صرف سچائی لئی
\v 9 ۹۔جدوں تسی تگڑے تے اسی کمزور آں اِسی اوہدوں خوش ہُندے آن تے ساڈی اے وی دعا اے کہ تسی کامل ہو جاؤ۔
\v 10 ۱۰۔میں اے گلاں تہاڈے تو دور رہندے ہویا لکھنا آ۔ تاجو جدوں میں تہاڈے نال ہویاں خُداوند دے دیتے ہوئے اختیار نوں میں تہاڈے نال سختی نال استمال نہ کراں، تا جو میں تہانوں مضبوط کراں نہ کہ توڑ چھڈاں۔
\p
\v 11 ۱۱۔آخر چے پھراو خوش رہو! بحالی لئی کم کرو، دلاسا دو، اک دوجے نال رضامندی ظاہر کرو۔ صلح نال رہو۔ تے خدا دا پیار تے سلامتی تہاڈے نال رہیوگی۔
\v 12 ۱۲۔اک دوجے نوں پاکیزگی نال چم کے سلام کرو۔
\v 13 ۱۳۔سارے ایماندار تہانوں سلام کہندے نے۔ [نوٹ: کُجھ ترجمیاں چے ۱۳ تے ۱۲ اکٹھیاں نے تے ۱۴ ویں آیت ۱۳ اے] خداوند یسوع مسیح دا فضل، خُدا دا پیار تے روح القدس دی سنگت تہاڈے نال رہیوے۔