pnb_reg/47-1CO.usfm

\id 1CO
\ide UTF-8
\h ۱۔کرنتھیوں
\toc1 ۱۔کرنتھیوں
\toc2 ۱۔کرنتھیوں
\toc3 1co
\mt ۱۔کرنتھیوں
\c 1
\cl باب ۱
\p
\v 1 ۱۔ پولوس جہیڑا خُدا دی مرضی نال مسیح یُسوع دے بُلاوے تھوں رسول ہویا تے پرا سوستھینس ولوں
\v 2 ۲۔ کرنتھس دی، تے رب دی کلیسیا نوں، تے اوناں نوں جہیڑے مسیح یُسوع وچ پاک کیتے تے مقدس ٹھہرائے گئے۔ اسی اوناں ساریاں نوں وی لکھدے آں پئی جہیڑے ساڈے مالک تے رب تے خُداوند یُسوع مسیح تے ایمان رکھدے نے،
\p
\v 3 ۳۔ ساڈے خُدا باپ تے خُداوند یُسوع مسیح ولوں تواڈے تے فضل تے سلامتی ہوندی روے۔
\p
\v 4 ۴۔ میں تواڈے بارے ہمیشہ خُدا دا شکر کردا واں ایس لئی کہ یُسوع مسیح دے وسیلے رب نے تواڈے اُتے فضل کیتا اے۔
\v 5 ۵۔ اونے توانوں بولن تے علم وچ ہر طرح نال دولتمند بنایا اے۔
\v 6 ۶۔ ایسے طراں جیویں میسح دے بارے گواہی تواڈے وچ سچی ثابت ہوئی اے۔
\v 7 ۷۔ تاں جو تُسی کسی روحانی نعمت دے محتاج نہ ہوو، کیوں جو تُسی بے چینی نال ساڈے خداوند یُسوع مسیح دے ظاہر ہون دا انتظار کر دے او۔
\v 8 ۸۔ او توانوں آخیر تک قوت وی دیوے گا تاں جو تُسی ساڈے خداوند یُسوع مسیح دے دن بے قصور ٹھہرو۔
\v 9 ۹۔ خداوند وفادار اے جنے توانوں اپنے پُتر، ساڈے خداوند یُسوع مسیح دی رفاقت وچ بُلایا اے۔
\p
\v 10 ۱۰۔ ہُن میرے پرائیو، میں اپنے خداوند یُسوع مسیح دے ناں وچ زور دے کے کہنا واں کہ تُسی سارےایکا کرو تے تواڈے وچ ونڈ نہ ہووے۔ میں زور دے کے کہنا واں کہ تُسی اکو ذہن، اکو خیال تے اکو مقصد نال جُڑے رہوو۔
\v 11 ۱۱۔ میرے پرائیو، مینوں خلوے دے گھردے لوکاں نے صاف صاف دسیا پئی تواڈے وچ جگھڑے ہو رہے نے۔
\v 12 ۱۲۔ میرا مطلب اے کہ تواڈے وچوں ہر کوئی ایہ کہندا اے ، میں پولوس نال واں، یا میں اپلوس نال واں یا میں کیفا نال واں، یا میں مسیح نال واں۔
\v 13 ۱۳۔ کی مسیح ونڈیا گیا اے؟ کی پُولوس تواڈی خاطر مصلوب ہویا؟ یا تُساں پُولوس دے ناں دا بپتسمہ لیا؟
\v 14 ۱۴۔ مِیں خُدا دا شکر کرنا واں کہ کرسپس تے گُیس دے علاوہ میں کسے نوں بپتسمہ نہیں دتا۔
\v 15 ۱۵۔ تاں جو کوئی ایہ نہ آکھے کہ تُسی میرے ناں تے بپتسمہ لیا اے۔
\v 16 ۱۶۔ [ میں استفنس دے گھرانے نوں وی بپتسمہ دتا۔ ایس دے علاوہ مینوں چیتا نہیں کہ میں کسے ہور نوں وی بپتسمہ دتا اے]
\v 17 ۱۷۔ کیوں جو مسیح نے مینوں بپتسمہ دین لئی نہیں بھیجیا بلکہ انجیل دی منادی لئی۔ تے او وی کلام دی حکمت نال نہیں، تاں جو مسیح دی صلیب بے تاثیر نہ ہووے۔
\p
\v 18 ۱۸۔ کیوں جو صلیب دا پیغام ہلاک ہون والیاں لئی بیوقوفی اے پر ساڈے نجات پائون والیاں لئی خُدا دی قدرت اے۔
\v 19 ۱۹۔ کیوں جو ایہ لکھیا اے، میں سیانیاں دی عقل برباد کر دیاں گا تے عقلمنداں دی عقل نوں بے اثر کر دیاں گا۔
\p
\v 20 ۲۰۔ سیانے کتھے نے؟ عالم کتھے نے؟ بحث کرن والےکتھے نے؟ کی خُدا نے دُنیا دی دانشمندی نوں بیوقوفی نال نہیں بدل دتا؟
\v 21 ۲۱۔ ایس لئی کہ جدوں دُنیا نے اپنی دانشمندی نال خُدا نوں نہ منیا۔ خُدا نوں ایہ پسند آیا کہ ایس منادی دی بے وقوفی دے وسیلے نال، جہیڑے ایمان لیائے، اوناں نوں بچائے۔
\v 22 ۲۲۔ کیوں جو یہودی معجزے ویکھنا چاہندے نے تے یُونانی حکمت تلاش کر دے نے۔
\v 23 ۲۳۔ پر اسی اوس مسیح جہیڑا مصلوب ہویا اے، اوہدی منادی کر دے آں۔ جہیڑا یہودیاں لئی ٹھوکر دا باعث اے تے یُونانیاں لئی
\v 24 ۲۴۔ پر او جناں نوں خُدا نے بُلایا اے، یہودی ہون یا یُونانی، اسی مسیح نوں اوناں نال خُدا دی طاقت تے حکمت دے طور تے بیان کیتا اے۔
\v 25 ۲۵۔ کیوں جو خُدا دی بیوقوفی لوکاں دی حکمت توں ودھ اے۔ تے خُدا دی کمزوری لوکاں دی طاقت توں ودھ اے۔
\p
\v 26 ۲۶۔ اے پرائیو، اپنی بُلاہٹ نوں ویکھو، تواڈے وچوں کافی نہ انسانی معیار دے مطابق عقلمند نے، نہ ای کافی سارے طاقتور او۔ نہ ای کافی سارے شاہی گھرانے وچوں جے۔
\v 27 ۲۷۔ پر خُدا نے عقلمنداں نوں شرمندیاں کرن لئی ایس جہان دے بیوقوفاں نوں چُن لیا۔ خُدا نے طاقتوراں نوں شرمندہ کرن لئی کمزوراں نوں چُنیا۔
\v 28 ۲۸۔ خُدا نےایس جہان وچوں اوناں نوں چُنیا جہیڑے کمتر تے نکمے نے۔ اونے اوناں نوں وی چُنیا جہیڑے ردی نے تاں جو ردی نوں بہت قیمتی بنا دیے۔
\v 29 ۲۹۔ اونے ایہ ایس لئی کیتا تاں جو کوئی وی خُدا دے اگےفخر نہ کرے۔
\v 30 ۳۰۔ جو کجھ خُدا نے کیتا اے ایس وجہ توں ہُن تُسی یُسوع مسیح وچ او، جہیڑا ساڈے لئی خُدا دی حکمت بنیا۔ یعنی او ساڈی راستبازی ، پاکیزگی تے نجات دین والا بنیا۔
\v 31 ۳۱۔ ایدا نتیجہ انج اے جیویں صحیفے وچ لکھیا اے، " جہیڑا وی فخر کرے او خُدا اُتے فخر کرے "۔
\c 2
\cl باب ۲
\p
\v 1 ۱۔ پرائیو، جدوں میں تواڈے کول آیا ساں تے کوئی اعلی درجے دی تقریر یا حکمت لے کے نہیں بلکہ خُدا بارے سچیائی دے راز سُنان لئی آیا سی۔
\v 2 ۲۔ جدوں میں توادے وچکار ساں تے میں فیصلہ کیتا کہ مسیح یُسوع تے اوہدے مصلوب ہون دے سوا کجھ نہ جانا۔
\v 3 ۳۔ تے میں تواڈے نال کمزوری، ڈر تے کمبدے ہوئے ریا۔
\v 4 ۴۔تے میرا پیغام تے میرا کلام حکمت نال بھرے ہوئے لفظاں نال نہیں سی، پر او رُوح تے زور دا نمونہ سن۔
\v 5 ۵۔ تاں جو تواڈا ایمان انسانی حکمت وچ نہیں بلکہ خُدا دے زور وچ ہووے۔
\p
\v 6 ۶۔ ہُن اسی ایناں دے نال جہیڑے کامل نے، حکمت دیاں گلاں کر دے آں۔ پر او ایس جہان دی حکمت نہیں، نہ ای ایس دور دے حاکماں دی جہیڑے فناہ ہو جان گے۔
\v 7 ۷۔ پر اسی خُدا دی حکمت دیاں گلاں دسیاں جہیڑی سچی تے لُکی ہوئی اے۔ لُکی ہوئی حکمت جنوں خُدا نے دُنیا دے شروع ہون توں پہلاں ای ساڈے جلال لئی مقرر کیتی سی۔
\v 8 ۸۔ایس زمانے دے کسے وی حاکم نوں ایہ سمجھ نہ آیا۔ جے او ایہ سمجھ جاندے تے او جلال دے خُداوند نوں سُولی نہ دیندے۔
\v 9 ۹۔کیوں جو ایہ لکھیا اے، جہیڑیاں شیواں نہ اکھاں نے ویکھیاں، نہ کسے کن نے سُنیاں، نہ کسے دماغ نے سوچیاں، او شیواں خُدا نے اوناں لئی تیار کیتیاں جہیڑے اونوں پیار کر دے نے۔
\p
\v 10 ۱۰۔ پر ایہ او شیواں نے جہیڑیاں خُدا نے ساڈے تے رُوح دے وسیلے ظاہر کیتیاں نے۔ کیوں جو رُوح سب کجھ لبھ لیندا اے، ایتھوں تک کہ خُدا دیاں گہریاں گلاں وی۔
\v 11 ۱۱۔ کیوں جو کسے وی انسان دیاں سوچاں نوں اوہدے اندر دی رُوح دے علاوہ کون جان سکدا اے؟ ایسے طراں خُدا دی رُوح دے سوا، خُدا دیاں گہریاں گلاں کوئی نہیں جان سکدا۔
\v 12 ۱۲۔ پر سانوں ایس جہان دا رُوح نہیں ملیا۔ پر او رُوح جہیڑا خُدا ولوں اے۔ ایس لئی کہ اسی اوناں شیواں دے بارے وچ جانئیے جہیڑیاں سانوں خُدا ولوں مفت ملیاں نے۔
\v 13 ۱۳۔ اسی ایناں شیواں دے بارے وچ گلاں کر دے آں جنوں انسانی حکمت سکھا نہیں سکدی۔ پر او رُوح سانوں سکھاوندا اے۔ رُوح روحانی لفظاں دا، روحانی حکمت نال ترجمہ کر دا اے۔
\v 14 ۱۴۔ خُدا دے رُوح دیاں شیواں دُنیاوی بندہ حاصل نہیں کر سکدا، کیوں جو اوہدے لئی ایہ بیوقوفی اے۔ اونوں اوہدی سجھ نہیں آندی کیوں جو او روحانی طور تے پرکھیاں جاندیاں نے۔
\v 15 ۱۵۔ جہیڑا وی کوئی روحانی اے او شیواں نوں پرکھ لیندا اے۔ پر او دوجیاں کولوں پرکھیا نہیں جاندا۔
\v 16 ۱۶۔ تے خُدا دیاں سوچاں نوں کون جاندا اے۔ جہیڑا اونوں حُکم دے سکے؟ پر ساڈے وچ مسیح دی عقل اے۔
\c 3
\cl باب ۳
\p
\v 1 ۱۔ اے پرائیو، میں تواڈے نال روحانی لوکاں وانگر گلاں نہ کر سکیا۔ بلکہ جیویں جسمانی لوکاں نال تے اوناں نال جہیڑے چھوٹے بچے نے۔
\v 2 ۲۔ میں توانوں دودھ پیایا تے ٹھوس کھانا نہ دتا ایس لئی کہ تُسی اوہدے لئی تیار نہیں سی۔ تے حالی وی تُسی تیار نہیں جے۔
\v 3 ۳۔ کیوں جو تُسی حالی وی جسمانی او۔تواڈے وچ حسد تے جگھڑا اے۔ تے کی تُسی جسمانی نہ ہوئے تے انسانی طور طریقے تے نہیں چلے؟
\v 4 ۴۔ ایس لئی جدوں اک کہندا اے، "میں پولوس دے پچھے آں " ، تے دوجا کہندا اے، " میں اپلوس دی پیروی کر دا وا "، تےکی تُسی عام انساناں وانگو زندگی نہیں گزارن ڈھے؟
\p
\v 5 ۵۔ تے فیر اپلوس کون اے؟ پولوس کون اے؟ خادم۔ جناں دے وسیلے تُسی ایمان لیائے۔ ایناں سبھناں نوں خُداوند نے اک کم کرن لئی دتا۔
\v 6 ۶۔ میں درخت لگایا۔ اپلوس نے پانی دتا پر خُدا نے ودھایا۔
\v 7 ۷۔ ایس لئی ہُن نہ لگاون والا تے نہ پانی دین والا کجھ اے، پر او خُدا اے جہیڑا ودھاوندا اے۔
\v 8 ۸۔ ہُن لگاون والا تے پانی دین والا دوویں اکو ای نے، پر ہر کوئی اپنے کم دے مطابق اپنی مزدوری پائے گا۔
\v 9 ۹۔ کیوں جو اسی خُدا نال کم کرن والے آں تے تُسی اوہدا باغیچہ تے اوہدی عمارت او۔
\p
\v 10 ۱۰۔ خُدا دے فضل نال میں اک بنان والا ماہر کاریگر ہویا تے میں نیو رکھی تے دوجے نے اوہدے تے بنانا شروع کیتا۔ایس لئی ہر بندہ ایہ دھیان رکھے ایدے اُتے کیویں بنانا اے۔
\v 11 ۱۱۔ تے کوئی وی رکھی ہوئی نیو جہیڑی یُسوع مسیح اے اوہدے اُتے دوجی نیو نہیں رکھ سکدا۔
\v 12 ۱۲۔ تے اگر کوئی اوس نیو تے سونے، چاندی، قیمتی پتھر، لکڑی، گھاہ یا توڑی دا ردا رکھے گا
\v 13 ۱۳۔ اوہدے کم ظاہر ہو جان گے۔ کیوں جو دن دی روشنی ظاہر کر دے گی۔ او اگ نال ظاہر ہووے گا۔ تے اگ ہر اک دے کم دا معیار پرکھ لیے گی کہ کیویں دا اے۔
\v 14 ۱۴۔ جدا وی کم اوہدے تے باقی رہ جاوے گا اونوں انعام ملے گا۔
\v 15 ۱۵۔ پر جے کسے دا کم سڑ گیا، اونوں نقصان ہووے گا۔ پر او آپ اگ توں بچ جاوے گا پر سڑ دے سڑ دے۔
\p
\v 16 ۱۶۔ کی توانوں پتہ نہیں کہ تُسی خُدا دی ہیکل او تے خُدا دا رُوح تواڈے وچ وسدا اے؟
\v 17 ۱۷۔ تے اگر کوئی خُدا دی ہیکل نوں برباد کرے گا خُدا اونوں برباد کر دے گا۔ کیوں جو خُدا دی ہیکل پاک اے، اینج ای تُسی وی پاک جے۔
\p
\v 18 ۱۸۔ کوئی وی اپنے آپ نوں دھوکہ نی دیوے۔ ایس زمانے وچ جے کوئی اپنے آپ نوں سیانا سمجھ دا اے تے او " بے وقوف " بن جاوے تاں جو او سیانا بنے۔
\v 19 ۱۹۔ کیوں جو ایس جہان دی حکمت خُدا دے نیڑے بے وقوفی اے۔کیوں جو لکھیا اے، " او داناواں نوں اوناں دیاں ای چالاکیاں وچ پھسا دیندا اے "۔
\v 20 ۲۰۔ تے ہور، " خُداوند جاندا اے کہ دانا دے خیالات بیکار نے "۔
\p
\v 21 ۲۱۔ ایس وجہ توں بندیاں تے کوئی وی فخر نہ کرے۔ ساریاں شیواں تواڈیاں ای نے۔
\v 22 ۲۲۔ او جے پولوس ہووے یا اپلوس یا کیفا، یا ایہ جہان، یا زندگی یا موت، یا ایس ویلے دیاں شیواں یا آون والیاں شیواں۔ ساریاں شیواں تواڈیاں ای نے۔
\v 23 ۲۳۔ تے تُسی مسیح دے او ، تے مسیح خُدا اے۔
\c 4
\cl باب ۴
\p
\v 1 ۱۔ سانوں لوکی ایویں سمجھن جیویں مسیح دے خادم۔ رب دی چھُپی ہوئی سچائی دا مختار۔
\v 2 ۲۔ تے ایتھے اک مختار وچ ایہ ویکھیا جاندا اے کہ او بھروسے والا ہووے۔
\v 3 ۳۔ میرے لئی ایہ بڑی نکی جئی گل اے کہ تُسی یا کوئی وی انسانی عدالت مینوں پرکھے۔ میں تے آپی اپنے آپ نوں نہیں پرکھ دا۔
\v 4 ۴۔ مینوں پتہ نہیں کہ میرے خلاف کوئی الزام وی اے۔ ایسا ایہ مطلب نہیں پئی میں معصوم آں۔ پر میرا پرکھن والا خُداوند اے۔
\v 5 ۵۔ ایس لئی میرے سامنے کسے وی شے تے الزام نہ لاو، جد تک خُداوند نہ آ جائے۔ او ہنیرے دے لُکے ہوئے کماں نوں روشنی وچ لیاوے گا تے دلاں دے منصوبے ظاہر کرے گا۔ تے فیر ہر کوئی خُدا ولوں اپنی تعریف سُنے گا۔
\p
\v 6 ۶۔ اے پرائیو، ہُن ایہ اصول میں اپنے تے، تے اپلوس تے لاگو کر کےتوانوں مثال دے طور تے بیان کیتا اے۔ تاں جو تُسی ساڈے وسیلے نال ایہ سیکھ جاو ، " جو کجھ لکھیا اے اوہدے توں نہ ودھو "۔
\v 7 ۷۔ تے کون اے جہیڑا تواڈے وچ تے دوجیاں وچ فرو ویندا اے۔ تواڈے کول کہیڑی شے اے جہیڑی توانوں مفت نہیں ملی؟۔ تے جے توانوں مفت نہیں ملیا اے تے تُسی کیوں انج فخر کر دے او کہ جیویں کجھ نہیں ملیا؟
\p
\v 8 ۸۔ جو کجھ تُسی چاہندے او، او سب کجھ تواڈے کول اے۔ تُسی تے پہلاں ای دولتمند جے۔ تُسی ساڈے بغیر ای بادشاہی شروع کر دتی۔ کاش تُسی بادشاہی کر دے تاں جو اسی وی تواڈے نال بادشاہی کردے۔
\v 9 ۹۔ تے میرے خیال وچ خُدا نے سانوں رسول بنا کے وی آخری صف وچ رکھیا، تے اوناں بندیاں وانگر جناں نوں موت دا حکم ہو گیا ہووے۔اسی دُنیا لئی، فرشتیاں لئی تے انساناں لئی تماشہ بن گئے آں۔
\v 10 ۱۰۔ اسی مسیح دی خاطر بیوقوف آں پر تُسی مسیح وچ عقلمند او۔ اسی کمزور آں پر تُسی مضبوط جے۔ توانوں عزت ملدی اے پر ساڈی بیعزتی ہوندی اے۔
\v 11 ۱۱۔ اسی ایس گھڑی تک بھوکے تے پیاسے آں۔ ساڈے کول کپڑے وی نہیں ۔ سانوں درندیاں دی طرح ماریا گیا تے آوارہ پھر دے آں۔
\v 12 ۱۲۔ اسی اپنے ہتھاں نال سخت محنت کر دے آں۔ سانوں ستایا جاندا اے تے اسی دُعا دینے آں۔ جدوں سانوں ستاندے نے اسی برداشت کر دے آں۔
\v 13 ۱۳۔ جدوں سانوں بدنام کر دے نے تے اسی نرمی نال بولدے آں۔ اسی انج سمجھے گئے جیویں دُنیا دا کوڑا تے سب توں پلید شے واں۔
\p
\v 14 ۱۴۔ میں ایہ سب توانوں شرمندہ کرن لئی نہیں لکھ ریا بلکہ اپنے پیارے بچے سمجھ کے نصیحت کر ریا واں۔
\v 15 ۱۵۔ بھاویں تواڈے کول مسیح وچ دس ہزار سر پرست ہوندے فیر وی تواڈے پئیو بہت سارے نہیں۔ ایس لئی میں انجیل دے وسیلے مسیح وچ تواڈا پئیو بنیا۔
\v 16 ۱۶۔ ایس لئی میں زور دے کہنا واں کہ میرے وگرے بنو۔
\v 17 ۱۷۔ ایسے واسطے میں خُداوند یُسوع مسیح وچ اپنے پیارے وفادار پُتر تمو تھیس نوں تواڈے کول گھلیا پئی او توانوں میرے طور طریقے جہیڑے مسیح وچ نے، یاد کرائے۔ اوسے طرح ای جیویں میں ہر تھان تے ہر کلیسیا نوں سکھانا واں۔
\p
\v 18 ۱۸۔ ہُن کجھ تواڈے وچوں ایسی شیخی مار دے نے پئی میں تواڈے کول نہیں آ ریا۔
\v 19 ۱۹۔ جے خُداوند دی مرضی ہوئی تے میں جلد تواڈے کول آواں گا۔ تے فیر میں ایناں تکبر کرن والیاں دیاں گلاں ای نہیں بلکہ اوناں دا زور وی ویکھاں گا۔
\v 20 ۲۰۔ کیوں جو خُدا دی بادشاہی گلاں تے نہیں بلکہ قدرت تے منحصر اے۔
\v 21 ۲۱۔ تُسی کی چاہندے او؟ میں ڈنڈا لے کے آواں یا پیار محبت وچ شرافت دی رُوح نال؟
\c 5
\cl باب ۵
\p
\v 1 ۱۔ اسی سُنیا اے کہ تواڈے وچ جنسی حرامکاری ہُندی اے، تے ایس طرح دی حرامکاری کہ غیر قوماں وی اوہدے اجازت نہیں دیندیاں، پئی اک شخص اپنے پئیو دی بیوی نوں رکھ دا اے۔
\v 2 ۲۔ تُسی اینے مغرور ہو گئے او۔ کی توانوں ایدے بجائے غم کرنا چاہیدا اے؟ جنے ایس طرح کیتا اے اونوں اپنے وچوں کڈھ دینا چاہیدا اے۔
\v 3 ۳۔ تے جیویں گو میں جسمانی طور تے موجود نہیں آں پر رُوحانی طور تے موجود آں۔ جنے وی ایہ کم کیتا اے میں اوہدے بارے اپنا فیصلہ سُنا دتا اےجیویں کی میں آپ اوتھے موجود آں۔
\v 4 ۴۔ جدوں تُسی خُداوند یُسوع دے ناں تے جمع ہوندے او تے میں رُوح وچ تواڈے نال ہونا واں۔ تے ساڈے خُداوند یُسوع دی قدرت وی موجود ہوندی اے۔
\v 5 ۵۔ ایسے شخص نوں برباد ہون لئی شیطان دے حوالے کر دیو۔ تاں جو اوہدی رُوح خُداوند دے دن بچ جاوے۔
\p
\v 6 ۶۔ تواڈا فخر کرنا چنگا نہیں۔ کی تونوں پتہ نہیں کہ تھوڑا جیا خمیر سارے آٹے نوں خمیر کر دیندا اے۔
\v 7 ۷۔ اپنے آپ نوں پرانے خمیر توں پاک کرو۔ ایس لئی کہ مسیح ساڈا مسح دا برا قربان ہویا اے۔
\v 8 ۸۔ ایس لئی آو اسی عید منائیے۔پرانے خمیر نال نہیں ،یعنی بُری عادتاں تے چالاکیاں نال نہیں ، ایدی بجائے مخلصی تے سچائی نال جہیڑی بے خمیری اے۔
\p
\v 9 ۹۔ میں توانوں اپنے خط وچ لکھیا سی کہ حرامکاری کرن والے لوکاں نال میل ملاپ نہ رکھو۔
\v 10 ۱۰۔ میرا کسے طرح وی ایہ مطلب نہیں کہ ایس جہان دے بدکار، لالچی، ظالم، بُت پرست لوکاں نوں ملنا ای نہیں۔ ایس لئی کہ فیر توانوں ایناں توں دُور رہن لئی ایس جہان توں باہر جانا پئے گا۔
\v 11 ۱۱۔ پر ہُن میں توانوں لکھ ریا واں کہ جہیڑا پرا کہلاندا اے تے جنسی بے راہ روی وچ زندگی گزار دا اے یا لالچی اے ،یا بُت پرست اے یا گالاں کڈح دا اے، یا شرابی اے تے دھوکہ دین والا اے، اوہدے نال میل ملاپ نہ رکھو۔بلکہ ایس قسم دے بندے نال تے روٹی تک وی نہ کھائو۔
\v 12 ۱۲۔ میں کون ہونا جہیڑا کلیسیا توں باہر والیاں تے الزام لاواں؟ کی کلیسیا دے اندر والیاں دا انصاف نہیں کرنا؟
\v 13 ۱۳۔ پر خُدا باہر والیاں دے عدالت کرے گا۔ ً اپنے وچوں بُرے بندے نوں کڈھ دیئو
\c 6
\cl باب ۶
\p
\v 1 ۱۔کِیہ تُہاڈے وِچوں کِسے دا جگرا اے پئی دُوجے نال قا نُونی مسئلہ ہووے اَتے نیاں لئی رَب دے بندیاں دے کول جان دی بجائے بے دِیناں کول جائے؟
\v 2 ۲۔یاں کِیہ تُسیں نئیں جاندے پاک لوک دُنیا دا نیاں کرن گے؟ سو دُنیا دا نیاں وی تُسیں ای کرنا اے تاں کیہ تُسیں نِکیاں نِکیاں لڑئیاں دے نیاں کرن جُوگے نئیں اوہ۔
\v 3 ۳۔کِیہ تُسیں نئیں جاندے پئی اِسیں فرشتیاں دا نیاں کراں گے؟تاں کِیہ اِسیں دُنیا دے نیاں نا کرئیے۔
\v 4 ۴۔پَر جے تُہاڈے وِچ نِکے نِکے ماملے نیں تاں کِیہ اُوہناں لئی نیاں کرن آلے رکھو گے جہناں دی کلِیسیا وِچ کوئی وُقعت نئیں ۔
\v 5 ۵۔مَیں تُہانوں شرمسار کرن لئی اے کہناں آں کِیہ سچی تُہاڈے وِچ اک وی سیانا نئیں ؟ کِیہ کوئی اک وی نئیں جیہڑا اپنے بھراواں دے ماملے دا نیاں کر سکے۔
\v 6 ۶۔ سگوں بھرا دے خلاف بھرا مقدمہ کردا اے اَتے اوہ وی بے دِیناں اگے ۔
\p
\v 7 ۷۔سگوں اصل تُہاڈے وِچ ایہ وڈا عیب اےپئی آپس وِچ مقدمے قیم کردے اوہ ۔ ویر مُکانا کیوں چنگا نئیں سمجھدے ؟ اپنا گھاٹا کیوں نئیں مندے؟
\v 8 ۸۔اَتے سگوں تُسیں ای ظُلم کردے تے نُقصان پہچاندے اوہ۔ تے اوہ وی بھراں نُوں ۔
\p
\v 9 ۹۔کِیہ تُسیں جاندے نئیں پئی بدکار رَب دی بادشاہی دے وارث نئیں ہوون گے ؟ دُھوکہ نا کھاؤ ۔ نا حرامی رَب دی بادشاہی دے وارث ہون گے نا بت پُوجھن آلے نا زانی  نا عش پرست نا لَونڈے باز۔
\v 10 ۱۰۔نا چور نا لالچی نا نشہ کر ن آلے نا شرابی نا گالاں کڈن آلے نا ظُلم کرن آلے۔
\v 11 ۱۱۔تُہاڈے وِچوں کُجھ اجہیے سن وی۔ پر تُسیں خُداوند یسُوع مسیح دے ناں نال تے ساڈے رَب دے رُوح نال دُھوتے گئے تے پاک ہوئے تے سچے وی بنے۔
\p
\v 12 ۱۲۔ساریاں شیواں میرے لئی بنیاں تے نیں پر ساریاں شیواں فِیدے مند نئیں۔ساریاں شیواں میرے لئی بنیاں نیں پر مَیں کِسے شے دا حُکم نئیں مندا۔
\v 13 ۱۳۔روٹی ٹُکر ڈھڈ لئی نیں اَتے ڈھڈ روٹی ٹُکراں لئی، پر رَب اوہناں نُوں تے اِینا ں نُوں تباہ کر دے گا ۔ پر بدن بدکای لئی نئیں سگوں خُداوند لئی اے اَتے خُداوند بدن لئی ۔
\v 14 ۱۴۔اَتے رَب نیں خُداوند نُوں وی زِندہ کِیتا اِتے سانُوں وی اپنے جلال نال زِندہ کرے گا ۔
\p
\v 15 ۱۵۔کِیہ تُسیں نئیں جاندے پئی تُہاڈے بدن مسیح دے انگ نیں ؟ سو کِیہ مَیں مسیح دے انگ لے کےکِسے فاحشہ دے انگ بنا دِیاں ؟بلکل نئیں
\v 16 ۱۶۔کِیہ تُسیں نئیں جاندے پئی جیہڑا کوئی فا حَشہ نال زَنا کر دا اے اوہ اُھدے نال اِک جُثہ ہونُدا اے کیوں جے اوہ فرماندہ اے پئی اوہ  دوویِں اک جُثہ ہون گے ۔
\v 17 ۱۷۔اَتے جیہڑا خُداوند دی سنگت وِچ رہندا اے اوہ اُوس دے نال اک رُوح ہوندا اے ۔
\p
\v 18 ۱۸۔بدکاری توں نَسو ۔ بندہ جِنے گناہ کر دا اے اوہ بد ن توں باہر نیں پر بدکار اپنے ای بدن دا پاپی اے۔
\v 19 ۱۹۔کِیہ تُسیں نئیں جاندے پئی تُہاڈا بدن پاک رُوح دا گھر اے جیہڑا تُہاڈے وِچ وسیا ہویا اے اَتے تُہانوں رَب ولوں مِلیااے؟ تے اے کِیہ تُسیں اپنے نئیں اوہ ۔
\v 20 ۲۰۔اِیس لئی پئی مُل نال خریدے گئے اوہ؟ سو اپنے بدن توں رَب دا جلال ظاہر کرو۔
\c 7
\cl باب ۷
\p
\v 1 ۱۔ جیہڑیاں گلاں تُساں لِکھیاں سَن اوہناں بارے ایہ اے۔ مرد بندے لئی چنگا اے پئی زنانی نُوں ہتھ نا لاوے۔
\v 2 ۲۔پَر بدکاری دے ڈر توں ہر مرد اپنی بیوی تے ہر زنانی اپنا خاوند رکھے۔
\v 3 ۳۔بندہ اپنی زنانی دا حق پورا کرے تے اِیویں ای زنانی اپنے بندے دا۔
\v 4 ۴۔زنانی اپنے جُسّے دی مالک نئیں سگوں بندہ اے۔ اِسے طراح بندہ وی اپنے جُسّے دا مالک نئیں سگوں زنانی
\v 5 ۵۔تُسی اِک دُوجے توں وکھرے نا رھو، پر کُجھ ویلے تیِک آپو وِچ صلاح مشورے نال تاں جے دُعا دے لئی وہیل ملے تے فیر اکٹھے ہو جاؤو۔ اِنج نا ہووے پئی ہِوس دے سببوں شَیطان تُہانوں آزماوے۔
\p
\v 6 ۶۔پر ایہ میرے ولوں اجازت اے، حُکم نئیں
\v 7 ۷۔تے مَیں تاں ایہ چاہناں آں جیویں دا مَیں ہاں اُونج ای سارے بندے ہون پر ہر اِک نُوں خُدا ولوں چنگے توں چنگا تحفہ مِلیا اے۔ کِسے نُوں کنج دا کسے نُوں کنج دا۔
\p
\v 8 ۸۔بس مَیں بِن وہیائے (کواریاں) تے بیواہ زنانیاں (رنڈیاں) دے حق وِچ ایہ کہناں آں اُوہناں لئی اِنج ای رہناں چنگا اے جیویں دا مَیں آں ۔
\v 9 ۹۔پر جے او اپنے تئیں قابُو وچ نا رکھ سکن تں وہیاہ کر لین ۔ کیوں جے وہیاہ کرنا حوس دی اگ وچ سڑن نالوں چنگا اے۔
\p
\v 10 ۱۰۔پر جِنہاں دا وہیاہ ہو گیا اے اوہناں نُوں مَیں نئیں سگوں خُداوند حُکم دیندا اے کہ زنانی آودے (اپنے) مرد (بندے، خسم، سر دے سائیں) توں وکھ نا ہووے۔
\v 11 ۱۱۔(تے جیکر وکھ ہووے یا ں تاں بِناں نکاح دے رھوے یاں اپنے خسم (بندے) نال فیر توں میل جول کر لہے) نا بندہ (خسم) زنانی نوں چھڈے
\p
\v 12 ۱۲۔باقیاں نوں مَیں کہناں آں (نا کہہ خداوند) جے کِسے بھرا دی بیوی ایماندار نہ ہووے پر اُوہدے نال رہن لئی راضی ہووے تاں اوہ اُوہنوں نا چھڈے۔
\v 13 ۱۳۔تے جیڑی بیوی دا مرد ایماندار نا ہووے تے اُوہدے نال رہن لئی راضی ہووے تاں اوہ اپنے بندے نُوں نا چھڈے۔
\v 14 ۱۴۔کیوں جے جیہڑا مرد ایماندار نئیں اوہ بیوی دے سببوں پاک ہوندہ اے تے جیہڑی بیوی ایماندار نئیں اوہ مسیحی مرد دے سببوں پاک ہُوندی اےنہی تاں تُہاڈے بچے نپاک ہُوندے پر ہُن پاک ھین۔
\p
\v 15 ۱۵۔پر مرد جیہڑا ایماندار نا ہووے جے اوہ وکھ ہووے تاں وکھ ہون دِیو اجہی حالت وِچ کوئی بھرا یا بھین پابند نئیں تے خُدا نیں سانوں مِلن جُلن لئی صدیا اے۔
\v 16 ۱۶۔کیوں جے اے بیوی تینوں کیہ پتہ اے شید تُوں اپنے مرد نوں بچا لیے؟ تے اَے مرد تینوں کیہہ پتہ اے کہ شید توں اپنی بیوی نُوں بچا لہے؟
\p
\v 17 ۱۷۔پر جیویں دا خُداوند نیں ہر اِک نُوں حصہ دِتا اے تے جیویں خُدا نیں ہر اِک نُوں صدیا اے اوسے طراں اُوہ کرے تے مَیں ساریاں کلیسیاواں وِچ اجیہا ای مقرر کر ناں آں۔
\v 18 ۱۸۔جیہڑا مختوں صدیا گیا اے اوہ نامختُون نا ہووے۔ جیہڑا نا مختونی دی حالت وچ صدیاہ گیا اوہ مختون نا ہو جاوے۔
\v 19 ۱۹۔نا ختنہ کوئی شَے اسے نا مختونی بس خُدا دے حُکماں اُوتے چلناں ای سارا کُجھ اے۔
\v 20 ۲۰۔ہر بندہ جیہڑی حالت وچ بلایا گیا ہووے اُوسے وچ رہے۔
\v 21 ۲۱۔جے تُوں غلامی دی حالت وچ صدیاہ گیا تاں فکر نا کر پر جے تُوں رہیاہ ہو سکیں تاں اُوسے اُتے عمل کر۔
\v 22 ۲۲۔کیوں جے جیہڑا بندہ غلامی دی حالت وچ خداوند وچ صدیاہ گیا اے۔ اوہ خداوند دا رہیاہ کیتا ہوہیاہ اے۔ ایسے طراں جیہڑا رہیائی دی حالت وِچ صدیاہ گیا اے اوہ مسِیح دا غُلام اے۔
\v 23 ۲۳۔تُسیں مُل نال خریدے گئے اوہ۔ بندیاں دے غلام نا بنو۔
\v 24 ۲۴۔اے بھراؤ جیہڑا کوئی جِنج دی حالت وچ صدیاہ گیا ہووے اوہ اوسے حالت میں خدا دے نال رھوے۔
\p
\v 25 ۲۵۔کُواریاں دے لئی کہن نوں میرے کول کوئی حکم نہی پر سچیاں (ایماندار) ہون لئی جیویں خُداوند ولھوں میرے اُتے رحم ہوہیا اُوس حساب نال مشورہ دِناں آں۔
\v 26 ۲۶۔بس اج دی مشکل نوں وہندیاں ہوہیاں میرے حساب اندر بندے لئی ایہُو چنگا اے کہ جِنج دا اے اُونج دا ای رھ۔
\v 27 ۲۷۔جے تیری بیوی اے تاں اُوہدے توں وکھ ہون دی کوشش نہ کر تے جے تیری بیوں نہی تاں بیوی نُوں لبھ نا۔
\v 28 ۲۸۔پر تُوں وہیاہ کریں وی تاں کوئی پاپ نہی تے جے کواری وہیاہی جاوے تاں پاپ نہی پر اجیہے لوک جسم دی تکلیف پاون گے تے مَیں تہانوں بچاناں چاہناں واں۔
\p
\v 29 ۲۹۔پر اے بھراؤ مَیں ایہ کہناں آں کہ ویلا گھٹ اے۔ بس اگاں توں چاہیدا اے بیوی آلے اِنج ھُون جیویں اُوہناں دیاں بیویاں نہی۔
\v 30 ۳۰۔تے رُون ٓالے اِنج جیویں نہی روے تے خوشی کرن آلے اِنج ہون جیویں خُوشی نہی کردے تے خِریدن آلے اِنج ہون جیویں مال نہی اے۔
\v 31 ۳۱۔تے دُنیا دے کاروبار کرن آلے اِنج دے ہون کہ دُنیا دے نا ہو جاون کیوں جے دُنیا دی صُورت بدل جاندی اے۔
\p
\v 32 ۳۲۔بس مَیں ایہ چاہناں آں کہ تُسیں بے فکرے رھوہ۔ کوارہ بندہ خُداوند دی چنتا کر دا اے کہ کیویں خداوند نوں راضی کرے۔
\v 33 ۳۳۔پر وہیاہ ہوہیا بندہ دُنیا دی چنتا وچ رہندہ اے کہ کنج اپنی بیوی نُوں خوش کرے۔
\v 34 ۳۴۔ویاہی تے کواری وچ وی فرق اے۔ کواری خُداوند دی فکر وِچ رہندی اے تاں جے اُوہدا بدن تے رُوح دُوہویں پاک ہُون پر ویاہی ہوہی عورت (زنانی) دنیا دی فکر وِچ رہندی اے (دنیا دی چنتا کر دی اے) کہ کنج اپنے خاوند نوں خوش کرے۔
\v 35 ۳۵۔ایہ تُہاڈے فائدے لئی کہناں آن ناکہ تُہانوں پھسان لئی سگوں ایس لئی کہ جیہڑا چنگا اے اُوہی کم کرو تے خداوند دی خدمت وچ بناں شک کر دے روھ۔
\p
\v 36 ۳۶۔تے جے کوئی ایہ سمجھے کہ مَیں اپنی اُوس کُواری کڑی دا حق کھو رہیا آں جہدی جوانی لنگ چلی اے تے لوڑ دا وی پتہ ہووے تاں اُوہدا حق ایہہ، اُوہدے وچ گناہ نئیں۔ اوہ اُوہدا ویاہ ہون دے۔
\v 37 ۳۷۔پر جیہڑا اپنے دِلوں پکا ہووے تے اُوہدی کوئی لوڑ نا ہووے سگوں اوہ اپنے ارادے نوں پُورا کرن دی طاقت رکھدا ہووے تے دل وِچ تہیا کر لیا ہووے بھئی میں اپنی کڑی کو بناں نکاح دے رکھا گا اوہ چنگا کر دا اے۔
\v 38 ۳۸۔بس جیہڑا اپنی کواری کُڑی نوں ویاہ دیندا اے اوہ چنگا کردا اے تے جیہڑا نہی ویاہندہ اوہ ہور وی چنگا کر دا اے۔
\p
\v 39 ۳۹۔جدوں تائیں عُورت دا خاوند جیندا اے اوہ اُوہدی پابند اے پر جدوں اُوہدا خاوند مر جائے تاں جہدے ناں چاھوے ویاہ کر سکدی اے پر صرف خداوند وچ۔
\v 40 ۴۰۔پر جیویں دی اے جے اُویں دی ای رھوے تاں میرے خیال اندر پھاگاں بھری اے تے مَیں سمجھناں آں کہ خُدا دا رُوح میرے وِچ وی اے۔
\c 8
\cl باب ۸
\p
\v 1 ۱۔ہُن بُتاں دِیاں قُربانیاں بارے ایہ گَل اے پئی اَسیں جان دے آں پئی اَسیں سارے عِلم رکّھنے آں۔ عِلم گَمان پیدا کر دا اے پر محبّت ترقی دا سبب اے۔
\v 2 ۲۔اَتے جے کوئی خیال کرے پئی مَیں کُجھ جان دا آں تے جِنّاں جاننا چاہیدا اے اونا ہُن تیِک نئیں جان دا۔
\v 3 ۳۔پر جے کوئی رَب نال محبّت رکھ دا اے تے رَب اوہنوں جان دا اے۔
\p
\v 4 ۴۔سو بُتاں نُوں چڑاہیاں گَئیّاں قُربانیاں دِیاں شَیواں کھان دے بارے اَسیں جان دے آں پئی بُت دُنیا وِچ کُجھ شَے نئیں اَتے بِناں اِک دے، ہور کوئی رَب نئیں۔
\v 5 ۵۔بھانویں اَسمان یاں دھرتی تے اَجیہے بتھیرے نیں جیہڑے رَب اَکھواندے نیں (اُونج تے بتھیرے رَب اَتے بتھیرے خُداوَند نیں)۔
\v 6 ۶۔پَر ساڈے لئی تے اِکّو ای رَب اے مطلب باپ جِہدے ولّوں سارِیاں شَیواں نیں اَتے اَسیں وی اوہدے وِچ آں۔ اَتے اِکّو ای خُداوَند اے مطلب یسُوعؔ مسِیح، جِہدے سببوں سارِیاں شَیواں بنیاں نیں اَتے اَسیں وی اوہدے ای سببوں آں۔
\p
\v 7 ۷۔ پَر ساریاں نُوں ایہ پتا نئیں سگوں کئی لوکی جِنھاں نُوں اَجے تیِک بُتاں دی پُوجا کرن دی عادت اے، اوہ اوہناں شَیواں نُوں بُتاں دی قُربانی سمجھ کے کھاندے نیں اَتے اوہناں دا ضمیِر لِسّا ہون دے سببوں ناپاک ہُندا جاندا اے۔
\v 8 ۸۔روٹی ٹُکر ساہنوں رَب دے نال نئیں ملاوے گا۔جے نا کھائیے تے ساہنوں کُجھ گھاٹا نئیں اَتے جے کھائیے تے کُجھ فائِدہ نئیں۔
\v 9 ۹۔پَر دھیان رکھو! اِنج نا ہوئے پئی تُہاڈی ایہ کُھل ماڑیاں لئی ٹھیڈے دا سبّب بنے۔
\v 10 ۱۰۔کیوں جو جے کوئی تینُوں عِلم والے نُوں بُت خانے وِچ کھانا کھاندیاں ویکھے تے اوہ ماڑا بندہ ہووے تے کیِہ اوہدا دِل بُتاں دِیاں قُربانیاں کھان لئی دلیر نا ہو جاوے گا؟
\v 11 ۱۱۔سو تیرے عِلم دے سببّوں اوہ ماڑا بندہ مطلب اوہ بَھرا جِہدے لئی مسِیح مویا، ہلاک ہو جائے گا۔
\v 12 ۱۲۔ایس لئی تُسیں بَھراواں دے پاپی ہو کے اَتے اوہناں دے ماڑےضمیِر نُوں پھٹڑ کرکے مسِیح دے پاپی بَن دے او۔
\v 13 ۱۳۔ایس سببوں جے کھانا میرے بَھرا نُوں ٹھیڈا لواوے تے جد تیِک دُنیا قیم اے مَیں کدی وی گوشت نئیں کھاواں گا تاں جو اپنے بھَرا لئی ٹھیڈے لَگن دا سبب نا بَناں۔
\c 9
\cl باب ۹
\p
\v 1 ۱۔کِیہ مَیں اَزاد نئیں؟ کِیہ مَیں رسُول نئیں؟ کِیہ مَیں یسُوعؔ مسِیح نُوں نئیں ویکھیا جیہڑا ساڈا خُداوَند اے؟ کِیہ تُسی خُداوَند وِچ میری محنَت نئیں او؟
\v 2 ۲۔جے مَیں ہوراں لئی رَسُول نئیں تے تُہاڈے لئی تے بے شک آں کیوں جو تُسیں خُداوَند وِچ میری رسالت اُتے موہر او۔
\p
\v 3 ۳۔جیہڑے مَینوں پَرکھ دے نیں اوہناں لئی میرا جواب ایہو ای اے۔
\v 4 ۴۔کِیہ ساہنوں کھان پین دا اِختیار نئیں؟
\v 5 ۵۔کِیہ ساہنوں ایہ اختیار نئیں پئی کِسے اِیمان دار بھین، بِیوی نُوں نال لے کے ٹُرئیے جیویں دُوجے رَسُول اَتے خُداوَند دے بھَرا اَتے کیفاؔ کردے نیں؟
\v 6 ۶۔یاں اکلیاں مَینوں اَتے بَرنَباسؔ نُوں ای ڈاڈی محنّت نا کرن دا اختیار نئیں؟
\v 7 ۷۔کیہڑا سپاہی اپنے خرچے تے جنگ کرن جاندا اے؟ کون اَنگور دِیاں ویلاں لاء کے اوہدا پَھل نئیں کھاندا؟ یاں کون اِجّڑ چار کے اوس اِجّڑ دا دُدّھ نئیں پِیندا؟
\p
\v 8 ۸۔کِیہ مَیں ایہ گلاں نِرے اِنسانی خیال نال ای آکھنا واں؟ کِیہ تورَیت وی ایہو ای نئیں دسدی؟
\v 9 ۹۔ایس لئی مُوسیٰؔ دی شرِیعت وِچ لکھیا اے پئی کھَلواڑے وِچ وَگدے ڈھگّے دا مُنہ نا بنھنو۔ کِیہ رَبّ نُوں ڈھگّیاں دی فِکر اے؟
\v 10 ۱۰۔یاں اوہ خاص ساڈے لئی اِنج آکھدا اے؟ ہاں ایہ ساڈے لئی لِکھیا گیا اے کیوں جو مناسب اے پئی جون والا آس نال جوئے اَتے گاہن والا حِصّہ لین دی آس نال گاہے۔
\v 11 ۱۱۔سو جے اَسیں تُہاڈے لئی رُوحانی شَیواں بِیجیاں نیں تے کِیہ ایہ کوئی وَڈی گل اے پئی اَسیں تُہاڈی جسمانی شَیواں دی فصل وَڈّھئے؟
\v 12 ۱۲۔جے دُوجیاں دا تُہاڈے اُتّے ایہ اختیار اے تے کِیہ ساڈا بُہتا نا ہووےگا؟ پر اَسیں ایس اختیار توں کم نئیں لیا سگوں ہر شَے نُوں سہنے آن تاں جو اَسیں مسِیح دی خُوشخبری وِچ ٹَھل نہ پائیے ۔
\v 13 ۱۳۔کِیہ تُسیں نئیں جان دے پئی جیہڑے پاک شَیواں دی سیوا کر دے نیں اوہ ہیکل وِچوں کھاندے نیں؟ اَتے جیہڑے قُربانی دی تھاں دے سیوک نیں اوہ قُربانی دی تھاں توں حِصّہ لیندے نیں؟
\v 14 ۱۴۔اِنج ای خُداوَند نے وی حُکم کِیتا اے پئی خُوشخبری سنان والے خُوشخبری دے سببوں گذارہ کرن۔
\p
\v 15 ۱۵۔پَر مَیں ایہناں وِچوں کِسے گل اُتّے عمل نئیں کِیتا اَتے نا ایس مطلب نال ایہ لِکھیا اے پئی میرے لئی اَنج کِیتا جاوے۔ کیوں جو میرا مر نا ای ایہدے نالوں چنگا اے پئی کوئی میرے مان نُوں مُکا دیوے۔
\v 16 ۱۶۔جے مَیں خُوشخبری دی مُنادی کراں تے مینوں کوئی مان نئیں کیوں جو ایہ تے میری لئی ضروری اے۔اَتے جے مَیں خُوشخبری نا سُناواں تے میرے اُتّے افسوس اے ۔
\v 17 ۱۷۔جے مَیں ایہ خُوشی نال کراں تے میرا انعام اے پر جے مجبُوری نال کراں تے ذمہ داری مینوں دِتّی گَئی اے۔
\v 18 ۱۸۔سو مَینوں کِیہ فیدہ اے؟ ایہ پئی جدوں اِنجِیل دی منادی کراں تے خُوشخبری نُوں مُفت کر دیواں تاں جو جیہڑا اِختیار مینوں خُوشخبری دے لئی مِلیا اے، اوہدا غلَط اَستعمال نا کراں۔
\p
\v 19 ۱۹۔بھانویں مَیں ساریاں لوکاں توں اَزاد آں فیر وی مَیں اپنے آپ نُوں ساریاں دا غُلام بنا دِتّا اے تاں جو ہور وی بتھیریاں نُوں کِھچ لیاواں۔
\v 20 ۲۰۔ مَیں یہُودِیاں دےوِچ یہُودِیاں ورگا بَنیا تاں جو یہُودِیاں نُوں کِھچ لیاواں۔ جیہڑے لوک شریعت دے تابع نیں اوہناں لئی مَیں شرِیعت دے تابع داراں وانگ ہو گیا تاں جو شریعت دے تابع داراں نُوں کِھچ لیاواں، بھانویں مَیں آپ شریعت دے تابع نئیں آں۔
\v 21 ۲۱۔مَیں بے شرع لوکاں لئی ، بے شرع بنیا تاں جو بے شرع لوکاں نُوں کِھچ لیاواں (بھانویں مَیں رَب دے اَگے بے شرع تے نئیں ساں پر مسِیح دی شریعت دے تابع ساں۔)
\v 22 ۲۲۔ماڑیاں لئی مَیں ماڑا بَنیا تاں جو ماڑیاں نُوں کِھچّ لیاواں۔ مَیں ساریاں بندیاں لئی سب کُجھ بنیا ہویاں آں تاں جو کِسے طریقے نال کئیاں نُوں بچا سکاں۔
\v 23 ۲۳۔مَیں ایہ سب کُجھ اِنجیل دے لئی کرنا آں تاں جو ہوراں دے نال رَل جاواں۔
\p
\v 24 ۲۴۔کِیہ تُسیں نئیں جان دے پئی دَوڑ دے میدان وِچ دوڑن والے تے سارے ای نیں پر اِنعام اِکو ای جِت دا اے۔ سو اِنج دَوڑؤ پئی تُسیں ای جِتو۔
\v 25 ۲۵۔اَتے ہر بھلوان ہر طراں دا پرہیز کر دا اے۔ ہُن اوہ تے کملا جان والے سہرے لئی ایہ کردے نیں پر اَسیں اوس سہرے لئی کرنے آں جیہڑا کملاندا نئیں۔
\v 26 ۲۶۔سو مَیں وی اِنج ای دَوڑنا آں پر بے یقینی نال نئیں۔ اَتے اوس مُکے مارن والے وانگ نئیں لڑدا جیہڑا ہَوا وِچ مُکے ماردا اے۔
\v 27 ۲۷۔سگوں مَیں اپنے جُسے نُوں ماردا پِٹنا آں اَتے ایہنوں قابُو وِچ رکھنا آں، اِنج نا ہووے پئی ہوراں وِچ منادی کرکے آپ نا مَقبُول ہوواں۔
\c 10
\cl باب ۱۰
\p
\v 1 ۱۔سو بَھراؤ! مَیں نئیں چاہندا پئی تُہانوں ایس گل دا عَلم نا ہیوے پئی ساڈے پئیو دادا سارے بدّل دے ہیٹھاں سَن اَتے سارے ای سمندروِچوں لنگھ کے گَئے۔
\v 2 ۲۔اَتے ساریاں نیں ای اوس بدّل اَتے سمندر وِچ مُوسیٰؔ دا بپتِسمہ لیا۔
\v 3 ۳۔اَتے ساریاں نیں اِکو ای رُوح دی خُوراک کھادی۔
\v 4 ۴۔اَتے ساریاں نیں اِکو ای رُوح دا پانی پِیتا کیوں جو اوہ اوس رُوحانی چٹاں وِچوں پِیندے سَن جیہڑی اوہناں دے نال نال ٹُر دی سی اَتے اوہ چٹان مسِیح سی۔
\v 5 ۵۔پر رَبّ اوہناں وِچوں بتھیریاں توں خوش نا ہویا۔ سو اوہ اُجاڑ وِچ ڈھیر ہوگئے ۔
\p
\v 6 ۶۔ایہ گلاں ساڈے لئی سبق نیں تاں جو اَسیں بھیڑیاں شَیواں دی خواہش نا کرئیے جیویں اوہناں نیں کیتی۔
\v 7 ۷۔اَتے تُسیں بُتاں نُوں پُوجن والے نا بنے جیویں اوہناں وِچوں کئی اِک بن گَئے سَن ۔ ایس لئی لِکھیا اے پئی لوک کھان پین لئی بیٹھے، فیر نچن ٹپن لئی کھلوتے۔
\v 8 ۸۔اَتے اَسیں حراکاری نا کرئیے جیویں اوہناں وِچوں کئیاں نے کیتی اَتے اِکو ای دیہاڑے تریئی ہزار مارے گَئے۔
\v 9 ۹۔اَتے اَسیں مسِیح نُوں نا پرکھئیے جیویں اوہناں وِچوں کئیاں نیں پرکھیا اَتے سپّاں نیں اوہناں نُوں ہلاک کِیتا۔
\v 10 ۱۰۔اَتے تُسیں نا کُڑو جیویں اوہناں وِچوں کئی کُڑے اَتے ہلاک کرن والے دے ہتھوں ہلاک کیتے گَئے۔
\p
\v 11 ۱۱۔اوہناں اُتّے ایہ گلاں سبق سکھان دا سبب ہویاں اَتے ساڈے اخیر زمانے والیاں دی نَصیحت لئی لِکھیاں گَئیاں۔
\v 12 ۱۲۔سو جیہڑا اپنے آپ نُوں تگڑیاں سمجھ دا اے، اوہ خبردار رہیوے پئی ڈِگّ نا پَوے۔
\v 13 ۱۳۔تُسیں کِسے اجیہی ازمایش وِچ نئیں پئے جیہڑی دُوجیاں اُتے کدی نا آئی ہیوے۔ پر رَبّ وفادار اے اوہ تہانوں تُہاڈی طاقت توں وَدّھ ازمایش وِچ پَین نئیں دیوے گا سگوں ازمایش وِچون نِکل جان دا راہ وی بناوے گا تاں جو تُسیں سہہ سکو۔
\p
\v 14 ۱۴۔ ایس لئی میرے پیاریو! بُت پُوجن توں نَسو۔
\v 15 ۱۵۔مَیں تُہانوں سِیانیاں سمجھ کے کلام کرنا آں۔ سو جو مَیں آکھنا آں تُسیں آپ اوہنوں پرکھو۔
\v 16 ۱۶۔برکت دا اوہ پیالا جِہدے تے اَسیں برکت منگنے آں، کِیہ اوہ مسِیح دے خُون دی شراکت نئیں؟ اوہ روٹی جیہڑی اَسیں توڑنے آں، کِیہ مسِیح دے بَدن دی شراکت نئیں؟
\v 17 ۱۷۔کیوں جو روٹی اِکو ای اے، ایس لئی اَسیں جیہڑے چوکھے آں اِک بدن آں کیوں جو اَسیں سارے اوس اِک روٹی وِچ شرِیک ہُونے آں۔
\p
\v 18 ۱۸۔اوہناں اُتّے دھیان کرو جیہڑے جِسم دے لحاظ نال اِسرائیلی نیں۔ کِیہ قُربانی دا گوشت کھان والے قُربانی دی تھاں دے شریک نئیں؟
\v 19 ۱۹۔سو کِیہ میرے آکھن دا ایہ مطلب اے پئی بُتاں دی قُربانی کوئی شَے اے، یاں بُت کُجھ شَے اے؟
\v 20 ۲۰۔نئیں۔ سگوں ایہ پئی قُربانیاں غیر قوماں چڑھاندیاں نیں۔ اوہ شَیطاناں لئی نیں، رَب لئی نئیں۔ اَتے مَیں نئیں چاہندا پئی تُسیں شَیطاناں دے نال رَل جاوؤ۔
\v 21 ۲۱۔تُسیں خُداوَند دے پیالے اَتے شیطاناں دے پیالے، دونواں وِچوں نئیں پی سکدے۔ خُداوند دے کھان دی میز اَتے شیطاناں دے کھان دی میز ، دونواں وِچ شریک نئیں ہو سکدے۔
\v 22 ۲۲۔کِیہ اَسیں خُداوند دی غیرت نُوں جوش دوانے آں؟ کِیہ اَسیں اوہدے توں بوہتے طاقت والے آں؟
\p
\v 23 ۲۳۔سارِیاں شَیواں جائز تے ہے نیں پر سارِیاں شَیواں فائِدے دِیاں نئیں۔ سارِیاں شَیواں جائز تے ہے نیں پر ہر گل ساریاں دی ترقی دا سبب نئیں ہُندی۔
\v 24 ۲۴۔کوئی اپنا فائِدہ لبھے سگوں دُجے دا۔
\v 25 ۲۵۔جو کُجھ قصایاں دِیاں ہٹّیاں تے وِک دا اے اوہ کھاوؤ اَتے دِینی کھوج لئی کُجھ نا پُوچھو۔
\v 26 ۲۶۔کیوں جو دھرتی اَتے اوہدی معمُوری خُداوَند دی اے۔
\v 27 ۲۷۔جے بیماناں وِچوں کوئی تُہاڈی دعوت کرے اَتے تُسیں جان لئی راضی ہووؤ تے جو کُجھ تُہاڈے اَگے دھریا جاوے اوہنوں کھاؤ اَتے دِینی کھوج لئی کُجھ نا پُوچھو۔
\v 28 ۲۸۔پر جے کوئی تُہانوں آکھے پئی ایہ بُتاں دی قُربانی دا گوشت اے تے اوہدے دَسن اَتے دِینی فرق کرن دے سببوں نا کھاوؤ۔ کیوں جو دھرتی اَتے اوہدی معمُوری خُداوَند دی اے۔
\v 29 ۲۹۔دِینی فرق توں میرا مطلب تیرا فرق نئیں سگوں اوس دُجّے دا۔ بَھلا میری اَزادی دُجے جی دے فرق نال کیوں پرکھی جاوے؟
\v 30 ۳۰۔سو جے مَیں شُکر کرکے کھانا آں تے جیہڑے کھانے تے شُکر کرنا آں اوہدے سببوں بدنام کیوں کِیتا جانا آں؟
\p
\v 31 ۳۱۔سو تُسیں کھاؤو یاں پِیؤو یاں جو کُجھ کرو، سب رَبّ دے جلال لئی کرو۔
\v 32 ۳۲۔تُسیں نا تے یہُودِیاں لئی ٹھیڈے دا سبب بَنو نا یُونانیاں لئی، نا ای رَبّ دی کلیسِیا لئی۔
\v 33 ۳۳۔سو مَیں وی سارِیاں گلاں وِچ ساریاں نُوں خُوش کرنا آں اَتے اپنا نئیں سگوں بتھیریاں دا فائِدہ لبھناآں تاں جو اوہ نجات پاؤن۔
\c 11
\cl باب ۱۱
\p
\v 1 ۱۔ تُسیں میری پیروی کروجیویں مَیں مسِیح دی پیروی کرنا آں۔
\p
\v 2 ۲۔مَیں تُہاڈی تعریف کرنا آں پئی تُسیں ہر گل وِچ مینوں یاد رکھ دے او اَتے جینج مَیں تُہانوں روائِتاں اَپڑائیاں نیں تُسیں اونج ای اوہناں نُوں قیم رکھ دے او۔
\v 3 ۳۔سو مَیں تُہانوں دَسنا چاہنا آں پئی ہر بندے دا سر مسِیح، اَتے زنانی دا سر بندہ، اَتے مسِیح دا سر رَبّ اے۔
\v 4 ۴۔جیہڑا بندہ سر کَجّ کے دُعا یاں نبُوّت کر دا اے اوہ اپنے سر نُوں بے عِزّت کر دا اے۔
\v 5 ۵۔اَتے جیہڑی زنانی بِناں سر کجّے دُعا یاں نبُوّت کر دی اے اوہ اپنے سر نُوں بے عزّت کر دی اے کیوں جو سر مُنّی دے برابر اے۔
\v 6 ۶۔جے زنانی چُنی نا لَوّے تے وال وی کٹاوے۔ جے زنانی دا وال کٹانا یاں سر مُنوانا شرم دی گَل اے تے چُنی لَوّے۔
\v 7 ۷۔پر بندے نُوں اپنا سر نئیں کَجّنا چاہِیداکیوں جو اوہ رَبّ دی صُورت اَتے اوہدا جلال اے، پر زنانی بندے دا جلال اے۔
\v 8 ۸۔ایس لئی پئی بندہ زنانی توں نئیں سگوں زنانی بندے توں اے۔
\v 9 ۹۔اَتے بندہ زنانی لئی نئیں سگوں زنانی بندے لئی پیدا کِیتی گَئی سی۔
\v 10 ۱۰۔سو فرِشتیاں دے سببوں زنانی نُوں چاہیدا اے پئی اپنے سر اُتّے تابع ہون دی نشانی دَھرے۔
\p
\v 11 ۱۱۔تاویں خُداوَند وِچ نا زنانی بندے دے بِناں اے، نا بندہ زنانی دے بِناں۔
\v 12 ۱۲۔کیوں جو جیویں زنانی بندے توں اے،اونج ای بندہ وی زنانی دے سببوں اے، سگوں سارِیاں شَیواں رَبّ وَلّوں نیں۔
\v 13 ۱۳۔تُسیں آپ ای نیاں کرو۔ کِیہ ایہ ٹھیک اے پئی زنانی بِناں سرکَجّیاں دُعا منگے؟
\v 14 ۱۴۔کِیہ تُہانوں طبعی طور تےایس گَل دا پتا نئیں پئی جے بندہ لمے وال رکھّے تے اوہدی بے عزتی اے؟
\v 15 ۱۵۔اَتے جے زنانی دے لمے وال ہون تے اوہدی خُوبصورتی اے کیوں جو وال اوہنوں پردے لئی دِتّے گَئے نیں۔
\v 16 ۱۶۔پر جے کوئی ایس مسلے اُتّے حُجتّاں کرے تے جان لَوّے پئی نا ساڈا اجیہا رواج اے، نہ خُداوَند دِیاں کلیسِیاواں دا۔
\p
\v 17 ۱۷۔پر ہُن جیہڑا حُکم کرنا آں اوہدے وِچ تُہاڈی تعریف نئیں کردا کیوں جو تُہاڈے اَکٹھیاں ہون دا فائِدہ نئیں، سگوں نُقصان ہُندا اے۔
\v 18 ۱۸۔کیوں جو میرے سُنن وِچ آیا پئی جد تُہاڈی کلیسِیا اکٹھی ہُندی اے تد تُہاڈے وِچ وَنڈ پَے جاندی اے اَتے مَینوں ایس گل دا کِسے حد تیک یقین وی اے۔
\v 19 ۱۹۔کیوں جو تُہاڈے وِچ بِدعتاں دا وی ہونا ضرُور اے تاں جو پَتا لگ جاوے پئی تُہاڈے وِچ کیہڑے مَن پَسند نیں۔
\v 20 ۲۰۔سو جدوں تُسیں آپو وِچ اکٹھے ہُندے او تے تُہاڈا اوہ کھانا عشائے ربّانی نئیں ہو سکدا۔
\v 21 ۲۱۔کیوں جو کھان دے ویلے ہر جی اپنی ای عِشاء کھاندا اے، اَتے کوئی تے بُھکا رہ جاندا اے تے کِسے نُوں نشہ ہو جاندا اے۔
\v 22 ۲۲۔کیوں؟ کِیہ کھان پِین لئی تُہاڈے گھر نئیں؟ یاں رَب دی کلیسیا دی بے عزتی کردے او اَتے جِنھاں کول نئیں اوہناں نُوں شرمندیاں کر دے او؟ مَیں تُہانوں کِیہ آکھاں؟ کِیہ تُہاڈی تعریف کراں؟ مَیں ایس گل دی تعریف نئیں کردا۔
\p
\v 23 ۲۳۔کیوں جو ایہ گَل مینوں خُداوَند ولّوں اَپڑی اَتے مَیں تُہانوں وی اَپڑا دِتّی پئی خُداوَند یسُوع نے جیس رات اوہ پھڑوایا گیا روٹی لئی۔
\v 24 ۲۴۔تے شُکر کرکے توڑی اَتے آکھیا، ’’ایہ میرا بَدن اے جیہڑا تُہاڈے لئی اے۔ میری یادگیری لئی ایہو ای کریا کرو‘‘۔
\v 25 ۲۵۔اِنج ای اوہنے کھان دے بعد پیالا وی لیا اَتے آکھیا پئی ایہ پیالا میرے لہو وِچ نواں عہد اے۔ جدوں کدی پِیوؤ میری یادگیری وِچ ایہو ای کریا کرو۔
\v 26 ۲۶۔کیوں جو جد کدی تُسیں ایہ روٹی کھاندے اَتے ایس پیالے وِچوں پِیندے او تے خُداوَند دی موت نُوں یاد کردے او، جد تِیک اوہ نا آوے۔
\p
\v 27 ۲۷۔ایس لئی جیہڑا نا مناسب طریقے نال خُداوَند دی روٹی کھائے یاں اوہدے پیالے وِچوں پِیوے اوہ خُداوَند دے بَدن اَتے لہو دا قصُوروار ہووے گا۔
\v 28 ۲۸۔سو بندہ اپنے آپ نُوں پرکھ لوّے اَتے اِنج ای اوس روٹی وِچوں کھاوے اَتے اوس پیالو وِچوں پیِوے۔
\v 29 ۲۹۔کیوں جو جیہڑا کھان تے پِین ویلے خُداوَند دے بَدن نُوں نئیں پِچھان دا اوہ ایس کھان پِین توں سزا پاوے گے۔
\v 30 ۳۰۔ایسے سببوں تُہاڈے وِچ بتھیرے ماڑے اَتے بیمار نیں، اَتے بتھیرے سَوں وی گَئے نیں۔
\v 31 ۳۱۔جے اَسیں اپنے آپ نُوں پرکھّ دے تے سزا نا کھٹدے۔
\v 32 ۳۲۔پر خُداوَند توں سزا لے کے ساہنُوں نصِیحت ہُندی اے تاں جو اَسیں دُنیا دے نال قصُوروار نا گَنے جائیے۔
\p
\v 33 ۳۳۔سو میرے بَھراؤ! جِدوں تُسیں کھان لئی اَکٹھے ہؤو تے اِک دُجے دی راہ تکو۔
\v 34 ۳۴۔اَتے جے کوئی بُھکا ہووے تے اپنے گھر وِچ کھا لوّے تاں جو تُہاڈا اَکٹھیاں ہونا سزا دا سبب نہ بنے اَتے گلاں جیہڑیاں رہ گَئیاں نیں اوہناں دی ترتیب مَیں آ کے سنوار دیاں گا۔
\c 12
\cl باب ۱۲
\p
\v 1 ۱۔بَھراؤ! مَیں نئیں چاہندا پئی تُسیں رُوحانی نعمتاں توں بے خبر رہوؤ۔
\v 2 ۲۔تُسیں جان دے او پئی جدوں تُسیں پرائی قوم سو تے گُونگے بُتاں دے پِچھّے جیویں کوئی تُہانوں لَے جاندا سی، اویں ای ٹُر جاندے سو۔
\v 3 ۳۔سو مَیں تُہانوں دسنا آں پئی جیہڑا رَب دے رُوح دی ہدایت نال بولدا اے اوہ نئیں آکھدا پئی یسُوعؔ لعنتی اے۔ اَتے نا کوئی پاک رُوح دے بِناں آکھ سکدا اے پئی یسُوعؔ خُداوَند اے۔
\p
\v 4 ۴۔ سو نعمتاں تے وَکھو وَکھ نیں پر رُوح اِکّو ای اے۔
\v 5 ۵۔اَتے خِدمتاں وی وَکھو وَکھ نیں پر خُداوَند اِک ای اے۔
\v 6 ۶۔اَتے تاثیراں وی وَکھو وَکھ نیں پر رَب اِک ای اے جیہڑا ساریاں وِچ ہر طراں دا اثر پیدا کر دا اے۔
\p
\v 7 ۷۔پر ہرجی نُوں رُوح دا ظاہر ہونا ساریاں دے فائدے لئی دِتّا جاندا اے۔
\v 8 ۸۔کیوں جو اِک نُوں تے رُوح دے سببوں حِکمت دا کلام دِتّا جاندا اے اَتے دُجے نُوں اوسے رُوح دی مَرضی نال عِلم دا کلام۔
\v 9 ۹۔ کِسے نُوں اوسے رُوح توں اِیمان اَتے کِسے نُوں اوسے اِک رُوح توں شفا دین دی نعمت۔
\v 10 ۱۰۔کِسے نُوں معجزے کرن دی قُدرت۔ کِسے نُوں نبُوّت، کِسے نُوں رُوحاں دی پچھان، کِسے نُوں وَکھو وَکھ بولیاں، کِسے نُوں بولیاں دا ترجمہ کرنا۔
\v 11 ۱۱۔پر ایہ سارِیاں تاثِیراں اوسے اِک رُوح دِیاں نیں اَتے اوہ جِنھوں جو چاہندا اے وَنڈ دا اے ۔
\p
\v 12 ۱۲۔کیوں جو جیویں بَدن اِک اے پر اوہدے اَنگ بوہت سارے نیں۔ اَتے بَدن دے اَنگ بھانویں بوہت سارے نیں پر آپو وِچ رَل کے ای اِک بَدن نیں۔ اونج ای مسِیح وی اے۔
\v 13 ۱۳۔ کیوں جو اَسیں ساریاں نیں بھانویں یہُودؔی ہون یاں یُوناؔنی، بھانویں غُلام ہون یاں اَزاد، ساریاں نیں اِکّو ای رُوح دے سببوں اِک بَدن ہون لئی بپتِسمہ لیا اَتے ساہنوں ساریاں نُوں اِکّو ای رُوح پیایا گیا۔
\p
\v 14 ۱۴۔سو بَدن وِچ اِک اَنگ نئیں سگوں بوہت سارے نیں۔
\v 15 ۱۵۔جے پیر آکھےپئی مَیں ہتھ نئیں، ایس لئی بَدن دا نئیں تے اوہ ایس سببوں بَدن توں وَکھ تے نئیں۔
\v 16 ۱۶۔اَتے جے کَن آکھے پئی مَیں اَکھ نئیں، ایس لئی بَدن دا نئیں تے اوہ ایس سببوں بَدن توں وَکھ تے نئیں۔
\v 17 ۱۷۔جے سارا بَدن اَکھ ای ہُندا تے سُننا کِتّھوں ہُندا؟ جے سُننا ای سُننا ہُندا تے سُنگھنا کِتّھوں ہُندا؟
\v 18 ۱۸۔پر اَصل وِچ رَبّ نے ہر اِک اَنگ نُوں بَدن وِچ اپنی مرضی دے حِساب نال رکھیا اے۔
\v 19 ۱۹۔جے اوہ سارے اِک ای اَنگ ہُندے تے بَدن کِتھے ہُندا؟
\v 20 ۲۰۔پر ہُن اَنگ تے بھانویں بتھیرے نیں پر بَدن اِکّو ای اے۔
\v 21 ۲۱۔ایس لئی اَکھ ہتھ نُوں نئیں آکھ سکدی پئی مَینوں تیری لوڑھ نئیں اَتے نا سر پیر نُوں آکھ سکدا اے پئی مَینوں تیری لوڑھ نئیں۔
\v 22 ۲۲۔سگوں بَدن دے اوہ اَنگ جیہڑے دُجیاں نالوں ماڑے لگدے نیں اوہ بوہت ای ضرُوری نیں۔
\v 23 ۲۳۔اَتے بَدن دے اوہ انگ جِنھاں نُوں اَسیں ہوراں نالوں کھٹیا جاننے آں اوہناں ای نُوں بوہتی عِزّت دینے آں اَتے ساڈے کوہجےاَنگ، بڑے سُچَجّے ہو جاندے نیں۔
\v 24 ۲۴۔ بھانویں ساڈے سُچَجّے اَنگاں نُوں لوڑ نئیں تاوِیں رَبّ نے بَدن نُوں اجیہا بنایا اے پئی جیہڑے اَنگ نُوں لوڑ اے، اوہنوں ای بوہتی عِزت دِتّی جاوے۔
\v 25 ۲۵۔تاں جو بَدن وِچ پُھٹ نا پَوّے سگوں اَنگ اِک دُجّے دا اِکّو جیہا خیال رَکھن۔
\v 26 ۲۶۔سو جے اِک اَنگ دُکھ جَھلدا اے تے سارے اَنگ اوہدے نال دُکھ جھلدے نیں اَتے جے اِک اَنگا نُوں عِزّت مل دی اے تے سارے اَنگ اوہدے نال خُوش ہُوندے نیں ۔
\p
\v 27 ۲۷۔سو ہُن تُسیں مسِیح دا بَدن اَتے کلے کلے اَنگ او۔
\v 28 ۲۸۔اَتے رَبّ نے کلیِسیا وِچ کُجھ لوکاں نُوں وَکھو وَکھ مُقرر کِیتا اے۔ پہلے رُسول، دُجّے نبی، تِجّے اُستاد، فیر معجزے وَکھان والے، فیرروگاں نُوں چنگا کرن والے، سیوک، انتظام کرن والے، وَن سَووَنِیاں بولِیاں بولن والے۔
\v 29 ۲۹۔کِیہ سارے رُسول نیں؟ کِیہ سارے نبی نیں؟ کِیہ سارے اُستاد نیں؟ کِیہ سارے مُعجزے وکھان والے نیں؟
\v 30 ۳۰۔کِیہ ساریاں نُوں چنگا کرن دی قُوّت مِلی اے؟ کِیہ سارے وَن سَووَنِیاں بولِیاں بول دے نیں؟ کِیہ سارے ترجمہ کر دے نیں؟
\v 31 ۳۱۔سو تُسیں ایہناں توں وی وَڈیاں نعمتاں دی آس رَکھو۔ پرمَیں تہانوں اِک ہور راہ دَسنا آں جیہڑا ایہناں ساریاں توں وی وَدّھ کے اے۔
\c 13
\cl باب ۱۳
\p
\v 1 ۱۔ جے مَیں بندیاں اَتے فرِشتیاں دِیاں بولِیاں بولاں پر محبّت نا رکھّاں تے مَیں ٹھنٹھناندا پِتّل اَتے چَھنچھناندا تھال آں۔
\v 2 ۲۔اَتے جے مَینوں نبوّت مِلی ہووے اَتے ساریاں بھیتاں اَتے کُل عِلم توں واقف ہوواں اَتے میرا اِیمان ایتھوں تِیک کامل ہووے پئی پہاڑاں نُوں ہٹا دیواں پر محبّت نا رکھّاں تے میں کُجھ وی نئیں۔
\v 3 ۳۔اَتے جے اپنا سارا مال غرِیباں نُوں کھوا دیواں یاں اپنا بَدن مرن لئی دے دیواں پر محبّت نا رکھّاں تے مَینوں کُجھ وی فائِدہ نئیں۔
\p
\v 4 ۴۔محبّت صابر اے اَتے مہربان۔ محبّت وِچ ساڑ ا نئیں۔ محبّت ڈِینگاں نئیں مار دی اَتے پُھلدی نئیں۔
\v 5 ۵۔کوہجے کَم نئیں کردی۔ اپنا بَھلا نئیں چاہندی۔ اَکدی نئیں ۔بھیڑے خیال نئیں رکھدی ۔
\v 6 ۶۔بُرے کمّاں توں خُوش نئیں ہُوندی سگوں سچیائی توں خُوش ہُوندی اے۔
\v 7 ۷۔سب کُجھ سہہ لَیندی اے۔ سارِیاں گلّاں دا یقِین کر دی اے۔ سارِیاں گلّاں دی آس رکھدی اے۔ سارِیاں گلّاں نُوں سہہ لَیندی اے۔
\p
\v 8 ۸۔محبّت دا کوئی اَنت نئیں۔نبوّتاں ہون تے مُک جان گِیاں۔ بولِیاں ہون تے مُک جان گِیاں۔ عِلم ہووے تے مِٹ جاوے گا۔
\v 9 ۹۔کیوں جو ساڈا عِلم نا مکمل اے اَتے ساڈی نبوّت پُوری نئیں۔
\v 10 ۱۰۔پر جدوں کامل آوے گا تے نامکمل جاندا رہیے گا۔
\v 11 ۱۱۔جد مَیں بال سی تے بالاں وانگ بولدا سی۔ بالاں جیہی طبیعت سی۔ بالاں جیہی سمجھ سی۔ پر جدوں گبُرو ہویا تے بالاں جیہیاں گلّاں چھڈ دِتّیاں۔
\v 12 ۱۲۔ہُن ساہنوں شِیشے وِچ دُھندلا جیہا دِسدا اے پر اوس ویلے آہمو ساہمنی ویکھا ں گے۔ ایس ویلے میرا عِلم نا مکمل اے پر اویس ویلے اونج پُوری طراں جان لواں گا جیویں مَینوں وی جانیاں گیا اے۔
\v 13 ۱۳۔سو اِیمان، آس اَتے محبّت ایہ تِنّوں سدا تِیک نیں پر ایناں وِچوں ساریاں توں اوچیری محبّت ای اے۔
\c 14
\cl باب ۱۴
\p
\v 1 ۱۔ ہُن مُحبّت دے طالب رہوؤ اَتے رُوحانی نعمتاں دی خواہش رکھّو، خاص کر کے ایہ پئی تُسیں نبُوّت وی کر سکو۔
\v 2 ۲۔کیوں جو جیہڑا بیگانی بولی وِچ گلّاں کر دا اے اوہ بندیاں نال نئیں سگوں رَب نال گلّاں کر دا اے۔ ایسے لئی اوہدی کوئی نئیں سمجھ دا بھانویں اوہ اپنی رُوح دی راہِیں بھیت دِیاں گلّاں آکھدا اے۔
\v 3 ۳۔پر جیہڑا نبُوّت کر دا اے، اوہ بندیاں نال ترقی اَتے نصیحت اَتے تسلّی دِیاں گلّاں کردا اے۔
\v 4 ۴۔بیگانی بولی وِچ گل کرن والا اپنی ترقی کر دا اے اَتے نبُوّت کرن والا کلیِسیا دی ترقی کر دا اے۔
\p
\v 5 ۵۔بھانویں مَیں ایہ چاہناں واں پئی تُسیں سارے بیگانیاں بولیاں وِچ گلّاں کرو پر بوہتا تے ایہو ای چاہنا آں پئی نبُوّت کرو۔ کیوں جو بیگانیاں بولیاں بولن والا جے کلیسیا دی ترقی لئی ترجمہ نا کرے تے نبُوّت کرن والا اوہدے توں وَڈا اے۔
\p
\v 6 ۶۔ہُن میرے بھراؤ! جے مَیں تُہاڈے کول آ کے بیگانی بولی وِچ گل کراں اَتے بھیت یاں عِلم یاں نبُوّت یاں تعلِیم دِیاں گلّاں تُہاڈے نال نا کراں تے تُہانوں میتھوں کِیہ فائدہ ہووے گا؟
\v 7 ۷۔اِینج ای اوہ واجاں جیہڑیاں بے جان شَیواں مثلاً بانسری یاں بربط وِچوں نِکلدیاں نیں، جے اوہناں واجااں وِچ فرق نا ہووے تے جو کُجھ پُھوکیا یاں وَجایا جاندا اے اوہ کیِویں پچھانیاں جاوے؟
\v 8 ۸۔جے بِغل دی اَواز صاف نا ہووے تے کون لڑائی لئی تیاری کرے گا؟
\v 9 ۹۔سو جے تُسیں وی جِہب توں صاف گلّ نا کرو تے آکھی گَئی گل نُوں کیویں سمجھیا جاوے گا؟ تُسیں بس ہَوا نال گلّاں کرن جوگے رہ جاؤ گے۔
\v 10 ۱۰۔بھانویں دُنیا وِچ کِنیاں ای وَن سَووَنِیاں بولیاں نیں پر اوہناں وِچوں کوئی وی بِنا مطلب دے نئیں۔
\v 11 ۱۱۔سو جے مَیں کِسے بولی دا مطلب نا سمجھاں تے بولن والے لئی مَیں اوپرا ہوواں گا اَتے بولن والا میرے لئی اوپرا ہووے گا۔
\v 12 ۱۲۔سو جدوں تُسیں رُوحانی نعمتاں دی تمنا رکھ دے او تے اجیہی کوشش کرو پئی تُہاڈِیاں نعمتاں دے وَادھے توں کلیسیا دی ترقی ہووے۔
\p
\v 13 ۱۳۔سو جیہڑا بیگانی بولی وِچ گلّاں کر دا اے اوہ دُعا منگے پئی ترجمہ وی کر سکے۔
\v 14 ۱۴۔ایس لئی پئی جدوں مَیں کِسے بیگانی بولی وِچ دُعا منگاں، تدوں میری رُوح تے دُعا مَنگدی اے پر میری عقل کِسے کم دی نئیں۔
\v 15 ۱۵۔سو کِیہ کرنا چاہیدا اے؟ مَیں رُوح نال وی دُعا منگاں گا اَتے عقل نال وی دُعا منگاں گا۔ رُوح نال وی گاواں گا اَتے عقل نال وی گاواں گا۔
\v 16 ۱۶۔نئیں تے جے تُو نِرا رُوح ای نال حَمد کریں گا تے اوپرا بندہ تیری شُکر گُزاری اُتّے آمِین کیوں آکھے گا؟ کیوں جو اوہ نئیں جان دا پئی تُو کِیہ آکھنا ایں۔
\v 17 ۱۷۔تُوں تے بے شک، چنگی طراں شُکر کرنا ایں پر دُجّے دی ترقی نئیں ہُوندی۔
\v 18 ۱۸۔مَیں رَبّ دا شُکر کرنا آں پئی تُہاڈے ساریاں نالوں بوہتیاں بولیاں بولنا آں۔
\v 19 ۱۹۔پر کلیسیا وِچ اوپری بولی وِچ دس ہزار گلّاں آکھن نالوں بوہتا مَینوں ایہ پسند اے پئی ہوراں دی تعلیم لئی پنج ای گلّاں عقل نال آکھاں۔
\p
\v 20 ۲۰۔ بھَراؤ! تُسیں سمجھ وِچ نیانے نا بنو۔ بُریائی وِچ تے نیانے رہوؤ پر سمجھ وِچ جوان بنو۔
\v 21 ۲۱۔توریت وِچ لِکھیا اے پئی خُداوَند فرماندا اے، ’مَیں اوپری بولی اَتے اوپریاں بُلاں نال ایس قوم نال گلاں کراں گا۔ تد وی اوہ میری نا سُنن گے۔
\p
\v 22 ۲۲۔سو اوپریاں بولیاں اِیمان داراں لئی نئیں سگوں بے ایماناں لئی نِشان نیں اَتے نبُوّت بے ایماناں لئی نئیں سگوں اِیمان داراں لئی نشان اے۔
\v 23 ۲۳۔سو جے ساری کلیسیا اِک تھاں اکٹّھی ہو ئے اَتے سارے ای اوپریاں بولیاں بولن اَتے نا واقف اَتے بے ایمان لوک اندر آ جان تے کِیہ اوہ تُہانوں مُورَکھ نا آکھّن گے؟
\v 24 ۲۴۔پر جے سارے نبُّوت کرن اَتے کوئی بے ایمان یاں ناواقف اَندر آجاوے تے سارے اوہنوں سمجھا لین گے اَتے سارے اوہنوں پرکھ لین گے۔
\v 25 ۲۵۔اَتے اوہدے دِل دے بھیت کُھل جان گے۔ تد اوہ مُنہ پار ڈِگ کے سجدہ کرے گا اَتے اقرار کرے گا پئی بے شک رَبّ تُہاڈے وِچ اے۔
\p
\v 26 ۲۶۔سو بَھراؤ! کِیہ کرنا چاہیدا اے؟ جدوں تُسیں سارے اکٹھے ہُندے او تے ہر اِک دے دِل وِچ زبُور یاں تعلِیم یاں مُکاشفہ یاں بیگانی بولی یاں ترجمہ ہُندا اے۔ ایہ سب کُجھ رُوحانی ترقی لئی ہونا چاہیدا اے۔
\v 27 ۲۷۔جے بیگانی بولی وِچ گلاں کرنیاں ہون تے دو یا وَدھ توں وَدھ تِن جی واری واری بولن اَتے اِک جی ترجمہ کرے۔
\v 28 ۲۸۔اَتے جے کوئی ترجمہ کرن والا نا ہووے تے اوپری بولی بولن والا کلیسیا وِچ چُپ رہیوےاَتے اپنے دِل توں اَتے رَبّ نال گلّاں کرے۔
\p
\v 29 ۲۹۔تد نبیاں وِچوں دو یا تِن بولن اَتے باقی اوہناں دے کلام نُوں پرکھن۔
\v 30 ۳۰۔پر جے لاگے بیٹھے دُوجے جی نُوں مکاشفہ ہووے تے پہیلا چُپ ہو جاوے۔
\v 31 ۳۱۔کیوں جو تُسیں سارے ای اِک اِک کر کے نبُوّت کر سکدے او تاں جو سارے سِکھن اَتے ساریاں نُوں نصیحت ہووے۔
\v 32 ۳۲۔اَتے نبیاں دِیاں رُوحواں نبیاں دے تابع نیں۔
\v 33 ۳۳۔کیوں جو رَبّ بربادی دا نئیں سگوں اَمن دا بانی اے۔ جیویں پاک لوکاں دِیاں سارِیاں کلیسیاواں وِچ اے۔
\v 34 ۳۴۔زنانِیاں کلیسیا دے اکٹھ وِچ چُپ رہن کیوں جو اوہناں نُوں بولن دا حُکم نئیں سگوں تابع رہن جیویں توریت وِچ وی لِکھیا اے۔
\v 35 ۳۵۔اَتے جے کُجھ سِکھنا چاہن تے گھر وِچ اپنے اپنے خاوَند نُوں پُچھّن کیوں جو زنانی دا کلیسیا دے اکٹھ وِچ بولنا شرم دی گلّ اے۔
\v 36 ۳۶۔کِیہ رَبّ دا کلام تُہاڈے وِچوں نِکلیا اے؟ یاں نِرا تُہاڈے تِیک ای اَپڑیا اَے؟
\v 37 ۳۷۔جے کوئی اپنے آپ نُوں نبی یاں رُوحانی سمجھ دا اے تے ایہ جان لوّے پئی جیہڑیاں گلّاں مَیں تُہانوں لِکھنا آں اوہ خُداوَند دے حُکم نیں۔
\v 38 ۳۸۔اَتے جے کوئی نا جانے تے نا جانے۔
\p
\v 39 ۳۹۔سو بَھراوؤ! نبُوّت کرن دی تمنا رکھو اَتےبولیاں بولن توں نا ڈکو۔
\v 40 ۴۰۔پر سارِیاں گلّاں سُچَجّے اَتے بڑے ای سلیقے نال کم وِچ لیایاں جان۔
\c 15
\cl باب ۱۵
\p
\v 1 ۱۔ہُن بَھراؤو! مَیں تُہانوں اوہو ای خُوش خبری دس دینا آں جیہڑی پہیلے توں دس چُکیا آں۔ جِنھوں تُسیں مَن وی لیا سی اَتے جِہدے اُتّے تُسیں قیئم وی او۔
\v 2 ۲۔اوہدے سببوں تُہانوں نجات وی مِلی اے پر شرط اے وے اوہ خُوش خبری جیہڑی مَیں تُہانوں دِتی سی، یاد رکھ دے او نئیں تے تُہاڈا اِیمان لیانا کِسے کم دا نئیں۔
\p
\v 3 ۳۔سو مَیں تُہانوں ساریاں نالوں پہیلاں اوہو ای گل اَپڑا دِتّی جیہڑا مَینوں اَپڑی سی پئی مسِیح پاک کتاب دے دے مُطابق ساڈے پاپاں لئی مویا۔
\v 4 ۴۔اَتے دفنایا گیا اَتے تِجّے دیہاڑے پاک کِتاب دے مطابق جی اُٹھیا۔
\v 5 ۵۔اَتے کَیفاؔ نُوں اَتے اوہدے پِچھوں اوہناں باراں نُوں دِسّیا۔
\v 6 ۶۔فیر پنچ سو توں وی بوہتیاں بَھراواں نُوں اِکو ویلے وکھالی دِتّا۔ جِنھاں وِچوں بتھیرے ہُن تِیک جیوندے نیں اَتے کُجھ سو گَئے نیں۔
\v 7 ۷۔فیر یَعقُوبؔ نُوں وَکھالی دِتّا، فیر ساریاں رسُولاں نُوں۔
\v 8 ۸۔اَتے ساریاں پِچھوں اَخِیر وِچ مَینوں وی دِسّیا، مَیں جیہڑا اَدُھورے دیہاڑیاں دی جَم آں۔
\v 9 ۹۔کیوں جو مَیں رسُولاں وِچوں ساریاں نالوں نِکّا آں سگوں رسُول اکھوان دے لائق نئیں۔ ایس لئی پئی مَیں رَبّ دی کلیسِیا نُوں ستایا سی۔
\v 10 ۱۰۔پر جو کُجھ آں رَبّ دے فضْل نال آں اَتے اوہدا فضْل جیہڑا میرے اُتّے ہویا اوہ بے فائدہ نئیں ہویا سگوں مَیں اوہناں ساریاں نالوں وَدھ محنت کیتی جیہڑی میری وَلوں نئیں ہوئی سگوں رَبّ دے اوس فضْل نال جیہڑا میرے اُتّے ہویا۔
\v 11 ۱۱۔سو بھانویں مَیں آں یاں اوہ، اَسیں ایہو ای منادی کرنیں آں اَتے تُسیں ایسے گل تے ایمان وی لیائے سو۔
\p
\v 12 ۱۲۔سو جدوں مسِیح دے بارے ایہ منادی کِیتی جاندی اے پئی اوہ مُردیاں وِچوں جی اُٹھیا تے تُہاڈے وِچوں کُجھ کینج آکھ سکدے نیں پئی مویاں دی قیامت ہُندی ای نئیں؟
\v 13 ۱۳۔جے مویاں دی قیامت نئیں تے مسِیح وی نئیں جی اُٹھیا۔
\v 14 ۱۴۔اَتے جے مسِیح ای نئیں جی اُٹھیا تے ساڈی منادی وی بے فائدہ اے اَتے تُہاڈا اِیمان وی بے فائدہ۔
\v 15 ۱۵۔سگوں اَسیں وی رَبّ دے جُھوٹے گواہ بن دے کیوں جو اَسیں تے رَبّ دےبارے ایہ گواہی دِتی پئی اوہنے مسِیح نُوں زندہ کِیتا، فرض کِیتا پئی جے موئے ہوئے جی نئیں اُٹھ دے تو مسِیح نُوں وی زندہ نئیں کِیتا۔
\v 16 ۱۶۔اَتے جے موئے نئیں جی اُٹھ دے تے مسِیح وی نئیں جیوندا۔
\v 17 ۱۷۔اَتے جے مسِیح نئیں جی اُٹھیا تے تُہاڈا اِیمان بے فائدہ اے تُسیں ہُن تِیک اپنے پاپاں وِچ پھسّے ہوئے او۔
\v 18 ۱۸۔سگوں جیہڑے مسِیح وِچ سو گئے نیں اوہ وی ہلاک ہوئے۔
\v 19 ۱۹۔جے اَسیں اُکا ایسے جِندڑی تِیک مسِیح وِچ آس رکھ دے آں تے ساریاں بندیاں توں بوہتے بد نصیب آں۔
\p
\v 20 ۲۰۔پر مسِیح سچ مُچ مویاں وِچوں جی اُٹھیا اَتے جیہڑے سو گَئے نیں اوہناں وِچوں پہیلا پَھل ہویا۔
\v 21 ۲۱۔کیوں جو جینج بندے دے سببوں مَوت آئی تے بندے ای سببوں مویاں دی قیامت وی آئی۔
\v 22 ۲۲۔سو جینج آدم وِچ سارے موندے نیں اونج ای مسِیح وِچ سارے زِندہ کِیتے جان گے۔
\v 23 ۲۳۔پر سارے اپنی اپنی واری نال، پہیلا پَھل مسِیح۔ فیر مسِیح دے آن تے اوہدے لوک۔
\v 24 ۲۴۔ایہدے پِچھوں اَخیِر ہووے گی۔ اوس ویلے اوہ ساری حُکومت اَتے سارا اختیار اَتے قُدرت مُکا کے بادشاہی نُوں رَبّ مطلب باپ دے حوالے کر دیوے گا۔
\v 25 ۲۵۔کیوں جو جدوں تِیک اوہ کُل ویریاں نُوں اپنے پیراں ہیٹھ نا لے آوے، اے پَک اے پئی اوہ بادشاہی کرے۔
\v 26 ۲۶۔اَتے ساریاں دے اَخیر وِچ اوس ویری نُوں جِنھوں مُکایا جاوے گا، اوہ مَوت اے۔
\v 27 ۲۷۔جے رَبّ نے سب کُجھ اوہدے پیراں ہیٹھاں کر دِتّا اے پر جدوں اوہ فرماندا اے پئی سب کُجھ اوہدے تابع کر دِتّا گیا تے اوہ آپ وَکھ اے۔
\v 28 ۲۸۔اَتے جدوں سب کُجھ اوہدے تابع ہو جائے گا تے پُتّر آپ اوہدے تابع ہو جائے گا، جِنھیں ساریاں شَیواں اوہدے تابع کر دِتّیاں نیں تاں جو ساریاں وِچ رَبّ ای سب کُجھ ہووے۔
\p
\v 29 ۲۹۔اَتے فیر اوہ لوک کِیہ کرن گے جیہڑے مویاں لئی بَپتِسمہ لیندے نیں؟ جے موئے جی ای نئیں اُٹھ دے تے فیر اوہناں لئی بَپتِسمہ کیوں لیندے نیں؟
\v 30 ۳۰۔اَتے اَسیں کیوں ہر ویلے خطرے وِچ پئے رہنے آں؟
\v 31 ۳۱۔ بَھراوؤ! مَینوں اوس فخر دی قسم اے جیہڑا خُداوَند مسِیح وِچ تُہاڈے اُتّے اے، مَیں ہر روز مَرنا آں۔
\v 32 ۳۲۔جے مَیں اِنسانی طریقیاں نال اِفسُسؔ وِچ دِرندیاں نال لڑیا تے مَینوں کِیہ فائِدہ؟ جے موئے ہوئے زِندہ نا کِیتے جان گے تے آؤو کھائیے پِیئے کیوں جو کل مؤنا تے ہے ای اے۔
\v 33 ۳۳۔دھوکے وِچ نا رہیوؤ۔ بھیڑیاں یارِیاں چنگیاں عادتاں نُوں وگاڑ دیندیاں نیں۔
\v 34 ۳۴۔سچیائی نال ہوش وِچ آؤو اَتے پاپ نا کھٹو کیوں جو کُجھ ہے نیں جیہڑے رَبّ نُوں نئیں جان دے۔ مَیں تُہانوں شرمِندیاں کرن لئی ایہ آکھنا آں۔
\p
\v 35 ۳۵۔ہُن کِیہ کوئی ایہ آکھّے گا پئی موئے کینج جی اُٹھ دے اَتے کینج دا جُسّا بن جاندے نیں؟
\v 36 ۳۶۔نادانا! تُوں آپ جو کُجھ بیجنا ایں، جد تِیک اوہ موئے نا، زندہ نئیں کِیتا جاندا۔
\v 37 ۳۷۔اَتے جیہڑا تُوں بِیجنا ایں ایہ اوہ جُسّا نئیں جیہڑا پیدا ہون والا اے سگوں اُکّا بِیہ دا دانہ اے۔ بھانویں کنَک دا ہووے ، بھانویں کِسے ہور شَے دا۔
\v 38 ۳۸۔پر رَبّ اوہنوں اپنی مَرضی دے حِساب نال اوہنوں جُسّا اَتے اِک اِک بِیہ نُوں وَکھّو وَکھّ جُسّا دیندا اے۔
\v 39 ۳۹۔سارے ماس اِکّو جیہے ماس نئیں سگوں بندیاں دا ماس ہَور اے، ڈنگراں دا ماس ہَور۔ پَکُھواں دا ہَور اے، مچھّیاں دا ماس ہَور۔
\v 40 ۴۰۔جُسّا اَسمانی وی نیں اَتے زمینی وی پر اَسمانِیاں دا جلال وَکھّ اے، زمِینیاں دا وَکھ۔
\v 41 ۴۱۔سُورج دا جلال وَکھ اے، چَنّ دا جلال ہَور۔ تاریاں دا جلال وَکھ اے کیوں جو تارے تارے دے جلال وِچ فرق اے۔
\p
\v 42 ۴۲۔مویاں دی قیامت وی اجیہی ای اے۔ جُسّا ناس ہوجان دے حال وِچ بِیجیا جاندا اے اَتے سدا رہن والے حال وِچ جی اُٹھ دا اے۔
\v 43 ۴۳۔بے عِزتی دے حال وِچ بِیجیا جاندا اے اَتے جلال دے حال وِچ جی اُٹھ دا اے۔ ماڑے حال وِچ بِیجیا جاندا اے اَتے زور دے حال وِچ جی اُٹھ دا اے۔
\v 44 ۴۴۔نفسانی جُسّا بِیجیا جاندا اے اَتے رُوحانی جُسّا جی اُٹھ دا اے۔ جے نفسانی جُسّا ہے وے تے رُوحانی جُسّا وی اے۔
\p
\v 45 ۴۵۔ایس لئی ایہ وی لِکھیا اے پئی پہیلا بندہ مطلب آدمؔ جیوندی جان ہویا۔ پِچھلا آدمؔ جندڑی دین والی رُوح ہویا۔
\v 46 ۴۶۔پر پہیلا رُوحانی نئیں سی سگوں نفسانی سی۔ ایہدے پِچھوں رُوحانی ہویا۔
\v 47 ۴۷۔پہیلا بندہ زمِین دی مِٹّی توں سی۔ دُوجا بندہ آسمانی اے۔
\v 48 ۴۸۔جینج اوہ مِٹّی دا سی اونج ای ہور وی مِٹّی دے نیں، اَتے جینج اوہ اَسمانی اے اونج ای ہور اَسمانی وی نیں۔
\v 49 ۴۹۔اَتے جینج اَسیں مِٹّی دی شکل اُتّے بنیں آں اونج ای اوس اَسمانی دی شکل اُتّے وی ہواں گے۔
\p
\v 50 ۵۰۔بَھراؤ! میرا مطلب ایہ اے پئی ماس اَتے لہو رَبّ دی بادشاہی دے وارِث ہون دے لائق نئیں اَتے نا ای ناس ہمیشہ دی جندڑی دی وارِث ہو سکدی اے۔
\v 51 ۵۱۔ویکھو مَیں تُہانوں بھیت دی گَل آکھنا آں۔ اَسیں سارے تے نئیں سونواں گے پر سارے بدل جاواں گے۔
\v 52 ۵۲۔اَتے ایہ اَخِیر دے نرسنگے پُھوک دے ای اِک دم نال، اَکھ جھپکتے ای ہوجائے گا کیوں جو نرسنگا پُھوکیا جاوے گا اَتے موئے ہوئے ناس نا ہون والی حالت وِچ جی اُٹھن گے اَتے اَسیں بدل جاواں گے۔
\v 53 ۵۳۔کیوں جو ایہ پَک اے پئی ایہ ناس ہون والا جُسّا ہمیشہ دی جِندڑی دا جامہ پاوے۔
\v 54 ۵۴۔اَتے جدوں ایہ مُک جان والا جُسّا ہمیشہ دی جِندڑی دا جامہ پا لَوّے گا اَتے ایہ مرن والا جُسّا ہمیشہ دی جِندڑی دا جامہ پا لَوّے گا تے لِکھیا ہویا اوہ قول پُورا ہووے گا پئی مَوت جِت دی بُرْکی (نوالہ) بَن گَئی۔
\q1
\v 55 ۵۵۔’’مَوت تیری جِت کِتھے اے؟ مَوت تیرا ڈنگ کِتھے اے؟‘‘
\p
\v 56 ۵۶۔اَتے مَوت دا ڈنگ پاپ اے اَتے پاپ دا زور شرِیعت اے۔
\v 57 ۵۷۔پر رَبّ دا شُکر اے جیہڑا ساڈے خُداوَند یسُوعؔ مسِیح دے سببوں ساہنوں جِت بخشدا اے۔
\p
\v 58 ۵۸۔سو میرے پیارے بھَراؤو! تُسیں ہِمت نا ہارو اَتے قیئم رہ کے خُداوَند دے کم وِچ سدا تِیک ودھدے رہیوؤ کیوں جو ایہ جان دے او پئی تُہاڈی محنت خُداوَند وِچ بے فائِدہ نئیں اے۔
\c 16
\cl باب ۱۶
\p
\v 1 ۱۔ہُن اوس چندے دے بارے جیہڑا پاک لوکاں دے لئی کِیتا جاندا اے، جینج مَیں گَلِتّیہؔ دی کلیسیاواں نُوں حُکم دِتّا اونج ای تُسیں وی کرو۔
\v 2 ۲۔ہفتے دے پہیلے دیہاڑے تُہاڈے وِچوں ہر جی اپنی روزی دے حِساب نال کُجھ اپنے کول رکھ لیا کرے تاں جو میرے آن تے چندے نا کرنے پین۔
\v 3 ۳۔اَتے جدوں مَیں آواں تے جِنھاں نُوں تُسیں قبُول کرو گے، مَیں اوہناں نُوں سنیہا لِکھ کے بھیج دیاں گا تاں جو تُہاڈی خیرات یروشلِؔیم نُوں اَپڑا دین۔
\v 4 ۴۔اَتے جے میرا وی جانا ٹھیک ہویا تے اوہ میرے نال ای جان گے۔
\p
\v 5 ۵۔اَتے مَیں مَکِدُنیہؔ توں ہو کے تُہاڈے کول آواں گا کیوں جو مَیں مَکِدُنؔیہ توں ای لنگ کے جانا اے۔
\v 6 ۶۔پر ہو سکدا اے پئی تُہاڈے کول ای رہواں اَتے سیال وی تُہاڈے کول ای کڈّاں تاں جو جینج مَیں جانا چاہیواں تُسیں اونج ای مَینوں ٹوریا جے۔
\v 7 ۷۔کیوں جو مَیں ہُن راہ وِچ لنگدیاں ہویاں تُہاڈے نال مِلنا نئیں چاہندا۔ سگوں مَینوں آس اے پئی خُداوَند نے چاہیا تے کُجھ چِر لئی تُہاڈے کول رہیواں گا۔
\v 8 ۸۔پر مَیں پِنتکُست دے عید تِیک اَفسُسؔ وِچ رہیواں گا۔
\v 9 ۹۔کیوں جو میرے کول اِک چوکھا وَڈا اَتے کم دا بُوہا کُھلا اے اَتے وَیری بتھیرے نیں۔
\p
\v 10 ۱۰۔جے تِمُتھِیُسؔ آ جاوے تے خیال رکھیا جے پئی اوپ تُہاڈے کول کِس ڈر بِناں رہیوے کیوں جو اوہ میرے وانگ خُداوَند دا کَم کردا اے۔
\v 11 ۱۱۔سو کوئی اوہنوں ماڈھا نا سمجھے سگوں اوہنوں خیر نال اینج ٹوریا جے پئی اوہ میرے کول آ جاوے کیوں جو مَیں ایس اُڈیک وِچ آن پئی اوہ بَھراواں نال آوے۔
\p
\v 12 ۱۲۔اَتے پائی اَپُلّوسؔ نُوں بڑے تَرلے کِیتے پئی تُہاڈے کول بھَراواں دے نال جاوے پر اوہ ایس واری جان لئی اُکاّ ای راضی نئیں ہویا پر جدوں اوہنوں موقع مِلیا تے جاوے گا۔
\p
\v 13 ۱۳۔جاگ دے رہوؤ۔ اِیمان وِچ قئیم رہیوؤ۔ بندے بَنو۔ تگڑے ہوؤ۔
\v 14 ۱۴۔جو کُجھ کر دے او محبت نال کرو۔
\p
\v 15 ۱۵۔بَھراوؤ! تُسیں ستِفناسؔ دے ٹبّر نُوں جان دے او پئی اوہ اَخِیہؔ دے پہیلے پَھل نیں اَتے پاک لوکاں دی سیوا لئی تیار رہندے نیں۔
\v 16 ۱۶۔سو مَیں تُہانوں تَرلا مارنا آن پئی اجیہے لوکاں دے تابع رہوؤ سگوں ہر اِک دے جیہڑا ایس کم اَتے محنت وِچ نال رَلیا اے۔
\v 17 ۱۷۔اَتے مَیں ستفِناسؔ اَتے فرتُوناتُسؔ اَتے اخیکُسؔ دے آن توں خُوش آں کیوں جو کُجھ تُہاڈے وَلوں کَھٹیا اوہ اوہناں نیں پُورا کِیتا۔
\v 18 ۱۸۔اَتے اوہناں نیں میری اَتے تُہاڈی رُوح نُوں تازیاں کِیتا۔ سو اجیہے لوکاں نُوں مَنّوں۔
\p
\v 19 ۱۹۔آسِیہؔ دِیاں کلیسیاواں تُہانوں سلام کَھل دِیاں نیں۔ اَکِولؔہ اَتے پَرِسکؔہ اوس کلیسیا سَنے جیہڑی اوہناں دے گھر وِچ اے، تُہانوں خُداوَند وِچ بوہت بوہت سلام آکھدے نیں۔
\v 20 ۲۰۔سارے بَھرا، تُہانوں سلام آکھدے نیں۔ پاک بوسہ لے کے آپو وِچ سلام کرو۔
\p
\v 21 ۲۱۔مَیں پَولُسؔ اپنے ہتھ نال سلام لِکھنا آں۔
\v 22 ۲۲۔جیہڑا وی خُداوَند نُوں پیار نئیں کردا ، لعنتی رہیوے۔ ساڈا خُداوَند آن والا اے۔
\v 23 ۲۳۔خُداوَند یسُوعؔ مسِیح دا فضْل تُہاڈے اُتے ہُندا رہیوے۔
\v 24 ۲۴۔میری محبّت مسِیح یسُوعؔ وِچ تُہاڈے ساریاں نال رہیوے۔ آمِین۔