pnb_reg/46-ROM.usfm

\id ROM
\ide UTF-8
\h رُومیوں
\toc1 رُومیوں
\toc2 رُومیوں
\toc3 rom
\mt رُومیوں
\c 1
\cl باب ۱
\p
\v 1 ۱۔پولُوس، یسُوع دا اِک خادم، جس نوں اک رسول ہون لئی بلایا گیا تے خُدا دی انجیل دی منادی کرن لئی بلایا گیا۔
\v 2 ۲۔جس دا اوہنے پاک کلام وچ بہت پہلاں نبیاں دے وسیلے اپنے پُتر بارے وعدہ کیتا سی۔
\v 3 ۳۔جیڑا جسم دے تعلق نال داؤد دی نسل وچوں سی۔
\v 4 ۴۔پر پاکیزگی دی روح نال مُردیاں وچوں جی اُٹھن دے سبب رب دا پُتر یسُوع مسیح ساڈا خُداوند ہویا۔
\v 5 ۵۔اوس دے وسیلے نال سانوں فضل تے رسالت ملی تاں جو اَسی اُس دے ناں دی خاطر ساریاں قوماں وچ ایمان دے تابع رئیے۔
\v 6 ۶۔ایناں قوماں وچوں، تُسی وی یسُوع مسیح دے ہون لئی سدے گئے ہو۔
\v 7 ۷۔اے خط روم دے وچ رہن والے سارے رب دے پیاراں دے ناں اے، جناں نوں پاک ہون لئی بلایا گیا اے۔ ساڈے رب باپ تے یسُوع مسیح دا فضل تے اطمینان تہانوں حاصل ہُندا رے۔
\p
\v 8 ۸۔پہلاں میں تہاڈے ساریاں دا یسُوع مسیح دے وسیلے خُدا دا شکر کردا ہاں کیوں جو ساری دُنیا وچ تہاڈے ایمان دا ڈھنڈورا ہو ریا اے۔
\v 9 ۹۔جنہوں میں اپنی روح دے نال جس دے بیٹے دی منادی کردا ہاں، اوہ خدا گواہ اے کہ میں ہر ویلے تہاڈا ذِکر کرنا ہاں۔
\v 10 ۱۰۔میں اپنی دُعاواں وچ ہمیشہ درخواست کردا ہاں تاں جو میں خُدا دی مرضی نال تہاڈے کول آن وچ ہُن آخر کار کامیاب ہو جاواں۔
\v 11 ۱۱۔میری بڑی خواہش اے کہ میں تہانوں مل کے کوئی روحانی تحفہ دیاں، جس نال تُسی مضبوط ہو جاؤ۔
\v 12 ۱۲۔ایس طرح میں چاہنا ہاں کہ تہاڈے درمیان رہ کے سانوں اِک دوسرے دے ایمان نال، جیڑا ساڈے وچ ہے، اِک دوسرے دے وسیلے حوصلہ ملے۔
\v 13 ۱۳۔میرے پراؤ، میں تہانوں ایس توں ناواقف نئیں رکھنا چاہندا کہ میں اکثر تہاڈے کول آؤن دا ارادہ رکھ دا سان (پر ہُن تک رُکیا ریا) تاں جو تہاڈے وچوں مینوں اوس طرح دا پھل ملے جیویں دا غیر قوماں وچوں ملیا۔
\v 14 ۱۴۔میں یونانیاں تے غیر یونانیاں، عقلمنداں تے بے سمجھ لوکاں دا قرضدارآں۔
\v 15 ۱۵۔ایس لئی جیڑے تُسی روم وچ رہندے او، تہانوں انجیل دی خوشخبری سناون لئی تیار آں۔
\p
\v 16 ۱۶۔میں انجیل توں شرمندہ نیں، کیوں جو ہر اِک ایماندار دی نجات لئی رب دی قدرت اے، پہلے یہودیاں تے پھر یونانیاں دے لئی۔
\v 17 ۱۷۔کیوں جو اِس وچ رب دی سچیائی ایمان توں ایمان لئی ظاہر ہُندی اے، کیوں جو اِس طرح لکھیا اے کہ ’’راستباز ایمان نال جندہ روے گا‘‘۔
\p
\v 18 ۱۸۔کیوں جو خُدا دا قہر اوناں لوکاں دی بے دینی تے ناراستی اُتے آسمان توں نازل ہُندا اے جیڑے سچائی نوں بے دینی نال دبائی رکھ دے نے۔
\p
\v 19 ۱۹۔ایہ ایس لئی کہ جو اُناں رب بارے جاننا اے اوناں نوں نظر آوندا اے۔ کیوں جو خُدا نے اوناں نوں وکھا دتا اے۔
\v 20 ۲۰۔کیوں جو اوس دیاں نادسن والیاں صفتاں، یعنی اوہدی ازلی تے الہٰی قدرت دُنیا دے شروع توں ای صاف صاف دیکھی گئی اے اوناں چیزاں دے ذریعے جیڑیاں پیدا کیتیاں گیاں۔ اوناں بارے کوئی بہانہ نیں۔
\v 21 ۲۱۔ایس لئی بھاویں اوہ رب نوں جان دے سن، پر اوناں نے رب دی وڈیائی نہ کیتی تے نہ ہی شُکر گزاری کیتی۔ اُلٹا، اپنے خیالاں وچ بیوقوف بن گئے تے اوناں دے نادان دلاں وچ ہنیرا پے گیا۔
\v 22 ۲۲۔اوہ اپنے آپ نوں عقلمند سمجھ دے سن پر بیوقوف بن گئے۔
\v 23 ۲۳۔اوناں غیر فانی رب دے جلال نوں ، فنا ہوجان والے انسان، پرندیاں ، ڈنگراں تے کیڑے مکوڑیاں دی شکل وچ بدل دتا۔
\p
\v 24 ۲۴۔ایس لئی رب نے اوناں نوں اوناں دے دلاں دیاں خواہشاں دے مطابق گند وچ چھڈ دتا، تاں جو اوناں دے شریر (جسم) آپس وچ بے عزت ہون۔
\v 25 ۲۵۔اے لوک اوہ نے جناں سچائی نوں جھوٹ نال تبدیل کردتا، تے ایناں نے خالق دی بجائے اہدیاں پیدا کیتیاں ہویاں چیزاں دی عبادت تے خدمت کیتی۔ حالانکہ ابدی تعریف ہمیشہ تک ہے۔ آمین
\p
\v 26 ۲۶۔ایس لئی، خدا نے اوناں نوں گندی خواہشاں وچ چھڈ دتا۔ اوناں دیاں جناہنیاں نے طبعی رشتیاں نوں غیر طبعی رشتیاں وچ بدل دتا۔
\v 27 ۲۷۔ایسے طرح، آدمی وی عورتاں نال طبعی رشتے چھڈ کے آپس وچ شہوت کرن لگ گئے۔ اے بندے جناں دوسرے بندیاں نال حرامکاری کیتی اوناں نے اپنی غلطیاں دی سبب اپنے آپ ہی سزا پائی۔
\p
\v 28 ۲۸۔تے جس طرح اوناں خُدا دی پشان نوں پسند نیں کیتا اوسے طرح خُدا نے وی اوناں دی عقل مار دتی، تاں جو اوہ ایسے کم کرن جیڑے ٹھیک نیں۔
\v 29 ۲۹۔اوناں وچ ناراستی، چالاکی، لالچ تے بغض بھر گیا تے اوناں وچ حسد قتل، جھگڑے، دھوکا بازی تے مکاری بہت ود گئی۔ تے چلغیاں کرن والے سی۔
\v 30 ۳۰۔بُرائی کرن والے، خُدا توں نفرت کرن والے، گُستاخ، جاہل، شیخی باز، بدی کرن دے بانی تے ماں پیو دے نافرمان۔
\v 31 ۳۱۔اوہ نادان، بے ایمان، محبت توں خالی تے بے رحم ہو گئے۔
\v 32 ۳۲۔اوہ خُدا دے قانون نوں سجمھ دے نے کہ جیڑے ایہو جئے کم کر دے نے اوہ موت دی سزا دے لائق نے۔ اوہ نہ صرف آپ ایہو جئے کم کردے نے بلکہ ایہ جئے کم کرن والیاں دی حمایت کردے نے۔
\c 2
\cl باب ۲
\p
\v 1 ۱۔ایس لئی بہترے کولوں کوئی بہانہ نہیں، اے بندیا کیوں جو جس دا تُوں دوسرے اُتے الزام لاؤنا ایں اُس داتوں خُود مجرم ٹھہردا ایں۔ ایس لئی کہ توں خود وی اوہ کم کردا ایں۔
\v 2 ۲۔پر، سانوں پتہ اے کہ خُدا دی عدالت وچ انصاف سچائی نال ہُندا اے، اونا سب لئی جیڑے ایسے کم کردے نے۔
\v 3 ۳۔اے بندیا، توں ایس گل نوں غور کر کہ توں جناں کماں نوں کرن دا الزام دوسریاں اُتے لاؤندا ہیں تے آپ خود وی او ہو کم کردا ایں، کی توں خُدا دی عدالت توں بچ جاویں گا؟
\v 4 ۴۔ آیا تُوں اُدھی اچھائی تے صبر دی دولت نُوں کھٹ سمجھنا ہے، کی تینوں پتہ نئیں کہ اوہدی اچھائی توبہ ول لے کے جارہی اے؟
\v 5 ۵۔پر، ایہ توں اپنی سختی تے توبہ نہ کرن والے دل دے مطابق، اوس قہر والے دن لئی غضب کماریا ایں یعنی اوس دن لئی جدوں سچی عدالت ظاہر ہوئے گی۔
\p
\v 6 ۶۔اوہ ہر اک نوں اوہدے کماں دے مطابق اجر دیوے گا۔
\v 7 ۷۔تے اوہناں نوں جیڑے لگاتار چنگے کماں، عزت تے ایمانداری وچ لگے رہندے نے، اوناں نوں ہمیشہ دی زندگی دتی جائے گی ۔
\v 8 ۸۔پر اوہناں نوں جیڑے خود نمائی، سچائی نوں رد کر کے جھوٹ نوں من دے نے، اوناں اُتے رب دا غضب تے قہر آئے گا۔
\v 9 ۹۔تے ہر اک بدکار انسان دی روح اُتے دُکھ تے مصیبت آئے گی۔ پہلاں یہودی اُتے تے پھر یونانی اُتے وی۔
\v 10 ۱۰۔پر عزت، تعریف تے سلامتی ہر اک نیک بندے نوں ملے گی۔ پہلاں یہودی نوں تے پھر یونانی نوں۔
\v 11 ۱۱۔کیوں رب دے حضور کوئی طرفداری نئیں۔
\p
\v 12 ۱۲۔کیوں جو جناں نے وی بغیر شریعت پائے گناہ کیتا اوہ بغیر شریعت دے ہلاک ہوجان گے تے جناں نے شریعت دے ہُندیاں ہویاں گناہ کیتا اوہناں نوں شریعت دے وچ رہ کے سزا ہوے گی۔
\v 13 ۱۳۔کیوں جو رب دے سامنے شریعت نوں سُنن والے راستباز نیں بلکہ شریعت اُتے عمل کرن والے راستباز گنے جان گے۔
\v 14 ۱۴۔فیر جدوں غیر قوماں، جیڑیاں شریعت نئیں رکھ دیاں ، پر اپنی فطرت دے نال شریعت دے کم کردے نے، اوہ اپنے وچ آپ ہی شریعت نے بھاویں اوہ شریعت نئیں رکھ دے۔
\v 15 ۱۵۔ایویں کرن نال اوہ ظاہر کردے نے کہ شریعت اوناں دے دلاں وچ لکھی ہوئی اے۔ اوناں دا ضمیر وی ایسدی گواہی دیندا اے۔ تے اوناں دے اپنے خیال یا تے اوناں اُتے الزام لاندے نے یا اپنے ااپ نوں بچاؤندے نے۔
\v 16 ۱۶۔ایہ، اُوس دن ہوئےگا جدوں میری انجیل دی خوشخبری دے مطابق، یسوع مسیح دے وسیلے رب لوکاں دے پوشیدہ کماں دا انصاف کرے گا۔
\p
\v 17 ۱۷۔پر اگر توں اپنے آپ نوں یہودی کہنا اے تے شریعت تے تکیہ کردا ایں تے خُدا دی شیخی مار دا ایں۔
\v 18 ۱۸۔تے اوہدی مرضی نوں جاندے ہویاں چنگیاں گلاں دی اِجازت دیندا ایس لئی کہ ایس دی تینُوشریعت ولوں ہدایت ہوئی اے۔
\v 19 ۱۹۔تے اگر توں ایہ من لیا اے کہ توں آپ خود اَنے (َندھے) دی راہنمائی ایں، ہنیرے وچ رہن والیاں لئی روشنی ایں۔
\v 20 ۲۰۔بیوقوفاں دی تربیت کرن والا، نیکے بالاں دا اُستاد، تے تیرے کول شریعت دی سچائی تے علم ہے، تے فیر تیری زندگی تے رہن بین اُتے اُدیدہ کی اثر اے۔
\v 21 ۲۱۔تُسی جیڑے دوجیاں نوں سکھاؤندے او، تُسی اپنے آپ نوں کیوں نئیں سکھاؤندے؟ تُسی جیڑے چوری دے خلاف منادی کردے او، کی تُسی چوری کردے ہو؟
\v 22 ۲۲۔تُسی جیڑے کہندے او پئی زنا نہ کرنا، کی تُسی آپ زناکیوں کردے ہو؟ تُسی جیڑے بُتاں توں نفرت کر دے او، کی تُسی آپ مندراں نوں نئیں جاندے؟
\v 23 ۲۳۔جیڑا شریعت اُتے فخر کردا اے، کی تُوں شریعت نوں توڑ کے خُدا دی بے عزتی نیئں کردا؟
\v 24 ۲۴۔ایس لئی ، تہاڈے سبب غیر قوماں وچ رب دے ناں دی بے حرمتی ہُندی اے، تے جیویں اس طرح لکھیا وی ہویا اے۔
\p
\v 25 ۲۵۔سُںنتاں توں تہانوں فائدہ تے ہے پر جے تُسی شریعت اُتے عمل کرو۔ پر اگر شریعت نوں توڑ دے ہو، تے پھر تہاڈا ختنہ نئیں رہندا۔
\v 26 ۲۶۔پرم اگر، بغیر ختنہ والا آدمی، شریعت دے حکماں اُتے عمل کرے، تے کی اوہدی نامختونی، ختنے دے برابر من لئی جائے گی؟
\v 27 ۲۷۔تے کی فطری طور تے نامختون تینوں قصوروار نیں منے گا اگر اوہ شریعت تے عمل کردا اے؟ ایہ ایس لئی کہ تیرے کول لکھیا ہویا اے کہ شریعت تے ختنہ اے پر تُوں شریعت نوں توڑ دا ایں!
\v 28 ۲۸۔کیوں جو اوہ یہودی نیں جیڑا وکھاوے دا اے، تے نہ ای اوہ ختنہ اے جیڑا وکھاوے دا تے جسمانی اے۔
\v 29 ۲۹۔پر یہودی اوہو اےجیڑا اندروں اے، تے ختنہ اوہ اے جیڑا دل دا تے روحانی اے نہ کہ لفظاں دا۔ ایسے بندے دی تعریف لوکاں توں نیں بلکہ خُدا دی طرفوں ہُندی اے۔
\c 3
\cl باب ۳
\p
\v 1 ۱۔فیر، یہودیاں نوں کی برتری اے؟ تے ختنے دا کی فائدہ؟
\v 2 ۲۔ایہ ہر طرح شاندار اے۔ ساریوں توں پہلاں خُدا دا مکاشفہ یہودیاں دے سپرد کیتا گیا۔
\v 3 ۳۔پر کی ہویا جے کجھ یہودی بغیر ایمان دے نکلے؟ کی اوہناں دی بے وفائی خدا دی وفاداری نوں ختم کر سکدی اے؟
\v 4 ۴۔ایہ بالکل نیں بلکہ خدا سچا ٹھہرے تے ہر اک آدمی جُھوٹا ۔ کیوں جو لکھیا گیا اے، ’’کہ تُو اپنی گل بات وچ راستباز ٹھہرے تے عدالت وچ تیرے مقدمے دی فتح ہووے‘‘۔
\p
\v 5 ۵۔پر اگر ساڈی ناراستی رب دی راستبازی دی اچھائی نوں ظاہر کر دی تے ایس کی کی کیے؟ کی اسی ایویں کہیے کہ رب دی ناراستی جیڑا ساڈے اُتے قہر نازل کردا اے؟ (میں انسانی دلیل دے رہیاں)۔
\v 6 ۶۔ایویں ہرگز نیں کیوں جو پھر خُدا دُنیا دا انصاف کیویں کرگے گا؟
\v 7 ۷۔پر اگر میرے جُھوٹ دے سبب رب دی سچائی نے اوس دی تمجید وچ اضافہ کیتا اے تے کیوں فیر گنہگار ونگو میرے اُتے عدالت ہندی اے؟
\v 8 ۸۔کیوں نہ کیہے جدوں کہ ساڈے اُتے جُھوٹا الزام لایا جاندا اے، تے کجھ ایس طرح وی کہندے نے کہ ایہ ایناں دا وطیرہ اے۔‘‘ آؤ بُرائی کریے تاں جو اچھائی آئے‘‘۔
\p
\v 9 ۹۔فیر کی؟ کی اسی آپنے آپ نوں ماف کر دیئے بالکل نیں۔ کیوں جو اسی پہلاں ای یہودیاں تے یونانیاں، دوناں اُتے الزام لا چُکے آں، اوہ سارے دے سارے گناہ وچ نے۔
\v 10 ۱۰۔کیوں جو لکھیا اے، ’’کوئی وی راستباز نیں ، اک وی نیں۔
\v 11 ۱۱۔کوئی سمجھ دا نئیں ۔ کوئی خُدا دی اُنان (تلاش) وچ نئیں۔
\p
\v 12 ۱۲۔اوہ سارے گمراہ ہوگئے، اوہ سارے دے سارے نکمے بن گئے کوئی چنگے کم کرن والا نین۔ اک وی نئیں۔
\q
\v 13 ۱۳۔ ’’اُوناں دا گلا کُھلی قبر اے۔ اوناں دیاں زباناں نے دھوکہ دیتا۔ اوناں دے بُلاں وچ سپاں داز ہراے‘‘۔
\q
\v 14 ۱۴۔’’اوناں دے منہ کڑواہٹ تے لعنت نال بھرے نے‘‘
\q
\v 15 ۱۵۔ ’’ اوناں دے پیر خون بہان لئی بڑے تیز نے۔
\q
\v 16 ۱۶۔اوناں دیاں راواں وچ تباہی تے مصیبتاں نے۔
\q
\v 17 ۱۷۔ایناں لوکاں نوں سلامتی دی راہ دا کوئی پتہ نئیں‘‘
\q
\v 18 ۱۸۔’’اوناں دیاں اکھاں وچ رب دا کوئی خوف نئیں‘‘۔
\p
\v 19 ۱۹۔ہُن سانوں پتہ اے کہ شریعت جو کجھ کیندی اے، اوناں نوں کہندی اے جیڑے شریعت دے تابع نے۔ ایہ ایس لئی تاں ہر اک دا منہ بند ہو جائے، تے ساری رب دے سامنے جواب دے۔
\v 20 ۲۰۔کیوں جو کوئی بشر شریعت دے کماں نال اُہدے سامنے راستباز نئیں ٹھہرے گا۔ ایس لئی کہ گناہ دی پہچان شریعت دے ذریعے ہی ہُندی اے۔
\p
\v 21 ۲۱۔پر ہُن، شریعت دے رب دی راستبازی دا پتہ لگ گیا ہے۔ جس دی گواہی شریعت تے نبیاں نے دتی۔
\v 22 ۲۲۔یعنی، خُدا دی راستبازی جیڑی سب یسُوع مسیح اُتے ایمان لیاون والیاں نوں ملے گی۔ کیوں جو ایس وچ کوئی فرق نئیں۔
\v 23 ۲۳۔ایس لئی کہ ساریاں نے گناہ کیتا تے رب دے جلال توں محروم رہ گئے۔
\v 24 ۲۴۔ پر اُہدے فضل دی وجہ نال اوہ نجات جیڑی یسُوع مسیح وچ اے، مفت راستباز ٹھہرائے جاندے نے۔
\v 25 ۲۵۔ کیوں جو خُدا نے یسُوع مسیح نوں کَلیا کہ اُہدے خُون دے وسیلے نال کفارہ ہو جائے۔ اُوس نے اپنے انصاف دے ثبوت لئی مسیح نوں پیش کیتا۔ تے اونے صبر دے نال پچھلے گناہاں نوں حساب وچ نہ لیاندہ۔
\v 26 ۲۶۔ اُدھے صبر وچ ایہ سب کجھ ایس لئی ہویا تاں جو اوہ اپنی راستبازی نوں ایس وقت ظاہر کرسکے۔ ایس لئی وی کی اوہ اپنے آپ نوں انصاف کرن والا ثابت کرے تے جیڑے یسُوع تے ایمان لیاؤن، اوناں نوں وی راستباز ٹھہرائے۔
\p
\v 27 ۲۷۔ فیر شیخی کِتھے رہی؟ اِس نوں خارج کر دتا گیا، کیڑی وجہ نال؟ عملاں نال؟ نئیں، پر ایمان دے سبب۔
\v 28 ۲۸۔اسی ایس نتیجے تے پہنچ دے ہاں کہ انسان شریعت دے عملاں دے بغیر ای ایمان رکھن نال راستباز ٹھہردا اے۔
\v 29 ۲۹۔کی خُدا صرف یہودیاں دا رب اے؟ کی اوہ غیر قوماں دا رب نئیں؟ ہاں، بالکل غیر قوماں دا وی اے۔
\v 30 ۳۰۔کیوں جو خُدا اِک ہی اے جیڑا ختنے والیاں نوں ایمان دے نال تے بغیر ختنے والیاں نوں ایمان دے سبب راستباز ٹھہرائے گا۔
\v 31 ۳۱۔تے کی فیر اسی شریعت نوں ایمان نال رد کر دے آں؟ بالکل ایویں نیں ۔ بلکہ شریعت نوں قائم کر دے ہاں۔
\c 4
\cl باب ۴
\p
\v 1 ۱۔فیر اسی کی آکھاں گے کہ ابراہام، ساڈے جسمانی باپ نوں کی لبا۔
\v 2 ۲۔اگر ابراہام کماں دے نال راستباز ٹھہرایا جاندا، تاں اہدے کول شیخی مارن دی وجہ ہُندی پر خُدا دے سامنے نئیں۔
\v 3 ۳۔پاک کلام کی کہندا اے؟ ابراہام رب اُتے ایمان لیایا تے ایس نوں اُوس دی راستبازی گنیا گیا۔
\v 4 ۴۔کم کرن والے لئی مزدوری خیرات نئیں ایہ اُس دا حق بن دا اے۔
\v 5 ۵۔پر جیڑا بشر کم نئیں کردا بلکہ بے دین نوں راستباز ٹھہراؤن والے تے ایمان رکھ دا اے، اُوس دا ایمان راستباز گینا جاوے گا۔
\v 6 ۶۔داؤد اوس بندے نوں مبارک آندا اے جنوں کماں دے بغیر راستباز گنیا گیا۔
\q
\v 7 ۷۔۔ اُوہنے کیہا، ’’مبارک نے اوہ لوک جناں دیاں بدکاریاں معاف ہوگیاں تے جناں دے گناہ ٹھکے گئے۔
\v 8 ۸۔مبارک ہے بندہ جس دے گناہ رب نیں گنے گا‘‘۔
\p
\v 9 ۹۔فیر ایہ برکت کی ختنہ والیاں لئی اے یا اوناں لئی وی جناں دا ختنہ نیں ہویا؟ کیوں جو اسی کہندے آں کہ ’’ابراہام دا ایمان اوس لئی راستبازی گنیا گیا۔‘‘
\v 10 ۱۰۔فیر اس نوں کیویں گنیا گیا؟ کی جدوں ابراہام دا ختنہ ہوگیا سی یا ختنہ توں پہلاں؟ ایہ ختنے وچ نئیں بلکہ ختنے توں پہلاں۔
\v 11 ۱۱۔ابراہام نوں ختنے دا نشان دتا گیا تاں جو اُوس دے ایمان اُتے راستبازی دی مُہر لگ تے جیڑی حالت اُونوں ختنے توں پہلاں حاصل سی۔ ایس نشان دا ایہ نتیجہ نکلیا کہ اوہ سب ایمان لیاؤن والیاں دا پئیو ٹھہریا، بھاویں اوہ بغیر ختنے دی حالت وچ سی۔ جس دا مطلب اے کہ اوناں دی راستبازی گِن لئی جائے۔
\v 12 ۱۲۔ایس دا اے وی مطلب ہویا کہ ابراہام اُناں دا باپ ٹھہرے جناں دا نہ صرف ختنہ ہویا بلکہ اوہ وی جیڑے ساڈے باپ ابراہام دے ایمان دے پچھے چل دے نے، جیڑا ختنے توں پہلاں سی۔
\p
\v 13 ۱۳۔کیوں جو ایہ وعدہ کہ اوہ دُنیا دا وارث ہوئے گا، نہ ابراہام تے نہ اہدی نسل نال شریعت دے وسیلے کیتا گیا بلکہ ایمان دی راستبازی دے وسیلے نال۔
\v 14 ۱۴۔کیوں جو ، اگر شریعت والے ای وارث ہون تے ایمان بے فائدا اے تے وعدہ توں کی حاصل۔
\v 15 ۱۵۔کیوں شریعت قہر لیاوندی اے تے جتھے شریعت نیں اوتھے کوئی حکم عدولی نئیں۔
\v 16 ۱۶۔ایس واسطے ایہ سب ایمان دے سبب اے۔ تاں جو، اوہ وعدہ فضل ہوئے تے ابراہام دی کُل نسل وچ قائم رہے۔ نہ صرف اوناں نال جیڑے شریعت دے ماتحت نے، بلکہ اوناں نال وی جیڑے ابراہام وگرے ایمان والے نے۔ اوہ ساڈے ساریاں دا باپ اے۔
\v 17 ۱۷۔جیویں لکھیا اےکہ ’’میں تینوں بہت ساریاں قوماں دا باپ بنایا‘‘۔ ابراہام اوس دی حضوری وچ رہندا سی تے اوہدے اُتے بھروسہ کیتا۔ ایہ رب اے جس نے مُردیاں نوں زندہ کیتا تے جیڑیاں چیزاں وجود وچ نئیں سن اوناں نوں ایس طرح سَد دا سی جیویں اوہ موجود نے۔
\v 18 ۱۸۔ نا اُمیدی دی حالت وچ اوہ ایمان لیایا تاں جو اوہ بہت ساریاں قوماں دا پیو نبے، جس بارے اُوس نوں دسیا گیا سی کہ ’’تیری نسل ایسے طرح دی ہووے گی‘‘۔
\v 19 ۱۹۔ اوہ اپنے مُردہ جئیے دے نال وی اپنے ایمان وچ کمزور نہ ہویا (کیوں جو اوہ کوئی ۱۰۰ سال دا سی) تے اونوں پتہ سی کہ سارہ دا رحم تقریباً بے جان اے۔
\v 20 ۲۰۔ پر رب دے وعدے دے سبب ابراہام نے ایمان اُتے شک نئیں کیتا، بلکہ ایمان وچ مضبوط ہو کے خُدا دی تعریف کیتی۔
\v 21 ۲۱۔اُنھوں پورا یقین سی کہ جس دا وعدہ رب نے کیتا اے اوہ اُوس نوں پورا کرن وچ قادر اے۔
\v 22 ۲۲۔ایس لئی ایہ وی اُوس دے لئی راستبازی گنیا گیا۔
\p
\v 23 ۲۳۔ہُن ایہ گل صرف اوس دی بھلائی لئی نئیں لکھی گئی کہ اوس دی راستبازی نوں گنیا گیا۔
\v 24 ۲۴۔ اے ساڈے لئی وی اینج ای اےاسی جیڑے اوس تے ایمان لے کے آئے، جنے ساڈے رب یسُوع نوں مُردیاں وچوں زندہ کیتا۔
\v 25 ۲۵۔اوہ ساڈے گناہواں دے بدلے حوالے کر دتا گیا تے سانوں راستباز ٹھہراؤن لئی زندہ کیتا گیا۔
\c 5
\cl باب ۵
\p
\v 1 ۱۔ کیوں جو اسی ایمان دے وسیلے راستباز ٹھہرے ، اسی خُدا دے نال خُداوند یسُوع مسیح دے وسیلے صلح رکھیے۔
\v 2 ۲۔اُہدے ذریعے ساڈی وِی اُس تک رسائی ہے ایمان دے ذریعے فضل وچ جس دے وچ اسی قائم ہاں۔ تے اسی خُدا دے جلال دی اُمید اُتے خوشی مناندے آں۔
\v 3 ۳۔تے صرف ایہو نئیں بلکہ اسی مصیبتاں وچ وی خُوش ہوندے آں۔ جاننے آں کہ مُصیبت صبر پیدا کردی اے۔
\v 4 ۴۔صبر توں کردار تے کردار توں اُمید پیدا ہندی اے۔
\v 5 ۵۔تے اُمید تہانوں مایوس نئیں کر دی کیوں جو رُوح القدُس جیڑا سانوں دتا گیا اے اوس دے سبب خُدا دی محبت خُدا دی محبت ساڈے دلاں وچ لدی گئی اے۔
\p
\v 6 ۶۔تے جدوں اسی کمزور ہی ساں، بالکل ٹھیک اُسے ویلے مسیح سادے بے دیناں لئی مرگیا۔
\v 7 ۷۔کسے راستبازی لئی وی کوئی مُشکل نال جان دئے گا۔ پر، شائد، کِسے چنگے آدمی لئی کوئی مرن دی جُرت کر جائے۔
\v 8 ۸۔پر خُدا اپنی محبت دا ثبوت ایس طرح دیندا اے کہ جدوں اسی گناہگارہی ساں، مسیح نے اپنی جان ساڈے لئی دے دتی۔
\v 9 ۹۔تے ہُن جدوں اسی اوس دے خُون دے وسیلے راستباز ٹھہرے ، ایس دے سبب اسی خُدا دے قہر توں بچ جاواں گے۔
\v 10 ۱۰۔بھاویں اسی اُہدے دُشمن سی ، فیر وی خُدا نال اوس دے بیٹے دے وسیلے ساڈا ملاپ ہوگیا۔ ایس ملاپ ہون دے بعد اُہدی جان دے وسیلے اسی ضرور بچ جاواں گے۔
\v 11 ۱۱۔صرف ایہو نئیں بلکہ اپنے خداوند یسُوع مسیح دے سبب جس دے وسیلے نال ساڈا خُدا ملاپ ہوگیا اسی خُوشی مناندے آں۔
\p
\v 12 ۱۲۔تے فیر اک بندے دے ذریعے گناہ دُنیا وچ آیا، تے گناہ دے سبب موت آئی تے موت سارے آدمیاں وچ پھیل گئی، کیوں جو سب نے گناہ کیتا۔
\v 13 ۱۳۔شریعت دے آؤن تک گناہ دُنیا وچ موجود تے سی، پر جتھے شریعت نئیں اوتھے گناہ نئیں گنیا جاندا۔
\v 14 ۱۴۔تاں وی، آدم توں لے کے موسیٰ تک موت نے اوہناں اُتے وی بادشاہی کیتی، جناں نے آدم دی نافرمانی دی طرح گناہ نئیں سی کیتا، جیڑا آؤن والے دی مثال سی۔
\v 15 ۱۵۔پر فضل دی نعمت دا اوہ حال نئیں جیڑا قصور دا اے۔ کیوں جو اگر اک بندہ دے قصور دی وجہ نال بہت سارے مرجان، تاں خُدا دا فضل تے اہدی جو بخشش اک ای آدمی یعنی یسُوع مسیح دے فضل نال پیدا ہوئی، بہت ساریاں نوں ملے گی۔
\v 16 ۱۶۔ تے اگر بخشش اک آدمی دے گناہ کرن دا انجام ہویا۔ کیوں جو اک قصور دے سبب سزا دا حکم ہویا تے عزاب لیایا پر بہت سارے قصوراں دی ایسی بخشش ملی کہ لوک راستباز ٹھہرائے گئے۔
\v 17 ۱۷۔پر اگر، اک آدمی دے قصور کرن دے سبب موت نے اک دے ذریعے بادشاہی کیتی، تے فیر جناں لوکاں نوں فضل تے راستبازی دی ڈھیر ساری بخشش لی اوہ اک شخص یعنی یسُوع مسیح دے وسیلے بادشاہی کرن گے۔
\p
\v 18 ۱۸۔فیر جیویں اک قصور دے سبب سارے لوکاں اُتے سزا دا حُکم ہوگیا ایسے طرح ای راستبازی دے اک کم دے وسیلے لوکاں نوں ایسی نعمت ملی جس توں زندگی پان۔
\v 19 ۱۹۔کیوں جو جس طرح اک آدمی دی نافرمانی نال بہت سارے لوک گناہگار ٹھہرے اُوسے طرح اک فرمانبرداری نال بہت سارے لوک راستباز ٹھہرن گے۔
\v 20 ۲۰۔فیر، وچ شریعت آگئی کہ گناہ زیادہ ہوجان۔ پر جدوں گناہ زیادہ ہوگئے اوتھے فضل اُوس توں وی زیادہ ہوگیا۔
\v 21 ۲۱۔جیویں گناہ دے سبب موت نے بادشاہی کیتی اوسے طرح فضل وی ساڈے خُداوند یسوع مسیح دے وسیلے ہمیشہ دی زندگی لئی راستبازی دے ذریعے بادشاہی کرےگا۔
\c 6
\cl باب ۶
\p
\v 1 ۱۔فیر اسی کی کیہے؟ کی اسی گناہ کر دے جائیے کہ فضل زیادہ ہوئے؟
\v 2 ۲۔کدی نئیں۔ اَسی جیڑے گناہ کرن دی وجہ نال مر گئے، اَسی آئندہ کیوں اُوس وچ زندگی گزارئیے؟
\v 3 ۳۔کی تُسی ایہ نئیں جاندے کہ اَسی جناں نے وی یسُوع مسیح وچ شامل ہون دا بپتسمہ لیا، اَسی اہدی موت وچ شامل ہون دا بپتسمہ وی لیا ؟
\v 4 ۴۔اُہدی موت دے بپتسمے وچ شامل ہون نال اَسی اُہدے نال دفن ہوئے۔ ایہ ایس لئی ہویا تاں جو جویں مسیح باپ دے جلال دے سبب مُردیاں وچوں زندہ کیتا گیا، اوسے طرح اَسی وی نویں زندگی وچ چلئیے۔
\v 5 ۵۔تاں جے اَسی اُوس دی موت دی مشابہت نال اُوس نال جُڑ گئے، ایس طرح اَسی اُہدے جی اُٹھن وچ وی اُوس نال جُڑے آں۔
\v 6 ۶۔سانوں ایہہ پتہ اے کہ ساڈی پرانی انسانیت اُوس نال صلیب اُتے چڑ گئی تاں جو گناہ دا بدن تباہ ہو جائے۔ ایہ اسی لئی ہویا کہ اَسی اگوں توں گناہ دی غلامی وچ نہ رہیے۔
\v 7 ۷۔اُوہ جیڑا مر گیا اوہ گناہ توں بری ہو کے راستباز ٹھہریا۔
\v 8 ۸۔پر اگر اَسی مسیح نال مر گئے، ساڈا ایمان اے کہ اَسی اُہدے نال جیاں گے وی۔
\v 9 ۹۔سانوں پتہ اے کہ جدوں مسیح مُردیاں وچوں جی اُٹھیا تے فیر دوبارہ نئیں مرے گا۔ موت دا اُوس اُتے کوئی اختیار نئیں۔
\v 10 ۱۰۔کیوں جو مسیح مریا تے اوہ گناہ دے سبب مریا۔ اُوہ فیر وی ہُن جدوں اوہ زندہ اے، خُدا لئی جیندا اے۔
\v 11 ۱۱۔ایسے طرح تُسی وی اپنے آپ نوں گناہ دے سبب مُردہ پر خُدا دے سبب یسُوع مسیح وچ زندہ سمجھو۔
\v 12 ۱۲۔ایس لئی گناہ نُوں اپنے فانی جسم وچ بادشاہی نہ کرن دیو، تاں جوتُسی اُوس دیاں جسمانی خواہشاں دے تابعداری نہ کرو۔
\v 13 ۱۳۔تُسی اپنے جسم دے حصے ناراستی دے ہتھیار ہون لئی گناہ دے حوالے نہ کرو۔ بلکہ مُردیاں وچوں زندہ سمجھ کے اپنے آپ نوں خُدا دے حوالے کرو۔ تے اپنے جسم دے حصے راستی دے استعمال لئی خُدا نوں پیش کرو۔
\v 14 ۱۴۔اپنے اُتے گناہ توں بادشاہی نہ کرن دیو کیوں جو تُسی شریعت دے ماتحت نیں بلکہ فضل دے ماتحت ہو۔
\p
\v 15 ۱۵۔فیر کی ہویا؟ کی اسی ایس لئی گناہ کر دے جائیے کہ شریعت دے ماتحت نئیں بلکہ اسی فضل دے ماتحت آں؟ شاید بالکل نئیں۔
\v 16 ۱۶۔کی تُسی نئیں جان دے کہ جس دی تابعداری لئی تُسی اپنے آپ نوں غلاماں دی طرح حوالے کر دیندے او، اُسے دے ای غلام ہو؟ اے بالکل سچ اے کہ اگر تسی گناہ دے غلام ہو اُوس دا نتیجہ موت اے، یاں ، تابعداری دے جس دا نتیجہ راستبازی اے۔
\v 17 ۱۷۔پر خُدا دا شکر اے کہ تُسی گناہ دے غلام ہو کے وی تُساں دل توں اُوس تعلیم دی تابعداری کیتی جس دا خاکہ تہانوں پیش کیتا گیا۔
\v 18 ۱۸۔تُسی گناہ توں آزاد ہو گئے تے تُسی راستبازی دے غلام بن گئے۔
\v 19 ۱۹۔میں تہاڈی انسانی کمزوری دے سبب اک انسان دی طرح گل کردا آں۔ جیویں تُسی اپنے جسم دے حصے ناپاکی تے بدی دی غلامی لئی دے دیتے اوسے طرح ای ہُن اپنے جسم دے حصے پاک ہون لئی راستبازی دی غلامی وچ دے دَو۔
\v 20 ۲۰۔کیوں جو تُسی گناہ دے غلام سی، تُسی راستبازی توں آزاد سی۔
\v 21 ۲۱۔اُوس وقت، اوناں گلاں توں تُہانوں کی پھل ملیاجناں توں تُسی ہن شرمندہ ہو؟ کیوں جو اُوناں دا نتیجہ موت اے۔
\v 22 ۲۲۔پر ہن تُسی گناہ توں آزادی پا کے خُدا دی غلامی وچ آگئے، تہانوں اپنا پھل ملیا تاں جو پاک ہو جاؤ۔ جس دا نتیجہ ہمیشہ دی زندگی اے۔
\v 23 ۲۳۔کیوں جو گناہ دی مزدوری موت اے پر خُدا دی بخشش ساڈے خُداوند یسُوع مسیح وچ ہمیشہ دی زندگی اے۔
\c 7
\cl باب ۷
\p
\v 1 ۱۔بھراؤ! تُسی جاندے او ( مَیں اُوناں لوکاں نال ل کرنا جیہڑے شریعت نوں جاندے) کہ شریعت دا اختیار انسان دے زندہ ریہن تیک رہندہ اے۔
\v 2 ۲۔شادی شدہ عورت شریعت دے مطابق اپنے خاوند دی پابند اے جدوں تیک او زندہ اے۔ پر خاوند دے مرن تو بعد او شادی دی شریعت توں آزاد ہو جاندی اے۔
\v 3 ۳۔ پر اپنے خاوند دی زندگی دے دوران اگر او کِسے دوجے بندے نال رہندی اے تے حرامکار سمجھی جاوے گی۔پر اپنے خاوند دے مرن توں بعد شریعت توں آزاد ہو جاندی اے،تے ایس صورت وچ اگر او کِسے دوسرے بندے نال رہندی اے تے حرامکار نی۔
\v 4 ۴۔ ایس لئی بھراؤ مسیح دے بدن دے وسیلے نال تُسی شریعت لئی مُردہ ہو۔ تاکہ تُسی اِک دوجے وچ مل جاؤ جیہڑا مُردیاں وچوں زندہ کیتا گیا اے تاکہ اسی خُدا لئی پھل پیدا کرئیے۔
\v 5 ۵۔جدوں اسی جسمانی ساں تے گناہ آلودہ تا ثیراں شریعت دی وجہ نال پیدا ہو کے ساڈھے وچ موت دا پھل پیدا کردیاں سن۔
\v 6 ۶۔پر ہن اسی شریعت توں آزاد ہو گئے ہاں جیہڑی چیز نے سانوں قید کیتا سی اودھے مطابق اسی مر گئے آں تے ہن روح دے نئے ہو جان نال خدمت کریئے نہ کے پرانے لفظاں نال۔
\p
\v 7 ۷۔ فیر اسی کِیہ آکھیئے؟ کی شریعت گناہ اے؟ بالکل نئیں۔ مَیں گناہ نوں کدی نہ جاندا اگر شریعت نہ بیان کر دی کہ لالچ نہ کر۔
\v 8 ۸۔پر گناہ نےدُکھاں دے ذریعے موقع پا کے میرے وچ ہر طرح دا لالچ پیدا کر دِتا کیوں جو شریعت دے بغیر گناہ مُردہ اے۔
\v 9 ۹۔ اک ویلے شریعت دے بغیر میں زندہ ساں جدوں حکم آیا تے گناہ زندہ ہو گیا
\v 10 ۱۰۔تے میں مر گیا۔ تے حکم جیہڑا زندگی لے کے آیا میرے لئی موت دا سبب بن گیا۔
\v 11 ۱۱۔ کیوں جو گناہ نے حکم دے ذریعے موقع پاکے مینوں دھوکا دتہ۔تےحکم نے مینوں ہلاک کر دتہ۔
\v 12 ۱۲۔پس شریعت پاک اے۔ تے حکم راست ،پاک تے اچھا اے۔
\p
\v 13 ۱۳۔ پس کی اچھی چیز میرے لئی موت بن گئی اے؟ ہر گز ایس طرح نہیں پر گناہ نے ہر اچھی چیز دے ذریعے موت پیدا کر کے تے مینوں ہلاک کر دیتا۔
\p
\v 14 ۱۴۔اسی جاندے ہاں کہ شریعت روحانی اے پر مَیں جسمانی ہاں تے گناہ دی غلامی لئی وکیا ہویا۔
\v 15 ۱۵۔ کیوں جو کجھ مَیں کرنا آں پس اونوں واقعی نئیں سمجھدا۔ تے جو کجھ میں کرنا چاہنا مَیں نئیں کر دا تے او کرنا جدے توں مَینوں نفرت اے۔
\v 16 ۱۶۔ پس مَیں او کرنا جیہڑا میں نئیں کرنا چاہندا۔ مَیں شریعت نال اتفاق کرنا کہ شریعت اچھی اے۔
\v 17 ۱۷۔ پر ہن اے مَیں نئیں جیہڑا کردا اے بلکہ گناہ اے جو میرے وچ وسدا اے۔
\v 18 ۱۸۔مَیں جاننا ہاں کہ میرے جِسم وچ کوئی نیکی نئیں کوئی نیکی کرن دی خواہش تے موجود اے نئیں کر سکدا۔
\v 19 ۱۹۔ کوئی وی نیکی جیہڑی مَیں کرنا چاہنا نئیں کردا پر بُرائی جو مَیں نئیں کرنا چاہنداو ہو جاندی اے۔
\v 20 ۲۰۔تے ہن میں او کرنا جو مَیں نئیں کرنا چاہندا۔ تے اے کرن والا مَیں نئیں پر گناہ اے جیہڑا میرے وچ وسدا اے۔
\v 21 ۲۱۔سو مَیں اپنے وچ ایسی شریعت محسوس کرنا کہ جدوں مَیں نیکی کرنا چاہنا تے بدی میرے وچ آ موجود ہوندی اے۔
\v 22 ۲۲۔پر مَیں خُدا دِی شریعت جیہڑی انسان دے اندر وے اودے نال خوش آں۔
\v 23 ۲۳۔پر مَیں اپنے جسمانی اعضا وچ اک مُختلف شریعت ویکھناآں۔اے میرے ذہن دے وچ نیوی شریعت دے خلاف لڑدی اےتے گناہ دی شریعت جیہڑی میرے جسمانی اعضا وچ موجود اے مینوں قید کر لیندی اے۔
\v 24 ۲۴۔ مَیں اک مصیبت ذدہ آدمی ہاں۔ کون مینوں ایس موت دے جِسم توں چھڑائے گا؟
\v 25 ۲۵۔پر مَیں خُداوند یسوع مسیح دے وسیلے نال خُدا دا شکر ادا کرنا۔ پر مَیں عقل دے مُطابق تے خُدا دی شریعت دا پر جِسم دے مطابق گناہ دِی شریعت دا محکوم ہاں۔
\c 8
\cl باب۸
\p
\v 1 ۱۔ ایس لئی جہیڑے یُسوع مسیح وچ آ گئے نے اوناں اُتے سزا دا حُکم نہیں۔
\v 2 ۲۔ کیوں جو یُسوع مسیح وچ آون نال زندگی دی روح دی شریعت نے توانوں گناہ تے موت دی شرع توں آزاد کر دتا اے۔
\v 3 ۳۔تے جو کُجھ شرع، جسم وچوں کمزور ہون دی وجہ توں نہ کر سکی، او خُدا نے کیتا۔ اوس نے اپنے پُتر نوں گناہگار جسم وچوں با مشابہہ بنا کے گناہ دی قیمت چُکان لئی گلیا تے اونے گناہ نوں جسم وچ سزا دتی۔
\v 4 ۴۔اونے ایہ ایس لئی کیتا تاں جو شرع دیاں ساڈے لئی شرطاں تے تقاضے پورے ہون۔ اسی، جہیڑے جسمانی لوکاں وانگر نہیں چل دے پر روحانیاں وانگر۔
\v 5 ۵۔ جہیڑے جسم دے مطابق زندگی گذار دے نے، اوناں دا دھیان جسمانی شیواں ول لگا رہندا اے پر او جہیڑے رُوح دے مطابق زندگی گذار دے نے، اوناں دا دھیان رُوحانی شیواں ول رہندا اے۔
\v 6 ۶۔ جسم ول دھیان موت اے تے رُوح ول دھیان زندگی، اطمینان تے سلامتی اے۔
\v 7 ۷۔۷۔ جسمانی کماں تے ضرورتاں ول دھیان خُدا دی مخالفت اے کیوں جو او نہ تے خُدا دی شرع دے مطابق اے تے نہ ای ہو سکدی اے۔
\v 8 ۸۔ جہیڑے جسم وچ تے جسمانی کماں وچ زندگی گذار دے نے، او خُدانوں خوش نہیں کر سکدے۔
\v 9 ۹۔ پر ایہ سچ اے کہ خُدا دا رُوح تواڈے وچ رہندا اے تے تُسی رُوحانی او، جسمانی نہیں۔ جان لو، جے کسے کول مسیح نہیں تے او اوہدا نہیں۔
\v 10 ۱۰۔ جے مسیح تواڈے اندر اے تے ایہ جسم گناہ دے لحاظ نال مُردہ اے، پر راستبازی دے لحاظ نال رُوح زندہ اے۔
\v 11 ۱۱۔ تے جے اوہدا رُوح جنے یُسوع نوں مُرریاں وچوں زندہ کیتا اے، تواڈے وچ رہندا اے، تے او جنے مسیح نوں مُرریاں وچوں زندہ کیتا اےتواڈے فانی جسم نوں وی اپنی رُوح نال زندہ کرے گا جہیڑی تواڈے وچ رہندی اے۔
\p
\v 12 ۱۲۔ ایس لئی پرائو، اسی مقروض ہاں پر جسم دے نہیں کہ اوہدے مطابق زندگی گزارییے۔
\v 13 ۱۳۔ جے تُسی جسم دے مطابق زندگی گذار دے او تے مرن والے او، پر جے رُوح دے مطابق او تے تُسی جسمانی کماں نوں مار دیو گے تے تُسی زندہ رہو گے۔
\p
\v 14 ۱۴۔ تے جنے وی خدا دی رُوح دی ہدایت نال چل دے نے او خُدا دے پُتر نے۔
\v 15 ۱۵۔ کیوں جو توانوں او خُدا دا رُوح نہیں ملیا جہیڑا توانوں غُلام بنائے تے تُسی ڈر دے رہو۔ پر لے پالک ہون دا رُوح جدی وجہ نال اسی ً ابا یعنی اے باپ ً پکار سکدے آں۔
\v 16 ۱۶۔تے رُوح ساڈی اپنی رُوح دے نال مل کے گواہی دیندا اے کہ اسی خدا دے پُتر ہاں۔
\v 17 ۱۷۔ تے جے اسی اوہدے پُتر آں تے اسی وارس۔۔۔وی آں یعنی خُدا دے وارس۔۔۔۔تے مسیح دے ہم میراس۔۔۔ وی آں۔ پر ایس شرط دے نال کہ اوہدے نال دُکھ اُتھایئے تاں جو اوہدے نال جلال وی پایئے۔
\p
\v 18 ۱۸۔ میں سمجھنا واں کہ ایس زمانے دے دُکھ درد ایس لایق نہیں کہ اوناں دا مقابلہ اُوس جلال نال کیتا جاوے جہیڑا ساڈے اُتے ظاہر ہون والا اے۔
\v 19 ۱۹۔ کیوں جو مخلوقات اُمید لا کے بے صبری نال خُدا دے پُتراں دے آون دے وقت دا انتظار کر دیاں نے۔
\v 20 ۲۰۔ کیوں جو مخلوقات نوں فضول گلاں دے تابع کر دتا گیا سی۔ تے اپنی مرضی نال نہیں پر اوہدی مرضی نال جنے اک خاص اُمید توں اینوں ایس طرح بنایا اے۔مجھے ٹ کے بعد والا حرف گوگل اُردو میں نہیں ملا
\v 21 ۲۱۔ ایس لئی کہ خلقت وی جھُوٹ دی غلامی توں چھٹکارا پا کے نُور دے فرزنداں دے جلال دی آزادی وچ شامل ہو جائے۔
\v 22 ۲۲۔ کیوں جو اسی من دے ہاں کہ ساری خلقت اجے وی کراہندی پئی اے تے اینوں حالے وی جمن دیاں پیڑاں لگیاں ہویاں نے۔
\v 23 ۲۳۔ ایتھوں تک ای نہیں بلکہ اسی جہیڑےرُوح دے پہلے پھل رکھدے آں، اپنے آپ وچ کراہندے آن تے لے پالک ہون لئی یعنی اپنے بدن دی رہائی چاہندے ہاں۔
\v 24 ۲۴۔ ایس لئی سانوں پکی اُمید وچ نجات ملی۔ پر جس چیز دی اُمید اے اگر او نظر آ جائے تے او اُمید کیسی؟ تے کون اے جہیڑا اوہدی اُمید کرے جو او ویکھ دا اے۔
\v 25 ۲۵۔ پر جو دسدا نہیں، تے اسی اوہدی اُمید کریئے، تے اسی صبر نال اونوں اُڈیک دے ہاں۔
\p
\v 26 ۲۶۔ ایسے طرح رُوح وی ساڈی کمزوری وچ ساڈی مدد کر دا اے۔ کیوں جو سانوں نہیں پتہ کہ سانوں کیویں دُعا کرنی چاہدی اے۔ پر رُوح خود بیان توں بار سسکیاں بھر بھر کے ساڈی سفارش کر دا اے۔
\v 27 ۲۷۔ او جہیڑا دل دی چھان بین کردا اے، او رُوح دے خیال نوں جاندا اے۔ ایس لئی او خُدا دی مرضی نال مقدساں دی تھاں تے وی شفاعت کردا اے۔
\p
\v 28 ۲۸۔ سانوں پتہ اے کہ ساریاں چیزاں مل کے خُدا نوں پیار کرن والیاں لئی بھلائی پیدا کر دیاں نے۔ [ نوٹ: ایدی بجائے کہ ً او اُناں لئی ساریاں چیزاں وچ بھلائی پیدا کردا اے ً ۔ کجھ پُرانے ترجمیاں وچ لکھیا اے کہ ً ساریاں شیواں مل کے بھلائی پیدا کر دیاں نے ً ] اُناں لئی جو اوہدے مقصد لئی بُلائے گئے نے۔
\v 29 ۲۹۔ایس لئی کہ او جناں نوں پہلاں توں جاندا سی، اوناں نوں پہلاں توں مقرر کیتا۔ تاں جو اوہدے پُتر دے ہم شکل ہون، تے او بہت سارے پراواں وچ پلوٹھا ہووے۔
\v 30 ۳۰۔تے جناں نوں پہلاں توں مقرر کیتا ، اوناں نوں بُلایا وی۔ تے جناں نوں بُلایا، اوناں نوں راستباز وی ٹھہرایا ۔ تے جناں نوں راستباز ٹھہرایا اوناں نوں جلال وی بخشیا۔
\p
\v 31 ۳۱۔ ہُن اسی ایناں گلاں بارے کی کہئے؟ جے خُدا ساڈے ول اے تے ساڈا مخاالف کون ہو سکدا اے؟۔
\v 32 ۳۲۔او جنے ساڈی خاطر اپنے پُتر نوں وی نہ چھڈیا بلکہ ساڈے لئی حوالے کر دتا، تے کیوں نہ اوہدے نال سانوں ساریاں چیزاں مفت دیوے گا؟
\v 33 ۳۳۔ کون ای جہیڑا خُدا دے چُنے ہویاں اُتے الزام لاوے گا؟ خُدا او اے جہیڑا اوناں نوں راستباز ٹھہراندا اے۔
\v 34 ۳۴۔ کون اے جو مجُرم ٹھہراوے گا؟ یُسوع مسیح او اے جہیڑا مر گیا۔ اوہدے توں ودھ کے کہ مُردیاں وچوں جی اُٹھیا۔ تے خُدا دے سجے ہتھ بیٹھا ساڈی سفارش کر دا اے۔
\v 35 ۳۵۔ مسیح دی محبت توں سانوں کون جُدا کر سکدا اے؟ مصیبت یا تنگی یا ظلم یا کال یا ننگا پن یا خطرہ یا تلوار؟
\v 36 ۳۶۔ کیوں جو لکھیا اے، اسی تیری خاطر ہر ویلے جان توں مارے جاندے آں۔ سانوں ذبح کرن والی بھیڈاں دے برابر سمجھیا گیا ۔
\v 37 ۳۷۔ پر ایناں ساریاں حالتاں وچ اسی کسے وی فتح توں ودھ کے آں، پر اوہدے وسیلے جہیڑا سانوں پیار کر دا اے۔
\v 38 ۳۸۔ کیوں جو میں اے من دا ہاں کہ نہ ای موت، نہ ای زندگی، نہ فرشتے، نہ حکومتاں، نہ موجودہ وقت دیاں چیزاں، نہ آئو ن والیاں شیواں، نہ طاقتاں،
\v 39 ۳۹۔ نہ بُلندیاں، نہ ای پستیاں، نہ ای بنائی ہوئی کوئی شے، خُدا دی محبت توں جہیڑی ساڈے خُداوند یُسوع مسیح وچ اے، سانوں جُدا کر سکدی اے۔
\c 9
\cl باب۹
\p
\v 1 ۱۔مسیح وچ میں تواڈے نال سچ بولدا ہاں۔ جھوٹ نہیں۔ پاک رُوح دے نال میں اپنے ضمیر وچ گواہی رکھ دا آں۔
\v 2 ۲۔ کہ میرے دل وچ چُوکھا دُکھ تے نا مُکن والا درد اے۔
\v 3 ۳۔ تے میں پراواں توں جہیڑے گوشت تے نسل دی رُوح نال میرے نے، دی خاطر خواہش رکھ دا واں کہ لعنتی ٹھہراں تے یُسوع توں دُور ہو جاواں۔
\v 4 ۴۔ او اسرائیلی نے، لے پالک تے جلالی نے، عہد، شریعت دا تحفہ، رب دی بندگی تے وعدے ایناں دے نال نے۔
\v 5 ۵۔ جسم دے اعتبار توں یُسوع وی ایناں دے پیئو دادے دی نسل توں اے، جہیڑا ساریاں دا رب اے۔ اوہدی تمجید ہمیشہ تک ہوندی رہوے۔ آمین۔
\p
\v 6 ۶۔ پر ایس طرح وی نہیں پئی رب دے وعدے پُورے نہیں ہوئے۔ کیوں جو اسرائیل وچوں ہر کوئی اسرائیلی نہیں۔
\v 7 ۷۔تے نہ ای ابراہام دی ساری نسل صیحح طور تے اوہدے بچے/فرزند نے۔ بلکہ لکھیا اے "صرف اضحاق توں ای نسل کہلاوے گی" ۔
\v 8 ۸۔یعنی جسم توں ہوئے فرزند رب دے فرزند نہیں، بلکہ وعدے دے فرزند نسل کہلاوے گی۔
\v 9 ۹۔ کیوں جو وعدے دا کلام ایہہ اے، " میں اوس وقت دے مطابق آواں گا تے سارہ دے پُتر ہووے گا ".
\v 10 ۱۰۔ ایہو نہیں بلکہ ایس توں بعد ربقہ وی اک بندے یعنی ساڈے پیئو اضحاق توں حاملہ ہوئی۔
\v 11 ۱۱۔ حالے تک بچے پیدا نہین ہوئے سن کہ او کوئی نیکی یا بدی دے کم کر دے۔ رب دا ایہ ارادہ کماں دی وجہ نال نہیں سی بلکہ اوہدی مرضی قائم رہوے۔ اوہدی وجہ توں جنے کہیا سی۔
\v 12 ۱۲۔اونوں ایہ کہیا گیا سی، " وڈا نکے دی خدمت کرے گا "
\v 13 ۱۳۔ تے ایس طرح وی لکھیا گیا اے، " یعقوب نوں میں پیار کیتا پر عیسو توں نفرت "۔
\p
\v 14 ۱۴۔فیر اسی کی کہیئے؟ کی رب نا انصاف اے؟ بالکل نہیں۔
\v 15 ۱۵۔ کیوں جو او موسی نوں کہندا اے، "جدے اُتے میں رحم کرنااے، رحم کراں گا۔ تے جدے اُتے ترس کھانا اے ترس کھاواں گا"۔
\v 16 ۱۶۔ایس لئی، ایہ نہ تے کسے دی مرضی اُتے اے، تے نہ ای کسے دی دوڑ پج اُتے ہوندا اے۔ بلکہ رب دی مرضی توں جہیڑا رحم وکھاندا اے۔
\v 17 ۱۷۔ کیوں جو کتاب مقدس وچ فرعون نوں کہیا گیا اے کہ، "میں تینوں صرف ایس واسطے کھڑا کیتا اے کہ میری قدرت تیرے توں ظاہر ہووے تے ساری زمیں اُتے میرا ناں پہچانیاں جاوے"۔
\v 18 ۱۸۔ایس واسطے رب جدے اُتے چاہندا اے رحم کر دا اے تے جنوں چاہے ضدی بنا دیندا اے۔
\p
\v 19 ۱۹۔ تُسی مینوں کہووگے، " فیر او غلطی کیوں تلاش کردا اے؟ اوہدے وچ جہیڑا اوہدی مرضی دے خلاف کھلووے؟"
\v 20 ۲۰۔ ایہدے برعکس، اے انسان تُوں ہیں کون جو رب کولوں جواب منگدا ایں؟ کی خلق کیتی ہوئی کوئی شے خالق کولوں، جنے اونوں خلق کیتا اے، ایہ کہہ سکدی اے کہ، "پئی توں مینوں انج دا کیوں بنایا اے؟ "۔
\v 21 ۲۱۔کی کمہار نوں مٹی اُتے اختیار نہیں کہ اک مٹی دے لوندے توں اک خاص پانڈا بنا دے تے اوسے مٹی توں اک عام استعمال دا پانڈا بنا دے؟۔
\v 22 ۲۲۔تےکی حیرانی اے جے رب اپنا قہر تے اپنی طاقت وکھونا چاوے تے تباہی لئی، قہر ظاہر کرن والے بنائے ہوے پانڈے، نال برداشت تے صبر وکھاوے۔
\v 23 ۲۳۔ کی پتہ کہ اونے رحم دے پانڈیاں نال اپنا جلال ظاہر کرن لئی کیتا ہووے۔ جہیڑے اونے اپنے جلال لئی پہلاں توں تیار کیتے نے۔
\v 24 ۲۴۔ کی پتہ کہ اونے ساڈے ای لئی تیار کیتے ہوون جناں نوں بُلایا گیا اے۔ نہ صرف یہودیاں وچوں بلکہ غیر قوماں وچوں وی۔
\v 25 ۲۵۔جیویں ہوسیع وی کہندا اے، "میں اپنے لوکاں نوں بُلاواں گا جہیڑے میرے لوکی نہیں سن۔ میں اوناں نوں پیار کراں گا جہیڑے میرے پیارے نہیں سن" ۔
\p
\v 26 ۲۶۔ فیر اوتھے ای جتھے اوناں نوں کہیا گیا سی کہ، " تُسی میرے لوک نہیں "۔ اوسے تھاں اُتے ای کہیا جاوے گا، "زندہ رب دے پُتر ".
\p
\v 27 ۲۷۔ یسیعاہ اسرائیل نوں لے کے روندا اے، "حالاں کہ اسرائیل دی گنتی سمندر دی ریت وانگوں اے پر فیر وی بہت تھوڑے نے جہیڑے بچائے جان گے"
\v 28 ۲۸۔ کیوں جو زمین دا مالک انصاف کرے گا۔ کاملیت نال تے بغیر دیری توں کرے گا۔
\p
\v 29 ۲۹۔ جیویں یسیعاہ نے پہلے وی کہیا اے، " اگر رب الافواج ساڈی نسل نوں نہ بچاوندا تے اسی سدوم ورگے تے عمورہ دے برابر ہو جاندے "۔
\p
\v 30 ۳۰۔ فیر اسی کی کہواں گے? غیر قوماں جہیڑیاں راستبازی دی کھوج وچ نہیں سن، اوناں نے راستبازی حاصل کر لئی۔ راستبازی ایمان دے نال۔
\v 31 ۳۱۔ پر اسرائیل جہیڑا شریعت دی راستبازی دی تلاش کردا پیا سی او شریعت تک نہ پہنچیا۔
\v 32 ۳۲۔ کیوں نہیں؟ کیوں جو اوناں نے ایمان دی بجائے کماں نال اوہدا پیچھا کیتا۔ تے او لڑکھڑون والے پتھر توں لڑکھڑا گئے۔
\v 33 ۳۳۔ جیویں لکھیا اے، " ویکھو میں صیُون وچ لڑکھڑون والا پتھر تے بے عزت کرن والی چٹان رکھ دا ہاں۔ تے جو اوہدے اُتے ایمان لیاوے گا، شرمندہ نہ ہووے گا ".
\c 10
\cl باب۱۰
\p
\v 1 ۱۔ پرائوو، ایہ میرے دل دی خواہش تے رب توں منت وی اے کہ او نجات پان۔
\v 2 ۲۔ میں اوناں دے بارے گواہی دینا ہاں کہ او رب لئی غیرت تے رکھدے نے پر سمجھ دے نال نہیں۔
\v 3 ۳۔ کیوں جو او رب دی راستبازی دے بارے نہیں جاندے بلکہ اپنے حساب نال ای راستبازی تلاش کردے تے قائم کردے نے۔ او اپنے آپ نوں رب دی راستبازی لئی پیش نہیں کردے۔
\v 4 ۴۔ کیوں جو، جو کوئی وی ایمان رکھدا اے یُسوع اوہدے لئی شریعت دی راستبازی نوں پورا کردا اے۔
\p
\v 5 ۵۔ایس لئی موسی نے جس راستبازی بارے لکھیا اے او شریعت توں آوندی اے۔ جو آدمی شریعت دی راستبازی نوں پُورا کردا اے، او اُوسے راستبازی دے سبب جیوندا روے گا۔
\v 6 ۶۔پر جہیڑی راستبازی ایمان دے سبب اے، او ایہ کہندی اے کہ توں اپنے دل وچ ایہ نہ کہہ کہ آسمان اُتے کون چڑھے گا؟ [یعنی مسیح نوں اُتے لیاون نوں]
\v 7 ۷۔یا اتھاہ گہرائی وچ کون جاوے گا؟ [یعنی مسیح نوں مُردیاں وچوں زندہ کر کے اُتے لیاون نوں]۔
\v 8 ۸۔ پر او کی کہندی اے؟ کہ " کلام تواڈے نزدیک اے، بلکہ تواڈےمنہ وچ تے تواڈے دلاں وچ اے "۔
\v 9 ۹۔پر جے تُسی اپنے منہ توں یُسوع دے مالک ہون دا اقرار کرو تے دل وچ یقین رکھو کہ رب نے اونوں مُردیاں وچوں زندہ کر دتا تے تُسی نجات پائو گے۔
\v 10 ۱۰۔ کیوں جو انسان دلوں راستبازی اُتے یقین رکھدا اے تے منہ توں نجات دا اقرار کردا اے۔
\v 11 ۱۱۔ کیوں جو پاک کلام کہندا اے، " جو کوئی وی اوہدے اُتے ایمان لیاوے گا، او شرمندہ نہ ہووے گا "۔
\v 12 ۱۲۔ کیوں جو یہودی تے یُونانی وچ کوئی فرق نہیں۔ ایس لئی ایہ مالک سب دا مالک اے۔ اور جو کوئی اونوں یاد کردا اے او اوہدے اُتے مہربان ہوندا اے۔
\v 13 ۱۳۔ جو کوئی وی رب دے ناں نوں یاد کرے گا، او بچ جائے گا۔
\p
\v 14 ۱۴۔ پر جس اُتے یقین نہیں رکھدے اوہدا ناں کس طرح لین گے؟ جدے بارے اوناں نے سُنیا ای نہیں اوہدا یقین کس طرح کرن گے؟ تے جدوں کلام دین والا کوئی نہیں تے سُنن گے کنج؟
\v 15 ۱۵۔ تے فیر او تعلیم کس طرح دین گے جدوں تک تعلیم دین لئی بھیجے نہ گئے ہوون؟ کیون جو ایہ لکھیا اے کہ "خوشخبری دین والے دے پیر کیا ای خوشنما نے ".
\v 16 ۱۶۔ پر ساریاں نے خوشخبری نوں قبول نہیں کیتا۔ یسیعاہ کہندا اے، "اے مالک، کون اے جہیڑا ساڈے پیغام اُتے ایمان لیایا اے"؟
\v 17 ۱۷۔سو ایمان سُنن نال پیدا ہوندا اے۔ تے سُننا مسیح دے کلام توں۔
\p
\v 18 ۱۸۔ پر میں کہنا ہاں، "کی اوناں سُنیا نہیں"؟ باکل سُنیا۔ "اوناں دی آواز تمام دُنیا تک گئی۔ تے اوناں دے الفاظ دُنیا دی انتہا تک"۔
\p
\v 19 ۱۹۔ پر میں اے وی کہواں گا، "کی اسرائیل نوں پتہ نہیں سی؟ "پہلے توں موسی نے کہیا اے، "میں تینوں اوہدے توں غیرت دواواں گا جہیڑی قوم ای نہیں۔ قوم ہون دے ناطے توں سمجھےگا نہیں، تے میں تینوں غُصے دی حد تک ہلا دیواں گا "۔
\p
\v 20 ۲۰۔ یسیعاہ نے بڑی دلیری نال کہیا، "میں اُوناں نوں ملیا جہیڑے مینوں لبھ دے نہیں سن۔ میں اوناں اُتے ظاہر ہویا جہیڑے مینوں چاہندے نہیں سن"۔
\p
\v 21 ۲۱۔ پر اسرائیل دے حق وچ او ایہ کہندا اے، "میں سارا دن سرکش تے ضدی لوکاں لئی اپنا ہتھ ودھائی رکھیا "۔
\c 11
\cl باب۱۱
\p
\v 1 ۱۔ فیر میں کہواں گا، کی رب نے اپنے بندیاں نوں رد کر دتا؟ انج کدے نہ ہووے۔ کیوں جو میں اسرائیلی آں۔ ابراہام دی نسل وچوں تے بنجیمنی قبیلے توں آں۔
\v 2 ۲۔رب جناں قوماں نوں پہلاں توں ای جاندا اے، رد نہیں کردا۔ کی تُسی نہیں جاندے کہ کہ بائیبل وچ ایلیاہ دے بارے کی لکھیا اے؟ جدوں اونے اسرائیل دے خلاف رب کولوں کی منگیا؟
\v 3 ۳۔ مالک، اوناں تیرے نبی مار سُٹے۔ تیرے مذبحے ڈھا دتے۔ میں کلا ای بچیا ہاں۔ او مینوں وی مارن نوں پھر دے نے۔ میری جان مگر پئے ہوئے نے۔
\v 4 ۴۔ پر رب نے جواب دتا تے کہیا، میں ایسے لئی اپنے لئی سات ہزار آدمی بچا رکھے نے جناں نے بعل دے اگے گوڈے نہیں ٹیکے۔
\v 5 ۵۔ اوہدوں وی تے اج وی فضل دے وسیلے کجھ بقایا ہے جو رہ گیا اے۔
\v 6 ۶۔فیر اے کماں دے وسیلے نال تے نہ ہویا بلکہ فضل توں۔ نہیں تےفضل، فضل نہ ہوندا۔
\p
\v 7 ۷۔ فیر کی نتیجہ نکلیا؟ ایہ کہ اسرائیل جہیڑی شے لبھ دا سی اونوں نہ ملی۔ پر چُنیاں ہویاں نوں مل گئی۔ تے باقی سخت دل رہ گئے۔
\v 8 ۸۔ بالکل جیویںلکھیا اےکہ رب نے اج دے دن تک اوناں نوں سُستی دی رُوح دتی۔ تے اکھیاں ایسیاں جہیڑیاں ویکھ نہ سکن تے کن ایسے جہیڑے سُن نہ سکن۔
\v 9 ۹۔ داود نبی کہندا اے، اوناں دا دسترخوان اوناں لئی جال تے پھندا، لڑکھراون والا تے سزا دا باعث ہو جائے۔
\q
\v 10 ۱۰۔ اوناں دیاں اکھیاں اگے ہنیرہ ہو جائے تاں جو او دیکھ نہ سکن۔ تے توں اوناں دے لک چکائے رکھ۔
\p
\v 11 ۱۱۔ میں کہنا ہاں، کی ایس سارے لڑکھڑاون نال او ڈگ پین؟ انج کدی نہ ہووے۔ بلکہ اوناں دی ناکامی توں نجات غیر قوماں تیک آئی اے تاں جو اوناں دی غیرت جاگے۔
\v 12 ۱۲۔ ہُن جے اوناں دی ناکامی ای دُنیا دی دولت اے تے اوناں دا نقصان غیر قوماں دی دولت تے اوناں دی کاملیت کڈی ودھی ہووے گی۔
\p
\v 13 ۱۳۔ پر ہُن غیر قوماں والیو، میں تواڈے نال گلاں کرنا واں۔ جدوں تیک میں غیرقوماں دا رُسول رہواں گا اپنی خدمت اُتے فخر کراں گا۔
\v 14 ۱۴۔شاید میں گوشت دے ناطے اپنیاں دی غیرت نوں جگا سکاں تے اوناں وچوں کجھ نوں بچا سکاں۔
\v 15 ۱۵۔ کیوں جے اوناں دا انکار کرنا دُنیا نوں ملا دیندا اے تے اقرار کی نہیں کرے گا۔ کی ایہو نہیں کہ مُردے نوں زندگی دیوے؟
\v 16 ۱۶۔ جے نذر دا پہلا پیڑا پاک اے تے فیر گونیا ہویا سارا آٹا وی پاک اے۔ تے جے جڑ مقدس ہوئی تے فیر ٹہنیاں وی۔
\p
\v 17 ۱۷۔ پر جےکجھ ٹہنیاں ٹُٹ گیئاں، تے توں جہیڑا جنگلی زیتون ایں، اوناں وچ پیوست کیتا گیا ایں تے توں زیتون دے درخت دی چنگی جڑ نال جُڑ گیاں ایں
\v 18 ۱۸۔تے ایویں ٹہنیاں اُتے گھمنڈ نہ کر۔ پر جے توں گھمنڈ کرنا ای اے تے سمجھ لے کہ توں جڑ نوں نہیں بلکہ جڑ تینوں سہارا دیندی اے۔
\v 19 ۱۹۔ توں کہہ سکدا ایں کہ ٹہنیاں ایس لئی توڑیاں گئیاں کہ پیوست کیتا جاوے۔
\v 20 ۲۰۔ ایہ سچ اے کہ اوناں دی بے اعتمادی دی وجہ نال اوناں نوں توڑیا گیا۔ پر توں اپنے ایمان دے سبب قائم ایں۔ ایس لئی اپنے بارے اینا زیادہ گھمنڈ نہ کر بلکہ ڈر۔
\v 21 ۲۱۔ کیوں جو رب نے جے اصل نوں نہیں چھڈیا تے تینوں وی نہیں بخشے گا۔
\p
\v 22 ۲۲۔ تے فیر ہُن ویکھ، رب دی مہربایاںتے اوہدا غضب، غضب یہودیاں اُتے، جہیڑے ڈگ جاندے نے۔ پر تواڈے اُتے مہربانی ہووے گی۔ مہربانی وچ قائم رہوو نہیں تے توانوں وی وڈھ ٹُک دتا جاوے گا۔
\v 23 ۲۳۔ پر جے او اپنی بے اعتقادی توں باز آ جان تے فیر پیوست کیتے جان گے۔ کیوں جو رب ایس قابل اے کہ اوناں نوں دوبارہ پیوست کرے۔
\v 24 ۲۴۔ پر جے تُسی اُوس توں کٹے گئے، او جہیڑا قدرتی طور تے جنگلی زیتون اے، تے اپنی فطرت دے خلاف اصل زیتون وچ پیوست کیتے گئے نے، تے ایہ کنا ای چنگا اے کہ اصل زیتون دی ٹہنیاں جدوں اپنے ای زیتوں دے درخت وج پیوست کیتیاں جان گئیاں۔
\p
\v 25 ۲۵۔ پرائو، میں نہیں چاہندا کہ تُسی ایس راز توں بے خبر رہو تے اپنی ای سوچ دے مطابق سیانے بنو۔ او راز ایہ اے کہ اسرائیل دے کجھ حصے نوں اوہدوں تک سخت کیتا گیا اے جد تک غیر قوماں ساریاں اوہدے وچ آ نہ جان۔
\v 26 ۲۶۔ تاں جو سارا اسرائیل بچ جاوے۔تے جیویں لکھیا اے، " صیون وچوں چھُڈان والا آوندا اے۔ او یعقوب توں ناپاکی دور کرے گا ۔
\p
\v 27 ۲۷۔ میرا اوہدے نال عہد ہووے گا جدوں میں اوناں دے گناہ اوناں توں دُور کر دیاں گا "۔
\p
\v 28 ۲۸۔انجیل دے ناطے تے او تواڈے دُشمن نے پر چُنے گئیاں دے حساب نال اپنے پئیو دادے دی نسبت پیارے نے۔
\v 29 ۲۹۔ کیوں جو تحفہ تے رب دی بُلاہٹ، لا تبدیل نے۔
\v 30 ۳۰۔ کیوں جو پہلاں تُسی رب دے نافرمان سو، پر اوناں دی نافرمانی توں تواڈے اُتے رحم ہو گیا اے۔
\v 31 ۳۱۔ ایسے طرح ہُن جہیڑے نافرمان یہودی نے اوہی رحم حاصل کر سکدے نے، جہیڑا تواڈے اُتے ظاہر کیتا گیا اے۔
\v 32 ۳۲۔ کیوں جو رب نے نافرمانی دے سارے رستے بند کر دتے نے تاں جو ساریاں اُتے رحم کر سکے۔
\p
\v 33 ۳۳۔ واہ، رب دا علم تے عقل کڈھی ای ڈونگی اے۔ اوہدا انصاف سمجھ توں پرے اے تے لبھیا نہیں جا سکدا۔ تے اودیاں راہواں تلاش توں پرے نے۔
\v 34 ۳۴۔ "کیوں جو کون اے جہیڑا رب دے خیال نوں جان دا اے، تے کون اے جو اوہدا مشیر اے۔
\v 35 ۳۵۔ یا او کون اے جنے رب نوں پہلاں کجھ وی دتا اے پئی رب اونوں واپس کرے
\p
\v 36 ۳۶۔کیوں جو ساریاں چیزاں اوہدے ولوں، اوہدے توں تے اوہدے لئی نے۔ اوہدی تمجید ہمیشہ تک ہوندی رہے۔ آمین!
\c 12
\cl باب۱۲
\p
\v 1 ۱۔ اے پرائیو، میں رب دیاں رحمتاں دا واسطہ دے کے توانوں درخواست کر دا ہاں کہ اپنے بدن، ایسی قربانی لئی پیش کرو، جہیڑی زندہ تے پاک تے رب نوں قبول اے۔ ایہو چنگی خدمت اے۔
\v 2 ۲۔ایس دُنیا دے وانگوں نہ بنو بلکہ اپنے دماغاں نوں عقل نویں ہو جان نال تبدیل کر دے جائو۔ ایہ سب ایہ جانن لئی کرو تاں جو رب دی کامل، نیک تے پسندیدہ مرضی نوں جان سکو۔
\p
\v 3 ۳۔ میں اُوس فضل نال جہیڑا مینوں دتا گیا اے، کہندا ہاں کہ ہر کوئی تواڈے وچوں انج نہ سوچے کہ او ساریاں توں بُہتی عزت دے لائق نے۔ بلکہ عقل نال سوچن، پئی رب نے ساریاں نوں کجھ نہ کجھ ایمان دتا اے۔
\v 4 ۴۔ کیوں جو جیویں ساڈے جسم دے بُہت سارے مختلف حصے نے پر ہر حصے دا کم اکو جیا نہیں۔
\v 5 ۵۔ایسے طرح ای، اسی جہیڑے بُہت سارے آں، یُسوع وچ اک بدن تے آپس وچ اک دوجے دے حصے ہاں۔
\v 6 ۶۔ اُوس فضل دے مطابق جہیڑا سانوں دتا گیا اے، ساڈے کول وکھریاں وکھریاں نعمتاں نے۔ اگر تواڈے کول نبوت اے تے اونوں اپنے ایمان دے اندازے نال استعمال کرو۔
\v 7 ۷۔ اگر اک کول خدمت دی نعمت اے تے او خدمت کرے۔ اگر اک کول تعلیم دی نعمت اے تے او تعلیم دے۔
\v 8 ۸۔ اگر کسے کول حوصلہ ودان دی نعمت اے تے حوصلہ ودائے۔ اگر کسے کول سخاوت دی نعمت اے تے او دل کھول کے دیئے۔ اک کول راہنمائ دی نعمت اے او بڑے دھیان نال راہنمائی کرے۔
\p
\v 9 ۹۔ فریب توں بغیر محبت کرو۔ بُرائی توں نفرت کرو۔ اچحائی نوں پھڑ ی رکھو۔
\v 10 ۱۰۔ پراواں والی محبت نال اک دوجے نوں پیار کرو۔ غیرت نال اک دوجے دا لحاظ کرو۔
\v 11 ۱۱۔ کوشش کرن وچ سُستی نہ کرو۔ رُوح وچ سرگرم تے مالک دی خدمت کرو۔
\v 12 ۱۲۔ اُمید وچ خوش، مصیبت وچ صبر، دُعا وچ وفادار رہو۔
\v 13 ۱۳۔ مقدساں دیاں ضرورتاں دا خیال رکھو۔ خاطر تواضح دیاں راہواں لبھو۔
\v 14 ۱۴۔ اپنے ستاون والیاں لئی برکت چاہو۔ برکت چاہو لعنت نہ کرو۔
\v 15 ۱۵ ۔ جہیڑے خوش نے اوناں نال خوشی منائو تے رون والیاں نال رئوو۔
\v 16 ۱۶۔ ہر اک نال اکو جیا سُلوک کرو ۔ تواڈی سوچ وچ تکبر نہ آوے۔ ماڑیاں نوں قبول کرو تے اپنے آپ نوں دانا نہ سمجھو۔
\v 17 ۱۷۔ بدی دا جواب بدی نال نہ دیو۔ سارے لوکاں دی نظراں وچ چنگے کم کرو۔
\v 18 ۱۸۔ جتھوں تک ہو سکے تُسی اپنے ولوں ساریاں لوکاں نال امن نال رہو۔
\p
\v 19 ۱۹۔ اے پیاریو، اپنا بدلہ نہ لو۔ رب دے غضب نوں موقع دو۔کیوں جو کلام وچ لکھیا اے، "بدلہ لینا میرا کم اے، بدلہ میں ای لاں گا " رب کہندا اے۔
\v 20 ۲۰۔جے تیرا دُشمن بھوکا اے تے توں اُونوں کھانا کھوا۔ تے جے او پیاسا اے تےتوں اونوں پانی پیا۔ کیوں جو ایہ کرن نال توں اُودے سر اُتے اگ دے انگاریاںدا ڈھیر لاویں گا۔
\v 21 ۲۱۔ بدی نوں پسند نہ کر بلکہ نیکی نال بدی اُتے غالب آ۔
\c 13
\cl باب ۱۳
\p
\v 1 ۱۔ ہر اک اعلی حکومتاں دے تابع روے۔ کیوں جو کوئی حکومت نہیں جہیڑی رب ولوں نہیں۔ جہیڑے حکومتاں وچ نے او رب ولوں مقرر کیتے ہوئے نے۔
\v 2 ۲۔ تے جہیڑا اوناں حکومتاں دی مخالفت کر دا اے او رب دے حکماں دی مخالفت کر دا اے۔ تے جہیڑے مخالفت کردے نے، او سزا پان گے۔
\v 3 ۳۔ کیوں جو نیکیاں سے سبب نہیں بلکہ بدی دے سبب حاکماں توں خوف کھادا جاندا اے۔ کی تُسی حکومت توں نڈر رہنا چاہندے او؟ تے فیر نیکی کرو تے تواڈی تعریف کیتی جاوے گی۔
\v 4 ۴۔او تیرے چنگے لئی رب دا خادم اے۔ پر اگر توں بدی کریں تے ڈر۔ کیوں جو اونے تلوار بغیر وجہ دے نہیں چُکی ہوئی۔او رب دا خادم اے تے اپنے غضب دے مطانق بدی دی سزا دیندا اے۔
\v 5 ۵۔ایس لئی تُسی تابعدار رہوو۔ اوہدے غضب دے سبب نہیں بلکہ اپنے ضمیر دے سبب وی۔
\v 6 ۶۔ایس لئی تُسی خراج وی دیندے او کیوں جو او رب دے خادم نے۔ تے او ہر ویلے ایس کم وچ لگے رہندے نے۔
\v 7 ۷۔ساریاں دے حق دا خیال رکھو۔ جنوں خراج دینا چاہی دا اے، خراج دیو۔ جنوں چُنگی دینی چاہی دی اے، اونوں چُنگی دیو۔ جدے کولوں ڈرنا چاہی دا اے اودے کولوں ڈرو۔ جدی عزت کرنی چہی دی اے اوہدی عزت کرو۔
\p
\v 8 ۸۔ آپس دی محبت دے علاوہ کسے دے قرضدار نہ بنو۔ جہیڑا گوانڈی نال پیار کردا اے اونے شریعت نوں پُورا کیتا۔
\v 9 ۹۔رب دے حُکم: زنا نہ کر۔ قتل نہ کر۔ چوری نہ کر۔ لالچ نہ کر۔ ایناں توں علاوہ جنے حُکم نے اوناںسب دا خلاصہ اک ای گل وچ اے پئی اپنے گوانڈی نوں اپنی مانندپیار کر۔
\v 10 ۱۰۔ پیار گوانڈی نال بدی نہیں کردا۔ ایس لئی محبت شریعت دی تکمیل اے۔
\p
\v 11 ۱۱۔ تے ہُن ایس وقت نوں جان کے انج ای کرو۔ ایس لئی کہ او گھڑی آ گئی اے کہ تُسی نیندر توں جاگ جائو، کیوں جو جدوں اسی سارے ایمان لیائے ساں اوس ویلے دی نسبت ساڈی نجات ہُن زیادہ نیڑے آ گئی اے۔
\v 12 ۱۲۔ رات بہت لنگ گئی اے تے سویرا ہون والا اے۔ ہُن اسی ہنیرے دے کماں نوں چھڈ کے نُور دے ہتھیار بن لئیے۔
\v 13 ۱۳۔ جیویں دن دا رواج اے کہ اسی ٹھیک چلئیےنہ کہ اوباش تے نشہ بازاں وانگو، نہ حرامکاراں تے شہوت پرستاں نال تے نہ ای جھگڑے تے حسد نال۔
\v 14 ۱۴۔ بلکہ رب یُسوع مسیح نوں پہن لئو تے جسم دیاں خواہشاں دے لئی منصوبے نہ بنائو۔
\c 14
\cl باب ۱۴
\p
\v 1 ۱۔ کمزور اِیمان والے نُوں اودِیاں دلیلاں تے فتویٰ دِتیاں بغیر اونوں اَپنے وِچ شامِل کرو۔
\v 2 ۲۔اِک شخص اِیمان نال ہر اِک چیز کھاندا تے دُوسرا کمزوری دِی وجہ نال صرف سبزیاں۔
\v 3 ۳۔پَر جیہڑے ہر اِک شے کھا لیندِے او دوُجے نُوں کمتر نہ سمجھے۔ ایسے طرح جیہڑا ہر اِک شے نئی کھاندا او دوجے نُوں جیہڑا ہر اِک شے کھا لیندہ حقِیر نہ سمجھے۔اونوں خُدا نے قُبول کیِتہ اے۔
\v 4 ۴۔تُوں کون ایں جیہڑا دوسرے دِے نوکر تے فتویٰ دینا ایں۔ اودھے گِرنے یا قائِم رہنے دا ذمہ دار اودھا مالِکاے۔ پَر او قائِم کیتا جاوے گا کیوں جوخُدا اونوں قائِم کرن تے قادِر اے۔
\p
\v 5 ۵۔ اِک آدمی اِک دِن تُوں دوسرے دِن تُوں بہتر سمجھدا اے۔ تے دُوجا سارے دِناں نُوں برابر سمجھدا اے۔ہر کوئی اپنےذہن تے بھروسہ کرے۔
\v 6 ۶۔جیہڑا کِسےدِن نُوں مندا اے۔ او خُداوند لئی منے۔ تے جے کوئی کھاوے او خُداوند لئی کھاوے۔تے خُداوند دا شُکر کرے۔ جے کوئی نئی کھاندا تے کھان توں پرہیز کردا اے او وی خُداوند دا شُکر بجا ادا کرے۔
\v 7 ۷۔ ساڈے وِچوں نہ کوئی اپنے لئی زندہ اے تے نہ ہی کوئی اپنے واسطے مردا اے۔
\v 8 ۸۔اگر اسی زنداں ہاں تے خُداوند لئی زنداں ہاں۔ تے اگر اسی مردے ہاں تے خُداوند لئی مردے ہاں۔ چاہے زندہ رہئے یا مرئیے اسی خُداوند دے ہاں۔
\v 9 ۹۔ایس مقصد لئی مسیح مریا تے دُوبارہ زندہ ہویا۔ تاکہ او زندیاں تے مُردیاں دواں دا خُداوند ہووے۔
\p
\v 10 ۱۰۔ پَر تُوں کیوں اپنے پراہ تے الزام لاناں ایں؟ تے تُوں کیوں اپنے پراہ نُوں حقِیر سمجھنا ایں۔ اسی سارے خُداوند دِے تختِ عدالت دِے سامنے پیش ہوواں گے۔
\v 11 ۱۱۔ایس لئی لِکھیا اے۔ خُداوند نے فرمایا، مینوں اپنی حیات دِی قسم ہر اِک گُھٹنا میرے اگے جُھکے گا۔ تے ہر اِک زبان خُدا دِی وڈیائی کرے گی۔
\p
\v 12 ۱۲۔ ساڈے وِچوں ہر اِک خُدا نُوں اپنا حِساب دیوے گا۔
\p
\v 13 ۱۳۔اِیس لئی ہُن کوئی وِی اِک دُوسرے تے الزام نہ لاوے بلکہ اِرادہ کرے کہ کوئی وِی اپنے پراہ لئی ٹھوکر دا پتھر یا پھندے دا سبب نہ بنے ۔
\v 14 ۱۴۔ میں خُداوند یسُوع تے اِیمان رکھناہاں کہ کوئی وِی چیز اپنے آپ وِچ حرام نئی۔صرف اودھے لئی جیہڑا کِسے چیز نُوں ناپاک سمجھدا اے او چیز اودھے لئی ناپاک اے۔
\v 15 ۱۵۔اگر تیرے پراہ نُوں کھانے دِی وجہ نال ٹھوکر لگدِی تے تُوں مَحَبت دِی راہ تے نئی چلدا۔ تے کھانے دِے سبب اونُوں برباد نہ کر جِیدے لئی مسیح نے اپنی جان دِتی اے۔
\v 16 ۱۶۔ پس ایدی ہر گز اِجازت نئی کہ تُوواڈی نیکی دِی بُرائی ہووے۔
\v 17 ۱۷۔ کیوں جو خُدا دِی بادِشاہی کھانے تے پینے دِے مُتعلق نئی، بلکہ پاک رُوح وِچ اِطمینان ، راستبازی تے خُوشی اے۔
\v 18 ۱۸۔ ہر کوئی جِیہڑا ایس طریقے نال مسیح دِی خدمت کردا اے او خُدا دا پسندیدہ تے لوکاں وِچ مقبُول ہوندا اے۔
\p
\v 19 ۱۹۔تے آؤ اسیں اوناں چیزاں دِے طلب گار ہوئیے جِیہڑیاں امن تے اِک دُوسرے نُوں ترقی دیندِیاں نیں۔
\v 20 ۲۰۔ کھانے دِی خاطِر خُدا دِے کام نُوں برباد نہ کرو۔سارِیاں چیزاں واقعی پاک نیں۔پَر اے اوس شخص لئی بُری اے جِیہڑا کھا کے دُوسرے لئی ٹھوکر دا سبب بندا اے۔
\v 21 ۲۱۔ایہ اچھا وے کہ تُوں نہ گوشت کھاویں نہ مے پی ویں تے نہ ہی کوئی ایسی شے جیہڑی تیرے پراہ لئی ٹھوکر دا سبب بنے۔
\v 22 ۲۲۔ خُدا دِے اُتے اپنے اِیمان نُوں قائِم رکھو۔ تُسی مُبارِک ہوئے اپنے آپ نُوں کِسے وِی طرح مُلزم نہ سمجھو۔
\v 23 ۲۳۔اگر تُسی شک نال کھاندے او تے تُسی مُجرم ٹھہردے او۔ کیوں جو اے اِیمان دِے نال نئی ۔ تے جو کُجھ اِیمان نال نئی او گُناہ اے۔
\c 15
\cl باب ۱۵
\p
\v 1 ۱۔ ایسی ِجیہڑے تگڑے ہاں چاھیدااے کہ کمزور دِی کمزوریاں دِی برداشت کرئیے تے اپنےآپ نُوں خُوش نہ کریئے۔
\v 2 ۲۔سانُوں ہر اِک نُوں چاھیدا اے کہ ہر اچھے عمل چ اپنے ہمسائے نُوں خُوش کرئیے تاکہ اوہدی ہِمت ودھائی ہووئے۔
\v 3 ۳۔ ایتھوں تیک کہ مسیح نے وی اپنے آپ نُوں خُوش نئی کیتا۔ کہ جسطرح لِکھیا اے کہ تیرے ستاون والیاں دِیاں ذلتاں میرے اُتے آن پئیاں۔
\v 4 ۴۔جو کجھو پہلاں لِکھیاگیا سی اور اوہ ساڈی ہدایت لئی سی کہ برداشت تے کلام دِی حوصلہ افزائی دے وسیلے ساڈے کول خاص اُمید ہووئے۔
\p
\v 5 ۵۔ ہن برداشت تے ہمت دا خُداوند تہانوں مسیح دے وسیلے اِکو جِیہی سمجھ عطا فرماوے۔
\v 6 ۶۔اوہ کرے کہ تُسی اِک سمجھ تے اِکو جِیہی زبان(منہ) نال خُدا دِی جِیہڑا مسیح یسُوع دا باپ اے تمجید کر سکو۔
\p
\v 7 ۷۔جِسطرح خُدا دِی تمجید لئی مسیح نے تہانوں قبول کیتا،تُسی وی اِیس طرح اِک دُوجے نُوں قبول کرو۔
\v 8 ۸۔ ایس لئی مَیں کہناں ہاں کہ مسیح مختوناں دا خادم بنیا کہ خُدا دِے حق نُوں ثابت کرے کہ جیہڑا وعدہ ساڈے باپ دادا نُوں ملیا۔
\v 9 ۹۔تاکہ غیر قوماں خُدا دِی رحمت نُوں جلال دین۔جِسطرح لِکھیا اے کہ ایس لئی مَیں غیر قوماں وچ تیری تمجید کراں گا۔ تے تیرے ناں دِی ثنا سُناوانگا۔
\v 10 ۱۰۔اوہ فیر کہندا اے کہ اے غیر قومو اوہدے لوکاں نال ستائش کرو۔
\v 11 ۱۱۔تے فیر، اے تمام اقوام خُداوند دِی تمجید کرو۔ تمام لوگ اوہدی اُستت گاون۔
\v 12 ۱۲۔فیر یعسیاہ کہندا اے یسّی دِی جڑ آوے گی اوہ اوہدے چوں ودھدے گا کہ غیر قوماں تے حکومت کرے۔ غیر قوماں نُوں اوہدے وسیلے اُمید ملےگی۔
\p
\v 13 ۱۳۔ ہن اُمید دا خُدا تہانوں تمام خُوشی تے اِطمینان نال بھر دیوے۔ تہاڈےے اِیمان لیاون لئی تے پاک رُوح دِی قدرت نال تُسی اُمید پاؤگے۔
\p
\v 14 ۱۴۔میرے پراؤ مَیں توانُوں اچھی طرح جاننا ہوں تے مَینوں یقین اے کہ تُسی سارے نیکی تے معرفت دے علِم نال معمور ہو۔
\v 15 ۱۵۔ پر مَیں دلیری نال توانُوں کُجھ چیزاں دُوبارہ یاد کران لئی لِکھ ریہاں واں کیوں جو اے فضل مَینوں خُدا نے دیتا اے۔
\v 16 ۱۶۔ایس فضل نال مَیں یسُوع مسیح دا خادم بن کے غیر قوماں کول گیا۔ تے خُدا دِی خُوشخبری دین لئی کاہن دِی طرح پیش ہویا۔ مَیں اے ایس لئی کیتا کہ غیر قوماں دِی نظر پاک رُوح نال مُقّدس ہوئے تے مقبُول ٹھہرے۔
\p
\v 17 ۱۷۔ یسُوع مسیح وچ میرے فخر دِی وجہ میری خُدا لئی خدمت اے۔
\v 18 ۱۸۔مَیں کوئی ہور گلاں کہن دِی جرأت نئی کراں گا سوائے ایس دِے کہ مسیح تے غیر قوماں دِی فرمانبرداری میرے زریعے مُکمل کیتی ۔اے چیزاں کلام تے عمل نال مُکمل ہویاں۔
\v 19 ۱۹۔پاک رُوح دِی قدرت تے عجائب اور نشاناں دِی قدرت نال۔ تاکہ مَیں یروشلیم تے اوہدے دوالے دُور تک اِلُرِّکُم تیک تاکہ مَیں کامل طور نال اینجیل دِی مُنادِی کر سکاں۔ مَیں یروشلیم تے اہدے
\v 20 ۲۰۔ ایس طراں میری خواہش اے کہ خُوش خبری دی مُنادی کراں۔ پر ایس طرح نئی کہ مسیح میرے ناں توں جانیا جاوے۔تاکہ مَیں کِسے دُوسرے آدمی دی رکھی بُنیاد اُتے تعمیر نہ کراں۔
\v 21 ۲۱۔جس طراں اے لِکھیا اے۔ جناں کول اے خوشخبری نئی اپڑی او دیکھن گے۔تے جناں نے سُنیاں او سمجھن گے۔
\p
\v 22 ۲۲۔ ایس لئی مینوں بُہت دفعہ تیرے ول آن توں روکیا گیا۔
\v 23 ۲۳۔تے ہن ایناں ساریاں علاقیاں وچ ہور کوئی جگہ نئی رہی۔تے بڑے سالاں توں مَیں تیرے کول آن دی آرزو رکھنا۔
\v 24 ۲۴۔میں اُمید رکھنا کہ اسفانیہ ول جاندیاں ہویاں توانوں ضرور مل کے جاواں۔ اے میرے سفر لئی بہتر ہوئے گی۔ تے کُجھ عرصہ تواڈی رفاقت وِچ رہنا میرے لئی خُوشی دا سبب ہوئے گا۔
\v 25 ۲۵۔ہن مَیں ایمانداراں دِی خدمت کرن لئی یروشلیم جا ریا ہاں۔
\v 26 ۲۶۔افیہ تے مکدُنیہ دے لوکاں نے خُوشی نال یروشلیم دے غریب مُقدساں لئی چندہ اکھٹا کیتا۔
\v 27 ۲۷۔ہاں ایہ اوناں لئی خُوشی دا سبب اے واقعی اے اوناں دے قرضدار نئی۔ کہ اگر غیر قوماں رُوحانی چیزاں وچ شریک ہوندیاں نے تے واجب اے کہ مادی چیزاں نال وی اوناں دی خدمت ہووے۔
\v 28 ۲۸۔ جدوں ریہندا کام مُکمل کر کے اے یقین ہو جائے گا کہ جو کُجھ اکھٹا ہویا، اوناں مے وصول کر لیا تے مَیں اسفانیہ ول جاندیاں رستے وچ توانوں مِلاں گا۔
\v 29 ۲۹۔مَینوں معلوم اے کہ جدوں مَیں آیا تے مسیح دی مُکمل برکت نال آوانگا۔
\p
\v 30 ۳۰۔ ہن پراو مَیں تواڈی مِنت کرنا کہ یسُوع مسیح دے وسیلے تے پاک رُوح دی محبت نال پوری جانفشانی نال خُدا کولوں میرے واسطے دُعا کرو۔
\v 31 ۳۱۔دُعا کرو کہ مَیں یہودیہ دے نافرماناں کولوں محفوظ راواں تاکہ یروشلیم دے ایمانداراں نوں میری اے خدمت مقبُول ہووے۔
\v 32 ۳۲۔دُعا کرہ مَیں خُوشی نال خُدا دی مرضی نال تواڈے کول آواں تے تواڈے نال مل کے آرام پاواں۔
\v 33 ۳۳۔ خُدا دا اطمینان تواڈے ساریاں دے نال ہووے۔
\c 16
\cl باب ۱۶
\p
\v 1 ۱۔ مَیں فیبے دے بارے جیہڑی ساڈی بہن اے تے کلیسیادی خادمہ اے جیہڑی کِنخریہ چ اے۔
\v 2 ۲۔تُسی اوہنوں خُداوند وچ قبول کرو۔تے مُقدس لوکاں دی طرح اودھی ہر معاملے وچ ہر طراں دی مدد کرو۔ کیوں او خود دی بُہت ساریاں لوکاں دے لئی تے میری وہ مدد گار رہی اے۔
\p
\v 3 ۳۔ پرسکلہ تے آکولہ نوں جیہڑھے مسیح یسُوع وچ میرے ساتھی ہمخدمت نے سلام ہوؤے۔
\v 4 ۴۔جنھاں نے میری زندگی لئی اپنی زندگی داؤ تے لگا رکھی سی مَیں اوہناں دا شُکر گزار ہاں۔ نہ صرف مَیں بلکہ غیر قوماں دیاں تمام کلیسیاواں وی۔
\v 5 ۵۔جیہڑھی کلیسیا اوہناں دے گھرچ اے اوہناں نوں وی سلام ۔میرے عزیز اِپِنیتُسؔ جیہڑا آسیہ چوں مسیح لئی پہلا پھل اے۔
\v 6 ۶۔ مریم جنھے تُہاڈے لئی سخت محنت کیتی اوہنوں سلام۔
\v 7 ۷۔میرے رشتہ دار تے میرے ساتھی قیدی اندرُنِیکُسؔ تے یُونِیاسؔ نوں سلام ایہہ میرے توں پہلاں مسیح چ سن تے رسُولاں چوں وی نمایاں نے۔
\v 8 ۸۔خُداوند چ میرے عزیز اِمپلیاطُسؔ نوں سلام۔
\v 9 ۹۔ ساڈے مسیح چ ساتھی ہمخدت تے میرے عزیز استُخسؔ نوں وہ سلام۔
\v 10 ۱۰۔مسیح چ مقبُول اَپِلیسؔ نوں سلام تے اَرِستبُولُسؔ دے گھرانے سبھناں نوں سلام۔
\v 11 ۱۱۔میرے رشتے دار ہیرودیونؔ نوں سلام تے نَرکِسُّسؔ دے گھرانے نوں تے جیہڑھے مسیح چ نے اوہناں سبھناں نوں سلام۔
\v 12 ۱۲۔ ترُوفَینہؔ تے ترُوفوسہؔ جنھاں نے مسیح وچ سخت محنت کیتی اوہناں نوں سلام تے عزیز پرسِسؔ نوں جنھے مسیح لئی خوب کم کیتا سلام۔
\v 13 ۱۳۔مسیح دے چُنے ہوئے روفُسؔ تے میری تے اوہدی ماں نوں سلام۔
\v 14 ۱۴۔اَسُنکرِتُسؔ تے فلِگونؔ نالے ہِر میسؔ، پتُر باسؔ تے ہرماسؔ تے اوہناں دے نال سب بھائیاں نوں سلام کہو۔
\v 15 ۱۵۔ فِلُلگُسؔ تے یُولیہؔ نالے نیریُوسؔ تے اوہدی بہن تے اُلُمپاسؔ تے اوہدے نال تمام اِیمانداراں نوں سلام کہو۔
\v 16 ۱۶۔مسیح دی ساری کلیسیاواں تہانوں سلام کہندیاں نے تے آپس وچ اک دُوجے نوں پاک بوسہ لے کر سلام کرو۔
\p
\v 17 ۱۷۔ہن بھائیو مَیں تہاڈی منّت کرنا ہاں کہ جیہڑھے تفرقے دی وجہ بنن والے تے ٹھوکر دا سبب نے اوہناں بارے دھیان کرو۔ اوہ اوس تعلیم توں جیہڑھی تُساں پائی بُہت دُور ہو گئے نے۔ تے اوہناں توں کنارہ کرو۔
\v 18 ۱۸۔ایس طراں دے لوگ مسیح خُداوند دہ نئی بلکہ اپنے پیٹ دی خدمت کردے نے۔ اوہ اپنے ملائم تے چاپلوس گلاں نال معصوم دِلاں نُوں دھوکا(بہکاندے) دیندے نے۔
\v 19 ۱۹۔ تُواڈی فرمانبرداری دی مِثال ہر کوئی جانندا اے۔ ایس لئی مَیں تُواڈے اُتے بُہت خُوش ہاں پر مَیں چاہنا کہ تُسی نیکی کرن وِچ دانا تے بدی لئی بھولے بنو۔
\v 20 ۲۰۔اطمینان دا خُدا بُہت شیطان نُوں تُواڈے پیراں تھلے کچلوادے گا۔
\p
\v 21 ۲۱۔ تِیمُتِھیُسؔ میرا ہمخدمت تے لُوکِیُسؔ ، یاسونؔ ، سوسِپطرُس تےمیرے رشتہ دار تُوانوں سلام آخدےنے۔
\v 22 ۲۲۔ایس خط دے لِکھن والا ترتِیُسؔ تُوانوں خُداوند وِچ سلام کہندا اے۔
\v 23 ۲۳۔ گُیسؔ جیہڑا میری تے ساری کلیسیاہ دی مہمان نوازی کردا، تُوانوں سلام کہندا ۔اِراستُسؔ شہر دا خزانچی تے بھائی کوارتُسؔ تُوانوں سلام آخداے نے۔
\v 24 ۲۴۔سب توں پرانی تے بہتر جلداں دے وچ آیت (ویکھو رُومِیوں۲۰۔۱۶) موجود نیں۔ یسُوع مسیح دا فضل ہمیشہ تُواڈے ساریاں دے نال ہووے ،آمین۔
\p
\v 25 ۲۵۔ ہن جیہڑا (خُدا) تُوانوں یسُوع مسیح دی مُنادی تے خوشخبری نال مضبوط کر سکدا اے، اپنے اُوس مُکاشفہ دے بھید توں جیہڑا کئی زمانے توں پوشیدہ رہیا۔
\v 26 ۲۶۔ہن ایس وقت اوہناں دی تحریراں دے وسیلے نال ساریاں قوماں تے ظاہر ہویا۔ تاکہ اوہ ابدی تے ازلی خُدا دے حُکم نال ایمان دے تابع ہوجاون۔
\v 27 ۲۷۔ اُوس حِکمت دے خُدا دی یسُوع مسیح دے وسیلے نال ہمیشہ تمجید(وڈیائی) ہوندی روے۔ آمین۔