pnb_reg/44-JHN.usfm

\id JHN
\ide UTF-8
\h یُوحنّا دی اِنجِیل
\toc1 یُوحنّا دی اِنجِیل
\toc2 یُوحنّا دی اِنجِیل
\toc3 jhn
\mt یُوحنّا دی اِنجِیل
\c 1
\cl باب ۱
\p
\v 1 ۱۔ شُروع وِچ کلام سی اَتے کلام رَبّ دے نال سی اَتے کلام رَبّ سی۔
\v 2 ۲۔ ایہو ای شُروع وِچ رَبّ دے نال سی۔
\v 3 ۳۔ سارئِیاں شَیواں اوہدے سببوں پَیدا ہویاں اَتے جو کُجھ پَیدا ہویا اوہدے وِچوں کوئی شَے وی اوہدے بِنا پَیدا نئیں ہوئی۔
\v 4 ۴۔ زِندگی اوہدے وِچ سی اَتے اوہ زِندگی بندیاں دا چانن سی۔
\v 5 ۵۔اَتے چانن ہنیرے وِچ چمک دا اے اَتے ہنیرے نے اوہنوں نا قبولیا۔
\p
\v 6 ۶۔اِک بندہ جِہدا ناں یُوحنّا سی آیا۔ اوہ رَبّ ولوں گھلیا گیا سی۔
\v 7 ۷۔ایہ بندہ گواہی دین آیا پئی چانن دی گواہی دیوے تاں جو اوہدے سببوں سارے اِیمان لیان۔
\v 8 ۸۔اوہ آپ تے چانن نئیں سی پَر چانن دی گواہی دین لئی آیا سی۔
\v 9 ۹۔سچّا چانن جیہڑا ہر اِک بندے نُوں چمکاندا اے، دُنیا وِچ آن نُوں سی۔
\p
\v 10 ۱۰۔اوہ دُنیا وِچ سی اَتے دُنیا اوہدے سببوں پَیدا ہوئی پَر دُنیا نے اوہنوں نا سیہانیا۔
\v 11 ۱۱۔اوہ اپنے گھر آیا پَر اوہدے اپنیاں نیں ای اوہنوں نا قبولیا۔
\v 12 ۱۲۔پَر جِنیاں نیں اوہنوں قبُول کیِتا اوہنے اوہناں نُوں رَبّ دی آل بنن دا حَق دِتّا مطلب کے اوہناں نُوں جیہڑے اوہدے ناں تے اِیمان لیاندے نیں۔
\v 13 ۱۳۔اوہ لہو نال نئیں ،نا جِسم دی خواہش نال اَتے نا ای بندے دی مرضی نال سگوں رَبّ توں پَیدا ہوئے۔
\p
\v 14 ۱۴۔اَتے کلام جِسم بنیا اَتے فضل تے سچیائی نال بَھر کے ساڈے وِچ وَسّیا اَتے اسیں اوہدا اجیہا جلال ویکھیا جیِویں پئو دے اَکلوتے دا جلال ہووے۔
\p
\v 15 ۱۵۔یُوحنّا نے اوہدے بارے گواہی دِتّی اَتے اُچی اواز نال آکھیا پئی ایہ اوہو ای اے جِہدا مَیں تُہانوں دَسّیا سی پئی جیہڑا میرے باہجوں آؤندا اے اوہ میرے نالوں وَڈا نِکلیا کیوں جو اوہ میرے توں پہلاں سی۔
\v 16 ۱۶۔کیوں جو اوہدی معمُوری وِچوں اَسیں سبھناں پایا مطلب کے فضْل تے فضْل۔
\v 17 ۱۷۔ایس لئی پئی شرِیعت تے مُوسیٰؔ رائیں دِتّی گَئی سی پَر فضْل تے سچیائی یِسُوعؔ مسِیح دے رائیں ۔
\v 18 ۱۸۔رَبّ نُوں کِسے نے کدی نئیں ویکھیا۔ اَکلوتا پُتر جیہڑا پئو دی گود وِچ اے اوہنے ای اوہنوں ظاہِر کیِتا۔
\p
\v 19 ۱۹۔اَتے یُوحنّا دی گواہی اے وے پئی جدوں یہُودیاں نیں یروشلِیموںؔ کاہِن تے لاویؔ ایہ پُچھن لئی اوہدے کول گھلے پئی تُوں کون ایں؟
\v 20 ۲۰۔ اوہنے اِقرار کیِتا اَتے اِنکار نہ کیِتا سگوں اِقرار کیِتا پئی مَیں تے مسِیح نئیں۔
\v 21 ۲۱۔اوہناں نیں اوہنوں پُچھیا، ’’فیر تُوں کون ایں؟ کیِہ تُوں ایلیاہؔ ایں؟‘‘ اوہنے آکھیا، ’’ مَیں نئیں آں‘‘۔ اوہناں پُچھیا، ’’کیِہ تُوں اوہ نبی ایں؟‘‘ اوہنے جواب دِتّا، ’’نئیں‘‘۔
\v 22 ۲۲۔سو اوہناں نیں اوہنوں آکھیا، ’’فیر تُوں کون ایں؟ تاں جو اَسیں اپنے گھلن والیاں نُوں جواب دے سکئیے۔ تُوں اپنے حَق وِچ کیَہ آکھنا ایں؟‘‘
\v 23 ۲۳۔اوہنوں آکھیا پئی جیِویں یسعیاہؔ نبی نے آکھیا اے، اوجار وِچ اِک ہوکا دین والے دی آواز ہاں پئی تُسیں خُداوَند دی راہ نُوں سِدھا کرو۔
\p
\v 24 ۲۴۔ایہ لوک فریسیاںؔ وَلوں گھلے گَئے سَن۔
\v 25 ۲۵۔اوہناں نیں اوہنوں ایہ سوال کیِتا پئی جے تُوں نا مسِیح ایں نا ایلیاہؔ اَتے نا اوہ نبی تے فیر بپتِسمہ کیوں دینا ایں؟
\v 26 ۲۶۔یُوحنّاؔ نے جواب وِچ اوہناں نُوں آکھیا پئی مَیں پانی نال بپتِسمہ دینا ہاں پَر تُہاڈے وِچ اِک بندہ کھلوتا اے جِنہوں تُسیں نئیں جان دے۔
\v 27 ۲۷۔مطلب کے اوہ جیہڑا میرے بعد آن والا اے جِہدی جُتی دا تسمہ وی مَیں کھولن جوگا نئیں۔
\p
\v 28 ۲۸۔ایہ گلاں یَردنؔ دے پار بَیت عَنِیاہؔ وِچ ہوئِیاں جِتھے یُوحنّاؔ بپتِسمہ دیندا سی۔
\p
\v 29 ۲۹۔اگلے دیہاڑے اوہنے یِسُوعؔ نُوں اپنے وَل آندیاں ویکھ کے آکھیا، ’’ویکھو! ایہ خُدا دا برّہ اے جیہڑا دُنیا دا پاپ چُک کے لَے جاندا اے۔
\v 30 ۳۰۔ایہ اوہوای اے جِہدے بارے مَیں آکھیا سی پئی اِک بندہ میرے باہجوں آؤندا اے جیہڑا میرے توں وَڈا اے کیوں جو اوہ میرے توں پہلاں سی۔
\v 31 ۳۱۔اَتے مَیں تے اوہنوں نئیں سی سیہان دا پَر ایس لئی پانی نال بپتِسمہ دیندا ہویا آیا ہاں پئی اوہ اِسرائیلؔ اُتے ظاہِر ہو جاوے۔
\p
\v 32 ۳۲۔اَتے یُوحنّا نے ایہ گواہی دِتّی پئی مَیں رُوح نُوں کبُوتر وانگ اَسمانوں لہندیاں ویکھیا اَتے اوہ اوہدے اُتّے کھلو گیا۔
\v 33 ۳۳۔اَتے مَیں تے اوہنوں نئیں سی جان دا پَر جِنھیں مَینوں پانی نال بپتِسمہ دین لئی گھلیا اے اوہنے ای مَینوں آکھیا پئی جِہدے اُتے تُوں رُوح نُوں لہندیاں اَتے کھلوندیاں ویکھیں اوہو ای اے جیہڑا رُوح القُدس نال بپتِسمہ دیوے گا۔
\v 34 ۳۴۔ایس لئی مَیں ویکھیا تے گواہی دِتّی پئی ایہو اے جیہڑا خُدا دا پُتر اے۔
\p
\v 35 ۳۵۔اگلے دیہاڑے یُوحنّا اَتے اوہدے چیلیاں وِچوں دو بندے کھلوتے سَن۔
\v 36 ۳۶۔اوہنے یِسُوعؔ نُوں جاندے ہوئیاں ویکھ کے آکھیا، ’’ ویکھو! ایہ خُدا دا برّہ اے!‘‘
\v 37 ۳۷۔اَتے جدوں اوہدے دونویں چیلیاں اوہنوں ایہ آکھ دیاں سُنیا تے یِسُوعؔ دے پِچھے ٹُر پَئے۔
\v 38 ۳۸۔یِسُوعؔ نے مُڑ کے اَتے اوہناں نُوں اپنے مگر ٹُر دیاں ویکھ کے اوہناں نُوں پُچھیا پئی تُسیں کیِہ پَئے لَبھدے او؟ اوہناں نیں اوہنوں آکھیا، ’’اُستاد! تُوں کِتھے رہنا ایں؟‘‘
\v 39 ۳۹۔اوہنے اوہناں نُوں آکھیا، ’’ چلّو تے ویکھ لَؤو‘‘۔ سو اوہناں نیں آکے اوہدے رہن دی تھاں ویکھی اَتے اوس دیہاڑے اوہ اوہدے نال ای رہے کیوں جو ایہ دَسویں گھنٹے دا ویلا سی۔
\p
\v 40 ۴۰۔اوہناں دونواں وِچوں جیہڑے یُوحنّا دی گل سُن کے یِسُوعؔ دے مگر ٹُر پَئے سَن اِک شمعُونؔ پطرسؔ دا بھرا اِندریاؔس سی۔
\v 41 ۴۱۔اوہنے پہیلاں اپنے سگے بَھرا شمعُونؔ نال مِل کے اوہنوں آکھیا پئی ساہنوں خرِستُسؔ مطلب کے مسِیح لبھ گیا اے۔
\v 42 ۴۲۔اوہ اوہنوں یِسُوعؔ کول لیایا۔ یِسُوعؔ نے اوہدے تے نِگاہ کر کے آکھیا پئی تُوں یُوحنّاؔ دا پُتر شمعُونؔ ایں؟ تُوں کیفاؔ مطلب کے پطرسؔ اَکھوایں گا۔
\p
\v 43 ۴۳۔اَگلے دیہاڑے یِسُوعؔ نے گلِیلؔ جانا چاہیا اَتے فِلپُّسؔ نال مِلیا۔ اَتے یِسُوعؔ نے اوہنوں آکھیا پئی میرے پِچھے ٹُر پَئے۔
\v 44 ۴۴۔فِلپُّسؔ، اندرؔیاس اَتے پطرسؔ دے شہر بَیت صَیداؔ دا واسی سی۔
\v 45 ۴۵۔فِلپُّسؔ نے نتن ایلؔ نال مِل کے اوہنوں آکھیا پئی جِہدا ذِکر مُوسیٰؔ نے تَورَیت وِچ اَتے نبیاں نیں کیِتا اے اوہ ساہنوں لبھ گیا اے۔ اوہ یُوسُفؔ دا پُتر یِسُوعؔ ناصری اے۔
\v 46 ۴۶۔نتن ایلؔ نے اوہنوں آکھیا ، ’’کیِہ ناصرة وِچوں کوئی چنگی شَے نِکل سکدی اے؟‘‘ فِلپُّسؔ نے آکھیا، ’’ٹُر تے آکے ویکھ لے‘‘۔
\v 47 ۴۷۔یِسُوعؔ نے نتن ایلؔ نُوں اپنے وَل آؤندے ہویاں ویکھ کے اوہدے حَق وِچ آکھیا، ’’ویکھو! ایہ پَکا اِسرائیلی اے۔ ایہدے وِچ کوئی دھوکا فریب نئیں‘‘۔
\v 48 ۴۸۔نتن ایلؔ نے اوہنوں آکھیا پئی تُوں مَینوں کِتھوں دا جانن والا ایں؟ یِسُوعؔ نے اوہنوں آکھیا، ’’ایہدوں پہیلاں پئی فِلپُّسؔ تَینوں سَدّ دا، مَیں تَینوں اوس ویلے ویکھیا جدوں تُوں اِنجِیر دے رُکھ ہیٹھاں سی‘‘۔
\v 49 ۴۹۔نتن ایلؔ نے اوہنوں جواب وِچ آکھیا، ’’اُستاد! تُوں رَبّ دا پُتر ایں۔ تُوں اِسرائیلؔ دا بادشاہ ایں‘‘۔
\v 50 ۵۰۔یِسُوعؔ نے اوہنوں آکھیا، ’’کیِہ تُوں ایس لئی اِیمان لیایا ایں پئی مَیں تَینوں اِنجِیر دے رُکھ ہیٹھ ویکھیا؟ تُوں ایہدے توں وی وڈے وڈے کَم ویکھیں گا‘‘۔
\v 51 ۵۱۔فیر اوہنوں آکھیا، ’’مَیں تُہانوں ساریاں نُوں سچ مُچ آکھنا ہاں پئی تُسیں اَسمان نُوں کُھلا اَتےرَبّ دیاں فرِشتیاں نُوں اُتاں جاندیاں اَتے اِبنِ آدم اُتّے لہندیاں ویکھو گے ‘‘۔
\c 2
\cl باب ۲
\p
\v 1 ۱۔ تن دن بعد گلیل دے علاقے قانا وچ اک شادی سی تے یُسوع دی ماں اُوتھے موجود سی۔
\v 2 ۲۔ یُسوع تے اوہدے شاگرد وی اوس شادی وچ سدے گئے سن۔
\v 3 ۳۔ جدوں مے مُک گئی تے یُسوع دی ماں نے اونوں کہیا کہ " ایناں کول مے مُک گئی اے"
\v 4 ۴۔ یُسوع نے جواب دتا، " اے عورت، تُوں میرے کول کیوں آئی ایں؟ اجے میرا ویلا نہیں آیا "۔
\v 5 ۵۔ اوہدی ماں نے نوکراں نوں کہیا،" اے تونوں جنج وی کہندا اے، اوسے طرح ای کرو "۔
\v 6 ۶۔ ہُن اوتھے یہودیاں دی پاکیزگی دی رسم دے مطابق پتھر دے چھہ مٹکے رکھے ہوئے سن تے ہر اک دی گنجائش دو یا تن من دے برابر سی۔
\v 7 ۷۔ یپسوع نے اوناںنوں کہیا، " مٹکیاں نوں پانی دے نال بھر دو "۔ سو اوناں نے کناریاں تک بھر دتے۔
\v 8 ۸۔ فیر اونے نوکراں نوں کہیا، " ایدھے وچوں کجھ کڈھ کے ہُن ضیافت دا انتظام کرن والے وڈھے کول لے جاو" ۔ اوناں اُنج ای کیتا۔
\v 9 ۹۔ ضیافت دا انتظام کرن والے وڈھے نے پانی، جہیڑا مے بن گیا سی، چکھیا۔ پر او نہیں جاندا سی پئی اے کتھوں آئی اے [صرف نوکر جناں نے مٹکیاں وچوں کڈی سی، جاندے سن] تے اونے لاڑے نوں سدیاہ۔
\v 10 ۱۰۔ تے اونوں کہیا، " ہر بندہ چنگی مے پہلاں دیندا اے تے گھٹیا اوہدوں جدوں سارے دھُت ہو جان۔ پر تُوں چنگی مے ہُن تیکر رکھی ہوئی اے "۔
\v 11 ۱۱۔ ایہ پہلا معجزہ یُسوع نے گلیل دے علاقے قانا وچ کر کے اپنا جلال ظاہر کیتا تے اوہدے شاگرد اوہدے اُتے ایمان لیائے۔
\p
\v 12 ۱۲۔ ایدوں بعد یُسوع، اوہدی ماں، اوہدے بھائی تے اوہدے شاگرد کفر نحوم گئے تے کجھ دن اوتھے ای ٹھہرے رئے۔
\p
\v 13 ۱۳۔ یہودیاں دی فسح نیڑے سی ایس لئی یُسوع یروشیلم نوں چلا گیا۔
\v 14 ۱۴۔ اُوتھے اونے بیل ، بھیڈاں تے کبوتر ویچن والے تے رقم دا لین دین کرن والیاں نوں بیٹھے ویکھیا۔
\v 15 ۱۵۔ اونے رسی دا کوڑا بنایا تے سنے بیل تے بھیڈاں دے سب نوں ہیکل وچوں باہر کڈھ دتا۔ اونے رقم دا لین دین کرن والیاں دے میز تے رقم سب اُلٹ دتی۔
\v 16 ۱۶۔ اونے کنوتر فروشاں نوں کہیا، " اے سب چیزاں ایتھوں لے جائو۔ میرے پئیو دے گھر نوں منڈی بناوناں بند کرو "۔
\v 17 ۱۷۔ اوہدے شاگراں نوں یاد آیا کہ لکھیا اے، " تیرے گھر دی غیرت مینوں کھا جائے گی "۔
\p
\v 18 ۱۸۔ فیر اختیار والے یہودیاں نےجواب وچ کہیا، " جدوں دا تُوں ایہ سب کجھ کردا پیا ایں، تُوں سانوں کی نشان وکھانا ایں؟ "۔
\v 19 ۱۹۔ یُسوع نے جواب دتا، " ہیکل نوں ڈھا دیو۔ میں تن دناں وچ اینوں کھڑا کر دواں گا "۔
\v 20 ۲۰۔ یہودی اختیار والیاں نے آکھیا، " ایہ ہیکل چھیالی سالاں وچ بنی اے، تے تُوں صرف تناں دناں وچ کھڑی کر دیویں گا؟"
\v 21 ۲۱ پر او اپنے بدن دی ہیکل دی گل کر دا پیا سی۔
\v 22 ۲۲۔ اوہدے مرن توں جی اُٹھن دے بعد اوہدے شاگرداں نوں ایہ یاد آیا تے او صحیفیاںتے اوہدے کہے ہوئے اُتے ایمان لیائے۔
\p
\v 23 ۲۳۔ ہُن جدوں فسح دی عید دے وقت او یروشیلم وچ سی، تے بتھیرے ایہ معجزے ویکھ کے اوہدے ناں اُتے ایمان لیائے۔
\v 24 ۲۴۔ پر یُسوع اوناں اُتے اعتبار نہیں سی کردا کیوں جو او اوناں ساریاں نوں جاندا سی۔
\v 25 ۲۵۔ کیوں جو او نہیں چاہندا سی پئی کوئی انسان دے حق وچ گواہی دیوے ایس لئی کہ جو کجھ وی انسان دے دل وچ ہوندا اے او سب جاندا اے۔
\c 3
\cl باب ۳
\p
\v 1 ۱۔ فیر اوتھے اک فریسی، یہودیاں دا اُستاد جدا ناں نیکو دیمس سی،
\v 2 ۲۔ او رات دے ویلے یُسوع کول آیا، تے یُسوع نوں کہن لگا، "اے ربی, اسی جاندے ہاں کہ تُوں اُستاد ایں تے رب ولوں بھیجیا گیا ایں۔ کیوں جو جہیڑے نشان تُوں ویکھانا ایں کوئی نہیں وکھا سکدا جد تک رب اوہدے نال نہ ہووے "۔
\v 3 ۳۔ یُسوع نے اونوں جواب دتا، "میں سچ سچ کہندا ہاں کہ جد تیک کوئی فیر نہ جمے، او اونا چر رب دی بادشاہی نہیں ویکھ سکدا "۔
\v 4 ۴۔ نیکودیمس نے اونوں کہیا، "کی کوئی دوبارہ اپنی ماں دے رحم وچ وڑہ کے دوبارہ پیدا ہو سکدا اے؟"
\v 5 ۵۔ یُسوع نے جواب دتا، "میں تینوں سچ کہندا آں،کہ جدوں تک کوئی پانی تے رُوح توں پیدا نہ ہووے او آسمان دی بادشاہی وچ داخل نہیں ہو سکدا۔
\v 6 ۶۔ جہیڑا جسم توں پیدا ہویا او جسم اے تے جہیڑا رُوح توں پیدا ہویا اور رُوح اے۔
\v 7 ۷۔ حیران نہ ہو کیوں جو میں تینوں کہیا اے پئی دوجی واری پیدا ہونا ضروری اے۔
\v 8 ۸۔ ہوا جہیڑے پاسے اوہدا من کردا اے وگدی اے۔ تُسی آواز سُن دے او، پر نہیں جاندے کہ او کتھوں آوندی اے تے کتھے جاندی پئی اے۔ جہیڑا رُوح تھوں پیدا ہویا بالکل ایسا ای اے "۔
\v 9 ۹۔ نیکودیمس جواب دیندیاں ہویاں بولیا، "ایہ کس طرح ممکن اے؟"
\v 10 ۱۰۔ یُسوع نے جواب دتا، " تُوں اسرائیل دا اُستاد ایں، فیر وی تُوں ایناں چیزاں دی سمجھ نہیں رکھ دا؟
\v 11 ۱۱۔ میں سچ سچ کہندا ہاں، اسی اوہی بول دے آں جو جاندے آں تے جو ویکھیا اے اوہدی گواہی دینے آں۔ تُسی فیر وی ساڈی گواہی نہیں من دے۔
\v 12 ۱۲۔ تواڈے نال زمین دیاں گلاں کردا واں، تُسی اوہدا یقین نہیں کردے تے جے میں آسمان دیاں گلاں کراں گا تُسی کیوں کر یقین کرو گے؟
\v 13 ۱۳۔ کوئی آسمان اُتے نہیں چڑھیا سوائے اوہدے جہیڑا آسمان توں اُتریا اے۔صرف ابن آدم۔
\v 14 ۱۴۔ جس طرح موسی نے بیابان وچ سپ نوں اُچے تے چڑھایا، ضرور اے کہ ابن آدم نوں وی اُچے تے چڑھایا جائے۔
\v 15 ۱۵۔ تاں جو جو کوئی وی ایمان لیاوے اوہدے وچ ہمیشہ دی زندگی پائے۔
\p
\v 16 ۱۶۔ کیوں جو رب نے دُنیا نال ایہو جہی پریت رکھی کہ اونے اپنا اکلوتا پُتر وار دتا۔ تاں جو جو کوئی وی اوہدے اُتے ایمان لیاوے ہلاک نہ ہووے بلکہ ہمیشہ دی زندگی پاوے۔
\v 17 ۱۷۔ رب نے دُنیا اُتے الزام لائون لئی اپنا پُتر نہیں سی بھیجیا بلکہ ایس لئی کہ اوہدے وسیلے دُنیا نوں بچاوے۔
\v 18 ۱۸۔ جو اوہدے اُتے ایمان لیاوندا اے اودے اُتے سزا دا حُکم نہیں ہوندا پر جہیڑا اوہدے اُتے ایمان نہیں لیاندا اوہدے اُتے سزا دا حُکم ہو چکیا اے۔ کیوں جو او رب دے اکلوتے پُتر اُ تے ایمان نہیں لیایا۔
\v 19 ۱۹۔ سزا دے حُکم دی وجہ ایہ اے کہ نُور دُنیا وچ آیا تے لوکاں نے نُور دی بجائے ہنیرے نوں پیار کیتا۔ کیوں جو اوہدے کم بُرے سی۔
\v 20 ۲۰۔ جو کوئی بُرے کم کردا اے، نُور دی حقارت کردا اے۔ تے روشنی ول نہیں آوندا پئی اوہدے بُرے کم ظاہر نہ ہون۔
\v 21 ۲۱۔ پر جو سچ تے عمل کردا اے او نُور کول آوندا اے تاں جو اوہدے کم ظاہر ہون کہ رب وچ کیتے گئے نے "۔
\p
\v 22 ۲۲۔ ایتھوں بعد یُسوع تے اوہدے شاگرد یہودیہ دے علاقے نوں گئے تے کجھ دن اوتھے ٹھہر کے بپتسمہ دیندے رہے۔
\p
\v 23 ۲۳۔ یُوحنا وی سالیم دے لاگے عینون وچ بپتسمہ دیندا سی کیوںجو اوتھے چوکھا پانی سی۔ لوکی اوہدے کول آوندے تے بپتسمہ لیندے سن۔
\v 24 ۲۴۔ کیوں جو یُوحنا اوس وقت تک قید وچ نہیں گیا سی۔
\v 25 ۲۵۔ فیر اوتھے پاکیزگی دی رسم دی بابت یُوحنا رسول دے شاگرداں دی تے اک یہودی دے درمیان بحث ہوئی۔
\v 26 ۲۶۔ او یُوحنا کول گئے تے کہیا، "ربی، دریائے یردن دے اوس پار جہیڑا تیرے نال دا اے تے جدھی تُوں گواہی وی دینا ایں، بپتسمہ دیندا اے۔ تے سارے اوہدے ول پئے جاندے نے "۔
\v 27 ۲۷۔ یُوحنا نے جواب دتا، " بندہ اوہدوں تک کجھ نہیں لے سکدا جدوں تیکر اونوں اُوپروں نہ دتا جائے۔
\v 28 ۲۸۔ تُسی آپ میرے گواہ او۔ میں کہندا ساں کہ میں مسیح نہیں۔ بلکہ اوس تھوں پہلاں بھیجیا گیا آں۔
\v 29 ۲۹۔ دُلہن، دُولہے دی ہوندی اے۔ دُولہے دا دوست کھلوتا اے تے دُولہے دی آواز سُن کے بہت خوش اے۔ ایسے طرح میری خوشی مکمل ہوندی اے۔
\v 30 ۳۰۔ ضرور اے کہ او ودے تے میں کم ہوواں۔
\p
\v 31 ۳۱۔ جہیڑا اُپروں آوندا اے او سب توں اُتے ہوندا اے۔ جہیڑا زمین دا اے او زمین ای توں اے تے زمین دیاں گلاں کردا اے۔ پر جہیڑا اسمان توں اے او سب توں اُتے اے۔
\v 32 ۳۲۔ اونے جو کجھ ویکھیا تے سُنیا اے، اوہدے گواہی دیندا اے۔ پر اوہدی گواہی کوئی نہین مندا ۔
\v 33 ۳۳۔ او جو کوئی اوہدی گواہی قبول کردا اے۔ یقین رکھدا اے کہ خُدا سچا اے۔
\v 34 ۳۴۔ تے او جنوں رب نے بھیجیا اے او رب دا کلام دسدا اے۔ تے او رُوح ناپ ناپ کے نہیں دیندا۔
\v 35 ۳۵۔ پئیو، پُتر نال محبت کر دا اے تے اونے سب چیزاں اوہدے ہتھ وچ کر دتیاں نے۔
\v 36 ۳۶۔ جو کوئی پُتر اُتے یقین رکھدا اے ہمیشہ دی زندگی پاوے گا۔ پر او جہیڑا پُتر دی نافرمانی کردا اے زندگی نوں کدی نہ ویکھے گا۔بلکہ رب دا قہر ہمیشہ اوہدے اُتے رہوے گا"۔
\c 4
\cl باب ۴
\p
\v 1 ۱۔ فیر جدوں یُسوع نوں پتہ چلیا کہ فریسیاں نوں علم ہو گیا اے پئی او یُوحنا توں زیادہ شاگرد بناوندا تے بپتسمہ دیندا اے۔
\v 2 ۲۔ [ حالانکہ یُسوع آپ نہیں بلکہ اوہدے شاگرد بپتسمہ دیندے سن]
\v 3 ۳۔ او یہودیہ نوں چھڈ کے گلیل نوں واپس چلا گیا۔
\v 4 ۴۔ پر ضروری سی کہ او سامریہ وچوں ہو کے لنگے۔
\v 5 ۵۔ فیر او سامریہ دے اک شہر جہیڑا سوخار کہلاندا سی آیا۔ او علاقے دے اوس حصے دے لاگے گیا جہیڑا یعقوب نے اپنے پُتر یوسف نوں دتا سی۔
\v 6 ۶۔ اوتھے یعقوب دا کھوں سی۔ یُسوع سفر توں تھکیا ہویا کھوں اُتے بہ گیا۔ ایہ کوئی دن دی چھیویں گھڑی سی۔
\v 7 ۷۔ اک سامری عورت پانی بھرن لئی آئی۔ یُسوع نے اونوں کہیا، "مینوں پین لئی پانی دے"۔
\v 8 ۸۔ کیوں جو اوہدے شاگرد لاگے دے قصبے وچ کھانا لین گئے سن۔
\v 9 ۹۔ سامری عورت نے اوہدے کولوں پوچھیا، "تُوں یہودی ہو کے کس طرح اک سامری عورت کولوں پانی منگ دا ایں؟" [کیوں جو یہودی سامریاں نال کوئی میل جھول نہیں رکھ دے سن]
\v 10 ۱۰۔ یُسوع نے اونوں جواب دتا، "جے تُوں رب دے تحفے نوں جاندی تے ایہ وی جان دی کہ کون اے جہیڑا تیرے کولوں پین دا پانی منگ دا پیا اے، تےاوہدے کولوں منگ دی تے او تینوں زندگی دا پانی دیندا "۔
\v 11 ۱۱۔ عورت بولی، " اے صاحب، تیرے کول تے بالٹی وی نہیں تے کھوں ڈونگا اے، تُوں مینوں کیویں زندگی دا پانی دیویں گا۔
\v 12 ۱۲۔ تُوں ساڈے پیئو یعقوب نالوں تے وڈا نہیں، کہ ہیں؟ جنے ایہ کھوں سانوں دتا۔ تے اسی آپ وی ایس کھوں توں پانی پیتا۔ اوہدے بچیاں نے وی تے ڈنگراں نے وی"۔
\v 13 ۱۳۔ یُسوع نے اونوں جواب دتا، "جو کوئی وی ایس پانی وچوں پیئے گا دوبارہ پیاسا ہووے گا۔
\v 14 ۱۴۔ پر جدوں اوس پانی وچوں پیئے گا جہیڑا میں اونوں دواں گا کدی وی پیاسا نہ ہووے گا۔ بلکہ جہیڑا پانی میں اونوں دواں گا او اوہدے اندر اک چشمہ بن جاوے گا تے ہمیشہ دی زندگی لئی جاری رہے گا "۔
\v 15 ۱۵۔ عورت بولی، "صاحب، مینوں او پانی دے جہیڑا پیاں تے فیر کدی پیاسی نہ ہوواں۔ تے مینوں پانی بھرن واسطے ایتھے دوبارہ نہ آونا پوے "۔
\p
\v 16 ۱۶۔ یُسوع بولیا، "جا اپنے خاوند نوں سدھ تے واپس ایتھے آ "۔
\v 17 ۱۷۔ عورت نے جواب دتا تے بولی، "میرا کوئی خاوند نہیں "۔ یُسوع بولیا، "تُوں صیح آکھیا اے پئی تیرا کوئی خاوند نہیں۔
\v 18 ۱۸۔ کیوں جو تیرے پہلے پنج خاوند سن۔ تے ہُن جہیڑا تیرے نال اے، او تیرا خاوند نہیں۔ تُوں جو وی کہیا اے سچ اے "۔
\p
\v 19 ۱۹۔ عورت نے اونوں کہیا، "صاحب، مینوں لگدا اے تُوں کوئی نبی ایں۔
\v 20 ۲۰۔ ساڈے پیئو دادے، ایس پہاڑ اُتے عبادت کر دے سن۔ پر تُوں کہنا ایں کہ یروشیلم او تھاں اے جتھے قوماں نوں عبادت کرنی چاہی دی اے "۔
\v 21 ۲۱۔ یُسوع نے کہیا، "اے عورت، یقین رکھ، او گھڑی آون والی اے جدوں تُسی باپ دی عبادت نہ ایس پہاڑ اُتے کرو گے تے نہ یروشیلم وچ۔
\v 22 ۲۲۔ تُسی اوہدی عبادت کر دے او جنوں نہیں جاندے، اسی اوہدی عبادت کر دے آں جنوں جاندے آں۔ کیوں جو نجات یہودیاں وچوں اے۔
\v 23 ۲۳۔ کیوں جو او گھڑی آون والی اے، بلکہ آ چُکی اے کہ باپ دی پرستش رُوح تے سچائی نال کرن گے۔ تے باپ وی ایہو جئے پرستار لبھ دا اے۔
\v 24 ۲۴۔ رب رُوح اے تے لازم اے کہ اوہدے پرستار اوہدی پرستش رُوح تے سچائی نال کرن "۔
\v 25 ۲۵۔ عورت بولی، "مینوں پتہ اے مسیحا آون والا اے [جنوں مسیح کہندے نے] جدوں او آوئے گا, سانوں ہر چیز دے بارے سمجھاوے گا "۔
\v 26 ۲۶۔ یُسوع نے اونوں کہیا، "میں جہیڑا تیرے نال بولدا ہاں، او میں ای آں"۔
\p
\v 27 ۲۷۔ اوسے گھڑی اوہدے شاگرد واپس آ گئے تے حیران ہوئے کہ او عورت نال گلاں کرن ڈھیا اے۔ فیر وی اوناں وچوں کسے نے نہ پُچھیا کہ تُوں کی چاہندا ایں یا اوس عورت نال کی گل کر رہیا سی۔
\p
\v 28 ۲۸۔ سو عورت نے اپنا گھڑا اوتھے ای چھڈ دتا تے اپنے قصبے وچ واپس جا کے لوکاں نوں کہن لگی،
\v 29 ۲۹۔ آو، تے اک آدمی نوں ویکھو جنے مینوں او سب کجھ دسیا اے جو وی میں اج تک کیتا اے۔ کی ہو سکدا اے کہ مسیح ایہو ای اے؟
\v 30 ۳۰۔ او قصبہ چھڈ کے اوہدے کول آ گئے۔
\p
\v 31 ۳۱۔ ایسے دوران شاگرد اونوں کہن لگے، "ربی، کحانا کھا "۔
\v 32 ۳۲۔ اونے جواب دتا، "میرے کول کھان لئی ایسا کھانا اے جدا توانوں نہیں پتہ "۔
\v 33 ۳۳۔ شاگرد آپس وچ کہن لگے، "کوئی ایدے لئی کجھ کھان لئی لے کے تے نہیں آیا، ایویں ہویا؟"
\v 34 ۳۴۔ یُسوع نے اوناں نوں کہیا، "میرا کھانا ایہ وے کہ اپنے بھیجن والے دی مرضی پوری کراں تے اوہدا کم پُورا کراں۔
\v 35 ۳۵۔ تُسی نہیں کہندے سو پئی چار مہینے بعد کٹائی شروع ہون والی اے، میں توانوں کہواں گاکہ کھیتاں دی فصل ول ویکھو او پک کے کٹائی لئی تیار کھڑی اے۔
\v 36 ۳۶۔ ہُن جہیڑا کٹائی کردا اے مزدوری وی لیے گا تےہمیشہ دی زندگی دا پھل وی اکٹھا کرے گا۔ تاں جو جہیڑا بیج دا اے تے جہیڑا وڈھ دا اےدونوں رل کے خوشی مناون "۔
\v 37 ۳۷۔ ایدھے وچ ایہ گل سچی ثابت ہوندی اے کہ، "اک بیجے گا تے دوسرا وڈھے گا "۔
\v 38 ۳۸۔ "میں توانوں اوتھے کٹائی لئی بھیجنا واں جتھے تُسی کجھ وی نہیں کیتا۔ دوجیاں نے کم کیتا اے تے تُسی اوناں دی محنت وچ حصہ پاوندے او "۔
\p
\v 39 ۳۹۔ اوس شہر وچ رہن والے بتھیرے سامری اوس عورت دی خبر دی بابت جہیڑی گواہی دیندی سی کہ، "اونے سب کجھ جو میں اج تک کیتا، مینوں دسیا اے "۔ اوہدے اُتے ایمان لیائے۔
\v 40 ۴۰۔ سو سامری اوہدے کول آئے تے کہن لگے پئی سادے نال تھوڑا چرھ رہ۔ او فیر دو دن اوناں دے نال رہیا۔
\v 41 ۴۱۔ اوہدے کلام دے سبب بتھیرے اوہدے اُتے ایمان لیائے۔
\v 42 ۴۲۔ اوناں اوس عورت نوں کہیا، "ہُن اسی تیرے کہن اُتے ای ایمان نہیں لیاے بلکہ ہُن تے اسی آپ ای سُن لیا اے تے ایہ وی جاندے آن کہ ضرور ایہو ای اے جہیڑا دُنیا دا نجات دہندہ اے "۔
\p
\v 43 ۴۳۔ دو دناں بعد او اوناں نوں چھڈ کے گلیل نوں گیا۔
\v 44 ۴۴۔ یُسوع نے خود کہیا، "بنی اپنے علاقے وچ عزت نہیں پاوندا"۔
\v 45 ۴۵۔ جدوں او گلیل وچ گیا تے گلیلیاں نے اونوں "جی آیاں ہوں" کہیا. ایس لئی کہ جنے کم اونے عید دے دوران یروشیلم وچ کیتے اوناں او آپ ویکھے۔ کیوں جو او وی عید وچ گئے سن۔
\v 46 ۴۶۔ فیر او گلیل دے علاقے قانا وچ آیا جتھے اونے پانی نوں مے بنایا سی۔ اوتھے اک شاہی افسر جدا پُتر کفرنحوم وچ بیمار سی۔
\v 47 ۴۷۔ جدوں اونے سُنیا کہ یُسوع یہودیہ توں گلیل آیا ہویا اے، تے اونے اوہدے کول جا کے اونوں کہیا، "میرے نال چل تے میرے پُتر نوں جہیڑا مرن والا اے، شفا دے"۔
\v 48 ۴۸۔ یُسوع نے اونوں کہیا، "تُسی جدوں تک نشان یا معجزہ نہیں ویکھ دے ایمان نہیں لیاوندے "۔
\v 49 ۴۹۔ افسر نے کہیا، "صاحب، چھیتی چلو ایس توں پہلاں کہ میرا بچہ مر جائے "۔
\v 50 ۵۰۔ یُسوع نے اونوں آکھیا، "جا تیرا بچہ زندہ اے"۔ اوس بندے نے یُسوع دی گل دا یقین کیتا تے چلا گیا۔
\v 51 ۵۱۔ حالے او جاندا پیا ای سی کہ اوہدا نوکر اونوں ملیا تے اونے کہیا، "تیرا پُتر زندہ اے "۔
\v 52 ۵۲۔ اونے نوکر نوں پوچھیا، "کس ویلے او چنگا ہونا شروع ہویا سی"۔ او بولیا کہ "کل تقریبا ستویں گھڑی اوہدا بخار لتھ گیا سی"۔
\v 53 ۵۳۔ فیر پئیو نوں پتہ لگ گیاکہ ایہ اوہی گھڑی سی جدوں یُسسوع نے اونوں کہی سی، تیرا پُترزندہ اے۔ سو او آپی تے اوہدا سارا ٹبر یُسوع اُتے ایمان لیائے۔
\p
\v 54 ۵۴۔ ایہ دوجا نشان تے معجزہ سی جہیڑا یُسوع نے یہودیہ توں گلیل وچ آ کے وکھایا۔
\c 5
\cl باب ۵
\p
\v 1 ۱۔ ایناں گلاں توں بعد یہودیاں دا تہوار آیا تے یُسوع یُروشیلم نوں چلا گیا۔
\v 2 ۲۔ یروشیلم وچ بھیڈ دروازے دے کول اک حوض اے جہیڑا عبرانی زبان وچ بیت حسدا کہلاندا اے تے ایدے پنج دروازے نے۔
\v 3 ۳۔ بتھیرے بیمار، انے لنگڑے تے مفلوج لوکی اوتھے پئے رہندے سن۔ [ اضافی تحریر: بہترین پُرانے نسخے وچ ایہ آیت موجود نہیں، "پانی دے ہلن دا انتظار کر دے سن" ]
\v 4 ۴۔ [ اضافی تحریر: بہترین پرانے نُسخے وچ آیت نمبر ۴ موجود نہیں، "کیوں جو رب دا فرشتہ حوض اُتے اُتر کے اک خاص وقت تے پانی ہلایا کر دا سی تے جو کوئی پانی ہل دیاں اُوہدے وچ وڑھ جاندا سی اوہدی جہیڑی وی بیماری ہوندی سی، شفا پا جاندا سی"]
\v 5 ۵۔ اوتھے اک بندہ موجود سی جہیڑا اٹھتی سالاں توں بیمار سی۔
\v 6 ۶۔ جدوں یُسوع نے اونوں لمیاں پیاں ویکھیا تے ایہ جان کے کہ او بڑے چر توں ایس حالت وچ اے، اونوں کہیا، "تُوں شفا پائونا شاہندا ایں؟"
\v 7 ۷۔ بیمار نے جواب دتا، "صاحب، میرے کول کوئی نہیں جہیڑا جس ویلے پانی ہلے تے مینوں حوض وچ لا دیوے۔ بلکہ میرے آن توں پہلاں ای کوئی ہور وڑھ جاندا اے۔"
\v 8 ۸۔ یُسوع نے اونوں کہیا، "اُٹھ، اپنی منجی چُک تے ٹُر پھر "۔
\v 9 ۹۔ اوسے گھڑی او مرد چنگا ہو گیا تے اپنی منجی لے کے ٹُرن لگ پیا۔
\v 10 ۱۰۔ فیر یہودیاں نے اونوں جہیڑا چنگا ہویا سی کہیا، "اج سبت اے تے تینوں اپنا بستر چُکن دی اجازت نہیں اے"۔
\v 11 ۱۱۔ اونے جواب دتا، "جنے مینوں شفا دتی اے اونے ای مینوں کہیا اے، اپنا بستر چُک تے ٹُر پھر "۔
\v 12 ۱۲۔ اوناں اوہدے کولوں پوچھیا،" او کون بندہ اے جنے تینوں کہیا کہ اپنا بستر چُک تے ٹُر پھر "۔
\v 13 ۱۳۔ پر جنے شفا پائی سی نہیں سی جاندا پئی او کون اے۔ کیوں جو بھیڑ دے سبب یُسوع اوتھوں خاموشی نال نکل گیا سی۔
\p
\v 14 ۱۴۔ ایناں گلاں توں بعد او بندہ یُسوع نوں ہیکل دے وچ ملیا، تے یُسوع نے اونوں کہیا، "ویکھ، تُوں شفا پا لئی اے فیر اگے توں گناہ نہ کریں۔ کتے ایویں نہ ہو جاوے کہ کوئی ایس توں وی مندی تیرے نال ہووے "۔
\v 15 ۱۵۔ او بندہ چلا گیا تے جا کے یہودیاں نوں خبر دتی کہ جنے اونوں شفا دتی اے او یُسوع سی۔
\v 16 ۱۶۔ ہُن ایناں گلاں توں یہودی یُسوع نوں ستاون لگے کیوں جو او ایہ کم سبت نوں کر دا سی۔
\v 17 ۱۷۔ یُسوع نے اوناں نوں جواب دتا، "میرا باپ اجے تک کم کر دا اے تے میں وی کر نا واں "۔
\v 18 ۱۸۔ ایس وجہ توں یہودی اونوں قتل کرن لئی ہور زور لان لگے۔ کیوں جو نہ صرف سبت توڑ دا سی بلکہ رب نوں اپنا پیئو کہندا سی۔ تے اپنے آپ نوں رب دے برابر بناں دا سی۔
\p
\v 19 ۱۹۔ یُسوع نے اوناں نوں آکھیا، "میں سچ کہندا ہاں، پُتر آپیں کجھ وی نہیں کر سکدا سوائے اوس دے جو باپ نوں کردیاں ویکھ دا اے۔کیوں جو، جو کجھ باپ کردا اے، پُتر وی اوہی سب کجھ کر دا اے۔
\v 20 ۲۰۔ کیوں جو باپ پُتر نوں پیار کر دا اے تے سب کجھ جو آپی کر دا اے اونوں ویکھاوندا اے۔ او ایس توں وی وڈیاں چیزاں اونوں ویکھاوے گا تاں جو تُسی حیران ہووہ۔
\v 21 ۲۱۔ جس طرح باپ مُردے اُٹھاندا تےزندہ کر دا اے ایسے طرح پُتر وی جنوں چاہندا اے زندہ کر دا اے۔
\v 22 ۲۲۔ باپ کسے دی عدالت نہیں کر دا بلکہ اونے عدالت کرن دا سارا کم پُتر نوں دے دتا اے۔
\v 23 ۲۳۔ تاں جو ہر کوئی پُتر دی عزت کرے۔ جس طرح باپ دی کر دے نے۔ جو کوئی پُتر دی عزت نہیں کر دا او باپ دی وی عزت نہیں کر دا جنے اونوں بھیجیا اے۔
\v 24 ۲۴۔ میں توانوں سچ سچ کہندا آں، جو میریاں گلاں سُن دا تے میرے بھیجن والے اُتے ایمان لیاندا اے او ہمیشہ دی زندگی پائے گا تے اوہدے اُتے سزا دا حُکم نہیں ہویا۔ بلکہ او موت چوں نکل کے زندگی وچ داخل ہو گیا اے۔
\p
\v 25 ۲۵۔ میں توانوں سچ سچ کہندا آں، کہ ویلا نیڑے اے۔ بلکہ آ گیا اے کہ مُردے رب دے پُتر دی آواز سُنن گے تے جہیڑے سُنن گے او زندہ ہو جان گے۔
\v 26 ۲۶۔ کیوں جو جس طرح پیئو دے اپنے اندر زندگی اے، اونے پُتر نوں وی دتی، تاکہ اوہدے اپنے وچ زندگی ہووے۔
\v 27 ۲۷۔ تےباپ نے پُتر نوں انصاف کرن دا اختیار دتا کیوں جو او ابن آدم اے۔
\v 28 ۲۸۔ ایدے تے حیران نہ ہوو۔ ویلا نیڑھے اے جدوں قبراں وچ وی ہر کوئی اُوہدی آواز سُنے گا۔
\v 29 ۲۹۔ تے باہر آوے گا۔ تے جناں چنگے کم کیتے نے زندگی لئی کھڑے کیتے جان گے تے جناں مندے کم کیتے نے عدالت لئی کھلارے جان گے۔
\v 30 ۳۰۔ میں اپنے ولوں کجھ نہیں کر دا۔ جس طرح سُننا واں اوسےطرح انصاف کر نا واں۔ تے میرا انصاف سچا اے کیوں جو اپنی مرضی نہیں لبھدا بلکہ اوہدی جنے مینوں بھیجیا اے۔
\p
\v 31 ۳۱۔ جے میں اپنی گواہی آپ ای دیواں گا تے میری گواہی سچی نہیں ہووے گی۔
\v 32 ۳۲۔ کوئی ہور اے جہیڑا میری گواہی دیندا اے۔تے میں جان دا آں کہ او گواہی سچی اے۔
\v 33 ۳۳۔ تُساں یُوحنا ول پیخام بھیجیا تے اونے سچ دی گواہی دتی۔
\v 34 ۳۴۔ پر جہیڑی گواہی مینوں ملی، او بندے ولوں نہیں۔ میں ایہ گلاں تاں کر دا آں پئی تُسی بچ جائو۔
\v 35 ۳۵۔ یُوحنا اک بلدا ہویا تے چمکن والا چراغ سی تے تواڈی منشا سی کہ تھوڑے چر لئی اوہدی روشنی وچ خوش رہو۔
\v 36 ۳۶۔ تاں وی یُوحنا دی گواہی توں زیادہ وڈی گواہی میری اے۔ کیوں جو باپ نے جہیڑے کم مکمل کرن لئی مینوں دتے نے یعنی ایہوسارے کم جو میں کردا آں، میرے بارے گواہی دیندے نے کہ باپ نے مینوں بھیجیا اے۔
\v 37 ۳۷۔ باپ، جنے مینوں بھیجیا اے، آپ میرے بارے گواہی دیندا اے۔ نہ ای تُسی اوہدی آواز سُنی اے تے نہ ای کدی ویکھیا اے۔
\v 38 ۳۸۔ تُسی اوہدا کلام اپنے اندر نہیں رکھدے کیوں کہ جنوں اونے بھیجیا اے اوہدے اُتے ایمان نہیں لیاندے۔
\v 39 ۳۹۔ تُسی کتاب مقدس وچ لبھ دے او، کیوں جو تُسی سوچدے او کہ ایناں وچ ہمیشہ دی زندگی اے۔ ایہی کتاب مقدس میری بابت گواہی دیندی اے۔
\v 40 ۴۰۔ پر تُسی زندگی پائون لئی میرے کول آئون لئی راضی نہیں۔
\p
\v 41 ۴۱۔ میں بندیاں توں تعریف نہیں کروانا چاہندا۔
\v 42 ۴۲۔ پر میں جاندا آں کہ تواڈے اندر رب دا پیار نہیں۔
\v 43 ۴۳۔ میں اپنے باپ دے ناں توں آیا واں تے تُسی مینوں قبول نہیں کر دے۔ اگر کوئی ہور اپنے ناں توں آوے گا تے تُسی اونوں قبول کر لئو گے۔
\v 44 ۴۴۔ تُسی کس طرح یقین کرو گے؟ تُسی جہیڑے اک دوجے دی تعریف کر دےاو پر اوس تعریف دے طلب گار نہیں جہیری خدائے واحد توں ہوندی اے۔
\p
\v 45 ۴۵۔ ایہ نہ سوچو، کہ میں آپ، باپ دے اگے، تُواڈے اُتے الزام لاواں گا۔ او جہیڑا تواڈے اُتے الزام لاوندا اے موسی اے جدے اُتے تواڈی اُمید اے۔
\v 46 ۴۶۔ جے تُسی موسی اُتے یقین رکھ دے تے میرے اُتے وی یقین رکھ دے، کیوں جو اونے میرے بارے لکھیا اے۔
\v 47 ۴۷۔ اگر تُسی اوہدے لکھے تے یقین نہیں رکھ دے تے فیر تُسی میرے کلام اُتے کس طرح یقین کرو گے؟"
\c 6
\cl باب ۶
\p
\v 1 ۱۔ ایناں گلاں دے بعد یُسوع گلیل دی جھیل جنوں تبریاس دی جھیل وی کہندے نے، دے اوس پار گیا۔
\v 2 ۲۔ اک وڈا ہجوم اوہدے پچحھے لگا سی کیوں جو اناں نے او معجزے جہیڑے او بیمار اُتے کر دا سی ویکھےسن۔
\v 3 ۳۔ یُسوع پہاڑ اُتے چلا گیا تے اوتھے اپنے شاگراں نال بیٹھ گیا۔
\v 4 ۴۔ [ اوس ویلے یہودیاں دا تہوار، عید فسح نیڑے سی]
\v 5 ۵۔ جدوں یُسوع نے نظر چُک کے ویکھیا تے اونوں اک وڈا ہجوم اپنے ول آوندا نظر آیا۔ اونے فلپس نوں کہیا، ایناں ساریاں دے کھان لئی اسی اینیاں رُوٹیاں کتھوں لیا سکدے آں؟
\v 6 ۶۔ [ یُسوع نے ایہ صرف فلپس نوں آزمان لئی کہیا نہیں تے اونوں خود پتہ سی کہ او کی کرن والا اے]
\v 7 ۷۔ فلپس نے جواب دتا، " دو سو دینار دیاں روٹیاں وی ایناں لئی کافی نہیں پئی ہر اک نوں تھوڑی تھوڑی آ جائے".
\v 8 ۸۔ شاگرداں وچوں اک نے جہیڑا شمعون دا پرا اندریاس سی، نے یُسوع نوں کہیا،
\v 9 ۹۔ " ایتھے اک مُنڈا اے جدے کول جواں دیاں پنج روٹیاں تے دو مچھیاں نے، پر اینے لوکاں وچ اوہ کجھ وی نہیں۔"
\v 10 ۱۰۔ یُسوع نے کہیا،" لوکاں نوں بٹھائو "۔ اوس جگہ تے بہت گاہ سی ایس لئی او جہیڑے تقریبا پنج ہزار مرد سن بیٹھ گئے۔
\v 11 ۱۱۔ فیر یُسوع نے او روٹیاں لئیاں تے شُکرگزاری کرن دے بعد بیٹھے ہوئے لوکاں نوں دیندا گیا۔ اونے مچھیاں نال وی ایسے طرح کیتا تے جناں وی او چاہندے سن اوناں نوں دتا۔
\v 12 ۱۲۔ جدوں لوکاں نے رج کے کھا لیا تے اونے اپنے شاگرداں نوں کہیا، "بچیاں ہویاں ٹکڑیاں نوں جمع کر لئو تاں جو کجھ ضائع نہ ہووے "۔
\v 13 ۱۳۔ فیر اوناں نے جمع کر لیا تے جواں دیاں پنج روٹیاں دے ٹکڑے جہیڑے کھان والیاں توں بچ گئے سن، بارہ ٹوکریاں بھر گئیاں۔
\p
\v 14 ۱۴۔ جدوں لوکاں نے اوہدے کیتے ہوئے معجزے ویکھے تے اوناں کہیا، " جہیڑا نبی دُنیا وچ آون والا سی، ایہو ای سچا بنی اے "۔
\v 15 ۱۵۔ جد یُسوع نوں احساس ہویا پئی او اونوں پھڑ کے زبردستی بادشاہ بنانا چاہندے نے، او فیر پہاڑ کلا ای پہاڑ اُتے چلا گیا۔
\p
\v 16 ۱۶۔ جدوں شام ہوئی تے اوہدے شاگرد جھیل نوں گئے۔
\v 17 ۱۷۔ او کشتی وچ بہ کے جھیل دے اوس پار کفر نحوم ول جاندے پئے سی۔ اوس وقت تک ہنیرا ہو گیا سی تے یُسوع حالے تک اوناں وچ نہیں سی آیا۔
\v 18 ۱۸۔ بڑی تیز ہوا چل رہی سی تے جھیل وچ خطرناک لہراں آٹھنا شروع ہو گئیاں۔
\v 19 ۱۹۔ جدوں او سفر وچ تن چار میل نکل گئے تے اوناں نے یُسوع نوں جھیل اُتے تُر دیاں تے کشتی دے ول آوندے ویکھیا تے ڈر گئے۔
\v 20 ۲۰۔ پر اونے اوناں نوں کہیا، " ایہ میں واں، ڈرو نہیں "۔
\v 21 ۲۱۔ فیر اوناں یُسوع نوں کشتی وچ آون دتا تے کشتی فورن اوس جگہ جا پہنچی جتھے اوناں جانا سی۔
\p
\v 22 ۲۲۔ اگلے دن، جھیل دے اوس پار کھلوتے ہجوم نے ویکھیا پئی اوتھے اک دے سوا ہور کوئی چھوٹی کشتی نہیں سی تے یُسوع اپنے شاگرداں دے نال کشتی وچ سوار نہیں ہویا سی۔ بلکہ اوہدے شاگرد چلے گئے سن ۔
\v 23 ۲۳۔ پر اوتھے کجھ چھوٹی کشتیاں تبریاس توں آ کے اوس جگہ دے لاگے کھلوتیاں جتھے اوناں نے رب دا شکر گزاری کرن دے بعد روٹی کھادی سی۔
\v 24 ۲۴۔ جدوں ہجوم نوں پتہ لگاکہ اوتھے نہ یُسوع اے تے نہ اوہدے شاگرد، تے او آپ چھوٹی کشتیاں وچ سوار ہو کے یُسوع نوں لبھن لئی کفرنحوم نوں چلے گئے۔
\p
\v 25 ۲۵۔ جدوں اوناں نے یُسوع نوں جھیل دے پار لبھ لیا تے اونوں کہن لگے، " اے ربی، تُوں ایتھے کدوں آیا سی؟"
\v 26 ۲۶۔ یُسوع نے جواب وچ اوناں نوں کہیا، " میں توانوں سچ سچ کہنا واں کہ تُسی مینوں ایس لئی نہیں لبھ رہے کہ تُساں معجزے ویکھے بلکہ ایس لئی کہ تُساں روٹیاں کھا کے اپنے ٹڈھ بھرے۔
\v 27 ۲۷۔ سڑن والی خوراک لئی محنت نہ کرو بلکہ اوس خوراک لئی جہیڑی ہمیشہ دی زندگی تک رہندی اے جہیڑی ابن آدم توانوں دئے گا کیوں جو باپ یعنی خُدا نے اوہدے اُتے مُہر لائی اے "۔
\p
\v 28 ۲۸۔ فیر اوناں نے اونوں کہیا، " اسی کی کرئیے تاں جو رب دے کم کریئے؟"
\v 29 ۲۹۔ یُسوع نے جواب وچ اوناں نوں کہیا، " خُدا دا کم ایہ اے کہ جس نے اونوں بھیجیا اے تُسی اوہدے اُتے ایمان لیائو "۔
\v 30 ۳۰۔ تاں اوناں نے اوس نوں کہیا، " تُوں ایسا کہیڑا نشان وکھاویں گا کہ اسی تیرے اُتے ایمان لے آئیے؟ تُوں ایساکی کریں گا؟ "
\v 31 ۳۱۔ ساڈے پئیو دادے نے بیابان وچ من کھادا،کیوں جو لکھیا اے کہ اوناں نوں اونے آسمان اُتوں روٹی دتی۔
\p
\v 32 ۳۲۔ فیر یُسوع نے جواب وچ اوناں نوں آکھیا، " میں توانوں سچ سچ کہندا آں کہ او موسی نہیں سی جہیڑا توانوں آسمانی روٹی دیندا سی بلکہ میرا باپ توانوں آسمان توں اصلی روٹی دیندا اے۔
\v 33 ۳۳۔ کیوں جو خُدا دی روٹی او اے جہیڑی آسمان توں اُتر کے دُنیا نوں زندگی دیندی اے "۔
\p
\v 34 ۳۴۔ تاں اوناں نے اوس نوں کہیا، " اے مالک، ایہ روٹی سانوں ہمیشہ دتا کر "۔
\v 35 ۳۵۔ یُسوع نے اوناں آکھیا، " زندگی دی روٹی میں ہاں، جہیڑا میرے کول آئے گا او کدی پوکھا نہ ہووے گا "۔
\v 36 ۳۶۔ پر میں توانوں دس چُکیا آں کہ " تُساں مینوں ویکھ لیا اے تے فیر وی ایمان نہیں لیائے۔
\v 37 ۳۷۔ جو کجھ باپ مینوں دیندا اے او میرے کول آ جائے گا تے جہیڑا وی میرے کول آئے گا میں اونوں ہرگز سُٹاں گا نہیں۔
\v 38 ۳۸۔ کیوں جو میں آسمان توں ایس لئی ہیٹھاں نہیں اُتریا کہ اپنی مرضی کراں بلکہ اوہدی جنے مینوں بھیجیا اے۔
\v 39 ۳۹۔ تے میرے بھیجن والے دی مرضی اے کہ جو کجھ اونے مینوں دتا اے اوہدے وچوں کجھ گنوا نہ داں بلکہ اونوں آخری دن کھڑا کراں۔
\v 40 ۴۰۔ کیوں جو میرے باپ دی مرضی ایہ اے کہ جو کوئی پُتر نوں ویکھے تے اوہدے اُتے ایمان لیائے او ہمیشہ دی زندگی پائے تے میں اونوں آخری دن فیر اُٹھاکھڑا کراں گا "۔
\p
\v 41 ۴۱۔ فیر یہودی اوہدے اُتے بڑ بڑان لگے ایس لئی کہ اونے کہیا سی،" میں او روٹی آں جہیڑی آسمان توں لتھی اے "۔
\v 42 ۴۲۔ اوناں کہیا کہ ایہ " یُوسف دا پُتر یُسوع نہیں جدے ماں پیئو نوں اسی جاندے آں؟ فیر ایہ کیوں کہندا اے کہ میں آسمان توں لتھا واں؟"
\v 43 ۴۳۔ یُسوع نے جواب وچ اوناں نوں کہیا، " تُسی اپنے آپ وچ بڑ بڑانا بند کرو ۔
\v 44 ۴۴۔ کوئی میرے کول نہیں آ سکدا جناں تیک باپ جنے مینوں بھیجیا اے اونوں کھچ نہ لیاوے تے میں اونوں آخری دن اُٹھا کھڑا کراں گا۔
\v 45 ۴۵۔ نبیاں دے صحفیاں وچ ایہ لکھیا اے کہ، رب ساریاں نوں سکھاوے گا، جس کسے نے وی باپ نوں سُنیا تے اوہدے کولوں سکھیا اے، او میرے کول آوندا اے۔
\v 46 ۴۶۔ ایویں نہیں کہ کسے نے باپ نوں ویکھیا اے، سوائے اوہدے جہیڑا رب ولوں اے، اونے باپ نوں ویکھیا اے۔
\v 47 ۴۷۔ میں توانوں سچ سچ کہندا آں کہ جہیڑا ایمان لیاوندا اے ہمیشہ دی زندگی اوہدی اے۔
\v 48 ۴۸۔ زندگی دی روٹی میں ہاں۔
\v 49 ۴۹۔ تواڈے باپ دادا نے بیابان وچ من کھادا تے مر گئے۔
\v 50 ۵۰۔ ایہ او روٹی اے جہیڑی آسمان توں آوندی اے، تاں جو بندہ اوہدے وچوں کھائے تے نہ مرے۔
\v 51 ۵۱۔ میں ہاں او زندگی دی روٹی جہیڑی آسمان توں اُترِی اے۔ اگر کوئی ایس روٹی وچوں کھاوے تے او ہمیشہ تک زندہ رہوے گا۔ بلکہ جہیڑی روٹی میں دُنیا دی زندگی لئی دواں گا او میراگوشت اے "۔
\p
\v 52 ۵۲۔ یہودی ایہ سُن کے غصے وچ آ گئے تے آپس وچ بحث کرن لگ گئے کہ" ایہ بندہ اپنا گوشت سانوں کھان لئی کیویں دے سکدا اے؟ "۔
\v 53 ۵۳۔ یُسوع نے اوناں نوں کہیا، میں توانوں سچ سچ کہندا واں کہ جدوں تیک تُسی ابن آدم دا گوشت نہ کھائو تے اوہدا خون نہ پئیو تواڈے وچ زنگی نہیں ہووے گی۔
\v 54 ۵۴۔ جہیڑا وی میرا گوشت کھاندا تے میرا خون پیندا اے ہمیشہ دی زندگی اوسے دی اے۔ تے میں اونوں آخری دن اُٹھا کھڑا کراں گا۔
\v 55 ۵۵۔ کیوں جو میرا گوشت سچ مچ کھان والی چیز تے میرا خون سچ مچ پین دی چیز اے۔
\v 56 ۵۶۔ جہیڑا میرا گوشت کھاندا تے میرا خون پیندا اے او میرے وچ قائم تے میں اوہدے وچ قائم آں۔
\v 57 ۵۷۔ جس طرح زندہ باپ نے مینوں بھیجیا تے میں باپ دے سبب زندہ ہاں اوسے طرح ای جہیڑا مینوں کھاوے گا میرے سبب زندہ رہوے گا۔
\v 58 ۵۸۔ جہیڑی روٹی آسمان توں لتھی اے او ایہو ای اے۔ پئیو دادے دے طرح نہیں پئی کھائے تے مر گئے۔ جہیڑا وی ایہ روٹی کھائے گا او ہمیشہ تک زندہ رہوے گا۔
\v 59 ۵۹۔ یُسوع نے ایہ گلاں کفرنحوم دی اک ہیکل وچ تعلیم دیندے وقت کیتیاں۔
\p
\v 60 ۶۰۔ شاگرداں وچوں بہتیاں نے ایہ گلاں سُن کے کہیا، " ایہ بہت اوکھی تعلیم اے، اینوں کون قبول کرے گا؟"
\v 61 ۶۱۔ یُسوع نوں پتہ سی کہ اوہدے شاگرد ایس بابت آپس وچ بڑ بڑا رہے نے، اوناں نوں کہیا، " کی ایہ گلاں توانوں ماڑیاں لگیاں نے؟
\v 62 ۶۲۔ اگر تُسی ابن آدم نوں اُتے جاندے ویکھو گے جتھے او پہلاں سی تے فیر کی ہووے گا؟
\v 63 ۶۳۔ زندہ کرن والی تے رُوح اے۔ جسم کسے نفعے دا نہیں۔ جہیڑیاں گلاں میں توانوں دسیاں نے او رُوح بارے نے تے زندگی وی نے۔
\v 64 ۶۴۔ فیر وی تواڈے وچ کجھ ایسے وی نے جہیڑے ایمان نہیں لیائے "۔ کیوں جو یُسوع شروع توں ای جاندا سی کہ جہیڑے ایمان نہیں لیائے او کون نے تے اونوں کون توکھا دیوے گا۔
\p
\v 65 ۶۵۔ فیر اونے کہیا، " میں توانوں ایسے لئی آکھدا پیا سی کہ میرے کول کوئی نہیں آ سکدا جناں تیک باپ ولوں اونوں توفیق نہ ملے "۔
\p
\v 66 ۶۶۔ ایس گلوں بتھیرے شاگرد اوہدا ساتھ چھڈ گئے تے فیر کدی اوہدے پچھے نہیں گئے۔
\v 67 ۶۷۔ فیر یُسوع نے بارہ شاگرداں نوں کہیا، "کی تُسی وی چھڈ کے جانا چاہندے او ؟ جے چاہندے او تے چلے جائو "۔
\v 68 ۶۸۔ پطرس نے اونوں جواب دتا، " اے خداوند، اسی کدے کول جائیے؟ ہمیشہ دی زندگی دیاں گلاں تے صرف تیرے ای کول نے۔
\v 69 ۶۹۔ تے اسی ایمان لیائے تے جان گئے آں کہ خُدا دا مقدس توں ای ایں "۔ [ نوٹ: ایہ جملہ، خُدا دا مقدس پرانے بہترین ترجمے وچ موجود اے۔ کجھ بعد دے ترجمان وچ ایدی اضافی تحریر اس طرح اے، مسیح، خُدا دا مقدس ]
\v 70 ۷۰۔ یُسوع نے اوناں نوں جواب دتا، " کی میں توانوں بارہ نوں نہیں چُنیا؟ تے تواڈے وچوں اک شیطان اے "۔
\v 71 ۷۱۔ اونے ایہ گل شمعون اسکر یوتی دے پُتر یہوداہ دے بارے کہی کیوں جو اوناں بارہ وچوں ایہو سی جہیڑا اونوں توکھا دین والا سی۔
\c 7
\cl باب ۷
\p
\v 1 ۱۔ اپنیاں گلاں توں بعد یُسوع گلیل وچ ای پھر دا رہیا۔ او یہودیہ نہیں جانا چاہندا سی کیوں جو یہودی اونوں مارن دی کوشش وچ سن۔
\v 2 ۲۔ تے یہودیاں دی عید خیام نیڑے سی۔
\v 3 ۳۔ ایس لئی اوہدے پراواں نے کہیا، کہ " ایہ جگہ چھڈ تے یہودیہ نوں جا، تاں جو ایہ جہیڑے کم تُوں کر نا ایں تیرے شاگرد وی ویکھن۔
\v 4 ۴۔ کوئی وی اگر اپنے آپ نوں ظاہر کرنا چاہندا اے تے چُھپ کے کجھ وی نہیں کر سکدا۔ اگر تُوں ایہ کم کرنا ایں تے اپنے آپ نوں دُنیا اُتے ظاہر کر "۔
\v 5 ۵۔ کیوں جو اوس دے پرا وی اوہدے اُتے یقین نہیں کر دے سن۔
\v 6 ۶۔ ایس لئی یُسوع نے اوناں نوں کہیا، "میرا وقت اجے نہیں آیا پر تواڈا ویلا تیار اے ۔
\v 7 ۷۔ دُنیا تواڈے نال نفرت نہیں کر سکدی پر میرے نال نفرت کردی اے کیوں جو میں اوناں دے شیطانی کماں دی گواہی دینا واں۔
\v 8 ۸۔ تُسی عید تے جائو پر میں عید تے نہیں جاواں گا کیوں جو میرا وقت اجے پورا نہیں ہویا "۔
\v 9 ۹۔ ایہ گلاں کہن توں بعد او گلیل وچ ای ٹھہریا رہیا۔
\p
\v 10 ۱۰۔ پر جدوں اوہدے پرا عید نوں گئے تے او وی چلا گیا پر سب دے سامنے نہیں بلکہ چُھپ کے۔
\v 11 ۱۱۔ یہودی اونوں عید اُتے لبھ دے پھر دے سن۔ کہندے سن کہ " او کتھے اے؟"
\v 12 ۱۲۔ مجمے وچ اوہدے بارے بہت بحث ہو رہی سی۔ کجھ کہندے سن کہ او چنگا بندہ اے۔ کجھ کہندے سن، نہیں او لوکاں نوں گمراہ کر دا اے۔
\v 13 ۱۳۔ پر یہہودیاں دے ڈر توں کوئی وی کُھل کے گل نہیں کر دا سی۔
\p
\v 14 ۱۴۔ جدوں ادھی کُوہ عید لنگ گئی تے یُسوع ہیکل نوں گیا تے تعلیم دین لگا۔
\v 15 ۱۵۔ یہودی حیران ہوئے تے کہن لگے، " ایہ بندہ اینا کجھ کنج جاندا اے؟ ایہ تے کدی وی پڑھیا نہیں "۔
\v 16 ۱۶۔ یُسوع نے جواب دتا، " میری تعلیم میری نہیں بلکہ اوہدی اے جنے مینوں بھیجیا اے۔
\v 17 ۱۷۔ اگر کوئی اوہدی مرضی پوری کرنا چاہندا اے تے ایس تعلیم بارے جان جائے گا کہ ایہ رب ولوں اے، یا میں اپنے بارے گلاں کرنا واں۔
\v 18 ۱۸۔ جو کوئی اپنیاں گلاں کرے او اپنی وڈیائی چائوندا اے۔ پر جے کوئی اپنے بھیجن والے دی وڈیائی کردا اے تے او سچا اے تے اوہدے وچ ناراستی نہیں۔
\v 19 ۱۹۔ کی موسی نے توانوں شریعت نہیں دتی؟ پر فیر وی تُسی شریعت اُتے عمل نہیں کردے۔ تُسی مینوں مار دین دی کوشش وچ کیوں رہندے ہو؟"
\p
\v 20 ۲۰۔ مجمع بولیا، " تیرے وچ بد رُوح اے۔ تینوں کون مارنا چاہندا اے؟"
\v 21 ۲۱۔ یُسوع نے جواب دتا تے کہیا، " میں اکو کم کیتا اے تے تُسی سارے حیران ہوندے او ۔
\v 22 ۲۲۔ موسی نے توانوں ختنے ولوں کہیا، [ حالانکہ ایہ موسی ولوں نہیں بلکہ اباواجداد توں سی] تے تُسی سبت والے دن آدمی دا ختنہ کردے او۔
\v 23 ۲۳۔ جے مرد دا ختنہ سبت والے دن کر دے او پئی موسی دی شریعت نہ ٹُٹے تے فیر میرے اُتے تُسی کیوں غصہ کر دے او، ایس لئی کہ میں سبت والے دن اک بندے نوں کامل شفا دتی اے۔
\v 24 ۲۴۔ جیویں نظر آوندا اے اوہدے وانگو نہیں بلکہ سچائی نال پرکھو "۔
\p
\v 25 ۲۵۔ اوناں وچوں کجھ جہیڑے یروشیلم وچوں آئے سن، نے کہیا، " ایہ اوہو نہیں جنوں مارن لئی پھر دے نے؟
\v 26 ۲۶۔ ویکھو، ایہ کُھلے عام بول دا اے۔ تے ایہ اینوں کجھ وی نہیں کہندے۔ کی ایہ ممکن نہیں کہ حاکماں نوں علم ہووے کہ ایہو یُسوع اے۔ ایہ ممکن اے؟
\v 27 ۲۷۔ لیکن سانوں تے پتہ اے پئی ایہ کتھوں اے۔ پر مسیح جدوں آوے گا تے کسے نوں وی پتہ نہیں ہووے گا کہ او کتھوں اے "۔
\p
\v 28 ۲۸۔ فیر یُسوع ہیکل وچ تعلیم دیندا ہویا چلایا تے کہیا، " تُسی مینوں وی جاندے او تے ایہ وی جاندے او کہ میں کتھوں آیا واں۔ میں اپنے آپ نہیں آیا بلکہ جنے مینوں بھیجیا اے او سچا اے۔ پر تُسی اونوں نہیں جاندے۔
\v 29 ۲۹۔ میں اونوں جاندا واں کیوں جو اونے مینوں بھیجیا اے۔ تے میں اوہدے ولوں ای آیا واں "۔
\p
\v 30 ۳۰۔ او اونوں پھڑن دی کوشش کرن لگے پر کسے نے وی اُونوں ہتھ نہ پایا کیوں جو ہجے اوہدا ویلا نہیں سی آیا۔
\v 31 ۳۱۔ ہجوم وچوں بتھریاں نے اوہدا یقین کیتا تے کہن لگے، " جدوں مسیح آوے گا تے کی ایدے نالوں وی ودھ نشان وکھاوے گا؟"
\v 32 ۳۲۔ جدوں فریسیاں نے ہجوم نوں یُسوع بارے گلاں کردیاں سُنیا، تے سردار کاہن تے فریسیاں نے اونوں گرفتار کرن لئی سپاہی بھیجے۔
\p
\v 33 ۳۳۔ تد یُسوع نے کہیا، " میں تھوڑے جئے وقت لئی تواڈے نال آں،فیر میں اوہدے کول جاواں گا جنے مینوں بھیجیا اے۔
\v 34 ۳۴۔ تُسی مینوں لبھو گے پر نہ پائو گے۔ جتھے میں جانا اے تُسی اوتھے نہیں آ سکدے "۔
\v 35 ۳۵۔ فیر یہودی آپس وچ کہن لگ گئے، " ایہ بندہ کتھے جاوے گا جو اسی اینوں لبھ نہ سکاں گے؟ کی ایہ ایدھر اودھر رہن والے یُونانیاں وچ گُھل مل جاوئے گا تے یُونانیاں نوں تعلیم دیوے گا ؟۔
\v 36 ۳۶۔ ایہ کیہو جیا کلام اے جو ایہ کہندا اے، کہ تُسی مینوں لبھو گے پر نہ پائو گے؟۔ جتھے میں جانا اے اوتھے تُسی نہیں آ سکدے؟"
\p
\v 37 ۳۷۔ عید دے آخری تے وڈے دیہاڑے یُسوع اُچی جگہ کھلو کے کہن لگا، " اگر کوئی پیاسا اے تے اونوں میرے کول آون دو تاں جو او پئے ۔
\v 38 ۳۸۔ جو میرے اُتے یقین رکھدا اے، تے جیویں صحیفیاں وچ لکھیا اے، اوہدے اندر زندگی دے پانی دے دریا وگن گے "۔
\v 39 ۳۹۔ ایہ اونے رُوح دی بابت کہیا سی کہ جو اوہدے اُتے ایمان رکھدے نے او پان والے سن۔ پر رُوح ہجے تیک دتا نہی گیا سی، کیوں جو یُسوع نوں ہجے تیک جالال نہیں ملیا سی۔
\p
\v 40 ۴۰۔ مجمعے وچوں کجھ لوکاں نے ایہ سُنیا تے کہیا، " بلا شبہ ایہو نبی اے "۔
\v 41 ۴۱۔ ہوراں نےکہیا، " ایہ مسیح اے "۔ کجھ نے کہیا، " کی مسیح گلیل وچوں آوے گا؟"
\v 42 ۴۲۔ کی صحیفے ایہ نہیں کہندے کہ یُسوع دائود دی نسل تے بیت الحم وچوں آوے گا، اوس تھوں جہیڑا دائود دا پنڈ سی۔
\v 43 ۴۳۔ اوس دی وجہ نال لوکاں وچ اختلاف پے گیا۔
\v 44 ۴۴۔ اوناں وچوں کجھ نے اونوں گرفتار کر لینا سی پر کسے نے اونوں ہتھ نہ پایا۔
\p
\v 45 ۴۵۔ تد اہلکار، سردار کاہن تے فریسیاں کول واپس آئے۔ اوناں نے اہلکاراں نوں کہیا ،" تُسی اونوں لے کے کیوں نہیں آئے؟"
\v 46 ۴۶۔ اہلکاراں نے جواب دتا، " ایس طرح کدی وی کوئی نہیں بولیا "۔
\v 47 ۴۷۔ فیر فریسیاں نے اوناں نوں کہیا، " کی تُسی وی دھوکا کھا گئے او؟"
\v 48 ۴۸۔ کی کوئی حاکم یا فریسی اوہدے اُتے ایمان لیایا اے؟
\v 49 ۴۹۔ پر صرف ایہ مجمع جہیڑا شریعت نہیں جاندا۔ ایہ لعنتی نے۔
\p
\v 50 ۵۰۔ نیکودیمس [ اک فریسی جہیڑا پہلاں وی اوہدے کول آیا سی] نے اونوں کہیا،
\v 51 ۵۱۔ کی ساڈی شریعت کسے بندے نوں سُنے بغیر تے جانے بغیر پئی اونے کی کیتا اے،دا انصاف کر دی اے؟
\v 52 ۵۲۔ اوناں نے جواب دتا تے بولے، کی تُوں وی گلیل توں ایں؟ ویکھ تے لبھ، کوئی وی نبی گلیل توں نہیں آوے گا۔
\p
\v 53 ۵۳۔ [نوٹ: بہترین پُرانی نقول وچ یُوحنا ۷: ۵۳- ۸: ۱۱ موجود نہیں] فیر ہر کوئی اپنے گھر نوں چلا گیا۔
\c 8
\cl باب ۸
\p
\v 1 ۱۔ یُسوع زیتون دے پہاڑ ول چلا گیا۔
\v 2 ۲۔ سویرے سویرے او فیر ہیکل وچ آ گیا تے لوکی وی آئے تے بہ گئے, تے او لوکاں نوں تعلیم دین لگ گیا۔
\v 3 ۳۔ فقی تے فریسی اک عورت نون جہیڑی زنا کردی پھڑی گئی سی، اونوں لوکاں دے وچکار لیائے۔
\v 4 ۴۔ تے اونوں پوچھیا کہ، " اے اُستاد، ایہ عورت زنا کر دی ہوئی پھڑی گئی اے۔
\v 5 ۵ ۔ توریت وچ موسی نے سانوں حکم دتا اے کہ ایہو جئے لوکاں نوں سنگسار کیتا جائے۔ ہُن تُوں ایس عورت دے بارے وچ کی کہنا ایں؟"
\v 6 ۶۔ اوناں نے یُسوع نوں پھسان واسطے ایہ سوال پچھیا سی تاں جو اوہدے تے الزام لگا سکن۔ پر یُسوع تھلے جُھک کے اپنی اُنگلی نال زمین اُتے لکھن لگ گیا۔
\v 7 ۷۔ جدوں او اونوں لگا تار سوال پُچھ دے رہے تے او اُٹھ کھلوتا، تے اوناں نون آکھن لگا کہ " تواڈے وچوں جنے کدی گُناہ نہیں کیتا او سب توں پہلاں ایس نوں پتھر مارے "۔
\v 8 ۸۔ ایہ آکھ کے او دوبارہ جھُک گیا تے زمین تے اپنی اُنگلی نال لکھن لگ پیا۔
\v 9 ۹۔ جدوں اوناں نے ایہ سُنیا, او کی وڈے کی چھوٹےاک اک کر کےسارے نکل گئے تے یُسوع کلا اوس عورت نال رہ گیا جہیڑی وچ کھلوتی سی۔
\v 10 ۱۰۔ یُسوع نے کھلو کے اوس عورت نوں پُچھیا، " تیرے اُتے الزام لان والے کتھے نے؟ کی کسے نے وی تیرے تے الزام نہیں لایا؟ "
\v 11 ۱۱۔ اونے کہیا، " اے خداوند، کسے نے وی نہیں "۔ تد یُسوع نے کہیا، " میں وی تینوں مُجرم نہیں ٹھہراندا۔ جا، فیر گناہ نہ کریں "۔
\p
\v 12 ۱۲۔ یُسوع فیر اوناں ول مخاطب ہویا کہ " دُنیا دا نُور میں واں۔ جہیڑا میرے پچھے چلے گا او ہنیرے وچ نہیں چلے گا بلکہ زندگی دا نُور پائے گا "۔
\v 13 ۱۳۔ فریسیاں نے اونوں کہیا, " تُوں اپنی گواہی آپ دینا پیا ویں تے تیری گواہی سچی نہیں "۔
\v 14 ۱۴۔ یُسوع نے اوناں نوں جواب دتا, " میں اپنی گواہی آپ دینا واں تاں وی میری گواہی سچی اے کیوں جو مینوں پتہ وے کہ میں کتھوں آیا واں تے کتھے جاناں واں۔ پر توانوں نہیں پتہ کہ میں کتھوں آیا واں تے کتھے جاناں واں۔
\v 15 ۱۵۔ تُسی جسم دے مطابق فیصلہ کر دے او۔ پر میں کسے دا فیصلہ نہیں کردا۔
\v 16 ۱۶۔ جے میں فیصلہ کراں تے میرا فیصلہ سچا اے. کیوں جو میں کلا نہیں بلکہ میں تے میرا باپ واں جنے مینوں بھیجیا اے۔
\v 17 ۱۷۔ تے تواڈی شریعت وچ وی لکھیا اے کہ دو بندیاں دی گواہی سچی ہوندی اے۔
\v 18 ۱۸۔ اک تے میں خود گواہی دینا واں تے میرا باپ جنے مینوں بھیجیا وے میری گواہی دیندا اے "۔
\p
\v 19 ۱۹۔ اوناں نے اونوں کہیا، " تیرا باپ کتھے اے؟ " یُسوع نے جواب دتا، " نہ تُسی مینوں جاندے او نہ میرے باپ نوں۔ جے مینوں جاندے تے میرے باپ نوں وی جاندے "۔
\v 20 ۲۰۔ ہیکل وچ تعلیم دیندے ویلے ایہ گلاں اونے مال خانہ وچ کیتیاں تے کسے نے وی اونوں نہ گرفتار کیتا کیوں جو حالی تک اوہدا پھڑن والا ویلا نہیں سی آیا۔
\p
\v 21 ۲۱۔ اونے فیر واناں نوں کہیا، " میں دُور جانا واں تے تُسی مینوں لبھ دے رہو گے تے اپنے گناہ وچ مرو گے۔ جتے میں جانا واں اوتھے تُسی نہیں آ سکدے۔
\v 22 ۲۲۔ تد یہودیاں نے کہیا، کی ایہ اپنے آپ نوں مار لیے گا جہیڑا کہندا اے کہ جتھے میں جاواں گا اوتھے تُسی نہیں آ سکدے؟"
\v 23 ۲۳۔ یُسوع نے اوناں نوں کہیا، " میں اُتے دا واں تے تُسی ہیٹھاں دے او۔ تُسی دُنیا دے او تے میں دُنیا دا نہیں ۔
\v 24 ۲۴۔ ایس لئی میں توانوں ایہ آکھیا, پئی تُسی اپنے گناہواں وچ مرو گے جے تُسی ایمان نہ لیائو گے کہ میں اوہو ای آں ، تے تُسی اپنے ای گناہواں وچ مرو گے "۔
\p
\v 25 ۲۵۔ اوناں نے اونوں آکھیا، " تُوں کون ایں؟ " یُسوع نے اوناں نوں کہیا، " میں اوہو ای آں جو میں توانوں شروع توں کہندا آیا واں ۔
\v 26 ۲۶۔ تے مینوں توانوں بہت کجھ کہنا ویں تے تواڈے بارے فیصلہ کرنا اے۔ پر جنے مینوں بھیجیا اے او سچا اے تے جو کجھ میں اوہدے کولوں سُنیا ایں اوہو دُنیا نوں دسنا واں۔
\p
\v 27 ۲۷۔ پر او نہ سمجھے کہایہ سانوں باپ دے بارے دس رہیا اے۔
\v 28 ۲۸۔ یُسوع نے کہیا، جدوں تُسی ابن مریم نوں اُچے تے چڑھائو گے تے تد جانو گے کہ میں اوہو ای ہاں تے میں اپنے ولوں کجھ نہیں کردا بلکہ جیویں باپ نے مینوں سکھایا اوسے طرح ایہ گلاں کہنا واں۔
\v 29 ۲۹۔ او جنے مینوں بھیجیا اے او میرے نال اے۔ اونے مینوں کدی وی کلیاں نہیں چھڈیا کیوں جو میں ہمیشہ اوہی کم کر دا واں جہیڑا اونوں پسند آوندا اے۔
\v 30 ۳۰۔ جدوں یُسوع ایہ گلاں کر رہیا سی تے بتھیرے اوہدے اُتے ایمان لیائے۔
\p
\v 31 ۳۱۔ یُسوع نے اوناں یہودیاں نوں کہیا جناں نے اوہدے اُتے ایمان لیاندا سی، " جے تُسی میرے کلام اُتے قائم رہو گے تُسی میرے سچے شاگرد ہووے گے ۔
\v 32 ۳۲۔ تے تُسی سچائی جان جائو گے۔ تے سچائی توانوں آزاد کرے گی "۔
\v 33 ۳۳۔ اوناں نے اونوں جواب دتا، " اسی تے ابراہام دی نسل وچوں آں تے کدی کسے دی غلامی وچ نہیں رہے, تُوں کیوں کر کہندا ایں کہ تُسی آزاد کیتے جائو گے؟"
\v 34 ۳۴۔ یُسوع نے اوناں نوں جواب دتا "میں توانوں سچ کہندا واں کہ جو کوئی گناہ کردا اے او گناہ دا غلام اے۔
\v 35 ۳۵۔ تے غلام ہمیشہ لئی گھر وچ نہیں رہندا پر پُتر ہمیشہ تیک رہندا اے۔
\v 36 ۳۶۔ ایس لئی جے پُتر توانوں آزاد کرے گا تے تُسی حقیقت وچ آزاد ہو گے۔
\v 37 ۳۷۔ مینوں پتہ اے کہ تُسی ابراہام دی نسل وچوں جے۔ فیر وی تُسی میرے قتل دی کوشش وچ ہو۔ ایس لئی میرا کلام تواڈے دلاں وچ جگہ نہیں بنا دا۔
\v 38 ۳۸۔ میں جو اپنے باپ دے کول ویکھیا اے کہندا آں، تے تُسی وی جو کجھ اپنے باپ کولوں سُنیا اے او کر دے ہو"۔
\p
\v 39 ۳۹۔ اوناں نے جواب وچ آکھیا، " ساڈا پیو تے ابراہام اے "۔ یُسوع نے کہیا، " جے تُسی ابراہام دے بچے ہوندے تے ابراہام وانگر کم وی کردے۔
\v 40 ۴۰۔ فیر وی تُسی میرے وگرے بندے دے قتل دی کوشش وچ لگے او جنے توانوں اوہی حق دیاں گلاں دسیاں جہیڑیاں خُدا کولوں سُنیاں سن۔ ابراہام نے تے ایہ نہیں کیتا سی۔
\v 41 ۴۱۔ تُسی اپنے پئیو وگرے کم کر دے او "۔ اوناں نے اونوں کہیا، " اسی حرام توں پیدا نہیں ہوئے۔ساڈا اک پئیو وے یعنی رب "۔
\v 42 ۴۲۔ یُسوع نے کہیا، " جے رب تواڈا پئیو ہوندا تے تُسی میرے نال محبت کر دےکیوں جو میں رب وچوں نکلیا تے آیا واں۔ میں اپنے ولوں نہیں آیا بلکہ اونے مینوں بھیجیا اے۔
\v 43 ۴۳۔ تُسی میریاں گلاں کیوں نہیں سجھ دے؟ ایس لئی کہ میرا کلام سُن نہیں سکے۔
\v 44 ۴۴۔ تُسی اپنے پئیو ابلیس وچوں جے، تے تُسی اپنے پئیو دیاں خواہشاں نوں پورا کرنا چاہندے ہو۔ او شروع توں ای خونی اے تے سچائی تے قائم نہیں رہیا۔ کیوں جو اوہدے وچ سچائی ہے ای نہیں ۔ جدوں او جھوٹ بولدا اے تے او اپنے جئی گل کر دا اے کیوں جو او جھوٹا اے بلکہ جھوٹ دا پئیو وے۔
\v 45 ۴۵۔ کیوں جو میں سچ کہنا تُسی میرا یقین نہیں کر دے او۔
\v 46 ۴۶۔ تواڈے وچوں کس نے میرے تے گناہ ثابت کیتا اے؟ تے جے میں سچ کہندا واں تے تُسی میرا یقین کیوں نہیں کر دے؟
\v 47 ۴۷۔ جہیڑا رب وچوں ہوندا اے او رب دی سُندا اے۔ تُسی ایس لئی نہیں سُندے کیوں جو تُسی رب وچوں نہیں ہو"۔
\p
\v 48 ۴۸۔ یہودیاں نے اونوں جواب دتا، " کی اسی سچ نہیں کہندے پئی تُوں سامری ایں تے تیرے وچ بد رُوح اے؟"
\v 49 ۴۹۔ یُسوع نے جواب دتا، " میرے وچ بد رُوح نہیں بلکہ میں اپنے پئیو دی عزت کر دا واں تے تُسی میری بے عزتی کر دے ہو۔
\v 50 ۵۰۔ میں اپنی وڈیائی نہیں چاہندا پر اک ہے جہیڑا اونوں چاہندا اے تے فیصلہ کر دا اے۔
\v 51 ۵۱۔ میں توانوں سچ کہندا واں, اگر کوئی میرے کلام تے عمل کرے گا، او ابد تک موت نوں نہیں ویکھے گا "۔
\p
\v 52 ۵۲۔ یہودیاں نے اونوں کہیا، " ہُن تے سانوں پتہ چل گیا اے کہ تیرے وچ بدرُوح اے۔ابراہام تے دوسرے نبی وی مر گئے پر تُوں کہنا ویں کہ اگر کوئی تیرے کلام تے عمل کرے گا تے کدی وی موت دا مزہ نہیں چکھے گا۔
\v 53 ۵۳۔ ساڈا پئیو ابراہام جہیڑا مر گیا وے تُوں کی اوہدے توں وی وڈا ایں؟ ہور نبی وی مر گئے تے تُوں اپنے آپ نوں کی سمجھ دا ایں؟"
\v 54 ۵۴۔ یُسوع نے جواب دتا، "جے میں اپنی وڈیائی آپ ای کراں تے ایہ وڈیائی کجھ وی نہیں۔ پر میری وڈیائی میرا پئیو کر دا اے جنوں تُسی اپنا رب کہندے او۔
\v 55 ۵۵۔ تُسی اونوں نہیں جانیا پر میں اونوں جاندا ہاں تے جے میں کہواں پئی میں اونوں نہیں جاندا تے فیر تواڈے ونگر جھوٹا بناں گا۔ پر میں اونوں جاندا تے اوہدے کلام تے عمل کرنا واں۔
\v 56 ۵۶۔ تواڈا پئیو ابراہام میرا دن ویکھن دی اُمید تے بہت خوش سی۔ ایس لئی اونے ایہ دن ویکھیا تے خوش ہویا "۔
\p
\v 57 ۵۷۔ یہودیاں نے اونوں کہیا، " تیری عمر تے حالی ۵۰ سال وی نہیں ہوئی تے کی تُوں ابراہام نوں ویکھیا اے؟"
\v 58 ۵۸۔ یُسوع نے اوناں نوں کہیا، " میں توانوں سچ سچ کہنا واں پئی ایس توں پہلاں کہ ابراہام پیدا ہویا سی، میں ہوں "۔
\v 59 ۵۹۔ ایس گل تے اوناں نے پتھر چُکے پئی اونوں مارن پر یُسوع چھُپ کے ہیکل وچوں نکل گیا۔
\c 9
\cl باب ۹
\p
\v 1 ۱۔ یُسوع نے جاندے ہوئے اک پیدائشی انے نوں ویکھیا جہیڑا جنم توں انا سی۔
\v 2 ۲۔ شاگرداں نے پچھیا، " اے ربی، کنے گناہ کیتا، اینے یا ایدے ماں پئیو نے کہ ایہ انا پیدا ہویا ؟"
\v 3 ۳۔ یُسوع نے جواب دتا کہ " نہ اینے تے نہ ایدے ماں پئیو نے کوئی گناہ کیتا سی, بلکہ ایس لئی ہویا کہ خُدا دے کم ایس وچ ظاہر ہون ۔
\v 4 ۴۔ جنے مینوں بھیجیا اے اوہدے کم سانوں دن ای دن وچ کرنا ضروری نے۔ او رات آن والی اے جدے وچ کوئی وی بندہ کم نہیں کر سکدا۔
\v 5 ۵۔ جنا تیک میں دُنیا وچ ہاں، میں دُنیا دا نور آں "۔
\p
\v 6 ۶۔ ایہ کہہ کے اونے زمین تے تھُکیا تے متی نوں گُن کے انے دیاں اکھاں تے لا دتی،
\v 7 ۷۔ اونوں کہیا، " جا شیلوخ [جدا ترجمہ بھیجا ہویا اے]دے حوض وچ دھو لے" ۔ تد او نے جا کے دھو لیا تے او سجاکھا ہو کے واپس آیا۔
\v 8 ۸۔ ایدے بعد اوس آدمی دے گوانڈیاں تے اوناں لوکاں جناں نے اونوں بھیک منگ دیاں ویکھیا سی، " کہن لگے پئی کی ایہ او آدمی نہیں جہیڑا بیٹھا منگ دا ہوندا سی؟ "
\v 9 ۹۔ کہیاں نے کہیا، " ایہ اوہی اے " تے ہوراں نے کہیا کہ " نہیں اوہدے ورگا اے "۔ اوس آدمی نے کہیا، " میں اوہی آں " ۔
\v 10 ۱۰۔ تد اوناں نے اونوں کہیا، " فیر تیریاں اکھاں کنج کھل گئیاں نے؟"
\v 11 ۱۱۔ اونے جواب دتا، " اوس بندے نے جیدا ناں یُسوع اے مٹی گونی تے میریاں اکھاں تے لا کے اونے مینوں کہیا، جا شیلوخ وچ دھو لے۔ تے میں فیر گیا تے دھو کے سجاکھا ہو گیا "
\v 12 ۱۲۔ اوناں نے کہیا، " او کتھے اے؟" اونے کہیا، " مینوں نہیں پتہ "۔
\p
\v 13 ۱۳۔ لوکی اونوں جہیڑا پہلے انا سی فریسیاں کول لیائے۔
\v 14 ۱۴۔ تے جس دن یُسوع نے مٹی مل کے اکھاں کھولیاں سن او سبت دا دن سی۔
\v 15 ۱۵۔ فیر فریسیاں نے وی اوہدے کولوں پُچھیا، " تُوں کس طرح بینا ہویا ایں؟" اونے اوناں نوں دسیا، " اونے میریاں اکھاں تے مٹی لائی تے فیر میں دھو لیا تے ہُن مینوں دسدا اے "۔
\v 16 ۱۶۔ کجھ فریسی کہن لگے " ایہ بندہ خُدا ولوں نہیں کیوں جو ایہ سبت دے دن نوں نہیں مندا "۔ پر کئیاں نے کہیا، " پئی گناہگار آدمی معجزے کنج وکھا سکدا اے؟" فیر اوناں وچ اختلاف پے گیا۔
\v 17 ۱۷۔ فیر اوناں نے اوس انے نوں دوبارہ پچھیا، "جنے تیریاں اکھاں کھولیاں نے تُوں اوہدے حق وچ کی کہنا ایں؟" اونے کہیا " او نبی اے "۔
\p
\v 18 ۱۸۔ پر یہودیاں نوں حالے تک یقین نہ آیا کہ ایہ انا سی تے ہُن سجاکھا ہو گیا اے۔ جدوں تیک اوناں نے اوہدے ما٘ں پئیو نوں جہیڑا بینا ہو گیا سی نہ بُلا لیا۔
\v 19 ۱۹۔ تے اوناں کولوں نہ پُچھیا، کہ" اے تواڈا پُتر اے جہیڑا انا پیدا ہویا سی۔ تے فیر او ہُن کنج ویکھن لگ پیا اے "۔
\v 20 ۲۰۔ اوہدے ماں پئیو نے جواب دتا، " سانوں پتہ اے کہ ایہ ساڈا پُتر اے۔ تے ایہ انا پیدا ہویا سی ۔
\v 21 ۲۱۔ پر اسی ایہ نہیں جاندے کہ ایہ کنج ہُن ویکھن لگ گیا اے تے ایہ وی نہیں جاندے پئی کنے ایدیاں اکھیاں کھولیاں نے۔ او خود بالغ اے اوہدے کولوں ای پوچھو۔ او اپنا حال خود ای سُنا دے گا "۔
\v 22 ۲۲۔ اوہدے ماں پئیو نے یہودیاں دے ڈر توں ایہ گل کہی سی کیوں جو یہودی ایکا کر چُکے سن کہ جے کوئی وی اوہدے مسیح ہون دا اقرار کرے گا تے او عبادت خانے وچوں کڈھ دتا جائے گا۔
\v 23 ۲۳۔ ایس واسطے ماں پئیو نے کہیا کہ " او بالغ جوان اے اوہدے کولوں پُوچھو "۔
\p
\v 24 ۲۴۔ اوناں نے اوس بندے نوں جہیڑا انا سی دوبارہ بُلا کے کہیا،" رب دی وڈیائ کر۔اسی تے ایہ جاندے آں کہ ایہ آدمی گناہگار اے "۔
\v 25 ۲۵۔ اونے جواب دتا، " مینوں نہیں پتہ کہ او گناہگار اے یا نہیں۔ اک گل دا مینوں پتہ اے کہ میں انا ساں تے ہُن ویکھنا واں "۔
\v 26 ۲۶۔ فیر اوناں نے اونوں کہیا، " اونے تیرے نال کی کیتا سی؟ کیویں تیریاں اکھاں کھولیاں سن "۔
\v 27 ۲۷۔ اونے اوناں نوں جواب دتا، " میں تے توانوں دس چُکیا واں پر تُسی نہیں سُندے۔ دوبارہ کیوں سُننا چاہندے او؟ " کتے تُسی وی اوہدے شاگرد تے نہیں بننا؟ بننا چاہندے او؟"
\v 28 ۲۸۔ او اونوں بُرا پھلا کہہ کے کہن لگے، " تُوں ای اوہدا شاگرد بن۔ اسی تے موسی دے شاگرد آں ۔
\v 29 ۲۹۔ سانوں پتہ اے کہ خُدا نے موسی نال کلام کیتا سی پر ایس بندے نوں نہیں جاندے کہ کتھوں دا اے؟"
\v 30 ۳۰۔ اوس بندے نے جواب وچ کہیا کہ، "عجیب گل اے کہ تُسی نہیں جاندے کہ او کتھوں دا اے؟ حالانکہ اونے میریاں اکھیاں کھولیاں نے "۔
\v 31 ۳۱۔ سانوں پتہ اے پئی خُدا گناہگاراں دی نہیں سُندا پر اگر کوئی خُدا پرست ہووے تے اوہدی مرضی تے چلے تے او اوہدی سُندا اے۔
\v 32 ۳۲۔ دُنیا دے شروع توں کدی سُنن وچ نہیں آیا کہ کسے نے پیدائشی انے دیاں اکھاں کھولیاں ہون۔
\v 33 ۳۳۔ جے ایہ بندہ خُدا ولوں نہ ہوندا تے کجھ وی نہ کر سکدا "۔
\v 34 ۳۴۔ اوناں نے جواب وچ اونوں کہیا، " تُوں تے سرے توں ای گناہ وچ پیدا ہویا ایں تے تُوں سانوں سکھا ویں گا؟ " تے اوناں نے اونوں بار کڈھ دتا۔
\p
\v 35 ۳۵۔ یُسوع نے سُنیا کہ اونوں عبادت خانے وچوں بار کڈھ دتا وے تے اونوں لبھ کے اونوں پوچھیا پئی "توں ابن آدم تے ایمان لیانا ایں "۔
\v 36 ۳۶۔ اونے جواب دتا کہ " اے مالک، او کون اےجدے تے میں ایمان لیاواں؟ "
\v 37 ۳۷۔ یُسوع نے اونوں کہیا، " تُوں اونوں ویکھ لیا اے تے جہیڑا تیرے نال گلاں کر دا پیا اے اوہی اے "۔
\v 38 ۳۸۔ اونے کہیا، " اے خُداوند میں ایمان لیانا واں" تے اونے اونوں سجدہ کیتا۔
\p
\v 39 ۳۹۔ یُسوع نے کہیا کہ، " میں دُنیا وچ عوالت کرن واسطے آیا واں تاں جو جہیڑے نہیں ویکھدے او ویکھ سکن تے جہیڑے ویکھدے نے او انے ہو جان "۔
\v 40 ۴۰۔ جہیڑے فریسی اوہدے نال سن، ایہ گلاں سُن کے اونوں پُچھیا، " کی اسی وی انے آں؟"
\v 41 ۴۱۔ یُسوع نے اوناں نوں آکھیا، " جے تُسی انے ہوندے تےتواڈے وچ گناہ نہ ہوندا۔ پر ہُن کہندے او اسی ویکھدے آں، ایس لئی تواڈا گناہ قائم اے "۔
\c 10
\cl باب ۱۰
\p
\v 1 ۱۔ میں توانوں سچ سچ کہندا واں کہ جو کوئی وی دروازے توں بھیڈ خانے وچ داخل نہیں ہوندا بلکہ او ہور کسی طرفوں چڑھ جاندا اے، تے او چور تے ڈاکو اے۔
\v 2 ۲۔ پر جہیڑا دروازے وچوں دی آوندا اے او بھیڈاں دا چرواہا اے۔
\v 3 ۳۔ اوہدے لئی دربان دروازہ کھول دیندا اے تے بھیڈاں اوہدی آواز سُندیاں نے تے او اپنی بھیڈاں نوں ناواں نال بُلا کے باہر لے جاندا اے۔
\v 4 ۴۔ جدوں او ساریاں بھیڈاں نوں باہر کڈھ لیندا اے تے او اوناں دے اگے اگے چل دا اے تے بھیڈاں پچھے پچھے چل دیاں جاندیاں نے۔ ایس لئی کیوں جو او اوہدی آواز پچھان دیاں نے۔
\v 5 ۵۔ پر او کسے پرائے بندے دے پچھے نہ جان گئیاں بلکہ اوہدے توں دور پجن گئیاں کیوں جو او غیراں دی آواز نوں نہیں پچھان دیاں "۔
\p
\v 6 ۶۔ یُسوع نےایہ تمثیل اوناں نوں دسی پر او نہ سمجھے کہ ایہ کیڑیاں گلاں نے جہیڑیاں ایہ ساڈے نال کر دا اے .
\v 7 ۷۔ فیر یُسوع نے اوناں نوں کہیا، " میں توانوں سچ سچ کہینا واں کہ بھیڈاں دا دروازہ میں واں۔
\v 8 ۸۔ جنے میرے توں پہلاں آئے او چور تے ڈاکو نے۔ پر بھیڈاں نے وی اوناں دی نہ سُنی۔
\v 9 ۹۔ دروازہ میں واں۔ جو کوئی میرے وچوں دی داخل ہووے گا او نجات پائے گا۔ او اندر بار جاوے گا تے چارا پائے گا۔
\v 10 ۱۰۔ چور وی نہیں آوندا جدوں تیکر او چوری نہ کرے، مارے تے برباد نہ کرے۔ میں ایس لئی آیا واں کہ او زندگی پان تے کثرت نال پان۔
\p
\v 11 ۱۱۔ چنگا چرواہا میں واں۔ چنگا چرواہا اپنی بھیڈاں لئی جان وی دے دیندا اے۔
\v 12 ۱۲۔ مزدور جہیڑا چرواہا وے نہ بھیڈاں دا مالک اے، بھیڑیے نوں آوندا ویکھ کے بھیڈاں نوں چھڈ کے دوڑ جاندا اے تے بھیڑیا اوناں نوں پھڑ کے اوناں نوں پراگندہ کر دا اے۔
\v 13 ۱۳۔ او ایس لئی دوڑ جاندا اے کہ او مزدور اے تے اونوں بھیڈاں دی کوئی فکر نہیں۔
\v 14 ۱۴۔ میں اک چنگا چرواہا واں۔ میں اپنی بھیڈاں نوں جاندا واں تے او مینوں جاندیاں نے۔
\v 15 ۱۵۔ باپ مینوں جاندا اے تے میں باپ نوں جاندا واں۔ تے میں اپنی بھیڈاں واسطے جان وی دے سکناں واں۔
\v 16 ۱۶۔ میریاں ہور وی بھیڈاں نے جہیڑیاں ایس بھیڈ خانے دیاں نہیں۔ مینوں اوناں نوں وی لیانا ضروری اے، تے او میری آواز سُندیاں نے تاں جو فیر اک ای چرواہا تے اک ای گلہ ہووے گا۔
\v 17 ۱۷۔ ایسے واسطے باپ مینوں پیار کردا اے کیوں جو میں اپنی جان دینا واں تاں جو اونوں فیر لے سکاں۔
\v 18 ۱۸۔ کوئی میرے کولوں کھو نہیں سکدا بلکہ میں اونوں آپ ای دے دینا واں۔ مینوں اونوں دین دا وی اختیار اے تے اونوں فیر لین دا وی اختیار اے۔ اے حُکم میرے باپ ولوں مینوں ملیا اے "۔
\p
\v 19 ۱۹۔ اینا گلاں دی وجہ نال یہودیاں وچ فیر اختلاف پیدا ہو گیا۔
\v 20 ۲۰۔ اوناں وچوں کافی کہن لگے پئی "ایدے وچ تے بد رُوح اے تے ایہ پاگل اے۔ تُسی اوہدی کیوں سُن دے او "۔
\v 21 ۲۱۔ تے ہوراں نے کہیا، " ایہ ایہو جئے بندے دیاں گلاں نہیں جدے وچ بد رُوح ہووے۔ کی کدی بد رُوح انے دیاں اکھاں کھول سکدی اے؟"
\p
\v 22 ۲۲۔ یروشیلم وچ عید تمجید ہوئی۔
\v 23 ۲۳۔ جاڑے دا موسم سی تے یُسوع ہیکل دے اندر سلیمانی برامدے وچ چہل ریا سی۔
\v 24 ۲۴۔ فیر یہودیاں نے اونوں گھیرا پا لیا تے اکھیا، " تُوں کدوں تک سانوں شک وچ رکھیں گا؟ جے تُوں مسیح ایں تے تُوں سانوں کھُل کے دس "۔
\v 25 ۲۵۔ یُسوع نے اوناں نوں جواب دتا کہ " میں توانوں دسیا اے پر تُسی یقین نہیں کر دے او۔ جہیڑا کم میں اپنے پئیو دے ناں تے کرناں واں اے اوہو میری گواہی نے۔
\v 26 ۲۶۔ تُسی ایس لئی میرا یقین نہیں کر دے کیوں جو تُسی میریاں بھیڈاں وچوں نہیں۔
\v 27 ۲۷۔ میریاں بھیڈاں میری آواز سُن دیاں نے, تے میں اوناں نوں جاندا واں, تے او میرے پچھے پچھے آوندیاں نے۔
\v 28 ۲۸۔ میں اوناں نوں ہمیشہ دی زندگی بخشنا واں تے او کدی وی نہ مرن گئیاں, تے کوئی وی اوناں نوں میرے ہتھوں کھو نہیں سکدا۔
\v 29 ۲۹۔ میرا پئیو، جنے اوناں نوں مینوں دتا اے ساریاں توں وڈا اے، تے کسے دی ہمت نہیں کہ او پئیو دے ہتھوں اوناں نوں کھو لیے۔
\v 30 ۳۰۔ میں تے پئیو اک آں "۔
\p
\v 31 ۳۱۔ فیر یہودیاں نے اونوں مارن لئی دوبارہ پتھر چُک لیے۔
\v 32 ۳۲۔ یُسوع نے اوناں نوں جواب دتا، مِیں تے توانوں اپنے پئیو دے بتھیرے چنگے کم وکھائے نے۔ اونوں وچوں کہیڑے کم دے سبب مینوں پتھر مار دے او؟
\v 33 ۳۳۔ یہودیاں نے اونوں جواب دتا، اسی تینوں چنگے کماں دی وجہ نال پتھر نہیں مار رہے آں، بلکہ کفر دے سبب، کیوں جو تُوں انسان ایں تے اپنے آپ نوں خُدا بنانا ایں۔
\v 34 ۳۴۔ یُسوع نے اوناں نوں جواب دتا، کی تواڈی شریعت وچ نہیں لکھیا، کہ میں کہیا اے، تُسی خُدا او؟
\v 35 ۳۵۔ جے اونے اوناں نوں خُدا کہیا جناں نال خُدا نے کلام کیتا [تے کتاب مقدس کدے جھوٹی نہیں ہو سکدی]
\v 36 ۳۶۔ تُسی اوناں دے بارے کی کہندے او جناں نوں باپ نے مقدس کر کے دُنیا وچ بھیجیا اے۔ تُسی کفر کہندے او کیوں جو میں آکھیا اے کہ میں رب دا پُتر آں۔
\v 37 ۳۷۔ جے اپنے پئیو دے کم نہیں کرنا واںتے تُسی میرا یقین نہ کرو۔
\v 38 ۳۸۔ پر اگر میں کرنا واں تے بھاویں میرا یقین نہ کرو پر اونں کماں دا یقین کرو تاں جو تُسی جان سکو تے سجھ لئو کہ باپ میرے وچ اے تے میں باپ وچ۔
\p
\v 39 ۳۹۔ اوناں نے فیر اونوں پھڑن دی کوشش کیتی پر او اوناں دے ہتھاں وچوں نکل گیا۔
\p
\v 40 ۴۰۔ او فیر یردن دے پار اوس جگہ چلا گیا جتھے یُوحنا پہلاں بپتسمہ دیندا ہوندا سی تے او اوتھے ای رہیا۔
\v 41 ۴۱۔ بتھیرے لوکی اوہدے کول آئے تے اوناں نے کہیا، یُوحنا نے کوئی معجزہ نہیں وکھایا پر جہیڑیاں ساریاں گلاں ایس بندے دے حق وچ آکھیاں سن، او ساریاں سچیاں نے۔
\v 42 ۴۲۔ تے اوتھے بتھیرے اوہدے اُتے ایمان لے ائے۔
\c 11
\cl باب ۱۱
\p
\v 1 ۱۔ مریم تے اوہدی بہن مارتھا دے پنڈ بیت عنیاہ تھوں لعزر نامی اک بندہ بیمار سی۔
\v 2 ۲۔ ایہ اوہی مریم اے جنہیں خُداوند یُسوع مسیح نوں عطر لایا سی تے اپنے والاں نال اوہدے پیر پُونجے سن، اوہدا پرا بیمار سی۔
\v 3 ۳۔ اوناں دوناں بہناں نے اونوں سُنیا بھیجیا کہ " اے خُداوند، ویکھ جنوں توں عزیز رکھدا ایں، او بیمار اے"۔
\v 4 ۴۔ یُسوع نے ایہ سُن کے کہیا، "اے بیماری موت دی نہیں بلکہ خُداوند دے جلال واسطے اے تاں جو اوہدے وسیلے خُدا دے بیٹے دا جلال ظاہر ہووے "۔
\v 5 ۵۔ یُسوع، مارتھا تے اوہدی بہن تے لعزر نال محبت رکھدا سی۔
\v 6 ۶۔ جدوں اونے سُنیا پئی لعزر بیمار اے تے جس تھاں رہندا پیا سی اوتھے دو دن ہور رہیا۔
\p
\v 7 ۷۔ فیر اوہدے بعد شاگرداں نوں آکھیا کہ " آئو یہودیہ نوں چلئیے "۔
\v 8 ۸۔ شاگرداں نے کہیا، " اے ربی، ایس ویلے یہودی تینوں سنگسار کرنا چاہندے نے تے تُوں فیر اوتھے ای جا رہیا ویں"۔
\v 9 ۹۔ یُسوع نے جواب دتا، " کیوں دن وچ بارہ گھنٹے روشنی دے نہیں ہوندے؟ تے جے کوئی دن ویلے ٹُردا اے تے ٹھوکر نہیں کھانداکیوں جو او دُنیا دی روشنی ویندا اے۔
\v 10 ۱۰۔ پر جے کوئی رات نوں ٹُرے تے ٹھیڈا کھاندا اے کیوں جو اوہدے وچ روشنی نہیں ہوندی "۔
\p
\v 11 ۱۱۔ اونے ایہ گلاں کہیاں تے اوس دے بعد اوناں نوں کہن لگا کہ, " ساڈا یار لعزر سُو گیا اے پر میں جانا واں تاں جو اونوں سُتے ہوئے نوں جگاواں "۔
\v 12 ۱۲۔ تد شاگرداں نے اونوں کہیا، " اے خُداوند، جے سُو گیا اے تے بچ جاوے گا "۔
\v 13 ۱۳۔ یُسوع نے تے اوہدی موت دی بابت کہیا سی پر او سمجھے کہ آرام دی نیند دے بارے وچ کہندا وے۔
\v 14 ۱۴۔ یُسوع نے اوناں نوں صاف دسیا کہ، " لعزر مر گیا اے ۔
\v 15 ۱۵۔ تے میں تواڈے سبب توں خوش آں کہ اوتھے نہیں ساں تاں جو تُسی ایمان لیائو۔ آئو، اسی اوہدے کول چلئیے "۔
\v 16 ۱۶۔ تُوما جنوں توام کہندے سن اپنے نال دے شاگرداں نوں کہیا، " آئو، اسی وی چلئیے تاں جو یُسوع نال اسی وی مر جائیے "۔
\p
\v 17 ۱۷۔ تد یُسوع نوں آ کے پتہ چلیا پئی اونوں قبر وچ رکھیاں چار دن لنگ گئے نے۔
\v 18 ۱۸۔ بیت عنیاہ یروشلیم دے نیڑے تقریبا" دو میل دے پینڈے تے سی۔
\v 19 ۱۹۔ تے بتھیرے یہودی مارتھا تے مریم نوں اوہدے پرا ولوں تسلی دین ائے سن۔
\v 20 ۲۰۔ مارتھا یُسوع دے آن دی خبر سُن کےاونوں ملن گئی پر مریم گھر وچ ای بیٹھی رہی۔
\v 21 ۲۱۔ مارتھا نے یُسوع نوں کہیا، "اے مالک، جے تُوں ایتھے ہُندا تے میرا پرا کدی نہ مر دا ۔
\v 22 ۲۲۔ پر ہُن وی مینوں پتہ اے کہ جو کجھ وی تُوں خُدا کولوں منگیں گا او تینوں دے دے گا "۔
\v 23 ۲۳۔ یُسوع نے انوں کہیا کہ، " تیرا پرا دوبارہ جی اُٹھے گا "۔
\v 24 ۲۴۔ مارتھا نے کہیا، "مینوں پتہ اے کہ قیامت دے دن او جی اُٹھے گا "۔
\v 25 ۲۵۔ یُسوع نے کہیا، " قیامت تے زندگی تے میں واں۔ جہیڑا وی میرے اُتے ایمان لیاندا اے، او مر وی جائے تے تاں وی زندہ رہوے گا۔
\v 26 ۲۶۔ تے جو کوئی وی زندہ اے او میرے آتے ایمان رکھدا اے تے او کدی وی نہیں مریگا۔ کی تُوں ایس تے ایمان رکھنی ایں؟"
\v 27 ۲۷۔ اونے اونوں کہیا، " اے خُداوند میں ایمان لیا چُکی آں کہ تُوں مسیح ایں، خُدا دا پُتر، جنے دُنیا وچ آوناں سی، تویں ایں "۔
\p
\v 28 ۲۸۔ ایہ کہہ کے او چلی گئی تے حولے نال اپنی بہن مریم نوں بُلا کے کہیا، کہ اُستاد ایتھے ای اے تے تینوں سدا دا اے۔
\v 29 ۲۹۔ او سُندے ای چھیتی نال اُٹھ کے اوہدے ول گئی۔
\v 30 ۳۰۔ ہجے یُسوع پنڈ وچ نہیں پہچیا سی بلکہ اوسے ای تھاں تے سی جتھے مارتھا اونوں ملی سی۔
\v 31 ۳۱۔ تد جہیڑے یہودی اوہدے کول اوس گھر دے وچ سن تے تسلی دیندے سن، ایہ ویکھ کے کہ مریم چھیتی نال اُٹھ کے باہر چلی گئی، ایس خیال نال اوہدے پچھے گئے پئی کتھے او قبر اُتے رون جا رہی اے۔
\p
\v 32 ۳۲۔ جدوں مریم اوس تھاں پہنچی جتھے یُسوع سی ، اونوں ویکھ کے اوہدے پیراں وچ ڈگ پئی تے اونوں کہن لگی کہ " اے خداوند، جے تُوں ایتھے ہوندا تے میرا پرا نہ مر دا "۔
\v 33 ۳۳۔ یُسوع نے جدوں اونوں، تے جہیڑے یہودی اوہدے نال سن، روندیاں ویکھیا، تے او اپنے دل وچ بڑا رنجیدہ ہویا تے گھبرایا۔
\v 34 ۳۴۔ اونے کہیا، " تُساں اونوں کتھے رکھیا اے؟" اوناں نے کہیا، " اے خُداوند، چل کے ویکھ لے "۔
\v 35 ۳۵۔ یُسوع رون لگ گیا،
\v 36 ۳۶۔ فیر یہودیاں نے کہیا، " ویکھو، او اینوں کناں پیارا سی "۔
\v 37 ۳۷۔ پر اوناں وچوں کجھ نے کہیا، کہ " اے بندہ، جنے انے دیاں اکھیاں کھولیاں سن، اینا نہ کر سکیا کہ اے بندہ نہ مر دا "۔
\p
\v 38 ۳۸۔ یُسوع فیر اپنے دل وچ بڑا رنجیدہ ہو کے قبر اُتے آیا۔ او اک غار سی تے اوہدے اُتے پتھر رکھیا ہویا سی۔
\v 39 ۳۹۔ یُسوع نے کہیا، " پتھر نوں ہٹائو "۔ اوس مرے ہوئے بندے دی بہن مریم نے کہیا، " اے خُداوند، اوہدے وچوں تے ہُن بدبُو آون لگ گئی اے۔ کیوں جو اونوں مرے ہوے چار دن ہو گئے نے "۔
\v 40 ۴۰۔ یُسوع نے کہیا، " کی میں تینوں نہیں سی کہیا کہ تُوں ایمان لے آئیں گی تے تُوں خُدا دا جلال ویکھیں گی؟"
\p
\v 41 ۴۱۔ فیر اوناں نے اوس پتھر نوں ہٹا دتا۔ تد یُسوع نے اپنیاں اکھاں اُتے اُٹھا کے کہیا، " اے باپ، میں تیرا شکر کردا آں کہ تُوں میری سُن لئی اے۔
\v 42 ۴۲۔ تے ایہ مینوں پتہ سی کہ تُوں ہمیشہ میری سُندا ایں پر اینا لوکاں دے لئی جہیڑے آلے دوالے کھلوتے نے، میں کہیا سی تاں جو او ایمان لیان کہ تُوں ای مینوں بھیجیا اے "۔
\v 43 ۴۳۔ ایہ کہن توں بعد اونے اُوچی آواز وچ کہیا، "اے لعزر، نکل آ "۔
\v 44 ۴۴۔ جو مر گیا سی او کفن وچوں ہتھ پیر بنے ہوئے نکل آیا۔تے اوہدا منہ کپڑے نال ولیٹیا ہویا سی۔ یُسوع نے اوناں نوں کہیا، کہ "اینوں کھولو تے جان دو"۔
\p
\v 45 ۴۵۔ ایدے بعد بتھیرے یہودی جہیڑے مریم کول آئے سن، او یُسوع دے کم ویکھ کے اوہدے اُتے ایمان لے آئے۔
\v 46 ۴۶۔ پر اوناں وچوں کئی فریسیاں کول گئے تے جا کے یُسوع دے کماں دی خبر دتی۔
\v 47 ۴۷۔ فیر سردار کاہناں نے پنچائیت دے لوکاں نوں اکٹھے کیتا تے کہیا، "اسی کرن کی ڈہے آں؟اے بندہ بڑے معجزے وکھاندا اے۔
\v 48 ۴۸۔ جے اسی اینوں اینج ای چھڈ دتا تے سارے لوکی ایدے اُتے ایمان لے آون گے۔ تے رُومی آ کے ساڈی جگہ تے قوم، دوناں تے قبضہ کر لین گے "۔
\p
\v 49 ۴۹۔ تے اوناں وچوں کائفا نامی اک بندہ جہیڑا اوس سال سردار کاہن سی، اوناں نوں کہن لگا،" تُسی کجھ نہیں جاندے۔
\v 50 ۵۰ تے تُسی سوچ دے نہیں ہو کہ تواڈے لئی بہتر اے کہ اک آدمی ساری اُمت واسطے مرے نہ کہ ساری قوم ہلاک ہووے "۔
\v 51 ۵۱۔ پر ایہ اونے اپنے ولوں نہیں کہیا سی کیوں جو اوس سال سردار کاہن ہون دی حیثیت نال نبوت کیتی کہ " یُسوع اوس قوم واسطے مرے گا۔
\v 52 ۵۲۔ تے نہ صرف اوس قوم واسطے بلکہ ایس واسطے وی کہ خُدا دے تتر بتر ہوئے فرزنداں نوں جمع کر کے اک کر دے "۔
\v 53 ۵۳۔ فیر اوسے دن توں یُسوع نوں مار دین دا منصوبہ بنان لگ پئے۔
\p
\v 54 ۵۴۔ فیر یُسوع یہودیاں وچ کھلے عام نہ پھریا بلکہ اوس توں بعد نیڑے دے اک افرا ئیم نامی علاقے، جہیڑا بیابان دے لاگے سی، نوں چلا گیا تے اپنے شاگرداں دے نال اوتھے ای رہن لگ گیا۔
\p
\v 55 ۵۵۔ یہودیاں دی عید فسح نزدیک سی تے بہت سارے لوکی فسح توں پہلاں علاقے وچوں یروشلیم ول گئے تاں جو اپنے آپ نوں پاک کرن۔
\v 56 ۵۶۔ تد او یُسوع نوں لبھن لگے تے ہیکل وچ کھلو کے آپس وچ کہن لگے کہ، " تواڈا کی خیال اے؟ کی او عید وچ نہیں آوے گا؟ "
\v 57 ۵۷۔ تے سردار کاہناں تے فریسیاں نے حکم دے رکھیا سی کہ جے کسے نوں وی پتہ لگے کہ یُسوع کتھے اے تے خبر دین, تاں جو اونوں پھڑ لیا جائے۔
\c 12
\cl باب ۱۲
\p
\v 1 ۱۔ فیر یُسوع فسح توں چھ دن پہلے بیت عنیاہ وچ آیا جتھے لعزر سی۔ جنوں یُسوع نے مُردیاں وچوں زندہ کیتا سی۔
\v 2 ۲۔ اوتھے اوناں نے اوہدے واسطے شام دا کھانا تیار کیتا تے مارتھا خدمت کردی سی۔ پر لعزر اوناں وچوں سی جہیڑے اوہدے نال کھانا کھان بیٹھے سن۔
\v 3 ۳۔ فیر مریم نے آدھ سیر جٹا ماسی دا عطر لے کے یُسوع دے پیراں اُتے لایا تے اپنے والاں نال پُونجیا، تے گھر عطر دی خوشُبو نال مہک گیا۔
\p
\v 4 ۴۔ پر اوہدے شاگرداں وچوں اک بندہ جدا ناں یہوداہ اسکریُوتی سی، جہیڑا اوہنوں پھڑان والا سی، کہن لگا،
\v 5 ۵۔ " ایہ عطر ۳۰۰ دینار وچ ویچ کے غریباں نوں کیوں نہیں دتا گیا؟"
\v 6 ۶۔ اونے ایہ, ایس لئی نہیں کہیا سی کہ اونوں غریباں دی فکر سی, بلکہ ایس لئی کہ او چور سی. تےکیونکہ اوہدے کول اوناں دی پیسے دی تھیلی رہندی سی۔اوہدے وچ جو کجھ پیندا سی او اوہدے وچوں کڈھ لیندا سی۔
\v 7 ۷۔ تد یُسوع نے کہیا کہ، " اونوں ایہ عطر میرے دفن دے دن لئی رکھن دے۔
\v 8 ۸۔ کیونکہ غریب غُربا تے ہمیشہ تواڈے نال نے پر میں ہمیشہ تواڈے نال نہیں رواں گا "۔
\p
\v 9 ۹۔ تد یہودیاں وچوں, عوام ایہ پتہ کر کے, کہ او اوتھے ای ہے، او نہ صرف یُسوع دے سبب توں اوتھے آئے بلکہ ایس لئی کہ لعزر نوں ویکھن، جنوں اونے مُردیاں وچوں زندہ کیتا سی۔
\v 10 ۱۰۔ پر سردار کاہناں نے مشورہ کیتا کہ لعزر نوں وی مار دینے آں۔
\v 11 ۱۱۔ کیوں جو اوہدی وجہ نال چوکھے یہودی چلے گئے تے یُسوع تے ایمان لے آئے۔
\p
\v 12 ۱۲۔ دوجے دن بہت سارے لوکی جہیڑے عید واسطے آئے سن، ایہ سُن کے کہ یُسوع یروشلیم وچ آوندا پیا اے،
\v 13 ۱۳۔ کھجور دیاں ٹہنیاں لئیاں تے اوہدے استقبال نوں نکل کے شور مچان لگے کہ " ہو شعنا، مبارک اے او جہیڑا خُداوند دے ناں تے آندا اے تے اسرائیل دا بادشاہ اے "۔
\v 14 ۱۴۔ جدوں یُسوع نوں گدھے دا بچہ ملیا تے او اوہدے تے سوار ہویا۔ جیویں لکھیا اے۔
\q
\v 15 ۱۵۔ " اے صیُیون دی بیٹی نہ ڈر۔ ویکھ تیرا بادشاہ گدھے دے بچے تے بھہ کے آندا اے "۔
\p
\v 16 ۱۶۔ اوہدے شاگرد پہلاں تے ایہ گلاں نہ سمجھے پر جدوں یُسوع اپنے جلال نوں پہنچیا، تے اوناں نوں یاد آیا کہ اے گلاں اوہدے حق وچ لکھیاں ہوئیاں سن۔ لوکاں نے اوہدے نال ایہ سلوک کیتا سی۔
\p
\v 17 ۱۷۔ تد اوناں لوکاں نے گواہی دتی، جہیڑے اوس ویلے اوہدے نال سن جدوں لعزر نوں قبر وچوں باہر بُلایا، تے اونوں مُردیاں وچوں زندہ کیتا۔
\v 18 ۱۸۔ ایسے لئی لوکی اوہدے استقبال لئی نکلے۔ اوناں سُنیا سی کہ اونے ایہ معجزہ وکھایا اے۔
\v 19 ۱۹۔ تاں فریسیاں نے آپس وچ کہیا، " سوچو ، تواڈے کولوں کجھ وی نہیں ہون ڈیا۔ ویکھو، سارا جگ اوہدا پیروکار ہو چلیا اے "۔
\p
\v 20 ۲۰۔ جہیڑے لوکی عید تے پرستش کرن آئے سن، اوناں وچوں کئی یُونانی وی سن۔
\v 21 ۲۱۔ تاں اوناں نے فلپس کول آ کے، جہیڑا بیت صیدا گلیل دا رہن والا سی، اوہدی منت کیتی کہ "جناب، اسی یُسوع نوں ویکھنا چاہندے آں "۔
\v 22 ۲۲۔ فلپس نے آ کے اندریاس نوں کہیا۔ فیر اندریاس تے فلپس نے آ کے یُسوع نوں خبر دتی.
\v 23 ۲۳۔ یُسوع نے جواب وچ اوناں نوں کہیا،" او ویلا آ گیا اے کہ ابن آدم جلال پائے "۔
\v 24 ۲۴۔ میں توانوں سچ سچ کہندا آں کہ " جدوں تک کنک دا دانہ زمین وچ ڈگ کے مر نہیں جاندا، کلا ای رہندا اے, پر جدوں مر جاندا اے تے او بہت سارا پھل لیوندا اے۔
\v 25 ۲۵۔ جہیڑا اپنی جان نوں عزیز رکھدا اے او اونوں کھو دیندا اے۔ تے جہیڑا دُنیا وچ اپنی جان نال عداوت رکھدا اے, او اونوں ہمیشہ دی زندگی واسطے محفوظ رکھے گا۔
\v 26 ۲۶۔ جے کوئی بندہ میری خدمت کرے تے میرے پچھے آوے، او جتھے میں واں اوتھے میرا خادم وی ہووے گا۔ جے کوئی میری خدمت کرے گا تے باپ اوہدی عزت کرے گا۔ ہُن میری جان گھبراندی پئی اے۔
\p
\v 27 ۲۷۔ فیر میں کی کواں؟ اے باپ، مینوں ایس گھڑی توں بچا۔ پر میں ایسے سبب نال میں ایس گھڑی تک پہنچیا واں۔
\v 28 ۲۸۔ اے باپ، اپنے ناں نوں جلال دے "۔ فیر آسمان توں آواز آئی کہ " میں اونوں جلال دتا اے تے فیر وی دواں گا "۔
\v 29 ۲۹۔ جہیڑے لوکی اوتھے کھلوتے سُن رہے سن، اوناں نے کہیا، " بدل گرجیا اے" دوسریاں نے کہیا، " فرشتے نے اوہدے نال گل کیتی اے "۔
\v 30 ۳۰۔ یُسوع نے کہیا، " ایہ آواز میرے لئی نہیں تواڈے واسطے آئی اے۔
\v 31 ۳۱۔ ہُن دُنیا دی عدالت کیتی جاندی اے۔ ہُن دُنیا دا سردار کڈھ دتا جاوے گا ۔
\v 32 ۳۲۔ میں زمین توں آُچے تے چڑھایا جاواں گا۔ تے ساریاں نوں اپنے کول کھچ لوانگا "۔
\v 33 ۳۳۔ اونے ایس گل ول اشارہ کیتا کہ میں کہیڑی موت توں مرن والا آں۔
\p
\v 34 ۳۴۔ لوکاں نے اونوں جواب دتا، " اساں شریعت دی ایہ گل سُنی اے کہ مسیح ابد تک رہیگا۔ فیر تُوں کیوں کر کہنا ویں کہ ابن آدم دا اُچے تے چڑھایا جانا ضرور اے؟ ایہ ابن آدم کون اے؟"
\v 35 ۳۵۔ ایدے تے یُسوع نے اوناں نوں کہیا، " تھوڑی ہور دیر تک نُور تواڈے درمیان اے۔ جدوں تک نُور تواڈے نال اے، چل دے جائو۔ ایہ نہ ہووے پئِ ہنیرا توانوں آ لوے۔ تے جہیڑا ہنیرے وچ چلدا اے او نہیں جاندا کہ کدھر جاندا اے۔
\v 36 ۳۶۔ جدوں تک نُور تواڈے نال اے نُور اُتے ایمان لیائو تاں جو نُور دے فرزند بنو "۔ یُسوع ایہ گلاں کر کے چلا گیا تے اوناں کولوں اپنے آپ نوں چُھپایا۔
\v 37 ۳۷۔ حالانکہ یُسوع نے اوناں دے سامنے اینے معجزے وکھائے، فیر وی او اوس تے ایمان نہ لیائے۔
\v 38 ۳۸۔ تاں جو یسعیاہ بنی دا کلام پُورا ہووے جہیڑا اونے کہیا کہ،" اے خُداوند، ساڈے کلام دا کنے یقین کیتا وے؟ تے خُدا وند دا ہتھ کس تے ظاہر ہویا وے؟
\v 39 ۳۹۔ ایس سبب نال او ایمان نہ لیا سکے کیوں جو یسعیاہ نے فیر کہیا اے،
\v 40 ۴۰۔ اونے اوناں دیاں اکھاں نوں انا تے اوناں دے دل نوں سخت کر دتا اے۔ انج نہ ہو جاوے کہ او اکھاں توں ویکھن تے دل توں سمجھ لین تے رُجوع کرن۔ تے میں اوناں نوں شفا دیاں"۔
\p
\v 41 ۴۱۔ یسعیاہ نے ایہ گلاں ایس لئی کہئیاں سن کیوں جو اونے اوہدا جلال ویکھیا سی۔ تے اونے اوہدے ای بارے کلام کیتا۔
\p
\v 42 ۴۲۔ فیر وی سرداراں وچوں بتھیرے یُسوع اُتے ایمان لیائے پر فریسیاں دے سبب نال اقرار نہ کر دے سن تاں جو او عبادت خانے وچوں کڈھ نہ دتے جان۔
\v 43 ۴۳۔ کیوں جو خُدا کولوں عزت حاصل کرن دی بجائے انسان توں عزت حاصل کرنا چاہندے سن۔
\p
\v 44 ۴۴۔ یُسوع نے اُچی آواز وچ کہیا، " کہ جو میرے تے ایمان لیندا اے او میرے تے نہیں بلکہ میرے بھیجن والے تے ایمان لیندا وے۔
\v 45 ۴۵۔ تے جہیڑا مینوں ویکھدا اے او میرے بھیجن والے نوں ویکھدا اے۔
\v 46 ۴۶۔ میں نُور ہو کے دُنیا وچ آیا واں تاں جو کوئی میرے تے ایمان لیائے، ہنیرے وچ نہ رہے۔
\p
\v 47 ۴۷۔ جے کوئی میریاں گلاں سُن کے اوناں تے عمل نہ کرے تے مین اونوں مُجرم نہیں ٹھہراوندا۔ کیوں جو میں دُنیا نوں مُجرم ٹھہراون نہیں بلکہ دُنیا نوں نجات دین آیا واں۔
\v 48 ۴۸۔ جو مینوں نہیں مندا او میریاں گلاں نوں قبول نہیں کر دا. اوہدا اک مُجرم ٹھہران والا ہے یعنی جو کلام میں کیتا اے، آخری دن اوہی کلام اونوں مُجرم ٹھہرا ئے گا۔
\v 49 ۴۹۔ کیوں جو میں کجھ وی اپنے ولوں نہیں کہیا بلکہ باپ جنے مینوں بھیجیا اے اونے ای مینوں حُکم دتا اے کہ کی آکھاں تے کی بولاں۔
\v 50 ۵۰۔ تے میں جاندا واں کہ اوہدا حُکم ہمیشہ دی زندگی اے۔ ایس لئی جو کجھ میں کہنا واں، جیویں باپ نے مینوں دسیا اے اوسے طرح میں کہنا واں۔
\c 13
\cl باب ۱۳
\p
\v 1 ۱۔ عیدِ فسح توں پہلاں جدوں یُسوع نوں پتہ لگ گیا پئی میرا وقت آ پہنچیا اے کہ دُنیا توں رُخصت ہو کے باپ دے کول چلا جاواں تے اپنے اوناں لوکاں نال جہیڑے دُنیا وچ سن ، اوناں نال محبت رکھی تے آخر تیک محبت رکھدا رہیا۔
\v 2 ۲۔ ہُن ابلیس ، شمعون دے پُتر یہودا اسکر یوتی دے دل وچ پا چُکیا کہ اونوں شام دا کھانا کھان ویلے پکڑوائے۔
\v 3 ۳۔ یُسوع ایہ جان گیا سی کہ باپ نے ساریاں چیزاں اوہدے ہتھ وچ کر دیتاں نے تے او خُدا ولوں آیا اے تے خُدا ول ای واپس جانا اے۔
\v 4 ۴۔ او کھانا کھاندیاں اُٹھیا تے اپنا چوغہ اُتاریاتے تولیہ لے کے اپنے لک دے دوالے بنیا۔
\v 5 ۵۔ ایدے بعد اک پانڈے وچ پانی پا کے شاگرداں دے پیر دھون لگا تے لک دے دوالے بنے ہوئے تولئے نال پونجنا شروع کیتا۔
\p
\v 6 ۶۔ فیر او شمعون پطرس کول آیا تے اونے اونوں کہیا، " خُداوند ،کی توں میرے پیر دھویں گا؟"
\v 7 ۷۔ یُسوع نے جواب دتا کہ، " میں جو کجھ کر رہیا واں او توں نہیں جاندا پر بعد وچ سمجھے گا"
\v 8 ۸۔ پطرس نے اونوں کہیا کہ ، " تو ں کدے وی میرے پیر نہیں دھو سکیں گا" ۔ یُسوع نے اونوں جواب وچ کہیا کہ، " جے میں تینوں نہ دھواں تے تُو ں میرے نال شریک نہیں"۔
\v 9 ۹۔ شمعون پطرس نے اونوں کہیا، " اے خداوند، میرے پیر ای نہیں بلکہ ہتھ تے سر وی دھو دے"۔
\v 10 ۱۰۔ یُسوع نے اونوں کہیا، " جہیڑا نہاتا ہووے اونوں پیراں دے سوا ہور کجھ دھون دی لوڑ نہیں۔ بلکہ پاک اے تے توں پاک ایں لیکن سارے نہیں"۔
\v 11 ۱۱۔ کیوں جو او اپنے پکڑوان والے نوں جاندا سی ایس لئی کہیا کہ تُسی سارے پاک نہیں۔
\p
\v 12 ۱۲۔ جدوں او ساریاں دے پیر دھو چُکیا تے اپنے کپڑے پا کے فیر بہھ گیا۔تے اوناں نوں کہیاکہ، " تُسی جاندے او کہ میں تواڈے نال کی کیتا؟
\v 13 ۱۳۔ تُسی مینوں اُستاد تے خُداوند کہندے او تے خوب کہندے او ، کیوں جو میں ،ہاں
\v 14 ۱۴ جدوں میں خُداوند تے اُستاد ہو کے تواڈے پیر دھوئے نے، تے تُسی وی اک دوجے دے پیر دھویا کرو۔
\v 15 ۱۵۔ کیوں جو میں توانوں اک نمونہ وکھایا اےکہ جیویں میں تواڈے نال کیتا اے تُسی وی کیتا کرو۔
\v 16 ۱۶۔ میں توانوں سچ سچ کہنا واں کہ پئی نوکر اپنے مالک توں وڈا نہیں ہوندا تے نہ بھیجیا ہویا بھیجن والے تو وڈا ہوندا اے۔
\v 17 ۱۷۔ جے تُسی ایناں گلاں نوں جاندے او تے انج ای کردے ُ او تے تُسی مبارک او۔
\v 18 ۱۸۔ میں تواڈے ساریاں دی بابت نہیں کہندا۔ جناں نوں میں چُنیا اے اوناں نوں میں جاندا واں۔ پر ایہ ایس لئی اے پئی نوشتہ پورا ہووے۔کہ جہیڑا میری روٹی کھاندا اے اونے میرے اُتے لت چُکی ۔
\p
\v 19 ۱۹۔ ہُن میں توانوں ہون توں پہلاں ای دسنا واں کہ جدوں ہو جائے تے تُسی ایمان لیاو کہ میں اوہو ای آں۔
\v 20 ۲۰۔ میں توانوں سچ سچ کہنا واں پئی جو میرے بھیجن والے نوں قبول کردا اے او مینوں قبول کردا وے تے جہیڑا مینوں قبول کر دا اے میرے بھیجن والے نوں قبول کردا اے"۔
\p
\v 21 ۲۱۔ ایہ گلاں کر کے یُسوع اپنے دل وچ گھبرایا تے ایہ گواہی دتی کہ ، " میں توانوں سچ کہنا واں کہ تواڈے وچوں اک بندہ مینوں پکڑوائے گا"۔
\v 22 ۲۲۔ شاگرد اک دوجے ول ویکھن لگ گئےتے حیران ہوئے کہ او کون ہو سکدا اے۔
\v 23 ۲۳۔ اوہدے شاگرداں وچوں جدے نال یُسوع بہت محبت کر دا سی ، او یُسوع دے سینے دے ول لگ کے بیٹھا سی۔
\v 24 ۲۴۔ تاں شمعون پطرس نے اونوں اشارہ کر کے کہیا، "ایدے کولوں پُچھ ایہ کدے بارے کہہ رہیا اے"
\v 25 ۲۵۔ اونے اوسے طراں یُسوع دی چھاتی دا سہارا لے کے کہیا، " مالک او کون اے ؟ "
\v 26 ۲۶۔ یُسوع نے جواب دتا کہ جنوں میں نوالہ ڈبو کے دواں گا، اوہی اے"۔ فیر اونے نوالہ ڈبویا تے لے کے شمعون اسکر یوتی دے پُتر یہوداہ نوں دے دتا۔
\v 27 ۲۷۔ تے ایس نوالے دے بعد شیطان اوہدے وچ وس گیا۔ یُسوع نے اونوں آکھیا، توں جو کجھ کرنا ایں چھیتی کر لے"۔
\v 28 ۲۸۔ مگر جہیڑے وی کھانا کھان بیٹھے سن اوناں وچوں کسے نوں ایہ پتہ نہ چلیا کہ اونے ایہ اونوں کیوں کہیا۔
\v 29 ۲۹۔ کیوں جو یہوداہ دے کول تھیلی رہندی سی ایس واسطے کجھ نے ایہ سمجھیا پئی یُسوع اونوں ایہ کہہ رہیا اے کہ جو کجھ وی سانوں عید واسطے چاہیدا اےخرید لے یا یہ کہ محتاجاں نوں دے دے۔
\v 30 ۳۰۔ تا ں او نوالہ لے کے چھیتی نال باہر چلا گیا۔تے ایہ رات دا وقت سی۔
\p
\v 31 ۳۱۔ جدوں او باہر چلا گیا تے یُسوع نے کہیا کہ، " ابنِ آدم نے جلال پایا تے خُدا نے اوہدے وچ جلال پایا " ۔
\v 32 ۳۲۔ تے خُدا وی اونوں اپنے وچ جلال دیوے گا۔بلکہ فی الفور، اوسے ویلے جلال دیوے گا۔
\p
\v 33 ۳۳۔ اے بشو، میں ہور تھوڑی دیر تواڈے نال واں۔ تُسی مینوں دھوندو گے تے جیویں میں یہودیاں نوں کہیا کہ جتھے میں جانا واں تُسی نہیں آ سکدے،۔ اونج ای میں توانوں وی کہنا واں۔
\v 34 ۳۴۔ میں توانوں اک نواں حکم دینا واں پئی اک دوجے نال محبت رکھو ، جیویں میں تواڈے نال محبت رکھی۔
\v 35 ۳۵۔ جے تُسی آپس وچ محبت رکھو گے تے توانوں سب جانن گے کہ تُسی میرے شاگرد او۔
\p
\v 36 ۳۶۔ شمعون پطرس نے اونوں کہیا، " اے خُداوند، توں کتھے جانا ایں؟ " یُسوع نے جواب دتا کہ جتھے میں جاناواں، ہُن توں میرے پچھے نہیں آ سکدا۔ پر بعد وچ میرے پچھے آویں گا " ۔
\v 37 ۳۷۔ پطرس نے اونوں کہیا، " اے خُداوند، میں ہُن تیرے پچھے کیوں نہیں آ سکدا؟" میں تے تیرے لئی اپنی جان وی دے دواں گا"
\v 38 ۳۸۔ یُسوع نے جواب دتا، ، " کی توں میرے لئی اپنی جان وی دے دیویں گا؟ میں تینوں سچ سچ کہنا واں کہ کُکڑ اوناں تیکر بانگ نہیں دیوے گا جدوں تک توں تن واری میرا انکار نہ کر لیں گا"۔
\c 14
\cl باب ۱۴
\p
\v 1 ۱۔اپنے دِلاں نوں پریشان نہ کرو۔ تُسی خُدا تے یقین رکھدے او۔ میرے تے وی یقین رکھو۔
\v 2 ۲۔میرے پیو تے دے گھر وچ بہترے کمرے نیں ۔جے نہ ہُندے تے میں تانوں دَس دیندا۔ ایس لئی میں جاناں واں تاں جو تہاڈے لئی تھاں تیار کراں۔
\v 3 ۳۔تے جے مَیں جا کے تہاڈے لئی تھاں تیار کراں گا تے میں تہانوں آپ لین لئی واپس آواں گا تاکہ جِتھے میں ہوواں تُسی وی اوہدے ای ہووؤ۔
\v 4 ۴۔تُسی جانندے او کہ میں کتھے جانا واں۔
\p
\v 5 ۵۔تُوما نے یسوع نوں آکھیا، مالک اسی نئیں جانندے کہ تُسی کِتھے جاندے او تے فیر سانوں راہ دا کینج پتہ لگے گا؟
\v 6 ۶۔یسوع نے اونوں کیا، راہ سچائی تے زندگی (حیاتی) میں آں، کوئی میرے باجوں پیو دے کول نئیں آ سکدا۔
\v 7 ۷۔جے تُسی مینوں جان لیا اے تے میرے پیو نوں وی جاندے او۔ ہن توں بعد تُسی اونوں جانندے او تے اونوں ویکھ لیا اے۔
\p
\v 8 ۸۔فلپس نے یسوع نوں کِیا، مالک، سانو پیو وکھا دے تے سادے لئی اینا ای بڑا ہووے گا۔
\v 9 ۹۔یسوع نے اونوں کیہا، فلپس میں اپنے چِر توں تہاڈے نال آں تے توں مینوں ہجے وی نئیں جانندا؟ جس کِسے نے مینوں ویکھیا اے اونے پیو نوں ویکھیا اے۔ تُوں کیویں آکھنا ایں کہ پیو نُوں سانوں وکھا دے؟
\v 10 ۱۰۔کی تُسی یقین نئیں رکھدے کہ میں پیو وچ آں تے پیو میرے وچ اے؟ جیڑیاں گلاں میں تہانوں کہنا واں اپنے آختیار نال نئیں کہندا بلکہ پیو جیہڑا میرے اندر وسدا ات اہوی اپنا کم کردا اے۔
\v 11 ۱۱۔میرا یقین کرو کہ میں پیو وچ آں تے پیو میرے وچ اے تے جے نئیں تے اوہدے کماں اُتے ای یقین کرو۔
\v 12 ۱۲۔میں تہانوں سچ سچ آکھناں واں کہ ج میرے تے یقین رکھدا اے میرے ورگے کم کرے گا تے کیوں جو میں پیو کول جاناں واں ایس لئی او ایناں توں وی وڈے کَم کرے گا۔
\v 13 ۱۳۔کو کجھ وی تُسی میرے ناں وچ منگو گے مَیں او کراں گا تاں جو پیو پُتر وچ جلال پاوے۔
\v 14 ۱۴۔جے تُسی میرے ناں وچ میتھوں کجھ منگو گے میں اوہ کراں گا۔
\p
\v 15 ۱۵۔جے تُسی مینوں پیار کردے او تے فیر میرے حکماں نُوں منو گے۔
\v 16 ۱۶۔تے میں پیو کولوں دُعا کراں گا تے او تہانوں ایک ہور تسلی دین والا دیوے تاں جو او سدا تیک تہاڈے نال روَے۔
\v 17 ۱۷۔سچائی دی روح، دینا اونوں پا نئیں سکدے کیوں جو نہ اونوں جاندی اے تے نہ ای اونوں ویکھ سکدی اے۔ پر تُسی اونوں جاندے او کیوں جو او تہاڈے نال رہندا اے تے تہاڈے اندر ہووے گا۔
\v 18 ۱۸۔مَیں تہانوں یتیم نہ چھڈاں گا۔ میں تہاڈے کول واپس آواں گا۔
\v 19 ۱۹۔پر تھوڑی لوڑ لئی دنیا مینوں نہ ویکھے گی پَر تُسی مینوں ویکھو گے۔ کیونکہ میں جیناں واں تے تُسی وی جیو گے۔
\v 20 ۲۰۔تے اوس دِن تُسی جانو گے کہ میں پیو وچ آں تے تُسی میرے وچ او تے میں تہاڈے وچ آں۔
\v 21 ۲۱۔جہدے کول میرے حکم نیں تے او اوناں نوں مندا اے او مینوں پیار کردا اے تے جیڑا مینوں پیار کردا اے میرا پیو اونوں پیار کرے گا۔ تے میں اونوں پیار کراں گا تے آپنا آپ اوہدے اُتے ظاہر کراں گا۔
\p
\v 22 ۲۲۔یہوداہ (جیہڑا سکر یوتی نئیں سی) نے یسوع نوں کیہا ’’کیوں تُوں اپنے آپ نوں سانوں وکھاویں گا پر دنیا نوں نئیں؟‘‘
\v 23 ۲۳۔یسوع نے اونوں جواب چ کیہا، ’’جے کوئی مینوں پیار کرےگا او میریاں گلاں مَنے گا۔ میرا پیو اونوں پیار کرے گا تے اسی دونویں اوہدے کول آواں گے تے اوہدے نال ڈیرہ لاواں گے (اوہدے گھر چ رواں گے)۔
\v 24 ۲۴۔جو کوئی مینوں پیار نئیں کردا او میریاں گَلاں نئیں مندا۔ جو گلاں تے کلام تُسی سُندے او۔ او میرے ولوں نئیں بلکہ پیو ولوں اے جِنے مینوں کلیا اے۔
\v 25 ۲۵۔جدوں میں تہاڈے نال آن تے میں تہانوں اے ساریاں گلاں دسیاں نیں۔
\v 26 ۲۶۔پَر او تسلی دین والا جنوں پیو میرے ناں وچ کلے گا او تہانوں سب کجھ سکھاوے گا تے جو کجھ مَیں تہانوں کیہا اے تہانوں یاد کراوے گا۔
\v 27 ۲۷۔میں تہانوں سلامتی وچ چھڈنا واں۔ میں تہانوں اپنی سلامتی دینا واں۔ میں اونج نئیں دینا جیویں دنیا دیندی اے۔ تہاڈا دل نہ کبراوے تے نہ ہی تُسی ڈریو۔
\p
\v 28 ۲۸۔تُسی سُنیا اے کہ میں تہانوں کیہا کہ میں جاناں واں تے تہاڈے کول واپس آواں گا۔ جے تُسی مینوں پیار کردے او تے خوش ہوؤو کہ میں پیو کول جاناں واں کیوں جو پیو میرے نالوں بہت وڈا اے۔
\v 29 ۲۹۔ہن میں تہانوں پیلاں ای دَس دتا اے تاں جو جدو اے ہووے تُسی ایدا یقین کرو۔
\v 30 ۳۰۔میں تہاڈے نال ہور گلاں نئیں کراں گا کیوں جو دنیا دا سردار آندا اے تے اوہدا میرے اُتے کوئی اختیار نئیں اے۔
\v 31 ۳۱۔پر ایس لئی کہ دنیا جانے کہ میں پیو نوں پیار کرنا ہاں میں اوہی کراں گا جو پیو نے مینوں حکم دِتا اے۔ چلو اُٹھو ایتھوں چلئیے۔
\c 15
\cl باب ۱۵
\p
\v 1 ۱۔میں انگور دی اصلی بیل ہاں تے میرا پیو باغبان اے۔
\v 2 ۲۔میرے وچ لگی ہر اوس ٹہنی (شاخ) نوں جیہڑی پھل نئیں دیندی اونوں او کٹ وڈ دیندا اے۔ تے جیہڑا شاخ پھل دیندی اے اونوں او چھانگدا اے تاکہ اوہ بہتا پھل دیوے۔
\v 3 ۳۔او پیغام جیہڑا میں تہانوں پہلے ای دِتا اے تُسی اوہدی وجہ توں پاک صاف او۔
\v 4 ۴۔میرے وچ لگے روؤ تے میں تہاڈے وِچ جیویں او ٹہنی جیڑی انگور دی بیل وچ نہ لگی ہووے اپنے آپ پھل نیں دے سکدی ایویں ای تُسی وی جے میرے وچ نہ جڑے ہووُو تے پھل نئیں دے سکدے۔
\p
\v 5 ۵۔میں انگور دی بیل آں تے تُسی میریاں ٹینیاں او۔ او جیڑا میرے وچ لگا رہندا اے تے میں اوہدے وچ او چوکھا پھل دیندا اے کیوں جومیرے بغیر تُسی ککھ نئیں۔
\v 6 ۶۔جو کوئی میرے وچ لگیا نئیں ریندا او ٹینی ونگوں سُٹیا جاندا اے تے سُک جاندا اے۔ تے لوکی ایناں سُکیاں ٹینیاں نوں کٹھا کر کے اگ چ پادیندے نیں تے او سڑ جاندیاں نیں۔
\v 7 ۷۔جے تُسی میرے وچ جڑے رؤو تے میریاں گلاں تہادے وچ رہن تے فیر جو چاہو منگو او تہاڈے لئی ہو جاوے گا۔
\v 8 ۸۔میرے پیو دی وڈیائی ہُندی اے کہ تُسی چوکھا پھل دیو ایس لئی ثابت کرو کہ تُسی میرے چیلے او۔
\p
\v 9 ۹۔جیویں پیو نے مینوں پیار کیتا میں وی تہانوں پیار کیتا۔ میرے پیار وچ بنے رؤو۔
\v 10 ۱۰۔جیویں میں پِتا دے پیار وچ رہنا ہاں تے اوہدے حکماں نوں مننا ہاں جے تُسی وی مینوں پیار کردے ہوئے میرے حُکماں تے عمل کرو۔
\v 11 ۱۱۔میں تہانوں اے گلاں ایس لئی دِسیاں نیں کہ میری خوشی تہاڈے وچ ہووے تے تہاڈی خوشی پوری ہو جاوے۔
\v 12 ۱۲۔اے میرا حکم اے کہ تُسی اک دوجے نوں پیار کرو جیویں میں تہانوں پیار کیتا اے۔
\v 13 ۱۳۔کوئی وی کِسے نوں اینا پیار نئیں کردا کہ اپنے یاراں لئی اپنی جان دے دیوے۔
\v 14 ۱۴۔جنیاں گَلاں دا میں تہانوں حکم دِتا اے جے تُسی او منو تے تُسی میرے یار او۔
\v 15 ۱۵۔ہُن تو میں تہانوں خادم تے نوکر نہ آکھاں گا کیوں جو نوکر نئیں جان دا کہ اوہدا مالک کی کردا اے۔ میں تہانوں اپنا یار تے ساتھی کیہا اے تاں جو جو کجھ وی میں پیو کولوں سُنیا سب کجھ تہانوں دس دِتا اے۔
\v 16 ۱۶۔تُسی مینوں نئیں چُنیا بلکہ میں تہانوں چُنیا اے تے مُقرر کیتا اے کہ تُسی جاؤ تے پھل لیاؤ تے تہاڈا پھل قائم روَے۔ ایس لئی جو کجھ تُسی پیو کولوں میرے ناں وچ منگو گے او او تہانوں دیوے گا۔
\v 17 ۱۷۔میں تہانوں اینا گلاں دا حکم دینا واں کہ تُسی اِک دوجے نال محبت رکھو۔
\p
\v 18 ۱۸۔جے دُنیا تہاڈے نال نفرت کرے تے یاد رکھوکہ پہلے دنیا نے میرے نال وی نفرت کیتی اے۔
\v 19 ۱۹۔جے تُسی دنیا دے ہُندے تے دنیا تانوں اپنے وانگوں پیار کردی۔ پر تاں جو تُسی ایس دنیا دے نئیں تے میں تہانوں ایس دنیا وچوں چُن لیا اے ایس لئی اے دنیا تانوں نفرت کردی اے۔
\v 20 ۲۰۔یاد رکھو کہ میں تانوں دِسیا سی کہ ’نوکر آپنے مالک نولوں وڈا نئیں ہُندا‘۔ جے ایناں نے مینوں ستایا اے تے تہانوں وی ستان گے، جے ایناں نے میری گَل مَنی تے فیر تہاڈی گَل وی منن گے۔
\v 21 ۲۱۔میرے ناں دی وجہ توں او ایہ سارے کم تہاڈے نال کرن گے کیوں جو او میرے کلن والے نوں نئیں جان دے۔
\v 22 ۲۲۔جے میں نہ آیا ہوندا تے اوناں نال نہ بولیاں ہُندا تے او گناہ نہ کردے پر ہن اوناں کول اوناں دے گناہ دی کوئی معافی نئیں۔
\v 23 ۲۳۔جو میتھوں نفرت کردا اے او میرے پیو توں وی نفت کردا اے۔
\v 24 ۲۴۔او کم جیڑے اوناں دے سامنے کِسے نے نئیں کیتے۔ میں کیتے نیں تے اوناں وچ گُناہ نہ ہندا پر اوناں نے ویکھیا تے فیر وی میرے نال تے میرے پیو۔ دونواں نال نفرت کیتی اے۔
\v 25 ۲۵۔پر ایہ ایس لئی ہویا کہ اوناں دے حکماں وچ لکھیا ہویا کلام پُورا ہووے کہ ’’اوناں نے بغیر وجہ دے میرے توں نفرت کیتی‘‘۔
\p
\v 26 ۲۶۔جدوں او تسلی دین والا، سچائی دی روح جِنوں میں باپ کولوں لے کے تہاڈے لئی کلاں گا۔ جیہڑا پیو کولوں آندا اے تے او میری گواہی دیوے گا۔
\v 27 ۲۷۔ تُسی وی ضرور میری گواہی دینا ایس لئی کہ تُسی شُروع توں میرے نال او۔
\c 16
\cl باب ۱۶
\p
\v 1 ۱۔مَیں تہانوں ایہ گلاں ایس لئی دَسیاں نیں کہ تُسی ڈِگ نہ پوؤ۔
\v 2 ۲۔او تہانوں مَقدس (ہیکل) وچوں کڈ دین گے۔ بلکہ ایہ ویلا آوے گا کہ جوکوئی تہانوں قتل کرےگا۔ سمجھے گا کہ اونے خُدا دی خدمت کیتی اے۔
\v 3 ۳۔او ایس لئی اے سب کرن گے کیوں جو اوناں نے نہ پیو نوں جانیا تےنہ ای مینوں۔
\v 4 ۴۔میں تہانوں ایہ سب ایس لئی دس رہیا ہاں کہ جدوں او ویلا آوے تے تانوں یاد رؤے کہ میں تانوں ایہ سب دَسیا سی۔ میں تہانوں شروع وچ ایہ سب نیں دَسیا سی کیوں جو میں تہاڈے نال ساں۔
\p
\v 5 ۵۔پر ہُن میں جنے مینوں کلیا اے اوہدے کول واپس جاناں واں تاں وی تُسی مینوں نئیں پُچھدے کہ ’’توں کِتھے جاناں ایں؟‘‘
\v 6 ۶۔تہانوں ایہ گلاں دس کے میرا دِل اُداس ہوگیا اے۔
\v 7 ۷۔پر سچی گل دَساں کہ ایہ چنگا اے کہ میں جاواں کیوں جو جے میں نہ جاواں تے او تسلی دین والا تہاڈے کول نئیں آوے گا پر جے میں جاواں تے میں اونوں تہاڈے کول پیچ دواں گا۔
\v 8 ۸۔پر جدوں تسلی دین والا آوے گا او دنیا نوں گناہ، راست بازی تے انصاف دے بارے غلط ثابت کرے گا۔
\v 9 ۹۔گناہ دے بارے کیوں جو اوناں نے میرا یقین نیں کِیتا۔
\v 10 ۱۰۔راستبازی دے بارے کیوں جو میں باپ کول جاناں واں تے تُسی مینوں فیر نہ ویکھو گے۔
\v 11 ۱۱۔تے انصاف دے بارے کیوں جو دنیا دے سردار نوں تولیا گیا اے (دی عدالت کیتی گئی اے)۔
\p
\v 12 ۱۲۔میں تہانوں بہت کجھ کہنا چاہنا واں پر تُسی اوناں توں برداشت نیں کر سکدے۔
\v 13 ۱۳۔پر جدوں او، سچائی دی روح آوے گی او تہانوں سارے سچائی ول لے کے جاوے گی کیوں جو او اپنے کولوں کجھ نہ بوے گا۔ او اوی کجھ کہوےگا جو کجھ سُنے گا۔ اَتے او تہانوں آن والیاں گلاں دَسے گا۔
\v 14 ۱۴۔او میری عزت کرائے گا کیوں جو او میرے کولوں ای لے کے تہانوں دَسے گا۔
\v 15 ۱۵۔جو کجھ وی پیو کول اے او میرا اے۔ ایس لئی مَیں کِیا اے کہ روح جو کجھ میرا اے او اوتہانوں دَسے گا۔
\p
\v 16 ۱۶۔تھوڑی لوڑ لئی تُسی مینوں نئیں ویکھو گے پر ہور تھوڑی لوڑ بعد تُسی مینوں فیر ویکھو گے۔
\v 17 ۱۷۔تے کجھ چیلیاں نے اک دوجے نوں پُچھیا کہ اے کی گل یسوع کہندا اے ’کہ تُسی تھوڑی لوڑ لئی مینوں نہ ویکھو گے پر تھوڑی لوڑ بعد فیر مینوں ویکھو گے‘‘۔ ایدا کی مطلب اے؟ تے نالے ایہ کہ مَیں پیو کول جاناں واں؟‘‘
\v 18 ۱۸۔ایس لئی او کین لگے کہ اوکی کیندا اے؟ ’تھوڑی لوڑ لئی‘ اسانوں نئیں پتہ کہ اوکی کیندا اے۔
\p
\v 19 ۱۹۔یسوع نے ویکھیا کہ اوہدے کولوں پُچھنا چاندے نیں تے اونے کِیا کہ کی تُسی ایہ پُچھنا چاندے ہو کہ میرا کی مطلب اے کہ ’’تھوڑی لوڑ لئی تُسی مینوں نئیں ویکھو گے تے فیر تھوڑی دیر بعد تُسی مینوں فیر ویکھو گے؟‘‘
\v 20 ۲۰۔میں تہانوں سچی سچی دَسنا کہ تُسی روؤ گے تے غم کرو گے پر دنیا خوش ہووے گی۔ تُسی اُداس ہوؤوگے پر تہاڈی اُداسی خوشی وچ بدل جاوے گی۔
\v 21 ۲۱۔جدوں عورت بچہ جمن لگدی اے تے دُکھی ہندی اے کیوں جون اُہدے دَر دا ویلا آگیا اے پر جدوں او بچہ جم لیندی اے تے اپنی تکلیف نوں یاد نئیں کردی کیوں جو ایک انسان دنیا وچ پیدا ہویا اے۔
\v 22 ۲۲۔ایس لئی تُسی اُداس ہو پر میں تہانوں فیر مِلاں گا تے تہاڈا دل خوش ہوؤے گا تے کوئی وی تہاتھوں تہاڈی خوشی نیں کھووَے گا۔
\v 23 ۲۳۔اوس دن تُسی مینوں کُج نہ پوچھو گے۔ میں تانوں سچ سچ کہنا واں کہ جے تُسی کجھ وی میرے ناں وچ پیو کولوں منگو گے او تہانوں دیوے گا۔
\v 24 ۲۴۔حالی تیک تُسی میرے ناں وچ کُجھ نئیں منگیا۔ منگو تے تہانوں مِلے گا تاکہ تہاڈی خوشی پُوری ہووے۔
\p
\v 25 ۲۵۔ہالی میں تہاڈے نال مثالاں وچ گلاں کردا ہاں پَر اوویلا آوے گا جدوں میں تہاڈے نال مثالاں وچ نیں بلکہ صاف صاف پیو دے بارے گلاں کراں گا۔
\v 26 ۲۶۔ اوس دن جدوں تُسی میرے ناں وچ کجھ منگو گے تے میں ایہ نئیں کہواں گا کہ میں پیو توں تہاڈے لئی دُعا کراں گا۔
\v 27 ۲۷۔کیوں جو پیو آپ تانوں پیار کردا اے کیوں جو تُسی یقین کیتا اے کہ میں خدا ولوں آیا وایاں تے تُسی مینوں پیار کر دے او۔
\v 28 ۲۸۔میں پیو کولوں ایس دنیا وچ آیا تے ہن مَیں دنیا چھڈ کے پیو کول جاناں واں۔
\p
\v 29 ۲۹۔اُہدے چیلیاں نے کِیا، ویکھ ہُن تُوں صاف صاف گل کرنا ایں تے مثالاں وچ نئیں کردا۔
\v 30 ۳۰۔ہُن اسی سمجھ گئے کہ تُوں سب کجھ جاندا ہیں تے کوئی نیں جو تیرے تھوں سوال پُوچھے۔ ایس لئی اَسی یقین کرنے آں کہ تُوں خدا ولوں آیا ایں۔
\p
\v 31 ۳۱۔یسوع نے جواب دِتا کی تُسی ہُن یقین کر دے او؟
\v 32 ۳۲۔ویکھو او ویلا آگیا اے، ہاں، بے شک آگیا اے جدوں تُسی سارے کھِلر جاؤ گے۔ ہر کوئی اپنے کَر نس جاوے گا۔ تے تُسی مینوں کلا چھڈ دیو گے۔ فیر وی مَیں کلا نئیں کیوں جو پیو میرے نال اے۔
\v 33 ۳۳۔میں تانوں ایہ گلاں ایس لئی دَسیاں نیں کہ تہاڈے اندر میری سلامتی ہووَے۔ دنیا وچ تہاڈے لئی مصیبت اے پر حونصلہ رکھو میں دنیا تے جِت پائی اے۔
\c 17
\cl باب ۱۷
\p
\v 1 ۱۔جدوں یسوع نے ایہ گلاں کیتیاں تے آسمان وَل ویکھ کہ ایہ کیہا، ’’باپ ویلا آگیا اے۔ پُتر نوں عزت دے تاں جو پُتر تینوں عزت دیوے۔
\v 2 ۲۔اوسی طرح جیویں تُوں اونوں جسم تے اختیار دِتا اے کے جو توں اونوں دتے نیں او اوناں نوں ہمیشہ دی حیاتی دَوے۔
\v 3 ۳۔تے ہمیشہ دی حیاتی اے وے کہ او تینوں، اک سچے خُدا نوں جانن تے اونوں جنوں توں کلیا اے جانن جو یسوع مسیح اے۔
\v 4 ۴۔میں زمین اُتے تیری وڈیائی کیتی اے۔ میں او کم جو تُو مینوں دِتا سی پورا کیتا اے۔
\v 5 ۵۔ہُن میرے باپ مینوں او عزّت دے جیہڑی دنیا دے بنن توں پہلے میں تیری نال رکھنا ساں۔
\p
\v 6 ۶۔جیہڑے لوکی توں مینوں ایس دنیا وچوں دِتے مَیں اوناں اُتے تیرا ناں ظاہر کِیتا۔ او تیرے نیں تے توں مینوں او دِتے تے اوناں نیں تیرے کلام تے عمل کیتا۔
\v 7 ۷۔ہن او جان دے نیں کہ جو کجھ تُوں مینوں دِتا تیرے وَلوں اے۔
\v 8 ۸۔مَیں تیرا سارا کلام اوناں نوں دِتا تے اوناں نے کلام نوں قبول کیتا تے او سچ مندے نیں کہ مَیں تیرے ولوں آیا واں تے او یقین کردے نیں کے تُوں مینوں کلیا اے۔
\v 9 ۹۔میں اوناں لئی دُعا کرنا واں، میں دنیا لئی دُعا نیں کردا پراوناں لئی جناں نوں توں مینوں دِتا کیوں جو او تیرے نیں۔
\v 10 ۱۰۔جو کجھ میرا اے او تیرا اے تے اوناں وچ میری عزت اے۔
\v 11 ۱۱۔میں ہن ایس دنیا وچ نیں ہوواں گا پر ایہ ہون گے تے میرے تیرے کول آنا واں۔ پاک پِتا اِناں نوں اپنے ناں لئی سانبھ کے رکھ تاں جو ایہ اک ہون جیویں اَسی اک ہاں۔
\v 12 ۱۲۔جدوں تیک میں ایناں نال ساں میں ایناں نوں یترے ناں نال جو توں مینوں دِتا سانبھ کے رَکھیا۔ میں ایناں دی راکھی کیتی تے ایناں وچوں ایک وی تباہ نیں ہویا سوائے موت دے پُتر دے۔ تاں جو کلام دا لِکھیا پُورا ہووے۔
\p
\v 13 ۱۳۔ہن میں تیرے کول آنا واں پر میں ایں گلاں دنیا وچ کرنا ہاں تاں جو میری خوشی ایناں وچ پُوری ہووے۔
\v 14 ۱۴۔میں ایناں نوں تیرا کلام دِتا اے۔ پر دنیا نے ایناں توں نفرت کیتی کیوں جو اے ایس دُنیا دے نیں جیویں مَیں ایس دنیا دا نیں ہاں۔
\v 15 ۱۵۔میں ایہ نیں کیندا کہ اوناں نوں ایس دنیا چوں کڈے پر ایناں دی شیطان توں حفاظت کر۔
\v 16 ۱۶۔جیویں میں ایس دنیا دا نیں ۔ اے وی ایس دنیا دے نیں۔
\v 17 ۱۷۔سچائی نال اوناں نوں وکھرا کرے۔ تیرا کلام سچائی اے۔
\v 18 ۱۸۔جیویں توں مینوں ایس دنیا وچ پیجیا۔ مَیں وی ایناں نوں دنیاں وچ پیجنا ہاں۔
\v 19 ۱۹۔اوناں لئی میں آپنے آپ نوں وکھرا کیتا تاں جو او وی سچائی لئی اپنے آپ نوں وکھرا کرن۔
\p
\v 20 ۲۰۔مَیں صرف ایناں لئی دُعا نیں کردا بلکہ اوناں لئی وی جو ایناں دا کلام سُن کے ایمان لیان گے۔
\v 21 ۲۱۔تاں جو ایہ سب ایک ہون جیویں اے باپ میں تیرے وچ تے توں میرے وچ ایک ہیں۔ تے ایں ساڈے وچ اک ہون تاکہ دنیا منے کہ تُوں ہی مینوں پیجیا ہے۔
\v 22 ۲۲۔جو عّزت توں مینوں بخشی میں ایناں نوں دِتی تاں جو ایہ وی اِک ہون جیویں اَسی اک ہاں۔
\v 23 ۲۳۔مَیں ایناں وچ۔۔۔ تے تُوں میرے وچ۔ اَسی اینج اکھٹے ہو جائیے کہ دینا منے کے تُوں مینوں کلیا اے تے توں ایناں نو اینج پیار کنا ایں جیویں تو ں مینوں پیار کرنا ایں۔
\p
\v 24 ۲۴۔اے باپ میں چاہناواں کہ ایہ وی اوتھے ہون جِتھے میں ہوواں تے ایہ میری او عزت تے وڈیائی ویکھن جیہڑی توں مینوں دنیا دی بُنیاد (نیو) رکھن توں پہلاں مینوں دِتی اے۔
\p
\v 25 ۲۵۔اے سچے باپ، دنیا تینوں نئیں جان دی پر مَیں تینوں جان دا ہاں تے اے جان دے نیں کہ توں مینوں کلیا اے۔
\v 26 ۲۶۔مَیں ایناں نوں تیرا ناں دَسیا اے تے دَساں گا تاں جو جو پیار تُوں مینوں کِیتا اے ایناں وچ وی ہووے تے میں وی ایناں وچ ہوواں۔
\c 18
\cl باب ۱۸
\p
\v 1 ۱۔ایہ گلاں کرن دے بعد یسوع تے اوہدے چیلے قدروں دے نالے دے پار اِک باغ سی، اوہدے وچ چلے گئے ۔
\p
\v 2 ۲۔تے یہوادہ جیہڑا اوہنوں توکھا دین والا سی اوس دھاں دے بارے جاندا سی کیوں جو یسوع تے اوہدے چیلے اکثر اوتھے مِلدے سَن۔
\v 3 ۳۔تے فیر یہوداہ بہت سارے سپاہیاں تے سردار کاہناں تے فریسیاں دے کئی افسراں نوں ہتھیار تے لالٹیناں تے بتیاں دے نال لے کے اوتھے آگیا۔
\v 4 ۴۔تے فیر یسوع سارا کجھ جان کے جو ہون ڈیا سی سمجھ کے اگے ودیا تے اوناں نوں پُچھیا ’’تُسی کِنوں لبھدے اے؟‘‘
\v 5 ۵۔اوناں نے جواب دِتا ’ناصری دے یسوع نوں‘ یسوع نے جواب دِتا ’مَیں ہی ہاں‘ یہّوداہ جو غدّار سی تے سپاہیاں دے نال ای کھلوتا سی۔
\v 6 ۶۔جدوں یسوع نے کیہا کہ ’میں ہی ہاں‘ او سارے پچھے ہٹ گئے تے زمین تے ڈِگ پئے۔
\v 7 ۷۔یسوع نے فیر پُچھیا تُسی کِنوں لبھدے او؟ اوناں نے فیر کیہا ’یسوع ناصری نُوں‘۔
\v 8 ۸۔یسوع نے جواب دِتا میں تانوں دَسیا تے ہے کہ میں ای ہاں تے جے تُسی مینوں لبھدے او تے ایناں نوں چھڈ دیو۔
\v 9 ۹۔ایہ ایس لئی کیہا تا کہ جو اونے کیہا سی او پورا ہووے کہ جِناں نوں تُوں مینوں دِتا میں اوناں وچوں اک وی نئیں گوایا۔
\p
\v 10 ۱۰۔تے شمعون پطرس کول اک تلوار سی تے اونے او تلوار کِھچ کے سردار کاہن دے نوکر دا کن وڈ دِتا۔ تے اوس نوکر دا ںان مالکس سِی۔
\v 11 ۱۱۔یسوع نے پطرس نوں کیہا کہ تلوار واپس میان وچ رکھ لے۔ جو پیالہ میرے پیو نے مینوں دِتا اے کی مَیں او نہ پِیواں؟
\p
\v 12 ۱۲۔تے سپاہیاں دی پلٹن تے سردار تے یہودیاں دے سرداراں نے یسوع نوں گرفتار کرکے بَن لیا۔
\v 13 ۱۳۔تے او پہلے یسوع نوں کیفاس جیہڑا اوس سال سردار کاہن سی اوہدے سُسر انناس کول لے کے گئے۔
\v 14 ۱۴۔کیفاس ای او بندہ سی جِنے یہودیاں نوں اے صلاح دِتی سی کے بہتر اے کے ساری قوم واسطے ایک ہی بندہ ماریا جاوے۔
\p
\v 15 ۱۵۔ شمعون پطرس تے ایک ہور چیلہ یسوع دے پیچھے آئے۔ ایہ چیلہ سردار کاہن دی جان پچھان دا سی تے او وی یسوع دے نال سردار کاہن دے ویڑے وچ داخل ہویا۔
\v 16 ۱۶۔پر پطرس دروازے چوں بار ہی کھلوتا سی۔ تے او چیلہ جدی جان پچھان سردار کاہن نال سی اونے دروازے دے چوکی داراں نال گل بات کیتی تے پطرس نوں وی اپنے نال اندر لے گیا۔
\v 17 ۱۷۔تے فیر ایک کُڑی جیڑی چوکی دار سی پطرس نوں کیہن لگی ’تُوں وی ایس بندے دے چیلیاں وچوں اک ہیں؟‘ اونے کیہا میں نیں آں۔
\v 18 ۱۸۔تے نوکر تے افسر جیہڑے اوتھے کھلوتے سَن کولیاں دی اَگ بال کے اپنے آپ نوں اگ سیکن ڈئے سَن۔ پطرس وی اوناں نال کَھلوکے اگ تاپن ڈیا سی۔
\p
\v 19 ۱۹۔تے سردار کاہن نے یسوع نوں اوہدی تعلیم تے اوہدے چیلیاں بارے پُچھیا۔
\v 20 ۲۰۔یسوع نے اونوں جواب دِتا،میں ساری دنیا دے سامنے کھلم کُھلا گل کیتی اے۔ یہودیاں دی عبادت گاہ تے ہیکل وچ جِتھے سارے کٹھے ہوندے نیں میں اوتھے تعلیم دِتی اے۔ میں کجھ وی لُک چھپ کے نئیں کیتا۔
\v 21 ۲۱۔تُوں مینوں کیوں پُچھیا ایں؟ اوناں کولوں پُچھ جناں نے مینوں سُنیا اے۔ ایں لوکی جانندے نیں میں کی کیہا اے۔
\v 22 ۲۲۔جدوں یسوع نے ایہ کیہا تے ایک افسر نے اگے وَدھ کے یسوع نو ماریا تے کیہا تُوں سردار کاہن نوں اینج جواب دینا ایں۔
\v 23 ۲۳۔یسوع نے کیہا جے تے میں غلط کیہا اے تے میرے تے گواہی دے۔ تے جے میں سِدی گل کیتی اے تے تُوں مینوں مارنا کیوں ایں۔
\v 24 ۲۴۔تے انناس نے اونوں بَن کے سردار کاہن کیفاس کول گل دِتا۔
\p
\v 25 ۲۵۔پطرس اوتھے کھلوتا اگ سیکن ڈیا سی۔ او لوکی اونوں پُچھن لگے کہ تُوں وی اوہدے چیلیاں وِچوں اک نئیں ایں؟ اونے انکار کیتا کہ میں نئیں آں۔
\v 26 ۲۶۔سردار کاہن دار ایک نوکر جو اوس بندے دا رشتہ دار سی جِدا کن پطرس نے باغ وچ وڈ دِتا سی۔ کین لگا کہ میں تینوں باغ وچ نئیں ویکھیا سی؟
\v 27 ۲۷۔تے پطرس نے فیر انکار کیتا تے مُکر گیا تے اوسے ہی ویلے کُکڑ نے بانگ دِتی۔
\p
\v 28 ۲۸۔فیر او یسوع نوں کیفاس کولوں لے کے حکومتی وڈے قلعے وچ لے گئے۔ اے صُبح سویرے دا ویلا سی تے او آپی وڈے قلعے دے اندر نہ گئے تاکہ ناپاک نہ ہون تے نالے فسح کھا سکن۔
\v 29 ۲۹۔تے پیلاطُوس آپ نِکل کے اوناں کول باہر آیا تے پُچھیا تُسی ایس شخص اُتے کی الزام لگاندے او؟
\v 30 ۳۰۔اوناں نے پیلاطُوس نوں جواب دِتا کہ جے اے بندہ بدکردار نہ ہوندا تے اسی اینوں تیرے حوالے نہ کردے۔
\v 31 ۳۱۔ایس لئی پہلاطوس نے اوناں نُوں کیہا کہ ’’تُسی اینوں آپنے نال لے جاؤ تے اپنے قانون دے مطابق اہدی عدالت کرو‘‘۔ یہودیاں نے اونوں جواب دِتا کہ ایہ ساڈے قانون وِچ نئیں ہے کہ کسی بندے نوں موت دی سزا دئیے۔
\v 32 ۳۲۔ایہ اوناں نے ایس لیئ کیہا تاکہ جو یسوع نے کیہا سی او پُورا ہووے کہ او کیس طرح دی موت مَرے گا۔
\p
\v 33 ۳۳۔تے پیلاطوس حکومتی وڈے قلعے دے اندر ٹُر گیا تے یسوع نوں آپنے کول بُلا کہ پُچھیا، ’’کی توں یہودیاں دا بادشاہ ایں؟
\v 34 ۳۴۔یسوع نے جواب دِتا توں اے آپ کیہنا ایں کہ دُوجیاں نے تینوں میرے بارے دَسیا اے؟
\v 35 ۳۵۔پیلاطوس بولیا ’کی میں یہودی ہاں، ہیں؟ تیرے آپنے لوکاں تے سردار کاہناں نے تینوں میرے حوالے کیتا اے۔ تُوں کی کِیتا اے؟
\v 36 ۳۶۔یسوع نے اونوں جواب دِتا میری بادشاہی تے راج ایس دنیا دی نئیں۔ جے میرا راج ایس دنیا دا ہُندا تے میرے چیلے لڑدے کہ یہودی مینوں گرفتار نہ کرن پر میرا راج ایس دھرتی دا نئیں اے۔
\v 37 ۳۷۔پیلاطوس نے کیہا کہ ’فیر کی توں بادشاہ ایں؟‘ یسوع نے جواب دِتا تُوں آپ کینا ایں کہ میں بادشاہ واں میں ایس کر کے پیدا ہویا تے ایسے لئی اسی دُنیا چ آیا تاکہ سچ دی گواہی دواں۔ جو کوئی سچ نُوں مندا اے او میری آواز سُندا اے۔
\v 38 ۳۸۔پیلاطُوس نے پچھیا کہ ’’سچائی کی اے‘‘؟ جدوں اونے ایہ کیہا تے باہر یہودیاں نوں جا کے کیہا کہ میں ایس بندے وچ کوئی قصور نئیں پاندا۔
\v 39 ۳۹۔پر تاڈا اے رواج اے کہ عیدِ فسح تے میں تہاڈے لئی اک مجرم نوں آزاد کراں تے میں تہاڈے لئی یہودیاں دے بادشاہ نوں چھڈ دواں؟
\v 40 ۴۰۔پر او چیکاں مار کہن لگے کہ اینوں نئیں بلکہ برابّا نوں چھڈ دے جیڑا ایک باغی سی۔
\c 19
\cl باب ۱۹
\p
\v 1 ۱۔تے فیر پیلاطُوس نے یسوع نوں کوڑے لوائے۔
\v 2 ۲۔سپاہیاں نیں کنڈیاں دا تاج بنا کے اوہدے سر تے رکھیا تے اونوں جامنی رنگ دا چوغہ پَوایا
\v 3 ۳۔ تے اوہدے اَگے ڈِگ کے کہن لگے ’’سلام یہودیاں دے بادشاہ تے نالے اونوں ماریا وی۔
\p
\v 4 ۴۔تے پیلاطُوس نے بار جاکے اوناں نوں کیہا ویکھو مَیں اونوں بار لے کے آنا واں تاکہ تانوں پتہ لگے کہ مَیں اوہدے وچ کوئی قُصور نئیں لَبھیا۔
\v 5 ۵۔تے یسوع کنڈیاں دا تاج تے جامنی چوغہ پا کے بار گیا۔ پیلاطُوس نے کیہا ’’ویکھو ایس بندے نُوں‘‘۔
\p
\v 6 ۶۔پَر جدوں افسراں تے سردار کاہناں نے یسوع نوں ویکھیا تے اُوچی اُچی کہن لگے اینو صلیب دے اینو صلیب دے۔ پیلاطُوس نے کیہا کہ تُسی آپیں اونوں لے کے جاؤ تے صلیب دئیو کیوں جو میں اوہدے وچ کوئی قصُور نئیں پایا۔
\v 7 ۷۔یہودیاں نیں اونوں جواب دِتا ساڈے قانون دے مطابق اونوں مَرنا پَوے گا کیوں جو اوہنے دعویٰ کیتا اے کہ ایہ رَب دا پُتر اے‘‘۔
\p
\v 8 ۸۔جدوں پیلاطُوس نے ایہ بیان سُنیا تے ہَور وی ڈر گیا۔
\v 9 ۹۔تے اونے شاہی قلعے دے اندر جا کے یسوع کولوں پُچھیا کہ تُوں کِتھوں آیا ایں؟ پر یسوع نے اونوں کوئی جواب نہ دِتا۔
\v 10 ۱۰۔تے پلاطُوس نے یسوع نوں کیہا کہ تُوں کیوں میری گَل دا جواب نئیں دیندا۔ کی تینوں نئیں پتہ کہ میرے کول تینوں چھڈن تے تینوں صلیب دین دا وی اختیار اے؟
\q
\v 11 ۱۱۔یسوع نے اونوں جواب دِتا تینوں میرے تے کوئی اختیار نئیں جَے تینوں اُتوں اختیار نہ مِلدا۔ ایس لئی جِنے مینوں تینوں پھڑوایا اے او بووتا گناہ گار اے۔
\p
\v 12 ۱۲۔ایہ جواب سُن کے پلاطُوس یسوع نوں چُھڈان لئی کوشش کرن لگا پر یہودیاں نے اُوچی اُوچی اونوں کیہا ’’جے تُوں ایس بندے نوں چھڈیا تے قیصر دا یار نئیں۔ کیوں جو جو کوئی آپنے آپ نوں بادشاہ بنا دا اے او قیصر دے خِلاف اے۔
\p
\v 13 ۱۳۔تے جدوں پیلاطُس نے اے گَل سُنی تے اونے یسُوع نوں بار بُلوایا تے آپ انصاف کرن والی کرسی اُتے جِنوں ’’فرش‘‘ کیندے نے تے بَہ گیا۔ پر اَرامی وچ اوس کرسی یا چُبوترے نوں ’’گَباتھا‘‘ کیہندے نیں۔
\p
\v 14 ۱۴۔تے او سبت دی تیاری دا دان تے چھویں گھنٹے دا ویلا سی۔ پیلاطُوس نے یہودیاں نوں کیہا ایہ ویکھو تہاڈا بادشاہ۔
\p
\v 15 ۱۵۔او اُوچی اوچی کہن لگے اینوں پراں لے جا۔ اینو پَراں لے جا۔ اینوں صلیب دے۔ پلاطُوس نے پچھیا تے کی میں تہاڈے بادشاہ نوں صلیب دے دواں۔ سردار کاہناں نے جواب دِتا۔ قیصر دے علاوہ ساڈا کوئی بادشاہ نئیں۔
\p
\v 16 ۱۶۔تے فیر پیلاطُوس نے یسوع نوں صلیب دین دا حکم دے دِتا۔
\p
\v 17 ۱۷۔تے او یسوع نوں قلعے چوں بارے لے گئے تے یسوع آپ آپنی صلیب چُک کے ’کھوپڑی دی جگہ‘‘ تے لے گیا۔ جیہڑی اَرامی زبان وِچ گولگتا اکھوائی جاندی اے۔
\v 18 ۱۸۔تے اوناں نے یسوع نوں دَوہور بندیا ناں صلیب دِتی ایک بندہ دونواں پاسے تے یسوع وچکار وچ۔
\p
\v 19 ۱۹۔تے پلاطُوس نے ایک کتبہ بنوا کے صلیب تے لگوایا۔ جدے اُوتے لکھیا سی یسوع ناصری۔ یہودیاں دا بادشاہ۔
\v 20 ۲۰۔تے او کتبہ (نشان) اَرامی، لاطینی تے یونانی زبان وچ لکھیا سی۔ تے بڑیاں یہودیاں نے او نشان پڑیا کیوں جو اَو تھاں جِتھے یسوع نوں صلیب دِتی گئی سَی شہر دے لاگے ای سِی۔
\p
\v 21 ۲۱۔تے یہودیاں دے سردار کاہناں نیں پلاطُوس نُوں کیہا کہ تُوں ایہ نہ لکھ کہ اے یہودیاں دا بادشاہ اے بلکہ اے لکھ کہ ایہنے کیہا کہ میں یہودیاں دا بادشاہ واں‘‘۔
\p
\v 22 ۲۲۔پلاطُوس نے جواب دِتا جو میں لکھ دِتا سَو لکھ دِتا۔
\p
\v 23 ۲۳۔جدوں سپاہیاں نے یسوع نوں صلیب چڑھایا تے اوناں تے اوہدے کپڑے لے لئیے آپس وچ چار حِصّے کر کے ہر ایک کئی ایک حصّہ کر کے ونڈ لئیے۔ تے اودا کُرتا وی لے لیا جیہڑا اُوتوں لے کے تَھلے تیک بُنیا ہویا سی۔
\v 24 ۲۴۔تے اوناں نیں اِک دوجے نوں کیہا ’’کہ چلو اینوں پاڑ دے نیں بلکہ پرچاں پانے آں تاکہ فیصلہ ہووے کہ کون اونوں لَوے گا‘‘۔ ایہ ایس لئی ہویا تاں جو کلام دا لِخیا پُورا ہووے جو کہیندا اے۔ ’او میرے کپڑے آپس چ ونڈے نیں۔ تے میری لِیڑیاں تے پرچیاں پاندے نیں‘‘۔ تے سپاہیاں نے اینج ای کیتا۔
\p
\v 25 ۲۵۔تے یسوع دی صلیب دے کول یسوع دی ماں تے اوہدی ماں دی پین، کلوپاس دی بُڈی مریم تے مریم مگدلینی کھلوتیاں سَن۔
\v 26 ۲۶۔جدوں یسوع نے اپنی ماں تے آپنے اوس شاگِرد نوں جنوں او پیار کردا سی کول کھلوتے ویکھیا تے اپنی ماں نوں کیہا ’’عورت ویکھ تیرا پُتر اے وے۔
\q
\v 27 ۲۷۔ تے فیر آپنے چیلے ول ویکھ کہ اونوں کیہا ویکھ تیری مان اے وے۔ تے اوسے ویلے تُوں او چیلا ماں مریم نوں آپنے کار لے گیا۔
\p
\v 28 ۲۸۔اوہدے بعد جدوں یسوع نون پتہ لگا گیا کہ سب کُجھ پُورا ہوگیا اے تے ایس لئی کہ کلمہ پُورا ہووے یسوع نے آکھیا ’’مَیں پیاسا واں‘‘۔
\v 29 ۲۹۔تے اوتھے کَوڑی مَے دا ایک وڈا برتن سی تے اوناں نے سرکنڈے دی ڈنڈی اُوتے سپنج اوس کڑوی مَے چ ڈبو کے اونوں پین لئی دِتی اوہدے مُنہ نوں لایا۔
\v 30 ۳۰۔جدوں یسوع نے او کڑوی مَے (سرکہ) پیتا تے آپنا سِر نیواں کر کے آکھیا ’’ایہ مُک گیا‘‘ تے جان دے دِتی۔
\p
\v 31 ۳۱۔تے فیر یہودیاں نے کیوں جو او سبت دی تیاری دا دِن سی (کیوں جو او سبت بوتا خاص سی) پلاطُوس نُوں کہیا کہ لاشاں دِیاں لتاں توڑ کے صلیب توں لا دیوں تاں جو لاشاں سبت والے دِن صلیب تے نہ ٹنگیاں رہین۔
\v 32 ۳۲۔تے سپاہیاں نے آکے پہلے تے دوجے بندے دِیاں لَتاں توڑیاں جیہڑے یسوع نال صلیب تے سَن
\v 33 ۳۳۔تے جَدوں او یسوع کول آئے تے ویکھیا کہ او پیلاں ای مَر چُکیا اے ایس لئی اوناں نیں اوہدیاں لَتاں نہ توڑیاں۔
\v 34 ۳۴۔فیر وی اِک سپاہی نے اوہدی پسلی وِچ نیزا ماریا تے فوراً اوتھوں خون تے پانی وگھیا۔
\v 35 ۳۵۔جِنے اے ویکھیا اے اونے گواہی دِتی اے تے اوہدی گواہی سچی اے۔ اوجاندا اے کہ جو کہیندا اے او سچ اے تاں جو تُسی یقین کرو۔
\p
\v 36 ۳۶۔ایہ گلاں ہویاں تاں جو کلام چ لِخیا اے پُورا ہووے ’’کہ اوہدی کوئی ہڈی توڑی نہ جاوے گی‘‘۔
\v 37 ۳۷۔اِک ہور تھاں لِخیا اے کہ ’’او وی جِناں نے اونوں چھیدیا اے اونوں ویکھن گے‘‘۔
\p
\v 38 ۳۸۔ایدھے بعد ارمتیا دا رہن والا یُوسف جیڑا وچوں وچ یسوع دا چیلا سی (پر یہودیاں کولوں ڈر دا سی۔ اونے پلاطُوس کو جا کے یسوع دی لاش منگی ۔ پلاطوس نے اونوں اجازت دے دِتی تے یوسُف یسوع دی لاش نوں لے گیا۔
\v 39 ۳۹۔تے نیکدیمس وی جیڑا رات دے ویلے یسوع نوں مِلن گیا سی آیا تے آپنے نال ایک سَو سیر مُر تے ہور مسالے لے کے آیا۔
\v 40 ۴۰۔تے اوناں نے یسوع دی لاش نوں کتانی چادر وچ مسالے لا کے کفنایا جنویں یہودیاں دا لاش نُوں دفن کرن دا رواج سی۔
\v 41 ۴۱۔تے جتھے یسوع نوں صلیب دِتی گئی سی اوتھے اک باغ سی۔ تے اوس باغ وچ ایک نویں قبر سی جِدے وچ کِسے نوں وی دفن نیں کیتا گیا سِی۔
\v 42 ۴۲۔تے کیوں جو او قبر نیڑے سی تے نالے او یہودیاں دی تیاری دا دِس سی اوناں نے یسوع نوں اوسے قبر وچ رکھ دِتا۔
\c 20
\cl باب ۲۰
\p
\v 1 ۱۔تے ہفتے دے پہلے دِن، ہالے جدوں ہنیرا ای سی مریم مگدلینی قبر تے آئی تے ویکھیا کہ قبر توں پتھر ہٹیا ہویا وے۔
\v 2 ۲۔تے او شمعون پطرس تے اوس چیلے کول جِنوں یسوع پیار کردا سی نَسی گئی تے اوناں نوں دَسیا ’کہ او خداوند نوں قبر چوں کڈھ کے لے گئے نیں تے سانوں نئیں پتہ کہ اونوں کِتھے رکھیا اے۔
\p
\v 3 ۳۔تے پطرس تے دوجا چیلا بار نکل کے قبر وَل گئے۔
\v 4 ۴۔او دونویں کٹھے نَسے پَر او دوجا چیلا اَگے وَدھ گیا تے پطرس تو پہیلاں قبر تے اَپڑ گیا۔
\v 5 ۵۔تے قبر تے کھلوکے اندر ویکھیا کہ کفن والی چادر اوتھے پئی ہوئی اے پَر او اندر نہ گیا۔
\p
\v 6 ۶۔تے پطرس اودے بعد قبر تے پُہنجیا تے اندر گیا تے کفن دی چادر اوتھے پئی ویکھی۔
\v 7 ۷۔تے او کپڑا جیہڑا اوہدے سر تے لپٹیا سی او وکھرا پیا ہویا سی۔
\v 8 ۸۔تے فیر او دوجا چیلا وی قبر دے اندر گیا جیڑا پیلاں قبر تے اپڑیا سی تے سب کجھ ویکھیا تے یقین کِیتا۔
\v 9 ۹۔کیوں جو او ہالی تیک کلام چ لِکھیاں گلاں نوں نہ سمجھے سَن کہ او مُردیاں چوں تِجے دِن زندہ ہو جاوے گا۔
\p
\v 10 ۱۰۔تے چیلے آپنے کار واپس ٹُر گئے۔
\v 11 ۱۱۔پر مریم قبر دے بار کھلو کے روندی رَی تے جدوں
\v 12 ۱۲۔اونھےنیواں ہوکے فیر قبر چ ویکھیا تے اونے دو فرشتے اوتھے ویکھے۔ ایک سرہانے وَل تے اک پیراں وَل جتھے یسوع دی لاش رکھی گئی سی۔
\p
\v 13 ۱۳۔فرشتیاں نے اونوں پُوچھیا ’’عورت تُوں کیوں رونی ایں‘‘؟ اونے کیہا کہ میرے خداوند نوں چُک کے لے گئے نیں تے مینوں نئیں پتہ کہ اونوں کِتھے رکھیا وے۔
\v 14 ۱۴۔جدوں اونے اے کیہا تے اونے پچھے مُڑ کے ویکھیا تے یسوع نے کھلوتے ویکھیا پر اونوں نہ سمجھ لگی کہ ایہ یسوع اے۔
\q
\v 15 ۱۵۔یسوع نے اونوں پُچھیا ’’عورت تُوں کیوں رونی ایں؟ کِنوں لَبھنی ایں؟‘ تے مریم نے یسوع نوں مالی سمجھ کے کیہا کے ’پائی جے تُوں اونوں ایتھوں لے گیا ایں تے مینوں دَس کے کہ تُوں اونوں کِتھے رکھیا اے تے میں اونوں لے جاواں گی۔
\p
\v 16 ۱۶۔یسوع نے اونوں بُلایا ’’مریم‘‘ تے او مڑی تے اَرامی زبان وچ کیہا ’’ربُونی‘‘ (جدا مطلب اے اُستاد)۔
\q
\v 17 ۱۷۔یسوع نے اونوں کیہا مینوں ہتھ نہ لا کیوں جو ہالی مَیں آپنے پیو کول اُتے نئیں گیا۔ پر جاکے میرے پراواں نوں دَس کے میں آپنے پیو تے اوناں دے پیو، آپنے تے اوناں دے خدا کول اُتے جاناں واں۔
\q
\v 18 ۱۸۔مریم مگدلینی گئی تے اونے چیلیاں نوں دسیا کہ میں خداوند نوں ویکھیا اے تے اونے ایہ ایہ گلاں کیہیاں نیں۔
\p
\v 19 ۱۹۔تے اوس دن جیہڑا ہفتے دا پہلا دِن سی شام دے ویلے جدوں یہودیاں دے ڈر توں سارے چیلے بوہے بند کرکے بیٹھے سَن یسوع آیا تے اوناں دے وچکار کھلو گیا تے کیہا، ’’تُہاڈی سلامتی ہووے‘‘۔
\v 20 ۲۰۔ایہ کہن توں بعد اونے اوناں نوں اپنے ہتھ تے اپنا پاسا وکھایا۔ تے خداوند نوں ویکھ کے چیلے بڑے خوش ہوئے۔
\p
\v 21 ۲۱۔یسوع نے فیر کیہا تہاڈی سلامتی ہووے۔ جیویں پیو نے مینوں بیجیا اے میں تہانوں پیجناں واں۔
\v 22 ۲۲۔ایہ کے یسوع نے اوناان تے پُھوکیا تے کیہا ’’رُوح پاک لَوؤ۔‘‘
\v 23 ۲۳۔جِناں دے گُناہ تُسی معاف کرو گے او معاف ہون گے تے جِناں دے گناہ تُسی معاف نہ کرو گے او معاف نہ ہون گے۔
\p
\v 24 ۲۴۔توما جیڑا ڈیڈیمس اکھواندا اے جدون یسوع آیا چیلیاں دے نال نئیں سی۔
\v 25 ۲۵۔بعد وچ دوجے چیلیاں نے اونوں دَسیا کہ اَسی خُداوند نوں ویکھیا اے۔ اونے کیہا جدوں تیک میں اوہدے ہتھاں وچ کلاں تے نشان تے اوناں وچ اپنی انگلیاں پا کے نہ ویکھیا تے اوہدی پسلی وچ انگلی مار کے نہ ویکھیاں میں نئیں منّاں گا۔
\p
\v 26 ۲۶۔آٹھ دِن بعد جدوں چیلے اندر سَن تے تُوما وی اوناں دے نال سی۔ دروازے بند سَن تے یسوع اوناں دے وچکار آکھلوتا تے کیہا ’’تہاڈی سلامتی ہووے‘‘۔
\q
\v 27 ۲۷۔فیر اوہنے تُوما نوں کیہا اپنا ہتھ اگے لیا تے میرے ہتھ ویکھ۔ نیڑے آکے میری پسلی (وکھی) وچ انگلی پا کے ویکھ۔ توں یقین نئیں کردا پر ہن یقین کر۔
\q
\v 28 ۲۸۔توما نے جواب دِتا ’’میرے خداوند تے میرے خُدا‘‘۔
\q
\v 29 ۲۹۔یسوع نے اونوں جواب دِتا توں تے مینوں ویکھ کے میرے تے یقین کِیتا اے۔ مبارک نے او جیڑے بغیر ویکھے میرے تے ایمان لیان گے۔
\p
\v 30 ۳۰۔ہن ایس کتاب وچ ہور کئی نشان جیڑے یسوع نے آپنے چیلیاں نوں کر کے وکھائے۔ ایس کتاب چہ لِخے نئیں گئے۔
\v 31 ۳۱۔پر ایہ کم تے نشان لِخے گئے نیں تاں جو تُسی ایمان لیاؤو کہ یسوع ای مسیح اے خدا دا پُتراے تے کیوں جو تُسی ایمان رکھدے او تُسی اوہدے ناں وچ زندگی (حیاتی) پاؤو گے۔
\c 21
\cl باب ۲۱
\p
\v 1 ۱۔ ایہناں گلاں پِچھوں یسُوعؔ نے فیر اپنے آپ نُوں تِبریاؔس دی جھِیل دے کنڈے شاگِرداں تے ظاہِر کِیتا اَتے اینج ظاہِر کِیتا۔
\v 2 ۲۔شمعُونؔ پطؔرس اَتے توماؔ جیہڑا تواؔم اَکھواندا اے اَتے نتن ایل جیہڑا قانایِ گلِیلؔ دا سی اَتے زبدؔی دے پُتر اَتے اوہدے شاگِرداں وِچوں دو ہور اکٹھے ہووے۔
\v 3 ۳۔شمعُونؔ پطؔرس نے اوہناں نُوں آکھیا پئی مَیں مچھّی دے شِکار لئی جانا آں، اوہناں نیں اوہنوں آکھیاپئ اَسیں وی تیرے نال جانے آں۔ اوہ نِکل کے بیڑی تے بیٹھے پر اوس رات کُجھ نا پھڑیا۔
\p
\v 4 ۴۔اَتے چانن ہُندیاں ای یسُوعؔ کنڈے تے آ کھلوتا پر شاگِرداں نیں نا سیہانیا پئی ایہ یسُوعؔ اے۔
\q
\v 5 ۵۔سو یسُوعؔ نے اوہناں نُوں آکھیا، ’’نیانیو! تُہاڈے کول کُجھ کھان نُوں ہے اے؟‘‘ اوہناں نے جواب دِتّا پئی نئیں۔
\q
\v 6 ۶۔اوہنے اوہناں نُوں آکھیا پئی بیڑی دے سجّے پاسے جال سُٹّو تے پھڑ لوّو گے۔ سو اوہناں نیں سُٹّیا اَتے چوکھیاں مچھیاں دے ہون دے سببوں جال فیر کِھچ نا سکے۔
\v 7 ۷۔ایس لئی اوس شاگِرد نے جِنھوں یسُوعؔ محبت کردا سی پطؔرس نُوں آکھیا پئی ایہ تے خُداوَند اے۔ سو شمعُونؔ پطؔرس نے ایہ سُن کے پئی خُداوَند اے، کُرتہ لَک نال بنھیا کیوں جو ننگا سے اَتے جھیل وِچ چھلانگ مار دِتّی۔
\v 8 ۸۔اَتے باقی شاگِرد نِکی بیڑی تے بہہ کے مچھیاں دا جال کِھچدے کِھچدے آئے کیوں جو اوہ کنڈے توں کوئی وَڈھے پینڈے تے نئیں سَن پر کوئی دو سَو ہتھ دی وِتھ سی۔
\v 9 ۹۔جیس ویلے اوہ کنڈے تے اَپڑے تے اوہناں نیں کولیاں دی اَگ اَتے اوہدے اُتے مچھّی دھری ہوئی اَتے روٹی ویکھی۔
\p
\v 10 ۱۰۔یسُوعؔ نے اوہناں نُوں آکھیا جیہڑیاں مچھیاں تُسیں ہُن پَھڑیاں نیں اوہناں وِچوں کُجھ لیاؤ۔
\v 11 ۱۱۔شمعُونؔ پطؔرس نے چڑھ کے ایک سَو تروِنجاں وَڈّیاں مچھّیاں نال بھریا ہویا جال کنڈے تے کِھچیا۔ بھانویں مچھّیاں چوکھیاں سَن فیر وی جال نہ ٹُٹا۔
\p
\v 12 ۱۲۔یسُوعؔ نے اوہناں نُوں آکھیا، ’’آؤ کھانا کھالَوّؤ اَتے شاگِرداں وِچوں کِسے نُوں وی دلیری نا ہوئی پئی اوہنوں پُچھدا پئی تُوں کَون ایں؟ کیوں جو اوہ جان دے سَن پئی خُداوَند ای اے۔
\v 13 ۱۳۔یسُوعؔ آیا اَتے روٹی لئی تے اوہناں نُوں دِتّی۔ اِینج ای مچھّی وی دِتی۔
\v 14 ۱۴۔یسُوعؔ مُردیاں وِچوں جی اُٹھن دے پِچھوں ایہ تِجی وار سی پئی اوہ شاگرداں نُوں دِسیا۔
\p
\v 15 ۱۵۔اَتے جدوں اوہناں کھانا کھا لیا تے یسُوعؔ نے شمعُونؔ پطؔرس نُوں آکھیا، ’’شمعُونؔ یُوحنّاؔ دے پُتر کِیہ تُوں ایہناں توں بوہتا میرے نال محبت کرنا ایں؟‘‘ اوہنے اوہنوں آکھیا، ’’ہاں خُداوَند، تُوں تے جان دا ای ایں پئی میں تینوں عزیز رکھنا آں۔ اوہنے اوہنوں آکھیا، ’’تُوں میرے لیلے چار‘‘۔
\p
\v 16 ۱۶۔اوہنے فیر اوہنوں آکھیا، ’’شمعُون یُوحنّاؔ دے پُتر کِیہ تُوں مَینوں محبت کرناں ایں؟‘‘ اوہنے آکھیا، ’’ہاں خُداوند تُوں تے جان دا ای ایں پئی مَیں تینوں عزیز رکھنا آں‘‘۔ اوہنے اوہنوں آکھیا، ’’تُوں میریاں بھیڈاں نُوں چار‘‘۔
\p
\v 17 ۱۷۔اوہنے تِجّی واری اوہنوں آکھیا، ’’شمعُونؔ یُوحنّاؔ دے پُتّر، کِیہ تُوں مَینوں عزیز رکھنا ایں؟‘‘ کیوں جو اوہنے تِجّی وار اوہنوں آکھیا پئی کِیہ تُوں مینوں محبت کرنا ایں تے ایس سببوں پطؔرس نے بڑے ای اداس ہو کے اوہنوں آکھیا، خُداوندا! تُوں تے سب کُجھ جاننا ایں۔ تینوں پتا ای اے پئی مَیں تینوں عزیز رکھنا آں۔ یسُوعؔ نے اوہنوں آکھیا تُوں میریاں بھیڈاں چار۔
\p
\v 18 ۱۸۔مَیں تَینوں سچ سچ آکھنا آں پئی جدوں تُوں جوان سی تے آپ ای اپنا لَک بنھ دا ساں اَتے جِتھے تیرا مَن کردا پِھردا ٹُر دا ساں۔ پر جدوں تُوں بُڈھا ہوجاویں گا تے اپنے ہتھ لمے کریں گا اَتے کوئی ہور بندہ تیرا لَک بنھے گا اَتے جِتھے تُوں نا وی چاہیویں گا اوتھے تینوں لے جاوے گا۔
\v 19 ۱۹۔اوہنے ایہناں گلاں توں ایہ اشارہ کیتا پئی اوہ کِیویں دی موت نال رَبّ دا جلال وکھاوے گا اَتے ایہ آکھ کے اوہنوں آکھیا، ’’میرے پِچھے ٹُر پے‘‘۔
\p
\v 20 ۲۰۔پطؔرس نے پرت کے اوس شاگِرد نُوں پِچھے آندے ویکھیا جِنھوں یسُوع محبت رکھدا سی اَتے جِنھوں شام دے کھان دے ویلے اوہدے سینے دا سہارا لَے کے پُچھیا سی پئی خُداوَندا! تینوں پَھڑوان والا کَون اے؟
\v 21 ۲۱۔پطؔرس نے اوہنوں ویکھ کے یسُوعؔ نُوں آکھیا، ’’خُداوَندا! ایہدا کِیہ بَنے گا؟‘‘
\p
\v 22 ۲۲۔یسُوعؔ نے اوہنوں آکھیا، ’’جے مَیں چاہواں پئی ایہ میرے آن تِیک رُکیا رہیواں تے تَینوں کِیہ؟ تُوں میرے پِچھے ٹُر پے‘‘۔
\v 23 ۲۳۔سو بَھراواں وِچ ایہ گَل مشہور ہو گَئی پئی اوہ شاگِرد نئیں مَرےگا پر یسُوعؔ نے اوہنوں ایہ نئیں سی آکھیا پئی ایہ نئیں مرے گا سگوں ایہ پئی جے مَین چاہواں پئی ایہ میرے آن تیک رُکیا رہیوے تے تَینوں کِیہ؟
\p
\v 24 ۲۴۔ایہ اوہو ای شاگِرد اے جیہڑا ایہناں گَلاں دی گواہی دیندا اے اَتے جِنھے ایہناں نُوں لِکھیا اے اَتے اَسیں جان دے آں پئی اوہدی گواہی سچّی اے۔
\p
\v 25 ۲۵۔ہور وی بڑے کَم نیں جیہڑے یسُوعؔ نے کِیتے۔ جے اوہ وَکھو وَکھ لِکھے جاندے تے مَیں سمجھناں آن پئی جیہڑیاں کتاباں لِکھیاں جاندیاں اوہناں لئی دُنیا وِچ تھاں ای نا بچدی۔