plt_ulb/33-MIC.usfm

\id MIC
\ide UTF-8
\h Mika
\toc1 Mika
\toc2 Mika
\toc3 mic
\mt Mika

\s5
\c 1
\p 
\v 1 Izao no tenin'i Yaveh izay tonga tamin'i Mika Morastita tamin'ny andron'i Jotama, Ahaza, sy Hezekia, ireo mpanjakan'ny Joda, ny teny izay hitany nahakasika an'i Samaria sy Jerosalema.

\s5
\v 2 Mihainoa, ianareo ry vahoaka. Mihainoa, ry tany, sy izay rehetra eo aminao. Aoka ny Tompo Yaveh no ho vavolombelona hanohitra anareo, ny Tompo avy ao amin'ny tempoliny masina. 
\v 3 Indro, Yaveh mivoaka avy ao amin'ny fitoerany; hidina Izy ary handia eny amin'ireo fitoerana avon'ny tany. 
\v 4 Ireo tendrombohitra hiempo eo ambaniny; ireo lohasaha hitsonika tahaka ny savoka anoloan'ny afo, tahaka ny rano izay arotsaka any amin'ny hantsana.

\s5
\v 5 Izany rehetra izany dia noho ny fikomian'i Jakoba, ary noho ireo fahotan'ny taranak'Israely. Inona no anton'ny fikomian'i Jakoba? Moa tsy i Samaria ve? Inona no anton'ireo fitoerana avon'i Joda? Moa tsy i Jerosalema ve?

\s5
\v 6 "Hanao an'i Samaria ho korontam-bato eny an-tsaha Aho, tahaka ny toerana fambolem-boaloboka. Hanosika ireo orim-batony ho eny an-dohasaha Aho; ka hampiharihary ireo fanambaniny. 
\v 7 Ho voatorotoro ireo sarin-javatra voasokiny rehetra; ary ho may avokoa ireo fanomezany. Ireo sampiny rehetra hopotehiko. Satria avy amin'ireo fanomezana ho an'ny fijangajangany no nanangonany ireny, ary tamin'ny saran'ny fivarotan-tena no hiverenan'ireny."

\s5
\v 8 Noho izany antony izany dia hitaraina sy hidradradradra aho; handeha tsy misy kapa aho ary mitanjaka; hidradradradra tahaka ny amboadia aho ary hisaona tahaka ny vorondolo. 
\v 9 Fa tsy ho sitrana intsony ny feriny, satria avy any Joda izany. Efa nahatratra ny vavahadin'ny vahoakako izany, dia any Jerosalema. 
\v 10 Aza milaza ny momba izany any Gata; aza mitomany akory. Ao Beti-le-afra aho no manosim-bovoka ny tenako.

\s5
\v 11 Mandalova amim-pitanjahana sy henatra, ry mponin'i Safira. Aza mivoaka ry mponin'i Zanana. Aoka hisaona i Beti-haezela, satria nesorina ny fiarovan'izy ireo. 
\v 12 Fa miandry amim-pitaintainana ny vaovao mahafaly ireo mponin'i Marota, satria nilatsaka avy tamin'i Yaveh ho ao amin'ny vavahadin'i Jerosalema ny loza.

\s5
\v 13 Fehezo amin'ny andian-tsoavaly haingam-pandeha ny kalesy, ry mponin'i Lakisy. Ianao, ry Lakisy, no fiandoham-pahotana ho an'ny zanaka vavin'i Ziona, satria hita tany aminao ireo fahalotoan'Israely. 
\v 14 Ka dia homenao taratasy fisaorana i Moresetagata; ny renivohitr'i Akziba handiso fanantenana ireo mpanjakan'Israely.

\s5
\v 15 Hitondra mpandresy ho any aminareo indray Aho, ry mponin'i Maresa; ho tonga any amin'i Adolama ny famirapiratr'Israely. 
\v 16 Harato ny lohanareo ary tapaho ny volonareo ho an'ireo zanakareo izay ankasitrahanareo. Solao tahaka ny voromahery ny tenanareo, fa ireo zanakareo handeha hatao sesi-tany hiala ao aminareo.

\s5
\c 2
\p 
\v 1 Loza ho an'izay mamoron-keloka, ho an'izay mandrafitra ny hanao ratsy eo am-pandriany. Amin'ny maraina no anaovan'izy ireo izany satria manana fahefana izy ireo. 
\v 2 Maniry saha izy ireo ka giazany izany; maniry trano izy ireo ka maka izany. Mampahory olona sy ny ankohonany izy ireo, ary olona sy ny lovany.

\s5
\v 3 Noho izany dia izao no lazain'i Yaveh hoe: "Indro, efa mitondra loza hamely izany fianakaviana izany Aho, izay tsy hanalanareo ny tendanareo. Tsy handeha amim-piavonavonana ianareo, satria dia ho fotoana ratsy izany. 
\v 4 Amin'izany andro izany dia hiventy hira momba anareo ireo fahavalonareo, ary hisaona amin'ny hira fisaonana. Izy ireo hihira hoe: 'Rava tanteraka izahay Israelita; Yaveh manova ny faritanin'ny vahoakako. Ahoana no hanesorany izany amiko? Mizara ireo sahanay ho an'ireo mpamadika Izy!'" 
\v 5 Noho izany, ianareo ry mpanan-karena dia tsy mba hanana taranaka hizara ny faritany amin'ny loka ao amin'ny fiangonan'i Yaveh.

\s5
\v 6 "Aza maminany," hoy izy ireo. "Aoka izy ireo tsy haminany ireo zavatra ireo; aoka tsy ho tonga ny fahafam-baraka." 
\v 7 Ry taranak'i Jakoba, moa tokony tenenina tokoa ve izao hoe: "Tezitra ve ny Fanahin'i Yaveh? Moa tena asany ve ireo?" Moa tsy mampahatsara an'izay mandeha mahitsy ve ny teniko? 
\v 8 Any aoriana kely dia hitsangana tahaka ny fahavalo ny vahoakako. Manala ny tohitena, ny akanjo, eny amin'izay mandalo tsy amim-piahiahiana ianareo, tahaka ireo miaramila miverina avy any an'ady ho any amin'izay heveriny fa mandry fahalemana.

\s5
\v 9 Alainareo amin'ireo trano mahafinaritra azy ireo ny vehivavin'ny vahoakako; sintoninareo amin'ny zanak'izy ireo mandrakizay ny fitahiako. 
\v 10 Mitsangàna ka mialà, fa tsy toerana ahafahanareo mitoetra ity, noho ny fahalotoany; nopotehina tamin'ny fahapotehana tanteraka ity. 
\v 11 Raha misy olona tonga any aminareo amin'ny fanahin'ny fandaingana sy lainga ka manao hoe: "Haminany aminao momba ny divay sy zava-pisotro mahery aho," dia heverina ho mpaminany ho an'izany vahoaka izany izy.

\s5
\v 12 Hanangona anareo rehetra tokoa Aho, ry Jakoba. Hanangona ny sisa amin'Israely tokoa Aho. Hitondra azy ireo miaraka tahaka ny ondry ao amin'ny andiany, tahaka ny andian'ondry eo afovoan'ny fihinanam-bilony Aho. Hisy feo avo noho ny fahamaroan'ny vahoaka. 
\v 13 Izay olona mamaky dia manokatra ny lalan'izy ireo ho azy ireo ka handeha eo alohan'izy ireo. Handeha hamaky ny vavahady izy ireo ka hivoaka; ny mpanjakan'izy ireo no handeha eo anoloany. Yaveh no ho mpitarika azy ireo.

\s5
\c 3
\p 
\v 1 Hoy aho: ''Mihainoa ankehitriny, ianareo ry mpitarik'i Jakoba sy mpanapaka ny taranak'Israely: Moa ve tsy mety aminareo ny mahatakatra ny fahamarinana? 
\v 2 Ianareo izay mankahala ny tsara sy tia ny ratsy, ianareo izay manendaka ny hoditr'izy ireo, ny nofon'izy ireo amin'ny taolany— 
\v 3 ianareo izay mihinana ny nofon'ny oloko ihany koa, ary manendaka ny hodiny, manapaka ny taolany, ary mamakivaky azy ireo, tahaka ny hena atao ao am-bilany, tahaka ny hena atao ao amin'ny fandrahoan-kena.

\s5
\v 4 Dia hiantso mafy an'i Yaveh ianareo mpanapaka, nefa tsy hamaly anareo Izy. Hanafina ny tavany aminareo Izy amin'izany fotoana izany, satria efa nanao asa ratsy ianareo.''

\s5
\v 5 Izao no lazain'i Yaveh momba ireo mpaminany izay nampirenireny ny oloko: ''Ho an'izay namahana azy ireo dia hilaza izy ireo hoe: 'Hisy fanambinana.' Fa ho an'izay tsy nanisy na inona na inona ao am-bavany, dia hanomboka hiady aminy izy ireo. 
\v 6 Noho izany, dia ho alina ho anareo izany ary tsy hisy fahitana ho anareo; ho maizina izany mba tsy hanaovanareo sikidy. Hilentika amin'ireo mpaminany ny masoandro, ary ho maizina amin'izy ireo ny andro. 
\v 7 Ho menarina ireo mpahita, ary ho very hevitra ireo mpisikidy. Hanampina ny molony izy rehetra, satria tsy misy valiny avy aty Amiko.''

\s5
\v 8 Fa raha ny amiko, dia feno hery noho ny Fanahin'i Yaveh aho, sady feno fahamarinana sy faherezana, mba hanambara amin'i Jakoba ny helony, sy amin'Israely ny fahotany.

\s5
\v 9 Mihainoa izao, ianareo mpitarika ny taranak'i Jakoba, sy mpanapaka ny taranak'Israely, ianareo izay mankahala fahamarinana, sy manodina ny zava-marina rehetra. 
\v 10 Manangana an'i Ziona amin'ny rà sy Jerosalema amim-pahotana ianareo. 
\v 11 Mitsara noho ny kolikoly ireo mpitsaranareo, mampianatra noho ny tamby ireo mpisoronareo, ary maminany noho ny vola ireo mpaminaninareo. Nefa ianareo miankina amin'i Yaveh ka manao hoe: ''Moa tsy momba antsika ve Yaveh? Ka dia tsy hisy ratsy hahazo antsika.''

\s5
\v 12 Noho izany, noho ianao, dia hasaina toy ny saha i Ziona, ho korontam-bato i Jerosalema, ary ho tahaka ny havoana rakotr'ala ny havoan'ny tempoly.

\s5
\c 4
\p 
\v 1 Fa amin'ny andro farany dia hiorina eo amin'ireo tendrombohitra hafa ny tendrombohitry ny tranon'i Yaveh. Hasandratra ambonin'ireo havoana izany, ary hitanjozotra hankany amin'izany ireo vahoaka.

\s5
\v 2 Handeha ireo firenena maro ka hanao hoe: ''Avia, andeha isika hiakatra any an-tendrombohitr'i Yaveh, any an-tranon'Andriamanitr'i Jakoba. Hampianatra antsika ireo fombany Izy, ary handeha amin'ireo lalany isika.'' Fa avy ao Ziona no ivoahan'ny lalàna, ary avy ao Jerosalema ny tenin'i Yaveh. 
\v 3 Hitsara amin'ireo vahoaka maro Izy ary hanapa-kevitra mahakasika ireo firenana maro lavitra. Hively ny sabatr'izy ireo ho angady izy ireo ary ny lefony ho fanetezana. Tsy hanangana sabatra hifamely ny firenena, na hizatra ho amin'ny ady intsony.

\s5
\v 4 Fa kosa, hametraka ny olona tsirairay ambanin'ny voalobony sy ambanin'ny hazon'aviaviny izy ireo. Tsy hisy olona hampitahotra azy ireo, fa ny vavan'i Yaveh Tompon'ny maro no efa niteny. 
\v 5 Fa ny vahoaka rehetra dia mandeha, ny tsirairay, amin'ny anaran'ny andriamaniny. Fa isika dia handeha amin'ny anaran'i Yaveh Andriamanitsika mandrakizay doria.

\s5
\v 6 ''Amin'izany andro izany'' hoy Yaveh dia ''Hanangona ny malemy sy hamory ireo voaroaka Aho, dia ireo izay nampahoriako. 
\v 7 Hataoko ho sisa tavela ny malemy, ary ho firenena matanjaka ireo izay voaroaka, ary Izaho, Yaveh, no hanjaka amin'izy ireo ao an-Tendrombohitr'i Ziona, ankehitriny ary mandrakizay. 
\v 8 Ary ianao, ry tilikambo fiambenana ny ondry aman'osy, havoan'ny zanakavavin'i Ziona— dia ho tonga aminao izany, haverina ny fanapahanao taloha, dia ny fanjakana izay an'ny zanakavavin'i Jerosalema.

\s5
\v 9 Ankehitriny, nahoana no mihiaka mafy ianao? Tsy misy mpanjaka ve eo aminao? Maty ve ny mpanolotsainao? Izany ve no mahatonga ny fanaintainana mahazo anao tahaka ny an'ny vehivavy eo am-piterahana? 
\v 10 Aoka hanaintaina ary hihetsi-jaza raha hiteraka, ry zanakavavin'i Ziona, tahaka ny vehivavy miteraka. Fa ankehitriny ianao dia hivoaka ny tanàna, hitoetra any an-tsaha, ary handeha any Babylona. Any no hanavotana anao. Any no hanavotan'i Yaveh anao eo an-tanan'ireo fahavalonao.

\s5
\v 11 Ankehitriny mivondrona hanohitra anao ireo firenena maro; hoy izy ireo: 'Aoka ho voaloto izy; aoka ny masontsika hifaly amin'i Ziona.''' 
\v 12 Hoy ny mpaminany: '''Tsy fantatr'izy ireo ny eritreritr'i Yaveh, sady tsy takany ny fikasany, fa efa namory azy ireo tahaka ny amboara ho eo am-pamoloana Izy.''

\s5
\v 13 Hoy Yaveh: ''Mitsangàna ka miveleza, ry zanakavavin'i Ziona, fa hataoko vy ny tandrokao, ary hataoko varahina ny kitronao. Hanorotoro vahoaka maro ianao. Izaho hanokana ireo hareny tsy ara-drariny ho an'ny tenako, Yaveh, ny fananan'izy ireo ho Ahy, ilay Tompon'ny tany manontolo.''

\s5
\c 5
\p 
\v 1 Ankehitriny miaraha tonga ao amin'ny filaharan'ady, ry zanakavavin'ireo miaramila; efa nametraka tovon-tany manodidina ny tanàna ireo miaramila, amin'ny tsora-kazo no hamelezany ny mpitsaran'ny Israely eo amin'ny takolany. [Fanamarihana: Raha tokony hoe ''miaraha tonga ao amin'ny filaharan'ady'' ireo mpandika teny sasany mandika hoe ''tapaho ny tenanareo'', manondro ny fanompoan-tsampin'ny fitetehan-tena raha mivavaka amin'ireo sampy. Ireo dikan-teny sasany vaovao ihany koa dia manaraka ny dikan-teny taloha izay vakiana hoe ''atsangano ireo fiarovanareo''.]

\s5
\v 2 Nefa ianao, ry Betlehema Efrata, na dia kely indrindra eo amin'ireo fokon'i Joda aza ianao, dia ao aminao no ivoahan'ny olona hankeo Amiko mba hanapaka ny Israely, izay hatramin'ireo fotoana fahiny ny fiandohany, ka haharitra mandrakizay. 
\v 3 Noho izany dia hahafoy azy ireo Andriamanitra, hatramin'ny fotoana hitrotroan'izay mihetsi-jaza zazakely, ary ny tavela amin'ireo anadahiny dia hiverina any amin'ny vahoakan'Israely.

\s5
\v 4 Hijoro Izy ary hiandry ny ondry aman'osiny amin'ny herin'i Yaveh, amin'ny voninahitry ny anaran'i Yaveh Andriamaniny. Hitoetra izy ireo, ary satria ho lehibe hatrany amin'ny faran'ny tany Izy. 
\v 5 Ho fiadanantsika Izy. Rehefa tonga ao amin'ny tanintsika ireo Asyriana, rehefa manao diabe hanohitra ireo fiarovana mafintsika izy ireo, dia hitsangana hanohitra azy ireo amin'ny mpiandry ondry fito sy mpitarika valo amin'ireo olona isika.

\s5
\v 6 Hiandry ny tanin'ny Asyria amin-tsabatra izy ireo, ary eo fidirana ao amin'izany ny tanin'i Nimroda. [Fanamarihana: Ny lahatsoratra Hebreo dia manao hoe ''eo amin'ny fidirana ao amin'izany'', izany hoe, eo amin'ireo vavahadiny. Na izany aza, ireo dikan-teny vaovao sasany dia mihevitra fa ny teny Hebreo hafa dia noheverina hoe: ''amin'ny sabatra voatsoaka''. ] Hanavotra antsika amin'ny Asyriana Izy, rehefa tonga ao amin'ny tanintsika izy ireo, rehefa manao diabe anatin'ny faritanintsika izy ireo. 
\v 7 Ny sisa tavela amin'i Jakoba dia ho eo afovoan'ireo vahoaka maro, tahaka ny ando avy amin'i Yaveh, tahaka ny ranon'orana eo amin'ny ahi-maitso, izay tsy miandry olona, ary tsy miandry ny zanak'olombelona izy ireo.

\s5
\v 8 Ny sisa tavela amin'i Jakoba dia ho eo amin'ireo firenena, eo amin'ireo vahoaka maro, tahaka ny liona eo amin'ireo biby any an'ala, tahaka ny liona tanora eo amin'ireo andian'ondry. Rehefa mamakivaky eo amin'ireo izy, dia hanosihosy ireo sy hamotipotika ireo, ary tsy hisy olona hamonjy azy ireo. 
\v 9 Hisandratra hamely ireo fahavalonao ny tananao, ka hamotika azy ireo izany.

\s5
\v 10 ''Izao no hitranga amin'izany andro izany'' hoy Yaveh ''Hovonoiko eo aminao ireo soavalinao ary hopotehiko ireo kalesinao. 
\v 11 Horavàko ireo tanàna ao amin'ny taninao ary harodako ny mandanao rehetra.

\s5
\v 12 Hopotehiko ny sikidy eo an-tananao, ary tsy hanana mpisikidy intsony ianao. 
\v 13 Hopotehiko ireo sary sokitrao sy ireo tsangam-batonao eo aminao. Tsy hanompo ny asa-tananao intsony ianao. 
\v 14 Hofongoriko eo aminao ireo baon'aserahanao, ary horavàko ireo tanànanao. 
\v 15 Hanatanteraka valifaty amim-pahatezerana sy fahavinirana eo amin'ireo firenena izay tsy nankatò Aho.''

\s5
\c 6
\p 
\v 1 Ankehitriny mihainoa izay lazain'i Yaveh: ''Mitsangàna ary alaharo eo anatrehan'ireo tendrombohitra ny raharahanareo; aoka ireo havoana handre ny feonareo. 
\v 2 Mihainoa ny adin'i Yaveh, ianareo tendrombohitra, sy ianareo fanambany maharitry tany. Fa manana ady amin'ny vahoakany Yaveh, ary hiady hanohitra ny Israely eo amin'ny fitsarana Izy.''

\s5
\v 3 ''Ry oloko, inona no nataoko anareo? Ahoana no nandrerahako anareo? Mijoroa vavolombelona hanohitra Ahy! 
\v 4 Fa nentiko niakatra hivoaka ny tany Egypta ianareo ary navotako hivoaka ny trano fanandevozana. Naniraka an'i Mosesy, Arona, ary Miriama taminareo Aho. 
\v 5 Ry oloko, tsarovy izay noheverin'i Balaka mpanjakan'i Moaba, sy ny fomba namalian'i Balama zanak'i Beora azy raha nandeha nankany Sitima ka hatrany Gilgala ianareo, mba hahafahanareo mahafantatra ny asa-marin'i Yaveh.''

\s5
\v 6 Inona no tokony ho entiko ho an'i Yaveh, raha miankohoka eo amin'Andriamanitra Avo aho? Tokony ho tonga eo Aminy miaraka amin'ny fanatitra dorana, amin'ny zanak'omby herintaona ve aho? 
\v 7 Moa ve Yaveh hankasitraka ondrilahy an'arivony, na onin-diloilo an'aliny? Tokony hanolotra ny lahimatoako noho ny heloko ve aho, ilay naterako noho ny fahotako ihany? 
\v 8 Efa niteny anao Izy, ry olona, hoe inona ny tsara, ary inona no takian'i Yaveh aminao: Manaova ny marina, tiava amim-pahatsorana, ary mandehana amim-panetren-tena miaraka amin'Andriamanitrao.

\s5
\v 9 Manao fanambarana amin'ny tanàna ny feon'i Yaveh— na ny fahendrena aza ankehitriny dia miaiky ny anaranao: ''Henoy ny tsora-kazo, sy ny olona izay nametraka izany tamin'ny fitoerany. [Fanamarihana: Raha tokony hoe: ''Henoy ny tsora-kazo sy ny olona izay nametraka izany tao amin'ny fitoerany'' no ao amin'ny lahatsoratra Hebreo, ireo dikan-teny sasany vaovao manao hoe: ''Mihainoa, ry foko, sy izay miara-miangona ao an-tanàna.''] 
\v 10 Misy harena ao an-tranon'ny ratsy fanahy tsy marina, ary fandrefesana mandainga izay fahavetavetana.

\s5
\v 11 Tokony hihevitra ny olona ho tsy manan-tsiny ve Aho raha mampiasa mizàna mandainga izy, miaraka amin'ny harona fandanjana mamitaka? 
\v 12 Feno herisetra ny mpanan-karena, efa nilaza lainga ireo mponina, ary mpamitaka ny lelany ao am-bavany.

\s5
\v 13 Noho izany dia namely anao tamin'ny ratra maharary Aho, efa nataoko ho rava noho ireo fahotanao ianao. 
\v 14 Hihinana ianao fa tsy ho afa-po; hitoetra ao anatinao ny hanoananao. Hanangona harena ianao fa tsy hahangona, ary izay voahangonao dia homeko ny sabatra. [Fanamarihana: Sarotra takarina ny ampahany amin'ity andininy ity, satria misy teny Hebreo roa ao amin'izany izay tsy fantatra ny dikany. Vokatr'izany, ireo vakiteny maro samihafa dia nanolotra fa manaraka ny dikan-teny sasany vaovao. ] 
\v 15 Hamafy ianao fa tsy hijinja; hanitsakitsaka oliva ianao fa tsy hihosotra diloilo; hanosihosy voaloboka ianao fa tsy mba hisotro divay.

\s5
\v 16 Ireo fitsipika nataon'i Omry dia efa voatandrina, ary ireo asan'ny taranak'i Ahaba rehetra. Mandeha araka torohevitr'izy ireo ianao. Koa hataoko, ho faharavana, ianao ry tanàna, ary zavatra mampisitrisitra ianareo ry mponina, ary hizaka latsa tahaka ny vahoakako ianareo.'' [Fanamarihana: Ny lahatsoratra Hebreo dia manao hoe: ''hizaka latsa tahaka ny oloko ianao'', ireo dikan-teny Grika taloha manao hoe: ''hizaka ny latsan'ireo firenena ianao''. Ireo dikan-teny vaovao sasany dia manaraka io vakiteny io.]

\s5
\c 7
\p 
\v 1 Lozako! Fa ho ahy izany dia tahaka ny hoe tapitra ny fiotazana ny voankazo, sady ihany koa fanangonana ny ambim-boaloboka ao amin'ny tanimboaloboka: Tsy misy sampahom-boaloboka hita intsony, tsy nisy tamin'ireo aviavy nialin-taona izay niriako fatratra. 
\v 2 Nanjavona tamin'ny tany ny olona mahatoky, tsy misy olo-mahitsy ao amin'ny olombelona rehetra. Manotrika handatsa-drà avokoa izy rehetra; ny tsirairay mihaza ny rahalahiny amin'ny harato ny ihany.

\s5
\v 3 Mailaka amin'ny fanaovan-dratsy ny tanan'izy ireo: mitaky vola ireo mpanapaka, vonona amin'ny kolikoky ny mpitsara, ary milaza amin'ireo hafa izay tiany ho azo ny lehilahy matanjaka. Dia toy izany no iarahany miteti-dratsy. 
\v 4 Ny tsara indrindra amin'izy ireo dia tahaka ny roy, ny mahitsy indrindra dia fefy tsilo. Izany dia andro efa voalazan'ireo mpitilinao mialoha, dia ny andro famaizana anareo. Izao no fotoan'ny fahaverezan-kevitr'izy ireo.

\s5
\v 5 Aza mahatoky mpiara-belona; aza mametra-pitokiana amin'ny namana. Tandremo izay lazainao na dia amin'ny vehivavy izay mandry eo an-tsandrinao aza. 
\v 6 Fa haniratsira ny rainy ny zanaka lahy, hitsangana hanohitra an-dreniny ny zanaka vavy, ary ny vinanto vavy hanohitra ny rafozam-baviny. Ny olona ao an-tranony ihany no fahavalon'ny olona.

\s5
\v 7 Fa raha izaho aloha, dia hijery an'i Yaveh aho, hiandry ny Andriamanitry ny famonjena ahy aho; handre ahy ny Andriamanitro. 
\v 8 Aza mifaly amiko, ry fahavaloko. Fa rehefa lavo aho, dia hiarina indray. Raha mipetraka ao amin'ny aizina aho, dia Yaveh no ho fahazavana ho ahy.

\s5
\v 9 Satria nanota tamin'i Yaveh aho, dia hizaka ny hatezerany mandra-pandahany ny teniko, sy hanatanterahany fitsarana ho ahy. Hitondra ahy ho eo amin'ny fahazavana Izy, ary hahita Azy manavotra ahy ao amin'ny fahamarinany aho.

\s5
\v 10 Dia hahita izany ireo fahavaloko, ka ny henatra no hanarona izay niteny tamiko hoe: ''Aiza Yaveh Andriamanitrao?'' Hijery azy ny masoko; ho voahosihosy tahaka ny fotaka eny an-dalana izy.

\s5
\v 11 Ho tonga ny andro hananganana ny mandanao; amin'izany andro izany dia hitarina hatrany lavitra ireo faritaninao. 
\v 12 Amin'izany andro izany dia ho tonga aminao ny vahoakanao, avy any Asyria sy ireo tanàna any Egypta, avy any Egypta ka hatrany amin'ny renirano lehibe, Eofrata, avy amin'ny ranomasina ka hatrany amin'ny ranomasina, ary avy amin'ny tendrombohitra ka hatrany amin'ny tendrombohitra. 
\v 13 Ireo tany ireo dia hilaozana noho ny vahoaka izay mipetraka ao ankehitriny, noho ny vokatry ny asan'izy ireo.

\s5
\v 14 Ambeno amin'ny tsora-kazonao ny vahoakanao, dia ny ondry aman'osin'ny lovanao. Mitoetra irery any an'ala izy ireo, eo afovoan'ny tanimboly. Aoka izy ireo hiraoka any Basana sy Gileada tahaka ny tamin'ny andro fahiny. 
\v 15 Tahaka ny tamin'ny andro izay nivoahanao ny tany Egypta, dia haneho fahagagana azy ireo Aho.

\s5
\v 16 Hahita ary ho menatry ny heriny rehetra ireo firenena. Hitampim-bava izy ireo; harenina ny sofin'izy ireo. 
\v 17 Hilelaka ny vovoka tahaka ny bibilava, tahaka ny zava-boaary izay mikisaka amin'ny tany izy ireo. Hivoaka avy ao an-davany amin-tahotra izy ireo; ho avy amin-tahotra eo Aminao izy ireo, ry Yaveh Andriamanitray, ary hatahotra noho Ianao.

\s5
\v 18 Iza no Andriamanitra tahaka Anao, Ianao izay manala fahotana, Ianao izay mandalo ambonin'ny heloky ny sisa tavela amin'ny lovanao? Tsy mitàna ny fahatezeranao mandrakizay Ianao, satria tianao ny maneho ny famindram-ponao aminay.

\s5
\v 19 Hangoraka anay indray Ianao; hanitsaka ireo helokay ao ambany tongotrao Ianao. Hanary ny otanay rehetra ao amin'ireo lalin'ny ranomasina Ianao. 
\v 20 Hanome ny marina ho an'i Jakoba sy famindram-po ho an'i Abrahama Ianao, tahaka ny nianiananao tamin'ireo razambenay tamin'ireo andro fahiny.