pga_reg/67-REV.usfm

\id REV
\ide UTF-8
\h Ruwya 1
\toc1 Ruwya 1
\toc2 Ruwya 1
\toc3 rev
\mt Ruwya 1
\c 1
\cl As-hah 1
\p
\v 1 De yahu ruwya ta Yesua al Mesih al Allah wodi le huwo ashan bi wori le khadam tuo an haja al bi ruwa hasil gerib, huwo wori kabara de bi wasat malaika tuo al huwo rasulu le Yuhana.
\v 2 Yuhana shahidu an kelima ta Allah wa shuhuda ta Yesua al Mesih, kulu hajat al huwo ainu.
\v 3 Baraka le zol al bi agara nubuwa de bi sut al shedid, wa le zol al asuma le kelimat ta nubuwa de wa zol al ihetarmu haja al katibu fugo, leano zaman biga gerib.
\p
\v 4 Yuhana, le saba kanais al fi Asia: Keli neima kun ma intum, wa salam min Allah al hasa, wa al kan, wa al bi ja, wa min saba arwah al gedam kursi tuo,
\v 5 wa Yesua al Mesih, al huwo shahid al amiin, al bekir ta nas al gum min mutu, wa rais ta muluk ta ard. Al huwo bi hibu nina wa kasulu nina min katiya be dom tuo,
\v 6 huwo amulu nina muluk wa khana le Allah wa abu tuo__keli mejid wa sultan bi kun le huwo ila al abad. Amen.
\q
\v 7 Ainu, al huwo bi ja ma sehab, kulu ena bi ainu huwo hata nas al atanu huwo, kulu gabail ta duniya bi kore ashan huwo. Amen,
\p
\v 8 "Ana yau al alif wa ya, al bidaya wa al nihaya, Rabuna bi kelima, Allah al Gadir ala kulu haja.
\p
\v 9 Ana, Yuhana aku taki al bi isterik ma inta fi taab wa mulukut wa tahamul al huwo fi Yesua, al kan fi jezira al isem tou Patmos, shan kelima ta Allah, wa sehada an Yesua al Mesih,
\v 10 ana kan fi Roho fi yom al Rab, ana asuma wara tai sut shedid ze buruji.
\v 11 Bi kelimo, "Katibu haja al inta ainu fi ketab wa rasulu le kanais al saba, le Ephesus, le Smyrna, le Pergmum, le Thyatira, le Sardis, le Philadelpia wa le Laodicea.
\v 12 Ana lefu ashan bi ainu de sot ta munu yahu bi kelimu le ana, wa ze ma ana lefu ana ainu saba amida ta lamba min dahab,
\v 13 Fi wasat ta amida ta lamba fi kan zol ze ibiin al insaan, huwo lebisu jelebiya tuwil wusulu lahadi tehet fi kuraiin tou, wa habil min dahab rubutu fi dus tou,
\v 14 Ras tou wa shar tou abyad ze suf, wa abyad ze telij, wa uyon tou kan ze lisaan ta nar,
\v 15 Kuraiin tou kan ze nehas al nedif, ze nehas al kan nedifu fi be nar, wa sut tou ze moyo ketir bi dufugu,
\v 16 Huwo indu fi iden tou ta yemin saba nujum, wa sef al atraf tou seniin bi tala min kasuma tou, usa tou bi wala ze shemis ta nahar.
\v 17 Zaman ana ainu huwo ana waga fi tehet kuraiin tou ze zol al meit, huwo kutu ida tou al yemin fi ana, wa kelimu, mata kafu. Ana huwo al aweil wa al akir
\v 18 wa al hai, ana kan meit, lakin ainu, ana hai ila al abad! Wa ana indu mafati ta mutu wa hawiya.
\v 19 Ashan keda katibu tehet hajat al inta ainu, shuno yao bi hasil, wa shuno yao bi ja hasil badiin.
\v 20 Yala siir ta mana ta saba nujum al inta ainu fi ida yemin tai de, wa saba amida ta lamba ta dahab de: Saba nujum de yahu malaikat ta saba kanais de, wa saba amida ta lamba de yao saba kanais".
\c 2
\cl As-hah 2
\p
\v 1 Ana bi katibu le malaika ta kenisa al fi Ephesus: kelimat ta al amsuku saba nujum fi ida tou al yemin, wa al bi duwuru fi wasat ta saba lamba al min dahab,
\v 2 "Ana arufa amail taki, wa taab ta shukul taki, wa subur taki, ana arufu inu inta ma bi agder ashan bi ithamal nas al ashrar, lakin inta jeribu nas al gali humon rusul, lakin humon ma rusul, wa inta ligo humo kadbin
\v 3 Inta ithamal be subur wa waja ashan isim tai, wa inta ma tala fatran.
\v 4 Lakin ana ma murtah min inta ashan inta sibu muhaba taki al aweil.
\v 5 Zekeru, min yatu mahal inta waga. Tuub wa amulu hajat al aweil kan inta amulu. Ile kan inta tuub, ana bi ja le inta wa ana bi shilu lamba taki min mahal tou.
\v 6 Lakin inta indu de, inta akrahu haja al Nicolaitans amulu, al ana kaman akrahu
\v 7 Keli zol al indu adana, asuma haja al Roho bi kelimu le kanais. Le zol al intesir ana bi wodi le huwo hak ashan bi akulu min shejera ta haya, al fi wasat fardus ta Allah".
\p
\v 8 Ana bi katibu le malaika al fi kenisa ta Smyrna, 'Kelimat ta al huwo yahu al aweil wa al akir, al huwo kan mutu wa huwo biga hai tani mara:
\v 9 "Ana arufu taab taki wa zuruf taki, lakin inta ganian. Ana arufu wonusa ta karabu suma ta nas al kelimu inu huwon Yahud, lakin humon ma Yahud. Humon mujama ta Shetan.
\v 10 Mata kafu min taab al bi ja le inta. Ainu! Shetan bi ja jada baad min intum fi sejin ashan jeribu intum, wa intum bi taban le muda ashra yom. Keli inta kun amin lahadi mutu, wa ana bi wodi le inta taj ta haya.
\v 11 Keli zol al indu adana, asuma le haja al Roho bi kelimu le kanais. Le zol al intesir ma bi ligo taab ta mutu al nimar itnin".
\p
\v 12 "Ana bi katibu le malaika al fi kenisa ta Pergarmus: 'Kelimat ta al indu sef al itnin atraf tou senin:
\v 13 "Ana arufu mahal al inta bi geni fugu, hinak yao mahal kursi ta hetan fugu. Lisa inta amsuku guwi fi isem tai. Ana arufu min inta ma anguru iman taki fi ana, hata fi ayam ta Antipas suhud tai, al amin, al kan katulu huwo fi wasat takum, fi mahal shetan bi geni fugu.
\v 14 Lakin ana ma murtah min inta fi hajat besit: Inta indu baad min nas al umon bi amsuku bi talim ta Balaam, al huwo alimu Balak ashan bi gufulu sika le iyal ta Israel ashan umon bi akulu akil al gedimo le sanam wa bi amulu zena.
\v 15 Be nefsa teriga, inta kaman indu baad min nas al umon bi amsuku bi talim ta Nicolaiins.
\v 16 Ashan keda, tub, kan inta ma tub, ana bi ja be sura le inta, wa bi alinu harib did umon bi seif fi kasuma tai.
\v 17 Keli zol al indu adan, a asuma le haja al Roho bi kelimu le kanais. Le zol al intesir, ana bi wodi baad min manna al dudu, wa ana bi wodi hajer al abiyat katibu fugu isem jedid, isim al mafi zol arufu lakin ila zol al bi istelimu.
\p
\v 18 Ana bi katibu le malaika al fi kenisa ta Thyatira: 'De kelimat ta Jena ta Allah, al uyun tou ze lahab ta nar, wa kuren tou ze nihas al nedifu:
\v 19 ' Ana arufu haja al inta amulu: muhaba taki, wa iman wa khedima wa subur, tahamul taki. Ana arufu inu haja al inta amulu hasadi, aktar min al inta amulu aweil.
\v 20 Lakin ana ma murtah ma inta: Inta bi jamil mara al isem tou Jezebel, al bi nadi nefsa tou nebiya. Be wasat talim ta hiya, hiya kabasu khdam tai ashan bi amulu zena wa bi akulu zabaih al gedimu le asnam.
\v 21 Ana wodi le hiya zaman ashan bi tub, lakin hiya ma indu niya ashan bi tub min najasa ta tou.
\v 22 Ainu, ana bi jada hiya be ayan, wa kulu nas al amulu zena ma hiya fi azab al shedid, ila iza kan umon tub min amail tumon.
\v 23 Ana bi katulu iyal ta hiya, wa kulu kanais bi arufu inu ana yao fahiz al afkar wa gulub. Ana bi wodi le kulu wahid min intum hasab amail tou.
\v 24 Lakin le bagi nas al fi Thyatira, le kulu nas al ma shilu talim de wa umon ma arufu hajat al bi nadi asrar ta shetan__le intum ana bi kelimu, 'ana ma bi kutu ai tegela fi intum.'
\v 25 Fi kulu haja, keli intum wogifu gowi lahadi ana bi ja.
\v 26 Le zol al gelibu wa amulu haja al ana amulu, lahadi nihaya, ana bi wodi le huwo sultan fog umum.
\q
\v 27 'Huwo bi hukumu umon bi asaya min hadid, ze ibrik al min tin huwo bi kasuru umon hita hita.'
\v 28 Bes ze ma ana istelim min Abu tai, ana kaman bi wodi le huwo nejma ta sabah.
\v 29 Keli zol al indu adana asuma le haja al Roho bi kelimu le kanais.'"
\c 3
\cl As-hah 3
\p
\v 1 Ana bi katibu le malaika al fi kenisa ta Sardis:' Kelimat ta Al bi amsuku saba aruwah ta Allah wa saba nujum. "Ana arufu amail taki. Inta hai be isim, lakin inta meit,
\v 2 Gum fok, wa shdidu bagi hajat al fadulu, lakin huwo bi ruwa mutu, leano ana ma ligo shukul taki kamil fi gedam ta Allah tai.
\v 3 Ashsn keda zekiru, kef inta istelimu, wa asuma. Ihtarmu huwo, wa tub. Lakin iza kan inta ma gum fok, ana bi ja ze harami, wa inta ma bi arufu fi yatu saa ana bi ja le inta.
\v 4 Lakin inta indu nas besitin fi Sardis umon ma wasku gumash tumon, wa umon bi duwuru ma ana, fi gumash abeyad ashan umon bi istehik.
\v 5 Le zol al gelibu, bi lebisu le huwo gumash abeyad, wa ana ma bi masa isem tou min kitab ta haya, wa ana ma bi itarif be isem tou gedam ta Abu tai, wa gedam malaikat tou.
\v 6 Le zol al indu adana, keli asuma le haja al Roha bi kelimu le kanais"'.
\p
\v 7 "Ana bi katibu le malaika al fi kenisa ta Philadelphia: Kelimat ta Al huwo kudus wa hak__ huwo bi amsuku muftah ta Dawud, huwo bi fata wa mafi zol bi gufulu, wa kan huwo gufulu mafi zol bi agder fata.
\p
\v 8 "'Ana arufu amail taki. Ainu, gidam taki ana fata bab al mafi zol tani bi agder gufulu. Ana arufu inu guwa taki besit, lakin inta ihtaramu kalam tai wa inta ma anguru isim tai,
\v 9 Ainu! ana bi lanu nas al tabeiin le mujama ta shetan, umon bi kelimu gali umon Yahud, lakin umon ma Yahud, umon kadabin, ana bi kutu umon bi ja wa dangir tehet gedam kuren taki, wa umon bi arufu inu ana bi hibu inta.
\v 10 Ze ma inta hafisu wasaya tai ashan bi ithamal waja bi subur, ana kaman bi hafisu inta min saa ta tejeriba al bi ja le alam kulu, ashan bi jeribu deal al bi geni fi ard
\v 11 Ana jai gerib. Amsuku haja al inta indu de guwi ashan keli zol tani ma shilu taj taki.
\v 12 Le zol al gelibu ana bi amulu huwo amud fi haikal ta Allah tai. Huwo ma bi tala min fugo tani mara, wa ana bi katibu fi huwo isem ta Illah tai, isim ta medina ta Allah tai, (Jeruselem al jedid, al bi ja tehet min sama min Allah tai), wa isim tai al jedid.
\v 13 Le zol al indu adana, asuma le haja al Roho bi kelimu le kanais.
\p
\v 14 Ana bi katibu le malaika al fi kenisa ta Laodicea: 'De kelimat al Amin, al sadik wa shuhud al hak, al bi hukumu kulu khaliga ta Allah.
\v 15 " Ana arufu amail taki wa inu inta ma barid wele sukun. Ana bi itmana kan inta bi kun barid aw sukun!
\v 16 Lakin, ashan inta fatir (dafi) ma sukun aw barid, ana gerib bi tufu inta bara min kasuma tai.
\v 17 Leano inta gi kelimu, 'Ana ganiyan, ana indu mumtalakat ketir, wa ma muhtaj le ai haja.' Lakin inta ma arufu inu inta taban, ma murtaha, miskiin, amiyan, wa ariyan.
\v 18 Asuma le nesiha tai, beyu min ana dahab al aragu bi nar ashan inta bi tala ganiyan, wa gumash abeyad ashan inta bi libisu wa ma bi ainu sukulu ariyan taki, wa kuhul al bi nedifu uyon taki ashan inta bi ainu.
\v 19 Ana bi wabikhu wa adibu ai zol al ana hibu. Ashan keda, geni jadii wa tub.
\v 20 Ainu, ana bi wogif fi bab wa ana bi dugu. Iza kan ai zol asuma sut tai wa fata bab, ana bi ja fi beit tou, wa ana bi akulu ma huwo, wa huwo ma ana.
\v 21 Le zol al gelibu ana bi wodi le huwo hak ashan bi geni ma ana fi kuris tai, bes ze ma ana gelibu wa geni ma Abu tai fi kuris tou.
\v 22 Le zol al indu adana, keli asuma le haja al Roho bi kelimu le kanais.'"'
\c 4
\cl As-hah 4
\p
\v 1 Bad hajat del, ana ainu bab fatau fi sama. Sut al aweil kan ana asuma bi wonusu le ana ze buruji, bi kelimu, "Taal heni fok, wa ana bi wori le inta shunu al bi hasil bad hajat del."
\v 2 Wa fi zaman dak ana kan fi Roho, wa ana kan aino fi hinak kursi kutu fi sama, wa fi zol geni fogo.
\v 3 Zol al kan geni fogo de shikil tou ze hajer al bi lamah wa kan fi hinak Koz_Kuza hawili kurusi de. Koz-kuza de shikil tou ze feda(zumurud) al bi lama.
\v 4 Wa fi hawili kursi de, kan fi arba wa ishriin karasi, wa ana ainu fi ras karasi del arba wa ishriin shuyuk geni fogo bi gumashat al abiyad ma taj min dahab fi ras tumon.
\v 5 Min kursi del fi anuar, asuwat tala ta saga. Saba lamat kan bi wala fi gedam ta kurusi de, lambat de yao saba aruwah ta Allah.
\v 6 Fi gedam ta kursi de, kan fi bahar min gizaz, shafaf. Fi wasat ta kursi wa fi hawili kursi fi arba haiwanat, jesim tumon malian ma uyon min gedam wa wara.
\v 7 Haiwan al aweil kan ze Aset, wa haiwan al tani geni ze jena ta bagara, wa haiwan al nimra talata usa tou ze ta insan, wa haiwan al nimra arba ze nisr al bi teri.
\v 8 Haiwanat al arba de kulu wahid indu seta ajiniha, malian ma uyon min fok wa tehet. Belil wa nahar umon ma wogifu min kelimu, "Kudus, kudus, kudus, huwo Rabuna Allah al Gadeir, al huwo al kan, wa huwo hasa, wa al bi ja".
\p
\v 9 Fi kulu zaman al haiwanat de bi wodi mejid, karama, wa sukuran le al bi geni fi kursi, al huwo bi geni ila al abad al abadiin,
\v 10 sheyuk al arba wa ishriin bi dengir tehet gedam ta tou al bi geni fi ras kursi, wa abidu huwo al bi geni ila abad. Umon bi kutu taj tumon gedam ta kursi, wa umon bi kelimu,
\q
\v 11 "inta yao bi istehik, Rabuna ta nina wa Allah ta nina, ashan bi ligo mejid wa karama wa guwa, leanu inta kalagu kulu hajat, wa be irada taki umon fii wa kalagu.
\c 5
\cl As-hah 5
\p
\v 1 Biga ana ainu fi ida al yemin ta al bi geni fi kursi kitab katibu fugu min gedam wa wara tou, khatimu bi saba akhtam.
\v 2 Ana ainu malaika guwi bi alinu bi sut al shedid, "De munu yahu bi istehik ashan bi fata kitab, wa bi kasuru akhtam tou"?
\v 3 Mafi zol fi sama aw fi ard aw tehet ard al bi agder fata al kitab de, aw bi agara kitab de.
\v 4 Ana kore shedid leano ma ligo zol al bi istehik ashan bi fata kitab au bi agara.
\v 5 Lakin wahid min shuyuk kelimu le ana, "Mata kore, ainu! Ased al min gebila ta Judah, al min asli ta Dawud, huwo gelibu. Huwo bi agdeir ashan bi fata kitab de wa akhtam bi tou al saba".
\v 6 Ana ainu koruf bi wogif fi wasat ta kursi wa fi wasat haiwanat al arba wa fi wasat ta shuyuk. Huwo bi beinu ze katulu huwo. Huwo indu saba gurun wa saba uyon, al huwo saba arwah ta Allah al rasulu fi kulu al ard.
\v 7 Huwo ruwa wa shilu kitab de min ida ta al bi geni fi kursi.
\v 8 Zaman huwo shilu kitab de, haiwanat al arba wa shuyuk al arba wa ishrin waga tehet gedam ta Koruf. Kulu wahid min umon indu Guitar wa guruma min dahab maliyan bi bakhur al huwo yahu salawat ta kedisiin.
\v 9 Umon guna ternima jedid: Inta yao bi istehik ashan bi shilu kitab wa bi feku akhtam bitou. Leano dabau inta wa be dom taki inta ishteri nas le Allah min kulu gebila, luga, shaab, wa uma.
\q
\v 10 Inta amulu umon mamlaka wa kahana ashan bi akhdim Rabana ta nina, wa umon bi hukumu ala al ard".
\p
\v 11 Biga ana ainu wa asuma sut ta malaikat ketir, al umon hawli kursi wa haiwanat wa shuyuk. Adad tumon kulu kan milion.
\v 12 Umon kelimu bi sut shedid, "Koruf al kan dabau de, huwo bi istehik, ashan bi ligo guwa, gina, hikma, guwa, karama, mejid, wa tesbih".
\p
\v 13 Ana asuma kulu al mukulugat al fi sama wa al fi ard wa la tehet ard wa al fi bahar umon kulu kelimu, "Le de al bi geni fi kursi wa le Koruf al ibada, karama, mejid, wa sultan ila al abad al abadiin."
\p
\v 14 Haiwanat al arba kelimu, "Amen!" wa al sheyuk waga tehet wa abidu.
\c 6
\cl As-hah 6
\p
\v 1 Ana ainu wokit Jena koruf fata wahid min saba akhtam, ana asuma wahid min arbaa haiwanat del bi kelim be sut ta saga, "Taal!"
\v 2 Ana ainu hinak husan abiad. Suwak tou indu danga, wa wodi le huwo taj. Huwo tala bara ze zol al gilibu ashan bi gilibu.
\p
\v 3 Wokit Jena koruf fata kitim nimra itnin, Ana asuma haiwan nimira itnin kelim, "Taal!"
\v 4 Biga husan tani tala bara-ahmar ze nar. Wodi le suwag tou izin ashan bi shilu salam bara min ard, ashan nas tou bi daba badun. Suwag de wodi le huwo sef kebir.
\p
\v 5 Wokit Jena koruf de fata kitim nimira talata, Ana asuma haiwan nimira talata kelim, "Taal!" Ana aynu husan asuwed, suwag tou amsuku itnin mizan fi idan tou.
\v 6 Ana asuma haja ze sot fi nus arba haiwanat kelim, "Kela bit degig be dinar, wa talata kelat bita sheiir be dinar. Lakin mata lemesu zet wa merisa."
\p
\v 7 Wokit Jena koruf de fata kitim nimira arbaa, Ana asuma sot ta haiwan nimira arba kelim, "Taal!"
\v 8 Biga ana ainu husan lon tou gerib ze akadar. Isim ta suwag tou Mutu, wa Husan tani kan ja be wara tou. Wodi le umon sulta ashan katulu rubu dunia, be sef, jiyan wa aian, wa kaman be haiwanat ta gaba.
\p
\v 9 Wokit Jena koruf de fata kitim nimira kamsa, ana ainu tehet mazbah arwah ta del al katulu ashan kalam ta Allah wa shuhuda al umon wodi.
\v 10 Umon kore be sot fok, "Lahadi miten, ya sidi hukum, kudus wa hagiga, ashan Inta bi ja hukumu del al fi ard, wa lahadi Inta bi intakim min dom ta nina?"
\v 11 Biga wodi le ai wahid min umon gumash abiad, wa kelimu le umon gali kede umon sobur shuwia lahadi adad ta kadamin tanin al sawa ma umon de bi timo wa akwana tumon bi ja katulu, ze ma katulu umon.
\p
\v 12 Wokit Jena koruf de fata kitim nimira sitta, Ana ainu wa kan fi zalzal kebir. Shemis tala aswed ze gumash ta huzun, wa gamara tala ahmar ze dom.
\v 13 Nujum fi Samawat waga fi wata, ze simar al nei ta shejera tin yau bi waga kan habub gowi lizu.
\v 14 Sama kati ze waraga shejera al lifu fok. Kulu jebel jezira harik min mahal tumon.
\v 15 Biga muluk ta dunia wa nas al mohimin, wa kaada, wa nas al ganyanin, wa al indu guwa, wa kulu nas, abid wele ahrar, umon dusu fi juwa kahf wa fi nus hujar ta jibal.
\v 16 Umon kelim le jibal wa le hujar, "Waga fi nina! dusu nina min wusa ta al bi geni fi kursi ta hukum wa min zalan ta Jena koruf de.
\v 17 Ashan yom al kebir tumon ta zalan de kalas ja. Munu al bi agder wogif?"
\c 7
\cl As-hah 7
\p
\v 1 Bad de ana ainu arba malaikat wogif fi arba arkan ta dunia, bi amsugu arbaa riyah ta dunia ashan kede mafi habub afuku ardia, fi bahar, aw fi ai shejera.
\v 2 Ana ainu malaika tani jai min sherik, huwo indu kitim ta Allah al hai. Huwo kore shedid be sot fok le arba malikat al kan wodi le umon izin ashan bi awgu dunia wa bahar.
\v 3 "Matakum awgu ard, bahar, aw ashjar lahadi kan nina kutu kitim fi wusa ta kadamin ta Allah ta nina.
\v 4 Ana asuma gali adad ta del al katimu: 144,000, del al katimu umon min kulu gabail ta nas Israel:
\q
\v 5 itnashar alf min gebila ta Yahuza, itnashar alf min gebila ta Raubin, itnashar alf min gebila ta Jad,
\q
\v 6 itnashar alf min gebila ta Ashir, itnashar alf min gebila ta Naftali, itnashar alf min gebil ta Manasa.
\q
\v 7 itnashar alf min gebila ta Shamaun, itnashar alf min gebila ta Lawi, itnashar alf min gebila ta Yasakir,
\q
\v 8 itnashar alf min gebila ta Zabalun, itnashar alf min gebila ta Yusif, wa katimu itnashar alf min gebila ta Binyamin.
\p
\v 9 Bad hajat de ana ainu, kaman kan fi adaa ta nas ketir kalis al mafi zol bi agder idu - min kulu umma, gebila, nas, wa luga -umon wogif gidam kursi wa gidam Jena koruf. Umon libisu jelebiyat abiad wa bi amsuku awrak ta zaaf fi idan tumon,
\v 10 wa umon bi nadi be sot shedid kalis: "Kulasa fi le Allah ta nina, al bi geni fi kursi, wa le Jena khoruf!"
\p
\v 11 Malaikat kulu kan bi wogif hawle kursi wa hawle shiukh wa arba haiwanat, wa umon waga be wusa gidam ta kursi. Umon kan bi abudu Allah,
\v 12 wa bi kelim gali, "Amin! Al hamdu, mejid, hikma shukran, ihteram, guwa, wa gudra kede kon le Allah ta nina daiman wa lel abad! Amin!"
\p
\v 13 Biga wahid min shiyukh del asalu ana, "Del nas munu al libisu jelebiat abiad de, wa umon ja min wen?"
\v 14 Ana kelim le huwo, "Ya seid, inta aruf," wa huwo kelim le ana, "Del yau nas al tala bara min azab al kebir. Umon kasulu jelebiyat tumon abiad be dom ta Jena koruf.
\q
\v 15 Be sabab de, umon fi gidam kursi ta Allah, wa bi abudu Huwo nahar wa bilel fi haikal tou. Wa al bi geni fi kursi de huwo bi fata khema tou fok ras tumon.
\q
\v 16 Umon ma bi tala jiyanin tani mara, wa ma bi kon atshanin tani mara. Shemis ma bi dugu umon, wole sakana bi haragu umon.
\q
\v 17 ashan Jena koruf al fi nus kursi de yau bi ainu umon, wa bi sugu umon fi mahal moyo ta haya bi tala fogo, wa Allah bi masa moyo ena bara min uyun ta tumon."
\c 8
\cl As-hah 8
\p
\v 1 Wokit Jena koruf de fiku kitim nimira saba, sama askut nus saa.
\v 2 Min hinak ana ainu saba malaikat wogif gidam Allah, wa wodi le umon saba torombetat.
\p
\v 3 Malaika tani ja, gobudu mabhara ta bokhur min dahab, wa wogif fi mazbah ta bohur. Wa wodi le huwo bokhur tani ketir ashan huwo bi gedimu salawat ta kudusin fi mazbah ta bokhur gidam ta kursi.
\v 4 Dukhan ta bokhur, sawa ma salawat ta kadisin gum fok gidam ta Allah min ida ta malika de.
\v 5 Malaika de gum shilu mabkhara ta bokhur al min dahab de wa malau be nar min mazbah. Biga huwo jadau tehet fi ard, wa hasil saga dugu, sot shedid, nur wala, wa zalzal.
\p
\v 6 Saba malaikat al kan indu saba torombetat del umon gum isteid ashan bi bada afuku.
\p
\v 7 Awel malaika wokit bada afuku torombeta tou, wa kan sekete wa nar lakabatu sawa ma dom. Jadao tehed fi ard ashan tilit tou bi haragu, tilit ta ashjar haragu, wa kan kulu gesh akhdar haragu.
\p
\v 8 Malika nimira itnin wokit afuku torombeta tou, haja tani kebir ze jebel bi haragu wa jadau fi bahar. Tilit ta bahar tala dom,
\v 9 wa tilit ta haiwanat al fi bahar kan mutu, wa kaman tilit ta sufun demiru.
\p
\v 10 Malika nimira talata wokit afuku torombeta tou, nejma kebir kalis waga min sama, bi wala ze nur, waga fi tilit ta bahar wa fi ena moyo.
\v 11 Isim ta nejma de Marara. Tilit ta moyo bahar tala mur, wa nas kutar al ashrab kan mutu be sabab marara ta moyo de.
\p
\v 12 Wokit malaika nimira arba afuku torombeta tou, hasil darba le tilit ta shemis, wa kaman tilit ta gamara wa tilit ta nujum. Wa tilit tumon gilibu biga duluma; tilit ta nahar wa tilit ta bilel biga kan ma indu nur.
\p
\v 13 Ana ainu, wa ana asuma ter (Nasr) al kan bi tiri fi nus sama, bi kore be sot fok kalis, "Laana, laana, laana, le del al sakinin fe ard, ashan bagi torombeta al bija afuku be bagi talata malaikat."
\c 9
\cl As-hah 9
\p
\v 1 Wokit malika nimira khamsa bada afuku torombeta tou. Ana ainu nejma ta sama al kan waga fi ard. Nejma de wodi le huwo moftah ta biir ta hawiya.
\v 2 Huwo fatah biir ta hawiya, wa dukhan gum tala min biir de ze dukhan ta furun kebir. Shemis wa jou kulu kan tala duluma min dukhan ta biir de.
\v 3 Min juwa dukhan jerad tala fi ard, wa wodi le umon guwa ta addi ze ta agarab fi ard.
\v 4 Wa wori le umon kede ma demiru gesh ta ard aw hajat akada al zarau aw ashjar, lakin nas al ma indu alama ta kitim ta Allah fi ras tumon.
\v 5 Ma wodi le umon izin ashan bi katulu nas del, bes kede azibu umon kamsa shuhur. Waja tumon bi kon ze waja ta agarab kan adi zol.
\v 6 Fi ayam dak nas bi fetisu mutu lakin umon ma bi ligo. Umon bi kon indo niya shedid ashan bi mutu, lakin mutu bi jere min umon.
\v 7 Shikil ta jerad dak bi kun ze husan al jahizu le harb, fi ras tumon fi haja ze tegiya ta dahab, wa wusa tumon ze wusa ta insan.
\v 8 Umon indu shaar ze ta nuswan, wa sunun tumon ze sunun ta ased.
\v 9 Umon indu daraga min hadid fi dus tumon, wa sot ta jinahat tumon ze sot ta arabat ta husan al bi jere fi harib.
\v 10 Umon indu danabat fugo ibira ze ta agarab; fi danabat tumon de umon indu guwa ashan bi awgu nas le muda khamsa shahar.
\v 11 Umon indu melik fok le umon malaika ta hawiya. Isim to be Ebriya Abadon, wa be Yonaniya isim to Aboliyon.
\p
\v 12 Musiba al awel intahat. Ainu! lisa fi itnin karisa jai.
\p
\v 13 Malika nimira sita afuku torombeta tou, wa ana asuma sot tala min juwa gurun ta masbah ta dahab al fi gidam ta Allah.
\v 14 Sot de kelim le malaika nimira sita al indu torombeta de, "Fiku arba malaikat del al robuto fi nahar al furat al kebir."
\v 15 Malaikat al arba del kan jahizu umon le zaman dak, fi yom dak, wa fi shahar dak, fi sena dak, fiku umon ashan bi katulu tilit ta nas.
\v 16 Adad ta asakir tumon al fi dahar husan kan 200,000,000. Ana asuma adad tumon de.
\v 17 De yau ze de ana ainu husan del fi rowiya tai ma del kulu al umon arfaa: Daragat tumon ahmar ze nar, wa zahari, wa asfar za kibirit. Ras ta husan del ze ras ta ased, wa nar bi tala min kasma tumon, dukhan wa kibirit.
\v 18 Katulu tilit ta nas be talata balaya del: Nar, dukhan wa kibirit al tala min kasmat tumon.
\v 19 Ashan guwa ta husan del kan fi kasma wa fi danabat tumon - ashan danabat tumon kan ze ta dabayeb, wa umon indu ras al bi amulu dabarat le nas.
\v 20 Bagi nas, del al ma katulu be balaya del, umon ma tub min hajat al umon amulu, wele kaman umon ma wogif abidu sheyatin wa sanam ta dahab, fidda, nihas, hajer wa khashab - hajat al ma bi ainu, asuma, wa douru.
\v 21 Wa umon kaman ma tub min sokol katulu, sahara, wa sokol zina wa sokol serega tumon.
\c 10
\cl As-hah 10
\p
\v 1 Bad dak ana aino malaika tani keber bi nenzel min sama. Lefu huwo ma sehab, wa kos-kusah fugu ras tuo. Wusa tuo ze shemish wa kuren tuo ze amud ta nar.
\v 2 Huwo amsuku ketab suker, fi iden tuo kan fatao, wa huwo kutu kura tuo al yemen fi bahar wa al shamal fi ared.
\v 3 Huwo bada kore be sot keber ze kore ta ased. Zaman huwo kore, saba saga kan wonosu.
\v 4 Zaman saba saga wonosu, ana kan der katebu, laken ana asuma sot min sama bi kelimo," Dusu kalam al saba saga wonosu. Mata katebu tehed".
\v 5 Bad dak malika al kan ana aino wogif fi bahar wa ared, gum arfa eden tou le sama.
\v 6 Huwo halefu be al bi ish lel abad al- abeden, huwo al kalagu sama wa kulu hajat al fugu, ard wa kulu hajat al fugu, wa bahar wa kulu hajat al fugu, wa malika de kan wonosu," Mafi bi kon fi taakir tani
\v 7 Lakin fi yom al malika nimra saba be afugu torombeta ta tou, Allah be kashefu sir ta tou, ze ma huwo wore le kadamen tou al anbeya."
\v 8 Sot al ana asuma min sama wonosu le ana tani," Ruwa, shelo ketab al fatao fi iden ta malika al wogef fi bahar wa fi ard."
\v 9 Ana bada ruwa le malika de wa kelemo le huwo kede wodi le ana ketab al suker de. Huwo kelemo le ana," Shelo ketab de wa akolu. Fi batna taki be kun murr, laken fi kasuma taki be kun helw ze asel."
\v 10 Ana shelw ketab al suker de min iden ta malika wa akolu. Kan helw ze asel fi kasuma tai, laken baad ana akolu, bega murr fi batna tai.
\v 11 Kelimo le ana," Ita lazem kede itnabaa ann nas keter, umamm, lugat, wa muluk.
\c 11
\cl As-hah 11
\p
\v 1 Wodi le ana asaya ashan bi istakhdimu le gias. Kelimu le ana," Gum wa gisu haikal ta Allah wa mazbah, wa delen al bi abidu fugu.
\v 2 Lakin mata gisu mesaha al bara, leano khasiso le umamm. umon be ja doru wa karabu medena al mukadas le fetra ta itnen wa arbain shahar.
\v 3 Ana be wodi le shuhoden tai al itnen sulta ashan be itnabaa le fetra ta 1,260 ayam, wa umon lebesu gumash min jilid."
\v 4 Shuhoden de umon yao itnen shejera ta zeiton wa itnen lamba al bi wogifu gedam ta Rabuna ta ard.
\v 5 Kan ai zol hawel ashan be auwgu umon, nar be tala min kasuma tumon wa be akulu addo ta tumon. De yao nehaya ta ai zol al bi itmana ashan bi katulu umon.
\v 6 Shuhoden del indo sulta ta gufolo sama ashan ma be nenzil motoru fi zaman al umon bi itnaba. Umon indo guwa ashan be aglebu muya le dumm wa be nenzil azab fi ard be ai shekel al umon der.
\v 7 Kan umon kalasu shehada tumon, wahsh al tala min hufra al ma indu nihaya bi alinu harib ded umon. Huwo be gilibu umon wa be katulu umon.
\v 8 Jesim tumon be geni fi seka ta medina al azim (al misal tou bi nadi Sudum wa Maser) makan al selebu fugu Rabuna tuomon.
\v 9 Nas min kulu gebela, luga, wa shaab be geni aino le jusa tumon le muda ta talata yom wa nus. Umon ma be rudu ashan be dofunu jesem de.
\v 10 Nas al bi geni fi ard bi tala farhanen wa be ihtafel. Umon kaman be rasulu hadaya le badun tuomon ashan itnen anbeya de kan azebu delen al kan bi geni fi ard.
\v 11 Lakin bad talata yom wa nus ruhu ta haya min Allaha be dakalu le umon, wa umon bi wogif be kura tuomon. Kafu shede be dakalu le del al aino umon.
\v 12 Bad dak umon be asuma sot fok min sama bi kelimo le umon," Tal takum fok ini!" Biga umon be ruwa fok le sama fi sihab, fi gidam ta adu tumon
\v 13 Fi zaman dak zalzal keber bi hasel, wa ashara juzu nim medina be waga. Saba alef nas bi mutu fi zalzal de, wa del al tala nim fugu bi kafu wa wodi mejed le Allah ta fi sama.
\p
\v 14 Tab nimra itnen kalasu! Nimra talata jai guwam.
\p
\v 15 Wa malika nimra saba afuku buruje tou, ana gum asuma aswat keter fi samawat bi kelimu," Mamlaka ta alam biga ta Rabuna ta nina wa le Massih, wa huwo be hukum lel abad al abeden".
\p
\v 16 Shuyuk al aruba wa isheren al bi geni fi arsh ta tuomon fi gedam ta Allah, gum dengir be wosa tumon wa abido Allah.
\v 17 Umon kan bi kelimu," Nina be wodi shukuran le inta, Rabuna Allah al Gadir, al wahid al fi wa al kan, ashan inta shelu guwa taki al kebir wa bada hukumu alam kulu.
\q
\v 18 Shab kulu zalanen, laken zaman ta zalan taki ja. Zaman ja lashan be hakimu al meiten wa le inta ashan bi wodi mukafa le kudam taki al anbeya, del al muminen, wa al bi kafu isem taki, kan sukerin wa kubarin. Zaman ja ashan inta be demiru del al bi demiru ard."
\p
\v 19 Bad dak haikal ta Allah al fi sama gum fata wa tabut al ahad zaher fugu. Kan fi nur wa aswat ta sagga keter, zalzal, wa berid shedid.
\c 12
\cl As-hah 12
\p
\v 1 Alama kebir aino fi sama: mara lebisu shamish, ma gamara tehet kura tou wa fi ras ta tou taj fugu itnashar nujum.
\v 2 Heya kan hamilan, heya kan bi kore be waja ta weleda, fi azab ta weledo jena.
\v 3 Kaman alama tani aino fi sama: fi tineen ahmar keber indu saba ras wa ashara gurun, wa kulu ras fugu taj.
\v 4 Danaba tou juru telit ta nujum al fi sama wa jadaw fi ard. Tineen de wogif gidam ta mara al dear weledo de, ashan kan heya weledo, huwo be abula jena ta heya.
\v 5 Heya kan weledo weled, huwo yao be ja hukumo umam kulu be asaya min hadid. Jena de kan arfao beit fi gidam ta Allah wa le kursi tou,
\v 6 wa mara de kan jere le sahra, fi mahal al Allah yao jahezu le heya ashan be geni fugu le fatra ta 1,260 yom.
\p
\v 7 Harib kan fi sama. Mekhail wa malaikat tou shakila ma tineen, wa tineen ma malaikt tou kan shakila kaman.
\v 8 Laken tineen wa malaikat tou kan ma agder gilibo. Biga huwo wa malaikat tou ma indo mahal fi sama.
\v 9 Tineen al keber huwo yao debiba ta zaman al bi nadi huwo ibiles aw shetan, huwo yao kabasu alam kulu, jadao fi ard, wa malaikat tou jadao ma huwo sawa.
\v 10 Bad dak ana asuma sot fok fi sama: " Hasa kalasa timo wa guwa wa molk le Allah ta nina, wa sulta ta Massih. Leano al mushteki al kan bi ishteki akwana ta nina bilel wa nahar gedam ta Allah jadaw tihed.
\q
\v 11 Umon gelibo huwo be dom ta koruf wa be kelima ta shihada tumon, leano humon ma hibo haya tumon hata fi mutu.
\q
\v 12 Ashan keda afrah, samawat wa kulu del al bi geni fugu! Laken taab le nas al fi ard wa bahar, ashan ibiles nenzil tihed le intum! Huwo zalan shedid wa huwo arofu ino zaman tou bega guser!
\p
\v 13 Zaman tineen arofu gali jadao huwo tihed fi ard, huwo bada turugu wara mara al weledo jena weled de.
\v 14 Lakin mara de wodi le heya itneen jenah ta sagur al keber ashan heya be jere le mahal al jahizo le heya fi beriya. Hinak Allah yao be hafizu heya le fatra ta talata sena wa nus, beyed min debiba.
\v 15 Debib de kan rushu moya min kasuma tuo ze nahar(bahar), ashan bi shelo heya bayed.
\v 16 Lakin ard kan saido mara de. Ard kan fata kasuma tou wa abula nahar al tineen de kan rushu min kasuma tou.
\v 17 Tineen de bega zalan min mara de wa huwo ruwa ashan be shakila ma bagi iyal ta heya, delin al bi asuma le wasaya ta Allah wa hafizu shihada an Yesua.
\v 18 Bad dak tineen de kan wogif fi romola al fi taraf bahar.
\c 13
\cl As-hah 13
\p
\v 1 Bad dak ana aino wahsh bi tala min bahar. Huwo indo ashara gurun wa saba ras. Fi kulu gurun fi taj, wa fi kulu ras katibu kalam al did Allah.
\v 2 Wahsh al ana aino de geni ze nimir. Kura tou ze ta dub, wa kasuma tou ze ta ased. Tineen wodi le huwo guwa tou, kursi tou, wa sultan tou al keber ashan be hakemo nas
\v 3 Wahed min ras ta wahsh indo awgu batal, laken dabara de kan lego shifa. Kulu nas al fi ard kan istagarab umon bada ruwa wara wahsh de.
\v 4 Umon kman abedo tineen, ashan huwo wodi sultan tou le wahsh. Umon abedo wahsh kaman wa umon bi kelimo," De muno ze wahsh?" wa" De muno be akeder shakela huwo?".
\v 5 Wahsh de kan wodi le huwo kasuma al be akeder wonuso kalamat ta kebreya wa aliso Rabana. Sibo huwo ashan be ashtakal ma sulta tou de muda ta itnen wa arubayen shahar.
\v 6 Biga wahsh de fata kasuma tou wa sitimu Allah, huwo aliso isim tuo mahal al huwo bi geni fugu, wa del al bi geni fi sama.
\v 7 Rudu le wahsh de ashan be haribu nas al kudusin ta Allah wa be gelibo umon. Kaman wodi le huwo sulta fok kulu gebila, nas, luga, wa umma.
\v 8 Kulu zol al bi geni fi ard be abido huwo, kulu zol al isem tou ma katibu, min bedaya ta khaliga ta alam fi ketab ta haya ta koruf al dabao.
\v 9 Zol al indo adana kede asuma.
\q
\v 10 Iza Allah kutu le nas tanin ashan be gobodu umon be adu tuomon, be gobodu. Iza Allah kutu le nas tanin ashan bi mutu be saf, umon bi mutu be saf.
\p
\v 11 Bad dak ana aino wahsh tani bi tala min ard. Huwo indo itnen gurun ze koruf, wa huwo bi wonuso ze tineen.
\v 12 Huwo marisu kulu sulta ta wahsh al awel, wa huwo kutu ard wa kulu nas al bi geni fugu abido wahsh al awel de al kan awgu shedid wa huwo ligo shifa.Baad dak ana ayno wahsh tani gi tala min ard. huwo indo itnen gurun ze ta koruf, wa huwo gi wonosu ze tineen.
\v 12 Huwo marisu kulu sultan ta wahsh al awel fi gedam ta wahsh, wa huwo kutu nas ta ard kede abedo wahsh al awel al kan indo jereh batal laken huwo lego shefa.
\v 13 Huwo amolu mujezat azem. Huwo hata kutu nar nenzel min sama le ard fi gedam ta nas.
\v 14 Be guwa al wodi le huwo, huwo kabasu nas al bi geni fi ard be mujezat al huwo amolo fi gedam ta wahsh al awel, wa wedi talimat le umon ashan be amolo sanam le wahsh al awel al kan awgu be saf, laken huwo lesa hai.
\v 15 Wodi le huwo sultan ashan be wodi haya le sanam ta wahsh wa huwo wonosu wa wodi talimat ashan be katolu kulu del al aba ashan be abedo wahsh.
\v 16 Huwo kaman asutru nas kulu, kubarin wa sukerin, ganiyanin wa masakin, abed wa hur, ashan be kutu alama fi iden tumon al yemin aw fi jabha(gidam ta rass).
\v 17 Huwo kutu mafi zol be ishetri aw beio ile kan huwo indo alama ta wahsh, de yao nimra al bi mesil isim tuo.
\v 18 kede ita kun indo hikma fi kalam de. Kan fi zol akeder fahim hajat de, kede huwo idu nimra ta wahsh. Leano huwo nimra ta insan. Nimra tou 666.
\c 14
\cl As-hah 14
\p
\v 1 Ana ainu Koruf wagif ras Jebel Sahiun. Kan fi ma huwo 144,000 al indu isim tou ma isim ta Abu tou muktub fi usa tumon.
\v 2 Ana asuma sot min sama geni ze sot ta moyo ketir wa raad. Sot al ana asuma de ze nas al bi dogu gitarat.
\v 3 Umon bi renim ternima jedid gidam ta kuris wa gidam arba haiwanat wa shuyuk. Mafi zol ageder aruf ternima de ile 144,000 al biu umon min wata.
\v 4 De delin al ma waskanu nufus tumon ma nusuwan, leano umon hafisu nufus tumon nedif jinsiyan. Del umon al kan kalisu min nus ta nas ze simar al awel le Allah wa le Koruf.
\v 5 Mafi kidib tala min kasma tumon; umon bedun laom.
\p
\v 6 Ana ainu malika tani bi tiri fi sama, huwo indu kabara al kues ta injil ashan bi beshiru le del al bi geni fi ard- le kulu umam, gebila, luga, wa nas.
\v 7 Huwo nadi be sot kebir, "Kafu takum Allah wa wedi le huwo mejid. Leano saa ta hukum tou ja. Abidu huwo, de al kalagu Sama, ard, bihar wa yanabi ta moyo."
\p
\v 8 Malaika tani, nimra itenin ruwa wara tumon, bi wonuso, "Waga, waga Babil al azim, al wedi nas kulu ashrabu min merisa ta zalan ta zina tou."
\p
\v 9 Malaika tani nimra talata ruwa wara tumun, bi wonuso bi sot fok, "Kan fi zol abidu wahsh de wa sura tou wa ligu alama fi usa tou aw fi iden tou,
\v 10 huwo kaman bi ashrabu juzu min khamr ta zalan ta Allah, al kubu tekin fi kubaya ta zalan tou. Zol al bi ashurubu bi aragu huwo be nar wa kibrit gidam malaikat ta Allah al kadisin wa gidam ta Koruf.
\v 11 Dukhan ta azab tumon bi ruwa fok lel abad al abidin, wa umon ma indu raha bilele wa nahar delin al bi abidu sura ta wahsh, wa kulu zol al kutu le huwo alama ta isim tou.
\v 12 Hini yao subur ta Kadisin ta Allah, delin al bi hafiso wasaya ta Allah wa Iman tumon fi Yesua."
\p
\v 13 Ana asuma sot min sama kelimo, "Katibu kalam de: Baraka le delin al mutu fi Rabuna." "Nam,"Roho bi kelimo, "ashan umon bi ligu raha min taab tumon, leano amail tumon bi ruwa wara tumon."
\p
\v 14 Ana ainu, wa kan fi sihab abiyad. Al bi geni fi sihab de ze jena ta insan. Huwo indu Taj min dahab fi ras tou wa menjel senin fi iden tou.
\v 15 Yala malaika tani tala min jua haikal wa nadi be sot fok le de al bi geni fi sihab: "Shilu menjel taki de wa bada hasad. Leano zaman ta hasad ja, ze ma zira ta wata biga nigito."
\v 16 Yala de al kan bi geni sihab de jada menjel tou fi wata, wa hasidu wata kulu.
\p
\v 17 Malaika tani tala min haikal fi sama; huwo bardu indu menjel senin.
\v 18 Wa kaman malaika tani tala min mazbah, huwo indu sultan fugo nar. Huwo nadi de al indu menjel senin be sot fok, "Shilu menjel taki al senin de wa gata gata idenat ta enap ta wata de leano umon nigitu."
\v 19 Malaika de jada manjel tou fi wata wa limu enap ta rad kulu. Huwo kubu kulu fi masara ta zalan ta Allah.
\v 20 Yala masara de asuru enap de bara min medina, wa dom kubu ketir lahadi wusulu fi kasuma ta husan, le musafa ta 1,600 galuwa.
\c 15
\cl As-hah 15
\p
\v 1 Yala ana ainu aya tani fi sama, azim wa ajib: Kan fi saba malaikat be saba darbat, al huwo akir darbat, leano bewasat darbat de zalan ta Allah bi timo.
\p
\v 2 Ana ainu mahal ze bahar min gizaz mulakbat be nar. Wa delin al gilibu al wahsh wa sura tou wa nimra al bi mesilo isim tou bi wegif jambu bahar ta jizaz de. Umon amsugu gitarat Allah yao wodi le umon.
\v 3 Umon kan bi guna guna ta Musa, kadam ta Allah, wa guna ta Koruf: "Amail taki azim wa ajib, ya Rabuna Allah, al Gadir ala kulu shai. Adala wa hag de yao sikat taki, Melik ta umam.
\q
\v 4 Muno ya ma bi kafu inta, Rabuna, wa mejido isim taki? Ashan ita barau ya Kudus. Umam kulu bi ja wa dengir gidam taki ashan shukul bir taki biga zahir."
\p
\v 5 Bad hajat de ana ainu, haikal ta khaima ta shihada fatau fi sama.
\v 6 Min jua ta haikal de saba malikat tala umon amsugu saba darbat. Umon libisu gumash nedif, wa abiyat wa umon indu gash ta dahab fi dus tumon.
\v 7 Wahid min haiwanat al aruba wedi le saba malaikata de saba kubayat min dahab malian be zalan ta Allah al hai lel abad.
\v 8 Haikal kan mala be dukhan min mejid ta Allah wa min gowa tou. Mafi zol bi agider dakalu juwa lahadi kan darabat ta saba malaikat de kalasu.
\c 16
\cl As-hah 16
\p
\v 1 Ana asuma sot shedid bi nadi min haikal wa kelim le al saba malaikat de, "Ruwa wa kubu bara fi ard saba kubayat ta zalan ta Allah.
\p
\v 2 Malaika al awel ruwa wa kubu bara min kubaya tou fi ard: jaraban sen wa bi waja shedid amsuku nas al indu alama ta wahsh, delin al bi abidu sura tou.
\p
\v 3 Malaika nimra itnin kubu bara min kubaya tou fi bahar. Biga tala dom, ze al dom ta zol al mutu, wa ai haja al hai fi bahar mutu.
\p
\v 4 Malaika nimra talata kubu bara min kubaya tou fi juwa anhar wa fi ena ta moyo, wa umon tala dom.
\v 5 Ana asma malaika ta moyo kelim, "Ita yao baar- al wahid- al huwo huwo wanal kan, kudus al wahid- ashan inta kalas hukumu hajat del.
\q
\v 6 Ashan umon gofugu dom ta nas ta Allah al kudusin wa ambia, inta wodi dom kede umon asrab; de yao haja al umon bi istehik."
\p
\v 7 Ana asma al mazba juabu, "Nam, Rabana Allah Algadir, mahkamat taki yao hag wa adil.
\p
\v 8 Malaika nimra arba kubu kubaya tou fi shemis, wa kan wodi le huwo tesdik ashan bi haragu nas ma nar.
\v 9 Umon kan haragu be harara al shdid, wa umon biga bi jedifu(sitimu) isim ta Allah, huwo yao indu guwa fok kulu darabat del. Umon ma tub aw wodi mejid le huwo.
\p
\v 10 Biga malaika nimra kamsa kubu bara min kubaya tou fi kursi ta wahsh, wa duluma kati mamlaka tou. Umon biga bi akulu lisanat tumon ashan waja.
\v 11 Umon biga bi sitimu Allah ta sama ashan waja wa dabarat al fugo umon, wa umon lisa aba tub min amail tumon.
\p
\v 12 Malika nimra sita kubu bara min kubaya tou fi bahar kebir, El phurat. Moyo tou kan nashif ashan kede jahizu sika le muluk al bi ja min sherik.
\v 13 Ana ainu talata aruwah al nijis sikil tumon ze guwonjat bi tala bara min kasma ta tenin(debiba), ta wahsh, wa ta nebi al kadab.
\v 14 Ashan umon yao aruwah ta iblis al bi amulu mujiziat. Umon bi ruwa le muluk ta kulu dunia ashan limu umon sawa ma baad le shakila fi yom al azim ta Allah Al Gadir.
\v 15 (" Ainu! Ana bi ja ze harami! Baraka le zol al bi istemir harisu, hafisu gumas tou ashan huwo ma bi dawru arian wa kaman umon ma bi ainu shikil fadia tou.")
\p
\v 16 Umon jibu del mabat le mahal al bi nadi ismu tou Hrmageddon beluga Ibirania.
\p
\v 17 Biga malaika nimra saba kubu bara kubaya tou fi hawa. Biga sot kebir tala min haikal wa min arsh, kelim, "Kalas timu!"
\v 18 Hinak kan nur bi wala wala, sot ajib, sot ta saga, wa zalzal batal- zalzal kebir al kan ma hasil gobal kida mini zaman al insan kan kalagu fi ard, zalzal de kan kebir shedid.
\v 19 Medina al kebir kan gesimu le talata ajiza, wa mudun ta umam waga. Biga Allah rekis le Babel al azim, wa huwo wodi le medina de kubaya malau ma moshurub amulu min zalan tou al shedid.
\v 20 Ai jezira woduru, wa jubal kan biga mafi.
\v 21 Telij kubar, wozin tou 33kilo gram, waga tehet min sama fogo nas. Umon la-anu Allah le darba de ashan darba de kan batal kalis.
\c 17
\cl As-hah 17
\p
\v 1 Wahid min malaikat al saba al kan bi amsuku saba kubayat ja wa kelim le ana, "Ta-al, ana bi wori le inta dainuna ta zania kebir al huwo yao bi geni fi moyo ketir,
\v 2 ma heya muluk ta ard amulu zina, wa ma merisa ta zina ta heya al sukan ta ard biga sekarani".
\v 3 Biga malaika de arfa ana bara fi Roho le sahara, wa ana ainu mara bi geni fogo wahsh ahmar kan malian ma asma batal (ta sitma). Wahsh de indu saba ras wa ashara gurun.
\v 4 Mara de kan libisu gumash lamaa wa ahmar wa libisu dahab, hujar al krim, wa luolou. Heya kan amusuku fi iden tou kubaya min dahab malian ma hajat al batal wa wasaka ta zina tou.
\v 5 Fi usa ta heya kan katibu isim, siir: "Babel al azim, al uma ta zina wa ta hajat al bata ta ard."
\p
\v 6 Ana ainu mara de kan sekeran ma dom ta nas ta Allah al kudusin wa ma dom ta suhada le Yesua. Zaman ana ainu heya, ana kan istagrab shedid.
\v 7 Lakin malaika kelim le ana, "Le inta bi istagrab? Ana bi wori le inta siir ta mara wa ta wahsh al bi arfa heya de, wahsh al indu saba ras wa ashara gurun.
\v 8 Wahsh al inta ainu kan fii de, hasa huwo ma mojut, wa huwo gerib bi tala fok min hufra al ma indu nihaya. Biga huwo bi ruwa le damar. Delin al bi geni fi ard, delin al asma tumon ma katibu fi Kitab ta Haya min bidaya ta dunia-umon bi istagrab zaman umon bi ainu wahsh de, ashan kan aino huwo, wa hasa mafi, wa bi rija tani.
\v 9 De bi kelimo mukh al indu hikma. Saba ras de yau saba jubal al mara de bi geni fogo.
\v 10 Umon yau kaman saba muluk. Kamsa muluk kalas waga, wahid fi, wa tani de lisa maja, wa fi zaman huwo bi ja, huwo lazim bi geni le fetera besit.
\v 11 wahsh al kan zaman, wa hasa biga mafi, lisa huwo yau melik nimra tamania. Huwo tabi le saba muluk wa bi ruwa le damar.
\v 12 Ashara gurun al inta ainu de yao ashara muluk al lisa ma akudu mamlaka, lakin umon bi akudu sulta ze muluk le fetra ta wahid saa sawa ma wahsh.
\v 13 Delin indo fikra wahid, wa umon wodi guwa wa sulta tumon le wahsh.
\v 14 Umon bi bada harb did Koruf. Lakin Koruf bi gilibu umon ashan huwo yau Rabana ta rabunat wa Melik ta muluk-wa delin ma huwo bi nadi, mukhtarin, wa al aminin.
\v 15 Malaika kelim le ana, "Moyo al inta ainu, al zania de bi geni fogo, yau nas, jumhur, umam, wa lugaat barau barau.
\v 16 Ashara gurun al inta ainu- umon wa wahsh bi akrah zania de. Umon bi amulu heya batal wasibo heya arian, umon bi akulu gisim ta heya, wa umon bi aragu heya ma nar ta kulu kulu.
\v 17 Ashan Allah yau kutu zede fi gelba tumon ashan bi hagigo hadaf tou be ino umon bi tifago wodi guwa tumon ta hukum le wahsh lahadi kelimat ta Allah bi timo.
\v 18 Mara al inta ainu de yau medina al azim al indo guwa ashan bi hukumu fok muluk ta ard."
\c 18
\cl As-hah 18
\p
\v 1 Bad hajat del ana ainu malaika tani nazil tehet min sama. Huwo indu sulta azim, wa ard kan wala be mejid tou.
\v 2 Huwo kore fok be sot azim, gali, "Damar, damar Babil al azim! Heya biga mahal guat ta shayatin, wa sijin le ai roho al nijis, bet le tiyur al nijis, mahal le ai haiwan al nijis wa batal.
\q
\v 3 Ashan nas kulu asrubu kamur tou ta amalia ta zina. Muluk ta ard amulu zina ma heya. Tujar ta ard tala ganiyanin min guwa tou ta amalia ta zina."
\q
\v 4 Bad dak ana asuma sot tani min sama bi gul, "Tala takom bara min heya, nas tai, ashan intum ma bi isherik fi katiya ta tou, wa ashan intum ma bi akudu ikab al hiya indu.
\q
\v 5 Katiya ta heya limu ketir kalis fok ze sama, wa Allah zekiru amalia tou al sharir.
\q
\v 6 Dafau le heya ze heya dafau le nas tanin, wa dafau le heya maraten le haja al heya amulu; fi kubaya al heya lakbatu, lakbatu maraten le heya.
\q
\v 7 Zema heya bi mejidu nefsa tou wa bi ish fi haya al kwes, Wodi azab wa taab shedid bardu le heya. Ashan heya fi geliba tou, ' Ana gani fi kursi ze melka; Ana ma armala, wa ana ma bi shuf huzun.'
\q
\v 8 Ashan kida fi yom wahid balaya tou bi ja: mutu, huzun, wa maja. Nar bi akulu heya, ashan Rabuna Allah huwo azim, wa huwo yau gadi tou.
\b
\v 9 Muluk ta ard al amulu zina ma heya wa ai haja ma heya bi kore wa haznanin ashan heya fi zaman umon ainu dukhan bi tala min nar al bi aragu heya.
\v 10 Umon bi wogif beid, bi kafu min azab ta heya, umon bi kelimo, "Weel, weel le medina al azim, Babil, medina al gowi! Ashan fi wahid saah ikab taki ja."
\p
\v 11 Tujar ta ard bi kore wa haznanin ashan hiya leanu mafi zol bi isteri buda tumon tanimara-
\v 12 Tujar ta dahab, fida, hujar al mohim, wa lulu, gumasat min gutun, bembi, harir, gumasat ahmar, kulu shikl ta kasabin ta riha, kulu afashat al min sin fil, wa kulu asasat min kasab, nihas, hadid, tien,
\v 13 girfa, buharat, riha, mura, bokhur, kamur, zed, degig, gemeh, bagar wa korufan, husan wa arabat wa nas al gobudu fi harib (asara).
\v 14 Silu min inta simar al niya taki fogo min zaman. Kulu haya al kwes wa farah biga mafi, ma bi ligo tanimara.
\v 15 Tujar ta buda al tala ganiyanin ashan heya bi wogif beid min heya leanu umon bi kafu min azab ta heya, wa umon bi kore wa haznanin shedid.
\v 16 Umon bi kelimo, "Weel, weel le medina al azim al kan bi libisu gumash min gutun al naim, bembi wa ahmar, wa bi kutu dahab, wa hujar al mohim wa luoluo!
\q
\v 17 Fi wahid saah bes kulu mali de karabu.
\v 18 Umon kore zema umon ainu dukhan ta nar al bi aragu heya. Umon kelim, "Medina yatu ze median al kebir de?"
\v 19 Umon kubu turab fi ras tumon, wa kore shedid wa haznanin "Weel, weel le medina al kebir mahal al kan nas al indu sefinat fi bahar bi tala gani min amual ta tou. Fi wahid saah demiru heya."
\q
\v 20 "Afarah takum le hiya, sama, Intum nas al kudusin wa rusul wa anbiya, ashan Allah jibu gediya takum fi ras heya!"
\p
\v 21 Malaika azim shelu hajer ze ta tahuna wa jadau fi bahar, gali, "Be nefsa teriga, Babil, medina al kebir, bi jadau tehet be guwa wa ma bi ainu tanimara.
\q
\v 22 Asuat ta dugu muzika, azifin ta flut, wa turumbete ma bi asumau fi inta tanimara. Ma bi ligo nas ta funun fi inta. Ma bi asumau sot ta tahuna fi inta tanimara.
\q
\v 23 Nur ta lamba ma bi wala tanimara fi intum. Asuat ta aris wa arusa tanimara ma bi asumau fi intum, tujar takum kan umara ta ard, wa umam kan woduru be sihir taki.
\q
\v 24 Ligo fogo heya dom ta anbiya wa ta nas ta Allah al kudusin, wa dom ta kulu nas al katulu fi ard."
\c 19
\cl As-hah 19
\p
\v 1 Bad hajat del ana asuma sot ze sot ta nas ketir fi sama bi nadil, "Haleluya! Kulasa, mejid, Allah yau indu guwa.
\q2
\v 2 Hukum tou hagiga wa indu adala, ashan huwo hakimu mara kebir ta zani al amulu fasad fi ard be sokol zina tou. Huwo dafa dom ta khudam tou al heya dofugu."
\p
\v 3 Umon wonusu tani: "Halleluya! Dukhan bi tala min heya el abad al abadin."
\p
\v 4 Shuyuk al arba wa ishirin wa haiwanat al arba waga tehet wa abidu Allah. al kan geni fi kursi. Umon kan bi kelimo, "Amen. Halleluya!"
\p
\v 5 Bad dak sot ja min kursi de, gali, "Sabihu Allah tanina, intum kulu khadamin ta tou, intum al bi kafu huwo, kulu del al ma mohimin wa al gowin."
\p
\v 6 Bad dak ana asuma sot ze ta nas ketir, ze sot ta moyo ketir, wa ze sot ta saga, bi kelimo, "Halleluya! Ashan Rabana fi hukum, Allah ta nina, al Gadirala kulu shei.
\q
\v 7 Keli nina afarh wa kon murtah wa wodi le huwo mejid ashan ihtifal ta iris ta koruf ja kalas, wa arusa tou jahizu nefsa tou.
\q
\v 8 Wori le heya ashan bi libisu gumash abiad naim ta iris al bi lama" (gumas al naim huwo yau sokol bir ta nas ta Allahal kudusin).
\p
\v 9 Malaika kelimu le ana, "Katibu de: Baraka le del al nadi le iris ta Koruf." Huwo kaman kelimu le ana, "Del kalam ta Allah al hagiga."
\v 10 Ana waga tehet korein tou wa abidu huwo, lakin huwo kelimu le ana, "Mata amulu kalam de! Ana khadam ze inta wa akwana taki al bi shahidu an Yesua. Abidu Allah, ashan shihada an Yesua huwo roho ta nubuwa."
\p
\v 11 Bad dak ana ainu sama fata, wa ana ainu wa hinak kan fi husan abiyad. Zol al bi arkab fi ras husan de bi nadi huwo amin wa sadik. Huwo bi harib be adala al huwo indo.
\v 12 Uyun tou ze nar al saab, wa fi ras tou taj ketir. Huwo indu isim moktub fi jesim tou al mafi zol tani bi arufu ile huwo bes.
\v 13 Huwo labis gumash al bilu be dom, wa isim tou yau Kilma ta Allah.
\v 14 Jesh ta samawat mashi wara huwo be kusanat al abiyat, humon Libisu gumasat naim min gutun, abiyat wa nedif.
\v 15 Shef senin bi tala min kasuma tou al huwo bi demiru kulu umam, wa hukumu umon be asaya min hadid. Huwo bi dusu umon fi mahal ta asuru kamur be zel ta Allah al Gadir ala kulu shei.
\v 16 Huwo indu isim katibu fi gumas tou wa fi kura tou: "Melik al muluk wa Rab al Arbab."
\p
\v 17 Ana ainu malaika wagif fi shemis. Huwo nadi kulu tiyur al bi tiri fi jou be sot fok, "Taalu, limo takum sawa le ihtifal kebir ta Allah.
\v 18 Taalu akulu takum jisim ta muluk, jisim ta khadad ta jesh, jisim ta nas al kubarin, laham ta husanat wa nas al arkab fogo, wa laham ta kulu nas, nas al hur wa abid, nas al ma mohimin wa nas al indo guwa".
\p
\v 19 Ana ainu wahsh wa muluk ta ard be jesh tumon. Umon limu sawa ashan bi harib ma zol al arkab husan wa be jesh tou.
\v 20 Gobudu wahsh de ma nebi al kadab al bi amulu mujizat fi gidam tou. Be mujizat del huwo kabasu nas al akudu alama ta wahsh wa abidu sura tou. Jadau umon kulu itnin hai fi buheira ta nar ta kibirit.
\v 21 Bagi nas tumon de katulu be shef al bi tala min kasuma ta zol al arkab husan. tiyur kulu kan akulu jisim tumon al meit.
\c 20
\cl As-hah 20
\p
\v 1 Bad dak ana ainu malaika nazil min sama. Huwo indu mufta ta hufra hawiya, wa huwo indu jenzir gowi fi idan tou.
\v 2 Huwo amsuku tinin, wa debiba al gedim, al huwo ibilis, aw shetan, wa robutu huwo le fetra ta alf sena.
\v 3 Huwo jadau huwo fi hufra al ma indu nihaya (hawiya). Huwo gofulu wa kutu kitim fogo. De ashan huwo ma bi kabasu nas tanimara lahadi kan alf sena de kalasu. Bad dak, bi fiku huwo le zaman besit.
\p
\v 4 Bad dak ana ainu karasi. Nas al indo sulta ta hukum yao geni fogo. Ana ainu kaman nufus al gatau ras tumon ashan umon bi shihada an Yesua wa kilma ta Allah. Umon kan ma abidu wahsh de aw sura tou, wa umon shelu alama fi usa aw idan tumon. Umon biga hai, wa umon geni fi sulta ma Mesih le fetra ta alf sena.
\v 5 Bagi nas al meitin del ma gum le haya lahadi alf sena de kalasu. De yau giyama al awel.
\v 6 Mubarak wa mukadas ai zol al ligu makan tou fi giyama al awel. Mutu nimra itnin ma indu guwa fi ras tumon. Umon bi kun gusus ta Allah wa Mesih wa bi geni fi hukum ma huwo le fetra ta alf sena.
\p
\v 7 Zaman alf sena de kalasu, bi fiku sitan min sijin.
\v 8 Huwo bi ruwa ashan kabasu umam fi kulu arba zawiya ta ard- Gog wa Magog- bi jibu umon sawa le harib. Umon bi kun ketir ze rumla ta bahar.
\v 9 Umon ruwa fi ardi al wasi wa gordonu kem ta nas ta Allah al kudusin- medina al mahbub. Lakin nar nenzil min sama wa haragu umon.
\v 10 Sitan, al kabasu umon, jadau fi buheira ta nar ta kibirit, fi mahal al jadau wahsh wa nebi al kadab fogo. Bi azibu umon bilel wa nahar le abad al abadin.
\p
\v 11 Bad dak ana ainu kursi kebir abiyat wa de al gaid fogo. Ard wa sama jere min gidam tou, lakin mafi mahal le umon ashan bi ruwa fogo.
\v 12 Ana ainu meitin- al mohimin wa al ma mohimin bi wogif gidam kursi takursi (arsh), wa fatau kutub. Kaman fatau kitab tani- Kitab ta haya. Hukumu meitin be hasab hajat al moktub fi kutub, be hasab amail tumon.
\v 13 Bahar wodi meitin al kan huwo indu. Mutu wa hawiya talau meitin al kan indum, wa hakimu meitin be hasab hajat al umon kan amulu.
\v 14 Jadau mutu wa hawiya fi buheira ta nar. De yau mutu nimra itnin- buheira ta nar.
\v 15 Ai zol al isim tou ma ligo fi kitab ta haya, bi jadau huwo fi buheira ta nar.
\c 21
\cl As-hah 21
\p
\v 1 Bad dak ana ainu sama al jedid wa ardi al jedid, sama al awel wa ard al awel futu, wa mafi bahar tani.
\v 2 Ana ainu medina mukadasa Urshelim al jedid, bi nazal tehet min sama min Allah, jahizu ze arusa al bi gedimu le rajil tou.
\v 3 Ana asuma sot azim min kursi ta melik bi kelim, "Ainu! Makan ta sakan ta Allah ma insan, wa huwo bi geni ma umon. Umon bi kun nas ta tou, wa Allah be nefsu bi kun ma umon wa bi kun Illah tumon.
\v 4 Huwo bi masau moyo ena bara min uyun ta tumon, wa mafi mutu tanimara, aw huzun, aw kore, aw waja. Hajat al gedim futu.
\v 5 Al bi geni fi Kursi kan kelimu, "Ainu! ana amulu kulu hajat jedid." huwo kelimu, "Katibu kalam de tehet leano kalam de sah wa hagiga."
\v 6 Huwo kelimu le ana, "Hajat de amulu! ana yao alfa wa ya, bidaya wa nihaya. Le zol al atshan ana bi wodi moyo al majani min biir ta moyo ta haya.
\v 7 Le zol al intesir bi warisu hajat del, wa ana bi kun Illah tou, wa huwo bi kun jena tai.
\v 8 Lakin le kuwafin, al ma indum iman, fasidun, al bi katulu nas, nas ta zina, kajajir, nas al bi abidu asnam, nas al kadabin, mahal tumon yau buheira ta nar ta kibirit. de yau mutu nimra itnin."
\p
\v 9 Wahid min malaikat al saba ja le ana, Malaika al indu saba kubayat malyan be akir darbad al saba, huwo kelimu, "Taal ini. Ana bi wori le inta arusa de, mara ta Koruf."
\v 10 Bad dak huwo shilu ana beid fi Roho le jebel fok wa azim wa wori le ana medina al mukadasa Urshelim nazil tehet min sama min Allah.
\v 11 Urshelim indu mejid ta Allah, wa huwo bi lama ze hajer al kerim, ze crystal- nedif ze gizaz.
\v 12 Huwo indu hosh fok wa azim be itnasar bab, ma malaikat itnasar fi bab. Katibu fi bab hosh itnasar asma ta itnasar gabail ta iyal ta Israel,
\v 13 Talata abuab fi tijah sherik, talata abuab fi tijah ta shamal, talata abuab fi tijah ta junub, wa talata abuab fi tijah ta gharib.
\v 14 Hosh ta medina de indu itnasar asas, wa fi asas de katibu itnasar asma ta itnasar rusul ta Koruf.
\v 15 Zol al wonusu ma ana de indu asaya ta migiyaz salau min dahab bi gisu be medina, bab tou, wa hosh tou.
\v 16 Ardia ta medina de kan muraba; tuul tou wa uruud tou sawa. Huwo gisu medina de be asaya ta migiaz, itnasar alf golo(2400 kilomitir)(Tuul, uruud, wa irtifa kulu sawa)
\v 17 Huwo kaman gisu hosh tou, 144 zira be migiaz ta insan( al huwo kaman migiaz ta malaika).
\v 18 Abinu hosh de be hujar wa medina de be dahab al nedif, ze gilas.
\v 19 Asas ta hosh de jemil abinu be ai shikil ta hujar al kerim. Al awel de min yesab, nimra itnin min yakud zahari, nimra talata dahab abiad, nimra arba min zumrud al zubabi,
\v 20 nimra kamsa min aqiq, nimra sita min dahab al ahmar, nimra saba min zuburjud, tamania min zumurud al silgi, tisa min yagud al asfar, ashara min dahab al agdar, hidsar min asmajuni, itnasar jamsat.
\v 21 Abuab al itnasar umon kan itnasar al luoluo; ai bab salau min luoluo wahid. Sikat ta medina de min dahab al nedif, ze gilas.
\v 22 Ana ma ainu haikal fi medina, ashan Rabuna Allah al Gadir wa Koruf umon yau hiakal.
\v 23 Medina de ma bi ihtaj le shemis wele gamar ashan bi walau leanu mejid ta Allah wala fogo, lamba tou yau Koruf.
\v 24 Umam bi douru fi nur ta medina de. Muluk al fi ard bi jibu kunuz tumon le median de.
\v 25 Abuab tou ma bi gofulu fi nahar wa mafi bilel fi medina de.
\v 26 Umon bi jibu momtalakt wa kunuz ta umam le medina de,
\v 27 Haja al nijiz ma bi dakalu fi medina de, wele ai zol al bi amulu hajat nijiz, lakin ile del al isim tumon katibu fi Kitab ta Haya ta Koruf
\c 22
\cl As-hah 22
\p
\v 1 Bad dak malaika wori le ana bahar ta moyo ta haya, nedif ze kristal. Bi kubu min kursi ta Allah wa ta Koruf
\v 2 bi wasat mururu fi nus ta sika ta medina. Fi kulu taraf ta bahar de shejera ta haya, bi weledu itnasar shikil ta fawakeh, wa bi weledu fawakeh fi kulu shahar. Wa urshal ta shejera de ilaj le umam.
\v 3 Laana tani ma bi kun fii. Kursi ta Allah wa ta Koruf bi kun fi juwa medina de, wa khudam tou bi wodi le huwo kadamat.
\v 4 Umon bi ainu wusa tou, wa isim tou bi kun fi ras tumon.
\v 5 Bilel bi kun mafi tani; nur ta lamba wele shemis ma bi kun mohim tani leanu Rabuna Allah yau bi kun nur le umon. Umon bi kun fi sulta lel abad al abadin.
\p
\v 6 Malaika kelim le ana, "Kilmat de sah wa hagiga. Rabuna, Allah ta aruah ta anbiya, rasulu malaika tou ashan bi wori le khudam tou haja al bi hasil gerib."
\v 7 "Ainu! Ana gerib bi ja! Baraka le zol al bi asuma kelimat ta nubuwa ta kitab de."
\p
\v 8 Ana Yohana, ana yau asuma wa ainu hajat del. Fi wokit ana asuma wa ainu umon, ana waga tehet fi kura ta malaika ashan bi abidu huwo al kan bi wori le ana hajat del.
\v 9 Huwo kelimu le ana, "Mata amulu kalam de! Ana khadam ze inta, ma akwana taki al anbiya, wa be del al bi asuma kilmat al fi kitab de. Abidu Allah!"
\p
\v 10 Biga huwo kelimu le ana, "Mata khatimu kilmat ta nubuwa ta kitab de, zaman biga gerib.
\v 11 Zol al bi amulu hajat batal keli huwo istermir be amulu hajat al batal. Zol al bi amulu najasa, keli huwo istemir be najasa tou. Zol al bi amulu hajat al kwes, keli istemir be amulu hajat al kwes, Zol al kudus, keli istemir fi kadasa."
\p
\v 12 Ainu! Ana gerib bi ja. Mukafa fi ma ana, ashan bi dafa le ai zol hasab haja al huwo amulu.
\v 13 Ana Alfa wa Omega, al awel wa al akir, bidaya wa nihaya,
\v 14 Baraka le del al bi kasulu gumas tumon ashan umon bi indu hak ashan akulu min shejera ta haya wa bi dakalu fi medina min abuab.
\v 15 Al be bara de kilab, kajajir, nas ta zina, nas al bi katulu nas, al abidu asnam, wa ai zol al bi hibu wonusu kizib.
\p
\v 16 Ana, Yesua, rasulu malaika tai ashan bi shad le intum ann hajat de le kanais. Ana juzur wa min usra ta Daud, Nijama ta sabah al bi lama."
\p
\v 17 Roho wa arusa bi kelimu "Taal!" Keli zol al bi asuma kelimu "Taal!" Ai zol al atshan, keli huwo ja, wa ai zol al indu niya, keli huwo ashrub moyo ta haya de majani.
\p
\v 18 Ana bi ashad le ai zol al bi asuma kilmat ta nubuwa ta kitab de: Iza kan ai wahid zidu kalam tani le kilmat de, Allah bi zidu le huwo min darbad al katibu anu fi kitab de.
\v 19 Iza kan ai wahid shilu kilma tani bara min kitab ta nubuwa de, Allah bi shilu bara nisba tou min shejera ta haya wa fi medina al mukadas al katibu anu fi kitab de.
\p
\v 20 Zol al bi ashad ann hajat del bi kelimu, "Nam! Ana gerib bi ja." Amen Taal, Rabana Yesua!
\p
\v 21 Neima ta Rabana Yesua keli kun ma intum. Amen