pga_reg/61-1PE.usfm

\id 1PE
\ide UTF-8
\h Butros 1
\toc1 Butros 1
\toc2 Butros 1
\toc3 1pe
\mt Butros 1
\c 1
\cl As-hah 1
\p
\v 1 Butrus, rusul ta Yesua al Mesih, le ajanib al musetetin, del al ikhtaru, min Pontus, Galatia, Cappadocia, Asia, wa Bithynia.
\v 2 Del hasab marafa ta Allah al Ab, be wasat sokol kadasa ta Roho, le ihtiram wa rusu dom ta Yesua al Mesih. Keli neima kun ma intum, wa keli salam takum zidu.
\p
\v 3 Keli sabihu Allah wa Abu ta Rabuna ta nina Yesua al Mesih. Fi rahma tou al azim, huwo wodi le nina welada jedid le sigha be wasat giyama ta Yesua al Masih min al mut.
\v 4 de le wirasa al ma bi mutu, al ma bi waskanu, wa bi masa. Hajisu fi samawat le intum.
\v 5 Hafisu intum be guwa ta Allah bi wasat ta iman, le kulasa al jahisu ashan bi ja zahiru fi yom al akiir.
\v 6 De yau kutu itakum farhanin shedid, hata lo huwo muhim, intum bi tala tabanin fi ai no ta tajarib.
\v 7 De yau bi asbit iman takum, al huwo muhim min dahab al ge kalasu, hata lo jeribu be nar. De gi hasil ashan iman takum be jibu tesbih, mejid wa karama kan Yesua al Mesih rija.
\v 8 Intum ma aiynu huwo, lakin intum hibu huwo. intum ma aiynu huwo, lakin intum amin fogo huwo wa intum tala farhanin shedid be farah al ma bi akder wosifu wa maliyan be farah ma mejid.
\v 9 Intum hasa gi ligo netija ta iman takum, ali huwo kulasa ta nufus takum,
\v 10 . Anbiya al nabau an neima al kan bi ja le intum fetisu kwes wa imtehinu be teriga kwes.
\v 11 umon fetisu ashan be arufu an huwo wa zaman Roho ta Mesih al fogo umon kan ge wonusu le umon. De kan hasil ze ma huwo kan gi wori le umon min bediri an taab ta Mesih, wa hajaat ta mejid al baad dak.
\v 12 Kan beinu le umon gali umon ma gi ishtakal le nefsa tomon, lakin le itakum, zaman umon wonusu an hajat al hasa wori le itakum be wasat delin al bashiru le itakum injil be wasat Roho al Kudus al rasulu min samah - hajat del al malaikat der aiynu.
\p
\v 13 Ashan kida kun jahiz. Kutu balak fi hajat al inta gi fekir fogo. Kutu siqha fi neima al bi wodi le inta kan Yesua al Mesiah rija.
\v 14 Ka iyal al muhtaramin, kede intum ma indu sahuwa al kan intum gi amulu wa intum ma arufu.
\v 15 Lakin ze wahid al nadi intum huwo kudus, intum, kaman, kun kudusin fi kulu uslub takum.
\v 16 Leanu katibu, kun kudus leanu ana kudus.
\v 17 Kan inta nadi "al Ab" al bi hakimu bidun tefiriga hasab amail ta kulu wahid, shilu zaman takum fi kafu fi wokit takum ze ajanib.
\v 18 Intum arufu inu ma be fidah au dahab kalisu intum min uslub al batal al intum warisu min judud takum.
\v 19 Lakin be wasat dom ta al Mesih al gali, ze koruf al ma indu eeb au nukta
\v 20 Arufu al Mesih gubal asas ta alam, lakin hasa beinu huwo le intum fi zaman al akhir de.
\v 21 Be wasat huwo intum amin fi Allah, al goumu huwo min mutu wa wodi le huwo mejid ashan iman wa siqha takum be kun le Alah.
\v 22 Intum biga nedifin be wasat asuma kalam al hagiga. De kan yau sabab ta muhaba ta akwana al hagiga; yala hibu baad takum be gelba al kwes.
\v 23 Weledu intum tanimara, ma min bizira al ge kalasu, lakin min bizira al ma bi kalasu, be wasat kelima ta Allah al hai al ma bi kalasu
\v 24 Leanu "kulu jisim huwo ze ges, wa mejid tou kulu ze zuhur ta ges. Ges bi yabis, wa zuhur bi waga",
\q2
\v 25 lakin kelima ta Rabuna bi geni lel abad.
\c 2
\cl As-hah 2
\p
\v 1 Ashan kida sibu takum kulu shar, kulu kabasa, haya ta temsilia, hasada wa kulu kalam ta wonusu nas.
\v 2 Ze iyal al weledu jedid, deiru leben rohi al nedif, ashan be wasat tou itakum bi raba fi kulasa takum,
\v 3 Iza itakum jeribu kwes ta Rabuna.
\v 4 Tal takum le huwo al yau hajar al hai al nas aba, lakin al azilu huwo be Allah ze haja al ghali le huwo.
\v 5 Itakum kaman ze hujar al hai al abinu ashan bi kun bet rohi, ashan bi kun khahana al mukadasin al bi gedimu zebiha al rohi al mogbul le Allah be wasat Yesua al Mesih.
\v 6 Ketab bi kelimu ze de: "aiynu, ana bi kutu fi Zion hajer ta zawia, azilu wa ghali. Kulu zol al amin fogo huwo ma bi kun indu fadia."
\p
\v 7 Al karama le intum al amin. Lakin, "hajer al binain kan abau, huwo yau biga ras ta zawia"-
\p
\v 8 wa, huwo hajer al bi jada nas wa hajer al sibu umon waga.
\v 9 Lakin intum yau nas al azilu, khahnat mulki, umam mukadasa, nas ta Allah, ashan intum bi alinu amail al kwes al huwo nadi intum min duluma le nur.
\v 10 Zaman intum ma nas at Allah, lakin hasa intum nas ta Allah. intum ma ligo rahma lakin hasa intum ligo rahma.
\p
\v 11 Al habib, ana bi wori le intum ya nas al ajanib wa nas al bi geni bara min beled tomon keli sibu niyat ta jisim al gi shakila diid nefsa takum.
\v 12 Tosurufat takum kede kun kwes fi nus ta umam, ashan umon kan wonusu gali intum nas gi amulu hajat al batal, umon bi shuhudin fi amail takum al kwes wa bi mejidu Allah fi yom al huwo bi ja
\p
\v 13 Asuma takum le sultat ashan Rabuna. asuma takum le malik ze sulta al kebiir,
\v 14 wa hukumat kaman, al rasulu ashan bi adibu nas al bi amulu hajat al batal wa bi shukuru nas al bi amulu hajat al kwes.
\v 15 yau iraada ta Allah, bi amulu hajaat al kwes intum bi wogifu nas al beletin min wonusu hajat al umon ma arufu.
\v 16 Ze nas hariru, ma takum istakdim huria takum ze sabab fi amulu hajat al batal, lakin geni ze kadam ta Allah.
\v 17 Ikterim nas kulu, hibu akwana al muminin. kafu Allah. Ikterim malik.
\p
\v 18 Kadamin asuma takum le nas al mosulin min intum be kulu ihteram. Asuma takum ma bes le nas kubar takum al kwesin, lakin kaman le nas gi amulu batal le intum.
\v 19 De bi wodii mejid le Allah iza ai zol bi ithamal waja fi zaman ta taab wa zulum.
\v 20 Summa godur shunu al inta bi ligo iza kan inta bi amulu katiya wa intum gi ithamaal waja? lakin iza kan inta amulu hajat al kwes wa yala inta taaban wa bi ligo ikhaab, de yau bi wodi mejid le Allah.
\v 21 Ashan zede yau nadi intum, leanu al Mesih kaman taab ashan intum. Huwo sibu misal le intum ashan intum bi douru fi sika tou.
\q
\v 22 Huwo ma amulo katiya, wele kidib ligo fi kasuma tou.
\p
\v 23 Zaman kan sitimu huwo, huwo ma bi rija be sitima, zaman huwo ligo taab huwo kan ma rija bi tahdid, lakin huwo wodii nefsa tou le Allah al bi hukumu be adala.
\v 24 Huwo be nefsu shilu katiya ta nina fi jisim tou fi selib, ashan nina ma bi mut fi katiya wa ashan nina bi ish haya al kwes.
\v 25 Intum kulu kan ze korufan al woduru, lakin intum rija hasa le rai al gi haresu haya takum.
\c 3
\cl As-hah 3
\p
\v 1 Be nefsu teriiga de, intum al nusuwan wodii nefsa takum le rijal takum. Amulu takum ze de hata lo fi baad min rijal ma bi asuma kalam, ihtemaal umon bi ja bidun ma kelimu le umon.
\v 2 Ashan umon aiynu amail takum al kwes bi ihteram.
\v 3 Kede jamala takum ma kun min bara: mishitu shaar, libisu dahab, au libisu malabis.
\v 4 Lakin kede kun min juwa ta geliba ta insaan, wa roho al kwes, al huwo ghali fi gidam ta Allah.
\v 5 Fa de yau kef nusuwan al kahdisaat ta zaman al indum sigha fi Allah kan jemilu nefsa tomon. wodi nefsa tomon le rujal.
\v 6 Be nefsu teriga Sarah ihteram Abraham wa nadi huwo rabuna tai. Intum hasa iyal ta hiya iza intum amulu hajat al kwes wa iza intum ma bi kafu min mashakil.
\p
\v 7 Be nefsa teriga, intum rujal geni takum ma nusuwan takum be hasab fihim, ze haja al deif, al hiya mara. intum bi ihterim umon ze shuraaka le intum fi wirasa neima ta haya. Amulu takum zi de ashan salawat takum ma be akisu.
\p
\v 8 Akiran, intum kulu, kede indakum fikra wahid, ihsas wahid, be muhaba zi akwana, be heniya, we nezilu nefsa.
\v 9 Mata dafa batal be batal au sitima be sitima. Bel-aks istamiir ashan be bariku, ashan de yau nadi intum, yala inta mumkin bi warishu baraka.
\q
\v 10 Le zol al deir ish haya al kwes wa aiynu ayam al kwes kede haresu lisan tou min shar wa kasuma tou min wonusu kidib.
\q
\v 11 Kede huwo rija min hajaat al batal wa amulu al kwes. Kede huwo fetisu wa douru wara salam.
\q
\v 12 Ena ta Rabuna gi aiynu del al kwesin, wa adana tou gi asuma salawat tumon. Lakin wusa ta Rabuna diid nas al bi amulu shar."
\p
\v 13 Munu yau bi awugu inta iza kan inta fekir ashan amulu haja kwes?
\v 14 lakin hata lo inta gi taaban fi amulu kwes, inta mubarak. Mata kafu kan umon gi hadidu inta. Mata geni fi muskila
\v 15 Lakin, kadisu Rabana Yesua fi geliba takum. Kede itakum kun jahiz ashan bi juwabu kulu zol al bi asalu an sigha al le Allah. Amulu takum ze de be tawadu wa ihteram.
\v 16 Kede intum indu demir al hai ashan nas al bi shitimo itakum fi haya al kwes fi mesiia bi ligo fadia ahan umon wonusu diid intum ze nas al amulu batal.
\v 17 Huwu kwes, kan de irada ta Allah, ashan intum bi ligo taab fi amulu kwes min amulu batal.
\v 18 Al mesih kaman ligo taab wahid marra ashan katiya. Huwo al ma endu katiya ligo taab ashan nina, ashan bi jibu nina le Allah. Huwo mutu fi jisim, kutu huwo ashan bi kun hai be wasat Roho.
\v 19 Be wasat ta Roho, huwo ruwa wa beshiru le aruwah al hasa fi sejin.
\v 20 Umon kan aba asuma kalam zaman Allah gi istene be subur fi zaman ta Noah, fi zaman al kan gi abinu Sefina, wa Allah kan ankizu nas besitin -tamania aruwah- be wasat ta moya.
\v 21 De yau alama ta mamudiya al kalisu intum hasa- ma be kasulu wasaka min jesim, lakin be gedimu demir al kwes le Allah - be wasat giyama ta Yesua Al Masih.
\v 22 Masih hasa fi iden al yemin ta Allah. huwo ruwa le samawat. Malaikat, sultat, wa guwa lazim bi ihtiram le huwo.
\c 4
\cl As-hah 4
\p
\v 1 Ashan keda, leanu Mesih taab fi Jisim, jahizu nefsa takum bi nefsu teriga. Kulu zol al taab fi jisim huwo sibu amulu katiya.
\v 2 Netija ta shikil zol ze de, fi bagi zaman ta haya tou fi jisim, ma bi ish tani le niyat ta insan, lakin le Allah.
\v 3 Zaman al futu de kifaya le inta fi amulu niyat ta Umam, haya ta sahuwat, sakar, asurubu merisa, hafulat ta dunia, wa seli le Rabunat tanin al ma deiru.
\v 4 Umon bi istagrab gali lee intum ma bi limu ma umon fi niyat tomon, ashan kida umon bi wonusu hajat batal an intum.
\v 5 Umon bi wodii hisab le Rabuna al jahiz ashan bi hukumu al hai wa al meit.
\v 6 Ashan sabaab de injil beshiru kaman le nas al meitin, ashan hata lo hukumu umon fi gisim ze insaan, umon bi ish ze Allah fi roho.
\p
\v 7 Nihaya ta kulu hajaat bi gaa gerib. Ashan kida muk takun kede kun kwes, fekira takun kede kun kwes fi salawat.
\v 8 fok kulu hajaat del, keli indakum muhaba fi baad takum, ashan muhaba bi kati katiya ketiir.
\v 9 rahibu takum baad takum bidun neng neng.
\v 10 Ze ai wahid min intum ligo hadiya, istakdimu le saidu baad takum ze wokil al kwes fi neima ta Allah fi kulu turuk.
\v 11 Iza kan ai wahid gi wonusu, kede kun be kelimaat ta Allah. Iza kan ai wahid bi kadimu, kede kun be guwa al Allah yau wodi. Amulu hajat deel ashan Allah bi mejidu fi kulu hajat bi wasaat Yesua al Mesih. Kede mejid wa guwa kun le Yesua a Mesih ilal abad al abidin Amin.
\p
\v 12 Al ahiba, ma takum istagarab le tejiriba al fii naar al ja fi ras takum, Ze haja gharib bi hasil le intum.
\v 13 Lakin ze ma intum gi iktebiir taab ta Mesih, afra, ashan intum bi afra wa kun murta fi ilan ta mejid tou.
\v 14 Kan sitimu inta ashan isim ta Mesih, intum mubarikiin, leanu Roho ta mejid wa ta Allah bi geni fi intum.
\v 15 Lakin kede mafi zol taaban ze zol al bi katulu nas, harami, nas gi amulu shar, au zol al gi dakalu fi kalam ta nas tanin.
\v 16 Lakin kan ai wahid taab ze Mesihi, kede huwo ma kun bi fadiya; lakin, kede huwo mejidu Allah be isim dak.
\v 17 Zaman kalas le hukum al bi bada ma muminiin ta Allah. Iza kan bada ma nina, Netija bi kun kef le del al ma bi ihterim injil ta Allah?
\p
\v 18 wa "iza kan saab ashan ma bi ankizu del al kwesin, huwo bikun kef le del al katiyin wa ma bi arufu Allah?
\p
\v 19 Ashan kida kede del al taab ashan iraada ta Allah selimu nefsa tomon le khalig al amin be amulu kwes.
\c 5
\cl As-hah 5
\p
\v 1 Ana bi asalu shiyuk al fi nus takum, ana al yau shekh wa kaman shuhud fi taab ta al Masih, Ana kaman wahid al bi shariik fi mejid al bi ja.
\v 2 Kede intum kun ruwa ta korufan ta Allah al tehet musuliya takum, al gi khadimu ze huras-ma ashan lazim ashan intum wodi nefsa takum, ze intum gi khadimu Allah- ma ashan riibe lakin be iraada.
\v 3 Ma takum kun ze rabanat le del al kutu tehet musuliya takum. lakin, kede intum kun misal le korufan.
\v 4 Baad dak kan reis ta ruwa ja, intum bi ligo taj ta mejid al ma indu nihaya.
\v 5 Be nefsu teriiga, intum shabab, akhda takum le nas al kubar. intum kulu, libisu nefsu takum ma tawadu wa khadimu baad takum. leanu Allah aba nas al gi dala, lakin huwo gi wodi neima le nas al bi nezilu nefsa.
\p
\v 6 Ashan kida nezilu nefsa takum tehet iden ta Allah al gowi ashan huwo bi arufa intum fok fi zaman tou.
\v 7 Arfa takum tegila takum le huwo, leanu huwo gi aiynu wara takum.
\v 8 Kun harisin, aiynu kwes. Adu takum sitan gi lifu ze ased al jiyan. bi fetisu zol ashan bi demiru.
\v 9 Wogif diid huwo. Kun gowiin fi iman takum, intum arufu akwana takum al mesihin al fi alam gi istahmal nefsu taab.
\v 10 Baad intum taabanin fi zaman besit, Allah ta kulu neima, al nadi intum le mejid tou al abadi fi masih, bi kutu intum nedifin, assisu intum, wa gowi intum.
\v 11 Kede sultaan kun le huwo lel abad al abidin. Amin.
\p
\v 12 Ana selimu Silvanus ze aku al amin, wa ana katibu le intum besit bi wasat tou. Ana bi asalu intum wa ana bi shahidu le intum gaal hajaa al ana katibu huwo neima al hagiga ta Allah. Wogif fogo.
\v 13 Mara al fi fii Bablyon, al azilu sawa ma intum, bi selimu intum. Kaman Markos, weled tai, gi selimu intum.
\v 14 Selimu takum baad takum ma gubula ta muhaba. Kede salam kun ma intum kulu al fi Masih.