pga_reg/52-COL.usfm

\id COL
\ide UTF-8
\h Kolosi
\toc1 Kolosi
\toc2 Kolosi
\toc3 col
\mt Kolosi
\c 1
\cl As-hah 1
\p
\v 1 Bulis, marasula ta Yesuah al Mesih be wasat irada ta Allah, wa Timatayo aku ta nina,
\p
\v 2 le mominin wa akwana al aminu fi al Mesih fi Kolosi. Kede Neima kun le intum, wa Salam min Allah Abu ta nina.
\p
\v 3 Nina bi wodi shukuran le Allah, Abu ta Rabuna ta nina Yesua al Mesih, wa nina daiman bi seli le intum.
\v 4 Nina asuma be Iman takum fi al Mesih Yesuah wa kaman muhaba takum le Kedisin.
\v 5 Intum indu muhaba ashan al raja al kutu le intum fi Samawat. intum asuma be raja de gubal kida fi kelima ta Hagiga ta Injil.
\v 6 Al ja le intum. fi Dunia wa jibu simar wa bi raba. ze ma fi intum min yom al intum asuma wa arufu Neima ta Allah al Hagiga.
\v 7 De Injil al ze intum alimu min Abfaras kadam ta nina al mahbub al bi dowru wara ta nina. al huwo kadam al amin ta Mesih al bi mesil nina.
\v 8 Abfaras wori le nina muhaba takum fi Roho.
\p
\v 9 Ashan muhaba de min yom nina asuma, nina ma wogif ashan bi seli le intum. nina kan bi istemir seli kede intum mala be marafa ta meshia bito be kulu Hikma wa Fahim ta Roho.
\v 10 Nina bi seli ashan kede intum dowru ze Rabuna deir be teriga al kwes, wa ashan intum be jibu simar fi kulu amail takum al kwes wa intum bi raba fi arufu Allah.
\v 11 Nina seli ashan intum bi agder geni gowi be guwa ta mejid Bito fi amulu shokol shedid wa sobur.
\v 12 Wa nina kaman seli ashan kede intum wodi shukuran be mokosut le Abu, al kutu intum limu fi worisa ta Nas al kedesin fi Nur.
\v 13 Al talau nina min sulta ta duluma wa hawilu nina le mamlaka ta Jena Bito al Mahbub.
\v 14 Fi Jena Bito nina ligo kulasa, wa afi ta kataya.
\v 15 Jena de Huwo yau sura ta Allah al ma bi ayinu. wa awel bikir ta kulu kaliga.
\v 16 be wasat bito kalagu kulu hajat, alfi Sama wa Ardiya, hajat al bi ayinu wa al mabi ayinu kan hajat al fok aw ta mosuliya wa ta sultat. hajat kulu Huwo kalagu le nefsa bito.
\v 17 Huwo fi gubal kulu hajat, wa hajat kulu bi limu fi Huwo.
\v 18 Huwo ras ta jisim, al Kenisa. Huwo al bidaya wa bikir fi nus ta nas al meitin, ashan huwo indu awel mahal fi nus gidam kulu hajat al kalagu.
\v 19 Ashan Allah kutu kede shokol kebir bito fadulu fi huwo.
\v 20 wa ashan bi amulu musalaha be wasat Jena de ma hajat kulu le nefsa bito. Allah amulu Salam be wasat dom ta Selib. Allah salau kulu hajat le nefsa bito, hajat al fi ardiya aw hajat ta Sama.
\v 21 Intum kulu kan ajneb le Allah wa kaman adu bito fi mug takum wa amayiek takum al batal.
\v 22 Lakin hasa de huwo rija salau intum be jisim bito ta insan be mutu bito, ashan be kutu intum geni kudusin. wa bidun loum, wa bidun shokuwa fi gidam bito.
\v 23 Kan intum lisa bi istemir fi Iman wa asisu intum kwes, wa zarawu intum gowi, itakum ma bi tala sambala min raja ta Injil, al intum asuma wa beshiru le kulu hajat al kalagu tehet Sama. De Injil abu ana Bulis biga kadam bito.
\p
\v 24 Hasa de ana bi geni be mokosut ashan taab tai le itakum, wa ana geni timu bagi hajat ta Mesih al nigis fi jisim tai, ashan jisim bito al huwo yau Kenisa.
\v 25 De yau Kenisa al ana biga kadam fogo, be nisba le mosulia al Allah wodi le ana ashan intum, wa ashan bi timu kelima ta Allah.
\v 26 De sir al Hagiga al dusu min zaman wa min ajial, lakin hasa de beinu le nas ta Allah al kudusin fi huwo.
\v 27 De ashan bi wori le humon sunu yau sir de fi nas al ma arufu Allah. al huwo yau al Mesih raja ta mejid fi intum.
\v 28 De yau huwo al nina bi beshiru wa al nina bi wodi inzar wa kaman bi alinu le kulu zol be kulu hikma. ashan nina bi jahizu ai zol kamil fi al Mesih.
\v 29 De yau haja al ana bi taban ishtakal shedid fogo. be shokol bito al shakal fi ana be guwa
\c 2
\cl As-hah 2
\p
\v 1 Ana der kede intum arufu godur shunu taab tai le intum, wa le nas alfi Laudukia wa kaman del al ma sufu ana wusa tai fi jisim.
\v 2 Ana ishtakal ashan kede humon ligo teshji fi gulub tomon ma limu sawa fi muhaba. wa fi ganian wa takid al fahim al kamil, fi marafa sir ta Allah al fi Mesih.
\v 3 Fi huwo dusu kulu kunuz/hajat al gali ta marafa wa ta hikma.
\v 4 Ana kelim kalam de ashan mafi zol tani kede kabasu intum be ai kalam tani.
\v 5 Sala kan ana mafi be intum fi Jisim, lakin ana fi ma intum fi Roho. ana mokosot kan ana bi ainu intum bi geni be nizam, wa intum bi geni gowi fi Mesih.
\p
\v 6 Ze ma intum rudu Masiah Rabuna, doworu takum fi huwo.
\v 7 kede juzur takum lesegu fogo huwo, wa kede intum abinu fogo huwo, wa kede asisu intum fi Iman. ze alimu intum fi wodi shukuran.
\p
\v 8 Kutu takum bala ashan kede mafi zol tani kabasu intum be falsafa bito al batal. wa be kalamat tanin al farig ze ta tagalid ta nas. al bi tifagu ma hajat ta dunia, wa ma bi tafigu ma al Mesih.
\v 9 Ashan fi Huwo Allah hai be lahut bito.
\v 10 Malau intum fi huwo, huwo yau ras ta kulu guwa wa sulan.
\v 11 Teheru itakum fi huwo be teheru al ma amulu be nas be gatau gilid ta jisim, lakin be teheru ta al Mesih.
\v 12 Dofunu intum ma huwo fi mamudia, wa goumu intum fok be wasat Iman fi guwa ta Allah. al goumu huwo mara wahid min mutu.
\v 13 Zaman intum kan meitin fi kataya takum, wa lisa kan ma teheru intum, huwo kutu intum hai sawa ma huwo wa kaman afi le nina katiyat ta nina.
\v 14 huwo masa dein al katibu le nina wa gawanin al did nina. huwo agilau wa dugu be musmar fi selib.
\v 15 huwo agilau silahat kulu min nas al indum guwa wa alfi sulta, wa beinu fadia tomon bara, wa gilibu humon fi Selib,
\p
\v 16 Wa ashan kida, kede mafi zol hukumu inta fi kalam akil wele fi kalam shirab, wele kaman fi kalam ta Eid aw bidayat ta shuhur wa kalam ta ayam ta        Sebit.
\v 17 Del kulu dulu ta hajat al bi ja hasil. lakin al jisim yau al Mesih.
\v 18 Kede ma abusu intum min ligo hadia takum, ma shikil zol al deir beinu gali huwo yau mutuwadi wa bi seli le malaikat, wa bi dakalu fi aynu hajat al bi woduru huwo, huwo bi mofugu bidun sabab be fikra bito jisim.
\v 19 huwo ma gobudu gowi fi ras. Ras al bi wodi akil fi jisim kulu, wa bi robutu jisim sawa be mafasil wa aasab, ashan bi raba tamam ze raba al Allah yau wodi
\p
\v 20 Kan sei itakum mutu sawa ma al Mesih wa min hajat kulu ta Dunia, le intum lisa bi geni ze kan intum fi Dunia.
\v 21 Mata kum amsuku, mata kum jeribu, wa mata kum lemesu.
\v 22 Kulu hajat del jahizu ashan bi demiru nas kan istamilu, ashan nizamu hasab awamir wa talimat ta Insan.
\v 23 Nizam ze del indu hikma al salau be jisim wa be tawadu wa batal ta jisim. Lakin humon ma indu wozin ashan bi agder woduru jisim.
\c 3
\cl As-hah 3
\p
\v 1 kan intum gum ma al Mesih, fetisu takum hajat ta fok, ze al Mesih bi geni fi idan yemin ta Allah.
\v 2 Fekir be hajat al fok, ma be hajat ta ardiya.
\v 3 Ashan intum mutu, wa haya takum dusu be al Mesih fi Allah.
\v 4 kan al Mesih ja beinu, wa Huwo yau haya takum, kaman intum bi beinu ma Huwo fi mejid.
\p
\v 5 Katulu takum hajat al bi juru itakum wara fi duniya, Zina, Najasa, Niyat ta jisim, Shahwat al batal, wa Shukul Tama, al huwo yau ibada ta asnam.
\v 6 Ashan be sabab ta hajat del zalan ta Allah bi nenzil le iyal ta katia.
\v 7 Fi hajat del itakum kan douru, wokit itakum kan aishin fogo.
\v 8 Lakin hasa kede itakum agilau bar hajat del kulu. Waja gelba, Zalan, Niyat al batal, Sitima wa Kalmat al batal al bi tala min kasma takum.
\v 9 Mata takum gata suwata fi zol tani, kan sei intum agilau zol algedim dak be hajat bito,
\v 10 wa itakum libisu zol al jedid al bi geni jedid fi marfa hasab sura ta Zol al kalagu huwo.
\v 11 De yau bi wori inu mafi ferig beina de Yonani wele de Yahudi. de Teheru wele de ma teheru. Ajnebi, wole ma ajnebi. Abid, wole ma abid, lakin al Mesih wau kulu wa fi kulu.
\p
\v 12 Libisu takum daiman ze nas al Allah yau ikhtaru kedisin wa mahbubin, mashair ta Rahma, Amulu kweis le nas, Hanan, Tawadu wa Sobur.
\v 13 Kede intum arfau bad takum. Afi takum le bad takum, kan fi zol indu shokuwa did zol tani, ze Rabuna afi le intum kaman kede intum afi le zol tani.
\v 14 Fok kulu hajat del, libisu takum Muhaba, de yau habil al bi wori itakum timu
\v 15 Kede salam ta al Mesih hukumu fi gulub bitakum. ashan fi salam de nadi itakum fi jisim al wahid. Rija takum shukuran.
\v 16 Kede kelima ta al Mesih kun hai fi intum be gena. be kulu hikma, alimu wa anziru badun takum be mazamir wa tesbihat wa gunat ta roho. Guna takum be wodi shukuran fi gulub takum le Allah.
\v 17 Ai hajat al kan intum bi amulu, kan be kalam wole be shokol, amulu takum kulu be isim ta Rabuna Yesua. wodi takum shukuran le Allah al Abu be wasat bito.
\p
\v 18 Ya Nuswan, Nezilu badun le rujal takum ze deiru fi Rabuna.
\v 19 Ya Rujal, hibu takum nuswan bitakum, wa matkum geni tekiyanin ma humaon.
\v 20 Ya iyal, amulu takum kulu hajat al abu takum yau kelimu, de deiru fi Rabuna.
\v 21 Ya Abuhat, mata kum zalanu iyal ashan kede ma karabu.
\v 22 Ya Kadamin, amulu takum kulu hajat al sidi takum fi jisim deir kede amulu. ma bes ashan nas bi aynu, lakin be gelba kuwes. kafu takum Rabuna.
\v 23 Ai hajat intum bi amulu, amulu takum min juwa gelba ze intum bi amulu le Rabuna ma le nas.
\v 24 Arufu takum gali intum bi ligo ujura ta worisa min Rabuna. Ashan intum bi kadimu le Rabuna al Mesih.
\v 25 Ai zol al bi amulu hajat batal bi ligo ikab ta hajat batal al huwo amulu, bidun ai mujamala.
\c 4
\cl As-hah 4
\p
\v 1 Ya nas kubarin, wodi le kadamin takum hajat al sah wa adil. Kede intum arufu kaman gali intum indu sidi if Sama.
\p
\v 2 Istemir takum fi Salawat, sahir takum fogo be wodi shukuran.
\v 3 Kaman seli takum sawa le nina, kede Allah fata bab le kelima, ashan bi wori sir al hagiga ta Mesih. ashan le sabab de robutu ana.
\v 4 Seli takum ashan kede ana agder beinu wadeh, ze deiru ana bi wonusu.
\v 5 Dowuru takum be hikma ma nas al bara, wa alagu takum zaman.
\v 6 Kede kelimat takum daiman geni be neima. salau be mileh, ashan intum bi agder arufu kef intum bi juwabu ai zol.
\p
\v 7 Wa be kusus haja tai, Tikikos bi wori le intum. Huwo aku al mahbub, kadam al amin, wa kadam kaman ma nina fi Rabuna.
\v 8 Ana rasulu huwo le intum kida, ashan intakum bi arufu mashakil ta nina, wa ashan huwo bi shejja gulub takum kaman.
\v 9 Ana rasulu huwo sawa ma Onesimos, aku al amin wa al mahbub, al huwo wahid min intum. Humon bi wori le intum kulu hajat al hasil hini.
\p
\v 10 Aristrikus, sabi tai fi sijin, bi selimu intum, wa kaman Markos, jena ukut ta Barnaba, (al intum ligo talimat min huwo; kan huwo ja le intum hinak, rudu takum huwo).
\v 11 Wa kaman Yesua, al bi nadi gali Yustus. humon yau bes nas al teheru, wa nas al shakalin ma ana ashan Molokut ta Allah. Humon biga yau bi shejau ana.
\v 12 Abufaras bi selimu intaum. Huwo wahid min intum wa abid ta al Mesih Yesuah. Huwo daiman bi hawil shedid ashan bi seli le intum. ashan kede intakum wogif kamil wa malianin fi kulu meshiah ta Allah.
\v 13 Ana shuhud bito, huwo bi ishtakal shedid ashan intum, le del al fi Laudukiya, wa kaman le del al fi Hiyarabolis.
\v 14 Luka diktor al mahbub wa Dimas bi selimu le intum.
\v 15 Selimu le akuwana al fi Laudukiya, wa Nimfas, wa le Kenisa al fi bet bito.
\v 16 Kan agarau risala de fi nus takum, kede kaman agarau fi Kenisa ta nas Laudukiya, wa kaman risala ta nas Laudukiya kede agarau le intum.
\v 17 Kelim takum le Arkibos, "aynu le kidma al inta ligo fi Rabuna, ashan kede inta kalasu."
\p
\v 18 Salam de min idan tai ana Bulis. Zekir takum genzirat tai. Kede neima geni ma intum.