pga_reg/49-GAL.usfm

\id GAL
\ide UTF-8
\h Galatia
\toc1 Galatia
\toc2 Galatia
\toc3 gal
\mt Galatia
\c 1
\cl As-hah 1
\p
\v 1 Bulus, marasula- ma min nas wele be wasat insaan, lakin Bewasat Yesua al Mesih wa Allah al ab al guomu uwu mini mutu
\v 2 wa kulu akwana al ma ana, le Kanais ta Galatia:
\p
\v 3 Naima le itakum wa salam min Allah Abu ta nina wa Yesua al Messih,
\v 4 al wedi nefsa tuo min ajil kataya ta nina ashan be hariru nina min alam al sherir de, be hasab meshiya ta Allah wa abu ta nina,
\v 5 kede mejid rija le uwo lel abed al abidin. Amin.
\p
\v 6 Ana bi istagrab itakum bi rija wara guwam min de al nadi itakum be naima ta Mesih. Ana mustagarab itakum bi geyiru le Injil tani al barau.
\v 7 Ana ma be wunuso inu fi Injil tani barau, lakin fi nas tanin al deru sibu itakum waga wa deru geiru Injil ta Mesih.
\v 8 Lakin hata luo kan anna aw Malaika min Sama yau beshiru le itakum kalam tani barau min al inna beshiru, kede uwu kun muluwun.
\v 9 Ze ma inna wunuso gubal kida, hasa tani ana bi wunuso, ``Kan fi zol beshiru le itakum Injil tani min al itakum asuma, kede uwu kun muluwun.``
\v 10 Hal ana hasa gi fetisu gubul min insan wele Allah? Hal ana gi fetisu rida ta insan? Kan ana lisa bi hawil ardi insan, Ana ma kadam ta Messih.
\p
\v 11 Ashan Ana der kele itakum aruf, ya Akuana, Inu Injil al Ana beshiru de ma ta insan.
\v 12 Ana ma ligu Injil min ayi zol, wele Ana alimu ma alimu. Lakin, de kan be ruoya ta Yesua al Mesih le Ana.
\v 13 Itakum asuma an Haya tai kan kef fi Yahudia, kef Ana kan gi azibu Kenisa ta Allah futu ganoon wa Ana kan bi hawil demiru.
\v 14 Ana kan gidam kalis min dufat tai, aktar min nas ta belet tai. de yau teriga al kan Ana undu gira kebir le tagalid ta abuhat tai.
\v 15 Lakin zaman Allah, al kasisu Ana min batna ta uma tai, wa al nadi Ana be naima tuo,
\v 16 rudu ashan bizahiru jena tuo fugu Ana, ashan Ana bi beshiru uwu fi nus ta umam, Ana ma shilu mushura min dom aw laham.
\v 17 Ana ma ruwa le Urshelim le delin al biga rusul gubal Ana. Lakin Ana ruwa le Arabia wa bat kida Ana rija le Damashk.
\p
\v 18 Wa bat talata senna Ana ruwa lakadi fi Urshelim ashan ruwa itaaraf le Safa wa Ana geni ma uwo kamistashr yom.
\v 19 Lakin ana ma ayinu rusul delin ile Yagub bes, aku ta Rabana.
\v 20 Haja al Ana bi katibu le itakum, Ana bi akidu le itakum gidam ta Allah ibu Ana ma gi kabasu.
\v 21 bat kida Ana ruwa le bilad ta Suriya wa Kilikia.
\v 22 Ana sheksian lisa ma maruf le Kanais ta Yahudia al fi Messih.
\v 23 Umun bes asuma gi wunuso, ``Zol al kan gi itahidu inna hasa biga bi beshiruIman al uwu hawil demiru.
\v 24 Umon mejidu Allah ashan ana.
\c 2
\cl As-hah 2
\p
\v 1 Wa bad arbatashar senna Ana ruwa le Uruselim tani mara ma Barnaba, Ana shilu Titos ma Ana swa.
\v 2 Ana ruwa ashan rouya wa weri le umun Injil al Ana beshiru fi nus ta umam. Ana wonuso be teriga kas le delin al bi bainu muhimin, asahn bi akidu inu Ana ma kan bi jere- aw Ana jere kasara.
\v 3 Lakin hata weleTitus, al ka ma Ana al kan Igrigi, asuru uwu ashan bikun mutahar.
\v 4 Akuwana al kadabin umun dakalu be sir ashan bejesisu huriya ta nian fi al Messih Yesua. Umun indu niya ashan bi amulu inna abeed,
\v 5 lakin inna ma Asuma le umun wele lahza, ashan hagiga ta Injil bi fadulu ma itakum.
\v 6 Lakin delin al bi amulu badun tumun muhimin (ma muhim le Ana umun kan shunu, Allah ma bi weri tefriga) - delin, al Ana kelim umun bi bainu muhim umun ma gi zidu le Ana ayi haja.
\v 7 Bel aksi, Ana biga mushkul be beshiru Injil le delin al ma mutaharin, bes ze ma Buturus kaman mushkul be Injil le delin al mutaharin.
\v 8 Ashn Allah al ishtakal fi buturus be risal le delin al mutaharin, kaman ishtakal fugu Ana le umam.
\v 9 Zaman Yagub, Safa, wa Yuhanna, al kan arufu umun ze delin al bi abinu kenisa, fahimu naima al wedi le Ana, umun wedi eda al yemin ta sherika le Ana wa Barnaba. Umun amulu kida ashan inna biruwa le Umam, wa umun biruwa le delin al mutaharin.
\v 10 Umun asalu min inna bes ashan bizekiru nas al masakin, haja al Ana bi ihtam ashan bi amulu.
\p
\v 11 lkin zaman Safa(buturus) ja le Antakiya, Ana aridu uwu fi gidam tuo ashan kan indu loum.
\v 12 Lanu gubal ma fi nas ja min Yagub, Safa (Buturus) kan gi akulu ma Umamin. Lakin zaman Rujal de ja uwu wugifu wa ruwa baid min Umamin. Lanu uwu kan bi kafu min delin al deru tuhur de.
\v 13 Bardu bagi Yahudin dum le temsilia de. Hata Barnaba kabasu be temsilia tumun de.
\v 14 Lakin zaman Ana ayinu inu uslub tumun kan ma gi ruwa wara hagiga ta Injil, ana kelim le Safa (Buturus) fi gidam tumun kulu, Kan Itta Yahudi lakin gi ish ze Umami ma ze Yahudi, kef itta bi asuru umamin ashan bi ish ze itta.
\v 15 Inna be nefus ta nina yahudin be melad ma Umamin al kuta;
\v 16 wa lisa inna arufu inu mafi zol bi bariru be amal ta ganoon lakin bewasat iman fi Yesua al Messih asahn bi beriru inna bewasat iman fi Yesua ma be amal ta ganoon. Ashan mfi gisim bi agder bariru be amal ta ganoon.
\v 17 Lakin luo, inna ze ma gi fetishu tebrir fi Al Mesih, inna zatu ligu inna kuta, hal al Messih bi shajau katiya? Tabaan la!
\v 18 Ashan kan Ana bi demiru hajat al Ana abinu, Ana gi weri inu Ana be nefsa tai zol ta kasuru ganoon.
\v 19 Ashan bewasat ganoon Ana mutu le ganoon, ashan Ana bi hai le Allah.
\v 20 Selibu Ana ma al Messih. De ma Ana yau bega gi ish, Lakin al Mesih Aish jua Ana. Haya al hasa Ana gi ish fugu gisim de Ana ish bi iman fi Jena ta Allah, al hibu Ana wa wedi nefsa tuo ashan Ana.
\v 21 Ana ma bi aba naima ta Allah, ashan lo shukul bir biligu be ganoon, manau al Messih mutu kusara.
\c 3
\cl As-hah 3
\p
\v 1 Ya nas Galatia al belidin/belitin! munu yau saru itakum? itakum nefsu nas al selibu Yesua al Mesih gidam takum.
\v 2 De haja al wehid al Ana der arufu min itakum: Hal itakum ligu Roho be shukul ta ganoon wele be Iman fi haja al itakum asuma?
\v 3 Itakum belidin/belitin ze de? Baat ma itakum bada be Roho, Itakum hasa gi ruwa kalasu be gisim?
\v 4 Hal itakum ligu taab fi hajat sakit- lu kan hagiga sakit?
\v 5 Hal uwu al wedi Roho wa amulu mujizat fi nus takum de be shukul ta ganoon, wele be kabar ta iman?
\v 6 Bes ze Ibrahim "amin fi Allah wa kan hasibu le uwo ze bir,"
\v 7 be nefsa teriga, fahimo takum, inu delin al min iman umon Eyal ta Ibrahim.
\v 8 Kitab, ayinu min bediri inu Allah bi ruwa Beriru Umon be iman, uwu beshiru le Ibrahim inu fugu uwu kelimu, "Dunia kulu bibariku fugu itta."
\v 9 Ashan keda. delin al min iman mubarikin sawa ma Ibrahim, rojul ta iman.
\v 10 kulu zol al bi teki le shokol ta ganoon umun tehit laana; ze ma katibu "muluon kulu zol al ma gi nefizu kulu hajat al katibu fi kitab ta ganoon, wa bi amulu umon.
\v 11 Hasa uwu wadih inu mafi zol mubarar gidam ta Allah be ganoon, ashan zol al barr bi ish be iman.
\v 12 Lakin ganoon ma min iman, lakin zol al be amulu shukulat ta ganoon lazim bi ish be umon."
\v 13 Al Mesih kalisu anna min laana ta ganoon be wedi nefsa tuo ashan bi kun laana min ajil ta nina - ashan muktub, "Muluon kulu zol al aligu fi kashab"-
\v 14 ashan baraka ta Ibrahim bija le Umamin (nas al ma Yahudin) bewasat ta Ysua al Mesih, ashan be iman anna biligu waad ta Roho.
\p
\v 15 Akuwana, kede Ana wonuso be hasab insan. Mafi itefagia al amulu bi agder kasuru hata lo be insan, lo amulu be ganoon.
\v 16 Hasa waad al kan wonuso le Ibrahim wa nesli tuo. Uwo ma gasit le iyal ta iyal," bi rijale ketirin, lakin gasit bes wahit, "wa le nesli taki," al uwo al Mesih.
\v 17 Hasa Ana gasit kida: Ganoon al ja min gubal 430 sena, ma bi karabu itifagia al amulu bediri be Allah.
\v 18 Ashan kan wirasa ja be ganoon, kida tani ma bi ja be waad. Lakin Allah wedi le Ibrahim be waad.
\v 19 Fa, shunu, ya kan hadaf ta ganoon? Kan zidu ashan kalam ta katiya, lahadi iyal ta iyal ta Ibrahim bi ja hasab waad al wedi. Ganoon kan kutu fi shukul be wasat ta malaikat ashan bikun wosit.
\v 20 Hasa wosit ma le zol wahid. Wa lakin Allah Huwo wahid.
\v 21 Hal ganoon did wuod ta Allah? Tabaan La! laanu lu kan namus wedi le uwu gowa ta wedi haya, manau shukul bir ja be namus.
\v 22 Lakin kitab gufulu kulu haja tihit katiya. Allah amulu de ashan waad ta kalisu inna be iman fi Yesua al Messih bi ageder wedi le delin al bi amin.
\p
\v 23 Hass gubal iman ma ja, inna kan murbutin tifit ganoon, mukfulin lakadi iman bizahiru.
\v 24 Izen namus kan ya gi adibu inna lakadi al Messih ja, ashan bi beriru inna be iman.
\v 25 Lakin hasa iman ja, inn tani ma tihit tadib.
\v 26 Ashan itakum kulu Eyal ta Allah bewasat iman fi Yesua al Messih.
\v 27 Laanu itakum kulu al amido fi Mesih, itakum ligu Mesih.
\v 28 Wele Yahudi wele Yuonani, wele abid wele hur, wele mara wele rajil, ashan itakum kulu wahid fi Yesua al Mesih.
\v 29 Kan itakum ta Mesih, itakum iyal ta iyal ta Ibrahim, wa be werisu be hasab waad.
\c 4
\cl Ashah 4
\p
\v 1 Ana bi kelim inu, lo al waris lisa jena suker, ma indu ferig ma abid, hata lo uwo yau sido hajat kulu.
\v 2 Lakin uwo tihit musulia ta abuhat wa wukala lahadi yom al bikariru be Abu.
\v 3 Inna bardu: kan ze de zaman inna kan sukerin, anna kan abeed tihit arkan ta alam.
\v 4 Lakin laman zaman timu, Allah rasulu Jena tuo, al weledu be mara, weledu tihit Namus.
\v 5 Uwo amulu kida ashan bi afdi delin al tihit namus, ashan inna biligu tebeni ze Eyal.
\v 6 Wa ashan itakum iyal, Allah rasulu Roho ta Jena tou fi gulub ta nina, de al nadi, "Abu al Ab"
\v 7 Izen ita tani ma abeed, lakin Jena, kan Jena, Izen itta bardu be werisu bewasat Allah.
\p
\v 8 Lakin fi zaman dak, al itakum kan ma arufu Allah, amulu itakum abid le delin al, be gowat tumon al tebii, ma rabunat ta kulu kulu.
\v 9 Lakin hasa itakum biga arufu Allah, aw arufu itakum ma Allah, kef itakum bi rija wara le hajat al daif wa al taban itakum der kun abied tomon min jedid? Hal itakum der kun abied tani mara?
\v 10 Itakum gi hafizu ayam wa shuhur al jedid wa mawasim wa siniin!
\v 11 Ana gi kafu le itakum inu taab tai fugu itakum bi ruwa sakit.
\p
\v 12 Ana gi asalu itakum, akuwana, ashan bikun ze Ana, ashan zatu ana biga ze itakum.
\v 13 Lakin itakum arufu de kan ashan ayan ta gisim Ana beshiru le itakum fi bidaya.
\v 14 Salkan ayan tai kutu itakum fi imtihan, itakum ma akrah wele aba Ana. Lakin itakum rahibu Ana ze malaika ta Allah, ze kaanu Ana yau kan Yesua al Mesih benefsu.
\v 15 Taib, wenu, baraka takum hasa? Leanu ana shahidu le itakum inu, lo kan bi agider, kan itakum agila uyun takum wa wedi le Ana.
\v 16 Ashan kida Ana biga adu takum ashan Ana gi weri le itakum hagiga?
\v 17 Umon indu gira ashan bi juru itakum, lakin ma le kwes. Umon der gufulu itakum bara, ashan itakum bikun indu gira le umon.
\v 18 Uwo daiman kwes ashan inta bikun indu gira le hadaf al kwes, ma bes kan Ana fi ma itakum.
\v 19 Eyal tai al sukerin, Ana tani biga fi waja ta jena min ajili takum lakadi al Messih bija fugu itakum.
\v 20 Ana gi itemana kede Ana kun fi ma itakum hasa ashan bi gairu sut tai, lanu Ana mustagrib fugu itakum.
\p
\v 21 Wori takum le Ana itakum al der kun tehet ganoon, hal itakum ma gi asuma le ganoon?
\v 22 Ashan muktub Ibrahim indu itniin awlad, wahid min biniya al abeed wa wahid min Mara al hur.
\v 23 Lakin de al weledu ma biniya al abeed be hasab gisim, lakin tani de kan weledu be mara al hur bewasat waad.
\v 24 Hajat de mumkin fasiru ze Remzi, ashan nusowan del gi wori itnin itifagia. Wahid min uman min jebel Sina wa weledu Iyal al abeed. De yau Hajir.
\v 25 Hasa Hajir gi mesil Jebel Sina fi bilad ta Arab; wa Heya gi mesil Uruselim al fi alela, ashan heya fi abudia ma Iyal tou.
\v 26 Lakin Uruselim al fi fuk de hur, wa heya yau uma ta nina.
\v 27 Ashan muktub, "Afrah, ita al ma gi weledu. Kore wa asruk be farah, ita al ma gi ligu taab ta weledu. Ashan Iyal ta mara al sibu barau aktar min Iyal ta mara al indu rajil."
\p
\v 28 Lakin itakum, akuwana, ze Ishak, itakum Iyal ta waad.
\v 29 Fi zaman dak de al weledu behasab gisim azibu de al weledu be hasab Roho. Uwu nefsa haja hasa.
\v 30 Lakin kitab gi wonuso shunu? "Turuju bara biniya al abeed ma Jena tuo. Ashan Jena ta biniya al abeed ma shariku fi werisa ma Jena ta mara al hur."
\v 31 Ashan keda, akuwana, anna ma Iyal ta biniya al abeed, lakin ta mara al hur.
\c 5
\cl As-hah 5
\p
\v 1 Ashan huriya al Mesih hariru anna. Ashan keda, kede itakum wogif gowi kele itakum riga tani tihit saitara ta abudia.
\p
\v 2 Yau, Ana Bulus, bi kelim le itakum inu kan tahiru itakum, al mesih ma bi anfa le itakum fi ayi haja.
\v 3 Ana gi shahidu le kul zol al sibu nefsa tou taharu uwu lazim bi tii ganoon kulu.
\v 4 Gatau itakum bara min al Messih, itakum al gi beriru be ganoon; itakum biga ma bi ligu naima tani.
\v 5 Ashan bewasat ta Roho, be iman, anna bi istena raja ta bir.
\v 6 Fi Yesua al Mesih Tuhur wele adam tuhur ma indu faida, lakin iman bes yau bi ishtakal bewasat muhaba.
\v 7 Itakum kan bi jere kwes. Munu yau abusu itakum ashan ma bi tii hagiga?
\v 8 Kalam de ma min de al nadi itakum!
\v 9 Kemira besita bi kemiru ajin kulu.
\v 10 Ana indu sikah fi Rabana inu itakum ma bi fekir fi haja tani. De al bi tabanu itakum biligu hukum mahma uwu munu.
\v 11 Akuwana, kan Ana lisa gi beshiru kalam ta tuhur, lei lisa bi azibu Ana? Be teriga de Hajiz al gi gufulu sika ta selib shilu bara.
\v 12 Ze le delin al bi tabanu itakum, Ana gi itmana kede umon taharu madom tomon!
\p
\v 13 Nadi itakum fi huriya, ya Ikewa. Lakin matakum istakdimu huriya takum ze fursa le tebiya ta katiya; lakin, bewasat muhaba akdim takum badum takum.
\v 14 Ashan ganoon/namus kulu bi nefizu fi kilima wahid; fi "Ita lazim bi hibu jeran taki ze nefsa taki."
\v 15 Lakin kan itakum bi adi wa gi akulu badum, kutu takum bala kede itakum ma kalasu badum takum.
\p
\v 16 Lakin Ana bi kelim, ish takum be Roho wa matakum kamilu shahwat ta gisim.
\v 17 Leanu niyat ta gisim umon did Roho, wa niyat ta Roho did niyat ta gisim. Umon fi shakila ma badun, ashan Ita ma bi agider amulu hajat al ita der.
\v 18 Lakin kan gi gedimu itakum bi Rhoh itakum ma tihit ganoon.
\v 19 Hasa amal ta gisim zahir:
\v 20 Zina, Ahara, Najasa, Dara, Abudu asnam, kujur, adawa, Ferigu madum, Gira, zalan, tefriga, gesimu badun, kizib, Hsada,
\v 21 katulu, sakar, Ideman, wa hajat al ze delin. Ana gi anziru itakum, ze ma Ana anziru itakum gubal kida, inu delin al Amulu hajat de ma bi werisu mulukuut ta Allah.
\v 22 Lakin Simar ta Roho yau muhaba, farah, salam, tul bal, shokol kwes, iman,
\v 23 Nezilu nefsa, wa amsuku nefsa; wa did hajat de ma Ganoon.
\v 24 Delin al tabiin le Yesu al Mesih umon selibu tebiya ta katiya ma niyat tuo.
\p
\v 25 Kan anna gi ish be Roho, kede anna kaman doworo hasab Roho.
\v 26 Kede anna ma kun nas al zalan madum ta nina, wa gi hasidu badum.
\c 6
\cl As-hah 6
\p
\v 1 Ikua, kan fi zol amsuku fi katiya, itakum al Rohiin Bi rija zol de be Roho ta riga nefsa. Kede ita kutu bala le nefsa taki, ashan kaman kede ma jeribu ita.
\v 2 Arufa takum tegila ta badun, wa tamimu takum Namus/ganoon ta Messih.
\v 3 Ashan kan fi zol bi nfekiri uwu haja ligu uwu ma haja, uwu gi kabasu badun.
\v 4 Ayi zol kede imtehin shukul tuo, yala sabab ta kebir nefsa bikun ta tuo barau wa ma fi zol tani barau.
\v 5 Ashan ayi zol bi ruwa arfa hukum tuo barau.
\p
\v 6 De al gi derisu le uwu kelima lazim bi shariku kulu hajat al kues ma de al gi derisu.
\v 7 Kede ma kabasu intakum. Allah ma gi kabasu, ashan ayi haja al insan bi zarau, nefsa haj yau uwu bi ja legetu.
\v 8 Ashan de al bi zarau bizira le tebiya tuo ta katiya, min tebiya ta katiya biligu damar. De al bi zarau bizira le Roho, min Roho bi ruwa ligu hay al abadiya min Roho.
\v 9 Kede inna ma kafu fi amulu kues, ashan fin zaman al munasib inna bi ruwa limu hasat, kan inna ma Isteslim.
\v 10 Ashan kida, ze ma fi fursa, kede inna amulu shukul kues le nas kulu, be kusus le delin al min iman.
\p
\v 11 Ayinu takum yat Huruf kebir al Ana katibu le itakum ma iden tai.
\v 12 Delin al der amulu manzar kues fi gisim gi hawil asuru itakum le tuhur. Umun gi amulu ze de ashan ma bi Itahidu umun ashan selib ta Messih.
\v 13 Ashan hata delin al taharu ma gi hafizu ganoon, lakin umun der kede taharu itakum ashan umun bi kebir nefsa an gisim takum.
\v 14 Lakin kede Ana ma Kebir nefsa ile be selib ta Rabana ta nina Yesua al Mesih, al be wasat tuo selibu donia le Ana, wa Ana le donia.
\v 15 Ashan wele tuhur nafa le ayi haja wele adam tuhur, lakin kaliga al jedid.
\v 16 Le delin kulu al bi ish be hasab ganoon de, salam wa rahama kede kun le umun, wa le Israel ta Allah.
\p
\v 17 Min hasa kede ma fi zol tabanu Ana, ashan Ana gi arfa fi gisim tai alamat ta Yesua.
\p
\v 18 Kede naima ta Raban Yesua al Mesih kun ma Roho takum, ikuwa. Amen.