See in Reader
585 lines
50 KiB
Plaintext
585 lines
50 KiB
Plaintext
\id ROM
|
|
\ide UTF-8
|
|
\h Romiya
|
|
\toc1 Romiya
|
|
\toc2 Romiya
|
|
\toc3 rom
|
|
\mt Romiya
|
|
\c 1
|
|
\cl As-hah 1
|
|
\p
|
|
\v 1 Bulus, kadam ta Yesua al Mesih, nadi huwo ashan bi kun rosul, Kutu huwo khas le injil ta Allah,
|
|
\v 2 al huwo waadu min bediri be wasat ta anbiya al fi kitab al mukadas,
|
|
\v 3 an jena tou al huwo kan min usra ta Daud hasab jisim.
|
|
\v 4 Be wasat Roho ta kadasa, kan alinu huwo be guwa ashan bi kun jena ta Allah be wasat giyama min amuwat, Yesua al Mesih Rabuna ta nina.
|
|
\v 5 Al bi wasat tou nina ligo neima ta rosuliya ta ihteram ta iman fi nus ta nas, min ajli isim tou.
|
|
\v 6 Fi nus ta umam, nadi intum kaman ashan bi kun le Yesua al Mesih.
|
|
\p
|
|
\v 7 Resala de le kulu nas al fi Roma, nas al Allah bi hibu, al nadi umon ashan bi kun nas tou al mukadisin, keli neima kun le intum, wa salam min Allah Abu ta nina wa Rabuna Yesua al Mesih.
|
|
\p
|
|
\v 8 Awelan, ana bi shukuru Allah bi wasat Yesua al Mesih min ajil intum kulu, ashan iman takum gi wonusu fi alam kulu.
|
|
\v 9 Allah yau shuhud tai, al ana bi khadimu le huwo be Roho tai fi injil ta jena tou, al ana gi zekiru intum be istemrar.
|
|
\v 10 Ana daiman gi talabu fi salawat bitai teriga ashan bi naja be irada ta Allah ashan bi ja le intum.
|
|
\v 11 Ana indu niya ashan bi aiynu intum, ashan ana bi agder wodi le intum baad min hadiya rohiya, ashan bi sheja intum.
|
|
\v 12 Au nina bi agder sheja fi beina intum, bi wasat iman ta nas tanin, takum wa tai.
|
|
\v 13 Ana ma deir intum ashan bi nesitu yakwana tai, inu ana daiman gi hawil ashan bi ja le intum, (lakin ana ma agder lahadi hasa). Ashan ana bi indu samar fi intum, ze ma ana indu fi bagi nas tanin al umon umamiin.
|
|
\v 14 Deinu ana le Yonaniin wa le Ajanib, le nas al negitin wa nas al belitin.
|
|
\v 15 Biga haja al fi le ana, inu ana jahiz ashan bi bashir al injil le intum al fi Roma.
|
|
\p
|
|
\v 16 Fadiya mafi le ana, ashan injil, leanu huwo guwa ta Allah le kulasa le kulu zol al amin, le Yahudiin awel, wa kaman le Yonaniin.
|
|
\v 17 Leanu kadasa ta Allah zahir min iman le iman. ze ma kan katibu, "Zol al adil bi hai be iman."
|
|
\p
|
|
\v 18 Ashan zalan ta Allah zahir min sama did kulu nas ta fujur wa al ma adil, al umon bi wasat katiya bi gofulu hak ta Allah.
|
|
\v 19 De ashan marafa ta Allah zahir le umon, Allah wori le umon.
|
|
\v 20 Ashan shikil tou al ma gi aiynu, guwa tou al badiya wa tebiya tou al ilahiya, al aiynu wade, min zaman kalagu Alam, be wasat hajat al huwo khalagu. biga umon ma bi indu uzur.
|
|
\v 21 De ashan ze ma umon arufu Allah, umon ma mejidu huwo ze Allah, wele umon ma wodi shukuran le huwo, lakin umon tala belitin fi afkar tomon, wa kaman gulub tomon al duluma al ma bi fahim.
|
|
\v 22 Umon bi fekir gal umon negitin, lakin umon belitin.
|
|
\v 23 Umon geiru mejid ta Allah al ma bi karabu, le shikil wa sura ta insan al bi karabu, wa kaman ta tiyur wa haiwan al bi oduru ma arba kura, wa al bi doura be batna.
|
|
\p
|
|
\v 24 Ashan kida Allah selimu umon le shahwat ta gulub tomon le najasa, ashan umon bi karabu jisim tomon fi beina tomon.
|
|
\v 25 De umon al bi geiru hagiga ta Allah le kizib, wa le nas al gi abidu kaliga min kan al bi abidu Allah, al bi shukuru lel abad, Amin.
|
|
\p
|
|
\v 26 Ashan kida, Allah selimu umon le hajat ta duniya, wa nuswan tomon geiru elakat al tebiya le al ma tebiya.
|
|
\v 27 Wa bi nefs teriga kaman rujal tomon sibu elakat al tebiya ma nuswan, wa umon dakalu fi shahwat ma baad. Del kan rujal al bi amulu elaka al rajil ma rajil wa umon ligo ekab ashan haja al umon geni amulu.
|
|
\p
|
|
\v 28 Ashan umon ma kutu Allah fi marafa tomon, Allah wodi le umon fekira al batal ashan keli umon amulu hajat al ma kwes.
|
|
\v 29 umon kan mala bi adam kadasa, katiya, taama, kizib, umon maliyan ma hasada, katulu, ingisamat wa afkar sheitaniya, umon ta suwata.
|
|
\v 30 Kerehiya le Allah, kebriya wa turuk ketir ta amulu katiya, umon ma gi ihterimu Abuhat tomon.
|
|
\v 31 umon ma gi fahim, ma indum iman, ma indum geliba, wa ma indum rahma.
|
|
\v 32 Umon fahim gawanin ta Allah al inu le nas al bi amulu hajat al batal umon bi mutu, lakin umon ma bes bi amulu hajat del, lakin kaman umon mokosutin ma nas al gi amulu.
|
|
\c 2
|
|
\cl As-hah 2
|
|
\p
|
|
\v 1 Ashan kede inta ma indu uzur, inta ya zol al bi hukumu bi teriga al inta gi hukumu ma huwo nas tanin de inta bi hakimu nefsa taki. leanu inta al bi hakimu de, inta kaman bi amulu hajat de.
|
|
\v 2 Lakin nina indu hukum ta Allah huwo bi hak hasab amail ta nas al bi amulu hajat ze de.
|
|
\v 3 Kede aiynu ya zol, inta al bi hakimu nas al bi amulu hajat del, wa inta kaman bi amulu, nefsa hajat del, hal inta bi jere min hukum ta Allah?
|
|
\v 4 Wele inta bi alisu shokol ghina ta kwes ta Allah. wa subur towil al huwo bi akir hukum tou? hal inta ma arufu inu kwes ta Allah ashan bi sibu inta bi tuub?
|
|
\v 5 Lakin ashan ras gowi taki wa geliba taki al ma deir tuub inta gi limu le nefsa taki zalan fi yom ta zalan de fi yom al Allah bi zahir fogo hukum tou al adil.
|
|
\v 6 Huwo bi hukum kulu wahid hasab amail tou.
|
|
\v 7 Lakin le nas al kan indu subur fi amail tomon al kwes, umon bi ligo sukur, mejid wa karama wa bi genifi al haya al abadiya.
|
|
\v 8 Lakin le nas al bi amulu le nefsa tomon, wa ma bi ihtaramu al hak wa lakin bi ihtaramu katiya zalan ta Allah al shedid bi ja.
|
|
\v 9 Allah bi jibu taab wa kawaris le kulu Roho ta insan al amulu katiya le Yahudi awel wa kaman le Yonani.
|
|
\v 10 Lakin mejid, wa karama wa salam bi kun le kulu zol al amulu kwes. Le Yahudi awel wa kaman le Yonani,
|
|
\v 11 Ashan Allah ma gi gesimu au fadilu.
|
|
\v 12 Wa ze ma nas kutar amulu katiya bidun sheriya, kaman bi hakimu umon bidun sheriya.
|
|
\v 13 Ashan ma bes nas al bi asuma sheriya umon yau kwesin gidam Allah, lakin nas al bi amulu bi sheriya umon yau kwesin.
|
|
\v 14 Ashan le umam al umon ma indu sheriya, umon bi amulu hajat ta sheriya bi tebiya umon sheriya le nufus tomon, hata kan umon ma indu sheriya.
|
|
\v 15 Wa kede, umon bi wori inu al amail al sheriya bi talabu de, moktub fi gulub tomon, wa kaman demir tomon bi wori le umon, wa afkar tomon bi kun bi ishteki au bi defa umon ma nefsa tomon.
|
|
\v 16 Wa kaman le Allah, al inu bi hasil fi zaman al Allah bi hakimu ashrar ta kulu nas, hasab injil tai, fi Yesua al Mesih.
|
|
\p
|
|
\v 17 Lakin inta gal inu inta Yahudi wa bi teki fi sheriya, wa gi dalama Allah.
|
|
\v 18 Wa arufu irada towo wa arufu hajat al kwes, ashan inta alimu min sheriya.
|
|
\v 19 Wa iza kan inta arufu gal inta kaiid le amiyan wa nur le nas al fi duluma.
|
|
\v 20 Wa bi sahu nas al belidiin, wa ustazle iyal sukerin, wa inta indu sura ta ilim wa al hak fi sheriya. Biga kef de bi ashir ma teriga al inta bi ish ma huwo.
|
|
\v 21 Inta al bi alimu nas tanin, wa kef inta ma bi agder alimu nefsa taki? Inta al bi beshiru did serega, hal inta gi seregu?
|
|
\v 22 Inta al bi kelim inu kede zol ma amulu zina, hal inta bi amulu zina? Inta al bi akrahu asnam, hal inta serigu haikal?
|
|
\v 23 Inta al dala bi sheriya, hal inta amulu fadiya le Allahbi kasuru sheriya?
|
|
\v 24 Ashan isim ta Allah shetimu fi wasat ta umam, ashan inta, bes ze ma kan katibu.
|
|
\v 25 Ashan khitan bi kun indu faida iza kan inta ihterimu sheriya, lakin iza kan inta kasuru sheriya, khitan de bikun mafi biga.
|
|
\v 26 Iza kan zol al ma teiru hafisu hajat ta sheriya, hal ma bi hasibu huwo biga muteher?
|
|
\v 27 Hal zol al ma teiru de ma bi hukumu inta iza kan huwo gi hafisu sheriya? de ashan inta arufu sheriya al moktub wa khitan, wa lisa inta kasuru ganun!
|
|
\v 28 Ashan Yahudi al ta jisim de ma Yahudi, wa khitan al ta jisim wa fi laham de ma khitan.
|
|
\v 29 Lakin Yahudi al be juwa wa khitan al ta geliba, al huwo ta Roho, ma al fi kita, al sukuran tou ma bi ja min nas, lakin min Allah.
|
|
\c 3
|
|
\cl As-hah 3
|
|
\p
|
|
\v 1 Yahudi afdal be shunu? Wa faida ta tuhur shunu?
|
|
\v 2 Lakin de kebir be kulu teriga, awel haja ashan Yahudiin aminu be ilaan al min Allah.
|
|
\p
|
|
\v 3 Kan bi kun kef iza kan Yahudiin ma indu iman? hal shokol adam iman tomon de biwogif amana ta Allah?
|
|
\v 4 ma bi agder. Lakin kede Allah bi kun sadigwa hata kulu insan kazab. Ze ma kan katibu. "Azu kede inta beinu adil fi klimat bitaki, wa ashan inta bi gilibu umon kan hukumu inta."
|
|
\p
|
|
\v 5 Lakin iza kan katiya ta nina bi wori bir ta Allah, nina bi kelimu shunu? hal nina bi kelimu inu Allah ma adil ashan bi kubu zalan tou fi ras ta nina? (Ana bi istakdimu wonusa ta insan.)
|
|
\v 6 De ma bi hasil! Allah bi hakimu Duniya kef?
|
|
\v 7 Lakin iza kan hagiga ta Allah be wasat kizib tai bi zidu wa bi jibu mejidle huwo, lee lisa bi hakimu ana ze zol ta katiya?
|
|
\v 8 Lee nina ma kelimu, ze ma tahamu nina be kizib, wa ze ma fi baad min nas gal, kede nina amulu katiya. Ashan haja al kwes bi hasil? al hukum tomon adil.
|
|
\p
|
|
\v 9 Biga shunu? hal nina ahsen? La la kulu kulu, ashan nina isteki kulu, Yahudiin al kulu umon tehet katiya.
|
|
\v 10 De ze ma katibu: Inu mafi ai zol kwes wele wahid.
|
|
\q2
|
|
\v 11 Mafi zol al bi fahimu, mafi shala zol wahid al bi fetisu Allah.
|
|
\q
|
|
\v 12 Umon kulu rija wara, umon kulu ma baad biga ma indu faida, mafi shala wahid zol al ma amulu kwes, mafi, mafi, shala wahid zol
|
|
\q
|
|
\v 13 Roho tomon ze turuba al fadi, lisan tomon kabasu, sim ta debiba yau tehet kasma tomon.
|
|
\q2
|
|
\v 14 Kasuma tomon maliyan be laana wa geliba al mur.
|
|
\q
|
|
\v 15 Kurein tomon seri fi dofugu dom,
|
|
\q2
|
|
\v 16 karaba wa taab yau fi sika tomon,
|
|
\q
|
|
\v 17 Nas del humon ma arufu sika ta salam.
|
|
\q2
|
|
\v 18 Mafi kafu ta Allah fi uyun tomon.
|
|
\p
|
|
\v 19 Hasa nina arufu inu kulu kalam al namus bi kelim huwo bi kelim le nas ta namus, de ashan kulu kasuma bi askut, wa Duniyakulu bi kun tehet hukum ta Allah.
|
|
\v 20 De ashan mafi jisim bi agder kutu adil gidam tou, bi shokol ta namus. ashan be wasat ta namus ja maarafa ta katiya.
|
|
\p
|
|
\v 21 Lakin hasa kwes ta Allah arufu bidun namus, kan shahidu be wasat namus wa anbiya.
|
|
\v 22 Inu huwo kwes ta Allah be wasat iman fi Yesua al Mesih le kulu nas al aminu, ashan ma bi kun fi tefriga.
|
|
\v 23 Lianu kulu nas amulu katiya wa haramu min mejid ta Allah.
|
|
\v 24 Wa hariru umon majani bi wasat neima tou al be wasat tahrir al fi Mesih Yesua.
|
|
\v 25 Ashan Allah wodi al Mesih Yesua ze diya be wasat iman be dom tou, huwo gedimu al Mesih ashan bi wori adala tou, ashan alisu huwo kalam katiya.
|
|
\v 26 Fi sobur tou, de kulu hasil ashan bi zahiru kwes tou fi zaman ta hasa. de ashan huwo kutu ai zol adil ashan iman fi Yesua.
|
|
\p
|
|
\v 27 Yala wenu dala? biga mafi, fi yatu mahal? la, lakin fi mahal ta iman.
|
|
\v 28 Biga nina bi hasibu inu zol de kwes be iman bidun amal ta namus.
|
|
\v 29 Au Allah de huwo Allah ta Yahudiin bes? hal huwo ma kaman ma Allah ta Umam? Naam, huwo kaman ta Umam.
|
|
\v 30 Iza kan Allah wahid be hagiga huwo yau bi beriru khitan be iman, ma zol al ma khatinu be iman.
|
|
\p
|
|
\v 31 Hal nina bi batilu namus be wasat iman? la, de ma bi agder, lakin nina bi sabitu namus.
|
|
\c 4
|
|
\cl As-hah 4
|
|
\p
|
|
\v 1 Lee biga nina bi kelimu inu Ibrahim Au ta nina kan hasab jesed.
|
|
\v 2 Ashan kan Ibrahim kutu adil be wasat amal, huwo bi kun indu hak ashan bi dala lakin, lakin ma gidam ta Allah.
|
|
\v 3 Ashan kitab bi kelimu shunu? Ibrahim bi hibu Allah wa Allah kutu huwo adil.
|
|
\p
|
|
\v 4 Hasa le zol al bi ishtakal, haja al dafau le huwo ma bi asibu ze hadiya, lakin de dein.
|
|
\v 5 Lakin le zol al ma bi ishtakal lakin huwo amin fi zol al bi kutu nas ta katiya adil, iman tou bi hasibu adil.
|
|
\v 6 Daud kaman kelimu baraka le zol al Allah bi hasibu inu huwo adil bidun amal.
|
|
\p
|
|
\v 7 Huwo kelimu baraka le nas al ma bi ihterimu ganun al amal tomon afi wa katiya tomon kat.
|
|
\q
|
|
\v 8 Baraka le zol al Allah ma bi hasibu katiya tou.
|
|
\p
|
|
\v 9 Biga hal barakat huwo bes le nas al teheru wala kaman le nas al ma teheru? Leanu nina kelimu inu kutu Ibrahim adil be iman.
|
|
\v 10 Teib kan hasibu huwo kef? hal huwo fi tuhur wala fi huwo fi ma tuhur? huwo kan ma al fi tuhur lakin huwo fi al ma tuhur.
|
|
\v 11 Ibrahim istelimu alama ta tuhur, de kan kitim ta shokol adil, ta iman al kan huwo ligo fi zaman al kan lisa ma teheru huwo, netija ta alama de yau al kan huwo biga tala abu le kulu nas al amin, wa hata iza kan umon ma teheru, de mana inu shokol adil bi hasibu le munu?.
|
|
\v 12 De kaman mana tou inu Ibrahim biga tala Abu ta tuhurma le nas al bes teheru, lakin le kulu nas al ruwa fi katuwat ta iman ta Abu ta nina Ibrahim gubal huwo lisa kan ma teheru.
|
|
\p
|
|
\v 13 Ashan waad al kan le Ibrahim wa usura tou al huwo bi worisu alam de ma kan be wasat namus lakin be wasat shokol adil ta iman.
|
|
\v 14 Iza kan nas al bi ish hasab namus de yau bi warisu, iman ma indu faida, wa waad kasara.
|
|
\v 15 Ashan namus bi jibu zalan lakin fi mahal al fi namus, ma bi kun katiya.
|
|
\v 16 Ashan kida huwo be wasat iman, be teriga ta neima waad bi agder bi kun le kulu usura ta Ibrahim. Ma bes le nas al tehet ganun, lakin kaman le nas al bi ishterik iman ta Ibrahim, al huwo Abu le nina kulu.
|
|
\v 17 Ze ma moktub ana kutu inta Abu le nas ketir Ibrahim kan fi gidam ta Allah al huwo amin fogo, al bi hai nas al mutu, huwo al bi nadi hajat al ma moujud ashan bi kun moujud.
|
|
\v 18 Fi kalam ta raja, huwo amin did raja, inu huwo bi kun Abu le nas ketir hasab ma kelimu le huwo, usura taki bi kun zede.
|
|
\v 19 Ashan huwo ma bi kun deiif fi iman, huwo aiynu le jisim ze meit. (ashan umur tou kan gerib le miya sena). wa huwo aiynu le rihim ta Sarah ze meit au ma shakil.
|
|
\v 20 Lakin ashan waad ta Allah, Ibrahim ma rija fi iman lakin huwo kan wogifu gowi fi iman, wa mejidu Allah.
|
|
\v 21 Wa huwo kan sedek tamam inu haja al Allah waadu, huwo kaman bi agder ashan bi kamilu.
|
|
\v 22 Ashan kede kaman kan hasibu le huwo ze zol al adil.
|
|
\v 23 Lakin ma katibu le huwo barau inu huwo adil.
|
|
\v 24 Lakin kan katibu le ajli nina kaman al bi hasibu le nina nas al amin be huwo al gum Yesua Rabuna min mutu.
|
|
\v 25 De huwo al kan selimu nefsa tou wa hariru nina min katiya wa gumu huwo ashan bi kutu nina adil.
|
|
\c 5
|
|
\cl As-hah 5
|
|
\p
|
|
\v 1 Ze ma biga kutu nina adil be wasat iman, nina indu salam ma Allah be wasat Rabuna ta nina Yesua al Mesih.
|
|
\v 2 Al be wasat huwo nina kaman bi agder dakalu be iman fi neima tou al nina fogo hasa, wa nina bi afrah fi raja wa mejid ta Allah.
|
|
\v 3 Ma de bes, lakin nina kaman bi afrah fi mashakil ta nina wa nina arufu inu taab bi weledu sobur.
|
|
\v 4 Sobur bi weledu tahamul, wa tahamul bi weledu sifsat al kwes, wa sifat al kuwes bi weledu raja.
|
|
\v 5 Wa raja ma bi amulu fadiya ashan muhaba ta Allah kan kubu fi gulub ta nina be wasat ta roho al kudus al wodi le nina.
|
|
\v 6 Fi zaman al kan nina lisa deifiin Yesua mutu min ajil katiya fi zaman al munasib.
|
|
\v 7 Leanu be guwa zol bi mutu ashan geni adil, kaman mumkin zol tani bi mutu ashan zol al kwes.
|
|
\v 8 Wa lakin Allah beinu muhaba tou le nina inu zaman amulu katiya Yesua mutu ashan nina.
|
|
\v 9 De ketir shedid ashan kalisu nina hasa be dom tou, al bi kalisu nina min zalan ta Allah.
|
|
\v 10 Fi zaman al kan nina lisa adu, salau ilaka ta nina ma be wasat mutu ta Jena tou, al ketir shedid salau ilaka ta nina wa kalisu ninja be haya tou.
|
|
\v 11 Ma bes ashan kida, lakin nina kaman farhaniin fi Allah be wasat Yesua al Mesih, al nina ligo musalaha be wasat tou.
|
|
\p
|
|
\v 12 Biga be wasat insan wahid katiya dakalu fi duniya, wa be nefsa teriga mutu dakalu be wasat ta katiya, wa mutu bada shetetu le nas kulu, ashan nas kulu amulu katiya.
|
|
\v 13 Lahadi fi zaman ta namus, katiya kan fi duniya, lakin ma bi kun fi hisab le katiya kan mafi namus.
|
|
\v 14 Lakin mutu hukumu nina min zaman ta Adam lahadi zaman ta Musa, kaman lahadi le nas al ma amulu katiya ze ta Adam ta kalifu awamir, al huwo yau misal le huwo al kan jai.
|
|
\p
|
|
\v 15 Lakin hadiya ma ze katiya, wa kan be katiya ta zol wahid nas ketir mutu, godur shunu biga neima ta Allah wa hadiya al be wasat ta neima ta zol wahid, Yesua al Mesih, zidu le nas ketir.
|
|
\v 16 Inu hadiya ma ze katiya ta wahid zol, ashan hukum bi ruwa wara wahid katiya, wa bi jibu gata gediya. Lakin hadiya bi ruwa wara katiya ta nas kutar, wa bi jibu tebrir.
|
|
\v 17 Biga kan be katiya ta wahid zol mutu hukumu be wasat wahid, wala bi kun godur shunu le nas al ligo neima wa hadiya ta geni adil bi hukumu fi haya be wasat al wahid. Yesua al Mesih.
|
|
\v 18 Biga be wasat katiya wahid hukum ja le nas kulu, kaman biga amal ta zol al adil jibu tebrir wa haya le nas kulu.
|
|
\v 19 Ashan be wasat ta katiya ta zol wahid nas kutar hasibu umon kulu amulu katiya. kaman be wasat ihteram ta zol wahid nas kutar bi kutu adil.
|
|
\v 20 Lakin namus dakalu ashan bi zidu katiya, lakin kan katiya zidu, kaman neima bi zidu ketir shedid.
|
|
\v 21 De bi hasil ashan ze ma katiya bi hukum, fi mutu kaman neima bi hukum be wasat adil le haya al abadiya be wasat ta Yesua al Mesih Rabuna ta nina.
|
|
\c 6
|
|
\cl As-hah 6
|
|
\p
|
|
\v 1 Wa biga nina bi kelimu shunu? sei kede nina istemir fi katiya ashan neima bi zidu?
|
|
\v 2 De ma bi agder, nina al mutu an katiya, kef nina lisa bi ish fogo?
|
|
\v 3 Inta lisa ma arufu gali nina al akudu mamudiya fi Yesua de amidu nina fi mutu tou.
|
|
\v 4 Biga dofunu nina ma huwo be wasat mamudiya ta mutu, de hasil ashan Yesua bes kan gum min mutu ma mejid ta Abu, ashan nina kaman bi douru fi haya al jedid.
|
|
\v 5 Ashan kan nina biga wahid ma huwo fi sura ta mutu, nina kaman bi kun wahid ma huwo fi giyama.
|
|
\v 6 Nina arufu zede, gali jisim ta nina selibu ma huwo, ashan kida jisim ta katiya bi demiru, de bi hasil ashan nina ma bi kun tani mara abid ta katiya.
|
|
\v 7 Ashan kulu zol al mutu kutu huwo adil min katiya.
|
|
\v 8 Lakin kan nina mutu ma al Mesih, nina amin gali nina kaman bi hai ma huwo.
|
|
\v 9 Nina arufu gali, al Mesih baad ma huwo gum min mutu, huwo ma bi mutu tani mara. Mutu ma indu sulta tani mar fogo huwo.
|
|
\v 10 Leanu mutu al kan huwo mutu de ashan katiya, huwo mutu wahid mara le nas kulu, wa haya al kan huwo bi ish, huwo bi ish le allah.
|
|
\v 11 Be nefsa teriga, inta kaman bi aiynu nefsa inu mutu fi katiya, lakin hai le Allah fi al Mesih Yesua.
|
|
\p
|
|
\v 12 Ashan kida matakum sibu katiya bi hukum jisim takum al mutu. Ashan bi ihterimu shahwat tou.
|
|
\v 13 Matakum wodi ada ta jisim takum le katiya, ashan adawat al bi istamilu le katiya, lakin wodi takum jisim takum le Allah ze nas al kan jibu min mutu le haya, wa wodi ada ta jisim takum le Allah ze adwat al bi istamilu le kwes.
|
|
\v 14 Matakum sibu katiya ashan bi hukum intakum, ashan intum ma tehet namus, lakin tehet neima.
|
|
\p
|
|
\v 15 Biga shunu? hal keli nina amulu katiya ashan nina ma tehet namus? La de ma bi agder.
|
|
\v 16 Hal intum ma arufu inu le zol al intum gedimu nufus takum le huwo ze abit de yau zol al intum bi ihterimu? De yau al hagiga au inta bikun abit le katiya al bi wodi inta le mutu, au abit ta ihteram al bi wodi le kwes.
|
|
\v 17 Lakin shukuran le Allah ashan kan intum abit le katiya, lakin intum ihterimu min geliba shikil ta taalim al kan wodi le intum.
|
|
\v 18 Kan hariru min katiya, wa biga amulu intum abit ta shokol kwes.
|
|
\v 19 Ana wonusu ze insan ashan sokol dof ta jisim takum ashan intum bes gedimu baad min ada ta jisim takum le najasa wa katiya, be nefsa teriga hasa gedimu takum ada ta jisim takum ze abit ashan tahara.
|
|
\v 20 Ashan zaman kan intum fi katiya kan intum ahrar min shokol adil.
|
|
\v 21 Fi zaman dak min hajat takum al ta fadiya de simar tou shunu? netija ta hajat del huwo mutu.
|
|
\v 22 Lakin hasa hariru intum min katiya wa intum biga abit le Allah, intum indu simar ta kadasa al netija tou haya al abadiya.
|
|
\v 23 Leanu ujura ta katiya huwo mutu, wa lakin hadiya ta Allah huwo haya al abadiya fi al mesih Yesua Rabuna ta nina.
|
|
\c 7
|
|
\cl As-hah 7
|
|
\p
|
|
\v 1 Ya akwana, sei intum arufu? (ana bi wonusu le nas al umon arufu an namus) inu al namus bi hukumu insan ze ma huwo bi ish.
|
|
\v 2 Le mara al jouzu robutu be namus le raji fi zaman al huwo bi ish, lakin kan rajil de mutu huwo bi kun hur min namus ta jouzu.
|
|
\v 3 Fi zaman al rajil tou kan lisa hai, kan huwo ruwa le rajil tani de huwo amulu zina, lakin kan rajil tou mutu huwo hur min namus, kan huwo ruwa le rajil tani de ma bi kelimu gali zina.
|
|
\v 4 Ashan kida ya akwana, intum kan meitin fi namus be wasat jisim ta Mesih, de ashan intum bi agder limu ma nas tanin de le huwo al gum min mutu. Ashan nina bi agder talau simat le Allah.
|
|
\v 5 Ashan zaman nina lisa fi jisim kan niyat ta katiya al ta namus bi amulu fi ada ta nina ashan bi talau simar ta mutu.
|
|
\v 6 Lakin hasa hariru nina min namus, nina mutu fi zol al kan nina bi amsuku fogo huwo, de ashan nina bi agder akhdim fi haya al jedid ta roho, wa ma fi risala al gedim.
|
|
\p
|
|
\v 7 Biga nina bi kelimu shunu? Sei namus katiya La de ma bi kun, lakin ana ma arufu katiya ile be namus, ashan ana kan ma arufu shahuwa wa ile kan namus kelimu, gali kede niya takum ma fatah.
|
|
\v 8 Lakin katiya ligo fursa be wasat ta wosiya wa jibu le ana kulu niyat, ashan bidun namus katiya meit.
|
|
\v 9 Lakin kan fi zaman tani ana bi ish bidun namus, lakin zaman wosiya ja, katiya biga bi hai wa ana mutu.
|
|
\v 10 Al wosiya al kan bi jibu haya gilibu biga le ana mutu.
|
|
\v 11 Ashan katiya ligo fursa be wasat wosiya wa kabasu ana. be wasat wosiya huwo katulu ana.
|
|
\v 12 Ashan kida namus mukadas, wa wosiya mukadas adil wa kwes.
|
|
\p
|
|
\v 13 Sei biga haja al kuwes tala le ana mutu? De ma bi kun, lakin ashan bi arufu gali de katiya, ile be wasat hajat al kwes jibu le ana mutu, de ashan kan be wasat wosiya, katiya bi kun katiya al ma bi agder gisu.
|
|
\v 14 Nina arufu gali namus de haja ta roho, lakin ana tehet jisim kan biyu ana ze kadam ta katiya.
|
|
\v 15 Ashan haja al ana bi amulu, ana hagiga ma bi fahim, ashan haja al ana deiramulu ana ma bi amulu. wa haja al ana ma deir amulu yau ana bi amulu.
|
|
\v 16 Lakin kan ana amulu haja al kan ana ma deir, ana bi ligo tifagu ma namus gali namus kwes.
|
|
\v 17 Lakin hasa de ma ana yau bi amulu, lakin katiya al bi hai fi ana.
|
|
\v 18 Ashan ana arufu gali fi ana, al huwo fi jisim tai, mafi fogo haja al kwes, ashan niya a haja al kwes fi le ana, lakin ana ma bi agder amulu.
|
|
\v 19 Ashan ana ma agder amulu haja al kwes al ana ma deir amulu, lakin katiya al ana kan ma deir amulu, yau ana bi amulu.
|
|
\v 20 Yala hasa kan ana bi amulu haja al kan ana ma deir amulu, bi mana de ma ana yau bi amulu, lakin katiya al bi ish fi ana.
|
|
\v 21 Ana ligo namus al fi ana deir kede ana amulu kwes, lakin katiya hasa fi le ana.
|
|
\v 22 Ashan ana mokosut fi namus ta Allah, ma insan al fi juwa ana.
|
|
\v 23 Lakin ana aiynu namus tani fi ada ta jisim tai. bi shakil namus al jedid al fi fikira tai. Huwo kutu ana kadam be wasat namus ta katiya al fi ada ta jisim tai.
|
|
\v 24 Ana zol al ma kwes, de munu yau bi hariru ana min jisim ta mutu?
|
|
\v 25 Lakin shukuran le Allah be wasat Yesua al Mesih Rabuna ta nina, ashan biga be nefsa tai biga kadam ta namus ta Allah ma fikira. Lakin fi jisim ana kadam ta katiya.
|
|
\c 8
|
|
\cl As-hah 8
|
|
\p
|
|
\v 1 Ashan kida hasa mafi deinuna le nas al umon fi al Mesih Yesua.
|
|
\v 2 Ashan namus ta Roho ta haya fi al Mesih Yesua kalas hariru intum min namus ta katiya wa mutu.
|
|
\v 3 Leanu haja al kan namus ma bi agder amulu huwo kan deif be wasat jisim, Allah amulu, huwo rasulu Jena tou fi sura ta jisim ta katiya ashan bi kun zebiha ta katiya, wa huwo hukumu katiya fi jisim.
|
|
\v 4 huwo amulu de ashan hajat al namus deiru bi timu fi nina. nas al bi douru be hasab jisim, lakin hasab al Roho.
|
|
\v 5 Nas al bi ish hasab al jisim umon bi kutu bala fi hajat ta jisim, lakin nas al bi ish hasab Roho umon bi kutu bala fi hajat ta Roho.
|
|
\v 6 Leanu fekira al bi ihtam ma jisim bi mutu, lakin fekira al bi ihtam ma Roho huwo haya wa salam.
|
|
\v 7 Leanu al fekira al bi ihtam ma jisim huwo adu ta Allah, huwo ma tehet namus ta Allah, wa kaman huwo ma bi agder amulu.
|
|
\v 8 Nas al umon fi jisim ma bi agder kutu Allah farhan.
|
|
\v 9 Lakin inu mafi jisim intum fi roho, de kan Roho ta Allah bi hai fi intum, lakin kan zol ma indu Roho ta al Mesih, huwo ma tabi le huwo.
|
|
\v 10 Kan al Mesih fi intum de bi mana al Roho meit be katiya, lakin al Roho hai ashan shokol adil.
|
|
\v 11 Iza kan Roho tou al goumu Yesua min mutu bi hai fi intum, huwo al goumu al Mesih min mutu bi wodi haya kaman fi jisim takum al mutu be wasat Roho tou, al bi hai fi intum.
|
|
\p
|
|
\v 12 Ashan kida ya akwana nina indu diyun, lakin ma ta jisim ashan intum bi geni hasa jisim.
|
|
\v 13 Leanu kan intum bi hai hasab jisim, intum bi mutu, lakin kan be Roho de bi mana intum kutu amail ta jisim ashan bi mutu, wa intum bi hai.
|
|
\v 14 Wa nas al bi douru be Roho ta Allah, umon yau iyal ta Allah.
|
|
\v 15 Intum ma istelimu Roho al bi kutu intum abid, ashan intum bi hai fi kafu tani mara, lakin intum istelimu Roho ta tebeni, al nina bi kore "Abba" Abuna."
|
|
\v 16 Roho de be nefsa tou bi wori le arwah tanin gali nina awlad ta Allah.
|
|
\v 17 Kan nina iyal ta Allah de bi mana kaman nina worisa, worisa ta Allah. wa nina bi worisu sawa ma al Mesih, kan sei nina ligo taab ma Huwo, ashan kaman bi mejidu nina ma huwo.
|
|
\p
|
|
\v 18 Fa ana bi hasibu taab ta zaman ta hasa de ma bi agder aburu ma mejid al bi ja zahiru le nina.
|
|
\v 19 Ashan hajat al kaliga deiru, bi istena ilan ta zuhur ta iyal ta Allah.
|
|
\v 20 Ashan kaliga kan tehet al batal ma ashan irada tou, lakin ashan huwo al kutu huwo tehet fi raja ta kaliga.
|
|
\v 21 Ashan kaliga zatu bi tala min abudiya ta fasad, wa de bi jibu le huriya ta mejid ta iyal ta Allah.
|
|
\v 22 Ashan nina arufu gali kaliga kulu bi wori wa bi amulu fi waja lahadi hasa.
|
|
\v 23 Ma bes de barau lakin nina al indu simar al awel ta Roho, lahadi nina karabu fi nefsa ta nina, nina bi istena tebeni ta nina, tahrir ta jisim ta nina.
|
|
\v 24 Ashan raja kalisu nina, hasa raja al zahir de, de ma raja leanu kef zol bi kutu raja fi haja al huwo bi aiynu?
|
|
\v 25 Lakin kan nina indu raja fi haja al nina ma bi aiynu nina bi istena be sobur.
|
|
\p
|
|
\v 26 Be nefsa teriga, roho bi saudu dofat ta nina, ashan nina ma bi arufu kef nina bi seli, lakin al Roho bi hin le nina ma tazamur al ma bi agder ashrau.
|
|
\v 27 Zol al huwo bi fetisu gulub bi arufu fekira ta Roho, ashan huwo al bi hin bidal ta kedisin hasab irada ta Allah.
|
|
\v 28 Nina arufu gali Allah bi amulu hajat kulu le kwes ta nas al bi hibu huwo, le nas al nadi umon hasab hadaf tou.
|
|
\v 29 Ashan le nas al gidam, huwo kaman amulu umon ashan bi fi sura ta Jena tou. Ashan huwo bi kun bikir fi nus ta akwana kutar.
|
|
\v 30 Wa le nas al gidam wa nas al huwo kaman nadi, le nas al huwo nadi, nas al huwo kutu adil, nas al huwo kaman bararu, le nas al huwo kaman mejidu.
|
|
\p
|
|
\v 31 Yala nina biga bi kelimu shunu an hajat del? kan Allah fi ma nina, munu tani bi kun did nina?
|
|
\v 32 Zol al huwo ma aba jena tou, lakin wodi huwo ashan nina kulu, wa kef huwo ma bi wodi le nina kulu hajat be majani.
|
|
\v 33 De munu yau bi ishteki did nas al Allah yau ikhtaru?
|
|
\v 34 Allah yau bi al bi kutu nas adil wa huwo yau al wahid bi hukumu? Yesua al Mesih huwo al wahid al mutu akter min kida, huwo al gam, huwo yau al fi yemin ta Allah, wa huwo al kaman bi hin ashan nina.
|
|
\v 35 Munu yau bi ferigu nina min muhaba ta al Mesih? Hal de taab? waja, azab? wele jiyan, wele shokol ariyan? wele khutura, wele seif?
|
|
\v 36 Bes ze ma katibu, ashan kalam taki bi katulu nina kulu yom, bi hasibu nina ze koruf al bi ruwa dabahu.
|
|
\p
|
|
\v 37 Ashan kulu hajat del, nina lisa aktar min muntasirin be wasat ta zol al bi hibu nina.
|
|
\v 38 Ana arufu gali wele mutu wele haya, wele malaikat, wele reisat, wele hajat ta hasa wele hajat al bi ja, mafi guwa
|
|
\v 39 kan fok wele tehet, wele hajat al kalagu, bi agder ashan bi ferigu nina min muhaba ta Allah, al huwo fi al Mesih Yesua Rabuna ta nina.
|
|
\c 9
|
|
\cl As-hah 9
|
|
\p
|
|
\v 1 Ana bi kelim al hagiga fi al Mesih, ana ma bi kabasu, wa demir tai shuhud tai be Roho al kudus.
|
|
\v 2 Inu fi huzun fi juwa ana shedid, wa bi zidu waja fi geliba tai.
|
|
\v 3 Ana kan bi itmanna inu ana bi kun moloun wa mahrum min ajil akwana tai, al umon min usura tai hasab al jesed.
|
|
\v 4 umon Israelin. umon indu tebeni al mejid, hadiya ta namus, ibada ta Allah, wa almawaid.
|
|
\v 5 Le umon judud aw aba al Yesua ja min fogo be ihteram le jesed. Al huwo Allah le kulu, kede shukuru huwo lel abad.
|
|
\p
|
|
\v 6 Lakin ma kelimu zede ashan mawaid ta Allah ma bi naja, ashan ma kulu nas fi Israel umon kulu Israelin.
|
|
\v 7 Wala ashan umon kulu usura ta Ibrahim al iyal al hagiga, lakin huwo be wasat Ishak yau usura taki bi nadi.
|
|
\v 8 Iyal ta jesed umon ma iyal ta Allah, lakin iyal ta waad yau bi hasibu umon usura.
|
|
\v 9 Ashan kida he yau kelima a waad, fi zaman de ana bi ja, wa jena al weled bi wodi le Sarah.
|
|
\v 10 wa ma kida bes, lakin kaman Rebekah kan hamil ma rajil wahid, al huwo abu ta nina Is-hak.
|
|
\v 11 Ashan iyal lisa ma weledu, wa umon ma amulu ai haja al kwes wele al batal, ashan kida waad ta Allah hasab al ikhtiyar bi kun sabit, ma ashan amail, lakin ashan huwo al bi nadi. Ze
|
|
\v 12 ma kan kelimu le huwo, al kebir bi akhdim al suker.
|
|
\v 13 Ze ma huwo moktub, ana bi hibu Yakub, wa ana bi akrahu Isu.
|
|
\p
|
|
\v 14 Biga nina bi kelimu shunu? sei Allah bi zulumu? La.
|
|
\v 15 Ashan huwo kelimu le Musa, "Ana bi rahamu zol al ana deir rahamu. ana bi amulu maruf le zol al ana deir amulu maruf le huwo.
|
|
\p
|
|
\v 16 Lakin ma ashan zol de deiru, wele ashan zol de bi fetishu, lakin ashan Allah, al huwo bi rahamu.
|
|
\v 17 Ashan kitab bi kelim le Faraun, ashan saba de yau ana gumu inta, ashan ana bi beinu guwa tai fi inta, ashan isim tai bi nadi fi duniya kulu.
|
|
\v 18 Ashan kida Allah bi rahamu zol al huwo deir wa kaman bi kun saab le zol al giladab.
|
|
\p
|
|
\v 19 Yala inta bi kelimu le ana, leh huwo lisa bi loumu? le zol al bi wogifu did irada tou?
|
|
\v 20 Lakin inta yau yatu zol al bi juwabu did Allah? Sei haja al bi resimu bi agder kelimu le zol bi resimu huwo de, le inta bi resimu ana zede?
|
|
\v 21 Sei zol al bi resimu de ma indu sulta ala tiin ashan bi sala min fogo sahan al le istimal al kwes, wa tani le istimal ta kulu yom?
|
|
\v 22 Teib bi kun kef kan Allah deir beinu zalan tou, wa deir wori guwa tou, wa huwo bi ithamal sobur tou al shedid wa al containers ta zalan al jahis le karabu?
|
|
\v 23 Bi kun kef kan huwo amulu de, ashan huwo bi wori mejid tou al ganiyan ma maun ta rahma, al huwo kan kalas jahisu le mejid?
|
|
\v 24 Bi kun kef kan huwo kaman amulu de la nina, al huwo kaman nadi? ma bes min nus ta Yahudinlakin kaman min nus ta Umam?
|
|
\v 25 Ze ma huwo kaman kelimu fi Hosea; "Ana bi nadi nas al kan umon ma nas tai, nas tai. wa al kan ma bi hibu umon, biga bi hibu umon.
|
|
\q
|
|
\v 26 Wa fi mahal al kan kelimu le umon, intum ma nas tai. Hinak bi nadi umon awlad ta Allah al hai.
|
|
\p
|
|
\v 27 Isaiah bi kore ashan kalam ta Israel, hata ada ta iyal ta Israel kan ze turab ta bahar, lazim kede kun fi bagin al bi ligo kulasa.
|
|
\q
|
|
\v 28 Ashan rabuna bi jibu hukum tou fi duniya kamil. wa bidun takiir.
|
|
\p
|
|
\v 29 Ze ma kan Isaiah kelimu beriri; "Kan rabuna ta junud ma sibu le nina usura, kan nina bi kun ze Sodoma, wa kan nina bi kun ze Gomora."
|
|
\p
|
|
\v 30 Biga nina bi kelimu shunu? Nas umam del al kan ma douru fi sika ta amulu adil, umon ligo shokol adil, wa shokol adil de be iman.
|
|
\v 31 Lakin Israel al umon douru wara namus ta shokol adil, ma ligo shokol adil.
|
|
\v 32 Lee? leanu umon amulu bidun iman, lakin be amail, sedimu umon hajer ta sedimu.
|
|
\v 33 Ze ma kan katibu. Aiynu, ana bi kutu fi Sahyun hajer ta sedimu, wa hajer ta katiya, ai zol al amin fi huwo, ma bi kun indu fadiya.
|
|
\c 10
|
|
\cl As-hah 10
|
|
\p
|
|
\v 1 Ya akwana, niya ta geliba tai wa talab tai le Allah ashan umon, wa le kulasa tomon.
|
|
\v 2 Leanu ana bi shahidu le umon gali umon indu gira le Allah, lakin ma hasab al marafa.
|
|
\v 3 Leanu umon ma arufu shokol adil ta Allah, wa umon bi asalu ashan bi amulu shokol adil tomon, ma bi ihterimu shokol adil ta Allah.
|
|
\v 4 Ashan Yesua yau bi kamilu namus ta shokol adil le ai zol al amin.
|
|
\v 5 Ashan Musa bi katibu an shokol adil al bi ja min namus, "Zol al bi amulu shokol adil ta namus bi hai ma shokol adil de."
|
|
\v 6 Lakin shokol adil al ta iman bi kelimu zede, mata kelimu fi fi geliba, gali munu yau bi ruwa fi sama? (Ashan bi jibu Yesua al Mesih tehet);
|
|
\v 7 wa ma bi kelim, munu bi ruwa fi hawiya? (ashan bi jibu Yesua al Mesi min mutu).
|
|
\v 8 Lakin huwo kelimu shunu? "Al kelima gerib min inta, fi kasuma taki, wa fi geliba taki." De kelima ta iman al nina bi beshiru.
|
|
\v 9 Ashan kan be kasuma taki inta kan iterifu be Yesua ze Rabuna, wa kan amin fi geliba taki gali Allah gumu huwo min mutu, inta bi ligo kulasa.
|
|
\v 10 Ashan geliba bi amin le shokol adil, wa huwo bi iterifu be kasuma le kulasa.
|
|
\v 11 Leanu kitab bi kelim, kulu zol al amin fi huwo ma bi kun indu fadiya.
|
|
\v 12 Biga ma bi kun fi ferik beina Yahudi wa Yonani, leanu Rabuna al wahid de le nas kulu, wa huwo ganiyan le kulu nas al bi nadi huwo.
|
|
\v 13 Leanu kulu zol al bi nadi isim ta Rabuna bi ligo kulasa.
|
|
\v 14 Wa kef umon bi nadi zol al umon ma amin fogo? wa kef umon bi amin fi zol al umon ma asuma kabara tou? wa kef umon bi asuma bidun mubeshir?
|
|
\v 15 Wa kef umon bi beshiru kan ma rasulu umon? Ze ma katibu, jemil godur shunu kurein ta mubeshirin be kelima al kwes!"
|
|
\p
|
|
\v 16 Lakin ma kulu nas asuma injil, leanu Isaiah bi kelimu, "Rabuna, de munu yau aminu fi kelima ta nina?
|
|
\v 17 Ashan kida iman bi ja min asuma, wa be asuma kelima ta Yesua al Mesih.
|
|
\v 18 Lakin ana bi kelimu, sei umon ma asuma? Nam wa, ana mutuakid. gali asuma tomon ruwa wa asuma le duniya. Kulu, wa kelimat tomon wosulu le akir duniya."
|
|
\p
|
|
\v 19 Lakin ana bi kelimu, sei Israel ma arufu? awel haja Musa bi kelimu, ana bi alisu intum be haja al ma nas. Be nas al belidin al ma fahimin ana bi sibu intum zalanin."
|
|
\p
|
|
\v 20 Wa kan Isaiah kan ma bi kafu wokit huwo bi kelim, "Ana ligo nas al ma bi fetisu ana, ana beinu le nas al ma bi asalu ana."
|
|
\p
|
|
\v 21 Lakin le Israel huwo kelim, ana bi midu idan tai le nas al ma bi ihterimu ana, nas al giladabin."
|
|
\c 11
|
|
\cl As-hah 11
|
|
\p
|
|
\v 1 Biga ana bi kelimu, sei Allah aba nas tou? Ibrahim min gebila ta Benjamin.
|
|
\v 2 Allah ma aba nas tou, al huwo arufu min bediri. Sei intum ma arufu shunu al kitab bi kelimbe kalam ta Elia, kef huwo asalu Allah did Israel?
|
|
\v 3 Ya Rabuna umon katulu anbiya taki, umon kasuru mazbah taki tehet, ana barau yau fadulu, umon bi fetisu haya tai.
|
|
\v 4 Lakin juwab ta Allah kan le umon shunu? ana hafisu le ana Saba Alf rujal al umon kutu rukuba le baal.
|
|
\v 5 Ashan kida hata fi zaman ta hasa kaman umon yau al fadulu ashan ikhtiyar ta nina.
|
|
\v 6 Lakin kan be neima, ma bi kun be amail. wa ile neima ma bi kun neima, wa lakin kan be amail, biga neima ma bi kun fi, wa ile amail ma bi kun amail.
|
|
\v 7 Biga shunu? al hajat al israel bi fetisu, umon ma ligo. lakin al mukhtarin ligo. wa al bagiya gulub tomon gowi.
|
|
\v 8 Huwo bes ze ma huwo moktub: "Allah wodi le umon Roho ta balada ashan uyun tomon kede ma aiynu, wa adana tomon ashan kede ma asuma, le yom ta alela."
|
|
\p
|
|
\v 9 Biga Daud bi kelim: "kede tarbiza tomon kun shabaka wa sherek wa gofulu wa akaab le umon.
|
|
\q
|
|
\v 10 Kede uyun tomon tala duluma ashan kede umon ma aiynu, wa umon bi meilu dahar tomon kulu yom."
|
|
\p
|
|
\v 11 Wa ana bi kelim, sei umon gofulu ashan kede umon waga? La, de ma bi hasil. Lakin bi fashal tomon kulasa ja le umam, ashan bi amulu gera wa fadiya.
|
|
\v 12 Teib kan fashal tomon ganiyan le alam, wa kan kasara tomon ganiyan le umam, biga shokol kamil tomon bi kun kef?
|
|
\v 13 Lakin hasa ana bi kelimu le intum umam, wa ze ma ana rosul le umam, ana bi dala ma kidma tai.
|
|
\v 14 Ana bi hagiru le hasada nas al tabi le ana, bi kun nina bi kalisu baad min umon.
|
|
\v 15 Leanu kan aba tomon yau musalaha ta alam, biga rudu tomon bi kun shunu, kan haya ta nina mutu?
|
|
\v 16 Kan awel simar mahjuz, wa kaman kutla ta ajin. kan juzur mahjuz, wa kaman al furuh.
|
|
\v 17 Lakin kan baad min furu de gatau, wa kan inta yau fereta zeitun ta sahara, limu inta sawa ma umon, wa kan inta sharig ma fi taam ta shajera zeitun al asil.
|
|
\v 18 Fa mata dala le furu, lakin kan inta dala, de ma inta yau bi saudu juzur al asil, lakin juzur al asil de yau bi saudu inta.
|
|
\v 19 Biga inum bi kelim gal, gatau furu ashan bi taaimu ma ana.
|
|
\v 20 De hagiga ashan adam iman tomon yau gatau umon bara, lakin intum wogifu gowi ashan iman takum, mata kum fekiri be teriga ta dala an nefsa takum, lakin kafu takum.
|
|
\v 21 Leanu kan Allah ma bi zidu furu al tebiya, wa la bi zidu le inta.
|
|
\v 22 Yala biga aiynu, le shokol kwes wa kutura ta Allah, kutura tou le Yahudin al umon waga, lakin shokol kwes ta Allah le inta, kan inta istemir fi shokol kwes tou, wa ile bi gatau inta bara.
|
|
\v 23 Wa kan umon ma sabitu ashan adam iman, bi teimu umon, leanu Allah bi agder ashan bi taimu umon tani mara.
|
|
\v 24 Leanu kan gatau inta min shegera zeitun ta sahara hasab al tebiya, wa biga teimu inta bidu tebiya fi shejera ta zeitun al kwes, godur shunu bi taimu nas al umon hasab tebiya fi shejera zeitnu tomon al khas?
|
|
\p
|
|
\v 25 Ashan ana ma deiru intum ya akwana tai ashan bi jahilu sir de, ashan intum ma bi kun negitin fi nefsa takum, au fikra takum, al sir de inu geliba al gowi al nus ja le Israel, lahadi nas umam bi kun kamil.
|
|
\v 26 Inu Israel kulu bi ligo kulasa, bes ze ma katibu: mukalis bi ja min Sahyun. Huwo bi shilu katiya min Yakub.
|
|
\q
|
|
\v 27 Wa de bi kun tifagiya tai ma umon fi zaman al kan ana shilu katiya tomon.
|
|
\p
|
|
\v 28 Lakin ze ma min taraf ta Injil umon ada min ajil takum, lakin ze ma min taraf ta ikhtiyar umon mahbubin ashan abuhat tomon.
|
|
\v 29 Ashan hadiya wa nadi ta Allah ma bi geiru.
|
|
\v 30 Leanu intum kan ma bi ihterimu Allah, lakin hasa intum ligo rahma ashan adam ihteram tomon.
|
|
\v 31 Be nefsa teriga kaman yahudin del ma bi ihterimu ashan kaman bi rahamu umon be rahma ma intum.
|
|
\v 32 Ashan Allah gofulu nas kulu fi adam ihteram, ashan huwo bi agder rahamu umon kulu.
|
|
\q
|
|
\v 33 Godur shunu gina wa hikma wa maarafa ta Allah amig, wa godur shunu ma bi agderu fetisu hukum tou, wa sika tou ma bi agder arufu.
|
|
\q
|
|
\v 34 Leanu de munu yau arufu fikira ta Rabuna au de munu yau biga mustishat tou?
|
|
\q
|
|
\v 35 Au de munu yau al nimira wahid wodi haja le Allah al inu Allah bi dafa huwo?
|
|
\p
|
|
\v 36 Leanu min huwo wa be wasat huwo wa le huwo kulu hajat, mejid le huwo ile al abad. Amin.
|
|
\c 12
|
|
\cl As-hah 12
|
|
\p
|
|
\v 1 Ashan kida ana bi asalu intum ya akwana, be rahma ta Allah, ashan kede intum gedimu jisim takum ze zebiha al hai, mukadas, mogbul le Allah, de kedima takum al kwes.
|
|
\v 2 Mata kum lakabatu ma alam al ta hasa, lakin kede intum geiru be fekira al jedid. Ashan kede intum arufu irada ta Allah al kwes, mogbul, al kamil.
|
|
\p
|
|
\v 3 Fa ana bi kelim ashan neima al wodi le ana, gali ai zol fi beina takum ma fekiri an umon be teriga al fok shedid, lakin kede umon fekiru be teriga ta hikma, ze ma ta godur ta iman al Allah wodi le kulu wahid min nina.
|
|
\v 4 Ashan ze ma fi jisim wahid fi ada ketir, wa lakin ma kulu ada bi istakal shokol wahid.
|
|
\v 5 Be nefsa teriga nina al ketirin de, jisim wahid fi Yesua, wa ada baad ta nina le baad wa le tanin.
|
|
\v 6 Nina indu mowahib barau barau, hasab neima al wodi le nina, kan wodi le inta ta nobuwa, kede amulu hasab godur iman.
|
|
\v 7 Kan wodi taki ta khidma, kede huwo akhdim, kan wodi le zol hadiya ta taalim, kede huwo alimu.
|
|
\v 8 wa kan wodi le zol hadiya ta teshji, kede huwo sheja. wa kan wodi le zol hadiya ta wodi, kede huwo amulu be geliba al kuwes. Kan wodi le zol hadiya ta kiyada, kede huwo amulu be teriga al kwes. Kan wodi le zol hadiya ta amulu rahma, kede huwo amulu be farah.
|
|
\p
|
|
\v 9 Kede muhaba kun bidun kibriya, aba ai haja al batal, lesegu bes fi haja al kwes.
|
|
\v 10 Fi kalam ta muhaba ta akwana, kede intum hibu baad takum ma baad. Fi kalam ta ihteram, ihterimu takum baad takum ma baad.
|
|
\v 11 Fi kalam ta shokol, kede intum ma kun kasilan, wa fi kalam ta Roho, kede intum kun harisin wa sukunin. Wa fi kalam ta rahma akdim huwo.
|
|
\v 12 Afrah takum fi raja.
|
|
\v 13 Limu takum sawa fi wodi hajat ta mominin, fadal takum fi biyut takum nas al ma takum be teriga al barau barau.
|
|
\v 14 Bariku nas al bi azibu intum, bariku mata laanu umon.
|
|
\v 15 Afrah ma nas al farhanin, kore ma nas al bi kore.
|
|
\v 16 Kutu takum bala le baad takum ma baad, mata fekiru fi teriga ta dala, lakin gabilu nas al masakin mata kum geni negitin le nefsa takum.
|
|
\v 17 Mata dafa batal ma batal, amulu hajat al kwes fi gidam ta nas kulu.
|
|
\v 18 kan bi agder, lakin hasab guwa takum, kede intum geni fi salam ma nas kulu.
|
|
\v 19 Mata kum dafa batal ma batal le nefsa takum, ya Ahiba, lakin wodi fursa le zalan ta Allah, leanu ze katibu, "Ana yau bi dafa, sibu takum dafa dafa de le ana, Rabuna bi kelim.
|
|
\q
|
|
\v 20 Lakin kan adu taki jiyan, wodi le huwo akil. kan huwo atshan wodi le huwo moyo. Leanu kan inta bi amulu zede le huwo, de bi mana inta bi zidu jomur ta nar fi ras tou.
|
|
\p
|
|
\v 21 Kede katiya ma jada intum tehet, lakin gilibu takum katiya be amulu haja al kwes.
|
|
\c 13
|
|
\cl As-hah 13
|
|
\p
|
|
\v 1 Kede kulu zol ihterimu sultat al aali, leanu mafi sulta ile min Allah. sulta al hasa de min Allah.
|
|
\v 2 Ashan kede ai zol al gi aba sulta de huwo gi aba sulta ta Allah. Wa nas al gi aba de umon bi ligo hukum le nufus tomon.
|
|
\v 3 Leanu le hukum kede ma kafu ashan bi amulu hajat al kwes lakin le hajat al batal. Hal niya taki ma deiru ashan bi kafu al sulta? Amulu haja al kwes, wa huwo bi shukuru inta.
|
|
\v 4 Leanu kadam ta Allah le kwes, lakin iza kan inta bi amulu katiya, kede inta kafu, leanu huwo ma bi shilu seif sakit. Ashan huwo kadam ta Allah, al bi dafa zalan la zol al bi amulu khatiya.
|
|
\v 5 Ashan kida inta lazim bi ihterimu, ma bes ashan zalan, lakin ashan demir.
|
|
\v 6 Leanu ashan kalam de intum kadam bi dafa daraib, ashan sulta umon khudam ta Allah, al umon bi amulu haja de be istimrar.
|
|
\v 7 Dafa le ai zol haja al tabi le umon, daraib le zol ta daraib, rusum le zol ta rusum, kafu le zol ta kafu, karama le zol ta karama.
|
|
\p
|
|
\v 8 Kede inum ma indu diyun min ai zol, kede intum hibu baad takum ma baad. ashan zol al bi hibu jeran tou, huwo kamilu namus.
|
|
\v 9 Al wasaya, mata amulu zina, mata katulu, mata seregu, mata shahidu be kidib, wa iza kan fi ai wosiya tani kaman al bi kutu fi mojmu ta kelimat de, huwo inu kede inta hibu jeran taki ze nefsa taki.
|
|
\v 10 Muhaba ma bi amulu katiya le jeran leanu muhaba huwo kamilu namus
|
|
\p
|
|
\v 11 Leanu ashan kida, intum arufu zaman al huwo zaman ta gum min num ashan kulasa ta nina biga gerib. min zaman al kan nina aminu.
|
|
\v 12 Bilel biga ruwa gidam, wa nahar biga ja gerib, ashan kida kede nina sibu amail ta duluma, wa kede nina libisu daraga ta nur.
|
|
\v 13 Kede nina dowuru ze ma fi nahar, mafi ihtefalat ta bilel au duluma, wa kede nina ma ish haya ta zina, au fi shahwat, wa ma fi ingisamat wa hasada.
|
|
\v 14 Lakin libisu takum Yesua al Mesih, mata sibu fursa le jisim, ashan shahwat.
|
|
\c 14
|
|
\cl As-hah 14
|
|
\p
|
|
\v 1 Gabilu ai zol al huwo deif, bidun hakimu afkar.
|
|
\v 2 Wahid zol indu iman ashan bi akulu ai haja, lakin zol al deif bi akulu khudruwat.
|
|
\v 3 Kede zol al bi akulu ai haja ma hagiru zol al ma bi akulu ai haja. leanu Allah rudu umon.
|
|
\v 4 Inta munu al bi hukum kadam ta zol tani? huwo yau bi wogif gidam ta sidi bit, au bi waga. Lakin bi amulu huwo ashan bi wogifu, leanu Rabuna bi agder amulu huwo ashan bi wogif.
|
|
\v 5 Wahid zol bi idu wahid yom min zol tani, wa tani bi idu yom sawa, kede kulu zol kun negit fi fikra tou.
|
|
\v 6 Zol al bi hafisu yom, de huwo bi hafisu le Rabuna, wa zol al bi akulu huwo bi akulu le Rabuna. Leanu huwo bi wodi shukuran le Rabuna.
|
|
\v 7 Leanu mafi zol min nina al bi hai le nefsa tou, wa mafi zol al bi mutu le nefsa tou.
|
|
\v 8 Leanu kan nina bi hai nina bi hai le Rabuna, wa kan nina bi mutu, nina bi mutu le Rabuna. Sala kan nina hai aw mutu, nina le Rabuna.
|
|
\v 9 Be sabab de yau al Mesih mutu wa gum tani mara. ashan huwo bi kun Rabuna ta nas al mutu wa kaman ta nas al haiin.
|
|
\v 10 Lakin inta, lee bi hukum aku taki? wa inta lee bi hagiru aku taki? ashan nina kulu badin bi ja wogif gidam ta kursita hukum ta Rabuna.
|
|
\v 11 Ashan katibu gali "Ze ma ana hai, kulu rukuba bi dengir le ana, wa kulu lisan bi mejidu Allah.
|
|
\p
|
|
\v 12 Ashan kida, ai wahid min nina bi wodi hisab tou le Rabuna,
|
|
\p
|
|
\v 13 Ashan kida kede nina ma hukumu baad ta nina ma baad. Lakin kede intum akudu karar gali mafi wahid kede gofulu sika le zol tani, au wogif fi gidam ta aku tou.
|
|
\v 14 Ana arufu wa ana mutakid gali mafi haja nijis fi Rabuna Yesua, ile le huwo bes zol al bi aiynu ai haja nijis, lianu le huwo nijis.
|
|
\v 15 Leanu kan be kalam ta akil yau aku taki bi geni haznan wa indu dabara, de bi mana intum ma bi dowuru fi muhaba, mata demiru zol al Mesih mutu min ajil tou be kalam akil taki.
|
|
\v 16 Fa mata kum rudu hajat al intum aiynu kwes ashan bi wonusu gali de katiya.
|
|
\v 17 Leanu molokut ta Allah ma bes akil wa shirab, lakin huwo geni adil, salam farah fi Roho al kudus.
|
|
\v 18 Leanu kulu zol al bi kadimu Mesih be teriga zede, huwo mogbul fi gidam ta Allah. wa nas bi rudu huwo.
|
|
\v 19 Yala biga kede nina amulu hajat ta salam, wa hajat al bi abinu nina ma baad.
|
|
\v 20 Mata demiru shokol ta Allah ashan akil, hagiga kulu hajat nedif, lakin huwo bi kun katiya le zol al bi akulu wa bi gofulu sika.
|
|
\v 21 Huwo bi kun kwes kan inta ma akulu laham, wele inta ma ashurubu merisa, wele ai haja al bi gofulu sika le aku taki.
|
|
\v 22 Iman al le inta de, kede kun beina inta wa Allah, baraka le zol al ma bi hukum nefsa tou ma hajat al huwo aiynu gali kwes.
|
|
\v 23 Le zol al indu shukuk kan akulu bi hakimu, leanu de ma iman, wa ai haja al ma min iman huwo katiya.
|
|
\c 15
|
|
\cl As-hah 15
|
|
\p
|
|
\v 1 Hasa nina al gowin kede ihtemal dof ta na al deifin, wa kede nina ma hibu le anfusina.
|
|
\v 2 Kede kulu wahid min nina amulu jeran tou farhan, le hajat al kwes, ashan bi abinu huwo.
|
|
\v 3 Leanu Yesua kan ma hibu nefsa tou lakin kan bes ze ma katibu, sitima ta nas al bi sitimu inta bi waga le ana.
|
|
\v 4 Leanu ai haja al kan katibu, katibu ashan bi alimu nina, ashan be wasat ta sobur wa be wasat ta teshjii ta kutub nina bi indu raja.
|
|
\v 5 Hasa kede Allah ta sobur wa ta teshjii kede kutu inta kede geni fi nefsa fikira ma kulu baad takum ma baa hasab al Mesih Yesua.
|
|
\v 6 Kede huwo amulu de, ashan bi wahid fikira intum bi shukuru aw bi mejidu Allah al Abu ta rahma ta ina Yesua al Mesih.
|
|
\p
|
|
\v 7 Ashan kida gabilu takum baad ma baad, ze ma al Mesih gabilu intum le mejidu Allah.
|
|
\v 8 Wa ana bi kelimu gali Yesua amulu kadam ta khitan ashan hagiga ta Allah, ashan bi asbit waad al wodi le aba.
|
|
\v 9 Wa le nas umam kede umon mejidu Allah, ashan rahma towo ze ma katibu; ashan kede ana bi shukuru isim taki fi wasat ta umam wa bi guna wa mejidu isim taki.
|
|
\p
|
|
\v 10 Kaman tani mara kelima, ya umam kede intum afrahu ma nas tou.
|
|
\p
|
|
\v 11 Wa kaman tani mara, mejidu Rabuna intum kulu ya umam. Kede nas kulu shukuru au mejidu huwo.
|
|
\p
|
|
\v 12 Tani mara Isaiah kelimu; Juzur ta jesse bi ja, zol al huwo arfa ashan bi hukum al umam, bi indu raja fi huwo.
|
|
\p
|
|
\v 13 Hasa kede Allah al ta raja mala intum be kulu farah wa salam fi iman. Ashan be guwa ta roho al kudus intum bi indu raja.
|
|
\p
|
|
\v 14 Ana be nefsa tai ana arufu intum, ya akwana tai wa arufu kaman gali intum be nefsa takum maliyanin ma hajat al kwes. maliyanin ma farah, ana arufu kaman gali intum bi agder sheja baad takum ma baad.
|
|
\v 15 Lakin ana bi katibu le intum aktar bi sheja hajat ashan bi zekiru intum tani mara. ashan neima ta Allah wodi le ana.
|
|
\v 16 Hadiya de huwo ashan ana bi kun kadam ta Yesua al Mesih al rasulu le umam, ashan bi kun ze kahin ta beshiru injil ta Allah, ana lazim bi amulu de, ashan zebiha ta nas umam bi kun mukadas wa mogbul be Roho al kudus.
|
|
\v 17 Ana bi dala fi al Mesih Yesua ashan kidma tai le Allah.
|
|
\v 18 Leanu ana ma bi wonusu ai haja, ile haja al Mesih kamilu be wasat tai le ihteram ta umam. De hajat al amulu be kalam wa amal.
|
|
\v 19 Be wasat guwa ta mojizat wa ajayib, wa be wasat ta guwa ta Roho al kudus. De ashan hata ana min Urselim wa haul Urselim wa lahadi Elirikun ana lazim bi kamilu beshiru Injil ta al Mesih.
|
|
\v 20 Wa be teriga de, niya tai kan ashan bi beshiru Injil. lakin ma fi mahal al arufu Yesua be isim, ashan kede ana ma abinu fi asas ta zol tani.
|
|
\v 21 Huwo ze ma huwo moktub; Le nas al ma wori kabara tou le umon, wa nas al ma asuma bi fahim.
|
|
\p
|
|
\v 22 Leanu abusu ana ashan kede ma ja le intum ketir marat,
|
|
\v 23 Lakin hasa ana biga ma indu mahal fi beled de, wa ana bi fekiru shedid wa le samawat ashan bi ja le intum.
|
|
\v 24 Ana kan deir ashan bi aiynu intum kan ana bi ruwa fi Spaniya. wa ashan intum bi saudu ana fi momoriya tai le hinak, ze ma kan ana bi geni ma intum shuwiya.
|
|
\v 25 Lakin hasa de bi ruwa le Urselim ashan bi ligo musaada le mominin.
|
|
\v 26 Ashan kan nas ta Makadoniya wa Akhaiya haja al kwes umon limu toburuwat le nas al masakin wa mominin al kan fi Urselim.
|
|
\v 27 Naam de kan farah tomon, wa bel hagiga de diyun tomon, leanu kan umam limu sawa fi hajat tomon ta Roho, bi kun kwes shedid kan umon kaman limu sawa fi hajat tomon al ta jisim.
|
|
\v 28 Ashan kida ana kalasu shokol de, wa ana mutuakid gali umon istelimu haja al kan limu de, ana bi selimu intum fi sika kan ana bi ruwa fi Spaniya.
|
|
\v 29 Ana arufu gali kan ana ja le intum ana bi ja maliyan be barakat ta al Mesih.
|
|
\p
|
|
\v 30 Fa ana bi asalu intum, ya akwana tai, be wasat Rabuna Yesua al Mesih, wa be muhaba ta Roho al kudus, kede intum jahidu sawa ma ana fi salawat min ajil ana, le Allah.
|
|
\v 31 Seli takum ashan Allah bi saudu ana min nas al ma mominin al fi Yahudiya. Ashan kede kidma tai fi Urselim bi kun mogbulle nas al ma mominin fi Yahudiya wa ashan kidma tai fi Urselim bi kun mogbul le mominin.
|
|
\v 32 Seli takum ashan be wasat irada ta Allah ana bi ja le intum be farah, wa ashan ana sawa ma intum bi ligo raha.
|
|
\v 33 Kede Allah ta salam geni ma intum kulu. Amin.
|
|
\c 16
|
|
\cl As-hah 16
|
|
\p
|
|
\v 1 Ana bi wodi wosiya le intum be kalam ta ukut ta nina Fibi, al kadam fi kenisa ta Kankhariya.
|
|
\v 2 Ashan intum bi gabilu huwo fi Rabuna, ze ta kedisin. Wa saudu takum huwo be ai musada al kan huwo deir, lianu huwo saudu nas kutar, wa kaman huwo saudu ana.
|
|
\p
|
|
\v 3 Selim takum le Priskila wa Aquila al nina al nina ishtakal ma umon sawa fi Yesua al Mesih.
|
|
\v 4 Al umon kutu haya tomon fi khatar ashan haya tai. ana wodi shukuran le umon, wa ma bes ana barau, lakin kaman kulu kanais ta nas umam.
|
|
\p
|
|
\v 5 Selimu le kenisa al fi bet tomon, selimu le Epaenetus sabi tai al huwo yau awel samar ta Asia te Mesih.
|
|
\p
|
|
\v 6 Selimu takum Mariyam, al kaman huwo ishtakal shedid ashan intum.
|
|
\p
|
|
\v 7 Selimu takum le Andronikus wa Yuniyas nesib tai, kan sijinu huwo ma ana. Rusul kulu bi aruf umon tamam, umon gidam min ana fi Mesih.
|
|
\p
|
|
\v 8 Selimu Ampialitus sabi tai fi Rabuna.
|
|
\p
|
|
\v 9 Selimu le Urbanus al bi ishtakalsawa ma nina fi al Mesih, wa Istakiyos sabi tai.
|
|
\p
|
|
\v 10 Selimu Apelles al sedeku huwo fi al Meshi. Selimu takum le nas kulu al fi bet Aristobulus.
|
|
\p
|
|
\v 11 Selimu Herodion nesib tai, selimu nas bet ta Narkisus, al umon fi Rabuna.
|
|
\p
|
|
\v 12 Selimu Tryphina wa Tryphosa, al umon ishtakal shedid fi Rabuna, selimu Bersis al huwo sabi tai al huwo ishtakal shedid fi Rabuna.
|
|
\p
|
|
\v 13 Selimu Rufas al Rabuna ikhtar, wa uma tou al kaman uma tai.
|
|
\p
|
|
\v 14 Selimu Asinkritus, Filigun, Harmas, Patrobas, Harmis, wa akwana al ma umon.
|
|
\p
|
|
\v 15 Selimu Filologus wa Julia, wa Nereus ma ukut tou, wa Olimpas wa kulu al mominin al fi ma umon.
|
|
\p
|
|
\v 16 Selimu takum baad takum ma baad be gubla al mukadas, kulu Kanais ta al Mesih bi selimu intakum.
|
|
\p
|
|
\v 17 Hasa biga ana bi asalu intum ya akwana, ashan bi fekir kalam ta nas al bi jibu tefriga wa bi gofulu sika, umon bi tala bara min taalim al intum alimu, tala takum bara min umon.
|
|
\v 18 Leanu shikil nas del umon ma bi akhdim Rabuna ta nina al Mesih, lakin batna tomon. be batna tomon wa kalam al kwes, umon kabasu gulub ta nas al abriya.
|
|
\v 19 Lakin shokol ihteram takum wa kabar takum wosulu le ai zol. ashan kida ana mokosut, min intakum, lakin ana deir intum bi kun negitin fi haja al kwes, wa intum bi kun nedif min hajat al ta kaiya.
|
|
\v 20 Wa be sura Allah ta salam bi kasuru shitan tehet kurein takum, Kede neima ta Rabuna ta nina Yesua al Mesih kun ma intum.
|
|
\p
|
|
\v 21 Timatayo al nina bi istakal sawa ma huwo bi selimu intum wa Lokiyos, Yason, wa Sosibatres nesib tai.
|
|
\v 22 Ana Tertius yau katibu risala de ana bi selimu intakum kulufi Rabuna.
|
|
\v 23 Gaius, al fadalu ana wa kaman fadalu kenisa kulu, bi selimu le intum, Arastus amin maliya ta medina kaman bi selimu le intum, sawa ma aku ta nina ma Kuwatus.
|
|
\v 24 Kede neima ta Rabuna Yesua al Mesih geni ma intum kulu. Amin
|
|
\q
|
|
\v 25 Wa hasa le huwo al agder ashan bi sabitu intum, hasab Injil tai, wa tebshir ta Yesua al Mesih asab sir al beinu wa al kan hafizu min bediri.
|
|
\q
|
|
\v 26 Lakin beinu wa amulu biga maruf hasa le kulu nas hasab kitabat ta nobuwa, be awamir ta Allah al abadiya, ashan ihteram ta iman.
|
|
\q
|
|
\v 27 Le Allah al hakim al waid, be wasat Yesua al Mesih, al mejid le huwo lel abad. Amin
|