pga_reg/45-ACT.usfm

\id ACT
\ide UTF-8
\h Amal al Rusul
\toc1 Amal al Rusul
\toc2 Amal al Rusul
\toc3 act
\mt Amal al Rusul
\c 1
\cl As-hah 1
\p
\v 1 Kitab al awel al Ana katibu, Ya Theophilus, gi wori kulu hajat al Yesua bada amulu wa derisu,
\v 2 lahadi fi yom al shilu huwo fok, baad ma huwo wodi wosiya be wasat Roho al Kudus le talamiz al huwo Azilu.
\v 3 Baad taab tou, huwo zahiru nefsa tou hai le umon be isbatat al mugni. Le arbein yom huwo geni zahir le umon, wa wonusu an molokut ta Allah.
\v 4 Zaman huwo kan bi limu ma umon, huwo wodi wosiya le umon ashan ma sibu Urselim, lakin bi istena waad ta Abu, al huwo wonusu, ``Intum asuma min ana
\v 5 inu Yuhana hagiga kan amidu be moyo, lakin bi amidu intum be Roho al Kudus baad ayam besit.``
\p
\v 6 Zaman umon limu sawa umon asalu huwo, ``Rabuna, hal de zaman al inta bi rija momlaka le Israel?``
\v 7 Huwo kelimu le umon, ``huwo ma le intum ashan bi arufu sah au mawasim al Abu hadidu be sultan tou.
\v 8 Lakin intum bi akudu guwa, kan Roho al kudus nezil fogo intum, wa intum bi kun shuhudin tai fi Urselim Yahudiya wa Samaria wa lahadi akir Dunia.``
\v 9 Zaman Rabuna Yesua kelimu kalamat de, ze ma umon gi aiynu fok, arfau huwo fok, wa sihab kati huwo min uyun tomon.
\v 10 Ze ma umon gi aiynu le samawat shedid ze ma huwo ruwa, itnin rijal tuwali wogif jambu umon be gumas abiyad.
\v 11 Umon kelimu, Intum ya Galilien, Lee intum gi wogif hini gi aiynu le samah? Yesua de al shilu min intum le samah, bi rija be nefsu teriga ze ma intum aiynu huwo gi ruwa le samah.``
\p
\v 12 Baad dak umon rija le Urselim min Jebel al isim tou Zeitun, al gerib ma Urselim, Safar ta yom sebit.
\v 13 Zaman umon wosulu, umon ruwa fi gurfa al fok, mahal al umon kan gi geni fogo. Umon kan Butrus, Yuhana, Yakub, Andraus, Philibus, Thomas, Bartilimaus, Matta, Yakub weled ta Alphaeus, Samaan al gayur, wa Yahuza weled ta Yakub.
\v 14 Umun kan wodi nefsa tomon be hadaf wahid fi salawat, sawa ma nusuwan, wa Mariam uma ta Yesua, wa akwana tou.
\p
\v 15 Fi ayam dak Butrus wogif fok fi nus ta akwana, kulu 120 nas, wa kelimu,
\v 16 Akwana, huwo kan mohim inu kede kamilu kitab, inu Roho al Kudus wonusu gabul kida be wasat ta Daud be kusus Yahuza, al gedimu delin al gubudu Yesua.
\v 17 Ashan huwo kan wahid min nina wa akudu nisba tou ta kidima de."
\v 18 (hasa zol de istera mahal zara ma maksab al huwo ligo min gurus ta shar, wa hinak huwo waga be wusa tou, wa faga min nus, wa musuran tou kulu dofugu bara.
\v 19 Delin kulu al bi geni fi Urselim asuma an kalam de, ashan kida umon nadi isim ta mahal zara de "Akeldama, al mana tou" "Mahal zara ta dom".)
\v 20 Ashan katibu fi kitab ta Mazamir, 'Kede bed tou karabu, wa kede mafi zol geni fogo'; Kede zol tani shilu wozifa tou ta giada.'
\p
\v 21 Ashan kida, huwo mohim, de al geni douru ma nina kulu wokit al Rabuna Yesua dakalu wa tala min nus ta nina,
\v 22 bada min mamudiya ta Yuhana lahadi fi yom al shilu huwo fok min nina, lazim huwo bikun shahid ma nina an giama tou."
\v 23 Umon azilu itnin rujal, Yusif al gi nadi Barsabbas, al kaman gi nadi isim tou Justus, wa Matthias.
\v 24 Umon seli wa kelimu," Rabuna, inta, arufu gulub ta nas kulu, wori yatu min itnin del al inta iktaru
\v 25 ashan bi shilu mahal fi kidma wa rasulia de al Yahuza sibu wa ruwa fi makan tou."
\v 26 Umon jada gura ashan umon, wa gura waga le Matthias, wa idu huwo ma talamiz al idasar.
\c 2
\cl As-hah 2
\p
\v 1 Zaman yom al kamsin ja, umon kan sawa fi nefsu mahal.
\v 2 Fajatan sot ja min samawat ze habub shedid ja wa mala bet al umon kan bi geni fogo de kulu.
\v 3 Wa zahir le umon alsina ze nar al gesimu, wa geni fi ras ta kulu zol.
\v 4 Umon kulu kan malau ma Roho al Kudus wa bada wonusu be rutanat barau barau, ze ma Roho wodi le umon ashan bi wonusu.
\p
\v 5 Kan fi Yahudin al bi geni fi Urselim, Nas ta din, min kulu doulat tehet samah.
\v 6 Zaman asmau sot de, nas kutar ja sawa wa ras tomon lakbat ashan ai zol gi asuma umon gi wonusu be rutan tou.
\v 7 Umon kan mutajibin wa mustagrabin; umon kelimu, "Hagigatan, hal nas de al gi wunuso del ma nas min Galileyiin?
\v 8 Lee nina bi asuma umon, ai zol bi wonusu be rutan tou al weledu huwo fogo?
\v 9-10 Barasien, wa Medenien, wa Ilamien, wa nas al bi geni fi Mesopotamia, wa Yahudia, wa Cappadocia, fi Pontus, wa Asia, safa Pyrgiya, wa Pamiphylia, wa Masir wa safa ta Libiya al be safa ta Cyrene, wa zawar min Rome,
\v 11 Yahudin wa nas al ja min bara, Keriyiun, wa Arab, nina gi asuma umon gi wonusu azaim ta Allah be rutan ta nina."
\v 12 Umon kulu tala muhtarin wa mustagrabin; umon wonusu le baad tomon, "mana ta kalam shunu?"
\v 13 Lakin tanin alisu wa wonusu, Umon sakranin."
\p
\v 14 Lakin Butrus wogif ma idashar, arafa sout tuo, wa wunuso le umun, Ya nas ta Yahud wa al sakinin fi Urselim, kede intum arufu kalam de; asuma takum kalam tai.
\v 15 Nas del ma sakranin ze intum gi kelimu, leanu nas ma bi kun sakarinin fi sah tisa sabah.
\v 16 Lakin de haja al kan wonusu be wasat ta Nebi Yuiel;
\q
\v 17 Huwo bi kun fi ayamat al akir, 'Allah gal, ' Ana bi kubu Roho tai le nas kulu. Awulad wa Banat takum bi itnaba, shabab takum bi aiynu ruyat, wa Ajaiz takum bi hilim.
\q
\v 18 Hagiga le khudam tai wa khudam tai al nusuwan fi ayamat dat Ana bi kubu Roho tai, wa umon bi itnaba.
\q2
\v 19 Ana bi zahiru ajaib fi samah wa mujizat fi tehet ard, dom, nar, wa bukhar ta dukhan.
\q
\v 20 Shemis bi tala duluma wa gamara bikun ze dom, gubal yam ta Rabana al azim wa maruf bija.
\q
\v 21 Wa bikun le ai zol al bi nadi isim ta Rabuna bi kalisu.'
\p
\v 22 Ya nas ta Israel, asuma takum kelima de: Yesua al Nasiri, Zol al akidu le intum be Allah be amail al azim wa Alamat wa Mujizat al Allah amulu be wasat tou fi nus takum, ze intum be nefsa takum arufu.
\v 23 Nas del kan selimu le intum be Irada ta Allah wa marafa tou min bediri; wa be wasat iden ta nas ta katiya, katulu huwo be teriga al dugu fi selib huwo.
\v 24 Lakin Allah goumu huwo, hariru huwo min waja ta mutu, ashan Huwo kan mustehil ashan bi amsuku huwo be mutu.
\v 25 Daud kan wonusu an huwo, ' Ana aiynu Rabuna daiman gidam wusa tai, ashan huwo fi yemin tai ashan ma bi hizu ana.
\q
\v 26 Ashan kida geliba ti kan murta wa lisan tai farhan. Bardu, gisim tai bi kun fi sikha.
\q2
\v 27 Inta ma sibu roho tai fi Hawiya, wele i ta bi sibu kudus taki bi ayinu fasad.
\q
\v 28 Inta wori le ana sikat ta haya; inta bi kutu ana maliyan be farah ma wusa taki.'
\p
\v 29 Akwana nina, Ana bi agder wonusu le intum an abu ta nina Daud: Huwo mutu wa dofunu huwo, wa turuba tou fi ma nina lahadi yom ta alela.
\v 30 Ashan, kida huwo kan nebi wa arufu inu Allah halifu le huwo be kasam, inu huwo be wodi wahid min samar ta gisim tou fi Kursi tou.
\v 31 Huwo aiynu min bediri wa wonusu an giyama ta Mesih, 'huwo ma kan sibu fi Hawiya, wele gisim tou aiynu fasad.'
\v 32 Yesua de -Allah goumu huwo, wa nina kulu shuhud.
\v 33 Ze ma Arafau Huwo fok fi yemin ta Allah wa akudu waad ta Roho al Kudus min al Ab, huwo kubu de, al intum aiynu wa asuma.
\v 34 Leanu Daud ma ruwa fi samawat, lakin huwo kelimu 'Rabuna wonusu le Rabuna tai, "Geni safa Ida tai al yemin,
\q
\v 35 lahadi Ana bi kutu adu taki mahal ta dusu kura taki,"
\p
\v 36 Ashan kida, kede bet ta Israel kulu arufu inu Allah amulu huwo Rabana wa Mesih, Yesua de al intum selibu."
\p
\v 37 Zaman umon asuma kalam de, atanu umon fi gulub tomon, wa asalu Butrus wa bagi Rusul, "Yakwana, kede nina amulu shunu?
\p
\v 38 Baad kida Butrus kelimu le umun, "Tub takum wa kede amidu ai zol min intum be isim ta Yesua al Mesih le gufran ta katiya takum, wa intum be ligo hadiya ta Roho al Kudus.
\v 39 Leanu waad de le intum wa le iyal takum wa le delin al min beid, le nas ketirin ze ma Allah bi nadi."
\v 40 Huwo shahidu wa shejeu umon be kalamat ketir, bi gul, "Kede intum ligo kulasa min Jil al bi ligo taab."
\v 41 Baad dak umon rudu kalam tou wa amidu umon, wa nas al dumu fi yom dak kan Talata Alif nas.
\v 42 Umon wodi nefsa tomon le talim ta Rusul wa sherika, fi kasuru ta esh wa salawat.
\p
\v 43 Kafu wa ihtiram kan dakalu fi nefsa tomon, wa ajaib wa mujzat ketir kan hasil be wasat Rusul.
\v 44 delin al kan amin kan gi geni sawa wa gi shariku hajat kulu sawa,
\v 45 wa umon kan biyu mumtalakat wa kan wazau hajat tomon le kulu nas, be hasab hajat al ai zol indu.
\v 46 Yom baad yom umon wodi nefsa tomon be hadaf wahid fi haikal. Umon kaman kan gi akulu sawa fi biyut tomon, wa umon shariku akil sawa be farah be geliba ta wodi;
\v 47 umon gi sabihu Allah wa nas kulu gi ihtiramu umon. wa kulu yom Rabuna kan gi zidu adad tomon be nas al ligo kulasa.
\c 3
\cl As-hah 3
\p
\v 1 Hasa Butrus wa Yuhana kan gi ruwa le Haikal fi Saa ta salawat, saa tisa.
\v 2 Kan fi zol mushlul min batna ta uma tou kan gi jibu huwo kulu yom fi bab al Jemil ta Haikal, ashan huwo bi asadu nas al bi dakalu juwa Haikal ashan bi wodi le huwo gurush.
\v 3 Zaman huwo aiynu Butrus wa Yuhana bi dakalu juwa Kenisa, huwo asalu umon gurush.
\v 4 Buturus, rekis ena tou le huwo, ma Yuhana, wa kelimu, "Aiynu le nina."
\v 5 Zol al abu moslul de aiynu le umon, fekir gali huwo bi ligo haja min umon.
\v 6 Lakin Butrus kelimu, "Ma indi fida wa dahab, lakin haja al indi, ana bi wodi le inta. Fi isim ta Yesua al Mesih al Nasiri, douru."
\v 7 Butrus gobudu huwo be yemin, Huwo goumu zol de fok, wa tawali kura ta zol de biga gowi.
\v 8 Zol al moshlol de nutu fok wa wogif wa bada douru; wa huwo dakalu ma Butrus wa Yuhana juwa Kenisa, bi douru, bi nutu nutu, wa bi sabihu Allah.
\v 9 Nas kulu aiynu huwo gi douru wa gi sabihu Allah.
\v 10 Umon lahisu inu de zol al kan gi asadu gurus fi al Bab al Jemil ta kenisa; umon kan be istigrab wa taajub ashan haja al hasil le huwo.
\p
\v 11 Ze ma huwo lisa bi douru wara Butrus wa Yuhana, nas kulu jere sawa le umon fi sikat al sukerin ta Siliman, umon mustagrabin kalis.
\v 12 Zaman Butrus aiynu ze de, huwo juwabu le nas de, "Intum ya nas ta Israel, Lee intum gi istagrab? Lee intum gi aiynu nina shedid ze de, ze nina kutu zol de douru be guwa ta nina?
\v 13 Allah ta Ibrahim, wa ta Ishak, wa ta Yakub, Allah ta abuhat ta nina, mejidu kadam tou Yesua. Huwo yau al intum selimu wa aba fi gidam ta Bilatos, ligo huwo kariru ashan bi fiku Yesua.
\v 14 Intum aba wahid al Kudus wa al bar, wa intum asalu bel aks le al katil ashan bi fiku le intum.
\v 15 Intum katulu muasis ta haya, al Allah goumu min al mutu-wa nina shuhud fi kalam de.
\v 16 Fi asa ta iman fi isim tou, isim tou kutu zol de, al intum aiynu wa arufu, kutu uwo tala gowi. Iman al be wasat Yesua wodi le huwo saha kamil fi gidam takum kulu.
\v 17 Hasa, ya Akwana, ana arufu intum amulu kalam de ashan intum ma arufu, kaman ze ruasa takum
\v 18 Lakin hajat al Allah wori min bediri be wasat ta ambiya kulu, inu Mesih bi ligo taab, hasa huwo hasil.
\v 19 Tub takum, wa rija takum, ashan katiya takum bi masau bara,
\v 20 ashan zaman ta raha bi ja min gidam ta Rabana; wa inu uwo bi rasulu al Mesih al iktaru le intum, al huwo Yesua.
\v 21 Huwo yau lazim samawat bi akudu lahadi fi zaman ta tejdid ta hajat kulu, al Allah wonusu anu min bediri be wasat ta kasma ta ambiya tou al mukadasin.
\v 22 Musa hagigatan wunuso, 'Rabuna Allah bi goumu nebi ze ana min nus ta akwana takum. Lazim intum bi asuma le ai haja al huwo be wonusu le intum.
\v 23 Wa bi hasil inu ai zol al ma bi asuma nebi de bi demiru huwo ta kulu kulu min nus ta nas.'
\v 24 Naam, wa kulu ambiya min Samuel wa delin al ja wara tou, umon wonusu wa alinu ayamat del.
\v 25 Intum Iyal ta ambiya wa min ahad al Allah amulu ma abuhat takum, ze ma huwo kelimu le Ibrahim, Fi nesli taki kulu usar ta dunia bi kun mubarak.'
\v 26 Baad ma Allah goumu kadam tou, huwo rasul Yesua le intum awel, ashan bi bariku intum be geiru ai zol min intum min shar takum."
\c 4
\cl As-hah 4
\p
\v 1 Ze Butrus wa Yuhana kan gi wonusu le nas, khahana wa kaid ta asakir ta Kenisa Sadukin ja le umon.
\v 2 Umon kan ma Murtahin ashan Butrus wa Yuhana kan gi derisu nas wa bi beshiru fi Yesua be giyama ta amuat.
\v 3 Umon gobudu umon wa kutu umon fi sijin lahadi sabah, ashan zaman dak kan misah.
\v 4 Lakin ketirin min nas al asuma risala de amin; wa adad ta nas al amin kan tegriban kamsa alif.
\p
\v 5 Wa hasil fi yam al tani inu hukam tomon, shiyuk wa kataba limu sawa fi Urselim.
\v 6 Hannan al khahin kan fi hinak, wa Caiaphas, wa Yuhana, wa Alexander, awa kulu delin al kan ahal ta khahin al kebir.
\v 7 Zaman umon jibu Butrus wa Yuhana fi nus tomon, umon asalu umon, "Be yatu guwa, wele yatu isim, intum amulu hajat de?"
\v 8 Baad dak Butrus, mala be Roho al Kudus, Huwo wonusu le umon, "Intum hukam ta nas, wa shiyuk,
\v 9 Iza kan nina alela fi gediya ashan haja al kwes al amulu le zol al ayan, be teriga yatu al zol de aliju,
\v 10 Kede kalam de kun maruf le intum wa le nas ta Israel kulu, inu zol de wogif gidam takum saha tou kwes be isim ta Yesua al Mesih al Nasiri, al intum selibu, lakin Allah goumu min mutu.
\v 11 Yesua al Mesih yau hajer al intum binain aba lakin kutu biga hajer al zawiya.
\v 12 Mafi kulasa fi ai zol tani, mafi isim tani tehet samah al wodi le nas al lazim bi kalisu nina."
\p
\v 13 Zaman umon aiynu le shuja ta Butrus ma Yuhana, umon lahisu inu umon kan nas adien, rujal ma mutaalimin, umon istagrab, umon ja arufu inu Butrus wa Yuhana kan ma Yesua.
\v 14 Ashan umon aiynu zol al kan aliju de gi wogif ma umon, umon ma indu ai haja bi wonusu did kalam de.
\v 15 Lakin baad ma umon wodi awamir le rusul ashan kede sibu ijtima ta mejeles, umon wonusu fi baad tomon.
\v 16 Umon kelimu, "nina bi amulu shunu le nas del? Be wasat umon mujiza mohim hasil, wa de maruf be ayi zol al gi geni fi Urselim; wa nina ma bi agder anguru.
\v 17 Lakin ashan ma bi waza ketir fi nus ta nas, kede nina anziru umon kede ma wonusu le ai zol tanimara be isim de."
\v 18 Umon nadi Butrus wa Yuhana wa hadidu umon kede ma wonusu ta kulu kulu wele derisu be isim ta Yesua.
\v 19 Lakin Butrus wa Yuhana juwabu wa kelimu le umon, "Kan huwo kwes fi Ena ta Allah ashan bi tii intum aktar min huwo, hakimu takum.
\v 20 Nina ma bi agder wogifu wonusu an hajat al nina aiynu wa asuma."
\v 21 Baad ma umon anziru Butrus wa Yuhana, umon sibu umon ashan bi ruwa. Umon kan ma agder ligo ai uzur ashan be wodi le umon ikhab, ashan nas kulu kan bi sabihu Allah le haja al amulu.
\v 22 Zol al ligo mujiza ta ilaj de, umur tou kan aktar min arbein sena.
\p
\v 23 Zaman fiku umun, Butrus wa Yuhana ja le nas tomon wa wori kulu hajat al reis ta khahana wa shiyuk kelimu le umon.
\v 24 Zaman umon asuma kalam de, umon arfa sot tomon sawa le Allah wa gal, "Rabuna, Inta kalagu samawat wa ard wa bahar, wa kulu hajat al fogo.
\v 25 Inta wonusu be Roho al Kudus be wasat ta kasuma ta kadam taki, abu ta nina Daud, 'Le Umamin kafu, wa nas fekir fi hajat al ma indu faida?'
\q
\v 26 Inta kelimu, 'Muluk ta ard limu badum sawa, wa ruasa limu sawa did Rabuna, wa did Mesih tou.'
\p
\v 27 Hagigaten, Herodos wa Bilatus al Bunty, sawa ma umamin wa nas ta Israel, limu sawa fi medina did Kadam taki al Kudus Yesua, al inta masau.
\v 28 Umon limu sawa ashan bi amulu kulu haja al iden wa kuta taki kariru min bediri ashan bi hasil.
\v 29 Hasa, ya Rabuna, aiynu le inzarat tomon wa wodi le khudam taki ashan bi wonusu kalam taki be shuja.
\v 30 Midu Ida taki le ilaj wa kede ajaib wa mujizat hasil be isim ta khadam taki al mukadas Yesua."
\v 31 Zaman umon kalasu salawat, makan al umon kan limu sawa fogo hizu, wa umon kulu mala be Roho al Kudus wa umon wonusu kalam ta Allah be shuja.
\p
\v 32 Adad kebir ta nas al amin kan indu geliba wahid wa nefsa wahid. Mafi zol al bi kelimu inu ai haja al huwo indu de tou barau, lakin umon kan bi shariku kulu haja.
\v 33 Be guwa azim rusul kan bi alinu shihada tomon an giyama ta Rabuna Yesua, wa naima azim kan le umon kulu.
\v 34 Mafi zol al fi nus tomon kan muhtaj ai haja, ashan kulu delin al indu biyut wa mahalat ta zira umon gi biyu bara wa jibu gurush ta hajat al kan biyu
\v 35 wa kutu gidam ta kura ta rusul wa kan gesimu le kulu zol be hasab ihtiyaj tomon.
\p
\v 36 Yusif, al rusul gi nadi huwo Barnabas (al terjimu gal weled al museje), al Lawi, zol min Cyprus,
\v 37 biyu wata tou wa jabu gurush wa kutu gidam kura ta rusul.
\c 5
\cl As-hah 5
\p
\v 1 Fi zol isim tou Anania, ma mara tou Safira, umon biyu gita min mumtalakat tomon, wa
\v 2 Huwo nagisu juzu mi gurush al biyu be gita de (mara tou kaman arufu kalam de), wa jibu juzu ta gurush wa kutu gidam kura ta rusul.
\v 3 Lakin Butrus kelimu, "Anania, Lee inta sibu sitan mala geliba taki ashan kelimu kidib le Roho al Kudus wa nagisu juzu min gurush ta gita taki?
\v 4 Zaman lisa kan biyu, de kan ma taki, wa baad ma biyu, ma kan fi musulia taki? Lee inta fekir fi geliba taki ashan amulu kalam de? Inta ma kidibu le insan lakin le Allah'
\v 5 Zaman huwo asuma kalamat de, Anania wa ga tehet wa mat, wa kafu kan dakalu fi kulu nas al asuma.
\v 6 Shabab ja wa lifu huwo be gumash wa arfa huwo bara wa dofunu huwo.
\p
\v 7 Baad talata saat, mara tou dakalu juwa, ma arufu shunu hasil.
\v 8 Butrus kelimu le hiya, "Wori le Ana kan intum biyu wata de be taman de." Hiya gal, nam, be taman de."
\v 9 Butrus kelimu le hiya, "Intum tifagu sawa kef ashan bi jeribu Roho ta Rabuna? Aiynu kurein ta nas al dofunu rajil taki yau de fi bab, wa umon bi arfa inta bara.
\v 10 Tuwali huwo waga gidam kura ta Butrus wa mat. Zamanb shabab de dakalu juwa, umon ligo hiya mat, wa arafa huwo bara wa dofunu hiya jambu rajil tou.
\v 11 Kafu dakalu fi kenisa kulu, wa le kulu nas al asuma kalam de.
\p
\v 12 Ayat wa mujizat ketir hasil fi nus ta nas be wasat iden ta Rusul. Umon kan kulu sawa fi Haikal ta Siliman.
\v 13 Lakin mafi zol tani indu shuja ashan bi dumu le umon; lakin nas kan gi iktaramu umon shedid.
\v 14 Mumminin ketir kan lisa gi zidu le Rabuna, wa Adad kebir min rujal wa nuswan,
\v 15 hata umon kan bi arfa nas al ayaniin fi sika wa gi neimu fi sherirat wa ferishat, ashan kan Butrus gi mururu, dul tou bi khati umon.
\v 16 Wa nas ketir bardu ja sawa min mudun al haul Urselim, nas al ayaniin wa delin al indu roho al batal kan aliju.
\p
\v 17 Lakin reis ta Khahana gam fok, wa nas kulu al kan ma huwo, (al umon yau mojmu ta Sadukien); wa umon mala be gira
\v 18 wa umon dugu rusul, wa kutu umon fi sijin.
\v 19 Lakin be bilel Malaika ta Rabana fata abuwab ta sijin wa tala umon bara, wa gal,
\v 20 "Ruwa takum, wogif takum fi Kenisa wa wonusu takum le nas kulu kalamat ta haya de."
\v 21 Zaman umon asumu kalam de, umon dakalu juwa Kenisa gerib le nahar wa bada derisu. Lakin reis ta Khahana ja, ma nas al kan ma huwo, nadi mejeles sawa, kulu shiyuk ta shab ta Israel sawa, wa rasulu umon ashan bi jibu rusul min sijin.
\v 22 Lakin jesh al kan ruwa ma ligo umon fi sijin, wa umon rija wa wori kabara,
\v 23 "Nina ligo sijin mokful tamam wa huras wagifin fi bab, lakin zaman nina fata bab, nina ma ligo zol juwa."
\v 24 Zaman captain ta huras ta Kenisa ma reis ta Khahana asuma kalamat de, umon kan indu shukuk be kusus umon wa haja al bi hasil.
\v 25 Wa zol tani ja wa wori le umon, "Nas al intum kutu fi sijin umon wagifin fi Kenisa wa bi derisu nas."
\v 26 Captain ma dubad al tanin ruwa wa rija umon, lakin ma be guwa, umon kafu nas mumkin bi durubu umon be hujar.
\v 27 Zaman umon jibu talamiz de, umon wogifu umon gidam ta mejles. Reis ta khahana asalu umon,
\v 28 gal, "Nina wori le intum kede ma derisu be isim de, lakin intum mala Urselim be talim takum, wa intum indu niya ashan jibu dom ta zol de fi ras ta nina."
\v 29 Lakin Butrus wa rusul juwabu, "nina lazim bi tii Allah bidal nas.
\v 30 Allah ta abuhat ta nina goumu Yesua, al intum katulu be aligu huwo fi kashab.
\v 31 Allah Arfa huwo fi yemin tou ashan bi kun amir wa mukalis, ashan bi wodi tuuba le Israel, wa gufran ta katiya.
\v 32 Nina shuhud ta hajat de, wa Roho al Kudus, al Allah wodi le delin al bi tii huwo."
\p
\v 33 Zaman ada ta mejeles asuma kalam de, umon zalan wa deir katulu Rusul.
\v 34 Lakin Pharisee isim tou Gamaliel, mualim ta namus, al nas kulu kan gi ihtaramu, wogif fok wa wodi awamir kede shilu rusul bara le zaman besit,
\v 35 Baad dak huwo kelimu le umon, Shab ta Israel, kutu takum bala kwes le haja al intum der amulu ma nas de.
\v 36 Ashan gubal ayam del, Theudas zahir bi gul huwo zol mohim, wa adad ze urbumiya nafar, dumu le huwo. Kan katulu huwo, wa nas kulu al kan bi tii huwo fertek wa ma amulu haja al umon khatitu.
\v 37 Baad zol de, Yahuza al min Galileya zahir fi ayamat ta teidad al sukan, wa juru baad min nas wara huwo. Huwo bardu mutu, wa nas al kan bi tii huwo fertek.
\v 38 Hasa Ana bi kelimu le intum, wasa takum min nas de wa sibu takum umon barau, iza kan de khuta ta insan bi sagit.
\v 39 Lakin kan de min Allah, intum bi ja ligo intum gi sakil ma Allah." Umon iktene.
\v 40 Baa dak umon nadi Rusul juwa wa jeledu umon wa amiru umon kede ma wonusu be isim ta Yesua, wa sibu umon ruwa.
\v 41 Umon tala min mejles farhanin inu hasibu umon mustehik ashan bi ligo taab fi isim ta Yesua.
\v 42 Wa umon kan bi istemir kulu yom, fi Kenisa, bet le bet, umon kan be istimrar bi derisu wa beshiru be Yesua al Mesih.
\c 6
\cl As-hah 6
\p
\v 1 Hasa fi ayamat de, zaman adad ta talamis kan gi zidu, sokuwa ja min Yunanin al Yahudin did Ibraniyin, ashan aramil tomon kan gi zulumu fi touzi ta akil ta kulu yom.
\v 2 Rusul al itnashar nadi kulu talamiz al tanin del wa gal, "Huwo ma kwes ashan nina bi sibu besiru kelima ta Allah ashan nina bi amulu kidima ta akil.
\v 3 Ashan kida iktar takum saba nas min nus takum, nas al indu suma kwes, maliyan be Roho wa Hikma, al nina bi agder kutu umon fi shokol de.
\v 4 Kan le nina, NIna daiman bi istemir fi salawat, dirasa wa besiru risala ta Yesua."
\v 5 Kalam tomon ajibu jamahir kulu. Umon iktar Stephen, zol al maliyan be iman wa be Roho al Kudus, wa Philip, Prochorus, Nicanor, Timon, Parmenas, wa Nicolaus al ja min Antiock.
\v 6 Mominin jibu nas al sabah de gidam ta rusul, umon seli wa kutu iden tomon fi ras tomon.
\p
\v 7 Kalam ta Allah bada waza fi kulu mahalat, wa adad ta talamis fi Urshelim zidu ketir, wa adad kebir min Khahana biga indum taa fi iman.
\p
\v 8 Hasa Stephen, maliyan be neima wa guwa, kan bi amulu ajaib wa mujizat ketir fi nus ta nas.
\v 9 Lakin baad min nas al tabiin le majma al gi nadi majma ta Ahrar, min al Gairawanin wa al Iskandarin, wa tanin min Kilikiya wa Asia. Nas de kan gi nakish ma Stephen.
\v 10 Lakin umon kan ma agder ashan wogif did Hikma wa Roho al kan Stephen gi wonusu be huwo.
\v 11 Baad dak umon wodi roshuwa le nas tanin ashan bi gul, "Nina asuma Stephen gi wonusu kelimat ta batal did Musa wa did Allah."
\v 12 Umon limu nas, shiyuk, wa kataba, wa umon gobudu Stephen wa jibu huwo gidam ta mejles.
\v 13 Umon jibu shuhudin al kadabin, al gal, "Zol de ma sibu wonusu kelimat did mahalat al mukadas wa namus.
\v 14 Nina asuma huwo gi kelimu inu Yesua al Nasiri de bi demiru mahal de wa bi geiru tagalit al Musa istelimu le nina."
\v 15 Ai zol al kan fi mejles kan gi aiynu huwo shedid wa aiynu wusa tou ze wusa ta malaika.
\c 7
\cl As-hah 7
\p
\v 1 Reis ta khahana kelimu," Hal hajat del sah?"
\v 2 Stephen gal, "Akwana wa abuhat, asuma takum le ana: Allah ta mejid zahir le abu ta nina Ibrahim zaman huwo fi Mesopotamia, gubal huwo ma ruwa fi Haran,
\v 3 Huwo kelimu le Ibrahim, 'sibu beled taki wa ahal taki, ruwa le beled al ana bi wori le inta.'
\p
\v 4 Baad dak huwo sibu beled ta kaldanin wa ruwa geni fi Haran; min hinak, baad abu tou mutu, Allah jibu huwo le mahal de, ali intum bi geni fogo hasa.
\v 5 Huwo ma wodi ai wirasa le huwo, hata ma kan kifaya ashan bi kutu kura tou fogo. Lakin huwo waadu- hata lisa kan Ibrahim ma indu jena - inu huwo bi wodi ard ze melkia le huwo wa le jil ta tou baad huwo.
\v 6 Allah kan gi wonusu zede le uwo, gali ajial tou bi ish awel fi zaman guser fi beled al ma tomon, wa gali nas ta nas beled dak bi kutu umon ze abeed wa bi amulu umon batal le fetra ta urbumia sena.
\v 7 Lakin Ana bi hukumu doula dak al umon gi kadimu,' Allah kelimu, ' wa baad dak umon bi ja wa abidu ana fi mahal de.
\v 8 Baad dak Allah wodi le Ibrahim tifigiya ta tuhur, yala Ibrahim biga ja kun abu ta Ishak wa tahiru huwo baad tamania ayam; Ishak biga abu ta Yagub, wa Yagub yau abu ta itnasar judud.
\p
\v 9 Leanu iyal ta Yakub al kubar biga asudin ma Yusif, umon biyu Yusif le Masirin; lakin Allah kan ma huwo
\v 10 wa ankisu huwo min masakil kulu. Huwo wodi le Yusif neima wa hikma fi gidam ta Faraon, melik ta Masir, al aiyno huwo hakim le Masir wa le bet tou kulu.
\p
\v 11 Inak kan ja jiyan fi Masir wa Canaan kulu, wa taab kebir, wa abuhat tanina ma bi agder ligo akil.
\v 12 Lakin zaman Yakub asuma gali fi dura fi Masir, huwo rasulu abuhat tanina le awel momoria tomon. Fi
\v 13 momoria tomon nimra itin Yusif wori nefsa tou le akwana tou, wa usra ta Yusif biga maruf le Faraon.
\v 14 Yusif rasulu akwana tou wara wa kede wori le abu tou Yakub ashan bi ja le Masir, ma kulu usra tou, adad tomon kulu kan kamsa wa sebein.
\v 15 Yakub biga ruwa le Masir, wa huwo mat, huwo wa abuhat tanina.
\v 16 Arfau umon le Shekhim wa dofunu fi turuba al Ibrahim kan istera ma taman min fida min awulad ta Hamor fi Shekhem.
\p
\v 17 Zema zaman ta waad wosulu, waad al Allah amulu le Ibrahim, Umon weledu wa biga ketir fi Masir,
\v 18 lahadi melik tani ja fi Masir, melik al ma bi arufu Yusif.
\v 19 Huwo kabasu nas ta nina wa amulu abuhat ta nina batal, Huwo asuru abuhat tanina ashan bi zahiru iyal tomon al sukerin ashan bi katulu.
\p
\v 20 Fi zaman dak Musa kan weledu; huwo kan giafa kalis gidam ta Allah wa kan radau le fetra ta talata sahar fi bet ta abu tou.
\v 21 Wokit kan kutu huwo bara min bet, biniya ta Faraon gum shilu huwo wa rabau ze jena tou.
\v 22 Musa kan biga mut-alim fi kulu hikma ta Masirin, wa huwo kan azim fi kelimat wa sokolat tou.
\p
\v 23 Lakin zaman huwo kan biga arbein sena fi umur, huwo fekir ashan zuru akwana tou, al iyal ta Israel.
\v 24 Zaman huwo aiynu wahid min Israeli bi amulu batal, Musa difa huwo wa katulu zol al Masiri:
\v 25 huwo fekir gali akwana tou bi fahim gali Allah yau gi saidu huwo ashan bi ankisu umon, lakin umon ma agder fahim.
\v 26 Fi yom tani huwo aiynu itnin min shabab tou gi sakil, huwo hawil ashan bi wogifu umon min sakila, huwo gal, ya nas, intum akwana; malu intum gi awugu nefsa takum?'
\p
\v 27 Lakin wahid al kan awugu aku tou shedid de lizu huwo, wa gal, ' Munu yau kutu inta reis wa gadi ta nina?
\v 28 Inta kaman der katulu ana, ze ma umbari inta katulu zol al Masiri?
\v 29 Musa jere baad ma huwo asuma kalam de; huwo biga ajnabi fi beled ta Midian, inak huwo biga abu ta itiniin awulad.
\p
\v 30 Baad ma arbein sena, faat malaika zahir le huwo fi beriya ta Jebel Sinaa, fi lahab ta nar fi ges.
\v 31 Zaman Musa aiynu nar de, huwo istagarab le haja al huwo aiynu de; wa ze ma huwo ja gerib ashan bi aiynu, Huwo asuma sot ta Rabuna, gal,
\v 32 Ana Allah ta abuhat taki, Allah ta Ibrahim, wa ta Ishak, wa ta Yakub.' Musa kafu wa ma bi agder aiynu fogo tanimara.
\p
\v 33 Rabana kelimu le huwo, ' Agila gisma bara min kurein taki, leanu mahal al inta bi wogif fogo de mukadas.
\v 34 Hagiga ana aiynu tab ta nas tai al fi Masir; Ana asuma kore tomon, wa ana ja tehet ashan ankisu umon; hasa taal, Ana bi rasulu inta le Masir.'
\p
\v 35 Musa al umon aba de, zaman umon kelimu, ' munu yau kutu inta reis wa gadi?'- huwo yau al Allah rasulu ze reis wa zol al bi hariru umon. Allah rasulu huwo tehet musulia ta malaika al zahir le Musa fi gaba.
\v 36 Musa tala umon bara min Masir, baad amulu mojizat wa alamat fi Masir wa Bahar al ahmar, wa fi al beriya fetera ta arbein sena.
\p
\v 37 De nefsu Musa al kelimu le shab ta Israel,' Allah bi goumu nebi min nus akwana takum, nebi ze ana.'
\v 38 De yau zol al kan fi ijtima fi beriya ma malaika al kan wonusu ma huwo fok Jebel Sina. De yau zol al kan ma abuhat ta nina; de yau zol al akudu kelimat al hai al wodi le nina.
\p
\v 39 De yau zol al abuhat ta nina aba ashan bi tii huwo; umon lizu uwo bara min nefsa tomon, wa fi geliba tomon umon gilibu wara le Masir.
\v 40 Fi zaman dak umon kelimu le Haron, 'Salau le nina rabana al bi gedimu nina. Ze le Musa de, uwo al tala nina bara min al ard ta Masir, nina ma bi arufu sunu al hasal le huwo.'
\v 41 Umon salau sanam min sura ta bagar fi ayam dak wa jibu zebiha le sanam de, wa biga farhanin ashan sokol ta iden tomon.
\v 42 Lakin Allah gilibu wa wodi umon le ibada ta nujum fi sama, ze ma moktub fi kitab ta ambia, ' Hal intum gedimu le ana haiwan wa zebiha le arbein sena fi al beriya, ya bet Israel?
\q
\v 43 Intum rudu kem ta Molech wa ta nijma ta rabana Rephan, wa suwar al intum salau ashan bi abidu umon: wa Ana bi arfa intum bara lahadi Babilon.'
\p
\v 44 Abuhat ta nina indu kem ta shuhuda fi sahara, bes ze Allah amiru zaman huwo wonusu le Musa, gali huwo bi sala sura al huwo kan aiynu de.
\v 45 Baad dak, abuhat ta nina, tehet musulia ta Joshua akudu kem de wa jibu ma umon zaman umon silu ze momtalakat tomon Allah silu ardi de min doula al tala umon bara wusa ta abuhat ta nina. Kem akir fi ardi dak lahadi zaman ta Daud,
\v 46 wa huwo ligo rahma fi ena ta Allah, wa huwo asalu iza uwo bi ligo mahal ta geni le bet ta Yakub.
\v 47 Lakin Siliman yau kan abinu bet le Allah.
\p
\v 48 Hata wo lo, Allah al aali ma bi geni fi biyut al salau ma idenat ta nas, ze ambia kelimu,
\q
\v 49 Samawat yau kursi tai, wa Ard yau mahal ta kutu kura tai. Yatu shikil ta bet intum bi abinu le Ana? Rabana yau kelimu, au yatu mahal yau le raha tai?
\q
\v 50 Iden tai ma yau sala hajat de kulu?
\p
\v 51 Intum nas al arianin wa al ma tahiru fi geliba wa adanat, intum daiman bi kowimo Roho Al Kudus; intum gi amulu ze abuhat takum gi amulu.
\v 52 De yatu al ambiya al abuhat takum ma taabu? Umon katulu ambiya al ja gubal Yesua; wa intum hasa biga tala ashan bi selimu wa bi katulu huwo kaman,
\v 53 intum nas al akudu ganun al malaikat kan asisu, lakin intum ma hafisu".
\p
\v 54 Zaman ada ta mejles asuma kalam de, gulub tomon kan karabu, wa umon biga bi adi sunun tomon le Stephen.
\v 55 Lakin huwo, kan maliyan be Roho Al Kudus, aiynu fok le samah wa aiynu mejid ta Allah; wa huwo aiynu Yesua wagif fi ida yemin ta Allah.
\v 56 Stephen gal," Sufu, ana aiynu samah fata, wa Ibin Insan wagif fi ida yemin ta Allah."
\p
\v 57 Baad de ada ta mejles gum gofulu adanat tomon, wa bada kore be sot shedid, umon jere le huwo.
\v 58 Umon gum juru huwo bara min medina wa bada durubu huwo be hujar, Shahidin de agila gumasat tomon ta bara wa kutu fi kura ta zol al shab isim tou Saul.
\p
\v 59 Ze ma umon kan gi durubu Stephen, huwo kan gi nadi Rabana wa gal, "Rabana Yesua, akudu roho tai."
\v 60 Huwo dengir tehet wa kore be sot fok, "Rabana, mata hasibu katiya de did umon." Zaman huwo kelimu zede, huwo waga meit.
\c 8
\cl As-hah 8
\p
\v 1 Saul kan fi itfak fi mutu tou. Fi yom dak itihad bada did kenisa al kan fi Urselim; wa muminin kan kulu setetu hawuli manatik ta Yahudia wa Samaria, ile al rusul.
\v 2 Nas al mukerisin dofunu Stephen wa kore be huzun sedid le huwo.
\v 3 Lakin Saul hawil ashan bi demiru kenisa; Huwo gi ruwa min bet le bet wa bi gobudu rijal wa nuswan al amin fi Yesua, wa dakalu umon fi sijin.
\p
\v 4 Lakin lisa muminin al biga musetetin de ruwa gidam ma besiru kelima.
\v 5 Philip ruwa tehet le medina ta Samaria wa besiru le umon al Mesih.
\v 6 Adad kebir min nas kan gi balak tomon shedid fi kalam al Philip gi wonusu; Umon gi asuma be geliba wahid, wa umon alamat al huwo gi amulu.
\v 7 Aruwah al batal tala min nas kutar al kan moskunin, bi kore be sot fok, wa kutar al shalalu wa abukerengat ligo ilaj.
\v 8 Biga fi farah shedid fi medina dak.
\p
\v 9 Lakin kan fi zol tani fi medina isim tou Samaan, Bediri huwo kan amulu sokol sihiri; huwo kutu nas al fi Samaria gi istagarab, gi mesil gali huwo zol mohim.
\v 10 Kulu Samarien, min al suker le al kebir gi kutu balak le huwo; umon gal, "Zol de yau guwa azim ta Allah."
\v 11 Umon gi asuma le huwo, ashan huwo kutu umon Istagrab fi wokit towil be sihiri tou de.
\v 12 Lakin zaman umon amin le Philip ze huwo gi besiru kabar al kwes an molokut ta Allah wa be isim ta Yesua al Mesih, amidu umon kan, rujal wa nusuwan.
\v 13 Hata Samaan be nefsu amin, wa baad ma amidu huwo, huwo istemir geni ma Philip. Huwo kan istagarab zaman huwo aiynu alamat wa azaim gi hasil,.
\p
\v 14 Zaman rusul asuma gali nas ta Samaria istagbil kalam ta Allah, umon rasulu Butrus umon, Yuhana le umon.
\v 15 Zaman umon wosulu hinak, umon seli le umon, ashan umon bi akudu Roho al Kudus.
\v 16 lahadi wokit dak, Roho al kudus ma ja le ai wahid min umon; Amidu umon bes fi isim ta Rabana Yesua.
\v 17 Baad dak Butrus wa Yuhana kutu iden tomon fi ras tomon, wa umon akudu Roho al Kudus.
\v 18 Zaman Samaan aiynu gali Roho al Kudus kan gi wodi be wasat kutu iden ta rosul', huwo wodi le umon gurus.
\v 19 Huwo gal, "Wodi le ana guwa de, kaman, ashan ai zol ana kutu iden le huwo bi akudu Roho al Kudus."
\p
\v 20 Lakin Butrus kelimu le huwo, "kede fida taki mutu ma inta, ashan inta gi fekir gali hadiya ta Allah bi ligo ma gurus.
\v 21 Inta ma indu jusu au nisba fi hajat de, leanu gelba taki ma adil ma Allah.
\v 22 Ashan kida tub min sokol sar al inta indu, wa seli le Rabuna, ashan huwo amkin bi afi inta min kalam inta gi fekir de.
\v 23 Leanu ana gi aiynu inta maliyan be sim ta marara wa fi rubat ta katiya."
\p
\v 24 Samaan juwabu wa gali, "Seli le Rabuna min ajili ana, ashan kede ai haja al inta kelimu de kede ma hasil le ana."
\p
\v 25 Zaman umon kalas wori kalam Rabuna Rabana, Butrus wa Yuhana raja le Urselim, wa gi besiru injil le bilad ketir ta Samarien.
\p
\v 26 Zaman malaika ta Rabuna wonusu le Philip wa gal, "gum wa ruwa le tija ta junub le sika al gi ruwa tehet min Urselim le Gaza."(Sika de fi sahara.(
\v 27 Huwo gam wa ruwa. Hinak, kan fi rojul Habasi, kebir fi sulta wa sakal tehet Kandaka, melka ta Ethiopia. Huwo kan mosul le kulu malia ta Melka. Huwo kan ja le Urselim le ibada.
\v 28 Huwo kan gi rija wa gi geni fi ras karlo tou, wa kan gi agara min kitab ta nebi Asaiah.
\p
\v 29 Roho kelimu le Philip, "Ruwa wa geni gerib le karlo."
\p
\v 30 Philip biga jere le huwo, wa asuma huwo bi agara min sifir ta Asaiah al nebi, wa gal," Inta sei gi fahim haja al inta bi agara de?"
\p
\v 31 Baad dak huwo gal, "Ana bi fahim kef, kan mafi zol bi wori le ana?" Huwo rahibu Philip ashan bi arkab fok wa geni ma huwo.
\p
\v 32 Aya al Kan rojul al Habasi gi agara yau zede, "Shilu huwo ze koruf al gi ruwa dabau, Ze koruf al jazar gi gatau shuf tou wa huwo gi askut. ma gi fata kasuma tou.
\q
\v 33 Fi kalam batal al amulu le uwo, huwo ma bi ligo adala. Munu yau bi agder wonusu an ajial tou? Leanu haya tou kan silu min al ard".
\p
\v 34 Rojul al Habasi asalu Philip, wa gal, "Ana bi asalu inta, munu yau al nebi bi wonusu anu, nefsa tou, wele wahid tani?"
\v 35 Philip bada wonusu, wa bada be aya al huwo agara de, huwo beshiru le zol kabar kwes an Yesua.
\v 36 Ze ma umon gi douru fi sika, umon ja fi mahal fogo moyo wa al zol kelimu, "Aiynu, fi moyo hina. Sunu bi abusu ana ashan ma bi amidu?"
\v 37 
\v 38 Yala rojul al Habasi de wogifu karlo. Philip wa zol de ruwa juwa moyo, wa Philip amidu huwo.
\v 39 Zaman umon tala bara min moyo, Roho ta Rabuna shalu Philip. wa al zol de ma aiynu huwo tani mara, lakin huwo istemir be mamoria tou farahan.
\v 40 Lakin Philip ruwa zahir fi mahal isim tou Azotus wa huwo ruwa be wasat ikilim dak, gi besiru injil le kulu mudun lahadi huwo ja le Caesarea.
\c 9
\cl As-hah 9
\p
\v 1 Lakin Saul, lisa gi wonusu kalam ta tahadid hata ta katulu did talamis ta Rabuna, Huwo ruwa le reis ta khahana
\v 2 wa asalu juwab min majama fi Damascus, ashan kan huwo ligo ai rajil wele mara al bi tabi dirasa ta Yesua, uwo bi jibu umon morbutin le urselim.
\v 3 Ze ma huwo kan gi safir, haja hasil zaman huwo biga gerib le Damascus, fajaatan nur wala hawuli huwo min samah;
\v 4 wa huwo waga tehet wa asuma sot gi kelimu le huwo, "Saul, Saul, le inta gi taabu ana?"
\v 5 Saul juwabu, "Inta munu, ya Said?" Rabuna juwabu, "Ana Yesua al inta gi taabu;
\v 6 lakin gum, dakalu fi juwa medina, wa bi wori le inta haja inta bi amulu".
\v 7 Nas al kan safir ma Saul wogif bidun kalam, umon asuma sot, lakin ma aiynu ai wahid.
\v 8 Saul gam min al wata, wa zaman huwo fata uyun tou, huwo ma bi agder aiynu haja; umon biga amsuku ida tou wa jibu huwo le Damascus.
\v 9 Huwo geni le fetra ta talata ayam ma gi aiynu, wa huwo ma akulu wele asrubu moyo.
\p
\v 10 Kan fii telmiz fi Damascus isim tou Ananias. Rabuna kelimu le huwo fi royia, "Ananias!" Huwo gal, "Aiynu, Rabuna, Ana yau."
\p
\v 11 Rabuna kelimu le huwo, "Gum, wa ruwa le sika al isim tou Adil, wa fi bet ta Yahuza asalu le zol min Tarsis isim tou Saul, huwo gi seli.
\v 12 Huwo aiynu fi royia zol isim tou Ananias gi dakalu juwa wa gi kutu idenat tou fi ras tou, ashan huwo bi agder aiynu tani mara."
\p
\v 13 Lakin Ananias juwabu, "Rabuna, Ana asuma min nas ketir an zol de, godur sunu huwo amulu batal le nas taki al kudusin fi Urselim.
\v 14 Reis ta khahana wodi le huwo sulta ashan bi gobudu ai wahid hina al gi nadi isim taki."
\p
\v 15 Lakin Rabuna kelimu le huwo, "Ruwa, huwo biga zol al ana iktar le nefsi, ashan bi silu isim tai gidam ta Umamien wa muluk wa le iyal ta Israel;
\v 16 Ana gi ruwa wori le huwo godur sunu huwo bi taab le sabab ta isim tai."
\p
\v 17 Anania bada ruwa, wa dakalu fi bet al Saul fogo. Huwo kutu iden tou fi ras ta Saul, huwo kelimu," Akui Saul, Rabuna Yesua, al zahir le inta fi sika zaman inta kan gi ja, yau rasulu ana ashan uyun taki bi fata wa inta bi kun maliyan be Roho al Kudus."
\v 18 Tuwali haja tani ze gisir ta samaga waga min uyun ta Saul, wa huwo biga gi aiynu; huwo gam wa amidu huwo;
\v 19 wa huwo akulu wa kan ligo guwa. Huwo geni ma talamiz fi Damascus le ayam ketir.
\v 20 Tuwali zaman dak huwo bada besiru an Yesua fi al majama, bi kelimu gali Yesua Ibin Allah.
\v 21 Kulu nas al asuma huwo kan mustagrabin wa gal, "De yau ma zol al demiru delin al fi Urselim al gi nadi isim ta Yesua? Huwo ja hina ashan bi silu umon masajin le rais ta khahana."
\v 22 Lakin Saul kan tala gowi wa gowi, wa uwo kan biga sabab dakit fi nus ta yahud al gi geni fi Damascus ma isbatat inu Yesua yau al Mesih.
\p
\v 23 Baad ayam ketir, yahudin katitu sawa ashan katulu huwo.
\v 24 Lakin kuta tomon kan biga maruf le Saul. Umon ragibu buwaba nahar wa bilel ashan bi katulu huwo.
\v 25 Lakin talamiz tou silu huwo bilel fi gufa wa nezilu huwo tehet be wasat heta,
\p
\v 26 Zaman uwo ja le Urselim, Saul hawil ashan bi dum le talamiz, lakin umon kan kulu gi kafu min huwo, ma bi sedek gali huwo biga telemiz.
\v 27 Lakin Barnabas silu huwo wa jibu huwo le rosul, wa huwo wori le umon kef Saul aiynu Rabuna fi sika wa kaman kef Rabuna wonusu le huwo, wa kef fi Damascus Saul kan wonusu be suja fi isim ta Yesua.
\v 28 Huwo kan ma umon ze umon kan gi ja wa gi tala bara min Urselim. Huwo wonusu be suja fi isim ta Rabuna Yesua
\v 29 wa nakis ma al Yunanien al Yahudien; lakin umon hawil ashan bi katulu huwo.
\v 30 Zaman al akwana arufu zede, umon jibu huwo le Caesarea wa rasulu huwo le Tersus.
\p
\v 31-32 Yala min hina, kenisa fi Yahudia kulu, Galileya, wa Samaria kan indu salam wa kan gi zidu; wa, biga douru fi kafu ta Rabana wa fi taazia ta Roho al Kudus, kenisa bada raba fi adad. Ze ma kan kida, Butrus ruwa hawil al mantika kulu, huwo ja lahadi kaman le muminien al gi geni fi medina ta Lydda.
\v 33 Huwo ligo hinak zol tani isim tou Aeneas, huwo kan ragit fi serir tamania senawat, huwo kan indu shalal.
\v 34 Butrus kelimu le huwo, "Aeneas, Yesua al Mesih aliju inta. Gum fok wa lifu biris taki," wa tawali huwo gam fok.
\v 35 Ai wahid al bi ish fi Lydda wa fi Sharon aiynu zol de wa umon amin fi Rabuna.
\p
\v 36 Kan fii telemiz tani fi Joppa isim tou Tabitha, (al mana tou " Dorcas"). Mara de kan maliyan ma amail al kwes wa amail ta rahma al hiya amulu le nas al masakin.
\v 37 Kan hasil fi ayam dak hiya biga ayan wa mutu; zaman umon beredu hiya, umon noumu hiya fi gurfa al fok.
\v 38 Zema Lydda kan gerib ma Joppa, wa talamiz kan asuma gali Butrus kan hinak, umon rasulu itnin nas le huwo, ashan asalu huwo, "Taal le nina umon bidun taakir."
\v 39 Butrus gam wa ruwa ma umon. Zaman huwo wosulu, umon silu huwo le oda al fok, wa kulu al aramil wagifin wa gi kore, gi wori le huwo gumasat al kan Dorcas kayitu zaman hiya kan ma umon.
\v 40 Butrus tala umon kulu bara min al oda, huwo dengir tehet, wa seli; baad dak, huwo agilibu le jusa, huwo gal, "Tabitha, gum." Yala hiya fata uyun, wa aiynu Butrus hiya gam fok.
\v 41 Butrus biga midu le iden tou le hiya wa arfa hiya fok; wa zaman huwo nadi muminin wa aramil, huwo gedimu hiya hai le umon.
\v 42 Kalam biga de maruf hawuli kulu Joppa, wa nas ketir amin fi Rabuna.
\v 43 Biga hasal kan Butrus geni ayam ketir fi Joppa ma zol isim tou Samaan, al dabak.
\c 10
\cl As-hah 10
\p
\v 1 Kan fii zol fi medina ta Caesarea isim tou Cornelius, al dabit fi ketiba miya al tabi le jes ta
\v 2 Italia. Huwo kan zol amin, wahid al gi abidu Allah ma kulu usra tou; huwo gi wodi gurus ketir le delin al masakin, wa huwo gi seli be istimrar le Allah.
\v 3 Kan ze sa tisa ta nahar, huwo aiynu rouya malaika ta Allah gi ja le huwo. Malaika kelimu le huwo," Cornelius!"
\v 4 huwo aiynu le malaika wa kan kafu wa gal, "De sunu, ya said?" Malaika kelimu le huwo, "Salawat taki wa hadayat taki ruwa fok ze tekdim ta zekira fi gidam ta Allah.
\v 5 Hasa rasulu nas le medina ta Joppa ashan jibu zol isim tou Samaan al gi nadi Butrus.
\v 6 Huwo gi geni le al dabak isim tou Samaan, al bet tou fi taraf bahar."
\p
\v 7 Zaman malaika al wonusu ma huwo ruwa, Cornelius nadi itniin min kudam ta bet tou, wa asakir al kwesin min wasat ta delin al gi khadimu huwo.
\v 8 Cornelius wori le umon kulu haja al hasil wa rasulu umon le Joppa.
\p
\v 9 fii yom al tani fi sa sita, ze ma umon fi mamoria wa biga kan gerib le medina, Butrus ruwa fi oda fok ashan bi seli.
\v 10 Huwo biga jiyan wa kan der haja al bi akulu, lakin wokit lisa kan gi rakabu akil, kan wodi le huwo rouya,
\v 11 wa huwo aiynu samah fata wa haja tani ze milaya kebir nezilu tehet le al ard, nezilu tehet fi arba tijahat tou.
\v 12 Fogo kan kulu sikil ta haiwanat al indu arba kura wa hajat al gi dowuru be dus fi al ard, wa tiyur al fi samah.
\v 13 Baad dak sot wonusu le huwo: "Gum, ya Butrus, katulu wa akulu.
\p
\v 14 "Lakin Butrus kelimu, "La kida, Rabana; ana ma bi akulu ai haja al ma nedif wa nigis."
\p
\v 15 Lakin sot kelimu le huwo tani mara: " Haja al Allah kalas nedifu, mata nadi gali huwo nigis."
\v 16 De hasil talata marat; Baad dak milaya al fogo mokulugat de kan tuwali arfau bara min huwo le samah.
\p
\v 17 Zaman ras ta Buturus lisa mulakbat ashan deir arufu rouya al huwo aiynu de mana tou sunu tuwali, nas al Cornelius rasulu de wosulu wogifin gidam al bab, baad umon asalu teriga al umon bi ruwa le bet ta Samaan.
\v 18 Umon nadi wa asalu kan sei Samaan, al kaman isim tou Butrus, gi geni hinak.
\p
\v 19 Ze ma Butrus kan lisa bi fekir an rouya de, Roho kelimu le huwo, "Fii, talata nas gi fetisu inta.
\v 20 Gum wa nezil tehet wa ruwa ma umon. Mata aba ashan bi ruwa ma umon, ashan Ana yau rasulu umon."
\p
\v 21 Butrus biga gam nezil tehet le nas del wa gal, "Ana yau zol al intum gi fetisu de. Lee intum ja hina?"
\p
\v 22 Umon kelimu, "Dabit isim tou Cornelius, Zol al al bar wa al gi kafu Allah, wa kulu nas ta Yahudiin gi wonusu an kwes tou, Malaika wori le huwo kede rasulu nina le inta ashan inta bi ja fi bet tou, ashan huwo bi asuma risala min inta."
\v 23 Butrus bada rahibu umon fi juwa ashan bi geni ma huwo. Fi sabah al tani huwo gum fok wa ruwa ma umon, ma baad min akwana min Joppa gedimu huwo.
\v 24 Fi yom al tani umon ja le Caesarea. Cornelius kan gi istena umon; huwo kan nadi usra tou wa zumala al gerib ma huwo sawa.
\v 25 Zaman Buturus dakalu bet de, Cornelius gabilu huwo wa dengir be rukba ashan bi abidu huwo.
\v 26 Lakin Butrus gobudu huwo seri wa arfa huwo fok, Huwo gal, "wogif fok! Ana insan ze inta."
\p
\v 27 Wokit Butrus kan gi wonusu ma huwo, huwo dakalu juwa wa ligo nas ketir limu sawa.
\v 28 Huwo kelimu le umon, "Intum be nefsa takum arufu gali ma ganuni le insan Yahudi ashan bi indu ilaka ma au zuru ajnabi. Lakin Allah kan wori le ana gali kede ma kelimu gali zol de nijis au waskan.
\v 29 De yau sabab ana ja bidun nengneng, zaman rasulu ana le huwo. Kede ana asalu inta lee inta nadi ana?."
\p
\v 30 Cornelus kelimu, "Arba ayam al fat fi zaman zede, Ana kan gi seli fi sah tisa fi bet tai; wa aiynu, zol wagif gidam tai labis gumas al gi lama.
\v 31 Huwo kelimu, ' Cornelius, salawat taki kalas asmau ma Rabana, wa hadayat taki le al masakin kan zekiru Allah an ita.
\v 32 Kede inta rasulu zol tani le Joppa, wa nadi zol le inta isim Samaan al gi nadi Butrus. Huwo gi geni fi bed ta dabak isim tou Samaan, be gadi le bahar.'
\v 33 Tuwali Ana rasulu nas le inta. Inta amin wa ja. Hasa baad dak, nina yau kulu hina mojudin fi gidam ta Allah, ashan bi asuma ai haja al kan wori le inta ma Rabuna ashan inta bi wori le nina
\p
\v 34 Baad dak Butrus fata kasuma tou wa gal, "Hagiga, Ana arufu gali Allah ma le tija ta zol wahid( unsuria).
\v 35 Lakin, fi kulu uma ai wahid al gi abidu wa gi amulu amail al bir huwo mokbul le huwo.
\v 36 Intum arufu risala al huwo rasulu le nas ta Israel, zaman huwo alinu kabar al kwes an salam be wasat Yesua al Mesih, huwo yau Rabuna ta kulu -
\v 37 intum be nefsa takum arufu ahadas al kan hasil, al kan hasil hawuli kulu Yahudiya, bada fi Galileya, baad mamudiya ta Yuhana al mamadan alinu; al
\v 38 ahadas an Yesua al Nasiri, kef Allah masau huwo ma Roho al Kudus wa ma guwa. Huwo kan gi amulu haja kwes wa gi aliju kulu delin al kan asuru ma ibilis, leanu Allah kan ma huwo.
\v 39 Nina yau shuhudin ta kulu hajat al Yesua amulu,
\v 40 kan fi beled ta al Yahudin wa fi Urselim. Umon katulu huwo be selibu huwo fok al selib,
\v 41 lakin Allah goumu huwo fok fi yom nimra talata wa sibu huwo ashan bi aiynu, ma be nas kulu, lakin le shuhudin al kan iktaru min bediri ma Allah _ ma nina al akulu wa asrab ma huwo baad huwo gam min bein al amuat del.
\v 42 Huwo amiru nina ashan bi besiru le nas wa alinu gali de yau al wahid al kan iktaru ma Allah ashan bi kun Gadi ta delin al hayi wa al meitin.
\v 43 De yau le huwo al kulu al ambiya kan gi sahidu, ashan kida ai wahid al bi amin fi huwo bi ligo gufran le katiyat be wasat isim tou."
\p
\v 44 Wokit Butrus kan lisa gi wonusu hajat del, al Roho Kudus nazal fogo kulu delin al kan gi asuma le risala tou.
\v 45 Al nas al tabein le mojumu ta al mutahirin - kulu ta delin al ja ma Butrus _ kan istagarab, ashan al hadiya ta al Roha al Kudus kan kubu kaman le al umamien.
\v 46 Umon asuma Umamien del gi wonusu ma lugaat tani wa gi sabihu Allah. Baad dak Butrus juwabu, "
\v 47 Fi wahid bi abusu moyo min nas del ashan kede umon ma bi amidu, nas del al kaman akudu al Roho al Kudus ze nina kaman?"
\v 48 Yala huwo amiru umon ashan kede amidu fi al isim ta Yesua al Mesih. Baad dak umon asalu huwo kede geni ma umon le ayam ketir.
\c 11
\cl As-hah 11
\p
\v 1 Hasa rusul wa Ikwana al kan fi Yahudia asuma inu Umamin bardu ligu kalam ta Allah.
\v 2 Zaman Butrus ja lahadi fi Urselim, delin al tabien le mujumua ta nas al mutaharin aridu huwo;
\v 3 umon kelimu, "Inta gi itamal ma nas al ma mutaharin wa bi akulu ma umon!"
\v 4 Lakin Butrus bada sharihu le umon kalam de be tafasil; huwo kelimu,
\v 5 Ana kan gi seli fi medina ta Joppa, Ana aiynu ruweiya haja bi nezil tehet, ze milaya bi nezilu tehet min samawat be arkan tou al aruba. Huwo nezil le ana.
\v 6 Ana aiynu huwo kues. Ana aiynu haiwanat ta ard, wuhush, haiwanat al bi douru be batna, wa tiyur ta samah.
\v 7 Ana asuma sot wonusu le ana, "Gum fok, ya Butrus; daba wa akulu!"
\p
\v 8 Ana kelimu, "Ma kida, ya Rabuna; leanu mafi haja al nejis au ma mukadus dakalu juwa kasma tai."
\p
\v 9 Lakin sot Juwabu tani min samah, "Haja al Allah tahiru ma nejisu inta."
\v 10 Kalam de hasil talata marat, baaa dak ai haja rijau fok le samah tani.
\p
\v 11 Talata nas kan gi wogif fi gidam bet al nina kan fogo; rasulu umon le ana min Caesarea.
\v 12 Roho wori le ana kede ruwa ma umon, wa ana kede ma amulu tefriga be kusus umon. Akwana al sita de ruwa ma ana, nina ruwa fi bet ta zol.
\v 13 Huwo wori le nina kef huwo aiynu malaika be wogif fi bet tou wa kelim, "Rasulu nas le Joppa kede jibu Samaan al be nadi Butrus.
\v 14 Huwo be wonusu le inta kabara al inta bi ligo kulasa be wasat tou- inta ma nas ta bet taki."
\v 15 Ze ana huwo bada wonusu le umon, Roho al Kudus nezil le umon, ze ma kan nezil le nina fi bidaya.
\v 16 Ana zekiru kelimat ta Rabuna, kef huwo wonusu, "Yuhana amidu be moyo; lakin bi amidu intum be Roho al Kudus."
\v 17 Kan Allah wodi le umon nefsa hadiya ze ma huwo wodi le nina zaman nina amin fi Rabuna Yesua al Mesih, Ana kan munu ashan bi aridu Allah?"
\p
\v 18 Zaman umon asuma kalamat de, umon ma juwabu ai haja, lakin umon mejidu Allah wa wonusu, "Allah wodi tuba le Umamin kaman."
\p
\v 19 Delin al kan shetetu be kalam ta itihadat al bada be mutu ta Stephen kan shetetu beit le Phoenicia, Cyprus, wa Antiok, lakin umon wori risala an Yesua le Yahud.
\v 20 Lakin baad min umon, rujal min Cyprus wa Cyrene, ja le Antiok wa wonusu bardu le Greeks, be wori le umon kabara al kwes an Yesua al Mesih.
\v 21 Ida ta Allah kan ma umon; adad kebir amin wa ja le Rabuna.
\v 22 Kabar an umon wosulu fi Kenisa fi Urselim, wa umon rasulu Baranabas baid fi Antiok.
\v 23 Zaman huwo ja aiynu hadiya ta Allah, huwo kan murtah; wa huwo farhan wa shejau umon kulu kede fadulu fi Rabuna ma geliba tomon kulu.
\v 24 Leanu huwo kan zol kwes wa maliyan be Roho al Kudus wa iman, wa nas ketir kan dumu le Rabuna.
\v 25 Barnabas ruwa bara le Tarsus ashan bi fetisu Saul.
\v 26 Zaman huwo ligo Saul, huwo jibu huwo le Antiok. Le fetera ta sena kamil umon limu sawa fi Kenisa wa derisu nas kerir. Talamiz kan nadi Mesihin awel fi Antiok.
\p
\v 27 Fi ayamat de fi Ambiya ja min Urselim le Antiok.
\v 28 Wahid min umon, isim tou Agabus, wogif fok wa wori be Roho inu maja al saab be ja hasil fi wata kulu. Kalam de hasil fi zaman ta Claudius.
\v 29 Yala talamis, ai zol al agder, kariru ashan bi rasulu musada le akwana fi Yahudia.
\v 30 Umon amulu kalam de; umon rasulu gurus le shiyuk be wasat ta Barnabas wa Saul.
\c 12
\cl As-hah 12
\p
\v 1 Wa fi zaman dak Melik Hirodos midu iden tou le baad min nas min Kenisa ashan huwo bi azibu umon.
\v 2 Huwo katulu Yakub aku ta Yuhana be sef.
\v 3 Zaman huwo aiynu kalam de sibu Yahudiin tala farhan, huwo gubudu Butrus kaman. De kan fi ayam ta al fatir.
\v 4 Baad ma huwo gobudu huwo, huwo kutu huwo fi sijin, wa wodi le huwo arba jama ta jesh ashan bi harisu huwo; huwo kan indu niya ashan be gedimu butrus le shab baad Paska.
\v 5 Kan Butrus bi harisu fi sijin, wa delin al fi Kenisa kan gi seli le Allah be lajaja.
\v 6 Fi bilel gubal ma Herodos ma ruwa ashan bi jibu Butrus le gediya Butrus kan naim bein itnin asakir, morbut be itnin janazir, ligo huras al fi gidam bab kan gi harisu sijin.
\v 7 Faja malaika ta Rabuna zahir le huwo, wa nur wala fi juwa sijin. Huwo dugu Butrus be jamba wa touru huwo wa kelimu, "Gum fok guam," wa janazir fiku min iden tou.
\v 8 Malaika kelimu le huwo, Libisu gumas wa shiship taki." Butrus amulu nefsa haja. Malaika kelimu le huwo "Libisu gumas taki ta kati gisim wa douru wara tai.
\v 9 Butrus ruwa wara ta Malaika wa tala bara. Huwo ma arufu inu haja al amulu ma Malaika kan hagiga. Huwo fekir huwo kan gi aiynu rouya.
\v 10 Zaman umon mururu min haras nimra wahid wa itnin, umon ja le bab ta hadid al bi ruwa le medina; bab de fata le umon barau. Umon tala bara wa nezil fi sika, wa malaika sibu huwo tuwali.
\v 11 Zaman Butrus kalas arufu haja al hasil, huwo wonusu, "Hasa ana arufu hagiga inu Rabuna rasulu malaika tou wa hariru ana min ida ta Herodus, wa min ai haja al Yahud kan gi itwaka."
\v 12 Wokit huwo lahisu kalam de, huwo ruwa fi bet ta Mariam uma ta Yuhana, al bardu isim tou Markos, mahal al nas ketir limu wa bi seli.
\v 13 Zaman huwo dugu bab, biniya al kadam isim tou Roda ja ashan bi juwabu.
\v 14 Zaman hiya arufu de sot ta Butrus, min farah hiya nesitu fata bab; hiya jere dakalu juwa oda; wa wori inu Butrus bi wogif fi kasma bab.
\v 15 Umon kelimu le hiya, "Ras taki ma kwes." Lakin hiya asuru gali kalam de sah. Umon kelimu, "De malaika tou."
\v 16 Butrus istemir gi dugu bab, wa zaman umon fata bab, umon aiynu huwo wa umon kan mustagrabin.
\v 17 Butrus ashiru le umun be iden tou kede umon askut, wa huwo wori le umon kef Rabuna tala huwo bara min sijin. Huwo kelimu, "wori takum kalamat de le Yakub wa bagi akwana. "Baad kida huwo ruwa le mahal tani.
\v 18 Zaman wata biga nahar, kan fi idrab kebir fi nus ta asakir be kalam ta haja al hasil le Butrus.
\v 19 Baad ma Herodus fetisu huwo wa ma agder ligo huwo, huwo asalu huras wa wodi awamir inu kede katulu umon. Baad kida huwo ruwa min Yahudiya le Caesarea wa geni hinak.
\v 20 Herodus biga zalan min nas ta Tyre wa Sidon. Umon ruwa le huwo sawa. Umon agna Blastus, Musaid ta melik, ashan bi saidu umon. Yala umon asalu salam, ashan beled tomon bi ligo akil tomon min beled ta melik.
\v 21 Wa fi yom al kan kutu Herodus libisu gumas malabis ta mulkia wa geni fi kursi ta melik; wa wonusu le umon.
\v 22 Shab bada kore kore, "De sot ta illah, ma ta insan!
\v 23 Tuwali malaika ta Rabuna durubu huwo, ashan huwo ma wodi mejid le Allah; akulu huwo be dud wa huwo mutu.
\p
\v 24 Lakin kelima ta Allah raba wa zidu.
\p
\v 25 Zaman Barnabas wa Saul timu irsaliya tomon, umon rija min Urselim, jibu ma umon Yuhana, al isim tou Markos.
\c 13
\cl As-hah 13
\p
\v 1 Kan fi Kenisa al fii Antiock, kan fii mualimin wa imbiya. Umon kan Barnaba, Samaan (al bi nadi huwo Nijer), Lucius al Hairawani, Manaen(aku ta Herodus reis ta rubu al raba ma huwo), wa Saul.
\v 2 Zaman umon kan bi abudu Rabuna wa bi sum, Roho al Kudus kelimu, "Tala takum le ana Barnabas ma Saul, ashan bi amulu shukul al Ana nadi umon fogo."
\v 3 Baad ma umon sum, seli, wa wodi iden fi ras ta nas de, umon rasulu umon bara.
\p
\v 4 Barnabas wa Saul tii Roho al Kudus wa le Selucia; min hinak umon gata bahar le jezira ta Cyrus.
\v 5 Wokit umon kan fi medina ta Salamis, umon beshiru kelima ta Allah fi Majma ta Yahud. Umon bardu kan indu Yuhana Markos ze musaid.
\v 6 Zaman umon mururu be Jezira kulu le Paphos, umon ligo zol ta sihiri tani, Nebi Yahudi kadab, al isim tou kan Bar Yesu.
\v 7 Sahir de kan bi ishtakal ma wali Sergius Bulus, zol al negit. Zol de nadi Barnabas ma Saul, ashan huwo der asuma kalam ta Allah.
\v 8 Lakin Elymas al sihiri (de yau mana ta isim tou) aridu umon; huwo hawil ashan bi gairu wali min iman.
\v 9 Lakin Saul, al bi nadi Bulus, mala be Roho al Kudus, wa aiynu le huwo shedid.
\v 10 Wa wonusu, "Inta jena ta Iblis, inta maliyan be kulu shikil ta shar wa kabasa. Inta adu ta kulu bir. Inta ma bi wogif karabu sika ta Rabuna al adil?
\v 11 Hasa aiynu, Rabuna bi wodi le inta ikhab, wa inta bi kun amiyan. Inta ma bi aiynu shemis le fetera. "Tuwali duluma wa dabab waga fogo huwo; huwo bada douru bi fetisu zol al bi agder gubudu ida wa bi wori le huwo sika.
\v 12 Zaman wali aiynu haja al hasil, huwo amin, leanu huwo kan mustagrab be talim and Rabuna.
\p
\v 13 Bulus ma Sabihat tou ja be Safina min Paphos le Perga fi Pamphylia. Lakin Yuhana sibu umon wa rija fi Urselim.
\v 14 Bulus ma Sabihat tou safir min Perga wa ja le Antiock Pisidia. wa umon dakalu fi Majima fi yom sebit wa geni tehet.
\v 15 Baad giria ta Namus wa Ambiya, Khadad ta Majma rasulu le umon risala bi wonusu, "Ya akwana iza kan indakum ai Kelima ta teshji le nas hini, wonusu takum."
\v 16 Bulus wogif fok wa midu iden tou: Intum shab ta Israel al gi kafu Allah, asuma takum.
\v 17 Allah ta Shab ta Israel iktar abuhat ta nina wa sibu nas geni fi beled ta guruba fi Masir, wa bi ida al gowi huwo tala umon bara min fogo.
\v 18 Le fetera ta Arbein sena huwo kan bi subur ma umon fi sahara.
\v 19 Baad ma huwo demiru saba fi beled ta Canaan huwo wodi beled tomon le nas ta nina wirasa.
\v 20 Hajat de kulu hasil fi fetera ta Urbumia wa kamsin sena. Baad hajat de kulu, Allah wodi le umon Guda lahadi Samuel al Nebi.
\v 21 Baad dak nas asalu kede kutu le umon Melik, Allah wodi le umon Saul jena ta Kish, zol min bab ta Benyamin, le fetera ta arbein sena.
\v 22 Baad ma Allah tala huwo min Mamlaka, huwo arfa Daud kede kun melik tomon. wa de kan an Daud Allah kelimu, Ana ligo Daud Ibin Jesse ashan bikun zol ana yau azilu, al gi amulu kulu haja al ana deiru huwo bi amulu.'
\v 23 Min Iyal ta Zol de Allah jibu le Israel Mukalis, Yesua, ze ma huwo wadu bi amulu.
\v 24 De bada hasil gubal Yesua ma ja, Yuhana beshiru awel be mamudia ta tuba le kulu shab ta israel.
\v 25 Ze Yuhana bi kalasu shokol tou, huwo kelimu, ' Intum bi fekir ana munu? Ana ma yau huwo. Lakin asuma takum, de al bi ja wara tai, al Ana ma mustahik ashan bi fiku habil ta gizima tou.'
\v 26 Akwana, Iyal ta nesili ta Ibrahim, ma delin al fi nus takum al bi abudu Allah, de le nina risala ta kulasa rsulu le nina.
\v 27 Leanu delin al bi geni fi Urselim, wa ruasa tomon, ma arufu huwo, wa umon nefizu nubuwat ta ambiya al bi agarau kulu yom Sebit be wasat hukum tomon le huwo.
\v 28 Hata umon ma ligu sabab ta katulu tou, umon asalu Bilatus kede katulu huwo.
\v 29 Zaman umon timu amulu ai haja al moktub an huwo, umon nezilu huwo min ras kashab wa kutu huwo fi turuba.
\v 30 Lakin Allah goumu huwo min amuwat.
\v 31 huwo zahir ayam ketir le delin al ja ma huwo min Galileya le Urselim. Nas de hasa yau shuhud ta tou le shab.
\v 32 Nina gi wori le intum kabara al kwes an haja waad al Allah wodi le abuhat ta nina
\v 33 Huwo tamimu le nina, iyal tomon, huwo jibu Yesua. Ze moktub fi Muzmur al tani: 'Inta Jena tai, alela ana biga abu taki.'
\p
\v 34 Hagiga inu huwo goumu huwo min mutu ashan jisim tou ma bi ligu fasad, Allah wonusu be teriga de: 'Ana bi wodi le inta waad ta Daud al mukadas wa akid.'
\p
\v 35 De sabab al huwo kaman wonusu fi muzmur tani, 'Inta ma bi sibu zol wahid taki al kudus bi karabu. fi turuba'
\p
\v 36 Leanu Daud zaman amulu kiuma tou hasab niya ta Allah fi jil tou, huwo mutu; w dofunu huwo ma abuhat tou wa jisim tou karabu.
\v 37 Lakin de al Allah goumu huwo ma karabu.
\v 38 Ashan kida kede kalam de kun maruf le intum, ya akwana, inu be wasat zol de beshiru le intum an gufran ta kataya. Ganun ta Musa ma bi kutu inta adil
\v 39 Lakin be wasat zol de Allah kutu ai zol al amin adil.
\v 40 Kele intum kun harisin ashan hajad al anbiya wonusu anu ma bi hasil le intum:
\q
\v 41 Kutu takum bala, intum al gi alisu, wa istagrab takum wa baad kida mutu takum; ashan ana bi amulu haja fi ayam takum, Haja al intum ma sedek, hata ka fi zol alinu le intum,.'"
\p
\v 42 Ze Bulus ma Barnaba ruwa, nas asadu umon inu kede umon bi wonusu nefsa kalam tani mara fi yom sebit al jai.
\v 43 Zaman ijtima ta mejeles al Shiyuk intahah, ketir min Yahud wa nas al ja min bara al bi abudu Rabana ruwa wara ta Bulus wa Barnabas, al wonusu le umon wa asadu umon kede istemir fi naima ta Allah.
\p
\v 44 Fi yom sebit al badu, medina kulu tegriben limu sawa ashan bi asuma kalam ta Rabuna.
\v 45 Zaman Yahudin aiynu nas a; limu de umon mala ma gira wa wonusu did kalam al wonusu be Bulus wa sitimu huwo.
\v 46 Lakin Bulus ma Barnabas wonusu be shuja wa kelimu, "Huwo kan dururi ashan kalam ta Allah bi wonusu le intum awel. Lakin Ana aiynu intum lizu bait min intum wa intum aiynu badun takum ma mustahegin le haya al abadia, yau de nina be ruwa le umam.
\v 47 Leanu Rabuna wusi nina, kelimu 'Ana kutu intum ze nur le Umam, ashan intum bi jibu kulasa le akir ta wata.'"
\p
\v 48 Ze nas Umam bi asuma kalam de, umon kan farhanin wa sabihu Rabuna. Ze ketirin hazilu le haya al abadia amin.
\v 49 Wa kalam ta Rabuna kan inteshir le bilad kulu.
\v 50 Lakin Yahudin hariku nusuwan al mukarasin ma nusuwan al muhimin, sawa ma rujal ta medina. Kalam de jibu itihadat did Bulus ma Barnaba wa umon jada umon bara min hudud ta medina.
\v 51 Lakin Bulus ma Barnabas nufudu gubar min kurenat tomon safa umon. Wa umon ruwa medina ta Iconium.
\v 52 Wa talamis kan maliyan be Farah wa be Roho al Kudus.
\c 14
\cl As-hah 14
\p
\v 1 Wa hasil fi Iconium Bulus ma Barnabas dakalu fi majma ta Yahud wa wonusu be teriga al nas kutar min Yahudiin wa Greek amin.
\v 2 Lakin Yahudiin al kan ma bi tii gam fok fi nus ta Umamiin wa sibu umon zalanin did akwana tomon al amin.
\v 3 Umon geni hinak le fetera towil, bi wonusu be shuja be guwa ta Rabuna, wokit huwo bi wodi isbatat an risala tou. Huwo wori be ajaib wa mujizat al hasil be wasat ta Bulus wa barnabas.
\v 4 Lakin adad kebir ta medina gesimu: tanin wogif safa ta Yahudiin, wa tanin safa ta rusul.
\v 5 Zaman Yahudiin wa Umamiin hawil ashan bi agna Kiadin tomon ashan bi taabu wa durubu nas Bulus ma Barnabas,
\v 6 Umon arufa kalam de wa tefes le mudun ta Lycaonain: Lystra wa Derbe, wa mahalat al be taraf tomon,
\v 7 Wa umon kan gi beshir Injil hinak.
\p
\v 8 Fi Lystra fi zol gi geni, ma indu guwa kureinat tou ma bi douru, mushlul min batna ta uma tou, ma douru ta kulu kulu.
\v 9 Zol de asuma Bulus bi wonusu. Bulus rekiz ena tou fogo zol de wa arufu inu huwo indu iman al be kutu huwo tala kwes.
\v 10 Tuwali huwo wonusu le huwo be sot fok, "Wogif fok be kura taki." Tuwali zol nutu fok wa bada douru.
\p
\v 11 Zaman nas al kutar aiynu haja al Bulus amulu, umon arfa sot tomon, wa kelimu be rutan Lycaonia, "rabuna nezil le nina fi shikil ta insan."
\v 12 Umon nadi Barnabas "Zeus," wa Bulus, Hermes," ashan huwo yau kan negit fi kalam.
\v 13 Abuna ta Zeus, al haikal tomon fi bara medina, jibu teran wa akalil fi bab; huwo ma nas al kutar deir ashan bi gedimu zebiha.
\v 14 Lakin zaman Bulus wa Barnabas asuma kalam de, umon seretu gumasat tomon wa ruwa seri le jumhur, bi kore be sot fok
\v 15 Ya nas lee intum bi amulu hajat de? Nina bardu nas, ze intum. nina gi jibu le intum kabara al kwes, ashan intum bi sibu hajat al batal de ashan bikun le Allah al hai, al kalagu samawat wa al ard wa bahar wa kulu hajat al fi fogo.
\v 16 Fi sinin al wara, huwo sibu nas kulu bi ruwa hasab sikat tomon.
\v 17 Lakin lisa, huwo ma sibu nefsa tou bedun shahid, fi kalam de kulu, huwo bi amulu kwes bi wodi le intum matara min samah wa zaman ta kuruju al akil bi tala fogo ketir, wa bi mala gulub takum be akil wa farah."
\v 18 Be kelimat de, Bulus ma Barnaba agder sibu umon ma gedimu zabiha le umon.
\p
\v 19 Lakin Yahudiin tanin ja min Antiock wa Iconium ja wa agna nas al limu de. Umon durubu Bulus wa juru huwo bara min medina, umon fekir gali huwo mutu.
\v 20 Wa ze talamiz kan gi wogif hawuli huwo, huwo gam fok wa dakalu juwa medina. Fi yom nimra itnin, huwo ruwa le derbe ma Barnabas.
\v 21 Baad ma umon beshiru injil fi medina dak wa telmizu talamiz ketir, umon rija le lystra, le Iconium, wa le Antiock.
\v 22 Umon istemir gowi nefus ta talamiz wa sheja umon kede fadulu fi iman, wonusu, "Nina lazim be dakalu Molokut ta Allah be wasat taab ketir."
\v 23 Zaman umon aiynu le umon shiyuk fi kulu Kenisa, wa seli be siyam, umon selimu umon fi iden ta Rabuna, al umon amin fogo.
\v 24 Umon mururu be Pisidia wa ja le Pamphylia.
\v 25 Zaman umon beshiru injil fi Perga, umon ruwa le Attalia.
\v 26 Min hinak umon arkab sefina le Antiok, hinak umon wodi nefsa tomon le naima ta Allah le shokol al umon amulu.
\v 27 Zaman umon wosulu fi Antiock wa nadi Kenisa sawa, umon wori hajat kulu al Allah amulu le umon, wa kef huwo fata bab ta iman le Umamiin.
\v 28 Umon geni le fetera towil ma talamiz.
\c 15
\cl As-hah 15
\p
\v 1 Baad min nas ja min Yahudia le Antakia wa weri le akwana, wunuso, "Ita ma bi ligu kulasa Ile kan taharu ita be hasab ganoon ta Musa."
\v 2 Kalam de kutu Bulus wa Barnaba nakishu ma humon kalis. Iktaru Bulus wa Barnaba ma baad min nas min nus tomon ashan bi ruwa le Urshelim ashan bi gabilu ma marasula wa shiuk be kusus kalam de.
\v 3 Yala Kenisa Rasulu humon, humon mururu be Finigia wa Samira bi kabaru humon inu humon gairu geliba. humon jibu farah kebir le kulu ikewa.
\v 4 Zaman humon ja fi Urshelim, Rahibu humon be Kenisa wa rusul wa shiuk, wa humon weri kulu hajat al Allah amulu ma humon.
\v 5 Lakin baad min nas al amin, al tabi le mujumua ta Ferissin, wogif fok wa kelim, "Uwu dururi ashan be taharu nas de wa amiru humon kede tabigu ganoon ta Musa.
\v 6 Marasulat wa shiuk limu sawa ashan be fekir fi kalam de.
\p
\v 7 Baad nikash tawil, Butrus wogif fok wa wunuso le humon, "Akwana, intum arufu kwes fi ayamat wara Allah iktar min nus takum, inu be wasat kasma tai umamin bi asuma kelima ta injil, wa bi amin.
\v 8 Allah al arufu geliba, bi shahidu le humon, wedi le humon Roho al Kudus, ze ma huwo amulu ma a nina;
\v 9 Wa uwu ma maizu bainu anina ma humon, nadifu gulub tomon be iman.
\v 10 Hasa le intum bi jeribu Allah, intum der kutu tegila fi ragabta ta talamiz tegila al ma anina wele abuhat ta nina agder arufa?
\v 11 Lakin anina gi amin bi kalisu anina be wasat ta naima ta Rabana Yesua, ze ma humon kan."
\p
\v 12 Jumhaur kulu kan gi skout ligu humon bi asuma le Barnaba ma Bulus bi weri Mujizat wa ajaib al Allah amulu fi nus ta Umam be wasat tomon.
\v 13 Baat ma humon askout, Yakub jouabu, wa kelim, Akwana, asuma takum ana.
\v 14 Samaan weri kef Allah awel be naima zuru Umam ashan bi shilu min humon nas le isim tuo.
\v 15 Kelimat ta anbiya tifagu be kalam de, ze muktub,
\q
\v 16 'Baad hajat de Ana bi rija, wa ana bi abinu kaima ta Daoud al waga de tani mara; Ana bi abinu wa bi rija uwu tani,
\q2
\v 17 ashan bagi nas al fadulu bi nadi Rabana, kulu nas Umam al nadi be isim tai.'
\q
\v 18 de haja al Rabana bi kelim, al amulu hajat de al arufu min ayamat ta bediri.
\p
\v 19 Ashan kida, rai tai yau ze de, kede anina ma tabanu delin al min Umam al ja le Allah.
\v 20 Lakin anina bi katibu le humon inu humon lazim be kun beit min najasat ta asnam, min zina, wa min laham ta haiwanat al kanagu, wa min dom.
\v 21 Lanu Musa kan bi beshiru fi ayi medina min zaman ta judud wa huwu gi beshiru fi majma kulu yom sebit."
\p
\v 22 Yala rusul wa shiuk, ma Kenisa kulu ayinu huwo kwes ashan bi Yahuza al isim tuo Barnaba, ma Silas, al humon kan giadin ta Kenisa, wa bi rasulu humon le Antakia ma Bulus wa Barnaba.
\p
\v 23 humon katibu kida: "Min rusul w shiuk, akwana takum, le Ikewa Umam fi Antakia, wa Kilikia: Salam le intum!
\pi
\v 24 Anina asuma inu fi baad min rujal ruwa min anina, bidun izin min anina, wa shuwishu intum be talim al karabu nufus takum.
\v 25 Haja al hasil, anina kulu tifagu ashan bi iktar rujal wa bi rasulu humon le intum sawa ma mahbubin ta nina Barnaba wa bulus,
\v 26 rujal al wedi haya tumon fi katar le ajili isim ta Rabuna ta nina Yesua al Mesih.
\v 27 Ashan kida inna bi rasulu Yahuza wa Silas, al bi weri le intum nefsa haja be nufus tumon be kelimat tumon.
\v 28 Ashan uwu bi bainu kues le Roho al Kudus wa le anina, ashan ma bi wedi le intum tegila aktar min hajat al dururi:
\v 29 inu kede intum abusu badun min hajat al gedimu zebiha le asnam, dom, hajat al kanagu, wa min zina. Kan intum hafisu badun min hajat de, bi kun kwes ma intum. rahalu."
\p
\v 30 Zaman humon biga bi ruwa, umun ja le Antakia; baat ma humon limu jumhur sawa, humon rasulu risala.
\v 31 Wekit humon agarau, humon tala farhanin bi kalam ta teshji.
\v 32 Yahuza wa Sila, bardu ambiya, sheje akuwana be kelimat wa guwi humon.
\v 33 Baat ma humon akudu zaman hinak, rasulu umun bara be salam min ikewa le delin al rasulu humon.
\v 34 Lakin Sila ayinu uwu kues ashan huwo bi fadulu hinak.
\v 35 Lakin Bulus ma Barnaba geni fi Antakia sawa ma tanin ketirin, fi mahal al humon alimu wa beshiru kelima ta Rabana.
\p
\v 36 Baat ayam Bulus kelim le barnaba, "Kele inna rija zuru ikewa fi kulu medina al inna beshiru kelim ta Rabana fugu, wa bi ayinu humon kef."
\v 37 Barnaba der bardu shilu ma humon Yuhanna al bi nadi Murkus.
\v 38 Lakin Bulus fekir ma kues ashan humon bi shilu Murkus, al kan sibu humon fi Bamafilia wa ma ruwa ma humon fi shukul.
\v 39 Nikash shedid hasil bein humon, humon ferigu min badun, wa Barnaba shilu Murkus ma huwo wa arkab sefina le Gubrus.
\v 40 Lakin Bulus iktar Sila wa fat, baad ma ikewa istauda humon be naima t Rabana.
\v 41 huwo mururu be Suriya wa Kilikia, bi gowi Kenisa.
\c 16
\cl As-hah 16
\p
\v 1 Bulus bardu ja le Dirba wa le Listira; wa telmis isim tuo Timosaus kan fi hinak, Jena ta mara Yahudia al amin; abu tuo Yunani.
\v 2 Hwu kan indu shihada kwes min nas al be geni fi Listira wa Igoniya.
\v 3 Bulus der huwo kede safir ma huwo; huwo shilu uwu wa tahar huwo ashan kalam ta Yahud al kan fi fi makanat dak, ashan humon kulu arufu inu abu tuo Yunani.
\v 4 Ze ma humon ruwa be sika ta mudun, humon wedi le Kanies irshadat ashan humon bi tii, irshadat al kan katibu be rusul wa shiuk fi Urshelim.
\v 5 Kanais kan ligu gowa fi iman wa zidu fi adat.
\p
\v 6 Bulus ma nas al bi ruwa ma huwo mururu be safa ta Firijia wa Galatia, baad ma Roho al Kudus abusu humon kede ma beshiru injil fi safa ta Asia.
\v 7 Zamanh humon wusulu gerib ma Misiya, humon hawil ruwa le Bisinia, Lakin Roho ma sibu humon.
\v 8 Hmon mururu be sika ta Misiya, humon ja le medina ta Terwas.
\v 9 Ruwiya zahir le bulus be bilel: rajil min Makadunia kan bi wegif hinak, wa bi nadi, "Taal fi Makadunia wa saidu nina."
\v 10 Zaman Bulus ayinu ruwiya de, tuwali anina jahisu ashan bi ruwa le Makadunia, anina katimu kalam de inu Allah nadi inna ashan bi beshiru injil le humon.
\p
\v 11 Anina arkab sefina min Terwas, Anina ruwa adil le Samosraki, wa fi yom nimra itnin anina ja le Niyabulus.
\v 12 Min hinak anina ruwa le Filibi, al uwu medina ta Makadunia, de medina al Muhim fi mugata ta Roma kuluni, wa anina geni fi medina de ayam ketir.
\p
\v 13 Fi yom Sebit anina ruwa bara be safa ta bahar, mahal al anina fekir bikon fi mahal ta salawat fugu. Anina geni tehit wa wunuso le nusuwan al limu sawa.
\v 14 Fi mara isim tuo Lydia, bi tabiyu arjuwan min Siyatira, uwu bi abudu Allah, huwo asuma le inna. Rabuna fata geliba tuo ashan bi kutu bala le kalam al kan wunuso be Bulus.
\v 15 Wekit amidu huwo ma nas ta bait tuo, huwo asalu min anina, wa wunuso, "Kan intum bi ayinu ana amin le rabana, taal takum wa geni takum fi bait tai." wa huwo agni anina.
\p
\v 16 Wa hasil wekit anina bi ruwa le makan ta salawat, mara al indu roho ta arafa limu ma nina. Huwo bi jibu maksab ketir le said tuo be shukul ta arafa tuo de.
\v 17 Mara de ruwa wara ta Bulus wa anina wa kan bi kure kure, wa bi wunuso, "Rujal de bi akdimu Allah al fuk. Humon beshiru le itakum sika ta kulasa."
\v 18 Huwo amulu haja le fetera ta ayamatketir. Bulus biga zalan kalis min huwo, huwo lefet wa wunuso le roho de, "Ana bi amiru ita bi isim ta Yesua al Messih tala bara min hiya." Wa tuwali uwu tala bara.
\p
\v 19 Zaman said tuo ayinu inu raja tomon ta maksab kalas ruwa, humon gubudu Bulus wa Sila wa juru humon fi suk gidam ta Sulutat.
\v 20 Zaman humon jibu humon le wula, humon kelim, "Rujal del gi balbilu medina ta nina. wa humon Yahudin.
\v 21 Humon bi alinu tagalid al ma ganoni ashan Romaniin bi rudu wa nefisu"
\p
\v 22 Yala jumhur gum did bulus wa Sila; wa Wula sheretu gumasat tumun wa wedi awamir inu kede dugu umun be asayat.
\v 23 Zaman humon dugu humon darbat ketir, dakalu humon fi sigin wa wedi awamir kedi harisu humon kalis.
\v 24 Baat uwu ligu awamir de, zol al bi siginu nas dakalu humon fi sigin al juwa wa dakalu kura tomon fi genzir.
\p
\v 25 Fi nus bilel Bulus wa Sila kan bi seli wa bi guna taranim le Allah, wa bagi masajin tanin bi asuma le humon.
\v 26 Faja kida zal zal shedid hasil, wa asas ta sigin kan bi hizu hizu; wa tuwli abuwab kulu fata, wa genzir ta ayi zol kan fiku.
\v 27 Al sajan gum min num wa ayinu abuwab ta sigin fadi; huwo tala sef tuo wa kan der katulu madun, lanu humon fekir inu masajin del jere.
\p
\v 28 Lakin bulus kure le uwu be sout ali, wa wunuso, "Mata auwugu nefsa taki, lanu anina kulu fi hini."
\p
\v 29 Al sagan de asalu nur wa jere juwa, be kuf shedid, huwo dengir gidam ta Bulus wa Sila,
\v 30 wa jibu humon bara wa kelim, "Ya said, ana bi amulu shunu ashan bi ligu kulasa?
\p
\v 31 Humon kelim, "Amin fi Rabana Yesua wa ita bi ligu kulasa, ita ma nas ta bait taki."
\v 32 Humon wunuso kalam ta Rabana le huwo, saw le kulu zol al fi bait tuo.
\v 33 Baat kida sajan de shilu humon fi nefsu zaman ta bilel, wa kasulu juruh tomon, wa huwo ma delin kulu al fi bait tuo amidu tuwali.
\v 34 Wa ze ma huwo jibu bulus wa Sila fi bait tuo wa wedi akil gidam tomon, huwo tala farhan kalis ma delin al fi bait tuo, al amin fi Allah.
\p
\v 35 Hasa zaman wata biga saba, wula rasulu kabara ma huras, bi kelim, "Fiku rujal de kede ruwa."
\p
\v 36 Al sajan jibu kabara le Bulus, bi kelim, "wula rasulu kabara le ana kede fiku intum: hasatala takum bara, wa ruwa takum be salam.
\p
\v 37 Lakin Bulus kelim le umun, "Humon dugu inna gidam ta nas bidun hukum, wa anina muatini ta Romaniin humon dakalu inna fi sigin Humon hasa der fiku anina be sir? La! kede humon ja be nefus tomon wa fiku anina bara."
\p
\v 38 Haras de weri kabara de le wula, wa zaman humon asuma inu Bulus wa Sila Romanin, humon kan kafu.
\v 39 Wula de ja wa itezir le humon wa fiku humon bara, asalu humon kede ruwa beit min medina.
\v 40 Bulus wa Sila tala min sigin wa ja fi bet ta Lidia. Zaman Bulus wa Sila ayinu ikewa, humon shaja humon wa tala min medina.
\c 17
\cl As-hah 17
\p
\v 1 Zaman humon mururu be mudun Amfibulis wa Apolonia, humon ja fi medina ta tasalonikiya, mahal al kan fugu majma ta Yahud.
\v 2 Bulus dakalu le humon ze tabiya tuo, le fetera ta talat ayamat ta sebit uwu bi akidu le humon min Kutub.
\v 3 Huwo kan bi fata Kutub wa bi wadihu le humon anu lazim kan Al Mesih bi ligu taab wa bi gum min mutu tani mara. Huwo kelim,. "Yesua al ana bi beshiru le intum de uwu yau al Mesih."
\v 4 Baad min Yahud kan igtene wa doum le Bulus wa Sila, sawa ma adat kebir min Yunanin al Mutaabidin, wa adat ma besit min nusuwan al gi gedimu.
\v 5 Lakin Yahud al ma amin, gira gubudu humon, humon shilu rujal ashrar min souk, wa limu sawa, wa amulu muzaharat fi Medina. Humon hujumu bait ta Yason, humon der jibu Bulus wa Sila bara le Nas.
\v 6 Lakin zaman humon ma ligu humon, humon juru Yason wa baad min Ikewa gidam musuolin ta medina, humon bi kure, "Rujal delin al gilibu donia fuk tehet humon ja hini kaman.
\v 7 Rujal del al al Yason rahibu, humon gi isahtakal did garar ta Gaisar; humon kelim anu fi melik tani - Yesua."
\v 8 Jumhur ma Musuolin ta medina bega ma murtahina wekid humon asuama kalam de.
\v 9 Lakin baad ma hukam ta mednia sibu Yason wa bagi nas dafa gurush ze kafala, baad kida humon sibu humon ruwa.
\p
\v 10 Fi nefsu yom dak akwana rasulu Bulus wa Sila le Biriya. Zaman humon wusulu hinak, humon dakalu fi majama ta Yahud.
\v 11 Hasa nas de kan ahsen min delin al fi Tasalanukia, lanu humon ligu kelima be geliba al jahiz, wa bi fata kutub kulu yom ashan bi arufu kan kalam de saa.
\v 12 Ashan kida ketir min humon amin, sawa ma baad min nusuwan ta Yunanin al itasir wa rujal ketir.
\v 13 Lakin zaman Yahud ta Tasaluniki arufu inu Bulus kan kaman bi beshiru kelima ta Allah fi Biriya, humon ruwa hinak wa haiju jumhur.
\v 14 Tuali, ikewa rasulu Bulus kede ruwa le safa bahar, lakin Sila wa Timusaus fadulu hinak.
\v 15 Delin al kan gi gedimu Bulus humon shilu huwo le Asina. Ze ma humon sibu Bulus hinak, huwo weri le humon inu kede Sila wa Timusaus ja le uwu guwam.
\p
\v 16 Hasa wekit Bulus bi istenna humon fi Asina, geliba tuo tala zalan wekid huwo ayinu medina kulu malian be asnam.
\v 17 Huwo nagishu fi majma ma Yahud wa nas tanin al bi abudu Allah, bardu fi suk ma delin al hinalk.
\v 18 Baad min nas ta falsafa al Abigurien wa Rawagien limu ma huwo. Baad min humon kelim, "De shunu de al abu kalam de bi hawil wunuso?" Tanin kelim, "Huwo bi zahir ze zol al bi nadi nas kede ruwa wara rabunat al garib," ashan Bulus kan bi beshiru Yesua wa Giama.
\v 19 Humon shilu Bulus wa jibu huwo le Areus Bagus, wa kelim, "Mum anina bi arufu talim al jedid al ita kan bi wunuso de?
\v 20 Lanu ita bi jibu hajt al garib le adanat ta nina. Ashan kida, anina der arufu hajt de mana tu shunu."
\v 21 (Hasa Asiniin kulu wa ajanib al bi geni hinak ma bi amulu ayi haja be aw bi weri aw bi asuma haja jedid.)
\p
\v 22 Bulus wegif fi nus ta Areus Bagus wa kelim, "intum ya rujal ta Asina, Ana bi ayinu intum nas ta din al saab be ayi teriga.
\v 23 Lanu zaman ana bi mururu wa bi ayinu asnam takum ta ibada, Ana libu sanam be isim de, "Le Ilah mujuhul." Haja al intum bi abudu wa bi jahilu de, yau ana alinu le intum.
\p
\v 24 Allah al kalagu dunia wa kulu haja al fugu, ze ma huwo Rabuna sama wa al ard, huwo ma bi geni fi hayakil al abinu be iddenat.
\v 25 Wele bi kadimu huwo be iddenat ta nas, ze uwu muhtaj le ayi haja, ligu huwo be nefsu yau bi wedi le nas haya wa nefes wa ayi haja tani.
\v 26 Min insan wahid uwu amulu kulu nas ashan bi ish fi ard, wa huwo hadidu mauasim tomon wa hudud ta manatik al humon bi ish fugu.
\v 27 ashan humon bi fetishu Allah, wa humon bi nadi huwo. Ma inu huwo ma bait min ayi wahid min inna.
\v 28 Ashan fugu huwo anina bi ish wa bi harik wa bi ligu haya ta nina, bes ze wahid min shuara takum kelim, 'Lanu anina bardu nesli tuo.'
\p
\v 29 Ashan kida, kan biga anina nesli ta Allah, kede anina ma fekir inu gima ta ta shukul gerib ma Rabana de ze dahab, aw fidda wele hajer- souwar al amulu ma rasamin wa kayalat ta insan.
\v 30 Ashan kida, Allah sibu zaman ta shukul jahala, lakin hasa huwo ammiru nas kulu fi ayi makan ashan bi tub.
\v 31 Ashan huwo Kutu yom al fugu huwo bi hakimu dunia fi bir be wasat rajil al huwo iktar. Allah wedi takid ta zol le ayi zol be wasat guwumu ta tuo min amuwat."
\p
\v 32 Zaman nas ta Asina asuma an giama ta amuwat, tanin alisu Bulus; Lakin tanin kelim, "Inna bi asuma le ita tani an kalam de.
\v 33 Baat kida, Bulus sibu humon.
\v 34 Lakin baat min rujal duom le huwo wa amin, Diunisus al Ariubagi, mara isim tuo Damris, wa nas tanin ma humon.
\c 18
\cl As-hah 18
\p
\v 1 Baat kida Bulus sibu Asina wa ruwa le Korunsus.
\v 2 Hinak huwo limu ma Yahudi isim tuo Akela, min gebila ta Buntus, al ja gerib de min Italia ma mara tuo Biriskila, lanu kuludius wedi awamir inu Yahud kulu kede sibu Romia. Bulus ruwa le humon,
\v 3 wa ashan huwo bi ishtakal nefsa tijara, huwo geni ma humon wa ishtakal, ashan humon kan amulu tijara ta salu kiam.
\v 4 Bulus kan bi wunuso fi majama kulu yom Sebit. Huwo agana Yahud wa Yunanin.
\v 5 Lakin zaman Sila wa Timusaus ja min Makadunia, Bulus kan aganiu ma Roho ashan bi shahidu le Yahud inu Yesua ya al Messih.
\v 6 Wekit Yahudin aridu wa sitimu huwo, Bulus nufudu gumas tuo le humon wa wunuso le humon, "Kede dum takum rija fi ras takum; Ana Beri. Min hasa le gidam ana bi ruwa le Umam."
\v 7 Baat kida huwo tala min hinak wa ruwa fi baet ta Titus Yustus, raji al bi abudu Allah. Baet tuo gerib ma majama.
\v 8 Kirisbus rais ta majama, amin fi Rabana, sawa ma delin al amin fi baet tuo; wa ketirin min Kurunsiin al asuma amin wa amidu humon.
\v 9 Rabuna wunuso le Bulus fi bilel be ruwiya, "Mata kafu, lakin wunuso wa mata askut.
\v 10 Ashan Ana fi ma ita, wa mafi zol bi hawil awugu ita, lanu Ana indu nas ketir fi medina de."
\v 11 Bulus geni hinak le fetera ta Sena wa sitta shuhur, bi derisu kelima ta Rabana.
\p
\v 12 Lakin wekit Galion biga wali ta Akaiiya, Yahud gum fuk sawa did Bulus wa jibu huwu gidam ta hukum;
\v 13 humon kelim, "Zol de bi agne nas kide abudu Allah bara min Namus."
\v 14 Wa zaman Bulus der wunuso, Galion kelim le Yahud, "Intum Yahud, lu hagiga de kan muodu ta haja batal wel jerima, bikon fi sabab ashan Ana bi wunuso ma intum.
\v 15 Lakin madam de asila an kelimat wa asma wa namus takum, kele intum hilu kalam de be nifus takum. Ana ma der kun gadi ta hajat de."
\v 16 Galion turuju humon min kuris ta hukum.
\v 17 Humon kulu gubudu rais ta majama Sustanis, wa dugu huwo gidam ta kuris ta hukum. Lakin Galion ma ihtam be haja al humon amulu.
\p
\v 18 Wa Bulus baat ma huwo geni hinak le ayam ketir, uwu sibu akwana wa arkab sefina le Suriya ma Biriskila wa Akela. Wa guba huwo ma ruwa le Kangaria, uwu haligu ras tuo lanu huwo kan wedi halifa.
\v 19 Zaman humon ja le Afasus, Bulus sibu Akela wa Biriskila Hinak, lakin huwo ma nefsa tuo ruwa fi majama wa nagishu ma Yahud.
\v 20 Wekit humon asalu Bulus kede geni ma humon zaman tuwil, huwo ma rudu.
\v 21 Lakin huwo wadiu humon, uwu kelim, "Ana bi rija le intum tani kan de irada ta Allah." Baat kida uwu arkab sefina min Afasus.
\p
\v 22 Zaman Bulus wusulu fi Gaisaria huwo ruwa selimu Kenisa ta Urshelim wa baat kida huwo ruwa le Antakia.
\v 23 Baad ma uwu geni zaman hinak, Bulus tala wa ruwa safa ta Galatia wa Ferijia wa shaja rusul.
\p
\v 24 Hasa si Yahudi tani isim tuo Abulus min Iskandaria be melad, huwo ja le Afasus. Huwo kan negit fi kalam wa indu kibira fi kalam ta Rabana.
\v 25 Abulus kan sukun fi Roho bi derisu dirasat ta Rabana be dikha, wa bi wunuso hajat al bi kus Yesua, Lakin humon bes arufu mamudia ta Yuhanna.
\v 26 Abulus bada wunuso be sout fi majama. Lakin zaman Akela wa Biriskila asuam huwo, humon juru taraf wa wadihu le huwo teriig ta Allah be dikha.
\v 27 Wa ligu huwo kan indu niya ashan bi mururu be safa ta AKhaiiya, akwana sheja huwo wa katibu lw Talamis fi Akhaiiya kede rahibu uwu. Wekit uwu wusulu, huwo saidu ketir be naima delin al amin.
\v 28 Lanu Abulus kan bi fahimu Yahud be gowa wa gidam nas, bi sabitu min kitab inu Yesua yau al Mesih.
\c 19
\cl As-hah 19
\p
\v 1 Wa hasil inu zaman Abulus kan fi Kurunsus, Bulus baat ma mururu be safa ta manatig al fuk, huwo ja le medina ta Afasus w, wa ligu talamis hinak.
\v 2 Bulus asalu humon, "Hal intum akudu Roho al Kudus wekit intum amin? Humon wunuso le uwu, "Lala, anina zatu ma asuma an Roho al akudus."
\p
\v 3 Bulus asalu, "Taib amidu itakum be shunu? Humon kelim, "Be mamudia ta Yuhana."
\p
\v 4 Bulu juabu, Yuhana Amidu be mamudia ta tuba. Huwo weri le nas inu kede humon amin fi de al bi ja baad huwo, de yau Yesua."
\v 5 Zaman nas asuma, amidu humon fi isim Rabana Yesua.
\v 6 Wa zaman Bulus wedi idda tuo fugu humon, Roho al Kudus nezil fugu humon wa humon wunuso alsina wa itnaba.
\v 7 Wa adad tomon bi wusulu itinashar rujal.
\p
\v 8 Bulu ruwa fi majama wa kan bi wunuso le fetera ta talata shuhur, wa bi agna humon an mulukut ta Allah.
\v 9 Lakin wekit baat min Yahud gowi geliba ma der asuma, humon bada wunuso sher an gidan ta jumhur. Bulus sibu humon wa shilu talamis min huwo, bi derisu humon kulu yom fi mederesa ta zol isim tuo Tiranus.
\v 10 Istemir le fetera ta senaten, laman delin kulu al bi geni fi Asia asuma kalam t Rabana, Yahud wa Yunanin.
\v 11 Allah kan bi amulu hajat azim be wasat ta Bulus,
\v 12 hata mendil tuo al huwo bi nedifu beu kan bi shilu le nas al ayanin wa ayanat tomon bi aliju wa roho al sherir bi tala min humon.
\p
\v 13 Lakin kan fi Yahud nas ta sihir al bi safir be sika ta mentika. Humon bi nadi be isim ta Rabana Yesua ashan humon bilgu gowa fi ras roho al sherir wekit humon wunuso, "Be isim ta Yesua al Bulus bi beshiru beu, Ana bi amiru ita tala bara."
\v 14 Rais ta Kahana al isim tuo kan Sakauwa, eyal tuo al saba de yau kan bi amulu hajat de.
\p
\v 15 roho al sherir juabu humon, "Ana arufu Yesua, wa Bulus ana arufu; lakin intum nas munu?"
\v 16 Al roho al sherir al fi zol de gum wa gilibu nas de wa fugu nas humon. Umun jere min baet dak ariyanin wa muaugin.
\v 17 Kalam de biga maruf le nas kulu, le Yahud wa Yunanin al bi geni fi Afasus. Humon kafu, wa isim ta Rabana Yesua akrimu.
\v 18 Bardu, ketirin min muminin ja wa iterif wa weri hajat al kaab al humon amulu.
\v 19 ketirin al bi amulu sihir jibu kutub tomon sawa wa aragu humon kulu gidam ta nas kulu. Wekit humon iddo tamad ta hajat de, wusulu kamsin alf fida.
\v 20 Wa kalam ta Rabana inteshir be gowa.
\p
\v 21 2Hasa baat Bulus timu kidima tuo fi Afasus, huwo kariru fi Roho tuo ashan bi mururu be Makadunia wa Akaiya fi sika tuo le Urshelim; huwo kelim, "Baat kan ana ruwa hinak, Ana lazim bi ayinu Romia.
\v 22 Bulus rasulu itenin min musaidin tuo le Makadunia, Timusaus wa Arastus, al saidu huwo. Lakin huwo geni fi Asia le fetera.
\p
\v 23 Wa fi zaman dak kan fi muzaharat hasil fi Afasus be kusus teriga tumun.
\v 24 Lanu fi insan isim tuo Dimitrus, al bi amulu hayakil ta fida le artamis, bi jibu le huwo maksab ketir.
\v 25 Huwo limu nas kulu al bi intum arufu inu anina bi ligu gurush ketir min shukul de.
\v 26 Intum ayinu wa asuma, inu ma bes fi Afasus, lakin tegriben Asia kulu, Bulus de beshiru wa gairu nas ketir. Huwo bi wunuso inu rabunat al amulu ma idda ma rabunat.
\v 27 Ma bes inu inak tijara ta anina ma bi rudu, lakin kaman haikal ta ilaha ta anina al kebir Diana bi ayinu ma indu faida. Wa heya bi fagidu shukul kebir tuo, heya al Asia kulu wa alam kulu bi abudu."
\p
\v 28 Wekit humon asuma kalam de, humon kan mala be zalan wa kure, kelim, "Azim huwo Diana (artamis) ta Afasus."
\v 29 Medina kulu mala be teshwish, wa nas jere sawa le mashehad. Humon gubudu sabihat ta Bulus al bi safir ma huwo, Gaius wa Arestus, al ja min Makadunia.
\v 30 Bulis der dakalu fi nus al jumhur ta nas, lakin al talamis abusu huwo.
\v 31 Kaman, juzu ta al muazifin ta al muhafasa ta Asia al kan asdika tou rasulu le uwo risala gi asalu uwo kede ma dakalu le munasa.
\v 32 Juzu min nas kan gi kore wahid haja, wa tanin tani barau, fa al jumhur kan fi toswis. Agalabia minum ma bi aruf le humon kan ja sawa ma bat.
\v 33 Juzu ta al jumhur arsidu Alexander, uwo al Yahudin kan lizu gidam. Kida Alexander hariko ma iden tou, deiru ashan bi gedimu difa le al jemeia.
\v 34 Lakin zaman umon biga aruf gali uwo kan Yahudi, umon kulu kore fok le fetera ta itniin sa-aat ma sort wahid, gi kelim, "Azim yau Artemis ta al Ephesien."
\v 35 Zaman umda al madina kan sakitu al jumhur, huwo kelim, "Intum rujal ta Ephesus, de yatu rajil al ini huwo ma bi aruf gali al medina ta al Ephesien yau gi hafisu haikal ta Artemis al azim wa ta sura al kan waga tehet min samawat?
\v 36 Ayinu takum biga gali hajat del ma bi anguru, intum afrud kede askut wa ma amulu haja be istijal.
\v 37 Fa intum kalas jibu rujal del le mahkama de humon la nyakamu al haikal wele al mujedifin ta rabanat na.
\v 38 Ashan kida, iza Demetrius wa al rujal al nahatin huwo al kan ma huwo indu al tuhuma did ayi wahid, al mahkama moftu wa fi hukam inak. Kede humon isteki badun tomon.
\v 39 Lakin iza takum gi fetisu ayihaja an mowadi tanin, bi hillu badin fi al jemeiat al adi.
\v 40 Huwo hagiga nina kalas biga fi kutura ta tuhuma an yom ta muzahara de. Mafi ayi sabab le adam nizam de, wa nina ma bi agder kelim wadih." Zaman huwo kan kelim zede, huwo ferteku al jemeia.
\c 20
\cl As-hah 20
\p
\v 1 Bat al muzaharat kan kalasu, Bulis rasal le al talamis wa bat uwo seja umon, uwo kelim wada wa rua le safar le Makadonia.
\v 2 Zaman uwo kan musafir abri akalim dak wa kan wonusu kilimat ketir ta tesji le umon, uwo ja le Yunan.
\v 3 Bat uwo kan gedi talata sahar inak, al moamara kan kowunu did uwo ma al Yahudin ze ma uwo kan kalas musafir le Suria, be kida uwo karir le ruju abri Makadonia.
\v 4 Nas al gedimu huwo beid lakadi Asia kan Sopater weled ta Pyrrhus min Berea; Aristarchus wa Secundus, humon kulu mominin min Thessalonica; Gaiua ta Derbe; Timasaus; wa Tychicus wa Trophimus min Asia.
\v 5 Lakin rujal del kan rua gabli nina wa kan ki istena le nina fi Troas.
\v 6 Nina safir bara min Philippi bat al ayam ta Eid al kubs al ma kutu kemira fogo, wa fi kamsa ayam nina ja le humon fi Troas. Inak nina geni saba ayam.
\p
\v 7 Fi awel yom ta al isbu, zaman nina kan limu sawa le kasuru kubs, Bulis wonusu le al muminin. Uwo kan katitu le safar yom al tani, wa kida uwo istemir wonusu lakadi nus lel.
\v 8 Inak kan fi anuwar fi gurfa al fok makan al nina kan limu sawa fogo.
\v 9 Fi al subak kan bi geni al raji sab ismu Eutychas, huwo kan fi num shedid. Ze Bulis kan gi wonusu zaman tuwil, rajil al sab de, lisa gi num, waga tehet min tabik nimra talata wa kan arfau fok biga mutu.
\v 10 Lakin Bulis nezil tehet, midu nefsa tou le huwo, wa amsuku huwo. Biga huwo kelim, "Mata kun geni haznanin aktar kalas, lianu huwo biga haiy."
\v 11 Biga uwo ruwa fok tanimara wa kasuru al raiqif wa akulu. Bat wanasa ma humon fetera towil kalis lakadi gerib sabah, uwo safar.
\v 12 Humon jibu al weled de wara hai wa kan azi humon shedid.
\p
\v 13 Nina be nufusna rua gidam ta Bulis ma sefina wa safir bara le Assos, inak nina katit le silu Bulis fok ma nina. De yau sunu uwo be nefsa tou azu amulu, ashan huwo katit le rua be tehet.
\v 14 Zaman huwo gabiluh nina fi Assos, nina silu huwo fi juwa al sefina wa safir le Mitylene.
\v 15 Biga nina safir min inak wa wosulu fi yom al tani aksi al jezira ta Khios. Yom al badu nina wosulu fi al jezira ta Samos, wa bat yom nina ja le al medina ta Miletus.
\v 16 Fa Bulis kan kariru le safar abri Ephesus, kida gali huwo ma bi silu zaman fi Asia; fa huwo kan mustajil le ashan bekun fi Urshelim le al yom al Kamsin, iza be gudra be kulu mumkin le huwo le amulu kida.
\p
\v 17 Min Mietus huwo rasulu rujal le Ephesus wa ashan bi nadi shiuk ta kenisa le gabilu ma huwo.
\v 18 Zaman humon kan ja le huwo, huwo kelim le humon, "Intum be nefsa takum aruf, min awel yom gali Ana kutu kura fi Asia, kef Ana daiman bi gedi zaman tai ma intum.
\v 19 Ana gi akdim le Rabana ma kulu basata ta fikra wa ma moyo ena, wa fi taab al hasil le ana ashan al muamarat ta al Yahudin.
\v 20 Intum aruf kef Ana ma rija wara min alinu le intum ayi haja al kan kwes, wa kef Ana derisu intum fi gidam nas wa min bet le bet,
\v 21 gi sahidu le kulu Yahudin wa Yunaniin an tauba nahua Allah wa ta iman fi Rabana ta nina Yesua al Mesih.
\v 22 Hasa ainu, Ana gi ruwa le Urshelim, silu ma al Roho, ma aruf sunu bi hasil le ana inak,
\v 23 ile gali al Roho Kudus bi ashad le ana fi ayi medina gali genzir wa ataab gi istena ana.
\v 24 Lakin Ana ma gi gedir haya tai mohim le nefsa tai, iza bes Ana bi agder kalasu al munafasa wa kamilu al kidma al Ana akudu min al Rabana Yesua, le sahidu le al injil ta al naima ta Allah.
\v 25 Hasa ayinu, Ana aruf gali intum kulu, fi nus delin Ana rua hawli be alinu al molokut, ma bi ayinu usa tai tani mara.
\v 26 Ashan kida Ana gi ashad le intum fi yom ta alela, gali Ana berie min al dom ta ayi zol.
\v 27 Fa Ana ma gasir wa akir waramin alinu le intum al kulu irada ta Allah.
\v 28 Ashan kida kelikum harisn an nufustakum, wa an kulu al korufan ta yatu al Roho Kudus kalas amulu intum mosulin. Kelikum harisin le hafisu al kenisa ta Allah, al huwo istaraw ma dom bi tou.
\v 29 Ana aruf gali bat ruwa tai, morofoinat al batalin bi ja fi nus takum wa ma bi arham al korufan.
\v 30 Ana aruf gali min hata fi nus takum juzu min rujal bi ja wa karabu al hag ashan juru bara al talamis wara humon.
\v 31 Be kida keli kum harisin. Zekir gali le fetera ta talata senawat Ana ma wogif derisu kulu wahid min itakum ma moyo ena bilel wa nahar.
\v 32 Hasa Ana sibu intum le Allah wa le al kelima ta neima tou, al bi agder le abinu intum fok wa le wodi intum al worisa wasat kulu delin al kalas biga tahiru.
\v 33 Ana ma indi neya le dahab, fida, au gumasat.
\v 34 Intum be nefsa aruf gali idenat de kadimu ihtiajat ta nefsa tai wa al ihtiajat ta delin al ma ana.
\v 35 Fi kulu hajat Ana wodi misal ta kef intum bi saidu al daiif ma sokol, wa le kef intum bi zekiru al kelimat ta Rabana Yesua, kelimat al huwo be nefsu kelim: 'Barakat ketir fi wodi min al le akudu."
\p
\v 36 Bat huwo kan wonusu be teriga de, huwo raka tehet wa seli ma humon.
\v 37 Inak kan fi kore shedid wa humon hadinu Bulis wa gabilu huwo.
\v 38 Humon kan haznanin ketir be kulu ashan le sunu al uwo kan kelim, gali humon ma bi ayinu usa tou tani mara. Biga humon gedimu huwo le al sefina.
\c 21
\cl As-hah 21
\p
\v 1 Zaman nina kan rua bara min humon wa safar be bahar, nina rua adil tawali le medina ta Kos, wa fi yom atani le medina ta Rhodes, wa min inak le al medina ta Batara.
\v 2 Zaman nina ligo sefina al bi gata tawali le Phoenisia, nina arkab wa safir.
\v 3 Bat nina ayinu Kuburus, nina sibu fi tija ta samal ta murkab, nina safir le gidam le Suria wa nezil fi Tyra, mahal al sefina kan gi fadi sendel tou.
\v 4 Bat nina ligo al talamis, nina geni inak saba yom. Bewasat ta Roh humon istemir asalu Bulis kede ma rua le Urshelim.
\v 5 Zaman ayom tanina inak kan kalasu, nina safar wa rua le mamoria ta nina, wa humon kulu, be nuswan wa iyal tomon, gedimu nina bara al medina. Yela nina raka tehet fi taraf bahar, seli,
\v 6 wa kelim wada le bat ta nina. Yala anina ruwa arkab al sefina, wa humon rija bet.
\p
\v 7 Zaman nina kan kalasu al musuar min Tyra, nina wosulu fi Btolemais. Inak nina selimu al akwana wa geni ma humon le yom wajid.
\v 8 Fi yom atani nina safir wa ruwa le Kaesaria. Nina dakalu fi bed ta Philipos, al mubesir, uwo al kan wahid min al saba, wa nina geni ma uwo.
\v 9 Rajil de indu arba banat fata humon gi itnaba.
\p
\v 10 Ze nina geni inak le ayom besid, inak ja tehet min Yahudia nebi tani ismu Agabus.
\v 11 Huwo ja le nina wa silu gas ta Bulis. Huwo rubutu kurein wa idenat tou wa kelim," Roho al Kufus kelim, ' kida bikun al Yahudin fi Urshelim bi rubutu fok al rajil al indu gas de, wa humon bi istelimu huwo fi iden ta al umamien"
\v 12 Zaman nina asma kalamat de, kulu nina ma al sab al bi geni fi makan dak talabu Bulis kede ma rua le Urshelim.
\p
\v 13 Bulis biga juabu, "De sunu al intum gi amulu, kore wa kasuru gelba tai? Ana kalas jahis, ma bes ashan bi rubutu fok, lakin kaman le mutu fi Urshelim min ajili isim ta Rabana Yesua."
\p
\v 14 Ze Bulis kan ma gi itmana asahan bi agnau, nina wegif hawil wa kelim, "Kede irada ta Rabana yau amulu."
\p
\v 15 Bat ayom dak, nina silu sunat ta nina wa rua le
\v 16 Urshelim. Inak kaman rua ma nina juzu min talamis min Kaesaria. Humon jibu ma humon al rajil ismu Mnason, rajil de kan min Kuburus, al telmis al awel, ma huwo nina bi geni.
\p
\v 17 Zaman nina kan wosulu fi Urshelim, al ikwa rahibu nina be farah.
\v 18 Yom al tani Bulis rua ma nina le Yaguob, wa kulu al shiuk kan mojudin.
\v 19 Zaman uwo kan selimu humon, huwo gum weri wahid wahid hajat al Allah kan amulu fi nus al umamien be wasat kitdima tou.
\v 20-21 Zaman humon asma, humon shukuru Allah, wa humon kelim le uwo, "Ita aiynu, akuwi, kef alaf ketirin la amin fi nus al Yahudin. Humon kulu kaririru le hafisu al seria/ganun. Weri le humon an ita, gail ita yau gi derisu kulu al Yahudin al bi geni fi nus ta al umamien ashan bi sibu ganun ta Musa, wa gali ita weri le humon kede ma tahiru iyal tomon, wa kede ma tabi al adat algedim.
\v 22 Kede nina amulu sunu? Umon hagigatan bi rua asma gali ita ja.
\v 23 Kede ita amulu sunu al nina kelim le ita. Inda na arba rujal humon amulu halifa.
\v 24 Silu rujal del wa nedifu nefsa taki ma humon, wa dafa masurufat tomon le umon, kida gali humon kalas haligu ru-us tomon. Kida ayi wahid bi aruf gali hajat al kan weri le umon an ita de galat. Humon bi aruf gal ita kaman bi ihtaramu ganun.
\v 25 Lakin be kusus al Umamien al kalas amin, nina katabna wa wedi al towojihat gali humon kede hafisu nesfa tomon min hajat al gedimu zebiha le asnam, min dom, min haja al kangu, wa min aklak batal ta zina."
\v 26 Biga Bulis silu al rujal de, wa fi yom al tani, nedifu nefsa tou ma humon, rua le al haikal, alinu fetera le ayom ta tethir, lakadi al tekdima kan gedimu le ayi wahid min humon.
\p
\v 27 Zaman saba ayam kan gerib bi kalasu, juzu Yahudin min Asia, ayinu Bulis fi al haikal, hariku al jamahir kulu, wa arfa idenat le huwo.
\v 28 Humon kan gi korekore," Rujal ta Israil, sa-adu nina. De yau al rajil al gi derisu kulu nas fi ayi makan hajat al did al sab, al ganun, wa makan de. Kaman, huwo kan jibu Yunanien fi jua al haikal wa kan nigisu makan al mukadas de."
\v 29 Lianu humon kan sabikan ayinu Trophimus al min Ephesus ma huwo fi al medina, wa humon fekiru gali k kan Bulis jibu huwo fi jua al haikal.
\v 30 Kulu al medina kan mutuhamisin, wa al sab jere sawa wa hawil gobudu Bulis. Humon juru huwo bara min al haikal, wa al abuab kan tawali gofulu.
\v 31 Ze humon kan gi hawil ashan bi katulu huwo, akbar ja fok le rais al mosul le al huras gali kulu Urshelim kan fi muzaharat.
\v 32 Tawali huwo silu asakir wa kait al mia wa jere le tehet le al jamahir. Zaman al sab ayinu al kait al kebir wa al asakir, humon wogif min dugu Bulis.
\v 33 Biga al kebir ta jes de ja gerib wa amsuku Bulis, wa amiru kede rubutu huwo ma itinin genzir. Biga huwo asalu kan uwo yau munu wa kan huwo amulu sunu.
\v 34 Juzu fi al jamahir kan gi kore haja tani wa tanin hajat tani. Zema zol al kebir ma bi agder weri ayi haja ashan kulu al izaaj, huwo amiru gali kede jibu Bulis fi jua harasa.
\v 35 Zaman huwo ja gerib ma silim, kan arfau wo ma asakir ashan sokol tekeyan ta jumhur.
\v 36 Kan jamahir min al nas gi rua min wara wa gi istemir korekore," Bara ma huwo!"
\p
\v 37 Ze Bulis kan biga bi jibu fi dakil al harasa, huwo kelim le kebir ta jes, "Momkin ana na kelim haja le ita?" Al dabit de kelim, "Ita bi wonusu luga ta Yunan?
\v 38 Yani ita ma biga min al Masirien, humon sabikan mosulin le tomorut wa gedimu al arba alf rujal min al ' Assassins' bara ila sahara?"
\p
\v 39 Bulis kelim," Ana Yahudi, min medina ta Tarsus fi Cilicia. Ana muatin ta medina al mohim. Ana bi asalu ita, asma le ana ashan bi wonusu le al sab."
\p
\v 40 Zaman al dabit kan wedi le uwo izin, Bulis wogif fok fi silim wa hariku iden le al sab. Zaman kan inak fii sukut sedid, huwo wonusu le humon be luga Ibiria. Huwo kelim,
\c 22
\cl As-hah 22
\p
\v 1 Akwana wa abuhat, asma le difa tai al ana hasa gi amulu le intum."
\p
\v 2 Zaman jumhur asma Bulis wonusu le humon fi al luga al Ibiria, humon biga askut. Huwo kelim,
\p
\v 3 " Ana Yahudi, weledu fi Tarsus min Silisia, lakin itialam fi medina de tehet akdam ta Gamaliel. Ana kan derisu hasab turuk al morbut ta al ganun ta abuhat ta anina. Ana gayur le Allah, bes ze kulu intum alela.
\v 4 Ana itahidu Sika de le al mut, robutu wa gedimu humon le sigin min rujal wa nuswan,
\v 5 ze al rais al kahana wa kulu al shiuk bi ashad. Ana akudu juwabat min humon le al akuwana fi Dimask, wa rua jibu humon min inak morbutin wara le Urshelim ashan kede humon ja agibu.
\v 6 Al hasal zaman ana kan musafir wa biga gerib le Dimask, nus nahar sutfa kida nur kebir min sama bada wala hawli ana.
\v 7 Ana waga tehet wa asma al sot gi nadi ana, ' Saul, Saul, le ita gi itahudu ana?'
\p
\v 8 Ana juabu, ' Ita yau munu, ya Said?' Huwo kelim le ana, ' Ana yau Yesua al Nasiri, al ita gi itahidu.'
\p
\v 9 Delin al kan ma ana aiynu al nur, lakin humon kan ma fahim al sort ta huwo al wonusu le ana.
\v 10 Ana kelim, ' Kede ana amulu sunu, Said?' Al Said Rabana kelim le ana, ' Gum fok wa rua fi Dimask; inak bi weri le ita ayi haja al ita lazim bi amulu.'
\v 11 Ana ma bi agder ayinu ashan nur al wala shedid de, wa kan gedimu ma idenat ta delin al kan ma ana, Ana ja le Dimask.
\v 12 Inak ana gabilu rajil ismu Ananias, al rajil amin hasab al ganun wa kan gi wonusu an kwes tou ma kulu al Yahud al bi geni inak.
\v 13 Huwo ja le ana, wagif ma ana, wa kelim, ' Akuwi Saul, akudu nazar taki.' Fi nefsu zaman dak ana akder aiynu huwo.
\v 14 Yela huwo kelim, ' Allah ta abuhat ta nina kalas iktar ita le arufu irada tou, le aiynu al wahid al Bar, wa le asma al sot al jai min kasma tou.
\v 15 Ita bikun sahid le huwo le kulu nas an sunu al ita aiynu wa asma.
\v 16 Hasa malu ita bi istena? Gum, kede amidu ita, wa kasulu kulu katiat taki bara, nadi le isim tou.'
\v 17 Bat ana kan rija le Urshelim, wa ze ana kan gi seli fi al hikal, haja hasil gali kan wodi le ana al ruiya.
\v 18 Ana aiynu huwo kelim le ana, ' Istajil wa sibu Urshelim guwam, ashan, humon ma bi gabilu suhuda taki an ana.'
\v 19 Ana kelim, 'Rabana, humon be nefsu tomon aruf gali ana siginu wa dugu delin al amin fi ita fi ayi majma.
\v 20 Zaman al dom ta Stiphanus shihada taki kan harik, Ana kaman kan wagif inak wa mutafik, wa ana kan gi harisu gumasat ta delin al katulu huwo'.
\v 21 Lakin huwo kelim le ana, ' Rua, ashan ana gi rua rasulu ita beyit kalis le al Umamien."
\p
\v 22 Humon asma le huwo lakadi uwo kelim zede. Biga Humon kore wa kelim," Bara ma sikil zol de min al ard, Huwo ma sah gali kede Huwo geni hayi."
\v 23 Ze humon kan gi kore, jadau gumasat tomon fok, wa arfa turab le fok,
\v 24 al kait amiru Bulis kede jibu jua al harasa. Huwo wodi talimat kede asalu huwo ma azab, ashan gali huwo be nefsa tou kede aruf le humon kan gi kore kore dit huwo ze de.
\v 25 Zaman humon kan robutu uwo fok ma al hubal, Bulis kelim le dabit al kan wagif inak, "Hal ganuni le ita le azibu zol al huwo muatin Romani wa huwo al lisa ma hukumu?"
\p
\v 26 Zaman al dabit de asma kida, huwo rua le kait al aala wa wori le huwo, kelim, "Ita bi amul sunu bat de? Lianu al rajil de huwo muatin Romani."
\v 27 Al kait al aala ja wa kelim le huwo," Weri le ana, ita muatin Romani?" Bulis kelim, "Nam."
\p
\v 28 Al kait de juabu, "huwo kan bes ma moblak ketir ta gurush ana isteret al muatana." Lakin Bulis kelim, "Ana kan weledu muatin Romani."
\v 29 Biga zol al kan ruwa asalu huwo de sibu huwo tawali. Al kait al aala kaman kan kafu, zaman huwo aruf gali Bulis kan muatin Romani, ashan huwo kan yau robutu huwo fok.
\p
\v 30 Fi yom nimra itniin, al kait deru aruf al hagaik an al tuham al endu Yahudin dit Bulis. Biga huwo wahidu mojumu tou wa talabu al rais al kahana wa kulu al mejles le intima. Yela huwo jibu Bulis wa kutu huwo fi nus tomon.
\c 23
\cl As-hah 23
\p
\v 1 Bulis aiynu adil le ada al mejles wa kelim, "Akwana, ana geni gidam Allah be kulu demir saleh lakadi yom ta alela."
\v 2 Al rais al kahana Ananias amiru delin al wagifin gerib ma huwo kede dugu huwo fi kasma.
\p
\v 3 Biga Bulis kelim le huwo, "Allah bi dugu ita, ita heta abiat al kasulu. Ita bi geni le hukumu ana ma al ganun, lisa amiru amiu kede dugu, dit al ganun?"
\p
\v 4 Delin al wogifin jambu tou kelim," De yau kef ita gi sitimu rais al kahana ta Allah?"
\p
\v 5 Bulis keim, "Ana kan ma aruf, akwana, gali huwo kan rais al kahana. Le anu moktub, Ita kede ma wonusu batal le a hakim ta sab taki."
\p
\v 6 Zaman Bulis aiynu gali juzu wahid min al mejles humon Sadukien wa al tanin Parasien, huwo wonusu sedid fi al mejles, "Akwana, Ana Parisie, jena ta Parisie. De ashan Ana be taakit bi itwaka al giama ta al mayitin yau de ana bi hukumu."
\v 7 Zaman huwo keim zede, al nikas bada fi nus ta al Parasien wa al Sadukien, wa al jumhur kan gesimu.
\v 8 Le anu al Sadukien klim gali mafi al giama, mafi malaikat, wa le aruah, lakin al Parasien be gedir humon kulu.
\p
\v 9 Kida nengneng sedid hasil, wa juzu min al mualimin al tabien le al Parasien wogif fok wa nakis, keim, "Nina ma ligo ayi haja galat le rajil de. Malu kan roh au al malayik kan wonusu le uwo?"
\v 10 Zaman inak kan gam nikas kebir( sehdid), kait kebir kafu gali Bulis gi rua seretu le gitat ma humon, kida huwo amiru al asakir ada ashan bi nezil tehet wa silu huwo be guwa min nus ta mejles, wa jibu huwo le harasa.
\p
\v 11 Fi nefsa lel Rabana wogif jabu huwo wa kelim,"Mata kafu, ze ma ita kalas sahidu an Ana fi Urshelim, kida ita kaman lazim bi ashad fi Roma."
\p
\v 12 Zaman wata biga nahar, bat Yahudin kowunu moamara wa nadi al laana le nefsa tomon ma alifa ma bi akulu wele asurubu ayi haja lakadi humon kan katulu Bulis.
\v 13 Inak kan aktar min arbein rujal al kowunu moamara de.
\v 14 Humon rua le rais al kahana wa al shiuk wa kelim," Nina kalas kutu nufus ta nina tehet laana kebir, ashan ma bi akulu ayi haja lakadi nina kan katulu Bulis.
\v 15 Hasa, lezalik, kede al mejles wori le kait al kebir ashan bi jibu huwo tehet le intum, nina jahisin le katulu huwo gabli huwo ma wosulu ini."
\p
\v 16 Lakin weled ta ukut ta Bulis asma gali humon kan gi istena, kida huwo rua wa dakalu le harasa wa wori le Bulis.
\p
\v 17 Bulis nadi wahid min al dubat wa kelim," Silu rajil suker de le kait kebir, le anu huwo indu haja der wori le huwo."
\p
\v 18 Kida al dabit silu weled de wa jibu huwo le al kait al aala wa kelim, "Bulis al mosjun nadi ana le huwo, wa asalu ana kede jibu weled de le ita. Huwo indu haja der kelim le ita."
\p
\v 19 Al dabit al aala silu huwo be iden le mahal kas wa asalu huwo, "De sunu al ita der wori le ana?"
\p
\v 20 Al weled de kelim, "Al Yahudin kalas tafik ashan bi asalu ita kede jibu Bulis bukura tehet le al mejles, ze ka-anu humon kan gi rua asalu hagiga aktar an gedia tou.
\v 21 Lakin mata asma le humon, ashan inak fi aktar min arbein rujal al dusu wa gi istena le huwo. Humon kalas nadi laana tehet le nufus tomon, mabi akulu wele bi asurubu lakadi umon kan katulu huwo. Hata hasa humon kalas jahis, gi istena le netija min ita."
\p
\v 22 Kida al kait sibu al weled de kede ruwa, bad wodi ta-alimat le huwo, "Mata wori ayi wahid gali ita kan kelim kalam de le ana."
\p
\v 23 Yala huwo nadi itniin min dubat wa kelim, "Silu miten asakir kede kun jahisin le mamoria lakadi Kaesarea, wa sebeein rujal be hasasin kaman, wa miteen rujal musalahin be hirab. Intum bi safir fi sa talata bi lel."
\v 24 Huwo kaman wodi taalimat le humon ashan wodi haiwanat al Bulis bi arkab, wa kede shilu huwo kwes le Felix al hakim.
\p
\v 25 Biga huwo katibu waraga ze de:
\pi
\v 26 "Klaudius Lysias le said al Wali al akbar Felix, tehiat lek.
\pi
\v 27 Al rajil de kan gobudu ma la Yahudin wa kan kalas deru katulu ma humon, zaman ana ja fi nus tomon ma asakir wa ankisu huwo, ze ma ana aruf gali huwo muatin Romani.
\v 28 Ana kan der aruf le umon tahamu huwo, kida ana silu huwo gidam mejles tomon.
\v 29 Ana aruf gali huwo kan gi tahamu an sualat bi khus ganun tomon, lakin gali kan mafi tohuma dit huwo al bi istehik al mut awu bi siginu.
\v 30 Biga kan ana ja fahim gali fi kuta batal dit raji de, kida ana tawali rasulu huwo le ita, wa wedi taalimat le nas al gi isteki huwo kaman kede jibu sokuwat tomon al did huwo fi gidam taki. Tekerim."
\p
\v 31 Kida al asakir ti taalimat tomon. Humon silu Bulis wa jibu huwo bi lel le Antibatris.
\v 32 Fi yom al tani, aglabia min al asakir sibu al rujal al be hasasin wa ruwa ma humon wa humon be nefsa tomon rija le al harasa.
\v 33 Zaman al rujal be hasasin wosulu Kaesarea wa wedi waraga le wali, humon kaman gedimu Bulis le huwo.
\v 34 Zaman al wali agara waraga, huwo asalu fi yatu wulaya Bulis kan min fogo. Zaman huwo aruf gali huwo kan min Silisia,
\v 35 uwo kelim, "Ana bi asma ita be kamil zaman mustekin ja ini." Biga huwo amiru huwo kede hafisu fi riasa ta hakuma ta Herodos.
\c 24
\cl As-hah 24
\p
\v 1 Bat kamsa ayom, Ananias al rais kahana, shiuk tanin, wa muhami ismu Tertullus rua inak. Rujal del jibu tohumat dit Bulis gidam al hakim.
\v 2 Zaman Bulis wogif gidam al hakim, Tertullus bada be tahamu huwo wa kelim le al hakim, "Ashan be ita nina indu salam kebir, wa hikma taki jibu islah kwes le beled ta nina;
\p
\v 3 kida ma kulu shukur wa tegdir nina gi rahibu ayi haja al ita amulu, said al akbar Felix.
\v 4 Ashan kede Ana ma akiru ita aktar, Ana gi asalu ita kede asma besid le ana ma nia al kwes.
\v 5 Nina kalas ligo al rajil de yau batal wa huwo sabab le kulu al Yahudin fi dunia itmarat. Huwo yau rais ta mojumu ta al Nasirien.
\v 6 Huwo hata hawil nigisu al haikal, kida nina gobudu huwo.
\v 7 
\v 8 Ita kan asalu Bulis an hajat de kulu, ita bi agder aruf an tohumat al nina jibu dit huwo."
\v 9 Al Yahud kaman limu fi al tohumat, mutuakitin gali tohumat de hagiga.
\p
\v 10 Lakin zaman al hakim wedi fursa le Bulis wonusu, Bulis juabu, "Ana aruf gali le senawat ketir ita gudi le beled de, wa be kida Ana mokosut wadi nefsa tai le ita.
\p
\v 11 Ita bi agder ligo wadi gali ma aktar min itinasar ayom mini Ana rua le ibada lakadi Urshelim.
\v 12 Zaman humon ligo ana fi al haikal, Ana ma nakis ma ayi wahid, wa Ana ma limu al jumhur, la fi al majajame, wele fi al medina.
\v 13 Humon mabi asbitu le ita al tohumat humon hasa amulu dit ana.
\v 14 Lakin Ana bi akit de le ita, gali ala hasab al Sika al humon gi nadi al taiifa, fi nefsu terik de Ana gi abidu Allah ta abuhat ta nina.
\v 15 Ana bi amin be kulu al fi al ganun wa al kutub ta al ambia. Ana indu al nefsu shiga fi Allah ze rujal del, gali badin bi kun fi giama ta kulu al abrar wa al asrar.
\v 16 Be kida Ana daiman gi hawil ligo demir al ma ta louma gidam Allah wa in saan.
\v 17 Hasa bat sinin ketir Ana ja le jibu musaada le beled tai wa hadia ta gurush.
\v 18 Zaman Ana amulu zede, Yahudin tanin min Asia ligo ana fi iktifal ta tathir fi al haikal, ma be jumhur wele al muzaharat.
\v 19 Nas del kan kede kun gidan taki hasa wa kelim sunu al humon indu dit ana, iza humon indi ayi haja.
\v 20 Ya kaman, nefsu rujal del kede kelim de sunu yau batal humon ligo fi ana zaman Ana wogif gidam al mejles al Yahud,
\v 21 ille lu an haja wahid al Ana kore shedid bara zaman Ana kan wagif fi nus tomon, ' De yau an al giama ta al maitin yau Ana biga gi hukumo gidam ita alela."'
\p
\v 22 Biga Felix, huwo al kan bi aruf tamam an al Sika de, ajilu al istima. Huwo kelim, "Kan Lysias al kait ja min Urshelim, Ana bi karir al gedia taki."
\v 23 Biga huwo amiru al dabit gali Bulis kede kun tehet hirasa, lakin kede wodi le huwo juzu min huria ashan gali kede ayi min sabihat tou ma abusu min jibu le huwo ehtiajad.
\p
\v 24 Bat ayom besid, Felix rija ma mara tou Drusilla, al Yahudi, wa huwo gum rasulu le Bulis ashan huwo der asma min huwo an iman fi al Mesih Yesua.
\v 25 Lakin zaman Bulis kelim ma huwo an sokol bir, dabt al nefs, wa al dainuna, Felix biga kan kaif wa kelim, "Rua bara min hasa. Lakin kan Ana ligo fursa badin tani, Ana bi rasulu ashan kede nadi ita."
\v 26 Kan fi nefsu zaman, huwo kan gi itmana gali Bulis bi wodi le huwo gurush, de yau kef huwo daiman gi nadi huwo wa wonusu ma huwo.
\v 27 Lakin zaman itniin sena futu, Borisius Festus ainu biga wali bat Felix, lakin ashan Felix azu kede rudu huwo le al Yahud, be kida huwo sibu Bulis kede istemir tehet harast
\c 25
\cl As-hah 25
\p
\v 1 Hasa, Festus dakalu le Wolaia, wa bat talata ayom, huwo ruwa le Kaesarea lakadi Urshelim.
\v 2 Al rais al kahana wa al Yahudin al marufin jibu tohumat dit Bulis, wa humon talabu huwo
\v 3 wa asaslu huwo le rudu al bi kutu Bulis fi kutura gali kede Festus kede nadi Bulis le Urshelim kida gali humon bi katulu huwo fi sika.
\v 4 Lakin Festus juabu gali Bulis kan mosjun fi Kaesarea, wa gali huwo nefsa tou kan grib rija le inak.
\v 5 "Lezalik, del al bi akder,"huwo kelim,"kede ruwa inak ma humon. Iza inak fi haja tani batal le rajil de, intum bi tahamu huwo."
\p
\v 6 Festus geni ma aktar min tamania au asara ayom wa biga huwo ua lakadi Kaesarea, wa fi yom nimra itiniin huwo geni fi kursi ta hukum wa nadi Bulis kede jibu le huwo.
\v 7 Zaman huwo wosulu, al Yahudin min Urshelim wogifin grrib, wa umon jibu tohumat ketir al katar al um zadu ma bi azbto.
\p
\v 8 Bulis difa nefsa tou wa kelim,"Ana ma amulu haja batal dit al ganun ta al Yahudin au dit al haikal au dit Kaesar."
\p
\v 9 Lakin Festus der ligo neima ta al Yahudin, wa huwo juabu Bulis kida wa kelim, "Ita der rua lakadi le Urshelim wa ana bi hukumu an hajat de inak?"
\v 10 Bulis kelim, "Ana wagif gidam korsi ta hukum ta Kaesar mahal al Ana lazim bi hukumu. Ana ma amulu galat le Yahudin, bes ze ita kaman bi aruf kwes.
\v 11 Hata lu Ana kalas amulu galat wa iza Ana kalas amulu sunu al bi istahik al mut, Ana ma bi aba le mutu. Lakin iza tohumat tomon wele haja, mafi wahid bi selim ana le humon. Ana bi gedim le Kaesar."
\v 12 Bat Festus wonusu ma al mejles, huwo juabu, "Ita kalas gedimu le Kaesar. Le Kaesar ita bi rua!"
\p
\v 13 Hasa bat ayom besid, Melik Agribbas wa Bernice wosulu le Kaesarea le ziara resmia le Festus.
\v 14 Bat uwo kan inak le ayom ketir, Festus gedimu gedia ta Bulis le jalalat al melik; huwo kelim, "Fi rajil tani kan sibu wara ini ma Felix ze mosjun.
\v 15 Zaman Ana kan fi Urshelim, al rais al kahana wa shiuk ta al Yahudin jibu tuham dit al rajil de le ana, wa humon talabu le al hukum ta tedmir dit uwo.
\v 16 Ana juabu humon gali de ma kan sakafa ta al Romanien le selimu ayi wahid gabli huwo wajihu al mustakien tou wa indu fursa le difa nefsa tou dit al toham.
\v 17 Lezalik, zaman humon ja sawa ini, Ana ma istena, lakin fi yom nimra itiniin Ana geni fi kursi ta hukum wa ana talabu al rajil de kede jibu jua.
\v 18 Zaman al mustakien wogif fok wa tahamu huwo, Ana fekir gali wele wahid min al tuham al humon jibu dit uwo kan katir.
\v 19 Aslan, humon indu nikas tani ma uwo an din tomon wa an Yesua tani al kan mat, al Bulis gi kelim gali huwo hai.
\v 20 Ana kan ma bi akder kef bi hagigu modu de, wa kida Ana asalu huwo iza huwo kan bi rudu rua le Urshelim ashan bi ruwa hukumo inak an tuham del.
\v 21 Lakin zaman Bulis gedim kede hafisu tehet harasa zema gi istena le karar ta al imbrator, Ana amiru huwo kede geni fi hirasa lakadi Ana ja rasulu huwo le Kaesar."
\v 22 Agribbas wonusu le Festus, "Ana der kaman asma le rajil de." "Bukura," Festus kelim, "ita bi asma huwo."
\p
\v 23 Kida fi yom nimra itniin, Agribbas wa Bernice ja ma muzika shedid; humon ja le jua al gaa ma la dubat ta jes wa ma rujal al marufin ta al medina. Zaman Festus wonusu al amur, jibu Bulis le humon.
\v 24 Festus kelim,"Melik Agribbas, wa kulu intum rujal al ini ma nina, intum ayinu rajil de; kulu al jamahur ta Yahudin sawiru ma ana fi Urshelim wa ini kaman, wa humon kore le ana gali kede huwo ma geni hai.
\v 25 Ana ja aruf gali huwo ma amulu haja al bi isahik al mut; lakin ashan huwo gedimu le Imbrator, Ana kariru rasulu huwo.
\v 26 Lakin Ana ma indi haja wadi katibu le al imbrator. Le sabab de, Ana kalas jibu huwo le intum, belkas le ita, Melik Agribbas, kida ashan ana bi kun indi haja aktar le katibu an gedia de.
\v 27 Lianu huwo ma sah wa aklagi le ana le rasulu mosjun wa le kaman ma zekiru al tuhumat dit huwo"
\c 26
\cl As-hah 26
\p
\v 1 Kida Agribbas kelim le Bulis,"Ita kede wonusu le nefsak." Biga Bulis arfa iden tou fok wa difa nefsa tou.
\p
\v 2 "Ana bi iktabir nefsa tai ze moksut, Melik Agribbas, le amulu gedia tai gidam ita alela dit kulu al tohumat ta al Yahudin;
\v 3 belkas, ashan ita mutkasis fi kulu adaat wa suaalat ta al Yahud. Be kida ana gi asalu ita le asma ana be subur.
\v 4 Hagiga, kulu al Yahudin aruf kef Ana gi iis min sababia tai fi beled tai wa fi Urshelim.
\v 5 Humon arufu ana min al bidaya wa humon kede akid gali Ana iis ze al Fharisee, al hizib mutsedid ta din ta nina.
\v 6 Hasa Ana wogif ini le hukum ashan Ana ayinu le al waad al Allah amulu le abuhat ta anina.
\v 7 De yau al waad itnasar gabail ta nina indu raja fogo ze humon jadiin abidu Allah bilel wa nahar. De yau le raja de, Melik Agribbas, gali al Yahudin tahamu ana.
\v 8 Le bes ayi wahid min intum gi fekir inu ma bi amin gali Allah bi gowmo al mait?
\v 9 Zamaan Ana fekir le nefsi gali Ana bi amulu hajat ketir dit isim ta Yesua al Nasiri.
\v 10 Ana amulu del fi Urshelim. Ana gofulu ketir min al mominin fi sigin be sulta Ana akudu min al rais kahana, wa zama al kan katulu, humon Ana jada sot tai dit humon.
\v 11 Ana agibu humon ketir marat fi kulu al majame wa Ana hawil le jabiru humon le batal. Ana kan tekeyan shedid dit humon wa Ana azibu humon hata le beled tani.
\v 12 Ze ma Ana kan gi amulu zede, Ana ruwa le Dimask ma sulta wa taalimat min rais kahana;
\v 13 wa inak fi sika, be nahar, Melik, Ana ayinu nur min sama al kan abiat min al semis wa wala hawuli kulu min ana wa al rujal al kan musafrin ma ana.
\v 14 Zaman anina kulu waga le al wata, Ana asma al sort wonusu le ana be luga Ibiria gali, 'Saul, Saul, le ita gi azibu Ana? Uwo sab le ita le ashan salutu haja al senin.
\v 15 Biga Ana kelim, 'Ita yau munu, Said?' Rabana juabu, 'Ana yau Yesua al ita azibu.
\v 16 Hasa gum fok wa wogif ma kurayin taki; ashan le sabab de Ana zahir le ita, le iktaru ita le yikun al kadam wa al shahid an al hajat al ita aruf an ana hasa wa hajat al Ana bi wori le ita badyin;
\v 17 wa Ana bi ankisu ita min al sab wa min al Umamien al humon Ana rasulu ita,
\v 18 le fata uyun tomon wa le gilibu humon min duluma le nur wa min al guwa ta Sitan le Allah, kida yau humon bi akudu min Allah al gufran ta katiat wa al worisa al Ana wodi le humon al kalas nedifu be iman fi ana.'
\v 19 Lezalik, Melik Agribbas, Ana ma bi aba tii roiya min sama;
\v 20 lakin, le delin fi Dimask awel, wa biga le Urshelim, wa abri kulu al beled ta Yahudia, wa kaman le al Umamien, Ana wodi humon al risala gali humon kede tub wa rija le Allah, amulu amail bi istahik le tauba.
\v 21 Le sabab de al Yahudin gobudu ana fi al haikal wa hawil le katulu ana.
\v 22 Allah kan saydu ana lakadi hasa, kida Ana wogif wa sahidu le nas al adiin wa le al uzama an wele haja aktar min sunu al abia wa Musa kelim bi hasil;
\v 23 gali Mesih lazim bi taabu, wa gali huwo bi kun al awel min al giama ta al maitin del bi gum wa bi ainu nur le nas Yahud wa le al Umamien."
\p
\v 24 Ze Bulis kalasu difa tou, Festus kelim ma sot kebir, "Bulis, ita mojunun; taalim taki ketir de amulu ita mojunun."
\v 25 Lakin Bulis kelim, "Ana ma mojunun, al akbar Festus; lakin ma suja Ana gi wonusu al hak wa nesia.
\v 26 Li anu al Melik aruf an hajat del; wa kida, Ana gi wonusu be huria le huwo, li anu Ana muktene gali mafi kalam zede bi dusu min huwo; li anu de kan ma amulu fi mahal al dusu.
\v 27 Hal ita amin be al ambia, Melik Agribbas? Ana aruf gali ita amin."
\v 28 Agribbas kelim le Bulis, "Fi zaman guser ita bi agder agnau ana wa geru ana le Mesihia?"
\p
\v 29 Bulis kelim, "Ana bi seli le Allah, gali kan fi zaman guser wele zaman towil, ma ita barau, lakin kaman kulu al gi asma ana alela, bi kun ze ana, lakin ma be genzir ta sigin de."
\p
\v 30 Biga al melik wogif fok, wa al hakim, wa Bernice kaman, wa delin al kan gaidin ma humon;
\v 31 zaman humon sibu al ga, humon wonusu le badun tomon wa kelim, "Rajil de ma amulu haja istahik al mut au rubat."
\p
\v 32 Agribbas kelim le Festus, "Rajil de kan bi fiku iza huwo kan ma gedim le Kaesar."
\c 27
\cl As-hah 27
\p
\v 1 Zaman kan kariru gali nina kalas kede safir le Italia, humon kutu Bulis wa juzu min mosjunin tanin te musulia ta kait al mia ismu Julius min al ketiba ta jes min Italia.
\v 2 Nina arkab sefina min Adramyttium, al kan azu safir abri bahar ta Asia. Kida nina rua le bahar. Aristarchus min Thessalonica fi Macedonia ruwa ma nina.
\v 3 Yom nimra itniin nina nezil fi medina ta Sidon, inak Julius itaamal ma Bulis kuwes wa asma le huwo kede rua le asdika tou le akudu ihtimam min humon.
\v 4 Min inak nina rua le bahar wa safir be wasat ta jezira ta Kubrus, gerib le al jezira, ashan al hawa kan dit anina.
\v 5 Biga nina kalas safir abri al bahar wa kan gerib ma al mina ta Silica wa Bambhylia, nina nezil fi Myra, medina ta Lycia.
\v 6 Inak, al dabit ligo sefina min Iskandaria al kan gi safir le Italia. Huwo kutu anina fogo.
\v 7 Zaman nina kan safir bira le ayam ketir wa kan akiran wosulu ma taab gerib Snidus, al hawa ma agder sibu anina le ruwa sika dak, kida nina safir be wasat tija al kwes ta Krete, be gidam Salmone.
\v 8 Nina safir be wasat al difa ma sobat, lakadi anina ja le mahal tani ismu Sama Naziha, al huwo gerib ma medina ta Lasea.
\p
\v 9 Nina kan ma silu zaman ketir, al zaman siam ta al Yahud kaman kan futu, wa kan biga katar le safar. Bulis anziru humon kida,
\v 10 wa kelim, "Ya rujal, Ana ayinu gal al mamoria nina al nina der rua fogo bi kun ma moaugat wa kasara shedid, ma bes le al sendel wa sefina, lakin kaman le haya tanina."
\v 11 Lakin al dabit kan kutu bal aktar le al said al mosaul wa sidi al sefina min kalamat de kulu al kan wonusu ma Buluis.
\v 12 Ashan al safar fi bahar kan ma sahil le gedi karanga fogo, ketir ta al musafirin arsidu le safar min inak, iza ma ayi teriga nina kede wosulu le medina ta Phonix, le gedi al karanga inak. Phonix huwo mina fi Krete, wa uwo gidam samalserik wa junubserik.
\v 13 Zaman al hawa min junub bada hubu bira, al musafirin fekir gali humon indu sunu al humon deru. Kida humon juru dugara wa safir abri Krete, gerib le al difa.
\v 14 Lakin bat zaman guser hawa ta guwa harricane, gi nadi al sumalsergia, bada dugu tehet min al jezira.
\v 15 Zaman al sefina kan gobudu ma amuaj wa ma bi agder kalas rua le al hawa, nina kan sibu sika le al morj wa kan sugu ma al hawa.
\v 16 Nina rua abri mahal kwes ta jezira suker ismu Kauda, wa ma tab nina agder le ankisu al haya
\v 17 Zaman humon kan arfa sefina haya fok, humon istagdimu hubal tou le rubutu gisim ta sefina. Humon kan kaifin gali humon kalas jere fi mahal guser ta Syrtis, kida humon nezilu dugara ta bahar wa kan sugu ma hawa.
\v 18 Nina istemir be tab zede al moj hata yom ninra itniin humon bada jadau hajat al fi sedel bara.
\v 19 Fi yom nimra talata al musafirin jada hajat ta sefina bara ma idenat tomon.
\v 20 Zaman al semis wa nujum biga ma gi wala le nina ayom ketir, wa al moj kebir lisa gi dugu fogo nina, ayi raja aktar gali nina kalas bi ankisu kan sibu.
\v 21 Zaman humon kan geni aktar bidun akil, biga Bulis wogif fok fi nus ta al musafirin wa kelim, "Rujal, intum kan bi asma le ana, wa ma gum safir min Krete, kan kida ma ja ligo awaja wa kasara.
\v 22 Hasa Ana gi seja itakum le silu suja, ma gi rua kun fukdan ta haya fi nus takun, lakin bes le fugdan ta al sefina.
\v 23 Lianu bilel umbari malaika ta Allah al Ana tabi le huwo, Ana kaman gi abidu huwo_malaika tou wogif jambu
\v 24 ana wa kelim, 'Mata geni be kafu, Bulis. Ita lazim bi wogif gowi gidam Kaesar, wa ayinu, Allah fi kuwes tou kalas wodi le ita kulu delin al musafirin ma ita.'
\v 25 Ashan kida kelik rajil!, farhan Ana bi sik Allah gali bi hasil bes ze kan wori le ana.
\v 26 Lakin nina lazim gi rua wosulu le jezira tani."
\p
\v 27 Zaman kan wosulu arbatasr yom, ze nina kan rua fi sika de wa gali fi al bahar Adriatic, gerib bilel al musafirin fekir gali umon kan wosulu fi mahal tani.
\v 28 Humon silu metir wa jerbu wa ligo isirin amtar; bat fetera guser, umon silu amtar ketir wa ligo kamis tasasar amtar.
\v 29 Humon kan kaifin gali nina bi sedimu fi hajer, biga humon nezilu arba dugarat min al wara wa seli gali saba kede ja guam.
\v 30 Al musafirin kan gi ayinu le teriga le sibu al sefina wa kan nezilu murkab ta ankisu haya fi jua al bahar, wa mesil gali humon gi ruwa jada al dugarat tehet min al kos.
\v 31 Lakin Bulis kelim le al dabit wa le asakir, "Ille kan rujal del geni fi al sefina, ita mabi kun hai."
\v 32 Biga al asakir gata hubal ta murkab wa sibu kede silu bara ma moyo.
\v 33 Zaman wata gi tala nahar, Bulis asalu humon kulu kede akulu akil. Huwo kelim, "De hasa arba tasar yom al intum istena wa ma akulu; intum ma akulu ayi haja.
\v 34 Ashan kida Ana gi asalu intum le sariku akil tani, lianu huwo mohim le intum ashan bi iss. Mafi wahid min intum bi woduru hata sar min ras tou."
\v 35 Zaman huwo kan kelim zede, uwo silu ess wa huwo shukuru Allah fi uyon ta kulu wahid. Biga huwo kasuru al reqif wa bada akulu.
\v 36 Biga humon kan kulu itseja wa humon akulu akil.
\v 37 Nina kan 276 nas fi al sefina.
\v 38 Zaman humon kalas akulu kifaya, humon kafifu sefina ma jadau bara sualat ta geme/dura fi jua al bahar.
\v 39 Zaman kan wata nahar, humon ma agder aruf de yatu wata, lakin humon aiynu bahar tani fogo al jezira, wa humon biga wonusu kan humon bi agder sugu al sefina fogo.
\v 40 Kida humon gata wa fiko al dugarat wa sibu fi al bahar. Fi nefsa zaman umon fiku al hubal ta al ladarat wa arfa al gumas le hawa; wa kida humon rua le al jezira.
\v 41 Lakin al sefina sedimu rumla wa jere fi wata. Al murkab kan lesegu inak wa fadulu sabid, wa al wara tou kan kasuru ma gua ta moj.
\v 42 Al asakir kan katitu le katulu al mosjunin ashan gali kede wahid min humon ma hawil humu bara wa zuk.
\v 43 Lakin al dabit der ankisu Bulis, kida huwo wogifu kuta tomon; wa huwo amiru delin al bi agder humo le nutu bara awel wa ruwa le wata.
\v 44 Yela al bagi nas bi rua, juzu fok lohat, wa juzu fok hajat tanin min al sefina. Be teriga de nina kan kulu agder ja kwes le wata.
\c 28
\cl As-hah 28
\p
\v 1 Zaman jibu anina kwes, anina ja aruf gali al jezira ismu Malta.
\v 2 Al nas ta mahal de gedimu le anina sokol kwes a l ma adi, lakin humon wala nar wa rahibu anina kulu ashan matar wa berid al mustemir.
\v 3 Lakin zaman Bulis kan limu kasab wa kutu fi al nar, debiba tala bara ashan sakana wa lifu fi ida tou.
\v 4 Zaman nas ta mahal de aiynu al debiba al lifu fi iden tou, humon kelim le badun tomon, "Rajil de huwo katil hagiga al nafat min al bahar, Adala ma bi sibu huwo hai."
\v 5 Lakin biga huwo nofutu al debiba de fi jua al na wa ma asir.
\v 6 Humon kan bi istena le huwo gali sim ta debiba bi amulu huma au sutfa bi waga mait. Lakin bat humon ragibu huwo le fetera towil wa aiynu gali mafi haja gair adi le huwo, humon gairu afkar wa kelim gali huwo kan allah.
\p
\v 7 Inak gerib ma makan dak fi wata al tabi le rajil al sultan ta al jezira, al rajil ismu Bablius. Huwo rahibu nina wa sedid talabat le nina le talata yom.
\v 8 Kan hasil gal abu ta Bublius kan ayan ma huma wa dusuntaria. Zaman Bulis rua le huwo, huwo seli, kutu iden le huwo, wa aliju huwo.
\v 9 Bat de hasil, bagi nas tanin fi al jezira al kan ayanin kaman ja wa kan aliju.
\v 10 Al sab kaman kerimu anina ma karamat ketir. Zaman nina kan jahisu le safar, humon wodi le nina sunu haja al anina deru.
\p
\v 11 Bat talata sahar nina istemir safir fi sefina al kan gedi al karanga fi al jezira, sefina ta Iskandaria, ma "al aliha al timan" ze remzi ras tou.
\v 12 Bat nina wosulu le al medina ta Syracuse, nina geni inak talata ayam.
\v 13 Min inak nina safir wa wosulu le al medina ta Rhegium. Bat yom wahid hawa min junub gum fok, wa fi itniin yom nina ja le al medina t Puteoli.
\v 14 Inak nina ligo juzu min akuwana wa kan rahibu le geni ma humon le saba ayam. Fi teriga de nina ja le Roma.
\v 15 Min inak al akuwana, bat humon asma an nina, ja le gabilu nina musafa baid ze al Suk ta Appius wa al Talata Tarvens. Zaman Bulis aiynu al akwan, huwo shokuru Allah wa biga suja.
\p
\v 16 Zaman anina dakalu fi Roma, Bulis kan sibu kede geni barau ma al askeri al kan gi arisu huwo.
\p
\v 17 Biga kan bat talata ayom Bulis nadi sawa rujal delin al humon kan al kada fi nus Yahudin. Zaman humon ja sawa, huwo kelim le humon, "Akwana, hata lu Ana ma amulu haja galat dit al sab au al adat ta abuhat ta nina, Ana kan gedimu ze mosjun min Urshelim le al ayadi ta al Romanien.
\v 18 Bat humon asalu ana, humon itmana le sibu ana hur, ashan kan mafi sabab le hukum be al mut fi gedia tai.
\v 19 Lakin zaman al Yahudin wonusu dit rakba tomon, Ana asuru le gedimu le Kaesar, hata lu ze Ana ma kan gi jibu ayi tuhuma dit beled tai.
\v 20 Le sabab de, lizalik, Ana nadi ashan ayinu itakum wa wonusu ma intum, zema huwo bes ashan al raja ta Israil al Ana hasa labis genzir de."
\p
\v 21 Biga humon kelim le uwo, "Nina ma akudu juabat min Yahudia an ita, wele ayi min al Akwana ja wa kabaru au kelim ayihaja batal an ita.
\v 22 Lakin nina azu asma min ita sunu ita fekir an taiifa de, ashan huwo biga maruf ma nina gali gi wonusu didu fi ayi mahal."
\p
\v 23 Zaman humon kan kutu al yom le huwo, nas ketir ja le huwo fi mahal al huwo bi geni fogo. Huwo gedimu al modu de le humon, wa sahidu an al molokut ta Allah. Huwo hawil agna humon an Yesua, kulu min al ganun ta Musa wa min al ambia, min sabah lakadi ashia.
\v 24 Juzu kan muktenein an al hajat al kan kelim, ama akirin ma amin.
\v 25 Zaman humon kan ma tafik ma bat, humon rua bat Bulis kan kelim kilima wahid zede: "Roho Al Kudus wonusu kwes be wasat Aseiah al nebi le abuhat takum.
\q
\v 26 Huwo kelim, 'Ruwa le nas de wa klim, "Ma asuuma intum bi asma, lakin intum ma bi fahim; wa ma ayenu intum bi ayinu, lakin intum ma bi istaoab.
\q
\v 27 Le anu al gelib ta nas de kalas biga daif, wa ma adana tomon humon gowi asma, wa humon kalas gofulu uyun tomon. Kan ma kida umon bi akder ayinu ma uyun tomon, wa asma ma adanat tomon, wa fahim ma gelba tomon wa gilibu tani, wa Ana bi aliju umon."
\p
\v 28 Ashan kida, kede intum aruf gali kulasa ta Allah de kalas rasulu le al Umamien, wa humon bi asma."
\v 29 
\p
\v 30 Bulis geni le senaten kamil fi bet al ajiru le huwo barau, wa huwo rahibu kulu nas al ja le huwo.
\v 31 Huwo kan gi besiru al molokut ta Allah wa kan gi derisu hajat an Rabuna Yesua Al Mesih ma jahara bidun muakasat.