pga_reg/44-JHN.usfm

\id JHN
\ide UTF-8
\h Yuhana
\toc1 Yuhana
\toc2 Yuhana
\toc3 jhn
\mt Yuhana
\c 1
\cl As-hah 1
\p
\v 1 Fi bidaya kan al Kelima, wa al Kelima kan ma Allah, wa al Kelima kan Allah.
\v 2 De kan fi min bidaya ma Allah.
\v 3 Kulu hajat salau be wasat tou, wa bidun Huwo ma fi haja wahid salau min bediri.
\v 4 Fi huwo kan fi Haya, wa Haya dak kan Nur ta nas kulu.
\v 5 Nur bi wala fi duluma, wa duluma ma agder kati Huwo.
\p
\v 6 Kan fi zol rasulu min Allah, isim tou Yuhana.
\v 7 Huwo ja ze shuhud al bi ja shahidu le Nur, ashan be wasat tou kulu nas bi amin.
\v 8 Yuhana ma kan Nur, lakin huwo ja ashan bi kun shuhud le Nur.
\p
\v 9 Nur al hagiga, al bi wodi nur le nas kulu, kan jai le Dunia.
\v 10 v Huwo kan fi dunia, wa be wasat tou salau dunia, wa dunia kaman ma arufu Huwo.
\v 11 Huwo ja le nas tou wa nas tou kan ma rahibu huwo.
\v 12 Lakin le kulu del al rudu Huwo, al amin fi Isim tou, Huwo wodi le umon sulta ashan bi kun Iyal ta Allah.
\v 13 Del al ma weledu min dom, wele min niya ta jisim, wele min niya ta zol, lakin min Allah.
\p
\v 14 Al kelima biga jisim wa hai fi nus ta nina. Nina aiynu mejid tou, mejid ze ta wahid al barau al ja min Abu, maliyan min Neima wa Hagiga.
\v 15 Yuhana shahidu le huwo wa kore shedid, wa bi kelim gali, "De yau al kan ana kelim gali, 'Al bija wara tai de Huwo bi futu ana, ashan Huwo kan fi gubal ana."'
\v 16 Ashan min kamal tou nina ligo Neima wara Neima.
\v 17 Ashan ganun de wodi be wasat ta Musa. Neima wa al Hagiga ja be wasat ta Yesua al Mesih.
\v 18 Mafi wahid aiynu Allah fi ai zaman kulu kulu. Lakin al wahid le Allah al fi jambu ta Abu, Huwo yau wori.
\p
\v 19 De yau shuhuda ta Yuhana wokit Yahudin rasulu le huwo nas Khahana wa Lawin min Urselim ashan asalu huwo, "Inta munu?"
\v 20 Huwo wori be saraha, wa ma anguru, lakin huwo juwabu, "Ana ma al Mesih."
\v 21 wa kaman asalu huwo, "Inta biga munu? Inta Elia?" Huwo kelimu, "La." Umon kelimu, "Inta yau al nebi?" Huwo juwabu, "La".
\v 22 Wa kaman umon kelimu le huwo, "Inta yau munu, ashan nina bi juwabu del al rasulu nina? Inta bi kelim shunu an nefsa taki?
\v 23 Huwo kelim, "Ana sot al bi kore fi beriya; Sala takum sika adil le Rabuna; Ze kan nebi Isaiah kelim."
\p
\v 24 Farisiyin tanin rasulu,
\v 25 wa umon asalu huwo wa kelim le huwo, "Lee inta bi amidu iza kan inta ma al Mesih wele Elia wele nebi?".
\v 26 Yuhana juwabu umon, gali, "Ana bi amidu be moyo. Lakin fi nus takum fi wahid al intum ma arufu.
\v 27 Huwo yau al jai baad ana, ana ma bi istehik ashan fiku habil ta jizma tou."
\v 28 Hajat del kulu kan hasil fi Bethany fi tija al tani ta nahar Ordon mahal al kan Yuhana bi amidu fogo.
\p
\v 29 Wa fi yom al badu Yuhana aiynu Yesua jai le huwo wa huwo bada kelim, "Aiynu takum, Dak yau koruf ta Allah al bi shilu katiya ta Dunia kulu bara.
\v 30 'De yau al kan ana kelim gali, 'Wahid al bi ja wara ana huwo ahsen min ana, ashan huwo fii gubal ana.
\v 31 Ana kan ma arufu Huwo, lakin ashan kan Huwo bi ja beinu le Israel, yau ana ja ashan bi amidu be moyo".
\v 32 Yuhana shahidu, wa kelim gali, "Ana aiynu Roho gi nenzil ze Hamam min Samah, wa geni le Huwo.
\v 33 Ana ma zekir Huwo, lakin huwo al rasulu ana ashan bi amidu be moyo yau wori le ana gali, "Inta bi aiynu Roho bi nenzil le Huwo, wa bi geni le huwo, De yau huwo zatu al bi ja amidu be Roho al Kudus.
\v 34 Ana aiynu wa shahidu gali de yau Ibin Allah."
\p
\v 35 Kaman fi yom al badu, ze Yuhana gi wogif ma itnin min talamiz tou,
\v 36 umon aiynu Yesua al Masih jai, wa Yuhana kelim, "Aiynu takum, De yau koruf ta Allah!"
\v 37 Wokit itnin talamiz asuma huwo kelim zede. tuwali umon bada ruwa wara Yesua.
\v 38 Min hinak Yesua bada galab wa aiynu umon bi ja wara tou wa kelim le umon, "Intum deirin shunu?" umon juwabu gali, "Rabbi (mana tou mualim), Inat bi geni wen?
\v 39 Huwo kelim le humon gali, "Taal takum aiynu." umon bada ja wa aiynu mahal al huwo bi geni fogo; umon geni ma Huwo yom dak, de kan ze Saa Ashara.
\p
\v 40 Wahid min talamiz al itnin al asuma Yuhana bi wonusu wa ruwa wara Yesua yau Andraus aku ta samaan Butrus.
\v 41 Awel huwo kan ligo aku tou Samaan wa wori le huwo gali, "Nina ligo Messiah" (iza kan terjimu: yau Mesih).
\v 42 Huwo jibu aku tou le Yesua, Yesua aiynu wa kelim le huwo gali, "Inta yau Samaan ibin Yuhana, bi nadi inta Cephas" (al terjimu: Butrus).
\p
\v 43 Fi yom al badu, wokit Yesua der ruwa le Jelil, Huwo ligo Philibus wa bada kelim le huwo gali, "Taal wara tai."
\v 44 Philibus kaman min Bethseida, nefsu beled ta nas Andraus wa Butrus.
\v 45 Philibus kaman ligo Nathaniel wa kelim le huwo gali, "Zol al katibu kalam tou fi kitab ganun ta Musa, wa kaman kitab ta Anbiya de, nina ligo Huwo. De Yesua ibin Yusif, min Nasira."
\v 46 Nathaniel bada kelim le huwo gali, "Sei fi haja kwes bi tala min Nasira?" Philibus kelim le huwo gali, "Taal aiynu,"
\v 47 Yesua aiynu Nathaniel jai le huwo, huwo bada kelim anu gali, "Aiynu takum, De yau Israeli adil ma muzawar!"
\v 48 Nathaniel kelim le Huwo gali, "Inta arufu ana kef?" Yesua juwabu wa kelim le huwo, "Gubal lisa Philibus ma nadi inta, inta kan bi geni tehet shejera Tina, Ana aiynu inta."
\v 49 Nathaniel juwabu, "Rabbi, Inta yau ibin ta Allah! Inta kaman Melik ta Israil!"
\v 50 Yesua juwabu wa kelim le huwo gali, "Ashan Ana wori le inta, gali ana aiynu inta tehet Shejera Tina; inta sedek? Inta bi aiynu hajat tanin ketir min de."
\v 51 Wa huwo kelim, "Al hak, al hak, Ana wori le intum, min hasa intum bi aiynu Samawat fadi wa Malaikat ta Allah bi arkab wa bi nenzil le ibin Insan.
\c 2
\cl As-hah 2
\p
\v 1 Wa baad talata ayam, kan fi Iris fi Kana medina fi Jelil, Umma ta Yesua kan fi hinak.
\v 2 Yesua wa talamiz tou nadi fi Iris de.
\v 3 Wokit khamur kalasu, umma ta Yesua kelim le Huwo gali, "Umon ma indu khamur."
\v 4 Yesua kelim le hia, "Ya mara, malu inta ja le ana? zaman tai lisa ma ja."
\v 5 Umma tou kelimu le kadamin de, "Ai haja huwo bi kelim le intum, amulu takum.
\p
\v 6 Kan fi hinak sita aziar min hajer al bi istamilu le kasil ta shokol nedif fi nizam ta Yahud, ai wahid bi shilu godur itnin aw talata mitirat.
\v 7 Yesua kelim le kadamin del, "Malau takum aziar del be moyo." Umon malau lahadi fok.
\v 8 Wa baad dak Huwo kelim le kadamin del, "Shilu tani wodi le reis ta hafla de." Umon amulu kaman.
\p
\v 9 Reis ta hafla de jeribu moyo de al gilibu biga khamur, lakin huwo ma aruf jibu min wen (Lakin kadamin del yau aruf). Huwo nadi Aris
\v 10 wa kelim le huwo, "Nas kulu bi bada be wodi khamur al tamam awel le difan. yala biga tanin del bi ja wodi wara kan nas sakaranin. Lakin inta dusu khamur al tamam de lahadi hasa."
\v 11 De kan awel mojiza Yesua amulu fi kana ta Jelil, Huwo beinu mejid tou, wa talamiz aminu be huwo.
\v 12 Baad dak Yesua, wa umma tou, wa akwana tou ruwa tehet le Capernaum wa umon geni hinak ayam besit.
\p
\v 13 Wokit Eid paska biga gerib, Yesua ruwa fok le Urselim.
\v 14 Huwo ligo tujar ta bagarat wa ta ganamayat wa ta hamamat, wa nas ta bidalu gurush gaidin hinak.
\v 15 Huwo salau sot min habil wa bada turudu nas del kulu min juwa haikal, ma del ta ganamayat wa ta bagarat. Huwo dofugu gurush kulu wa gilibu tarabizat tomon.
\v 16 Huwo kelim le nas ta biu hamamat, "Shilu takum hajat del min hini, mata takum amulu bet Abui suk."
\v 17 Talamiz tou zekiri gali katibu, "hamas ta bet taki bi akulu Ana."
\p
\v 18 Baad dak nas ta Yahudin al mosulin kelimu le Huwo, "De yatu alama Inta bi wori le nina wa Inta bi amulu hajat del?"
\v 19 Yesua juwabu, "Demiru takum haikal de kulu, wa fi talata ayam Ana bi rija gowumu fok."
\v 20 Nas Yahudin al mosulin kelim, "Haikal de abinu fi sita-arbein sena, wa Inta bi abinu fi talata ayam?
\v 21 Lakin kan, Huwo bi gasid kelim haikal ta jisim tou.
\v 22 Wa baad gomu Huwo min amuwat, talamiz tou zekiru gali Huwo kan kelimbe kida, umon biga aminu be al kitab wa kalam al Yesua kelim.
\p
\v 23 Wokit biga Huwo fi Urselim fi zaman ta Eid Paska, nas kutar aminu fi isim tou wokit umon aiynu mojizat al Huwo
\v 24 amulu. Lakin Yesua ma sedek umon ashan huwo kan bi aruf umon kwes.
\v 25 wa ashan kaman huwo ma der zol bi shahidu le huwo an ai zol, leanu huwo kan arif ai haja fi insan.
\c 3
\cl As-hah 3
\p
\v 1 Kan fi zol min nas ta Ferisin isim tou Nikodimos, huwo reis ta Yahudin.
\v 2 Zol de ja le Yesua bilel wa kelim le huwo, "Ya mualim, nina aruf gali Inta Mualim ja min Allah, ashan mafi zol bi agder amulu hajat al Inta amulu de ile kan Allah fi ma huwo."
\v 3-4 Yesua juwabu huwo, Hagiga, hagiga, ile kan weledu zol tanimara, Huwo ma bi agder aiynu molokut ta Allah." Nicodemus kelimu le huwo, "Zol kan biga ajuz bi weledu kef? Huwo ma agder dakalu batna ta umma tou tani ashan bi wekedu, hal huwo bi agder?"
\v 5 Yesua juwabu, "Hagiga, hagiga, ile kan weledu zol min moyo wa Roho, huwo bi agder dakalu fi molokut ta Allah.
\v 6 Dak al kalas weledu fi jisim huwo biga jisim, wa al weledu fi Roho huwo roho.
\v 7 Mata istagarab Ana kelim gali lazim kede weledu inta min jedid.
\v 8 Habub bi dowru ze huwo der. inta bes bi asuma sot tou, lakin inta ma bi aruf huwo jai min wen wa bi ruwa wen. Kaman zede ai zol al weledu min Roho."
\p
\v 9 Nikodemos juwabu wa kelim le huwo, "Hajat del bi hasil kef?"
\v 10 Yesua juwabu huwo gali, "Inta mualim ta Israiel, wa kaman lisa inta ma fahim hajat de?
\v 11 Hagiga, hagiga, Ana wori le inta, nina bi wonusu haja al nina arufu, wa nina bi shahidu le haja nina sufu. Lakin lisa intum ma bi sedek shuhada ta nina.
\v 12 Kan Ana kelim hajat ta dunia wa intum ma sedek, intum bi sedek kef kan biga Ana wori hajat ta Samah le intum?
\v 13 Mafi wahid futu fok fi Samah ile De al nenzil min Sama Ibin Insan.
\v 14 Ze Musa kan arfau debiba fi sahara, kaman Ibin Insan bi arfau fok.
\v 15 ashan ai zol al amin fi Huwo bi ligo haya abadia,
\p
\v 16 Allah hibu dunia shedid, ashan kida huwo rasulu ibin tou al wahid, ashan ai zol al amin fi huwo ma bi mutu lakin bi indu haya abadia.
\v 17 Allah ma rasulu Jena tou fi dunia ashan bi ja hukumu dunia, lakin ashan bi kalisu dunia be wasat huwo.
\v 18 Al amin be huwo ma bi hukumu, lakin al ma amin be huwo bi hukumu ashan huwo ma amin fi isim ta Ibin ta Allah al wahid.
\v 19 De yau sabab le al hukum; Nur ja fi dunia, wa nas hibu duluma ketir min nur ashan amail tomon batal.
\v 20 Ashan ai wahid al bi amulu hajat batal bi akrah nur wa ma bi ja fi nur ashan kede ma beinu fadia ta hajat tou al batal.
\v 21 Ashan kida, al bi amulu Hagiga bi ja fi nur ashan amail tou bi beinu huwo amulu fi Allah.
\p
\v 22 Wa baad de, Yesua ja ma talamiz tou le beled ta Yahudiya, wa geni ma umon hinak wa kan bi wodi mamudia.
\v 23 Kaman kan Yuhana bi wodi mamudia fi Aenon gerib min Salim ashan ken moyo fi hinak ketir nas bi ja akudu mamudia.
\v 24 Ashan Yuhana kan lisa ma kutu fi sijin.
\p
\v 25 Neng neng gum hasil fi nus talamiz ta Yuhana ma wahid min Yahudin be kalam kasil ta shokol nedif fi nizam ta Yahud.
\v 26 Umon gum ruwa le Yuhana wa kelim le huwo, "Ya mualim, zol al kan maak fi taraf ta nahar Ordun, al inta kan shahidu be kalam tou de, Huwo fi bi wodi mamudia wa nas kutar bi ja le Huwo."
\p
\v 27 Yuhana juwabu, "Zol ma bi ligo haja kan ma wodi le huwo min Samah,
\v 28 kaman intum bi agder shahidu gali ana kelim ana ma yau al Mesih; lakin ana rassulu gidam tou."
\v 29 Arusa tabi le aris. Wa sabi ta aris, al bi wogif wa bi asuma, huwo bi kun mokosut kan huwo bi asuma sot ta aris. Baad de farah tai kamilu.
\v 30 Huwo lazim bi zidu wa Ana lazim bi nagis.
\p
\v 31 Al ja min fok, Huwo fok min nas kulu, Wa zol al min ard huwo ta ard wa bi wonusu an al ard. Wa huwo al ja min Samah huwo fok min nas kulu.
\v 32 Bi agder shahidu kulu hajat al huwo aiynu wa asuma, lakin mafi wahid bi sedek shuhuda tou.
\v 33 Al bi rudu shuhuda tou bi sbitu gali Allah hagiga.
\v 34 Wahid al rasulu min Allah bi wonusu kalamat ta Allah. ashan huwo ma bi wodi Roho tou be wozin.
\v 35 Ashan Abu hibu ibin, huwo wodi kulu hajat fi ida tou.
\v 36 Zol al bi amin fi ibin de bi ligo haya abadia. Lakin zol al ma bi ihterim Ibin de ma bi aiynu haya, lakin zalan ta Allah bi fadulu fi ras tou.
\c 4
\cl As-hah 4
\p
\v 1 Hasa Wokit Yesua aruf gali nas ferisin asuma gali huwo shakal wa bi amidu nas kutar min Yuhana,
\v 2 hata lo Yesua kan ma bi wodi mamudia, de talamiz tou,
\v 3 Huwo sibu Yahudiya wa rija tani wara le Jelil.
\v 4 Lakin huwo kan kwes le huwo ashan bi ruwa be wasat Samira.
\v 5 Yala huwo ja le medina ta Samira, isim ta mahal de Sychar, gerib ma mahal al kan Yakub wodi le weled tou Yusif.
\v 6 Biir ta Yakub kan fi hinak. Yesua biga taban min safar tou wa geni fi biir dak. De kan biga ze saa sita.
\p
\v 7 Fii mara min Samiria ja ashan bi shilu moyo, Yesua kelim le hiya, "Wodi le ana moyo ta shirab."
\v 8 Talamiz tou ruwa fi medina ashan isteri akil.
\p
\v 9 Wa mara ta Samiria kelim le Huwo, "De bi hasil kef, Inta Yahudi, bi asalu ana mara min Samiria ashan asurubu moyo?" Yahudiyin ma bi tafig ma Samariyiin.
\p
\v 10 Yesua juwabu wa kelim le hiya, "Kan sei inta aruf hadia ta Allah, wa de munu al bi kelim le inta, wodi le ana moyo ta shirab, inta kan asalu huwo, huwo kan bi wodi le inta moyo al hai."
\p
\v 11 Mara de kelim le Huwo, "Ya seid, Inta ma indu haja al bi gatau be moyo, wa kaman biir de juwa kalis. Inta ligo moyo al hai de min wen?
\v 12 Inta ma aksen min abu ta nina Yakub, al wodi le nina biir de ashan nina bi ashrab min fogo, ze kan huwo ashrab min fogo huwo wa awulad tou wa bagarat tou."
\p
\v 13 Yesua juwabu wa kelim le hiya, "Ai wahid al bi ashrab min moyo de bi tala atshan tani mara,
\v 14 Lakin al bi ashrab min moyo al ana bi wodi le huwo ma bi tala atshan tani mara. ashan moyo al ana bi wodi le huwo de bi tala mahal al bi dofugu moyo ta haya abadia fi juwa jisim tou."
\p
\v 15 Mara de bada kelim le Huwo, "Ya seid, wodini moyo de ashan tani kede ana ma tala atshan wa ja shilu moyo min hini."
\p
\v 16 Yesua kelim le hiya. "ruwa, nadi rajil taki, wa taal hini."
\p
\v 17 Mara de juwabu wa kelim le huwo, "Ana ma indi rajil." Yesua tani juwabu hiya, "Kalam al inta gi kelim, de sah ana ma indi rajil."
\v 18 Ashan inta indak khamsa rujal, wa rajil al hasa fi ma inta de ma rajil taki. Kalam al inta kelim de sah."
\p
\v 19 Mara de kelim le huwo, "Ya seid, Ana aiynu Inta nebi.
\v 20 Abuhat ta nina kan bi abidu fi ras jebel de, lakin Inta kelim gali Urselim yau mahal al nas bi abidu fogo."
\p
\v 21 Yesua kelim le hia, "Sedek Ana ya mara, fi zaman bi ja al intum ma bi abidu Allah al Abu fi ras jebel de wele fi Urselim.
\v 22 Intum bi abidu le haja al intum ma aruf, wa nina bi abidu le al nina aruf, ashan kulasa bi ja min Yahudin.
\v 23 Ashan kida, fi zaman jai, zaman de wosulu kalas, nas al hagigin bi abidu abu fi roho wa fi hagiga, ashan al Abu deir ze nas del bikun nas al bi seli le Huwo.
\v 24 Allah Roho, wa nas al bi seli le Huwo lazim kede seli be roho wa be hagiga."
\p
\v 25 Mara de kelim le huwo, "Ana aruf Masiya bi ja (al bi nadi Mesih). kan Huwo ja, huwo bi wori kulu hajat le nina."
\p
\v 26 Yesua kelim le hiya, "Ana yau Huwo, al bi wonusu le inta."
\p
\v 27 Fi wokit dak talamiz tou wosulu, umon kan mustagrabin lee huwo kan bi wonusu ma mara de, lakin mafi wahid agder kelim, "Inta deir shunu?" wele "Lee Inta bi wonusu ma hiya?"
\p
\v 28 Min hinak mara de sibu jerdel moyo tou, wa jere fi medina, ashan bi wori le nas,
\v 29 Taal takum, aiynu takum fi zol wori le ana ai haja al ana amulu, De sei ma al Mesih?"
\v 30 Umon bada jere min medina hinak wa ja le huwo.
\p
\v 31 Fi zaman de talamiz kan bi asalu huwo, gali, "Ya mualim, akulu."
\v 32 Lakin huwo kelim le umon, "Ana indi akil al ana bi akulu intum ma bi arufu."
\v 33 Talamiz bada kelim le badu, "Bikun fi zol jibu akil le Huwo?"
\p
\v 34 Yesua kelim le umon, "Akil tai amulu meshia ta Zol al rasulu Ana wa ana bi timu shokol tou.
\v 35 Musu intum bi kelim gali, baad arba shuhur bi ja zaman ta hasad? Ana bi kelim le intum, arfa takum uyun takum fok wa aiynu takum, mahal zara biga jahis deir nadafa,
\v 36 Zol al bi nedifu bi ligo ujura tou, wa bi limu simar le haya abadia, ashan biga zol al zarau wa zol al nedifu bi kun farhanin sawa.
\v 37 Ashan zede bi sedeku kalam al gali, "Wahid bi zara, wa tani bi nedifu."
\v 38 Ana rasulu intum ashan bi nedifu haja al intum ma taban fi shokol tou, Nas tanin yau ishtakal, wa intakum ja dakalu fi shokol tomon.
\p
\v 39 Ketir min nas ta Samira fi medina dak aminu fi Huwo, ashan kalam shuhuda al mara de kan bi wori. "Huwo wori le ana ai haja al ana amulu."
\v 40 Wokit biga nas ta Samira ja le Huwo, umon kan der ashan kede Huwo geni ma umon, wa biga huwo geni hinak yomen.
\v 41 Nas tanin ketir aminu min kalm tou.
\v 42 Umon kelim le mara de, "Nina ma aminu ashan kalam al inta kelim, lakin ashan kaman nina asuma, wa nina arufu gali de yau Mukalis ta dunia hagiga."
\p
\v 43 Baad yomen de, huwo gum ruwa le Jelil.
\v 44 Ashan Yesua zatu kelim gali nebi ma bi rudu fi beled tou.
\v 45 Wokit huwo dakalu fi Jelil, nas ta Jelil rahibu Huwo. Ashan umon aiynu mojizat kulu al huwo amulu fi Urselim zaman ta Eid, ashan umon kan ruwa fi Eid.
\p
\v 46 Kaman tani huwo riga fi Kana fi Jelil, mahal al Huwo gilibu moyo merisa. Hinak fi kadam melik jena tou ayan shedid fi Capernaum.
\v 47 Wokit huwo asuma gali Yesua ja min Yahudiya te Jelil, huwo ruwa nadi Yesua ashan kede ja aliju jena tou, al kan biga gerib bi mutu.
\v 48 Yesua kelim le huwo, "ile kan intum aiynu mojizat wa ajaib, yau intum bi amin."
\v 49 Kadam ta melik kelim le huwo, "Ya seid taal gubal jena tai ma mutu."
\v 50 Yesua kelim huwo, "Ruwa, weled taki hai." Zol de sedek kalam Yesua kelim le huwo, wa huwo futu.
\v 51 Wokit huwo bi ruwa, kadamin tou ligo huwo, wa kelim le huwo gali weled taki hai.
\v 52 Huwo asalu zaman al weled de bada tala kews fogo. Umon juwabu huwo, "Umbari saa saba humma fat min huwo."
\v 53 Baad dak abu de fahim de yau zaman al Yesua kelim le huwo. "Weled taki hai." Biga huwo wa nas bet tou kulu amin.
\v 54 De kan mojiza nimira itnin Yesua amulu wokit huwo tala min Yahudiya le Jelil.
\c 5
\cl As-hah 5
\p
\v 1 Baad de kan fi Eid ta Yahud, Yesua ruwa lahadi fi Urselim.
\v 2 Hinak fi Urselim fi bab ta jena koruf, fi biir bi nadi be rutan ta Aramaic Bethesda, fi fogo kamsa rokubat.
\v 3 Nas ayanin kutar, amiyanin, moshlulin kan bi num hinak. umon bi istena ashan miten moyo ta biir de bi hariku.
\v 4 Ashan malika baad marat bi ja nenzil wa bi hariku moyo de. zol al bi nenzil nimira wahid wa bi lemesu moyo ta biir de bi ligo ilaj.
\v 5 Fi zol hinak ayan tamaniya teletin sena.
\v 6 Wokit Yesua aiynu huwo naim tehet hinak, Huwo baad ma lahiz gali zol de indu zaman ketir, huwo bada kelim le zol de "Inta der ligo ilaj?"
\v 7 Zol ayan de juwabu gali, "Ya seid, ana ma indi zol bi arfa ana fi juwa biir de kan hariku moyo de. Kan ana bi hawil ashan bi ja, zol tani bi jere guwam wa bi dakalu gidam tai."
\v 8 Yesua kelim le huwo, "Gum fok, shilu serir taki, wa douru."
\v 9 Tuwali zol de ligo ilaj, huwo arfa serir tou wa huwo furu. De kan yom sebit.
\v 10 Nas Yahudin kelim le huwo al ligo ilaj de, yom sebit inta ma indak hak ashan bi arfa biris taki" Huwo juwabu,
\v 11 " Zol al wodi le ana ilaj de huwo kelim le ana, Shilu biri wa douru."
\v 12 Umon asalu huwo, "Zol al kelim le inta, shilu biris taki wa ruwa de Huwo munu?"
\v 13 Al mohim bes, zol al ligo ilaj de huwo ma arufu kan de munu ashan Yesua futu min umon, kan fi zahma ta nas fi mahal de.
\p
\v 14 Baad zaman tani, Yesua ligo huwo fi kenisa wa kelim le huwo, "Aiynu, saha taki biga kwes! mata amulu katiya tani mar, ashan kede haja batal kalis ma hasil le inta."
\v 15 Zol de gum min hinak wa ruwa wori le nas Yahudin gali de kan Yesua yau aliju huwo
\p
\v 16 Ashan kida Yahudin bi fetisu ashan bi katulu Yesua, ashan huwo amulu haja de fi yom sebit.
\v 17 Yesua juwabu umon, "Abu tai bi istakal lahadi hasa de, wa Ana kaman bi istakal."
\v 18 Ashan kida, Yahud kan bi fekir shedid ashan bi katulu huwo ma ashan Huwo kasuru yom sebit, lakin kaman ashan huwo kelim Allah Abu tou, wa huwo kutu jisim tou sawa ma Allah
\p
\v 19 Yesua juwabu umon, "Hagiga, hagiga, weled ma bi agder amulu haja min nefsa tou, Ile bes al huwo bi aiynu Abu bi amulu, Ai haja al Abu bi amulu, weled bi amulu hajad de kaman.
\v 20 leanu abu bi hibu weled huwo bi beinu le huwo kulu hajat huwo bi amulu, wa kaman bi beinu le huwo hajat al azim ashan intum bi istagrab.
\v 21 Ze ma abu bi goumu meitin wa bi wodi le umon haya, kaman ibin bi wodi haya le ai wahid ze ma huwo der.
\v 22 Leanu abu ma bi hakimu ai zol, lakin huwo wodi hukum kulu le Ibin.
\v 23 Ashan kulu nas bi akrimu Ibin ze ma umon bi akrimu abu. zol al ma bi akrimu Ibin huwo ma bi akrimu abu al rasulu huwo.
\v 24 hagiga, hagiga, ana bi kelim le intum zol al bi asuma kalam tai wa bi amin be zol al rasulu ana huwo bi kun endu haya abadia wa huwo ma bi ruwa fi hukum, lakin huwo intakal min mutu le haya.
\p
\v 25 hagiga, hagiga, ana bi kelim le intum fi zaman bi ja, wa yau de hasa, nas al mutu bi asuma sot ta Ibin ta Allah, wa del al bi asuma umon bi hai.
\v 26 ze ma abu endu haya fi nefsu, kaman huwo wodi le Ibin bi kun indu haya fi nefsa,
\v 27 wa abu kaman wodi sulta le Ibin ashan bi hukumu ashan huwo ibin insan.
\v 28 matakum istagrab, ashan fi zaman bi ja kulu nas al fi gubur bi asuma sot tou
\v 29 wa bi tala bar: del al amulu kuwes bi gum le haya, wa del al amulu batal bi gum le hukum.
\p
\v 30 Ana ma bi agder amulu haja be nefsa tai, ze ma ana bi asuma, ana bi hukumu, wa hukum tai adil leanu ana ma bi amulu irada tai lakin irada ta abu al rasulu ana.
\v 31 Iza kan ana bi shahid le nefsa tai shuhuda tai ma hagiga.
\v 32 fi zol tani al bi shahid le ana, wa ana arufu gali shehada al huwo bi shahidu le ana de hagiga.
\v 33 rasulu intum le Yuhana, wa huwo wodi shuhuda al hagiga.
\v 34 lakin ana ma bi gabilu shuhuda ta insan. lakin ana kelim kalam de ashan intum bi ligo kulasa.
\v 35 Yuhana huwo kan lamba al walau wa bi lama wa intum rudu ashan bi kun farhanin fi nur tou le zaman besit.
\v 36 Lisa shuhuda al ana endu ahsen min ta Yuhana, ashan shokol al abu wodi le ana ashan bi kemilu, shokol de be wori gali abu yau rasulu ana.
\v 37 Abu al rasulu ana kaman bi ashad le ana. intum ma asuma sot tou wele aiynu shikil tou.
\v 38 Wa kelima tou kulu kulu ma sabit fi intum, ashan intum ma amin fi zol al Huwo rasulu.
\v 39 Fetisu takum al kutub ashan intum bi fekir gali intum bi ligo fogo haya abadia, wa kutub del bi ashad leana.
\v 40 Wa intakum aba ja le ana ashan bi ligo haya.
\v 41 Ana ma bi rudu mejid min nas.
\v 42 Lakin, ana arufu gali intum ma indu muhaba ta Allah fi nufus takum.
\v 43 Ana ja be isim ta Abu, wa intum ma rudu ana. kan zol tani yau ja be isim tou braw intum bi rudu.
\v 44 Kef intum bi amin, intum, al bi rudu mejid min baad fi baad takum lakin intum ma bi fetisu mejid al jai min Allah
\v 45 Matakum fekir gali Ana bi isteki intum gidam ta Abu. Wahid al bi isteki intum de yau Musa, ashan intum kulu raja takum le huwo.
\v 46 kan intum amin be Musa kaman intum bi agder amin be Ana, ashan huwo katibu an Ana.
\v 47 kan intum ma amin kitaba tou?"kef intum bi amin kalam tai
\c 6
\cl As-hah 6
\p
\v 1 Baad hajat de kulu, Yesua ruwa fi tija ta tani bahar jelilil, wa kaman bi nadi bahar tibiria.
\v 2 nas ketir kan bada ruwa wara ta Yesua ashan umon aiynu ajaib al kan huwo amulu fi nas al ayanin.
\v 3 wa Yesua tala fok fi jebel wa huwo geni hinak ma talamiz tou.
\v 4 (Wa fi zaman dak kan eid ta zikra ta Yahud biga gerib).
\v 5 zaman Yesua arfa ena tou huwo aiynu nas ketir bi ja le huwo, Huwo kelim le philipus, min wen ana bi ruwa biyu esh ashan nas del bi akulu
\v 6 (lakin Yesua kelim kida ashan huwo der geribu Philipus, leanu huwa arufu huwa bi ruwa amulu shunu).
\v 7 Phlilipus juwabu huwo, esh ta miten dinar ma bi agder timu hata kan besit le zol wahid.
\v 8 wahid min talamiz, Andraus, aku ta Samaan Butrus, kelim le Yesua,
\v 9 fi weled hina al endu kamsa esh sheair wa itnin samag, lakin de bi kun shunu le nas al ketir de?
\v 10 Yesua kelim, kutu nas kede geni tehet. (wa kan fi ges ketir fi mahal dak, rijal del bada geni tehet, adad tomon kamsa alif.
\v 11 Baad dak Yesua shilu esh wa baad shukur, huwo wodi le nas al geni de. huwo amulu nefsa haja le samagaten kaman, godur al homon der.
\v 12 zaman nas biga shabanin, huwo kelim le talamiz tou, limu takum bagi al kasuru de, ashan mafi haja woduru.
\v 13 Umon limu wa mala etnasar gufa min al kasuru, min esh ta sheair al fadulu min nas al akulu de.
\v 14 biga, zaman nas aiynu haja al huwo amulu de, Umon bada kelim, de hagiga nebi al bi ja fi dunia.
\v 15 wa Yesua arufu gali umon endu niya ashan bi ja shilu huwo be guwa wa bi kutu huwo melik, huwo ruwa fok fi jebel barau.
\p
\v 16 wa zaman ta misa, talamiz tou ruwa le fi bahar.
\v 17 Umon dakalu fi murkab, umon der gata bahar ashan bi ruwa fi Capernaum. zaman dak kan biga bilel, wa Yesua ma ja le umon.
\v 18 hawa shedid wa habub, ja bada hizu bahar.
\v 19 zaman umon le masafa ta kamsa wa ishirin le teletin, umon aiynu Yesua bi douru fi ras bahar gi ja gerib le murkab, wa umon bada kafu.
\v 20 Lakin huwo kelim le umon: "de ana, matakum kafu!".
\v 21 Baad dak umon rudu ashan bi gabilu huwo fi murkab. wa tuwali murkab de wosulu le mahal al kan umon bi ruwa fogo.
\p
\v 22 biga fi yom nimra itnin, nas al kan bi wogif fi taraf bahar umon aiynu be inu murkab tani biga mafi ile wahid, wa Yesua ma dakalu ma talamiz fi murkab wa lakin talamiz umon ruwa barau.
\v 23 lakin fii marakib tanin ja min Tiberias gerib ma mahal al kan umon akulu esh fogo baad ma Rabuna gedimu shukur.
\v 24 zaman nas al limu del lahizu be inu Yesua wa talamiz tou biga mafi hinak, umon kaman bada dakalu fi marakib wa umon ruwa le Capernaum ashan bi fetisu Yesua.
\v 25 wokit umon ligo huwo fi tija a tani ta bahar, umon kelim le huwo gal: "Rabbi, inta ja hini miten?"
\v 26 Yesua juwabu umon, gali, "Intum gi fetisu ana hagiga ma ashan intum aiynu mujizat, lakin ashan intum akulu esh wa biga shabanin.
\v 27 Ma takum fetisu akil al bi kalasu, lakin fetisu takum akil al bi shilu intum le haya al abadia al Ibin insan bi wodi le intum, leanu Allah kutu khitim tou fogo."
\v 28 Baad dak umon bada kelim le huwo, "ana bi amulu shunu ashan ana bi amulu shokol ta Allah?
\v 29 "Yesua juwabu wa kelim le umon, "de yau shokol ta Allah: Inu amin takum fi wahid al huwo rasulu."
\v 30 Umon kelimu le huwo, Yatu mujiza al inta bi amulu ashan nina bi aiynu wa bi amin fi inta? Inta bi amulu shunu?
\v 31 abuhat ta nina akulu al manna fi beriya, ze ma katibu, 'Huwo wodi le umon esh min samah ashan bi akulu'"
\v 32 baad dak Yesua juwabu le umon, "hagiga, hagiga, Musa yau ma wodi le intum esh min samah, lakin de Abu tai yau bi wodi le intum esh al hagiga min samah.
\v 33 leanu esh ta Allah huwo al ja min sama wa bi wodi haya le dunia."
\v 34 biga umon kelimu le huwo, "Ya said, wodi le nina esh de kulu yom."
\v 35 Yesua kelimu le umon, "Ana yau esh ta haya, zol al bi ja le ana ma bi tala jiyan, wa al bi amin fi ana ma bi kun atshan.
\v 36 Lakin ana kelim le intum hagiga intum aiynu ana, wa intum ma amin.
\v 37 kulu zol al Abu tai bi wodi le ana huwo bi ja le ana, wa zol al ja ana ma bi tala huwo bara.
\v 38 Leanu ana ja min sama, ma ashan bi amulu irada tai, lakin irada ta Allah al rasulu ana.
\v 39 De yau irada tou al huwo rasulu ana, ashan ana ma bi fakidu del al wodi le ana, lakin ana bi goumu umon fi yom ta akir.
\v 40 leanu de yau irada ta Abu tai, inu kulu zol al bi aiynu Ibin wa bi amin fogo huwo bi indu haya abadiya wa ana bi goumu huwo fi yom ta akir.
\p
\v 41 baad dak Yahudiyin bada amulu tazamur did huwo ashan huwo kelimu gal, "Ana yau esh al nezil min samah.
\v 42 Umon kelimu, "De yau ma Yesua Weled ta yusif, al nina arufu abu wa uma tou? Kef huwo bi kelimu gali ana nezil min samah'?"
\v 43 Yesua juwabu wa kelim le umon gali, matakum amulu tazamur fi baad takum.
\v 44 mafi zol bi agder ja le ana kan abu al rasulu ana ma jibu huwo, wa ana bi goumu huwo fi yom ta akir
\v 45 huwo moktub fi anbia, 'kulu zol bi alimu be Allah,' kulu zol al asuma wa ligo talim min abu tai bi ja le ana.
\v 46 Mafi zol aiynu abu, ile al huwo min Allah-yau aiynu abu.
\v 47 hagiga, hagiga, zol al bi amin indu haya abadia.
\v 48 Ana yau esh ta haya.
\v 49 abuhat takum akulu manna fi sahara wa umon mutu.
\v 50 De yau esh al nezil min samah, zol al bi akulu min esh de huwo ma bi mutu.
\v 51 Ana yau esh al hai al nezil min samah. Iza kan zol akulu min esh de, huwo bi ish le abad. wa esh al ana bi wodi de huwo gisim tai al ana dafa ashan dunia bi ligo haya.
\p
\v 52 Yahudin tala zalanin wa bada nakis fi baad tomon, bi gul "kef de bi agder wodi le nina gisim tou ashan ana bi akulu"
\v 53 Baad dak Yesua bada kelim le umon, "hagiga, hagiga, kan intum ma akulu gisim ta Ibin al insan wa ashurubu dom tou, intum ma indu haya le nefsa takum.
\v 54 zol al bi akulu gisim tai wa bi ashrub dom tai huwo indu haya abadia, wa ana bi goumu huwo fi yom ta akir.
\v 55 leanu gisim tai akil hagiga, wa dom tai shirab hagiga.
\v 56 zol al bi akulu gisim tai wa bi ashirab dom tai huwo bi sabit fi ana, wa ana fi huwo.
\v 57 Ze ma abu tai al hai rasulu ana, wa ana bi ish ashan abu, kaman zol al bi akulu ana, huwo bi ish ashan ana.
\v 58 De yau esh al nezil min samah, ma ze abuhat takum akulu wa umon mutu. zol al bi akulu esh de huwo bi hai le abad.
\v 59 Lakin Yesua kelim kalam de fi majma zaman huwo bi alimu fi Capernaum.
\p
\v 60 Baad dak ketir min talamiz tou al asuma kalam de kelimu, "de taalim al saab; munu yau bi rudu kalam de?"
\v 61 Yesua arufu be inu talamiz tou indu tazamur fi kalm de, huwo kelimu le umon, de yau sababu mushkila le intum?
\v 62 biga kan intum aiynu Ibin insan bi ruwa fok le mahal al kan huwo ja fogo min bediri?
\v 63 De Roho yau bi wodi haya, lakin gisim ma indu faida le ai haja. kalam al ana bi kelim le itntum de huwo roho, wa huwo haya.
\v 64 fi nas lisa fi nus takum al ma amin. "leanu Yesua arufu min bidaya nas munu yau ma bi amin wa de munu yau bi selimu huwo.
\v 65 huwo kelim gali,"de ashan kida ana kelimu le intum mafi zol bi agder ja le ana ile kan abu yau wodi huwo."
\p
\v 66 Ashan kida, ketir min talamiz tou rija wara wa umon tanimara ma douru ma huwo.
\v 67 wa Yesua bada kelim le itnashar de gali, intum kaman ma der rija wara, wele intum der?"
\v 68 Samaan Buturs juwabu huwo, "Ya Rab le munu nina bi ruwa? Inta indak kalam ta haya al abadia.
\v 69 wa nina amin wa ja arufu gali inta yau wahid al Kudus min Allah."
\v 70 Yesua kelim le umon, De ma ana yau azilu intum, al etnashar, wa wahid min intum sitan?"
\v 71 huwo kan gi wonusu an Yahuza weled ta samaan al escarioti, leanu huwo wahid min etnashar, de yau huwo, wahid min al etnashar, al bi selimu Yesua.
\c 7
\cl As-hah 7
\p
\v 1 Baad hajat del Yesua safir le Galileya, leanu huwo ma deir ruwa fi Yahudiya ashan nas Yahud bi fetisu ashan bi katulu huwo.
\v 2 wokit eid ta Yahudin biga gerib.
\v 3 Akwana tou kelim le huwo, "Sibu mahal de wa ruwa le Yahudiya, ashan talamiz taki kaman bi aiynu sokol al inta bi amulu.
\v 4 mafi zol bi amulu ai haja fi sir kan huwo der ashan bi arufu. kan inta bi amulu hajat del wori nefsa taki le dunia."
\v 5 leanu hata akwana tou kaman ma bi amin fi huwo. ashan kida Yesua kelim le umon,
\v 6 Zaman tai lisa ma ja, lakin zaman takum daiman jahiz.
\v 7 dunia ma bi agder ashan bi aba intum, lakin huwo bi aba ana ashan ana bi wori le huwo gali amail tou batal.
\v 8 Ruwa takum fi eid de; Ana ma bi ruwa fi eid de ashan zaman tai hasa lisa ma kalasu."
\v 9 Baad huwo kelim le umon hajat de, huwo geni fi Galileya.
\p
\v 10 Lakin zaman akwana tou tala wa ruwa fi eid, huwo kaman ruwa, ma gidam nas lakin fi sir.
\v 11 Yahudin kan bi fetisu huwo fi eid wa umon bi kelim gali wenu huwo?"
\v 12 Kan fii munakasat ketir beina nas al limu an huwo, Juzu min umon bi gul, "Huwo zol kwes." Tanin bi gul, "La huwo bi woduru nas."
\v 13 Lakin mafi zol kan wonusu be shuja gidam nas an huwo ashan kafu tomon min Yahud.
\p
\v 14 wa zaman wosulu fi nus ta eid, Yesua ruwa fi haikal wa ka huwo bi alimu.
\v 15 wa nas Yahud biga mustagrabin, umon kelim gali "kef rajil de bi arufu ketir? huwo ma mutalim.
\v 16 Yesua juwabu umon wa kelim,"talim tai ma leana, lakin le zol al rasulu ana.
\v 17 iza kan ai wahid der amulu irada tou, huwo bi arufu talim de, kan ja min Allah wele ana bi wonusu be nefsa tai.
\v 18 zol al bi wonusu min nefsa tou huwo bi talabu mejid ta tou, lakin zol al bi talabu mejid ta zol al rasulu huwo, zol de huwo hagiga, wa mafi zulum fi huwo.
\v 19 De ma musa yau wodi le intum ganun de? wa hasa mafi zol min intum bi hafisu ganun de. Lee intum gi fetisu ashan katulu ana?"
\v 20 Nas al limu de juwabu,"Inta indu sitan. Munu yau der katulu inta?"
\v 21 Yesua juwabu wa kelim le umon, "Ana amulu wahid sokol, wa intum kulu mustagrabin ashanu.
\v 22 Musa wodi le intum tuhur, (de ma min Musa lakin de min abuhat), wa fi yom sebit intum bi tehiru insan.
\v 23 Iza kan insan bi rudu tuhur fi yom Sebit ashan ganun ta musa ma bi kasuru, Lee intum zalanin min ana ashan ana aliju zol fi yom Sebit wa biga kwes?
\v 24 matakum hukumu be haja al zahir, lakin hukumu be adala."
\p
\v 25 Nas tanin min Urselim kelim, De yau ma zol al umon gi fetisu ashan bi katulu?
\v 26 Aiynu, huwo gi wonusu be huriya, wa umon ma kelim le huwo ai haja. Sei nas hukama de ma arufu hagiga gali de yau al Mesih,?
\v 27 hasa ana arufu huwo min wen. Lakin kan al Mesih ja, mafi zol bi arufu huwo min wen."
\v 28 Baad dak Yesua wonusu fok fi haikal, gi derisu wa bi kelimu, intum arufu ana wa arufu mahal al ana ja fogo. Ana ma ja be nefsa tai, lakin al rasulu ana de huwo hagiga, wa intum ma arufu huwo.
\v 29 Ana arufu huwo ashan ana ja min huwo wa huwo yau rasulu ana."
\v 30 Umon gi hawil ashan bi gobudu huwo, lakin mafi zol midu iden tou le huwo ashan saa tou lisa ma ja.
\v 31 Lakin ketir min nas amin fi huwo, wa umon kelimu, "Iza al Mesih ja, hal huwo bi amulu mujizad ketir min al de amulu.
\v 32 Pharisein asuma nas bi nakish hajat de an Yesua, wa ruasaa ta khahana wa al Pharisein rasulu kadamin ashan bi amsuku huwo.
\v 33 Yesua kelim le umon, "Ana lisa ma intum be zaman besit, baad dak ana bi ruwa le Abu tai al rasulu ana.
\v 34 intum bi fetisu ana lakin intum ma bi ligo ana; Mahal al ana bi ruwa fogo, intum ma bi agder ja fogo."
\v 35 Nas Yahud bi kelim fi baad tomon, "Zol de bi ruwa wen al nina ma bi agder ligo huwo de? Hal huwo bi ruwa fi nus ta Yonaniin al shetetu wa bi alimu Yonaniin?
\v 36 kalam de mana tou shunu al huwo kelimu de, intum bi fetisu ana lakin intum ma bi ligo ana; mahal al ana bi ruwa fogo intum ma bi agder ja fogo'?"
\p
\v 37 Wa fi akir yom kebir ta Eid, Yesua wogif wa kelim be sot fok, gali, "Kan ai wahid atshan, kede ja le Ana ashan bi ashrab.
\v 38 Al kan amin fi Ana bes ze kitab kelim, anhar ta moyo al hai bi jere min juwa batna tou."
\v 39 Lakin huwo kelim zede ashan Roho, al del al amin fi huwo bi ligo. Al Roho lisa ma wodi leanu lisa ma mejidu Yesua.
\v 40 Nas al limu tanin, wokit umon asuma kalam de, umon kelimu, "Hagiga de nebi,
\v 41 Tanin kelim, "De yau al Mesih." Lakin tanin kelim., "Sei al Mesih bi ja min Galileya?
\v 42 kitab ma kelim gali al Mesih bi ja min iyal ta Daud wa min Betlaham, beled al Daud fogo?"
\v 43 Ingisamat bada hasil fi nus ta nas al limu le sabab tou.
\v 44 Tanin hawil ashan bi gobudu huwo, lakin mafi zol kutu iden fi jisim tou.
\p
\v 45 Bad dak huras ta Hikal rija le reis ta khahana wa Pharisiin, al kelimu le umon, "Le intum ma jibu huwo?"
\v 46 Huras del juwabu, "mafi zol wonusu zede."
\v 47 Kaman al Pharisiin juwabu umon, "Kaman kabasu intum?"
\v 48 Hal fi zol min hukam amin fi kalam tou, au zol min Pharisiin?
\v 49 Lakin nas al limu al ma arufu ganun, umon bi ligo laana."
\v 50 Nikodimos (wahid min Pharisiin, al kan ja le huwo bilel) kelim le umon,
\v 51 hal ganun ta nina bi hukumu zol gubal ma asuma min huwo wa arufu haja al huwo amulu?"
\v 52 umon juwabu wa kelim le huwo, kaman inta min Galileya? fetisu wa aiynu inu mafi nebi bi jamin Galileya."
\p
\v 53 Baad dak ai zol futu le bet tou.
\c 8
\cl As-hah 8
\p
\v 1 Yesua ruwa fi Jebel Zeitun.
\v 2 Sabah bediri huwo ja fi haikal kaman, nas kulu ja, Huwo geni tehet wa bada alimu umon.
\v 3 kutaba ta ganun wa nas Pharisiin jibu mara al amsuku fi zina. Umon wogifu hiya fi nus.
\v 4 Baad dak umon kelim le huwo, "Ya Mualim mara de gobudu fi zina.
\v 5 Has fi ganun, Musa kelimu le nina sikil nas ze de bi durubu be hujar? Inta bi kelim shunu an hiya?"
\v 6 Umon kelimu kalam de ashan bi sherigu huwo ashan umon bi indu kalam al bi tahamu be huwo. lakin Yesua dengir tehet wa katibu fi turab be ida tou.
\v 7 Wokit umon gi istemir asalu huwo, huwo wogif fok wa kelimu le umon, "Zol al fi nus takum al ma indu katiya, kede huwo kun awel zol al bi shilu hajer wa durubu hiya."
\v 8 Huwo dengir tehet tanimara, wa gi katibu fi turab be ida tou.
\v 9 Wokit umon asuma kalam de, umon bada sibu mahal de wahid wahid, bada min nas kubar. Fi nihaya sibu Yesua barau, be mara al kan al fi nus de.
\v 10 Yesua gum fok wa kelimu le hiya, "Ya mara, wenu nas al tahamu inta de? mafi wahid agder hukumu inta?"
\v 11 Hiya kelimu, "Mafi wahid, Ya Rab." Yesua kelimu "kaman Ana ma bi hukumu inta, Ruwa wa mata amulu katiya tani mara.
\p
\v 12 Yesua kelimu le umon tani, gali, "ana nur ta dunia; zol al bi douru wara tai ma bi douru fi duluma lakin huwo bi kun indu nur ta haya."
\v 13 Pharisiin kelimu le huwo gali, inta bi kun shahid le nefsa taki; shuhud taki ma hagiga."
\v 14 Yesua juwabu wa kelim le umon, "Sala kan ana shahid an nefsa tai, shuhuda tai hagiga. Ana arufu ana ja min wen wa ana bi ruwa le wen, lakin intum ma arufu ana ja min wen au ana bi ruwa wen.
\v 15 Intum bi hukumu hasab gisim; ana ma bi hakimu ai zol.
\v 16 Hasa kan ana hakimu, hukum tai hagiga leanu ana ma barau, lakin ana ma Abu al rasulu ana.
\v 17 Nam, wa fi ganun takum moktub be inu nas itnin yau shuhudi al hagiga.
\v 18 ana yau shuhud ta nefsa tai, wa Abu al rasulu ana huwo bi shahid le ana."
\v 19 Umon kelimu le huwo, "wenu abu taki?" Yesua juwabu, "intum ma bi arufu ana wele Abu tai; lo kan intum arufu ana, intum kan bi arufu Abu tai."
\v 20 Huwo kelim kalam de fi al kazana wa huwo bi alimu fi haikal, wa mafi zol amsuku huwo leanu saa tou lisa ma ja.
\p
\v 21 kaman huwo kelimu le umon tani, "Ana bi ruwa; intum bi fetisu ana wa intum bi mutu fi katiya takum. Mahal al ana bi ruwa fogo intum ma bi agder ja."
\v 22 Wa Yahudiin kelimu, "Huwo bi katulu nefsa tou? De yau huwo bi kelimu, ' Mahal al ana bi ruwa fogo intum ma bi agder ja'?"
\v 23 Yesua kelimu le umon, "intum min tehet; ana min fok. intum min dunia de; ana ma min dunia de,
\v 24 ashan kida, ana bi kelimu le intum gali intum bi mutu fi katia takum. Ile kan intum amin inu ana min fok intum bi mutu fi katiya takum."
\v 25 Ashan kida umon kelimu le huwo, "inta munu?" Yesua kelimu le umon, Ana wori le intum min bidaya
\v 26 ana indi hajat ketir ashan bi wonusu wa bi hukumu an intum. al mohim zol al rasulu ana de huwo hagiga; wa hajat al ana asuma min huwo, hajat de ana bi wori le dunia,"
\v 27 umon ma fahim gali huwo bi kelimu le umon an Abu.
\v 28 Yesua kelimu, "kan intakum arfa Ibin insan, yau intum bi arufu inu de Ana, wa ana ma amulu ai haja be nefsa tai. ze ma abu alimu ana, ana bi wonusu hajat de.
\v 29 Huwoal rasulu ana huwo fii ma ana, wa huwo ma bi sibu ana barau, leanu ana fi kulu zaman bi amulu al huwo bi rudu."
\v 30 wokit Yesua bi kelimu hajat de, ketiriin amin fi huwo.
\p
\v 31 Yesua kelimu le Yahudiin al amin fi huwo, "kan intum sabit fi kalam tai, intum bi kun talamiz tai al hagiga;
\v 32 wa intum bi arufu al hagiga; wa hagiga bi hariru intum."
\v 33 umon juwabu huwo, "Nina iyal ta Ibrahim wa ma geni abid ta ai zol kulu kulu; kef inta bi kelimu; 'Bi sibu intum ashan bi kun hur '?"
\v 34 Yesua juwabu umon, "Hagiga hagiga Ana wori le intum, ai wahid al bi amulu katiya huwo abid ta katiya.
\v 35 Kadam ma bi geni fi bet le nihaya, weled yau bi geni fi bet le nihaya.
\v 36 Ashan kida, kan weled hariru intum, hagiga intum bi kun hur.
\v 37 Ana arufu intum iyal ta iyal ta Ibrahim; intum bi fetisu teriga ashan bi katulu Ana ashan kalam tai ma ligo mahal fi intum.
\v 38 Ana bi kelimu haja al ana aiynu min Abu tai, wa intum bi amulu haja al intum asuma min abu takum."
\v 39 Umon juwabu wa kelimu le huwo, "Abu ta nina Ibrahim." Yesua kelimu le umon, "Kan intum iyal ta Ibrahim intum bi amulu shokol ta Ibrahim. Lisa,
\v 40 hasa intum bi fetisu ashan bi katulu Ana, zol al wori le intum al hagiga al Ana asuma min Allah. Ibrahim ma amulu zede.
\v 41 Intum bi amulu shokol ta abu takum." Umon kelimu le huwo, "Ma weledu nina be amiliya ta zina; nina indu Abu wahid; Yau Allah."
\v 42 Yesua kelimu le umon, ka Allah yau abu takum, intum bi hibu ana, ashan ana ja min Allah ana yau hina; ana ma ja be nefsa tai, Lakin huwo yau rasulu Ana.
\v 43 lee intum ma bi fahim kalam tai? de ashan intum ma agder asuma kalam tai.
\v 44 intum ta abu takum, iblis, intum der amulu niya ta abu takum. huwo kan bi katil min bidaya huwo ma bi wogif fi hagiga ashan mafi hagiga fi huwo. kan huwo bi wonusu kidib, huwo bi wonusu min tebiya to ashan huwo kadab wa abu ta kadabin.
\v 45 Lisa ashan ana bi kelimu hagiga, intum ma bi sedek Ana.
\v 46 Munu min intum bi wori katiya tai? Kan ana bi wonusu hagiga, le intum ma bi sedek Ana?
\v 47 Zol al kan ma Allah bi asuma kalam ta Allah; intum ma bi asuma umon ashan intum ma min Allah."
\v 48 Yahudin juwabu wa kelim le huwo, "Nina ma wori gali inta Samiriya wa inta indu sitan?"
\v 49 Yesua juwabu, "Ana ma indu sitan, lakin ana bi ihterim Abu tai, wa intum bi alisu ana.
\v 50 Ana ma bi fetisu mejid tai; fi wahid al bi fetisu wa bi hukumu.
\v 51 Hagiga, hagiga, Ana bi kelimu le intum, kan ai wahid bi hafizu kalam tai, huwo ma bi aiynu mutu."
\v 52 Yahudin kelim le Huwo, "Hasa nina aruf gali Inta indu sitan. Ibrahim wa anbiya mutu; lakin inta kelim, "Kan ai wahid bi hafisu kalam tai, huwo ma bi jeribu mutu."
\v 53 Inta ma kebir min abu ta nina Ibrahim al mutu, sei de inta? Anbiya kaman mutu mutu. Inta der wori nefsa taki gali inta munu?"
\v 54 Yesua juwabu, kan Ana bi mejidu nefsa tai, mejid tai ma indu faida; abu tai yau bi mejidu Ana - de munu al intum bi kelim huwo yau Allah.
\v 55 Intum ma arufu huwo, lakin ana bi aruf huwo. Kan ana bi kelim, "Ana ma bi aruf huwo, Ana bi kun ze intum, kadab. Lakin, Ana bi aruf huwo wa bi hafizu kalam tou.
\v 56 Abu takum Ibrahim tala mokosut wokit huwo aiynu yom tai, huwo aiynu wa kan mokosut."
\v 57 Yahudin kelim le huwo, "Inta lisa ma wosulu kamsin sena, wa inta aiynu Ibrahim?
\v 58 Yesua kelim le umon, "Hagiga, hagiga, Ana kelim le intum, gubal Ibrahim, Ana fi."
\v 59 Umon gum arfa hujar ashan bi luku huwo, lakin Yesua katis fi nus tomon wa tala min haikal.
\c 9
\cl As-hah 9
\p
\v 1 Hasa ze ma Yesua bi ruwa, huwu aiynu zol amiyan mini weledu huwo.
\v 2 talamiz tou asalu huwo, "rabi, munu amulu katiya, de zol de wele abuhat to, yau weledu huwo amiyan?"
\v 3 Yesua juwabu, "zol de ma amulu katiya wele abuhat tou, lakin ashan shokol ta Allah bi zahir fi huwo.
\v 4 Lazim nina bi istakal shokol tou al huwo rasulu ana ligo lisa nahar. bilel bi ja al mafi zol bi agder Istakal.
\v 5 Ligo ana fi dunia, ana yau nur ta dunia."
\v 6 Baad ma Yesua kelim kalamat de, huwo tufu fi wata, huwo amulu tin be buzak, wa laysu tin de fi uyun tou.
\v 7 Huwo kelim le huwo, "Ruwa, kasulu fi bir ta Siloam (al bi terjimu gali: rasulu)." Yala zol de ruwa, kasulu, wa rija biga bi aiynu.
\v 8 Baad dak jerenat tou wa nas al kan aiynu huwo min bederi ze shahad kan kelimu, "de ma yau zol al bi geni wa bi asalu gurus min nas?"
\v 9 tanin gi kelimu de huwo," tanin kelimu, "la lakin huwo ze huwo." Lakin huwo kelimu,"de ana."
\v 10 Umon kelimu le huwo, "biga uyun taki fata kef?"
\v 11 Huwo juwabu, "zol al isim tou Yesua de amulu tin wa leyesu fi uyun tai wa kelimu le ana. 'Ruwa le Siloam wa kasulu.' yau ana ruwa wa kasulu, wa uyun tai fata."
\v 12 Umon kelimu le huwo, wenu huwo?" Huwo juwabu, Ana ma arufu."
\p
\v 13 Umon jibu zol al kan amiyan de le Pharisiin.
\v 14 kan de fi yom sebit zaman Yesua amulu tin wa fata ena tou.
\v 15 Pharisiin asalu huwo tanimara kef uyun tou fata. huwo kelimu le umon, huwo kutu tin fi uyun tai, ana kasulu, wa hasa ana bi aiynu."
\v 16 Pharisiin tanin kelimu, "Zol de ma min Allah ashan huwo ma hafisu yom sebit." tanin kelimu, zol ta katiya bi amulu mujizat kef?" Yala umon kan indu iktilafat fi badu tomon.
\v 17 Umon asalu zol al amiyan de tani, inta bi kelimu shunu an huwo, ze huwo fata uyun taki?" zol al amiyan de kelimu, "Huwo nebi."
\v 18 Hasa Yahudin de lisa ma bi sedek an huwo gali huwo kan amiyan wa huwo biga bi aiynu lahadi umon nadi abuhat ta zol al kan biga gi aiynu de.
\v 19 Umon asalu abuhat, de yau weled takum al intum kelimu gali weledu huwo amiyan? Huwo gi aiynu hasa kef?"
\v 20 Abuhat ta weled de juwabu umon, Nina arufu gali de weled tanina wa weledu huwo kan amiyan.
\v 21 Kef huwo bi aiynu hasa, nina ma arufu, wa munu yau fata uyun tou, nina ma arufu. asalu takum huwo, Huwo biga kebir. huwo bi agder wonusu an nefsa tou."
\v 22 Abuhat tou kelimu zede, leanu umon kan bi kafu min al Yahudiin. Leanu Yahudiin tafig gali kan ai wahid rudu gali de Mesih, bi jadau huwo bara min mujama.
\v 23 ashan kalam de, abuhat tou kelim, "huwo biga kebir, asalu huwo."
\v 24 Umon nadi zol al kan amiyan de tani mara wa kelimu le huwo, Wodi mejid le Allah. Nina arufu gali zol de huwo ta katiya."
\v 25 Baad dak zol de rija juwabu, ana ma bi arufu kan huwo ta katiya." Wahid haja ana bi arufu: ana kan amiyan, wa hasa ana bi aiynu."
\v 26 Umon kelimu tanimara le huwo, "Huwo amulu le inta shunu? Huwo fata uyun taki kef?"
\v 27 huwo juwabu, ana kan kalas wori le intum, wa intum ma asuma! Lee intum der asuma tanimara? intum ma der ashan bikun talamiz tou kaman, wele intum deirin?
\v 28 Umon sitimu huwo wa kelimu, "Inta telmiz tou, Lakin nina talamiz ta Musa.
\v 29 Nina arufu gali Allah wonusu le Musa, lakin nina ma arufu de min wen."
\v 30 Zol de juwabu wa kelimu le umon, De ajib, intum ma bi arufu huwo min wen, wa lakin huwo fata uyun tai,
\v 31 Nina arufu gali Allah ma bi asuma le katiyin, lakin kan wahid tani mumin wa amulu irada tou, huwo bi asuma le huwo.
\v 32 min bidaya ta dunia mafi zol asumau gali fii zol fata uyun ta zol al weledu amiyan.
\v 33 kan zol de ma min Allah huwo ma bi agder amulu haja."
\v 34 Umon juwabu wa kelimu le huwo, weledu inta kamil fi katiya, wa inta gi alimu nina?" Baad dak umon jada huwo bara min mujama.
\p
\v 35 Yesua asuma gali umon jada huwo bara min mujama. Huwo ligo huwo wa kelimu, "Sei inta amin fi Ibin al insan?"
\v 36 Huwo juwabu wa kelimu, "Huwo munu, Rabuna, ashan ana bi amin fi huwo?"
\v 37 Yesua kelimu le huwo, "inta aiynu huwo, wa de huwo yau bi kelimu ma inta."
\v 38 Zol de kelim, "Rabuna, ana amin " wa huwo abidu huwo.
\v 39 Yesua kelimu, "le hukum ana ja fi dunia ashan del al ma bi aiynu bi aiynu wa le del al bi aiynu umon bi tala amiyanin."
\v 40 Pharisin al kan ma huwo asuma hajat de wa asalu huwo, "Hal nina kaman amiyanin?"
\v 41 Yesua kelimu le umon, "Iza kan intum amiyanin, intum kan ma indu katiya, lakin hasa intum kelimu, 'nina bi aiynu, ashan kida intum lisa fi katiya.
\c 10
\cl As-hah 10
\p
\v 1 hagiaga hagiga ana bi kelimu le intum, zol al ma bi dakalu min bab le zeriba ta kurufan, lakin huwo bi tala min sika tani, zol de harami wa bi ja seregu.
\v 2 wa le huwo al bi dakalu min bab huwo rai ta korufan.
\v 3 Haris ta bab de bi fata le huwo. korufan de bi asuma sot tou, wa huwo bi nadi korufan tou be isim tomon wa bi tala umon bara.
\v 4 zaman huwo bi tala umon kulu bara, huwo bi ruwa fi gidam tomon, wa korufan de bi ruwa wara tou, leanu umon arufu sot tou.
\v 5 Umon ma bi ruwa wara ta ai zol sambala lakin umon bi jere min huwo, ashan umon ma bi arufu sot ta nas tanin,"
\v 6 Yesua wori le umon misal de, lakin umon ma fahim de yatu hajat al kan huwo bi kelimu le umon.
\p
\v 7 Baad dak Yesua kelimu le umon tani mara, "hagiga, hagiga, ana bi kelim le intum, Ana bab ta korufan.
\v 8 Ai wahid huwo ja gubal Ana huwo harami wa bi seregu, lakin korufan ma asuma le umon.
\v 9 Ana yau bab. kan ai wahid dakalu be wasat ana, huwo bi ligo kulasa; huwo bi dakalu wa bi tala wa bi ligo akil tou.
\v 10 harami ma bi ja ile ashan bi seregu wa bi katulu wa bi demiru. ana ja ashan umon bi kun indu haya wa bi kun indu aktar.
\v 11 Ana rai al kwes. Rai al kwes bi wodi haya tou le korufan.
\v 12 Kadam al ajiru huwo ma rai wa korufan de ma tou. huwo bi aiynu morofain bi ja wa bi sibu korufan wa bi jere, biga morofain de bi gobudu korufan wa bi demiru umon.
\v 13 Huwo bi jere bara ashan ajiru huwo wa huwo ma fadi le korufan de.
\v 14 Ana yau rai al kwes. wa ana bi arufu korufan tai wa korufan tai bi arufu ana.
\v 15 Abu tai bi arufu ana wa ana bi arufu Abu tai, wa ana bi wodi nefsa tai le korufan.
\v 16 Ana indu korufan tanin al ma min zeriba de. Ana lazim bi jibu umon, wa umon kaman bi asuma sot tai ashan getih bi kun wahid wa rai wahid.
\v 17 De yau sabab al Abu tai bi hibu ana: ana bi wodi nefsa tai ashan ana bi shilu fok tani.
\v 18 Mafi zol bi shilu bara min ana tanimara, lakin ana wodi nefsa tai. ana indu sulta ashan bi wodi nefsa tai, wa ana indu sulta ashan bi shilu fok kaman. ana ligo wosia de min Abu tai."
\p
\v 19 Ingissamat tani hasil fi wasat ta Yahudin ashan kalam de.
\v 20 ketir min umon kelimu, "huwo indu sitan wa huwo mojunun. lee intum bi asuma le huwo?"
\v 21 tanin kelim, "de ma kalam ta sitan-zol muskun. Sei sitan bi agder fata uyun ta amiyan?"
\p
\v 22 Baad dak kan zaman ta eid ta tejdid fi Urselim.
\v 23 De kan fi shita, wa Yesua kan bi douru fi haikal fi rawak suliman.
\v 24 Yahudin bada limu hauli huwo wa kelim le huwo, Le miten inta bi aligu nufus ta nina? kan inta Mesih kelimu le nina be wadeh."
\v 25 Yesua juwabu le umon, "Ana kelim le intum, lakin intum ma amin. shokol al ana bi amulu be esim ta Abu tai, de bi shahid le ana.
\v 26 Hasa intum ma bi amin ashan intum ma korufan tai.
\v 27 korufan tai bi asuma sot tai; ana bi arufu umon, wa umon bi ruwa wara tai.
\v 28 ana bi wodi le umon haya abadia; umon ma bi mutu, wa mafi zol bi agder shilu umon min ida tai.
\v 29 Abu tai, al huwo wodi umon le ana, huwo Akbar min kulu, wa mafi zol bi agder shilu umon bara min ida ta abu tai.
\v 30 Ana wa Abu wahid."
\v 31 Biga Yahudin arfa hujar tani ashan bi durubu huwo.
\v 32 Yesua juwabu umon, "Ana wori le intum shokol ketir al kwes min Abu, Be sabab shokol yatu intum der durubu ana?"
\v 33 Yahudin juwabu huwo, nina ma bi durubu inta ashan ai shokol al kwes, lakin ashan tejdef, ashan inta, insan, bi amulu nefsa taki Allah."
\v 34 Yesua juwabu umon, "sei ma katibu fi ganun takum, 'Ana kelim, "intum aliha'"?
\v 35 kan kelimu le umon rabunat, le del al kalam ta Allah ja le umon (wa umon ma kasuru kalam ta kitab al mukadas),
\v 36 intum bi kelim le zol al ektaru wa rasulu huwo le dunia, 'inta bi jedifu; ashan ana kelim gali ana jena ta Allah'?
\v 37 kan ana ma bi amulu shokol ta abu tai, matakum amin be ana.
\v 38 lakin kan ana bi amulu huwo hata kan intum ma amin be ana, amin takum fi shokol ashan intum bi arufu wa bi fahim gali Abu fi ana wa ana fi abu."
\v 39 Umon hawil ashan bi gobudu huwo tani, lakin huwo tala bara min iden tomon.
\p
\v 40 Huwo ruwa tani be Jordon le mahal al kan Yuhana kan bi amidu foku min bidaya, wa huwo geni hinak.
\v 41 Ketir min nas ja le huwo wa umon kelim, "Yuhana fi hagiga ma amulu ai eshara, lakin kulu hajat Yuhana kelim an zol de hagiga."
\v 42 Nas ketir amin fi huwo hinak.
\c 11
\cl As-hah 11
\p
\v 1 Kan fi zol ayan isim tou Lazarus. huwo min Bethany, beled ta nas Mariam wa Martha ukut tou.
\v 2 Mariam huwo yau al kan masau kura ta Yesua bi riha wa masau bi shar tou, aku tou Lazarus kan ayan.
\v 3 Baad dak ukuwat del rasulu kabara le Yesua, gali, "Ya Rab, aiynu zol al inta bi hibu de huwo ayan."
\v 4 Zaman Yesua asuma, Huwo kelim gali, "Ayan de ma le mutu, lakin ashan bi mejidu Allah wa ashan Ibin Allah bi mejidu be huwo."
\v 5 Kan Yesua bi hibu Martha wa ukut to Mariam wa Lazarus.
\v 6 Ashan kida wokit Huwo asuma gali Lazarus kan ayan, Yesua akir geni tani yomen ziyada fi mahal al huwo kan fi fogo.
\v 7 Baad dak, Huwo kelim le talamiz, "Kede nina ruwa tani fi Yahudia."
\v 8 Talamiz biga kelim le Huwo, "Ya Mualim, hasa de nas Yahudin bi hawil ashan bi durubu Inta, wa kaman Inta gi ruwa hinak tani?"
\v 9 Yesua juwabu, "Musu saat ta nahar itnashar saa fi yom al wahid? kan zol bi douru be nahar, huwo ma bi augu ashan huwo bi aiynu be nur ta nahar.
\v 10 Wa ashan kida, kan huwo bi douru be bilel, huwo bi augu ashan nur mafi fogo."
\v 11 Huwo kelim zede, wa baad dak, huwo kelimu le umon, "Aku ta nina Lazarous gi num, lakin Ana mashi ashan Ana bi goumu huwo min num."
\v 12 Ashan kida talamiz kelimu le huwo, "Ya Rab, kan huwo bi num, huwo bi gum."
\v 13 Yesua kan gasit wonusu an mutu ta Lazarus, lakin umon fekir gali huwo kan bi kelimu an num ta raha.
\v 14 Baad dak Yesua kelimu le umon be saraha, "Lazarus mutu.
\v 15 Ana farhan, le ajli intum, ana kan mafi hinak ashan intum bi amin. kede nina ruwa le umon."
\v 16 Thomas, al umon timania, kelim le talamiz al bi ruwa ma huwo, kede nina kaman ruwa ashan kaman nina bi mutu ma Yesua."
\p
\v 17 Zaman Yesua ja, huwo ligo Lazarus kan kalas indu arba ayam fi turuba.
\v 18 Bethany kan gerib ma Urselim, masafa talata kilu miter min sika.
\v 19 ketir min Yahudin kan ja le mariam wa martha, ashan bi azi le umon an aku tomon.
\v 20 Biga zaman martha, asuma gali Yesua jai, hia ja ashan bi gabilu huwo, lakin mariam kan geni fi bet.
\v 21 Martha biga kelimu le Yesua, "Rabi, lo kan inta heni, aku tai kan ma bi mutu
\v 22 hasa, ana arufu gali ai haja al inta bi asalu min Allah, huwo bi wodi le inta."
\v 23 Yesua kelimu le hiya, Aku taki bi gum tani."
\v 24 Martha kelimu le huwo, Ana aruf huwo bi gum fi youm ta giyama yom ta akir."
\v 25 Yesua kelimu le huwo, "Ana yau giyama wa haya; al kan amin fi Ana, sala kan huwo mutu, bi hai;
\v 26 wa al kan hai wa amin fi Ana ma bi mutu. Sei inta bi sedek?
\v 27 hiya kelimu le huwo, "Nam ya rab, Ana amin gali inta yau Mesih, Ibin Allah, al bi ja fi dunia.
\v 28 "Zaman hiya kelimu kalam de, hiya ruwa nadi ukut toi mariam be siir. wa hiya kelimu, Mualim fi hini wa huwo bi nadi inta."
\v 29 Zaman hiya asuma kalam de, hiya gum be sura wa ja le huwo.
\v 30 Yesua lisa ma ja fi karia lakin huwo kan fi mahal al mariam gabil ma huwo fogo de.
\v 31 Zaman Yahud, al kan ma hia biga fi bet wa al kan bi azi hiya, umon aiynu mariam gum fok be sura wa tala bara, umon ruwa wara ta hia, umon fekir gali hia bi ruwa fi kubur ashan bi kori hinak.
\v 32 Zaman mariam ja fi mahal al Yesua kan foko wa hiya aiynu huwo, hia waga tehet gura tou, wa kelimu le huwo, "ya Rab, lo kan inta hina, aku tai kan ma bi mutu."
\v 33 Zaman Yesua aiynu hiya bi kori, wa Yahud al ja ma hiya kaman bi kori, huwo kan dakalu fi roho bito wa huwo galgan;
\v 34 huwo kelimu, intum kutu huwo wen?" umon kelimu le huwo, ya Rab taal wa aiynu."
\v 35 Yesua kori
\v 36 Biga Yahudin kelimu, "Aiynu godur sunu huwo bi hibu Lazarus!"
\v 37 Lakin baad min umon kelimu, De sei ma yau zol de, al fata uyun ta zol al amiyan de, kaman ma bi agder ashan bi kutu zol de ma bi mutu?"
\v 38 Baad dak Yesua tanimara, kan ma murta ruwa fi turuba. turuba de kan fi juwa hujar, wa kan kati be hajer.
\v 39 Yesua kelimu, shilu hajerr de bara." Martha ukut ta Lazarus, la huwo mutu, kelim le Yesua, "Ya Rab, wokit ze de gisim de kalas karabu, leanu huwo mutu indu arba ayam."
\v 40 Yesua kelimu le hiya, Ana ma kelimu le inta gali, kan inta amin, inta bi aiynu mejid ta Allah?"
\v 41 Ashan kida umon tala hajer de bara. Yesua arfa uyun tou fok wa kelimu. "Abu tai, ana bi rija le inta shukuran ashan inta asuma le ana.
\v 42 Ana arufu gali inta bi asuma le ana fi kulu zaman, lakin ashan nas al fi gidam tai de ana kelim kalam de, ashan umon bi amin gali inta rasulu Ana."
\v 43 Baad ma huwo kelimu kalam de, huwo kori be sot shedid, "Lazarus, taal bara!"
\v 44 Zol al mutu de tala bara; kura wa ida tou kan murbut be malabis, wa wosa tou kan lifu be gumas. Yesua kelimu le umon, "fiku huwo wa kede huwo ruwa."
\p
\v 45 ketir min Yahud al ja le mariam wa umon aiynu haja al Yesua amulu, umon amin fi huwo.
\v 46 lakin tanin min umon ruwa le Pharisin wa kelimu le umon hajat al Yesua amulu.
\p
\v 47 Baad ruasa ta khahana wa Pharisin ze mejles ma bada wa kelimu, Nina bi amulu shunu? Zol de amulu hajat ketir.
\v 48 kan nina sibu huwo barau ze de, kulu nas bi amin fi huwo; nas Romanin bi ja wa bi silu mahal bi ta nina wa uma ta nina."
\v 49 Be hala tani, Zol fi nus tomon, Caiaphas, kan min mustawa al fok le ruasa ta khahana fi sena dak, kelimu le umon,
\v 50 intum ma bi arufu ai haja. intum ma bi fekir gali aksan le inta kede zol wahid mutu le nas bidal umam kulu bi mutu."
\v 51 Hasa huwo ma bi kelimu min nefsa tou. lakin, huwo reis ta khahana fi sena dak, huwo naba gali Yesua bi mutu le umam;
\v 52 wa ma bes le umam, lakin kaman ashan bi limu iyal ta Allah ali ferigu del fi mahal wahid.
\v 53 min yom dak le gidam umon katitu kef umon bi kutu Yesua bi mutu.
\p
\v 54 Shilu zaman Yesua ma bi ruwa fi gidam ta Yahud be moftuh, lakin huwo ruwa min hinak le bilad gerib min beriya le medina bi nadi Ephraim. Huwo geni hinak ma talamiz tou.
\v 55 eid al Paska ta Yahud kan biga gerib, wa ketirin tala wa ruwa fi Urselim min medina gubal eid al Paska umon der ruwa nedefu nufus tomon
\v 56 Umon kan bi fetisu Yesua, wa bi kelim le badu tomon ze umon bi wogif fi haikal, "intum bi fekir shunu? sei huwo ma bi ja fi eid?"
\v 57 wa kan reis ta khahana wa Pharisin wodi talimat gali kan ai wahid arufu Yesua wen, kede huwo ja wori ashan umon bi amsuku huwo.
\c 12
\cl As-hah 12
\p
\v 1 Gubal sita yom min eid paska, Yesua ja le Bethany, mahal al kan Lazarus fogo, al Yesua goumu huwo min mutu.
\v 2 Umon amulu le huwo asha hinak, wa martha kan bi kadimu, lakin Lazarus wahid min nas del al kan bi geni tehet fi terbeza ma Yesua.
\v 3 Baad dak mariam shilu riha min zet ta nardin al gali, wa hiya masa fi kura ta Yesua, wa hiya masa kura ta Yesua be shar tou. Bet de kan biga mala be riha de.
\v 4 Yahuza iscarioti, wahid min talamiz tou, al amulu le huwo kayana, kelimu,
\v 5 "Malu ma biyu riha de be tultumiya dinar wa bi wodi le masakin?"
\v 6 Huwo kelimu kalam de, ma ashan huwo bi ihtam be masakin, lakin ashan huwo kan harami: huwo kan indu shanta ta hafisu gurus wa huwo kan der seregu min al kutu foko.
\v 7 Yesua kelimu, "Sibu takum hiya kede hafisu le yom ta defin tai.
\v 8 Intum indu masakin kulu yom ma intum. lakin ana mafi ma intum kulu yom."
\p
\v 9 ketir min mojmu ta Yahud arufu gali Yesua fi hinak, wa umon ja, ma bes le Yesua, lakin kaman ashan bi ja aiynu Lazarus, al Yesua goumu min mutu.
\v 10 Reis ta khahana umon tifagu ma baad tomon ashan bi katulu Lazarus tani;
\v 11 ashan kan be sabab tou ketir min Yahud bada ruwa wa amin fi Yesua.
\p
\v 12 Fi yom al tani mojmu ketir ja fi eid. zaman umon asuma gali Yesua kan jai fi Urselim,
\v 13 umon shilu furu ta shejera ta nahal wa umon tala ashan bi gabili huwo wa umon bi wonusu be sot fok, "Hosanna! baraka le de al bi ja be isim ta Rabuna, Melik ta Israel."
\p
\v 14 Yesua ligo humar suker wa wa huwo geni fogo; ze ma huwo kan katibu,
\q
\v 15 Mata kafu, biniya ta Zion; Melik taki jai, bi geni fi humar."
\p
\v 16 Talamiz tou ma fahim hajat de min bidaya; lakin Yesua kan mejidu, umon zekir gali hajat de kan katibu an huwo wa wa umon kan amulu hajat de le huwo.
\v 17 Hasa nas al limu de shahidu gali umon kan ma huwo zaman huwo nadi Lazarus bara min turuba wa huwo gumu huwo min mutu dak.
\v 18 Kaman kan le sabab de yau nas al limu de ja ashan bi gabilu huwo, ashan umon asuma gali kan huwo amulu ishara. ashan kida
\v 19 Pharisin kelim le badu tomon, "aiynu, intum ma bi agder amulu ai haja; aiynu, dunia de bi ruwa wara tou."
\p
\v 20 Yunaniin kan fi nus ta nas del al kan bi ruwa le ibada fi eid.
\v 21 Umon ruwa le Philipus, al kan min bethsaida fi Galileya, wa asalu huwo gali, "Sa seid nina ja ashan bi aiynu Yesua."
\v 22 Philipus ja wa kelimu le Andraus; Andraus ruwa ma Philipus, wa umon kelimu le Yesua.
\v 23 Yesua juwabu umon wa kelimu, Saa kalas ja ashan bi mejidu Ibin al insan.
\v 24 Hagiga, hagiga, ana bi kelimu le intum, kan hubub ta hanta ma waga fi wata ashan bi mutu, bi fadulu ze ma huwo barau; lakin kan huwo mutu, huwo bi jibu samar ketir.
\v 25 Al bi hibu haya tou huwo bi fagidu; lakin al bi aba haya tou fi dunia de huwo bi hafisu le haya abadiya.
\v 26 Kan ai zol bi kadimu ana; kede huwo ja wara tai; wa mahal al ana fogo kadam tai kaman bi geni fogo, kan zol al bi kadimu ana, Abu bi akrimu huwo.
\v 27 Hasa rohu tai galgan wa ana bi kelimu shunu?
\v 28 Abu tai, hafisu ana fi saa de'? Lakin le sabab de ana ja fi saa de. ya Abu, tai mejidu isim taki. "Baad dak sot ja min samah wa kelimu, ana mejidu huwo wa ana bi mejidu huwo tani."
\v 29 Baad dak mujmu al kan wagif wa asuma gali raad kan hasil. tanin kelimu, "Malaika yau kan bi kelimu le huwo."
\v 30 Yesua juwabu wa kelimu, Sot de ma ja le ana, lakin le intum.
\v 31 Hasa de hukum ta dunia: hasa hakim ta dunia de bi jadau bara.
\v 32 Zaman al ana bi ruwa fok min ard de, ana bi shilu kulu nas le nefsa tai."
\v 33 Huwo kelimu ze de ashan huwo der wori ishara ta mutu al huwo der mutu.
\v 34 Nas al limu de juwabu huwo, nina asuma min namus gali al Mesih bi geni ilel abad. Inta bi kelimu, Kef Ibin al insan bi ruwa fok? Ibin al insan de munu?"
\v 35 Yesua biga kelimu le umon, "nur bi geni ma intum le zaman besit. Douru takum ashan intum indu nur, ashan duluma kede ma ja ligo intum. zol al bi douru fi duluma huwo ma bi arufu huwo bi ruwa wen.
\v 36 Ze intum indu nur, amin takum fi nur asha intum bi kun iyal ta nur." Yesua kelimu hajat de wa biga huwo ruwa wa wodoru min umon.
\v 37 Hata kan Yesua amulu mujizat ketir fi gidam tomon, lisa umon ma bi amin fi huwo
\v 38 ashan kalam ta nebi isaiah de bi timu, fi kalam tou: "Ya Rab, Munu yau amin kalam ta nina, Ida ta Rabuna zahir le munu?"
\p
\v 39 Le sabab de umon ma der amin leanu Isaiah kaman kan kelimu,
\q
\v 40 Huwo gofulu uyun tomon, wa huwo kutu gulub tomon tala gowi; au umon ma bi aiynu be uyun tomon wa bi fahim be gulub tomon, wa umon bi rija wa ana bi aliju umon."
\p
\v 41 Isaiah kelimu hajat de ashan huwo aiynu mejid ta Yesua wa huwo bi kelimu an huwo.
\v 42 Lakin be kalam dak, ketir min hukam amin fi Yesua; lakin be sabab ta Pharisin, umon ma iteref be huwo ashan kede ma hanziru umon min majma.
\v 43 Umon hibu mejid al bi ja min nas aktar min mejid al bi ja min Allah.
\p
\v 44 Yesua wonusu be sot fok kelimu, Le de al bi amin fi ana, ma bes bi amin be ana lakin kaman fi huwo al rasulu ana,
\v 45 wa le zol al aiynu ana huwo aiynu al rasulu ana.
\v 46 Ana ja ze nur fi dunia de, ashan al bi amin fi ana ma bi geni fi duluma.
\v 47 Iza kan ai zol asuma kalam tai lakin ma bi ish fogo, ana ma bi hakimu huwo, leanu ana ma ja ashan bi hukumu dunia de, lakin ashan bi kalisu dunia.
\v 48 zol al bi aba ana wa al ma bi rudu kalam tai, huwo indu zol al bi hakimu huwo. kalam al ana kelimu de bi hakimu huwo fi yom ta akir.
\v 49 Leanu ana ma kelimu be nefsa tai, lakin de Abu al rasulu ana, huwo yau wodi le ana wosiya an shunu ana bi kelimu wa shunu ana wonusu.
\v 50 Ana arufu wosiya tou de haya abadiya, ashan kida al ana bi kelimu- ze ma Abu yau kelimu le ana, yau ana bi kelimu."
\c 13
\cl As-hah 13
\p
\v 1 Hasa de kan gubal eid ta Paska. Yesua arufu gali saa tou ja ashan huwo bi ruwa min dunia de wa huwo bi ruwa le Abu. Huwo kan hibu nas tou fi dunia, huwo hibu umon le nihaya.
\v 2 Hasa sitan kan kalas kutu fi gelba ta Yahuza Iscarioti weled ta Samaan, ashan bi selimu Yesua.
\v 3 Huwo arufu gali Abu wodi kulu hajat fi idan tou wa kaman huwo ja min Allah wa bi rija le Allah.
\v 4 Huwo gum fok fi zaman ta ashah wa agila gumas tou. Huwo shilu bishkir wa lifu fi sulba tou.
\v 5 Huwo kubu moyo fi teshit wa bada kasulu kuraein ta talamiz wa masa be bishkir al Huwo lifu fi sulba tou.
\v 6 Huwo ja le Samaan Butrus, wa Butrus kelim le Huwo, "Ya Rab, Inta der kasulu kura tai?"
\v 7 Yesua juwabu wa kelim le huwo, "Haja al ana bi amulu de inta ma bi fahim hasa, lakin inta bi ja fahim badin."
\v 8 Butrus kelim le Huwo, "Inta mabi kasulu kura tai." Yesua juwabu huwo, "Kan Ana ma kasulu inta, inta ma bi ishterik ma ana."
\v 9 Samaan Butrus kelimu le Huwo, Ya Rab, mata kasulu kura tai barau, lakin kaman idan wa ras tai."
\v 10 Yesua kelim le huwo, "Zol al kan beredu huwo ma der, ile bi kasulu kura tou. ashan huwo nedif, intum nedifin, lakin ma intum kulu."
\v 11 (Ashan Yesua arufu zol al bija amulu kayana le Huwo; ashan kida Huwo kelimu, "ma intum kulu nedifin.")
\p
\v 12 Wa baad ma Yesua kasulu kureinat tomon wa Huwo shilu gumas tou wa geni tehet tani, Huwo kelimu le umon, "Sei intum arufu al Ana amulu le intum?
\v 13 Intum bi nadi Ana Mualim wa Rabuna; wa intum bi wonusu sah, ashan de Ana.
\v 14 Kan biga Ana, Rabuna wa Mualim, kasulu kurein takum, kaman kede intum kasulu kurein takum.
\v 15 Ashan Ana wori le intum misal kede intum kaman amulu ze Ana le intum.
\v 16 Hagiga, Hagiga, Ana kelimu le intum, Kadam ma ahsen min seid tou; wa kaman marasula ma ahsen min zol al bi rasulu huwo.
\v 17 Kan intum arufu hajat del, intum bi kun mubarikin kan intum amulu.
\v 18 Ana ma bi kelim ashan intum kulu; Ana arufu del al Ana hazilu-lakin de ashan al katibu bi timu: "zol akulu esh tai arfa wara kura tou did tai."
\v 19 Ana bi kelimu le intum de gubal lisa ma hasil ashan kan ja hasil, intum bi sedek Ana.
\v 20 Hagiga, hagiga, Ana bi kelimu le intum, zol al kn gabilu ai zol Ana rasulu, huwo gabilu Ana, wa al kan gabilu Ana, gabilu Huwo al rasulu Ana."
\p
\v 21 Wokit Yesua kelimu ze de, Huwo kan bi rogus fi roho. Huwo alinu gali, "Hagiga, hagiga, Ana bi kelimu le intum gali wahid min intum bi selimu Ana."
\v 22 Al talamiz biga bi aiynu badun tomon, wa mustagrabin de munu yau Huwo bi kelimu.
\v 23 Wahid min talamiz al Yesua kan bi hibu, huwo kan bi teki fi terbeza jambu Yesua.
\v 24 Samaan Butrus amulu ishara le huwo wa kelimu, "Asalu Huwo gali de munu al inta bi wonusu huwo."
\v 25 kaman huwo dengir tehet jambu Yesua wa asalu huwo, "Ya Rab, de munu lakin?"
\v 26 Min hinak Yesua juwabu, "De zol al Ana bi dakalu gita esh de le huwo." Wokit Huwo dakalu esh, Huwo wodi le Yahuza weled ta Samaan al Iscarioti.
\v 27 wa baad esh de, Sitan dakalu le huwo, biga Yesua kelimu le huwo, "Haja al inta der amulu de, amulu guwam."
\v 28 Mafi wahid min talamiz al gaidin fi terbeza fahim le huwo kelim ze de le huwo.
\v 29 Tanin fekir gali, ashan Yahuza yau bi amsuku sonduk ta gurus, Yesua kelim le huwo, "Biyu hajat al nina der le eid," au kaman kede huwo wodi hajat le masakin.
\v 30 Baad Yahuza akulu esh de, tuwali huwo tala. de kan fi misa.
\p
\v 31 Zaman Yahuza kan ruwa, Yesua kelimu, kalas mejidu Ibin al Insan, wa mejidu Allah fi huwo.
\v 32 Allah bi mejidu huwo fi nefsa tou, wa huwo bi mejidu huwo be sura.
\v 33 Ya iyal tai, ana ma intum le zaman besit. intum bi fetisu ana ze ma ana kelim le Yahud, mahal al ana bi ruwa fogo, intum ma bi agder ja fogo.' hasa ana bi kelim le intum.
\v 34 Ana wodi le intum wosiya jedid, kede intum hibu baad takum ma bad, ze ma ana hibu intum, kaman kede intum hibu baad takum ma bad.
\v 35 Ashan kede nas arufu gali intum talamiz tai, iza kan intum indu muhaba le baad bakum ma bad."
\p
\v 36 Samaan Buturs kelimu le huwo, "Ya Rab, inta bi ruwa wen?" Yesua juwabu, mahal al ana bi ruwa fogo inta ma bi agder ja wara tai hasa, lakin inta bi ja fi zaman tani."
\v 37 Buturs kelimu le huwo, Ya Rab, lee ana ma bi agder ja wara taki hasa? ana bi nezilu haya tai ashan inta."
\v 38 Yesua juwabu, kan inta nezilu haya taki ashan ana? Hagiga, hagiga, ana bi kelimu le inta, Dik ma bi kore gubal ma inta bi anguru ana talata marat."
\c 14
\cl As-hah 14
\p
\v 1 Matakum sibu gelba takum karabu. intum amin fi Allah, amin takum kaman fi ana.
\v 2 Fi bet ta abu tai biyut fi hinak ketir. Iza kan ma ze de, Ana kan bi kelim le intum, leanu ana bi ruwa ashan bi jahizu le intum mahal.
\v 3 Kan ana ruwa wa jahizu le intum mahal, ana bi ja tani wa bi shilu intum tani le nefsa tai, biga mahal al ana fogo intum kaman bi kun fogo.
\v 4 Intum bi arufu sika al ana bi ruwa fogo.
\v 5 Thomas kelimu le Yesua, Ya Rab nina ma bi arufu inta bi ruwa wen, kef nina bi arufu sika?"
\v 6 Yesua kelimu le umon, ana yau sika, wa hagiga, wa haya; mafi zol bi ja le Abu ile be wasat ana.
\v 7 Iza intum arufu ana, intum kaman bi arufu Abu tai. Min hasa intum arufu huwo wa intum aiynu huwo."
\v 8 Philipus Kelimu le Yesua, "Ya Rab wori le nina Abu, wa bi kun kifaya le nina."
\v 9 Yesua kelimu le huwo, ana ma intum zaman towil wa intum lisa ma arufu ana, Philipus? Zol al aiynu ana huwo aiynu abu. Kef inta bi Kelimu, wori le nina abu'?
\v 10 Inta ma bi amin gali ana fi Abu wa Abu fi ana? kalam al ana bi kelimu le intum de ana ma bi kelimu min sulta ta nefsa tai, lakin Abu al bi ish fi ana bi amulu shokol tou.
\v 11 sedek ana gali ana fi Abu wa Abu fi ana, au amin be sabab ta shokol de nefsa tou.
\v 12 Hagiga, hagiga, ana bi kelim le intum, zol al bi amin fi ana be amulu shokol al ana bi amulu, wa huwo bi amulu azam min shokol de ashan ana bi ruwa le Abu.
\v 13 Ai haja al intum bi asalu be isim tai, ana bi amulu huwo ashan Abu bi mejidu fi weled tou.
\v 14 Iza intum asalu ai haja be isim tai, ana bi amulu huwo.
\v 15 Iza intum bi hibu ana, intum bi hafisu wosiya tai,
\v 16 wa ana bi seli le Abu, wa huwo bi wodi le intum muazi tani biga huwo bi geni ma intum ile abad-
\v 17 Roho ta hagiga. al dunia ma bi agder ashan bi gabilu huwo ashan huwo ma aiynu huwo au ma arufu huwo. Lakin intum arufu huwo, ashan huwo bi geni ma intum wa bi kun ma intum.
\v 18 Ana ma bi sibu intum barau; Ana bi ja wara le intum. la hadi
\v 19 Hasa be zaman besit dunia ma bi aiynu ana towil, lakin intum bi aiynu ana. ashan ana hai, intum kaman bi hai.
\v 20 Fi yom dak intum bi arufu gali ana fi Abu tai, wa intum fi ana, wa ana fi intum.
\v 21 Zol al endu wasaya tai wa hafisu de yau zol al bi hibu ana, wa zol al bi hibu ana bi hibu abu tai wa ana bi hibu huwo wa ana bi wori nefsa tai le huwo."
\v 22 Yahuza (ma al iscarioti) kelimu le Yesua, ya Rab lei kida inta der wori nefsa taki le nina wa ma le dunia?"
\v 23 Yesua juwabu wa kelimu le huwo, "Iza ai zol hibu ana, huwo bi hafisu kalam tai. abu bitai bi hibu huwo, wa nina bi ja le huwo wa nina bi amulu bet ta nina ma huwo.
\v 24 Zol al ma bi hibu ana ma bi hafisu kalamat tai. Kalam al intum asuma de ma min ana lakin min abu al rasulu ana.
\p
\v 25 Ana kelimu hajat de le intum, Ze ma ana bi geni ma intum.
\v 26 Fi ai hala muazi de-Roho al Kudus al Abu rasulu fi isim tai-huwo bi alimu intum ai haja wa huwo bi zekir intum min hajat al ana kelimu le intum.
\v 27 Ana bi sibu le intum salam; Salam tai ana wodi le intum. ana ma bi wodi huwo ze ma dunia bi wodi. ma takum sibu gelba takum karabu galgan, wa ma takum kafu.
\v 28 Intum asuma al ana kelim le intum, ana bi ruwa, wa ana bi ja wara le intum.' Iza intum bi hibu ana, intum bi kun farhanin ashan ana bi ruwa le Abu, leanu abu azam min ana.
\v 29 Hasa ana kelim le intum gubal ma bi hasila ashan biga, kan huwo hasil, intum bi amin.
\v 30 Ana ma bi wonusu ketir le intum tanimara, leanu reis ta dunia de jai. huwo ma indu guwa fok le ana,
\v 31 lakin ashan dunia bi arufu gali ana bi hibu Abu, ana bi amulu bes ze ma Abu wodi le ana wosiya. kede nina gum fok wa ruwa min hina.
\c 15
\cl As-hah 15
\p
\v 1 Ana karma al hagiga, wa Abu tai yau muzari.
\v 2 Huwo bi gatau kulu furu fi ana al ma bi antij samar, wa huwo bi gatau kulu furu al bi antij samar ashan bi antij samar ketir.
\v 3 Intum kalas biga nedif be sabab ta risala al ana kelim le intum.
\v 4 Sabit takum fi ana, wa ana fi intum. ze ma fere ma bi antij samar be nefsa tou ile kan huwo sabit fi karma, kaman intum ma bi agder, ile kan intum sabit fi ana.
\v 5 Ana karma, intum yau furu. zol al bi sabit fi ana wa ana fi huwo, huwo bi antij samar ketir, leanu be dun ana intum ma bi agder amulu ai haja.
\v 6 Iza ai wahid ma sabit fi ana, bi jadau bara ze fere de wa bi nashif fok, wa bi limu furu de wa bi jadau umon fi nar, wa umon bi haragu fok.
\v 7 iza intum sabit fi an, wa iza kalam tai sabit fi intum, ai haja al intum der asalu bi kun le intum, wa bi amulu huwo le intum.
\v 8 Yau Abu tai bi mejidu, kan intum bi jibu samar ketir wa biga bi asbitu gali intum talamiz tai.
\v 9 Ze ma Abu hibu ana, ana kaman hibu intum. sabit takum fi muhaba tai.
\v 10 Iza intum hafisu wasaya tai, intum bi sabit fi muhaba tai, ze ana hafisu wasaya ta Abu tai wa sabit fi muhaba tou.
\v 11 Ana kelim le intum hajat de ashan farah tai bi kun fi intum wa ashan farah takum bi kun kamil.
\v 12 De yau wasaya tai, kede intum hibu badu takum ma bad ze ana hibu intum.
\v 13 Mafi ai wahid indu muhaba azam min de, al huwo bi nezilu nefsa tou le asdika tou.
\v 14 Intum asdika tai iza intum amulu hajat al ana wori le intum.
\v 15 ana ma bi rija nadi intum kudam, leanu kudam ma bi arufu seid tou bi amulu shunu. ana bi nadi intum asdika, leanu ai haja al ana asuma min Abu tai ana kutu biga maruf le intum.
\v 16 Intum ma iktar ana, lakin ana yau iktar takum wa aiynu intum ashan intum bi ruwa wa bi antij samar, wa samar takum bi geni. de yau biga abu bi wodi le intum al intum bi asalu be isim tai
\v 17 Hajat de ana wodi le intum, ashan intum kede hibu baad takum ma baad.
\v 18 Iza dunia aba intum, arufu takum gali huwo aba ana gubal ma umon bi aba intum.
\v 19 iza kan intum min dunia, dunia bi hibu intum ze nas tou. Lakin ashan intum ma min dunia wa ashan ana iktar intum min dunia, ashan kida dunia bi aba intum.
\v 20 Zekir kalam al ana kelimu le intum, 'kadam ma azim min seid tou.' iza kan umon tabu ana, umon kaman bi tabu intum; Iza umon hafisu kalam tai umon kaman bi hafisu takum.
\v 21 Umon bi amulu hajat de kulu le intum ashan isim tai, ashan umon ma arufu ali rasulu ana.
\v 22 Iza kan ana ma ja wa kelimu le umon, umon ma bi kun indu katiya, lakin hasa umon ma indu uzor le katiya tomon.
\v 23 Al bi karahu ana bi karahu Abu tai kaman.
\v 24 Iza kan ana ma amulu amail al mafi zol amulu gidam tomon, umon ma bi kun indu katiya, lakin hasa umon aiynu wa umon aba ana wa Abu tai.
\v 25 Lakin de nizam ashan bi kamilu kalam al katibu fi ganun tomon, umon karahu ana bidun sabab.'
\v 26 Wokit al muazi bi ja-al ana bi rasulu le intum min Abu, de yau, roho ta hagiga, al bi tala min Abu-bi ja, huwo bi shahid le ana.
\v 27 Intum kaman bi shahidu, le ana leanu intum fi ma ana min bidaya.
\c 16
\cl As-hah 16
\p
\v 1 Ana kelimu le intum hajat de ashan kede intum ma bi ligo tasir.
\v 2 Umon bi tala intum bara min min majma. lakin fi zaman bi ja wokit kulu zol al bi katulu intum bi fekir gali huwo bi gedimu kidma le Allah.
\v 3 Umon bi amulu hajat de ashan umon ma arufu Abu wele ana.
\v 4 Ana bi wori le intum hajat de ashan biga kan zaman tomon ja, intum bi zekir gali ana kelim le intum an umon. Ana kan ma kelim le intum an hajat fi bidaya, ashan ana kan ma intum.
\v 5 Lakin hasa ana bi ruwa le huwo al rasulu ana, lahadi hasa mafi zol min intum asalu ana, inta bi ruwa wen?'
\v 6 Lakin ashan ana kelimu hajat de le intum, huzun mala fi gulub takum.
\v 7 Lakin hagiga ana kelimu le intum, lakin ahsan le intum leanu ana bi ruwa. leanu iza ana ma ruwa, al muazi ma bi ja le intum, lakin iza ana rua, ana bi rasulu huwo le intum.
\v 8 Wokid huwo bi ja, al muazi bi asbit le dunia an batal ta katiya, an shokol adil, wa an hukum-
\v 9 an katiya, ashan umon ma amin fi ana,
\v 10 an shokol adil, ashan ana bi ruwa le Abu, wa intum ma bi aiynu ana ketir;
\v 11 wa an hukum, ashan hakim ta dunia de hukumu kalas.
\v 12 Ana indi hajat ketir ashan bi wori le intum, lakin intum ma bi fahim umon hasa.
\v 13 Lakin wokit huwo, roho ta hagiga, bi ja, huwo bi arshidu intum fi kulu hagiga, leanu huwo ma bi wonusu min nefsa tou. lakin huwo bi kelimu kulu al huwo bi asuma, wa huwo bi kelimu le intum hajat al bi ja.
\v 14 Huwo bi mejidu ana, leanu huwo bi shilu min al ana indi wa huwo bi kelimu le intum.
\v 15 Kulu hajat al Abu indu de tai. Ashan kida, ana kelimu gali Roho bi shilu min al ana indi wa huwo bi wori huwo le intum.
\v 16 Fi zaman guser intum ma bi aiynu ana, wa baad zaman guser intum bi aiynu ana."
\v 17 Yala Baad min talamiz tou kelimu le baad tomon ma baad, "De shunu al huwo bi kelimu le nina, 'Fi zaman guser intum ma bi aiynu ana wa baad zaman guser intum bi aiynu ana,' Leanu ana bi ruwa le Abu;?
\v 18 Ashan kida umon kelimu, "de shunu al huwo bi kelimu, baad zaman guser'? Nina ma arufu huwo bi kelimu an shunu."
\v 19 Yesua aiynu gali umon der asalu huwo, wa huwo kelimu le umon, "intum bi asalu nufus takum an kalam de, ana gasit shunu be kalam al ana kelim, baad zaman guser intum ma bi aiynu ana wa zaman guser intum bi aiynu ana'?
\v 20 Hagiga, hagiga, ana bi kelimu le intum, intum bi kori wa bi kun haznanin, lakin dunia bi kun farhan. intum bi kun haznanin be kamil, lakin huzun takum bi hawil le farah.
\v 21 Wokit al mara bi weledu hiya bi kun haznan leanu zaman tou ja, lakin kan hiya weledu jena, hiya ma bi rija zekir waja ta hia be sabab farah ta hiya leanu weledu insan fi dunia.
\v 22 Intum bi kun haznanin hasa, lakin ana bi aiynu intum tani, wa gelba takum bi kun farhan, wa mafi zol bi agder shilu farah takum min intum.
\v 23 Fi yom dak intum ma bi asalu ana be ai haja. Hagiga, hagiga, ana bi kelimu le intum, iza intum asalu ai haja min Abu fi isim tai, huwo bi wodi huwo le intum.
\v 24 Lahadi hasa intum ma asalu ai haja fi isim tai. asalu, wa intum bi ligo ashan farah takum bi kun kamil.
\p
\v 25 Ana kelimu le intum hajat de be teriga ta amsal, lakin zaman bi ja al ana ma bi kelimu le intum be teriga ta amsal, lakin ana bi kelimu le intum be wadeh an Abu.
\v 26 Fi yom dak intum bi asalu be isim tai wa ana ma bi kelim le intum gali ana bi seli le Abu min ajili takum,
\v 27 Leanu Abu be nefsa tou bi hibu intum ashan intum hibu ana wa ashan intum amin gali ana ja min Abu.
\v 28 Ana ja min Abu, wa ana ja le dunia. tani, ana bi sibu dunia wa ana bi bi ruwa le Abu."
\v 29 Talamiz tou kelimu, "Aiynu, hasa inta bi kelimu wadeh wa inta ma bi istagdem teriga ta amsal
\v 30 Hasa nina arufu gali inta arufu kulu haja, wa inta ma der ai zol kede asalu inta sualat. ashan kida, nina amin gali inta ja min Abu.
\v 31 Yesua juwabu umon, "hasa intum amin?
\v 32 Aiynu, saa bi ja, nam, huwo fi hagiga ja, wokit intum bi ferigu, ai zol le bet tou al melik, wa intum bi sibu ana barau. la hadi saha ana ma barau leanu abu ma ana.
\v 33 Ana kelimu kalam de le intum ashan intum bi kun indu salam fi ana. fi dunia intum bi kun indu mashakil, lakin sheja takum: ana gilibu donia."
\c 17
\cl As-hah 17
\p
\v 1 Baad Yesua kelimu hajat de, huwo arfa uyun tou fok fi samah wa gali, "Abu tai, zaman kalas ja, mejidu weled taki ashan weled taki bi mejidu inta-
\v 2 Ze ma inta wodi le huwo sulta fok kulu gisim ashan huwo bi wodi haya abadiya le ai wahid al inta wodi le huwo.
\v 3 De yau haya abadiya: Ashan umon bi arufu inta inta bes yau Allah al hagiga, wa Yesua Al Mesih al Inta rasulu.
\v 4 Ana mejidu inta fi dunia. Ana kalasu shokol al Inta wodi le Ana ashan bi amulu.
\v 5 Hasa, Ya Abui, mejidu Ana gidam taki be mejid al Ana indu le inta gubal dunia ma kalagu.
\v 6 Ana zahiru isim taki le nas al Inta wodi le Ana min dunia. Umon kan taki, wa Inta wodi le Ana, wa umon hafisu kalam taki.
\v 7 Hasa umon arufu gali kulu haja al inta wodi le Ana ja min Inta,
\v 8 ashan Ana wodi le umon kulu kalamat al ja min Inta, wa umon amin gali Inta rasulu Ana.
\v 9 Ana seli le umon. Ana ma seli le dunia lakin le del al inta wodi le ana, ashan umon taki.
\v 10 Ai haja al le ana huwo taki wa taki huwo tai, wa umon mejidu ana.
\v 11 Ana ma mafi fi dunia lakin nas del umon fi dunia, wa ana ja le intum Abu al kudus, hafisu umon fi isim taki al inta wodi le ana ashan umon bi kun wahid, ze ma nina wahid.
\v 12 Zaman ana kan ma umon, ana hafisu umon be isim taki, del al inta wodi le ana. Ana haresu umon, wa mafi wahid min umon woduru, ile jena ta karaba, ashan kalam al katibu bi kun kamil.
\v 13 Hasa ana jai le inta, lakin ana kelim hajat del fi dunia ashan umon bi kun indu farah tai fi nufus tomon kamil.
\v 14 Ana wodi le umon kalam taki, wa dunia aba umon ashan umon ma min dunia, ze ma ana ma min dunia.
\v 15 Ana ma asalu min inta ashan bi shilu umon min dunia, lakin le inta ashan bi hafisu umon min haja al batal.
\v 16 Umon ma min dunia, ze ma ana ma min dunia.
\v 17 kutu umon fi hagiga taki. kalam taki hagiga.
\v 18 Ze ma inta rasulu ana fi dunia, kaman ana rasulu umon fi dunia.
\v 19 Ana wodi nefsa tai ajli umon, ashan umon kaman bi wodi nefsa tomon fi hagiga.
\v 20 Ana ma bi seli bes le del, lakin kaman le del al amin fi ana min kilal kalam tomon
\v 21 ashan umon kaman bi kun wahid, ze inta, Abu, fi ana, wa ana fi inta. Kede umon kaman kun fi nina ashan dunia bi amin gali inta rasulu ana.
\v 22 Mejid al inta wodi le ana, Ana wodi le umon, ashan umon bi kun wahid:
\v 23 Ana fi umon, wa inta fi ana- ashan bi agder kamil fi wehida, ashan dunia bi arufu gali inta rasulu ana, wa inta hibu umon ze ma inta hibu ana.
\v 24 Ya abui, Ana deir del al inta wodi le ana ashan bi geni ma ana fi mahal al ana bi geni fogo, wa ashan bi aiynu mejid tai, mejid al inta wodi le ana ashan inta hibu ana gubal Dunia ma kalagu.
\v 25 Ya Abui al bar, dunia ma arufu Inta, lakin Ana arufu Inta, wa del arufu gali Inta rasulu Ana.
\v 26 ana kutu isim taki maruf le umon, wa kaman Ana bi kutu kede arufu gali muhaba al Inta hibu be Ana bi kun fi umon, wa ana bi kun fi umon."
\c 18
\cl 18 As-hah
\p
\v 1 Baad ma Yesua wonusu kalamat del, Huwo ruwa ma talamiz tou fi safa ta wadi kadarun, mahal al kan fogo jinana Huwo wa talamiz tou dakalu fogo.
\v 2 Yahuza al bi ja selimu huwo, arufu mahal de, ashan Yesua baad marat bi ruwa ma talamiz tou fogo.
\v 3 Baad dak Yahuza shilu mojmu min asakir wa nas huras ta haikal wa nas Pharisiin, umon ruwa hinak be lambat, wa batariat, wa silahat.
\v 4 Baad dak Yesua, al arufu kulu hajat al kan hasil le umon, ruwa gidam wa asalu umon, "intum bi fetisu munu?"
\v 5 Umon juwabu huwo, Yesua ta Nazereta." Yesua kelimu le umon, "Ana yau." Yahuza, al selimu Huwo, kan wagif ma asakir del.
\v 6 Zaman huwo kelimu le umon, "Ana yau," umon rija wara wa umon waga fi wata.
\v 7 Baad dak huwo asalu umon tanimara, "Intum gi fetisu munu?" Humon kelimu tanimara, "Yesua ta Nazereta."
\v 8 Yesua juwabu, "Ana wori le intum gali Ana yau. Kan intum bi fetisu Ana, sibu del kede ruwa."
\v 9 De ashan kalam al huwo kelimu bi timu; "Le del al inta wodi le Ana, mafi wahid woduru."
\v 10 Baad dak Samaan Butrus, al kan indu sef, huwo talau wa dugu be kadam ta reis ta khahana wa gata adana tou ta yemin. Isim ta kadam de kan Malkus.
\v 11 Yesua kelimu le Butrus, "rija sef de fi mahal tou. Kede ana ma ashurubu kas al Abu wodi le Ana?
\p
\v 12 Mojmu ta asakir wa captain, wa dubad ta Yahudiin, gobudu Yesua wa robutu huwo.
\v 13 Umon shilu awel le Annas, huwo kan nesib ta Caiaphas al kan yau reis ta khahana fi zaman dak.
\v 14 Caiaphas kan wodi talimat le Yahud ashan gali bikun kwes kan wahid zol mutu bidal nas kulu.
\p
\v 15 Samaan Butrus ruwa wara Yesua, wa kaman telmiz tani. Telmiz tani de kan reis ta khahana bi arufu huwo, huwo dakalu ma Yesua fi juwa mahkama ta reis ta al khahana.
\v 16 Lakin Butrus kan bi wogif bara fi bab. Telmiz tani al maruf be reis ta khahana de, gum tala bara wa wonusu le gafir de wa dakalu Butrus juwa.
\v 17 Mara al marasula, wa gafir ta bab de, kelimu le Butrus, "Inta sei ma wahid min talamiz ta zol de?" Huwo kelimu. "De ma ana."
\v 18 Kaman kan kadamin wa dubad del bi wogif hinak, umon walau nar ashan kan jou barid, umon bi geni sukunu baad. Butrus kaman kan fi ma umon, bi wogif hinak wa bi sukunu jisim tou.
\p
\v 19 Reis ta khahana bada asalu Yesua be kalam talamiz tou wa kaman be taalim to.
\v 20 Yesua juwabu huwo, "Ana wonusu moftu le dunia. Ana daiman kan bi derisu fi majama wa fi haikal al kan kulu Yahud bi limu sawa. Ana ma kelimu haja fi sir.
\v 21 Lee intum gi asalu ana? Asalu del al asuma ana, sunu yau kan Ana bi kelimu. Aiynu, nas del arufu Ana wonusu le umon shunu."
\v 22 Wokit Yesua kelim ze de, wahid min huras del gum wogif wa nowuru Yesua wa kelim, "Ze de Inta bi juwabu reis ta khahana?
\v 23 Yesua juwabu huwo, "Kan Ana wonusu galat, wori galat de, wa kan kalam kwes, lee inta nowuru Ana?"
\v 24 Min hinak Hanan rasulu huwo morbut le Caiaphas reis ta khahana.
\p
\v 25 Samaan Butrus kan bi wogif wa bi sukunu jisim tou. Nas del biga kelim le huwo, "Inta sei ma wahid min talamiz tou?" Huwo anguru wa kelim, "De ma ana."
\v 26 Wahid min kadamin ta reis ta khahana, huwo kan ahal ma zol al Butrus gata adana tou bara de, kelimu, "Sei de ma Inta al ana aiynu fi jinana ma Yesua?"
\v 27 Butrus kaman anguru tanimara, fi nefsu zaman Dik bada kore.
\p
\v 28 Umon bada shilu Yesua min Caiaphas le riasa ta hukuma. fi sabah bedri, wa umon ma dakalu fi riasa ta hukuma ashan umon ma bi kun waskanin lakin umon bi agder akulu eid Paska.
\v 29 Bilatus tala bara le umon wa kelimu, "Yatu tuhma intum jibu did zol de?"
\v 30 Umon juwabu wa kelimu le huwo, "Iza Kan zol de ma amulu haja batal, nina kan ma bi agder istelimu huwo le intum."
\v 31 Bilatus kelimu le umon, "Shilu be nefsa takum, wa hukumu takum huwo be hasab ganun takum." Yahudin del kelimu le huwo," De mafi fi ganun ta nina ashan bi katulu zol."
\v 32 Umon kelimu ze de ashan kelima ta Yesua bi timu al huwo kelimu wa bi wori shikil mutu yatu huwo bi mutu.
\p
\v 33 Bilatus gum dakalu fi riasa ta hukuma wa nadi Yesua wa kelimu le huwo, "Sei Inta melik ta Yahud?"
\v 34 Yesua juwabu, "inta bi kelim be nefsak, wele nas tanin yau wori le inta kalam tai?"
\v 35 Bilatus juwabu, "Ana ma Yahudi, sei?" nas taki wa ruasa ta khahana yau selimu Inta le ana. Inta amulu shunu?
\v 36 Yesua juwabu, "Momlaka tai ma ta dunia de. Iza kan momlaka tai min dunia hini, kan kadamin tai bi shakil ashan kede ma selimu Ana le Yahud. Lakin ashan momlaka tai ma hina.
\v 37 "Bilatus biga kelimu le Huwo, kan kida Inta melik?" Yesua juwabu, "Inta kelim gali Ana melik. Ashan kida weledu Ana, wa le sabab de Ana ja fi dunia, ashan Ana bi kun shuhud le hagiga. Ai wahid al ta hagiga bi asuma le sot tai."
\v 38 Bilatus kelimu le huwo, "De shunu yau hagiga?" wokit huwo kelimu ze de, huwo tala bara tani le Yahud wa kelimu le umon, "ana ma ligo galat fi zol de.
\v 39 Lakin ana daiman bi fiku le intum wahid zol fi paska. Intum deir kede ana fiku Melik ta Yahud le intum?"
\v 40 umon bada kore tani shedid gali, "Ma zol de, lakin Barabas." Barabas de kan harami.
\c 19
\cl As-hah 19
\p
\v 1 Baad dak Bilatus wodi awamir ashan kede jeledu Yesua.
\v 2 Asakir del amulu tegiya ta shok, wa kutu fi ras ta Yesua, wa libisu le huwo gumas banafseji.
\v 3 Umon ja le huwo wa kelimu, "Salam, ya Melik ta Yahud!" wa bi nouru huwo.
\p
\v 4 Min hinak Bilatus tala bara tani mara wa kelimu le umon, "Aiynu takum, ana bi jibu huwo bara le intum ashan intum bi arufu gali ana ma ligo galat fi huwo."
\v 5 Yala Yesua tala bara, labis tegiya ta shok wa gumas banfseji. Bilatus kelimu le umon, "Aiynu takum, yau zol de!"
\p
\v 6 Wokit biga ruasa ta khahana wa huras aiynu Yesua, umon kore shedid gali, "kede selibu huwo, kede selibu huwo!" Bilatus kelimu le umon, "Shilu takum huwo wa selibu takum huwo be teriga takum, ashan ana ligo huwo ma indu galat.
\v 7 Yahudin juwabu huwo, "Nina indu ganun, wa be ganun dak bi katulu huwo ashan huwo kutu jisim tou bikun Ibin Allah."
\v 8 Wokit Bilatus asuma kalam de, huwo kan biga kafu shedid.
\v 9 Huwo dakalu fi riasa ta hukuma tani mara wa kelimu le Yesua, "Inta ja min wen?" lakin Yesuah ma juwabu huwo.
\v 10 Bilatus kelimu le Huwo, "Inta ma deir wonusu le ana? Inta ma arufu gali ana indu guwa ashan bi fiku Inta, wa guwa ashan bi selibu Inta?"
\v 11 Yesua juwabu huwo, "Inta ma indu ai guwa fok Ana ile le haja al wodi le inta min fok. Ashan kida, al selimu Ana le inta de indu katiya kebir."
\v 12 Fi juwab de, Bilatus hawil fiku huwo, lakin Yahudin kore, gali, "Kan inta fiku zol de, inta ma sabi ta Keisar. Ai zol al bi amulu jisim tou melik bi wonusu did Keisar."
\p
\v 13 Wokit Bilatus asuma kalam de, huwo jibu Yesua bara wa huwo geni tehet fi kursi ta hukum fi mahal isim tou "Bulat," wa be Ibrania, "Jabasa."
\v 14 De biga kan yom ta istidad le eid Paska, ze saa sita, Bilatus kelimu le Yahudin, "Aiynu takum, melik takum yau de!"
\p
\v 15 Umon kore shedid, "Kede shilu, kede shilu, Selibu huwo!" Reis ta khahana juwabu, "Nina ma indu Melik ile Keisar."
\v 16 Biga Bilatus wodi le umon Yesua ashan bi selibu.
\p
\v 17 Umon biga shilu Yesua, wa huwo tala bara, wa kan bi arfa selib le jisim tou, le mahal isim tou "Mahal ta jumjuma," al bi nadi be Ibrania "Gologota."
\v 18 Umon selibu Yesua hinak, wa ma huwo fi itnin rujal, wahid fi kulu taraf, ma Yesua fi nus.
\v 19 Bilatus kaman katibu alama wa kutu fi selib. Hinak katibu: YESUA TA NAZARETA, MELIK TA YAHUD.
\v 20 Kutar min Yahudin agara alama de ashan mahal al kan selibu Yesua fogo de gerib min medina. Alama de kan katibu be Ibrania, be Latin wa be Yonania.
\v 21 Reis ta khahana kelimu le Bilatus, "Mata katibu, 'Melik ta Yahud,' katibu gali, 'De bi kelim gali "Ana melik ta Yahud."
\p
\v 22 Bilatus juwabu, "Al ana katibu, ana katibu kalas."
\p
\v 23 Wokit kalas junud del selibu Yesua, umon shilu gumas tou, gesimu le arba gita, ai zol shilu wahid; wa kaman gemis tou, gemis de ma kheitu, mishitu kulu min fok be gita wahid bidun khiyata.
\v 24 wa umon kelimu le kulu wahid, "kede nina ma sheretu huwo, lakin kede nina amulu gura fogo ashan bi wori de bikun ta munu." De hasil ashan kitab bi timu al gali, "Umon gesimu gumas tai le badun wa amulu gura fi gemis tai." De al junud del amulu.
\p
\v 25 kan al bi wogif janbu selib ta Yesua, uma tou wa ukhut ta uma tou, Mariam mara ta Kilobas, wa Mariam al Mejdeliya.
\v 26 Wokit Yesua aiynu uma tou wa telmiz al kan huwo bi hibu bi wogif gerib,
\v 27 Huwo kelimu le uma tou "Ya mara aiynu, weled taki!" kaman huwo kelimu le telmiz de, "Aiynu, uma taki! Min zaman dak telmiz de shilu huwo fi bet tou.
\p
\v 28 Baad de, arufu gali kulu haja kan timu wa kaman al kitab bi timu, Yesua kelimu, "Ana atshan,"
\v 29 Kan fi Ilba malian be khamur hamud kutu hinak, umon dakalu fogo isponge maliyan be khamur al hamud de fi dulukan wa arfau fok fi kasuma tou.
\v 30 Wokit Yesua jeribu khamur almur de. Huwo kelimu, "Timu kalas." Huwo dengiri ras tou tehet wa selimu roho tou.
\p
\v 31 Baak Yahudin del, ashan kan de yom ta istedad wa ashan kaman kede jusas del ma fadulu fi selib lahadi yom sebit (ashan yom sebit de kan mohim), umon asalu Bilatus ashan bi kasuru kureinat tomon wa kede nezilu umon min selib.
\v 32 Biga junud del ja wa kasuru kureinat ta zol al awel wa kaman ta zol al nimira itnin al selibu umon sawa ma Yesua.
\v 33 Wokit umon ja le Yesua, umon ligo huwo kalas mutu, ashan kida umon ma kasuru kureinat tou.
\v 34 Kaman wahid min al junud del gum atanu huwo be harba fi janba, wa tuwali dom wa moyo tala.
\v 35 Al aiynu haja de huwo shahid, wa shuhuda tou hagiga. Huwo arufu gali haja al huwo kelimu de hagiga ashan kaman intum bi amin
\v 36 Hajat del bi hasil ashan bi kamilu kulu al katibu fi al kitab. Mafi wahid min udam tou bi kasuru.
\v 37 Kaman, kitab kelimu gali, "Umon bi aiynu dak al umon atanu."
\p
\v 38 Baad hajat del, Yusif al min Rama, huwo kan telmiz ta Yesua lakin fi sir ashan huwo bi kafu min Yahud. huwo asalu min Bilatus kan huwo bi agder shilu jisim ta Yesua. Bilatus wodi le huwo izin. Biga Yusif ja shilu jisim tou bara.
\v 39 Nikodemos kaman ja, De huwo al kan ja le Yesua bilel. Huwo jibu riha ze 100 liter, lakabatu mur be oud.
\v 40 Umon shilu jisim ta Yesua wa lifu be kofuna wa be riha, hasab teriga ta dofunu ta Yahud.
\v 41 Wa fi mahal al selibu huwo fogo fi jinana; wa fi jinana de fi turuba jedid lisa ma dofunu zol fogo.
\v 42 Ashan kan de yom ta istedad le Yahud wa kaman turuba de gerib hinak, umon dofunu Yesua fogo.
\c 20
\cl As-hah 20
\p
\v 1 Bedri fi awel yom ta usbu, zaman lisa duluma, Mariam Mejdeliya ja fi turuba wa huwo aiynu hajer lizu bara min turuba.
\v 2 Huwo jere wa ja le Samaan Butrus wa le telmiz al tani al kan Yesua bi hibu, wa huwo kelimu le umon. "Umon shilu Rabuna bara min turuba, wa nina ma arufu umon kutu wen."
\p
\v 3 Baad dak Butrus wa telmiz al tani ruwa bara, wa umon ja fi turuba.
\v 4 Umon jere kulu sawa, wa lakin telmiz al tani de jere guwam gidam min Butrus wa wosulu fi turuba hinak awel.
\v 5 Wa dengiri tehet, huwo aiynu kofuna jadau hinak, lakin huwo ma dakalu juwa.
\v 6 Wa biga Samaan Butrus ja wosulu baad huwo wa dakalu juwa fi turuba. Huwo aiynu kofuna jadau hinak
\v 7 wa gumas al kan lifu fi ras tou. ma fi mahal sawa ma kofuna de lakin lifu fi mahal barau
\v 8 Baad dak telmiz al tani de, al kan wosulu awel fi turuba de, kaman ja dakalu juwa, wa huwo aiynu wa sedek.
\v 9 Wa lahadi zaman dak umon lisa ma fahim al kitab al gali huwo bi gum min al mut.
\v 10 Min hinak talamiz del rija tani wara fi bet.
\p
\v 11 Lakin Mariam kan lisa bi wogif bara fi turuba bi kore. Ze huwo lisa kan bi kore, huwo dengir tehet fi turuba.
\v 12 Huwo aiynu itnin malaikat bi geni wa libisu abiad. wahid fi safa ras, wa wahid tani fi safa kurah fi mahal al kan kutu fogo jisim ta Yesua.
\v 13 Umon kelimu le huwo, "Ya mara, le inta bi kore?" Huwo juwabu umon, "Ashan umon shilu Rabuna tai bara, wa ana ma aruf umon kutu wen."
\v 14 Wokit huwo kelimu kida, huwo lifu wa aiynu Yesua wagif hinak, lakin huwo ma aruf gali de kan Yesua.
\p
\v 15 Yesua kelimu le huwo, "Ya mara, le inta bi kore? inta bi fetisu munu? huwo kan bi fekir gali de zol al bi ishtakal fi jinana de, huwo kelimu le huwo, "Ya seid, Iza kan inta yau shilu, wori le ana mahal Inta kutu huwo fogo, wa ana bi shilu huwo."
\p
\v 16 Yesua kelim le huwo, "Mariam, Hiya aglibu, wa kelimu le huwo be Ibraniya, "Rabuni" (mana tou "Mualim").
\p
\v 17 Yesua kelim le huwo, "Mata lemesu Ana, ashan Ana lisa ma ruwa fok le Abu tai, lakin ruwa le akwana tai wa wori le umon gali Ana bi ruwa fok le Abu tai wa Abu takum, le Allah tai wa Allah takum."
\p
\v 18 Mariam Mejdelya ja wa wori le talamiz, "Ana aiynu Rabuna," wa de kan hajat al Huwo kelimu le huwo.
\p
\v 19 Fi misah ta yom dak, awel yom ta usbu, wa abuwab ta mahal al kan talamiz fogo, mogful ashan kan talamiz bi kafu min Yahud, Yesua ja wa wogif fi nus wa kelimu le umon, "Salam le intum."
\v 20 Baad huwo kelimu kida, Huwo wori idenat to wa kureinat tou. Talamiz biga kan mokosutin wokit umon aiynu Rabuna.
\v 21 Baad dak Yesua kelimu le umon tanimara, "Salam le intum. ze Abu rasulu Ana, Ana kaman bi rasulu intum,"
\v 22 Zaman Yesua kelim kalam de, huwo nefes le umon wa kelimu le umon, "Istakbil takum Roho al kudus.
\v 23 Ai wahid al intum bi afi katiya tomon, bi afi le umon, wa ai wahid al intum bi robutu katiya tomon bi robutu le umon."
\p
\v 24 Thomas, wahid min itnashar, al bi nadi gali Didymus, huwo kan mafi ma umon wokit Yesua ja.
\v 25 Talamiz al tanin de ja wori le huwo gali, "Nina aiynu Rabuna," huwo kelimu le umon, "Ile kan ana aiynu fi iden tou alamat ta masamir, wa kutu iden tai fi mahal alama ta musmar, wa kutu iden tai fi janba tou, ana bi sedek."
\p
\v 26 Wa baad tamaniya ayam talamiz tou kan fi juwa tanimara, wa Thomas kan fi ma umon. Yesua ja wa kan abuwab kulu mogful, wa wogif fi nus tomon, wa kelimu, "Salam le intum."
\v 27 Baad dak huwo kelimu le Thomas, "Kutu hasba taki wa aiynu idenat tai. midu iden taki wa lemesu taraf ta jisim tai. mata kun zol al ma bi sedek, lakin kede inta sedek."
\p
\v 28 Thomas juwabu wa kelimu le huwo, "Rabuna tai, wa Allah tai."
\p
\v 29 Yesua kelimu le huwo, "Ashan inta aiynu Ana, inta sedek. Baraka le del al ma aiynu, wa amin."
\p
\v 30 Wa kaman Yesua amulu mojizat tanin ketir fi gidam talamiz, mojizat al ma katibu fi kitab de,
\v 31 lakin del al katibu ashan kede intum amin gali Yesua yau Al Mesih, Ibin Allah, wa ashan kan intum amin, intum bi indu haya fi isim tou.
\c 21
\cl As-hah 21
\p
\v 1 Baad de kulu Yesua beinu nefsu tani mara le talamiz fi bahar Tiberias. De teriga al huwo gi zahiru nefsu tou:
\v 2 Samaan Butrus kan sawa ma Thomas al bi nadi huwo gali Didymus, Wa Nathaniel min Cana ta Galileya, wa iyal ta Zebedee, wa itnin talamiz tanin ta Yesua.
\v 3 Samaan Butrus kelimu le umon, "Ana bi ruwa gobudu samagat." umon kelimu le huwo, "Nina kaman bi ja ma inta." Umon ruwa wa arkab fi murkab, lakin umon ma gobudu ai haja bilel kulu.
\p
\v 4 Wokit biga gerib sabah, Yesua wogif fi taraf bahar, lakin talamiz ma arufu gali de kan Yesua.
\v 5 Yesua bada kelimu le umon, "Ya shabab, sei intum indu haja al bi akulu?" Umon juwabu le huwo, "La."
\p
\v 6 Huwo kelimu le umon, "Jada takum shabaka de fi safa yemin ta murkab, wa intum bi ligo tanin." Umon gum jada shabaka tomon wa umon kan ma agder ashan bi juru ashan kan adad ta samaga kan ketir.
\p
\v 7 Baad dak telmiz al Yesua bi hibu kelimu le Butrus, "De Rabuna." Zaman Samaan Butrus asuma gali de Rabuna, huwo bada libisu gumas tou (Ashan huwo kan ariyan), wa waga fi bahar.
\v 8 Bagi talamiz del ja fi murkab hinak (Ashan umon kan ma beidin min mahal dak, bes ze masafa 200 katwa), wa umon kan bi juru shabaka maliyan be samaga.
\v 9 Wokit umon tala be taraf, umon ligo jomur nar hinak wa samaga kutu fogo, wa esh.
\p
\v 10 Yesua kelimu le umon, "Jibu takum samaga tani min al intum gobudu hasa de."
\v 11 Samaan Butrus rija fok wa bada juru shabaka de bara, maliyan be samaga kubarin; adad tou153. kan fi kutar lakin shabaka ma sheretu.
\v 12 Yesua kelimu le umon, "Taal takum akulu fotur." Mafi wahid min talamiz agder asalu huwo, "Inta munu?" umon arufu de Yesua.
\v 13 Yesua ja, wa shilu esh, wa wodi le umon, wa kaman samaga.
\v 14 De dur nimira talata al kan Yesua zahiru nefsa tou le talamiz wokit huwo gum min mutu.
\p
\v 15 Baad ma umon akulu fotur, Yesua kelimu le Samaan Butrus, "Samaan weled ta Yona, Sei inta bi hibu Ana ketir min del?" Butrus kelimu le huwo, "Naam Ya Rabuna, Inta arufu gali ana bi hibu Inta." Yesua kelimu le huwo "Akilu korufan tai."
\p
\v 16 Huwo kelimu le huwo kaman tani mara, "Samaan weled ta Yona, Sei inta bi hibu Ana? Butrus kelimu le huwo, "Naam ya Rabuna, Inta arufu ana bi hibu Inta."Kutu bala le korufan tai."
\p
\v 17 Huwo kelimu le huwo dur nimira talata, "Samaan weled ta Yona, sei inta bi hibu Ana? Butrus biga haznan ashan Yesua kelimu le huwo dur nimira talata, "Sei inta bi hibu Ana?" Huwo bada juwabu wa kelimu, Ya Rabuna, Inta arufu kulu haja, Inta arufu gali ana bi hibu Inta." Yesua kelimu le huwo, "Akilu korufan tai.
\v 18 Hagiga, hagiga, Ana bi kelimu le inta Zaman inta kan lisa suker, inta bi libisu barau, wa inta bi douru fi ai mahal al inta deir, wokit inta biga ajuz, inta bi midu idan taki, wa zol tani bi libisu inta wa bi shilu inta fi mahal al kan inta inta ma der ruwa fogo."
\p
\v 19 Yesua kelimu zede ashan bi wori be yatu no ta mutu Butrus bi mejidu Allah. Baad ma Huwo kelimu zede, Huwo kelimu le Butrus, "taal wara tai."
\p
\v 20 Butrus lefet wara wa huwo aiynu telmiz al kan Yesua bi hibu bi tabi wara tomon, al kan kaman meilu fi safa ta Yesua zaman asha wa al kan kelimu, "Ya Rabuna, de munu al bi amulu khayana le Inta?"
\v 21 Butrus aiynu huwo wa kelim le Yesua, "Ya Rabuna, zol de bi ja amulu shunu?
\p
\v 22 Yesua kelimu le huwo, "Kan Ana deir kede huwo geni lahadi Ana bi ja, De biyani shunu le inta? Tabi wara tai,"
\p
\v 23 Min hinak kalam de shetetu fi nus ta akwana, gali telmiz dak ma bi mutu. Lisa Yesua ma kelimu le Butrus gali telmiz tani de bi mutu, lakin, "kan Ana deir kede huwo geni lahadi Ana bi rija, De biyani shunu le inta?"
\p
\v 24 De yau telmiz al bi ashad le hajat del kulu, wa al katibu hajat del, wa nina aruf shuhuda tou hagiga.
\v 25 Wa kaman fi hajat ketir Yesua kan amulu. kan katibu tehet wahid wahid, Ana fekir zatu dunia ma bi agder shilu kimiya ta kutub al bi katibu.