pga_reg/42-MRK.usfm

\id MRK
\ide UTF-8
\h Injiil Morkos
\toc1 Injiil Morkos
\toc2 Injiil Morkos
\toc3 mrk
\mt Injiil Morkos
\c 1
\cl As - hah 1
\p
\v 1 De yau bedaya ta injil ta yesua al mesih, Jena ta Allah.
\p
\v 2 Ze ma katibu fi kitab ta nebi Isaiah, Aiynu. ana gi rasulu marasula tai gedam inta, al huwo bi jahizu sika taki.
\q
\v 3 Sot al gi nadi fi beriya. Jahizu sika ta Rabuna, sala sika tou adiil.
\p
\v 4 Yuhana ja, gi amidu fi beriya wa gi bashiru an mamudiya ta touba wa magfara ta katiya.
\v 5 Kulu nas ta yahudiya wa kulu nas al fi Urselim ja le huwo. huwo amidu umon fi nahar Jordan. Umon bi eterif be katiya tomon.
\v 6 Yuhana kan gi lebisu jilid ta jemel wa gi lebisu gash jilid fi sulba, wa huwo kan gi akulu jarat wa asel.
\p
\v 7 Huwo kan bi bashiru, fi zol tani bi ja bad ana al gowi min ana: ana ma bi agder ashan bi fiku hubal ta jisma tou.
\v 8 Ana gi amidu intum bi moya, lakin huwo bi amidu intum bi Roho al Kudus.
\p
\v 9 Wa kan hasil fi ayam dak, Yesua ja min Nazaretta le Galileya, wa kan amidu howo ma Yuhana fi nahar Ordan.
\v 10 Wa baad ma amidu Yesua, huwo aiynu samawat fata wa Roho ja le huwo fi shikil ta hamam.
\v 11 Wa sot ja min samawat, inta yau jena tai al mahbub al ana moksut ma inta.
\p
\v 12 Baad dak Roho kelimu le huwo ashan bi ruwa fi beriya.
\v 13 Wa huwo kan fi beriya le mudat arbeyiin yom, jeribu huwo be sitan, wa huwo kan ma haiwanat al mutawahish wa kan malaika gi khadimu huwo.
\p
\v 14 Wa baad ma kutu Yohana fi sejiin, Yesua ja fi Galileya wa gi bashiru injil ta Allah,
\v 15 Wa gi kelimu inu," zaman ja kalas, wa molokut ta Allah biga gerib. tubu wa aminu fi injil."
\p
\v 16 Fi zaman huwo kan gi douru fi taraf bahar ta Galileya, huwo aiynu Samaan wa Andraus al huwo aku ta Samaan gi jada shabaka fi bahar, le anu umon kan sayadiin ta samak.
\v 17 Yesua kelim le umon, "taalu warai, wa ana bi kutu intakum ashan bi gobudu nas.
\v 18 Tawali umon sibu shabakat wa ruwa warau.
\v 19 Ze ma Yesua kan gi ruwa le gidam, huwo aiynu Yakub weled ta Zebedayo wa aku tou Yuhana, umon kan fi murkab gi sala shabakat.
\v 20 Huwo nadi umon wa umon sibu abu tomon Zebedayo fi murkab ma nas ta shokol, wa umon ja warau.
\p
\v 21 Baad dak umon ja fi Capernaum, wa fi yom al sebit, Yesua ruwa fi mujama wa alimu.
\v 22 Umon kan istagarab min taalim bi tou, le anu huwo kan gi alimu ze zol al indu sultan wa ma ze kataba.
\v 23 Biga kan fi zol fi mujama huwo indu roho al nejis huwo kore be sot fok.
\v 24 bi gul, "inta deer keli nina amulu sunu le inta, Yesua al Nasiri? Hal inta ja ashan bi demiru nina? ana arufu inta munu. inta zol kudus min Allah!"
\p
\v 25 Yesua intehir al sitan wa kelim, "kun hadi wa amruk min huwo!"
\v 26 Wa al roho al nijis de jada huwo tehet wa gi kore be sot kebiir.
\v 27 Kulu nas kan istagarab, biga umon asalu baad tomon, "de sunu? Talim jedid ma sultan! Hata huwo agder amiru aruwah al nijis wa aruwah de bi ihterim huwo!"
\v 28 Wa akhbar an Yesua asmau fi kulu mahal fi Galileya.
\p
\v 29 Baad ma huwo tala bara min mujama, umon ja fi bet ta Samaan wa Andraus, sawa ma Yakub wa Yuhana.
\v 30 Nesiba ta Samaan kan ayan be huma, wa umon wori kabara an hiya le Yesua.
\v 31 Biga huwo ja, amsuku hiya be ida ta tou, wa goumu hiya fok; wa huma de fat, wa hiya bada khadimu umon.
\p
\v 32 Fi misah dak baad ma shemis waga, umon jibu le huwo nas kulu al kan ayanin au al moskunin bi aruwah al sherir.
\v 33 Nas ta medina kulu limu sawa fi bab.
\v 34 Huwo aliju nas ketiir al kan ayanin be ayanat barau barau wa turudu aruwah al sherir ketiir, lakin huwo ma wodi fursa siyatin del ashan bi wonusu leanu umon arufu huwo
\p
\v 35 Huwo gam bedri shedid, ligo lesa wata duluma huwo ruwa fi mahal kas wa seli hinak.
\v 36 Samaan wa nas al kan ma huwo fetisu huwo.
\v 37 Umon ligo huwo wa umon kelimu gali, "Ai zol gi fetisu inta."
\p
\v 38 Huwo kelimu, "keli nina ruwa fi mahal tani, bara hawli mudun, ashan ana bi agder bashiru hinak kaman. de yau sabab al ana ja fogo."
\v 39 Huwo ruwa fi hawli Galileya kulu, gi bashiru fi mujamaat tomon, wa gi turudu siyatin.
\p
\v 40 Zol ta juzam ja le huwo, huwo gi asalu; huwo dengeri tehet wa kelimu le Huwo, "iza kan inta bi rudu, aliju ana."
\p
\v 41 Huwo hariku bi rahma, Yesua medu ida tou wa lemesu huwo, kelimu le huwo gali, "Ana rudu. keli inta tala nedif.
\v 42 Tuwali juzam de sibu huwo wa zol de biga tala kwes.
\v 43 Yesua anziru huwo shedid wa rasulu huwo ashan bi ruwa.
\v 44 wa kelimu le howo, "keli inta ma wori kalam al hasil de le ai zol, lakin ruwa, wori nefsa taki le khahana, gedimu le nefsa taki khasil ze ma Musa kelimu, de, ze shuhuda le umon.
\v 45 Lakin huwo ruwa wa bada wa wazau kalam de fi ai mahal, sibu Yesua ma bi agder tanimara ashan bi dakalu fi medina lakin huwo geni beid min medina. Nas min kulu mahalat lisa bi ja le huwo.
\c 2
\cl As-hah 2
\p
\v 1 Zaman huwo reja min Capernaum baad ayam besit, asmau inu huwo kan fi bet.
\v 2 Nas ketir lemu hinak lahadi mahal biga mafi, hata fi kasma bab, wa Yesua wonusu kelima de le umon.
\v 3 Baad dak rujal tanin jibu le huwo zol al moshlul: arba nas yau gi arfa huwo,
\v 4 Zaman umon ma agder ja le huwo ashan nas kan kutar, umon agela zinki ta ras juwa al kan Yesua fogo, bad umon fata ras juwa de, umon nezilu feriz al zol moshlul de bi num fogo.
\v 5 Zaman Yesua aiynu imaan tomon, Yesua kelimu le zol al moshlul, "Ya jena, afi katiya taki."
\p
\v 6 Yala kan fi kataba gi geni hinak, umon bada fekiru fi geliba tomon,
\v 7 " Zol de bi wonusu zede kef? de tejdiif! munu yau bi afii katiya ile Allah bes?"
\p
\v 8 Yesua tuwali arufu fi roho sunu yau nas de kan gi fekiru fi nufus tomon. huwo kelimu le umon, lee intum gi fekiru ze de fi gulub takum?
\v 9 Sunu yau sahil ashan be kelimu le zol al moshlul de, "Inu katiya taki afi au be kelimu gum fok, silu feris taki wa douru?
\v 10 Lakin ashan intum be aruf inu ibni insan indu sultan fi duniya ashan bi afii katiya, huwo kelimu le mushlul,
\v 11 "Ana kelim le inta, gum fok shilu feriz taki wa ruwa fi bet taki,"
\p
\v 12 huwo gum fok wa be sura shilu feris, wa ruwa fi bet fi gedam ai zo, biga umon kan istagrab, wa umon wodi majid le Rabuna, wa umon kelimu, "Nina kulu kulu ma aiynu ai haja ze de
\p
\v 13 Wa umon ja ruwa fi taraf bohira wa nas kulu ja le umon, wa huwo derisu.
\v 14 Ze ma huwo gi ruwa, huwo aiynu Levi jena ta Alpheaus bi geni fi mahal ta daraib wa huwo kelimu le huwo, "taal wara tai." huwo gum fok wa ruwa wara tou.
\p
\v 15 Yesua kan gi akulu fi bet ta Levi wa kan nas ketiir ta daraib wa nas al katiyiin kan gi akulu ma huwo wa ma talamize bi tou, wa kan umon ketiir wa umon gi douru wara huwo.
\v 16 Zaman kataba al kan umon pharisiin aiynu inu Yesua gi akulu ma nas ta daraib, umon kelim le talamiz bitou, "Lee huwo bi akulu ma nas ta daraib wa nas al katiyiin?"
\p
\v 17 Zaman Yesua asuma kalam de huwo kelim le umon, "Nas al ma ayaniin umon ma deir diktor, ile nas al ayaniin yau deir fakat. Ana ma ja ashan nadi nas al kwesin, lakin nas al katiyin."
\p
\v 18 Hasa talamiz ta Yesua wa Ferisiin gi saim. fi baad min nas ja le huwo a kelim le huwo, "lee talamiz ta Yuhana wa talamiz ta ferisiin gi saim lakin talamiz taki ma gi sum?"
\p
\v 19 Yesua kelim le umon, "Hal nas al fi iris be saim wa aris fii ma umon? ze ma aris lisa fii ma umon, umon ma be saim.
\v 20 Lakin ayam bi ja al bi shilu aris min umon, wa fi ayam de umon bi saim.
\v 21 Mafi zol bi keitu geta ta gumas al jedid fi gumas al gedim. wa ile gumas al jedid de be seritu gumas al gedim de biga bi kun kusara kebiir.
\v 22 Mafi zol bi kutu khamur al jedid fi buksa gedim, ile khamur de bi fagau buksa wa khamur ma buksa de kuku bi karabu, lakin, kutu khamur jedid bi kutu fi buksa al jedid.
\p
\v 23 Fi yom sebit Yesua ruwa fi mahal zara ta dura, wa talamiz tou bada gata baad min ras ta dura.
\v 24 Biga ferisiin kelim le huwo, "Aiynu lee umon gi amulu hajat al ma ganuni fi yom sebit?"
\p
\v 25 Huwo kelim le umon, "Hal intum ma agara an Daud zaman huwo ka muhtaj wa jeyan- huwo wa nas al ka n ma huwo-
\v 26 Kef huwo kan ruwa fi bet ta Rabuna zaman Abiatar kan khahan al kebiir, wa akulu esh al kan mojud, al kan huwo ma ganuni le ai zol ashan bi akulu ila khahan, wa huwo wodi le nas al kan ma huwo?"
\v 27 Yesua kelim, "Yom sebit de kan amulu le insaan, ma ". insaan le yom sebit.
\v 28 Ashan kida, ibin al insaan huwo Rabuna, wa hata le yom al sebit
\c 3
\cl As- hah 3
\p
\v 1 Kaman Yesua kan fi mujama, wa kan ida tou moshlul.
\v 2 Baad min nas gi aiynu huwo gowi iza kan huwo bi aliju zol de fi yom sebit ashan umon bi agder tahamu.
\v 3 Yesua kelim le zol al ida tou mushlul, "Gum fok wa wogif fi nus ta kulu nas."
\v 4 Biga huwo kelim le nas, "Hal huwo ganuni ashan bi amalu haja al kwes fi yom sebit au al batal; bi ankizu haya au bi katulu? "Lakin umon askut.
\v 5 Huwo aiynu le umon bi zalan, wa huwo kan haznan bi sabab ta gulub tomon al gowi, wa huwo kelim le zol de, "midu ida taki. "huwu midu wa kan ida tou biga kwes.
\v 6 Ferisiin tala bara be sura wa bada katitu sawa ma Herodus ashan kef bi katulu huwo.
\p
\v 7 Biga Yesua, ma talamiz tou ruwa fi bahar wa nas ketir ja wara huwo fi kulu min Galileya wa min Yahudiya.
\v 8 Wa min Urselim wa min Idumea wa kaman min Ordon wa min Tyre wa min sidon. zaman umon asuma an hajat al kubar al kan huwo amulu, nas kutar ja le huwo
\v 9 Huwo asalu talamiz tou ashan bi jibu le huwo murkab suker ashan nas al limu, ashan umon ma bi asuru huwo.
\v 10 Huwo aliju nas kutar, wa kaman ai zol al indu ayan bi ja ashan lemesu huwo.
\v 11 Iza kan roho al nejis aiynu huwo, umon bi waga tehet gidam huwo wa bi kore, wa umon bi kelimu, "Inta jena ta Allah."
\v 12 Huwo anziru umon ashan kede ma arufu huwo.
\p
\v 13 Huwo ruwa fok fi jebel, wa huwo nadi nas al huwo deiru, wa umon ja le huwo.
\v 14 Huwo ikhtar al itnasar (Al huwo nadi rusul) ashan umon bikun ma huwo wa huwo bi rasulu umon ashan bi bashiru injil,
\v 15 Wa bi indu sultat ashan bi turudu siyatin.
\v 16 Huwo ikhtar al itnasar Samaan, al huwo wodi isim tou Butrus,
\v 17 Yakub weled ta Zebedayo, wa Yuhana aku ta Yakub al huwo wodi isim tou Boanaerges, al mana tou Weled ta saga,
\v 18 Wa Andraus, Piliipus, Bartolomous, Matta, Thomas, Yakub weled ta alphaeus, Tadaus, Samaan al zealot,
\v 19 Wa Yahuza al iskaryuti al bi ja biyu huwo.
\p
\v 20 Baad dak huwo ruwa fi bet, wa nas kutar ja wa lemu ma baad tanimara, hata umon ma agder akulu.
\v 21 Zaman usura tou asuma, umon ruwa ashan bi amsuku huwo, umon kelimu inu, "Howo mojunun."
\p
\v 22 Al kataba al ja min Urselim kelimu, "Huwo moskun be beelzebul" wa " Be guwa ta reis ta aruwah huwo bi turudu aruwah."
\p
\v 23 Yesua nadi umon wa kelimu le umon be amsal, "Kef sitan bi turudu sitan?"
\v 24 Iza kan mamlaka mugasam did nefsa tou, mamlaka dak ma bi wogif.
\v 25 Iza kan bet gesimu did nefsa tou, bet dak ma bi agder ashan bi wogif.
\v 26 Iza sitan gum did nefsa tou wa mugasam, huwo ma bi agder wogif, lakin ja fi nehaya.
\v 27 Lakin mafi zol bi ja fi bet ta zol al gowi, wa bi serigu hajat ta zol al gowi de bidun ma robutu zol al gowi de awel, wa baad dak huwo bi serigu hajat ta bet ta zol de.
\v 28 Ana bi kelimu le intum hagiga, katayat kulu ta awalad ta nas bi afi, hata kan tejdif al umon kelimu.
\v 29 Lakin ai zol al jedif did roho al kudus ma bi afi, lakin bi kun galtan le katiya al abadiya.
\p
\v 30 Yesua kelimu kalam de ashan umon kan gi kelimu inu, "Huwo indu roho al nijis."
\p
\v 31 Baad dak uma wa akwana tou ja wogif bara. umon rasulu kabar le huwo, ashan kede huwo ja.
\v 32 Nas al limu kan bi geni hawul huwo wa umon kelimu le huwo, "Uma wa akwana taki fi bara umon bi fetisu inta."
\p
\v 33 Huwo juwabu umon, "Nas munu yau uma tai wa akwana tai?"
\v 34 Huwo bada aiynu le nas al bi geni daira jambu huwo wa gal, "Aiynu, del yau uma tai wa akwana tai!
\v 35 Ai zol al gi amulu irada ta Allah, zol dak yau aku, wa ukut, wa uma tai
\c 4
\cl As-hah 4
\p
\v 1 Tanimara huwo bada derisu fi taraf bahar, wa nas ketir lemu jambu huwo, huwo nutu fi juwa murkab al kan fi bahar, wa huwo geni tehet fogo, nas kulu kan bi geni fi taraf bahar jambu murkab.
\v 2 Huwo alimu umon hajat ketiir be amsila, wa fi talim tou de yau hajat al huwo kelimu le umon.
\v 3 asuma, Muzari ruwa ashan zara tirab tou.
\v 4 Ze ma huwo gi rusu tirab, baad min tirab waga fi sika, wa tiyur ja wa akulu.
\v 5 Baad min tirab waga fi mahal hujar al mafi fogo turab ketir, umon gum be sura, leanu mahal de ma indu turab ketiir.
\v 6 Lakin Zaman shemis tala, umon yabis, ashan umon ma indu juzur, umon yabis.
\v 7 Baad min tirab waga fi nus ta shok. shok de raba wa kanagu umon, wa umon ma weledu ai dura.
\v 8 Baad min tirab waga fi tin al kwes wa umon raba wa jabu intaj wa gi zidu wa umon raba kwes tanin teletiin, sitiin wa taniin miya marat.
\v 9 Baad dak huwo kelimu, "ai zol al indu adana ashan bi asuma, kede huwo asuma!"
\p
\v 10 Zaman Yesua biga barau, nas al kan gerib ma huwo sawa ma talamiz asalu huwo an amsila de.
\v 11 Huwo kelim le umon, "Wodi le intum sir ta malukut ta Allah. Lakin le nas al bara hinak ai haja be amsila,
\q
\v 12 Ashan kan umon aiynu, naam umon bi aiynu, lakin umon ma bi suf, wa kaman kan umon asuma, lakin umon ma bi fahim, au umon bi rija wa Allah bi afi umon."
\p
\v 13 huwo kelimu le umon, "Intum ma gi fahim amsila de? Biga kef intum bi agder fahimu bagi amsila taniin de?"
\v 14 Muzari de bi zarau injil,
\v 15 del yau nas al fi sika al injil bi zarau. Kan umon asuma, Sitan bi ja tuwali ashan silu kilma al bashiru le umon de.
\v 16 Wa del yau tirab al waga fi mahal ta hujar; munu, Zaman umon asuma kalam de umon tuwali istakbil be farah.
\v 17 Lakin umon ma indu juzur fi nefsa tomon lakin umon amin fi zaman besit. Baad dak zaman taab wa mashakil ja be sabab kalam de, umon waga be sura.
\v 18 Wa taniin al zarau fi nus shok. Umon yau del al asuma kalam,
\v 19 Lakin humum ta duniya wa niya ta shokol ganiyan wa shahwat wa hajat taniin bi ja wa bi kanagu kelima de, wa ma weledu samar.
\v 20 Wa tirab al waga fi tin al kwes, de yau al asuma kelima, wa istakbil kelima wa weledu samar teletiin sitiin wa tanin miya. marat
\p
\v 21 Yesua kelim le umon, "hal inta bi jibu lamba fi juwa bet wa bi kutu tehet gufa au tehet seriir? inta bi jibu wa bi kutu fi ras tarabiza ta lamba.
\v 22 Mafi haja al bi dusu al ma bi agder arufu, wa mafi siir al ma bi tala bara ashan bi arufu.
\v 23 Iza kan ai wahid indu adana ashan asuma, kede huwo asuma!"
\v 24 Huwo kelim le umon, "kutu bala fi haja al intum asuma, be mizan al inta wozinu bi huwo yau bi wozinu le inta, wa ketir bi zidu le inta.
\v 25 Leanu zol al indu, bi wodi le huwo ketir, wa le zol al ma indu, hata haja huwo indu bi shilu."
\p
\v 26 Huwo kaman kelim, "Molokut ta Allah geni ze zol zara tirab tou fi turab.
\v 27 huwo bi num bilel wa bi gum be nahar, wa tirab de bi gum wa bi raba, hata kan huwo ma arufu raba kef.
\v 28 Ardi bi weledu dura be nefsa tou: awel nabat yala awrak, yala biga dura fi awrak.
\v 29 kan dura de kalas nigitu, huwo tuwali bi rasulu ashan bi jibu seresere leanu zaman ta hasad ja."
\p
\v 30 Huwo kelimu tanimara," Nina bi karinu molokut ta Allah be shunu, au amsila yatu al nina bi istakdimu ashan bi sharau kalam de?
\v 31 Huwo ze haba ta khardal, Iza, kan zarau, huwo bizra al suker fi duniya.
\v 32 Lakin, iza kan zarau. huwo bi raba wa bi tala kebir min kulu buzur, wa bi kutu furu kubar, ashan tiyur al samah bi abinu biyut tomon fi dul tou."
\p
\v 33 Bi amsal ketir ze de huwo kelima de le umon, ashan kef umon bi agder fahim,
\v 34 Wa huwo ma wonusu le umon bidun amsal, Lakin iza kan huwo barau, huwo bi bada wori ai haja le talamiz tou.
\p
\v 35 Fi yom dak, zaman biga misah, huwo kelim le umon, "Keli nina ruwa bi tija dak."
\v 36 umon sibu nas al limu de, umon shilu Yesua ma umon, ze ma huwo kan, fi murkab. fii kan marakib tanin gi ruwa sawa ma umon.
\v 37 Hawa bada ja shedid, wa moya dakal fi murkab gerib bi malau murkab.
\v 38 Lakin yesua be nefsu kan fi akir murkab, bi num fi makada. umon goumu huwo, "ya mualim, inta ma arufu nina kalas gi ruwa mutu?"
\p
\v 39 Huwo gum fok, wa wobiku hawa de, wa huwo kelim le bahar, "keli yekun fi salam! kun hadi" Baad dak hawa de wogif, wa biga kan fi hudu.
\v 40 Baad dak huwo kelimu le umon, "Lee intum bi kafu? hal intum lisa ma indu iman?"
\p
\v 41 Umon kan kafu shedid wa kelimu le baad tomon,?"Zol de munu, hata hawa wa bahar gi ihterim huwo.
\c 5
\cl As- hah 5
\p
\v 1 Umon ja le tija tani ta bahar de, fi iklim ta Gerasenes.
\v 2 Zaman Yesua bi tala bara min murkab, zol moskun be aruwah serir tuwali ja le umon min magabir.
\v 3 Zol de aiz fi magabir. mafi zol agder robutu huwo hata be genzir.
\v 4 Leanu robutu huwo ketiir marat bi kalbasat ma genzirat. huwo gata genzirat de wa huwo kasuru kalbasat de kulu. mafi zol al bi agder gobudu huwo.
\v 5 Kulu yom bilel wa nahar huwo fi magabir wa jebal, howo bi kore bi sot shedid wa bi gatau nefsu bi hujar al seniin.
\v 6 Zaman huwo aiynu Yesua min masafa beid, huwo jere le huwo wa dengir gidam tou.
\v 7 Huwo kore be sot fok, "Inta deru min ana sunu, Yesua, Ibin Allah al Aali? Ana bi asalu inta be isim ta Allah, mata azibu ana."
\v 8 Huwo kelimu le huwo ya roho al sherir tala bara min zol de.
\p
\v 9 Huwo asalu zol de, "Isim taki munu? "Huwo juwabu, "isim tai Legion, leanu nina kutar."
\v 10 Huwo asalu Yesua tani wa tani ashan ma rasulu umon bara min ikelim dak.
\v 11 Wa kan fi adad kebiir ta koduruk gi akulu ges fi ras jebel,
\v 12 Wa umon asalu Yesua gali, "rasulu nina le kodurukat dak; keli nina dakalu fi jisim tomon."
\v 13 Yesua sedeku le umon; aruwah al sherir de tala bara wa dakalu fi kodurukat. wa umon bada jere min ras jebel le bahar, wa kan gerib alfen min kodurukat katis fi juwa bahar.
\v 14 Baad dak nas al kan gi harasu kodurukat del jere ashan bi wori kabar ta haja al hasil de fi medina wa fi kulu beled. wa biga nas ruwa ashan bi aiynu haja al hasil de.
\v 15 Baad dak umon ja le Yesua wa umon aiynu zol al kan moskun be aruwah al sherira, al kan huwo moskun be legion, huwo lebisu wa gi geni wa kan mugkh tou biga kwes, wa umon kan kafu.
\v 16 Nas al aiynu sunu hasil le zol al moskun be aruwah al sherira de wori le umon kalam de be tafasil, wa nas de kaman kelim le umon an haja al hasil le kodurukat.
\v 17 Baad dak umon bada asalu huwo ashan bi sibu beled tomon.
\p
\v 18 Zaman howo gi arkab murkab, zol al kan moskun bi aruwah al sherira de asalu huwo ashan huwo bi ruwa ma Yesua.
\v 19-20 Lakin Yesua ma rudu le huwo, lakin kelimu le huwo, "Ruwa fi bet taki le usura taki wa wori le umon an haja al Rabuna amulu le inta, wa huwo zahiru le inta rahma." Biga zol de ruwa fi Decapolis wa bada wori haja al kebiir al Yesua amulu le huwo, wa ai zol kan istagrab.
\p
\v 21 Zaman Yesua gata be murkab tanimara le tija tani de, nas kutar lemu hauwli huwo, wa ze ma huwo kan fi taraf bahar.
\v 22 Biga wahid min ruwasa ta majma ja isim tou Jairus, wa zaman huwo aiynu Yesua, huwo dengir gidam Yesua.
\v 23 Wa huwo asalu tani wa tani, gali, "Biniya tai gerib bi mutu Ana bi asalu inta ashan, bi ja kutu idab taki fi ras tou ashan hiya bi kun kwes wa bi ish."
\v 24 Biga Yesua ruwa ma huwo, wa nas ketir ruwa wara huwo wa kan mahal biga deyig le huwo.
\p
\v 25 Kan fi mara hinak indu nezif ta dom le fetera ta itnashar sena.
\v 26 Hiya kan taban min gabilu Dakatir ketiir wa ai haja al hiya indu kalasu, bidal hiya bikun kwes hala tou gi zidu kaab.
\v 27 Zaman hiya asuma kabar an Yesua, hiya ja wara Yesua wa lemesu gumas tou.
\v 28 Hiya kelimu, "Iza kan ana lemesu sala gumas tou, ana bi ligo ilaj."
\v 29 Zaman hiya lemesu huwo, nezif de wogif, wa hiya ashur fi jisim tou inu hiya ligo ilaj ta ayan al kan gi taabu hiya.
\p
\v 30 Tuwali Yesua lahisu fi nefsa tou inu guwa tala min jesim tou. Huwo bada lefet le nas wa kelimu, "De munu yau lemesu gumas tai?"
\p
\v 31 Talamiz tou kelimu le huwo, "Inta aiynu yau nas ketiir hawili inta, wa inta gi kelim, ' Munu yau lemesu inta?"
\p
\v 32 Lakin Yesua kan gi fetisu zol al amulu kalam de.
\v 33 Mara de, zaman hiya arufu haja al hasil le hiya, hiya kan kafu wa jisim tou rogus. hiya ja wa dengir gidam Yesua wa wori le Yesua kulu hajat al kan hasil.
\v 34 Yesuah kelimu le hiya, "Biniya tai, Imaan taki aliju inta. Ruwa be salam wa keli inta ligo ilaj min ayan taki.
\p
\v 35 Wa zaman kan huwo gi wonusu, fii baad min nas ja min reis ta mujama, gali, "Biniya taki mutu kalas. malu inta gi taabu Mualim?"
\p
\v 36 Lakin zaman Yesua asuma kalam al umon wonusu de, Huwo kelim le reis ta mujama de, "mata kafu, amin bes."
\v 37 Huwo ma shilu ai zol ma huwo ila Butrus, Yakub wa Yuhana, aku ta Yakub.
\v 38 Umon ja fi bet ta reis ta mujama wa huwo aiynu nas gi kore shedid; umon kan gi kore wa bi asuwat fok shedid.
\v 39 Zaman huwo dakalu fi bet de, huwo kelim le umon, "Malu intum haznaniin wa intum gi kore? jena de ma mutu lakin hiya gi num."
\v 40 Umon bada ataku le Yesua. Lakin Yesua sibu umon bara wa huwo shilu Abu ta jena ma uma ta jena de wa nas al kan ma huwo, wa huwo ruwa fi mahal al kan jena de fogo.
\v 41 Huwo amsuku ida ta jena de wa kelimu le hiya, "Talitha, Koum!" al mana tou gal, "Ya Binya suker, ana kelimu le inta, Gum fok."
\v 42 Wa tuwali jena gum fok wa bada douru (wa hiya kan indu 12 itnashar sena). wa umon tuwali tala mustagarabin shedid.
\v 43 Biga huwo anziru umon shedid ashan kede umon ma wori kalam de le nas taniin. yala huwo kelim le umon wodi haja ashan hiya bi akulu
\c 6
\cl As-hah 6
\p
\v 1 Huwo tala min hinak wa ja fi belet tou, wa talamiz tou ruwa wara huwo.
\v 2 Fi yom sebit, huwo derisu fi mujama. Nas kutar kan asuma huwo wa umon tala mustagarabiin. umon kelim, "Huwo ligo deris de min wen?" " De yatu hikma al wodi le huwo de?" " De yatu mujizat al huwo gi amulu ma iden tou de?" "
\v 3 Hal de ma yau najar, weled ta Mariam wa Aku ta Yakub wa ta Joses wa ta Yahuza wa Samaan? Hal Ikuwat tou ma yau ma nina hina?" Kan Yesua kore kore ma umon.
\p
\v 4 Baad dak Yesua kelim le umon, "Ma bi ihtaramu nebi, fi beled wa fi nus ta nas tou wa ahal wa nas ta bet tou."
\v 5 Huwo kan ma agder ashan amulu ai shokol al gowi, ila huwo kutu iden le nas besit al ayaniin wa aliju umon.
\v 6 Huwo kan istagarab min adam imaan tomon. biga huwo ruwa fi kariyat taniin ashan bi derisu.
\p
\v 7 Biga Howo nadi talamiz al itnashar wa bada rasulu homon itiin itniin wa huwo wodi le umon sulta did aruwah al sheriira,
\v 8 Wa huwo wori le umon ashan ma shilu ai haja fi safar tomon, ila asaya- mafi esh, mafi shanta, wa mafi gurush fi kis tomon-
\v 9 Lakin keli intum libisu shebet wa ma bi libisu itniin gumas.
\v 10 Huwo kelim le umon, "Kan intum dakalu fi bet, geni takum lahadi intum tala min hinak.
\v 11 Iza kan fi nas ma istagbal intum au ma asuma le intum, kan intum gi tala min mahal dak, masa takum turab ta kura takum ze shuhada le umon.
\v 12 Umon ruwa bashiru le nas ashan tuba.
\v 13 Umon turudu aruwah ketir al sherir, wa masa nas ketiir al ayaniin be zet wa aliju umon.
\p
\v 14 Melik Herodus asuma kabara de, Isim ta Yesua biga arufu shedid. Nas tanin gi kelim, "Goumu Yuhana mamadan min mutu, wa de yau sabab huwo gi istakal be guwa ta mujizat de."
\v 15 Nas tanin bi kelim, "Inu huwo Elia." Tanin kaman bi kelim, "Huwo nebi, ze wahid min al anbiya ta zaman."
\p
\v 16 Lakin zaman Herodus asuma kabara de huwo kelim, "Goumu Yuhana, al ana gata ras tou min mutu."
\p
\v 17 Wa kan Herodus gubudu wa sijinu huwo fi kalam Herodias (Mara ta Aku tou Philip), Leanu huwo jouzu mara de.
\v 18 Ashan Yuhana kelim le Herodus, "huwo ma ganuni ashan inta bi shilu mara ta Aku taki."
\v 19 Lakin Herodias kan tala zalan wa deir katulu Yuhana, lakin hiya ma agder.
\v 20 Herodus kafu Yuhana; huwo arufu inu huwo zol adil wa zol ta kadasa, wa huwo kan hafisu huwo, Herodias bi tala zalan kan hiya asuma Yuahan bi kelim, lisa hiya gi asuma le huwo bi farah.
\p
\v 21 Baad dak yom al kwes ja zaman id melad ta Herodus wa huwo amulu asha le muazafiin wa nas al kubar ta Galilee.
\v 22 Biniya ta Herodus ja wa alabu gidam nas, wa hiya sibu Herodus wa diyuf tou tala farhaniin. Melik kelim le biniya de, "Asalu ai haja al inta deiru ana bi wodi le inta."
\v 23 Huwo halifu le hiya, "Ana bi wodi le inta, ai haja al inta asalu, wa hata nus ta mumlaka tai."
\p
\v 24 Hiya ruwa wa kelim le uma tou, "keli ana asalu shunu min huwo?"
\p
\v 25 Hiya kelim, "Ras ta Yuhana al mamadan."Hiya reja be sura le melik, wa asalu, gali, "Ana deru keli inta wodi le ana, hasa de, ras ta Yuhana al mamadan fi sahan."
\v 26 Melik kan tala mutaasif shedid, huwo ma agder ashan aba talab ta hiya ashan halifa al kan huwo amulu wa kaman ashan diyuf tou.
\v 27 Biga melik rasulu askeri wa amiru huwo ashan bi jibu le huwo ras ta Yuhana. Haras ruwa wa gata ras tou fi sejiin.
\v 28 Huwo jibu ras ta Yuhana fi sahan wa wodi le biniya de, wa biniya de wodi le uma ta tou.
\v 29 Zaman talamiz tou asuma kabar de, umon ja wa shilu jesim ta tou wa dofunu fi turba.
\p
\v 30 Talamiz ja ma baad le Yesua wa wori le huwo kulu hajat al umon amulu wa derisu.
\v 31 Baad dak huwo kelimu le umon, "Tal takum le mahal al fadi wa akudu raha shuwiya." nas ketiir gi ja wa gi ruwa, wa umon zaatu ma indu zaman le akulu.
\v 32 Yala umon ruwa be murkab fi mahal al fadi.
\v 33 Lakin umon aiynu nas del bi ruwa, wa kurtar arufu homon, wa homon jeri hinak ma kuraiin min kulu medina.
\v 34 Zaman umon ja fi taraf bahar, Huwo aiynu nas ketiir wa huwo hin le umon, leanu umon ze kuruf al ma indu sedu, biga huwo bada alimu umon hajat ketiir.
\p
\v 35 Zaman wokit biga mutaakir, talamiz bitou ja le Howo wa kelim,"
\v 36 Mahal de khala wa zaman biga mutaakiir. Rasulu ashan bi ruwa fi juwa hela ashan bi biyu hajat ta akulu tomon.
\p
\v 37 Lakin Huwo juwabu kelim le umon, "wodi takum le umon haja ashan bi akulu." Umon kelim le huwo, "Kede nina ruwa ashan isteri esh be mitteen dinar ashan bi wodi le umon wa bi akulu?"
\p
\v 38 Huwo kelimu le umon, indakum kam esh?" Ruwa takum aiynu. zaman umon ligo, umon kelimu, "khamsa esh wa itniin samaga."
\v 39 Huwo wori le nas kulu ashan bi geni tehet fi gesh fi mujmuat.
\v 40 Umon geni tehet fi mujmuat ta meyat, wa khamsinat.
\v 41 Huwo shilu khamsa esh wa itniin samaga de, wa huwo bada aiynu fi samah wa bariku wa kasuru esh de wa wodi le talamiz ashan bi waza le nas. Huwo kaman gesimu itniin samaga de le umon kulu.
\v 42 Umon akulu lahadi umon tala sabaniin.
\v 43 Umon limu esh al fadulu, mala itnasar gufa, Wa kaman samagat al fadulu,
\v 44 Wa nas al kan akulu de adad tomon khamsa alf.
\p
\v 45 Huwo tuwali kelimu le talamiz ashan bi arkab fi murkab wa bi ruwa gidam le tija a tani ta bahar, le Bethsaida, fi wokit huwo bi ferteku nas al limu.
\v 46 Zaman umon kalas ruwa, Huwo ruwa fi ras jebel ashan bi seli.
\v 47 Fi misah, murkab kan biga fi nus ta bahar, wa huwo kan fadul barau..
\v 48 Huwo kan aiynu umon tabaniin fi sugu murkab, leanu hawa kan bi ja shedid le umon. Gerib sabah huwo ja le umon, bi douru fi ras moyo, wa huwo deiru ja ashan bi ruwa jambu umon.
\v 49 Lakin zaman umon aiynu huwo bi douru fi ras moyo, umon fekiru inu huwo baati wa umon kore bi sot shedid.
\v 50 Leanu umon aiynu huwo wa umon kan kafu. Huwo tuwali wonusu ma umon wa kelimu le umon, gowi takum gelba! de ana! ma takum kafu!"
\v 51 Huwo arkab fi murkab ma umon, wa hawa kan wogif. Umon kan mustagrabin shedid.
\v 52 umon kan ma fahimu mana ta esh de sunu. wa kan, gulub tomon tala gowi.
\p
\v 53 Zaman umon gata bahar, umon ja nezil fi Gennesaret wa garasu murkab.
\v 54 Zaman umon tala bara min murkab, tuwali nas arufu huwo,
\v 55 Wa umon bada jere hawli iklim kulu ashan bi jibu nas al ayaniin be biris min ai mahal al umon asuma Yesua fogo.
\v 56 Kulu ma kan huwo bi dakalu fi beled, au medina au fi doula, umon bi kutu nas al ayaniin fi suk, Umon bi asalu huwo ashan bi lemesu taraf gumas, wa nas kutar al kan lemesu huwo ligo ilaj.
\c 7
\cl As-hah 7
\p
\v 1 Phariseen wa baad min kutaba al kan ja min Urselim limu jambu huwo.
\v 2 Umon aiynu inu baad min talamiz tou bi akulu esh be iden al waskan, al, ma kasulu.
\v 3 (Phariseen wa yahudiin kulu ma bi akulu ile kan umon kasulu iden tomon, ashan umon bi hafisu tagalid ta sheyuk.
\v 4 Kan phariseen ja min suk umon ma bi akulu, ile kan umon beredu, wa fi hajat ketir al umon gi amulu, ze kasulu kababi, aziyar, abarig, suhana ta nihas wa teribeza al umon gi akulu fogo de.)
\v 5 phariseen wa kutaba asalu Yesua, "Malu talamiz taki ma gi amulu hasab tagalid ta?"sheyuk, umon gi akulu esh bedun kasulu iden
\p
\v 6 Lakin huwo kelim le umon, "Isaiah naba an kebiriya takum, Ze ma moktub, ' nas del gi ihterimu ana bes be kalam, lakin gelba tomon beyid min ana.
\q
\v 7 Ebada tomon le ana ma indu faida, umon gi alimu awamir ta nas ze akida tomon.
\v 8 Intum sibu wosiya ta Allah wa intum gi hafisu tagalid ta nas shedid."
\v 9 Huwo kaman kelimu le umon, "Kef intum aba wosiya ta Allah wa intum bi hafisu tagalid takum!
\v 10 Musa kelim, ' Ihterim abu taki wa uma taki; wa, ' kulu zol al bi wonusu batal an abu au uma tou bi mutu.'
\v 11 Lakin intum kelimu, ' Iza kan zol gi kelim le Abu tuo aw Uma tuo, "Ayi musaada al inta bi ligo min de howo Ghorban"' (Al huwo bi gul, "wodi le Allah'),
\v 12 De bi mana inta ma sibu huwo ashan bi amulu ai haja le abu tou au uma tou.
\v 13 Intum gi karabu kelima ta Allah bi tagalid takum al wodi le intum. wa fi hajat ze de al intum gi amulu.
\v 14 Huwo nadi nas al limu tani mara wa kelim le umon, "Asuma takum le ana, intum kulu, wa keli intum fahim.
\v 15 Mafi haja min bara al insan bi akulu al bi waskanu huwo. huwo haja al bitala min batna ta insan yau bi waskanu huwo.
\v 16 "
\v 17 Biga zaman Yesua tala min nas al limu wa dakalu fi bet, talamiz tou asalu huwo an amsila de. Yesua kelimu, "
\v 18 Hal intum kaman lisa ma gi fahimu? Intum ma gi fahimu inu kulu haja al gi dakalu le insan min bara ma bi waskanu huwo,
\v 19 Le anu ma bi agder wosulu fi gelba tou, lakin gi ruwa fi batna tou yala bi tala bara fi bakana?" wa bi kalam de Yesua kelimu inu kulu akil nedif.
\v 20 Huwo kelimu, "Huwo haja al bi tala min insan yau gi waskanu huwo.
\v 21 Leanu min juwa insan, min gelba gi tala afkar al batal, daara, serga, katulu,
\v 22 Zina, tama, sahara, kadab, shahwa, amulu hajat al batal, karabu sumaa, kibriya, shokol ahmak.
\v 23 Kulu hajat al batal de gi tala min juwa wa yau waskanu zol."
\p
\v 24 Huwo tala min hinak wa ruwa fi iklim ta tyre wa sidon. min hinak huwo ruwa fi bet, wa huwo ma deir ai zol keli arufu, lakin huwo ma bi agdeir dusu nefsa.
\v 25 Hagiga, kan fi mara biniya tou indu aruwah al sherira hiya kan asuma an Yesua, hiya ja wa dengir gidam kura ta Yesua.
\v 26 Wa kan mara min Yonan, Fenikiya min Suriya. hiya asalu Yesua ashan bi turudu shetan min biniya tou.
\v 27 Huwo kelim le hiya, "kede akilu iyal de awel. Ashan huwo ma kwes ashan bi wodi esh ta atfal wa bi jadau le kelab."
\p
\v 28 Lakin hiya juwabu wa kelimu le huwo, "Naam, Ya Rab, hata al kelab fi tehet tarbeza bi agder akulu bagi akilat al gi waga waga min iyaal suhar tehet tarabiza de."
\p
\v 29 Huwo kelim le hiya, "Ashan kalam al inta kelimu de, ina bi agdeir ruwa. Aruwah de tala bara min biniya taki."
\v 30 Hiya raja le bet wa ligo biniya tou bi num fi ras serir, wa aruwah de faat.
\p
\v 31 Baad dak huwo tala min iklim ta Tyre, wa min Sidon le bahar ta Galileya fok le iklim ta Decabolis.
\v 32 Umon jebu le huwo zol ataresh wa ma i wonusu kwes, wa umon asalu huwo ashan bi kutu iden fogo zol de.
\v 33 Baad dak huwo shilu zol de bara min mahal al nas ketir fogo de, huwo kutu asbaa tou fi adana ta zol de, wa huwo tufu buzak wa lemesu lesan ta zol de.
\v 34 Baad dak huwo aiynu fok fi samah wa kelim le huwo " Ephphatha," al huwo kelim gali, "afta!"
\v 35 tuwali adana tou kan fata, wa lesan al kan morbut de feku, wa huwo bada wonusu kwes.
\p
\v 36 Yesua kelim le umon ashan ma wori le ai zol. wa kulu ma Yesua gi kelim le umon ashan keli umon ma wonusu, Umon gi wori aktar wa aktar.
\v 37 Umon istagarab, wa gi kelimu, huwo amulu kulu hajat kwes. Hata huwo kutu zol al ma gi suma gi asuma, wa ataresh gi wonusu
\c 8
\cl As-hah 8
\p
\v 1 Fi ayam dak, fi kan nas kutar tani mara al limu, wa umon ma indu haja ashan bi akulu, Yesua nadi talamiz tou wa kelim le umon,
\v 2 " Ana indu rahman le nas al ketir de leanu umon geni ma ana le fetera talata ayam wa umon ma indu haja ta akulu.
\v 3 Iza kan ana rasulu umon le biyut tomon bidun akil, umon bi waga fi sika. baad min umon ja min mahal beyid."
\p
\v 4 Talamiz tou asalu huwo, "Nina bi ligo esh kefaya min wen ashan bi akilu nas de?"
\p
\v 5 Huwo asalu umon, "Intu indu kam esh?" umon kelim, "sabaa."
\v 6 Huwo kelimu le nas al limu de kede geni tehet. Huwo shilu esh al sabaa, huwo shukuru, Rabuna, wa kasuru. Huwo wodi le talamiz tou ashan bi sarafu, wa umon sarafu le nas.
\v 7 Umon kaman kan indu haba samak, wa baad huwo wodi shukuran, huwo kelim le talamiz ashan bi wodi le nas.
\v 8 Umon akulu wa umon sabaniin, wa bagi al fadulu, kan sabaa gufa al kubariin.
\v 9 Nas de kan gerib le arba alf Yala huwo rasulu umon ashan bi ruwa.
\v 10 Tuwali huwo arkab murkab ma talamiz tou, wa umon ruwa fi iklim ta Dalmanutha.
\p
\v 11 Baad dak phariseen ja wa bada gi nakishu ma huwo, umon asalu alama min samah, ashan bi jeribu huwo.
\v 12 Huwo juru nefes shedid, wa kelim, "lee jil de gi asalu alama? Ana bi kelim le intum, mafi alama bi wodi le jil de."
\v 13 Baad dak huwo sibu umon, huwo arkab fi murkab tani mara, wa huwo ruwa fi tija al tani ta bahar.
\p
\v 14 Talamiz nesitu ashan bi shilu esh ma umon, umon ma indu ai haja ile geir wahid esh bes fi murkab.
\v 15 Huwo wori le umon, gali, "Amulu hisab takum min kemira ta Phariseen wa kemira ta Herodus."
\p
\v 16 Talamiz bada fekiru fi baad tomon, "De ashan nina ma indu esh."
\p
\v 17 Yesua kan arufu kalam de, wa kelimu le umon, "lee intum gi fekiru inu intum ma indu esh? Hal intum ma gi ashur? Hal intum ma gi fahim? Hal gulub takum biga gowi?
\v 18 Intum indu uyon, hal intum ma gi aiynu? intum indu adana, hal intum ma gi asuma? hal intum ma gi zekiru?
\v 19 Zaman ana kasuru kamsa esh le kamsa alf nas, kam gufat al malyan be esh al kasuru kasuru al intum limu?" umon kelimu le huwo, "Itnashar"
\p
\v 20 Zaman ana kasuru esh al saba le arba alf nas, Kam gufat al malyan be esh al kasuru kasuru al intum limu? "umon kelim le huwo, "saba."
\p
\v 21 Huwo kelim, u " hal intum lisa ma gi fahim?"
\p
\v 22 Umon ja le bethsaida. Nas al hinak jibu le huwo zol al amiyan wa asalu Yesua ashan bi lemesu huwo.
\v 23 Yesua gobudu zol de fi iden wa shilu huwo bara min kariya, wa zaman huwo tufu buzak fi ina tou wa kutu iden fi jesim tou, Yesua asalu huwo," hal inta gi aiynu haja?"
\p
\v 24 Huwo ainu fok, wa kelimu, "Ana aiynu nas ze shejerat al gi dowuru."
\p
\v 25 Baad dak Yesua tani mara kutu iden tou fi ina ta zol de, wa zol de fata ena tou, huwo biga gi aiynu, wa huwo aiyinu hajat kulu tamam.
\v 26 Yesua rasulu huwo fi bet wa kelim, "Mata dakalu fi medina."
\p
\v 27 Yesua ruwa ma talamiz tou fi bilad ta Caesarea Philippi. Fi sika huwo asalu talamiz tou, "Nas gi kelim gal ana munu?"
\p
\v 28 Umon juwabu Yesua wa kelimu, Yuhana al mamadan, baad min al nas gi kelim Elia, wa baad gi kelimu inu inta wahid min al anbiya.
\p
\v 29 Huwo asalu umon, "Lakin intum bi kelim gali ana munu? Butrus kelimu le huwo, "Inta huwo al Mesih."
\v 30 Yesua anziru umon ashan ma huwo le ai zol an huwo.
\p
\v 31 Huwo bada alimu umon inu ibin al insan lazim bi ligo taab shedid wa bi abau huwo be shiyuk wa ruwasa ta khahana wa al kataba, wa bi katulu wa bi gum baad talata ayam.
\v 32 Huwo wori kabara de wadih. biga Butrus shilu huwo bara wa bada wobiku huwo.
\v 33 Lakin Yesua gilibu wa aiynu le talamiz tou, wa baad dak huwo wobiku Butrus wa gali, "Ruwa bara min jambu tai, ya sitan! Inta ma gi kutu afkar taki fi hajat ta Rabuna, lakin fi hajat ta nas,
\v 34 Baad dak huwo nadi nas al limu de wa talamiz tou sawa, wa huwo kelim le umon, "Iza kan ai zol deir douru wara tai, huwo bi ankuru nefsa tou, wa arufa selib tuo wa bi douru wara tai.
\v 35 Le kulu zol al deir hafisu haya tou bi woduru, wa kulu zol al nesitu haya tou min ajili ana wa injil bi hafisu haya tou.
\v 36 Sunu yau insan bi ligo iza kan huwo istefit min alam de kulu wa huwo woduru haya tou?
\v 37 Shunu yau insan bi wodi ashan bikun bidal le haya tou?
\v 38 Kulu zol al ma bi kun indu fadiya ashan ana wa kelimat tai fi jil ta zena wa katiya, Ibin al insan bi kun indu fadiya le huwo fi zaman al kan huwo bi ja fi majid ta tou wa malaikat al kudusiin
\c 9
\cl As-hah 9
\p
\v 1 Huwo kelim le umon, "Al hak anan kelim le intum, fi baad min nas min intum ma bi jeribu mutu gubal ma umon ma ainu malakut ta Allah bi ja ma guwa."
\p
\v 2 Baad sita ayam, Yesua shilu Butrus wa Yuhana fok fi jebel, wa umon barau. Yala shikil tou geiru fi gidam tomon.
\v 3 Gumas tou tala abiyad, gi lama shedid ze telij, ma fi haja tani abiyad fi duniya ze de..
\v 4 Baad dak Elia wa Musa zahar le umon wa umon kan gi wonusu ma Yesua,
\v 5 Buturus juwabu wa kelim le yesua, "Rabbi", huwo kwes le nina ashan bi kun hini, wa hasa keli nina amulu talata Rakuba, wahid le Inta, wahid le Musa, wa wahid le Elia."
\v 6 (Huwo ma arufu huwo bi kelim shunu, umon kan mustagarabiin wa gi kafu.)
\p
\v 7 Sehab ja wa kati umon. yala umon asuma sot min juwa sihab, "De yau weled tai al ana bi hibu. asuma takum le huwo."
\v 8 Fajaa, zaman umon aiynu min hawli umon, umon ma aiynu ai zol ma umon Lakin Yesua bes.
\p
\v 9 Ze ma umon nazilin min ras jebel, huwo kelim le umon ashan kede ma wori le ai zol haja al umon aiynu, lahadi Ibin insan gam min mutu.
\v 10 Biga umon askut ma kalam de, lakin umon kan nakishu fi bein tomon inu " Gum min mutu de" mana tou shunu.
\v 11 Umon asalu huwo, "Lee Kataba bi kelimu gali Elia yau bi ja awel?"
\p
\v 12 Huwo kelim le umon, "Elia ja awel ashan bi reja hajat kulu. Teib lee katibu inu Ibin al insan lazim bi ligo taab ketir wa bi alisu?
\v 13 Lakin ana bi kelim le intum inu Elia ja wa umon amulu le huwo kulu hajat al umon deiru, ze ma katibu an huwo."
\p
\v 14 Zaman umon ja le talamiz, umon aiynu nas kutar hawli umon, wa nas kataba kan gi nakishu ma umon.
\v 15 Wa ze ma umon aiynu Yesua, nas kulu kan mustagarabiin wa ze ma umon jere le huwo ashan bi selimu huwo.
\v 16 Huwo asalu talamiz tou, "Intum gi nakishu ma umon an shunu?"
\p
\v 17 Wahid zol min nas de juwabu huwo, "Mu-alim, ana jebu weled tai le inta. Huwo indu roho al bi kutu huwo ma bi wonusu.
\v 18 Gi rubuto huwo wa gi jada huwo tehet, wa buzak gi tala min kasuma tou, huwo gi adi sunun wa bi tala gowi. ana asalu talamiz taki ashan bi turudu aruwah de bara, lakin umon ma agdeir."
\p
\v 19 Huwo juwabu umon, "Intum jil al ma indu imaan, ana bi geni ma intum lahadi miten? Lahadi miten ana bi ithamal ma intum? Jibu huwo le ana."
\v 20 umon jibu weled de le huwo. zaman roho de aiynu Yesua, roho de tuwali jada weled de wa biga bi juru. Weled de waga tehet wa buzak abiyad bi tala min kasma.
\v 21 Yesua asalu Abu tou, "Kalam de bi amulu huwo zede min miten?" Abu de juwabu," Min zaman huwo suker.
\v 22 Roho de gi jada huwo fi nar au fi juwa moyo wa hawil ashan bi katulu huwo. Iza kan inta bi agdeir amulu ai haja, amulu rahma le nina wa saidu nina."
\p
\v 23 Yesua kelim le huwo, "Iza kan inta bi agdeir'? Ai haja mumkin le zol al amin."
\p
\v 24 Abu ta weled de tuwali kore be sot fok wa kelimu, Ana amin! Saidu weled tai al ma amin de!"
\p
\v 25 Zaman Yesua aiynu nas ketir gi jeri le umon huwo wobiku roho al sherir de a kelim, "Inta ya roho al tamtam wa ateresh, ana gi amiru inta, atla bara, wa mata dakalu le huwo tani mara."
\p
\v 26 Roho al sherir de kore be sot fok wa juru weled de shedid wa baad dak tala. Weled de zahir ze zol al kan mutu, biga nas kutar kelim, "Inu huwo mutu."
\v 27 Lakin Yesua amusuku huwo fi iden wa arfa huwo fok, wa weled de wogaf fok.
\p
\v 28 Zaman Yesua ja fi bet, talamiz tou asalu huwo," Lee nina ma agdeir ashan bi turudu roho al sherir de?"
\p
\v 29 Huwo kelim le umon, "shikil roho de ma bi agdeir turudu ile be salawat."
\p
\v 30 Umon ruwa min hinak wa mururu be wasat Galilleya. Huwo ma deir keli ai zol arufu mahal tomon,
\v 31 Ashan huwo kan gi derisu talamiz tou. Huwo kelim le umon," Ibini Insan bi selimu fi iden ta nas, wa umon bi katulu huwo zaman kan umon katulu huwo, Huwo bi gum baad talata yom."
\v 32 Lakin umon ma agdeir fahimu kalam de, wa umon gi kafu ashan asalu huwo.
\p
\v 33 Baad dak umon ja fi Capernaum, baad huwo dakalu fi juwa bet huwo asalu umon, "Intum bi nakishu shunu fi sika?"
\v 34 Lakin umon askut. umon kan gi nakishu ma baad tomon inu munu yau bi kun mosuul.
\v 35 Huwo geni tehet, huwo nadi al itnashar talamiz sawa wa huwo kelimu le umon, "Iza kan ai zol deiru kun al awel, huwo lazim bi kun akir wa kadam ta nas kulu."
\v 36 Huwo shilu jena sukeir wa kutu huwo fi wasat tomon. Huwo arufa jena de fi iden tuo wa kelim le umon,"
\v 37 Ai zol al gabilu jena al sukeir de ma isim tai huwo gabilu ana; Ai zol gabilu ana huwo ma gabilu ana lakin huwo gabilu zol al rasulu ana."
\p
\v 38 Yuhana kelim le huwo, "Ya Mualim, nina ligo zol tani gi turudu siyatiin bi isim taki wa nina wogifu huwo, leanu huwo ma gi duwru ma nina,"
\p
\v 39 Lakin Yesua kelim, Ma takum wogifu huwo, Mafi ai zol tani al bi amulu shokol kebir bi isim tai wa kaman bi kelimu kalam batal an ana.
\v 40 Ai zol al ma did nina huwo tabi le nina.
\v 41 Ai zol al wodi le intum kubaya ta moyo ashan intum bi asurubu fi isim tai ashan intum tabi le al Mesih, hagiga ana gi kelim le intum, huwo ma bi fagidu ujura tou.
\v 42 Ai zol al kutu wahid min iyal al suhar al amin fi ana de waga, huwo bi kun kwes ashan bi robutu hajer kebir fi ragabta tou wa bi jadau fi bahar.
\v 43 Kan ida taki sibu inta waga fi katiya, gatau bara. huwo bikun kwes ashan inta bi dakalu fi haya al abadiya bidun ida bidal inta bi endu itnin iden wa inta bi ruwa fi johanam, fi nar al gi batulu.
\v 44 
\v 45 Iza kan kura taki shilu inta fi katiya, gatau bara huwo kwes le inta ashan inta bi dakalu fi haya al abadiya bidal inta bi endu itniin kura wa bi jadau inta fi johanam.
\v 46 
\v 47 Iza kan ena taki sibu inta amulu katiya talau bara, Huwo bi kun kwes le inta dakalu fi molokut ta Allah be wahid ena, bidal inta bi kun be itniin uyun wa bi jadau inta fi johanam.
\v 48 mahal al dudu tomon ma gi mutu, wa nar tou ma gi batulu.
\v 49 Kulu wahid bi masau be milee ta nar.
\v 50 Milee kwes, lakin iza kan milee fagidu ta-am tou, inta bi rejau ashan bikun milee kef? Keli indakum milee fi nefsa takum, wa keli intum kun fi salam fi baad takum
\c 10
\cl As-hah 10
\p
\v 1 Yesua tala min hinak wa ja fi Yahudiya wa fi mahal al bara min nahar al Ordon, wa nas ja le huwo tani mara. Huwo kan alimu umon tani mara, ze kulu yom.
\v 2 Baad dak Phariseen ja le huwo ashan bi jeribu huwo wa umon asalu, "Hal huwo ganuni ashan Rajil bi talagu mara tou?"
\p
\v 3 Huwo juwabu, "Musa kelimu le intum shunu?"
\p
\v 4 Umon kelimu, "Musa rudu ashan rajil bi katibu waraga talag wa baad dak bi turudu mara de."
\p
\v 5 Yesua kelim le umon " Ashan gulub takum al gowi yau Musa katibu le intum ganun de, "
\v 6 Lakin min bidaya ta kaliga, ' Allah kalagu Rajil wa Mara,'
\q
\v 7 Be sabab de rajil bi sibu bet ta abu wa uma tou wa bi limu ma mara tou,
\q
\v 8 Wa itniin bi kun jisim wahid. 'Umon biga ma itniin, Lakin jisim wahid.
\v 9 Ashan kida haja al Allah limu sawa, kede insan ma ferigu.
\p
\v 10 Zaman umon biga fi bet, talamiz tou asalu huwo tanimara an kalam de.
\v 11 Huwo kelimu le umon, "Ai zol al talagu mara tou wa jowzu mara tani huwo amulu zina ma hiya.
\v 12 Iza kan mara talagu rajil tou wa hiya jowzu rajil tani hiya amulu zina."
\p
\v 13 Baad dak umon jibu iyal tomon al sukar le huwo ashan huwo bi lemesu, lakin talamiz abusu umon.
\v 14 Lakin zaman Yesua aiynu, huwo kan ma moksut wa Huwo kelimu le umon, "Kede iyal sukeriin del ja le ana, wa ma takum abusu umon, ashan molokut ta Allah le del al ze umon.
\v 15 Hagiga ana bi kelim le intum, "Ai zol al ma gabilu molokut ta Allah ze jena sukeir de huwo ma bi dakalu fogo."
\v 16 Baad dak huwo shilu iyal del fi iden tou wa baraku umon.
\p
\v 17 Zaman huwo bada safar, fi zol tani jere wara huwo wa dengir gidam huwo wa asalu, "Ya mualim al kwes, ana bi amulu shunu ashan ana bi ligo haya al abadiya?"
\p
\v 18 Yesua kelim, "' Lee inta gi nadi ana kwes? mafi zol kwes ila Allah bes.
\v 19 Inta arufu wosiya al bi gul mata katulu, mata amulu zina, mata seregu, mata shahid be kizib, mata kabasu, ihterim abu taki wa uma taki."'
\p
\v 20 Zol de kelim, "Ya Mualim, ana hafisu hajat de kulu min zaman ana sukeir."
\p
\v 21 Yesua aiynu le huwo wa hibu huwo. Huwo kelim le huwo, "Fi wahid haja al nagis le inta. keli int biyu kulu hajat al inta indu, wa wodi le nas al masakiin, wa inta bi ligo hisab fi sama. Yala taal, dowru wara tai."
\v 22 Lakin ashan kalam de huwo tala haznan wa huwo ruwa, leanu huwo indu mali ketir.
\p
\v 23 Yesua aiynu hawlu wa huwo kelimu le talamiz tou, "Huwo saab shedid le nas al ganiyaniin ashan bi dakalu fi molokut ta Allah!"
\v 24 Talamiz kan istagarab min kelimat tou de. Lakin Yesua kelimu le umon tani mara, "Ya iyal, huwo saab shedid ashan inta bi dakalu fi molokut ta Allah!
\v 25 Huwo besit le jemel shan bi dakalu fi hufura ta ibra min zol al ganiyan ashan bi dakalu fi molokut ta Allah."
\p
\v 26 Umon kan mustagrabiin shedid wa kelim le baad tomon, "Biga munu yau bi ligo kulasa?
\p
\v 27 Yesua aiynu le umon, wa kelimu, "De mustehil le nas, lakin ma le Allah, kulu hajat mumkin le Allah."
\p
\v 28 Butrus bada kelim le huwo, "Aiynu, nina sibu kulu hajat wa ja wara taki.
\p
\v 29 Yesua kelimu, "Hagiga ana bi kelim le intum, mafi zol min intum al sibu bet au akwana au ikuwat au uma aw abu au Iyal au awutan ashan ana wa kalam injil.
\v 30 Munu ma bi ligo miya marat wa ketir fi duniya de: biyut wa akwana wa ikuwat wa umahat wa Iyal wa awutan ma taab, wa fi duniya al bi ja, haya abadiya.
\v 31 Lakin nas kutar al kan awel bikun akir, wa al akir bikun awel."
\p
\v 32 Umon kan fi sika bi ruwa fi Urselim, wa kan Yesua gi ruwa gidam tomon. Talamiz kan mustagrabiin, wa nas al kan gi dowru wara de kan gi kafu. Biga Yesua shilu talamiz shuwiya beyid wa bada kelim le umon an shunu al gerib bi hasil le huwo.
\v 33 "Asuma takum, nina gi ruwa fi Urselim, wa Ibin al insan bi selimu le reis al khahana wa kataba. umon bi hukumu huwo bi mutu, wa bi selimu huwo le wathanyiin.
\v 34 Umon bi alisu huwo bi tufu buzak le huwo, wa bi katulu huwo, Lakin fi yom nemira talata huwo bi gum."
\p
\v 35 Yakub wa Yuhana, iyal ta Zebedee, ja le huwo wa kelimu, "Ya Mualim, nina deir keli inta amulu le nina haja al nina asalu min inta."
\p
\v 36 Yesua kelim le umon, "Intum deiru keli ana amulu le intum shunu?"
\p
\v 37 Umon kelim " Asuma le nina ashan nina bi geni ma inta fi mejid taki, wahid fi iden taki yemin wa tani fi iden taki al shamal.
\p
\v 38 Lakin Yesua kelimu le umon, "Intum ma arufu haja al intum gi asalu de. Hal intum bi agdeir ashan bi ashrub kas al ana gi ruwa ashrubu de au agdeir mamudiya al gi ruwa amidu ma ana de?"
\p
\v 39 Umon kelim le huwo, "Nina bi agdeir." Yesua kelim le umon, "al kas al ana gi ruwa asurubu de, intum bi asurubu, wa intum kaman bi amidu be mamudiya al amidu ma ana.
\v 40 Lakin le zol al bi geni fi iden yemin tai aw fi iden shamal tai ma ana yau gi wodi, lakin le nas al jahizu.
\v 41 Zaman bagi ashara talamiz de asuma kalam de, umon bada tala zalaniin min Yakub wa Yuhana.
\v 42 Yesua nadi umon le huwo wa kelim, "Intum arufu le nas al gal umon ruasa ta umam gi seitar le umon, wa nas al kubar tomon gi marisu sulta fi ras tomon.
\v 43 Lakin de ma bi kun fi nus takum, ai zol al deir ashan bi kun kebir fi nus takum lazim bikun kadam takum,
\v 44 Wa ai zol al deir ashan bi kun awel fi nus takum lazim bikun abid le nas kulu.
\v 45 Ashan Ibin al insan ma ja ashan bi akdimu, Lakin ashan bi kadimu nas, wa ashan bi wodi haya tou le ajil nas kulu.
\p
\v 46 Umon ja fi Jericho. Zaman huwo tala min Jericho ma talamiz tou wa nas kutar, kan weled ta Timaeus, al huwo Bartimaeus, al amiyan gi geni fi taraf sika ashan bi asadu.
\v 47 Zaman huwo kan asuma inu de Yesua al Nasiri, huwo bada kore wa kelim, "Ya Yesua, ibin Daudi, amulu maruf le ana!"
\p
\v 48 Nas kutar kore kore ma zol al amiyan de, ashan bi askut. Lakin huwo kan biga kore shedid, Yesua ibin ta Daudi, amulu maruf le ana!"
\p
\v 49 Yesua wogifu wa kelimu gal kede nadi huwo, umon nadi zol al amiyan de, umon kelim le huwo, "kun shuja! gum fok! Huwo gi nadi inta."
\v 50 Huwo jada gumas tou bara, wa gum ja le Yesua.
\p
\v 51 Yesua juwabu huwo wa kelim, "Inta deiru keli ana amulu le inta shunu?" Zol al amiyan de kelim, "Mualim, ana deiru aiynu tani."
\p
\v 52 Baad dak Yesua kelim le huwo, "Ruwa. Imaan taki aliju inta," Tuwali huwo bada aiynu tani mara, wa huwo bada ruwa wara Yesua fi sika
\c 11
\cl As-hah 11
\p
\v 1 Zaman huwo ja fi Urselim, umon gerib min Bethphage wa Bethany fi jebel ta Zeton, wa Yesua rasulu itniin min talamiz tou,
\v 2 Wa kelim le umon, "ruwa takum fi beled al gerib de. Kan intum wosulu hinak, intum bi ligo humar al lesa ma sugu. Fiku takum huwo wa jebu takum le ana.
\v 3 Iza kan ai zol asalu itakum gali, ' lee intum shilu humar de?' Keli intum kelim, ' Rabuna yau deiru wa tuwali bi rasulu hini.'"
\p
\v 4 Umon ruwa wa ligo humar de robutu bara fi kasma bab, wa umon fiku humar de.
\v 5 Fi nas tanin bi wogif hinak wa kelimu le umon, "Intum gi amulu shunu? Malu intum gi fiku humar de?"
\v 6 Umon kelimu le nas de ze ma yesua kelim le umon, wa nas de sibu umon ashan b ruwa.
\v 7 Umon jibu humar de le Yesua wa umon kutu malabis tomon fi ras humar de, wa huwo geni fogo.
\v 8 Nas ketir ferisu gumasat tomon fi sika, wa nas taniin ferisu awrak ta shejera fi sika.
\v 9 Nas al ruwa gidam tomon wa nas al gi wara tou guna shedid, "Hosana! Baraka le zol al ja bi isim ta Rabuna.
\q
\v 10 Baraka le mamlaka ta Daud al gi ja! Hosana fi al ali!"
\p
\v 11 Baad dak Yesua dakalu fi Urselim wa ruwa fi al haikal zaman huwo aiynu hawli hajat kulu. Kan wokit biga mutaakir, huwo ruwa fi Bethany ma talamiz tou al itnashar.
\v 12 Fi yom al tani zaman huwo gi tala bara min Bethany, huwo kan biga jeyan.
\v 13 Huwo aiynu min beyid fii shejera ta teen al fogo auwrak, huwo ruwa aiynu kan huwo bi ligo fuaki fogo, wa zaman huwo ja gerib huwo ma ligo ai haja ila auwrak ta shejera, de yau kan ma zaman ta weleda shejera teen.
\v 14 Huwo kelim le shejera de, "Mafi ai zol bi akulu min fuaki taki tani mara." Wa talamiz tou asuma.
\p
\v 15 Umon ja fi Urselim, wa zaman Yesua dakalu fi Haikal wa bada turudu nas al kan gi biyu wa gi ishteri fi Haikal. Huwo gelibu tarebizat ta nas al gi geiru gurush wa karasi ta tujar al gi biyu hamamat.
\v 16 Huwo ma deiru ai zol min tujar del ashan bi tala min Haikal ma hajat tomon.
\v 17 Huwo alimu umon wa kelim, "Ma katibu gal, 'Bet tai bi nadi bet ta salawat le nas kulu'? Lakin intum amulu huwo mahal ta haramiya."
\p
\v 18 Reis ta Khahana wa Kataba asuma kalam al huwo kelimu de, wa umon fetisu teriga ashan bi katulu huwo. Umon kan gi kafu huwo leanu nas kulu kan mustagarabiin min talim tou.
\v 19 Zaman wata biga misah, umon tala min medina.
\p
\v 20 Zaman umon gi dowru fi sabah, umon aiynu shejera teen de yabis lahadi irik tou.
\v 21 Butrus zekiru wa kelim, "Mualim, Aiynu! Shejera ta teen al inta laanu de yabis.."
\p
\v 22 Yesua juwabu umon, "Keli intum indu imaan fi Allah.
\v 23 Ana bi kelimu le intum hagiga inu iza kan ai zol kelimu le jebel de, 'gum wa ruwa jada nefsak fi juwa bahar; wa iza kan huwo ma indu shak fi gelba tou lakin huwo amin inu hajat huwo kelim de bi hasil, de yau haja al Allah bi amulu.
\v 24 Ashan keda ana kelim le intum: Ai haja al intum seli wa asalu, amin takum inu intum bi ligo, wa bi kun takum.
\v 25 Kan intum wogif wa gi seli intum lazim keli afi ai zol al intum amulu batal le umon, ashan Abu takum al fi sama kaman bi afi katiya takum."
\v 26 
\p
\v 27 Umon ja fi Urselim tanimara, Ze ma Yesua gi dowru fi Haikal, reis al khahana, wa al kataba, wa al shiyuk ja le huwo.
\v 28 Umon kelim le huwo, "Inta gi amulu hajat de be yatu sulta, wa munu yau wodi le inta sulta de?"
\p
\v 29 Yesua kelim le umon, "Ana bi asalu intum wahid su-al. juwabu takun ana wa ana bi wori le intum be yatu sulta ana bi amulu hajat del.
\v 30 Hal mamudiya ta Yuhana kan, min samah wala min nas? Juwabu takum ana."
\v 31 Umon nakishu fi bein tomon wa umon fekiru wa kelim, "Kan nina kelimu, Min samah,' Huwo bi kelim gal, ' Teib lee intum ma amin?'
\v 32 Lakin iza kan nina kelimu gali min nas,'...." Umon kan gi kafu nas, leanu ai zol kan arufu inu Yuhana kan nebi.
\v 33 Biga umon juwabu Yesua gali, "nina ma arufu." Yala ". Yesua kelimu le umon " kaman ana ma bi wori le intum be yatu sulta ana gi amulu hajat del
\c 12
\cl As-hah12
\p
\v 1 Baad dak Yesua bada alimu umon bi amsal. Huwo kelimu, "Fii zol zara karma, huwo amulu hosh hawili karma de, wa huwo abinu burj yala huwo selimu le muzariin del. wa huwo safar.
\v 2 Fi zaman al kwes, huwo rasulu kadam le muzariin ashan bi jibu samar ta karma de.
\v 3 Lakin umon amsuku huwo, wa dugu huwo wa turudu huwo bidun haja.
\v 4 Tanimara huwo rasulu kadam tani le umon, wa kaman umon awugu huwo fi ras wa amulu huwo batal.
\v 5 Huwo lisa rasulu kadam tani, wa umon biga katulu kadam de. umon azibu nas ketir bi nefsa teriga, dugu bagiin, wa katulu taniin.
\v 6 Huwo lisa indu zol wahid tani ashan bi rasulu, weled al huwo gi hibu. De yau akiir weled al huwo rasulu le umon. Huwo kelimu, umon bi ihterim weled tai de. '
\p
\v 7 " Lakin al karamiin kelim le baad tomon,' De yau al warisa. taal takum, keli nina katulu huwo ashan warisa de bi kun le nina.'
\v 8 Umon gubudu huwo, wa umon katulu huwo, wa jada huwo bara min mahal zara de.
\v 9 Biga, sidu mahal zara de bi amulu shunu? huwo bi ja wa bi demiru karamiin del wa bi wodi mahal zara de le nas taniin.
\v 10 Hal intum am agara kalam al moktub de? 'Hajer al Binaiin aba yau biga hajer al zawiya.
\q
\v 11 De kan min Rabuna, wa ajeib fi uyon ta nina.'"
\p
\v 12 Baad kida nas al kubar ta yahud katitu ashan bi gubudu Yesua leanu umon fahim inu huwo kelimu bi amsal did umon. Lakin umon kan gi kafu min nas al kan ketir de. Umon sibu huwo wa umon ruwa.
\p
\v 13 Baad dak umon rasulu le huwo baad min Phariseen wa Herodiin ashan bi jeribu huwo be kelimat.
\v 14 Zaman umon ja, umon kelim le huwo, "Ya Mualim, nina arufu inu inta zol al adi, wa inta ma kutu bala fi kalam ta ai zol, wa inta ma gi ferigu nas. Inta gi alimu sika ta Allah al hak. Hal huwo ganuni ashan nina bi dafa deriba le Caesar au la? keli nina dafa wala ma dafa?"
\p
\v 15 Lakin Yesua arufu shokol kebra tomon wa kelim le umon, "Lee intum gi jeribu ana? Wodi takum le ana denar ashan ana bi aiynu."
\v 16 Umon jibu wahid denar le Yesua. Huwo asalu umon " Sura wa kitaba de ta munu?" Umon juwabu, "Ta Caesar."
\p
\v 17 Yesua kelim, "Wodi le Caesar hajat ta Caesar, wa le Allah hajat ta Allah." umon kan istagarab min Yesua.
\p
\v 18 Baad dak al Sadduceen, al gi kelimu inu mafi giyama, ja le huwo. umon asalu huwo, gal,
\v 19 " Ya Mualim, Musa katibu le nina inu, 'Iza kan zol indu Aku mutu wa huwo sibu mara, lakin mara de ma indu jena, Aku tou kede shilu mara de, wa bi weledu ma hiya iyal le Aku tou.'
\v 20 Kan fii saba Akwana; Al awel zouju mara wa huwo mutu, ma weledu jena.
\v 21 Baad dak nimira itniin geni ma mara de wa mutu, ma weledu jena, wa nimira talata bardu.
\v 22 Nimira saba ma weledu ma mara de. akir tou, mara de kaman mutu.
\v 23 Fi yom ta giyama, kan umon ja gum, mara de bi kun ta munu? ashan saba akwana del geni ma mara de ze tomon "
\p
\v 24 Yesua kelimu, "De yau teriga al intum bi woduru, ashan intum ma arufu Injil, wele guwa ta Allah?
\v 25 Kan umon ja gum min mutu, umon wele bi jouzu wele bi jouzu umon, lakin umon bi kun ze malaikat fi samah.
\v 26 Lakin fi kalam ta nas al mutu wa goumu, hal intum ma agara fi kitab ta Musa, al kan nar wala fi gaba, Allah kan kelim le huwo kef, wa gal, ' Ana huwo Allah ta Ibrahim wa Allah ta Isaaka wa Allah ta Yacobo'?
\v 27 Intum nas al woduru huwo ma Allah ta nas al meitiin, lakin huwo Allah ta nas al hayiin. Intum nas al galtaniin."
\p
\v 28 Fi wahid min kataba ja wa asuma munakasa tomon; huwo aiynu Yesua gi juwabu umon tamam. huwo asalu Yesua, "De yatu wosiya yau muhim al futu kulu?"
\p
\v 29 Yesua juwabu, "Al mohim khalis yau, 'Asuma, Ya Israel, Rabuna ta nina Allah, huwo wahid.
\v 30 Inta lazim keli hibu Allah taki ma kulu geliba taki, ma kulu nefsa taki, ma kulu fekira taki, wa ma kulu guwa taki.'
\v 31 Wosiya al tani yau ze de, ' Inta lazim keli hibu jeran taki ze nefsa taki,' mafi wosiya tani al akbar min wasaya del."
\p
\v 32 Wahid min kataba de kelimu le huwo, "De tamam, Ya Mualim! Hagiga inta kelimu inu Allah wahid, wa mafi Allah tani ila huwo barau.
\v 33 Ashan inta bi hibu huwo bi kulu geliba wa kulu fekira, wa ma kulu guwa, wa ashan inta bi hibu jeran ze nefsa taki huwo aksan min haragu zabiha wa tegedim."
\p
\v 34 Zaman Yesua aiynu inu huwo juwabu be hikma, huwo kelim le huwo, "Inta ma beyid min molokut ta Allah." baad dak mafi zol deiru asalu huwo tanimara.
\p
\v 35 Zaman Yesua gi derisu fi haikal, huwo kelimu, "Kef kataba bi kelim gali Mesih huwo weled ta Daud?
\v 36 Daud bi nefsa tou, fi Roho al Kudus, Kelim gal, Rabuna kelim le Rabuna tai, "Geni fi iden yemin tai lahadi ana bi kutu adu taki tehet kuraiin taki.'"
\v 37 Daud bi nefsa tou gi nadi huwo 'Rabuna; yala kef al Mesih bi kun weled ta Daud?" nas kutar al limu kan asuma huwo bi farah.
\p
\v 38 Fii dirasa tou Yesua kelim, "Amulu hisab takum min kataba, al umon gi hibu ashan bi dowru ma jalalib al tuwaliin wa gi selimu umon fi mahalat ta aswak,
\v 39 Wa gi kutu umon fi karasi al gidam fi mujama wa fi mahalat al muhtaram fi ihtefalat.
\v 40 Wa umon kaman gi akulu fi biyut ta aramil, wa gi seli salawat al towil ashan nas keli aiynu umon. Nas del bi ligo hukum al shedid."
\p
\v 41 Baad dak Yesua geni tehet jambu sanduk ta ataya fi haikal; Huwo kan gi aiynu nas zaman umon gi jada gurush tomon fi sanduk ta ataya. Nas ketir al ganiyaniin jada gurush ketir.
\v 42 Baad dak fii mara armala meskin ja wa jada itniin girish, al indu faida kebir.
\v 43 Huwo nadi talamiz tou wa kelim le umon, "Ana gi kelim le intum hagiga, Mara al armala al meskin de jada fi sanduk ta ataya de aktar min nas kulu al jada.
\v 44 Nas del kulu wodi min gurush tomon al ketir. Lakin Mara al armala de ma shokol meskin ta hiya de, ". wodi kulu min gurush al kan hiya gi ish min fogo
\c 13
\cl As-hah 13
\p
\v 1 Ze ma Yesua kan gi tala min haikal, wahid min talamiz tou kelim le huwo, "Ya Mualm, Aiynu le hujar al azim de wa biyut al jemil de!"
\p
\v 2 Huwo kelim, "Hal inta aiynu al biyut al azim de? Mafi hajer wahid bi fadulu al ma bi kasuru tehet."
\p
\v 3 Ze ma huwo geni fi jebel Zeitun fi safa ta haikal, Butrus, Yacob, Yuhana, wa Andraus asalu huwo barau,
\v 4 " Wori le nina, Hajat del bi hasil miten? Wa alamat tou bi kun kef, kan hajat del kalas deiru hasil?"
\p
\v 5 Yesua bada kelim le umon, "keli intum amulu hisab takum ashan nas keli ma kabasu intum.
\v 6 Nas ketir bi ja be isim tai, wa bi kelimu, "ana yau huwo; wa umon bi kabasu nas ketir.
\v 7 Kan intum asuma an hurubat wa akhbar ta hurubat, ma takum kafu; hajat del lazim bi hasil, Lakin nihaya lisa.
\v 8 Ashan doula bi gum did doula wa mamlaka did mamlaka, bi kun zalzal fi mahalat ketir, wa majaa. hajat de bi kun bidaya ta waja ta weleda.
\p
\v 9 Kede intum kun harisiin. Umon bi shilu intum fi majalis wa bi jeledu intum fi majami. Bi wogifu intum fi gidam ta hukam wa muluk ashan ana, ze shuhuda le umon.
\v 10 Lakin de ma bi hasil ila awel injil bi bashiru le nas kulu.
\v 11 Kan umon gubudu intum wa selimu intum hinak, ma takum fekir inu intum bi ruwa kelimu shunu. Fi zaman dak kalam al intum bi ruwa kelim de bi wodi le intum; ma bi kun intum yau bi kelim, Lakin al Roho Al kudus.
\v 12 Aku bi selimu aku ashan bi mutu, wa abu bi le jena tou. Iyal bi gum did abuhat tomon wa umon bi selimu abuhat tomon ashan bi mutu.
\v 13 Bi akrahu intum ashan isim tai. Lakin le zol al wogifu guwi lahadi nihaya, bi ligo kulasa.
\p
\v 14 " kan intum ainu haja al batal wagif fi mahal al kan ma bi kun," (Keli zol al gi agara fahimu) " Keli nas al fi Yahudiya jeri le jebal,
\v 15 Keli nas al fok fi ras bet ma nezil tehet le bet au keli ma shilu ai haja min juwa bet,
\v 16 Wa keli nas al fi mahal zara ma rija ashan ja silu gumashat.
\v 17 Lakin taab le nas al indu iyal fi batna wa le del al gi rada iyal fi ayam de!
\v 18 Seli takum ashan keli ma hasil fi ta shita.
\v 19 Wa de bi kun ayam ta awjaa, al ma hasil min bidaya, Al Allah kalagu duniya, lahadi hasa, la, ma bi kun tani mara.
\v 20 Wa kan Rabuna ma nagisu ayamat de, mafi jisim bi ligo kulasa. Lakin min ajili al mukhtariin, le nas al huwo ikhtaru huwo nagisu al ayam.
\v 21 Baad dak iza kan ayi zol kelim le intum, ' Aiynu, Heni yau al Mesih!' au ' Aiynu, yau dak huwo!' Ma takum sedek.
\v 22 Leanu al Mesih al kazab wa al anbiya al kazabin bi ja wa bi amulu mujizat wa ayat ashan bi kabasu, iza mumkin, hata al mukhtariin.
\v 23 Kutu takum bala! Ana kelimu le intum kulu hajat de gubal zaman.
\p
\v 24 Lakin baad taab al bi hasil fi ayam dak, ' Shemish bi tala duluma, Gamara ma bi wala,
\q
\v 25 Wa nujum bi waga min samah, wa guwat al fi sama bi rejef.'
\v 26 Yala umon bi aiynu Ibin al insan gi ja fi sihab ma guwa azeem wa mejid.
\v 27 Yala huwo bi rasulu malaikat tou wa huwo bi limu nas al mukhtariin tou min arbaa arkan ta duniya, min akir duniya le akir ta sama.
\p
\v 28 Alimu takum haja min shejera teen. Bes kan fere tou tala akdar wa bi jadau auwrak tou, arufu gal karanga biga gerib.
\v 29 Wa kaman, kan intum aiynu hajat del gi hasil, keli intum arufu gal huwo biga gerib, jambu abuwab.
\v 30 Ana bi kelim le intum hagiga, inu jil de ma bi kalasu lahadi hajat del bi hasil.
\v 31 Samah wa al ard bi intaha, Lakin kelimat tai ma bi kalasu.
\v 32 Lakin yom dak wa sah dak, mafi zol arufu, wele malaikat al fi sama, wele ibin, Lakin Abu yau bi arufu.
\p
\v 33 Kede intum kun harisin! gafiru, leanu intum ma bi arufu zaman de miten.
\v 34 Huwo ze zol al fii safar _ huwo bi sibu bet tou wa huwo kutu kadamiin ashan bi kun mosuul fi bet, kulu wahid bi shokol tou, wa huwo wori le gafir ashan bi sahi.
\v 35 Ashan kida kede intum kun sahiriin leanu intum ma bi arufu sidu bet de bi ja miten; Hal fi misah, au nus lel, au fi zaman dik bi kore, au fi sabah.
\v 36 Iza kan huwo ja sudfa, keli huwo ma ligo intum gi num.
\v 37 Kalam al ana kelimu le intum de ana gi kelim le nas kulu: keli intum sahirin
\c 14
\cl As-hah 14
\p
\v 1 Kan fadulu itniin yom le id ta paska wa al Fitir. wa kan ruwasa ta khahana wa al kataba gi fetisu teriga ashan kef umon bi gubudu Yesua wa bi katulu huwo.
\v 2 Wa umon kan bi kelimu, "keli ma bi kun fi zaman ta id, ashan nas ma bi gum be muzaharat."
\p
\v 3 Zaman Yesua kan fi Bethany fi bet ta Simon al ta judam, wa ze ma huo gi teky fi ras terebiza, fii mara ja ma gizaza al jemil shedid wa fogo riha al taman tou ghali shedid. hiya kasuru gizaza wa kubu riha de fi ras ta Yesua.
\v 4 Lakin fi baad min talamiz kan zalaniin. Umon bada kelimu fi nefsa tomon gal, "De kasara ta shunu ze de?
\v 5 Kan riha de bi agder biyu bi aktar min tultumiya denar, wa bi wodi le masakiin." Yala umon kore kore ma hiya.
\p
\v 6 Lakin Yesua kelimu, "sibu takum hiya barau. Lee intum gi azibu hiya? Hiya amulu haja al jemil le ana.
\v 7 Intum daiman indu nas al masakiin ma intum, wa kulu ma intum kan deiru, intum bi agder amulu kwes le homon, Lakin intum ma bi ligo ana kulu yom.
\v 8 Hiya amulu haja al hiya bi agder, hiya masa jesim tai le dufunu.
\v 9 Hagiga ana kelimu le intum, kulu ma gi bashiru injil fi duniya bi wonusu haja al mara de amulu le zekira ta tou.
\p
\v 10 Baad Yahuza al Iscariuti, wahid min talamiz, ruwa le ruwasa ta khahana ashan bi selimu Yesua le umon.
\v 11 Zaman ruwasa ta khahana asuma kabara de, huwo kan tala farhan wa huwo waad ashan bi wodi le huwo gurush. Huwo bada fetisu fursa ashan kef huwo bi selim Yesua.
\p
\v 12 Fi yom al awel ta fitir, zaman umon gi gedimu koruf ta paska, talamiz tou keimu le huwo, "Inta deiru keli nina ruwa ween ashan bi jahizu, wa ashan inta bi akulu akil ta paska?"
\p
\v 13 Huwo rasulu itniin min talamiz tou wa huwo kelim le umon, "Ruwa takum fi medina, wa intum bi ligo zol gi arfa jak kebir maliyan ma moyo, ruwa takum wara huwo.
\v 14 Kan huwo dakalu fi juwa bet, ruwa takum wara huwo wa kelim takum le sedu bet de, ' Mualim kelimu, "wenu bet al ana bi akulu paska fogo ma talamiz tai?"
\v 15 Huwo bi wori le intum gurfa al kebir fok jahis, Yala hinak nezemu takum le nina."
\v 16 Talamiz gum ruwa fi medina. Umon ligo kulu hajat ze huwo kelimu le umon, wa umon jahisu akil ta paska.
\p
\v 17 Zaman kan fi misah Huwo ja ma talamiz al itnashar.
\v 18 Zaman umon bada akulu, Yesua kelimu, "Ana bi kelimu le intum hagiga, wahid min intum al gi akulu ma ana bi selimu ana,"
\p
\v 19 Umon kan kulu tala haznaniin, wa kulu wahid kan gi kelimu le huwo, "Hal de ana, de ma ana?"
\p
\v 20 Yesua juwabu wa kelimu le umon, "De bi kun wahid min al itnashar, wahid al gi dakalu esh ma ana sawa fi sahan.
\v 21 Ibin al insan bi ruwa ze ma katibu an huwo. Lakin taab le zol al gi selimu Ibin al insan! kan bi kun kwes iza kan zol de ma weledu.
\p
\v 22 Ze ma umon kan gi akulu, Yesua shilu esh wa baraku, wa kasuru. Huwo wodi le umon wa kelimu, "shilu takum de. de yau jisim tai."
\v 23 Huwo shilu kubaya, wa wodi shukuran, wa wodi le umon, umon kulu ashrabu.
\v 24 Huwo kelim le umon, "De yau Dom tai ta ahad, dom al kubu min ajil nas ketir.
\v 25 Hagiga ana kelimu le intum, ana ma bi ashrabu tani mara min asir ta shejera de, lahadi yom dak al ana bi ashrabu al jedid fi mamlaka ta Allah."
\p
\v 26 Zaman umon guna ternima, umon ruwa fi jebel zeitun.
\v 27 Yesua kelim le umon, "Intum kulu bi jere, leanu moktub, ' Ana bi dugu raeyi wa kurfan kulu bi shetetu.'
\v 28 Lakin baad kan ana gum, Ana bi ruwa awel min intum le Galilee."
\p
\v 29 Butrus kelimu le huwo "iza kan nas kulu jere min inta ana ma bi jere."
\p
\v 30 Yesua kelimu le huwo, "Ana bi kelimu le inta hagiga, Alela- Naam, Fi bilel de - gubal dik ma kore maratiin inta bi anguru ana talata marat."
\p
\v 31 Lakin Butrus kelimu, "hata iza kan ana mutu ma inta ana ma bi anguru inta." umon kulu kelimu ze de.
\p
\v 32 Umon ja fi mahal gi nadi Gethsemani, wa Yesua kelim le talamiz tou, "Geni takum hini lisa ana gi ruwa seli."
\v 33 Huwo shilu Butrus, Yacob, wa Yuhana ma huwo wa huwo bada ashuur batal wa galgan.
\v 34 Huwo kelim le umon, "Roho tai haznan shedid, hata darija ta mutu. Geni takum hini wa sahir takum."
\v 35 Huwo ruwa gidam shuweya, Yesua dengir tehet wa bada gi seli, iza kan mumkin keli saa de ruwa gidam min huwo.
\v 36 Huwo kelimu, "Abba, Ya Abui, kulu hajat mumkin le inta. shilu kubaya de min ana. Lakin ma irada tai, keli kun irada taki."
\v 37 Huwo rija wa ligo umon gi num, wa huwo kelim le Butrus, "Samaan, inta gi num? Intum ma bi agder ashan bi sahir wahid saa?
\v 38 Sahir wa seli takum ashan intum ma bi waga fi tejiriba. Fa Roho neshit, wa lakin jesim deyif."
\v 39 Huwo ruwa tanimara ashan bi seli, wa huwo istakdim nefsa kelimat de.
\v 40 Zaman huwo rija, huwo ligo umon gi num, uyun tomon tegil, umon ma arufu umon bi kelimu shunu le huwo.
\v 41 Huwo ja dur nimra talata le umon wa huwo kelimu, "Hal intum lisa gi num wa gi akudu raha? Kefaya! Zaman kalas ja. Aiynu! Ibin Al insan be selimu le iden ta nas al katiyiin.
\v 42 Gum takum fok; keli nina ruwa. Aiynu zol al gi ja selimu ana de biga gerib.
\p
\v 43 Zaman huwo lisa kan gi wonusu, Yahuza wahid min talamiz Ttou, Ja, wa ma huwo nas ketir indu seyuf wa asayat, umon ja min ruwasa al khahana, al kataba wa al shiyuk..
\v 44 Biga zol al gi selimu huwo de wodi le umon alama, gal, "Zol al ana amulu le gubla de yau huwo, gobudu takum huwo. wa shilu takum huwo bi hisab."
\v 45 Zaman Yahuza wosulu, huwo tuwali ja le Yesua wa kelim, "Rabbi," wa huwo amulu gubla le Yesua.
\v 46 Baad dak umon gubudu Yesua wa umon shilu.
\v 47 Lakin wahid min umon al kan gi wogif jambu Yesua tala seif wa gata adana ta kadam ta reis ta khahana.
\p
\v 48 Yesua kelim le umon, "Intum ja gubudu ana, ze ana harami, intum ja ma seyuf wa asayat?
\v 49 zaman ana kan ma intum wa ana kan gi derisu fi haikal intum ma gubudu ana. Lakin de kulu hasil ashan al muktub bi timu."
\v 50 Kulu nas al kan ma Yesua jere wa sibu huwo barau
\p
\v 51 kan fi weled shab yau gi ruwa wara huwo, wa huwo libisu gumas al salau mi shejera, ashan bi kati jesim tou, Zaman asakir gubudu huwo.
\v 52 huwo agila gumas tou wa huwo jere ariyan.
\p
\v 53 Umon shilu Yesua le reis ta khahana. wa umon kan limu hinak be kulu ruwasa ta khahana, wa al shiyuk wa al kataba.
\v 54 Wa kan Butrus gi ruwa wara tou min beyid lahadi fi bet ta reis ta khahana. Huwo geni fi nus ta huras, al ka gi geni jambu nar ashan dafi nefsa tomom.
\v 55 Biga reis ta khahana wa mejeles ta Yahud kulu kan gi fetisu shuhuda did Yesua                                                                     ashan umon bi agdeir katulu huwo. Lakin umon ma ligo ayi haja.
\v 56 Leanu fi nas ketir gedimu shuhudat al kezib did huwo, Lakin shuhuda tomon ma gi tafigu.
\v 57 Nas tanin wogif fok wa wodi shuhuda al kezib. did Yesua; Umon kelimu,
\v 58 " Nina asuma huwo gi kelim gal, Ana bi demiru haikal al abinu be iden de, wa fi talata ayam ana bi abinu tani al ma bi abinu be iden.'"
\v 59 Lisa shuhuda tomon ma gi tefig.
\p
\v 60 Reis ta khahana wogif fok wa asalu Yesua, "Inta ma gi juwabu? Kalam al nas de gi wonusu did inta?"
\v 61 Lakin huwo kan gi askut wa huwo ma juwabu. tani mara reis ta khahana asalu huwo wa kelim, "Hal Inta al Mesih, ibin Allah al Mubarak?"
\p
\v 62 Yesua kelim, "Ana huwo; wa inta bi aiynu Ibin al insan zaman kan huwo geni fi yemin ta guwa wa gi ja fi sihab ta samah."
\p
\v 63 Reis ta khahana seretu gumas tou wa kelimu, "Hal nina lisa muhtajiin le shuhudiin?
\v 64 Intum asuma tejdif de. Karar takum shunu?" Umon kulu hukumu huwo ze zol al bi istehig mutu.
\p
\v 65 Nas tanin bada tufu buzak le huwo wa kati wusa tou wa dugu huwo wa kelimu le huwo, "Naba!" Asakir shilu huwo wa dugu huwo.
\p
\v 66 Zaman Butrus kan fi bet al be tehet, wahid biniya al kadam ta reis ta khahana ja le huwo.
\v 67 Hiya aiynu Butrus gi dafi nefsu fi nar, wa hiya aiynu Butrus tamam, wa hiya kelimu, "Inta kan ma Yesua al Nasiri."
\p
\v 68 Lakin huwo anguru, wa kelim gal, "Ana ma arufu wele gi fahim kalam al inta gi kelim de." Yala huwo bada ruwa fi safa bab. Dik bada kore.
\p
\v 69 Lakin biniya al kadam de aiynu huwo wa bada kelim tani mara le nas al kan gi wogif hinak, "Zol de kan wahid min umon!"
\p
\v 70 Lakin huwo anguru tani mara. Wa baad shuweya keda nas al kan gi wogifu hinak de kelimu le Butrus, "Hagiga inta wahid min umon, Leanu inta kaman Gelilee."
\p
\v 71 Lakin huwo bada kutu nefsa tou fi laanat wa halifu, "Ana ma bi arufu zol al intum gi kelimu an huwo de,"
\p
\v 72 Dik tuwali bada kore tanimara, Baak dak Butrus gam zekir kelimat al Yesua kan kelimu le huwo: "Gubal dik ma kore maraten, Inta bi anguru ana . talata marat," wa biga huwo waga tehet wa kore
\c 15
\cl As-hah 15
\p
\v 1 Fi sabah bedri, ruwasa ta khahana ijtama sawa ma shiyuk wa al kataba wa kulu mejelis al yahudiin. Umon robutu Yesua wa istelim huwo le Bilatus.
\v 2 Bilatus asalu huwo, "Hal Inta Melik ta Yahud?" Huwo juwabu Bilatus, "Inta Yau Kelim."
\v 3 Reis ta khahana kan gi ishteki huwo bi hajat ketir.
\p
\v 4 Bilatus asalu huwo tanimara, "Hal inta ma gi juwabu? Aiynu umon gi ishteki inta bi kam hajat!"
\v 5 Wa Yesua tanimara ma juwabu Bilatus, wa de sibu huwo istagarab.
\p
\v 6 Yala biga fi zaman ta Id, Bilatus daiman gi fetisu le umon wahid mosjun, mosjun al umon talabu,
\v 7 Wa fii zol fi sijin ma mutameridiin isim tou Barabas huwo kan amulu jerima ta katulu fi zaman ta tamarud.
\v 8 Nas del ja le Bilatus wa bada asalu huwo ashan bi amulu le umon ze ma kan huwo amulu.
\v 9 Bilatus asalu umon wa kelim, "Intum deiru keli ana feku le intum Melik ta Yahud?"
\v 10 Ashan huwo kan arufu inu ruwasa ta khahana istelimu Yesua le huwo ashan hasada.
\v 11 Lakin ruwasa ta khahana wori le nas al limu keli kore kore ashan bi fiku Bararbas.
\v 12 Bilatus juwabu umon tani mara wa kelimu, "Yala ana bi amulu shunu ma Melik ta Yahud de?"
\p
\v 13 Umon kore kore tani mara, "Keli selibu huwo!"
\p
\v 14 Bilatus kelim le umon, "Huwo amulu shunu batal?" Lakin umon kore shedid wa shedid, "Keli Selibu huwo."
\v 15 Bilatus deiru keli nas kun farhaniin, biga huwo fiku Barabas le umon. Huwo wodi asakir ashan bi jeledu Yesua baad dak bi selimu huwo ashan selibu.
\p
\v 16 Asakir dakalu ma huwo fi bet ta welaya (Al huwo Re-asa ta hakuma), wa umon lemu ketiba ta Jesh kulu.
\v 17 Umon libisu le Yesua gumas ahmar urjuani, wa kutu tegiya ta shok fi ras tou.
\v 18 Wa umon bada wodi tehiya le huwo wa umon gal, Salam, Ya Melik Ta Yahud!"
\v 19 Wa umon kan gi dugu ras tou be asaya wa gi tufu buzak le huwo. Wa kan umon dengir ma rukuba le huwo.
\v 20 Zaman umon alisu huwo, umon shilu gumash al ahmar al urjuani de min huwo wa umon libisu le huwo gumash tou, Yala umon shilu huwo ashan bi ruwa selibu huwo.
\v 21 Wa kan fi wahid zol tani Samaan Al Ghiyrawani, kan gi ja min mahal zara( huwo kan Abu ta Alexandar wa Rufas) wa umon asuru huwo ashan bi arfa selib ta Yesua.
\p
\v 22 Asakir jibu Yesua fi mahal al isim tou Gologota (Al mana tou " Mahal ta jumjuma").
\v 23 umon wodi le huwo khamur al mulakbat ma dawa ta waja jisim, lakin huwo ma ashurubu.
\v 24 Umon selibu huwo wa gesimu gumash tou bi teriga ta gumar, al kef kulu zol bi shilu.
\v 25 De kan saa talata zaman umon selibu huwo.
\v 26 Wa fi ras selib de fok umon katibu gal Melik al Yahud.
\v 27 Kan umon selibu ma Yesua itniin haramiya, wahid fi yemin tou wa wahid fi shamal tou.
\v 28 Biga kalam al kan katibu fi kitab de timu al gi kelimu gal, 'Hasibu huwo ma nas al katiyiin.
\v 29 Nas kan gi ruwa jambu huwo gi hagiru huwo wa gi hizu ras tomon wa gi kelimu, "Aha! inta zol al bi demiru haikal wa bi abinu fi talata ayam,
\v 30 Kalisu nefsak wa nezil min selib.
\p
\v 31 Be nefsa teriga ruwasa al khahana al kan gi hagiru huwo fi bein tomon, sawa ma kataba, wa umon kelimu, "Huwo kalisu nas taniin, Lakin huwo ma agdeir ashan bi kalisu nefsa tou.
\v 32 Keli al mesih, Melik ta Israel nezil tehet min selib, ashan nina bi aiynu wa bi amin." Wa nas al kan selibu sawa ma huwo de kan kaman gi hagiru huwo.
\p
\v 33 Wa kan saa sita, wata tala duluma lahadi saa tisa.
\v 34 Fi saa tisa Yesua kore be sot shedid, "Eloi, Eloi lama sabachathani?" Al mana tou gal, "Ya Rab, Ya Rab, Lee inta sibu ana?"
\v 35 Fii baad min nas al kan gi wogifu hinak asuma kalam de, umon kelimu, "Aiynu, huwo gi nadi Eli."
\p
\v 36 Fii wahid min nas de, kutu karma fi isfunj, wa kutu fi kasab wa wodi le huwo ashan bi ashrubu. Zol de kelim, "Keli nina aiynu kan sei Elia bi ja nezilu huwo tehet."
\v 37 Baad dak Yesua kore bi sot shedid wa mutu.
\p
\v 38 Setara ta haikal sheretu le itniin min fok le tehet.
\v 39 Zaman kaid ta Jesh al kan gi wogifu hinak wa ainu Yesua huwo mutu bi teriga de, huwo kelim, "Hagiga zol de weled ta Allah."
\v 40 Wa kaman kan fi Nusuwan umon kan gi aiynu min beyid. Min umon kan Mariam Magdalina, Mariam (Uma ta Yacob al askhar wa Joses) wa Salome.
\v 41 Al kan zaman huwo fi Galileya umon douwru wara huwo wa akdim huwo, wa nusuwan taniin al kaman ja ma huwo fi Urselim.
\p
\v 42 Zaman wata tala mesa, De kan yom ta tejhizat, De yom, Al gubal sebit,
\v 43 Wa Yusif al kan min Rama kan ja hinak, huwo zol muhtaram ta mejeles, huwo kan gi intezir malukut ta Allah, huwo ruwa le Bilatus wa asalu Jisim ta Yesua.
\v 44 Bilatus kan mustagarab inu Yesua kan kalas mutu; huwo nadi kaid ta jesh wa asalu huwo kan sei Yesua mutu.
\v 45 Zaman Bilatus ligo kabara min kaid ta jesh inu Yesua kalas mutu, huwo wodi jisim ta Yesua le Yusif.
\v 46 Yusif ishteri gumash, huwo nezilu Yesua min selib, wa kati huwo ma kufuna, wa kutu huwo fi turuba. Yala huwo kutu hajer kebir fi bab ta. turuba.
\v 47 Mariam al Magdalina wa mariam uma ta Joses kan aiynu mahal al dufunu huwo fogo de
\c 16
\cl As-hah 16
\p
\v 1 Zaman kalas yom sebit kalasu, Mariam Magdalin, wa Mariam uima ta Yacob, wa Salome, jibu riha ashan bi kutu fi jisim ta Yesua.
\v 2 Fi sabah bedri fi yom al aweil ta usbu, umon ruwa fi gubur zaman shemish lisa gi tala.
\v 3 Umon gi wonusu ma baad tomon, "Munu yau bi arufa hajir ta bab ta gubur de le nina?"
\v 4 Wa zaman umon lisa gi fetisu, umon aiynu hajir de shilu bara, wa kan hajir de kebir shedid.
\v 5 Umon dakalu fi gubur, wa umon aiynu zol lebisu gumash abiyad, geni fi safa yemin, wa umon kan istagarab.
\p
\v 6 Huwo kelim le umon, "ma takum istagarab. intum gi fetisu yesua, Al nasiri, Al kan selibu. Huwo gum! Huwo mafi hini. Aiynu takum mahal al kan kutu huwo fogo de.
\v 7 Lakin ruwa takum, wa kelim takum le talamiz tou, wa kaman le Buturus, ' huwo gi ruwa gidam takum le Galileya, hinak intum bi ligo huwo ze ma huwo kelimu le intum.'"
\p
\v 8 Umon tala bara wa gum jeri min mahal gubur; wa kan umon gi kafu wa mustagarbiin. Umon ma kelimu le ai zol leanu umon kan gi kafu.
\v 9 Baad ma huwo gum min mutu, fi sabah bedri ta aweil usbu huwo zahir awel le Mariam Magdalin, Al kan huwo turudu min hiya saba aruwah ta sitan,
\v 10 Hiya kan ruwa wa kelim le nas al kan ma huwo, wa kan umon gi kore wa haznaniin.
\v 11 Umon asuma gal huwo hai wa hiya kan aiynu huwo, Lakin umon ma sedek.
\p
\v 12 Baad hajat del hasil huwo zahir fi shikil tani le itniin nas al kan gi douru fi sika.
\v 13 Umon ruwa wa kelimu le bagi talamiz, Lakin umon ma sedek.
\p
\v 14 Fi akir Yesua zahir le talamiz al itnashar fi zaman al kan umon gi akulu fi terabiza, wa huwo wobiku umon ashan adam iman tomon wa gulub tomon al kan gowi, ashan umon ma deiru sedek nas al kan ainu huwo zaman huwo gum min mutu.
\v 15 Huwo kelimu le umon, "Ruwa takum fi duniya kulu wa bashiru takum injil le nas ta duniya kulu.
\v 16 Kulu zol al amin wa amidu bi ligo kulasa, wa kulu zol al ma amin bi hakimu.
\v 17 Alamat de bi ruwa ma nas al amin: Fi isim tai umon bi turudu siyatiin bara. Umon bi wonusu be rutanat al jedid.
\v 18 Umon bi gobudu dabaib bi iden tomon, wa iza kan umon asharabu ai haja al gi katulu, Ma bi amulu le umon haja. Umon bi kutu iden fi ras ta nas al ayaniin, wa umon bi kun kwesiin."
\p
\v 19 Wa baad ma Rabuna wonusu ma umon, shilu huwo fi samah wa huwo geni fi ida al yemin ta Allah.
\v 20 Talamiz ruwa wa bashiru fi kulu mahal wa kan Rabuna gi ishtakal ma umon wa sabitu kelima be alamat al kan umon gi amulu.