nyj_reg/43-LUK.usfm

\id LUK
\ide UTF-8
\h Ruka
\toc1 Ruka
\toc2 Ruka
\toc3 luk
\mt Ruka

\c 1
\cl Chunda 1
\p
\v 1 Bhingi bhamakind' ibhucha ironja mitiro ya 'mbi bhiti byaribhererera munkati n'itu.
\v 2 etukana na 'mbo bhabhesanga turiho etukir' entangiro na mabhindukenga bhakori na bhaturi bhango mwasi.
\v 3 Namasunga nti rarengekana hotu kury' ani, kuruma n'isondekanya shu'shu mu 'mbyo bhikai bhiti ebhucha mo ntangiro ya 'byo, ekutiranyie byo ebwatondekana byo, e muhanga Teofire,
\v 4 Kongo ubhesa n' iteerera er' eira r' emahano areninkwa ongo.

\v 5 Mo matu abhundukenga Herode mubhake wa ku Yudea, kwabhesenga Shebhakungu uma erina rae Sakaria, mukikanda che bhashe bakungu bha Ongo, mo ruanda rwa Abia Erisabeti e mukari hotu nt'wamor'oanda rwa Aruni.
\v 6 E bhati bhabhi bhabhindukenga nti bhakomenwa hamakako na Ongo. barika nti bhemisa shu e myomba iti ya Nyerekuritu.
\v 7 Nti bhasira mwana, na Erisabeti wabhesenga ngumba. Nabho bhati bhabhi ntie bhakungu.

\v 8 Otu ruma Sakariya wabhinduke nt'uri mo murimo wabhushe bhakungu wa Ongo bhushwa ne kikanda e kirangangee.
\v 9 rabhinduke itukana n'e mwenjo we murimo wa bhashe bhakungu, Sakaria warondorwa murienda kashika rungo, muri rameso ra Ongo.
\v 10 Kikanda kikiri che bhea bhamurindire e kumbuka nti bhahemange. Sakaria nti urikire kumunda eri rameso murishika, erukongo.

\v 11 Maraika wa Mukota, wiya kuri Sakaria nti wasimana mu mombo we kwabhume webhutanda we mpero.
\v 12 Sakaria watingwa murisungae Maraika wabhinduke na bhobha.
\v 13 Maraika were Sakariya angi subhaha bushwa Ongo wamorukira e mahemo abhe. Mukari wabe wasekubhute mwana ukumuninka rina ra Yohana.

\v 14 Ubhinduke na ngowa ni moa nguru, bhushwa nae na bhea bhingi, bhasebhinduke n'imoa, muribhutwa rae.
\v 15 Wabheseyo mukakare mumakako a Nyerekuritu, ina utomuyo mau atiati, warisiwayo Mutima Mushasha ntukiri mo bhura wa nina.

\v 16 Nawe wakurucha bingi be ruanda rwe ba israeri kwa Ongo wabo,
\v 17 Useyayo ha makako nae mu Mutima n'e maa. Eriya, wabhindurayo e mitima ya bhatita ekuruchiyeyo mo bhana bhabho n'ebhindura e bhatengu mu wenge bwa bheya bh'eira, kongo bhabhinduke bheya bhamatunganyiirwa Mukota

\v 18 Sakariya were e maraika: e kinwa nchi chamubesa buni? ani iye mukungu, ne matu amukari'yari iye mingi nguru.
\v 19 Maraika wa musako: ani ngentumwa Gabrieri, nisima nanga hamakako na Ongo, nani nakutumwa kakuture e mwasi uno wakoma.
\v 20 Ituka ino ntambi ubhesa karumbu, utwebhi tu, irindirira bhibhererere mukiranga chabyo.

\v 21 Nebheya mbo bhabhesenga bharindiringe Sakaria, bhisarima murikiya Sakariya wakusiya e kumunda ne rirameso.
\v 22 Warikiya mwituka mo nt'utamukocha iyebha tu nabho, bhasibha mbwa mahumanana kumunda ne rirameso washeyabho e mwine bhusabhusa, wabhesa ntiye karumbu.
\v 23 E matu ae e murimo akiya amasira watukamo, wenda mu mwae.

\v 24 Nampo kuruma ematungo, mukari Erisabeti wariya bhukure wibhisa myeri isano: webha:
\v 25 Nyerekuritu wamandonjie nchumo imbu bwamansunga we, ikuto e sankene sani munkati e bheya.

\v 26 Mu mweri we mutubha e ntumwa Gabrieri watumwa na Ongo mobhungu rwa ku Gariraya rutukurwange mbu ku NaSareti.
\v 27 kwe kitasa cha Chamasimirana mw'ibhesa mukari w'e mweya'ngo utukurwange mbu ngi Yosefu wamukisasa cha Ndaudi, ne rina re Kitasa kicha ngi Mariya.
\v 28 E ntumwa yeya kukwae yebha. nakukeya, umaninkwa nchumo, Nyerekurwitu uri hima nabhe, umakasanirwa nkatinkati e bhomina.
\v 29 Naye wahaka nguru, bhushwa ne kinwa ncho, wanikira mo mutima wae, nkerei nki nji?

\v 30 E ntumwa yamwire bhuno, kiro kasubhaha e Mariya, bhushwa umaninkwa nchumo na Ongo.
\v 31 Usibhanga mb'ukuria bhukure n'ukubhuta mwana, ne rina rae ngi Yesu.
\v 32 Ungo wabheseyo mukakare, waatikurwayo mbu mwana wa Ongo ingu we kwiyo Nyerekuritu. Ongo wamuninkayo e kitumbi chishe Ndaudi,
\v 33 Iwe ngi wasimanireyo e numba ya Yakobo ematu ati, ne bhubhake bwae bhutangabesenga na ngendero.

\v 34 Mariya wasako ehntumwa; e kinwa nchi chabhese bhuni nani nti nisi wabhume?
\v 35 E ntumwa ya musako yamwire bhuno: e Mutima mushasha ng'wasekwehie n'emaa a Ongo ing' uri e kwiyo usekubhumbe n'e kirimirimi. Bhushwa nancho e kikai chabhutayo ongo chabheseyo nti chashuururwa chabhikirwayo mbu mwana wa Ongo.

\v 36 Ukaenga Erisabeti wamukisasa kinu, uri na bhukure wa mwana wa wabhume mo bhukungu wae. na uno mweri wa mutubha mu mweya ngo watikurwa mbu ngumba.
\v 37 Bhushwa mbu kusira kinwa chafundisa Ongo
\v 38 Mariya webha: ukaenga ani mukori wa Nyerekuritu; e kinwa ncho chabherereranga imbo wamebha ongo. e ntumwa yatuka yenda.

\v 39 Mariya wakosora wenda mo chuo chesangu, wasimana wenda mobungu ruma rwa kuYudeya.
\v 40 Wakime mo numba ya Sakariya wakeya Elisabeti.
\v 41 Elisabeti wakiya werukira enkei ya Maria. emwana washata mubura wae. mwituka entambi njo Elisabeti warisiwa ne Mutima Mushasha.

\v 42 Wabhikira mumurenge mukiri nguru webha: umakasanirwa ongo munkati ne bhomina bhati, neribhuta rebhura wabhe ramakasanirwa.
\v 43 E kinwanchi chamatuka kuni, nina wa Nyerekuritu wameya kukwani?
\v 44 Kae kasa enkei yabhe yakukiyanga yakime mumate ani e mwana washata mo bhura wani na ngowa ningi.
\v 45 Wakasanirwa ingo wasimira; e bhinwa e byebhanga Nyerekuritu byabhererera yo.

\v 46 Mariya webha; e mutima wani watata Nyerekuritu.
\v 47 Ne mutima wani wamakokome Ongo rukombora wani.

\v 48 Bhushwa mbu wamakae ebwetunganyanya 'ni; itukire runotu e sanganda siti bhantiko mbu narikasanirwa.
\v 49 Bhushwa mine maa wanikore mikorere mikiri nguru; ne rina rae washuururwa.

\v 50 Ne sansasi sae siri hambasiro nebhamusubaha, itukire bhiranga na bhiranga.
\v 51 Wamakia maa mumine yae. wamansansabhanya bhise e muhao bhushwa ne myanikiri ye mitima yabho.

\v 52 Wamahicha ne bhahime mo bhitumbi byabho, wamatarish' e bhea 'mbi bhe kwihohya.
\v 53 Bhise rwaka wamasukucha bho mu 'mbi byakomakoma. Bhise bhehe wamakito bho bhusabhusa bhasira tu nki.

\v 54 Wamasake e ntumwa yae Isiraeri wanikire esansasi sae.
\v 55 Imbo wakiyanga were bhatita bhitu kuri Ibrahimu ne bhana bhae ne kare kati.

\v 56 Mariya warika naye ngerero ya myeri ishatu. wakuruke ku kwae.
\v 57 Na Erisabeti, mo matu ae eribhuta arekiya amarumira wabhuta mwana wa wabhume.
\v 58 Bhirabhe ne ruanda rwae, bhorukira e bwamakia Nyerekuritu wamukwire nsasi.

\v 59 E rotu rwe munane bhenda kariya e mwana e kotende, bhamubhikira Sakaria iemisanya n'e rina r'ishe.
\v 60 Nina wasako webha nti nge bhubho iwe waninkwa rina ra Yohana.
\v 61 Bhamwire; kusira mweya muruanda rwinu utikurwange mo rina ndi.

\v 62 Bhendere ishe mwimushisha rina nki risondange ongo emwana waninkwero.
\v 63 washishabho, mumbesi kisai nta tiraho e rina re mwana. e rina re mwana ngi Yohana. E bhati bhisarima.

\v 64 Muntambi njo e bhunu bwae wobhoka ne rwami rwae hotu, webha watata Ongo.
\v 65 E bhobha watinge e bhati bhabhesanga mpo, ne bhinwa bhiti bhino byaturwa muchuo kiti cha ku Yudea.
\v 66 Ne bhatimbi bhorukiranga byo bhabhika byo mo mitima yabho: bhebha bhuno ingu wabhinduke mwana wasusa bhuni? bhusha mbu e mwine wa Nyerekuritu wakubhesenga hima nae.

\v 67 Sakariya ishe w'emwana warisiwa ne Mutima Mushasha, wahurukwa webha:
\v 68 watatwe Ongo witu wa Israeri bhusha mbu wameya mo bheya bhae n'ekururebho.

\v 69 Namatusimanik' er' ihembe r'er' itoshukaya, munkati ne numba yentumwaye Ndauti.
\v 70 Imbu webhanga we cho momonu e bhatahwa bhae bhashuururwa ebhabhesenga ho itukire karekare.
\v 71 Tushukaiwe ituka e bharenda bhitu na munkati emine ya'mbi e bharitubhaa.

\v 72 Mwikorebho nsasi bhatita nianikiratu endani yae.
\v 73 erisere raserengawe hamakako na tita Ibrahimu.
\v 74 Mbwe watuninka bhate, twoshukaiwi mumine ye bharenda bhitu, tumusimire risira bhobha.
\v 75 Mw'itukochesha iyoshukara etuka mo mine y'ebharenda bhitu.

\v 76 Nongo mwana ubhikirwayo mutahwa wa Ongo ingo uriekwiyo bhushwa ongo usondorayo habhusondori ne mbaso ya Nyerekuritu mwitunganyanya ense yae.
\v 77 Ihanisa e bheya bhae er'iyoshukara munkati ne risasirwa e bhubhi wa bho.

\v 78 Bhushwa ne bhurongu we sansasi sae Ongo witu. munkati chaka chatukanga e kwiyo chatwehie.
\v 79 Kashea bho e chaka imbi bharikire munkati ne mwirimya, na munkati ne rirumbirumbi re roku, niendja emindi itu muinse ya bhuhoro.

\v 80 E mwana woshuka, washee maa munkati ne mutima, wenda karika mo bweru, irindirira e matu easeyayo we hamakako na Israeri.

\c 2
\cl Chunda 2
\p
\v 1 Mokiranga ncho kwa saa momba wa Kaisari Augusto, imbu bahnse emina ebhea bhati b' echuo.
\v 2 Emwanso waroso ngo wabhesenga nti Kurenio nti ng' emukakare wakusuria.
\v 3 E bhati abhesenga bh'endange kinsi mwea mor' obhungu rwabho.

\v 4 Yosefu nae wataya etuka ku Gariraya, mur' obhungu rwa ku Nazareti mw' ienda ku Yudea, morobhungu rwa Daudi, rwabhikrwa mbu ku Beterehemu, bhushwa nti wenumba n' ekisasa cha Daudi,
\v 5 Kongo wanswa hima na Maria, mukari nti neki waheruka, abhesenga nti mukure.

\v 6 Bharekia bhari nko, e ntambi abhesenga y'erebhuta Maria y'eya.
\v 7 Na wabhuta musike we waroso ebhutwa. Wamw' ondonda na byeri n' emuraricha mo muringa w' esankambu bhushwa abhesenga nti kusira bhuari bwabho mo numba y'ebheni.

\v 8 Abhesenga kuri mumbo bhutaka, bhasumba bhari mo mashwa bhakerwa mutu mw' irangana n' emaimba abo.
\v 9 Nasunga, ngashani ya Nyerekuritu wasaire bho, n'echaka cha Nyerekuritu chasaka hari bho mos' enkaro siti, bhatingirwa na bhobha bhukiri.

\v 10 Eina engashani werebho: kiro musubhaha, bhushwa nabhurishie mwasi wakonda wabhesa mo bhea bhati kinwa kikiri cha ngoa.
\v 11 Ngi runotu, morobhungu rwa Daudi, mumabhutirwa mwoshukayi ngi Kirisitu, Nyerekuritu.
\v 12 Nasunga mu kani kengeko kamusibhire mo bhanu: mukusunga mwana wondondiwa mu byeri, na wararichiwa mu muringa wa nkambu.

\v 13 Kuruma heya hima nango ngashani kikembe kikiri ch'e maimba a mo mbingu bhatatange Ongo n'iyebha:
\v 14 Watatwe Ongo ko kwiyo nguru, na bhuhoro mo chuo munkati n' e bhea mbi bhasimira we.

\v 15 E ngashani bharekia bhamasiya bho, mwekuruka mo mbingu, e bhasumba bhashishana: twendi iya ku Beterehemu na tusung' e byabhesa, e byamatushea Nyerekuritu.
\v 16 Bhenda kotete, na bhakumana Maria na Yusufu, hima n' e kabhonsobhonso kekinde mo muringa w' e sankambu.

\v 17 Kuruma n' imusunga, bhatura echamerirwa bho mu mwasi w' emwanango.
\v 18 E bhati mbi abhesenga bhorukirengibo bhabhesa mu bhishisharo yambi abhesenga bhiturirwange bho n' e bhasumba.
\v 19 Maria waranga e bhiti, n'e kuruchabyo mo mutima wae.
\v 20 N' e bhasumba bhakuruka ko, bhashimange n' itata Ongo mo bhiti byaturirwanga bho.

\v 21 Er'otu rw'e munane, ngi rw'ereriy' e mwana e kotende, rwarekiya rw'eya, waninkwa rina ra Yesu, rina ndi rasheiwanga n'engashani bhusondori utangabhesa mo bhura bwa nina.

\v 22 N'ematu er' ishuururwa rabho arekiya amarumira, etukana n'emomba wa Musa, Yosefu na Maria bamuria ku Yerusaremu, bhushe n' erimushea kuri Mukota.
\v 23 Mwitukana nambi e byatiranyiwa mo momba wa Nyerekuritu: kinsi abhume ntangi nt' wariarwa kuri Nyerekuritu.
\v 24 N'erisha Ohembo tumpite tubhi ari mimamba ibhi, bhuri bwarekind' etiranyiwa cho mo momba wa Nyerekuritu.

\v 25 Nasunga, habhesenga ku Yerusaremu mwey' uma wa bhikirwa mbu Simeoni. Ingo mwea wabhesenga nti w' eira na washuururwa abhesenga nt' warindirire w'eri bhongabhonga bhaisiraeri, n'E mutima wakonda nt' uri kumunda nae.
\v 26 Abhesenga nt' wamasubhukiwa n' Emutima wakonda mb' watakwiyo kubhusondori n' erisunga Kirisitu wa Mukota.

\v 27 Wiya morirameso, w'enjiwange n' e Mutima wakonda namb' wabhesenga e bhabhire bharishange e kabhonsobhonso Yesu mw' ibereresha kuru we e momba.
\v 28 Wamurembera mo maboko ae wakasanyie Ongo, n' ieba:
\v 29 Mo kashangi kano, Mukota, rek' emukori wabhe weiri mu bhuhoro, etukana n'e kinwa chabhe.

\v 30 Bhushwa emeso ani amasung' e nchukayo,
\v 31 Nchukayo nji yareronja ongo mo bhea bhati.
\v 32 Chaka ch' isaka mos' enganda, na bhusime kuri Isiraeri bhea bhabhe.

\v 33 Ishe na Nina bhabhesenga nti bhari mubhishisharo bye bhikai asanga byebwange kuriwe.
\v 34 Simeoni wamukasanyie n'iebha na Maria nina: sunga e mwanangu waterekwa mw'erisha ehuka n' esimana ra bhingi mo Isiraeri, n'ebhunduke kengeko karishayo bhuhaka.
\v 35 N'ekuri' ong' weine mwere wakuteanayo e mutima, kongo ehmihaki ya mitima mingi yasheiwa.

\v 36 Habhesenga hotu mutahwa wa momina Ana mwisi wa Fanueri wa mo kisasa cha Asheri. abhesenga nt' uri na myaka mingi, n' abhesanga nt' wamamana myak' erinda hima na moke itukire wabhingwa.
\v 37 Wasia mushumbakari n' eroero rwae ntiye rwa myaka makumi munane na inye, nti' utatukanga mor' irameso, na nt' ukorengi Ongo mutu na mu mwishi mu mahemo er' itin' erisa.
\v 38 Warekiya weya nae hotu, mu iya ntambi, watata Ongo, na nt' webhange kuri Yesu mo bhati abhesanga bharindire e karamo kaku Yerusaremu.

\v 39 Bharekiya bhamaheanya e bhiti byebwa n' e myomba ya Nyerekuritu, Yosefu na Maria bakuruka ku Gariraya, ku Nazareti mor' obhungu rw' abho.
\v 40 Nantiemwana ukongi nesumasuma. Abhesanga urisere bhutesa na nchumo ya Ongo, nt' iri kuri we.

\v 41 E bhabhuti bha Yesu nti bhendanga ku Yerusaremu m' otu rukiri rw'epasaka.
\v 42 Warekiya weya mo' ero rwa miaka e kumi na ibi, bhataya kuro, itukana n'emitondeko y' er' otu rukiri.
\v 43 N'ematu arekia amasira bhakuruka ko, e mwana Yesu wasiya ku Yerusaremu, ishe na nina bhatasibhi.
\v 44 Mwihaka mb' uri hima na bhabhine bher' oendo, bhakiy' otu ruma r' oendo bhamusondekanya munkati n'e bhabhuti bhae na bhana chabho.

\v 45 Eina bhatamusungi, bhakuruka ku Yerusaremu mwi musondekanya.
\v 46 Kuruma na matu ashatu wamukumana morirameso, warika munkati n'e bhakakare bh' emyomba, bhamworukirirengi na bhamushishange.
\v 47 E bhati abhesanga bhamorukirengi nti bhashisharange n' e bwenge bwae n' emisubyo yae.

\v 48 E bhabhuti bhae bharekia bhamusunga bhashishara na nina wa mwere: e mwan' ani, bhushwa nki ukwanikira mbu kuri bhate? sunga iso nani tukusondekanyange na bhonso.
\v 49 Werebho, bhushwa nki bhanu munisondekanyange? Nti bhanu musimbu ranihema n' ikai mo bya tita?
\v 50 Eina nti bhorukira inchi chakianga washisha bho.

\v 51 Kuruma wahita nabho mwienda ku Nazareti na wabhesa wakwehicha kuri bho. Nina warang' e bhiti mbi mo mutima wae.
\v 52 Na Yesu wabhese nt' woshukange mu bhutesa, na mu nchumo, hamakako na Ongo na bhusondori bw'e bhea.

\c 3
\cl Chunda 3
\p
\v 1 Mo mwaka we rikumi n'esanu mo bhusime bwa Tiberio kaisari, mu ntambi Pontio Pirato wabhesanga ntwasimanire e chunda che chuo cho ku Yudea, na Herode mubhake wa ku Gariraya, na musiky'abho Firipo mubhake wakw'iturea na mo chuo cha ku Tarakoniti, na Lisania mubhake wa ku Abirene.
\v 2 Muntambi y'e bhabhake Ana na Kayafa, mu bhakungu bhe kisinso, e kinwa cha Ongo chiya kuri Yohana, musike wa Sakariya mo bweru .

\v 3 Na byansansabana mo byuo bhiti bye kumushimushi na Yorodani, byatura e bhinwa by'er'irubhikwa, n'esia e bhubhi.

\v 4 Bhuri e bwatiranyiwa byo kumund'e karisi e bhinwa bya Isaya, e mutahwa: ungu murenge eubhikirange mu bweru: mutunganyanye e myengere ya Mukota, n'inano e sa nsee.

\v 5 Kinsi mueri warisi, kir'ou na kakiiki byaahichiwayo; n'ense yekishuku yatunganyanyiwayo, ne sa nsee s'ebhiribhu sa bhumbirwayo.
\v 6 Na kinsi mwea wasungayo enchukayo ya Ongo.

\v 7 Ntw'ebange mo bhea bhabhesanga bheyange bharubhikwe nae: bhanu ubhuto rwansoka, inye ngwa bhuhana ibheka e bhusubhuke bwiange?

\v 8 Mubhute byuma byakonda muribhunduka, kiro mweshisha bhanu bhesine: Abrahamu ngi Tita witu! ni bwerengi Ongo wamubhundura e makoi ano n'ibhesa bhana bha Iburahamu.

\v 9 Ne mwanda wa mariarwa moritina remuti: kinsi muti eutabutanga use kerwayo ni tawa munkati e kasha.

\v 10 E kikembe cha mushisha, chebha: tukie bhuni?
\v 11 Wasubhie bho, ingu ukwengi myambaro ibhi waninke ngu ntukwengi, nangu 'kwengi bhirisa wakie bhumbo bhumbo.

\v 12 Wasunga bha shemukongoro bharubhikwe nae, bhamushisha: e muhani, tukie bhuni?
\v 13 Wasubhie bho: kiro muhema bhingi irenga ebyahemwa bhanu.

\v 14 Ne bhashirikani nabho bhamushisha; tukie bhuni? wasubhie bho: kiro mwebhebha n'ekiya bhukongobanya kuri mwea utiuti, n'eshima er'ohembo rwinu.

\v 15 Bwabhesanga bhuri e bhati mor'irinde, bhashishana kuba nti Yohana ngi kirisitu.
\v 16 Webha kuriebhati: ani, na bhurubhika mumicha, ina wiyange mukakare indenga, na nti nakomanwa iyobhora emiri ye bhirato byae. Iwe, waburubikayo mu Mutima mushasha, na kasha.

\v 17 Uri ne rweri rwae momine; rwa afufurayo, ni sonja embuto n'eriyayo mumbiko, ina e sampafa sa shikwayo mukashanki katarimanga.

\v 18 Nti bhumbo nge bwabhesenga Yohana uturange e mwasi mu bhea, ni ninka bho ampe mahano.
\v 19 Ina Herode e mubhake, Yohana wamukeme morerukira mo mwasi wa Herodia, mukari wa musikebho, na mo mikorere iti yema eyakorangae.
\v 20 Watarika tu na mu bhampe muri mina Yohana mo ngori.

\v 21 E bhea bhati bharubhikwa, Yesu nae warubhikwa, na warekiya uhemange e mbingu yobhoka.
\v 22 N'e mutima mushasha wa muhite, bhuri kampite. na murenge werikirwa mo mbingu webha: ongo ngi musik'ani e washim'ani; e nchimi yani eiti iri kuri ongo.

\v 23 Yesu wabhesanga nt'uri na myaka makumy'ashatu, warekiya wabhuch' emurimo wae, bhuri ebwa bhesanga bhumusibho, musiky'a Yosefu, musiky'a Eri,
\v 24 Musiky'a Matati, musiky'a Rawi, musiky'a Meteki, musiky'a Yona, wa Yosefu

\v 25 Musiky'a Matatia, musiky'a Amosi, musiky'a Nahumu, musiky'a Esira,
\v 26 Musiky'a Naje, musiky'a Mati, musiky'a Matatia, waSimei, musiky'a Yosefu, musiky'a Yuda,

\v 27 Musiky'a Yoana, musiky'a Resa, musiky'a Serababeri, musiky'a Saliriele, musiky'a Neri,
\v 28 Musiky'a Merki, musiky'a Adi, musiky'a Kosamu, musiky'a Elemadamu, musiky'a Eri,
\v 29 Musiky'a Yose, musiky'a Eliari musiky'a Yorimu, musiky'a Matata, musiky'a Rawi,

\v 30 Musiky'a Simioni, musiky'a Yuda, musiky'a Yosefu, musiky'a Yonamu, musiky'a Eliakimu,
\v 31 Musiky'a Melea, musiky'a Menana, musiky'a Matata musiky'a Natani, musiky'a Daudi,
\v 32 Musiky'a Yese, musky'a Obedi, musiky'a Salomoni, musiky'a Nasoni

\v 33 Musiky'a Minadabu, musiky'a Ramu, musiky'a Esironi, musiky'a Peresi, musiky'a Yuda,
\v 34 Musiky'a Yakobo, musiky'a Isake, musiky'a Burahamu, musiky'a Tera, musiky'a Nahori,
\v 35 Musiky'a Serugu, musiky'a Reu, musiky'a Pelegi, musiky'a Eberi, musiky'a Sera,

\v 36 Musiky'a Kainani, musiky'a Rufakasadi, musiky'a Semu, musiky'a Naa, musiky'a Lameki,
\v 37 Musiky'a Metusaeli, musiky'a Enoke, musiky'a Yeredi, musiky'a Mahaleli, musiky'a Kainana,
\v 38 Musiky'a Inosi, musiky'a Seti, musiky'a Damu, musiky'a Ongo.

\c 4
\cl Chunda 4
\p
\v 1 Yesu, warisa e Mutima-wakonda, moretukae muri Yorodani, nao wamwenja mo bweru;
\v 2 Nanko werekwanga na mushumbu matu makumi anye. Abhesenga utangarisa ematu 'atingo, na morekindaweo, worukira rwaka.

\v 3 Mushumbu wamushisha: amabhe nty'ongo musike wa Ongo er'erikoi ndi ribhunduki kambonsa.
\v 4 Yesu nomusakongi: chatiranyiwa mbu emwan'emwea utamubha ho mu kambonsa ho.

\v 5 Mushumbu wamutarisha hakangama, n'emushea mu kashangi kakeke e mabhake ati ari mo chuo;
\v 6 N'emushisha: n'sekuninka ebunkangwe bhuti mbu n'eritatwa rangi mabhake, bhushwa nareninkwao, na nininkanangao mu kinsi wasas'ani.
\v 7 Umehicha hamakako ani, eati asebhesa abhe.

\v 8 Yesu wamusako; rarekind'etiranyiwa: ukuhita hamakako na Nyerekuritu Ongo wabhe n'emukore wesine ho.

\v 9 Mushumbu wamwenja tu ku Yerusaremu, wamutereka habhasirwa n'erirameso ra Ongo, wamushisha: amabhe nty'ongo musike wa Ongo, irekere etuka hano n'ekwansi; bhushwe charetiranyiwa:
\v 10 Wasebha n'esa ngashani sae bhushwa nabhe; kongo bhakuranga,
\v 11 N'ikwangirira momine, utusitaringi mw'ikoi.

\v 12 Yesu wamusako: rarebwambu angi ereka rotu nyerekuritu, Ongo wabhe.
\v 13 Kuruma n'erimwereka mo bhusus'ebhuti mbo, mushumbu wamureke, mw'erindire kampe kashangi ngi nki karengekana.

\v 14 Yesu ukiri urisere n'e bhunkangwe n'enkuru yae yenda mobyuo bhiti byekwendende.
\v 15 Nt'uhanange mo marameso a Ongo na nt'utatwang'e kuti.

\v 16 Wenda ku Nasareti ekoshukengae, abhesenga e bhukiange howe, wakime mor'irameso ra Ongo erotu rw'eriruhuka. wasimana mw'esisiris'emitiro.
\v 17 Bhamuninka e mitiro y'e mutahwa Isaya. warekiya wamobhora, washee mpo abheseng'ehatiranyiwambu:

\v 18 E mutima wa Nyerekuritu uri habhasirwa nani, bhushwa wamantiranga rungo mw'etur'emwasi wakonda mo bhasene, webha mbu nendikaramya ebhari n'e mitima yababara.
\v 19 Mw'iyeber'etuhungu eriobhorwa rabho, n'ebhihumihumi erikae, iyobhora ebhanenwa, mw'etura emwasi w'ekindi ch'esensasi sa Nyerekuritu.

\v 20 Kuruma nampo warindik'e mitiro, wakuruchieyo e mukori, warika hansi. ebhati mbi bhabhesenga kumunda bhamusumy'emeso.
\v 21 Nampo wabhuch'iebha nabho: runotu kino kinwa ch'emitiro chamorukira bhanu chamakindi ibhererera.
\v 22 E bhati bhabhes'ekariho kae, bhabhesenga n'eshishara mo bhinwa by'esensasi abhesenga bhisaangemo bhunu bwae, bhebha: nti uno ngi musike wa Yosefu?

\v 23 Yesu washishabho: mukunikor'emwani uno: muramyi, iramye ongw'esine; na mukunereyo, kora kuno. mo chuo chabhe ebhiti mbi byorukirayo bhate byakukoranga ongo ku Kapernaumu.
\v 24 Ina n'ibwerengi mo reira kusira angana mutahwa ing'usimirwanga ishu ko kwabho.

\v 25 Nabwerecho mo reira: abhesenga kuri bhashumbakari bhingi ku Isiraeri mo kiranga cha Eria, ekwiyo kwarekiya kwabhese rwaka rukiri mo chuo kiti.
\v 26 Nampo, Eria ntw'erirwanga mbu wendi kuri uma mubho eina wenda kw'emushumbakari wa ku Sarepata mo chuo cha ku Sindoni.
\v 27 Kwabesenga hotu bhabhembi bhingi ku Isiraeri mo matu a Erisha nampo nty'abhesenga uma mubho washuururwanga kuti nti Namani emusuria.

\v 28 E bhati bhasubhuka, e bhabhesenga mor'irameso mor'iyorukira bho e bhinwa mbyo.
\v 29 Warekiya wasimana, bhamukumbya mund'obhungu n'imwisha habhasirwa n'erou abhesenga rw'imbwa mor'obungu rwabho mbu kongo bhamuhimire kumbo.
\v 30 Ina Yesu weta munkati nabho na kw'eire.

\v 31 Wahite ku Kapernaume, obhungu rwa ku Gariraya na nt'uhanange mor'otu rw'ereruhuka.
\v 32 Bhatingirwa n'emahano ae bhushe abhesenga ntw'ebhange nabho ra bhuhime.

\v 33 Wabhesenga nti uri mor'irameso, mwey'uma uri n'eshumbu na nti ukuange murenge wasuma:
\v 34 Ah! inki ngi kiri munkati bhate nabe, Yesu wa ku Nazareti? ukwiya katuriminya. nikusi mbu ongo inye: mushuururwa wa Ongo.

\v 35 Yesu wamukwanya, nomushishange: kobha, natuka mo mweya uno. E kifasi chamusunda munkati n'e bhea, n'etuka kumunda nae nti ntichamubhabhaya.
\v 36 E bhati bhatingirwa na koha, bhashishana; kini kinwa nshi? webhange na bhuhime na bhunkangwe mo bhifasi nti byatuka na kubha!
\v 37 Enkuru yae y'enda ekwendende kuti.

\v 38 Morisaae mor'irameso, wenda mor'echumbi ra Simoni. Inabhe wa Simonni abhesenga nti urimo kabhurura kamusaka nguru, bhamuhema wamusaki.
\v 39 Wamwindame, wakwanya ekabhurura, nako katuka. E ntamb 'iya iya wasimana n'ikorebho.

\v 40 Mor'iyoriyoro ndo e bhati mbi abhesenga bhari na bhakoni bhamurishie bho. Waterek'emine yae mu kinsi uma, n'ebhati bharama.
\v 41 Bhifasi byatuka mu bhea bhingi by'irakengi: Ongo musiky'a Ongo. Ina wakwanya byo nt'utangahuna mbu byebhe bhushe abhesenga bhisi mbu iwe ngi Kirisitu.

\v 42 Morich'ebhutu, watuka, wenda hari bweru. nkumanano nkiri ya bhea yabhuch'emusonda, bhenda kiya ehariwe, abhesenga nti bhahunang'erika nae imbu kiro watuka tu.
\v 43 Ina washishabho: rihunange ntatur'emwasi wakonda w'ebhubhake bwa Ongo mo simpe mbungu, bhushe nancho ngi chasingwa bhebha mbu n'iye kuno.
\v 44 Wabhuch'ihan'ebheya mo marameso a Ongo a ku Gariraya.

\c 5
\cl Chunda  5
\p
\v 1 Ebwabhesengae nturi ebwendende ne nyansa ya Ku Genesareti, ne kikembe che bhea nti kikanyirengi kurie mw'iyorukira e kinwa cha Ongo.
\v 2 Wasunga kwendende ne nyansa bhitange bhibhi, himpo ngihabhesenga hasikengi e bharobhi mw'eshua etukira twabho.
\v 3 Wakambe mu kitange kima echabhesenga cha Simoni, na wamuhema mbwetunde kampompo mokirindo. na warika mo kitange nantuhanange ehkikembe che bhea.

\v 4 Mu ntambi yarekengae eriya bho, were Simoni: mbungure munkati ne mecha, na rekera e tukira tw'inu tw'er'irobhe.
\v 5 Simoni wamusako: Nyerekuritu twamakora emutu euti nanti twakushee 'nki; ina mu kinwa chabhe twarekere tukira.
\v 6 Warekiya wamarekerako, washura bhikwa bhingi, netukira twabo twasondi bhereka.
\v 7 Bhashisha bhanachabho ebhabhesenga mukimpe kitange mwiye katusake. bheya, nabharisia e bhitange bhibhi, bhiya mu ntambi yisondi tiya.

\v 8 Murisungabyo, Simoni Petero wahita mo mindi ya Yesu, webha: Nyerekuritu, tuka kwihi nani, bhushwe ani mwea wa bhubhi.
\v 9 Bhushwe washisharanga nguru, iwe ne bhabhesenga hima nae, bhushwa ne rirobha e rakorangabho.
\v 10 Nangi bhumbo na Yakobo na Yohana, bhana bha Sebedayo, bharumbya bha Simoni. Himpo Yesu were Simoni: kiro subhaha, itukire runotu ukubunduke murobhi wa bheya.
\v 11 Na, bharikia bhamarisha ebhitange mo kirindo bhasia'ebhiti bha mwemisa.

\v 12 Yesu wabhesanga nturi mubhungu ruma, nampo, mweya uma urisere bhibhembi, warekiya wamamusunga wahita mu makako nae, wamuhema: nyerekuritu, umasase, umunishuurura.
\v 13 Yesu watereka e mwine wamuturanamo, webha: nisondange ushuururukara r'abhe, nampo ebhibhembi byamutuka.

\v 14 Na wamwire mbu kiro were mweya. ina, wamwire, enda kishea kuri e bhashe bhakungu, na kuto murishukara rabhe ebyatiranyiwanga na Musa kongo ke bhimbyo byasake bhuri kariho.

\v 15 Enkuru yae yasansabhana tu, na kikembe cha bhea chia kamwerikirire niramiwa n'emakoni abo.
\v 16 Nae, wetunda mo bweru kahema.

\v 17 Oturuma Yesu ntuhanange. E bhafarisayo ne bhahani bhe myomba bhabhesenga bharimpo nti bharika hansi, nti bhatukirengi musembungu siti sa kuNgariraya, nasaku Yudea na ku Yerusaremu; ne bhunkangwe bwa Nyerekuritu nti bwisheange mwiramya.

\v 18 Nampo, bheya bhima nti bhariya mo r'ekingi mweya uma wabhesenga ntwasamba rumbonsa, nti bhasondange imukimisha ni mutereka mbu wamusunge.
\v 19 Nambu e bwabhesenga bhusondangebo mbu bhamukimishe, bhushwe bwe nteko, bhataya eku mambiyo, bhamuhicha mu kiribhu ne r'ekingi rae, munkati n'e nkumanano hamakako na Yesu.

\v 20 Murisunga e risimira rabho, Yesu webha: ongo mweya, e bhubhi bwabhe bwa masasirwa.
\v 21 E bhandiki ne bhafarisayo bhabhuchi ianikira niyebha: inye ngu, ewebhange bhihabhuhabu? inyengu wamusasira bhubhi, kuti nti Ongo wesine.

\v 22 Na Yesu warikiya wamasibha e myanikiri yabho, watinge e kinwa niyerebho: ini myanikiri irikire n'inu mu mutima?
\v 23 Kini ngi chakonda mw'iyebha: e bhubhi bwabhe bwamasasirwa, Ari iyebha simana na enda?
\v 24 Iyo, kongo msibha mbu emwana we mweya uri mo chuo n'e bhunkangwe bw'erisasira: washisha e mukoni we rumbosa, simana, riya erikingi rabhe, na enda mor'ichumbi r'abhe.

\v 25 Na mukashangi nko, wasimana munkati nabho wariya e rikingi, abhesenga rariarwamuwe, wenda mo numba yae, mwitata Ongo.
\v 26 E bhati bhabhesenga nti bhari mubhishisharo, bhatata Ongo nti bharisere na koha, bhebha: twamasunga runotu bhikai bhishasha.

\v 27 Ituka mpo, Yesu watuka, wasunga e muhemi we horo, wabhikirwa mbu ngi Rawi. warika e hahoreshiengi we wamwire: n'emise.
\v 28 Na wasia e bhiti, wasimana na wa mwemisa.

\v 29 Rawi wa muteke bhiyo bhingi mu mwae, na bhahemi bha horo bhingi na bhampe bheya nti bhari mo bhutanda nabho hima.
\v 30 E bhafarisayo ne bhandiki bhomuma nabhere ebhomisa: bhushwe nanki bhanu murisange na bhanu mwomongi ne bhahemi bhe horo ne bheya bhema?
\v 31 Yesu watinge kinwa, werebho, e bhankangwe nti bharaa mu bhamunganga, ina e bhakoni.
\v 32 Ntinariya kabhikira ibhundura e bharengekana, ina ebhabhi.

\v 33 Bhamwire e bhomisa bha Yohana, bhurimbo bhebhafarisayo, bhahemange retina bhiyo ngendo ningi na bharonjange mahemo, ina e bhabhe bharisange na bhomongi.
\v 34 Wasako bho; mumukochi hangise mahemo etina bhiyo kuri e bhira bhe muherucha mu ntambi e muherucha uri hima nabho.
\v 35 E matu asiyayo ingo muherucha wasekiyayo wamakuturwa mubho, nampo bhasehemayo retina bhiyo e matungo.

\v 36 Werebho umpe mushumo: kusira mweya wa mubhenga nshengi nshasha mo kebhe ni terekacho mu nshangi ya kunguha; ari ibhenga e nshangi nshasha ne kebhe cha kutunjae, kitamusaa mu nshangi nji ya kunguha.

\v 37 Na kusira mweya wa muriya mau mashasha mukibya cha kunguha, ari wariya mau mashasha nty' abhenga ebhibya, nti akubhuka, ne bhibya nti bya rimina.
\v 38 Ina nti muriya e mau mashasha mu bhibya bhishasha.
\v 39 Nakusira mweya wamakindi yomo mau amasia, nt'wasondekanyatu mashasha, bhushe ntwebha; eamasia akonda.

\c 6
\cl Chunda  6
\p
\v 1 Kwiya, otu ruma rweruhuka rubhikirwange mbu rwemetabhi-rwaroso, Yesu nt'ukundukanyange mashwa a mbuto. E bhemisa bhae bhanoanga etukobya n'erisa to, kuruma n'eritokoto mo mine yabho.
\v 2 Bhafarisayo bhima bhashishabho: bhushe nanki bhanu muronjange mbi nti byasimirwa ironjiwa morotu rw'er'iruhuka?

\v 3 Yesu wasako bho: nti muresisiris'echebha Daudi, warekiya uri na rwaka, iwe nambi bhabhesenga hima nae;
\v 4 Imbw'akimengae kumund'enumba ya Ongo, wating'etumbonsa tw'erohembo rwa Ongo, mw; erisa, n'eninka imbi bhabhesenga hima nae, kiro mbu abhesenga nti nti twa ninkwa ho e bhashe bhakungu mw'erisato?
\v 5 Na washisha bho: e mwana w'emwea nge mukakare nakubha w'erotu rw'er'iruhuka.

\v 6 Rwiya, rumpe otu ruma rw'eruhuka, Yesu wakime kumund'erirameso, na nt'uhanange. Mwabhesenga nti muri mwey'uma emwine wae w'ekwabhume ntwarekama.
\v 7 E bhandiki n'e bhafarisayo abhesenga bhasisirisange Yesu, mw'ikairire kuti useramya erotu rw'eriruhuka: abhasenga hende nti bhahunange ntangiro y'emusongere.
\v 8 Ina wasibha e myanikiri yabho, na washisha e mwea ngo wabhesenga n'emwine wakama: simana na rika munkati. wasimana, n'erika usimene.

\v 9 Na Yesu washishabho: nabhushisha kuti rasimirwa, erotu rw'eruhuka, ikiya bhongo ari ikiya bhubhi, iyoshukaya mwea ari imushura.
\v 10 Himpo, watamby'emeso mo bhaati, webha nango mwea; oro e mwine wabhe. Waronjambo, n'emwine wae warama.
\v 11 Bharisa bhusubhuke, n'ishishana bhasibhe bhuni bwakiyabho Yesu.

\v 12 Mo kashangi nko, yesu wenda kubhasirwa n'erou bhushe n'ihema, na wecha mutu emuti mw'ihema Ongo.
\v 13 Bwarekiya bwamacha, wabhikira e bhemisa bhae, warondora bho mw'ekumi na bhabhi, waninkabho rina ra ntumwa:

\v 14 Simoni, ngwabhikirangawe mbu Petero; Andere, musiky'abho, Yakobo, Yohana, Firipo, Bartoromayo.
\v 15 Matayo, Tomaso; Yakobo, musike wa Alfayo; Simoni museroti;
\v 16 Yuda, musike wa Yakobo, na Yuda Isikariote ngwabhundukenga weri musibhura.

\v 17 Wahita hima nabho n'esimana mo bhurambo, himpo habhesengang'ekikembe ch'ebhemisa na kikanda cha bhea Yudea iti, bha ku-Yesrusaremu, n'ebhe wendende nyansa ya ku-Tiro na ku-Sidoni. Bhiyanga mw'emurindire, na mw'iramiwa e makoni abho.
\v 18 Imbo abhesenga bhanubhiwange na bhifasi bharamiwa.
\v 19 N'enkumanano iti abhesenga isondange e mutinge mo, bhushe maa abhesenga amutukange mo na nt'uramyang'ebhati.

\v 20 Nampo Yesu, wasimany'emeso kuri e bhemisa, webha: mukasanirwa bhanu mbi e bhasene, bhushe e bhubhake bwa Ongo bhuri kuri bhanu!
\v 21 Mukasanirwa bhanu mbi muri na rwaka e kashangi kano, bhushe mukusikutayo! Mukasanirwa banu mbi murengi e kashangi kano, bhushe bhasebhesayo munkaty'esangoa.

\v 22 Mukubhesayo mukasanirwa, bhasekiayo ebhea bhabhubhaa bhasekiayo bhabhuhiange, bhabhunubyange na bhasekiayo bh'erikirang' erina rinu bhuri rema, bhush'erina r'emwan'emwea.
\v 23 Mukokomanga mo rotu ndo, n'iyomerae na ngoa, bhush'erohembo rwinu rusebhayo rukiri ekwiyo, bhushe ngwakianga bhishe bhakor'ebhatahwa!

\v 24 Ina, bhonso kuri bhanu, bhasoki, bhushe bhanu mumakinda er'ibongwabhongwa rinu!
\v 25 Bhonso kuri bhanu mbi musukuta, bhushe mubayo na rwaka! bhonso kuri bhanu mbi museange kano kashangi, bhushe mukubheseyo mu kiro na munkaty'eminsori!

\v 26 Bhonso, amabhesa ebhea bhamebha yo byakoma kuri bhanu, bhushe ngwanikiranga bhishe, kuri e bhatahwa bhashukishuki!

\v 27 Ina nibwerengi, bhanu mbi munorukirengi: mushime e bharenda bhinu, mukore byakonda mu mbi bhabhubhaa,
\v 28 Mukasanyii imbi bhabhuheraange, muhemi mbi bhabhunubyange,

\v 29 Kuti bhakuhumba moritema rima, mushee n'erimpe hotu. kuti bhakunyaka e ngombe yabhe ya kunanda, kiro muhangisa ne yabhe ya kumbo.
\v 30 Ninka kinsingu usekuhema, n'angisonda e kuruchiwa chabhe kuringu wasekubhakacho.

\v 31 Inshi kihunange bhanu ebhea bhabhukoricho; mukore bhubho-bhubho kuribho.
\v 32 Mumashima mbi bhabhushima, murengana mukini chaasibhirwa mo bhuni? ebhabhi nabho hotu bhashima imbi bhashimabho.
\v 33 Amabhese nti mukukor'ebhongo mumbi bhabhukore byakonda, murengana munki ch'esibhirwa mo? ebhabhi nabho hotu bhakianga mbo.
\v 34 Na amabhesa nti mukusombya mbi kuri bho murindire ininkwa, murengana munki ch'esibhirwa mo? ebhabi hotu bhasombyange bhabhi kongobhaninkwa bhubho-bhubho.

\v 35 Ina mushime e bharenda bhinu, mukore bhongo, na musombye nti ntimurinde kikai. N'erohembo rwinu rusebheseyo rukiri, na mukubhese bhana bhangu uri ekwiyo nguru, bhushe wahunda mo bhasir'enchimi n'ebema.
\v 36 Mubhese bhabhonso, imbu bhuri iso winu wabhonso.

\v 37 Angi muronjie umpe obhansa, na bhanu muturonjiwi obhansa; angi ronjie umpe obhansa rwikwa, na bhanu muturonjiwi yo obhansa rwikwa; musiereri na mukusiererwa.

\v 38 Muninkane, na mukunikwa: bhasekubhure mo muhango winu ngerero yakonda, yasoserwa, yainyiwa- inyiwa na iritabyaange; bhushe bhasekuronjie oero hima n'engerero nji yaakoresha bhanu

\v 39 Webha nabho hotu uno mushumo: kihimuhumi chamwenja kimpe kihumihumi? ntibatenduki ebhati bhabhi kumunda na kiribu?
\v 40 Emwemisa utamurenga Nyerekurwabo; ina kinsi mwemisa ngu wabhererera waasusana na Nyerekurwabho.

\v 41 Bhushanki bwasunga ongo e kasukari kumunda n'eriso ra munakinu, na nti ntungasung'ekisu kiri kumunda n'eriso rabhe?
\v 42 Ari bhuni bwamebha ongo kuri munakinu: e munakitu, ndeki ntakuto e kasu kari mo riso rabhe, ongo ngu utungasung'ekisu kiri kumund'erabhe? mukorotima, tunj'eraroso ekisu moriso rabhe, nampo kusunga bhuni bwamutuka e muremba uri kumund'eriso ra munakinu.

\v 43 Nti muti wakonda ng'urianga byuma byema, ari muti wema ngwaria byuma byakonda.
\v 44 Bhushe kinsi muti usibhirwange mo chuma. utumukora byuma mumenke, na bhatatunjanga byongo mu runkenke.

\v 45 E mwea konda utunjange bhikai byakonda mo katiri kakonda k'emutima wae, nang'wema utunjiengi bhikai byema byekatiri kema; bhushe mo bwingi bwe bhiri mo mutima ngi byebang'ebhunu.

\v 46 Inki kisingwange mumbikira Nyerekuritu, Nyerekuritu! na mutungaronja ebyebh'ani?
\v 47 Nsebhushea inye ngwasus'emwea ingu wiya kuri ani, worukirang'ebhinwa byani n'ibhereresha byo.
\v 48 Wasusanyiwa na mweangu, wimbanga numba, watima, watima nguru, n'eriy'emuhafu mw'okanga. kwiya mbura, n'ereyuhu resunda munjo numba, rafund'iyendura yo, bhushe yumbwanga ishu.

\v 49 Ina kinsingu werikira, na nti wabhereresha, wasusanyiwa na mwea ngu wumba numba habhasirwa er'otu, hasira muhafu. Ereyuhu resunda muyo: kuruma yenduka, n'er'erumo ranjo numba rabhesa rikiri.

\c 7
\cl Chunda  7
\p
\v 1 Wakiya wakindanya e mwebhe munkati n'e kikembe nchi abhesanga kimorukirengi, Yesu wakime ku Kapernaumu.

\v 2 Mukakare uma wabhashirikani wabhesanga na mufuku ung'wamushima we nguru nae nti mukoni w'ikwa.
\v 3 Iyorukira bhashambarange kuri Yesu wamutumire bakungu bha bhayahudi murimuhema weye karamya e mufuku wae.
\v 4 Bheya mu makako na Yesu n'imubonganya mwiebha: wakomenwa isimirwa n'abhe 'ngo;
\v 5 Bhusha washima e chuo kitu, na iwe ng'wimbanga e sinangoki yitu.

\v 6 Yesu wenda nabho, na nti abhesenga kwihi ne munyumba impi hakianga watuma bhira bhae muri mushisha: Mukota angi nuba ringi bhusha mor'ikwesibhirira, utumukochange ikime mo numba yani.
\v 7 Bhushwa tu naancho ntamukochange iya mo makako nabe. Iina ebha kinwa ne mufuku wani userama.
\v 8 Bhushwa ani ne bhukakare bwani mubhashirikani, niri nabhashirikani bani n'irenga bho; na namire uma enda! na nti wenda; kuri umpe iya! na nti weya; na kuri e mufuku wani: Ronja cha! na nti wa ronja.

\v 9 Yesu warukira e bhinwa mbyo, wasimira e mukakare we bhashirikani, worukira tu e kikembe nchi chabhesenga kimubhungurange webha: Nabhushisha; akiro mo Isiraeri ntangakumanananga n'isimira rikiri mbu.
\v 10 Murikuruka re bheya mbi bhatumwanga ne mukakare we bhashirikani, bhasunga e mufuku nti wamarama.

\v 11 Rump'otu; Yesu wenda mo rubhungu rukiri rwa ku Naina, E bhemisa bhae na kikembe kikiri ch'emisanganyanga nae.
\v 12 Bhiya kwihi hekura e r'obhungu rukiri; bhasicha e kwansi kinda cha mweya na nti mwana changomo, nina nti mushumbakari; watimbwanga na bhea bhingi.
\v 13 Mukota mor'imusunga worukira bhonso bwingi n'imushisha: Ang'iire!
\v 14 Washeere waturana mor'ekingi. E bhabhesanga bhariy' er'ekingi bhasimana. Webha: ongo musike na kushisha, simana!
\v 15 Ne mukwi warika n'ebhucha ishambara. Yesu wamuninka nina.

\v 16 E bhati bhasubhaha n'itata Ongo mwiebha: mutahwa mukiri wasungwa munkati n'iitu, na Ongo wakusona e ruanda rwae.
\v 17 E mwebhe kuri Yesu watamba mu Galilaya iti na mu byuo bhiti bya wendende na ku Galilaya.

\v 18 Yohana worukir' ebhiti mbyo kuri e sa ntumwa sae.
\v 19 Wabhikira bhabhi n'itumabho kuri Yesu, mw' emushisha: kuti oongo ngwiiya kuti turindiritu umpe?
\v 20 Bheya mu makako a Yesu, bhebha mbu Yohana murubiki wabhea watutuma kuri ongo mwiebha: oongo ngi ungo warerindirwa, kuti umpe ngu urindengi bhate?

\v 21 Muntambi nso, Yesu waramya bhea bhingi makoni abho; esankata; mashumbu n'iramya bhihumihumi bhiingi.
\v 22 Na washisha e santumwa sa Yohana: mwendi kature Yohana byamasunga bhanu n'iyorukira: Bhihumihumi byamakae, esankata s'ienjange na mindi, bhabhembi bhashuururwange, e bhatwitwi bhorukira, e bhakwi bhafuka, mwasi wa konda uturwange mo bhasene.
\v 23 Wakasanirwe ngu ani nti ntangiro y'er'imina rae!

\v 24 E santumwa sa Yohana sakiya sa kuruka, Yesu webha ne bheya mo mwasi wa Yohana: mukwenda kasunga hasira kikai? kifafa kikunya n'iyuhu?
\v 25 Iina mukwenda kasunga nki? mweya wambara shu? kae e bhambara nchangi sahunda, na bharika hakoma; bhari mu manumba a bwami.
\v 26 Mukwenda kasunga nki? mutahwa? bhumbo ngi bwabhushisha ani n'irenga mutahwa.

\v 27 Ngi ungo uri mo mitiro: sunga bwarebheka e mureri wani kubhusondori nabhe; mw'etunganya ense yabhe kubhusondori nabhe.
\v 28 Nebhange munkati ne rubhuto rw'ebhomina; kusira mukakare kuri Yohana. Ngi chasingwa; e mwansare mo bwami bwa Ongo nge mukakare imurenga.

\v 29 N'ebhati mbi bhamwerukiranga na bhashehoro bhasimira Ongo mor'irubhikwa mu mecha ra Yohana;
\v 30 Iina e bhafarisayo ne bhandiki bhatasimiri erubhikwa na Yohana; bhanena bhitukange kwa Ongo.

\v 31 Kurinye ngi kwamurengekanya 'ni e bheya bhe kiranga kino; na nti bhasusana na bhanye?
\v 32 Bharengekane na bhana mbi bharikechiwa mu rushu na bheshishange: Twakubhombe tuhanda na nti mukumina. Twakubhusimbe mu bhoonso, nti mukure.

\v 33 Bhushwa Yohana weyanga, nt' warisanga munkati n'inu na nti womonga nsande nti mweba mbu uri n'eshumbu.
\v 34 E Mwana we mweya wiya urisange n'iyomo, na mweba: murohoroho na mwomori, mira wa bhisa e chuo n'ambi nti bhikocha.
\v 35 Ina e risengeha rasungwanga mo b ana bhae bhati.

\v 36 Mufarisayo uma wahemanga Yesu wariri nae hima. Yesu wakime mo numba ye mufarisayo n'ibhucha irisa.
\v 37 Hasungwa momina uma mubhi munkati ne rubhungu rukiri, wasibha mbu Yesu urisange mo numba ye mufarisayo warishamo e chupa ririsere rungo.
\v 38 N'ihita mubhisando bya Yesu. waare, na kuruma: watocha e mindi ya Yesu na bhiririyo byae, kuruma wakono ne bhuteo bwae, n'emukubhur'erungo.

\v 39 Bhafarisayo imbi bhamubhikiranga murisunga mbo, bhashishana: E mweya ngu wamubhesengi nti mutahwa, wamusibhange ungu ngi nye mu bhomina ungu wa muturana mo. Wamusibhange nti mubhi.
\v 40 Yesu watinge kinwa mw'imushisha Simoni, niri na kinwa ch'ekushisha.

\v 41 Mutumba uma wasombyanga bhea bhabhi; uma faranga mia isanu na umpe makumi asanu.
\v 42 Bhusha bharukanga byi mutuwa; wasasira bho e mwinda e bhabhi mbo. Inye mubho wamumushima nguru?
\v 43 Simoni wasubya: nosi nti ungu wasombiwanga bhiingi. Uronganya shu, Yesu wa mushisha.

\v 44 Wikebhera kuri e momina, n'iebha kuri Simoni usunga e momina uno? Nakukime mo mwabhe iina nt'ukumpese mecha ishua e bhisando byani, iina e momina ngu, watocha e bhisando byani mubhiririyo byae n inikono ne bhuteo bwae.
\v 45 Utungandumbanga, iina iwe itukire nakime muno ntwakureke anga na ntambi nima indumba mubisando byani.

\v 46 Nti ukunikubhure rungo mu muntwe, iina iwe wakunkubhure rungo mo bhisando.
\v 47 Ngi chasingwa na kushisha; e bhubhi bwae bwingi bwasasirwa: bhusha wakushima nguru. Iina muungu wasasirwa bikeke nt'washima rikeke.

\v 48 Washish'e momina; e Bhibhi byabhe byasasirwa.
\v 49 E bhabhesenga bharisange nae bhashishana; inye ngu, usasirange e bhibhi?
\v 50 Iina Yesu webha ne momina; er'isimira rabhe ngi rakuramya, enda mu bhuhoro.

\c 8
\cl Chunda 8
\p
\v 1 Kuruma naha, Yesu wenda mo sambungu mwitura e mwasi wakonda we bhubhake bwa Ongo.
\v 2 Abhesenga ubhungange n'e bhafuku bhae ikumi na bhabhi n'e bhomina mbi bharamyanga we e mashumbu n'e makoni: Maria Maderena ungu watunjiwanga mo mashumbu arinda,
\v 3 Jane. mukari wa Chusa, muhani wa Herode, Susana na bhampe bhingi imbi bhasakirwanga na Yesu.

\v 4 Kikembe kikiri cha mutimbanga, bheya bhatuka mo sa mbungu barika kumushi nae, webha e mushumo uno:
\v 5 Mweki wa mirime uma wendanga keeka e'mirime yae bhukianga e; mumirime, mima ya rara mo munse, yanantwa, na nimpe yariwa n'emironge.
\v 6 N'impe ya rare m'otandare, yoonga mwiruka mecha n'eroto.

\v 7 N'impe ya rare munkati n'emenke; ya shuka ina yekenyiwa n'e menke.
\v 8 N'impe tu ya rare m'oto rwa hunda; yashuka n'ibhuta byuma bhingi. Ikinda iebha mbo Yesu webha mu murenge mukiri: kinsi ng'uri na mate irukira, worukire!

\v 9 Bhafuku bhae bhamushisha bhuni bwebha e mushumo ngo.
\v 10 Wasako bho: muninkwa esibha e bhishisharo by'e bhubhake bwa Ongo; eina mu bhampe, bhahanisiwange byo mu mishumo bhushwa bhari na meeso na bhatanga kae, na bhari na mate ina bhatangorukira.

\v 11 Murukire bwebha e mushumo: E mirime nge bhinwa bya Ongo.
\v 12 Bhari mu munse nge bhimbi bhorukirange. Ina mushumbu utunjange e kinwa cha Ongo kumunda n'e mitima yaabho kongo bhatasimiri n'ioshukara.
\v 13 E bhari murutandara nge bimbi bhorukirange kinwa cha Ongo na ngowa, iina kisira miri kumunda naabho, isimira ra matumatu; n'ikuruka kuruma mu mereko ya mushumbu.

\v 14 Inji ya rarenga munkati n'e menke, nge bhimbi, bhorukira e bhinwa bya Ongo, byatuka tu mwiekenyiwa na bhonso bwa mirao ya bhutumba n'imoere bhikai bye chuo, n'iruka ibhuta byuma imbi byako.
\v 15 Inji ya rarenga mu r'oto rwahunda, nge bhimbi, bhorukira e bhinwa bya Ongo mu mutima wakonda, bhetingire mubyo n'ibhuta byuma kir'otu.

\v 16 Kusira mweyangu, wamasacha e kasuku, wabhumbi ko kumunda na kikai, na utakoch'ibhika ko kumunda n'e ntange; iina nt'waria ko habhasirwa na kikai, kongo mbi bhakimengi bhasung'e chaka.
\v 17 Bhushe kusira inchi chabhiswa kitatabhukori n'e kinwa chabhiswa kitarukiyo isungwa mu chaka.
\v 18 Mwitondeke mo bhinwa byorukirange bhaanu, bhushwa bhase ninkayo ung'uri na kikai n'ibhaka ung'usira n'akiro byanikirange ishee we.

\v 19 Nina na bhatoo bha Yesu, bhabhesenga nti bharaa imusunga, ina bhatakoche bhushwa ne kikembe kikiri che bhea.
\v 20 Bhamushisha: nsoko na bhato bhabhe bhari hambuka, bharaa ikusunga.
\v 21 Iina wasoko: koyo na bhanakitu ng'imbi bhorukirange bhinwa bya Ongo n'ikora bwebhange byo.

\v 22 Otu ruma Yesu wakambe mo kitange ne santumwa sae. Washisha bho: twete mo rump'otuko rwe nyansa., bheenda.
\v 23 Munkati ne ruendo, Yesu w'itinga toro; kwabhucha mibhimbi mu nyansa, e kitange charisa mecha; bhabhese mu bhoobha bw'ikwa.

\v 24 Bhasheere kumushi nae n'imusimo bhamw'ire: Mukota, mukota twashirira. Wasumuka, wafin'e mibhimbi n'e mecha a hehera.
\v 25 Washisha bho: er'isimira rinu riri kuni bhishisha mo bhoobha n'ishishana: ungu mweya wa bhuni, ung'ufinengi n'ekampungu n'e mecha byamorukire?

\v 26 Bhakime mo chuo cha bhaGerasi inchi chatekerana na ku Galilaya.
\v 27 Mor'inanta mor'oto rw'emwiri we nyasa, Yesu wasunga kubhusondori nae mwana w'ubhungu nti urimo mashumbu. itukire karekare nti utambaranga tu nchangi, ntingiye urikanga ekumasinda.

\v 28 Mwisunga Yesu, witaa mubhisando byae n'ieba: kinki ngi kiri munkati ani, nabhe Yesu musike wa Ongo ungu we kwiyo? Nakuhema ang'inibhabhaya.
\v 29 Bhushwa Yesu nt'ufinengi e mashumbu atuke mo mweya ngo wamanubhanga muimumina miri na byuma mo mindi, ina nti ukekeranga byo, n'ihahurwa ne rishumbu mo bweeru.

\v 30 Yesu wamushisha: ongo ngi nye? rej'ioni, bwasakonga e. Bhushwa nti e mashumbu mingi abhesanga kumunda nae.
\v 31 Bh'emina ihema kuri Yesu, utarekeringi bho kwirunga.

\v 32 Murou mpo nti hari eimba ra tuhuwa rabhunda. Er'eshumbu rahema Yesu watae bho mo riimba re tuhuwa. Wamusimira.
\v 33 E bhashumbu bhamutuka mo, n'ikime mo tuhuwa n'e riimba rakanyaha mu nyansa, raminwa n'e mecha.

\v 34 E bharangi bhasunga mbo, bhabheka n'itambya e mwasio mo rubhungu ruti na mo tunsari.
\v 35 Bheya bheenda kasunga mbi byameta, bheya kumushi na Yesu, bhasunga e mweya ngo abhesenga uri ne mashumbu warika hamindi ya Yesu, wambara, na witunganya; bhakimirwa na bhoobha.

\v 36 E bhasunganga 'mbi byetanga, bhaturae mwasi bwamarama e mweya w'er'eshumbu.
\v 37 E bheya bhati baku Gerasi bhahema kuri Yesu watuke munkati nabho mwisubaha. Yesu wa kambe mo kitange wa kuruka.

\v 38 E mweya ngu waramiwanga e rishumbu, wahema Yesu bharike nae hima. Iina Yesu wa mubhecha w'ebha:
\v 39 Kuruka mu mwabhe, na tura bhiti byamakukore Ongo. Wiire n'isansa e mwasi morubhungu ruti e byamamukore Yesu.

\v 40 Murikuruka ra Yesu, wakumana kikembe kikiri cha bhea chakumurindire.
\v 41 Wasunga mukakare wa bhakungu uma ngi Yairo. witaa mu bhisando bya Yesu, wamuhema wakimi mo mwae.
\v 42 Bhusha wabhesenga na mwisi wae cha ngomo, wa myaka ikumi na ibhi na nti mukoni w'ikwa. Murienda nko, utendi tete bhushwa ne kikembe che bhea.

\v 43 Himpo, nti hari momina uma urokange nchama mu myaka ikumi na ibhi; nti wamataa bhehe bhiingi mu mashake na nti warirama.
\v 44 Weya kuruma na Yesu waturana mungombe ya Yesu. e nchama ya kabhabha mukashangi nko, mu mubhi wae.

\v 45 Yesu webha: inye wanturana mo? e bhati bhituna, Petero naambi bhabhesenga nae bhamushisha: Mukota, kikembe chakutimba n'ikusondore, na nt'weba tu: inye ngwakuturana mo?
\v 46 Iina Yesu wasako; kuringu wamanturana mo, bhushwa norukira isanguhirwa mo maa.

\v 47 E momina wisunga nti wamasibwa, witaa mumakako nae n'ikuwa munkati n'e kikembe chakusingwa waturana mo ngombe ya Yesu n'irama munko kashangi.
\v 48 Yesu wa mushisha; mwisi wani; Er'isimira rabhe ramakuramya, enda mubhuhoro.

\v 49 Ntiukiri webhange, kwatuka mweya kwa shebhakungu Yairo n'imushisha: mwisi wabhe wamakwa; ang'inubya tu Mukota.
\v 50 Iina Yesu irukira tu mbo, washisha shabhekungu: Ang'isubhaha, simira ho, na mwisi wabhe waserama.

\v 51 E ntambi yeyangabho mo munumba, wahangire kiro mweya wakime nae mongo kuba nti Petero, Yohana na Yakobo n'ishe na nina we mwana.
\v 52 Bharengi na kwiyonga murikwa re kikumi. Yesu webha: ang'ire; nti wakwa, ina urere.
\v 53 Bhamucharika bhusha bhosi e mweya wa makwa.

\v 54 Iina wamutinge mumine n'iebha na murenge mukiri: mwanunke, simana.
\v 55 N'emutima we kikumi wa kuruka tu mu mubhi n'isimana mo kashangi nko, Yesu washisha bho bamuninke biyo.
\v 56 E bhabhuti bhe kikumi bhashishara; Yesu washisha bho kiro bhature mweya byamasungwa.

\c 9
\cl Chunda  9
\p
\v 1 Yesu wasonja e rikumi n'ebhabhi, waninka bho maa na bhunkangwe bwifine n'ibhecha mashumbu na kaara k'iramya makoni.
\v 2 Watumabo itura e mwasi wa konda wa Ongo n'iramya e bhakoni.

\v 3 Watonde bho; ang'isubhira kikai muruendo; akiro nkoma, musaro, kambosa, bhehe n'angi bhese na ngombe sibhi.
\v 4 Mukira numba yakime mubhanu, murikangamo na ngi mwatukire bhaanu.

\v 5 Na kubha nti bhabhukoke, mutukanga mu 'ndo obhungu nti mutito mukungu we bhisando binu mwishea e bhubhi bwabho.
\v 6 Bhenda ubhungu m'ubhungu mwitura e mwasi wakonda n'iramya bhea musambungu siti.

\v 7 Herode worukira mbi byetange, waruka mwanikiri. Bhusha bhima nti bhebhange mbu Yohana wakufuka muumbi bakwanga.
\v 8 Bhampe mbu Eriya wa kusungwa, na bhampe tu mbu uma mo bhatahwa bhakare wakufuka.
\v 9 Ina Herode webha: na keranga emuntwe wa Yohana, ungu ng'inye nirukirange byebwange kuriwe? washima wa musunge.

\v 10 E ntumwa sa kuruka, muiture Yesu e bhiti bya kukorwa. Wenda nabho kumushi mo ruharo rwa ku Betsaida.
\v 11 Kikembe cha bhea chamusunga, cha mwimisa Yesu wakoke bho, n'iture bho e mwasi we bhubhake bwa Ongo; waramya mbi bhashimanga waramye bho.

\v 12 E bhutu bwasond'isira, entumwa sae samushisha: kuruch'e bhea kongo bhenda murubhungu na mu tunsari bhasonde nkambi na bhiyo, bhushwa hano bweru.
\v 13 Yesu washisha bho: bhanu muninkebho bhiyo. Ina bhamusako: turiho na tumbonsa tusanu na bhikwa bhibhi; muribha twamuchurange byarisa bhate n'ibhanyie e bhea bhati.
\v 14 Himpo nti kuri ngerero ya bhea bhihumbi bhisanu sa bhabhume. Yesu washisha e santumwa sae, murikeche bho kikembe cha bhea makumi asano asano.

\v 15 Bhakiambo, bharikecha bho.
\v 16 Yesu wating'etumbosa tusano n'e bhikwa bhibhi, wararama ekwiyo n'ikasanyie byo. wakeka-keka n'ibanya waninka e ntumwa sae bhanink'e bheya.
\v 17 Bharisa n'isukuta n'e byombo bya risiya mitundu ikumi na ibhi.

\v 18 Otu ruma Yesu, wishika ne santumwa sae kahema, washisha bho: bhebange mbu ani ngi nye?
\v 19 Bhamusako: Yohana murubiki, bhampe, Eliya; bhampe mutahwa wakare ng'wakufuka.

\v 20 Na bhaanu, waashisha bho, mwebha ani ngi nye? Petero wasako: Kirisitu wa Ongo.
\v 21 Yesu watinisha bho rasuma kiro bhashisha mweya.
\v 22 W'ebha tu, rakomenwa e mwana we mweya wanubhe nguru; wasebhawa n'e bhakungu n'ebhandiki, wasekwa n'ifuka mu matu ashatu.

\v 23 Weba tu n'e bheya bhati: kubha kuring'usondange inemisa; witune iwe wesine n'iriya e riango rae na wanemise.
\v 24 Bhushwa ing'usondang' iyoshukaya e mutima wae; wariminya o; ina ewamariminya o bhushw'ani, nti washukaya o.
\v 25 Ngoa nki ishee e chuo kiti, n'iruka e bhubhake bwa mo mbingu?

\v 26 Bhusha kinsi ngu waankwiri nkene ne bhinwa byani e Mwana we mweya wamukwiri nae nkene mu rotu rwe hende, na mo bhusime bwishe ne sa ngashani sa shurukara.
\v 27 Nabhuire cho muriira, bhima mumbi bari hano bhatakwiyo na nti bhasunga e bhubhake bwa Ongo.

\v 28 Matu munani eta, itukire webhancho kinwa, Yesu watinge Petero, Yohana na Yakobo n'itaya nabho mu rou ienda kahema.
\v 29 Munkati ne rihema e mbaso ya Yesu yabhunduka bhumpebumpe; n'echangi yae yasana bhuri murekani.

\v 30 Bhasunga bhabhume bhabhi bhashambarange nae nti Musa hima na Eriya.
\v 31 Bhisheya mo bwime, bhebhange mor'ienda kakindanyie ku Yerusaremu.

\v 32 Petero na bhana chae bhitinga toro, iina bhabhambuka tu, bhasunga chaka cha Yesu na bhabhume bhabhi kumushi nae.
\v 33 Muntambi ya kiyanga e bhabhume bhabhi bhasiana na Yesu, Petero wamushisha: e Mukota, rakonda turike hano, tukomi masoni ashatu; bhuma bhubhesi bwabhe, bhumpe bwa Musa, na bhumpe bwa Eriya. Nt'wasibhanga byebhange we.

\v 34 Bwebhanga we mbo, utundo rwatuk'ekwiyo rwa bhumbe bho; n'e santumwa satingirwa na bhoobha murisunga bwakime we mur'utundo.
\v 35 Bhorukira murenge munkati n'erutundo: webha bhuno: ungu nge mwana warondorwa nani: mumorukiri!
\v 36 E murenge ikind'irukirwa Yesu wisunga wamasia wesine. E santumwa sabhebhera, sitaturi mweya mwasi musantambinso, mo bhiti byamasunga bho.

\v 37 Mukakoma, murihita e rou, kikembe cha bhea chasunga Yesu kubhusondori naabho.
\v 38 Mwasungwa munkati n'ekikembe mweya uma wakuwa: Mukota na kuhema kae kuri musike wani, bhushwa nge ngomo yani.
\v 39 Ishumbu rimu sinatange, n'ibhucha kw'irake, e r'ishumbu rimusimatange rasuma, utashei na ntambi ya kwitunja, kuruma n'imunoanoa.
\v 40 Nakuhema kuri e nsantumwa s'abhe, bhafini ro, nti bhakukocha.

\v 41 Mbuto yema, Yesu wasako; nariki niinu mukashangi kari bhuni, n'ebhuriya? Risha musike wabe.
\v 42 Weya kwihi nae, e rishumbu ramusund' e kwansi n'emusimata nguru, iina Yesu wakem'ereshumbu, waramya e mwana n'imukuruchie ishe.

\v 43 N'ebhati bhasimira e bhukakare bwa Ongo. na kinsi mweya wasimira mu bhiti bhironjange Yesu, webha ne santumwa sae.
\v 44 Kuri bhanu mworukire 'shu kino: e mwana we mweya waasibhurwa kinsinso mo mine yebhea.
\v 45 Ina e santumwa sitateereri e kinwa ncho; kinwa cha mushumo kuribho; bhatasibhi chebha bhuni.

\v 46 Ina mwanikiro uma wehie bho mo mutima, isiba inye nge mukakare mubho.
\v 47 Yesu wasibha e mwanikiri we mitima yaabho, watinge mwana mukeke, wamuriya ku mushi nae n'iebha nabho;
\v 48 Kinsi ngu wakoke e mwana ngu murina rani, nti wankoke ani 'sine; na kinsi 'ngu wanikoke, nt'wakoke ngu wantumanga. Bhushe e mwanunke mu bhaanu, nge mukakare.

\v 49 Yohana webha: e Mukota, twakusunga mweya uma ufinengi bhashumbu murina rabhe; twamutubya bhushwambu utangenda niitu kwetange bhaate.
\v 50 Ang'iimutubya, Yesu wamusubhie. bhushwa enti wabhubhaa nti uma mu bhanungo.

\v 51 Wasunga e matu ae erituka muchuo ngie arikwihi; washima weye ku Yerusaremu.
\v 52 Warebheka ntumwa sibhi kubhusondori, bhenda n'ikime m'ubhungu rwa bha Samaria, mwisiba hani hasesamirebho.
\v 53 Iina bhatashei, bhushwa wakaenga munse ya ku Yerusaremu.

\v 54 E Ntumwa sae; Yohana na Yakobo isunga mbo, bhebha: e Mukota, ongo sondange tuheme kasha kahite ituka mu mbingu kashike bho?
\v 55 Yesu wikebhera kuri bho, n'ifine bho, w'ebha: Nti bhanu mosi kinki ngi kiri kumunda niinu.
\v 56 Bhushwa musike wa Ongo weyanga nti bhushwa iriminya e mitima ye bhea, iina muiramya yo. Wenda murump'otuko.

\v 57 Mumunse a bhume uma wamushisha: e Mukota, nsekwemisa kuti kuseta ongo.
\v 58 Yesu wamusako: E miterere iri na byuna, ne mironge ikwengi bhirumba; Ina emwana we mwea usira hamu bhisewe e muntwe.

\v 59 Washisha umpe; nemise. Nae wamusako bhuno: e Mukota, nininke ntambi nendi kasa kataa Tita.
\v 60 Iina Yesu wamw'ire: rek'ebakwi, bhatae e bhakwi bhabho; N'ongo enda katur'e mwasi we bhubhake bwa Ongo.

\v 61 Umpe tu webha; nsekwemisa, e mukota, iina mpese ntambi n'endi karana mo mwitu.
\v 62 Yesu wamusako; kisingu wamaturana mu kakenge, wamakae tu kuruma, nti wakomenwa mo bhubhake bwa Ongo.

\c 10
\cl Chunda  10
\p
\v 1 Kuruma n'ampo, Yesu warondora tu bhampe ntumwa makumu arinda, n'ituma bho bhabhibhabhi mwimusondore mo nsambungu nkirinkiri e kuti kwamendange we.
\v 2 Washisha bho: e mirime mingi, iina e bhakauri bhakeke muheme kuri mukakare we mirime warebheke bhakori bhingi kakao.

\v 3 Mwendi nabhutura bhuri mburi munkati na ngoi.
\v 4 Ang' ironge ngombe, kirato, kakumbu, n'ang'ikea mweya mo munse.

\v 5 Mumakime, mo numba nti mwebha bhuno: E bhuhoro bhubhesi mo numba ino!
\v 6 Na kubha muri mweya mukeke wa bhuhoro, e bhuhoro bwinu bhubhesi hambasiro nae, ntimbo, nti bwabukuruketu.
\v 7 Murikanga mumo, murise, mwomu byaninkwa bhaanu, bwishw'e mweya w'emurimo wakomenwa ohembo. Angiikime numba mu numba.

\v 8 Musambungu sima insi sakime mo bhaanu, sakia bhabhukoke, murise byaninkwa bhaanu.
\v 9 Muramye bhakoni ambi bhakumana bhanu n'ishisha bho: e bhubhake bwa Ongo buri kwihi n'iinu.

\v 10 Iina, musambungu nku kwakime bhaanu bhamatin'ibhukoke, mwendi mo mwengere, n'ieba.
\v 11 Twabututure mukungu we rubhungu rwinu ingo wakurande mu bhisando bhitu; musibhanga e bhubhake bwa Ongo iye bhuri kwihi.
\v 12 Nabhushisha murotu ndo, e rubungu ndo rwasungi chasuma irenga byetanga ku Sodoma.

\v 13 Bhoonso kuri Korasini, bhoonso kuri ongo Betesaida, bhushwa e tushingishiro tuti twamabhesa musambungu twametange mo chuo cha ku Tiro na ku Sidoni, bhamubhundukange karekare mwimbara makunia na mote.
\v 14 Ngi chasingwa, e rotu rwerikera er'obhansa, ku Tiro na ku Sidoni bhakerwi rohoha ibhurenga.
\v 15 Na ongo kapernaumu, utarishiwanga kwiyo uhichiwi mo rotu rwa hende.

\v 16 E wabworukire nti wanorukire, n'ewabhunena nani namuneni. N'angu waninena, nt'wanenangu wantumanga.

\v 17 E makumi arinda bhakuruka kwa tumwanga bho nti bhari na ngowa bhebha; e Mukota; e bhashumbu bhakutorukire morina rabe.
\v 18 Yesu w'ire bho: Nakusunga bwa kusika nyamuraire mo mwanya bhuri kimpenya.
\v 19 Nakubhuninka maa inanta nsoka na nkutu na mumaa ati e murenda, na kusira chamu bhubhabhaya tu.
\v 20 Ang'imoa mbu e bhashumbu bhakubhorukire iina bhushwa ne mina inu amatiranyiwa ko kwiyo.

\v 21 Mukashangi nko warisa ngoa mo mutima mushasha n'iebha: Na kutata Tita. Mukota we kwiyo n'e kwansi, mwibhisa e bhasengeha n'ambi bhari na bwenge e bhinwa mbi n'insonsomora byo mo bhaana. Aee Tita, na kutata bwakushima Ongo bhibhesi mbo.

\v 22 Naninkwanga e bhikai bhiti kuri Tita, na kusira mweya wosi mbu inye ngi musike wae, Kubha nti iwe wesine, na nye ngi Tita kubha nti musike wae ntiwe ngusonding'imutumbiya.

\v 23 Wikebhera kuri e santumwa sae, n'ishishabho kwesine; Akasanirwe e meso ngo akaengi bhukaengi bhanu!
\v 24 Bhushwa n'ibwirengi; bhatahwa bhiingi na bhabhake bhashimanga nabho bhasunge bhisungange bhaanu, bhatasungi; bhorukire ebyorukirange bhanu, bhatorukiri.

\v 25 Murenga mukiri we myomba uma wasimana n'ieebha mwisheya Yesu mbu iwe ng'osibhiti imurenga: e Muhani namukiya bhuni nani nishei karamo kako kwiyo?
\v 26 Yesu wa mushisha; byatiranyiwa bhuni mo myomba? usoma nki mo mitiro y'e myomba?
\v 27 Wamusubhiye; ushimanga Mukota, Ongo wabhe, mo mutima wabhe uti, mu mwanikiri wabhe uti, mu maa abhe ati, na munakinu, bhuri ong'wisine.
\v 28 Umasako shu, Yesu wamushisha; ronja mbo umane matu mingi.

\v 29 Iina iwe mo kwitondeka webha kuri Yesu: Na nti nye nge munakitu wakumushi nani?
\v 30 Yesu webha tu; Mweya uma watukanga ku Yerusaremu mwihite ku Yeriko. Watingirwa mo munse na bhashumba, bhamubhaka, imukama n'imusiya mo munse mu ngerero y'ikwa.

\v 31 Mukungu uma nae wahita munse njo, wamukumana hakumusiya bho, wamusunga na kwiire rae.
\v 32 Murawi nae weya mpo, imusunga nae w'eire.

\v 33 Iina musamariya uma nae nti uri mu munse, wiya mpo, wasunga bhoonso murisunga e mweya ngo.
\v 34 Washeere kwihi nae, wamukamure bhukumu n'imina nsiri mo bhihuru, n'imukambisha mo mbunda yae, wenda kamushakire mo numba yi koke bhendendi.
\v 35 Mukakoma, waninka mine numba faranga sibi n'imushisha: Nkairi kuri e mweya uno, na kinsi chasemuninka ongo mumurao wae, nisekukuruchiecho.

\v 36 Inye mubashatu mbo ngi munachae wa kwihi nae ngu watingirwanga n'ebhashumba?
\v 37 Uungu wamukwirenga bhoonso, n'imushakire, bwa sakonga e muhanga. Yesu wamushisha: Enda na ongo ukore bho.

\v 38 Yesu nti uri mumunse n'e sa ntumwa sae weya m'obhungu ruma, nti kuri momina uma ngi Marita wakoke bho mu mwae.
\v 39 Wabhesenga na moto wae ngi Mariya warika mu makako na Yesu, mw'iyorukira e mwasi wakonda.

\v 40 Marita wabucha murimo witeka bhiyo, waruka wimusake webha; e Mukota, nti uyongwa mor'esunga mwisi itu wanisierere mo murimo we numba? Mushishe wansaki mo murimo.
\v 41 Mukota wa musubiye: Marita, Marita, ong'winyonsange n'isuwa mu bhikai bingi.
\v 42 Kikai kima ho ngi chakomenwa. Maria wakurondora muhango wakonda ung'utamutukiyo tu mo.

\c 11
\cl Chunda 11
\p
\v 1 Yesu wabhesenga nt'uhemange m'otu ruma mu bhuriki bhuma. Warekiya wamakinda, uma mo bhemisa bhae wamushisha: E Nyerekuritu, tuhane ihema, bhuri Yohana wahanaro e bhemisa bhae.

\v 2 W'ebha nabho: mukukia bhanu muhemange, mw'ebhe bhuno: Tita! rina rabhe r'ishuururwe; e bhusime bwabhe bw'iye.

\v 3 Tuninke kinsi otu e kambonsa k'erotu;
\v 4 Tusasir'ebhubhi witu bhushe na bhate tusasirange kinsi ngu watubhishie; n'angi tw'enja mu mwereko.

\v 5 W'ere tubho: amabhesa uma mu bhanu uri na mwira, na wam'enda kamusunga munkaty'ebhutu mw'imushisha: e mirani n'sombye tumbonsa tushatu.
\v 6 Bhushe uma mo bhira bhani wamiya mo mwani, na nti nikweng'inkich'emuninka.
\v 7 N'amabesa, kumund'enumba, e mirango wamusako; kiro n'inubya, e rubi rwamakind'eminwa, e bhana bhani n'ani twamekinde, nt'amusimana mw'ienda kakuninka tumbonsa,
\v 8 N'ibwerengi cho, n'akiro mbu utamusimana nge mw'emunninka to bhushe mbu mirae, wamusimana nge bhushe n'e muho wae n'emuninka kinsi nchi ch'arae moe.

\v 9 N'ani, n'ibwere ngi: muheme na mukumuninkwa; musondekanye na mukushee; mukasu mo rubi na bhasebhurundure.
\v 10 Bhushe kinsi ng'wahema nt'waninkwa, kinsi ng'wasonda nt'washee, na bharundure kinsi ng'wakaso mo rubhi.

\v 11 Inye munkati banu e ishe waninkanayo ikoi mo mwanae kuti wamuhema kambonsa? ari, wamamuhema kikuro, wamuninke nsoka mo kikuro?
\v 12 Ari, wamamuhema ei, mb'wamuninka nchuiri?
\v 13 Amabhesa bhabhi bhuri bhanu, musibha eninkana bhikai byakonda mo bhana bhinu, bhuni bwamukia Tita w'ekwiyo watin'ebhunink'e mutima mushasha mumbi bhamuhemange.

\v 14 Yesu wahensa mushumbu wa bhurumbu. E mushumbu warekiya wamatuka, e karumbu kebha, n'e bhea bhamutata.
\v 15 Ina bhima bhebha: e kuri Bherese bhuri, e mubhake w'e bhashumbu, ngi muhensangew' e bhashumbu.

\v 16 N'e bhampe, mw'imutea, bhamuhema kengeko katukir'e kwiyo.
\v 17 Imbu abhesenga bhusi Yesu e myanikiri y'abho, w'ere bho: kinsi bhubhake bwabhanyana bwesine na bwesine nti bwasiana, na numba y'endike hambasiro n'empe.

\v 18 Amabesa Nyamuraire wasiana mu wesine bhuni ng'wasiman'e bhubhake bwae, bhushe mw'ebha mbu n'ihensang'e bhashumbu kuri Berese bhuri?
\v 19 N'amabhesa ani, nihensang'e bhashumbu kuri Berese bhuri, e bhana bhinu bhahensange bho kuri nye? Bhushe nancho bhasebhesayo bhesine bhakeri bhinu b'er'obansa.
\v 20 Eina, amabhesa nti mo murimba wa Ongo ngi muhensangy'ani e bhashumbu, e bhubhake bwa Ongo nti bwa kwiya kuri bhanu.

\v 21 E mwea munkangwe na w'ishambikira warang'e numba e bhiti byae nti bhir'ishu.
\v 22 Eina, amabhesa munkangw'ekuriwe wiya n'imunyaka byo, nt'wamunyaka e by'erikwana byae bhiti mbi byenyihirae, n'ibhany'ebhiti byamanyakawe.
\v 23 Ent'uri hima n'ani nt'wantuna, na kinsi utangasonja hima n'ani nt'unsansange.

\v 24 Ekifasi chamatuka mu mwea, nti ch'enda kakiya-kiya kwahorerwa, mw'isondekanya maruhukiro. Wamaruka, nti weba: nakuruke mo numb'ani mwatukireng'ani;
\v 25 Na usekiya wameya, n'ikumana mo mwarihairwa n'itunganyiwa.
\v 26 Himpo nt'weire, n'eringa bhimpe bhifasi bhirinda bhinkangwe kury'echaroso, nti byakime kumund'enumba, mw'erikamo, n'ebhususe bhusindu bw'e mwe ngo nti wema ireng'e raroso.

\v 27 Yesu warekiya webhange mbo, momina uma wakuwa munkati n'ebhea, wamw'ere: Bhukasaniw'ebhura bwariarwanga mo ongo! Akasanirw'emabhere arisanga mo ongo!
\v 28 Nae wasako: Bhakasanirwe mbi bhorukir'e kinwa cha Ongo n'iranga cho.

\v 29 Imbw'abheseng'ebhukumanang'ebhea mpo, wabuchi'iebha: ekino kiranga ch'ema; kihemange kashingishiro; bhatanikwiyo kashingishiro irenga ka Yona.
\v 30 Bhushe imbu bwabhesenga Yona kengeko kuri bhisa ku Ninawi, ngin'ebhumbo emwan'emwea bwabhese we mukino kiranga.

\v 31 E mumbo w'ekwend'iyoro wasimanayo, rotu rw'erobansa, hima n'ebhea bha kino kiranga n'ikere bhor'obhansa, bhushe watukireyo kwend'echuo mw'iyorukir'ebhuteesa bwa Soromono; na sunga, hano hari ngwarenga Soromono.

\v 32 E bhea bha ku Ninawi bhasimanayo, mor'otu rw'erobhansa, hima n'e bhea bha kino kiranga n' ikere bhor'obhansa, bhushe bhabhundukanga mor'ihano ra Yona; na sunga, hano hari mukakare kuri Yona.

\v 33 kusira mwea usacha ng'ekasuku mw'eriya ko habhisama ari kumund'emutundu, eina katerekwanga hakangama, kongo ebhakimengi bhasung'e chaka.
\v 34 E riso rabhe ng'e kasuku k'e mubi wabe. e riso rabhe ramabhese rahunda, e mubi wabhe uti nt'uri mo chaka; ein'eriso rabe r'ema, e mubhi wahbe mo mwerima.
\v 35 Irange echaka k'iri kumunda nabhe kitabhesingi mwerimya.
\v 36 Amabhesa e mubhi wabhe uti uri mo chaka, anga kitambo kirimo mwerimya, nti wabhesa na chak'euti bhuri kasuku kakuninkang'echaka chae.

\v 37 E ntambi y'abhesenga y'ebhange Yesu, mufarisayo uma wamuhema wendi karis'ebhiyo by'emumwishi mo mwae, wakime, na wabhuch'erisa.
\v 38 E Bahfarisayo bhasunga n'eshishara mbu nt'wakushu' e minwe bhusondori bw'eresisa.

\v 39 Eina Nyerekuritu w'ebha; bhanu Bhafarisayo, bhanu mushuang'ekubhutara n'erosara n'ekw'entengi, na kumunda bhanu murisere minkonsi n'esua.
\v 40 Bhanu musira bwenge! ing'wakianga'ekubhutara nti ng'wareronja n'ekumunda?
\v 41 Muninkane ohembo mbi bhiri kumunda, nasunga kinsi kikai chashuururwa kuri bhanu.

\v 42 Eina bhonso kuri bhanu, Bhafarisayo! Bhushe bhanu mutunjang'enima y'erekumi y'esanyenyi bhuri e munsere n'e bhimpe bhisu bhisu, na bhanu munenange ereira: n'enchime ya Ongo: e bhimbyo ngi byamuronjange bhanu, mw'ang'inena nambyo byaroso.

\v 43 Bhonso kuri bhanu, Bhafarisayo! Bhushe mushim'ebhitumbi by'ekubhusondori mo marameso, n'esankerei mo myanganse.
\v 44 Bhonso kuri bhanu! Bhushe bhanu murikire bhuri masinda ngi atangashea, na habhasirwa nao bhetangeho ang'isibha.

\v 45 Uma mo bhakakare bh'emyomba webha: E Nyerekuritu, mor'iebha rambo bhususe, nti bate hotu ngy'ongo tukambange.
\v 46 Na Yesu wasako: Bhonso kuri bhanu hotu bhakakare b'emyomba! Bhushe bhanu murieshang'e bhea mirio yasum'erierwa, na itamukocheka n'inu bhanu bhesine.

\v 47 Bhonso kuri bhanu! Bhushe bhanu mw'imbang'e masinda e bhatahwa bhakushurwa na bhaso.
\v 48 Bhanu kariho ka mikorere ya bhaso, na mubhereresha byo; bhushe ibho, bhashurang'e bhatahwa, na bhanu, mw'imbang'e masind'abho.

\v 49 Bhushe nancho e bhuteesa bwa Ongo bw'ehba: Nse'rebhekayo bho bhatahwa na ntumwa; bhaseshurayo bhima n'inubya e bhampe,
\v 50 Kongo chashishiwa kino kiranga enchama y'e bhatahwa bhati inji yarekubhurwa etukir'echuo ibha ho;
\v 51 Etukire mo nchama ya Aberi iya mo nchama ya Sakaria, washurwa munkati nkati n'erirango n'erirameso, eira n'ibwirengi iseshishiwa ekiranga kino.

\v 52 Bhonso kuri bhanu, bhakakare b'emyomba bhushe muritunj'echobhoranga e rubhi rw'erisibhirira, na muhangir'erekime mumbi bhasondekanyange ro.

\v 53 Warekia wamatuka mpo, e bhandiki n'e bhafarisayo bhabhuch'emurianya nguru, n'imw'ebesha mu bhikai bingi.
\v 54 Imutea binwa, mw'imwekenya mu kinwa chatuka mo bhunu bwae.

\c 12
\cl Chunda  12
\p
\v 1 Munkati nambyo, e bhea bhakumanana mpo bhingi, ibhese ntiye bhanantanange, Yesu wabhuch'iebha n'e bhemisa bhae: bhusondori bw'ebhiti, mw'irange n'echasuma ch'e bhafarisayo, ng'e bhukorotima.

\v 2 Kusira chabisama inchi kitamukimwa n'isibwa.
\v 3 Bhushe nancho kinsi chamweba bhanu mo mwerimya, chorukirwa mo chaka, nanchi chamwebhere bhanu mo kote kumunda n'er'echumbi chaturwa hamambiyo.

\v 4 Nabwire: kuri bhanu mbi bhira bhani: kiro musubhaha mbi bhamushur'emubhi na kusira kimpe chamuronja bho kuruma nancho;
\v 5 N'sebhushea ngu wasubhahe bhanu,. Musubahe ngu, kuruma n'eshura, uri na bhunkangwe bw'irekera e mweya munkaty'ereribha r'e kasha.

\v 6 Nti bhachuyanga twa mironge tubhi mu rumea sibhi? nakiro mbo, kusira kima muto kobiwa habhusondori na Ongo.
\v 7 Nakirw'ebhuteo bw'emuntwe bwaransw'ebhuti. Kiro musubhaha; bhanu murina bhusi irenga mironge mingi.

\v 8 Nabwere cho, kinsi ngu wan'simira habhusondori n'e bhea, e mwan'e mwea wamusimirayo hotu habhusondori n'esangashani sa Ongo.
\v 9 Eina kinsi ngu wanitunayo habhusondori n'e bhea waaturwayo habhusondori n'esangashani sa Ongo.
\v 10 Na kinsi usebayo bhubhi kuri e mwan; e mwea, wasasirwayo; eina kuri ngu wakambi e Mutima mushasha utangasasirwa.

\v 11 Bhasekiyayo bhama bhutanga bhusondori bw'emarameso, e bhakeri bh'esemansa, n'e bhakakare, kiro mw'eshisha e bhususe nki bw'iebhere mo bhanu ari n'ekisebha bhanu.
\v 12 Bhushe Mutima mushasha wabuhanayo mo kashangi kika kika ch'eriebha.

\v 13 Mwey'uma webha na Yesu, munkaty 'enkumanao: E Nyerekuritu, ebha na musik'itu wabhanye n'ani e mwandwu witu.
\v 14 Yesu wamusako: ongo mwea, inye ngi waniterekanga mw'ibehsa muker'inu wa mansa?
\v 15 Kuruma nampo w'ere bho: mw'irange shu na kinsi mwetunduriko, bhushe e bhuingo bw'emwea nti bwatukana n'ebhikwengi we, mo bwingi bwabyo.

\v 16 Na were bho mushumo uno: E mashwa a mwea uma mutumba abhuta nguru.
\v 17 Wanikira kumunda nae wesine, webha: Nakiya bhuni? bhushe n'sira buari hasesambura 'ni e mbuto yani.
\v 18 Sunga, e chakia 'ni: nisekakura etutiri tw'ani, n'eimba tumpe twaariha, n'itume mo e mbuto n'ebyani biti;
\v 19 Na niseshish 'emutima wani: Mutim 'ani, ongo kwengi mu bhingi; ruhuka, risa, omo, n 'imoa.

\v 20 Eina Ongo wamwire: ongo sira bwenge! muno mutu emutima wabhe usehemwa: n'ebyareronja ongo, bhisebhesa byanye?
\v 21 Ngi bhuricho m'ungu utumange byae mw 'iwe wesine na nti mutumba wa Ongo.

\v 22 Yesu webha tu n 'e bhemisa bhae: Ngy'asingwa nabwire: Anga mweshishirisha mo bhuingo bwinu munchi charisa bhanu, ari mo mibhi yinu inki kisembara bhanu.
\v 23 E bhuingo bw 'areng 'e biyo, n'e mubhi w'areng 'esangombe.

\v 11 Webha tu: mweya uma wabhesenga uri na bhana bhabhi:
\v 12 Ne mukeke washisha ishe: Tita mbesi ebehe bya muriya ani: na ishe wabhanyie bho e bhehe byae.

\v 27 Musunge bhuni bhushukang 'esantondo: sitangakora kitikiti, na kiro mbo nabw'ire Soromono nae, mo resima rae riti, ntwakondanga irenga rima ra'to.
\v 28 Amabhesa Ongo wambichange mbo e kisu inchi kiri ho rin'otu mo mashwa na mukoma kisetawa mo kasha, ngendo singa watabwambichi, bhea bh' esimira rikeke?

\v 29 Na bhanu, kiro musondekanya e byarisa bhanu n' ebyasomo bhanu n' angi mweshishirisha.
\v 30 Bhushe e bhiti mbi, e bhabhi bhechuo ngi bhasondekanyange byo. Tita winu usi mbu muraa mu byo.

\v 31 Musondekany' e bhubhake bwa Ongo; n' e bhiti mbi mukuninkwa byo mw' iyongerere.
\v 32 Ang' isubhaha, eimba rikeke; bhushe Tita winu waresunga ishu wabhuninke ebhubhake.

\v 33 Muchuy' ebhikwengi bhanu, na muninkane byo mw'ohembo. Mw' ironjei inku s'ang' ikunguha, katiri k' ang' isira e kwiyo, inko e mwibi utameya kwihi, nanko erunsenge rusir' ebhisha.
\v 34 Bhushe impo hari ekatiri kabe, himpo ngy' asebesayo n' e mutima wabhe.

\v 35 Musimik' emikoba yinu, n' etusuku twinu tusake.
\v 36 Na bhanu, mususanyiwe na bhea imbi bharindirirengi Nyerekurwabho mo bhuheruki, kongo bhamurundure usekiya weya n'ikaso m' orubhi.

\v 37 Bhakasanirwe imbo bhakori Nyerekuritu, morr' iya rae, wakumana bho bhashere! Nabwere mor' eira, wasimika, Warisa hima nabo, n' iya kwihi nabo mor' ikore bho.
\v 38 Na kiro weya mo karo k' emet' abhi ari k' emet' ashatu, bhakasanirwa imbi bhakori, amabhesa bhasekumanwa bhakohya.

\v 39 Musibhecho shu, amabhesa min' e numba wamusibhange ini ntambi ng' isiy' e mwibhi, wamukohyange n'utamusiang' e numba yae ikakurwe.
\v 40 Na bhanu hotu, mw'etingi muranga, bhush' e mwana w'e mwea usiayo mu kashang' inki katanganikira bhanu.

\v 41 Petero wamushisha: E Nyerekuritu, kuri bhate ngi kuronjange ongo e mwani ngu ari kury' e bhampe.
\v 42 Na Nyerekuritu w'ebha: Inye ngo mukori w'eira na wakohya ingu Nyerekurwabo wasemusimika habhasirwa n' e bhea bhae, mw' eninka bho e bhiyo mu kashangi karengekana?
\v 43 Wakasanirwa ingo mukori, Nyerekurwabho wasekiayo mo riya rae, wamukumaneyo nt' ukorange mbo!
\v 44 Nabwire mor' eira, wamutereka hambasiro n' e byae bhiti.

\v 45 Eina, amabhesa ingo mukori wasebha mw' iwe wesine: Nyerekuritu wasiya mw' iya; wabhucha mw' ikam' e bhakori bhabhume n' e bhomina, mw' erisa, iyomo n'itamira;
\v 46 Nyerekurwabho nango mukori wasiya m' otu ndu nti rwarange we na mu kashangi 'nki nti kasibirira we, Wamubhaa-bhaayo, n' imunink' e muhang' wae hima n' e bhasir' ereira.

\v 47 E mukori ngu, wasibirira erisasa ra Nyerekurwabo na nt' waronjaro, wahumbwa oero rukiri rwa bhihumbo.
\v 48 Eina kinsingu, abhesenga ntusi, waronja byakomenwa bhihumbo, wahumbwa bhihumbo bhikeke. Wahemwayo mo bhingi ing' waninkwanga bhingi, n' imusondamo bhingi m' ung' wareninkwa byarira.

\v 49 Nar' iya karekera kasha mo chuo, na niri nanki ch' ianikira, amabese kamakind' isaka?
\v 50 Ina e rubhikwa ndi riserubikw' ani, na met' anga randikecha kongo rabhererera!

\v 51 Bhanu mw' anikirange mbu nariya karisha bhuhoro mo chuo? Kusira nibwere ngi, eina isiana.
\v 52 Bhushe etukire mpo bhasanu mu numba nima bhasebhanyiwa, bhashatu mu bhabhi, na bhabhi mu bhashatu.
\v 53 Ishe n' emwana n' e mwana n' ishe, nina na mwisi we na mwisiwe na nina, inabhe na mwasana we n' e mwasana n' inabhe.

\v 54 Washisha tu enkumanano: mumasung' erotundo kokwiyo, nti m' webha: e mbura yeya.
\v 55 Na mumasung' er'eyuhu ra munkaty' e mwishi, nti m' webha: kusebhesa chuka, na nti ngi byabhesa.
\v 56 Bhakorotima: bhanu mus' iteerera e bhususe bw' echuo n' e kwiyo; bhuni bhutangateerera bhanu e kashangi kano?

\v 57 Na bhusha nki mutungateerera bhanu bhesin' ereira?
\v 58 Amabhesa ong' wendange n' ewakukusongere kw'emukeri w'erobhansa, munkati n' ense sibhirira bwamukindanya ongo nae, mw'esubhaha watakur' ingi kw'emukeri w'erobhansa, nae wamukurisha kw'emukakare, n' angu wamukuriya mo ngori.
\v 59 Nakw'ire cho, ututuki mo utunga tuwa e rumea rwa hende.

\c 13
\cl Chunda 13
\p
\v 1 Munjo ntambi, bhampe bheya kundo bh'eya k'uri Yesu kamuture imbi bhinwa by'ebhagariraya e bhakianga Pilato wasonya e nchama y'abho na y'ebhinsinso byabho.
\v 2 Wasubhie bho, w'ebha: Bhanu muanikirange mbu bhano Bhagalilaya bhabhesanga bhabhi irenga e bhampe Bhagalilaya e bhati bhushwa inji minubho eyabhanga nabho?
\v 3 Anga nabwere, eina mumabha nti m'ubhinduka, mushirira bhanu bhati, bhuri ibho.

\v 4 Nti cha, imbi bhea ekumi n'e munane, ebasikirwanga n'enumba ya ku Siloamu n'iya e bhati, bhanu muanikirange mbu bhabhesanga bhabhi irenga mbi bhisa ku Yerusaremu?
\v 5 Anga n'ibwerengi mbu nti nge bhumbo eina mum'abha nti mubhinduka, muku 'shirira bhanu bhati bhuri ibho.

\v 6 Wak'era tu uno mushumo: Mweya uma w'eka mbuto mw'ishwa rae weya katangura ro mw'isonda byuma, eina utashei anga na kima.
\v 7 W'ere ngu emurangi w'ando ishwa: Nt'ukae, iye myaka ishatu nji, n'iya kasonda byuma murino ishwa eina nti narishee anga na kima. kondao inki chasingwa wabhisha er'oto bhusabhusa?

\v 8 E murangi wasubya: e Nyerekuritu, siyere tu o uno mwaka n'ishekeri o, n'itarishie or'oto.
\v 9 kuti wamubhuta ho byuma, nti cha, nti ukondayo o.

\v 10 Yesu wabhesanga h'irango nti uhanange er'otu rwer'iruhuka,
\v 11 Habhesanga uma nt'uri n'e shumbu ra bhurema, mu miaka ikumi na munane, wabhesa nt'wamekunya na nt'utamioro wesine.

\v 12 Yesu warekia wamusunga, wamubikira, wamw'ere: E momina, umoborwa mo burema bwabhe.
\v 13 W'ira e makasae, habhasirwa nae, munjo ntambi watunganana watata Ongo.
\v 14 Eina shemin' erirango wasubhuka bhushwa mbu Yesu wakuramya mweya er'otu rw'enduhuko, w'ere bhea: kuri matu mutubha a murimo Mwiye.

\v 15 Nyerekuritu w'asubya: Bhanu mbi bhakongobhanya, inye uma mu bhanu ng'utobhoranga e nkambu ari empunda yae er'otu rw'eriruhuka n'ienda nayo komoshayo?
\v 16 Na uno momina, w'erubhuto rwa Ibrahimu ingu wamakundikwa na mushumbu miaka ikumi na munane nji, chamusingwa utobhorwingi m'umbu bhure bhure.

\v 17 Warekia w'ebha mbyo e bharenda bhae bhati bhakwa nkene n'enteko yakokoma munji mikorere yakonda yakorangae.

\v 18 W'ebha: E bhubhake bwa Ongo bwasusana nanki?
\v 19 Nasusanya bho nanki? Bhususene na mpinga ya bhuhi, yatingirwanga na mweya n'irekerayo mo rishwa rae; y'ashuka, y'abha muti mukiri, e mironge ya mu mwanya yakambe mo santabhi sae.

\v 20 W'eba tu: Nasusanya e bhubhake bwa Ongo nanki?
\v 21 Bhususene na ntero yaterekwa nsar'ishatu sa nchano emomina wasony' e bhiti byahwire mongo.

\v 22 Yesu watamba mo sambungu n'etunsari, ntu hanange mor'uendo rwae mw'ienda ku Yerusaremu.
\v 23 Mweya uma w'amwere: E Nyerekuritu, e bhoshukarange bhakeke bho? W'ere bo:
\v 24 Mukie maa mw'ikime mo rubhi ndo rwekene; bhushwa na bw'ere cho, bheya bhingi bhasondayo, ikime, nabho bhatakochiyo.

\v 25 Mu ntambi min'enumba wasimana n'irindik'erubhi, na bhanu muri hambuka ikongota e rubhi n'iebha: E Nyerekuritu, turunduri; nae w'asubya yo: Nti nisi ekutukange bhanu;
\v 26 Nampo ngy'abuchieyo bhanu ieba: tw'aranga n'iomo mu makako abhe, n'ubhesanga ongo hanange munkati esanse s'itu.
\v 27 Na wasubyayo: Nibw'irengi cho, nti nisi ekutukange bhanu bhati mbi bhakori b'ebhibhi.

\v 28 Inko kw'abayo bhiro n'ikukuta e meno, mukiyayo musunga Ibrahamu na Isake na Yakobo n'ambi e bhatahwa bhati mo bhubhake bwa Ongo, na bhanu bhesine murekerwa hambuka.
\v 29 Na bheya bhasaireyo e kwabhume n'ekurembe, na bhampe kunanda na kumbo; nabho bharikayo nti barange bhiyo mo bhubhake bwa Ongo.
\v 30 Na mw'ikae, imbi bhahende bhabhayo bharoso n'e bharoso bhabhayo bhahende.

\v 31 Mundotu Bhafarisayo bhima bhamw'iere: Tuka hano eiri rabhe, bhushwa Herode usondange ikuya.
\v 32 W'ere bho: mweiri r'inu mushishe ngo muterere kaenga, run'otu na mukoma nahens' ebhashumbu n'iramya bhakoni, er'otu rwe ashatu nsebhesa nti namakindanya.
\v 33 Eina, n'ihunange n'enderane n'eruendo run'otu, mukoma, na mukakoma, bhushwa nti rakonda e mutahwa wakwiri kumushi na ku Yerusaremu.

\v 34 E Yerusaremu, Yerusaremu, ongo ng'uyange e bhatahwa n'ikama bho mu makoi imbi ebatumwange ku kwabe; ngendo singa nsi namasonda ikumanya e bhana bhabhe, imbu bukiyanga e nkonko yakumanya e byana byae kumunda n'ebyubi, eina nti mwana.
\v 35 Kaenga, muererwayo e numba y'inu eina nabwere cho. Mutungansunganga tu iya nampe h'ebereyo bhanu: watatwe ingu w'iya mo rina ra Nyerekutitu.

\c 14
\cl Chunda  14
\p
\v 1 Yesu wakime mo numba ya mweya uma mukakare wa Bhafarisayo, mw' isond' ira bhiyo, er' otu rwe r' iruhuka, e Bafarisayo bhamusisirisa.
\v 2 Mo makako a Yesu nti hari mweya uma mukoni wabhura.
\v 3 Yesu w'ebha, n' ishisha mbo bhakakare bh' e myomba n' e bhafarisayo: Rakonda ari anga iramya mo r' otu rwe r' iruhuka?

\v 4 Bhakobha. Yesu wamuturanamo, wamuramya, n' imureke w' eiri rae.
\v 5 Kuruma naha wasubya, w'ere bho: inye mu bhanu, emwanae ari enkambu yae yamakime mu kiribhu wamufund' ikuto yo mo r' otu rw'er'iruhuka?
\v 6 N' abho bhatamusubhii anga na kinwa muncho.

\v 7 Warekia wasunga e bhararikwa bhamarika e kubhusondori, wakere bho mwani, were bho:
\v 8 Umabikirwa na mweya mu bhuheruki, ang' ikanyire irika mo kitumbi ch'e kubhusondori, bwishe kwa mubhesa umpe mweya wa kurenga bhuritohe.
\v 9 Na ngu e wakubhubhikira ongo nae, w' eya n' ikwere: siere ngu mweya imbo bhuari na ongo ukubhesa nti umakwa nkene n' isonda kitumbi chakuruma.

\v 10 Eina umabikirwa, enda karika mo bhuari bwa hende, na 'ngu e wakubhubikira ng'wakweri: E mira ani, sheere kuno ku bhusondori, himpo ukubha na bhuritohe mo makako ambi bheya e bharirengi nabhe mongo.
\v 11 Bhushwa kinsi ngu w'itarishange wesine wahichiwa nangu wehichange ngi watarishiwayo.

\v 12 W'ere ngu e wakumurarikanga: umateka bhiyo munkatiemwishi ari bhiyo by' orengero ang' ibhikira bhira bh' abhe ari bhanakinu, e bhabhuti bhabhe ari mbi e bhari hima nabhe bhisa e bhehe, nabho bhatakurarikingi mw'isonde ikukuruchie.

\v 13 Eina umasond' eninka bhea bhiyo, nti ubhikira e bhasene, n'e bhirema, n'e bhiwete, n'e bhihumi-humi;
\v 14 Na ongo ukasanirwa, bhushwambu bhasira ohembo; bhushwa mbu uninkwayo uhembo er'otu rwer' ifuka e bheya bher' eira.

\v 15 Uma m' umbi e bhabhesanga bharange nayembyo bhiyo, warekia wor' ukira 'mbi bhinwa, wamw' ere: Wakasanirwa ngu wa 'risayo mo bhubhake bwa Ongo!
\v 16 Yesu wamusubhie: Mweya uma waronja nkumanano nkiri, wabhikira bheya bhingi;
\v 17 Watuma mukori wae munjo ntambi y' e bhiyo kasubhukia mbi e bhakurarikwanga mw' iye, bhushwa e bhiti iye bhiriko.

\v 18 Ein' e bhati bhabhucha kw' ireme mu murenge uma. Ingu waroso wamw'ere: Namachura ishwa, nsondange ienda katanguraro, nakukonga unsasire;
\v 19 N' ompe w' ebha: namachura nkambu isanu, mume n'e bhuti, nsondang' ienda k' ereka to, unsasiranga.
\v 20 N'ompe w' ebha: Namaherucha momina, na cha ngi chasingwa nt' eyi.

\v 21 E mukori mor' ekuruka, w'ere Nyerekurwabo imbi bhinwa Emin' enumba wasubuka, w' ere e mukori wae: enda tete, munkati ensenkiri n' enkeke sa mu r' obungu, urishanga e bhasene, n'ebirema, n'e bhiwete, n' e bhihumi-humi.
\v 22 Ingo mukori w; ebha: E Nyerekuritu e momba wabhe wamakind' ieta, eina iya na mu ino ntambi kukiri bhuari.

\v 23 Ingo mukakare w'ere ngo mukori: enda mo mwengere n'e bwendende, mimirisa bhakimi kongo e numba yani yarisa.
\v 24 Bhushwa nabwere cho: kumunda n' ambi bheya e bhakubhikirwanga, kusira anga n' uma e warorayo mo bhiyo byani.

\v 25 Na nkumanano singi bhemisanya na Yesu, wikebhera, w'ere bho;
\v 26 Ram' aba e mweya wamiya e kuri ani nae nti wabhaa ishe na nina, na mukari, n' e bhana bhe, na bhanachabho ehbhabhume n' e bhomina n' e bhuingo bwae wesine, utamubha ntumwa yani.
\v 27 Mweya uti' ingu utamuria er'iyango rae wesine n'ibha ku mbusa n' ani, utamukoch' ibha ntumwa y' ani.

\v 28 Bhushwa, ng' inye munkati n'inu, wamasond' eimba numba, utamurika kasa hansi wanse mw' isibhirira kuti uri n'ambi ebyaheyanya ngo murimo,
\v 29 Ari wamabha nti wamakind' ironja e ntangiro wamaba nti utamukindanya, ebati bhasemusunga, n'ibhucha,
\v 30 Imusimya n'iebha: ingu mweya wabhuchayo iimba, eina nti wakukindanya?

\v 31 Ar' inye mubhake wamenda kakwana n' umpe mubhake, waruk' irika kasa hansi mw' esisirisa wasibhe kuti iwe n' e bheya bhae bhihumbi, kumi, bhakocha ikwana na 'ngu murenda ing' uri na bheya bhihumbi makumi abi?
\v 32 Ramabha nti nge bhumbo, watuma bhea kasonda bhuhoro, ingu mubhake wamabha nti ukiri kore.
\v 33 Nge bhumbo, kinsi uma, mu bhanu, wamafund' isiya byae bhiti; utamubha ntumwa' yani.

\v 34 Emukwa wakonda, eina emukwa wamariminya ensense, kikai nki chamusingwa wakuruke mo bhushamuke wao?
\v 35 Nti wakonda tu mor' oto ari mor' irare, eina urekerwanga hambuka. Ingu uri na mate iy' orukira, worukure.

\c 15
\cl Chunda 15
\p
\v 1 E bhakongori bhe horo bhati n'ebhea bhasene bhiya kwihi na Yesu mwimurukire.
\v 2 E bhafarisayo n'e bhandiki bhomuma mwiyebha e mweya ngu ukokengi bhea bhasene nirisa nabho.

\v 3 Ina werebho, mushinga uma.
\v 4 Inye mwea munkati ninu, kubha uri na mburi iyana, na wamariminya nima, wa masiya ema kumi mwenda ne mwenda mo bweru mwiyendatu kasonda eyakurimina iya mw'isheeyo.
\v 5 Wakia wamasheeyo, nt'wariayo na ngowa habhasirwa e bhituri.

\v 6 Na muri kuruka mo mu numba, nt'wabhikira bhira bhae ne bhari wendende, nishisha bho: mukokome hima n'ani bhushwa namashee e mburi y'ani yakuriminanga.
\v 7 Nge bhubho, nibhushishange, kwabheseyo ngowa mo mbingu mweya uma mubhi wamoshukara, mwibha na makumi mwenda na mwenda imbi nti bhoshukara.

\v 8 Inye mumina, amabese uri na bhutea ekumi, na wamariminya ruma, wafund'isacha kasuku, n'ihae e numba, n'isonda na bhurenga wiye mw'ishee tu ro?
\v 9 Wakia wamasheero nt'wabhikira bhira bhae nebhari kumushi nae, n'iebha: mumoe hima nani bhushwa na masunga erutea abhesingi rwamariminyani.
\v 10 Ngi bhubho ni bhushishange, kuri ngowa habhusondori n'esangashani sa Ongo, mubhi uma wamoshukara.

\v 11 Webha tu: mweya uma wabhesenga uri na bhana bhabhi:
\v 12 Ne mukeke washisha ishe: Tita mbesi ebehe bya muriya ani: na ishe wabhanyie bho e bhehe byae.

\v 13 Kuruma na matu makeke e musike mwanunke watinge e bhikai byae e bhiti, nienda mu chuo cha kore, kuko wariminya e bhikai byae munse s'osingirwa.
\v 14 Warekia wamakind'ebhiti, rwaka rukiri rwakime muncho chuo, wabhucha kwikumana mu murao.

\v 15 Wenda keriya mu murimo wa uma mo bhis' echuo ncho, wamuriya mo mashwa ae karanga byana by'esampunu.
\v 16 Washima isukucha e bhura bwae mo bhifundiro, abhesenga bhisiyang'esampunu, eira anga mweya wamuninkanga bhiyo.

\v 17 Warekiya wamekuruka mo weshisha: Bhanga bhafuku mwa tita, bhari na bhiyo bhingi, nani hano nikwange n'erwaka!
\v 18 Nsetuka, nienda kuri tita, na nisemushisha: Tita, na kukora bhubhi kuri e mbingu n'e kuri Ongo.
\v 19 Nti nakomenwatu, ibhikirwa mwana wabhe nikoreshe bhuri uma mo bhakori bhabhe.

\v 20 Wasimana nienda kur'ishe. Wabhesenga ukiri kore, ishe wamusunga n'itingirwa na bhonso, wakanyaha wamukoke n'ehit'e kwansi.
\v 21 E mwana wamwire: Tita, na kukora bhubhi mo mbingu, na kuriongo nti nakomenwa tu ibhikirwa mwana wabhe.

\v 22 Eina ishe washisha e bhakori bhae: murishe tete ngandju yahunda, mumwambiche yo; muriye rupete mo murimba, na bhirato mo mindi.
\v 23 Murishe n'e nkambu njy'anone muyeyo turise ni mowa;
\v 24 Bhushwa e mwana 'ni uno abhesenga nt'wamakwa na wamakuruke mo karamo, abhesenga wamarimina na nawamashekana. Nabhabhuchi er'imoa.

\v 25 E mwana mukwakare abhesenga uri e kumashwa warekiya weya kwihi n'enumba, worukira esangoma n'erimina.
\v 26 Wabhikira uma mo bhakori, washisha mbe nt'inkingi chakubhesa.
\v 27 E mukori 'ngo wamw'ire: musik'inu wamakuruka, na bhushwa wamamukumana nti munkangwe, iso wamashura nkambu yanone.

\v 28 Wasibhuka, watina ikime. Ishe wasaa n'imwire wakimi.
\v 29 Eina wasubhiye ishe: sunga, Bhiranga bhingi nikukorengi, nti naribhisha momba wabhe anga na rima; nturinininka anga na chana cha mpene nimowe na bhira bhani.
\v 30 E ntambi yameya musiky'abhe wakiya wamiya, ingu warisanga e bhikai byabhe bhiti hima ne bhihanga, mw'iwe ng'umamushur'enkambu ya none!

\v 31 Ishe wamwire; e mwana 'ni, ongo 'rie matu ati hima n'ani, n'e bhiti bhiri n'ani.
\v 32 Rakomenwa tumine n'imoa, bhushwa munakinu uno akosa nt'wamakwa, na wamafukatu, akosa nt'wamarimina na wakushekana.

\c 16
\cl Chunda 16
\p
\v 1 Yesu washisha hotu n'e bhemisa bhae: mwea uma mutumba abhesenga urikire na mubiki webhehe uno wasongererwa kuriwe, mbu unsansang'e bhehe byae.
\v 2 Wamubhikira wamwire: inki ngi chorukirangy'ani kuri ongo? Tur'emwanso w'ebhukorange ongo, bhushwa utusimaniri tu e bhikai byani.

\v 3 E murangi w'e bhehe webha kumunda nae wisine: Nironje bhuni, bhushwa Tita wankuto mor'irang'ebhehe byae? Erihinga, ntamukocharo. Bhuhemi, norukira' ro nkene.
\v 4 Nasiba e kiseronj'ani, kongo kwabhese bheya bhanikoke mo manumba nsekiya nakuturwa mo murimo.

\v 5 Wabhikira kinsi uri na mwinda wa Nyerekuritu, were waroso: singa ngi sahwa eninka Ongo nyerekurwitu?
\v 6 Ngerero iyana sa mafuta; wamusako tinge e mutiro wabhe: Rika tete, tiranya makumi asanu.
\v 7 Washisha umpe: na ongo singa ngi sahwa Ongo? w'ebha: Nyerero iyana sa bhuhi. Wamwire: tinge erwandiko rwabe, tiranya makumi munane.

\v 8 Nyerekurwabho watata e murangi we bhehe usir'ereira, bhushwa wakoranga mu bwenge; bhushwa e bheya ba mo kiranga kino bhari na wenge. mumbi bhasusene nabho ireng'e bhana bh'echaka.
\v 9 Nani nibhushishange; mw'ironjei mira n'e masoki nty'ereira, kongo bhabhukoke mo ndikaro y'e matu ati n'eati, mukukiayo mumaruka bho.

\v 10 Ingu w'eira munkati na bhikai bhikeke nti weira hotu munkati na bhikai bhikiri, nangu nti weira mu bhikai bhikeke nti weira na mu bhikai bhikiri.
\v 11 Amabhesa nti mukubhese bh'eira mo bhusoki bhusir'eira, inye ng'wasebhuninka bw'ereira.
\v 12 N'amabhese nti mukubhese n'eira mu bhehe bya umpe, inye ngiwa bhuninkayo e bhinu?

\v 13 Kusira mukori wa murimo wamukoch'ikore bhahanga bhabhi, Bhushwa wabhaa uma n'ishima eumpe; ari wetingire mu uma n'inena eumpe. utukochi ikore Ongo ne bhehe.

\v 14 E bhafarisayo abhesenga bhashim'ebhehe bhorukira hotu e bhiti mbyo, na nti bamuseange.
\v 15 Yesu werebho: bhanu musondange ishea eira mo makako a Ongo, ina Ongo usi e mitima y'inu. Bhushwa echasimanikwa kuri e beya, mikonsi kuri Ongo.

\v 16 E myomba n'e bhatahwa yabhese iya mo kiranga cha Yohana, itukire kare, e bhubhake bwa Ongo bhuturwange, na kinsi mwea ukiange maa mw'ekime mubho.
\v 17 Rasanguha nguru e mbingu n'e chuo iyeta irenga kinwa kima chamu myomba erekiya chatuka.

\v 18 Kinsi mwea wahensa mukari n'ebhinga umpe nti waronja osingirwa, nangu wabhinga momina wakuhensiwa na moke ntw'aronja osingirwa.

\v 19 Kwabhesenga wabhume musoki nti wambara nchangi isanange, na kinsi otu nt'umoange na wa bhuingo bwakonda.
\v 20 Musene uma wabhikirwa mbu Lazaro, abesenga wekindenga hamuyango, urisere bhihuru,
\v 21 Nt'usondange isikuta mo bhihukange ituka mo bhutanda bw'emusoki; n'esambibhi nti seyange kakomba tu e bhihuru byae.

\v 22 E musene wakwa, wariarwa n'esangashani mo bhukubha bwa Ibrahimu. E musoki na e wakwa hotu n'itawa.
\v 23 Munkati n'erirunga, wakukum'emeso, warikiya uri mo minubo wasungirekore Ibrahimu na Lazaro mo bhukuba bwae.

\v 24 Wakua: Tita Ibrahimu, ni kwiri bhonso na ndebeke Lazaro wariye e murimba wa e munkati e mecha wahoreye e rwami; bhushwa nanuba nguru mo kasha kano.

\v 25 Abrahamu wasako: e mwana 'ni anikira abhesenga Ongo kwengi bhehe byabhe nty'ongo kiriho na Lazaro nt'uri mu minubho mo matu ae run'otu uri hano wabhongwabhongwa n'ongo nubange.
\v 26 Nampo, harikire bhanu n'inu kanyenka kakiri, kongo e bhasondang'ieta ituka kuri bhate bhatamukocha.

\v 27 E musoki webha: nikuhemange tita Ibrahimu shisha Lazaro wendi mo numba ya Tita; bhushwa niri na bhasike bhitu bhasanu.
\v 28 Washishe bho ereira rabhino bhikai, kongo bhatiingiyo nabho tu mo minubho ino.

\v 29 Ibrahimu wasubya: bharikire na Musa n'e bhatahwa, bhorukiri mbo.
\v 30 Webha: inga tita Ibrahaimu, eina kubha uma mo bhakwi wamenda kuribho, bhamubhunduka.
\v 31 Ibrahimu wa mwire; kubha nti bharukire Musa ne bhatahwa bhatasimira nakiro mbu uma mo bhakwi wamufukange.

\c 17
\cl Chunda  17
\p
\v 1 Yesu washisha esantumwa sae, ritamukocheka nti hiya isitara, ina nchumo yema kuringu urishange ro.
\v 2 Ramuhunwange kuriwe nti bhamina ikoi murikoti rae nanti bhamutaa mo nyansa, kuti wasitayanga uma mumbi bhakeke.

\v 3 Mukaenga shu bhanu bhesine kubha munakitu wamakia bhubhi, mukuruche, na kubha wasie bhubhi musasire.
\v 4 Na kubha wakukore bhubhi ngendo sirinda na weya kahema musasiro ngendo sirinda uhwi musasira.

\v 5 Esantumwa sashisha Mukota: tuninke ngendero yesimira.
\v 6 Na Mukota webha: kubha mumubhesengi n'isimira bhuri chuma cha haradari mumwebhange na muti kuka enda kianda mo nyansa, Wamubhurisiange.

\v 7 Inye mu bhanu, uri na mufuku uhingange ishwa ari urishange bhituana, wamumwerengi e ntambi yerituka e kwishwa iya tete enda karisa?
\v 8 Utumumw'ire bhumpe, esumye undonjei bhiyo bya mw'iyorioro, kuruma 'mpo w'eteki n'iomo nti namakind'erisa?

\v 9 Ongori ne simira kuri e mufuku ngu bhushi wakiyayo e byashishiwangae?
\v 10 Na ongo e ntambi yakia ongo e bhiti byashishiwanga ongo, ebha: bhate bhakori bhusa twamaronja e byamukorange bhate.

\v 11 Yesu wenda ku Yerusalemu weta munkati ku Samaria na ku Gariraya.
\v 12 Wakiya ukimengi mor'obungu, bhabhembi ikumi bhiya kuriwe, bharika kwahehe bhakua bhebha:
\v 13 Yesu muhani tusasire!

\v 14 Wakiya wamasunga bho washishabho: mwendi mwishee kuri e bhashe bhakungu. Bhakiya bhendange, rasungwa nti bhamarama.
\v 15 Uma mubho, wasunga ntwamarama, wakuruka kuruma katata Ongo.
\v 16 Wanda e maru mo makako a Yesu, nae wamusasira. abhesanga musamaria uma.

\v 17 Yesu webha: erekumi nti bhakurama? ne bhampe mwenda bhari kuni?
\v 18 Wamabhesa ho e mweri uno mo r'iya katata Ongo?
\v 19 Wamushisha: simana enda er'isimira rabe ramakuramya.

\v 20 E bhafarisayo bhashisha Yesu, runi otu rusiyayo e bhubhake bwa Ongo, wasubiebo: e bhubhake bwa Ongo bhutangiya mwikae ho.
\v 21 Bhate bhiyo mbu uri hano, uri hiha e bhubhake bwa Ongo bhuri kumunda n'inu.

\v 22 Webha ne santumwa: matu asiyayo mukusondayo esunga ematu emwana we mwea mtusungiyoo.
\v 23 Bhasekw'ire yo uri hano uri hiha, ang'ienda ko, kiro kanyire ko.
\v 24 Bhushe bhuri e kimpenya chetanga nakisanange kwendende na kokwiyo nangi bhusebhayo e Mwana we mwea otu rw'eyi we.

\v 25 Ina rihunange kasa ntwanuba riingi nanti watinwa n'e r'obhuto runo.
\v 26 Ebyebhesanga mo kiranga cha Noa bhiseyayo tu mo kiranga ch'e mwan'e mweya.
\v 27 E bhea bhabhesanga nti bharisange hima niomo, nti bhabhingange nibhingisha e bhana bhabho iya mo r'otu rwakimenga Noa mo bwato, e mbura yiya, yashiria e bhiti.

\v 28 E byeyanga mo kiranga cha Roti bhiseyayo tu. e bhea bhabhesenga bhomongi n'irisa, nti bhachurange n'ichuya nti bhekange hima n'eimba.
\v 29 Ina e rotu Ruti watukanga ku Sodoma, mbura ya kasha yake etuka ko kwiyo yashiria e bhiti.

\v 30 Ngebhusebayo tubyo e r'otu ruseyayo e mwan' emweya.
\v 31 erotundo kinsingu uri mu mambio na uri na bhikai mo mwae, kiro wahita mw' eringa byo, nangu usebhesayo uri e kwishwa kiro wakuruka kuruma.

\v 32 Mwanikire mukari wa Ruti.
\v 33 Ingu wasondayo iramya e bhuingo bwae wariminyayobo, nangu wariminya bo washeeyo bho.

\v 34 Nabhushisha mor'otu ruro bhea bhabhi bhasebhesayo ntange nima uma waringwayo nompe nti wasiya,
\v 35 Bhomina bhabhi bhasebhesayo nti bhoorange bhuhi, uma waatingirwayo nompe ntwasiya.
\v 36 Bhabhume bhabhi bhasebhesayo bhari kwishwa uma watingirwayo nompe nti wasiya. E santumwa samwire: kuni kusebhesayo e mubhake na wasubhiebho: kuni kusebhesayo e mubhingo, esebhesayo hima.

\v 37 Wamushisha, urikuni, Ongo? nae wasako: e kusebhesayo e kinda ngi kusekumananeyo bhana 'nju.

\c 18
\cl Chunda 18
\p
\v 1 Yesu wakerebho mwami uma, murishea mbu bhahwi hema, na ang' ireke.
\v 2 Webha: kwabhesenga kuri mukeri wa mansa mu bhungu ruma nti ti wasubhaya Ongo na nti nt'waraa mu mwea.

\v 3 Na mundo ubhungu nti kuri na mushumbakari uma wiya kamushisha: nikeri e rubhansa ani n'emushumba wani.
\v 4 Wabhesenga nti utinange, weshisha nakiro nti nasubhaha Ongo na nti naraa mu mwea.
\v 5 Ina bhushe e mushumbakari utiyanga mo ntabhi, na mukere e rubhansa, kongo kiro wiyayo tu kanikiere bhurunga.

\v 6 Mukota webhatu: e rukira e byebhange e mukiri we sa mansa.
\v 7 Na Ongo utakeriyo obhansa mumbi bharirondorawe, e bhamukongange mu mwishi na mutu.
\v 8 Nabwire, wakere yo bho ubhansa ina mo ntambi emwana wa mwea usiyayo, wakumanayo isimira mu chuo?

\v 9 Webhatu e mushumo, kongo bhea bhima bhasimira mbu bhabhesenga bheira, na nti ntibhakiya bhikai bhima mu bhampe.
\v 10 Bhea bhabhi bhataya mwirameso kahema: uma nti mufarisayo nompe mukongori wa horo.

\v 11 E mufarisayo wahema bhuno wesine, ongo Ongo nikutatange bhushi ani nti niri bhuri e bhampe bhea bhanyai, nti bhasimira, bhasingirani na bhuri ngu e mukongori we horo.
\v 12 Ni konganga r'eritina erisa ngendo sibi mo r'eingo, nininkananga enima yerikumi mo bhikwengi ani.

\v 13 E mukongori we horo ntwarika kumushi anga nikae kokwiyo ina nti urakasaange, mwiebha: Ongo nisasire ani mubhi.
\v 14 Nibwirengi ingu watuka ko kwae ntwamasasirwa nti uri bhuri eumpe, bhushe ingu wesimanya waahichiwayo, nangu wehicha waatarishiwayo.

\v 15 Bhamurishie e bhana bhakeke, kongo wakasanyie bho. ina e santumwa murisunga bhubho, nti bhahangisange imbi bharushangebho.
\v 16 Na Yesu wabhikira bho webha: mureki e bhana bhakeke-bhakeke, kiro muhangise bho bhushe e bwami bwa kokwiyo bwambi e bhasusa bho.
\v 17 Na bhushisha mureira ingu watinge e bwami bwa kokwiyo nti bhurimbi e bhana bhakeke utakimiyoko.

\v 18 Mukakare uma washisha Yesu webha: e muhani wakonda, bhuni bhukie ani murininkwa e bhuingo bwe matuati.
\v 19 Yesu wamusubhie: bhushwa nki unibhikira mbu nakonda, kuri wakonda uma ngi Ongo. Ongo'si e myomba?
\v 20 Angisingirana, angi shura, angi shuma, ang'iebha myasi ya bhushukishuki, tunda so na nsoka.
\v 21 Wasako: e bhinwa bhiti 'mbi n'emisa byo etukire mo bhusike bw'ani.

\v 22 Yesu wakiya wamerukira bhumbo, wamushisha: urukirwa na kinwa kima, chuya bhiti bhiri nabhe banyiebyo ebasene, ukubhesayo na bhusoki mo mbingu, iya kwe, unimise.
\v 23 Warekiya wamerukira e bhinwambi wabhesa na bhonso bwingi: Bhushe wabhesenga musoki.

\v 24 Yesu wamusunga nt' uri na bhonso, webha: rasuma mo bhari n'e bhutumba murekime mo bhubhake bwa Ongo.
\v 25 Bhushi ratamba mo mpunda murekime mo kiribu ch' enandi kuri e mutumba mor' ekime mo bhubhake bwa Ongo.

\v 26 Nambi bhabhesanga bhamorukirengi bhebha: Inye ngwa mukochi oshukara?
\v 27 Yesu wasubya: E kitamukocheka mo bhea, chamukochekana kuri Ongo.

\v 28 Petero webha: Kae twamasiya e bhiti twamakwemisa.
\v 29 Na Yesu wasako bho: moreira nabwire cho, kusira mwea ingu, wakusia numba, mumina, nti munachabho, bhabhuti na bhana bhusha na bhubhake bwa Ongo.
\v 30 Washee byarenga ngendo ningi, mokiranga kino, na mo chuo kisiya yo karamo ka matu ati,

\v 31 Yesu watinge ere kumi ne bhabhi, werebho: mukai, twataya mwienda ku Yerusaremu ne bhiti byatiranyiwanga ne bhatahwa kuri e Mwan' e mwea bhisebhererera.
\v 32 Bhushe waariarwa mu mine y'ambi nti bhasimira; washatishwa na bhasemukiere bhinwa byema n' imuture inte,
\v 33 Na bhasekia bhamamuhumba mpimbo, nimushura: ne rotu rwa ashatu waafuka.

\v 34 Eina bhatorukiri kikai mumbyo; abhesenga kuri bho nti mwebe wabhiswa, bhinwa mbi nti byorukiranga bho kuti bhisondang' iebha nki.

\v 35 Yesu warekiya uri kwihi na ku Yeriko, kihumihumi kima nti charika kumushi n' ense na kihemange.
\v 36 Wakia werukira enkumanano yetange, washisha mbe ntinki.
\v 37 Bhamwire: Yesu waku Nasareti ng' wetange.

\v 38 Wakua; Musike wa Ndauti n' orukiri bhonso!
\v 39 Imbi bhabhesenga bhasondora bhamukemeae wabhebhere; eina iwe wenderana ni kua: musike wa Ndauti n' orukiri bhonso.

\v 40 Yesu wamasimana, mbu bhamurishii we, wakiya wamiya kwihi nae,
\v 41 Wamushisha: ongo sondange nikukiere nki? wasubya: e Mukota, nani nikai.

\v 42 Yesu wamwere: kae, erisimmira rabe ramakuramya.
\v 43 Montambi ya wakae, na wemisa yesu, n'itata Ongo: e bhea bhati bhakia bhamasungambyo bhatata Ongo.

\c 19
\cl Chunda  19
\p
\v 1 Yesu wakime n'ikundukanya ku Yeriko.
\v 2 Mor'ekime, we, nti muri mw'eya uma erina rae ngi Sakayo, mukongori wa horo, nae nti mutumba.

\v 3 Wasonda isungana na Yesu, mw'isibhirira kuti iwe ngiinye, eina nti ware sungana'ne bwishwa e bwingi w'enteko na nti mwihi nguru.
\v 4 Watangira isondora n'itaya hambasiro e muti eh'etere Yesu.

\v 5 Yesu, nae, warekiya w'eya ha, wararame e kwiyo, n'umusungange wamwire: Sakayo, hita tete, bhushwa mbu n'sondange ikime mu mwabhe run'otu.
\v 6 Waresika, n'ikoke Yesu na ngoa.
\v 7 E santumwa sae sarekia sasunga mbo sakwa mono n'ihuhuma, bhebha: wakime munji numba y'e mukongobanya.

\v 8 Sakayo wasimana, n'iere Yesu, nakuto muhango mo mwandu wani mw'ininka e bhasene, na namabha nanyaanga kikai kuri mweya uti mu imusinga bhinwa bya bhushukishuki, namukuruchie byo mbiso sinye.
\v 9 Yesu wamwere: run'otu e karamo k'eya mu ino numba, bwishwa mbu nae mwana wa Ibrahamu.
\v 10 Bhushwa mbu e mwana w'ebheya w'iyanga kasonda n'iramya ingu wabhesanga wamarimina.

\v 11 Bharekiya bhari m'onteko mwiyorikira mbi byebhange Yesu, w'ere bho mwani; nti iye bharikiya ku Yerusaremu; nabho nti iye bhanikirange mbu e bhubhake wa Ongo bw'e ndange kasimana.
\v 12 Nampo n'iwebhange: mweya uma watundwa w'endanga kore, mw'ienda, kasimikwa n'ikuruka.

\v 13 Warekia wakuruka, wabhikira e santumwa sae bhanache ikumi, n'ininka bo bhutea ikumi n'ierebho: mwendi kanonka, iya mor'otu ndo rwakurukayo ani.
\v 14 Eina bhanache bhamusubhuke, n'ihema ntumwa bhamubungura, n'iebha 'ne: nti twana 'ngu mweya watusimaniri.
\v 15 Warekiya wakuruka, na nti wamasimikwa, warisha myomba y'eb ikira e santumwa sae esasiyerengae e bhehe, mw'isond'isibha bhuni ngi warikora kinsi mweya nambo bhutea e bwasiererwanga we.

\v 16 Ingu waroso w'eya n'iebha: imbu bhutea ikumi wansiyerenga ongo, hamaongerere b umpe ikumi.
\v 17 W'ebha: chongo ncho ongo ntumwa yakonda; bhushwa mbu ntubha mwibhi munchi kinwa k'ikeke nguru, nakuninka mbungu ikumi usimaniri to.

\v 18 N'angu w'emetabhi w'eya, n; iebha: e Nyerekuritu: m'umbu bhutea bwansiyerenga ongo h'ongerere bhumpe bhutea bhusanu.
\v 19 Wamwere: na ongo, usimanire mbungu isanu.

\v 20 N'ompe w'eya; n'ieba: e Nyerekuritu; ebhutea bwansiyerenga ongo nge bhuno narekundika bho.
\v 21 Bhushwa narekusubhaha imbu e wasua ongo mw'ikweriyere nchi enti chabhe, n'isonda inoa mirime mwishwa ndi nti erekanga ongo.

\v 22 Ingu mubhake wamwere: imbi ebyatuka m'obhunu bwabhe ngi byasingwa uminwa ongo ntumwa y'ema. Umasibhange mbw'ani nasuwa, n'eriyerenga enti byani, n'inoa mbi enti byekang'ani.
\v 23 Ufundi ikurucha e bhutea kuri mbi e bharanganga bho ntakumana bho mor'ikuruk'ani? nti ham'ongerere bhumpe.

\v 24 Were mbi e bhabhesanga e bhari kwihi nae: mu mubhake imbo bhutea, muninke bho ingu we r'ikumi.
\v 25 Bhamwere: e Mukota, uri na bhutea ikumi.

\v 26 Ani n'ibwerengi: ingu mweya uti uri na kikai, ngw'aninkwa; eina ngu usira nki nanki karine wabhakwi ko.
\v 27 Eina mbi bharenda bhani e bhantina mbu nti ani ngi na musimanire bho, hano hariani, mukonore bho mo makako ani.

\v 28 Warekiya wamakindi iyebha mbyo bhinwa munkati n'enteko, Yesu wasimana nt'uri habhasirwa e mbunda mw'isonda iyenda ku Yerusaremu.

\v 29 Warekiya warirana iya ku Bhetefage na ku Bhetania kwihi n'ando ou rubhikirwange mbu rwa Seituni, watuma ntumwa sae sibi;
\v 30 n'iere bho mbu: mwendi m'undo ubhungu rw'ekubhusondori; mukiya mukime, mukusunga chana cha mbunda chaminwa hakisibho, kitanga kambenga mo mweya mwobhoranga cho nindushie cho.
\v 31 Nangu usebwere mbu inye ngw'abhutuma mw'ioboranjo mpunda musubyanga bhuno: Nyerekuritu wamuraamo.

\v 32 Imbi bhatumwanga bharekia bhenda bhasunga mbi bhinwa e bhiti byakushishiwanga bho.
\v 33 Na bharekiya bhobhora e chana ch'empunda, bhisa cho bhashisha: inki ch'asingwa m'obhora ncho chana ch'empunda.
\v 34 N'ibhasubyange mbu: Nyerekuritu ngw'amuraaa mo.
\v 35 Bharisha cho kuri Yesu n'isansa e sanchangi sabho habhasirwa n'itarisha Yesu habhasirwa.
\v 36 Wakiya w'endange, bhasansa simpe nchangi m'onse.

\v 37 Werekiya iye uri kw'ihi na ku Yerusaremu m'orihita e r'ou rwe Miseituni, ekimpumi kiti ch'esantumwa sae bhabhucha ikokoma n'itata Ongo mu murenge mukiri bhushwa bhishisharo byamesungire bho.
\v 38 N'iebha: wakasanirw'e mubhake, ng'wiya mo rina ra Mukota. Bhuhoro mo mbingu na bhusime mo bhuari bw' ekwiyo nguru!

\v 39 Na bhampe mu bhafarisayo munkati enteko bhamwere e santumwa sabhe sikobhe.
\v 40 Wasubhiya: w'ire bho: n'ibw'irengi bhanu: na kiro mbi bhamukobha, emakoi nti aseebha.

\v 41 Warekia iye uri kwihi, wasunga e robhungu n'ibucha irire ro.
\v 42 W'ebha: ramubhesange ongosi er'otu runo, imbyo bhinwa byamusingwa ubha na bhuhoro, eina byamabhiswa mo meso abhe.

\v 43 Bhushe mbu e matu ngi ari ku bhusondori, e bharenda bh'abhe bhasimba kisansire, n'ikutimba bhakwekenya ekuti.
\v 44 Bhakusiro e kwansi n'ikusonya hima n'ebhana bhabhe kumunda, bhatakusieri yo anga n'ikoi kumunda erisesia hambasiro na rimpe ntirakurwa; bhushwa ntu sibanga nji ntambi y'eyanga Ongo ku kwab e.

\v 45 Wakia wakime mw'irameso, wabhucha ihensa mbi e bhanonki ebhabh'esanga bhari kumunda.
\v 46 Were bho: chatiranyiwa, e numba yani y'ihema, eina bhanu mubhindura yo numba ya bhanyai.

\v 47 Itukirer'otu ndo, w'endi ukimengi mw'irameso kahana ebheya. Eina bhashe bhakungu n'ebhandiki,, n'ebakakare b'esanganda, bhasond'imuya.
\v 48 Bharuka nchi echamukora bho, bhushwa e bheya bhati bhabhesanga nti bhamatumana mw'imorukire.

\c 20
\cl Chunda 20
\p
\v 1 Otu'ma wakiya uhanange e bheya mwirameso n'itura 'ngu mwasi wakonda, bhashe bhakungu n'e bhandiki, hima n'e bhakungu, bhamwehie.
\v 2 Bh'ebha: utushishanga, ani maa ng'asingwa ukorambi? n'anye ngwa kuninka ngo maa?

\v 3 Wakia wasubya, w; erebho: nani nta bhushisha kinwa kima; munchishanga.
\v 4 endubhiko ya Yohana, y'atukanga e kwiyo ari kuri e bheya?

\v 5 Bhahakanyana bhesine m'otuhwehwe: twamasubya mbu e murubhuko watukanga e kwiyo, iwe nti watuhakanya mbu nki nti mu musimira?
\v 6 Eina twamebha, mbu endubhiko yatuka m'obheya; e bheya bhati bhaturekeraa makoi bhasimira mbu Yohana wabhesanga nti mutahwa.

\v 7 Bhasubya mbu nti bhasi e kwakutuka yo.
\v 8 Yesu nae n'iwerengi bho: nani nta bweri e kwatukae maa eakorangena 'ni mumbi bhinwa.

\v 9 Wabhuch'iere e bheya uno mwani: mweya uma w'eka ishwa ra misabhibhu, wasombyayo e bhahingi nae n'iweirengi kimpe chuo, wamanako matu mingi.
\v 10 E mirime y'akiya y'ase, watuma ntumwa kuri imbo bhahingi, mw'isonda bhamuninke mw'injo mirime; eina e bhahingi bhahumba njo ntumwa, n'imurikitanya; anga nanki.

\v 11 N'utumange umpe, nae wasahurwa n'imukambaa, n'imurikitanya, anga nanki.
\v 12 Watuma w'emeta ashatu, bhamu bhabhaya, n'imurekera ekubutara.

\v 13 Sh'emine ngo mashwa w'ebha; bhuningi bwakia ani? Nitume emwan'ani, shimwa wani, kuti bhamumuninka utunda.
\v 14 Eina e bhahingi bharekia bhamusunga bhashishana n'iebha: ingu ngi mine e mwandu, tumuye kongo twasiya n'e mwandu.

\v 15 Bhamurekera kore n'erishwa, n'imuya. Minengo ngo mashwa, wakiyabho bhuni?
\v 16 Wakia w'iya n'ikonora mbi bhahingi, n'ando ishwa ntwaninkaro bhampe. Bhakia bh'orukira mbyo bhinwa b'ebha: tut'amana mbyo bhinwa, kusira.

\v 17 Wasindera bho, n'iebha: imbi bhinwa by'ebha bhuni? Er'ikoi rarahurwanga n'ebhimbi nge rira raba ikoi ikiri r'enkuso.
\v 18 Kinsi mweya ngu wasitara m'undi ikoi wanechaa, n'angu mweya warisirwa n'aro, ramubhungura.

\v 19 Bhashe bhakungu ne bhandiki bhasond' imutinge munjo ntambi; bhasubhaha e bheya bhushwa bhasibha mbu werenga bho ingo mushumo.
\v 20 Bhamusisirisa, n'imusonde bheya bh'imutea bhinwa mw'isonda i mwekenya kongo waminwa n'ebhakakare.

\v 21 Bhamwere: e Nyerekuritu, tusi mbu imbi bhinwa eby'ebhange ongo mw'ituhana, byeira, bhushwa mbu ongo webhange byo anga bhobha, eina mor'eira ongo hanange inji nse ya Ongo.
\v 22 Mbe rakonda bhate ininka Kaisari e muturo wae ari anga?

\v 23 Eina wasibhirira e bhukongobhanya bwabho, w'ere bho: bhushwa nki bhanu munchoshange?
\v 24 Nchee e bhutea. nsusanya yanye nji na mituro yanye? Bhamusubhie mbuya Kaisari.

\v 25 W'ere bho: muninke Kaisari e bhikayi bya Kaisari, na Ongo e bhikayi bya Ongo.
\v 26 Eina bharuka binwa imbi bya mumwekenya m'obo, bhashishara mo musubyo wae n'ikobha.

\v 27 Kuruma naha, bhampe Bhasadukayo imbi e bhebhange mbu kusira ifuka, bhamwehiye. N'imwere:
\v 28 E Nyerekuritu, Musa waritutiranyie mbu ingu wakwirirwa na munachabo, na wamasiya mushumbakari ingu ntw'abhuta motwae watingi ngo momina, waninke mukwae ubhuto.

\v 29 Kwabhesanga myoshukira irinda irinda, e waroso wabhinga, wakwa nti ti wasiya anga na mwana.
\v 30 W'emet'abhi nae wabhinga ingo mushumbakari, wakwa anga bhana,
\v 31 W'ebhashatu wamubhinga, iya na mungu w'e bharinda anga na bhana.
\v 32 N'emomina nae wakwa.
\v 33 Bhakiyayo bhafuka inye mubo ngw'abhi mine ngo momina? Bhushwa mbu e bhati bhabhesanga nti bhama mubhinga.

\v 34 Yesu werebho: e bheya bh'ematu ano bhabhingange n'ibhingwa.
\v 35 Eina imbi bhasekomenwayo ibha na muhango mo bhubhake e bwiyange n'ifuka bhatanga bhingana tu.
\v 36 Bhatakwiyo tu, bhushwa bhasusanayo na ngashani, na bhabhesayo nti bhana bha Ongo, imbi bh'erifuka.

\v 37 Musa nae washeanga 'mbyo bhinwa, e muti wakiya usakange, w'ebha mbu e bhakwire bhafukayo, wakiyanga washa e mubhake mbu ngi Ongo wa Ibrahamu, Ongo wa Isake, na Ongo wa Yakobo.
\v 38 Bhushwa Ongo nti w'ambi e bhakwire eina w'ambi e bhashere, bhushe mbu ebhati bhari k'okwe.

\v 39 Bhampe bhandiki bhasubya: e Nyerekuritu umebah ishu.
\v 40 Kuruma nambi bhinwa, nti habhanga tu wamushishirishanga kinwa kiti.

\v 41 Yesu w'erebho: bhushe nki e bheya bh'ebhange mbu Kirisito mwana wa Daudi?
\v 42 Daudi w'ebha mo mitiro ya Ongo were Nyerekuritu: rika m'omombo wani w'ekwabhume.
\v 43 Iya ndo erotu rw'akiyayo naronja e bharenda bhabhesi nti nge bhinantiro byabhe.
\v 44 Daudi wamwashanga, Nyerekuritu; bhuni ngw'amubhesa tu we mwana we?

\v 45 E bea e bhati bh'orukira, imbubwerengie e santumwa sae.
\v 46 Mukohyanga bhanu bhandiki: imbi e washima bhanu itamba mwiishea esanganju sinu nsi esareha-reha, n'ikokome ikeiwa mo santeko, n'isungwa e kubhusondori mo marango, nampi ehari nkumanano ya mirire;
\v 47 Bhanonkengi mo manumba e bhashumbakari; munji mpuse y'ihema nguru ramanko. Imbo bhasifunga mbu bhashushurwayo' ndi rarengi.

\c 21
\cl Chunda  21
\p
\v 1 Yesu wasimany' emeso, wasung' e bhatumba bhariyang'e bhisabho byabho monku y'erohembo.
\v 2 Wasunga musen'uma mushumbakari, waria morumea sibhi.
\v 3 Webha: n' ibwirengi cho mor' eira, e mushumbakari musene ngu wamaria bhingi ireng'e bhampe bhati.
\v 4 Bhushwa etukana n' er' eruya ng' wamarish'e bhati mbo e bhisabho monku y'er'ohembo, eina iwe wamariya e bhiti bhikwengi rero we mor' ibhesa 'weho.

\v 5 Bhea bhima bhabhesanga nti bhebhange bhushwa n'e makoi akonda konda n'e bhikai byarishiwa mor' irameso mw' itonda er' irameso, Yesu webha:
\v 6 E matu asiyayo, mo bhisungange bhanu, hatasiiyo ikoi habhasirw' ikoi nti rakakurwa.

\v 7 Bhamushisha: E mukakare, inye ntambi ng' iseyayo mumbyo na mu kani kengeko ngi kasesibhireyo mobho eriya r'e bhikai mbyo.
\v 8 Yesu wasubya: Mukohyanga, mutusheereshiwingi. Bhushwa bhiingi bhaseyayo morina rani, n'iyebha: Ngy' ani, n' e kashangi kari kwihi. Anga mw' emisa bho.
\v 9 Mukukiyayo mw'erukira bhebhang'e bhita n' e sambangu anga mubhesa na bhobha, bhushwa r' isondekanyange imbyo byeye raroso. Eina ritabhesio neki ng'e hende.

\v 10 W' ere bho: Chuo kisekwanayo na kimpe chuo, na bhubhake na bubake;
\v 11 Kusebhesayo turingiri tukiri, na, mu mataka m' ingi, makoni na rwaka; kwabhesayo bhishisharo na twengeko tukiri mo mbingu.

\v 12 Eina bhusondori e bhiti mbyo, bhabhutingeyo na bhase bhunubyayo; bhasebhuronjie yo obhansa mo marango, n' e bhumina, mukuriarwayo bhusondori bwa bhabhake na bhusondori bwa bhakakare bhushwa n' er' ina rani.
\v 13 Imbyo bhise bwehieyo kongo mw'ebha bhushw'ani.

\v 14 Mubhesanga mo mutima kiro m' weshisha inki ngi kisesako bhanu;
\v 15 Bhushwa nise bhuninkayo bhinwa na bhutesa n' e bharenda bhinu bhatakochiyo ihangana nabyo.

\v 16 Mukusibhurwayo na kubha n'e bhabhuti bhinu, na bhanakinu, n'e bhari kwihi n'inu, na bhira bhinu, na bhaseshurayo bhingi mubhanu.
\v 17 Mukubhawayo n'e bhati, bhushwa n'erina rani.
\v 18 Eina anga na ruma rw'e bhuteo bwinu ruseriminayo.
\v 19 Mor' ikwesumya rinu mukw' oshukayayo e mitima y'inu.

\v 20 Mukukiayo musunga ku Yerusaremu kw' amatimbwa na bhakwani, musibhanga mbu erikakurwa rae ririkire kwihi.
\v 21 Nampo, imbi bhasebhesayo bhari ku Yudea bhabheke mos'angu, imbi bhasebhesayo bhari munkati na ku Yerusaremu bhatuke, n'ambi bhasebhesayo bhari mo mashwa kiro bhakime mor'obhungu.
\v 22 Bhushwa asebhesayo matu a kw' ikwane, mor'ibhererera r'e bhiti byaretiranyiwa.

\v 23 Bhonso mo bhomina bhasebhesayo nti bhakure n'ambi bharishang'e bhana mabhere mo matu ngo! Bhushwa kusebhesayo bhonso bhukiri mo Chuo mo bhusubhuke kuri bhanu.
\v 24 Bhasekerwayo mu mwere, bhasetingirwayo n'er'ierwa mo byuo, na Yerusaremu usenyenshawayo n'e sanganda, iya mw' oero ekashangi k'e sanganda kabhererere.

\v 25 Kusebhesayo twengeko mo mwishi, mo mweri, na mo sankekeni. Na mo Chuo mw' a bhesayo mushiki mosanganda, bhatasibiyo cher'ironja, etukana n'echanga ch'enyansa n' e mibhimbi.
\v 26 E bhea baseninkeyo mo mushiki mor'esunga e cheyange mo chuo; Bhushwa e bhunkangwe bw'e mbingu bhusetengayo.

\v 27 Nampo e Mwan' emwea wasungwayo weya mw'otundo na bhunkangwe n' itatwa rikiri.
\v 28 E bhikai mbyo bhisekiayo bya bhuch'iya musimane n'esimany'e muntwe, bhushwa nty'eriruhuka rinur'eya.

\v 29 Na w'ere bho mushumo uma: bhanu musungange e musabhibhu n'e impe miti.
\v 30 Etukire ya matito e masani, nti musibha mbu e kiranga ch'e mwishi iye kiri kwihi.
\v 31 Nge bhumbo, mukukiya mumasunga 'mbyo by'eya, musibhanga mbu e bhubhake bwa Ongo bhuri kwihi.

\v 32 N'ibwirengi cho mor'eira, e kiranga ncho kitetiyo, e bhiti mbyo nti by'eta.
\v 33 E mbingu n' e chuo bhisetayo, eina e bhinwa by'ani bhitetiyo anga na kakeke.

\v 34 Mukohyanga kuri bhanu bhesine, mw' esubhaha e mitima y'inu kiro yamoe er'erisa n' er'iyomo, na mo mushiki w'e bhuingo, er'otundo ruteingi bhuri nsisu.
\v 35 Bhushwa rusiyayo bhuri bhukira mo bharikire mo chuo 'kiti.

\v 36 Mukohyanga, n'ihema kinsi ntambi, kongo mubhesa na maa e hima e bhiti mbi bhiseyayo, n'esungwa musimana hamakako n' e mwana w'e mwea.

\v 37 Mo ntambi s'e mumwishi, Yesu wabhesang'uhanange mor'irameso, nienda k'ekinde mor'ou r'ubhikirwange mbu rw' e miseituni.
\v 38 N'e bhea bhati, etukire mukomakoma, nti bhenda e kuri we mor'irameso kamorukirire.

\c 22
\cl Chunda  22
\p
\v 1 Er'otu 'kuri rwe tumbosa tusira ntero, rwabhikirwa pasaka ntirikiya.
\v 2 E bhashe bhakungu bhakakare ne bhandiki bhasonda inse yishura Yesu, bhushwa bhabhesenga bhasubhahang'e bhea.

\v 3 Nakuba, mushumbu ntwa makime kuri Yuda, e wabhikirwa Isikariote, wabhesenga uma mo mwanso we kumi na bhabhi.
\v 4 Yuda wenda korukirane ne bhashe bhakungu bhakakare ne mwami we bharangi mu bhususe bwe rimuninkana.

\v 5 Bhabhunduke na ngoa, na bharisiana e bhusemuninka bho e bhehe.
\v 6 Warekiya wa marisiya, wasonda ntambi yakonda yereninka bho Yesu munkati ne nteko.

\v 7 E rotu rwe tumbosa e tusira e ntero, nti bhasondange ishura mburi ya Pasaka rwiya.
\v 8 Yesu watuma Petero na Yakobo, webha mbu: mwendi katutunganyie e Pasaka, kongo twarisayo.
\v 9 Bhamwire: kuni kusondange ongo mbu twendi katunganyanya yo?

\v 10 Wasako bho: mukai, e ntambi mukukiya mukime mo r'obhungu mukukumanana na wabhume uma ntwa riya ireya ra mecha, mumwemisanga mo numba e musekimewe.
\v 11 Na nti mwere mine numba: Nyerekuritu wa kw'ire: kuni ngi kuri bhuari e kwamurire bhate e Pasaka ne bhemisa bhani?

\v 12 Na wabhushea numba nkiri ya ko kwiyo, iri na bhutanda himpo nge hasetunganyie bhanu e Pasaka.
\v 13 Bhenda, bhakumana e bhinwa bhitimbyo e byerirwanga bho, bhatunganya e Pasaka.

\v 14 E ntambi yarekiya yameya, bharika mo bhutanda, e santumwa sae nae.
\v 15 Were bho: nashima nguru irisa e Pasaka ninu kubhusondori ninubhe.
\v 16 Bhushwa, narebhushisha, nta risiyo tu byo, iya mo r'otu 'ndo rwaabhesayo ani n'inu mu bhubhake bwa Ongo.

\v 17 Watinge er'osara wakasanyie ro, webha; mutingi e rusara runo, na mubhanyane ro bhanu mu bhanu;
\v 18 Bhushwa, narebhushisha, ntomuyo tu mu byuma bye muti uno, iya ne rotu ndo rwiyayo e bhubhake bwa Ongo.

\v 19 Watinge kambosa, na warekiya wamakasanyie ko, wanoa-noa ko, waninka bho, niyebha: uno nge mubhi wani, e wasibhurwanga bhushwa bhanu, mukiyanga buno murinianikira.
\v 20 Watinge tu e rosara, warekiya wamakasanyie, waninka bho, ni yebha: e rosara runo ngi ndani nchasha ye nchama yani, ngi yasekubhuka bhushwa bhanu.

\v 21 Eo mukai, e rikasa rangue e usenisibhura riri hima nani mu bhutanda bhuno.
\v 22 E mwana we mwea, usenda itukana ne bwatiranyiwanga cho, ina bhonso mo mwea ngu e wakoka ro.
\v 23 Na bhabhucha ishishana, inye mu bhate ng' wakora kino.

\v 24 Hasaa munkati nabho kashootano, inye mu bhate wamubha e mukakare?
\v 25 Yesu wirebho: e bhabhake bh'e byuo bhasibyo, n'e bhabhusimanire bhabhikirwange mbu bhari n'isasi.

\v 26 Kiro byabhunduke mbo kuri bhanu, ina e mukakare munkati ninu, wabhunduki bhuri nge mukeke ne wasima wabhunduki bhuri mukori.
\v 27 Bhushwa inye ng'emukakare, kuringu e ukorange? ntingi hoe uri mo bhutanda? nani, eo niri munkati ninu bhuri mukori.

\v 28 Bhanu, bhanu ngi murikwesumya hima nani mu myereko yani;
\v 29 Ng' yasingwa nira e bhubhake kuri bhanu, bhuri Tita wani e bwaria we bho kuri ani.
\v 30 Kongo murisa n'iyomo mo bhutanda bwani mo bhubhake, na kongo murikayo mo bhitumbi bye bhubhake, mwikera mansa se nganda ikumi na sibhi sa kwisiraeri.

\v 31 E mwami webha; Simoni, Simoni, mushumbu wamabhuhuna, bhushwe wabhufufure bhuri mupunge.
\v 32 Ina namakuheme, kongo erisimira rabhe kiro ratetera, na mongo, ukukiya umabhunduka uku sakeyo bhanakinu.

\v 33 Petero wamwire: e Nyerekuritu, niri hano mwiyenda nabhe ari mu ngoro ar'ikwa.
\v 34 Yesu webha; Petero, nikw'rengi, e nchongore itabhikiri run'otu na neki ntunituna meta ashatu mbu nti ongo unisi.

\v 35 Were tu bho: narekiya nabhutuma nti bhanu musira inku, na musaro, na bhirato, murukanga kikai kitikiti? bhamusako mbu kusira.
\v 36 Na wire bho: e kashangi kano, kinsi e uri na'nku watingi yo, nangu e uri na musaro nae watingi o nangu e usira mukushu wachuye nchangi yae na wachure mukushu.

\v 37 Bhushwa, ni bwerengi, rakomenwa e kinwa echatiranyiwanga kibherereshwe kuri ani: wamarierwa mo mwanso we bhabhi, ne byandaisha iyo bhiri kwihi niya.
\v 38 Bhebha; e Nyerekuritu, sunga mikushu ibhi. na Wire bho: bhurombo.

\v 39 Warekia wamatuka, wenda, itukana ne mwenjo wae murou rwe miseituni, ebemisa bhae bhamutucha.
\v 40 E ntambi wiyanga mpo, wire bho; muheme, kongo kiro mukime mu myereko.

\v 41 Wetunda kore nabho mu bwende bwirekera ikoi, na wanda e maru, wahema,
\v 42 Webha: tita umashima, nkuturi e r'osara runo ina e risasa rani kiro rabhese, ina e rabhe.

\v 43 Nampo ngashani nima yasaa mo mbingu mu imuninka maa.
\v 44 Warekiya uri munsanganda ne reke, wahema ringi ne ntu bhano sae sabhunduka bhuri nchama, ikirengi muroto.

\v 45 Warekia wama kindi ihema, wasimana, wenda kuri e bhemisa bhae, wakumana bho nti bharere.
\v 46 Wire bho: bhushwa nki bhanu murere? musumuke na muheme, kongo kiro mukime mu myereko.

\v 47 Nambu e bwabhesenga bwebhange we tu, kae, e kikembe che bhea chiya, nangu e wa bhesenga webhikirange mbu ngi Yuda, uma mu rekumi ne bhabhi, wenda kubhusondori na cho, wiya kwihi na Yesu mwimukoke.
\v 48 Na Yesu wa mwire: Yuda, mwinikoke bhuno ngi chasingwa usibhura e mwana we mwea!

\v 49 E bhabhesenga na Yesu, bhakae imbi e bhisesaa bhebha; Nyerekuritu, tukasubho ne mikushu?
\v 50 Na uma mubho wakaso e mukori we shebakungu mukiri, wamukera e kote kw'e kwabhume.
\v 51 Ina Yesu, watinge e kinwa, webha: reke, shirempo na warekiya wamatinge e kote kwe mwea ngo, wamuramya.

\v 52 Yesu webha tu kurie bhakakare bhe bhashe bhakungu, e bhakiri bhe bharangi bhe rirameso, ne bhakungu mbi bhiyango kuriwe: bhanu mumiya bhuri bhakwani na myere na nkoma.
\v 53 Nabhesenga niri ninu e matuati mo rirameso, na nti mureniria mo mine. ina kano nge kashangi kinu ke bhunkangwe bwe mwerimya.

\v 54 Bharekiya bhamatinge Yesu, bhamwenja, ni mwisha mo numba ye shebhakungu mukakare. Petero wemisa bho kansoka.
\v 55 Habesanga kasha munkati ne bhutara, na bharika, Petero warika munkati nabho.

\v 56 Mukori uma wa momina, wamusunga nt'warika kwihi n'e kasha, wamusindera nguru, webha; e wabhume uno wakubhesanga hima n'bho.
\v 57 Ina wetuna, webha: e momina, nti nimusi karankusu.
\v 58 H'eta ntambi nkeke, warekiya wamamusunga, webha; ongo uma mubho mo bhea mbo. na Petero w'ebha: wabhume, nti ani.

\v 59 Harekia kuruma na ntambi nima yemeta, umpe wasindiya, webha: eira e wabhume uno wakubhesanga nturi nae, bhushwa iwe mu Gariraya,
\v 60 Petero wasako; wabhume, nti nisi e byebhange ongo, mukashangi nko, nt'ukiri webhange e nchongore yabhikira.

\v 61 Nyerekuritu, wabhunduka, wasindera Petero, na Petero wanikira e bhinwa bhiti byamwerenga Nyerekurwabho, kubhusondori e nchongore ibhikire runotu ukubhunduke ntu nt' umantuna meta ashatu.
\v 62 Warekiya wamatuka mpo, ware nguru.

\v 63 E bhabhume bhabhesenga bhatinge Yesu bhamusea, ni mukama,
\v 64 bhamubhumbe e mbaso, ni mushisha bhuno: shea 'ngu e wamakukama.
\v 65 Bhamwire bhinwa bhingi byo'chechu na nkambao.

\v 66 E ntambi y'e mukoma-koma yarekiya yameya, e rushu rwe bhakungu bhe bhea, e bhakakare bhe bhashe bhakungu ne bhandiki, bhakumanana, bharisha Yesu mu rushu rwabo.
\v 67 Bhebha: kuti ongo ngi Kirisito, tweri bhate, Yesu wasakobho; namabwire, mutumukochi isimira.
\v 68 Na, namabhushisha, mutumukochi isako.

\v 69 Itukirempo e mwana we mwea wenda karika e kwabhume kwe bhunkangwe bwa Ongo.
\v 70 E bhati bhebha; ongo kwe ngi Ongo? na wasako bho: mumebha, angi we.
\v 71 Itukampo bhebha: ntwaasonda tu kariho? twamamwerukire bhate bhesine mo bhunu bwae.

\c 23
\cl Chunda  23
\p
\v 1 E nteko iti bhasimana, bhamurisha kwa Pilato.
\v 2 Bhabhucha imusongere, n'iebha: twamakima uno mweya usondange ibhisha e chuo kitu, utuhangirengi mbu kiro twaninka Kaisari e muturo wae n'iebha mbu wesine ngi Kirisito, e Mubhake.

\v 3 Pilato wamushisha w'ebha; Ongo ng'e mubhake w'e bhayuda? Wasubya w'amwere: umebha cho.
\v 4 Pilato w'ashisha bhashe bhakungu n'enteko: Ani nti nasunga bhubhi bhuti kuringu mweya.
\v 5 E bheya bhenderana n'iebha: usheereshange e bheya, n'ihana bho ekuti kwetangewe mo Bhuyahudi, itukire ku Galilaya iya na hano.

\v 6 Pilato warekia w'orukira imbi bhinwa, wasond'isibha kuti ingu mweya mu Galilaya.
\v 7 Warekia w'asibha mbu ingu mweya wa mo bwami bwa Herode, wamurishie Herode, nti urikire ku Yerusaremu m'ungo matu.

\v 8 Herode warekia wasunga Yesu, washima nguru, bhushwa mbu wabhesanga wamasonda Yesu matu mingi wamusunge, munji myasi yae, n'isunga etwengeko tukorangewe.
\v 9 Wamushishirisha bhinwa bhingi, eina utasubyi anga na kinwa kiti.
\v 10 Bhashe bhakungu, n'e bhandiki bhasimana mw'imusongere n'imusinga bhinwa bya manko.

\v 11 Naha, Herode na bhanache bhashirikani, bhamuonere n'imusea. Na bhabhesa nti bhama mwambicha nchangi yakonda, bhamukurucha tu kwa Pilato.
\v 12 Ind'otu, Pilato bhana Herode bhabhesa bh'ira, na nti bhabhesanga bharenda.

\v 13 Pilato wakumanyanya bha shebhakungu, na bha shemansa, n'e bheya e bhati.
\v 14 Washisha bho: Mumandishie uno mweya mbu uri mumbi e bhasheereshange e bheya n'ibhindura bho ibha bhabhi, n'anisine namamushishirisha mo makako inu, nti namusunga anga na bhubhi bhuti. m'umbi bhinwa e bhiti e byamamusinga bhinu;

\v 15 Na Herode nae, na ngi chamasingwa wamukurucha kuno kuri bhate, nti usunga mbu kusira anga na kinwa e chamusingwa wakwa.
\v 16 Iye n'amurunda tushushu n'imobhora.
\v 17 Bhushwa mbu wabhesanga nti wahwa iyobhora mwey'umwa er'otu ukiri.

\v 18 Bharonja bhurunga hima e bhati, n'iebha: wakwe ngu mweya, t'obhori Bharabha.
\v 19 Ingu mweya wabhesanga nti wamaminwa mw'ishuwanya e bheya mw'ironja bhurunga mo r'obhungu, waya mweya uma mw'isasa.

\v 20 Pilato w'asonda iyobhora Yesu, w'ere kasa tu bho.
\v 21 Eina, bhakuwa, n'iebha: Munienie, munienie.
\v 22 W'ere bho remeta ashatu: Nimunienie bhushwa nki? Uno wakuronja bhuni bhubhi? Nti nasunga anga na bhubhi bwa musingwa wakwa; namuhumba ho n'imobhora.

\v 23 Eina bhenderana ironja bhurunga mw'isonda wakwe. e mirenge y'ebheya n'ambi bhashe bhakungu y'ahima.
\v 24 Pilato wasimira bharonje mbu e wasasa bho.
\v 25 W'obhora ngu e waminwanga m'umbo bhurunga n'eriyae mweya, ngu abhesanga washima bho, washaisha Yesu bhamukori imbu wasasa bho.

\v 26 Bharekia bhamushaisha bhatinge mweya uma, Simoni Mukurene, nti utukang' e kwishwa, bhamuriyesha ehriyango, wasiye kuruma na Yesu nt'waria ro.

\v 27 Kikembe kikiri cha bheya bhamwemisa, na bhomina bhetitibhura mo sankubha n'emurire.
\v 28 Yesu w'ikebhera n'isunga mbi e bharengi, w'ebha: e bhanu bhikumi bya ku Yerusaremu, kiro munirire ani, eina m'werirenga bhanu bhesine n'e bhana bhinu.

\v 29 Ngi bhumbo, mungi matu iyange, bhakia iyebhebhange, nchumo kuri esangumba, nchumo kuri mbi e bhasira bhana n'ambi enti bhareninkana ibhere.
\v 30 Bhasebuchayo ishisha ind'ou mbu: enduke habhasirwa n'itu; mutubhumbi.
\v 31 Bhamabhesa nti bhamaronja imbu mu muti mubhisi, byabhesa buni mu muti wakama?

\v 32 Bharisha na bhakongobanya bhabhi hima na Yesu bhashurwe.

\v 33 Bharekia bheya impo e hatukurwange: kahangasi k'e muntwe, bhamubhamba mor'iyango n'ambi bhakongobhanya bhabhi uma e kwabhume, 'eumpe e kurembe.
\v 34 Yesu w'ebha: Tita, sasira bho, bhushwa nti bhasi e kikorange bho. bhashirikani bhabhanya e nchangi mw'ekubhe to mbai.

\v 35 E nteko y'abhesa nti ikairirengi imbi bhinwa; Eina bhashemansa bhamusea, n'iebha: wakuramyanga bhampe, nae w'iramye wesine wamabha nt'iwe ngi Kirisito, wa Ongo, Murondorwa.

\v 36 E bhashirikani n'abho bhamusea bhasheere kwihi nae n'imuninka nsungubaya.
\v 37 N'iebha: umabha nti ongo mubhake w'e bayuda, iramye ongo, wesine.
\v 38 N'e bhinwa mbi byandikwanga habhasirwa eriyango mo kiyunani na mo kirumi na mo Kiebrania; UNO NG'EMUBAKE W'EBAYUDA.

\v 39 Uma m'umbi bhakongobhanya e bhaterekwanga nae mor'iyango, wamukamba, n'iebha: nti ongo ngi Kirisito? Iramye ongo sine hima n'itu.
\v 40 Eina ingo umpe wahakanya mine n'iebha: nt'ongori na koha k'uri Ongo, ongo ngu umakererwa ubhansa bhuri rwae?
\v 41 Bhate, mor'eira, twasunga nki kaange bhushwa n'emikorere y'itu yema, eina ingu mweya, kusira bhubhi bhuti bwakukorae.

\v 42 W'ere Yesu: E mukota, unsubhukianga ukiya usimikwa m'obhubhake bwabhe.
\v 43 Yesu wamwere: Mor'eira, nikw'erengi: run'otu ukubha n'ani mo Paradiso.

\v 44 Munkaty'e mwishi, kwahita mwerimya mo chuo kiti iya mu ntambi mwenda sa mw'iyor'iyoro.
\v 45 n'ekibhumbiro ch'erirameso chabhenguka bhebhe bhibhi.

\v 46 Yesu w'are nguru, w'ebha: E Tita, e mutima wani n'irao mo minwe sabhe. Warekia wamebha mbyo bhinwa, wahuhuka.
\v 47 E mukakare w'ebhashirikani wasunga mbyo bhinwa: watata Ongo n'iebha: ingu atuka mweya w'eira.

\v 48 N'enteko iti y'e bheya imbi e bhabhesanga bhari mpo mw'isunga mbyo bhinwa, bharekia bhasunga imbi ebyameta, bhetukire ho n'ikuruka, kinsi mweya ku kwae, n'ikw'etutubura e sankubha.
\v 49 E bhati mbi bhabhesanga bhasibhane nae, n'e bhomina e bhamutindikenga ituka ku Galilaya, bharika kore, mw'ikairire imbyo bhinwa.

\v 50 Kwa saire mwea uma erina rae Yusufu, mwana wa Rushu, mwea mongo, w'eira.
\v 51 Wabesa nti nti wakukime m'unji nama yema, mbutirwa mwisa wa ku Arimatayo, ubungu rwa Bayahudi, nae nti mweya ukoreng' ikime mo bubake bwa Ongo.

\v 52 Ingu mweya w'enda kasungana na Pilato; mw'imukonga e mubhi wa Yesu.
\v 53 Wahichao, wabhunga bhunga o m'osanchangi, n'ienda kariao mor'esinda munkati e makoi, indi esinda r'ishasha.

\v 54 Abhesang'otu rwakw'etunganya, n'esabhato nti yamabhucha.
\v 55 E bhomina bhatukanga nae ku Galilaya, bhamutindike, basunga er'esinda, n'e mubhi wa Yesu.
\v 56 Bhakuruka mw'isonda mafuta a rungo rungo.

\c 24
\cl Chunda  24
\p
\v 1 Mo kindi cha roso, che kasembe, mukomakoma nguru bh'enda h'esinda, nti bhari na rungo ingi e'abhesanga amachura bho; na bhampe bhatindike bho.
\v 2 Bhakumana erikoi nti rakushikwa kore n'erisinda.
\v 3 Bhakime, eina bhatakumani e mubhi wa Mukota Yesu.

\v 4 Bharuka mbu bwamebha bho, e myanikiri yarungutana bhushwa nchi kinwa, bheya bhabhi bhasungwa nti bhasimine kumushi n'abho nti bhambara nchangi sasanyaa.
\v 5 Bhabhesa nti bhasubhaha nguru, bhakukumika e meso e kwansi, imbo bheya bhabhi bh'ere mbo bhomina: bhuni ngw'asonda bhanu mweya uri ho munkati e bhakwi?

\v 6 Nt'uri hano, eina wamafuka. muanikiranga mbu e bwebhangae wabhesanga utangatuka ku Galilaya,
\v 7 W'ebha: e mwan' emweya wahw'itingirwa mo minwe s'e bheya b'e bhibhi n'ikonorwa, n'ifuka er'otu rw'eashatu.

\v 8 Bhasubhukia imbyo bhinwa byae,
\v 9 Bhakuruka ituka e kw'esinda, bhatura nji myasi kuri esantumwa sae ikumi na nima, n'e bhampe bhati.
\v 10 Maria Magdalena ba na Yohana, na Maria nina wa Yakobo na bhampe bhomina hima n'abho,

\v 11 Bh'ire e santumwa imbi bhinwa.
\v 12 E bhinwa by'abho byasungwa nti bya bhusa k'uri bho, bhatasimiri bho. Eina Petero wasimana n'ikanyire ekw'esinda, w'ekukumika n'itaa e meso kumunda er'esinda, wasunga ho esa nchangi esa muibirirenga m'ubho, wakuruka nti ushisharange m'umbi e byamasunga we.

\v 13 Indotu, bheya bhabhi bhabhesanga nti bhendange m'obhungu rubhikirwange mbu ku Emau, rurikire mu bwende wa ntambi sibhi.
\v 14 Bhabhesa nti bhashambarange bhesine m'umbi bhinwa bhiti e byakwetanga .

\v 15 Bharekia bhebhanange bh'esine, Yesu w'esine wasaire bho nikw'emisanya nabho.
\v 16 E meso abho abhesa nti aribha, bhatamuteereri.

\v 17 W'ere bho: Bhinwa nki byebhange bhanu imbu bw'endange bhanu? Bhasimana nti bh'asubhuka nguru.
\v 18 Uma m'umbi bhabhi, erina rae Kleopa, wamw'ere: ong'wesine ngi mweni ku Yerusalemu, mw'ifund'isibha ebya kw'etako mu ano matu?

\v 19 Were bho: Bhinwa nki? bhamw'ere; E bhinwa bya Yesu munasareti, w'abhesingi nti mw'anuri, nt'uri na maa ikora n'iebha mo makako a Ongo n'ebheya bhati.
\v 20 Imbu ewakukiya bhashebhakungu n'e bhakakare bhitu, bhamukere e rubhansa n'imuya.

\v 21 Na bhate tw'abhesingi n'e mwenyihiro w'eriramya e baYahudi m'obhukohe; Na run'otu iye matu ashatu ngi eta itukire e bhinwa mbi byabhesa ko.

\v 22 Na bhomina, bhaku ritu nti twateerera bho, bhakutusarimya, bharamuke ekw'esinda.
\v 23 Bhatasungi e mubhi wae; bhakuruka nti bhaturang'e mwasi mbu bhamasairirwa na ngashani, bhebha mbu nt'uri tu mw'esinda, wamafuka.
\v 24 N'ambi bhampe bhabhesanga hima n'itu, bh'enda kakae m'und'esinda bhuri mbi e wakw'ebhanga mbo bhampe bhomina, eina iwe nti bhakumusunga.

\v 25 W'ere bho: E bhanu bhirunge, bhe mitima yar'itohyaa mor'isimira imbi e bhiti ebyebwanga n'e bhatahwa.
\v 26 Abhesenga nti rakomenwa Yesu wanubhe bhusha mbi bhinwa kongo wakime mo bhongo bwae?
\v 27 Wabhucha ikae mo karisi ka Musa n'e bhatahwa e bhati, wasonsomor'ebho m'undo rwandiko, mo bhinwa bye kuri we.

\v 28 Bhabhesa nt'iye bhari kwihi n'ando ubhungu rw'endange mo 'bho wasond'ikunduka bho.
\v 29 Bhamushisha mbu: Rika hima n'itu, imbu e bwamasir'ebhutu. W'akime irika hima n'abho.

\v 30 Bharekia bhas'ond'irisa, watinge ekambosa, wakasanyie, n'ibhunguraa ko, waninka bho ko.
\v 31 E meso abho obhoka, bhamusibhirira, wariribhana, bhatamusungi tu.
\v 32 Bhashishana: E mitima itu ntyakwisarimanga ho wakumanananga wakumanananga n'itu munkati ense n'ituhana e rwandiko?

\v 33 Bhasimana n'ienda munjo ntambi, bhakuruke ku Yerusaremu; bhakumanana n'esantumwa ikumi na nima, nti bh'ari hima, ibho n'ambi e bhabhesenga n'abho.
\v 34 Bhebha: eira Mukota wamafuka, Simoni wamamusunga.
\v 35 Nabho bhasubhukia emyasi y'e bhinwa e byasunga bho munkati ense, n'ambu e bwamamusibirira bho, wakukia wakasanyie e kambosa n'ibhunguraako.

\v 36 Bharekia bhebhange mbi bhinwa, Yesu w'esine wasimana munkati n'abho, w'ere bho: Bhuhoro k'uri bhanu.
\v 37 Bahbhesa na mushiki, bhasubhaha, bhahaka mbu bhakumanana na kifasi.

\v 38 Yesu w'ere bho: inki chasingwa mukwa mushiki na bhushw'anki chasingwa mubhesa na koha mo mitim'inu?
\v 39 Musisirise e minwe yani n'e bhisando, kongo musimira mbu an'esine uno, munisisirise, bhushwa mbu e mitima isira mubhi na makua, imbu e bwansunga bhanu nabhesa nabyo.
\v 40 Warekia w'ebha mbo, washeabho esaminwe n'ebhisando byae.

\v 41 Bhabhesa nti nti bhasimira bhushw'esangoa, bhashishara, w'ere bho: bhanu muri na bhiyo hano?
\v 42 Bhamuninka chunda ch'anchwi ch'ahwa, na bhuki bhukeke.
\v 43 Watinge n'ibhucha irisa mo makako abho.

\v 44 Warekia wamaheya irisa: Ngi bhimbi bhinwa byani byabwere ng'ani, nabhesanga n'iri ko kwinu mbu e bhinwa mbi e bhiti byebwanga bhushw'ani mo myomba ya Musa, n'e bhatahwa, na mu Saburi byabherererayo.

\v 45 E myanikiri yabho y'obhoka kongo bhasibhirira imbu e bwebha erw'andiko.
\v 46 W'ere bho: ng' wandikwanga cho bhumbo, mbu Kirisito wanubhi n'ifuka mor'otu rw'eashatu.
\v 47 N'ebhabhi e bhati bhasasirwayo bhakiyayo bhahanwambyo bhinwa morina rae, n'ibhuchie ku Yerusaremu.

\v 48 Na bhanu ngi mukubha ekari ho w'ambi bhinwa.
\v 49 Ngi bhumbo bwaarebhek'ani k'uri bhanu e ndani ya tita eina murindirenga kuno ku Yerusaremu, iya nampe maa asekia abwehie ituka ekwiyo.

\v 50 Wasaa na bho h'ambuka n'itindike bho ku Betania; wasimanya e mabhoko, wakasanyie bho.
\v 51 Warekia wamakind'ikasanye bho, w'ikoka n'abho, wakukumwa e kwiyo mu mwanya.

\v 52 Na bho bhamwindame bhakuruke ku Yerusalemu nti bhari na ngoa singi.
\v 53 E matu eati bhabhesa nti bhari mw'irameso, mw'itata Ongo n'imukasanyie.