nyj_reg/46-ROM.usfm

\id ROM
\ide UTF-8
\h Baroma
\toc1 Baroma
\toc2 Baroma
\toc3 rom
\mt Baroma
\c 1
\cl Chunda 1
\p
\v 1 Pauro mufuku wa Yesu Kirisito, wabhikirwa wabhesi mwemisa, warondorwa mo ritura e mwasi wa Ongo.
\v 2 Inchi charawanga ra roso na Ongo iyetere kuri e bhatahwa bhae mo mitiro yashuururwa.
\v 3 Munchi chakae musikewe, ingu uri mo r'ubhuto rwa Daudi itukana ne mubhi,
\v 4 Wabhikirwanga musike wa Ongo mu bhunkangwe we mutima wa bhushuururwe, murifuka rae munkati n'ebakwi; Yesu kirisito Mukota witu.
\v 5 Itukire kuri we ngi twasheenga e nchumo yerimukore irisha mo rina rae e rirukira re nsimiro ebhati'mbi nti bhasimira,
\v 6 Bhanu bhima munkati nambi bhabhikirwanga na Yesu Kirisitu.
\v 7 Mo bhatimbi bhari ku Roma, imbi bhashimwa na Ongo bha bhikirwa ibhese mbi bhashuururwa: e nchumo ne bhuhoro bwa Ongo Tita witu na Mukota Yesu bhibhesi n'inu!
\p
\v 8 Ra roso, nakurucha eshima kuri Ongo wani iyetere kuri Yesu Kirisitu, Bhushwa banu bhati itukana nambu bhusibhirwe e nchumo yinu mo chuo kiti.
\v 9 Ongo ngu ukorengi ani mo mutima wani ietere mo kinwa ch'ekaramo cha musike wae ina usi kirotu e bhubhutikonga ani.
\v 10 Nikonganga kirotu mo mahemo ani kongo nasheeyo e bhukokome, bw'iya kuri bhanu.
\v 11 Bhushwa naraa ibhusunga, mwibhuture bhushwa bw'e mihango y'e Mutima kongo mushee e bhunkangwe bwe mutima murirengecha e nsimiro.
\v 12 Na kimpe, hima bhate bhati tushei muho munkati niinu mu nsimiro inji yashangira bhanu nani.
\v 13 Ntamukochi bhusia nti bhanu musi, mbu niri na mwanikiri ngendo ningi wibhusunga kongo nakao e mikorere kuri bhanu bhuri e bhimpe byuo, narefundwa ro iya runotu.
\v 14 N'esubhurwa e kubhugriki na mo bhitengi n'ambi bhari na bweenge nguru nambi nti bhasi.
\v 15 Bhushwa naraa nguru muribhuture e mwasi wa Ongo muumbi bhari ku Roma.
\p
\v 16 Bhushwa nsira nkene yekinwa cha Ongo, maa a Ongo mu nchukayo ya kinsi mwea, Muyahudi ra roso, hima ne bhayunani.
\v 17 Bhusha kumunda nae kwasheiwa e reira ra Ongo mo risimira na mo nsimiro, imbu bhuratiranyiwa cho: e w'er'eira, waarikayo mu nsimiro.
\p
\v 18 E bhusubuke bwa Ongo bwasungwa mu kinsi bhubhi bhuti bwaruker'eira mu bhea bhatingengi mw'iruka iira r'etingirwa.
\p
\v 19 Bhushwe imbi byamusibwa kuri Ongo byasungirwa kuri bo, Ongo w'esine ng'wasibhishabho byo.
\v 20 Himpo e bhinwa byae bhitangasungwa, itukire irebhumbwa re chuo bhisungwange eira, bhisibhirwe mo mikorere yae, iya na mo bhunkangwe bwae we matuati na murikocha rae; bhatamusasirwa:
\v 21 Bhusha murisibhabho Ongo, nti bhamutatanga buri Ongo, na nti bhamuninkanga otunda; ina bheriminya mo myanikiri y'abho, na mo mitima yabho moriruk' ebwenge bhitaa mo mwerimya.
\v 22 Bhesunga nti bhari na bhuteesa, bhabhunduke bhashire;
\v 23 Na bharebhundura e bwime bwa Ongo eutamuninkwa mihakiriro mubhususe ebwasheae mwea we mihakiriro, mironge, nyama sa mind' inye, ne sikururukange.
\p
\v 24 Chasingwa Ongo wasibhurabho mu bhushe embusha ye mitima yabho; kongo bhanena bhesine emibhi yabho;
\v 25 Ibho bharebhundura e r'eira ra Ongo mo manko, na bharitata n'ikore echabhumbwanga irenga e mubhimbi wakasanirwa e matuati. bhibhesimbo!
\p
\v 26 Ngyaresingwa Ongo warekebho mu mbusha sa nkene: bhushwa e bhomina bhabho bharesia e mikorere yaroso munji nti ya karekare;
\v 27 Nambo hotu e bhabhume bharesiya e mikorere ya karekare y'e mumina, bhemisa e mwanikiri wabho bhima mu bhampe ikiya wabhume na wabhume bhikai bya nkene, n'ishee bhesine eruhembo rwe ririmina rabho.
\p
\v 28 Imbu nti bwaraanga bho mwesibha Ongo, Ongo wareke bho mo mwanikiri wabho wema, mwironja bhikai nti byakomenwa bho,
\v 29 Bhurisere bho kinsi bhususe bweruka eira, bwa bhubhi, bwa karawa, bwa bhukongobanya, bharisere karawa, bhuyeri, mbangu, mpuse, bhukarange,
\v 30 Bhahambiki, bamitato, bhari na mikonsi, bheyume, bhakwitata, bhiebha bhituratura, bhiebha bhinwa byema, nti bhatunda e bhabhuti bhabho, bhasira bwenge.
\v 31 Nti bhari n'iteerera, nti bhashima e bhisasa byabho, bhasira nsasi.
\v 32 Nakiro mbu bhasi erobhansa rwa Ongo, Ebakorange bhinwa bhuri mbyo, nti kora hobyo Ina ho tu bhasimira ebhakorangebyo.
\c 2
\cl Chunda 2
\p
\v 1 Ongo mwea, nakiro ubhesa 'nye, ongo, ng'ukerengi bhampe mansa utumusasiri bhushe mor' ikerane manso mu bhampe, Ongw'esingange, bhushe oongong'ukeranengi mansa n'oongo korange bhibya bhibya bhikai.
\v 2 Tusi Ongo uhakanyanga mo r'eira e bhakorange bhuri mbyo.
\v 3 Ong'wanikirange mbu Ongo 'ngu hakanyange ebhakorange mbyo, ukoswa mor' obhansa rwa Ongo?
\v 4 Unena e bhutumba bwe rikoma rae, e bhonso bw'eririnde rae, nt'usubhaha mbu e bhukome bwae bwakurisha mu musasiro?
\v 5 Ina bhushwa ne risuma rabhe, ne mutima wabhe usira nsasi, wiibhike bhusubhuke mor'otu rwebhusubhuke mor'otu rw'er'ubhansa rw'eira rwa Ongo.
\p
\v 6 Iwe wahembi kinsi mwea itukana ne mikorere yae.
\v 7 Wabhike bhuingo bw'ematu ati imbi bharikwesimike ikora shu n'isondekanya otunda na bhusime anga bwashaasha.
\v 8 Ina e kamungomungo n'e bhatinange e reira mu mutima wa bhuhaka, ibho bhatengu na bhasimirana n'eriruka er'eira, e bhubhi, bhashei bwae.
\v 9 Minubho n'e bwae mu kinsi mwea'ngu ukorange byema kuri e bhayahudi kasa ne bhayunani hotu
\v 10 Ina bhuhoro n'itata bhibhesi kuring, ukorange byakonda, bharoso bhayahudi kuruma bhayunani!
\v 11 Bhushwa Ongo nti wa katobhororo
\p
\v 12 Bhushe, e bhakoranga bhubhi nti kusira momba na bhakore byatinwa ne momba bhaseshirirayo anga momba, n'ebhati bhabhishanga mo bhirange by'emomba, bhaseshirirayo.
\v 13 Bhusha ntimbi bhorukirange momba ngi bhashimwa na Ongo, ina e bhakorange byebwa mu momba.
\v 14 Entibhasi Ongo, enti bhasimira bhamakora mw'esubhah' e myomba, ibho bhasira myomba, ina bhabhesa na myomba kumunda n' abho;
\v 15 Bhasheanga mbu emikorere y'emyomba yatiranyiwa kumund' emitima y' abho, ebwenge bwabho, emyanikiri yabho mor' ikwihakanya mu kinsi kashangi.
\v 16 Indo otu ngi r' usesheayo, etukana n'e mwasi wakonda uturangya 'ni, Ongo usekerayo erobhansa rw'esanama s'ebhea kuri Yesu Kirisitu.
\p
\v 17 Umebhikira muyahudi, witingire mo momba nimoe nguru Ongo.
\v 18 Isibha bya sasa we, ikora kinsi kikai bwakomenwa cho wahanwa ne momba.
\v 19 W'iremba kw'esunga musondori w'e bhihumihumi chake ch'ebharikire mo mwerimya.
\v 20 Muhani we bhiashaasha, muhani we bhampe, uri na wenge, nisibha er'eira.
\v 21 Ongo 'ngu uhanange bhampe, bhushwa nki utungihana ongo wesine? uhana bhampe bhatashumi, ongo utungashuma?
\v 22 Ongo uhanange bhampe bhatakii osingirwa, Ongo 'singiranange? Ongo ngu nt, ushima tuhombo, ongo korange byarenga mpo.
\v 23 Ongo ng, witatange mo momba, utunganena Ongo mor'inoa e momba!
\v 24 Bhusha e rina ra Ongo ranenwa munkati ne bhea bhusha bhanu ng'watiranyiwa cho.
\p
\v 25 Er'otende rwahunda kuti worukir'e; eina kuti unoa e myomba, er'otende rwabhe nti nty'otende.
\v 26 Kuti enti wend'ek' otende wemis' emyomba, ir'ifundwa iyend'ek'otende rae ritamutingirwa bhuri otende?
\v 27 Nangu nti wend'ekotende itukire mo ribhutwa rae na w'emis' e momba, utakuhakanyi ongo ng'usi e mutiro we momba n'er'otende?
\v 28 Bhusha, e muyahudi wa komenwa nti 'ngu w'er'otende kumunda nae indi nti r'e mubhi.
\v 29 Eina emuyahudi nti ungo w'ekumunda; n' er' otende nti 'ndo rw'emutima ina ntirw'emitiro. Eritatwa ra 'ngo muyahudi nti ratukana na bhea ina ratukire kuri Ongo.
\c 3
\cl Chunda 3
\p
\v 1 Mbenti emuyahudi warenga ebhampe munki? n'er'otende ruri na 'nki?
\v 2 Iwe mukakare mukira nse: bhushe bhareninkwa bhinwa bya Ongo.
\v 3 Munki bhayahudi bhima nti bharesimira erifundi simira rabo ramusingwa erisimira ra Ongo rabha bhusa?
\v 4 Anga ntimbo kongo Ongo wasungwa w'eira na kinsi mwea mushukishuki, Bhuri mbu bwatiranyiwangabyo: Kongo ukumanwa weira mo bhinwa byabhe.
\p
\v 5 Kubha erefundi ibesa ne reira ritu rashea e reira ra Ongo, twebhe nki? Mbe Ongo nti weira mu ntambi mur'itutunjie we eresubhuka rae?(Nebhange mubhususe bwa bhea).
\v 6 Kore nanko, Bhuni nge bhusekiyayo Ongo wakera erobhansa rwe chuo?
\v 7 Na kuti, mo manko ani, ereira ra Ongo rasungwa mo bhusime bwae, Bhusha nki anisine nikiri nikererwange tu obhansa bhuri mwea wa bhibhi?
\v 8 Na bhusha nki tutamuronjange bhubhi kongo ebyakonda byabhesa, Bhuri bhima mbi bhatusimyange bhahakange mbu twebange byo? Erubhansa rwa mbo bhea rw'eira.
\p
\v 9 Bhuni ke mbe twarenge bhampe? Anga. Bhushwa twamakinde sunga bhate bhati Bhayahudi ne bhayunani bhate bhati bhubhake bwa bhubhi.
\v 10 Ebwatiranyiwanga cho: kusira uri neira, anga numa.
\v 11 Anga n' uma uri na bwenge, hasira usondange Ongo. E bhati bharerimina e bhati bharihabhuka.
\p
\v 12 Hasira ukorange byakonda, Anga numa;
\q
\v 13 Emyuhu yabho yabhorwa bhuri esinda. Bhakoreshang' esendwami sabho mwehusa; Mu mitutu yabo muri nsungu.
\q
\v 14 Emonu abho arisere ntaki na bwae;
\q
\v 15 Ebhisando byabho bhiri tete mwirita nchama;
\q
\v 16 Ebhubhisha na nshumo yema bhiri monse yabho.
\q
\v 17 Nti bhasi ense y' ebhuhoro;
\q
\v 18 E bhobha bwa Ongo bhusira mo meso abho.
\p
\v 19 Na tusi mbu ebhiti byebha e myomba, yebha byo mo bhati bhari hasikwa n' emyomba, kongo kinsi bhunu bwaminwa, Kongo e bhati bhasungwa nti bhabhi hamakako na Ongo.
\v 20 Bhushwa kusira usansirwayo eira bhushe na mikorere y' emyomba, bhushwa mo myomba ngi mwatukir' eresibw' ebhubhi.
\p
\v 21 Ina entambino, kubha kusira myomba, ereira ra Ongo nti rasibhishiwa, iro rikiyange kariho ke myomba ne bhatahwa
\v 22 Ereira ra Ongo mo bhati basimira. Hasira irengana.
\v 23 Bhushe bhati bharikora bhubhi na bhari kore n' ebwime bwa Ongo;
\v 24 Na bharisasirwa bhusa mo nchumo, monse ye musasiro uri kumunda na Yesu Kirisitu.
\v 25 Iwe ngi Ongo waremuria mo nchama yae, mumbi bhamusimirange, kinsinso mwishea e reira rae murifund' ifine e bhubhi bwaroso bwakorwanga mo matu e murindiro wae,
\v 26 Mwishea 'reira rae mo matu ano, mwibhesa weira mwiebhere e uri neresimira kumunda na Yesu.
\p
\v 27 Kuni kwe kuri ekinwa cherikwitata, nti kiri ko. M'uni momba we mikorere? Anga, ina bhushe n' emomba w' erisimira.
\v 28 Bhushwa twanikirange mbu emwea warerisiwa moresimira, anga momikorere ye myomba.
\v 29 Mbe nti Ongo w'ebhayahudi ho bhesine? Wabho ho'tu entibhasimira? Eira wabho hutu enti bhasimira.
\v 30 Bhushwa kuri Ongo uma ho waansayo mor'eira enti bh'er'otende n'ebh'er'otende.
\v 31 Tuye kw'e myomba mor'esimira? Anga, Ntimbo twasimira emyomba.
\c 4
\cl Chunda 4
\p
\v 1 Twebhe bhuni kuri Abrahamu, tita witu mo bwaninkwanga we itukana n'e mubhi?
\v 2 Kuti Abrahamu warisiwanga mo mikorere, uri n'eira ra kwitata, ina nti hamakako na Ongo.
\v 3 Bhushwa inki ngi chebha emitiro? Abrahamu wasimiranga Ongo, nancho chasingwanga wabhikirwa mwea wiira.
\v 4 Na, kuringu ukorange, eruhembo nti rwansiwa bhuri nchumo, ina bhuri kikai chakomenwa.
\v 5 Na kuring'utangakora, ina wasimira kumunda nang'urisianga e mubhi, erisimira rae ranswa mweira.
\v 6 Daudi webha nae erikasanirwa re mwea ngu wansirwa ereira nti mo mikorere.
\q
\v 7 Bhakasanirwa 'mbi bharisasirw'e bhubhi; n'e bhubhi bwaribhumbirwa!
\v 8 Wakasanirwa e mwea ngu ntwansirwa bhubhi!
\p
\v 9 Erikasanirwa ndi ririho mumbi bh'er'otende ari nti bh'erotende? Bhushwa twebha mbu Abrahamu wansirwa eira more simira.
\v 10 Bhuni bwasimirwanga we? Rabhesanga nti kubhusondori ari kuruma er'otende rwae? Wabhesanga nti neki w'end'ek'otende.
\v 11 Na waninkwa e kengeko k'er'otende bhuri nsimiko y'eriira yaninkwanga we murisimira wabhesanga ntiti nesi w'end'ekotende, kongo wabhesa tita we nti bh'ende 'kotende basimira, kongo bhansirwa nabho e riira.
\v 12 Na wabhesi tita webhati bh'er'otende na nti bh'er'otende ho, ina ne bhendange hotu monse yeresimira ra tita witu Abrahamu warekia nesi nt'wend'ekotende.
\p
\v 13 Nty'abhesenga mu momba ngi mwaninkwanga Abrahamu e ndani yae ne rubuto rwae kongo bhabhesa bhise emwandu we chuo, ina mu riira rerisimira.
\v 14 Bhushwa, kuti bhis'e mwandu bhabhesa ro mu momba, eresimira nti bhusa n'endaani nti yatinwa.
\v 15 Hasira nti hasira hotu bhutengu.
\v 16 Ngi chasingwa bhabhesa bhise e mwandu mo resimira, kongo rabhesa mo nchumo, kongo e ndani yabhesa yerobhuto ruti, nti kuri ho ebhaminwa ne momba, Ina na mo bhampe bhari nerisimira ra Abrahamu, Tita witu mo bhiti etukana ne bwatiranyiwa cho:
\v 17 Narikutereka tita wa nganda singi. Iwe tita witu kubhusondori nangu, ewasimiranga we, Ongo, ewaninkana ebuingo mo bhakwire, ne wabhikira ebhikai enti bhiriho bhuri byabhesanga.
\v 18 Wasimiranga na nti kusira mwinyihiro, kongo wabhesa tita wa nganda singi, Etukana nebwerirwanga we cho: ngi bhusebhesayo erubhuto rwabhe.
\v 19 N' angi tetera mo risimira, ntwasibhanga mbwe mubhi wae wamaruha, wabhesanga uri na myaka iana na Sara ntwama tean' emyaka yeribhuta.
\v 20 Ntwa tikatikanga mwibhesa na mutima wasuma. Mo kinwa ch' erirai ra Ongo, Ina wabesa na maa mo risimira wasingwa, raninka Ongo itatwa.
\v 21 Na wabhesanga ne resimirishiwa riti mbu e charawae wamukoch' ibhereresha cho.
\v 22 Ngi chasingwa muncho wansirwa eira.
\p
\v 23 Ina nti kuriwe wesine ngi kwatiranyiwa e cho mbu ncho chasimirwa kuri we;
\v 24 Ina hotu bhusha bhate, mumbo kisebhesayo nesimirwa kuri bate mbi twasimira kumunda nangu warefuka mo bakwi Yesu Nyerekuritu.
\v 25 Ungu ewasibhurwanga mo bhibhi bhitu na wafuka kongo twansirwa eriira.
\c 5
\cl Chunda 5
\p
\v 1 Twamaba twarisiwa munkati ne nsimiro turi ne bhuhoro hima na Ongo iyetere kuri Nyerekuritu Yesu kirisitu.
\v 2 Kumunda nae twamaninkwa mor'ietire er'isimirwa ringi re nchumo, munjo e yasimanire mo bhate nguru, na twi tata mu mwenyihiro we bwime bwa Ongo.
\v 3 Iina nti bya ho, twi tata tu mo minubho, bhushwe siba mbwe munubho ubhutange  iyandira,
\v 4 Er'iyandira, er'ihima mo myereko, n'er'ihima mo mwinyihiro.
\v 5 Na kuba, e mwenyihiro utahusanga, bhushwa enchimi ya Ongo yarisansabhana mo mitima yitu iyetere mo mutima mushasha e wareninkwa bhate.
\p
\v 6 Bhushe, ematu abhesanga bhate bhatetera, Kirisitu, wakwa mu kashangi kahunda mo bhabhi.
\v 7 Iina rasuma ikwire mwea w'eira, mwea wamusimira ikwire moongo.
\v 8 Ina Ongo watushee 'nchimi, e matu abhesenga bhate turi mo bhubhi, Kirisitu watukwire.
\v 9 Nacharengaha, twareshururwa muitere enchama, twoshukara bhushwe nae mo bhusubhuke.
\v 10 Ina, twarekia tukiri bharenda iyetire, twarironganyiwa na Ongo iyetere rikwa re mwanae, ireng'ampo, kuruma n'er'ironganyiwa twoshukari bhushwe n'e bhuingo b'wae.
\v 11 Nti mbyo ho, iina twitata kuri Ongo munse ya Nyerekuritu Yesu kirisitu, kumunda nae twamaronganyiwa.
\p
\v 12 Bhushwe nacha, e bhubhi bwakime mo chuo ietere mwea uma, kurum'ebhubhi oku, Na ngi bhumbo er'oku rwiya mo bhea bhati, bhusw'ebhati bhakoranga bhibhi.
\v 13 Bhusha, kubhusondari ne momba ebhubhi bwabhesenga ho mo chuo. Iina, e bhubhi bhutamwanswa, kusira myomba.
\v 14 Nampo er'oku rwabhuchienga itukire kuri Adamu iya na kuri Musa, iya na kuri bhampe mbi e nti bhakoranga bhubhi e bwasusa ne bwakoranga Adamu, bhuni nge bhususe bwa 'ngu e usiyayo.
\v 15 Iina kusira uhembo rwa bhusa bhuri bhubhi; kuti bhushwe bwe bhubhi bwa mweya uma kuri bhingi bhakwanga, ireng'ampo e nchumo ya Ongo ne ruhembo rwe nchumo rwiya bhushwe bwe mwea uma, Yesu Kirisutu, e bhihembo byarerisa mu bhea bhingi.
\v 16 Nakusira uhembo bhuri erwiyanga kuri e mwea uma ewakoranga bhubhi; bhushwe bwe bubi buma e robhansa, ina eruhembo rwe risasa rwabhesa isimirwa itukana na bhubhi bwingi.
\v 17 Bhushe bhubhi bwa mwea uma e roku rwabhese ho bhushwe rwa mwea uma, ireng'ampo e bhaninkwange e mukene we nchumo n'er'ohembo rweira rwabhesi ho mo karamo kari kumunda na Yesu Kirisutu wesine.
\p
\v 18 Bhushwa na ncho, bhuri e kibhi kima e bhea bhati bhakerwa ubhansa, na mbo bwe mukorere uma wereiira r'ensimiro eininkananga e bhuingo bwaninkwa kuri e bhea bhati.
\v 19 Bhushwe bwe bhukwemi bwa mwea uma bhingi bhansirwa bhubhi, nampo bhushwe r'erisimira na mwea uma bhingi bha bhesa bheira.
\v 20 Himpo, momba wakimenga kongo e bhubhi bwabhesa bhukiri nguru, ina himpo e hari bhubhi bwingi e nchumo nt'yabha ho ningi.
\v 21 Bhushwe, bhuri e bhubhi bwa bhesanga hambasiro e roku, nambo e nchumo yabhesa ha mbasiro n'er'eira mo karamo ke matu ati, kuri Yesu kirisitu Nyerekuritu.
\c 6
\cl Chunda 6
\p
\v 1 Inki kisebha bhate? turike mo bhibhi kongo e nchumo yarira?
\v 2 Anga! Bhate mbi twakwire mo bhibhi, bhuni ngi bwamuba tu bhate ho mo bhubhi?
\v 3 Nti bhanu mosi mbu bhate bhati imbi twarubhikwanga kumunda na Yesu Kirisitu twa rubhikwanga mu rikwa rae?
\v 4 Ngeriebha mbu twatawanga nae murirubhikwa mo rikwa rae, kongo bhuri bwafukanga Kirisito mo bakwi moritatwa ra Tita, na bhate hotu twabhesanga nti twendange mo bhuingo bhushasha.
\v 5 Kuti twakind' ibhunduke murime uma nae mor'isusana mor'ikwa rae tusebhesa mbo hotu mor'ifuka rae.
\v 6 Mwesibha mbu e mwea witu wa karekare wariarwanga mo riango hima nae, kongo e mubi we bhubhi wabhishiwabishiwa, bhushwe anga ntwabhesa tu bhafuku bhe bhibhi;
\v 7 Bhushwa ing' wakwanga warobhorwa mo bhibhi.
\v 8 Na Kuti twarikwa hima na Kirisitu, turi nesimira mbu tusebhesayo hotu ho hima nae,
\v 9 Mwesibha mbu Kirisitu ingu wafukanga munkati ne bhakwi, utamukwa tu, eroku rusira tu bhunkangwe kuriwe.
\v 10 Bhushwe wakwanga, bhushwe ne bhibhi ngyasingwanga wakwa rima ne ruti, warekuruke mo karamo na bhushwa Ongo ngi bhuriwe ho.
\v 11 Bhumbo, na bhanu bhesine, mwesunge bhuri bhakwi mo bhubhi na bhuri bhari ho kuri Ongo kumunda na Yesu Kirisitu.
\v 12 E bhibhi kiro byasima mo mibhi yinu y' erikwa na angi simira ekarawa kao.
\v 13 Ang' ikoresha e bhitambo bye mubhi wabhe mo bhibhi, ina ria e mubhi wabe kwa Ongo buri bheni munkangwe, waramanga e r'oku, ne sanungo se mubhi wabhe bhuri bhikai by'eira kuri Ongo.
\v 14 Kiro e bhibhi byabhesa na kara kuri ongo, bhushwe nti bhanu muri tu mo myomba ina mo nchumo ya Ongo.
\p
\v 15 Inki kwe? tukore e bhibhi bhusha turi mu nchumo nti mo myomba?
\v 16 Anga nti banu mosi mbu ungo ewarikwitereka mu bhanu mw'imorukire, bhanu bhakori bhae, ari mu bhubhi bwe rikurisha mo roku, ari mw'irisia ririshange mwea mo reira.
\v 17 Ina e bhuhoro tuninkebo Ongo! bhushwe abhesanga bhanu bhafuku bhe bhibhi, ina mwehicha mu mutima, mu mahano e aninkwanga bhanu.
\v 18 Murobhorwa ne bhubhi mwibhese bhafuka bhe reira.
\v 19 Nebhange bhuri mweya bhushwe n'e bhutetera bw'e mibhi y'inu, Na bhubho, bhanu mukoreshange e bhitambo bhinu bye mubhi bhuri bhafuka b'e r'eira ne byema, ina enompena, mukoresha e bhitambo bhinu bhuri bha bhafuku bhe riira ne rishururwa.
\v 20 Bhushwe e kashangi akosanga bhanu bhafuku bhe bhibhi nti mu minwa ne riira.
\v 21 Mikorere 'nki ng'yabhutanga bhanu? Mikorere yabhususa iya na run'otu. Bhushwa hende na'mbi bhikai, oku.
\v 22 Ina entambino, ebwamobhorwa oongo mo bhubhi, ngie ongo mufuku wa Ongo; ongori na mikorere yashuururwa mu murimo w'ekaramo k'e matu ati.
\v 23 Bhushwe e ruhembo rw'e bhibhi nty'eroku, ina e ruhembo rwa ongo nti e karamo ke matu ati kumunda na Yesu Kirisitu Rukombora witu.
\c 7
\cl Chunda 7
\p
\v 1 Nti bhanu mosi ebanakitu, bhushwe nishisha bheya bhasi e myomba, imbi e myomba ikorange kumund' e mweya mo riba ho rae.
\v 2 E mumina, e wabingwa, wahwi endere mo myomba ya moke wamabhesa ukiri ho ina kuti moke wamakwa, nti wahwiemisa e myomba ye mabingwa.
\v 3 Ina muntambi moke uriho, na kuti uri na umpe wabume, nti wabikirwa, musingirani; eina kuti moke wamakind'ikwa, nti ntiwaminwa tu n'emomba w'ekuri moke.
\v 4 Na bhumbo, bhanu bhanakitu, muritukana ne mubhi wa Kirisitu, washurwanga bhushwe ne myomba, kongo mubhesa bha umpe, muungu ewakufuka mo bhakwi kongo twabute Ongo byuma.
\v 5 Bhushwe twarekiya tukiri mo mubhi, e karawa k'ebhibhi ekasibwa bush' emyomba nti kanubyang'ebitambo by'emibh'itu, kongo twabhuta byuma by'oku.
\v 6 Ina enompena, twamatunjiirw'emyomba, inji yatukiyanga bhakwi mor' ibhesa twaminwa muyo, iye tukorange mu mutima mushasha nti mu mitiro ya karekare.
\p
\v 7 Twebhe bhuni? E momba wema? Kusira, bhushwa nasibhanga e bhubhi itukana n'e momba. bhushwa ntamusibhang'e korak'emakuti e momba utamuhangirengi ko.
\v 8 Ina ebhibhi byashee 'nse, bhushe 'momba byarisha kumunda nani kinsi bhususe bwa karawa; bhushe e hasir'e momba ebhubhi nti bwarikwa.
\v 9 Nakuba ho nti hasira momba, ina itukire e myomba yabese, ne bhubhi bwabhesa ho, nani nakwa.
\v 10 E myomba ngi yahwirusha e karamo, yandishie eroku.
\v 11 Bhushe e bhibhi mo myomba yanishura.
\v 12 E momba washuururwa, ne myomba nji nayo yashurukara n'ihunda.
\p
\v 13 E byahunda byamarisha erikwa rani? kore nampo! ina ebhubhi, murikwishea bhuri bhubhi murindishie e rikwa, bhushwe e bhibhi.
\p
\v 14 Tusi mbu e myomba ya mutima, ina ani wa mo mubhi, narichuiwa mo bhibhi.
\v 15 Bhushwe ntinisi imbi ebhikorange ani. Ntangakora e byashima ani, nikorange e bya nena ani.
\v 16 Na namakora ebyabhaa ani, nasibha mbw'e momba wahunda.
\v 17 Himpo nti ani tu ngi nikorange e bhinwambi, ina e bhibhi ebhiri kumunda nani.
\v 18 Ebyakonda nisi byo, bh'itarikanga kumunda nani. ng'iebha mbu kumund'e mubhi ani, nisasange ina naruka kara k'ikor'eshu.
\v 19 Bhushwe ebyahunda ebyashima ani, ntangakorabyo, ina nikorange e byema, entibyashima 'ni.
\v 20 Namakora e nti byashima ani, nti ebha mbu nty'ani nge nikorange byo ina ebhubhi buri kumunda n'ani.
\v 21 Nashee munkati nani e momba ngu, kuti nisondi ikora byakonda ebhubhi bwanimina.
\v 22 Bhushwa nashime myomba ya Ongo etukana ne mweya wa kumunda nani.
\v 23 Ina kumunda nani kuri umpe momba munkati ne bhitambo bye mubhi, bhikwanange n'eriyorukira rani, nanjo yandonja mufuku w'ebhubhi mbu bhuri kumunda nani.
\v 24 W'emario nty'ani, inye ngi wasendamya n'emubhi w'er'ikwa?
\v 25 Ina e nchumo tukuruchiiyo Ongo kuri Yesu Kirisitu Nyerekuritu. Nani niri mwirindire, mufuku wa myomba ya Ongo, na mo mubi ani mufuku we myomba ye bhibhi.
\c 8
\cl Chunda 8
\p
\v 1 Kusira obhansa rutiruti kuri mbi bhari kumunda na Yesu Kirisitu.
\v 2 Bhushwa e myomba ye bhuingo bwe mutima kuri Yesu Kirisitu bwakunteanya e myomba ye bhubhi n'er'ikwa.
\v 3 Bhushwa nti rakocheka mo myomba, bhush'e mubhi warukishanga yo maa, Ongo wanena ebhubhi, watuma musike we mo mubi bhush'ebhubhi, Musikewe mu mubhi ususene na w'ebhubhi.
\v 4 Wakukiambo bhushwa e bhuritohe bwe myomba bhusanguhe kuri bhate mbi tutangenda mo mubhi ina mu mutima.
\v 5 E bhari mu bye mubhi, bhashima e bhinwa bye mubhi, nambi bhari mo bye mutima, bhashima e bhinwa bye mutima.
\v 6 N'er'ishima r'e mubhi, oku, eina er'ishima r'e mutima bhuingo na bhuhoro;
\v 7 Bushwa e mubhi washima bhita na Ongo, bhushwa utangasimirana ne myomba ya Ongo na utakachi nakubha.
\v 8 E bhari mu bye mubhi, bhatakochi imoesha Ongo.
\v 9 Bhumbo, bhaanu kiro mubhesa ho bhushwa e mubhi, ina bhushwa e mutima, kubha e mutima wa Ongo urikirire kumunda ninu. Kubha mwea usira e mutima wa Kirisitu, nti wae.
\v 10 Kubha Kirisitu uri kumunda ninu, moharo ruma, e mubhi wamakind'ikwa bhushwa e bhubhi, na muharo rumpe, e mutima washere bhuswa ereira.
\v 11 Kubha e mutima wangu wafuranga Yesu mu bhakwire uri kumunda ninu, e wasimonga Yesu mo bhakwire wasebhuninkayo bhuingo mo mibhi y'inu y'er'ikwa, ietere e mutima 'ng' uri kumunda niinu.
\p
\v 12 Bhumbo, e bhanakitu, nti turi tu na mwinda we mubhi muribhesa mwisasa re mubi.
\v 13 Kubha mwetinge bhuri bhea bha mubhi, mukukwa, ina kubha mo mutima nti mumashura e bhikai bye mubhi, mutumukwa.
\p
\v 14 Bhushwa ebhati mbi bhenjiwange ne Mutima wa Ongo, imbo ngi bhana bha Ongo.
\v 15 Mor'oharo rwinu, nti mureninkwa mutima wa bhukobhe mubhesi mu bhobha, iina muninkwanga mutima w'ibhesa bhana, ng'isingwange twakuwa: Aba, Tita!
\v 16 E Mutima mushasha w'isine kariho hima ne mutima witu 'mbu bhate bhana bha Ongo.
\v 17 Na kubha bhate bhana bha Ongo, na bhate twa'nswa mo mwandu: bhate bha shemyandu hima na Kisiritu, twamabhese nti tunubhange hima nae, kongo twatatwayo hima nae.
\p
\v 18 Nanikirange mbu e minubho yarun'otu mu kino chuo, itamukoch'isuse bhuhime washeiwayo bhate.
\v 19 Bhushwa mbi bya bumbwanga bhirindirange na muho mukiri ebyasheiwayo ebhana ba Ongo.
\v 20 Bhushwa inchi chabhumbwa chabhesa ho mu mwetunduriko, nti mw'isasa ra'cho, iina murisasa rangu warikere cho.
\v 21 Hima na mwenyihiro, echabhumbwa chooshukarayo n'ibhesa na muhango mo bwime bw'ebhana bha Ongo.
\v 22 Tusi mbu e bhati mbi bhabhumbwanga, bhakiri bhanubhange mo bwae bw'er'ibhutwa iya na run'otu.
\v 23 Na nti icho ho; ina na bhate bhesiine mbi turi ne byuma bya roso bye Mutima, tubhibhengi mo Mutima, moririndire eribhutwa, er'ikururirwa r'emubhi witu.
\v 24 Twaroshukara ietir' emwinyihiro; n'e mwenyihiro wamasungwa ntinti mwenyihiro tu, bhushwa inye ng'wamwenyihire inchi chamasunga we?
\v 25 Ina kuti twenyihire nti neki mbi byasunga bate, nti twarinde byo na mwenyihiro.
\p
\v 26 Bhumbo hotu, e Mutima mushasha utusakengi mo bhutetera bwitu, bhushwa nti tusi bwamuhema bhate, iina wisine utuhemengi mu mpumuro nji itakochiebwa.
\v 27 Ing'urorotange e mitima, osi e myanikiri ye Mutima mushasha, bhushwa uhemengi mbi bhashuururwa etukana n'er'isasa ra Ongo.
\p
\v 28 Tosi bhuno mbu, kinsi kikai ch'isakembi ebhashima Ongo, imbi bhabhikirwanga bhushwa bwae.
\v 29 Bhushwa e bhasibhanga e kubhusondori, waninkanga bho bhususe bwe mwana we kongo Musike we wabhesa ntangi munkati na bhanachabho bhingi.
\v 30 Imbi bharondorange we ra roso ngi bhabhikirangawe hotu, washurura bo, imbi bhashururangawe, waritundurika hotu bho.
\p
\v 31 Kinki ngi cha mebha tu bhate bhushwa ne binwa mbyo? Ongo wamabhe hima nitu, inye ng'wamutukwanya?
\v 32 Ingu nt'watusimanga musike we wesine, iina wamusiburanga bhushwa nitu bhate bhati, bhuni wamakia watatuninki kinsi kikai hima nae?
\v 33 Inye ng'wasongereyo mbi bharirondorwa na Ongo? Ongo ngushururanga.
\v 34 Inye ng'wahakanyayo bho? Yesu Kirisitu, iwe ng'war'ikwa na chahund'irenga, iwe warifuka, uri muruharo rwe kwabhume kwa Ongo n'utuhemengi! '
\v 35 Inye ngwatusianyayo ne nchimi ya Kirisitu? Ramabhe nty'emereko, kuti e bwae, kuti e rishurwa, kuti e rwaka, kuti e munkanga, kuti er'ishiriwa kuti ari mwere?
\v 36 Etukana n'ebwatiranyiwa cho: bhushwa nabhe tushurwange kirotu. Twasusa mburi sienda kakerwa.
\v 37 Eina mo bhiti mbyo, twasum'irenga e bharai ietere kuri ngu watushimanga.
\v 38 Bhushwa n'iri n'esimira mbu rabh'ikwa, rabhe bhuingo, rabhe ngashani, rabhe mbi bhasimanire e chuo, rabhe mbi bhiri runotu, rabhe mbi bhiseyayo; rabhe.
\v 39 ari bhunkangwea, rabhe bhore bwe kwiyo, kusira nanchi charebhumbwa chamatusianya ne nchime ya Ongo, inji yasungwa kumunda na Yesu Kirisitu, Mukota witu.
\c 9
\cl Chunda 9
\p
\v 1 Namebha eira kuri Kirisito, ntangatima, kumunda nani niri na kariho k' e Mutima mushasha.
\v 2 Nashea bwae nguru na bhonso bwenderana mo mutima.
\v 3 Bhusha, namubhesange mwana wakihanga kore na Kirisitu bhusha bhanakitu e bhabhuti bhani mo mobhi.
\v 4 Ibho bha Isiraeli, bharisiwa ibhesa bhaana, e bwime, ne ndani hima n'iemisa Ongo.
\v 5 n'endani, n'ebakungu na mubo kwatuka Kirisitu mo mubhi, Kirisitu ing'uri ekwiyo ne bhiti, Ongo wakasanirwe ematu ati, amina!
\p
\v 6 Nt'iyebha mbu ekinwa cha Ongo kibhesi bhusa. Bhusha, nti bhaisiraeiri bhati nge bhakuisiraeri.
\v 7 Na mor'ibhesa mbuto ya Iburahimu ng'ebhana bae; iina, kuri Isake ngi kwasekutukire mbuto.
\v 8 Ng'iebha mbu nty'ebhana mo mubhi ngebhana bha Ongo, eina ebhana bh'endani.
\v 9 Bhusha, kinwa che ndaani nseyayo mukino kiranga na Sara wasebhesa na mwana.
\v 10 Kuruma Rebeka nae, waria bhukure wabhume uma, Tita nge Isake.
\v 11 Bhusha nakiro e bhana nti nesi bhabhutwa, na nti bhakore eira ari bhubhi, ne risasa ra Ongo, mor'irondorwa rete, nti bhushwa mikorere eina bhusha er'isasa r'angu webhanga.
\v 12 Rebwa kuri Rebeka: e mukakare waakoreyo e mwanunke.
\v 13 Nashimanga Yakobo, nabhaa Isau.
\p
\v 14 Twebhe bhuni kwe? Kusira eira kuri Ongo? Anga.
\v 15 Bhusha, w'ebha na Musa: Nsesasira ing'wasasira 'ni na nsebhesa na bhonso mu 'ngu waronjie ani bhonso.
\v 16 Indo nti ratukana n'isasa ra mweya, ari n'isonda ra mweya eina ratukana na Ongo ng'uronjang'emusasiro.
\v 17 Bhushe 'mutiro w'ebha kuri Farao: Nakurishienga e mutima ngo kongo nashea ebunkangwe bwani kuri ongo na kongo erina r'ani raturwa mo chuo kiti.
\v 18 Himpo usasiranga ewasasa we n'esumye 'mutima mu 'ngu wasasa we.
\p
\v 19 Ukun'ire: bhushwa nki ukongobhanyange tu? Bhushwa inye ng' wamuhakanya erisasa rae?
\v 20 N'ongo mweya ongo 'nye mw'ehimana na Ongo? Ekibya ch'er'oto chamw'ire ewakuronja cho, ukundonja bhuno bhushwa nki?
\v 21 Emubhumbi nti nge mukakare ireng'er'oto, wamuronja na kicha-kicha kikambi kibya chatatwa na cha nenwa?
\v 22 Iny'amebha kuri Ongo, kuti wasasa ishea bhusubhuke bwae, nishea e maa ae, mwer'indire nguru bhibya byasubhukirwa mw'ebhishiwa-bhishiwa,
\v 23 Na kuti wasondanga esibhisha ebhutumba ne bhukiri bwae, munkati na bhibya bya musasiro. e byaronja we itukire kare, bhibhesi n'otunda.
\v 24 Ng'warituribhikira we nti bhayuda ho ina itukire esanganda nato.
\v 25 Imbu bwebhanga we kuri Hosea naabhikira na nsemubhikira mira 'ni ingu nti mirani.
\p
\v 26 Nampo ehasebhikirwa bo mbu bhanu nti bhea bhani, kuuko bhasebhikirwayo bhana ba Ongo ingu uriho.
\p
\v 27 Isaya naew'ebha bhushe bhaisiraeri emwanso webhana bha Isiraeri, bhasekiayo bhabhesa bhuri misiye ye nyansa, imbi bhasiyanga ngi nabho bhasoshukarayo.
\v 28 Bhushe wabhereresha ekinwa chae echaresia we mo chuo.
\p
\v 29 N'ebwakianga Isaya eraroso: kubha Ongo mine bhichiri uta mutusierengi ubhuto, twamubhesangi bhuri bhisa ku Sodoma na twamubhesange bhuri ku Gomora.
\p
\v 30 Twebhe bhuni, e bhea bh'esanganda bhatangasond' ereira bhasheenga ereira, er'eira ratukana n'erisimira.
\v 31 Na bhaisiraeri bhamisanga emyomba y'ereira nti bheya mureira.
\v 32 Bhusha nki? bhushe nti bhasondanga. Ina munse ye mikorere. Bhushe bhasitaranga murikoi raha nkuso.
\v 33 Imbu watiranyanga bho cho, kae nakiya ku Sayuni ikoi resitare, notandare rwehucha. na nkisi 'ngu wamusimira utakwiyo nkene.
\c 10
\cl Chunda 10
\p
\v 1 Bhanakitu e kihuno ch'ani ch'e mutima ne mahemo ani kuri Ongo, bhashukare.
\v 2 Nibwirengi mbu bhari na muho kuri Ongo ina anga bwenge.
\v 3 Bhushwa bhamabhese nti bhasi eriira ra Ongo bhasondekanya itunganya rimpe iira rabo, nti bhahicha mor eira ra Ongo.
\v 4 Bhushe Kirisito ng'er'ibhereresho re myomba y'er'itushuurura mu kinsi mwea ingu wasimira.
\p
\v 5 Musa watiranyanga e mwasi w'er'eira r'itukange mo myomba ingu w'emis' e bhikai mbi, mwikora byo, warikayo mubyo.
\v 6 Ina erira ritukanange n'e myomba reba bhuno: angieba mo mutima wabhe inye ngwataya nko kwiyo? Nty'ehicha Yesu e kwansi?
\v 7 ari: inye ngwahitayo e kwerunga? nty'ekuruchie Yesu mo bhakwi.
\v 8 Ina rebha bhuni? e kinwa kiri kwihi n'abhe, mo bhunu bwabhe na mo mutima 'bhe. Nge 'kinwa ch'er'isimira ekibhuturengi bhate.
\v 9 Bhushwa umebha mo bhuunu mbu Yesu ngi Mukota na umasiba mo mutima mbu Yesu wafukanga mo bakwi, ntw' oshukara.
\v 10 Bhushwa mu mutima e mwea wamasimiri nt'wansirw' eriira, na mubunu nt'washee n'ioshukara.
\v 11 Kinsi mwea ewamusimira byo utamuhambahamba.
\v 12 Bhushwa hasira irengwarengwa munkati e muyahudi ne muyunani, bhushwa iwe mwami we bhati, musoki mo bhati e bhamubhikirange.
\v 13 Bhushwa kinsi wabikira e rina ra Mukota, nt'washukara.
\p
\v 14 Bhuni bwamubikira bho na nti ntibasimira? Na bhuni bwaabhikirayo imbi bhatangamorukire? bhuni bwasemorukire bo kuti kusira muhani?
\v 15 Bhuni bwamushee bhate bhahani na nti bharitumwa? Bhuri mbu bwatiranyiwa cho: Yakasanirwa e mindi yenda katura e kinwa chebhuhoro ya 'mbi bhaturang' emwasi wakonda.
\v 16 Ina ntiebhati ngi bharesimira e mwasi wakonda. Isaya weba: e Mukota, inye ngwasimira e bhinwa bitu?
\v 17 bhushw'erisimira riyange mor'ikorukira, nerirukira riyange mo kinwa cha Kirisito.
\p
\v 18 Ina nebha: nti bharorukira? Nti 'mbo emirenge yabo yerukirwa mo chuo kiti. Ne bhinwa byabho, byeya na hende chuo.
\p
\v 19 Ina n'ebhange: Isiraeri, nt'wasibha mbu Musa ngiwebhanga ra roso. Nashosha emono winu bhushe nty'oanda, Naseshosha erisubhuka rinu mu kisasa kisira wenge.
\p
\v 20 Na Isaya ingʼuri na bhunkangwe bwakumunda webha: nar'ishekana na'mbi ebhatanganisonda, nasaire mumbi bhabhesanga bhatanganchisha.
\p
\v 21 Ina kuri, Isiraeri w'ebha: narorore e mine yani mu bhea bhakwemi na bhahakahaka.
\c 11
\cl Chunda 11
\p
\v 1 Nishishange, mbe Ongo wamatinang'ebheya bhae? kusira bhushwa n'ani hotu mu Israeli, niri mu r'ubhuto rwa Ibrahamu, mu r'uanda rwa Benjamini.
\v 2 Ongo ntw'aretina e bhea bhae, imbi bhasibwanga naye raroso. Musera byebhange' e rwandiko bhushwa na Elia, bwarirenga we kuri Ongo bhushwa Israeli.
\v 3 E Mukota, bhamashura e bhatahwa bhabhe, n'ikakura e maherero abhe, an'isine ngi namasiere, na bhasondange inchura.
\v 4 Iina, bhuni wasubhienga Ongo? nikiri n'ebhike bhea bhihumbi bhirinda, imbi bhatangasimiranga Baali,
\v 5 Ng' ebhumbo na mo matu ano kukiri kikembe charirondorwa na Ongo mu nchumo.
\v 6 Iina ramabhe bhushwe nchumo, kai ntinti bhushwe mikorere, na amabhe nti mo mikorere nti ntimo nchumo tu, nti mbo e mikorere nti ntimikorere tu.
\p
\v 7 Inki ke? inchi kisondange Isiraeri nti bharishee cho, iina mbi bharirondorwa na Ongo ngi bharishee cho, na bhampe bhasumya e mitima.
\v 8 Etukana n'ebwatiranyiwa cho: Ongo waninkanga bo mutima usiributa byuma, meso atakoch' ikae na mate ngi atakoch'iyorukira. Na nd'otu Ndauti webha:
\v 9 E bhutanda bwabho bhubhinduki iteya, bhukira na kashushu.
\q
\v 10 Bhabhinduki bhirimirimi kongo bhatakai, ne myongo yabho irike yakumbakumba.
\p
\v 11 N'ebhange r'ibhesi nsomombo s'ehuka r'abho kongo bhakwa? kusira. Eri suruka rabho ngi rarerishie e esanganda ioshukara, ishukara, kongo rarishie bho mono.
\v 12 Erihuka ramabhe ngerikasanirwa re chuo neririmina rabho nge mukisa we sanganda, bhuni bhwabheyo erisimanikwa re bhati?
\p
\v 13 Nebhange cho na bhea nti bhasimira bhuri na ntumwa y'entibhasimira, namoere e murimo wareninkwa ani.
\v 14 Kurintambi ramusimo e mono wa bhanakitu mor'ioshukaya bhea bima.
\v 15 Bhushwa amabhesa e ritawa rabho rarisha irongana re chuo, kinki chaabheseyo bhamarisiwa, kuti nti bhuingo munkati nambi bhakwire?
\v 16 Kuti e mirime yaroso yamabhese ya Ongo, eimbe iti nty'abhesa eimpe hotu, e miri yamashuururwa, ne sa ntabhi nato nti sa shururukara.
\p
\v 17 Iina ntabhi sima samakokorwa, n'oongo musabibhu wa bhusara, ukimishiwa ho, urishiwe n'emiri n'ematongu e musabibhu ngo.
\v 18 Angi nena e sa ntabhi nso. Iina mumanena to, musibhanga mbu nti bhanu ngi muriya e muri, iina e muri ng'wabhuriya.
\v 19 Mwebhanga bhuno: bhar'inoa e santabhi kongo nabhate twatarikwa.
\v 20 Incho eira; E risumya rabho mitima ngy'aresingwa bhakokorwa, iina murike musimana mor'esimira. Anga kw'itata nguru, iina murike mu bhobha.
\v 21 Amabehsa Ongo nt'wasiererenga esantabhi se bhubhutirirwa, angihaka mbu bhanu ng'wamubhuranga.
\p
\v 22 Musibhanga ebhongo n'er'isua ra Ongo wasuwa kuri ebharimina imbi bharehuka, n'ebhongo bwa Ongo kuri oongo riko mo bhurongu bwae, kuti nti mbo n'oongo ukukokorwa.
\v 23 Nabhametunja mo mitima yasuma, nti bhakimishiwa tu. Bhushwa Ongo uri na bhunkangwe bwitunganyanya tu bo.
\v 24 Bhushwa ramabe ukokorwa mo musabibhu w'er'ibhutirirwa wa mo bhusara, uterekwa mo musabhibhu wakonda, charenga ha, ibho nti bhamuterekwa hotu mo musabhibhu wabho 'ngu wakonda.
\p
\v 25 Bhushwa e bhanakitu, nti nashima muruk'esibha imbi byateana e wenge kongo mutw'esungi bhuri bhanu bhateesa nguru: bha Isiraeri basumyanga e mitima iya er'otu rwakianga bhea bh'emubhi bhakim'ebhati.
\v 26 Ngina bhubho, Bha Isiraeri bhati, imbu w'ebha e rwandiko, bhooshukarayo: < Rukombora wasairi ku Sayuini>; watunji Yakobo mu r'iruka isimira.
\p
\v 27 Iya nge ndaani yani na bho, nakii nakuto e bhubhi wabho.
\p
\v 28 Mo mwasi wakonda, bhamabhesa bharenda bhushe n'inu, eina etukana n'er'irondorwa bhashimwa na Ongo bhushe bishe.
\v 29 Bhushwa Ongo tabhundukanga mo mihango yae na mo murenge wae.
\v 30 Bhushwa karekare asenga nti mukemwa Ongo, iina rinotu muninkwa nsasi bhushwa neri fundw'isimira rabho.
\v 31 Ngina bhubho e Bhayuda nti bhasimiranga kongo nabho hotu bhakumanana n'e nsasi, imbu bwaribhesa hotu bhanu.
\v 32 Bhushwa Ongo wareriya e bheya bhati mu muri w'eriruk'isimira kongo bhasunga e nsasi sa Ongo ebhati.
\p
\v 33 E bhore bwe 'bhutumba, bwe bhuteesa, n'er'isibha Ongo, emansa sae sitakoch'esibwa n'e sa 'nse sae sitakoch'irukirwa.
\v 34 Bhushwa inye ng'osi e myanikiri ya Mukota. Na 'nye ngw'amabhesenga muhani wae?
\v 35 Inye ngw'amasombyanga Ongo kongo wamutua?
\p
\v 36 Bhushwa ekuri we, ko kwae bhushe we, ngi kuri ebhikai bhiti. Iwe ngimine bwime bw'ematu ati n'eati! Amina.
\c 12
\cl Chunda 12
\p
\v 1 Nibhuhanang' ebhanakitu mu nchime ya Ongo, musibhure 'mibhi y'inu ibhinduki Kinsinso kishere chashuruurwa, chatunganana mo meso a Ongo, ngemikorere y'inu ye mitima inji yakomenwa.
\v 2 Angienda bhuri mwea we chuo eina mubhundurwe mu bhushasha bwe myanikiri yinu, mukochi isibha nguru erisasa ra Ongo ndi rakonda na rakomenwa.
\p
\v 3 Bhushwa ne nchumo yarenikwa 'ni nishishange kinsi mwea mu bhanu inga wabhesa na kwitata eina mwambare micho yakonda mo bwenge, kinsi mwea etukana ne risimira rae.
\v 4 Bhushwa ebhuri bhate na bhitambo bhingi mo mubhi uma, ne bhitambo bhiti bhisira murimo uma.
\v 5 Bhubho bhate turi bhingi mu mubhi uma munkati na Kirisitu, na bhate bhati bhitambo kinsi uma kuri mine.
\v 6 Bhushwa tukwengi mihango yarengana etukana n'enchumo yarininkwa bhate, ing'uri n'ebhutahwa waronje bho n'ensusanya y'erisimira.
\v 7 Inguri na emuhango w'ikora, wakore, ing'uri na muhango w'ihana wahane,
\v 8 Na 'ng'uri na muhango w'ironganya wakore, ewereninkana waronje shu, ing'werisimanire, wasimaniri, werisasira wasasire na ngoa.
\p
\v 9 Enchime itabhingi nabhukorotima, mutinang'ebhubhi, mwemise mbi byakonda.
\v 10 Mu nchime ya bhunakima, murisiwe mashimane ebhima mu bhampe hima n'irangana.
\v 11 Angi bhese bhatetera mo murimo, murike mo mutima, nti bhanu mukorengi Ongo.
\v 12 Mumoe mu mwinyihiro. Mubhese na kemine mo minubho, mubhesi n'irika mo mahemo.
\v 13 Mubhesi n'esibhukiy'emirao y'ebhashuururwa, n'ikoke 'bhendendi n'ebhamoange, muri n'ebharengi.
\v 14 Mukasanyienga ebhabhunubyange, mukasanyii bho kiro muhera bho.
\v 15 Mumoe hima n'ebhamoange, muri n'ebharengi.
\v 16 Mubhesi na mwanikiri uma bhanu bhesine na bhesine, kiro muria emihaki yi'inu mu bhinwa bhikiri, iina musimire 'mbi byahehera, kiro mw'ianse bwenge.
\v 17 Kiro mukuruchie mwea bhubhi mu bhubhi musonde imbi byakonda mo meso e bhea bhati.
\v 18 Mubhesi na bhuhoro n'ebhea bhati ramakocheka.
\p
\v 19 Nti mutwikwani, iina musieri e bhusubhuke kuri Ongo. Bhushwa chatiranyiwa: ani ng'wer'ibhukwane, ng' webha Mukota.
\v 20 Iina e murenda wabhe wamabhe na rwako, muninke bhiyo. Na kubha uri na mbusha, muninke byiomo. Bhusha mbu mumaronja mbo, nty'etiture makaya mo muntwe.
\v 21 Ang' ifundiswa n'ebhubhi, eina mufundise 'bhubhi mu bhoongo.
\c 13
\cl Chunda 13
\p
\v 1 Kinsi mweya munkati ninu wasubhaha e bhakakare, bhushwa kusira bhukakare mbu nti bwatukire kuri Ongo, ne bhuriho bwatukanga kuri Ongo.
\v 2 Bhushwe na cha, e nti bhehicha mo bhukakare nti bhatinange Ongo, ne bhatina bho bhakerwi obhansa rwa Ongo ibho bhesine.
\v 3 Bhushwe bhakakare nti bhari mpo bhushwe n'enubya e mikorere yakoma, ina e yema. Mutungasonda isubaha e bhakakare? Mukie bho shu na mukusimirwa.
\v 4 Bhushwe ibho bhakori ba Ongo mo byongo byinu ina mu makora bhubhi, mubhe na bhobha bhushwe nti rabhusa ngichasingwa bhaninkwa e bhukakare bwe rifine.
\v 5 Ngi chasingwa muhwa isubhaha bho, ntibhusheho bwe rifine, ina bhushwe kwesibha.
\v 6 Bhushwe na ncho, mutue mituro. Bhushwe e bhakakare bhakori bha Ongo, ngi bharunguriranga kinsi ntambi mo bhikai mbyo.
\v 7 Muninke kinsi mweya e chamukomenwa: mukongoro, muba mukutoyo, ne muturo mubha mukutoo, nerisubhahwa mungu e wamusubhahwa er'otunda mu 'ng'wakomenwa ro.
\p
\v 8 Kiro bhesa na mwinda wa munakinu, kuti nti e nchimi yinu bhesine na bhesine. Bhushwe ungu e washima munachabho nt'wabhereresha e myomba.
\v 9 Ang' isingirana, kiro 'shura, ang'ishuma, kiro kw'isane, nebhiti byaminwa mu kinwa kima: ushimanga munakinu e bwishima ongo.
\v 10 E nchimi itabhishienga munachabho bhushwe rwacha ngi chasingwa e nchimi yabhebheresha e myomba iti.
\p
\v 11 Bhushwe nacha morukira mbue ntambi yamia bhasumuke imbi bharere. Bhushwe e karamo kitu iye kari kwihi itukana na mbu e bwasimiranga bhate e raroso.
\v 12 E mwerimya urikiya hende iye bhuri kacha. Musiane n'e mikorere ye mwerimya na tukosore e byuma bye chaka.
\v 13 Twendi 'shu bhuri mumwishi, ina nti mu bhuroho, na ntamiro, na nsingirani na karawa, e mikonsi, mbangu ne mono.
\v 14 Mumbare Nyerekuritu Yesu Kirisito na kiro muraa mu turawa twe mubhi.
\c 14
\cl Chunda 14
\p
\v 25 kuri 'ng'uri n'ebhunkangwe w'ibhusimanya itukana n'e mwasi wakonda n'e mahano a Yesu Kirisitu etukana n'erisheiwa re nama mu matu mingi.
\v 26 Eina byasheiwa run'otu mo mitiro y'ebhatahwa, mu momba wa Ongo w'ebhiranga 'bhiti na byasheiwa mo senganda 'siti kongo bharisiy'er'isimira,
\v 3 Ingu e urisang'e bhikai e bhiti kiro wanena ingu e utangarisa bhiti, na ngi bhumbo ungu e utangarisa e bhikai bhiti, nae kiro wa nena eutangaris'e bhikai bhiti. Bhushwe Ongo wa murisiya naye.
\v 4 Ongo 'nye ngu ukerengi ubhansa mukori wa umpe mweya? kuba wasimana ari weshima rakae mine kurwae. Ina wasesimana, bhushwa Mukota uri nikocha risake bho.
\p
\v 5 Kuri 'ngwatina esiany'e matu, nompe wasunga o nti asusene, kinsi uma wabhesi ho mo mihake yae.
\v 6 Ingu 'sianyang'ematu, ukorange 'mbo bhushe Mukota. Eurisang' ebhiti nti bhushe na Mukota Ing'urisange, bhushwa utatange Ongo. Ing'utangarisa nti bhushe na Mukota ng'isingwange utarisi watange Ongo.
\v 7 Bhushwa kusira mu bhate e uri ho bhushwa 'we wesine, na kusira mweya ukwange bhushwa 'we wesine.
\v 8 Bhushwa kuti turi ho, turiho bhushwe Mukota na twamakwa, nti twakwire Mukota. Twamabhe ho na tutabi ho, bhate turi ho bhushe Mukota.
\v 9 Bhushwa Kirisitu wakwanga na werehima kongo wasima mo bhakwire n'ebhari ho.
\p
\v 10 Ina ongo, bhushwa nki ongo kerengi ubhansa nunakitu? ari ongo, bhushwa nki unena munakinu? Bhushwe twasimanayo bhate bhati mu kitumbi che mansa mo makako a Ongo.
\v 11 Bhushwe charetiranyiwa: ani niri ho, kinsi eru risekunyiwayo mumakako ani, na kinsi rwami rwatata yo Ongo.
\p
\v 12 Ngi bhumbo, kinsi mweya waturi e kari ho kae mo makako a Ongo.
\p
\v 13 Bhushe rwacha kiro twakerane mansa bhate mu bhate, kiro twaronja kikai, Ong'ibhesa ikoi r'esitaya ari r'ehucha.
\v 14 Nisi na niri ne risimira kuri Mukota Yesu kusira mubhi mw'iwe wesine, ina ho kuri ng'usungange e bhiti bhuri bhibhi.
\v 15 Kuti bhushwe rwe bhiyo ngi chamusingwa munakinu w'ianikira, himpo nti utungendere tu mu nchimi. Kiro bhishabisha munakinu bhushwa na bhiyo byabhe, nawe Yesu wamukwirenga.
\v 16 Enchumo yabhe kiro yasingwa utiko umpe.
\v 17 Bhushwa ebhubhake bwa Ongo, nti bhuri moririsa ne riomo, iina r'eira, e bhuhoro na ngoa mo Mutima Mushasha.
\v 18 Bhushwa ungu e ukorengi Kirisitu bhumbo iwe wakokomerwa na Ongo na warisiwa ne bhea.
\p
\v 19 Nge bhumbo, tusonde e bhinwa bye bhuhoro, nambi byamutusake moririka hima.
\v 20 Kiro twabhisha e murimo wa Ongo bhushwa bhiyo, bhushwa mor'eira kinsi kikai chashuururwa. Iina rema kuri e mwea ungu e urisange, na wabhe ikoi r'esitaya.
\v 21 Rahunda irisa nyama, ang'iyomo mau, na kitikiti e chamuhucha munakinu n'emuya nkene ari bhutetera.
\v 22 E nsimiro 'nji eiri nabhe, ranga yo kuri Ongo. Wakasanirwe e mwea ngu e nti wihakanya munchi cha simira.
\v 23 Eina ing'wabhese na mitikotiko mu'nchi kirisange we nt'wakererwa obhansa, bhushwa nt'wakukura mo chasimira we. Kinsi nchi nti chatukana n'er'isimira ritu icho kibhi.
\c 15
\cl Chunda 15
\p
\v 1 Bhate 'mbi turi na maa, twahwa iriya e bhutetera bwe bhatetera, na nti tutesungi.
\v 2 Kinsi mwea munkati nitu wishee mwishima munachabho e uri kwihi nae mu byakoma morimwumba.
\v 3 Ne bhuri Kirisitu nti weshimanga, iina na'mbu ebwatiranyiwa cho: er'ikutiko rambi bhakukambange byanikuruke.
\v 4 Bhushwa e bhiti byatiranyiwa bhushe r'ituhana, mw'etukana ne riandira hima ne rininkwa e ramarama ininkanang' e mitiro, tubhesi na mwenyihiro.
\p
\v 5 E Ongo we muho na we ribhongabhonga wabhuninke mubhe ne myanikiro njo bhanu bhisine na bhisine itukana ne bhuri Yesu Kirisitu.
\v 6 Bhushe mubunduki ne mwanikiri uma na mwebhe mwebe uma, kongo mutata Ongo tita wa Mukota witu Yesu Kirisitu.
\p
\v 7 Itukana nancho mukokani bhima mu bhampe e bhuri Kirisitu e bwabhukokenga we mor'itata Ongo.
\v 8 Ngi chasingwa nebha mbu Kirisitu wakiirwanga mukobhe w'ebhet'ekotende, mor'ishea reira ra Ongo, mor'ibhereresha endani yaronjienga we bhatita.
\v 9 N'e kuri e nti bhasimira bhatate ongo bhushwe bwe sa nsasi sae, itukana nebwatirwanyiwa cho: ngy'asingwa nsekutata munkati ne nti bhasimira na nakusimbeyo ndumbo s'ikutata mo rina r'abhe.
\v 10 Charebwa tu bhuno: mumowe bhanu esanganda ne bhea bhae.
\v 11 Rebwa tu: mumoi Mukota, bhanu esanganda siti na mumutate bhanu e bhea bhati.
\v 12 Isaya webha: kwaatukayo musesa mo bhura bwae na wasimanayo n'esumba esanganda, esanganda sisebhesayo na mwenyihiro kuri we.
\p
\v 13 Ongo we mwenyihiro wabhurisiye ne ngoa siti ne bhuhoro e bhuti mor'isimira, bhushwa kongo murisiwa mo mwinyihiro we bhunkangwe bwe Mutima Mushasha.
\p
\v 14 Ani sine niri n'isimira mu roharo rwinu, bhanakitu mbu bhanu bhati murise na bhongo-bhongo, murise n'esibha riti, n'ikocha ihanana bhanu mu bhanu.
\v 15 Itukampo nabhutiranyie e mitiro na bhunkangwe e bhuti mw'ibhusubhukia tu, bhushwa bwe nchumo eyar'eninkwa 'ni na Ongo.
\v 16 Bhusha nibhesi mukori wa Kirisitu Yesu ntumwa we nti bharesimira, namakind' e murimo ngo wakonda wa Ongo, kongo nti bhasimira bhisimirwe bhabhesi ohembo rwkonda, rwashuururwa mo Mutima mutabheri.
\p
\v 17 Bhushwa na'ncho niri ne cha mwitate ani kuri Kirisitu Yesu mumbi bhinwa byakae Ongo.
\v 18 Bhushwa nterekiyo ikimisha kinwa kiti irenga imbi e bya bherereshanga Kirisitu itukana nani muririsha e nti bhasimire mwi morikire, mo kinwa na mo mikorere.
\v 19 Mo bhunkangwe bw'ebhishisharo n'etushingishiro, mo bhunkangwe bw' e Mutima Mushasha wa Ongo etukire ku Yerusaremu n' ebyuo bya kwendende iya ku Iririko rar'itura ko nguru emwasi wakonda wa Kirisitu.
\v 20 Narekwironjie otunda, mw'eture emwasi wakonda inko nti kwariturwa Kirisitu bhushwe kiro numba mu ntangiro ya umpe, etukana n'ebwaretiranyiwa cho.
\v 21 Kuri mbi ntibariturirwa 'ni bhasungayo, na 'mbi nti bhorukiranga o bhaasimirayo.
\p
\v 22 Ngy' asingwa nabhesenga ntangenda kuri bhanu.
\v 23 E r' otu rweendayo ani ku Espanye nanikira, iya mu matu mingi nabhesanga na mwanikiri wiya kuri bhanu.
\v 24 E rutu nendayo ku Esipanyi, na nikira ibhusunga na nti netange, n'itindikiwa ninu, itukana ne rintindike rinu re sangoa e siri nani mo kashangi kima.
\v 25 Hano nenda ku Yerusalemu, mwikore e bhakirisito.
\v 26 Bhushwa bisa ku Makedonia na ku Akaya bhabhesa nti beninka momba wa mukongoro w'ebhasene munkati ebhashuururwa mwisake bho ku Yerusaremu.
\v 27 Nancho ngyabhesenga e murao wabho, na bhashima eninka bhoo, na kubha e nti bhasimira bhamaninkwa mihango mo ye Mutima, kai risondange mukori bho mo bhinwa byabho e bhiti.
\v 28 Nsekiya namakindanye e bhiti mbi, n'eninka bho emihango njo, nseeta ko kwinu, mwi enda ku Espanye.
\v 29 Nisi mbu muriya ko kwinu, nti mukisa mwingi wa Kirisitu.
\p
\v 30 Nibuhemange, e bhanakitu, mo rina ra Nyerekuritu Yesu Kirisitu, na monchimi ye Mutima, mw'ikwana hima n'ani mw'iniheme kuri Ongo.
\v 31 Mukiye mbo kongo netunja mo bhabhi bha ku Yudea ne mihango yarisha ani ku Yerusaremu isimirwe n'e bhakirisitu.
\v 32 Kongo niya ko kwinu na ngoa kuti isasa ra Ongo, na kongo nashee iruhuka ninu hima.
\v 33 Ongo we bhuhoro wabhe ninu.
\c 16
\cl Chunda 16
\p
\v 1 Nariya Febe, mwisiitu, mu makako n'inu, iwe mukori mor'irameso ku Kenkurea.
\v 2 Kongo mumukoke mo rina ra Mukota, imbu wakomenwa ibhese uma mumbi bhashuururwa na kongo mumuangirira mu kinsi cha muraa muwe, bhushwa naye wamasake bhea bhingi, n'ani hotu wamakind'insake.
\p
\v 3 Munkereyanga Prisila na Akila imbi bhakoranga n'ani e murimo wa Mukota, Yesu Kirisito,
\v 4 Bhashiang'e bhuingo bwabho kongo bhandamya. Na kokome bho, na nti an'isine, iina n'emarameso ati esanganda.
\v 5 Mu 'nkereer'irameso ririkire mu mwabho. Mu'nkeree Epeneto, ing'washim'ani, iwe ng'etangi ya Kirisito mo Asia.
\v 6 Mu 'nkereanga Maria, ing'wabhukorenga nguru.
\v 7 Mu 'nkeree Androniko na Yunia, uanda rw'ani na ngi bhantindikiyanga mor'ibhisama ritu, n'abho bhakomenwa munkati n'esantumwa, n'abho bhansondorenga mor'ikime kumunda na Yesu.
\v 8 Mu'nkeree Ampuliato, ing'washim'ani kumunda na Mukota.
\v 9 Mu'nkeree Urubano, mukori hima n'itu kumunda na Kirisito na Staki, ing'washim'ani.
\v 10 Mu'nkeree Apele, ing'wasimirwa kumunda na Yesu, Mu; nkere bheya bh'e numba ya Aristobulo.
\v 11 Mu 'nkeree Herodio, mubuti wani. Mu 'nkeree bhea bh' e numba ya Narkiso, imbi bari kumunda na Mukota.
\v 12 Mu 'nkeree Tirifena na Tirifosa, bhakorengi Mukota nguru. Mukeree Pereside mukori nguru.
\v 13 Mu'nkere Rufo, murondorwa kumunda na Mukota, na nina, nani koyo ho tu.
\v 14 Mu'nkereyanga Asinkrito, Fuleyo, Herme, Patroba, Herma na bhanakitu imbi bhari hima n'abho.
\v 15 Mu 'nkeree Filologo na Yulia, Nereo na mwisi 'abho, na Olimpa, n'ebashuururwa bati bhari hima n'abho.
\v 16 Mukeane bhanu bhesine na bhesine n'ikokane ndi rashururwa. E marameso ati a Kirisitu abhukea.
\p
\v 17 Enompena nibhuhanange ebhanakitu, mwirange n'ebhashuanyi na bhakorange bhitikotiko, irenga e mahano areninkwa bhanu. Mubhekanga bho.
\v 18 Bhushwa bheya bh'ebhususe mbo bhatangakore Kirisitu, Mukota w'itu, iina bhakorengi e mara abho, na mo bhinwa byabho byahehera na bhinwa byabho by'ibonganya, bhinoange mitima ya 'mbi bhakwirengi bhusa.
\v 19 Ekuri bhanu, ebhurongu bwinu bhuri bw'ebhea bhati, bhushwa n'acha mubhesi bhateesa mu mbi byakonda, mu mbi byashuururwa, musungwe.
\v 20 Mumatu makeke, Ongo w'ebhuhoro waabhunguraa mushumbu mo mindi yinu. E nchumo ya Mukota Yesu Kirisito ibhesi n'inu.
\p
\v 21 Timoteo, mukori h'ima n'ani, wabhukea, na Lukio na Yasona na Sosipateri, bhabhuti bh'ani.
\v 22 Ani Tertio 'ngu nibhutiranyiengi bhino, nabhukea kumunda na Mukota.
\v 23 Gayo, ingw'aniangiriranga, n'er 'rameso e bhati, bhabhukeya. Erasto, murangi w'e nku ye r'ubhungu, na musike w'abho Kwarto, bhabhukeya.
\v 24 E nchumo ya Mukota w'itu Yesu kirisito ibhesi hima n'inu. Amina.
\p
\v 25 kuri 'ng'uri n'ebhunkangwe w'ibhusimanya itukana n'e mwasi wakonda n'e mahano a Yesu Kirisitu etukana n'erisheiwa re nama mu matu mingi.
\v 26 Eina byasheiwa run'otu mo mitiro y'ebhatahwa, mu momba wa Ongo w'ebhiranga 'bhiti na byasheiwa mo senganda 'siti kongo bharisiy'er'isimira,
\v 27 Kuri Ongo, wesine muteesa, wabhesi n'itatwa mo matu ati n'eati, kuri Yesu Kirisitu! Amina!