nyj_reg/42-MRK.usfm

\id MRK
\ide UTF-8
\h Mariko
\toc1 Mariko
\toc2 Mariko
\toc3 mrk
\mt Mariko
\c 1
\cl Chunda 1
\p
\v 1 Ntangiro ye mahano a Yesu Kirisitu, Mwana wa Ongo.
\v 2 Itukana n'ebwatiranyiwanga na Isaya, e Mutahwa; sunga, narebheka mu makako abhe e ntumwa, e usetunganya yo ense yabhe,
\q
\v 3 Uno murenge we ukuengi mu bweru: Tunganyanya ense ya Mukota, rengekanya e myengere yae.
\p
\v 4 E chuo ekiti cha Kuyudea ne bhea bhati bha kuyerusaremu bhenda e kuriwe, na bhasie e bhubhi bwabho,
\v 5 Bharubhikwa mu ngensi ya Yorodani.
\v 6 Yohana wabhesenga na nchangi Y'ohu rwa Ngamia, na mukabha mumangati. Wabhésenga urisanga tukuku na bhuki.
\v 7 Ntu turange, e mwasi wekaramo, ntwebhange bhuno: wiyange kuruma nani nge mukiri indenga, nani nti nakomenwa ihíta iyobhora e miri ye bhinantiro byae.
\v 8 Ani, na bhurubhika mu mecha; iwe, usebhurubikayo mu mutima mushasha.
\p
\v 9 Mumatungo, Yesu wenda ku Nazareti ya ku Gariraya, nanko warubhikwa na Yohana muri Yorodani.
\v 10 Mukashangi kasaanga we mu mecha, rasungwa kokwiyo kwiobhora, ne Mutima wasika ekuriwe bhuri kampite.
\v 11 Na murenge uma werikirwa kukwiyo w'ebha: ongo nge mwana ni ungu washimwa nani, kumunda na be naterekako e nchimi yani e iti.
\v 12 Kuruma, e Mutima wenja Yesu mu bweru,
\v 13 Nanko wakinda ko matu makumi anye werekwa na mushumbu wabhésenga hima ne nyamishwa se bhusara, n'esa Ngashani nti bhamukorengi.
\p
\v 14 Itukampo Yohana warekia wamasubhurwa, Yesu w'enda ku Gariraya, mwinsonsomora e kinwa cha Ongo.
\v 15 Webha: entambi yamiya, n'ebhubhake bwa Ongo iye bhuri kwihi. Mutunganye, na musimire e kinwa che karamo.
\p
\v 16 Nambu e bwabhesangae bwetange we kumushi ne nyansa ya Ku Gariraya, wasunga Simoni na Anderea, musiky'abo Simoni, nti bharobhange na tukira munyansa; bhushwe bhabhesanga nti bharobhi.
\v 17 Yesu werebho: munimise, na nabhukiayo bharobhi bha bhea.
\v 18 Itukampo, bhareke e tukira twabho bhamwemisa.
\v 19 Warekia wamenda kore, wasunga Yakobo, musike wa Sebedayo, na Yohana munachabo, nabho tu, nti bhari mu bwato na nti bhatunganyange e tukira.
\v 20 Itukampo, wabhikira bho; bhasia ishe wabho Sebedayo mu bwato hima ne bhakori, bhamwemisa.
\p
\v 21 Bhenda ku Kapernamu murotu rweriruhuka, Yesu wakime kasa mor'irameso mwihana.
\v 22 Bhasingwa ne mwenjo wae; bhushwe wabhesenga uhanange bhuri mukakare, nti bhuri e bhandiki.
\v 23 Mwabhenga murirameso rabho wabhume ntwatingirwa na bhifasi, na nti ukuange:
\v 24 Kurinki ani nabhe Yesu wa ku Nasareti? Uriya bhushwe n'eturiminya; nisi ongo ngi washuururwa wa Ongo.
\p
\v 25 Yesu wafinebho nguru, w'ebha: Kobha, natuka kumunda ne mweya uno.
\v 26 Ne kifasi chatuka kumunda nango mweya; mw'imukubha e Kwansi n'ikua murenge mukiri.
\p
\v 27 E bhati bhatingirwa na bhobha bhukiri bhashishana: inki kino. kinwa kishasha kino? Ukutongi na bhunkangwe e bhifasi na nti byamwerikire!
\v 28 Ne mwasi wae werikirwa e kuti kumushimushi na ku Gariraya.
\p
\v 29 Mor'etuka murirameso; bhenda na Yakobo na Yohana mo numba ya Simoni na Anderea.
\v 30 Inabhe wa Simoni wabhesenga wekinde, nanturi na kabhurura; nampo bhebha nae bhushwa na Yesu.
\v 31 Wiya kwihi nae, wamusimanya ni mutinge mo mombo, na mokashangi nko e kabhurura katuka na mpo wakore bho.
\p
\v 32 Murisisi, muriorobha re mwishi bhamu rishie bhakoni bhati n'ebharin'ebhifasi.
\v 33 Nerubhungu e ruti rwakumanana Kubhusondori n'emuriwe.
\v 34 Waramya bea bhingi e bhebhesanga na kinsi makoni, wahensa bhifwasi bhingi, na ntwarisianga mbwe e bhifasi byebhe, bhushwa byabhesenga nti bhimusi.
\p
\v 35 Mumurangaranga, muntambi ye richuchukara e bhutu, wa simana, wenda kahema mu bweru.
\v 36 Simoni nambi e bhabhesanga nae bhabhucha imusonda.
\v 37 Bharekia, bhamusunga, bhamwere: bhate bhati tukusondekanyange rero.
\p
\v 38 Wasubya: twendi kumpe, musimpe mbungu sa kwihi, kongo natura mu mwasi wekaramo hotu; bhushwa na'ncho ngi chasingwa n'eya.
\v 39 Wenda kahana mumarameso eati a ku Gariraya, na wahensa bhifasi.
\p
\v 40 Mubhembi uma wiya kuriwe; wirekera mo mindi yae, na wamwere nakikohe cha bhonso: umashima, umundamya.
\p
\v 41 Yesu, watingirwa na bhonso, woro e makasa ae, wamuturana mo, na webha: na risia, rama.
\v 42 Ituka mpo e bhibhembi byatuka, na washuurukara.
\v 43 Yesu wa murera himpo-himpo hima nisisinya,
\v 44 Wamwere: irange kiro tura e mwasi uno mu mwea uti uti ina enda kishea kuri e bhakungu, na ukutu e ruhembo rwabhe, bhurimbu e bwatiranyiwa e myombo ya bhushwe kincho kibhe ihano.
\v 45 Ina e wa bhume ngo, warikia wamenda, wa bhucha itura e mwasi ngo na murenge mukiri, ni insansabhanyao, iya mu ngerero ya Yesu utamukochange ikime murobhungundo mukwishea. bha bhesenga nti bhasimana habhutara, mu bhutaka bwa bweru, bhiya kuri we mwituka ekutikuti.
\c 2
\cl Chunda 2
\p
\v 1 Kuruma na matu nti makeke, Yesu wakuruke Ku Kapernaum,
\v 2 Bhorikira mbu uri munumba, bhatumana bhea nti bhakeke ne bhuari bwa ku bhusondori ne rubhi nti rutamukochi erumira bho. wature bho kinwa cha Ongo.
\v 3 Bheya bhiya kuri we, bharisha mukoni wa rumbosa nti warierwa na bheya bhanye.
\v 4 Mwisunga mbu bhata kochi imwiya mo, bhushwa n'ebwingi bw'ebhea, bhatobhora e mambio e numba e mwabhesenga we, na bhahicha mu mweha ngo e watobhoranga bho, e ntange yabhesenga yariya e rukata.
\v 5 Yesu, erisunga e risimira rabho, webha ne rumbonsa: mwana 'ni, e bhibhi byabhe byama sasirwa.
\p
\v 6 Habhesengampo nti hari bhandiki, bhabhesenga nti bharika e kwansi, na nti bheshishange kumunda nabho.
\v 7 Bhushwa nki e mwea uno webhange mbu? wakamba Ongo! Inye wamusasira bhibhi kuti nti Ongo wisine?
\p
\v 8 Warekia wamasibha mo mutima wae ebyanikirange bho kumunda nabho, were bho: bhushwa nki bhanu muri na myanikiri irimbu mo mitima inu?
\v 9 Kinki chahunda iyere erukata: ebhubhi wabhe wama sasirwa, ari, iyebha: simana tinge ntange yabhe enda?
\v 10 Namurishea musibhe mbu e mwana we mwea uri na maa isasira e bhibhi:
\v 11 Were erukata simana tinge endaro yabhe enda mu mwabhe.
\p
\v 12 Na mukashangi nko, wasimana watinge endaro yae, wasaa munkati ne bhati, mwisunga mbu ebhati e bwabhesanga bho mu bhishisharo bhataata Ongo bhebha: tutanga sunganga kiri mbu.
\p
\v 13 Yesu wenda wendende n'e nyansa. nkumo nkiri yamwemisa na wahana bho.
\v 14 Mwieta wasunga Rawi musika wa Rufani ntwarika mo numba y'emikongoro, wa mwire; nimise. Rawi wasimana wamwemisa.
\p
\v 15 Bhakiya bharisange mwa Rawi, e bhakongori bhe horo ne bheya bhema nabho bhenda karisa nae. hima ne sa ntumwa sae bhushwa bhabhesenga bhingi e bhamwemisange.
\v 16 E bhaandiki ne bhafarisayo bhakia bhasunga Yesu urisange ne bhakongori bhe horo hima ne bhasene, bhashisha e santumwa, Bhushwanki ongo urisange hima ni omo ne bhakongori be horo ne bhasene?
\p
\v 17 Yesu wakia worukira, werebo: nti ebhankangwe ngi bharaa mu munganga ina ebhakoni. Nti narehie ebhea bhe riira ina e bhabhi.
\p
\v 18 E bhemisa bha Yohana ne bhafarisayo bhabhesanga bhararisa mw'ihema, bhiya ka shisha Yesu: bhushwa nki e bhamisa hima ne bhakongori bhe horo bhatinanga irisa? ina e bhemisa b'abhe bhatatinanga irisa?
\p
\v 19 Yesu wasubhie bho: e bhira bh'emuherucha bhamufund'irisa emuherucha Yesu uri nabho? muntabhi bhari nabho bhatamutina irisa.
\v 20 E matu asiayo e muheruki wakiya wamenda bhasetinayo irisa e rotu ndo.
\p
\v 21 Kusira mwea wamukocha iranda kebhe cha nchangi kishasha mu murekani wa karekare, e kebhe kishasha nti chabhenga nguru enchangi ya karekare. ne ribhereka nti ra suma nguru.
\v 22 Na Kusira mwea nti'mbo e mau ntyabhenga e bhibya. N'e bhibya hima n'e mau nti byarimina. Eina rakomenwa iriya e mau mashasha mu bhibya bhishasha.
\p
\v 23 Rwakiya rwamiya otu rwiruhuka, Yesu weta mumashwa a bhuhi. E bhemisa bae bhabhuch'inoa etukobya.
\v 24 E bhafarisayo bhashisha: kae, bhushanki e bhemisa bhabhe bhakorange otu rwiruhuka?
\p
\v 25 Yesu wasubhie bho: nti morukiranga e mwasi wa Ndauti warekiya urikire mo murao werikira rwaka, iwe ne bhabhesenga hima ne;
\v 26 Bhuni ngi bwakimengabho mwirameso ra Ongo mo matu e mukakare we mpero Abiatari, na bharisa e tumbonsa twa murirango. Twakomenwa mubhakakare bhe mpero erisa to waninkana abhesanga bhari nae!
\v 27 Washisha bho: rwe turu rwe ruhuka rwaronjiwanga bhushwe bwe mweya, Ina nti e mweya e rotu rw'e r'iruhuka.
\v 28 Bhushwe emwana we mwea ng'emukakare na kubha w'er'otu rw'er'iruhuka.
\c 3
\cl Chunda 3
\p
\v 1 Yesu wakime tu mwirameso wakumana wabhume uri na mwine wasamba.
\v 2 Ba mwendere mw'isunga kubha wasemuramya e r'otu rw'e r'iruhuka; kongo bhamusonda imusongere.
\v 3 Yesu washisha e wabhume e uri ne mwine wasamba: Simana, hiha hamunkati.
\v 4 Kuruma washisha bho: rakomenwa, ikora 'shu otu rw' er' iruhuka ari ikora byema, mwi shukaya mwea ari mwishura? Ina bharika nti bhakobha bhatasaku.
\v 5 Yesu watambya e meso munkati nabho mwikae na bhonso, Muntambi iyaiya wasunga er'isuma re mitima y'abho washisha e wabhume; oro emwine wabhe, woro e mwine, E mwine warama.
\v 6 E bhafarisayo bhatuka, bhakia nama hima ne bhaherodia mwisonda inse yi mushura.
\p
\v 7 Yesu wishika ne bhemisa bhae kumushi ne nyansa. Bhea bhingi bha ku Gariraya bhamwemisa;
\v 8 Na ku Yudea, na ku Yerusarema na bha kwindumea niteana ku Yorodani na bwendende ku Tiro na ku Sidoni, bhea bhingi, bhorukira e bhiti bhikorangewe bhiya ka mwemisa.
\v 9 Watonde e bhemisa bhae bharike nti bhari na bwato bhushwe bhamenda kakutwa-kutwa ne bhea.
\v 10 Nambu, Bhushwe, e bhuramya ngewe bhea bhingi e bhati e bhasambange e bhari ne makoni bhesicha kuriwe kongo bharama.
\v 11 E bhifasi, e ntabhi ya musunganga bho, bhihicha mu makako ae na bhabhuchi' ikuwa: ongo ngi musike wa Ongo.
\v 12 Ina wa hangire bho nguru kiro bhamu shea kuri e bhampe.
\p
\v 13 Wataya tu murou, wabhikira e bhemisa bhae, nabho bhia kuriwe.
\v 14 Warondora ikumi na bhabhi, hima nae.
\v 15 Mw' etuma bho katura emwasi hima na bhunkangwe bw' ihensa e bhifasi.
\v 16 Sunga e rekumi ne bhabhi: Simoni, wamubhikira mbu Petero,
\v 17 Yakobo, musike wa Sebedayo, na Yoana, musike' abho Yakobo, iwe wanikwa rina ra Boanerge, ngiri ebha bhasike bha mirabyo.
\v 18 Andere; Firipo; Bariteremayo; na Matayo; Tomaso; Yakobo musike wa Arufayo; Tareo; Simoni wa Kukanana.
\v 19 Na Yuda Esikariote, e wasubhuranga Yesu.
\p
\v 20 Bhenda e kunumba, ne kikembe che bhea cha kumanana tu, mwiya na mungerero y'ifund' irisa.
\v 21 E bhabhuti bha Yesu, bhakia bhamarukira e byetange, bha mwemisa mbu bhamutingi, bhushwe bhebhange mbu nti uri na bwenge.
\p
\v 22 Na bhaandiki bhahitanya ku Yerusarema, bhebha: urisere Berseburu; bhushwe iwe mukiri we bhashumbu kisingwa wahensanya e bhashumbu.
\p
\v 23 Yesu wabhikira bho, na were bho mu myani: bhuni mushumbu wamukochi ihensa umpe mushumbu?
\v 24 Kuti e bhubhake bwi bhanya mo, e bhubhake mbo bhutamusimana.
\v 25 Na kuti e nyumba yi bhanya mo y'esine itamusimana.
\v 26 Kubha mushumbu wi kwanyisha wisine, ntwibanya, ntweshiria na ntwa shire mpo.
\v 27 Kusira mwea wamukochi kime ni shokora, mu numba ya munkangwe kuba ntwa mumina; bhumbo ntwashokoro e numba yae.
\v 28 Nibhushishange muriira, e bhibhi bhiti byamusasirwa kuri e bhana bhe bhea, ne sankambao e byari shimabho;
\v 29 Ina uti uti wakambayo e Mutima mushasha utasasirwiyo: wakerwi ubhansa rwa bhubhi rwe matuati.
\p
\v 30 Yesu webha bhubho bhushwe bhebhanga: mbu urisere n'eshumbu.
\p
\v 31 Bhiya nina na bhasike bhabho, nti bhasimana ha bhutara, bhatuma ntumwa ka mubhikira.
\v 32 Ntwatimbwa na bhea bhingi, bhamwire: sunga, nsoko na bhasike bhinu habhutara bhakusondange.
\p
\v 33 Wasubhie bho: Inye ngi koyo, na bhanye ngi bhasike bh'itu?
\v 34 Kuruma' na'mpo wakae kuri'mbi bhamutimba: sunga, koyo na bhasike bhitu.
\v 35 Bhushwa, kinsi ukorange e risasa ra Ongo, ungo ngi munakitu, mwis' itu, na koyo.
\c 4
\cl Chunda 4
\p
\v 1 Yesu wabhucha tu erininkana e mahano wendende nyansa. Bhea bhingi bhiya kwihi nae wakambe ni rika mo bwato, habhasirw' enyansa. E bhea mbo nti bharika kwansi mo kirindo ch' enyansa.
\v 2 Watangira ininka bho mahano mingi mu mwani, washisha bho:
\v 3 Mutee mate. Mweki wa mbuto uma wiya keka, murieka,
\v 4 Mbuto sima sakire mu nse; sariwa n'emironge.
\v 5 Simpe sasuruke hari makoi.
\v 6 Ina, mumatu e mwishi mwingi wakamya e mbuto njo, bhushwa n'er'iruka miri.
\v 7 Impe mbuto yakire munkati ne menke nayo y'ekenyiwa, e mbuto njo yakama itabhuti byuma.
\v 8 Impe mbuto ya kire hari oto rwahunda, yabhuta byuma yataya, yashuka kinsi mbuto yarisha mitundu makumi ashatu, makumi mutubha, n'iyana rima.
\v 9 Webha tu, e uri ne mate er'iyorukira worukire.
\p
\v 10 Warekia uri kwesine, wabhesanga watimbwa ne ne rikumi ne bhabhi bhamushisha bhushwe ne mwani.
\v 11 Yesu weba: Bhanu ngi muhanwa enama ya Mumbingu kwa Ongo, ina mu bhimbo bhekubhutara, bhorukirange ho mwani.
\q
\v 12 Bhushwa kongo bhakae ina bhatorukire bhatateereringi, kongo bhata bhundukingi n'e bhibhi byabho bhitasasirwingi.
\p
\v 13 Washisha tubho: nti morukir' emwani ngo? Bhuni ngi bhusorukira bhanu?
\v 14 E mweki wekange kinwa cha Ongo. E bhima imbo bhari munkati ense, ehekwa e kinwa.
\v 15 E ntambi yorukira bho cho, nyamurairi ntweya, n' ekuto e kinwa chakwekwanga kumunda nabho.
\v 16 Ne bhampe b'ekange 'mbuto hari makoi. Mor' iyorukira e kinwa, bhabhese ni moa.
\v 17 Ina bhasira miri kumunda nabho bharuka muho n'eminubho yameya ntyabishabhisha e kinwa nti bhashee ntambi sirimina.
\v 18 Na bhampe bheka nge mbuto munkati ne menke, bhibha ngi bhorukirange e kinwa cha Ongo.
\v 19 Ina uri ne myanikiri ye matu ne bhehe ne karawa kingi e kinwa nti charuk' ibhuto kumunda nabho.
\v 20 Ne bhampe bheka mbuto hari oto rwahunda, ngi bhorukirange e kinwa, bhashima 'cho, n'erisha byuma makumi ashatu makumi mutuba n'iyana rima.
\p
\v 21 Washisha tubho, mbeti emwea wamusacha eritara mwi riaro hambasiro e bhutanda ari kumunda e ndaro?
\v 22 Bhushwa kusira cha bhisamayo mbu chaarukayo itabhurwa na kusira nama ya bhisamayo ina e bhiti bya tabhurwayo.
\v 23 N'e uri na mate er'iyorukira worukire.
\p
\v 24 Washisha tu bho, morukire shu e mwasi uno, engerero njo irengechange ongo mu bhampe ngi yaarengechiwayo ongo.
\v 25 Bhushwa bhaninkayo ungo euri na kikai ina ingu usira wasenyakwa yo n'ekiri nae.
\p
\v 26 Webha tu: nti bhura mbwe bwami bwa Ongo bhuri e mwea e wekanga embuto muroto.
\v 27 Nakiro wenda toro ari wakeresha e mbuto ina yamashuka na mineyo nti usi.
\v 28 E roto rubhutange rwesine bhisu, miti e tukobya, n'e mbuto kumund' e tukobya.
\v 29 E ntambi e chuma chamase nti henda nseo bhushwa nge muri e bhio.
\p
\v 30 Washisha tu bho: mususanya e bwami bwa Ongo na kini kikai ari na mwani nki washea bhate?
\v 31 Bwasusanyiwa na mbuto ya haradari e ya mekwa muroto na kubha nge nkeke mu sambuto siti,
\v 32 Ina entambi ya shuka nti yabhe nkiri nguru irenga e miti iti ni bhese na ntabhi sikiri-sikiri, nenironge ye kwio nti yarika muto.
\p
\v 33 Mu myani mingi yasusa bhuno, ngyabhesanga ihanange mo we bho, iyemisanya n'ekara k' er' imorukire.
\v 34 Wabhesenga were hobho mu myani ina kwesine ntwansonsomore e sa ntumwa sae.
\p
\v 35 Er'otu ndo mwi yoro Yesu werebho, twete mo umpe mwiri we nyansa.
\v 36 Warekia wamakindi enja e bhea bhamurisha mu bwato. N'ehari we nti hari ampe mato.
\v 37 Kwatuka nsusa nkiri y'esunda mo bwato, ehntambi njo e bwato bwabuch' erisa mecha.
\v 38 Nae nt'urere kubasirw' ebwato bhamusimo ni mushisha, e Muhani, ongo nti urae murikwa ritu?
\p
\v 39 Wasumuka wafine e mibhimbi ni shisha e nyansa kobha, kiro tenga tu ne nsusa ye ndeha, ekuti kwabhebhera.
\v 40 Washisha tubho, bhushwanki mukwa koha? bhuni ngwaruka bhanu erisimira?
\p
\v 41 Bhasubhaha nguru nabho bhashishana, inye tungu ne mibhimbi nayo ekeme n'enyansa bhimorukirengi?
\c 5
\cl Chunda 5
\p
\v 1 Bhiiya mo kirindo mo umpe mwiri we nyansa, mu chuo cha bha Gerasi.
\v 2 Yesu warekiya uri mo bwato, wasunga kubhusondori nae mweya, watuka e ku masinda na ntwatingirwa na bhifasi.
\v 3 E wa bhume ngo wabhesenga nturikanga e ku masinda, nti kusira tu wamumumina, nakiro mu bhurebhure.
\v 4 Bhusha mbu wabhesanga ntwa minwa byuuma mo mindi yae, ntwakekera byo, na nti kusira tu mweya wamumusake.
\v 5 Wamananga matu mingi, mutu na mu mwishi, e ku masinda na mo sa'ngu, ntukuwange, wibhabhayange ne makoi.
\v 6 Wasunga Yesu kore nae, wamukanyahe, nimukomere e maru,
\v 7 Na kwirake mu murenge wasuma: Twakwire'nki ani nabhe, Yesu, musike wa Ongo we kwiyo? nasere murina ra Ongo, angi n'inubya.
\v 8 Bhushwe Yesu wa bhesenga ntu mwerengi: Tuka kumunda ne mweyangu, ongo kifasi!
\p
\v 9 Na wamushisha tu: ongo ngi nye? Rejioni nge rina rani, wamusako, bhushwe turi bhiingi.
\v 10 Byamuhema bhonso kiro warekera bho mu kimpe chuo.
\v 11 Abhesenga mor'ou nti kuri eimba rikiri ra tuhuwa nti ritambange.
\v 12 E bhashumbu bha muhema: Turekere kumunda n' er'eimba re tuhuwa, kongo twakime kumunda nato.
\v 13 Wasimira bho. Ne bhifasi byatuka, byakime mosampunu, n'er'eimba riti rirekera mo nyansa: abhesenga nti samwiya mu bhi humbi bhibhi, saminwa mo nyansa.
\p
\v 14 E bharangi bhe riimba bhabheka, bhansansa e mwasi mo sambungu na mo tunsari. e bhea bhenda kasunga e chameta.   
\v 15 Bhiya kwihi na Yesu, bhasunga ing'wabhesanga waris'e bhifasi e warika, wambara na myanikiri ya konda; bhatingirwa na bhobha.
\v 16 Imbi bhasunganga e byameta bhatura e byamabhesa kuri e mwea n'ekuri esampunu.   
\v 17 Bhabhonganya Yesu watuke mu bhutaka bwabho.
\p
\v 18 Murikia utayange mo bwato, e mushire wasonda isiya na Yesu.
\p
\v 19 Yesu utamisimiri ina wamushisha enda mu mwabhe, kuri bhanakinu, na ture bho e bhiti byamakukore Mukota na bhuni ngi bwa kukukwire ngae bhoonso.
\v 20 Wenda, ntuturange e mwasi wae ku Dekapori e bhiti bya mukorenga Yesu, e bheya bhashamikwa.
\p
\v 21 Yesu mo bwato wakuruka mo rumpe uharo nkumanano nkiri bhiya kwihi nae. wabhesenga uri kumushi ne nyansa.
\v 22 Hiya mukakare uma w'esinangoki rina rae ngi Yairo, ingu, wamusunganga wahita mo bhisando byae.
\v 23 Wa muhema nguru: mwisi ani uri mu nsanga nareke iya kamutereka mo makasa, kongo woshukara ni bhesa ho.
\v 24 Yesu wenda nae. Nkumanano nkiri nti imubhungurange tete-tete.
\p
\v 25 Nti, habhesenga hari mumina uma ntu rokanga nchama rameta myaka ikumi na ibhi.
\v 26 Wanubhanga ringi muieta mu mine y'e bhamunganga, abhesenga e bhikai bhiti nti bya mamu sire, na ntwasheenga anga na bhuhoro, warika ntusira bhuhoro.
\v 27 Warekia werukira bhebhange kuri Yesu, wakime mo kikembe kuruma nae, waturana monchangi yae.
\v 28 Bhushwa wabesenga ntwebhange kubha naturana ho mo nchangi yae nti nserama.
\v 29 Muntambi ya, e nchama yakama, na werukira mo mubhi wae wasunga ntwamarama e bhukoni bwae.
\p
\v 30 Yesu worukira nti e maa amamutuka, wakae kuruma ne nkumanano webha, inye ngi waturana mo nchangi yani?
\p
\v 31 E santumwa sa musako: usera mbu turi munkati na kikembe cha bhea, na ntiushisha tu mbu inye ngi wamakuturana?
\v 32 Yesu wa kae kumushi nae wasibhe mbu inye ngi wamakoranchi.
\p
\v 33 E momina watingirwa na bhoobha, hima n'ikake, mor'isunga byameta kuriwe; wa sonda ehita mo makako na Yesu;
\v 34 Ina Yesu wamwire: Mwisiani, erisimira rabhe ramakuramya; enda mu bhuhoro, na urame mu mario abhe.
\p
\v 35 Warekia webhange, hiya mukakare wa sinangoki: bheya bhebhange: mwisi wabhe wamakwa, bhushwa nki unubya e muhani?
\p
\v 36 Ina Yesu nti waraanga mo myasi njo, washisha e mukakare w'esinangoki: kiro subhaha, bhesa n'esimira.
\v 37 Watasimiri kinsi mweya wamutindiki, kubha ho nti Petero, Yakobo, na Yohana musiky'abho Yakobo.
\v 38 Bheya mo numba ye mukakare w'esinangoki, himpo Yesu wasunga nkumanano nkiri n'e bhea nti bharengi n'ireker'emirenge.
\v 39 Wakime na webha: Bhushwa nki bhanu murubhiange, na bhushwa nki bhanu murengi? e mwana nti wakwa, urere.
\v 40 Bhamusea: washaisha e bhea bhati wasia nishe we mwana na nina nambi bhamutindikianga na wakime e muri e mwana.
\v 41 Wamutinge mo mine, ni mushisha: Tarita kumi, ngeriebha mbu kikumi, simana n'endanga.
\v 42 Mukashanginko, ekikumi chasimana, cha bhuch' ienda, bhushwa abesenga uri na myaka ikumi ne'bhi. Bhabhesa mu bhishisharo bhikiri.
\v 43 Yesu washisha bho rwanko, kongo kinsi mwea watasibhingi kinwa; webha mbu bhamuninke bhiyo.
\c 6
\cl Chunda 6
\p
\v 1 Yesu watukire mpo n'ienda ku kwabho. E bhafuku bhae bhamwemisa.
\v 2 Akiya erotu rweriruhuka rwa m'eya, wabhuch'ihana mu sinangoki. Bhea bhingi mbi bhamwerukiranga bhashishara n'iebha: kuni ngi kwamusaire e bhikai mbi? Bhuni bhuteesa mbu bwareninkwa we, na bhuni bhukiange bhishisharo bhiri mbu byakorwa nae?
\v 3 Nting'e mwimbi uno, musike wa Maria, musiky'abho Yakobo, Yose, Yuda na Simoni? na bhabhitu bhae ntibari n'itu hano? rabhesa kuribho nse y'iruka imusimira.
\p
\v 4 Ina Yesu werebho: E mutahwa utanenwanga nti kukwabho, munkati e bhabhuti bhae, na mumwa'bho.
\p
\v 5 Utakori'mpo anga na kengeko, ritabhi ho itereka mine mubhakoni bhima n'iramya bho.
\v 6 Na washishara n'erifund'isimira rabho. Yesu watimb'esambungu sa wendende mw'ihana.
\p
\v 7 Nampo wabhikira e rikumi n'e bhabhi, n'ibhuch'irebheka bhabhibhabhi, wanink'abo bhunkangwe kuri e bhashumbu.
\v 8 Waninka bho myomba y'ifund'iria kikai mor'oendo, kubha nti nkoma ho; anga kamboosa, anga kimbesa, anga bhehe mo mukobha;
\v 9 Imbara bhirato, na angi mbara ngombe sibhi.
\v 10 Nampo were bho: murikanga mo numba mwakime bhanu murik'emo n'ebwakii mutuka 'mpo.
\v 11 Na hamabha mpi hakiy'e bhea bhahund'ibhukoke n'i bhorukire, nti mutuka mpo, na nti mutito e mukungu we bhisando bhinu, kongo wabhese kariho kabho.
\v 12 Bheenda, n'itura mwasi w'esiya e bhubhi.
\v 13 Bhahensa bhashumbu bhiingi, na bhasingo mawese bhakoni bhiingi n'iramya bho.
\p
\v 14 E Mubhake Herode worukira e bwebwange bhusha na Yesu, n'erina rae nti ramakind'ibhese na nkuru, webha: Yohana Murubhiki wafukayo mubakwire bhusha na'ncho ngi bhukorange we e kuri we bhishisharo.
\v 15 Bhampe bhebha: mbu Elia. Na bhampe bhebha mbu mutahwa uma bhuri uma mo bhatahwa.
\p
\v 16 Ina Herode mor'iyorukira mbo w'ebha: Ungu Yohana wakera'yo ani muntwe, iwe ng'wafukayo.
\p
\v 17 Bhushwa Herode wesine ngwaminanga Yohana, n'imuria mo ngori, bhusha Herodia, mukari wa Firipo, musike waabho, bhusha wamubhinganga,
\v 18 Na Yohana wa mushishanga nti rakomenwa kuri o'ngo ibhinga mukari wa moto wabhe.
\v 19 Herodia wasubhuke Yohana n'ihun'imushura. Ina ntwakochanga;
\v 20 Bhusha Herode ntwaresubhaha Yohana, nti umusi mbu mwea w'eira na washuurukara; wend'umukitengi, na ikind'imurukira, washunana, n'imusumya mate nguru.
\p
\v 21 Na hakia ot'uma rwa ngoa rw'ianikira eribhutwa ra Herode, n'imoesha e bhakakare n'e bhashirikani bha ku Ngariraya.
\v 22 Herodia mwisi we, wakime mo butara bw'enumba; wamina n'imoesha Herode n'ambi bhamutimba. E mubhake Herode washisha mwisi we: konga cha sasa ongo, na nakuninka cho.
\v 23 Warengeresha mw'isere: kiti nchi chakonga ongo, nsekuninka, nakiro chunda ch'ebhubhake bwaani.
\p
\v 24 Wakia wasaa, washisha nina: Nikonge nki? Na nina wasako: e muntwe wa Yohana Murubhiki.
\p
\v 25 Wakanyaha tete kuri e mubhake n'imushea e murao wae: nakonga mo ntengi mokashangi kano e muntwe wa Yohana Murubhiki.
\v 26 E mubhake wabhesa na bhonso; ina, bhushw'erisere rae nambi bhamutimba wafund'itina.
\v 27 Watuma mushirikani wae uma hihahiha, warishe muntwe wa Yohana Murubiki.
\v 28 E mushirikani weenda kakera e muntwe wa Yohana mo ngori, n'erisha'o mu ntengi. waninkao emwana mukari, n'emwan'emukari waninkao nina.
\v 29 E santumwa sa Yohana, mor'iyorukira mbo, bheya karing'emubhi wae, bhaterekao mor'esinda.
\p
\v 30 E santumwa sakiya sa masonjana kwihi na Yesu, bhamuture e bhiti mbi bya kukora bho n'e bhiti byakuhana bho.
\v 31 Yesu washisha bho: mwiye kumushi mo bweru, na muruhuke kakeke. Bhushwa kwabhesenga bhea bhingi b'endange n'e bhakurukange na nti bhasira n'entambi yeririsa.
\v 32 Bhenda mo bwato mukweshika mo bweru.
\v 33 Bhea bhingi bhasunga bwendange bho, bhateerera bho, na musambungu siti e bhea bhakanyaha mo bhisando n'isondore bho kwendang'ebho.
\v 34 Murituka mo bwato, Yesu wasunga nteko nkiri, wakwire bho bhonso, bhusha nti bhari bhuri mburi sisira murangi; wabuch'ihana bho bhikai bhiingi.
\p
\v 35 E bwakianga e ntambi nti yamakind'ieta, e santumwa sae seya kuriwe n'imushisha: Hano bweeru n'entambi ya meeta;
\v 36 kuruch'abho kongo bheenda mo tunsari na mo sambungu se bwendende, bhachure chamur'abho.
\p
\v 37 Yesu wasako bho: muninke bho by'erisa bhanu b'esine. Iina bhamushisha: Tweendi kachura tumbonsa twa bhutea mana abhi, na tuninke bho bye risa?
\p
\v 38 Na washisha bho: bhanu muri na tumboosa tunga? Mwendi kakae. Bhamakindi isibhirira bhamusako: Tumboosa tusano na bhikwa bhibhi.
\v 39 Yesu washisha bho: murikech'ebhea mu bhisu bhikembe bhikembe.
\v 40 Na bharika mu mikororo w'iyana na wa makumi asano.
\v 41 Watinge e tumbosa tusano ne bhikwa bhibhi, wakae kwiyo watata Ongo. Kuruma naha wanoa e tumboonsa waninkato e bhafuku bhae kongo bhabhanyieto e nkumanano. Bhabhanya n'e bhikwa bhibhi mo bhea bhati.
\v 42 Bhati bharisa n'isukuta,
\v 43 Bhakurucha mitundu ikumi na ibhi irisere byunda bya tumboosa n'ebhikwa mbi byasianga.
\v 44 Bhea bhihumbi bhisano ngi bharisang' etumboonsa nto.
\p
\v 45 Kuruma nampo wakonga e santumwa sae sikimi mo bwato n'imusondore m'umpe muiri mushere ku Betesaida, na w'isine ntiukuruchange e nkumanano.
\v 46 Wakia wamakurucha bho, w'enda mo rou kahema.
\v 47 Mumurisisi, e bwato nti bhuri ntikiri munkati enyansa na Yesu nturi wesiine mo kirindo.
\v 48 Wasunga ntibatanga kocha iendja e bwato bhushwa e r'iyuhu nti risairengi kwendange bho. Bwarekia bhuri kaacha, wenda kuribo nti utandairange hambasiro n'e nyansa, n'isond'iteana bho.
\v 49 Bhakia bhamusunga utandairange hambasiro e nyansa, bhahaka mbu mushumbu, bhirachae;
\v 50 Bhusha e bhati bamusunganga na bhakwa bhoobha. Yesu werebho: muininke maa, kiro mubhese na kooha, ani uno.
\v 51 Kuruma nampo wataya mo bwato, ne r'iyuhu mo mecha rakobha. Bhashishara n'ibhese na bhoobha;
\v 52 Bhusha nti bhatereranga e bhishisharo bye tumboonsa, bhusha bhabhesenga na mitima yasuma.
\p
\v 53 Bhakia bhamakind'isoka e nyansa, bheya mo chuo cha ku Kenesareti bhasoka.
\v 54 Mu ntambi yatukangabho mo bwato, e bhea, bhakia bha terera Yesu,
\v 55 bhatamba e sankaronkaro siti, bhabhuch'imurishie e bhakoni mu bhipoi, kutinku kw'orukiranga bho ngi kuriwe.
\v 56 Kwimakwima wiyanga musambungu, mumbungu nkirinkiri na mutunsari, abhesenga bhariang'e bhakoni mo bhutara, nti bhashishiwange mbu bhatingengaho mo murumuro we nchangi, nakinsingu wamutingenga mo warama.
\c 7
\cl Chunda 7
\p
\v 1 E bhafarisayo n'ebhandiki bhatuka ku Yerusalemu, bharika mo nkumanano na Yesu.
\v 2 Bhasunga bhima mo sa ntumwa sae nti bharisange na nti nti bhashua mine.
\v 3 Na nti kisibhirwe mbu e bhafarisayo n'e bhayahudi bhatakoche irisa na nti bhashua mine shushu, itukana n'e myomba yabho ya kare;
\v 4 na murikuruka rabo ha nteko ye bheya, bhatakoche irisa na nti bhashuururwa. Bhari hotu na impe myomba yabho yi bhutirirwa bhuri erishua e sa nsara, e marea na bhimpe by'eshabha.
\p
\v 5 N'e bhafarisayo n'ebhandiki bhamushisha; Bhusha nki e sa ntumwa sabhe sitangemisa-e myomba ye bhakungu, iina bharisange bhiyo byabho na mime irisere mikonsi?
\p
\v 6 Yesu wasubhie bho: bhanu bhea bhakorotima, Isaya wabhuta bhirenga shu, bhuno ngi bwatiranyiwa cho: E bheya mbi bhantundange ra mitutu, iina e mitima yabho irikore n'ani.
\q
\v 7 E ritunda rabho ra bhusa, mw'ihana myomba ya bhea nti yatukire kuri ani.
\p
\v 8 Musinja e myomba ya Ongo, musimira inji ye bheya.
\v 9 Washisha tu bho: murimya nguru e myomba ya Ongo, kongo musiya ho na nji yiinu.
\v 10 Bhusha Musa webhanga: tunda so na nsoko; na: Ungu waher'ishe na nina wakomenwa oku.
\v 11 Ina bhanu, mwebhange: Kubha mweya webhakur'ishe kuti nina: Inchi chamukunink'ani korobhani, ngi riebha mbu uhembo kwa Ongo,
\v 12 Kiro musierere waronje kikai kur'ishe ari nina,
\v 13 Ngi bwa noa bhanu e kinwa cha Ongo itukana n'e myomba yiinu, inji yironjie bhanu. Na bhimpe bhiingi bhikorange bhanu byasusane hotu nambyo.
\p
\v 14 Kuruma nampo, wabhikira e kikembe kuri we, washisha bho bhuno: Muntee mate bhanu bhati, na murukire.
\v 15 Kusira, mu mweya, inchi kikimengi chamu mu bhishabhisha, iina inchi chasaa kumunda nae ngi kimubhishabhishanga.
\v 16 Ingu uri na mate eriyorukira, worukire.
\p
\v 17 Wakiya wamakime mo numba, na nti wamasheere kore ne kikembe, e ntumwa sae samushisha momushumo ngo.
\v 18 Washisha bho: Nti musibha mbu kusira kiri kumbuka cha mubhishabhisha mwea na kiro cha kime kumunda nae?
\v 19 bhusha ncho nti chakime mo mutima, iina mo bhura bwae, na kwiire ekubwiya, kushururwange e bhiyo bhiti.
\v 20 Webha tu'cho: E kisaange kumunda n'e mweya, ngi kimubhishabhishanga.
\v 21 bhusha ku munda, n'e mitima ye bheya, ngi kutukanga e myanikiri yanyara, bhusingirani, bhushuma, ishura,
\v 22 Bwibhi, ishima bhehe indi rema, bhushu, manko, bhukorotima, karawa, ihambike, eyume.
\v 23 E bhikai bhiti byemema bhisaanga kumunda, na ngi bhibhishange mweya.
\p
\v 24 Yesu, mwituka rae mpo, wenda wakiya wamatuka mpo wenda ku Tiro na ku Sidona. Wakime mu numba nima, ntwashimanga mweya wa sibha; iina nti w'ebhisanga.
\v 25 Bhusha mumina uma, ungu mwisi we ntwamatingirwa n'ishumbu, irukira nti bhebhange kuri Yesu, weya na kwitaa mo makako nae.
\v 26 E muminango abhesenga nti muyunani, musirofonika w'ibhutirwa. Wamuhema wahensanye e rishumbu kuri mwisiwe. Yesu wa mushisha:
\v 27 Reke kasa e bhana bhasukute; bhusha nti rahunda irisa e kamboonsa ke bhana, n'itaire ko bhiwaana bya mbibhi. Webha, mureki kasa bhana bheye kuri ani bhushwa e bhubhake bwe mbingu bwasusa bho.
\p
\v 28 nanki, e Mukota, e mumina wamusubhie, iina e bhiwana, bhirisanga e bhikirengi e kwansi e bhutanda.
\p
\v 29 Mucha wa mushisha: Bhusha n'e kinwa ncho, enda, e rishumbu ra mwisi wabhe ramatuka.
\v 30 Na wakiya wamakuruka mo mwae, wakumana Musiwe nti wekinde ha ntange, e rishumbu nti ramatuka.
\p
\v 31 Yesu watuka ku Tiro, wakuruke ku Sidoni mu nse y'ienda e kunyansa ya ku Galilaya, itiyana e chuo cha ku Dekapori.
\v 32 Bhamurishie mutwitwi, wabhesanga utanga koch'iebha, na bhamuhema, wamuterek'emine.
\v 33 W'eshika nae kore ne nteko, wamuriya e mirimba mo mate, waturana mo rwami rwae ne rote rwae;
\v 34 Kuruma naha wararame e kwiyo, wahumura, n'iebha: Efata, ng'eriebha, kanduka.
\v 35 Nampo e mate ae akanduka, hihahiha, e rw'ami r'obhoka, na webha shushu.
\p
\v 36 Yesu washisha bho, kiro bhature mwea uti uti e mwasi ngo; ina mor'eshisha bho bhansansa e mwasi na nti wamahangire bho.
\v 37 Bhabhesenga nti bhari mu bhishisharo bh'ikiri, bhebha: Ukorange bhiti nongobho; a kiro ukandong'emate ebhatwitwi, niebhesha e turumbu.
\c 8
\cl Chunda 8
\p
\v 1 Mumatu ngo, nteko nkiri yakumanana tu na nti bhasira chi risa, Yesu wabhikira e santumwa, na werebho:
\v 2 Niri na bhonso mo nteko nji; bhusha matu ashatu ngi bhari kumushi nani, na bhasira ch'irisa.
\v 3 Namakurucha bho kukwabho na nti bhakurisa, bhatabhesi na maa mo mu'nse;
\p
\v 4 E bhemisa bha Yesu bhamusako: Kuni kwamushee bho tumboosa na hano turi mu bweeru?
\p
\v 5 Yesu washishabho: Bhanu Muri na tumboonsa tunga? Bhasako mbu: Turinda.
\p
\v 6 Yesu warikech'ebhea haansi, wakasanyie e tumboonsa n'ikerato byunda byunda na waninka e santumwa sae, bhabhanyii e bhea.
\v 7 Bhabhesanga nti bhari na bhikwa bhikeke wakasanyie byo n'ibhanyie e nkumanano.
\v 8 Bhati bharisa n'isukuta. Bharia mu mitundu irinda ya byoombo.
\v 9 E bharisanga bhabhesenga nti bhari bhea bhihumbi bhinye. Yesu wakurucha e nkumanano.
\v 10 Kuruma naampo wataya mo bwato n'e bhafuku bhae bhehenda ku Darmanuta.
\p
\v 11 Ebhafarisayo bhakia bhuhaka na Yesu n'imukonga washee bho kengeko kima ke kwiyo.
\v 12 Yesu wahumura nguru mu mutima wae n'iebha: Bhusha nki e rubhuto runo rwasonda kengeko. Nibhushishange mor'eira; mutusungi kengeko mor'obhuto runo.
\v 13 Nawatuka munkati naabho, na wataya mo bwato, mwisoka m'umpe mwiiri.
\v 14 E bhafuku bha Yesu bhobyanga iria mu tumbonsa; nti bhari ho na kambonsa kima mo bwato.
\v 15 Yesu waninka bho e mwomba uno: musheerenga kore ne micho ye bhafarisayo nanji ya Herode.
\p
\v 16 E bhemisa bha Yesu bhabhesenga nti bhaanikirange n'iebha: bhusha tusira tumbonsa.
\p
\v 17 Yesu wakia wamakengura bho webha: Bhusha nki bhanu mwanikirange mutumbonsa e tusira bhaanu? Bhaanu musira bweenge n'iterera? bhanu muri na mitima y'ifund'isimira?
\v 18 Bhanu muri na mitima 'suma? muri na meso mutungakae? Bhanu muri na mate, mutungorukira? Na bhaanu musira bwenge?
\v 19 Mitundu inga ya tumbonsa yakurianga bhaanu e ntambi yakunoanga 'ni e tumbonsa tusano mu bhea bhihumbi bhisanu? E bhafuku bhae bhasako: Ekumi n'ebhi.
\p
\v 20 N'e ntambi yakunoanga 'ni e tumbonsa irinda mu bhea bhihumbi bhinye, mitundu inga ya byuunda bya tumbonsa yakuria bhaanu? Bharinde, Bhasako mbu irinda.
\v 21 Washisha bho: mutungorukira ho?
\p
\v 22 Bhenda ku Betesaida; bharishie Yesu kihumihumi bhamukonga wamuturane mo.
\v 23 Watinge cho mo mine wenda hekura nae, waria nte mo meso ae, wamuriere e mine n'imushisha usunga nki.
\p
\v 24 Wakae n'iebha: Nisungang'e bhea bhuri miti yendange.
\v 25 Remeta bhi Yesu wamutinge mo meso wakae n'isunga shu.
\p
\v 26 Nampo Yesu washish'emwana wakuruke kukwabho anga weta mo rubhungu.
\p
\v 27 Yesu wenda n'e bhafuku bhae mo rubhungu rwe mwami Firipo na washisha bho mo munse: E bhea bhebhange mbwani ngi nye?
\v 28 Bhasako: Yohana Murubhiki, bhampe Eria na bhampe uma mo bhatahwa.
\p
\v 29 Na bhaanu mwebha bhuni kuri ani? Petero wamusako: Ongo ngi Kirisitu.
\p
\v 30 Yesu watinisha bo mbwangi ture mwea e mwasi ngo.
\p
\v 31 Nampo wabuch'ihana bho umbwasekia emwana we mwea wanubha nguru, waatinwa n'e bhakungu bhe rubhungu ne bhafarisayo, wasekwa n'ifuka kuruma na matu ashatu.
\v 32 Washisha bho e bhinwa mbyo na shushu nampo webha na Petero wesine.
\v 33 Yesu wakae e bhafuku bhae, wahakanya Petero n'iebha: eta kuruma nani mushumbu bhushwa mbu utunga nikira bhinwa bya Ongo ina bya bweya.
\p
\v 34 Wakia bhama bhikira e nkumanano ne bhafuku bhae, bhashisha bho: e wahun'inemisa witune wesine, warie e riango rae na wantuche.
\v 35 Bhushwa ingwashima ioshukaya e bhuingo bwae waariminya bho, nangu wariminyayo e bhuingo bwae bhushwa ani ne mwasi wakonda wa ramyayo bho.
\v 36 Chakome munki e mwea washee e chuo kiti n'iriminya e bhuingo bwae?
\v 37 Kinki chamwengana nebhuingo bwe mwea?
\v 38 Bhushwa kinsi mwea ngu wasenkwireyo nkene ne bhinwa byani munkati na kino kiranga che bhabhi e mwana we mwea wamukwiri hotu nkene, kubhusondori ne sa ngashani e rotu rwa heende, mo bwime bw'Ishe.
\c 9
\cl Chunda 9
\p
\v 1 W'ire tu bho, nabwire mu reira bhima mumbi bhari hano bhatakwiyo nti bhasunga e bwami bwa Ongo bwiya na bhunkangwe.
\p
\v 2 Kuruma na matu mutubha, Yesu watinge Petero, Yakobo na Yohane wenda nabho kumushi hambasiro er'ou.
\v 3 E nchangi s'ae sa sana na murisanando nti bya mu chuo kino ngi bya musana bhumbo.
\v 4 Eria na Musa bhasaire bho, niebha na Yesu. Petero webha na Yesu: e Muhani witu, chakomenwa turike hano, natwimbe tumbara tushatu,
\v 5 Kima kabhe, kima ka Musa na kampe ka Eriya.
\v 6 Baruka ch'iebha bhushwa koha.
\p
\v 7 Otundo rwasikebho, na murenge wasaa murutundo: uno mwanani, mumwerikire.
\v 8 Himpo e bhamisa bhakae kumushi bhasunga munkati nabho Yesu w'esine.
\p
\v 9 Bhakia bhahitang'er'ou Yesu washishabho anga bhatura mwasi w'e bhinwa byamasunga bho iya er'otu rwasefuk' ehmwana w' e mweya.
\v 10 Bhabhika e kinwa ncho, ina bhashishana erifuka mu bhakwire ngenki.
\p
\v 11 Bhemisa bhamushisha bhushwa nki, e bhandiki bh'ebhange mbu Eriya useyayo kasa eraroso?
\p
\v 12 Wasako bho: Eriya waseya eraroso, n'itunganya kinsi kikayi. na chatiranyiwa bhusha nki mbu musike wa Ongo wasenubha ringi n'inenwa?
\v 13 Ina nabw'ire mbu Eria wariya na bharimukore e bwasasa bho, etukana n' e bwatiranyiwa cho ekuri we.
\p
\v 14 Etambi warekia bhameya, kuri bhemisa bha Yesu, bhasunga kikembe kikiri cha bhea na bhandiki bhakiange bhuhaka nabho.
\v 15 Bharekia bhasunga Yesu, bhisarima bheya tete kamukea.
\v 16 Washisha bho: bhuhaka nki bhukiange bhanu? bhanu mwe bhanange munki?
\p
\v 17 Abhume munkumanano wa musako: e Muhani nakurisha kuri ongo musike wani watingirwa n'eshumbu.
\v 18 Kuri ntambi nti r'endura emwan'e kwansi, e mwana ntwatunj'ehuro n'eshiish'emeno, nt'wasusa na bhuri wamaninke. Nakuhemanga 'santumwa sabhe bhamuramye, bhahense er'eshumbu Bhakufundwa.
\p
\v 19 Yesu wa shisha bho, owanda rwa bhasir'esimira, nsebhayo ninu, ibhusake iya runi otu? mumurishe; bhomurishie we.
\v 20 E mwana warekiya wasunga Yesu, e kifasi chamuteya nguru, n' e musund' e kwansi wabhundukana n' utunjange ehuro.
\v 21 Yesu washisha Ishe matu anga bhino byabhucha? Wasako; itukire e bwana bwae.
\v 22 Ntambi e kifasi nti chamurekera mo kasha, na mo mecha mwisond' imuya. Tusaki umasasa.
\p
\v 23 Yesu wamw' ire: umakocha, e bhiti byakocheka kuri 'ngu wasimira.
\p
\v 24 Kuruma mpo, ishe w' emwana wakuwa: nasimira, nsaki mo bhubhi bwani.
\p
\v 25 Yesu mor' isunga we 'bheya, wafin' e kifasi: Ongo kifasi tuka mo mwana uno na kiro mukurukeyo tu.
\p
\v 26 E kifasi chatuka n'ekua nguru, n'imutenja rasuma. E mwana wakobha bhuri wamaninke, bhingi b'ebha mbu wamakwa.
\v 27 Yesu wamutinge mo mwine, wamusimanya na wasimana.
\p
\v 28 Yesu warekiya wamakime 'munumba e bhemisa bhamushisha bhushwa nki twakufundwanga?
\p
\v 29 Yesu w'ire bho, kino er' ituka racho rasonda mahemo.
\p
\v 30 Bhatukire mpo, wakunduka ku Gariraya. Yesu wabhesenga utanga sonda mbu bhamu sunge.
\v 31 Bhushwe wabhesanga uhanange 'santumwa washisha bho: e mwana we mweya waninkanwayo kury'e bhea na bhasemuya, matu ashatu kurum' er' ikwa rae usefuka.
\v 32 Eina e santumwa nti sorukira ncho kinwa, bhasubhah' imushisha.
\p
\v 33 Bhia ku Kapernaumu bharekiya bhari e munumba, Yesu washisha bho: bhuhaka nki ngi bhuri rero mo bhanu mo munse?
\v 34 Bhabhebhera: bhushe mo munse bhabhesanga bh'ebhanange mwisibha inye nge 'mukakare.
\v 35 Warika, wabhikire er' ekumi n'ebhabhi washisha bho kubha mweya usondibhesa waroso, wabhesanga wa hende mo bhati na mukori w' ebhati.
\v 36 Watinge mwana, wamuria munkati n'abho waerikia wamamutinge w'ebha: Kinsi mweya 'ngu wakoke uma.
\v 37 Kinsi ngu wakoke uma mo bhana bhano, ntwanikoke. Nang'wanikoke ntukokengi ingwarintuma.
\p
\v 38 Yohana wa mushisha: e Muhani twamasunga mweya uhensange bhifasi mo rina rabhe, twamamufine bhushe ntwemisanya n' itu.
\p
\v 39 Wasako: kiro mumuhangire; kusira mweya wamutiko, rina rani, na webha bhubhi kury' ani.
\v 40 E nti watutuma nti witu.
\v 41 Na kinsi ngwabhuninka osara rwa mecha iyomo mo rina rani, bhushwa bhanu bhana Kirisitu, mor' eira watarukiyo ohembo rwae..
\p
\v 42 Kubha, mweya wariminya mo bhakeke mbi, wakomenwa iminwa ikoi h' ikoti n' itawa mo nyansa.
\v 43 E mine yabhe yamabhesa ntyamusingwa urimina, nt' ukera yo.
\v 44 Riari ekime mo bhubhake kirema ekiya wenda mo kasha.
\v 45 Kubha emwindi wamusingwa urimina, nt' ukerao. ari ikime mo mbingu kirema mor' ienda mo kasha na mind' ibi.
\v 46 Hari kusira funza na kusira kasha.
\v 47 Na kubha e riso rabhe ramusingwa urimina, kura ro. Riari kuri ongo usie na riso rima, mo bhubhake ekiya ubhesi na meso abhi na utawe mo kasha.
\v 48 Kuunko e kasha kasira erima.
\p
\v 49 Bhushe inko kinsi mweya wabhesi omini rwa kasha.
\v 50 E mukwa wakonda; eina wamaruka ichoke, ntiwamuriarwa mo kikai nki uhunde? Mubhesi mukwa bhanu bhesine na bhesine na mubhesi na bhuhori munkati n'inu.
\c 10
\cl Chunda 10
\p
\v 1 Yesu watuka hiha, wenda mu bhutaka bwa ku Yudea. iteana ku Yorodani. E bhea bhabhesa nti bhamutimba tu, n' itukana n' e mwenjo wae wabhuch'ihana bho.
\v 2 Bafarisayo bhiya bhamutea bhinwa, bhamushisha: rakomenwa mu wabhuume ihensa mukari we?
\p
\v 3 Wasubhie bho: Musa wabutiranyienga e mitiro bhuni?
\p
\v 4 Bhasako: Musa wasimiranga imukiere mitiro y'esiana.
\p
\v 5 Yesu w'ire bho nti bhushwe n'e mitima yinu yasuma chasingwanga Musa wabhushisha mbo.
\v 6 Ina muntangiro, Ongo wabhumbanga wabhume na momina.
\v 7 chasingwa e wabhuume usesiayo ishe na nina nt' warandakana na mukari,
\v 8 nambi bhabhi bhasebhayo mubhi uma.
\v 9 Bhushwa mbu anga mwea wasianya inchi chakumanya Ongo.
\p
\v 10 Bhakia bhari mu numba, santumwa se samushisha tu mumbyo bhinwa.
\v 11 Wasubhie bho: ing'warikita mukari we na watinge umpe, wakia usingirwa.
\v 12 Na kubha momina wasia moke na wabhingwa n'ompe, nt'wakia osingirwa.
\p
\v 13 Bhamurishie e bhana, wakasanyii bho. Ina e santumwa se sahangise e bharishanga bho.
\v 14 Yesu wayongwa, washisha e santumwa se: mureki e bhaana bhakebhake, kiro muhangire bho, bhushwe e bhubhake bwa Ongo bwambi bhasusa bho.
\v 15 Nabhushisha moreira, utukoch'isunga e bwami bwa Ongo kubha ntususana nambi bhaana.
\v 16 Warembera bho n'ikasanyie bho.
\p
\v 17 Yesu wakia uri mo nse, abhume uma weya n'ikome maru mumakako ae wamushisha e muhani: bhuni bwamukia nakime mu bwami bwe matuati?
\p
\v 18 Yesu wamushisha: umbikira wakonda? hari wakonda uma ngi Ongo wesine.
\v 19 Ong'osi e myomba? kiro usingirana, ang'ishura, ang'ishuma, ang'iebha manko, angi hote umpe mwea, tunda so na nsoko.
\p
\v 20 Wamusubhie: muhani, e bhiti mbyo nemisa byo itukire mobhusike bwani.
\p
\v 21 Yesu wamukae, wamushima ni mushisha: urosa kinwa kiima, enda, chuya e bhikwengi ongo, ninkabyo e bhasene, ub e na inku ko kwiyo. Ikinda mpo, un'emise.
\v 22 Ina wasunga bhubhi mukinwa ncho, wenda nti ti wamoa bhushwa wabhesanga uri na bhehe bhiingi.
\v 23 Yesu wakae kumushi, washisha e santumwa se rasekaramayo mumbi bhari n'e bhutumba ikime mu bwami bwa Ongo.
\v 24 Santumwa sashishara mumbi byabhesanga byebhange we. Yesu webha,
\v 25 Ratamba kuri muna mpunda ikime mo kiribhu ch'enandi kurenga e mutumba ikime mu bwami wa ko kwiyo.
\p
\v 26 E santumwa sashishara tu, bhebhana inye ngi woshukari?
\p
\v 27 Yesu wakae bho webha: nti byakochekana mo mweya, eina kuri Ongo byakochekana. Bhushwa e bhiti byatamba kuri Ongo.
\p
\v 28 Petero wamushisha: sunga twamasia bhiti twamakwemisa, twasheeyo nki?
\p
\v 29 Yesu wasako: nabhushisha mureira, kisi mwea e wakutuka bhushwa ani na bhushwa we mwasi wakonda na wasia e ndikaro ye, bhasike bhabho na bhisi bhabho, mbe nti nina, ishe wae ne bhaana ne mashwa, hima na minubho,
\v 30 Usehembwayo iyana hano hansi, na mu matu asiyayo bhuriki bwe matu ati.
\v 31 Bhingi mumbi bharoso bhasebhesayo bhahende, nambi bhahende bhasebhesayo bharoso.
\p
\v 32 Bhakia bhari mo munse ienda ku Yerusarema na Yesu kubhusondori nabo, e santumwa sashishara bhamwemisa na koha. Yesu waria erikumi na bhabhi kumushi ne, wabhucha ishisha bho mumbi bhisemwiyere.
\v 33 kae twataya ku Yerusaramu, e mwana we mwea useninkanwa mo bhakakare bhe mpero na mu bhandiki. Bhasemushura na bhasemuninkana mumbi nti bhasimira.
\v 34 Bhasemucharika, nimuture nte, bhasemuhumba mihumbo na bhasemushura kuruma na matu ashatu wasefuka.
\p
\v 35 E bhasike bha Sebedayo, Yakobo na Yohana bhiya kumushi na Yesu bhamwire: tuhunange utukieri e bhisekonga bhaate.
\p
\v 36 Wasubhie bho: bhanu muhunange nikie bhuni?
\p
\v 37 Tuhunange turike uma mu mombo wabhe w'ekwabhume n'ompe mu mombo w'e kurembe, ukukiya umabhese mo ntambi ukubhesa mu bwime.
\p
\v 38 Yesu wasubhie bho, nti musibha e bhikongange bhanu. Muk'omo e rusara rusomo ani mbe nti rubhikwa imbu bhuserubhikwa ani.
\p
\v 39 Twamukocha, Yesu wasubhie bho: mukomo rusomoyo ani, na mukurubhikwa bwaserukwa 'ni;
\v 40 Mumbi bhamubhesa kwabhume nani na kurembe nti byatukana nani, ina mumbi e bhabhikirwanga byo.
\p
\v 41 E rikumi mor' iyorukira bhumbo, bhasubhuke Yakobo na Yohana.
\v 42 Yesu wabhikira bho, washisha bho. Imbi bhasungwa bhuri bhakakare munkati e bhea, bhanubyange nambi bhakakare bhasimanire bho.
\v 43 Ntinge bhumbo, munkati niinu ing'usondange ibhesa mukakare munkati niinu wakore bhaampe.
\v 44 Naangu washima ibhesa waroso munkati niimu, wabhesi ntumwa ye bhati.
\v 45 Bhushwe e mwana we mwea wiyanga nti kakorerwa, ina mwikore n'eninkana e bhuingo bwae mo bhea.
\p
\v 46 Yesu ne sa ntumwa bheya ku Yeriko na warekiya watuka kuro n'e santumwa sae, Musike wa Timayo ngi Bartoromayo, kihumihumi warika kumushi ne nse.
\v 47 Worukira mbu Yesu wakunasareti. Wabhucha'ikua: Musike wa Daudi Yesu, nkwiri bhonso.
\v 48 Bhabhesa nti bhamurorobhanyange ina wabhesa nt' ukuwange nguru: musike wa Daudi, nisasire.
\p
\v 49 Yesu wasimana webha: mumubhikire, bhamubikira. bhamushisha: simika ukubhikirange.
\v 50 Wataa e nganju yae, wasimana, wiya kuri Yesu.
\p
\v 51 Yesu wa mwere, nikukie bhuni?, e muhani, nihunange nikai.
\p
\v 52 Yesu wamwere: erisimira rabe ramakuramya, wakae wemisa Yesu.
\c 11
\cl Chunda 11
\p
\v 1 Ku Betania, kumushi ne rou rwe misabhibhu, Yesu, were ntumwa sae sibhi wa shisha bho:
\v 2 Mwendanga morubhungu eruri kub usondori ninu, mukukiya mukime mu'ro, mukusunga muna mpunda waminwa na neki ntwatairwa na mwea, mu mo bhoranga na mumurishe.
\v 3 Ne wase bhushisha mbu inki nge kikiange bhanumpo, mumweri mbwe mubhake ngwamuraamo.
\p
\v 4 E santumwa sarikia samenda, sakumana muna mpinda ntwamina hambuka kwihi na rubhikumushi, mo munse, bhamubhora.
\v 5 Ne bhabhesengampo bhashisha: inki nge kikiange bhanu mpo? na bhushwa 'nki mwobhora e mpunda?
\v 6 Bhasubya bhuri bwashishiwanga bho na Nyerekurwabho. Bhareke bho bhenda.
\p
\v 7 Bharishie Yesu e mpunda, bhansanso muyo esa nchangi sabho na Yesu wataya hambasiro nayo.
\v 8 Bhea mingi bhansansa esa ngombe sabho mo munse na bhampe bhakera ntabhi sa miti mo mashwa 'bho murimukoke.
\v 9 Ne bhabhesenga bha musondore ne bhamusiere kuruma bhamusimbengi: Hosanna! Watatwe e wiya morina ra Mukota!
\v 10 Bhutatwe e bwami wiya, e bhusime wa Ndauti tita witu! Hosanna! Musandikaro sikiri sikiri.
\p
\v 11 Yesu wakime ku Yerusalemu monumba ya Ongo. Wakia wama sibha mbwe kashangi kameta, wenda ku Bethania n' e bhemisa bhae kumi na bhabhi.
\p
\v 12 Mo mukomakoma, mor' ituka e ku Bethania, Yesu worukira rwaka.
\v 13 Kore wasungu muti urisere masani, wenda, wabhungurao muribha wamushee kikai, nchumo yema muri saa kwihi nao utashei anga na chuma, wasunga ho kikai kima nty' e bhisu, bhusha abhesenga nti matu ebhuta.
\v 14 Webha nishisha e muti, kutabhingi yo mweya washei byuma bhirisa kuri ongo e bhemisa bhea nti bhorukirange.
\p
\v 15 Bhiya ku Yerusalemu, na Yesu wakime mu numba ya Ongo. Wabhuch' ihensa ebhati e bhabhesenga bhachuyange ne bhachurange mo numba yishe; wasansa e matanda ati e mwabhesenga muchuyengi bho e tukoyi n'e tumpite.
\v 16 Ntwasierenga na mwea e kashangi kerisombo e bhikai bya mo numba ya Ongo.
\v 17 Wabhuch' ihana bho n'ishisha bho: chatiranyiwa bhuno, e numba yani yasebhayo numba ya mahemo mo bhea bhati. Ina bhaanu mu bhundura yo numba ya bhiibhi.
\v 18 E bhakungu bhati ne bhandiki mor' iyorukira e bhinwa mbyo bhamwendere nama y'imushura bhushwe e kikembe nchi chatingirwa na bhobha murirukira e mwenjo ngo.
\v 19 Mo murisisi Yesu watuka mor' obungu.
\p
\v 20 Mo mukoma-koma murikuruka rabho, e santumwa se sasunga e muti wakukama itukire e kwitina na mo masani.
\v 21 Petero wasubhukia e byakwetanga, washisha Yesu: e muhani, kae e muti waherayo oongo wamakama.
\p
\v 22 Yesu watinge e kinwa washisha bho: musimire e bhinwa bya Ongo.
\v 23 Nabhushisha muriira. e mwea wameebha kubha wasimira na kwitingire kuri Ongo, n'urikire na nsimiro, wamushisha e rou, tukampo enda mo nyansa, ne kinwa ncho nti cha bhererera.
\v 24 Nge chasingwa nabhushisha, kinsi chakongayo bhanu morisimira, musibhanga mbu chamabe ho na muusunga cho.
\v 25 Na mukukiya mu masimana mw'ihema, kubha oongo urikire na bhuyongwa na mwea, musasire, kongo tita witu shemine ku nchukari wakusasira.
\v 26 Ina e watina isasira munachabho, iso wabhe wa mombingu nae watakusasiri.
\p
\v 27 Bhenda tu ku Yerusaremu e ntambi Yesu warikiya utambange mo numba ya Ongo, e bhakungu e bhati, e bhandiki ne bhakungu bhiiya kuri we.
\v 28 Nimushisha: inye mwami ngwakushisha ukie bhikai mbi na inye ngwakuninka e bhunkangwe bw'er'ikia byo?
\p
\v 29 Yesu wasubhie bho: naabhushisha kinwa kima, munisubhii kongo nabhushea e wantuma nikore e bhikai mbi.
\v 30 Erirubhika ra Yohana rasaire mo mbingu ari kuri e bhea?
\p
\v 31 Ina bhaanikira bhesine: twamasubie mbu mombingu, weebha bhushwa nki mutin' enisimira?
\v 32 Na twamasubhie mbu mwana we bhea, bhasubhaha bhushwe e bhati bhasubhaha Yohana ng'usibhirwe bhuri mutahwa.
\v 33 Bhasubhie Yesu: nti tusi; na Yesu were bho: naani nta bhushei e wanininka e bhunkangwe bhuno.
\c 12
\cl Chunda 12
\p
\v 1 Yesu washishabho mu myani. Mweya uma weka mirime, Watimbyayo rukumbu watunganya muringa, Watereka mo bhahingi wenda.
\v 2 Mo matu er'iko watuma mwea kuri e bhahingi bhamurebheke mo mbuto.
\v 3 Bhamamutinge, bhamukama n'imukurucha bhumbobhumbo kusira kikai.
\v 4 Watumire tubo impe ntumwa, bhamukama n'imuya nkene.
\v 5 Watuma umpe wabhashatu nae bhamushura na bhampe bhakamwa nishurwa.
\v 6 Nt'uri na musike we ewashimae nguru. wamutuma kuri bho ntwanikirange mbu bhasebha na usubhahwa kuri we.
\v 7 Ina e bhahingi mbo bhebha bhesine na bhesine sunga mine mwandu wiya tumushure kongo twasiya ne mwandu usebha witu.
\v 8 Bhamutinge, bhamushura ni mutaa kwendende erishwa.
\v 9 Kinki kisekora Nyerekurwabho wameya? Washurayo bho n'eninka e mirime bhampe bheya.
\v 10 Nti mur'isoma e kinwa nchi. Er'ikoi rataw'anga n'e bhumbi, rabhunduke ikoi ha nkuso.
\v 11 Mor'isasa ra Mukota ngi mwarebhunduke ro.
\p
\v 12 Bhasondi mutinge ina bhasubhaha e kikembe ch'ebheya bhateerera mbu Yesu webhang' e mishumo njo. bhushe nabho, bhamusiya na kweire.
\p
\v 13 Bhatuma kuri Yesu bhima mubhafarisayo na bhaherodia kongo bhamwekenya mo bhinwa byae wesine.
\v 14 Bheya kamushisha: e Mukota, tosimbu ongo w'eira na ntwi'anyie mwea bhushe utukaenga ensusanya y'emwea n' 'ongo hanange ense ya Ongo mureira. Rasimisirwa ari anga itundja kodi y'e mwami.
\p
\v 15 Yesu wasibha e bhukongobhanya bwabho: wasakobho: Bhushwa nki bhanu munerekange? mundishii e kichere ncho nikai mucho.
\v 16 Bharisha kima, na Yesu washishabho: yanye ensusanya ino n'emitiro ino? Bhamusako mbu ya Kaisari.
\p
\v 17 Na'impo w'irebho, muninke Kaisari bya Kaisari na Ongo bya Ongo, Bhashishara n'e bhinwa byae.
\p
\v 18 E Bhasandukayo imbi bhasi mbu kusir'efuka b'ehie Yesu bhamushisha bhuno:
\v 19 E Mukota kae byebhanga Musa: Musiky'abho mwea wamakwa na wasia mumina n'usira mwaana nti wamutinga n'ibute munachabho bhaana. Musike wabho wakomenwa ibhinga e mushumbakari kongo wamubute bhana.
\v 20 Kuri bhasike bharinda bhana bha bhura bhuma wa roso webhinga, wakwa nti ntwabhuta.
\v 21 W'emet'abhi wating'emushumbakari nae wakwa anga mwaana,
\v 22 Bhenderana iya mo webharinda. Anga uma mubati bharinda wabhuta.
\v 23 Kuruma n'e bhati, e mumina nae wakwa. Er'otu rw'er'ifuka, E mumina ngo wabhe yo wanye? Bhushwa e bhati bhamutingenga bhuri mukari wabho.
\p
\v 24 Yesu wasubhiyebho: nti murengwa-rengwa nti murikorukira e mitiro ne maa a Ongo, Bhusha erifuka n'e bakwire.
\v 25 E bhabhume bhatabhingi tuyo n'ebhomina bhatabhingwi tuyo eina e bhati bhabhindukeyo bhuri ngashani ko kwiyo.
\v 26 Bhusha n'erifuka rebakwange nti muri soma ekarisi ka Musa. Ongo wamushisha mu nkeko yominange. Ani ngi Ongo wa Abrahamu Ongo wa Isaka na Ongo wa Yakobo.
\v 27 Ongo nti Wambi bhakwa, ina w'ebhari ho, bhanu muri mu ndengwa-ndengwa.
\p
\v 28 Uma mo bhandiki bhabhesanga bhorukirange ebhuhaka, wasiba mbu Yesu wamasako e bhasandukayo ishu. Weya kwihi na Yesu, wamushisha: uni nge momba waroso mo iti?
\p
\v 29 Yesu wasubhie uno nge muomba waroso Orukira e Isiraeri, Ongo witu nge Mukota wesine.
\v 30 Shima Mukota, Ongo wabe mo mutima wabhe uti mo mianikiri yabhe na mo maa abhe ati.
\v 31 ch' emet' abhi ngikino, shima munakinu wishima ong' wesine bhusha kusira myomba mikiri irenga iya.
\p
\v 32 E mwandiki wamushisha nanki e Muhani w'ebh'eira Ongo uma ho hasira umpe iwe ho.
\v 33 Ne rimushima ne mutima uti ne mwamkiri uti, n'e mubhi uti, ne maa ati ni shima munakinu bhuri ong' wesine byarenga ohembo na bhinsinso.
\p
\v 34 Yesu wasunga nt'wamasako na bwenge, w' ebha: nti ongo urikire kore n'ebubake bwa Ongo. kutasungwi tu mweya washisha.
\p
\v 35 Yesus wenderana n'ihana mo mor'irameso webha: bhuni ng'webhange 'bhandiki mbu rukombora musike wa Ndauti?
\v 36 Ndauti wesine, nt' uri mo Mutima mushasha webha: Mukota webhanga na Nyerekuritu: Rika mo haro rw'ekwabhume iya mu ntambi unante e bhashumba bhabhe.
\v 37 Ndauti wesine umu bhikirange mbu Mukota iwe musike we mu nki? Nakikembe kikiri nti kiri na ngowa y'imorukira.
\p
\v 38 Wabhesanga uhanange bho mo mahano ae: mwirange n' e bhandiki. Bhashima ebunga bhambara Sareha n'ikeiwa mu mwengere.
\v 39 Bhashima bhitumbi bya roso mo s'emahemo matu makiri.
\v 40 Bhashamburange ma numba e bhashumbakari n'ihema mahemo mare-mare. Bhasekererwa y' obhansa rwasuma.
\p
\v 41 Yesu warika kumushi n'enku y'er'ohembo ntukaengi bhuriyange bho e bhehe mo nku. e bhatumba bhataa mo siingi. Wasunga mushumbakari uma,
\v 42 Waria Kumunda ne nku byunda bibi bya bhehe chunda kima mu bhinye by'etukoi.
\v 43 Yesu wabhikira e bhafuku bhae w'ire bho: Nibhushishange mor'eira e mushumbakari uno ng'wamakuto bhingi.
\v 44 bhushwa e bhati bhamakuto mo bwingi bw' e bhiri nabho, eina iwe wamakuto e bhiti bhikwengi rero we mor' ibha we ho.
\c 13
\cl Chunda 13
\p
\v 1 Yesu wakiya wasaa mo numba ya Ongo, uma mo ntumwa sae wamushisha: Ongo sungange ho e makoi ne bwimbe mbu!
\v 2 Yesu naye wamusubhiye: mo bwimbe bhukiri mbu kutasiiyo ikoi habhasirwa na rimpe.
\p
\v 3 Wakiya wamarika habhasirwa e rou, wabhucha mushambaro na Petero, Yakobo, Yohana na Andere, nabho bhamushisha.
\v 4 Tushishe e bhinwa mbyo byaasungwayo runi otu na kinki ngi chaabheyo e kiteerere e bh'eribhererera byo?
\p
\v 5 Yesu wabhuch iere bho: kiro ihuswa, bhea bhingi bheyayo mo rina r'ani na bhahusayo bhea bhingi.
\v 6 Kwabheseyo myasi na tumensimensi twa bhita, iina angi-subhaha, bhusha ibya byaakomenwayo ho isungwa.
\v 7 Na chasekwanayo ntingi hende neki.
\v 8 Chuo chaa kwanayo na kimpe chuo na kweeta yo turingiri mu turambo twingi na rwaaka rwingi eina bhibya nge ntangiro ye wae.
\p
\v 9 Mukohyanga. Bhaabhutarishayo mu ndushu sa mansa na bhasebhuhumbeyo mo numba sa Ongo; Mutondesayo mu makako na bhahanga na bhabhake, bhusha ne rina rani, risibwe.
\v 10 Mu raroso e kinwa chakonda chaturwayo mo bhea bhati.
\v 11 Bhakiyayo bhabhurisha mw'ebhusibhura anga kweshishirisha bhusesubhie bhanu, hihahiha e Mutima Mushasha waabhuninkayo musubyo.
\v 12 Mweya waashiayo munachabho wakwe na ishe e bhana wamushiayo; e bhana bhatinayo bhishe nishura bho.
\v 13 Mubhawayo nebhati, bhushe 'rina rani, iina ingu wabhe yo na muho more ngi woshukari.
\p
\v 14 Mukiya yo musunga e bhubhi mbu wahambike wakime impi hatamurikange bho, kinsi ng' usi soma wakohyanga imbi bhaakumanwayo ku Yudea bhabhekenga habhasirwa nesangu.
\v 15 Ingu wakumanwa ha mambiyo watasiki tu eringa kikayi mo mwae.
\v 16 Nangu uri e kwishwa watakurukiyo tu karinga nchangi e kumbuka.
\v 17 Mo matu ngo bhonso kuri ebhakuri n'e bhabhire muhemanga kongo atabhengi matu a mabhura.
\v 18 E wae we matu ngo bhusesuma yo irenga e matu ati ameta, na kuta bhesiyo tu bwae bwasusanyiwa nambo.
\v 19 Na Mukota watamakehyange mu matu ko kusira ingu wamushukarange,
\v 20 wakehyanga e matu bhushwa na mbi bharondorwa.
\v 21 Mweya wamakushishayo mbu Kirisitu uri hano ari uri hiha angi risiya.
\v 22 Bhushe kweyayo bha Kirisitu bha bhushukishuki na bhatahwaa bha manko bhasekiyayo tushingishiro na bhishisharo mw'ehusa ebarirondorwa kongo ramukochekange.
\v 23 Mukohyanga namakindi bwire e bhiti.
\p
\v 24 Mu matu a, e wae wamasira, e mwishi waakimeyo mo mwirimya n'e mweri utasakiyo.
\q1
\v 25 E sa nkekeni saahukayo, n'ebhunkangwe bwa mo mbingu bhuserubhayo.
\v 26 Kuruma naha twaasunga yo e Mwan'emweya nt' uhitange mu mwanya na bhunkangwe bhukiri ne bhuhime.
\v 27 Ngi haakiya yo warebheka e sa ngashani na wakumanyayo imbi bhari rondorwa nae bha mo sankaro siti sinye iya na hende 'chuo na hende 'mbingu.
\p
\v 28 Mwihane iyetire e muti, bhusha e sa ntabhi sae sa makindi etito, n'ebhisu byama bhucha ishuka, nti musibha mbu mishi irikeya.
\v 29 E bhinwa mbyo byamabhucha isungwa, musibanga mbue mwana we Mweya weya, uri hamuyango.
\v 30 Nibhushishange iira, e rubhuto runo rutashiririyo ne bhinwa mbyo nti nesi byasungwa.
\v 31 E mbingu n'echuo bhiseetayo eina e bhinwa byani bhiteetiyo.
\v 32 kusira ng'usi erotu n'entabhi, nakiro ee sa ngashani nakiro musike wa Ongo, iina Tita wisinie ng'usi.
\v 33 Mukohyanga, mubhesi n'ikeresha hima n'ihema, bhushe nti bhanu musi entambi.
\v 34 Bya bhunduki bhurikanga mweya uma watuka mo mwae, wenda oendo, wasiyere e bhafuku bhae e bhukakare wae, washea kinsi mwea e murimo wae, washisha e murangi we rubi watahuniringi.
\v 35 Bhusha nti bhami mwosi e rotu rweyayo mine numba, isiba kubha murisisi, nkatinkati e bhutu, ari muranga, ari mukomakoma.
\v 36 Murikanga na koha, watabhukumani nti mumahunira, bhusha weyayo nsisu.
\v 37 Kibhushishange ani cha komenwa kuri e bhea bhati: Angihumira.
\c 14
\cl Chunda 14
\p
\v 1 E r'otu rukiri rwe Pasaka ne rwe tumbonsa intu nti turi na ntero rweya mu matu abhi kuruma. E bhakungu n'e bhandiki bhasonda bhuni bhusetinge bho Yesu muri mushura.
\v 2 Bhushe bhebha: ritabhesengi mu rotu rukiri rwe ririsa ni omo, bhushwe e bheya bhamutuhakanya nitukuanya.
\p
\v 3 Nambu bwa bhesenga Yesu ku Betania, mo numba ya Simoni e mubhembi, momina uma wakime, muntambi ye ririsa. abhese wa tinge kibya chakonda, e kibya chabhesenga nti kiri na rungo rwa bhusi bwasuma; wabhera ekibya wakubhurero mo muntwe wa Yesu.
\v 4 Bhima mu santumwa sae bionga ni eba: bhushanki wabhishabhisha e rungo?       
\v 5 Rwamuchukange manashatu sa mpai, ni ninka to e bhasene. Bhahakany'emomina ngo.
\p
\v 6 Iina Yesu webha: mumureki. bhushwa nki bhanu mu mukwanyange? wakundonje'e kinwa chakonda;
\v 7 Bhushwa bhanu muri ne bhasene bhinu kirotu, na mu makorebho cha hunda e ntambi ya shima bhanu, bhanu musira 'ani kirotu.
\v 8 Wamakora'nchi cha kochae; wakutangir'isingo e muntwe w'ani mo risinda.
\v 9 Nabhushisha mu reira, e kuti 'nko kwaatu kurwi e mwasi wakonda, mo chuo kiti, bha turio mwisubhukia e byakoranga e mumina'ngu.
\p
\v 10 Yuda ngi Isikarioti, uma mo re kumi na bhabhi, wenda kuri bha shebhakungu bhakakare, kongo wasibura Yesu.
\v 11 Bharekia bha makindi mwerukire, bhabhe na ngoa, na bhamuraa imuninka bhehe. Yuda wasonda ntambi insi sakomenwa muri musibhura.
\p
\v 12 E r'otu rwa roso rwe tumbonsa tusira ntero, e rotu rw'ekibhimbi che pasaka, 'bhemisa bha Yesu bha mwiire: kuni kwashimaongo twendi kakuronjie 'Pasaka?
\p
\v 13 Watuma bhabhi mo sa ntumwa sae, washisha bho: mwendi mo rubhungu; mukumana wabhume waria kisha cha mecha, mumwemise.
\v 14 E hasekime we, mushishe mine numba: Nyerekuritu webha: hani ngi haserire ani e kibhimbi ne sa ntumwa sani?
\v 15 Na use bhusheya e chumbi riry'ekwiyo, e bhitumbi bhiti bhiriho: hiha hase turonjee bhanu ekibhimbi.
\v 16 E santumwa senda, bhiya mo robhungu, na bhakumana e bhikai e bwerengawe bho; na bhatunganyanya e kibhimbi.
\v 17 Erorisisi rwakia rwamia, wiya ne rikumi n'ebhabhi.
\p
\v 18 Bharekiya bhari mo bhutanda, na nti barisange, Yesu webha: nabhushisha mo reira, uma mu bhanu waanisibhura.
\p
\v 19 Bhatingirwa na katingitingi, na bhamwire: uma ne umpe: mbe nti ani?
\p
\v 20 Wasubhie bho: uma morikumi n'ebhabhi, e urubhiengi hima nani mo ntengi.   
\v 21 E mwana we mwea wenda itukana nambo bwatiranyiwa cho kuruwe. ina bhonso kuri 'ngu usesibhura e mwana we mwea! rakonda utamubhutwange.
\p
\v 22 Bharekiya bharisange, Yesu watinge e kambonsa. na kuruma ner' ihema wabhengaa e kambonsa; waninka bhoko, na weba: mutingi uno nge mubhi wani.
\v 23 Watinge e rusara; na kuruma nihema, waninka bho, ne bhati bhomo.
\v 24 Washisha bho: ino nge nchama yani, nchama ye ndani mu bhea bhingi.
\v 25 Nibwirengi mor'eira, ntomuyo tu mumecha e byuma, iya mo rotu rusomoyo ani mo bhubhake bwa Ongo.
\v 26 Kuruma nesimba e rumbo, bhenda mo r'ou rw'e miseituni.
\p
\v 27 Yesu w'ire bho: bhanu bhati muku saansansabhanayo, bhushwe ratiranyiwa: nahumbayo e murangi, nesa mburi siti sansabhanayo.
\v 28 Ina, kuruma n'er'ifuka, nsebhusondoreyo ku Ngariraya.
\p
\v 29 Petero wamw'ire: e ntambi bhati bhasekubheka, ani nta kubhekiyo.
\p
\v 30 Yesu wamw'ire: nakwire mo riira, runotu, muno mutu, bhusondori enchongore ibhikire, ukubhesa nt'umantuna met'ashatu.
\p
\v 31 Ina Petero wasako nguru: bhushwe rakomenwa ikwa hima nabhe, nta kutuniyo. Bhati bhebha bhumbo.
\p
\v 32 Bhenda tu ku Gesemani, Yesu werebho misa bhae: murike hano, mu ntambi ya hema ani.
\v 33 Watinge hima nae Petero, Yakobo na Yohana, Wabhuch' isubhaha nabhuch'ikwa bhobha n'ititimane.
\v 34 washisha bho: e mutima wani uri na bhonso mwiya muntambi ye rikwa;, murike hano na nti bhanu muhemange.
\v 35 Warekiya wamakia nkaramika sima kubhusondori, windame kwansi, ni hema mbu, ramakocheka, e r'osara r'uno runetiri kore.
\v 36 Webha: Aba, tita, kinsi kikai chakocheka kuri ongo, nkuturi kore e rusara runo! ina, nt'isasa r'ani, ina e byashima ongo.
\v 37 Wiya kuri e santumwa sae, wakumana bho nti barere, na w'ire Petero: Simoni, ongo rere! nt'ukukocha ihema nani ntambi nima!
\v 38 Mukereshe ni hema, kongo mutukimingi mu myereko, e mutima uri na maa ina e mubhi mutetera.
\v 39 Weshika tu, wa hema tu.
\v 40 Wakuruka tu nti bhakiri bharere, ne meso abho abhesanga nti amaritoha. Bharuka chi musako.
\v 41 Wiya rameta shatu, wa shisha bho: mwekindi ke, na muruhuke! rarengekana! e ntambi iya, sunga e mwana we mweya wasibhurwa mo mine y'ebhabhi.
\v 42 Musimane, twendi; mukai, ingu waanisibhura uri kwihi.
\p
\v 43 Na warekiya ukiri w'ebhange, Yuda wiya uma mor' ekumi na bhabhi, hima nae na nkumanano nti bhari na myere na nkoma bhatumwanga ne mukakare we rirameso, ne bhandiki hima n'e bhakungu.    
\v 44 Ingu waamusibura waninkabo kengeko: ingu wa koke ani, ngiwe; mumutingenga.
\v 45 Mo r'iya r'ae, washeere kuri Yesu, weba: emuhani! wamukoke.
\v 46 Himpo bhamutinge.
\v 47 Uma mumbi bhabhesanga ho, murisunga ie bhamukamange, wanyonyora e mwere wae mo rubho, wakaso mufuku uma we mukungu n'imukera e kote.
\p
\v 48 Yesu, watinge e kinywa, were bho: mukwiya bhuri bhanyai, na myere na mihumbo, mor'inikwanya.
\v 49 E matuati nibhesanga ninu, morirameso ra Ongo nihanange nti Bhanu munorukirengi. Ina bhushwa ebyatiranyiwanga bhibhe rereshiwe.
\p
\v 50 E ntambi injo e bhati bhamubheka.
\v 51 Musike uma wamwemisa, ntwibhumbe murekani mu mubhi wae bhamutinge;
\v 52 Ina wishunura mo nganju yae, wabheka munkaanga.
\p
\v 53 Bharisha Yesu mo makako e bhashebhakungu, mo nkumanano ye bhakungu bhati, Bhabhakungu n'ebhandiki.
\v 54 Petero wa mwemisa kasoka iya na kumunda ne bhutara bwe shebhakungu mukakare; warika hima n'ebhafuku, na ntunyukarange kasha.
\v 55 E bhakungu bhakakare hima ne bhashandukayo bhasonda bhinwa bhi muhambike kongo. bhamuya, bhatashei byo.
\v 56 Bhusha bhingi bharisha bhinwa bya manko kuri we, ina e bhinwa mbyo nti bhitanga simirana.
\v 57 Bhiima bhasimana, bharisha bhinwa bya manko, niebha:
\v 58 Twamwerukiranga ntw'ebhange mbu waakakura e numba ya Ongo eimbwa ne mine ye bhea, na mu matu ashatu nti wimba impe e nti yumbwa na mine ya mwea.
\v 59 Na kiro mukinwa ncho bhatarukirwi.
\p
\v 60 Nampo e Shebhakungu mukakare, wasimana munkanti nebhea, washisha Yesu, wa mwire: ntusako kikai? Inki ngi cha kwebere bho che manko e bhea mbi?
\v 61 Yesu wakobha, utasubyi kikai. shebhakungu mukakare wamushisha, n'emwire: ongo ngi kirisitu, mukasanirwa mwana wa Ongo?
\p
\v 62 Yesu wamusubhiye: ngi ani. na mukusunga e mwana we mwea wa rika muruharo rwe mombo we kwabhume we bhunkangwe bwa Ongo, nt' utukange kwiyo.
\p
\v 63 Nampo e Shebhakungu mukakare wabhengaa e sa nchangi sae, nishisha: bhanu musondange wabhushishe tu bhuni?
\v 64 Mwerikira e bwa tukambae. e bhati bhebha na kubha mbu wakwe.
\p
\v 65 Bhima mu bho bhabhucha imuture nte, ni mu bhumbura e mbaso, ni musunda nkundo nguru, ni mushisha: Teerera! nebhakori bhamushee mwimukaso bhihi.
\p
\v 66 Muntambi Petero ntu ri e kwansi ha bhutara, heya mukori uma wa momina we shebhakungu mukakare.
\v 67 Wasunga Petero nti unyukarange kasha, wa mukae, ni mushisha: naongo, nti ubhesenga hima na Yesu munasareti.
\p
\v 68 Petero watuna, webha: nti nosi, nti nateerera ebhisondange iyebha ongo. wasaa ha bhutara mwienda hari kisusu. e nchongore ya bhikira.
\p
\v 69 E mukori we momina, warekia umusungange, wamwere tu re meta'bhi: uno uma mu bho. wamutuna tu.
\p
\v 70 Ntambi nti nkeke, e bhabhesenga mpo bhashisha tu Petero: eira ongo uma mo bheya'mbo, bhushwe ongo mu ngariraya.
\p
\v 71 Wabhuchi ihera ni sere: nti nosi emweya ngo e washange bhanu.
\p
\v 72 Kuruma nampo, rem'abhi, e nchongore abhikira Petero wasubhukia e byamushishanga Nyerekurwabho: kubhusondori e nchongore ibikire met'a enchongore yabhikira: uku ntunayo meta shatu. Mor'isubhukia mbyo, ware.
\c 15
\cl Chunda 15
\p
\v 1 Mu mukomakoma, bhakakare bh'erirameso bhakia nkumanano hima n'ebhakungu n'e bhandiki n'e rushu rw' e bhakungu Bhakiya bhamamina Yesu, bhamurisha, bhamuninkana kwa Pilato.
\v 2 Pilato wamushisha ongo ngi mwami w'ebhayuda? Yesu wasubya, um'ebha.
\v 3 E Bhakakare bh'er'irameso bhamusongere ringi.
\v 4 Pirato wamushisha tu: nti usubhie kikai? kae mbe nti bhinwa bhinga bhikusongerengi bho.
\v 5 Yesu nti wasubya kikai, byashishaya Pirato.
\p
\v 6 Mu kinsi otu rukiri bhobhoranga muminwa uma, ingu wasiburwa n'ebhea:
\v 7 Kwabhesanga mubhisha mo ngori nti ngi Baraba nambi bhakoranga nae mo bhibhi byakoranga bho mu misona?
\v 8 E nkumanano, yasua bhakonga inchi kironjeirwanga bho.
\v 9 Pirato wasubhiebho: muhuna nibwobhori e mwami we bhayahudi?
\v 10 Bhushe wabhesanga usi mbu e bhashe bhakungu bhamusibura mw'isasa.
\v 11 E bhashe bhakungu bashereesha enkumanano kongo Pirato wabhorebho Baraba.
\v 12 Pirato washishatubho, muhuna nikie bhuni kuri Yesu mwami w'ebhayahudi?
\p
\v 13 Bhakuwatu wariarwe mwiango.
\p
\v 14 Pirato washisha bho bhuni bhubhi bwakukorawe, bhakuwatu nguru wariarwe muriango.
\v 15 Pirato murimoesha e nkumanano, wobhora Baraba nti bhamahumba Yesu mpimbo, wamuninkana wariarwe muriango.
\p
\v 16 E bhashirikani bhenda na Yesu munkati na bhutara nge riebha mo numba y'emukakare bhabhesa nti bari hima bhatumana hima.
\v 17 Bhamwambicha nsaka ya menke mo muntwe.
\v 18 Bhabhucha imukeya, twakukeya 'e mwami wa bhayahudi.
\v 19 Nanti bhamukasongi muronge mu muntwe, nti bhamuturengi inte, bhakunya emaru, bhendi bhamwandengi maru.
\v 20 Bhakia bhamamusea, bhamukungura enganju, bhamwambnicha s'erierwa mor' iyango.
\p
\v 21 Bhariesha mwea uma eriango Wabhesang'otukange e kwishwa, Simoni wa kukirene ishe wa Kisanduro na Rufo.
\v 22 Bhenda nae himpi habhikirwa mbu Ngorongota ngeriebha ha kahangasi.
\v 23 Bhamuninka mau asonyiwa ina nti womoo.
\v 24 Bhamubhamba muriango, bhabhangane 'sanchangi sae.
\p
\v 25 Abhesanga ntambi ishatu, e ntambi yamurianga bho mor' iyango.
\v 26 Bhatiranga mitiro muriango mbu uno mwami wa bhayahudi.
\v 27 Wariarwa muriango na bhampe bhabhisha bhabhi, uma mu maryo umpe kurembe.
\v 28 Byabererera imbi byatiranyiwanga: wariarwa munkati e bhabhi.
\v 29 E Bhetani bhabhesa bhamukambange n'itenje 'muntwe.
\v 30 ongo ng' uukakur' erirameso n' eimba ro mu matu ashatu
\p
\v 31 E kutu muriango, Bhashe bhakungu n'e bhandiki nti bhaseange ni iebha: waramyanga bhampe utamukochi kw'ekuto mpi,
\v 32 Kongo kirisitu mwami waba isiraeri wahite muriango kongo twasunga n'isimira: imbi bharierwanga nae muriango nabho bhamusimya.
\p
\v 33 Mu ntambi mutubha, mwerimya wabhesa mo chuo kiti iya mu ntambi mwenda. Na mu ntambi mwenda njo,
\v 34 Yesu wakua; titani titani unisiya ho.
\p
\v 35 Bhima mo bhabhesanga mpo, imbi bhamwerukiranga w'irakengi, b'ebha: mukai ubikirange Eria.
\p
\v 36 Uma mubho wakanyaha warisiya byaange wamina mu muronge wamuninka womu tukai kubha Eria usiya kamuhicha.
\v 37 Ina Yesu wakua, wakere mutima.
\v 38 Epasia ya mor'irameso yabhenguka metabhi itukire ko kwiyo iye kwansi.
\p
\v 39 E mushirikani ewabhesanga urikumushi na Yesu wasunga e bwamahuhuka w'ebha: eira wabhesanga mwana wa Ongo.
\v 40 Habhesanga bhomina bhasimana kore bhakaengi. Munkati nabho habhesanga Maria Magdaderene, Maria nina mwanunke wa Yakobo na Yose na Salome.
\v 41 Nti bhamwemisange, bhabhesenga bhamurishange wakiya uri ku Ngariraya na bhampe bhatayanga naabho ku Yerusarema.
\p
\v 42 Akia bhutu bhusondi sira murisisi nti kubhusondori ne sabhato.
\v 43 Hiya Yosefu wa Arimatea wa mu rushu ntwaririndire e bwami bwa kokwiyo. Wenda kuri Pirato kakonga e mubhi wa Yesu.
\v 44 Pirato washishara mbwa makwa, wabhikira emukiri we mushirikani wamushisha mbe wasiya wakwa.
\v 45 Wakiya wamasibhishiwa cho n'emushirikani waninka e mubhi wa Yesu kwa Yusufu.
\v 46 Yusufu wabhesanga ntwamachura sanda, wahicha e mubhi wa Yesu wamondonda mo sanda wamuria muresinda rabhesanga rar' ibhaswa.
\v 47 Maria wa Mandereni na Maria nina wa Yose bhakaempi harierwanga we.
\c 16
\cl Chunda 16
\p
\v 1 Otu rweinga rwakia rwamasira Maria Makitarena, Maria nina wa Yakobo hima na Salome bhachura rungo bhushwe bhasigu e mubi wa Yesu.
\v 2 Mukomakoma rwe roti rwa roso, bhenda e kwisinda.
\v 3 Bashishana: Inye wa bunduranya erikoi ndi ha miango ne risinda?
\v 4 Irubukire, basunga e rikoi risira tu hamiango ne risinda.
\p
\v 5 Bhakime kumunda ne risinda bhakumana kumunda musike uma wambara nganju ya marekani, bhakwa koha.
\v 6 E musike were bho: Anga mukwa koha, bhanu musondange Yesu wa ku Nasareti e wakuhanikwanga muriango, wakufuka rero, nturi tu hano, mukai hakuriarwanga we.
\v 7 Mwendi k'iremb'wamabhusondore e bhamisa bhae hima na Petero mb'wama bhusondore ku Galilaya, ngi kwa musungire bhanu bhuri bwa bhuraanga we.
\v 8 Bhatuka mo risinda ni kanyaha nti bhari na koha kingi bhataturi mwea uti uti e mwasi ngo bhushwe ne koha kabho.
\p
\v 9 Yesu wafukanga mukomakoma we rotu rwa roso, wasaire Maria Magdalena, ungo waramyange we mo bhashumbu bharinda
\v 10 Wenda katura emwasi mo bhea bhati bhimbo bhe bhonso ne bharengi.
\v 11 E bhamisa bhakia bhamorukira e mwasi mbu Yesu wamafuka na wamasungwa, bhatasimiri.
\v 12 Kuruma naha, wasungwa mo munse mu impe nsusanya na bhemisa bhabhi nti bhendange mo rubhungu rukeke.
\v 13 E bhemisa mbo, bhatureo bhanachabho, ina bhatasimiri hotu.
\v 14 Hende, wasaire bhemisa e kumi n'euma nti bharisange, wafine bho mo bhukwemi ne mitima yasuma, bhushe nti mukusimira erifuka rani bhushwe nti mukwikairenga.
\p
\v 15 Were tubho: Mwendi mo chuo ekiti, muture e bhinwa bya Ongo mo bhea bhati.
\v 16 Ewa simira nirubhikwa woshukare ina e watasimiri wendayo mukasha.
\v 17 E bhishisharo bhino byasungwa mumbi bhea bhasimira. Mo rina rani bhasehensayo e bhashumbu, bhebhayo mwebhe mushasha,
\v 18 Bhatingeyo nsoka kuti bhomo bhuti, bhutakoch' ishura bho, bhuti bhitakoche ishurabho, bhahemi e bhakoni nti bharama.
\p
\v 19 Yesu mwi hea iere bho, wataya ekwiyo, warika kwabhume kwa Ongo.
\v 20 Bhenda e kuti katondesa. Ongo nturi nabho hima ne bhisonsomorangebho nti bhitindikirwange ne bhishisharo.