nyj_reg/67-REV.usfm

\id REV
\ide UTF-8
\h Isheiwa ra Yohana
\toc1 Isheiwa ra Yohana
\toc2 Isheiwa ra Yohana
\toc3 rev
\mt Isheiwa ra Yohana
\c 1
\cl Chunda 1
\p
\v 1 Isheiwa ra Yesu Kirisitu, indi rakia Ongo wamuninka mor'ishea ebhakori bhae bhikai mbi bhiseya kubhusondori, na ngi byashea we, mor'irebheka we ngashani wae, kuri e mukori wae Yohana;
\v 2 Euno wabhereresha e kinwa cha Ongo n'eribhesa ho ra Yesu Kirisitu, ebiti mbi byaresunga we.
\v 3 Wakasanirwa kinsi ng' wasisirisa na mbi bhorukira e bhinwa by'e bhutahwa, nambi bharanga ebyatiranyiwa kumunda bhushwa e kashangi kari kwihi.
\p
\v 4 Yohana, mo marameso arinda ingi ari mo Asia; enchumo n'ebhuhoro bhibhesi kuri bhanu etuka kuri ng'uri ho, wabhanga ho, na weyange n'etuka e mitima irinda inji irikire habhusondori n'e kitumbi chae ch'e bhubhake.
\v 5 N'etuka kuri Yesu Kirisitu, e kariho w'eira, e ntangi y'ebhakwi, n'emubhake w'ebhabhake bh'echuo! Kuri ng' watushima, ing'waretukuto mo bhubhi mo nchama yae,
\v 6 Na ng'waronja iyetire bhate bhubhake bwa bhakungu bha Ongo Tita wae, kuri we kuri bhusime na bhunkangwe, mo biranga n' ebhiranga! Bhibhesi mbo!
\p
\v 7 Sunga weya n'er'otundo. Na kinsi riso ramusungayo, nambi bhamutobhoranga; n' esenganda siti s'echuo sisekwirakasaeyo bhushwa nae. Eina Bhibhesi mbo!
\v 8 Ani ntangiro n'ehende, webhange Nyerekuritu Ongo, ing' uri ho, ing'wabhesanga na weyange, min'ebhunkangwe bhuti.
\p
\v 9 Ani Yohana, munakinu, ing'uri na muhango uma ninu mo minubho, mo bhubhake na mo kwesimike kuri Yesu abhesenga nirikire mo kisanga cha ku Patmos, bhushwa n'ekinwa cha Ongo n'er'iyebhere Yesu.
\v 10 Natingirwa n'e Mutima mor' otu rwa Nyerekuritu, nerikira kuruma n' ani murenge mukiri, bhuri murenge wa kahanda.
\v 11 Nti webhange: E chasunga ongo, tiranya cho kumunda na Karisi, na rebheka cho mo marameso arinda, ku Efeso, ku Smirna, ku Pergamo, ku Tuatera, ku Sardi, ku Filadelfia, na ku Laodikia.
\v 12 Nikebhera mw'esibha inye murenge ng' webange n'ani. Na kuruma n'ekwikebhera nasunga tutara turinda twa noro tw'itereka mo tusuku;
\v 13 Na, munkati nanto tutara tw' e noro, mwey'uma abhesenga wasusana na mwana 'mwea, wambara nganju nere, na nt' uri na mukabha wa noro mo nkubha.
\v 14 E muntw'ae n'ebhuteo bwae byabhesanga bhusanange bhuri hariri isanange, yasana bhuri mauu, e meso ae abhesenga ari bhuri omini rwa kasha.
\v 15 E mindi yae abheenga yasusana na shabha yashuururwa nguru, yabhesanga yakwechiwa mu mutura; n' emurenge wae nt'uri bhuri changa cha mecha mingi.
\v 16 Abhesenga watinge mo mwine wae w'ekwabhume nkekeni sirinda. Mo bhun' wae nti mutukange obasi rwasongoka, rwa mai abi, n' embaso yae nt' iri buri mwishi usakange nguru.
\v 17 Narekia namusunga, nahita mo mindy' ae bhuri na makwa. Wanitereka e mwine wae w'ekwabhume webha: Ang'isubhaha!
\v 18 Ani waroso na wa hende, n'e uriho. Nakwanga nasunga, niri ho e bhiranga n' ebhiranga. Natinge erofunguro rw'eroku n' ekw'erunga.
\v 19 Tiranya 'ke e byamasunga ongo, e bhiriho, n'ebhiseya kuruma;
\v 20 E kishisharo ch'esankekeni sirinda chamasunga ongo mo mwine wani w'ekwabhume, n'etutara turinda tw'e noro twer'itereke tusuku. Esankekeni sirinda, ito ngesangashani s'emarameso arinda, n'etusuku turinda iyo marameso arinda.
\c 2
\cl Chunda 2
\p
\v 1 Tiranya kury'engashani w' er' irameso ra ku Efeso: Sung' ech'ebha ing' urikit' e sankekeni sirinda mo mwine wae w'e kwabhume, ing' wendange mo tutara turinda twa noro tweriterek' etusuku.
\v 2 Nisi emikorery' abhe, e murimw' abhe, n' er' isumy' emutima rabhe. Nisi 'mbu 'tumukoch' iendana na bhabhi; Ubhura 'mbi bh'etiko 'mbu ntumwa na nti nt' ibho ito, n'osunga bho nti bhashukishuki;
\v 3 N' Ongo 'ri n'esumya mutima, n'urenubha bhushwa n'erina r'ani, na nt' uriruha.
\v 4 Eina chatin' ani kuri ongo, nt' imbu b'wamasia Ongo e nchime y' abhe 'yaroso.
\v 5 Esubhukie kwe hani ngy' arikweshine ongo, ubhunduke, na ukore emikorere yabhe y' aroso; ntimbo, niseya kuri Ongo, n'etunje katara k' ekasuku kabhe harikanga ko, amabhesa nt' ubhunduka.
\v 6 Nakubha ongo 'ri na kino, uyongw' emikorere y'ebhanikolai, mikorere nayongwa yo n'ani.
\v 7 Kinsi ng' uri na mate worukire 'mbi by' ebhang' Emutima mo marameso: Mu kinsi ng' wahima ns' emuninka erisa mo muti w' ekaramo, ing' uri mor' ishwa ra Ongo
\p
\v 8 Tiranya kuri engashani w' erirameso ra ku Smirna: Sunga eby' ebha ewaroso n' ewahende, ng' wabhesanga wamakwa, na wamakindang' ibhesa ho:
\v 9 Nisi eminubho yabhe n'e bhusene bwabhe (nakiro mbu ongo mutumba), n' er' itikurwa ra 'mbi bhetiko ngi mbu Bhayahudi na nt' ibho, eina ibho irango ra Nyamurairi.
\v 10 Kiro subhaha imbu bhusenubha ongo, sunga, mushumbu usemina bhima mu bhanu, kongo mwerekwa, na mukubhesa na minubho ya matu ekumi. Bhesanga w'eira iya mor' ikwa, na nisekuninka kembo k'ekaramo.
\v 11 Kinsi ng' uri na mate w' erukire 'mbi by' ebhang' Emutima mo marameso: Ing' wasehima watanubi n'eroku rw' emet' abhi.
\p
\v 12 Tiranya kuri engashani y'er' irameso ra ku Pergamo: sunga 'mbi by' ebha 'ng' uri n'erobhasi rwatwa mo mai abhi:
\v 13 Nisi harika ongo, nisi mbu himpo ng' ekitumbi ch' ebhubhake bwa Nyamuraire. Utingirira erina r'ani, na nt' uretuna eresimira r'ani, nakiro mor' otu r'wa Antipa, kariho kani k'eira, ing' washurwanga ekuri bhanu, impo hari Nyamuraire n' ebhuriki bwae.
\v 14 Eina nikwengi kikai kuri ongo, ngy' ebura mbu ongo kwengi mpo bhea bhetingire mo mwenjo wa Balaamu wabhesang' uhanange Balaki itereke bhaisiraeri ikoy r' esitara, kongo bharisa nyama sa kibhimbi cha tumoi n' ekime mu mikonsi.
\v 15 Ng' ebhumbo n' ongo hotu, ongo 'ri na bhea bhetingire bhumbo bhumbo mo mwenjo wa bhanikorai.
\v 16 Bhunduka kwe, nti 'mbo niseya kuri ongo tete, na nsekwanya bho n' er' obhasi rw' ebhunu bwani.
\v 17 Kinsi 'ng'uri na mate worukire 'mbi by' ebhang' Emutima mo marameso: Mu kinsi ng' wahima nisemuninka e mana abhiswa, na nsemunink' erikoi r' isanange; na hambasiro nerikoi ndo hatiranyiwa rina rishasha indi ntir' isibhirwe na mwea, kubha nt' ingu waninkwa ro.
\p
\v 18 Tiranya mo ngashani ya ku Tuatera: Sung' ech' eba Musike wa Ongo, ing' uri n' emeso bhuri Omini rwakasha, n' emindi iri na bhususe bwa Shabha yakonda.
\v 19 Nisi emikorere yabhe, enchime yabhe, er' esimira rabe emurimo wabhe w' ereira, er' ikwesimike rabhe, n' emikorere yabhe yahende mingi kuri eyaroso.
\v 20 Eina echatin' ani kuri ongo nt' imbu umasiy' emomina wabhe Yeseberi, w'etiko mbu iwe mutahwa, ihana n' isheeresha ebhakori bhani, kongo bh' emis' emikonsi n' erisa nyama satunjiwa mu kibhimbi cha tumoi.
\v 21 Namuninka kashangi kongo wabhunduka, n' utangahun' ebhunduka mor' osingirwa rwae.
\v 22 Sunga n'semurekera habhasirwa na ntange, n'irebheka minubo mikiri mu 'mbi bharonjange nae er'asingirwa, amabhesa nti bhatabhinduki mo mikorere yabho.
\v 23 Niseshur' ebhana bhabho; n' emarameso ati asesibhirira mbu ani ngi nisisirisang' emangati n'e mitima, na nisekuruchie kinsi uma mu bhanu iyemisanya n'e mikorere yae.
\v 24 Ekuri bhanu, kuri bhati bhampe bhaku Tuatera, imbi nti bh'emis' emwenjo uno, na nti bharesibh' ehende Nyamuraire, imbu bhukiyange wabhikira bho, nabw' ire: nti natereka umpe murio;
\v 25 Ina ho, ikiri n'inu, mutingirire cho iya n' ebhusekurukayo ani.
\v 26 Kuri ng' usehimayo, na 'ngu 'serangayo emikorere yani iya hende, ns' emuninka bhukakare kuri esanganda.
\v 27 Warishayo bho hima na nkoma ya chuma, imbu bhubhenganga bho ekiriko ch' er' oto, anisine hotu nar' eninkirwa bho bhunkangwe bwa Tita.
\v 28 Na ns' emunink' e nkekeni ya mukomakoma.
\v 29 Ung' uri na mate worukire 'nchi ch' ebang' e Mutima mo marameso.
\c 3
\cl Chunda 3
\p
\v 1 Tiranya kuri engashani y' er' irameso ra ku Sardi: Sung' ech' ebha 'ng' uri n'e mitima irinda ya Ongo n' esankekeni sirinda: Nisi e mikorere yabhe. Nisi mb' umeta mw' ibhesa ongo 'shere, na nt' umakwa;
\v 2 Ukohyanga, na 'simik' echunda charindir' er' ikwa; bhushwa nti nakusung' emikorere yabhe 'mbu yarengekana hamakako na Ongo wani.
\v 3 Esubhukie kwe bhuni bwaninkwanga ongo n'iyorukir' ekinwa, ranga cho nobunduke. Umafundi 'kohya, n'seya kuri ongo bhuri mwibi, n' utusibiyo mu ntambi singa ng' iseyayo ani kuri ongo mu nsisu.
\v 4 Eina ongo 'ri na bhea bhima ku Sardi nti bharebhisha esangombe sabho; bhasebhungayo hima n' ani mu ngombe sisanange, bhushwa bhakomenwa to.
\v 5 Ing' wasehima usambichiwayo ngombe sisanange; ntariribhanyiyo erina rae mo karisi k'e karamo, nanisetikoyo erina rae hamakako na Tita na hamakako n' esangashani sae.
\v 6 Ing' uri na mate worukire 'nchi chebhang' Emutima mo marameso.
\p
\v 7 Tiranya kuri engashani y' er' irameso ra ku Filadelfia sung' ech' ebha ewashuururwa, ew' ereira, ing' uri n' echana cher' erindo cha Daudi, ing' urindonga, nti kusir' ewarindika, ing' urindikanga, nti kusir' ewarindo:
\v 8 Nisi emikorere yabhe. Sunga bhushwa ongo 'ri na bhunkangwe bukeke, n' orirang' ekinwa chani, na nt' uritun' erina rani, natereka hamakako nabhe rubhi rwobhoka, indu rutamurindikwa na mwea.
\v 9 Sunga, nakuninka bhima mu 'mbi bher' irameso ra Nyamuraire, imbi bh'etiko ngi 'mbu bhayahudi na nti bho, eina bhatimange; sunga, niserisha bho, k' ehicha mo mindi yabhe, n'esibhirira 'mbu nakushimanga.
\p
\v 10 Bhushwa urirang' ekinwa ch'er' esumy' emutima kuri ani, nsekurangayo hotu mo kashangi k' emwereko useya mo chuo kiti, mor' iereka bhis' echuo.
\v 11 N' eyange tete. Tingenga ekiri nabhe, kongo kutabhesingi mwea waseriy' ekembo kabhe.
\v 12 Eusehima, nsemuronja nkuso kumund' erirameso ra Ongo wani, n' utatukiyo tu mo; nsetiranyayo 'kuri we erina ra Ongo wani, n' erina, r' erobhungu rwa Ongo wani, rwa Yerusaremu nshasha ruhitange etuk' ekwiyo kuri Ongo wani, n' erina rani rishasha.
\v 13 Ing' uri na mate worukir' ech' ebhang' Emutima mo marameso.
\p
\v 14 Tiranya kuri engashani y' er' irameso ra ku Laodikia: Sung' ech' ebhange bhibhesi mbo, e kari ho kasimana 'shu na w' eira, e mwenjo w' ebyaronjiwa bya Ongo. Nisi emikorere yabhe.
\v 15 Nisi mbu nt' uhorerwa na nty' Ongo huwe!
\v 16 Himpo, bhushwa ongo kibembere, na nt' uhorerwa na nty' ongo huwe, nsekusara etuka mo bhunu bwani.
\v 17 Bhushwa ongw' ebange: ani mutumba, narekwetumbia, na nti naraa mu kikai, na bhushwa nty' ongo 'si 'mbu ongo wa bhonso, wa mario, musene, kihumihumi n' ongo 'ri munkanga.
\v 18 Nakunink' ihano r' echura ekuri ani noro y' erekwa mo kasha, kongo 'bhesa mutumba, na ngombe sisanange kongo umbara n' esankene s' emunkanga 'be sitasungwingi, na bhushake bw' emeso abhe, kongo ukae.
\v 19 Ani, nikurukanenga, na nihumbanga ebhati 'mbi bhashima 'ni. Bhesa na muho ubhunduke.
\v 20 Sunga, nisimene hamiyango, na nikongotange. kuti mwea werukir' emurengy' ani n' erindo 'rubhi, nsekime 'kuri we, nserengera hima nae, nae hima n' ani
\v 21 Eusehima, nisemurikecha hima n' ani mo kitumbi chani ch' ebhubhake, imbu bwahimanga 'ni na narika hima na Tita mo kitumbi chae ch' ebhubhake.
\v 22 Ing' uri na mate worukire ech' ebhang' Emutima mo marameso.
\c 4
\cl Chunda 4
\p
\v 1 Kuruma nampo, nakae, nasunga, rubhi ruma rw' abhesanga rwobhoka mo mbingu. E murenge waroso worukiranga 'ni, bhuri murenge wa kahanda, n' abhesanga webhange n' ani, webha: Taya kuno, na nisekushea ebhiseya kuruma.
\v 2 Kakeke nakime mo mutima. Nasunga, nti kuri kitumbi cha bhubhake mo mbingu, na muncho kitumbi nti harika mwea uma.
\v 3 Ing' wabhesanga warika wabhesanga na bhususe bw' ikoi ra Yaspi na ra akiki; n' ekitumbi ch' ebubake chabhesanga chatimbwa na mungere wasusana na Emerode.
\v 4 Wendende n' ekitumbi ch' ebhubhake nasunga bhitumbi bya bhubhake makumi abhi na bhinye, na mo bhitumbi bhakungu makumi abhi na bhanye bharika, bhambara ngombe sisanange, e habhasirw' emintwe yabo twembo twa noro.
\v 5 Mo kitumbi ch'ebhubhake nty' asaange bhimpenya, mirenge na mirabyo. Habhusondori n' ekitumbi ch' ebubake nty' asakange nguru matara arinda, ng'emitima arinda ya Ongo.
\v 6 Nty' ari tu habhusondori n' ekitumbi ch' ebubake bhuri nyansa ya Kirauri, yasusa bhuri kiyowa. Munkati n' ekitumbi na wendende nacho, nti harikire bhariho bhanye bharisere meso kubhusondori na kuruma.
\v 7 E uriho waroso nt' ususene na ntare, e uriho w' emet' abhi nt' ususe na chana cha mburi, e uriho w' emet' ashatu nt' uri na mbaso ya mwea, n' e uriho w' emet' anye nt' ususene na 'nju yokange.
\v 8 E bhari ho bhanye nti bhari kinsi uma na byubhi mutubha, na nti bharisere meso ekwendende n' ekumunda. Bhatangakoba iebha mumwishi na mutu: Washuururwa, washuururwa, washuururwa ngi Nyerekuritu Ongo, mine bhunkangwe ng' urikire na ngi weyange!
\p
\v 9 Entambi ebhariho bhasimyange, bhatatange n' ikokoma kuri 'ng' wabhesanga warika mo kitumbi ch' ebhubhake, kuri 'ng' urikire mo bhiranga n' ebhiranga,
\v 10 Ebhakungu makumi abhi na bhanye bhahita hamakako n' ang' wabhesanga warika mo kitumbi ch' ebhubhake na bharonjie mpero ing' urikire mo bhiranga n' ebhiranga na bhareker' etwembo hamakako n' ekitumbu ch' ebhubhake, bhebha:
\q1
\v 11 Ukomenwa Nyerekuritu na Ongo witu eninkw' esima, itatwa n' ebhunkangwe; bhushwa urironj' ebhikai bhiti, na mor' isasa rabhe ngy' asingwa by' abhesa na ngy' asingwanga byaronjiwa.
\c 5
\cl Chunda 5
\p
\v 1 Kuruma nasunga mo mwine w' ekwabhume wang' wabhesanga warika mo kitumbi ch' ebhubhake karisi kima katiranyiwa kumunda n' n'ekubhasirwa, katerekwa mo nsimiko sirinda.
\v 2 Na nasunga ngashani irikire na bhunkangwe, wakua mu murenge wasuma: inye ng' wakomenwa iyobhor' ekarisi, n' inoa esansimiko?
\v 3 N' anga mwea mo mbingu, ari mo chuo, ari kumund' eroto, utamukoch' iyobhor' ekarisi ari ikae ko.
\v 4 Nare nguri mor' ibhesa haruka mwea wakomenwa er' iyobhor' ekarisi ari ikae ko.
\v 5 Na uma mo bhakungu wan' ire: kiro 're; sung' entare y' er'oanda rwa Yuda, e nkwana ya Daudi, warehima mw' iyobhor' ekarisi n' esansimiko sae sirinda.
\v 6 Na nasunga, munkati n' ekitumbi ch' ebhubhake na by' ebhari ho bhanye na munkati n' ebhakungu, chana cha mburi chabhesanga mpo bhuri chasibhurwa. Chabhesanga na mahembe arinda na meso arinda, ng' emitima irinda ya Ongo yarebhekwa mo chuo 'kiti.
\v 7 Weya, n' eting' ekarisi mo mwine w' ekwabhume wang' wabhesang' arika mo kitumbi ch' ebhubhake.
\v 8 Warekia wamating' ekarisi, e bhariho bhanye, n' ebhakungu makumi abhi n' ebhanye bhahita hamakako n' emwan' emburi. Bhatinge kinsi uma nsimbi na nsara sa noro sirisere rungo, ng' emahemo e bhashuururwa.
\v 9 Na nti bhasimbange rumbo rushasha, webha: ukomenwa eting' ekarisi, n' erindo esansimiko, bhushwa uresibhurwa, na urekurure Ongo mo nshama yabhe bhea bh' ebhisasa bhiti, bh' emyebhe iti, bh' ebhea bhati, na bh' esanganda siti.
\q1
\v 10 Urironja eyetire bho bhubhake na bhakungu kuri Ongo witu, na bhasesimayo mo chuo kiti.
\p
\v 11 Nakae na n' orukira murenge wa ngashani singi w' endende n' ekitumbi ch' ebhubhake, by' ebhari ho na by' ebhakungu n' e mwanso wabho wabhesanga bhichiri na bhichiri na bhihumbi na bhihumbi.
\v 12 Babesanga b'h ebhange mu murenge wasuma E mwan' emburi ing' wasibhurwanga wakomenwa eninkwa bhunkangwe, ebhutumba, ebhuteesa, e maa, er' esima, n' er' itatwa.
\p
\v 13 N'ebyabumbwa bhiti ebhirikire mo mbingu, mo chuo, kumund' eroto, mos' enyansa, n'orukira byo by' ebhange: kuri 'ngu warika mo kitumbi ch' ebhubhake, na kuri e Mwan' emburi bhibhesi er' itatwa, er' osubhahwa, ebhusime n' emaa, mo bhiranga n' ebhiranga!
\p
\v 14 N' ebhariho banye bhebha: Bhibhesi mbo! N'ebhakungu bhahita na bhamuronjie mpero.
\c 6
\cl Chunda 6
\p
\v 1 Nakae, e ntambi e Mwan' emburi warekiya wobhora nima mo sansimiko sirinda, norukira uma mo bhari ho bhanye nt' webhange mu murenge bhuri wa murabyo: Iyanga.
\v 2 Nakae, nasunga, kwasaa farasi isanange, Ing' wabesanga uri hambasiro nayo nt' uri na bhutati; waninkwa kembo, na w'enda wahima na kahimana.
\v 3 Mo ntambi yobhoranga we e nsimiko y' emet' abhi, norukira euri ho w' emet' abhi wan' ire: Iyanga.
\v 4 Na washaisha impe farasi, yamime. Ing' wabhesanga uri hambasiro nayo, waninkw' ekara k' er' etunj' ebuhoro mo chuo, kongo ebhea bhakekeran' e makoti bhesine na bhasine; na waninkwa mwere mukiri.
\v 5 Mo ntambi yobhoranga we e nsimiko y' emet' ashatu, norukira euri ho w' emet' ashatu, w'ebha: Iyanga. nakae, nasunga kwasaa farasi yasiro. Ing' wabhesanga hambasiro nayo nt' watinge kiro mo mwine wae.
\v 6 Na norukira munkati n' ebhari ho bhanye, murenge wan' ire: ngerero nima ya bhuhi mu rumea, na ngerero ishatu sa masaka mu rumea; eina kiro muronjie bhubhi e mawese n'e nsande.
\v 7 Warekia wobhor' ensimiko y' emet' anye, norukira e murenge w' euri ho w' emet' anye, wan' ire: Iyanga.
\v 8 Nakae, nasunga, kwasaa farasi yasusa bhuri ntungu. Ing' wabhesanga uri hambasiro nayo nt' webhikirange 'mbu oku, n' er' erunga nti ramutindikia. Bhaninkwa karamo muhango uma w' einye y'e chuo, mw' eshiria ebea mu mwere, mu rwaka, mor' oku, na mo sanyama s' ebhusara e chuo.
\p
\v 9 Warekiya wobor' ensimiko y' emet' asanu, Nasunga kumund' er' irango e mitima ya 'mbi bhasibhurwanga bhushwa n' ekinwa cha Ongo na bhushwa n' ekariho karonjanga bo.
\v 10 Bhakua mu murenge wasuma, bh'ebha: Iya run' otu, Mukota w'eshuururwa na w'eira, rwarindire Ongo mor' ikera erobhansa n' ikwan' enshama yitu kuri bhis' echuo?
\v 11 Bhaninkwa kinsi uma nganju isanange; na bhashishiwa eruhuka tu mu kashangi kakeke, iya bharumire e mwanso wa bhabhine bh' e murimo na wa bhanachabho 'mbi bhamushuurwange bhuri 'bho.
\p
\v 12 Nakae, warekia wobhor' ensimiko y' emeta mutubha, kwabhesa karingiri kakiri, e mwishi wasiro bhuri mufuko wa makaya, e mweri uti wabhunduke bhuri nchama.
\v 13 N' esankekeni s' embingu sakirae mo chuo, buri byuma bhibhisi bya musabhibhu byahuranyiwa n' eyuhu rasuma.
\v 14 E mbingu y' ekuto bhuri karisi 'nki kondondwa; n' esangu siti n' ebhisanga byatunjiwa mo mariki abho.
\v 15 E bhabhake bh'echuo, e bhakakare, e bhakakare bh' ebhashirikani, e bhatumba, e bhankangwe, e bhafuku n'ebhar' ishu, bhabhisama mosankunda na kumund' emakoi esangu.
\v 16 Bhashish' esangu n'e makoi: mutw' enduki, na mutubhise bhusondori n' embaso ya 'ngu warika mo kitumbi ch' ebhubhake, na bhusondori bw' ebhusubhuke bw'e mwan' emburi.
\v 17 Bhushwa erotu rukiri rw' ebhusubhuke bwae rwameya.
\c 7
\cl Chunda 7
\p
\v 1 Kuruma nampo, nasunga ngashani sinye sisimene mo sankaro sinye s'echuo; nti sating' emayuhu anye echuo kongo kutetingi eyuhu mo chuo, ari mo nyansa, ari mw' anga na muti.
\v 2 Nasunga impe ngashani, nt' utayange w' endende n'e mwishi mor' isaa rao, nt' wating' ensimiko ya Ongo 'ngu 'ri ho; wakua mu mwengere wasuma kuri esangashani sinye insi sabhesanga samaninkwa ironj' echuo bhubhi, n'e nyansa, weba:
\v 3 Kiro muronje 'chuo bhubhi, ari e nyansa, ari mo miti, iya tubhese nti t' wamariya nsimiko mo sambaso s'e bhakori bh' e Ongo witu.
\v 4 Norukira e mwanso wa 'mbi bhariarwa nsimiko bhihumb' iyana na makumi anye na bhanye bh'esanganda siti s'e bhana bha Isiraeri.
\v 5 Bh' er' oanda rwa Yuda, bhihumbi ekumi na bhibhi bhariarwa nsimiko; bh' er' oanda rwa Reubeni, bhihumbi ekumi na bhibhi; bh' er' oanda rwa Gadi, bhihumbi ekumi na bhibhi;
\v 6 Bh' er' oanda rwa Asheri, bhihumbi ekumi na bhibhi; bh' er' oanda rwa Naftari, bhihumbi ekumi na bhibhi,
\v 7 Bh' er' oanda rwa Simeoni, bhihumbi ekumi na bhibhi bh' er' oanda rwa Lawi, bhihumbi ekumi na bhibhi mo bh' er' oanda rwa Isakari, bhihumbi ekumi na bhibhi,
\v 8 Mo bh' er' oanda rwa Saburoni, bhihumbi ekumi na bhibhi mo bh' er' oanda rwa Yosefu, bhihumbi ekumi na bhibhi; mo bh' er' oanda rwa Benjamina, bhihumbi ekumi na bhibhi bhariarwa nsimiko.
\p
\v 9 Kuruma nampo, nakae, nasunga, habhesanga kikembe kikiri, nti hasira mwea wamwansa cho, bh' esanganda siti, bh' ebhisasa bhiti, bh'e bhea bhati na bh' emyebhe iti. Nti bhasimana bhusondori bw' e kitumbi ch' ebhubhake na bhusondori bw' e mwan' emburi, bhambichiwa nganju sisanange na ntabhi sa miti mo mine yabho.
\v 10 Nti bhakuange mu murenge wasuma, mw' ieba: E nchukayo ya Ongo witu ing' warika mo kitumbi ch' ebhubhake na kw' e mwan' emburi.
\v 11 N'e sangashani siti nti siri w'endende n' e kitumbi ch'e bhubhake, by'e bhakungu na by' e bari ho bhanye bhahita iya e sambaso sabo bhusondori n'e kitumbi ch'e bhubhake, bharonjie Ongo mpero.
\v 12 Mw' iebha: Bhibhesi mbo! er' itatwa, ebhusime, er' osubhahwa, e bhunkangwe, n' e maa bhibhesi na Ongo witu mo bhiranga n'e bhiranga bhibhesi mbo!
\p
\v 13 Na uma mo bhakungu wating' ekinwa wan' ire: Imbi bhambichiwa esa nganju sisanange, bhanye na bhatukange kuni?
\v 14 Namw' ire: E Nyerekuritu, ongo 'si cho. Na wan' ire: Ibho ngi bhatukange mo mario makiri; bhashuang' esanganju sabho na bhasanya to mo nshama y'e mwan' emburi.
\v 15 Bhushwa nancho ngy' asingwa bhabhese hamakako n' ekitumbi ch' ebhubhake cha Ongo, n' imukore mumwishi namutu kumund' er' irameso rae. Ing' warika mo kitumbi ch' ebhubhake wasebhumbe bho n' er' ihema rae habasirwa nabo.
\v 16 Na bhatorukiriyo tu rwaka, bhatorukiriyo tu mbusha, e mwishi ari chuka kiti kiti bhitabhabhayiyo tu bo.
\v 17 Bhushwa e mwan' emburi ing' uri munkati n' e kitumbi ch'e bhubhake, warishayo n' ienja bo ekunshoko s' emecha e karamo, na Ongo usekonoyo kiro kiti mo meso abho.
\c 8
\cl Chunda 8
\p
\v 1 Warekiya wobhora ensimiko y' emet' arinda, mo mbingu kwakobha iya mu chunda cha ntambi.
\v 2 Nasung' esangashani sirinda esisimananga hamakako na Ongo, bhaninkwa tuhanda turinda.
\v 3 N' ompe ngashani w' eya, wasimana bhusondori n' erirango nt' uri na nyungu ya noro; waninkwa rungo rwingi, kongo waninkwa ro, hima n'e mahemo e bhashuururw' ebhati mor' irango r'e noro indi r' irikire habhusondori n' ekitumbi ch' ebhubhake.
\v 4 E mwiki w' erungo wataya, hima n' emahemo e bhashuururwa, etuka mo mwine w' engashani hamakako na Ongo.
\v 5 E ngashani wating' enyungu, warisia yo kasha k' er' irango, warekera ko mo chuo. Kwabhesa mirenge, mirabyo, bhimpenya na karingiri.
\p
\v 6 N' esangashani sirinda sabhesanga n' etuhanda turinda bh' etunganyanya mw' ebhuhato.
\v 7 E waroso wabhuha mo kahanda. Kwabhesa mbura ya mauu na kasha byasonana na nshama, byarekerwa mo chuo; na muhango uma mw' eshatu y' echuo byashire, na mwanso uma mw' ishatu y' e miti yashire, n' e bhisu bhibhisi bhiti byashire.
\v 8 E ngashani y' emet' abhi yabhuha mo kahanda. Na kikai bhuri ntata nkiri isakange mo kasha yarekerwa mo nyansa; na muhango uma mw' ishatu w'e nyansa yabhunduke nshama.
\v 9 Na muhango uma mw' ishatu w' e bhiri mo nyansa n' abhesanga bhishere byakwa, na mwanso uma mw' ishatu y' ebwato yakwa.
\v 10 E ngashani y' emet' ashatu yabhuha mo kahanda nkekeni nkiri isakange buri kasuku, yasuruka etuka mo mbingu, yakire mo sandusi nkiri nkiri na mo sanshoko s' esandusi.
\v 11 E rina ranjo nkekeni ngi bwae; na muhango uma mw' ishatu w' esandusi wabunduka bwae, na bhea bhingi bhakwa mo mecha, bhushe abhundukenga bwae.
\v 12 E ngashani y' emetanye yabhuha mo kahanda. Na muhango uma mw' ishatu w' e mwishi wabhiha, na muhango uma mw' ishatu w' emweri, na muhango uma mw' ishatu y' esankekeni, kongo e muhango uma mw' ishatu wabhesa mwerimya bhushwa nae, n' er' otu rwariminya muhango uma mw' ishatu w' echaka cha 'ro, n'e mutu bhumbo.
\p
\v 13 Nakae, na n' orukira inju yokange munkaty' embingu, y' ebha mu murenge wasuma: Bhonso, bhonso, bhonso kuri bhis' echuo, bhushwa n' eimpe mirenge y' etuhanda tw' esangashani ishatu.
\c 9
\cl Chunda 9
\p
\v 1 E ngashani y' emet' asanu yabhuha mo kahanda. Nasunga nkekeni yamakire mo chuo etuka mo mbingu. Waninkw' echana ch' er' iyobhoro er' erunga;
\v 2 Na wobhora er' erunga. Kwataya mwiki etuka mor' erunga, bhuri mwiki wa mutura mukiri; n'e mwishi n' ekeme byabhesa mwerimya mo mwiki w' er' erunga.
\v 3 Mo mwiki mw' asaa tukuku, twansansabhana mo chuo; na twaninkwa bhunkangwe buri bhunkangwe burikanga n' esankutu s' echuo.
\v 4 Bhashishiwa bhabhish' ebhisu by' echuo, ari kisu kibhisi, ari muti uti uti, eina bhea ho imbi bhasir' ensimiko ya Ongo mo mbonso.
\v 5 Bhaninkwa, ang'ishura, eina enubya bho mumyeri isanu; n' eminubho iseronjayo bho yabhesanga yasusana na minubho yarushiwa na nkutu, yamabhure mwea.
\v 6 Mo matu 'ngo, e bhea bhasesondekanyayo er' oku, na bhatasheiyo ro; bhasesasayo ikwa, n' er' oku r' usebhekayo kore nabho.
\v 7 E tukutu 'nto twabhesanga twasusa bhuri farasi satunganyiwa mu bhita; habhesanga hambasiro e mintwe yato bhuri twembo twasusa noro, n' esambaso sabho nti sirikire bhuri mbaso sa bhea.
\v 8 Nti tukwengi buteo bhuri bhuteo bwa bhomina, n' emeno ato bhuri meno a ntare.
\v 9 Nti tukwengi nguba bhuri ngubha ya chuma n' echanga ch' ebyubhi nti kirikire bhure tutibhita twa farasi singi sikanyirengi bhita.
\v 10 Nti tukwengi mikira isusene na nkutu n' itwa, na mo mikira yabho ngy' abhesanga murikire 'bhunkangwe bw' er' enuby' ebhea mu myeri isanu.
\v 11 Nti tukwengi bhuri mubhake, engashani w' er' erunga, wabhikirwa mo kiebrania mbu Abadoni, na mo kigriki Apolioni.
\p
\v 12 E mario aroso amakind' iyeta, sunga kweya tu ampe mario abhi kuruma nango.
\p
\v 13 E ngashani y' emutubha yabhuha mo kahanda. Na norukira murenge utukirengi mo sankaro s'inye s' er' irango r' e noro ririkire habhusondori na Ongo.
\v 14 N' iebha n' engashani y' emutubha eyabhesanga n' ekahanda: obhor' esangashani sinye esaminwa mo rusi rukiri Efrate.
\v 15 N' esangashani sinye abhesenga sarind' entambi er' otu, emweri n'e mwaka, bhobhorwe kongo bhashura e muhango uma w' eishatu w' ebhea.
\v 16 E mwanso w' ebhari mo s' efarasi bh' er' eimba r' ebhakwani bhabhesanga nti bhichiri bhibhi bya bhichiri: norukir' emwanso.
\v 17 Nampo nasung' esefarasi mor' isheiwa, na 'mbo bhabhesanga bhari hambasiro nato bhari na ngubha sa bhususe bwa kasha, nasa makoi a kanyiki na sa kibhiriti, n' emintwe y' esafarasi nti bhuri mintwe ya ntare, na mo monu abho nti musaange kasha, mwiki, na kibhiriti.
\v 18 Muhango uma w' eishatu w' ebhea washurwa na' ngo mario ashatu, mo kasha, mo mwiki, na mo kibhiriti, byabhesanga bhitukange mo monu abho.
\v 19 Bhushwa ekara k' esefarasi abhesanga kari mo monu abho na mo mikira yabho; e mikira yabho yabhesanga yasusa bhuri nsoka s' iri na mintwe, na muyo ngy' abhesanga munubhiengi to.
\v 20 E bhampe bhea 'mbi nti bhashurwanga nango mario bhatabunduki n'e murimo w' emine yabho mw' efund' ironjie mpero ebhashumbu, n'e tumoi tw'e noro na tw' efesa, na tw' eshabha, na tw' e makoi na tw' e miti, intu tutamukoch' ikae, n' iyorukira, n' ienda.
\v 21 Na bhatabunduki mo bhurori bwabho, n'e maira abho, n' erosingirwa rwabho, ari n'e bwibhi bwabho.
\c 10
\cl Chunda 10
\p
\v 1 Nasunga impe ngashani munkangwe nt' uhitang' etukire mo mbingu, wakandwa m' otundo; hambasiro n' emunt' wae nti hari mungere, n' embaso yae bhuri mwishi; n' emind' yae bhuri nkuso sa kasha.
\v 2 Wabhesanga nt' watinge mo mine yae karisi kakeke kobhorwa. Watereka e mwindi wae w' ekwabhume mo nyansa, n' emwindy' ae w' ekurembe mo chuo;
\v 3 Wakua mu murenge mukiri, bhuri ntare ihiyange. Warekiya wakuwa, e mirabyo irinda y' orukirwa e mirenge.
\v 4 E mirabyo irinda yarekiya yamorukirwa e mirenge, Nasond' etiranya, eina norukira mo mbingu murenge weba: Tereka nsimiko mo yatikurwa mbu mirabyo irinda, ang' itiranya.
\v 5 E ngashani yasungang' ani isimene habasirwa n' e nyansa na habhasirwa n' echuo, wasimany' emwine w' ekwabhume mo mbingu.
\v 6 Na wasere kuring' uri ho mo bhiranga n' ebhiranga, ing' waronjang' embingu n' ebhiri ko, e chuo n' ebhiri mo, n' enyansa nambi bhirimo, mbu kusira tu kashangi.
\v 7 Eina mor' otu rw' emurenge w' engashani y' emet' arinda, wasekiya wamakaso mo kahanda, e bhishisharo bya Ongo nti byabhererera, bhuri bwaturenga we o mo bhakori bhae ebhatahwa.
\p
\v 8 N' emurenge, ing' werukirang' ani etuk' ekariho, wanere tu: Enda, tinge e karisi kakeke kobhorwa mo mine y' engashani yasimana hambasiro n' enyansa na habhasirw' echuo;
\v 9 Nenda kury' engashani, mw' emushisha wambesi e karisi kakeke. Na wanishisha: Tinge'ko, na mina 'ko, kasebhesa na bwae mo bhura bwabhe, eina mo bhunu bwabhe kaseshamuka bhuri bhuki.
\v 10 Nating' ekarisi kakeke mo mine y' engashani, namina ko; karonja mo bhunu bwani nsese bhuri bhuki, eina narekia namamina ko, e bhura bwani bwarisa bwae.
\v 11 Kuruma bhanire: Rarengekana uronje bhumpe bhutahwa mu bhea bhingi, mu nganda, mu myebhe, na mu bhabhake.
\c 11
\cl Chunda 11
\p
\v 1 Bhambese iseke rasusa bhuri nkoma, bhebha: Simana, ansa e sankaramika s' erirameso ra Ongo, erirango, nambi bhaherenga muro.
\v 2 Eina ebhuari bwa hambuka n' erirameso, usiyanga bho kumushi, n' ang' iyansa esankaramika sabho; bhushwa bwareninkw' esanganda ne bhasekimeyo n' emindi yabho mor' obhungu rwashuururwa mu myeri makumi anye na ibhi.
\v 3 Naninka e turiho twani tubhi bhunkangwe bw' ironja bhutahwa, nti bhambara inku, mu matu kihumbi mana 'bhi na makumi mutubha.
\v 4 Iya nge miseituni ibhi n' etutara tubhi twitereka mo tusuku imbi bhisimananga hamakako na Mukota min' echuo.
\v 5 Amabesa usondang' ironja bho bhubhi, kasha nti kasaa mo bhunu bwabho n' erisa e bharenda bhabho; n' amabhesa kuri usondang' ironja bho bhubhi, rarengekana nt' washurwa m' umbo bhususe.
\v 6 Bhakwengi bhunkangwe bw' emin' embingu, kongo kutakingi tu mbura mo matu ebhutahwa bwabho; na bhakwengi bhunkangwe bw' ebhundur' emecha mo nchama, n' esund' echuo kinsi bhususe bwa mote, kinsi kashangi kasasa bho.
\v 7 Bhasekiya bhamakind' ekariho kabho e nyamishwa y' eretuk' ekwerunga yaaronjieyo bho bhita, yaahimayo bho, n' eshura bho.
\v 8 N' esantundwe sabho sabhesayo mo bhutara bw' erobhungu rukiri indu rwabhikirwa mu bhususe bwe mutima bwa ku Sodoma na ku Misiri, nanko na kubha ngi kwakianga Nyerekurwabho.
\v 9 Bhabhume bhamunkaty' ebhea, ebhisasa e myebhe, esanganda bhaasungayo esantundwe sabho mu matu ashatu na chunda, na batasimiriyo mbu esantundwe sabho siterekwe kumunda n'esinda.
\v 10 Na bhushwa nabho, bhis' echuo bhasebheseyo na ngowa na bhasebhesayo n' ikokoma, na bhaserekeranayo bhisabho e bhima mu bhampe, bhushwa 'mbo bhatahwa bhabhi bhanubyang' ebhis' echuo.
\v 11 Kuruma n' ematu ashatu n' echunda, mutima wa karamo watuka kuri Ongo, waakime kuri bho, na bhasimanayo mo mindy' abo n' ebhasunganga bho bhabhesa na bhobha bhukiri.
\v 12 Bhorukira murenge mo mbingu washisha bho: Mutaye kuno! bhataya e kwiyo m' otundo n' ebharenda bhabho bhasunga bho.
\v 13 Mo kashangi nko, kwabhesa karingiri kakiri, n' echunda ch' erekumi ch' erobhungu ch' enduka; bhea bhihumbi bhirinda bhakwa munko karingiri, n' ebhampe bhabhesa na bhobha na bhatata Ongo w' ekwiyo.
\p
\v 14 E mario emet' abhi eta. Sunga e mario emet' ashatu eyange tu.
\p
\v 15 E ngashani w' emet' arinda wabhuha mo kahanda. Kwabhesa mo mbingu mirenge mikiri yebha: ebhubhake bw' echuo bwakuruke Nyerekuritu na kuri Kirisitu wae, na wasima bhiranga na bhiranga.
\v 16 N'ebhakungu makumi abi ne bhanye imbi abhesenga bharika hamakako na Ongo mo bhitumbi by' ebhubhake, bhindam' esambaso mor' oto, na bharonjie Ongo mpero;
\v 17 N' iyebha: tusekushimayo, Nyerekuritu Ongo, mine bhunkangw' ebhuti, ing'uri ho, na wabhesanga, bhushwa umating' ebhunkangwe bwabhe bhukiri n' eting' ebhusime bwabhe.
\q1
\v 18 Esenganda sasubhuka e bhusubhuke bwameya, n'e ntambi yameya y' erikera erobhansa rw' ebhakwi, y' er'ihemba e bhakori e bhatahwa, e bhashuururwa nambi bhari na bhobha bw' erina rabhe, e bhakeke n' ebhakakare n' eshiria ebhabhishanga' echuo.
\p
\v 19 N'erirameso ra Ongo mo mbingu r' obhorwa, n' enku yae y' endani yasungwa mor' irameso rae. kwabhesa bhimpenya mirenge, mirabyo, karingiri na mauu asuma.
\c 12
\cl Chunda 12
\p
\v 1 Kengeko kakiri kasungwa mo mbingu momina wakandwa n' emwishi, n' emweri mo mindy' ae na nkekeni ekumi na sibhi hambasiro n'e munt' wae.
\v 2 Abhesanga nti mukure na nt' ukuange uri mo murimo na mo bwae bw' er' ebhuta.
\v 3 Kampe kengeko kasungwa tu mo mbingu, nasunga, kisoka kikiri cha nchama yakasha, abhesenga kiri na mintwe irinda na mahembe ekumi na habhasirw' emintwe twembho turinda.
\v 4 E mukira wae abhesenga ukurange e mihango ishatu y'e mwanso w' esankekeni sa mo mbingu, n' irekera to mo chuo. E kisoka chasimana kubhusondori n'e momina uhunang' ebhuta, kongo charis' emwana wae, usekiya wamabhuta.
\v 5 Wabhuta mwana wa abhume, weriranga esanganda siti na nkoma ya chuma. E mwanae wakukumirwa. kwa Ongo na mo kitumbi ch' ebhubhake.
\v 6 N' emomina wabheke mo bweru, inko wabhesanga nt' uri ko na bhuari bwaronjeiwa bo na Ongo, kongo warireyo ko, mu matu kihumbi na man' abhi na makumi mutubha.
\p
\v 7 Kwabhesa bhita mo mbingu. Mikairi esangashani sae bhakwanya ekisoka. N' ekisoka n' esangashani sae bhakwana.
\v 8 Eina bhatabhesi na maa, irenga, n' ebhuari bwabho bhutabhesi tu mo mbingu.
\v 9 Bharekerwa, e kisoka kikiri, e nsoka ya karekare, inj' ibhikirwange mbu mushumbu na Nyamuraire, iwe ng' usheereshang' echuo kiti, warekerwa mo chuo, n' esangashani sae hima nae.
\v 10 Norukira mo mbingu murenge mukiri webha: e ntamb' ino enchukayo yameya, hima n' ebhunkangwe, eresima ra Ongo witu n' ebhukakare bwa Kirisitu wae; bhushwa wamarekerwa, emusongeri wa bhanakitu, iwe ng' wabhesanga usongerenga bho hamakako na Ongo witu, mu mwishi na mutu.
\q1
\v 11 Bhamamuhima bhushwa n' enchama y' emwan' emburi na bhushwa n' ekariho kabo ekuriwe, na nti ntibhashima ebhuingo bwabho iya mw' esubhah' eroku.
\q1
\v 12 Ngy' asingwa mumoe; embingu, na bhanu mbi murikir' ekwiyo. Bhonso mo chuo na mo nyansa! Bhushwa mushumbu wahit' ekuri bhanu, urikire na bhusubhuke bhukiri, usi mb' urikire na ntambi nkeke.
\p
\v 13 E kisoka mor' esunga we wamarekerwa mo chuo, Wemis' emomina ing' wabhutang' emwana w' eabhume.
\v 14 N'ebyubhi bhibhi by' enju nkiri byanikw' emomina, kongo woka mo bweru, mo bhuari bwae, inko warishiwa mwotu, matu na chunda ch' otu kore n'ensoka.
\v 15 N' ebhunu bwae, e nsoka yarekera mecha bhuri rusi kuruma n' emomina, mw' emutiisha mundo rusi.
\v 16 Eina e roto rwasak' e momina, Rw' obhor' ebhunu bwae, n' emina erusi ndo rwarekerwanga n' ekisoka mo bhunu bwae.
\v 17 Ekisoka chasibhuk' emomina, na chenda karonja vita n' embuto yae, mumbi bharang' emyomba ya Ongo na 'mbi bhari n' ekariho ka Yesu.
\v 18 Na wasimana mo misie y' enyansa
\c 13
\cl Chunda 13
\p
\v 1 Kuruma nasunga nyamishwa nima itayange n' enyansa nt' irikire na mahembe ekumi na mintw' erinda, na habhasirw' emahembe ae twembo ekumi, na habasirw' emintw' ae mina ikamba Ongo.
\v 2 E nyamishwa yasungang' ani abhesenga iri na bhususe bhuri ngoi; e mindy' ae abhesenga nt' iri bhuri ya nyakatama, n' ebhunu bwae bhuri bwa ntare. E kisoka chamuninka bhunkangwe, ekitumbi chae ch' ebhubhake na bhukakare bhukiri.
\v 3 Na nasunga uma mo mintw' ae bhuri wamabhabhara kihuru ch' ikwa; eina ekihuru chae cherikwa ncho charama. E chuo kiti chabhesa mw' emutata n' iyemisa e nyamishwa njo.
\v 4 Bharonjie ekisoka mpero, bhushwa n' ereninka cho ebhukakare kur' enyamishwa: bharonjie enyamishwa mpero bhebha: Inye ng' ususene n' enyamishwa, na wamukoch' ikwana nayo?
\v 5 Na waninkwa bhunu bw' iebha bhinwa bya ngari na nkambao; waninkwa bhunkangwe bw' ikora mu myeri makumi anye na ibhi.
\v 6 Na wobhor' ebhunu bwae mw' ikamba Ongo, mw' ikamb' erina rae, erirango rae n' ebhari mo mbingu.
\v 7 Wanikwa ikwana bhita n' ebhashuururwa n' ehundisa bho. Waninkwa bhunkangwe mu kinsi kisasa, Kinsi bhea, kinsi mwebhe na kinsi nganda,
\v 8 Na bhis' echuo bhati bhamuronjie mpero, imbi abheseng' emina abho nty' atiranyiwa kumunda n' ekarisi k' ekaramo k' emwan' emburi ing' wasibhurwanga etuk' entangiro y' echuo.
\v 9 Amabhesa kuri ukwengi mate, worukire.
\v 10 Amebhesa kuri warairwa etingirwa mo bhita wasenda mw' etingirwa, kw' amabhesa washura mw' obhasi, rarengeka nt' washurwa mw' obhasi. E hano ngi hari kwesumya n' erisimira r' ebhashuururwa.
\p
\v 11 Kuruma impe nyamishwa itayange n' enyansa abhesenga ikwengi mahembe abhi bhuri bhususe bwa mwana wa mburi n' eriebha rae bhuri kisoka.
\v 12 Yabhesenga nt' ikorengi e bhukakare bw'e nyamishwa yaroso mpero, inji yabhesanga n'e kihuru ch'erikwa na chamarama.
\v 13 Yabhesenga nt'ikorange bhishisharo bhikiri, iya m'oero rw' ehicha kasha etuka mo mbingu iy' ekwansi, mo meso e bhea. na nti bhakaengi.
\v 14 N' abhesenga usheereshang' ebhea b' echuo mo bhishisharo abhesanga byaninkwayo ironje byo hamakako n' enyamishwa, y'ebha n'ebhea bh'echuo bharonje kamoi k' enyamishwa y' abhesanga n' ekihuru ch' erobhasi na nt' ikiri ho.
\v 15 Na yaninkwa iyebher' ekamoi k' enyamishwa, kongo e kamoi k' enyamishwa k' ebha na bhakoch' ishur' ebhati mbi nti bhasimira ironjie enyamishwa mpero.
\v 16 Na yaronja mbu e bhati, bhakeke n'ebhakakare, bhatumba n'ebhasene, bhari 'shu n'ebhakobhe, bhariarwe mo nsimiko mo mwine wabho w' ekwabhume ari mo mbaso.
\v 17 Na kutabhesingi mwea wachura ari wachuya amabhesa usira e nsimiko erina r' enyamishwa ari e mwanso w' erina rae.
\v 18 E hano ngi h'ebhuteesa. Kinsi ng' uri na bwenge wanse e mwanso w' enyamishwa. Bhushwa mwanso wa mwea, n' emwanso we nti mana mutubha makumi mutubha na mutubha.
\c 14
\cl Chunda 14
\p
\v 1 Nakae, nasunga, e mwana w' emburi nt' uri habhasirwa n' erou Sayuni, na hima nae bhea bhihumbi iyana na makumi anye na bhanye, abhesenga bhari n' erina rae n' erina ra Tita wae ratiranyiwa mo mbaso sabho.
\v 2 N'orukira mo mbingu murenge, bhuri changa cha mecha makiri, bhuri changa cha murabyo mukiri, n' emurenge worukirang' ani abhesenga bhuri wa bhamini bha nsimbi bhaminang' ensimbi yabho.
\v 3 Abhesanga bhasimbange rumbo rushasha hamakako n' ekitumbi ch' ebhubhake na bhusondori bw' ebhashere bhanye n' ebhakungu. Na kusira ngu wamukochang' ihanw' erumbo, kuti nty' ebhihumbi iyana na makumi anye n' ebhanye imbi bharekururirwa mo chuo.
\v 4 Imbi nti bharikwebhisha mu bhomina, bhushwa ibho bhashasha; bhemisa e mwan' emburi e kuti kwenda we. Bharekururirwa munkati n' ebhea, bhuri ntangi kuri Ongo n' ekuri e mwan' emburi.
\v 5 Na mo monu abho nti mwaribhesa bhushukishuki, bhushwa bharengekana.
\p
\v 6 Nasunga umpe ngashani wokange munkati n' embingu; abhesenga uri na mwasi wakonda w' ematu ati n' eati, mw' etura o mo bhea bh' echuo, mosanganda siti, mo bhisasa bhiti, mo myebhe iti na mo bhea bhati.
\v 7 Wabhesanga w' ebhange mu murenge wasuma: musubhahe Ongo na mumuninke itatwa, bhushwa e kashangi k' er' ikera erobhansa kameya na mumuronjei mpero ing' wakiyanga e mbingu, n' echuo, e nyansa n' esanchoko s' esandusi.
\v 8 Umpe ngashani w' emet' abhi wemisa webha: Wamahuka wamahuka, Bhabironi mukiri, ing' womoshang' esanganda siti mau e bhusubuke bw' erosingirwe rwae!
\v 9 Na umpe ngashani mu murenge wasuma: amabhese kuri waronjie, na wamariarwa nsimiko mo mbaso yae ari mo mwine,
\v 10 Nti wasomo, nae hotu, mau ebhusubhuke bwa Ongo, ingi nty' ashubhurwa mor' osara rw' ebhusubhuke bwae, na wasenubha mo kasha, bhusondori w' esangashani sashuururwa na bhusondori bw' e mwan' emburi.
\v 11 N' e mwiki w' e minubho yabho wataya bhiranga na bhiranga na bhasira eruhuka ari mu mwishi ari mutu imbi bhareronjie e nyamishwa mpero n' ekamoi kayo, na kinsi uti ng' warerierwa nsimiko y' erina rae.
\v 12 Ehano ngi herikw' esumya e myomba ya Ongo n' erisimira ra Yesu.
\v 13 Na norukira mo mbingu murenge webha: Tiranya: Bhakasanirwa etuk' entamb' ino e bhakwi mbi bhakwa kumunda na Nyerekuritu. Eira ng' webh' E mutima, kongo bharuhuka mo mirimo yabho, bhush' emikorere yabho y' emisa bho.
\p
\v 14 Nakae, nasunga, otunda rusanange, na habhasirwa n' erotundo nti harika ususene na mwana mwea na mo muntw' ae muri kembo ka noro, na mo mine y' ae mukushu watwa.
\v 15 Na umpe ngashani wasaa mo rirameso, wakua mu murenge wasuma kuri ng' wabhesanga warika hambasiro n' erotundo: Rerek' emukush' wabhe na kao; bhushwa entambi y' erikao yameya, e mirime y' echuo yamase.
\v 16 Ing' wabhesanga warika habasirw' erotundo warekera emukushu wae mo chuo. N'echuo chakaurwa.
\v 17 Umpe ngashani wasaa mor' irameso r' irikire mo mbingu nt' uri nae hotu na mukushu watwa.
\v 18 Na umpe ngashani, ing' wabesanga uri n'ebhukakare mo kasha wasaa mor' irango, webha mu murange wasuma nang' wabhesanga urin' emukushu watwa, weba: Rerek' emukushu wabhe watwa, na koresha e mukushu wabhe watwa na unoe e mirime y' echuo bhushwa yamase.
\v 19 N' engashani wareker' emukushu wae mo chuo, wakoresha mo mirime y' echuo, na warekera e mirime mo katiri kakiri k' ebhusubhuke bwa Ongo.
\v 20 E katiri kanyenshawa ekumushi n' erobhungu; nshama yasaa mo katiri, yahita iyenda mu kirometere mana ashatu, mu bhuari bwa nkaramika nina na chunda.
\c 15
\cl Chunda 15
\p
\v 1 Kuruma nasunga mo mbingu kampe kengeko, kakiri na k' imoerwa: ngashani sirinda, imbi abhesenga bhari na mario arinda, a hende, bhushwa ekuri bho ngi kweribhererera ebhusubhuke bwa Ongo.
\p
\v 2 Nasunga bhuri nyansa yarangara yasonana na kasha, na 'mbi bhahimamang' e nyamishwa, n' ekamoi kae, n'e mwanso w' erina rae, nti bhasimana, habhasirw' e nyansa eirangarange bhakwengi esansimbi sa Ongo.
\v 3 Abhesanga nti bhasimbang' erumbo rwa Musa, e ntumwa ya Ongo, n' erumbo rw'e mwana w' emburi, bhebha: e mikorere yabhe mikiri na y' imoerwa, Nyerekuritu, Ongo, mine bhunkangwe! E sanse sabhe s' eira, mubhake w' esanganda!
\q1
\v 4 Inye ng' watamubesa na bhobha, n' utamutat' erina rabhe? Bhushwa ongw' esine ng' ushuururwa. N'esanganda siti s'iseya, na kw'ehicha hamakako nabhe, bhushwa e samansa s'abhe samasheiwa.
\p
\v 5 Kuruma nampo, nasunga erirameso, r' erirango r' ekariho robhorwa mo mbingu.
\v 6 E sangashani sirinda abesanga sating' emario arinda bhasaa mor' irameso, bhambara ngombe sashuururwa, sarangara, na sirikire na mikobha ya noro mo bhukubha.
\v 7 Uma mo bhari ko bhanye waninka esangashani sirinda nsara sirinda sa noro, sirisere bhusubhuke bwa Ongo ing' uri ho e bhiranga n' ebhiranga.
\v 8 Erirameso rarisa mwiki, bhushwa n'eritatwa ra Ongo n' ebhunkangwe bwae; n' anga mwea wamukochang' ekime mor' irameso iya mo ntambi y' emario arinda esangashani sirinda abherereshwe.
\c 16
\cl Chunda 16
\p
\v 1 Na norukira murenge wasuma wabhesanga usairengi mor' irameso, webha n' esangashani sirinda: Mwendi na mukubhuri mo chuo esensara sirinda s' ebhusubhuke bwa Ongo.
\v 2 E waroso wenda, wakubhura erosara rwae mo chuo. Ihote r' ema na ra bwae rasundw' ebea bhari, n' ensimiko y' enyamishwa n' ironjie mpero ekamoi kae.
\v 3 Wemet' abi wakubhur' erosara rwae mo nyansa. yabhunduke nshama, bhuri ya mukwi; n' ebhishere bhiti bhiri kumund' enyansa byakwa.
\v 4 W' emet' ashatu wakubhur' erosara rwae mo sandusi nkiri nkiri na mo sanchoko s' endusi. Sabhunduke nshama.
\v 5 Norukir' engashani w' emecha webha: Ongo w' eira, ing' uri ho, ubhesanga ushuururwa, bhushwa umaronja run' obhansa.
\v 6 Bhushwa bhakuburang' enchama y' ebhashuururwa na y' ebatahwa n' umaninkabo nchama y'iomo: bhakomenwa cho.
\v 7 Na norukira umpe ngashani etuka mor' irango, webha: Eir' Enyerekuritu, Ongo mine bunkangw' ebuti, esemansa sabhe s' eira na sarengekana.
\v 8 W' emet' anye wakubhur' erosara rw'ae mo mwishi. Na waninkwa eshik' ebhea mu kasha.
\v 9 Ebhea bhashire na chuka kikiri, na bhakamb' erina ra Ongo, ing' urikire n' ebhukakare mo mario ngo, na bhatabhunduki mw' emutata.
\p
\v 10 W' emet' asanu wakubhur' erosara rw; ae mo kitumbi ch'ebhubhake ch' enyamishwa. N'ebhubhake bw'ae bwabhumbirwa na mwerimya; ebhea bhabhuran' erwami mo bwae;
\v 11 Bhakamba Ongo wa mo mbingu, bhushwa n' ebwae bwabho n' emote abho, na bhatabunduki mo mikorere yabho.
\v 12 W' emeta mutubha wakubhure erosara rwae habhasirwa n' erusi rukiri, Efrate, N'emech' aro akama, mw' ironjie inse mo bhabhake bhasairengi kusaa ng' emwishi kurengekanyiwe.
\v 13 Nasunga mwatuka mo bhunu bw' ekisoka, na mo bhunu bw' enyamishwa, na mo bhunu bw' emutahwa w' ebushukushuki, bhifasi bhishatu, bya bhususe bwa bhikere.
\v 14 Bhushwa iyo mitima ya bhashumbu, ng' ironjange bhishisharo, na ngi y' endange kury' ebhabhake b' echuo kiti, konga yakumanyanya bo mo bhita by' erotu rukiri rwa Ongo mine bhunkangwe.
\v 15 Sunga, n' eyange bhuri mwibhi. Bhakasanirwa mbi bhakohya, na bharang' esangombe sae, kongo bhatendingi munkanga na bhatasungingi esankene sae!
\v 16 Bhakumanyanya bho mo bhuari 'mbu bwabhikirwa mo kiebrania, Har magedoni.
\p
\v 17 W'emet' arinda wakubhur' erosara rwae mo mwanya. Hasaa mor' irameso, mo kitumbi ch' ebhubhake, murenge wasuma webha: Byamabhesa!
\v 18 Kwabhesa bhimpenya, mirenge ya mirabyo, na karingiri kakiri, inki katangabhesenga etukir' e mwea wabhesa mo chuo hotu karingiri kakiri bhur' inki.
\v 19 Nand' obhungu rukiri rwabhanyiwa mo mihango ishatu, n' esambungu s' esanganda s' enduka, na Ongo, w' esubhukia na Babiloni mukiri mw' emuninka erosara rw'emau rw' ebhusubhuke bw'ae bwasuma.
\v 20 N'ebhisanga bhiti byarimina n'esangu sitasungwi tu.
\v 21 Na mauu makiri, a bhuritohe bwa bhiro makumi anye, nty' asurukengi ebhea etuk' ekwiyo, n' ebhea bhakambaa Ongo bhushwa n' emario e mauu, bhushwa ngo mario abhesa nti makiri nguru.
\c 17
\cl Chunda 17
\p
\v 1 Kuruma, uma mo ngashani sirinda abhesanga sirikire n' esensara sirinda weya, na wanishisha, webha: Iya nisekushea er' obhansa rw' ekihanga kikiri ing' warika habhasirwa n' emecha mingi.
\v 2 Hima nae ngy' e bhabhake bh' echuo bharekwirekera mor' osingirwa na mo mau er' osingirwa rwae ngy' ebhea bh' echuo bharitamira naro.
\p
\v 3 Wandia mo Mutima. Nasunga momina warika habhasirwa na nyamishwa yasusa bhuri nchama, irisere m' ina a nkambao, irikire na mintwe irinda na mahemb' ekumi.
\v 4 Ingo momina nt' wambara nchangi sakonda sasusa nchama sirangarange, na w' itonda noro, makoi a bhusy' asuma na matea. Nt' watinge mo mine osara rwa noro, rurisere bhibhi na mikonsi y' erosingirwa rw'ae.
\v 5 Hambaso nae abhesanga hatiranyiwa rina, kishisharo: Babironi mukiri, nina w' ebhihanga n' emikonsi y' echuo.
\v 6 Nasunga ngo momina nt' watamira enchama y' ebhashuururwa n' enchama y' eturiho twa Yesu. Na mor' emusunga, nashishara nguru.
\p
\v 7 E ngashani wanire: Ushishara bhushwa nki? Ns' ekwire ebhishisharo by' emomina n' enyamishwa yamuria; inji iri n' emintwe irinda n' emahemb' ekumi.
\v 8 Enyamishwa yamasunga ongo yabhesanga, n' esira tu ho, yakomenwa itaya etuk'e kw'erunga n' ienda karimina. N'ebhea bh'echuo, imbi bhasir' emina bho nty' atiranyiwa mo karisi k'ebhuingo etukir' entangiro y'echuo, bhaseshisharayo mor' esung' enyamishwa, bhushwa yabhesanga iri ho, na isira tuho na isebhesa tu.
\v 9 Hano ngi h'ebwenge bhurikire n'ebhuteesa. Emintwe irinda iyo ntata sirinda, habhasirwa nato ngy' arikere emomina.
\v 10 Ibho bhabhake bharinda hotu: bhasanu bharehuka, uma uri ho, n'eumpe nti neki weya, n'osekiya wameya, usebhesa ho kashangi kakeke.
\v 11 N'e nyamishwa 'nji yabhanga ho, n'isira tu ho, nayo y' esine mubhake wa munane, irikire mo mwanso w'ebharinda, nayo y'end' ekwerimina.
\v 12 E mahemb' ekumi akusunga ongo, bhabhak' ekumi, bhatangabhesa neki bhabhake, eina bhaninkwange bhukakare bhuri bhabhake muntambi nima hima n'enyamishwa.
\v 13 E bhati bhari na mwanikire uma, na bhanink' ebhunkangwe bwabho n' ebhukakare kury' enyamishwa.
\v 14 Bhasekwanayo n'Emwan' emburi, n'Emwan' emburi wahimayo bho, bushwa iwe Mukota w' ebhakota na mubhake w' ebhabhake, n'ebharebhikirwa, ebharondorwa n'ebh'ereira mbi bhari hima nae bhasemuhimayo hotu.
\v 15 Wan'ire: e mech' akusunganga ongo, habhasirwa nao ngy' arika e kihanga, ibho bhea, bhikembe, nganda, na myebe.
\v 16 E mahemb' ekumi akusunganga ongo n'enyamishwa bhasebhayo n'ekihanga, bhasemunyaayo ebhiti n'emusiya munkanga, bhaarisayo e minunkwa'e, n' emushika mokasha.
\v 17 Bhushwa Ongo wareria kumund' emitim' abo ibhereresha emwanikiri wae, na bhakoche iba na mwanikire uma, n' eninkana ebhubhake bwabho kuri enyamishwa, iya moero ebhinwa bya Ongo bhibhererere.
\v 18 N'emomina wakusunganga ongo ng'erobhungu rukiri ruri n'ebhubhake kuri ebhabhake bh' echuo.
\c 18
\cl Chunda 18
\p
\v 1 Kuruma nampo, nasunga ngashani ihitang' etuka mo mbingu, yabhesanga irikire na buhime bhukiri; n' echuo kiti charis' echaka chae.
\v 2 Wakua mu murenge wasuma, webha: wam'enduka, wam'enduka, Babironi mukiri! wamakind' ebhunduka bhuriki bwa bhashumbu, karangariro ka kinsi kifasi, karangariro ka kinsi muronge w'ema na w'ibhawa.
\v 3 Bhushwa esanganda siti sar' omo e mau ebhusubhuke bw' er' osingirwa rwae, n'ebhabhake bh'echuo bharikweria hima nae mor osingirwa, n' ebhachuyi bh'echuo bharikw'etumbiya mo bhunkangwe bw'erehunda rae.
\p
\v 4 Na n'erukira mo mbingu umpe murenge un'erengi: Tuka munkati nae, bhea bhani, kongo mutubhesingi nae mo bhubhi bwae, na mutubhesingi na muhango mo mario ae.
\v 5 Bhushw' ebhibhi by'ae byamakind' etumana iya mo mbingu, na Ongo wamesubhukia n'ebhubhi bw'ae.
\p
\v 6 Mutue bhuri bw'atuananga we, na mukuruchii ngendo sibhi etukana n'emikorer'yae. Mor' osara himpo hariteranenga we, muriteri ho ngendo sibhi.
\v 7 Etukana n'ebwitatangawe, n'ekime mokw'esunga, bhumbo ngi bhumuninke bhanu minubho na kiro. Bhushwa weshishange mo mutimae: Narika bhuri mumbo, nt'yani mushumbakari, na n'tasungiyo kiro.
\v 8 Bhushwa nancho, mw'otu ruma e minubho yae isiya, er'oku, ekiro n'erwaka, na useshikwa na kasha. Bhushwa uri na bunkangwe, Nyerekuritu Ongo ng'wakumukereng' erobhansa.
\p
\v 9 N'ebhabhake bhati bh'echuo, imbi bharekime hima nae mor' osingirwa na mo byakomakoma bhasere na, kw' irakasae bhushwa nae, bhasekiya bhasung' emwiki w'erishire rae.
\v 10 Nti bhasimana kore, mo bhobha bw' eminubho yae, bhasebhayo: Bhonso! bhonso! er'obhungu rukiri, Babironi, obhungu rwa bhunkangwe! Mukashangi kima er'obhansa rw'abhe rwameya!
\v 11 N'ebhachuyi bh'echuo bhare na bhari mo kiro bhushwa nae, bhushwa kusira tu'ngu uchurengi bho emirio yabo.
\v 12 Mirio ya noro ya bhehe, ya makoi ebhusyasuma, na bhutea, ngombe sasanguhyaa, nshangi saritohyaa, hariri, na nshangi sasanyaa bhuri nshama, kinsi muti uti ngu nt' warira, kinsi bhikai bhiti bya muramba, kinsi bhikai bhiti bya bhisai bya bhusi bwasuma nguru, na cha shabha, na chuma na cha mukuta.
\v 13 N'er'ebhumba, na bhikai by'erikomy' emushwashwa, na rungo. na kasuku, mau, mawese, nshano 'nji yahunda, bhuhi, nkambu, na mburi, na farasi, na tutibita twa bhita, na mibhi na mitima ya bhea.
\v 14 N'ebyuma akosanga byashim'emutim' abhe byam' enda kore nabhe; n'ebhikai bhiti byatende na byakonda byamakurimina, n' otusheiyo tu byo.
\v 15 Ebhachuyi bha mbyo bhikai, imbi bhamabhesanga bhatumba mu byo bhasesimanayo kore, mo bhobha bw'emario ae; bhasereyo na bhasebhesayo mu kiro;
\v 16 Na bhasebhayo: Bhonso! Bhonso! Er' obhungu rukiri rw'abhesanga rwambara ngombe sasanguhyaa, nshangi saritohyaa na sasanyaa, n' itondwa noro, makoi abhus' yasuma na bhutea! mukashangi kakeke bhutumba bhurehe mpi bwamabhishiwabhishwa!
\v 17 N'ebhenjii bh'esanfio bati, n'ebh' etang' ekusi mumbo bhutaka, e bhendi mo bwato, n'ebhasisirisi bhati bh'esenyansa bhasimana kore.
\v 18 Na nti bhakuange, mor' esunga e mwiki w' er' eshire rae: Runi obhungu atuka rususene n' er' obhungu rukiri.
\v 19 Bharekeraa yo mukungu habhasirwa n'emintw' abho, bhare na bhabhesa yo mu kiro, bhakuange na bh'ebhange: Bhonso! Bhonso! E r'obhungu rukiri, indu rwatumbianga bho mo bhutumba ebhati mbi bhakwengi bwato mo nyansa mu kashangi kakeke bya mabhishiwabhishiwa.
\p
\v 20 E mbingu, kokoma kuri we! Na bhanu, e bhashuururwa, esantumwa n'ebhatahwa, mukokome hotu! Bhushwa Ongo wamabhukier' eira mor' imukekere er' obhansa.
\p
\v 21 Ngashani nima munkangwe wating' ikoi r'isusene n'osho, warekera ro mo nyansa, webha: Bhumbo ng' warekerwa ongo na bhusubhuke Babironi, erohbungu rukiri na r'utasungwiyo tu.
\v 22 N'ekuri ongo kutorukirwiyo tu mirenge y'ebhamini bh'esansimbi, na bhamini bha kanyamurera n' ey' ebhamini bh'etuhanda. kutasungwiyo tu kuri ongo kiro na murenga uti uti, kutorukirwiyo tu kuri ongo echanga ch'er'osho.
\v 23 Echaka ch'er'itara kitasakiyo tw' ekuri ongo, n'emurenge n'eabhume na mukari utorukirwiyo tu kuri ongo, bhushwa ebachuyi ngy' abhesang' ebhakakare bh'echuo, esanganda siti sahuswa n'ebhukufi bwabhe.
\v 24 Na bhasung' ekuri we enshama y'ebhatahwa, y'ebhashuururwa n'ey' ebhati bhakerwanga mo chuo.
\c 19
\cl Chunda 19
\p
\v 1 Kuruma nampo, norukira mo mbingu bhuri murenge wasuma wa bhea bhingi nti bhebhange: Areruya! E nchukaro, er' itatwa, n' ebhunkangwe biri na Ongo witu.
\q1
\v 2 Bhushwa esemansa sae s'eira na sarengekana; bhushwa wamaronj' erobhansa rw' ekihanga kikiri ngy' abhesanga kihusang' echuo mor' osingirwa rw'ae, na wamatuwany'e nchama y'e bhakori bhae mw' ikongayo mo mine yae.
\v 3 Na bhebha r'emet' abhi: Areruya! N'e mwiki wae wataya bhiranga na bhiranga.
\q1
\v 4 N'e bhakungu makumi abhi n'ebhanye n'ebhashere bhanye bhindama na bhakiere Ongo mpero warika mo kitumbi ch'ebhubhake, bhebha: Bhibhesi mbo, Areruya!
\v 5 Murenge watuka mo kitumbi ch'e bhubhake webha: Mutate Ongo witu, bhanu ebhakori bhae bhati, bhanu mbi mu musubhaha, bhanunke n'ebhakakare!
\v 6 Norukira bhuri murenge wa bhea bhingi bhuri changa cha mecha mingi na bhuri changa cha murabyo wasuma ch'ebha: Areruya! Bushwa Nyerekuritu, Ongo witu min' ebhunkangwe, wamakime mo bhusime bwae.
\q1
\v 7 Tukokome, tubhe mosangoa na tumutate; bhushwa ebhuheruki bw' Emwan' emburi bwameya, mukari wametunganyanya.
\q1
\v 8 Na wakuninkwa iyambara ngombe sisanange, sakonda sarangara, bhushwa esangombe s'isanange, ng' emikorere yarengekana y' ebhashuururwa.
\p
\v 9 Engashani yan'ire: Tiranya: Bhakasanirwa e bharebhikirwa mo bhuheruki bw'Emwan'emburi na wan'ire: Ebhino bhinwa by'eira, bhinwa bya Ongo.
\v 10 Nahita hamindy'ae mw'emuronjie mpero, eina wan' ire: Irange mor' ekiya mbyo! Ani mutindikiri wabhe mo murimo, na wa mo bhanakinu mbi bh'ekariho kuri Yesu. Ronjie Ongo mpero. Bhushwa ekariho kuri Yesu ng' emutima w'ebhutahwa.
\p
\v 11 Nasung' embingu y'obhoka nasunga hasaa farasi isanange. E wabhesanga uri habasirwa nayo wabhikirwa ngi w'esimira na w'eira, uronjang' obhansa n'okwanange n'eira.
\v 12 E meso ae abhesanga arikire bhuri omini rwa kasha, habhasirw' emuntw'ae nti hari twembo tw' ingi, wabhesang' orikire na rina ratiranyiwa, nti r'isibhirwe na mwea, ina iwe wesine ho.
\v 13 Na ntiwambara nshangi yatirwa nshama. Erina rae ngi kinwa cha Ongo.
\v 14 Emaimba ebhakwani bhari mo mbingu nti bhamwemisa habhasirwa na farasi sisanange, bhambara nshangi sisanange, sarangara, sashuurukara.
\v 15 Mo bhunu bwae, nti musaange obhasi rwatwa, rw'ehumb' esanganda n'iranga to mu nkoma ya chuma n' inyenshaa erosara rw'ebhusubhuke bwa Ongo min' ebhunkangwe.
\v 16 Wabhesanga urikite mo nchangi y'ae na mo kinga rina ratiranyiwa; Mubhake w'ebhabhake na Nyerekuritu wa bha Nyerekuritu.
\p
\v 17 Nasunga ngashani yasimana mo mwishi. Wakua mu murenge wasuma: Webha n'emironge iti yokange mo chanya: Mw'iye, mukumanane mo nkumanano nkiri ya Ongo.
\v 18 Kongo murisa esanyama sebhabhake, esanyama s'ebakakare bh'ebhashirikani, esanyama s'ebhankangwe, esanyama s'esafarasi nambi bhari habhasirwa nato, esanyama s'ebhati, ebhahime n'ebhafuku, bhanunke na bhakakare.
\v 19 Nasung' enyamishwa, ebhabake bh'echuo n'ebhakwani bhabho, bhakumanana mw'ironja bhita n'angu wabhesanga warika habhasirwa nanjo farasi n'ebhakwani bhae.
\v 20 N'enyamishwa yatingirwa hima n'emutahwa w'ebhushukishuki, ingwa bheseng' oronjange bhishisharo bhusondori nayo, mumbyo bhishisharo ngi byahusanga mowe ebhabhesanga n'ensimiko y' enyamishwa, n'ironjie mpero ekamoi kae. Bhatawa ebhati babi bhashere mor'eribha r'ekasha k'eminubho.
\v 21 Ne bhampe bhashurwa n'er' obhasi rw' abhesanga rutukange mo bhunu bwangu abhesanga warika habhasirwa n'efarasi, n'emironge iti yasikuta mo sanyama sabho.
\c 20
\cl Chunda 20
\p
\v 1 Kuruma nasunga etuka mo mbingu ngashani uma uhitange urikire n' echana ch'eri obhor'ekwerunga na bhurebhure bhukiri mo mwine wae.
\v 2 Wating' ekisoka, ensoka ya karekare ngi mushumbu na nyamurairi, wamumina myaka kihumbi.
\v 3 Wamurekera mor'erunga, warindika n'eriya nsimiko habhasirwa nae, kongo watahusingi tw' esanganda iya m'oero myaka kihumbi ibhererere kuruma nampo, nti rakomenwa w'obhorwe mukashangi kakeke.
\p
\v 4 Na nasunga bhitumbi bya bhubhake, n'ambi bhabhesanga bharika mubyo bhaninkwa bhunkangwe bw'iker' obhansa. Na nasung' emitima y' ebhashurwanga bhushwa n' ekariho kabho kuri Yesu bhushwa n'ekinwa cha Ongo na ya 'mbi bhatinanga ironjie enyamishwa mpero ari ekamoi kayo, na nti bhareriarwa nsimiko yae mo s'embaso sabho na mo mine yabo. Bhafuka na bhasima hima na Yesu mu myaka kihumbi
\v 5 E bhampe bhakwi bhatafuki iya hende n' emyaka kihumbi ibhererere. Indo nger' efuka ra roso.
\v 6 Bhakasanirwa na bhashuururwa imbi bhari mor' efuka raroso! Er' oku rw'emet' abhi rusira bhunkangwe kuri bho; eina bhasebhesanga bhakungu bha Ongo na bha Kirisitu, na bhasesimayo hima nae mo myaka kihumbi.
\p
\v 7 E myaka kihumbi isekiayo yabhererera Nyamuraire usobhorwayo etuka mo muri wae.
\v 8 Na usetukayo mw' ienda kasheeresha esanganda siri mosenkaro sinye s' echuo, Gogu na Magogu, kongo watuma bho mo bita; e mwanso wabo bhuri misie y'enyansa.
\v 9 Bhataya mo bhuari bw'echuo kiti n'etimba enkambi y'ebhashuururwa n'er' obhungu rwakonda. Eina kasha kahita etuka mo mbingu n'ekindirisanya bho.
\v 10 Na mushumbu, ingw' abheseng' usheereshange bho, watawa mor' eribha r'ekasha n'eminubho, imo ngi murikire enyamishwa n'emutahwa w'emanko. Bhasenubhayo mumwishi na mutu, mo bhiranga n' ebhiranga.
\p
\v 11 Kuruma nasunga kitumbi kikiri chabhubhake kisanange, nangu wabhesanga warika hambasiro nacho. Echuo n'embingu byabheka bhusondori n'embaso yae.
\v 12 Nasung' ebhakwire, ebhakakare n'ebhanunke, abhesanga bhasimana habhusondori bw' ekitumbi ch' ebhubhake. Turisi tw' oborwa, na kampe karisi. k'obhorwa, iko ng' ekarisi k'ekaramo. N'ebhakwire bhakekererwa obhansa etuka n'emikorere yabho, iyemisanya n'eby' abhesenga byatiranyiwa kumunda nanto turisi.
\v 13 Enyansa yakurucha ebhakwi bhabhesanga bhari kumunda nayo, e roku n' er' erunga bya kuruch'ebhakwi abhesanga bhari kuri bho; na kinsi uma wakererwa obhansa etukana n'emikorere yae.
\v 14 Er' oku n'ererunga byarekerwa mor' eribha r'ekasha. Ng'er' oku rw'emet' abhi, er' eribha r' ekasha.
\v 15 Kinsi ngu nt'washee rina rae ratiranyiwa kumund' ekarisi k' ekaramo nt'wakurekerwa mor'eribha r'ekasha.
\c 21
\cl Chunda 21
\p
\v 1 Kuruma nasunga mbingu nshasha na chuo kishasha; bhushw' embingu yaroso n' echuo charoso byameta, n' enyansa nt'isira tuko.
\v 2 Nasunga etuka mo mbingu, ekuri Ongo er' obhungu r'washuururwa, Yerusaremu nshasha, r'watunganyiwa buri momina wakw' itonda bhushwa moke.
\v 3 Na norukira etuka mo kitumbi ch' ebhubhake murengya 'suma webha: Sung' erirameso ra Ongo hima n' ebhea! Usebhesa hima nabho, na bhasebhesa bhea bhae, na Ongo wesine wabhesa hima nabho.
\v 4 Wasekono kiro kiti mo meso abho, n'er' oku rutabhesiyo tu; kutabhesiyo tu minsori, ari k'wirake, ari bwae, bhushwa ebhikai byaroso byameta.
\p
\v 5 Nangu wabhesanga warika mo kitumbi ch' ebhubhake webha: Sunga, naronja ebhikai bhiti bhishasha. Na webha: Tiranya; bhushwa bhino bhinwa bhiriko na by' eira.
\v 6 Wan' ire: Byamabhesa! Ani Alfa na Omega; e ntangiro n' ehende. Mukinsi 'ng' urina mbusha, n'semuninka nshoko ya mecha a karamo, bhusa.
\v 7 Kinsi 'ng' usehimayo wasebhesa mine 'mwandu wa bhino bhikai; N' sebhesa Ongo wae, na usebhesa musiky' ani.
\v 8 Eina mo bhatetera, e nti bhasimira, e bh'emikonsi, e bhayeri, e bhasingirani, e bharosei, e bharonjei bh' etumoi mpero, n' ebhashukishuki e muhango wabho usebhesayo mor' eribha rasuma r' ekasha ng' er' oku r' wemet' abhi.
\p
\v 9 Kuruma uma mosangashani sirinda bhabhesanga bhating' esensara sirinda esirisere 'mario arinda weya, wan' shisha Kinwa webha: Iya, n' sekushea mukari, e momina w'e mwan'e mburi.
\p
\v 10 Wan' diya hambasiro n'ou rukiri na rwakangama. Wan' shea er' obhungu r' washuururwa, Yerusaremu, nti ruhitang' etuk' ekwiyo kuri Ongo, ruri n' eritatwa ra Ongo.
\v 11 Er' irangara raro nti r' isusene n' ikoi ra bhusy' asuma, ikoi ra Yaspi ra rangara bhuri kirauri.
\v 12 R'wabhesanga nti ruri na muruta mukiri na wakangama. Wabhesanga nti uri na miyango ekumi n' ebhi, ne miyango, ngashani ekumi na sibhi, na mina atiranyiwa, esenganda ekumi na sibhi s'ebhana bha Isiraeri.
\v 13 Mo kwabhume miyangw' eshatu, kubhusondori miyangw' eshatu, ekurembe miyangw' eshatu na kuruma miyangw' eshatu.
\v 14 Emuruta w' er' obhungu w' abhesenga nti uri na ntangiro ekumi na sibhi, na hambasiro na to emin' ekumi n' abhi esantumwa s' e Mwan' emburi.
\p
\v 15 Ing' wabhesanga w' ebhange n' ani nt' urikite ndengo y' oseke rwa noro, kongo wansa ebhore bw' er' obhungu, e miyango, n' e muruta.
\v 16 Er' obhungu r' wabhesanga r' urengekane esenkaro sae sinye, ebhore bwae nti bhurengeke n' ebhukikane bwae. Wans' ebhore bw' er' obhungu n' er' oseke, wansa nkaramika bhihumbi ekumi na bhibhi; ebhore, ebhukikane n' er' ohando nti bhirengekane.
\v 17 Wans' ebhore bw' emuruta, wasunga nti nkaramika iyana na makumi anye na sinye, mwanso wa mwea, nti ng' uri nango ngashani.
\p
\v 18 Emuruta w' abhesanga w'imbwa mu Yaspi, n'er' obhungu mu noro yashuururwa, isusene na kirauri chashuururwa.
\v 19 E ntangiro y' emuruta w' er' obhungu nti wa 'tondwa na makoi a bhusy' asuma a kinsi bhususe: e ntangiro ya roso nti Yaspi, y' emet' abhi wa safira; y' emet' ashatu karekedoni, y' emet' anye Hemerode.
\v 20 Y' emet' asanu Sardoniki; y' emeta mutuba akiki; y' emet' arinda Krisoritho; y' emeta munane Sabarajadi; y' emeta mwenda yakuti yasusa buri binjari; y'erekumi Krisoproso, y' erekumi n' enima Hiakintho; na y' erekumi n' esibi Ametisto.
\v 21 E miyango ekumi n' eibhi abhesanga nti bhutea ekumi na bhubhi, kinsi orubhi nti rwa bhutea bhuma. Ebhutara bw' er' obhungu nti noro yashuururwa, bhuri kirauri kirangarange.
\p
\v 22 N' tasung' irameso mund' obhungu; bhushwa Nyerekuritu Ongo min' ebhunkangwe n' emwan' emburi ng' erirameso raro.
\v 23 Er' obhungu nti r' waraa mu mwishi ari mweri mw' isachie ro chaka; bhushwa eritatwa ra Ongo rasachie ro chaka, n' emwan' emburi ng' ekasuku karo.
\v 24 Esanganda sisendereyo mo chaka chae, n' ebhabhake bh' echuo bharishieyo ro eritatwa rabho.
\v 25 Esandubi saro sitarindikwiyo mumwishi, bhushwa inko kutabhesiyo mutu.
\v 26 Kuserishiwayo eritatwa n'erosubhahwa rw'e sanganda.
\v 27 Rutangakimi mw'anga kiri na mikonsi, ari mwea wironja bhubhi na bhushukishuki, kusekimeyo ho 'mbi bharetiranyiwa mo karisi k'e karamo k'e mwan'e mburi.
\c 22
\cl Chunda 22
\p
\v 1 Wan' chea rusi rukiri rw'e mecha e karamo, arangara bhuri kirauri, nty'asairengi mo kitumbi ch'e bhubhake cha Ongo n' e Mwan'e mburi.
\v 2 Munkati n'ense nkiri y'er' obhungu na mo bhirindo bhibhi by'e rusi, nti hari muti w'e karamo, ubhutange byuma ngendo e kumi na sibhi, ubhutange byuma kinsi mweri, n'e masani nty'ari na murimo, w'iramya esanganda.
\v 3 Kutabhesiyo tu otaki. E kitumbi ch' e bhubhake cha Ongo n'e mwan'e mburi kisebhesayo mor' obhungu; e santumwa saemukoreyo.
\v 4 Na saasungayo e mbaso yae, n' erina rae raabheseyo mos' embaso sabo.
\v 5 Kutabhesiyo tu mutu: na bhataraiyo ari mu kasuku ari chaka, bhushwa Nyerekuritu Ongo waasaneyo bho. Na bhasimayo mo bhiranga n' ebhiranga.
\p
\v 6 Wani shisha: Bhino bhinwa bhirikire na by' eira; na Nyerekuritu, e Ongo w' emitima y' ebatahwa, wakurebhek' engashani yae mw' ishea e bhakori bhae ebhiseya kuruma.
\v 7 Na sunga n'eyange tete. wakasanirwa ingw' aranga e bhinwa by'e karisi kano!
\p
\v 8 Ani Yohana, ngi norukira n'esunga bhino bhikai. Na narekiya norukira n' esunga, nahita hamakako n'e ngashani wabhesanga un' sheange byo mw' emuronjie mpero.
\v 9 Eina wanire: Irange mw' ironja ncho! Ani mutindikiri wabhe wa murimo na wabhanakinu ebhatahwa, na w'ambi bharang' ebhinwa by'e karisi kano. Ronjie Ongo empero.
\v 10 Na wan' ire: Ang' itereka nsimiko mo bhinwa by' ebhutahwa bw'ekarisi kano. Bhushwa e kashangi kari kwihi.
\v 11 Kinsi ng' usir' eira wabhese ho nt' usir' eira, kinsi ng' urisere mikonsi w'ironjei ho mo mikonsi, na ngw'ereira waronje ho eira, na' ngw' ashuururwa weshuurure ho.
\p
\v 12 Sunga n' eyange tete, hima n' erohembo rwani, mw'ekuruchie kinsi mwea etukana n' emikorere yae.
\v 13 Ani Alfa na Omega, Waroso na wa hende, ntangiro na wa hende.
\v 14 Bhakasanirwa 'mbi bhashua esangombe sabo, kongo bhakomenwa emutiw' ekaramo, n' ikime mo miyango y'er' obhungu!
\v 15 E kubhutara kuri esambibhi, ebharosei, ebhasingirani, ebhayeri, ebharonjei bh' etumoi mpero, na kinsi uti 'ngw' ashima n' ironja bhushukishuki!
\p
\v 16 Ani Yesu, nakubhurebhek' engashani wani mw' ebhuture ebinwa bhiti 'mbi mo marameso. Ani ng' er' etina na w' erobhuto rwa Daudi, e nkekeni isakange y' emukomakoma.
\p
\v 17 E Mutima na mukari bhebha: Iyanga. Na kinsi 'ng' uri na mbusha w' iye, kinsi 'ngw' asasa washei e mecha ekaramo, bhusa.
\p
\v 18 Nebhange mu kinsi ngw' erukira e bhinwa by' ebhutahwa bw' ekarisi kano: Amabhese mwea useongerere ho kikai, Ongo wasemusund' emario atikurwa kumunda n' ekarisi kano;
\v 19 N' amabhese mwea watunja kikai mo bhinwa by' ekarisi bya bhuno bhutahwa, Ongo watunjayo e muhango wae mo muti w' ekaramo na mor' obhungu r' washuururwa, rwatikurwa kumunda n' ekarisi kano.
\p
\v 20 Ingw' aronj' ekariho ka bhino bhikai webha: Eira, n'iyange tete. Bhibhesi mbo! Iyanga, Nyerekuritu Yesu!
\p
\v 21 E nchumo ya Nyerekuritu Yesu ibhesi hima n' ebhati!