See in Reader
127 lines
10 KiB
Plaintext
127 lines
10 KiB
Plaintext
\id 1TH
|
|
\ide UTF-8
|
|
\h 1 Batesaronike
|
|
\toc1 1 Batesaronike
|
|
\toc2 1 Batesaronike
|
|
\toc3 1th
|
|
\mt 1 Batesaronike
|
|
\c 1
|
|
\cl Chunda 1
|
|
\p
|
|
\v 1 Pauro na Sirwano na Timoteo, mo rirameso ra bhisa ku Tesaronika eriri kwa Ongo Tita na kúrí Yesu Kirisitu Nyerekuritu muninkwe nchumo na bhuhoro!
|
|
\p
|
|
\v 2 Twenderanange n' itata Ongo kuri bhaanu bhati mw' ebhutiko mo mahemo itu,
|
|
\v 3 Mw' esubhukia angirike e mirimo y' er' esimira rinu e mirimo y'e nchime yinu n' er' iyandira r' emwenyihiro winu kumunda na Nyerekuritu Yesu Kirisitu hamakako na Ongo Tita witu.
|
|
\v 4 Tusi, bhanakitu bhashimwa na Ongo 'mbu murirondorwa.
|
|
\v 5 Emwasi wakonda witu, nti muturirwangao mu bhinwa ho, eina hima na bhunkangwe, hima n'e mutima wakonda, n' anga mitikotiko iti, bhushwa nti musera 'mbu tw' isheanga 'mbo munkati n'inu, bhushwa bhaanu.
|
|
\v 6 Na bhaanu bhasine, mur' ibhesa bhea bh' ensianya na bh' esianya Nyerekuritu, mor' eninkwa e kinwa munkati na minubo mingi, hima n'e sangoa s'e mutima wakonda.
|
|
\v 7 Impo murekind' ebhunduka nsusanya y' e bhasimira bha ku Makedonia n' ebhaku Akaya.
|
|
\v 8 Nti mbu e kinwa cha Nyerekuritu charerumira ho kuri bhaanu ku Makedonia na mo Akaya, eina er' esimira rinu kuri Ongo rarekwishea ekuti, iya moero nti twaraa tu iyebha muro.
|
|
\v 9 Bhushwa bhaturange, mo mwasi witu, isimirwa riri bhuni rareshee bhate kuri bhaanu, na bhuni bwabhundukanga bhanu kuri Ongo mw'esiya etumoi bhusha n' erikore Ongo ng' uri ho n'er' eira.
|
|
\v 10 Na mor'erindire musiky'ae etuka mo mbingu, ing' wafuranga we etuka mo bhakwi, Yesu, 'ngu waretukurure n'e bhusubhuke mbubw'eyange.
|
|
\c 2
|
|
\cl Chunda 2
|
|
\p
|
|
\v 1 Bhanu bhesine musi, bhanakitu, mbu eriya ritu kuri bhanu nti rabhesanga ra bhusa,
|
|
\v 2 Kuruma n'erinubha n' ikambawa ku Filipi ebhusi bhanu, twatinge mwenyihiro kuri Ongo witu, mw'ebhuture e kinwa cha Ongo munkati na bhita
|
|
\v 3 Bhushwa e mahano itu nty' ari mw'ebhisha ari mukw' ireme kwa bhibhi, ari mu bya bhukongobhanya.
|
|
\v 4 Eina bhuri bwakukiya Ongo wasunga twakomenwa mw' etunink'e mwasi wakonda, nampo twebhange, nti bhuri ikokomesha bheya, eina ikokomesha Ongo ing' unsensang'e mitima yitu.
|
|
\v 5 Nti twarekoresha bhinwa by' ebhuhusa bhuri bhusi bhanu, anga nti twarebhesa n' ebhubhisa inse y'isonda bhehe, Ongo kariho mu byo.
|
|
\v 6 Nti twaresondekanya bwime bwatuka kuri bhea nanti kuri bhanu ari kuri bhampe, twamwisheange na bhukakare bhuri ntumwa sa Kirisitu.
|
|
\v 7 Eina twabhesa turisere ihehera munkati ninu. Bhuri murangi usondekanyange iranga ishu ebhana bhae,
|
|
\v 8 Atuka tuhunange, mo nchime yitu kuri bhanu tutabhuninkingi ho e mwasi wakonda wa Ongo eina hotu ebhuingo bwitu b' wesine bwabhesenga bhanu murekind' ibhesa banyiwe kuri bhate.
|
|
\v 9 Mw' esubhukia, bhanakitu, e murimo witu n' e munubho witu; mutu na mumwishi mo murimo, nti mw' erierwa n' anga na uma mu bhanu, twabhuture e mwasi wakonda wa Ongo.
|
|
\v 10 Bhanu turiho na Ongo nae iko hotu, 'mbu bwasheenga bhate kuri bhanu 'mbi musimira mwenjo wakonda, w' eira na usira mekero.
|
|
\v 11 Bhanu musi hotu mbu twakubhesanga kuri kinsi uma mubanu bhubhesang' etita kuri e bhana bhae.
|
|
\v 12 Twabhuhimirisa twabhubhongabhonga, twabhumima mw' ienda mubhususe bwakomenwa Ongo, ing' ubhubhikirange mo bhubhake bwae n'e bwime bwae.
|
|
\p
|
|
\v 13 Ngi chasingwa twenderana n' itata Ongo morishee bhanu ekinwa cha Ongo, cha bworukirishanga bhate, mushee cho nti bhuri kinwa chabheya, eina hotu chabhesa shushu bhuri kinwa cha Ongo kikorange kuri bhanu mbi musimira.
|
|
\v 14 Bhushwa, bhanu, bhanakitu, mumakind' ibhe bhasianyii bh' emarameso a Ongo ebhuri kumunda na Yesu Kirisitu mo Yudea, bhushwa na bhanu hotu, munubhanga mor' oharo rwa bhanakinu, minubho mima n'anji ya nubhanga bho mor' oharo rw' ebhayahudi.
|
|
\v 15 Imbo bhayahudi ngi bhayanga Nyerekuritu Yesu n' ebhatahwa, ngi bhatunubyanga, nti bhakokomesha Ongo, na bharenda bh' ebheya bhati,
|
|
\v 16 Bhatuhangire iebha n' entibhasimira mw' iyoshukara, kongo bhatarekingi eriongerere e bhibhi byabho. Eina ebhusubhuke bwamakind' iehie bho.
|
|
\p
|
|
\v 17 Kuri bhate, bhanakitu, kuruma n' isiana ninu mu kashangi, mo mubhi, eina nti mo mutima, twabhesa na mbusha nguru yeribhusunga.
|
|
\v 18 Hotu, twahun' iya kuri bhani, ani Pauro rima na m'et' abhi, ina nyamuraire watuhangise ro.
|
|
\v 19 Inye ngi mwenyihiro witu ari ngoa situ ari kembo kitu k' e bwime bwitu? Nti bhanu hotu. Momakako a Nyerekuritu Yesu, mor'iya rae?
|
|
\v 20 Nanki, bhanu bwime na ngoa situ.
|
|
\c 3
|
|
\cl Chunda 3
|
|
\p
|
|
\v 1 Ngyasingwa mor' eruk' erindire ritu, twasimir' erika ku Atene,
|
|
\v 2 Twarebheka Timoteo, munakitu mukori wa Ongo mo mwasi wakonda wa Kirisitu, mwebhusumya n' ebhuhirimisa mo kinwa ch' er' esimira rinu.
|
|
\v 3 Kongo kutabhesingi mwea w' efunda munkati n'e minubho iri ko; bhushwa bhanu bhesine musi mbu twabhikirwa munjo.
|
|
\v 4 Na twarekiya turi hima ninu twabhuture ng' eraroso 'mbu tusebhesa bhusondori bwa minubho bhuri mbu bweyanga ro, n'ebhusi bhanu cho.
|
|
\v 5 Nambu, mor' efund' irindire rani, natuma mweya mw' esibh'e mwasi w' er' esimira rinu, mo bhobha mbu emwereki watabwerekingi, na tutabhesingi nti twamakore bhusa.
|
|
\p
|
|
\v 6 Eina Timoteo mor' iya we hano tete kuno, wakututure myasi yakonda yatuka kuri bhanu y' er' esimira rinu n' enchime yinu, na wakutwire mbu bhanu muri e matu ati na nsubhukiyo yakonda mwianikara itusunga, bhuri 'mbu bwanikirange bhate hotu ebhusunga.
|
|
\v 7 Bhushwa nanchi, bhanakitu, munkati n'e bhonso n'e minubho yitu twakubongwabhongwanga n'e mwasi bhushwa n' erisimira rinu.
|
|
\v 8 Bhushwa entambino, turi ho bhushwa musimana kuri Nyerekuritu.
|
|
\v 9 Itata ririkire bhuni, ramutata bhate Ongo mo mwas' inu, mosangoa siti sashea bhate bhushwa n'inu mo makako a Ongo witu!
|
|
\v 10 Mutu na mumwishi, tuhemange cho nama mw' etusimira ebhusunga n' erumisha echaruka bhanu morisima rinu.
|
|
\p
|
|
\v 11 Ongw' esine Tita witu na Nyerekuritu Yesu, warengekanye ense yitu kongo twenda kuri bhanu.
|
|
\v 12 Na Mukota waongereri rarenga munkati n'inu n'ekuri ebhati enchime 'nji iri n' itu bhate bh' esine kuri bhanu.
|
|
\v 13 Kongo wasumya e mitim' inu itabhesingi na bhubhi mor' eshuururwa mo makako a Ongo Tita witu, Moriya ra Nyerekuritu Yesu hima n' ebhashuururwa bhae!
|
|
\c 4
|
|
\cl Chunda 4
|
|
\p
|
|
\v 1 Mo chasiya, bhanakitu, bhushwa murehanwa n' itu bhuni bwakomenwa kwetinge bhanu n' ikokomesha Ongo, na 'ncho ngi kikiyange bhanu, twabhuhema mwikonga bhonso mor' ina ra Nyerekuritu Yesu mw' ienda kubhusondori.
|
|
\v 2 Bhanu musi, ino myomba yarebhuninka bhate y' atuka kuri Nyerekuritu Yesu
|
|
\p
|
|
\v 3 E chahuna Ongo, nty' erishuururwa r' inu; ng' iebha mbu musiane n'e bhubhi.
|
|
\v 4 Ntiebha mbu kinsi uma mu bhanu wasibhang' iranga e mubhi wae mwishururwa n' ereira,
|
|
\v 5 Nti mu kweriya mu karawa ka mwanikire wema bhuri bhukiang' entibhasimira, entibhasi Ongo;
|
|
\v 6 Ng' iebha mbu anga mweya w'ikore mine bhubhi n' ehusa mu bya mukae bhushwa Nyerekuritu ukwanenga mo bhikai bhitimbi, bhuri bwabw' erenga bhate n' ibhutonde.
|
|
\v 7 Bhushwa Ongo nt' waretubhikire minkonsi ina mweshuururwa.
|
|
\v 8 Ing' washika e mahano 'ngi nti ntiwashika mwea, eina Ongo e wabhuninkanga nae e Mutima wae wakonda.
|
|
\p
|
|
\v 9 Bhushwa n' enchimi y'e bhunakima, bhanu bhesine na Ongo muraa mweshimana ebhima n'e bhampe,
|
|
\v 10 Na nti ngi bhikiange bhanu hotu kuri bhanakitu bhati ku Makedonia iti. Eina twabhuhana bhanakitu mwekia 'shu nguru mo nchimi 'njo,
|
|
\v 11 Na mweria er'osubhahwa rwinu mwibhesa ho mpompo mwironj' ebhikai byinu n' ikora mo mine bhuri 'mbu bwarebhuhema bhate.
|
|
\v 12 Kongo mwenda mweira kuri mbi bhekubhutara, na nti muraa mu mweya,
|
|
\p
|
|
\v 13 Nti twashima, bhanakitu, mbu murike mw' efund' isibhirira mo mwasi w'ebharere, kongo mutubhesingi na bhonso bhuri bhampe 'mbi bhasire e mwinyihiro.
|
|
\v 14 Bhushwa, kubha twasimira mbu Yesu wakwanga na warefuka, tusimire hoto mbu Ongo wakuruchayo kuri Yesu na hima nae ebhakwire.
|
|
\v 15 Sunga kwe, ebyabwere bhate itukana ne kinwa cha Nyerekuritu: bhate 'mbi turi ho twasia mor' iya ra Nyerekuritu tutatangiriyo ebhakwire.
|
|
\v 16 Bhushwa Mukota wesine mu kengeko kaninkana we, mo murenge we ngashani mukakare, na momurenge we kahanda ka Ongo, wahitayo etuka mo mbingu, n'e bhakwire kumunda na Yesu bhasefukayo eraroso.
|
|
\v 17 Kuruma, bhate mbi turi ho ebhasesiyayo, tusebhesayo mongo, tusekukumwayo hima nabho mo chanya; mor' ekumana Kirisitu mo mwanya, na'mpo tusebhesayo hima na Nyerekuritu.
|
|
\v 18 Mubhonganyane e bhima n'e bhampe mo bhinwa bhino.
|
|
\c 5
|
|
\cl Chunda 5
|
|
\p
|
|
\v 1 Mo byakae etushangi n'ebhiranga, nti murao kuri bhanu, bhanakitu, mwebhutiranyie byo.
|
|
\v 2 Bhushwa bhanu musishu bhanu bhesine mbu erotu rwa Nyerekuritu rusiyayo bhuri mwibhi mutu.
|
|
\v 3 Ehntambi isebhayo 'bhea: bhuhoro, na twaranghwa himpo ebhubhisha nti bweyange bwesusumuke, bhuri bwae bw' ebhuta bwehienga nsisu e momina mukure na bhataramiyo.
|
|
\v 4 Ina bhanu, bhanakitu, nti bhanu muri mo mwerimya, e rotu ndo rubwehii bhuri mwibhi;
|
|
\v 5 Bhanubhati bhana bha chaka na bhana bha mwishi nti bhate bha mutu na nti bha mwerimya.
|
|
\v 6 Angi twenda toro bhuri e bhampe, eina tukohye n'ibhesa na ngerero yakonda.
|
|
\v 7 Bhushwa 'mbi bharere, bhendang' etoro mutu, na 'mbi bhatamirange, bhatamiranga mutu.
|
|
\v 8 Eina bhate mbi bhe mwishi, tubhesi na ngerero yakonda, twambar' engubha y' er' esimira na y' enchime nibesa na kembo e mwenyihiro we nchukayo.
|
|
\p
|
|
\v 9 Bhushwa Ongo ntwareturae 'bhusubuke, eina mwibhesa na nchukayo kuri Nyerekuritu Yesu kirisitu.
|
|
\v 10 Inye ng' watukwirenga kongo, kubha tusekohyayo, kubha tusekwayo, tubheseyo ho hima nae.
|
|
\v 11 Ngy' asingwa musakani bhanu mu bhanu na mw' imbane ebhima n'e bhampe bhuri mor' eira ebhukiange bhanu cho.
|
|
\p
|
|
\v 12 Twabhuhema, bhanakitu, n'ibhesa n' osubhahwa kuri mbi ebhakorange munkati ninu, ebhabhusimanire kumunda na Nyerekuritu na ngi bhabhusakengi.
|
|
\v 13 Mubhesanga na nchime ningi kuri bho bhushwa n'e murimo wabho. Mubhesi na bhuhoro munkati ninu.
|
|
\p
|
|
\v 14 Tubhuhemange cho hotu bhanakitu, musubhukie ebhari mo bhutetera, mubhonganye bharuha, mwendi mpompo n'e bhatetera mubhesi na muho w' ikoch' esimirana n'ebhati.
|
|
\v 15 Mukaenga 'shu, anga mweya wakuruchie mine bhibhi mu bhibhi; eina musondekanye matu ati bhuhoro, munkati n' inu, ari mo bhati.
|
|
\p
|
|
\v 16 Mubhesi kir' otu na ngoa,
|
|
\v 17 Muheme ang' ireke,
|
|
\v 18 Mutate Ongo mu kinsi kikai, bhushwa ekuri bhanu isasa ra Ongo kuri bhanu na kumunda na Yesu Kirisitu.
|
|
\p
|
|
\v 19 Kiro murimy' e Mutima.
|
|
\v 20 Kiro munen'e matahwa,
|
|
\v 21 Eina musisirise kinsi kikai mw'eting' echahunda,
|
|
\v 22 Musiane na kinsi bhususe bwa bhibhi.
|
|
\p
|
|
\v 23 Ongo ngu webhuhoro, wabhushuurure wesine, n' er' ibhesa ho rinu riti, e mutima e micho n'e mubhi, urangwe anga bhubhi, er' otu rw' er' iya ra Nyerekuritu Yesu Kirisitu!
|
|
\v 24 E wabhubhikiranga w' eira, nae ng' waseronja cho.
|
|
\p
|
|
\v 25 Bhanakitu, mutuhemi.
|
|
\v 26 Mutukeree bhanakitu bhati mu nkerei yashuuruurwa.
|
|
\v 27 Nabhukonga cho na bhonso kuri Nyerekuritu, e rwandiko runo rusungwe na bhanakitu bhati.
|
|
\v 28 E nchumo ya Nyerekuritu Yesu Kirisitu ibese hima n' inu!
|