See in Reader
156 lines
12 KiB
Plaintext
156 lines
12 KiB
Plaintext
\id PHP
|
|
\ide UTF-8
|
|
\h Bafiripi
|
|
\toc1 Bafiripi
|
|
\toc2 Bafiripi
|
|
\toc3 php
|
|
\mt Bafiripi
|
|
\c 1
|
|
\cl Chunda 1
|
|
\p
|
|
\v 1 Pauro na Timoteo, bhafuku bha Yesu Kirisitu, mo bhati bhashuururwa kumunda na Yesu Kirisito e bhari ku Firipi, kuri e bharangi n'e bhakori bhabho:
|
|
\v 2 E nchumo ne bhuhoro bhibhesi n'inu ituka kuri Ongo Tita na Mukota Yesu Kirisitu!
|
|
\p
|
|
\v 3 Natata Ongo wani mo bhiti mbyo byanikira m'wani ebyarang'ani kuri bhanu.
|
|
\v 4 Ntinareke, mo mahemo ani ati kuri bhanu bhati,
|
|
\v 5 Mwishea e sangowa sani mumbi e bhikorange bhanu morienja e mwasi we karamo, itukire erotu rusondori iya na runotu.
|
|
\v 6 Namakind'irisia mbu ungu wabhuchanga kuri bhanu e murimo ngu wakoma wabherereshayoo'shu mo rotu rwa Yesu Kirisitu.
|
|
\v 7 Rira eira nanikirembo kuri bhanu bhati, bhusha nabhuria mo mutima wani, amabe nti mor' isibhana rani, amabhe ntimwiebhere na mwitura kariho ke mwasi wakonda, bhanu bhati mbi mushangira uo mukisa n'ani.
|
|
\v 8 Bhusha Ongo kariho kani nabhushima bhanu bhati hima n'ebhonso bwa Yesu Kirisitu.
|
|
\p
|
|
\v 9 Nanchi kihemang'ani munkati n'emahemo ani, e nchimi yinu iongorere ngendo ningi moresibha na mo bwenge bhuti.
|
|
\v 10 Morinsonsomorwa r'ebhikai byarengekana, kongo mushuururwa na bhasira kinwa chema mo rotu rwa Kirisitu.
|
|
\v 11 Bharisa chuma ch' eira kiri kuri Yesu kirisitu, mo wime na muritatwa ra Ongo.
|
|
\p
|
|
\v 12 Nashima mbu muteerere, bhanakitu, mbu ebyakumananga nani byakusakenga nguru mo rienja emwasi wakonda.
|
|
\v 13 Himpo, munkati eriminwa n'ekuti nku, kusira entusi mbu bhushe bwa Kirisitu ngi chasingwa naminwa.
|
|
\v 14 Na bhingi mo bhanakitu kumunda na Nyerekuritu, bhari n'echangu bhasira mitikotiko mwetura emwasi anga bhobha.
|
|
\p
|
|
\v 15 Bhima, eira bhaturang'emwasi wa Kirisitu mu karawa na mutima wabhuhaka, ina bhampe bhaturange emwasi wae hima na mwanikiri wakonda.
|
|
\v 16 Imbo bhakorange na nchimi, mwesibha narekindi iterekwa mwekite e mwasi wakonda.
|
|
\v 17 Ina e bhampe mbo, bharisere na mutima w'obhangu, bhaturange Kirisitu mu bhiremero mbi nti byashuururwa hima na myanikiri y'isimo kumunda nani bhurunga munkati n'eriminwa rani.
|
|
\v 18 Nge kinki? mukinsi bhususe, abhese mo bhususe bhusungwange, abhese mo reira, Kirisitu ntwashambarwa rikeke: nakokome cho na nakokomerwayo tucho.
|
|
\p
|
|
\v 19 Bhushe nisimbu bhimbyo bhisebhunduke mo nchukaro yani, bhushwe n'emahemo inu n'erisake r'emutima wa Yesu Kirisitu.
|
|
\v 20 Etukana n'eresimika morerinde rani n'emwenyihiro ntabiyo na nkene siti, ina mbu enompena buri ematu ati, Kirisitu waasimayo mo mubhi wani anga mitikotiko, ari mo karamo kani, ari mo rikwa rani.
|
|
\p
|
|
\v 21 Bhushe Kirisitu nge karamo kani, n'erikwa kuri' ani mwengerero.
|
|
\v 22 Ina amabhese rakonda mo mikorere yani nibhe ho mo mubhi, ntamusibha iebha echamushima ani.
|
|
\v 23 Naashikwa mu nkaro sibi: niri n'emwanikiri werikweire n'ibha hima na Kirisitu, inchi ngi charengekana nguru.
|
|
\v 24 Ina bhushe bhanu rarengekana nguru nirike mo mubhi.
|
|
\v 25 Na narisia, nisi mbu nisebheseyo na nserikayo hima ninu bhanu bhati morioshuka rinu na mo sangowa sinu kumunda n'erisimira.
|
|
\v 26 Kongo morekuruka rani kokuri bhanu mushei kuri ani mwasi mukiri w'eshima rinu kumunda na Yesu Kirisitu.
|
|
\p
|
|
\v 27 Ina mwemise mubhususe bwakonda bw'emwasi akonda wa Kirisitu, kongo amabhese nisiya kabhusunga, amabhese nti niri ho, narindire nerikire bhebhange kuri bhanu mbu musimana nguru mu mutima uma, bhakwani bha mutima uma mo r'esimira ekinwa chakonda.
|
|
\v 28 Angi musiana, anga n'akeke esubyahwa n'ebharenda, incho ngikiri kuribho kengeko k'erimina, ina kuri bhanu nchukayo.
|
|
\v 29 Nacha mo roharo rwa Ongo, bhushe murironjeirwa nchumo, mwiemisanya na Kirisitu, ina ho nti emusimira, ina hotu inubha bhushe nae.
|
|
\v 30 Mw'esimika ebhita mbyo byasunganga bhanu byasimika'ani nangi byerukira bhanu enompena mbu ngi byatingy'ani.
|
|
\c 2
|
|
\cl Chunda 2
|
|
\p
|
|
\v 1 Amabhese nti hari ibhongwabhongwa rikeke kumunda na Kirisitu, amabhese ibhonganywa rikeke mo nchimi, amabhese hari bhunakima bwa mutima, hamabhe bhonso na musasiro.
|
|
\v 2 Byaronja ngoa sakonda kuri ani, mumabhe na mwanikiro uma, nchimi nima, mutima uma, mwanikiri uma.
|
|
\v 3 Angi muronja kiti mu mutima wabhuhaka ari mu mwetunduriko, ina erikwehicha ribhushee ikae bhampe bhuri bhabhukangame.
|
|
\v 4 Kinsi uma mu bhanu, erekiya wasunga myengerero yae wesine, wasunge tu ye bhampe.
|
|
\p
|
|
\v 5 Mubhese n'emwanikiri ngw'abhesenga na Yesu Kirisitu.
|
|
\q
|
|
\v 6 Ingu uriho wabhususe bwa Ongo, angi kae bhuri chambo ch'ibhaka mw'irengekana hima na Ongo.
|
|
\q
|
|
\v 7 Ina wekungura wesine mw'itinge bhususe bwa mukobhe mwibhesa we bhuri ebhea, na weya bhuri mweya wabhusabhusa.
|
|
\q
|
|
\v 8 Wehichanga iwe wesine, wironja mweya wakwehicha n'erisiy'eroku, iya morotu rw'eriyango.
|
|
\q1
|
|
\v 9 Ngyasingwa Ongo wamutumbiy'ekwiyo na wamuninka rina rareng'emina eati.
|
|
\q
|
|
\v 10 Kongo mo rina ra Yesu kinsi eru rikunyiwe mo mbingu, mo chuo n'ekwerunga.
|
|
\q
|
|
\v 11 Na kinsi rwami rusimire mbu Yesu Kirisitu ngi Nyerekuritu, nguri n'ebhusime bwa Ongo Tita.
|
|
\p
|
|
\v 12 Nampo bhanu mbi mushima, imbu bwehichanga bhanu ematu ati, mukore enchukaro yinu hima na koha n'ikake, nti bhushwa ho niri ho, ina rahunda nguru amabhese nti niri ho,
|
|
\v 13 Bhushe Ongo ngurishange kumunda ninu erisasa n'erikora etukana n'ewasasa we.
|
|
\p
|
|
\v 14 Muronje kitikiti anga byomumo, na mitikotiko.
|
|
\v 15 Kongo mubhesa mukoma na bhashuururwa bhana bha Ongo bhasira bhubhi munkati n'esua, munkati nabho bhanu musakange bhuri kasuku mo chuo.
|
|
\v 16 Bhariy'ekinwa ch'ekaramo, na mwitata mo rotu rwa Kirisitu mwibhesa nti narikangane bhusa n'ikore bhusa.
|
|
\p
|
|
\v 17 Nakiro mbu naterekwa habhasirwa n'erohembo na mo murimo w'eresimira rinu, nakokome byo na nakokoma hima ninu.
|
|
\v 18 Nabhanu hotu, mukokome bhumbobhumbo na mukokome hima nani.
|
|
\p
|
|
\v 19 Niri na mwenyihiro kuri Nyerekuritu Yesu ibhurebheka Timoteo, kongo n'abhunduke na changu kuri ani sine mwiyorukira ebyabhukae.
|
|
\v 20 Bhushe nsira mwea hano inguri nani mwanikiri uma ewamutinge ebhinwa mw'eira.
|
|
\v 21 Ebhati bhasondekanyange myengerero yabho bhesine, ina nti ya Yesu Kirisitu.
|
|
\v 22 Bhanu musi mbu wasierwanga mumwereko, moriterekwae mo murimo w'eretur'emwasi wakonda hima nani, bhuri mwana hima n'ishe.
|
|
\v 23 Nenyihire ekurebheka we nsekiya norukira namakindi iteerera ebwasus'ehary'ani.
|
|
\v 24 Na niri n'eresimira kuri Nyerekuritu mbu ani sine hotu niyange.
|
|
\p
|
|
\v 25 Nakusunga nti rarengekana ibhurebheka munakitu Epafrodito, mwemisanyi wani w'emurimo na mo mbua kuri ngu wandishienga bhanu wandishienga ebhikai by'emirao yani.
|
|
\v 26 Bhushe abhesenga uhunange ibhusunga bhanu bhati na abhesenga munkangwe itukirembi byerukiranga bhanu mo makoni ae.
|
|
\v 27 Abesenga mukoni, kwihi n'ikwa, ina hotu nani, kongo nitabhundukingi na bhonso mu bhonso.
|
|
\v 28 Namushishanga mbu wendi hima na muho kongo mubhese na ngoa moremusunga nani sine ntabhundukingi na bhonso.
|
|
\v 29 Mumukoki munkati na Nyerekuritu hima na ngowa ningi, mubhesi n'osubhaha mo bhea bhambu bhususe.
|
|
\v 30 Bhushe n'emurimo wa Kirisitu, wabhesanga uri kwihi n'eroku, mweshia ebhuingo bwae, bhushe ererumisha moreruka rinu mo murimo abhesenga unikorengi bhanu.
|
|
\c 3
|
|
\cl Chunda 3
|
|
\p
|
|
\v 1 Kuruma nampo, bhanakitu, mukokome kumunda na Nyerekuritu. Ntakoch'iruha moributiranyie ebhinwa bhibyabhibya na kuri bhanu bhibya karamo.
|
|
\p
|
|
\v 2 Mukohyanga mo sambibhi, mukohyanga mo santumwa sema, mukohyanga mo bhema entibharend'ekotende.
|
|
\v 3 Bhushe ebhend'ekotende ngi bhate ngi turonjiengi Ongo mpero mo mutima wa Ongo eutatange bhate munkati na Yesu Kirisitu, na ntitwariya mwenyihiro witu mo mubhi.
|
|
\v 4 Ani hotu, ina naabhinduke na kinwa ch'iterek'emwenyihiro wani mo mubhi, amabhese umpe wasimira kweriya mo mubhi, namukocharo ani tu nguru.
|
|
\p
|
|
\v 5 Ani 'ngu nendang'ekotende mo matu munane mo roanda rwa bha Isiraeri rwe kisasa cha Benjamini, mwebhurania wabhutwa mo bhaebrania, mo myomba, mufarisayo.
|
|
\v 6 Mo muho, munubhii w'erirameso ra Ongo, usira bhubhi munkati emyomba.
|
|
\p
|
|
\v 7 Ina ebhikai mbi abhesenga mwengerero kuri ani, namasungabyo bhuri iriminya bhushe na Kirisitu.
|
|
\v 8 Na nasunga kinsi kikai bhuri bhusa bhushe n'ebhukome bweriteerera Yesu Kirisitu Nyerekurwani, bhushwa nacha narerisiya ebhiti na nisungange byo bhuri keto, kongo nashee Kirisitu.
|
|
\v 9 Na nishekane kumunda nae, nti bhushe n'ereira rani indi ratukana n'emyomba, ina hima nandi rishekanange mo resimira Kirisitu ereira ratuka kwa Ongo mo resimira.
|
|
\v 10 Kongo nasibha Kirisiru n'ebhunkangwe bw'erefuka rae, n'ebhunakima bw'eminubho yae, mw'ibhesa bhuri we moroku rwae morikocha.
|
|
\v 11 Na nakocha, mo refuka munkati n'ebhakwi.
|
|
\p
|
|
\v 12 Nt'ebhura mbu namakindi hima, ari namakindiya hambasiro n'ebhutunganane, ina nikanyahange mwikoch'itinge, bhushe nani natingirwanga na Kirisitu.
|
|
\v 13 Bhanakitu, nti nebha mbu namakindi ikocha, ina nikorange kinwa kima: yobya ebhiri kuruma, na kweriya mumbi bhiri kubhusondori.
|
|
\v 14 Nikanyahange mokisondangy'ani morishee emuhango warebhikirwa ekwiyo wa Ongo, kuri Yesu Kirisitu.
|
|
\v 15 Bhate bhati mbi twatunganana, tubhinduki n'emwanikiri umangu, na amabhese bhanu muri mu umpe mwanikiri, Ongo wabhusachii chaka hotu mucho.
|
|
\v 16 Ina iya mpi iye hari bhate, mwienda munkaramika nima.
|
|
\p
|
|
\v 17 Nubhese bhanu bhati bhea bher'isianya, n'isindera mumbi ebhendange bhuri bhate.
|
|
\v 18 Bhushe, kuri bhingi hbendange mubhurenda moriyango ra Yesu Kirisitu, namabwire ngendo ningi, na nebhange tu mubyo mwihicha biro.
|
|
\v 19 Engendero yabho yabhese y'erimina, bhari na Ongo wabho ebhura wabho, bhaterekange eresima rabho mu 'mbi byakiya nkene sabho, bhanikirange ho mu bhikai byechuo.
|
|
\v 20 Ina erobhungu rwitu rurikire ekwiyo inko turindirengi hotu emwoshukayi witu Nyerekuritu Yesu kirisitu.
|
|
\v 21 Ingo usebhundurayo e mubhi w'erikwehicha ritu, mwironjao ususane n'emubhi w'ebhusime wae mo bhunkangwe bhukwengi we werinoa ebhikai bhiti.
|
|
\c 4
|
|
\cl Chunda 4
|
|
\p
|
|
\v 1 Bhushwa nancho, bhanu mbi mushimwa na bhanakitu, bhanu mbi ngoa sani n'ekembo kani, murike mwesimiki bhumbo kumunda na Nyerekuritu, bhashimwa bhani.
|
|
\p
|
|
\v 2 Nihanange Ewodia na nihanange Sentike bhabhesi na mwanikiri uma kumunda na Nyerekuritu.
|
|
\v 3 Na ongo, mirani wereira, eira, nakuhema isake bho, nambo bharekwana mo mwasi w'ekaramo hima nani, na hima na Kerema n'ebhampe bhatindikiri bhani mo murimo imbi eminabho ari mo karisi k'ekaramo
|
|
\p
|
|
\v 4 Mukokome ematu ati kumunda na Nyerekuritu, na nebha tu cho, mukokome.
|
|
\v 5 Ebhurongu bwinu bhusibwe n'ebhea bhati, Nyerekuritu uri kwihi.
|
|
\v 6 Angi mwenubya mu kitikiti, ina mu kinsi kikai musheecho kuri Ongo ietere mahemo na kw'itondoora hima n'itata.
|
|
\v 7 N'ebhuhoro bwa Ongo imbu bwarenga kinsi bwenge, bwaarang'emitima yinu n'emyanikiri yinu kumunda na Yesu Kirisitu.
|
|
\p
|
|
\v 8 Kuruma nampo, bhanakitu, mo bhiti mbi byarengekana, bhiti byeritatwa, bhitimbi byeira, bhitimbi byashuururwa, ebhiti byashimwa, ebhiti mbi byakomenwa esimirwa, ebhiti bye bwongo mbi byakomenwa itatwa byabhesenga bhinwa by'emyanikiri yinu.
|
|
\v 9 Imbi byarehanwa bhanu, mwangirire byo n'iyorukira byo kury'ani, nambi byaresunga bhanu kuri ani, mukore byo. na Ongo w'ebhuhoro waabha ninu.
|
|
\p
|
|
\v 10 Nakushea ngoa ningi kuri Nyerekuritu mu mbi byakukocha bhanu mwironja bhishasha mo myanikiri yani, mwanikiranga byo ishu ina muruka kashangi.
|
|
\v 11 Nti bhushe bwe mirao yani ngyasingwa nebha mbo, bhushe narehanwa mw'ibhese na ngoa mukinsi ngerero eyakumanwa mwami.
|
|
\v 12 Nisikwehicha, na nisi erika n'ibha mo mukene mo bhiti n'ekuti narehanwa esukuta nibha na rwaka n'ibha mo mukene n'ikeherwa.
|
|
\v 13 Namukocha ebhiti kuringu wambese bhunkangwe.
|
|
\v 14 Nampo mukukiya shu murinsake munkati n'eminubho yani.
|
|
\p
|
|
\v 15 Bhanu bhesine musi, bhafiripi, morebhucha erihana emwasi wakonda mo ntangiro y'er'ibhuchi emwasi wakonda moriendani ku, Makedonia, hasira anga n'irameso riti indi rabhese hima nani mumbi abesenga ebininkanange bho n'ebhisheengi bho.
|
|
\v 16 Abhesenga nti banu bhesine mw'ikora byo, bhushe mundebhekanga ku Tesalonika mu mbiso sibhi morisake emirao yani.
|
|
\v 17 Nti bhushe nisondange mihango kuri bhanu, ina nsondekanyange ebyuma abyarisa mo haro rwinu.
|
|
\p
|
|
\v 18 Na reshee ebhiti na niri mo mukene, narerisiwa na bhikai bhingi moriangirira bhanu bhuri rungo, ohembo rwangirirwa na Ongo, n'ebyashimwa nae.
|
|
\v 19 Na Ongo wani waasubhia ngo mo mirao yinu etukana n'ebhutumba bwae, hima n'ebhusime, kumunda na Yesu Kirisitu.
|
|
\v 20 Kwa Ongo witu na Tita kubesi bhusime ematu ati n'eati! bhibhesimbo!
|
|
\p
|
|
\v 21 Nkerei ningi kuri ebhashuururwa bhari kumunda na Yesu Kirisitu, bhanakitu bhari hima nani bhabhukea.
|
|
\v 22 Ebhashuururwa bhati bhabhukea irengeresha bhe numba ya Kaisari.
|
|
\p
|
|
\v 23 Enchumo ya Nyerekuritu Yesu Kirisitu ibhe hima n'emitima yinu.
|