nyj_reg/49-GAL.usfm

\id GAL
\ide UTF-8
\h Bagaratia
\toc1 Bagaratia
\toc2 Bagaratia
\toc3 gal
\mt Bagaratia
\c 1
\cl Chunda 1
\p
\v 1 Pauro, ntumwa, nti mw' isasa ra bhea, na ra mwea, eina kuri Yesu Kirisitu na Ongo Tita, ng' wamufuranga mo bhakwi.
\v 2 Na bhanakitu bhati bhari hima n' ani, mo marameso a ku Garatia.
\v 3 Enchumo n' ebhuhoro bhibhesi n' inu etuka kuri Ongo Tita na Nyerekuritu Yesu Kirisitu,
\v 4 Ng' wesibhuranga wesine mo bhibhi bitu, mw' etunyaa mukino kiranga ch' ema, etukana n' erisasa ra ongo na Tita witu.
\v 5 Kuriwe kubhesi eritatwa mo bhiranga n' ebhiranga bhibhesi mbo!
\p
\v 6 Nashishara nti mu mubhunduka tete mbo kuri ng' warebhubhikira mo nchumo ya Kirisitu, mw' ienda mu umpe mwasi wakonda.
\v 7 Kusira umpe mwasi wakonda, eina kuri bhea ngi bhabhuriribhanyange, nangi bhahunange ebhisha emwasi wakonda wa Kirisitu.
\v 8 Eina, amabhesa bhate bhesine, amabhesa ngashani ya mo mbingu wamatura umpe mwasi wakonda wasiana nangu wabhuturenga bhate, waherawe.
\v 9 Twamebha cho erisondori, na n'ebha tu cho entamb' ino: amabhesa umpe wabhuture mwasi wakonda wasiana nang' wareninkwa bhanu, waherawe!
\v 10 Eo kwe, nironjei bhea ekihunange bho ngi chanikiry' ani, ari cha Ongo? Mbe nti nisonde ikokomesh' ebhea? N' amabhesa nti nisonde ikokomesh' ebhea, nti nty' ani tu mukori wa Kirisitu.
\p
\v 11 N'ibwirengi, bhanakitu, emwasi wakonda w' erirwanga bhanu n' ani nti wa mwea.
\v 12 Bhushwa nti nangirirangao ar' ininkwao na mwea, eina mw' isheiwa na Yesu kirisitu.
\p
\v 13 Abhesanga bhanu musi e micho yani karekare mo 'mpa y' ebhayahudi, bhuni bwanubyang' ani nguru n' eriany' erirameso ra Ongo.
\v 14 Ne abhesenga bhuri ani kubhusondori nguru mo' mpa y' ebhayahudi irenga bh'e myak' ani n' ebher' oanda rw'itu, nti n'irianyiwange n' erishima nguru esantungo sa bhatita.
\v 15 Eina, warekia wasasa ing' wandondoranga itukire mo bhura bwa koyo, na ng' wambikira mo nchumw'ae.
\v 16 Mw'inchea musiky' ae, kongo naturao munkati n' e nti basimira, kuruma, nti ntangasonda ihano kuri mwea.
\v 17 Na nti ntangataya ku Yerusaremu kuri mbibabhesenga ntumwa eraroso kury' ani, eina n' enda ku Arabia. Kuruma nakuruke ku Damasiki.
\v 18 Kuruma na myak' ishatu, nataya ku Yerusaremu mw' ienda kasibana na Kefa narika matu ikumu n'asanu mo mwae.
\v 19 Eina n'tasungi anga n' empe ntumwa, irenga Yakobo, musiky' abo Nyerekuritu.
\v 20 M'umbi byabhutiranyie ani, hamakako na Ongo, n'tangatima anga na kakeke.
\v 21 Kuruma nampo n'enda ku Suria na ku Kilikia.
\v 22 Nakubha, nti ntinisibhirwe mo marameso a ku Yudea ingy' arikire kuri Kirisitu.
\v 23 Bhabhesanga bhorukirange ho mbu ingu wabhesanga utunubyang' eraroso iy' oturang' ematw' ano er' isimira abhesanga r' ihangireng' iwe nguru.
\v 24 Na nti bhatatange Ongo bhushwa n' ani.
\c 2
\cl Chunda 2
\p
\v 1 Kuruma na myaka ikumi na inye, n' enda tu ku Yerusaremu hima na Barnaba, narondora Tito hima n' ani mwentindike.
\v 2 Ani n' enda mw' isheiwa, na shambar' ebhea e mwasi wakonda ingu ewaturang' ani munkati ebhabhi, eina mu nama k' uri mbi bhea bhatundwa, ritabhingi nakanyahe, bhusabhusa.
\v 3 Eina Tito, ingu wabhesanga n' ani, iwe nti muyunani, nti wamimwanga ekotende,
\v 4 Eina bhushwa bhanakitu mbi ebhakongobhanya ebhasoswanga munkati n' itu mu nama; mw' irorota er' ibha r' itu ishu k' uri Yesu Kirisito, m, w' ituria mu bhukobhe;
\v 5 Eina anga na ntambi n' ima nti t' warikw' e hicha ekwansi nabho, kongo er' eira re mwasi wakonda r' ibe hima n' inu.
\v 6 Eina imbi ebhatundwa, bhasungwa bhuri bhea bhakakare nti randaisha imbu ewabhesanga ekubhusondori, Ongo ntw' atina mweya, imbi ebhatundwa nti bharenimima kinwa kiti.
\v 7 Eina kare nambi bhinwa bhiti, bharekia bhasunga imbu namaterekwa mu mwasi wakonda kuri' mbi e nti bhende 'kotende, imbu bhuri Petero mo 'bhende 'Rotende,
\v 8 Bhushwa ingu ewaterekanga Petero wabhe ntumwa y' ambi, ng' iwe hotu wandonjanga ibha ntumwa y' ebhabhi,
\v 9 Na bharekia bhasibha enchumo eyaninkwanga ani, Yakobo, na Kefa na Yohana, bhasungwa nti ng' esankuso, bhan' orore, ani na Baranaba emine tusibh'iyenda ekuri e bheya bh' abhi, n' abho ienda kuri ebhayahudi.
\v 10 Eina kinwa kima chatwerenga bho mbu twenda twanikirange isak' ebhasene, inchi kinwa chabhesa nti kiri kuri ari ironja cho.
\p
\v 11 Eina Petero werekia w' eya ku Antiokia, n' ebhana nae meso mu meso, n' imufine bhushe wakomenwang'efinirwa.
\v 12 M' oriya e, warire hima n' ebhabhi mu ntengi n' ima, nabo nti ntibhasiana n' esantungo sabho sa karekare, eina bhira ba Yakobo bhayahudi bharikia bhamiya, Petero wareke irire hima n' ebhabhi, mw' isubhaha ebhayahudi mbi ebhabhesanga bharangana n' esantungo sa karekare, n' iebha mbu kusira ingu warama wamabha nt'wende 'kotende.
\v 13 E Bhayahudi ebhasianya, hima na Baranaba, bhabhesa bhuri bhasimira Petero.
\v 14 Eina, narekia namasunga emikorere ya'bho nti ntiyarengekana n' emwasi wakonda, n' ere Petero munkati n' ebheya bhati: umabha nti ongo Muyuda, mbutirwa bhutaka, ongo sondange isimanya emyomba y' ebhabhi n' itina emyomba y'e Bayuda, bhushwa nki ong' omimange ebhabhi bhemise esantungo s' e bha Yuda?
\v 15 Ani n' abhe, bhati bhayuda mbutirwa bhutaka, tutamubha bhabhi bhuri mbi e nti bhayuda;
\v 16 Tusi bhate bhayuda, imbu kusira ingu wamansirwa eira mo mikorere y' esantungo situ; eina mw' isimira Yesu Kirisitu, bhate mbi twasimiranga Yesu Kirisitu, kongo twansirwa er' eira mw' isimira Yesu Kirisitu; eina nti bhushwa mikorere y' esantungo,
\v 17 Eina tw' ebhe bhuni, twamabha nti twamasimira Yesu ngw' aturamye twasungwa nti bhate bhea bh' abhi, Yesu Kirisitu wamabha mukori wa bhibhi? Anga,
\p
\v 18 Bhushwa namasimanya ebhiti mbi ebyarekeng' ani, nti namabha mukongobhanya,
\v 19 Bhushwa, n'e myomba, ani nakwire munkati e myomba, mw' ishee karamo kuri Ongo.
\v 20 Nashurwanga hima na Kirisitu, eina niri ho; nti ani, eina Kirisitu ng' uri kumunda n' ani; n' ebhuingo bhuri n' ani m' omubhi, bhuingo bhuri mo Mwana wa Ongo ingu wanshimanga n' isibhura ebhuingo bwae bhushwanki.
\v 21 Nti nanena enchumo ya Ongo, bhushwa ramaba er' eira rashekananga mo myomba, kai er' ikwa ra Kirisitu nti rabhusa.
\c 3
\cl Chunda 3
\p
\v 1 E Bagaratia, bhanu bhashire? Inye ngw' arebhuroa, mutin' isimira er' eira, bhanu mbi mubhesanga hima na Yesu Kirisitu, musunga mo meso inu imbu ebwakonorwangae?
\v 2 Muncheanga kinwa kima: Muninkwanga e Mutima mushasha mo mikorere y' emyomba ari m' orikwerukira e mahano mw' isimira?
\v 3 E bhanu bhirunge, mumatangira ikora n' e mutima, bhanu musondonge iheyanya mo mubhi?
\v 4 Mukukumanana n'eminubho bhusabhusa? Amabhesa eira nti bhusa.
\v 5 Ing' wabhurebheka e Mutima mushasha, n' ikora bhishisharo munkati n' inu, waronja mbi mu mikorere ya myomba ari muiyorukira mw' isimira?
\p
\v 6 Imbu bwakianga Abrahamu wasimira Ongo, wasungwa nti mwea w' eira,
\v 7 Musibhirire mbu imbi bhari n'eresimira ng'ebhana bha Iburahimu.
\v 8 Hima nacha, erw' andiko itukire kare. rashea ngi ntambi ya Ongo waansir' ebhabhi eira mor' isimira rabho. Mwasi wakonda kuri Iburahimu, enganda siti saakasanyiwayo kuri ongo.
\v 9 Imbi ebhari n' emwenyihiro bhakasanirwa hima na Abrahamu min' emwenyihiro.
\v 10 Bhushwa ebhati bh' emikorere y' emyomba bhaherawa, bhushwa randikwa. waherawa kinsi mwea ingu usira ntambi y' ibhera munkati ebhiti mbi byandikwa kumunda n' ekarisi k' emyomba n' ikora byo,
\v 11 Rashea nti kusira mwea uti wamansirwa eira mo myomba mo makako a Ongo, bhushwa bhisa er' eira bhasesimayo mor'esimira rabho.
\v 12 N' emyomba nti bhushwa ensimiri, eina charebwa emwea ukorange imbi bhinwa ngw' arami mu'byo.
\p
\v 13 Kirisitu waretukurure, etuka mo r'otaki rw'e myomba, bhuri mbu ebwandikwangacho: Ubhesanga ntwamaherawa emwea uti wabhambwa mw'iyango.
\v 14 Kongo e mukisa wa Abrahamu wehiye esanganda iyetere kuri Yesu Kirisitu, kongo twaninkwa mukisa w' e Mutima mor'isimira.
\p
\v 15 E bhanakitu, nebhange bhuri mwea, nakiro endani yamaterekwa na mwea, kusira mwea wamuriribhanya yo, ari iongerere kinwa.
\v 16 Endani yaninkwanga kuri Iburahimu n'embuto yae, nti ch'ebwa mbu n'esambuto sae bhuri singi, eina imbu bhuri yo mbuto n'ima: na mo mbuto y'abhe, ng'er'iyebha mbu kuri Kirisitu.
\v 17 Sung' ebworukira 'ni: endani yaterekwanga na Ongo wesine er'isondori, itamukoch' eriribanyiwa, injo ndani yamakinda myaka mana 'nye na makumi ashatu.
\v 18 Ra mabha nti emwandu watukire mu myomba, nti ntiwatukire tu mo ndani, eina etukire mo ndani ngi mwakia Ongo waninka Iburahimu ungo muhango.
\p
\v 19 Emyomba yarishiwanga bhushwa nki? E myomba yarumishiwanga bhushwa n'ebhutengu n' erindirire eriya njo mbuto ya 'njo ndani, yaturwa n'esangashani iyetire murongani nge ntumwa.
\v 20 Injo ntumwa nti ntumwa ya mwey'uma, eina Ongo iwe uma.
\p
\v 21 Emyomba nt' isusene n' endani ya Ongo? Anga, nti ng'ebhumbo. Bhushwa kwamubhesange momba wamurisha karamo, er'eira ramutukirengi mo myomba.
\v 22 Eina erwandiko rwarekundika ebhati mo bhubhi; kongo ebyarairwanga mor'esimira kuri Yesu Kirisito mu'mbi bhasimira.
\v 23 Kubhusondori n' eriya ensimiri, twarangwanga n'e myomba, mw'erindir'ensimiri isungwe.
\v 24 E momba wabesanga nti mwenjo w' etwisha kwa Kirisitu, kongo twanswa iyetire 'nsimiri.
\v 25 Eina ensimiri y' arekind' iya, nti turi tu mo muri we nse myomba.
\p
\v 26 Bhushwa bhanu bhati bhana bha Ongo; m' onsimiri kuri Yesu Kirisitu.
\v 27 Bhanu bhati mbi murubhikwanga n' ekimishiwa kuri Kirisitu, mumambara Kirisitu.
\v 28 Nti kuri tu Muyuda, ari Muyunani, nti kuri tu mufuku ari 'ngu w' obhorwa nti kuri wabhume ari m' omina, bhushwa banu bati mwea uma kuri Yesu Kirisitu.
\v 29 Na ramabha nti bhanu bhana Kirisitu, mu mabhesa bh' erobhuto rwa Iburahimu bhe mwandu etukana n'endani.
\c 4
\cl Chunda 4
\p
\v 1 Muteereranga mbu e mwea wamakwa, na shekusiyerwa e mwandu wamabhesa ukiri mwana makeke, usungwange bhuri mukobhe na kiro wamubesa ng' emine mbyo bhikai ebhiti ebyakusiyererwae n' ishe;
\v 2 Eina wahw' iemisa 'mbi bhasimanire byo, n'ebharangi iy' ere wasekiyawaba na bwenge ewashang' ishe.
\v 3 N'ambo ngwabhesanga bhate kubhusondori n' eriya ra Kirisitu twabhesanga nti bhate bhafuku bh' emyomba n' esantungo s' ebhayuda, bhushwa twabhesa twanikirange mbu samuturamya.
\v 4 Eina entambi y' akonda ya Ongo yarekia yameya watuma musikewe ingu wabhutwanga na momina mo myomba.
\v 5 Wabhesa nti uri na murimo w' itukuto m' obhukobhe, kuri bhate mbi twabhesanga bhakobhe bh' emyomba, n' itubhindura ibha bhana bhae.
\v 6 Na twamabhesa nt' iye bhate bhana bhae, Ongo warebhekanga e Mutima wa musike we m' omitima y' itu mw' isonda tw' endi tw' ebhange mor' eira mbu Ongo ngi tita w' itu.
\v 7 Nti bhate bhakobhe tu, eina bhate bhana bha Ongo, na kuti ongo mwana, ongo mine mwandu mo nchumo ietire Yesu Kirisitu.
\p
\v 8 Kubhusondori erisibhirira Ongo mubhesanga bhakobhe bh' ikore tumoi nti tusibhirwe.
\v 9 Eina mumakind' isiba Ongo, na iye bhanu musibhirwe na Ongo, bhushwa nki mumakuruke tu mu mbi bhinwa bya bhutetera na bhusene, bhisondang'ikore tu bhanu?
\v 10 Bhanu mwansange matu, myeri, ebhiranga n'emyaka.
\v 11 Nasubhaha, namubhesa nti ninubhengi bhusa mor' ibhukore
\v 12 E chakong' ani kuri bhanu banakitu, mubhesanga bhuri ani, bhushwa ani nirikire bhuri bhanu. Ebhanakitu nibhukongange ncho nguru.
\p
\v 13 Eina bhanu m' usi mbu m' obhutetera bw' emubhi, ngi mwabhuturenga 'ni eraroso emwasy'akonda.
\v 14 Na mo bhutetera ebwabhesenga m' omubhi wani nti murensiyerere, ari nti muretina, eina munikoke bhuri ngashani wa Ongo, bhuri Yesu Kirisitu.
\v 15 Inki chashea er'eshima rinu? Bhushwa nisi mbu chamubhesange mbo, mumukurang' e meso inu n'imbese o.
\v 16 Namabha murenda w' inu bhushwa eribwere ho er' eira?
\v 17 Emuho uri nabho kuri bhanu nt'wakonda, bhasondang'ibhukuto kuri bhate kongo mwemisa bho.
\v 18 Rakonda ikora bhongo ematu ati, nakiro namubhesa nti n' iri n' inu.
\v 19 Bhanu bhana bhani bhanunke, niri tu na bwae kuri bhanu, hakiyayo Yesu wasungwa kumunda n' inu.
\v 20 Imbu ebhusondangi ibhesa ani hima n'inu, n' irenganya emurenge wani, bhushwa n' iri na koha kuri bhanu.
\p
\v 21 Mun' eri; bhanu mbi musonda kw' ehicha ekwansi n' emyomba? nti m' orukira e myomba,
\v 22 Bhushwa randikwa: Iburahimu wabhesanga na bhana bhabhi, uma wamubhutanga n'e momina mukobhe; n' eumpe kuri ngu mukari w' endani.
\v 23 Eina ingu mwana wabhutwanga n' emukobhe wamubhutanga m' omubi, n' ango umpe mo ndani.
\v 24 E bhinwa mbyo mushumo, bhushwa ebhomina bhano, ibho ndani sibhi uma ituka mo e r'ou rwa Sinai ngi mwaninkanangae e myomba, E r'ou Sinai ngi ngi rwabhesa buri Hagari.
\v 25 Bhushwa Hagari nge Sinai eruri ku Arabia rwasusanyiwa na Yerusaremu y' ematu itu ano; rurikire mu bhukobhe n'ebhana bhae.
\v 26 Eina Yerusaremu y' ekwiyo ngi koyo w' itu, bhate bhati.
\v 27 Bhushwa chandikwa: n' iebha bhuno: kokoma, ongo ngumba ukuwanga, ongo ngu utungairwa bhushwa mbu ebhana bh' emomina washombwanga bhingi irenga bh' angu momina wabhingwa
\p
\v 28 Kuri bhanu bhanakitu, bhuri Isake, bhana bha ndani.
\v 29 Eina bhuri ngo matu ingu mwana w' emubhi wanubyanga ingu wabhutwanga m' omutima, na ngi bhumbo ngi bhuri cho n' enompena.
\v 30 Erwandiko rw' ebha bhuni? Hensa emukobhe n' emwana wae, bhushwa emwana w' emukobhe utamura mwandu n' embutirwa bhutaka.
\v 31 Ngi bumbo, ebhanakitu, nti bhate bhana bha mukobhe, eina bhana bha nyangansi.
\c 5
\cl Chunda 5
\p
\v 1 Kirisitu waretobhora; musimikanga, mutukurukingi tu kuruma, mumekira mo kishoriya ch' ebukobhe.
\v 2 Mukohyanga, ani Paulo nibwerengi mumaninkwa mbu er'otende n' erisubhaha emyomba y' e Bayahudi ngi yasingwa musibwa na Ongo, kai Kirisitu nti usira tu nchi echamukorae.
\v 3 Nibwerengi tu mbu kinsi mwea wamaninkwa kinwa na Ongo n'er'otende wabhesanga nti watunda e myomba eiti.
\v 4 Mumasiarwa na Kirisitu bhanu 'mbi musondange mwansirwe bhongo iyeter' e myomba; musheiwa, n' ituka mo nchumo ya Ongo.
\v 5 Eina bhate mor'isimira ngi mwarinde bhate, mo Mutima 'konda emwenyihiro w'er'eira,
\v 6 Bhushwa ekuri Yesu Kirisitu ewatuninkwanga ekaramo k' ematu eati, nti twaraa tu ibha na koha k'er'otende, ari eruk'otende, eina erisimira ngi rikorange mo nchimi.
\p
\v 7 Mubhesingi nti bhanu mukanyahange ishu, inye ngwabhuhangire, efund'isimira er' eira?
\v 8 Nti Ongo ng'wakora'mbi bhinwa, bhushwa iwe ngw' abhurishienga ekaramo kuri Yesu.
\v 9 Ntero nkeke yamubhoya ebhiyo bhiti.
\v 10 N' iri na mwenyihiro kuri bhanu iyetire Nyerekuritu, mbu mukubhesa bhuri ani. Ongo ngi wafine ingu mwea eubhunubyange, ngi wakae mbyo bhinwa byae; na kiro wabhesa nye,
\v 11 N' ani, bhanu bhanakitu namebha mo mwasi w' er'otende n' erisimira e myomba y' e Bayahudi, bhushwa nki chasingwa nanubhiwa iya n'enompena? kuti ng' ebhumbo, kai ntamunubhiwange tu.
\v 12 E charaa mw' ani nt' isunga imbi bhea ebhabhunubyange, bhesine nti bhametunja kasa.
\p
\v 13 Bhushwa, mbu bhanu bhanakitu, mubhikirwanga mw' ituka mo bhukobhe; eina ekaramo kinu katabhingi k' ikor' emubhi, eina musakani mo nchimi.
\v 14 Bhushwa e myomba eiti yamabhererera mu kinwa kima, nacho nge kino: Ushimanga euri hima nabhe bhuri mbu ebweshima Ongo w' esine.
\v 15 Eina mumabhesa nti bhanu mubhabhayanange n' ikambana bhanu bhesine, n' ifund' ishimana, mukohyanga, mu mushamburana bhanu bhesine.
\p
\v 16 N' ibwerengi, mwemisanga emikorere y' e Mutima mushasha, bhushwa mutumakocha ikore ebhihuno by' emubhi.
\v 17 Bhushwa emubhi usondange ibhangana n' emutima, n' e mutima nao usondange ibhangana n' emubhi; bhushwa mbi bhibhi nti by' orukirane; bhihindanange; na mutumakora ebyamukorange bhanu.
\v 18 Kuti mwenjiwa n' e Mutima mushaha, nti nti bhanu muri tu hasikw' e myomba.
\p
\v 19 E mikorere y' emubhi isungwanga: Erosingirwa, e mikonsi, ebhuhaka,
\v 20 empero y' etumoi, ebhukufi, ebhurenda, e bhushokoshoko, erui, e bhusubuke, e bhushu esambangu, ebhushukishuki, erisingana bhinwa bya manko, meso ema ebhuyeri,
\v 21 ekarawa, e bhutamiri, e bhuroho ebyasusana n' ambi; m' umbi bhinwa, nabhusubhukia imbu ebwabwerenga ani itukira kare; imbi bhea ebhamukora mbyo bhinwa bhatangasungi e bhubhake bwa Ongo.
\v 22 Eina ebyuma by'eMutima mushasha: Enchimi, ngoa, bhuhoro, muho ebhongo, erikasanyie, er'eira, er'ikonda, e mutima more,
\v 23 Emyomba ntyasiana n'ebhinwa mbyo.
\v 24 Bhana Yesu Kirisito bhamasibhura emicho y' emibhi yabho hima n' emyanikiri y' ema n'e bhihuno byemema.
\p
\v 25 Twamabha ho mo e Mutima mushasha, twendi etukana n'e Mutima,
\v 26 Kiro twitata mu bhinwa bya bhusabhusa n' ishoshana, n' isonda ibhakana byabhene.
\c 6
\cl Chunda 6
\p
\v 1 Bhanakitu, uma mubhate wamakime mu bhubhi bhuti-bhuti, bhanu e bhea bhe Mutima, mukuruche mweya o mu mutima wa bhurongu; nt'wiranga ong'wesine umenda kakime mu mwereko.
\v 2 Musakani mo mirio yinu, ibho nti mubhereresha eh momba wa Mukota.
\v 3 Kuti e mweya wamesunga mbu we kikai, nawe nti kikai, nt'wehusange wesine.
\v 4 Kinsi mweya w' ereke murimo wae wesine, bhumbo wamukocha kw'itata wesine, nti mu bheya bhampe.
\v 5 Bhushwa kinsi mweya waseriayo emurio wae.
\p
\v 6 Ingu hanwange e kinwa wabhesi na muhango w'ebhiri nae isake 'ng'umuhanange.
\v 7 Anga kwitima: angi kamba Ongo, inchi ch'ekang'emweya ngi chaakaoyo we.
\v 8 Ingu weka mo mubhi, wakaoyo mu mubhi ina ingu weka mo mutima, wakaoyo mo mutima bhuingo bw'ematu ati.
\v 9 Ang' imusia ikora byakonda, bhushwa twaakaoyo mu ntambi yahunda, twamabhesa nti twareke.
\v 10 Ngi bhubho, twamashee ntambi tukie byakonda kuri ebhati, chahunda nguru, tukie byakonda kuri bhana bha Ongo.
\p
\v 11 Mukae rwandiko rukiri natiranya ro mo mwine wani.
\v 12 Ebhati mbi bhashima kw'ekiya shushu mo mubhi, mo kamimo k'erotende kongo tutanubiwi ngi bhushwa n'er'iyango ra Kirisitu.
\v 13 Bwisha 'mbi bhend'ekotende, bhisine, bhatangakae momba, ina bhashima, twendi ekotende, mu kweria mu mwanya mu mubhi wabhe.
\v 14 Mumbi byankae, kore nani, e mwanikiri wa kwiria kwiyo, kimpe kikai, ina murihango na mukota Yesu Kirisitu, bwisha kwisibhura mu chuo, imbu muriani mu chuo.
\v 15 Bhushha nti bhusa ekotende na anga, kusira otende. bwisha kikai kima nti ibhesi ubhuto rushasha;
\v 16 Bhuhoro na bhonso mo bhati bh'emisa e momba mo Isiraeri wa Ongo.
\p
\v 17 Kinsi mwea ituke runotu, watankwanyi mubhihumbo, bwisha naria mu mubhi n'ani rina ra Mukota.
\p
\v 18 Bhanakitu e mukisa wa Mukota Yesu Kirisitu ubhesi ne mitima inu Amina.