nyj_reg/48-2CO.usfm

\id 2CO
\ide UTF-8
\h 2 Bakorinto
\toc1 2 Bakorinto
\toc2 2 Bakorinto
\toc3 2co
\mt 2 Bakorinto
\c 1
\cl Chunda 1
\p
\v 1 Pauro, ntumwa ya Yesu Kirisitu mor' isasa ra Ongo, na munakitu Timoteo mor' irameso ra Ongo eriri ku Korinto na kw' ebhashuururwa bhati bhari ku Akaya kuti.
\v 2 Muninkwe 'nchumo n' ebhuhoro etuka kuri Ongo Tita witu n' ekuri Nyerekuritu yesu Kirisitu.
\p
\v 3 Wakasanirwe Ongo Tita wa Nyerekuritu Yesu Kirisitu, Tita w' ebhonso na Ongo w' er' ibhongabhonga.
\v 4 Ng' utubhongabhongange mo minubho yitu iti, kongo eribhongwabhongwa riri n' itu kuri Ongo, tukoch' ibhongabonga ebhari mo minubho!
\v 5 Bhushwa, imbu bhuriser' eminubho ya Kirisitu kumunda n' itu, imbo er' ibhongabhongwa n'itu rarisa kuri Kirisitu.
\v 6 Kubha tunubhange, nti bhushwa n' er' ibhongwabhongwa r' inu n' enchukaro y' inu; twamabhesa tubhongwabhongwange nti bhushwa n' er' ibhongwabhongwa r' inu, ngi r' isungirwange mo murindiro wer' isimana mo minubho iya iya Yakoba mo bhate.
\v 7 N' emwenyihiro witu kuri banu wasimika, bhushwa tusi 'mbu kubha bhanu muri na muhango mo minubho nti bhanu mukwengi na muhango mor' ibhongwabhongwa.
\p
\v 8 Tutangahuna ebhusiya nti nti bhanu musi, bhanakitu, mo minubho yatwehienga mo Asia, imbu bwanubhiwanga bhate rarenga iteyan' emaa itu, iya moero nti tusira tu mwenyihiro w' eribhesa n' ebhuingo.
\v 9 Na twasunga bhuri oku r' witu, kongo twabhesa na mitikotiko y'e mwenyihiro kuri bhate bhesine, eina eriya o kumunda na Ongo ng' ufurang' ebhakwi,
\v 10 Iwe ng' waturamyanga na ng'watukuto mw' oku rwa bhususe mbo ekuriwe iwe turi na mwenyihiro 'mbu waseturamyayo tu.
\v 11 Bhanu besine mutusaki n'e mahema inu, kongo enchumo yashee bhate kuri bhingi, ibhesi mu bhingi inse y' itukokome.
\p
\v 12 Bhushwa echaronj' ebwime bwitu nty' ekariho k' emuhake witu, ebwetinge bhate mo chuo, na nguru ekuri bhanu, hima n' eshuururwa n' ikoma hamakako na Ongo, nti mu bwenge bhwa mubhi, eina hima n' enchumo ya Ongo.
\v 13 Nti twabhutiranyie kimpe kikai irenga nchi kisisirisange bhanu, na bhanu bhesine musi cho. Na nisi mbu mukusibhirira cho iya hende.
\v 14 Imbu bwamasibha bhanu chunda mbu bhate bhusime bwinu, bhumbo hotu mukubhesayo bwitu mor' otu rwa Nyerekuritu Yesu.
\p
\v 15 Kumunda na ndo isheana, atuka nsondang' ienda kasa kuri bhanu, kongo mushee nchumo met abhi.
\v 16 Nabhesanga nsondang' ieta kokwinu mor' ienda 'ni ku Makedonia, kuruma ekuruka etuka ku Makedonia iya ko kwinu na mumuntindikengi ku Yudea.
\v 17 Mbe nti mor' isonda mbo, akosa rasangukaha? ari ense isondekanyange ani, inse yatukana na mubhi, iya moero kubhese erisia n'etina kuri ani?
\v 18 Na rakonda 'shu Ongo w' eira, ekinwa charebwire bhate kisira erisia n' etina.
\v 19 Bhushwa Musike wa Ongo, Yesu Kirisitu, ing' waturwanga n' itu munkati n' inu kuri ani, kuri Silvino, n' ekuri Timoteo nty' abhesanga erisia n' etina, eina e kuri we kuri ho erisia;
\v 20 Bhushwa, mu 'mbi byakae esendani sa Ongo, ekuri we ngi kwarisie to; ngy' asingwa hotu e bhibhesi mbo kuri we, ch'ebwa n' itu mo bwime bwa Ongo.
\v 21 Nawe ng' watukumanya hima n' inu kumunda na Kirisitu, na ng' waretutir' erungo, ngi Ongo,
\v 22 Iwe hotu ng' wareturia mo nsimiko na wariya mo mitima yitu ekikima ch' Emutima.
\p
\v 23 Nakubha, natinge Ongo mo kariho mo mutima 'ni, mweburanga ngy'akusingwa ntendi tu ku Korinto.
\v 24 Nti bhushwa n' ironj' emitima yinu mo bhukobhe mor' esimira r' inu eina twasake mosangoa sinu, bhushwa musimana mor' esimira.
\c 2
\cl Chunda 2
\p
\v 1 Nasunga mw' ani sine nti ntamukoch' ikuruke kuri bhanu mu bhonso.
\v 2 Bhushwa namaburishie bhonso, inye nti ng' wasenikokomya, kubha nti 'ngu wamarishie ani e bhonso?
\v 3 Nakutiranya bhuri bwakuronjanga 'ni cho kongo ntasungi bhonso mor' iya r' ani mu 'mbi bhamukomenwange 'nininka ngoa, mw' anga mitikotiko kuri bhanu esangoa sani sinu kuri bhanu bhati.
\v 4 Mu minubho mikiri, mu mutima wa bhonso, hima na bhiro bhingi, ngi mwakubhutiranyie ng' ani nti kongo mubhesa mu bhonso, eina kongo muteerera enchimi nkiri iri n' ani kuri bhanu.
\p
\v 5 Kwamabhesa uma ng' warish' ebhonso, nty' ani ng'wandishie 'bhonso, nti bhanu bhati, ari mw' efund' irengeresh'e mwebhe, bhima mu bhanu.
\v 6 Rakomenwa mu 'ngo mwea er' obansa rwaninkwae n' e bhingi.
\v 7 Nti mukoch' imusasira n' emubhongabhonga, mw' esubhaha wamukime mu bhonso bwarenga,
\p
\v 8 Nabhuhana mw' emushea kengeko ka nchime 'kuri we.
\v 9 Bhushwa nabhutiranyie hotu kongo nasibha, mw' ibwereka kubha musimira mu kinsi kikai.
\v 10 Nakubha, mu 'ngu wasasira bhanu, nti namusasira hotu; n' echakusasir' ani, kubha nakusasira kikai, nti bhushwa banu, hamakako na Kirisitu,
\v 11 Kongo nyamuraire watasiererwingi mwengerero kuri bhate, bhushwa nti twaser' emyanikiri yae.
\p
\v 12 E chasiya, narekiya n' eya ku Troa mo mwasi wakonda wa Kirisitu, nakiro 'mbu Nyerekuritu wandundurenga ko rubi, nti naruhukanga mo mutima, bhushwa ntinasunganga munakitu Tito;
\v 13 Ngy' asingwa, mor' irana 'ni nabho, nende ku Makedonia.
\v 14 Ongo watatwe, ng' utuninkange kir' otu er' ikocha kumunda na Kirisitu, n' ang' wansansa kuri bhate mo bhuari bhuti e rungo rw' erimusibha.
\v 15 Twabhesa, kuri Ongo rungo rwa Kirisitu, munkati n' ebhar' oshukara na 'mbi bharimina.
\v 16 Mo bima, bhumbwa bw' oku, bw' eninkan' oku; mo bhampe, bhumbwa bwa karamo, bw' eninkana karamo. Na 'nye ngwarumisha 'mbi bhikai?
\v 17 Bhushwa nti twariribhanya ekinwa cha Ongo, ebhuronjange bhingi; eina nti hima n' eira, kuri Ongo, kisingwange tw' ebha kumunda na Kirisitu hamakako na Ongo.
\c 3
\cl Chunda 3
\p
\v 1 Tubhuche tu kw' itata bhate bhesine? ari twaraa, bhuri bhima, mu rwandiko rwitata bho rwatuka kuri bhanu, ari ihema ro kuri bhanu?
\v 2 Bhanu ng' erwandiko rwitu, rwatiranyiwa kumund' emitima y' itu, isibhirwe n' esisiriswa n' ebhea bhati.
\v 3 Bhanu rwandiko rwa Kirisitu rwesungwa, rwatiranyiwa n' emurimo witu, nti hima na bwino, eina hima n' e mutima w' e Ongo 'ng' uri ho, nti mu bhisai bya makoi, eina mu bhisai bya nyama, mo mitima.
\p
\v 4 E mwenyihiro 'ngo, turo nao kuri Kirisitu etuka kuri Ongo.
\v 5 Nt' iebha mbu tukwengi bhate bhesine kara kironja kikai ch' etuka kuri bhate bhesine, Ekara kitu, nt' imbo kasaire kuri Ongo.
\v 6 Waretubhundura ibhesa na kara kibhesa bhakori bha ndani nshasha, nti ya mitiro, eina ya Mutima, bhushwa erwandiko r' ushuranga eina e mutima urishanga karamo.
\p
\v 7 Na kubha e murimo w' er' oku, ing' watiranyiwa mo bhisai by' emakoi, byatatwanga, iya moero ebhana bh' ebhaisiraeri bhabhesanga bhatangakoch'esumya e meso mo mbaso ya Musa, bhushwa n' ebwime bw' embaso yae, nakiro eribhesa ebwime mbo bw' ieta,
\v 8 Met' anga e murimo w'e Mutima ufundw' itatwa nguru!
\v 9 Amabhes' e murimo w' erobhansa watatwanga, e murimo w' er' eira warenga bhukiri mor' itatwa.
\v 10 Na mor' irengana ndo, ing' wamutatwange nt' waribhesaro, bhushwa na 'ndi itatwa ramurenga.
\v 11 Himpo kwe, kubha ew' er' iyeta watatwanga, ing' wasimana watatwa irenga.
\p
\v 12 Mor' ibhesa na 'ngo mwenyihiro, twabhunduke nti tusira mitikotiko.
\v 13 Na tutangaronja bhuri Musa, ng' wabhesanga ubhumbengi embaso yae, kongo ebhana b' ebhaisiraeri bhatasumyingi emeso hende n' ech' er' ieta.
\v 14 Eina bhasum' iyorukira. Bhushwa iya runotu erekw' ebhumbe rikiri ho mo ntambi isisirisange bho 'rihano raroso, na bhatangasimana, bhushwa kuri Kirisitu ngi twatunjiwa ro.
\v 15 Iya run' otu, umasisirisa Musa, mo mitima yabho mwarirekerwa ch' ebhumbe yo,
\v 16 Eina emitima yamabhunduka kuri Nyerekuritu, ekibumbiro nti chatuka.
\v 17 Nampo, Nyerekuritu, ng' e Mutima, n' e hari e Mutima wa Nyerekuritu, himpo ngy' ari eshu.
\v 18 Bhate bhati mbi embaso sisungwange sashea er' itatwa ra Nyerekuritu, twarebhundurwa mw' ishea mbo bhususe bhuma bhuma, itatwa mw' itatwa, kuri e Mutima kuri Nyerekuritu.
\c 4
\cl Chunda 4
\p
\v 1 Ngy' asingwa mor' ibhesa n' emurimo uno etukana n' ebhonso bwaronjierwanga bhate, tutamuruha.
\v 2 Twatin' ebhikai by' esankene 'mbi bhikorwange mu nama, tusira mwenjo wa mpuse, na nti twabhundurany' ekinwa cha Ongo na bhushukishuki. Eina mor' eture r' eira, t' weninkanange mukinsi muhake wa mwea hamakako na Ongo.
\v 3 Kubha emwasi wakonda witu ukiri wabhiswa, wabhiswa mu 'mbi ebhariminange,
\v 4 Mo bhea bh' e bhubhi e ongo wa kino kiranga wareria mwerimya mo bwengy' abo, kongo bhatasungi ebhusakang' echaka ch' emwasi wakonda w' er' itatwa ra Kirisitu ng' e nsusanya ya Ongo.
\v 5 Tutangatura mwasi witu bhate bhesine; mwasi wa Yesu Kirisitu ng' uturange bhate, na twetikongi 'mbu bhate bhakori bhinu bhushe Yesu.
\v 6 Bhushwa Ongo, war' ebha: E chaka kisesakayo kumunda n' emwerimya! Waresach' echaka kumund' emitima y' itu, mw' ishea eresibhirir' eritatwa ra Ongo mo mbaso ya Kirisitu.
\p
\v 7 Twaria ebhusoki 'mbo mu nsara s' oto, kongo ebhunkangwe bhukiri bwabhesa bwa Ongo, na nti kuri bhate.
\v 8 Twamabhesa mu kinsi bhususe bwa minubho, eina nti twakuruke kuruma; munkati n'e minubho, eina nti mw'eruka mwenyihiro.
\v 9 Tunubhiwange, eina nti twasierwa; twahumbwa, eina nti twarimina;
\v 10 Bhariya ematuati hima n' itu mo mubhi witu er' oku rwa Yesu, kongo e bhuingo bwa Yesu hotu bwasheiwa mo mubhi witu.
\v 11 Bhushwa, bhate 'mbi turi ho, twaresibhurwa mor' oku angi reke bhushwa na Yesu, kongo ekaramo ka Yesu kasungwa hotu mo mubhi witu w' er' ikwa.
\v 12 Bhumbo eroku rukorange kumunda n' itu, n' e karamo kakorange kumunda n' itu.
\p
\v 13 Na 'mbu bhukwengi bhate mutima uma w' er' esimira ing' webwange mukino kinwa ch' emitiro: Naresimira ngy' asingwa rebha! na bhate hotu twasimira, na bhushe nancho ngy' asingwa twebha,
\v 14 Mor' esibha mbu ing' wafuranga Nyerekuritu Yesu wasetufurayo na bhate hotu hima na Yesu, na usetusheayo hima n' inu hamakako nae.
\v 15 Bhushwa ebhiti 'mbi byeyange bhushe n' inu kongo ebwime, mor' ibhesa bho bwingi, bhuruye er' itatwa ra Ongo, mo bwime bwae mu bhingi.
\p
\v 16 Ngy' asingwa tutateteri. Na kiro emwea witu w' ekubhutara wabhihabhiha, emwea witu w' ekumunda ubhundukengi mushasha otu mw' otu.
\v 17 Bhushwa e minubho yohoha yitu y' e kashangi kano itubhutengi, irenga kinsi ngerero, ya bhuritohe bw' itatwa r' ematu ati n' e ati.
\v 18 Bhushe twakae, nti mu bhikai bhisungwange, eina mu 'mbi bhitangasungwa; bhushwa ebhikai 'mbi bhisungwange ibyo byieta, na nti byeresungwa ibyo byematu ati n' eati.
\c 5
\cl Chunda 5
\p
\v 1 Tusi mbu kuti erihema rino erarika mo bhate mo chuo ramabhihabhiha, turi na bhuri kimo mbingu murimo wa Ongo, bhuriki bw'ematu ati n'eati nti bh'waronjiwa na mine ya mwea.
\v 2 Turi n'ebhibhe, mumwanikire w'imbara e bhuriki bwitu bwa mo mbingu,
\v 3 Amabhesa nti twakumanwa twambara na nti turi munkanga.
\p
\v 4 Bhushwa e matu ati arikire bhate mor' ihema ndo, tunubhange, bhushe tusondange, nty' etuka muro, ina iambara, kongo indi r' erikwa riminwe n' e karamo.
\v 5 N' ewaturengekanya mu 'ncho, nti Ongo, ngwaretunink' ekikima ch'e Mutima.
\p
\v 6 E matu ati tusira mitikotiko, na tusi 'mbu mor' ibhesa kumund' emubhi uno, nti turi kore na Nyerekuritu.
\v 7 Bhushwa twendange mor' esimira nti mor' ikae.
\v 8 Tusira mitikotiko, na twashima 'shu etuka mo mubhi uno n' erika kwihi na Nyerekuritu.
\v 9 Bhushe na 'ncho hotu tw' eninka maa mwemukokomesha, twamubhesa mo mubi, ari twamutuka muo.
\v 10 Bhushwa twakomenwa bhate bhati esungwa hamakako n' er' obhansa rwa Kirisitu, kongo kinsi uma waninkwa etukana n' ebyakonda ari e byema byarekia we, nt' ukiri mo mubhi wae.
\p
\v 11 Mor' esibha ebhoba bwa Nyerekuritu, tusondang' ebea batusimire; Ongo utusi, na niri n' esibha 'mbu mo mwanikire winu bhanu mutusi hotu.
\v 12 Nti tweriya tu bhate bhesine kuri bhanu; eina twabuninka kashangi ka kwitata bhushe bhate, kongo mukoch' isako mu 'mbi bhitatange mo by' eresungwa na nti bya kumund' e mutima.
\v 13 Amabhesa nti naruka bwenge nti bhushe Ongo; amabhesa nti niri na bwenge nti bhushe bhanu.
\v 14 Bhushwa enchime ya Ongo yatuninka muho, bhushe twasimira mbu amabhesa kuri uma watukwirenga, kai ebhati nti bhakwire;
\v 15 Na nt' warekwire 'bhati, kongo ebhari ho bhatabhesingi ho mw' ibho bhesine, eina kuri 'ng' wakwanga n' efuka bhushe n' abho.
\p
\v 16 Nampo, etuk' enompena nti tusi mwea etukana n' emubhi, n' amabhese twaresibha Kirisitu etukana n' emubhi enompena nti tumusi tu mu 'mbo bhususe.
\v 17 Kubha mwea uri kumunda na Yesu, iwe ntie mushasha. E bhikai bya kare nti byameta, Sung' ebhikai bhiti nti byamabhunduke bhishasha.
\v 18 N' ebhiti mbyo byatuka kuri Ongo, ng' wareturonganya nae kuri Kirisitu, na ng' waretunink' emurimo w' er' ironganya.
\v 19 Bhushwa Ongo wabhesanga nt' uri kumunda na Kirisitu, mw' ironganya echuo hima nae w' esine, mw' angi ansire bho e bhibhi byabho, na waria kumunda n' itu e kinwa ch' er' ironganya.
\v 20 Turonjange himpo murimo wa ntumwa sa Kirisitu, bhuri ongo iyetire bhate twabhubhongabhonga mo rina ra Kirisitu: mubhese nti muronganyiwa na Ongo!
\v 21 Ingu nt' waresibha bhibhi, wamuronja wabhunduki bhibhi bhushe bhate, kongo twabhunduke kuri we eira ra Ongo.
\c 6
\cl Chunda 6
\p
\v 1 Bhushwa tukorange hima na Ongo, tubhuhemange nti mutusimiri enchumo ya Ongo ibhese bhusa.
\v 2 Bhusha webha: muntambi yakomenwa nakukorukirenga, mor' otu rw'e nchukayo nakutabhire. Sunga kw' entambi yakomenwa, sunga kw' er' otu rw'e nchukayo.
\p
\v 3 Tutangahun' esitaya mwea mu kiti-kiti kongo murimo witu utakambwingi.
\v 4 Eina tw' ironja bharawa mo bhiti, bhuri ntumwa sa Ongo n' ibhesa na mutima wasuma mo ntambi sema, munkaty' ebhikubha na mo minubho.
\v 5 Munkati erihumbwa, mor' eminwa, momyereko, mo mario, mor' ikeresha, mo mahemo asir' er' erisa;
\v 6 Mor' ishururwa, mori siba, mor' irindire, mo bhongo, mo mutima wa shuururwa, mor' ishima ndi rakonda.
\v 7 Mo kinwa cher' eira, mo bhunkangwe bwa Ongo, mo by'er' ikwana na by'er' ikwiranga mor' erira.
\v 8 Munkati ne wime n'enkene, munkati n'e nkuru y'ema n'e yakonda; byasungwa buri bhushukishuki akiro byeira.
\v 9 Bhuri nti tusibhirwe, akiro tusibhirwe ishu, bhuri bakwi, na sunga kwe turi ho, bhuri bhahumbwa akiro nti twariarwa mwikwa;
\v 10 Bhuri bhea bha bhonso, na turiho mwimoa, bhuri bhasene, na twatumbia bhingi; bhuri tusira nki; na turi na bhikai bhiti.
\p
\v 11 E bhunu bwitu bwobhorwa kuri bhanu, bhakorinto e mutima witu mukiri;
\v 12 N'ti bhanu bhakeke kumunda nitu ebhiri kumunda niinu byasonda.
\v 13 Mutukuruchii byo bhuubho, nibwerengi bhuri bhana bhani, mubhesi na bhanu na mutima waariha.
\p
\v 14 Kiro mubhesa mu rwanko hima n'ebhabhi bhushwa isimirana nki ririkire munkati ereira ne bhubhi? Ari simirana nki riri munkanti echaka n'emwerimya?
\v 15 Isimirana nki riri munkanti na Kirisitu na Beriari? ari muhango nki ngurikire ne wasimira hima n'entiwasimira?
\v 16 Isimira nki riri munkati erirameso ra Ongo ne tumoi? Bhushwa bhate irameso ra Ongo ngu 'riho, bhuri ebwebha Ongo: nserikayo n'itamba kumunda nabho; nabesayo Ongo wabho, nabho bhasebhesayo bhea bhani.
\p
\v 17 Ngi chasingwa, mutuke munkati nabho, na musiane, ngw' ebha Mukota, kiro mutinge mu chema, na nabhukoke.
\v 18 Nabhesa kuri bhanu Tita, na bhanu mubhesa kuri ani bhasike na bhikumi, ngw' ebha Mukota mine- bhunkangwe.
\c 7
\cl Chunda 7
\p
\v 1 Ebhuri bhate na ndani bhuri nsi bhanakitu, tweshuurure n' emikonsi itiy' emubhi na y' emutima mor' irengecha ereshuururwa r'itu mor' esubhaha Ongo.
\p
\v 2 Mutuninke bhuari mo mitima inu! Nti twakuronjie mwea bhubhi bhutibhuti, nti twa kunubya mwea, nti twakutunja musorore mu mwea.
\v 3 Nt' ibhuker'obhansa ngy'asingwa n' ebha mbo; bhushwa, Nakwebha kare bhanu muri mo mitima yitu mo karamo na mor' ikwa.
\v 4 Niri na mwenyihiro mukiri ninu, niri na kwitate bhanu, nirisere mikocho, ninisere ngoa munkati ne minubho yitu iti.
\p
\v 5 Bhushwa, itukire moria ritu ku Makedonia, emubhi witu ntwa ruhukanga; twabhese na minubo ya kinsi bhususe: mbua habhutara na koha kumunda.
\v 6 Ina Ongo, ngu bhongabhonganga ebhamaruha watubhongabhonga mor' iya ra Tito,
\v 7 Na nti muria rae ho, ina tu muribhongabhonga rakusunga Tito wesine kuri bhanu: wakututur' embusha y'inu nkiri, e minsori y' inu, emuho winu kuri ani, byakuronj' erimoa r'ani ibhesa ringi.
\p
\v 8 Akiro nakubhuyanga bhonso mo rwandiko rwani, nti nabhundura kikai. Amabhesa nakubhunduka, bhushwa nasunga mbw' erwandiko ndo rwakubhurishie bhonso, akiro mbu atuka mu ntambi nkeke.
\v 9 Namoa mo ntambi ino mo chakubhurishieng' ebhonso eina mo bhonso bwinu bwakubhurishie erebhunduka; bhushwa mukubhesanga na bhonso bhur' ebwasasa Ongo, kongo mutu sheingi kuri bhate kikai chema.
\v 10 Nambo, ebhonso bhuri bwasasa Ongo ribhutanga ibunduka ra nchukayo indi ntir' ebhunduka tuyo eina ebhonso bw' echuo bhurishang' oku.
\v 11 Nasunga, ebhonso bw'erisasa ra Ongo uni muho ngi ntwakuninkwa bhanu! Iebhererwa nki, bhuyongwa nki, bhobha nki, kihuna nkikikiri, muho nki, obhansa nki! Mushea ekuti mbu mukoma mumbi bhikai.
\v 12 Amabhesa nakubhuronjie rwandiko, abhesenga nti bhushe nangu wakuronj'erokambo, na nti bhushwa nangu wakukambwanga: atuka nti kongo emuho winu. kuri bhate usungwe munkati ninu hamakako na ongo.
\v 13 Ngi chakusingwa twerukira shu mo mutima. Ina kimpe, eribhongwabhongwa ritu, twa kumoanga nguru rarenga mo ramoo rwa Tito, na kinsi mwea mubhanu e mutima wasika.
\v 14 Nakubhesa na kwitata rikeke bhushwa ninu ekuri we nti na kurengwarengwa; ina, bhuri bhubhushishanga bhate etukana n' ereira, echakw' itate bhate kuri Tito, chakubhesa nti nge r'eira naro.
\v 15 Wakushea nchime nkiri kuri bhanu, mor' isubhukiy' eriorukire bhati rinu, na mor' imukoke ramuronjienga bhanu hima na bhobha n'ikake.
\v 16 Nirisere ngoa ekuri bhanu mor' ibwenyihire mo bhiti.
\c 8
\cl Chunda 8
\p
\v 1 Tubhusheange, bhanakitu, enchumo ya Ongo eyakwishea mo marameso a ku Makedonia.
\v 2 Munkati ne minubho mingi eya nubyangabho, e bwingi bwe sangoa sabho ne bhusene bwabho bhukiri byakubhuta bhutumba mo kwesumya kwabho.
\v 3 Nasimira bhakuninkananga mo risasa rabho itukana ne kara kabho, nirenga ekara kabo,
\v 4 Mw'etuhema n' esisinya enchumo y'ibhesa murisakirwa rebhashuururwa.
\v 5 Nti bhusha bhakukongora bhuri ebwenyihire rero bhate, ina bhakw'esibhuranga bhesine kuri Mukota, na kuri bhate, murisasa ra Ongo.
\v 6 Twakuninka Tito murimo wikindanya kuri bhanu emurimo ngo we mikorere yakonda, bhuri ebwabhuchanga we.
\v 7 Na bhanu hotu mukoche mo bhikai bhiti, mo risimira, mo kinwa, mo risibha, mo k'emine mo kitikiti, na mo nchimi yinu kuri bhate, mukie mwesimiki mo bhikai bhiti byakonda.
\p
\v 8 Nti nebha mbo mw'eninkana momba, ina mw'esimira, mo k'emine ke bhampe, e r'iera re nchimi yinu.
\v 9 Bhusha banu musi enchumo ya Mukota Yesu Kirisitu, kuri bhanu wekia musene, mo bhutumba bwabhesanga n'e, kongo mo bhusene bwae mubhesi bhatumba.
\v 10 Ungo mwanikiri wabhunink' ani bhusha wabhukomenwa, nti mu bhanu bhesine emubhuchanga erisubhie, ina ebhasheanga erisasa rae itukire mo mwaka wakwetanga.
\v 11 Mushiri mpo mor' esubya, kongo rabhererera bhuri emaa inu asubya mo kemine ekasasa bhanu.
\v 12 Erisasa rahunda, kubha ririho, rahunda iyetire mbi byamusheero, nti mbi bhisira ro.
\v 13 Bhushwa nty'ebhuria mu bhonso muri heheya e bhampe, ina iyemisa mumba wirengekana: mo kiti chasungwa nti bhusa mw'eninkana mu mirao yabho.
\v 14 Kongo ebhusa bwabho bwasake mo bhinu, mwishea mbu kubhunduki iringekana.
\v 15 Bhuri ebwatiranyiwa cho: e wasombonga ebhingi ntwabhanga nabhingi, ne wasonbonga e bhikeke ntwa ruka byo.
\p
\v 16 Ongo watatwe mo byakuria we mu mutima wa Tito ne muho kuri bhanu.
\v 17 Bhushwa wakusimira e mahemo itu, na mu muho mushaasha n' erisasa rae ngirakumwenja kuri bhanu.
\v 18 Twamutuma hima n'emunakitu ingw'eritatwa rae mo mwasi wakonda ramorukirwa mo marameso ati.
\v 19 Nangi warondorwa ne marameso kongo wabhesa mutindiki witu mo ruendo rwe murimo wakonda, eubherereshange bhate mu wime bwa Mukota na mo kariho kerisasa ritu rahunda.
\p
\v 20 Twaronja mbo, kongo mweya utatwekingi mu kinwa chebwingi bw'emukongoro mobhihanange.
\v 21 Bhushwa tusondange imbi byakonda, nti kubhusondori na Mukota ho, ina kubhusondori hotu ne bhea.
\v 22 Twamutuma na munakitu ing' usi bhate mo muho mungendo singi, n'ushenge o nguru bushwa ne mwenyihiro mukiri kuri bhanu.
\v 23 Nampo, kuri Tito, uma mu bhate na mutindikiri mo murimo kuri bhanu, na kuri bhanakitu nge santumwa se marameso, e wime bwa Kirisitu.
\v 24 Muninkanga bho hamakako ne marameso, e r'eira r'e nchime yinu, namushea kuribho mbu turi na kinwa cha kwitata kuri bhaanu.
\c 9
\cl Chunda 9
\p
\v 1 Rabhusa nibhutiranyii itinge morisakirwa re bhashuururwa bwakw'ebhanga'ni.
\v 2 Nisi, erisasa rinu rahunda, chasingwa nitata kuri Ongo kwa bhisa ku Makedonia, iebha mbu Akaya bhamirengecha itukire emwaka wakweta, n'emuho ngo kuri bhanu wakusimo bhea bhingi.
\v 3 Natuma bhanakitu, kongo enkuru yakukiya bhate itabhesingi bhusa mo kinwa ncho, na mw'irengeche buri e bwa kwebhanga 'ni.
\v 4 Nti nashima, kubha bhisa ku Makedonia bhantindikia na bha bhukumane ntiti mw'irengecha, ne mwenyihiro utukuruki mor'irengwarengwa ritu, tutebhengi mo binu.
\v 5 Na kwanikiranga rahunda nibhikire bhanakitu bhendi bhusondori kuri bhanu, kongo bhakae emihango y'inu bwarumira yo, mungerero atabhesingi mitato.
\p
\v 6 Musibhanga, mbwe weka mirime mikeke, nt'wasenoa na mikeke, ne weka mingi nt'wasenoa mingi.
\v 7 Kira mwea watunje bhuri ebwahaka emutima wae, anga mu bhonso ari koha; bhushwa Ongo washima e uninkanange na ngoa.
\v 8 Na Ongo wamubhurumishie kinsi bhususe bwa nchumo, kongo, byenda kore na mu bhimpe bhikai mwisukucha emirao yinu iti, mushei bhingi mu kinsi murimo wahunda.
\v 9 Bhuri ebwatiranyiwa cho: wakukia bhutumba, waninkanabho mu bhasene; e r'eira rae risira hende.
\p
\v 10 Ng' uninkanange esambuto mu bheki bhesambuto na tumbonsa mu bhiyo byae, wabhuninka n' irumisha e mbuto, na warumisha ebyuma by'er'eira rabe.
\v 11 Mubhesa bhatumba mo bhikai bhiti, mu maa inu ati murie o kuri Ongo mikorere y'imutata.
\p
\v 12 Bhushwa emuhururo we risakirwa nti mu kihuno che bhashuururwa, eina ikiri 'nse nkiri mw'itatirisha Ongo.
\v 13 Murisimira emuhururongo iyemisanya n'ebwaasunga bho, bhatata Ongo mor'iyorukira rinu mo murimo we mwasi wakonda wa Kirisitu, na mor'isasa n'e r'ikocha rinu kuri bho na kuri ebhati.
\v 14 Bhabhuhemengi, bhushwa bhabhushima mu nchumo nkiri eya bhuninkanga Ongo.
\v 15 Itatwa kuri Ongo mo mihango yae ebwakomenwayo.
\c 10
\cl Chunda 10
\p
\v 1 Ani Pauro, nibhuhemange mo bhurongu na mo bhoonso bwa Kirisitu, ani mweya hehera moresungwa kubha niri kubhusondori n'inu, n'erisa muho kuri bhanu kubha niri kore.
\v 2 Nabhuhema, nsekiya nabhesa kwihi n'inu kiro nabhesa na 'ngo muho hima na mwenyihiro wanikirangy'ani ikora mu 'mbi bhatusungange bhuri twemisang'emubi.
\v 3 Kubha twendange ma mubhi, tutanga kwana etukana n'emubhi.
\v 4 Bhushwa ebhikwanishange n' itu nti bya mubhi, ina bhiri na maa, a Ongo mw'iendura ebhihanga.
\v 5 Twabhundure emihaki na kira kikai chesunga habhasirwa ne mihaki ya Ongo, n'er'ikecha kinsi mihake yema esimira Kirisitu.
\v 6 Turiho mwininkana okemo mu kinsi bhutengu, mukukiya mumarisia er'esimira ishu.
\p
\v 7 Bhanu musungange mo meso! kubha mwea witatange mbu wa Kirisitu, weshishe wesine bhuri mwea wa Kirisitu, na bhate hotu bhea bha Kirisitu.
\v 8 Na kubha namwitatange kakeke mo bhukakare bwatuninka Mukota mor'iumbwa r'inu nti morishamburwa rinu, ntamukwirengi ro nkene.
\v 9 Kongo nta sungwingi mw'eburishie bhobha mu mitiro yani.
\v 10 Bhushwa, bhebhange, e mitiro yae yasua nguru na yasuma, ina morimusunga, watamba, n' ebhinwa byae bya nenwa.
\v 11 Nangu webhange bhuno wansange mbu bhino turi mu kinwa mitiro y'itu, kuti tusira ho, ngi bhuri bate mo mikorere kuti turikire.
\p
\v 12 Tutamukocha kwirengecha, ari kwesusanya na bhima mumbi ebhienjange. Ina, mu kwirengecha mongerero yabho bhesine, bharuka bwenge.
\v 13 Mu bhate, nti twashima kwitata irenga kinsi ngerero, ina twatingire mungerero yeribhanya ebya tukorenga Ongo, n' iturisha kuri bhanu.
\v 14 Nti twakunduka ebyati bhitu, buri nti twiyanga kuri bhanu, bhusha rashea kuri bhanu nge chasingwanga twiya n' emwasi wakonda wa kirisitu.
\p
\v 15 Nti kumushi na kira ngerero, nti mirimo ya bhampe, nge chasingwa twitata; ina hima n'e mwenyihiro, kubha, erisimira rinu, ramoshuka nguru etukana n'e byati byaninkwanga bhate.
\v 16 N' itura emwasi wakonda kore ninu, angi kwitata mo bya kukiyerwanga mo byati ebyaninkwa bhampe.
\v 17 Ing'wasekwitata witate kuri Mukota.
\p
\v 18 Bhushwa ntingu wienjange wesine ng'wasimirwa ina ewenjiwange na Mukota.
\c 11
\cl Chunda 11
\p
\v 1 Mumunsimirange kuti mo bhuashaasha bwani. Eina mumanisake!
\v 2 Bhushwe ani mwea wa mono kuri banu mu mono wa Ongo, Bhushwa nar'ibhusondekanyie wabhume uma muribhushea kuri Kirisitu bhuri kitasa.
\v 3 Ebwakiyanga muna nsoka wahusa Eva mo mpuse yae, nasubhaha mo bwenge bwinu, kiro bwachurwa n'ebhundurwa etuka erihunda ra Nyerekuritu.
\v 4 Bhushwe, kuti uma wameya kabhuhana, umpe Yesu nti 'ngu wakuhanwa nitu ari mumaninkwa umpe Mutima nti 'ngu waninkwanga bhanu, ari umpe mwasy'akonda nti 'ngu watingiriranga bhanu, nti mukia 'shu imurindire.
\v 5 Nakubha n'esunganga nty'ani mukeke ireng'esantumw s'aroso nkiri-nkiri.
\v 6 Kuti namurengwarengwa etukana n'emwebhe, nti 'nge bhumbo mo bwenge na nashea cho ekuri bhanu mu kinsi kikai.
\p
\v 7 Ani nakiyanga bhubhi mor'ikwehicha ani sine, kongo mukukumwa mor'ibhutur'emwasy'akonda wa Ongo busa?
\v 8 Nabhesa nti ninyakange ampe marameso, mor'impa o ohembo, mw'ibhukore na nakukiya nirikire ko kwinu mo ntambi y'emirao nti narihema mweya.
\v 9 Bhushwa bhanakitu mbi bhatukange ku Makedonia bhabhesanga bhariyang'emirao yani. Mo bhikai bhiti nabhesa nti n'irangange kuri bhanu, na nikiri nsekwiranga mwefundi bhuriesha emirao y'ani.
\v 10 Mor' eira ra Kirisitu ndi ririkire kumunda n'ani, n'ebha mbu er' itatwa ntamuruka ra mor'oharo rwa ku Akaya.
\v 11 Bhushwa nki? Bhushe nti nabhushima? Ongo usi.
\p
\v 12 Eina ekironjangy'ani nasekora cho, kongo nahangire ebhasondange bhuari bhatasheingi bho, bhabhesi bhuri bhate mo bhikai byitatange mo bho.
\v 13 Imbo bhea bhatahwa bha manko, bhakori bhashukishuki, bh'iambichange bhususe bwantumwa sa Kirisitu.
\v 14 Nti cheshishaya, Nyamuraire webhunduranga mu bhususe bwa ngashani ya chaka.
\v 15 Nti bhinwa bhishasha na mo bhakori bhae mor'ikwebhundura bhakori bh'er'eira. Engendero yaabho isesusana n'emurimo ukorange bho.
\p
\v 16 N'ebha tu kiro mweya wansunga bhury'ani kirunge; nti 'mbo muntingi bhuri kirunge, Kongo n'ani n'etundurika rikeke.
\v 17 Echebhangy'ani hima na mwenyihiro wa kw'etundurika, n'ebhange cho nti chatukana na Nyerekuritu, ina bhuri bhuashaasha.
\v 18 Bhushwa kuri bingi bhitatange etukana n'emubhi, n'ani hotu nsekwitata.
\v 19 Bhushwa bhanu mworukirengi n'ebhiashaasha bhanu 'mbi mukwengy'ebwenge.
\v 20 Kuti mweya wabhusimanire, kuti mweya ubhurirengi mo, kuti mweya wabhunyaka, kuti mweya w'eyume, kuti mweya wabhukasure hambaso, nti mumukairire.
\v 21 Nakwa nkene s'iyebha cho, twamashea bhutetera, Nakubha ebhiti byamereka mweya, nebhampe buri kirunge, n'ani namwereka byo.
\v 22 Ibho bhaebrania? N'ani hotu; Ibho bhaisiraeri? N'ani hotu. Ibo bhana bha Iburahimu? N'ani hotu.
\v 23 Ibho bhakori bha Kirisitu? N'ebha mpo bhuri eshire. Ani mukori irenga: mo mirimo, rarenga, mo bhihumbo, rarenga; mor' eminwa, rarenga; ngendo ningi iya moero rw'ikwa.
\v 24 Ngendw'isanu nasundwa bhihumbo makumi anye aruka nima.
\v 25 Ngendw'ishatu nisundwange tushushu; nakonorwa rima; Met'ashatu nasond'itiya; n'echa mutu na mumwishi n'iri mo misie y'enyansa.
\v 26 Meta mingi mo sangendo nasond'etiya mo sangesi; isond'eshurwa na bhanyai, isond'ishurwa na bhanakitu, isond'ishurwa n'ebhea bh'esenganda; isond'eshurwa mosambungu; isond' ishurirwa mo bweru; isond'ekwire mosenyansa; isond'eshurwa na bhanakitu mbi bh'ema.
\v 27 Nakubhesanga mo murimo mu minubho, ntambi singi ang' iyenda toro, iyorukira rwaka na mbusha ya mecha; mu mahemo ang'irisa, iyorukira keme, n'ienjiwa munkanga.
\v 28 Ntamweba ebhiti; natimbwa na bhonso bwatukana n'emyasi y'emarameso.
\v 29 Inye ngi mutetera, nta'bhingi we n'ani? Inye ng'wakire, ntashiringi n'ani?
\p
\v 30 Kuti kwitata, nti mo bhutetera bw'ani ngi musekwitate' ani.
\v 31 Ongo ng'ishe wa Nyerekuritu Yesu, na ng'wakasanyiwa ematu ati n'eati, usi mbu ntangatima.
\p
\v 32 Ku Damaski, emuhanga w'emubhake Areta, wabhesangu nt'urangange er'obhungu rwa bhisa ku Damaski mw'enitinge.
\v 33 Eina nahichiwa mu k'orubhi kakeke, mu mutundu, w'endende 'rukumbu, n'oswa eroku.
\c 12
\cl Chunda 12
\p
\v 1 Rakomenwa kw'itata, nakiro mbu ntirakonda. Eina nseya muro mor'isunga na mor'isheiwa ra Nyerekuritu.
\v 2 N'isi mwey'uma kumunda na Kirisitu iye miaka ekumi na inye ino, wakukumwanga iya mo mbingu y'emet'ashatu (kuti abhesanga uri mo mubhi nti n'isi, kuti abhesanga usira mo mubhi nti n'isi, Ongo ng' usi).
\v 3 Na nisi mbu ingo mweya (kuti abhesanga mo mubhi nti nisi, ari nti mo mubhi nti nisi, Ongo ng'usi).
\v 4 Wakukumwanga wenda mo mwanya na worukira bhinwa bhitamwebwa nti byasimirwa iyebwa na mwana-mweya,
\v 5 Namwitate mweya wa'mbo bhususe, eina kuri ani 'sine ntamukochi kw'itata, ina ho mo bhutetera bw'ani.
\v 6 Namubhesange nasonda kw'itata, ntamubhesange kirunge, bhushwa namwebhang'eira, eina nabhebhere cho, kongo kutabhesingi mweya wasunga kuri ani mo myanikiri kikai kikiri irenga ekisungange we kuri ani ari echorukirange we kuri ani.
\v 7 Na kongo ntarisaningi na mw'etunduriko, bhushwa n'er'ihunda r'ebhisheiwangy'ani narerierwa mo monke mo mubhi, ngashani ya nyamuraire, mw'eninubya na wankangire er'ikwetundurika.
\v 8 Ngendw'ishatu nihemange Nyerekuritu wariye o kore n'ani.
\v 9 Waren'ire: E nchummo yani yakomenwa kuri ongo, bhushwa ebhunkangwe bw'ani bhuberererenga mo bhutetera. Himpo nsekwitate nguru ebhutetera bw'ani kongo ebhunkangwe bwa Nyerekuritu bwabhesa kuri ani.
\v 10 Ngy'asingwa nashim'ebhutetera, n'emario, n'ebhikubha, mo minubho, mo bhonso, kuri Kirisitu; bhushwa entamb'iri ani mutetera, nti ngi nabhunduke na maa.
\p
\v 11 Namabhunduke kirunge, bhanu ngi mumanimima. ekuri bhanu ngi kwamutatirwangy'ani. Bhushwa nty'ani mukeke mo santumwa sikiri-sikiri, nakiro nty'ani kikai.
\v 12 Etwengeko tw'eribhesa 'ni ntumwa twarisungwa kuri bhanu munkati n'inu mor' esumy'ani e mutima munkati emereko, mo tushingishiro, na mo bhishisharo.
\v 13 Mu'nki ngi mwakukorerwa bhanu bhubhi ireng'eampe marameso, kuti nty'er'ifundi bhuriesha 'ni emurio w'emirao y'ani? Munsasire ebhubhi mbo.
\p
\v 14 Sunga ra met'ashatu nsonde kanyang' ienda kuri bhanu, na ntabhurieshi emirao y'ani; bhushe nty'ebhikai by'inu ngi bhisondangy'ani, eina bhanu bh'esine. Nty'ebhana ngi bhabhikenga bh'ishe eina bh'ishe mo bhana bh'abho.
\v 15 Ekuri ani, nasimira er'iminya, nakw'eriminya ani sine bhushe mitima y'inu; etukana n'er'ibhushima 'ni, er' ishimwa r'ani kuri bhanu rakeha.
\p
\v 16 Muribha! Nti naribhuriesh'emirao y'ani; mw'ibhesa nkarange, nabhutingenga mu mpuse!
\v 17 Narikwesukucha kuri bhanu, iyetire bheya bhabhesanga bhabhutumirengy'ani?
\v 18 Nakutumanga Tito wendi kuri bhanu, nahima nae namutuma na munakitu: Mbeti Tito wabhuhemanga kikai? Nti uo-uwo mutima ng'wendange mo bhate, mw' iya-iya 'nse?
\p
\v 19 Mwanikira etuka kore mbu tweshungushirange kuri bhanu. Ekuri Ongo, kumunda na Kirisitu, ing'ushambarange bhate; n'ebhiti mbyo ebhanakitu twebhange byo mor' ebwimba.
\v 20 Bhushwa ani sine nabhesa na bhobha ntabhukumaningi mor' iya 'ni eatuka bwasasa 'ni; n'ani sine esungwa n'inu entibwashima rero bhanu. Nasubhaha ekumana mbangu, rui, bhusubhuke, mbua, mpambire, eshunana; mwetunduriko, changa.
\v 21 Nasubhaha mor' iya r'ani, Ongo w'ani watanechi bhingi mu'mbi bhakukorang' ebhubhi hano tete-tete na nti bhabhunduka neki etuka mu'njo mikonsi, mor'osingirwa n'ebhushuki-shuki bwakukoranga bho.
\c 13
\cl Chunda 13
\p
\v 1 Nenda kuri bhanu r'esangendw'ishatu. Kinsi kinwa kiseshungurwa mu kariho ka bhea bhabhi ari bhashatu.
\v 2 Nakukiyanga niri ho mor'emet'abhi, nakukindang' iyebha, ntangarinda n'eya n'ebha tu cho eraroso, mu'mbi bhakukiyang'ebhubhi hano er'isondori na mo bh'ampe bati, kuti neya ntabhunduki na bhonso bhuti-bhuti,
\v 3 Bhushwa musondekanya kengeko ka Kirisitu w'ebhange kumunda n'ani, iwe nti mutetera ekuri bhanu, eina iwe munkangwe munkati n'inu.
\v 4 Bhushwa wahanikwanga bhushwa ebhutetera bwae, eina uri ho mo bhunkangwe bwa Ongo, na bhate bhatetera kumunda nae, eina twabhesayo ho hima nae mo bhunkangwe bwa Ongo kongo wabhukore cho.
\p
\v 5 Mw' esisirise bhanu bh'esine, esunga kuti bh'anu mukiri mor' esimira; mw'iereke bh'anu bh'esine. Ntibanu musi mbu Kirisitu urikire kumunda n'inu? Kuti ho nti muritinwa.
\v 6 Eina nisi mbu mukubhesa n'iteerera mbu bhate, nti twatinwa.
\v 7 Himpo tuhemange Ongo kiro mukora bhubhi, tutasaingi bhate bhesine twasimirwa, eina kongo mukora kinsi nchi chakonda, nakiro twasungwa bhuri twatima.
\v 8 Bhushwa tutakoch'ikora kinwa chatinana n'er'eira, eina bhush'er'eira.
\v 9 Turi na ngoa entamby'erukirange bhate bhutetera na bhanu mumabhesa na maa; n'ekihemange bhate mo mahemo itu, musimane mo nsimiro.
\v 10 Ngy' asingwa nabutiranyie bhino bhikai etukana n'ebhunkangwe bwareninkwa 'ni na Nyerekuritu mor' eimba na nti mw'ishambura.
\p
\v 11 Kuruma mpo, ebhanakitu, mubhesi na ngoa, musimane, mubhongane, mubhesi na mwanikire uma, mubhesi ho na bhuhoro; na Ongo w'enchime na w'ebhuhoro usebhesa hima n'inu.
\v 12 Mukeyane mw'ikokane rashuururwa: Ebhashuururwa 'bhati bhabhukeya.
\v 13 E bhashurukara bhati bhakukerea. Enchumo ya Nyerekuritu Yesu Kirisitu, enchime ya Ongo, n'ebhunakima bw' Emutima Mushasha, bhibhesi hima n'inu bhanu 'bhati.