nyj_reg/47-1CO.usfm

\id 1CO
\ide UTF-8
\h 1 Bakorinto
\toc1 1 Bakorinto
\toc2 1 Bakorinto
\toc3 1co
\mt 1 Bakorinto
\c 1
\cl Chunda 1
\p
\v 1 Paulo, ingu warondorwanga mw' ibha ntumwa ya Yesu Kirisitu mw' isasa ra Ongo, na munakitu Sositeni,
\v 2 Wa mw' irameso ra Ongo ra ku Korinto, kuri mbi ebhashuururwanga kumunda na Yesu Kirisitu mw' ibha bheya bhakonda, na kuri mbi ebhati, ekuti, ebhabhikiraange mo rina ra Nyerekuritu Yesu Kirisitu na Nyerekurwabo.
\p
\v 3 E mukisa n' ebhuhoro bhibhesi n' inu ituka kwa Ongo, tita witu na Nyerekurwitu Yesu Kirisito.
\p
\v 4 Nitatange Ongo wani ematu ati bhushwa bhanu, mu 'ngu mukisa ewamaninkwa bhanu nae iyetire kuri Yesu.
\v 5 Bhushwa kumunda nae murikasanirwa n'e bhutumba bhuti etukana n'ekinwa n'er'iteerera;
\v 6 Ribhesi bhuri kariho kuri Kirisitu ebyakorerwanga bhânu nae,
\v 7 Kongo muturukingi muhango uti-uti, bhânu mbi murindire 'ntambi eyasungwayo mo Nyerekuritu Yesu Kirisitu.
\v 8 Nae ngí wabhuninkayo muho iya n' ehende ntí ntí mukumanwa na bhubhí bhutí er' otu rwâkurukayo we.
\v 9 Ongo mongo ngí wabhubhikiranga mw' ibhésa hima n' emwanae Yesu Kirisito, Nyerekurwitu.
\p
\v 10 Ngi bhumbo ebwabwere ani bhânu bhânakitu morina ra Nyerekuritu Yesu Kirisitu, mubhesanga na kinwa kima, ang' isiyana, eina mw' ebhumbanga mu mwaníkírí n' ihano rima,
\v 11 Bhushwa namaturirwa n'inu, bhanu bhanakitu na bhana Kloe, webhurunga munkati n' inu.
\v 12 Ngi bhumbo bwebha ani kino kinwa, bhuri mbu ebwitatange bhanu, kinsi mweya m' uharo rwae: mbu: Ani nabhere na Paulo, n' ani wa Apolo, n' ani na Kefa, n' ani na Kirisitu.
\v 13 Mbe! Kirisitu waribanyiwa? Na Paulo nae wabhukwirenga? Mbé! Murubhikwanga mo rina ra Paulo?
\v 14 Natata Ongo bhushwa nti narerubhika anga n' uma mu bhanu, rarenga Krispo na Gayo;
\v 15 Kutabhingi mweya w' ebha mbu mukurubhikwanga mo rina raní,
\v 16 Narubhikayo tu bhana Stefano; ntinisi kuti narirubhika umpe mweya irenga bha.
\v 17 Bhushwa Kirisitu ntw' antumanga karubhika, eina katura emwasi wakonda, na nti mo bhongo w' ebinwa emurimo w'eriyango wam' enda kakwa bhusa.
\p
\v 18 Bhushwa ekinwa ch' eriyango kuri ebhakongobhanya nti burunga, eina kuri bhate mbi twarirama, nti maa a Ongo.
\v 19 Bhushwá Ongo w' ebha: Narubhurayo ebwenge w' ambi ebhengenge N' itina emyanikiri y' ambi ebhanikiranga.
\p
\v 20 E bhenge bhari kuni? N' ebhandiki bhari kuni? E bhashambari bha kino chuo bhari kuni? Mbe! ntí Ongo ngw' abhunduranyanga ebwenge bw' echuo?
\v 21 Bhushwa echuo hima n'ebwenge bwacho nti chasibhanga Ongo mo bwenge bwa Ongo, Ongo washima iyoshukaya ebhea mu mahano asuma.
\v 22 Ebhayahudi bhasondange tushingishiro n'ebhayunani bhasondange bwenge:
\v 23 Bhate tuturange Kirisitu 'ngu wahanikwanga; Chasuma kuri ebayahudi n'eshire mo nti bhasimira.
\v 24 Eina kuri mbi ebhayahudi n' ebhayunani ebharirondorwa bhasunga nti Kirisitu, maa a Ongo na bwenge bwa Ongo.
\v 25 Bhushwa er'eshire ra Ongo bwenge irenga bw' ebheya, n' ebhutetera bwa Ongo bh' uri na maa irenga bw' ebheya.
\p
\v 26 Ngi bhumbo, bhaanu bhanakitu 'mbi murebhikirwa, munkati n' inu nti bhingi e bhasengeha mo mubhi, nti bhingi ngi bhari na maa, nti bhengi ngi bharebhikirwa m' umbi ebhari n' ekirira.
\v 27 Eina Ongo warondoranga bhikai bya bhusabhusa bya kino chuo, mw' iya nkene imbi ebhari n' ebwenge bwa kino chuo; Ongo warondora tu bhikai bhitetera bya kino chuo, mw' iya nkene imbi ebhiri n' emaa.
\v 28 Ongo warondora tu bhikai bya bhusa bhusa bya kino chuo n' ambi ebyanenwa, imbi entibh' iriko, mw' eriribhanya imbi ebhiriko,
\v 29 Kutabhingi ingu mweya uti wambara mubhi e w' itata mo makako a Ongo.
\v 30 Eina kokwe, bhanu mumabha kumunda na Yesu, ngwamabha bwenge bw' itu bwatuka kwa Ongo, n' eira, n' entangi y' erihoswa bhate, na hongo kuri bhate,
\v 31 Mw' ibhereresha erw' andiko erwebha mbu: Ingu usondange kw' itata, w' itate nt' uri kumunda na Nyerekurwitu.
\c 2
\cl Chunda 2
\p
\v 1 Eo, bhanakitu, ani narekia n' iya kuri bhanu kabhuhana mwasi wa Ongo mu bhinwa bhishasha ari bhinwa byarengana.
\v 2 Bhushwa nti nashim' ishishirisha kinsi kinwa munkati n' inu irenga Yesu Kirisito, ingu washurwanga mor' iyango.
\v 3 N' ani n' abhesingiyo ko kwinu mo bhutetera, na bhobha na mutetebhero mwingi.
\v 4 Inchi kinwa chani n' erihano rani byabhesingi, nti nti bhinwa bya ritoha mw' itond' ebheya, eina mw' ishea ekashingishiro k' emutima n' emaa.
\v 5 Kongo isimira rinu r' itabhingi mo bwenge bw' ebheya, eina mo maa a Ongo.
\p
\v 6 Eina, kuri bwenge ebhuhanange bhate munkati ebheya ibha n'isengeha m' orisimira rabo, eina nti bwenge bwa kino chuo ari w' ebhakakare bha kino chuo ebhari n' abho na ngendero.
\v 7 Tuturang' ebwenge bwa Ongo bw'eshishaya na bhuri bwabhiswa Ongo watunganyienga bho er'itatwa ritu.
\v 8 Imbo bwenge, nti kuri anga na mukakare uma mu ano matu ewamubha nambo bwenge bhushwa bhamubhange n' ambo bwenge, bhatamuyange Mukota w' emukisa.
\v 9 Eina, chasingwa nti chandikwa: Ekitangasungwanga n' eriso, n' ekinwa ekitang' orikirwanga n' ekote n' ambi ibhitangakimengo mo mutima w' emweya, Ongo warebhikebyo imbi ebhamushima.
\p
\v 10 Ongo wamatushea mbi bhinwa mo Mutima wae, bhushwa e Mutima usondekanyanga esibhirira ebiti, n' ebhongo bwa Ongo.
\v 11 Ng' inye ke munkati ebheya ngw' amusibha bhinwa by' ompe mweya, irenga e Mutima w' angu mweya uri kumunda nae? Ngi bhuri mbi bhinwa bya Ongo nti kuri ing' usi byo, eina e mutima wa Ongo w' esine.
\v 12 Nti twareninkwa mutima w' echuo, eina mutima watuka kwa Ongo; mw' isibhirira ebyongo byanikwanga bhate mo mukisa wa Ongo.
\v 13 Na twebhange mu 'byo nti mu bhinwa byahanwa mu bwenge bwa mweya, eina ebyamahanwa n'e mutima wakonda mw' isonsomora myasi ya Mutima, na bhimpe bhinwa bya mutima.
\v 14 Eina ing' ukiri w' emisa emikorere y' esantungo, utamuninkwa kinwa ch'e Mutima wa Ongo; Bhushwa iwe wasunga emutimango nti wa bhusabhusa utamusiba mbyo binwa bhushwa bhinwa byamusibwa ho n' eMutima.
\v 15 Eina ingu usheiwange n' emutima, usi mbi bhinwa bhiti, iwe utamusibirirwa na mweya uti.
\v 16 Bhushwa inye ng' usi e myanikiri ya Nyerekurwitu, wamuhane? Na bhaate turi n'e myanikiri ya Kirisito.
\c 3
\cl Chunda 3
\p
\v 1 Ani, bhanu bhanakitu, nti nakw' ebha ninu bhuri bheya bha mutima, eina bhuri bheya bha mubhi, bhuri tubhonsobhonso kumunda na Kirisitu.
\v 2 Nabhurishayo maata eina nti bhiyo, bhushwa atuka mutumakocha ira byo iya enompena mutumakocha byo bhushwa bhunu mukiri bhea bha mubhi.
\v 3 Bhushwa munkati n'inu mukiri bhea bha mono na bha bhuhaka munkati n' inu, nti bhanu bheya bh' emikorere y'e mubhi na bhanu mukiri bhanu muri mu bhususe bwa bhea bhe 'chuo?
\v 4 Ra mabha ntimunkati n' inu, uma w'ebhange: Ani wa Paulo, na umpe; Ani wa Apolo, 'mbe! nti bhanu bheya bha mubhi?
\p
\v 5 Eo kwe, Apolo ngi nye? Na Paulo ngi nye? Ibho bhakori iyetire bho mukiya mubhundura kinsi mweya imbu ebwabhanyirwangae na Ongo.
\v 6 Ani nar'eka, Aporo wakubhuri' emecha, eina Ongo ng'wakoshucha.
\v 7 Ngi bhumbo, emw' eki nt' waraisha, n' angu w' erikubhure emecha mor' ishwa; eina ingu ewakoshuchanga njo mirime, ngi Ongo,
\v 8 Ingu emw' eki na w' erikubhura e mecha mw' ishwa ibho bhima, eina kinsi mweya waninkwayo er' uhembo rwae iy' emisanya n' e murimo wae.
\v 9 Bhushwa bhate bhakori hima na Ongo; bhanu ishwa ra Ongo, bw' imbe bwa Ongo.
\p
\v 10 Iyemisanya n' emukisa wa Ongo, ewaninkwa ng' ani, bhuri mukakare murenga w' ebhimbi, namakome entangiro, n' ompe mweya w' iya k' imba habhasirwa, eina kinsi mweya wakohye ebwimbange we.
\v 11 Bhushwa nti kuri umpe mweya wamiya kakome impe ntangiro habasirwa n' anji nsondori, esibha Yesu Kirisitu.
\v 12 Na kiro bhamimba habhasirwa mu noro na bhehe, ari na makoi abhusy'asuma, na miti, na bhisu, na nyasi, mbobhe, kinsi murimo wasungwa yo.
\v 13 Bhushwa nt' er' otu ndo rwashaishayo njo mirimo, bhushwa yetayo mu kasha, nanko kasha ngi k' erekayo njo mirimo. Ya kinsi mweya mw' isibhirira bhuni ngi bhuri yo.
\v 14 E murimo wakoranga kinsi mweya wamarika habhasirwa njo ntangiro, nti waninkwa uhembo.
\v 15 E murimo w' angu mweya wamatindukara nt'usir'ohembo; eina iwe w' esine nt'woshukara, eina bhuri ietere mu kasha.
\p
\v 16 Nti bhanu mosi mbu bhanu irameso ra Ongo, n' emutima wa Ongo uri kumunda n' inu?
\v 17 E mweya wamabhisha indo irameso ra Ongo, Ongo nae wabhishango mweya, bhushwa er' irameso ra Ongo rashuururwa, na bhanu ng' indo irameso.
\p
\v 18 E mweya ut' ehusingi wesine. Munkati n' inu kwa mabha ngu wanikira mbw' iwe mwenge mu kino chuo, wabhe kasa bhuri kirunge kongo wabha mwenge.
\v 19 Bhushwa ebwenge bwa kino chuo mu makako a Ongo, eshire; Bhushwa charitiranyiwa: Utingenga ebhengenge mo manko abho.
\v 20 Na Nyerekuritu usi emyanikiri y' ebhengenge nti yabhusa.
\p
\v 21 Ngi bhumbo, emweya uti utenyihiringi er'itatwa rae mu bhea, bhushwa ebhikayi bhiti bhinu,
\v 22 Ra mabha nti Paulo, ari Apolo, ari Kefa, ari echuo, ari ebhuingo, ari er' ikwa, ari ebhiti mbi bhikai byasungwa n' ambi ebyeyange.
\v 23 Ebhiti by'inu na bhanu bhana Kirisitu na Kirisitu wa Ongo.
\c 4
\cl Chunda 4
\p
\v 1 Ngi bhumbo, tusibhirirwe bhuri bhate bhakori bha Kirisito, na bh' ebheri bh' enama sa Ongo.
\v 2 Nampo tu echaraisha mo bh' ebheri nti emweya wasungwe nti w' eira.
\v 3 Eina, k' uri ani, ntamusunga bhubhi namaminwa hima n' inu ari eminwa mw' ikererwa ubhansa na bheya na nti n' iyanya anisine.
\v 4 Eina nti mumbi ebiti; eina ewamuker' erubhansa nti Nyerekuritu.
\v 5 Nge bhumbo, ang' ikera ubhansa muburukutira, mor' ikuruka ra Yesu ngi rasingwayo twasiba emubhi nangu wer' eira, bwisha washaishayo ebhiti byabhiswa, n' ishea emyanikiri y'e mitima. Naha ngi haninkwayo kinsi mweya eruhembo rwae na Ongo.
\p
\v 6 Bhanu bhanakitu namabhushea uno mwenjo w' emikorere itu Apolo n' ani bhushwa bhanu, kongo na bhanu muhana nti mwemisa ngo mwenjo witu nti timwemisa emihake y' inu kore nambi ebyandikwa, kutabhingi uma mu bhanu witaririsa mw' ishima uma n' itina umpe.
\v 7 Inye ngw' akutobhorora? Kinki kiri nabhe enti chahembwanga ongo? Na ramabhesa nti uhembwanga cho, bhuni ngi bwamitatirisa ongo bhuri nti uhembwanga?
\p
\v 8 Eo kwe mumasikuta, mumabha bhatumba, na mumasima nti ti bhanu muri n' itu. Mumabhange musima hima n' itu!
\v 9 Bhushwa nasunga nti Ongo wamatusubura bhate ibha ntumwa, bhate mbi bhahende mo bheya, bhuri bhakwi, bhushwa twasungwa bhusansaara mo chuo, kuri esangashani n' ebheya.
\v 10 Bhate bhirunge bhushwa Kirisitu, eina bhanu bhengenge kumunda na Kirisitu; bhate bhatetera, eina bhanu m' uri na maa, bhanu mutundwa, eina bhate twanenwa.
\v 11 N' iya kano kashangi tunubhange na rwaka na mbusha turi munkanga, tunubhiwange, tusira na bhuriki.
\v 12 Kuruma naha, twanuba mw' ikora n'esaminwe s' itu twakambwa bhate tukasanengi ebheya; twamanubiwa, bate tw' iandiya;
\v 13 Twamahambikwa, nti twasubya mu bhongo; twabindurwa ibha mikonsi y' echuo, er' irare r' ebhikai bhiti iya n' enompena.
\p
\v 14 Ntang' andika bhino bhinwa mw' ebhushubhura, eina mw' ebhutonde buri ntoorekwa sa bhana bhani.
\v 15 Bhushwa, nakiro mubha na bhahani bhihumbi ekumi k' uri Kirisito, eina bhanu musira bhaso bhingi, bhushwa k' uri Yesu Kirisito nar' ibhubhuta mo mwasi wakonda.
\v 16 Nangi bwabhuhemani munisusanga 'ni.
\v 17 Bhushwa cha namatuma Timoteo nko kuri bhanu, ingo mwan' ani ntoorekwa, nangu washuurukara k' uri Nyerekuritu, ewabhusubhukiayo esanse sani kuri Yesu, imbu ebhukiange nahana ekuti mu kinsi Irameso.
\p
\v 18 E bhampe bhabhesingi bhitatirisange, n' ianikira mbu nabhesanga nasubhaha iyatuk' uri bhanu.
\v 19 Eina nseya mo matu ano; Ongo wamasasa, na nakae mu mbi bhashekwitatirisa bhanye mubho bhasi iyebha ari imbi ebhari n' emaa a Ongo.
\v 20 E bhubhake bwa Ongo nti bhuri mw'iyebhebha, ina mubhunkangwe.
\v 21 Kinki ngi chasonda bhanu? N' iye kuri bhanu na kashushu ari na nchimi hima na mutima wa bhurongu?
\c 5
\cl Chunda 5
\p
\v 1 Emyasi iri n' itu mbu munkati n' inu er' osingirwa rwataa kati, imbu ebhutangabhanga ro mu kino chuo, emweya irika n' emomina w' ishe bhuri wae.
\v 2 Na bhanu musimira bya nakw' itata, mufund' ikuto ingu mukongobhanya munkati n' inu bhushwa nchi kinwa.
\v 3 Bhushwa ani, nakiro nafund' iba n' inu mo mubhi, eina n' amaba n' inu mo mutima, namakind' ikere ngu mukongobhanya erubhansa bhuri mbu ebwamukia nabhesa mo mubhi.
\v 4 Mor' ina ra Nyerekuritu Yesu, mumakumanana hima nangu mutima wani, hima n' emaa a Nyerekuritu Yesu,
\v 5 Isibhure mushumbu ingu mweya, mw' ibhishabhisha e mubhi wae w' ebhubhi kongo e mutima wae ng' urameyo mor' otu rwa Nyerekuritu.
\p
\v 6 Ekw' itatirisa kw' inu nti kwakonda. Nti bhanu musi mbw' entero nkeke ibhoyanga e kikanda kiti?
\v 7 Mweshuurure n' ikuto entero ya kare, kongo mubhesa tu bhashasha, bhuri mbu ebhuri bhanu, anga ntero. Bhushwa Kirisito, Pasaka y' itu; wamakind' isibhurwa bhushwa bhate;
\v 8 Na ngi bhumbo, tukiye nkumanano, nti ntero ya karekare, ari mo ntero y' ebhukongobanya n' ebhubhi, eina mo kambosa kasira ntero, ng'e mutima washuurukara n' eira.
\p
\v 9 Nabhuandikirenga mo rwandiko mbw'ang'isonyana n' ebhasingirani;
\v 10 Nti n' ebha mbwangi isonyana n' ebhasingirani bha kino chuo, ari mbi bh' erikwisane, ari ebhanyai, ari mbi bh' erihera mushumbu; bhuri mbu rakomenwa bhanu ituka mo chuo.
\v 11 Eina kwe, namabwandikire ang' isonyana na mweya munakinu wamabhesa nti musingirani ari wa kw' isane ari w' erihere kwa mushumbu ari na mukambani ari mutamiri ari munyai, mweya uti w' ensusanya nji angisimira irire hima nae.
\v 12 Bhushwa ani n' iri na bhuni bume mw' ikere mbi ubhansa ebhari ekubhutara? Mbe nti kuri mbi ebhari kumunda?
\v 13 Imbi bhari ekubhutara, Ongo ngw' akereyobho erubhansa. Mukutu emweya m' ubhi munkati n' inu.
\c 6
\cl Chunda 6
\p
\v 1 Munakinu wamabha na kinwa na mine, kinki chamusingwa wender' ebhabhi ngi bhamukeri er' ubhansa n' isera ekuri ebhashuururwa?
\v 2 Nti bhanu m'usi mbw' ebhashuururwa ngi bhasimanireyo esamansa s' echuo? Na ramabha nti echuo chakererwayo ubhansa n' inu, nti mukomenwa ikera obhansa akiro rukeke?
\v 3 Nti bhanu m' usi mbu twakereyo n' esangashani mansa? Imbi nti byarenga mbi bhinwa by'e bhuingo bhuno?
\v 4 Eo kwe, mumabha nti bhanu muri na bhurunga mu bhuno bhuingo, n' ibha nampe ehamukekerwa nd' obhansa kinki ngi chasingwa muriya mbyo bhinwa bhinu k' uri mbi bheya nti bhasibhirwe mw' irameso.
\v 5 N' ebha kino kinwa mw' ibushura nkene mbe munkati n' inu nti kuri anga n' uma wamubha na bwenge bw' ikocha ibhushungura?
\v 6 Eina isongerane ho bhanu kuri mbi ebhabhi!
\p
\v 7 Indo rashea ebhutetera bh' uri n' inu imbu ebwasongerane bhanu, Bhushwa nki nti musimira ikorerwa bhubhi? Bhushwa nki mutina inyakwa ebhehe b'h inu?
\v 8 Eina kuruma naha, bhanu ke ngi munubyange ebheya n' inyaka bho ebhusoki bwabho, kuri na bhanakinu.
\p
\v 9 Nti bhanu m' usi mbw' ebhabhi bhatasungiyo ebhubhake bwa Ongo? Mw' ehusanga; ebhasingirani bhatasungiyo ebhubhake bwa Ongo, nambi ebhaherengi ebhashumbu, ari ebhasingirani, ari erosingirwa mo sanse s' emubhi nti sisibhirwe ari erosingirwa munkati ebhabhume, ebhomina bhesine,
\v 10 Ari ebhibhi ari bh' erikw' isane, ari ebhatamiri, ari ebhakambani, ari ebhanyai bhatasungiyo ebhubhake bwa Ongo.
\v 11 Na bhima mu bhanu mubhesingi bheya bhambu bhususe, eina mur' eshuururwa, mur' etongororwa, mur' ebhindirwa ibha bheya bh' eira morina ra Nyerekuritu Yesu Kirisitu, na mo Mutima wa Ongo witu.
\p
\v 12 E bhikai bhiti byakonda k' uri ani, eina nti ebhiti byaraisha. Ebhikai bhiti byakonda k'uri ani, eina ntamusimira bhibhesi. Habhasirwa n' ani.
\v 13 Ebhiyo by' ebhura n' ebhura bwa bhiyo; eina Ongo wabhishabhishayo ebhiti bhibhi, ebhiyo n' ebhura. Eina emubhi nti w' osingirwa eina wa Nyerekuritu, na Nyerekuritu ngi min'e mubhi;
\v 14 Na Ongo wafuranga Nyerekuritu, nae ngi watufurayo mo maa ae.
\p
\v 15 Nti bhanu musi mbu emibhi y' inu bhitambo bya Kirisito? Eo kwe ntatinge bhitambo bya Kirisitu n' ibhundura byo ibha bhitambo bya kihanga?
\v 16 Anga nti bhanu m' usi mbu ingu wasonyiwa n' ekihanga nt' iye mubhi uma nae? Bhushwa w' ebha: imbi bhabhi bhasebhayo mubhi uma.
\v 17 Eina ingu wasonyiwa na Nyerekuritu ibho mutima uma.
\p
\v 18 Mubheke er' osingirwa. Ebhubhi bhuti ebhukoranga e mweya bh' uri kwa hehe n' emubhi wae, eina emusingirani ukoranga bhubhi mo mubhi wae wesine.
\v 19 Nti bhanu m' usi mbu emibhi y' inu irameso r' eMutima wakonda ingu uri kumunda n' inu, ewaninkwanga bhanu na Ongo? Na bhanu nti bhanu bhehe bh' inu bhanu bh' esine.
\v 20 Bhushwa mukenga bhehe; ngi bhumbo mutate Ongo mo mibhi y' inu na mo mitima y' inu, bhushwa imbi bhiti bya Ongo.
\c 7
\cl Chunda 7
\p
\v 1 Mo myasi y' ambi bhinwa ebyandikayo bhanu, rakomenwa ewabhume utaturaningi mu momina.
\v 2 Eina bhushwa eribheka erosingirwa, kinsi wabhume wabhe na momina wae wesine, n' emomina wabhe na wabhume wae wesine.
\v 3 E wabhume waninnke mukari ebyaraa m' owe, n' emomina waninke moke ebyaraa m' owe.
\v 4 Emomina nti ngi wasimanire emubi wae, eina moke n' ewabhume nae nti ngi wasimanire emubhi wae, eina mukari.
\v 5 Ang' isimana, eina mumabha nti mumasimirana mu kashangi kakeke, mw' ishee ntambi y' ihema, kuruma naha, mukumanane tu, mushumbu utasheingi nse y' ibhuhusa bhushwa ikeherwa ngerero y' emubhi.
\p
\v 6 Eina n' ebhange bhino bhinwa mw'esibhura, nti momba.
\v 7 Bhushwa nashima ebheya bhati bhabhe bhuri ani esine. Eina kinsi mweya uri namuhango wae w' esine watuka k' uri Ongo, ingu bhuno, nao bhuno.
\p
\v 8 Eina n' erengi mbi ebhatangabhinganga nesi, n' ebhashumbakari, rakomenwa bh' abhe bhuri ani.
\v 9 Eina ramabha nti bhatamukocha kw' ekikisa bh' esine, bhabhinge, bhushwa rakomenwa bhabhinge, kw' isaka karawa.
\p
\v 10 N' ambi ebhamakind' ibhinga, n'ere bho, ari nti ani eina Nyerekuritu, emomina utarekingi moke,
\v 11 Na wamabha nti wamarekane nae, warike anga wabhume, ari wasimirane na moke; n' ewabhume utarekingi mukari.
\p
\v 12 Eina ebhampe bheya n' ere bho an' isine, nti Nyerekuritu, mbu munakinu uma wamabha na momina nti wasimira, ingu wabhume wamarisia irika nae, kiro wamureke.
\v 13 N' emomina wamabha nt' uri na wabhume nti wasimira, ingo momina wamarisia irika nae, kiro wamureke.
\v 14 Bhushwa e wabhume nt' wasimira, wamoshukara iy' etere mukari; n' emomina ngu nt' wasimira wamashuururwa iy' etere moke; na ritamubhange mbo, kongo ebhana bhinu bhamubhange nti nti bhashuururwa, eina bhashuururwa.
\p
\v 15 Kuti ngu nti waresimira wamenda, nti wenda. Nampo ewabhume ari e momina nti ntw' aminwa tu n'ambi bhinwa: bhushwa Ongo usondange turike mu bhuhoro.
\v 16 Bhuni ng' wamusibha ongo momina mbu ukoshukaya moke abhe? Na ongo wabhume, bhuni bwamusibha ongo mbu ukoshukaya mukari abhe?
\p
\v 17 Eina ho imbu ebwakiya Nyerekuritu wabhanyie kinsi mweya, imbu ebwabhikirange kinsi mweya, wenderana bhumbo. Nambu ngi bw'ebha ani mo marameso ati.
\v 18 Ingu watikurwa nt'warend'ekotende wamend'ekotende mu bhanu? Warike mbo.
\v 19 Er' otende n'er'ifundi enda ekotende nti raraisha, eina echaraisha nti isubhaha e myomba ya Ongo.
\v 20 Kinsi mweya warike mbu ebwakumanwanga e wabhikirwanga na Ongo.
\v 21 Mbe! ubhikirwanga nti ongo mukobhe ang' isunga cha bhubhi, eina umabha nti nti ongo mukobhe, ubhesanga bhumbo. Bhushwa ingu warebhikirwa na Nyerekuritu, na kiro mbu mukobhe, ingo nti wamobhorwa na Nyerekuritu.
\v 22 E mukobhe wabhikirwa na Ongo nt'iye wamobhorwa nae, n'ewobhorwa wabhikirwa na Ongo, iwe nti mukobhe, wa Kirisitu.
\v 23 Mukenga bhehe, kiro mubhesa bhakobhe bha bheya.
\v 24 Bhanu bhanakitu, kinsi mweya warike kuri Ongo imbu bwakumanwangae watuka mo bhibhi.
\p
\v 25 Mo bhinwa by' ebhitasa, nsira momba wa Nyerekuritu, eina nabwere bhuno, bhuri ani ingu nareninkwa nchumo na Nyerekuritu mw' ibha w'eira.
\v 26 Ani nasunga nti cha chakonda, bhushwa n' ambu bhukongobanya bw' ano matu. Rakomenwa kinsi mweya wabhe mbo.
\v 27 Umarika na momina, ang' isonda tu isiyana nae. Umabha nti nt' ongori na momina, kiro sonda momina.
\v 28 Kuti urebhinga, nti nti bhubhi; ari ekitasa wamabhingwa, nti nti bhubhi, eina ebhamabhingana bhaasung' e minubho y' emubhi, n' ani nsondang' ibhuramya mbi bhinwa.
\p
\v 29 Sunga n'ebha bhuno: kwasia matu makeke, etukire ematu ano, imbi bhari na bhomina, bhabhesanga bhuri nti bhari nabho,
\v 30 Imbi bharengi bhabhesanga bhuri bhatangare n'ebhari n'e sangoa bhuri bhasira to, ebhachurange bhuri bhasira nki.
\v 31 Imbi ebhashima by' echuo bhuri nti bhashima cho bhushwa, bhasibhanga mbw' echuo imbu ebwasungwa cho n' ebhiti bhiri mucho, by' eetayo.
\p
\v 32 Nti n' ana munubhanga, E ntw' abhinga wakori Nyerekuritu n' isonda imukokome.
\v 33 Eina ingu wabhinga utamukochambi bhinwa, waraa m' umbi by' echuo n' ikore mukari.
\v 34 Uri na mirao y' asiana; bhur' ingu wabhingwa n' ang' ukiri kikumi: Entw' abhingwa waraa ikore Nyerekuritu mo bhutunganane bw' emubhi n' emutima, eina ingu wabhingwa waraa mu bhinwa by' echuo, mw' isonda isukucha moke.
\v 35 N' ebhange n' inu mbi bhinwa mw' ibhusake, nt' ibhuhangire mbu mutubhingingi, eina mw' ibhushea ebyakonda, hima n' ikore Nyerekuritu nti nti kuri bhimpe bhinwa ebyamusingwa mutukoring' ishu.
\p
\v 36 Kwa mabha mweya wamasond' ibhingisha ekitasa chae, imbu ebwafundwae irangana n' embusha y' emubhi wae, bhushwa n' erikonda rae, na wamabha n' embusha, wakie ebwasonda we, nti ntwakora bhubhi, w'eribho bhabhingane.
\v 37 Ingu ewasumya e mutima, nti waminwa, eina wahime njo mbusha y' emubhi wae, wamabha nti kumund' emutima wae wamurangana n' ebhutasa bwae, Ingu wabha nti wamakia ishu.
\v 38 Ingu wabhingana n' ancho kitasa wakia shu, n' enti wasimira ibhinga wakiya ishu nguru.
\p
\v 39 E momina waminwa kuri moke wamabha nesi nti wakwa eina moke wamakwa, nti wahangirwa, wabhingwe n' angu wabhume washimae, ra mabha nti kumunda na Nyerekuritu.
\v 40 Eina, ani, nasunga mbu rakonda nguru wamarika nti wabhimgwa; warikembo. N' ani, n' anikira iba n'e Mutima wa Ongo.
\c 8
\cl Chunda 8
\p
\v 1 Mumbi byakae e sanyama sashiwa mu tumoi, tusi mbu tukwengi wenge. Ina enchime y'imbange.
\v 2 Kubha, mweya wanikirange mb'usi kikai, nt'usi neki ebwamusibwa.
\v 3 Ina emweya wamashima Ongo, ingo nt'usibhirwe nae.
\p
\v 4 Munchi chakae esanyama sasibhurwa bhushwe tumoi tosi mbu kusira tumoi mu chuo, kuri Ongo uma.
\v 5 Bhushwa kuri bheya bhabhikirwa bha Ongo, ko kwiyo, ari ekwansi, bhushwa kuri bhaongo bhingi bhanyerekuritu bhingi.
\v 6 Ina kokwitu kuri Ongo uma, Tita ungu tuninkange bhiti Na kuriwe ngi kuri bhate. Na Mukota uma ngi Yesu Kirisitu kuri we ngi kuri ebhikai bhiti na kuri we ngi kurikire bhate.
\p
\v 7 Ina e wenge bhuno nti bhuri kuri ebhati: Ina bhampe bhushwa bhanderengi e tumoi iya na run'otu bharisange esanyama n'ebhisha e myanikiri yabho y'ebhutetera.
\v 8 Ina e bhiyo bhitaturishiyo hamakako na Ongo, Twamarisa, nti nti twariminya nguru, na kuba twarisa naro nti ntwaongerere hotu nguru.
\v 9 Mukohyanga ekaramo kinu katabhesingi ikoi ratende rikiriya ebhatetera.
\v 10 Bhushwa emweya wamakusunga ongo 'ri n'e bwenge, umarika mubhiyo kumunda erirameso r'etumoi, emwanikiri wae mutetera utabhesi na maa irisa bhikai byasubhurwa mu tumoi?
\v 11 Ne mutetera nt'washurwa ne wenge wabe, E munakitu 'ngu wasingwanga Mukota wakwa bhushwa 'we.
\v 12 Bhumbo mumakora bhubhi kuri munakinu, n'eriminya emwanikiri wabho w'ebhutetera nti mumakore 'Kirisitu bhubhi.
\v 13 Bhushe na 'ncho, kuti bhiyo byamusingwa nariminya munakitu, nti ntarisiyo tu nyama kongo ntariminyingi munakitu.
\c 9
\cl Chunda 9
\p
\v 1 Nti narobhorwa? Nti ani ntumwa? Nti nasunganga Yesu Kirisitu Nyerekuritu? Nti bhanu murimo wani munkati na Ongo?
\v 2 Kubha mu bhampe nti ani tumwa Eina ani ntumwa kuri bhanu; bhushwa bhanu Nsimiko ye murimo wani kuri Nyerekuritu.
\p
\v 3 Emusubyo wani mumbi bhanchitakengi.
\v 4 Nti twakomenwa na bhate erisa n'iyomo?
\v 5 Mbe ntitwakomenwa erisha kikumi kibhesi mukar' itu, bhuri ebhukorange esimpe ntumwa na bhanakitu kuri Mukota na Kefa?
\v 6 Ari, Anisine na Baranaba tusira iira rikora kikai?
\v 7 Inye mushirikani wamukora ntambi iti iti, mu ohembo rwae wisine? Inye ngi wameka erishwa remisabhibhu nangi risa e byuma byao, inye wa muranga kikembe wafund' iyomo mo mata.
\p
\v 8 Bhino bhinwa by'ebhangy'ani mbeti bhisungwanga ho mo mikorere y' ebhea? N'emyomba nayo nty'ebha byo?
\v 9 Bhushwa chatiranyiwa mo myomba ya Musa: Kiro mina enkambu ebhunu entabh'irishange yo bhisu. Ongo wakae bhinwa bya nkambu,
\v 10 Ari w'ebhange ko bhushe n'itu? Eira, bhushwa bhate ngy'asingwa chatiranyiwa, mbu euhingange wakomenwa ehinga na mwenyihiro, n'eufufurange 'bhuhi wakomenw'ifufura mwenyihiro w'ibhesa mo na muhango.
\v 11 Kubha twamabhese bhate ibweke bhanu bhikai bye mutima, nti kinwa kikiri kubha tunowange bhikai by'inu bye mubhi?
\v 12 Kubha bhampe ngi bhakokomengi njo mihango kuri bhanu, nti bhate ngy'akosa bherimoe yo? twasimir'enubha, kongo tutabhishibhishingi e mwasi wakonda wa Kirisitu.
\v 13 Nti bhanu mosi mbu ebhakorange murimo we rirameso, bharisanga emuhango w'ebhikai bye rirameso, nambo bhakorengi hirango, bharirenga muhango wabho h'irango?
\v 14 Ngi bhubho Ongo webha mbu imbo ebhaturange emwsi wakonda bhashei karamo kabho mo mwasi wakonda.
\p
\v 15 Ina ani ntinasond' ebhinwa bhino anga nekima nti natiranya bhino bhinwa bhushw' ihema byo; Bhushwa ra rengeka nikwe erekiya nahema er'itatwa ndo.
\v 16 Bhushwa kubha ninsonsomorange emwasi we karamo, nsira kikai cha kwitata; Bhushwa echarengeka chamaterekwa habhasirwa nani kibhi kuri ani kubha ntangatura emwasi wakonda.
\v 17 Bhushwa kubha nikorange e murimo uno mw'isasa ra Ongo niri n'ohembo, ina ramabha mw'emimwa rani nti murio ngwaninkw'ani.
\v 18 Eo kwe eruhembo rwani inki? Nti kweshubhura bhusabhusa mu mwasi, na'ngi ninkwa kikai mwitura e mwasi.
\p
\v 19 Bhushwa nakiro nabhesa narobhorwa, narikwironja mukori w'ebhati, bhushwa nishei bhea bhingi.
\v 20 E kubhayahudi nabhese bhuri muyahudi, nishei e bhayuda; mumbo bhaminwa ne mwomba, nabhese bhuri naminwa ne myomba nani sine nti naminwa ne myomba, nishei imbi baminwa ne myomba.
\v 21 Mumbi bhasira myomba, bhuri nsira mwomba Nti yebha mbu nsira mwomba hamakako na Ongo, ina hisikwa e momba wa Kirisitu, nishei imbi bhasira mwomba.
\v 22 Nakubhese mutetera munkati ne bhatetera Bhushwa noshukaye bhima mubho, Na mabhese bhikai bhiti mo bhea bhati na munse siti nikochi shukaya bhampe.
\v 23 Na nikorange ebhiti bhushwa ne mwasi wakonda, kongo nabhesa na muhango.
\p
\v 24 Nti bhanu musi mbu ebhakanyahange ebhati bhakanyahanga ina uma ng'uhembwanga ebhisabho? Mukanyahe tete kongo mushee.
\v 25 Ebhatimbi, bhakwanyange Bhari nangerero yakonda mu kinsi kinwa, na bhakiyange mbo kongo bhashee kembo kibhihabhiha ina bhate tukorange mbo mukembo kasire bhiha.
\v 26 Ani ngu, nikanyahange nti bhuri mashata, nikasongi nti bhuri nikasongi mumwanya.
\v 27 Ina ninubyange nguru e mubhi wani, nikoreshao utabhesi, mu bhobha mwibhese ani isine ntasierwa na nti namahane 'bhampe.
\c 10
\cl Chunda 10
\p
\v 1 Bhanakitu ntinashima musere, mbu bhatita bhati bhabhesanga kumund' er'otundo, ebhati bheta munkati ne nyansa.
\v 2 E bhati bharubhikwa na Musa mor'otundo na mo nyansa,
\v 3 E bhati bharisa bhiyo bhima bye mutima.
\v 4 Ne bhati bomo mecha e mutima, bhushwa bhomonga munkati ne rikoi re mutima rabhesanga 'remisange bho, ne rikoi Yesu Kirisitu.
\v 5 Ina bhingi mu'bho bhabhesa nti bhakomenwa hamakako na Ongo, bhakwire mubweru,
\p
\v 6 Ne bhikai mbi byeyanga mwitushea mishinga, bhushwa tutabhesingi na myanikiri yema bhuri yabhesenga nabho.
\v 7 Kiro mubhesa bhea nti bhasimira bhuri bhima mu bhanu, imbu wandikwa cho: ebheya bharika mwirisa n'iyomo, nisimana mwimina,
\v 8 Anga tweriya mosingirwa bhuri bhima mu bhanu bhakoranga bho bhakwa otu ruma bheya bhihumbi makumy'abhi na bhishatu.
\v 9 Angi sona Ongo, bhuri bwamwerekanga bhampe, bhariwa na nsoka.
\v 10 Anga mweshishirisha imbu bweshishirishang' e bhampe, hbashiriwa n'emubhisha.
\p
\v 11 E bhinwa'mbi byeya mwitusheya mishinga, na byatiranyiwa mwi tuhana bhate bha kino kiranga.
\v 12 Nge bhubho, ingu wanikirange mbu wasima wakai ishu wameshina.
\v 13 Kusira mwereko wamubwehie kuti nti wabhususa ina Ongo w'eira, watakochi bhureke mwerekwe irenga ewamukocha bhanu, ina hima ne mwereko nt'watunganya inse yituka bhushwe mukoche 'hima.
\p
\v 14 Ngi bhubho bhanakitu, mubheke er'ifund'isimira.
\v 15 Nebhange bhuri nabheya bhari na wenge, Mwanikire mo bhibhushishange ani.
\v 16 Erusara rwe mukisa erukasanyiengi bate, nti nkumanano mo nchama ya Yesu? E kambosa kabhanyange bhate nti nkumanano mo mubhi wa Kirisitu?
\v 17 Bhushwa kuri kambosa kima, mu bhate turi bhingi, twaronja mubhi uma, bhushwa bhate bhati turi mubhi uma mo kambosa.
\p
\v 18 Mukai ebha Isiraeri imbu bhuribho mo ngerero ye mubhi imbi bharisanga ebhisabho bhasira muhango mo bhutanda.
\v 19 Nebha nki? E kikai chasibhurwa bhisabho mo tumoi nti kikai, ari bhushwa etumoi kikai?
\v 20 Anga nebhange mbu ebhikai imbi ebhi sibhurwange mu bhisabho ne bhea, bhasibhurengi byo mushumbu nti Ongo: Na nti nashima mubhesi nkumanano hima na bhashumba:
\v 21 Mutukochi iyomo er'osara rwa Mukota ne rusara rwebhashumbu; mutukochi ikumanana mu bhutanda bwa Mukota na bhutanda bwa bhashumbu.
\v 22 Tusondange irisha emono wa Mukota? Mbeni turi na maa imurenga?
\p
\v 23 Ebhiti byasimirwa ina nty'ebhiti ngi byakomenwa ebhiti byasimirwa ina nty'ebhiti ngi byumbanga.
\v 24 Mweya watasondingi uhembo rwae wisine ina uhembo rwe bhampe.
\v 25 Risa mo bhiti bhichurwange mo soko, na ngi shisha bhushwa emyanikiri.
\v 26 Bhushwa echuo cha Mukota ne bhiti hbiri kumunda nacho.
\v 27 Kubha entiwasimira wabhubhikira, na kubha bhanu musondange iyenda murise mobhiti bya rierwa habhusondori ninu, Nangishisha bhushwa emyanikiri.
\v 28 Ina kubha mweya wamabwire, Ekikai kino chamasibhurwa bhisabho mu tumoi, angi risa bhushwa ingo wamabhutonde na bhushwa n'emyanikiri.
\v 29 Nebhange hano, nti bhushwa emyanikiri y'inu ina bhushwa y'ebhampe. Bhushwa nki er'iyobhorwa r'ani rihakanyiwe na myanikiri ya umpe.
\v 30 Kubha nirisange Bhushwanki nikokome Ongo wamekerwa bhushwa kikai chamakokome mw'ani?
\p
\v 31 Ramabhese bhanu murisange n'iyomo ari mumakora kimpe kikai, mukore bhiti muritatwa ra Ongo.
\v 32 Kiro mubhesa kikai ch'ehucha ebhayuda ne bhayunani ari mo rirameso ra Ongo.
\v 33 Bhuri 'ani hotu n'esumyange mo bhikai bhiti imoeshe 'bhati, nti mw'isonda mwengerero wani, eina wa bhea bhingi, kongo bhoshukara.
\c 11
\cl Chunda 11
\p
\v 1 Munimise ani, bhuri ebwemisangy' ani Kirisitu.
\p
\v 2 Nibhutatange bhanu, bhushwa bhanu munianikirenge munkati ne bhinwa bhiti, na mor'iyorukira emahano bhuri bhubhuninkangy'ani o,
\v 3 Ina nashima musibhe mbu Kirisitu nge mwami we wabhume, Ne wabhume nge mwami we momina, na Ongo nge mwami wa Kirisitu.
\v 4 Kinsi wabhume wamahema ari wamansonsomora bhutahwa na wabhumbe e muntwe nt'wamarishie Nyerekurwabho oneno.
\v 5 Kira momina uhemange ari uturange bhutahwa, ne muntwe nti wabhumbirwa nt'washea oneno kuri Nyerekurabho: Nti uri bhuri wabheirwa.
\v 6 Bhushwa kubha e momina nti wabhumbe e muntwe wae nt'wabheiwa bhubho bhubho, Ina kubha ramubha nkene mo momina ibheiwa wamine e muntwe.
\v 7 Ewabhume ntwakomenwa ibhumbe muntwe Bhushwa iwe nsusanya ya Ongo, ne momina ngi ritatwa re wabhume.
\v 8 Bhushwa ewabhume nt'watukanga mo momina, Ina emumina ngi nt'wabhumbwanga kuri ewabhume.
\v 9 Ne wabhume nti wabhumbwanga bhushwa e mumina ina emumina ngi wabhumbwanga bhushwa e wabhume.
\v 10 Ngibubho emumina, bhushwe 'sengashani wakomenwi bhese na kiteerere mo muntwe che risheya ebhukakare wa moke.
\p
\v 11 Ina, munkati na Nyerekuritu e momina nt'uriho hasira wabhume ne wabhume hasira e momina.
\v 12 Bhushwa kubha e momina watukanga munkati e wabhume, bhubho ewabhume wabhutwa na momina ne bhiti byatuka kuri Ongo.
\v 13 Bhanu bhisine mweshishe: rakomenwa mo momina ihema ntwamina e muntwe?
\v 14 E chuo ch'esine kitangabhuhana mbu nkene mo wabhume ebhika bhuteo bhore?
\v 15 Ina otunda kuri e momina ibhese na bhuteo bhore bhushwa e bhuteo wanikwangabho bhuri kibhumbira.
\v 16 Ina kubha uma watuhakanya, tusir'emicho njo na mo marameso a Ongo.
\p
\v 17 Mor'eninkana emwomba ntangabhutata bushwa banu mukumananange nti mwibhese bhahunda, ina mwibhese bhema.
\v 18 Ngiriyebha, norukirange mbwe ntambi yakumanana bhanu hima, munkati ninu hari bhibhanyange na nasunga nty'eira.
\v 19 Bhushwa rakomenwa munkati ninu kubhese bhikanda-bhikanda, kongo mbi bhasimirwa bhasibwe ngi bhanye munkati ninu.
\v 20 Mukukiya bhanu mukumananange, Nti bhushwa irisa e bhiyo bya Mukota.
\v 21 Bhushwa mukukiya bhanu murisange kinsi uma nt'wabuche itinge ebhiyo byae na uri na rwaka na umpe nabwire.
\v 22 Bhanu musira manumba mwirisa ni omo? ari munena e rirameso ra Ongo? Na murisha na nkene mumbi bhasira nki? na bwire nki bhanu? Nabhutata bhanu? Ntabhutati mu 'ncho.
\p
\v 23 Bhushwa naninkwa na Ongo imbyo bya bhibhuhanangy'ani, Ngi bhubho Mukota Yesu, mo mutu ngo mwasibhurwanga we watinge kambosa:
\v 24 Wakiya wamakind'ikasanyie ko, tata, wanoa ko niyebha: uno nge mubhi wani wasibhurwa bhushwa ninu. Muronje bhuno mwinanikira.
\v 25 Bhubhobhubho, mor'ekind'erisa watinge erusara weba: erusara runo nge ndani nchasha, monchama yani: mukore bhuno, kira tambi yomongi bhanu mwinianikira.
\v 26 Bhushwa kinsi otu rwarisa bhanu e kabhonsa kano, niyomo erusara runo, bhanu mutura nge erikwa ra Mukota na hiyereyo we.
\p
\v 27 Ngibhubho ingu warisa e kambosa kano niyomo erusara rwa Mukota, na wesibha mo byema ntwamerishie obhansa mo mubhi n'e nchama ya Mukota.
\v 28 Ina emweya wesibhe wesine, na ha warise ekambonsa niyomo erusara.
\v 29 Bhushwa ingu urisange niyomo na nti wesibha nt' urisange niyomo obhansa rwae wesine.
\v 30 Na mukicha bingi mubhanu bhatetera na bhakoni na bhingi bhamakind'ikwa.
\v 31 Twamesibhange bhate bhesine kongo tutakererwiyo obhansa.
\v 32 Ina twamakererwa obhansa nti twafinirwa na Nyerekuritu, kongo tutakererwi obhansa ne chuo.
\p
\v 33 Ngi bhubho, bhanakitu etambi kumananange bhanu mwerisa nti murindirane.
\v 34 Kubha kuri wakwarwaka warise kokwae angi mukumanana hima m'obansa. Mu bhanu na tunganyanya e bhimpe bhikai nsekia n'eya.
\c 12
\cl Chunda 12
\p
\v 1 Bhushwa emihango y'e mutima, nti nashima muruk'isibha bhanu bhanakitu.
\v 2 Bhanu musi mbw'ematu abhesenga bhanu neki nti musimira mw'iemisa etumoi tutangebha, etukana n'ebwahanwanga bhanu.
\v 3 Ngy'asingwa nabwire mbu kusira mweya wamwebha mo Mutima wa Ongo, mbu Yesu waherwa: ari kusira mweya wamukochiyebha Yesu ngi Mukota kuti nti munkati e Mutima Mushasha.
\p
\v 4 Kuri mihango yarengana ina e Mutima uma.
\v 5 Mirimo mingi ina Mukota uma.
\v 6 Mikoreri mingi ina e Ongo uma ng'ukorange bhiti mo bhati.
\p
\v 7 Mukinsi uma ishea e mutima wanikwanga we, mu mwengerero webhati.
\v 8 Bhushwa mweya uma unikwange ne Mutima kinwa cha wenge; na umpe kinwa chesiba, ne mutima uo uo.
\v 9 Mu umpe isimira, munkati ne mutima uma Na umpe muhango w'iranga mo Mutima uma.
\v 10 Na umpe muhango w'ikora tushingishiro, umpe bhutahwa, umpe isibhirira e Mutima, umpe esibirira e myebhe, umpe insonsomora e myebhe.
\v 11 Uma na uo Mutima ukoreshange ebhikai bhiti mwibhanyiye kinsi uma ebwashima we.
\p
\v 12 Bhushwa ebhuri e mubhi uma, na uri na bhitambo bhingi, n'ebhuri ebhitambo bhiti bye mubhi nakiro ebwingi bwa'byo byaronja ho mubhi uma nge bhumbo kuri Kirisitu.
\v 13 Bhate bhati twarubhikwa mu Mutima uma, mw'ibhesa mubi uma amabhe bhayuda, ari bhayunani, amabhe bhakobhe ari ebhari'shu bhate bhati twaromashiwa mu Mutima uma.
\p
\v 14 Himpo e mubhi nti kitambo kima, ina watunganyiwa na bhitambo bhingi.
\v 15 Kuba e mwindi wamebha: bhushwa nti ani mwine, nti ani wa mo mubhi, bushwa na ncho, wamubhesa nti w'emubhi?
\v 16 Na kubha e kote kwam'ebha: Bhushwa nti ani riso, nti ani ani wa mo mubhi, mbeni nti ani wa mo mubhi bhushwa cha?
\v 17 Kubha e mubhi uti wamubhesanga riso, eriy'orukira ramubhesange bhuni? Kubha e mubhi uti wamubhesange kote, er'enunka ramubhange bhuni?
\v 18 Ina Ongo watereka kira kitambo mo mubhi imbu bwashima we.
\v 19 Na kubha ebhiti byamabhesengi kitambo kima emubhi wamabhesengi kuni?
\v 20 Ina kwe e bhitambo bhingi ina e mubhi uma.
\v 21 Eriso rita kochi shisha emwine nti nakuraa mo; Ne 'muntwe utamukocha eshisha emindi mbu ntinabhuraa mo.
\v 22 Ina ringi nguru ebhitambo bye mubhi mbi bhisungwange bhitetera byaraisha nguru.
\v 23 Nambi bhisungange bhate bhuri byanenwa mo mubhi, twanikabyo otunda nguru. Ebhitambo bhitu mbi bhisungwange bhiri na murimo mukeke, twatunda byo.
\v 24 Bhushwa imbi byahunda bhisira murao. Ongo wamatunganyanya emubhi wanika ekitambo ncho chakomenwa otunda nguru.
\v 25 Kongo kutabhesi isiyana munkati e mubhi. Ina ebhitambo bhirangane.
\v 26 Kubha kitambo kima chairwange, ebhitambo bhiti nti byairwa hima nacho; ari kuti kitambo kima chamatatwa ebhiti nti byatatwa hima cho.
\p
\v 27 Bhanu mubhi wa Yesu Kirisitu, na bhanu bhitambo byae, kinsi uma bhuri we.
\v 28 Na Ongo waritereka bhima munkati emarameso, bha roso esantumwa, bh'emet'abhi ebhatahwa, bhebhashatu ebhahanisi, nambo bhakorange emikorere ye tushingishiro, n'emuhango w'er'iramya, Imbo bhasakengi bh'er'isimanire, n'er'iebha myebe mingi.
\v 29 Ebhati ntumwa? ebhati bhatahwa? ebhati bhahanisi?
\v 30 Ebhati bhakoranga mikorere Ebhati bhari na tushingishiro? muhango w'iramya bhakoni? ebhati bhebhange mumyebheri? ebhati bhansonsomorange?
\v 31 Ina mubhesi na mbusha yishee mo mihango yakonda. na nabhusheya inse yahunda nguru.
\c 13
\cl Chunda 13
\p
\v 1 Nakiro namw'ebhange e myebhe y'ebhea na y'esangashani, na kuti nsira nchime, nty'ani kahanda kakuange, ari nsimbi y'ombange.
\v 2 Na kiro namubhese mutahwa, nisibha enama siti na kiro niri nisimira, nikoche ekuranya esangu, na kubha nsira nchime nti bhusa.
\v 3 Na kiro nibhanyange ebhikai byani, mubhiyo bye bhasene, na namusibhura e mubhi wani mwishikwa, nakubha nsira nchime; ibya nti nti byankore nanki.
\p
\v 4 Enchime esumya mutima iyo yarisa bhurongu; enchime isira mono enchimi nty'etundurika, isira ngari.
\v 5 isira manko, isira kweshima, itansanga bhubhi nty'asua;
\v 6 Itakoch' iruka ibhesa na bhurongu, itatobhororanga, byae itasubhukanga, itebanga bhubhi.
\v 7 Isasirang'ebhiti, yasimir'ebhiti, yenyihir'ebhiti, yasimire 'bhiti.
\p
\v 8 Enchime itarimanga. Ebhutahwa bwaabheseyo na hende, Emyebhe yaasirayo, n'e bwenge bwaasirayo.
\v 9 Bhushwa twosi mu chunda, na tukorange ebhutahwa mu chunda.
\v 10 Ina e ntambi 'njo yarengeka yaakiya yameya, imbyo by'echunda bhisesirayo.
\v 11 Narekiya rikiri mwana, nti n'ebhange bhuri mwana. nianikirange bhuri mwana narekiya iye ani wabhume nasiya by'ebwana.
\v 12 Runotu tukaengi buri mu kikairiro, mu bhususe bwa murimya, ina twasunganayo mbaso mu mbaso, runotu nosi mu chunda, ina iye nisi ebwasibwa ani.
\v 13 Enompena bhinwa bhishatu bhiri ko: isimira, mwinyihiro inchime, ina ekikiri mo bhiti, n'e nchime.
\c 14
\cl Chunda 14
\p
\v 1 Musondekanye 'nchime, mubhesi na mbusha, na muhango we Mutima wakonda, Ina nguru we butahwa.
\v 2 Ingo webha mu mwebe, nt'utangebha n'ebhea, eina nt'webhange na Ongo, bhushwa kusira umworukirengi, bhushwa mo mutima ngi mwebherengiwe esanama.
\v 3 Ina ingu usonsomorange webhange ne bheya bhinwa bhiumba n'ibhongabhonga bho.
\v 4 Ingo webhange mu mwebhe weumbange wesine; ina ingo nsonsomorange wimbange eriromeso.
\p
\v 5 Nashima bhanu bhati mwebhe mu myebhe, ina nguru mukochi nsonsomora, bhushwa ing' unsonsomorange mukakare irenga ewebhange myebhe, kubha nt'wansonsomora kongo Erirameso rakoch'imbwa mu bho.
\p
\v 6 N' enompena, bhanakitu, mwengerero 'nki wamubhesa n' ani kuri bhanu, kuti n' eya kuri bhanu n' iebha mu mwebhe, na n'tangabwere mw' isheiwa, ari mu bwenge, ari mubhutahwa, ari mo mwenjo?
\v 7 N'e bhikai 'mbyo bhisire muka byamakuto murenge bhuri wa kansambi ari nsimbi byamaruka murenge warengana, bhuni bwamuteererwa o mw'emina ari ensimbi ari ekansambi?
\v 8 Na kubha ekahanda kariribhany'e mirenge, bheemisa uni mw'iend'e ku bhita?
\v 9 Bhumbo na bhanu, kubha morwami mutunganinkana bhinwa byorukirwa, bhuni bwaasibwa ebyebhange bhanu? Bhushwa bhanu mwebange mu bweru.
\v 10 Kuri mirenge ya mifange mingi mo chuo, ina kusira ngu wakomenwa.
\v 11 Kubha nti nosi insonsomor'emurenge, nabhese bhuri mushire kuri ng' webhenge, n'ewebhange nt'wabhesa bhuri mushire kuri ani
\v 12 Ngibhubho na bhanu bhushwa mushima emihango ye Mutima musonde nguru bhushwa mwimbe e risameso.
\p
\v 13 Ngibubo ingo webhange mu mwebhe waheme bhushwa washei er'insonsomora.
\v 14 Bhushwa kubha nt'ing'uhemange ina e bweng bwani bhutangabhuta byuma.
\v 15 Nikore bhuni? nahema mo mutima, ina nahema hotuna mo bwenge, nsesimba mo mutima, ina ntasimba na wenge.
\v 16 Bhushwa, kubha umushima mo mutima, buni ingo warika munkati ebhea wamusako Amina mo chamashima ongo bhushwa nt'usi echebhange Ongo?
\v 17 Bhushwa iira, ingo tatange ishu, ina eumpe nti wumbwa.
\v 18 Nitatange Ongo mo bwebhangy'ani mu mwebhe ibhurenga bhanu bhati.
\v 19 Ina, mo rirameso, Nashima iyebha bhinwa bhisanu mu bwenge bwani nikochi ihana bhampe irenga bhinwa bhihumbi ekumi mu mwebhe.
\p
\v 20 Bhanakitu angi mubhese bhana munkati ne wenge bwinu: Ina munkati ne bhibhi mubhesi bhana. na munkati ewenge mubhesi bheya bhatunganana.
\v 21 Chatiranyiwa munkati e myomba: Nebha ne bheya, mubheya bha myebheri impe na mumitutu ya bhampe ngi musebhayo ani n'ebhea mbo, na bhatanorukiriyo, ng'webha Nyerekuritu.
\p
\v 22 Emyebheri kiteerere nti mumbi bhasimira ina mo nti bhasimira; Ina ebhutahwa nti mumbi nti bhasimira, ina mo bhasimira.
\v 23 Ari ramabha munkati e nkumanano iti yerirameso ebhati bhebha mu mwebhe, na habhesi bheya bha muchuo nti bhasimira bhatebhi mbu bhanu bhashire?
\v 24 Ina kubha ebhati bharonja bhutahwa ne usira ewenge, ari emweya entiwasimira wamakime wamufinirwa ne bhati, n'ihanwa ne bhati.
\v 25 Enama se mutima wae nti sashaishiwa habhutara, nt'wahita hamakako nae, n'tata Ongo, n'iyebha mbu eira Ongo uri munkati ninu.
\p
\v 26 Tukore bhuni bhanakitu e ntamb'ikumananange bhanu bhari na rumbo, bhari n'ihano, bhari na mwebhe ari bhasheirwange ni nsonsomora. Ebhinwa bhiti mbi bikorwe mweumba.
\v 27 Kuba emweya webha mu mwebhe bhabhesa bhabhi ari angi bhateana bhashatu. Kinsi mweya webhe mutambi yae, na uma wansonsomore.
\v 28 Kubha kusira w'insonsomora, bhabhebhere morirameso na webhe wesine hima na Ongo.
\p
\v 29 Bhatahwa bhabhi ari bhashatu bhebhe, ne bhampe bh'ereke 'bhinwa.
\v 30 Na kubha eumpe warika kwihi wamasheiwa kinwa ewaroso nt'wabhebhera.
\v 31 Bhushwa bhanu bhati mumukocha iyebh'ebhutahwa uma mu uma, ebhati bhakochi ihanisiwa, n'ikasanirwa.
\v 32 Ne mitima ye bhatahwa yorukiranga e bhatahwa.
\v 33 Bhushwa Ongo nti Ongo wa bhurunga, ina wa bhuhoro, bhuri munkati ne marameso ebashuururwa bhati.
\v 34 Ebhomina bhabhebehre munkati nesakumanano, bhushwa nti bhasibhurirwa iyebha; ina bhorukire ewebha emyomba.
\v 35 Kubha bhasondange ihanwa mu kikai bhashishe bhake bhabho e kunumba, Bhushwa nkene mo momina iyebha mo rirameso.
\v 36 Ekinwa cha Ongo chatukire ko kwinu? ari chabwiyerenga bhanu bhisine mbw'iwe mutahwa.
\v 37 Kubha mweya wanikirange mbwime mutahwa, ari mweya wa mutima, wasibhe mbu imbi bhibhutiranyiengy'ani myomba ya Ongo.
\v 38 Ina kubha emweya nt'usi byo, waseranye byo.
\p
\v 39 Bhushwa ncho, bhanakitu, mubhesi na mbusha nguru yabhutahwa, n' angi muhangire iyebha mu myebe.
\v 40 Ina ebhinwa bhiti bhitunganyiwe mw'ehunda byo na bhutunganane.
\c 15
\cl Chunda 15
\p
\v 1 Nabhusubhukia, bhanakitu, e mwasi wakonda 'ngu warebhutury' ani, ing'wareninkwa bhanu kumunda nao murikw' esumya,
\v 2 Na muo muroshukara, amabhesa nti mutinge o ebwabhutureng' ani o; kuti nti bhumbo nti murisimira bhusa.
\p
\v 3 Nabhuhananga 'bhusondori ebhiti, imb' wahanwanga hotu ani o 'mbu Kirisitu wakwanga mo bhibhi by' itu, etukana n' emitiro,
\v 4 Wariarwa mor' esinda na wafuka morotu rw' ashatu, etukana n' emitiro;
\v 5 Na wasaire Kefa, kuruma mor' ekumi n' ebhabhi.
\v 6 Kuruma, wasaire bhanakitu irenga mana 'sanu mongo, bhingi mu bho bhakiri ho, na bhima bhamakind' ikwa.
\v 7 Kuruma, wasaire kuri Yakobo, etuka mpo kuri esantumwa siti.
\v 8 Kuruma nabho 'bhati, wanisaire, bhuri wabhutwa mw' eshirana kuruma, bhushwa ani ng' emwanunke mo santumwa,
\v 9 Nti nakomenwa ebhikirwa ntumwa, bhushwa na nubyang' er' irameso ra Ongo.
\v 10 Mo nchumo ya Ongo n' irikir' ebhuri ani, n' enchumo yae kuri ani nty' aribhesa bhusa; etuka mumbyo nakora irenga bho bhati nty' ani, eina e nchumo ya Ongo inj' iri hima n' ani.
\v 11 Bhumbo kwe, abhesa nty' ani, abhesa nt' ibho, sung' ebyahana bhate, n' ebyaresimira bhanu.
\p
\v 12 Nakubha, amabhesa nt' ihana mbu Kirisitu warefuka mo bhakwi, bhusha nki bhima mu bhanu bhabwerengi mbu kusira efuka r' ebakwire?
\v 13 Kwamabhesa kusir' efuka r' e bhakwi, Kirisitu nae nt' warefuka.
\v 14 N' amabhesa Kirisitu nt' warefuka emahano itu nti abhusa, n' er' esimira rinu naro nti ra bhusa.
\v 15 Rasungwa nakubha nti bhate turiho twa manko kuri Ongo, bhushwa twarironjiwa kariho nti ka Ongo ng'warefura Kirisitu, na nti nt' warefuka, amabhesa e bhakwi bhatamufuka.
\v 16 Bhushwa amabhesa e bhakwi bhatamufuka, Kirisitu nae nti nt' warefuka.
\v 17 N' amabhesa Kirisitu nt' warefuka, er' esimira rinu nti rabhusa, bhanu mukiri mo bhibhi bhinu,
\v 18 N' ekumasinda, ebhakwire kumunda, na Kirisitu hotu nti bharerimina.
\v 19 N' amabhesa nti mo bhuingo bhuno ho ngi mwenyihire bhate kuri Kirisitu, nti twareherwa ireng' ebhea bhati.
\p
\v 20 Eina enompena, Kirisitu warefuka mo bhakwi, iwe ntangi y' ebakwire.
\v 21 Bhushwa, er' oku rwarishiwanga na mwea, hotu mu mwea ngi mwareya erefuka r' ebhakwi.
\v 22 Na bhuri mbu bhukwang' ebhea bhati etukana na Adamu, bhumbo hotu ebhea bhati bhasebhesayo tu ho kuri Kirisitu,
\v 23 Eina kinsi uma mor' eimba rae, Kirisitu bhuri ntangi, kuruma ebhabhere na Kirisitu mor' ekuruka rae.
\v 24 Kuruma 'mpo risiyayo ehende, wasekiyayo wakuruch' ebhubhake kuri ngu ngi Ongo na tita kuruma n' erifundisa kinsi bhukakare, kinsi bhuhime, na kinsi bhunkangwe.
\v 25 Bhushwa rakomenwa wasime iya moero rweriya ebharenda bhae bhati hasikw' emindy' ae.
\v 26 E murenda wahende usefundiswayo, nty' er' oku.
\v 27 Ongo, wareriy' ebhati hasikw' emindy' ae. Eina mor' iebha 'mbu ebhiti wareriererwabyo hamakako nae; rakocheka ekuto ing' wakuterek' ebhiti kuri we.
\v 28 N' ebhikai bihti bhisekiayo byarierwa hamakako nae, e mwana wesine waseriarwayo hamakako angu wamunink' ebhiti, kongo Ongo wabesi ebhiti kumund' ebhiti.
\p
\v 29 Kuti nti 'mbo, inki chasekiayo 'mbi bharubhikwange bhushe n' ebakwi? Amabhesa ebhakwi bhatamukoch' ifuka, bhushanki bharubhikwange bhushe na bho?
\v 30 Na bhate, bhushwa nki tushirirange kinsi kashangi?
\v 31 Kinsi otu n' iri habhusondori n' er' oku n' ebhacho, bhanakitu, mo bhusime bhuri ninu kuri ani bhushwa na Yesu Kirisitu Nyerekuritu.
\v 32 Amabhesa nti mw' ikae bhuri bhana bh' ebhea ngy' asingwanga nakwana n' esanyama ku Efeso, mwengerero nki waashee ani? Amabhesa ebhakwi bhatafukiyo, turise na twomu, bhushwa mukoma tusekwa.
\v 33 Angi mwehusa mubyo: ebhira bhema bhabhishang' emicho yakonda.
\v 34 Mwekuruke mo, imbu bwakomenwa n' angi muronja bhibhi, bhushwa bima mu bhanu nti bhasi Ongo, nabwire cho mo sankene sinu.
\p
\v 35 Eina uma wamebha: bhuni ng' wamufuk' ebhakwi, na mubhi nki wamweya nabho?
\v 36 Eruka bwenge! eby' ekange ongo bhitabhesanga na karamo kubha nti byakwa.
\v 37 N' ebyeka ongo, nti ng' emubhi ubhutwanga nti mbuto bhusa ya bhuhi, ari ya impe mbuto;
\v 38 Kuruma Ongo uninkangayo umpe mubhi wasasa we, na mukinsi mbuto uninkangayo mubhi wayo wesine.
\v 39 Kinsi mubhi nti uma- uma; eina impe mibhi ya bhea, impe ya nyamishwa, impe ya mironge, imbe ya bikuro.
\v 40 Kuri hotu mibhi ya mo mbingu na mibhi y' echuo, eina erikoma r' emibi ya mo mbingu r' impe, mo r' emibhi y' echuho,
\v 41 R' impe ikoma r' emwishi, r' impe ra mweri, na r' impe ikoma ra nkekeni; hotu nkekeni yarengana mor' ikoma na impe nkekeni.
\p
\v 42 Nambo ngi bhuri erefuka r' ebha kwi, Emubhi wekwa webhihabhiha, wafuka usira ebhihabhiha;
\v 43 Wakwekwa w' inenwa, wafuka witatwa, wakwekwa mu bhutetera, wafuka urisere maa;
\v 44 Wakwekwa mubhi w' ebhutwa, wafuka mubhi wa mutima. Amabhesa kuri mubhi w' ebhutwa, kuri hotu mubhi wa mutima.
\p
\v 45 Ngy' asingwa chatiranyiwa: Emwea 'roso, Adamu, wabhesanga mubhi ushere. Adamu wa hende wabhunduke mutima w' erisha karamo.
\v 46 Eina ing' wemutima nti ng' waroso, ingu w' er' ibhutwa; ing' wemutima weya kuruma.
\v 47 E mwea waroso, watuka mo r' oto, iwe w' echuo, e mwea w' emet' abhi wa mo mbingu.
\v 48 Imbu bhuri 'ngu w' echuo, ngi bhuri hotu bh' echuo, n' ebhuri 'ngu w' embingu, ngi bhuri hotu bh' embingu.
\v 49 Namb' warianga bhate ensusanya ya w' echuo, tuseriyayo hotu ensusanya ya w' embingu.
\p
\v 50 E ch' ebha 'ni, bhanakitu, nger' iebha 'mbu e mubhi n' enchama bhita mubhesa mo mwandu w' ebhubhake bwa Ongo, n' er' ebhihabhiha ritamubhesa mo mwandu w' er' efund' ibhihabhiha.
\v 51 Sunga, nabwire nama: tutakwiyo bhate bhati, eina tusebhundukayo.
\v 52 Mu kashangi kima, mw' ikohya, mo kahanda ka hende. E kahanda kasebhuhwayo, n'ebhakwi bhasefukayo nti bhebhihabhiha na bhate, tusebhundukayo.
\v 53 Bhushwa rakomenwa e mubhi uno w' erebhihabhiha umbare nti w' erebhihabhiha, n' emubhi 'ngu w' erikwa umbare 'ng' usira er' ikwa.
\v 54 E mubhi 'ngu w' er' ebhihabiha usekiayo wambara 'ngu nti w' er' ebhihabhiha, n' e mubhi 'ngu w' er' ikwa, himpo ngy' asebherererayo ekinwa chatiranyiwa: Er' oku rwamaminwa n' er' ehima.
\q1
\v 55 Ong' oku, kuni kuri er' ehima rabe? Ong' oku, kuni kuri ekara kabhe?
\p
\v 56 Ekara k' er' oko, nty' ebhibhi, n' ebhunkangwe bwe bhibhi nty' emyomba.
\v 57 Eina Ongo watatwe, ng' watuninke 'rehima kuri Nyerekuritu Yesu Kirisitu!
\p
\v 58 Nampo, bhanakitu 'mbi mushimwa, mw' esimiki, angi 'ruha mw' ikora 'shu mo murimo wa Nyerekuritu, mwesibhirira 'mbu e murimo winu utabhesiyo bhusa kumunda na Nyerekuritu.
\c 16
\cl Chunda 16
\p
\v 1 Mochakae 'rohembo bhushe n' ebhashuururwa, muronje, bhanu hotu, bhuri 'mbu bwakuninkananga ni e momba mo marameso a ku Garatia.
\v 2 Kinsi uma mu bhanu, er' otu rwa roso rw' er' einga, warianga kumushi kikai mo mwae inchi chamukochawe, etukana n' erisasa rae, kongo; ritarindiri ngi eriya rani mor' eriya er' ohembo hima.
\v 3 Na nsekiayo neya, nserebheka hima na rwandiko, mor' eriya ebyakutunja bhanu ku Yerusaremu, n' ebheya bhaserondora bhanu.
\v 4 Amabhesa nti rarengekana 'mbu n' endi ani 'sine, nti bhaseronj' er' oenda hima n' ani.
\p
\v 5 Ns' eya ko kwinu, nsekiya namakundukanya ku Makedonia, bhushwa nsekundukanya ku Makedonia.
\v 6 Kuti nseruhukayo kuri bhanu ari nakubha iechako ematu ati e keme, kongo muntindikeyo ekusenda 'ni.
\v 7 Ntangahuna mur' ina ebhusunga nti n' etange, eina nisi 'mbu nserika kashangi kima kuri bhanu, kubha Nyerekuritu wasimira.
\v 8 Nserika nakiro mbu ku Efeso iya mor' otu rw' e Pentekoste;
\v 9 Bhushwa 'rubhi rukiri n' esimirwa rakonda r' obhorwa kuri ani, n'e bharenda bhabhesa bhingi.
\p
\v 10 Kubha Timoteo weya, muronje kongo utabhesingi na bhobha munkati n' inu, bhushwa ukorange bhuri ani mo murimo wa Nyerekuritu.
\v 11 Anga mwea wamunena. Mumutindikianga mu bhuhoro, kongo weya kuri ani, bhushwa namurindire hima na bhanakitu.
\p
\v 12 E kuri munakitu Apolo, nakumuhimirisa nguru mw' iyenda kokwinu hima na bhanakitu, eina nti ratukana rero n' isasa rae ironja cho enompena; usenda usekiya wamashee 'ntambi.
\p
\v 13 Mubhese, n' erika mwesimike mor' esimira, mubhese bhabhume, muninkane maa.
\v 14 E bhiti bhironjange bhanu, bhironjiwe hima na nchime.
\p
\v 15 Kimpe chabhuhema 'ni nabhurebheka cho, bhanakitu. Bhanu musi mbu eroanda rwa Stefano ng' e ntangi ya ku Akaya, na bharekweria mo murimo w' erisake' bhashuururwa.
\v 16 Mubhese na bhanu hotu n' esimirana na bhea bha 'mbu bhususe, n'e bhati bhakorange mu uno uno murimo.
\v 17 Nakokome eribesa ra Stefano, ra Fortinato na ra Akaiko; bhatuka bhari mor' eruka rinu,
\v 18 Bhushwa bhakuruhuchang' emutima 'ni n' ewinu, Musibhe itata bhea bha 'mbu bhususe.
\p
\v 19 E marameso amo Asia abhukeya. Akila na Prisila, hima n' er' irameso r' iri monumba 'bho, bhabhukea nguru kumunda na Nyerekuritu.
\v 20 Bhanakitu 'bhati bhabhukea, Mukeane ebhima n'e bhampe mu nkerei yashuururwa.
\p
\v 21 Nabhukea, ani Pauro, mo mine ani 'sine.
\v 22 Kubha kuri 'ngu ntwashima Nyerekuritu, wabhesi nt' waherawa! Nyerekuritu weyange.
\v 23 E nchumo ya Nyerekuritu Yesu ibhese hima n' inu!
\v 24 E nchime y' ani iri hima na bhanu bhati kumunda na Kirisitu.