nyj_reg/45-ACT.usfm

\id ACT
\ide UTF-8
\h Emikorere y'esantumwa
\toc1 Emikorere y'esantumwa
\toc2 Emikorere y'esantumwa
\toc3 act
\mt Emikorere y'esantumwa
\c 1
\cl Chunda 1
\p
\v 1 E Teofire, n'ebhanga mo karisi k'ani ka 'roso, ebhiti byakoranga Yesu n'ihana etukire mo ntangiro;
\v 2 Iya mor' otu ndo rwakukumwanga we nt'wamakind' eninkana e myomba e mo Mutima Mushasha kuri e santumwa sarondoranga we.
\v 3 Kurum' er' inubiwanga rabho matu makumi anye, W'ebha nabho bhikai byakae 'bhubhake bwa Ongo.
\p
\v 4 Nampo wakumanana nabho, were bho kiro mutuka ku Yerusaremu, murindire erirai ra tita rorukiranga bhanu kuryani.
\v 5 Bhushwa Yohana warubhikanga mu mecha ina bhanu mukurubikwa munkati ne Mutima washuururwa kuruma na matu nti mingi.
\p
\v 6 E ntambi ya kumanananga bho bhamushisha: Nyerekuritu, ukuruchie e bhaisraeri e bhubhake wabho mo matu ano?
\v 7 Werebho; nti bhinwa bhinu isibha e matu, n'ebhiranga bhikai bhirikire mo bhunkangwe wae.
\v 8 Ina mukuninkwa bhunkangwe e Mutima Mushasha usekia wamabhuhite, na mubhinduke kariho kani ku Yerusaremu, na ku Yudea kuti, na ku Samaria, iya na mungendero ye chuo.
\v 9 Mor'ekind'iebha we 'bhinwa mbyo, wakukumwa, na nti bhamusungange erutundo rwamwangirira ituka mo meso abho.
\p
\v 10 Bharekiya bhasumye meso ekwiyo warekiya weirengi; bhea bhabhi, bhari na myambaro isanange bhasimama kwihi nabho.
\v 11 Bhebha: bhanu bheya bha ku Gariraya bhushanki mumasimana. Murikae ekwiyo? ingu Yesu wamakukumwa ituka kuri bhanu ni taya kwiyo, wiyayo hotu mo bhususe bhubho bhubho bwamasunga bhanu murienda rae ekwiyo.
\p
\v 12 Himpo bhakuruke ku Yerusaremu ituka murou rwabhikirwa Seituni ruri kwihi na ku Yerusaremu chunda ch'oendorwa Sabato.
\v 13 Bharekiya bheya bhakime murichumbi rekwiyo ngi kwa rika Petero, na Yohana, na Yakobo na Anderea, Firipo na Tomaso Bartoromayo, na Matayo, Yakobo musike wa Arfayo, na Simoni-Serote, na Yuda musike wa Yakobo.
\v 14 Ebhati-mbo bhabhinduke ntibarihima munkati n'ihema Ongo mu muhaki uma; hima na bhomina, na Maria nina wa Yesu na bhasike bhabho.
\p
\v 15 E matu-a, wasimana Petero munkati e bhemisa, abhesenga iyana na makumi abhi.
\v 16 Webha: bhanakitu bhabhume: rarengekana e mutiro ubhererere echebhanga e Mutima mushasha webhanga kare, mo bhunu bwa Ndaudi, bhushwa Yuda murisondore ebhendanga katinge Yesu.
\v 17 hBushwa bhamwansa hima nitu waninkwa na muhango muno murimo.
\p
\v 18 Himpo e mwea uno waninkana mbai mwishwa mu bhehe bhubhi bwa. Wabhereka, emishoro iti yae yarongoka.
\v 19 Chasibwa ne bhea bhati ku Yerusaremu ne rishwa rabhikirwa mo mwebhe wabho Akeldama ng'er'iebhambu ishwa ra nchama.
\p
\v 20 Bushwa chatiranyiwa murwandiko rwe Saburi: e buriki wae busiye mukunguru na butarikiyo mo mweya umpe watingi ehakorengi rero we.
\p
\v 21 Himpo munkati ne bhea atuka bhemisanya nitu mu kinsi kashangi kakubhesanga bhate na Nyerekuritu.
\v 22 Itukire ebhurubhike wa Yohana iya na murotu rwatarishiwa ngae, murituka munkati n'itu rakomenwa uma wabhinduki kariho ke rifuka rae munkati nitu.
\p
\v 23 Bhashea bhabhi, Yosefu wabhikirwa Bharisabha, waninkwanga rina ra Yusto, na Matia.
\v 24 Bhahema, bhebha: ongo Nyerekuritu usibirira emitima ye bhea bhati; tushee inye ng'warondora ongo munkati ne bhabhi.
\v 25 Watinge emuhango wae mobhufuku bhuno na ntumwa mundikaro yamasia Yuda, watingiyo.
\v 26 Bhakubh'esambai, esambai sake kuri Matia, hima ne santumwa ekumi n'enima.
\c 2
\cl Chunda 2
\p
\v 1 Er'otu rw'epentekoste, bhabhesanga nti bharikire na mutima uma-hima.
\v 2 Mu 'nko kashangi kwahita okindo etuk' ekwiyo buri eyuhu reya na maa rarisiy'enumba yabhesanga iri mo 'bho.
\v 3 Hasungwa kuribho mansense bhuri akasha ahite mukinsi uma.
\v 4 Bharisiwa ebhati Mutima Mushasha bhabhucha iyebha mu myebhe mishasha, imbu wakianga e Mutima wabhunduranya bho e rwami.
\p
\v 5 Abhesenga bhari ku Yerusaremu bhayuda ntibariko, bhea bh'eira, ituka mu sanganda siti sa muncho chuo.
\v 6 Mor'okindo rwabhesanga mpo warukirwa e bhikembe byakumanananga mpo, byashishara bhushwa kira mweya worukira ntiye bhebhange momwebhe wae.
\v 7 Bisarima ebhati, bhashishara bhashishana: e bhatimbi bhebhange nti bhisa ku Gariraya?
\v 8 Kiribhuni-kino bhate tworukira kinsi mweya webhange mo mwebere witu we ributwa?
\v 9 Baparti na Bamedi, na Baelamu, nambi barikanga ku Mesopotamiya, Yudea, na Kapadokia-Ponto na ku Asia.
\v 10 Furukia na pamufiria, ku Misiri na muruharo rwa ku Ribiya kwihi na ku kirewe, na ku Roma bheni-BaYuda, ne n'ebashasha.
\v 11 Bhakerete, ne bhaarabhu; tworukira bho bhebhange mo mwebhe witu. kengeko kakiri ka Ongo.
\v 12 Bhisarima e bhati bhatingirwa na koha, bhashishana inki e kinwa kino?
\v 13 E bhampe bhakia bhuhaka, nti bhebhange: bhamatamira mau a mashasha.
\p
\v 14 Himpo Petero wasimana ne bhampe ikumi na uma. warekera emurenge, were bho: bhanu bhabhume bha ku Yuda na bhanubhati, bhanu emurikanga ku Yerusaremu: e kinwa kino kisibwe kuri bhanu, morikire e bhinwa byani.
\v 15 Ebhea mbi ntibhake mau, ebwanikirange bhanu, bhushwa ntambi shatu sa mukomakomansi:
\v 16 Ina kinwa kino ngi ch'ebwanga ne mutahwa Yoeri.
\p
\v 17 Rabhindukeyo mo matu ehende, Ongo webha, Nseritayo e Mutima 'ni mo bhea bhati, ne bhana bhinu, ne bhitasa bhinu byebhayo bhutahwa, Ne misike yinu yaasheiwayo, Ne bhakungu bhinu bhanontayo nsori.
\v 18 Na munkati ne matu iyayo na kubhurayo e mutima wani-hambasiro n'e santumwa sani bhabhume n'ebhomina nabhobhebhayo bhutahwa.
\v 19 Nasheayo bhishisharo ekwiyo mo mbingu na twengeko mo chuo ekwansi. nchama, kasha n'otundo rwa mwiki.
\v 20 E mwishi wabhundukayo mwerimya ne mweri bhuri nchama. Bhusondori rubhererere erotu rwa Nyerekuritu, otu rukiri rwabhishisharo.
\v 21 Na rabhindukeyo kinsi mweya usebhikir' erina ra Nyerekuritu wooshukarayo.
\p
\v 22 Bhanu bhabhume bha Isiraeri, morukire e bhinwa bhino: Yesu wa ku Nasareti, mwea washeiwanga kuri bhanu na Ongo mu mikorere ya bhishisharo, twengeko, na bhiteerere byakoranga Ongo mo mombo wae munkati ninu, bhanu bhesine musi,
\v 23 Uno wakutingirwanga ninu, mu nama yakuminwanga, na murisiba ra Ongo itukire kare, na bhanu mumunubya, ni muya mo mine ye bhea bhema.
\v 24 Ina Ongo wamufura, n'emutunja mo bwae werikwa, bhushwa abhesenga ritamukocheka watingirwe naro.
\p
\v 25 Bhushwa Ndaudi webha kuri we: nasunga Nyerekuritu ekubhusondori e matu ati bhushwa uri mumombo wani wekwabume kongo kiro nanubha.
\v 26 Murira, E Mutima wani washima, e rwami rwani rwamoa: Ne mubhi wani warika mu mwinyihiro.
\v 27 Bhushwa utusiiyo e Mutima wani erotu rwe rikwa ekwerunga, Naha utungasianga e mukomenwa wabhe wabhishiwe.
\v 28 Umanishea ense ye karamo undisiya ngoa ha mbaso yabhe.
\p
\v 29 Ebhanakitu mundeki nt'ebha anga bhobha bhusondori ninu, e myasi ya tita mukwakare, Ndaudi, mwiyeba, wakwire, watawa, ne risinda rae ririkirekuri bhate runotu.
\v 30 Himpo bhushwa abhesanga mutahwa, wasiba mbu Ongo wamwirenga irai, wasere, mbu munkati nkumo yabhe bhura wabhe, mwasimanayo Mukota warike munkati ne kitumbi ch'abhe che bhubhake.
\v 31 watangira isunga ebinwa bhino, webha e myasi ye rifuka ra Yesu, mbwe bhuingo bwae ntibwasiarwang' e kwerunga, ne mubhi wae n'tiwabishiwanga, nti wabhonga.
\p
\v 32 Ingo Yesu Ongo wakumufura na bhate bhati kariho.
\v 33 Himpo wamakindi itarishiwa mu mombo we kwabhume wa Ongo ni angirira kwa Tita e ndani ye Mutima mushasha ungo wamakubhura echamasunga bhanu n'iyorukira.
\v 34 Bhushwa Ndaudi ntiwatayanga e kwiyo, In wesine webha; Nyerekuritu webhanga kuri Nyerekuritu, Rika mu mombo wani w'e kwabhume.
\v 35 Iya mo 'ero ntariy' ebharenda bh'abhe kwansi ne mindi yabhe.
\p
\v 36 Kongo bhaisiraeri bhati bhasibha mor'eira mbu Ongo wamatunganya Yesu ingo wanubhiwanga, Wabhinduki Nyerekuritu na mubhake.
\p
\v 37 E ntambi yorukiranga bho ebhinwa mbyo, bhashire mo mitima y'abho, bh'ere Petero ne simpe ntumwa; Bhanakitu tukie bhuni?
\p
\v 38 Petero werebho; mubhunduke, murubhikwe morina ra Yesu Mukota.
\v 39 Bhushwa endani ino bhushwa bhanu ne bhana bhinu, na mo bheya bhati ebhari kore, ne bhati bhabhikirwayo na Nyerekuritu Ongo witu.
\v 40 Werebho mu bhimpe bhinwa bhingi n'ihana bho, w'ebha; mwiramye bhanu bhesine ne ruanda runo rwarimina.
\p
\v 41 Nambi ebhangiriranga ebhinwa byae ne sangoa bharubhikwa; n'er'uto ru'ro kwabhinduke kikembe cha bhea bhihumbi bhishatu.
\v 42 Bharikanga nti bhari munkati ni hanwa bhinwa ne santumwa, na munkati na bhunakima, na munkati n'ekibhimbi ch'erisa etubhonsa nihema.
\p
\v 43 Himpo ebhobha wakime kinsi mwea; na bhishisharo, na twengeko twingi twaronjiwa ne santumwa.
\v 44 Ne bhati ebhasimiranga bharika hima, bhabhinduke n'ebihkai, bhiti mu bhunakima.
\v 45 Bhachuya ebhiti byabho, bhabhanya ebhiti byabho imisanya ne mirao ya kinsi mwea.
\v 46 N'otu m'otu bhabhesanga mu mwanikiri uma bhakime mw'irameso, mw'irameso ekibhimbi numba mu numba, n'iangirira ebiyo byabho mu ngoa, na mumutima uma.
\v 47 Bhatata Ongo, ne bhea bhati bhashima, na Nyerekuritu warisiya erirameso kirotu imbo abhesenga bhoshukarange.
\c 3
\cl Chunda 3
\p
\v 1 Petero na Yohana bhatayanga mongo mor'irameso muntambi mwenda, ntambi yemahemo.
\v 2 Habhesenga wabhuume uma nti okata itukire eribhutwa rae, nturiarwanga, na nti bhamuterekanga kirotu hamuyango n'erirameso ubhikirwange mbu rubhi rwakonda. kongo wend'uhemange ahembo, mu bhati ebhabhesenga bhakimengi mor'irameso.
\p
\v 3 Ewabhume ngo murisungae Petero bhana Yohana, nti bhendange kakimemo, wakongabho uhembo.
\v 4 Petero, na Yohana bhamusumy' emeso bh'ebha: turarami.
\v 5 Wakaebho n'iyoro emwine mw'erindire kikai kuribho.
\v 6 Petero wamwire: nsira bhehe natukoi ekiri nani ngi kisekunink'ani, morina ra Yesu Kirisitu wa ku Nasareti, simana enda
\v 7 Wamutinge mo mwine w'ekwabhume wamusimanya mu ntambi nanjo, e mindi yae nesanungo sebhisando sashee maa.
\v 8 Wekubha, wasimana n'ibhuchienda wakime nabho kumunda n'erirameso, mwienda, wekubhange nitata ongo.
\p
\v 9 Ebhati bhamusunga ntwendange nitata Ongo.
\v 10 Bhamusiba nti ngi wabhesanga n'turikanga hamiango erubhi rwakonda rw'erirameso mwikonga uhembo ebhati bharisa bhishishiro mo byamamukore bho.
\v 11 Entibwa tukakanga we kuri Petero na Yohana, ebhea bhati bhashishara bhakanyahire kuri bho, m orushu rwabhikirwa mbu rwa Soromono.
\p
\v 12 Petero, murisunga mbyo, wer'ebhea: bhamu bhabhume bhaku Isiraeri, bhushwa nki mutusum'yemeso, nishishara nguru bhanu mwanikirange mu bhunkangwe bwitu ari mw'ikoma ritu ngy'asingwa emwea ngu wenda?
\v 13 Ongo wa Iburahimu wa Isaka na wa Yakobo Ongo wa bhatita, watata e mufuku wae Yesu, ewakusibhuranga bhanu n'e mutino bhusondori na Pirato, ewebhanga mbu bhamureki.
\v 14 Bhanu mutin'e washuururwa n'ew'ereira namuhema wasasirwe e muyeri.
\v 15 Muya e mubhake w' ebhuingo, ewafurayo Ongo mo bhakwi, bhate kariho.
\v 16 Mor' esimira mor' ina rae, ngy' er' ina rae e usungange bhanu ngu neusi bhanu: Erisimira kuriwe ngi rakuninka e karamo kuri 'ngu mwea momeso inu bhanu bhati.
\p
\v 17 Na montambi nsi, ebhanakitu, nisi mbu mukukoranga mw' efund' isibha, n'e bhakakare bhinu.
\v 18 Ina Ongo wabhereresha ebhiti byebhangae mo monu e bhatahwa bae, mbu Kirisitu wa komenw' inubha.
\v 19 Musie bhubhi nibhunduka, kongo e bhibhi bhinu byasasirwa.
\v 20 Kongo ntambi sa Mukota siye, n' ibhurebheka 'ngu warairwanga, Yesu Kirisitu.
\v 21 Ngi wakokerwa ekwiyo iya nampi hakiayo ebhiti byatunganana, ewebwanga na Ongo itukire kare mo bhunu bwe bhatahwa bhashuururw' eraroso.
\v 22 Musa webhanga: Mukota Ongo winu wabhushaishieyo mutahwa munkati na bhanakinu bhuriani; mumorukireyo mo bhiti byabhushishayo we.
\v 23 Na nkisi ngu utorukiriyo e mutahwa ngo waashiriwayo munkat' e bheya.
\v 24 E bhatahwa bhati ebhebhanga, itukire kuri Samwere nienderana, nabho bhaturangao.
\v 25 Bhanu bhasike bh' e bhatahwa na bh' endani ya Ongo ebyakiyanga we na bhatita, iebha na Iburahimu: e bhisasa bhiti bye chuo byakasanirwayo mor' obhuto rwabhe.
\v 26 Ekuri bhanu eraroso ngi Ongo mor' ibhusheere shie e mufuku wae, wamwere mbu wendi kabhukasane, n' ibhundura kinsi uma mu bhanu mo bhibhi byae.
\c 4
\cl Chunda 4
\p
\v 1 Petero na Yohana bharekia bh'ebhange n'ebhea, hbiya e bhakungu, e mukwakare w'erirameso n'ebhasadukayo.
\v 2 Nti bhayongwa byabhesanga bhihanange bho ebhea, n'itura mor'ina ra Yesu erefuka r'ebhakwi.
\v 3 Bhatinge bho n'irekera bho mo ngori n'iya mukoma, bhushwa abhesanga nti murisisi.
\v 4 Eina bhingi nabhorukirang'e kinwa bhasimira n'enwanso w'ebhabhume weya m'oero rwa bhihumbi bhisanu.
\p
\v 5 Mo mukomakoma e bhakakare bh'ebhea, e bhakungu n'e bhandiki, bhakumanana ku Yerusalemu.
\v 6 Na Ana, e mukungu mukiri Kayafa, Yohana, Alesandere n'e bhati bh'er'oharo rw'ebhakungu bhakiri.
\v 7 Petero na Yohana bhariarwa munkanti nabho nishishabho: Bhuni bhunkangwe namu rina ranye ngi mwakuronja bhanu mbyo.
\p
\v 8 E ntambi njo Petero nturisere Mutima wakonda washisha bho: bhakwakare bh'ebhea na bhakungu bha isiraeli.
\v 9 Bhushwa twashishiwa runotu mubyakonda byakuronjiwanga mwea mukoni, kongo twebha bhuningi bwakuramawe.
\v 10 Musibhe cho bhanu bhati n'e bhea bhati bhaku Isiraeri bhasibhe morina ra Yesu Kirisitu wa ku Nasareti, ingwakushuranga bhanu muriyango, na ongo wamufura munkati n'ebhakwi, morina rae ngy, asingw'e mwea ngu w'a simana munkangwe bhusondori ninu.
\p
\v 11 Yesu nge rikoy ratawanga niinu bhanu bhumbi, naro nge rikoy rikiri hankunso.
\v 12 Kusira nchukaro kuri umpe, bhushwa kusira hasikw' embingu rimpe rina era ninkanwa munkanti n' ebea, muro ngi rakomenwa iyoshukare mo bhate.
\p
\v 13 Bharekiya bhasunga er'isimira rikiri ririkire na Petero na Yohana, bhashishara, nti bhasi bho bhabhesanga bhabhume bh' ebhea nti bh' eta masare, na bhasibwa mor' ibhesa bho hima na Yesu.
\v 14 Ina bhuri ebwabhesanga bhusungange bho kwihi nabho e mwea wakuramiwanga bharuka ch'er' isako.
\p
\v 15 Bhashishabho bhatuke morushu, bharisia munkati nabho. Bhebha: tukie nki mo bhea mbi?
\v 16 Bhushwa risibhirwe mo bhisa ku Yerusaremu mbu bhamaronja kashingishiro, na tutamutuna ko.
\v 17 Ina, kongo kitansansabhaningi nguru mo bhea bhati, tuhangise bho n' esua, iebha itukire entambino anga bhebha mu mwea uti erina ndo.
\v 18 Na moribikira bho, bhahangise bho nguru iebha nihana mo rina ra Yesu.
\p
\v 19 Petero na Yohana bhasubhie bho: mukere ro kubh' eira kubhusondori na Ongo, tubhorukire irenga Ongo.
\v 20 Bhushwa tutamukocha ifundi ebha mo byakusunganga bhate n'yorukira.
\p
\v 21 Bhasue tu bho, n' irekebo, mw' isera bhuni bhukieri bho bhubhi, bhushw' ebhati bhabhesanga bhatatange Ongo mo byamabhese.
\v 22 Bhushwa e mwea wasingwanga erirama r'ekashingishiro rabhesa wabhesanga ntu kwengi miaka makumi anye.
\p
\v 23 Ikindi siabho, bhenda kuri ebhea bhabho, n' itura ebhiti byakukiang' ebhakungu bhakiri n' ebhakungu bhashisha bho.
\v 24 Bharekiya bherukirange bho, bhasimanya e murenge bhati mongo kuri Ongo, n' iebha: Mukota, ongo ngi ukianga e mbingu enyasa n' ebhiti bhiri mo.
\v 25 Ongo ng' webhanga ietere e Mutima wakonda, mo bhunu bwa tita witu, kuri e mufuku wabhe Daudi: bhurunga bwa'nki munkanti e sanganda na' nji myanikiri y' ebhusa munkaty' ebhea?
\q
\v 26 Ebhami bh' echuo bhasimana, n' ebhana bh' ebhami bhisonya mw' ikwanya Nyerekuritu n' emubhake wae.
\p
\v 27 Nambo, moribhaa emufukw' abhe washuururwa Yesu, ewatiranga ongw' emakuta, Herode na Pontio Pirato bh' eriya hima mur' uno 'bhungu n' esanganda hima n' ebhea bha ku Israeri.
\v 28 Kongo bhabhereresha e mikorere yabhe ne risasa rabhe bhuri ebwarengekanyanga ongo byo erisondori.
\p
\v 29 N'entambi 'no, Emukota, sunga erisua rabho, ninka esantumwa sabhe, bhendi katur' e mwasi n'isimira rikiri.
\v 30 Mor' esimany' emwine wabe, kongo kwabhesa karamo, tushingishiro na bhishisharo morina rentumwa' bhe yashuururwa Yesu.
\p
\v 31 N'entambi yahemange bho, ehabhesanga hatumana bho hatenga, ebhati bharisa Mutima wakonda, bhatura e mwasi wa Ongo nisimira rikiri.
\p
\v 32 Ebhihumbi by' ebhasimira, bhabhesanga nti mutima uma n'iyanikira rima. kusira webhanga mbu ebhikwengi we byae eina nti byabho ebhati.
\v 33 Esantumwa saninkana kariho kingi murifuka ra Nyerekuritu Yesu. Na nchumo nkiri ntiri hambasiro nabho ebhati.
\v 34 Bhushwa nti habhesanga munkati nabho mubhi: E bhati bhabhesanga na mashwa ari manumba bhachuyanga byo bharish' ebhiti byakuchuyangabo.
\v 35 N'isicha byo momiindi ye santumwa; na nti bhabhanyabyo mukinsi mwea bhuri emurao wae.
\p
\v 36 Yosefu, ewabhikirwa tu n'esantumwa 'mbu ngi Baranaba, ngierieba musiky' a mahano Murawi, mubhutirwa wa ku Kipro.
\v 37 Wachuya ishwa rabesanga rikwengi we warish' ebhehe n' iterekabyo mo mindi y' esantumwa.
\c 5
\cl Chunda 5
\p
\v 1 Na wabhume uma wabhikirwa ngi Anania, na mukari Safira, bhachuya kebhe chishwa rabho.
\v 2 Wabisa muhango uma we bhusi, mukari wasibha, ne byasianga wenda kasicha byo mo mindi ye Santumwa.
\p
\v 3 Petero wamwire: Anania, bhushwanki mushumbu wamarisiya e mutima wabhe, mwiya moero rw'iebha bhushukishuki kuri e Mutima mushasha, na ntu masiya ne muhango uma we bhusi bwe rishwa?
\v 4 Ritamuchukange kongo nti rabhe ho? na kuruma n'er'ichuya, e bhehe nti byakosi bhiri mu rikocha rabhe bhushwa nki umariya mo mutima wabhe kitunge mpi? Utungebere e bhabhume bhano manko, ina Ongo.
\v 5 Anania, warekiya wamorikira e bhinwa mbyo, wenduka, na wakwa. Koha kakiri katinge e nkumanano eiti.
\v 6 E bhoshukira, bhasimana, bhamubhungabhunga, bhenda nae bhamutaa.
\p
\v 7 Ntambi ishatu sarikia sa meta, mukari wakime, ntiti usi e byameta.
\v 8 Petero wamushisha: Neri, nge bhehe bhimbi ngi byakuchuyanga bhanu e chunda cherishwa? warisiya, mbu nge bhusi bhumbo.
\v 9 Petero wamwire: bhuni ngi bwa kurisiana bhanu mwishukeshuke e Mutima wa Nyerekuritu? kae nge bhimbi ebhatukange kataa moke wabe ngi bhano bhari hamiango, na ongo bhasekuria.
\v 10 Mukashangi nko, wenduka mo mundi y'esantumwa, na wakwa. E bhoshukira bharekia bhamakime bhamukumana ntwamakwa, bhenda nae bhamutaa kwihi na moke.
\p
\v 11 Koha kakiri karisa mo nkumanano nambi e bhati ebhorukirang' e mwasi ngo.
\p
\v 12 Bhishisharo bhingi na tushingishiro twakierwa munkati n'ebhea mo mine ye santumwa. Bhabhesanga bharika e bhati mo rubhi rwa Soromono.
\v 13 Na hasira nompe mwea wabhesenga wehiengi bho! ina e bhea nti bhatatange bho nguru.
\v 14 E mwanso we bhasimira Nyerekuritu, bhabhume ne bhomina wa ongererwa, tu nguru.
\v 15 Mwiya na mungerero ye reriya e bhakoni mo sense ni tereka bho mu sentange, bhushwa Petero usekiya wameta e kirimirimi chae kibhumbi uma mubho.
\v 16 E kikembe che bhea e bhabhesenga mu se mbungu sa kumushi mushi bhati bheya ku Yerusaremu, karishako e bhakoni na bhea bhatingirwa na bhifasi ne bhati bharama.
\p
\v 17 Eo e mukakare we bhashe bhakungu ne bhati bhabhesenga nae, isibha e rushu rwe bhasandukayo nti bharisere na mono.
\v 18 Bhariya e mine yabho kuri e santumwa, bhataa bho mo ngori.
\v 19 Ina ngashani uma wa Nyerekuritu, warekiya wamarundo e sandubhi munkati bhutu, wasaisha bho, w'ire bho:
\v 20 Mwendi, musimane mu riramaso muture e myasi ye karamo ke bhuingo bhuno.
\v 21 Bharekiya bhamorukira mbo, bhakime mo murangaranga morirameso bhabhucha ihano e mukakare we bhashe bhakungu nambo e bhabhesenga nae, bharekiya bhamiya bhabhikira e rushu ruti rwe bhasandukayo ne bhakungu e bhati bhebhana bha Isiraeri, bhatuma bhea bhendi kasonda e santumwa mu ngori.
\v 22 E hbafuku, bharekiya bhamakuruka, nti bhasunga anga n'uma mu ngori, Bhakuruka bhatura e mwasi wabho.
\v 23 Mwiyeba: Twa kukumana e ngori nti Yarindikwa ishu, ne bharangi e bhabhesenga bhari kubhusondori ne rorubi, ina twakukiya twamarundo, nti twakumana anga numa kumunda.
\v 24 Bharekiya bhorukir'e bhinwa mbyo, e mukakare we rirameso ne bhakakare bhe bhashe bhakungu ntiti bhasi e byanikirange e santumwa ne bhisiya kuruma ne bhinwa bhino.
\p
\v 25 Mwea uma wiya werebho: mukai, e bhabhume e bhakurianga bhanu mu ngori bhari murirameso, bhahanange bhea.
\v 26 Nampo e mukakare wenda ne bhafuku niendja bho mpompo, bhushwa wabhesenga usubhahange mbu wamurekerwa makoi ne bhea.
\p
\v 27 Bharekiya bhamarisha bho mumakako e rushu rwe bhasandukayo, e mukakare webhashe bhakungu washisha bho bhuno:
\v 28 Nti twakubhuhangirenga mbu kiro mu hana tu mu rina ndo? Na mukai, mumariya tu Yerusaremu e uti ne mahano inu na bhanu musondange mbwe nchama ye mwengu ibe hambasiro nitu.
\v 29 Petero ne santumwa bhasako: rakomenwa isubha Ongo mwisubha e bhea.
\v 30 Ongo wa tita wakufukayanga Yesu, e wakushuranga bhanu mwi muiririsa mo muti.
\v 31 Ongo wamutarisha e kwabhume kwae bhuri mubhake na moshukayi, mwininka bha Isiraeri e ribhunduka ne risasirwa e bhubhi.
\v 32 Bhate kari ho ke bhinwa mbyo, ne Mutima mushasha ungu e waninkwanga e bharimusimira.
\v 33 Isubhuka ne bhinwa mbyo, nti bhasondange ishura bho!
\p
\v 34 Ina mufarisayo uma, wabhikirwa mbu ngi Kamarieri, muhani mukiri we myomba, waninkwa Otunda ne bea bhati, wasimana mo rushu rwe bhasandukayo, weba mbu bh'obhore kasa esantumwa.
\v 35 Werebho: bhabhume bha ku Isiraeri, mukohyanga mumbi e bhisondange ikora bhanu kuri e bhea bhano.
\v 36 Bhushwa nti reta matu mingi wasaa Theuda webhikira mb'wiwe mwea mukiri, na kuruma nae kwarika bhea mana anye, bhashurwa, ne bhati e bhamutuchanga bhabheka ni nsansabhana bhabha bhusa.
\v 37 Ituka iwe, hiya umpe ngi Yuda e mu Gariraya mo matu eritiranywa e mwanso we bhea, wakurura bhea bhingi mo ruharo rwae, bhashirira nabho, ne bhati bhamutuchanga bhansasabhana.
\v 38 Na hano, ni bwerengi, kiro muraa mo bhea bhano, mureki bho bhendi, kuti e mikorere yabho yatukana na bhea, yaabhihabhiha.
\v 39 Ina kuti e mikorere yabho yatukana na Ongo mutumukocha ibhishabhisha yo, kiro mukime mu kinwa chibhanganya Ongo.
\v 40 Bhamurisiya, bhabhikira e santumwa, bhahumba bho tushushu, na bhahangise bho iyebha e rina ra Yesu, bhareke bho.
\p
\v 41 E santumwa satuka mo makako e rushu rwe bhasandukayo, mu ngoa sisunga bhakererwa ubhansa rwakonda rw'inenwa bhushwa bwe rina ra Yesu.
\v 42 Na kinsi otu, murirameso na mo manumba nti bhatangasiya ihana ne ritura e mwasi wakonda wa Yesu Kirisitu.
\c 6
\cl Chunda 6
\p
\v 1 E matungo, e mwanso we bhemisa wongerere, e bhayunani bhahuhuma bhushwa rwe bha ebraniya bhushwe n'e bhashumbakari bhabho nti bhanenwa mo ribhanya re kinsi otu.
\p
\v 2 Erekumi ne bhabhi bhabhikira e kikembe che santumwa, niyebha: nti rarengekana bhate tusiye e kinwa cha Ongo mwikore mo bhutanda.
\v 3 Ngy'asingwa, bhanu bhanakitu, murondorane munkati ninu bheya bharinda, mweyangu webhererwange shu e bhaseninka bhate e murimo ngu.
\v 4 Na bhate, tubhesi murikoresha e mahemo ne murimo we kinwa.
\p
\v 5 E kinwancho chashimwa ne nkumanano iti. Bharondora Sitefano, Firipo, Porokkoro, na Nikanora, na Timonni, na Perimena, na Mikora mubhunduri wa ku Antiyokia.
\v 6 Bhashea bho kuri esantumwa, nabho, kuruma n'erihema bhatereka bho emine.
\p
\v 7 E kinwa cha Ongo chansansabhana nguru, er'eimba r' ebhemisa raongerere nguru ku Yerusaremu na kikembe k' ikiri ch' ebhakungu ch' abhese n' iyorukirir'e myomba.
\p
\v 8 Setefano nt' urisere nsasi na bhunkangwe, abhesenga nt' uronjange bhishisharo na tushingishiro tukiri munkaty' ebhea.
\v 9 Bhima bha mor' irango bhatukurwa mbu bharibhertino na bhakirene, na bharesanduria nambo bhaku kirikia mo Asia, bhabhese na bhuhaka hima nae.
\v 10 Ina nti bhakochang' efundana n' ebhuteesa n'e mutima abhesenga w'ebhange moe;
\p
\v 11 Himpo bh'emisa bho na bhea mbi bh' ebanga: twakumorukiranga mo bhinwa bh' ikamba Musa n'e kuri Ongo.
\v 12 Bhasimanika bhea, e bhakungu n' e bhandiki bh'e myomba, bhamutinge, n' emurisha mo rushu.
\v 13 Bharonja turiho twa manko, bhebha: uno mwea utangareke ikamba e hashuururwa n'e myomba;
\v 14 Bhushe twakumworukira webhange mbu Yesu, ingu wa ku Nasareti, usekakura hano na waabhundurany' entungo satuninkanga Musa.
\p
\v 15 Ebhati bhabhesenga mo rushu, bharekiya bhasumy'e meso kuro Setefano embase yae yaaruka bhuri ya ngashani.
\c 7
\cl Chunda 7
\p
\v 1 E mukungu mukiri w'ebha: e bhinwa mbi mbenti eira?
\p
\v 2 Setefano wasako: bhabhume bhanakitu na bhatita, mwerukire: E ongo weritatwa wasairenga Tita witu Ibrahimu, wabhesanga nturi ku Mesopotamia, nt'utangarikanga ku Harani Wamushisha.
\v 3 Tuka mo Chuo chabhe, na mo kisasa chabhe, enda mo Chuo kisekushea ani.
\p
\v 4 Watuka mo chuo che Bakaldayo, warika ku Harani. watuka nko kuruma n'erikwa r' ishe. Ongo, wamuria mukino Chuo ekiri mo bhanu runotu.
\v 5 Nanti wamuninka bhutaka kumunda nancho Chuo, anga n'ehamuriarw' e mwindi, eina wamuninka ndaani mbu usemuninkayo habhesi haae, hima ne robuto rwae kuruma nae na kiro abhesenga utangabhese na mwana.
\v 6 Ongo webha bhuno: erobhuto rwae bhasebhesayo bheni mu Chuo cha bhampe bhea; nabho bhasekiayo bho bhakobe bhabho, n'ikore bho bhubhi mu bhindi mananye.
\v 7 N'eroanda ndo erusekiayo bho bhakobhe, aningi n'sekereyo bho erobhansa, Ongo ngwebha. Na kuruma nampo bhasetukayo nabho bhasenikoreyo hano.
\v 8 Kuruma Ongo waninka Iburahimu endani y' erotende; nampo Warekiya wamabhuta Isake, wamuriye kotende erotu rw' emunane, Isake, wabhuta Yakobo n' imuriy' ek' otende, na Yakobo e bhatita ekumi na bhabhi.
\p
\v 9 Bhatita bhakakare bhakwire Yosefu mono, bhamuchua mwienda ku Misiri,
\v 10 Eina Ongo abhesenga uri hima nae, wamuranga mo minubho iti, wamuninka nshumo na mihake yakonda, bhusondori na Farao, mubhake wa ku Misiri, nae wamukia wabhesi mukakare wa ku Misiri hima ne numba yae iti.
\p
\v 11 Rwaka rwiya mo chuo kiti cha ku Misiri hima na ku Kanani. E mario abhese makiri na bhatita bhitu bharukirwa bhiyo.
\v 12 Yakobo wakiya wamerukira mbu ku Misiri kuri bhiyo, raroso washisha bhatita bhitu mbu bhendi ko.
\v 13 Moriya rabho re metabhi Yosefu wesibhisha kuri bhanachabho, na Farao wasibha ekisasa chae.
\v 14 Yusufu washisha bho mbu, wabhikira Yakobo ishe na bhana chabho bhati, bhea makumi arinda na bhasanu.
\v 15 Yakobo wenda ku Misiri, nanko wakwireko iwe na bhatita bhitu.
\v 16 Bhariarwa ku Sekemu bhatawa murisinda rachuranga Ibrahimu kuri ebhana ba Hemora, ishe wa Sekemu.
\p
\v 17 Entambi yeya y'er'ibhererera endani yakianga Ongo kuri Iburahimu, nambo bhea bharira n' iyongerere ku Misiri.
\v 18 Kwa saa umpe mubhake ingu nti usi Yosefu.
\v 19 Ingo mubhake wakor' erubhuto rwitu bhubhi, nikora bhubhi kuri bhatita bhitu, Wakiya momba mbu ebhana bhabho bhendi bhatawange kiro bhabhesa ho.
\p
\v 20 Mokirangancho Musa wabhutwa, nae nti mwana wakonda kuri Ongo, wabhikwa myeri ishatu mo numba y' ishe.
\v 21 Warekiya watawanga, mwisi wa Farao wamuringa wamuranga bhuri mwanawe.
\v 22 Musa wahanwa e bwenge bhuti bwa ku Misiri wabhesa na maa mo bhinwa na mo mikorere.
\p
\v 23 Wakiya wamabhesa na bhindi makumi anye e mutimae wanikira ikae bhana chabho, bana bhe Bhaisiraeri.
\v 24 Wasunga uma ubhabharange, wamusake: wahunane ingu wabhesanga unubhiwange wakama e mumisiri.
\v 25 Wahaka mbu bhana chabho bhasesibha mbu Ongo waninka bho karamo mo mine yae. Ina nti bhasibha.
\v 26 Erotu rwemisa wakumana bho nti bhakwanange, wahuna ironganya bho webha: nabho ra bhuhoro: bhanu bhanakima, Bhushwa nki bhanu mubhabhayanange?
\v 27 Ina ingu wabhesanga ukorengi munachabho bhubhi, wamuhimira kore, webha: inye ngwarekukia mukakare na mukeri wa mansa kuri bhate?
\v 28 Oongo sondange nishura ebwakushuranga ongo e mu Misiri mo miyoro?
\v 29 Musa wabheka bhushe ne kinwa ncho, wabhesa mweni mo chuo cha ku Mediani, wabhuta bhana bhabhi kuko.
\p
\v 30 Hakiya hameta bhindi makumi anye ngashani wa Tita wamusaire, mo bweru bwe ntata ya ku Sinai mukasha kasakange mu kisiki.
\v 31 Musa wakiya wamakae, washishara washeere kwihi wakai, murenge wa Tita werukirwa.
\v 32 Webha ani Ongo wa bha'so bhabhe, Ongo wa Ibrahimu, wa Isake, wa Yakobo, Musa watingirwa na kambo, nae ntwerekanga n'ikae.
\v 33 Nyerekuritu wamwire: kuto ebhinantiro mo bhisando byabhe, bhushe hano hari ongo bhutaka bwashuururwa.
\v 34 Namasunga e minubho ye bhea bhani ku Misiri, namerukira er' ebhibhe namasika noshukae bho. Ina nakushisha wendi ku Misiri.
\p
\v 35 Musa ingu watinanga bho, bhebha: inye ngi wakurianga mbu ongo mukakare na mukeri wa mansa? iwe ngwashishiwa na ongo mbu wendi mw'ibhesa mukakare na moshukayi mo mine y' engashani wamusairenga munkati ekisiki.
\v 36 Iwe ngwakutonga bho, wakiya bhishisharo na tushingishiro ku Misiri, namunyasa, na mu bweru mu bhindi makumi anye.
\v 37 Ingu ngi Musa ngi washishanga ebhana bha bhaisraeri: Ongo winu wabusimanyieyo mutahwa watuka kuri bhanu bhuri ani;
\v 38 Iwe ngwabhesanga mor' irameso mo bweru hima n' engashani ingwebhanga nae mo ntata ya ku Sinai, hima na bha'so bhinu, iwe ngwaninkwanga ebhinwa bye karamo, watuninka na bhate.
\p
\v 39 Bhatita nti bhamutundanga, bhamutaa kore, na mo mitima yabo bhakuruka ku Misiri.
\v 40 Bere Haruni: turonjei ba Ongo, mwitusondore, bhushe Musa ngu ngwatukutonga ku Misiri, nti tusi e chakubhesa mo we.
\v 41 Morotundo bharonja nkambu, bhatunjie ohembo ekamoi bhamoe e murimo w' emine yabho.
\v 42 Kuruma nampo Ongo wabhunduka, waria bho mo bhashirikani bh' e kwiyo bhuri mbu bwatiranywanga mo Karisi k' e bhatahwa: Munisubhurenga hongo na bhisabu, bhindi makumi anye mo bweru, ongo numba ya Isiraeri?
\v 43 Na bhanu murianga eri hema ra Moloki ne nkekeni ya Ongo refani etumoi twakianga bhanu mwitunda to na nabhukutoyo hano mwendi kore na ku Baberi.
\p
\v 44 Eri hema re Kariko rabhesenga hima na bha'so bhinu mo bweru bhuri mbu bwarerangawe ingu webhanga na Musa, mbu waronjero bhuri rasunganga we.
\v 45 Na bhatita bharekiya bhamaninkwaro, r'enjiwe na Yoshua, mo chuo abhesenga chatingirwi n'abo, iya mo matu a Daudi.
\v 46 Daudi washee nchumo mo makako a Ongo na wakonga isimanya bhuriki, kuri Ongo wa Yakobo.
\v 47 Rabhesa Soromono ng' wamwimbe numba.
\p
\v 48 Eina ingu urikokwiyo nguru utarikanga mu numba yaronjiwa na.
\q
\v 49 mine ya bhea bhuri mbu bwebha e mutahwa. Mu mbingu ngie kitumbi chani che bhubhake n'echuo nge bwari bweririya emindi yani, Numba nki isenimbeyo bhanu? Nyerekuritu weebha; mbenti hani hasebhesa bhuari bw' e maruhukiro ani?
\v 50 Mbenti ntyemine yani ng' yakuronja e bhikai bhiti mbi?
\p
\v 51 Bhanu bh' erikoti rasuma, nti murironjiwa otende rw'e Mutima n'emate! e matuati bhanu mukiange bhuhaka ne Mutima washururwa: ebwakianga bhaso, na bhanu bhubho.
\v 52 Inye mo bhatahwa nti wanubhiwanga na bhaso? Nabho bhashuranga ebhaturang' eraroso eriya rangu mine r' eira: ngi mumusubura mubhesa bhayeri.
\v 53 Bhanu musheenga e myomba iyetire esangashani, nanti mur' iranga yo!
\p
\v 54 Bharekiya bhamorukira ebhiinwa mbi, bhasubhuka mo mitima yaabho, na bhashiish' emeno bhushe nae.
\p
\v 55 Eina Setefano, warisa Mutima washuururwa, wasumy' emeso ko kwiyo, wasung'e bhukiri bwa Ongo na Yesu usimene mo kwabhume kwa Ongo.
\v 56 Webha: Kae, namasunga e mbingu samobhoka, n'e mwana w'e mwea wamasimana mo kwabhume kwa Ongo.
\p
\v 57 Bhakuwa nguru, bharindika e mate abho bhamoke e bhati mongo,
\v 58 Bhamukurur' ekubhutara n' erubhungu bhamuya. Nambi bhasibhanga ekariho bhatereka esanchangi sabho mo mindi ya musike uma, rina rae Sauro.
\v 59 Bhashura Setefano, nt' uhemange n' ieba: Mukota Yesu wangiriro emutima!
\p
\v 60 Warekiya wamand' emaru, ware mu murenge mukiri: E Mukota anga iansire bho ebhubi bhuno! Wakiya wamakinda iyebha e bhinwa'mbi, wahuhuka.
\c 8
\cl Chunda 8
\p
\v 1 Sauro wabhesanga ntwasimira er'okurwa Setefano rotundo minubho yabhucha bhushe kwabhesa minubho mikiri y'erirameso na ku Yerusaremu; n'ebhati esiya e santumwa bhansanswa mo bhutaka bwa ku Yudea na ku Samaria.
\v 2 E bhea mbi bhashuuruwa bhataa Setafano, bhamukiere kiro kingi.
\v 3 Sauro m'oharo rwae, wariany' erirameso, wakime mu manumba, wakura bhabhume na bhomina n' eriabho mo ngori.
\p
\v 4 Imbi bhansanswanga bhenda uharo mw' oharo bhatura emwasi wakonda w'ekinwa.
\v 5 Firipo wahita ku Samaria, watura emwasi wa Kirisitu.
\v 6 E bhea bhati bhorikirire ebhiti byebhanga Firipo, mor' iyorukira bho n'isunga etushingishiro twakianga we.
\v 7 Bhusha ebhifasi byatuka mu bhingi bhari n'eshumbu, nti bhirengi mu murenge mukiri. Na bhea bhingi bhe rumboonsa ne sankata bharama.
\v 8 Umoo rukiri rwabhesa mo rubhungu ndo.
\p
\v 9 Kwabhesanga eraroso mund' obhungu mwea uma mbu ngi Simoni, wironja mwea waraisha, Wabhesanga ukiyange bhuira n'ishishay' ebhea bhaku Samaria.
\v 10 Bhati bhamwerukirire, itukire mukeke iya mo mukakare bhebha: Ingu bhunkangwe bwa Ongo imbu bhubhikirwange mbu bhukiri.
\v 11 Bhamwerukirire bhushi washishayanga bho n'e mikorere y'ebhurori bwae matu mingi.
\v 12 Eina bhakia bamasimira Firipo, ntuturange e mwasi w'e bhubhake.
\v 13 Firipo wesine wasimira na kuruma ner' irubhikwa, ntwasia tu Firipo, nt' usungange n' ebhishisharo mo tushingishiro n' ebhishiisharo bhibhesange: kuri Ongo, n' erina ra Yesu Kirisitu, bhabhume na bhomina bharubhikwa.
\p
\v 14 Ne santumwa esabhesanga ku Yerusaremu, bhakia bhorukira mbu ku Samaria bhamasimira ekinwa cha Ongo, bharebheka bho Petero na Yohana.
\v 15 Bhahita bhehie bhisa ku Samaria, bhaheme bho kongo bharisa Mutima wakonda.
\v 16 Bhushe abhesenga utangasikenga anga n' uma mubho; abhesenga bhamarubhikwa ho mo rina ra Mukota Yesu.
\v 17 Himpo Petero na Yohana bhatereka bho emine, na bharisa Mutima Wakonda.
\p
\v 18 Na Simoni wakia wamusung'e bhea bhamarubhikwa mo Mutima wakonda mo reriarwa emine ne santumwa, wasonda ininka bho bhehe,
\v 19 Webha munininke nani e bhunkangwe mbu kinsi ngu useriere ani e minwe warubhikwe n'E mutima wakonda.
\p
\v 20 Eina Petero wamwire: E bhehe byabhe bhirimine hima nabhe, bhushe ongo hakange mbwe ruhembo rwa Ongo rushekananga mu bhehe.
\v 21 Nty' ongo kwengi muhango mukino kikai, bhushe emutima wabhe nt' watunganana mo makako a Ongo.
\v 22 Siya e bhubhi bwabhe, hema Mukota kongo e mwanikire w'e mutima wabhe wasasirwa, amabhesa nti ramukocheka.
\v 23 Bhushe nakusunga munkati n'e bwae n'e bhubhi,
\p
\v 24 Simoni wasubya: munihemi kuri Nyerekuritu bhanu bhesine kiro chanehiye na kima mumbi byameba bhanu.
\p
\v 25 Bharekia bhamahea itura e kinwa cha Nyerekuritu, na kuruma n' erihana cho, Petero na Yohana bhakuruka ku Yerusaremu, bhaturange emwasi wakonda mu mbungu ningi sa bhisa ku Samaria.
\p
\v 26 Ngashani ya Mukota yashisha Firipo, webha: Simana enda mu haro rwe kurembe, munse nji yahite ku Yerusaremu mo rienda ku Gasa: nayo bweru.
\v 27 Wasimana, wenda: kae Mwisa ku Etiopia ingusira ebyuma bye bhuume mukakare wa Kandake, mumbo waku Etiopia na murangi w'e bhehe byae ebhiti, wabhesenga utukange ku Yerusaremu kahema.
\v 28 Wabhesanga ntukurukange wamarika mo katibhita kae, ntukaengi mu rwandiko rwe mutahwa Isaya.
\p
\v 29 E Mutima washisha Firipo: sheere kwihi n' ekatibhita 'nko.
\p
\v 30 Firirpo wenda tete, na worukira mwisa ku Etiopia ntukaengi mu mitiro ye mutahwa Isaya. Wamushisha: ong' werikirange mbi ebhisisirisange ongo?
\p
\v 31 Wasako: namukocha buni na nsira ingu wamunihana? Wabikira Firipo wataya n'erika hima'ne.
\p
\v 32 Ne bhinwa byabhesanga bhinsonsomorangewe nge bhino: warierwanga bhuri mburi ya hankwiro na bhuri chana cha mburi ekikerwang' ebyosa byae n'angi iebha nae nti w' oborang' e bhunu bwae.
\q
\v 33 Mo kwehicha kwae, erobhansa rwae rwabese. mbe nt'inye ngusetura yo emwasi werubhuto rwae? bhushe ebhuingo bwae bwakuturwa mo chuo.
\p
\v 34 Ingusira e byuma bye bhuume washisha Firipo: nikuhemange, e mutahwa webhange bhushe bwanye: bhushe nawe wesine, kubha nti umpe mwea?
\v 35 Firipo wobhor'e bhunu bwae wabhucha mo mitiro iiya, wamuture e mwasi wakonda wa Yesu.
\p
\v 36 Na nti bhendange mo munse bhiya hari mecha. Ingo mwea webha: kae emicha; kinwa nki chamusingwa ntarubhikwi?
\v 37 Firipo webha: umasimira mo mutima wabhe uti, ramukocheka. wasako webha: nasimira Yesu Kirisitu mbu Musike wa Ongo.
\v 38 Webha; simany' ekatibhita, Firipo n' ango mwea bhahita ebhabhi kumunda ne mecha, Firipo wamurubhika.
\v 39 Murituka mu mecha, e Mutima wa Mukota wocha Firipo, n' ango mwea ntwamusungatu. Wenda nti umoange.
\p
\v 40 Firipo wasungwa ku Asoto, nanko ntwetange ntuturange emwasi wakonda mu sambungu siti setange mowe ku Kaisairia.
\c 9
\cl Chunda 9
\p
\v 1 Ina Saulo warengeresha isheya bhobha, ni anikira ishura e santumwa sa Nyerekurwitu, wendere shebhakungu mukwakare.
\v 2 Wahema mitiro mwiyenda ku Damasiki kamina ebhemisa niriyabho ku Yerusaremu.
\p
\v 3 Warikiya uri mo munse, na muriya kwihi na ku Damasiki kitingi chatuke kwiyo chamusheya chaka.
\v 4 Weshine e kwansi worukira murenge umwirengi: Saulo, Saulo, bhusha nki ongo ni nubyange?
\v 5 Wasubya ongo ngi 'nye e Nyerekuritu? Webha ani ngi Yesu eunubyange ongo naye Rasuma kuri ongo ikaso emenke mumindi.
\v 6 Nae watitimane, washishara, webha: E Nyerekuritu ongo sondange nikiye bhuni? Na Nyerekuritu wamwire: Simana, kime murubhungu werirwa ebyakomenwa ikora ongo.
\v 7 Ne bheya abhesenga bhemisanya nae bhasungang' e kitingi bhorukira e murenge angisunga mweya.
\v 8 Sauri wasimana ituka e kwansi, emeso ae akanduka, utasungi kikai; bhamutingire mu mombo; bhendane ku Damasiki.
\v 9 Wamana matu ashatu angisunga kikai, angi risa, anga ni omo.
\p
\v 10 Wakiya urikire ku Damasiki, ntumwa nima erina rae Anania. Nyerekurwitu wamwire mw'isheiwa: Anania. webha, niri hano Nyerekuritu.
\v 11 Nyerekuritu wamwire: simana, eta munse yabhikirwa Nyoroka. sondekanya ekumunda ne numba ya Yuda, muri mweya erina rae ngi Sauro, mwisa Ku Tariso; bhushwa sunga, uhemange,
\v 12 Nae wamasunga mweya rina rae Anania, wamakime n'eriya e makasa hambasiro nae, wakochi kae tu.
\p
\v 13 Ina Anania wasubya: Nyerekuritu namorukira emyasi ye mweyangu mubheya bhingi, imbu bhukorange we byema bhingi Mubhakomenwa bhabhe ku Yerusaremu:
\v 14 Himpo uri na bhunkangwe ituka ebhakwakare bha bhashe bhakungu wamine bhati ebhabhikirange rina rabhe.
\p
\v 15 Ina Nyerekuritu wamwire, enda rabhe: bhushwa emweya o namakindi murondora, wariya e rina r'ani mumbi nti bhanisimiranga, Ne bhami, ne bhana bha Isiraeri.
\v 16 Bhushwa naamushea twengeko tukiri bhingi bya minubho bhushwa ne rina rani.
\p
\v 17 Anania wenda. Wakime e munumba, wamuriya mwemine webha: munakitu Sauro, Nyerekuritu Yesu ingwa kukusairenga mu munse etambi nji atuka iyange ongo wama nirera ukochi kae tu urisiwe na Mutima washuurukara.
\v 18 Hiha byatuka mumeso ae bhuri byamba. Wakae wasimana, warubhikwa.
\v 19 Warisa bhiyo, emaa amukuruke. warika matu makeke hima ne santumwa abhesenga siri ku Damasiki.
\p
\v 20 Himpo wature kariho ka Nyerekuritu, munkati ne marameso, webha mbwiwe iye mwana wa Ongo.
\v 21 Nebhati mbi bhorukiranga bhisarima, bhebha: Ntingi uno ewakunubyanga etuka bhatikongi erina ra Yesu ku Yerusaremu?
\v 22 Sauri warisa bhunkangwe, bherukira nkene ebhayuda bharikanga ku Damasiki murishea bho eriira mbu uno ngi Mukota.
\p
\v 23 Nampo matu mingi eta ebhayahudi bhenda nama bhamuye.
\v 24 Ina enama yema yabho yasibwa na Sauro. Bharanga esandubhi mutu na mwishi, murisonda bhamuye.
\v 25 Ina esantumwa samuringa mo mutu bhamuhicha mo kisusu mu mutariiro.
\p
\v 26 Na Sauro warekiya wiya ku Yerusaremu wereka ikumanana ne santumwa, nabho bhati bhamusubhaha, bhatasimiri mbu nae iye ntumwa.
\v 27 Ina Bharanaba wamuringa, wamuriya kuri e santumwa, waturebho wakukiya wasunga Nyerekuritu munkati nense nambo wakukiya webhane, Nambo wakukiya webha ebhinwa anga bhobha ku Damasiki, mo rina ra Yesu.
\v 28 Wabhunduke hima nabho ku Yerusaremu, mwikime nituka.
\p
\v 29 Webha mo rina ra Yesu na bhunkangwe webha nikia bhuhaka ne bhayuda bha bhayunani. Nabho bhasondekanya inse y'emuya.
\v 30 Ina bhanachabho bharikiya bhorukira e mwasi bhamutindikiya iya ku Kaisariya, nabho bhamwire mwendi ku Tariso. Petero uri Kuluda na Kuyopa.
\p
\v 31 Bhumbo e marameso bhakochi iruhuka Mu Yudeya iti na Galilaya na Samaria, bhimbwa, bharika nti bhari mu bhobha wa Nyerekuritu, Na munkati ne changu che Mutima Mushasha bharira.
\p
\v 32 Ina Petero weta musankaro siti wahitanya wiyere ebhakomenwa bharikanga ku Luda.
\v 33 Wasunga kuko mweya uma erina rae Aineya, abhesenga wikinde munkingo myaka munane: bhushwa wabhesanga wasamba rumbonsa.
\v 34 Petero wamwire: Aineya Yesu Mukota wakuramya, simana tunganya enkingo yabhe, hiha, hiha wasimana.
\v 35 Nebati bharikanga ku Luda na Ku Saronni, bhamusunga, bhasimira Nyerekuritu.
\p
\v 36 Ntumwa nima yarikanga ku Yopa erina rae Tabita, ensusanya yae Dorika. e momina ngu wabhindukenga na mikorere ya hunda mingi, Nibhanya bhisabho.
\v 37 Rabhinduke ematu iya wasamba nikwa; kuruma bhamushuwa, bhamuriya mor'echumbi r'e kwiyo.
\p
\v 38 Bhushe ku Ruda abhesanga ruri kwihi na Yopa, e santumwa sorukira mbu Petero uri kuko bhere bheya bhabhi bhendi kuri we kamuringa angirindira iya ku kwitu.
\v 39 Na Petero wasimana niyenda nabho, ne santambi siyanga we bhamutarisha mor'echumbi r'e kwiyo ne bahshumbakari bhati bhasimana kwihi nae nimusheya e myambaro nesanchangi siti sakiyanga Dorika waninka bho ntukiri ho.
\v 40 Petero washaishe bhati wakome emaru weba; Tabita sumuka nae wobhora emeso ae wasunga Petero wasimana warika.
\v 41 Wamuninka e mwine wae, wamusimanya, warikiya wamabhikira e bhakomenwa ne bhashumbhakari wamuriya hamakako nabho ushere.
\v 42 Byorukirwa ku Yopa uriho na bheya bhingi bhasimira Nyerekuritu.
\v 43 Na Petero warika matu mingi ku Yopa mo numba ya mweya uma erina rae Simoni witunganyanya bhihu.
\c 10
\cl Chunda 10
\p
\v 1 Kwabinduke mweya ku Kaisaria, rina rae Koronelio mukiri wa bhashirikani iyana mo bhikembe bya ku Italiya.
\v 2 Mweya wasimira nisubhaha Ongo ne numba yae eiti, wabhesanga unikang'e bhea bhisa bho bhingi, nihema Ongo e matu ati.
\p
\v 3 Otu ruma sabundukenga mutambi mwenda sa mu mwishi wasunga risira itikatika munkati er'isheiwa ngashani wa Ongo wakime mo mwae n'emwire Koronerio.
\p
\v 4 Nae wamusumye emeso, wasubhaha webha: inki e Nyerekuritu? wamwire e mahemo abhe ne bhisa bho byabhe byamey'ekwiyo bhuri nsub ukiyo hamakako na Ongo.
\v 5 Ere bheya bhendi ku Yopa, bhabhikire Simoni ingu ubhikirwange Petero.
\v 6 Wasamire hima na mweya uma rina rae ngi Simoni, mweya witunganyanya hbihu. Enumba yae iri kwihi ne kirindo waakw'ire mbi byamukora Ongo.
\v 7 Warekiya engashani 'ngo abhesenga webhange nae wamenda, wabikira bafuku bae bhabhi; na mushirikani uma wasubhaha Ongo munkati nambi abhesenga bhamukore ematu ati.
\v 8 Warekiya wamature bho e bhinwa bhiti were bho mbu bhendi ku Yopa.
\p
\v 9 Mine kakoma bhabhunduke mo munse niya kwihi ne rubhungu, Petero wataya mor'echumbi r'e numba mwihema, rabhesenga kwihi na ntambi mutubha.
\v 10 Worukira rwaka nguru, wasonda irisa ina bharekiya bhasondingi itunganya ebhiyo, E mutima wae wachikana.
\v 11 Wasunga e mbingu nti yamarinduka wasunga kikai kimusike ngi bhuri nchangi nkiri, ihichiwange mu nkuso sinye iya mor' oto.
\v 12 Ekumunda nti kurikire ensusanya siti s'esanyama se mindi inye. Ne sa nyama se bhusara nansi esikururukange, ne mironge ya mu mwanya.
\v 13 E murenge wiya kukwae webha, simana Petero shura risa.
\p
\v 14 Ina Petero webha: anga Enyerekuritu: ntanga risanga nti byarengekana ari byema.
\p
\v 15 E murenge wa mwire resangendo sibhi: bhikai Ongo wamashuurura byo utu mebha tu mbu byema.
\v 16 E kinwa kino chabererera ngendo ishatu: kuruma yangirirwa tu ekwiyo.
\p
\v 17 Petero warekiya uri munkati ne myanikiri e kumunda ne mutima wae. mor'iteerera ewasusanyiwa er'isheiwa ramasunga we, sunga bheya, bhatukange kuri Koronelio, kuruma n'erishisha e numba ya Simoni bhasimana habhusondori n'e numba.
\v 18 Bhabhikira nishisha Simoni ingu ubhikirwange mbu Petero urikire kuko.
\p
\v 19 Na bhumbo Petero warekiya urikire mu myanikiri y'er'isheiwa ndi ramasunga we, e mutima wa mwire: sunga bheya bhashatu bhakusondange.
\v 20 Himpo tuka uhite w'emisanye nabho, anga bhobha, bhushwa ani ngi na kw'irenga bho.
\p
\v 21 Kuruma Petero wiyere bho imbo bakwiya kamuringa ituka kuri Koronerio webha: sunga ani ngi bhanu munisondange: mumeya bhushwa nki?
\p
\v 22 Nabho bhebha: Koronerio mukiri, mweya wiira n'isubhaha Ongo, urikire nitatwa mo ruanda ruti rwe bhayuda, wakuhanwanga na ngashani yakonderera, warebheke bheya kuri ongo, enda mo numba yae wakochi irukira e bhinwa byabhe.
\v 23 Himpo wakimisha bho nikoke bho mukakoma Petero wasimana nabho, na bakeke mo bhanachabho bharikanga ku Yopa benda mongo nae.
\p
\v 24 Mukakoma bhakime ku Kaisaria. na Koronerio wabhese ntwakurindire bo, nt'wamakindi ituma eruanda rwae na bhira bhae.
\v 25 Petero warekiya wakime, Koronerio wamukumana, wahita mo mindi na kwihicha.
\v 26 Ina Petero wamusimanya webha simana, ani mweya ho.
\p
\v 27 Na munkati nerishambara nae, wakime, wasunga kikembe kikiri chambi abhesenga bhari mo nteko.
\v 28 Werebho: bhanu mosi mbu nti rakocheka muyuda ibhinduke na rumpe uanda ari iyenda murumpe, ina Ongo wamanisheya, ntabhikiringi mweya uti mbu nt'warengekana ari mubhi.
\v 29 Bhushwa nacha nameya anga bhuhaka e ntambi yamabhikirwa ani; hano nashisha, kinwa nki chakumbikirenga bhanu?
\p
\v 30 Koronerio webha: runotu otu rwanye itukire, nafund' irisa iya nentambi ino, na munkati ne santambi mwenda atuka nihemange ekumunda ne numba yani: mweya wasimana ekubhusondori nani urina myambaro yasana webha:
\v 31 Koronerio, emahemo abhe amorukirwa ne bhisabho byabhe byamanikirwa mo makako a Ongo.
\v 32 Ere bheya bhendi ku Yopa, bhabhikire Simoni ubhikirwange Petero, urikange mo numba ya Simoni utunganyanga bhihu, kwihi ne Kirindo: Nae wakiya wiya webha nabhe.
\v 33 Hiha nakwirenga bheya bhendi kuri ongo, umakora shu moriya, hano bhate bhati turi ha makako na Ongo tukochi iyorukira ebhiti byamasheiwa ongo na Nyerekuritu.
\p
\v 34 Na Petero wabor' ebhunu wae webha: eira namakind' iteerera kai Ongo nt'iwarondora mweya.
\v 35 Ina mu kinsi owanda ingu wasubhaha nikora eira nt'wasimirwa nae.
\v 36 Ekinwacho chareranga we mo bhaisiraeri, watura e mwasi wekaramo na w'ebhuhoro wa Yesu Kirisitu rukombora webhati.
\v 37 Bhanu mosi ebhinwa mbi byakuturwanga mo Yudea iti byabhuchiye ku Gariraya, kuruma n'ebhurubike waturanga Yohana.
\v 38 Emyasi ya Yesu wa ku Nasareti wakiyanga Ongo wamutira rungo e Mutima mutaberi na maa, Himpo wenda nikora murimo wahunda n'iramya ebhati ebhanenwanga na mushumbu, bhushwa Ongo abhesenga uri hima nae.
\p
\v 39 Bhate kariho ke bhinwa bhiti ebyakoranga we mo chuo ch'ebhaYuda, na ku Yerusaremu; iko bhamuya, bhamutarisha mo muti.
\v 40 Ongo wamufura motu rwashatu wamutunganya wasungwe.
\v 41 Nti mo bheya bhati ina mbi kariho bhamakindi 'rondorwa na Ongo isondori, ngi bhate twarisanga ni omo hima nae kuruma erifuka rae ituka mo bhakwire.
\v 42 Watwire er'irai iture bheya emwasi na kwihicha mbu iwe ngi waninkwanga bhate na Ongo. Wabhinduki mukeri wobhansa webhariho nambo ebhakwire.
\v 43 E bhatahwa bhati bhebhanga bhushwae mo rina rae kinsi ngu wamusimira wasasirwayo ebhubhi.
\p
\v 44 Petero ukiri webhange ebhinwambyo Mutima washuururwa wahite ebhati ebhorukiranga ekinwa ncho.
\v 45 Nambi ebhetanga mor'otende, bhasimira, bhisarima ngebhatimbo bhiyanga na Petero, bhushwa muhango we Mutima ngo washuururwa wahita hotu mumbi abhesenga bhari kore mo bhubhi.
\v 46 Bhushwa bhorukira bho ntiye bhebhange mu mwebhe ni tata Ongo.
\v 47 Himpo Petero webha: inye ngi wamukocha ihangire mecha bhano bhatarubhikwingi; mubhano bhamakindi risiwa e Mutima washuururwa bhuri bhate?
\v 48 Webha bharubhikwe mo rina ra Yesu Kirisitu. Himpo bhamwire warike hima nabho matu mingi.
\c 11
\cl Chunda 11
\p
\v 1 E santumwa na bhanachabho, abhesenga bhari ku Yudea bhorukira mbu entibhasimira bhareninkwa nabo ekinwa cha Ongo.
\v 2 Na Petero warekiya wataya ku Yerusaremu, ebhasimira ebharenda ekotende bhamweke;
\v 3 Mwebhura mbu: Ukukime mumbi entibheta mor' otende na ukurisa hima nabho.
\p
\v 4 Petero wabhuch' iturebho emwasi ebhususe itukana nambi byakweta.
\v 5 Weba: Akosanga nirikire mor' obhungu rwa ku Yopa na narekiya nihemange, n' enda kimbu na nasunga kikai kima, chasusana na nshangi nkiri yaminwa mosenkaro sayo sinye nt' ihitange etuka mo mbingu n' iya hari ani.
\v 6 Mwesumy' emeso munjo nshangi, nasisirisa, na nasunga, es' emindi inye s' echuo, esenyama s' ebhusara, ebhikururukange, n' emironge yamo mwanya.
\v 7 Na norikira murenge wanishisha: simana, Petero, shura n' urise.
\p
\v 8 Ina n' eba: Anga e Nyerekuritu, bhushwa anga kikai chema ari chaherwa, kitangakimenga mo bhunu bwani.
\p
\v 9 Na mokashangi kemisa emurenge werukirwa mo mbingu: inchi chatikurwa na Ongo mbu chashuururwa, ang' itiko cho mbu chema.
\v 10 Icho cheya ngendo ishatu; kuruma ebhiti byakuruk' ekwiyo.
\p
\v 11 Nasunga, kurumampo bhea bhashatu bhasimana ha miyango y'enumba abhesenga muri ani.
\v 12 Emutima wanshisha n'endi hima nabho ang' itikatika. Ebheya mutubha bhano bhantindike na twakime mo numba ya Koroneriyo.
\v 13 Emweya watuture bhuni bwakusunga e mo numba yae ngashani wishaisha kuriwe n' iebha: Rebheka ku Yopa n'ibikira Simoni wabhikirwa tu mbu Petero.
\v 14 Ngwasekwire bhinwa ietere byo ukoshukara, ongo n'enumba yabhe iti.
\v 15 Narekiya nabhuch' iebha, e Mutima wakonda wahite bho, bwabhesenga ro kuri bhate mo ntangiro.
\v 16 Nasubhukia ekinwa cha, Nyerekuritu: Yohana warerubhika mo mecha, eina bhanu mukurubikwa mo Mutima Wakonda.
\v 17 Nakubha, bhushwa Ongo wamaninka bho muhang' uma n' itu bhate mbi twaresimira Nyerekuritu Yesu Kirisitu, na mukochange, ani, ironja bhuhaka na Ongo?
\p
\v 18 Kuruma n' iyorukira mbo bhabhebhera, na batata Ongo mwiebha: Ongo wamasimira eribhunduka hotu n'ekuri mbi nti bhasimira kongo bhashee karamo.
\p
\v 19 Ebhasanswanga, mo minubho y' ehienga Setefano, bhenda n' iya ku Foinike mo kisanga cha ku Kipuro na ku Antiokia mw' etur' emwasi kuri bhayahudi ho.
\v 20 Eina kwahbesa munkati nabho bheya bhima bha ku Kipuro na bha ku Kurene bharekiya bheya ku Antiokia, beba kuri ebhayunani n' iture bho emwasi wakonda wa Nyerekuritu Yesu.
\v 21 E mwine wa Nyerekuritu wabhesa hima nabho na bhea bhingi bhasimira na bhabhunduka kuri Nyerekuritu.
\p
\v 22 Echanga chabhese mo mate ebheya bherirameso ra ku Yerusaremu, bharebheka, Baranaba wiya ku Antiokia.
\v 23 Muntamb' iyangawe na mor' esunga enchumo ya Ongo, wakokome yo na were bho ebhati mwerika na mutima wasimika w'iseke kuri Mukota.
\v 24 Bhushwa abhesenga mweya wahunda warisa Mutima Wakonda na w'esimira. Na kikembe kikiri chakumanana na Mukota.
\p
\v 25 Kuruma nampo Baranaba wenda ku Tarso, mw' isondekanya Saulo.
\v 26 Na mor' imushee wiya nae ku Antiokia mu mwak' uma bhakumanana mo sankumanano s' erirameso na bhahana bhea bhingi na rabhesa ku Antiokia ngi raroso ebhemisa bhabhikirwa mbu bha Kirisitu.
\p
\v 27 E matu ngo bhatahwa bhahita etuka ku Yerusaremu mwienda ku Antiokia.
\v 28 Uma mubho wabhikirwa mbu Agabo, wasimana na watura mo Mutima mushasha mbu kwamubhesange rwaka rukiri mo chuo ekiti rweya mo matu a Klaudio.
\v 29 Ne bhemisa bhasunga irebheka mu kinsi mweya itukana n'ekara kae mw' isake kuri bhanachabho ebhabhesenga bhari ku Yudea.
\v 30 Byehie mo bhakungu mo mine ya Baranaba na Sauri.
\c 12
\cl Chunda 12
\p
\v 1 Mukikakika kashangi, e mubhake Herode wasimana mwinubya bheya bhimabhima bhamo rirameso ra Ongo.
\v 2 Na washura Yakobo musike wabho Yohana n'Obhasi.
\v 3 Mwisunga mbu chashimwa n'ebhayahudi, waronja hotu bhatinge Petero. abhesenga matu etumbonsa tusira ntero.
\v 4 Kuruma n'erimutinge n'imutaa mo ngori, wamuria mwirangwa na bhikembe bhinye bya bhashirikani bhanye kinsi kima, mw'ehuna wariarwe mu makako ebhea kuruma n'e Pasaka.
\p
\v 5 Petero abhesenga warangwa mo r'echumbi r'ebhaminwa n'ebherirameso nti bhasianga irebheka bhushwa nae mahemo kuri Ongo.
\v 6 Mo mutu eriemisa erotu ndu rwakiya Herode wamusibhura, Petero, nti waminwa mu bhurebhure sibhi, nti wekinde munkati na bhashirikani bhabhi; n'ebharangi kubhusondori n'e muyango bharangange erechumbi r'ebhaminwa.
\v 7 Na sunga ngashani uma wa Nyerekuritu wiya, na chaka chasaka mor'echumbi rebhaminwa. Engashani wasimo Petero, mwemuturana mo wendende, n'iebha; simana tete! Ebhurebhure bwahuka mo mine yae.
\v 8 N'engashani wamwere: mbara emukobha wabhe n'etunantiro twabhe, na wakia mbo. engashani wamw'ire tu; mbara esanchangi sabhe na nemise.
\v 9 Petero wasaa, n'imwemisa, utasibhi ebhikiange engashani kubha eira, na nt'uhakange mbu isheirwa.
\v 10 Bharekiya bhama kunduk'emurangi wa roso n'ewemetabhi, bhiya harubhi rw'er'ichumbi indu rwakimire mo robhungu, rwerindo rwesine kubhusondori nabho, bhasaa, na bhashere mu kanse. Kuruma nampo engashani wasia Petero.
\v 11 Kwekurukamo wesine, Petero webha: nasunga ke mubhususe bweira bwakukiya Nyerekuritu warebheka engashani wae na ngwamantunja mo mine ya Herode na mobiti mbi atuka byarindire ebhayahudi.
\p
\v 12 Kuruma, nina wa Yohana, ubhikirwange tu mbu Mariko, himpo bhea bhingi abhesenga bhakutumana ho bhahemange.
\v 13 Wakaso mo rubhi rukeke, na mufuku uma wabhikirwa mbu Roda, weya kwihi mwiorukira.
\v 14 Wateerera e murenge wa Petero, na mor'imoa rae, erekia warundo, wakanyaha itur'emwasi mbu Petero uri hamuyango.
\v 15 Bhamushisha; ongo mushire. ina wabhereresha mbu ngi bhuri cho.
\v 16 Bhebha ingo ngashani wae, ina Petero wesimike mwikaso mo rubhi, bharindo, na bhashishara moremusunga.
\v 17 Petero wabhese nti werengibho n'emine mbu bhabhebhere waturebho wakukiya Nyerekuritu wamukurura mo rechumbi r'ebhaminwa, n'iebha; mutureo kuri Yakobo na mo bhanakitu, kuruma wasaa n'ienda kumpe.
\p
\v 18 Entambi yachang'ebhutu, ebhashirikani bhabhesa mo mushiki mukiri mwesibha inki ngi chakubhesa mo Petero.
\v 19 Herode warekiya umusondekanyange watamushei washisha ebharangi n'ininkana momba w'eshura bho ienda ku Kaisaria mw'eruhukeko.
\p
\v 20 Herode abhesenga nt'uri na rwanko rwabhusubhuke kuri bhisa, ku Tiro na bhisa ku Sidoni, ina bhiya kamusunga mu rwanko ruma, ina kuruma n'ew'ishee Brasto, e murangi mukakare w'erechumbi r'emubhake, bhamubhongabhonga mw'eshee bhuhoro, bhushe e chuo chabho abhesenga kiramengi muncho ch'emubake.
\v 21 M'otu ruma rwaterekwa, Herode, wambara emyambaro yae y'ebhubhake, n'erika mo kitumbi chae ch'ebhuhime nt'webhange bhusondori bwe bhati.
\v 22 E bhea bhakua; murenge wa Ongo nti wa mwea!
\v 23 Mo kashangi kika kika, ngashani uma wa Nyerekuritu wamuhumba, bhushe nti wakuninka Ongo er'otunda, na wahuhuka, bhushe nt'uriwange na munyore.
\p
\v 24 Ina e kinwa cha Mukota ch'enderana tu.
\p
\v 25 Baranaba na Pauro, bharekiya bhamakindany'emwasi wabho, bhakuruka ku Yerusaremu, bharisha hima nabho Yohana, ingu ubhikirwange tu mbu Mariko.
\c 13
\cl Chunda 13
\p
\v 1 Mo rirameso ra Ongo ra ku Antiokia abhesenga murikire bhatahwa nambi bhasi nguru emyomba; Barnaba, Simeoni wabhikirwaa mbu Nigeri, Rukisi wa ku Kirene, Manahemu ing'wasimanyiwanga na Herode, na Sauri.
\v 2 Bharekiya bakorengi Nyerekuritu mo murimo wabho nanti bhari mu mahemo etin'erisa, e Mutima- wakonda webha: mundieri kwahehe Baranaba na Sauri bhushe n'emurimo ng'wasingwanga nabhikira bho.
\v 3 Nampo, kuruma n'emahemo atin'ererisa, bhatereka bho emine, na bareke bho bhendi.
\p
\v 4 Baranaba na Sauro, bhashishiwa n'e Mutima 'konda bhendi, bhahite ku-Sereukia, na kundo bhirereka mw'ienda ku-Kipuro.
\v 5 Bharekiya bheya ku Saramina, bhatur'e kinwa cha Ongo mo marameso a Ongo ebhayahudi, bhabhesenga na Yohana mw'isake bho.
\p
\v 6 Bharekiya kuruma nampo bhamasoka ekisanga kiti iya ku Pafu, bhakumana muira uma, mutahwa wa manko muyahudi erina rae Bar- Yesu.
\v 7 Ingu wabhesenga hima n'emuhanga Seregio Pauro, mwea uri na bwenge. Ingo wabikira Baranaba na Sauro, na washea mwanikiri w'iyorukira ekinwa cha Ongo.
\v 8 Eina Erima emuira bhushe ng'webh'erina rae, wabhese nt'utinange, nt'usondange ibhundura er'isimira r'emuhanga.
\v 9 Nampo, Sauro, ngw'abhikirwa hotu mbu Pauro, warisa Mutima wakonda, wamusumy'emeso, wamushisha:
\v 10 Mwea 'ng'urisere na kinsi bhususe bwa mpuse na bwibhi, musik'y amushumbu, murenda wa kinsi obhansa, utusond'ishirempo n'ihabhuch' esans'esatunganana sa Nyerekuritu?
\v 11 Ekashangi kano, emwine wa Nyerekuritu uri habhasirwa nabe, ukubha kihumihumi, na muntambi nima utusungy'emwishi. Kuruma mpo ekwasiro n'emwerimya byamuhite, wasondekanya, mw'imamata, bhea bhushe n'imwenja.
\v 12 Nampo emuhanga, mwesungae echabhesa, wasimira, ntwamarisa bhobha n'emahano a Nyerekuritu.
\p
\v 13 Pauro n'ebhemisanya nae, bharekiya bhirereka ku Pafo, bhenda ku Perge ya ku-Pamfiria. Yohana wasiana nabho, n'ekuruka ku- Yerusaremu.
\v 14 Ituka ku Perge bhemis'ense yabho n'iya ku- Antiokia ya ku- Pisidia. Bharekia bhamakime mor'irameso ra Ongo er'otu rweriruhuka, bharik'ekwansi.
\v 15 Kuruma n'erisisiris'emyomba n'ebhatahwa, ebhakakare bherirameso ra Ongo bhashisha bho bhendi k'ebha: Bhabhume bhanakitu, kuti bhanu mukwengi ch'insonsomor'enkumanano, mwebhe.
\p
\v 16 Pauro w'asimana, na warekiya wamaronjiebho kengeko mo mine, w'eba: bhabhume bhaisraeri, na bhanu 'mbi musubhaha Ongo mw'erukire!
\v 17 E Ongo war'ino eimba ra Isiraeri w'arondoranga bhatita, warianga r'ino eimba m'osubhahwa mo matu abo mo chuo cha ku-Misiri, na watunjaro ko mo mombo wae w'ebhunkangwe.
\v 18 warishabo iya mubindi makumi anye munkaty'ebweru.
\v 19 Na, bharekiya bhamashiria nganda sirinda mo chuo cha ku-Kanaani, waninka bo cho mbu chabho.
\v 20 Kuruma nampo, mu bhindi man'anye na makumi asanu, w'aninka bho bhakeri bhamansa, iya kuri e mutahwa Samweri.
\v 21 Bhahema himpo mubhake, na Ongo waninka bho, mubhindi makumy'anye Sauri, musike wa Kishi, w'ekisasa cha bhenjamini.
\v 22 Etuka mpo, warekiya wamurekera, washeereshie bho e mubhake Ndaudi, mw'iwe wakuruch'erimusibhirira: Namashee Ndaudi musike wa Yese, mweangu wasas'emutima wani, ng'usebherereshayo erisasa rani riti.
\p
\v 23 Wamo bhura bwa Ndaudi ngi Ongo, etukana n'erirai rae, washeere bho mwoshukayi, ngi Yesu.
\v 24 Bhusondori bw'eriya rae, Yohana abhesenga ntwamatur'emwasi w'ererubhikwa r'emusasiro mo bhea bhati bha Isiraeri.
\v 25 Na warekiya Yohana wamashea emwehu wae, webha: nti aningingw'anikirange banu; eina musunge, kuruma nani kwiyange ngu ntinakomenwa iyobhor'etunantiro twae.
\p
\v 26 Bhabhume bhanakitu, bhana bhe mubhi wa Iburahimu, n'ekuri bhanu ngi kino kinwa ch'enchukaro charebhekwa.
\v 27 Bhushe bhisa ku Yerusaremu n'ebhakakare bhabho bhateerera Yesu bhubhi, na mori muker'erubhansa rw'erikwa, bhabhereresh'e bhinwa by'ebahtahwa mbi bhinsonsomorwange kinsi otu rw'eriruhuka.
\v 28 Kiro mbu ntibhasungang'ekuriwe kinwa nchi chakomenwanga erikwa rae, bhahema kuri Pirato imushura.
\v 29 Na kuruma bharekia bhamakind'ibhereresha ebhiti mbi byatiranyiwangako kuriwe, bhamuhicha mo riyango n'imuriya mor'esinda.
\v 30 Eina Ongo wamufura munkati n'ebhakwi.
\v 31 Wasaire mu matu mingi m'umbi ebhatayanga hima nae ituka ku- Ngariraya ienda ku- Yerusaremu, nabho kano kashangi nge kariho kae munkati n'ebhea.
\v 32 Na bhate tubhutureng'ingo mwasi wakonda ng'erirai raronjirwa bhatita.
\v 33 Ongo wakubereresharo kuri bhate ebhana bhae, morifura Yesu, iemisanya n'ebwatiranyiwa cho mo Zaburi yemet'abhi: Ongo musiky' ani, namakubhuta run'otu.
\p
\v 34 Ngwamufura munkaty'ebhakwi, iya m'oero watakuruki tu mwebhiha, ngi bw'ebhangae mbu: nabhuninkayo nsasi sashuururwa sabhikirwanga Daudi, nsasi 'nsi sakomenwa.
\v 35 Bhushe nancho webha tu hampe: utusimiriyo emushuururwa wabhe wasung'eribho.
\v 36 Nakubha, Daudi kuruma n'ematu ae wakorenga Ongo, wakwa, wariarwa hima na bhishe, na wabho.
\v 37 Eina ingu wafuranga Ongo ntw'arebho.
\p
\v 38 Musibhirire ke, bhabhume bhanakitu, mbu ietere iwe: ngi mwareturirwa bhanu emusasiro w'ebhubhi.
\v 39 Nakinsi ngu wasimira ntwamakind'iebhererwa nae mo bhikai ebhiti mbi abhesenga bhitamebererwa mo ongo mo myomba ya Musa.
\v 40 Himpo, mubhesenga nti mw'iranga ritabwiyeringi, imbu ebwarebwa n'ebhatahwa.
\q
\v 41 Mukai, bhae bharisere Oneno, mushishare na murimine, bhushe nseronja mo matu inu kikai kima, kikai kima inchi kitamusimira bhanu nakiro bhabhuture cho.
\p
\v 42 Bharekiya bhasaa, bhahema bho iebha mor'otu rwer'iruhuka rwemisa mu bhibya bhibya bhikai.
\v 43 Na, hende n'enkumanano, bhayahudi bhingi, nambo ebharesimira bhemisa Pauro na Baranaba, nti bhebhange nabho, n'ihana bho irika nti bhetingire mo nsasi sa Ongo.
\p
\v 44 E rotu rw'eriruhuka rusindu, erobhungu ruti rwakumanana mw'iyorukira ekinwa cha Ongo.
\v 45 Ebayahudi, mor'isunga bho hareh'ekikembe bharisa mono, n'itina abhesenga byebhange Pauro, mwemuhakanya n'imukamba.
\v 46 Pauro na Baranaba abhesenga bhashishange bho anga mitikotiko: E kuri bhanu eraroso ngy'atuka ekinwa cha Ongo chamuturwange, eina bhushe murahacho, na mw'iker'obhansa bhanu bhesine ntimukomenwa ebhuingo bw'ematu ati n'eati, sunga, twabhunduka mo bhea bhe chuo.
\v 47 Bhushe imbo ngwaretwire Nyerekuritu: Nakusimanikanga ubhes'echaka ch'esanganda, mweriya eroshukaro iya kwend'echuo.
\p
\v 48 E bhea bh'echuo bhamoa mor'iorukira mbo, bhatata ekinwa cha Nyerekuritu, n'ebhati mbi abhesenga bharairwa ebhuingo bwematu ati n'eati bhasimira.
\v 49 E kinwa cha Ongo chatamba mo chuo kiti.
\p
\v 50 Eina ebhayahudi bhakimiya mutiro wema mabhomina mbi abhesenga bhari mo nkuru yarengekana bh'erobhungu; bhashaisha mario kuri Pauro na Baranaba, n'ihensanya bho mo bhutaka bwabo.
\v 51 Pauro na Baranaba bhatiture e mukungu w'ebhisando byabho, n'ienda ku-Ikonio.
\v 52 Na kubha ebhemisa abhesenga nti bharisere ngoa na Mutima- wakonda.
\c 14
\cl Chunda 14
\p
\v 1 Ku Ikonia Pauro na Baranaba bhakime hima kumunda n'eriramero re bhayahudi, bhebha iya m'oero ndu eimba rikiri ra bayahudi na bhagiriki bhasimira.
\v 2 Ina mumbo bhayahudi entibhasimiranga bhasheresha n'ishabho mu mitima ya bhea nti bhasimira mw'ibhaambo bhasike.
\v 3 Ina bharika matu mingi ku Ikonia, nti bhebhange anga mitikotiko nti bhiseke kuri Nyerekuritu, nti ng'ubhereshang'ekinwa ch'enchumo na nting'usingwange iyetira eriterek'emine bhishisharo na tushingishiro.
\p
\v 4 E bhea bhe robhungu bhasiana: bhima bhabhesa n'ebhayahudi, n'e bhampe n'esantumwa.
\v 5 Imbu abhesenga bhusondange bho entibhasimira n'ebhayahudi mu rwanko hima n'ebakakare bhabho, bhendekanya mw'isonda enubya n'ehumba bho.
\v 6 Pauro na Baranaba, bharekiya bhorukira, bhabheke mo sambungu saku Likonia, ku Listra na ku Derbe, n'ewendende.
\v 7 Nanko bhatura e mwasi wakonda.
\p
\v 8 Ku Listra, mwey'uma Okata warika hansi, utasimananga etuka wabhutwa, wabhesenga nt'utangendanga.
\v 9 Ntw'erukirirengi ebwebhange Pauro, na Pauro, wamusumy'emeso wasunga nt'uri n'esimira bhushe n'iramiwa,
\v 10 Webha mu murengy'asuma: simana mo mindy'abhe, wasimana mw'iyomere n'ienda.
\p
\v 11 Morisunga echakia Pauro, enkumanano yakua, yebha mo mwebhe we Kilikonia: bhaongo mu bhususe bwa nwea bhamahite kokwitu.
\v 12 Bhabhikira Baranaba mbu ngi Seu, na Pauro mbu ngi Herme, bhushe mbw'iwe nti ngw'ebhang'ekinwa.
\v 13 E murangi wa Seu, ingw'abhesenga erirameso rae nti ririkire hekur'erobhungu, warisha nkambu sibhi sa mime hima natwembo twa ntondo ha ndubhi, ntuhunange, hima n'ebhea eninkana ohembo.
\p
\v 14 Esantumwa Baranaba na Pauro, bharekiya bhorukira, bhabheraa esengombe sabho, n'ikanyire munkati n'ebhea,
\v 15 Nti bhakuange: oh bhanu bhea, inki chasingwa mwanikira mbu? bhate bhea bhabhususe bhuma ninu, na twabhurishie mwasy'uma wakonda, tubhuhanange mbu mutune mbi bhikai bye bhusabhusa bhush'ebhunduke Ongo ngu'uriho, ngwaronjanga e kwiyo, echuo, enyansa n'ebhiti mbi bhiri mubyo.
\v 16 E Ongo ngu, mo bhiranga byetanga, wasiyang'esenganda esiti semise esense sabho.
\v 17 Nakiro mbu abhesenga utangasie rishea ebhuri we, mw'ironja bwongo mwebhuhichie etuk'ekwiyo mbura n'ebhiranga by'e bhuinu, mw'bhuninka biyo mo bwingi wabyo n'erisiya emitima yinu na ngoa.
\v 18 Mumbyo binwa bhahangis'enkumanano mukwemima bhataninki bho er'ohembo.
\p
\v 19 Nampo kwiya etuka ku Antiokia na ku Ikonia bayahudi bhahundisa enkumanano na kuruma n'ehumba Pauro, bhamukurur'ekokura n'erobhungu, bhanikira mbu wamaninke.
\v 20 Ina ebhemisa bharekiya bhamamutimba wasimana, wakime mo robhungu. Mo mukomakoma, wenda ku Derbe hima na Baranaba.
\v 21 Bharekiya bhamahana ndo obhungu n'ironja kikanda cha bh'emisa, bhakuruka ku Listra, ku Ikonia na ku Antiokia,
\v 22 Mw'esimik'e mitima y'ebhemisa, mw'ihanabho bhandire mo resimira n'eshisha bho mbu myereko mingi ngi mwakime bhate mo bhubhake bwa Ongo.
\v 23 Bharondora bhakungu mu kinsi irameso na kuruma erihema n'irek'ererisa, bhaterekabho kuri Nyerekuritu, ing'wasimiranga bho.
\p
\v 24 Kuruma nampo bhatianyaa ku Pisidia, bhiya ku Pamfiria,
\v 25 Bhatur'ekinwa ku Perge, n'ehite ku Ataria.
\v 26 Mundo bhirereka mw'ienda ku Antiokia, inko kwaterekwangabho mo nsansi sa Ongo, mo murimo abhesenga wamakind'ikorabho.
\v 27 Mo riya rabho, bhabhikir'erirameso, n'etura ebhiti mbi byakiya Ongo wakora nabho, na'mbu bwobhorerw'esanganda e rubhi rw'eresimira.
\v 28 Bharika bhiranga hima n'ebhemisa.
\c 15
\cl Chunda 15
\p
\v 1 Bhea bhima bhatukire ku Yudea, bhahanange bhanachabho mbu: kuti nti mwend'ekotende imbu bwebh'ekinwa cha Musa, mutukoch'iyoshukara,
\v 2 Pauro na Baranaba bhabhesa nabho mushambaro na bhuhaka bwasuma, na bhanachabho bhamin'ekinwa mbu bhima mubho, bhasetaya ku Yerusaremu kuri esantumwa n'ebhakungu, mw'ishambara inchi kinwa.
\p
\v 3 Bharekia bhamatindikiwa n'erirameso. bhemis'ense yabho ietire ku Foinike na ku Samaria, nti bhaturang'ebhunduka re nti bhasi Ongo, bharisha ngoa nkiri ko kuri bhanachabho
\v 4 Bhiya ku Yerusaremu, bhakokerwa n'ebherirameso, esantumwa n'ebhakungu bhatur'ebhiiti bya kukora Ongo nabho.
\p
\v 5 Himpo bhima mubho bh'eruharo rwe bhafarisayo, bhasimana bhebha mbu ramurengekanange bhendi ekotende enti bhosi Ongo n'emina bho iemisa e myomba ya Musa.
\p
\v 6 Esantumwa n'ebhakungu bharika hima mw'esisirisa kino kinwa.
\v 7 Habhesa bhuhaka bhukiri, Petero wasimana n'eshisha bho: bhanakitu bhabhume, bhanu musi etukire kare Ongo warondoranga munkati bhanu, ntusondange iyeter'ebhunu bwani, entyebhasi ongo bhorukir'ekinwa ch'emwasi wakonda nabho bhasimire.
\v 8 Na Ongo ing'usi emitima, wakukind'iyebhere bho, mw'eninkae bho e Mutima mushasha bhuri bhate.
\v 9 Ntwakutereka ho echatusianya munkati bhate nabho, morishuururabho e mitima bho moresimira.
\v 10 Ekashangi kano ke, inki chamusingwa mwereka Ongo, mw'itereka mo makoti ebhemisa rukobhe ndu akiro bhatita akiro bhate tutamukoch'eriya?
\v 11 Ina nti mo sensasi sa Nyerekuritu Yesu ngi mwasimire bhate erioshukara, mubhususe bhuma nabho.
\p
\v 12 Enkumanano eiti yakobha, n'iyorukirire Baranaba na Pauro, ngy'abhesenga bhaturang'etushingishiro tuti n'ebhishisharo imbi byakukora Ongo iyetere bho munkati entibhasimira.
\p
\v 13 Bharekia bhamakind'eriyebha, Yakobo wating'ekinwa n'iyebha: bhabhume bhanakitu, munorukiri!
\v 14 Simoni wamatur'emwasi bwa kukiya Ongo watangira esung'esenganda mw'irondora munkati nabho bhea bhima imbi bharie 'rina rae.
\v 15 Hima nancho r'emisanya ne bhinwa by'ebhatahwa, imbu 'ebwatiranyiwa cho:
\q
\v 16 Kuruma nampo, nisiyayo, na naasimanyayo erienduka r'e numba ya Ndaudi, nsetunganyanyayo ererimina, n'esimanikayo.
\v 17 Kongw'ebhea mby'ebhasia bhasondekanya Nyerekuritu, hima n'esengand'esiti nsi muto erina rani ritikurwange, Nyerekuritu webha, ngukiyange mbi bhikai.
\v 18 N'ekuriwe ngi kwasibhirwa byo mo matu eati n'eati.
\p
\v 19 Bhushwa nancho nabhere nambo bhasimira mbu anga twarisha chasuma mumby'enti bhasi Ongo n'ebhunduke kuri we,
\v 20 Ina tutiranyii bho esiana n'emikonsi y'etumoi, n'erosingirwa, n'emitumbira n'enchama.
\v 21 Bhushe, etukire mbuto singi, Musa urikite mu kinsi obhungu bhea mbi bhahanange bho, bhushwa bhansonsomorengi bho e matu ati bhushe n'ematu ereruhuka mo marameso abho.
\p
\v 22 Himpo rasungwa shu ko kuri esantumwa n'ebhakungu, n'ekuri bherirameso e bhati, irondora munkati nabho n'irebheka ku Antiokia, hima na Pauro na Baranaba, Yuda Baranaba na Sila, bhea bhari n'otunda munkati na bhanachabo.
\v 23 Bhariesha bho rwandiko rwatiranyiwa buno: esantumwa, ebhakungu, na bhanakitu, kuri bhanakitu mbi nti bhasi Ongo, imbi bhari ku Antiokia, ku Siria na ku Kilikia; nkerei!
\v 24 Twakia tworukira mbu bhea bhima bhasair'ekuri bhate, n'ekuri bho nti ntitwakuninka bo anga na rwanko, bhakubhururubhanya n'e myebhe yabho, n'ebhubhishabhish'emitima,
\v 25 Twamasunga cho kuruma n'erikumanana bhate bhati hima, irondora ntumwa n'ebhurebhekato hima n'ebhashimwa bhitu Baranaba na Pauro.
\v 26 Bhano bhea ngi bhakushiang'ebhuingo bwabho bhushe n'erina ra Nyerekuritu Yesu Kirisitu.
\v 27 Twamarebheko ke Yuda na Sira, ngi bhasebhuture mu murengy'akonda bhibya bhikai.
\v 28 Bhushe rakusungwa ntirakonda ko kuri emutima wakonda n'ekuri bhate mw'efundw'iburiesha impe mirio irenga nji eyaraisha,
\q1
\v 29 Esibhirira, esiana n'esenyama sakuronjiwa ohembo mo tumoi, n'enchama y'esenyama satumba, n'erosingirwa, bhikai mbyo mwekumananga nti mw'iranga nabyo ishu. karamo.
\p
\v 30 Ibho ke bharekia bhamatuka mw'irameso, bhenda ku Antiokia, inko bharishie erwandiko e kibherebhere ch'enkumanano.
\v 31 Kuruma n'erisisirisa ro, ebhea bhashima mo resumya bho riyanga naro.
\v 32 Yuda na Sira mbi abhesenga nabho bhesine bhatahwa, bhahana bho n'esumyabho mu mwebhe mwingi.
\p
\v 33 Iya hende na kashangi kima, bhanakitu bhasiabho na bhuhoro ekuruka inko kuri mbi bhakurebhekanga bho.
\v 34 Nakiro mbo, Sira wasunga shu erika.
\v 35 Pauro na Baranaba bharika ku Antiokia, bhahanange n'itura, hima na bhampe bhingi emwasi wakonda w'ekinwa cha Nyerekuritu.
\p
\v 36 Kwasira matu, kuruma nao Pauro washisha Baranaba: tukuruke kasunga bhanakitu mo sambungu siti inku kwaturanga bhat'ekinwa cha Nyerekuritu, bhushe n'esunga mbet'ibhari mu bhususe nki.
\v 37 Baranaba abhesenga ntusondange erisha Yohana, wabhikirwa t'umbu Mariko,
\v 38 Ina Pauro wasunga rarengekana nguru bhatatingingi tu hima nabho ingw'asianga bho etukire ku Pamfilia, n'utangatindikianga bho mo murimo wabho.
\v 39 Imbo bhuhaka bwasuma bhiya mw'esiana euma n'eumpe. na Baranaba, watinge Mariko hima nae, bhirereka ku Kipro.
\v 40 Pauro warondora Sira, n'ienda, iemisanya n'ebwahuna bhanakitu mo se nsasi sa Nyerekuritu.
\v 41 Bhakekeranya ku Kipro na ku Kilikia nti bhasumyange emararameso.
\c 16
\cl Chunda 16
\p
\v 1 Wenda kuruma nampo ku- Derbe na ku- Listra. Nasunga, abesenga nko kuri mwemisa uma rina rae Timoteo, musiky'a momin'uma muyahudi uri n'eira n'ishe wa mugriki.
\v 2 Bhanakitu bha ku- Listra na ku- Ikonia abhesenga bhamushambarange 'shu.
\v 3 Pauro wasonda iya nae; na morimutinge, wamwecha mor'otende bhushe n'ebhayahudi abhesenga bhari mumbo bhutaka, bhushe ebhati abhesenga bhasi mbu ishe mugriki.
\p
\v 4 Morieta mo se mbungu, abhesenga bhashishange bhanakitu mw'iemisa ebhinwa byaminwanga n'esantumwa n'ebhakungu bha ku-Yerusaremu.
\p
\v 5 Emarameso a Ongo asuma mor'esimira, arumira otu mw'otu.
\p
\v 6 Warekiya wamahangirirwa n'eMutima- mushasha mw'etur'ekinwa mo Asia, bhatianyaa ku- Frigia n'echuo cha ku- Garatiya.
\v 7 Iya kwihi na ku-Misia, wetunganyanya mw'ikime ku- Bitinia; ina e Mutima wa Yesu utasimiri bho.
\v 8 Nampo bhakundukanya ku-Misia, n'ehitire ku-Troa.
\v 9 Momutu, Pauro washeiwa, mwey'uma wa ku Makedonia wamwehie, n'imuronjie ano mahemo: eta ku- Makedonia katusake!
\v 10 Kuruma n'erisheiwa ndo ra Pauro, twasondekanya himpo ienda ku- Makedonia, morisunga bate Nyerekuritu watubhikira eturako emwasy'akonda.
\p
\v 11 Twatuka ku Troa, twiya nakubha ku-Samotrake, na mo mukoma koma tw'irereka ku- Neapori.
\v 12 Kundo twenda ku- Firipi, nge robungu rwa roso mobhutaka bwa ku-Makedonia nti bhukobhe bwa bharumi. Twecha matu mund'obhungu.
\p
\v 13 Erotu rw'eriruhuka, twenda, ekubhutara n'erorubhi, hari rusi, nampo twanikira mbu hamuhunda mu mahemo. Twarik'ekwansi, twebhana na bhomina abhesenga bhakumanana.
\v 14 Uma mubho, erina rae Rudia, muchuyi wa ngombe wa mor'obhungu rwa ku-Tuatera, abhesenga nti momina wasubhaha Ongo, n'abhesenga worukirange, Nyerekuritu wamobhor'emutima, kongo wabhese muteesa w'ebyabhesenga byebhange Pauro.
\v 15 Warekiya wamakind'erubhikwa, hima n'ekisasa chae, watuhema: amabhese nti munsunga narengekana mo makako a Nyerekuritu, mukimi mo numb'ani, na murike mo, watumima mo muho wae.
\p
\v 16 Abhesenga bw'endange bhate ekumahemo, momin'uma mukori abhesenga nti uri na kifasi ch'iteerera ebhiseya, na mundo iteerera, nt'urishange mwengerero mukiri kuri bhanyerekurwabho,
\v 17 N'ebhuch'itwemisa, Pauro na bhate. Abhesenga ukuwange: ebhea bhano bhakori bha Ongo w'ekwiyo nguru, na bhabhuturengi ense y'eroshukaro.
\p
\v 18 Wakianga mbo mu matu mingi. Pauro waruha wabhunduka, webha n'ekifasi: Nakwire mo rina ra Yesu Kirisitu, tuka kumunda nae. Na chatuka mo ntambi iya-iya.
\v 19 Ebhakakare bhango momina mukori, mor'isunga emwenyihiro w'emwengerero wabho, bhatinge Pauro na Sira, n'ekururae bho hambuka, habhusondori n'emukeri w'esemansa.
\v 20 Washea bho kuri ebhakakare, n'iebha: ebhea bhano bharurubhany'erobhungu rw'itu.
\v 21 Ibho bhayahudi, ngi bhaturang'emicho nti twasimirwa mw'etinge yo ari iyemisa yo, mu bhate mbi bharumi.
\v 22 Enkumanano nayo yasubhuke bho, n'ebhakakare, bharekiya bhamakungura bho esenchangi sabho, bhabhura mbu bhahubwe na miti.
\v 23 Kuruma n'erihumbwa bho, bharekera bho kumunda n'engori, bhashish'ebhashirikani mw'iranga bho shushu.
\v 24 Ebhashirikani, moreninkwa bho ndo rwanko, bharekera bho mo ngori ya wakumunda, n'emina bho miti mo mindi.
\p
\v 25 Munkaty'ebhuti, Pauro na Sira abhesenga bhahemange n'esimba n'itata Ongo, n'ebhaminwa bhampe bhorukirirengi bho.
\v 26 Entambi iya-iya kwabhesa karingiri kakiri, n'ironja emihafu y'enumba yatenga; ekashangi kika-kika, esandubhi siti siyobhora, n'ebhurebhure siti abhesenga samin'ebhea siyobhora.
\v 27 Emushirikani wasumuka, na warekiya wamasung'esandubhi sa mobhoka, wakuto erobhasi rwae n'isonda kw'eshura wanikira mbu ebhaminwa bhati bhamaromboka.
\v 28 Ina Pauro wakua mu murenge wataya: Anga kw'ironja bhubhi, turi hano bhate bhati.
\v 29 Himpo emushirikani warekiya wamahema chaka wakime tete, wesunda n'ukakengi mo mindi ya Pauro na ya Sira;
\v 30 Washaisha bho, Webha: bhanyerekuritu, nikiye bhuni kongo n'oshukara?
\v 31 Pauro na Sira bhamusako: simira Nyerekuritu Yesu na ukw'oshukara, ongo n'ekisasa chabhe.
\p
\v 32 Bhamutur'ekinwa cha Nyerekuritu, hima n'ebhati abhesenga bhari mo numba yae.
\v 33 Watinge bho hima nae, e ntambi'injo-injo y'emutu, washua ebhihuru byabho, na kuruma nampo warubhikwa, iwe n'ebhea bhati.
\v 34 Warekiya wamarisha bho mor'echumbi rae, warishie bho bhiyo, na bhabhese na ngoa hima n'ekisasa chae bhushe n'eresimirae Ongo.
\p
\v 35 Bwarekiya bwamacha, ebhakakare bhebharumi bharebheka ntumwa kw'emushirikani warekimbo bhea.
\p
\v 36 N'emushirikani wature Pauro emwasi: ebhakakare bhamarebheka mwasi mbu mobhorwe; entamb'ino musae na mwendi mu bhuhoro.
\p
\v 37 Ina Pauro webha n'ebhakakare: kuruma n'etuhumba miti mobwansu n'angi tukere obhansa, bhatembi bharumi, bhakutumina, n' entambi ino bhahuna tutuke ra nama! ritakoch'ibhesa mbo. Bhiye bhesine bhatobhore.
\v 38 Esantumwa s'enda katur'ebhinwa mbyo kuri ebhakakare, bhabhesenga ne bhobha mwiyorukirabho mbu bharumi.
\v 39 Bheya kabhongabhonga bho na bhobhora bho, bhahema bho bhatuke mo robhungu.
\v 40 Bharekiya bhamatuka, bhakime mwa Rudia na kuruma n'eresunga n'ihana bhanakitu, bhenda.
\c 17
\cl Chunda 17
\p
\v 1 Pauro bhana Sira bhetere ku Anfiporisi na ku Apolonia, beya ku Thesaronika inko e bhayahudi nti bhari kuro n'irameso.
\v 2 Paulo wakime kuro, iyomisenya n'emucho wae. Mu matu ashatu iruhuka wabhesa nti webhanange nabho mo rwandiko.
\v 3 Mw'isonsomora n'ishea mbu Masiya wabhanga nti wanubhi n'ifuka. Yesu ingu wabhuture ani, ngi Masiya.
\v 4 Bhima mu bho bhasimira n'ibhere na Paulo na Sira na kikembe chambi e nti Bayahudi ebhabhesanga nti bhasubaha Ongo na bhomina bharitohyaa,
\p
\v 5 Eina, ebhayahudi 'mbi bhabhesanga nti ntibhasimira, washeeresha bhima mubho 'mbi ebhasiyanga ha mw'irusha bhurunga mu' ndo obhungu, n'ikime mwa Yasoni mw'isonda ishaishabho hambuka bhusondori ebheya bh'erobhungu;
\v 6 Bharekiya baruka bho munjo numba, bhakururaa Yasoni na bhurunga bwingi, n'iebha: E bheya mbi bhakuronja bhurunga n'ibhunduranya echuo nge bhano bheya kuno na Yasoni wamakoke bo.
\v 7 Na nti bhasubhaha e myomba y'emubhake (Kaisari), niebha 'mbu bhari n'umpe mwami w'abho ngi Yesu.
\v 8 Bhanubya enteko n'ambi bhashenama.
\v 9 Bh'obhora Yasoni n'ebhampe bharekiya bhamaninkwa hongo.
\p
\v 10 Mu nko kashangi, bhima mubho bhabhecha mo mutu Paulo bhana Sira ku Beroya, Bharekiya bh'eya, bhakime mor' irameso re Bayahudi.
\v 11 Imbi bh'abhesa na myanikiri yakonda irenga bhisa ku Thesalonika. Bhasimira 'ndo ihano na ngoa n'ingi, n'isisirisa mbyo bhinwa mw'isonda isibha kuti by'eira.
\v 12 Bhingi m'ubho ebasimiranga bh'abha mo bhomina bhingi bha bhayunani ebharitohyaa na kikembe cha bhabhume.
\p
\v 13 Eina e Bayuda bha ku Tesalonika bharekia bhorukira ngo mwasi mbu Paulo wamobhora njo nama y'ekinwa cha Ongo ku Beroya bh'enda kuro n'ikambaa, n'erikitany' enteko.
\v 14 Bhisa ku Beroya bhabhecha Paulo n'imwisha ha nsocho; eina Sira bha na Timoteo bhasiya kuro.
\v 15 Imbi ebhatindikenga Paulo bhamwisha ku Athene; n'ikuruka mw'ienda kature Sira bhana Timoteo e mwasi mbu bhamukumane tete.
\p
\v 16 Paulo wabhesanga urindengi bho ku Atene ebwenge bwae bwarungutana mw'isunga ndo ubhungu nti rubherirwe n'emasoni.
\v 17 Wasimana h'irango mw'iebhana n'ebhayuda hima n'ambi bhabhesanga bhasubhaha Ongo, n'ambi ebhabhesanga bhakumananange hankumanano.
\p
\v 18 Wakumanana n'ambi bhana bwenge ebhatambi e mitima hima n'ambi ebhari na bwae mo mitima; bhima bh'ebha: kini kinwa ngi chasonda itwere 'ngu shi ebhebha? Na bhampe, mbu: usondange isimanya kampe kahombo kashasha, bhushwa mbu utitakaange erina ra Yesu n'erifuka.
\p
\v 19 N'ibhamutingengi n'imurisha ha Areopago n'iebha: Bhuni ngi bwamusonda bhate isibhirira ind'ihano ishasha?
\v 20 Bhusha mbu urisha bhimpe bhinwa entibhisi bhate mo mate itu; kwe tusondange isibhirira imbi bhinwa ebhuribyo.
\v 21 Bhushwa mbu bhisa ku Athene n'ebheni ebharikanga kundo bhabhesanga nti bhasira 'mpi ehamebhere bho e bhinwa byabho eina itura ho e myasi n'iyorikira inji myasi y'e bhinwa bhishasha.
\p
\v 22 Paulo wasimana munkati ne Areopago w'ebha: Bhanu bhisa ku Athene, mumbi bhinwa bhiti nasunga nti bhanu bheya bhitobhora bhinwa by'isimira rinu.
\v 23 Bhushwa mbu nakukiya n'etange inku nanku n'isisirisa mbi bhinwa by'ensimiri y'inu, nasunga maherero atiranyiwa mo bhinwa bhino: kuringu Ongo e nti usibhirwe.
\p
\v 24 Ongo ngu ewabhumbanga echuo n'ambi bhikayi ebhiti bhiri mucho, iwe ngi mine ekwiyo na hano hansi, utamurika mu marameso imbwa na minwe,
\v 25 Nti cha ikorerwa na bheya mw'isunga bhuri uri na murao wa bhikayi; Bhushwa mbu iwe ngi uninkananga e karamo n' emuka n'ebhikayi ebhiti.
\p
\v 26 Nae ngi wabhumbanga kinsi chuo ch'ebheya mbi bhabhutwa n'uma mw'irika muncho chuo ekiti n'ibhereresha ekashangi k'esantambi n'engerero y'ebwimbe;
\v 27 Mw'isondekanya Ongo, kuti bhamukocha mw'imamata bhamusunge, eina nt'uri kore n'itu.
\v 28 Bhushwa kumunda nae turi na bhuhoro, twendange turi na bhuingo w'itu. Bhuri ebwebwanga uma m'umbi bhaandiki bhinu mbu: Bhushwa bhate tw'abhutwa nae.
\p
\v 29 Na ngi bhumbo twamabha nti bhate bh'embuto yae, tutanikiringi mbu Ongo ususene na miringa nti cha bhehe nti cha mahiya ebyabhaswa na maa na bwenge bwa bheya.
\v 30 Mu ano matu, washima ebheya ebhati nku kuri bho bhareki ebhibhi,
\v 31 Bhushwa mbu wam'iraho otu rw'ikera erubhansa rw'echuo mor'eira kuri ingu mweya wareriyerwa mu uno murimo na n'usheengi kashingishiro m'umbi ebhati kuri ngu murondorwa mw'imufura munkati ebwakwire.
\p
\v 32 Bharekiya bh'orukira emyebheri y'erifuka, bhima bhashuha Paulo, ebhampe bh'ebha: Tw'orukiri imbi bhinwa byabhe rumpe otu.
\v 33 Paulo watuka munkati nabho.
\v 34 Bhima m'ubho bhemisa Paulo n'isimira ndo ihano rae; Dionisi mwisa ha aropago, na momina uma erina rae Damari, na bhampe nti bhari mongo nabho.
\c 18
\cl Chunda 18
\p
\v 1 Byarekiya by'eta ebhiti mbi, Paulo watuka ku Atene, n'iya ku korinto.
\v 2 Wakumana kundo Muyahudi uma erina rae Akila; mbutirwa wa ku Ponto; nti ng'iriyae hima na mukari Prisila, itukire ku Italia, Bhushwa Klaudio wabhesanga nti wamecha mwiko mbu e bhayahudi ebhati bhatuke ku Roma.
\v 3 W'abhere nabho n'ikora nabho murimo uma, w'iranda mahema.
\v 4 Mukinsi otu rw'iruhuka, Paulo w'ebha h'irango, n'isheeresha e Bayahudi n'e bhayunani.
\p
\v 5 Sila bhana Timoteo bharekiya bh'eya ituka ku Makedonia, Paulo wasimikwa n'e Mutima wa Ongo mw'itura e mwasi mushasha, n'isonsomora kuri ebhayahudi mbu Yesu ngi Kirisitu.
\v 6 Bharekiya bhahakanyana nae ni kambaa Ongo, watitur'ebho e nganju yae, n'iere bho; e nchama yinu iri mo mintwe yinu; ani nti ndi n'inu kinwa chema, n'itukire r'un'otu ns'endere e Bhayunani.
\v 7 Watuka kundo n'ikime mu numba ya mweya uma erina rae Tito Yusto, muna Ongo; enumba yae y'abhesa nti iri kwihi na h'irameso.
\v 8 Nango Krispo, emurangi wando irango wasimira Ongo, iwe n'enkumo yae iti; bhakorinto bingi bh'orukira, bhasimira, n'irubhikwa.
\p
\v 9 Ongo w'ehiye Paulo m'onsori mutu: Usubhahanga eina w'ebhanga ho, ukobhanga.
\v 10 Chasingwa nti n'iri hima nabhe, kusira ngu wakuturana mo. Mw'ikubhabhaya; Bhushwa n'iri na bhira bhani bhingi muruno ubhungu.
\v 11 Warika kundo mwaka uma na myeri mutubha mw'ihana bho kinwa cha Ongo.
\p
\v 12 Galio warekiya wasima ku-Akaya, ebhayahudi bh'abhere mw'ibhanganya Paulo, n'imusongere,
\v 13 Mw'iebha mbu e mweya ngu usheereshange ebheya mbu bhasimire Ongo kore n'emyomba.
\p
\v 14 Paulo warekiya wasond' iyobhora ebhunu bwae, Galio were ebhayahudi, mbu ramubhange ingu mweya wakiya kinwa chema nti cha mpuse, kongo nabhusimira.
\v 15 Eina bwamabha nti bhuhaka bwa bhinwa bya bhusabhusa, n'ititakaa m'ina a bheya n'anji myomba inu, ani nti ntindi mubyo, ibya nti byankae na nti n'ana ikime mumbo bhurunga.
\v 16 Wahenseranya ebhati m'omutanda w'erubhansa.
\v 17 Ebhati bhakubhuke Sositeni, shebhakungu wa h'irango, n'imukama m'omakako emasongero. Na Galio wasunga bya nti bhinwa bya bhusa-bhusa.
\p
\v 18 Paulo w'arika ampe matu mingi ku Korinto. ku mbusa naha warana na bhasike bhabho na bhisi bhabho mw'ienda ku Suria; watindikirwa na Prisila bhana Akila; Wabhesa nti wamabheiwa emuntwe wae ku Kenkurea; bhushwa mbu wabhesanga nti uri na ndani.
\v 19 Bhiya ku Efeso, Wasiyabho kundo. Wesine ngi wakambe h'irango, n'iebhana n'ebhayahudi.
\v 20 Nabho n'ibhamwerengi wasie nabho kashangi kake, watina;
\v 21 Eina warana nabo, w'ebha: rihemange erotu ndu ukiri runkumane ku Yerusaremu, eina mwisasa ra Ongo nakuruke kuno ku rw'inu, wakambe mo bwato ku Efeso.
\p
\v 22 N'irembera ku Kaisaria; n'itariye ku Yerusaremu katangura bhisa kuro, n'ikuruke tu ku Antiokia.
\p
\v 23 Warekia wamarika kundo matu makeke w'enda katambe ku Galatia na ku Frigia obhungu m'obhungu mw'itunja ekicha mo santumwa ebhobha mo santumwa, mw'isimika ensimiri y'esantumwa esiti
\p
\v 24 Muyahudi uma, erina rae Apolo, mwisa ku Iskanderia, mwea wa bwenge w'eya ku Efeso nae nti murubharubha,
\v 25 Ingo mweya wabhesenga nti w'ameswa mo binwa bya Ongo. n'emutima wae nti ubhukabhukange, w'abhucha isonsomora n'ihana mor' eira emyasi ya Yesu; nae warisiyana n'emurimo w'endubhiko ya Yohana.
\v 26 Webha na mwenyihiro mw'isonsomora h'irango. Bharekia bhamamutea e mate imbu ebwebhange we: Masiya w'eyange! mwetunganyanye mw'imukoke mo myasi ya Yesu.
\p
\v 27 Warekiya wasonda isoke ku Akaya, bhanachabho bhamuninka muho n'irera kuri nso ntumwa mw'imukoke, nae warekia warembera kuro, wasake mbi ebhabhesanga bhamasimira ebhinwa bya Ongo.
\v 28 Mu 'mbo bhuhaka iwe nabho, w'enda uhimange bho n'itina ebhinwa byabho, n'ishea bho mo mitiro mbu Yesu ngi Kirisitu
\c 19
\cl Chunda 19
\p
\v 1 Ekashangi Aporo warekia uri ku Korinto, Pauro kuruma n'erikindawe iyeta mo chunda ch'ekubhasirwa cha mo Asia, wiya ku Efeso, warekiya wamakumana bhemisa bhima, webha nabho:
\v 2 Murekind'ininkwa e Mutima wakonda, murekiya mumakind'isimira? Bhamusako: tutangerukiranga nakubha mbu kubhanga Mutima wakonda.
\p
\v 3 Webha: bhususe nki bwerubhikwa ngi bwarerubhikwa bhanu? Bhamusako: morerubhikwa ra Yohana.
\p
\v 4 Himpo Pauro webha: Yohana warubhikanga erubhika ndi reribhundur'emicho, moriere we ebhea esimira m'ungu wasiya kuruma nae, ngeriebha mbu Yesu.
\v 5 Mumbi bhinwa, bharubhikwa mo rina ra Nyerekuritu Yesu.
\v 6 Pauro warekiya wamakinda itereke bho emine, eMutima mushasha weya hambasiro nabho, na bh'ebha mu myebhe n'ironja matahwa.
\v 7 Abhesenga bhari ebhati bhea ekuni na bhabhi.
\p
\v 8 Kuruma nampo, Pauro wakime kumund'erirameso ra Ongo, himpo webha mu bhuhoro. Kuruma na myeri ishatu, Webhange anga mitikotiko mo bhikai bye bhubhake bwa Ongo, wemima mw'iyorukirisha imbi abhesenga bhamorikirengi.
\v 9 Ina imbu bwasianga bhima bhasuma n'etina esimira, bhanena bhusondori n'ebhati ense ya Nyerekuritu, w'etunja munkati nabho, Wasianya ebhemisa, n'ihana kinsi otu kumunda n'emasare abhikirwange mbu a Tirano.
\v 10 Imbyo byaronja bhindi bhibhi, rabhese ebhati mbi bharikanga mo Asia, bhayahudi na Bagiriki, bhorukira ekinwa cha Nyerekuritu.
\p
\v 11 Na ongo waronja tushingishiro twarengeresha ietere emine ya Pauro,
\v 12 Iya moero nti bhakoreshange mo bhakoni ngombe ari bhebhe bya nshangi mbi bya kutirwa mo mubhi wae, n'emakoni atuka bho, n'ebhifasi byatuka.
\p
\v 13 Bhayahudi bhima bherekiya mbi bherekange, mumbi abhesenga bhari na bhifasi ihensabyo mo rina ra Yesu, nti bhebhange: Nabhusimirisha mo Yesu ngu uturwange na Pauro!
\v 14 Imbo bhakianga mbo abhesenga bhana bharinda bha Sekewa, muyahudi, uma mo bhakungu bhakakare.
\p
\v 15 Ekifasi chasako bho: nisi Yesu, na nisi Pauro ng'inye ina bhanu, Bhanu ngi bhanye?
\v 16 N'emweango kumunda nae kwabhesenga kifasi wesunda mubho, wakoch'ebhati bhabhi, n'ikorebho bhubhi iya moero bhabheka mundo echumbi bhari munkanga na bhamabhabhara.
\v 17 Insho chasibwa mo bayahudi bhati n'ebhagiriki bhati imbi abhesenga bharikire ku Efeso, n'ebhobha bwabhese nabho ebhati, n'erina ra Nyerekuritu Yesu ratatwa.
\p
\v 18 Bhingi mu mbi abhesenga bhamasimira bhiya kabhundur'emicho n'iebha bhesine abhesenga bhikiyangebho.
\v 19 Kikanda chambi abhesenga bharonjange ebhuira, bharekiya bhamarisha byabho, bhashika byo habhusondori ebhea bhati: byanikirwa ebhusi wabyo bhihumbi makumi asanu bya bhehe.
\p
\v 20 Ngyasingwanga ekinwa cha Nyerekuritu choshuka mu bhunkangwe na maa.
\p
\v 21 Kuruma n'erieta imbyo bhikai, Pauro wakiya rwanko rw'erienda ku Yerusaremu, etiyanyaa ku Makedonia na ku Akai. Nisekiya nameya nko, ngy'abhesenga bwebhange we, rihunange neye na ku Roma.
\v 22 Warebeka ku Makedonia bhabhi bhe bhasakiri bhae, Timoteo na Erasto, wasiya wesine matu makeke tu mo Asia.
\p
\v 23 Kwasaa mungo matu, changa kikiri bhushe n'ense ya Nyerekutitu.
\v 24 Mwey'uma rina rae Demetrio, mwesi, abhesenga nti wesanga mu bhutea Tumoi twa Diana, na nt'ukimiyange kuri ebhakori bhae mwengerero nti mukeke.
\p
\v 25 Wakumanyanya bho, nambo bhe murimo uma nae, webha: bhanu bhabhume, bhanu musimbu eribha ho ishu ritu ratukana na uno murimo;
\v 26 Na musunnga niyorukira mbu, nti ku Efeso ho, ina rasond'irumira mo Asia iti, e Pauro ngu wamakind'ibhindura bhea bhingi, mw'iere bho mbu e bhaongo bharonjiwa na mine ya bhea nti bha Ongo.
\v 27 Echasuma kiri ho, nty'ebhuraho mbu emurimo witu wakire mw'inenwa, na hotu erirameso r'eongo mukiri Diane watatingirwi tu bhuri kikai, na hotu n'ebhukakare bwae imbu bhusibhirwe mo Asia iti na mo chuo kino bwasungwa bhusa.
\p
\v 28 Imbyo bhinwa byarekiya byamasubhucha bho, bhabhuch'ekua: mukiri Diane wa bhisa ku-Efeso!
\v 29 Erobhungu ruti rwabhesa mo 'kindo ebhati bhakanyir'ekwasair'echanga, Bhahuranya Gayo na Arisitariko, mwisa ku Makedonia, mutindikiri wa Pauro.
\v 30 Pauro abhesenga usondange kw'ishea kubhusondori n'ebhea, ina ebhemisa bhamuhangire;
\v 31 Bhima mo bhakori bha mo Asia, imbi abhesenga bhira bhae, bharebheka mwasi kuri we kiro wenda ekwasaa echanga.
\p
\v 32 Bhima abhesenga bhakuange mu bhususe bhuma, Na bhampe mu bhumpe, Bhushe erokindo rwabhese rwingi munkaty'enkumanano, na bhingi mubho abhesenga nti hbasi bhushenki ngy'asingwa bhakumanana.
\v 33 Himpo bhashaisha Areksandere, nge bhayahudi abhesenga bamuhimirengi kubhusondori; na Areksandere, nt'usheange bho emine mw'isonda iyebha n'ebhea.
\v 34 Ina bharekia bhasibhirira mbu muyahudi, ebhati mu murenge uma bhakua ienda mu ntambi sibhi: mukiri Diane wa bhisa ku Efeso!
\p
\v 35 Nampo, emutiranyi, warekiya wamabhebhey'ebhea, Webha: bhabhume bha ku-Efeso, inye ngwasera mbu erobhungu rwa Diane mukiri n'ekirimirimi chae nchi chasurukang'ekwiyo?
\v 36 Incho kitamuteanwa, mukomenwa ikobha, N'angi kiya kikai na bhusheerera.
\v 37 Bhushe mukurisha mbi bhea, Bhasir'obhansa rw'ebhisha ari rw'inoa momba kury'e Ongo witu.
\v 38 Amabhesa Demetrio n'ebhakori bhae bhari na ch'ehura mu mwea, kuri matu erobhansa; Bhabhikirane mw'ikerane erobhansa.
\v 39 N'amabhese murao mu bhimpe bhikai, Bhisekairwa munkati na nkumanano y'emis'emyomba.
\v 40 Twamaserasera, nti twakererwa obhansa rwa kashuanya mo byameta rinotu, Bhushe hasira anga n'echasingwa ino nkumanano yabhese. Kuruma nambyo bhinwa bhansansa enkumanano.
\c 20
\cl Chunda 20
\p
\v 1 Arekiya erokindo rwamasira, Pauro wakumany'ebemisa, na kuruma nerihana bho, waraa bho na wenda ku Makedonia.
\v 2 Watamba ebhutaka mbo, mw'eninka ebhemisa mahano mingi.
\v 3 Kuruma wenda ku Grese, inko wabheseko myeri ishatu. abhesenga nti urarikengi ienda ku Asuria, mo ntambi ebhayahudi bhamwekange bhinwa. Nampo watinge rwanko rwienda ku makedonia.
\v 4 Abhesenga uri nambi bhamutindike iya mo-Asia: Sopatro mwisa ku Beroya, musiky'a Piro, na Arisitariko na Sekundo waku Tesaronika; na Gayo wa ku Derbe, na Timoteo hima na Tikiko na Trofimo bhea bha mo Asia.
\v 5 Imbo bhasondora, bhaturindire ku Troa.
\v 6 Kuri bhate, kuruma n'ematu etumbonsa tusira ntero, twasoka ku Firipi, na, kuruma na matu asanu, twakumana bho ku Troa, inko tw'echa kuro matu arinda
\p
\v 7 Erotu rwa roso rw'ereinga, twakumanana mw'inoa ekambonsa. Pauro abhesenga wamwendange mo bwato washambara hima n'ebhemisa, n'entambi yareha y'emushambaro iya mu ntambi mutubha sa mutu.
\v 8 Abhesenga muritusuku twingi kumunda n'erechumbi r'ekwiyo rabhesenga rakumanane mo bhate.
\v 9 Nampo, moshukira uma erina rae Etiko, abhesenga wakurika mo dirisha w'enda toro twareha mo ntambi y'eriebha ra Pauro; watingirwa n'etoro, wahuka etuka mo kikanga ch'emeta ashatu n'ekwansi, wakumanwa mpo nt'wamaninke.
\v 10 Ina pauro, warekiya wamahita, wamwindame n'emutinge mo maboko webha: kiro munubha, bhushe e mutima umukiri mo.
\v 11 Warekiya wamataya, wanoa ekambonsa n'erisa, Webha ntambi nere iya mo mukomakoma, kuruma mpo wenda.
\v 12 Emoshukira bhamurisha ntiye ushere, na rabese nti kinwa ch'ibhongabhonga.
\p
\v 13 Kuri bhate, twasondore Pauro mo bwato, twabhesa ku Asso, inko kwaranenga bhate n'enkumanano, Bhushe abhesenga weenda na mindi.
\v 14 Warekia wamatukumana ku Asso, twamuria kumunda, na twenda ku Mitirene.
\v 15 Etuka kundo, washere iyetire mo nyansa, tweya mo mukomakoma bhusungusungu ku Kio. erotu rwemisa twasaa ku Kusamo, n'erotu rw'emisa tweya ku Mileto.
\v 16 Pauro washima ieta kubhusondori na ku Efeso ang'itindira kuro, mbu tutariminyingi ntambi mo Asia; Bhushe abhesenga nt'ukanyirengi, kubha risekochekana, Ibhese ku Yerusaremu erotu rwe Pentekoste.
\p
\v 17 Himpo, etuka ku Mireto Pauro warebheka kasonda ebhakungu bha ku Efeso.
\p
\v 18 Bharekiya bheya ekuriwe, washisha bho: bhanu musi mu bhususe nki, etukir'erotu rwaroso rwakime ng'ani mo Asia, n'ienjanga shu angi ruha hima ninu.
\v 19 Mw'ikore Nyerekuritu n'ekwehich'ekuti hima na kiro, na munkati n'emereko nji abhesenga indishiengi etuteo twe bhayahudi.
\v 20 Bhanu musi mbu nti narebisa kikai nchi abhesenga charaisha kuri bhanu, na nti nasubhahanga ibwere n'ebhuhana bhusondori n'ebhati na kumund'emachumbi.
\v 21 Nti niturange kuri ebhayahudi ne bhagriki erebhunduka kuri Ongo n'eresimira kumunda na Nyerekuritu Yesu Kirisitu.
\p
\v 22 N'enompena sunga, mw'eminwa n'E Mutima, nenda ku Yerusaremu, nti nisi echamuniyere ko;
\v 23 Ina, obhungu mw'obhungu, eMutima wakonda unisubhukiange mbu eminwa na bhurunga byanirinde.
\v 24 Ina anisine hasir'ekironjangy'ani ch'ebhuingo bwani, mw'ibesa charengana ekury'ani, mw'ikoch'ikindanya er'oendo hima na ngoa, n'emurimo 'ngwareninkaw'ani kuri Nyerekuritu Yesu, wer'itura e mwasy'akonda w'ensasi sa Ongo.
\v 25 N'enompena sunga, nisi mbu mutusungiyo tu embaso yani, bhanu bhati mbi munkati ninu mwetiry'ani mw'etur'ebhubhake bwa Ongo.
\v 26 Ngy'asingwa nabwire rinotu mbu niri na nshama yasana kuri bhanu bhati.
\v 27 Bhushe naributure erihano riti ra ongo, ang'ibhubhisa kikai.
\v 28 Mwikaenga ke mo bhanu bhesine, na mo reimba riti ndi rakiya e Mutima wakonda wabhuterekamo mw'ibhese bharangi, Mw'erisha erirameso ra Nyerekuritu ndi r'eninkawe mu nshama yae wesine.
\v 29 Nisi mbu kusekwekimiyayo munkati ninu, kurum'erianda rani, Ngoi s'eshuira insi sitasii yo ereimba.
\v 30 Na bhaasimanayo mo munkati ninu bhea bhasehanayo bhikai bya manko, mw'ihana ebhemisa kuruma nabho.
\v 31 Mukohyanga, mwesubhukia mbu, mubhindi bhishatu, nti narireke mutu na mu mwishi mw'ihana mu kinsi uma mu bhanu.
\p
\v 32 N'enompena nabhutereka kuri ongo na mo kinwa ch'esensasi, mu kinsi ngu wamukasane n'eninkana emwandu hima n'ebhashuururw'ebhati.
\p
\v 33 Nti nareraa ari mu bhehe, ari mu noro, ari mu nchangi sa mwea.
\v 34 Bhanu bhesine bhanu musi mbu emine ino yabhesenga n'ikora mo mirao yani n'eyebhea mbi bhabhesenga hima nitu.
\v 35 Narebhushea munkati n'ebhiti r'ihunang'ikora himpo mukukoch'isak'ebhasene, mu kw'esubhukia ebhinwa mbi byebhanga Nyerekuritu w'esine" 'kuri ngoa Sikiri mor'eninkana ireng'erininkwa.'
\p
\v 36 Warekiya wamakind'iebha mbo, Pauro wakom'emaru wahema.
\v 37 Ebhati bhare na nti bhakokengi Pauro mo mabhokw'abho mor'imuraa.
\v 38 Bhabhesenga na bhonso bhushe nt'wamebha nabho mbu watasunganiyo tu nabho. Kuruma bhamutindikia iya har'ebwato.
\c 21
\cl Chunda 21
\p
\v 1 Twarekia twasiyana nabho mw' itura ingo mwasi wa Ongo, twasoka ku Kosi, mo bwacha tw' iya ku Rodo, n'itukire kundo twarembera ku Patara.
\v 2 Na twashee bwato mw'ienda ku Foiniki, twakambe n'ibhucha eruendo.
\v 3 Twarekia iye turaramengi ku Kipuro, twasiya indo ubhungu ekurembe n'ienderana n'eruendo kwihi na ku Shamu mw'isonda isike ku Tiro, mw'isiya emiriyo ya kundo.
\p
\v 4 Twakumananga ntumwa kundo, twamana matu arinda hima nabo. Ebhemisa mw'eshishiwa n'e Mutima mushasha, Bhatonde Paulo utendingi ku Yerusaremu.
\v 5 Eina, twarekiya tweya hende kasembe tw'eire. E bhea 'bhati hima n'ebhana bhabho bhatutindike n'itwisha h'ekura. Twanda emaru ku mushi n'enyansa, twahema.
\v 6 Twarana nabho n'ikambe m'o bwato, nabho bhakuruka.
\p
\v 7 Twarekia twakinda eruendo, twatukire ku Tiro n'iyenda ku Tolemai kundo twakea bhana-kitu, twarika otu ruma hima nabho.
\v 8 Mo bwacha, twatuka, tw'iya ku Kaisaria. Kundo twakime mwa Firipo, muturi w'emwasi wakonda uma mo bharinda, twaraama mo mwae.
\v 9 Wabhesanga nt'uri na bhikumi bhinye n'abho nti bhatahwa.
\p
\v 10 Twarekia turi kundo matu mingi, nti kuri mutahwa, uma erina rae Agabo, nti usairengi ku Yudea,
\v 11 Watwehiye katusunga, watinge e mukobha wa Pauro, w'ekundika emindi n'emabhoko wesine, w'ebha: E mutima mushasha ngi w'ebha bhuno: sh'emine uno mukobha ebayuda bhasemumina mu bhuno bhususe ku Yerusaremu, n'imuninkana mo minwe, y'entibhasimira.
\p
\v 12 Twarekia tw'erukira mbo bhate na bhisa kundo twamuhangire utend'ingi ku Yerusaremu.
\p
\v 13 Pauro w'asubya: kinki ngi chasingwa muriranyaa n'imbabhaya mo mutima? N'asimira iminwa, n'ikwa bhushwa n'erina ra Nyerekuritu Yesu.
\p
\v 14 Warekia w'atina emahano itu, twakobha, tw'ebha: erisasa ra Nyerekuritu ribhese.
\p
\v 15 Kuruma n'ematungo, tw'akubhira emiriyo y'itu n'itariye ku Yerusaremu.
\v 16 S'impe ntumwa sa ku Kaisaria, s'atutindike n'itw'isha mwa Munaso, mbutirwa ya ku Kipuro. w'abhesenga nti ntumwa ya karekare, tw'enda karaama m'omwe.
\p
\v 17 Twarekia tw'iya ku Yerusaremu, bhanakitu bhatukoke na ngoa.
\v 18 Bwarekia bwacha, Paulo w'enda n'itu kwa Yakobo n'ebakungu bhati bhakumanan' emo.
\v 19 warekia twamakea bho, Paulo wabhucha isonsomora ebyakukora Ongo munkati ebhabhi, iyetere emurimo wae.
\v 20 Bharekia bhamamorukira, bhatata Ongo, nibhamwerengi: E munakitu, usunga bhayahudi bhingi ebhamasimira Ongo, eina bhakiri bharande mo myomba yabo.
\v 21 N'abho bhamaturirwa e myasi y'abhe imbu ebhusheereshange Ongo ebhayahudi ebhari hima n'ebhabhi, mbu kiro bhasimira emyomba y'ebhayahudi n'ishisha bho mbu kiro bhariy'ebhana bhabho k'otende.
\v 22 Bhuni ngi bhukiye bhate? Bhushwa bh'orukira mb' ukw'iya.
\v 23 Ngi chasingwa twakushisha, usimiranga ebyakwere bhate: Munkati n'itu na bhabhume bhanye bhari na ndani.
\v 24 Enda n'abho, katongoror' abho h'irameso n'ibheya bho, kongo ebheya ebhati bhasibha mbu injo myasi eyakuturirwa bho kuri ongo ya manko. Eina bharike nti bhasi mbu kusira bhubhi bhuti kuri ongo bhushwa mbu utunda esantungo s'ebhayahudi n'ibhesa na myanikiri bhuri bhate, m'umbi bhinwa.
\v 25 Eina mo myasi y'ambi ebhabhi ebhamasimira Yesu, nti twere bho mbu bhasimire emyomba y'ebhayahudi, tuhunange ho bhemise ebyakutiranyanga bhate mo rwandiko rw'itu; n'ifund'irisa biyo bya mpero, n'enchama, na mutumbira n'osingirwa.
\v 26 Paulo waring' ambo bhabhume. Bwarekia bwacha, w'itongorora hima n'abho, N'ikime mw'irameso mw'iture emwasi w'erirengecha ematu eritongororwa; kinsi mweya nt'wamakuturirwa ohembo rwae.
\p
\v 27 E matu arinda arekiya asondi irumira, ebhayahudi bhasairenga ku Asia bhamusunga nt'uri kumunda er'irameso, bhasheeresha ebeya bhati, bhamutinge.
\v 28 Bharonja bhurunga bwihema muhururo: Ebanu bhayahudi, mutusake. uno ngi usheereshange ebheya ekuti kw'etange 'we bhatinge echuo kitu n'emyomba, wabisha ner'irameso mw'ikimisha muro ebhayunani n'isha bho ha maherero.
\v 29 Imbu bwasunganga bo Trofimo, Wa ku Efeso, Hima nabho mor'ubhungu mbu Paulo wamakimisha bho mw'irameso.
\v 30 Er'ubhungu r'uti rw'atenga, ebheya ebhati bhakumanana tete, Bhatinge Paulo, Bhamukururaa hambuka ner'irameso; esandubhi sarindikwa.
\p
\v 31 Bharekia bha'sonda nse y'imuya, emwasi w'eya k'uri emukakare w'ebhashirikani mbw'er'obhungu ruti rwa ku Yerusaremu rwarubha.
\v 32 Munko kashangi wasonda bhashirikani na ashengarara, n'ikanyaha tete kafine bho. Nabho bharekia bhasunga ngo mukakare n'ambo bhashirikani, Bhareke 'humba Paulo.
\p
\v 33 Shengarara washeere kwihi na Paulo, wamutinge, washisha ebhashirikani bhamine Paulo na miri ibhi, wa'shisha mw'isonda isibhirira ingu mweya n'echamakora e.
\v 34 Bhampe munkati enteko bharonja bhurunga nti ntibhorukirane. Warekia wafund' iyorukira ebyebwange mumbo bhurunga, W'ebha mbu bhamuriye mu kabhiso.
\v 35 Paulo warishiwa munko kabhiso nti urikitwe ha nkoto, mor 'isua re nteko,
\v 36 Bhushwa mbu kikembe kikiri cha bheya bhabhunguranya ebhashirikani ebhabhesanga bhamurikite, n'ironja bhurunga, n'ieba: Muye ngu mweya.
\p
\v 37 Warekia uri ku munda 'nko kabhiso, washisha shengarara: umumpa kashangi mw'iebha nabhe kinwa ekiri mo mutima wani? Nae wamusubhie: Mbe! Ong'osi kiyunani?
\v 38 Nti ngi ongo e mu Misiri ewabhesingi Usheereshange erefu sinye sa bheya mbi bhayere, n'etindik'ebho munkati ebweru?
\p
\v 39 Paulo wasubya: Ani mu Yuda, mwisa ku Tarso, Ubhungu rwa ku Kilikia, mweya wand' ubhungu rwasubahwa. Nakuhema, mbesi ntambi n'ebhane n 'ambi beya.
\v 40 Warekia wasimira, Paulo wakambe habhasirw' ekitarango, n'isime bho mo saminwe mw'isubukia bho bhakobhe kongo w'ebhana nabho. Bharekia bhamakoba, wabuch'iebhana nabho mo Kiebrania, w'ebha:
\c 22
\cl Chunda 22
\p
\v 1 Bhabhume, Bhatita, Na bhana-kitu, mun'orukirenga, n'ebe mo makako inu.
\v 2 Bharekia bherukira imbu ebwebhange we mo Kiebrania bhakobha. wabuch' iebha:
\v 3 Ani mu Ebrania nabhutwa ku Tarso, ubhungu rwa ku Kilikia, Eina n'eshuke kuno ku Yerusaremu, Nahanwa esantungo sa bhatita mo mindi ya Gamalieli, Nabhesa na kamungo-mungo ke bhinwa bya Ongo, Imbu ebhuri bhanu run' otu.
\v 4 N' ani na nubyanga bheya n'iya bho mu ino nse, n'enda n'iminange bho n'iriya bho, ebhabhume n'ebhomina, ebhati hima mo ngori.
\v 5 Shebhakungu n' erushu rw' ebhakungu bhasi uno mwasi, Bhushwa mbu bhanakitu bha ku Damasiki mwi 'ringa mbi ebhabhesanga bhaminwa kuro, n'irushubho ku Yerusaremu kongo bhashushurwa.
\p
\v 6 Narekia n' iri munkati ense mw'isonda irembera ku Damasiki, mo kangwe k'emwishi, chaka kikiri chanibhumbe ituka ekwiyo.
\v 7 N'ake hansi, n'orukira murenge unerengi: Sauli, sauli; kinki chasingwa uninubya?
\p
\v 8 Nasubya: ongo ng' inye, e Mukota? wa n' ere: ani Yesu, Mwisa ku NaSareti; ng' unubyange ongo.
\p
\v 9 Imbi ebhabhesanga bhantindike, Bhasunga ncho chaka, Eina bhatorukiri ingo muremge wangu ewabhesanga umbikirange.
\v 10 N' ebha: Bhuni ngi bhukie ani e Mukota? Mukota wan 'ere: Simana, kime ku Damaski, ngi kwashishiwa ongo ebyakora ongo.
\v 11 N' enda nti ntinakae, Bhushwa n' abhesanga nti namaribha e meso, natingirirwa mo minwe n'ambi ebhabhesanga bhemisanya n'ani, narembera ku Damaski.
\v 12 Mweya uma, Anania, Ingu wasubhaha Ongo, n'iemisa emyomba, n'isibwa n'ebayahudi bhushwa n'ebhongo bwae, n'ebhati ebharikanga kundo.
\v 13 Nae wan'ehie, n'isheere kwihi n'ani m' unjo ntambi, namurarame.
\v 14 W' ebha: Ongo ngu wa bhatita wamakurondora mw'isonda ikukoresha imbu ebwasasa we, n'isibhirira ingu wer'eira n'iyorukira ebhinwa by' ebhunu bwae.
\v 15 Bhushwa ukubha ntumwa yae mo bheya ebhati w' ambi binwa ebyakusunga ongo n' iyorukira byo.
\v 16 Eokwe! usiya bhushw' anki? simana tete, rubhikwa ushuururwe tongororwa ebhibhi byabhe, n'ibhikiraa mo rina ra Mukota.
\p
\v 17 Narekia nakuruke ku Yerusaremu n' abhesa iye nibhikirange mor' irameso, emutima w'enda kimbu,
\v 18 Namusunga, wan' iere: tete, simana, tuka kuno ku Yerusaremu, Bhushwa bhat' orukiri ebhinwa bye bhunu bwabhe kuri ani.
\v 19 N' ani nasubya: E Mukota, ebhati mbi bhasi mbu nakorenga bho bhubhi, n'iminisha bho bhushwa erina rabhe n'ikama bho mu kinsi irango;
\v 20 N'enchama ya Setefano, kariho kabhe yarekia yakubhurwa; n'ani nabhesa nti nasimana kwihi mwikairire bho nasimira, naranga esanchangi s' ambo bhayeri.
\v 21 Nae wasubya: eira, Bhushwa mbu ani nakutuma w'endi kore mo bheya bh' ebhubhi.
\p
\v 22 Bhamutea emate iya h' ende nchi kinwa, bharonja bhurunga, Bhebha: muriribhanye ingu mweya, Bhushwa mbu nti w'isungwa mu kino chuo, w' akwe.
\p
\v 23 Bharorobhanya, n'irekeraa esanchangi n'emukungu w'oka mo mwanya.
\v 24 Shengarara w' ere bho mbu bharishe Paulo, n'imukimisha mo ngori; w' ebha mbu washishiwe emyasi yae mw' ishushurwa, kongo wasibha echasingwa wasunga nji minubho.
\p
\v 25 Warekia wamaminwa, Paulo w'ere shengarara: Bhanu m' uri na mwiko w'ihumba murumi na nti nti musibhirira n'ebhubhi bwae?
\p
\v 26 Warekia w'orukira mbyo bhinwa emukakare w' enda katonde shengarara, w'ebha: ukohyanga m' umbi ebyasond' ironja ongo: Ingu mweya mu Rumi.
\p
\v 27 Shengarara w' iya kwihi na Paulo n' imushisha n' eri: kuti ongo murumi? w' ebha: Nanki.
\p
\v 28 Shengarara w'asubya: Ani naninkananga bhehe bhingi mw' ibha mu Rumi. Paulo w'ebha: Ani mu Rumi, w'obhuto.
\v 29 Kuruma n' abya, imbi bheya ebhati ebhabhesa bhamushishirishange bh' enda, n' imusia warekia wamasibha mbu Paulo murumi, shengarara wasubhaha bhushwa wabhesanga nti wamamuminisha.
\p
\v 30 Bwarekia bwacha, wasond' isiba echakusingwanga Paulo wa' minwa n'ebhayahudi, w'amobhora n'ishisha bhashe bhakungu n'erushu eruti bhakumanana bharisha Paulo n' imutereka munkati n' abho.
\c 23
\cl Chunda 23
\p
\v 1 Pauro wasindera ebhakakare bhe ruushu webha: Bhabhume bhanakitu, namarika mo makako a Ongo na Mutima wakonda iya na runotu.
\v 2 Anania mukungu mukakare washisha imbi bhabhesenga nti bhasimana kwihi ikaso mo bhunu bwae.
\p
\v 3 Hiha hiya Paulo wamwire: Ongo waakukama Ongo, kisusu kisanange! ongo umurika mw' iniker' obansa bwebh' emyomba, na ongo umano' emwomba mwieba mbu nikamwe!
\p
\v 4 Imbo bhabhesenga bhasimana kwihi bh'ebha: ukamba e mukungu mukakare, wa Ongo?
\p
\v 5 Na Pauro webha: akosa nti nosi, bhanakitu, mbwiwe mukungu mukakare: bhushe chatiranyiwa kiro webha bhubhi kuri ebhakakare bh'abhe.
\p
\v 6 Pauro warekiya wamasibha mbu chunda kima bhafarisayo na kimpe mbu bhasadukayo, wakua mo ruushu: Bhabhume bhanakitu: ani mufarisayo, mwana wa mufarisayo ani nakererwa ubhansa bhushe na mwenyihiro werifuka r' ebhakwi.
\v 7 Mor' ihea iebha bhumbo, hatuka bhuhaka munkati ne bhafarisayo ne bha sadukayo ne nkumanano yabhanyana.
\v 8 Bhushe n'e bhasadukayo bhebhanga mbu kusira ifuka na kusira ngashani na mutima, ina ebhafarisayo bhasimira ebhibhi.
\p
\v 9 Kwa saa bhurunga bhukiri na bhatiranyi bhima bha muroharo rw' ebhafarisayo bhasimana bhebhana na bhiba: nti kwasungwa anga na bhubhi mo mwea ngu: kuti mutima ari ngashani ngwamwereyo.
\v 10 E r'obhungu rwar'ikiya rwamabhanyana emushirikani mukakare wasubhaha mbu Pauro mwimukuto munkati nabho bhamuria mo numba yebhashirikani.
\p
\v 11 Mo bhutu bwemisa Nyerekuritu wiere Pauro na wamwire; eninke maa; Bhushe bwakutura oongo emwasi wani ku Yerusaremu, rakomenwa uture hotu emwasi ku Roma.
\p
\v 12 Arekia ramiya mukomakoma ebhayahudi bhamina nama, na bhasere ang'irisa ni omo iya mu ngendero y'eshura Pauro.
\v 13 Ebharonjanga enama njo bhabhesenga bhateana makumi anye.
\v 14 Bhenda kasunga ebhakungu bhakakare hima na bhakungu: bherebho: bhate twamina kinwa hima nifundi risa kuri bhate bhesine twiye muero rweshura Pauro.
\v 15 Bhanu mwebhane n' erushu, n' emukakare w' ebhashirikani kongo bhamurisha kubhusondori niinu, bhuri bhanu musondange isibha ebhinwa byae ishu; na bhate bhusondori wiye turi tete mwi mushura.
\p
\v 16 Musike wa mwisi wabho Pauro, wakia wamasibha mbu bhamurinde wenda mo numba y'e bhashirikani washisha Pauro.
\v 17 Pauro wabhikira uma mubhakakare bhe bhashirikani wamwire: riya emusike uno kwa mukakare uri na kinwa chi mwire.
\v 18 Emukakare wamutinge wenda nae kuri bhampe bhakakare webha: Pauro ingu waminwa wanininka emusike uno mbu uri na kinwa chikwire.
\v 19 Emukakare watinge ingu musike mo mine wenda kumushi, wamushisha ongori na chi neere.
\v 20 Wasubya; ebhayahudi bhakurana mbu urishe Pauro mukoma ha nkumananano bhuri ongo hunange iebhana nae ishu.
\v 21 Kiro erukira byabo, bhushe bhingi irenga makumi anye mubho bhameria hima na bhamasere ibho mubho mwifundi risa n' iyomo bhiye mu ngendero yimushura, bharindire ekinwa chabhe.
\v 22 Emukakare wareke emushukira ntwamamwire mbu kiro weba na mwea imbi byamamwerewe.
\p
\v 23 Kuruma wabhikira bhakakare bhabhi webha: mwitunganyanye itukire muntabhi ishatu sa mutu, bhashirikani manabhi, nambi ebhatayanga mu sa mbunda makumi arinda, na manabhi bhakwananga ne matumo mwienda ku Kaisaria.
\v 24 Kubhesi na ngamia bhushe na Pauro kongo bhamuria munkangwe kwa mine chuo Feliki.
\v 25 Watiranya rwandiko 'rwebha bhuno:
\v 26 Kolodio Lusia kwe mukakare ingu watundwa Feliki, nakukea:
\v 27 Ewabhume uno wakusibwanga ne bayahudi mwisondi shurwa nabho, nenda na bhashirikani mwi munyaka bho, mor' iyorukirani mbu muruni.
\v 28 Mor' isond' esibha ekihuno chasingwa bhamusongere rushu rwabho.
\v 29 Nasibha mbu bhamusongereyo mu bhinwa byatukana n'emyomba yabo, ina ntwarikia bhubhi bhutibhuti chamusingwa washurwa ari iminwa.
\v 30 Murisibha mbwe bhayahudi bhamutea bhinwa, na kurebheka we bhusondori mwisibha ebhamusongerengi bhebhane nabhe ongo wesine, karamo nko.
\p
\v 31 Ebhashirikani mo momba waninkwanga bho, Pauro, bhenda nae mo mutu mwienda ku Antipatri.
\v 32 Minekakoma bhareke esa mbunda bhenda momgo nae, bhakuruka kuri ebhakakare bhabho.
\v 33 Muriya ku Kaisaria, ebhenjanga esambunda bhaninka minechuo erwandiko bhamushea Pauro.
\p
\v 34 Minechuo mw' iheae rwandiko washisha mbe Pauro mwisa kunye. murisibhishwambu mwea wa ku Kilikia:
\p
\v 35 Nakwerukire, mo ntabhi iseya ebhakusongerengi, webha mbu bhamurange mo numba ya Herode.
\c 24
\cl Chunda 24
\p
\v 1 Kuruma na matu asanu wiya emukungu mukakare Anania hima ne bhakungu hima na mwebheri rina rae Tertulo. Bhashitake Pauro kwa mine chuo.
\v 2 Pauro wabhikirwa na Terturo wabhucha imusongere.
\v 3 Nakuninka otunda Feliki utuninka bhuhoro bwingi, na mo byebhanga ongo bhinwa bhingi byema byamatunganana mo chuo kino; ngi bhusi bhate mo bhiti n' ekuti hima n' ishima.
\v 4 Eina murifundi kuriminyie ntambi, nikuhemange norukiri, mo bhongo bwabhe, ebhisondange iebha bhate mu bhinwa bhikeke.
\v 5 Twa masunga emwea uno mukongobhanya na uhunange esianya ebhayahudi bhari muchuo kiti, iwe ngwasimanire erisimira ra bhisa ku Nasareti.
\v 6 Na iwe wesine ntusondange ibhisha erirameso twamutinge twahuna imukere obhansa mo myomba yitu.
\v 7 Ina Rusia mukakare we bhashirikani wakia weya watunyaka we n' eyume,
\v 8 Mwiebha nambi ebhamusongerengi mwiya momakako abe. Umushishirishe mwitunja kuriwe bhiti bhimusongerengi mo bhate.
\v 9 Bayahudi nabho bhasimira mbwe bhinwa byae byabhesenga bhirikire bhumbo.
\p
\v 10 Akiya minechuo wamamuninka ntambi yiebha, Pauro wasubya; ongosi itukire himpo iyo matu mingi ongo mukeri wa mansa mo chuo kino, niri na mwenyihiro ngwasingwa nebha ekinwa kino mori kwiebhere.
\v 11 Nanti nesi kweta matu irenga ikumi na abhi, mwienda ani ku Yerusaremu mw' itata Ongo.
\v 12 Nti bhankumananga mwirameso namo marango, nanti mu robhungu, mbu nebhanange na mwea mwikia nkumanano s'erisheeresha ebhea.
\v 13 Na bhatamusibirira insonsomora shu mbe nti nasongererwa bhushanki.
\v 14 Nakwere ani nikorengi Ongo wa bhatita nasimira ebhinwa bhiti byaritiranyiwa mo myomba na mo bhatahwa.
\v 15 Na niri n'e mwenyihiro uno kuri Ongo, bhurimbu bhukwengi bhoo bhesine mbu kusebhesayo ifuka rebhasimira nambi nti bhasimira.
\v 16 Ngi chasingwa n'esumya mwifundibhesa na kinwa momutima na momakako a Ongo na munkati ne bhea.
\v 17 Kuruma nifundi bhesa ho mu bhindi bhingi nakwiyanga karushie ebhea bhani bhisabhu nisheabho ohembo.
\v 18 Nangi chasingwa bhayahudi bhima bha ku Asia bhankumana nti nashuururwa mwirameso anga nkumanano na bhurunga.
\v 19 Rakomenwa kurimbi mwiya mumakako abhe ni nisongere kubha bhari na kinwa kuri ani.
\v 20 Na bhebhe mbenti bhubhi nki bhuri nani mwikerwa ubhansa muntambi yarierwayo ani munkati ne ruushu.
\v 21 Kuti nti bhushe na uno murenge ho munkati nabho bhushe bwe rifuka r'ebhakwire nakerewa ubhansa munkati niinu runotu.
\p
\v 22 Feliki, wabhesanga usi bhuni ngi bhuri erisimira ndo warindisha bho w'ebha; entambi e mukakare Lusia usiiya nakae mo bhinwa bhinu.
\v 23 Waninkana momba kuri ebhakakare bhe bhashirikani bharange Pauro mwi murekerere ntambi nima n' angi hangise bhanarwae mw' imusake na kikai kitikiti.
\p
\v 24 Kuruma na motu mukeke Feliki, wiya na Drusila, mukariwe, wabhesenga muyahudi webha mbu bhabhikire Pauro. wamwerukire mwitukana n'erisimira kuri Kirisitu.
\v 25 Pauro warekia uhanange bhushe n' ereira, n' engerero, n' erubhansa ndu rusiyayo, Feliki wasubhaha nguru wasubya; ienderi kasa, nsekiya namashee kashangi nisekubhikira tu.
\v 26 Abhesenga wenyihire mbu Pauro wamumuninkange bhehe nt'umwerengi mbu wendi ngendo ningi mw' isonda esungana hima nae.
\p
\v 27 Myaka ibhi yeta mbo na Porkisi Festo weya kakora kuruma na Feliki. Mo mihaki yerimoesha ebhayahudi Feliki wasiya Pauro mo ngori.
\c 25
\cl Chunda 25
\p
\v 1 Festo wakiya wamakime mo bhutaka matu ashatu kuruma wenda ku Kaisaria na ku Yerusaremu.
\v 2 Ebhashebhakungu bhe bhayahudi bhasongere Pauro kubhusondori nae. Bhakia ngendero kwihi nae na mu meso ema.
\v 3 Bhamukonga bhuri wasaki bho mwemurisha ku Yerusaremu. Bhabhesa nti bharonjange nama kongo bhamuyere mo munse.
\v 4 Festo wasubya mbu Pauro wabhesanga warangwa ku Kaisaria na wesine wabhesa ntusondange ienda kunko.
\v 5 Ebhakakare mu bhanu bahite hima nani, webha na kubha kuri kikai ch' ekiere ubhansa mo mwea uno bhamusongeri.
\p
\v 6 Festo waronja ho matu munane ari ekumi munkati nabho wahita ku Kaisaria. Minekakoma wakumanana nambi bhakerang' esamansa, wakuto kinwa mbu bharishe Pauro.
\v 7 Wakiya wamiya, ebhayahudi ebharikanga ku Yerusaremu bhamutimba bhamusongere mu bhubhi bwingi bwasuma na utamukochange kwiebhere.
\p
\v 8 Pauro wabhucha kw' iebhere webha: nti narikia chamusingwa nakererwa obhansa nanti narikia kibhi mo myomba y'e bhayahudi ari mwirameso na kuri Kaisari.
\p
\v 9 Festo wahuni moesha ebhayahudi wasubhie Pauro: Ongo sondang' itarie ku Yerusaremu kongo ukekererwa obansa nko mo meso ani?
\p
\v 10 Pauro webha: mo makako a Kaisari ngi kwashambarenga 'ni inko ngi kwakomenwa ikekererwa 'ni obhansa nti narekia bhubhi bhutibhuti kuri ebhayahudi, bhuri bhusi ongo ishu.
\v 11 Kubha nti na kuki' eira kuri bho ari bhubhi bwamusingwa nashurwa nti natin' erikwa; eina kubha imbi bhinisongerengi bho nty' eira kusira uri na momba winininkana kuri bho. Nasiere cho kuri Kaisari.
\p
\v 12 Festo hima n' erushu kuruma nereninkana mwanikiri wasubya: ukubhikirenga cho Kaisari ukwenda bhusondori na Kaisari.
\p
\v 13 Kuruma na matu makeke emubhake Agripa na Berenise bhiya ku Kaisaria, mw' ikea Festo.
\v 14 Imb' wakianga bho 'nko matu mingi Festo washisha emubhake ebhinwa bya Pauro webha: Feliki waresiya wamina mwea,
\v 15 Mukihuno, narekia nirikire ku Yerusaremu, ebha shebhakungu n'e bhakungu bh'e bhayahudi bhasongere Pauro mbu wakwe.
\v 16 Nasubhiebho mbu nti momba wa Barumi mwininkana wasongererwa kubha nesi ntwariarwa mo mine yambi bhamusongerengi nanti wabhesa na ntambi ya kw'iyebhere mumbi byakusongererwa mo we.
\v 17 Bhakweyanga hano hima n' ani nabhesa nabho mo minekakoma ekukerwanga esamansa na naninkana kinwa bhanirishii emwea ngo.
\v 18 Ebhamusongere, bharekia bheya nti ntibamusongere kikai mumbi byabhesenga byanikirange ani.
\v 19 Abhesanga bhari nae bhuhaka etukana n' er' esimira rabho n'ekuri ngu Yesu wakwire na iwe Pauro wabhesanga webhange mburi ho.
\v 20 Twasera runi oharo rwendi mo bhate mumbo bhuhaka. Nabhesanga nimushishirishange kuti wamwenda ku Yerusaremu kakererwa obhansa kuuko mo bhinwa mbyo.
\v 21 Ina Pauro warebhikire cho, kongo ekihuno chae chabhikwa mwisibhishwa n' e mubhake naninkana kinwa mbu warangwe iya mo rotu rwamurebheka ani kwa Kaisari.
\v 22 Agripa were Festo, nisondange norukire hotu emweango. Mukoma, ng' wasubya Festo, ukumwerukira.
\p
\v 23 Minekakoma, Agripa na Berenise bheya na bhuhime, bhakime mo numbo ye bhinwa hima na bhakakare bha bhashirikani na bhampe bhakakare. mu kinwa cha Festo, Pauro warishiwa.
\v 24 Festo webha: Mubhake Agripa na bhanu bhati muri hano hima niitu, musunga emwea uno nge bhayahudi bhati bhebhanayo nani mbenti ku Yerusaremu mbenti hano mbu utamubhesanga tu ho.
\v 25 Kuri ani, narekia nasibhirira mbu 'ntwakia kikai chakomenwa mbu wakwe nae wesine muriraa we kuri e mubhake, Namakera rwanko rwiebha mbu wendi.
\v 26 Nsira echamutiranya ani kuri e mubhake mumbi byamukae chasingwa namushea kuri ongo mubhake Agripa mwisibha echamutiranya ongo kuruma ni mwerukira.
\v 27 Bhusha nti, rarengeka mwirebheka mwea w' eminwa kubha ntinashea mbu bhamusongere mu nki.
\c 26
\cl Chunda 26
\p
\v 1 Agripa were Pauro: uninkwa kinwa chiebha mwikwiebhere. Pauro wamoro emine webha bhuno:
\v 2 Nesunga imoa, mubhake Agripa, morikwiebhere runotu bhusondori nabhe mo bhiti mbi byasongererwa 'ni ne bhayahudi.
\v 3 Bhushe Ongo si shushu emwenjo wabho ne bhuhaka bwabho. Nihunange unorukiriri.
\p
\v 4 Ebhuingo bwani itukire ematu ebhusike bwani bhusibhirwe n'ebhayahudi bhati bhushe bwanetirenga ku Yerusaremu, munkati ne rubhuto rwani,
\v 5 Bhosi itukire kare, kubha bhasondange iebha mbu nabhesangaho bhuri mufarisayo morimisanya n' erisimira rikiri r' e mpero yitu.
\p
\v 6 N' entambi 'no nakererwa obhansa bhushe nabhesa na mwinyihiro moribhererera ra ndaani ya ongo yakianga we na bhatita.
\v 7 Ingu urikire kumund' esanganda situ ikumi na sibi na bhakorengi Ongo ematuati mutu na mwishi. Na mungo mwenyihiro, ongo mubhake, ngy' asingwa nasongererwa n' ebhayahudi.
\v 8 Kikai nki chashishaya mbu Ongo ufurang' ebhakwi?
\p
\v 9 Kuri ani, nasimiranga na maa mwituna erina ra Yesu waku Nasareti.
\v 10 Ngi byakianga ani ku Yerusaremu. Narekeranga mo ngori bhea bhingi bhashuururwa, mo maa aninkwanga 'ni mwitukana n' ebhakungu bhakakare na bharekiya bhashurange bho, nani ntinisimirange.
\v 11 Nabhesenga nti nihumbange bho munkati ne marameso ati, na nti nerengi bho na maa kiro bhasimira. Moribhaa bho nguru nabhesa ntini nubyangebho nakiro musimpe mbungu.
\p
\v 12 Na mo kihuno ncho ngy' abhesanga mw' endangy' ani, ku Damaski mwi ninkwa maa hima ne resubhurirwa n' ebhakungu bhakakare.
\v 13 Munkati nemwishi ongo mubhake nasunga mo munse kumushi nani na kumushi n' ebhari nani chaaka chatuka kokwiyo chasana nguru irenga chaka che mwishi.
\v 14 Tweshina bhate bhati ekwansi, nerukira murenge ongo ninubyange? risekusume, er'etina rabhe ra bhusa mor' ehurana n' ani.
\p
\v 15 Nasubya: ongo ngi nye Nyerekuritu? na Nyerekuritu webha: Ani ngi Yesu ingunubyange ongo.
\v 16 Ina simana mo mindi yabhe bhushe namakusaire murikuninka murimo na kariho wambi byamasunga ongo nambi bhisekusheayo ani.
\v 17 Namakurondora munkati ne bhea mbi na munkati nambi nti bemisa mw'ienda inku kusekushea 'ni,
\v 18 Kongo wobhora bho emeso, kongo bhatuka mo mwerimya iyenda kuri echaaka, na mo maa a Nyamurairi iya kuri Ongo, kongo bhashee moresimira kuri ani musasiro we bhibhi ne mwandu hima n' ebhashuururwa.
\p
\v 19 Ekwende nambyo, ongo mubake Agripa, nti nakochi efundisana n' emwanikiri wa mo mbingu.
\v 20 Mu bya ku Damaski kasa, na bya ku Yerusaremu mu bhuyahudi bhati, na mumbi nti bhasimira, naretur' e mwasi werisiya ebhibhi n' ebhunduka kuri Ongo hima na mikorere y' erisiya ebhibhi.
\p
\v 21 Mukae chasingwa ebhayahudi bhanitinge mwirameso nisondekanya inishura.
\v 22 Ina mo nchumo mwisakirwa na Ongo, niri hoho iya na runotu niturange emwasi munkati ne bhanunke ne bhakakare angi tuka mu 'mbi byebhanga Musa n' ebhatahwa ebhiseyayo.
\v 23 Mwisiba mbu Kirisitu wasefukayo, na mu rifuka waroso munkati n'ebhakwi, waseturayo echaka mo bhea na mo sanganda.
\p
\v 24 Wakiya webhanga bhumbo muri kwesibhirisha, Festo webha na murenge mukiri: ongo mushire, Pauro erisibha rabhe rakia utuanikirishu.
\v 25 Nti ani mushire emukakare Festo, bhinwa by'eira na byakonda ngi byebhange ani.
\v 26 E mubhake usi ebhikaimbi na namwire byo mu bhuhoro, bhushe nisi n' esimira ntwasera kikai, bhushe ntibyetanga mu mwerimya.
\v 27 Usimira mo bhatahwa emubhake Agripa? Nisi mbu usimirabyo.
\v 28 Na Agripa washisha Pauro: ukunibhundura mwibhesa mwea wa Kirisito!
\p
\v 29 Pauro wasubya: byabhe hano tete, byabha bya kuruma ongo, na nti ongo wesine eina nambi bhanirukirengi runotu, mu mubhesange bhuri ani ina etunja ho er'eminwa rino.
\v 30 Emubhake, mine bhutaka, Berenise ne bhati bhabhesanga bhari himanae bhasimana.
\v 31 Na mu kweshika bhashishana bhesine na bhesine: Emweangu ntwakukia kikai mwiebha mbu wakwe ari eminwa.
\p
\v 32 Na Agripa were Festo emwea ngu wamobhorwange, utamubhesange warekind' ibhikira kwa Kaisari.
\c 27
\cl Chunda 27
\p
\v 1 Montambi ya sisinyanga we, twating' e bwato mwienda ku Italia, bharia Pauro na bhimabhima mumbi ebhaminwa kuri mukakare uma w' ebhashirikani wabhikirwa Yurio wa kikembe cha Ogisto.
\v 2 Twataya mu bwato bwa ku Adaramiti bwabhesanga bw'ieta mo Asia, na twenda na Aristarko mwisa ku Makedonia waku Tesalonike.
\v 3 Erotu rwemisa, twiya ku Sidoni, na Yulio wabhesanga ukorengi Pauro 'shu, wamusimire mwienda kuri bhira bhae n' ishee kuri bho makumu.
\v 4 Mwitukanko, twekinde mokisanga cha ku Kipuro, Bhushwa ereyuhu rabhesanga ritangenda 'shu.
\v 5 Kuruma n' erisoka e nyansa bwendende na ku-Kirikia na ku Pamfulia, twiya ku Mira obhungu rwa ku Kilikia.
\v 6 Nampo emukakare webhashirikani warekiya washee ebwato bwa ku lesanduria bwendange ku Italia watutarisha.
\v 7 Mumatu mingi twenda mo bwato mpompo-mpompo na nti mu minubho mingi twasaa ku Kinido impi ereyuhu ntirasingwanga twiya, Tweta kumbo ne kisanga cha ku-Krete, mo mwiri na momwiri.
\v 8 Tweta mu minubho na twiya mofasi nji yabhikirwa Bhandari rwahunda kumushi n' erobhungu rwa Lasea.
\p
\v 9 Muntambi sareha setanga n' ebwato bwabhesa bwokubha, bhushwa, ebhindi by'e mahemo byabhesanga byameta.
\v 10 Bhushwe n'anchi Paulo wasubukia ebampe mwi ebha: bhanu bheya, ani nasunga bhuri e bwato bhutamwe 'mo angirimina na, nti momirio ho na nti mobwato, ina hotu bhushwa n' ebhuingo bwitu.
\v 11 Emukakare werukire emwenji w' ebwato na shemin' ebwato kubhusondori n' esantambi mbu e bhinwa bya Paulo,
\v 12 Na morisunga mbu efasi her'iehie 'bwato habhesanga nti hahunda, mwikambe ho, bheya bhingi bhabhesa na mwanikiri wituka ho mwienda karika ku Foiniki, hehienga ma'to a ku Krete eyakae kuruma n' ekurembe mwieta.
\v 13 K'eyuhu kakuruma kiya n' ietaho, na ebhasimira bhahani bhe matu abho iyange, bhasimana na bheta kumushi n' ekisanga cha ku Krete.
\v 14 Ina kuruma na ntambi eyuhu rasuma rabhikirwa eurakilo resunda mo bwato.
\v 15 Ebwato mwashata, kusiri iraa moreyuhu na twasia iriarwa nienda nku kwatuka bhate.
\v 16 Tweta kumbo n' ekisanga chabhikirwa kauda na twakocha mu minubho emina ebwato.
\v 17 Kuruma n' iheanyayo, twisake mwemina ebwato na moresubhaha erihuke ku Suria, bhahicha ematanga ngibhumbu twariarwa n'eriyuhu.
\v 18 Twakiya twakamwa na keme chasuma, mukakoma bhabhuchitaa emiriyo mo nyansa
\v 19 N' erotu rwashatu twataa ebhikai bhiti bye bwato mo mine itu bhate bhesine.
\v 20 Emwishi n' esankekeni nti matu mingi, bhitangasaka, n'ekeme chabhesanga chasuma nguru twariminya n' emwenyihiro werirama.
\p
\v 21 Nti twarisa matu mingi. himpo Paulo, wasimana, munkati nabo, n' iebha: bhanu bheya mumunorukirengi na mutumu tukange ku Krete, mwibheka er'eriminirwa riti ndi.
\v 22 Eo kwe nabhunika mahano mw'ibhesa na maa, bhushwa anga mweya munkati ninu wariminya ebhuingo bwae na kutabhesi eriminya ina ebwato ho.
\v 23 Ngashan' uma wa Ongo n' eukorengi ani wakunisaire muno mutu,
\v 24 Na waman'ire: Paulo, Kiro subhaha rihunange ibhurana mo makako a Kaisari nasunga Ongo wakukuninka ebhati mbi bhari nabhe moroendo.
\v 25 Bhushwa nanchi, bhanu bhati, mubhesi n' e mwenyihiro, bhushwa niri nangu mwenyihiro ko kuri Ongo mbu bwakwerirwa ani.
\v 26 Ina tuserekerwa mu kisanga kima.
\p
\v 27 Ebhutu bwerekumi na anye bwarekia bweya, nti turekerwange nku na nku mo nyansa yaku Adria, ebheya bhe bwato bhahaka mbu bwasondiya mo mwiri.
\v 28 Bhataa enanga mo mecha, bhashee ngerero makumi abhi, kore tu kakeke bhataa hotu enanga, bhashee ngerero ekumi n'isanu.
\v 29 Na mobhobha bweritawa bhataa mihango inye ya kuruma ne bwato n' irindire ericha rebhutu mwihema.
\v 30 Nambo bhise bwato bhabhesanga bhasondekanyange iromboka ebwato, bhahicha ebwato mo nyansa, mw'iebha mbu bhatinge e mahano ngo er'ienda ku bhusondori.
\v 31 Paulo weba kurie mukakare n' ekurie bhashirikani: kubha ebheya mbi nti bharika mo bwato, nti mutoshukari.
\v 32 Kuruma, ebhashirikani bhakera emiri y' ebwato n'isiayo ihuke.
\p
\v 33 Kubhusondori bwericha ebhutu, Paulo watuhema bhate bhati erisa bhiyo, w'ebha: runotu ng' iotu rwekumi nanye rwaranga bhanu mw'efund'irisa.
\v 34 Nibhubhongange mwerisa bhiyo, bhushwa kicha charawamo nguru moresimira rinu angan' oteo rwa mweya munkati ninu rwaarimina.
\v 35 Wakiya webha mbo; watinge kambosa, na kuruma n' erihemeko mo makako itu bhate bhati wakeka ko n' ibhucha irisa.
\v 36 Na bhatebhati twashee bhunkangwe bw'erisa.
\v 37 Abhesanga turimo bwato bheya manabhi makumi arinda na mutubha.
\v 38 Mo ntambi yarisanga bho n' isukuta, bhohohya ebwato mwitaa mo mirio mo nyansa.
\p
\v 39 Mo ntambi yachang' ebhutu, bhatasibhi tu echuo ncho, ina bhasunga kanumba mo fasi yerisoke, bhiya mungerero y' ihimireho ebwato, kubha rakocheka.
\v 40 Bhataa erohango rwebwato kore, kongo bhenda mo nyansa, na bhasia emimpondo yemwenji, kuruma, bhatarisha n' ienda h'erisoke.
\v 41 Ina bhakumana ehakumanane nyansa sibhi, impi hafundwangabho ebwato bharandisha bho, ang' itenga, echunda cha kuruma chabhuchichika n' emibhimbi yasuma.
\p
\v 42 Ebhashirikani bhabhesa na mihaki y' ishura ebhaminwa, na bhobha mbu angamweya munkati nabho, wabheka mukweshua.
\v 43 Ina emukakare webhashirikani, wabhesanga usond'ioshukaya Paulo, wahangisebo kiro bhakia emabhi ngo, webha nambi bhabhesanga bhasi kweshua mukwitaa bharoso mo mecha mukweshua n'isoka hamwiri.
\v 44 Na kuri ebhampe mwirika mo bhisai na bhampe habhasira n' ebhikai bye bwato nambo ebheya bhati bhasoka ishu.
\c 28
\cl Chunda 28
\p
\v 1 Morioshukara ritu, twasibha nakubha mbu e kisanga ncho chabhikirwa Merita.
\v 2 Bhisa nko bhatukore byahunda irenga ematu ampe, bhatukoke mw' itukoree kasha, bhusha e mbura yabhesenga ikengi n' e keme nti kiingi.
\v 3 Paulo wasombo n' ironge muriyo wa nkuni n' iriya to ha kasha, kwasaa nsoka munkati n' esankuni bhusha e chuka na y' iondonda mu mwine wae.
\v 4 Bhisa nko esung'ensoka y' ebinga mo mine yae, bhashishana: Moriira, e mweyangu muyeri wa bhea; bhushwa e riira nti rakwana imusierere wamane matu; ngi ratukae iyoshukara mo nyansa.
\v 5 Pauro watito e nsoka mo r' omini rw'ekasha, na nti worukiranga anga nabwae.
\v 6 E bheya mbo bharika bharuka bharindirengi 'mbwa Sebhimba ari ienduka r' ikwa r' isisimuke, ina bhakaenga ntambi nere, anga na kibhi cheta.
\p
\v 7 Habhesenga wendende mashwa mukakare we kisanga, rina rae ngi Pubirio, watukoke n' itusamicha matu ashatu bhuri mira witu.
\v 8 Ishe wa Pubirio wabhesenga mo ntange, wasamba kabhurura na muhobho; Paulo weya kwihi nae, wahema, mw'imutereka mine, n' imuramya.
\v 9 Kunanda ne kisanga nti kuri bhampe bhakoni, waramya tu bho.
\v 10 Bhatushea asubhaho rukiri, na murienda ritu, bhatuninka bhikai mbi byaraa mo bhate.
\p
\v 11 Kuruma n' irika nko myeri ishatu, twakime mu bwato bwa ku Arekisandria bwechanga e kiranga che keme mo kisanga nti bhuri na kiteerere ch' iasa ra bhabhume.
\v 12 Tweya ku Sirakuse, twamana ko matu ashatu.
\v 13 Mw' ituka mpo, tweta mo mutiri twasaa ku Regio; n' e riyuhu ra kuruma rasia otu ruma kuro mu matu abhi twasaa ku Puteoli.
\v 14 Himpo twakumana bhanakitu, bhatubhonga tumane nabho matu arinda. Na ngi bwendanga bhate ku Roma.
\p
\v 15 Mwituka ritu nko, bhanakitu bhorukira e mwasi witu, bheya katukumana mw'isoko ra ku Apio n' ininkwa numba ishatu sa bhendendi. Paulo, mwisungabho watata Ongo, wasaruka tu.
\v 16 Mo ntambi yeyanga bhate ku Roma, Pauro wasimirwa irika kw' esine na mushirikani w' emuranga.
\p
\v 17 Kuruma na matu ashatu, Pauro wabhikira e bhakakare bhe bhayuda wakumanana nabho; mwi 'ya rabho, washisha bho: Bhabhume bhanakitu; nti nakuronja kikai kuri bhea n'e myomba ya bhatita, naminwanga ku Yerusaremu.
\v 18 Bhakiya bhamashishirisha bhahuna inobhora, bhusha bhasunganga nti kusira chamusingwa nashurwa.
\v 19 Iina e bhayuda bhabhangana e bhinwa byani nti ebhambu akosa niri na kinwa chisongere e ruanda rwani.
\v 20 Kicha ngi chakusingwa nasonda ibhusunga n' ibwere; bhusha naminwa mo muyororo uno mu mwinyihiro wa Ku Isiraeri.
\p
\v 21 Bhamusako, nti twakusunga anga n' e rwandiko ruma rwatuka mo bhayuda bhusha ongo akiro munakitu uma wiya katuture mwasi n' ikuebhere bhubhi.
\v 22 Iina twamushimange ishee mwanikiri wabhe, bhusha tosi bhushwa e r'irameso ndi ritikurwange bhubhi na bhea bhingi 'kuti.
\p
\v 23 Bhamuninka otu, na bhea bhingi bheyanga kamusona mo mwae. Pauro wature bho e bhusime bwa Ongo; mwihanisa, n' isonda mo myomba ya Musa n'e bhatahwa mwibonganya bho mo byakae Yesu. Mushambaro wamana itukire mukomakoma iya na murisisi.
\v 24 Bhima bhasimira ebyakwebwa, n'e bhampe bhatasimiri.
\v 25 Mor' iruka isimira rabho Pauro mw' iebha bhuno: Rasimirwa bwebhanga e Mutima mushasha kuri bhaso itukire mu mutahwa Isaya w' ebhanga:
\q
\v 26 Enda kuri e bheya mbo, n' iebha: Mukorukira n' e mate inu eina mututeereri; mukukae n'e meso inu eina mutusungi.
\v 27 Bhusha e mitima ye bhea mbi ya suma. Bharibhiya emate n' imina emeso kongo bhata sungi n' e meso abho; n' iyorukira n' e mate abo n' iteerera mu mitima yabho, n'ibhunduka namuramya bho.
\p
\v 28 Musibirire mbu e nchukayo ya Ongo yarebhekwanga mo bhabhi na bhaserukirayo.
\v 29 Wakiya webha mbo, bhayuda bh'eire, bhakubha mahaka ibho mubho.
\p
\v 30 Pauro wamana bhindi bhibhi mo numba y' etuwa. Abhesenga ukokengi bhati mbi bhabhesenga bheyange kamusunga.
\v 31 Mwitura e mwasi wakonda we bhusime bwa Ongo n' ihana bya mukota Yesu Kirisitu, bwashima e nti kusira chamumuhangire.