nyj_reg/41-MAT.usfm

\id MAT
\ide UTF-8
\h Matayo
\toc1 Matayo
\toc2 Matayo
\toc3 mat
\mt Matayo
\c 1
\cl Chunda 1
\p
\v 1 E robhuto rwa Yesu Kirisitu mwana wa Daudi mwana wa Abhurahamu,
\v 2 Abhurahamu wabhuta Isake, Isake wabhuta Yakobo, Yakobo wabhuta Yuda n'ebhana bhabho.
\v 3 Yuda wabhuta Tamari, Faresi na Sara, Faresi wabhuta Isorome, Isorome wabhuta Aramu.
\v 4 Aramu wabhuta Aminadabu, Aminadabu wabúta Nasoni, Nasoni wabhuta.
\v 5 Saramoni. Saramoni wabhuta Boasi wa Rahabu, Boasi wabhuta Obedi wa Ruti.
\v 6 Obedi wabhuta Yese, Yese wabhuta Daudi mubhake Daudi wabhuta Soromono kuri mukari wa Uria.
\v 7 Soromono wabhuta Rehoboamu, Rohoboamu wabhúta Abia, Abia wabhuta Asa.
\v 8 Asa wabhuta Yosafati, Yosafati wabhuta Yoramu, Yoramu wabhuta Usia.
\v 9 Usia wabhuta Yotamu, Yotamu wabhuta Ahasi, Ahasi wabhuta Esekia.
\v 10 Ezekia wabhuta Manase, Manase wabhuta Amoni, Amoni wabhuta Yosia.
\v 11 Yosia wabhuta Yekonia ne ebhana bhabho mo matu endanga bho ku Babironi.
\p
\v 12 Morituka rabho ku Babironi wabhuta Yekonia wabhuta Saratieri, Saratieri wabhuta Sorobaberi.
\v 13 Sorobaberi wabhuta Abihudi, Abihudi wabhuta Eriakimu, Eriakimu wabhuta Asori.
\v 14 Asori wabhuta Sadoki, Sadoki wabhuta Akimu, Akimu wabhuta Erihudi.
\v 15 Erihudi wabhuta Eriazari, Eriazari wabhuta Natana, Natana wabuta Yakobo.
\v 16 Yakobo wabhuta Yosefu, moke wa Maria ingu bhutanga Yesu, wa bhikirwa Kirisitu.
\p
\v 17 Mu bhiti kuri mbuto ekumina sinye itukire Aburahamu iya Daudi, mbuto ekumi na sinye itukire Daudi mor'ituka rabho ku Babironi, iya mor'ibhutwa ra Yesu Kirisitu, mbuto ekumi na sinye.
\p
\v 18 Sunga bhwa bhutwanga Yesu Kirisitu. Nina Maria mukari wa Yosefu warianga bhukure mu maa emutima Mutabheri, na nti tinesi bharika mongo.
\v 19 Moke Yosefu asanga mwea wakonda, nti twishime changa wa hunisiana nae.
\v 20 Mo mwanikiri wae, e ngashani wamwire mo toro w'ebha: Yusufu mwana wa Daudi ang'isubhaha etinge Mariamu mukari wabe, bhusha wasebhuta mwana mu maa e Mutíma Mutabheri.
\v 21 Wasebhuta mwana, na ukumuninka rina ra Yesu, uno wasebhesa rukombora.
\v 22 Bhiti bhibya bhiyanga morisonda ebhutahwa bhubhererere.
\v 23 Sunga, momina nt'usi abhume wasebhuta mwana wa'bhume na waseninkwa rina ra Emanueri, nger'iebha mbu Ongo uri hima n'itu.
\v 24 Yosefu wasumukanga wakora e bhya mushishanga e Maraika na watinge mukari.
\v 25 Ina nt'wasibhanga mukari, iya m'oero rw'eribhuta mwana wa'bhume waninkwa rina ra Yesu.
\c 2
\cl Chunda 2
\p
\v 1 Yesu war'ikiya wamabhutwa ku Beterehemu ya ku Yudea mu matu e mubhake Herode, sunga bhis'e bwenge bha mor' oharo rw'e kwabhume bhiya ku Yerusaremu.
\v 2 Bhebha: uri kuni ewakubhutwa e mubhake wa ku Yudea? Bhushwa twakusunga e nkekeni yae mor' oharo rw'e kwabhume na bhate twamia ka mukoke.
\p
\v 3 E mubhake Herode warekia worukira e bhinwa mbyo, wasubhuka na Yerusaremu hima nae.
\v 4 Wariya ebhakakare bhe bhakungu bhati hima, n'e bhandiki bhe bhea washisha kuni kwa bhutwa emubhake Kirisitu?
\v 5 Nabho bhamusako mbu Ku Beterehemu ya ku Yudea. Bhushwa ngwandikwa cho ne mutahwa.
\v 6 Na oongo Beterehemu ubhungu rwa Yuda, oongo nti mukeke nguru munkati e bhakakare bha Yuda: bhushwa ku kwasetuka e mubhake ingo warange bhea bhani Isiraeri.
\p
\v 7 Ituka mpo Herode wabhikira bhise bwenge mu nama, washei eira kuri bho e ntambi yasungwanga e nkekeni.
\v 8 Washishabho bhendi ku Beterehemu mwendi musonde myasi y' eira y'e mwana. Mumamusunga mwiye kantur'e mwasi, n'ani nendi kamukoke.
\p
\v 9 Nabho bhakia bhamakíndi rukira e bhinwa bhye mubhake bhenda bhakae e nkekeni yakusunganga bho e kusairengi bho, yasondore bho, na yeya yasimana hiyo nampo hari e mwana.
\v 10 Nabho bharekia bhamasunga tu nkekeni bhabhesa nimoa nguru.
\v 11 Bhakime mo kiraro bhasung' e mwana hima na Maria nina, bhehicha bhakok' e mwana nabho bhakia bhamakind'iyobhora esanku sabho bhamuhemba: bhehe.
\v 12 Nabho bhakia bhamashishiwa na Ongo munsori anga bhakuruka kwa Herode bhakuruke mu chuo chabho muimpe nse.
\p
\v 13 Nabhakia bhamakindi enda engashani wasaire Yusufu munsori webha simana ntinge mwana na nina bheka ku Misiri rika kuko iya erotu rwa kwire ani, bhushwa Herode wasonde mwana wa mushúre.
\v 14 Yusufu wasimana watinge mwana na nina mo mutu nienda ku Misiri.
\v 15 Warika kuko iya erikwa ra Herode, bhushwa kibhererere e kinwa ch' ebhanga e mutahwa: mwituka ku Misiri nakubhikira musike ani.
\v 16 Nampo Herode wasibha 'mbu wahuswa na bhis'e bwenge, wasubhuka nguru watuma bhea bhashure bhana bhati bh'e myaka ibi n'ehita mu'mbo bhari ku Beterehamu n'e wendende na kuro.
\v 17 Nambu chabherereshiwa chebhwanga n'e mutahwa Yeremia.
\q
\v 18 Kwakorukirwa mirenge ku Rama ya kiro na kwiyonga rikiri, Rakeri warire bhana bhae, na nt'warisianga ibhongwabhongwa bhushwa e bhana bhae nti bhari tu'ho.
\p
\v 19 Herode warekia wamakwa wasunga ngashani ya Ongo yasaire Yusufu mu nsori ku Misiri.
\v 20 Webha simana tinge mwana na Maria kuruka mo chuo cha ku Isiraeri: bhushwa wamakind'ikwa abhesi usondange ishura emwana.
\v 21 Yusufu wasimana n'itinge 'mwana na nina nienda mu chuo cha ku Isiraeri.
\p
\v 22 Ina, wakíya wamorukira mbu Arikerao ng'wasima ku Yudea kuruma n' ishe Herode wasubhaha iyendako ntwamashishiwa na Ongo mu nsori, wenda rae ku Gariraya.
\v 23 Wakiya wamiya warika murubhungu rwa bhikirwa ku Nasareti, bhushwa kibherereshwe echebhwanga ne bhatahwa: wabhikirwayo mu Nasareti.
\c 3
\cl Chunda 3
\p
\v 1 E matungo, wasaa Yohana murubhiki, wahana mu bhweru bhwa ku Yudea.
\v 2 W'ebha: mubhunduke, bhushwa e bhubhake bw'e kwiyo iyo bhuri k'eya.
\v 3 Yohana ngu webhwanga na Isaya. e mutahwa, Warekiya w'ebhange: Uno ng' muréngé wangu e ukuange mo bhweru: mutunganye e mwengere we mwami, na mworu e sanse sae.
\p
\v 4 Yohana wabhesenga nturi na ngombe yohu rwa ngamia, na mukabha mu mangati ae. Wabhesenga nti urisanga tukuku na bhuki.
\v 5 E bharika Yerusaremu, ne bha ku Yudea e bhati ne bhe bhyuo ebhiti bhye kumushimushi na Yorodani, bha mwende.
\v 6 Na bhasia e bhibhi bhyabho, bharubhikwa nae mo ruusi muri Yorodani.
\p
\v 7 Ina, bharekiya bhasunga e bhwiyange e bhea bhingi karubhikwa e bhafarisayo ne bhasandukayo, wire bho: uanda rwa nsoka, inye ngwakubhuhana ibheka e bhusubhuke bhuseyayo?
\v 8 Mubhute ke bhyuma bhyakonda byibunduka.
\v 9 Nakiro mwanikira iyebha bhanu bhesine: bhate turi na Aburahamu ngi tita! bhushwa ni bhwirengi mbu ne makoi ano Ongo wamusaishamo bhana bha Aburahamu.
\v 10 E mwanda iye uri hetina ne emuti: kinsi miti e nti yabhuta byuma bhyakonda isekerwa nitawa mukasha.
\p
\v 11 Ani, nibhurubikange mu mecha, mwebhurisha muribhunduka ina ingu e wiyange kuruma nani iwe munkangwe indenga, na nsira na maa iyobhora e miri ye bhinantiro bhyae. iwe, wa bhurubhikayo mu Mutima mushasha na mukasha.
\v 12 Uri na rweri mu mine yae: wafufurayo e se mpafa, n'ituma e bhyuma mu mwiso, ina useshikayo e se mpafa na sitatindiyo.
\p
\v 13 Yesu wiya ku Ngariraya muri Yorodani kuri Yohana, bhushwe warubhikwe nae.
\v 14 Ina Yohana watina, mwiyebha: ani ngi nashima irubhika nabhe, na ongo wiya tu kuriani!
\v 15 Yesu wamusubhiye: oongo kora, bhushwe rakomenwa tubherereshe e bhiti bhiri mubhutunganane. Na Yohana ntwa tina tu.
\p
\v 16 Yesu warekiya warubhikwa, wasaa kumund'e mecha e mbingu yobhoka, na hasungwa e Mutima wa Ongo wahita bhuri kampite n'esika e kuri Yesu.
\v 17 Nampo herikirwa murenge ituka mu mbingu webha: uno ng'e mwana 'ni washimwa nani ne kuri we ngi kwira ani enchimi yani eiti.
\c 4
\cl Chunda 4
\p
\v 1 Himpo, Yesu watindikiwanga n' e Mutima Mweru mo bhweru warekwa na mushumbu.
\v 2 Kuruma nampo, watíni erisa matu makumi anye mutu na mu mwishi, kuruma wakwa rwaka.
\v 3 E mureki weya kuriwe, wamushisha mbe ongo wa Ongo, shisha e makoi ingi abhinduke kambosa.
\v 4 Yesu wamwire: e mitiro. yatiranyiwa mbu, mwea watakochi irama bhushe bhiyo, ina mo kinwa chatuka mo bhunu bhwa Ongo.
\v 5 Mushumbu wamuriya mor'obhungu rwashuururwa, wamurikecha habhasirwa e numba ya Ôngo.
\v 6 Na wamwire; mbe ôngo musike wa Ôngo, ekiriye ekwansi bhushwa e mitiro y'ebha mbu, wasekurishie e esangashani ka kutinge, ikurembera mumine yabho, umenda kashumbuka emindi yabhe mu makoi.
\v 7 Yesu webha mbu: chatiranyiwa, kiro wereka Mukota, Ôngo w'abhe.
\p
\v 8 Iwe nyamurairi wenda tu nae habhasirwa n' ou rore nguru, wamushea ebhubhake bhuti we chuo kití, ne ebhusime bhuti.
\v 9 Wamw'ire: bhino bhiti nsekunika bhyo umankomere maru mw'enindame. ngi mukota wabhe ni ikoke ani.
\v 10 Yesu wemwire: endanga rabhe e mushumbu, bhushwa e mitiro y'ebha mbu, koke e Mukota Ôngo wabhe, umukori iwe wesine.
\v 11 Nampo, mushumbu wamureke, ne esangashani seya kamukore.
\p
\v 12 E ntambi Yesu worukiranga mbu. Yohana wamínwa, wenda rae ku Gariraya.
\v 13 Watuka ku Nazareti, weya karika munkati ku Kapernaumu obhungu ruri wendende n'e e nyansa mo bhyati bhye wendende, Zeburoni na Nafutari.
\v 14 E kinwa chebhanga e mutahwa, ch'ebhwanga n'e mutahwa Isaya, chebha:
\q
\v 15 Bhea bhaku Zeburoni na ku Nefutari, mbungu sa mu ruharo rwe enyansa na muruharo rwa Yorodani na Gariraya ye chuo.
\q
\v 16 E bhea bharikanga munkati n'e mwerimya bhasunga chaka kikiri, na mbo bharikanga mo chuo ne rirumbirumbi r'e roku, e chaka chasaire bho.
\p
\v 17 Itukire e matu ngo Yesu wabhuchi ihanabho, mureki ebhubhi, bhusha mbu e bhubhake bhwa mo mbingu.
\p
\v 18 Warikiya, wendange wendende ne nyansa ya Gariraya wasungu bhanakima bhabhi, bhabhikirwa mbu, Simoni ungu bhikirwange imbu Petero na munachabho Andrea, bharekerange e rukao munyansa, bhabhesanga bharobhi.
\v 19 Werebho; munimise, nani nase bhubhindura bharobhi ba bhea.
\v 20 Kuruma nampo, bhareke e rukao rwabho bhamwemisa
\p
\v 21 Werekiya uri muruwendo, wasunga bhasike bhabhi. bhana bhabhi, Yakobho mwana wa Sebhedayo na Yohana munachabho, bhabhesanga mu bhwato hima na Sebedayo ishe wabho nti bhatunganyang'e tukira twabho.
\v 22 Wabhikirabho, kuruma na'mpo bhasia e bhwato bhamwimisa.
\p
\v 23 Yesu wabhucha itambatamba mu Gariraya iti, ntuhanange mo sinangoki yabho na uturebho e mwasi we karamo ka mu mbingu, wabhucha iramya e makoni na bhutetera bhuti bhwabhesanga munkatí n'e bhea.
\v 24 E mwasi wae uti watamba bhamurishie e bhati bhabhesanga nti bhikocha, imbi bhabhesanga bhanubhange na kinsi bhukoni, ebhashire ne ebhakoni bh' erungu ne bhirema waramya bo. E nkumanano nkiri yamwimisa.
\v 25 Bhatukange ku Gariraya na ku Dekapori na ku Yerusaremu, na ku Yudea mo mwiri we ngesi Yorodani.
\c 5
\cl Chunda 5
\p
\v 1 Moresungawe e nkumanano, Yesu wataya habhasirwa ne r'ou; na, kuruma n'er'erika we e kwansi, e santumwa sae bhashere kwihi nae.
\v 2 Kuruma, wobhore e bhunu, wahana bho, n' iebha:
\q
\v 3 Bhakasanirwa imbi e bhasene bhe mutima; bhushwa e bhubhake bhwa mo mbingu bwabho!
\q
\v 4 Bhakasanirwa imbi bhari n'e bhonso bhushwa ibho bhasebhongwa bhongwayo!
\q
\v 5 Bhakasanirwa e bharongu, bhushwa ibho bhasesimayo mo chuo!
\q
\v 6 Bhakasanirwa imbi bhari n'e rwaka na mbusha y' ereira, bhushwa bhasesikutayo!
\q
\v 7 Bhakasanirwa imbi bhesensasi, bhushwa bhasesheeyo nsasi.
\q
\v 8 Bhakasanirwa imbi bhe mutima wakonda, bhushwa bhasesungayo Ôngo!
\q
\v 9 Bhakasanirwa imbi bharongani, bhushwa bhabhikirwayo bhasike bha Ôngo!
\q
\v 10 Bhakasanirwa imbi bhanubhiwange mo n'eira, bhushe e bhubhake bhwa mo mbingu bhwabho!
\q
\v 11 Mukasanirwa amabhesa entambi mumakambawa, mumanubhiwa bhushwa n' ani.
\v 12 Mushime na mubhese n'kokoma bhushwa e r'ohembo rw'inu rusebhundukeyo rukiri mo mbingu; bhushwa imbo ng'wanubyangabho e bhatahwa mbi bhabhesenga kubhusongori ninu.
\p
\v 13 Bhanu ng'e mukwa w' echuo. Ina kuti e mukwa wamariminya er'ichake rao, hima nanki ngi risekurucharo? usira tu mufa itawa ho ekumbhuka, n' inantwa mo mindi y' ebhea.
\v 14 Bhanu chaka ch' echuo. obhungu rwimbwa habhasirwá n'ou rutamukochi ibhisama;
\v 15 Na bhatasachanga kasuku mwi iriyako kumunda na mutundu, Ina bhariangako habhasirwa na bhutanda, na ntikarisha chaka mu mbi bhari mo rechumbi.
\v 16 Echaka kinu kisake bhumbo bhusondori bhwe bhea, kongo bhasung'e mikorere y'inu yakonda, n'itata tita winu ingu urikire mo mbingu.
\p
\v 17 Angi anikira mbu n' iya kabhisha e myomba ari e bhatahwa, nareya nti bhushe ebhisha, ina bhushe n' ibhereresha.
\v 18 Bhushe, nabhwire cho mo reira, ibhesa embingu n'echuo bhitangeti, hatangeta mu myomba anga na kunda ari anga na kakeke ka-rwandiko, nambu bhusekiayo ebhiti bhyasungwa.
\v 19 Ingu waseriribhanyayo uma mo myomba nji mikeke-mikeke, nangwa ahanayo mo bhea ikora bhubho-bhubho, wabhikirwayo mukeke nguru mo bhubhake bhwa mo mbingu; Ina kinsi ngu wasubhahayo, ni ihana erisubhaha yo, ingo wabheseyo mukakare mobhubhake bhwa mo mbingu.
\v 20 Bhushe nabhwire, kuti ereira rinu ntirarenga e bhandiki bh'e myomba n'e bhafarisayo, mutukimiyo mo bhubhake bhwa mo mbingu.
\p
\v 21 Murikorukira imbu bhwarekind' iyebhwa n' ebhakakare: ang' ishura. kinsi ng' washura wakomenwa obhansa kuri ebhakeri bh'e samansa.
\v 22 Ina ani, nabhwere kinsi ng'wasibhuke munachabho wakomenwa obhansa kuri ebhakeri bhe semansa, ingu webhayo na munachabo mbu: nti usi kikai! wakomenwa erierwa ha rushu rukakare; na kínsí ngu wasebhayo mbu usira bwenge. wakomenwa obhansa rw' eribha ra kasha.
\v 23 Amabhese nti ukurisha ohembo umasibhukia mbu munakinu uri na kinwa kuri Ôngo,
\v 24 Siaro erohambo rwabhe habhusondori ebhukoki, na endanga kasa kironganya hima na munakinu; kuruma, wiye karisha erohembo rwabhe.
\v 25 Rongana n' emusongeri wabhe tete, e ntambi bhanu muri mo munse hima nae, mwesubhaha watangakuriya habhakera mansa, e mukera-mansa utangakuriya kw'emukakare, n'ekuriya mo ngori.
\v 26 Nikwirengi mor'eire utusaiyomo kúti nti neki utuwa erutea rwa hende.
\p
\v 27 Murorukira rarebhwa: kiro singirana.
\v 28 Ina 'ni nabhwire mbu kinsi ng'wakae momína mw'imuraamo wamakindi 'ronja nae osingirwa kumunda n'emutima wae.
\v 29 Amabhese eriso rabhe r'ekwabhume ramubhese kuri ôngo inse y'erimina kuraro n'itaaro kore nabhe; bhushe mwengerero kuri ôngo kima mo bhitera bhyabhe kirimine ekiya emubhi wabhe uti utawe munkati n'ererunga.
\v 30 N'amabhese emombo wabhe w'ekwabhume wamabhese kuri ôngo ni se y'erimina, kekerao n'itao kore nabhe; bhushe mwengerero kuri ôngo kima mo bhitera bhyabhe kirimine, ekiy'emubhi uti wendi munkati n'ererunga.
\p
\v 31 Rarebhwa: kinsi ng'wahensa mukari wamuninkanga rwandiko rw'esiana.
\v 32 Ina 'ni, nabhwire mbu kinsi ngu wahensa mukari, ibhese ho mw'osingirwa, ntwamusia mw'ironja osingirwa, na kinsi wasebhinga mumina wahensiwa, ntwakiya osingirwa.
\p
\v 33 Murikorukira hotu mbu rarebhwa n'ebhakungu: angi sere, ina wetunjanga kuri Nyere-kurinu munshi chakwebha ôngo.
\v 34 Ina ani nabhwire angi sere kiro nahakeke, ari mo mbingu, bhushe nge kitumbi ch'ebhubhake wa Ôngo.
\p
\v 35 Ari mo chuo, bhushe ngyaterekawe emindi; ari ku Yerusaremu, bhúshe nge robhungu rw'emubhake mukakare.
\p
\v 36 Angi sere na kubha mo muntwe wabhe, bhushe utumuronja anga n'oteo ruma rubhesi ingwi ari rwasiro.
\v 37 E kinwa kinu chabhesenga narisiya, natina; chamurenga mpo ntiye chatuka kw'emurenda.
\p
\v 38 Murikorukira mbu rarebwa: riso mu riso, na rino murino,
\v 39 Ina ani nabhwire angikurucha bhubhi mu mwea wema. kinsi wasekuhumba mw'itema r'ekwabhume, musheanga n'erimpe.
\v 40 Kwamabhese usondange ekuriya mu rushu, n'ikunyak' ereshibhabho rabhe, musieri hotu n'engombe ya kumbo.
\v 41 Kwamabhese wemima mw'ienda nabhe karambo kima, ronja nae tubi.
\v 42 Ninka kinsi ngwakukonga, na anga utinirengu usondange kw'isombya ekuri ôngo.
\p
\v 43 Murikorukira mbu bhwarebwa: ushimanga munakinu, n'uyongwanga murendabhe.
\v 44 Ina ani nabhwire: mushime bharenda bhinu, mukasanyienga imbi bhabuherange, na muhemi imbi bhabhubabhayange n'ibhunubhya,
\v 45 Kongo mubhinduke bhana bhatita winu ingu uri mo mbingu; bhushe usachiengi emwishi wae ebhabhi n'ebakonda, na uhichiengi embura kuri bhereira n'ebhasira ereira.
\v 46 Amabhese nti mukushima imby'ebhabhushima, ohembo nki ngi rwakomenwa bhanu? ebhakóngóri bhesahoro hotu nabho nti ngi bhuronjangabho bumbo?
\v 47 Na amabhese nti mukeya bhanakinu, mukia nki charengana? entibhasi Ôngo nabho bhataronjanga mbo?
\v 48 Mubhese bheira, bhuri tita winu wamo mbingu weira.
\c 6
\cl Chunda 6
\p
\v 1 Mwirange kiro mukia e r'eira rinu mo makako e bheya kongo musungwa nabo muro, bhushe nti mutusheiyo ohembo kuri iso winu ing'uri mo mbingu.
\v 2 Umabhese ntukuronja e rohembo, kiro kaso mo kahunda bhusondori nabhe, bhukianga ebheya bhekakorotima mo marameso na mo myengere kongo bhatahwa n'ebheya. nabhwire cho mo reira, ibo bhasheengi e rohembo rwabho.
\v 3 Ina entambi ironjange ôngo e rohembo, ekubhoko kwabhe kwekurembe, kiro kwasibha ebikiange ekubhoko kwabe kwe kwabhume.
\v 4 Kongo e r'ohembo rwabhe rukiarwe munama; na iso wabhe, ingu sungange munama wakukasane.
\p
\v 5 Amabhse bhanu muhemange, angi mubhesa bhuri bhakorotima imbi bhashima erihema na bhasimana mo marameso nakumushi n'e myengere bhushwe bhasungwe ne bheya. nibhwerengi mureira, ibho bhamashee erohembo rwabho.
\v 6 Ina kubha oongo hemange, kime e kumunda n'erichumbi rabhe, rindik'e rubhi na hema iso wabhe. Ungu e bhiri mo bwe bhuari bwe nama, na iso wabhe ungu susanyange e bhirimo bhuari we nama waakukoreyo bho.
\v 7 Mo rihema, kiro mwebha bhinwa bhya bhusabhusa bhuri nti e bhasimira, imbi bhahakange mbu bherukirwa bhushe nebhinwa bhingi.
\v 8 Kiro mususana nabho; bhusha iso winu usi inki charaa mo bhanu, bhusondori mutungamuhema.
\v 9 Mukai bhuni bwenda bhuhemange bhanu: Tita witu ing'uri mo mbingu! erina rabhe rishuururwe;
\q2
\v 10 N'erisima rabhe riye; nerisasa rabhe ribhesi mo chuo, bhuri mombingu.
\q2
\v 11 Tuninke runotu bhiyo bhitu by'ekirotu;
\q2
\v 12 Tusasire e bhubhi bhwitu, bhuri 'mbu ebhusasirange bhate ebharetukór'ebhubhi;
\q2
\v 13 Ang'itukimisha mu mwereko, ina tutunje mo murenda. Bhusha ekuri ôngo ngi kuri, ebhiranga bhiti, er'esima, ebunkangwe hima n'eritatwa. Bhibhesimbo.
\p
\v 14 Kubha musasir'e bhea ebhubhi bwabho, iso winu wamo mbingu, wase bhusasira nae;
\v 15 Ina kubha nti musasir'ebheya e bhubhi bhwabho iso winu watabhusasiriyo e bhubhi bhwinu.
\p
\v 16 Kubha bhanu muronjange mahemo eretine bhiyo, kiro mushea mbaso ya bhonso, bhuri bhakorotima, ngi bhaminange mbaso mwishea ebhea mbu bhari mu mahemo etin'ebhiyo. nibwirengi moreira ibho bhasheengi e r'ohembo rwabho.
\v 17 Ina mo ntambi ongo 'ri mu mahemo etina e bhiyo, etire rungo mo muntwe na eshúe embaso yabe.
\v 18 Kongo mutushei ebhea mbu ongo'ri mu mahemo etina ebhiyo. Ina kuri iso wabhe nguri mo bhuari bhwe nama, na iso wabhe, ngusungange mu nama, wakukoreyo byo.
\p
\v 19 Kiro mwetume etutiri turi n'inu mo chuo, inku erunsenge ne bhakenge bhyabhisha, nanku ebhibhi bhasheshere n'ishuma;
\v 20 Ina kutamwiya erunsenge nebhakenge nanku ebhibhi bhatamusheshere n'ishuma.
\v 21 Bhushwa impi hari ekatiri kabhe ngi habhehesayo e mutima wabhe.
\p
\v 22 Eriso nge kasuku ke mubhi, kubha eriso rabhe rakoma, emubhi wabhe uti wabhesa mo chaka;
\v 23 Ina kubha eriso rabhe nti rakoma, emubhi wabhe uti wabhesa mumwerimya kuti echaka kiri kuri ôngo mwerimya meta anga yabhese mikiri emyerimya njo.
\p
\v 24 Kusira ngu wamukore bhakakare bhabhi bhushwa, ari wabhaa uma n'ishima umpe ari w'emisanya na uma n'inena eumpe, mutumukochi ikore Ôngo n'emushumbu.
\p
\v 25 Chasingwa nabhwire; kiro mweshisha bhushe n'e bhuingo bwinu mu'nchi chaarisa bhanu n'emibhi y'inu mukwambaranki, ebhuingo nti bhwarenga ebhiyo, ne mubhi ntiwarénga emyambaro?
\v 26 Sunga emironge y'echanya: itangeba n'ikao, itangeka kunsakunsa kikai mo bhirumba na iso winu we mumbingu urishangeyo. bhanu nti murengayo nguru?
\v 27 Inye mubhanu momushiki wae, wamwitereka mochunda che bhuingo bwae?
\p
\v 28 Na bushanki banu mukwe mushiki bhushe emyambaro mutingi mwesunga esantondo s'emashwa; ebhwoshukange to: sitangakora nikwekiere myambaro;
\v 29 Ina nabhwere mbu Soromono, muritatwa rae riti ntiwambharichiwanga bhuri rima mu'to.
\v 30 Amabhese Ôngo wambicha mbu ebhisu bya momashwa, imbi bhiriho runotu na mukoma bhyatawa momutura, utabhwambichi irenga bhanu mbi bhea bheri simira rikeke?
\v 31 Kiro mubhesa na mushiki, na kiro mwebha; inki charisa bhate? inki chomo bhate? inki chambara bhate?
\v 32 Bhusha e bhikai bhiti mbi ngi bhasondekanyanga bhyo. Iso winu wa mo mbingu usi mbu muraa mubhyo.
\v 33 Musondekanye raroso ebhubhake n'ereira ra Ôngo n'e bhikai bhiti 'mbi mukuongererwa bhyo habhasirwa.
\v 34 Angi mubhesa na mushiki mo bhya mukoma bhushe mukoma muse kwisondekanyie mwesine. kinsi otu ruri na munubho wae.
\c 7
\cl Chunda 7
\p
\v 1 Kiro kera rwanko, kongo n'ongo utu kerirwingiro.
\v 2 Bhushwa ukererwayo erwa keranenga ôngo, n'e nengo yerekange ôngo ngi yaninkwa yo tu ôngo.
\v 3 Bhushwa nki ongo sungange e kani kari kumunda ne riso ra munakinu, ang'isunga e kisu kirikire kumunda ne rabhe.
\v 4 Bhuni ngi bhwamushisha ôngo munakinu 'mbu mukutu e kisu mo riso rae n'ongo kwengi keto mu rabhe.
\v 5 Mukorotima, kuto kasa eketo kiri muriso rabhe ntu sibh'ikitoke e kisu kiri muriso ra munakinu.
\p
\v 6 Kiro muninka bikai byakonda e sambhibhi, na ntu turekeri bhikai byabhe bhyashuururwa munkanti ne sampunu samwendá kanyenshaa bhyo, nibhunduka n' ienda kabhushiriya.
\p
\v 7 Muheme na muninkwa, musonde na mushee, mukongote na bhaa bhurindure.
\v 8 Bhushwa kinsi'ngu wakonga ntwanínkwa, ne wasonda ntwashee, n'irindure kinsingu ukongotange.
\p
\v 9 Inye mu bhanu wamuninka musiky'ae ikoi u mukongange e kambhosa?
\v 10 Wakonge kikwa, waninkwe nsoka?
\v 11 Kubha bhasua bhuri bhanu, bhanu musi inínkana bhikai bhyakonda mubhana bhinu, nambo nge bhusekiayo Tita witu wa mumbingu watuninka bhikai bhyakonda mumbi bhamufange.
\p
\v 12 Kinsi nchi chashima ebhea bhabhukieri na bhanu mukieri cho bho, bhushes nge rwanko ngi ne bhatahwa.
\p
\v 13 Kime murubhi rukeke, bhushwa e rubhi rukiri, erwaariha ngi nse yeri rimina na bhingi bhamakime muro.
\v 14 Ina e rubi rukeke nge nse y'ekaramo, na bhakeke ngi bhasungayoro.
\p
\v 15 Mukohyanga ne bhatahwa bh'e manko. bhiya kuri bhanu nti bhambara ohu rwa kibhoro ekubhutara ina kumunda nabho nti ngoi ya mubhusara.
\v 16 Musibhayo mu mikorere, bhakaongi n'isonya e bhyuma bhye misabhibhu munkati emenke.
\v 17 Kinsi muti wakonda, kilutanga bhyuma bhyakonda, ne miti yema ibhutangaho bhyuma byema.
\v 18 Muti wakonda uta mubhuta bhyuma bhyema na mutí wema ubhute bhyuma bhyakonda.
\v 19 Kinsi muti enti wabhuta bhyuma byakonda, ukerwe ni rekerwa mu kasha.
\v 20 Musibhabho mu bhyuma bhyabho.
\p
\v 21 Nti kinsi 'ngu umbikirange ng'usekímeyo mo bhubhake bhwa mumbingu ina ngu wakiya e r'isasa ra tita mo mbingu.
\v 22 Mumbingu murotu ndo bhaanshishayo: Mukota, Mukota, mbe nti twahurukwanga mo rina rabhe? mbe nti twahensanga e bhifasi murira rabhe? Na nti twakianga bhishisharo murina rabhe?
\v 23 Nampo Yesu washishayo bho angi'ibhisabho e mwasi; nti nabhusibhanga, mutuke kubhusondori nani, bhanu bhakori bha bhubhi.
\p
\v 24 Nge chasingwa, mwea uti uti werukira e bhinwa bhwebhang'ani n'iemisabhyo usebhesayo mweya wakohya, e wimba e numba yae habhasiro erukanga.
\v 25 E mbura yake, emibhimbi yeya, e riyuhu riya, na kwesunda mu numba: nti yendukanga, bhushwa yabhesange nt'imbwa hambasiro n'e rukanga.
\v 26 Ina uti uti werukira ebinwa bhyebhange ani n'utangemisa bhyo, wasusayo na kiashaasha ewimbanga enumba yae habhasirwa n'emisie.
\v 27 Embura yake, e mibhimbi yeya, eriyuhu riya resunda mu numba; yenduka, ni shambukara eruti.
\p
\v 28 Yesu murikind'ebhinwa bhyae, ekikembe chekira mu mwenjo wae.
\v 29 Bhushwá wabhesanga ntu hanange bhuri uri na bhukakare, ina nti bhuri ebhandiki.
\c 8
\cl Chunda 8
\p
\v 1 Yesu war'ikia wamahita mo r'ou, kikembe kikiri cha bhea cha mwemisa.
\v 2 Mubhembi uma washere kubhusondori nae n'emwire: e Mukota, mor'isasa rabhe niramye.
\p
\v 3 Yesu wamurereka e mwine, Wamutinge mo, w'ebha: kuruma na'mpo e bhubhembi bhwae bhwarama.
\v 4 Nampo Yesu wa mwere: bhebhera kiro shisha mwea, ina enda kishea kuri e bhakungu, na shea e kibhimbi chahemanga Musa, kôngo chabhesa kariho.
\p
\v 5 Yesu warekia wakime ku Kapernaumu, mukákare uma wa mushirikani,
\v 6 Wamuhema ni ebha: mukota, e mufuku wani wekinde ekunumba, wasamba rumbonsa na wanubha nguru.
\p
\v 7 Yesu wamwire; nenda ni muramye.
\p
\v 8 Emukakare we bhashirikani wasubya: mukota, nti nakomenwa, mbu ukimi mu numba yani, ina ebha ho kinwa kima, ne mufuku wani warama.
\v 9 Bhushwa, n'ani nasimanire, niri na bhashirikani e bhasimanire ani, namashisha uma: enda! na ntwenda; umpe: iya! na ntwiya; ne mufuku wani. kiyanchi! na ntwa kiacho.
\p
\v 10 Ikind' imwerukira, Yesu washamikwa, na were e bhabhesenga bhamwemisange: ni bhushishange mu reira, akiro ku Isiraeri nti na kushee mwea uri ni simira rikiri bhuringu.
\v 11 Na nibhushishange bhingi bhasetukayo ku bhusondori na kuruma, na bhaserireyo na Aburahamu, Isake na Yakobo mubhutanda bhuma mo bhubhake bwa mu mbingu.
\v 12 Ina e bhana bh'e bhubhake bhasetawayo habhutara mumwerima, e hasebhesayo kiro n'ishiisha e meno.
\v 13 Nampo w'ire e mukakare w'e bhashirikani: enda, bhibhesi kuri ongo bhuri erisimira rabhe. na muntambi njo e mufuku warama.
\p
\v 14 Yesu wenda tu mo numba ya Petero, wasunga inabhe ntwekinde na nturi na kabhurura.
\v 15 Wamutinge mo mine ne kabhurura kakuka, nampo wasimana, ni mukore.
\p
\v 16 Mo ntambi ya mwiyoro, bharishie Yesu kibherebhere cha bhea bharisere bhifasi. mukinwa chae wahensa ebhifasi, na waramya ebhati emakoni abho.
\v 17 Kongo bya bhererera na Isaya e mutahwa: waria e bhubhi bwitu, n'iria emakoni itu.
\p
\v 18 Yesu wasunga kikembe kikiri kumushi nae, waninkana momba wienda mumpe mwiri.
\v 19 Mwandiki uma wemitiro washere, n'emwire: e muhani. nsekwemisa ekuti kwendi ongo.
\p
\v 20 Yesu wa musubhie: emiterere iri ne nsumba sabho, ne mironge ya mumwaanya iri na bhirumba bhyabho; ina emwana we mwea usira mpiahaseriae 'muntwe.
\p
\v 21 N'umpe, mu santumwa sae, wamwere: mukota, nininke ntambi nendi kasa kataa Tita.
\p
\v 22 Ina Yesu wa musubhiye: nimise, na sia e bhakwire bhatae esantundwe sabho.
\p
\v 23 Wataya mokitange, ne santumwa sae samwemisa.
\v 24 Iyuhu rikiri rasaa mo nyansa na nturere, ne kitange nti cha makindi bhumbiwa na mubhimbi mukiri wa mecha.
\v 25 Esantumwa sashere kuri we, bhamusimo, na bhebha: Mukota, toshukae twakwa.
\p
\v 26 Washishabho; bhanu muri na koha kanki, bhanu bhansimiro nkeke? nampo wasimana, wakeme e reyuhu ne nyansa ne bhiti bhya bhobhera.
\p
\v 27 E bhea bhati bhashishara: bhebha, inye mweangu e werukirwange ne riyuhu ne nyansa?
\p
\v 28 Entambi bhiya mukimpe kirindo, mu chuo che Bhagerase, bhifasi bhibhi, bhya saa ekumasinda, bhiya kubhusondori nae. byabhesenga nti bhyasua nguru nti hatangeta kiro mwea.
\v 29 Nasunga, byabhucha kw'irake: twakwirenki bhaate nabhe, musike wa Ôngo? ukwiya hano itunubya bhusondori bw'esantambi?
\v 30 Kore nabho nti kuri kikembe kikiri cha mpunu nti sirisange.
\p
\v 31 E bhifasi bhyahema Yesu, bhyebha: ebhwatuhensa ongo, tureki tukimi mo kikembe ch'etuhuwa.
\p
\v 32 Werebho: mwendi! bhyatuka, byenda mo kikembe chesa mpunu. na mukai, ekikembe kiti ch'esampunu chahite munyansa, satiya.
\v 33 Ne bhabhesanga bharishangeto bhabheka, bhenda mu robhungo rukiri ni tura emwasi e wameta ne wameta kuri ebhabhesenga bhari n'ebhifasi.
\v 34 Nampo e rubhungu rukiri ruti bhenda kemisa Yesu, na mori musunga, bhamuhema watuke mo bhutaka bhwabho.
\c 9
\cl Chunda 9
\p
\v 1 W' akime mu bwato, wasoka, weya kurwabho.
\v 2 Munjo ntambi, bhamurishie mwea Okata nt' wenkinde mor' ekingi, Yesu warekiya wasung' erisimira rabho w' er' erukata: Sumyang' emutima, umasasirwa ebhibhi byabhe.
\p
\v 3 Mu' njo ntambi, bhingi mumbi bhandiki bheshisha mo mitima yabo: Ingu mwea wahasa.
\v 4 Yesu wasibha emyanikiri yabho webha: bhushwa nki mwanikira bhinwa bhyema mo mitima y'inu?
\v 5 Kini ngi chasuma, n'eriyebha: Simana enda.
\v 6 Eina musibhanga mbw' emwana w' emwea uri na bhuritohe mo chuo isasir' e bhibhi. w' er' erukata: Simana kukum' entangy' abhe enda ko kwinu.
\v 7 Wasimana n' ienda ko kwae.
\v 8 Eina, e nteko bharekiya bhamusunga, bhasubhaha, bhatata Ôngo ing' wakunink' ebhea ingo maa.
\p
\v 9 Yesu warekiya wetange mor' itukae mpo, wasunga mwea wabhikirwa mbu Matayo nt'warika mo numba y' ehoro, wamw' ere: Nimise. Wasimana, wamwemisa.
\v 10 Warekiya warika mw' isond' ira bhiyo, wasunga 'mbi ebhakongori bh' ehoro, hima nambi bhea bhebhibhi, bharika hima na Yesu n'esantumwa sae.
\p
\v 11 Efarisayo bharekiya bhasunga mbo, bhashisha esantumwa sae: Bhushwa nki Nyerekuritu warire hima n' ebhakongori bhehoro n' ebhabi?
\p
\v 12 Eina, warekiya worukira, webha: E nti mukoni nt' waraa mu mushake eina ibho.
\v 13 Mwendi kihana bhushw' ekinwa nchi: nihunange nsasi eina nt' uhembo. Bhushwa nti nareya kabhikira bhis' ereira, eina n'e bh' ebhibhi.
\p
\v 14 Esantumwa sa Yohana seya kuri Yesu n' iyebha: bhate n' ebhafarisayo turonjanga e mahemo erifund' ira ngendo ningi; eina esantumwa sabhe bhataronjanga mahemo efund' ira bhiyo?
\p
\v 15 Yesu w'erebho: ebhabhikirwa bhatakochi ironja mahemo efund' ira bhiyo kuti bhakiri hima n' emuheruki. Eina kusiya matu e muherucha watunjiwayo kuri bho, na mungo matu bhaseronjayo mahemo efund' ira bhiyo.
\p
\v 16 Hasira mweya wamuriya kebhe cha ngombe nchasha habhasirwa nanji ya kare, bhushwa ekebhe kishasha nti chabhenga inji ya kare n'ibheraa rarenga.
\v 17 N'ebhea bhatakoch' iria mau mashasha kumunda na kisha cha kare, nti chabhenguka, n'emau nty' aritabha n' ebhisha nti bhyarimina; eina bhariyanga e mau mashasha mu bhisha bhishasha, n'ebhisha n' emau nti bhyarangana.
\p
\v 18 Warekiya weya wahita hamakako nae w' ebha: mwisy' ani wamakwa mo kashangi kameta iya katerek' emine habhasirwa nae warame.
\v 19 Yesu wasimana wemisanya nae hima n'esantumwa sae.
\v 20 Nasunga momina wabhesanga nt' utukange nchama miaka ekumi na ibhi, w' eya kuruma nae watinge mo mutimba w' engombe yae;
\p
\v 21 Bhushwa wabesanga nti w' ebhange mo mutima wae mbu namakocha eturana mo ngombe yae nt' inserama.
\p
\v 22 Yesu w' ikebera, webha mor' emusunga Esumye. Mwisy' ani, eresimira rabhe ramakuramya. N'ango momina warama mo ntambhi iya.
\p
\v 23 Yesu warekia weya mo numba y' emukwakare, wasunga ebhasihi bh' etukumbwa, n' enkumanano nti bharubhiyange,
\v 24 W' erebho: mw' eiri, bhushwa ekikumi nti chakwa, eina kirere. Bhamusea.
\v 25 Enteko y' arekia yamatuka, wakime, watinge e kikumi mo mwine, n' ekikumi chasimana.
\v 26 E mwasi wansansabhana mo bhutak' ebhuti.
\p
\v 27 Warekiya utukange nko, yesu wabungurwa bhihumihumi bhibhi nti bhikuange: tukwiri bhonso ongo musike wa Daudi!
\v 28 Warekiya w' eya mo munumba, e bhihumihumi bhamwire, na Yesu w'erebho: musimira mbu namukoch'ikia nchi? Eira e nyerekuritu, ng' wamusako bho.
\p
\v 29 Waturanabho momeso, webha: ribhese kuri bhanu, iyemisanya n' eresimira rinu.
\v 30 N'emeso abho obhoka. Yesu wahemabho nguru mwirange, anga mwea wasibha.
\v 31 Eina bharekia bhatuka, bhansans' enkuru yae mo chuo ekuti.
\p
\v 32 Abhesanga bw' endange bho, bharisha kuri yesu mwea uri n'eshumbu karumbu.
\v 33 E mushumbhu warekia wamahensiwa e karumbu k'ebha. E nkumanano yashishara, bhebha; kitangasungwanga kiri mbu mo Israeri.
\p
\v 34 Eina ebhafarisayo bhebha: kuri emubhake w'ebhashumbu mng' uhensange mo ebhashumbu.
\p
\v 35 Yesu wabhesanga w' etange mosa mbungu siti na mo tunsari, nt' uhanage mo marango nt' uturang' emwasi wakonda w' ebhubhake, na nt' uramyang' emakoni ati na bhurema bhuti.
\v 36 Warekiya wasung' enkumanano, watingirwa na bhonso bhushwa bhabhesanga nti bhamaruha bhuri mburi sisira murangi.
\v 37 Washish' ebhemisa bhae: e mbuto nkiri, eina kuri bhakori bhakeke.
\v 38 Muheme e mukakare w' embuto warebheke bhakori mosambuto.
\c 10
\cl Chunda 10
\p
\v 1 Wabhikira santumwa sae ikumi na bhabhi, na waninkabho bhunkangwe wirikita ebhifasi, iramya emakoni ati ne matetera.
\v 2 Impo emina esantumwa ikumi na sibhi nge ano: Emusondori Simoni wabhikirwa Petero, na Andereya musikyabho; Yakobo musike wa Sebedayo na Yohana musiky'abho;
\v 3 Firipo na Baritoromayo, Tomaso na Matayo mukongori wehoro; Yakobo musike wa Arufayo, na Tadeo:
\v 4 Simoni mukanana na Yuda Isikariyote ing'wasibhuranga Yesu.
\p
\v 5 Imbi ikumi na bhabhi Yesu washishabho mbu bhendi, warikiya wamakindi ninkabho emyomba webha: angi mweta mu'nsenji nti yabhukomenwa, angi kime mo bhungu rutiruti rwa bha Samaria.
\v 6 Ina rakomanwa mwendi mu samburi samarimina mo numba ya Isiraeri.
\v 7 Mumenda, mutureo, mwebhe; e bhubhake wa mu mbingu iyo bhuri kwihi.
\v 8 Muramye bhakoni, mufure bhafu, mushuurure e bhabhembi, murikite ebhifasi; murininkwa bhusa na bhanu muninkane bhusa.
\v 9 Kiro muntinge noro, ne sampai, ne bhehe, munku:
\v 10 Angi riya kimbesa mo ruendo, na nchangi sibhi, na bhinantiro, na nkoma; bhushwe e mukori we murimo wakomenwa e ruhembo rwae.
\v 11 Ne sambungu siti siti sakime mubanu, musondekanye inye munkati nabho ngwa komenwa; himpo rika kukwae irinda erituka.
\v 12 N'entambi yakime bhanu mu numba mukeyane.
\v 13 Ne numba ya mabinduke mubhukomenwa ebhuhoro winu bhubhesi mo: ina kuti nti yarengekana ebhuhoro bwinu bhubhukuruki.
\v 14 Nangi utiuti twabhukoke bhanu na kuti ntworukira ne bhinwa bhinu, entambi yerienda rinu, morituka mo numba njo na munkati ne rubhungundo, mutitu e mukungu we bhisando bhinu.
\v 15 Iira niwirengi, erotu rw'erubhansa, e chuo cha ku Sodoma ne cha ku Gomora bhasanguhirwayo e rubhansa irenga erubhungu' ndo.
\p
\v 16 Mukai nawire mbu mwendi bhuri mburi munkati ne tushongera; mubhesi na wenge bhuri nsoka, bhuri tumpite.
\v 17 Murike na wenge mo bhinwa bhye bheya; bhushwa bhabhuriyayo mu mansa, bhase bhuhumbayo tushushu mu marameso abho.
\v 18 Bha bhuriyayo bhushwa nani, habhusondori nambi ebhasima ne bhabhake bha mukino chuo, bhushwa ne kariho, kuribho nambi enti bhasimira.
\v 19 Ina entambi bhenda ninu, angi nubha twebha bhuni ekiseba bhanu muningwa cho entambi iyaiya.
\v 20 Bhushwe nti bhanu museebha ina e mutima waso ng'useebha kuri bhanu.
\v 21 Bhanakima bhasibhuranayo moroku, natita n'emwana wae; ne bhana bhasibhurayo bhishe bhabho moroku.
\v 22 Namusungwayo bhubhi ne bheya bhati bhushwa ne rina rani, iina ingo wabhindukeyo na muongerero irinda iya mungendero washukarayo.
\v 23 Entambi bhabhunubhyayo munkati nobhungu, mubheki murumpe obhungu; bhushwa n'ibwerengi mo r'eira bhanu, mutukochi ikinda itimba esambungu saba Israeri kuti e mwana we mwea neki ntwakuruka.
\p
\v 24 Entumwa nti mukwakare nt'warenga nyerekurwabho, ne mufuku nt'warenga nyerekurwabo.
\v 25 Rarengekana entumwa ibhunduke bhuri muhani wae, ne ntumwa bhuri nyerekurwabho. kuti bharibhikira min'er'ichumbu mbu ngi Beriseburi, ngendo singa bhasebhikira yo bh'er'inchumbi rae.
\p
\v 26 Angi musubhaha bho bhushwa kiti nchi chasebhumburwa na nchi chabhiswa chasheiwayo.
\v 27 Ekiti kiwirengyani mo mwirimya mwebhecho mochaka, nambi bhyorukiranga banu mo mate mwebhebhyo mu murenge mukiri.
\v 28 Angi musubhaha imbi ebhayange emubi, ina bhatakochi ishura e mutima: subhaha ingwamukochi ishura e mutima n'emubhi ienda ekwerunga.
\v 29 Uchuyi, mironge ibhi mu rumia sibhi? ina kitamukochi ikire kwansi kuti ntisasa ra tita winu.
\v 30 Naha ebhuteo bhwe mintwe inu ebhuti bhwanswa.
\v 31 Impo musubhaha, bhushwa bhanu murenga mironge mingi.
\v 32 Ngyasingwa uti ingwamakindi simira munkati n'ebheya, nani na musimira hamakako na tita ingu'ri mumbingu.
\v 33 Ina ingu wanitunayo munkati ne bheya, nani namutuni ha makako na tita ingo' uri mumbingu.
\p
\v 34 Angi mwanikira mbu namarisha bhuhoro kuno mu chuo, nti nareya karisha ntanya, ina mukushu.
\v 35 Bhushwa namiya karishantanya munkati e mwana nishe, ne kikumi na nina wae, munkati emwasana ninabhe.
\v 36 E mwea wabhindukeyo na bharenda ntimbi bha mo numba yae.
\v 37 Uti'ungu washima ishe na nina irenga ani usira bhukomenwa kuri ani, nangu washima emoshukira wae nekikume chae inirenga, nt'wanikomenwa.
\v 38 Ingu utamukochi iriya er'iyango rae ni nimisa ntwankomenwa.
\v 39 Ingu wasunge karama keribhindukeho raee ntwariminyako; nangu wariminyayo ekaramo kae bhushwa nani wasungayoko.
\p
\v 40 Ingu wabhukoke bhanu wanikoke ani, nangu wanikoke, wakoke ingu webhanga mbunie.
\v 41 Ingu wangirira mutahwa bhushwa mutahwa waninkwayo uhembo rwe bhutahwa nangu wangirirange weriira bhushwa riira waninkwayo uhembo rweriira.
\v 42 Nangu waninkanayo usara ruma rwahorerwa mubhakeke bhani bhatariminyi eruhembo rwae.
\c 11
\cl Chunda 11
\p
\v 1 Warekiya, ntambi nima Yesu wakinda ihana ebhafuku bhae ikumi na bhabhi, watuka nko, ihana nabho musambungu sabho,
\p
\v 2 Yohana warekia, wamerukira e mwasi wa Yesu kumunda engori, e mikorere ya Yesu watuma e bhafuku bhae,
\v 3 Bhamushisha, ongo nge ungu tworukiranga umbwa seyayo ari kuri umpe kuruma nabhe?
\p
\v 4 Yesu washisha bho: mwendi kashisha Yohana e bhinwa bhyasunga bhanu ne bhyerukira bhanu.
\v 5 E bhihumihumi bhabhucha ikae rabho, e bhirema bhabhucha ienda, n'ebhabhembi bharamiwange, e bhariribe e bhatwitwi bhabhucha iyorukira, ne bhakwa bhati bhafukange, ne bhase ne bhe mitima Tita wahanabho e bhinwa bhy'ekaramo kemutima.
\v 6 Wakasanirwe ingu usira mbu wasensubhuke.
\p
\v 7 Bhano bharikiya bhamenda rabho, Yesu wabhucha ishisha e nkumanano mu bhinwa bya Yohana, Mukutukanga iyenda mo bhweeru, kasunga nki? e bhisu bhyatenga moriyuhu?
\v 8 Mutukanga kasunga inki? kasunga mwea wambara nchangi sakonda. E bhambara nchangi sakonda bharikanga mo manumba e bhabhake.
\v 9 Inki ngyakusingwanga mutuka? kasunga e mutahwa? iira na bhushisha, e mukakare irenga e mutahwa ungo worukirange bhanu e mwasi wae nge mukakare habhasirwa ne bhati,
\v 10 Ungu watiranyiwa e mitiro kwiyo nae, natuma e ntumwa kubhusondori nabhe, ungo watunganyayo ense yabhe kubhusondori nabhe.
\p
\v 11 Bhanu 'mbi mubhutwa n'e bhomina, kusira warenga Yohana murubhiki: Iina ingu mwanunke mo rushu rw'e kwiyo, iwe mukakara mu bhwaami bhwa mumbingu,
\v 12 Etukire e matu a Yohana murubhiki, iya run'otu, e bhubhake bwa mo mbingu warindire bwasuma ishee, n'e bhea bhankangwe nguru, imbo ngi bhakochange bho.
\v 13 Bhushwa e bhatahwa bhati ne myomba e bhati bharonja bhutahwa iya kuri Yohana.
\v 14 Kubha musondi imuteerera, iwe ngi Eria, nge wameyanga,
\v 15 Ungu uri n'emate er'iyorukira, worukire.
\p
\v 16 E rubhuto runo narengekanyaro nanki e bhaana bharika ha soko, bhabhikirange bhabhime mwiye,
\v 17 Twakubhubhikiranga mu kahanda nti mukusimira, bhate twakurenga na bhunu nti mukure.
\v 18 Yohana wiyanga, iwe nt' usir'isa na nti waromo bhamuninka rina mbu iwe uri na mushumbu,
\v 19 Mwana we mwea weyanga, urisange n'iomo nabho bhabhucha iyebha mukai e murohoroho momori na miira w'ebhakongobhanya w'emisanyange na bhisa e bhubhi na w'ebhea bh'ema e mwinyihiro washeangae munkati e riira rae murimo wae wasungwa.
\p
\v 20 Himpo wabhucha ikeme insi mbungu kwetanga we mo murimo na tushingishiro wae nguru bhyaronjiwa bhusha nti bhasimiranga e bhinwa bhyae,
\v 21 Nabhukwire isasi, bhanu bisa Korasini, nabhukwire isasi bhanu bhisa Kubhetsaida, bhusha e wasuma wamuronjiwange ku Tiro na ku Sidona, kongo murimo uno wamakorwa kumunda ninu bhamushururange e bhubhi bhwabho, bhamumbarange makunia na kw'esingo mote.
\v 22 Ngyasingwa nabhw'ire cho; e r'otu rw'e r'ubhansa, kwaanubhiwayo r'ikeke. ku Tito na ku Sidona e rotu rwa rubhansa.
\v 23 Ongo Kapernaumu, uutarishiwayo ko kwiyo, ukuhichiwayo e kw'erunga, bhusha etushingishiro twamaronjiwa kumunda nabhe, twamuronjiwange ku Sodoma kwamubhesange ho iya runotu.
\v 24 Ngyasingwa nabhushisha cho: er'otu rw'er'ubhansa ku Sodoma kwanubhiwayo r' ikeke ikurenga.
\p
\v 25 Etambi njo Yesu webha, nakutata e Tita, mukota we kwiyo n'ekwansi, bhusha ubhisanga e bhinwa bino kuri e bhatesa na bhisa e bhwenge, na ushea bhyo mu bhana bhakeke.
\v 26 Eira, eTita, nakutata, bhusha bhuno ngwashimanga ongo cho.
\p
\v 27 E bhikai bhiti narisheiwa bhyo na Tita, na kusira mwea usi e mwana kuti nti Tita na, kusira mwea usi tita, kuti nty'emwana na mu kinsi ngw'asheiwa cho n'e mwana.
\v 28 Mw'eye kuri ani, bhanu bhati 'mbi munubhange na miriyo nji yaritoha na nsebhuruhucha.
\v 29 Muriye e bhwenge winu kuri ani, muhanwe naani bhusha ani murongu, impo mukusunga ngoa mo mitima yinu,
\v 30 Iina, e mutima 'ni washuurukara ne muriyo waani wohoha.
\c 12
\cl Chunda 12
\p
\v 1 E matungo, Yesu weta mw'ishwa ra mbuto mwotu rw' einga. E bhafuku bhae, bhabhesanga nti bhari na rwaka, bhabhuch' ikora mu byuma n'erisa.
\v 2 E bhafarisayo, moresunga mbyo, bhamushisha: sunga, e bhafuku bhabhe bhakiyange e nti bhyanwa ikorwa motu rw'einga.
\p
\v 3 Ina Yesu wasako bho: nti murisoma e bhyakiyanga Daudi, wabheasanga uri na rwaka, iwe ne bhabhesenga ne.
\v 4 Bhuni ngi bhwakimenga e mo numba ya Ongo, n'erisa e tumbonsa tw'empero, na ntinti wakomenwa irisa to, nambi e bhabhesanga nae bhushwa twabhesanga nti twe bhashe bhakungu.
\v 5 Ao nti murisoma mu myomba mbu, e matu er' otu rw'eriinga, e bha she bhakungu bhanoanga e myomba ye r'einga mu rirameso, na ntinti bhasunga mbu bhakukora chema?
\v 6 Ina, nibhwerengi, hari hano mukiri irenga e rirameso.
\v 7 Mumusibhange e bhisondwange iyebhwa: nisondekanyange nsasi ina nti bhisabho, mutumuiririsange e bhasira bhubhi.
\v 8 Bhushwe e mwana we mweya iwe nge muhani we Sabhato.
\p
\v 9 Warikiya wetanko, Yesu wakime mu sinangoki,
\v 10 Sunga, habhesanga wa bhume uma nturi na mwine wa sonda. bhashisha Yesu bhyakomenwa iramya mweya m'otu rw'einga? Bhashishanga mbo bhushwe rihuna imusongere.
\p
\v 11 Washisha bho: inye mu bhanu kubha uri na mburi nima na yamahuka mu kiribhu otu rw'einga utamukochi ikutoyo?
\v 12 Bhuni e mwea nti mongo irenga e mburi! kai rakoma ikora ishu m'otu rw'einga.
\v 13 Washisha e wabhuume oro e mwine wabhe. woroo, na warama bhuri e umpe.
\v 14 E bhafarisayo bhasaa, na bhaansishishana mbu bhunike bhwamumushura bhate.
\p
\v 15 Ina Yesu, warikia wamasibha mbyo, wetunda mpo. Bheyabingi bhamwemisa. waramya Bhea mingi.
\v 16 Na wechire bho mwiko mbu kiro bhamushea;
\v 17 Bhushwe r'ibhererere ebhebhwanga n'emutahwa Isaya:
\q
\v 18 Sunga e mufuku wani e warirondora ani e washimwa nani ne mutima wani wa mushima. Nseriayo e mutima ani kuriwe, na waturayo e reira rani kuri esenganda.
\q
\v 19 Utatiniyo, na utakuiyo, na kusira mweya werikirayo murenge mo myengere.
\q
\v 20 Utanowiyo eriseke rachika, na utarimiyo e mansense e asakange, Iya n'ebhusebherereshayo we e reira.
\q
\v 21 N'esenganda bhasekwenyihireyo erina rae.
\p
\v 22 Bhamurishie kihumihumi na karumbu tu n' urikire na bhifasi, wamuramya e karumbu kebha na kakae.
\v 23 Enkumanano nkiri, ya shishara yebha: nti uno musike wa Daudi,
\p
\v 24 E bhafasarisayo, bharikiya bhorukira mbo, bhebha: e wabume uno uhensange e bhifuasi, mu maa a Bheresebhuri, mwami w'ebhifasi,
\p
\v 25 Isunga mbo Yesu e bhwabhesenga bhusiwe e myanikiri yabho, w'ire bho: E bhubhake bhwamabhaana ibho bhwesine, nti bhwashambukara, na ibho bhwesine bhutamusimana.
\v 26 Kuti nyamurairi wamuhensa umpe nyamurairi, wibhanya iwe wesine, bhuni bhwamusimana ebhubhake bhwae?
\v 27 Na kuti ani, nihesange e bifasi mu bhukangwe bhwa Bheresebhuri, e bhana bhinu, mu bhukangwe 'nki ngi bhwabhesenga bhumuhensanga mo'bho? Bhushwa na'ncho, ibho bhesine bhasebhukereyo e rubhansa.
\v 28 Ina nti mo mutima wa Ongo ng'uhesange ani mo bhifasi, ebhubhake bwa Ongo wasiya kuri bhanu.
\p
\v 29 Bhuni bhwa mukiya mwea wamukime mu numba ya bhume munkangwe n'ishuma. e bhehe bhyae e bhiti, na wafund' imumina? na nge bhumbo useshumayo mu numba.
\p
\v 30 Ingu nturi n'ani iwe nt'wambaa, na'ngu eutangasonja hima n'ani, iwe nt' unsansabhanyange.
\p
\v 31 Ngi bhumbo ni bhuerengi: kinsi bhubhi na kinsi bhukwemi bhusesasirwayo n'e bhea ina e bhukwemi bhweritina e mutima bhutasasirwiyo.
\v 32 Kinsimweya usebhayo bhubhi kuri emwana we mwea use sasirwayo, ina e usebhayo bhubhi kuria emutima mushasha, utasasiriyo mukino kiranga na bhiranga bhisiyayo.
\p
\v 33 Bhuni bwamwebha Ongo mbwe muti wakoma ne byuma byae bhyakoma, ari iyebha e muti wema ne bhyuma bhyae bhyema, bhushwa e muti usibhwange mo bhyuma bhyao.
\v 34 Uwanda rwansonka, bhuni wa mwebha bhanu bhinwa bhyakoma na bhanu musuwa? bhushwe ebhyarisia e mutima ngi bhwebhanga e bhunu.
\v 35 E mweya koma ukutongi bhikayi bhya koma mo 'nku yae, n'emwea wasua ukutongi bhikayi bhyema monku yae yema.
\v 36 Nibhwerengi: er'otu rw'erubhasa e bheya bhansansayo e bhinwa bhiti bhyema e bhyebhanga bho.
\v 37 Bhushwe mo bhunu bhwabhe ukoshukarayo, na mo bhinwa bhyabhe ukukererwayo ubhansa.
\p
\v 38 Na mbu bhima mu bhandiki n'ebhafarisayo bhatinge kinwa, bhebha: emuhani tusondi kusunga mwikora kishisharo.
\p
\v 39 Yesu wa subhiye bho e kiranga chasuma chosingirwa kihemange bhishisharo, kitamuninkwa wakindanga kishisharo irengwa kwe mutahwa Yona.
\v 40 Bhushwe mu bhumbo Yona warikanga matu ashatu mutu na mu mwishi mo bhura bhwe kikuro kiri, na bhumbo musiky'a Ongo wabhese matu ashatu mutu na mwishi mu kino chuo.
\v 41 Bhisa ku Ninawi bhasimana mo r'otu rwe rw'erobhansa hima n'ekiranga nchi ne riminwa mw'esiye e bhibhi bhushe n'e mahano a Yona; sunga hano hari bhingi irenga bya Yona.
\v 42 E mumbo w'eroharo rwa kuruma wasesungwayo e r'otu rw'erikerwa e r'obhansa na kino kiranga; bhushwa weyanga etuka wendende Chuo, sunga hari bhingi irenga Soromono.
\p
\v 43 E kifasi chamatuka kumunda n'e mwea, chendanga kakiya-kiya mw'isonda ehaseruhuke cho. Ina chamaruka bhumpe bhuari bhweuhuke mo.
\v 44 Nti ch'ebha nsekuruke mo numba y'ani e mwakutukanga 'ni. Chameya nti chakumana mo kikai, kumunda kwahairwa n'itonda mo.
\v 45 Wendanga karisha impe mitima irinda yasuma imurengi. E kifasi ncho chamakime tu, e mikorere y'e mwea ngo ya kuruma ntyanyara irenga e yaroso.
\p
\v 46 Yesu wabhesanga webhange n'e bhae. Nina na bhasike bha'bho bhari ha bhutara bhasond'iebha n'ae.
\v 47 Mwea uma wamwire: sunga nsoko na bhasike bhinu bhari habhutara na bhasondi kushisha
\p
\v 48 Ina Yesu wasubhie 'ngu wabhesangaumushishange: inye ngi koyo na? bhanye ngi bhasike bhitu?
\v 49 Hiha washea e minwe kuri e santumwa sae, w'ebha: sunga koyo na bhasike bhitu.
\v 50 Bhushwa uti'ngu ukorange er'isasa ra Tita ingu'ri e kwiyo, ngi musik'itu, ngi mwis'itu, ngi koyo.
\c 13
\cl Chunda 13
\p
\v 1 Erotundo Yesu watuka mo numba warika kumushi ne nyansa.
\v 2 Bhea bhingi bhamwemisa nti bhari kumushi nae, wakime mu bhwaato, warika. E bhea bhati bhabhesa nti bharika kumushi ne nyasa.
\v 3 Warebho mu mishumo mu bhikai bhingi, washisha bho.
\v 4 Muhingi uma watuka wenda keka, wakia wekange mbuto sima sakirae kumushi n'ense, mironge yiya yarisato.
\v 5 Simpe sahuka mu makoi hasira oto rwa sonda bhushi nti sasheenga oto.
\v 6 Arekia ematu emwishi eya sashire sakama bhushe sisira miri.
\v 7 Simpe sahuka mu menke emenke y'iondonda kurito sasonda.
\v 8 Simpe sahuka hari oto rwa konda, sabhuta mbuto, sima sabhuta iyana, simpe makumi mutubha, simpe makumi ashatu.
\v 9 Kinsi uri na mate iyorukira werukire.
\p
\v 10 Esantumwa siya kumushi nae, samwire bhushanki ongo shishangebho mu mishumo?
\p
\v 11 Yesu wasubhiebo bhushe murininkwa bhwenge bhwe sibha bhishisharo bhye bhwime bhwe kwiyo imbu nti bhwarininkwa bhampe.
\v 12 Bhushe ingu ukwengi waaninkwa na usebha mu bhingi, ina kuringu usira ne kiri nae wasenyakwa cho.
\v 13 Ngi kisingwange nere bho mu mishumo, bhushe morikae bhatangakae na murirukira bhatangerukira.
\v 14 Kongo ebhutahwa bwa Isaya bhwabhererera kuri bho: mukwerukirayo mo mate inu ina mutusibhiyo kikai, mukaeyo mo meso inu na mutu sungiyo.
\p
\v 15 Bhushe mitima y'ebhea mbi yasuma nguru, bhasumyayo emate abho na bharindikayo emeso abho, kongo kiro bhakae mu meso abho na kwerukira mu mate abho kiro bhasibha mo mitima yabho na kwesibhirira kongo naramya bho.
\p
\v 16 Bhakasanirwa imbi bhakaengi mu meso abho ne mate bhushe bhorukirange.
\v 17 Nabhushisha mor'eira bhatahwa bhingi nambi bh'er'eira, bhe bhwenge bhahunanga isunga, n'iorukira bhwerukirange bhanu na nti bharorukira bhyo.
\p
\v 18 Bhanu, mwerukira emushumo w'emuhingi.
\v 19 Kuti mwea worukira e bhinwa na nti wasimirabhyo mushumbu ntwiya kakuto esambuto mo mutima wae, nge sambuto sahukanga munkati n'ense.
\v 20 Ingu wasianga esambuto munkati na makoi, nge mwea worukirange ebhinwa bya Ongo n'esimira bhyo na ngoa.
\v 21 Ina bhisira bhuriki.
\v 22 Ingu esambuto siri munkati emenke, ngingu werukirange ebinwa bhya Ôngo myereko mikeke ye chuo yasingwa ekinwa cha hunyaara.
\v 23 Embuto sahukenga m'oto rwakonda, ngingu worukiranga ebinwa bya Ôngo n'etinge bhyo, wabhuta bhyuma, chuma kima cha bhuta iyana na kimpe makumi mutubha, na kimpe makumi ashatu.
\p
\v 24 Wasonda ininka bho umpe mushumo webha: ebhubhake bhwa kokwiyo bwa susana na mwea wekanga mbuto sakonda morishwa rae.
\v 25 Ina akiya e bhea bharere, mushumba wiya weka binsari munkati ne mbuto wenda rae.
\v 26 Akiya ebhisu bhyameshuka ni buta bhyuma, e bhinsari nabyo bhyasaa.
\v 27 E bhakori bhiyere mine kurwabo, ukwekanga mbuto sakonda kuningi kwa kutuka e bhinsari?
\p
\v 28 Wasubhiebho e murenda ngwakukiambo, bhamwere ongo sondange tukuraebhyo.
\p
\v 29 Watina, bhushi mukia bhanu mukuraange ebhinsari esambuto nato satuka hima.
\v 30 Mureki bhyo bhi'ku mongo iya mor otu rwe rikao namo ntambi yerikao, nashishayo ebhakauri mukutu kasa e bhinsari mushike bhyo hima ni shikabyo ina esambuto sendi mo mutundu wani.
\p
\v 31 Wasonda ikera umpe mushumo, webha: ebhubhake bwa kokwiyo bwasusanyiwa na mbuto nkeke, mwea uma weka murishwa rae.
\v 32 Mbuto nkeke irenga esiti, akiya yoshukange yabhesa nkiri irenga esanyenyi, yabhesa muti mukiri ne mironge y'ekwiyo yakambe mo sentabhi sango muti.
\p
\v 33 Washisha bho umpe mushumo, e bhubhake bhwa kokwiyo bwasusana na ntero mumina uma watinge yo waria yo mu nsara ishatu sa nchano niya m'oero r'iaa.
\p
\v 34 Yesu washisha e nkumanano e bhinwa bhiti mbi mu mishumo.
\v 35 Kongo bhyabhererera imbi bhyebhwanga n'emutahwa: n'obhora yo e bhunu bhwani mu bhinwa, nasheayo mbi bhyarebhiswa mo ntangiro.
\p
\v 36 Himpo wahensa enkumanano wakime mu numba, esantumwa siya kumushinae na bhebhange, tutondori emushumo we bhinsari mo rishwa.
\p
\v 37 Wasubhya: ingu wekanga e e mbuto sa konda nge mwana w'emwea.
\v 38 Erishwa, ng'echuo kino, e mbuto sahunda, e bhana bh'e bhubhake, e bhinsari, e bhana bha mushumbu.
\v 39 Emurenda ingu wekanga nti mushumbu; e bhakauri ngi hende chuo: e bhakauri ng'esangashani.
\v 40 Imbu bhukuraanga bho ebhinsari nitaa bhyo mu kasha, bhisebhesayo bhumbo hende echuo.
\v 41 Musike wa Ongo watumayo e bhasanasana bhae bhasekutoyo mo bhubhake bhwae ebhabhisha nambi bhakiange bhubhi,
\v 42 N'itaabho mo rirunga, kunko kusebhayo kiro n'eshiisha emeno.
\v 43 Bhe riira bhasanayo bhuri mwishi mo bhubhake bwa Tita, kubha ongo'ri na mate iyorukira.
\p
\v 44 E bhubhake bhwa kokwiyo bhwasusanyiwa na bhehe bhyabhiswa munkati niishwa. E mwea ewasheengabyo wabhisa, na mo sangoa sae wenda wachuya bhiti bhiri nae n'echura erishwa.
\p
\v 45 E bhubhake bhwa kokwiyo bhwasusanyiwa tu na mwea mwendendi wachura muringa wakonda.
\v 46 Washee muringa wa bhusi bhwasuma wenda wachuya ebhiti bhiri nae wachurao.
\p
\v 47 E bhubhake bwa kokwiyo bhwasusanyiwa tu na bhukira bhwatawa munyansa na bhwatinge ebhiti bhya kinsi nsusanya.
\v 48 Bhwakia bwa marisa emurobhi wakururabo, wakia wamarika kumushi warondora esanchwi sakonda waria to mu mutundu na wataa insi sema.
\v 49 Ngebhusebhesayo bhyo hende chuo, bhasanasana bhasiyayo mwikia kwa hehe ebhabhi nambi bhakonda.
\v 50 Na bhasetawayo murumini rw'ekasha kunko kwabhesayo kiro n'eshiisha emeno.
\p
\v 51 Mumerukira ebhitimbi? bharisiya.
\p
\v 52 Wire tu bho: bhusha kingi mutiranyi urina bhwenge mumbi bhyakae ebhwami bhwa kokwiyo bhwasusanyiwa na mine numba wakuto mu bhehe bya bhikai bhishasha na bhyakare.
\p
\v 53 Yesu wakiya wamaheanya emishumo.
\v 54 Wenda ku kwabho, wenda uhanange mo sinangoki, nambi bhabhesenga bhamwerukirengi bhashishara, na bhebhange: kuni ngi kwakutowe ebhwenge n'ebhishisharo?
\v 55 Ntingi musike wangu utunganyanga ebisai, nti Maria ngi nina, Yakobo, Yosefu, Simoni na Yuda ntingi bhasike bhabho?
\v 56 Na bhisi bhabho ntimbi bari munkati nitu? kuni ngi kwa kutowe ebhwengembu.
\p
\v 57 Na r'ibhesange kuribho myereko yefundwa, yehimwa Yesu washishabho: emutahwa usira otunda kukwabho.
\v 58 Nti wakianga bhishisharo bhingi nko bhushe bwe mitima yabho yasuma.
\c 14
\cl Chunda 14
\p
\v 1 Mu matungo mubhake Herode werukira nti bhebhange kuri Yesu, washisha e bhafuku bhae: mbenti Yohana murubhiki.
\v 2 Wakufuka munkati ne bhakwiri chasingwa wakiya bhishisharo.
\p
\v 3 Bhushe Herode ingu waminanga Yohana, wamuria mu ngori bhushe bwa Herodia, mukari wa Firipo, musiky'abho.
\v 4 Bhushe Yohana webhanga: kiro wamutinge bhuri, mukari.
\v 5 Wabhesenga usondange mushura ina wasubhahanga e bhea bhushe bhatingenga Yohana bhuri mutahwa.
\p
\v 6 Bhakia bhari mu kimoo chebhutwa ra Herode, mwisiwe Herodia washata ishu munkumanano.
\v 7 Herode webha n'isere mwimuninka kiti chamuhema we.
\v 8 Washeereshiwa na nina webha konga mu ntengi e muntwe wa Yohana murubhiki.
\v 9 E mubhake wasunga bhubhi, ina bhushi wabhesenga nt'wamasere mo bhea mbo, webha bhamuninke e muntwe wa Yohana.
\v 10 Na webha bhakere emuntwe wa Yohana mo ngori.
\v 11 Emuntwe warishiwa mu ntengi bhamuninka nae warishieo nina.
\v 12 Esantumwa sa Yohana siya karinga e kinda bhamutaa. Bhenda katureo Yesu.
\v 13 Mo mwasingo Yesu watuka himpo mu bhwaato wenda kumushi mo bhweru, nkumanano yakia yamasunga watuka bhamubhungura na mindi.
\v 14 Wakiya wamatuka mo bhwaato wasunga nkumanano nkiri werukire bho bhoonso waramya ebhakoni.
\p
\v 15 Mwiyorioro esantumwa sae siya kumushi, ne, bhebha: hano bhweru na n'esantambi sameta kurucha enkumanano bhendi mo sambungu kachura bhiyo.
\p
\v 16 Yesu wasubhiebho: nti bharaa mw'ienda, muninke bho bhiyo bhanu bhesine.
\p
\v 17 Ina bhamushisha: turiho tumbonsa tusanu na bhikwa bhibhi.
\p
\v 18 Webha: munirishiibhyo.
\v 19 Warikecha e nkumanano mo bhisu, watinge etumbosa tusanu n'ebhikwa bhibhi, wakae kokwiyo, wahema ikasanirwa, wakekera e tumbosa waninka e santumwa bhabhanyie e nkumanano.
\v 20 E bhati bharisa na bhasukuta hasia mitundu ekumi na ibhi.
\v 21 Imbi bharisanga bhabhesanga bhea bhihumbi bhisanu nti hari e bhomina ne bhana.
\p
\v 22 Kuruma na'mpo washisha esantumwa sitaye mu bwaato mw'iende kubhusondori murumpe uharo,
\v 23 Wakiya ukuruchange enkumanano wataya murou, ienda kahema kwahehe, akiya ebhutu bwa miya, nt'uri w'esine.
\v 24 E bhwato nti bhuri munkati n'enyansa, bhwashatishiwa n'emibhimbi.
\v 25 Mo ntambi sinye sa mutu Yesu wenda kuribho hambasiro emecha.
\v 26 E santumwa sakia samasunga e bhwiyangewe hambasiro ne nyansa bhatingirwa na bhobha bhebha: mbenti kifasi, munkati ne bhobha bhabhuchikuwa.
\v 27 Yesu washishabho: mwininke mutima ani uno.
\p
\v 28 Petero wamusubhie mukota kubha nti ongo, ebha niye kuri ongo nti nendange hambasiro ne mecha.
\p
\v 29 Wamushisha Petero iya kuri ani, Petero watuka mu bhwato wenda hambasiro ne mecha, mor'ienda kuri Yesu.
\v 30 Ina wakiya wamasunga e mibhimbi wasubhaha, na wakia iyo uminwange, wakua Mukota noshukaye.
\p
\v 31 Na muntambi nkeke Yesu woro eminwe yae, wamutinge, wamwere: mwea wisimira rikeke, bhushanki ukutingirwa na koha?
\v 32 Bhataya mo bwaato, n'emibimbi yakobha.
\p
\v 33 Bhati bhabhesenga bhari mo bwato bhiya katata Yesu, na bhebha: mo reira oongo musike wa Ôngo.
\p
\v 34 Bharekiya bhamateana e nyansa bhiya ku Nasareti.
\v 35 E bhea bha muroharondo imbi bhabhesenga bhasi Yesu, bharebheka myasi mosankaronkaro, bhamurishie e bhakoni bhati.
\p
\v 36 Bhasonda ho mbu bhatingi mo nganju yae, mo nchangi yae. n'ebhati bhatingenga mo nchangi yae bharama.
\c 15
\cl Chunda 15
\p
\v 1 Bhafarisayo na bhatiranyi bha myomba bhiya ku Yerusaremu kuri Yesu; bhamushisha
\v 2 Bhushwa nki e bhemisa bhabhe bhanoange mihaniriso y'e bhakungu? Bhushe bhatangashua e mine bhusondori we rerisa.
\p
\v 3 Wasubhiye bho: na bhanu, bhushwa nki munoa e momba wa Ôngo. Bhushwe n'erukusu rwe mihaniriso inu?
\v 4 Bhushwa Ôngo webhanga; subhaha so na nsoko, na: kinsi waseherayo ishe ari nina wakomenwa ubhansa rwikwa.
\p
\v 5 Ina bhanu mwebange: kinsi usebhayo kuri ishe ari kuri nina; e chamukusake mwani, natunja cho uhembo kuri Ôngo nti ti wasubhaha ishe ari nina.
\v 6 Munoa e kinwa cha ongo bhushwa ne bhusukute we muhaniriso inu.
\v 7 Bhakorotima, Isaya waronjanga bhutahwa wakonda kuri bhanu, warekia webha;
\v 8 E bhea mbi bhansubhaha mumitutu, ina emitima yabho irikore nani.
\v 9 Bhanubhengi bhusa mbu bhansubhaha, mor' ihana kinwa kai myomba ya bhea.
\p
\v 10 Warekiya wamabhikira enkumananano ehari we, washisha yo: murukire, ni teerera.
\v 11 Ntye kikimengi mo bhunu ngi kibhishange e mwea; ina ekisaange mo bhunu ngi kibhishange e mwea.
\p
\v 12 Himpo e bhemisa bheya: bhamwire ongosi mbwe e bhafarisayo bhakushunana, e ntambi ya kurukirangabho e kinwa nchi?
\v 13 Ina wasubya, webha: kinsi mbuto nji nti y'ekwa na Tita w'ekwiyo isekuranyiwa.
\v 14 Mureki bo; ibho bhihumihumi, ne kihumihumi cha menja kimbe kihumihumi e bhati, nti bhaakire mu kiribhu.
\p
\v 15 Petero wasubya wa mwire: tuturi e mushinga uno.
\p
\v 16 Yesu weba na banu nti nenki muteerera.
\v 17 Nti bhanu mosi mbu ekiti kikimengi mo bhunu chetange na mo bhura nti chatawa na mo wiya?
\v 18 Ina e bhitukange mo bhunu bwemweya bhisaange mo mutima; na byo byariya e mweya mu bhubhi.
\v 19 Bhushwa mu mutima ngi mutukange e mwanikiri wema, ishura, bhurasharasha bhusingirani, wibhi, kariho ka bhushukishuki, nkambao;
\v 20 Bhino ngi byakiya emwana we mweya mu bhisha; ina eririsa ntinashuwa emina ritamuniriya mu bhubhi.
\p
\v 21 Yesu watuka hiha wenda mo ruharo rwa ku Tiro na ku Sidoni.
\v 22 Sunga, mumina mu kanana watuka munkati ne byati, wabhikira emurenge webha: ni kwiri bhonso e Nyerekurwitu, ongo musike wa Ndaudi: e kikumi chani kinubhiwange ne bhashumbu.
\p
\v 23 Ina iwe nti wasubhya kinwa, e bhemisa bhae bheya, bhamwire; mureki wendi rwae; bhushwa ukiyange bhurunga kurumwa nitu.
\p
\v 24 Ina wasubhya, webha: ntineya ina bhushwa ne sa mburi sarerimina mo numba ya bha Isiraeri.
\p
\v 25 Ina wiya, na kwihicha webha: Nyerekirwitu, nisaki.
\p
\v 26 Wasubhya, webha; ntirarengekana itinge e bhiyo bhye bhana n'itaire bhyo mbibhi.
\p
\v 27 Ina iwe webha; iira, e Nyerekurwitu; e mbibhi nayo irisanga mbi bhikirengi mo bhutanda harirengi nyerekurwabo.
\p
\v 28 Yesu wasubhya wa mwire: ongo mumina, erisimira rabhe rikiri, ribhunduki imbu bhusondange ongo. E kikumi chae charama mu ntambi iya.
\p
\v 29 Yesu watuka kuko weya kumushi ne nyansa ya ku gariraya; wataya mu rou, warika.
\v 30 Kikembe kikiri cha mwiyere nti bhari na bheya nkata, bhihumihumi, bhatwitwi na bhampe bhingi hima nabho; bhariya bho hamakako nae; wa ramya bho;
\v 31 n'enkumanano y'isarima, bharekiya bhasunga e turumbu tw'ebha, esankata sasimana. nabho bhenda ne bhihumihumi bhyakae; bhatata Ôngo wa bha Israeri.
\p
\v 32 Yesu wabhikira esantumwa sae kuriwe webha; Nasunga bhonso bhushwa ne kikembe bhushwa matu ashatu ano bhari hima nani, nabho bhasira chirisa. Ntangasonda irekebho bhendi na ntibharisa bhamenda kachikane mu munse.
\p
\v 33 E bhemisa bhamwire bhuni ngwashee bhate tumbonsa twingi twamusukucha e kikembe kiti nchi hano munkati n'e bweru.
\v 34 Yesu werebho bhanu muri na tumbosa tunga? Webha: turinda, na nchwi sikeke.
\p
\v 35 Webha mbu e bhea bharike,
\v 36 Watinge etumbonsa turinda n'ebhikuro watata, wa bhenga to, waninka to e bhemisa nabho e bhemisa bhaninka e bhea.
\v 37 Ne bhati bharisa bhasukuta, bhasonja imbi byasianga mitundu irinda.
\v 38 Nambi e bharisanga abhesenga bhabhume bhihumbi bhinye, hima n'e bhomina n'e bhana.
\p
\v 39 Were e bhea bh'enda, wakime na kubha mo wato weya mu bhyati bhya kumagadani.
\c 16
\cl Chunda 16
\p
\v 1 E bhafarisayo ne bhasadukayo bhiya kwihi na Yesu bhushwa bha musone, bhamushisha mbwa shee bho mushinga uma wa mo mbingu.
\p
\v 2 Yesu wasubhie bho: murisisi bhanu mwebhange mbu kwahunda bhushwa ebhutu bhwaacha 'shu mukomakoma.
\v 3 Kwaabhese keme chasuwa runotu, bhushwa e bhutu bhuri n'otundo, bhanu mwosi e bhitenganya bhy'esantambi.
\v 4 Ubhuto rwa bhasingirani ruhemange bhishisharo bhuri rwa Yona, wasiabho wiire
\p
\v 5 E santumwa, mwiyeta murumpe ruharo bhobya itinge etumbonsa.
\v 6 Yesu washishabho: mwirange n'entero y'e bhafarisayo ne bhasadukayo.
\p
\v 7 E bhemisa bhashishana niyebha bhushwa nti twakuria tumbosa.
\p
\v 8 Yesu wasibha, werebho, bhushwa nki bhanu mushishirishanange, mbu bhanu musira tumbosa, bhea bhisimira rikeke.
\v 9 Mbeni bhanu musira bwenge ni anikira etumbosa tusanu mu bhea bhihumbi bhisanu na mitundu inga yarishanga bhanu.
\v 10 Ne tumbosa turinda bhihumbi bhinye, mitundu inga ya rishanga bhanu?
\v 11 Bhuni nti ngi bwateerera bhanu mwiyebha mbu nakubhubhikira bhushwa ntumbosa? mwirange n'emushiiro we bhafarisayo ne bhasadukayo.
\v 12 Naha bhasibha mbu nti bhushwa mushiiriro wa tumbosa ng'utikongi we, ina mo mahano ebhafarisayo ne bhasadukayo.
\p
\v 13 Yesu wakia wamakime mo chuo ku Kaisari, ku Firipi, washisha ensantumwa: inyengi webhange bho mbwani, ngi musike wa Ongo?
\p
\v 14 Bhamusako: bhima bhebhange mbu oongo ngi Yohana murubhiki, na bhampe mbu Eriya bhampe mbu Yeremia, ari uma mu bhatahwa.
\p
\v 15 Na bhanu mwebha, mbwani inye?
\p
\v 16 Simoni Petero wasubhya: ongo rukombora musike wa Ongo ing'uri ho.
\p
\v 17 Yesu webha, oongo rina ngowa Simmoni musike wa Yona, bhushwa nti nyama ao enchama ngi bya kukuhana mbi, iina tita Ôngo uri mo mbingu.
\v 18 Nani, ni kwirengi ongo Petero mbu mor'ikai ndo ngi mwimba ani er'irameso n'esa ndubhi s'ekwerunga sitarengiyo ro maa.
\v 19 Nsekuninka efunguro s'ebhubhake bwa mu mbingu. Incho chaminwa hano hansi na mumbingu nti chamaminwa, n'echobhorwa hano hansi na mumbingu nti chamobhorwa.
\v 20 Naha Yesu washisha e bhemisa bhae mbu anga mwebha na mweya uti uti 'mbu ani ngi rukombora.
\p
\v 21 Ituka e ntambi iya wabhucha ishea ebhemisa bhae 'mbu rakomenwa wendi ku Yerusaremu, kanubha ringi ituka e bhakungu, ne bhakwakare, n'e bhandiki, mwikwa, nifuka, mwotu rwa ashatu.
\v 22 Na Petero wenda naye kumushi n'ibhucha imufine n'iebha: kuri Ôngo nti cha kokomesha. icha kitakochi kwiyere.
\p
\v 23 Ina Yesu wabhinduka: webha na Petero eta kuruma nani mushumbu, ongo nerekange, bhushwa emyanikiri yabe nti myanikiri ya Ôngo, ina ye bhea.
\p
\v 24 Na Yesu webha n'e bhemisa bhae uti uti usonda inemisa wesibhure kasa wisine n'iriya eriyango, na wanimise.
\v 25 Bhushwa ingo usondange ishukaya ekaramo kae wariminyako, ina ingo wariminyanga ko, bhushwa 'ni washee ko.
\v 26 Risemuninka'nki e mwea wamashee e chuo kiti na wamariminya e mutima wae ari mwea wamenganya nki n' e bhuingo bwae?
\v 27 Bhushwa musike wa ongo wiya muri tatwa n' ishe n'ebhasanasana bhae nacha waatuwayo kinsi uma mwitukana n'emikorere yae.
\v 28 Ni bhushishange muriira, bhima mumbi bhari hano, bhatakwiyo, nti bhasunga emwan'emweya wiya mo bhubhake bwae.
\c 17
\cl Chunda 17
\p
\v 1 Matu mutubha eta, Yesu wenda na Petero, Yakobo na Yohana, munachabho, wenda nabho kwesine hambasiro er'ou.
\v 2 Watinge bhumpe bhususe munkati nabho, e mbaso yae yasusa bhuri mwishi, ne sangombe sae sasana bhuri chaka cha chamurekani.
\v 3 Nikae, Musa na Eriya basaire bo mpo, bh'e bhana nae.
\v 4 Petero watinge kinwa, were Yesu, e Nyerekuritu, charengekana, turike hano, na umasasa, nsebhwimbe hano bhitarango bhishatu, kima chabhe, kimpe cha Musa, ne kimpe cha Eriya.
\p
\v 5 Na wabhesanga ntu kiri webhange, utundo rwa chaka rwa bhumbe bho. nampo, kumunda n'er'otundo herikirwa murenge webha bhuno: uno nge mwana 'ni namushima nguru, nareriya e kumunda nae e nchimi yani eiti, mumorukirenga.
\v 6 Bharekiya bhamerikira e murenge e bhamisa bhae bhenduko hamakakao n'ae, bhatingirwa na bhobha bhukiri.
\p
\v 7 Ina Yesu, washere 'kuri bho, watinge bho: webha musimane, kiro musubhaha!
\v 8 Bhakando e meso, na bhasunga ho Yesu wesine.
\p
\v 9 Nambu e bwa bhesenga bhuhitange we 'r'ou, Yesu waninka bho mwiko: kiro mwere mweya bhuno bhususe.
\p
\v 10 E bhamisa bhae bhamushisha: bhushwa nanki ehbhandiki e mitiro bhabhesanga bhebhanga mbu Eriya wiyayo kasa e raroso?
\p
\v 11 Wasubya: iira Eriya weyi na etunganyanya e bhikai bhiti.
\v 12 Ina na bhw'ire, mbu Eriya wamakindi 'ya, nti bharemuteerera. na bhamukore imbi bhyashima bho nge bhumbo e mwana we mweya wanubhi bhushwe nabho.
\v 13 E bhemisa bhorukira mbu webhange bhushwa rwa Yohana murubhiki.
\p
\v 14 Warekiya wiya kwihi ne nteko, wabhume uma wiya kirekera mo makako na Yesu, na weba:
\v 15 Mwami, kwire musikya'ni isasi iwe mweya wa rungu na unubhange nguru, na kinsi ntambi ienduchaa kwihi ne kasha, ne kusi.
\v 16 Namurianga kuri e santumwa s'abhe, na bhamufundwa imuramya.
\p
\v 17 Mbuto isiri'simira, na yarerimina, iya runi otu nabhesi ninu? iya runi otu nabhurii? mundishii we hano.
\v 18 Yesu wafine nguru e bhifasi, nabhyo bhyatuka kumunda ne. mwana warama mu kashangi nko.
\p
\v 19 E bhamisa bhasheere kwihi na Yesu, na bhamwire kwesine: bhushwa nki nti twahensa e bhifasi?
\p
\v 20 Bhushwa n'erifundi 'simira rinu, were bho nabhwire mu reira, mumubhesange n'esimira bhuri chuma cha musobhyo, mumweringe ntanta mbu tuka hano, n'entanta ya mutukange, kusira chamubhufundisange.
\v 21 Iina e bhususe bwe rishumbu bhuno, bhutukangaho munse ya mahemo ne mina irisa n'iyomo.
\p
\v 22 Warekiya wetange ku Gariraya, Yesu werebho: e mwana we mwea usesibhurwa mu mine ye bhea.
\v 23 Nabhase mushura, na otu rwashatu, wafuka yo warisa na bhonso bhwingi.
\p
\v 24 Warekiya w'eya ku Kapernaumu, imbi e bhakongori bh'ekodi, bh'ehoro bhashisha Petero bhamw'ire: e muhani winu utakutonga horo?
\v 25 Warisiya, na bharekiya bhamakime mo munumba, Yesu watonde bho webha: Simoni e bhami bhakino chuo, bakutonga mituro mo bhana bhabho ari mo bhendendi?
\p
\v 26 Wasako mu bhendendi, na Yesu wasako bho: e mwana usira kinwa mpo.
\v 27 Ina, murifundishura nkene, mwendi ekunyansa, murekere e tukunga mu nyasa murobhe, e kikwara cha roso e kiseshura banu: mwobhore e bhunu bwacho, na mukusunga kumunda kikoroto kima. mutingi cho na mutue bhushwa ani na ongo.
\c 18
\cl Chunda 18
\p
\v 1 Mu ntambi njo, e bhomisa bhashere kuri Yesu, na bhamwere: inye nge mukakare mu bwami bwa ko kwiyo?
\p
\v 2 Yesu, wabhikira kabhonsobhonso, wamutereka munkati nkati nabho.
\v 3 Na webha: ni bhwerengi mureira, kuti mutunga sonda ibhunduka n'ibha bhuri e kabhonsobhonso kano mutukimiyo mo bhwami bhwa kokwiyo.
\v 4 Ngi chasingwa, kinsi mwea usekwehicha yo bhuri e kabhonsobhonso kano, usebhayo mukiri mu bhwami bwe kwiyo.
\v 5 Na kinsi mwea wakokeyo kabhonsobhonso bhuri kano mu'rina rani nti ani ngwankoke.
\p
\v 6 Ina kinsi mwea waseriminya uma mu bhakeke mbi e bhansimira, chakonda kuri we, bhamine ikoi ikiri murikoti rae, na bhamurekere munkati ne nyansa.
\v 7 Otaki mo chuo bhushwa n'e sambangu, bhushwa rarengekana e mbangu sibheko, ina bhuhanya kuri e mwea warisha to.
\v 8 Kuti e mwine wabhe ari e mwindi wabhe wa mubha nsomombo y'ikuriminya, kera o na rekerao kore nabhe, rakonda kuri ongo ikime mu mbingu kirema, irenga ubhe na bhitando bhibhi ao mine'bhi ni rekerwa mu kasha ke matuati.
\v 9 Na kuti e riso rabhe ramubha nsomombo y'ikuriminya kutoro na rekeraro kore nabhe, ra konda kuri ongo ikime mo mbingu na nti ongo uri na riso rima irenga ubhe n' abhi n'urekerwe mu kasha ne kwirunga.
\p
\v 10 Mwirange ni nena kima mu bhinwa bhikeke bhino, bhushwa ni bhwerengi, mbu esangashani ibo mu mbingu basungange e matu ati e mbaso ya tita e uri mu mbingu.
\v 11 Bhushwa e mwana we mwea wareya iramya imbi e bharerimina.
\v 12 Musunga bhuni? kubha mwea uma uri na mburi iyana na kuti n'ima yarimina, utamusiya e makumi mwenda ne mwenda habhasirwa ne ntanta, nienda kasonda inji eyakurimina?
\v 13 Na wamashee yo, nabwire muriira, yamurishie imoa ikiri irenga e makumi mwenda ne mwenda e nti sakuriminanga.
\v 14 Nge bhumbo, ntishima ra tita winu e uri mu mbingu mbu n'ima irimine mumbhyo bhyana.
\p
\v 15 Kuti munakinu wakukora bhibhi, mwendi ongo wesine, wamakwerukire, nti umamushee muna kinu.
\v 16 Ina wamafundi'kwerikire, ringa u mpe mwea ari bhea bhabhi, bhushwe e bhinwa mbyo bhisire, munsonsomoro sa bhea bhabhi ari bhashatu bhe kariho.
\v 17 Wamatina ibwerukire, enda nae mwirameso na wamatina, mutingi bhuri mwea wa bhubhi wasusana n'e bhakongori bh'esahoro.
\v 18 Nibwerengi muriira, kitikiti e kiseminayo bhanu hano hansi, nti chaminwa na mu mbingu, na kitikiti echobhori bhanu hano hansi, chobhorwa na mumbingu.
\v 19 Nabhwire tu, kuti bhea bharisiana mukinwa hano hansi na bhamanihema, tita wa mu mbingu wabhereresha incho kinwa.
\v 20 Bhusha e hari bhabhi ari bhashatu murina rani nani niri munkati nabho.
\p
\v 21 Petero washeere kwihi nae, wamwire; e Nyerekuritu, menta'nga namusasira munakitu, wamankore bhubhi? ramwiya meta'rinda?
\p
\v 22 Yesu wa musako; nti nakwire mbu meta' rinda, ina meta makumi arinda ngendo sirinda.
\v 23 Ngi chasingwa, e bhwami bhwa mu mbingu bhwasusana na mubhake uma wabhesenga usondange iansa ne bhafuku bhae.
\v 24 Warekia wamabhucha er'iansa, bhamurishie mufuku uma nturi na mwinda wae wa bhihumbi ikumi.
\v 25 Ne bhwabhesengae ntusiri e bwa mutuwae e mwinda'ngo, e mubhake webha'mbu mumuchuye iwe, mukari, n'ebhana bhae 'bhati, ne bhitibhiti e bhyae, kongo e mwinda wasira.
\v 26 E mufuku, wahita e kwansi w'erunda mu makako ae, wamwire: e Nyerekuritu, nkwiri'sasi, na kutuayo euti.
\v 27 Wabha na bhonso bwingi, e mubhake we mufuku' ngo wamureke wendi, na wamusiere e mwinda uti.
\v 28 Mo ntambi ya tukangae mpo, e mufuku'ngo wakumunana na mirae uma nturi na mwinda wae wiyana. Wamutinge ni muniania, n'iebha, tuwa e mwinda'ni.
\p
\v 29 Mirae, wahita e kwansi, wamurire, webha: nkwiri isasi, na kutuayo.
\v 30 Mine watina, wenda nae kamurekera mu ngori iya n'er'otu rusetuwayoe e mwinda'ngo.
\v 31 E bhabhesenga nabho mpo, bharekiya bhasunga 'mbyo, bhatingirwa na bhonso bhukiri nishishara, benda kature 'mwasi; ngo kuri e mubhake mumbi bhiti e bya meta.
\p
\v 32 E mubhake wabhikira e mufuku'ngo, wa mwire: mukori wema, na kukusasiranga mwinda uti, bhushwa ukukonganga musasiro.
\v 33 Na ongo utumusasirange munakinu, ebwa kubhesanga ani na bhonso kuri ongo?
\v 34 E mubhake wasubhuka nguru, wamusibhura mwikamwa iya ne rutundo rwa tuwiyowe e mwinda wae e uti.
\v 35 Bhumbo ngi bhwakii tita wa mumbingu wabhukore kubha kinsi mwea mu bhanu utamusasira muna chabho mo mutima wae e uti.
\c 19
\cl Chunda 19
\p
\v 1 E ntambi Yesu warekiya wakindanganya e mishambaro yae, watuka ku Galilaya wenda ku Yudea, mu mwiri wa muri Yorodani.
\v 2 Kikanga kikiri cha mwemisa, himpo nt'uramyange e bhakoni.
\p
\v 3 E bhafarisayo bhiya kuriwe, bhamwire, mwimusona mbe nti eira rakochekana mu mwea ihensa mukari mu kinsi kinwa?
\p
\v 4 Yesu wasubhya: ntimusibhirira mbwe Ongo wabhumbanga e wabhume ne mumina, mu raroso.
\v 5 Na webha: ngyasesingwa e wabhume wasiayo ishe na nina mwitingane na mukari, ne bhabhi nti bhabhese mubhi uma.
\v 6 Na bhumbo nti ti bhabhi tu, ina nti ngie mubhi uma hasira mwea wamusianyisha ebhyakumanya Ongo.
\p
\v 7 Bhamwire, bhushwa nki Musa wakutira mitiro yisiana?
\p
\v 8 Yesu wasubhya: bhushwe n'erisuma r'emitima inu ngi chasingwa Musa wabhwire mbu musiane n'ebhomina bhinu; Ina mu rusondori asenga ntibhiri mbo.
\v 9 Ina niwirengi, mbwe ewasiana na mukari kuti nti wakushambara na umpe wabhume, na wamabhinga umpe mumina, naye nti musingirani.
\p
\v 10 E bhemisa bhae bhamwire: kuti ngibhuribyo bhumbo mu wabhume na mukari nti eribhinga risira mufa.
\p
\v 11 Yesu wasubhya: nti e bhati ngi bhorukirange e kinwa kino ina mu bhimbo e bhaninkwa cho na Ongo.
\v 12 Bhushwa hari mbo bhatarukiranga etuka bhabhutwa na bhanina. ne wamorukira e kinwa nchi warukire cho.
\p
\v 13 Nampo bhamurishie e bhana bhakeke-bhakeke, mwitereka bho mine, mwiheme bho, ina e bhamisa bhahangire bho.
\v 14 Na Yesu webha: mureki e bhana bhakeke, kiro muhangirebo mwiya kuri ani, bhushwa e bhubhake wa mumbingu bhwasusanyiwa nabho.
\v 15 Watereka bho emine, wenda.
\p
\v 16 Mwea uma wiya kwihi naye wire Yesu, e muhani nikore kini chakonda kongo nashee karamo ke matuati?
\p
\v 17 Yesu wamusubhiye: bhushanki ongo mbikirange mbu nakonda? uma ho ngi wakonda. Ina umashima e karamo ke matuati usubhahanga e myomba ya Ongo.
\p
\v 18 Yesu wasubhya kiro shura, kiro shambara na mumina ari wabhume wabhene, angi shuma, kiro eba manko.
\v 19 Tunda iso na nsoko shima munakinu bhuri bhweshima oongo wesine.
\p
\v 20 E musike wamushisha: e bhinwa bhiti mbi namakorabhyo, narukirwa tu kini.
\p
\v 21 Yesu wamushisha: kuti oongo sondange e karamo enda kachuya e bhikai by'abhe, ubhanyie bhyo e bhasene; Hiha nti umabhikisha e kwiyo, Naha iya unimise.
\v 22 Kuruma er'iyorukira e bhinwa mbi e musike wenda na bhanso, bhushwa nt'uri na bhehe bhingi.
\p
\v 23 Yesu were e bhemisa bhae: nibhwirengi mu reira rasesuma mo mutumba ikime mu bhubhake wa mumbingu.
\v 24 Nibhwirengi tu ratamba mu mpunda ikime mu kiribhu ch'e nandi morikiya mutumba wakime mu bhubhake bwa mo mbingu.
\p
\v 25 E bhemisa bhorukira e bhinwa mbyo, bhashishana, bhebha: mbwinye ngwamoshukara?
\p
\v 26 Yesu wakobha, washishabho: mo bhea kicha kitomukochiwa, ina kuri Ongo chamukocheka.
\p
\v 27 Petero were Yesu, sunga, tweya bhate bhati mwikwemisa bhuni ngi wabherobhusebhesayo kuri bhate?
\p
\v 28 Yesu wasubhie bho: niwirengi mu reira kuti e mwana we mwea, mor' ishamucha kinsi kikai warika mu kitumbi che bhubhake, na bhanu mbi munemisa, murikayo hotu mu bhitumbi ikumi na bhibhi bhye wami, na mukerayo esamansa se nganda ikumi na sibhi sa bha Isiraeri.
\v 29 Na kinsi mwea eusesiayo, mo rira r'ani, bhasike bhabho, bhisi bhabho, ishe na nina ari mukari, n'e bhana bhae, na kokwabho ne numba yae, bhaninkwayo e karamo ke matu ati ne matuati.
\p
\v 30 Bhingi mo bharoso bhasindayo, na bhingi mo bhasindu bhabheseyo bharoso.
\c 20
\cl Chunda 20
\p
\v 1 Bhushwa e bhubhake bwa mu mbingu wasusanyiwa bhuri na mine numba, ingu wotukanga mukoma-koma mwisonda bhakori bha murimo mwishwa re misabhibhu.
\v 2 Wakia wamasimirana ne bhakori bhe murimo bhano, mwetua bho rumea ruma mor' otu, wire bho mbu bhendi mor' ishwa re misabhibhu.
\v 3 Watukatu kwihi na ntambi ishatu wasunga bhima bhasira murimo bhamasimana mwisoko.
\v 4 Washishabho na bhanu mw'endi mwishwa remisabhibhu nabhunikayo incho ch'er'eira.
\v 5 Hiha bhenda, bhatuka kwihi mutambi mutubha na tambi mwenda mwikora bhumbobhumbo.
\v 6 Kuruma, kwihi ntambi ikumi na nima watuka, wakumana bhima bharika, washishabho, bhushwa'nki murika hano emubhisi uti nangi kora kikai?
\p
\v 7 Bhamusako! Bhushwa tutangakoreshiwa na mweya. Na bhanu mwendi mor' ishwa r' emisabhibhu.
\p
\v 8 E ntambi y'e murisisi yaki ya marumira mine rishwa r'emisabhibhu, washisha e musimaniri: nibhikiri e bhakori nitue bho e bhehe mwitangira mungo wa hende ni yakiya yameya.
\v 9 Imbo bheya bha montambi ikumi ne nima bhakiya bhamiya bhaninkwa kinsi uma kichere kima.
\v 10 Hiha, imbo bharoso bhakiya bhamiya wamina erote, mbu akosa bhamuninkwange bhingi ina nabho bhaninkwa kichere kima kima.
\v 11 Bhakia bhamakindi ihembwa bhabhucha kwinyonsa kuri mine numba.
\p
\v 12 Niyebha imbi e bhasindu bhakukora e murimo mu ntambi nima, na neki umatua bho bhabhesi bhuri bhate twakukora murimo wasuma munkati na bhiruhoruho bhingi.
\p
\v 13 Ina wasako uma mubho, webha, ntinakora bhubhi. twakusimirananga na mukichere kima,
\v 14 Tinge incho chabhe wendi. nakushima ininka ingu wahende bhuri ongo.
\p
\v 15 Mbeni nahangirirwa ikora echashima ani mubhikai bhyani? E riso r'abhe rema bhushwa 'ni narengeka?
\v 16 Bhubhobhubho e bhasindu bhatangirayo, ne bhasondori bhasindayo.
\p
\v 17 Wakiya wiya kwihi nitaya mwiyenda kuyerusaremu watinge ebharu-mbya bhae ikumi ne bhabhi washisha bo mo munse.
\v 18 Mukai twataya mwiyenda kuyerusalamu na musike wa Ongo waasibhurwa mo mine y'ebhakwakare, n'ebhandiki.
\v 19 Nambo bhaamuteresa mu mikwiri. Na bhasemuteresa mubhabhi, bhamunubhya, ni mukama, ni muhanika kwiyo ne riyanngo na mu r'otu, na mu r'otu rwa ashatu wafuka.
\p
\v 20 Ngi hiha nina webhana ba Sebedayo wiya kwihi nae na nturi hima n'ebhana bhae wamutata ni muhema kikai kima chatuka kuriwe.
\v 21 Wamushisha: oongo sonda nge nki? wasubhya kuto momba bhushwa e bhana bhani e bhabhi bharike mo bhubhake bhwabhe uma mo kwabhume ne umpe e kurembe.
\p
\v 22 Yesu wasubhya nti bhanu musi ekisondange bhanu mumukochiomo erusara indo rusomo ani? bhebha mbu bhamukocha.
\p
\v 23 Nae wasakobho mu riira mukwomo e rosara rwani, ina mumbo e bharika mukwabhume ne kurembe ibha nti bhatukana nani chaninkwa yo mubhabhikirwa cho na Tita.
\p
\v 24 Erimpe erikumi rakia ramarukira e kinwa cha bhasubhuke e misike ibhi.
\v 25 Yesu wabhikira bho niyebha: bhanu mwosi mbu e bhami bha mu chuo bhakwanyashanga bho e n'e bhakakare ikoresha bho.
\v 26 Bhubho ngi, bhurikire byo munkati ninu. Eina utiuti usondange ibhese mukwakare munkati ninu wabhesi mukori winu.
\v 27 Nangu wasonda ibhese wa roso munkati ninu wabhesi kahungu kinu.
\v 28 Ngibhubho, e mwana we mweya weya, nti mwikorerwa ina ikore ebeya, na kwesibura mw'ikurure bhingi.
\p
\v 29 Bharekiya bhatuka ku Yeriko bheya bhingi bh'emisa Yesu.
\v 30 Bhasunga bhihumihumi bhibhi bhyarika kumushi ense, bhyarindire mbu Yesu wetange, na nti bhakuange e Yesu tukwiri bhonso mwami musike wa Daudi.
\v 31 Ina e kikembe che bhea nti kihangire ngi bho kiro bhebha bhabhebhere nabho bhakuwa tu nguru, tu kwiri bhonso, mwami musike wa Daudi.
\p
\v 32 Yesu wasimana, wabhikirabho, webha bhanu musondange ni bhukori nki?
\v 33 Bhamushisha: mwami, emeso itu obhorwe.
\v 34 Yesu watingirwa na bhonso, wecha emine mumeso, na hiha bhakae n'imwemisa.
\c 21
\cl Chunda 21
\p
\v 1 Bharekiya bhasondiya ku Yerusaremu iya ku Betifage, mor'ou rw' eminseituni, Yesu watuma bhemisa bhabhi.
\v 2 Werebho mwendi munkati ne rubhungu ruri habhusondori. hiha mukumanaho mpunda ya minwa. n'e chana chae hamushi, mwobhore bhyo mund'ishi'bho.
\v 3 Kwa mabinduke mwea wabhushisha musubye Nyerekurwitu waraa kuri bho.
\p
\v 4 Hiha hiha bhibya byabhesanga kongo, e bhinwa bhyabhererera iemisanya nambo webhange mutahwa: webha bhuno.
\v 5 Ebha, n'e kikumi cha ku Sayuni sunga e mubhake wabhe weya. Murongu, nawe wariarwa na mpunda n'e nchana ch'e mpunda.
\p
\v 6 E bhemisa bhenda bhakora imbu bhwerirwanga bho.
\v 7 Bhiya n'e mpunda n'e nchana chae, bhariya e miambaro yabho hambasiro ne myiongo warika hambasiro nabo.
\v 8 Ne kikembe che bheya bhariya e miambaro yabho mu munse, na bhampe bhakera ntabhi sa miti bhariato mu munse.
\v 9 Imbi'abhesenga bhasondora, nambi abhesenga bhamwemisa Yesu bhasimba hosana! Utatwe musike wa Daudi. mukomenwa weya mo rina ra Mukota! hosana! ekwiyo mu mbingu.
\p
\v 10 Warekiya wakime ku Yerusaremu e rubhungu eruthi rwatenga, bhebha ingu ngi nye?
\p
\v 11 E kikembe kiti chasubhya. ingu mutahwa, Yesu watuka ku Nazareti ya ku Ngariraya.
\p
\v 12 Yesu wakime murirameso ra ongo wahense bhati, abhesenga bhachuyange ekumunda nerirameso. Wendure ematanda ambi bhabhunduranyange esambai ne bhutanda wambi e bhachuyange mironge.
\v 13 Werebho: charetiranyiwa erirameso rani rabhinduke numba ya mahemo. Ina mumakindi ibunduraro okunda rwa babi.
\p
\v 14 Ebhihumihumi ne bhirema bheya kuriwe, murirameso, waramy'abho.
\p
\v 15 Ina ebha shebhakungu bha Ongo, n'ebhatiri bhe mitiro bharekiya bhasunga ebhishisharo imbi bhikorange we ne bhana nti bhebhange murirameso hosana mwana wa Daudi.
\p
\v 16 Bhamushisha ntorukira mbi bye bwange? warisiya, Yesu werebho, nti murisisirisa e mitiro; e bhana e bhitamba-mbuka nambo ebhari mubhukubha umorukira eritatirisa rabho?
\p
\v 17 Wasiyabho watuka mu rubhungu wenda ku Bhetania wikinde nako.
\p
\v 18 Mukomakoma wakuruketu murubhungu worukira rwaka.
\v 19 Wasunga muti e kumushi nense, wenda kakae muo, utasungimo kikai ina wasungaho e masani. wereo: kutabhindukingiyo bhyuma kukwabe, itukire runotu ne matuati, e muti wakama.
\p
\v 20 E bhemisa bharikiya bhamasunga e muti wamakama bhisarima nguru bhebha bhushwa nki ngyamasingwa e muti wakama?
\p
\v 21 Yesu wasubhya werebho; iira ni wirengi, mumubhindukengi nisimira risira bhobha mumukora twengeko nti bhushwa ho e mutingu ina mumwire 'rou, tuka enda murumpo haro ni' itawa munyasa na chamubhesange bhubho.
\v 22 Ne bhikai bhiti bhyahema bhanu munkati ne mahemo, mumasimira, nti muninkwa byo.
\p
\v 23 Yesu wenda muri rameso, warikiya uhanange, e bhashebhakungu bh'e r'irameso n'e bhakungu bhe bhea, bhiya ku kwae mu irukira e mahano, bhamushisha bhukangwe 'nki ngi bhukorange ongo mu 'mbi bhikai, inye ngwakuninka bho?
\p
\v 24 Yesu wasubya, werebho, nabhushisha kinwa kima, na bhanu muni subhiye nani nti ngi nsebwire mu maa 'nki ngyakorange nani.
\v 25 Erubhikwa ra Yohana rasaa kuni? ratuka mu mbingu: ari ratuka mu bheya? Ina bhabhinduke na bhuhaka munkati na'bho, bhebha: twamebha mbu watuka mu mbingu watusubhiye bhushwa nki nti mukunisimira?
\v 26 Na twameba mbu watuka mubheya twusubhaha e kikembe, bhushwa e bhati bhasungange Yohana nti mutahwa.
\v 27 Bhasubhiye Yesu bhabhe; nti tosi; nae werebho: n'ani ntinabwire mubhunkangwe nki ngi bhukorange mw'ani.
\p
\v 28 Musunga bhuni? mwea uma wabhinduke nturikire na bhana bhabhi; wenda, kuri ingu emusondori, wamwire emwana ni wendi kahinga mo rishwa re misabhibhu runotu.
\p
\v 29 Wasubhya mbu natina: kuruma wihakanya niende kwishwa kakora.
\p
\v 30 Wenda kuri wemetabhi wamwire bhubho bhubho hotu bhuri mubhere wasubhya niyebha nsendako e Nyerekuritu ina ntwenda ko.
\v 31 Inye munkati ne bhana bhabhi ngwasubhyanga mo murenge wishe? bhasubya e waroso, Yesu w'irebho eira ni werengi e bhakongori ne bhasingirani bhakimi mo bhubhake bhwa Ongo bhusondori ninu.
\v 32 Bhushwa Yohana wiya kuri bhanu munse ye riira na nti mumusimira, ina ebhakongori ne bhasingirani bhamusimira na bhanu mu musunga ntimurisia emusimira. n'etunganyanya. e bhubhi bhwinu.
\p
\v 33 Murukire umpe mushinga; kwabhinduke mwea uma turi na numba weka murishwa re misabhibhu watimbyaro na miti watima heriane emirime yae, wimba emuhafu nitarishako, ruubha; Wenda mukimpe chuo.
\v 34 N'ematu emirime muriserayo. Wasonja ebhafuku bhae, bhenda kuri ebhahingi, karinge emirime.
\v 35 E bhahingi bharingae bhafuku, bhahumba uma ne umpe bhamuya ne umpe bhamurikitanya ni murusaka makoi.
\v 36 Watinge bhampe bhafuku bhingi irenga e bhasondori, bakore tubho kichakicha.
\v 37 Mwikindanya wariyatuko e mwanae ni ebha; bhasemuninka usubhaho.
\p
\v 38 Ina e bhahingi bharekia bhasunge mwana bhashishanya ingu mukomenwa mwiye tumuye tubhanye ne mwandu wae.
\v 39 Bhamutinge, bhamutaa ekumushi nerishwa, ni muya.
\v 40 Ina shemine rishwa wakiyayo wiya wakoreyo bhahingi kiri bhuni?
\p
\v 41 Bhamusubhiye washiriayo e bheya bhati e bhema niriya bhampe bhahingi mu rishwa re misabihu, e bharishayo e mirime mu matu ayo.
\p
\v 42 Yesu werebho: bhanu nti murisisirisa emitiro, erikoi eratinwanga ne bhimbi nge ramabhinduke e muntwe we muhafu.
\p
\v 43 Bhushwa ne kinwa kino ni werengi bhanu e wami bwa Ongo watunjiwa kuri bhanu, na rumpe uwanda ngi rwanikwa bho, indu rwabhute ebyuma bye wami.
\v 44 Ingu wasuruke hambariro ir'ikoi wanechaa-nechaa, nangu Wasurukirwa na 'ro, ramubhunguraayo.
\p
\v 45 Mu ntambi bhashebhakungu bherirameso ra Ongo, Ne bhafarisayo bharekiya mbu bhorukire e mishumo yae bhasibhirira mbu webhange bhushwa nabho.
\v 46 Bhasondekanya imutinge ina bhasubhaha ekikembe, bhushwa chasunganga nti mutahwa.
\c 22
\cl Chunda 22
\p
\v 1 Yesu wenderana n'eriebha nabho mu mishumo w'ebha.
\v 2 E bhuhime bwa mo mbingu bhususene na muhime uma wakierenga musikewe bhuheruki.
\v 3 Washisha esentumwa se ibhikira e bhabhikirwanga mo bhuheruki, ina bhati.
\v 4 Warebhekatu simpe ntumwa niebha: shisha'ebabhikirwa: sunga namakindi usha ebiyo. nkambu sani na impe mirire inji ya none byamakind'ihwa. Bhiye mo bhuheruki.
\v 5 Ina ntibhiraire morebhikirwa ndo bhenda rabho ungu morishwa re nao mubhyae.
\v 6 Na bhampe bhatinge e sentumwa ni nubyato n'ishurabho.
\v 7 Emuhime wasubhuka, n'irebheka ebhikembe byae ishura'ebhayeri mbo n'ishika erobhungu rwabho.
\v 8 Kuruma nampo w'ebha nesantumwa sae. twabhungure e bhuheruki ina e bhabhikirwayo nti bhasusa e bhuheruki.
\v 9 Kai mwendi mo makako na mubhikire utingu washee bhanu.
\v 10 E nsantumwanso senda mo myengere bhakunsakunsa e bhati mbi bhakumanwanga e bhabhi n'ebhongo n'enumba yarisa na bheni.
\v 11 E muhime wakime kakae e bhendendi bhari monkumanano wasunga mo mwey'u ma ntiwambara echangi y'ebhuheruki.
\v 12 Wamushisha: emirani, bhuni bwakukimeongo muno na nti umbara nchangi y'ebhuheruki? Ingo mwea ntwamusubhie.
\v 13 Kuruma nampo emubhake washisha esantumwa, mumumine emindi n' emabhoko, mumutae mu mwerimya ekubhutara inko kwa rirewe n'eshiish'emeno.
\v 14 Bhusha ebhabhikirwa bhingi ina imbi ebharondorwa bhakeke.
\p
\v 15 Kuruma nampo ebhafarisayo bharika hima mwisonda bhuni bhwekenyabho Yesu mobinwa bhyae.
\v 16 Bharebheka esantumwa sabo hima n'ebhaherodi, bhamushisha: e Nyerekuritu, tusi ongo mwea we ira, n'ongo hanange ense ya Ongo mo reira, ntiwianyie mwea n'utusunganga ensusanya ye mwea.
\v 17 Tweri, ebhwasunga ongo, emyomba yatwire ituwa emuturo kuri kaisari?
\p
\v 18 Yesu wasunga e bhukongobhanya bwabho wasubhiebho bhushwanki bhanu musondi inereka na mutima wabhukorotima?
\v 19 Mushee e bhehe bhituengimobhanu e muturo bhamurishie kikoroto kima.
\v 20 Washishabho, yanye ensusanya n'emutiro ngu?
\p
\v 21 Bhamusubhie mbu ya Kaisari, Kuruma nampo werebho: muninke kaisari imbi bya mususa na ongo imbi byamususa.
\v 22 Bhashishara na kw'eire.
\p
\v 23 Erotu ruroruro, ebhasandukayo, imbi ebhebhange mbu kutabhesiyo efuka rambi bhakwire bheya kwihi na Yesu n'imushisha:
\v 24 Muhani, Musa warebha mbu kubha e mweya wakwa na ntiwasiya mwana, musike abho nt'wabhinga e mushumbakari nibhute e wakwire mwana.
\v 25 Munkati nitu kwabhesenga bhabhume bharinda ewaroso wabhinga, wakwa na nti neki wabhuta, wasiere moto e momina.
\v 26 Bwabhesa bhuma ne wemeta abhi, wemetashatu iya namo webharinda.
\v 27 Kuruma nebhati, e momina nae wakwa.
\v 28 Erotu rwerifuka, inye mumbi bharinda wabhesayo mine emomina bhushe bhati bharikanga nae.
\p
\v 29 Yesu wasubhiebho: bhanu murikire mw'irengwarengwa bhusha nti muterera emitiro nti emaa aongo.
\v 30 Bhushe morefuka e bhabhume bhatatingi yo bhomina ne bhomina bhatatingiyo bhabhume, bhabhesayo bhuri ngashani sa Ongo mumbingu.
\v 31 Bhushe nerifuka rambi e bhakwire, nti murisoma e byebhanga Ongo:
\v 32 Ani Ongo wa Ibhurahamu, Ongo wa Isaka na Ongo wa Yakobho? Ongo nti webakwire ina we bhari ho.
\p
\v 33 E kikembe nchi cherukiranga chashamikwa ne mahano a Yesu.
\p
\v 34 E bhafarisayo imbi e bherukiranga mbu wamasubhie e bhasadukayo bhetumatuma.
\v 35 N'uma mubho muhani mukiri we myomba, wa shisha mwimuereka.
\v 36 Muhani, uni nge momba mukiri mo iti?
\p
\v 37 Yesu wamusubie: shima tita Ongo wabhe mo mutima wabhe uti na mo mihaki yabhe iti.
\v 38 Ngi waroso na momba mukiri.
\v 39 Na sunga wemet'abhi, ingu wasusana nao: shima munakinu bhuri ongwesine.
\v 40 Mo myomba ibhi nji yatukana n'e myomba n'e bhatahwa.
\p
\v 41 E bhafarisayo bhwabhesanga bhuri bho hima Yesu washishabho:
\v 42 W'ebha: muhaka bhuni na Kirisitu iwe musike wanye? bhamusubhie: wa Daudi.
\p
\v 43 Na Yesu werebho: bhuni Daudi uri mo Mutima wamubhikira Mukota, mor' iebha we:
\v 44 Mukota war'ebha twabhe kuri Mukotani: rika mukwabhume kwani ntaronja e bharenda bh'abhe tunantiro
\v 45 Kubha himpo Daudi wamubhikira Mukota, bhuni bhuriwe musikewe?
\v 46 Kusira ngu wamusubhienga kinwa na itukire erotundo, kusirangu wamushishanga kinwa.
\c 23
\cl Chunda 23
\p
\v 1 Yesu webha n'ebhea hima n' esantumwa sae.
\v 2 E bhandiki n'e bhafarisato bharikire mo fasi ya Musa:
\v 3 E bhiti mbi bhyabwere bho, musimiranga n'ibhereresha byo, eina mwereri ikora mbu e bhukorange bho, bhusha mbu bhebhange ho na nti nti bhatingirira anga na kinwa kima.
\v 4 Nanki, bhasi ho irongere bhampe miriyo yaritohyaa n'iriyeshayobho, mo bhituri eina bhasine bhatamereka eturana muyo mo mirimba yabho bhesine.
\v 5 E bhikorange bho bhiti nt'isonda ho mbu bhasungwe n'itatwa, n'ikeiwa n'ebheya mosanteko, n'ishea emiringa n'emyambare yabho.
\v 6 Nti bhari e kubhusondori n'enteko,
\v 7 Bhashima ikeiwa mo santeko, n'e bhikirwa bhaongomana.
\v 8 Eina bhanu, nabhutonde, angi'ibha nango mucho, w'ibhikirwa muhani, bhushwa mbu bhanu muri na muhani uma na bhanu bhati bhato'bhae.
\v 9 Hano hansi nti hari anga n'uma wamasha bhanu munchi kirira cho'so winu irenga'ngu euri ekwiyo.
\v 10 Musondanga ibhikirwa mbu na bhanu bhasimaniri, bhushwa mbu turi n'uma ho munchi kirira ngi Kirisito.
\v 11 E mukakare mu bhanu ng'usebha e mukori winu.
\v 12 Ingu wasonda kw'itarisha e kwiyo wasehichiwayo e kwansi, n'angu wehichi ng'watarishiwayo e kwiyo.
\p
\v 13 Bhonso kuri bhanu mbi e bhandiki n'ebhafarisayo b'empunse, bhushwa mukisa mbw'ebheya bhatakimingi mo bhubhake bhw'ekwiyo, bhushwa mbu na bhanu mumafundwa ikime mubho, mufundw'isiyere'mbi ebhasondange ikime.
\v 14 Bhonso kuri bhanu mbi b'andiki n'ebhafarisayo bhashempuse bhushwa n'erire mo manumba e bhashumbakari n'ishea mahemo mare-mare, musibhanga mbu muhumbwayo tushushu twasuma nguru.
\p
\v 15 Bhonso kuri bhanu mbi ebhandiki n'e bhafarisayo bh'empuse! bhushwa bhanu mutimbange esandusi n'itamba mo chuo inku na nku mw'isonda ihusa e bheya n'ibhindura bho mungi manko inu, nangu usebhinduka nti mumuronjo mweya w'ekwerunga mbiso sibhi ibhurenga.
\p
\v 16 Bhonso kuri bhanu mbi bhasondori, bhihumihumi e bhebhange mbu: e mweya wamahere h'irameso, nti ntwabhisha, eina ngu wahere mundo rina re noro ya mw'irameso, ingo nti wamikundika mw'ikoti.
\v 17 Bhanu mbi bhirunge bhihumihumi: kini ngi kikiri munkati e noro n'erirameso ndi eramashuurura njo noro?
\v 18 E mweya wamasere mor'irango ngwebhange bhanu, nti tiwabhisha, eina ngu usesere mor'irango n'er'ohembo ruri hambasiro erirango, ingo ntwamikundika emuri h'ikoti wesine.
\v 19 Bhihumihumi: kini ngi kikiri munkati e muturo n'erirango ndi r'ishuururang'er'ohembo.
\v 20 Ngi bhumbo emweya wamasere mor'irango, ntwamasere na mumbyo e bhiti bhiri hambasiro.
\v 21 Ingu wasere mor' irameso, ntwamasere na mu 'ngu uri kumunda.
\v 22 Nangu wasere embingu, nt'userengi mo rina rekitumbi che bhubhake bwa Ongo, hima nang'warika mucho.
\p
\v 23 Bhonso kuri bhanu bhandiki n'ebhafarisayo b'empuse! bhushwa mbu bhanu mutuanyange enima y'er'ekumi y'emunsere, y'ensoo na y' emusobyo ebyaraisha ebyamukorwange: by'emyomba, er'eira, e bhonso, n'e bhutunganane (n'isonya byo n'ebhimpe) nti timusiya mbi bhimpe.
\v 24 Bhanu bhasondori bhihunihumi!, musonda etura eminsari eina mumina kintenga muna mpunda.
\p
\v 25 Bhonso kuri bhanu bhandiki n'ebhafarisayo bh'empuse! bhushwa mbu mumashuurura hambasiro erosara n'etengi, eina kumunda kurisere bhunyai na karawa.
\v 26 Ongo ngu mufarisayo kihumihumi tangira ishuurura kasa kumunda n'erusara n'entinge, kongo e kubhutara kwasungwa nti kwakonda.
\p
\v 27 Bhonso kuri bhanu e bhandiki n'e bhafarisayo bh'empuse! bhushwa bhanu mususene na masinda asanange mw'ishea e bhongo bhwao, eina kai kumunda nti mubherirwe makuwa 'mbi e bhakwire n'e byemema.
\v 28 Ngi bhumbo ebhusungwange bhanu mo makako e bheya, kai kumunda n'inu nti kurisere mpuse na mikonsi mingi.
\p
\v 29 Bhonso kuri bhanu mbi bhandiki n'ebhafarisayo b'empuse! bhushwa mbu bhanu mwimbange emasinda esansori n'itondango masinda e bhatahwa.
\v 30 N'iebha: twamubhesange munchi kiranga cha bhatita, tutamusonanange n'abho mw'ikubhura'nji nchama y'ebatahwa.
\v 31 Musera mbu bhanu bhesine mbu bhanu bhana bhambi e bhayanga mbo bhatahwa.
\v 32 Murumisha njo ngerero ya bhaso.
\v 33 Bhanu nsoka, bhanu bhana bha nsoka, bhuni ngw'aramayo bhanu erubhansa rw'ekwerunga?
\v 34 Nacha ngi chasingwa n'abhutumire bhatahwa, na bheya bhe bhwenge, na bhandiki, nisi mbu mukuya bhima mubho n'ihanika bho, na bhampe b'abho mukunubhya bho obhungu mw' obhungu.
\v 35 Mw'erieshiwa emiriyo ya'nji nchama yakubhuranga bho mukino chuo, anga bhubhi bhuti, ibhuchie etukire Abeli, murongu, nanji nchama ya sakaria, musike wa Barakia, ingu wayanga bhanu munkati er'irameso na h'irango.
\v 36 N'ibhwerengi cho mor'eira, e bhinwa mbi bhyaakurukeyo r'uno obhuto.
\p
\v 37 Yerusaremu, Yerusaremu, ongo ngu uyange 'bhatahwa n'irekeraa makoi mumbi e bhatumwange kuri ongo kakutonde! na miya kuri ongo mbiso singa mw'isonda e kumany' e bhana bh'abhe hima, imbu bhukiyanga muna nkoko wasonya e bhyana bhyae, n'ibhisabhyo mo bhyubhi bhyae, eina bhanu nti mwana bhumbo.
\v 38 Musunganga mbu bhwakiy' enumba y'inu y'asiya munu.
\v 39 Bhushwa nibhwirengi cho, mutusungi tu, iya m'orot'undo rw'ebhayo bhanu mbu: ikasanirwa kuri ngu w'eya mo rina ra Nyerekuritu.
\c 24
\cl Chunda 24
\p
\v 1 Yesu warekiya watuka mw'irameso weirengi; esantumwa sae samubhungura n'imushea ebhwimbe bhwando irameso.
\v 2 Eina w'asubhiy'ebho n'iwerengi: ntimusunga mbi bhiti? ni bhwerengi m'oreira: hatasiiyo anga n'ikoi habhasirwa na rimpe, ntyakakurwa.
\p
\v 3 Warekiya wamatariye habhasirwa erou rw'e Mizeituni, esantumwa sae sa mubhungura n'imwere: tushishe, e bhinwa e bhiti mbi byasebhererayo mu kini kiranga? nanki nge kengeko k'eriya rabhe? n'engendero y'echuo?
\p
\v 4 Yesu wasubya n'ierebho: mukohyanga, ang'ihuswa na mwea:
\v 5 Bhushwa mbu bhingi bhaseya m'orina rani n'iebha mbu: ani ngi Kirisito; bhasehusayo bheya bhingi
\v 6 Mw'orukirayo myasi ya bhita na bhihuhumo bhya bhita; mukohyanga, kiro musubhaha, Bhushwa mbu imbi bhinwa bya bhereri; eina ntinti nesi ng'engendero y'e chuo.
\v 7 Bhushwa mbu chuo chakwani na kimpe chuo, na bhubhake bwakwani na bhumpe bhubhake; kw'abhi rwaka na turingiri m'ochuo ekiti.
\v 8 Eina e binw'ambi bhiti bhisebhayo nti ng'entangiro y'ebhwae imbu bhusiyayo mo chuo.
\p
\v 9 Musongererwayo n'isingwa bhinwa bhya bhushukishuki, n'inubhiwa, n'ikonorwa, n'ishurwa n'ibawa n'echuo kiti bhushwa ho n'erina rani.
\v 10 N'acha chasingwayo bhingi bhasitara, n'isongerane, n'ibhaana.
\v 11 Bhatahwa bhingi bha manko bhaasimanayo mw'ihusa bheya bhingi.
\v 12 E bhubhi bhuserirayo, n'enchimi mo bheya isebhundukeyo nkeke.
\v 13 Eina ingu wahimi n'iya hende e bhiti mbi ngw'arami.
\v 14 N'e mwasi ngu wakonda w'e bhubhake waturwayo e kuti, ibhesa nti nge kariho mo chuo ekiti; nampo kw'engendero nti y'eya.
\p
\v 15 Na mukiyayo musunga e bhubhi mbu bhw'ebhwanga na Daniel e mutahwa, bwa kambe mw'irameso, nti mukohya.
\v 16 Nambi e bhakumanwayo ku Yudea bhabhekeyo m'osangu;
\v 17 Nangu wakumanwi h'amambio n'enumba utasikiyo tu kasonda e bhikayi bhiri m'omwe;
\v 18 N'angu usebhayo nt'uri ekw'ishwa utakurukiyo tu kasonda enchangi yae.
\v 19 Bhonso k'uri mbi e bhakure, n'ambi ebhakumanwayo n'e bhitamba mbuka ind'otu.
\v 20 Musimikanga mo mahamo kongo eribheka r'inu r'itabhingi mu matu ekeme, ari m'otu rw'einga;
\v 21 Bhushwa mbu e minubho y'abayo mingi imbu e bhutangasungwangayo itukure chuo charonjiwa iya na r'un'otu, na itanga bhesi tu bhumbo n'otu ruma.
\v 22 Amukiya nt'iakerwa mo ingo matu, kongo kutamubha anga n'uma ngu woshukari, eina ematungo abha yo mihi mw'iramya mbi e bharondorwa.
\p
\v 23 Mukiyayo mumashishiwa mbu: mukayi kirisito ngi uno ari nge uwo; kiro musimira.
\v 24 Bhushwa mbu bhingi b'ekubhiyeyo indo rina ra kirisito mw'isonda ihusa e bheya; na bhampe b'ebhindura bhatahwa bha mpuse, n'ironja tushingishiro na bhishisharo by'ihusaho e bheya, ramukochekange na bharondorwa.
\v 25 Mukohyanga, n'amakinda ibhutonde.
\v 26 Na mumashishiwa mbu nge uo uri mo bweru ang'isaa ari uri kumunda e numba, ang'isimira.
\v 27 Bhushwa mbw'imbu ebwetang'ekimpenya, chasaire kunand'echuo n'ieta kumbo nacho, ngi bhumbo ebweyi e mwana w'emweya.
\v 28 Bhushwa mbw'impi hari e ntundwe ngi hasetumanayo esankori.
\p
\v 29 Eina e minubho iti nji yakiyayo yasira, emwishi warimayo n'emweri utasheiyo na chaka n'esankekeni saahukayo ituka ekw'iyo, n'emaa ekwiyo aserubhuranayo.
\v 30 N'ekengeko k'emwana w'emweya kasungwayo e kwiyo n'ebheya bhaariranyaayo m'obyuo e bhiti, n'isunga mbu e bw'iyange mwana w'emweya mo chanya na maa, hima na bhusime bwingi.
\v 31 Nae watumayo esa ngashani sae n'ibhuha mo'tuhanda n'ikumanyanya e bharondorwa bhae ituka nku ekuti kuri bho mo mbingu.
\p
\v 32 Ngi bhumbo, mw'ihana nga m'ungo mushumo w'angu muti: ukiyanga e ntabhi y'amarasura, n'emasani amatitibhuka, musibhanga mbu emange nti iye arikire kwihi.
\v 33 Na bhanu ngi bhumbo, mukiyayo musunga mbi bhinwa, musibhanga mbu iyeurih'orubhu.
\v 34 N'ibhwere ngi mor'eira, kino kiranga kiteeti nambi bhinwa nti bhyamasungwa.
\v 35 E mbingu n'echuo bhisetayo; eina e bhinwa bhyani bhiteetiyo.
\p
\v 36 Munkati n'inu kusirang'usi er'otu n'ekashangi, nti ari esangashani sirikire ekwiyo, ari e Mwana ntusi nd'otu, eina Tita w'esine.
\v 37 Imbu ewabhesanga echuo mo matua Noa, ngi bhwabhesayo cho wakiyayo wasonda ikuruka emwana w'emweya.
\v 38 Bhushwa mbu mungo matu, kubhusondori n'embura e bheya bhashim' erisa n' iyomo, bhabhinga n'ibhingwa, iya n'erotu ndo rw'akiyanga Noa wakime mo bhwato.
\v 39 Nti nti kuri anga n'uma usi mbu ebw'iyanga njo mbura n'emina ebhati; ngi bhumbo bhwabhesayo byo m'orisond'iya e mwana w'emweya.
\v 40 Mungo matu, bheya bhabhi bhakumanwi n'ambi bhinwa nti bhari ekwishwa, uma ngw'eireyo n'ompe wasiyayo.
\v 41 Bhomina bhabhi bhabhesayo nti bhaoorange nchano uma ngw'eireyo n'ompe waasiyayo.
\v 42 Mukohyanga, bhushwa mutunga sibha erot'undo rw'eyayo Nyerekurinu.
\v 43 Muteererenga kino kinwa, mine e numba wamusibhange e ntambi y'amiya emwibhi wamurikange nti wakohwa mwiranga njo numba itabhihingi.
\v 44 Na ngi bhumbo, murikanga nti mukohya, bhushwa mbu mu ntambi nji nt'isi bhanu ng'iiyao mo mwana w'e mweya.
\p
\v 45 Eo kwe, ininji ntumwa y'akonda n'isengeha wasiyererwanga e numba na Nyerekurwabho mw'irangayo n'itekembi bhana bhamo bhiyo mu ntambi y'eririsa?
\v 46 Watatwe'ngu mukori ewakumanwa na Nyerekurwabho, nti ukorange e murimo waresiererwae.
\v 47 N'ibwerengi cho mor'eira, ingo mweya waninkwa uhembo n'imuronja wabhe w'e bhusoki bhwae bhuti.
\v 48 Eina entumwa nji y'ema ibhesanga nti y'ebhange mo mutima wae mbu: Nyerekurwitu n; esi uteyi, wamasiya nguru;
\v 49 N'ibhucha ihumbaka ehbhakori bhae, n'ira n'iomo hima n' ebhatamiri;
\v 50 Nyerekurwabho w'iyayo er'otu n'entambi 'nji nt'iisiwe.
\v 51 Wamushushurayo, n'imutereka hima n'ebhakongobhanya: nahangi hasebhuchie yo bho iriranyaa n'ikukuta emeno.
\c 25
\cl Chunda 25
\p
\v 1 E bhubhake bwa mo mbingu bhusesusanyiwayo na bhikumi ikumi imbi bhatingenga e matara abho abho mwienda kakoke moky'abho.
\v 2 Bhasanu mubho abhesenga bhirunge na bhasanu bhabhesenga bhenge.
\v 3 E bhirunge muritinge rabho ebyaka bhyabho abhesanga nti bharisa pitoro hima nabho.
\v 4 Ina ebhenge bharinga bhabhika pitoro mo machupa na mo matara abho.
\v 5 Imbu bhwasianga moke abho ebhati ba hunira nienda tora.
\p
\v 6 Bwakiya munkati ne bhutu, bhakua mukai mokewitu wiya twendi kamukoke.
\v 7 Himpo e bhikumi bhiti bhyasumuka n'etunganyanya ebyaka byabho.
\p
\v 8 E bhirunge bhashisha e bhenge: mutusaki na mopitoro inu bhushwa e byaka bhitu bhirimange.
\v 9 E bhenge bhasubhie; anga, kutashekani eitu ninu mwendi tete kuri mbi bhachuyanga na mwechuri.
\v 10 Entambi yenda bho kachura, moke abho wiya. imbi bhabhesanga bhameya bhakime na moky'abho monumba ye 'bhuheruki nerubhi rwarindikwa.
\p
\v 11 Kuruma nakashangi, e bhimpe bhikumi bhiya n'ieba: Mukota turunduri.
\v 12 Ina wasubhie: nibhwirengi mureira nti ni bhusi.
\p
\v 13 Mukohyanga bhusha nti bhanu musi erotu n'esantambi.
\p
\v 14 Bhyabhesayo tu bhuri a bhume uma wendanga uendo, wabhikira e sentumwa se ni ninkabho bhikai byae,
\v 15 Waninka waroso bhyunda bhisano bhya bhehe, bhibhi eumpe na kima mo wemet'ashatu, mu kinsi mwea itukana ne kara kae na wenda rae.
\v 16 Kuruma nampo, ewaninkwang'ebyunda bhisanu weire kechanyabyo na washee bhimpe bhisanu bhya habhasirwa.
\v 17 Bhubhobhubho kuringu waninkwanga e bhyunda bhibhi washee mubhyo bhimpe bhibhi.
\v 18 E waninkwang'ekima wenda katime cho n'ibhisi e bhehe bhya Nyerekurwabho.
\p
\v 19 Kuruma na matu mingi, Nyerekurwabho e sentumwa wakuruka wakierebho mwanso w'ebhehe bhyae.
\v 20 Ewaninkwanga e bhyunda bhisanu bye bhehe weya warisha bhimpe bhyunda bhisanu bhya taranta na w'ebha: E Mukota umpanga bhyunda bhisanu bhya taranta; sunga narishee mubhyo bhimpe bhisanu.
\p
\v 21 Nyerekurwabho wa mushisha: rahunda ongo ntumwa yahunda na weira ukubhesa n'eira mu bhikai bhikeke na kuninka bhingi; kime mo sangoa sa Nyerekurinu.
\p
\v 22 Ewaninkwanga e taranta sibhi, weya nae, webha: e Mukota, unininkanga taranta sibhi, sunga narinonka muto simpe sibhi.
\p
\v 23 E mubhake wamushisha: rahunda ongo ntumwa ya hunda na weira ukubhesa n'eira mubhikai bhikeke, na kuninkayo bhingi, kime mo sangoa sa Nyerekurinu.
\p
\v 24 Ingu waninkwang'e taranta nima, weya na webha: e Mukota, nasibhanga mbu ongo mweya wasuma nguru ingu kaurenga mpi etihakwekewe n'itumya entibhyakusansa we.
\v 25 Nasubhaha na nendayo kabhisa e bhehe bhyabhe kumunda neroto, sunga, tinge e bhikai bhyabhe.
\p
\v 26 Nyerekurwabho wamusubhie: ntumwa yasua na wamicho, usibhanga mbu nikaurenga mpi e nti hakwekang' ani n'ikunsakunsa himpi nti hakusansabhanye ani.
\v 27 Umuriang' e bhehe byani ekubhanki na mor'ikuruka ra'ni namutingengi e bhehe bhyani na mwengerero.
\v 28 Mumunyake etaranta na muninkeyo ng'uri ne taranta e kumi.
\v 29 Bhusha bhaninkayo ing'ukwengi na wabhesayo mu muanoano, ina ingu'eusira, bhanyakayo nachi ekikwengiwe.
\v 30 N'entumwa nji y'ebhusabhusa, mumutae mo mwerimya we kubhutara, inku ekwashee we kiro na ishiisha emeno.
\p
\v 31 Emwan' emweya wakiayo mo bwime ne sangashani bhati warikayo mukitumbi chae.
\v 32 Ebyuo bhiti byabhesayo hima mo makako ae w'asianyayo bhimbi mu bhampe bhuri musumba usianyange mburi ne sampene.
\v 33 Na waariayo esamburi mo kwabhume kwae n'e sampene mo kurembe kwae.
\p
\v 34 Nampo e mubhake webhayo kurimbi bhabhesayo mo kwabhume kwae: mwiye bhanu mbi mukasanirwanga na Tita: mukimi mo bhubhake bwatunganyiirwanga bhanu itukire echuo charonjiwa.
\v 35 Bhushe nabhesanga na rwaka mumbese bhiyo, nabhesanga na mbusha munomosha bhiomo, nabhesayo mwendendi munikoke.
\v 36 Nabhesanga munkaanga munambicha, nasambanga muntangura, naminwa wiya kansunga, na minwayo na wiyayo kanikae.
\p
\v 37 Ebhari moreira bhamusubieyo: e Mukota kinikiranga ngi twakusunganga ongo 'ri na rwaka na twakuninka biyo ari ibhesa na mbusha na twakuninka mecha?
\v 38 kini kiranga twakusunganga ongo mwendendi na twakukoke, ao ubhesanga munkanga na twakwambicha?
\v 39 Kini kiranga twakusunganga mukoni ari mo ngori na twenda kakutangura?
\p
\v 40 N'e mubhake w'asubhieyo bho: nibwerengi mureira; muntambi itiiti nji yakierenga bhanu uma mumbi bhakekebhakeke mu bhatobhani, ntikuri ani ngi kwakierenga bhanu byo.
\p
\v 41 Wasenderanayo niebha nambi bhabhesayo mokurembe kwae, mwikoke nani bhanu mbi muherawa; mwendi mokasha ke matuati ne matuati katunganyiwanga bhushe na mushumbu na bhushe ne sentumwase.
\v 42 Bhushe nabhesanga na rwaka muti na e nininka bhiyo nabhesa na mbusha na nti munomosha.
\v 43 Nabhesenga mwendendi na nti munikoke, nabhesanga munkanga na nti munambicha, nabhesa mukoni n'ienda mu ngori na nti mweya kantangura.
\p
\v 44 Bhasesubyayo nabho: mukota, kini kiranga twa kusunganga ongo 'rina na rwaka ari ne mbusha ari mwendendi ari munkanga ari mukoni ari mo ngori nti twakutangura?
\p
\v 45 Na wasubhieyo bho: nibhushishange moreira, ntambi iti iti nji ntyakorenga bhanu byo kuri uma mo bhakeke-bhakeke bhani, nty' ani ngi ntwakorenga bhanu byo.
\p
\v 46 Na mbi bhasendayo muminubo ye matuati ne matuati, ina bheriira mosangoa s'ematu ati n'ematu ati.
\c 26
\cl Chunda 26
\p
\v 1 Yesu warekiya wamakind' yanure ebinwa bhitimbi, webha n' ebhemisa bhae:
\v 2 Bhanu musi mbu e Pasaka isebhesa kuruma na matu abhi, n' e Mwan' emwea usesibhurwa mw' erierwa mor' iyango.
\p
\v 3 Nampo ebhakungu n' e bhakungu bhebhea bhakumanana mo rushu rw' emukungu mukiri wabhikirwa mbu Kayafa;
\v 4 Na bhasimirana mo 'nse y' eretinge Yesu mu mpuse, n' emushura.
\v 5 Eina bheba: kiro rw' abhes' erotu rukiri, kongo kutabhesingi changa mo bhea.
\p
\v 6 Imbw' abhesanga bhuri Yesu ku Betania, mo numba ya Simoni e mubhembi,
\v 7 Momina uma weya kwihi nae, nt' ukwengi echupa ra mafuta, ririsere rungo rwa bhusi bhukiri; na, warekia iy' orisange, wariter' erungo hambasiro n' emunt' wae.
\v 8 E bhemisa bhae mor' esunga ncho, bhayongwa, na bhebha: Rarengekana bhuni er' eriminya ndi?
\v 9 Bhamuchuyang' erungo rw' ebhusy' asuma ndu, n' enink' e bhasene e bhehe mbyo;
\p
\v 10 Yesu wabhesa nt' wamasunga bho, w' erebho: Inki chasingwa mw' ek' emomina ngu? Wamakora chakonda kury' ani;
\v 11 Bhushwa, e matu ati bhanu muri n' e bhasene, eina nti bhanu murikire n' ani ematu ati.
\v 12 Mor' inditer' erungo runo mo muby' ani wamaronjaro mor' esinda r' ani.
\v 13 Nabhw' ire cho mor' eira, ekuti kwaturw' emwasi wakonda mo chuo kiti, bhanuri hotu esubhukiya uno momina e chamakora we.
\p
\v 14 Nampo, uma mor' ekumi n' ebhabhi 'mbu ngi Yuda Iskariote, wenda kuri e bha she bhakungu;
\v 15 Na w'ebha: Inki 'kihunang' imbese bhanu, namabhusibhure we? Na bhamutua byunda makumi ashatu bya bhehe.
\v 16 Etukir' entambi njo, wabuch' isondekanya ntambi yarengekana mor' isibhura Yesu.
\p
\v 17 Er' otu rwaroso rw' etumbonsa tusira ntero, e bhemisa bhashisha Yesu: ongo 'hunange kuni ngi kukuronjii bate e kibhimbi ch' e Pasaka?
\p
\v 18 Wasubhya: Mw' endi mor' obhungu kwa mwey' uma na mumushishanga: Mukota webha: E ntamby' ani y' eya, n' seronjie mo mwabe ekibimbi ch' e pasaka hima n' ebhemisa bhani.
\v 19 E bhemisa bharonja bhuri mbu bwakianga Yesu w' erebho, bhatunganyany' e kibhimbi ch' e Pasaka.
\p
\v 20 Er' iyorioro rakiya r'eya, wabhesa nt' urisange hima n' erekumi n' ebhabhi.
\v 21 Bharekiya bharisange, webha: Nabw' ire cho mor' eira, uma mubhanu wasenisibhura.
\p
\v 22 Bhabhesa na bhonso nguru, na kinsi uma wabhuch' emushisha: Mbeti ani Enyerekuritu?
\p
\v 23 Wasubya: Ing' wakuhich' emine hima n' ani mo ntengi iwe ng' wasenisibhura.
\v 24 E mwan'e mwea w'eire, e tukana n' ebwatiranyiwa cho ekuri we. Eina bhonso kuri e mweya ngu wasingw'e mwan'e mwea wasiburwa. Ramurenge kanange mu 'ngo mwea utamubhutwange.
\v 25 Yuda, ing' wasemusibhura, wating'e kinwa w' ebha: Mbeni nty' ani e Mukotya? Yesu wamusako: Umebha cho.
\p
\v 26 Bharekiya bharisange, Yesu wating' ekambonsa; na kuruma n' erikasanyie, wanoa ko, n' eninka ebhemisa webha: Mwangirire, murise, euno ng' emuby' ani.
\v 27 Kuruma wating' erosara; na warekiya wamakasanyie, waninka bhoro, webha: Mw' omu ro bhanu bhati;
\v 28 Bhushwa eino nchama 'ni, enchama y' endani, ngy' aritabha bhushwa na bhingi, mor' itunj' ebhibhi.
\v 29 Nab' wire cho, nt' omuyo tu etuka rinotu bhino byuma by' emusabhibhu, iya mor' otu ndo rusomoyo ani rishasha hima n' inu mo bhubhake bwa Tita.
\p
\v 30 Bharekia bhamakind' esimba esandumbo, bh'enda mor' ou rw'e mizeituni
\p
\v 31 Nampo Yesu w'erebho: ns' ebhesa kuri bhanu bhati muno mutu nsomombo y' ehuka; bhushwa charetiranyiwa: ns' ehumb' emurabgy' e samburi, n'e samburi mor' eimba sisensansabhana.
\v 32 Eina nisekiya namakind' efuka, ns' ebhusondore ku Gariraya.
\p
\v 33 Petero wating' ekinwa, wamw'ire: Entambi 'sebhesa ongo nsomombo y' ehuka, utubhesiyo kuri ani.
\p
\v 34 Yesu wamw'ire: Nakw'ire chomor' eira, muno mutu nakubha, bhusondory' enshongore ibhikire ukunituna ngendw' ishatu.
\p
\v 35 Petero wamusako: Nakiro ikwa hima nabhe, n' takutuni. N' e bhemisa bhati bhebha mbo.
\p
\v 36 Habhasirwa mpo Yesu wenda nabho mu bhuari bwabhikirwa mbu Gesthsemane, na washish' e bhemisa: murike hano mo ntambi n' eshika n' inu mw' ihema.
\v 37 Watinge hima nae Petero n'ebhana babi ba Sebhedayo, na wabhuch' ishea bhonso n' isheshemukwa.
\v 38 Washisha kwe bho: E mutima 'ni uri bhonso iya moero rw' ikwa; musie hano na mukereshe hima n' ani.
\v 39 Warekiya wamaronja nkaramika sikeke kubhusondori, wasund' embaso ekwansi, n'ihema bhuno: Tita 'ni, kuti rakocheka, erosara runo rw' ete kore n' ani! Eina nty' ebhuhunangy' ani, ina ebwahuna ongo.
\v 40 Na weya kuri esantumwa, wakumana bho nti barere, w'ere Petero: nti mukukoch' ikeresha ntambi nima hima n' ani!
\v 41 Mukereshe na muheme, kongo mutwendukingi mu mwereko; e mutima warengekana, eina e mubhi uri na bhutetera.
\p
\v 42 W'etunda r'engendo sibhi, na wahema bhuno: E tita 'ni, kuti rakocheka, erosara runo rw'ete kore nt'omungiro, erisasa r'abhe r'ibhesi!
\p
\v 43 Wakuruka, wakumana tu bho nti bharere; bhushwa e meso abho nty' amaritoha.
\v 44 Wasia bho, na w' etunda, wahema r'esangendo ishatu, nt'ukurukengi bhibhya bhibhya bhinwa.
\v 45 Kuruma w'enda kuri e bhemisa bhae, n'iyere bho: Mw' endi ke toro, na muruhuke! Sung' entambi yabha kwihi, n; e mwan' enwea wamasiburwa mo mine y'ebhabhi.
\v 46 Musimane, twendi, sunga, ingu wanisibhura uri kwihi.
\p
\v 47 Warekiya w'ebhange hotu, Yuda, uma mor' ekumi n'ebhabhi, w'iya, hima nae kikembe kikiri bhishambikira myere na nkoma, bhatumwa n'e bhakungu bhakakare n'e bhakungu bh'ebhea.
\v 48 Ing'wasemusibhura wabhesanga nt' wakuninka bho ekengeko kano" Ing' wasemumusa 'ni ebhunu, ng' iwe, mu mutingenga.
\v 49 Kakeke, w'iya kwihi na Yesu, w'ebha: Nakukey' Emuta! Na wamumumus' ebhunu.
\p
\v 50 Yesu w'amwire: e mirani, e chakwe' eya karonja ongo, ronja cho. Nampo, imbo bhea bh'eya bhamwira mo mine, n'emutinge.
\v 51 Nasunga, uma mo bhabhesanga hima na Yesu wasimany' emine, n'itomor' erobhasi rw'ae; wasunda ro e mukori w'emukungu mukakare, n'imuker' ekote.
\v 52 Nampo Yesu wamw'ire: kuruch' erobhasi rw'abhe 'harikanga ro; bhushwa e bhati 'mbi bhasubhir' obhasi bhasekwayo n' obhasi.
\v 53 Ong' wanikirange 'mbu n'tamuhema Tita, wambese mu kano kashangi kikembe cha ngashani bhabhi bhabhi ekumi na bhabhi?
\v 54 E bhuni kwe ng'wabererera e mitiro, etukana nayo rakomenwa bhibhesi bhuno?
\p
\v 55 Mu'njo ntambi, Yesu webha n' enkumanano: mukweya, bhuri kuruma na mwea wema, hima na nkoma mor' entinge. Nakubesanga kinsi otu hima n'inu, mw' ihana mo marameso, na nti murikantinge. h
\v 56 Eina ebhiti mbi by' eya kongo emitiro y' e bhatahwa yabhererera. Nampo, e bhemisa bhati bhamusia n'ibheka.
\p
\v 57 E bhatingenga Yesu bhamurisha kw' emukungu mukakare Kayafa, impo habhesanga hakukumanan' e bhakungu.
\v 58 Petero wamwemisa kore kore iya mor' ushu rw' emukungu mukakare, wakime mo, n'erika hima n'e bhakori, mw' ikae bhuni ng' wasira byo.
\p
\v 59 E bhashe bhakungu hima n' erushu ruti bhasonda turiho twa manko kuri Yesu, twakomenw' emushurisha.
\v 60 Eina tutashekani, n' akiro 'mbu herishanga turiho twa bhushukishuki. Kwende, heya bhabhi mu bho bhebha:
\v 61 Euno wakw' ebhanga: 'mbu namukakur' erirameso ra Ongo, n'eimba turo mu matu ashatu.
\p
\v 62 Emukungu mukakare wasimana n'imw'ire: Nt' usako kikai? Inki ngi ch'ebha 'mbi bhea kuri ongo?
\v 63 Yesu wakobha n' e mukungu mukakare, wamw'ire: Nakusere, kuri e Ongo 'ng'uriho, utushishe kuti ongo ngi Kirisitu, Musike wa Ongo.
\p
\v 64 Yesu wamusako: Umebha cho: Etukampo, nabw'ire, mukusung' emwan' emwea kano kashangi warika mo kwabhume kw'ebunkangwe bwa Ongo, na weyange mor' otundo rw' e mbingu.
\p
\v 65 Nampo e mukungu mukakare wabheraa esa nchangi sae, webha: Wamakamba! Turi tu na murao 'nki wa turiho? Sunga, mutuk' iyorukire er' okambo rw'ae. Rwasusa bhuni 'kuri bhanu?
\v 66 Bhamusako: Wakomenw' ikwa.
\v 67 Himpo hambasiro, bhamuture 'nte mo mbaso, bhamusundaka mangumi na bhihi, bhebah:
\v 68 Kirisitu, ronja bhutahwa, tw'eri inyengi wamakuhumba.
\p
\v 69 Himpo, Petero wabhesanga nt'warik' ekwansi hambuka kumund' erushu. Mukori uma momina wiya kwihi nae, n'emw'ire: Na ongo hotu akosa ongo 'ri hima na Yesu e mugariraya.
\p
\v 70 Eina wamutuna busondori bw'ebhati, w'eba: Nti nisi ekihunang' iebha ongo.
\p
\v 71 Imb'wabesanga bw'endange we ekumuyango, umpe mukori momina wamusunga, weba mu 'mbi bhabhesanga mpo; e uno atuka urikire hima na Yesu wa ku Nasareti.
\p
\v 72 Wamutuna tu, n'isere: nti nisi e mwea ngo.
\p
\v 73 Kuruma kakeke, imby' abhesanga bhari mpo, bharekiya b'eya kwihi, b'ebha kuri Petero: Eira, ongo 'ri hotu wa mo bhea mbo, bhushwa er'iyebha rabhe ra'shea.
\p
\v 74 Wabhucha kw' etuna nguru n'isere: nti nisi uno mwea. kakeke e nshongere yabhikira.
\p
\v 75 Na Petero w'esubhukiya n'ekinwa ch'ebhanga Yesu: Bhusondori enshongore ibhikire ukubhesa nt' umanituna meta' ashatu. Na mor'isaa, ware na bwae.
\c 27
\cl Chunda 27
\p
\v 1 E santambi sa rekiya sabhinduke se mukomakoma e bhakakara bhati bha bhashe bhakungu bhe rirameso ra Ongo, ne bhakungu bhe bhea bhenda nama bhushwa na Yesu bhamuye;
\v 2 Bhamumina, bhenda nae kwa Pirato ehmukakare wa 'mbo bhutaka,
\p
\v 3 Himpo Yuda ingo ewa musibhuranga warekia wamasunga bhamamukere e rubansa wiya wakuruchii e bhakakare bhe bhashe bhakungu bhe rirameso ne bhakungu bhe bheya, e byunda makumya shati bye mpai.
\p
\v 4 Webha; namabhisha murisibhura nchama isira bhubhi, ina ibho bhebha, kino kinkiku ribhate? ibya bya kukae ong' wesine.
\v 5 Wataa ebyunda bye sampai murirameso, watuka nienda kishura.
\p
\v 6 Bhashe bhakungu bhe rirameso, bhasombo e byunda makumyashatu bye sampai, bhebha ntirarengeka iriya e byunda bye sampai munku yembiko, bhushwa mpai sa nchama.
\v 7 Bhakiya bhamakindi imusibhura bhenda nama bhachura ishamba kuri mutunganyanyii ribhinduki ndikaro yitaa e bhetani,
\v 8 Bhushwa nacha erishwa rabhikirwa ishwa ra nchama iya na runotu.
\p
\v 9 Hiha bya bhererera e byatirwanga na Eremiya e mutahwa, bhatinge e byunda bye sampai makumi ashatu nge bhusi wango e wakurondorwa, ingo e wakurondorwa mu bhana bha Bhaisraeri.
\v 10 Bhariya byo mu rishwa remutunganyanyi imbu wa kianga nyerekuritu wanire.
\p
\v 11 Himpo Yesu wabhinduke ha makako ne mukiri Pirato emukiri wa mushisha bhuno: ongo nge mubhake we bhayuda? Yesu wa musubhiye ongo ngi weba.
\p
\v 12 Ina utasubyi kitikiti munkati ne sa mpambire se bha shebhakungu, bherirameso ne bhakungu bharikiya bhamamuria mumutanda utasubyi kinwa.
\p
\v 13 Impo Pirato wa mwire: nturukira bhinwa bhinga imbi byebhangebho hambasiro nabhe?
\v 14 Na Yesu utamusubhii kiro na musubyo munkati ne bhiti, e mukakare Pirato wishishara nguru.
\p
\v 15 Mu kinsi nkumanano munkati notu rukiri e mukakare abhesenga urikire na momba w'iyobhora mumbi ebaminwa uma ingu wa risiwa ne kikembe.
\v 16 Habhinduke nti hari wakererwa ubhansa usibirwe rina raye Bharabha.
\p
\v 17 Munkati ne kikembe Pirato washishabho bhanu musonda naboranye, Baraba, kuti Yesu ingu ubhikirwange mbu Kirisitu?
\v 18 Bhushwa wasibha nti bha kusibhura Yesu mu nama.
\p
\v 19 Na bharikiya bharikire mu mutanda mukari wamwire: angi kora kiti kuri e mweya ngu bhushwa wi ira; bhushwa runotu na manubha ringi musansori bhushwa nae.
\p
\v 20 Himbo e bhakakare bhebha she bhakungu ne bhakungu bhariya mihaki yema mu kikembe y'erireke Baraba na Yesu wakwe.
\v 21 Emukakare Pirato werebho: inye mu bhabhi eusondange bhanu woborwe; ebhati bhasubya: Baraba.
\p
\v 22 Pirato werebho na kiya bhuni na Yesu, ingu ubhirwange Kirisitu? e bhati bhasubya wakwe.
\v 23 Pirato w'ebha: bhubhinki wakorae? e bhati bhebha nguru: iweho wakwe!
\p
\v 24 Pirato wa sunga nti kusira kimpekiti cha mukorae ina bhushwa ne bhurunga we kikembe warenga watinge e mecha washuwa emine hamakako ne kikembe kiti webha; ani nti nasunga kiti chabhubhi hambasiro ne mweya ngu ibya byabhukae.
\p
\v 25 Ne kikembe kiti chasubya: enchama yae ikubhuki hambasiro n'itu n'e bhana bhitu!
\v 26 Himbo Pirato wareke Baraba na kuruma bha muhumba yesu bhamusibhura na muminubho
\p
\v 27 E bhashirikani ba Pirato bhenda na Yesu mundikaro nji ye minubho na kwabhinduke na kikembe kikiri cha bhashirikani.
\v 28 Bhamukungura e myambaro yae bha mwambicha myambaro ya nchama.
\v 29 Bhatunganya nsaka ya menke, ni mwambichayo mumuntwe wae ni muninke ruseke mo mombo w'ae we kwabhume, naha bhakome emaru e kubhusondori nae, bhamukiyamo uchechu, ni ebha: kokwe mubhake we bhayuda!
\v 30 Himpo bhamuture nte, bhatinge ne ruseke ni mukasoro hambasiro ne muntwe.
\v 31 Bhakiya bamakindi e mukiya mw'eruchechu bhamukungura enchangi inji ye ngora bhamwambicha tu esa nchangi sae bhenda na kubha ne kamunubya.
\p
\v 32 Na murienda rabho bhakumanana na wabhume wakukurene, e rina rae Simoni bhamuminga-minga wa rie musarabha wa Yesu.
\v 33 Na bharekiya bhiya impo habhikirwange Golgota nsusanya ya ntata y'emuntwe,
\v 34 Bhamuninka bhi omo byaange na warekiya mbwa sone mubyo wa tina eriomo.
\v 35 Na bharikiya bhamakind' emuya, bha bhanya emyambaro yae mw' ikasure to nsimbi;
\v 36 Bharika ni muranga hiha,
\v 37 Murishea echakusingwa bha muya bhatira mitiro bhariyayo hambasiro emuntwe: uno ngi Yesu, mubhake w'e bhaYuda.
\v 38 Hima nae bhaya bhampe bhabhi, bhebhi uma mu mombo we kwabhume na umpe mu mombo we kurembe.
\v 39 Imbi ebetange bamukamba ntibatenjange ne mintwe wasunga muro!
\v 40 Niebha ongo shamburange erirameso ni imbaro mu matu ashatu eo itunje ongo wisine! kuti ongo ngi musike wa Ongo sika mor'iyango.
\p
\v 41 E bhakakare bh'e bhashebhakungu mor'uchechu hima n'ebhandiki n'ebhakungu bhebha:
\v 42 Wakuramyanga bhampe; utakochi kwiramya wisine iwe mubhake wabha Isiraeri; wasike mor'iyango na twaamusimira.
\v 43 Wasimira Ongo wamukutu himpo kuti umusondange, bhushwa webhanga, ani mwana wa Ongo.
\v 44 Ebhanyaki ebhakwanga hima naye nabho bhamu kambaa hotu bhubhobhubho.
\p
\v 45 Ituka saa mutubha irind'iya saa mwenda kwabinduke mwirimya mu chuo kiti.
\v 46 Na mu s'entambi mwenda Yesu wirake mu murenge mukiri: Ongo wani, Ongo wani bhushwa nki ubhinduke korenani!
\v 47 Bhima mumbi abhesenga bhorukira hiha, bharukira, mbwebhange: ubhikirange Eria.
\v 48 Na hiha uma mubho wakanya ha watinge ekisasari watira cho mu nsungu nimuninka cho mu ruseke wamuninkacho muriomo.
\p
\v 49 Ne bhampe nabho bhebha: mureki, tukai bw'eya Eria kamusake.
\v 50 Yesu warakatu murenge mukiri na'mpo wakera e mutima.
\v 51 Eo musunge, e nchangi ye kisusu cherirameso ya bhereka bhebhe bhibhi itukire ekumbasiro iya n'e kwansi, e chuo chatenga esankanga sabhereka;
\v 52 Na mibhi mingi y'ebakomenwa imbi abhesenga bha makindi ikwa bhafuka.
\v 53 Bhasaa mu masinda mor'efuka ra Yesu, bhakime mu rubhungu rwe bhakomenwa, bhabhinduke nti kikembe kikiri cha bheya.
\p
\v 54 E murangi, nambi abhesenga bharikire hima ne muriranga Yesu, bhasunga ekaringiri ke chuo nambi abhesenga byamishea bhasubhaha nguru ni ebha iira e wabhume 'ngu atuka ho mwana wa Ongo.
\p
\v 55 Habhesenga hari bhomina bhingi, bhabhesenga bhakairire kore, abhesenga bhamutindikiange itukire ku Gariraya muri mukore.
\v 56 Munkati nabho habhesenga harikire Maria Magdarena, na Maria nina wa Yakobo na wa Yosefu, na nina wa musike wa Sebedayo.
\p
\v 57 Erorisisi rwiya, kwiya wabhume mutumba waku Arimatayo wabhikirwa Yosefu, wa bhesenga hotu ntumwa ya Yesu.
\v 58 Wenda kuri Pirato wakonga e mubhi wa yesu, na Pirato wa mwire mbu bhamuninkeo.
\v 59 Yosefu wenda ne mubhi wae, wa mina o mu nchangi yasana.
\v 60 Waria e mubhi kumunda n'eSinda rishasha abhesenga ra timwa m'okanga. Himpo wa bhunduranya ikoi rikiri muribumbe e risinda, na wenda.
\v 61 Maria Magdalena na umpe Maria abesenga bhariho, na nti bharika kwihi ne risinda.
\p
\v 62 Mukakoma ngirabhesenga erotu kuruma ne ritunganyanya ebhakakare bhe bhashe bhakungu ne bhafarisayo, bhatumana kwa Pirato,
\v 63 Bhebha; nyere kurwitu, twamanikira emweangu webhanga ematu abhesenga akiri weho kuruma na matu ashatu nafukayo.
\v 64 Ebha kinwa erisinda rirangwe irinda iya mumatu ashatu, bhushwa e santumwa sae siteingi ni shuma e mubhi ni ebha mu hbheya: wakufuka mo bhakwi nanchi cha kuruma chamushea tu bhubhi irenga eribhere.
\p
\v 65 Pirato wasubhiyebho: bhanu muri na bharangi mwendi, harangwe imbo warukiranga bhanu.
\v 66 Bhenda, ni ranga erisinda bhariyaho bharangi kuruma ne ririya kiteerere mu rikoi.
\c 28
\cl Chunda 28
\p
\v 1 Ituka ikinda e sabhato, murangaranga, utu rwa roso rwe kasembe, Maria Magidalena nompe Maria b'enda kakae e kwesinda.
\v 2 Bhasunga, nti kwa kweta karingiri kakiri, bhushwa Maraika uma we mwami wahitanga ko kwiyo, wiya kabunduranya e rikoi, na wasaa kumunda.
\v 3 E bhususe bwae nti bhuri bhuri kimpenya, ne ngombe yae yasana bhuri mahungu.
\v 4 E bharangi bhakake na koha nibha bhuri bhakwi.
\p
\v 5 Ina e Maraika w'ire e bhomina: bhanu, kiro musubhaha, bhushwa nosi mbu bhanu musondange yesu ewakuiririsiwanga.
\v 6 Nturi hano, wamafuka, bhuri e bwebhangae, mwiye mukai e hakumukindishanga bho.
\p
\v 7 Na mwendi kature e bhomisa bhae mbwa mafuka munkati ne bhakwi, na mukai, wabhusondore ku Gariraya, nanko ngi kusemusungire bhanu nampo, namabw'ire.
\p
\v 8 Bhetunda kore ne risinda, na koha na ngoa sikiri na bhabhucha ikanyaha ienda kature e mwasi kuri e santumwa sae.
\v 9 Nikae, Yesu wasaire bho, webha: nabhukea: bhasheere muritinge e bhisando byae, na bhehicha mumakako ae.
\v 10 Yesu were bho; kiro musubhaha: mwendi kere bhasike bhitu mbu bhendi ku Gariraya, nanko ngi kusensungire bho.
\p
\v 11 E ntambi yabhesanga bho mu munse, bhabhume bhima mumbo e bharangi bhakime mo murungu, na bhature e bhashe bhakungu bhakakare e mwasi we bhiti e bya kusairenga bho.
\v 12 Bhano ikindi'kwerikira e mwasi, bhatumana hima ne bhashe bhakungu nimina kinwa, bhaninka e basura kikanda cha behe bingi.
\v 13 Bhire bho: mwebanga mbu e santumwa sae bhakwiyanga mo mutu nimushuma nabhate nti twametinge toro.
\v 14 Ne mukakare wamerikira, bhate tusi e bhusemwere bhate, na twaabhoshukaya mo r'ubhansa rwa muninkwange bhanu.
\v 15 E bhashirikani bhatinge e bhehe, na bhomisa e myomba yakwerirwanga bho. E bhurunga bwa nsansabhana e kuti kuri e bhayahudi iya na runotu.
\p
\v 16 E santumwa sae ikumi n'uma b'enda ku Gariraya, mo ntata njo e ya shishiwanga bho na Yesu.
\v 17 Bharekiya bhamusunga bhehicha mu makako ae. ina bhima bhabhesa na koha.
\v 18 Yesu warekiya wamiya kwihi nabho webha bhuno; e bhuhime bhuti bwe kwiyo ne kwansi namaninkwa bho.
\v 19 Mwendi mu byuo e bhiti mubundure esanganda bhabhunduki bhafuku bhani, na murubhike bho murina ra Tita, re mwana na re Mutima mushasha.
\v 20 Na muhane bho iyemisa e bhiti bya bwerenga ani, na ngi bhumbo: niri ninu e matu ati iya na mungendero ya hende e chuo.