\v 1 Petero, ntúmwá ya Yesu Kirisitu mumbi bheni nâmbi bhasansabhana munkatí na Ponto, ku Garatia, ku Kapadokia, Asia na Bitinia.
\v 2 Nâmbi bharondorwa moresibhirira isondori ra Ongo Tita, murishûrurwa r'e mutíma kôngo bhabhésa bhitondeka na bhabhési ni rubhikwa mu nchama ya Yesu Kirisitu, enchumo na bhuhoro bhibhési bingi kúrí bhânu!
\v 3 Ongo wakasanirwe, Tita wa rukombora wítú Yesu Kirisitu, mo bhurongu bwae bhukíri watubhuta mu mwenyihiro uri ho mo rifuka ra Yesu Kirisitu munkatí n' ebhakwi.
\v 4 Mu mwandu ngu usir' ebiha ari erisa mikonsí ari eriminy' erisana wabhikirwa bhânu mo mbingu.
\v 5 Kúrí bhaanu mó maa a Ongo muribhikwa morisímíra n'e nchukaro 'nji iri kwíhí n' isheiwa mó santambi sa hende.
\v 6 Himpo ngi hari er' omoo rwinu, na kiro runotu, bhushé bwakomenwa cho mubhése na bhoonso mu ntambi nkeké mu myereko mingi.
\v 7 Koongo emwereko werisimira rínú, wakonda irenga noro ishirirange ibhesi na mikorere yitata, ebhusime ne ritunda Yesu Kirisitu usekiya wasungwa.
\v 8 Iwe mumushima namutunga musunga musímíra kuriwe na ntí mumusunga neki mor' ikokoma m'omoo rwakonda irenga.
\v 11 Mw' isond' itêrera ekiranga n' etwangeko twasheiwa nemutíma wa Kirisitu ingwabhesanga uri kuribho, na isubhukia kubhusondori eminubho ya Kirisitu n' ebwime imbi byemiswayo nato.
\v 12 Bhasheiwangabyo ntí kuribo bhesine eina kúrí bhânu, bhabhésenga bhaturi bh' ebhikai mbyo, byabhuturebho runotu ebhabhuhana emwasi wakonda mó Mutíma washuururwe watukang' ekwiyo mubyo esangashani sashima nato samusungange byo mó mêso ábhó.
\v 17 Na kubha mubhikira buri Tita iwe ngukerange erubhansa mwitukana ne mikorere ya kínsí mwea, anga karondori, mwendi nisubhaha mo ntambi irikire bhânu mó chuo,
\v 18 Mwesibha mbu murechurwa etuka mo micho yinu yema, mwandu watunja bhânu kúrí bhaso.
\v 19 Ina mo nchama yakonda ya Kirisitu, bhúrí ya châna cha mburi Kisira bhubhí na kisira mikonsí.
\v 20 Irondorwa bhusondori n' ibhésa ho echuo, washeiwanga hende 'santambi bhushé bhânu,
\v 21 kúrí we, musimire Ongo ngwa mufuranga mó bhakwi na wamuninke bhusime, kôngo erisimira rabhe n' emwenyihiro kúrí Ongo,
\v 4 Mwiye kwihi nae, ikoi riri ho, ratawanga n'ebhea, eina rarondorwa rakonda mo makako a Ongo.
\v 5 Na bhanu bhesine, bhuri makoi ari ho mwimbane muronje numba ya mutima, kibimbi chashuururwa, kongo musibhura eimba rabhakungu bha mutima bhakonda kuri Ongo ietire Yesu Kirisito.
\v 6 Bhushe byebwa mo mitiro: kae natereka ku Sayuni ikoi ra ha nkuso, rarondorwa rakonda nangu wasimira ro utakwiyo nkene.
\v 7 Eritunda riri kuri bhanu mbi musimira. Ina mumbi bhemitima yasuma, erikoi ratawanga n' ebhimbi rarebhesa rikiri ra hankuso, N' ikoi risitaramo n' otandare rwiendura.
\v 24 Iwe ngwariyanga w' esine ebhibhi byitu mo mubhi wae, moriango kongo mw' ikwa rae mo bhubhi tubhese ho moreira, iwe mor' ibabaiwa ngi bwaramanga bhanu.
\v 25 Bhushe mubhesenga bhuri mburi sarerimina eina runotu mumakuruka kuri emusumba na murangi we mitima yinu.
\c 3
\cl Chunda 3
\p
\v 1 Ebhomina, kinsi uma wendi mukwehicha kuri mokewe, kongo kw' amabhesa mbi ntibhasimira ekinwa tusheibho anga kinwa mo micho y'e bhomina bhabho.
\v 2 Morikae imbu bwarika bhanu ne bw' iranga bhanu.
\v 3 Mubhesi nti n' ikonda n' er' isungwa na r' erikundika ebhuteo, nimbara m' ukwitonda noro ne myambaro yanikirange bhanu.
\v 4 Eina er'ikonda ra kumunda, na rabhiswa mo mutima, rashuururwa ritamubhiha re mutima wohoha na watamba uri na bhusi bhukiri mo makako a Ongo.
\v 6 Bhuri Sara wabhesenga wehicha kuri Iburahimu nanti umubhikirange mbu Nyerekuritu ko kuriwe mumabhesa bhikumi, mor'ironja imbi byakonda, nti ntimunuba na bhususe bhuti bwa bhobha.
\v 12 Bhushe emeso a Nyerekuritu akae 'mbi bh'ereira, n' emate ae erukirengi bho mo mahemo abho. Ina embaso ya Nyerekuritu yabhaa 'mbi bhakorang' ebhubhi.
\v 14 N' amabhesa mu munubha mor' eira, mukubhesa na ngoa, kiro mubhesa na bhobha bhuti bhuti kuri bho na 'ngi nuby' ebwenge.
\v 15 Eina mushuurure Kirisitu Nyerekuritu mo mitima yinu uri kwihi ematu ati mwibhusake na bhoongo netunda kuringu wamukong'ekihuno ch'e mwenyihiro uri kuri bhanu.
\v 16 Mw'ibhesa na mwanikiri wakonda kongo himpo hakubhaabho bhuri mwea wema, imbi bhebhange bhubhi mo mwenjo wabhe ngu wakonda kuri Kirisitu bhabhesi n' irengwarengwa.
\v 18 Kirisitu nae wanubhanga rima ho bhushe n' e bhibhi, iwe weira kuri mbi bhasira er' eira mweturia kuri Ongo. washurwa mo mubhi eina wabhesa ho mo mutima.
\v 19 Mundo hotu wenda katura emwasi wa Ongo kuri emitima yabhesanga yaminwa mongori.
\v 20 Imbi karekare bhabhesenga na mutima wasuma, er' erindirire ra Ongo rarekiya rabhesa ringi mo kiranga cha Noa, mor' eimb' ebwato, kumunda nabho bhea bhakeke, ng' er' iebha mbu bhea munane bhoshukara mo mecha.
\v 21 Emecha ngo abhesenga nti mushumo werubhikwa nti ishuururwa re bhubhi we mubhi, eina kwesubhura re mutima kuri Ongo n' enompena iwe ngw' abhoshukaya, bhanu hotu. mwitukana nerifuka ra Yesu Kirisitu.
\v 22 Warika mo mombo wa kwabhume wae Ongo itukire hendenga we ko kwiyo, n' esangashani, n' ebhunkangwe byahite hasikwa nae.
\c 4
\cl Chunda 4
\p
\v 1 Bhumbo, Kirisito wanubhanga mo mubhi, na bhanu mw' ishambikire mo myanikiri njo. Bhushe ingu wanubhanga mo mubhi waheanyanga n; ebhubhi.
\v 2 Kongo murika nti mu mbusha sa bhea eina mor'isasa ra Ongo mo ntambi yasiya mor'ibhesa we ho mo mubhi.
\v 3 Nti r' ikeke, ibhesa mo matu ameta mw' ironja erisasa r' entibhasimira, ienda mor' esiana, mosambusha, ebhutamiri, er' erisa n' iyomo rarenga n' erikor' etumoi mo bhuyeri
\v 4 Bhasunga nti bhubhi mwienda tete hima nabho murironja byarenga mor'osingirwa na bhabhubhaa.
\v 5 Bhaseninkanayo emikorere yabo kuri ngu wakomenwa ikera erubhansa rwe bhari ho n' ebhakwi.
\v 6 Bhushe ekinwa chakonda chaturwanga hotu mo bhakwi, kongo kuruma n' ikererwa obhansa bhuri bhea mo mubi, bharika etukana na Ongo mo mutima.
\v 7 Engendero ya kinsi kikai iri kwihi, mubhesi na bhuteesa n' ikohya murihema.
\v 8 Kubhusondori ne bhiti, mubhesi ebhima n' ebhampe na nchime bhushe enchimi yabhumbe bhubhi bwingi.
\v 9 Mubhesi na mutima wakonda ebhima mo bhampe anga byomumo.
\v 10 Bhuri bhaninkani bhakonda bhe nchumo ya Ongo kinsi uma mu bhanu wakie murimo kuri umpe mo muhango wareninkwa we.
\v 11 Amabhesa uma webhange, wabhese bhuri uturange bhutahwa bwa Ongo, kubha mwea ukorange murimo wakoreo mo maa aninkwa we na Ongo, mu kinsi kikai Ongo watatwe kuri Kirisito Yesu, ingu ukwengi eritatwa na bhunkangwe, mo bhiranga n' ebhiranga, bhibhesimbo.
\v 17 Bhushe er'obhansa rwamabhucha mo numba ya Ongo, byamabhe byamabhucha kuri bhanu bhuni ngi bhusebhesa hende nambi nti bhasimira mo mwasi wakonda wa Ongo.
\v 18 Na kubha w' ereira wiramya mu nchumo bhuni bhusebhesayo ebhabhi na babisha?
\v 19 Imbi bhanubhange murisasa ra Ongo bhariya e mitima yabho kuri kibhumbabhumba mwikiya byakonda.
\c 5
\cl Chunda 5
\p
\v 1 Sunga ebhinwa byerengi ani ebhakungu ebhari munkati ninu, ani mukungu bhuri ibho ekariho ke minubho ya Kirisitu, nangu wabhesa ho mo bwime mbu bhusebhesayo ho.
\v 2 Muninke biyo ebhemisa ba Ongo ebhari ninu nti mwisubhaha ina mwisasa bhuri Ongo nti mu byamubhesa ho imbi ntibyaraisha ina na kwesubhura.
\v 3 Nti bhuri ifuka bo imbi bharefundwa muribanya ina mwibhesa ekariho mo samburi.
\v 4 N'e rotu rusiyayo rukombora e murangi, mukuninkwayo kembo ntikebhiha ke bwime.
\v 5 Bhanu 'mbi mukiri bhasike mw'ehich' ekwansi ne bhakungu bhinu. Na mo biti namorisakane mwimbariche kw'ehich'e kwansi bhuushe Ongo ntwana bhisa er'eyume ina uri na bhuhoro mumbi ebhehicha.
\v 9 Mwesumye n' isimira rikiri mwisiba mbu e minubo iya iya bhanakinu bhasungangayo mo chuo.
\v 10 Ongo we bhuhoro bhutibhuti ingu wabhubhikiranga kuri Yesu Kirisitu mo bwime bwae bw'e matu ati kuruma ne minubho mikeke waabhuronjayo wesine wabhuninkayo isimira n' ebhuninka maa wabhusimanyayo.
\v 12 Mo mine ya Syluano ngu uri mo meso ani mwemisa ewabhutiranyie mw'ani bhino bhinwa bhikeke mw'ebwire hima n' ibwebhere enchumo ya Ongo inji iri mo bhanu yakonda, yasimira.