nyj_reg/56-2TI.usfm

\id 2TI
\ide UTF-8
\h 2 Timoteo
\toc1 2 Timoteo
\toc2 2 Timoteo
\toc3 2ti
\mt 2 Timoteo
\c 1
\cl Chunda 1
\p
\v 1 Pauro, ntumwa ya Yesu Kirisitu, mor'isasa ra Ongo, mw'etur'erirai r'ekaramo kari kumunda na Yesu.
\v 2 Kuri Timoteo mwana'ni: e nchumo, bhoonso ne bhuhoro bhese nabyo mu rina ra Ongo na Yesu Kirisitu Nyerekuritu.
\p
\v 3 Natata Ongo, ing'wakorenga bhatita, na ng' ukorengy'ani mu mwanikiri wakoma, mutu na mu mwishi nikwakikirange mo mahemo ani.
\v 4 Nanikiranga' ekiro ch'abhe nashim' ekusunga kongo narisa ngoa.
\v 5 Moriranga e risimira rabhe, rabhuchie kuri Loisi nsuku, kuri nsoko Euniki eresimira rabhe ngi bhuri ro kuri ongo.
\p
\v 6 Chasingwa nakusubhukia iseree eruhembo rwa Ongo ruri kumunda nabhe mor'iterekw'e mine.
\v 7 Bhushwa Ongo warituninka mutima wa bhunkangwe, wanchimi na wa bwenge ina nti mutima wa bhobha.
\p
\v 8 Angi kwire bhinwa bya Mukota witu nkene, n'ani mufuku wae, Ina tunubhe nabhe mo kinwa cha Ongo.
\v 9 Mo maa a Ongo rukombora watuninka muho wikora mu mikorere yitu, ina mo mwerengeko wae na mo nchumo yae yatuninkanga Yesu itukire karekare.
\v 10 Na chabhererera run'otu mor'iya ra Mukota Yesu, ungu wabhundura erikwa n'erisha bhuingo bhusira hende mo mwasi wakonda.
\v 11 Nasimikwa ntumwa ya Ongo na muturi w e mwasi wakonda mu rihana e sanganda.
\v 12 Nitukana na byo nanubha, ina nsira nkene, bhushwa nisi ewari simira ani nisi mbu 'ri na maa eringa ebhiri kumunda nani iya mor'otu ndo.
\p
\v 13 Tingirira mo nsimiro na mo nchimi ya yesu, angi rira e bhinwa byakonda byatinge oongo kuri ani.
\v 14 bhumba ishu mo Mutima ngu washurukara ungu uri kumunda niitu.
\p
\v 15 Ongo si ebhari ku Asia bhuri Figero na Hermagene bharikindi 'nsiya.
\v 16 Mukota warisie e bhoonso bwae mo numba ya Onwsifori, bhusha ubibhonganga na ntwerukiranga nkene mor'iminwa rani.
\v 17 Iina erotu rwabhesenga e ku Roma wansonda nguru ninisunga.
\v 18 Mukota wamusimire wamushee bhoonso mor' otu ndo, N'ongo 'si bhinga byankorenga we ku Efeso, Ongo ngusi ebhiti mbyo.
\c 2
\cl Chunda 2
\p
\v 1 Oongo mwa ni, bhesa na maa mu bhuhoro bwa Yesu Kirisitu.
\v 2 Imbi byorukiranga oongo kuri ani, uninkanga byo bhea mbi bhatunganana na bhari na weenge naabho bw' ihana bhampe bhea.
\p
\v 3 Unubhanga naani bhuri mushirikani wakonda wa Yesu Kirisitu.
\v 4 Kusira mushirikani washima e bhinwa bye chuo kuti usondange ikokomesha ewaku mubhikiranga.
\v 5 N'e mushati utamuhembwa kubha ntwakusingana mo bhushati bwae.
\v 6 E muhingi wakore kasa kongo wakao e mbuto.
\v 7 Rukir'e bhinwa bhikwirengi ani bhushwa Mukota wasekuninka bweenge mo bhikai 'bhiti.
\v 8 Anikirira Yesu Kirisitu we ruanda rwa Daudi wafukanga mu bhakwirwe etukana n'e mwasi wani wakonda.
\v 9 Na ngi kisingwange na nubha n'iminwa, ina e kinwa cha Ongo kitamuminwange
\v 10 Ngyasingwa n'andira bhushwa e bharirondorwa nabho bhashee karamo kuri Yesi hima n'e bwime.
\v 11 E mwasi uno weira kubha twakwanga nae twaabhesyo ho hima nae.
\q
\v 12 Kubha twandira, twarikiyo nae na kubha twamutina watutini hotu.
\q
\v 13 Kubha nti twasimira, iwe asimira bhushwa utakochi kwetina wesine.
\p
\v 14 Subhukia bhino bhinwa, n'isisinya byo kubhusondori na Ongo weshikanga mo bhuhaka bw'ebhusabhusa ebhubhishabhishange ebhorukirange bho.
\p
\v 15 Wesumyanga mukwishea kuri Ongo bhuri usimirwa na mukori eutamasubhuka na uturange e mwasi w'ereira 'shu.
\p
\v 16 Angi ebha bhinwa bya bhusabhusa nti bya Ongo bhushwa e bhorukirange byo bhasemisa 'nse y'erimina; n'e bhinwa byabho by'enderanange bhuri ntonge.
\v 17 Munkati naabho kuri Himenayo na Fireto.
\v 18 Imbo bhatinanga ereira n'iyebha mbu e rifuka rariya kare, n'ibhindura nsimiro ya bhea bhima.
\v 19 Iina e ntangiro ya ngo yasimika iri na kakairiro kakiri: Ongo sibhana rwae na kinsi mwea utikongi e rina ra Tita wasie bhubhi.
\p
\v 20 Mo numba nkiri nti muri ho bhibya bya noro iina muri na bya fesa, bya miti na keto nge bhumbo bhime bhiri n'osubhahwa na bhimpe bhisira.
\v 21 Ne kubha mwea wisanya w'esianga na 'mbi wabhesa kikai chaninkwa osubhahwa, chashuururwa na charengekana mo murimo wa Ongo waronjiwa mu kinsi murimo wakonda.
\v 22 Bheka ekarawa k'ebhoshukira, sonda eira, nsimiro, mashimane, bhuhoro hima n'ebhahemange Mukota na mutima wakonda.
\p
\v 23 Angi ebhebha bhinwa bya bhusabhusa bhushwa bhirishanga bhita.
\v 24 Bhushwa e mukori wa Ongo nti mwea wa bhita eina iwe mwea wa mutima w'irindira muhani, na w'iyorukirire.
\v 25 Wakw'isake imbi bhakwanange nae, n'ihana bho bhabhesi na mutima w'irindira mbu Ongo waasasira bho iya mor' iteerera er'eira.
\v 26 Na bhasekiya bhamekuruka mo nti bhatuka mo tukunda twa mushumbu, ing' warikwetingire bho mw'eria bho mor'isasa rae.
\c 3
\cl Chunda 3
\p
\v 1 Sibhanga mbu, mo matu a hende, asebhesayo matu asuma.
\v 2 Bhushw'e bhea bhasebhayo bhainiini, bhashima tukoi, bhamitato, bh'eyume, bhakambani, bhatengu kuri e bhabhuti bh'abho,
\v 3 Bhanoi bh'e myomba, bhasir'ishima, bhea bha kasimya bhasua, bhayeri, bhayongw'eshu,
\v 4 Bhasira nama nti bhasimana, bharenda bhe bhea mbi bhakonda, bhashima e chuo irenga Ongo,
\v 5 Bhari na bhususe bw'eshuururwa na nti bhatuna bho, Usianangan'e bhea mbo.
\v 6 Kuri bhekimiange mu numba n'ihusa e bhomina bh'ebwenge bhukeke, bhakori bha bhubhi, bharisere karawa.
\v 7 Nti bhatamukora eira na kiro bhahanisiwa ro
\v 8 Bwikia Yane na Jambere bhatina Musa ngi bhukianga e bhea mbo bhatina e reira. Bharibhiha e bwenge n'itinwa mo bhinwa bye nsimiro.
\v 9 Bhatendiyo kore bhushwa e bhushire ne bhutngi bwabho bhisibhirwe bhuri bwe bhea bhabhi mbo.
\p
\v 10 Iina oongo, ukwerikiranga e bhuhani bwaani e bhuui, e myenjo yani, e mikoree yani, nerisimira e bhinwa bya Ongo, er'ikae na bhoongo bwani.
\v 11 E minubho yani, e mario ani. Ina minubho ntyasunganga ani ku Antiokia, ku Ikonia na ku Ristra? Rini 'nubhiwa nti randirananga mw'ani? Nyerekuritu wankuto mu byo.
\v 12 Uti uti ngwashima iyemisa Yesu, wahw' inubhiwa.
\v 13 Ina e bhabhi bheenderana mo mabhi abho nti bhahusange bhampe na kwehusa bhasine.
\v 14 Oongo, rika e matu ati mu 'mbi byarekuhana 'ni by'eira, mw'esibha e muhani wakuninkana byo.
\v 15 Ituka e bwaana bwabhe oongo 'si e mitiro yashuururwa eyamukuninka bwenge n'ekwisha mo nshukayo mor'esimira Y Kirisitu. esu
\v 16 Kinsi rwandiko rw'e muka wa Ongo rwakoma mor'ihana, mw'esingana, mw'ebhundura, n'ishea er'eira.
\v 17 Kongo e mweya' Ongo warumira n'ikomenwa mw'ikora kinsi murimo wakonda.
\c 4
\cl Chunda 4
\p
\v 1 Nakukonga hamakako na Tita Ongo na Yesu Kirisitu, e wakeri ubhansa kuri ebhashere ne bhakwire na mo rina r'er'isungwa rae na mo bhubhake bwae.
\v 2 Tura e mwasi wakonda, n'isimika mo matu akonda n'eema; fine hima na bhurongu.
\v 3 Bhushwa kweyayo matu e bhea bhatasimiriyo e mwenjo ngu watunganana na bhatashimiyo iyorukira e bhinwa bye karamo, bhasesondayo bhahani bhiingi e bhashima bho iyemisanya n'ekarawa kabho.
\v 4 E mate abho atashimiyo iyorukira e bhinwa by'er'eiram bhasekurukeyo mo sengano.
\v 5 Eina oongo, wandiranga mo bhikai bhiti, mo minubho, kora e murimo we muturi we mwasi wakonda e wa bhikirwanga oongo.
\p
\v 6 Bhushwa, kur'ani iyenirikakinda ne matu aani erikwa ari kwihi.
\v 7 Namakwana bhita byakonda, namakinda e matibhita, er'ikanyaha, namaranga e nsimiro.
\v 8 Ituka runotu nabhikirwa kiraya ch'isingana, Mukota, shemine r'eira wanininkayo cho e r 'otu ndo. Nty ani sine, ina n'ebhati m'bi bharerisia e rotu ndo.
\v 9 Wiyanga kuri ani tete.
\v 10 Bhushwa mbu Dema wakunsia, murishima e kiranga kino, nawenda ku Tesaronika; iwe wakwenda ku Garatia, na Tito ku Daramatia.
\v 11 Ruka w'isiine uri mongo nani hano. Wiyanga na Mariko, wasenisake mu murimo, wasenisake mu murimo.
\v 12 Natumayo Tishiki ku Efeso.
\v 13 Muriya rabhe, ndishienga e rikoti rasianga ani ku Torowa kwa Kripisi ne kitabho, nguru kasa e chero chaani.
\p
\v 14 Arekisandre mwesi wakunikore mabhi mingi. Mukota wamutui mumbi bhikorange we.
\v 15 W'iranganga nae, bhushwa wakutina e mahano itu.
\p
\v 16 Bhati bhambekanga mo nkumanano y'ani ya roso; nihemange, anga bhansirwa e kinwa ncho.
\v 17 Ina Mukota wakubhesanga wanininka maa kongo ietere kuri ani e kinwa kino kinsanswe n'e bhea bh'e bhubhi bhorukire cho. Na natuka mo bhunu bw'entare.
\v 18 Mukota wasentunja mo mirimo yema, inkombora n'inikimiya mo bhubhake bwae bwa mo mbungu. E bhuhime bhuri na Ongo kiranga na kiranga. Amina!
\p
\v 19 Nkereanga Priska na Akira n'e r'oanda rwa Onesifore.
\v 20 Erasto wakusia ku Korinto na kusia Torofimo mukoni ku Mireto.
\v 21 Wiyanga kubhusondori ne kiranga che mabhura. E bhurusi, Prida, Rinusi, Korodia ne banakitu bhati bhakukea.
\v 22 Nyerekuritu wabhesi hima n'e mutima 'bhe! E nchumo ibhesi hima n'inu.