nle-ug-nyala_reg/43-LUK.usfm

\id LUK
\ide UTF-8
\h Olukka
\toc1 Olukka
\toc2 Olukka
\toc3 luk
\mt Olukka
\c 1
\cl Esuura 1
\p
\v 1 Ni baali abainji abatandikire okuwandiika amakuru aga bigambo ebyaikiriire omwiswe,
\v 2 nka nibatubikobeire abo abekereire okuzwa oku kwekeera okubba abajuurwa, erate abawereza ba kigambo.
\v 3 Awo ninaswaganirirye ekimwe oku byoona byoona okuzwa oku olukwekeera, erate njeena naboine nka kisai okukuwandikira we oTeefiro omusai omuno, nka ni byaliraine;
\v 4 olyooke omanye amazuma agabigambo bi wayegeseibwe.
\p
\v 5 Awo omu miijo ja Kerode omukama wa Buyudaaya waalowo okabona eibara lyaamwe Zaakaliya, owa mululyo lwa Abiya: erate yaali yaalina omukali owa mu baala ba Alooni eibara lyaamwe, Erizabesi.
\v 6 Boona bakali babiri baali baikiriri omu maiso ga Kanca nka batambuura omu biragiro byoona byoona n’omu bya bwikiriri ebya Kanca nka tibaliku kabbi.
\v 7 Erate tibaalina mwaana, olwakubba Erizabeesi yaali mugumba boona bakali babiri baali bakairikire omu myaaka jaabwe.
\p
\v 8 Awo olwakire ni yaali akukola omulumo ogwa bwa kabona omu maiso ga Kanca nk’olubu lwaamwe ni lwaliraine,
\v 9 ale akalulu ni kamugwaaku nk’empisa eza bwakabona ni zaali okwiingira omwiramyo ya Kanca okwoteza obubbaani.
\v 10 Ale ekibuura kyoona kyoona ekya bantu kyaali nka kikusabira nzai omu kiseera ekya koterezaamu.
\v 11 Ale ontumwa wa Kanca namubonekera nka ayemereire oku lwiigi olwa guryo olwa kyooto ekya kwoterezaaku.
\v 12 Ale oZaakaliya ni ya muboine ni yeralikiira, natiina.
\v 13 Baitu ontumwa namukoba ati Totiina Zaakaliya, olwakubba okwegayiira kwaamu kuwuliirwe omukali waamu Erizabesi alikubyaara omwaana wabwoojo, olimwalika eibara Yokaana
\v 14 Olisemeera, erate olisagamba, erate baiinji abalisemeerwa olwa kubyaalibwa kwamwei
\v 15 Olwakubba, alibba mukulu omu maiso ga Kancca, erate talinywa mwenge gonze ekitamiirya; erate alizzulibwa omwooyo ogwikiiri okuzwa omunda ya maamwe.
\v 16 Erate baiinji omu baana ba isirael alibairya eddi Omukama Kanca waabwe.
\v 17 Alikulembera omu maiso gaamwe omu mwooyo namaani ga Eriya okwiirya emyooyo ja baizeizza eddi abaana, nabatawuuranga okutambuura omu magezi gabakiriri; okutegekera oKanca abantu abatekeibwetekeibwe.
\p
\v 18 Ale ozakaliya nakoba ontumwa ati Nakimanya ntyai ekyo? Olwakubba nje ndi mukaire no mukali wange akairikire omu myaaka zaamwe
\v 19 Ale Ontumwa nairamu namukoba ati; ninje Gabulyeri ayemeera omu maiso ga Kanca, erate natumibwe okusumola naawe okukukobera ebigambo ebyo ebisai.
\v 20 Ale, bona, olisirika erate nka tokusobola kusimoola okwiica oku kiro lwe biribbaawo ebyo; olwakubba toikiriza bigambo byange ebirikiriira omu biro byaabyo.
\p
\v 21 Ale abantu baali balindirirye oZakaliya, nibewuunya nalwiire omwiramyo.
\v 22 Ale niyawulikire natasobole kusimola nabo; nibeteja nka aboine okwolesebwa omwiramyo: nalwaawo nka akubawenya na mukono nka akyasiruwaire.
\p
\v 23 Ale olwaikire, Ebiro ebyakuweereza kwaamwe nibyaweireku nairayo eka ewaamwe.
\p
\v 24 Ale ebiro ebyo nibyayakairewo omukali waamwe Erizabesi nabba enda: niyekwekera emyeezi etaanu nk’akukoba ati,
\v 25 nimwo atyo oKanca nankoore omu biro bi yandoleleiremu okunyiyaku ensoni omu bantu.
\p
\v 26 Ale omu mweezi ogwa mukaaga ontumwa oGabulyeri natumwa oKanca omu kibuga ekya Galiraaya eibara lyaakyo Nazaleesi,
\v 27 edi omwaala atamaite musaiza eyakakwanibwa omusaiza eibara lyaamwe Yusuufu owa mu nnyumba ya Daudi; neibara lya mwaala Malyaamu.
\v 28 Ale naingira omwaamwe, nakoba ati mirembe we aweweibwe omuno ekisa, Omukama ali naawe.
\v 29 Baitu, ye ni yeeralikiira ekigambo ekyo, nalowooza okulamuca okwo nikuli.
\v 30 Ale ontumwa wa Kanca namukoba ati Totiina Malyamu; olwakubba, oboine ekisa eddi oKanca.
\v 31 Erate, bona, olibba ekida olibyaala omwaana wa bwoojo, olimwaalika eibara oYesu.
\v 32 Oyo alibba mukulu, alyeetebwa mwaana wooyo ali aigguru omuno. Erate Omukama oKanca alimuweerya entebe ya Daudi ozeizza waamwe:
\v 33 erate yafuganga ennyumba ya Yakobo emirembe seregenyi, erate Obukama bwaamwe tebuliwaawo.
\p
\v 34 Ale oMalyamu nakoba ontumwa ati kiribba kityai ekyo olwakubba timaite musaiza?
\v 35 Nontumwa nairamu namukoba ati omwooyo omwikiiri alikwiizira namaani gooyo ali aigguru omuno galikuswekeerya, erate ekyo ekiri byaalibwa nikyo kirizwa kyeetebwa ekikiiri, Omwana wa Kanca.
\v 36 Bona, Erizabesi omuganda waamu erate, yeena ali nda ya mwaana wa bwoojo omu bukaire bwaamwe; guni nigwo mweezi gwaamwe ogwa mukaaga eyayetebwanga omugumba.
\v 37 Olwakubba, ndoowo kigambo ekirizwa edi oKanca ekitalibba namaani.
\p
\v 38 OMalyamu nakoba ati, bona nje ndi muzaana wa Kanca; kibbe oku nje nka nonkobera. Ale Ontumwa naazwa waali
\v 39 Ale omu biro ebyo oMalyamu naimuka nayaba maangu omu nsi yansozi, omu kibuga kya oYuda;
\v 40 naiingira omu nnyumba ya Zaakaliya nalamuca Erizabesi.
\v 41 Awo olwakire Erizabesi niyawuliire okulamuca kwa Malyamu, omwaana nagulukaguluka omunda yaamwe; Erizabesi naizulibwa omwooyo omwikiiri;
\v 42 Nabazira aigguru neiraka erikooto nakoba ati oweweibwe omukisa we omu bakali, nekibala ekya munda yaamu kiweweibwe omukisa.
\v 43 Nanje ni, ekigambo kinu kizwiire Lukka ayi, omaama wa Mukama wange okwiiza jendi.
\v 44 Olwakubba bona, eiraka lyakulamuca kwaamu niringiire omu matwi gange, omwaana nagulukaguluka omu nda yange olwaisanu.
\v 45 Aweweibwe omukisa eyaikiriize, olwakubba birikiriira ebyo bi wakobeibwe oKanca.
\p
\v 46 OMalyamu nakoba ati Emeeme yange etendereze OMukama,
\v 47 N’omwooyo gusanyukire oKanca omuccunguri wange.
\q
\v 48 Olwakubba abweine obunaku bwa muzaana waamwe; olwakubba, bona, okwekeera olwa leero aba miijo joona joona banyetanga aweweibwe omukisa.
\q
\v 49 Olwakubba, omuyinza ankoleire ebikulu; neibara lyaamwe rikiiri.
\q
\v 50 Nekisa kyaamwe kiri mu bamutiina Emirembe seregenyi.
\q
\v 51 Alangire amaani nomukono gwaamwe; assansanye abaliina amalala omu kutereera kwa mwooyo gwaabwe.
\q
\v 52 Agobere abafugi abeekulumbalya oku ntebe zaabwe, Atumbiirye abetowaaza
\v 53 Abaliina enzala abaikutisirye ebisai; nabaguuda abairukirye nka tibalina kintu.
\q
\v 54 Ayambire oIsraeri omwiru waamwe aizukire ekisa kyaamwe,
\v 55 Nka niyakobere abaizeiza baiswe, edi oIbulaimu neibyaire lyaamwe emijjo joona joona.
\p
\v 56 Ale oMalyamu namalayo emyeezi nk’eisatu naira ewaamwe.
\p
\v 57 Ale omu biro bya Erizabesi nibiika okubyaala, nabyaala omwaana wa bwoojo.
\v 58 Abalirwana baamwe nabakika kyaamwe ni bawuura nka oKanca abaire wa kisa jaali ni basemeerwa amwe naye.
\v 59 Ale olwaikire oku kiro kya munaanai ni baiza okukomola omwaana; baali bakwendya okumwalika eibara lya Itaamwe oZaakaliya.
\v 60 Omaamwe nairamu nakoba ati bbe, baitu yayalikibwa oYokaana.
\v 61 Nibamukoba bati ndoowo wa mu kika kyaamu ayetebwa eibara eryo.
\v 62 Nibawenya oitaamwe bamanye nakwendya okumwalika.
\v 63 Nayendya ekipandde ekya ku wandiikaku, nawandiika nakoba ati eibara lyaamwe oYokaana ni bewuunya byoona byoona.
\v 64 Ammangu ago akanwa kaamwe ni kaiguka n’olulimi lwaamwe nilusindabuka nasimoola nka akwebalya oKanca.
\v 65 Boona boona abaali balirainewo ni batiina. Nebigamao ebyo byoona byoona nibibuna omu nsi yoona yoona eya Buyudaaya.
\v 66 Boona boona abawuliire ni babiita omu myooyo jaabwe, ni bakoba bati ale omwana oyo alibba atyai? Olwakubba omukono gwa Kanca gwaali amwe naye.
\v 67 Oitaamwe oZaakaliya naizulibwa Omwooyo Omwikiiri, nalagula, nk’akukoba ati;
\v 68 Ayangirizibwe Omukama oKancca wa israeri; olwakubba accaliire abantu baamwe erate, abacungwire.
\q
\v 69 Erate atwimukiirye eyembe erya bucunguri omu nnyumba ya mwiiru waamwe oDaudi.
\q
\v 70 Nka niyasimoleire omu kanwa ka baranji baamwe abakiiri abalowo okuzwa ensi niyabbairewo.
\q
\v 71 Okuccungrwa omu bananzugu baiswe n’omu mikono jaabo boona boona abatucaawa;
\v 72 Okwikiirya ekisa kiyasubiize abaizeiza baiswe, N’okwizukira endagaano yaamwe Lukka ejikiiri.
\q
\v 73 Okwikiirya ekirayiro kiyalairiire oizeiza waiswe oIbulayimu,
\v 74 okukiweerya iswe; iswe ni tucungurwa omu mikono ja bananzigu baiswe, leke tumuwerezenge nka tituluku ki tutiina.
\q
\v 75 Omu bwikiiri n’omu bwikiriri omu maiso gaamwe ebiro byaiswe byoona byoona.
\p
\v 76 Naawe, omwaana, olyetebwa muranji wooyo ali aigguru omuno: Okwakubba alikulembera oKanca okusairya amazira gaamwe;
\v 77 Okumanyisya abantu baamwe obuccunguri, ebibbi byaabwe bibatolebweeku.
\q
\v 78 Olwa kisa kya oKancca waiswe ekisai, emmambya nikyo ezwiire etusaara ezwa omwigguru,
\v 79 Okwaakira abaikala omu ndikiirya n’omu kisikirize ekya lumbbe, okulungamya amagulu gaiswe omu nzira eya mirembe.
\p
\v 80 Omwaana nakula, nayongerwaaku amaani omu mwooyo, nabba omu marungu okwiica oku kiro lwe yalangiibwe edi oIsraeri.
\c 2
\cl Esuura 2
\p
\v 1 Ale olwaikire omu nnaku ezo eiteeka ni rizwa edi oKaisaali Augusito ab’ansi zoona zoona okuwandiikibwa.
\v 2 Okwo nikwo kuwandiikibwa okwekereire okubbaawo oKuleniyo niyaali nka akufuga Obusuuli.
\v 3 Boona boona ni baaba okwewandiika buli muntu omu kibuga kyewaabwe
\v 4 No oYusufu nazwa e Nazaleesi omu kibuga kya Ggaliraaya naniina e Buyudaaya okwaaba omu kibuga kya Daudi ekyetebwa oBesirekemu, olwakubba yaali wa mu nnyumba erate wa mu kika kya Daudi.
\v 5 Yewandiike no Malyamu gwe yaali ayogereza nka alinda.
\v 6 Ale olwaikire baali bakyaali eyo, ennaku zaamwe eza kubyaala niziika.
\v 7 Nabyaala omwaana waamwe akwekeera namusweka omu ngoye eza bwaana obutto namubasisya omu luggo lwa nte, olwakubba tibaboine ibbanga omu kisulo kyabagenyi.
\p
\v 8 Waalowo abaliisya omu nsi eyo abaikalanga okwiitale nka bakukuuma ekisibo kyaabwe obwiire omu mpalo
\v 9 Awo Ontumwa wa wa Mukama nayemeera we baali nekitinisya kya Mukama nikibetoloola nka kikunyerengeta ni batiina muno.
\v 10 Ontumwa nabakoba ati mutatiina olwakubba, bona, mbaleteire ebigambo ebisai ebyaisanu erinji eriribba edi abantu boona boona.
\v 11 Olwakubba olwa leero abyaliibwe ji muli omucunguri omu kibuga kya Daudi niye oKristo Omukama waiswe.
\v 12 Kani niko kabonesyo ji muli; mwaabona omwaana enkerembe nka aswekeibwe omu bugoye nka bamubasisirye omu kisibo.
\p
\v 13 Ale ammangu ago walowo Ontumwa oyo amwe nabandi bainji aba mujje rya mwigguru nka bakuyangiriza oKanca nka bakukoba bati
\v 14 Ekitinisya kibbe edi oKanca waiguru omuno, no mu nsi emirembe gibbe omu bantu abasiimibwa.
\p
\v 15 Ale olwaikire, abantumwa nibazwiire jibabbaire okwaaba omwigguru, abaliisya nibakobangana bati, ale twaabe e Beserekemu tubone ekigambo kinu ekibbairewo, Omukama kyatutegezere.
\v 16 Ni baiza maangu, ni babona oMalyamu no Yusufu n’omwaana onkerembe nka bamubasisirye omu kisibo.
\v 17 Ale abasumba ni bamuboine, ni bategeeza ekigambo kibakobeibwe oku mwaana oyo.
\v 18 Boona boona abawuliire ni bewunya ebyo abasumba bye babakobeire.
\v 19 Baitu oMalyamu niyekumiranga ebigambo ebyo byoona byoona nka akubirowozaaku omu mitima gwamwe.
\v 20 Awo abaliisya ni bairayo nka bakugulumiza n’okwangiriza oKanca olwa bigambo byoona byoona bye bawuliire, bye babwoine, nka nibakobeibwe.
\p
\v 21 Awo ennaku omunaanai ni zaikire ezakukomorwaaamu, nayalikibwa eibara lyaamwe Yesu, lidi elyabaziibwe ontumwa nka akyaali kubba mu kidda.
\p
\v 22 Awo ennaku nizaikire eza kulongooka kwaabwe nka amateeka ga Musa ni gali, ni bamutwaala ni bamuniinisya e Yerusaalemi okumwanjuura Omukama
\v 23 nka ni kyawandikiibwe omu mateeka ga Mukama nti buli kisaiza ekiigulanda kyayetebwanga kikiiri edi Omukama,
\v 24 n’okuwaayo essadaaka nka ni kyabaziibwe omu mateeka ga Mukama, obukaamukukulu bubiri obate enkayuba ezito ibiri.
\p
\v 25 Erate bona, waalowo omuntu omu Yerusaalemi eibara lyaamwe Simyoni, omuntu oyo yaali mwikiriri, erate nka atiina oKanca, nka alindiira okusanyusibwa kwa israeri, erate omwooyo omwikiiri yaali kuye.
\v 26 Oyo yaswekuliirwe omwooyo omwikiiri nti talibona kufa nka akyaali kubona ku Kristo wa Mukama.
\v 27 Naizira omwooyo omu yekaalu: abakaire baamwe nibaingiirye omwaana oYesu okumukola nka neeri empisa ya mateka,
\v 28 ale ye namukwaata omu mikono jaamwe niyebalya oKanca nakoba ati
\v 29 Mukama wange aati osiibule omwiiru waamu emirembe nka ekigambo kyaamu ni kyaali;
\v 30 Olwakubba amaiso gange gaboine obucunguri bwammu.
\q1
\v 31 Buwatekeretekere omu maiso ga bantu boona boona:
\v 32 Okubba eisana eryakumulisa amaanga, N’okubba ekitinisya kya bantu baamu oIsraeri.
\p
\v 33 Oitaamwe no maamwe ni bewuunyanga ebigambo ebyo ebyamusimoirweeku.
\v 34 Ale oSimyoni nabasabira omukisa, nakoba oMalyamu omaamwe nti boona, oni aterebwewo bainji omu Isiraeri bagwenge, bayemerenge, no kubba akabonesyo akakuzumibwa;
\v 35 Erate we empirima erikusumuta omu meeme; ebirowoozo ebya myooyo eziinji biryooke biswekulwe.
\p
\v 36 Ale waalowo omuranji omukali omuwaara wa Fanweri owa mu kika kya Aseri yali yakamala emyaka minji, yabbaire noibaamwe emyaaka musanju nafa.
\v 37 Baitu yaali namwandu nka yakamala emyaaka kinanai nenai, tiyazwanga mu yekaalu, nka aramya oKnca no kusiibanga no kwegayiranga emisaana n’obwiire.
\v 38 Oyo ni yaizire omu kiseera ekyo ni yebalya oKanca nakobanga ebigambo baamwe edi boona boona abaali balindirirye okucungulibwa kwa Lukka Yerusaalemi.
\p
\v 39 Ale ni bamaare okwikiirya byoona byoona ebiri omu mateeka ga Mukama, ni bairayo e Ggaliraaya omu kibuga kya waabwe e Nazaalesi.
\v 40 Ale omwaana nakula, nayongerwaaku amaani, naizulibwa amagezi: ekisa kya Kanca nikibba okuye.
\p
\v 41 Ale abakaire baamwe bayabanga e Yerusaalemi buli mwaaka okumbaga yakwakalaku.
\v 42 Ale ni yaali yakamala emyaaka eikumi neibiri, nabayambuka nka neeri empisa ya mbaga:
\v 43 ale ni baikirye ennaku zaabwe, baali nka bakwirayo, omwaana oYesu nasigala omu Yerusaalemi, na bakaire baamwe ni bateteja:
\v 44 Baitu ni balowooza nka ali mukibuura kyaabwe ni batambula olugendo lwa lunaku lumwei, ni bamutoolya omu baganda baabwe no mu mikwaano zaabwe.
\v 45 Ni batambula ni bairayo eYerusaalemi nka bakumutoolya.
\v 46 Ale olwaikire ni wayakaire ennaku issatu nibamwajja omu omwiramyo nka aikaire akati omu begesya nka bakuwuliirya nka akubabuulya:
\v 47 Boona boona abamuwuliire ni bawuninkiira olwa magezi gaamwe nokwiramu kwamwe.
\v 48 Ale ni bamuboine ni basamaliira: Omaamwe namukoba ati mwaana wange kiki ekitukukoleserye kityo? Bona, oiteewo nanje twakutoirye nka titukubona.
\v 49 Nabakoba ati mwantoleirye ki? Timwamaite nka kinsaniire okubba omu bigambo byaitange?
\v 50 Nibateteja kigambo ekyo kiyabakobere.
\v 51 Naikiira nabo naiza eNazaalesi nabagonderanga: Omaamwe ni yekuumanga ebigambo ebyo byoona byoona omu mwooyo gwaamwe.
\p
\v 52 Ale oYesu ni yeyongerangaku amagezi no kukula, no mu kisa edi oKanca nedi abantu.
\c 3
\cl Esuura 3
\p
\v 1 Ale omu mwaaka ogwa ikumi neitaanu oku mirembe ja Tiberiyo oKayisaali, oPontiyo oPiraato ni yaali nka niye owaisaza lya Buyudaaya no Kerode ni yaali nka akufuga oGgaliraaya, no Firipo omugande nka akufuga Ituliya ne nsi ya Tirakoniti, no Lusaniya niyaali nka niye akufuga Abireene
\v 2 no Ana no Kayaafa ni baali nka nibo bakabona abakusiinga obukulu, ekigambo kya Kanca nikizira oYokaana omwaana wa Zakaliya omwirungu.
\v 3 Naiza omu nsi zoona zoona eziriraine oYoludaani nka akusomesya okubatizibwa okwa kwenenya olwa kwiyibwaaku ebibbi;
\v 4 Nga ni kyawandikiibwe omu kitabo kya Muranji oIsaaya nti eiraka lyooyo asimoora aigguru nti musaiirye enzira ya Kanca, mulungamye amazira gaamwe.
\q1
\v 5 Buli kiwonvu kiriizulibwa, na buli lusozi na kasozi birisairwa, ne kikyamire kirigololwa, na mazira agatali gatereeze gali terezebwa.
\q1
\v 6 Naabo abaliina omubiri boona bali bona obucunguri bwa Kanca.
\p
\v 7 Ale nakoba ebibbuura ebyawulukanga okubatizibwa ye mwenere nti nywe abaana bampiri naani eyabalabwiire okwiruka Obusungu obukwaaba okwiiza.
\v 8 Ale mubale ebibala ebisanire okwenenya, baitu ni mutasooka kusimoola omunda zanywe nti tuliina ozeizza waiswe oBulayimu: Olwakubba nkubakoba nti oKanca ayinza amabbaale ganu okuyindurangamu oIbulayimu abaana.
\v 9 Naatubunu empassa etekeibwe oku kikolo kya misaale; ale buli musaale ogutabala bibala bisai bagutema gunagibwe omu muuro.
\p
\v 10 Ebibbuura nibimubuulya nka bakukoba bati tukole ki?
\p
\v 11 Nairamu nabakoba ati owa kanzu eibiri aweeku oyo ekanzu emwei ataliinajjo n’oyo aliina emmere akole atyo.
\p
\v 12 Nabasolooli nibaizza okubatizibwa, ne bamukoba bati omwegesya tukole tutyai?
\p
\v 13 Nabairamu ati timusoooryanga okusiinga nimwalagiirwe.
\p
\v 14 Erate, abasirukale nibamubuulya nka bakukoba bati isweena tukole ki? Nabairamu ati mutanyomanga muntu yeena yeena, baitu mutakakanga, erate empeera yaanywe ebamalenge.
\v 15 Ale abantu ni baali nka bakusubira, erate boona nka bakulowooza ebigambo bya Yokaana omu myooyo zaabwe, obate nka kaandai niye Kristo,
\v 16 OYokaana nairamu nabakoba boona boona ati mazuma nkubatiza na maizzi; baitu akwiiza niye ansiinga amaani, erate njeena tisaanira kusandabula lukobba lwa nkaito zaamwe; baitu ye alibabatizza no mwooyo ogwikiiri no muuro.
\v 17 Olugali lwaamwe luli mu mukono gwaamwe, okulongoosa omuno eigguliro lyaamwe, n’okukumbania engaano omu kideero kyaamwe; baitu ebisasiro alibyookya n’omuuro ogutalirikira.
\p
\v 18 Erate nasomesya ebindi biinji nka, oYokana akusomesya abantu ebigambo ebisai.
\v 19 Baitu oKerode owaisaza ni yamunenyerye olwo Kerodiya omu kamugande nolw’abigambo ebibbi byoona byoona oKerode biyakoore,
\v 20 erate okwebyo byoona byoona nayongeraku kinu, nakwaata oYokaana namubowa omu nkomyo.
\v 21 Ale olwakire, abantu boona nka bakubatizibwa, niyasabire eigguru ndiswekuka,
\v 22 Omwooyo wa omwikiiri naika oku ye omu kiisani ekya mubiri nka oiruma, neiraka ndiwuluka omwiggulu nti niiwe mwaana wange gwentaka omuno; nkusanukira muno.
\v 23 Erate oYesu ye mwenyenere, yekereire okwegesya nka yakamala emyaaka amakumi assatu. Nka niye mwaana eyalowozeibweku owa Yusufu, omwaana wa Eri.
\v 24 Omwaana wa mattati, omwaana wa leevi, omwaana wa mereki, omwaana wa Yanayi, omwaana wa Yusufu.
\v 25 Omwaana wa mattasiya, omwaana wa Amosi, omwaana wa Nakkumi, omwaana wa Esuli, omwaana wa Naggayi,
\v 26 omwaana wa Maasi, omwaana wa Mattasiya, omwaana wa Semeyini, omwaana wa Yoseki, omwaana wa Yoda,
\v 27 omwaana wa Yokanaani, omwaana wa lesa, omwaana wa Zerubbaberi, omwaana wa Seyalutiyeeri, omwana wa omwaana wa Neeri,
\v 28 omwaana wa Mereki, omwaana wa Addi, omwaana wa Kosamu, omwaana wa Erumadamu, omwaana wa Eri,
\v 29 omwaana wa Yesu, omwaana wa Eryeza, omwaana wa Yolimu, omwaana wa Mattati, omwaana wa Leevi,
\v 30 omwaana wa Simyoni, Lukka omwaana wa Yuda, omwaana wa Yusufu, omwaana wa Yonamu, omwaana wa Eriyakimu,
\v 31 omwaana wa Mereya, omwaana wa Menna, omwaana wa Mattasa omwaana wa Nasani, omwaana wa Daudi,
\v 32 omwaana wa Yese, omwaana wa Obedi, omwaana wa Bowaazi, omwaana wa Salumooni, omwaana wa Nakusoni,
\v 33 omwaana wa Amminadaabu, omwaana wa Aluni, omwaana wa kezulooni, omwaana wa Pereezi, omwaana wa Yuda,
\v 34 omwaana wa Yakobo, omwaana wa Isaaka, omwaana wa Ibulayimu, omwaana wa Teera, omwaana wa Nakoli,
\v 35 omwaana wa Serugi, omwaana wa lewu, omwaana wa Peregi, omwaana wa Eberi, omwaana wa Sera,
\v 36 omwaana wa kayinaani, omwaana wa Alipakusaadi, omwaana wa Seemu, omwaana wa Nuuwa, omwaana wa Lameki,
\v 37 omwaana wa Misuseera, omwaana wa Enoki, omwaana wa Yaledi, omwaana wa Makalaleeri, omwaana wa Kayinaani,
\v 38 omwaana wa Enosi, omwaana wa Seezi, omwaana wa Adamu omwaana wa Kanca.
\c 4
\cl Esuura 4
\p
\v 1 Ale oYesu niyaizwiire Omwooyo omwikiiri naira nka akuzwa omu Yoludaani, Omwooyo namutwaala omwirungu,
\v 2 namalayo ennaku amakumi anai, nka akoyerwa Ositaani. Erate tiyalyanga kintu omunnaku ezo; ale nizaweire, enzala nemuluma.
\v 3 Ositaani namukoba ati obate nka oli mwaana wa Kanca, koba eibbale linu lifooke emmere.
\p
\v 4 OYesu namwiramu ati kyawandikiibwe kiti Omuntu tabbanga mwoomi na mmere yonkai.
\p
\v 5 Namuniinisya, namulanga obukama boona boona obwa mu nsi omu kaseera kadooli.
\v 6 OSetaani namukoba ati nakuwa we obuyinza bunu boona boona, nekitinisya kyaabo; Olwakubba naweweibwe nje: erate ngabira buli gwenyendya.
\v 7 Ale niwaramya omu maiso gange, bunu boona boona bwabba bwaamu.
\p
\v 8 OYesu nairamu namukoba ati kyawandikiibwe kiti oramyanga Omukama oKanca waamu, nigwo owerezanga yenkai.
\p
\v 9 Namutwaala e ayerusaalemi, namuta okukitikiro kya Iramyo, namukoba ati obate nka oli mwaana wa Kanca, ale wenage ansi;
\v 10 Olwakubba kyawandikiibwe kiti Alikuweereza abantumwa baamwe bakukuumire kimwei;
\v 11 Erate kiti Balikuwaniira omu mikono jaabwe, Oleme Okwesitala okgulu kwaamu okwibbaale.
\p
\v 12 OYesu nairamu namukoba ati kyasimoirwe kiti Toyoyeranga mukama oKanca waamu.
\p
\v 13 OSetaani niyamaare buli koyera namulekaku akaseera.
\p
\v 14 Ale oYesu naira e Ggaliraaya omu maani aga mwooyo: Okumanyika kwaamwe nikwaaba nka kusansaana omu nsi ezirirainewo.
\v 15 Nayegesyanga omu makumbbaniro gaabwe boona boona nka bakumuyangiriza.
\p
\v 16 Naizza e Nazaalesi ji yakuliire; oku lunnaku lwa Ssabbiiti nayegesya omwikumbbaniro nka niyaali empisa yaamwe, Nayemeera okusoma.
\v 17 Ni bamuwa ekitabo kya muranji oIsaaya, Naswekula ekitabo, nabona ekitundun awawandikiibwe nti
\v 18 Omwooyo wa Mukama ali kunje, Olwakubba ansukireku amafuta okukobera abooro ebigambo ebisai: Antumire okulangiira abanyage okutaisibwa, N’okuzibula abaigali ba maisio, Nabanyigizibwa okutaisibwa,
\v 19 Okulangiira omwaaka gwa Mukama ogwakwikirizibwamu.
\p
\v 20 Naswekaku ekitabo, nakiriirya omuweereza naikala; abantu boona boona abaali omwikumbbaniro nibamusimbaku amaiso.
\v 21 Natandika okubakoba ati olwa leero ebyawandiikibwa binu bikiriire omu matwi ganywe.
\p
\v 22 Boona boona ni bamwetegereza, nibewuunya olwa bigambo bya kisa ebizwiire omu kanwa kaamwe: nibakoba bati onu tiniye mwaana wa oYusufu?
\p
\v 23 Nabakoba ati timulirema kunkoba lugeero lunu nti Omusawo, wewonie wenkai: byoona byoona bitwawuliire nka bikukolwa omu Kaperunawumu, bikoore naanu oku kyaalo kyaamu.
\v 24 Nakoba ati amazuma nkubako nti ndoowo Muranji aikirizibwa omu kyaalo kyaamwe.
\v 25 Baitu, amazuma nkubakoba nti walowo abanamwandu bainji omw’Isiraeri omu biro by’Eriya, eigguru niryaigaliirwe emyaaka eisatu ne myeezi omukaaga, enzala jinji niyagwiire oku nsi yoona yoona;
\v 26 Eriya tiyatumiibwe edi omwei okwaabo, wazira e Zalefasi, omu nsi ya Sidoni, edi omukali onnamwandu.
\v 27 Erate, waalowo abantu bainji abagenge omw’Isiraeri omu biro bya Erisa Omuranji: Ndoowo n’omwei okubo eyalongookere, wazia oNaamani yenkai Omusuuli.
\v 28 Nibaizula obuwandi boona boona abaali omw’Ikumbbaniro nibawuliirwe ebigambo ebyo;
\v 29 ni baimuka nibamusindikiirya enzai wa kibuga nibamutwaala okw’ibbanga lya lusozi lwe bayombokereku ekibuga kyaabwe bamunage ansi.
\v 30 Baitu, Nabakalamu akati nayaba.
\p
\v 31 Naikiriira e Kaperunawumu, ekibuga kya Ggaliraaya: nabeegereswa oku lunnaku lwa ssabbiiti:
\v 32 ni bawuninkiira olwa kwegesya kwaamwe, olwakubba ekigambo kyaamwe kyaalina obuyinza.
\v 33 Ale omwikumbbaniro mwaalumu omuntu eyaaluku odaimoni; nakunga neiraka erikooto
\v 34 ati woowe, okutujunaana ki we, Yesu omunazaalesi? Oizire anu kutuzikiirya? Nkumaite we nooli omwikikiiri wa Kanca.
\p
\v 35 OYesu namuboigoora nka akukoba ati sirika, muzweeku. Odaimooni niyamunagire ansi namuzwaaku nka tamukoore kabbi.
\p
\v 36 Okuwuninkiira nikubakwaata boona boona nibebuulyangana bonkai nabonkai nka bakukoba bati kigambo ki kinu? Olwakubba alagira nobuyinza namaani abadaimooni nibazwaaku.
\v 37 Okumanyika kwaamwe nikubuna omu buli kifo ekya nsi erirainewo.
\p
\v 38 Naimuka nazwa omwikubbaniro naingira omu nnyumba ya Simooni. Ale onyubyaala wa Simooni yaali nka akwatiibwe omusujja gwinji, nibamwegayiira oku Lukka lwaamwe.
\v 39 Nayemeera waali. Naboigoora omusujja; niguwona: ammangu ago naimuka nabaweereza.
\p
\v 40 Ale eisana nilyaali likugwa, bona abaalina abalwaire abandwaire ezitaali zimwe nibabamuletera, buli omwe okwaabo namutaaku emikono zaamwe, nabatamba.
\v 41 Nabadaimooni nibabazwaaku bainji, nibakunga nka bakukoba bati we oli mwaana wa Kanca. Nababoigoora natabaikiriza kusimoola kigambo, olwakubba betejerya nka niye Kristo.
\p
\v 42 Ale obwiire nibwakyeire, nazwaayo nayaba omu kifo awataali bantu: Ebibbuura nibimuswaagana nibaiza waali, nibendya okumugaana okubazwaaku.
\v 43 Baitu, nabakoba ati kinsaniire okukoba enjiri ya Bukama bwa Kanca no mu bibuga ebindi; Olwakubba nikyo kyansidikisirye.
\v 44 Ale nakoba enjiri omu makumbbaniro aga mu Ggaliraaya.
\c 5
\cl Esuura 5
\p
\v 1 Ale olwaikire ebibbuura nibyamumigiriirye ni bawuura ekigambo kya Kanca, ye yaali ayemereire oku nnyanja Genesaleeti;
\v 2 nabona obwaato bubiri nka buli okunyanja: baitu abategi baali babuzwiremu nka bakunaabya ebitimba byaabwe.
\v 3 Naniinaku eryaato rimwei eryaali erya Simooni; namukoba okulyegeryayo kadooli okuzwa okwitale. Naikala nayegesya ebibbuura omu bwaato.
\v 4 Niyaali nka ammaare okusimoola nakoba oSimooni nti igeera ebuluba, munagge ebitimba byaanywe mutegge.
\p
\v 5 OSimooni nairamu nakoba nti omwaami twategere okukeesya obwiire ni tutakwatisye kintu: baitu olwa kigambo kyaamu nanangga ebitimba.
\v 6 Ale nibakoore batyo, ni bakwaata encwii ziinji munno ebitimba byaabwe nibitaka okutiika.
\v 7 Ni beeta abairaabwe omu bwaato obundi baize babajuneku. Ni baiza ni baizulya obwaato bukali bubiri, n’okwiika ni gataka okwiika.
\v 8 Baitu, oSimooni oPeteero niyaboine nainama oku magulu ga Yesu nakoba ati Ondeke; olwakubba ndi muntu aliina ebibbi, Mukama wange.
\v 9 Olwakubba, yawuninkiriire na boona boona abaali naye olwa ncwii eziinji zibakwatisirye,
\v 10 no Yakobo no Yokana boona batyo abaana ba Zebeddayo abaali baikirize kimwi no Simooni. OYesu nakoba oSimoon ati otatiina: okwekeera ati oizza kuteganga bantu.
\v 11 Ale bawungwiire obwaato bwaabwe ebuluba, nibaleka byoona byoona ni baaba naye.
\p
\v 12 Ale olwaikire niyaali omu kibuga ekimwei okwebyo, bona waalowo omuntu eyaali aizwiire abigenge, namwegaiira nka aku mukoba ati Mukama wange, notaka oyiinza okusaiirya.
\p
\v 13 Nagolola omukono gwamwei namukwataku nka akukoba ati nkutaka, longooka. Ammangu ago ebigenge byaamwe ni bimuwonaku.
\v 14 Ye namukalatira obutakoberaku muntu, baitu yaba werange edi oKabona oweeyo ebya kusaiirwa kwaamu nka oMusa ni yalagiire okubba obujuurwa ji bali.
\v 15 Baitu ebigambo byamwei ni byeyongera kimwei okusansana, ebibbuura biinji ni bikumbaana okuwuura no kutambibwa endwaire zaabwe.
\v 16 Baitu ye ni yeeyawula, nayaba omu marungu nasaba.
\p
\v 17 Ale olwaikire oku lunaku Olumwei okweezo, yaali akwegesya, n’Abafalisaayo nabegesya bamateeka baali baikaire awo, abaali bazwiire omu buli kibuga ekya Ggaliraaya no Buyudaaya no Yerusaalemi: namaani ga Mukama gaali naye okutamba.
\v 18 Bona, abantu ni baletera omuntu oku kitabo eyaali asalaire: ni basala amagezi okumwingirya, ni bendya okumwica omu maiso gaamwei nibalemwa.
\v 19 Nibataboine wa kumwingiirya olwa kibbuura, ni baniina aigguru oku nnyumba ni bamwakalya omu ma toffaali nibamwikiriirya ansi oku kitabo kyaamwei omu maiso ga Yesu.
\v 20 Ale niyaboine okwikiriza kwaabwe, oYesu nakoba ati omuntu, ebibbi byaamu bikutoleibweku.
\p
\v 21 Abawandiiki na Bafalisaayo nibatandika okuwakana nka bakukoba bati naani oni asimoola ebyakutyoboola? Naani ayiinza okutolaku ebibbi, wazira oKanca yenkai?
\p
\v 22 Baitu, oYesu niyetejerye okuwakana kwaabwe nairamu nabakoba ati mukuwakana ki omu myooyo jaanywe?
\v 23 Ekyangu kirai okukoba nti ebibbi byaamu bikutoleibweku; obate okukoba nti imukka otambule?
\v 24 Baitu mweteje nka omwaana wa muntu aliina obuyinza oku nsi okwiyaku ebibbi, nakoba oyo ayaali asalaire, nkukukoba nti imukka oimule ekitabo kyaamu oireyo omu nnyumba yaamu.
\v 25 Ammangu ago naimukka omu maiso gaabwe, naimula ekyo ki yaali abbasiryeku, nayaba ewaamwei, nka okugulumirya oKanca.
\p
\v 26 Okuwuninkiira ni kubakwaata boona boona ni bagulumirya oKanca ni batiina munno nka bakukoba bati tuboine ebya maano olwa leero.
\p
\v 27 Ale oluzwanyuma olwebyo, oYesu nazwaayo nabona omusorolya wa musolo eibara lyaamwe Leevi, nka aikaire omu kifo mwe basorolerya omusolo namukoba ati yakala nanje.
\v 28 Naleka byoona byoona naimukka nayakala naye.
\p
\v 29 OLeevi namusumbira embaga ejikooto omu nnyumba yaamwei: erate waalowo ekibbuura kikooto ekya basoroli nekya bandi abaali baikaire nabo oku mmere.
\v 30 Abafalisaayo nabawandiiki baabwe ni bemulugunya olwa begereswa baamwe, nka bakukoba bati, ekibaliisya no kunyeera amwei na basoroli na bantu abaliina ebibbi ki?
\p
\v 31 OYesu nabairamu nabakoba ati aboomi tibataka mutabambi wazira abalwaire.
\v 32 Nje tinaizire kweeta baikiriri wazira abantu abaliina ebibbi okuwendeka omwooyo.
\p
\v 33 Nibamukoba bati abegereswa ba Yokaana basiibire emirundi zinji erate basabire; erate na Bafalisaayo batyo; baitu abaamu balya, banywa.
\p
\v 34 OYesu nabakoba ati ale muyinza okusiibya abaana ba bugole, Lukka abandwire omugole nabba nka ali nabo?
\v 35 Baitu ennaku ziriiza; ale abandwire omugole nalibatolwaaku ni balyooka basiiba omu nnaku ezo.
\p
\v 36 Erate, nabageera olugeero ati ndoowo muntu ayonola oku lugoye oluyaaka ekiraka nakitunga omu lugoye olukaire. Olwakubba nakola atyo, ekiyaaka kyonola olukaire; erate ne kiraka kyayonola oku luyaaka tikiisana nalukaire.
\v 37 Erate, ndoowo asukka mwenge ogukookya omusawo zabyanzo ezikaire; olwakubba omwenge ogukookya goonola ensawo zabyanzo, ni gususuka, nensawo zabyanzo zifafagana.
\v 38 Baitu kisanira omwenge oguyaaka okugusuka omu nsawo zabyanzo eziyaaka.
\p
\v 39 Erate ndoowo muntu anywiire oku mwenge ogukuure ayendya ogutto; olwakubba akoba ati ogukulu nigwo gusai.
\c 6
\cl Esuura 6
\p
\v 1 Ale olwaikire oku ssabbiiti ni yaali akwaakala omu numiro zangaano; abeegereswa baamwei nibanokola ebirimba bya ngaano ni balya, nka bakukunya omu ngalo zaabwe.
\v 2 Kandi Abafalisaayo abamwei ni bakoba bati kiki ekikubakolesya ekyamuzizo okukoora oku ssabbiiti?
\p
\v 3 OYesu nabairamu nabakoba ati baitu, kinu timukisomangaku, oDaudi ki yakoore ni yalumirwe enzala ye ne beyaali nabo.
\v 4 Niyaingiire omu nnyumba ya Kanca natoola emigaatti ejakulanga nalya, kandi naweerya ne beyaali nabo egyamuzizo kulya okutolaku abakabona bonkai.
\v 5 Nabakoba ati omwaana wa muntu niye Mukama wa ssabbiiti.
\p
\v 6 Olwaikire oku ssabbiiti eyindi, naigira omwikubbaniro nayegesya; mwalumu omuntu omukono gwaamwe oguryo gwaali gukaare.
\v 7 Ale Abawandiiki na Bafalisaayo ni bamuloleera, babone obate nka yatambira oku ssabbiiti, kaisi babone engeri jibamulopamu.
\v 8 Baitu, namanya ebirowoozo byaabwe, nakoba omuntu ayabbaire no mukono ogukaare ati, imukka oyemeere akati. Naimukka nayemeera.
\v 9 Ale oYesu nabakoba ati, nkubabuulya nywe, kisai oku ssabbiiti okukola obusai, obate okukola obubbi, kutamba bwoomi obate kubusania wo?
\v 10 Nabetoloolya amaiso boona boona, namukoba ati imukya omukono gwaamu nakola atyo; omukono gwaamwe ni guwona.
\v 11 Ale ni batabuka ni basimoola bonkai na bonkai ki bakoora oYesu.
\p
\v 12 Olwaikire omunnaku ezo nazwaayo nayaba oku lusozi okuramya nakeesya obwiire nka akuramya oKanca.
\v 13 Obwiire ni bwakeire nayeta abeegereswa baamwe; omu bo nalondamu ikumi nababiri no kubeeta nabeeta abatume.
\v 14 OSimooni gwe yayalikire oPeetero, no Andereya omuganda waamwe, no Yakobo, no Yokaana, no Firipo, no Battolomaayo,
\v 15 no Matayo, no Tomasi, no Yakobo omwaana wa Alufaayo, no Simooni eyayetebwanga oZerote,
\v 16 no Yuda omuganda wa Yakobo, no'Yuda oIsikalyoti eyamuliremu olukwe.
\p
\v 17 OYesu Naniinuka nabo ansi nayemeera awatereri, ne kibbuura kikooto ekya beegereswa baamwe na bantu baiinji okuzwa e Buyudaaya yoona yoona, no mu Yerusaalemi na bazwiire eruguru wa nnyanja eya Tuulo no Sidon, abaizire oku muwuliirya no kutambibwa endwaire zaabwe,
\v 18 na baali bakugadda no daimooni ni batambibwa.
\v 19 Ne kibbuura kyoona kyoona nikisala amagezi okumukwaataku mbbe: olwakubba amaani gazwanga omu ye nigabatamba boona boona.
\v 20 Naimukya amaiso gaamwei edi abeegereswa baamwe, nakoba ati muliina omukisa abooro, olwakubba Obukama bwa Kanca nibwo bwaanywe.
\v 21 Muliina omukisa abalumwa enzala ati, olwakubba muliikusibwa, muliina omukisa abakunga ati, olwakubba muliseka,
\v 22 Muliina omukisa abantu nibabakyawanga, nibabewalanga, nibabazumanga, nibabakolimanga nka ababbi, okubajunaania omwaana wa muntu.
\v 23 Musagarukanga oku lunnaku olwo, mugulukanga olwaisanu: Olwakubba bona, empeera yaanywe jinji omwigguru: Olwakubba abaizeiza baabwe nimwo baakolanga abarnji batyo.
\p
\v 24 Zibajirye nywe abaguuda, olwakubba mu maare okubba neisanu lyanywe.
\v 25 Zibajirye nywe abaikutire ati, olwakubba mulirumwa enzala. Zibajirye nywe abakuseka ati, olwakubba mulinakuwala, mulikunga.
\v 26 Zibajirye, abantu boona boona nibalibasiima! Olwakubba batyo abaizeiza baabwe nimwo baakolanga abaranji ba bubeyegi.
\p
\v 27 Baitu nkubakoba nywe abakuwuura nti mwendyenge abananzugu baanywe, mukolenge kusai ababakyaawa.
\v 28 Musabirenge omukisa ababakolimira, musabirenge ababakooraku eitiji.
\v 29 Oyo akupaayanga oluyi okuluba, omukyusizanga no lwa kabiri; nakutolangaku omunagiro gwaamu ne kanzu tojimugaananga
\v 30 Na buli akusabanga omuweryanga; nooyo akutolangaku ebintu byaamu tobimusabanga te.
\v 31 Erate nka nimutaka abantu okubaakalya, nywena mubaakalyenge mutyo.
\p
\v 32 Kandi nimutaka abo ababataka nywe bali bebalyaaku ki? Olwakubba na bantu abata nebibbi bataka abo ababataka.
\v 33 Erate nimukola okusai abo ababakola okusai, nwye bali bebalyaaku ki? Olwakubba na bantu abata nebibbi nimwo bakola batyo.
\v 34 Ale nimwazika abo be musuubira okubaweerya, bali bebalya ki? Na bantu abata nebibbi bazika abata nebibbi, erate baweebwa batyo.
\v 35 Baitu mendyenge abananzigu banywe mubakolenge kusai, mwazikenge kandi timukanganga kusubira; ne mpeera yaanywe eribba jinji, nyweena mulibba baana bo’Oyo ali aigguru omunno: Olwakubba niye musai edi abateebalya na babbi.
\v 36 Mubbenge ne kisa, nka oitanywe naalina ekisa.
\p
\v 37 Ale timusalanga musango, nanywe timulisaarwa: erate timusingisianga musango, erate nyweena timulisingisibwa musango: musonyiwenge, nanywe mulisonyiyibwa.
\v 38 Mugabenge, Lukka nyweena muliweebwa; ekigero ekisai ekiikatiibwe, nikitengetebwa ekikususukasusuka. Nikyo balibaweera omukifubba. Olwakubba ekigero ekyo kimugera, nanywe nikyo muligeerwa.
\p
\v 39 Erate nabakoba olugeero ati, omulibbi wa maiso asobola okukulembera omulibbi omwiraamwe? Tibagwa bakali babiri omu bwiina?
\v 40 Omweegereswa tasiinga amwegesya: Baitu buli muntu naikiriira omubyayegere alibba nka amwegesya.
\p
\v 41 Kiki ekikuloleerya akantu akali oku liiso lya muganda waamu, no tolowooze ku kineni ekiri oku liiso lyaamu?
\v 42 Obate osobola otyai okukoba omuganda waamu nti muganda wange, ndeka nkutooleku akantu akali oku liiso lyaamu, baitu nka tokubona kineni ekiri oku liiso lyaamu we? Kiweeweita we, osooke otooleku ekineni ekiri oku liiso lyaamu we; ale obone kusai okwiyaku akantu akali oku liiso lya muganda waamu.
\p
\v 43 Olwakubba ndoowo musaale gusai ogweerya ebyeera ebibbi, gonze omusaale ogubbi ogweerya ebyeera ebisai.
\v 44 Olwakubba buli musaale gwetejerwa ku byeera byagwo. Olwakubba, tibanokola etiini ku busaana, nekindi tibanokola zabbibbu ku mweeramanyo.
\v 45 Omuntu omusai, ekintu ekisai akitoola mw’ibiikiro erisai erya mwooyo gwaamwe, no mubbi ekibbi akitoola mw’ibiikiro eribbi: Olwakuba ekiizula mwooyo akanwa nikyo kawulukya.
\p
\v 46 Ale munyetera ki Omukama wanywe, Omukama wanywe, atenga timukola bigambo byensimoola?
\v 47 Buli muntu yeena yeena aizza jendi nawuura ebigambo byange nabikola, nabalanga gwakwisana:
\v 48 ayisana nka omuntu ayomboka ennyumba nasaka ansi omuno, omusiinji nakuta omu lwaazi; ale amaizzi nigaizula, omwigga gukutenta oku nnyumba eyo namaani, okujinagga, nokusobola nigutasobola kujitengeitya: olwakubba yayombokeibwe kusai.
\v 49 Baitu oyo awuura natakole, ayisana nko’muntu eyayombokere ennyumba okwitakali natasake musiinji: omwigga ni gukutenteraku namaani ammangu ago neggwa, no kuggwa kwa nnyumba eyo nikubba kukooto.
\c 7
\cl Esuura 7
\p
\v 1 Ale oYesu niyamaare okubaza ebigambo byamwei byoona byoona omu bantu, naingira e Kaperunawumu.
\v 2 Ale walowo omwaami wa kitongole omwiiru waamwei gwe yaali ayendya omuno yaali nka alwaire nka akwaaba kuffa.
\v 3 N’oyo niyawuliire ebigambo bya Yesu natuma abakaire b’Ababayudaaya jaali nka akumusaba okwiiza okucungura omwiiru waamwei.
\v 4 Boona nibaizire eddi oYesu, ni bamwegaira muno, ni bakoba bati osaniire we oku mukoora ekyo:
\v 5 olwakubba ayendya eiyanga lyaiswe, n’eiramyo niye yali tombokeire.
\p
\v 6 Ale oYesu nayaba nabo. Ale ni yaali nka tali alai ne nnyumba, omwaami oyo natuma eminywaani jaamwe jaali, nka akumukoba ati sebo, tiwegadya kwiiza, olwakubba nje tinsaniire we kwiingira ansi wakasolya ka kange:
\v 7 erate nikyo nzwiire ndema okwesanyiza njekai okwiiza jooli, baitu simoola kigambo bugambo, n’omwaana wange yawona.
\v 8 Olwakubba nanje ndi muntu atwaalibwa, erate nka ndina abasirikale b’entwaala: ninkoba omuntu nti yaba, ayaba, n’owondi nti izza, aizza, n’omwiira wange nti kola kini, akikola.
\p
\v 9 OYesu niyawuliire ebyo, niyewuunya nakyukira ebibbuura eby’aali bikumusengeerya nakoba ati nkubakoba nti timbonanga kwikiriza kukooto nka kunu gonze omw’Isiraeri.
\v 10 Ale abantu abatumiibwe nibaire omu nnyumba nibasnga omwiiru nka awonere
\v 11 Ale olwaikire niwayakairewo eibbanga lidooli, nayaba omu kibuga ekyetebwa Nayini; abeegereswa baamwei n’ekibbuura ekikooto nibaaba naye.
\v 12 Ale niyasembeire oku mulyango gwa kibuga, bona, omulambo nka bakuguwulukya enzai, ogwa mwaana omaamwei gwe yabyaire omwei, n’omaamwe oyo nka namwandu; na bantu baiinji aba mu kibuga omwo nka bali naye.
\v 13 Ale Omukama waiswe ni yamuboine n’amusaasira namukoba ati Otakunga.
\v 14 Nasembera nakwaata oku sanduuke, baddi abaali beetikire ni bemeera. Nakoba ati omwojjo, nkukoba oti imukka.
\v 15 Oyo eyaali afiire naimuka, naikala, natandika okubaza. Namuweerya omaamwe.
\p
\v 16 Obutiini ni bubakwaata bona boona, ni bayangiriza oKanca; nka bakukoba bati omuranji omukulu aimukiire mwiswe: erate oKanca akyaliire abantu baamwei.
\v 17 Ne kigambo kyamwei ekyo ne kisansanira omu Buyudaaya boona boona, n’omu nsi yoona yoona erirainewo.
\p
\v 18 Ale abeegereswa ba oYokaana ni bamukobera ebigambo byoona byoona.
\v 19 OYokaana nayeta abeegereswa baamwei babiri n’abatuma eddi Omukama waiswe, nk’akukoba ati niiwe oyo akwiiza, kanda tulindiire owondi?
\p
\v 20 Ale abantu abo nibaikire jaali, ni bakoba bati oYokaana omubatiza atutumire jooli, nka akukoba ati niiwe oyo akwiiza, kanda ki tulindiireyo owondi?
\p
\v 21 Ale omu kisera ekyo natamba baiinji endwaire n’okuwaralibwa, n’odaimooni, nabaigali ba maiso baiinji nabatamba.
\v 22 OYesu nairamu nabakoba ati mwaabe mukobere oYokaana ebyo bi muboine ne bye muwuliire, abaigaili ba maiso bakubonia, abacencegere bakutambula, abagenge bakulongooka, abaigali ba matwi bakuwuura, abaffu bakuyimbooka, abooro bakukobeurwa enjiri.
\v 23 Erate aliina omukisa oyo atalinesitaalaku.
\p
\v 24 Ale abakwenda ba oYokaana ni bamaare okwaaba, natandika okubaza ne bibbuura bya Yokaana ati kiki ki mwagendereire omwirungu okubona? Olumole olutengeetebwa n’omulombe?
\v 25 Baitu kiki ki mwagendereire okubona? Omuntu azwaire engoye ezikunekaneka? Bona abazwaala engoye ezisai, abalya emmere ejisai, babba mu mbuga za bakama.
\v 26 Baitu kiki kimwagendereire okubona? Omuranji? Nimwo mbbe, nkubakoba, erate asiingira kimwei omuranji.
\v 27 Oyo niye eyawandikiibweku nti Bona, nje nkutuma omukwenda wange omu maiso gaamu, alisaiirya omuwanda lwaamu jokwaaba.
\p
\v 28 Nkubakoba nti omwaabo ababyalibwa omukali, ndoowo asiinga OYokaana obukulu, baiyu omuto omu bukama bwa Kanca niye mukulu okusiinga ye.
\p
\v 29 N’abantu boona boona nibawuliire n’abasoroli ni baikiriza oKanca okubba omwikiriri ababatiziibwe omu kubatiza kwa oYokaana.
\v 30 Baitu Abafalisaayo, nabegereswa ba mateeka, ni bagaana okuteesa kwa Kanca olwakubba tibabatiziibwe ye.
\p
\v 31 Ale abantu aba mirembe zinu n’Abafalisaayo kiki?
\v 32 Bali nka abaana abaikala omu katale, nka bakwetangana; abakoba bati tubafuwiire emirere ni mutabine; tukungire nga abafiriibwe, ni mutakunge maliga.
\v 33 Olwakubba, oYokaana omubatiza yaizire nka talya mmere’ erate nka tanywa mwenge; ni mukoba muti aluku daimooni.
\v 34 Omwaana wa muntu yaizire nk’akulya nk’akunywa ni mukoba muti bona, omuntu wamairu, omutamiire, omunywaani wa basololya, erate ow’abantu abata n’ebibbi.
\v 35 Erate, amagezi gaweebwa obwikiriri olwa baana baago boona boona.
\p
\v 36 Ale Omufalisaayo omwei namweeta okulya naye, niyangiire omu nnyumba ey’Amufalisaayo oyo naikala oku mmere.
\v 37 Ale, bona, omukali eyaali omu kibuga omwo, eyaalina ebibbi, niyetejerye nka aikaire oku mmere omu nnyumba y’Amufalisaayo, naleeta eccupa eya mafuta aga musutai,
\v 38 nayemeera emabega w’amagulu gaamwei, nka akukunga, natandika okumutonyeza amaliga oku magulu gaamwei, nabisangula neisoke ery’akumutwe gwaamwe, navumbbatira amagulu gaamwe, nagasiiga amafuta.
\v 39 Ale Omufalisaayo eyamweetere niyaboine, nabaza omunda yaamwei ati omuntu onu, siinga abbaire muranji yandyetejerye omukali amukwataku nali, erate naisana, nka atta n’ebibbi.
\p
\v 40 OYesu nairamu nakoba ati Simooni walowo kinkwendya okukukobera, nakoba ati mwegesya bazza.
\v 41 OYesu Waalowo omuntu ey’awolanga, baitu yaalina batonga babiri, omwei nka akutongebwa eddinaali bitaanu, n’owondi ataanu.
\v 42 Ale nibaali nka tebaliina kya kumusasula nabasaasira bakali babiri. Ale okwaabo alisiinga oku mwendya alai?
\p
\v 43 OSimooni nairamu nakoba ati nkulowooza oyo gwe yasiingire okusaasira eziinji omuno. Namukaba ati osaare kusai.
\v 44 OYesu nayindukira omukali oyo, nakoba ati Simooni okubona omukali onu? Nyingiire omu nnyumba yaamu notamperye maizzi ga magulu gange: baitu onu atonyeize amaliga gaamwe oku magulu, nagasimulisya eisoke lyamwei.
\v 45 Tonvumbbatiire we: Baitu, onu nakaingiira akyaali kulekawo kuvumbbatira magulu gaange.
\v 46 Tosiigire mafuta ku mutwe gwange; baitu onu ansiigire amafuta aga musutai oku magulu gaange.
\v 47 Nikyo nzwa nkukoba nti asaasirwe ebibbi byaamwei ebiinji olwakubba okwendya kwamwei kwiinji; Baitu, asaasirwa akadooli okwendya kwamwei kudooli.
\v 48 Namukoba ati osaasirwe ebibbi byaamu.
\p
\v 49 Ale abaali baikaire oku mmere naye, nibatandika okubaza bonkai n’abonkai nti naani onu asaasira n’ebibbi?
\p
\v 50 OYesu nakoba omukali ati okwikiriza kwaamu kukucungwire; yaba mirembe.
\c 8
\cl Esuura 8
\p
\v 1 Ale olwakire oluzwanyuma kadooli oYesu natambula omu bibuga n’omu mbuga nka akukoba enjiri ey’abukama bwa Kanca, baddi eikumi nababiri nka bali naye,
\v 2 n’abakali abaatambiibwe edaimooni ne ndwaire, oMalyamu eyayetebwanga oMagudaleene eyazwireku edaimooni omusanjju,
\v 3 no Yoona omukali wa Kuza, omuwanika wa Kerode, no Susaana, n’abandi baiinji abaabaweerezanga ebintu bi baalinabyo.
\p
\v 4 Ale ekibbuura ekikoota ni ky’akumbbaine nabazwanga omu buli kibuga, ni baizire jaali, nabakobera olugeero nti
\v 5 Omusiggi yawulukire okusigga ensigo zaamwei; niyaali nk’akusigga, ezindi nizigwa oku mabbali g’anzira; nizininiirwa, ebinyonyi bya mwibbanga nizizirya.
\v 6 Ezindi nizigwa oku lwaazi; nizamaare okumera niziwotokeera olwa kubulwa amaizzi.
\v 7 Ezindi nizigwa akati omu mawa; amawa nigameera amwe nazzo nigazizica.
\v 8 Ezindi nizigwa okwitakali erisai; ni zimera, ni zibalaku emmere buli mpeke kikumi. Niyamaare oYesu okubaza ebigambo ebyo, nabazira aigguru nti atan’amatwi aga kuwuura awuure.
\p
\v 9 Ale abeegereswa baamwe ni bamubuuly bati olugeero olwo kiki?
\v 10 Nabakoba ati nywe muwereibwe okweega ebyaama ebya bukama bwa Kanca: baitu abandi mu ngeero; erate nibabona baleme okubona, erate ni bawuura baleme kweteja.
\p
\v 11 Erate, olugeero ni lwo lunu: Ensigo ni kyo kigambo kya Kanca.
\v 12 Baddi aba kumabbali g’anzira nibo bawuura; ale osetaani naiza nakwakula ekigambo omu mitima zaabwe baleme kwikiriza n’okucungurwa,
\v 13 Naba ku lwaazi nibo bawuura ekigambo ni baikiriza n’eisanu; kyonkai tibaliina mirandira. Bakikirizeeku kasera, erate omu biro byakoyerwa ni banakiwa.
\v 14 Neezo ezagwiire omu mawa; abo nibo abawuura, ale ni baaba ni balemesebwa no kweralikiira n’obuguuda n’eisanu ery’abwoomi bunu nibataikirirye ku kulya mmere.
\v 15 Neezo eza mwitakali erisai; abo nibo abawuura ekigambo omu mutima ogugolokoki, ogusai, ni bakinyweeza, ni babala emmere n’okuguminkiriza.
\p
\v 16 Erate, ndoowo akoleerya itaala najivuninkira omu kisira, obate okujita ansi wa kitabo; baiti ajita ku kikondo abangiramu babone neyaka.
\v 17 Olwakubba ndoowo kigambo kya kyaama ekitaliboneka; gonze eky’akwekeibwe ekitalimanyika nikiboneka omu lwaatu.
\v 18 Ale mwekumenge ni muwuura; olwakubba buli aliina, aliweebwa; erate buli ataalina n’ekyo kya kulowooza nti alinakyo kirimutolebwaku.
\p
\v 19 Ale omaamwei na bagande ni baiza jaali, ni batasobole kumwikaku olwa kibbuura.
\v 20 Nakoberwa nti Omaawo na baganda baamu bemereire enzai bakwendya ku kubona.
\p
\v 21 OYesu nairamu nabakoba ati Omange na baganda bange, nibo abo abawuura ekigambo kya Kanca ni bakikola.
\p
\v 22 Ale olwaikire oku lunnaku olumwei okweezo naniina omu bwaato na beegereswa baamwei; nabakoba ati tusomoke twaabe emitala wa nnyanja; ni bayaba.
\v 23 Ale ni babbaire nka bakuseyeeya na bbasya otulo. Ompungo omwiinji na fuuwa oku nnyanja, amaizzi nigabba nka agakwaaba okwizula ni babba omu buzibu.
\p
\v 24 OYesu nibaiza we yaali nibamwimuca nka bakukoba bati Mukama waiswe, Mukama waiswe, Tukufa. Naimuka naboigoora ompungo, n’okwefukuula kwa maizzi; ni bikaikana, neteeka?
\p
\v 25 Nabakoba ati okwikiriza kwanywe kulayi? Nibatiina nibewuunya, nibabaza bonkai n’abonkai bati ale naani onu, olwakubba omulombe na maizzi abiragira ni bimuwuura.
\p
\v 26 Ale ni baika oku nsi ya Bagerasene nka akwaaba e Ggaliraaya.
\v 27 Ale oYesu niyazwiremu naika okwitale, nayaja omuntu nka akuzwa omu kibuga eyaaluku odaimooni nka yakamala ennaku ziinji nka tawaala lugoye no mu nnyumba nka taikalamu, baitu yabbanga mu magombe.
\p
\v 28 Niyaboine oYesu nabazira aigguru nainama omu maiso gaamwe, nabaza neiraka erikooto ati okunjunaana ki, oYesu Omwaana wa Kanca ali aigugru omuno? Nkwegayiriire ota mbonereza.
\v 29 OYesu Olwakubba yaali alagiire odaimooni okuzwa oku muntu oyo. Olwakubba yaali yakamala ebiro biinji nka amukwaite: yabuwebwanga mu njegere, n’omumasamba nk’akumibwa; nakutulanga bibamusibisirye, odaimooni namusengeryanga omwirungu.
\p
\v 30 OYesu namubuulya ati eibara lyaamu niiwe naani? Nakoba ati liigyoni; olwakubba abadaimooni baiinji abamwingiremu.
\v 31 Nibamwegayiira aleme kubalagira kumuzwaaku okwaaba omu bwiina.
\v 32 Ale wabbairewo eiggana lya mberege eziinji nka zikulya oku lusozi, ni bamwegayiira abalagire bazingiremu. N’abalagira.
\v 33 Ale abadaimooni nibazwa oku muntu ni baingira omu mberege: eiggana nizitumbeera omwibbanga ni zigwa omu nnyanja nizifa amaizzi.
\p
\v 34 Ale abasumba ni baboine ebibbairewo; ni bairuka ni babibazira omu kibuga no mubyaalo.
\v 35 Abantu ni bazwaayo okubona ebibbairewo, ni baiza edi oYesu ni babona omuntu oyo ayazwireku abadaimooni nka aikaire awali amagulu ga oYesu, nka azwaire olugoye, nk’okumanya kwaamwe kumwiremu: Nibatiina.
\v 36 N’abo ababoine ni bakobera abandi niyakoleibwe oyo eyaali akwatiibwe abadaimooni.
\v 37 N’abantu boona boona aba nsi y’Abagerasene erirainewo ni oYesu bamwegayiira azwe jibali, olwakubba baali batiinire muno. N’aniina omu bwaato nairayo.
\v 38 Baitu omuntu eyazwireku abadaimooni namwegayiira abbe naye; baitu namusiibula nka akukoba ati
\v 39 Irayo omu nnyumba yaamu, onyonyole ebigambo oKanca bya kukoleire nibiri ebikulu. Nayaba nka akukobera ekibuga byoona byoona nka nibiri ebikulu oYesu bi yamukoleire.
\p
\v 40 Ale oYesu ni yaire, ekibbuura ni kimwaniriza neisanu; olwakubba boona boona baali nka bamulindiriire
\v 41 Ale, bona, omuntu eribara lyaamwe Yayiro omukulu wa ikunbbaniro naiza nagwa awali amagulu ga oYesu namwegayiira okwingira omu nnyumba yaamwe:
\v 42 Olwakubba yabbaire n’omuwaara eyabyaliibwe omwei nka yekamala emyaaka ikumi nabiri, erate oyo yaali nka alampi okufa. Baitu oYesu niyaali nka akwaaba ebibbuura ni bimumigiirya.
\v 43 No mukali ayaali alwaire ekikulukuto ky’aisagama emyaaka ikumi naibiri eyaweryanga abasawo ebintu byaamwe natasobole kutambibwa muntu yeena yeena.
\v 44 Oyo namuwuluka emabega nakwaata oku lukugiro lwa lugoye lwaamwe: amaangu ago ekikulukuto kyaamwe nikikoma.
\v 45 OYesu nakoba ati naani ankwaiteku? Ale nibegaine boona boona, oPeetero na bairaamwe ni bakoba bati Mukama waiswe, ebibbuura bikwetoloire bikumigiriirye.
\p
\v 46 Baitu oYesu nakoba ati omuntu ankwiteku: olwakubba mpuliire amaani nka ganzwiremu.
\v 47 Ale omukali oyo ni yaboine nka takwekeibwe, naiza nka akutiina namufukamiira, namukobera omu maiso ga bantu boona boona ensonga neeriy emu mukwatisiryeku, ne bwawonere amaangu ago.
\v 48 Namukoba ati omwaana wange, okwikiriza kwaamu ku kuwonere: yaba mirembe.
\p
\v 49 Ale yabbaire akyabaza, ni waiza omuntu eyazwire omu nnyumba ya mukulu waikumbbaaniro nka akukoba ati omwaala waamu afiire; otatawanya mwegesya.
\p
\v 50 Baitu oYesu niyawuliire nawiramu nti Otatiina: ikiriza mbbe yaabba mwoomi.
\v 51 Ale niyaikire oku nnyumba nataikirize muntu yeena yeena wondi kwingira baitu wazira oPeetero n’oYokaana no Yakobo n’oitaamwe wa mwaala n’omaamwe.
\v 52 Ale babbaire nka bakukunga boona boona nka bakumukobera; ye nakoba ati Mutakunga, olwakubba tafiire, baitu abbasirye tulo.
\v 53 Ni bamusekeera muno, olwakubba betejerye nk’afiire.
\v 54 Ye namukwaata oku mukono nabazira aigguru ati omwaala, imukka.
\v 55 Omwooyo gwaamwe ni gwiira, nayemeera amaangu ago. Nabalagira bamuweerye ekya kulya.
\v 56 Ababyaire baamwe ni bawuninkiira; baitu ye nabakuutira baleme kukoberaku muntu yeena yeena ebibbairewo.
\c 9
\cl Esuura 9
\p
\v 1 Nabetera amwei abeegereswa baamwei eikumi nababiri nabawa amaani no buyiinza oku badaimooni boona boona n’okutamba endwaire.
\v 2 Nabatuma okukoba obukama bwa Kanca n’okutamba abalwaire.
\v 3 Nabakoba ati timutwaala kintu kya munzira, gonze omwiigo, gonze olukobba, gonze emmere, gonze effeeza; erate timubba na kanzu ibiri.
\v 4 Nabuli nnyumba ji mwangiranga, mubbe omwo, erate nimwo mubbe muzwenge.
\v 5 Erate boona booona abatabaikirizenge, ni mubba nka mukuzwa omu kibuga ekyo, ocucu wa magulu ganywe mu mukunkumulenge abbe omujuurwa jibali.
\v 6 Ale ni baaba nibetoolola omu bibuga byoona byoona nka bakukoba enjiri, nka bakutamba abantu omu buli kifo.
\p
\v 7 Ale omukama oKerode owaisaza nawuura byoona byoona ebyakoleibwe; nabitankana muno olwakubba abantu bakobera bati oYokana ayimbookere omu bafu.
\v 8 Abandi bati Eriya abonekere; n’abandi bati abaranji abairai omwei aku bo ayimbookere.
\v 9 OKerode nakoba ati oYokana ninje namutemereku omutwei: baitu naani oyo gwe nkuwuuraku ebigambo ebikwenkana awo? Nayendya oku mubona.
\p
\v 10 Ale abakwenda ni bamaare okwiira, ni bamukoba byoona byoona bi bakoore. Nabatwaala niyayawula nayaba nabo mu kyaama omu kibuga ekyetebwa Besusayida.
\v 11 Baitu ebibbuura ni betejere ni bamusengeerya: na baaniriza, nabaza nabo ebigambo eby’abukama bwa oKanca, nabaali bakwendya okutambibwa ni batambibwa.
\p
\v 12 Ale eisana lyaali likugwa, abo eikuni nababiri nibaiza jaali ni bamukoba bati siibula ekibbuura baabe omu mbuga n’omu byaalo bya ampi babbasye, baswaage eby’akulya; olwakubba ani tuli mu mutala gwereere.
\p
\v 13 Nabakoba ati nywe mu bawe eby’akulya. Ni bamukoba bati Titulina kintu okwiyaku emigaati eitaanu ne binagge ebibiri; kyonkai twaabe tubaguure eby’akulya abantu banu boona boona?
\p
\v 14 Olwakubba baali abasaiza nk’enkumi itaanu. Nakoba abeegereswa baamwei ati mubaikalisye abantu ataanu ataanu.
\v 15 Ni bakola batyo, ni babaikalisya boona boona.
\v 16 Nairira emigaati eitaanu ne binagge ebibiri, naimula amaiso omwigguru nabyebalya, nabiwendamu, nawa abeegereswa baamwei oku bita omu maiso ga beegereswa.
\v 17 Ni balya ni baikuta boona boona; nibakumbbania obukunkumuki obwasigaire ebsira ikumi na bibiri.
\p
\v 18 Ale olwaikire niyaali nka akusaba yenkai, abeegereswa baamwei baali amwei naye. Nababuulya nka akukoba ati ebibbuura binyeta naani?
\p
\v 19 Ni bairamu nibakoba bati Yokaana omubatiza; baitu abandi bati Eriya; n’abandi bati omwei oku baranji abeirai ayimbookere.
\p
\v 20 Nabakoba ati baitu nywei munyeta naani? OPeetero nairamu namukoba ati niiwe Kristo wa Kanca.
\p
\v 21 Baitu nabakalatira nabakoba baleme kukoberaku bantu kigambo eky;
\v 22 nk’akukoba ati kisaniire omwaana wa muntu okuwaralibwa ebiingi, n’okuganibwa abakaire na bakabona abakulu n’abawandiiki, n’okwittibwa, erate oku lunnaku olwa kasatu okuyimbooka.
\p
\v 23 Nabakoba boona boona ati omuntu nataka okunsengeerya, yefirize yenkai yetiikenga omusalabba gwaamwei buli lunnaku ansengeerye.
\v 24 Olwakubba ayendya okucungura obwoomi bwaamwei, ali bubulya; baitu buli alibulya obwoomi bwaamwei oku lwange oyo alibucungura.
\v 25 Olwakubba kiri mugasaaki omuntu okulya ensi yoona yoona nka yebuurye, obate nka yetundire?
\v 26 Olwakubba buli ankwatirwa ensoni nje n’ebigambo byange, oyo n’Omwaana wa muntu ali mukwatirwa ensoni na liizira omu kitinisya kyaamwei n’omu kyaitaamwe n’omu ky’abantumwa abaikiiri.
\v 27 Baitu nkubakoba mazuma nti walowo abemereire anu abatalibona ku kufa okwiica nibalibona obukama bwa Kanca.
\p
\v 28 Ale olwaikire oluzwanyuma oYesu lwa bigambo ebyo nka waakairewo ennaku munaanai, natwaala oPeetero n’oYokana, n’oYakobo, naniina oku lusozi okuramya.
\v 29 Ale niyaali akusaba ekisani kya maiso gaammwe nikibba kindi, ne kizwaalo kyaamwei nikibba kyeru nka kikupirikita.
\v 30 Ale, bona, abantu babiri nibabaza naye, abo baali oMusa n’Eriya.
\v 31 Ababonekere nka baliina ekitinisya, nibabaza oku kufa kwa kwaaba okwikiriirya omu Yerusaalemi.
\v 32 Ale oPeetero ne beyaali nabo baali bakwatiibwe otulo, Baitu ni bagalabukire ni babona ekitinisya kyaamwei n’abantu ababiri abemereire waali.
\v 33 Ale olwaikire ni baali nka bakwaaba okwawukana naye, oPeetero nakoba oYesu nti Mukama wange, kisai iswe okubba anni; tomboke ensisira isatu, emwei yaamu, emwei ya Musa, emwei ya Eriya; nka tamaite kyakubaza.
\v 34 ALe niyaali nka akyabaza ebyo, ekicu nikiiza ni kibasweeka: ni bangiire omu kicu ni batiina.
\p
\v 35 Eiraka ni riwuka omu kicu ni likoba liti oyo niye omwaana wange gwenalondere: Mumuwuure ye.
\v 36 N’eraka eryo niryaizire, oYesu naboneka yenkai. Boona nibasirika mbbe, ennaku ezzo nibatakoberaku muntu kigambo kyoona kyoona okweebyo bibaboine.
\p
\v 37 Ale olwaikire oku lunnaku lwa kabiri ni bazwiire oku lusozi, ekibbuura ekikooto ni kimutangarana.
\v 38 Erate, bona, omuntu owa kibbuura nabazira aigguru nakoba ati omwegesya, nkwegayiriire okubona oku mwaana wange, olwakubba namubyaire omwei:
\v 39 erate, bona, odaimooni amukwaata nakunga amaangu ago; namonola, n’okufekeera ejjovu, erate amuzwaaku lwa maani, amumenyeremenyere muno.
\v 40 Nanje neegayiriire abeegereswa baamu oku mumugobaku ni batasobole.
\p
\v 41 OYesu nairamu nakoba ati nywe abamirembe ezitaikiriza, erate ezakyaamire, ndikyaai okubba nanywe n’okubaguminkiirya? Leeta annu omwaana waamu.
\v 42 Ale yaali nka Lukka akyaali, odaimooni namunaga namonola muno. Baitu oYesu naboigoora odaimoomni namutamba omwojjo namuweerya edi oitaamwe.
\v 43 Boona boona ni bawuninkiira olw’abukulu bwa Kanca. Baitu boona boona nibaali nka bakwewunya byoona byoona biyakoore, nakoba abeegereswa baamwei nti
\v 44 Ebigambo ebyo mubiteeke omu matwi ganywe: olwakubba omwaana wa muntu akawaba kuwebwaayo omu mikono za bantu.
\v 45 Baitu bo nibateteja kigambo ekyo, erate kyaali kibakwekeibwe baleme okukyeteja: ni batiina oku mubuulya ekigambo ekyo ni kiri.
\p
\v 46 Ale niwabbaawo okuwakana ejibali alibba omukulu omu bo naani?
\v 47 Baitu oYesu niyaboine okuwakana omu myooyo zaabwe, natwaala omwaana omuto, namuta ampi naye,
\v 48 nabakoba ati buli eyasemberyanga omwaana omuto onu omwibara lyaange, abba asembeirye ninje, na buli eyasemberyanga nje nka asemberye eyantumire: olwakubba asinga obuto omu nywe nyweena oyo niye mukulu.
\p
\v 49 OYokaana nairamu nakoba ati Mukama wange, twaboine omuntu nka akugoba odaimooni omwibara lyaammu, nitumugaana, olwakubba tatambula naiswe.
\p
\v 50 Baitu oYesu nakoba ati Timumugaana; olwakubba ataali munanzigu wanywe, ali ku lwanywe.
\p
\v 51 Ale olwaikire ennaku zaamwe eza kutwalibwa aigguru nizaali nka zatera okawiika, nasaarawo kimwei okwaaba e Yerusaalemi,
\v 52 natuma abakwenda omu maiso gaamwei; ni baaba nibangira omu mbuga y’Abasamaliya okumutekera.
\v 53 Ni batamusemberya, olwakubba amaiso gaamwe gaali galangire kwaaba Yerusaalemi.
\v 54 Abeegereswa baamwei oYakobo n’oYakaana ni baboine ni bakoba bati Mukama waise, okwendya tulagire omuuro guzwei omwigguru gubazikiirye, nka Eriya ni yakoore?
\v 55 Baitu nayiduka nabanenya nabakoba ati Timumaite omwooyo ni guli gwe muta nagwo. Olwakubba omwaana wa muntu tiyaizire kuzikiirya bwoomi bwa bantu, wazira oku bucungura.
\v 56 Ale ni baaba omu mbuga ejindi.
\p
\v 57 Ale ni baali nka bakwaaba omunzira, omuntu namukoba ate nakusengeeryanga wewayabanga woona woona.
\p
\v 58 OYesu namukoba ati ebibe biriina obwiina, n’ebinyonyi ebibba omwibbanga biriina ebisairo, baitu omwaana wa muntu taalina wata mutwe gwaamwe.
\v 59 Nakoba owondi nti Nsegeerya, Baitu ye namukoba ati Mukama wange ndeka mmale okwaaba okuziika oitaange.
\p
\v 60 Baitu, namukoba ati lekka abafu baziike abafu abairaabwe, baitu we yaba okobe obukama bwa Kancca.
\p
\v 61 N’owondi nakoba ati nakusengeerya, Mukama wange; Baitu sooka ondeke mmale okusiibula ab’amu nnyumba yange.
\p
\v 62 OYesu namukoba ati Ndoowo muntu akwaata ekyooma ekiruma nalola emabega asaanira obukama bwa Kanca.
\c 10
\cl Esuura 10
\p
\v 1 Ale oluzwanyuma olwebyo Mukama waiswe nalonda abandi nsanju, nabatuma babiri babira omu maiso gaamwei okwaaba omu buli kibuga no mu buli kifo jakwaaba okwiiza.
\v 2 Nabakoba ati okukungula kwaamwe kwinji, baitu abakunguli nibo badooli: ale musabe oKanca wa kukungula atume abakunguli omukukungula kwamwei.
\v 3 Mwaabe: bona, nkubatuma nywe nka abaana bantaama akati omu misege.
\v 4 Timutwaala nsawo, gonze olukobba, gonze enkaito; baitu timulamukya muntu yeena yeena omunzira.
\v 5 Na buli nnyumba jimwangirangamu, mwekere mukobe muti emirembe jibbe omu nnyumba munu.
\v 6 Obate nka mulumu omwaana owa mirembe, emirembe zaanywe jabanga omwo. Baitu, obate nka tinikyo, zairanga jimuli.
\v 7 Mubbenge omu nnyumba omwo nka mukulya, nka mukunywa ebyawaabwe, olwakubba omukoli wa murumo asanira empera yaamwe ye. Timuzwanga mu nnyumba emwei ni mwingira omu jindi.
\v 8 Nabuli kibuga kimwaikangamu ni babasemberya mulyenge buli bye batanga omu maiso gaanywe;
\v 9 mutambenge abalwaire abalumu, mubakoberenge muti Obukama bwa Kanca bubasembereire ampi.
\v 10 Baitu, buli kibuga ki mwaikangamu ni batabasemberya, mwawulukanga omu nzira zaakyo, mukobenge muti
\v 11 nocuucu wa mu kibuga kyaanywe, atwiizwire oku magulu, tujibakubbaigura nywe; Baitu mweteje nka Obukama bwa Kanca busembeire.
\v 12 Nkubakoba nnywe nti oSodomu eribba nokuwarailibwa okuliguminkirizika oku kiro kidi okusinga ekibuga ekyo.
\p
\v 13 Zikwajirye, oKolazini! Zikwajirye, Besusayida! Olwakubba eby’amaani eby’akoleibwe ewaanywe, siinga by’akoleirwe Ttuulo no Sidoni, siinga bayendekere emyoyo irai nka baikaire omu bikekera neikoke.
\v 14 Baitu oTtuulo no Sidoni biribba no kuwaralibwa okuliguminkirizaika oku kiro eky’amisango, okusiinga nywe.
\v 15 Naawe oKaperunawumu, olitumbizibwa okwiika omwigguru? Olyanulibwa okwiika omu magombe.
\p
\v 16 Awuura nywe, nk’awuura ninje; erate anyooma nywe, abba anyoomere ninje; n’oyo anyooma nje abba anyoomere eya ntumire.
\p
\v 17 Ale abo ensanju ni baira neisanu, nka bakukoba bati Mukama waiswe na badaimooni batuwuura omw’ibara lyaamwe.
\v 18 Nabakoba ati naboine oSetaani nka akuzwa omw’igguru okugwa nk’okuserya.
\v 19 Bona, mbbawaire obuyinza obwa kweema oku njoka nenjaba eza busagwa n’amaani goona goona aga munanzigu: erate, ndoowo kintu eky’abakolanga okubbi nakadooli.
\v 20 Baitu ekyo timukisanyukira, olwakubba abadaimooni babawuura, baitu musemeerwe, olwakubba amabara ganywe gawandikiibwe omw’igguru.
\p
\v 21 Ale omu saawa eyo nasemeerwa omu mwooyo omwikiiri, nakoba ati nkukwebalya, Itange Omukama waigguru n’ensi, olwakubba binu wabikweekere abagezi nabakabukikabuki, n’obiswekuura abaana abato: nimwo mbbe, Itange, olwakubba nimwo kyasimiibwe kityo omu maiso gaamu.
\v 22 Byoona byoona byampeweibwe Itange; ndoowo muntu amaite omwaana nali, wazira Oitaiswe; gonze Oitaiswe nali, wazira omwaana, n’oyo omwaana gwa yendya okumuswekuura.
\p
\v 23 Naindukira abeegereswa baamwe nabakoba omu kyaama ati galiina omukisa amaiso agabonia bi mubona:
\v 24 Olwakubba nkubakoba nti baranji baiinji na bakama bayendyanga okubona bi mukubona ni batabibone; nokuwuura bimukuwuura ni batabiwuura.
\p
\v 25 Ale, bona, omwegesya wa mateeka nayemeera nk’akumoyera nk’akukoba ati omwegesya nkole ntyai okusikira obwoomi obutawaawo?
\p
\v 26 OYesu namukoba ati kyawandikiibwe kityai omu mateeka? Osoma otyai?
\p
\v 27 Nairamu namukoba ati yendyanga oKanca waamu no mwooyo gwaamu goona goona n’emeeme yaamu yoona yoona, n’amaani gaamu goona goona’ na magezi gaamu goona goona; no mulirwaana waamu nka we ni weyendya wenkai.
\p
\v 28 OYesu namukoba ati oiremu kusai, kola otyo wabbanga n’obwoomi.
\p
\v 29 Baitu ye obutayendya kuwangula, nakoba oYesu ati omulirwaana wange niye naani?
\p
\v 30 OYesu nairamu namukoba ati waalowo omuntu eyaali akuzwa eYerusaalemi nka akwikiira eYeriko; nagwa omu bazigu, ni bamwambula, ni bamukubba emiigo, ni nibaaba nibamuleka nk’alampi okufa.
\v 31 Ale Okabona yaali akwikiira omu nzira eyo nka tamanyirire; ale niyamuboine namukengeita nayakalawo.
\v 32 No Muleevi atyo niyaikire omu kifo ekyo namubona namukengeita nayakalawo.
\v 33 Baitu, oMusamaliya niyaali nka akutambula, naizza waali: niyamuboine namukwatirwa ekisa,
\v 34 namusembeera, namusiba ebirwaire byamwei, nk’akusukamu amafuta, no mwenge; namuta oku kisolo kyaamwe namuleeta omu kisulo eky’abageni namulabiira.
\v 35 Ale ni bwakeire emambya natoola eddinaali ibiri naziwa Omukama wa nnyumba namukoba nti mulabiire, ne kintu kyoona kyoona kyoliwaayo okusiingawo, nindiira ndi kusasula.
\v 36 Ale okulowooza otyai, alai okwaabo abasatu eyaali omulirwaana w’oyo eyagwiire omu bazigu?
\p
\v 37 Nakoba ati odi eya mukoleire ebya kisa. OYesu namukoba ati naawe yaba okole otyo.
\p
\v 38 Ale nibaali bakwaba naingira omu kyaalo: Omukali eibara lyaamwei Maliza namusemberya omu nnyumba yaamwe.
\v 39 Baitu yaliina omuganda waamwei ayetebwa oMalyamu, eyakalanga awali amgulu ga mukama waiswe, nawuuranga ekigambo kyaamwei.
\v 40 Baitu, oMaliza yabbanga ne mitawaana eza kuweereza ziingi, naiza waali oYesu namukoba ati Mukama wange tofiireyo nka omuganda wange andekere okuwereza njenkai, ale mukobe anyambe.
\p
\v 41 Baitu, Omukama waise nairamu Lukka namukoba ati Maliza, weralikiira, oliina emitawaana ja bigambo ziinji.
\v 42 Baitu ekikwendyebwa kiri kimwei: olwakubanga oMalyamu alonderewo omugabo ogwo ogusai, ogutalimutolebwaku.
\c 11
\cl Esuura 11
\p
\v 1 Ale olwaikire niyaali omu kifo nka akusaba, niyamaare okusaba, omwei oku beegereswa baamwe namukoba ati Mukama waiswe, twegesye okusaba, erate nka oYokaana niyayegesyanga abeegereswa baamwe.
\p
\v 2 OYesu nabakoba ati ni mwasabanga, mukobenge muti Itaiswe, eibara lyaamu litukuzibwe, Obukama bwaamu bwiize.
\v 3 Otuweryenge buli lunnaku emmere yaiswe eya lunnaku.
\v 4 Erate otusonyiwe okusiiss kwaiswe; olwakubba naiswe tusonyiwa buli gwe tutonga. Erate otatutwaala mukoyerwa.
\p
\v 5 OYesu nabakoba Ati naani oku nywe aliina omunywaani waamwe alyaaba ewamwei obwiire namukoba ati munywaani wange omkopeye emigaati issatu;
\v 6 olwakubba, omunywaani wange aizire okuzwa omu lugendo, njeena tindina kyakuta omu maiso gaamwe;
\v 7 noodi ali omunda namwiirmu namukoba ati otangadya, atubunu olwiige lwigale, abaana bange, nanje tumaare okubbasya tinsobola kwimuka kukuwa?
\v 8 Nkubakoba nti gonze nka taimukire namuweerya, olwakubba munywaani waamwe, Baitu olwa kumwebbuwaku kwaamwe yaimuka namuweerya byoona byoona kwendya.
\v 9 Njeena nkubakoba nywe nti musabe muliweebwa, muswagane mulibona, mweyanjule mul’iggurwaawo.
\v 10 Olwakubba buli muntu yeena yeena asaba aweebwa, n’oyo aswaaga ali bona; n’oyo eyeyanjula al’iggurwwawo.
\v 11 Erate naani omwei oku nywe, Oitaamwe wa muntu omwaana waamwe nalimusaba omugaati, aimuweryamu eibbaale, obate eky’ennyanja namuwerya onjoka omu kifo kya ky’enyanja?
\v 12 Obate nali musaba eiwuli namuweryamu ompiri.
\v 13 Ale obate nywe ababbi mu maite okuweerya abaana banywe ebirabo ebisai, talisiinga muno Oitaanywe ali omwigguru okuweerya Omwooyo Omwikiiri abamusaba.
\p
\v 14 OYesu Yaali nka akumpeka odaimooni omusuru. Ale odaimooni niyamuzwireku okasuru nasimoola, ebibbuura nibyewuunya.
\v 15 Baitu, abamwei nibakoba bati akupeka odaimooni kubwa Beeruzebuli omukulu wa daimooni.
\v 16 Nabandi nibamutakisya akabonesyo okuzwa omwigguru nka bakumoyera.
\p
\v 17 Baitu, oYesu ye niyetejerye bibakulowooza, nabakoba ati buli bwa Bukama boona boona nibwawukanamu bo bwonkai buzikiira, n’ennyumba ne yawukanamu, ennyumba eyo egwa.
\v 18 No setaani nayawukanamu ye yenkai, obwa bukama bwaamwe bulyemeerawo butyai? Olwakubba mukoba nti ngoba odaimooni ku bwa beeruzebuli.
\v 19 Erate, nimbbanga njje mpeka odaimooni kubwa Beeruzebuli abaana baanywe bajipeka kubwa naani? Nikyo balizwa babba abalamuzi banywe.
\v 20 Baitu, nimba mpekesya odaimoni engalo ya Kanca, ale Obukama bwa Kanca bubaiziire.
\p
\v 21 Omuntu owa maani nka aliina eby’akulwanisya nakuuma olubuga lwaamwe, ebintu byaamwei bibba mirembe:
\v 22 baitu amusiinga amaani namwizira na muwangula, amunyagaku eby’akulwanisya byaamwei byoona byoona biyesiga, nagaba ebintu byaamwei.
\v 23 Ataabba nanje niye munanzigu wange, erate atakubbanirya amwei nanje asansania.
\p
\v 24 Odaimooni nazwa oku muntu, ayakala omu bifo ebitaalumu maizzi nka akuswagana awakuwumuura, nabulwa akoba ati kanyireyo omu nnyumba yaange mwe nazwiire.
\v 25 Nayizza ajibona nka eyeyeibwe etimbiibwe.
\v 26 Ale ayaba naleeta aba daimooni abandi musanju ababbi okumusiinga ye, nibangira nibabba omwo. Ale eby’aluzwanyuma ebya muntu oyo bibba bibbi okusiinga ebyekereire
\v 27 Ale olwakire niyaali nka akusimoola ebyo, omukali owa mu kibbuura naimula eiraka lyaamwe namukoba ati kirina omikisa ekidda ekyakubyaire na mabeere ge wayonkere.
\v 28 Baitu, ye namukoba ati ekikusiinga, baliina omukisa abawuura ekigambo kya Kanca nibakyekuuma.
\p
\v 29 Ale olwaikire ebibbuura nibyaali nka bikukumbbanira jaali, oYesu natandika okubakoba ati emiijo zinu miijo zibbi: jiswaagana kabonesyo, baitu tiziriweebwa kabonesyo wazira akabonesyo ka Yona.
\v 30 Olwakubba, oYoona nka niyaali nakabonesyo edi aba Nineeve, atyo n’Omwaana wa muntu nimwo alibba edi emiijo zinu.
\v 31 Omukama omukali owa ludda lwa guryo alyemeera omu musango amwei na bantu aba miijo zinu, alibasiingisya omusango: olwakubba yazwiire kunkomeero za nsi okuwuura amagezi ga Sulemaani; erate, bona, asiinga oSulemaani alaani.
\v 32 Abantu ba Nineeve balyemeera omu musangoamwei ne miijo zinu, balijisingisya omusango: Olwakubba bayendekere olwa kubuulira kwa ayona; erate, bona, asiinga oYoona alaani.
\p
\v 33 Ndoowo akoleerya itaala naliteeka omu bwiina, obate omunda wa kiibo, wazira oku kikondo, abaingira babone nekwaaka.
\v 34 Eitaala lya mubiri gwaamu niryo riiso lyaamu; eriiso lyaamu niribona okusai, no mubiri gwaamu goona gubba gwizwire eisana, baitu niribba eribbi, no mubiri gwaamu gubba gwizwiire ekirikiirya.
\v 35 Ale wekumenge eisana erikulumu liremenge okubba ekirikirya.
\v 36 Ale omubiri gwaamu goona goona nigwizula eisana, nka tigulina kitundu kimwei kya kirikiirya, goona goona gulizula isana nka eitaala ne kumulikirya no kutangaala kwaayo.
\p
\v 37 Ale niyaali nka akusimoola, Omufalisaayo namweta okulya emmere ewaamwei: oYesu naigira naikala oku mmere.
\v 38 Omufalisaayo niyaboine, niyewuunya olwakubba oYesu tiyasokere kunaaba nka akyaali kulya.
\v 39 Omukama waiswe namukoba ati Nywe Abafalisaayo munaabya kuruguru kwa kikopo nekigwaata, baitu omunda yanywe mwizwiire obunyagi n’obwibbi.
\v 40 Nywe abasuru, oyo eyakoore okuruguru, tiniye eyakoore no munda.
\v 41 Baitu, ebiri omunda mubiwengeyo okubba ebya kusasira, erate, bona, byoona byoona birongooki jimuli.
\p
\v 42 Baitu zibaajire nywe Abafalisaayo! Olwakubba, muweerya ekitundu eky’aikumi ekya nabbugira nakakubbansiri n’omukubi goona goona, baitu omusango n’okwendya oKanca mubyakala alai: ebyo kibasaniire okubikolanga na bidi obutabirekanga.
\v 43 Zibaajire nywe, Abafalisaayo! Olwakubba mutaka entebbe ezamumaiso omu makumbbaniro no kulamucibwa omu butale.
\v 44 Zibaajire! Olwakubba mukwisana nka amagombe agataboneka, abantu gebatamburaku nka tibamaite.
\p
\v 45 Ale omwi oku beegesya ba mateeka nairamu namukoba ati omweegesya, nokoba otyo okuzuma naiswe.
\p
\v 46 Nakoba ati Nanywe, abeegesya ba mateeka, zibaajire! Olwakubba mutiika abantu emigguggu ezitetikika, nywe benyenere zimutayendya kutaaku ngalo zanywe.
\v 47 Zibaajire! Olwakubba mwomboka amagombe ga baranji, baitu abaizeizza banywe nibo babaittire.
\v 48 Ale mutyo muli bajuurwa, erate musiima ebikolwa bya baizeizza baanywe, olwakubba bo babaittire nanywe mukomboka amagombe gaabwe.
\v 49 N’amagezi ga Kanca nikyo gazwiire gakoba gati Ndibatumirra abaranji na batume; abamwei oku bo balibaitta, no kubaigania;
\v 50 Eisagama lya baranji boona boona, eryasusukire okuzwa oku kutondebwa kwa nsi, gujunaanibwe emiijo zinu.
\v 51 Okuzwa oku isagama lya Abbeeri okwiika oku isagama lya Zakaliya, eyaittiibwe akati wa kyooto n’eiramyo: Amazuma nkubakoba nywe nti galijunaanibwa miijo zinu.
\v 52 Zibaajire nywe, Abeegesya ba mateeka! Olwakubba mwatwaire ekisumuluzo kya kwetejja: nywe benyenere timwangiire, nabaali bakwingira mwa balemeserye.
\p
\v 53 Ale oYesu niyaali akuzwaayo, abawandiiki, n’Abafalisaayo nibatandika okumutawanya muno n’okumubuulya ebigambo biinji;
\v 54 nka bakumutega, okutega ekigambo ekikuzwa omu kanwa kaamwe leke bamuloope.
\c 12
\cl Esuura 12
\p
\v 1 Omu biseera ebyo abantu bakibbuura bukumi na bukumi ni baali bakumbbaine n’okuniinangana nka bakuniinangana, nasookera oku beegereswa baamweo okubakoba ati mwekumenge ekitumbisisya ky’Abafalisaayo na bakiweweita.
\v 2 Baitu, ndoowo ekyaswekeibwe ekitaliswekulibwa; gonze ekyabbisiibwe ekitalimanyibwa.
\v 3 Ale byoona byoona bi mwaali mubaziire omu kirikiirya biriwuurwa omwisana; nekyo ki mwaali mubaziire omu kaama omu kisenge kiriwuurwa kukasolya ka nnyumba.
\p
\v 4 Erate, nkubakoba nywe, banywaani bange, nti timutiinanga abo abaitta omubiri, oluzaanyuma nka tibaliina kya kukola okusiingawo.
\v 5 Baitu, nabakoba gwe mwatiinanga: mutiinenge oyo, namala okwitta aliina obuyiinza okunaga omu Ggeyeenna, nimwo mbbe, nkubakoba nti oyo, nigwo mubbe mutiinenge
\v 6 Enkalyaluya eitaanu tibazitunda mapeesa abiri? Baitu ndoowo nemwei okweezo eyerabirwa omu maiso ga Kanca.
\v 7 Baitu, neisoke erya kumutwe zanwye zibaliibwe zoona zoona. Timutiinanga: nywe musiinga enkalyaluya eziinji
\v 8 Erate, nkubakoba buli alinjuura omu maiso ga bantu, oyo omwaana wa muntu yeena ali mwatuura omu maiso ga bantumwa ba Kanca.
\v 9 Baitu, aneegaanira omu maiso ga bantu, alyegaanirwa omu maiso ga bantumwa ba Kanca.
\v 10 Nabuli muntu asimoola ekigambo oku mwaana wa muntu kirimuganyirwa: baitu oyo alityoboola omwooyo omwikiiri taliganyirwa.
\v 11 Erate, ni ba batwalanga omu makumbbaniro, needi omu bamasaza, nabaliina obuyiinza timweralikiranga ki mwairamu, obate ki mwasimoola;
\v 12 Olwakubba omwoyo omwikiiri yabeegesyanga omu kiseera ekyo ebibasaniire okusimoola.
\p
\v 13 Ale omuntu owa mu kibbuura namukoba ati omwegesya, koba omuganda wange agabane nanje ebya busika byaiswe.
\p
\v 14 Baitu oYesu ye namukoba ati omuntu, naani eyantairewo okubba omulamuli, obate omugabi waanywe?
\v 15 Nabakoba ati mulole, mwekumenge okwegomba koona koona; olwakubba obwoomi bwa muntu tinibyo ebintu ebiinji byabba nabyo.
\p
\v 16 OYesu nabasubiira olugeero, nka akukoba ati Waalowo omuntu omuguuda enddumiro yaamwe neyerya:
\v 17 nalowooza omunda yaamwe nka akukoba ati nakola ntyai, olwakubba tinnina wenkukumbbanirya bibala byange?
\v 18 Nakoba ati nakola nti: nawenda ebideero byange ninyomboka ebindi ebisiinga obukooto; ni nkubbanirya omwo emmere yange ejikalu yoona yoona n’ebintu byange.
\v 19 Ndikoba emeeme yange nti emeeme, oliina ebintu biinji ebibikiibwe ebya myaaka eziinj; i wummula, olye, onywe, osagaruke.
\p
\v 20 Baitu, oKanca namukoba ati musirusiru we, omu bwiire bunu, emeeme yaamu bajikutolaku; ale ebintu byotegekere byaabba bya naani?
\p
\v 21 Nimwo atyo nali eyebiikira obuguuda, baitu nka timuguuda edi oKanca.
\p
\v 22 OYesu nakoba abeegesya baamwe ati nikyo nzwa mbakoba nti timweralikiiranga bwoomi bwanywe, ki mwalya, gonze emibiri zanywe, ki mwazwaala.
\v 23 Olwakubba, obwoomi busiinga emmere, n’omubiri gusiinga ebya kuzwaala.
\v 24 Mulowooze abanamungoona tibasigga, erate tibakesa; tibaliina ibiikiro, gonze ekideero; erate oKanca abaliisya; nywe timusiinga nnyonyi mirundi ziinji?
\v 25 Naani oku nywe niyeralikiira ayiinza okwongera oku bukulu bwaamwe omukono ogumwei?
\v 26 Ale nimutayiinza ekisiinga obudooli, kiki ekiberalikiirya ebindi?
\v 27 Mubone, Lukka amalanga ni gamera: tigakola mulumo, erate tigatungubwamu lugoye; Baitu nkubakoba nti no Sulemaani omu kitinisya kyaamwe kyoona kyoona, tayazwaalanga erimwe okwaago.
\v 28 Baitu, oKanca nazwaalikisya atyo ekisiko, ekibbwaawo olwa leero emambya ni bakinaga omu kikoomi kya muuro, talisiinga muno okuzwaalikisya nywe abaliina okwikiriza okudooli.
\v 29 Naanywe timuswagananga ki mwaalya obate ki mwanywa, erate timubbanga na myooyo ejitankanatankana.
\v 30 Olwakubba ebintu ebyo byoona byoona biswaganibwa ammanga aga nsi: baitu Oitaanywe amaite nka ebyo mubyendya.
\v 31 Baitu muswaage Obukama bwaamwe, n’ebintu ebyo mulibyongerwaaku.
\p
\v 32 Totiinanga, we olugo oludooli; olwakubba Oitaanwye asiima okubawa nywe Obukama.
\v 33 Mutundenge bi muli nabyo, muwengeyo edi abooro, mwetungirenge ebikapu ebitakairika, obuguuda obutawaawo obwa mwigguru; omwiibbi jataingira, nebinyeeze jebitabisiisira.
\v 34 Olwakubba obuguuda bwanywe jibubba ne myooyo zaanywe nijo zibba.
\p
\v 35 Mwesibenge ebikekera omunkende zaanywe, netaala zanywe nka zikwaaka;
\v 36 Nanywe benyenere mubbenge nka abantu abalindiira Omukama waabwe, waalirira nka akuzwa oku mbaga yabugole; naliiza nakoona oku lwiji, bamwiguurawo mmangu ago.
\v 37 Baliina omukisa abairu abo, omukama waabwe naliiza balyaaja nka bakubonia; Amzuma nkubakoba nti alyesiba nabaikalisya oku mmere, naiza nabaweereza.
\v 38 Ale naliiza omu kisisimuko kya kabiri, obate omu kya kasatu, nabaaja atyo, baliina omukisa abairu abo.
\v 39 Baitu, mweteje kinu, nka omukama wa nnyumba siinga amanya ekiseera omwiibbi weyaizira yandibonerye, tiyaali lekere nnyumba yaamwei kumenyebwa.
\v 40 Nanywe mweteeketeekenge: olwakubba omwana wa muntu aliizira omu kiseera kimutasuubira.
\p
\v 41 OPeetero nakoba ati Mukama waiswe, olugeero luni olugereire iswe, kanda boona boona?
\p
\v 42 Omukama waiswe nakoba ati ale naani oyo omubiiki omwesigwa owac magezi, omukama waamwe gwa lirekera aba munnyumba yaamwe, okubagabiranga omugabo gwaabwe ogwa mmere omu kiseera kyaayo.
\v 43 Aliina omukisa omwiru oyo, omukama waamwe naliiza gwa lyaaja nka akukola atyo.
\v 44 Amazuma, nkubakobera nka alimulekera byoona byoona byalinabyo.
\v 45 Baitu omwiru oyo nalibaza omu mwooyo gwaamwe nti omukama wange alwiire okwiiza; natandika okukubba abairu na bazaana, n’okulya, n’okunywa, n’okutamiira;
\v 46 ale omukama wa mwiiru oyo, aliiza oku lunnaku lw’atamusuubira, no mukiseera kya tamaite, alimutematema alimuweerya omugabo gwamwe amwei na bataikiriza.
\v 47 N’omwiiru oyo eyetejerye omukama waamwe kiyayenderye, natategeka nataikye kiyayenderye, ali kubbwa ziiji;
\v 48 Baitu, atamaite nakola ebisaniire Lukka okumukubisya alikubbwa zidooli; nabuli eyaweweibwe ebiinji, aliswaganibwaaku bianji; n’oyo gwe babikisirye ebiinji, niye gwe balisiinga okubuulya ebinji.
\p
\v 49 Naizira kunaga muuro ku nsi; obate nka gwo gukwaaka nkwendya ki?
\v 50 Baitu innina okubatizibwa kwe ndibatizibwa; nanje nkuwaralibwa okwiica nikulikiira!
\v 51 Mulowooza nka naizire kuleeta mirembe ku nsi? Nkubakoba nti bbe; wazira okwawukania mbbe;
\v 52 Olwakubba okutandika ati walibbaawo abataanu omu nnyumba emwei nka bawukanire, abasatu na babiri, erate ababiri nabastu.
\v 53 Balyawukana, Oitaamwe no mwaana waamwe, erate omwaana n’Oitaamwe; omaamwe no mwaala waamwe, erate omwaala n’omaamwe; erate onyubyaala n’omukamwaana waamwe, erate omukamwaana n’onnyubyaala waamwe.
\p
\v 54 OYesu nakoba ebibbuura byoona ati, nimubona ekicu nka kikutambula ebugwaisana, ammangu ago mukoba nti oikendi akwaaba kutonya, erate nimwo kibba kityo.
\v 55 Ni mubona ompungo nka akuwuluka ebuyinduka guryo, mukoba nti yaaba mpiita, erate nimwo kibba kityo.
\v 56 Bakiweweita, mu maite okukebera ekisani ky’ansi n’eigguru, baitu kiki ekibagaana okumanya okukebera obwiire bunu?
\p
\v 57 Erate, nanywe nywenkai ekibagaana kiki okusala eby’ansonga?
\v 58 Olwakubba nobba okwaaba n’omuntu akuloopa ewa mulamuli, onyinkiranga okugaitangana nakujunaana; aleme okukuwaruura ewa Mwikirwaku, no Mwikirwaku nakuwa omujwaaka no mujwaka nakunaga omunkomyo.
\v 59 Nkukukoba nti tolizwa omwo nakadooli okwiica lolisasuura kimwei buli mpiiya.
\c 13
\cl Esuura 13
\p
\v 1 Ale omu biro ebyo waalowo abantu abaali awo abamukobeire eby’Aba galiraaya badi, oPiraato beyatabuliire eisagama lyaabwe ne ssaddaaka zaabwe.
\v 2 OYesu nairamu nabakoba ati mukulowooza nka Abagaliraaya abo baali basiisi okusiinga Abagaliraaya boona boona, olwakubba bawaraliibwe batyo?
\v 3 Nkubakoba nti tinimwo kityo naye ni mutenyenya mulizikira nyenaa mutyo?
\v 4 Obate, baddi eikumi n’omunaanai ekitikiro ekya mu Sirowamu be kyagwiireku nikibaitta, mulowooza baali bakoli babibbi okusiinga abantu boona boona abaali omu Yerusalemi?
\v 5 Nkubakoba nti tinimwo kityo: baitu ni mutenenya mulizikiira.
\p
\v 6 OYesu nasimoola olugeero lunu nti waalowo omuntu eyaalina omutiini ogwaali gusimbiibwe omu mulusuku olw’amizabbibu: naiza nka akutolyaaku ebibala natabibona.
\v 7 Nakoba omulumi ati bona, olwa leero emyaaka isatu nka nkwiiza okutoolya ebibala oku mutiini gunu, nintabibona, guteme gukumala kifo kya bwereere.
\p
\v 8 Yeena nairamu namukoba ati mukama wange, guleke omu mwaaka gunu, erate ngutemere, nguteeku ebisai;
\v 9 Nigulibala oluzwanyuma kisai; baitu, nikibba nka tinikyo, oligutema.
\p
\v 10 Ale oYesu oku lunnaku lwa ssabiitti niyaali nka akwegesya omu limwe oku makumbbaaniro,
\v 11 erate bona, omukali eyaali yakalwara odaimooni owa bunaki emyaaka ikumi na munaanai; nka asaraire, nka tasobola kwegolola na kadoli.
\v 12 Ale oYesu niyamuboine, na mweeta ati omukali, osandabwiirwe obulwaire bwaamu.
\v 13 Namutaaku emikono ammangu ago nabba mugolokoki, nayangiriza oKanca.
\p
\v 14 Baitu, omukulu waikumbbaaniro niyanyiigire olwakubba oYesu atambire omuntu oku ssabbiiti, nairamu nakoba ekibbuura ati walowo ennaku omukaaga ezisaine oku korangamu emirumo: ale mwizirenge okweezo okutambibwanga, baitu tiku lunnaku lwa ssabbiiti.
\p
\v 15 Baitu, Omukama waiswe namwiramu namukoba ati Bakiweweite, buli omwei oku nywe oku lunnaku lwa ssabbiiti tasandabula nte waamwei obate nkaina waamwei omu kisibo najitwaala okujinywesya?
\v 16 Erate oyo omwaana wa Ibulayimu eyabbuwiibwe osetaani, bona, emyaaka ikkumi n’amunaanai, tasaniire kusindabulwa omubuibbuwe obwo oku lunnaku lwa ssabbiiti?
\v 17 Ale niyaali nka akubaza ebyo, abananzugu baamwe boona boona ni baswaala, n’ekibbuura kyoona kyoona ni basemeerwa olwa byoona ebya kitinisya eby’akoleibwe ye.
\p
\v 18 Nikyo oYesu yazwiire okoba ati Obukama bwa Kanca bwiisana na ki? Erate nabwiisanisya ki?
\v 19 Bwiisana akampeke aka kalidaali, omuntu ke yakwaite na kanaga omu numiro yaamwe, ni kakula ni kabba omusaale, ennyonyi eza mwibbanga ni zikkala oku matagi gaagwo.
\p
\v 20 Erate, nakoba ati Obukama bwa Kanca nabwiisanisya ki?
\v 21 Bwiisana ekitubisisya, omukali kiyakwaite nakikweeka omu biibo bisatu ebya bwiita, bwoona boona nibutumbeera.
\p
\v 22 Nikyo oYesu natambuura omu bibuga n’omu mbuga nka akwegesya nka akwaaba e Yerusaalemi.
\v 23 Omuntu namukoba ati Mukama wange, badooli abalicungurwa? Yeena nabakoba ati
\v 24 Mufubenge okwingira omu mulyango ogufundi, olwakubba nkubakoba nti baiinji abalitoolya okwingira, baitu tibalisobola.
\v 25 Omukama wa nnyumba nalimala okwimuka naigalawo olwiigi, ni mwekeera okwemeera enzai n’okukonkona olwiigi, nka mukukoba muti Mukama waise, twiguurewo; ale alibairamu ati timbamaite ji mukuzwa;
\v 26 ni mulyooka ni mutandika okukoba muti twaliranga, erate twanyweranga omu maiso gaamwe, erate wayegesyanga omu nzira zaiswe.
\p
\v 27 Ale alikoba ati nkubakoba nti timaite ji mukuzwa: muzwe wendi nyweena abakoore ebitali byabwikiriri.
\v 28 Eyo walibbaayo okukunga no kwenena amaino, ni muli bona, oIbulayimu n’oIsaaka n’oYakobo n’abaranji boona omu Bukama bwa Kanca.
\v 29 Baliiza nka bakuzwa ebuzwaisana ne bugwaisana, no bukiika bwa gumoso no bukiika bwa guryo, Lukka baliikala omu Bukama bwa Kanca.
\v 30 Erate, bona, walowo abaluzwanyuma, abalyekeera erate, walowo abalyekeera abalibba abaluzwanyuma.
\p
\v 31 Omu kiseera ekyo Abafalisaayo ni baizza, ni bamukoba bati Zwaani, weyabire: olwakubba oKerode akwendya oku kwitta.
\p
\v 32 OYesu nabakoba ati mwaabe mu mukobe enkerettanyi eyo muti bona, nkupeka odaimooni nkutamba, abantu, olwa leero ne mambya n’oku lunnaku olwa kastu ndikyiirya omulumo gwange.
\v 33 Baitu kisaniire okutambulaku olwa leero ne mambya, n’olukwiiraku, olwakubba tikisoboka muranji okuzikiira enzai wa Yerusaalemi.
\p
\v 34 Wwe Yerusaalemi, Yerusalemi aitta abaranji, akubba amabbaale abatumibwa jaali! Emirundi emekai nka nkwendya okukumbbaania abaana baamu, nk’onkoko na kumbbaania obwaana bwaamwe omu bipapa byaamwe, Baitu timwaikirize!
\v 35 Bona, ennyumba yanywe esigaire kifulukwa, erate nkubakoba nti timulimbona, okwiica ni mulikoba nti aweweibwe omukisa aizza omwibara lya Kanca.
\c 14
\cl Esuura 14
\p
\v 1 Ale olwaikire niyaingiire oku ssabbiiti omu nnyumba ya mukulu wa Bafalisaayo okulya emmere, ni bamutaaku amaiso.
\v 2 Erate, bona, walowo omuntu omu maiso gaamwe, eyaali omulwaire wa ntumbi.
\v 3 OYesu nairamu nasimoola na Beegesya ba mateeka na Bafalisaayo nk’akukoba ati kisai okutamba oku ssabbiiti kanda tinimwo?
\v 4 Baitu nibasirika, namukwaataku namutamba, namusiibula.
\v 5 Nakoba ati naani okunywe aliina onkaina waamwe, obate onte waamwe nka egwiire omwizuba atajitoolamu ammangu ago oku ssabbiiti?
\v 6 Nibatasobole tte kumwiramu ebyo.
\p
\v 7 OYesu nabasubiira olugeero abo abayeteibwe niyaboine engeri jibakwelobolya ebifo bya mu maiso; nabakobaati
\v 8 Omuntu nakwetanga oku mbaga yabugole, toikalanga mu kifo kya mu maiso, kaisi waleme kubbaawo muntu akusiingaku ekitinisya gwayetere,
\v 9 noodi yeena eyakwetere, naiza nakukoba seguura onu; nolyooka n’otandika omu nsoni okutwaala ekifo kya mabega.
\v 10 Baitu noyetebwanga oyabanga n’oikaara omu kifo kya mabega, eyakwetere naiza, okukobe nti munywaani wange igeera enu omu maiso, baitu nobba nekitinisya omu maiso gaabo boikaire nabo oku mmere.
\v 11 Olwakubba buli muntu yeena eyetumbiiza alitoowazibwa, n’oyo eyetoowaza alitumbisibwa.
\p
\v 12 Erate, oYesu nakoba n’oyo eyamweetere ati n’osumbanga emmere eya kyamisana, obate eya kyaigolo, toyetanga banywaani baamu, gonze abaganda baamu, gonze ababika byaamu, gonze abaguuda abairamu, leke boona baleke kukweeta erate boona, niwabbaawo okukusasula.
\v 13 Baitu, n’osumbanga embaga oyetanga abooro, abacencegere, nabaigali ba maiso:
\v 14 erate oliweebwa omukisa, olwakubba tibaliina kyakukusasula. Olwakubba okwaaba kusasulwa omu kuyimbooka kwa baikiriri.
\p
\v 15 Ale omwe okwaabo abaali baikaire amwei naye oku mmere, niyawuliire ebyo, namukoba ati aliina omukisa aliriira emmere omu Bukama bwa Kanca.
\p
\v 16 Baitu, namukoba waalowo omuntu ayasumbire embaga ejikooto, nayeta abantu baiinji:
\v 17 natuma omwiru waamwe nka obwiire bwa mbaga bwikire okukoba beyayetebwe nti mwiize, olwakubba biweire okutekebwatekebwa.
\p
\v 18 Boona boona n’omwooyo gumwei nibatandika okwegaiira okusaasirwa, eyekereire namukoba ati nguure olusuku, kinsaniire okwimuka okwaaba okulubona; nkwegairire nsasira.
\p
\v 19 N’owondi, nakoba nguure emigogo za nte itaanu, okuzigezesya; nkwegairiire nsasira.
\p
\v 20 N’owondi nakoba ati mbandwire omukali, nikyo nzwiire nnemeera okwiiza.
\p
\v 21 Ale omwiiru naizza nakobera omukama waamwe ebyo. Ale omukama wa nnyumba nagongera nakoba omwiiru waamwe nti wuluka mmangu oyabe omu mazira n’omu kibuga, oleete abooro, nabacencegere, nabaigali ba maiso nabakuwenyera.
\p
\v 22 Omwiiru nakoba omukama waamwe nti kyokobere kimaare okukolebwa, baitu wakyalowo ebifo.
\p
\v 23 Omukama waamwe nakoba omwiiru ati wuluka oyabe omu mazira no mubuzira obakake okwiingira ennyumba yange eizule.
\v 24 Olwakubba, nkubakoba nti Baddi abayeteibwe, ndoowo n’omwei aliroza oku mbaga yange.
\p
\v 25 Ale ebibbuura bikooto byaali bikwaaba naye; nayinduka nabakoba ati
\v 26 Omuntu niyaizanga jendi natcaawe Itaamwe, no maamwe, n’abaana baamwen nabangande, n’abonyoko baamwe, erate n’obwoomi bwaamwe ye, tiyasobolenge kubba mwegesya wange.
\v 27 Buli ataimulenge musaalabba gwaamwe ye, naiza emabega wange, tiyasobolenge kubba mwegesya wange.
\v 28 Olwakubba, naana oku nywe nka akwendya okomboka ennyumba, atasooka kwiikala nabaliira ebikwetagisya okomboka enyumba eyo okwiika okuwa?
\v 29 Baitu, nka amaare okutaawo omusinji natajimaliirye, boona boona ababona batandika okumusekeera,
\v 30 nka bakukoba bati omuntu onu yasokere okomboka natamaliirye.
\p
\v 31 Baitu, mukama ki nabba nka akwaaba okulutalo natasoke kwikaara kuteesa bigambo, obate ayiinza n’omutwaalo ogumwei okulwaana n’emitwaalo eibiri?
\v 32 Obate nka tinikyo, oddi nabba nk’akyaali alai omuno, atuma abakwenda nasaba okugaitangana.
\v 33 Ale nimwo kityo omuntu yeena yeena oku nywe aterekeryenge byoona byalina, tiyasobolenge kubba mwegesya wange.
\p
\v 34 Ale omunyu gusai, baitu omunyu niguwaamu omugga, muliryaamu ki?
\v 35 Tigusaanira musiri, gonze okugubunga, bagunaga nzai. Aliina amatwi agakuwuura, awuure.
\c 15
\cl Esuura 15
\p
\v 1 Ale abawooza boona boona na baalina ebibbi baali nka bakumusembeera oYesu okumuwuliirya.
\v 2 Abafalisaayo, erate nabawandiiki ni bemulugunya nka bakukoba onu asemberya na baliina ebibbi, erate alya nabo.
\p
\v 3 OYesu nabasubiira olugeero lunu nka akukoba ati
\v 4 Muntu ki oku nywe aliina etaama ekyikumi, nabulwaaku emwei, ataleka zidi ekyendai n’omwendai omu mutala, nasengeerya edi eyabuure okwiica nali jibona?
\v 5 Ale najibona ajiteeka oku kibegabega kyaamwe nk’akusanyuka.
\v 6 Naika ekka ayeta abanywaani, na balirwaana baamwe, nabakoba ati munsemerweku olwakubba mboine ontaama wange eyabbaire abuure.
\v 7 Nkubakoba nti lyabbanga isanu omwigguru olw’oyo aliina ebibbi omwei ayendekere omwooyo okusiinga abaikiriri ekyendai n’omwendai abatayendya kwendeka mwooyo.
\p
\v 8 Obate mukali ki aliina erupiya eikumi nabulwaaku elupiya emwei, atakoleerya taala nayeya ennyumba, nanyinkira okuswagana okwiica nka ajiboine?
\v 9 Najibona, ayeta abanywaani baamwe, nabalirwaana baamwe, nabakoba nti munsemerweku olwakubba nboine erupiya eyabbaire embureku.
\v 10 Nkubakoba nti nimwo kityo libba esanu omu maiso ga bantumwa ba Kanca olw’oyo alinia ebibbi omwei ayendeka omwooyo.
\p
\v 11 Baitu oYesu nabakoba ati waalowo omuntu ayaalina abataani baamwe babiri:
\v 12 omuto nakoba Oitaamwe nti taata, mpeerya omugabo gwa bintu ebinsaniire. Ale nabagabira ebya bwoomi byaamwe.
\v 13 Ale oluzwanyuma lwannaku tizinji, oyo omwaana omuto nakumbbaania ebyaamwe byoona byoona, natambula nayaba omu nsi eyaalai; nasansanirya eyo ebintu byaamwe omu mpisa ezibbi.
\v 14 Ale niyamaare okubirya byoona byoona, enzala ejinji neiza omu nsi eyo, natandika okubonabona.
\v 15 Nayaba niyegaita n’omwaami owa mu nsi eyo; namusindika omukyaalo kyaamwe okulisyanga emberege,
\v 16 niyegombanga okwiikuta ebisusu emberege zibyalyanga; ni watabbewo muntu okumuwa.
\v 17 Baitu, niyeiremu, nakoba ati abaweereza bamekai abasasulwa Oitaange, abaikuta emmere nibalemwa, nanje nkufiira anu enzala!
\v 18 Naimuka ninyaba ewa itaange, ni mukoba nti taata, nsisire eddi eigguru n’omu maiso gaamu;
\v 19 tinkyasanira kwetebwa mwaana waamu; ntwaala ekka nk’omwei oku baweereza baamu abasasulwa.
\v 20 Naimuka, naiza ewa itaamwe. Baitu yaali nka akyaali alai, oitaamwe namulengera nairuka embiro, namugwa omu kifubba; namuvumbatira muno.
\v 21 Oyo omwaana namukoba ati taata, nsisire edi eigguru n’omu maiso gaamu, tinkyasanira kwetebwa mwaana waamu.
\p
\v 22 Baitu, Oitaamwe nakoba abaiiru baamwe, mwaabe muleete mmangu olugoye olukusiinga zoona zoona, mulumuzwalikisye: mumute empeta oku ngalo, nenkaito omu magulu gaamwe.
\v 23 Muleete n, onyana omunoli mumwitte tulye tusagaruke:
\v 24 Olwakubba omwaana wange onu, yaali afiire, ayimbokere, yaali abuure, abonekere. Nibatandika okusagaruka.
\p
\v 25 Baitu, omawana waamwe omukulu yaali mukyaalo; niyaizire nka yatera okwiika, nawuura engoma nenkende.
\v 26 Oku baiiru nayetaku omwei, namubuulya ni bibbaire.
\v 27 Namukoba ati omuganda waamu aizire; n’oiteewo amwitiire onyana owa masajju, olwakubba amuzwiire nka mwoomi.
\p
\v 28 Baitu, nasunguwala natayendye kwingira: Oitaamwe nawuluka namwegayira,
\v 29 baitu nairamu nakoba Oitaamwe nti bona, emyaka zinu ziinji nka nkukuweereza, erate tingaananga kukola nakadooli kyonkobere; nanje ennaku zoona zoona tompangaku wade kabbuli kusagarukaku nabanywaani bange.
\v 30 Baitu, omwaana waamu oyo, eyaliire ebya bwoomi bwaamu, nabasiani, naizire, omwittiire onyana omuajju.
\p
\v 31 Ye namukoba ati mwaana wange, buliizo oli amwei nanjje, erate byoona byoona ebyange byaamu.
\v 32 Baitu, okujaguzza no kusagaruka kwa nsonga, olwakubba omuganda waamu oyo, yaali afiire, ayimbokere, erate yaali abuare, abonekere.
\c 16
\cl Esuura 16
\p
\v 1 Ale oYesu nakoba abeegereswa baamwe nti walowo omuntu omuguuda eyaalina omuwanika waamwe; oyo ni bamuloopa jaali nk’akusansania ebintu byaamwe.
\v 2 Namweta namukoba ati kiki kinu kyenkuwuura oku we. Bala omuwendo gwa buwanika bwaamu; olwakubba toyiinza kubba tte muwanika.
\p
\v 3 Oyo omuwanika nabazira omunda yaamwe, nti nakola ntyai olwakubba, omukama wange antweireku obuwanika bwange? Tindina gakuluma, n’okusabiirya kunkwatisya ensoni.
\v 4 Mmaite kinakola, nibampeka omu buwanika, banseberya omu nnyumba zaabwe.
\v 5 Nayeta buli eyaalina amabanza ga mukama waamwe, nakoba akwekeera nti omukama wange akukutonga ki?
\p
\v 6 Nakoba ati ebigero bya mafuta kikumi, nakoba ati twaala ebbaluwa eyo oikale mmangu, owandiike amakumi ataanu.
\p
\v 7 Erate, nakoba owondi ati weena, okutongebwa ki? Nakoba emitwaalo jangaano kikumi, nakoba ati twaala ebbaluwa yaamu, owandiike kinanai.
\v 8 Ale omukama waamwe natendereza omuwanika omulyaaki olwakubba akoore ebya magezi; olwakubba abaana aba biseera binu balabuki omu miijo zaabwe, okusiinga abaana abaisana.
\v 9 Njeena nkubakoba nti mwekwanirenge eminywaani omu mamona atali mwikiriri, nibiriwaawo, balikusemberya omu weema ziddi ezitawaawo.
\v 10 Abba omwesigwa oku kintu ekidooli omuno, n’okukikooto abba mwesigwa, erate, abba omulyaaki oku kintu ekidooli omuno, n’oku kikooto abba mulyaaki.
\v 11 Ale nimutabbenge besigwa oku mamona atali mwikiriri, naani alibabikisya obuguuda obwa mazuma?
\v 12 Erate nimutabbenge besigwa, oku kintu kya muntu owondi, ekyaamu naani ali kikukumisya.
\v 13 Ndoowo muwereza ayiinza kuweereza basaiza babiri; olwakubba abba alikyaawaku omwei, nayendya owondi; obate aligumira omwei nayakalyamu amaiso owondi. Timusobola kuweereza Kanca n’omamona.
\p
\v 14 Abafalisaayo abaali abataki bafeeza, ni bawuliire ebyo byoona byoona, ni bamusekeera.
\v 15 Nabakoba ati niinywe abefoola abaikiriri omu maiso g’abantu, baitu oKanca ammaite emyooyo zanywe, olwakubba okugulumiira omu bantu kya muzizo omu maiso ga Kanca.
\p
\v 16 Amaeteka na baranji byabbairewo okwiika oku Yokaana: okuzwa nolwo enjiri ya Bukama bwa Kanca ebuulirwa, erate buli muntu abwingiramu lwa maani.
\v 17 Baitu kyangu eigguru n’ensi okuwaawo, okusiinga ennukuta emwei eya mateeka okuwaawo.
\p
\v 18 Buli muntu yeena yeena eyapekanga omukali waamwe, nasweera owondi, nka asianire, n’oyo ayasweeranga eyapekeibwe oibaamwei, nka asianire.
\p
\v 19 Ale waalowo omuntu omuguuda, eyazwaalanga olugoye olwafulungu ne bafuta ejisai, nk’asagarukanga buliizo omu kwesiim:
\v 20 erate, waalowo no mwooro eibara lyaamwe Laazaalo gwebabbasisyanga oku mulyango gwaame, eyaalina amabwa againji,
\v 21 niyegombanga okulya ebyagwanga okuzwa oku meenza ya muguuda, erate embweene zaizanga ni zimukombeeranga amabwa.
\v 22 Olwaikire, omooro naffa, naimulibwa abantumwa nibamuta omu kifubba kya Ibulaimu. N’omuguuda nafa, naziikibwa.
\v 23 Naimuca amaiso gaamwe omu magombe, nk’aali omu bulumi bwa maani, nalengera oIbulaimu alai n’oLaazaalo nk’aali omu kifubba kyaamwe.
\v 24 Nasimoora aigguru nakoba ati oitaange oIbulaimu nsasira, otume oLaazaalo, ainike ensonda ya lugalo lwaamwe omu maizzi, ampolyewolye olulumi lwange, olwakubba nkulumwa omu muuro gunu,
\v 25 OIbulaimu namukoba ati mwaana wange izukira, nka waweweibwenge ebisai omu bwoomi bwaamu, erate n’oLaazaalo atyo ebibbi byaamwei, baitu atubunu akusemeerwa, we okulumwa.
\v 26 Erate, okw’ebyo byoona byoona, akati waiswe nanywe walowo olukonko lulai olwatekeibwewo, abakwendya okuzwa enu jituli balemesebwenge okwiiza, erate balemesebwenge okuzwa eyo okwakalawo okwiiza enu jituli.
\p
\v 27 Nakoba ati ale, nkwegayiriire, Itaange, omutume omu nnyumba ya Itaange;
\v 28 Olwakubba nta n’abaluganda bataanu abamanyisye baleme kwiiza boona omu kifo kinu ekirumu obulumi.
\p
\v 29 Baitu oIbulaimu nakoba ati Baliina oMusa, na Baranji babawuurenge abo.
\p
\v 30 Nakoba ati bbe, Itange Ibulaimu; baitu omwei oku baffu nalyaaba jibali balyendeka omwooyo.
\p
\v 31 Namukoba Ati nka nibatawuur Lukka Musa n’abaranji, erate gonze omwei oku baffu nali yimbooka, talibaikirizisya.
\c 17
\cl Esuura 17
\p
\v 1 OYesu nakoba abeegereswa baamwe ati tikisoboka ebyesitalya obutaiza, baitu zimwaajirye oyo abireeta!
\v 2 Akiri oyo abuwibwengemu emmengo omwikoti lyaamwe, okunagibwa omu nnyanja, okisiinga okwesitalya omwei okwaabo abato.
\v 3 Mwekumenge: omuganda waamu nasiisanga, omulambbanga; nayendeka omwooyo omusasiranga.
\v 4 Erate nakusiisanga emirundi omusanju oku kiro kimwe, erate emirundi musanju nakucukira nk’akukoba ati mpendekere omwooyo, omusasiranga.
\p
\v 5 Abakwenda ni bakoba oMukama waiswe bati; otwongereku okwikiriza.
\p
\v 6 Omukama waise nakoba ati siinga mubbaire n’okwikiriza nka akampeke ka kakalidaali, mwandikobere omusikamiini gunu nti sigukka osimbbibwe omu nnyanja, erate gwandibawuliire.
\p
\v 7 Baitu naani oku nywe, aliina omwiiru nka akuluma, obate nk’akuliisya entaama, naingira nk’akuzwa omulusuku, alimukoba ati izza mmangu ago oikale olye?
\v 8 Baitu, atamukoba ati tegeka emmere webbuwe, oiwule emmere ndye, mmale okulya no kunywa; naawe leke olye, erate onywe?
\v 9 Amwebalya omwiiru oyo olwakukola byalagiirwe?
\v 10 Erate nywena mutyo, ni mumalanga okukola byoona byoona bimwalagiirwe, mukobenge muti; iswe tuli baiiru abatasaana, ebyatusaniire okukola nibyo bitukoore.
\p
\v 11 Ale olwaikire nibaali omu nzira nka bakwaaba e Yerusaalemi yaali akwakala akati wa samaliya no Ggaliraaya.
\v 12 Ale niyangiire omu mbuga emwei ni bamwaaja abantu ikumi abagenge abayemereire alai;
\v 13 ni basimoora aigguru nibakoba bati oYesu, Omukama waiswe, otusaasire.
\p
\v 14 Niyaboine, nabakoba ati mwaabe mwerange eddi abakabona. Ale olwaikire nibaali nka bakwaaba ni balongooka.
\v 15 Ale omwei okwaabo ni yaboine nka awonere, naira nayangiriza oKanca neiraka erikooto;
\v 16 nakutama awaali amagulu gaamwe nka akumwebalya oYesu; erate oyo yaali Musamaliya.
\v 17 OYesu nairamu nakoba ati eikumi boona boona tibalongookere, baitu balai omwendai?
\v 18 Tibabonekere abaire okwangiriza oKanca, wazira omugeni onu?
\v 19 Namukoba ati imuka oyabe okwikiriza kwaamu kukutambire.
\p
\v 20 Niyabuliibwe Abafalisaayo nti Obukama bwa Kanca buliiza ddi? Nabairamu nabakoba ati Obukama bwa Kanca tibwiiza nka bukubonebwa.
\v 21 Ale tibalikoba nti bona, buli anu, obate nti buli addi, olwakubba, bona, Obukama bwa Kanca buli munda yanywe.
\p
\v 22 Nakoba abeegereswa baamwe ati ebiro biriiza lwe mulyegomba okubona olumwei oku nnaku za mwaana wa muntu, baitu timulilubona.
\v 23 Ale balikoba bati bona, addi! Obate bona, ani! Timwabanga, erate timusengeryanga;
\v 24 olwakubba okumesya ni kumesya oku ludda olumwe olwa igguru, nikumesya n’okuludda olundi olwa igguru, atyo omwaana wa muntu nimwo alibba oku kiro kyaamwe.
\v 25 Baitu, okwekeera kimusaniire okuwaralibwa abaiinji, no kuganibwa eba miijo zinu.
\v 26 Erate, nka nibyaali omu biro bya Nuuwa, bityo nimwo biribba no mu biro bya mwaana wa muntu.
\v 27 Baali nka bakulya nk’abakunywa, nka bakubandula, nka bakufumbirwa, okwiika oku kiro oNuuwa weyangirire omu bwato, omwiizulo ni gwiiza ni gubasanyawo boona boona.
\v 28 Erate, nka nibyaali omu biro bya Lutti, baali nka bakulya, nka bakunywa, nka bakugula, nka bakutunda, nka bakusiga, nka bakombok;
\v 29 baitu oku kiro kidi oLutti lweyazwiire omu Sodomu, omuuro ne kibiriiti nibitonya okuzwa omwigguru nibibasanyawo boona boona.
\v 30 Na kityo nimwo kiribba oku kiro ky’amwaana wa muntu lwaliswekulibwa.
\v 31 Oku kiro ekyo, alibba aigguru oku nnyumba, nebintu byaamwe nka biri omu nnyumba, taninukanga kubitolamu, naali omu lusuku tairanga mabega.
\v 32 Mwizukire omukali wa Lutti.
\v 33 Buli aswagana okucungura obwoomi bwaamwe ali bubulya; baitu buli alibubulya alibuwonia.
\v 34 Nkubakoba nti omu bwiire obwo babiri balibba oku kitanda kimwei, omwei alitwaalibwa n’owondi alisigala.
\v 35 Abakali babiri balibba nka bakusyeera amwei, omwei alitwaalibwa, n’owondi alisigala.
\v 36 Babiri balibba omu lusuku, omwei alitwaalibwa, n’owondi alisigala.
\p
\v 37 Nibairamu nibamukoba bati ayi, oMukama waiswe? Nabakoba ati Awabba omulambo awo ensega niwo zikumbbaanira.
\c 18
\cl Esuura 18
\p
\v 1 OYesu nabasubiira olugeero nikibasaniire okusabanga buliizo, obutakerwanga:
\v 2 nakoba nti waalowo omulamuzi omu kibuga ekimwei, atatiinanga Kanca, erate nka tawa muntu yeena yeena kitinsya.
\v 3 Erate, waalowo onamwandu omu kibuga ekyo eizanga ewa mulamuzi oyo, nka akukoba ati ndamula no munanzigu wange.
\p
\v 4 Omulamuzi natasooke kwikiriza, baitu oluzwanyuma nabaza omunda yaamwei nti gonze nka tintiina Kanca, erate nka tintaamu muntu yeena yeena kitinisya;
\v 5 baitu olwakungadya onamwandu onu kwangadirye namulamula, aleme kusigala nka aizza buliizo.
\v 6 Omukama waiswe nakoba ati muwuure omulamuzi oyo atali mwikiriiri kya kukoba.
\v 7 Ale no Kanca taliramula balonde baamwe, abamukungiira emisana n’obwiire nka akyaguminkiriza.
\v 8 Nkubakoba nti alibalamula mmangu. Baitu omwaana wa muntu naliiza, alyaajja okwikiriza oku nsi?
\p
\v 9 Nabandi abaali bakwerowooza oku bwaabwe, okubba abaikiriri nka bagaya abandi, oYesu nabasubiira olugeero lunu nti
\v 10 abantu babiri baingiire omu nnyumba ya Kanca okuramya, omwei Mufalisaayo, owondi muwooza.
\v 11 Omufalisaayo nayemeera nasaba yenkai ebigambo binu nti Kanca, nkukwebalya olwakubba tinyisana nka abantu abandi boona boona, abanyagi, abalyaake, abasiani, gonze nk’onu omuwooza.
\v 12 Nsiiba emirundi ibiri omussabbiiti, mpaayo ekitundu ekyaikumi oku byoona byoona byenfuna.
\p
\v 13 Baitu omuwooza nayemeera alai natatake nakwimuca maiso gaamwei mwigguru, baitu niyekubba omukifubba, nka akukoba ati Kanca, onsasire nje aliina ebibbi.
\v 14 Nkubakoba nti oyo yenkai, yaireyo omu nnyumba yaamwe nka aweweibwe obwikiriri okusiinga oddi; olwakubba buli ayegulumirya alitowazibwa, n’oyo eyetowaaza aligulumira.
\p
\v 15 Ale nibaleeta abaana abato waali, okubakwaateku, baitu abeegereswa ba Yesu ni bababoine ni bababoigoora.
\v 16 Wazira oYesu nabeeta nti nka akukoba ati muleke abaana abato baize jendi, mutabagaana, olwakubba abali nka abo Obukama bwa Kanca, nibwo bwaabwe.
\v 17 Amazuma nkubakoba nti Buli ataikirizenge Bukama bwa Kanca nka omwaana omuto talibwingiramu nakadooli.
\p
\v 18 N’omuntu omukulu omwei namubuulya nka akukoba ati Omwegesya omusai, nkole ki okusikira obwoomi obutawaawo?
\p
\v 19 OYesu namukoba ati okunyeteraki omusai? Ndoowo musai okutoolaku odi omwei yenkai oKanca.
\p
\v 20 Amateeka ogamaite nti tosiananga, toittanga, toibbanga, owanga ekitinisya omaawo n’oiteewo.
\p
\v 21 Nakoba ati ebyo byoona byoona nabikwatanga okuzwa omu buto bwange.
\p
\v 22 OYesu ni yawuliire ekyo namukoba ati okubulwaaku kimwei, tunda byoona byoona byoli nabyo, obigabire abooro, olwo olibba n’obuguuda omwigguru: ale omale oize onsengeerye.
\v 23 Baitu ni yawuliire ebyo, nanakuwala muno, olwakubba yaali muguuda muno.
\v 24 Ale oYesu niyaboine, nakoba ati ka kizibu abaliina obuguuda okwingira omu Bukama bwa Kanca.
\v 25 Olwakubba kyangu ongamiya okwaakala omu nyindo yampisso okusiinga omuguuda okwingira omu Bukama bwa Kanca.
\p
\v 26 Abawuliire ebyo nibakoba bati olwo naani ayinza okulokoka?
\p
\v 27 Baitu, oYesu nakoba ebitasoboka edi abantu, bisoka edi oKanca.
\p
\v 28 OPeetero nakoba bona, iswe twalekere ebyaiswe ni tukusengeerya.
\p
\v 29 Oyesu Nabakoba ati amazuma nkubakoba nti ndoowo muntu ayalekere ensisira, gonze omukali, gonze owa luganda, obate ababyaire, obate abaana, olwa Bukama bwa Kanca.
\v 30 Otaweebwe tte mirundi ziinji omu bwiire bunu, n’omu bwiire obukwiraku obwoomi obutawaawo.
\p
\v 31 OYesu natwaala abo eikumi nababiri nabakoba ati mubone, tukwaaba e Yerusaalemi, n’ebyo byoona byoona ebyawandikiibwe abaranji oku mwaana wa muntu biikiire.
\v 32 Aliwebwaayo edi omu bamaanga, aliduurwa, aliswazibwa, alicwantibwaku amacwantai,
\v 33 bali mukubba enkobba, bali mwitta, erate oku lunnaku olwa kasatu aliyimbooka.
\v 34 Abeegereswa baamwei, ni batetejerawo nakimwei. Ekigambo ekyo kyaali kibakwekeibwe, nibateteje ebyasimoleibwe.
\p
\v 35 Ale olwaikire oYesu niyaali nka alyampi okwiika e Yeriko, omwigali wa maiso yaali aikaire oku nzira nka akusabiirya;
\v 36 ammangu ago niyawuliire ekibbuua kya bantu nka kikwaakala, nabuulya ati kiki ekyo?
\p
\v 37 Nibamukoba bati oYesu Omunazaaleesi akwakala.
\p
\v 38 Nabazira aigguru ati oYesu, omwaana wa Daudi, onsasire.
\v 39 Nabadi abaali bekereire ni bamuboigoora okusirika. Baitu, niyeyongera muno okubazira aigguru, nka akukoba Yesu omwaana wa Daudi, onsaire.
\p
\v 40 OYesu nayemeera, nalagira oku muleeta waali, ale niyasambeire ampi, namubuulya
\v 41 ati okwendya nkukoore ki? Nairamu nakoba Mukama wange nkwendya kubonia.
\p
\v 42 OYesu namukoba zibukka: okwikiriza kwaamu kukcungwire.
\v 43 Amaangu ago nazibukka amaiso, nabonya namusengerya nga akuwangiriza o kancca abantu bonabona ni babwoine ni bugirizza okancca.
\c 19
\cl Esuura 19
\p
\v 1 OYesu Nangira omu Yeriko nabba nka akwakalamu.
\v 2 Ale bona, waalowo omuntu eyaali ayetebwa eibara lyaamwe Zaakayo, yaali mukulu wabasololi, erate nka muguuda.
\v 3 Nasala amagezi okubona oYesu naali; natasobole olwa kibbuura, olwakubba ekigero kyaamwe yaali mumpi.
\v 4 Nairuka namwebembera, naniina oku musaale omusikamooli amubone: olwakubba yaali akwaaba kwakala mu nzira eyo.
\v 5 Ale oYesu niyaikire omu kifo waali, nalola aiguru, namukoba ati Zaakayo niinuka maangu, olwakubba olwa leero kinsaniire okwikala omu nnyumba yaamu.
\v 6 Naniinuka maangu namwaniriza nka asemereire.
\v 7 Nibaboine, nibamwemulugunyiza boona boona nka bakukoba bati angiire okubbasya ewa muntu aliina ebibbi.
\p
\v 8 OZaakayo nayemeera nakoba Omukama waiswe nti bona, Mukama wange, ekitundu kya bintu byange nkubawa abooro, obate nka nalyakire omuntu yeena yeena ekintu kyaamwe, nkumusasula emirundi inai.
\p
\v 9 OYesu namukoba ati olwa leero okucungurwa kwiizire omu nnyumba munu, olwakubba yeena mwaana wa Ibulaimu.
\v 10 Olwakubba omwaana wa muntu yaizire okuswaaga ekyo ekyabuure.
\p
\v 11 Ale nibawuliire ebyo, niyeyongera nabasubiira olugeero okubatereza, olwakubba yaali ampi n’oYerusaalemi, erate baali bakulowoza nti Obukama bwa Kanca bukwaaba kuboneka maangu ago.
\v 12 Nikyo yazwiire nabakoba ati waalowo omuntu omukulu eyaabire omu nsi eyaalai, okulya obukama leke aire.
\v 13 Nayeta abaiiru baamwe eikumi nabaweerya empiya ebikumi bibiri, nabakoba ati musubulyenge okwiica nindiira.
\p
\v 14 Baitu, abasaiza baamwe nibamunoba nibatuma ababaka emabega waamwe, nka bakukoba bati Titukwendya oyo kutufuga.
\v 15 Ale olwaikire niyaire nka amaare okulya obukama, nalagira okweeta abaiiru biyawaire efeeza, alyooke amanye amagoba ge basubwire.
\p
\v 16 Eyekereire naiza nakoba ati mukama wange, empiya zaamu amakumi abiri gabyaire empiiya bibiri.
\p
\v 17 Namukoba ati webale, omwiiru omusai: olwakubba waali mwesigwa oku kintu ekidooli omuno, ale bba n’obuyiinza oku bibuga ikumi.
\p
\v 18 Naiza owa kabiri nakoba ati mukama wange, empiya zaamu abiri zabyaire empiya kikumi.
\p
\v 19 Yeena namukoba weena bba oku bibuga bitaanu.
\p
\v 20 Owondi naiza namukoba ati mukama wange bona, empiya zaamu nzini abiri nazibiikire nka nzibbuwire omu kiwero.
\v 21 Olwakubba nakutiinire olwakubba oli muntu mukakanyali: akoma kyotaateirewo, okessa kyotaasigire.
\p
\v 22 Namukoba ati akanwa kaamu ka kkusaara omusango, we omwiiru omubbi. Waali omaite nka nje nta mukakanyali, nka nkoma kintaateirewo, nka nkessa kintaassigire;
\v 23 ale kiki ekyakugaine okuweerya empiya zaange abasubuzi, nanje ninandiizire nandizitwaire namagoba gaazo.
\v 24 Nakoba abaali bemereire awo nti mu mutooleku empiya zaamwe, muziweerye oyo aliina empiya ebikumi ebibiri.
\p
\v 25 Nibamukoba bati Mukama waiwe, aliina empiya ebikumi bibiri.
\p
\v 26 Nkubakoba nti buli aliina aliweebwa, baitu oyo ataalina, erate ekyo ky’aliina kyoona kirimutoolebwaku.
\v 27 Baitu, abo abananzugu bange abatayendya nje kubafuga, mubaleete anu mubaittire omu maiso gaange.
\p
\v 28 Ale niyamaare okusimoola ebigambo ebyo, nakulembera okwaaba e Yerusaalemi.
\v 29 Olwaikire niyaali nka alampi okwiika e Besufaage n’oBessaniya, oku lusozi olwetebwa olwa Zeyituuni, natuma oku beegereswa baamwe babiri,
\v 30 nka akukoba ati mwaabe omu mbuga edi omu maiso ganywe, nimwaigira omwo mwaabona omwaana gwa nkaina nka gubbuwibwe ogutaikalwangaku muntu: mugusandabule muguleete.
\v 31 Erate, omuntu nababuulya nti mugusandaburaki? Mukobe mutyo nti Omukama waiswe niye akugwendya.
\v 32 Naabo abatumiibwe nibaaba, nibabona nka oYesu abakobere.
\p
\v 33 Ale nibaali nka bakusandabula omwaana gwa nkaina, abakama baago nibabakoba bati mukusandabula gwa ki omwaana gwa nkaina ogwo?
\p
\v 34 Nibakoba bati Omukama waiswe niye akugwendya.
\v 35 Nibaguleeta ewa Yesu: nibaliira engoye zaabwe oku mwaana gwa nkaina nibatamburyaku oYesu.
\v 36 Ale yaali nka akwaaba, nibaliira engoye zaabwe omu nzira.
\p
\v 37 Ale niyaali nka alampi okwiika omu ansi wa lusozi lwa Zeituuni, ekibbuura kyoona kyoona ekya beegereswa ni batandika okusemeera, n’okwangiriza oKanca neiraka erikooto olwa bya magero bi baboine;
\v 38 nka bakukoba bati Aweweibwe omukisa Omukama azira omwibara lya Kanca: emirembe omwigguru, ne kitinsya aiguru omuno.
\p
\v 39 Abafalisaayo abamwei aba mu kibbuura nibamukoba bati Omwegesya koma oku beegereswa baamu.
\p
\v 40 OYesu Nairamu nabakoba ati nkubakoba nibaasirika, amabbaale gaiza kusimoora aigguru.
\p
\v 41 Ale oYesu niyasembere ampi nabona, ekibuga nakikungira,
\v 42 nka akukoba ati siinga omaite oku lunnaku lunu, we, ebigambo ebya mirembe! Baitu ati bikwekeibwe amaiso gaamu.
\v 43 Olwakubba ennaku zirikwizira, abananzugu baamu, lwe balikombokaku olukomera, balikwerugurya, balikuzingiza ensonda zoona zoona.
\v 44 Balikunaga ansi, n’abaana baamu abali omunda yaamu; baitu tibalikulekamu ibbaale eriri okuruguru okwibbaale; olwakubba tiwamaite biro byakucaarwa.
\p
\v 45 OYesu Nangira Omwiramyo, niyekeera okupekamu abaali bakutunda
\v 46 Lukka nka akubakoba ati kyawandikiibwe kiti erate ennyumba yange yabbanga nnyumba yakuramiryamu: baitu nywe mujifiire mpuku yabanyagi?
\p
\v 47 Ale oYesu nayegesyanga omwiramyo buli lunnaku. Baitu abakabona abakulu, nabawandiiki, na bakulu ba bantu nibasala amagezi okumuzkiirya:
\v 48 nibatabone ki baakola, olwakubba abantu boona boona bamutaireku muno omwooyo nka bakumuwuliirya.
\c 20
\cl Esuura 20
\p
\v 1 Ale olwaikire oku lunnaku olumwei okweezo, oYesu yaali nka akwegasya abantu Omwiramyo, nka akukoba enjiri, abakabona abakulu, n’abawandiiki amwei n’abakaire ni bamwiizira;
\v 2 Nibabaza nka bakukoba bati tukobere; buyiinza ki obukukolesya binu? Erate naani eyakuwaire obuyiinza obwo?
\p
\v 3 Nairamu n’abakoba ati njeena kambabuulye ekigambo kimwei; munkobere:
\v 4 okubatiza kwa Yokaana kwazwiire mwigguru, obate mu bantu?
\p
\v 5 Nibateesa bonkai n’abonkai nka bakukoba bati nitwakoba nka nti kwazwiire mwigguru; yakoba ati kiki ekyabagaine okumwikiriza?
\p
\v 6 Baitu, nitwakoba tuti kwazwiire mu bantu; abantu boona baatukubba amabbaale: olwakubba baikiriza kimwei oYokaana okubba omuranji.
\v 7 Nibairamu bati tibamaite ji kwazwiire.
\p
\v 8 OYesu nabakoba ati njeena tinabakobere nywe obuyiinza obunkolesya binu jibwazwiire.
\p
\v 9 Niyekeera okukobera abantu olugeero lunu nti omuntu omwei yasimbire olusuku lwa Mizabbibu, nalulekera abalumi, nayaba omu nsi ejindi n’alwaayo.
\v 10 Ale omu biro bya mwaaka eby’akukungula abalumi nabatumira omwiiru, bamuweerye oku bibala eby’amulusuku lw’amizabbibu: baitu abalumi nibamukubba, ni bamusindika nka taalina kintu.
\v 11 Nayongera okutuma omwiiru owondi; n’oyo nibamukubba, nibamuswaaza, nibamusindika nka taalina kintu.
\v 12 Nayongera natuma owa kasatu: n’oyo yeena nibamusumuta, nibamugoba.
\v 13 Oyo omukama wa lusuku lw’amizabbibu nakoba ati nakola ntyai? Ka ntume omwaana wange gwenyedya omuno: obate oyo bali muwa ekitinisya.
\p
\v 14 Baitu, abalumi ni bamubwoine, ni bateesa bonkai n’abonkai, nka bakukoba bati Onu niye musika: tumwitte, obusika bubbe bwaiswe.
\v 15 Ni bamupeka omu lusuku lw’amizabbibu, nibamwitta. Ale olibakola atyai omukama wa lusuku lw’amizabbibu?
\v 16 Aliiza nazikiirya abalumi abo, n’olusuku lw’amizabbibu aliluweerya abandi. Ni bawuliire ebyo, nibakoba bati bireke kubbaawo.
\p
\v 17 Baitu oYesu nabaloleera nakoba ati ale kiki kinu ekyawandikiibwe kiti Eibbable abomboki libagaine, eryo niryo eryafookere omutwe gwa ku nsonda.
\p
\v 18 Buli aggwa okwibbbale eryo, aliwendekawendeka; baitu oyo gwerigwaaku, lirimufoola nka ocucu.
\p
\v 19 Ale abawandiiki n’abakabona abakulu ni basala amagezi oku mukwaata obwiire obwo, ni batiina abantu; olwakubba betejere nka okubo nikwo agereire olugeero olwo.
\v 20 Nibamubonenkeerya, ni batuma abakumukeita nka befoire abaikiriri, basinziire oku bigambo bysamwei, basobole okumuwaayo edi okufuga kwa waisaza nedi obuyiinza bwaamwe.
\v 21 Ni bamubuulya, nka bakukoba bati Omwegesya, tumaite nka osimoola erate nk’oyegesya mananu, erate tososola mu bantu, baitu oyegesya mananu enzira ya Kanca:
\v 22 Kisai iswei okuwanga oKaisaali omusolo, obate tinimwo?
\p
\v 23 Baitu oYesu niyeteja obukumpania bwaabwe, nabakoba ati mundange eddinaali.
\v 24 Ekiisani ekiruku n’obuwandiike bwa naani? Bo nibakoba bati bya Kaisaali.
\p
\v 25 OYesu nabakoba ati ale ebya Kaisaali mu musasulenge oKaisaali, n’ebya Kanca mu musasulenge oKanca.
\v 26 Nibatasobole kutoola nsonga mu kigambo ekyo omu maiso ga bantu, ni nibewuunya kyairemu, nibasirika.
\p
\v 27 Abasaddukaayo abamwe nibaiza jaali, abakoba nti ndoowo kuzukira; nibamubuulya,
\v 28 nka bakukoba bati Omwegesya, oMusa yatuwandikiire nti omuganda wa muntu naffa nka aliina omukali, nka taalina mwaana, omugade awase omukali oyo airiryeewo omugande eibyaire.
\v 29 Ale waalowo ab’aluganda musanjju, eyekereire nawasa omukali, naffa nka tabyaire mwaana;
\v 30 n, owakabiri;
\v 31 n’owakasatu n’amuwasa; erate batyo baddi omusanjju ni baffa, ni batalekewo baana.
\v 32 Ekyaiririire n'omukali naffa.
\v 33 Ale omu kuyimbooka alibba mukali wa naani okwaabo? Olwakubba, boona boona omusanjju bamubandwire.
\p
\v 34 OYesu nabakoba ati abaana ba nsi enu babandula, bafumbirwa.
\v 35 Baitu, badi abaikiriziibwe okwiika omu nsi eyo n’omukuyimbooka kwamu baffu, tibabandula, erate tibasumbirwa.
\v 36 Olwakubba n’okuffa, tibayiinza kuffa tte: Olwakubba bali nka abantumwa; erate nibo baana ba Kanca, nka nibali abaana ba kuyimbooka.
\v 37 Okumanya nka abaffu baliyimbooka, n’oMusa yakirangire oku kisaka niyamwetere Omukama oKanca wa Ibulaimu, erate oKanca wa Isaaka, erate oKanca wa oYakobo.
\v 38 Baitu, ye ti Kanca wa baffu, baitu wa bwoomi: olwakubba boona boona babba bwoomi ku bwaamwe.
\p
\v 39 Abawandiiki abamwe nibairamu, nka bakukoba bati mwegesya osimoire kusai.
\v 40 Olwakubba tibayiinzire ku mubuulya kigambo kyoona kyoona tte.
\p
\v 41 OYesu Nabakoba ati babaza batyai nti oKristo niye mwaana wa Daudi?
\v 42 Olwakubba oDaudi omwenyenere abaza omu kitabo kya Zabbuli nti Omukama yakobere Omukama wange ati ikala oku mukono gwange oguryo,
\v 43 okwica nindifoola abananzugu baamu entebe ya magulu gaamu.
\p
\v 44 Odaudi amweeta Mukama waamwe, ale mwaana waamwe atyai?
\p
\v 45 Ale abantu boona boona nibabbaire nka bakumuwuliirya, nakoba abeegesya baamwe ati
\v 46 mwekumenge abawandiiki abendya okutamburanga omu Lukka ngoye ezirai, abendya okulamucibwanga omu butale, n’entebe za mu maiso omu makunbbaniro, n’ebifo ebya kitinisya oku mbaga.
\v 47 Abanyaga amayumba ga banamwandu, abasaba omuno omu bukuyikuyi: abo balisaarwa omusango ogusiingayo obukooto.
\c 21
\cl Esuura 21
\p
\v 1 OYesu naimuca amaiso, nabona abaguuda abaali bakunaga ebirabo byaabwe omu kideero.
\v 2 Nabona onamwandu omwei omooro nka akunaga omwo ebicweka ebya ipeesa bibiri.
\v 3 Nakoba ati amazuma nkubakoba nti onamwandu onu omooro anagiremu biinji okusiinga boona boona:
\v 4 olwakubba abo boona boona banagiremu oku bisigairewo omu birabo: Baitu oyo omu kutaka kwaamwe anagiremu byoona byoona byaaliinabyo, nibwo obwoomi bwaamwe boona boona.
\p
\v 5 Erate abamwei, nibaali bakusimoola okw’Iramyo niryayonjeibwe namabbaale agasai ne byaweweibweyo, nakoba ati
\v 6 Binu bimukubona, ennaku zikwakwiiza ni watalirekebwa eibbaale eriri okwibbaale eritalinagibwa.
\p
\v 7 Ni bamubulya nga akubakoba nti omwegesha ale ebyyo bikwaba kubawo ddi okumanyisha ki akalibawo ne byo ni byalibanga bikwaba kubawo
\v 8 oYesu nakoba ati mulolere muleke kukyamizzibwa kubanga baingi abalizza omwibara lyange nga bakusimola nti nye ndinani ati obwirre bulampi okwika mutabasengeryanga
\v 9 era nibamuwuranga etallo ne bikankana mutatinanga lwakuba ebyo kibigwanire okwera okwizza naye enkomero terika mangu ago
\v 10 walbawo ne bikankana ebikoto omubifo ebindi enzala kawumpuli birirbawo walibawo ne ntinisa nobubonero obukoto bukuzwa omwiguru
\v 11 nabakoba ati eiwanga likulumba eiwanga no bukama buli lumba obukama
\v 12 nebyo byonabyonanga bikyali kubawo balitaku emikono balibayiganya nga bakubawayo mumaramyogamunkonyo nga bakubatwala owabakama nabamasazaolwebara lyange
\v 13 kiribba mujulirwa nywe jemuli.
\v 14 Ale mukite omumyoyo gyanywe obuteikeeranga kulowoza byemuliramu.
\v 15 Olwakuba nje ndibawerya akanwa namagezi abalabe banywe bonabona nibatalinza kutakanabyo niwakubaire okukigabana
\v 16 naye ni muliwebayo akaire banywe nabaluganda nabaminywani okunye balibatisha
\v 17 nanwye mulikyayibwa olwabaira lyange
\v 18 noluseke olwakumitwe janye tululibula nakadoli
\v 19 omukugulumizza kwanywe mulifuna obwomi bwanywe
\v 20 ni muliba eyerusalemi nga kyerurugulirye ejje mulyoka ni mutegera nti okuzikira kwakyo kulampi kwika
\v 21 mubiiro ebyo abanga omubuyudaya bairukiranga munsozi nabanga akati omukyo bakiwulukangamu nabanga omubyalo tibakingirangamu.
\v 22 Olwakuba ezzo nizzo naku zakuwalana wewanga ebyawandikibwe byonna bisobole okwikira
\v 23 Zibasnga abaqliba nenda nabakwonya omunaku ezzo lwakuba waliba okubana enaku ejjingi okunsi nobusungu ewri abantu abo
\v 24 balitwala no bwogi bwakitala banyigibwa okutwalibwa omuwanga gona ne yerusalemikirirnirwa abamawnga okwicca ebbiro byanamawanga lwe birikirira
\v 25 era walibawo no bubonero kuwisana nokukwezi no kumnyenyezi no kunsi awanga galinakuwala ngan abasamaliya olwokuwuguma kwanyanja namayengo
\v 26 abantu nga bakuzika olwentisa olwekulolera ebyo ebikwza okunsi kubanga amani gakunsi galikakanizibwa
\v 27 nibabona omwana wamunsi nga akwizira omukire namani nekitibwa ekikoto
\v 28 naye ebigambo ebyo nibanulanga okubawo muleranga iguru mwimukyanga emitwe janye lwakuba okunulibwa kwanye kulampi okwika
\v 29 oYesu nabakoba eramyo nti mubone omutinim ne missale jonajona
\v 30 kale nijotojera mutegere nywe nka nti okukngul;
\v 31 a kulampi era nanywe mutyo ni mwabonanga ebyo nga bikubawo mumanye nti obukamam bwa kancca bulampi
\v 32 mazzima nkubakoberanti emirembe zinzi tiziwawo nakadoli okwicca ebyo byona byona nibiribawo
\v 33 eiguru ne nsi biriwawo naye ebigambo byange tibirieawo nakadoli
\v 34 naye mwekume nge emyoyo janye jitazitoweranga olwamilulu nokutamiranga no kweralikiranga abyabwomi biini era olunaku luddi luleke okubaikaku nka ekyambika
\v 35 lwakuba nimwo lutyo ni lwika okubonabona abali okunsi
\v 36 naye mulolerenge omubiro byona musabenge musobole okubiruka ebyo ebikwaba okubawo no kwemera omumaiso gamwana wamuntu
\v 37 awo buli lunaku yayegeshanga omuyekalu nibwaswekanga nawuluka nasula okulusozi olwetebwa zaitunib
\v 38 abantu bina bakeranga emambya okwaba jali omuyekalu.
\c 22
\cl Esuura 22
\p
\v 1 Ale embaga eya migaati egitatumbisiswa eyetebwa okwakalaku yaali nka erampi okwiika.
\v 2 OYesu abakabona abakulu ni basala amagezi nibaamwitta, olwakubba baali bakutiina abantu.
\p
\v 3 Ale oSitani nangira omu oYuda ayetebwa oIsukalyoti eyaali okuwendo gwaabo eikumi nababiri.
\v 4 OYuda nayaba nateesa na Bakabona abakulu na baami abarusura nka niyamuwaayo oYesu jibali.
\v 5 Nibasemeerwa nibaikaanya okumuweerya empiiya
\v 6 Naikiriza naswaaga eibbanga liyamuwerayo jibali awataali kibbuura.
\p
\v 7 Ale ekiro ekya migaati egitatumbisiswa ni lwiika, olusaniire okusaarwaaku okwakalaku.
\v 8 Natuma oPeetero no'Yokaana nabakoba ati mwabe mututegekere okwakalaku tukulye.
\p
\v 9 Nibamukoba bati okwendya tukutegekere ayi?
\p
\v 10 Nabakoba ati bona, nimwabba mwingiire omu kibuga, mwayaja omuntu ayatangarana nanywe eyetiikire ensuwa ya maizzi mumusengeerye omu nnyumba mweyangira.
\v 11 Mwakoba omukama wa nnyumba muti omwegesya akukobere ati ennyumba yabagenyi erai, mwe
\v 12 Erate, Oyo yabalanga ennyumba ejikooto eya waigguru etimbiibwe: mutegekere omwo.
\v 13 Nibaaba, nibabona nka nakobero: ni bategeka okwakalaku.
\p
\v 14 Ale ekiseera nikyaikire, naikala oku mmere nabakwenda amwei naye.
\v 15 Nabakoba ati negombere muno okuliira amwei okwakalaku kunu nka nkyaali kuwalalibwa.
\v 16 Olwakubba nkubako nti tindikulya nakadooli okwiica lwekulikirira omu Bukama bwa Kanca.
\v 17 OYesu nakwaata ekikompe, niyebalya nakoba ati mutoole kinu mugabane nywekai nanywekai.
\v 18 Olwakubba nkubakoba nti tindinywa okwekeera ati oku bibala bya muzabibu okwiica Obukama bwa Kanca nibuliiza.
\v 19 Nakwaata omugaati niyebalya, naguwendawendamu, nabakoba ati gunu nigwo mubiri gwange ogukuwebwaayo oku lwanywe: mukolenge mutyo okunyizukiranga njje.
\v 20 Erate, ne kikompe atyo nibamaare okulya, nk’akukoba ati ekikompe kinu niyo ndagaano ejiyaaka omu isagama lyaange, erikususuka oku lwanywe.
\v 21 Baitu, bona, omukono gooyo akundyamu olukwe guli amwei nanje oku meeza.
\v 22 Olwakubba, omwaana wa muntu okwaaba akwaaba nka nikyalagiirwe: Baitu, zimwajirye omuntu oyo akumulyaamu olukwe!
\p
\v 23 Nibatandika okwebulyangana bonkai na bonkai bati yabba naani okwiswe akwaaba okukola ekyo?
\p
\v 24 Niwabbaawo n’empaka omu bo, nti naani omu bo alowoozebwa okubba omukulu.
\p
\v 25 Nabakoba ati abakama bammanga babafuga; naabo abaliina obuyinza oku bo beetebwa abakola okusai.
\v 26 Baitu nywe timutyo; Baitu omukulu omu nywe abbe nk’omunto; nooyo akulembera abbe nka muweereza.
\v 27 Olwakubba omukulu naani, aikala oku mmere, obate aweereza? Tiniyooyo aikala oku mmere? Baitu nje akati omu nywe ndi nka aweereza.
\p
\v 28 Baitu, nywe abemereire amwei nanje omu koyerwa kwange;
\v 29 nanje mbabikiire Obukama, nka Oitaange niyambikiire nje.
\v 30 Leke mulye, erate munywe oku meeza yaange Omubukama bwange, erate muliikala oku ntebe eza kitinisya, nka mukusaara emisaango ebika eikumi nebibiri eby’Abaisiraeri.
\p
\v 31 Simooni, Simooni, bona oSitaani yegayiriire okubawewa nywe nk’engaano:
\v 32 baitu nje nkusabiire, okwikiriza kwaamu kuleke kukendeera: naawe nomalanga okucuuka, oggumyanga abaganda baamu.
\p
\v 33 Namukoba ati Mukama wange netekeretekere okwaaba naawe no munkomyo nomu kufa.
\p
\v 34 OYesu nakoba ati nkukukobera we Peetero, onkoko leero tiyakooke nka tonegaine emirundi isatu nti tomaite.
\p
\v 35 Ale oYesu nabakoba ati ninabatumire nka timuliina bikapu, gonze olukobba, gonze enkaitto mwabbaireku kimutaalina? Nibakoba bati bbe.
\p
\v 36 Nabakoba ati baitu, atubunu, aliina ekikapu, akitwaale, no walukobba atyo: baitu ataalina mpirima, atunde olugoye lwaamwe ajigule.
\v 37 Olwakubba, nkubakoba nti kinu ekyawandikiibwe kitekeibwe okwikiira oku nje nti yabaliirwe amwei nababbi: olwakubba ekinsaniire kiteekwa okwikiira.
\p
\v 38 Nibakoba bati Mukama waiswe, bona, empiri ibiri nzini, nakoba ati zaamala.
\p
\v 39 OYesu Nawuluka nayaba oku lusozi olwa Zeyituuni nk’empisa yaamwe ni yaali nabeegereswa baamwe ni bamusengeerya.
\v 40 Ale niyaikire omu kifo awo, nabakoba ati musabe muleke kwingira Lukka mukoyerwa.
\v 41 Ye nabawukanaku eibbanga nka wakasukibwa eibbaale nafukamira nasaba,
\v 42 nka akukoba ati Itaang, noyendya ntolaku ekikompe kinu, baitu tinka nje ninkwendya, baitu we kyokwendya kikolebwe.
\v 43 Ontumwa namubonekera nka akuzwa omwigguru nka akumutaamu amaani
\v 44 Nafuba nka akulumwa, niyeyongera okusaba omuno: entuuyo zaamwe niziisana amatondo gaisagama nka gakutonya ansi.
\v 45 Niyaimukire omu kusaba naiza eddi abeegereswa baamwe nabaaja nka babbasirye olwa bujune.
\v 46 Nakoba ati ekibabbasisirye kiki? Mwimuke musabe muleke kwingira mukoyerwa.
\p
\v 47 Yali nka akyasimoola, bona, ekibbuura, no Yuda omwei okwikumi nababiri nka abakulembbeire nasembera oYesu oku muwa omukifubba.
\v 48 Baitu oYesu namukoba ati omwaana wa muntu okumulyaamu olukwe nka okumugwa omukifubba?
\p
\v 49 Naabo beyaali nabo, nibaboine nibaboine ekikwaaba okubbaawo nibakoba bati Mukama waiswe tuteme nempirima.
\v 50 N’omwei okwaabo natema omwiiru wa kabona asiinga obukulu namusalaku okutwi kwaamwe okwa guryo.
\p
\v 51 Baitu oYesu nairamu nakoba ati koma kwekyo kyonkai. Nakwata okutwi kwaamwe namutamba.
\v 52 OYesu nakoba abakabona abakulu na baami bamw’Iramyo, nabakaire abamwiziire ati munyiziire nka omunyagi, nempirima ne miigo?
\v 53 Ninabbanga nanywe buliizo omw’Iramyo timwangololeireku mikono jaanywe: baitu kinu nikyo kiseera kyanywe, n’obuyinza bwakirikiirya.
\p
\v 54 Nibamukwaata nibamutwaala nibamwingirya omu nnyumba ya kabona asiinga obukulu. Baitu oPeetero nasengeerya nka akuzwa alai.
\v 55 Ale nibaali bamaare okuwemba omuuro akati omulubuga, nka baikaire amwei, oPeetero naikala akati omu bo.
\v 56 Ale omwaala omwei niyamuboine nka aikaire awakubonia, namwetegereza, nakoba ati oyo yeena yabbaire naye.
\p
\v 57 Ni yegaana nka akukoba ati omukali, timumaite.
\p
\v 58 Ekiseera nikyayakairewo, owondi ni namubona nakoba ati weena oli omwei oku bo. Baitu oPeetero nakoba ati omuntu, Tininje.
\p
\v 59 Waali wakairewo ekiseera, essawa nka emwei, owondi namwetegereza, nakoba ati mazuma nooni yabbaire naye, olwakubba mu Ggaliraaya.
\p
\v 60 Baitu oPeetero nakoba ati omuntu, timaite kyokusimoola. Ale amaangu ago, niyaali akyasimoola onkoko nakooka.
\p
\v 61 Ale Omukama waiswe, nacuuka naloleera oPeetero, oPeetero naizukira ekigambo kya Mukama waiswe niyamukobere nti olwa leero onkoko yaabba akyaali kukooka wanegaana emirundi isatu.
\v 62 Nawuluka enzai nakunga muno Amaliga.
\p
\v 63 Na bantu abaali bakwaite oYesu ni bamuduura nka bakumukubba.
\v 64 Nibamusweeka omu maiso, ni bamubuulya, nka bakumukoba bati lagula, naani akukubbire?
\v 65 Ne bindi biinji nibabimusimoolaku oYesu nka bakumuzuma.
\p
\v 66 Ale obwiire nibwakeire, abakaire ba bantu ni bakunbbaana, abakabona abakulu, erate nabawandiiki, niba mutwaala omu lukiiko lwaabwe, ni bamukoba bati,
\v 67 Obate nka niiwe Kristo, tukobere. Yeena nabakoba ati nebwenabakobera, timwaikirize nakadooli.
\v 68 Ne bwe nababuulya, timwairemu Lukka nakadoli.
\v 69 Baitu, okwekeera ati omwaana wa muntu akwaaba okwiikala oku mukono oguryo ogwa maani ga Kanca.
\p
\v 70 Boona boona nibamukoba bati ale we, oli mwaana wa OKanca? OYesu nabakoba ati nka ni musimoire ninje onu.
\v 71 Ni bakoba bati tukwenderyaki abajuurwa? Olwakuba, iswe twewuliriire okuzwa omu kanwa kaamwe ye.
\c 23
\cl Esuura 23
\p
\v 1 Ekibuura kyoona kyoona nikiimuka nikimutwaala ewa Piraato.
\v 2 Nibasooka okumulopa nka bakukoba bati onu twamuboine nka akukyaamya eiyaanga lyaiswe, nka akubagaana okuweerya oKaisali omusolo, nka akusimoola ye omwenyenere okubba oKristo, Omukama.
\p
\v 3 OPiraato namubuulya nka akukoba ati Niiwe Mukama wa Bayudaaya, Namwiramu namukoba ati osimoire.
\p
\v 4 OPiraato nakoba abakabona abakulu ne bibbuura ati Tinkubona nsonga yoona yoona oku muntu onu.
\p
\v 5 Baitu bo nibeyongera okukoba bati akusasamalya abantu, nka akwegesya omu Buyudaaya bwoona bwoona, yasokeire Ggaliraaya okwiika naani.
\p
\v 6 OPiraato niyawuliire, nabuulya obate nka omuntu oyo mu Ggaliraaya.
\v 7 Niyategeire nka wamu bicweeke bya Kerode namuweereza ewa Kerode, olwakubba yeena yaali mu yerusaalemi omu biro ebyo.
\v 8 Ale oKerode niyaboine oYesu nasemeera, olwakubba okuzwa eirai yatakanga oku mubonaku, olwakubba yawuliire ebigambo byaamwe; nasuubira okubona nka akukola akabonesyo.
\v 9 Namubuulya ebigambo biinji, baitu ye natamwiramu kigambo.
\v 10 Abakabona abakulu nabawandiiki nibemeera nibagumya muno okumulopa.
\v 11 Ale oKerodi nabasurukale, nibamugaya, ni bamudduura, ni bamuzwalikisya ekizwaalo ekipiryapirya ni bamwiryaayo ewa Piraato.
\v 12 OKerode no Pirato nibalyooka nibayimbangana oku lunnaku olwo; olwakubba omukwekeera baali bakyawengaine.
\p
\v 13 OPiraati nayeta abakabona abakulu nabakungu naba bantu,
\v 14 nabakoba ati mundeteire omuntu onu nti yakyamirerye abantu; erate, bona, nje nimukemenkereize omu maiso gaanywe, timboine nsonga ku muntu onu omwebyo bimu mulopere.
\v 15 Erate, gonze oKerode, olwakubba amwiirye jituli, erate bona, ndoowo kigambo kyakoore ekisaanire okumwitiisya.
\v 16 Baitu, ninnamala okumubonereza, nimutaisya.
\v 17 Erate kyamusaniranga okubataisirya omubbuwe omwei oku mbaga.
\p
\v 18 Baitu ni bakayana boona boona amwei, nka bakukoba bati twaala onu, otusindabuure oBalaba.
\v 19 Oyo niye muntu gwe bataire omunkomyo olwakukakanyala okwaali omu kibuga, n’olwakiitta bantu.
\v 20 OPiraato nasimoola nabo nka akutaka okutasya oYesu.
\p
\v 21 Baitu bo nibasimoora aigguru nka bakukoba bati mukomeere, mukomeere.
\v 22 Nabakoba omulundi ogwa kasatu ati Lwaki, onu akoore kibbi ki? Timboine okuye ensonga ekumwitisya: ale ninamala okumubonereza namutaisya.
\v 23 Baitu, bo nibamulemeera olwa maraka agakooto, nka bakwegaiira oku mukomeera. Amaraka gaabwe nigasiinga okukola.
\v 24 OPiraato nasalawo ebigambo nka nibegairiire.
\v 25 Nataisya oyo ayanagiibwe omunkomyo olwa bukakanyali n’obwiitti nka nibamwegairiire. Baitu nawaayo oYesu okumukomeera nka nibatakire.
\p
\v 26 Ale nibaali nka bakumutwaala, nibakwaata Omukuleene oSimooni, eyaali akuzwa omukyaalo, nibamutiika omusaalabba, okugwetiika nka akuzwa ennyuma wa Yesu.
\v 27 Ekibbuura ekikooto nikimusengeerya ekya bantu na bakali abamukungiire, erate nabamunakuwaara.
\v 28 Baitu, oYesu nabacukira nabakoba ati abaala ba Yerusaalemi, mutankungira nje mwekungire nywenkai na baana banywe.
\v 29 Olwakubba, bona, ennaku zikwiiza, zebalikoberamu nti baliina omukisa abagumbba, nabanda ezitabyaala, namabeere agatayonca.
\v 30 Nibatandika okukoba ensozi nti mutugweeku no busozi nti mutwevunikeku.
\v 31 Olwakubba nibakola binu okumusaale ogubisi, okugukalu kiribba kityai?
\p
\v 32 Erate yatwaliibwe nabandi babiri abakoore okubbi, okwiitibwa amwei naye.
\v 33 Ale nibaikire omu kifo ekyetebwa e kiwanga, nibamukomeera awo, nabadi abakoore okubbi, omwei oku mukono oguryo, owondi oku gumoso.
\v 34 Ale oYesu nakoba ati Itaange basaasire olwakubba, tibamaite ki bakukola. Nibagabana ebizwaalo byamwei nka bakukubba akalulu.
\v 35 Abantu nibemeera nka bakuloleera. Abakungu boona ni bamusekeera nka bakukoba bati yacunguranga abandi, yeena yecungure, obate niyabba nka niye Kristo wa kanca, omukome waamwe.
\p
\v 36 Abalusura boona ni bamuduura nka bakwiiza jaali, na bakumuweerya omwenge ogukatuuki,
\v 37 Baitu, nka bakukoba bati obate nka niiwe Mukama w’Abayudaaya, wecungure wenkai.
\v 38 Niwabbaawo ne bbaluwa aigguru waamwe nti ONU NIYE MUKAMA W’ABAYUDAAYA.
\p
\v 39 Omwei okwaabo abakoore okubbi abawanikiibwe naye, namuzuma nka akukoba ati tiniiwe Kristo? Wecungure wenkai naiswe.
\p
\v 40 Baitu, owa kabiri nairamu namunenya, nka akumukoba ati nokutiina totiina Kanca olwakubba, oli ku kibonerezo kimwei naye?
\v 41 Erate, iswei twajjunaaniibwe nsonga; olwakubba ebisaanire bitwakoore nibyo tukusasulwa: baitu onu takolanga kigambo kitasaniire.
\v 42 Nakoba ati Yesu onyizukiranga no liiza omu Bukama bwaamu.
\p
\v 43 OYesu namukobna ati mazuma nkukoba nti olwa leero wabba nanje omu lusuku lwa Kanca.
\p
\v 44 Ale obwiire bwaali bwikire nka essawa mukaaga, niwabbaawo ekirikiirya oku nsi yoona yoona okwiica essawa mwendai,
\v 45 eisana obutayaka: neijiji lya muyekaalu ni lyonokamu akati.
\v 46 Ale oYesu nasimoola neiraka erikooto, nakoba ati Itaange nkuta omwooyo gwange omu mikono zaamu; niyamaare okusimoola ekyo, naweryaayo obwoomi.
\p
\v 47 Ale omwaami wa kitongole niyaboine ekibbairewo naramya oKanca, nka akukoba ati mazuma onu abbaire muntu mwikiriiri.
\v 48 Ne bibbuura byoona byoona ebyaali bikumbaine okwebonera, nibyaboine ebibbairawo nibairayo nka bakwekubba omu bifubba.
\v 49 Na banywaani baamwe boona, nabakali abamusengereiye nka akuzwa e Ggaliraaya, nibemeera alai nka bakubona ebyo.
\p
\v 50 Ale bona, niwabbaawo omuntu eibara lyaamwe Yusufu eyaali omukungu, omuntu omusai, erate omwikiriiri
\v 51 Oyo tiyateesere kimwei omu kuteesa kwaabwe, gonze omu kikolwa kyaabwe, owa Alimasaya, ekibuga ky’Abayudaaya eyaali alindiririirye Obukama bwa Kanca.
\v 52 Oyo nayaba ewa Piraato, nasaba omulambo gwa oYesu.
\v 53 Naguniinulayo naguzzinga omu lugoye lwa bafuta, naguta omumagombbe agabaiziibwe omwibbaale omutateebwanga muntu.
\v 54 Ale lwaali lunnaku lwa kuteekateeka, essabbiiti nka yabbaawo mambya.
\v 55 Nabakali beyazwiire nabo e Ggaliraya ni basengeerya, nibabona amagombbe, no mulambo gwaamwe wegwatekeibwe.
\v 56 Nibaira, nibateekateeka ebya kawoowo, na mafuta gamusutai. N’oku lunnaku lwa ssabbiiti nibawuumula nka eiteeka niryaali.
\c 24
\cl Esuura 24
\p
\v 1 Ale oku lunnaku olwekereire omu nnaku omusanju, omu kibbambya emanbya, nibaiza oku magombbe nibaleeta ebya kawoowo bibategekere.
\v 2 Nibabona eibbaale nka liyiibwe okuzwa oku magombbe.
\v 3 Nibaingiramu, nibatasanga mulambo gwa Mukama waiswe.
\v 4 Ale olwaikire nibaali nka basamiriire olwekyo, bona, abantu babiri nibemeera webaali, nka bazwaire engoye ezikumesyamesya;
\v 5 ale nibaali batinire, nka bakutamirye amaiso gaabwe, nibabakoba bati kiki ekibaswagisya omwoomi omu bafu?
\v 6 Taalowo ani, baitu ayimbokere: mwizukire biyasumoire nanywe nka acaali omu Ggaliraaya,
\v 7 nka akukoba ati kisaniire omwaana wa muntu okuwebwaayo omu mikono ja bantu abata nebibbi, noku komeerwa, noku lunnaku olwa kasatu okuyimbooka.
\v 8 Ale nibaizukira ebigambo byaamwe,
\v 9 nibazwa oku magombbe nibairayo, ebyo byoona byoona nibabikobera baddi eikumi noomwei nabandi boona boona.
\v 10 Baali oMalyamu oMagudaleena, no Yokaana, no Malyamu omaamwe wa Yakobo nabakali abandi amwe nabo, ni bakobera abatume ebigambo ebyo.
\v 11 Ebigambo ebyo, nibiisana omu maiso gaabwe nka ebya busirusiru nibataikiriza.
\v 12 Baitu oPeetero nainuka nairuka oku magombbe, nakutama, nalengeza nabonamu ebiwero bya bafuta nka biri byonkai, naira ewaamwe nka akwewuunya ekibbairewo.
\p
\v 13 Ale bona, oku lunnaku olwo babiri okubo baali nka bakwaaba omu mbuga ebara lyaayo Emawo, eyaali alai no Yerusaalemi, nka esutadyo nkaaga.
\v 14 Nibanyumya bonkai nabonkai ebyo byoona byoona ebibbairewo.
\v 15 Ale olwaikire, baali nka bakunyumya, erate nka bakwebulyangana, oYesu yenyenere nabasembeera, nayaba amwei nabo.
\v 16 Baitu amaiso gaabwe ni gaigalwa baleme okumweteja.
\v 17 OYesu nabakoba ati bigambo ki bimukubulyangana nka mukutambula? Ni bemeera nka bawotokere.
\p
\v 18 Omwei okubo eibara lyaamwe; Kulyoppa nairamu namukoba ati We osula wenkai omu Yerusaalemi atamaite ebibbairemu omu biro binu?
\p
\v 19 OYesu Nabakoba ati bigambo ki? Nibamukoba bati ebya Yesu omu Nazaleesi eyaali omuranji owa maani omu biyakolanga ne biyabaziranga omu maiso ga Kanca n’omu bantu boona boona.
\v 20 Nabakabona abakulu, nabakungu baiswei ni bamuwareyo oku musaara omusango ogwa ku mwitta, ni bamukomeera.
\v 21 Baitu, iswei twalai tukusuubira nti niye alicungura oIsiraeri. Erate nokubinu byoona byoona, olwa leero zinu ennaku isatu ebigambo binu bukya bibbaawo.
\v 22 Erate, nabakali abamwei aba waiswe batuwuninkiriirye, abakeire okwaaba oku magombbe,
\v 23 nibatayajirye yo mulambo gwaamwe, nibaiza nibakoba bati ba boine okwolesebwa kwa bantumwa abakobere nti mwoomi.
\v 24 Nabamwei okwaabo ababbaire naiswe bayabire oku magonbe ni bayaja batyo nka abakali ni bakobere, Baitu nibatamubona.
\p
\v 25 Ale oYesu nabakoba ati nywe abasirusiru, abagayaali omu myooyo okwikiriza byoona byoona abaranji bibasioire.
\v 26 Tikyasaniire oKristo okubonyabonyezebwa ebyo, leke angire omu kitinisya kyaamwe?
\v 27 Nasookera oku oMusa noku baranja boona boona, nabamanyisya omu byawandiikibwa ebyo byoona byoona ebyamuwandikiirwe ye.
\p
\v 28 Nibasembera ampi ne mbuga ji baali bakwaaba: oYesu nabba nka akubakalya okwaaba omu maiso.
\v 29 Ni bamuwaliriza nka bakukoba bati ikala naiswe; Olwakubba obwiire bwabire okusweeka, neisana liweireyo ati oYesu nangira okwikala nabo.
\v 30 Ale olwaikire yaali aikaire nabo oku mmere, nakwaata omugaati niyebalya naguwendamu nabawa.
\v 31 Amaiso gaabwe ni gazibuka ni bamweteja; nabulawo bo obuta mubona.
\v 32 Nibebulyangana bati emyooyo zaiswei tizabbaire nka ziututyemuka omunda yaiswe, niyabbaire akusimoola naiswe omu nzira, nka akutuswekuura ebyawandiikibwa?
\v 33 Nibaimuka omu kiseera ekyo nibairayo e Yerusaalemi, nibaaja eikumi nomwei, naabo bibaali nabo, nka bakumbbaine
\v 34 nka bakukoba bati amazuma Omukama waise ayimbookere, erate abonekeire oSimooni.
\v 35 Boona nibabakobera biddi ebya munzira, oYesu nebwebamwetejerye omu kumenyamu omugaati.
\p
\v 36 Ale baali nka bakyabaza ebyo, oYesu omwenyenere nayemeera akati waabwe, nabakoba ati emirembe jibbe nanywe.
\v 37 Bitu nibekanga nibatiina, nibalowoozaa nka bakubona mizimu.
\v 38 OYesu nabakoba ati ekikuberalikiirya kiki? Nokubuusabuusa ku kwizira ki omu myooyo zaanywe?
\v 39 Mubone engalo zaange, na magulu gaange, nka ninje mwenyenere, munkwaateku mubone, olwakubba omuzimu tiguliina nnyama na magumba, nka nimukubona nje nindi nabyo.
\v 40 Niyamaare okubaza ekyo nabalanga engalo zaamwe na magulu.
\v 41 Ale nibaali nka bakyaali kwikiriza olwesanu, nka bakwewuunya, oYesu nabakoba ati muliina ekiriibwa ani?
\v 42 Nibamuwa ekitundu kya kyennyaja ekyookye.
\v 43 Nakikwaata nakiriira omu maiso gaabwe.
\p
\v 44 Nabakoba ati binu nibyo ebigambo byange binabakobeire, nka nkyaali nanywe, nikisaanira byoona byoona okwikiriira, ebyawandikiirwe nje omu mateeka ga Musa no mubaranji no mu zabbuli.
\v 45 Nalyooka naswekula amagezi gaabwe beeteje ebyawandiikibwa;
\v 46 nabakoba ati nimwo kityo kyawandikiibwe oKristo okubonyabonyezebwa no kuyimbooka omu bafu oku lunnaku olwa kasatu;
\v 47 erate amaanga goona goona okukoberwanga okuwendeka omwooyo, nokutolebwaaku ebibbi omw’ibara lyaamwe, okusookera oku Yerusaalemi.
\v 48 Niinywe bajuurwa beebyo.
\v 49 Erate bona, nkubaweereza nywe okusuubiza kwa itaange, baitu mubbe omu kibuga okwica ni mulizwalikisibwa amaani agazwa aigguru.
\p
\v 50 Nabatwalaa enzai nabaikya e Besaniya: naimuca emikono zaamwe nabawa omukisa.
\v 51 Ale olwaikire nka akyabaweerya omukisa, nabawukanaku natwaalibwa omwigguru.
\v 52 Boona ni bamuramya, nibaira e Yerusaalemi nakusemeerwa kwinji.
\v 53 Nibabbanga Omwiramyo buliizo, nka bakweebalya oKanca.