See in Reader
575 lines
52 KiB
Plaintext
575 lines
52 KiB
Plaintext
\id 1CO
|
||
\ide UTF-8
|
||
\h 1 Abakkoolinso
|
||
\toc1 1 Abakkoolinso
|
||
\toc2 1 Abakkoolinso
|
||
\toc3 1co
|
||
\mt 1 Abakkoolinso
|
||
\c 1
|
||
\cl Esuura 1
|
||
\p
|
||
\v 1 OPawulo eyayeteibwe okubba omukwenda wa Yesu Kristo olwa kwendya kwa Kanca, n’osossene owaluganda,
|
||
\v 2 edi e’Iramyo lya Kanca eriri omu Kkolinso, edi abo abatukuziibwe omu Kristo oYesu, abeyeteibwe okubba abaikiiri, amwe ne boona boona abeeta eibara lya Mukama waiswe oYesu Kristo omu buri kifo, niye Mukama waabwe erate owaiswe.
|
||
\p
|
||
\v 3 Ekisa kibbenga jimuli ne mirembe ejizwa edi oKanca oitaiswe, no Mukama waiswe oYesu Kristo.
|
||
\p
|
||
\v 4 Neebalya oKanca wange buliizo okulwa nywe olw’ekisa kya Kanca kya kimwaweweibwe omu Kristo oYesu;
|
||
\v 5 olwakubba omu buli kigambo mwaguduwalire mu niye omukusimoola koona koona n’omu kweteja koona koona.
|
||
\v 6 Nka okumanyisya kwa Kristo nikwanywezeibwe omu nywe;
|
||
\v 7 Nywe obutawebuukanga omu kisimo kyoona kyoona nka mukuuma okubonekerwa kwa Mukama waiswe oYesu Kristo;
|
||
\v 8 erate alibagumya okwica okunkomeero, obutabbaaku kya kunenyezebwa oku lunaku olwa Mukama waiswe oYesu Kristo.
|
||
\v 9 OKanca mwesigwa, eyabeteserye okwingira omu kubba obumwe olwa mwaana waamwe oYesu Kristo omukama waiswe.
|
||
\p
|
||
\v 10 Baitu nkubegayiira abaluganda, olwa ibara lya Mukama waiswe oYesu Kristo, mwikiriziganyenge nywenkai na nywenkai, okwawukana kulemenge okubba omunywe, baitu mugaiturwenga omu magezi gamwe, n’okulowooza kumwe.
|
||
\v 11 Olwakubba nakobeirwe ebifa edi nywe, abaganda bange, abo aba munyumba ya Koloowe, nka waliyo okunenengana omu nywe.
|
||
\v 12 Kinsimoire nikyo kiini, buli muntu omu nywe asimoola ati; Nje ndi wa Pawulo; nanje wa Apolo, nanje wa Keefa; nanje wa kristo.
|
||
\v 13 OKristo ayawuliibwemu? OPawulo yakomererweku okulwa nywe? Obate mwabatiziibwe kwingira mw’ibara lyaamwe.
|
||
\v 14 Neebalya oKanca olwakubba timbatizanga muntu yeena yeena omu nywe, wazira oKulisipo n'oGaayo.
|
||
\v 15 Omuntu yeena yeena alemenge okusimoola nka mwabatiziibwe kwingira mw’ibara lyange.
|
||
\v 16 Erate nabatiize ne nyumba ya Sitefani, erate timaite obate walowo omuntu owondi gwe nabatiize.
|
||
\v 17 Olwakubba oKristo tiyantumire kubatiza, wazira okubuliira enjiri: ti mu magezi ga bigambo, omusalabba gwa Kristo gulemenge okubba ogwa bwereere.
|
||
\p
|
||
\v 18 Olwakubba ekigambo kya musalabba ni bwo busirusiru edi abo ababuure, baitu edi iswe abacungwirwe, nigwo maani ga Kanca.
|
||
\v 19 Olwakubba kya wandikiibwe kiti, ndizikiirya amagezi gabagezigezi, n'obugwaagwa bwabagwagwa ndi busanyaawo
|
||
\v 20 Ale omugezigezi alai? Omuwandisi alai? Omuwakanya ow'omulembe guni alai? OKanca tiyasiwaize magezi ga munsi munu?
|
||
\v 21 Olwakubba oKanca omu magezi gaamwe, yaboine nka ensi tesobola kumweteja nka ekwakala omu magezi gaayo, oKanca nikyo yazwiire okwakala omubusirusiru, okubuulira enjiri okucungula abo abaikiriza.
|
||
\v 22 Olwakubba Abayudaaya basaba obubonesyo, n’Abayonaani baswagana amagezi:
|
||
\v 23 Baitu iswe tubuulira Kristo eya komereirwe, edi Abayudaaya nkonge n'edi abapaati basirusiru;
|
||
\v 24 Baitu edi abo abeete, Abayudaaya erate n'Abayonaani, oKristo maani ga Kanca erate magezi ga Kanca.
|
||
\v 25 Olwakubba obusirusiru bwa Kanca busiinga abantu amagezi; n'obunaki bwa Kanca busiinga abantu ammaani.
|
||
\p
|
||
\v 26 Olwakuba, mulorere okwetebwa kwa nywe, abaluganda nka aba magezi ga mubiri tibainji abeyeteibwe, aba maani tibainji, aba kitinisya tibainji:
|
||
\v 27 baitu oKanca yalondere ebisirusiru ebye’nsi; akwatisye aba maani ensoni; erate oKanca yalondere ebinaki ebya’nsi akwatisye aba maani ensoni
|
||
\v 28 N’ebiseegi bya nsi n'ebinyomebwa oKanca yabilondere erate n'ebitalowo, atoolewo ebirowo.
|
||
\v 29 Wagaane okubbaawo omuntu yeena yeena eyekinkiniza omu maiso ga Kanca.
|
||
\v 30 Baitu okubw'oyo nywe muli mu Kristo Yesu eyafookere amagezi jituli; okuzwa edi oKanca, erate n'obwikiriiri, n'okwikiirya, n'okucungurwa:
|
||
\v 31 nka nikyawandikiibwe kiti; eyenyumiirya ye nyumiiryenge mu Mukama.
|
||
\c 2
|
||
\cl Esuura 2
|
||
\p
|
||
\v 1 Nanje ab'oluganda, ni nnaizire jimuli, tinaizire na maani gainji aga bigambo obate amagezi nka nkubakobera ekyama kya Kanca.
|
||
\v 2 Olwakubba nasarewo obutamanya kigambo omu nywe, wazira oYesu Kristo oyo eyakomereirwe.
|
||
\v 3 Njeena nabbanga nanywe omu bunaki no mu kutiina n’omu kukankana okwiinji.
|
||
\v 4 Erate omu kusimoola kwange n’omu kulamba kwange tibyaali mu bigambo bya'magezi ebisendasenda, baitu byaali mukukutegeeza kwa mwooyo n'amaani.
|
||
\v 5 Okwiikiriza kwanwye kulemenga okubbaamu amagezi g’abantu, wazira omu maani ga Kanca.
|
||
\p
|
||
\v 6 Baitu edi abo abakuure omu mwooyo, tusimoola by'amagezi, baitu amagezi agataali ga mu miijo jini obate abakulu ab'amu miijo gini abawaawo.
|
||
\v 7 Baitu tusimoola amagezi ga Kanca omu kyaama, agaali gakwekeibwe, oKanca ge yalagiire eirai ensi nka zikyaali kubbaawo, olwa kitinisya kyaamwei.
|
||
\v 8 Ndoowo n’omwei oku bafuzi abamu miijo jini abageetejere, olwakubba singa bageetejere, tibandikomereire Mukama owa kitinisya.
|
||
\v 9 Baitu nka nikyawandikiibwe kiti, Eriiso bye litabonangaku n'okutwi bye kutawurangaku, nebitaigiranga omu mwooyo gwa muntu, byoona byoona oKanca nibyo yatekeiretekeire abamwendya
|
||
\v 10 Baitu iswe oKanca yatuswekuliire oku bwa mwooyo, olwakubba omwoyo aswaga byo byoona byoona erate nebitamanyiibwe ebya Kanca.
|
||
\v 11 Olwakubba muntu ki eyeeteja ebya muntu wazira omwooyo gwa muntu oguli omu ye? Erate kityo ne bya Kanca ndoowo abyeeteja wazira omwooyo gwa Kanca.
|
||
\v 12 Baitu iswe ti twawereibwe mwooyo gwa nsi, wazira omwooyo oguzwa edi oKanca, leke twetejenge oKanca byatuwerya mbbe.
|
||
\v 13 N’okusimoola tusimoola ebyo, timu bigambo amagezi ga bantu bye gegesya, wazira omwooyo by'ayegesya; ni tugeregerenya ebya mwooyo ne bya mwooyo.
|
||
\v 14 Baitu omuntu awa mwiika mbbe taikiriza bya mwooyo gwa Kanca, olwakubba bya budoma jaali; erate tayinza kubyeteja, olwakubba bikeberwa na mwooyo.
|
||
\v 15 Baitu omuntu owa mwooyo akebera byonna byoona, baitu ye mwenyenere takeberwa muntu yeena yeena.
|
||
\v 16 Olwakubba, naani eyaali ategeire okulowooza kwa Mukama waiswe, leke amwegesye?" Baitu iswe tulina endowooza ya Kristo.
|
||
\c 3
|
||
\cl Esuura 3
|
||
\p
|
||
\v 1 Njeena aboluganda, tinasoboile kusimoola n'anywe nk'abamwooyo, baitu nk'abamubiri, nk'abaana abankeremba omu Kristo.
|
||
\v 2 Nabanywisirye matai, baitu tiimmere; olwakubba mwabaire mukyaali kujisobola erate naati mukyaali kujisobola.
|
||
\v 3 Olwakubba mukyaali ba mubiri, olwakubba omu nywe nka nimukyaalimu obwiiya, n'okutongana, timuli ba mubiri, erate timutambula nk'abantu obuntu?
|
||
\v 4 Olwakubba omuntu nasimoola ati, Nje ndi wa Pawulo; n’owondi ati, nje ndi wa Apolo; nka timuli bantu buntu?
|
||
\p
|
||
\v 5 Ale apolo niye naani? N’oPawulo niye naani? Bawereeza buwereeza ababaikirizisya; erate buli muntu nka Omukama waiswei niyamuwaire.
|
||
\v 6 Nje nasiggire, apolo n'asukiira; baitu oKanca niye yakuurye.
|
||
\v 7 Ale nikyo kityo; asigga tikintu, gonze asukiira; wazira oKanca akulya.
|
||
\v 8 Baitu asigga n'asukiira, benkanankana, baitu buli muntu aliweebwa empera oku sinziira oku mulumo gw'alibba akoore.
|
||
\v 9 Iswei tukoora amwe n'oKanca, erate nywe muli nnimiro ya Kanca, muli nyumba ya Kanca.
|
||
\p
|
||
\v 10 Nka ekisa kya Kanca ni kiri ki naiwereibwa, nka omomboki omukugu owa magezi, nasakire omusinji, n’owondi nayombokaku, baitu buli muntu yegenderezenge nka akombokaku.
|
||
\v 11 Olwakubba ndoowo muntu asobola kutaawo musinji gundi wazira ogwo ogwa terebweewo. Niye Yesu Kristo.
|
||
\v 12 Baitu omuntu yeena yeena nayombokanga oku musinji ogwa ozaabu, effeeza, amabbaale ag'amuwendo ogwiinji, emisaale, eisubi, ebisasiro;
|
||
\v 13 omulumo gw'abuli muntu gulibonesebwa, olwakubba olunaku ludi luli gulanga, olwakubba guliswekururwa mu muuro; n’omuuro ogwenyenere gulikema omulumo gwa buli muntu ni gwiisana.
|
||
\v 14 Omulumo gwa buli muntu, gwe yayombokereku niguli sigalawo, aliweebwa empeera.
|
||
\v 15 Omulumo gwa buli muntu niguliya alifiirwa; baitu ye mwenyenere alicungurwa.
|
||
\p
|
||
\v 16 Timumaite nka muli Iramyo lya Kanca, erate nka omwooyo gwa Kanca abba mu niinywe?
|
||
\v 17 Omuntu yeena yeena nazikiiryanga eIramyo lya Kanca, oKanca ali muzikiirya oyo; olwakubba eIramyo lya Kanca likiiri: niinywe.
|
||
\p
|
||
\v 18 Omuntu yeena yeena tiyebbeyeganga. Omuntu yeena yeena niyerowoozanga okubba omulabuki omunywe omu miijo jini, afookenge musirusiru, leke afooke omugezi.
|
||
\v 19 Olwakubba amagezi ga munsi muni nibwo busirusiru edi oKanca. Olwakubba kyawandikiibwe kiti, akwatisya abagezi omu nkwe zaabwe.
|
||
\v 20 Erate ati, Omukama yeteja empaka eza bagezi nka tizirumu.
|
||
\p
|
||
\v 21 Omuntu yeena yeena nikyo azwa aleka okwenyumiinkiirya omu bantu. Olwakubba byoona byoona byanywe.
|
||
\v 22 Obate Pawulo, obote Apolo, obate keefa, obate nsi, obate bulamu, obate kufa, obate ebirowo, obate ebikwaaba okubbaawo; byoona byoona byanywe;
|
||
\v 23 nyweena muli ba Kristo; no Kristo w Kanca.
|
||
\c 4
|
||
\cl Esuura 4
|
||
\p
|
||
\v 1 Omuntu atulowoozenge ati nka tuli bawereeza ba Kristo erate abawanika ba byaama bya Kanca.
|
||
\v 2 Erate kigwanira abawanika, omuntu okubonekanga nka mwesigwa.
|
||
\v 3 Baitu okunje kigambo kidooli `muno nywe okunsaara omusango, obate omuntu yeena yeena; erate nanje tinteekwa kwe saara musango.
|
||
\v 4 Olwakubba tinemaiteku kigambo; baitu ekyo tikimpesya bwikiriiri: baitu ansaara omusango niye Mukama waiswe.
|
||
\v 5 Ale timusalanga musango gwa kigambo kyoona kyoona, obwiire nka bukyali kwiika, okwiikya Omukama waiswe naliiza, alimulikya ebikwekebwa omu kirikiirya, erate alibonekya okuteesa kw'amutima; ale buli muntu aweebwe eittendo lyaamwe ewa Kanca.
|
||
\p
|
||
\v 6 Baitu ebyo ab'aluganda mbigereire kuninje n’oku Apolo oku lwanywe; leke mwegere oku iswe obutaswiikanga oku byawandikiibwe; omuntu yeena yeena alemenge kwegulumiza olw'omwe okusiinga owondi.
|
||
\v 7 Olwakubba akwaawula niye naani? Erate oliina kiki kyotaweweibwe mbbe? Baitu okuweebwa, obate nka waweweibwe kiki ekikweyumiirya nka ataweweibwe.
|
||
\p
|
||
\v 8 Mu maare okwikuta, mu maare okuguduwala, mwafugire nka abakama iswei wetutabbaire: erate mubba kufuga nanditakire, erate isweena leke tufugire amwe nanywe.
|
||
\v 9 Olwakubba ndowooza nka oKanca iswei abatume ya tuteire okunkomeero nka abatalirema kufa: olwakubba twafookere ekyelorerwa kya nsi erate n’abantumwa n'abantu.
|
||
\v 10 Iswe tuli basirusiru oku lwa Kristo, baitu nywe muli bagezigezi omu Kristo; iswe tuli banaki, baitu nywe muli ba maani; nywe muli ba kitinisya, iswei tuli bakunyomebwa.
|
||
\v 11 Erate nokwiica naati, tukyalumwa enzala erate namalo, erate tubba bwereere, erate tukubbwa ebikonde, erate tuliina waiswe.
|
||
\v 12 Erate tukola emirumu jini nka titweganyiirya n’emikono jaiswei; nibatuzuma, tubasabira mikisa; nituyiganyizibwa tuguminkiriza;
|
||
\v 13 Nibatuwayirya, twegayiira; twafookere nk’ebisasiro by'ansi, ekyenyanyalwa edi boona boona okwica ati.
|
||
\p
|
||
\v 14 Ebyo timbiwandiikire okubaswaaza nywe, wazira okubabuuliira nk'abaana bange benyendya.
|
||
\v 15 Olwakubba gonze nka muliina abeegesya kakumi omu Kristo oYesu, baitu timulina baitanywe baiinji; olwakubba ninje nababyaire n’enjiri omu Kristo.
|
||
\v 16 Nikyo nzwa mbbegayiira mumbonerek.
|
||
\v 17 Nikyo nzwa ntuma oTimoseewo jimuli niye mwaana wange gwenyendya omwesigwa omu Mukama waiswei, alibaizukirya enzira zange eziri omu Kristo, nka ninyegesya yoona yoona omu buli Iramyo.
|
||
\p
|
||
\v 18 Baitu walowo abandi abegulumirya nka bakulowooza nje tinkwakwiiza jimuli.
|
||
\v 19 Baitu ndiiza jimuli mangu, Omukama waiswe nalyendya; erate ndi mmanya amaani gaabo abeegulumirya baitu ti kigambo kyaabwe.
|
||
\v 20 Olwakubba obukama bwa Kanca tibuli mu bigambo, wazira mu maani.
|
||
\v 21 Mukwendyaku ki? Nnyize jimuli n'omwiigo, obate mu kwendya n’omu mwooyo ogwabuwumbeeki.
|
||
\c 5
|
||
\cl Esuura 5
|
||
\p
|
||
\v 1 Nimwo kikobebwa mbbe kiti omunywe mulumu obusiani, erate obusiani butyo obutaali n’omu bapaati; omuntu okubba n'omukaitamwei.
|
||
\v 2 Nyweena mwegulumirye erate timunakuwaliire oyo eya koore ekikolwa ekyo, atoolebwe akaati omu nywe,
|
||
\v 3 Gonze tindi nanywe omu mubiri, ndi nanywe omu mwooyo, mmaare okusaara omusango oyo asiisire atyo,
|
||
\v 4 Omw’ibara lya Mukama waiswe oYesu, nnywei nka mukumbaine nanje n’omwooyo gwange amwe na maani ga mukama waiswei oYesu,
|
||
\v 5 Mu muweeyo omuntu ali nka oyo edi osetaani omubiri okuzikirizibwa, omwooyo leke gucungurwe oku lunaku lwa Mukama waswei.
|
||
\p
|
||
\v 6 Okwenyuminkirya kwanywei ti kusai. Titumaite nke kitumbisya ekidooli kiyimbulukusya ekitole kyona kyoona?
|
||
\v 7 Mwetolemu ekitumbisya ekyairai, leke mubbe ekitole ekiyaka, nka timulimu kitumbisya. Olwakubba erate n’okwakalaku kwaiswei kwa kitinisya, niye Kristo.
|
||
\v 8 Ale tusumbe embaga, etalumu kitumbisya ekyairai, gonze n’ekitumbisya eky’aitima n'obwibbi, baitu tulye ebitali bitumbisye ebya’butali bukuusa na mananu.
|
||
\p
|
||
\v 9 Nabawandikiire omu bbaluwa yange obutegaitanga na basiani;
|
||
\v 10 baitu ti kwewaara kimwe abasiani abamu munsi munu, obate abeegombi n'abanyagi, obate abasinza ebisani, olwakubba nikibba kityo kyandibagwaniire okuzwa omu nsi.
|
||
\v 11 Baitu ati nkubawandikira obutegaita naye, omuntu yeena yeena ayetebwa ow'aluganda nabba nka musiani, obaate mwegombi, obate asinza ebisani, obate omuzumi, obate omutamiire, obate omunyagi; ali atyo n'okulya timulyanga naye.
|
||
\v 12 Olwakubba nfaayo ki okusaara omusango abali enzai? Nywe timusaara musango bamunyumba?
|
||
\v 13 Baitu abanza oKanca niye abasaara omusango. Omwibbi oyo mu mutoole omu nywe.
|
||
\c 6
|
||
\cl Esuura 6
|
||
\p
|
||
\v 1 Omuntu yeena yeena omu nywe n'abba nensonga okumwiramwe, ayayaana kuwozerya ensonga abatali baikiriiri, baitu ti baikiiri.
|
||
\v 2 Oba timumaite nka abaikiiri nibo balisaara ensi omusango? Obate nka ensi ninywe muligisaara omusango, timusobola kusala nsonga ezitono eziri omu nywei?
|
||
\v 3 Timumaite nka tulisara abantumwa omusango? Tulemwa tutyai okusala emisango eja mu bwoomi bunu?
|
||
\v 4 Ale ni mubba nokusala emisango eja mu bwoomi bunu, abanyomebwa omwiramyo abo nibo mutaawo?
|
||
\v 5 Nsimoire bini kubakwatisya nsoni. Ale omu nywe timuyinza kubonekamu muntu omugezi ayinza okusaara ab'aganda baamwe ensonga,
|
||
\v 6 Baitu ow’aluganda awoze no w’aluganda erate omu maiso gaabo abataikiriza?
|
||
\p
|
||
\v 7 Baitu erate mutyo mu maare okubbaaku akabbi, olwakubba muliina emisango nywenkai na nywenkai. Lwaki obutamala gakolwanga kubbi? Lwaki obutamala galyakibwanga?
|
||
\v 8 Baitu nywe benyenere mukola kubbi, mulyaaka erate n'abaluganda.
|
||
\p
|
||
\v 9 Obate timumaite nka abataali baikiriiri tibalisikira bukama bwa Kanca? Tibababeyeganga: gonze abakaba, gonze abasinza ebisani, gonze abasiani, gonze abafooka abakali, gonze abalya ebisiyaga,
|
||
\v 10 gonze abaibbi, gonze abegomba, gonze abatamiire, gonze abazumi, gonze abanyagi, tibalisikira bukama Kanca.
|
||
\v 11 Erate abamwe oku nywei mwaali nk'abo, baitu babanabirye, baitu mwatukuziibwe, baitu mwaweweibwe obwikiriiri olwa’ibala lya Mukama waiswe oYesu Kristo no lwa mwooyo gwa Kanca waiswe.
|
||
\p
|
||
\v 12 Ebintu byoona byoona bisai jendi. Baitu byoona byoona tibingasa. Byoona byoona bisai jend, baitu nje tinkwaaba kufugibwa kintu kyoon kyoona.
|
||
\v 13 Ebyakulya byanda, n’enda yabya kulya: baitu byoona byoona ebibiri oKanca alibitoLawo. Baitu omubiri tigwa busiani, baitu gwa Mukama waswei; n'Omukama waiswe avunaana omubiri.
|
||
\v 14 Erate oKanca ya yimbokerye Omukama waiswei, erate naiswe ali tuyimbokya olwa'maani gaamwe.
|
||
\p
|
||
\v 15 Timumaite nk’emibiri janywe nibyo bitundu tundu bya Kristo? Ale nyirirenge ebitundu bya Kristo mbifoole bitundu bya busiani? Kitalo!
|
||
\v 16 Obate timumaite nk'eyegaita n’omusiani nigwo mubiri gumwei? Olwakuba asimoola ati, Boona ababiri balifookamu mubiri gumwe.
|
||
\v 17 Baitu eyegaita n’Omukama waiswe bafooka omwe omu mwooyo.
|
||
\p
|
||
\v 18 Mwekumenge obusiani. Buli kibbi kyoona kyoona omuntu ky'akola kiri kuruguru kwa mubiri, wazira omusiani akola ekibbi oku mubiri gwaamwe ye.
|
||
\v 19 Obate timumaite nk'omubiri gwanywe niyo yekaalu y’amwooyo omwikiiri ali omu nywe, gwe muliina ayazwiire edi oKanca? Nanywe timuliwo ku lwanywe;
|
||
\v 20 Olwakubba mwaguliibwe namuwendo, ale mugulumiryenge oKanca omu mubiri gyanywe.
|
||
\c 7
|
||
\cl Esuura 7
|
||
\p
|
||
\v 1 Baitu okwebyo by'emwampandikiire, kisai omusaiza obutakwatanga ku mukali.
|
||
\v 2 Baitu olwa busiani, buli musaiza abbenge n'omukali waamwe, n'abuli mukali abbenge no musaiza waamwei.
|
||
\v 3 Omusaiza asasulenge omukali waamwe ekyo ekimugwanira nk'omufumbo, erate n’omukali asasulenge atyo oibaamwe.
|
||
\v 4 Olwakubba omukali tafuga mubiri gw'amwe, wazira oibamwe: erate n'omusaiza atyo tafuga mubiri gwaamwe ye wazira omukali waamwe
|
||
\v 5 Bulyomwe alemenge kwiima mwiramwe, wazira nka mulagaine mbbe ekisera, leke mubbenge neibbanga ery'akusabiramu, erate leke mubbenge amwe, ositaani alemenge kubakema olw'abuteziiza bwanywe.
|
||
\p
|
||
\v 6 Baitu ebyo nkubisimoola nka nkwikiriza mbbe, baitu ti iteeka.
|
||
\v 7 Baitu nandiyenderye abantu boona boona okubba nka nje. Baitu buli muntu n'ekirabo kyaamwe, ekikuzwa edi oKanca, owondi kinu, n’owondi kidi.
|
||
\p
|
||
\v 8 Baitu abakyaali kubandulangana na banamwandu nkubakoba nti, kisai bo okubba nka nje.
|
||
\v 9 Baitu obate nka tibasobola kweziyiiza, babandulenganenge: baitu kisai okubandulangana okusiinga okwakanga.
|
||
\p
|
||
\v 10 Baitu abamaare okubandulangana, nkubalagira, baitu tininje wazira omukama waswe, omukali obutanobanga wa ibaamwe wazira okubbanga amwe.
|
||
\v 11 Baitu singa anoba abba taliina kufumbirwa te, obate ayirirenge oibaamwe. Kaisi n’omusaiza obutalekanga mukali waamwe.
|
||
\p
|
||
\v 12 Baitu abandi nkubakoba nje, ti Mukama waiswe, owaluganda yeena yeena nabbanga n'omukali ataikiza, omukali nayikiriza okubba naye tamugobanga.
|
||
\v 13 N'omukali nabbanga n’omusaiza ataikiriza, baitu naikiriza okubanga naye, abbe naye tanobanga ku musaiza waamwe.
|
||
\v 14 Olwakubba omusaiza ataikiriza, aikirira n’amukazl waamwe, n’omukali ataikiriza aikirira naibaamwe, tikibba kityo abaana baabwe tibandibaire balongoki wazira; Baitu ati baikiriiri.
|
||
\p
|
||
\v 15 Baitu ataikiriza natakanga okwawukana, ayawukane; ow’aluganda omusaiza obate omukali taali mu bwiiru omu bigambo ebibba bityo: baitu oKanca yatweeteire mirembe.
|
||
\v 16 Olwakubba, we omukali, omaite otyai nka tolicungura ibaawo? Obate, naawe omusaiza omaite otyai nka tolicungura mukali waamu?
|
||
\p
|
||
\v 17 Kini kyonkai, leka buli muntu nk'Omukama waiswe niya mugabiire, buli muntu nka oKanca niyamwetere, atambulenge atyo. Erate nimwo nkulagira ntyo ama’Iramyo goona goona.
|
||
\v 18 Omuntu yeena yeena yayeeteibwe nka mukomole? Tiyetoolangaku bukomole bwaamwe. Omuntu yeena yeena yayeteibwe nka timukomole? Takomolebwanga.
|
||
\v 19 Okukomolebwa ti kintu, n’obutakomolebwa ti kintu, wazira ekikulu nikwo okukwaatanga ebiragiro bya Kanca.
|
||
\v 20 Buli muntu abeenge omu kwetebwa kwe yayeteibwemu.
|
||
\v 21 Wayeteibwe nka oli mwiru? Tokyeralikiranga, baitu niwabbaawo omukisa ogw'akufuna eiddembe, togufiirwa.
|
||
\v 22 Olwakubba omu Mukama waiswei eyayeteibwe nka omwiiru, aweebwa Omukama waiswe eiddembe, erate eyayeteibwe nka waiddembe niye mwiiru wa Kristo.
|
||
\v 23 Mwaguliibwe na muwendo; timufookanga bairu ba bantu.
|
||
\v 24 Ab'aluganda, okwetebwa buli muntu kweyayeteibwe, abbenge omu kwo amwe n’oKanca.
|
||
\p
|
||
\v 25 Baitu okubikwaata oku butafumbiraganwa tiniina kiragiro kya mukama waiswe; Baitu nkubakoba nka nje omuntu, Omukama waiswe gwe yasasiire, okubba omwesigwa.
|
||
\v 26 Nolw'ekyo nkulowooza nka ekisai olwa kubonabona okw’ati, omuntu okubba nka naali.
|
||
\v 27 Waboweibwe no mukali? Totolyanga kusindaburwa. Wasindabwiirwe oku mukali? Tononyanga Mukazi.
|
||
\v 28 Baitu okuwasa, nowasanga nka tosiisire; no mwaala nafumbirwanga nka tasiisire. Baitu abantu batyo babbanga n’okubonabona omu mubiri: nanje mbasasira.
|
||
\p
|
||
\v 29 Baitu kiini nikyo nkusimoola ab’aluganda, ebiro biyimpawaire, okuzwa ati, abaliina abakali babbe nka abataalina:
|
||
\v 30 erate naabo abakunga babbe nka abatakunga; naabo abasanyuka babbe nka abatasanyuka; naaba abagula babbe nk’abataalina;
|
||
\v 31 naabo abakozesya ebya munsi babbe nka abatabikozesya kubbi: olwakubba engeri eya munsi munu ewaawo.
|
||
\p
|
||
\v 32 Baitu nkwendya nywe obuteralikiiranga. Atali mufumbo yeralikiira bya Mukama waiswe, niyasanyusanga Omukama waiswe.
|
||
\v 33 Baitu omufumbo yeralikiira bya munsi, niyasanyusanga omukali waamwe.
|
||
\v 34 Erate walowo enjawulo oku mufumbo n'omwaala. Atafumbirwanga yeralikiira bya Mukama waiswe, abbenge mwikiiri omu mubiri n’omu mwooyo, baitu nafumbirwa yeralikiira bya munsi niyasanyusanga oibaamwe.
|
||
\v 35 Nsimoire ekyo olw'akubagasa nywe benyenere, ti lwakubba nka ekyambika, wazira olw'abusai erate leke muwereezenge Omukama waiswe obutategananga.
|
||
\p
|
||
\v 36 Baitu omuntu nalowozanga nti takoore kusai mwaala waamwe, obate nka ayakaliriirye obukulu, obate nka kigwaana okubba kityo, akolenge nka nayendya; tasiisa babandulengane.
|
||
\v 37 Baitu oyo aliina omutima ogugumu, nka tawaliriziibwe, baitu nka asobola okwikiirya bya yendya ye, erate nka yamaliriire omu mutima gwaamwe okukuumanga omwaala waamwe, alikola kusai.
|
||
\v 38 Ale oyo asumbiza omwaala waamwe akola kusai; erate nooyo atalisumbiza niye alisinga okukola okusai. Gw'ayogereiza aba akole kusai.
|
||
\p
|
||
\v 39 Omukali omufumbo abuwebwa ibaamwe nk'akyaali mwoomi; baitu oibaamwe nafa, olwo asobola okufumbirwa omusaiza owondi gwa kwendya, kyonkai mu Mukama waiswe.
|
||
\v 40 Baitu abba musanyuki okusigala nka nje nimbba nkulowooza, erate nkulowooza nka nanje niina omwooyo gwa Kanca.
|
||
\c 8
|
||
\cl Esuura 8
|
||
\p
|
||
\v 1 Baitu okw'ebyo ebiweebwayo edi ebisani; tumaite nka isweena tuliina okweeteja. Okweeteja kuleeta okwegulumirya; baitu okwendya komboka.
|
||
\v 2 Omuntu nalowoozanga nk'alukku kiyetejere, nka akyaali kweeteja nikimugwanira okweteja;
|
||
\v 3 Baitu omuntu nayendya oKanca, oyo amanyibwa niye
|
||
\v 4 Ale okulyange ebiweebwaayo edi ebisani, tumaite nka ekisani tikintu omunsi, erate nka ndoowo Kanca wondi wazira omwe.
|
||
\v 5 Olwakubba gonze nka walowo abetebwa aba kanca, obate mwigguru obate mu nsi, nka ni walowo aba kanca abainji na baami abainji;
|
||
\v 6 Baitu jituli walowo oKanca omwe, oitaiswe, omuzwa byoona byoona, iswena tuli kulwa niye; no Mukama waiswe omwe, oYesu Kristo abeesyaawo byoona byoona, erate atubesyaawo iswe.
|
||
\p
|
||
\v 7 Baitu okweteja okwo tikuli mu bantu boona boona; baitu abandi, olwakubba bamanyiire kimwe ebisani okwiica ati, balya ekiweweibweyo edi ekisani, olwakubba omwooyo gwaabwe gunaki, gubba na kusiisa.
|
||
\v 8 Baitu ekya kulya tikitusimisya edi oKanca, erate nitutalya ndoowo kitusubwa, erate nitulya titulina kitweyogeraku.
|
||
\v 9 Baitu mwekuumenge eiddembe lyaanywe eryo liremenge kufooka nkonge edi abanaki.
|
||
\v 10 Olwakubba omuntu omunaki nakubona we aliina okweeteja nka oikaire okuumere omu kirooro kya kisani, omwooyo gwaamwe nigubba omunaki; tiguliguma kulya ebiwebwaayo edi ebisani?
|
||
\v 11 Ale owaluganda oyo omunaki; oKristo gwe yafiirire azikiira, olwa kweeteja kwaamu.
|
||
\v 12 Erate kityo nimusiisanga abaluganda, nimusumuta omwooyo gwaabwe, nigubba nka gunaki, mubba mukusiisa Kristo.
|
||
\v 13 Ale, obate nka ekya kulya kyenyanyatya omuganda wange, tinalyenge nnyama emijjo joona joona, nnemenge okwenyanyatya omuganda wange.
|
||
\c 9
|
||
\cl Esuura 9
|
||
\p
|
||
\v 1 Tindi waidembe? Tindi mutume? Tinabweine oYesu Omukama waiswe? Nywe ti muli mulumo gwange omu Mukama waiswe?
|
||
\v 2 Obate nimbba nka tindi mutume edi abandi; baitu ndi mutume edi nywe; olwakubba ni nywe kabonesyo ka butume bwange omu Mukama waiswe.
|
||
\p
|
||
\v 3 Nimwo mpoza ntyo edi abo abankemakema.
|
||
\v 4 Tituliina buyinza okulyanga n’okunywanga?
|
||
\v 5 Tituliina buyinza okutwalanga omukali ow’aluganda amwe naiswe, erate nka nywe abatume abandi; na bagande ba Mukama waiswe, no Keefa ni bakola?
|
||
\v 6 Obate abaluganda ninje njenkai no Balunabba, niiswe otutaliina buyinza obutakolanga mulumo?
|
||
\v 7 Naani ayaba omu lutalo nka akwaaba okwesasuura ebya mu lutalo? Naani asimbba olusuku natalya kuumere yalwo? Obate naani aliisya ekisibo natanywe kumatai ga kisibo ekyo?
|
||
\p
|
||
\v 8 Ebyo nkubisimoola kulwange? Obate namateeka tinimo gasimoola?
|
||
\v 9 Olwakubba kyawandikiibwe omu mateeka ga Musa kiti, tosibanga omunwa gwa nte nka ekyegaaya. OKanca alowoozaate kubya nte?
|
||
\v 10 Obate abisimoola ku lwaiswe iswenkai? Olwakubba oku lwaiswe ndoowo kubuusabuusa kyawandikiibwe: omulimi kimugwanira okuluma nka asuubira, erate nawonda kimugwanira okuwonda nka akusuubira okuwebwaaku.
|
||
\v 11 Obate iswe twabasigiremu ebya mwooyo, kibbi muno iswe ni tukungula ebyanywe ebya mubiri?
|
||
\v 12 Obate nka abandi baliina obuyinza obo okunywe, iswe ti tusiinga abo? Baitu titwakozeserye buyinza obwo; baitu tugumikiriza byoona byoona, tuganenge okuleeta okuziiza enjiri ya Kristo.
|
||
\v 13 Timumaite nka abo abaweereza ebikiiri balya kubya mw Iramyo, naabo abaweereza oku kyooto bagabana n’ekyoto.
|
||
\v 14 Erate n’Omukama waiswe atyo nimwo yalagiire abuulira enjiri alisibwenge lwa njiri.
|
||
\p
|
||
\v 15 Nje tindiku nakimwe okw’ebyo kyenkozesaaku. Erate timpandiika binu mbbu babinkole nje, olwakubba akkiri nje okufa, okusiinga omuntu yeena yeena okufoola okwenyumiirya kwange okw’abwereere.
|
||
\v 16 Olwakubba nimbulira enjiri, timbba na kya kwenyumiirya; olwakubba mpalirizibwa okujibuulira, olwakubba zibba zinyajirye, nintabulira njiri.
|
||
\v 17 Olwakubba obate nka nkola ntyo n’okwendya, mbba nempeera; baitu nebwemba nka tinkola nakwendya, nabikisiibwe obuwanika.
|
||
\v 18 Ale mpeera ki jendinayo? Nimbuulira enjiri, nsobole okufoola enjiri ya Kristo ey’abwereere, erate nneme kukolesya kimwe buyinza bwange omu njiri.
|
||
\p
|
||
\v 19 Olwakubba gonze nka nje ndi waidenbe edi boona boona, nefuula omwiiru edi boona boona leke nfunenge abaiinji.
|
||
\v 20 Nedi Abayudaya nafookere oti ndi Muyudaaya, nfunenge abayudaya; edi abo abakwaata amateeka, nafookere nka akwaata amateeka, nje kenyenere nka tingakwaata, nfunenge abakwaata amateeka.
|
||
\v 21 Erate edi abataliina mateeka nafookere nka ataliina mateeka, tirwabutabba na mateeka edi oKanca, baitu nka mpuura amateeka edi oKristo, leke nfunenge abataliina mateeka.
|
||
\v 22 Erate edi abanaki nafookere munaki; nfunenge abanaki; edi boona boona nfookere byoona mu byoona byoona, leke mponyenge abamwe.
|
||
\v 23 Erate nkola byoona byoona olwa njiri, leke mbbenge kimwe omu yo.
|
||
\p
|
||
\v 24 Timumaite nka abairuka embiro omu mpaka nka boona bairukira amwe, baitu afunna ekisiimo abba omwe? Murukenge mutyo nka mufubiira okuweebwa ekisiimo.
|
||
\v 25 Erate, buli muntu airuka ataayo omwooyo omu byoona byoona. Ale abo bakola batyo leke baweebwe engule erisinsikala, baitu isswe etasinsikala.
|
||
\v 26 Nje nikyo nzwa nyiruka nti, tirwakubba tiniina kirubiirwa, baitu nwaana nti, nneme kubba nka akubba eibbanga.
|
||
\v 27 Baitu mboneerya omubiri gwange, erate ngufuga; omungeri ejindi, nka mmaare okubuulira abandi, nje njenkai ngaane kusimibwa.
|
||
\c 10
|
||
\cl Esuura 10
|
||
\p
|
||
\v 1 Olwakubba tintaka nywe obuteeteja, ab’aluganda, abaizeizza baiswe boona nibaali ansi owa kigguri, erate boona boona nibayakaire omu nyanja;
|
||
\v 2 Erate boona boona nibabatiziibwe edi oMusa omu kigguru n'omu nyanja,
|
||
\v 3 erate boona boona nibalyanga emmere eya mwooyo, erate boona noona nibanywanga ekya kunywa kimwe ekya mwooyo.
|
||
\v 4 Olwakubba banywanga omu lwaazi olwa mwooyo olwa basengeryanga: olwazi olwo lwaali Kristo.
|
||
\v 5 Baitu baiinji oku obo oKanca tiyabasiimire, olwakubba bazikiririre mwiirungu.
|
||
\p
|
||
\v 6 Baitu ebyo byaali bya kuboneraku jituli, tulemenge okwegomba ebibbi, erate nka bo nibegombere.
|
||
\v 7 Erate timubbanga basinza ba biisani, nka abamwe okwaabo; nka nikyawandikiibwe kiti; abantu nibaikala okulya n'okunywa, nibaimuka okuzeenya.
|
||
\v 8 Erate titusiananga, nk'abamwe okwaabo ni basiaine, ni bafa ekiro kimwe abantu emitwaalo ibiri mwenkumi isatu.
|
||
\v 9 Erate timwoyeranga mukama waiswe, nk'abantu nibamwoyeire, enzoka ezo nizibaitta.
|
||
\v 10 Erate timwemulugunyanga, nka abamwe okwaabo nibe nibemulugunyire, ni bazikiirizibwa omuzikiirya.
|
||
\p
|
||
\v 11 Baitu ebyo bya babbaireku abo okubbanga eky’akuboneraku; erate byawadikiibwe olwa kutulabulanga iswe abaikirirweeku enkomeero za mirembe.
|
||
\v 12 Ale alowoozanga nka ayemereire, yeekumenge aleme kuggwa.
|
||
\v 13 Ndoowo kyoyera eki babbaaku ekitaali kya bantu; baitu oKanca, mwesigwa, ataabaikirizenge kwoyeera okusukka ni musobola; baitu amwe n'okwoyeera erate yatangawo owakwirukira, leke musobolenge okuguminkiriza.
|
||
\p
|
||
\v 14 Ale baganda bange, mwirukenge okusinza ebiisani.
|
||
\v 15 Nkubakoba nk'abalina amagezi; mulowooze kye’nkusimoola.
|
||
\v 16 Ekikompe kya mukisa, nikyo ki tusabira omukisa, ti nikyo okwiisa ekimwe okwaisagama lya Kristo? Omugaati gwe tuwendawenda tinigwo kwiisa ekimwe okwa mubiri gwa Kristo?
|
||
\v 17 Olwakubba iswe abainji tuli mugaati gumwe, omubiri gumwe, olwakubba isweena tubagana omugaati gumwei.
|
||
\p
|
||
\v 18 Mubone oIsiraeri owa mubiri; abalya essadaaka tibaissa kimwe na kyooto.
|
||
\v 19 Ale nkutegeeza ki? Ekiweebwaayo edi ekisani nka kintu, obate ekisana nka kintu?
|
||
\v 20 Bbe, kinkutegeeza nikyo kini, abapaati bye bawaayo, bawa edi embbandwa, erate ti edi Kanca: njeena tinkwendya nywe okubba abaissa ekimwe n’embbandwa.
|
||
\v 21 Timusobola kunywa ku kikompe kya Mukama waiswe n'oku kikompe kyambbandwa. Erate timusobola kubagana oku menza ya Mukama waiswe n'oku menza ya mbbandwa.
|
||
\v 22 Oba twendya kukwatisya Mukama waiswe bwiiya? Niiswe tumusiinga amaani?
|
||
\p
|
||
\v 23 Byoona byoona bisai, baitu ebisanira ti byoona byoona. Byoona byoona bisai, baitu ebigassa ti byoona byoona.
|
||
\v 24 Omuntu yeena yeena taswagananga byaamwe yenkai wazira ebya mwiramwe.
|
||
\v 25 Buli kibatundira omu katale, mukiryanga, nka timubwirye kigambo olwa mwooyo;
|
||
\v 26 Olwaubba, ensi ya Kanca waiswe n'okwiizula kwaayo.
|
||
\v 27 Omwei okwaabo abataikiriza nabetanga, nnywena ni mwendyanga okwaaba; kibatanga omu maiso ganywe mukiryanga, nka timubwirye kigambo olwa mwooyo.
|
||
\v 28 Baitu omuntu nabakobanga ati; kinu kyaweweibweyo, okubba essadaaka, timukiryanga oku lw'oyo akobere, n’olwa mwoyo:
|
||
\v 29 Ninsimoola omwooyo, tigwaamu wazira gwa wondi; olwakubba eidembe lyange lwaaki okusaarwa omusango n'omwooyo gwa wondi?
|
||
\v 30 Nje nindya n'okwebalya ekinzumisya, alw'ekyo kinebaarye?
|
||
\p
|
||
\v 31 Ale obate nka mulya, obate ni munywa, obate nimukola ekigambo kyoona kyoona, mukolenga byoona byoona olwa kitinisya kya Kanca.
|
||
\v 32 Timuletanga ekye nyanyatya Abayudaya, gonze edi Abayonani, gonze edi eramyo lya Kanca:
|
||
\v 33 Erate njeena ntyo, ngezereku okusemberya boona boona omu byoona byoona binkola, nka tinswaaga magoba gange nje, wazira ag'abaiinji, leke bacunguke.
|
||
\c 11
|
||
\cl Esuura 11
|
||
\p
|
||
\v 1 Mumbonerengeku, nka nje nimbonera oku Kristo.
|
||
\p
|
||
\v 2 Mbatendereza olwakubba munyizukira omu byoona byoona, erate mugumya bye mwaweweibwe nka ni nabibawaire.
|
||
\v 3 Baitu nkwendya nywe mu mmanye nka omutwe gwa buli musaiza niye Kristo; n'omutwe gwa mukali niye musaiza; no mutwe gwa Kristo niye oKanca.
|
||
\v 4 Buli musaiza naramya obate nabuulira omutwe gwaamwe nka guswekeibweku, aswaaza omutwe gwaamwe.
|
||
\v 5 Baitu buli mukali naramya obate nabuulira nka omutwe gwaamwe tiguswekeibweku, aswaaza omutwe gwaamwe, olwakubba abba nka agembebweku.
|
||
\v 6 Omukali nabba takwandya kusweeka ku mutwe gwaamwe, ale agembebwengeku eisoke lyaamwe: baitu obate nka kya nsooni omukali okugembebwaku eisooke obate obate okusayiirya, aswekebwengeku.
|
||
\v 7 Olwakubba omusaiza tikimugwanire kuswekebwanga ku mutwe gwamwe, olwakubba oyo niye kiisani n’ekitinisya kya Kanca: Baitu omukali niye kitinisya kya musaiza.
|
||
\v 8 Olwakubba, omusaiza tiyazwiire mukali; wazira omukali niye yazwiire omusaiza.
|
||
\v 9 Erate olwakubba omusaiza tiyatondeibwe kuzwa mu mukali, wazira omukali niye yazwiire omu musaiza.
|
||
\v 10 Nikyo kizwa kisaanira omukali okubbangaku akabonesio oku mutwe gwaamwe, okulanga nka ali ansi wa buyinza n’olwa bantumwa.
|
||
\p
|
||
\v 11 Baitu kyonkai, omu Mukama waiswe, omukali tabbaawo awataali musaiza, erate no musaiza awataali mukali.
|
||
\v 12 Olwakubba omukali nka niyazwiire omu musaiza, erate omusaiza nimwo atyo abyalibwa mukali; baitu byoona byoona bizwa edi oKanca.
|
||
\v 13 Ale nyweena musalewo, kisanira omukali okuramya oKanca nka taswekere ku mutwe?
|
||
\v 14 Obubyaale bwonkai tibubegesya nka omusaiza nakulya eisoke rimuswaaza?
|
||
\v 15 Baitu omukali nakulya eisooke, nikyo kitinisya jaali; olwakubba yaweweibwe eisoke lyaamwe omu kifo kya kizwaalo.
|
||
\v 16 Baitu omuntu yeena yeena nayendya okuleeta empaka, iswe tetuliina mpisa zindi okusinga zinu, gonze ama’Iramyo ga kanca.
|
||
\p
|
||
\v 17 Baitu omu byenkubalagira, timulimu kya kubatendereza, olwakubba, nimwesororya ebizwaamu bibba bibbi tibisai.
|
||
\v 18 Olwakuba ekisookera kimwe, ni mwesororya omw’Iramyo, mpuura nka walowo okweyatyaamu omunywe, erate nkiikirizaamu.
|
||
\v 19 Olwakubba, erate n'okweyatyaamu kusanira okubbaawo, abasiimibwa leke baboneke omu nywe.
|
||
\v 20 Ale ni mukubananga amwe tikisoboka kulya mmere ya Mukama waiswe:
|
||
\v 21 Olwakubba nimubba mu kulya, buli muntu asooka omwiramwe okutoola emere ye yenkai; n’owondi alumwa enzala, n’owondi atamiira.
|
||
\v 22 Kiki ekyo? Temuliina nnyumba zimuyinza okulirangamu n’okunywerangamu? Obate munyooma mbbe e’Iramyo lya Kanca, nimuswaaza abataalina kintu? Nabakobere ntyai? Nabatendereza olw’ekyo? Timbbatendereza.
|
||
\p
|
||
\v 23 Olwakubba Omukama kiyampaire, nikyo mbegesya, nka Omukama waiswe oYesu, omu kiro kidi kiyaliribwemu olukwe, yatoire omugaati;
|
||
\v 24 Niyebalya, naguwendamu nakoba ati, mutoole mulye; guni nigwo omubiri gwange ogu webwaayo oku lwanywe, mukolenga mutyo olw'akunyizukiranga nje.
|
||
\v 25 Erate n'oku kikompe atyo, nibamaare okulya, nakoba ati, ekikompe kinu niyo endagaano ejiyaaka omwisagama lyaange, erate, mukolenge mutyo buli nimwanywangaku okunyizukiranga nje.
|
||
\v 26 Olwakubba buli nimwalyangaku oku mugaati gunu ne bwe mwanyanga oku kikompe, mwalanga okufa kwa Mukama waiswe paka naliira.
|
||
\p
|
||
\v 27 Nikyo yazwanga airya omusango ogw’amubiri n’eisagama lya Mukama waiswe, buli eyalyanga oku mugaati obate buli eyanywanga oku kikompe kya Mukama waiswe nka tasaniire.
|
||
\v 28 Baitu omuntu y'ekeberenge yenkai leke alye oku mugaati atyo, erate anywe n’oku kikompe.
|
||
\v 29 Olwakubba buli alya erate anywa nka tawaire mubiri gwa Kristi kitinisya, alya erate anywa musango gwaamwe ye.
|
||
\v 30 Omu nywe nikyo muzwiire mubbaamu abanaki abaiinji, n’abalwaire, erate baiingi abafiire.
|
||
\v 31 Baitu nitwesaara omusango iswenkai, titwandisaliirwe musango.
|
||
\v 32 Baitu Omukama natusaara omusango, atukangavula leke tuleme kusiingibwa musango amwe nensi.
|
||
\p
|
||
\v 33 Ale baganda bange, nimu kumbananga okulya, muliindenganenge.
|
||
\v 34 Omuntu niya lumwanga enzala, alyenge eka; okukumbaana kwanywe kulemenge okubba kwansobi, nebindi ndibirongoosa, wendiizira woona woona.
|
||
\c 12
|
||
\cl Esuura 12
|
||
\p
|
||
\v 1 Ale ni, baluganda, ebikwaata oku birabo ebya mwooyo, tintaka nywe obutabyeteja.
|
||
\v 2 Mumaite muno nka nimwaali abapaati nka mukyamiziibwe edi ebiisani ebitasimoola, nka mukyamizibwa omu ngeri yoona yoona.
|
||
\v 3 Nikyo nzwa mbategeeza nka ndoowo nasimoola omu mwooyo gwa Kanca, asobola okukoba ati, oYesu akolimirwe, erate ndoowo asobola okusimoola ati, oYesu niye Mukama waiswe, wazira, okubwa mwooyo og’wikiiri.
|
||
\p
|
||
\v 4 Walowo ebirabo bya ngeri ziinji, baitu omwooyo ali omwe.
|
||
\v 5 Erate walowo engeri ziinji ez’akuweereza, baitu Omukama waiswe alk omwe.
|
||
\v 6 Erate walowo okukola kwa ngeri ziinji, baitu oKanca ali omwe.
|
||
\p
|
||
\v 7 Akola byoona byoona omu boona boona.
|
||
\v 8 Olwakubba omwooyo aweerya omwei ekigambo kya magezi; n’owondi omwooyo oyo omwe amuweerya ekigambo ekya kumanya.
|
||
\v 9 Owondi omwooyo oyo omwe amuweerya okwikiriza, n’owondi amuweerya ekirabo ekya kuwonnyanga.
|
||
\v 10 Owondi namuweerya oku kolanga ebya mageero, n’owondi okubuliiranga; n’owondi okwawulanga emyooyo; owondi okusimolanga ennumi; n’owondi okuvvunulanga ennumi;
|
||
\v 11 Baitu byoona byoona omwooyo oyo omwei niye abikola, nka agabira buli muntu kinomwe nka ye nakwendya.
|
||
\p
|
||
\v 12 Omubiri nka niguli ogumwei nigubba nebitundu ebiinji, nebitundu byoona byoona ebya mubiri, gonze nka biinji nigwo mubiri gumwei, erate no Kristo atyo.
|
||
\v 13 Olwakubba omu mwooyo ogumwei isweena isweena twabatiziibwe okwiingira omu mubiri gumwei, obate Bayudaaya, obate Bayonaani, obate Bairu, obate Baidembe; isweena isweena ni tunywisibwa mu mwooyo gumwei.
|
||
\p
|
||
\v 14 Olwakubba n'omubiri tikitundu kimwei, baitu biinji.
|
||
\v 15 Okuggulu nikusimoola kuti olwakubba tindi mukono, tindi kitundu kya mubiri, ekyo tikikiretera butabba kitundu kya mubiri.
|
||
\v 16 Erate okutwi nikusimoola kuti olwakubba tindi riiso, n'olwekyo tindi kitundu kya mubiri, ekyo tikikiretera butabba kitundu kya mubiri.
|
||
\v 17 Omubiri gwoona gwoona singa riiso, okuwuura kwa ndibaire ai? Gwoona gwoona singa kuwuura, Okuwuliirya kwa ndibaire ai?
|
||
\v 18 Baitu ati oKanca yateirewo ebitundu buli kimwe nakiwa omubiri nka niyayenderye.
|
||
\v 19 Erate singa byoona byoona kyaali kitundu kimwei, omubiri gwandibaire ai?
|
||
\v 20 Baitu ati ebitundu biri biingi, baitu omubiri gumwei.
|
||
\v 21 Eriiso tirisobola kukoba mukono liti, we tukwendya obate, omutwe okukoba amagulu nti nywe tinkubendya.
|
||
\v 22 Baitu ekisiinga obukulu, ebitundu binu ebya mubiri ebirowoozebwa okubba ebinaki byetaagibwa,
|
||
\v 23 Nebyo ebya ku mubiri bye tulowooza obutabba nakitiisya muno, nibyo tuzwalikisya ekitinisya ekisiinga obwiinji: n’ebitundu byaiswe ebitalibisai nibyo tusiinga okulabiriira.
|
||
\v 24 Baitu ebitundu byaiswe ebisiinga obusai nikyo bitetaaga kufiibwaku, atyo oKanca nimwo yakoore omubiri, ebitundu eby’andibaire bigayaliirwa n'abiweerya ekitinisya ekisiinga obwiinji;
|
||
\v 25 Walekenge kubbaawo okwawula yawula omu mubiri, baitu ebitundu bijunenganenge bumwei byonkai na byonkai.
|
||
\v 26 Erate ekitundu ekimwe nikibonabona, ebitundu byoona byoona biborebonere amwe nakyo; obate ekitundu ekimwe nikyegulumirya, ebitundu byoona byoona bisanyukirenge amwe nakyo.
|
||
\p
|
||
\v 27 Baitu nywe muli mubiri gwa Kristo, nebitundu byaago, buli muntu.
|
||
\v 28 Erate oKanca yatairewo omw’Iramyo, okwekeera abatume, aba kabiri aba abaranji, aba kasatu begesya, nikwiiraku abakola ebya mageero, nikwiiraku abalina ebirabo ebya kuwonyanga, nikwiiraku abayanbi, nabafugi, nabasomooli ba nnumi.
|
||
\v 29 Boona boona batume? Boona boona baranji? Boona boona begesya? Boona bona bakola bya mageero?
|
||
\v 30 Boona boona balina ekirabo okuwonyanga? Boona boona basimoola ennumi? Boona boona bavvunula?
|
||
\v 31 Baitu mwegombenge ebirabo ebisiinga obukulu, erate kambalange enzira esiinga obusai omuno.
|
||
\c 13
|
||
\cl Esuura 13
|
||
\p
|
||
\v 1 Ninsimoola ennumi za bantu ne za bantumwa, baitu nka tindina kwendya, mbba nka ekidde ekivuuma, n’omukebe ogukusaala.
|
||
\v 2 Erate nimbba n'oburanji ni neteja ebyaama byoona byoona n’okweteja kwoona kwoona, erate nimbba n’okwikiriza kwoona kwoona, nokwiyawo ninyiyawo ensozi, baitu nka tiinina kwendya mbba tindi kintu.
|
||
\v 3 Erate nimpaayo bye nnina byoona byoona edi abawooro, erate nimpaayo omubiri gwange okwokyebwa, baitu nka tinnina kwendya, mbba tindiku kye ngasire.
|
||
\p
|
||
\v 4 Okwendya kugumiinkiriza, erate kuliina ekisa, okwendya tikubba nabwiiya; okwendya tikwekudunbalya, tikwegulumirya.
|
||
\v 5 Tikukola bitakusaana, tikutolya byaakwo, tikugongera mangu, erate tikusiba kibbi ku mwooyo;
|
||
\v 6 tikusemererwa nabitali bya bwikiriri, baitu kusemererwa amwe na mananu;
|
||
\v 7 kugumira byoona byoona, kwikiriza byoona byoona, kusuubira byoona byoona, kuzibinkiriza byoona byoona.
|
||
\p
|
||
\v 8 Okwendya tikuwaawo emijo joona joona: Baitu obate burangi, bulizwaawo; obate nnumi, zirikanga, obate okweteja, kulizwaawo.
|
||
\v 9 Olwakubba, twetejaku kitundu, erate n’oburangi bwaiswe bwa kitnndu;
|
||
\v 10 Baitu ebikiriiri nibiriza, eby'akitundu birizwaawo.
|
||
\v 11 Ninaali omuto nasimoolanga nka omuto, netejanga nka omuto, nalowoozanga nka omuto: ninakuure, nindeka ebya buto.
|
||
\v 12 Olwakubba ati tubonera mu ndabirwaamu ebitaboneka kusai, baitu omu biro bidi tulibibonera kimwe kusai maiso ku maiso. Ati nkwetejaaku kitundu; baitu omu biro bidi ndyetejerya ka kyarumwe, erate nka nimaitiibwe oKanca.
|
||
\v 13 Baitu ati walowo ebintu bisatu, okwikiriza, okusubira, n'okwendya, baitu okwebyo, ekisiinga obukulu kwendya.
|
||
\c 14
|
||
\cl Esuura 14
|
||
\p
|
||
\v 1 Mugoberenge okwendya; erate mwegombenge ebirabo bya mwooyo, baitu ekikusiinga mubulirenge.
|
||
\v 2 Olwakubba asimoola omunnumi tasimoola edi bantu wazira edi oKanca. Olwakubba ndoowo akuwuura, baitu omu mwooyo akusimoola byaama.
|
||
\v 3 Baitu abuulira, asimoola edi abantu ebizimbba, n'ebisemerya, n'ebigumya,
|
||
\v 4 Asimoola omunnumi yeyomboka yenkai, baitu abuulira ayomboka Iramyo.
|
||
\p
|
||
\v 5 Ale nkubendya nyweena nyweena nikibba kikusoboka musimolenge ennumi, baitu okusiinga mubulirenge: erate oyo abuulira niye asiinga obukulu asimoola ennumi, wazira nka akutegeeza e’iramyo leke linywezebwe.
|
||
\p
|
||
\v 6 Ati buni ab'aluganda, obate nindiiza ji muli nka nkusimoola ennumi, ndi bagasa ntyai, nintalisimoola naanywe obate omukuswekururwa, obate omu kweteja, obate omu kubulira, obate omu kwegesya.
|
||
\v 7 Erate nebivuga ebitaliimu bwoomi, nka endere, obate ennanga nibitavuga omu maraka agamanyibwa, omuntu yeteja atyai olwembo olufuyiibwe, obate olukubiibwe?
|
||
\v 8 Erate siinga enggombe tezwaamu eiraka eri kutegerekeka, naani alyeteekateekera okulwana?
|
||
\v 9 Nimwo kiri kityo okunywe, siinga omuntu asimoola omunnumi ezitakwetejebwa, ekisimoire kiryetejebwa kityai? Olwakubba mulisimoora mwibbanga.
|
||
\v 10 Nimwo te omu nsi mulumu ennumi ziingi, ale ndoowo lutaalina makulu.
|
||
\v 11 Baitu siinga timaite makulu ga lulumi mbba mupaati edi oyo akusimoola, Baitu nimwo yeena abba atyo jendi.
|
||
\v 12 Nanywe mutyo, olwakubba mwegomba eby'amwooyo, mufubenge muno okuswagana ebyo ebigumya e’Iramyo.
|
||
\p
|
||
\v 13 Erate asimoola omu nnumi asabenge okufuna amaani okuyindula byasimoire.
|
||
\v 14 Olwakubba ninsaba omu nnumi, omwooyo gwange gusaba, baitu okweteja kwange tikubala bibala.
|
||
\v 15 Ale kiki kinakola? Nasabanga omu mwooyo, erate nasabanga n'amagezi, nayembanga omu mwooyo, erate nayembanga n’amagezi.
|
||
\v 16 Olwakubba n’osaba omukisa omu mwooyo, oyo atetejerye kyokobere airamu atyai nti Amiina olwa kwebalya kwaamu, atetejerye kyosimoire?
|
||
\v 17 Olwakubba we webalya kusai, baitu omuntu owondi nka tazimbiibwe.
|
||
\v 18 Nebalya oKanca olwakubba nsimoola ennumi okubasiinga nywena nywena.
|
||
\v 19 Baitu omw’Iramyo nkwendya akiri nsimoole ebigambo bitaanu ebyetejebwa, nka nkwegesya abandi, okusinga ebigambo omutwaalo ogumwe omu lukumi ebitetejebwa.
|
||
\p
|
||
\v 20 Ab'aluganda, timubbanga baana bato omu kweteja ebintu binu: Mubbe bato omu bibbi, baitu omu kweteja mubbe bakulu.
|
||
\v 21 Kyawadikiibwe omu mateeka kiti, ndisimoola n'abantu banu omu bantu abannumi ezindi n’omu minwa jabapaati; erate gonze nimwo kityo tibalimpulirya, nimwo akusimoola oKanca.
|
||
\p
|
||
\v 22 Ennumi nikyo zizwa zibba akabonesyo, Baitu ti edi abaikiriza wazira edi abataikiriza: baitu oburanji bugasa abo abaikiriza ti abo abataikiriza.
|
||
\v 23 Ale e’Iramyo lyoona lyoona niribba nka bakumbaniire amwe boona boona nibasimoola ennumi, niwaizawo abatamaite obate aba taikiriza, tibalirowooza nti mulalukile?
|
||
\v 24 Baitu siinga boona boona nibawa oburanji, niwaigira ataikiriza obate atamaite, ebikusimoolwa, biiza kumuletera okwenenya, erate n’okusaarwa omusango.
|
||
\v 25 Ebyaama eby’amu mutima gwaamwe biswekulibwa; erate alivuunama amaiso nasiinza oKanca, nka akusimoola ati, oKanca ali munywe kakimwe.
|
||
\p
|
||
\v 26 Ale kiri kityai, ab'aluganda? Ni mukumbaana buli muntu aliina nolwembo, aliina okwegesya, aliina ekimuswekuliirwe, asimoola ennumi erate owondi nayindula, byoona byoona bikolebwenge olwa kwomboka.
|
||
\v 27 Siinga wabbaawo omuntu akusimoola omu nnumi, basimolenge babiri obate obutayakala mu basatu, baitu basimoolenge omwei n, omwei, erate omwe oku bwo ayindulenge bye basimoire.
|
||
\v 28 Baitu niwabba nka ndoowo akuyindula, asirikenge omw’Iramyo, asimorenge omu meeme yaamwe n'oKanca.
|
||
\p
|
||
\v 29 Nabaranji basimoolenge babiri obate basatu, erate abandi bawulenge ebyo ebisimoirwe.
|
||
\v 30 Baitu siinga omwe okwaabo obaikaire aswekururwa ekigambo, akusimoola asirikenge.
|
||
\v 31 Olwakubba nywena muyinza okwebulira omwei kwomwei, boona boona begenge, erate boona banywezebwenge.
|
||
\v 32 Emyooyo za baranji zifugibwa abaranji;
|
||
\v 33 Olwakubba oKanca tiwaluyogaano baitu wa mirembe; nka nikiri omu maramyo ga baikiiri goona goona.
|
||
\v 34 Abakali basirikenge omw’Iramyo: olwakubba tibaikirizibwa kusimoola, baitu bafugibwenge nka amateeka nigasimoola.
|
||
\v 35 Erate nibendyanga okweega ekigambo kyoona kyoona, babulyenge abaibaabwe nka bali eka: olwakubba kyansoni okusimoranga omw’Iramyo.
|
||
\v 36 Mulowooza nka ekigambo kya Kanca kyatandikiire muinywe obate kyaikire edi nywe nywenkai?
|
||
\v 37 Omuntu yeena yeena niyerowozanga okubba omuranji obate owa mwooyo, yetejenge bye mbawadiikira, nka nikyo kiragiro kya Mukama waiswe.
|
||
\v 38 Baitu omuntu yeena yeena nateteja, aleme kweteja.
|
||
\p
|
||
\v 39 Ale baganda bange mwegombenge okuwa oburanji, erate timuzizanga kusimoolanga omu nnumi.
|
||
\v 40 Baitu byoona byoona bikolebwenge nka nikisaana erate omu mpisa ezisai.
|
||
\c 15
|
||
\cl Esuura 15
|
||
\p
|
||
\v 1 Ale ab'aluganda nkubategeeza, enjiri jinababuulire okusokera kimwe, mwajaniriize, erate mukyajemerereku,
|
||
\v 2 Erate ji mwacunguribwemu; ni mugumya ebigambo binababuliire, okwiyaku nkaa mwaikiririze bwereere.
|
||
\p
|
||
\v 3 Olwakubba nabategezere ekigambo ekikulu omuno nanje kinaweweibwe, nka oKristo yafiire olwa bibbi byaiswe nka ebyawandikibwa nibikoba.
|
||
\v 4 Erate nka yazikiibwe, erate nka yayimbokere oku lunaku olwa kasatu nka eby'awadikibwa nibikoba.
|
||
\v 5 Erate nka yabonekeire oKeefa, n'alyooka nabonekera eikumi n'ababiri.
|
||
\v 6 Nalyooka nabonekera ab'aluganda abakala omu bitaanu omulundi gumwei, erate bainji okwaabo abakyaali obwoomi okwiica ati, gonze abandi bafiire.
|
||
\v 7 Erate n'alyooka nabonekera oYakobo, erate nabonekera abatume boona boona.
|
||
\v 8 Oluzwanyuma lwa bwoona bwoona nalyooka nibabonekera nanje omwaana onkerembe.
|
||
\v 9 Olwakubba nje ndi muto omu batume atasaine kwetebwa omutume, olwakubba nayiganyirye e’Iramyo lya Kanca.
|
||
\v 10 Baitu olwa kisa kya Kanca bwendi nimwo ndi: ne kisa kyaamwe ekyaali jendi tikyaali kya bwerere; baitu nakoore emirumo jinamwingi okusiinga boona boona: Baitu tininje, wazira ekisa kya Kanca ekyaali nanje.
|
||
\v 11 Ale obate nje obate bwo, nimo tutyo tubuulira erate mutyo nimwo mwaikiriize.
|
||
\p
|
||
\v 12 Baitu oKristo nabuulirwa nka yayimbokere omu bafu, erate lwaaki abamwe omu nywe bakoba oti; ndoowo kuyimbooka kw'abafu?
|
||
\v 13 Baitu obate ndoowo kuyimbooka kw'abafu, erate no Kristo tiyayimbokere yeena.
|
||
\v 14 Erate obate nka oKristo tiyayimbokere, ale okubuulira kwaiswe tikulumu, erate n’okwikiriza kwa nywe tikulumu.
|
||
\v 15 Erate, baitu tuboneka nka abajuurwa ababubeyeji aba Kanca, olwakubba twamanyisirye okanca nka yayimbocerye oKristo, gwatayimbocerye, nibabba nka abafu tibayimbooka.
|
||
\v 16 Erate, oba nka abafu tibayimbooka, baitu n’oKristo tiyayimbokere.
|
||
\v 17 Erate, oba nka oKristo tiyayimbokere, okwikiriza kwanywe tikuliku ki kugasa; mukyaali mu bibbi byanywe.
|
||
\v 18 Erate naabo abafiriire omu Kristo bazikiriire.
|
||
\v 19 Obate nka omu bwoomi bunu bwonkai nimwo tubbeera neisuubi omu Kristo, tuli ba kusasirwa okusiinga abantu boona boona.
|
||
\p
|
||
\v 20 Baitu ati, ekituufu oKristo yayimbokere omu bafu, niye kibala ekyekeera omu abo boona boona abafiire.
|
||
\v 21 Olwakubba okufa kwaabwe kwaleteibwe muntu, erate n’okuyimbooka kwa bafu kwaletebwe muntu.
|
||
\v 22 Olwakubba boona boona nka nibafiriire omu Adamu, erate batyo omu Kristo boona boona nimwo bali fookera abwoomi.
|
||
\v 23 Baitu buli muntu omu kifo kyaamwe ye: oKristo niye yasokere, ale naliiza abaamwe baireku.
|
||
\v 24 Olwo te enkomeero n'eryooka neika naliwaayo Obukama edi oKanca niye otaamwe; nalibba nka amaare okwiyawo okufuga koona koona, n'amaani goona goona, n’obuyinza.
|
||
\v 25 Olwakubba kimusanira okufuganga okwica lwa lita abananzigu baamwe boona boona ansi wa magulu gaamwe.
|
||
\v 26 Omuzigu alisembayo okutoolebwaawo, niye kufa.
|
||
\v 27 Olwakubba kyawandikiibwe kiti, oKanca ataire ebintu byoona byoona ansi wa magulu gaamwe. Baitu nakoba ati; ebintu byoona byoona byatereibwe ansi wa magulu gaamwe, kibba kikumanyisya kiti, nka oyo tiyatereibwe ansi, eyateire byoona byoona ansi waamwe.
|
||
\v 28 Baitu byoona byoona nibirimala okutekebwa ansi waamwe, erate n’omwaana omwenyenere leke atekebwe ansi w'oyo, eyataire byoona byoona ansi waamwe, okanca leke abbenge byoona byoona omu byoona byoona.
|
||
\p
|
||
\v 29 Baitu balikola batyai ababatiziibwe oku lw'abafu? Obate nka abafu tibaliyimbokera kyarumwe, kiki akibabatizisya oku lw'abo?
|
||
\v 30 Naiswe lwaki okubba omu kabbi buli kiseera?
|
||
\v 31 Nkukakasa, olwa kwenyumiriza kwenina omunywe, ndi nakwo mu Kristo Yesu Omukama waiswe, nanje nfa buli kiro.
|
||
\v 32 Obate nka nalwaine n'ebisoro omu Efeso nka omuntu obuntu, ngasibwa ntyai? Obate nka abafu tibayimbooka, "tulye, tunywe olwakubba, tukufa emambya.
|
||
\v 33 Temubbeyegebwanga: "Eminywaani ejibbi jisiisa episa ezisai."
|
||
\v 34 Mwimukire omu bwikiriiri, timwiira mu kusiisanga te, olwakubba abandi tibamaite Kanca; nsimoire kubakwatisya nsoni. Omubiri gwa kitinisya.
|
||
\p
|
||
\v 35 Baitu omuntu ayinza okubuulya otti, abafu baliyimbooka batyai? Erate omubiri ki gwebaliiza nagwo?
|
||
\v 36 Musirusiru we, ensigo josigga temeruka nka tefiire:
|
||
\v 37 N’ejosigga tosigga mubiri ogulibba, wazira empeke ejerere, kanda ya ngaano, obate ya ngeri jindi,
|
||
\v 38 Baitu oKanca ajiwa omubiri nka nayendya, erate buli nsiggo ajiwa omubiri gwaayo yonkai.
|
||
\v 39 Enyama yoona yoona tinyama emwei; baitu ejindi y'abantu, n'ejindi yabisolo, nejindi ya nnyonyi n’ejindi yancwi.
|
||
\v 40 Erate walowo emibiri ja mwigguru n’emibiri ja mu nsi, baitu ekitinisya ekya mwigguru kindi ne kya mu nsi kindi.
|
||
\v 41 Ekitinisya eky'aisana kindi, ne kitinisya eky'akweezi kindi, ne kitinisya kya bunyenyenzi kindi: olwakubba akanyenyenzi tikenkana kairawako kitinisya.
|
||
\p
|
||
\v 42 Erate n'okuyimboka kwa bafu nimwo kutyo. Gusiggibwa mu kujunda erate, guyimbooka mu butajunda.
|
||
\v 43 Gusiggibwa awataali kitinisya, guyimbooka mu kitinisya, gusiggibwa mu bunaki, guyimbooka mu maani.
|
||
\v 44 Gusiggibwa nka omubiri gwa mwiika; guyimbooka nka omubiri gwa mwooyo. Obate nka walowo omubiri gwa mwiika, erate walowo n'ogwa mwooyo.
|
||
\p
|
||
\v 45 Erate nimwo kityo kyawandikiibwe kiti, omuntu eyekereire Adam yafookere omwiika og’woomi, Adam eyasembereyo yafookere omwooyo oguleeta obwoomi."
|
||
\v 46 Baitu eky'amwooyo tikyekeera, wazira eky’amwiika; oluzwanyuma ky’amwoyo.
|
||
\v 47 Omuntu eyekereire yazwire mu nsi, waitakali, omuntu owa kabiri yazwire mwigguru.
|
||
\v 48 Nka odi owaitakali niyaali, erate n’abaitakali nimwo bali batyo, erate nka nka odi owa mwigguru niyaali, erate n'aba mwigguru nimwo bali batyo.
|
||
\v 49 Erate nka nitwatwaire ekiisani kyodi owaitakali, erate tulitwaala ne kiisani kyodi owa mwigguru.
|
||
\p
|
||
\v 50 Baitu kinu nikyo nkukoba abaluganda, nka omubiri n'eisagama, tibisobola kusikira Bukama bwa Kanca, erate n’okujunda tikusikira butajunda.
|
||
\v 51 Bona, nkubakobera ekyaama: isweena isweena titulifa, baitu, isweena isweena tulifuulibwa,
|
||
\v 52 maangu ago, nka okutemya ekikowe, akagombe kankomeero kalivvuga: olwakubba kalivvuga, nabafu bali yimbooka outajunda te, naiswe tulifuulibwa.
|
||
\v 53 Olwakubba ogujunda gunu kisaniire okuzwaala obutajunda, n'ogufa gunu okuzwaala obutafa.
|
||
\v 54 Baitu ogujunda gunu nigulimala okuzwaala obutajunda, n'ogufa gunu okuzwaala obutafa, ekigambo ekyawandikiibwe leke kikiire kiti. Okufa kumiriibwe omu kuwangula.
|
||
\q1
|
||
\v 55 We okufa, okuwangula kwaamu kuli ludai? We magombe, okunena kwaamu kuli ludai?
|
||
\p
|
||
\v 56 Okunena kwa kufa nikyo ekibbi, n'amaani ga kibbi nigwo mateeka:
|
||
\v 57 Baitu oKanca yebalibwe, atuwangulya iswe oku bwa Mukama waiswe oYesu Kristo.
|
||
\p
|
||
\v 58 Ale, baganda bange benyendya. Mugumenge obutatangatanga, nka mweyongeranga buliizo buliizo omu mulumo gwa Mukama waiswe, olwakubba mu maite nka okufuba kwanywe tikwabwerere omu Mukama waiswe.
|
||
\c 16
|
||
\cl Esuura 16
|
||
\p
|
||
\v 1 Baitu, okukumbbaniryanga ebintu abaikiiri, nka ninalagiire Amaramyo age Galatiya, nanywe mukolenge mutyo.
|
||
\v 2 Oku lunaku olukusoka omu Ssabiiti buli muntu omu nywe abbengaku kya kubiika ewaamwe nka akusinzira okubusobozi bwaamwe, ebintu bireke okusorozebwa lwe ndiiza.
|
||
\v 3 Erate nindiika be mulisiima omu bbaluwa abo nibo ndituma okutwaala ekisa kyanywe omu Yerusaalemi.
|
||
\v 4 Erate nikiboneka nka kikwetagisya njeena okwaaba, ndyaaba nabo.
|
||
\p
|
||
\v 5 Baitu ndiiza jimuli ni ndibba mmaare okwakala omu makedoni.
|
||
\v 6 Baitu erate ndibba nanywe ekiro kidooli. N’okumala ndi malayo ebiro bya bufuki byonkai, nnywe leke munsibiire yoona yoona jindyaaba.
|
||
\v 7 Olwakubba tikwendya kubabona ati nka nkwakala mbbe, nkusuubira okulwaayoku jimuli Omukama waiswe nali ikkiriza.
|
||
\v 8 Baitu nkyaluku ani omu Efeso okwiica oku pentekoote;
|
||
\v 9 Olwakubba olwiigi olukooto erate olwe mirumo eziingi lunyigulirwewo, baitu abananzigu bainji
|
||
\v 10 Baitu oTimoseewo naliiza, mubone nka mu kumuyamba abbe nanywe owataali kutiina; olwakubba yeena akola omulumo gwa Mukama waiswe erate nka nje.
|
||
\v 11 Ale omuntu yeena yeena tamugayanga. Baitu mu musibiire nemirembe, aizze jendi,
|
||
\v 12 Baitu oku bya Apolo owaluganda, namwegayirire muno okwiiza ji muli amwe nabaluganda; natayenderye kimwe kwiiza mwibbanga eryo, baitu aliiza nalifuna eibbanga.
|
||
\p
|
||
\v 13 Mulolenge, mugumirenga omu kwikiriza, mubbenge basaiza. Basaiza ba maani.
|
||
\v 14 Byoona byoona bimukola, bikolebwenge mukwendya.
|
||
\p
|
||
\v 15 Baitu nkubegayiira, ab'aluganda mu maite nka enyumba ya Suteefana, nibo basookere okwikiriza omu Akaya, erate nka betegekeire okuweereza abaikiiri,
|
||
\v 16 nanywe muwuurenge abakwiisana nka abo, nabuli muntu akoora amwe naiswe afuba.
|
||
\v 17 Erate ndimusemeeri olwa kwiiza kwa Sutefana no Folutunaato no Akayiko; olwakubba ebyabuure oku lwanywe babikiriirye.
|
||
\v 18 Olwakubba bawumwirye omwooyo gwange n’ogwanywe, ale mwikirizenge abali nka abo.
|
||
\p
|
||
\v 19 Amairamyo aga mu Asiya gabalamukirye. Akula n’oPulisika babalamukirye muno omu Mukama waiswe, ne iramyo eriri omu nyumba yaabwe.
|
||
\v 20 Ab'aluganda boona boona babalamukirye. Mulamukyengane n’okwevuubata okwikiiri.
|
||
\p
|
||
\v 21 Nje oPawulo, kunu nikwo kulamkya kwange mpandikire, n’amukono gwange.
|
||
\v 22 Omuntu yeena yeena natayendyanga mukama waiswe, akolimirwenge. Omukama waiswe akwiiza.
|
||
\v 23 Ekisa kya Mukama waiswe oYesu Kristo kibbenge nanywe.
|
||
\v 24 Okwendya kwange kubbenga nanywe, nywena nywena omu Kristo oYesu. Amiina.
|