See in Reader
1368 lines
128 KiB
Plaintext
1368 lines
128 KiB
Plaintext
\id ACT
|
||
\ide UTF-8
|
||
\h Bikolwa Byaba Kweenda
|
||
\toc1 Bikolwa Byaba Kweenda
|
||
\toc2 Bikolwa Byaba Kweenda
|
||
\toc3 act
|
||
\mt Bikolwa Byaba Kweenda
|
||
\c 1
|
||
\cl Esuura 1
|
||
\p
|
||
\v 1 Ekitabo ekyekeera nakikoore munywani wange oTeefuro, eky'ebintu byona O'yesu bye yekereire okukola n'okusomesya.
|
||
\v 2 Okuyikya oku lunaku ludi niyamare okulagira oku bwa omutukuvu w'abakwenda beyalondere, natwalibwa omwiguru.
|
||
\v 3 Niyamaare okubonyabonyezebwa, niyeranga mu bo, nga mwomi omu bubonero bwingi muno, ng'ababonekera; eibanga ly'enaku amakumi anai ng'asimoola eby'obukama bwa Kanca.
|
||
\p
|
||
\v 4 Awo niyamaare okukumbana nabo, n'abalangira baleme okuzwa mu Yerusaalemi; bekeere balindirire okusuubiza kwa Itaamwe kwe bawulire gyali;
|
||
\v 5 Kubanga Oyakaana y'abatiize n'amaizi; baitu nnywe mulibatiizibwa n'omwoyo omuyukuvu omunaku zidooli.
|
||
\p
|
||
\v 6 Awo nga bamaare okukumbana nibamubulya nibakoba bati Omukama waiswe, omu bwiire buni wairirya obukama bwa Isirairi?
|
||
\v 7 Nabakoba atitikwanye okumanya entuuko gonze ebiiro Otaiswe bye yataaire omu buyinza bwame ye.
|
||
\v 8 Baitu muliweebwa amaani omwoyo omutukuvu ngamaare okwiza oku nnwye: Nyweena mwabbanga abegesya bange omu Yerusaalemi n'omu Buyudaaya bwona n'omu Ssamaliya n'okwica oku nkomerero ya ensi.
|
||
\v 9 Niyamaare okusimoola ebyo; nga bakyaloleera, nikimuginga aiguru, nikimutoola omu maiso gaabwe.
|
||
\p
|
||
\v 10 Awo baali bakyali beekalirize amaiso gaabwe omu aiguru; nga bakwaba; bona bona bantu nibaiza bemeera ampi awo nga bazwaire engoye ezikweera.
|
||
\v 11 Nibakoba ati abantu b'eGaliraya; Kiki ekibemeereirye anu nga mukolerera aiguru? Oyesu abatooleibweku okutwalibwa omwiguru; era alira atyo nga bwe mubwine nga okwaba omwiguru.
|
||
\p
|
||
\v 12 Aale nibairaayo eYerusaalemi okuzwa oku Lusozi olweteebwa Zeeyituuni oluli ampi ne Yerusaalemi olugendo nga lwa Saabiti.
|
||
\v 13 Awo nibayingire omu nnyumba; nibaniina omu kisiika eya aiguru, nigyo baikalanga; Petero n'Oyakaana n'Oyakobo na Andereya, Ofiriipo n'Tomasi, Batulumaayo n'Omataayo n'oyakobo omwana Alufaayo, Simon omwana Zerote n'oyuda omwana wa yakobo.
|
||
\v 14 Abo bona baalinga bannyiikirira muno n'omwoyo gwa kusaba, wamwe n'abakali n'omalyaamu omaamwe wa Yesu n'abaganda baamwe.
|
||
\p
|
||
\v 15 Omu naku ezo, Petero nayemeera awakati mu b'oluganda (ekibiina ky'abantu bakumbaine baali bayika ekikumi mu abiri) ati.
|
||
\v 16 Abasaiza aboluganda, kisaniire ekya wandikiirwe kiyikiire, omwoyo Omutukuvu kye yasimoire eira omu kanwa ka Daudi oku Yuda eyali omusale waabwe abakwaite o yesu.
|
||
\v 17 Olw'okubba yabaliire wamwe naiswe, naweebwa omugabo og'okuweereza kuni.
|
||
\p
|
||
\v 18 Oyo nagula endimiiro n'empeera y'obubbi bwamwe; n'agwa oku bweni bwamwe nayonakamu awakati, ebyenda byona mbisusuka.
|
||
\v 19 Nekitegerekeka edi abantu bona abaali omu Yerusalemi; endumiro eyo omu lulimi lwa bwe n'okwetebwa nayeetebwa "Aberudame" niyo ndumiro ya musayi.
|
||
\p
|
||
\v 20 Kubanga kyawandiikibwe omu Kitabo kya Zabbuli ati "Ekibanja kiyaamwe, kirike, era kireke kubbangamu omuntu; era nti Obukulu bwaamwe; buweebwe owundi"
|
||
\v 21 Aale ni kisaniire omu bantu abayakalanga naiswe omu biro byona bwe yayingira nga nazwayo gye tuli Omukama waiswe Oyesu.
|
||
\v 22 Okuzwa okubatiiza kwa Yokaana okwica oku lunaku lwe yatutoireku omwe ku abegesya okuzukira kwamwe wamwe naiswe.
|
||
\p
|
||
\v 23 Nibalonda babiri, Oyusu ayetebwa Bbalunabba, natumibwa eibara erindi Yusito n'Omatiya.
|
||
\v 24 Nibasaba, nibakoa ati we Omukama waiswe "Omaite emitima gy'abantu bonna, olulange ku omwe gw'olondere okubani bona;
|
||
\v 25 Aweewe ekifo ky'okuweereza okwo n'obukwenda, O'yuda bwe yasubirwe; oyabe mu kifo kyamwe ye.
|
||
\v 26 Nibabakubbira obululu; akalulu ni kagwa oku Matiya n'abarwa wamwe n'abakwenda eikumui n'omwe.
|
||
\c 2
|
||
\cl Esuura 2
|
||
\p
|
||
\v 1 Awo olunaku lwa Pentekoote nilwaikire bona abaali awamwe omu kifo kimwe.
|
||
\v 2 Amangu ago okuwuuma ni kubba omwiguru nga empungo ewuuma n'amaani nikiyuzulya ennyumba yoona mwe bali baikaire.
|
||
\v 3 Nikiboneka ku bo enimi nk'ez'omuro nga zeeyawuremu: buli lulimi nirwikala oku muntu.
|
||
\v 4 Awo boona nibaizula omwoyo omutukuvu, nibatandiika okusimoola enimi ezindi ng'omwoyo bwe yabawaire okuzisomoola.
|
||
\p
|
||
\v 5 Waalowo omu Yerusaalemi Abayudaya nga baikaire, abantu abegendereza, abazwire omubuli iwanga ly'abantu ansi n'aiguru.
|
||
\v 6 Okuwuuma kwo bwe kwabbaire, ekibiina nkikumbana nikisamaalira; kubanga bawulire; nga buli muntu bakusimoola omu lulimi lwa waabwe.
|
||
\v 7 Nibawuniikira boona nibwewuunya, nga bakoba ati "bona bona bakusimoola bati Bagaliraya?
|
||
\v 8 Aale kizwire ku kiki, Iswe buli muntu okuwuura olulimi olwa waiswe gye twabyalirebwe?
|
||
\v 9 Abapaazi. Abameedi n'Abeeramiti n'abaali omu mesopotamiya, mu Buyudaya ne Kapadookiya, mu ponto n'omu Asia.
|
||
\v 10 Omu Fulugiya n'omu Panfuliya, omu misiri n'omu eze Libya eziriraane ekuleene n'abarumi abageni, abayudaaya n'abakyafu.
|
||
\v 11 Abakulete n'abawabu, tukura bani nga bakusimoola omu nimi zaiswe ebye kitalo ebya kankyere.
|
||
\v 12 Boona nibewuunya ne babuusya buusya ne bakobabangana ati amakulu gaakyo, kiki kini?
|
||
\v 13 Baitu abandi ni babaskeera mbe nibakoba ati "Batamiire Omwenge ogw'okya"
|
||
\v 14 Baitu Peteero yemereire n'abandi eikumi n'omwe, nasimoola aiguru nabakoba ati "abasaiza Abayudaaya n'abo abaikala omu Yerusaalemi nywena mutegeere kini, mutegere amatwi ebigambo byange.
|
||
\v 15 Olw'okubba bani tibamatiire mwenge muyo, nga nywe ni mukulowooza; baitu eni niyasaawa ey'akasatu ey'emisana.
|
||
\v 16 Baitu bini byasimorwe Omulangi Yoweeri ati "oluliyika omu nnaku zza luzwanyuma nimwo asiimoola, ndisuka omwoyo gwange.
|
||
\p
|
||
\v 17 Okubaniina omubiri bona "abataane baanwye n'abaara banywe; baliragula" N'aboogyo baanywe balibona okwolesebwa n'abakaire baanywe baalirota ebirooto.
|
||
\s
|
||
\v 18 Yee, Weewaawo n'oku bairu n'abazaana bange omu naku zidi ndi basukira oku mwoyo gwange aliragula.
|
||
\v 19 Ndireeta eby'ekitalo omwiguru waiguru n 'obumanyiisyo omu nsi wansi, omusaayi n'omuro n'okunyooka kw'omwika.
|
||
\v 20 Eisana lirifooka ekizikiza n'okwezi okubba ng'omusai, olunaku lw'omukama olukulu olulitenderezebwa nga lukyali kwiza.
|
||
\v 21 Olulika buli alisala erina lya Mukama alicungura.
|
||
\p
|
||
\v 22 Abasaiza Abaisiraeli muwuure ebigambo bini O Yesu omunazaalesi omuntu ey'abalangirwe Okanca bye yamukoleserye akati omu nnywe nka bwe mu maite.
|
||
\v 23 Oyo nibwe yeebweeyo nka n'Okanca niyasookere okuteesya n'okumanya; mwa mutwaire ni mu mukomeera n'emikono gy'abantu ababbi, ni mwita.
|
||
\v 24 Naye oyo Okanca yamuzuukirye niye asindabula okulumwa kw'okufa, baitu tikwasoboire kumunyweza.
|
||
\p
|
||
\v 25 Olw'okubba oDaudi amusimoolaku ati "Naboine omukama enaku zoona omu maiso gange olw'akubba ali ku mukono gwange ogw'abulyo ndeke ku saga sagana.
|
||
\v 26 Omutima gwange nikyo guzwa gwe esiima olulimi lwange ni lusanyuka; Era omubiri gwange gwabbanga omu issuubi.
|
||
\v 27 Olw'okubba tolindeka obwomi bwange omu magombe era ati toliwaayo mutukuvu wamu okujjunda.
|
||
\v 28 Wansomesyanga amaizira goona ag'obwomi; olinyizulya eisanyu n'amaiso gaamu."
|
||
\p
|
||
\v 29 Abasaiza aboluganda, nsobola okusimoola n'obuvumu omu maiso gaanywe ebya zeiza waiswe omukulu o Daudi ati yafiire nalikibwa; n'amagombe gaamwe gali waiswe n'okwica ati buni.
|
||
\v 30 Aale nka ni bweyali omulangi niyakimaite ati Okanca yamulayirire ekirayiro ati omu baizukulu ab'obu muntumbwe zaamwe, alikalisyaaku omuntu oku ntebe yaamwe.
|
||
\v 31 Niyaboine olubereberye'nasimoola okuzukira kwa Kristo nka tiyalekerwe mu magombe; era te ng'omubiri gwamwe tigwajundire.
|
||
\p
|
||
\v 32 O Yesu oyo Kanca yamuzuukize, iswena, naiswe abagesya.
|
||
\v 33 Awo niyaniisirwe oku mukono gwa ddyo ogwa Kanca, okusuubiza kwa Omwoyo omuukuvu edi oyitamwe. Asukire kinu kye muboine ati kye muwuliire.
|
||
\v 34 Baitu o Daudi tiyaniniire omwiguru, olw'okubba yakobere ye onyemeere ati Omukama yakobere Omukama wange.
|
||
\v 35 Ati Ikala oku mukono gwa ddyo; okwica lwe ndita abalabe baamu okubba entebe y'ebigere byaamu.
|
||
\p
|
||
\v 36 Aale mazima betegye ennyumba yoona eya isiraeri ati Okanca yamufwire Omukama era te Kristo oYesu oyo gwe mukomereire.
|
||
\p
|
||
\v 37 Awo mbakoberen ebyo, emitima gyanwye ni gibaruma mbakoba o Petero n'abakwenda abandi ati abasaiza aboluganda "Twakola tutyai?
|
||
\p
|
||
\v 38 O Petero n'abakoba ati mwenenye. Mubatiizibwe buli muntu mu nnwye okwingira omu ibara lya Yesu Kristo okutoolebwaku ebibbi byanywe muweebwe ekirabo nigwo omutukuvu.
|
||
\v 39 Baitu okuzukizibwa kuni kwa nnywe era baana baanywe n'abo bona abaali alai, bona baletebwe Omukama Okanca waiswe.
|
||
\v 40 Era te nabakobera ebigambo bindi bingi muno ati mucungurwe omu migyo gini egyakyamiire.
|
||
\p
|
||
\v 41 Awo baikirize ekigambo kyaamwe ni babatiizibwa nibongerwaku oku lunaku ludi abantu ng'enkumi isatu.
|
||
\v 42 Ni babba nka banyiikiranga okwegesyebwa okw'abakwenda n'omu kisa kyaamwe, n'omu kwendya emigaati n'okuramya.
|
||
\p
|
||
\v 43 Buli muntu n'atiina: ebyamageero bingi n'obumanyiisyo nibikolebwanga abakwenda.
|
||
\v 44 Bona abaikirize baali ammwe, nibabba nka bakutambura ammwe omu byona.
|
||
\v 45 Eby'abugudda bwabwe, n'ebintun bye baali nabyo nibabigulisya nibabiweeryanga bona, nka buli muntu bwe yali akwendya.
|
||
\v 46 Bona banyiikiranga nibaiza n'omwoyo gumwe omu iramyo nka baweenda emigaati omu nnyumba ekai nibalyanga emere n'eisanyu n'ogutalimu bukusa nga bakutendereza Okancan nka basiimibwa abantu bona.
|
||
\v 47 Okanca n'abongera ngaku bulizo abakucungura.
|
||
\c 3
|
||
\cl Esuura 3
|
||
\p
|
||
\v 1 Awo oPetero n'oYakaana nibayingira omu Iramyo omu saawa y'okuramirangamu ey'omwendai.
|
||
\v 2 Waalowo omuntu omulema okuzwa mu kida kya maamwe eyali asitulibwe, gwe batanga bulizo oku lwigi lwa Iramyo olwa yeteebwangamu olusai okuramirangamu efeeza abayingiranga omu Iramyo.
|
||
\p
|
||
\v 3 Oyo niyabweine oPetero n'oYakaana nka bakwaaba okwingira omwiramyo, n'abasaba okuweewa efeeza.
|
||
\v 4 O Peteero ammwe n'oYokaana nibamutaaku amaiso o Peteero n'akoba ati tuloreere.
|
||
\v 5 N'abawura, nka akulowooza ati bakwaba kwiza okumuweerya ekintu.
|
||
\v 6 Baitu o Peteero n'akoba ati efeeza ne Zaabu tindanabyo naye kye ndi nakyo nikyo nakuwa omwibara lya Yesu Kristo Omunazaleesi yemeera otambule.
|
||
\v 7 N'amukwata oku mukono ogwa ddyo n'amwimukya mangu ago ebigere byamwe n'obukongoizole nibifuna amaani.
|
||
\v 8 N'agolokoka mangu n'ayemeera n'atambula; naiza nabo omu iramyo nka akutambula aguluka nka akutendereza Okanca.
|
||
\p
|
||
\v 9 Abantu bona nibamubona nk'akutambula akutenda okanca amukancirye.
|
||
\v 10 Nibamwetegya nka bakwebulya niye oyo eikalanga oku lwigi olusai olwa Iramyo kwebaramiranga efeeza, nibawunikirira muno n'okwewuunya olw'ekimukolweibweku.
|
||
\v 11 Niyawulire nka akwaite oku oPeteero n'oYokaana ekibbura kyona ni bairuka gye bali, ni bakumbana omu kisasi ekyeiteebwanga kya Sulumaani nka bakwewuunya muno.
|
||
\p
|
||
\v 12 Awo oPeteero niyabweine nairamu ati abasaiza abaisiraeri; kiki ekiku bewuunyisa bini? Mukutwekalirya ki amaiso, nka amaani ga iswe? Oba okutiina kwaiswe Okanca nibyo bitambulisirye oyo?
|
||
\v 13 Okanca owa Ibulayimu era te Owa Isaac era te Owa Yakoobo; Okanca wa bazeiza baiswe, yagulumirye omwojo waamwe o Yesu gwe mwawaireyo nimumwegaanira omu maiso ga Piraato bwe yaali amaare (Okutaisya) Okumutaisya.
|
||
\v 14 Baitu nnywe? Ni mwegaana omutukuvu, era omutukirivu ni mutaka okuweewa omutemu?
|
||
\v 15 Nimwita omukumi w'obwomi, oyo Okanca ya muzuukirirye omu bafu: Iswe naiswe abajurwa baamwe.
|
||
\v 16 Era te olw'okwikriza eibara lyamwe oyo gwe mukubona, gwe mumaite eibara lyamwe limuwaire amaani, n'okwikiriza okuli mu oyo, kumuwaire obwomi buni obuyikirire omu maiso gaanywe nywena.
|
||
\p
|
||
\v 17 Aale ni abooluganda, mu maite mwakoore timumaite nk'abakulu baanywe:
|
||
\v 18 Baitu Okanca bye yasimoreire eira; omu kanwa ku balangi baamwe ati o Kristo wamwe alibonyabonyezebwa yabiyikiiriiye atyo.
|
||
\v 19 Aale mwenenye, muyinduke, ebibbi byannywe bisangulibwe, ebiro by'okuwumuzibwa om maiso ga mukama biike.
|
||
\v 20 Yeena atume oKristo eya'abawulirye eira niye o Yeesu.
|
||
\v 21 Eyagwanire okutwalibwa omu mwiguru okuyikya omubiro eby'okulongosesya mu bintu byona n'Okanca bye yasimoolanga omu kanwa ka abalangi baamwe abatukuvu abalowo okuzwa eirai oku lubereberye.
|
||
\v 22 O Musa yakobere ati Okanca alimwikirya omulangi alizwa omu baganda baanywenga nje; oyo mu muwuranga byona by'alibakoba.
|
||
\v 23 Oluliyika; buli mwoyo oguliwuura omulangi odi gulizikirizibwa omu mwiranga.
|
||
\v 24 Weewaawo n'abalangi bona, n'abo nibazwa oku Samwiri nimwiriire, bona basimolanga babuuliranga eby'enaku zini.
|
||
\v 25 Nywe muli baana ba balangi, era ab'endagano egikaire Okanca gye yalagaine nabazaiza baanywe nk'aku koba Oibulaimu ati biriweerewa omukisa.
|
||
\v 26 Okusooka gye muli Okanca bwe yamare okuzuukirya omwojo wammwe, amutuma gye muli abweerye omukisa, n'akyusa buli muntu omu bibbi byamwe.
|
||
\c 4
|
||
\cl Esuura 4
|
||
\p
|
||
\v 1 Nibaali nka bakusimola n'ekibbura, nibayiza gyebali bakobona, omukulu wa iramyo n'abasaddukaayo.
|
||
\v 2 Nka banauwaire muno: olw'okubba bayegeserye ekibbura; era te baabulire oku bwa yesu okuzuukirya omu bafu.
|
||
\v 3 Ni batataaka emikono ni babata omwi nkomyo okwikya mambya, olw'okubba bwali buswekere.
|
||
\v 4 Baitu abandi baingi bawulire ebigambo nibaikiriza omuwendo gwa abasiza ni gubba nka enkumi itaanu.
|
||
\p
|
||
\v 5 Awo nibwaikire emmambya, olw'okubba, Aabakulu n'abakaire, Abawandiiki nibakumbaiira omu Yerusaalemi.
|
||
\v 6 Okabona akusinga obukulu n'okayafa n'oYokaana n'Alegezendirana bona ab'ekika kya kabona kya kabona akusinga obukulu.
|
||
\v 7 Ni baba akati nibabulya ati "maani ki, eibara ki eribakolesesya nnywe bini?"
|
||
\p
|
||
\v 8 Awo o Peteero ni yaizwiire Omwoyo omutukuvu n'abakoba ati.
|
||
\v 9 We mutubulirye leero olw'okukola okusai omulwaire, ekimuwonerye?
|
||
\v 10 Mwetegye nywena n'ekibbura kyona ekya ba Isiraeri ati omwibara lya Yesu Kristo omunazaleesi, gwe mwakomereire nnwye, Okanca gwe yazuukirye omu bafu oku bwamwe; ono ayemereire nka mwomi omu maiso gaanywe.
|
||
\p
|
||
\v 11 Oyo niyreibbaale eryanyomeirwe nnywe abombiki erifookere erikulu ery'oku nsonda.
|
||
\v 12 So ndooo mu wuundi bulokozi, olw'okubba ndoowo na eibara lindi wansi w'aiguru eryaweibwe abantu eritugwaniire okucungura.
|
||
\p
|
||
\v 13 Awo nibabweine obugumu bwa Peteero n'o Yokaana, nibategya okubba abantu abatamaite okusoma era abategeseibwe muno, nibewuunya nibetegya nka baali ammwe n'o Yesu.
|
||
\v 14 Era te babweine omuntu eyawonnyezebwe nka ayemerire nabo nibabulwa eby'okwiramu.
|
||
\p
|
||
\v 15 Baitu yabakobere bazzwe omu lukiiko; ni basala amagezi bonkai nka bakoba ati.
|
||
\v 16 Twakola tutyai abantu bani? Olw'okubba bakoore akamanyiisyo akayikirire, ekigambo ekyo; kimanyiibwe abantu bonna abaikala omu Yerusaalemi n'olwekyo titusobola oku kyegaana.
|
||
\v 17 Baitu kireme okweyongeranga okutambula mu bantu, tubakange balemenga omwibara eryo n'omuntu yenna yenna.
|
||
\v 18 Ni babeta nibabakoba baleme okwiramu okusimoola n'akadyoli gonze okwegesyanga omwibara lya Yesu.
|
||
\p
|
||
\v 19 Baitu o Peteero n'o Yokaana nibairamu nibakoba ati" oba nga kisai omu maiso ga Kanca okuwuura nnwye okusinga Okanca? Musimoole.
|
||
\v 20 Olw'okubba iswe titusobola butasimoolanga bye twabweine bye tuwulire.
|
||
\p
|
||
\v 21 Bona, oluzwanyuma olw'okwongera oku bakobanga babataisirye nka tibakubona musango gwona gwebakwaba okubataku. Okubabonereza olw'ekibbura; olw'okubba bona bali bakutendereza Okanca olw'ekyo ekikoleibwe.
|
||
\v 22 Olw'okubba obukulu bwammwe yaali ayakaliire emyaka amakumi annai omuntu eyakoreirwe akamanyiisyo kani aka kuwonyezebwa.
|
||
\p
|
||
\v 23 Ni babataisirye nibaba omu kibbura kyaabwe nibabakobera byona bye babakobere abakobona abakuru n'abakaire.
|
||
\v 24 Bona nibawulire ni baimukya eddoboozi lyaabwe n'omwoyo gumwei edi Okanca nibakoba ati Mukama niwe wakoore iguru n'ensi n'ennyanja n'ebirumu byona.
|
||
\v 25 Nuwe wasimoore ku bwa mwoyo omutukuvu omukamwa k'abaziza baiswe omwojjo wamu o Daudi ati abanamawanga ekibeeisalisye akajegere? N'ebikka birowoozerye ebitaalimu?
|
||
\q
|
||
\v 26 Abakama b'ansi basimbire nyiriri n'abakulu bakumbaine ammwe oku mukama n'oKristo wammwe?
|
||
\p
|
||
\v 27 Eky'amazima bakumbaniire omu kibuga muni oku mwojo waamu omutukuvu o Yesu gwe wasukireku amafuta o Keerode n'o Pontiyo Piraato, ammwe n'abamawnga n'ebikka bya israeiri.
|
||
\v 28 Bakoore, byona Omukono gwamu n'okutesya kwaamu bye byagiire eirai okubbaawo.
|
||
\p
|
||
\v 29 Aale ati buni Mukama bona, okukuunga okwabwe kuni; oweerye abairu baamu bgume muno okusimoolanga ekigambo kyaamu.
|
||
\v 30 Baitu niwagolororanga omukono gwaamu, otambaenge obumanyiisyo n'amagero bikolebewenga omwibara lya mutaani wamu omutukuvu Yeesu.
|
||
\p
|
||
\v 31 Nibamaare okuramya, omu kifo webakumbaine ni wakakankana; bona bona nibaizula omwoyo akweera nka bakusimoola kigambo kya Kanca n'obuvumu.
|
||
\p
|
||
\v 32 N'ekibbura kyabwe, bonaabaikirize baali n'omutima gumwe n'emmeme amwei era ndoowo n'omwe eyakobonga ati ekinti kini kyali nakyo, kyaamwe yena baitu byona bye bbbanga nabyo mu bumwei.
|
||
\v 33 N'amaani gaingi abakwenda ni bongeranga okukoba kwaabwe okw'okwizukira Mukama waiswe o Yesu. N'ekisa kingi nikibbanga ku bona bona.
|
||
\v 34 Olw'okubba omubenyenere; timwalimu eya yendyenga olw'okubba bona bona bali ensuku, oba ennyumba; bazigulisyanga ni baleetanga omuwendo gwazo zzebagalusyanga.
|
||
\v 35 Nibaguta omu maiso oku bigere bya bakwenda, ni bagabiira buli ommwe nka bwa kwendya.
|
||
\p
|
||
\v 36 N'o Yusufu, abakwenda gwebayetanga Baalunabba (eki kukoba ati omwana wa isaaya) omuleevi eyabyalibwe omu Kupulo,
|
||
\v 37 Yaali n'endumiro yaamwe n'agigulisya n'aleeta efeeza n'agita oku bigere bya bakwenda.
|
||
\c 5
|
||
\cl Esuura 5
|
||
\p
|
||
\v 1 Waloowo omusaiza eyayetebwabwanga eibara lya Annaniya n'oSafiira omukali wamwe; natunda ebyamwe.
|
||
\v 2 Niyebisiraku, oku muwendo, omukali wammwe yeena nka akimaite, n'aleetaku kitundu -butundu n'ata oku maguru gabakwenda.
|
||
\p
|
||
\v 3 Baitu opeteero n'akoba ati Annaniya! Ositani akwizuulya omutima gwamu nobeyega omwikiriiri.
|
||
\v 4 Niwebisiraku okumuwendo gw'andumiro? Ne yali eyo yaali tiyaamu? Era okutunda tibyaali omu buyinza bwamu? Kiki ekikusalisiryewo omu mutima n'okola oti? Tobeggere bantu baitu Kanca.
|
||
\v 5 Annaniya niyawuliire ebigambo ebyo nagwa ansi n'atondoka entiisa gingi n'ekwata bona bona abawulire ebyo.
|
||
\v 6 Aboojo nibaimuka ni baamuzinga nka bakumutwala ni bamuziika.
|
||
\p
|
||
\v 7 Awo olwayikire, waali wakaire essaawa isatu, Omukali wamwe yenna n'ayingira nkatamaite nka bwe bibbaire.
|
||
\v 8 O Petero n'amwiramu ati onkobere ati mwatuundire endumiro omuwendo gutyo? Nakoba ati numwo, baitu oPetero namukoba.
|
||
\v 9 Kiki ekyabaikizisirye okukema omwoyo gwa mukama? Bona amagulu agabazikire, oyiibamu gali ku lwigi wenna bakutwale.
|
||
\v 10 Omu bwangu omukali n'agwa oku amagulu byamwe, n'atondoka; aboojo nibamuziika ammwe n'oyiibamwe.
|
||
\p
|
||
\v 11 Entiisa egikooto muno n'ekwata eiramyo lyona nabo boona bawuliirebyo.
|
||
\p
|
||
\v 12 Obumanyiiso n'ebyamagero bingi nibikolebwanga n'emikono gy'abakwenda omu bantu; bonna abali omu kisasi kya Sulamaani n'omwoyo gumwei.
|
||
\v 13 N'abandi tiwaliwo gonze omwei, eyasobola okwegaita nabo, baitu abantu babagulumizenga.
|
||
\v 14 Abaikiriza baingi nibeeyongeranga okwegaita n'Omukama waiswe baingi abasaiza n'abakali.
|
||
\v 15 N'okuleeta nibaleetanga abalwaire oku mazira nibabatanga oku mukeeka n'oku bitanda, o peteero nibweyaiza ekituuru kyaamwe kiyike oku bandi.
|
||
\v 16 Era te ebibbura nibikumbananga nka bikuzwa omu bibuga ebiriraine o Yerusaalemi nka bakuleeta abalwaire n'abaali babonyabonyezebwe embandwa, nibatambiwanga bona.
|
||
\p
|
||
\v 17 Baitu nayimuka, o Kabona asinga obukulu n'abaali naye (nikyo kitundu ky'abasaddukaayo) nibaizula eibuba.
|
||
\v 18 Nibakwata abakwenda, nibabata omunkomyo.
|
||
\v 19 Baitu Omalayiika wa Mukama obwiire naigulaawo ennyige eza nkomyo n'abawulukya enzai nabakoba ati.
|
||
\v 20 Mwaabe, mwemeere, mukobere ab'omu iramyo abantu ebigambo byona, bye mubweine.
|
||
\v 21 Nibawulire, nibayingira omu Iramyo, emmambya nibegesya baitu o Kabona omukluu naiza n'abantu. Baitu, Nayeta Olukiiko olw'abakaire bona, abaana ba Israeiri, nasindiika omuntu omunkomyo okubaleeta.
|
||
\v 22 Baitu abasaiza ababiire tibasangireeyo muntu yenna omunkomyo; nibaira nibasimoola nka bakoba bati.
|
||
\v 23 Enkomyo tugyajjire gisibe kusai, dala abakumi nka bemereire okulwigi; Baitu nitwigwireewo, titusangiremu muntu!
|
||
\v 24 Nibawulire ebigambo ebyo: Omukulu wa nkomyo n'abakabona abakulu; nibasoberwa; omukweraliikiira okwingi, ekigambo kini kiza nka bwe kiza okutambula.
|
||
\p
|
||
\v 25 Nka bakyali awo, omuntu naiza n'abakoba ati bona bona abantu be mwataire omwikomera; bali omu Iramyo bemereire bakwegesya abantu!
|
||
\v 26 Awo omukulu n'abaami niba baleeta, ti lwa amaani, olw'okubba baali bakutiina abantu baleme okubakubba amabbale.
|
||
\p
|
||
\v 27 Nibabaleeta nibabata omu maiso ga lukiiko o Kabona asinag obukulu n'ababulya nka akukoba ati.
|
||
\v 28 Okulagira twabalagiire obutayegesya omwibara eryo; era bona mwireeyo omu Yerusaalemi okwegesya kwaanywe mukwendya kuleeta omusaayi gwa muntu oyo okwiswe.
|
||
\v 29 Baitu oPetero n'abakwenda nibairamu ati kiggwaniire okuwura Okanca okusinga abantu.
|
||
\v 30 Okanca wa bazeiza yayimbokerye oYesu gwe mwaitire nnwye bwemwamuwaniikire oku musalaba.
|
||
\v 31 Oyo Kanca yamuninisirye oku mukono gwaamwe ogulyo okubba omukulu erate omucunguri, okuweeryaayo edi Israeiri okwenenya n'okucungura oku bibbi.
|
||
\v 32 Naiswe niiswe abajjurwa ba bigamba ebyo bigambo ebyo erate n'omwoyo omwikiiri Okanca gwe yawaire abamugondera.
|
||
\v 33 Baitu nibawulire ebyo, nibagongera muno muno nibasala olukwe olw'akubaita.
|
||
\p
|
||
\v 34 Baitu omusaiza omukulu, Omu Farisaayo nayemeera omu lukiiko; yali musomesya wamateeka era te abantu nibamutamu ekitinisya n'akoba ati mwekere muwulukye abakwenda enzai kadyoli,
|
||
\v 35 Abasaiza ba Israeiri mwekuume muno nejemukwaba okubkola.
|
||
\v 36 Erai omubiseera ebyakaire oSyuuda yayimukire nka akukoba ati "ninje muntu mukulu, Abantu nka ebikumi binayi nibimwegaitaku; Baitu bamwitire; bona nibasasana nibawulire emirembe nijibula.
|
||
\v 37 Oluzwanyuma omusaiza owondi gwebayeetanga Yuda wa Galiraya omunaku ezz'okuwandiika abantu okubabala, yenna nayimuka n'atwara ekibuura ekikoto okumusengerya noyo yenna nabula boonaboona bali bamuwulire nibasasana.
|
||
\v 38 Nati nku bakoba ati mwebalame muno abantu bani mubaleke; okuteesa kuni nomulimu gunu oba nka bizwiire mu bantu biza kulikira.
|
||
\v 39 Baitu oba bya Kanca; timukwaaba kubirikirya muleme okuboneka nka bakulwana n'Okanca.
|
||
\v 40 Nibamuwuura: nibeeta abakwenda nibabakoba nka bakubalagira obutasimola nka okuibara lya Yesu nibabataisya.
|
||
\p
|
||
\v 41 Awo nibazwa omu maiso ga Lukiiko nka bassanyukire muno; olw'okubba balowozere okubabonyabonya lwa ibara lya yesu.
|
||
\v 42 Buli lunaku bayegesyanga omu Iramyo, omu mamayumba nka bakubulira ati oYesu yayinbookere erate niye Kristo.
|
||
\c 6
|
||
\cl Esuura 6
|
||
\p
|
||
\v 1 Awo omu biro ebyo abegesya, beyongeire obwingi niwabbawo okwemulugunya omu bakerenisit, abaebulaniya olw'okubba abanamwandu baabwe; babafisisyanga nk'okuweereza okwabwe bwekwali.
|
||
\p
|
||
\v 2 Eikumi nababiri, nibeta ekibbura kyona ekya abegesya ni babakoba ati "Tikiwooma iswe okulekanga kigambo kya Kanca nituweerezanga oku meeza.
|
||
\v 3 Aale ni abooluganda; mulonde abantu omu nnywe abasiimibwe musanju, abaizwire omwoyo akwera namagezi omubo betwata oku mulimo ogwo.
|
||
\v 4 Baitu Iswe twanyiikiranga okuramya n'okuweereza ekigambo kya Kanca.
|
||
\p
|
||
\v 5 Ekigambo ekyo nikisimibwa baingi, omu kibbura nibalonda ositeefano, omuntu eyaizwire okwikiriza n'omwoyo akwera no Firipo no Putokoola, no Nikanooli n'oTimoni, Pammena n'oNikolaawo omukyufu ow'Antiyokia,
|
||
\v 6 Nibata omu maiso g'abakwenda; nibasaba nibataaku emikono.
|
||
\p
|
||
\v 7 Ekigambo kya Kanca nikisasana; omwenda ogwa abegesya omu Yerusaalemi nigweyongeraku muno; ekibbura ekikoto ekya bakabona nibagondera okwikiriza.
|
||
\p
|
||
\v 8 OSiteefano bwe yaizwiire ekisa n'amaani; nakolanga eby'amagero n'obumanyiiso obukooto omu bantu.
|
||
\v 9 Baitu niwaimuka abantu abantu abandi aba ikumbaaniro erya abalibettina, nerya Abakuleene, n'erya abalegezandereya nera abakirukiya nerya Abasiya nibamuwakanya namaani.
|
||
\v 10 Tibasoboeire magezi nomwoyo oSiteefano bye yasimoolanga.
|
||
\p
|
||
\v 11 Awo nibaweeryanga abantu empeera bakobe oyo twamuwulire nkasimoola ebigambo ebizuma oMusa n'Okanca
|
||
\v 12 Awo nibabakoba okumbanya abantu abakaire n'abawandiiki, nibaiza gyali nibamukwata nibabatwala omu lukiiko.
|
||
\v 13 Nibemeerya abajurwa abobubeyege babakobere ati omuntu oyo taleka kusimoola bigambo bibbi oku kifo kini ekikiriiri kyamateeka.
|
||
\v 14 Olw'okubba timuwulire nk'abakoba ati oYesu omunazaleesi oyo alizikiriza ekifo kini, ali wanyisya empiisa ezataweibwe oMusa.
|
||
\p
|
||
\v 15 Bamwekalirye amaiso, bona abaali abaikaire omu lukiiko nibamubona nka amaiso gaamwe ga kwisana aga malayika.
|
||
\c 7
|
||
\cl Esuura 7
|
||
\p
|
||
\v 1 OKabona ainga obukulu nasimoola ati ebyo ni mwo biri bityo?
|
||
\p
|
||
\v 2 OSiteefano n'akoba ati abasaiza nnwye muwuure. Okanca ow'ekitinisya yabonekeire ozeiza waiswe Ibulahimu nk'ali mesopotamiya nk'akyali kubba n'akalani.
|
||
\v 3 N'amukoba ati zwa omunsi yanywe, nomu kika kyaamu; oyabe omu nsi gye nkwaaba okulanga.
|
||
\p
|
||
\v 4 Awo nazwa omunsi ya Abakaludaaya nabba omu Kalani oluvanyuma oitaamwe nkamaare okufa, namutoolayo n'amuleeta omunnsi enu nnywe gye mwikairemu ati buni;
|
||
\v 5 Tiyamuwaire butaka muni, gonze awaniininibwa okugulu namusuubiza okugimuweerya okugirya ye, neibyaire lyaamwe oluzwanyuma lwaamwe nka akyali nakubba n’omwana.
|
||
\v 6 Okanca nakoba ati ngeibyare lyaamwe; balibba bageni omunsi ya bandi; balifuulibwa abairu; balikoora obubbi emyaka ebiikumi binai.
|
||
\v 7 Neiwanga eriribafoola abairu, ninje ndirisara omusango gwaalyo nibwa asimoola Okanca n'oluvanyuma balizwaayo baliramya omu kifo kinu.
|
||
\v 8 Namuweerya endagaano eyakutayiira: Awo Ibulahimu n'abyaala oIsaaka, namukomora oku lunaku lwomunanai, noIsaaka nabyaala oYakobo nabyaala abazeiza baiswe eikumi nababiri.
|
||
\p
|
||
\v 9 Abazeiza abakulu nibakwatiirwe oYusufu obwiya nibamugulisirye abemisiri. Okanca nabbanga naye.
|
||
\v 10 Namucunguranga omu biro byamwe byona namuweerya okwendebwa namagezi omu maiso ga Falaawo Omukama wa Misiri nennyumba yamwe yona namufoola okubba omufuzi wa Misiri nomunnyumba yamwe yona,
|
||
\v 11 nenzala negwa oku nsi yona ey'emisiri neya Kanani ne zingi nebatabone mere abazeiza baiswe.
|
||
\v 12 Baitu o Yakobo niyawulire ati emere ejikalu edi Misiri, n'atuma abazeiza baiswe omulundi ogwekereire.
|
||
\v 13 N'ogwa kabiri oYusufu abaganda bamwe nibamwetegya ekika kya Yusufu nikimanyibwa oFalaawo.
|
||
\v 14 OYusufu nayetesya oitamwe oYakobo, nabaganda baamwe bona, abantu nsanju nabataanu.
|
||
\v 15 OYakobo naikiriza naserengeta eMisiri, nafeerayo ye nabazeiza baaiswe.
|
||
\v 16 Nibatwalibwa eSekemu nibaziikibwa omu omumagombe, oIbulahimu gye yaguure omuwendo gwa feeza oku baana ba Kamoli.
|
||
\p
|
||
\v 17 Baitu omu biro ebyo okusuubiza nka byali ampi okwika; Okanca kwe yayatulire oIbulahimu; abantu nibeyongera muno okwaba omu misiri.
|
||
\v 18 Okwikya Omukama owundi atamaite Yusufu bwe yabairewo omu misiri.
|
||
\v 19 Oyo bwe yasaliire amagezi eiwanga lya iswe, n'akola okubbi abazeiza baiswe nga banagisyayo yo abaana baabwe abanderendera baleme okubonabona.
|
||
\p
|
||
\v 20 Omu biro ebyo oMusa nabyaalibwa nabba musai n’Okanca nibamukulisya emyezi esatu omunnyumba yaitamwe.
|
||
\v 21 Bamunagireyo Omwara wa Falaawo namutwala namukulisya nk'omwana waamwe.
|
||
\v 22 OMusa nayegesyebwa omu magezi goonagoona aga Misiri nabba wamaani omu bigambo byaamwe n'omu bikolwa byaamwe.
|
||
\p
|
||
\v 23 Baitu obukulu bwaamwe yaali yatera okwikya emyaka amakumi anai, nalowooza omu mutima gwamwe okubona abaganda baamwe, abaana ba Isiraeiri.
|
||
\v 24 Niyabweine omuntu akukolwa okubbi na mutaasa, namuwoolera eiwanga odi eyali akukola okubbi nakubba omu misiri namwita.
|
||
\v 25 Nalowooza ati abaandi baiza kutegera Okanca nka akwaaba okubaweerya obucunguri omu mikono gyamwe baitu tibetegyerye.
|
||
\v 26 Ate olunaku olundi nayagya abantu babiri abandi nka bakulwana nagezyaku okubatabaganya nka aku bakoba ati basaiza nnywe muli baluganda; kiki ekikubakolesya okubbi nywenkai na nywenkai.
|
||
\v 27 Baitu odi eyali akukola omwiramwe okubbi n'amusindiika edi nk'akukoba ondeke we, naani eyakufoire omukulu era omulamuzi waiswe?
|
||
\v 28 Okutaka kunyiita nje nka bwe waitire omu misiri eizo.
|
||
\v 29 OMusa nairuka olw'ekigambo ekyo; n'abba mugeni omu nsi ya Midiyaani gyeyabyaalire abaana babiri aba bwoojo.
|
||
\p
|
||
\v 30 Awo emyaka amakumim anai nigyaikire, oMalayika wa mukama namubonekera omu nimi z'omuro nk'agukwaka omukisaka niyaali omwirungu oku lusozi Sinai
|
||
\v 31 oMusa niyabweine, niyewuunya muno kya bweine bwe yasembereire okwetegereza, niwabbaawo eiraka lya Mukama ati.
|
||
\v 32 Ninje Okanca wa bazeiza baanywe, Okanca wa Iburaimu, n'owa Isaaka era te owa Yakobo, oMusa n'akankana, so tiyagumire kuloleera.
|
||
\v 33 Omukama namukoba ati sindabula otoolemu enkaito eziri omu magulu gaamu; olw'okubba ekifo anu woimereire waikiiri.
|
||
\v 34 Okubona mbweine okukolebwa okubbi okw'abantu bange abali omu Misiri, Nimpuura okukunga kwaabwe, ninuuka okubatamba ati buni oize nakutuma eMisiri.
|
||
\p
|
||
\v 35 Oyo oMusa gwe bagaine nkubakoba ati nani eyakufooire omukulu erate omulamuzi omu miko gwa malaika eya mubonekeire omu kisaka.
|
||
\v 36 Oyo nabatoolaayo, niyamaare okukola amagero nobumanyiisyo omu misiri, n'omu nnyanja egimyuuki nomu irungu emyaka amakumi anai.
|
||
\v 37 Oyo niye Musa odi, eyakobere abaana ba Isiraeiri ati Okanca alibaleetera oMulangi alizwa omu baganda baanywe nka nje, oyo mulimuwura.
|
||
\v 38 OMusa yabbaire omu irungu nka bakumabaine yaali amwe n'omalaika eya eyamweyolekeire oku lusozi Sinai erate nasimoola baitu ammwe ati bazeiza baiswe erate yaweweibwe ebigambo bya bwomi abiweerye iswe.
|
||
\p
|
||
\v 39 Abazeiza baiswe gwe batatakire okuwuura nibamusindika edi, nibairayo eMisiri omu mitima gyaabwe.
|
||
\v 40 Nibakoba Aaloni ati Tukoore aba Kanca abatukubembera nka oMusa eya tutoire omu nsi ya misiri; titumaite kyabbaire.
|
||
\v 41 Nibakola onyana omu naku zidi: ekifananyi ni bakireetera essadaaka, nibasunyikira muno emirumo gya gy'emikono gyaabwe.
|
||
\v 42 Baitu Okancca nakyuka nabawaayo baramye eigye lya iguru eisana, okwezi n'emmunyenye nka nibyawandiikibwe omu kitabo kya balangi ati mwemperyanga eggye erisobola ebyaitibwa nka n'essadaaaka? Emyaka amaukmi anai omu irungu nnywe ennyumba ya isiraeiri?
|
||
\v 43 Nimwimula eweema ya moloki n'emunyenye ya Kanca o Lefaru ebifananyi bye mwakoore okubisiriza nka njena ndibatawala eizuli wa Babilooni;
|
||
\v 44 Neweema ya bujjurwa yaali na bazeiza baiswe omu irungu nka bwe yalagiire eyakobere o Musa okugikola omu ngeri gyeyabweine bwe yaali.
|
||
\v 45 Abazeiza baiswe mbawagiweereibwe nibagireeta ammwe n'o Yoswa mabaliire amatwale ga mawanga Okancagen yapekanga omu maiso ga bazeiza baiswe okwikya omu naku zza Daudi.
|
||
\v 46 Eyasiimire omumaiso ga Kanca, nasaba okumuswaganira we yaikalisya oKanca wa Yakobo.
|
||
\v 47 Baitu oSulumaani niye yayombokere ennyumba.
|
||
\p
|
||
\v 48 Baitu, oyo ali wa iguru muno, taikala mu nnyumba ezakoleibwe emikono nk'omulangi akukoba ati.
|
||
\q
|
||
\v 49 Eiguru niyo ntebe yange; n'ensi niko katebe ka bigere byange. Nnyumba ki, gye muliyombokera? Nimwo asimoolan Omukama oba mu kifo ki mwe ndiwumuura.
|
||
\v 50 Omukono gwange tinigwo gwabikoore ebyo byonna.
|
||
\p
|
||
\v 51 Nnywe abaali namakoti agakakanyali oba takomoire omu mitima nomu matwi, ninywe muwakanisya omwoyo omwikiriiri nka abazeiza banywe nywena mutyo.
|
||
\v 52 Mulangi ki, atayayiganyizibwe bazeiza bannywe? Abaitanga abantu abakereire okusimoola nokubuulira ekigambo kyokwiza kwamwe "omwikiriiri" gwe mumaare ouwaayo okumwita.
|
||
\v 53 Amateeka ge mwafunire nka bwe galagirwe oba malaika era timwagakwaite"
|
||
\v 54 Abakulu bolukiiko bona nebigambo ebyo byona nibibaluma muno, omu mitima gyaabwe nibanena obugigi namaino nibasunguwala.
|
||
\p
|
||
\v 55 Baitu oSiteefano niyazwiire omwoyo akweera niyeikaliirya amaiso omwiguru n'abona nka ekitibwa kya Kanca n'oYesu ayemereire oku mukono ogulyo ogwa Kanca.
|
||
\v 56 Nabakoba ati bona mbwoine eiguru nka lyeswekwiire erate omwana ow'omuntu ayemereire oku mukono ogulyo ogwa Kanca.
|
||
\p
|
||
\v 57 Awo bona bona nibaleekanira aiguru neiraka erikoto muno! Nibaigala amatwi gaabwe niba mwesukaku nomwoyo gumwei.
|
||
\v 58 Nibamusiindikirirya enzai wa Kibuga ni bamukubba amabbale; abajurwa ni bata engooye zaabwe okubigere by'amwoojo eibara lyammwe Saulo.
|
||
\v 59 Nibakubba oSiteefano niyasabire ati Mukama wange Yeesu, otoole omwoyo gwange.
|
||
\p
|
||
\v 60 Nafukamira n'asaba neiraka likooto muno n'akoba ati Mukama; bani tobabara kibbi kini. Niyamaare okusimoola ebigambo ebyo n'abasya.
|
||
\c 8
|
||
\cl Esuura 8
|
||
\p
|
||
\v 1 N'o Saulo yasiimire okwitibwa kwammwe oku lunaku olwo, niwabbawo okuyiganyizibwa kukooto omu Iramyo eyaali omu Yerusaalemi bona bona nibasasaanira omunsi za Buyudaaya ne samaaliya okutolaku abakwenda.
|
||
\v 2 Abantu abatiina Okanca nibaziika oSiteefano ni bamukungiira muno maliga.
|
||
\v 3 Baitu oSawulo natandiika okuyiganga eiramyo naingira omunnyumba nka akuswaga abaikiriiri; nakokota nka abantu nabatwala omunkomyo.
|
||
\p
|
||
\v 4 Awo abo abasasaine nibaba nka bakubuulira ekigambo.
|
||
\v 5 OFiiripo naserengeta omu kibuga ekya Samaliya nababuulira oKristo
|
||
\v 6 Ebibbura ni biwuura n'omwoyo gumwei, ebigambo oFiiripo ebyeyasimoire, bwe bawuulire nibabona eby'amagero byaamwe bye yakolanga.
|
||
\v 7 Olw'okubba baingi muno oku abo abaluku ombanddwa nabazwangaku nka akukuunga neiraka erikooto nibatambiwanga nka nka baingi abaali balwaire ba lukonziba n'abalema.
|
||
\v 8 Eisanyu lingi niriba omu kibuga ekyo.
|
||
\p
|
||
\v 9 Baitu waloowo omuntu omwe, eibara lyaamwe Simooni, eyakolanga eiroga eirai omu kibuga omwo; nawunikirya nka muno eiwanga lya Samaaliya nakobonga ati niye mukulu.
|
||
\v 10 Nibamuwuranga bona, okuzwa oku muto; okwika oku mukulu; nka bakoba ati omuntu oni; nigo maani ga Kanca, ageetebwa amaingi.
|
||
\v 11 Nibamuwuranga olw'okubba yabawuniikirizenga n'okuloga kkwaamwe; okumala ebiro bingi muno.
|
||
\v 12 Baitu nibaikiriza oFiiripo, nka akubuulira enjiri ya Bukama bwa Kanca neibara lya Yesu Kristo nibabatiizibwa abasaiza nabakali.
|
||
\v 13 Erate oSimooni yeena naikiriza: niyamaare okubatiizibwa; n'abbanga amwe n'o Fiiripo bwe yabweine by'amagero n'obumanyiisyo obukooto obwakolebwanga niyeewuunya muno.
|
||
\p
|
||
\v 14 Awo abakwenda omu Yerusaalemi bwe bawulire nka Samaaliya baikirize ekigambo kya Kanca n'ababatumira o Peteero n'o Yokaana.
|
||
\v 15 Bona nibaikire, nibabasubira okuweebwa omwoyo akweera.
|
||
\v 16 Olw'okubba yaali akyali kubaikaku gonze omwe kwaabo.
|
||
\v 17 Awo nibabataku emikono nibaweebwanga omwoyo akweera.
|
||
\p
|
||
\v 18 Baitu oSimooni niyabweine nka olw'okuteebwaku emikono gy'abakwenda baweebwe omwoyo akweera; n'abaleetera efeeza.
|
||
\v 19 Nk'akukoba ati mu mpeerye ngyena obuyinza buni gwe natangaku emikono, aweebwenga omwoyo akweera.
|
||
\p
|
||
\v 20 Baitu oPeteero namukoba ati efeeza yaamu ezikirire naawe; olw'okubba olowoozerye okufuna ekirabo kya Kanca, n'ebintu.
|
||
\v 21 Toolina mugabo gonze okugabana oku kligambo kini olw'okubba omutima gwaamu, timulonngooki, omu maiso ga Kanca.
|
||
\v 22 Aale wenenye obubbi bwaamu obwo, oramye Okanca waiswe: obbo lyaawo, olisonyiyibwa ekirowoozo kya mu mutima gwaamu.
|
||
\v 23 Olw'okubba nkubona oli mu maiso omukulu n'omu nvuba y'obubbi.
|
||
\p
|
||
\v 24 OSimooni nairamu n'akoba ati munasabire nnywe edi Omukama, ebigambo ebyo bye musimoire, bireme okumbaaku gonze kimwe.
|
||
\p
|
||
\v 25 Awo mba maare okutegeeza n'okubuuliranga ekigambo kya mukama waiswe; nibairaayo eYerusaalemi nibabakobera enjiri omumbuga zingi ez'abasamaliya.
|
||
\p
|
||
\v 26 Baitu oMalayika wa Mukama nakoba oFiripo nk'akusimola ati oimuke oyabe oku bukiika obwa gulyo okwika omu nzira eserengeta okuzwa omu Yerusaalemi okwika e Gaaza: enzira eyo ya irungu.
|
||
\v 27 Naimuka nayaba: aale abona, omuntu omwesiyopiya omulaawe omukungu wa Mukama, omukali waiswe ow'Abesiyopiya eyaali omuwanika omubiki w'ebintu byaamwe byona yaali aizire e'Yerusaalemi okumuramya.
|
||
\v 28 Yaali akwiraayo, naikala omugaali yamwe, n'asoma oku mulangi Isaaya.
|
||
\p
|
||
\v 29 Omwoyo n'akoba oFiripo ati sembere, wegaite neigaali eryo.
|
||
\p
|
||
\v 30 O’Firipo nairuka namuwulirya nk'okusoma oku mulangi Isaaya, Namukoba obyetegyerye by'okusoma?
|
||
\p
|
||
\v 31 Namukoba ati nsobola ntyai? Okutoolaku nka waloowo eyankoba? Niyegaayira oFiripo aniine aikale.
|
||
\p
|
||
\v 32 Omu kifo awandiikiibwe nka bwe yaali akusoma awakoba ati! "Yatwaliibwe okwitibwa nk'ontaama; era nk'omwana gwa ntaama mu maiso, omusali wa byooya nka bwe gusirika, numwo kityo tiyayasamire kanwa kaamwe."
|
||
\q
|
||
\v 33 Omukwetoowaza kwaamwe, omusango gwaamwe gwatooleibwewo; ekika kyamwe naani ali kinyonyola? Olw'okubba obwomi bwaamwe butoolebweimu omunsi.
|
||
\p
|
||
\v 34 Omulaawe nairamu oFiripo nakoba nti nkwegayirire, o mulangi yasimoire oku nani ebigambo bini byamwe y'enkai oba bya muntu wuundi?
|
||
\v 35 OFiripo nayasama akanwa kaamwe nasookera oku kyawandiikibwe kini namukobera oku Yesu.
|
||
\p
|
||
\v 36 Awo nibwebaali nka bakutambula omunzira, nibaika awaali amaizi; omulaawe n'akoba nti bonna amaizi kiki ekikungana okubatizibwa?
|
||
\v 37 OFiripo namukoba oba oikiriize nomutima gwaamu gwona; kisai nairamu n'akoba nyikirize oYeesu kristo nk’omwana wa Kanca.
|
||
\v 38 Nalagira eigaali lyemeere ni baika babiri omu maizi oFiripo, nabatiza omulaawe
|
||
\v 39 Nibazwiire omu maizi, omwoyo wa mukama natwala oFiripo natamubona te lwakubba yabiire nka akusanyuka.
|
||
\p
|
||
\v 40 Baitu oFiripo yaireyo okuboneka mu azoto niyakaire nka akubulira omu bibuga byona okuyika a eKayissaliya.
|
||
\c 9
|
||
\cl Esuura 9
|
||
\p
|
||
\v 1 Baitu oSawulo bwe yaali aokusimoola ebigambo eby'okutiniisya neby'okwita abegesya ba Mukama waiswe, nayaba ewa Kabona asinga obukulu.
|
||
\v 2 Namusaba ebbaluwa ezz'okwaaba e Damasiko. Edi abakumbaniira n'alibonayo abantu ab'enzira, eyo oba abasaiza oba abakali; ababbowe abaleete e'Yerusaalemi.
|
||
\p
|
||
\v 3 Awo niyaali nk'akutambula nka alampi okwika e Damasiko; amangu ago ekimyanso kya isana kikooto ekikuzwa omwiguru nikimwaakira okumwetoolola.
|
||
\v 4 Nagwa ansi; nawuura eiraka nka li kumukoba ati Sawulo! Sawulo! Okundisalisaniryaki?
|
||
\v 5 Namukoba ati we niwe naani? Mukama wange namwiramu ati ninje oYesu; gw'okuyigganya we.
|
||
\v 6 Baitu wekeere oimuke oyingire omu kibuga; wakoberwa ebikugwaniire okukola.
|
||
\v 7 Baitu be yaali akutambula nabo nibemeera nibasamaalira, olw'okubba bawulire eiraka baitu tibabweine. Muntu.
|
||
\v 8 OSawulo niyaimukire ansi, amaiso bwe bwegalibwirye nka takyabona bantu nibamukwata oku mukono nibamuleeta e Damasiko.
|
||
\v 9 Namala ebiro bisatu nka tabona, erate nka taalya erate nka taanywa.
|
||
\p
|
||
\v 10 Yaaliyo omwegesya omu Damasiko eibara lyaamwe Ananiya; Omukama waiswe namukoba omukwolesebwa ati Ananiya; namukoba ati bona nje ninje omwei ati Mukama wange.
|
||
\v 11 Omukama waiswe n'amukoba ati oimuke oyaabe omu nzira eyetebwa Eigolokoki obuulirye omu nnywumba ya Yuda omuntu eibara lyaamwe Sawulo owe Taluso; olw'okubba bona akuramya.
|
||
\v 12 Erate aboine omuntu eibara lyamwe Ananiya aingiire namutaaku emikono alibulye.
|
||
\p
|
||
\v 13 Baitu Ananiya nairamu ati Mukama wange, Omuntu oyo n'awulire ebigambo byaamwe omu baingi; obubbi bwe yakolanga abaikiiri baamu abaali eYerusaalemi, nka nibwali obwingi muno.
|
||
\v 14 Naani, alina obuyinza okuzwa omu bakabona abakulu, okubasiba abo bonna abakusaba omwibara lyaamu.
|
||
\p
|
||
\v 15 Baitu Omukama waiswe namukoba ati yaba; olw'okubba oyo nikyo kibya ekironde gye ndi okutwalanga eibara lyange omu maiso g'amawanga, n'abakama n'abaana ba Isiraeiri.
|
||
\v 16 Ananiya n'ayaba naingira omu nnyumba bwe yamutaireku emikono, nasimoola ati ow'oluganda Sawulo; Mukama waiswe abtumire oYesu eyakubonekereiku omu nzira gye wawulikiremu.
|
||
\p
|
||
\v 17 Ozibule, oizule omwoy akweera.
|
||
\v 18 Omubwangu amaiso gaamwe nikubba nk'ozwireku amagamba; nalibulya nayemeera nabatiizibwa.
|
||
\v 19 Bwe yatwoire emere nafuna amaani: Nabbbanga nabegesya abbanga omu Damasiko ennaku zingi muno.
|
||
\p
|
||
\v 20 Omubwangu nabuulira oYesu, omu makumbaniiro, nk'oyo niye mwana wa Kanca.
|
||
\v 21 Bona abamuwulire nibewuunya ni bakoba ati tiniye oni eyanyanganga abaramyanga omu Yerusaalemi, abaramyanga omwibara eryo; erate nikyo kyamuletere na wanu abakwate, abasibe abatwale omu bakabona abakulu.
|
||
\v 22 Baitu oSawulo niyeyongeranga amaani nakwatisyanga nka ensoni Abayudaaya abaali baika omu Damasiko nk'akutegereza kimwe ati oyo niye Kristo.
|
||
\p
|
||
\v 23 Awo niwayakairewo ebiro bya kwezi bingi muno, Abayudaaya nibatesya okumwita.
|
||
\v 24 Baitu oSawulo amagezi gaabwe n'agamanya nibetyekanga oku nyige emisana nobwire okumwita;
|
||
\v 25 Baitu abegesya baamwe nibamutwala bwiire omu kisenge nibamwikirirya ansi omu kisero oku miguwa.
|
||
\p
|
||
\v 26 Niyaikire e Yerusaalemi, nagezyakau okwegaita nabegesya: niba mutina bona nka bakyaali kwikiriza yeena mwegesya.
|
||
\v 27 Baitu oBalunabba namutwla edi abakwenda nabakoba nkabweine Omukama waiswe omunzira, atiya yasimoire baitu, era te n ka yabuulire n'obuvumu omu Damasiko mwibara lya Yeesu.
|
||
\v 28 Nabbanga amwe n'abo naigiranga nk'awuluka nk'omu Yerusaalemi.
|
||
\p
|
||
\v 29 Nk'akubuulira n'obugumu omu ibara lya Mukama Waiswe; nasimoola, nawakananga n'Abakerenesiti, Baitu bona nibagezaaku okumwita.
|
||
\v 30 Abooluganda mbategeire nibamutwala eKaisaaliya nibamusindiika eTaluso.
|
||
\p
|
||
\v 31 Awo eiramyo eryaali omu Buyudaaya bwona nomu Galiraya n'Omu Samaaliya nibabba n'emirembe, neyombekebwanga; era nk'akutumbuura omu kutiina Omukama waiswe, N'omwisanyu ery'omwoyo akweera niyeyongerenga.
|
||
\p
|
||
\v 32 Awo olwaikire o Peteero niyaali nk'akwala wona wona, naserengeta edi abaikiriiri abayikalanga omu Luudi.
|
||
\v 33 Nayagya omusaizan eibara lyamwe Ayineeya eyaali yakamala okukitanda emyaka munanai olw'endwaire ey'okukonziba.
|
||
\v 34 OPeteero namukoba ati Ayineeya; o Yesu Kristo akutamba: yemeera, weeyaare omubwangu niyeyeera.
|
||
\v 35 Bona abaikalanga omu Luudi n'omu Silooni nibamubona, nibakykira Omukama waiswe.
|
||
\p
|
||
\v 36 Awo waloowo omwe omu Yoopa omukali wamwegesya eibara lyamwe Taabisa (okutegezabwa kwalyo ayetebwa Dulukansi) nomukaali oyo yaali oizwire ebikolwa ebisai n'ebintu bye yagabanga.
|
||
\v 37 Awo olwaikaire, omu ebiro ebyo nalwala nafa: nibamaare okumunabya, nibamuta omu kisenge ekyaiguru.
|
||
\p
|
||
\v 38 Erate Olw'okubba nka Ludi kyali ampi muno ne Yoopa Abegesya nk'o Peteero nigyo yali, nabatumira abantu babiri nibamwegaayira otalwa kwikira gye tuli.
|
||
\v 39 OPeteero naimuka nayaba nabo. Niyayikire nibamutwala omu kisenge ekya aiguru nabanamwandu bona nibemeera ampi naye nka bakukunga; nka boolesa ebibairewo n'ebyambalo oDulakansi bye yakoolanga nka akyali nabo.
|
||
\v 40 Baitu oPeteero nabawulukya bona nayinama ansi naramya nakyukira omulambo nakoba ati Taabisa iyeneere; Nalibulya amaiso gaamwe: niyabweine oPeteero n'agolokoka.
|
||
\v 41 N'amuwa omukono, n'amwimukya; awo niyamaare okweeta abaikiriiri; n'abanamwandu; n'amuleeta nka mwomi.
|
||
\v 42 Nekitegerwa omu Yoopa kyona; baingi muno nibayikiriza oMukama waiswe.
|
||
\v 43 Awo olwaikire n'alwaayo ebiro bingi omu yoopa amu nnyumba o Simoni omuwali w'abyanzo.
|
||
\c 10
|
||
\cl Esuura 10
|
||
\p
|
||
\v 1 Waloowo omuntu omu Kayisaaliya, eibara lyaamwe Koluneeriyo, omukulu wa Kitingole ekyayetebwanga (ekiyo) ekiyitaliano.
|
||
\v 2 Omwegendereza, atiina Okanca wamwe n’ennyumba yaamwe yona eyaganbanga ebintu bingi omu bantu, naramyanga Okanca ebiro byona.
|
||
\p
|
||
\v 3 Oyo nabona, omukolesebwa omu lwatu, nka omusaawa y’omwendai ey’emisana, Ontumwa wa Kanca nk’amwingira nka akukobaa ati Koluneeriyo.
|
||
\p
|
||
\v 4 Namwekalirya amaiso, natiina nakoba ati kiki Omukama wange? Namukoba ati Okuramya kwamau n’okuweeryaayo kwamu, biniinire olw’okurizukirya omu maiso ga Kanca.
|
||
\v 5 Erate abakwenda om Yoopa, oyeteyo omuntu oSimooni eibara lyaamwe lyakabairi Peteero.
|
||
\v 6 Oyo yakyazibibwe omuntu oSimooni omu wali w’ebyanza ennyumba yaamwe eririyaine oku nyanja.
|
||
\v 7 Ontumwa eyasimoire Baitu, niyayabiire, nayeeta abairu baamwe babiri ab’omu nnyumba nomujwaka omwesigwa atiina Okanca omwaabo abamuweereza obulizo.
|
||
\v 8 Bwe yamaare okubakobera ebigambo byona n’abatuma omu Yoopa. Awo ok’oku
|
||
\v 9 Awo oku lunaku olwa kabiri bwebbaire nka bakutambula abo; baali ampi okwika oku kibuga, oPeteero naniina aiguru oku nnyumba okuramya nk'omusaawa yamukaaga.
|
||
\v 10 Nalumwa enzala, nataka okulya, baitu babbaire nka bakwiwula omwooyo gwaamwe niguwanyisibwa.
|
||
\v 11 Nabona eiguru nka lyeswekwiire; ekintu nikimwikira nka kikwisana eisukuka erikooto nka ekwatiibwe okunsonda einai okwisibwaneisibwa ansi.
|
||
\v 12 Omwali ebisolo byona ebirina amagulu anai nebyewulula ebyensi nebinyonyi eby'omwibbanga.
|
||
\v 13 Eiraka niriza gyali ati imuka, Peteero, osale olye.
|
||
\p
|
||
\v 14 Baitu oPeteero nakoba ati bbe, mukama olw'okubba tindyanga kya muzizo ghonze ekibbi.
|
||
\p
|
||
\v 15 Eiraka niryongera niriza gyali omulundi ogwa kabiri ati Okanca bye yalongoserye tobifoolanga we byamuzizo.
|
||
\v 16 Nikibba kityo: emirundi esatu; omubwangu ekintu nikitwaalibwa omwiguru.
|
||
\p
|
||
\v 17 Awo oPeteero niyebuzisya buzisya omunda omu ye amakulu gokwolesebwa kwabweine gyali; bone abantu abatumibwe oKoluneeriyo, nka bamaare okubuluya ennyumba ya Simooni nibemeera oku lwigi.
|
||
\v 18 Nibeeta nibabulya obanga oSimooni eibara lyaamwe erya kabiri Peteero yakyazibwe omwo.
|
||
\p
|
||
\v 19 Awo oPeteero niyaali akyalowooza oku kwolesebwa, Omwoyo n'amukoba ati obone! Abantu basatu bakuswagana.
|
||
\v 20 Imuka, oninuke oyaabe nabo nka tolimu kubusabusa; olw'okubba ninje mbatumire.
|
||
\p
|
||
\v 21 OPeteero oninuka edi abantu abaali bamuswaaga, nibakoba ati yee nje, ninje gwe mukuswaga; kiki ekibaleetere?
|
||
\p
|
||
\v 22 Nibakoba ati oKoluneeriyo omwami; omwikiiri atiina oKanca, eyasimiibwe omwiyanga lyona, ery'abayudaya yalabwiire Ontumwa akweera okukutumira okwiiza omu nnyumba yaamwe, awuure ebigambo ebizwa omwiswe.
|
||
\v 23 Awo nabaingirya n'abaniriza, okulunaku lwa kabiri, oPeteero naimuka, nasimbula nayaba nabo, Aboluganda baamwe ab'omu Yoopa nibaaba naye.
|
||
\p
|
||
\v 24 Awo okulunaku olw'akabiri, nibaingira omu Kayisaaliya, Okoluneeriyo yaali abalindirire nka akumbaanirye ab'ekika kyaamwe n'abo abaali mikwano gyaamwe omuno.
|
||
\v 25 Awo oPeteero bwe yabbaire nk'ali ampi okwingira oKolumeeriya n'amwaja, namufukamirira okumagulu namuramya.
|
||
\v 26 Baitu oPeteero namwimukya nkakoba ati oyemeere! Ngyena ndi muntu buntu.
|
||
\p
|
||
\v 27 Nk'akusimoola naye naingira nayaja baingi nka bakumbaine.
|
||
\v 28 Nabakoba ati mumaite nka ti kisai omuntu omuyudaaya okwegayita n'owe iwanga erindi, oba kwiiza gyaali, Baitu Okanca yandangiire ndemenga kweta muntu yena yena owa muzizo oba omubbi.
|
||
\v 29 Nikyo nzwiire nyiza ntagaane nimwanyetere nikyo nzwiire mbuulya ati kiki ekyanyaseterye?
|
||
\p
|
||
\v 30 Awo oKoluneeriyo nakoba ati buni wakaakolawo ennaku inai naali nkusaba okwikya omu saawa yakuramya kw'omu saawa y'omwendai omu nnyumba yange; Bona omuntu nayeemera omun maiso gange eyaali n'engoye ezimesyamesya.
|
||
\v 31 Nankoba ati Kolumeeriya! Okuramya kwaamu kuwuulirwe, okuweerya kwaamu kwizukirya omu maiso ga Kanca.
|
||
\v 32 Aale ni tuma e Yoopa oyete oSimooni eibara lyaamwe erya kabiri, Peteero: oyo yakyaziibwe omu nnyumba ya Simooni omuwali wabyanzo edi okumpi n'ennyanja.
|
||
\v 33 Omubwangu obwo ninkutumira; nokola kusai noizire. Aale ni ati buni tuli iswenna omu maiso ga Kanca tuwuure byona byokobeirwe oMukama.
|
||
\p
|
||
\v 34 Awo oPeteero nayasamya akanwa kaamwe nakoba ati mazuma ddala ntegeire nka Okanca tasosola omu bantu.
|
||
\v 35 Baitu omwiyanga lyona lyona, amutiina nakola obwikiriri amwikiriza.
|
||
\v 36 Ekigambo kye yatumiire abaana ba Isiraeiri nka akubuulira emijjo omu Yesu Kristo (niye Mukama wa bintu byona).
|
||
\v 37 Nnywe mukimaite, ekyasimoire ekyaali omu Buyudaaya bwonai ekyasokoire omu Galiraya oluzwanyuma olw'okubatiiza kwe yabuulire o Yokaana.
|
||
\v 38 O’Yesu omunazaleesi Okanca yamusukireku amafuta n'omwoyo omwikiriri namaani eyatambulanga nk'akukola okusai; nk'akutamba bona abajolongebwanga oSitaani, olw'okubba Okanca yaali naye.
|
||
\p
|
||
\v 39 Naiswe tuli bajuurwa bebigambo byona bye yakoore omu nsi y'Abayudaaya n'omu nsi ya Yerusaalemi oyo nibamwita nibamuwanikire oku musalabba.
|
||
\v 40 Oyo Okanca Namuyimbookya oku lunaku lwa kasatu namulanga omu lwatu.
|
||
\v 41 Ti mu bantu bona, Baitu omu bajjurwa Okanca beyalondere oluberereberye, niswe abaliire nilunnywa naye, niyamaare okuyimboka omu bafu.
|
||
\v 42 Natukoba okubakobera abantu n'okubategeza ati oyo Okanca niye gwe yalangire okubba alisara omusango ogwa bwomi n'abafu.
|
||
\v 43 Oyo abalangi bona bamulangirireku, ati buli muntu yena alimwikiriza; alitoolebwaku ebibbi byona olw'eibara lyaamwe.
|
||
\p
|
||
\v 44 Awo oPeteero yali akyaasimoola; ebigambo ebyo omwoyo akweera naiza n'abagwaaku bona abawuulire ekigambo.
|
||
\v 45 Nibasamaalira abaikiriza abakomole, bona abaizire n’oPeteero; kubba nokubamawanga ekirabo eky'omwoyo omwikiriri kisukirwe.
|
||
\v 46 Olw'okubba nka bawulire nk'abakusimoola enimi nibagulumiza Okanca. Awo Peteero nairamu ati.
|
||
\v 47 Omuntu asobola okugaana bani amaizi okubatiizibwa banu abaweereebwe omwoyo omwikiriri nka iswe.
|
||
\v 48 Nalagira babatiizibwe okwingira omu ibara lya Yesu Kristo. Oluzzwanyuma nibamwegaayira okumalayo enaku.
|
||
\c 11
|
||
\cl Esuura 11
|
||
\p
|
||
\v 1 Abakwenda n'abaluganda abaali omu Buyudaaya ni bawuura nk'amawanga gona baikirize ekigambo kya Kanca.
|
||
\v 2 Awo oPeteero bwe yaninireninire e'Yerusaalemi. Badi abakomole nibawakana naye.
|
||
\v 3 Nka bakoba ati waabire omu bantu abatali bakomole n'olya nabo.
|
||
\p
|
||
\v 4 Baitu oPetero natandiika nabanyonyola kimwe kimwe nk'akoba ati.
|
||
\v 5 Nje naali mu Kibuga Yoopa nka kuramya omwooyo gwange niguwanyisibwa nimbona omu okwolesebwa, ekintu nga kikwika ngeisuuka erikooto nka likwatiibwe okunsonda einai okuiisibwa ansi nka likuzzwa omwiiguru nilinyizira.
|
||
\v 6 Nibweneikiririze amaiso, nindowooza nimbona ebisolo byona ebyokunsi ebirina amagulu anani n'ebisolo eby'omu kisiko, nebyekulula nebinyonyi ebyomu ibbanga.
|
||
\v 7 Erate nimpuura eiraka nka linkoba liti Petero yemeera, osale olye!
|
||
\p
|
||
\v 8 Baitu ninkoba nti ntai bbe, Omukama wange olw'okubba, ekintu eky'omuzizo, gonze ekibbi, tikingirangaku omu kanwa kange gonze akadyoli.
|
||
\p
|
||
\v 9 Baitu eiraka nka lizwa omwiguru ati Okanca bye yalongoserye, tobifulanga we bya muzizo.
|
||
\v 10 Nikibba kityo emirundi isatu; byona nibininsibwa omwiguru.
|
||
\p
|
||
\v 11 Aale bona omubwangu bwo abantu basatu baali nka bemereire omu maiso g'ennyumba mwe twali, abatumibwe gye ndi okuzwa eKayisaaliya.
|
||
\v 12 Omwoyo nankoba okwaaba nabo, obutayawula banu abaluganda omukaaga nibabba nengoye nitwingira omu Nnyumba y'odi.
|
||
\v 13 Natukobera nka bweyabweine Ontumwa omu nnyumba yaamwe nka ayemereire nk'akoba ati otume eYoopa oyete oSimooni eibara lyaamwe erya kabiri Petero.
|
||
\v 14 Ali kukobera ebigambo ebirikucungura we nennyumba yaamu yona.
|
||
\v 15 Naali nakatandiika mbe okusimoola omwoyo omwikiriri n'abagwaku, era nga bwe yosookeire oku iswe.
|
||
\v 16 Nineebukira ekigambo kya mukama waiswe kye yasimoire nti o'Yokaana yabatize na maizi, Baitu nywe mulibatizibwa n'Omwooyo Omwikiiri.
|
||
\v 17 Ale nu, oba Okanca abawaaire ekirabo ekyo nga iswe okwenkanankana, bwe twaikirize omukama waiswe Oyeesu Kristo, ngye nani eyandisoboire okuziyiza Okanca?
|
||
\p
|
||
\v 18 Bwe bawuliire ebyo nibasirika, nibatumbya Okanca! Kale Okanca awaire nabanamawanga okwenenya okuyika oku bwoomi.
|
||
\p
|
||
\v 19 Nabo abasaasaine omu kuyiiganyizibwa okwalowo oku Siteefano nibatambula okuyika efoiniiki ne kupalo ne antiyokiya nibatakobere muntu wundi wabula Abayudaaya bonkai.
|
||
\v 20 Baitu waalowo abantu omwabo abe kupulo nabe kuleene abo nibayikire omu Antiyokiya ba nibasimoola nabayonaani nga bawuura omukama waiswe Oyesu.
|
||
\v 21 Nomukono gwa mukama waiswe gwaali nabo ekibiina kikooto eky'abaikiriza ni bakyukira omukama waiswe.
|
||
\p
|
||
\v 22 Ekigambo ekyo nikiwuurwa okuyika omu matwi geramyo eyaali omu Yerusaalemu, nibatuma obalunabba okuyika omu Antiyokiya.
|
||
\v 23 Yeena bwe yamaare okuyika, nabona ekisa kya kanca nasanyuka, nababulirira boona nti mumalire omu mutima okwekwaata oku mukama waiswe.
|
||
\v 24 Olwokubba yaali muntu musai naizula omwooyo omwikiiri nokwikiriza ekibiina kikooto nikireetebwa edi omukama waiswe.
|
||
\p
|
||
\v 25 Nazwaayo okwaaba e taluso okuswagana osawulo.
|
||
\v 26 Bwe yamaare okumubona, n'amuleeta omu Antiyokiya. Awo olwayikire nibamala omwaka mulamba nga bakumbaana nekanisa nibegesya ekibiina kikooto, abegeswa nibasooka okwetebwanga abakristaayo omu Antiyokiya.
|
||
\p
|
||
\v 27 Omunaku ezo abannabbi nibazwa e Yerusaalimu okuyika Antiyokiya.
|
||
\v 28 Nayemeera omwe ku abo eibara lyamwe Agabo n'abuulira okubwa mwooyo nti waliba enzala zingi omunsi zoona, yoona yabbairewo oku mirembe gya kulawudiyo.
|
||
\v 29 Abegeswa, buli muntu nka yaali nebintu nibateesa okuweereza aboluganda abaali baikala e Buyudaaya.
|
||
\v 30 Nokukola nibakola batyo nibaweerera abakaire omu mukono gwa Baalunabba no o’Sawulo.
|
||
\c 12
|
||
\cl Esuura 12
|
||
\p
|
||
\v 1 Omu biro eby'Omukama Kerodi nagolola omukono okukola okubbi abandi abo omu kkanisa.
|
||
\v 2 Naita n'ekitala oYakobbo omuganda wa Yokaana.
|
||
\v 3 Awo niyabweine nka kini Abayudaaya bakisimiire, niyeyongera n'akwata n'oPetero ni byo biro bya migaati ezitazimbulusya.
|
||
\v 4 Niyamaare okumukwata, namuta omukamyo namuwaayo edi abajwaka ikumi na mukaaga okumukuuma banai banai nakutaka okumutwala omu maiso gabantu okwakalaku nka kuweire.
|
||
\p
|
||
\v 5 Awo oPetero nakumirwa omunkomyo; Baitu abeikuramyo nibanyiikiriranga okumuramirya Okanca.
|
||
\v 6 Oku lunaku oKerode lwe yaali atakire okumuta omumaiso omu kiro oPetero yaali abbasirye akati w'abajwaka babiri, nka aboweibwe oku njegere ibiri, abakumi bali ku lwigi nka bakuuma enkomyo.
|
||
\v 7 Bona! Ontumwa wa Kanca nayemeera w'ali, ekitangala nikiizula ekisenge, nakubba oPetero omu mbirizi namwiimukya nk'akoba ati imuka mangu enjegere nizizwa oku mukono nizigwa.
|
||
\v 8 Ontumwa namukoba ati wesibe, ozwaale enkaito zamu. Nakoola atyo. Namukoba ati zwala ekyambalo kyaamu onsengererye.
|
||
\v 9 Nawuluka, namusenegererya; so teyamaite ati nka byamazima Ontumwa by'akoore, Baitu yalowoize nti abeine kwolesebwa!
|
||
\v 10 Bwe bayakaire oku bakuumi abekeera, nabakabiri nibayika oku lwigi olw'ekyoma olwakalibwa okwika omu kibuga nirweiguleewo lwonkai nibawuluka, nibakala omu nzira emwe, omu bwangu obwo Ontumwa namuleka.
|
||
\v 11 OPetero niyayireemu amaani ati natageire mazima Omukama waiswe atumiire Ontumwa n'antoola omu mikono gya Kerode n'omu kusuubura kwona okweiyanga lya Bayudaaya.
|
||
\p
|
||
\v 12 Niyamaare okulowooza kini, naiza omu nnyumba eya Malyamu eyaali omamwe wa Yokaana eibara lyaamwe eryakabiri maliko nomwo baali bakumbaine baingi okumuramira.
|
||
\v 13 OPetero niyakonkonere oku lwigi olw'omwe olwamanju, omuzaana naiza okwebutuka eibara lyaamwe Looda.
|
||
\v 14 Niyategeire eiraka lya Petero; nataigulaawo olwigi olweisanyu, naye naingira mbiro nakoba oPetero ayemereire enzai oku lwigi.
|
||
\v 15 Nibamukoba ati olalukire? Baitu nakalira ati nuwo awo nibakoba ati Ontumwa waamwe.
|
||
\v 16 Baitu oPetero nayongera okukokona; awo nibaiguirewo nibamubona! Nibasamalira.
|
||
\v 17 Baitu niyabawenyeire omukono okusirika nabakoobera Omukama waiswe bwamutoire omunkomyo nabakoba ati mukoobere oYakobbo n’aboluganda nazwaayo nayaba omu kifo ekindi.
|
||
\p
|
||
\v 18 Awo nibwakyeire emmambya, abajwaaka nibagugumuka muno ati oPetero onu abbaire ki?
|
||
\v 19 OKerode bwe yamuswagire natamubone, nabuulirya, Nabuulya abakumi nalagira okubaita. Nazwa omu Buyudaaya okwaaba eKayisaaliya naikala eyo.
|
||
\p
|
||
\v 20 Nasunguwara muno ab'eTulo n'ab'eSidoni nibaiza gyali n'omwoyo gumwe; bwe bakumabaine nibaiza baramya n'oBulaisto omukulu ow'omu nnyumba ya Mukama nibaramya okubaawa emiggyo; olw'okubba ensi yaabwe erisibwa bya munsi ya Mukama.
|
||
\v 21 Awo oku lunaku lulagaane; oKerode n'azwala ebbyambalo eby'obukama naikala oku Nazikonero n'abakoba ebigambo.
|
||
\v 22 Abantu bona nibasimoola aiguru nti eryo eiraka lya Kanca; tirya muntu.
|
||
\v 23 Omubwangu obwo Ontumwa wa Mukama n'amukubba; olw'okubba tawaaire Kanca ekitinsya: n'alibwa amagano n'afa.
|
||
\p
|
||
\v 24 Baitu, ekigambo kya Kanca niki kula; nikyeyongeranga.
|
||
\p
|
||
\v 25 OBalunabba n'oSawulo nibara okuzwa e Yerusaalemi nibamaare okwikiirya okuweereza kwaabwe, nibaleeta oYokaana, eibara lyaamwe erya kabiri makko.
|
||
\c 13
|
||
\cl Esuura 13
|
||
\p
|
||
\v 1 Awo omu Antiyokiya omu iramyo eyaaliyo, waloowo abalangi n'abegesya: oBalunabba n'oSimooni eyaali eya yetebwenga oNiga n'oLukiyo ow'eKuleni n'oManeni eyayonkezebwe amwe n'okerode w'eisaza n'oSawulo.
|
||
\v 2 Nk'abakuweereza Omukama waiswe n'okusiiba omwoyo omwikiriri n'akoba ati munoondedere oBalunabba n'oSawulo gwembeteire.
|
||
\v 3 Awo nibasiiba, nibasaba nibabataaku emikono ni babatuma.
|
||
\p
|
||
\v 4 Awo abo mbatumibwe omwoyo omwikiiri, nibaserengeta e serukiya; nibazwayo nibawanika amatanga okuyika e Kupulo.
|
||
\v 5 Bwe baali omu salamini nibabuulira ekigambo kya kanca omu makumbaaniro agabayudaaya nibba n'oyokaana okubaweereza.
|
||
\p
|
||
\v 6 Mbayakaire oku kizinga kyoona kyoona okwiika e paafo, nabanona omuntu omulogo, onabbi owa bubeyigi omuyudaaya eibara lyamwe Balisa.
|
||
\v 7 Byaali awamwe nowa isaza omuluumi serugiyo pawulo, omuntu ow'amagezi. Oyo nayeta obalunabba no Osawulo nataka okuwuura ekigambo kya Kanca
|
||
\v 8 Baitu o' eiruma omulogo (kubanga eibara lyaamwe nimwo livuunulibwa) nawakana nabo nga akutaka okukyamya oweisaza omu kwikiriza.
|
||
\v 9 Baitu o'Sawulo, (era niye Pawulo) niyazwiire omwooyo omwikiiri, namwekaliirya amaiso.
|
||
\v 10 Namukoba ati we, azwiire abukuusa n'okukola okubbi kwoona omwana wasitani omuzigu wabwiikiri boona, tolireka kukyamya mazira ga mukama waiswe amagolokoki?
|
||
\v 11 Aati bunu obone omukono gwa Mukama waiswe guli ku we, oza kubba mwigali wa maiso nka tokubona isanaa ebiro bingiku. Amangu ago ekifu nikimukgwaaku nendikiirya napampaata naswaaga abantu abamukwata oku mukono.
|
||
\v 12 Awo oweisaza niyaboine bwe kibaire n'akiriza nka yeewuunya muno okwegesya kwa mukama waiswe.
|
||
\p
|
||
\v 13 Awo oPetero n'abairamwe nibwaika amatanga okuzwa epaafo, nibayika ePeruga eky'epanfuliya, Yokaana n'abalekaayo nairaayo eYerusaalemi.
|
||
\v 14 Batiu bo bayakaire okuzwa omu peruga nibayika Antiyokia ekya pisioliya nibaingira omu ikumbaaniro okulunaku lwa Saabiti nibaikala.
|
||
\v 15 Nibwebamaare okusoma amateeka neby'abalangi, abakulu ba ikumbaaniro nibabatumira nka bakoba abasaiza aboluganda; oba mulina ekigambo eky'okubuulira abantu musimoole.
|
||
\p
|
||
\v 16 OPetero nayemeera n'abawenya n'omukono nakoba ati Abasaiza abaisiraeiri naanywe abatiina Okanca, muwuure.
|
||
\v 17 Okanca w'abantu abaisiraeri yalondere abazeiza abaiswe nagulumiza abantu bwe baali bageine omu nsi ya Misiri, nabatoola n'omukono ogwa gulumizibwe.
|
||
\v 18 N'abagumikiririza omu irungu emyaka anai.
|
||
\v 19 Bwe yazikirize amawanga musanju omunsi ya Kanani, n'abaweerya ensi yaabwe okubba obutaka okwika emyaka ebikumi binai mu ataanu.
|
||
\v 20 Oluzwanyuma lwe'egyo, n'abaweerya abalamuzi okwika oku mulangi Samwiiri.
|
||
\v 21 Oluzwanyuma abantu nibataka Omukama; Okanca n'abawa oSawulo omwana Kissi, ow'omu kika kya Benyamin n'amala emyaka amakumi anai.
|
||
\v 22 Bwe yamutoireyo oyo, n'abaweerya oDawudi okubba Omukama waabwe, gwe yasimoireku nk'akutegeza ati mbweine oDawudi omwana wa Yeese, omuntu ali nk'omutima gwange bwe gutaka, eyakolanga bye ntaka byona.
|
||
\p
|
||
\v 23 Oyo omubyaire lyaamwe (nk'Okanca bwe yasuubize) aletere oIsiraeiri omucunguri Yesu.
|
||
\v 24 OYokaana niyatandiikire okubuulira nk'akyaali kwiza okubatiizibwa okw'okwenenya edi abantu bona abaisiraeiri.
|
||
\v 25 Baitu oYokaana bwe yaali nk'alampi okukomya olugendo lwaamwe n'akoba ati ninje mundowooza kubba nani? Ngye tindi ye naye bona walowo okwiza ennyuma wange, gwe ntansiimire kusindabula enkaito ya mu kigere kyaamwe.
|
||
\p
|
||
\v 26 Aboluganda, abaana b'ekika ku Iburaimu, n'annywe mwena abatiina Okanca, ekigambo eky'obucunguri buni, kyawerezebwe waiswe.
|
||
\v 27 Lw'okubba abaikala omu Yerusaalemi n'abakulu baabwe bwe batumaite oyo, gonze amaloboozi ga balangi agasomebwa buli saabiti nikyo bazwire bayikirirya bwe bamusalire omusango.
|
||
\v 28 Nibatabweine nsonga ya kumwita nibasaba oPirato, okumwita.
|
||
\v 29 Awo nibwebamaare okuyikirirya byona ebyamuwandiikibweku, nibamwanula oku musaale nibamuta omu ntaana.
|
||
\v 30 Baitu Okanca n'amuzukisya omu bafu.
|
||
\v 31 Nababonekera enaku zingi abayambukire okuzwa eGgaliraya okuyika Yerusaalemi, nibo bajuurwa baamwe ati buni edi abantu.
|
||
\v 32 Niswe tukubuulira ebigambo ebisai; eby'okusuubiza okwasuubizibwe abaiza ati.
|
||
\v 33 Okanca ayikiriirye edi abaana baiswe bwe yazukiize oYesu; era te nka bwekyawandiikibwe omu Zabuli eyakabiri ati "nuwe omwana wange; nkubyaire olwa leero.
|
||
\p
|
||
\v 34 Olw'okubba yamuzuukirye omu bafu nka taliraayo omukujunda, yakobere ati ndibaweerya emikisa emikiriri era te egy'enkalalira egya Dawudi.
|
||
\v 35 Olw'okubba yasimoire omun zabuli eyindi ati toliwaayo omwikiriri waamu okujunda.
|
||
\v 36 Olw'okubba oDawudi niyamaare okuweereza omu biro byaamwe nk'Okanca bwe yeteserye n'abasya nateekebwa edi abazaiza baamwe n'ajunda.
|
||
\v 37 Baitu oyo Kanca gwe yazukiirye, tiyanjundire.
|
||
\p
|
||
\v 38 Aale abasaiza aboluganda, mutegeere ati oku bwoyo okutolebwaku ebibbi kubuuliirwe;
|
||
\v 39 Byona byemutandisoboire kutolebwaku omu mateeka ga Musa okubwoyo, buli aikiriza abitoolebwaku.
|
||
\v 40 Aale mwekuume kigane okwiiza okunnywe ekyasimoirwe abalangi ati.
|
||
\q
|
||
\v 41 Bona, nnywe abanyooma mwewuunye, mubuure; olw'okubba nje nkola omulimu omu naku zaanywe omulimu gwe mutaliikiriza gonze omuntu nk'abubuulire muno.
|
||
\p
|
||
\v 42 Nibawulukire enzai nibabegaiira okubabuulira eigambo binu oku saabiti ey'akabiri.
|
||
\v 43 Ekibbura nikyasasaine baingi oku Buyudaaya n'akyuufu abageendereza nibasengerya o’Paulo n'oBalunabba: bona nibasimoola nabo nibabasendekereya okunyiikirira omu kisa kya Kanca.
|
||
\p
|
||
\v 44 Awo oku Saabiti eya akabiri, nibakumbaana omu kibuga kyona okuwuura ekigambo kya Kanca.
|
||
\v 45 Baitu Abayudaaya bwebabweine ekibbura ekikooto, nibaizula obwiiya nibawakanya oPaulo bye yasimoire nka babizuma.
|
||
\v 46 OPaulo n'oBalunabba nibasimoola n'obuvumu nti kwagwaine okusooka okubuulira ekigambo kya Kanca omu nnywe, kubanga mukukisiindikirirya so temwaboine kusaniira bwomi obutawaawo, obone, twakyukira abamawanga.
|
||
\v 47 Olw'okubba Omukama yatulagire ati nkutaireewo okubba nk'eisana ly'amawanga obbe nk'Obucunguri okwika okukumerero y'ansi.
|
||
\p
|
||
\v 48 Abamawanga nibawulire nibasanyuka, nibagulumiza ekigambo kya Kanca; bona nibaikiriza abaali babiikirwe obwomi obutawaawo.
|
||
\v 49 Ekigambo kya Mukama waiswe nikyaba edi omu nsi yona.
|
||
\p
|
||
\v 50 Baitu Abayudaaya nibabatabangura abakyala abegeendereza ab'ekitinisya n'abakulu omu kibuga nibayiganisya oPaulo n'oBalunabba nibabapeka omu kitundu kyaabwe.
|
||
\v 51 Baitu nibabakuunkumuura ocucu eyamu maguru ànibaiza okwika e Ikoniyo.
|
||
\v 52 Abegesya nibaizula eisanyu n'omwoyo omwikiriiri.
|
||
\c 14
|
||
\cl Esuura 14
|
||
\p
|
||
\v 1 Awo olwaikiire omu Ikoniyo nibaingirira kumwe, omwinkubaniro erya Buyudaaya nibasimoola batyo; ekibbura kikoto n'okwikiriza nibaikiriza, Abayudaaya n'abayonani.
|
||
\v 2 Baitu Abayudaaya abatagondere, nibatangula abamawanga nibafoola emyoyo zaabwe okubba ezibbi edi abaluganda.
|
||
\v 3 Awo ni bamala ebiro bingi nka babuura nobuvumu bwingi omumukama waiswe eyategeezerye ekigambo ekya kisa kyaamwe nka abaweerya obubonero nebyamagero okukolebwanga omu mikono gyaabwe.
|
||
\p
|
||
\v 4 Baitu ekibbura eky'omu kibuga nikyawukanamu; abamwe ni bba okulubaju lwa'bayudaya ate abandi okulubaju lw'abakwenda.
|
||
\v 5 Abamawanga n'Abayudaaya amwe n'abakulu baabwe bwe babalumbire okubakoora eby'ekyejjo, okubajooga erate n'okubakubba amabbaale.
|
||
\v 6 Bwe bakitegeire nibairuka omu bibuga ebye Lukaoniya, Lusitula ne Derube; n'ensi ezirirainewo;
|
||
\v 7 Nibabb'eyo nka bakubuulira enjiri.
|
||
\p
|
||
\v 8 Omu Lusitula, waaliyo omuntu nka taali n'amaani omu maguru byaamwe n'abba ng'awo mulema okuzwa omu kidda kya maamwe nka tatambulangaku gonze akadooli.
|
||
\v 9 Oyo nawuura oPaulo nk'akusimoola: yena namwekaliirya amaiso n'abona nk'alina okwikiriza okucungura.
|
||
\v 10 OPaulo n'asimoola n'eiraka elikooto muno; nti yemeera! Oku maguru byaamu, weegolole! N'aguluka n'atambula.
|
||
\p
|
||
\v 11 Ekibuura nikyabweine oPaulo ky'akoore, nibaimukya amaraka gaabwe nka basimoola omu lulimi olulukaoniya, Aba Kanca abaikire gye tuli nka bakwisaana nk'abantu.
|
||
\v 12 OBalunabba nibamweta zeewu n'oPaulo nibamweta kerume, olw'okubba niye yasingire okusimoola.
|
||
\v 13 Okabona wa Zeewu, eyaali omu maiso g'ekibuga naleeta onte n'engule ez'ebimuli okwika oku lwigi nk'akutaka okuwaayo eSaddaka ebibbura.
|
||
\p
|
||
\v 14 Baitu abakwenda, oBalunabba n'oPaulo bwe bawulire, niboonola engoye zaabwe; nibafubutuka nibabba omu kibuura nka bakusimoola igurue.
|
||
\v 15 Nka bakukobba nti abasaiza! Kiki ekikubakozesya ebyo? Iswena tuli bantu abakwatiibwa byona nka nnywe erate tubabuulira ebigambo ebisai, muleke ebyo ebitaalimu; mukyukire Okanca omwomi, eyakoore eiguru n'ensi n'enyanja n'ebintu byona ebirimu.
|
||
\v 16 Omu migyo egyayakaire yalekere amawanga goona okulambuura omu mazira gaago.
|
||
\v 17 Baitu tiyeemaareyo nka talina mujuurwa olw'okubba yakolanga kusai nka abatonyeseza oikendi okuzwa omwiguru, n'ebiro eby'okubalirangamu emere; naizuulyanga emitima gyaabwe n'emere n'eisanyu.
|
||
\v 18 Bwe basimoire ebyo, nibaziyiza ebibbura lwa mpaka okubawa esaddaaka.
|
||
\p
|
||
\v 19 Baitu Abayudaaya nibazwa omu Antiyokiya ne ikonio nebabatangula ebubbura olw'okubba oPaulo n'amabbaale, nibamukulula nibamulukya enzai wa Kibuga nka bakulowooza nti afiire.
|
||
\v 20 Baitu Abegesya bamwe nibamwetooloire, nayemeera nayingira omu kibuga; oku lunaku olwa kabiri, nayaba n'oBalunabba okwika e Derube.
|
||
\v 21 Nibamaare okubuulira enjiri omu kibuga ekyo, n'okufoola Abegesya baingi nibairayo omu Lusitula ne Ikonio ne Antiyokiya.
|
||
\v 22 Nka banyweeza emitima ez'Abagesya nka bababuulira okunyikiririranga mu ku kwikiriza erate olw'okubona enaku ezingi ziti; kitugwaniire okwingira omu omubukama bwa Kanca.
|
||
\v 23 Nibamaare okulondera abakaire omu buli iramyo, n'okuramya n'okusiiba; nebabasigira Omukama waiswe gwe baikirize.
|
||
\p
|
||
\v 24 Nibakola omu Pisidiya nibayika Panfuliya.
|
||
\v 25 Nibamaare okubuulira ekigambo omu Peruga nibasererengeta omu Ataliya.
|
||
\v 26 Nibazwaayo, niwanika amatanga okwika Antiyokiya abaayo nibabasigira ekisa kya Kanca olw'omulomo omukooto gwe bayikirirye.
|
||
\v 27 Ni bayikire, nibakumbaanya iramyo nibabakobera byona Okanca bye yakooranga amwe nabo, erate yaigulirewo abamawanga olwii olwokwikiriza.
|
||
\v 28 Nibamalaayo ebiro bingi amwe n'abegesya.
|
||
\c 15
|
||
\cl Esuura 15
|
||
\p
|
||
\v 1 Awo abantu nibazwa eBuyudaaya nibebegesya aboluganda nti bwe mutakomolebwe nk'empisa ya Musa bweri, timuyinza kucungura.
|
||
\v 2 Ni waloowo empaka zingi n'okwawukana okw'endowooza akati wa Pawulo n'oBalunabba oku lubaju olumwe; n'abo abazwiire eBuyudaaya nibalagira oPawulo n'oBalunabba n'abandi oku abo okwaaba Yerusaalemi edi Abakwenda n'abakaire olw'empaka zinu.
|
||
\p
|
||
\v 3 Awo bwe bamaare okusibirirwa entanda ab'ekanisa, nibaakola omu Foyiniiki n'eSamaliya, nka bakwaaba banyoyola muno okukyuka kw'abamawanga ne basabanyusiza kimwe aboluganda bona.
|
||
\v 4 Ni nibayikire eYerusaalemi edi Abakwenda, ab'eiramyo n'Abakwenda nibabasemberya, nibabuulira byona Okanca bye yakoleire amwe nabo
|
||
\v 5 Baitu nibaika abamwe ab'omu kitundu ky'Abafaalisayo abaikiriza nka bakoba nti kigwana okubakomolanga n'okubalagira bakwetenge amateeka ga Musa.
|
||
\p
|
||
\v 6 Abakwenda n'abakaire nibakumbaana okwetegereza ekigambo ekyo.
|
||
\v 7 Ni waloowo okwawukana okwendoowoza okwingi, oPetero nayemeera n'abakoba ati abasaiza aboluganda nnwye mumaite ati okuzwa omu naku ezaira, Okanca yalondere omu nnywe abamawanga bawuure omu kanwa kange ekigambo ky'enjiri nibaiyikiriza.
|
||
\v 8 N'Okanca, amaite emitima nabategeza nka bwe yabawaire omwoyo omwikiriri nka iswe.
|
||
\v 9 Natayawula iswe, nabo niyalongoosere emitima gyaabwe olw'okwikiriza.
|
||
\v 10 Aale ati buni, mukukemera ki Okanca okuta ekikoligo ekyo omu makooti g'Abegesya abazeiza baiswe ekyabalemere okutwala gonze iswe?
|
||
\v 11 Baitu twikiriza okucungura lwa kisa kya Mukama waiswe oYesu; erate bona nimwo baali.
|
||
\p
|
||
\v 12 Ekibbura kyona nikisirika; nibawuulirya oBalunabba n'oPawulo nka banyonyola obumanyiisyo n'eby'amagero byona Okanca bye yabakozesyanaga omu mawanga
|
||
\v 13 Abo nibamaare okusirika, oYakobo nairamu nakoba ati abasaiza aboluganda mumpulirye.
|
||
\v 14 OSimooni yannyonyoire Okanca nka bwe yasokere okulolerera amawanga okutoramu eibara lyaamwe abantu.
|
||
\v 15 Ebigambo bya Mulangi, bitabagana kusai n'ebyo nka bwe kyawandiikirwe nti.
|
||
\q
|
||
\v 16 Oluzwanyuma lw'ebyo, ndikyuka, ndiraamu nyomboka eweema ya Dawudi eyagwire okuwendeka kwaayo ndiiramu ninkwomboka erate ndiimukya!
|
||
\v 17 Abantu basigairewo baswagane Omukama! N'amawanga gona abayeteibwe eibara lyange ku abo.
|
||
\v 18 Numwo osimoola Omukama ategeeza ebyo byona okuzwa oku olubereberye olw'ensi.
|
||
\p
|
||
\v 19 Nikyo nzwiire ninsalaawo, tugane okugadyagadya abairaiswe abazwa omumawanga okukyuukira Okanca.
|
||
\v 20 Baitu tubawandiikire, bewalanga obugwagwa bw'ebifanayi n'obwenzi n'ebizindirirwe n'omusaayi.
|
||
\v 21 Olw'okubba okuzwa eirai Omusa alina, omu buli kibuga, abantu ababuulira erate n'asomerwaku omumakubaniro buli saabiti.
|
||
\p
|
||
\v 22 Awo Abakwenda, n'abakaire ammwe n'eiramyo nibakisiima, nibalonda abantu omu bo n'okutuma omu Antiyokiya n'oPawulo n'oBalunabba n'oYuda ayeteebwa oBalunabba n'oSiira abantu abakulu omu baluganda.
|
||
\v 23 Nibawandiika ebbaluwa nibagikwasa omu mikono gyaabwe nti Abakwenda, Abaluganda n'abakaire tubalamukirye abaali mu Antiyokiya n'eBusuuli n'eKirukiya abaali omu mawanga.
|
||
\v 24 Olw'okubba tuwuliire abantu abazwiire enu ewaiswe baabasasemairye nti abantu n'ebigambo nka abakukyusa emyoyo zaanywe be titulagirangaku.
|
||
\v 25 Tusiimire tutabagaine n'omwoyo gumwe okulonda abantu okubatuma gye muli; amwe n'abagaalwa baiswe oBalunabba n'oPaulo.
|
||
\v 26 Abantu abisingirewo bwomi bwaabwe olw'eibara lya Mukama waiswe oYesu Kristo.
|
||
\v 27 Nikyo tuzwiire nitutuma oYuda n'oSiira erate alibakobera obumwe abanyenere nakanwa.
|
||
\v 28 Olw'okubba omwoyo omwikiriri yasiimire iswena tugane kubatiika omugugu omukooto gwoona wazila binu ebikalu ebigwana.
|
||
\q1
|
||
\v 29 Okwewalanga okulyanga ebiweebwayo edi ebifananyi n'omusaayi n'ebisolo ebizindirirwe n'obwenzi bwe mwekuumenga ebyo, mwabbanga mukoore kusai mweraba!
|
||
\p
|
||
\v 30 Awo nibamaare okusindiikibwa nibaiza omu Antiyokiya nibabakumbaanya ekibbura eky'abantu; nibabakwasa ebbaluwa.
|
||
\v 31 Nibagisomere, bona nisanguka muno olw'okubuulirwa okwo.
|
||
\v 32 OYuda n'oSiiras, olw'okubba bona baali Balangi, nibakobera aboluganda omu bigambo bingi nibabagumya.
|
||
\p
|
||
\v 33 Bwe bamaare ebiro, nibasiibulwa aboluganda n'emigyo okwiraayo edi ababatumiire.
|
||
\v 34 Baitu oSiira yasiimire okusigalaayo.
|
||
\v 35 Baitu oPawulo n'oBalunabba nibalwaayo muno omu Antiyokiya; nka bakwegesya erate bakubuulira ekigambo kya Mukama waiswe erate amwe n'abandi.
|
||
\p
|
||
\v 36 Ebiro nka byakairewo, oPawulo nakoba oBalunabba ati kale twireyo tulambule aboluganda omu bulin kibuga gye twabuulire ekigambo kya Mukama waiswe, tubone nka ni baali.
|
||
\v 37 OBalunabba n'ataka okutwala oYokaana, eibara lyaamwe ery'akabiri makko,
|
||
\v 38 Baitu oPawulo tiyasiimire kumutwala: oyo omuntu eyabalekere omu Panfulluya nabo oku mulimu.
|
||
\v 39 Niwabbawo empaka zingi, n'okwawukana, niwabawukana, oBalunabba n'atwala oMakko nawanika amalanga okwaaba eKupulo.
|
||
\v 40 Baitu oPawulo n'alonda oSiirasi, nazwaayo Aboluganda nibaamusigiira ekisai kya Mukama waiswe.
|
||
\v 41 Nayakala omu Busuuli n'omu Kerukiya nk'akugumya eiramyo.
|
||
\c 16
|
||
\cl Esuura 16
|
||
\p
|
||
\v 1 Erate nayika eDerube ne Lusitula: obone! Waaliyo omwegesya eibara lyaamwe Timoseewo, omwana w'omukali Omuyudaaya eyaikirize baitu nka oitamwe muyoonani.
|
||
\v 2 Eyasiimibwe aboluganda abaali Lusitula ne Ikoniyo.
|
||
\v 3 Oyo, oPaulo nataka okwaaba naye; n'amutwala n'amukomola olw'okutiina Abayudaaya abaali omu bifo ebyo; olw'okubba baali bamumaite nk'oitamwe yaali muyoonani
|
||
\v 4 Awo nibaali baakala yakala omu bibuga, Nibawa abantu okukwatanga amateeka agalagiirwe Abakwenda n'abakaire abaali omu Yerusaalemi.
|
||
\p
|
||
\v 5 Awo Iramyo nizinywerera oku kwikiriza nizeyongeranga oku miwendo buli lunaku.
|
||
\p
|
||
\v 6 Nibakala omu nsi ya Fulugiya n'eGalatiya olw'okubba bagaaniibwe omwoyo omwikiriri okubbaku kyebakusimoola omu Asiya.
|
||
\v 7 Nibaikire owampi no musiya nibagezaku okwaaba omu Bisuniya n'omwoyo gwa Yesu natabaikiriza.
|
||
\v 8 Nibeetoolola eMuyisa nibayika eTulowa.
|
||
\v 9 OPawulo n'abona okwolesebwa obwiire, omuntu omumakedoni nka ayemereire okumwegayiira nk'akukoba ati owunguke oyike eMakedoni otuyambe.
|
||
\v 10 Bwe yamaare okubona okwolesebwa, omubwangu nitusala amagezi okwiimuka okwaaba eMakedoni nka tutegeera ati Okanca atweetere okubuulira enjiri.
|
||
\p
|
||
\v 11 Nikyo twazwiire tusaabala okuzwa eTulowa nitukwata enzira egyegolori okuyika eSanoserakiya oku lunaku olw'akabiri ni tuyika Neyapoli.
|
||
\v 12 Nituzwaayo okuyikia eFiripo nikyo kibuga ekya Makedoni ekisokerwaku omu mbaju ezo ekyayombokerwe Abaruumi, nituba omu kibuga omwenitulwaamu.
|
||
\p
|
||
\v 13 Awo oku lunaku olwa Saabiti nituwuluka omu mulyango ogw'ekibuga okwaaba oku mwiga ni tulwalowoozerye nka yaaliyo ekifo eky'okuramirangamu, nitwiikala, nitusimola n'abakali abakukumbana.
|
||
\v 14 Awo omukaali eibara lyaamwe Lugiya omutungi w'engoye eza fulungu ow'omu kibuga Suwatiira eyasinzanga Okanca natuwuura: Omukama waiswe namuswekuula omutima gwamwe okuwuulirya oPawulo bye yasimoire.
|
||
\v 15 Ni yabatiizibwe ye nenyumba yaamwe, natwegayiira nk'akukoba ati obanga munsiimire okubba omwesigwa edi Omukama waiswe; mwingire omu nnyumba yange mubbe omwo. Natuwaliriza.
|
||
\p
|
||
\v 16 Awo olwaikire tukwaaba wadi awasabirwanga, omuwalw eyaliku edaiyimoni alagula, natwagya eyafuniranga abakama bamwe ebintu ebingi olw'okulagula.
|
||
\v 17 Oyo ni yasengereire o'Paulo naiswe, nasimoola omwiggulu nka akobba ati Abantu bani bairu ba Kanca ali waiggulu omuno abakobera enzira eyo bucuriiri.
|
||
\p
|
||
\v 18 Nakolanga nga atyo ennaku zingi. Baitu o'Pawulo, ni bwe yanakuwaire omuno nayinduka nakoba odayimooni ati nkulagira omu ibbara lya Yesu Kristo, Omuzweeku n'amuzwaku omu kiseera ekyo.
|
||
\v 19 Baitu abakama bamwe mbabwoine nka essubi eryo okufuna ebintu byabwe liwereirewo, ne bikwata o'Pawulo, o'Siiras nebabakwokwota okubatwara omu katale eri abakulu,
|
||
\v 20 Ne bibatwara omu balamuzzi ni bibakoba ati bani basasamalya muno ekibuga kyaiswe, kubanga Bayudaaya, erate bakwegesya empisa eza omuzizo.
|
||
\v 21 Iswe okuzikwatanga, gonze okuzikulanga Olwakubba tuli Baruumi.
|
||
\v 22 Ekibbuura n'ekibaimukiraku, awamwe, abalamuzzi nibabonoora engoye zaabwe ne bibaragira okubakuba emiggo.
|
||
\v 23 Mbamaare okubakuba emiggo ezingi nibabasindika omunkomyo, ne balagira omukuumi okubakuma muno:
|
||
\v 24 Oyo bweyaragire atyo, nabasindikiirya kyalumwe omu kwomera eryo'munda, nakomeera amaguru omu nvuba.
|
||
\p
|
||
\v 25 Baitu obwire omwi tuumbi, o'Pawulo no Siiras ni basaba ni bembera o'Kanca abasibe ni babawuura.
|
||
\v 26 Amangu agwo ni wabbawo ekikakano ekikwoto, ensi yoona ne yuguuma emisingi gy'eikomera ni gyikankana, amangu agwo enyige zeikomera ne zeigura zoona, n'ebyali bibbabwowere ne bisandabuka.
|
||
\v 27 Omukuumi ow'eikomera nasisimuka, ni ya boine enyige zeikomera zigwire, nasowola yo ekitaala kyamwe ayabe yeite olw'okuba yalowoozerye ati abasibe boona boona batolokere.
|
||
\v 28 Baitu o'Pawulo n'assimorera aigulu n'edoboozi erikoto ati otekola kibbi, kubanga abasibe esweena tukyali tuloowo.
|
||
\v 29 Nasaba etaala, nairuka naingira navunamira o'Pawulo n'oSiiras nka yeena yeena akukankana mbe.
|
||
\v 30 Nabawulukya enzai, nabakoba ati Basebo, kigwaniire okukola ntyai okucunguka?
|
||
\v 31 Nibamukoba nti oikirize o'Mukama waiswe o'Yesu wacungurwa we, n'abbo omunyumba yamu.
|
||
\p
|
||
\v 32 Awo nibamubulirira ekigambo kya Mukama waiswe naboona abali omu nyumba yamwe.
|
||
\v 33 Omukuumi oyo nabatwara omu kiseera ekyo obwire okumwigga nabaanabya amaguru; nabatizibwa ye nenyumba yamwe amangu agwo.
|
||
\v 34 Nebaniinisya omu nyumba yaamwe nabaletera emeeza nasanyuka muno ne nnyumba yamwe yoona nga aikirize o'Kanca.
|
||
\p
|
||
\v 35 Baitu ni bwakeire emambya, abalamuzi ni bantuma abajwaka babwe ne babakooba nti musindabure abantu abo.
|
||
\p
|
||
\v 36 Omukumi weikomera na kobera o'Pawulo ebigambo ebyo ati abalamuzi okubasindabura tubataisye. Ale ati buni muwuluke mweyabire mirembe.
|
||
\p
|
||
\v 37 Baitu o'Pawulo na bakoba ati Batukubire omumaiso g'abantu nga tukyali nakusalwa omusango nka ate tuli bantu Baruumi, nibatusindikirya omukomyo, ale ati buuni bakututolamu kyaama? Bbe bo abenenyerye baize batuwulukye.
|
||
\v 38 Abasilikale ni bakobera abalamuzzi ebigambo bini: nibatina mba wuliire nka baruumi.
|
||
\v 39 Abalamuzzi mbaiza nibabegaira, nibabawula ni bataka bazwe omu kibuga.
|
||
\v 40 Nibawuluka omwikomera nibaingira omu nnyumba ya Ludiya, nibabona abw'oluganda ni basanyuka muno okwicya mbazwiireyo.
|
||
\c 17
|
||
\cl Esuura 17
|
||
\p
|
||
\v 1 Nibakala omu Anifipali n'om Apolooniya ni bayika eSesalonika eyaali eikumbaaniiro erya Abayudaaya.
|
||
\v 2 Awo oPawulo, nk'empisa yaamwe nibwe yabbaire nebaigiramu, Saabiti isatu, nabawakanaya nabo omu kyawandiikibwe.
|
||
\v 3 Nk'asweekula ngategeeza nti oKristo kya mugwaniire okubonyabonyezebwa n'okuzuukira omu bafu erate oyo Yesu ninje gwe nkubuulira, niye Kristo.
|
||
\v 4 Abamwe kubo nibaikiriza nibeigaita oku Pawulo n'oSiirasi; n'Abayoonani abeegendereza. Ekibbura kikooto n'abakyala abakulu ti badooli.
|
||
\p
|
||
\v 5 Baitu Abayudaaya bwe bakwatiibwe obwiiya, nibatwala abantu ababbi ab'omu bakopi; nibabakumbaanisya abantu nibasasasamaza ekibuga, ni bazingizya ennyumba ya Yasooni nibataka okubatwala omu maiso g'abantu.
|
||
\v 6 Nibalemererwe okubabona, nibataka Yasooni nibamubba ansi nibamukokota n'abaluganda abamwe okubatwala omu maiso g'abakulu ab'omu kibuga nka bakusimoola waiguru nti abanu, abajumuka ensi, baizire niwanu!
|
||
\v 7 N'o'Yasooni niye yabasembererye anu, bani bona bajemera amateeka ga Kayisalia nka bakoba ati waloowo Omukama owuundi Yesu.
|
||
\v 8 Nibasasamaza ekibbuura n'abakulu b'ekibuga nibawura ebyo.
|
||
\v 9 Nibamaare okweyemeera oYasooni n'abandi, nibabataisya.
|
||
\p
|
||
\v 10 Omubwangu aboluganda nibasindika oPawulo n'oSiiras obwiire okwaaba eBeroya: bona nibayikire eyo ni baingira omuikumbaaniro erya abayudaaya.
|
||
\v 11 Baitu bani baali basai okusinga ab'eSeselonika, olw'okubba baikirize ekigambo n'omwoyo omubwangu muno, buli lunaku nka baswagana omubyawandiikirwe oba nk'ebyo, nimwo biri bityo.
|
||
\v 12 Abamwe baigi nikyo bazwiire nibaiyikiriza erate abakali. Bakali abayoonani abatutumuki taaku na basaiza abatali badooli.
|
||
\p
|
||
\v 13 Baitu Abayudaaya ab'eSeselonika nibategaire nk'ekigambo kya Kanca kibuuulirwa oPawulo erate n'omu Beroya kisibire n'amakanda, nibaizaayo; nibataka okubangula ekibbura erate nibasasamalya.
|
||
\v 14 Awo omubwangu aboluganda nibasindika oPawulo okwaaba okwika okunnyanja: oSiiras n'oTimoseewo bo ni babba eyo.
|
||
\v 15 Baitu abasendekereirye oPawulo, nibamuleeta omu Assene nibalagirwa okukoba oSiiras n'oTimoseewo baize gyaali omu bwangu bwangu obwongo nkisoboka bo ni bbaaba.
|
||
\p
|
||
\v 16 Baitu oPawulo bwe yaali akyali omu Aseni nk'abalindirira, omwoyo gwamwe nigumuluma muno niyabwoine nk'ekibuga kyona kizwiire bifananyi.
|
||
\v 17 Awo nawakaniranga omu makumbaaniro n'Abayudaaya n'abaali batiina Okanca erate n'omu Katale buli lunaku n'abo abamwajangananga.
|
||
\p
|
||
\v 18 Abantu abamwe abafirosoofo n'aba epikuliiyo ne Abasutoyiiko bona ni bamwajangana, Abamwe nibakoba nti onu akutaka kusimoola ki? Akubwija-bwijanambe! Abandi nibakoba nti okwisana nk'abuulira oYesu n'okuzuukira.
|
||
\p
|
||
\v 19 Ni bamutwala nibamuleeta oku Aleyopaago nakoba ati iswe twasobola okutegeera okwegesya kuni okuyaaka kwa kukoba nka bwekuli.
|
||
\v 20 Olw'okubba oletere ebigambo ebiyaka omu matwi gaiswe; nikyo tuzwa tutaka okutegeera amakulu g'ebigambo bini.
|
||
\v 21 Abantu omu Aseeni bona n'abageni ababbangayo; tibakolanga kintu kindi kyona wabula okusimoola n'okuwuuliryanga ekigambo ekyiyaka.
|
||
\p
|
||
\v 22 OPawulo n'ayemeera akati wa Aleyopaago n'akoba ati abasaiza aba Aseene mbabweine omu byona nka mutiina muno, embandwa zaannywe.
|
||
\v 23 Olw'okubba mbaire nkwakala yakala ni ndolerera bye muramya, erate nisanga ekyoto ekiwandiikirwe ku nti "Kya Kanca atategeerwa"
|
||
\v 24 Okanca yakoore ensi n'ebirimu byona, oyo olw'okubba niye Mukama waiguru n'ensi; tasobola okubba omu masabo agaakoleibwe ne, mikono.
|
||
\v 25 So Taweerezebwe mikono gya abantu, nk'eyataaga ebintu? Olw'okubba oyo niye abawa bona obwomi n'okuwumula omwika omu byona.
|
||
\p
|
||
\v 26 Okuzwa omu muntu omwe, yakoore buli iwaanga ly'abantu okwikala oku nsi embaju zona bwe yalagiire nayawulamu ebiro n'ensalo ez'okwikala kwabwe.
|
||
\v 27 Baswaganenga Okanca; kini yakoore atyo abantu bayike n'okupampaata nka abasuubira okumubona Omukama, yete taali alai okuzwa wetuli
|
||
\v 28 Olw'okubba omu oyo, tubba boomi, tutambula erate tubbaawo nk'abamwe okwabo abayiiya ebitontome bakobere ati olw'okubba era te, tuli baana bamwe.
|
||
\p
|
||
\v 29 Aale nka bwetuli eibyale lya Kanca. Tekigwanira kulowozanga nti Okanca aisana zaabu, oba Feeza oba Ibaale eby'olebwa n'okutetanya amagezi ga bantu.
|
||
\v 30 Baitu Okanca omu biro ebyo, eby'obutamanya tiyabinonozenga; Baitu ati buni alagira abantu bona, abaali awantu wonna-wona okwenenya.
|
||
\v 31 Olw'okubba yateirewo olunaku lwakusaraaku omusango ogw'ensonga ensi zona omuntu gwe yayawuiremu, ni yamaare okuwa abantu bona okwikiriza n'amuzuukirya omu bafu.
|
||
\p
|
||
\v 32 Baitu nibawuulire okuzukira kw'abafu, abamwe nibagwola; abandi nibakoba naye iswe tulikuwuura,
|
||
\v 33 Okubba ekigambo ekyo awo oPawulo n'abazwamu akati.
|
||
\v 34 Baitu abasaiza baamwe nibeigaita naye, nibaikiriza; omu abo oDionozio omu Aleyopaago n'omukaali eibara lyaamwe Damali, n'abandi baingi omu abo.
|
||
\c 18
|
||
\cl Esuura 18
|
||
\p
|
||
\v 1 Awo oluzwanyuma lwebyo nazwaayo omuli aseene nayika e kolinso.
|
||
\v 2 Nabona omuntu omuyudaya eibara lyaamwe akula eyabyaliibwe eponto yaali kyaize azwe omu italiya nomukali waamwe opulisikira kubanga okulaudiyo yaali alagiire abayudaya boona okuzwa omu ruumi naiza gye baali;
|
||
\v 3 Erate olwokubba baalina omulimo gumwe nabbanga nabo nibakola nga omulimo; kubanga omulimo gwaabwe baali bakozi ba weema.
|
||
\v 4 Nawakaniranga omwikumbaaniro buli sabiiti nasendasendaanga Abayudaaya n’Abayonaani
|
||
\v 5 Baitu o’Siiras n’oTimoseewo nibazwiire e makedoniya opaworo nawaliizibwa, ekigambo nateegeza abayudaaya nti oyeesu niye kristo.
|
||
\v 6 Ne bamulemeserye mba muzuma nakunkumuura engoye zaamwe; nabakoba nti omusaayi gwangwe gubbe oku mitwe gyanywe; ngye ndi mulongookit; okutaandika ati omusaayi gwanywe gubbe oku mitwe gyanywe; ngye ndi mulongooki; okutandika ati buni nayaba eri abamawanga
|
||
\v 7 nazwaayo naingira omu nyumba ye omuntu gwe beeta tito yusito atiina okanca enyumba yaamwe ng eriraine ne ikumbaaniro.
|
||
\v 8 Erate okulisipo omukulu weikumbaaniro naikiriza o mukama waiswe ye nenyumba yaamwe abakolinso baingi ne bawulire nibaikiriza ni babatizibwa.
|
||
\p
|
||
\v 9 O’mukama waise nakoba oPowuro obwiire, omukwolesebwa nti otatiina baitu osimoolenga, okasirikanga.
|
||
\v 10 Kubanga ngye ndi wamwe naawe so ndoowo muntu eyakulumba nka okukukola okubbi Olwakubba ndi nabantu baingi omu kibuga munu.
|
||
\v 11 Namalayo mwaaka nemyeez mukaaga ng’ayegesyanga ekigambo kya kancha omu bo.
|
||
\p
|
||
\v 12 Baitu ogaliyo bwe yaali nka niye oweisaza lye, Akaya, Abayuudaaya ni balumba o’pawulo n’omwooyo gumwe, n’ebamuleeta awasaarwa emisango.
|
||
\v 13 Nka bakoba nti onu asends senda abantu okusiinza ng’amateeka bwe gatalagira.
|
||
\p
|
||
\v 14 Baitu o pawulo bweyaali akwaaba okwasama akanwa kaamwe ayannukule o’galiyo nakoba abayudaaya nti singa wabbairewo okusobya oba okwonoona okubbi; nywa abayudaaya nandibaguminkiirye.
|
||
\v 15 Baitu oba nka walowo kubuulyangana bigambo, amabara n’amateeka agali omunywe ekyo kyaanaywe ngye tintaka kusala misango gwebyo.
|
||
\v 16 N’abagoba awa saarwa emisango
|
||
\v 17 Boona boona obusuungu nibabumaara ku sosane omukulu weikumbaaniro nibamukwata ne bamu kubbira awesaarwa emisago erate o’galyyo teyafiireyo omubigambo ebyo.
|
||
\p
|
||
\v 18 O’pawuro nayongera n’amalayo enaku ziingi ateera, nasiibula ab’oluganda n’azwaanyo, nawanika amatanga okwaba ebusuuri erate wamwe naye o’pulisikira n’o’ akwila bwe yamaare okugembera eisoke omu kenkereya kubanga yeerairiire.
|
||
\v 19 Nibayika omu efeso badi nabaleka eyo naye ye nanyeneere naingira omw’ikumbaaniro n’ abayudaaya.
|
||
\v 20 Ne bamutakire okweyongera okwikala nataikiriza.
|
||
\v 21 Baitu n’abasiibula nabakoba nti ndiira ate gyemuli o’kanca nalibba nka atakire, n’awanika amatanga n’azwaayo omu efeso.
|
||
\p
|
||
\v 22 Nagoba ekayisaaliya naniina akatuuti nalamukyaku ab’ekanisa n’aserengeta okuyika entiyokiya.
|
||
\p
|
||
\v 23 Ni yamaare ebiro bibooli nazwaayo nayakaara omu nsi eyagalatiya n’efulugiya nka akuzwa kumwe ngayaba agumya abayigirizwa boona.
|
||
\p
|
||
\v 24 Awo omuntu omuyudaya eibara lyamwe apolo eyabyaliibwe omu alegezandereya omuntu eyayegeseibwe oyo, nayika omu efeso eyalli omugezi omubyawandiikibwa.
|
||
\v 25 Oyo yaali abuuliirwe enzira ya mukama waisswe nka akwaka omu mwooyo nasimoola, nayegesya muno ebigambo bya yeesu nka amaite akubatiza kwa yokanna kwonkai.
|
||
\v 26 Oyo natandika okusimoola n’obugumu omu ikumbaaniro baitu o’pulisikira n’okwila ni bawuliire niba mutwala gye bali nibongera okumutegeerezya kyaarumwe enzira ya kanca.
|
||
\p
|
||
\v 27 Ni yatakire awunguke okuyika akaya, aboluganda nibamugumya nibawandikira abayirizwa okumusembereya niyayikire nabayambanga muno abaikiriza olwekisa kyaamwe.
|
||
\v 28 Kubanga yasiinganga abayudaaya amaani gaingi omu maiso g’abantu nka ategeeza omu byawandikibwa o’yesu niye kristo.
|
||
\c 19
|
||
\cl Esuura 19
|
||
\p
|
||
\v 1 Awo olwayikire Apollo niyaali e Kolinso, OPawulo niyayakire omu mbaju eziri waiguru nayika omu Efeso nasanga Abayigirizwa abamwe.
|
||
\v 2 Nabakoba nti mwaweerebwe omwooyo omwikiriiri nemwaikiliize? Nibamwiiramu nti bbe! Gonze nokuwuura tetuwuuranga walowo omwooyo omukwikiri.
|
||
\p
|
||
\v 3 Nabakoba kale mwabatizibwe kwingiramu kiki? Nibamukoba nti omukubatizwa kwa Yokaana.
|
||
\p
|
||
\v 4 OPawulo nasimoola nakoba nti OYokaana yabatiize okubatiza okwa kwenenya nk'akoba abantu baikirize akwaaba okwiiza enyuma waamwe, niye OYesu.
|
||
\v 5 Ni bawuliire nibabatizibwa okwingira omu ibara lya mukama waiswe OYeesu.
|
||
\v 6 OPawulo niyabataireku emikono omwooyo omwikiiri naiza oku bo, nibasimoola enimi, nibalagula.
|
||
\v 7 Abantu boona baali bayika nka eikumi n'ababiri.
|
||
\p
|
||
\v 8 Naigira omu Ikumbaaniro nasimoolanga n'obuvumu okumala emyeezi esatu nka awakananga erate ngabasenda senda olw'ebigambo eby'obwakabaka obwa kanca.
|
||
\v 9 Baitu abandi bwe bakakanyaire nibalawuure nka bazuma enzira eya Yeesu omu maiso gekibiina; n'azwa gye bali nayawula Abayigirizwa nawakanira nabo omu isomero lya Tulano buli lunaku.
|
||
\v 10 Ebyo nibimala emyaaka ngeibiri boona abaali baikala omu Asiya nibawuura ekigambo kya mukama waiswe, Abayudaaya n'Abayonaani.
|
||
\p
|
||
\v 11 Awo buli lunaku OKatonda nakolanga ebyamagero ebitabonwangaku omu mikono gya Pawulo.
|
||
\v 12 Nabalwaire ni babaleeteranga ebitambaala ne ngoye ezoku mubiri gwaamwe, endwaire nizibazwangaku.
|
||
\p
|
||
\v 13 Baitu abantu Abayudaaya atebaaliiku waabwe, abagoba edaimoni ni beetulinkiirya nibatandika okugobanga dayimooni okumutu omu ibara lya Yeesu OMukama waiswe nka bakoba nti mbalayirya OYeesu OPawulo gwabuulira.
|
||
\v 14 OLwayikire ne wabbawo abaana musanju abataani ba Sukeewa Omuyudaaya okabona omukulu, boona mbakola batyo.
|
||
\p
|
||
\v 15 Odayimooni nabaairamu nti OYeesu mutegeera, n'OPawulo mmumaite; baitu nnywe ninywe banaani? Ah!
|
||
\v 16 Omuntu eyaluku odayimooni nabagulukira nabagwaaku nabasingya amaani n'okwiluka nibairuka maseezere nka bali bwereere; taaku n'ebi wundu.
|
||
\v 17 Ekyo nikitegeerwa abantu boona abaikalanga omu Effeso Abayudaaya n'Abayonaani entiisa nekwaata abantu boona, eibara lya Mukama waiswe OYeesu neligulumizibwa.
|
||
\p
|
||
\v 18 Erate baingi ku abo abaikirize ni baiza nibaikala nibategeeza ebikolwa byabwe.
|
||
\v 19 Erate baingi, ku abo, abaakolanga ogwa bufumu nibakumbaanya ebitabo, ensiriba, nebyamalogo bingi nibabyookyara omu maiso gabantu boona. Nibabala omuwendo gwebyo nibona nka gwiyika ebitundu bya Efeeza emitwalo obukumi butanu.
|
||
\p
|
||
\v 20 Kityo ekigambo kya mukama waiswe nikyeyongera amaani ni kiwangula.
|
||
\p
|
||
\v 21 Ebyo mbyaweeire, OPawulo nalowooza omu mwooyo gwaamwe okwakala ku e Makedooniya ne Akaya n'okwaba eYerusaalemi nka akukoba nti nindimala okubbaaku eyo, erate kigwanira okubona n'e Ruumi.
|
||
\v 22 Natuma eMakedooniya, babiri okwabo abaamuweerezanga OTimoseewo no Eraasito ye onanyere n'alwaayo ebiro ti bingi omu Asiya.
|
||
\p
|
||
\v 23 Omu kiseera ekyo ni wabbaawo akacwano ti kadooli olwe nzira.
|
||
\v 24 Kubanga omuntu eibara lyaamwe Demeteriyo omu weesi waffeeza; eyakolanga obusabo bwa Ffeza nka bwa lubaale ayetebwa Atemis nafuniranga abaweesi amagoba ti gatoono.
|
||
\p
|
||
\v 25 Nakumbanya abo, n'abakolanga emirimu egyo, nakoba nti Basaiza nywe bairange; mumaite nti omulimo ogwo, obugaiga bwaiswe numwo buzwa.
|
||
\v 26 Mukubona erate mukuwuura nga ti mu Efeso mwonkai; naye nka n'omu Asiya yoona yoona OPawulo oyo Agisenseere nasendasenda erate akyuusirye ekibiina kikooto ng'akoba nti Abakolebwa n'emikono ti babba bakanca.
|
||
\v 27 Baitu ti niiswe iswenkai tuboine akabbi komulimo gwaiswe okunyoomebwanga, erate n'eisabo lya Atemis OKatonda omukulu omukali okulowoozebwanga nka ti kintu nokutoolwa natoolebwamu ekitiibwa kyaamwe oyo asinzibwa Asiya yoona nensi yoona.
|
||
\p
|
||
\v 28 Abawuliire ekyo nibaizula obusungu, nibasimoora waiguru nti Atemis! Ow'Abefeso Omukulu!
|
||
\v 29 Ekibuga kyoona nikiizula okutabuka kunu boona nibagugumuka nomwooyo gumwe okuyika omu (Theater) sweeta ne bamaare okukwata OGaayo n'O'Alisutaluuko ab'e Makedooniya abatambulanga n'OPawulo.
|
||
\v 30 OPawulo niyatakire aingire omu bantu, Abagesya ni batamwikiriza.
|
||
\v 31 Erate abakulu abamwe abaali omu Asiya abaali emikwaano gyaamwe, nibamutumira nka bamwegayiira aleme kwewaayo omu Teyateero (Theater).
|
||
\p
|
||
\v 32 Abamwe ni basimoora awaiguru bundi; n'abandi bundi, olw'okubba ekibura kyaali kyetabwiire. So nabandi baigi ni batategeera nsonga e bakumbaanirye.
|
||
\v 33 Nibatoola Alegezanda omu kibura, Abayudaaya nka bakumusiindikiirya Alegezanda n'awenya n'omukono nataka okwennyonyola eri abantu.
|
||
\v 34 Baitu mbamutegeire nka Muyudaaya, boona boona nibaleekaanira awa iguru omudoboozi limwe erikooto nti Atemi! Wa Abeefeso! Mukulu! Okumala esaawa ibiri.
|
||
\p
|
||
\v 35 Omuwandiisi ni yasirikirye ekibiina, nakoba nti Abasaiza Abeefeso, muntu ki atategeera nka ekibuga kya Abeefeso nikyo kikuuma eisabo lya Atemi Omukulu ne kifaananyi ekya zwiire eri OZewu!
|
||
\v 36 Kale olw'okubba ebyo tibyegaanika kibagwaniire nywe okwikaikana nobutakola kintu kyoona nka mwanguyiirya.
|
||
\v 37 Kubanga muleetere abantu banu abatanyagire bya mw'isabo, so tebaivoire OKatonda waiswe omukali.
|
||
\v 38 Kale oba ng'oDemeteriyo nabaweesi aba iraamwe baali nabo nka balina ekigambo oku muntu; enkiiko, zirowo, aba masaza balowo, eli balopengane!
|
||
\v 39 Baitu oba nka mukuswagana bindi, byasalibwawo omwikumbaaniro eribbaawo obuliizo.
|
||
\v 40 Kubanga dala tuyinza n'okuyikibwaaku akabbi, olw'akegugungo kani a leero; ol'okubba ndoowo nsonga gye tulisobola kuwozya olw'okukumbaana kunu.
|
||
\v 41 Ni yamaare okusimoola atyo nagumbulula ekibiina mbaba.
|
||
\c 20
|
||
\cl Esuura 20
|
||
\p
|
||
\v 1 Akscwaano ni kamaare okwikaikana, o'Paulo nayeta abaigirizwa nabuulirira n'abasiibula, n'azwaayo okwaaba e makedooniya.
|
||
\v 2 Ni yayakaire omu mbaju zidi, nabategeeza ebigambo bingi nayika eBuyonaani.
|
||
\v 3 Eyo bwe yamaare, ni yaali akwaba kwaakala ku nyanja okuyika eBusuuli, nalowoozya okwirayo eMakedoniya.
|
||
\v 4 Nebaaba naye okuyika omu asiya o'Sospateeri omuberayo omutaane wa Puulo; n'Asesalonika, Alisutaluuko no'Timoseewo no'Tulofiimo.
|
||
\v 5 Banu ni bekubbembera nibatulindirira omu Tulowa.
|
||
\v 6 Iswe nituzwa omu Firippi nituwanika amatanga oluzwanyuma enaku omu tulowa omu naku itaanu, eyo nitumalayo enaku musanju.
|
||
\p
|
||
\v 7 Awo oku lunaku olwekeera omu sabbiiti nitwakumbaine okuwenda emigaati, o'Pawulo n'abaza nabo nka okutaka okwimula emambya n'alwaawo nka akya simoola okuyikya obwiire omwitumbi.
|
||
\v 8 Niwabbawo etabaaza zingi omu kisiika ekya waiguru gye twakumbaanire.
|
||
\v 9 Omwoojo, eibara lyaamwe yutuko, yaali aikaire mu dinisa nakwatibwa otulo twingi, owo Opawulo nalwaawo muno nka eyakwatiibwe otulo otwingi; naganyuka nazwa omu kalina eyakasatu niyeekubbirewo naafa! Nalondebwa nga afiire.
|
||
\v 10 Opawulo naika mangu namugwaku, namuwambaatira n'akoba ati mutakunga; obulamu bwaamwe, bukyaalimu omunda.
|
||
\v 11 Naniina namenya omugaati n'alyaaku; nalwaawo nka kyanyumya okuyikya emambya, ale nasooka nazwayo.
|
||
\v 12 Nibaleeta omwojo odi nka mwoomi katebule! Erate nibasanyuka muno.
|
||
\p
|
||
\v 13 Baitu iswe nitukulembera okuyika oku kyombo nitwaba okuyika Aso nka tukutaka eyo okusika Opawulo kubanga yaali alagiire atyo nka akutaka ye, onanyere ayakale ku lukalu.
|
||
\v 14 Ni yatusangire omu Asosi ni tumusika nitwiiza omu mituleene.
|
||
\v 15 Nitwanika amatanga okuzwaayo oku lunaku olwababiri niti, yika omu maiso ga kiiyo; oku lwakasatu nitugoba oku samo; oku lwakanai nituyika omu mireeto.
|
||
\v 16 Kubanga OPawulo yasiimire ayakareku Efeso omu kyombo, alema kulwa mu Asiya; kubanga yaali ayanguwa oba nka kisoboka, abbe mu yerusaalimi oku lunaku lwa pentekoote.
|
||
\p
|
||
\v 17 Ni yaali omu Milito, natuma omu Efeso nayeta abakaire ba Iramyo.
|
||
\p
|
||
\v 18 Ni bayikire jali nabakoba ati, nnywe mukiimate okuzwa okulunaku olweekereire ni naninire omu Asia, ninabanga nanwe omu biro byona.
|
||
\v 19 Nka mpereza omukama waiswe n'obuwombeefu bwoona n'amaliga n'okukemebwa kwe naboine omu nkwe eza Abayudaaya.
|
||
\v 20 Baitu tinekangire okubabuulira ekigambo kyoona ekisaana n'okubegesyanga omu maiso g'abantu erate nabuli nyumba.
|
||
\v 21 Nka ntegeeza Abayudaaya erate n'abayonaani okwenenya edi Okanca n'okwiriza omukama waiswe Oyesu kristo.
|
||
\p
|
||
\v 22 Ati buni bona ni nsibiibwe omu mwoyo; nkwaaba eyerusaalimi baitu nka timaite bye ndibona eyo,
|
||
\v 23 Wabula omwoyo omwikiriri antengeeza omu buli kibuga; nka akoba ati okubbowebwa nokubonyabonyezebwa, binindinire.
|
||
\v 24 Baitu obulamu bwange, gye timbulowoozya nkekintu, nka bwa mwendo muno gyendi nsooke nyikiirye okulugendo lwange n'okuwereza kwe naweebwe Omukama waiswe Oyesu n'okutezeeza nka enjiri eyekisa kya kanca.
|
||
\v 25 Atibunu, obone gye mmaite nka timukyabona maiso gange nnywe, mweena benayakalanga mu nka mbuulira obwa kabaka.
|
||
\v 26 Nikyo nzwire mbategeeza olwaleero ati ngye ndi mulongoofu olwa musaayi ogwa boona.
|
||
\v 27 Kubanga tineekanga okubakobera okuteesa kwa okanca kwoona.
|
||
\v 28 Mwekuumenga nnywe nnywenkai nekisibo kyoona omwoyo omwikiriiri mwe yabataire nnywe okubba abalabinzi okulisyanga eiramyo ya kanca gye yeguliire n'omusaayi gwaamwe ye onanyera.
|
||
\v 29 Ngye mmaite ati ni ndimala okuzwawo emisege emikambwe giringira omu nnywe, erate tigiriisaasira kisibo.
|
||
\v 30 Erate omunnywe nywenkai mulizwaamu abantu abasimoola ekigambo ekikyamu okukokota abayigirizwa enyuma waabwe.
|
||
\v 31 Alemuloleere, mwizukire nka tinalekanga kulabukya namaziga buli muntu omu myaaka esatu; obwiire n'emisana.
|
||
\p
|
||
\v 32 Erate nati bunu, nkubasigira okanca nekigambo kyaamwe eky'ekisaakyamwe ekiyinza okwomboka nokugaba obusika mu abo boona abatukuziibwe.
|
||
\p
|
||
\v 33 Tineegombangaku feeza ya muntu yeena, gonze ezaabu, gonze ebyambalo byaamwe.
|
||
\v 34 Nnywe mumaite ng'emikono gyange ginu niggyo gyakola nga okufuna byoona bye neetaganga n'abo abaali nangye.
|
||
\v 35 Mbalangire omu byoona nka ni kigwanila okukolanga emirimu mutyo, alenu musobole okuyambangaku abo abali n'amaani n'okwizukiranga ebigambo bya mukama waiswe Oyesu ni yakobere, ye onanyere ati okugaba kwa mukisa; okusinga okutoola.
|
||
\p
|
||
\v 36 Bwe yammare okusimoola atyo n'afukamira nasabira wamwe nabo boona.
|
||
\v 37 Nibakuunga muno amaliga, boona boona nibamugwaku, oku ikoti lya Pawulo nibamunywegera.
|
||
\v 38 Nka banakuwaire muno okusinga byoona olwekigambo kyeyasimoire ati tibakyairayo kumubona nibamusendekeeryaku okumuyikya oku kyombo.
|
||
\c 21
|
||
\cl Esuura 21
|
||
\p
|
||
\v 1 Awo olwayikire nitwamaare okwawukana nabo, nituzwayo ni tukwaata enzira egyegoloori okuyika ekoosi, oku lunaku olwababiri, nituyika eroda, nituzwayo nituyika petalo.
|
||
\v 2 Ni twayajiirye ekyombo nka kikwaba fainiiki nitusaabala nakyo nitwaaba.
|
||
\v 3 Ni twalengeire o'kupulo, nitulaireku oku mukono ogwakkona e'busuuli ni tugoba e'tuulo; kubanga eyo ekyombo nigyo kyatakire okutwikuura ebintu.
|
||
\p
|
||
\v 4 Nitwaboineyo abayigirizwa, nitumalayo ebiro musanju; abo ni bakoba o'Pawulo omumwooyo; aleme kuniina mu yerusaalimu.
|
||
\v 5 Awo nitwamaareyo enaku ezo nituzwayo nitwaaba boona nibatusendekeerya abakali nabaana abato, okuyika enzai wekibuga; nitufukamire oku lubalama lwe nyanja; nilusaba.
|
||
\v 6 Nitusiibulangana, iswe nitusaabala omubwaato; bbo nibairayo eeka.
|
||
\p
|
||
\v 7 Isweena nitwamaare olugendo lwaiswe, okuzwa e tuulo ne tuyika e potolemaaye nitulamukya aboluganda nitumala nabo olunakulumwe.
|
||
\v 8 Okulunaku olwakabiri nituzwayo ni twika e kayisaalyo ntwingira omu nyumba ya firipo omubuulizi we njiri omwe okumusanju nitwiikala naye.
|
||
\v 9 Baitu oyo yaali nabaala banai embeerera naye nka balaguzi.
|
||
\p
|
||
\v 10 Ni twalwireyo enaku ezingi e buyudaaya; nezwayo.
|
||
\v 11 Omuntu onabbi eibarra lyaamwe Agabo naiza gyetuli natoola olukobba lwa pawulo niyebbowa amayagulu n'emikono gyaamwe nakoba ati atyo nimwo asimoola omwooyo omwikiriiri ati abayudaaya nibalibowa batyo omu yerusaalimi omuntu onanyere lukobba lunu, balimuwaayo omu mikono gya banamawanga.
|
||
\p
|
||
\v 12 Nitwawulire ebyo iswe erate n'abantu abaali omu kifo kini, nitumwegaayiira aleme kuniina okuguru kwamwe omu yerusaalimi.
|
||
\p
|
||
\v 13 Awo o'Pawulo nasooka nairamu ati mukola ki okukunga n'okuwenda omutima gwanange kubange ngye tineetegekere okusibwa obusibwa mbe kwonkai, baitu erate nokufeera omu Yerusaalemi olwe ibara lya Mukama waiswe OYesu.
|
||
\p
|
||
\v 14 Ni yalemere okuwuura; iswe nituzwaku nitulekayo nitukoba ati Omukama waiswe kyataka kikolebwe.
|
||
\p
|
||
\v 15 Awo oluzwanyuma olwe naku ezo, nitwimula emigugu gyaiswe nituniina e Yesusaalemi.
|
||
\v 16 Erate n'Abayigirizwa abazwiire e Kayisaaliya ni baaba naiswe nibaleeta omuntu omu Nasoni owe kupulo omuyigirizwa ow'eira, niye akwaba okutusulisya.
|
||
\p
|
||
\v 17 Ni twayikire omu Yerusaalimu Aboluganda nibatusemberya neisanyu.
|
||
\v 18 Oku lunaku olwa kabiri OPawulo naingira awamwe naiswe omwa Yakobbo erate n'Abakaire boona abalowo.
|
||
\v 19 Ni yamaare okubalamukya, nababuulira kimwe-kimwe oku ebyo OKatonda byeyakolanga omu mawanga omu kuweereza kwaamwe.
|
||
\v 20 Boona mbawuliire, nibagulumiza O'Kanca; nibamukoba ati obaine! Owoluganda enkumi nenkumi bwe ziri omu Buyudaaya abantu abaikiriza: boona balina obwiihya alwamateeka.
|
||
\v 21 Abo babuulirwe ebigambo byaamu ti wwe! Oyegesya Abayudaaya boona abali omu mawanga okuleka OMusa, nka okoba ati baleme kukomolanga abaana abato; gonze okutambuuranga omu mpisa.
|
||
\v 22 Kale kiki kinu? Tibalema kuwura ati oizire.
|
||
\v 23 Kale kola nka ntukukoba: tulina abasaiza bana aberairiire ekirairo.
|
||
\v 24 Abo batwaale, otukuzibwe wamwe nabo, abaweerye efeeza; bagembe emitwe gyaabwe; boona baizakutegeera, nti ebigambo bye bakuwuurangaku tibarimu; erate tibituufu ate weena wenyenere, weegendereza, ng'okwaata amateeka.
|
||
\v 25 Baitu edi abamawanga abaikirize, twabawandikiire nitusala omusango ati beekuumenga ebintu binai obutalyanga bintu bisaddikirwe ebifananyi, ebisolo ebizindirwe, omusaayi n'obwenzi."
|
||
\v 26 Awo Opawulo nalyooka natwala abantu oku lanaku olwa kabiri natukuzibwa wamwe nabo naingira omu yeekalu okulanga enaku ezakutukuza nka niziyikire okuyikya ekiweebwayo lwe kyaweerebwayo olwa buli omwe okwabbo.
|
||
\p
|
||
\v 27 Awo enaku omusanju nizaali nka zatera okuyika Abayudaya abazwire omu Asiya mbamulumba omu yeekaali! Nibaaba mbaasasamaza ekibiina kyoona -kyoona, mbamukwaata,
|
||
\v 28 Nka basimoola waiguru ati; Abasaiza Abaisireairi, mutuyambe, onu niye muntu odi, ayegesha boona, mu buli kifo, obubbi oku bantu, n'okumateeka nekifo kini! Ate erate aleetere n'Abayonaani omu yeekaalu, Asiisire ekifo ekikiriri.
|
||
\v 29 Kubanga baali bamaare okubona O'Tolofiima omu wefeso ngali naye omu kibuga, nibateera ati oPaulo omu leetere omu yeekaru.
|
||
\v 30 Ekibuga kyoona-kyoona nikyegugumula abantu boona nibakumbaana mbiro nibakwaata OPaulo niba mukubba amansi, nibamukola okumuwulukya, enzai wa yeekalu, omu bwangu bwangu obwo, enyige nizibgalwaawo.
|
||
\p
|
||
\v 31 Mbaali bakyasala amagezi okumwita ebigambo mbiyika oku mwaami omukulu w'ekikitongole ekya bajwaaka ati; Olaawo, Oyerusaalimi kyoona-kyoona kisisikakire.
|
||
\v 32 Amangu ago namukiramu, natwaala abajwaka n'a baami, naserengeta gye bali, mbiro, oku mbalaasi boona mba boine omwaami omukulu n'abajwaka nibalekera awoo okukubba oPaulo.
|
||
\p
|
||
\v 33 Awo omwami omukulu nalyoka naigeera n'amukwaata nalagira okusibya enjegere ibiri! Erate na buulya ati onu niye naani? Erate akoore ki?
|
||
\v 34 Abamwe ab'omu kibura ni basimoora owaiguru bundi nabandi bundi natasobole kutegeera mazima olwokuwowaaigana nalagila okumutwala omu kigo.
|
||
\v 35 Ni yayikire oku madaala, abajwaaka mbamuginga mbe olwamaani g'ekibura.
|
||
\v 36 Olw'okubba ekibiina kya bantu baingi baiza nka baseengerya nka bakuwowoigana ati omwite
|
||
\v 37 O Paulo bwe yaali nka yetera okwingizibwa omu ekigo, nakoba omwaami omukulu ati kisai mbeekau kye nkubobera? Nakoba ati omaite oluyonani.
|
||
\v 38 Kale ye tinuwe omumisiri odi omu naku zidi eza yakaire eyajeemeserye abantu enkumi einai oku batemu badi n'abatwaala omu irungu?
|
||
\p
|
||
\v 39 Baitu oPaulo namwiramu ati ngye ndi muntu Muyudaya owe Tuliso ekyomu kirukiya tiwa mu kibuga ekitali kimanyifu, erate nkwegayirire bairaba ndeka nsimoole nabantu.
|
||
\v 40 Ni yamwiikirize, oPaulo nayemeera oku madaala, nawenya abantu n'omukono, mba maare oku sirikira kimwe, nasimoola omu lulimi olwebulaniya.
|
||
\c 22
|
||
\cl Esuura 22
|
||
\p
|
||
\v 1 Abasaiza Aboluganda ne Bassebo, muwuliirye ensonga gye nkubawolezya atibunu.
|
||
\v 2 Mbawuliire ngabakobere mu lulimi lwebulaniya, ne be yoongera kya rumwe okusirika ye nabakoba;
|
||
\v 3 Ngye ndimuntu Muyudaaya ogeregere, eyabyaaliirwe anu omu Taluso eky'omu kiirukiya, naye okundera, nalereibwe mpanu omu kibuga munu; oku maguru bya Gamalyeeri omusaiza eya yigiriiziibwe omano empisa n'amateeka ebya bazeiza baiswe erate nimbanga n'omwooyo ogulumurwa ate oguyayanira omuno OKanca nka nywe nnyeena ni muli ati olwa leero.
|
||
\v 4 Nimpiiganyanga muno abenzira enu erate n'okubaita nka mbabowanga nokubatwala omu nkomyo abasaiza nabakazi.
|
||
\v 5 Erate, n'o'kabona asinga obukulu niye mujuurwa wange ow'ebyo; n'Abakaire boona; erate boona bampanga ebaluwa edi Aboluganda nintambula okwaaba e Damasiko abo boona abaliyo mbaleele eYerusaalemi nka basibe; babonerezebwe.
|
||
\p
|
||
\v 6 Baitu! Awo olwayikire naali nkya tambula nka natera okuyika e Damasiko; amangu ago eisana lingi eryazwiire omu iguru niryaaka muno ekimyanso nikinetoola.
|
||
\v 7 Ninekubbira awansi ekigwo, nimpuura edoboozi nga likunkoba nti Sawulo! Sawulo! Okumpigganirya ki?
|
||
\p
|
||
\v 8 Ngye ninyiramu ati ye nuwe naani, Mukama wange? Nankoba ati Ningye OYesu omunazaleesi gw'oyigganyawwe.
|
||
\p
|
||
\v 9 Abaali awamwe nangye, baboine eisana nekitangaala, baitu nibatawuure edoboozi ly'oyo eyasimoire n'angye.
|
||
\v 10 Ninkoba ati Nakola ntyai, mukama wange? OMukama waiswe nakobba ati imuka oyabe e Damasiko.
|
||
\v 11 Ni ntasoboire kubona; olw'ekitibwa kyeisana lidi, abo benaali nabo, nibankwata ku mukono nimpika e Damasiko.
|
||
\v 12 Omuntu omwe eibara lyaamwe Ananiya, atiina Okanca omu mateeka, eyasimirwe Abayudaaya boona boona abaikala eyo.
|
||
\v 13 Naiza gye ndi nayemeera gye ndi, nankoba ati owoluganda OSawulo Ozibule! Omukiseera ekyo ni nzibula okumuloleera.
|
||
\v 14 Nakoba ati Okanca owa Bazeiza baiswe, yakulondere ira; otegeere ebyo by'ataka, erate obone omwikiriiri odi, erate owuure edoboozi erizwa omu kanwa kaamwe.
|
||
\v 15 Kubanga, waabbanga mujuurwa waamwe edi abantu boona ow'ebigambo by'oboine erate by'owuliire.
|
||
\v 16 Kale nu, ati ekikukulwisa kiki? Imuka obatizibwe onaabye ebibbi byamu nka wegayira eibara lyaaamwe.
|
||
\p
|
||
\v 17 Awo olwayikire ni naire kune eyeusaalimu, naali nkusaba omu yeekalu, Omwooyo gwange niguwanyisibwa.
|
||
\v 18 Nimubona nankoba ati olawukeku ozwe ma ngu omuyerusaalimi, olw’okubba tibaliikkiriza kutegeeza kwaamu oku ngye.
|
||
\v 19 Ngyeena ninkoba ati Mukama wange Abo benyini bamaite, ati niingye nabatanga omu makomera, erate nka ningye nabakubbiranga omu buli ikumbaaniro, abakwikkiriza.
|
||
\v 20 Erate nomusayi gwomujuurwa waamu osuteefano gwe basukire, ngyeena ke nyini naali nyemereire awo nka nsiimire, erate nka nkukuuma ebyabalo byabwe abamwiitire.
|
||
\v 21 Nankoba ati oyabe; Olwokubba ngye nkwaaba okukutuma walai muno; omu bamawanga.
|
||
\p
|
||
\v 22 Nibamuwuliirya kusai; okuyikya okukigambo kinu, nibaimukya amaloboozi gaabwe owaigeeru ati Atoolebwe omu nsi enu, oyo akwisana atyo! Kubanga tikisai-abbe mwoomi.
|
||
\p
|
||
\v 23 Mbaali nka bawaweigana waiguru; abamwe mbakasuka engoye zaabwe awaiguru, abandi bakudeedumula cuucu awaiguru!
|
||
\v 24 Omwami omukulu nalagira okumutwala omu (barrades) kigo, nakoba aiza kumukemeerya muno nka ataireku nemiigo! Alyooke ategeere ensonga gye bamulangire okuleekaanira awaiguru batyo.
|
||
\p
|
||
\v 25 Bwebaali nka bamare okumubbuwa enkobba, oPaulo nakoba omwami eyali ayemereire wo awo okumpi ati "Tikyamuzizo nnywe okukubba omuntu nka Muruumi akyaali n'akusaarwa musango?"
|
||
\p
|
||
\v 26 Omwami niyawuliire ekyo, nayaba edi omwami omukuru namukoba ati, Amaano ago Okweeba kukola ki olwokubba omuntu oni omusibe Murumi.
|
||
\p
|
||
\v 27 Omwami omukuru nayaba omusibe gyeeli namukoba nti Onkobere! Nambu oli Murumi? Namwiramu nti Yii!
|
||
\p
|
||
\v 28 Omwami omukulu namwiramu ngye nafunire oburuumi bunu, omu bintu bingi; O' Paulo nairamu naye ngye nimwo mabyalibwa.
|
||
\v 29 Awo amangu ago abajwaka abaali bakwaba okymukemenkeireza, nibamuleka, Erate no mwami omukulu natiina muno bwe yategeire omusaiza Muruumi ate yali, nka yamubuwere.
|
||
\p
|
||
\v 30 Baitu kuu lunaku olwakabiri nataka amanyire kyarumwe amazima ensonga Abayudaya gye malangire okumuloopa, namusindabula, nalagira Abakabona abasinga obukulu, n'olukiiko boona-boona baize bakumbaane naleta opaulo.
|
||
\c 23
|
||
\cl Esuura 23
|
||
\p
|
||
\v 1 O'Pawulo neyetegya amaiso agolukiko n'akoba ati abasaiza Ab'oluganda, ngye negendereza muno n'omwoyo gwange ogusai omu maiso gakanca okwiica okulunaku luni.
|
||
\v 2 Okabona asinga obukulu Ananiya nalagira nakoba ati abwemwemereire okumpi; mumukubbe omunwa!
|
||
\p
|
||
\v 3 Awo o'Pawulo nalyoka n'amukoba ati okanca alikukubba, wwe, ekisenge ecasigibwe okwera! Erate oikaire okunsara omusango; nka ameteeka bwe gali: Yete n'olagira okunkubba n'amateeka bwe gatali?
|
||
\p
|
||
\v 4 Abaali bemereire awampi awo nebamukoba ati ozuma okanca asinga obukulu owa kanca?
|
||
\p
|
||
\v 5 OPawulo niyetonda n'akoba ati mbayire timumaite; aboluganda, ngaye o'Kabona asinga obukulu? Kubanga kyawandikibwe ati tosimoora nka kubbi kumuntu omukulu wabantu baamu.
|
||
\p
|
||
\v 6 Baitu o'Pawulo niyategeire ekitundu ekimwe ekya Basadukayo, nikyakabiri kya Bafarisayo nasimoora waiguiru omulukiiko ati abasaiza Ab'oluganda, ngye ndi mu Falisayo, mwana w'Abafalisayo; nsalwe omusango nokuyimboka okwabafire!
|
||
\v 7 Ni yasimoire atyo niwabawo okuyirika, Abafalisayo n'Abasadukayo, ekibiina nicawuukana mu bibiri.
|
||
\v 8 Kubanga Abasadukayo ndoyo kuimboka gonze Abamalaika, gonze omuzimu: Baitu abafariyo batula byombi.
|
||
\p
|
||
\v 9 Ne wabawo okukayana kwingi: Abawandiisi abamwe abamu kitunddu eccaba Falisayo nebemera nebawakana muno nababakoba ati iswe titukubona kibbi okumuntu onu: Erate cabakityayi oba omuzimu gwamu nigwo gusimoire naye, oba malaika?
|
||
\v 10 Ni wabbayirewo okuyirika n'empaka ezingi, omwami omukulu atinanga o'Pawulo baiza okuticaamu ebitundu bibiri: Nalagira ekitongore bayike aansi okumutolayo awakatiomu abo, olw'amaani, bamutwale omulukologo.
|
||
\p
|
||
\v 11 Awo omukiro ecakabiri, omukama waiswe nayemera waali n'amukoba ati ogume omwoyo: Okubanga ni wategezerye ebigambo byange omu Yerusaremi, erate kikugwanira okutegeza ntyo n'omu Ruumi.
|
||
\p
|
||
\v 12 Nibwe ceeire emambya, Abayudaaya ne balagana n'eyama obweyamu nibakoba ati tibayiza kulya gonze okunywa wabulanga bamare okuita oPawulo.
|
||
\v 13 Abekobaine batyo, nebaswika amakumi annai.
|
||
\v 14 Abo nebaiza edi Abakabona abakulu nabakaire ati okwekolimira twekolimire obutakomba kukantu; wabulanga tumare okuyita oPawulo.
|
||
\v 15 Kalenu, ati nywe n'olukiiko mukobe omukulu wekitongore amuleete anu gyemuli nka bakutaka okwongera okumanya amazima agebigambo byamwe yaba akyali okuyigera naiswe nka twetekeretekere okumwiita.
|
||
\p
|
||
\v 16 Baitu omwana ow'omwonyoko wa oPawulo olw'awuurire olukwe luni naiza nayingira mulukologo nakoobera oPawulo.
|
||
\v 17 OPawulo nayeta omwe okubami n'amukoba nti otware omwojo onu edi omwami omukulu kubanga alina ekigambo ekyokumukobera.
|
||
\v 18 Awo n'amutwala namuleta edi omumwami omukulu namukoba oPawulo omusibe niye anyetere nanegayirira ndete omwojjo oni ngalina kyakwaba okukukobera.
|
||
\v 19 Omwami omukulu nakwata omwojo okumukonno neyeyawuura omucama namubulya ati bigambo ki byolinabyo byokutaka okunkobera?
|
||
\v 20 N'akoba ati Abayudaaya batesere okukwegayiri okulete oPawulo emambya awansi omulukiiko nka akwaba kukwongera okumubulya amazima age bigambo byamwe.
|
||
\v 21 Kale we olw'abaikiriza; kubanga abantu babwe bwamwekumire okusinga omu makumi annai abekolimire obutalya gonze okunywa wabulunga bamare okumwita, bonabona ati betegekere nka balindirirye wwe kubasuubiza.
|
||
\v 22 Awo omwami omukulu nasibuula omwojo nka amare okumukutira ati otokoberaku muntu wundi nka onkobeyire ebigambo bini.
|
||
\p
|
||
\v 23 Nayeta babiri okubami nabakoba ati mutegeke abajjwaka ebikumi bibiri okwaba ekayisariya n'abokumbalasi nsanju n'abamasumo ebikumi bibiri omusawa eyokassatu ezobwire.
|
||
\v 24 Erate babone okisolo basobole okwiikalyaku oPawulo erate bamutware omumirembe edi o Firikisi oweisaza.
|
||
\v 25 Nawandiika ebaluwa mungeli enu: Ati.
|
||
\v 26 Kuladiyo lusiya alamukirye muno oweyisaza omusai.
|
||
\v 27 Omuno oFirikisi; omuntu oyo bweyamare okukwatibwa Abayudaaya bwe baali bakwaba okumuyita ninyiza n'ekitongole gyebali nimbamutolaku bwemale okumanya nti Muruumi
|
||
\v 28 Erate bwe natakire okumanya ensonga gyebakumuvunana okumulopa nimutwala omu lukiiko lw'abwe.
|
||
\v 29 Ni mbona nka bamulopere mubintu bya kumubulyabulya ebyomumateeka gabwe; Baitu nka ndowo nsonga ntufu esanire okumuyitsia gonze okumubbowesya.
|
||
\v 30 Ni nkobeire ati baiza kumusaara olukwe erate bamuyite; amangu ago nimuwereza gyoli, erate nindagira abo abamulopa, baize bamulopere eyo omu maiso gamu
|
||
\v 31 Abajjwaka nkabwe balagirwe obwiire obwo nibatwala oPawulo nibamuleta okumwiica Antipatuli.
|
||
\v 32 Baitu kulunaku olw'akabiri, abajjwaka nibaleka abaali ku mbalasi baabe naye; bo nibayizira omulukologo.
|
||
\v 33 Abo mbayakire e Kayisaliya nibawerya oweisaza ebaluwa erate ne bamwanjula oPawulo.
|
||
\p
|
||
\v 34 Ni yamera okugisoma nabulya eisaza gye yazwire; ni bamukobera nkka yazwire Kiruukiya;
|
||
\v 35 nakoba ati," ndikuwuula ng'abo abakulopa baluwo bona; nalagira okumukumira omu nyuumba ya Kerodde.
|
||
\c 24
|
||
\cl Esuura 24
|
||
\p
|
||
\v 1 Enaku ni zayakairewo nk'eitaano o'Kabona asinga obukulu omu n'Aniiya naserengeta nabakaire abamwe n'omuntu omwogezi o'Teruutalo abo nibakobera oweisaza ebigambo o'Pawulo bye baamulopere.
|
||
\v 2 O Teruutulo nibamwetere, natandika okumulopa ng'akoba ati kubanga twali tufunire emirembe zingi edi wwe, nibigambo ebibbi nka biroongoseibwe omwiwanga lini olw'okulabiirwa kwaamu.
|
||
\v 3 Tubikiriza enaku zoona, nomubifo byonabyona. O'Ferikisi omusai omuno n'okwebalya kwaamu.
|
||
\v 4 Baitu nneme okwongera okukukeresia, bairaba nkwegayirire otuwuure omubigambo biddooli ddooli olw'obusai bwamu.
|
||
\v 5 Olwokubba twaboine omuntu oni nka mubbi omuno muno; agyemesia Abayudaaaya bonabona abaali omunsi zonazona; eraniye omukulu wekitundu ca Abanazalesi.
|
||
\v 6 Yagezeryeku noku siisa yekaalu; nitumukwata, nitutaka okumusara omusango nka amateeka gaiswe nk'abwegali.
|
||
\v 7 Baitu omwami omukulu oLusiya naiza namutoola omumikono gyayiswe n'amaani gaingi.
|
||
\v 8 Awonalagira abali bakumujunana okuyiza gyoli omubulye wenkai, wasobole okutegera bini byonabyona ebitukumujunaania.
|
||
\v 9 Erate n'Abayudaaya nibamulopa bumwe nebakoba ati bityo nimwo biri.
|
||
\p
|
||
\v 10 Awo oweisaza nibweyamutemeryeku okusimoora oPawulo naira ati," olwo'okuba nka maite ng'oli mulazi weiwanga lini okuzwa mumyaka minji nkuworezia ebigambo byange n'omwoyo gumwe.
|
||
\v 11 Kubanga oyinza okwetegye ng'enaku zicaali okwakalawo eikumi n'eibiri okuzwa wenaninire e Yerusalemi okulamya.
|
||
\v 12 So ti banyajanga nka mu omuy'ekaalu, nka nkuwakana n'omuntu oba nka nkugyemyesia ekibiina; gonze omwikumbaaniro, gonze omukibuga.
|
||
\v 13 So tibasobola kukakasa woli ebigambo bye bakunjunana atibuuni.
|
||
\v 14 Baitu kini nkutaka oncatule woli ati, enzira nka eriwo ryebeeta enzikiriza, ntyo nibwabampereza oKanca wabazaiza baiswe nka nyikirya byonabyona ebyawandiikibwe omu mateeka no mu byaba nnabi.
|
||
\v 15 Nka nina eisubi edi okanca erate naabo benyinire nibyo basubira ati, walibawo okwiimba abaikiriirye; erate natali omwiikiriri.
|
||
\v 16 EErate nyikira muno mukigambo ekyo okubbanga n'omyoyo ogutalina musango edi okanca n'edi abantu ebiro byonabyona
|
||
\v 17 Awo emyaka jingi ejakairewo, ni nsobola okuleeta eby'abasege, era eiwanga lyaiswe niriwebwayo.
|
||
\v 18 Nali ndi okwebyo, nibansanga omu yekaalu! Nga nkutukuzibwa; nga tindi n'akibiina gonze oluyogaano! Baitu Abayudaya abamwe, abazwire omu Asiiya.
|
||
\v 19 Bwagwainebabbe wamu woli nokunumirya obanga balina ekigambo okungye.
|
||
\v 20 Oba banu abaluwo, basimoole, benyenire, ekibbi cebaboine bwenaimerire omu lukiiko.
|
||
\v 21 Oku tolaku olw'eddoobozi linu erimwe ryenasimoreire awaiguru nka nyemereire awakati omubo ati olw'okuyimboka okwabafu; nkusarwa omusango gyemuli olunaku luni?
|
||
\p
|
||
\v 22 Baitu oFilikisi, olwokubba niye yali singa okumanya ebigambo ebye nzira: Ndisara omusango ogw'ebigambo byanywe.
|
||
\v 23 Nalagira omwami okumukuuma okusai n'okumuwa eibbanga okwetaya n'obutakomya omuntu yenayena nimikwano gyamwe okwiza okumubona oba okumuwerezia.
|
||
\p
|
||
\v 24 Baitu enaku ni zayakairewo, oFirikisi naiza n'omucaali wamwe (oDulukansi) odulusira omuyudaaya nayeta oPawulo namuwuurirya okubigambo ebyakwiikiriirya oYesu kulisto.
|
||
\v 25 Ni yaali ategeza ebya kwikiirya nokwegendereza, n'omusango oguriyiza okulunaku olw'oluzwanyuma, oFirikisi natiina nayiramu ati oyabe ati; nindibba nakaganya, ndiikweta.
|
||
\v 26 Ekindi yasuubire oPawulo okuzwaku akaantu, nka mbe. Nikyo ceyazwire amutumiranga okunyumyangamu naye.
|
||
\p
|
||
\v 27 Baitu n'owakala emyaka ebiri, obuyinza obwa Firikisi nibuwebwa omuntu owondi oPolokiya Fesito, oFirikisi niyatakire Abayudaaya okumusiima omwoyo, naleka oPawulo nka musibe omunkomyo.
|
||
\c 25
|
||
\cl Esuura 25
|
||
\p
|
||
\v 1 Awo oFesito nayaikire omusaaza linu, nka wakakalwo einaku issatu zonkai, nazwa e Kayisaliya ayambukeku e Yelusaremi.
|
||
\v 2 Abakabona abakulu n'Abakunku aba Bayudaaya niba mwaniriza nakumukobera oPawulo nibyeyalopeibwe nibamwagaira muno.
|
||
\v 3 Nga bakutaka abakoole kusai okuye. Amutumire okwiiza omu Yerusalemi; bamwetegere omu nzira bamwiite.
|
||
\v 4 Baitu oFesito nabayiramu ati, oPawulo akumirwa omu Kayisaliya, baitu nangye okenyini, natera okuzwayo okwaba.
|
||
\v 5 "Kale abakulu munywe berondemu baabe naangye bamujunane oyo, obanga aliku ekibbi kyonakyona.
|
||
\p
|
||
\v 6 Niyamareyo ewabwe enaku ezitakuswinka munanai oba eikumi; naserengeta e Kayisaliya; okulunaku olw'akabiri nayikala okuntebe esarwaku emisango, nalagira okureta oPawulo.
|
||
\v 7 Niyayikire Abayudaaya abazwa e Yelusaremi nebeemera okumwetolola nka baleeta ebimujunanibwa binji ate ebizibu byebatasobola okumulumiriza.
|
||
\p
|
||
\v 8 OPawulo nawoza ati, "tinsisia ngaku omumateeka agAbayudaaya, gonze okuyekalu, gonze edi oKayisali."
|
||
\p
|
||
\v 9 Baitu oFesito niyatakire Abayudaaya nibamusiime, nayiramu oPawulo," okutaka okwaba e Yerusaremi osarwa eyo omusango ogw'ebigambo bunu omumaiso gange?"
|
||
\p
|
||
\v 10 Baitu oPawulo nakooba yemereirwe mpani awali enteebe esaarwaku emisango eya Kayisali niwo ngwanirwe okusarwa omusango. Tinsisia ngaku kintu edi Abayudaaya, erate nka wena wokitegera kusai.
|
||
\v 11 Kale obanga waliwo ensoga gyena sisire oba gyenakoole ekigambo ekinsanire okuyitibwa, tingaana kufa: baitu obanga banu ebigambo bye bakunjunania nka tibiriwo, gonze ekimwe. Ndowo muntu ayinza okumpayo mwabo, Njulire oKayisali."
|
||
\p
|
||
\v 12 OFesito bweyamaare okutesa nabo omulukiiko, nasobola okumwiramu" ojulire Kayisali, olyaba wa Kayisali"
|
||
\v 13 Awo niwayakayire enaku; Agulipa omwami n'o Berenike mbayika eKayisariya nebalaca oFesito.
|
||
\v 14 Nibamareyo enaku zinji oFesito nakobera omukama ebigambo bya oPawulo, n'akoba ati anu waliwo omuntu oFilikisi gweyarekere "Yarekere omunkomyo nka musibe.
|
||
\v 15 Ni nali omu Yerusalemi abakabona abakulu n'abakayire ba Bayudaaya nibankobera ebigambo bya mwe nka bataka okumusara omusango.
|
||
\v 16 Ngye nimbayiramu ati, eyo timpisa y'Abaruumi okuwayo omuntu nka abamujunana bakyali okubbawo mumaiso gamwe eranga acaali nakuwebwa eibbanga eryokuwozia byebakumujunana.
|
||
\v 17 Awo mbakumbaanirye anu, tinalwirewo gonze nakadooli. Baitu okulunaku olw'akabiri, ninyakala okunteebe esarwako emisango, amangu ago, nindagira okuleeta omusaiza oyo.
|
||
\v 18 Mbayemereire okumujunana, nebataleetayo gonze ensonga nka nsonga yakigambo ekimwe kiti, ekibbi, nka ninaali ndowoza.
|
||
\v 19 Baitu balina okuye, ebye nkayana omu iddini yabwe n'ebyomuntu gwe beeta oYesu eyafire! Baitu oPawulo gweyasimoireku ati acaali mwomi.
|
||
\v 20 Ngyena bwenabulwe engeri gyenakebera nintetegye ensonga ezo nimubulya obanga akutaka okwaba eYerusalemi oku sarwayo omusango gunu.
|
||
\v 21 Baitu oPawulo ni yajulire n'okusarwa omusango edi Agusito; nindagira okumunkumira okwiica bwendi muwereza ewa Kayisari.
|
||
\v 22 Agulipa n'akoba oFesito ati nandi takire ngyena mbeewo okuwuura oku muntu oyo! Namukoba ati emambya wamuwuura.
|
||
\p
|
||
\v 23 Awo kulunaku olw'akabiri Agulipa no' Berenike nibayiza ne kitinisia ekikkoto erate bwebayingire omukifo awawuurwa emisango, wamwe n'abami n'abakungu abamukibuga oFesito nalagira oPawulo aletebwe.
|
||
\v 24 OFesito nakoba ati, Agulipa omukama nanywe nywenanywena abakulu abali ani naiswe mu muboyine; ekibiina kyonakyona eca Bayudaaya niye gwe banegayirire omu yerusalemi erate naunu nkabasimoora waiguru ati tekimugwanire erate okubba mwomi! Nindudumula n'ocuucu.
|
||
\v 25 Niye ngye nitegera nka tiyakoole kikolobero kyonakyona ekibbi ekisanire okumwiitsia; Baitu olw'okubba nka yena yajulire Agusito ngyena ninsarawo okumusindika eyo.
|
||
\v 26 Ti ndina kigambo kuye gonze nakaddooli ecaamazimace nawandiikira omukama wange nikyo nzwire nimuleeta wemuli, erate okusinga woli, wwe omukama Agulipa, nitwamara okukemenkereza ngyena mbeku nekigambo ce nawndiikira omukama wange.
|
||
\v 27 Kubbanga kibba cabusirusiru oku wererya omusibe nka taliku baluwa ey'ensonga ezimukwataku.
|
||
\c 26
|
||
\cl Esuura 26
|
||
\p
|
||
\v 1 Agulipa nakoba oPawulo nti oikirizibwe okuwuzia ensonga zaamu: Awo oPawulo neyekera nagolola omukono nawooza ati.
|
||
\v 2 "Byenajunanibwe Abayudaaya byonabyona, omukama Agusito, nesimire kubanga nkwaba okuwozia byonabyona olwaleero woli;
|
||
\v 3 Erate okusinga olw'okubba omaite empisa nebibuuzibwa byona ebiri omu Bayudaaya: nico nkuzwa nenkwagayira ongumikirye okumpulirya.
|
||
\p
|
||
\v 4 Kale empisa zange okuzwa omubuto, ezaasookanga okubba omuyiwanga lyaiswe n'omu Yerusalemi, Abayudaaya bona bazimaite.
|
||
\v 5 Abantegeire okusooka eirai, singa bataka okuntegera bwenegenderezanga omukitundu ekisinga obuzibu ekye eiddini yaiswe nimba mu Falisayo.
|
||
\p
|
||
\v 6 Ati nyemereire okusarwa omusango olw'eisubi okanca lyeya nsubize mubazaiza baiswe lye basubire.
|
||
\v 7 Okuikaku ebika byaiswe eikumi n'ebibiri nka banyikiranga okuwereza okanca emisana n'obwiire. Olw'essubi elyo omukama! Abayudaaya nikye bazwire nibampabira.
|
||
\v 8 Kiki ekikubalowozesia ati tikiyizinka okanca okuyimbola abafu?
|
||
\p
|
||
\v 9 Amazima ningye ngyenkai nalowozanga nga kingwanire okukolanga obubbi ebigambobinji okwiibara lya Yesu omunazalesi.
|
||
\v 10 N'okukola ninkolanga ntyo eYerusalami: Ngye nimbawangayo omu makomera abaikiriiri bamwe bainji bwenamare okufuna obuyinza okuzwa edi bakabona abansinga obukulu, nibayetebwa, nenyikiriza okufa kwabwe.
|
||
\v 11 Erate ningye nababonerezanga emirundi zinji omumakungaaniro erate nimbawalirizanga lukako okuvora; Ate nimala nembasunguwaliranga muno nimba yica ebitakobeka no kuyica enzai webibuga
|
||
\v 12 Baitu lwaali lumwe ni nalinga nkwaba e Damasiko nka nina obuyinza nkambataine ne baluwa n'emiguwa n'okulagirwa okuzwa edi Abakabona abakulu.
|
||
\v 13 Omwiitumbi omukama, nimbona ekimyanso, omunzira omusana gwazwire omuiguru! Nka gukwaka okusinga eisana? Nigumasamasa okunetolora nabali bakutambula nanje.
|
||
\v 14 Ne tugwa wansi swenaswena nempula eidoboozi nka likusimoora nangye omululimi olw'Ebulaniya ati, Sawulo, Sawulo, okumpigaanya lwaki? Kibba kizibu muno wwe okusamba okumwiwunda;
|
||
\v 15 Ngye ni nkoba ati niwe naani, omukama wange? Omukama waiswe nankoba ati, ni ngye oYesu ogwokuyiganya, we.
|
||
\v 16 Baitu oyimuke oyemere kumagulu gamu nico nzwire nkubonekera nkulonde obbenga omuwereza erate omujulwa webyo mwombonekeyire, erate omwebyo nimo nakuboneranga.
|
||
\v 17 Nka nkuwonya omubantu, n'omubamawanga, baitu ngye nkukutuma okuzibulya amiso gabwe.
|
||
\v 18 Bacuuke okuzwa omukirikirya baire omukitangala nokuzwa mu buyinza bwa sitani baire edi okanca basobole okuwebwa okutolebwaku ebibbi nobusika edi abo abaikiriize olw'obwikiiriiri.
|
||
\p
|
||
\v 19 Kale no, omukama Agulipa, tina lemere kugondera okw'olesebwa okwo muiguru.
|
||
\v 20 Baitu nasokere kubuulira abo omu Damasiko no' Muyerusalemi, erate no munsi yonayona n'Abanamawanga, okwenenya n'okukyukira kanca nka bakola ebikolwa ebisanira okwenenya.
|
||
\p
|
||
\v 21 Abayudaaya, olw'enugu, nikyo bazwire bankwatira omuyekaalu! Nebageziaku okunyita
|
||
\v 22 Kale no bwenafunire obujuni okuzwa edi okanca okuyica okulunaku luni nyemereire nga ntegeza abato n'abakulu nti tinkusimoora kigambo bugambo mbe, wabula aba nnabi no' Musa byeba simoire nga byaba okuiza,
|
||
\v 23 nga bwekingwanire okulisito okubonyabonyezebwa era niye ari yekera mukuyimboka okwabafu okubulira ekitangaala edi abantu nabanamawanga
|
||
\v 24 Yali acayaba omu maiso okuwozia atyo; oFesito namubwegola ati, eeh? Otulekeshe? Ogwire iraru? Pawulo! Okusoma okwo okwalukako omaite nka kucusa omuntu okubba omulalu!
|
||
\v 25 Baitu oPawulo nakoba ati, tindalukire; oFesito omusai omuno baitu dala nku simoora ebigambo ebyamazima; n'obuntu bulamu.
|
||
\v 26 Kubbanga nomukama, ebigambo bino byenku simoora anu n'obugumu, abimaite olw'okubba maite ati ebigambo bini tibyekwekere edi omukama, gonze ekimwe kubanga ekyo tikyakolebwe mubo.
|
||
\v 27 Okyikirize aba nnabbi, mukama Agulipa? Maite ng'oyikirize.
|
||
\v 28 Aulipa nakoba oPawulo, okutaka kunsenda senda onfoole omukulisitayo?
|
||
\p
|
||
\v 29 OPawulo nakoba ati, nandisabire okanca olw'okusendasenda okuddooli oba okukooto tiniwe wenkai omukama baitu nabantu bonabona abawulire ekigambo kinu olwa leero bafooke nka ngye okutolaku okusibibwa enjegere kuni!
|
||
\v 30 Omukama naimuka, owaisaza yeena, no' Berenike, nabo bonabona abali bayikayire n'abomulukiiko,
|
||
\v 31 mbayireyo ekka nebasimoora bonkai nabonkai ati omuntu onu nakolangaku kintu kibbi kyonakyona kisianire okumutasia.
|
||
\p
|
||
\v 32 Agulipa yeena nakoba oFesito ati," omuntu onu yandisoboire okutaisibwa singa tiyajulire Kayisali!"
|
||
\c 27
|
||
\cl Esuura 27
|
||
\p
|
||
\v 1 Awo nicaragirwe iswe okuwanika amatanga okwaba Italiya nibawayo oPawulo nabasibe abandi abamwe edi omwami eibala lyamwe yuliyo owekitongole eca Agusitiriyo.
|
||
\v 2 Nitusabala mukyombo ekye Adulumitiya ekikwaba okwaba okumbajju eza Assiya eyo nizwayo, Alisitaluko owe Makedoni owo Musasolonika yeena ngali naiswe.
|
||
\v 3 Olunaku olw'abiri netugoba e Sidoni! Oyuliyo nayakala kusai oPawulo namuleka alamukye okumikwano gyamwe n'okumuwereza obuyambi okumulabirira.
|
||
\v 4 Eyo nituzwayo nitwakala okumabbali ga Kupulo olw'ompungu owamani eyali akutuzwa omubwengula.
|
||
\v 5 Nitwayakayire omunnyanja eye Kirukiya ne Panfuliya ne twika e Mula ekya Lukiya.
|
||
\v 6 Omwami nabonayo ekyombo ekindi ekya Alegezandereya nka kikwaba Italiya, natusabaza omwekyo.
|
||
\v 7 Nitwayabire empola empola okumsala ennaku zinji, twalire ddaki nitwika ku Nindo lwampaka. Ompungo niyawungire natugaana natwakalya kumabbali ga Kulete omu maiso ga Salumone;
|
||
\v 8 ne tukyakalaku lwampaka, netuyika omukifo kyebeta Emyalo Emisai, awaliraine ekibuga Lasaya.
|
||
\p
|
||
\v 9 Niwakala ebiro binji; obubbi, bwali bumare okubbawo okwaba omunnyanja, olw'okubba enaku zokusiba zali zakayire oPawulo nabalabula.
|
||
\v 10 Nabakoba ati basaiza bairange; olugendo lunu lulibbamu okwononekerwa nokuferwa kwiingi; tikwa bintu byonkai; baitu n'okutokomoka okwe kyombo, oba n'obwomi bwaiswe.
|
||
\v 11 Baitu omwami nayikirizaganya n'omugoba wakyo onanyenere kyombo okusinga oPawulo beyyakobere.
|
||
\v 12 Kubanga omwalo tigwali omusai okwewogomamu ompungu; abandi bayingi nibatesa oku zwawo basobole; mpozi okwiika e Foyiniki okwewogoma oumyaga; nigwo ogwe Kulete ogwolekera awakati wobukika obwebuzwa isana, era wakati wobukika obundi obwebugw'eisana.
|
||
\v 13 Empewo eza mugundu nzatandiikire okuwunga empola mpola, abagoba ba kyombo nibalwoza bafunire kyebabbayire bakwetaga nibasimbula eissika; nibakala ampi muno ne Okulete.
|
||
\v 14 Baitu oluzwa nyuma olwebiro biddoolidoli, ompungu gwebeeta Ewulakulo ogwalimu nokibuyaga n'oikendi. Gye gwazwiere ndowo amayiteyo.
|
||
\v 15 Negukwanta ekyombo kyaiswe ne kitwalibwa nitikisobola okwolekera ompungu. Netukireka nikitwalibwa ompungu.
|
||
\v 16 Nitweyuna amabbali g'akazinga aketabwa Kawuda nitutegena okuwata obwoto.
|
||
\v 17 Mbamale okubuninisia nibatola emiguwa egyokunyweza ekyombo nikisiba wansi nibakinyweza; mbatinire okunagibwa omusuluti nebaica ansi ekyombo nikitwalibwa ompungu.
|
||
\v 18 Bwetwagadire omuno ompungu, okulunaku olw'akabiri nibasikula ebintu byonabyona. (Nokwakunagayo ebintu obwato buwewuke).
|
||
\v 19 Erate okulwa kassatu nebanagayo nemikono gyabwe egyitwala ekyombo. (Jools).
|
||
\v 20 Erate eisana n'obunyenyezi byonabyona byamare enaku zinji nka tibyaka, er'ompungu omukkoto muno nigutukwata oluvanyuma eissubi lyona lyona eryokwona nirituwamu.
|
||
\p
|
||
\v 21 Olw'okubba enzala yona yali ginji abantu bakwayuuya mbe, oPawulo neyekera neyemera akati wabwe nakoba ati kyabagwanire, basaiza nywe okumpulirya obutaazwa mu Okuleete, tutayike okwononekerwa n'okufeerwa kuni!
|
||
\v 22 Erate akaserakanu mkubakobera okuguma emyooyo; olwokuba, tiwabeewo muntu gonze mwe eyafeerwa obulamu bwaamwe gonze akadyoori; okutoolaku ekyombo.
|
||
\v 23 Kubanga aani wendi; obwiire waayemereirewo omulangi wa kanca, nje owaamwe, gwe mpeererya, nagakoba
|
||
\v 24 ati otatiina pawulo; olwakuba kikugwaanire oyemerere awali o kayisaali; erate bona okanca akuwaire boona abayabure awaamwe naawe.
|
||
\v 25 Ale nu mugume emyooyo, basaiza; kubanga nyikiiriza okanca nka kiriba kityo nag ni yankobere.
|
||
\v 26 Baitu kitusanire okunagibwa okumabali ganyanja.
|
||
\p
|
||
\v 27 Baitu ekiro kyeikuminebinai ni kyaikire, nka tusukundibwa amayengo; erubaju nerubaju omu Nyanja aduliya obwiire omwiitumbi; abalunyanja ni bateebereza ati batera okusembeera olukalu.
|
||
\v 28 Ni bapima nolukoba, niba bona ebifuba, nibabona ebifuba amakuma abiri nilweyongera yo kadyoori nibairamu nibapima nibabona ebifuba ikumi na bitaanu.
|
||
\v 29 Mbatiinire okuserera awali amabaale, ni banaga amasika anai okukiwenda ni balindirira obwiire okukya;
|
||
\v 30 abalunyanja mbatakire okwiiruka batoloke omukyombo, abeekereire ni bayikya obwaato omunyanja ni baba nka bakunaga amasika okunsonda.
|
||
\v 31 Baitu opaulo nabaloopa edi omwaami na baseirukare nakoba ati bani balunyanja bata nolugezigezi okutoloka okyombo baitu mbatebeeku; tufiire ndoowo yalokoka.
|
||
\v 32 Abaiserukare mbakwaata ensone ni basala emiguwa egyobwaato mbalireka ndiseeyeya ni lyaaba namayengo?
|
||
\p
|
||
\v 33 Awo emambya nibwaali nka bwaatera okukya nemambya esaare o Paulo ni bebegayiira boona okulya okukamere; nakoba ati, leero waakakara enaku ikumi nainai ze milindiriire ompungo atasalaku nka musiiba tumuliire na kantu enzala etuli kubbi?
|
||
\v 34 Nikyo nzwiire negayiira bairaba mulye okumere: olwokuba okwo kwaabalokola; kubanga gonze omwe ati tayinza kubulaaku olusoke olumwe luti okuzwa okumutwe gwaamwe.
|
||
\v 35 Niyamaare okusimoora atyo; natoola omugaati niyeebalya edi o kanca omu maiso ga bantu boona baloleire omugaati nagwendamu nalyaaku nagabira boona
|
||
\v 36 boona nibaguma emyooyo nibalyaaku nibaikuta ni basanyuka?
|
||
\v 37 Isweena sweena abali omukyombo nka tiyiika emyooyo ebikumi bibiri nansanju namukaaga.
|
||
\v 38 Ibamare okulya ni baikuta emere; nibawewula ekyombo nka banagayo ekutiya ne kutiya ezobuwunga nengaano omunyanja.
|
||
\p
|
||
\v 39 Mbwakeire emambya, nka tibakumanya gye bali; baitu nibabona ekikono ekiruku omusenye; nibateesa oba kiyinzika, okuseiza omwo ekyombo.
|
||
\v 40 Nibakutura amasiika nibagaleka omunyanja omukiseera ekyo mbasindabwiire emiguwa egikubawa engayi egoba nibawanika eitanga eryomumaiso edi ompungo, niboolekera olukalu.
|
||
\v 41 Baitu mbaikire omukifo amayengo abiri ni gaizire, nigajangana; (sand-bar) amaano ne gaiza? Ni baseiza ekyombo esanda yaakyo nesera mbe gulugulu nenyweera nka ndoowo nakwenyemya nye ekiwenda wendeka kyoona kyoona nikiiza bukuka? Namaani gamayengo?
|
||
\p
|
||
\v 42 Abaiserukare ni batesa abasibe baitibwe baleke okusanyira okutoloka.
|
||
\v 43 Baitu omwaami omukulu niyatakire okumwooyo opaulo nabaziyiza okukola ekyo kye bateeserye naye nalagira ati, Ale abo abasobola okusaanya; munguke mweenageyo? Okulukalu.
|
||
\v 44 Abandi mwaabire okumpero, abaamwe okubitundu ebye kyombo? Awo batyo boona nimwo baawonere nibayika mirembe okulukalu?
|
||
\c 28
|
||
\cl Esuura 28
|
||
\p
|
||
\v 1 Nitwamaare okulokoka nokweikubaigulyaaku enkya kyuuru, nitulyooka tutegeera nka ekizinga ekyo kyeetebwa merila
|
||
\v 2 Abanaiwanga baali ba kisa muno, nibatukoora ebyekisa ebitali bya buliizo: kubanga bawembere omuuro nibatusemberya isweena olwempewo nolwaikendi eyatutonyereku.
|
||
\v 3 Baitu o Paulo ni yakumbaine omuganda gwa bukwi nebuta omukyooto, nazwaamu olwampiita nimwekwaata okumukono;
|
||
\v 4 abanaiwanga mbaboine ekyeekulula nga kikulebeetera oku mukono, nibakobangana bonka na bonkai nti mazima omuntu oni omutemu; niwankubaire yawonere enyanja, omusango gwe yakoore gya kuzwa; gukumusengeerya, tigumuganya kuba mwoomi.
|
||
\v 5 Baitu nankunkumuura ekyekurura omumuuro, natabbeeku kabbi?
|
||
\v 6 Baitu badi nibalowooza ati yazimbire omukono oba yatinduka nagweedi nabaluka? Baitu mbalwiirewo omuno, nka bakyamuroreire batabone kabbi kamuyikireku nibakyuuka nabakoba ati kanca?
|
||
\p
|
||
\v 7 Waloowo owampi nekifo kyamusiri gwa muntu omukulu wekizinga ekyo. Eibara lyaanywe pubuli yo oye natusembesya natwiijanjaba nekisa okumala ennaku isatu
|
||
\v 8 Awo oitaamwewa pubuliyo yali nka alamiire nka mulwaire wa musuja ne ekidukano ekyo omusaayi, o Paulo naingira namusabira namutaaku emikono omulwaire nawona:
|
||
\v 9 ekyo nikyakoleebwe, nabandi boona abaali kukizinga nga bata na balwaire nibaleeta ni bawonyezebwa:
|
||
\v 10 Erate abokukizinga ekyo, ni batuweerya ekitiibwa kikooto muno; erate twaali tukuzwaayo; nibaleeta ebirabo bingi bye twaali twendya.
|
||
\p
|
||
\v 11 Emyeezi esatu nijayakairewo; nituweeryaayo mukyombo ekya alekizanduriya ekyaali okukizinga omubiseera ebyomuyaga. Akabonesyo kekyombo ekyaalika abalongo ababiri.
|
||
\v 12 Nitugoba e sirakyuzi ni tumalayo ennaku isatu.
|
||
\v 13 Nizwaayo nitwetoloora, nitwiika e region: waayakaierwo olunaku lumwe luti, empewo ezomuggundu niziiramu nizikunta? Ni tukoba ati leero luni, twaaliireki iswe? Naye olunaku lwakabiri, nitwiika e putiooli
|
||
\v 14 Awo twaayajiryeewo aboluganda baingi nitusanyuka; boona ni basanyuka okutubona tumale nabo enaku musanju: olwo tutyo ni twiika e ruumi.
|
||
\p
|
||
\v 15 Aboluganda niwe bawuurire ebigambo ebyo kwiiza kwaiswe ni bazwaayo okutwaaniriza nokusisinkana omukatale ka apiyo no omubisulo bisatu: oPaulo ni yababoineku, emeeme yaamwe neimuka niyeebalya okanca naguma omwooyo.
|
||
\v 16 Nitwaayigiire omu ruumi, oPaulo nalagirwa okubba yenkai nomuserukare eya mukuumanga.
|
||
\p
|
||
\v 17 Awo nuwaakairewo ennaku esatu; nabakoba ati abasaiza aboluganda, nje niwankubaire nka tinakoore naye naboweeibwa olwabwereere nimpweebwaayo omumikono gya abaluumi omuyeerusaalemi
|
||
\v 18 bo nibamaare okukemerya nibataka okutaisya; Olwakuba tibaabaire nansonga gyendi esaanire okunyitisya.
|
||
\v 19 Baitu abayudaaya mbeesala akajagere mba niina omukyooto nibangaana? Njeena nu kwo kujuura okayisaaliya. Ti nka omuntu aliire omunsi yaamwe olukwe naloopa.
|
||
\v 20 Kale n’olwensonga eyo mbeetere okumbona n’okunsimoora nanje olwakuba eisuubi lya isirear; mbuweibwe olujegere luni.
|
||
\p
|
||
\v 21 Bani mbakoba ati isew tituweebwanga baluwa za bigambo byaamu okuzwa ebuyudaaya so ate nkulowooza, gonze omwe, eyaizire natukobera oba nasimoora okuwe ekigambo ekibi.
|
||
\v 22 Baitu iswe tukutaaka okuwuura okuzwa gyooli byo kulowooza: kubanga tumaite ati ebigambo ebye nzikiiriza enu biweerebwa woona woona.
|
||
\p
|
||
\v 23 Nibalagaana olunaku nibaiza baingi jaali omukisulo nabanyonyola; ngakutegeerya obwamukama bwa kanca, erate nka abaikirizisya ebigambo bya yesu omumateeka ga musa nomubya balangi. Bakutandika mambya nibaikya obwiire.
|
||
\v 24 Abaamwe nibaikiriza; bye yasimoire abandi ni bataikiriza.
|
||
\v 25 Ni baalemerwe okutabagana bonka na bonkai ni baaba, o Paulo yeena nikwo kusimoora ekigambo kini ati, omwooyo omwikiiri yakobere kusai okubazeiza baanywe omunabbi isaaya.
|
||
\q
|
||
\v 26 Nakoba ati: oyabe edi abantu boona osimoore ati:
|
||
\v 27 Okuwuura muli wuura, mutategeera; Okubona muli bona, nimuteetegeraOlwokuba omutima gwa bantu banu gisajuwaire. Namatwi gaabwe; gawuura kubbi, Amaiso gaibwe, bagagaireBaleme okubona; namaiso, nokuwuura namatwi, Nokutegeera, nomutima gwaabweNokukyuuka, nje okubawonya
|
||
\v 28 baitu ni mutegeere ati obulokozi bwa kanca bunu, buweerezebwe banamawanga? Boona bali buwuura
|
||
\v 29 “Ni yasimoire ebigambo ebyo, abayudaaya ni baaba nka bakuwakana muno? Bonka na bonkai”
|
||
\v 30 Namalayo emyaaka ebiri giramba ewaamwe yenkai omunyuba gye yapangisirye, nabasemberyanga boona abaizanga gyaali.
|
||
\v 31 Nga abuuliranga obwabukama bwa kanca eranga ayegesyanga nobugumu bwoona ebigambo bya mukama yesu kristo nataziyizibwanga.
|