934 lines
74 KiB
Plaintext
934 lines
74 KiB
Plaintext
\id MRK
|
|
\ide UTF-8
|
|
\h Makko
|
|
\toc1 Makko
|
|
\toc2 Makko
|
|
\toc3 mrk
|
|
\mt Makko
|
|
\c 1
|
|
\cl Esuura 1
|
|
\p
|
|
\v 1 Okwekeera okwa njiri eya Yesu Kristo, omwana wa kanca.
|
|
\v 2 Nka ni kyawandikiibwe omu nabbi Isaaya nti; Bona, nje ndituma omukwenda wange omu maiso gaamu, Alisaayirya enzira zamu.
|
|
\q
|
|
\v 3 Eiraka lyamwe aimoora aiguru ati musaayirye ensira ya kanca, musoboore amazira gaamwe.
|
|
\p
|
|
\v 4 OYokaana naiza ayabatiziire omwi omu irungu nakobera okwendeka okwatolebwaku ebibbi.
|
|
\v 5 N'ensi yoona eya Buyudaaya naba yerusaalemi boona ni bazwaayo ni baiza gyali ni babatizibwa ye omumwiga Yoludaani nebatula ebibbi byabwe.
|
|
\v 6 No Yokaana yazwalanga ebyoya bya nkaina, n'olukobba lwa kisaato omu nkende yamwe, ng'alya enzige n'ojuuru wanzoki eza mu kisiko.
|
|
\v 7 Nabakobera nk'abakoba ati; akwiza emabega wange niye asinga amaani, ate tinsanira kukutama okusindabula obukobba bwa nkaito zamwe.
|
|
\v 8 Nje nababatiize n'amaizi, baitu oyo alibabatiza na mwoyo ogukwera.
|
|
\p
|
|
\v 9 Awo olweikire omu biro ebya Yesu nazwa e Nazaaleesi ekya Ggaliraaya naiza okubatizibwa o Yokaana omu Yoludaani.
|
|
\v 10 Amangu ago ni yazwire omumaizi, nabona eiguru nga ryonokere, n'omwoyo ali nka onkaiba naika okuye:
|
|
\v 11 Neiraka neriwuluka omwiguru nerekoba riti 'niiwe mwana wange gwe nnyendya, gwe nsanyukira omuno.
|
|
\v 12 Amangu ago omwoyo namusendekerya omwirungu.
|
|
\v 13 Namalayo omwirungu ebiro amakumi anai nga akumebwa ositaani; nabba amwe nebisolo; abamalaika ni bamuweereza.
|
|
\p
|
|
\v 14 Awo oluvannyuma o Yokaana ng'amaare okuweebwayo, OYesu naiza e Ggaliraaya, ng'akoba enjiri ya kanca.
|
|
\v 15 Nga akukoba ati; Ekiro kiikire, obukama bwa kanca busembeire, mumenyeke, mwikirize enjiri.
|
|
\p
|
|
\v 16 Niyaali nga akwakala kulubama lwa nyanja eya Ggaliraaya nabona Osimooni n'o Ndereya omuganda wa Simooni ni nga bakunanga omugonjo omu nyanja, kubanga baali bategi.
|
|
\v 17 OYesu nakoba ati; mwize mwakale najnje, ndi bafuula abategi b'abantu.
|
|
\v 18 Amangu ago ni balekawo awo emigonjo nibaaba naye.
|
|
\v 19 Ni basembeireyo omumaiso kadooli, nabona OYakobo omwana wa zebbidaayo n'o Yokaana omuganda wamwe, abo bakalibabiri bali muryato nga bakuyonja emigonjo.
|
|
\v 20 Amangu ago nabeeta nabaleka awo oitabwe Ozebbedaayo omuryato nga ali naabo abakoora empeera, nebamusengeerya.
|
|
\p
|
|
\v 21 Ne baigira e Kaperanawumu; amangu ago mukiro kya ssabbiiti naingira omwiramyo nayegesya.
|
|
\v 22 Ne bawuninkira olwa kwegesya kwamwe; Kubanga yabegeserye nga niye mukama wa buyinza, ate tinka abawandiiki.
|
|
\v 23 Amangu ago omwiramyo ryabwe mwalimu omuntu aluku odaimooni omubbi; nakunga.
|
|
\v 24 Nga akukoba ati; okutujunanya kiki, OYesu owa Nazaaleesi? Oizire kutuzikirizza? Nkumaite we, we oli mwikiiri wa Kanca.
|
|
\p
|
|
\v 25 OYesu nabwoiggola nga akukoba ati; Bunira, muzweku.
|
|
\v 26 Odaimooni namwola nakunga eiraka erikoooto namuzwaku.
|
|
\p
|
|
\v 27 Ne bewuunya boonaboona, ne bebulyangana nga bakukoba nti kiki kinu? Okwegesya kukwiza; alagira odaimooni na muwuura.
|
|
\v 28 Amangu ago okumanyibwa kwamwe nikusanikira ensi yoona eriraine Ggaliraaya.
|
|
\p
|
|
\v 29 Amangu ago ne bawuluka omwiramyo nebaaba amwe n'oYakobo n'oYokaana omunyumbba ya Simooni n'o Ndereya.
|
|
\v 30 Awo onyibyala wa Simooni yali abbasirye nga alwaire omubiri; amangu ago nebamukubera naali:
|
|
\v 31 Naiza namukwata omukono namwimula, negumuwonaku, nabawereza.
|
|
\p
|
|
\v 32 Awo olwaigolo, eisana nga rigwiire, ne bamuleetera abalwaire boona boona n'abo abaliku odaimooni.
|
|
\v 33 N'ekibuga kyona ne kikumbanira okwirembo.
|
|
\v 34 Nawonya baigi abaali balwaire endwaire ezinyamwingi, napeka aba daimoonim baingi natabaikiirikiza kusimoola kubanga bamwetejerye.
|
|
\p
|
|
\v 35 Awo omukabwibwi, ne bucali bwire, naimuka nawuluka nayaba omwirungu, naramya.
|
|
\v 36 Osimooni n'abo abaali naye nebamusengerya:
|
|
\v 37 Ne bamubona ne bamukoba nti; Boonaboona bakuswagana.
|
|
\p
|
|
\v 38 Nakoba ati; Twaabe awandi omu bibuga ebiri ampi mbuulire neyo; kubanga ekyo nikyo kyenaizirire.
|
|
\v 39 Naingira omumairamyo gaabwe omu Ggaliraaya yeena yeena, nabuulira nagoba ne daimooni.
|
|
\p
|
|
\v 40 Omugenge naiza gyali, namusabirye na mufukamira namukoba ati; Newayendya, oyinza okundongoosa.
|
|
\p
|
|
\v 41 Namusaasira, nagolola omukono gwamwe namukwataku nakoba ati nkwendya, loongooka.
|
|
\v 42 Amangu ago ebigenge byamwe nebimuwonaku nalongooka.
|
|
\v 43 Namukuutira muno amangu ago namusibula.
|
|
\v 44 Namukoba ati; bona tokuberaku muntu yeenayeena; naye yaba werange edi oKabona, oweeyo olwakusima kwamu okwo Musa kweyalagiire okubba omujuurwa jebali.
|
|
\v 45 Yeena nawuluka, neyekera okikoberaku omuno n'okusansaanya ekigambo n'okusola natasobola OYesu okwingira omukibuga omulwantu, yaali mwirungu, atenga abantu bali bakwongera okwinza jaali okuzwa woonawoona.
|
|
\c 2
|
|
\cl Esuura 2
|
|
\p
|
|
\v 1 Awo enaku ne zayakairewo, naigira ate omu Kaperunawumu, nkiwurwa nti yaliyo enka omu nyumba.
|
|
\v 2 Nebakumbaana baingi n'okwikawo ne bataikawo gonze no mumulyango: n'abakobera ekigambo.
|
|
\v 3 Nebaiza ni baleeta omulwaire ayasanyalaire nga bamwetiikire banai.
|
|
\v 4 Olwo lwe balemereirwe okumusembeera olwamwizulwo, ni basweekura aiguru wanyumba gye yaali ng'agalamiire.
|
|
\v 5 OYesu niyabweine okwikiiriza kwabwe nakoba eyazingamire nti, mwana wange, ebibbi byaamu bikutooleibweeku.
|
|
\p
|
|
\v 6 Olwo waaliwo abawandiki abamwei nga bakaire nga bakulowooza omyoyo gyaabwe, nti.
|
|
\v 7 Oni kiki ekikumubazisya kini? Akulowooza: naani ayinza okutoolawo ebibbi. Okwiiyaku oKanca yeika.
|
|
\p
|
|
\v 8 Amangu ago OYesu neyatengeeire omwoyo nti balowoozanga batyo omunda yaabwe nabakooba nti kiki, ekibalowoozesya ebyo omu omyoyo gyanywe.
|
|
\v 9 Ekyangu kirayi okubakoba nti ebibbi byamu bikutolebweiku, kandaki okukoba alongokere gginga ekitabbu kyamu oyabe?
|
|
\v 10 Olwo mutengeere nti, omwana wa muntu ataa nobuyinza oku nsi okubatolaku ebibbi nakoba eyali asanyalaire nti,
|
|
\v 11 Nkukukoba, imukka ogginge ekitabu kyamu, okiryeeyo omunyumba yaamu.
|
|
\p
|
|
\v 12 Yaimukire, ni yetiika amangu ago ekitabo, nawuluka omumaiso gabwe boonaboona, awo nibeewunya boona ni baggulumiza oKanca nga bakoba nti, tetubonangaku kintu kiti.
|
|
\p
|
|
\v 13 Nazwaawo ate nayaba oku lubalama lwa nyanja, ebibbuuru byabantu byona nebiza weyaali nabeegesya.
|
|
\v 14 Awo neyaali nga akwakala, nabona oLeevi omwana wa Alufaayo NBA aikaire omuggwolezo, namukoba nti nsengerya. Naimukka na musengerya.
|
|
\p
|
|
\v 15 Awo neyaali nga aikaire omu nyumba eyooyo gyeyaali nga akulya, abawooza baingi nga batta ne'bibbi ebingi ne baikala amwe no Yesu nabeengereswa bamwe, anti bali baingi, abayabire naye.
|
|
\v 16 Abawandiiki abamubafalisaayo ne baamubweine nga akulya amwe nabo abalina ebibbi n'abawooza, ale ne bakoba abeegereswa baamwe nti, akulya era naywa amwe nabawooza atta ne bibbi.
|
|
\p
|
|
\v 17 Awo OYesu ne yawulire nakoba nti, aboomi tebatakka musawo wabula abalwaire: tinaizire kweeta baikiriri naye abo abatta ne bibbi.
|
|
\p
|
|
\v 18 Awo abeegereswa ba Yokaana abafalisaayo, nebaalinga bakusiiba, nebaiza ne bakoba nti, kiki abeeegeswa ba Yokaana na beegeswa ba Bafalisaayo ekikubasiibisya nga abamwe tebakusiiba.
|
|
\p
|
|
\v 19 OYesu nakoba nti, abaana ba mugole bayinza batyai okusiiba nga omugole akyali nabo? Omubiro byona nga bakyaali naye nga bakyabona omugole tebayinza kusiiba.
|
|
\v 20 Naye ennaku ziriika, abandwiire omugole nimwo nalibatoolebwaku: ale ne balyokka nebasiiba okulunaku olwo.
|
|
\p
|
|
\v 21 Ndoowo muntu atuunga ekiwero kya lungoye oluyaaka kukyakuzwaala ekikaire, ni kibba kityo, kiddi ekisweekawo nikutula kidi, ekikaire ekiyaaka, ekintuli ni kyeyongera.
|
|
\v 22 Era nsdoowo muntu asuka mwenge gukwookya munsawo zaabyanzo ebikaire: ne kibba kityo, omwenge gwoonola ensawo za byanzo zisisikala; naye omwenge ogukwookya gusukibwa munsawo za byanzo ebiyaaka.
|
|
\p
|
|
\v 23 Awo olwaikire, nga akutambula omu ndumiro oku lunaku lwa ssabbiiti, abeegereswa nebatandika okwaaba nga bakunokola ebirimba.
|
|
\v 24 Abafalisaayo nebamukoba nti. Kiki ekibakolesya ekya muzizo oku lunaku lwa ssabbiiti?
|
|
\p
|
|
\v 25 Nabakoba ati, timusomangaku oDaudi kye yakoore ni yali nga akwetaaga, yaneneibwe enzala naabo be yaali nabo.
|
|
\v 26 Ni bayingire omu nyumba ya Kanca neyali nga niye kabona asinga obukulu gyeyakulanga emizizo okwiiribwaaku wabula abakabona nagyewerya abo beeyali nabo.
|
|
\v 27 Nabakoba ati, e ssabbiiti yaaliwo ku lwa bantu, naye omuntu taliwo ku lwa ssabbiiti.
|
|
\v 28 Nimwo kityo omwana wa muntu niye mukama wa ssabbiiti.
|
|
\c 3
|
|
\cl Esuura 3
|
|
\p
|
|
\v 1 Nayemeera era omwiramyo; mwalumu omuntu eyaalina omukono ogukaare.
|
|
\v 2 Nebamukeita oba yawonyesya omukiro ekya ssabbiiti, era bamulegeyo.
|
|
\v 3 Nakoba omuntu eyaali akaare omukono nti yemeera akati anu.
|
|
\v 4 Awo nabakoba nti nikyo kisai oku lunaku lwa ssabbiiti okukola obusai kandaki obubbi? Kuwonya obwoomi kandaki kwiitta? Naye ne basirika. Kusirika.
|
|
\v 5 Niyabetoloize amaiso n'obusungu, nga nakuwaire olwa bukakanyali bwa myoyo gyabwe, nakoba omuntu ati inunuka omukono gwamu. Nagwinunula: omukono gwamwe niguwona.
|
|
\v 6 Omu bwangu obwo Abafalisaayo ne bazwaamu ni bateesa n' abakerodiya nka nibamusanyaawo.
|
|
\p
|
|
\v 7 Awo OYesu na begesya bamwe ni baaba okunyanja, ebibuura binyamwingi ne bimusengerya ebyazwiire e Ggaliraaya ne Buyudaaya.
|
|
\v 8 Yerusaalemi ne idumaya ne mitala wa Yoludaani, n'abaliraine e Ttuulo ne sidoni, ekibuura kikooto, nibawulire bye yakoore, ni baiza jeyaali.
|
|
\v 9 Nakoba abeegeresya bamwe eryato eridooli limubanga ampi ebibuura bireme okumugongeera;
|
|
\v 10 Kubanga yawonyerye baingi, n'okugwa abalwaire ni bamugwaku, bona aliina ebikubabonyaboonya.
|
|
\v 11 Aba daimooni ababbi boona ni bamuboine ni bagwa omu maiso gamwe ni bakunga nga bakoba nti niiwe mwana wa Kanca.
|
|
\v 12 Nabakuutira muno baleke okumwatiikiirya.
|
|
\p
|
|
\v 13 Awo naniina okulusozi nabeeta gyali bayendya; nibaaba gyali.
|
|
\v 14 Nayaburuzaamu eikkuumi n'ababiri okubanga amwe naye, era abatumenye okutabaza.
|
|
\v 15 Nokubba nobuyinza okugobanga embandwa;
|
|
\v 16 Osimooni na amwalika eibara Peetero;
|
|
\v 17 No Yakoobo omwana wa Zebbedaaayo, no Yakoobo, omuganda wa Yokaana; boona n'abatuuma amabara bowanerege, amakulu gaalyo nti baana ba bakubwatuka;
|
|
\v 18 No Andereya no Firipo, no Battolomaayo, no Matayo, no Tomosi, no Yakoobo omwana wa Alufaayo no Simooni omukananaayo.
|
|
\v 19 No Yuda Isukalyoti, eyamuliiremu olukwe. Naiza omu nyumba,
|
|
\v 20 Ekibuura ni kyesororya era, n' okuyinza ni batasobola na kulya mmere.
|
|
\v 21 Awo abamwe ni bawuuliire ne bawuluka okumukwata, kubanga. Bakoba nti yalalukire.
|
|
\p
|
|
\v 22 Awo abbeegesya abaserengetere okuzwa e Yerusaalemi ni bakoba nti Alinza Beeruzebuli, era nti apeka Ayiina. Edaimooni ku lwa bakulu ba daimooni.
|
|
\p
|
|
\v 23 Nabeeta gyeyaali na bakobera omungeero nti ositaani ayiinza atyai okupeka ositaani?
|
|
\v 24 Obukama ni bwesorozamu bwonkai, obukama obwo tebusobola kwemeera.
|
|
\v 25 N'enyumba ne yesororamu yonkai, enyumba eyo terisobola kwemeera.
|
|
\v 26 Era oba ositaani yeemukireku yenkai, nasororamu, tasobola kwemeero yeena awaawo.
|
|
\v 27 Naye ndoowo muntu asobola okwemeera omu nyumba, ya muntu owaamani okunyaga ebintu byamwe, nga tasookere kusaba oyo owaamani, nalyoka naibba enyumba yamwe.
|
|
\v 28 Amananu nkubakoba nti abaana b'abantu baliginyirwa ebibbi byabwe byona, n'obuwoozi bwabwe bwe baliwola bwona;
|
|
\v 29 Naye oyo yayazikanka omwoyo oguweera talina kusonyiyibwa emirembe n'emirembe, wazira airye omusango ogwa kibbi ekyamirembe n'emirembe:
|
|
\v 30 Kuba basimoire nti alina odaimooni.
|
|
\p
|
|
\v 31 Awo omaamwe na baganda bamwe ni baiza, ne bamulakya, ne bamweeta nga bemeereire einzai.
|
|
\v 32 N'ekibuura kya kirwiire nga bimwetoloyire; ni bamukooti boona, omaawo na baganda baamu bali nzai bakukutoolya.
|
|
\p
|
|
\v 33 Nabairamu nga akubakoba nti onyina wange na baganda bange nibo banaani?
|
|
\v 34 N'abeetooloolya amaiso abaali baikaire esaidi zoona zoona nga bamwetoolweire nakoba nti bona, omawange na baganda bange!
|
|
\v 35 Kuba buli muntu yeena eyakolanga OKanca byayendye, oyo niye muganda wange, niye mwanyinaze, niye mawange.
|
|
\c 4
|
|
\cl Esuura 4
|
|
\p
|
|
\v 1 Era naikala okwegesya oku lukalu lwa nyanja. Ekibuura ekikooto omuno ne kikumbanira waali; nokuniina naniiina omuryato, naikala omunyanja, ekibuura kyoona kyoona ne kibba okunyanja okulukalu.
|
|
\v 2 Nabegesya bingi omungero, nabakoba omukwegesya kwamwe nti
|
|
\v 3 'Wuura, bona, omusiggi yawulukire okusiga:
|
|
\v 4 Awo olwakire ni yalinga akusiga; esigo ezimwe ne zigwa okumabbali ga nzira, enyonyi ne ziiza ni zizirya.
|
|
\v 5 Nezindi ni zigwa awali olwazzi awatali itakali lingi; amangu ago nizimera, kubbanga eitakali teryali lirai.
|
|
\v 6 Eisana niryayakire, neziwotookera, era kubbanga immizi, ni zikala.
|
|
\v 7 Ezindi niziggwa awali amawa, amawa nigalokere negazizikya nezitabala bibala
|
|
\v 8 Ezindi ne zigwa okwitakali erisai, nezibala nebibala nibikula nebyeyongera; nokubyala okwiika amakumi asatu, era okwikya enkaaga, era nokwikya ekikumi.
|
|
\v 9 Nakoba nti alina amatwi agakuwuura, awuure:
|
|
\v 10 Awo ne yaali yeika, naabo abaali bamwerugwirye neikkumi na babiri nebamubulya oku ngeero ezo.
|
|
\v 11 Nabakoba nti nywe mwawereibwe ekyama ekya bukama bwa Kanca; abantu baddi abanzai, Byoona byoona bibaweebwa mungeero:
|
|
\v 12 Ni babwoine baboine nibamweteja; era ni bawuura bawure, nebatatengera kanda bweme okukyuka era, okusonyiyibwa.
|
|
\p
|
|
\v 13 Nabakoba nti temumaite lungero lunu? Ale mulitegeera mutyai engeero zoona zoona.
|
|
\v 14 Omusiggi asiga kigambo.
|
|
\v 15 Banu nibo abakumambali ganzira, ekigambo, ne kisigibwa, awo nibawuura, amangu ago ositaani naiza nabatolamu ekigambo ekyasigibwe jebali.
|
|
\v 16 Nabanu batyo nibo bali abasigibwe owali olwazzi, abo nibawuura ekigambo, amangu ago nebakyetejja neisanyu;
|
|
\v 17 Naye nebataabbe na mmizi amwaabo, baitu bamala ekiseera kidyooli; awo ne wabawo okubona enakku era no kubalasayasania olwa bigambo, amangu ago nebenyanyatta.
|
|
\v 18 Nabandi nibo abasigibwe awali amawa, era nebawura ekigambo.
|
|
\v 19 Awo emitawaaana gya nsi nobubeyegi bwobugaigai, nokwegomba kwa bindi byoona byoona nibingira bizikya ekigambo, ni kitabaala.
|
|
\v 20 Nabo nibo baddi abasigibwe okwiitakali erisai, bawuura ekigambo, ne baikiriiza ne babala ebibala amakumi asantu, ne nkaaga, ne kikumi:
|
|
\v 21 Nabakoba nti etala ekuletebwa okutekebwa omunda omukibbo, kandaki omumaya gakitabo, netatekebwe aiguru oku kikondo?
|
|
\v 22 Kubanga tewaliwo kikubisibwa, baitu kirimanyibwa; baitu ekyabisibwe, baitu kiriboneka lwatu.
|
|
\v 23 Buli alina amatwi agawuura awuure.
|
|
\p
|
|
\v 24 Nabakoba nti mukuume kyemuwuura; omukipimo kye mugera, nanywe nikyo kye muligeerwa: era mulyongerwaku.
|
|
\v 25 Kubanga alina aliweebwa; natalina alitolebwaku nekyo kyoona kyaalina.
|
|
\p
|
|
\v 26 Nabakoba ati obukama bwa Kanca butyo, nka omuntu nasiga ensigo okwiitakali;
|
|
\v 27 Nabasya naimuka obwiire ne misana, nesigo newuluka nekula, ye nka tamaite nemerukire.
|
|
\v 28 Ensi ebala yonkai, okusooka akalagala, ate kiriimbu, ate enggaano ejikulu omukirimba.
|
|
\v 29 Baitu emmere neyengera, amangu ago atekaku ekirokodyo, kubanga okukungula kwiikire.
|
|
\p
|
|
\v 30 Nakoba nti twabwisanisya tutyai obukama bwa Kanca? Kanda twabunyonyola ku kiisani ki?
|
|
\v 31 Bukwisana nka akampeke akakalidaali, ako nekasigibwa omwi itakali, gonze nka kadyoli okusinga esigo zoona zoona eziri omu nsi.
|
|
\v 32 Baitu ni kasigibwa, kakula, kabba kakooto okusinga omukubi gwoona gwoona, kanaga amataagi agakooto ate era ennyonyi eza mwiibbanga ni zisobola okwiikala ansi wa kiituuru kyagwo.
|
|
\p
|
|
\v 33 Nabakoba ekigambo mungeri zingi nkezo, nka nibayinza okukiwuura.
|
|
\v 34 Teyasimoire nabo awatali lugero; baitu nakobanga abegereswa bamwe boona boona mu kyama.
|
|
\p
|
|
\v 35 Awo oku lunaku olwo nebwalinga busweikere, nabakoba nti tusomoke twiike "emitala" edi.
|
|
\v 36 Ni balekere ekibuura, ne bamutwara omu ryato, nka ni yaali, era namaato agandi gabire naye.
|
|
\v 37 Awo okimpangwe omwingi naiza, ebinyegge nibisusuka omulyato, ne ryato lyali nga likwaba okwiizula.
|
|
\v 38 Ye omwenyini yaali abasirye omu ryato oku kigugu, ni bamwimula nebamukoba nti omwegesya, tokufayo nga tukufa.
|
|
\p
|
|
\v 39 Naimuka, nabweigoora okimpangwe, nakoba ennyanja nti sirika, teeka. Okimpangwe nateeka ennyanja nebba gyiculeeri muno.
|
|
\v 40 Nabakoba nti kiki ekikubatinisya? Mukyali kubba na kwikiiriza?
|
|
\p
|
|
\v 41 Ni batiina ekitinisya ekikooto, nibakobangana nti ale oyo niye naani, kubanga okimpangwe nenyanja bimuwuura?
|
|
\c 5
|
|
\cl Esuura 5
|
|
\p
|
|
\v 1 Nebasomoka nebaika omu nsi Y'abagerasene.
|
|
\v 2 Nga yakazwa omu lyato, omuntu eyaliiku odaimooni eyazwire omu magombe namutangarana.
|
|
\v 3 Eyabbasyanga omu magombe; erate nga ndoowo muntu asobola kumubbuwa, no lujegere.
|
|
\v 4 Kubbanga emirundi ejikusinga yateebwangaku omumasamba no kunjegere, baitu enjegere nazikutula, namasamba nagawendawenda newatabaawo muntu wa maani akumusobola.
|
|
\v 5 Baitu buliizo, obwiire nemisana, yakungiranga omu magombe no kusonzi, ne yesalanga namabbaale.
|
|
\v 6 Neyalengeire oYesu nga akyaali alai, nairuka namuramya; nakunga neiraka erikooto.
|
|
\v 7 Nga akukoba ati okunjunaniaki, Yesu omwana wa Kanca. Ali aiguru omuno? Laira omwibara lya Kanca nti tiwambonereize.
|
|
\v 8 Kubbanga yamukobere ati zzwa okumuntu oyo? We odaimooni.
|
|
\p
|
|
\v 9 Namubuulya ati eibara lyamu niiwe naani? Namwiramu nti ninje Liijoni, kubbanga tuli bainggi.
|
|
\v 10 Namwegayira muno aleme okumwirukya omu nsi omwo
|
|
\v 11 Awo okulusozi waaliwo eiggana lya mberege nga zikulya.
|
|
\v 12 Namwegayira, nga akumukoba ati tusindike omumberege tuzingiremu.
|
|
\v 13 Namwiikiriza, odaimooni namuzzwamu, naigira omumberege; eiggana ne riruka neriserengeta akabbanga pakka mumaizi, zaali ekummi ibiri, ne zifiira omu maizi.
|
|
\p
|
|
\v 14 Awo abaali bakuziriisya nebairuka, nebakobera abamubibuga na bamubyaalo, nebaiza okubona ebibbairewo ni biri.
|
|
\v 15 Ni baika awali oYesu ni babona eyaaliku odaimooni nga aikaire, nga azwaire, nga alina namagezzi oyo eyaaliku elijoni; nibatiina.
|
|
\v 16 Ababwoine nebabanyonyola ebimubaireku oyo ayaaliku odaimooni, eratte nebya mberege.
|
|
\v 17 Nebatanula, okumwegengeerya okuzwa omunsaro zaabwe.
|
|
\p
|
|
\v 18 Awo niyaali nga akusomoka omu lyato, oyo eyaaliku odaimooni, namwegayiira abbe naye.
|
|
\p
|
|
\v 19 Natamwikiiriza, baitu yamukobere ati, yaaba ekka omu bantu baamu, obakobere ni biri ebikulu oKanca byakukoleire, ne bwakusasiire.
|
|
\v 20 Nayaba, natanula okubakobera omu Dekapooli ni biri ebikulu OYesu byeyamukoleire.
|
|
\p
|
|
\v 21 Awo OYesu neyasomokere ate omu lyato naikka oku lukalu ebibbuura bingi ne bikumbanira waali: Ye nga ali ku lukalu lwa nyanja.
|
|
\v 22 Omwe okubakulu baikungaaniro, eibara lyamwe Yayiro, naiza; niyamubwoine nainama okumagulu gaamwe.
|
|
\v 23 Namwegayiira muno nga akumukoba ati, omwaala wange omuto aliampi okufa, nkweigayirerembe izza omuteeku emikono gyaamu, aire omumbeera yaamwe, ayimbooke.
|
|
\v 24 Nayaba naye; ekibiina kikooto ne kimusengeerya, nebamuniggiirya.
|
|
\p
|
|
\v 25 Awo omukkali eyaali alwaire ekikulukutto kya musaayi emyaka ikumi naibiri,
|
|
\v 26 Eyayabanga omuno okubassawo abaiggi, naweryangayo biyalinabyo byoona-byoona, erate natagasibwa, baitu ne yeeyongera kulwaala.
|
|
\v 27 Ni yawuliire ebigambo bya Yesu, naizira enyuma wa kibiina nakoma okukyambalo kyamwe.
|
|
\v 28 Kubbanga yakobere nti, ninakwatakumbe okyambalo kyamwe, nawona.
|
|
\v 29 Amangu ago ensulo yamusaayi nekala, namanya omumubiri gwamwe nga awonere obujune bwamwe.
|
|
\p
|
|
\v 30 Amangu ago oYesu neyetejerye omuye nti amaani gamuzwiremu, nayinduka omukibiina nakoba nti naani akwaite okukyambalo kyange?
|
|
\p
|
|
\v 31 Abeegereswa bamwe ne bamukoba bati, okubona ekibiina nekikumigiriirye, nakoba ati naani ankwaiteku?
|
|
\v 32 Niyetoololya amaiso okubona oyo akoore ekigambo ekyo.
|
|
\p
|
|
\v 33 Baitu omukali nga akutiina, nga akukankana, nga amaite kyabbaire, naiza nafukamira omumaiso gaamwe, namukobera ebya mazima byoona-byoona.
|
|
\v 34 Namukoba nti, mwaala, okwiikiriza kwamu kukuwoonerye weyabire mirembe.
|
|
\p
|
|
\v 35 Awo niyaali nga akyasimoola, abaazwiire awa mukulu weikunganiro ne baiza, nga bakukoba nti, omwaala waamu afiire, okusumbuwiraki omwegesya.
|
|
\p
|
|
\v 36 Baitu OYesu natateeyo mwoyo ku kigambo ekikobeibwe, nakoba omukulu waikumbaaniro nti, totiina, ikkiriza mbe.
|
|
\v 37 Nataikkiriza muntu kwaaba naye okwiyaku oPeetero, no Yakobo, no Yokaana, omuganda wa Yakobo.
|
|
\v 38 Ni baika oku nyumba yamukulu waikumbaaniro, nabona okwaziirana, no kukubba ebiboobe ebingi.
|
|
\v 39 Awo neyaigirire nabakoba kiki ekikubaaziiranya ne kikubakunja? Omwana tafiire, naye abasiryembe.
|
|
\v 40 Ni bamusekeere muno, baitu ni yabawulukirye boona-boona, natwala oitaamwe wa mwaala no maamwe naabo abaali naye, naigira omwaala mwi yaali.
|
|
\v 41 Awo nakwaata omukono gwa mwaala, namukoba ati talusa kumi ekitegeeza; mwaala nkukukoba imuka.
|
|
\v 42 Amangu ago omwaala naimuka, natambula; kubbanga yaali yakamala emyaka ikumi naibiri. Amangu ago ni bawuniinkiira okuwuniinkiira okukooto.
|
|
\v 43 Nabakuutira muno buli muntu yeena- yeena obutamanyisya wundi: Nalagira bamuwe ekyakulya.
|
|
\c 6
|
|
\cl Esuura 6
|
|
\p
|
|
\v 1 Nazwayo; naiza omu nsi ya waabwe abegereswa bamwe nebaaba naye.
|
|
\v 2 Awo e ssabbiiti ni yaikere, natandika okwegesya omwiramyo; Abandi ne bawuninkiira, nka bakoba nti oni ebyo abiya ayi? Era nti magezi ki ganu ge yawereibwe onu, era nti ne byamagero ebyenkana ani? Abikola na mikono gyamwe?
|
|
\v 3 Tiniye oni omubaizi, omwana wa Malyamu, omuganda wa Yakobo, no Yose, no Yuda no Simooni? Ye nabonyoko bamwe tetuli nabo anu?
|
|
\p
|
|
\v 4 OYesu nabakoba nti onabbi tabba nakitisya omu nsi yamwe, no mu kika kyamwe.
|
|
\p
|
|
\v 5 Era teyasoboire kukolayo kya magero kyoona, baitu nata emikono jamwe okubalwaire nk'akwegesya.
|
|
\v 6 Niye wuunya obutaikiiriza bwaabwe, niyetuloola omumbuga nga akwengesya.
|
|
\p
|
|
\v 7 Nayeta jaali eikumi n'ababiri, natandika okubatuuma babiri-babiri, nabaweerya obuyinza oku daimooni.
|
|
\v 8 Nabalagira baleme kutwala kintu kyoona-kyoona omunzira baitute omwigo gwonkai; ti mmere, gonze ensawo, gonze ebikomo omu nkobba zaabwe.
|
|
\v 9 Baitu nka bennanikire enkaitto, erate timuzwalanga kanzu ibiri.
|
|
\v 10 Nabakoba nti buli nyumba yoona ni mwingiranga mubbenge omwo okwica lwe mulizwayo.
|
|
\v 11 Nabuli kifo kyoona ekitalibaikiriza, obutabawuura, ni muzwangayo, mukunkumulanga ocuucu ali omumagulu ganywe okubba obujurwa gyebali.
|
|
\v 12 Ni baaba nebabuulira abantu okwanenya.
|
|
\v 13 Ne bapeka odaimooni mwingi; nasiimula amafuta oku balwaire baingi negabatamba.
|
|
\p
|
|
\v 14 Awo oKeronde omukama nawuura, kubbanga eibara lyamwe lya manyibwe muno; nakoba nti oYokaana omubatizza azukiire omu bafu, amaani ganu nikyo gazwa gakoora omu Ye.
|
|
\v 15 Baitu abandi ne bakoba nti niye Eriya. Abandi ne bakoba nti mulangi, nkomwe ku balangi.
|
|
\p
|
|
\v 16 Baitu OKerode ni yawulire nakoba nti OYokaana gwe natemereku omutwe niye azukiire.
|
|
\p
|
|
\v 17 Kubbanga o'Kerode yenyenere yatumire, nakwata O'Yokaana, namubbuwa omwiikomera olwa kerodiya, omukali wa mungada wamwe OFiripo; kubbanga yamubadwiire.
|
|
\v 18 Kubbanga O'Yokaana yakobere O'Kerode nti kyamuzizo we okubba no mukali wa muganda waamu.
|
|
\v 19 No Kerodiya kiyazwire natekateka era nayendya okumwitta natasobole.
|
|
\v 20 Kubbanga OKerode yatiinire OYokaana, nga amumaite nka omwikiiri mukweera, n'amwerinda. Yatakire muno okuwuura bya kusimoola; baitu tebyamulenge tamaite kyakukola.
|
|
\p
|
|
\v 21 Awo olunaku olusai ni lwaikire, O'Kerode nasumbira abeegereswa bamwe embaga ku lunaku olwa kubyalibwa kwamwe, nabakulu babajwaaka n'abaami bamu Ggaliraaya.
|
|
\v 22 Awo omwala wa Kerodiya omwenyenere neyaizire nabina, OKerode naabo abaali baikaire naye nga bakulya ni bamusiima; awo omukama nakoba omwala nti nsaaba kyo kwendya kyoona kyoona nakikuweerya.
|
|
\v 23 Namulairira nti kyoona-kyoona kyewasaba, nakikuweerya, gonze ekikyoka kya bukama bwange.
|
|
\p
|
|
\v 24 Awo nawuluka nakoba omaamwe nti nasaba ki? Namukoba nti omutwe gwa Yokaana omubatiza.
|
|
\p
|
|
\v 25 Amangu ago nalabukaku naiza eji omukama, namusaba nga akukoba ati nkwendya ompeerye atibuni omulucubba omutwe gwa Yokaana omubatiza.
|
|
\v 26 Awo omukama niyenyamira muno; baitu olwabirayiro byamwe naabo abaali bakaire baitu nga bakulya, natatake ku mwima.
|
|
\v 27 Amangu ago omukama n'atuma abajwaaka, nalagira okuleeta omutwe gwamwe; nayaba namutemaku omutwe omunkomyo.
|
|
\v 28 Naleeta omutwe gwamwe omulucuuba, naguweerya omwala, n'omwala naguweerye omaamwe.
|
|
\v 29 Awo abegereswa bamwe ni baawulire, nebaiza nebatwaala omulambo gwamwe ni bagutta omu magombe.
|
|
\p
|
|
\v 30 Abatume nebainamira awali O'Yesu ne bamukobera ebigambo byoona-byoona bye bakoore, ne bye babegeserye.
|
|
\v 31 Nabakoba nti mwiize nywe kyama omukifo awatali bantu muwumuleku kadyooli. Kubbanga walowo baingi abaizire na bayabire naye ne bataa bbe naibbanga gonze awa kuliira.
|
|
\v 32 Ni baabira omu lyato kyaama omu kifo awatali bantu.
|
|
\v 33 Ni bababona nga bakwaaba, baingi nebetejja, naabo abazwiire omu bibuga byoon-byoona ni bairuka oku lukalu, ne babekeerayo.
|
|
\v 34 Ni yazwiire omu ryato nabona ebibbuura bingi, nabasaasira kubbanga baali nk'entama ezitaluku muliisya; natandika okubegesya ebigambo bingi.
|
|
\p
|
|
\v 35 Awo obwiire ni bwaali nga bwakaire, abegereswa bamwe nebaiza waali, ne bakoba nti Ekifo kinu kya irungu atibunu obwiire bwakaire;
|
|
\v 36 Basibuule, baabe omu byalo no mubibuga ebyampi beeguure emmere.
|
|
\p
|
|
\v 37 Baitu, nairamu nabakoba nti nywe mubawerye emmere. Ne bamukoba nti twabe tugule emigaati jamuwendo ibiri tujibawerye balye?
|
|
\p
|
|
\v 38 Nabokoba nti mulina emigaati imekai? Mwabe mubone nibeteserye ni nakoba nti itaanu ne ncwi ibiri
|
|
\v 39 Nabalagira baikale boona bibbuura-bbuuura oku kisiko.
|
|
\v 40 Ni baikala nnyiriri nyiriri, ekikumi, n'amakumi ataanu.
|
|
\v 41 Nakwaata emigaati, etaanu n' encwi ibiri, naloleera aiguru, ni yebalya, n'awendamu emigaati, nawerya abeegereswa bamwe bagite omu maiso gaabwe; ne ncwii ibiri nabagabira boona.
|
|
\v 42 Ni balya boona ni baikuta.
|
|
\v 43 Ne bakumbania obukunkumuki, ni baizulya ebiibbo ikumi na bibiri ne ncwi.
|
|
\v 44 Abo abaalire emigaati baali abasaiza enkumi itaanu.
|
|
\p
|
|
\v 45 Amangu ago n'abawaliriza abeegereswa bamwe okuniina Omu ryato bekeereryo enseeri wedi e Besusa Yida, Ye amale okusibula ebibbuuru.
|
|
\v 46 Awo ni yamaare okusibula nayaba oku losozi okussaba.
|
|
\v 47 Awo ni bwabire buwungeera, elyato lyali munyanja omu buluba, ye yaali yenkai oku lukalu.
|
|
\v 48 Awo ne yabweine nga bakutawaana okuvuga kubbanga ompungwo yaali awulukire mumaiso, omu kisisimuko ekyakanai ekyabwiire naiza jibaali nga akutambuura oku nnyanja, ni yaali nga akwaba okubakalya.
|
|
\v 49 Baitu bo ni bamubweine nga kutambuura oku nnyanja, ni balowooza nti kisitani, ne bakunga.
|
|
\v 50 Kubbanga boona bamubweine, ne beeralikiira baitu amangu ago nasimoola nabo nti mugume; ninje anu mutatiina.
|
|
\v 51 N'aniina omu lyato mwebaali, ompungwo kakoma ne nebawuunikiira muno omunda zabwe.
|
|
\v 52 Kubbanga ebyamigaati tebabitegeire, baitu emyoyo jaabwe jaali zaali zikakanyali.
|
|
\p
|
|
\v 53 Awo ne bawuulukire, ne baiza omu nsi ya Genesaleeti, ne baika enseeri.
|
|
\v 54 Awo ne bawuulukire, ne baiza omu nsi ya Genesaleeti, ne baika enseeri. Awo ni bazwiire omulyato amangu ago ne bamwetejja.
|
|
\v 55 Nibairuka ni beruguulya omu nsi eyo yoona, ne batandika okuleeta abalwaire okubittabo byabwe.
|
|
\v 56 Ne buli jeyayabanga, omu bibuga, oba omu byalo basangire abalwaire omu butale, ne bamwegayiira bakwatekumbe oku ntando ya lugoye lwamwe naabo abamukwaitku ne bawona.
|
|
\c 7
|
|
\cl Esuura 7
|
|
\p
|
|
\v 1 Ni bakumbanira waali Abafalisaayo nabawandiiki abazwire e Yerusaalemi.
|
|
\v 2 Era ababoine abegereswa bamwe abandi ne balya emmere yaabwe n'engalo ezibbi, nizo ezitanabibwe.
|
|
\v 3 Kubbanga Abafalisaayo, n'Abayudaaya boona ne bataanabire muno mu ngalo zaabwe, tibalya, kubbanga bakwata emikiirokiiro ejabakaire.
|
|
\v 4 Era nibazwire omu katale, ne batanabire, tibaliire era walowo n'ebindi bingi bibabawaire okukwata, okunaabya ekikompe; n'ebibya, ne sepiki ezabikomo.
|
|
\p
|
|
\v 5 Abafalisaayo na bawandiiki ni bamubulya bati; kiki abeegereswa baamu ekibagaana okutambuura mu mikiirokiiro ejabakaire, baitu bamala galya emmere n'engalo zibbi?
|
|
\p
|
|
\v 6 Nabakoba nti; o Isaaya yalagwire kusai oku nnywe aba kiweweita, nka ne kyawendikiibwe kiti; Abantu banu bantaamu ekitinisya kya kumunwa, baitu emyoyo zaabwe zindi alai.
|
|
\q
|
|
\v 7 Baitu bandamirya bwereere, ne bakwegesya amateeka g'abantu nga nibyo abyakukwata.
|
|
\p
|
|
\v 8 Muleka eiteeka erya Kanca, ne mukwata emikiirikiiro j'abantu.
|
|
\v 9 Nabakoba ati muganira kimwe kusai eiteeka erya Kanca, era mukwata emikiirokiiro zaanywe.
|
|
\v 10 Kubbanga o'Musa yasimoire ati; otaanga ekitinisya omwi iteewo n'o maawo; era ati azumanga oitaamwe oba omaamwe, bamwitengembe.
|
|
\v 11 Baitu nnywe musimoola muti; omuntu nakoba oitaamwe oba omaamwe nti kyoona kinandikuwaire okukugasa niye kolubaani, ekitegeeza kiti "ekitoni" kya Kanca.
|
|
\v 12 Timuganyanga kukoora kintu oitaaywe oba omaanywe;
|
|
\v 13 Mudibya ekigambo kya Kanca olwa mikiirokiiro zaanywe, ne mwayegeserye; era mukola ebigambo ebindi bingi nk'ebyo.
|
|
\p
|
|
\v 14 Ate nayeta ebibbuura, nabakoba ati; mumpuliirye nyweena- nyweena muneteje;
|
|
\v 15 Ndoowo kintu ekiri enzai wa muntu ne kingiria omu ye, ekiyinza okumusiisa, baitu ebintu ebizwa omu muntu, ebyo nibyo bisiisa omuntu.
|
|
\v 16 Buli alina amatwi aga kuwuura. Awuure.
|
|
\p
|
|
\v 17 Awo nibaingiire omu nnyumba ng'azwiire omu kibbuura, abegereswa baamwe ne bamubuulya olufumo olwo.
|
|
\v 18 Nabakoba nti; kityo nyweena temulina magezi? Temweteja nga kyoona ekiri enzai ne kingira omu muntu, tekiyinza kumusiisa.
|
|
\v 19 Kubbanga tekingira mu mwoyo gwamwe, baitu munda yaamwe, ne kyakala ne kyaaba omu kiyigo? Yasimoire atyo nakulongoosa ebiriibwa byoona- byoona.
|
|
\v 20 Nabakoba ati; Ekizwa omu muntu, nikyo kimusiisa.
|
|
\v 21 Kubbanga omunda omu myoyo gya bantu, mulugamu ebirowoozo ebibbi, obukaba,
|
|
\v 22 Okwiibba, okwiitta, obwenzi, okwegomba; obubbi, obukuyikuyi, okululunkana, eriiso eribbi, okuvvoola, amalala, obusiru;
|
|
\v 23 Ebibbi ebyo byoona-byoona bizwa munda ne bisiisa omuntu:
|
|
\v 24 Naimuka, nazwayo nayaba oku mbibi za Twulo ne Sidoni. Naingira omu nnyumba natendya muntu kumweteja, ate natayinza kwekweeka.
|
|
\v 25 Baitu amangu ago omukali eyalina omwala wamwe eyakuku odaimooni, niyamuwuliire naiza nafukamira okumagulu gamwe.
|
|
\v 26 Omukali yaali muyonaani eiggwanga lyamwe musulofoyiniiki namwegayiira okugoba o daimooni oku mwaala wamwe.
|
|
\v 27 Namukoba ati; leka abaana bamale okwikuta kubanga tikisai kukasukira emmere y'abaana embweene.
|
|
\p
|
|
\v 28 Yeena nairamu namukoba ati; wewaawo, mukama wange; nembweene ziriira ansi wa mmenza obukunkumuki bwa baana.
|
|
\p
|
|
\v 29 Namukoba ati; olwa kigambo kyamu ekyo, weirireyo; odaimooni azwire oku mwaala waamu.
|
|
\v 30 Nairayo omu nnyumba yaamwe, nasanga omwaala nabasirye oku kitanda, n'odaimooni nga amuzwireku.
|
|
\p
|
|
\v 31 Ate nazwa omu mbibi eza Ttuulo, naiza, nayakala omu Sidoni n'akati wa mbibi eza Dekapoli naika oku nnyanja eya Galiraaya.
|
|
\v 32 Ne bamuleetera okigara, atasimoola kusai, ne bamwesengerya okumutaaku emikono gwamwe.
|
|
\v 33 Namwiiya omu kibiina kasirise, namutaaku engalo okumatwi gamwe, Nacwa amalusu namuta oku lulimi;
|
|
\v 34 Naloleera aiguru omwiguru, natinda namukoba ati; Efasa, nikwo okukoba nti bonia.
|
|
\v 35 Amatwi gamwe ni gaiguka, nekikolo kya lulimi lwamwe nikisindabuka nasimoola kusai.
|
|
\p
|
|
\v 36 N'abakuutira baleme okukoberaku muntu; baitu nka niyeyongeire omuno okubakalatira, nebeyongera muno okukimanyisya.
|
|
\v 37 Ni bawuninkkiira muno amaano nga bakukoba bati ba akoore kusai; aigula abaigali b'amatwi, era abazisya abakibbubu.
|
|
\c 8
|
|
\cl Esuura 8
|
|
\p
|
|
\v 1 Nilwakire omunaku ezo, ebibuura bya bantu ni bya kaliirya obwingi ate, nibatalya emmere, nayetta abaegereswa bamwe, nabakoba ati.
|
|
\v 2 Nkusaasira ebibuura, lwakubba olwaleero zikire enaku isaatu nga bali nangye, ate nga tibatunga mmere;
|
|
\v 3 Nimbasibula anu okwiirayo nga basiibire: nzala, bakwaba kukabira mu nzira; nabamwe bazwa alai.
|
|
\p
|
|
\v 4 Abegereswa bamwe nibamwiramu bati omuntu yasbola atyai okwikutisya, abantu banu emigaati anu omwiirungu?
|
|
\p
|
|
\v 5 Nababulya ati mutaa nemigaati imeikai? Nibamukoba baati ziri musanju.
|
|
\p
|
|
\v 6 Nadduumira ebibbuura byoona okwiikala ansi; nakwata emigaati omusanju, niyeebalya, nawendamu, nawerya abegereswa bamwe, okugita mumaisso gaabwe; nibazitta omu smaiso ga kibuura kyabantu.
|
|
\v 7 Era baabayire no bunage budyooli; nabwebalya, nadduumira bwoona okubuta o) mu maiso gaabwe.
|
|
\v 8 Abantu nibalya ni bayikuta, banirya obukunkumuki obwasigalirewo ebisira musanju.
|
|
\v 9 Abantu babaire nga abakwika enkumi inai; nabasibula.
|
|
\v 10 Amaangu ago nayambuka omulyato nabegereswa bamwe, nayiinza kumbaju zanyanja eza dalumanusa.
|
|
\p
|
|
\v 11 Abafalisaayo nibawuluka nibaiza, ni batandika okumubulya, nga bakuswagana oku ye akabonero akazwa omwiguru, nga bakumwoyerwa.
|
|
\v 12 Nalumwa muno omu mwoyo gwamwe, nakoba ati, abamunnyumba ginu bakuswaganiryaki akabonero?
|
|
\v 13 Nabaleka awo, nayambuka omulyato nayaba enseeri wa nyanja edi.
|
|
\v 14 Awo ni berabira okutwala emigaati, ate nga tigyalumu omulyato wabula mwalumu gumwe gwonkai.
|
|
\v 15 Nabakuutira nabakoba ati, mwegumye, mwekuume okutumbisibwa kwabafalisaayo nekitumbisiya kya kerode.
|
|
\p
|
|
\v 16 Nebebuulya bonkai nabonkai, nibakoba bati tibataa namigaati.
|
|
\p
|
|
\v 17 OYesu niyeteje nabakoba ati kiki ekikubebulisyangana olwabutabba na migaati? Mukyali kubona, timutegeera? Emyoyo gyanywe zikakanyali?
|
|
\v 18 Mulina amaiso, timubona? Mulina amatwi, timuwuura?
|
|
\v 19 Ni nawendeire enkumi eitaanu emigaati etaanu, ebibbo bimekai ebyaizwire obukunkumuki? Ne bamukoba ikumi na bibiri.
|
|
\p
|
|
\v 20 Erate ni nawendeire omusanju oku nkumi einai, mwakumbanirye ebisira bimekai ebyaizwire obukunkumuki? Ni mukoba nti musanju.
|
|
\v 21 Nabakoba ati mukyali kwetejja?
|
|
\p
|
|
\v 22 Ni baiza nibaika omu Besusayida ni bamuletera omulibbi wa maiso, nibamwegayira amukwateku.
|
|
\v 23 Nakwata omulibbi wamaiso oku mukono, namuwulukya enzai wakigango; awo neyacwantira amalusu okumaiso gamwe, namutaku engalo, namubulya ati oluku kyokubona?
|
|
\p
|
|
\v 24 Naloleera aiguru nakoba ati nkubona nkubona abantu, lwakubba nkubona nga bakwisana emisaale nga bakutambula.
|
|
\v 25 Ate namuta engalo okumaiso gamwe nakundula amaiso okubona, nawona, nabona byoona-byoona kusai.
|
|
\p
|
|
\v 26 Namukoba ayabe ewamwei, era namukoba tongiranga mumbuga muni.
|
|
\p
|
|
\v 27 OYesu naimuka nayaba nabegereswa bamwe omumbuga zekayisaliiya ekya Firipo. Ni baikire omunzira nabuulya abagereswa bamwe nababuulya ati abantu banyeta naani?
|
|
\v 28 Ni bamukoba bati Yokaana omubatizza; Abandi bati Eriya; ate abandi omwe okubanabbi.
|
|
\p
|
|
\v 29 Ye nababuulya ati nywe munyetta naani? Opeetero nairamu namukoba ati niiwe Kristo.
|
|
\p
|
|
\v 30 Nabakuutira baleme okukobera omuntu ebigambo byamwe.
|
|
\p
|
|
\v 31 Natandika okubegesya ati kimugwanire omwana wa muntu okubonyabyonyezebwa okwingi, nokuganibwa abakaire, na bakabona abakulu, nabawandiiki, no kwiitibwa, nokwakalaku enaku eisaatu okuzuukira.
|
|
\v 32 Nasimoola ekigambo ekyo mulwatu. OPeetero namutwala, natandika okumunenya.
|
|
\v 33 Yeena nakyuka, nabona abegereswa bamwe, nanenya Opeetero, nakoba ati ira enyuuma wange, setaani; lwakuba tolowozere bya Kanca, wabula ebyabantu.
|
|
\p
|
|
\v 34 Nayetta ebibuura byabantu nabegereswa bamwe, nabakoba ati omuntu nattaka okunsegerya, yeefiirize yenkai, yeetikke omusalaba gwamwe, ansengeerye.
|
|
\v 35 Lwakubba buli ayendya okulokola obwoomi bwamwe alibubulya; nabuli alibubulya obwoomi bwamwe kulwange nolwanjiri alibulokola.
|
|
\v 36 Lwakubba kirimugasaki omuntu okulya ensi zoona, nafeerwa obwoomi bwamwe.
|
|
\v 37 Lwakubba omuntu yandiwaireyo kiki okunula obwoomi bwamwe.
|
|
\v 38 Lwakubba buli ankwatirwa ensoni ku nje nebigambo byange omumulembe guni ogwa kibbi, nomwana wamuntu alimukwatirwa ensoni oyo lwalizira omukitinisya kyaitamwei ne malaikka zamwe ezikiirire.
|
|
\c 9
|
|
\cl Esuura 9
|
|
\p
|
|
\v 1 Nabakoba ati mazzima nkubakoba nti abemereire ani walowo abamwe abatalirega okukufa nakadyooli; okwiikya mbalibona obukama bwa Kanca nga bukwizza namaani.
|
|
\p
|
|
\v 2 Awo enaku omukaaga nzakairewo oYesu natwala Opeetero no Yakobo no Yokaana, nayaba nabo okulusozi olulai bonkai omukyaama; nafuuka omu maiso gaabwe.
|
|
\v 3 Engoye zaamwe nzakayakana nezeera muno; ate nga ndoowo mukozi oku nsi asobola okwoza nizeera zityo.
|
|
\v 4 Awo Eriya no Musa mbababonekera; era baali bakusimoola no Yesu.
|
|
\v 5 Peetero nairamu nakoba Yesu ati mukama waiswe, kisai muno iswe okubaani; ale twomboke ensisiira isaatu; emwe yaamu, emwe ya Musa, neyindi ya Eriya.
|
|
\v 6 Kubbanga yaali tamaite kyakwiramu, kubanga baali batinire muno
|
|
\v 7 Awo ekiiguuru ni kiiza nkibasweeka; neiraka ni wuluka omu kiiguuru nti oni niye mwana wange gwentaka omuno; mumuwuulirye.
|
|
\v 8 Mbatategeera amangu ago, mbatabona muntu yeena-yeena okutoolaku OYesu yenkai nabo
|
|
\v 9 Awo ni baali nga bakuserengeta oku lusozi, nabasiibira baleke okukoberaku omuntu bye babweine mbikwaba okubba?
|
|
\v 10 Awo ni batandika okwekuuma ekigambo ekyo nga bakubuulyangana bonkai nti okuzuukira omubafu kuli kutyai?
|
|
\p
|
|
\v 11 Ni bamubuulya nga bakumukoba nti abwandiiki basimoola nti kikugwana Eriya okusooka okwiiza.
|
|
\p
|
|
\v 12 Nabakoba ati Eriya yasookere okwiiza naloongosa byoona; kyawandikiibwe kityai? Omwana wa muntu okubonyabonyezebwa ebingi nokunyomebwa.
|
|
\v 13 Naye Nkubakoba nti Eriya yamaare okwiiza, era bamukoore buli kye batakanga, nka ni kyawandikiibwe.
|
|
\p
|
|
\v 14 Awo mbaikira eji abegereswa bamwe, ni babona ekibuura nga kikooto kibetooloire, nabawandiiki nga bakubabuulya buulya.
|
|
\v 15 Amangu ago ekibuura ni kyamuboine, ni beewunya muno, ni bamwirukiira ni bamulamuca.
|
|
\v 16 Nababuulya nti mukubasookasoka lwaaki?
|
|
\p
|
|
\v 17 Omwe okukibuura nairamu ati omwegeresya, nkuletire omwana wange, aluku odaimooni ata kusimoola;
|
|
\v 18 Buli gyakumutwala, akumukubba ebigwo; akufukeera eifuro akunena amaino, akusaarara: nkobere abagereswa baamu bamumpeke; ni bagaana.
|
|
\p
|
|
\v 19 Nabairamu, nakoba ati nywe abamirembe ezi taikiriza, ndiica ayi okubba nanywe? Ndiica ayi okubagumikiriza? Mumundeetere.
|
|
\v 20 Ni bamuleeta gyali, awo ni yamuboine, amangu ago odaimooni namuyonolayonola muno; nagwa ansi, ne yekuvulunga, nga akufukeera eifuro.
|
|
\v 21 Nabuulya oitaabwe ati obulwaire bunu bukya bumukwaata biseere ki? Nakoba ati kuzwa mubuto.
|
|
\v 22 Emirundi zingi nga amunaga omumuuro no mumaizi okumwiita; naye niwabbanga okusobola; tusaasire otujjune
|
|
\v 23 OYesu namukoba ati nobbanga olina obuyinza! Byoona biyinzika eji aikiriza.
|
|
\p
|
|
\v 24 Amangu ago oitaamwe wamwana na simoora aiguru, nakoba ati nyikiirize nsaasira obutaikiiriza bwange.
|
|
\p
|
|
\v 25 Awo Yesu niyaboine nga ekibuura kikumbaana mbiro, nabboiggora odaimoni, namukoba nti we daimooni atakusimoola, era omwiggali wa matwi, nje nkulagira, muzweku, tomwirangaku nakadyooli.
|
|
\p
|
|
\v 26 Awo nakuungunga, namwonola muno, namuzwaku, naisana nka afiire, nokukoba abandi nebakoba nti afiire.
|
|
\v 27 Naye oYesu n'amukwata okumukono, namwimula nayemeera.
|
|
\p
|
|
\v 28 Awo ni yangiire omu nyumba, abegereswa bamwe nebamubuulya omu kyama nti iswe titwasoboire kumupeka.
|
|
\p
|
|
\v 29 Nabakoba ati engeri eni tesoboka kumuzwaku lwakigambo okutoolaku nokusaba.
|
|
\p
|
|
\v 30 Nebazwayo, ni baakala omu Ggaliraaya, nga takutaka muntu yeena okumwetejja.
|
|
\v 31 Kubbanga ya yegesyanga abegereswa baamwe nabakoba ati omwana wa muntu akuwebwayo omu mikono zabantu, bali mwitta; kale ni balibba nga bamaare okumwitta, era walyakalawo enaku isaatu na zuukira.
|
|
\v 32 Naye tibetegyerye ekigambo ekyo, nebatiina okumubuulya.
|
|
\p
|
|
\v 33 Ne baika eKamperunawumu; awo ni yaali omu nyumba nabakoba nti mubbaire mukuwakanaki omuzira?
|
|
\v 34 Naye ne basirika; kubbanga baali bakuwakana bonkai nabonkai omunzira nti naani omukulu.
|
|
\v 35 Naikala nayetta eikumi nababiri, nabakoba nti omuntu nabba nga akwendya okubba owakwekeera, yabbanga ku nkomeero ya boona. Era omuweereza waabwe boona.
|
|
\v 36 Natoola omwana omuto, namwemeerya akati omu bantu namuwambatira nabakoba nti.
|
|
\v 37 Buli eyaikirizanga omwe okubaana abato omwibara lyange, nga aikiriize ninje, era buli muntu yeena amwikiriza nje, taikiriza nje, okutoolaku odi eyantumere.
|
|
\p
|
|
\v 38 Awo Yokaana namukoba nti omwegesya, twaboine omuntu nga akupeeka odaimooni omwibara lyamu; ni tumugaana, okubbanga tiyakaire naiswe.
|
|
\p
|
|
\v 39 Naye Yesu nakoba ati timumugaananga; okubanga ndoowo muntu eyakolanga ekya magero omuwibara lyange ate amangu ago ni bamuzuma.
|
|
\v 40 Kubbanga atali omuzugu waiswe nga ali kulwaiswe.
|
|
\v 41 Kubbanga buli muntu eyabanywisyanga, nywe ekikopo kya maizzi kubbanga muli ba Kristo, mazzima nkubakoba nti takwaba kubulwa mpeera yaamwe nakadyooli.
|
|
\p
|
|
\v 42 Nabuli muntu anenyanyatanga omwe okwabo abato abakungikiriza, akiiri oyo okubuwanga emengo ejikooto omwikoti lyaamwe anagibwe omunyanja.
|
|
\v 43 Omukono gwamu nga gukwenyanyata; ogutemangaku; akiri we okwingira omu bwoomi, nga obuulwe ekitundu, okusinga okwaaba omugeyena nga oli nemikono zikali-ibiri, omu muuro ogutalikira.
|
|
\v 44 Eigino lyaabwe gyetafiira amwe nomuuro tigulirikira.
|
|
\v 45 Nno kugulu kwaamu ni kukwenyanyatanga, okutemangaku akiiri we okwingira omu bwoomi nga toluku kugulu, okusinga okunagibwa omu geyaana, nga olina mangulu goona.
|
|
\v 46 Eigino lyaabwe egyetafiira amwe no muuro ogutalikira.
|
|
\v 47 Neriiso lyaamu ni rikwenyanyatanga, olitoolangamu, akiri we okwingira omu bukama bwa Kanca nga oli mulibbi, okusinga okunagibwa omu ggeyena, nga olina amaiso goona;
|
|
\v 48 Eigino lyaabwe egyetafiira amwe nomuuro ogutalikira.
|
|
\p
|
|
\v 49 Kubbanga buli muntu aliteebwamu omuuro.
|
|
\v 50 Omuunyu gusai naye omwunyu nga gujjalukire muli gwiiryamu muunyu ki? Nywe mubbe nomuunyu omunda yanywe, mutabagane nywekai na nywenkai.
|
|
\c 10
|
|
\cl Esuura 10
|
|
\p
|
|
\v 1 Awo naimuka na zwayo, naiza mwimbibi eza Buyudaaya ne buluba wa Yoludaaani. Ebibbuura bingi ni bikumbanira weyaali era; nga bwe yagakare ne ebbegesya era.
|
|
\v 2 Awo Abafalisaayo ne baiza gyali, ne bamubulya nti kisai omuntu okupekanga omukaali wamwe? Nga bakumukema.
|
|
\p
|
|
\v 3 Yeena nabairamu nabakoba nti Musa yabalagiire atyai?
|
|
\p
|
|
\v 4 Ni bamukoba bati oMusa yaikiriize okuwandiikanga ebbaluwa eya kupeka; ate apekebwenge.
|
|
\p
|
|
\v 5 No Yesu nabakoba nti, olwa bukakanyali bwa myoyo gyanywe nikyo kyazwirekwo abawandiikire eiteeka linu.
|
|
\v 6 Naye okuzwa okulunaku olwekeera olwa okutonda, yabatonddere omukali no musaiza.
|
|
\v 7 Omuntu nikyo yazwanga azwiira oitaamwe no maamwe ni yegaitta no omukali wamwe.
|
|
\v 8 Boona baliba omuntu omwe; olwo nga tebakyali babiri era, wabula omuntu omwe.
|
|
\v 9 Kale OKanca kyeyagaitire amwe, omuntu takigaitululanga.
|
|
\p
|
|
\v 10 Awo ate "omu nyumba abegereswa" ni bamubuulya ekigambo ekyo.
|
|
\v 11 Na bakoba ati buli muntu yeena eyapekanga omukali wamwe, nawasa owundi nga asiyanire okumusobya.
|
|
\v 12 Oyo mwenyenere ne yanobanga ewa baiba wamwe, na sumbirwa owundi, ng'asiyanire.
|
|
\p
|
|
\v 13 Awo ne bamuleetera abaana abaato, okubakwaataku; abegereswa bamwe ne babakanga ababaletere.
|
|
\v 14 Naye oYesu ni yabweine na gongera, n'abakoba ati mwiikirize abaana abaato baize gyendi, olwakuba nti abaisana nka bo obukama bwa Kanca bwabwe.
|
|
\v 15 Amazima nkubakoba nti buli ataikirizenge nga obukama bwa Kanca nka omwana omuto, tali bwingiramu nakadyoli.
|
|
\v 16 Y'abawambatiire, n'abaawa omukisa, nga akubataaku emikono.
|
|
\p
|
|
\v 17 Ni yaali nga akwaba omu nzira, omwe naiza gyali nga akwiruka, n'amufukamiira, n'amubuulya ati omwegesya omusai, nakola ntyai okusikira obwoomi obutawaawo?
|
|
\p
|
|
\v 18 OYesu n'amukoba nti okunyetera kiki omusai? Ndoowo musai okutoolaku omwe, niye Kanca.
|
|
\v 19 Omaite amaateka, toitaanga, tosiyananga, toibbanga, towangilyanga, tolyaakanga, otangamu ekitinisya oiteewo no maawo.
|
|
\p
|
|
\v 20 Namukoba nti omwegesya, ebyo byoona nabikwaite okuzwa omu buto bwange.
|
|
\p
|
|
\v 21 OYesu ni yamulolereire n'amwendya, namukoba ati okubulwaku ekigambo kimwe; yaba otunde byoona-byoona by'oli nabyo, ogabire abooro, weena oliba n'obugguudda omwiiguru; olyoke oize onsengeerye.
|
|
\v 22 Yeena n'awuninkiira olwa bigambo ebyo, nayaba ng'agongeire; kubbanga atta ne bintu bingi.
|
|
\v 23 Awo oYesu ni yetoloolya amaiso, nakob abegereswa bamwe nti kizibo omugguudda okwingira omu bukama bwa Kanca.
|
|
\v 24 Abegereswa ni beewunya ebigambo byamwe, yeena O'Yesu nairamu ati n'abakobera nti abaana, nti kizzibu abo abeesiga obugguudda okwingira omu bukama bwa Kanca!
|
|
\v 25 Nikyo kyangu enkayina okwakala omu nnyiddo ya nkiizo, okusingaku omugguudda okwingira omu bukama bwa Kanca.
|
|
\p
|
|
\v 26 Ni bawuunikira muno, ne bamukoba nti asobola okulokoka?
|
|
\p
|
|
\v 27 Awo O'Yesu nakoba nti omu bantu tekisoboka, naye ti nikyo eji oKanca; kubbanga byoona bisoboka ewa Kanca.
|
|
\p
|
|
\v 28 Awo Peetero natandika okumukoba nti bona, iswe twalekere byoona, ne tukusengeerye.
|
|
\p
|
|
\v 29 OYesu nabakoba nti amanananu mbakobere nti ndoowo eyalileka enyumbba, oba abalungada, oba abagande, oba omaawo oba oiteewo, oba abaana, oba ebyalo, oku lwange n'olwa njiri.
|
|
\v 30 Atalibweebwa emirundi kikumi omubiro biini ebya aati, enyumbba, n'aba luganda, ne abagande ne bamabwe, na abaana, na ebyalo, n'okumirya; na mu emirembe egyikwaba okwiiza omu bwoomi obutawaawo.
|
|
\v 31 Naye baingi abakwekeera abaliba aba luzwannyuma; na aba luzwanyma abaliba aba kwekeera.
|
|
\p
|
|
\v 32 Baali mu nzira nga bakuninannina e Yerusaalemi; n'oYesu ni yaali nga abakulembeire, ni beewunya, na badi abakusengerya ni battiina; Awo ate n'atwala abantu ikumi nababiri, n'atanula okubakobera ebigambo ebikwa kumubaku, ati.
|
|
\v 33 Bona, tukwaaba e Yerusaalemi; omwana wa muntu aliweebwayo ewa bakabona abakulu na abawandiiki; balimusaara omusango okumwiita, balimuwaayo eji abapaati.
|
|
\v 34 Balimuduulira, balimucwira amaccwantai, balimukubba balimwiitta, ni walyakalawo ennaku issatu aliyimbooka.
|
|
\p
|
|
\v 35 Awo oYakobo no Yokaana, abaana ba Zebbedaayo, ni baigeera waali ni bamukoba bati omwegesya, tukwendya otukole kyoona kyoona kye twakusabire.
|
|
\p
|
|
\v 36 Nabakoba nti mukwendya mbakoore ki?
|
|
\p
|
|
\v 37 Ni bamukoba nti tuweerye twiikale, omwe oku mukono ogwa ogulyo, no wundi ku mukono ogumoso, omu kitiibwa kyamu.
|
|
\p
|
|
\v 38 Yeena O'Yesu nabakoba nti temumayite kye mukusaba, musobola okunywa oku kikopo ekye nywaku nje? Oba okubatizibwa no okubatiza kwe mbatizamu nje?
|
|
\p
|
|
\v 39 Ni bamukoba nti tukusobola. OYesu nabakoba nti ekikopo nje kye nnywaku mulinywaku; no okubatiza kwe mbatizaamu nje mulibatizibwa.
|
|
\v 40 Baitu okwikala oku mukono gwange ogulyo oba ku omukono egumoso, tininje nkugaba, naye kwaabo be kwategekeirwe.
|
|
\p
|
|
\v 41 Awo eikkumi ni bawuliire, ni batandika okusungwaara oYakobo no Yokaana.
|
|
\v 42 O'Yesu nabeeta, nabakoba ati mumayite ng'abo aba kulowozebwa okufuga ab'apaati bakubafugisya maani, na bakulu baabwe babatwaire okukifuba.
|
|
\v 43 Baitu omunywe tekiri kityo; baitu buli akwendya okubba omukulu munywe yabanga muweeza wanywe.
|
|
\v 44 Na buli akwendya okubba owa kwekeera omunywe mwiru wa boona.
|
|
\v 45 Kubbanga amazima omwana wa muntu tiyaizire kuwelezebwa, wabula okuweleza, nokuwaayo obwomi bwakunula abaingi.
|
|
\p
|
|
\v 46 Awo ni baikka eYeriko; ni bazwire omu Yeriko ne abegereswa bamwe, nekibbuura ekikooto, omwana wa Timaayo, Batimaayo, omusabi omulibbi wa maiso, yaali aikaire oku mabbali ga nzira.
|
|
\v 47 Awo ni yawuliire, nga oYesu omunazaleeri nga ngoyo, yatandikire okusimoora aiguru nga akukoba nti omwana wa Daudi, Yesu, onsasiire.
|
|
\v 48 Baingi ni bamuboiggoora okusirika; baitu ye ni yeeyongera muno okusimoora aiguru, nti omwana wa Daudi; onsaasire;
|
|
\v 49 Awo oYesu nayemeera nakoba nti mumwete. Nebeeta omulibbi wa maiso, ni bamukoba nti "Guma omwoyo"; imuka, akukweeta.
|
|
\v 50 Yeena nakasuukayo olugoye lwamwe, naimuka, naiza eji oYesu
|
|
\v 51 Yesu namwiramu, namukoba ati okwendya nkukoore ki? Omulibbi wa maiso namukoba nti, labooni, nkwendya kwiguka maiso.
|
|
\p
|
|
\v 52 Awo Yesu namukoba nti yaba; okwikiriza kwamu kukuwonierye. Amangu ago naigukka amaiso, namusengeerya omu nzira.
|
|
\c 11
|
|
\cl Esuura 11
|
|
\p
|
|
\v 1 Awo ni baali nga baliampi okwiika e Yerusaalemi nga baikire e Besufaage ne Bessaniya natuma abegereswa bamwe ababiri.
|
|
\v 2 Nabakoba nti mwaabe omumbuga okumabbali omumaiso; amangu ago nemwayingira mwabona omwana gwandoogoyi; ngutaikalibwangaku muntu nakadooli; mugutaisye.
|
|
\v 3 Omuntu nababuulya mukukolaki ekyo? Mu mukobe otti OKanca waiswe niye akugwendya; amangu ago yaguwereza enu.
|
|
\p
|
|
\v 4 Ni baaba ni basanga omwana ogwandogoyi nga gussibbibwe okumulyango enzai okuluguudo,
|
|
\v 5 Abamwe okubaali bemereire ne babakoba nti mu kulindaki okusandabula omwana gwa ndogoyi?
|
|
\v 6 Ni babakoba nka o Yesu neyabakobere era nebabaleka.
|
|
\p
|
|
\v 7 Nebaleeta omwana gwandogoyi eji o'Yesu, nebagunagaku engoye zaabwe nagwiikalaku.
|
|
\v 8 Baingi ne baaliira engoyi zaabwe omuluguuddo; abandi nebaaliira ebikoola bya misaale bibayiire omumisiiri.
|
|
\v 9 Abaadi bakulembeire nabaali bakubazwaaku emabenga ne basimooora aiguru nti ozaana; aweebwe omukisa aiza omwibara lya Kanca.
|
|
\v 10 Buweebwe omukisa obukama obukwiiza, obwa zeiza waiswe oDaudi; ozaana ali aiguru muno.
|
|
\p
|
|
\v 11 Naika omu Yerusalemu naingira omwiramyo; ni yamaare okwetooloolya amaiso okubona byoona, obwire bwali bukusweka nawuluka nayaba e Bassaniya n'eikumi n'ababiri.
|
|
\p
|
|
\v 12 Awo nebwakeyire emambya, ni baali bazwiire omu Bessaniya nalumwa enzala.
|
|
\v 13 Awo ni yalengeire omusaale oguliku ebikoola naguloleera, era wozzi oboneku ekintu; awo ni yagwiikireku, natabonaku kintu wabula ebikoola kubanga tinibyo byaali ebiseera bya musaale.
|
|
\v 14 Nairamu nagukoba nti okusooka olwa leero ekwiica emirembe nemirembe omuntu talyanga ku bibala byaamu. Abegereswa bamwe; ni bawuura.
|
|
\p
|
|
\v 15 Awo ni baika e Yerusaalemi, naingira omwiramyo nabanza okupeka abaali bakutundira omwiramyo, najjumuka emmeeza ezayindulanga efeeza ne entebe zaabo abaali bakutunda amairuma;
|
|
\v 16 Nataikiriza muntu kwakalya kibya omwiramyo.
|
|
\v 17 Nayegesya, nabakoba nti Ti kyawandiikibwe nti ennyumba yange yayetebwanga nnyumba yakusabiramu amawanga goona? Naye nywe mugifiire mpuku ya banyagi.
|
|
\v 18 Abakama abakulu nabawandiiki ni bakiwuliire, ni basala amagezi ni bamwiitta: kubbanga bamutiinire, kubbanga ebibuura byoona bya wuninkiriire olwa kwegesya kwamwe.
|
|
\v 19 Awo buli kasweeko yawulukanga omu kibuga.
|
|
\p
|
|
\v 20 Awo ni bwakeire emambya nga bakwakala, ne babona omusaale nga guzwiire okukikolo okukala.
|
|
\v 21 OPeetero ni yaizukiire namukoba nti Labbi, bona omusaale gwe wakolimiire gukaare.
|
|
\p
|
|
\v 22 O'Yesu nairamu nti mubbe nokwikiriza omu Kanca.
|
|
\v 23 Mananu nkubakoba nti buli alikoba olusozi lunu nti sigukawo, onagibwe omu nyanja; nga takutankana mu mwoyo gwamwe naye aikiriza nga kyakusimoola kikolebwa, alikiweebwa.
|
|
\v 24 Nikyo nzwa mbakoba nti ebigambo byoona byoona bye musaba nokwegayiira mwiikirize nga mubiweweibwe, era mulibifuna.
|
|
\v 25 Awo nemwayemeranga nga mukusaba, musonyiyibwenge, ni mwabanga nekigambo oku muntu; noitewanywe ali omwigguru abasonyiwe ebibbi byanywe.
|
|
\v 26 Naye nemutasonyiwa, era noyitanywe ali omwiguru talibasonyi wa bibbi byangywe
|
|
\v 27 Ate ni baika e Yerusaalemi; awo ni yalinga akutambula omwiramyo ni baiza we yaali abakabona abakulu nabaraangi na bakaire;
|
|
\v 28 Ne bamubuulya nti Buyinza ki obukukolesya binu? Oba naani yakuwaire obuyinza buni okukola binu?
|
|
\p
|
|
\v 29 Awo O'Yesu nabakoba nti naye kambabuulye nywe ekigambo kimwe, munyiremu, nanje nabakobera nywe obuyinza obukunkolesya binu.
|
|
\v 30 Okubatiza kwa Yokaana kwazwiire mwigguru, kandaki mu bantu? Munyiremu.
|
|
\p
|
|
\v 31 Nebabulyangana bonkai nabonkai nga bakukoba nti bwazwire nti kwazwire mwigguru, nabakoba nti kale kiki ekyabagaine okumwikiririzamu?
|
|
\v 32 Naye netwakoba nti kwaziire mu bantu abaatinire abantu; kubanga boona balowoyize mananu O'Yokaana okuba omulangi.
|
|
\v 33 Nebairamu O'Yesu, bamukobere nti tetumaite. O'Yesu nabakoba nti era nanje tinabakobere obuyinza obukunkolesya binu.
|
|
\c 12
|
|
\cl Esuura 12
|
|
\p
|
|
\v 1 Natanula okusimoola nabo mungeero. Omuntu yasimbire olusuku lwa mizabbibu, nalutaaku akakomera, nasakamu ekikunyiro, nayombokamu ekiraaro kya nte, napangisyaamu abalumi, na yaba omu nsi eyindi.
|
|
\v 2 Ale omwaka ne gwaikire, natuma omwiiru eji abalumi, abalumi bamuweerye ebibala bya mizabbibu gyaamwe.
|
|
\v 3 Ni bamukwaata, ni bamukubba, nairayo ngarozereere.
|
|
\v 4 Ale nabatumira omwiru owundi, oyo ne bamwaatya olubale, ne bamuswaaza.
|
|
\v 5 Natuma owundi; oyo ne bamwiita; nabandi baingi; abamwe nga babakubba, abandi nga babaita.
|
|
\v 6 Yaali nka alina omwe, omwana omwenda; oluzwanyuma namutuma gye baali, ng'akoba nti, bataamu omwana wange ekitiibwa.
|
|
\v 7 Naye abalumi badi ne bakobangana bonkai na bonkai nti oni niye musika, ale tumwiite nobusika bulibba bwaiswe.
|
|
\v 8 Ni bamukwaata, ne bamwitta, ne bamunaga enzai wa musiri gwa mizabbibu.
|
|
\v 9 Ale alibakola atyai omukama wa musiri ogwa mizabbibu? Aliiza alisanyaawo abalimi, n'omusiri gwa mizabbibu aligiweerya abandi.
|
|
\v 10 Timusomanga n'akatono ekyo ekyawandikiibwe nti; eibbaale abomboki lye bagaana, eryo lyafuulibwe mutwe ogwa kunsonda.
|
|
\v 11 Ekyo kya zwiire edi Kanca, era kyakitalo mu maiso gaiswe.
|
|
\p
|
|
\v 12 Ni basala amagezi okumukwaata; ne batiina ebibbuura; kubbanga betejerye nga agereire ku nibo olugero olwo;
|
|
\v 13 Ne batuma gyaali aba mubafalisaayo naba Kerodiyaani, ne bayaba.
|
|
\v 14 Awo ni baiza, ne bamukoba nti, omwegesya, tumaite we nga oli wa mazima, ate ebigambo bya muntu yeena tobitaako mwoyo; kubbanga tososola mu bantu, ale oyegesye enzira ya Kanca mu mazima; ale kisai okuwanga oKayisaali omusolo, kanda ki tiwewaawo?
|
|
\p
|
|
\v 15 Tuweerengeyo, oba tituweeryangayo? Yeena ni yetejerye obunanfuusi bwaabwe, nabakoba nti, mundeetere eiddinaali ngibone.
|
|
\v 16 Ni bagireeta, nabakoba nti, ekifaananyi kinu nobuwandiike obuliku bunu bwa naani? Ni bamukoba nti; bya Kayisaali.
|
|
\p
|
|
\v 17 O'Yesu nabakoba nti, ebya Kayisaali mumuwenge, oKayisaali, nebya Kanca mubiweeryenge oKanca ni bamweewunya muno.
|
|
\p
|
|
\v 18 Awo Abasaddukayo, abakoba nti, ndoowo kuyimbooka, ne baiza weyaali; ne bamubuulya ne bakoba nti.
|
|
\v 19 Omwegesya, oMusa yatuwandikiire nti, omuganda wa muntu naffa, naleka omukali waamwe, nga talekere mwana, omugande atwaalenge omukali waamwe, nateerawo eibyaire.
|
|
\v 20 Ale waalowo aba luganda musanju; owa luberyeberye nawasa omukali; nafa, natalekawo ibyaire.
|
|
\v 21 Owakabiri namuwasa naffa, era yeena teyalekerewo ibyaire; n'owakasatu atyo.
|
|
\v 22 Boonaboona omusanju ne batalekawo ibyaire, oluzwanyuma boona-boona nga baweirewo n'omukali naffa.
|
|
\v 23 Alle ni balizuukira, alibba wa naani oku abo? Kubbanga boonaboona musanju baamuwasirye.
|
|
\p
|
|
\v 24 O'Yesu n'abakoba nti, ekyo nikyo muzwa mukyaama nga timumaite ebyawandikiibwe gonze amaani ga Kanca.
|
|
\v 25 Kubanga ni balizuukira mu bafu, tibaliwasa, ate tibalifumbirwa; ale balibba nka abamalayika aba mwiguru.
|
|
\v 26 Naye ebyafiire okuzzuukizibwa; timusomanga mu kitabu kya Musa oku kisaka, oKanca ni yamubuulire nga akukoba nti, Nje ndi Kanca wa Ibulayimu, era Kanca wa Isaaka, era Kanca wa Yakobo.
|
|
\v 27 Ti Kanca wa baffu, naye wa boomi; mukyaama muno.
|
|
\p
|
|
\v 28 Awo omwe kubawandiiki naiza nawuura nga bakwebulyangana bonkai, n'amanya nga abairemu kusai, namubuulya nti, Iteeka ki erya luberyeberye ku goona?
|
|
\p
|
|
\v 29 O'Yesu nairamu nti, erya luberyeberye niryo linu nti wuura Isirairi; mukama Kanca waiswe, Kanca niye omwe.
|
|
\v 30 Era yendyanga mukama Kanca waamu nomwoyo gwaamu gwoona, nobwoomi bwaamu bwoona, namagezi gaamu goona, namaani gaamu goona.
|
|
\v 31 Eryakabiri niryo lini nti, yendyanga omwiraamu nka ni weyendya wenkai ndoowo itteeka rindi erisinga obukulu.
|
|
\p
|
|
\v 32 Omuwandiiki namukoba nti mazima, omweegesya, osimoire kusai nka O'Kanca ali omwe ate ndoowo wundi okutoolaku Ye.
|
|
\v 33 N'okumwendya nomwoyo gwoona, nokutegeera kwoona, namaanyi goona, nokwendya omwiirwaawo nka ni weyendya wenkai okusinga muno ebikuweebwaayo byoona ebirimba byookebwa ne saddaaka.
|
|
\p
|
|
\v 34 Awo oYesu ni yabweine nga mwiiremu nka mutegeevu, namukoba nti, toli alaayi nobwabukama bwa Kanca. Ale newataba muntu akumwengganga okubuulya ate.
|
|
\p
|
|
\v 35 O'Yesu nairamu nakoba nti nga akweegesya mu yekaalu nti, abawandiiki ekikubakobya nti, Kristo omwana wa Daudi.
|
|
\v 36 O'Daudi omwenyenere yakobere mu mwoyo omwikiiri nti, Kanca yakobere nti, Ikaara oku mukono gwange ogulyo, okwiikya ne ndifuula abalabe baamu entebe ya magulu gaamu.
|
|
\v 37 O'Daudi yenyenere akumweeta O'Kanca waamwe, abe omwana waamwe? Abamukibbura ni bamuwuura neisanyu.
|
|
\p
|
|
\v 38 Awo omukweegesya nabakoba nti, mweekuume abawandiiki abendya okutambula nka bazwaire engoye ezinyamulai, nokulamucibwa omu butale.
|
|
\v 39 Ne ntebbe za mumaiso mu makungaaniro nebifo ebya kitiibwa mu mbaga.
|
|
\v 40 Abakulya enyumba za ba namwandu, era abakusaba muno omubunanfuusi; abo abaliilya omusango ogukusinga obukooto.
|
|
\p
|
|
\v 41 Naikaara okwolekera eiggwanikka, nabona ebibbuuura ni binaga efeeza omwigwanika; baingi abaali abagaiga abanagiremu ebingi.
|
|
\v 42 Awo onamwandu omwe omwooro naiza, nanagamu ebitundu bibiri, niyo kodulante.
|
|
\v 43 Nayeta abeegereswa baamwe, nabakoba nti, mazima nkubakoba nti, onnamwandu onu omwooro anagiremu bingi okusinga boona abanagire omugwanika.
|
|
\v 44 Kubbanga boona banagiremu okubifiikirire, naye oyo mu kweetaaga kwaamwe anagiremu byoona bye yaali nabyo, nibwo bwoomi bwaamwe bwoona.
|
|
\c 13
|
|
\cl Esuura 13
|
|
\p
|
|
\v 1 Awo ne yawulukire omwiramyo, omwe oku begereswa baamwe ni bamukoba bati; omwegesya, bona, amabbaale ganu negali nenyomboka enu neri.
|
|
\v 2 O'Yesu namukoba nti okubona enyomboka enu ejikoota? Teririlekebwa anu eibbaale eriri okku ibbaale eritalinagibwa ansi.
|
|
\p
|
|
\v 3 Ni yaali nga aikaire oku hlusozi olwa zeyituuni nakwaaba omwiramyo, O'Peetero no Yakobo no Yokaana no Ndereya nebamubuulya bonkai bati;
|
|
\v 4 Tukobere, ebyo biribbaawo ddi? Nakamanyisyo ki akebyo nebiribba biri ampi okwiikiira byoona?
|
|
\p
|
|
\v 5 O'Yesu neyekeera okubakoba ati mwekuume, omuntu yeena tabakyamyanga.
|
|
\v 6 Baigi baliiza omwibara ryage ne bakusimoola bati; ninje nje era balikyamya baingi.
|
|
\v 7 Awo ne muwuuranga entalo n'obutumbya bwa ntalo; temwelalikiiranga; kibagwanira okubbaawo; baitu enkomerero ngekyali.
|
|
\v 8 Kubbanga eiggwanga lirirumba eiggwanga liraaryo, no bukama obwiraabwo; walibbaawo ebitengetyo omu bifo bingi, walibbaawo enzala; ebyo nibyo kwekeera okwa kulumwa.
|
|
\p
|
|
\v 9 Baitu mwekuume nnywekai na nnywekai; kubbanga balibawaayo omu mbuga; mulikubbirwa no mwiiramyo, era mulyemeera omu maiso ga bakama na bakama ku lwange, okubba abajjuurwa mu bo.
|
|
\v 10 Enjiri kigigwanira okukoberwa amawanga goona
|
|
\v 11 Era nebabatwalanga okubawaayo, temusokanga kwelalikiira nka nemwasimoola; baitu kyoona kyoona kyemuweebwanga omu kiseera ekyo, ekyo nikyo musimoolenga, kubbanga tininywe musimoola, wabula omwoyo akweera.
|
|
\v 12 Owaluganda ya wangayo omugaanda waamwe okumwiita, n'oitaamwe wa mwana yamuweryangayo; abaana balijeemeranga abababyaire, bali baitisyanga.
|
|
\v 13 Mulikyawibwaanga boona olwa ibara ryanga; Baitu agumiinkirize okwica enkomerero oyo niye alirokoka.
|
|
\p
|
|
\v 14 Baitu ne mulibona ekya muziro ekirimalawo o nnabbi Danyeri kye yasimoolangaku nka kyemereire awatasaana (asomamu yeteje), ale abali omu Buyudaaya bairukire oku nsozi.
|
|
\v 15 Ali aiguru oku nnyumba taninukanga, ate taingiranga kwiyamu kintu omu nnyuba yaamwe.
|
|
\v 16 Nali omu lusuuku tairanga kutwala lugoye lwamwe.
|
|
\v 17 Baitu ziribasanga abali enseeri; nabakwonca omunaku ezo.
|
|
\v 18 Musabe bireme okwikiira omu biro ebya mulombe.
|
|
\v 19 Kubbanga ebiro ebyo biribba bya kutawaana nga tibibbangawo bityo kasooke O'Kanca atonda ebyatondeibwe okwica ati ate tebiribba.
|
|
\v 20 Ate singa o Kanca tiyasaareku oku biro ebyo, tewandicungukire mubiri gwoona; baitu olwabalondemu baamwe be yakomere yabisaareku ebiro
|
|
\v 21 Omubiro ebyo omuntu nabakobanga ati bonia, o Kristo ali mpanu; oba ali ngeyo, timumwiikirizanga.
|
|
\v 22 Kubbanga aba Kristo oba bubeyegi na bannabbi ababubeyegi baliimuka, balikola obumanyisyo nebyewunyisya, okukyamya, bali imuka oba nga kisoboka abakome.
|
|
\v 23 Baitu mwekuume nnywe; bona mbakobaire byoona ne bikyaali kubbaawo.
|
|
\p
|
|
\v 24 Baitu omu biro ebyo, okutabaana okwo nga kuweireewo, eisana ririlikiribwa nokwezi tikulyakisya isaana ryakwo.
|
|
\q1
|
|
\v 25 N'obunyenyenzi bulibba ni bukugwa okuzwa omwiguru, n'amaaani aga mwiguru galikankana.
|
|
\v 26 Ale nibalyoka nibabona omwana wa muntu na kwiizira omubiccu namaani gaamwe nekitinisya.
|
|
\v 27 Awo nalyoka natuma aba ntumwa baamwe, alikumbaania abakomi baamwe okuzwa omu mpungwo einai okuzwa okumwiso gwa nsi okwica okumwiso gwa iguru.
|
|
\p
|
|
\v 28 Era mwegere oku mutiini olufumo lwagwo; Ekitaagi kyagwo nikigeiza nebikoola ni bisebuka, mutegeera nga omwaka guli ampi;
|
|
\v 29 Era nnywe mutyo, ne mubonanga ebyo nga biikire; mweteje ngali ampi, oku lwiigi.
|
|
\v 30 Mazima nkubakoba nti emiijo ginu tiziriwaawo nakadooli okwica ebyo byoona lwe birikiira.
|
|
\v 31 Eiguru nensi biriwaawo, baitu ebigambo byange tebiriwaawo nakadooli.
|
|
\v 32 Baitu ebya kiro ekyo oba ekiseera ekyo ndoowo amaite, gonze abantumwa abali omwiguru, gonze omwana, wabula oitange.
|
|
\v 33 Mwekuumenge, muloleerenge, musabenge; kubbanga timumaite biro webiriikira.
|
|
\v 34 Nka omuntu alelekere ennyumba yaamwe natambula omu nsi eyindi nga awaire abairu baamwe obukama, buli munntu omulimu gwamwe nalagira omwigali okubonia
|
|
\v 35 Ale mubone; kubbanga temumaite omukama wa nnyumba waaliizira, oba kasweeko, oba ittumbi, oba ng'onkoko akooka, oba mmambya;
|
|
\v 36 Atera okwiiza amangu ago nabaaja nga mubbasirye.
|
|
\v 37 Era kyenkubakoba nnywe nkubakoba boona nti mubonie. Ubakoba boona nti mubonie.
|
|
\c 14
|
|
\cl Esuura 14
|
|
\p
|
|
\v 1 Awo ne waali nga wakyabulayo ennaku ibiri embanga eyakwakalaku ne migaati egitazimbulukusibwa eike; abakabonna abakulu nabawandiiki ne basala amagezi nga mbamukwata omulukwe era n'okumwita.
|
|
\v 2 Baitu bakobere bati tikulunaku lwa mbanga, kanda waleme okubaawo okweccwaccwana mu lukwe n'okumwita.
|
|
\p
|
|
\v 3 Awo ne yali omu Bessaniya omu nyumba ya Simooni omugenge nga aikaire oku mmera omukali eyalina eccupa eyamafutta agwamusutai ogwa muwendo oggwingi omuno naiza nayatya eccupa amafuta nagasukiira okumutwe gwamwe.
|
|
\v 4 Baitu waalowo ommwabo abagongeyire nga bakukoba bati amafuta gafereire ki gatyo?
|
|
\v 5 Olwakubba amafutta ganu bandibaire bakugatundamu eddinaali ebikumi bisatu no kwakalyamu nokugabira abaavu niba mwe mulugunyiza.
|
|
\p
|
|
\v 6 Baitu O'Yesu nakoba ati mumuleke; mukumunakuwarya ki? Ankoleire ekikolwa ekisai.
|
|
\v 7 Olwakuba abooro nibo bemulinabo buliizo era buli lwe mukutaka musobola okubakola okusai baitu nje timuli nanje buliizo.
|
|
\v 8 Akoore nga bwasoboire; asookere ku suka mafuta oku mubiri gwange ngabakyali kunziika.
|
|
\v 9 Mazima nkubakoba nti enjiri buli gyeyabuulirwanga omu nsi zoona neekyo omukali onu kyakoore kyasimolwangaku okumwizukira.
|
|
\p
|
|
\v 10 Awo oYuda Isukalyoti eyaali omwe okwabo eikumi nababiri nayaba gyali abakabona abakulu oku muweryayo gyebali.
|
|
\v 11 Awo ne bawuliire tibasanyukire nebamulaganisya okumuwerya effeeza, nasala amagezi nka ni yafuna eibanga okumuwaayo gyebali.
|
|
\p
|
|
\v 12 Awo oku lunaku olwasookere olwamigaati egitazimbulukibwa nilwo baali ba kweeta okwakalwaku abegereswa baamwe nebamukoba nti okutaka twaabe aiyi? Twaabe egyewali okwakalaku?
|
|
\p
|
|
\v 13 Natuma okwabo abegereswa baamwe babiri na bakoba nti mwaabe omu kibuga eyayajangana naanywe omusaiza nga yetikire ensuwa yamaizi; mumusengerye.
|
|
\v 14 Woona woona weyaingira mukobe omukama wa nnyumba nti omwegesya akobere nti ennyumba eri luddai mweyaliira okwakalwaku nabegereswa baamwe.
|
|
\v 15 Ayiza kubalanga ye omwenyini ennyumba egikooto eyaiguru eyalirirwe etegekeibwe mututeekereteekere omwo.
|
|
\v 16 Awo abegesya ne baabe ne baiza okukibuga ne babona nka ne yabakobere ne bateekateeeka okwakalwaku
|
|
\v 17 Awo nebwaswekere naiza neikumki nababiri.
|
|
\p
|
|
\v 18 Awo ne baali nga baikaire okummere, O'Yesu nabakoba nti mazima nkubakoba nti omwe okunywe akulya nanje yandyamu olukwe.
|
|
\p
|
|
\v 19 Ne balolalola ne banakuwala nga bakukoba buli omwe nti ti ninje.
|
|
\p
|
|
\v 20 Nabakoba nti omwe okwikumi nababiri akulya nanje omu luccuba niye oyo.
|
|
\v 21 Kubanga omwana wa muntu akwaba nka ne kyamuwandiikibwe. Baitu zirimwajja omuntu oyo akulya olukwe omu mwana wa muntu. Kyandibaire kisai singa oyo teyabyalibwe omuntu
|
|
\v 22 Awo nebaali nga bakulya nakwata omugaati, nayemmeera okwebalya naguwendawendamu nabagabira nga akukoba nti mutoole ogwo nigwo mubiri gwange.
|
|
\v 23 Nakwata ekikompe awo nayemeera okwebalya nabawa ne bakinywaku boona-boona.
|
|
\v 24 Nabakoba nti gunu nigwo musayi gwange ogwa ndagaano, ogukususuka olwabaingi.
|
|
\v 25 Mazima nkubakoba nti tindiramu okunywera kumuzabbibu okwikya kulunaku ludi olwendigunywa oguyaaka omubukama bwa Kanca.
|
|
\v 26 Awo ne bamaare okwemba olwembo nebawuluka ne baaba oku lusozi olwa zeyituuni.
|
|
\p
|
|
\v 27 Awo Yesu nabakoba nti mukwiza kugwa nyweena nyweena kubbanga kyawandiikibwe nti ndikubba omuliisya ne ntaama zirisasaana.
|
|
\v 28 Naye nindimala okuzukizibwa ndibebeimbera okwaba omu Ggaliraaya.
|
|
\p
|
|
\v 29 Baitu Peetero namukoba nti gonze nga boona baligwa naye ti ninje.
|
|
\p
|
|
\v 30 O'Yesu namukoba nti mazima nkubakoba nti naawe olwaleero, obwire bunu, n'onkoko yaabba akyali kukooka emirundi ibiri okwiiza kuneegaana emirundi esaatu.
|
|
\p
|
|
\v 31 Baitu ne yeyongera muno okusimoola ati gonze nga kikungwanira okuffeera ammwe naawe, ti nakweegaane nakadooli. Era boona ne bakoba batyo.
|
|
\p
|
|
\v 32 Awo ni baiza omu kifo eibara lyakyo, Gesusemane; nakoba beegereswa baamwe nti mwikale anu mmale okusaba.
|
|
\v 33 Natwala O'Peetero no Yakobo, no Yokaana amwe naye, natandika okuwunikiira no kweraliikira muno.
|
|
\v 34 Nabakoba ati omwoyo gwange guluku enakku gingi, ekwaba kunyita mube anu mubonie.
|
|
\v 35 Natambulaku kadooli, naikaikana nasaba, nti nekyabanga kikusoboka ebiro bimwakaleku.
|
|
\v 36 Nakoba nti Abba, taata wange buli kimwe kisoboka egyoli; ntolako ekikompe kinu. Baitu tinka nje nekutaka wabula nka we nokutaka.
|
|
\v 37 Awo naiza nabaaja nga babasirye nakoba O'Peetero ati Simooni, obasirye? Tobaire na maani okubonia gonze esaawa emwe.
|
|
\v 38 Mubonie, Musabe mutaingira mu kukemebwa; omwoyo gwanywe gukutaka baitu omubiri gunaki.
|
|
\v 39 Baitu nairayo nasaba nasimoola ebigambo bimwe na biddi.
|
|
\v 40 Abakulya enyumba za ba namwandu, era abakusaba muno omubunanfuusi; abo abaliilya omusango ogukusinga obukooto.
|
|
\v 41 Naikaara okwolekera eiggwanikka, nabona ebibbuuura ni binaga efeeza omwigwanika; baingi abaali abagaiga abanagiremu ebingi.
|
|
\v 42 Awo onamwandu omwe omwooro naiza, nanagamu ebitundu bibiri, niyo kodulante.
|
|
\p
|
|
\v 43 Awo amangu ago, ne yaali akyasimoola O'Yuda omwe okwikkumi nababiri naiza ne kibuura amwe naye abalina empirima ne miigo nga bakuzwa eji ba kabona a bakulu nabaawaadiiki nabakaire.
|
|
\v 44 Era oyo eyamuliremu olukwe yaali a bawaire akamanyisyo nga akukoba ati; oyo ogwe naagwa omu kifuba nga niye oyo; Mumukwate mumutwale nga mumugumirye.
|
|
\v 45 Awo neyaikire amangu ago naiza jaali nakoba nti Labbi; namugwa omu kifubba na mugumya.
|
|
\v 46 Ne bamutaaku engalo zaabwe ne bamukwata.
|
|
\v 47 Baitu omwe okwaabo abaali bemereire awo natoolayo empirima natema omwiru wa kabona singa obukulu namusalaku okutwi.
|
|
\p
|
|
\v 48 Awo O'Yesu nairamu nabakoba nti munyiziriire nga ne mwizira omunyagi ne mpirima nemiigo okunkwata?
|
|
\v 49 Buli lunkaku naabanga naanywe omuyeekaalu nga nkwegesya nga ti mwankwaite; Baitu kinu kikoleibwe ebyawandikiibwe bisobole okwikiira.
|
|
\p
|
|
\v 50 Awo boona ne ba muzwaaku ne bairuka.
|
|
\v 51 Awo omwojo omwe namusengerya eyali yegwekereire olugoye olwa kitaani lwonkai okumubiri nebamukwata.
|
|
\v 52 Baitu nabalekera olugoye olwa kitaani nairuuka bwerere.
|
|
\p
|
|
\v 53 Awo ne batwaala O'Yesu eji okabona asinga obukulu; ne bamukumbaniraku abakabona abakulu boona nabakaire nabawandiiki.
|
|
\v 54 Awo Peetero namusengerya alai, okwika omuunda omulubuga lwa kabonna asinga obukulu yaali akaire nabakwenda nga akwotta omuuro.
|
|
\v 55 Awo abakabona abakulu naba mu lukiiko boona ne baswaganirya O'Yesu abajjurwa abo abakumwitisya baitu ni batababona.
|
|
\v 56 Olwakkuba nga abamuwangiriirye ebyabubeyegi baingi, baitu no kuwangiirya kwabwe tikwali kumwe.
|
|
\v 57 Awo abamwe ne baimuka nebamwagiirya nga bakukoba bati;
|
|
\v 58 iswe twamuwulire nga akukoba ati ndiwenda eyeekalu enu eyayombukebwe nengalo, baitu omu naku isatu ndyombuka eyidi etalyombokebwa na ngalo.
|
|
\v 59 Ate nokuwangiirya kwabwe okwo tekwaali kwanywe.
|
|
\p
|
|
\v 60 Awo okaboona asinga obukulu nayemeera akati nabulya nga akukoba ati we tokwiramu waade akadyoli? Kiki ekye bakukulumilya banu?
|
|
\v 61 Baitu yasirikirembe natairemu wadde nakadyoli, baitu okabona asinga obukulu namukoba ati niiwe Kristo, omwana wooyo asiimibwa?
|
|
\p
|
|
\v 62 O'Yesu namukoba ati ninje ngoyo nywena mulibona omwana wa muntu ng'akaire oku mukono ogulyo ogwamaani nga akwiza nebicu ebyaiguru.
|
|
\p
|
|
\v 63 Awo okabona asinga obukulu nayonola engoye zaamwe nakoba ati tukwendelyaki te abajjuurwa.
|
|
\v 64 Mwewulire empozza yamwe, mukulowuza mutyai? Boona nebamusaara omusango nga asaanire kwiitibwa.
|
|
\p
|
|
\v 65 Awo abamwe nebatandiika okumucwantira amacwantai nokumusweeka omu maiso no kumukuba entomi no kumukoba bati nti langula; abaweereza ne bamutwaala nga bakumumpaya empi.
|
|
\p
|
|
\v 66 Awo O'Peetero ni yaali ansi omu lubuga, omwe okubazaana bakabona asinga obukulu naiza.
|
|
\v 67 Awo neyabweine O'Peetero nga akwotta omuuro namuloleera nga akukoba nti weena waali nomunazaleesi O'Yesu.
|
|
\p
|
|
\v 68 Baitu ye neyegaana nga akukoba ati temumaite era tinkutegeera kyo kusimoola; nawuluka nayaba eizai okubalazza onkoko nakooka.
|
|
\p
|
|
\v 69 Awo omuzaana namubona natandiika te okubakoba abaali bemeereire awo ati onu wa waabwe.
|
|
\p
|
|
\v 70 Baitu neyegaana te, awo newayakairewo ekiseera kidooli, abaali bemeereire awo nebakoba O'Peetero yete nti mazima odi wa waabwe kubanga oli muggaliraaya.
|
|
\p
|
|
\v 71 Baitu natandika okukolima nokwerayiira ati timumaite omuntu ni gwemukusimoolaku.
|
|
\p
|
|
\v 72 Amangu ago onkoko nakooka omulundi gwakabiri. Awo o'Peetero naizukira ebigambo o'Yesu biyamukobere nti onkoko yabba akyali kukookka emirundi ibiri waneganira emirundi isaatu. Ati neyaizukiire nakunga amaliga.
|
|
\c 15
|
|
\cl Esuura 15
|
|
\p
|
|
\v 1 Naawo amangu ago nebwakyeire; abakabona abakulu nebaikala na bawandiiki balalaika nebateesa nebabbuwa oYesu. Nebamutwala nebamuwaayo owa Piraato.
|
|
\v 2 Awo o Piraato namubuulya ati, niiwe omukama ba Buyudaaya? Nairamu namukoba ati osimoire.
|
|
\v 3 Awo abakabona abakulu nebamuwabira ebigambo bingi.
|
|
\v 4 Awo o Piraato namubuulya erate, nga akukoba nti toiramu nakadooli? Bona bakuloopere ebigambo bingi.
|
|
\v 5 Baitu O'Yesu erate teyaremu kigambo, OPiraato neyewunya nokwewunya.
|
|
\p
|
|
\v 6 Awo okubanga eyo yabataisiryanga omusibe omwe gwe bamusabanga.
|
|
\v 7 Awo waliwo omwe, ayetebwa Balaba, eyabweweibwe naabo abatengu abaitire abantu omubutengu obwo.
|
|
\v 8 Awo ekibuura nekirekaanira aiguru oku musaba okubakoora nga nebakolanga.
|
|
\v 9 Awo oPiraato nabairamu nga akubakoba ati; mukwedya mbataisirye omukama wa Bayudaaya?
|
|
\v 10 Kubbanga yamaite nga abakabona abakulu bamuweseryeyo bwiiya.
|
|
\v 11 Baitu abakabona abakulu nebakuma omuuro ekibuura, oBalaba nigwo babbe batutaisirye.
|
|
\v 12 Awo ne basimoora aiguru; mumukomeere.
|
|
\p
|
|
\v 13 Awo OPiraato nairamu erate nabakoba ati, ale mmukole ntyai gwe mukweeta omukama wa Bayudaaya?
|
|
\p
|
|
\v 14 Awo OPiraato nabakoba ati kibbi ki kyakoore? Baitu nebeyongeramu okusimoora aiguru: Mumukoommere.
|
|
\v 15 Awo O'Piraato ni yaali akwendya okusemeza ekibuura, nabataisirya oBalaba, nawaayo O'Yesu akukomeerwe nga amaare okukubbibwa.
|
|
\p
|
|
\v 16 Abajwaaka ne bamutwala omunda omu lubuga olwetebwa Pulayitoliyo; ni beeta abajwaaka boona-boona okukumbaana.
|
|
\v 17 Ni bamuzwalikisya olugoye lwa fulungu ne bakamba engule yamawa nebamuteeka oku mutwe.
|
|
\v 18 Ne batandika okulamukya bati, Mirembe, Omukama wa Bayudaaya.
|
|
\v 19 Ne bamukubba olumole omu mutwe, nebamucwantira amarusu, nebafukamira nebamulamya.
|
|
\v 20 Ne baamare okumuduula, nebamwambulamu olugoye olwe fulungu ne bamuzwalikisya engoye zaamwe. Nebamutwaala ne bamuwuluca oku mubamba.
|
|
\p
|
|
\v 21 Nibakaka omuntu eyaali akwakala osimooni owe kuleene; nga akuzwa omu kyaalo, oitaamwe wa Allegiant no Luufo okwaaba nabo okwetiika omusalaba gwaamwe.
|
|
\v 22 Ne bamuleeta omu kifo Gologoosa, okuteezebwa kwakyo kifokya kangala.
|
|
\v 23 Ne bamunywiisya omwenge gwe batabwiremu envumbo, baitu ye natagwikirize.
|
|
\v 24 Awo ni bamubamba, nebagabana ebiwaawo byamwe; nebabikubiraku obululu; buli muntu kye yatwaala.
|
|
\p
|
|
\v 25 Awo essaawa zaalinga isatu, ne bamubamba.
|
|
\v 26 Awo ebbaluwa eyamusango gwaamwe newanikibwa aiguru, onu mukama wa Bayudaaya.
|
|
\v 27 Erate abanyagi babiri babambibwe amwe naye; omwe oku mukono ogulyo, nowundi ku mukono ogumoso.
|
|
\v 28 Olwo ekyawandiikibwa nekiikira, ekikoba nti nabaarwamwe nabasobya;
|
|
\v 29 Awo abaali bakwakala ne bamuzuma nga bakunyenya emitwe gyabwe, nga bakusimoola nti; we awenda eyeekaalu nojombokera ennaku eisaatu.
|
|
\v 30 Wekyungule, ozweyo oku musalaba.
|
|
\p
|
|
\v 31 Era abakabona abakulu ne baduula batyo, nabawandisi bonkai na bonkai ne basimoola nti yacungwire bandi tayinza kwecungula yenkai.
|
|
\v 32 OKristo omukama wa Israire azwe ati oku musalaba, tulyoke tubone twikkirize; na baddi ababambibwe naye ne bamuzuma.
|
|
\p
|
|
\v 33 Awo nezabaire essaawa mukaaga ne wabba ekirikiirya oku nsi yoona yoona okwiika oku ssaawa eya mwendai.
|
|
\v 34 Awo omu ssaawa eya mwendai O'Yesu nakunga neiraka erikooto nti Eroi, Eroi, lama sabakusaani? Okutegeezebwa kwakyo, Kanca wange, Kanca wange lwaki ondekere?
|
|
\p
|
|
\v 35 Awo abamwe kwaabo abaali bemereire awo, nebawulirye ne basimoola nti, boona akweeta Eriya.
|
|
\p
|
|
\v 36 Awo omwe nairuka, nainika ekigoye omu nvunnyo ejikaatuuki, natta okulumole; namwinywinsya, nga akusimoola nti lekka tubone oba Eriya yaiza okumuwanulayo.
|
|
\v 37 Awo O'Yesu nakuunga neiraka erikooto nawaayo obwoomi.
|
|
\v 38 Awo oluggigi lwa muyeekalo nelwonokamu emirundi ibiri okuzwa aiguru okwika ansi.
|
|
\p
|
|
\v 39 Awo omukama wa kitongole eyaali ayemereire omu maiso gaamwe, ni yabweine ng'awaireyo obwoomi atyo, nasimoola nti mazima abaire mwana wa Kanca.
|
|
\v 40 Erate, alai waaliyo abakali nga bakulengera; omwaabo mwaalimu no Mulyamu Mangudaleene, no Malyamu omaamwe wa Yakobo omuntu no Yose no Saalome.
|
|
\v 41 Banu neyaali omuggaliraaya naabo abayakalanga naye nga bamuweereza. Nabakali baingi abandi abaniinire naye omu Yerusaalemi.
|
|
\p
|
|
\v 42 Awo ne bwaswekere, kubbanga lwaali lunaku lwa kuteekateeka, nulwo lunaku olusooka omu ssabiiti.
|
|
\v 43 OYusufu owe Alimasaya, omukulu amanyiibwe owa kitiinisya, erate eyalindiranga obukama bwa Kanca; naguma naingira ewa piraato, nasaba omulambo gwa Yesu.
|
|
\v 44 Awo Opiraato ne Yeewunya nafiire amangu, naye te omukama wa kitongole namubuulya obanga O'Yesu affiire.
|
|
\v 45 Awo ne yawuliire okuzwa ewa mwaami waamwe nawa O'Yusufu omulambo.
|
|
\v 46 Ye nagula olugoye olwa kitaani, namuwanulayo, namuzinga omu lugoye lwa kitaani, olwo namuteeka omu ntaana eyasakirwe omulwazzi, nayiringitirya eibbaale oku mulyango gwa magombe.
|
|
\v 47 OMalyamu Mangadaleena no Malyamu omaamwe wa Yesu nebabona weyateereibwe.
|
|
\c 16
|
|
\cl Esuura 16
|
|
\p
|
|
\v 1 Awo essabiti ni yawereku, oMalyamu Mangadaleene no Malyamu omaamwe wa Yakobo, no saalome ne bagula ebyakawoowo, baize bamusiige.
|
|
\v 2 Awo ne bwakeire emmambya oku lunaku olukusoka omu wiiki, eisana neryali nga lyakazwayo nebaiza okuntaana.
|
|
\v 3 Awo baali bakwebulya bwonkai na bwonkai nti naani eyatugaranzura eibbaale okulitoola oku mulyango gwa magombe?
|
|
\v 4 Awo ni baloleera, ne babona eibbaale lingalanzulibwe okuntando; kubbanga lyali likooto.
|
|
\p
|
|
\v 5 Awo ni baingire omu mangombe, nebona omwojo nga akaire okumukono ogulyo, nka azwaire olugoye olwikiriiri; nebewunya.
|
|
\v 6 Nabakoba nti timuwunkiira; mumuswagana O'Yesu, omunazalesi, eyakomereirwe; ayimbookere; tali anu bona, ekifo webamutaire.
|
|
\v 7 Baitu mwaabe, mubakobere abegereswa baamwe no Peetero nti abakulembere okwaaba eGgaliraaya eyo nijo mulimubonera nka nekyawandikiibwe.
|
|
\v 8 Ne bazwa oku mangombe nga bakwiruka muno; kubbanga okutengeeta no kuwugulala byali bibakwaite; Baitu nebatakobereku muntu kigambo, kubbaga batiinire.
|
|
\p
|
|
\v 9 Awo niyamaare okuyimbooka emmambya oku lunaku olwekeera okunaku omusanju nasoka okubonekera oMalyamu Mangadaleena gwe yapekereku edaimooni omusanju.
|
|
\v 10 Oyo nayaba nakobera beyayakalanga nabo, nga bakunakuwalanga ne bakuga.
|
|
\v 11 Awo nebawuura nti mwoomi, nga aboneibwe niye ne bataikiriza.
|
|
\v 12 Ebyo nibyaweire nabonekera abairababwe babiri omu kifananyi ekindi, nga bakutambula nga bakwaba omukyalo.
|
|
\v 13 Abo nebaaba nebakobera abandi, ale ne bataikiriza.
|
|
\v 14 Oluzwanyuma nabonekera eikumi nomwei nga baikare okukiwulo; nabanenya obutaikiriza nobukakanyali bwa myoyo gyaabwe, kubbanga tebakwiikiriza abamwei bona nga amaare okuyimbooka.
|
|
\p
|
|
\v 15 Nakoba nti mwaabe oku mawanga goona-goona okukoba enjiri eji ebitonde byoona.
|
|
\v 16 Aikiriza na batizibwa, alirokoka, baitu ataikiriza omusango gumaare okumusinga.
|
|
\v 17 Era obumanyisyo bunu bwayabanga naabo abaikiriza; bagobanga emizimu omwibara lyange; babazanga omundumi eziyaaka;
|
|
\v 18 Bakwatanga okunjoka nebanywa nga ekintu ekiitta, ti kyabakolenga kabbi nakadyoli; batanguku emikono okubalwaire, ne bawonga.
|
|
\p
|
|
\v 19 Awo omukama waiswe O'Yesu ne yamaare okusimoola nabo, natwalibwa omwiiguru naikala oku mukono ogulyo ogwa Kanca.
|
|
\v 20 Baddi nebawuluka ne babakobera woona-woona, omukama waiswe nka akoranga amwe nabo era nga akukakatya ebigambo mu bumanyisyo obwakirirenga Amiina.
|