163 lines
13 KiB
Plaintext
163 lines
13 KiB
Plaintext
|
\id 1TI
|
|||
|
\ide UTF-8
|
|||
|
\h 1 Timosewo
|
|||
|
\toc1 1 Timosewo
|
|||
|
\toc2 1 Timosewo
|
|||
|
\toc3 1ti
|
|||
|
\mt 1 Timosewo
|
|||
|
\c 1
|
|||
|
\cl Esuura 1
|
|||
|
\p
|
|||
|
\v 1 OPaul omukwenda owa oYesu Kristo nk'okulagira kwa Kanca omucunguli waiswe nikuli n'okwa Kristo oYesu eisuubi lyaiswe.
|
|||
|
\v 2 Edi Otimoseewo omwana wange geregere olwakwikiriza. Ekisa, nemirembe bibbenge jjoli ebizwa edi OKanca oitaiswe no Kristo oYesu omukama waiswe.
|
|||
|
\p
|
|||
|
\v 3 Nka ni nakulambire okubba omu efeso, ninaali nka nkwaba, e Makedoni, olagirenge abamwei obutayegesyanga buundi.
|
|||
|
\v 4 Gonze okulowoozanga enfumo n'ebigambo ebya bubyaale ebitakoma ebireeta empaka omu kifo kya kya kwegesya kw'abwa Kanca okuli omu kwikiriza.
|
|||
|
\v 5 Ekigenderwa kya kiragiro kyaiswe nikwo kwendya okuzwa omu mwoyo omusairiri.
|
|||
|
\v 6 Ebyo abantu abamwei babiwunjukiramu ni bakyamira omu bigambo ebitalumu.
|
|||
|
\v 7 Nka bakwendya okubba nka abegesya bamateka nka tiba kweteja bye bakusimoola gonze bye bakwekakasa.
|
|||
|
\p
|
|||
|
\v 8 Baitu tetumaite nka amateeka agasai, omuntu na kolesya omu butuufu bwago.
|
|||
|
\v 9 Nka tu kwetejja kini, amateeika tigateleebwawo lwa muntu omwikiriiri bataibwe abatalibayikiriri n'abatengu, abattiina O'Kanca n'abalina ebibbi, abatali baikiriiri n'abatyobola OKanca, abaitta abaitaawe n'abamaabwe baiti b'abantu.
|
|||
|
\v 10 Abasiani, abalya ebisiyaga abanyagi b'abantu, ab'abeyegi, abalaira obwerere, n'ebihindi byonai ebiwakana n'okwegesya okwa boomi.
|
|||
|
\v 11 Nk'enjiri neeri eyakitinisya kya Kanca esiimwe gyi nabikisiibwe.
|
|||
|
\p
|
|||
|
\v 12 Mwebalya oyo eyampaire amaani niye Kristo OYesu mukama waiswe olwakubba yandowoize nka ndi mwesigwa, niyanteire omu buweereza.
|
|||
|
\v 13 Olwekereire ni naali omuzumi erate nasasirwe erate owa kyejo; baitu nasaasirwa olwakuba nakolanga nka timaite omu butaikiriza.
|
|||
|
\v 14 Ekisa kya Kanca omukama waiswe ni kyeyongera munno gyendi amwei n'okwikiriza n'okwendya okuli omu Kristo OYesu.
|
|||
|
\p
|
|||
|
\v 15 Ekigambo kyesigwa erate ekisaanire okwikirizibwa kwonai nti OKristo OYesu naiza omu nsi okucungula abalina ebibbi: omu nibo nije eyekerereire.
|
|||
|
\v 16 Baitu kye nazwire nsasirw oyesu kristo alyoke abonekesye omunje okuguminkiriza kwaamwe kwoona, okubanga eji abo abakwaba okumwiiki olwa bwoomi obutawaawo.
|
|||
|
\p
|
|||
|
\v 17 Erate omukama owa miijo ne miijo, atawaawo, ataboneka, OKanca omwe, awebweenge eittendo n'ekitinisya emirembe nemirembe. Amiina.
|
|||
|
\v 18 Ekiragiro kini nkikubikisya, mwana wange OTimoseewo, nk'ebigambo bya balangi ni byali bye bakusimoireku eirai, leke olwanirenge omweyo olutalo olusai.
|
|||
|
\v 19 Nk'ogumya okwikiriza n'omwoyo ogusai, abandi gwe basindika erate nebawendekerwa okwikiriza kwabwe:
|
|||
|
\v 20 Omwabo nimwe muli Kumenayo no Alegezanda: be nawaire Ositaani, leke begesebwe obutazumanga.
|
|||
|
\c 2
|
|||
|
\cl Esuura 2
|
|||
|
\p
|
|||
|
\v 1 Kale okusooka kwa byoona byoona mbabuliira okwegayiranga n’okusabanga n'okukakalukananga n'okwebalyanga bikolebwenge oku lw'abantu boona boona;
|
|||
|
\v 2 Oku lwa bakama n'abakulu boona boona; leke tubbenge n'obwomi obutereeri obwa mirembe omu ku tiina oKanca kwoona kwoona no mu kwegendereza.
|
|||
|
\v 3 Ekyo nikyo kisai, ekkikiribwe omu maiso ga Mulokozi waiswe o'Kanca,
|
|||
|
\v 4 ataka abantu boona boona okucungurwa erate okwika omukutegera kimwe amazima.
|
|||
|
\v 5 Olwakubba walowo o'Kanca omwe, erate omugaitaganya wa Kanca na abantu omwe, omuntu Kristo Yesu,
|
|||
|
\v 6 eyewaireyo abbe omutango olwa boona boona: okutegeeza kulibbaawo omu biro byakwo.
|
|||
|
\v 7 Olwa bini nje natekeibwewo okubba omubuulizi omubaka (nsimoola mazima, timbeyega), omwegesya wa mawanga olwa kwikiriza n'amazima.
|
|||
|
\p
|
|||
|
\v 8 Nikyo nzwa nyendya abasaiza basabenge omu buli kifo, nka baimukya emikono ejikiriiri awatali busungu na mpaka.
|
|||
|
\v 9 Ale batyo n'abakali beeyonjenge omubyambalo ebisanire, n'okukwatibwa ensoni, n'okwegendereza; baitu timu kusiba isoke, ne zaabu oba luulu oba engoye eza muwendo ogwingi;
|
|||
|
\v 10 Baitu (nga kisaanire abakali abeeyeta abatiina o'Kanca) ne bikolwa ebisai.
|
|||
|
\v 11 Omukali ayegenga omu buculeeri omu kugonda kwoona kwoona.
|
|||
|
\v 12 Baitu omukali mmugaine okwegesyanga, gonze okufuga omusaiza baitu okubbanga omu buculeeri.
|
|||
|
\v 13 Olwakubba Adamu niye eyekereire okutondebwa oluzwanyuma o'Kaawa natondebwa;
|
|||
|
\v 14 Erate Adam ti niye eyabegeibwe baitu omukali odi niye yabegeibwe n'omu kusiisa.
|
|||
|
\v 15 Baitu aiza okucungurwanga omukubyara, ni banyinkiiranga omu kwikirizza, n'okwendya n'obwikiiri amwe n'okwegendereza.
|
|||
|
\c 3
|
|||
|
\cl Esuura 3
|
|||
|
\p
|
|||
|
\v 1 Kyesigwa ekigambo ekyo kiti, omuntu nataka obulabirizi, abba yegombere mulumo gusai.
|
|||
|
\v 2 Ale Omulabirizi kimwetagisya obutabbaku kamogo, abbenge musaiza nka ali nomukali omwe, ate nga tatamiira, nga yegendereza, mukwaatampola, ayaniriza abagenyi, ayegesya;
|
|||
|
\v 3 Atalwanira ku mwenge, timwandi; baitu muculeeri nga tatongana erate nka taali namairu ga sente.
|
|||
|
\v 4 Nka afuga kusai enyumba yamwe, akuuma abaana nga bawulize erate nka bali nekitiibwa.
|
|||
|
\v 5 Olwakubba omuntu natamanya kufuga nnyubba yamwe ayinza atyai okulabiira ekanisa ya Kanca?
|
|||
|
\v 6 Tasanira kubba eyakacuuka, elekenge okwekulumbalya aleke okugwa omumutego gwa sitaani.
|
|||
|
\v 7 Omungeri niyo emwe asanira okubbanga nebigambo ebisai edi abo abanzai alekenge okuggwa omukuzumibwa n'omuguguwa gwa sitaani.
|
|||
|
\p
|
|||
|
\v 8 Erate kityo abawereza kibasanira abantu abalumu ekitinisya, nka tibali nenkwe nka tibafugibwa mwenge, nga tibali namairu gabintu olwakufuna amagoba.
|
|||
|
\v 9 Nga bakuuma ekyama kya kwikiriza ommwoyo ogusai.
|
|||
|
\v 10 Erate bekeerenge okubagezesya basobole okuwereza nka tibaluku kyakubanenya.
|
|||
|
\v 11 Erate nabakali batyo kibasanira okubbanga nka bulumu ekitinisya, nka tibawangiirya nka begendereza nka besigibwa omu byoona byoona.
|
|||
|
\v 12 Abawereza babbenge basaiza ba mukazi omwei nga bafuga abaana baabwe okusai nenyumba zaabwe.
|
|||
|
\v 13 Olwakubba abamala okuwereza okusai befunira obukulu obusai nobugumu bwingi omukwikiriza okuli omu Kristo Yesu.
|
|||
|
\p
|
|||
|
\v 14 Nkuwandikiire ebyo nka nkusubira okwiiza jooli mangu.
|
|||
|
\v 15 Baitu nindibba ndwirewo obbe nka omaite ekisanira okolebwa omunyubba ya Kanca nka niyo ekanisa ya kanca omwoomi, empagi nomusiingi ebyamazuma.
|
|||
|
\v 16 Erate nka ndoowo kugulukyagulukya, ekyama kyakutiina OKanca nikyo kikulu oyo eyabonekeire ommubiri mbamuwa obwikiriiri omumwoyo, nabonebwa omalaika, nakoberwa amawanga naikirizibwa omunsi natwalibwa omukitinisya.
|
|||
|
\c 4
|
|||
|
\cl Esuura 4
|
|||
|
\p
|
|||
|
\v 1 Baitu omwoyo asimoola nti omunaku ezikusembayo walibawo abalizza omu kilikiirya, nka bawula emyoyo ezi kyamire no okusomesya kwa ba setaani;
|
|||
|
\v 2 Olwa obunanfussi bwe babeyege, nka bokyebwe emyoyo zabwe nke ekyuma ekikwokya.
|
|||
|
\v 3 Abo besoomere okusumbirigana erate nka bakwesoma okulekanga ebiribwa o'Kanca bye ya tondere biribwenge omu kwebalya abaikiiriri ni bategera kyarumwe amazima.
|
|||
|
\v 4 Olwakubanga buli kitonde kya Kanca kisai so ndowo kyakunanga nikitolebwa n'okwebulya.
|
|||
|
\v 5 Olwakubanga kyerukibwe na kigambo kya Kanca n'okusaba.
|
|||
|
\v 6 Ni waizukilanga abw'oluganda okwizza kubanga muwerezzi musai owa Kristo Yesu, ng'okukola omu bigambo byakwikirizza n'okwegesya okusai kwe wasengereire.
|
|||
|
\v 7 Baitu ensubiiro ezi tali zza ddini eza busirusiru ni zo leke wemanyi lyenge okutina o'Kanca,
|
|||
|
\v 8 Olwakubanga okwemanyizza okwa mubiiri kuta n'akassera kadyoli; baitu okutiina oKanca kuli omu byoona byoona, kubanga kulina okusubiza kwamwe obwomi bw'ati bwakwa kwizza.
|
|||
|
\v 9 Ekigambo kyaamu kyesigibwa era kisaanira okwikirizibwa kwonakwona.
|
|||
|
\v 10 Kubanga nikyo tuzwa tubonabona ni tunyiikira, kubanga twasubire OKanca omwomi, omujuni wabantu boona boona, okusinga wabaikiriiri.
|
|||
|
\v 11 Lagiranga ebyo, okusinga ebyegesa.
|
|||
|
\p
|
|||
|
\v 12 Omuntu yena yena takunyoomanga lwa munyetto gwamu; baitu bbanga kyakuboneraku edi abo abaikiriza omukusimoolanga, omukutambulanga nomukubba abaculeeri.
|
|||
|
\v 13 Okwikya ni naliyiza, wekalangulenge okusoma, n'okubuliranga.
|
|||
|
\v 14 Tolekanga kirabo ekiri omuwe, kye weweyibwe olw'obuyabbi amwe norokutebwaku emikono za bakayire.
|
|||
|
\v 15 Ebyo obirowoozenge, obenge omubyo byonabyona babonenge ng'okwaba mu maiso.
|
|||
|
\p
|
|||
|
\v 16 Weekumenge wenkai no'kusobola kwamu. Wekalungulenge omu mwebyo, kubanga n'okola otyo, olyerokola wenkayi era n'abo abakuwura.
|
|||
|
\c 5
|
|||
|
\cl Esuura 5
|
|||
|
\p
|
|||
|
\v 1 Tonenyanga mukaire, naye omukoberenge oitamwe, aboojo nka abaganda baamu.
|
|||
|
\v 2 Abakali abakaire nka omaawo: nabakali abato nka aboonyoko bamu: Omu busai bwoona.
|
|||
|
\p
|
|||
|
\v 3 Obawange ekitinisya aba namwandu abaaba abannamwandu kakimwe.
|
|||
|
\v 4 Baitu onamwandu yeena n'abaana oba abaizukulu, babazenge okwega okwegendereza nka abo aba mu nyumba zaabwe, n'okusasula abakaire baabwe, kubanga ekyo nikyo kitinisya omu maiso ga Kanca.
|
|||
|
\v 5 Baitu ayamba onnamwandu kimwe nalekebwa yenkai, assuubira Kanca. Nokwesengeerya emisana n'obwiire.
|
|||
|
\v 6 Baitu ate oyo ayendya ebinyuma abanga afiire gonze nka akyali mwomi.
|
|||
|
\v 7 Erate n'ebyo obalangirenga balemenge okubbaaku ekya kunenyezebwa.
|
|||
|
\v 8 Baitu omuntu yeena atajanjaba baamwe, n'okusinga aba nyumba yamwe nka yegaine okwikiriza, erate nka niye omubbi okusinga ataikirize.
|
|||
|
\p
|
|||
|
\v 9 O'Namwandu yeena tawandikibwanga nka akyali kwica myaka nkaaga, eya sumbiirwe omusaiza omwe.
|
|||
|
\v 10 Asiimwa omubikolwa ebisai, aba niye aginga abaana, oba nka niye anabya abakaikiriri amagulu, oba nga niye eyayambanga abakubonabona, oba nga yasengeryanga muno buli kikolwa ekisai.
|
|||
|
\v 11 Baitu abanamwandu abakyali abato obaganenge, kubanga bwebakyali kubalwa edi o'Kristo, nga bakyayendya okufumbirwa;
|
|||
|
\v 12 Batyo nibairya omusango kubanga banagire okwikiriza kwabwe okwekereire;
|
|||
|
\v 13 Erate bayegere okuba abagarai nga bakutambula okumalaku amanyumba; baitu ti bagarai bugarai, naye ate balina olugambo na kasiidi nka bakubaza ebitakwiiza.
|
|||
|
\v 14 Nikyo nzwa nnyendya abakyaali abato basumbirwenge, babyalenge abaana bafugenge enyumba zabwe, balemenge okuwa omuzigu omwagaanya okuzuma.
|
|||
|
\v 15 Kubanga waliwo abandi abakyamire okugobeera o'sitaani.
|
|||
|
\p
|
|||
|
\v 16 Omukali yeena aikiriza nabanga nabanamwandu, abajunenge eiramyo okulemeerwa ale ayambenge abanamwandu kakyarumwe.
|
|||
|
\p
|
|||
|
\v 17 Abakulu abafuga okusai basanira okuweebwa ekitinisya emiijo ibiri, naddala abo abafuga omukubuulira ekigambo n'okwegesya.
|
|||
|
\v 18 Kubanga ekyawandikibwe kikooba kiti: Tosibanga munwa gwamu, awuura namatwi niye akola emirimu aba assana empeera yamwe.
|
|||
|
\p
|
|||
|
\v 19 Toyikirizanga lubbazo okumukaire nga nddowo bajurwa babiri oba basatu.
|
|||
|
\v 20 Abasissa obanenyazzanga omumaiso ga abantu boona, era nabandi batyo batinenge.
|
|||
|
\p
|
|||
|
\v 21 Nkukuutira omumaiso ga Kanca nka tokola kigambo olwa magezi.
|
|||
|
\p
|
|||
|
\v 22 Toyangwilyanga kutta mukono oku muntu yena, erate toikirizanga kimwe nakibi ebya bantu abandi wekume obenge musai.
|
|||
|
\v 23 Tonywanga maizzi gonkai, naye onywa nga ku kumwenge kadyooli olwanda yamu n'okulwalalwala.
|
|||
|
\v 24 Walowo abantu nga ebibbi byabwe bibba mulwattu, nga bibekulembera okwaba omumusango: nga ate nabandi baboneka luzwanyuma.
|
|||
|
\v 25 Eranga nimwo kityo nebikolwa ebisai bibba mu lwattu; ni kitabba kityo erate tebilirema kwolesebwa.
|
|||
|
\c 6
|
|||
|
\cl Esuura 6
|
|||
|
\p
|
|||
|
\v 1 Abali omu miceeno zza bwiru balowozenge bakama babwe banyweere ni basanira ekitinisya kyoona, eibara lya Kanca n'okwegesya kwaiswe biremenge okuzumibwa.
|
|||
|
\p
|
|||
|
\v 2 Abo abalina abakama baabwe abaikiriza tibabanyomanga, olwakubba ba luganda, baitu beyongere oku bawerezanga, olwakubba abaganyirwa omu kuweereza kwaabwe, baikiriza ate bendebwa, yegesya ebyo obirambenge.
|
|||
|
\p
|
|||
|
\v 3 Omuntu yeena nayegesyanga obundi, era nataikirizanga ebigambo bya bwoomi, ebya Mukama waiswe o'Yesu Kristo, n'okwegesya okusengeerya okutiina o'Kanca.
|
|||
|
\v 4 Nka yekulumbalya, n'ataluku kyakwetegya, wabula okuwangirya mbe empaka n'entalo eza ebigambo, omuzwa obwiya, okulwana, okuzuma, n'okuwangiirya.
|
|||
|
\v 5 Amwe n'okukayana okw'abantu nabasinsikaire amagezi, abaibwaku amagezi, nka ni baloowoza oku kutiina o'Kanca nikwo kufuna amagoba.
|
|||
|
\p
|
|||
|
\v 6 Baitu okutiina Kanca o'butayayaananga nigo magoba againgi.
|
|||
|
\v 7 Olwakubba titwaletere kintu omunsi, erate tetuyinza kwiyamu kintu.
|
|||
|
\v 8 Baitu netubba n'emmere ne by'okuzwala, ebyo byatumalanga.
|
|||
|
\v 9 Baitu abendya okuguuduwala bagwa omu kwoyera n'omu mitego n'okwegomba okwingi busirusiru busiisa, n'okwiniika abantu omu kubula n'okuwerekeerya.
|
|||
|
\v 10 Olwakubanga okwendya ebintu nikyo kikolo ekya ebibbi byoona, walowo abayayanira ebyo, nabayindurwa okuzwa omwikwikiriiza, ni beesumitira kimwe obujune obwingi.
|
|||
|
\p
|
|||
|
\v 11 Baitu we, omuntu wa oKanca, irukanga ebyo, osengerye obwikiriiri, okutina oKanca, okwikiriza, okwendya, okuguminkirizanga n'obugudda.
|
|||
|
\v 12 Lwananga okulwana okusai okwa kwikiriza, gumyanga abwomi obutawaawo, bwe waiteirewo, no yatula okwatula okusai omu maiso ga bajjurwa abaingi.
|
|||
|
\p
|
|||
|
\v 13 Nkukuutira omu maiso ga oKanca, awa byoona obwoomi, no Kristo oYesu eyategeize okwatula okusai okuji oPontiyo oPiraato;
|
|||
|
\v 14 Weekumenga ekiragiro awataali kipaapi, awatali okunenyezebwa, okwicya okukubwonekka okwa Yesu Kristo.
|
|||
|
\v 15 Kunu kulirangibwa omu ntuuko zaakwo o'Mukama wa buyinza yenkai ayangirizibwa Mukama wa bakama, era wa baandi.
|
|||
|
\v 16 Alina okutafa yenkai, aikara omu kutangala okutasemberekeka, omuntu yeena gwa tabwonangaku, awebwenge ekitinisya n'obukama obutawaawo Amiina.
|
|||
|
\p
|
|||
|
\v 17 Okalatirenge abaguuda aba mu miijo jaati obutegulumirizanga gonze okwesiga obuguuda obu taali obwaluberera, wabula o'Kanca atuwerye byoona olwa buguuda tulyoke twesanyusenge n'ebyo;
|
|||
|
\v 18 Bakolenge kusai, babenge baguuda omu bikolwa ebisai, babbenge benda, baicenge kimwe balowozenge kimwe.
|
|||
|
\v 19 Olwo babbanga beebikira ekya kusinziiraku ekisai olwa biro ebikwaba okwizza, balyoke bagumyenge obwomi kacarumwe.
|
|||
|
\p
|
|||
|
\v 20 OTimoseewo, kumanga kye wabiikisibwe, nka okwewala ebigambo ebitalimu ebitali bya oKanca n'okwawukana kwa bigambo bi beyegere omu magezi.
|
|||
|
\v 21 Walowo abantu abekoba okubba nakwo, ni bakyama omu kwikiriza ekisai kibenge nanywe.
|