\id 2JN
\ide UTF-8
\h २ यूहन्‍ना
\toc1 २ यूहन्‍ना
\toc2 २ यूहन्‍ना
\toc3 2jn
\mt २ यूहन्‍ना
\c 1
\cl अध्याय १
\p
\v 1 धर्मगुरुबाट ती चुनिएकी महिला र तिनका छोराछोरीहरूलाई, जसलाई म सत्यतामा प्रेम गर्छु—र मैले मात्र होइन, तर तिनीहरू सबैले पनि प्रेम गर्छन् जसले सत्यता जानेका छन्—
\v 2 त्यस सत्यताको कारण जुन हामीभित्र छ र हामीसँग सदासर्वदा रहनेछ ।
\v 3 परमेश्‍वर पिता र पिताका पुत्र येशू ख्रीष्‍टबाट हामीमा अनुग्रह, दया र शान्ति, सत्यता र प्रेममा रहनेछ ।
\p
\v 4 म अति आनन्दित छु कि मैले तिम्रा केही छोराछोरीहरू सत्यतामा हिंडिरहेको भेट्टाएको छु, जसरी हामीले यो आज्ञा पिताबाट प्राप्‍त गरेका छौं ।
\p
\v 5 अब हे महिला, म तिमीलाई बिन्ती गर्छु— मैले तिमीलाई नयाँ आज्ञा लेखिरहेको जस्तो होइन, तर हामीसँग सुरुदेखि भएको नै हो—कि हामीले एक अर्कालाई प्रेम गर्नुपर्छ ।
\v 6 प्रेम यो हो, कि हामी उहाँका आज्ञाहरूअनुसार हिंड्नुपर्छ । तिमीहरूले सुरुदेखि नै सुनेजस्तै आज्ञा यही हो, कि तिमीहरू यसमा हिंड्नुपर्छ ।
\p
\v 7 किनकि धेरै छलीहरू संसारमा गएका छन्, र येशू ख्रीष्‍ट शरीरमा आउनुभयो भनी तिनीहरू स्वीकार गर्दैनन् । यो नै छली र ख्रीष्‍ट विरोधी हो ।
\v 8 आफैंलाई हेर, कि तिमीहरूले ती कुराहरू नगुमाऊ जसको लागि हामी सबैले परिश्रम गरेका छौं, तर तिमीहरूले पूरा इनाम पाउन सक ।
\v 9 जो अगाडि बढिरहन्छ र ख्रीष्‍टको शिक्षामा रहँदैन त्यससँग परमेश्‍वर हुनुहुन्‍न । जो शिक्षामा रहन्छ योसँग पिता र पुत्र दुवै हुनुहुन्छ ।
\v 10 यदि कोही तिमीहरूकहाँ आउँछ र यो शिक्षा ल्याउँदैन भने त्यसलाई तिमीहरूको घरमा स्वागत नगर र त्यसलाई अभिवादन नगर ।
\v 11 किनकि जसले त्यसलाई अभिवादन गर्छ त्यो त्यसको दुष्‍ट कामहरूमा सहभागी हुन्छ ।
\p
\v 12 मैले तिमीहरूलाई धेरै कुराहरू लेख्‍नुछ, तर मैले ती कुराहरू कागज र मसीले लेख्‍ने इच्छा गरिनँ । तर पनि म तिमीहरूकहाँ आउने र आमनेसामने भएर कुरा गर्ने आशा गर्छु, ताकि हाम्रो आनन्द पूर्ण होस् ।
\v 13 तिम्री चुनिएकी बहिनीका छोराछोरीहरूले तिमीलाई अभिवादन गर्छन् ।