msh_reg/51-PHP.usfm

\id PHP
\ide UTF-8
\h Filipiana
\toc1 Filipiana
\toc2 Filipiana
\toc3 php
\mt Filipiana
\c 1
\cl Toko 1
\p
\v 1 Paoly voho Timoty, mpanompon'i Jesosy Kristy, ho gnan'ireo voatoka ho gnan'i Jesosy Kristy zay agny Filipy, miaraky amin'ireo mpiandraikitsy voho reo diakona.
\v 2 Ho agnaminareo anie gny fahasoava voho fiadagna baka amin-Dranagnahary Babantsika voho Jesosy Kristy Tompo.
\p
\v 3 Misaotsy gny Ndranagnahariko aho amin'ny fahatiarovako gnanareo.
\v 4 Ao amin'ny fivavahako ho gnanareo iaby, la amin'ny fifalia hatragny ro anaovako gny fivavahako.
\v 5 Magnome fisaora zaho nohon'ny amin'ny fiombonanareo amin'ny filazantsara nanomboky tamin'ny andro voalohany ka hatramin'izao.
\v 6 Mahatoky an'izao raha zao zaho, fa Ie zay nanomboky asa soa tagnaminareo la hanohy hagnatanteraky izay hatramin'ny andron'i Jesosy Kristy.
\v 7 Fa soa agnamiko gny nahatsapa manahaky izay gny amin'ny mikasiky gnanareo iaby fotony ato am-poko nareo. Nareo iaby la mpiara-miasa tagnamiko tamin'ny fahasoava na tamin'ny figadrako voho tamin'ny fiarovako na koa tamin'ny fagnamafisa gny filazatsara.
\v 8 Fa Ndranagnahary ro vavolombeloko, fa many gnareo mare aho amin'ny famindram-pon'i Kristy Jesosy.
\p
\v 9 Sady zaho mivavaky an'izao: mba hitombo hatrany hatrany gny fitiavanareo amin'ny fahay voho amin'ny fahazavan-tsay iaby.
\v 10 Mivavaky ho gnan'izay aho mba hagnenky zay soa la soa nareo, mba ho tso-po voho tsy misy tsiny amin'ny andron'i Kristy.
\v 11 Mivavaky aho mbe ho fenon'ny vokatsy gny fahamarigna zay bakamin'i Jesosy Kristy nareo, ho voninahitsy voho fandrengea gnan-Dranagnahary.
\p
\v 12 Sady teako ho hainareo, ry rahalahy, fa reo raha zay nitranga tagnamiko la niasa ho amin'ny fampandrosoa gny filazantsara vatany.
\v 13 Vokatr'izay, gny fehiko ao amin'i Kristy la niharihary mazava nagnera reo mpiambin'ny lapa manontolo voho reo olo hafa.
\v 14 Gny ankamaroan'ireo rahalahy la mana toky bevata mare ao amin'ny Tompo nohon'ny fehiko, sady magnambara tsy amin-tahotsy gny safa rozy.
\p
\v 15 Gny sasany aza la mitory gnan'i Kristy amin'ny fialogna voho tsy fifagnaraha vatany, sady reo hafa koa amin'ny sitrapo soa.
\v 16 Reto farany la manao izay amin'ny fitiava, mahay fa zaho la napetraky eto ho fiarova gny filazantsara.
\v 17 Fa reo voalohany la mitory gnan'i Kristy amin'ny fitiavan-tegna, fa tsy tso-po. Ie raiky la mihevitsy fa hagnakoronta gnahy laha mbo ao amin'ny fifatorako zaho.
\v 18 Ino ary? Amin'ny fomba iaby, na amin'ny fihatsaram-belatsihy na amin'ny fahamarigna, Kristy ro toria, sady mifaly gny amin'izay zaho. Eka, ho faly aho,
\p
\v 19 fa haiko fa izay la hiafara amin'ny fagnafaha gnahy amin'ny alalan'ireo vavakareo voho gny fanampian'ny Fagnahin'i Jesosy Kristy.
\v 20 Izay la araky gny fiambenako fatratsy voho gny antoky fa zaho la tsy ho homegnatsy mihitsy, sady mbo amin'ny fahasahia iaby avao, henanio manahaky gny taloha, la hisandratsy ato amin'ny vatako Kristy, na amin'ny fiaigna na amin'ny fahafatesa.
\p
\v 21 Ho gnahy gny hoe miay la Kristy sady gny hoe maty la tombony.
\v 22 Fa laha miay amin'ny nofo zaho, la midika asa mahavokatsy ho gnahy izay. Nefa ino ro ho filiako? Tsy haiko.
\v 23 Fa voatery mare eo agnelagnelan-drozy roe aho. Gny fagniriako la gny handeha sady hiaraky amin'i Kristy, zay soa lavitsy,
\v 24 Nefa gny mipetraky ao amin'ny nofo la ila avao noho nareo.
\v 25 Resy lahatsy gny amin'izay, la haiko fa hipetraky voho hanohy hiaraky agnaminareo iaby zaho, ho gnan'ny fandrosoanareo voho fifalia ao amin'ny finoa.
\v 26 Mba ho ao agnamiko la hana antony hirehareha ao amin'i Kristy Jesosy nareo lafa mimpoly agny aminareo ndraiky zaho.
\p
\v 27 Mandaisa vata amin'ny fomba mendriky gny filazantsara gnan'i Kristy, ka na avy hagnenty zaho na tsy eo, la afaky gny hinjanjy mikasiky gnanareo, fa mijoro mare amin'ny fagnahy raiky nareo, amin'ny say raiky miaraky miezaky ho gnan'ny finoa gny filazantsara.
\v 28 Sady ka mety ampitahotin'ireo zay fahavalonareo. Mariky gny fahapotehan-drozy zay, fa mariky gny famonjeanareo ko_sady izay la avy bakamin-Dranagnahary.
\v 29 Fa nomea gnanareo izay, ho gnan'i Kristy, tsy hoe mba hinoa Gnazy avao, fa hijalia ho Gnazy koa,
\v 30 fa nareo la mana aly mitovy amin'izay hitanareo tagnamiko, sady zay njanjinareo agnamiko henanio.
\c 2
\cl Toko 2
\p
\v 1 Laha misy fampahereza ao amin'i Kristy, laha misy fampionogna bakamin'ny fitiavany, laha misy firaisa ao amin'ny Fagnahy, laha misy famindrampo bevata voho fiantra,
\v 2 la anovo feno gny fifaliako amin'ny fisaigna manahaky izay, amin'ny fanagna fitiava mahaky, amin'ny firaisa am-panahy, voho amin'ny fanagna tanjo mitovy.
\v 3 Ka manao na ino na ino amin'ny fitiavan-tena na fanandratan-tena avao. Fa amin'ny fanetren-tena koa la mandiniha gny hafa mihoatsy gny vatanareo.
\v 4 Tokony tsy hila zay mahasoa gny vatanareo avao gny kiraidraiky agnaminareo, fa zay mahasoa gny hafa avao koa.
\p
\v 5 Mandiniha manahaky gny fisaigna zay tao amin'i Kristy Jesosy avao koa.
\q
\v 6 Fa nisy araky gny endrikin-Dranagnahary Ie, fa tsy nandiniky izay fitoviany amin-Dranagnahary izay ho raha hifikira Ie.
\q
\v 7 Gny mifanohitsy amin'izay, nofoagnany gny vatany. Nangalaky gny endriky gny mpanompo Ie. Sady niseho manahaky gny olombelo Ie. Sady jery nitovy tamin'olombelo Ie.
\q
\v 8 Nanetsy tegna Ie sady avy mpakatoa hatramin'ny fahafatesa, izay fahafatesan'ny hazofijalia!
\q1
\v 9 Noho izay la nasandratsin-Dranagnahary abo la abo avao koa Ie. Nomeny izay Agnara izay agnabon'ny agnara iaby Ie.
\q
\v 10 Nataony izay mba ho amin'ny Agnaran'i Jesosy ro handohalehan'ny ongotsy iaby, gny ongots'ireo agny an-dagnitsy voho etoy an-tany voho agny ambanin'ny tany.
\q
\v 11 Nataony izay hagneken'ny lela iaby fa i Jesosy Kristy ro Tompo, ho voninahitrin-Dranagnahary Baba.
\p
\v 12 Noho izay, ry malako, manahaky gny ankatoavanareo hatrany, tsy eo amin'ny fagnatrehako avao fa mihoatsy lavitsy aza henanizao lafa tsy eo aho, la aseho amin'ny tahotsy voho hitikitiky gny famonjea gnareo.
\v 13 Fotony Ndranagnahary ro miasa ao agnaminareo mba ho vonon-kanao ro sady hiasa ho gnan'ny fifaliany nareo.
\p
\v 14 Atovo tsy am-pitaraigna na fialian-kevitsy gny raha iaby.
\v 15 Manova manahaky izay mba ho avy anakin-Dranagnahary tsy misy tsiny sady to, tsy misy kilema nareo. Miasa manahaky izay mba hamirapiratanareo manahaky gny fahazava eo amin'izao tontolo zao, eo agnivon'ny avorohota meloky sady mahery loha.
\v 16 Minditeha mare amin'izay safan'ny fiaigna mba hanagnako antony hirehareha amin'ny andron'i Kristy. Fa amin'izay la ho haiko fa tsy hisy dikany gny hilaisako sady tsy hisy dikany gny niasako.
\p
\v 17 Fa na la azotso ho fagnatitsy eo amin'ny soro voho fanompom-pinoa aza zaho, la mifaly aho, sady miaraky mifaly agnaminareo iaby aho.
\v 18 Sady manahaky izay koa ro hifalianareo, voho miaraky mifaly agnamiko nareo.
\p
\v 19 Fa magnanteba ao amin'i Tompo Jesosy aho Fa handefa gnan'i Timoty agny aminareo malaky, mba hahery avao koa aho lafa haiko gny raha mikasiky gnanareo.
\v 20 Fa tsy mana olo hafa mitovy toe-tsay agnaminy aho, zay tena misalasala gny aminareo.
\v 21 Fa rozy iaby la mila gny tombo-tsoany, fa tsy gny rahan'i Jesosy Kristy.
\v 22 Fa hainareo gny fahamendrehany, fotony manahaky gny aja manompo gny babany, ro nanompoany niaraky tagnamiko tao amin'ny filazantsara.
\v 23 Ka magnantena gny handefa gnazy aho laha vo jeriko hoe manao akory gny fandeny raha atoy agnamiko.
\v 24 Fa matoky gny Tompo aho fa ho bakagny malaky koa gny vatako.
\p
\v 25 Fa mieritreritsy aho fa ila avao koa gny mampimpoly gnan'i Epafrodito agny aminareo. Ralahiko ie voho mpiara-miasa ro mpiara-mialy, sady mpanday hafatrareo ie ro mpanompo amin'izay ilako.
\v 26 Fa tra-pahoria mare ie, sady many gny hiaraky tagnaminareo iaby ie, fotony njanjinareo fa narary ie.
\v 27 Fa tena narary ie ka fa ho maty. Fa namindra fo tagnaminy Ndranagnahary, voho tsy tagnaminy avao, fa tagnamiko koa, mba tsy hanagnako alahelo ambonin'ny alahelo.
\v 28 Ka la amim-pahasakia bevata iaby ro handefasako gnazy, ka lafa hahajery gnazy ndraiky nareo la mba hifaly ka la ho afaky vatany amin'ny fisalasalako aho.
\v 29 Rambeso ao amin'ny Tompo Epafrodito miaraky amin'ny fifalia iaby. Hajao gny olo manahaky gnazy.
\v 30 Fa ho gnan'ny asan'i Kristy ro nankariniany gny fahafatesa. Fa nanao gnainy tsy ho raha ie hanompoa gnahy mba hagnatenterahany zay tsy afaky nataonareo tamin'ny fanompoa tagnamiko.
\c 3
\cl Toko 3
\p
\v 1 Farany, ry rahalahy, mifalia ao amin'ny Tompo. Tsy manahira gnahy gny mampimpoly manoratsy regny raha regny ho gnanareo. Regny raha regny la hiaro gnanareo.
\p
\v 2 Mitandrema amin'ireo amboa. Mitandrema amin'ireo mpanao raty. Mitandrema amin'ireo fanapaha rantsam-bata.
\v 3 Fa tsika ro voafora. Sady tsika ro manompo amin'ny Fagnahin-Dranagnahary. Sady tsika ro mirehareha ao amin'i Kristy Jesosy, sady tsy mitoky amin'ny nofo.
\v 4 Na izay aza, zaho vatako la afaky mitoky amin'ny nofo. Laha misy olo mihevitsy fa ie la mana fahatokia amin'ny nofo, afaky manao mihoatsy noho izay aho.
\p
\v 5 Nisinavatsy tamin'ny andro fahavalo aho, teraky tao amin'ny vahoakan'Israely, tao amin'ny fokon'ny Benjamina, Hebreo tao amin'ireo Hebreo aho; araky gny lalagna, la Fariseo aho.
\v 6 Tamin'ny zotom-po, la nanenjiky gny fiangona aho; Laha gny amin'ny fahamarigna ambanin'ny lalagna, la tsy nanan-tsiny aho.
\p
\v 7 Fa na ino na ino tombony ho gnahy, la nisaisiko manahaky gny fatiantoky regny nohon'ny amin'i Kristy.
\v 8 Laha gny tena ie, nisaiko ho maty antoky iaby reo raha iaby nohon'ny haben'ny fahaia gnan'i Kristy Jesosy Tompoko. Noho Ie la nariako gny raha iaby. Dinihiko ho fako regny mba hahazoako gnan'i Kristy
\v 9 sady ho hita ao Aminy aho. Tsy mana gny fahamarigna ho gnan'ny vatako bakamin'ny lalagna zaho. Fa koa, mana gny fahamarigna zay tamin'ny alalan'ny finoa gnan'i Kristy aho, fahamarigna bakamin-Dranagnahary zay mifototsy amin'ny finoa.
\v 10 Ka henanizao la te hahay Gnazy voho gny herin'ny fitsanganany tamin'ny maty sady gny fiombona amin'ireo fijaleany aho. Te hiova amin'ny alalan'i Kristy aho mba hanahaky gny fahafatesany,
\v 11 mba hahafahako mahatsapa gny fitsangana amin'ny maty.
\p
\v 12 Tsy to fa nandramby reo raha reo sahady aho, na koa hoe avy tanteraky aho. Fa miezaky aho mba handrombahako izay nandrombahan'i Kristy Jesosy gnahy.
\v 13 Ry rahalahy, tsy mieritreritsy aho fa gny vatako la nandrombaky izay. Fa misy raha raiky: Halinoiko zay agny afarany sady miezaky ho gnan'izay eo aloha aho.
\v 14 Miezaky magnatratsy gny tanjana aho mba hahazo gny lokan'ny kaiky bakagny agnabo bak'amin-Ndranagnahary ao amin'i Kristy Jesosy.
\v 15 Tsika iaby zay matotsy, ao tsika hieritreritsy manahaky izay; sady laha misy eritreritsinareo hafa mikasiky raha iaby, la ho ambaran-Dranagnahary agnaminareo avao koa izay.
\v 16 Nefa, na ino na ino fa tratsintsika, ao tsika hifikitsy amin'izay.
\p
\v 17 Ao ho mpangalaky ataky gnahy, nareo ry rahalahy. Diniho mariniky reo zay mandeha araky gny ohatsy zay hitanareo ao agnaminay.
\v 18 Maro reo mandeha_reo zay fa nimbarako gnanareo matetiky, sady henanizao aho mivola agnaminareo amin-dranomaso_manahaky gny fahavalon'ny hazofijalian'i Kristy.
\v 19 Fandringana ro fiafaran-drozy. Fa gny kibony ro Ndranagnahariny, sady gny fireharehany. Mieretreretsy gny rahan'izao tontolo izao rozy.
\v 20 Fa agny an-dagnitsy gny fanjakantsika, zay hiandrasantsika Mpamonjy avao koa, la gny Tompo Jesosy Kristy.
\v 21 Ie la hagnova gny vatantsika zay malemy mba ho vata manahaky gny vatany feno voninahitsy, zay natao tamin'ny herin'ny fahefany mba hampanaiky gny raha iaby amin'ny vatany.
\c 4
\cl Toko 4
\p
\v 1 Noho izay, ry rahalahy teako zay mahamany gnahy, fifaliako voho satro-boninahiko, amin'izay la mijoroa soa ao amin'ny Tompo, ry namako malala.
\p
\v 2 Miangavy gnan'i Eodia zaho, sady miangavy gnan'i Syntyke, miraisa say ao amin'ny Tompo.
\v 3 Sady, mangataky agnaminao avao koa zaho, ry namako mpiray zioga: Ampio reo sevaky reo. Fotony rozy la niaraky niasa tagnamiko tamin'ny fampieleza gny Filazantsara niaraky tamin'i Klementa voho reo sisa nana mpiara-miasa agnamiko iaby, zay fa ao amin'ny Bokin'ny Fiaigna gny agnaran-drozy.
\p
\v 4 Mifalia hatrany ao amin'ny Tompo. Hoy avao aho, mifalia.
\v 5 Engao ho hainy gny olo iaby gny fahatsoram-ponareo. Fa mariniky gny Tompo.
\v 6 Ka misalasala na amin'ino na amin'ino. Fa koa, amin'ny raha iaby amin'ny alalan'ny vavaky voho fangataha, miaraky amin'ny fisaora, engao gny fangatahanareo ho hain-Dranagnahary.
\v 7 Sady gny fiadagnan-Dranagnahary, zay mihoatsy gny fahaiza iaby, hiaro gny fonareo voho gny fisaignanareo iaby ao amin'i Kristy Jesosy.
\p
\v 8 Sady farany, ry rahalahy, na ino na ino to, na ino na ino manankaja, na ino na ino ara-drariny, na ino na ino malio, na ino na ino mahafinaritsy, na ino na ino nambarany fa soa, laha misy na ino na ino tena soa, laha misy na ino na ino tokony ho hengea, la mandiniha gnan'iregny raha regny.
\v 9 Reo raha zay nianaranareo voho rambesinareo voho njanjigninareo sady jerinareo tagnamiko, atovo regny raha regny, sady gny Ndranagnahary gny fiadagna hiaraky agnaminareo.
\p
\v 10 Mifaly mare ao amin'ny Tompo aho fotony nohavaozinareo avao henanio gny fandinihanareo gnahy. Fa nihevitsy gnahy vatany nareo teo aloha, fa tsy nisy fahafaha ho gnanareo mba hanampy.
\v 11 Tsy mivola izay aho fotony ao agnatin'ny tsy fahampia. Fa nianatsy gny hifaly amin'izay toe-java-miseho iaby aho.
\v 12 Haiko gny hoe mahantra sady haiko koa gny hoe manam-be. Amin'ny fomba iaby voho amin'ny raha iaby la nianatsy gny tsiambaratelon'ny fihinanam-be voho gny hamosary aho, sady gny hoe manam-be voho gny hoe ao agnatin'ny tsy fahampia.
\v 13 Afaky manao gny raha iaby zaho amin'ny alalan'ny mampahery gnahy.
\v 14 Nefa, nareo nanao gny soa tagnamiko tamin'ny fahasakiako.
\p
\v 15 Sady nareo Filipiana mahay fa tamin'ny fiandohan'ny filazantsara, lafa nagnenga gnan'i Makedonia zaho, la tsy nisy fiangona nanoha gnahy laha gny mahakasiky gny fanomeza voho fandrambesa afa-tsy nareo avao.
\v 16 Na taminy zaho tagny Tesalonika aza, la nandefa fagnampia ho gnan'izay nilako mihoatsy gny ndraiky mandeha nareo.
\v 17 Tsy hoe mila fanomeza aho. Fa koa mila gny vokatsy zay mampiakatsy gny voninahitsinareo aho.
\p
\v 18 Nandramby reo raha iaby aho, sady mana maro. Fa feno aho. Voaraiko bak'amin'i Epafrodito reo raha avy agnaminareo. Reo la hanintra manim-pofo, zay fagnatitsy azo ekena voho ankasitrahan-Dranagnahary.
\v 19 Sady gny Ndranagnahariko hameno zay iaby ilanareo araky gny haren'ny voninahiny ao amin'i Kristy Jesosy.
\v 20 Sady ho an-Dranagnahary voho Babantsika anie gny voninahitsy mandrakizay doria. Amena.
\p
\v 21 Manaova veloma gnan'ny mpino iaby ao amin'i Kristy Jesosy. Reo rahalahy zay miaraky agnamiko la manao veloma gnanareo.
\v 22 Reo mpino iaby zay eto manao veloma gnanareo, sandraky reo zay avy ao amin'ny avorohotan'i Kaisara.
\p
\v 23 Gny fahasoavan'ny Tompo Jesosy anie ho amin'ny fagnahinareo. 
\f + \ft Fanamariha: Misy reo fandika sasany magnampy hoe: “Amena.” \f*