msh_reg/50-EPH.usfm

\id EPH
\ide UTF-8
\h Efesiana
\toc1 Efesiana
\toc2 Efesiana
\toc3 eph
\mt Efesiana
\c 1
\cl Toko 1
\p
\v 1 Paoly, apostolin'i Kristy Jesosy araky gny sitrapon-Dranagnahary, ho gnan'ireo olo-masin-Dranagnahary agny Efesosy, zay mahatoky ao amin'i Kristy Jesosy.
\v 2
\f + \ft Fanamariha: Misy fandika sasany mangalaky gny hoe: “Ao Efesosy” nefa mety ao amin'ny taratasin'i Paoly tamin'ny voalohany izay. \f* Ho agnaminareo gny fahasoava voho fiadagna baka amin-Dranagnahary Babantsika voho Jesosy Kristy Tompo.
\p
\v 3 Deraina anie gny Ndranagnahary voho Baban'i Jesosy Kristy Tompontsika, zay nitahy antsika tao amin'i Kristy tamin'ny fitahim-pagnahy iaby bakagny an-dagnitsy ao amin'i Kristy.
\v 4 Ndranagnahary nifily antsika tao aminy hatramin'ny fiantombohan'izao tontolo zao, mba ho masy voho tsy manan-tsiny eo agnatrehany tsika.
\v 5 Ndranagnahary la nisafily antsika mialoha ho amin'ny fanangana ho anaky tamin'ny alalan'i Jesosy Kristy, araky gny sitrapony.
\v 6 Gny fanangana antsika la manday amin'ny fandrengea gny fahasoavany be voninahitsy zay nomeny antsika maimaimpoa tao amin'gny Raiky zay teany.
\p
\v 7 Ao amin'i Jesosy Kristy la mahazo fanavota amin'ny liony voho gny famelan-keloky tsika, araky gny harem-pahasoavany.
\v 8 Narotsany tamintsika tamin'ny fahendrea voho fahalala iaby izay fahasoava izay.
\v 9 Nataon-Dranaganahry hay tamintsika gny raha-miafin'ny sitrapony, araky zay teany, voho zay nasehony tao amin'i Kristy,
\v 10 niaraky tamin'ny fandahara raiky amin'ny fahafenoan'ny fotoa, hamoria gny raha iaby, etoy an-tany voho agny an-dagnitsy, ho loha raiky, na Kristy aza.
\v 11 Ao amin'i Kristy la voatendry ho mpandova tsika. Nifilia mialoha araky fandaharan'ny mampiasa gny raha iaby araky gny tanjon'ny sitrapony tsika.
\v 12 Ndranagnahary nanendry gnantsika ho mpandova mba ho tsika ro mana fahatokia voalohany ao amin'i Kristy, mba ho fandrengea gny voninahiny tsika.
\v 13 Tao amin'i Kristy, nareo koa, lafa nahanjanjy gny safan'ny fahamarigna, la gny filazantsaran'ny famonjea gnanareo, la nino Gnazy nareo sady voatomboky tamin'ny Fagnahy Masy nampanantena,
\v 14 zay antoky ho gnan'ny lovantsika mandra-pahazoantsika tanteraky izay, ho fandrengeany gny voninahiny.
\p
\v 15 Noho izay antony izay, hatramin'ny nahanjanjignako gny finoanareo gny Tompo Jesosy sady gny fitiavanareo reo olo-masiny iaby,
\v 16 la tsy niegny nisaotsy gnan-Dranagnahary aho noho gny aminareo sady tiaroko am-bavaky nareo.
\v 17 Mivavaky aho mba gny Ndranagnaharin'i Jesosy Kristy Tompontsika, gny Babany voninahitsy, hagnomea gnanareo gny fagnahin'ny fahendrea voho fagnambara amin'ny fahalala Gnazy.
\v 18 Mivavaky aho mba hanazava gny fijerin'ny fonareo, mba hahaianareo gny toky zay nikaihany gnanareo voho gny hanagnan'ny voninahitsy gny lovany eo amin'ireo olo-masin-Dranagnahary iaby.
\v 19 Ao amin'ny fivavako la mangataky aho mba hahafahanareo gny fihoaran'ny halehiben'ny heriny ao amintsika ze mino, araky gny fisian'ny heriny bevata.
\v 20 Izay hery izay avao ro nampiasain-Dranagnahary tao amin'i Kristy lafa natsangany tamin'ny maty Ie sady napetrany teo an-tagnany ankavana tagny an-dagnitsy.
\v 21 Kristy la napetrany ho agnabon'ny lalagna voho gny fahefa sady gny hery voho fitsara, sady gny agnara iaby zay misy. Hanapaky Kristy, tsy ho amin'izao vanim-potoa zao avao, fa ho amin'ny vanim-potoa aho avy koa.
\v 22 Napetrakin-Dranagnahary ho ao ambanin'ny tombon'i Kristy iaby gny raha iaby sady natolony ho lohan'ny raha iaby ao amin'ny fiangona Ie.
\v 23 Gny fiangona ro vatany, gny fahafenoin'ny mameno gny raha iaby amin'ny endriny iaby.
\c 2
\cl Toko 2
\p
\v 1 Sady gny mikasiky gnanareo, la maty tao agnatin'ny fahadisoanare voho gny fahotanareo nareo.
\v 2 Tao amin'iregny fahadisoa regny ro niaignanareo taloha araky gny fomban'izao tontolo zao. Niay araky gny mpanapaky reo fahefa egny amin'ny tsioky nareo, gny fagnahy zay miasa ao amin'ireo anaky gny tsy fankatoava.
\v 3 Niay teo amin'iregny olo regny iaby tsika taloha, nanantanteraky reo filan-dratin'ny nofontsika, sady nanatanteraky gny fagnirian'ny nofo voho gny say. Fa voahary ho anaky gny fahatezera, manahaky gny anak'olombelo sisa tsika.
\p
\v 4 Nefa manan-karea famindram-po Ndranagnahary nhoh gny fitiavany bevata zay nitiavany gnantsika.
\v 5 Tamintsika mbo maty tao agnatin'ny fahadisoa, la nivelominy niaraky tamin'i Kristy_tamin'ny fahasoava ro namonjea gnanareo.
\v 6 Niara-natsangan-Dranagnahary tsika, sady niara-napetrany tao an-dagnitsy ao amin'i Kristy Jesosy,
\v 7 mba afahany mampiseho antsika amin'ny vanim-potoa ho avy gny halehiben'ny haren'ny fahasoavany zay tsy azo refesy asehony amin'ny hatsaram-pagnahiny amintsika ao amin'i Kristy Jesosy.
\p
\v 8 Fa tamin'ny fahasoava ro namonjea gnanareo tamin'ny alalan'ny finoa, sady tsy avy agnaminareo izay, fa fanomezan-Dranagnahary.
\v 9 Tsy avy amin'ny asa gny fahasoava mba tsy hisy hirehareha.
\v 10 Fa asan-Dranagnahary tsika, noforoniny tao amin'i Kristy Jesosy mba hanao asa zay fandaharan-Dranagnahary fa ela ho gnantsika, mba handehanantsika ao amin'ireo.
\p
\v 11 Noho izay tadidio fa Jentilisa tao amin'ny nofo nareo taloha. Nareo la kinaiky hoe “tsy voafora” eo amin'ireo zay kinaiky hoe “voafora” ao amin'ny nofo nataon'ny tagnan'olombelo.
\v 12 Fotony mbo tafasaraky tamin'i Kristy nareo tamin'izay fotoa izay. Mpivahiny nareo teo amin'ny vahoakan'ny Israely. Sady vahiny tamin'ny faneken'ny fampanantena nareo. Tsy mbo nana fanantena gny amin'ny ho avy nareo. Tsy niaraky tamin-Dranagnahary nareo teto amin'izao tontolo zao.
\v 13 Fa henanizao ao amin'i Kristy Jesosy nareo zay lavitsy an-Dranagnahary taloha la nampariniany tamin'ny lion'i Kristy.
\p
\v 14 Fotony Ie ro fihavanantsika. Ie ro nahavy gny roe ho raiky. Tamin'ny nofony ro nandravany gny rindrin'ny fanohera zay nampizarazara gnantsika.
\v 15 Izany hoe, nifoanany gny lalan'ny lily voho gny fitsipiky mba hanaovany olom-baovao raiky ao Aminy, voho mba hanaovany fampihavana.
\v 16 Kristy la mampihava gny vahoaky roe tonta ho vata raiky amin-Dranagnahary amin'ny alalan'ny hazofijalia, ka mamono gny fanihera.
\v 17 Fa avy Jesosy sady nitory fihavana ho gnanareo zay lavitsy sady fihavagna ho gnan'ireo zay mariny.
\v 18 Fa amin'ny alalan'i Jesosy ro hanagnantsika roe tonta fifandraisa amin'ny Fagnahy raiky magnagny amin'ny Ray.
\p
\v 19 Noho izay, tsy vahiny voho mpivahiny sasy nareo Jentilisa zao. Fa vo maiky aza mpiray firenena miaraky amin'ireo zay olo-masin-Dranagnahary nareo sady isan'ny ankohonan-Dranagnahary.
\v 20 Fa naory teo amin'ny fototsy fanoregnan'ireo apostoly voho reo mpaminany nareo, sady Kristy Jesosy mihintsy ro vato fehizoro.
\v 21 Ao Aminy ro hikambanan'ny fanorena iaby sady hitomboany manahaky gny tempoly ao amin'ny Tompo.
\v 22 Ao Aminy avao ro hanangana miaraky ho fitoera ho an-Dranagnahary ao amin'ny Fagnahy.
\c 3
\cl Toko 3
\p
\v 1 Noho izay, zaho Paoly, la gadran'i Kristy Jesosy ho gnanareo Jentilisa.
\v 2 Ataoko fa najanjy gny fitantara gny fahasoavan-Dranagnahary zay nomea gnahy ho gnanareo nareo.
\v 3 Manoratsy araky gny fagnambara nampahafantary gnahy aho. Izay ro to mietaky mikasiky zay nisoratako kelikely tagnaminareo.
\v 4 Lafa mamaky izay nareo, la ho afaky gny hahazo gny fomba fahazoako izay to mietaky mikasik'i Kristy izay.
\v 5 Tamin'ireo avorohota hafa la tsy natao hainy gny anak'olombelo izay marina izay. Fa henanizao koa izay la ambara tamin'ny alalan'ny Fagnahy tamin'ireo Apostoly voho reo mpaminaniny zay voatoka ho amy toy asa toy.
\v 6 Izay to mietaky izay la mivola fa reo Jentilisa la mpiara-mandova, voho mpiara-miombo amin'ny vata, sady mizara gny fampanantena ao amin'i Kristy Jesosy amin'ny alalan'ny filazantsara rozy.
\v 7 Fa lasa mpanompon'izay filazantsara izay aho tamin'ny fahasoavan-Dranagnahary nomea gnahy tamin'ny alalan'ny fiasan'ny heriny.
\p
\v 8 Nomen-Dranagnahary gnahy izay fanomeza izay, na la zaho aza ro farany kelikely mare amin'ireo olo-masin-Dranagnahary. Izay fanomeza izay la gny mba hitoriako amin'ireo Jentilisa gny filazantsaran'ny haren'i Kristy saro-katsahy.
\v 9 Gny fanomezam-pahasoavan-Dranagnahary ho gnahy la gny hitondrako fanazava amin'ny olo iaby gny fandaharan-Dranagnahary. Io fandahara io la naetain-Dranagnahary, gny nahary gny raha iaby, nandritra gny tao maro taloha.
\v 10 Nampahaizy tamin'ny fiangona izay fandahara izay mba hahavy reo mpanapaky voho reo manam-pahefa agny an-dagnitsy hahay gny toetsy maron'ny fahendren-Dranagnahary.
\v 11 Nitranga araky gny fandahara mandrakizay zay tanterany tao amin'i Kristy Jesosy Tompontsika izay.
\v 12 Fa ao amin'i Kristy ro anagnantsika fahasahia voho lalagna am-pahatokia nohon'ny finoantsika Gnazy.
\v 13 Noho izay miangavy gnanareo aho mba tsy ho kivy nohon'ny fijaliako ho gnanareo, zay voninahitrinareo.
\p
\v 14 Noho izay la mandohaliky eo agnatrehan'ny Ray aho,
\v 15 izay nagnomea agnara gny fianakavia iaby agny an-dagnitsy voho eto an-tany.
\v 16 Mivavaky aho mba hanomezany gnanareo, araky gny haren'ny voninahiny, mba hatanjaky amin-kery amin'ny alalan'ny Fagnahy Masy, zay ao aminareo.
\v 17 Mivavaky aho mba hitoetry ao am-ponareo amin'ny finoa Kristy, mba hifototsy voho hiory ao amin'ny fitiavany nareo.
\v 18 Hahazo hery anie nareo ka ho afa-mahatakatsy, miaraky amin'ireo mpino iaby, gny sakany, gny halavany, gny hahabony, voho gny halaliny,
\v 19 sady mba hahaia gny fitiavan'i Kristy, zay mihoatsy gny fahaia iaby, ka mba ho fenoan'ny fahafenoan-Dranagnahary iaby nareo.
\p
\v 20 Sady ho Gnazy izay mahavita manao mihoatsy zay iaby angatahintsika na eretreretintsika, araky gny hery zay miasa ao agnatintsika,
\v 21 ho Gnazy gny voninahitsy ao amin'ny fiangona sady ao amin'i Kristy Jesosy hatramin'ny avorohota iaby mandrakizay doria. Amena.
\c 4
\cl Toko 4
\p
\v 1 Noho izay, zaho, amin'ny maha gadra ho gnan'ny Tompo gnahy, la mamporisiky gnanareo mba handeha am-pamendreha amin'ny kaiky zay nikaiha gnanareo.
\v 2 Mamporisiky gnanareo aho mba hana fanetren-tena bevata voho fahatsora sady fahareta, mifandefitra amin'ny fitiava.
\v 3 Manova zay faran'ny herinareo mba hitariza gny firaisan'ny Fagnahy amin'ny fehin'ny fihavagna.
\v 4 Raiky avao gny vata sady raiky avao gny Fagnahy, manahaky gny nikaiha gnanareo tao amin'ny fanantenan'ny fikaiha gnanareo raiky avao koa.
\v 5 Sady raiky avao gny Tompo, raiky gny finoa, raiky gny batisa,
\v 6 sady raiky avao Ndranagnahary voho gny Baban'ny iaby, zay ambonin'ny raha iaby sady amin'ny alalan'ny raha iaby voho ao amin'ny raha iaby.
\p
\v 7 Tsika kiraidraiky aby la nomea fahasoava araky gny haben'ny fanomezan'i Kristy.
\v 8 Araky gny safan'ny Soratsy Masy izany hoe: “Lafa niakatsy tagny amin'ny abo Ie, la nanday reo babo ho amin'ny fahababoa, sady nanolotsy fanomeza ho gnan'ny vahoaky Ie.”
\p
\v 9 Ino gny hevitsy gny hoe: “Niakatsy Ie,” laha tsy hoe nizotso tagny amin'ny faritsy ambanin'ny tany avao koa Ie?
\v 10 Ie gny nizotso avao gny olo niakatsy ambony tagny an-dagnitsy, mba afahany mameno gny raha iaby.
\v 11 Kristy la nanolotsy gny sasany ho apostolo, gny sasany ho mpaminany, gny sasany ho evanjelista, voho gny sasany ho pasitera voho mpampianatsy.
\v 12 Nagnomea reo asa reo Ie mba hagnampia reo vahoakany masy ho amin'ny asa fanom-poa, amin'ny fanoregna gny vatan'i Kristy.
\v 13 Manohy manory gny vatany Ie mandra-pahatrarantsika iaby gny firaisam-pinoa voho gny fahaia gny anakin-Dranagnahary, sady mba hahavy gnantsika ho matotsy ka mba hahatratsy gny haben'ny fahafenoan'i Kristy.
\v 14 Magnory gnantsika Kristy mba tsy ho manahaky gny aja zay atopatopan'ny onja sasy tsika, sady tsy ho andesin'ny tsioky gny fampianara voho gny hafetsen'ireo olo amin'ny tetiky feno fitaky.
\v 15 Fa tsika koa, amin'ny fivolagna gny fahamarigna amin'ny fitiava, la tokony hitombo amin'ny fomba iaby ao amin'Ie zay loha, izany hoe, Kristy.
\v 16 Kristy la mananga gny vata iaby, sady nakamba voho natambatsy tamin'ny isan-tokony izay, sady lafa miasa miaraky reo, la mahavy gny vata hitombo mba hampiory gny vatany amin'ny fitiava.
\p
\v 17 Noho izay, la mivola voho manindry mare izay ao amin'ny Tompo aho, mba tsy hiay manahaky gny Jentilisa sasy nareo, amin'ny fahafoanan'ny fisaignan-drozy.
\v 18 Maiky gny haizan-drozy, tafasaraky amin'ny fiaignan-Dranagnahary nohon'ny tsy fahaia ao amin-drozy, nohon'ny fahamafisam-pon-drozy.
\v 19 Tsy mahay megnatsy rozy sady nanolotsy gny vatan-drozy ho amin'ny filan'ny nofo, sady manohy manao zao karazam-pahalotoa iaby zao.
\p
\v 20 Fa tsy izay ro fomba nianaranareo gny mikaisik'i Kristy.
\v 21 Inoako fa haneho gny mikasiky Gnazy nareo, sady nampianary tao aminy, fotony gny fahamarigna la ao amin'i Jesosy.
\v 22 Nampianary gnanareo mba hagnary gny fomba fiaignanareo taloha, mba hagnry gny toetry taloha. Gny toetry taloha zay simba nohon'ny fitaky gny filany.
\v 23 Nampianary nareo mba hihavao ao amin'ny fagnahin'ny sainareo,
\v 24 sady hitafy gny olom-baovao zay noharia araky gny endrikin-Dranagnahary _ ao amin'ny tena fahamarigna voho fahamasigna.
\p
\v 25 Noho izaqy, ialao gny vandy, sady ao gny kiraidraiky agnaminareo hifampivola to amin'ny namany, fotony samby isan'ny rantsan'ny iaby tsika.
\v 26 Mihelofa fa ka manonta. Ka enga ho tratrin'ny masoandro moly gny helokinao.
\v 27 Ka magnomea hiriky ho gnan'ny devoly.
\v 28 Ze nangalatsy la tsy tokony hangalatsy sasy. Tsy maintsy miasa ie, manao asa soa amin'ny tagnany, mba hanagnany raha ho zara ho gnan'ireo ao agnatin'ny tsy fahampia.
\v 29 Ka enga hisy safa maloto hiboaky baka amin'ny tsihovinareo. Mampiasa safa, araky zay ilan-drozy, mba tena hagnampy reo zay minjanjy gnanareo gny fivolanareo.
\v 30 Sady aza mampalahelo gny Fagnahy Masin-Dranagnahary, fa avy aminy ro nanaova tombo-kase gnanareo ho amin'ny andron'ny fanavota.
\v 31 Ialao gny lolom-po iaby haromonta, gny hatezera, gny fifamalia, voho gny fifampivolagnan-draty, miaraky amin'ireo karazan'asa raty iaby.
\v 32 Mana fahalem-pagnahy amin'ny kiraidraiky aby, fahatsoram-po, mifamela heloky, manahaky gny namelan-Dranagnahary gnanareo tao amin'i Kristy.
\c 5
\cl Toko 5
\p
\v 1 Noho izay ao mba ho mpangalaky manahaky an-Dranagnahary, manahaky gny anaky malala.
\v 2 Sady mandehana amin'ny fitiava, araky gny nitiavan'i Kristy gnantsika avao koa voho nanomezany gny vatany ho gnantsika, fanatitsy manim-pofona voho soro ho gnan-Dranagnahary.
\v 3 Fa tsy tokony hisy na la safa fijangajanga na karaza fahalotoa na tsy fahononan-tena aza eo agnaminareo, fa tsy mendriky gny olo-masin-Dranagnahary reo.
\v 4 Ao tsy hisy mamoafady, safa adaladala, voho somonga tafahoatsy _ fa tsy mendriky gny iaby amin'ireo. Fa koa tokony hisy fankasitraha.
\v 5 Fa afaky mahazo antoky gny amin'izao gnanareo, fa tsy mpijangajanga, maloto, na gny mpiery _ izany hoe, mpanompo sampy _ mana lova ao amin'ny fanjakan'i Kristy voho Ndranagnahary.
\v 6 Ao tsy hisy hamitaky gnanareo amin'ny safa tsisy dikany, fotony noho reo raha reo la avy amin'ny anaky gny tsy fankatoava gny hatezeran-Dranagnahary.
\p
\v 7 Noho izay, aza mikambana amin-drozy.
\v 8 Fa maiky nareo taloha, fa zao nareo la fahazava ao amin'ny Tompo. Mandehana manahaky gny anaky gny mazava,
\v 9 (fa gny vokatsy gny fagnahy la ao amin'ny fahatsara iaby, fahitia, voho fahamarigna.)
\v 10 sady ilao zay mahafinaritsy gny Tompo.
\v 11 Ka mikamba amin'ireo asa tsy mamokatsy gny maiky, fa ampiharihario koa reo.
\v 12 Fa mahamegnatsy na la gny manono reo raha ataon-drozy agny amin'ny mietaky aza.
\v 13 Fa lafa hazavan'ny fahazava gny raha raiky, la manjary miharihary.
\v 14 Fa gny raha iaby zay miharihary la fahazava. Noho izay la voalaza hoe: “Mifohaza, iha matory, sady mitsangana amin'ny toeran'ny maty, la hamiratsy agnaminao Kristy.”
\p
\v 15 Mitandrema amin'ny fomba fiaignanao - tsy hanahaky gny tsy hendry fa manahaky gny hendry.
\v 16 Araraoty gny fotoa fotony zao andro zao la raty.
\v 17 Noho izay, ka miadaladala, fa takaro hoe ino ro sitrapon'ny Tompo.
\p
\v 18 Sady ka manao mamon'ny divay, fa manday agny amin'ny fahasimban-toetry izay. Fa koa, ao ho fenon'ny Fagnahy Masy,
\v 19 mifampiresaha agnaminareo samby nareo amin'ny salamo voho fihira sady hiram-panahy, mihira sady mikaloa amin'ny Tonpo amin'ny fonareo iaby.
\v 20 Misaora mandrakariva amin'ny raha iaby, amin'ny agnaran'i Jesosy Kristy Tompontsika ho an-Dranagnahary gny Babany,
\v 21 Mifanolora tena amim-panaja ho gnan'i Kristy.
\p
\v 22 Nareo ampela, manenkea gny valinareo manahaky gny amin'ny Tompo.
\v 23 Fa gny johary ro lohan'ny ampela manahaky gnan'i Kristy koa lohan'ny fiangona, sady Kristy vatany ro mpamonjy.
\v 24 Fa manahaky gny haneken'ny fiangona gnan'i Kristy, la manahaky izay koa ro tokony haneken'ny ampela gny valiny amin'ny raha iaby.
\p
\v 25 Ry Johary, teavo gny valinareo, manahaky gny nitiavan'i Kristy gny fiangona voho nanomezany gnazy gny ainy.
\v 26 Nanolotsy gny vatany ho gnan'ny fiangona Kristy mba afahany manamasy gnazy, tamin'ny fanadiova gnazy tamin'ny rano fanasa amin'ny teny,
\v 27 mba afahany mampiseho gnazy ho be voninahitsy eo amin'ny, tsy misy pentina na kentrona na raha manahaky izay, fa masy sady tsy misy diso.
\v 28 Manahaky izay avao koa gny johary la tokony ho tea gny valin-drozy aby manahaky gny vatan-drozy. Ie zay tea gny valiny la tea gny vatany avao koa.
\v 29 Tsy mbo nisy nalay gny vatany, fa mamaha voho mikarakara izay soa, manahaky gnan'i Kristy mamaha gny fiangona voho mikarakara gnazy avao koa,
\v 30 fotony tsika ratsam-batany.
\v 31 Noho izay antony izay gny johary la hagnenga gny babany voho gny reniny ka hikamba amin'ny valiny, sady rozy la hanjary nofo raiky avao.”
\p
\v 32 Bevata zay fahamarigna mietaky izay _ fa Zaho la miresaky mikasik'i Kristy voho gny fiangona.
\v 33 Nefa, gny kiraidraiky agnaminareo avao koa la tokony ho tea gny valiny aby manahaky gny vatany, sady gny ampela la tokony hanaja gny valiny.
\c 6
\cl Toko 6
\p
\v 1 Nareo anaky, manenkea gny ray aman-dreninareo ao amin'ny Tompo, fotony mety izay.
\v 2 “Hajao gny babanao voho gny reninao” (izay ro lily voalohany misy fampanantena),
\p
\v 3 “mba hahajery soa iha sady mba ho lava andro iaigna eto ambonin'ny tany.”
\p
\v 4 Nareo baba, ka manday gny anakinareo ho amin'ny fihelofa. Fa koa, tezao amin'ny fitsipiky voho reo fampianaren'ny Tompo rozy.
\p
\v 5 Nareo mpanompo, mankatoava gny tomponareo etoy an-tany amin'ny haja agnabo voho fangovita, amin'ny fahatsoran'ny fonareo.
\v 6 Mankatoava gnan-drozy manahaky gny hankatoavanareo gnan'i Kristy. Mankatoava tsy eo imason'ny tomponareo avao mba hankasitrahan-drozy. Fa koa, mankatoava manahaky gny mpanompon'i Kristy, zay manao gny sitrakin-Dranagnahary amin'ny fonareo iaby.
\v 7 Manompoa amin'ny fonareo iaby, manahaky gny hoe manompo gny Tompo nareo fa tsy olo,
\v 8 Fotony haintsika fa na ino na ino asa soa ataon'ny olo kiraidraiky, la handramby valim-pitia avy amin'ny Tompo ie, na andevo ie na olon'afaky.
\p
\v 9 Nareo Tompo, manaova manahaky reo raha reo avao koa amin'ny mpanomponareo. Ka mampihorohoro gnan-drozy. Hainareo fa Ie zay sady Tomponareo ro Tompon-drozy la agny an-dagnitsy, sady tsy misy fiangara ao Aminy.
\p
\v 10 Farany, mahereza ao amin'ny Tompo voho amin'ny tanjaky gny heriny.
\v 11 Isikino gny fialian-Dranagnahary iaby, mba afahanao mijoro manohitsy reo tetiky gny devoly.
\v 12 Fa gny alintsika la tsy manohitsy gny nofo voho gny lio. Fa koa, manohitsy gny fanjaka voho gny fahefa ara-pagnahy voho reo mpanapaky gny fanjakan'ny fahikian-draty, manohitsy reo fagnahy raty agny amin'ny fitoeran-dagnitsy.
\v 13 Noho izay isikino gny fialian-Dranagnahary iaby, mba afahanareo mijoro amin'izao andron'ny raty zao, sady lafa vitanareo gny raha iaby, la hahatohitsy nareo.
\p
\v 14 Mijoroa, noho izay, lafa baka nanao gny fehikibon'ny fahamarigna voho gny fiarovan-tratran'ny fahitia nareo.
\v 15 Sady manahaky gny kiraro ho gnan'ny tombonareo, la hapetaho gny fahavonogna hitory gny filazantsaran'ny fihavagna.
\v 16 Amin'ny toe-javatsy iaby la rambeso gny ampingan'ny finoa, zay afahanareo manohitsy reo ana-tsipika mirehitsy bolon'ny raty.
\v 17 Sady rambeso gny aro-lohan'ny famonjea voho gny meso gny Fagnahy, zay tenin-Dranagnahary.
\v 18 Amin'ny vavaky voho fangataha iaby, la mivavaha amin'ny Fagnahy amin'ny fotoa iaby. Amin'izay fomba fisaigna izay, la miambena hatrany amin'ny fahareta iaby, laha manolotsy vavaky ho gnan'ireo olo-masin-Dranagnahary nareo.
\v 19 Sady mivavaha ho gnahy, mba hisy hafatsy homea gnahy lafa manokatsy gny tsihoviko aho. Mivavaha mba afahako mampahay amin'ny fahasakia gny fahamarigna mietaky mikasikin'ny filazantsara.
\v 20 Ho gnan'ny filazantsara ro maha-ambasadaoro voafehy amin'ny gadra gnahy, mba afahako magnambara izay am-pahasakia, laha tsy maintsy hivola zaho.
\p
\v 21 Tykiko, gny rahalahy malala voho mpanompo mahatoky ao amin'ny Tompo, ro hampahay gnanareo gny raha iaby, mba hahainareo zay ataoko.
\v 22 Nirahiko tagnaminareo ie noho io tanjona io indrindra, mba hahaianareo reo raha mikasiky gnanay, sady mba afahany mampahery gny fonareo.
\p
\v 23 Fiadagna ho gnan'ireo rahalahy, sady gny fitiava miaraky amin'ny finoa baka amin-Dranagnahary Baba voho gny Tompo Jesosy Kristy.
\v 24 Gny fahasoava anie ho amin'izay iaby tea gnan'i Jesosy Kristy Tompontsika amin'ny fitiava tsy maty mandrakizay.